4. பத²வீகஸிணனித்³தே³ஸோ
51. இதா³னி
அனநுரூபவிஹாரோ
52. தத்த² அனநுரூபோ நாம அட்டா²ரஸன்னங் தோ³ஸானங் அஞ்ஞதரேன ஸமன்னாக³தோ. தத்ரிமே அட்டா²ரஸ தோ³ஸா – மஹத்தங், நவத்தங், ஜிண்ணத்தங், பந்த²னிஸ்ஸிதத்தங், ஸொண்டீ³, பண்ணங், புப்ப²ங், ப²லங், பத்த²னீயதா, நக³ரஸன்னிஸ்ஸிததா, தா³ருஸன்னிஸ்ஸிததா, கெ²த்தஸன்னிஸ்ஸிததா, விஸபா⁴கா³னங் புக்³க³லானங் அத்தி²தா, பட்டனஸன்னிஸ்ஸிததா, பச்சந்தஸன்னிஸ்ஸிததா, ரஜ்ஜஸீமஸன்னிஸ்ஸிததா, அஸப்பாயதா, கல்யாணமித்தானங் அலாபோ⁴தி இமேஸங் அட்டா²ரஸன்னங் தோ³ஸானங் அஞ்ஞதரேன தோ³ஸேன ஸமன்னாக³தோ அனநுரூபோ நாம. ந தத்த² விஹாதப்³ப³ங்.
கஸ்மா? மஹாவிஹாரே தாவ ப³ஹூ நானாச²ந்தா³ ஸன்னிபதந்தி, தே அஞ்ஞமஞ்ஞங் படிவிருத்³த⁴தாய வத்தங்
நவவிஹாரே ப³ஹு நவகம்மங் ஹோதி, அகரொந்தங் உஜ்ஜா²யந்தி. யத்த² பன பி⁴க்கூ² ஏவங் வத³ந்தி ‘‘ஆயஸ்மா யதா²ஸுக²ங் ஸமணத⁴ம்மங் கரோது, மயங் நவகம்மங் கரிஸ்ஸாமா’’தி ஏவரூபே விஹாதப்³ப³ங்.
ஜிண்ணவிஹாரே பன ப³ஹு படிஜக்³கி³தப்³ப³ங் ஹோதி, அந்தமஸோ அத்தனோ ஸேனாஸனமத்தம்பி அப்படிஜக்³க³ந்தங் உஜ்ஜா²யந்தி, படிஜக்³க³ந்தஸ்ஸ கம்மட்டா²னங் பரிஹாயதி.
பந்த²னிஸ்ஸிதே மஹாபத²விஹாரே ரத்திந்தி³வங் ஆக³ந்துகா ஸன்னிபதந்தி. விகாலே ஆக³தானங் அத்தனோ ஸேனாஸனங் த³த்வா ருக்க²மூலே வா பாஸாணபிட்டே² வா வஸிதப்³ப³ங் ஹோதி. புனதி³வஸேபி ஏவமேவாதி கம்மட்டா²னஸ்ஸ ஓகாஸோ ந ஹோதி. யத்த² பன ஏவரூபோ ஆக³ந்துகஸம்பா³தோ⁴ ந ஹோதி, தத்த² விஹாதப்³ப³ங்.
ஸொண்டீ³ நாம பாஸாணபொக்க²ரணீ ஹோதி, தத்த² பானீயத்த²ங் மஹாஜனோ ஸமோஸரதி, நக³ரவாஸீனங் ராஜகுலூபகத்தே²ரானங் அந்தேவாஸிகா ரஜனகம்மத்தா²ய ஆக³ச்ச²ந்தி, தேஸங் பா⁴ஜனதா³ருதோ³ணிகாதீ³னி புச்ச²ந்தானங் அஸுகே ச அஸுகே ச டா²னேதி த³ஸ்ஸேதப்³பா³னி ஹொந்தி, ஏவங் ஸப்³ப³காலம்பி நிச்சப்³யாவடோ ஹோதி.
யத்த² நானாவித⁴ங் ஸாகபண்ணங் ஹோதி, தத்த²ஸ்ஸ கம்மட்டா²னங் க³ஹெத்வா தி³வாவிஹாரங் நிஸின்னஸ்ஸாபி ஸந்திகே ஸாகஹாரிகா கா³யமானா பண்ணங் உச்சினந்தியோ விஸபா⁴க³ஸத்³த³ஸங்க⁴ட்டனேன கம்மட்டா²னந்தராயங் கரொந்தி.
யத்த²
யத்த²
பத்த²னீயே பன லேணஸம்மதே த³க்கி²ணகி³ரிஹத்தி²குச்சி²சேதியகி³ரிசித்தலபப்³ப³தஸதி³ஸே விஹாரே விஹரந்தங் அயமரஹாதி ஸம்பா⁴வெத்வா வந்தி³துகாமா மனுஸ்ஸா ஸமந்தா ஓஸரந்தி, தேனஸ்ஸ ந பா²ஸு ஹோதி, யஸ்ஸ பன தங் ஸப்பாயங் ஹோதி, தேன தி³வா அஞ்ஞத்ர க³ந்த்வா ரத்திங் வஸிதப்³ப³ங்.
நக³ரஸன்னிஸ்ஸிதே விஸபா⁴கா³ரம்மணானி ஆபாத²மாக³ச்ச²ந்தி, கும்ப⁴தா³ஸியோபி க⁴டேஹி நிக⁴ங்ஸந்தியோ க³ச்ச²ந்தி, ஓக்கமித்வா மக்³க³ங் ந தெ³ந்தி, இஸ்ஸரமனுஸ்ஸாபி விஹாரமஜ்ஜே² ஸாணிங் பரிக்கி²பித்வா நிஸீத³ந்தி.
தா³ருஸன்னிஸ்ஸயே பன யத்த² கட்டா²னி ச த³ப்³பு³பகரணருக்கா² ச ஸந்தி, தத்த² கட்ட²ஹாரிகா புப்³பே³ வுத்தஸாகபுப்ப²ஹாரிகா விய அபா²ஸுங் கரொந்தி, விஹாரே ருக்கா² ஸந்தி, தே சி²ந்தி³த்வா க⁴ரானி கரிஸ்ஸாமாதி மனுஸ்ஸா ஆக³ந்த்வா சி²ந்த³ந்தி. ஸசே ஸாயன்ஹஸமயங் பதா⁴னக⁴ரா நிக்க²மித்வா விஹாரமஜ்ஜே² சங்கமந்தோ தே தி³ஸ்வா ‘‘கிங் உபாஸகா ஏவங் கரோதா²’’தி வத³தி, யதா²ருசி அக்கோஸந்தி, அவாஸாயபிஸ்ஸ பரக்கமந்தி.
யோ பன கெ²த்தஸன்னிஸ்ஸிதோ ஹோதி ஸமந்தா கெ²த்தேஹி பரிவாரிதோ, தத்த² மனுஸ்ஸா விஹாரமஜ்ஜே²யேவ க²லங் கத்வா த⁴ஞ்ஞங் மத்³த³ந்தி, பமுகே²ஸு ஸயந்தி, அஞ்ஞம்பி ப³ஹுங் அபா²ஸுங் கரொந்தி. யத்ராபி மஹாஸங்க⁴போ⁴கோ³ ஹோதி, ஆராமிகா குலானங் கா³வோ ருந்த⁴ந்தி, உத³கவாரங் படிஸேதெ⁴ந்தி, மனுஸ்ஸா வீஹிஸீஸங் க³ஹெத்வா ‘‘பஸ்ஸத² தும்ஹாகங் ஆராமிகானங் கம்ம’’ந்தி ஸங்க⁴ஸ்ஸ த³ஸ்ஸெந்தி. தேன தேன காரணேன ராஜராஜமஹாமத்தானங் க⁴ரத்³வாரங் க³ந்தப்³ப³ங் ஹோதி, அயம்பி கெ²த்தஸன்னிஸ்ஸிதேனேவ ஸங்க³ஹிதோ.
விஸபா⁴கா³னங் புக்³க³லானங் அத்தி²தாதி யத்த² அஞ்ஞமஞ்ஞங் விஸபா⁴க³வேரீ பி⁴க்கூ² விஹரந்தி, யே கலஹங்
யோபி
பச்சந்தஸன்னிஸ்ஸிதே பன மனுஸ்ஸா பு³த்³தா⁴தீ³ஸு அப்பஸன்னா ஹொந்தி.
ரஜ்ஜஸீமஸன்னிஸ்ஸிதே ராஜப⁴யங் ஹோதி. தஞ்ஹி பதே³ஸங் ஏகோ ராஜா ந மய்ஹங் வஸே வத்ததீதி பஹரதி, இதரோபி ந மய்ஹங் வஸே வத்ததீதி. தத்ராயங் பி⁴க்கு² கதா³சி இமஸ்ஸ ரஞ்ஞோ விஜிதே விசரதி, கதா³சி ஏதஸ்ஸ. அத² நங் ‘‘சரபுரிஸோ அய’’ந்தி மஞ்ஞமானா அனயப்³யஸனங் பாபெந்தி.
அஸப்பாயதாதி விஸபா⁴க³ரூபாதி³ஆரம்மணஸமோஸரணேன வா அமனுஸ்ஸபரிக்³க³ஹிததாய வா அஸப்பாயதா. தத்ரித³ங் வத்து². ஏகோ கிர தே²ரோ அரஞ்ஞே வஸதி. அத²ஸ்ஸ ஏகா யக்கி²னீ பண்ணஸாலத்³வாரே ட²த்வா கா³யி. ஸோ நிக்க²மித்வா த்³வாரே அட்டா²ஸி, ஸா க³ந்த்வா சங்கமனஸீஸே கா³யி. தே²ரோ சங்கமனஸீஸங் அக³மாஸி. ஸா ஸதபோரிஸே பபாதே ட²த்வா கா³யி. தே²ரோ படினிவத்தி. அத² நங் ஸா வேகே³னாக³ந்த்வா க³ஹெத்வா ‘‘மயா, ப⁴ந்தே, ந ஏகோ ந த்³வே தும்ஹாதி³ஸா கா²தி³தா’’தி ஆஹ.
கல்யாணமித்தானங் அலாபோ⁴தி யத்த² ந ஸக்கா ஹோதி ஆசரியங் வா ஆசரியஸமங் வா உபஜ்ஜா²யங் வா உபஜ்ஜா²யஸமங் வா கல்யாணமித்தங் லத்³து⁴ங். தத்த² ஸோ கல்யாணமித்தானங் அலாபோ⁴ மஹாதோ³ஸோயேவாதி இமேஸங் அட்டா²ரஸன்னங் தோ³ஸானங் அஞ்ஞதரேன ஸமன்னாக³தோ அனநுரூபோதி வேதி³தப்³போ³. வுத்தம்பி சேதங் அட்ட²கதா²ஸு –
மஹாவாஸங் நவாவாஸங், ஜராவாஸஞ்ச பந்த²னிங்;
ஸொண்டி³ங் பண்ணஞ்ச புப்ப²ஞ்ச, ப²லங் பத்தி²தமேவ ச.
நக³ரங் தா³ருனா கெ²த்தங், விஸபா⁴கே³ன பட்டனங்;
பச்சந்தஸீமாஸப்பாயங், யத்த² மித்தோ ந லப்³ப⁴தி.
அட்டா²ரஸேதானி
ஆரகா பரிவஜ்ஜெய்ய, மக்³க³ங் ஸப்படிப⁴யங் யதா²தி.
அனுரூபவிஹாரோ
53. யோ
அயங் ‘‘ஸமாதி⁴பா⁴வனாய அனநுரூபங் விஹாரங் பஹாய அனுரூபே விஹாரே விஹரந்தேனா’’தி எத்த² வித்தா²ரோ.
கு²த்³த³கபலிபோ³தா⁴
54. கு²த்³த³கபலிபோ³து⁴பச்சே²த³ங் கத்வாதி ஏவங் பதிரூபே விஹாரே விஹரந்தேன யேபிஸ்ஸ தே ஹொந்தி கு²த்³த³கபலிபோ³தா⁴, தேபி உபச்சி²ந்தி³தப்³பா³. ஸெய்யதி²த³ங், தீ³கா⁴னி கேஸனக²லோமானி சி²ந்தி³தப்³பா³னி. ஜிண்ணசீவரேஸு த³ள்ஹீகம்மங் வா துன்னகம்மங் வா காதப்³ப³ங். கிலிட்டா²னி வா ரஜிதப்³பா³னி. ஸசே பத்தே மலங் ஹோதி, பத்தோ பசிதப்³போ³. மஞ்சபீடா²தீ³னி ஸோதே⁴தப்³பா³னீதி. ‘‘அயங் கு²த்³த³கபலிபோ³து⁴பச்சே²த³ங் கத்வா’’தி எத்த² வித்தா²ரோ.
பா⁴வனாவிதா⁴னங்
55. இதா³னி ஸப்³ப³ங் பா⁴வனாவிதா⁴னங் அபரிஹாபெந்தேன பா⁴வேதப்³போ³தி எத்த² அயங் பத²வீகஸிணங் ஆதி³ங் கத்வா ஸப்³ப³கம்மட்டா²னவஸேன வித்தா²ரகதா² ஹோதி.
ஏவங்
‘‘பத²வீகஸிணங் உக்³க³ண்ஹந்தோ பத²வியங் நிமித்தங் க³ண்ஹாதி கதே வா அகதே வா ஸாந்தகே, நோ அனந்தகே, ஸகோடியே, நோ அகோடியே, ஸவட்டுமே, நோ அவட்டுமே, ஸபரியந்தே, நோ அபரியந்தே, ஸுப்பமத்தே வா ஸராவமத்தே வா. ஸோ தங் நிமித்தங் ஸுக்³க³ஹிதங் கரோதி, ஸூபதா⁴ரிதங் உபதா⁴ரேதி, ஸுவவத்தி²தங் வவத்த²பேதி. ஸோ தங் நிமித்தங் ஸுக்³க³ஹிதங் கத்வா ஸூபதா⁴ரிதங் உபதா⁴ரெத்வா ஸுவவத்தி²தங் வவத்த²பெத்வா ஆனிஸங்ஸத³ஸ்ஸாவீ ரதனஸஞ்ஞீ ஹுத்வா சித்தீகாரங் உபட்ட²பெத்வா ஸம்பியாயமானோ தஸ்மிங் ஆரம்மணே சித்தங் உபனிப³ந்த⁴தி ‘அத்³தா⁴ இமாய படிபதா³ய ஜராமரணம்ஹா முச்சிஸ்ஸாமீ’தி. ஸோ விவிச்சேவ காமேஹி…பே॰… பட²மங் ஜா²னங் உபஸம்பஜ்ஜ விஹரதீ’’தி.
தத்த² யேன அதீதப⁴வேபி ஸாஸனே வா இஸிபப்³ப³ஜ்ஜாய வா பப்³ப³ஜித்வா பத²வீகஸிணே சதுக்கபஞ்சகஜ்ஜா²னானி நிப்³ப³த்திதபுப்³பா³னி, ஏவரூபஸ்ஸ புஞ்ஞவதோ உபனிஸ்ஸயஸம்பன்னஸ்ஸ அகதாய பத²வியா கஸிதட்டா²னே வா க²லமண்ட³லே வா நிமித்தங் உப்பஜ்ஜதி, மல்லகத்தே²ரஸ்ஸ விய. தஸ்ஸ கிராயஸ்மதோ கஸிதட்டா²னங் ஓலோகெந்தஸ்ஸ தங்டா²னப்பமாணமேவ நிமித்தங் உத³பாதி³. ஸோ தங் வட்³டெ⁴த்வா பஞ்சகஜ்ஜா²னானி நிப்³ப³த்தெத்வா ஜா²னபத³ட்டா²னங் விபஸ்ஸனங் பட்ட²பெத்வா அரஹத்தங் பாபுணி.
யோ பனேவங் அகதாதி⁴காரோ ஹோதி, தேன ஆசரியஸந்திகே உக்³க³ஹிதகம்மட்டா²னவிதா⁴னங் அவிராதெ⁴த்வா சத்தாரோ கஸிணதோ³ஸே பரிஹரந்தேன கஸிணங் காதப்³ப³ங். நீலபீதலோஹிதஓதா³தஸம்பே⁴த³வஸேன ஹி சத்தாரோ பத²வீகஸிணதோ³ஸா. தஸ்மா நீலாதி³வண்ணங் மத்திகங் அக்³க³ஹெத்வா க³ங்கா³வஹே மத்திகாஸதி³ஸாய அருணவண்ணாய மத்திகாய கஸிணங் காதப்³ப³ங். தஞ்ச கோ² விஹாரமஜ்ஜே² ஸாமணேராதீ³னங்
56. தஸ்மா ஏவங் வுத்தப்பமாணபரிச்சே²த³ங் கத்வா ருக்க²பாணிகா விஸபா⁴க³வண்ணங் ஸமுட்ட²பேதி. தஸ்மா தங் அக்³க³ஹெத்வா பாஸாணபாணிகாய க⁴ங்ஸெத்வா ஸமங் பே⁴ரீதலஸதி³ஸங் கத்வா தங் டா²னங் ஸம்மஜ்ஜித்வா ந்ஹத்வா ஆக³ந்த்வா கஸிணமண்ட³லதோ அட்³ட⁴தெய்யஹத்த²ந்தரே பதே³ஸே பஞ்ஞத்தே வித³த்தி²சதுரங்கு³லபாத³கே ஸுஅத்த²தே பீடே² நிஸீதி³தப்³ப³ங். ததோ தூ³ரதரே நிஸின்னஸ்ஸ ஹி கஸிணங் ந உபட்டா²தி, ஆஸன்னதரே கஸிணதோ³ஸா பஞ்ஞாயந்தி. உச்சதரே நிஸின்னேன கீ³வங் ஓனமித்வா ஓலோகேதப்³ப³ங் ஹோதி, நீசதரே ஜண்ணுகானி ருஜந்தி. தஸ்மா வுத்தனயேனேவ நிஸீதி³த்வா ‘‘அப்பஸ்ஸாதா³ காமா’’திஆதி³னா நயேன காமேஸு ஆதீ³னவங் பச்சவெக்கி²த்வா காமனிஸ்ஸரணே ஸப்³ப³து³க்க²ஸமதிக்கமுபாயபூ⁴தே நெக்க²ம்மே ஜாதாபி⁴லாஸேன பு³த்³த⁴த⁴ம்மஸங்க⁴கு³ணானுஸ்ஸரணேன பீதிபாமோஜ்ஜங் ஜனயித்வா ‘‘அயங் தா³னி ஸா ஸப்³ப³பு³த்³த⁴ பச்சேகபு³த்³த⁴ அரியஸாவகேஹி படிபன்னா நெக்க²ம்மபடிபதா³’’தி படிபத்தியா ஸஞ்ஜாதகா³ரவேன ‘‘அத்³தா⁴ இமாய படிபதா³ய பவிவேகஸுக²ரஸஸ்ஸ பா⁴கீ³ ப⁴விஸ்ஸாமீ’’தி உஸ்ஸாஹங் ஜனயித்வா ஸமேன ஆகாரேன சக்கூ²னி உம்மீலெத்வா நிமித்தங் க³ண்ஹந்தேன பா⁴வேதப்³ப³ங்.
அதிஉம்மீலயதோ ஹி சக்கு² கிலமதி, மண்ட³லஞ்ச அதிவிபூ⁴தங் ஹோதி, தேனஸ்ஸ நிமித்தங் நுப்பஜ்ஜதி. அதிமந்த³ங் உம்மீலயதோ மண்ட³லமவிபூ⁴தங் ஹோதி, சித்தஞ்ச லீனங் ஹோதி, ஏவம்பி நிமித்தங் நுப்பஜ்ஜதி. தஸ்மா ஆதா³ஸதலே முக²னிமித்தத³ஸ்ஸினா விய ஸமேனாகாரேன சக்கூ²னி உம்மீலெத்வா நிமித்தங் க³ண்ஹந்தேன பா⁴வேதப்³ப³ங், ந வண்ணோ பச்சவெக்கி²தப்³போ³, ந லக்க²ணங் மனஸிகாதப்³ப³ங். அபிச வண்ணங்
57. தஸ்ஸேவங் பா⁴வயதோ யதா³ நிமீலெத்வா ஆவஜ்ஜந்தஸ்ஸ உம்மீலிதகாலே விய ஆபாத²மாக³ச்ச²தி, ததா³ உக்³க³ஹனிமித்தங் ஜாதங் நாம ஹோதி. தஸ்ஸ ஜாதகாலதோ பட்டா²ய ந தஸ்மிங் டா²னே நிஸீதி³தப்³ப³ங். அத்தனோ வஸனட்டா²னங் பவிஸித்வா தத்த² நிஸின்னேன பா⁴வேதப்³ப³ங். பாத³தோ⁴வனபபஞ்சபரிஹாரத்த²ங் பனஸ்ஸ ஏகபடலிகுபாஹனா ச கத்தரத³ண்டோ³ ச இச்சி²தப்³போ³. அதா²னேன ஸசே தருணோ ஸமாதி⁴ கேனசிதே³வ அஸப்பாயகாரணேன நஸ்ஸதி, உபாஹனா ஆருய்ஹ கத்தரத³ண்ட³ங் க³ஹெத்வா தங் டா²னங் க³ந்த்வா நிமித்தங் ஆதா³ய ஆக³ந்த்வா ஸுக²னிஸின்னேன பா⁴வேதப்³ப³ங், புனப்புனங் ஸமன்னாஹரிதப்³ப³ங், தக்காஹதங் விதக்காஹதங் காதப்³ப³ங். தஸ்ஸேவங் கரொந்தஸ்ஸ அனுக்கமேன நீவரணானி விக்க²ம்ப⁴ந்தி, கிலேஸா ஸன்னிஸீத³ந்தி, உபசாரஸமாதி⁴னா சித்தங் ஸமாதி⁴யதி, படிபா⁴க³னிமித்தங் உப்பஜ்ஜதி.
தத்ராயங் புரிமஸ்ஸ ச உக்³க³ஹனிமித்தஸ்ஸ இமஸ்ஸ ச விஸேஸோ, உக்³க³ஹனிமித்தே கஸிணதோ³ஸோ பஞ்ஞாயதி, படிபா⁴க³னிமித்தங் த²விகதோ நிஹதாதா³ஸமண்ட³லங் விய ஸுதோ⁴தஸங்க²தா²லங் விய வலாஹகந்தரா நிக்க²ந்தசந்த³மண்ட³லங் விய மேக⁴முகே² ப³லாகா விய உக்³க³ஹனிமித்தங் பதா³லெத்வா நிக்க²ந்தமிவ ததோ ஸதகு³ணங் ஸஹஸ்ஸகு³ணங் ஸுபரிஸுத்³த⁴ங் ஹுத்வா உபட்டா²தி. தஞ்ச கோ² நேவ வண்ணவந்தங், ந ஸண்டா²னவந்தங். யதி³ ஹி தங் ஈதி³ஸங் ப⁴வெய்ய, சக்கு²விஞ்ஞெய்யங் ஸியா ஓளாரிகங் ஸம்மஸனுபக³ங் திலக்க²ணப்³பா⁴ஹதங், ந பனேதங் தாதி³ஸங். கேவலஞ்ஹி ஸமாதி⁴லாபி⁴னோ உபட்டா²னாகாரமத்தங் ஸஞ்ஞஜமேதந்தி.
58. உப்பன்னகாலதோ ச பனஸ்ஸ பட்டா²ய நீவரணானி விக்க²ம்பி⁴தானேவ ஹொந்தி, கிலேஸா ஸன்னிஸின்னாவ, உபசாரஸமாதி⁴னா சித்தங் ஸமாஹிதமேவாதி.
து³விதோ⁴
த்³வின்னங் பன ஸமாதீ⁴னங் இத³ங் நானாகாரணங், உபசாரே அங்கா³னி ந தா²மஜாதானி ஹொந்தி, அங்கா³னங் அதா²மஜாதத்தா, யதா² நாம த³ஹரோ குமாரகோ உக்கி²பித்வா ட²பியமானோ புனப்புனங் பூ⁴மியங் பததி, ஏவமேவ உபசாரே உப்பன்னே சித்தங் காலேன நிமித்தமாரம்மணங் கரோதி, காலேன ப⁴வங்க³மோதரதி. அப்பனாயங் பன அங்கா³னி தா²மஜாதானி ஹொந்தி, தேஸங் தா²மஜாதத்தா, யதா² நாம ப³லவா புரிஸோ ஆஸனா வுட்டா²ய தி³வஸம்பி திட்டெ²ய்ய, ஏவமேவ அப்பனாஸமாதி⁴ம்ஹி உப்பன்னே சித்தங் ஸகிங் ப⁴வங்க³வாரங் சி²ந்தி³த்வா கேவலம்பி ரத்திங் கேவலம்பி தி³வஸங் திட்ட²தி, குஸலஜவனபடிபாடிவஸேனேவ பவத்ததீதி.
தத்ர யதே³தங் உபசாரஸமாதி⁴னா ஸத்³தி⁴ங் படிபா⁴க³னிமித்தங் உப்பன்னங், தஸ்ஸ உப்பாத³னங் நாம அதிது³க்கரங். தஸ்மா ஸசே தேனேவ பல்லங்கேன தங் நிமித்தங் வட்³டெ⁴த்வா அப்பனங் அதி⁴க³ந்துங் ஸக்கோதி, ஸுந்த³ரங். நோ சே ஸக்கோதி, அதா²னேன தங் நிமித்தங் அப்பமத்தேன சக்கவத்திக³ப்³போ⁴ விய ரக்கி²தப்³ப³ங். ஏவஞ்ஹி –
நிமித்தங் ரக்க²தோ லத்³த⁴-பரிஹானி ந விஜ்ஜதி;
ஆரக்க²ம்ஹி அஸந்தம்ஹி, லத்³த⁴ங் லத்³த⁴ங் வினஸ்ஸதி.
ஸத்தஸப்பாயா
59. தத்ராயங் ரக்க²ணவிதி⁴ –
ஆவாஸோ கோ³சரோ ப⁴ஸ்ஸங், புக்³க³லோ போ⁴ஜனங் உது;
இரியாபதோ²தி ஸத்தேதே, அஸப்பாயே விவஜ்ஜயே.
ஸப்பாயே ஸத்த ஸேவேத², ஏவஞ்ஹி படிபஜ்ஜதோ;
நசிரேனேவ காலேன, ஹோதி கஸ்ஸசி அப்பனா.
தத்ரஸ்ஸ
கோ³சரகா³மோ பன யோ ஸேனாஸனதோ உத்தரேன வா த³க்கி²ணேன வா நாதிதூ³ரே தி³யட்³ட⁴கோஸப்³ப⁴ந்தரே ஹோதி ஸுலப⁴ஸம்பன்னபி⁴க்கோ², ஸோ ஸப்பாயோ. விபரீதோ அஸப்பாயோ.
ப⁴ஸ்ஸந்தி த்³வத்திங்ஸதிரச்சா²னகதா²பரியாபன்னங் அஸப்பாயங், தஞ்ஹிஸ்ஸ நிமித்தந்தரதா⁴னாய ஸங்வத்ததி. த³ஸகதா²வத்து²னிஸ்ஸிதங் ஸப்பாயங், தம்பி மத்தாய பா⁴ஸிதப்³ப³ங்.
புக்³க³லோபி அதிரச்சா²னகதி²கோ ஸீலாதி³கு³ணஸம்பன்னோ, யங் நிஸ்ஸாய அஸமாஹிதங் வா சித்தங் ஸமாதி⁴யதி, ஸமாஹிதங் வா சித்தங் தி²ரதரங் ஹோதி, ஏவரூபோ ஸப்பாயோ. காயத³ள்ஹீப³ஹுலோ பன திரச்சா²னகதி²கோ அஸப்பாயோ. ஸோ ஹி தங் கத்³த³மோத³கமிவ அச்ச²ங் உத³கங் மலீனமேவ கரோதி, தாதி³ஸஞ்ச ஆக³ம்ம கோடபப்³ப³தவாஸீத³ஹரஸ்ஸேவ ஸமாபத்திபி நஸ்ஸதி, பகே³வ நிமித்தங்.
போ⁴ஜனங் பன கஸ்ஸசி மது⁴ரங், கஸ்ஸசி அம்பி³லங் ஸப்பாயங் ஹோதி. உதுபி கஸ்ஸசி ஸீதோ, கஸ்ஸசி உண்ஹோ ஸப்பாயோ ஹோதி. தஸ்மா யங் போ⁴ஜனங் வா உதுங் வா ஸேவந்தஸ்ஸ பா²ஸு ஹோதி, அஸமாஹிதங் வா சித்தங் ஸமாதி⁴யதி, ஸமாஹிதங் வா தி²ரதரங் ஹோதி, தங் போ⁴ஜனங் ஸோ ச உது ஸப்பாயோ. இதரங் போ⁴ஜனங் இதரோ ச உது அஸப்பாயோ.
இரியாபதே²ஸுபி கஸ்ஸசி சங்கமோ ஸப்பாயோ ஹோதி, கஸ்ஸசி ஸயனட்டா²னநிஸஜ்ஜானங் அஞ்ஞதரோ. தஸ்மா தங் ஆவாஸங் விய தீணி தி³வஸானி உபபரிக்கி²த்வா யஸ்மிங் இரியாபதே² அஸமாஹிதங்
இதி
த³ஸவித⁴அப்பனாகோஸல்லங்
60. யஸ்ஸ பன ஏவம்பி படிபஜ்ஜதோ ந ஹோதி, தேன த³ஸவித⁴ங் அப்பனாகோஸல்லங் ஸம்பாதே³தப்³ப³ங். தத்ராயங் நயோ, த³ஸாஹாகாரேஹி அப்பனாகோஸல்லங் இச்சி²தப்³ப³ங், வத்து²விஸத³கிரியதோ, இந்த்³ரியஸமத்தபடிபாத³னதோ, நிமித்தகுஸலதோ, யஸ்மிங் ஸமயே சித்தங் பக்³க³ஹேதப்³ப³ங் தஸ்மிங் ஸமயே சித்தங் பக்³க³ண்ஹாதி, யஸ்மிங் ஸமயே சித்தங் நிக்³க³ஹேதப்³ப³ங் தஸ்மிங் ஸமயே சித்தங் நிக்³க³ண்ஹாதி, யஸ்மிங் ஸமயே சித்தங் ஸம்பஹங்ஸிதப்³ப³ங் தஸ்மிங் ஸமயே சித்தங் ஸம்பஹங்ஸேதி, யஸ்மிங் ஸமயே சித்தங் அஜ்ஜு²பெக்கி²தப்³ப³ங் தஸ்மிங் ஸமயே சித்தங் அஜ்ஜு²பெக்க²தி, அஸமாஹிதபுக்³க³லபரிவஜ்ஜனதோ, ஸமாஹிதபுக்³க³லஸேவனதோ, தத³தி⁴முத்ததோதி.
61. தத்த² வத்து²விஸத³கிரியா நாம அஜ்ஜ²த்திகபா³ஹிரானங் வத்தூ²னங் விஸத³பா⁴வகரணங். யதா³ ஹிஸ்ஸ கேஸனக²லோமானி தீ³கா⁴னி ஹொந்தி, ஸரீரங் வா ஸேத³மலக்³க³ஹிதங், ததா³ அஜ்ஜ²த்திகவத்து² அவிஸத³ங் ஹோதி அபரிஸுத்³த⁴ங். யதா³ பனஸ்ஸ சீவரங் ஜிண்ணங் கிலிட்ட²ங் து³க்³க³ந்த⁴ங் ஹோதி, ஸேனாஸனங் வா உக்லாபங் ஹோதி, ததா³ பா³ஹிரவத்து² அவிஸத³ங் ஹோதி அபரிஸுத்³த⁴ங். அஜ்ஜ²த்திகபா³ஹிரே ச வத்து²ம்ஹி அவிஸதே³ உப்பன்னேஸு சித்தசேதஸிகேஸு ஞாணம்பி அபரிஸுத்³த⁴ங் ஹோதி, அபரிஸுத்³தா⁴னி தீ³பகபல்லிகவட்டிதேலானி நிஸ்ஸாய உப்பன்னதீ³பஸிகா²ய ஓபா⁴ஸோ விய. அபரிஸுத்³தே⁴ன ஞாணேன ஸங்கா²ரே ஸம்மஸதோ ஸங்கா²ராபி அவிபூ⁴தா ஹொந்தி, கம்மட்டா²னமனுயுஞ்ஜதோ கம்மட்டா²னம்பி வுட்³டி⁴ங் விருள்ஹிங் வேபுல்லங் ந க³ச்ச²தி. விஸதே³ பன அஜ்ஜ²த்திகபா³ஹிரே வத்து²ம்ஹி உப்பன்னேஸு சித்தசேதஸிகேஸு ஞாணம்பி விஸத³ங் ஹோதி பரிஸுத்³த⁴ங், பரிஸுத்³தா⁴னி தீ³பகபல்லிகவட்டிதேலானி நிஸ்ஸாய உப்பன்னதீ³பஸிகா²ய ஓபா⁴ஸோ விய. பரிஸுத்³தே⁴ன ச ஞாணேன ஸங்கா²ரே ஸம்மஸதோ ஸங்கா²ராபி விபூ⁴தா ஹொந்தி, கம்மட்டா²னமனுயுஞ்ஜதோ கம்மட்டா²னம்பி வுட்³டி⁴ங் விரூள்ஹிங் வேபுல்லங் க³ச்ச²தி.
62. இந்த்³ரியஸமத்தபடிபாத³னங்
63. நிமித்தகோஸல்லங் நாம பத²வீகஸிணாதி³கஸ்ஸ சித்தேகக்³க³தானிமித்தஸ்ஸ அகதஸ்ஸ கரணகோஸல்லங், கதஸ்ஸ ச பா⁴வனாகோஸல்லங், பா⁴வனாய லத்³த⁴ஸ்ஸ ரக்க²ணகோஸல்லஞ்ச, தங் இத⁴ அதி⁴ப்பேதங்.
64. கத²ஞ்ச யஸ்மிங் ஸமயே சித்தங் பக்³க³ஹேதப்³ப³ங், தஸ்மிங் ஸமயே சித்தங் பக்³க³ண்ஹாதி? யதா³ஸ்ஸ அதிஸிதி²லவீரியதாதீ³ஹி லீனங் சித்தங் ஹோதி, ததா³ பஸ்ஸத்³தி⁴ஸம்பொ³ஜ்ஜ²ங்கா³த³யோ தயோ அபா⁴வெத்வா த⁴ம்மவிசயஸம்பொ³ஜ்ஜ²ங்கா³த³யோ பா⁴வேதி. வுத்தஞ்ஹேதங் ப⁴க³வதா –
‘‘ஸெய்யதா²பி, பி⁴க்க²வே, புரிஸோ பரித்தங் அக்³கி³ங் உஜ்ஜாலேதுகாமோ அஸ்ஸ, ஸோ தத்த² அல்லானி சேவ திணானி பக்கி²பெய்ய, அல்லானி ச கோ³மயானி பக்கி²பெய்ய, அல்லானி ச கட்டா²னி பக்கி²பெய்ய, உத³கவாதஞ்ச த³தெ³ய்ய, பங்ஸுகேன ச ஓகிரெய்ய, ப⁴ப்³போ³ நு கோ² ஸோ, பி⁴க்க²வே, புரிஸோ பரித்தங் அக்³கி³ங் உஜ்ஜாலேதுந்தி? நோ ஹேதங், ப⁴ந்தே. ஏவமேவ கோ², பி⁴க்க²வே, யஸ்மிங் ஸமயே லீனங் சித்தங் ஹோதி, அகாலோ தஸ்மிங் ஸமயே பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பா⁴வனாய, அகாலோ ஸமாதி⁴…பே॰… அகாலோ உபெக்கா²ஸம்பொ³ஜ்ஜ²ங்க³ஸ்ஸ பா⁴வனாய. தங் கிஸ்ஸ ஹேது? லீனங், பி⁴க்க²வே, சித்தங், தங் ஏதேஹி த⁴ம்மேஹி து³ஸமுட்டா²பயங் ஹோதி. யஸ்மிங் ச கோ², பி⁴க்க²வே, லீனங் சித்தங் ஹோதி, காலோ தஸ்மிங் ஸமயே த⁴ம்மவிசயஸம்பொ³ஜ்ஜ²ங்க³ஸ்ஸ பா⁴வனாய, காலோ வீரியஸம்பொ³ஜ்ஜ²ங்க³ஸ்ஸ பா⁴வனாய, காலோ பீதிஸம்பொ³ஜ்ஜ²ங்க³ஸ்ஸ பா⁴வனாய. தங் கிஸ்ஸ ஹேது? லீனங், பி⁴க்க²வே, சித்தங், தங் ஏதேஹி த⁴ம்மேஹி ஸுஸமுட்டா²பயங் ஹோதி. ஸெய்யதா²பி, பி⁴க்க²வே, புரிஸோ பரித்தங் அக்³கி³ங் உஜ்ஜாலேதுகாமோ அஸ்ஸ, ஸோ தத்த² ஸுக்கா²னி சேவ திணானி பக்கி²பெய்ய, ஸுக்கா²னி ச கோ³மயானி பக்கி²பெய்ய, ஸுக்கா²னி ச கட்டா²னி பக்கி²பெய்ய, முக²வாதஞ்ச த³தெ³ய்ய, ந ச பங்ஸுகேன ஓகிரெய்ய, ப⁴ப்³போ³ நு கோ² ஸோ, பி⁴க்க²வே, புரிஸோ பரித்தங் அக்³கி³ங் உஜ்ஜாலேதுந்தி? ஏவங் ப⁴ந்தே’’தி (ஸங்॰ நி॰ 5.234).
எத்த² ச யதா²ஸகமாஹாரவஸேன த⁴ம்மவிசயஸம்பொ³ஜ்ஜ²ங்கா³தீ³னங் பா⁴வனா வேதி³தப்³பா³. வுத்தஞ்ஹேதங் –
‘‘அத்தி², பி⁴க்க²வே, குஸலாகுஸலா த⁴ம்மா ஸாவஜ்ஜானவஜ்ஜா த⁴ம்மா ஹீனப்பணீதா த⁴ம்மா கண்ஹஸுக்கஸப்படிபா⁴கா³ த⁴ம்மா. தத்த² யோனிஸோ மனஸிகாரப³ஹுலீகாரோ, அயமாஹாரோ அனுப்பன்னஸ்ஸ வா த⁴ம்மவிசயஸம்பொ³ஜ்ஜ²ங்க³ஸ்ஸ உப்பாதா³ய உப்பன்னஸ்ஸ வா த⁴ம்மவிசயஸம்பொ³ஜ்ஜ²ங்க³ஸ்ஸ
ததா²
ததா² ‘‘அத்தி², பி⁴க்க²வே, பீதிஸம்பொ³ஜ்ஜ²ங்க³ட்டா²னியா த⁴ம்மா. தத்த² யோனிஸோ மனஸிகாரப³ஹுலீகாரோ, அயமாஹாரோ அனுப்பன்னஸ்ஸ வா பீதிஸம்பொ³ஜ்ஜ²ங்க³ஸ்ஸ உப்பாதா³ய உப்பன்னஸ்ஸ வா பீதிஸம்பொ³ஜ்ஜ²ங்க³ஸ்ஸ பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததீ’’தி (ஸங்॰ நி॰ 5.232).
தத்த² ஸபா⁴வஸாமஞ்ஞலக்க²ணபடிவேத⁴வஸேன பவத்தமனஸிகாரோ குஸலாதீ³ஸு யோனிஸோ மனஸிகாரோ நாம. ஆரம்ப⁴தா⁴துஆதீ³னங் உப்பாத³னவஸேன பவத்தமனஸிகாரோ ஆரம்ப⁴தா⁴துஆதீ³ஸு யோனிஸோ மனஸிகாரோ நாம. தத்த² ஆரம்ப⁴தா⁴தூதி பட²மவீரியங் வுச்சதி. நிக்கமதா⁴தூதி கோஸஜ்ஜதோ நிக்க²ந்தத்தா ததோ ப³லவதரங். பரக்கமதா⁴தூதி பரங் பரங் டா²னங் அக்கமனதோ ததோபி ப³லவதரங். பீதிஸம்பொ³ஜ்ஜ²ங்க³ட்டா²னியா த⁴ம்மாதி பன பீதியா ஏவ ஏதங் நாமங். தஸ்ஸாபி உப்பாத³கமனஸிகாரோவ யோனிஸோ மனஸிகாரோ நாம.
அபிச ஸத்த த⁴ம்மா த⁴ம்மவிசயஸம்பொ³ஜ்ஜ²ங்க³ஸ்ஸ உப்பாதா³ய ஸங்வத்தந்தி பரிபுச்ச²கதா, வத்து²விஸத³கிரியா, இந்த்³ரியஸமத்தபடிபாத³னா, து³ப்பஞ்ஞபுக்³க³லபரிவஜ்ஜனா, பஞ்ஞவந்தபுக்³க³லஸேவனா, க³ம்பீ⁴ரஞாணசரியபச்சவெக்க²ணா, தத³தி⁴முத்ததாதி.
ஏகாத³ஸத⁴ம்மா வீரியஸம்பொ³ஜ்ஜ²ங்க³ஸ்ஸ உப்பாதா³ய ஸங்வத்தந்தி அபாயாதி³ப⁴யபச்சவெக்க²ணதா, வீரியாயத்தலோகியலோகுத்தரவிஸேஸாதி⁴க³மானிஸங்ஸத³ஸ்ஸிதா, ‘‘பு³த்³த⁴பச்சேகபு³த்³த⁴மஹாஸாவகேஹி க³தமக்³கோ³ மயா க³ந்தப்³போ³, ஸோ ச ந ஸக்கா குஸீதேன க³ந்து’’ந்தி ஏவங் க³மனவீதி²பச்சவெக்க²ணதா, தா³யகானங் மஹப்ப²லபா⁴வகரணேன பிண்டா³பசாயனதா, ‘‘வீரியாரம்ப⁴ஸ்ஸ வண்ணவாதீ³ மே ஸத்தா², ஸோ ச அனதிக்கமனீயஸாஸனோ அம்ஹாகஞ்ச ப³ஹூபகாரோ படிபத்தியா ச பூஜியமானோ பூஜிதோ ஹோதி ந இதரதா²’’தி ஏவங் ஸத்து²
ஏகாத³ஸத⁴ம்மா பீதிஸம்பொ³ஜ்ஜ²ங்க³ஸ்ஸ உப்பாதா³ய ஸங்வத்தந்தி பு³த்³தா⁴னுஸ்ஸதி, த⁴ம்ம… ஸங்க⁴… ஸீல… சாக³… தே³வதானுஸ்ஸதி, உபஸமானுஸ்ஸதி, லூக²புக்³க³லபரிவஜ்ஜனதா, ஸினித்³த⁴புக்³க³லஸேவனதா, பஸாத³னியஸுத்தந்தபச்சவெக்க²ணதா, தத³தி⁴முத்ததாதி. இதி இமேஹி ஆகாரேஹி ஏதே த⁴ம்மே உப்பாதெ³ந்தோ த⁴ம்மவிசயஸம்பொ³ஜ்ஜ²ங்கா³த³யோ பா⁴வேதி நாம. ஏவங் யஸ்மிங் ஸமயே சித்தங் பக்³க³ஹேதப்³ப³ங், தஸ்மிங் ஸமயே சித்தங் பக்³க³ண்ஹாதி.
65. கத²ங் யஸ்மிங் ஸமயே சித்தங் நிக்³க³ஹேதப்³ப³ங், தஸ்மிங் ஸமயே சித்தங் நிக்³க³ண்ஹாதி? யதா³ஸ்ஸ அச்சாரத்³த⁴வீரியதாதீ³ஹி உத்³த⁴தங் சித்தங் ஹோதி, ததா³ த⁴ம்மவிசயஸம்பொ³ஜ்ஜ²ங்கா³த³யோ தயோ அபா⁴வெத்வா பஸ்ஸத்³தி⁴ஸம்பொ³ஜ்ஜ²ங்கா³த³யோ பா⁴வேதி. வுத்தஞ்ஹேதங் ப⁴க³வதா –
‘‘ஸெய்யதா²பி, பி⁴க்க²வே, புரிஸோ மஹந்தங் அக்³கி³க்க²ந்த⁴ங் நிப்³பா³பேதுகாமோ அஸ்ஸ, ஸோ தத்த² ஸுக்கா²னி சேவ திணானி பக்கி²பெய்ய…பே॰… ந ச பங்ஸுகேன ஓகிரெய்ய, ப⁴ப்³போ³ நு கோ² ஸோ, பி⁴க்க²வே, புரிஸோ மஹந்தங் அக்³கி³க்க²ந்த⁴ங் நிப்³பா³பேதுந்தி? நோ ஹேதங், ப⁴ந்தே. ஏவமேவ கோ², பி⁴க்க²வே, யஸ்மிங் ஸமயே உத்³த⁴தங் சித்தங் ஹோதி, அகாலோ தஸ்மிங் ஸமயே த⁴ம்மவிசயஸம்பொ³ஜ்ஜ²ங்க³ஸ்ஸ பா⁴வனாய, அகாலோ வீரிய…பே॰… அகாலோ பீதிஸம்பொ³ஜ்ஜ²ங்க³ஸ்ஸ பா⁴வனாய. தங் கிஸ்ஸ ஹேது? உத்³த⁴தங், பி⁴க்க²வே, சித்தங், தங் ஏதேஹி த⁴ம்மேஹி து³வூபஸமயங் ஹோதி. யஸ்மிங் ச கோ², பி⁴க்க²வே, ஸமயே உத்³த⁴தங் சித்தங் ஹோதி, காலோ தஸ்மிங் ஸமயே பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பா⁴வனாய, காலோ ஸமாதி⁴ஸம்பொ³ஜ்ஜ²ங்க³ஸ்ஸ பா⁴வனாய, காலோ உபெக்கா²ஸம்பொ³ஜ்ஜ²ங்க³ஸ்ஸ பா⁴வனாய. தங் கிஸ்ஸ ஹேது? உத்³த⁴தங், பி⁴க்க²வே, சித்தங், தங் ஏதேஹி த⁴ம்மேஹி ஸுவூபஸமயங் ஹோதி. ஸெய்யதா²பி, பி⁴க்க²வே, புரிஸோ மஹந்தங் அக்³கி³க்க²ந்த⁴ங் நிப்³பா³பேதுகாமோ அஸ்ஸ, ஸோ தத்த² அல்லானி சேவ திணானி பக்கி²பெய்ய…பே॰… பங்ஸுகேன
எத்தா²பி
‘‘அத்தி², பி⁴க்க²வே, காயபஸ்ஸத்³தி⁴ சித்தபஸ்ஸத்³தி⁴. தத்த² யோனிஸோ மனஸிகாரப³ஹுலீகாரோ, அயமாஹாரோ அனுப்பன்னஸ்ஸ வா பஸ்ஸத்³தி⁴ஸம்பொ³ஜ்ஜ²ங்க³ஸ்ஸ உப்பாதா³ய உப்பன்னஸ்ஸ வா பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததீ’’தி (ஸங்॰ நி॰ 5.232).
ததா² ‘‘அத்தி², பி⁴க்க²வே, ஸமத²னிமித்தங் அப்³யக்³க³னிமித்தங். தத்த² யோனிஸோ மனஸிகாரப³ஹுலீகாரோ, அயமாஹாரோ அனுப்பன்னஸ்ஸ வா ஸமாதி⁴ஸம்பொ³ஜ்ஜ²ங்க³ஸ்ஸ உப்பாதா³ய உப்பன்னஸ்ஸ வா ஸமாதி⁴ஸம்பொ³ஜ்ஜ²ங்க³ஸ்ஸ பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததீ’’தி (ஸங்॰ நி॰ 5.232).
ததா² ‘‘அத்தி², பி⁴க்க²வே, உபெக்கா²ஸம்பொ³ஜ்ஜ²ங்க³ட்டா²னியா த⁴ம்மா. தத்த² யோனிஸோ மனஸிகாரப³ஹுலீகாரோ, அயமாஹாரோ அனுப்பன்னஸ்ஸ வா உபெக்கா²ஸம்பொ³ஜ்ஜ²ங்க³ஸ்ஸ உப்பாதா³ய உப்பன்னஸ்ஸ வா உபெக்கா²ஸம்பொ³ஜ்ஜ²ங்க³ஸ்ஸ பி⁴ய்யோபா⁴வாய வேபுல்லாய பா⁴வனாய பாரிபூரியா ஸங்வத்ததீ’’தி (ஸங்॰ நி॰ 5.232).
தத்த² யதா²ஸ்ஸ பஸ்ஸத்³தி⁴ஆத³யோ உப்பன்னபுப்³பா³, தங் ஆகாரங் ஸல்லக்கெ²த்வா தேஸங் உப்பாத³னவஸேன பவத்தமனஸிகாரோவ தீஸுபி பதே³ஸு யோனிஸோ மனஸிகாரோ நாம. ஸமத²னிமித்தந்தி ச ஸமத²ஸ்ஸேவேதமதி⁴வசனங். அவிக்கே²பட்டே²ன ச தஸ்ஸேவ அப்³யக்³க³னிமித்தந்தி.
அபிச ஸத்த த⁴ம்மா பஸ்ஸத்³தி⁴ஸம்பொ³ஜ்ஜ²ங்க³ஸ்ஸ உப்பாதா³ய ஸங்வத்தந்தி பணீதபோ⁴ஜனஸேவனதா, உதுஸுக²ஸேவனதா, இரியாபத²ஸுக²ஸேவனதா, மஜ்ஜ²த்தபயோக³தா, ஸாரத்³த⁴காயபுக்³க³லபரிவஜ்ஜனதா, பஸ்ஸத்³த⁴காயபுக்³க³லஸேவனதா, தத³தி⁴முத்ததாதி.
ஏகாத³ஸ
பஞ்ச த⁴ம்மா உபெக்கா²ஸம்பொ³ஜ்ஜ²ங்க³ஸ்ஸ உப்பாதா³ய ஸங்வத்தந்தி ஸத்தமஜ்ஜ²த்ததா, ஸங்கா²ரமஜ்ஜ²த்ததா, ஸத்தஸங்கா²ரகேலாயனபுக்³க³லபரிவஜ்ஜனதா, ஸத்தஸங்கா²ரமஜ்ஜ²த்தபுக்³க³லஸேவனதா, தத³தி⁴முத்ததாதி. இதி இமேஹாகாரேஹி ஏதே த⁴ம்மே உப்பாதெ³ந்தோ பஸ்ஸத்³தி⁴ஸம்பொ³ஜ்ஜ²ங்கா³த³யோ பா⁴வேதி நாம. ஏவங் யஸ்மிங் ஸமயே சித்தங் நிக்³க³ஹேதப்³ப³ங் தஸ்மிங் ஸமயே சித்தங் நிக்³க³ண்ஹாதி.
66. கத²ங் யஸ்மிங் ஸமயே சித்தங் ஸம்பஹங்ஸிதப்³ப³ங், தஸ்மிங் ஸமயே சித்தங் ஸம்பஹங்ஸேதி? யதா³ஸ்ஸ பஞ்ஞாபயோக³மந்த³தாய வா உபஸமஸுகா²னதி⁴க³மேன வா நிரஸ்ஸாத³ங் சித்தங் ஹோதி, ததா³ நங் அட்ட²ஸங்வேக³வத்து²பச்சவெக்க²ணேன ஸங்வேஜேதி. அட்ட² ஸங்வேக³வத்தூ²னி நாம ஜாதிஜராப்³யாதி⁴மரணானி சத்தாரி, அபாயது³க்க²ங் பஞ்சமங், அதீதே வட்டமூலகங் து³க்க²ங், அனாக³தே வட்டமூலகங் து³க்க²ங், பச்சுப்பன்னே ஆஹாரபரியெட்டி²மூலகங் து³க்க²ந்தி. பு³த்³த⁴த⁴ம்மஸங்க⁴கு³ணானுஸ்ஸரணேன சஸ்ஸ பஸாத³ங் ஜனேதி. ஏவங் யஸ்மிங் ஸமயே சித்தங் ஸம்பஹங்ஸிதப்³ப³ங், தஸ்மிங் ஸமயே சித்தங் ஸம்பஹங்ஸேதி.
கத²ங் யஸ்மிங் ஸமயே சித்தங் அஜ்ஜு²பெக்கி²தப்³ப³ங், தஸ்மிங் ஸமயே சித்தங் அஜ்ஜு²பெக்க²தி? யதா³ஸ்ஸ ஏவங் படிபஜ்ஜதோ அலீனங் அனுத்³த⁴தங் அனிரஸ்ஸாத³ங் ஆரம்மணே ஸமப்பவத்தங் ஸமத²வீதி²படிபன்னங் சித்தங் ஹோதி, ததா³ஸ்ஸ பக்³க³ஹனிக்³க³ஹஸம்பஹங்ஸனேஸு ந ப்³யாபாரங் ஆபஜ்ஜதி, ஸாரதி² விய ஸமப்பவத்தேஸு அஸ்ஸேஸு. ஏவங் யஸ்மிங் ஸமயே சித்தங் அஜ்ஜு²பெக்கி²தப்³ப³ங், தஸ்மிங் ஸமயே சித்தங் அஜ்ஜு²பெக்க²தி.
அஸமாஹிதபுக்³க³லபரிவஜ்ஜனதா நாம நெக்க²ம்மபடிபத³ங் அனாருள்ஹபுப்³பா³னங் அனேககிச்சபஸுதானங் விக்கி²த்தஹத³யானங் புக்³க³லானங் ஆரகா பரிச்சாகோ³.
ஸமாஹிதபுக்³க³லஸேவனதா நாம நெக்க²ம்மபடிபத³ங் படிபன்னானங் ஸமாதி⁴லாபீ⁴னங் புக்³க³லானங் காலேன காலங் உபஸங்கமனங்.
தத³தி⁴முத்ததா
ஏவமேதங்
67.
ஏவஞ்ஹி ஸம்பாத³யதோ, அப்பனாகோஸல்லங் இமங்;
படிலத்³தே⁴ நிமித்தஸ்மிங், அப்பனா ஸம்பவத்ததி.
ஏவஞ்ஹி படிபன்னஸ்ஸ, ஸசே ஸா நப்பவத்ததி;
ததா²பி ந ஜஹே யோக³ங், வாயமேதே²வ பண்டி³தோ.
ஹித்வா ஹி ஸம்மாவாயாமங், விஸேஸங் நாம மாணவோ;
அதி⁴க³ச்சே² பரித்தம்பி, டா²னமேதங் ந விஜ்ஜதி.
சித்தப்பவத்திஆகாரங், தஸ்மா ஸல்லக்க²யங் பு³தோ⁴;
ஸமதங் வீரியஸ்ஸேவ, யோஜயேத² புனப்புனங்.
ஈஸகம்பி லயங் யந்தங், பக்³க³ண்ஹேதே²வ மானஸங்;
அச்சாரத்³த⁴ங் நிஸேதெ⁴த்வா, ஸமமேவ பவத்தயே.
ரேணும்ஹி உப்பலத³லே, ஸுத்தே நாவாய நாளியா;
யதா² மது⁴கராதீ³னங், பவத்தி ஸம்மவண்ணிதா.
லீனஉத்³த⁴தபா⁴வேஹி, மோசயித்வான ஸப்³ப³ஸோ;
ஏவங் நிமித்தாபி⁴முக²ங், மானஸங் படிபாத³யேதி.
நிமித்தாபி⁴முக²படிபாத³னங்
68. தத்ராயமத்த²தீ³பனா – யதா² ஹி அசே²கோ மது⁴கரோ அஸுகஸ்மிங் ருக்கே² புப்ப²ங் புப்பி²தந்தி ஞத்வா திக்கே²ன வேகே³ன பக்க²ந்தோ³ தங் அதிக்கமித்வா படினிவத்தெந்தோ கீ²ணே ரேணும்ஹி ஸம்பாபுணாதி. அபரோ அசே²கோ மந்தே³ன ஜவேன பக்க²ந்தோ³ கீ²ணேயேவ ஸம்பாபுணாதி. சே²கோ பன ஸமேன ஜவேன பக்க²ந்தோ³ ஸுகே²ன புப்ப²ராஸிங் ஸம்பத்வா யாவதி³ச்ச²கங் ரேணுங் ஆதா³ய மது⁴ங் ஸம்பாதெ³த்வா மது⁴ரஸமனுப⁴வதி.
யதா²
யதா² ச யோ சதுப்³யாமப்பமாணங் மக்கடஸுத்தமாஹரதி, ஸோ சத்தாரி ஸஹஸ்ஸானி லப⁴தீதி ரஞ்ஞா வுத்தே ஏகோ அசே²கபுரிஸோ வேகே³ன மக்கடஸுத்தமாகட்³ட⁴ந்தோ தஹிங் தஹிங் சி²ந்த³தியேவ. அபரோ அசே²கோ சே²த³னப⁴யா ஹத்தே²ன பு²ஸிதும்பி ந விஸஹதி. சே²கோ பன கோடிதோ பட்டா²ய ஸமேன பயோகே³ன த³ண்ட³கே வேதெ⁴த்வா ஆஹரித்வா லாப⁴ங் லப⁴தி.
யதா² ச அசே²கோ நியாமகோ ப³லவவாதே லங்காரங் பூரெந்தோ நாவங் விதே³ஸங் பக்க²ந்தா³பேதி. அபரோ அசே²கோ மந்த³வாதே லங்காரங் ஓரோபெந்தோ நாவங் தத்தே²வ ட²பேதி. சே²கோ பன மந்த³வாதே லங்காரங் பூரெத்வா ப³லவவாதே அட்³ட⁴லங்காரங் கத்வா ஸொத்தி²னா இச்சி²தட்டா²னங் பாபுணாதி.
யதா² ச யோ தேலேன அச²ட்³டெ³ந்தோ நாளிங் பூரேதி, ஸோ லாப⁴ங் லப⁴தீதி ஆசரியேன அந்தேவாஸிகானங் வுத்தே ஏகோ அசே²கோ லாப⁴லுத்³தோ⁴ வேகே³ன பூரெந்தோ தேலங் ச²ட்³டே³தி. அபரோ அசே²கோ தேலச²ட்³ட³னப⁴யா ஆஸிஞ்சிதும்பி ந விஸஹதி. சே²கோ பன ஸமேன பயோகே³ன பூரெத்வா லாப⁴ங் லப⁴தி.
ஏவமேவ ஏகோ பி⁴க்கு² உப்பன்னே நிமித்தே ஸீக⁴மேவ அப்பனங் பாபுணிஸ்ஸாமீதி கா³ள்ஹங் வீரியங் கரோதி, தஸ்ஸ சித்தங் அச்சாரத்³த⁴வீரியத்தா உத்³த⁴ச்சே பததி, ஸோ ந ஸக்கோதி அப்பனங் பாபுணிதுங். ஏகோ அச்சாரத்³த⁴வீரியதாய தோ³ஸங் தி³ஸ்வா கிங் தா³னிமே அப்பனாயாதி வீரியங் ஹாபேதி, தஸ்ஸ சித்தங் அதிலீனவீரியத்தா கோஸஜ்ஜே பததி, ஸோபி ந ஸக்கோதி அப்பனங் பாபுணிதுங். யோ பன ஈஸகம்பி லீனங் லீனபா⁴வதோ உத்³த⁴தங் உத்³த⁴ச்சதோ மோசெத்வா ஸமேன பயோகே³ன
ரேணும்ஹி உப்பலத³லே, ஸுத்தே நாவாய நாளியா;
யதா² மது⁴கராதீ³னங், பவத்தி ஸம்மவண்ணிதா.
லீனஉத்³த⁴தபா⁴வேஹி
ஏவங் நிமித்தாபி⁴முக²ங், மானஸங் படிபாத³யேதி.
பட²மஜ்ஜா²னகதா²
69. இதி ஏவங் நிமித்தாபி⁴முக²ங் மானஸங் படிபாத³யதோ பனஸ்ஸ இதா³னி அப்பனா இஜ்ஜி²ஸ்ஸதீதி ப⁴வங்க³ங் உபச்சி²ந்தி³த்வா பத²வீ பத²வீதி அனுயோக³வஸேன உபட்டி²தங் ததே³வ பத²வீகஸிணங் ஆரம்மணங் கத்வா மனொத்³வாராவஜ்ஜனமுப்பஜ்ஜதி. ததோ தஸ்மிங்யேவாரம்மணே சத்தாரி பஞ்ச வா ஜவனானி ஜவந்தி. தேஸு அவஸானே ஏகங் ரூபாவசரங், ஸேஸானி காமாவசரானி. பகதிசித்தேஹி ப³லவதரவிதக்கவிசாரபீதிஸுக²சித்தேகக்³க³தானி யானி அப்பனாய பரிகம்மத்தா பரிகம்மானீதிபி, யதா² கா³மாதீ³னங் ஆஸன்னபதே³ஸோ கா³மூபசாரோ நக³ரூபசாரோதி வுச்சதி, ஏவங் அப்பனாய ஆஸன்னத்தா ஸமீபசாரத்தா வா உபசாரானீதிபி, இதோ புப்³பே³ பரிகம்மானங், உபரி அப்பனாய ச அனுலோமதோ அனுலோமானீதிபி வுச்சந்தி. யஞ்செத்த² ஸப்³ப³ந்திமங், தங் பரித்தகொ³த்தாபி⁴ப⁴வனதோ, மஹக்³க³தகொ³த்தபா⁴வனதோ ச கொ³த்ரபூ⁴திபி வுச்சதி. அக³ஹிதக்³க³ஹணேன பனெத்த² பட²மங் பரிகம்மங், து³தியங் உபசாரங், ததியங் அனுலோமங், சதுத்த²ங் கொ³த்ரபு⁴. பட²மங் வா உபசாரங், து³தியங் அனுலோமங், ததியங் கொ³த்ரபு⁴, சதுத்த²ங் பஞ்சமங் வா அப்பனாசித்தங். சதுத்த²மேவ ஹி பஞ்சமங் வா அப்பேதி, தஞ்ச கோ² கி²ப்பாபி⁴ஞ்ஞத³ந்தா⁴பி⁴ஞ்ஞவஸேன. ததோ பரங் ஜவனங் பததி. ப⁴வங்க³ஸ்ஸ வாரோ ஹோதி.
ஆபி⁴த⁴ம்மிககோ³த³த்தத்தே²ரோ பன ‘‘புரிமா புரிமா குஸலா த⁴ம்மா பச்சி²மானங் பச்சி²மானங் குஸலானங் த⁴ம்மானங் ஆஸேவனபச்சயேன பச்சயோ’’தி (பட்டா²॰ 1.1.12) இமங் ஸுத்தங் வத்வா ஆஸேவனபச்சயேன பச்சி²மோ பச்சி²மோ த⁴ம்மோ ப³லவா ஹோதி, தஸ்மா ச²ட்டே²பி ஸத்தமேபி அப்பனா ஹோதீதி ஆஹ, தங் அட்ட²கதா²ஸு ‘‘அத்தனோ மதிமத்தங் தே²ரஸ்ஸேத’’ந்தி வத்வா படிக்கி²த்தங். சதுத்த²பஞ்சமேஸுயேவ பன அப்பனா ஹோதி. பரதோ ஜவனங் பதிதங் நாம ஹோதி, ப⁴வங்க³ஸ்ஸ ஆஸன்னத்தாதி வுத்தங்
ஸா
எத்தாவதா ச பனேஸ விவிச்சேவ காமேஹி விவிச்ச அகுஸலேஹி த⁴ம்மேஹி ஸவிதக்கங் ஸவிசாரங் விவேகஜங் பீதிஸுக²ங் பட²மங் ஜா²னங் உபஸம்பஜ்ஜ விஹரதி (த⁴॰ ஸ॰ 160; தீ³॰ நி॰ 1.226). ஏவமனேன பஞ்சங்க³விப்பஹீனங் பஞ்சங்க³ஸமன்னாக³தங் திவித⁴கல்யாணங் த³ஸலக்க²ணஸம்பன்னங் பட²மங் ஜா²னங் அதி⁴க³தங் ஹோதி பத²வீகஸிணங்.
70. தத்த² விவிச்சேவ காமேஹீதி காமேஹி விவிச்சித்வா வினா ஹுத்வா அபக்கமித்வா. யோ பனாயமெத்த² ஏவகாரோ, ஸோ நியமத்தோ²தி வேதி³தப்³போ³. யஸ்மா ச நியமத்தோ², தஸ்மா தஸ்மிங் பட²மஜ்ஜா²னங் உபஸம்பஜ்ஜ விஹரணஸமயே அவிஜ்ஜமானானம்பி காமானங் தஸ்ஸ பட²மஜ்ஜா²னஸ்ஸ படிபக்க²பா⁴வங் காமபரிச்சாகே³னேவ சஸ்ஸ அதி⁴க³மங் தீ³பேதி.
கத²ங்? ‘‘விவிச்சேவ காமேஹீ’’தி ஏவஞ்ஹி நியமே கரியமானே இத³ங் பஞ்ஞாயதி, நூன ஜா²னஸ்ஸ காமா படிபக்க²பூ⁴தா யேஸு ஸதி இத³ங் நப்பவத்ததி, அந்த⁴காரே ஸதி பதீ³போபா⁴ஸோ விய. தேஸங் பரிச்சாகே³னேவ சஸ்ஸ
தத்த² ஸியா, கஸ்மா பனேஸ புப்³ப³பதே³யேவ வுத்தோ, ந உத்தரபதே³, கிங் அகுஸலேஹி த⁴ம்மேஹி அவிவிச்சாபி ஜா²னங் உபஸம்பஜ்ஜ விஹரெய்யாதி? ந கோ² பனேதங் ஏவங் த³ட்ட²ப்³ப³ங். தங்னிஸ்ஸரணதோ ஹி புப்³ப³பதே³ ஏஸ வுத்தோ. காமதா⁴துஸமதிக்கமனதோ ஹி காமராக³படிபக்க²தோ ச இத³ங் ஜா²னங் காமானமேவ நிஸ்ஸரணங். யதா²ஹ, ‘‘காமானமேதங் நிஸ்ஸரணங் யதி³த³ங் நெக்க²ம்ம’’ந்தி (தீ³॰ நி॰ 3.353). உத்தரபதே³பி பன யதா² ‘‘இதே⁴வ, பி⁴க்க²வே, ஸமணோ, இத⁴ து³தியோ ஸமணோ’’தி (ம॰ நி॰ 1.139; அ॰ நி॰ 4.241) எத்த²
காமேஹீதி இமினா பன பதே³ன யே ச நித்³தே³ஸே ‘‘கதமே வத்து²காமா, மனாபியா ரூபா’’திஆதி³னா (மஹானி॰ 1) நயேன வத்து²காமா வுத்தா, யே ச தத்தே²வ விப⁴ங்கே³ ச ‘‘ச²ந்தோ³ காமோ, ராகோ³ காமோ, ச²ந்த³ராகோ³ காமோ, ஸங்கப்போ காமோ, ராகோ³ காமோ, ஸங்கப்பராகோ³ காமோ, இமே வுச்சந்தி காமா’’தி (மஹானி॰ 1; விப⁴॰ 564) ஏவங் கிலேஸகாமா வுத்தா, தே ஸப்³பே³பி ஸங்க³ஹிதாஇச்சேவ த³ட்ட²ப்³பா³. ஏவஞ்ஹி ஸதி விவிச்சேவ காமேஹீதி வத்து²காமேஹிபி விவிச்சேவாதி அத்தோ² யுஜ்ஜதி, தேன காயவிவேகோ வுத்தோ ஹோதி. விவிச்ச அகுஸலேஹி த⁴ம்மேஹீதி கிலேஸகாமேஹி ஸப்³பா³குஸலேஹி வா விவிச்சாதி அத்தோ² யுஜ்ஜதி, தேன சித்தவிவேகோ வுத்தோ ஹோதி. புரிமேன செத்த² வத்து²காமேஹி விவேகவசனதோ ஏவ காமஸுக²பரிச்சாகோ³, து³தியேன கிலேஸகாமேஹி விவேகவசனதோ நெக்க²ம்மஸுக²பரிக்³க³ஹோ விபா⁴விதோ ஹோதி. ஏவங் வத்து²காமகிலேஸகாமவிவேகவசனதோயேவ ச ஏதேஸங் பட²மேன ஸங்கிலேஸவத்து²ப்பஹானங், து³தியேன ஸங்கிலேஸப்பஹானங். பட²மேன லோலபா⁴வஸ்ஸ ஹேதுபரிச்சாகோ³, து³தியேன பா³லபா⁴வஸ்ஸ. பட²மேன ச பயோக³ஸுத்³தி⁴
கிலேஸகாமபக்கே² பன ச²ந்தோ³தி ச ராகோ³தி ச ஏவமாதீ³ஹி அனேகபே⁴தோ³ காமச்ச²ந்தோ³யேவ காமோதி அதி⁴ப்பேதோ. ஸோ ச அகுஸலபரியாபன்னோபி ஸமானோ ‘‘தத்த² கதமோ காமோ ச²ந்தோ³ காமோ’’திஆதி³னா (விப⁴॰ 564) நயேன விப⁴ங்கே³ ஜா²னபடிபக்க²தோ விஸுங் வுத்தோ. கிலேஸகாமத்தா வா புரிமபதே³ வுத்தோ, அகுஸலபரியாபன்னத்தா து³தியபதே³. அனேகபே⁴த³தோ சஸ்ஸ காமதோதி அவத்வா காமேஹீதி வுத்தங்.
அஞ்ஞேஸம்பி ச த⁴ம்மானங் அகுஸலபா⁴வே விஜ்ஜமானே ‘‘தத்த² கதமே அகுஸலா த⁴ம்மா, காமச்ச²ந்தோ³’’திஆதி³னா ஸமாதி⁴ காமச்ச²ந்த³ஸ்ஸ படிபக்கோ², பீதி ப்³யாபாத³ஸ்ஸ, விதக்கோ தி²னமித்³த⁴ஸ்ஸ, ஸுக²ங் உத்³த⁴ச்சகுக்குச்சஸ்ஸ, விசாரோ விசிகிச்சா²யாதி பேடகே வுத்தங்.
ஏவமெத்த² விவிச்சேவ காமேஹீதி இமினா காமச்ச²ந்த³ஸ்ஸ விக்க²ம்ப⁴னவிவேகோ வுத்தோ ஹோதி. விவிச்ச அகுஸலேஹி த⁴ம்மேஹீதி இமினா பஞ்சன்னம்பி நீவரணானங், அக³ஹிதக்³க³ஹணேன பன பட²மேன காமச்ச²ந்த³ஸ்ஸ, து³தியேன ஸேஸனீவரணானங். ததா² பட²மேன தீஸு அகுஸலமூலேஸு பஞ்சகாமகு³ணபே⁴த³விஸயஸ்ஸ லோப⁴ஸ்ஸ, து³தியேன ஆகா⁴தவத்து²பே⁴தா³தி³விஸயானங் தோ³ஸமோஹானங். ஓகா⁴தீ³ஸு வா த⁴ம்மேஸு பட²மேன காமோக⁴காமயோக³காமாஸவகாமுபாதா³னஅபி⁴ஜ்ஜா²காயக³ந்த²காமராக³ஸங்யோஜனானங், து³தியேன அவஸேஸஓக⁴யோகா³ஸவஉபாதா³னக³ந்த²ஸங்யோஜனானங். பட²மேன ச தண்ஹாய தங்ஸம்பயுத்தகானஞ்ச, து³தியேன அவிஜ்ஜாய தங்ஸம்பயுத்தகானஞ்ச. அபிச பட²மேன லோப⁴ஸம்பயுத்தானங் அட்ட²ன்னங் சித்துப்பாதா³னங், து³தியேன ஸேஸானங் சதுன்னங் அகுஸலசித்துப்பாதா³னங் விக்க²ம்ப⁴னவிவேகோ வுத்தோ ஹோதீதி வேதி³தப்³போ³. அயங் தாவ விவிச்சேவ காமேஹி விவிச்ச அகுஸலேஹி த⁴ம்மேஹீதி எத்த² அத்த²ப்பகாஸனா.
71. எத்தாவதா விதக்கோ, ஊஹனந்தி வுத்தங் ஹோதி. ஸ்வாயங் ஆரம்மணே சித்தஸ்ஸ அபி⁴னிரோபனலக்க²ணோ, ஆஹனநபரியாஹனநரஸோ. ததா² ஹி தேன யோகா³வசரோ ஆரம்மணங் விதக்காஹதங் விதக்கபரியாஹதங் கரோதீதி வுச்சதி. ஆரம்மணே சித்தஸ்ஸ ஆனயனபச்சுபட்டா²னோ.
விசரணங் விசாரோ, அனுஸஞ்சரணந்தி வுத்தங் ஹோதி. ஸ்வாயங் ஆரம்மணானுமஜ்ஜனலக்க²ணோ, தத்த² ஸஹஜாதானுயோஜனரஸோ, சித்தஸ்ஸ அனுப்பப³ந்த⁴னபச்சுபட்டா²னோ.
ஸந்தேபி ச நேஸங் கத்த²சி அவிப்பயோகே³ ஓளாரிகட்டே²ன புப்³ப³ங்க³மட்டே²ன ச க⁴ண்டா³பி⁴கா⁴தோ விய சேதஸோ பட²மாபி⁴னிபாதோ விதக்கோ. ஸுகு²மட்டே²ன அனுமஜ்ஜனஸபா⁴வேன ச க⁴ண்டா³னுரவோ விய
அபிச மலக்³க³ஹிதங் கங்ஸபா⁴ஜனங் ஏகேன ஹத்தே²ன த³ள்ஹங் க³ஹெத்வா இதரேன ஹத்தே²ன சுண்ணதேலவாலண்டு³பகேன பரிமஜ்ஜந்தஸ்ஸ த³ள்ஹக³ஹணஹத்தோ² விய விதக்கோ, பரிமஜ்ஜனஹத்தோ² விய விசாரோ. ததா² கும்ப⁴காரஸ்ஸ த³ண்ட³ப்பஹாரேன சக்கங் ப⁴மயித்வா பா⁴ஜனங் கரொந்தஸ்ஸ உப்பீளனஹத்தோ² விய விதக்கோ, இதோ சிதோ ச ஸஞ்சரணஹத்தோ² விய விசாரோ. ததா² மண்ட³லங் கரொந்தஸ்ஸ மஜ்ஜே²
விவேகஜந்தி எத்த² விவித்தி விவேகோ, நீவரணவிக³மோதி அத்தோ². விவித்தோதி வா விவேகோ, நீவரணவிவித்தோ ஜா²னஸம்பயுத்தத⁴ம்மராஸீதி அத்தோ². தஸ்மா விவேகா, தஸ்மிங் வா விவேகே ஜாதந்தி விவேகஜங்.
72. பீதிஸுக²ந்தி எத்த² பீணயதீதி பீதி. ஸா ஸம்பியாயனலக்க²ணா, காயசித்தபீனநரஸா, ப²ரணரஸா வா, ஓத³க்³யபச்சுபட்டா²னா. ஸா பனேஸா கு²த்³தி³கா பீதி, க²ணிகாபீதி, ஓக்கந்திகாபீதி, உப்³பே³கா³பீதி, ப²ரணாபீதீதி பஞ்சவிதா⁴ ஹோதி. தத்த² கு²த்³தி³காபீதி ஸரீரே லோமஹங்ஸமத்தமேவ காதுங் ஸக்கோதி. க²ணிகாபீதி க²ணே க²ணே விஜ்ஜுப்பாத³ஸதி³ஸா ஓக்கந்திகாபீதி ஸமுத்³த³தீரங் வீசி விய காயங் ஓக்கமித்வா ஓக்கமித்வா பி⁴ஜ்ஜதி. உப்³பே³கா³பீதி ப³லவதீ ஹோதி காயங் உத்³த⁴க்³க³ங் கத்வா ஆகாஸே லங்கா⁴பனப்பமாணப்பத்தா. ததா² ஹி புண்ணவல்லிகவாஸீ மஹாதிஸ்ஸத்தே²ரோ புண்ணமதி³வஸே ஸாயங் சேதியங்க³ணங் க³ந்த்வா சந்தா³லோகங் தி³ஸ்வா மஹாசேதியாபி⁴முகோ² ஹுத்வா ‘‘இமாய வத வேலாய சதஸ்ஸோ பரிஸா மஹாசேதியங் வந்த³ந்தீ’’தி பகதியா தி³ட்டா²ரம்மணவஸேன பு³த்³தா⁴ரம்மணங் உப்³பே³கா³பீதிங் உப்பாதெ³த்வா ஸுதா⁴தலே பஹடசித்ரகெ³ண்டு³கோ விய ஆகாஸே உப்பதித்வா மஹாசேதியங்க³ணேயேவ பதிட்டா²ஸி. ததா² கி³ரிகண்ட³கவிஹாரஸ்ஸ உபனிஸ்ஸயே வத்தகாலககா³மே ஏகா குலதீ⁴தாபி ப³லவபு³த்³தா⁴ரம்மணாய உப்³பே³கா³பீதியா ஆகாஸே லங்கே⁴ஸி.
தஸ்ஸா கிர மாதாபிதரோ ஸாயங் த⁴ம்மஸ்ஸவனத்தா²ய விஹாரங் க³ச்ச²ந்தா ‘‘அம்ம த்வங் க³ருபா⁴ரா அகாலே விசரிதுங் ந ஸக்கோஸி, மயங் துய்ஹங் பத்திங் கத்வா த⁴ம்மங் ஸொஸ்ஸாமா’’தி அக³மங்ஸு. ஸா க³ந்துகாமாபி தேஸங் வசனங் படிபா³ஹிதுங்
ஏவங் உப்³பே³கா³பீதி ஆகாஸே லங்கா⁴பனப்பமாணா ஹோதி. ப²ரணாபீதியா பன உப்பன்னாய ஸகலஸரீரங் த⁴மித்வா பூரிதவத்தி² விய மஹதா உத³கோகே⁴ன பக்க²ந்த³பப்³ப³தகுச்சி² விய ச அனுபரிப்பு²டங் ஹோதி.
ஸா
73. இதரங் பன ஸுக²னங் ஸுக²ங், ஸுட்டு² வா கா²த³தி, க²னதி ச காயசித்தாபா³த⁴ந்தி ஸுக²ங், தங் ஸாதலக்க²ணங், ஸம்பயுத்தானங் உபப்³ரூஹனரஸங், அனுக்³க³ஹபச்சுபட்டா²னங். ஸதிபி ச நேஸங் கத்த²சி அவிப்பயோகே³ இட்டா²ரம்மணபடிலாப⁴துட்டி² பீதி. படிலத்³த⁴ரஸானுப⁴வனங் ஸுக²ங். யத்த² பீதி, தத்த² ஸுக²ங். யத்த² ஸுக²ங், தத்த² ந நியமதோ பீதி. ஸங்கா²ரக்க²ந்த⁴ஸங்க³ஹிதா பீதி. வேத³னாக்க²ந்த⁴ஸங்க³ஹிதங் ஸுக²ங். கந்தாரகி²ன்னஸ்ஸ
அத² வா பீதி ச ஸுக²ஞ்ச பீதிஸுக²ங், த⁴ம்மவினயாத³யோ விய. விவேகஜங் பீதிஸுக²மஸ்ஸ ஜா²னஸ்ஸ, அஸ்மிங் வா ஜா²னே அத்தீ²தி ஏவம்பி விவேகஜங்பீதிஸுக²ங். யதே²வ ஹி ஜா²னங், ஏவங் பீதிஸுக²ம்பெத்த² விவேகஜமேவ ஹோதி, தஞ்சஸ்ஸ அத்தி², தஸ்மா ஏகபதே³னேவ ‘‘விவேகஜங்பீதிஸுக²’’ந்திபி வத்துங் யுஜ்ஜதி. விப⁴ங்கே³ பன ‘‘இத³ங் ஸுக²ங் இமாய பீதியா ஸஹக³த’’ந்திஆதி³னா (விப⁴॰ 567) நயேன வுத்தங். அத்தோ² பன தத்தா²பி ஏவமேவ த³ட்ட²ப்³போ³.
பட²மங் ஜா²னந்தி இத³ங் பரதோ ஆவிப⁴விஸ்ஸதி. உபஸம்பஜ்ஜாதி உபக³ந்த்வா, பாபுணித்வாதி வுத்தங் ஹோதி. உபஸம்பாத³யித்வா வா, நிப்பா²தெ³த்வாதி வுத்தங் ஹோதி. விப⁴ங்கே³ பன ‘‘உபஸம்பஜ்ஜாதி பட²மஸ்ஸ ஜா²னஸ்ஸ லாபோ⁴ படிலாபோ⁴ பத்தி ஸம்பத்தி பு²ஸனா ஸச்சி²கிரியா உபஸம்பதா³’’தி வுத்தங். தஸ்ஸாபி ஏவமேவத்தோ² த³ட்ட²ப்³போ³. விஹரதீதி தத³னுரூபேன இரியாபத²விஹாரேன இதிவுத்தப்பகாரஜா²னஸமங்கீ³ ஹுத்வா அத்தபா⁴வஸ்ஸ இரியங் வுத்திங் பாலனங் யபனங் யாபனங் சாரங் விஹாரங் அபி⁴னிப்பா²தே³தி
பஞ்சங்க³விப்பஹீனாதி³
74. யங் பன வுத்தங் ‘‘பஞ்சங்க³விப்பஹீனங் பஞ்சங்க³ஸமன்னாக³த’’ந்தி, தத்த² காமச்ச²ந்தோ³, ப்³யாபாதோ³, தி²னமித்³த⁴ங், உத்³த⁴ச்சகுக்குச்சங், விசிகிச்சா²தி இமேஸங் பஞ்சன்னங் நீவரணானங் பஹானவஸேன பஞ்சங்க³விப்பஹீனதா வேதி³தப்³பா³. ந ஹி ஏதேஸு அப்பஹீனேஸு ஜா²னங் உப்பஜ்ஜதி. தேனஸ்ஸேதானி பஹானங்கா³னீதி வுச்சந்தி. கிஞ்சாபி ஹி ஜா²னக்க²ணே அஞ்ஞேபி அகுஸலா த⁴ம்மா பஹீயந்தி, ததா²பி ஏதானேவ விஸேஸேன ஜா²னந்தராயகரானி. காமச்ச²ந்தே³ன ஹி நானாவிஸயப்பலோபி⁴தங் சித்தங் ந ஏகத்தாரம்மணே ஸமாதி⁴யதி. காமச்ச²ந்தா³பி⁴பூ⁴தங் வா தங் ந காமதா⁴துப்பஹானாய படிபத³ங் படிபஜ்ஜதி. ப்³யாபாதே³ன சாரம்மணே படிஹஞ்ஞமானங் ந நிரந்தரங் பவத்ததி பஹானங்கா³னீதி வுத்தானீதி.
யஸ்மா பன விதக்கோ ஆரம்மணே சித்தங் அபி⁴னிரோபேதி, விசாரோ அனுப்பப³ந்த⁴தி, தேஹி அவிக்கே²பாய ஸம்பாதி³தப்பயோக³ஸ்ஸ சேதஸோ பயோக³ஸம்பத்திஸம்ப⁴வா பீதி பீணனங், ஸுக²ஞ்ச உபப்³ரூஹனங் கரோதி. அத² நங் ஸஸேஸஸம்பயுத்தத⁴ம்மங் ஏதேஹி அபி⁴னிரோபனானுப்பப³ந்த⁴னபீணனஉபப்³ரூஹனேஹி அனுக்³க³ஹிதா ஏகக்³க³தா ஏகத்தாரம்மணே ஸமங் ஸம்மா ச ஆதி⁴யதி, தஸ்மா விதக்கோ விசாரோ பீதி ஸுக²ங் சித்தேகக்³க³தாதி இமேஸங் பஞ்சன்னங் உப்பத்திவஸேன பஞ்சங்க³ஸமன்னாக³ததா வேதி³தப்³பா³. உப்பன்னேஸு ஹி ஏதேஸு பஞ்சஸு ஜா²னங் உப்பன்னங் நாம ஹோதி. தேனஸ்ஸ ஏதானி பஞ்ச ஸமன்னாக³தங்கா³னீதி வுச்சந்தி. தஸ்மா ந ஏதேஹி ஸமன்னாக³தங் அஞ்ஞதே³வ ஜா²னங் நாம அத்தீ²தி க³ஹேதப்³ப³ங். யதா² பன அங்க³மத்தவஸேனேவ சதுரங்கி³னீ ஸேனா, பஞ்சங்கி³கங் தூரியங், அட்ட²ங்கி³கோ ச மக்³கோ³தி வுச்சதி, ஏவமித³ம்பி அங்க³மத்தவஸேனேவ பஞ்சங்கி³கந்தி வா பஞ்சங்க³ஸமன்னாக³தந்தி வா வுச்சதீதி வேதி³தப்³ப³ங்.
ஏதானி ச பஞ்சங்கா³னி கிஞ்சாபி உபசாரக்க²ணேபி அத்தி², அத² கோ² உபசாரே பகதிசித்ததோ
திவித⁴கல்யாணங்
75. திவித⁴கல்யாணங் த³ஸலக்க²ணஸம்பன்னந்தி எத்த² பன ஆதி³மஜ்ஜ²பரியோஸானவஸேன திவித⁴கல்யாணதா. தேஸங்யேவ ச ஆதி³மஜ்ஜ²பரியோஸானானங் லக்க²ணவஸேன த³ஸலக்க²ணஸம்பன்னதா வேதி³தப்³பா³.
தத்ராயங் பாளி –
‘‘பட²மஸ்ஸ ஜா²னஸ்ஸ படிபதா³விஸுத்³தி⁴ ஆதி³, உபெக்கா²னுப்³ரூஹனா மஜ்ஜே², ஸம்பஹங்ஸனா பரியோஸானங், பட²மஸ்ஸ ஜா²னஸ்ஸ படிபதா³விஸுத்³தி⁴ ஆதி³, ஆதி³ஸ்ஸ கதி லக்க²ணானி? ஆதி³ஸ்ஸ தீணி லக்க²ணானி, யோ தஸ்ஸ பரிப³ந்தோ⁴, ததோ சித்தங் விஸுஜ்ஜ²தி, விஸுத்³த⁴த்தா சித்தங் மஜ்ஜி²மங் ஸமத²னிமித்தங் படிபஜ்ஜதி, படிபன்னத்தா தத்த² சித்தங் பக்க²ந்த³தி. யஞ்ச பரிப³ந்த⁴தோ சித்தங் விஸுஜ்ஜ²தி, யஞ்ச விஸுத்³த⁴த்தா சித்தங் மஜ்ஜி²மங் ஸமத²னிமித்தங் படிபஜ்ஜதி, யஞ்ச படிபன்னத்தா தத்த² சித்தங் பக்க²ந்த³தி. பட²மஸ்ஸ ஜா²னஸ்ஸ படிபதா³விஸுத்³தி⁴ ஆதி³, ஆதி³ஸ்ஸ இமானி தீணி லக்க²ணானி. தேன வுச்சதி பட²மங் ஜா²னங் ஆதி³கல்யாணஞ்சேவ ஹோதி திலக்க²ணஸம்பன்னஞ்ச.
‘‘பட²மஸ்ஸ ஜா²னஸ்ஸ உபெக்கா²னுப்³ரூஹனா மஜ்ஜே², மஜ்ஜ²ஸ்ஸ கதி லக்க²ணானி? மஜ்ஜ²ஸ்ஸ
‘‘பட²மஸ்ஸ ஜா²னஸ்ஸ ஸம்பஹங்ஸனா பரியோஸானங், பரியோஸானஸ்ஸ கதி லக்க²ணானி? பரியோஸானஸ்ஸ சத்தாரி லக்க²ணானி, தத்த² ஜாதானங் த⁴ம்மானங் அனதிவத்தனட்டே²ன ஸம்பஹங்ஸனா, இந்த்³ரியானங் ஏகரஸட்டே²ன ஸம்பஹங்ஸனா, தது³பக³வீரியவாஹனட்டே²ன ஸம்பஹங்ஸனா, ஆஸேவனட்டே²ன ஸம்பஹங்ஸனா. பட²மஸ்ஸ ஜா²னஸ்ஸ ஸம்பஹங்ஸனா பரியோஸானங், பரியோஸானஸ்ஸ இமானி சத்தாரி லக்க²ணானி. தேன வுச்சதி பட²மங் ஜா²னங் பரியோஸானகல்யாணஞ்சேவ ஹோதி சதுலக்க²ணஸம்பன்னஞ்சா’’தி (படி॰ ம॰ 1.158).
தத்ர படிபதா³விஸுத்³தி⁴, தத்ரமஜ்ஜ²த்துபெக்கா²ய கிச்சவஸேன உபெக்கா²னுப்³ரூஹனா, த⁴ம்மானங் அனதிவத்தனாதி³பா⁴வஸாத⁴னேன பரியோதா³பகஸ்ஸ ஞாணஸ்ஸ கிச்சனிப்ப²த்திவஸேன ஸம்பஹங்ஸனா ச வேதி³தப்³பா³.
கத²ங்? யஸ்மிஞ்ஹி வாரே அப்பனா உப்பஜ்ஜதி, தஸ்மிங் யோ நீவரணஸங்கா²தோ கிலேஸக³ணோ தஸ்ஸ ஜா²னஸ்ஸ பரிப³ந்தோ⁴, ததோ சித்தங் விஸுஜ்ஜ²தி. விஸுத்³த⁴த்தா ஆவரணவிரஹிதங் ஹுத்வா மஜ்ஜி²மங் ஸமத²னிமித்தங் படிபஜ்ஜதி. மஜ்ஜி²மங் ஸமத²னிமித்தங் நாம ஸமப்பவத்தோ அப்பனாஸமாதி⁴யேவ. தத³னந்தரங் பன புரிமசித்தங் ஏகஸந்ததிபரிணாமனயேன தத²த்தமுபக³ச்ச²மானங் மஜ்ஜி²மங் ஸமத²னிமித்தங் படிபஜ்ஜதி நாம, ஏவங் படிபன்னத்தா தத²த்துபக³மனேன தத்த² பக்க²ந்த³தி நாம. ஏவங் தாவ புரிமசித்தே விஜ்ஜமானாகாரனிப்பா²தி³கா பட²மஸ்ஸ ஜா²னஸ்ஸ உப்பாத³க்க²ணேயேவ ஆக³மனவஸேன படிபதா³விஸுத்³தி⁴ வேதி³தப்³பா³.
ஏவங்
யே பனேதே ஏவங் உபெக்கா²னுப்³ரூஹிதே தத்த² ஜாதா ஸமாதி⁴பஞ்ஞாஸங்கா²தா யுக³னத்³த⁴த⁴ம்மா அஞ்ஞமஞ்ஞங் அனதிவத்தமானா ஹுத்வா பவத்தா, யானி ச ஸத்³தா⁴தீ³னி இந்த்³ரியானி நானாகிலேஸேஹி விமுத்தத்தா விமுத்திரஸேன ஏகரஸானி ஹுத்வா பவத்தானி, யஞ்சேஸ தது³பக³ங் தேஸங் அனதிவத்தனஏகரஸபா⁴வானங் அனுச்ச²விகங் வீரியங் வாஹயதி, யா சஸ்ஸ தஸ்மிங் க²ணே பவத்தா ஆஸேவனா, ஸப்³பே³பி தே ஆகாரா யஸ்மா ஞாணேன ஸங்கிலேஸவோதா³னேஸு தங் தங் ஆதீ³னவஞ்ச ஆனிஸங்ஸஞ்ச
தத்த² யஸ்மா உபெக்கா²வஸேன ஞாணங் பாகடங் ஹோதி. யதா²ஹ – ‘‘ததா²பக்³க³ஹிதங் சித்தங் ஸாது⁴கங் அஜ்ஜு²பெக்க²தி, உபெக்கா²வஸேன பஞ்ஞாவஸேன பஞ்ஞிந்த்³ரியங் அதி⁴மத்தங் ஹோதி, உபெக்கா²வஸேன நானத்தகிலேஸேஹி சித்தங் விமுச்சதி, விமொக்க²வஸேன பஞ்ஞாவஸேன பஞ்ஞிந்த்³ரியங் அதி⁴மத்தங் ஹோதி. விமுத்தத்தா தே த⁴ம்மா ஏகரஸா ஹொந்தி. ஏகரஸட்டே²ன பா⁴வனா’’தி (படி॰ ம॰ 1.201). தஸ்மா ஞாணகிச்சபூ⁴தா ஸம்பஹங்ஸனா பரியோஸானந்தி வுத்தா.
இதா³னி பட²மங் ஜா²னங் அதி⁴க³தங் ஹோதி பத²வீகஸிணந்தி எத்த² க³ணனானுபுப்³ப³தா பட²மங், பட²மங் உப்பன்னந்திபி பட²மங். ஆரம்மணூபனிஜ்ஜா²னதோ பச்சனீகஜா²பனதோ வா ஜா²னங். பத²வீமண்ட³லங் பன ஸகலட்டே²ன பத²வீகஸிணந்தி வுச்சதி, தங் நிஸ்ஸாய படிலத்³த⁴னிமித்தம்பி, பத²வீகஸிணனிமித்தே படிலத்³த⁴ஜா²னம்பி. தத்ர இமஸ்மிங் அத்தே² ஜா²னங் பத²வீகஸிணந்தி வேதி³தப்³ப³ங். தங் ஸந்தா⁴ய வுத்தங் ‘‘பட²மங் ஜா²னங் அதி⁴க³தங் ஹோதி பத²வீகஸிண’’ந்தி.
சிரட்டி²திஸம்பாத³னங்
76. ஏவமதி⁴க³தே
யதா² ச குஸலோ ஸூதோ³ ப⁴த்தாரங் பரிவிஸந்தோ தஸ்ஸ யங் யங் ருசியா பு⁴ஞ்ஜதி, தங் தங் ஸல்லக்கெ²த்வா ததோ பட்டா²ய தாதி³ஸமேவ உபனாமெந்தோ லாப⁴ஸ்ஸ பா⁴கீ³ ஹோதி, ஏவமயம்பி அதி⁴க³தக்க²ணே போ⁴ஜனாத³யோ ஆகாரே க³ஹெத்வா தே ஸம்பாதெ³ந்தோ நட்டே² நட்டே² புனப்புனங் அப்பனாய லாபீ⁴ ஹோதி. தஸ்மா தேன வாலவேதி⁴னா விய ஸூதே³ன விய ச ஆகாரா பரிக்³க³ஹேதப்³பா³. வுத்தம்பி சேதங் ப⁴க³வதா –
‘‘ஸெய்யதா²பி, பி⁴க்க²வே, பண்டி³தோ ப்³யத்தோ குஸலோ ஸூதோ³ ராஜானங் வா ராஜமஹாமத்தங் வா நானச்சயேஹி ஸூபேஹி பச்சுபட்டி²தோ அஸ்ஸ அம்பி³லக்³கே³ஹிபி தித்தகக்³கே³ஹிபி கடுகக்³கே³ஹிபி மது⁴ரக்³கே³ஹிபி கா²ரிகேஹிபி அகா²ரிகேஹிபி லோணிகேஹிபி அலோணிகேஹிபி. ஸ கோ² ஸோ, பி⁴க்க²வே, பண்டி³தோ ப்³யத்தோ குஸலோ ஸூதோ³ ஸகஸ்ஸ ப⁴த்து நிமித்தங் உக்³க³ண்ஹாதி ‘இத³ங் வா மே அஜ்ஜ ப⁴த்து ஸூபெய்யங் ருச்சதி, இமஸ்ஸ வா அபி⁴ஹரதி, இமஸ்ஸ வா ப³ஹுங் க³ண்ஹாதி, இமஸ்ஸ வா வண்ணங் பா⁴ஸதி, அம்பி³லக்³க³ங் வா மே அஜ்ஜ ப⁴த்து ஸூபெய்யங் ருச்சதி, அம்பி³லக்³க³ஸ்ஸ வா அபி⁴ஹரதி, அம்பி³லக்³க³ஸ்ஸ வா ப³ஹுங் க³ண்ஹாதி, அம்பி³லக்³க³ஸ்ஸ வா வண்ணங் பா⁴ஸதி…பே॰… அலோணிகஸ்ஸ வா வண்ணங் பா⁴ஸதீ’தி. ஸ கோ² ஸோ, பி⁴க்க²வே, பண்டி³தோ ப்³யத்தோ குஸலோ ஸூதோ³ லாபீ⁴ சேவ ஹோதி அச்சா²த³னஸ்ஸ, லாபீ⁴ வேதனஸ்ஸ, லாபீ⁴ அபி⁴ஹாரானங். தங் கிஸ்ஸ ஹேது? ததா² ஹி ஸோ, பி⁴க்க²வே, பண்டி³தோ
நிமித்தக்³க³ஹணேன சஸ்ஸ புன தே ஆகாரே ஸம்பாத³யதோ அப்பனாமத்தமேவ இஜ்ஜ²தி, ந சிரட்டா²னங். சிரட்டா²னங் பன ஸமாதி⁴பரிப³ந்தா⁴னங் த⁴ம்மானங் ஸுவிஸோதி⁴தத்தா ஹோதி. யோ ஹி பி⁴க்கு² காமாதீ³னவபச்சவெக்க²ணாதீ³ஹி காமச்ச²ந்த³ங் ந ஸுட்டு² விக்க²ம்பெ⁴த்வா, காயபஸ்ஸத்³தி⁴வஸேன காயது³ட்டு²ல்லங் ந ஸுப்படிபஸ்ஸத்³த⁴ங் கத்வா, ஆரம்ப⁴தா⁴துமனஸிகாராதி³வஸேன தி²னமித்³த⁴ங் ந ஸுட்டு² படிவினோதெ³த்வா, ஸமத²னிமித்தமனஸிகாராதி³வஸேன உத்³த⁴ச்சகுக்குச்சங் ந ஸுஸமூஹதங் கத்வா, அஞ்ஞேபி ஸமாதி⁴பரிப³ந்தே⁴ த⁴ம்மே ந ஸுட்டு² விஸோதெ⁴த்வா ஜா²னங் ஸமாபஜ்ஜதி, ஸோ அவிஸோதி⁴தங் ஆஸயங் பவிட்ட²ப⁴மரோ விய அவிஸுத்³த⁴ங் உய்யானங் பவிட்ட²ராஜா விய ச கி²ப்பமேவ நிக்க²மதி. யோ பன ஸமாதி⁴பரிப³ந்தே⁴ த⁴ம்மே ஸுட்டு² விஸோதெ⁴த்வா ஜா²னங் ஸமாபஜ்ஜதி, ஸோ ஸுவிஸோதி⁴தங் ஆஸயங் பவிட்ட²ப⁴மரோ விய ஸுபரிஸுத்³த⁴ங் உய்யானங் பவிட்ட²ராஜா விய ச ஸகலம்பி தி³வஸபா⁴க³ங் அந்தோஸமாபத்தியங்யேவ ஹோதி. தேனாஹு போராணா –
‘‘காமேஸு ச²ந்த³ங் படிக⁴ங் வினோத³யே,
உத்³த⁴ச்சமித்³த⁴ங் விசிகிச்ச²பஞ்சமங்;
விவேகபாமோஜ்ஜகரேன சேதஸா,
ராஜாவ ஸுத்³த⁴ந்தக³தோ தஹிங் ரமே’’தி.
தஸ்மா சிரட்டி²திகாமேன பரிப³ந்த⁴கத⁴ம்மே விஸோதெ⁴த்வா ஜா²னங் ஸமாபஜ்ஜிதப்³ப³ங். சித்தபா⁴வனாவேபுல்லத்த²ஞ்ச யதா²லத்³த⁴ங் படிபா⁴க³னிமித்தங் வட்³டே⁴தப்³ப³ங். தஸ்ஸ த்³வே வட்³ட⁴னாபூ⁴மியோ உபசாரங் வா
நிமித்தவட்³ட⁴னநயோ
77. தத்ராயங் வட்³ட⁴னநயோ, தேன யோகி³னா தங் நிமித்தங் பத்தவட்³ட⁴னபூவவட்³ட⁴னப⁴த்தவட்³ட⁴னலதாவட்³ட⁴னது³ஸ்ஸவட்³ட⁴னயோகே³ன அவட்³டெ⁴த்வா யதா² நாம கஸ்ஸகோ கஸிதப்³ப³ட்டா²னங்
யதா² ஹி ஹங்ஸபோதகா பக்கா²னங் உட்டி²தகாலதோ பட்டா²ய பரித்தங் பரித்தங் பதே³ஸங் உப்பதந்தா பரிசயங் கத்வா அனுக்கமேன சந்தி³மஸூரியஸந்திகங் க³ச்ச²ந்தி, ஏவமேவ பி⁴க்கு² வுத்தனயேன நிமித்தங் பரிச்சி²ந்தி³த்வா வட்³டெ⁴ந்தோ யாவ சக்கவாளபரிச்சே²தா³ ததோ வா உத்தரி வட்³டே⁴தி. அத²ஸ்ஸ தங் நிமித்தங் வட்³டி⁴தவட்³டி⁴தட்டா²னே பத²வியா உக்கூலவிகூலனதீ³விது³க்³க³பப்³ப³தவிஸமேஸு ஸங்குஸதஸமப்³பா⁴ஹதங் உஸப⁴சம்மங் விய ஹோதி.
தஸ்மிங் பன நிமித்தே பத்தபட²மஜ்ஜா²னேன ஆதி³கம்மிகேன ஸமாபஜ்ஜனப³ஹுலேன ப⁴விதப்³ப³ங், ந பச்சவெக்க²ணப³ஹுலேன. பச்சவெக்க²ணப³ஹுலஸ்ஸ ஹி ஜா²னங்கா³னி தூ²லானி து³ப்³ப³லானி ஹுத்வா உபட்ட²ஹந்தி. அத²ஸ்ஸ தானி ஏவங் உபட்டி²தத்தா உபரி உஸ்ஸுக்கனாய பச்சயதங் ஆபஜ்ஜந்தி. ஸோ அப்பகு³ணே ஜா²னே உஸ்ஸுக்கமானோ பத்தபட²மஜ்ஜா²னா ச பரிஹாயதி, ந ச ஸக்கோதி து³தியங் பாபுணிதுங். தேனாஹ ப⁴க³வா –
‘‘ஸெய்யதா²பி, பி⁴க்க²வே, கா³வீ பப்³ப³தெய்யா பா³லா அப்³யத்தா அகெ²த்தஞ்ஞூ அகுஸலா விஸமே பப்³ப³தே சரிதுங். தஸ்ஸா ஏவமஸ்ஸ ‘யங்னூனாஹங் அக³தபுப்³ப³ஞ்சேவ தி³ஸங் க³ச்செ²ய்யங், அகா²தி³தபுப்³பா³னி ச திணானி கா²தெ³ய்யங், அபீதபுப்³பா³னி ச பானீயானி பிவெய்ய’ந்தி. ஸா
தஸ்மானேன தஸ்மிங்யேவ தாவ பட²மஜ்ஜா²னே பஞ்சஹாகாரேஹி சிண்ணவஸினா ப⁴விதப்³ப³ங்.
பஞ்சவஸீகதா²
78. தத்ரிமா பஞ்ச வஸியோ ஆவஜ்ஜனவஸீ, ஸமாபஜ்ஜனவஸீ, அதி⁴ட்டா²னவஸீ, வுட்டா²னவஸீ, பச்சவெக்க²ணவஸீதி. பட²மங் ஜா²னங் யத்தி²ச்ச²கங் யதி³ச்ச²கங் யாவதி³ச்ச²கங் ஆவஜ்ஜேதி, ஆவஜ்ஜனாய த³ந்தா⁴யிதத்தங் நத்தீ²தி ஆவஜ்ஜனவஸீ. பட²மங் ஜா²னங் யத்தி²ச்ச²கங்…பே॰… ஸமாபஜ்ஜதி, ஸமாபஜ்ஜனாய த³ந்தா⁴யிதத்தங் நத்தீ²தி ஸமாபஜ்ஜனவஸீ. ஏவங் ஸேஸாபி வித்தா²ரேதப்³பா³.
அயங் பனெத்த² அத்த²ப்பகாஸனா, பட²மஜ்ஜா²னதோ வுட்டா²ய பட²மங் விதக்கங் ஆவஜ்ஜயதோ ப⁴வங்க³ங் உபச்சி²ந்தி³த்வா உப்பன்னாவஜ்ஜனானந்தரங் விதக்காரம்மணானேவ சத்தாரி பஞ்ச வா ஜவனானி ஜவந்தி. ததோ த்³வே ப⁴வங்கா³னி, ததோ புன விசாராரம்மணங் ஆவஜ்ஜனங், வுத்தனயானேவ ஜவனானீதி ஏவங் பஞ்சஸு ஆவஜ்ஜனவஸீ ஸித்³தா⁴ ஹோதி. அயங் பன மத்த²கப்பத்தா வஸீ ப⁴க³வதோ யமகபாடிஹாரியே லப்³ப⁴தி
ஆயஸ்மதோ பன மஹாமொக்³க³ல்லானஸ்ஸ நந்தோ³பனந்த³னாக³ராஜத³மனே விய ஸீக⁴ங் ஸமாபஜ்ஜனஸமத்த²தா ஸமாபஜ்ஜனவஸீ நாம.
அச்ச²ராமத்தங் வா த³ஸச்ச²ராமத்தங் வா க²ணங் ட²பேதுங் ஸமத்த²தா அதி⁴ட்டா²னவஸீ நாம. ததே²வ லஹுங் வுட்டா²துங் ஸமத்த²தா வுட்டா²னவஸீ நாம. தது³ப⁴யத³ஸ்ஸனத்த²ங் பு³த்³த⁴ரக்கி²தத்தே²ரஸ்ஸ வத்து²ங் கதே²துங் வட்டதி.
ஸோ ஹாயஸ்மா உபஸம்பதா³ய அட்ட²வஸ்ஸிகோ ஹுத்வா தே²ரம்ப³த்த²லே மஹாரோஹணகு³த்தத்தே²ரஸ்ஸ கி³லானுபட்டா²னங் ஆக³தானங் திங்ஸமத்தானங் இத்³தி⁴மந்தஸஹஸ்ஸானங் மஜ்ஜே² நிஸின்னோ தே²ரஸ்ஸ யாகு³ங் படிக்³கா³ஹயமானங் உபட்டா²கனாக³ராஜானங் க³ஹெஸ்ஸாமீதி ஆகாஸதோ பக்க²ந்த³ந்தங் ஸுபண்ணராஜானங் தி³ஸ்வா தாவதே³வ பப்³ப³தங் நிம்மினித்வா நாக³ராஜானங் பா³ஹாயங் க³ஹெத்வா தத்த² பாவிஸி. ஸுபண்ணராஜா பப்³ப³தே பஹாரங் த³த்வா பலாயி. மஹாதே²ரோ ஆஹ – ‘‘ஸசே, ஆவுஸோ, பு³த்³த⁴ரக்கி²தோ நாப⁴விஸ்ஸ, ஸப்³பே³வ கா³ரய்ஹா அஸ்ஸாமா’’தி.
பச்சவெக்க²ணவஸீ பன ஆவஜ்ஜனவஸியா ஏவ வுத்தா. பச்சவெக்க²ணஜவனானேவ ஹி தத்த² ஆவஜ்ஜனானந்தரானீதி.
து³தியஜ்ஜா²னகதா²
79. இமாஸு பன பஞ்சஸு வஸீஸு சிண்ணவஸினா பகு³ணபட²மஜ்ஜா²னதோ வுட்டா²ய ‘‘அயங் ஸமாபத்தி ஆஸன்னநீவரணபச்சத்தி²கா, விதக்கவிசாரானங் ஓளாரிகத்தா அங்க³து³ப்³ப³லா’’தி ச தத்த² தோ³ஸங் தி³ஸ்வா து³தியஜ்ஜா²னங் ஸந்ததோ மனஸிகத்வா பட²மஜ்ஜா²னே நிகந்திங் பரியாதா³ய து³தியாதி⁴க³மாய யோகோ³ காதப்³போ³. அத²ஸ்ஸ யதா³ பட²மஜ்ஜா²னா வுட்டா²ய ஸதஸ்ஸ ஸம்பஜானஸ்ஸ ஜா²னங்கா³னி பச்சவெக்க²தோ விதக்கவிசாரா ஓளாரிகதோ உபட்ட²ஹந்தி, பீதிஸுக²ஞ்சேவ சித்தேகக்³க³தா ச ஸந்ததோ உபட்டா²தி, ததா³ஸ்ஸ ஓளாரிகங்க³ங் பஹானாய ஸந்தஅங்க³படிலாபா⁴ய ச ததே³வ
எத்தாவதா சேஸ விதக்கவிசாரானங் வூபஸமா அஜ்ஜ²த்தங் ஸம்பஸாத³னங் சேதஸோ ஏகோதி³பா⁴வங் அவிதக்கங் அவிசாரங் ஸமாதி⁴ஜங் பீதிஸுக²ங் து³தியங் ஜா²னங் உபஸம்பஜ்ஜ விஹரதி. ஏவமனேன த்³வங்க³விப்பஹீனங் திவங்க³ஸமன்னாக³தங் திவித⁴கல்யாணங் த³ஸலக்க²ணஸம்பன்னங் து³தியங் ஜா²னங் அதி⁴க³தங் ஹோதி பத²வீகஸிணங்.
80. தத்த² விதக்கவிசாரானங் வூபஸமாதி விதக்கஸ்ஸ ச விசாரஸ்ஸ சாதி இமேஸங் த்³வின்னங் வூபஸமா ஸமதிக்கமா, து³தியஜ்ஜா²னக்க²ணே அபாதுபா⁴வாதி வுத்தங் ஹோதி. தத்த² கிஞ்சாபி து³தியஜ்ஜா²னே ஸப்³பே³பி பட²மஜ்ஜா²னத⁴ம்மா ந ஸந்தி. அஞ்ஞேயேவ ஹி பட²மஜ்ஜா²னே ப²ஸ்ஸாத³யோ, அஞ்ஞே இத⁴. ஓளாரிகஸ்ஸ பன ஓளாரிகஸ்ஸ அங்க³ஸ்ஸ ஸமதிக்கமா பட²மஜ்ஜா²னதோ பரேஸங் து³தியஜ்ஜா²னாதீ³னங் அதி⁴க³மோ ஹோதீதி தீ³பனத்த²ங் ‘‘விதக்கவிசாரானங் வூபஸமா’’தி ஏவங் வுத்தந்தி வேதி³தப்³ப³ங்.
அஜ்ஜ²த்தந்தி இத⁴ நியகஜ்ஜ²த்தமதி⁴ப்பேதங். விப⁴ங்கே³ பன ‘‘அஜ்ஜ²த்தங் பச்சத்த’’ந்தி எத்தகமேவ வுத்தங். யஸ்மா ச நியகஜ்ஜ²த்தமதி⁴ப்பேதங், தஸ்மா அத்தனி ஜாதங் அத்தனோ ஸந்தானே நிப்³ப³த்தந்தி அயமெத்த² அத்தோ². ஸம்பஸாத³னந்தி ஸம்பஸாத³னங் வுச்சதி ஸத்³தா⁴. ஸம்பஸாத³னயோக³தோ ஜா²னம்பி ஸம்பஸாத³னங். நீலவண்ணயோக³தோ நீலவத்த²ங் விய. யஸ்மா வா தங் ஜா²னங் ஸம்பஸாத³னஸமன்னாக³தத்தா விதக்கவிசாரக்கோ²ப⁴வூபஸமனேன ச சேதஸோ ஸம்பஸாத³யதி, தஸ்மாபி ஸம்பஸாத³னந்தி வுத்தங். இமஸ்மிஞ்ச அத்த²விகப்பே ஸம்பஸாத³னங் சேதஸோதி ஏவங் பத³ஸம்ப³ந்தோ⁴ வேதி³தப்³போ³. புரிமஸ்மிங் பன அத்த²விகப்பே சேதஸோதி ஏதங் ஏகோதி³பா⁴வேன ஸத்³தி⁴ங் யோஜேதப்³ப³ங்.
தத்ராயமத்த²யோஜனா, ஏகோ உதே³தீதி ஏகோதி³, விதக்கவிசாரேஹி அனஜ்ஜா²ரூள்ஹத்தா அக்³கோ³ ஸெட்டோ² ஹுத்வா உதே³தீதி அத்தோ². ஸெட்டோ²பி ஹி லோகே ஏகோதி வுச்சதி. விதக்கவிசாரவிரஹதோ வா ஏகோ அஸஹாயோ ஹுத்வா இதிபி வத்துங் வட்டதி. அத² வா ஸம்பயுத்தத⁴ம்மே உதா³யதீதி உதி³, உட்டா²பேதீதி
நனு சாயங் ஸத்³தா⁴ பட²மஜ்ஜா²னேபி அத்தி², அயஞ்ச ஏகோதி³னாமகோ ஸமாதி⁴, அத² கஸ்மா இத³மேவ ‘‘ஸம்பஸாத³னங் சேதஸோ ஏகோதி³பா⁴வஞ்சா’’தி வுத்தந்தி. வுச்சதே, அது³ஞ்ஹி பட²மஜ்ஜா²னங் விதக்கவிசாரக்கோ²பே⁴ன வீசிதரங்க³ஸமாகுலமிவ ஜலங் ந ஸுப்பஸன்னங் ஹோதி, தஸ்மா ஸதியாபி ஸத்³தா⁴ய ‘‘ஸம்பஸாத³ன’’ந்தி ந வுத்தங். ந ஸுப்பஸன்னத்தாயேவ செத்த² ஸமாதி⁴பி ந ஸுட்டு² பாகடோ, தஸ்மா ‘‘ஏகோதி³பா⁴வ’’ந்திபி ந வுத்தங். இமஸ்மிங் பன ஜா²னே விதக்கவிசாரபலிபோ³தா⁴பா⁴வேன லத்³தோ⁴காஸா ப³லவதீ ஸத்³தா⁴, ப³லவஸத்³தா⁴ஸஹாயபடிலாபே⁴னேவ ச ஸமாதி⁴பி பாகடோ, தஸ்மா இத³மேவ ஏவங் வுத்தந்தி வேதி³தப்³ப³ங். விப⁴ங்கே³ பன ‘‘ஸம்பஸாத³னந்தி யா ஸத்³தா⁴ ஸத்³த³ஹனா ஓகப்பனா அபி⁴ப்பஸாதோ³. சேதஸோ ஏகோதி³பா⁴வந்தி யா சித்தஸ்ஸ டி²தி…பே॰… ஸம்மாஸமாதீ⁴’’தி எத்தகமேவ வுத்தங். ஏவங் வுத்தேன பன தேன ஸத்³தி⁴ங் அயமத்த²வண்ணனா யதா² ந விருஜ்ஜ²தி, அஞ்ஞத³த்து² ஸங்ஸந்த³தி சேவ ஸமேதி ச, ஏவங் வேதி³தப்³பா³.
81. அவிதக்கங் அவிசாரந்தி பா⁴வனாய பஹீனத்தா ஏதஸ்மிங், ஏதஸ்ஸ வா விதக்கோ நத்தீ²தி அவிதக்கங். இமினாவ நயேன அவிசாரங். விப⁴ங்கே³பி வுத்தங் ‘‘இதி அயஞ்ச விதக்கோ அயஞ்ச விசாரோ ஸந்தா ஹொந்தி ஸமிதா வூபஸந்தா அத்த²ங்க³தா அப்³ப⁴த்த²ங்க³தா அப்பிதா ப்³யப்பிதா ஸோஸிதா விஸோஸிதா ப்³யந்திகதா, தேன வுச்சதி அவிதக்கங் அவிசார’’ந்தி (விப⁴॰ 576).
எத்தா²ஹ ‘‘நனு ச ‘விதக்கவிசாரானங் வூபஸமா’தி இமினாபி அயமத்தோ² ஸித்³தோ⁴, அத² கஸ்மா புன வுத்தங் ‘அவிதக்கங் அவிசார’ந்தி’’. வுச்சதே, ஏவமேதங் ஸித்³தோ⁴வாயமத்தோ², ந பனேதங் தத³த்த²தீ³பகங். நனு அவோசும்ஹ ‘‘ஓளாரிகஸ்ஸ பன ஓளாரிகஸ்ஸ அங்க³ஸ்ஸ ஸமதிக்கமா பட²மஜ்ஜா²னதோ பரேஸங் து³தியஜ்ஜா²னாதீ³னங் ஸமதி⁴க³மோ ஹோதீதி த³ஸ்ஸனத்த²ங் விதக்கவிசாரானங் வூபஸமாதி ஏவங் வுத்த’’ந்தி.
அபிச விதக்கவிசாரானங் வூபஸமா இத³ங் ஸம்பஸாத³னங், ந கிலேஸகாலுஸ்ஸியஸ்ஸ. விதக்கவிசாரானஞ்ச வூபஸமா ஏகோதி³பா⁴வங், ந உபசாரஜ்ஜா²னமிவ நீவரணப்பஹானா
ஸமாதி⁴ஜந்தி பட²மஜ்ஜா²னஸமாதி⁴தோ ஸம்பயுத்தஸமாதி⁴தோ வா ஜாதந்தி அத்தோ². தத்த² கிஞ்சாபி பட²மம்பி ஸம்பயுத்தஸமாதி⁴தோ ஜாதங், அத² கோ² அயமேவ ஸமாதி⁴ ‘‘ஸமாதீ⁴’’தி வத்தப்³ப³தங் அரஹதி விதக்கவிசாரக்கோ²ப⁴விரஹேன அதிவிய அசலத்தா, ஸுப்பஸன்னத்தா ச, தஸ்மா இமஸ்ஸ வண்ணப⁴ணனத்த²ங் இத³மேவ ‘‘ஸமாதி⁴ஜ’’ந்தி வுத்தங். பீதிஸுக²ந்தி இத³ங் வுத்தனயமேவ.
து³தியந்தி க³ணனானுபுப்³ப³தா து³தியங். இத³ங் து³தியங் ஸமாபஜ்ஜதீதிபி து³தியங். யங் பன வுத்தங் ‘‘த்³வங்க³விப்பஹீனங் திவங்க³ஸமன்னாக³த’’ந்தி, தத்த² விதக்கவிசாரானங் பஹானவஸேன த்³வங்க³விப்பஹீனதா வேதி³தப்³பா³. யதா² ச பட²மஜ்ஜா²னஸ்ஸ உபசாரக்க²ணே நீவரணானி பஹீயந்தி, ந ததா² இமஸ்ஸ விதக்கவிசாரா. அப்பனாக்க²ணேயேவ ச பனேதங் வினா தேஹி உப்பஜ்ஜதி. தேனஸ்ஸ தே ‘‘பஹானங்க³’’ந்தி வுச்சந்தி. பீதி ஸுக²ங் சித்தேகக்³க³தாதி இமேஸங் பன திண்ணங் உப்பத்திவஸேன திவங்க³ஸமன்னாக³ததா வேதி³தப்³பா³. தஸ்மா யங் விப⁴ங்கே³ ‘‘ஜா²னந்தி ஸம்பஸாதோ³ பீதி ஸுக²ங் சித்தஸ்ஸ ஏகக்³க³தா’’தி (விப⁴॰ 580) வுத்தங், தங் ஸபரிக்கா²ரங் ஜா²னங் த³ஸ்ஸேதுங் பரியாயேன வுத்தங். ட²பெத்வா பன ஸம்பஸாத³னங் நிப்பரியாயேன உபனிஜ்ஜா²னலக்க²ணப்பத்தானங் அங்கா³னங் வஸேன திவங்கி³கமேவ ஏதங் ஹோதி. யதா²ஹ – ‘‘கதமங் தஸ்மிங் ஸமயே திவங்கி³கங் ஜா²னங் ஹோதி, பீதி ஸுக²ங் சித்தஸ்ஸ ஏகக்³க³தா’’தி (த⁴॰ ஸ॰ 161; விப⁴॰ 628). ஸேஸங் பட²மஜ்ஜா²னே வுத்தனயமேவ.
ததியஜ்ஜா²னகதா²
82. ஏவமதி⁴க³தே பன தஸ்மிம்பி வுத்தனயேனேவ பஞ்சஹாகாரேஹி சிண்ணவஸினா ஹுத்வா பகு³ணது³தியஜ்ஜா²னதோ வுட்டா²ய ‘‘அயங் ஸமாபத்தி ஆஸன்னவிதக்கவிசாரபச்சத்தி²கா, ‘யதே³வ தத்த² பீதிக³தங் சேதஸோ உப்பிலாவிதங், ஏதேனேதங்
83. தத்த² பீதியா ச விராகா³தி விராகோ³ நாம வுத்தப்பகாராய பீதியா ஜிகு³ச்ச²னங் வா ஸமதிக்கமோ வா. உபி⁴ன்னங் பன அந்தரா சஸத்³தோ³ ஸம்பிண்ட³னத்தோ², ஸோ வூபஸமங் வா ஸம்பிண்டே³தி விதக்கவிசாரானங் வூபஸமங் வா. தத்த² யதா³ வூபஸமமேவ ஸம்பிண்டே³தி, ததா³ ‘‘பீதியா ச விராகா³ கிஞ்ச பி⁴ய்யோ வூபஸமா சா’’தி ஏவங் யோஜனா வேதி³தப்³பா³. இமிஸ்ஸா ச யோஜனாய விராகோ³ ஜிகு³ச்ச²னத்தோ² ஹோதி, தஸ்மா ‘‘பீதியா ஜிகு³ச்ச²னா ச வூபஸமா சா’’தி அயமத்தோ² த³ட்ட²ப்³போ³. யதா³ பன விதக்கவிசாரவூபஸமங் ஸம்பிண்டே³தி, ததா³ ‘‘பீதியா ச விராகா³, கிஞ்ச பி⁴ய்யோ விதக்கவிசாரானஞ்ச வூபஸமா’’தி ஏவங் யோஜனா வேதி³தப்³பா³. இமிஸ்ஸா ச யோஜனாய விராகோ³ ஸமதிக்கமனத்தோ² ஹோதி, தஸ்மா ‘‘பீதியா ச ஸமதிக்கமா விதக்கவிசாரானஞ்ச வூபஸமா’’தி அயமத்தோ² த³ட்ட²ப்³போ³.
காமஞ்சேதே விதக்கவிசாரா து³தியஜ்ஜா²னேயேவ வூபஸந்தா, இமஸ்ஸ பன ஜா²னஸ்ஸ மக்³க³பரிதீ³பனத்த²ங் வண்ணப⁴ணனத்த²ஞ்சேதங் வுத்தங். விதக்கவிசாரானஞ்ச வூபஸமாதி ஹி வுத்தே இத³ங் பஞ்ஞாயதி, நூன விதக்கவிசாரவூபஸமோ மக்³கோ³ இமஸ்ஸ
84. உபெக்க²கோ ச விஹரதீதி எத்த² உபபத்திதோ இக்க²தீதி உபெக்கா². ஸமங் பஸ்ஸதி, அபக்க²பதிதா ஹுத்வா பஸ்ஸதீதி அத்தோ². தாய விஸதா³ய விபுலாய தா²மக³தாய ஸமன்னாக³தத்தா ததியஜ்ஜா²னஸமங்கீ³ உபெக்க²கோதி வுச்சதி.
உபெக்கா² பன த³ஸவிதா⁴ ஹோதி ச²ளங்கு³பெக்கா², ப்³ரஹ்மவிஹாருபெக்கா², பொ³ஜ்ஜ²ங்கு³பெக்கா², வீரியுபெக்கா², ஸங்கா²ருபெக்கா², வேத³னுபெக்கா², விபஸ்ஸனுபெக்கா², தத்ரமஜ்ஜ²த்துபெக்கா², ஜா²னுபெக்கா², பாரிஸுத்³து⁴பெக்கா²தி.
தத்த² யா ‘‘இத⁴, பி⁴க்க²வே, பி⁴க்கு² சக்கு²னா ரூபங் தி³ஸ்வா நேவ ஸுமனோ ஹோதி, ந து³ம்மனோ, உபெக்க²கோ ச விஹரதி ஸதோ ஸம்பஜானோ’’தி (அ॰ நி॰ 6.1) ஏவமாக³தா கீ²ணாஸவஸ்ஸ ச²ஸு த்³வாரேஸு இட்டா²னிட்ட²ச²ளாரம்மணாபாதே² பரிஸுத்³த⁴பகதிபா⁴வாவிஜஹனாகாரபூ⁴தா உபெக்கா², அயங் ச²ளங்கு³பெக்கா² நாம.
யா பன ‘‘உபெக்கா²ஸஹக³தேன சேதஸா ஏகங் தி³ஸங் ப²ரித்வா விஹரதீ’’தி (தீ³॰ நி॰ 1.556; ம॰ நி॰ 1.77) ஏவமாக³தா ஸத்தேஸு மஜ்ஜ²த்தாகாரபூ⁴தா உபெக்கா², அயங் ப்³ரஹ்மவிஹாருபெக்கா² நாம.
யா ‘‘உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸித’’ந்தி (ம॰ நி॰ 1.27) ஏவமாக³தா ஸஹஜாதத⁴ம்மானங் மஜ்ஜ²த்தாகாரபூ⁴தா உபெக்கா², அயங் பொ³ஜ்ஜ²ங்கு³பெக்கா² நாம.
யா வீரியுபெக்கா² நாம.
யா ‘‘கதி ஸங்கா²ருபெக்கா² ஸமத²வஸேன உப்பஜ்ஜந்தி, கதி ஸங்கா²ருபெக்கா² விபஸ்ஸனாவஸேன உப்பஜ்ஜந்தி ஸங்கா²ருபெக்கா² நாம.
யா பன ‘‘யஸ்மிங் ஸமயே காமாவசரங் குஸலங் சித்தங் உப்பன்னங் ஹோதி உபெக்கா²ஸஹக³த’’ந்தி (த⁴॰ ஸ॰ 150) ஏவமாக³தா அது³க்க²மஸுக²ஸஞ்ஞிதா உபெக்கா², அயங் வேத³னுபெக்கா² நாம.
யா ‘‘யத³த்தி² யங் பூ⁴தங், தங் பஜஹதி, உபெக்க²ங் படிலப⁴தீ’’தி (ம॰ நி॰ 3.71; அ॰ நி॰ 7.55) ஏவமாக³தா விசினநே மஜ்ஜ²த்தபூ⁴தா உபெக்கா², அயங் விபஸ்ஸனுபெக்கா² நாம.
யா பன ச²ந்தா³தீ³ஸு யேவாபனகேஸு ஆக³தா ஸஹஜாதானங் ஸமவாஹிதபூ⁴தா உபெக்கா², அயங் தத்ரமஜ்ஜ²த்துபெக்கா² நாம.
யா ‘‘உபெக்க²கோ ச விஹரதீ’’தி (தீ³॰ நி॰ 1.230; த⁴॰ ஸ॰ 163) ஏவமாக³தா அக்³க³ஸுகே²பி தஸ்மிங் அபக்க²பாதஜனநீ உபெக்கா², அயங் ஜா²னுபெக்கா² நாம.
யா பன ‘‘உபெக்கா²ஸதிபாரிஸுத்³தி⁴ங் சதுத்த²ங் ஜா²ன’’ந்தி (தீ³॰ நி॰ 1.232; த⁴॰ ஸ॰ 165) ஏவமாக³தா ஸப்³ப³பச்சனீகபரிஸுத்³தா⁴ பச்சனீகவூபஸமனேபி அப்³யாபாரபூ⁴தா உபெக்கா², அயங் பாரிஸுத்³து⁴பெக்கா² நாம.
தத்ர ச²ளங்கு³பெக்கா² ச ப்³ரஹ்மவிஹாருபெக்கா² ச பொ³ஜ்ஜ²ங்கு³பெக்கா² ச தத்ரமஜ்ஜ²த்துபெக்கா² ச ஜா²னுபெக்கா² ச பாரிஸுத்³து⁴பெக்கா² ச அத்த²தோ ஏகா, தத்ரமஜ்ஜ²த்துபெக்கா²வ ஹோதி. தேன தேன அவத்தா²பே⁴தே³ன பனஸ்ஸா அயங் பே⁴தோ³. ஏகஸ்ஸாபி ஸதோ ஸத்தஸ்ஸ குமாரயுவதே²ரஸேனாபதிராஜாதி³வஸேன பே⁴தோ³ விய. தஸ்மா தாஸு யத்த² ச²ளங்கு³பெக்கா², ந தத்த² பொ³ஜ்ஜ²ங்கு³பெக்கா²த³யோ. யத்த² வா பன பொ³ஜ்ஜ²ங்கு³பெக்கா², ந தத்த² ச²ளங்கு³பெக்கா²த³யோ ஹொந்தீதி வேதி³தப்³பா³.
யதா² விபஸ்ஸனுபெக்கா² நாம. யதா² பன தஸ்ஸ புரிஸஸ்ஸ அஜபத³த³ண்டே³ன கா³ள்ஹங் ஸப்பங் க³ஹெத்வா ‘‘கிங் தாஹங் இமங் ஸப்பங் அவிஹேடெ²ந்தோ அத்தானஞ்ச இமினா அட³ங்ஸாபெந்தோ முஞ்செய்ய’’ந்தி முஞ்சனாகாரமேவ பரியேஸதோ க³ஹணே மஜ்ஜ²த்ததா ஹோதி. ஏவமேவ யா லக்க²ணத்தயஸ்ஸ தி³ட்ட²த்தா ஆதி³த்தே விய தயோ ப⁴வே பஸ்ஸதோ ஸங்கா²ரக்³க³ஹணே மஜ்ஜ²த்ததா, அயங் ஸங்கா²ருபெக்கா² நாம. இதி விபஸ்ஸனுபெக்கா²ய ஸித்³தா⁴ய ஸங்கா²ருபெக்கா²பி ஸித்³தா⁴வ ஹோதி. இமினா பனேஸா விசினநக்³க³ஹணேஸு மஜ்ஜ²த்தஸங்கா²தேன கிச்சேன த்³விதா⁴ பி⁴ன்னாதி. வீரியுபெக்கா² பன வேத³னுபெக்கா² ச அஞ்ஞமஞ்ஞஞ்ச அவஸேஸாஹி ச அத்த²தோ பி⁴ன்னா ஏவாதி.
இதி இமாஸு உபெக்கா²ஸு ஜா²னுபெக்கா² இதா⁴தி⁴ப்பேதா. ஸா மஜ்ஜ²த்தலக்க²ணா, அனாபோ⁴க³ரஸா, அப்³யாபாரபச்சுபட்டா²னா, பீதிவிராக³பத³ட்டா²னாதி. எத்தா²ஹ, நனு சாயமத்த²தோ தத்ரமஜ்ஜ²த்துபெக்கா²வ ஹோதி, ஸா ச பட²மது³தியஜ்ஜா²னேஸுபி அத்தி². தஸ்மா தத்ராபி உபெக்க²கோ ச விஹரதீதி ஏவமயங் வத்தப்³பா³ ஸியா, ஸா கஸ்மா ந வுத்தாதி. அபரிப்³யத்தகிச்சதோ. அபரிப்³யத்தஞ்ஹி தஸ்ஸா தத்த² கிச்சங் விதக்காதீ³ஹி அபி⁴பூ⁴தத்தா. இத⁴ பனாயங் விதக்கவிசாரபீதீஹி அனபி⁴பூ⁴தத்தா உக்கி²த்தஸிரா விய ஹுத்வா பரிப்³யத்தகிச்சா ஜாதா, தஸ்மா வுத்தாதி.
நிட்டி²தா உபெக்க²கோ ச விஹரதீதி ஏதஸ்ஸ
ஸப்³ப³ஸோ அத்த²வண்ணனா.
85. இதா³னி ஸதோ ச ஸம்பஜானோதி எத்த² ஸரதீதி ஸதோ. ஸம்பஜானாதீதி ஸம்பஜானோ. புக்³க³லேன ஸதி ச ஸம்பஜஞ்ஞஞ்ச வுத்தங். தத்த² ஸரணலக்க²ணா ஸதி, அஸம்முஸ்ஸனரஸா, ஆரக்க²பச்சுபட்டா²னா. அஸம்மோஹலக்க²ணங் ஸம்பஜஞ்ஞங், தீரணரஸங், பவிசயபச்சுபட்டா²னங்.
தத்த²
இதா³னி ஸுக²ஞ்ச காயேன படிஸங்வேதே³தீதி எத்த² கிஞ்சாபி ததியஜ்ஜா²னஸமங்கி³னோ ஸுக²படிஸங்வேத³னாபோ⁴கோ³ நத்தி². ஏவங் ஸந்தேபி யஸ்மா தஸ்ஸ நாமகாயேன ஸம்பயுத்தங் ஸுக²ங். யங் வா தங் நாமகாயஸம்பயுத்தங் ஸுக²ங், தங்ஸமுட்டா²னேனஸ்ஸ யஸ்மா அதிபணீதேன ரூபேன ரூபகாயோ பு²டோ, யஸ்ஸ பு²டத்தா ஜா²னா வுட்டி²தோபி ஸுக²ங் படிஸங்வேதெ³ய்ய. தஸ்மா ஏதமத்த²ங் த³ஸ்ஸெந்தோ ஸுக²ஞ்ச காயேன படிஸங்வேதே³தீதி ஆஹ.
86. இதா³னி யங் தங் அரியா ஆசிக்க²ந்தி உபெக்க²கோ ஸதிமா ஸுக²விஹாரீதி எத்த² யங்ஜா²னஹேது யங்ஜா²னகாரணா தங் ததியஜ்ஜா²னஸமங்கி³புக்³க³லங் பு³த்³தா⁴த³யோ அரியா ஆசிக்க²ந்தி தே³ஸெந்தி பஞ்ஞபெந்தி பட்ட²பெந்தி விவரந்தி விப⁴ஜந்தி உத்தானீகரொந்தி பகாஸெந்தி, பஸங்ஸந்தீதி அதி⁴ப்பாயோ. கிந்தி? உபெக்க²கோ ஸதிமா ஸுக²விஹாரீதி. தங் ததியங் ஜா²னங் உபஸம்பஜ்ஜ விஹரதீதி ஏவமெத்த² யோஜனா வேதி³தப்³பா³.
கஸ்மா பன தங் தே ஏவங் பஸங்ஸந்தீதி? பஸங்ஸாரஹதோ. அயஞ்ஹி யஸ்மா அதிமது⁴ரஸுகே² ஸுக²பாரமிப்பத்தேபி ததியஜ்ஜா²னே உபெக்க²கோ, ந தத்த² ஸுகா²பி⁴ஸங்கே³ன ஆகட்³டி⁴யதி. யதா² ச பீதி ந உப்பஜ்ஜதி, ஏவங் உபட்டி²தஸதிதாய ஸதிமா. யஸ்மா ச அரியகந்தங் அரியஜனஸேவிதமேவ ச அஸங்கிலிட்ட²ங் ஸுக²ங் நாமகாயேன படிஸங்வேதே³தி, தஸ்மா பஸங்ஸாரஹோ ஹோதி
ததியந்தி க³ணனானுபுப்³ப³தா ததியங், இத³ங் ததியங் ஸமாபஜ்ஜதீதிபி ததியங். யங் பன வுத்தங் ‘‘ஏகங்க³விப்பஹீனங் து³வங்க³ஸமன்னாக³த’’ந்தி, எத்த² பீதியா பஹானவஸேன ஏகங்க³விப்பஹீனதா வேதி³தப்³பா³
சதுத்த²ஜ்ஜா²னகதா²
87. ஏவமதி⁴க³தே பன தஸ்மிங்பி வுத்தனயேனேவ பஞ்சஹாகாரேஹி சிண்ணவஸினா ஹுத்வா பகு³ணததியஜ்ஜா²னதோ வுட்டா²ய ‘‘அயங் ஸமாபத்தி ஆஸன்னபீதிபச்சத்தி²கா, ‘யதே³வ தத்த² ஸுக²மிதி சேதஸோ ஆபோ⁴கோ³, ஏதேனேதங் ஓளாரிகங் அக்கா²யதீ’தி (தீ³॰ நி॰ 1.96) ஏவங் வுத்தஸ்ஸ ஸுக²ஸ்ஸ ஓளாரிகத்தா அங்க³து³ப்³ப³லா’’தி ச தத்த² தோ³ஸங் தி³ஸ்வா சதுத்த²ங் ஜா²னங் ஸந்ததோ மனஸிகத்வா ததியஜ்ஜா²னே நிகந்திங் பரியாதா³ய சதுத்தா²தி⁴க³மாய யோகோ³ காதப்³போ³. அத²ஸ்ஸ யதா³ ததியஜ்ஜா²னதோ வுட்டா²ய ஸதஸ்ஸ ஸம்பஜானஸ்ஸ ஜா²னங்கா³னி பச்சவெக்க²தோ சேதஸிகஸோமனஸ்ஸஸங்கா²தங் ஸுக²ங் ஓளாரிகதோ உபட்டா²தி, உபெக்கா²வேத³னா சேவ சித்தேகக்³க³தா ச ஸந்ததோ உபட்டா²தி, ததா³ஸ்ஸ ஓளாரிகங்க³ப்பஹானாய ஸந்தஅங்க³படிலாபா⁴ய ச ததே³வ நிமித்தங் ‘‘பத²வீ பத²வீ’’தி புனப்புனங் மனஸிகரோதோ ‘‘இதா³னி சதுத்த²ங் ஜா²னங் உப்பஜ்ஜிஸ்ஸதீ’’தி ப⁴வங்க³ங் உபச்சி²ந்தி³த்வா ததே³வ பத²வீகஸிணங் ஆரம்மணங் கத்வா மனொத்³வாராவஜ்ஜனங் உப்பஜ்ஜதி. ததோ தஸ்மிங்யேவாரம்மணே சத்தாரி பஞ்ச வா ஜவனானி உப்பஜ்ஜந்தி
88. தத்த² ஸுக²ஸ்ஸ ச பஹானா து³க்க²ஸ்ஸ ச பஹானாதி காயிகஸுக²ஸ்ஸ ச காயிகது³க்க²ஸ்ஸ ச பஹானா. புப்³பே³வாதி தஞ்ச கோ² புப்³பே³வ, ந சதுத்த²ஜ்ஜா²னக்க²ணே. ஸோமனஸ்ஸதோ³மனஸ்ஸானங் அத்த²ங்க³மாதி சேதஸிகஸுக²ஸ்ஸ ச சேதஸிகது³க்க²ஸ்ஸ சாதி இமேஸம்பி த்³வின்னங் புப்³பே³வ அத்த²ங்க³மா, பஹானா இச்சேவ வுத்தங் ஹோதி.
கதா³ பன நேஸங் பஹானங் ஹோதீதி. சதுன்னங் ஜா²னானங் உபசாரக்க²ணே. ஸோமனஸ்ஸஞ்ஹி சதுத்த²ஜ்ஜா²னஸ்ஸ உபசாரக்க²ணேயேவ பஹீயதி. து³க்க²தோ³மனஸ்ஸஸுகா²னி பட²மது³தியததியஜ்ஜா²னானங் உபசாரக்க²ணேஸு. ஏவமேதேஸங் பஹானக்கமேன அவுத்தானம்பி இந்த்³ரியவிப⁴ங்கே³ பன இந்த்³ரியானங் உத்³தே³ஸக்கமேனேவ இதா⁴பி வுத்தானங் ஸுக²து³க்க²ஸோமனஸ்ஸதோ³மனஸ்ஸானங் பஹானங் வேதி³தப்³ப³ங்.
யதி³ பனேதானி தஸ்ஸ தஸ்ஸ ஜா²னஸ்ஸ உபசாரக்க²ணேயேவ பஹீயந்தி, அத² கஸ்மா ‘‘கத்த² சுப்பன்னங் து³க்கி²ந்த்³ரியங் அபரிஸேஸங் நிருஜ்ஜ²தி, இத⁴, பி⁴க்க²வே, பி⁴க்கு² விவிச்சேவ காமேஹிபி…பே॰… பட²மங் ஜா²னங் உபஸம்பஜ்ஜ விஹரதி. எத்த² சுப்பன்னங் து³க்கி²ந்த்³ரியங் அபரிஸேஸங் நிருஜ்ஜ²தி. கத்த² சுப்பன்னங் தோ³மனஸ்ஸிந்த்³ரியங் ஸுகி²ந்த்³ரியங் ஸோமனஸ்ஸிந்த்³ரியங் அபரிஸேஸங் நிருஜ்ஜ²தி, இத⁴, பி⁴க்க²வே, பி⁴க்கு² ஸுக²ஸ்ஸ ச பஹானா…பே॰… சதுத்த²ங் ஜா²னங் உபஸம்பஜ்ஜ விஹரதி, எத்த² சுப்பன்னங் ஸோமனஸ்ஸிந்த்³ரியங் அபரிஸேஸங் நிருஜ்ஜ²தீ’’தி (ஸங்॰ நி॰ 5.510) ஏவங் ஜா²னெஸ்வேவ நிரோதோ⁴ வுத்தோதி? அதிஸயனிரோத⁴த்தா. அதிஸயனிரோதோ⁴ ஹி நேஸங் பட²மஜ்ஜா²னாதீ³ஸு, ந நிரோதோ⁴யேவ. நிரோதோ⁴யேவ பன உபசாரக்க²ணே, நாதிஸயனிரோதோ⁴.
ததா²
எத்தா²ஹ ‘‘அதே²வங் தஸ்ஸ தஸ்ஸ ஜா²னஸ்ஸுபசாரே பஹீனாபி ஏதா வேத³னா இத⁴ கஸ்மா ஸமாஹடா’’தி? ஸுக²க்³க³ஹணத்த²ங். யா ஹி அயங் அது³க்க²மஸுக²ந்தி எத்த² அது³க்க²மஸுகா² வேத³னா வுத்தா, ஸா ஸுகு²மா து³விஞ்ஞெய்யா ந ஸக்கா ஸுகே²ன க³ஹேதுங், தஸ்மா யதா² நாம து³ட்ட²ஸ்ஸ யதா² வா ததா² வா உபஸங்கமித்வா க³ஹேதுங் அஸக்குணெய்யஸ்ஸ கோ³ணஸ்ஸ ஸுக²க்³க³ஹணத்த²ங் கோ³போ ஏகஸ்மிங் வஜே ஸப்³பா³ கா³வோ ஸமாஹரதி, அதே²கேகங் நீஹரந்தோ படிபாடியா ஆக³தங் ‘‘அயங் ஸோ க³ண்ஹத² ந’’ந்தி தம்பி கா³ஹயதி, ஏவமேவ ப⁴க³வா ஸுக²க்³க³ஹணத்த²ங் ஸப்³பா³ ஏதா ஸமாஹரி. ஏவஞ்ஹி ஸமாஹடா ஏதா த³ஸ்ஸெத்வா யங் நேவ ஸுக²ங் ந து³க்க²ங் ந ஸோமனஸ்ஸங் ந தோ³மனஸ்ஸங், அயங் அது³க்க²மஸுகா² வேத³னாதி ஸக்கா ஹோதி ஏஸா கா³ஹயிதுங்.
அபிச அது³க்க²மஸுகா²ய சேதோவிமுத்தியா பச்சயத³ஸ்ஸனத்த²ஞ்சாபி ஏதா வுத்தாதி வேதி³தப்³பா³. து³க்க²ப்பஹானாத³யோ ஹி தஸ்ஸா பச்சயா. யதா²ஹ – ‘‘சத்தாரோ
யதா² வா அஞ்ஞத்த² பஹீனாபி ஸக்காயதி³ட்டி²ஆத³யோ ததியமக்³க³ஸ்ஸ வண்ணப⁴ணனத்த²ங் தத்த² பஹீனாதி வுத்தா, ஏவங் வண்ணப⁴ணனத்த²ம்பேதஸ்ஸ ஜா²னஸ்ஸேதா இத⁴ வுத்தாதிபி வேதி³தப்³பா³.
பச்சயகா⁴தேன வா எத்த² ராக³தோ³ஸானமதிதூ³ரபா⁴வங் த³ஸ்ஸேதும்பேதா வுத்தாதி வேதி³தப்³பா³. ஏதாஸு ஹி ஸுக²ங் ஸோமனஸ்ஸஸ்ஸ பச்சயோ, ஸோமனஸ்ஸங் ராக³ஸ்ஸ. து³க்க²ங் தோ³மனஸ்ஸஸ்ஸ பச்சயோ, தோ³மனஸ்ஸங் தோ³ஸஸ்ஸ. ஸுகா²தி³கா⁴தேன சஸ்ஸ ஸப்பச்சயா ராக³தோ³ஸா ஹதாதி அதிதூ³ரே ஹொந்தீதி.
அது³க்க²மஸுக²ந்தி து³க்கா²பா⁴வேன அது³க்க²ங். ஸுகா²பா⁴வேன அஸுக²ங். ஏதேனெத்த² து³க்க²ஸுக²படிபக்க²பூ⁴தங் ததியவேத³னங் தீ³பேதி, ந து³க்க²ஸுகா²பா⁴வமத்தங். ததியவேத³னா நாம அது³க்க²மஸுகா²
89. உபெக்கா²ஸதிபாரிஸுத்³தி⁴ந்தி உபெக்கா²ய ஜனிதஸதியா பாரிஸுத்³தி⁴ங். இமஸ்மிஞ்ஹி ஜா²னே ஸுபரிஸுத்³தா⁴ ஸதி, யா ச தஸ்ஸா ஸதியா பாரிஸுத்³தி⁴, ஸா உபெக்கா²ய கதா, ந அஞ்ஞேன. தஸ்மா ஏதங் ‘‘உபெக்கா²ஸதிபாரிஸுத்³தி⁴’’ந்தி வுச்சதி. விப⁴ங்கே³பி வுத்தங் ‘‘அயங் ஸதி இமாய உபெக்கா²ய விஸதா³ ஹோதி பரிஸுத்³தா⁴ பரியோதா³தா. தேன வுச்சதி உபெக்கா²ஸதிபாரிஸுத்³தீ⁴’’தி (விப⁴॰ 597). யாய ச உபெக்கா²ய எத்த² ஸதியா பாரிஸுத்³தி⁴ ஹோதி, ஸா அத்த²தோ தத்ரமஜ்ஜ²த்ததாதிவேதி³தப்³பா³. ந கேவலஞ்செத்த² தாய ஸதியேவ பரிஸுத்³தா⁴, அபிச கோ² ஸப்³பே³பி ஸம்பயுத்தத⁴ம்மா, ஸதிஸீஸேன பன தே³ஸனா வுத்தா.
தத்த² கிஞ்சாபி அயங் உபெக்கா² ஹெட்டா²பி தீஸு ஜா²னேஸு விஜ்ஜதி. யதா² பன தி³வா ஸூரியப்பபா⁴பி⁴ப⁴வா ஸொம்மபா⁴வேன ச அத்தனோ உபகாரகத்தேன வா
சதுத்த²ந்தி க³ணனானுபுப்³ப³தா சதுத்த²ங். இத³ங் சதுத்த²ங் ஸமாபஜ்ஜதீதிபி சதுத்த²ங். யங் பன வுத்தங் ‘‘ஏகங்க³விப்பஹீனங் து³வங்க³ஸமன்னாக³த’’ந்தி, தத்த² ஸோமனஸ்ஸஸ்ஸ பஹானவஸேன ஏகங்க³விப்பஹீனதா வேதி³தப்³பா³. தஞ்ச பன ஸோமனஸ்ஸங் ஏகவீதி²யங் புரிமஜவனேஸுயேவ பஹீயதி. தேனஸ்ஸ தங் பஹானங்க³ந்தி வுச்சதி. உபெக்கா²வேத³னா சித்தஸ்ஸேகக்³க³தாதி இமேஸங் பன த்³வின்னங் உப்பத்திவஸேன து³வங்க³ஸமன்னாக³ததா வேதி³தப்³பா³. ஸேஸங் பட²மஜ்ஜா²னே வுத்தனயமேவ. ஏஸ தாவ சதுக்கஜ்ஜா²னே நயோ.
பஞ்சகஜ்ஜா²னகதா²
90. பஞ்சகஜ்ஜா²னங்
ஏவமதி⁴க³தே
இதி யங் சதுக்கனயே து³தியங், தங் த்³விதா⁴ பி⁴ந்தி³த்வா பஞ்சகனயே து³தியஞ்சேவ ததியஞ்ச ஹோதி. யானி ச தத்த² ததியசதுத்தா²னி, தானி ச சதுத்த²பஞ்சமானி ஹொந்தி. பட²மங் பட²மமேவாதி.
இதி ஸாது⁴ஜனபாமோஜ்ஜத்தா²ய கதே விஸுத்³தி⁴மக்³கே³
ஸமாதி⁴பா⁴வனாதி⁴காரே
பத²வீகஸிணனித்³தே³ஸோ நாம
சதுத்தோ² பரிச்சே²தோ³.