22. ஞாணத³ஸ்ஸனவிஸுத்³தி⁴னித்³தே³ஸோ
பட²மமக்³க³ஞாணகதா²
806. இதோ
தத்த² பட²மமக்³க³ஞாணங் தாவ ஸம்பாதே³துகாமேன அஞ்ஞங் கிஞ்சி காதப்³ப³ங் நாம நத்தி². யஞ்ஹி அனேன காதப்³ப³ங் ஸியா, தங் அனுலோமாவஸானங் விபஸ்ஸனங் உப்பாதெ³ந்தேன கதமேவ. ஏவங் உப்பன்னஅனுலோமஞாணஸ்ஸ பனஸ்ஸ தேஹி தீஹிபி அனுலோமஞாணேஹி அத்தனோ ப³லானுரூபேன தூ²லதூ²லே ஸச்சபடிச்சா²த³கே தமம்ஹி அந்தரதா⁴பிதே ஸப்³ப³ஸங்கா²ரக³தேஸு சித்தங் ந பக்க²ந்த³தி, ந ஸந்திட்ட²தி, நாதி⁴முச்சதி, ந ஸஜ்ஜதி, ந லக்³க³தி, ந ப³ஜ்ஜ²தி. பது³மபலாஸதோ உத³கங் விய பதிலீயதி பதிகுடதி பதிவத்ததி. ஸப்³ப³ங் நிமித்தாரம்மணம்பி ஸப்³ப³ங் பவத்தாரம்மணம்பி பலிபோ³த⁴தோ உபட்டா²தி. அத²ஸ்ஸ ஸப்³ப³ஸ்மிங் நிமித்தபவத்தாரம்மணே பலிபோ³த⁴தோ உபட்டி²தே அனுலோமஞாணஸ்ஸ ஆஸேவனந்தே அனிமித்தங் அப்பவத்தங் விஸங்கா²ரங் நிரோத⁴ங் நிப்³பா³னங் ஆரம்மணங் குருமானங் புது²ஜ்ஜனகொ³த்தங் புது²ஜ்ஜனஸங்க²ங் புது²ஜ்ஜனபூ⁴மிங் அதிக்கமமானங் அரியகொ³த்தங் அரியஸங்க²ங் அரியபூ⁴மிங் ஓக்கமமானங் நிப்³பா³னாரம்மணே பட²மாவட்டனபட²மாபோ⁴க³பட²மஸமன்னாஹாரபூ⁴தங் மக்³க³ஸ்ஸ அனந்தரஸமனந்தராஸேவனஉபனிஸ்ஸயனத்தி²விக³தவஸேன ச²ஹி ஆகாரேஹி பச்சயபா⁴வங் ஸாத⁴யமானங் ஸிகா²ப்பத்தங் விபஸ்ஸனாய முத்³த⁴பூ⁴தங் அபுனராவட்டகங் உப்பஜ்ஜதி கொ³த்ரபு⁴ஞாணங்.
யங் ஸந்தா⁴ய வுத்தங் –
‘‘கத²ங்
807. தத்ராயங் ஏகாவஜ்ஜனேன ஏகவீதி²யங் பவத்தமானானம்பி அனுலோமகொ³த்ரபூ⁴னங் நானாரம்மணே பவத்தனாகாரதீ³பிகா உபமா – யதா² ஹி மஹாமாதிகங் லங்கி⁴த்வா பரதீரே பதிட்டா²துகாமோ புரிஸோ வேகே³ன தா⁴வித்வா மாதிகாய ஓரிமதீரே ருக்க²ஸாகா²ய ப³ந்தி⁴த்வா ஓலம்பி³தங் ரஜ்ஜுங் வா யட்டி²ங் வா க³ஹெத்வா உல்லங்கி⁴த்வா பரதீரனின்னபோணபப்³பா⁴ரகாயோ ஹுத்வா பரதீரஸ்ஸ உபரிபா⁴க³ங் பத்தோ தங் முஞ்சித்வா வேத⁴மானோ பரதீரே பதித்வா ஸணிகங் பதிட்டா²தி, ஏவமேவாயங் யோகா³வசரோபி ப⁴வயோனிக³திட்டி²தினிவாஸானங் பரதீரபூ⁴தே நிப்³பா³னே பதிட்டா²துகாமோ உத³யப்³ப³யானுபஸ்ஸனாதி³னா வேகே³ன தா⁴வித்வா அத்தபா⁴வருக்க²ஸாகா²ய ப³ந்தி⁴த்வா ஓலம்பி³தங் ரூபரஜ்ஜுங் வா வேத³னாதீ³ஸு அஞ்ஞதரத³ண்ட³ங் வா அனிச்சந்தி வா து³க்க²ந்தி வா அனத்தாதி வாதி அனுலோமாவஜ்ஜனேன க³ஹெத்வா தங் அமுஞ்சமானோவ பட²மேன அனுலோமசித்தேன உல்லங்கி⁴த்வா து³தியேன பரதீரனின்னபோணபப்³பா⁴ரகாயோ விய நிப்³பா³னநின்னபோணபப்³பா⁴ரமானஸோ ஹுத்வா ததியேன பரதீரஸ்ஸ உபரிபா⁴க³ங் பத்தோ விய இதா³னி பத்தப்³ப³ஸ்ஸ நிப்³பா³னஸ்ஸ ஆஸன்னோ ஹுத்வா தஸ்ஸ சித்தஸ்ஸ நிரோதே⁴ன தங் ஸங்கா²ராரம்மணங் முஞ்சித்வா கொ³த்ரபு⁴சித்தேன விஸங்கா²ரே பரதீரபூ⁴தே நிப்³பா³னே பததி. ஏகாரம்மணே பன அலத்³தா⁴ஸேவனதாய வேத⁴மானோ ஸோ புரிஸோ விய ந தாவ ஸுப்பதிட்டி²தோ ஹோதி, ததோ மக்³க³ஞாணேன பதிட்டா²தீதி.
808. தத்த² அனுலோமங் ஸச்சபடிச்சா²த³கங் கிலேஸதமங் வினோதே³துங் ஸக்கோதி, ந நிப்³பா³னமாரம்மணங் காதுங். கொ³த்ரபு⁴ நிப்³பா³னமேவ ஆரம்மணங் காதுங் ஸக்கோதி, ந ஸச்சபடிச்சா²த³கங் தமங் வினோதே³துங். தத்ராயங் உபமா – ஏகோ கிர சக்கு²மா புரிஸோ ‘‘நக்க²த்தயோக³ங் ஜானிஸ்ஸாமீ’’தி ரத்திபா⁴கே³ நிக்க²மித்வா சந்த³ங் பஸ்ஸிதுங் உத்³த⁴ங் உல்லோகேஸி, தஸ்ஸ வலாஹகேஹி படிச்ச²ன்னத்தா சந்தோ³ ந பஞ்ஞாயித்த². அதே²கோ வாதோ உட்ட²ஹித்வா தூ²லதூ²லே வலாஹகே வித்³த⁴ங்ஸேதி. அபரோ மஜ்ஜி²மே, அபரோ ஸுகு²மேதி. ததோ ஸோ புரிஸோ விக³தவலாஹகே நபே⁴ சந்த³ங் தி³ஸ்வா நக்க²த்தயோக³ங் அஞ்ஞாஸி.
தத்த²
யதே²வ ஹி தயோ வாதா சந்த³படிச்சா²த³கே வலாஹகேயேவ வித்³த⁴ங்ஸேதுங் ஸக்கொந்தி, ந சந்த³ங் த³ட்டு²ங், ஏவங் அனுலோமானி ஸச்சபடிச்சா²த³கங் தமஞ்ஞேவ வினோதே³துங் ஸக்கொந்தி, ந நிப்³பா³னங் த³ட்டு²ங். யதா² ஸோ புரிஸோ சந்த³மேவ த³ட்டு²ங் ஸக்கோதி, ந வலாஹகே வித்³த⁴ங்ஸேதுங், ஏவங் கொ³த்ரபு⁴ஞாணங் நிப்³பா³னமேவ த³ட்டு²ங் ஸக்கோதி, ந கிலேஸதமங் வினோதே³துங். தேனேவ சேதங் மக்³க³ஸ்ஸ ஆவஜ்ஜனந்தி வுச்சதி. தஞ்ஹி அனாவஜ்ஜனம்பி ஸமானங் ஆவஜ்ஜனட்டா²னே ட²த்வா ‘‘ஏவங் நிப்³ப³த்தாஹீ’’தி மக்³க³ஸ்ஸ ஸஞ்ஞங் த³த்வா விய நிருஜ்ஜ²தி. மக்³கோ³பி தேன தி³ன்னஸஞ்ஞங் அமுஞ்சித்வாவ அவீசிஸந்ததிவஸேன தங் ஞாணங் அனுப்பப³ந்த⁴மானோ அனிப்³பி³த்³த⁴புப்³ப³ங் அபதா³லிதபுப்³ப³ங் லோப⁴க்க²ந்த⁴ங் தோ³ஸக்க²ந்த⁴ங் மோஹக்க²ந்த⁴ங் நிப்³பி³ஜ்ஜ²மானோவ பதா³லயமானோவ நிப்³ப³த்ததி.
809. தத்ராயங் உபமா – ஏகோ கிர இஸ்ஸாஸோ அட்ட²உஸப⁴மத்தே பதே³ஸே ப²லகஸதங் ட²பாபெத்வா வத்தே²ன முக²ங் வேடெ²த்வா ஸரங் ஸன்னஹித்வா சக்கயந்தே அட்டா²ஸி. அஞ்ஞோ புரிஸோ சக்கயந்தங் ஆவிஜ்ஜி²த்வா யதா³ இஸ்ஸாஸஸ்ஸ ப²லகங் அபி⁴முக²ங் ஹோதி, ததா³ தத்த² த³ண்ட³கேன ஸஞ்ஞங் தே³தி. இஸ்ஸாஸோ த³ண்ட³கஸஞ்ஞங் அமுஞ்சித்வாவ ஸரங் கி²பித்வா ப²லகஸதங் நிப்³பி³ஜ்ஜ²தி. தத்த² த³ண்ட³கஸஞ்ஞங் விய கொ³த்ரபு⁴ஞாணங், இஸ்ஸாஸோ விய மக்³க³ஞாணங். இஸ்ஸாஸஸ்ஸ த³ண்ட³கஸஞ்ஞங் அமுஞ்சித்வாவ ப²லகஸதனிப்³பி³ஜ்ஜ²னங் விய மக்³க³ஞாணஸ்ஸ கொ³த்ரபு⁴ஞாணேன தி³ன்னஸஞ்ஞங் அமுஞ்சித்வாவ நிப்³பா³னங் ஆரம்மணங் கத்வா அனிப்³பி³த்³த⁴புப்³பா³னங் அபதா³லிதபுப்³பா³னங் லோப⁴தோ³ஸமோஹக்க²ந்தா⁴னங் நிப்³பி³ஜ்ஜ²னபதா³லனங்.
810. ந கேவலஞ்சேஸ மக்³கோ³ லோப⁴க்க²ந்தா⁴தீ³னங் நிப்³பி³ஜ்ஜ²னமேவ கரோதி, அபிச கோ² அனமதக்³க³ஸங்ஸாரவட்டது³க்க²ஸமுத்³த³ங் ஸோஸேதி, ஸப்³ப³அபாயத்³வாரானி பித³ஹதி, ஸத்தன்னங் அரியத⁴னானங் ஸம்முகீ²பா⁴வங் கரோதி, அட்ட²ங்கி³கங் மிச்சா²மக்³க³ங் பஜஹதி, ஸப்³ப³வேரப⁴யானி வூபஸமேதி, ஸம்மாஸம்பு³த்³த⁴ஸ்ஸ ஓரஸபுத்தபா⁴வங் உபனேதி
பட²மமக்³க³ஞாணங் நிட்டி²தங்.
ஸோதாபன்னபுக்³க³லகதா²
811. இமஸ்ஸ பன ஞாணஸ்ஸ அனந்தரங் தஸ்ஸேவ விபாகபூ⁴தானி த்³வே தீணி வா ப²லசித்தானி உப்பஜ்ஜந்தி. அனந்தரவிபாகத்தாயேவ ஹி லோகுத்தரகுஸலானங் ‘‘ஸமாதி⁴மானந்தரிகஞ்ஞமாஹூ’’தி (கு²॰ பா॰ 6.5) ச ‘‘த³ந்த⁴ங் ஆனந்தரிகங் பாபுணாதி ஆஸவானங் க²யாயா’’தி (அ॰ நி॰ 4.162) ச ஆதி³ வுத்தங். கேசி பன ஏகங் த்³வே தீணி சத்தாரி வா ப²லசித்தானீதி வத³ந்தி, தங் ந க³ஹேதப்³ப³ங்.
அனுலோமஸ்ஸ ஹி ஆஸேவனந்தே கொ³த்ரபு⁴ஞாணங் உப்பஜ்ஜதி. தஸ்மா ஸப்³ப³ந்திமேன பரிச்சே²தே³ன த்³வீஹி அனுலோமசித்தேஹி ப⁴விதப்³ப³ங். ந ஹி ஏகங் ஆஸேவனபச்சயங் லப⁴தி, ஸத்தசித்தபரமா ச ஏகாவஜ்ஜனவீதி². தஸ்மா யஸ்ஸ த்³வே அனுலோமானி, தஸ்ஸ ததியங் கொ³த்ரபு⁴ சதுத்த²ங் மக்³க³சித்தங் தீணி ப²லசித்தானி ஹொந்தி. யஸ்ஸ தீணி அனுலோமானி, தஸ்ஸ சதுத்த²ங் கொ³த்ரபு⁴ பஞ்சமங் மக்³க³சித்தங் த்³வே ப²லசித்தானி ஹொந்தி. தேன வுத்தங் ‘‘த்³வே தீணி வா ப²லசித்தானி உப்பஜ்ஜந்தீ’’தி.
கேசி பன யஸ்ஸ சத்தாரி அனுலோமானி, தஸ்ஸ பஞ்சமங் கொ³த்ரபு⁴ ச²ட்ட²ங் மக்³க³சித்தங் ஏகங் ப²லசித்தந்தி வத³ந்தி, தங் பன யஸ்மா சதுத்த²ங் பஞ்சமங் வா அப்பேதி, ந ததோ பரங் ஆஸன்னப⁴வங்க³த்தாதி படிக்கி²த்தங். தஸ்மா ந ஸாரதோ பச்சேதப்³ப³ங்.
812. எத்தாவதா ச பனேஸ ஸோதாபன்னோ நாம து³தியோ அரியபுக்³க³லோ ஹோதி. பு⁴ஸங் பமத்தோபி ஹுத்வா ஸத்தக்க²த்துங் தே³வேஸு ச மனுஸ்ஸேஸு ச ஸந்தா⁴வித்வா ஸங்ஸரித்வா து³க்க²ஸ்ஸந்தஸ்ஸ கரணஸமத்தோ² ஹோதி. ப²லபரியோஸானே பனஸ்ஸ சித்தங் ப⁴வங்க³ங் ஓதரதி, ததோ ப⁴வங்க³ங் உபச்சி²ந்தி³த்வா மக்³க³பச்சவெக்க²ணத்தா²ய உப்பஜ்ஜதி மனொத்³வாராவஜ்ஜனங், தஸ்மிங் நிருத்³தே⁴ படிபாடியா ஸத்த மக்³க³பச்சவெக்க²ணஜவனானீதி. புன ப⁴வங்க³ங் ஓதரித்வா தேனேவ நயேன
ஸோ ஹி ‘‘இமினா வதாஹங் மக்³கே³ன ஆக³தோ’’தி மக்³க³ங் பச்சவெக்க²தி, ததோ ‘‘அயங் மே ஆனிஸங்ஸோ லத்³தோ⁴’’தி ப²லங் பச்சவெக்க²தி. ததோ ‘‘இமே நாம மே கிலேஸா பஹீனா’’தி பஹீனகிலேஸே பச்சவெக்க²தி. ததோ ‘‘இமே நாம மே கிலேஸா அவஸிட்டா²’’தி உபரிமக்³க³த்தயவஜ்ஜே² கிலேஸே பச்சவெக்க²தி. அவஸானே ச ‘‘அயங் மே த⁴ம்மோ ஆரம்மணதோ படிவித்³தோ⁴’’தி அமதங் நிப்³பா³னங் பச்சவெக்க²தி. இதி ஸோதாபன்னஸ்ஸ அரியஸாவகஸ்ஸ பஞ்ச பச்சவெக்க²ணானி ஹொந்தி. யதா² ச ஸோதாபன்னஸ்ஸ, ஏவங் ஸகதா³கா³மிஅனாகா³மீனம்பி. அரஹதோ பன அவஸிட்ட²கிலேஸபச்சவெக்க²ணங் நாம நத்தீ²தி. ஏவங் ஸப்³பா³னிபி ஏகூனவீஸதி பச்சவெக்க²ணானி நாம.
உக்கட்ட²பரிச்சே²தோ³யேவ சேஸோ. பஹீனாவஸிட்ட²கிலேஸபச்சவெக்க²ணஞ்ஹி ஸெக்கா²னம்பி ஹோதி வா ந வா. தஸ்ஸ ஹி பச்சவெக்க²ணஸ்ஸ அபா⁴வேனேவ மஹானாமோ ப⁴க³வந்தங் புச்சி² ‘‘கோஸு நாம மே த⁴ம்மோ அஜ்ஜ²த்தங் அப்பஹீனோ, யேன மே ஏகதா³ லோப⁴த⁴ம்மாபி சித்தங் பரியாதா³ய திட்ட²ந்தீ’’தி (ம॰ நி॰ 1.175) ஸப்³ப³ங் வித்தா²ரதோ வேதி³தப்³ப³ங்.
து³தியமக்³க³ஞாணகதா²
813. ஏவங் பச்சவெக்கி²த்வா பன ஸோ ஸோதாபன்னோ அரியஸாவகோ தஸ்மிஞ்ஞேவ வா ஆஸனே நிஸின்னோ, அபரேன வா ஸமயேன காமராக³ப்³யாபாதா³னங் தனுபா⁴வாய து³தியாய பூ⁴மியா பத்தியா யோக³ங் கரோதி. ஸோ இந்த்³ரியப³லபொ³ஜ்ஜ²ங்கா³னி ஸமோதா⁴னெத்வா ததே³வ ரூபவேத³னாஸஞ்ஞாஸங்கா²ரவிஞ்ஞாணபே⁴த³ங் ஸங்கா²ரக³தங் அனிச்சங் து³க்க²மனத்தாதி ஞாணேன பரிமத்³த³தி, பரிவத்தேதி, விபஸ்ஸனாவீதி²ங் ஓகா³ஹதி. தஸ்ஸேவங் படிபன்னஸ்ஸ வுத்தனயேனேவ ஸங்கா²ருபெக்கா²வஸானே ஏகாவஜ்ஜனேன அனுலோமகொ³த்ரபு⁴ஞாணேஸு உப்பன்னேஸு கொ³த்ரபு⁴அனந்தரங் ஸகதா³கா³மிமக்³கோ³ உப்பஜ்ஜதி. தேன ஸம்பயுத்தங் ஞாணங் ஸகதா³கா³மிமக்³கே³ ஞாணந்தி.
து³தியஞாணங் நிட்டி²தங்.
ததியமக்³க³ஞாணகதா²
814. இமஸ்ஸாபி ஸகதா³கா³மீ நாம சதுத்தோ² அரியபுக்³க³லோ ஹோதி ஸகிங்தே³வ இமங் லோகங் ஆக³ந்த்வா து³க்க²ஸ்ஸந்தகரணஸமத்தோ². ததோ பரங் பச்சவெக்க²ணங் வுத்தனயமேவ.
ஏவங் பச்சவெக்கி²த்வா ச ஸோ ஸகதா³கா³மீ அரியஸாவகோ தஸ்மிஞ்ஞேவ வா ஆஸனே நிஸின்னோ அபரேன வா ஸமயேன காமராக³ப்³யாபாதா³னங் அனவஸேஸப்பஹானாய ததியாய பூ⁴மியா பத்தியா யோக³ங் கரோதி, ஸோ இந்த்³ரியப³லபொ³ஜ்ஜ²ங்கா³னி ஸமோதா⁴னெத்வா ததே³வ ஸங்கா²ரக³தங் அனிச்சங் து³க்க²மனத்தாதி ஞாணேன பரிமத்³த³தி, பரிவத்தேதி, விபஸ்ஸனாவீதி²ங் ஓகா³ஹதி. தஸ்ஸேவங் படிபன்னஸ்ஸ வுத்தனயேனேவ ஸங்கா²ருபெக்கா²வஸானே ஏகாவஜ்ஜனேன அனுலோமகொ³த்ரபு⁴ஞாணேஸு உப்பன்னேஸு கொ³த்ரபு⁴அனந்தரங் அனாகா³மிமக்³கோ³ உப்பஜ்ஜதி, தேன ஸம்பயுத்தங் ஞாணங் அனாகா³மிமக்³கே³ ஞாணந்தி.
ததியஞாணங் நிட்டி²தங்.
சதுத்த²மக்³க³ஞாணகதா²
815. இமஸ்ஸபி ஞாணஸ்ஸ அனந்தரங் வுத்தனயேனேவ ப²லசித்தானி வேதி³தப்³பா³னி. எத்தாவதா சேஸ அனாகா³மீ நாம ச²ட்டோ² அரியபுக்³க³லோ ஹோதி ஓபபாதிகோ தத்த²பரினிப்³பா³யீ அனாவத்தித⁴ம்மோ படிஸந்தி⁴வஸேன இமங் லோகங் புன அனாக³ந்தா. ததோ பரங் பச்சவெக்க²ணங் வுத்தனயமேவ.
ஏவங் பச்சவெக்கி²த்வா ச ஸோ அனாகா³மீ அரியஸாவகோ தஸ்மிஞ்ஞேவ வா ஆஸனே நிஸின்னோ, அபரேன வா ஸமயேன ரூபாரூபராக³மானஉத்³த⁴ச்சஅவிஜ்ஜானங் அனவஸேஸப்பஹானாய சதுத்தா²ய பூ⁴மியா பத்தியா யோக³ங் கரோதி, ஸோ இந்த்³ரியப³லபொ³ஜ்ஜ²ங்கா³னி ஸமோதா⁴னெத்வா ததே³வ ஸங்கா²ரக³தங் அனிச்சங் து³க்க²மனத்தாதி ஞாணேன பரிமத்³த³தி, பரிவத்தேதி, விபஸ்ஸனாவீதி²ங் ஓகா³ஹதி. தஸ்ஸேவங் படிபன்னஸ்ஸ வுத்தனயேனேவ ஸங்கா²ருபெக்கா²வஸானே ஏகாவஜ்ஜனேன அனுலோமகொ³த்ரபு⁴ஞாணேஸு அரஹத்தமக்³கோ³ உப்பஜ்ஜதி, தேன ஸம்பயுத்தங் ஞாணங் அரஹத்தமக்³கே³ ஞாணந்தி.
சதுத்த²ஞாணங் நிட்டி²தங்.
அரஹந்தபுக்³க³லகதா²
816. இமஸ்ஸபி அரஹா நாம அட்ட²மோ அரியபுக்³க³லோ ஹோதி மஹாகீ²ணாஸவோ அந்திமதே³ஹதா⁴ரீ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மாத³ஞ்ஞா விமுத்தோ ஸதே³வகஸ்ஸ லோகஸ்ஸ அக்³க³த³க்கி²ணெய்யோதி.
இதி யங் தங் வுத்தங் ‘‘ஸோதாபத்திமக்³கோ³ ஸகதா³கா³மிமக்³கோ³ அனாகா³மிமக்³கோ³ அரஹத்தமக்³கோ³தி இமேஸு பன சதூஸு மக்³கே³ஸு ஞாணங் ஞாணத³ஸ்ஸனவிஸுத்³தி⁴ நாமா’’தி, தங் இமானி இமினா அனுக்கமேன பத்தப்³பா³னி சத்தாரி ஞாணானி ஸந்தா⁴ய வுத்தங்.
போ³தி⁴பக்கி²யகதா²
817. இதா³னி இமிஸ்ஸாயேவ சதுஞாணாய ஞாணத³ஸ்ஸனவிஸுத்³தி⁴யா ஆனுபா⁴வவிஜானநத்த²ங் –
பரிபுண்ணபோ³தி⁴பக்கி²ய, பா⁴வோ வுட்டா²னப³லஸமாயோகோ³;
யே யேன பஹாதப்³பா³, த⁴ம்மா தேஸங் பஹானஞ்ச.
கிச்சானி பரிஞ்ஞாதீ³னி, யானி வுத்தானி அபி⁴ஸமயகாலே;
தானி ச யதா²ஸபா⁴வேன, ஜானிதப்³பா³னி ஸப்³பா³னீதி.
818. தத்த² பரிபுண்ணபோ³தி⁴பக்கி²ய, பா⁴வோதி போ³தி⁴பக்கி²யானங் பரிபுண்ணபா⁴வோ. சத்தாரோ ஸதிபட்டா²னா, சத்தாரோ ஸம்மப்பதா⁴னா, சத்தாரோ இத்³தி⁴பாதா³, பஞ்சிந்த்³ரியானி, பஞ்ச ப³லானி, ஸத்த பொ³ஜ்ஜ²ங்கா³, அரியோ அட்ட²ங்கி³கோ மக்³கோ³தி ஹி இமே ஸத்ததிங்ஸ த⁴ம்மா பு³ஜ்ஜ²னட்டே²ன போ³தோ⁴தி லத்³த⁴னாமஸ்ஸ அரியமக்³க³ஸ்ஸ பக்கே² ப⁴வத்தா போ³தி⁴பக்கி²யா நாம. பக்கே² ப⁴வத்தாதி உபகாரபா⁴வே டி²தத்தா.
819. தேஸு ஸதிபட்டா²னங். காயவேத³னாசித்தத⁴ம்மேஸு பனஸ்ஸா அஸுப⁴-து³க்க²-அனிச்ச-அனத்தாகாரக³ஹணவஸேன
820. பத³ஹந்தி ஏதேனாதி பதா⁴னங். ஸோப⁴னங் பதா⁴னங் ஸம்மப்பதா⁴னங். ஸம்மா வா பத³ஹந்தி ஏதேனாதி ஸம்மப்பதா⁴னங். ஸோப⁴னங் வா தங் கிலேஸவிரூபத்தவிரஹதோ பதா⁴னஞ்ச ஹிதஸுக²னிப்பா²த³கத்தேன ஸெட்ட²பா⁴வாவஹனதோ பதா⁴னபா⁴வகாரணதோ சாதி ஸம்மப்பதா⁴னங். வீரியஸ்ஸேதங் அதி⁴வசனங். தயித³ங் உப்பன்னானுப்பன்னானங் அகுஸலானங் பஹானானுப்பத்திகிச்சங் அனுப்பன்னுப்பன்னானஞ்ச குஸலானங் உப்பத்திட்டி²திகிச்சங் ஸாத⁴யதீதி சதுப்³பி³த⁴ங் ஹோதி, தஸ்மா சத்தாரோ ஸம்மப்பதா⁴னாதி வுச்சந்தி.
821. புப்³பே³ வுத்தேன இஜ்ஜ²னட்டே²ன இத்³தி⁴. தஸ்ஸா ஸம்பயுத்தாய புப்³ப³ங்க³மட்டே²ன ப²லபூ⁴தாய புப்³ப³பா⁴க³காரணட்டே²ன ச இத்³தி⁴யா பாதோ³தி இத்³தி⁴பாதோ³. ஸோ ச²ந்தா³தி³வஸேன சதுப்³பி³தோ⁴ ஹோதி, தஸ்மா சத்தாரோ இத்³தி⁴பாதா³தி வுச்சந்தி. யதா²ஹ – ‘‘சத்தாரோ இத்³தி⁴பாதா³ ச²ந்தி³த்³தி⁴பாதோ³ சித்தித்³தி⁴பாதோ³ வீரியித்³தி⁴பாதோ³ வீமங்ஸித்³தி⁴பாதோ³’’தி (விப⁴॰ 457). இமே லோகுத்தராவ. லோகியா பன ‘‘ச²ந்த³ஞ்சே பி⁴க்கு² அதி⁴பதிங் கரித்வா லப⁴தி ஸமாதி⁴ங், லப⁴தி சித்தஸ்ஸ ஏகக்³க³தங். அயங் வுச்சதி ச²ந்த³ஸமாதீ⁴’’திஆதி³வசனதோ (விப⁴॰ 432) ச²ந்தா³தி³அதி⁴பதிவஸேன படிலத்³த⁴த⁴ம்மாபி ஹொந்தி.
822. அஸ்ஸத்³தி⁴யகோஸஜ்ஜபமாத³விக்கே²பஸம்மோஹானங் அபி⁴ப⁴வனதோ அபி⁴ப⁴வனஸங்கா²தேன அதி⁴பதியட்டே²ன இந்த்³ரியங். அஸ்ஸத்³தி⁴யாதீ³ஹி ச அனபி⁴ப⁴வனீயதோ அகம்பியட்டே²ன ப³லங். தது³ப⁴யம்பி ஸத்³தா⁴தி³வஸேன பஞ்சவித⁴ங் ஹோதி, தஸ்மா பஞ்சிந்த்³ரியானி பஞ்ச ப³லானீதி வுச்சந்தி.
823. பு³ஜ்ஜ²னகஸத்தஸ்ஸ பன அங்க³பா⁴வேன ஸதிஆத³யோ ஸத்த பொ³ஜ்ஜ²ங்கா³. நிய்யானிகட்டே²ன ச ஸம்மாதி³ட்டி²ஆத³யோ அட்ட² மக்³க³ங்கா³ ஹொந்தி. தேன வுத்தங் ‘‘ஸத்த பொ³ஜ்ஜ²ங்கா³ அரியோ அட்ட²ங்கி³கோ மக்³கோ³’’தி.
824. இதி
825. ஏவங் ஏகசித்தே லப்³ப⁴மானேஸு சேதேஸு ஏகாவ நிப்³பா³னாரம்மணா ஸதி காயாதீ³ஸு ஸுப⁴ஸஞ்ஞாதி³ப்பஹானகிச்சஸாத⁴னவஸேன சத்தாரோ ஸதிபட்டா²னாதி வுச்சதி. ஏகமேவ ச வீரியங் அனுப்பன்னானங் அனுப்பாதா³தி³கிச்சஸாத⁴னவஸேன சத்தாரோ ஸம்மப்பதா⁴னாதி வுச்சதி. ஸேஸேஸு பன ஹாபனவட்³ட⁴னங் நத்தி².
826. அபிச தேஸு –
நவ ஏகவிதா⁴ ஏகோ, த்³வேதா⁴த² சது பஞ்சதா⁴;
அட்ட²தா⁴ நவதா⁴ சேவ, இதி ச²த்³தா⁴ ப⁴வந்தி தே.
நவ ஏகவிதா⁴தி ச²ந்தோ³, சித்தங், பீதி, பஸ்ஸத்³தி⁴, உபெக்கா², ஸங்கப்போ, வாசா, கம்மந்தோ, ஆஜீவோதி இமே நவ ச²ந்தி³த்³தி⁴பாதா³தி³வஸேன ஏகவிதா⁴வ ஹொந்தி, ந அஞ்ஞங் கொட்டா²ஸங் ப⁴ஜந்தி. ஏகோ த்³வேதா⁴தி ஸத்³தா⁴ இந்த்³ரிய, ப³லவஸேன த்³வேதா⁴ டி²தா. அத² சது பஞ்சதா⁴தி அத²ஞ்ஞோ ஏகோ சதுதா⁴, அஞ்ஞோ பஞ்சதா⁴ டி²தோதி அத்தோ². தத்த² ஸமாதி⁴ ஏகோ இந்த்³ரிய, ப³ல, பொ³ஜ்ஜ²ங்க³, மக்³க³ங்க³வஸேன சதுதா⁴ டி²தோ. பஞ்ஞா தேஸஞ்ச சதுன்னங் இத்³தி⁴பாத³கொட்டா²ஸஸ்ஸ ச அட்ட²தா⁴ நவதா⁴ சேவாதி அபரோ ஏகோ அட்ட²தா⁴, ஏகோ நவதா⁴ டி²தோதி அத்தோ². சதுஸதிபட்டா²ன, இந்த்³ரிய, ப³ல, பொ³ஜ்ஜ²ங்க³, மக்³க³ங்க³வஸேன ஸதி அட்ட²தா⁴ டி²தா. சதுஸம்மப்பதா⁴ன, இத்³தி⁴பாத³, இந்த்³ரிய, ப³ல, பொ³ஜ்ஜ²ங்க³, மக்³க³ங்க³வஸேன வீரியங் நவதா⁴தி. ஏவங் –
சுத்³த³ஸேவ
கொட்டா²ஸதோ ஸத்தவிதா⁴, ஸத்ததிங்ஸப்பபே⁴த³தோ.
ஸகிச்சனிப்பா²த³னதோ, ஸரூபேன ச வுத்திதோ;
ஸப்³பே³வ அரியமக்³க³ஸ்ஸ, ஸம்ப⁴வே ஸம்ப⁴வந்தி தேதி.
ஏவங் தாவெத்த² பரிபுண்ணபோ³தி⁴பக்கி²யபா⁴வோ ஜானிதப்³போ³.
வுட்டா²னப³லஸமாயோக³கதா²
827. வுட்டா²னப³லஸமாயோகோ³தி வுட்டா²னஞ்சேவ ப³லஸமாயோகோ³ ச. லோகியவிபஸ்ஸனா ஹி நிமித்தாரம்மணத்தா சேவ பவத்திகாரணஸ்ஸ ச ஸமுத³யஸ்ஸ அஸமுச்சி²ந்த³னதோ நேவ நிமித்தா ந பவத்தா வுட்டா²தி. கொ³த்ரபு⁴ஞாணங் ஸமுத³யஸ்ஸ அஸமுச்சி²ந்த³னதோ பவத்தா ந வுட்டா²தி. நிப்³பா³னாரம்மணதோ பன நிமித்தா வுட்டா²தீதி ஏகதோ வுட்டா²னங் ஹோதி. தேனாஹ ‘‘ப³ஹித்³தா⁴வுட்டா²னவிவட்டனே பஞ்ஞா கொ³த்ரபு⁴ஞாண’’ந்தி (படி॰ ம॰ மாதிகா 1.10). ததா² ‘‘உப்பாதா³ விவட்டித்வா அனுப்பாத³ங் பக்க²ந்த³தீதி கொ³த்ரபு⁴, பவத்தா விவட்டித்வா’’தி (படி॰ ம॰ 1.59) ஸப்³ப³ங் வேதி³தப்³ப³ங். இமானி பன சத்தாரிபி ஞாணானி அனிமித்தாரம்மணத்தா நிமித்ததோ வுட்ட²ஹந்தி, ஸமுத³யஸ்ஸ ஸமுச்சி²ந்த³னதோ பவத்தா வுட்ட²ஹந்தீதி து³ப⁴தோ வுட்டா²னானி ஹொந்தி.
தேன வுத்தங் –
‘‘கத²ங் து³ப⁴தோ வுட்டா²னவிவட்டனே பஞ்ஞா மக்³கே³ ஞாணங்?
‘‘ஸோதாபத்திமக்³க³க்க²ணே த³ஸ்ஸனட்டே²ன ஸம்மாதி³ட்டி² மிச்சா²தி³ட்டி²யா வுட்டா²தி, தத³னுவத்தககிலேஸேஹி ச க²ந்தே⁴ஹி ச வுட்டா²தி, ப³ஹித்³தா⁴ ச ஸப்³ப³னிமித்தேஹி வுட்டா²தி. தேன வுச்சதி து³ப⁴தோ வுட்டா²னவிவட்டனே பஞ்ஞா மக்³கே³ ஞாணங். அபி⁴னிரோபனட்டே²ன ஸம்மாஸங்கப்போ மிச்சா²ஸங்கப்பா…பே॰… பரிக்³க³ஹட்டே²ன ஸம்மாவாசா மிச்சா²வாசாய. ஸமுட்டா²னட்டே²ன ஸம்மாகம்மந்தோ. வோதா³னட்டே²ன ஸம்மாஆஜீவோ. பக்³க³ஹட்டே²ன ஸம்மாவாயாமோ
‘‘ஸகதா³கா³மிமக்³க³க்க²ணே த³ஸ்ஸனட்டே²ன ஸம்மாதி³ட்டி²…பே॰… அவிக்கே²பட்டே²ன ஸம்மாஸமாதி⁴ ஓளாரிகா காமராக³ஸங்யோஜனா படிக⁴ஸங்யோஜனா ஓளாரிகா காமராகா³னுஸயா படிகா⁴னுஸயா வுட்டா²தி…பே॰….
‘‘அனாகா³மிமக்³க³க்க²ணே த³ஸ்ஸனட்டே²ன ஸம்மாதி³ட்டி²…பே॰… அவிக்கே²பட்டே²ன ஸம்மாஸமாதி⁴ அனுஸஹக³தா காமராக³ஸங்யோஜனா படிக⁴ஸங்யோஜனா அனுஸஹக³தா காமராகா³னுஸயா படிகா⁴னுஸயா வுட்டா²தி…பே॰….
‘‘அரஹத்தமக்³க³க்க²ணே த³ஸ்ஸனட்டே²ன ஸம்மாதி³ட்டி²…பே॰… அவிக்கே²பட்டே²ன ஸம்மாஸமாதி⁴ ரூபராகா³ அரூபராகா³ மானா உத்³த⁴ச்சா அவிஜ்ஜாய மானானுஸயா ப⁴வராகா³னுஸயா அவிஜ்ஜானுஸயா வுட்டா²தி, தத³னுவத்தககிலேஸேஹி ச க²ந்தே⁴ஹி ச வுட்டா²தி, ப³ஹித்³தா⁴ ச ஸப்³ப³னிமித்தேஹி வுட்டா²தி. தேன வுச்சதி ‘து³ப⁴தோ வுட்டா²னவிவட்டனே பஞ்ஞா மக்³கே³ ஞாண’’’ந்தி (படி॰ ம॰ 1.61).
828. லோகியானஞ்ச அட்ட²ன்னங் ஸமாபத்தீனங் பா⁴வனாகாலே ஸமத²ப³லங் அதி⁴கங் ஹோதி. அனிச்சானுபஸ்ஸனாதீ³னங் பா⁴வனாகாலே விபஸ்ஸனாப³லங். அரியமக்³க³க்க²ணே பன யுக³னத்³தா⁴ தே த⁴ம்மா பவத்தந்தி அஞ்ஞமஞ்ஞங் அனதிவத்தனட்டே²ன. தஸ்மா இமேஸு சதூஸுபி ஞாணேஸு உப⁴யப³லஸமாயோகோ³ ஹோதி. யதா²ஹ –
‘‘உத்³த⁴ச்சஸஹக³தகிலேஸேஹி ச க²ந்தே⁴ஹி ச வுட்ட²ஹதோ சித்தஸ்ஸ ஏகக்³க³தா அவிக்கே²போ ஸமாதி⁴ நிரோத⁴கோ³சரோ, அவிஜ்ஜாஸஹக³தகிலேஸேஹி ச க²ந்தே⁴ஹி ச வுட்ட²ஹதோ அனுபஸ்ஸனட்டே²ன விபஸ்ஸனா நிரோத⁴கோ³சரா. இதி வுட்டா²னட்டே²ன ஸமத²விபஸ்ஸனா ஏகரஸா
ஏவமெத்த² வுட்டா²னப³லஸமாயோகோ³ வேதி³தப்³போ³.
பஹாதப்³ப³த⁴ம்மபஹானகதா²
829. யே யேன பஹாதப்³பா³ த⁴ம்மா, தேஸங் பஹானஞ்சாதி இமேஸு பன சதூஸு ஞாணேஸு யே த⁴ம்மா யேன ஞாணேன பஹாதப்³பா³, தேஸங் பஹானஞ்ச ஜானிதப்³ப³ங். ஏதானி ஹி யதா²யோக³ங் ஸங்யோஜனகிலேஸமிச்ச²த்தலோகத⁴ம்மமச்ச²ரியவிபல்லாஸக³ந்த²அக³திஆஸவஓக⁴யோக³னீவரணபராமாஸஉபாதா³னஅனுஸயமலஅகுஸலகம்மபத²சித்துப்பாத³ஸங்கா²தானங் த⁴ம்மானங் பஹானகரானி.
தத்த² ஸங்யோஜனானீதி க²ந்தே⁴ஹி க²ந்தா⁴னங் ப²லேன கம்மஸ்ஸ து³க்கே²ன வா ஸத்தானங் ஸங்யோஜகத்தா ரூபராகா³த³யோ த³ஸ த⁴ம்மா வுச்சந்தி. யாவஞ்ஹி தே, தாவ ஏதேஸங் அனுபரமோதி. தத்ராபி ரூபராகோ³ அரூபராகோ³ மானோ உத்³த⁴ச்சங் அவிஜ்ஜாதி இமே பஞ்ச உத்³த⁴ங்னிப்³ப³த்தனகக²ந்தா⁴தி³ஸங்யோஜகத்தா உத்³த⁴ங்பா⁴கி³யஸங்யோஜனானி நாம. ஸக்காயதி³ட்டி² விசிகிச்சா² ஸீலப்³ப³தபராமாஸோ காமராகோ³ படிகோ⁴தி இமே பஞ்ச அதோ⁴னிப்³ப³த்தனகக²ந்தா⁴தி³ஸங்யோஜகத்தா அதோ⁴பா⁴கி³யஸங்யோஜனானி நாம.
கிலேஸாதி ஸயங் ஸங்கிலிட்ட²த்தா ஸம்பயுத்தத⁴ம்மானஞ்ச ஸங்கிலேஸிகத்தா லோபோ⁴ தோ³ஸோ மோஹோ மானோ தி³ட்டி² விசிகிச்சா² தி²னங் உத்³த⁴ச்சங் அஹிரிகங் அனொத்தப்பந்தி இமே த³ஸ த⁴ம்மா.
மிச்ச²த்தாதி மிச்சா²பவத்தனதோ மிச்சா²தி³ட்டி² மிச்சா²ஸங்கப்போ மிச்சா²வாசா மிச்சா²கம்மந்தோ மிச்சா²ஆஜீவோ மிச்சா²வாயாமோ மிச்சா²ஸதி மிச்சா²ஸமாதீ⁴தி இமே அட்ட² த⁴ம்மா. மிச்சா²விமுத்திமிச்சா²ஞாணேஹி வா ஸத்³தி⁴ங் த³ஸ.
லோகத⁴ம்மாதி லோகப்பவத்தியா ஸதி அனுபரமத⁴ம்மகத்தா லாபோ⁴ அலாபோ⁴ யஸோ அயஸோ ஸுக²ங் து³க்க²ங் நிந்தா³ பஸங்ஸாதி இமே அட்ட². இத⁴ பன காரணோபசாரேன லாபா⁴தி³வத்து²கஸ்ஸ அனுனயஸ்ஸ அலாபா⁴தி³வத்து²கஸ்ஸ படிக⁴ஸ்ஸ சேதங் லோகத⁴ம்மக்³க³ஹணேன க³ஹணங் கதந்தி வேதி³தப்³ப³ங்.
மச்ச²ரியானீதி
விபல்லாஸாதி
க³ந்தா²தி நாமகாயஸ்ஸ சேவ ரூபகாயஸ்ஸ ச க³ந்த²னதோ அபி⁴ஜ்ஜா²த³யோ சத்தாரோ. ததா² ஹி தே அபி⁴ஜ்ஜா² காயக³ந்தோ², ப்³யாபாதோ³ காயக³ந்தோ², ஸீலப்³ப³தபராமாஸோ காயக³ந்தோ², இத³ங்ஸச்சாபி⁴னிவேஸோ காயக³ந்தோ² இச்சேவ வுத்தா.
அக³தீதி ச²ந்த³தோ³ஸமோஹப⁴யேஹி அகத்தப்³ப³கரணஸ்ஸ, கத்தப்³பா³கரணஸ்ஸ ச அதி⁴வசனங். தஞ்ஹி அரியேஹி அக³ந்தப்³ப³த்தா அக³தீதி வுச்சதி.
ஆஸவாதி ஆரம்மணவஸேன ஆகொ³த்ரபு⁴தோ, ஆப⁴வக்³க³தோ ச ஸவனா, அஸங்வுதேஹி வா த்³வாரேஹி க⁴டசி²த்³தே³ஹி உத³கங் விய ஸவனதோ நிச்சபக்³க⁴ரணட்டே²ன ஸங்ஸாரது³க்க²ஸ்ஸ வா ஸவனதோ காமராக³ப⁴வராக³மிச்சா²தி³ட்டி²அவிஜ்ஜானமேதங் அதி⁴வசனங்.
ப⁴வஸாக³ரே ஆகட்³ட⁴னட்டே²ன து³ருத்தரணட்டே²ன ச ஓகா⁴திபி, ஆரம்மணவியோக³ஸ்ஸ சேவ து³க்க²வியோக³ஸ்ஸ ச அப்பதா³னதோ யோகா³திபி தேஸஞ்ஞேவ அதி⁴வசனங்.
நீவரணானீதி சித்தஸ்ஸ ஆவரணனீவரணபடிச்சா²த³னட்டே²ன காமச்ச²ந்தா³த³யோ பஞ்ச.
பராமாஸோதி தஸ்ஸ தஸ்ஸ த⁴ம்மஸ்ஸ ஸபா⁴வங் அதிக்கம்ம பரதோ அபூ⁴தங் ஸபா⁴வங் ஆமஸனாகாரேன பவத்தனதோ மிச்சா²தி³ட்டி²யா ஏதங் அதி⁴வசனங்.
உபாதா³னானீதி ஸப்³பா³காரேன படிச்சஸமுப்பாத³னித்³தே³ஸே வுத்தானி காமுபாதா³னாதீ³னி சத்தாரி.
அனுஸயாதி தா²மக³தட்டே²ன காமராகா³னுஸயோ, படிக⁴, மான, தி³ட்டி², விசிகிச்சா², ப⁴வராக³, அவிஜ்ஜானுஸயோதி ஏவங் வுத்தா காமராகா³த³யோ ஸத்த
மலாதி
அகுஸலகம்மபதா²தி அகுஸலகம்மபா⁴வேன சேவ து³க்³க³தீனஞ்ச பத²பா⁴வேன பாணாதிபாதோ அதி³ன்னாதா³னங் காமேஸுமிச்சா²சாரோ முஸாவாதோ³ பிஸுணவாசா ப²ருஸவாசா ஸம்ப²ப்பலாபோ அபி⁴ஜ்ஜா² ப்³யாபாதோ³ மிச்சா²தி³ட்டீ²தி இமே த³ஸ.
அகுஸலசித்துப்பாதா³தி லோப⁴மூலா அட்ட² தோ³ஸமூலா த்³வே மோஹமூலா த்³வேதி இமே த்³வாத³ஸ.
830. இதி ஏதேஸங் ஸங்யோஜனாதீ³னங் த⁴ம்மானங் ஏதானி யதா²யோக³ங் பஹானகரானி. கத²ங்? ஸங்யோஜனேஸு தாவ ஸக்காயதி³ட்டி² விசிகிச்சா² ஸீலப்³ப³தபராமாஸோ அபாயக³மனீயா ச காமராக³படிகா⁴தி ஏதே பஞ்ச த⁴ம்மா பட²மஞாணவஜ்ஜா², ஸேஸா காமராக³படிகா⁴ ஓளாரிகா து³தியஞாணவஜ்ஜா², ஸுகு²மா ததியஞாணவஜ்ஜா², ரூபராகா³த³யோ பஞ்சபி சதுத்த²ஞாணவஜ்ஜா² ஏவ. பரதோபி ச யத்த² யத்த² ஏவஸத்³தே³ன நியமங் ந கரிஸ்ஸாம. தத்த² தத்த² யங் யங் ‘‘உபரிஞாணவஜ்ஜோ²’’தி வக்கா²ம, ஸோ ஸோ புரிமஞாணேஹி ஹதாபாயக³மனீயாதி³பா⁴வோவ ஹுத்வா உபரிஞாணவஜ்ஜோ² ஹோதீதி வேதி³தப்³போ³.
கிலேஸேஸு தி³ட்டி²விசிகிச்சா² பட²மஞாணவஜ்ஜா², தோ³ஸோ ததியஞாணவஜ்ஜோ², லோப⁴மோஹமானதி²னஉத்³த⁴ச்சஅஹிரிகஅனொத்தப்பானி சதுத்த²ஞாணவஜ்ஜா²னி.
மிச்ச²த்தேஸு மிச்சா²தி³ட்டி² முஸாவாதோ³ மிச்சா²கம்மந்தோ மிச்சா²ஆஜீவோதி இமே பட²மஞாணவஜ்ஜா², மிச்சா²ஸங்கப்போ பிஸுணவாசா ப²ருஸவாசாதி இமே ததியஞாணவஜ்ஜா², சேதனாயேவ செத்த² வாசாதி வேதி³தப்³பா³. ஸம்ப²ப்பலாபமிச்சா²வாயாமஸதிஸமாதி⁴விமுத்திஞாணானி சதுத்த²ஞாணவஜ்ஜா²னி.
லோகத⁴ம்மேஸு படிகோ⁴ ததியஞாணவஜ்ஜோ², அனுனயோ சதுத்த²ஞாணவஜ்ஜோ², யஸே ச பஸங்ஸாய ச அனுனயோ சதுத்த²ஞாணவஜ்ஜோ²தி ஏகே. மச்ச²ரியானி பட²மஞாணவஜ்ஜா²னேவ.
விபல்லாஸேஸு
க³ந்தே²ஸு ஸீலப்³ப³தபராமஸஇத³ங்ஸச்சாபி⁴னிவேஸகாயக³ந்தா² பட²மஞாணவஜ்ஜா², ப்³யாபாத³காயக³ந்தோ² ததியஞாணவஜ்ஜோ², இதரோ சதுத்த²ஞாணவஜ்ஜோ².
அக³தி பட²மஞாணவஜ்ஜா²வ.
ஆஸவேஸு தி³ட்டா²ஸவோ பட²மஞாணவஜ்ஜோ², காமாஸவோ ததியஞாணவஜ்ஜோ², இதரே த்³வே சதுத்த²ஞாணவஜ்ஜா². ஓக⁴யோகே³ஸுபி ஏஸேவ நயோ.
நீவரணேஸு விசிகிச்சா²னீவரணங் பட²மஞாணவஜ்ஜ²ங், காமச்ச²ந்தோ³ ப்³யாபாதோ³ குக்குச்சந்தி தீணி ததியஞாணவஜ்ஜா²னி, தி²னமித்³த⁴உத்³த⁴ச்சானி சதுத்த²ஞாணவஜ்ஜா²னி.
பராமாஸோ பட²மஞாணவஜ்ஜோ²வ.
உபாதா³னேஸு ஸப்³பே³ஸம்பி லோகியத⁴ம்மானங் வத்து²காமவஸேன காமாதி ஆக³தத்தா ரூபாரூபராகோ³பி காமுபாதா³னே பததி, தஸ்மா தங் சதுத்த²ஞாணவஜ்ஜ²ங், ஸேஸானி பட²மஞாணவஜ்ஜா²னி.
அனுஸயேஸு தி³ட்டி²விசிகிச்சா²னுஸயா பட²மஞாணவஜ்ஜா²வ, காமராக³படிகா⁴னுஸயா ததியஞாணவஜ்ஜா², மானப⁴வராகா³விஜ்ஜானுஸயா சதுத்த²ஞாணவஜ்ஜா².
மலேஸு தோ³ஸமலங் ததியஞாணவஜ்ஜ²ங், இதரானி சதுத்த²ஞாணவஜ்ஜா²னி.
அகுஸலகம்மபதே²ஸு பாணாதிபாதோ அதி³ன்னாதா³னங் மிச்சா²சாரோ முஸாவாதோ³ மிச்சா²தி³ட்டீ²தி இமே பட²மஞாணவஜ்ஜா²
அகுஸலசித்துப்பாதே³ஸு சத்தாரோ தி³ட்டி²க³தஸம்பயுத்தா விசிகிச்சா²ஸம்பயுத்தோ சாதி பஞ்ச பட²மஞாணவஜ்ஜா²வ, த்³வே படிக⁴ஸம்பயுத்தா ததியஞாணவஜ்ஜா², ஸேஸா சதுத்த²ஞாணவஜ்ஜா²தி.
யஞ்ச யேன வஜ்ஜ²ங், தங் தேன பஹாதப்³ப³ங் நாம. தேன வுத்தங் ‘‘இதி ஏதேஸங் ஸங்யோஜனாதீ³னங் த⁴ம்மானங் ஏதானி யதா²யோக³ங் பஹானகரானீ’’தி.
831. கிங்
ததா² ‘‘ஹஞ்சி அனாக³தே கிலேஸே பஜஹதி, தேனஹி அஜாதங் பஜஹதி, அனிப்³ப³த்தங் பஜஹதி, அனுப்பன்னங் பஜஹதி, அபாதுபூ⁴தங் பஜஹதி. அனாக³தங் யங் நத்தி², தங் பஜஹதீ’’தி ச வத்வா, ‘‘ந அனாக³தே கிலேஸே பஜஹதீ’’தி படிக்கி²த்தங்.
ததா² ‘‘ஹஞ்சி பச்சுப்பன்னே கிலேஸே பஜஹதி, தேனஹி ரத்தோ ராக³ங் பஜஹதி. து³ட்டோ² தோ³ஸங், மூள்ஹோ மோஹங், வினிப³த்³தோ⁴ மானங், பராமட்டோ² தி³ட்டி²ங், விக்கே²பக³தோ உத்³த⁴ச்சங், அனிட்ட²ங்க³தோ விசிகிச்ச²ங், தா²மக³தோ அனுஸயங் பஜஹதி. கண்ஹஸுக்கா த⁴ம்மா யுக³னத்³தா⁴வ வத்தந்தி. ஸங்கிலேஸிகா மக்³க³பா⁴வனா ஹோதீ’’தி ச வத்வா, ‘‘ந அதீதே கிலேஸே பஜஹதி, ந அனாக³தே, ந பச்சுப்பன்னே கிலேஸே பஜஹதீ’’தி ஸப்³ப³ங் படிக்கி²பித்வா, ‘‘தேனஹி நத்தி² மக்³க³பா⁴வனா, நத்தி² ப²லஸச்சி²கிரியா
‘‘ஸெய்யதா²பி தருணோ ருக்கோ² அஜாதப²லோ, தமேனங் புரிஸோ மூலே சி²ந்தெ³ய்ய, யே தஸ்ஸ ருக்க²ஸ்ஸ அஜாதப²லா, தே அஜாதாயேவ ந ஜாயந்தி, அனிப்³ப³த்தாயேவ ந நிப்³ப³த்தந்தி, அனுப்பன்னாயேவ ந உப்பஜ்ஜந்தி, அபாதுபூ⁴தாயேவ ந பாதுப⁴வந்தி, ஏவமேவ
832. ஏதேன கிங் தீ³பிதங் ஹோதி? பூ⁴மிலத்³தா⁴னங் கிலேஸானங் பஹானங் தீ³பிதங் ஹோதி. பூ⁴மிலத்³தா⁴ பன கிங் அதீதானாக³தா உதா³ஹு பச்சுப்பன்னாதி. பூ⁴மிலத்³து⁴ப்பன்னா ஏவ நாம தே.
833. உப்பன்னங் ஹி வத்தமானபூ⁴தாபக³தோகாஸகதபூ⁴மிலத்³த⁴வஸேன அனேகப்பபே⁴த³ங். தத்த² ஸப்³ப³ம்பி உப்பாத³ஜராப⁴ங்க³ஸமங்கி³ஸங்கா²தங் வத்தமானுப்பன்னங் நாம. ஆரம்மணரஸங் அனுப⁴வித்வா நிருத்³த⁴ங் அனுபூ⁴தாபக³தஸங்கா²தங் குஸலாகுஸலங் உப்பாதா³தி³த்தயங் அனுப்பத்வா நிருத்³த⁴ங் பூ⁴தாபக³தஸங்கா²தங் ஸேஸஸங்க²தஞ்ச பூ⁴தாபக³துப்பன்னங் நாம. ‘‘யானிஸ்ஸ தானி புப்³பே³கதானி கம்மானீ’’தி (ம॰ நி॰ 3.248) ஏவமாதி³னா நயேன வுத்தங் கம்மங் அதீதம்பி ஸமானங் அஞ்ஞங் விபாகங் படிபா³ஹித்வா அத்தனோ விபாகஸ்ஸோகாஸங் கத்வா டி²தத்தா ததா² கதோகாஸஞ்ச விபாகங் அனுப்பன்னம்பி ஸமானங் ஏவங் கதே ஓகாஸே ஏகந்தேன உப்பஜ்ஜனதோ ஓகாஸகதுப்பன்னங் நாம. தாஸு தாஸு பூ⁴மீஸு அஸமூஹதங் அகுஸலங் பூ⁴மிலத்³து⁴ப்பன்னங் நாம.
834. எத்த² பூ⁴மீதி ஹி விபஸ்ஸனாய ஆரம்மணபூ⁴தா தேபூ⁴மகா பஞ்சக்க²ந்தா⁴. பூ⁴மிலத்³த⁴ங் நாம தேஸு க²ந்தே⁴ஸு உப்பத்திரஹங் கிலேஸஜாதங். தேனஹி ஸா பூ⁴மி லத்³தா⁴ நாம ஹோதீதி தஸ்மா பூ⁴மிலத்³த⁴ந்தி வுச்சதி, ஸா ச கோ² ந ஆரம்மணவஸேன. ஆரம்மணவஸேன
835. தத்த² ச யஸ்ஸ யேஸு க²ந்தே⁴ஸு அப்பஹீனட்டே²ன அனுஸயிதா கிலேஸா, தஸ்ஸ தே ஏவ க²ந்தா⁴ தேஸங் கிலேஸானங் வத்து², ந அஞ்ஞேஸங் ஸந்தகா க²ந்தா⁴. அதீதக்க²ந்தே⁴ஸு ச அப்பஹீனானுஸயிதானங் கிலேஸானங் அதீதக்க²ந்தா⁴வ வத்து², ந இதரே. ஏஸ நயோ அனாக³தாதீ³ஸு. ததா² காமாவசரக்க²ந்தே⁴ஸு அப்பஹீனானுஸயிதானங் கிலேஸானங் காமாவசரக்க²ந்தா⁴வ வத்து², ந இதரே. ஏஸ நயோ ரூபாரூபாவசரேஸு. ஸோதாபன்னாதீ³ஸு பன யஸ்ஸ யஸ்ஸ அரியபுக்³க³லஸ்ஸ க²ந்தே⁴ஸு தங் தங் வட்டமூலங் கிலேஸஜாதங் தேன தேன மக்³கே³ன பஹீனங், தஸ்ஸ தஸ்ஸ தே தே க²ந்தா⁴ பஹீனானங் தேஸங் தேஸங் வட்டமூலகிலேஸானங் அவத்து²தோ பூ⁴மீதி ஸங்க²ங் ந லப⁴ந்தி. புது²ஜ்ஜனஸ்ஸ ஸப்³ப³ஸோவ வட்டமூலகிலேஸானங் அப்பஹீனத்தா யங்கிஞ்சி கரியமானங் கம்மங் குஸலங் அகுஸலங் வா ஹோதி. இச்சஸ்ஸ கம்மகிலேஸபச்சயா வட்டங் வட்டதி. தஸ்ஸேதங் வட்டமூலங் ரூபக்க²ந்தே⁴யேவ, ந வேத³னாக்க²ந்தா⁴தீ³ஸு. விஞ்ஞாணக்க²ந்தே⁴யேவ வா, ந ரூபக்க²ந்தா⁴தீ³ஸூதி ந வத்தப்³ப³ங். கஸ்மா? அவிஸேஸேன பஞ்சஸுபி க²ந்தே⁴ஸு அனுஸயிதத்தா.
836. கத²ங்? பத²வீரஸாதி³ விய ருக்கே². யதா² ஹி மஹாருக்கே² பத²வீதலங் அதி⁴ட்டா²ய பத²வீரஸஞ்ச ஆபோரஸஞ்ச நிஸ்ஸாய தப்பச்சயா மூலக²ந்த⁴ஸாக²பஸாக²பல்லவபலாஸபுப்ப²ப²லேஹி வட்³டி⁴த்வா நப⁴ங் பூரெத்வா யாவ கப்பாவஸானா பீ³ஜபரம்பராய ருக்க²பவேணிங் ஸந்தானயமானே டி²தே தங் பத²வீரஸாதி³ மூலேயேவ, ந க²ந்தா⁴தீ³ஸு…பே॰… ப²லேயேவ வா, ந மூலாதீ³ஸூதி ந வத்தப்³ப³ங். கஸ்மா? அவிஸேஸேன ஸப்³பே³ஸு மூலாதீ³ஸு அனுக³தத்தாதி.
யதா²
837. அபிச அபரம்பி ஸமுதா³சாரஆரம்மணாதி⁴க்³க³ஹிதஅவிக்க²ம்பி⁴தஅஸமூஹதவஸேன சதுப்³பி³த⁴ங் உப்பன்னங். தத்த² வத்தமானுப்பன்னமேவ ஸமுதா³சாருப்பன்னங். சக்கா²தீ³னங் பன ஆபாத²க³தே ஆரம்மணே புப்³ப³பா⁴கே³ அனுப்பஜ்ஜமானம்பி கிலேஸஜாதங் ஆரம்மணஸ்ஸ அதி⁴க்³க³ஹிதத்தா ஏவ அபரபா⁴கே³ ஏகந்தேன உப்பத்திதோ ஆரம்மணாதி⁴க்³க³ஹிதுப்பன்னந்தி வுச்சதி, கல்யாணிகா³மே பிண்டா³ய சரதோ மஹாதிஸ்ஸத்தே²ரஸ்ஸ விஸபா⁴க³ரூபத³ஸ்ஸனேன உப்பன்னகிலேஸஜாதங் விய. ஸமத²விபஸ்ஸனானங் அஞ்ஞதரவஸேன அவிக்க²ம்பி⁴தங் கிலேஸஜாதங் சித்தஸந்ததிமனாரூள்ஹம்பி உப்பத்தினிவாரகஸ்ஸ ஹேதுனோ அபா⁴வா அவிக்க²ம்பி⁴துப்பன்னங் நாம. ஸமத²விபஸ்ஸனாவஸேன பன விக்க²ம்பி⁴தம்பி அரியமக்³கே³ன அஸமூஹதத்தா உப்பத்தித⁴ம்மதங் அனதீததாய அஸமூஹதுப்பன்னந்தி வுச்சதி, ஆகாஸேன க³ச்ச²ந்தஸ்ஸ அட்ட²ஸமாபத்திலாபி⁴னோ தே²ரஸ்ஸ குஸுமிதருக்கே² உபவனே புப்பா²னி உச்சினந்தஸ்ஸ மது⁴ரேன ஸரேன கா³யதோ மாதுகா³மஸ்ஸ கீ³தஸவனேன உப்பன்னகிலேஸஜாதங் விய. திவித⁴ம்பி சேதங் ஆரம்மணாதி⁴க்³க³ஹிதாவிக்க²ம்பி⁴தஅஸமூஹதுப்பன்னங் பூ⁴மிலத்³தே⁴னேவ ஸங்க³ஹங் க³ச்ச²தீதி வேதி³தப்³ப³ங்.
838. இச்சேதஸ்மிங் வுத்தப்பபே⁴தே³ உப்பன்னே யதே³தங் வத்தமானபூ⁴தாபக³தோகாஸகதஸமுதா³சாரஸங்கா²தங் சதுப்³பி³த⁴ங் உப்பன்னங், தங் அமக்³க³வஜ்ஜ²த்தா கேனசிபி ஞாணேன பஹாதப்³ப³ங் ந ஹோதி. யங் பனேதங் பூ⁴மிலத்³தா⁴ரம்மணாதி⁴க்³க³ஹிதஅவிக்க²ம்பி⁴தஅஸமூஹதஸங்கா²தங் உப்பன்னங், தஸ்ஸ தங் உப்பன்னபா⁴வங் வினாஸயமானங் யஸ்மா தங் தங் லோகியலோகுத்தரஞாணங் உப்பஜ்ஜதி, தஸ்மா தங் ஸப்³ப³ம்பி பஹாதப்³ப³ங் ஹோதீதி. ஏவமெத்த² யே யேன பஹாதப்³பா³ த⁴ம்மா, தேஸங் பஹானஞ்ச ஜானிதப்³ப³ங்.
பரிஞ்ஞாதி³கிச்சகதா²
839.
கிச்சானி
தானி ச யதா²ஸபா⁴வேன, ஜானிதப்³பா³னி ஸப்³பா³னீதி.
ஸச்சாபி⁴ஸமயகாலங் ஹி ஏதேஸு சதூஸு ஞாணேஸு ஏகேகஸ்ஸ ஏகக்க²ணே பரிஞ்ஞா பஹானங் ஸச்சி²கிரியா பா⁴வனாதி ஏதானி பரிஞ்ஞாதீ³னி சத்தாரி கிச்சானி வுத்தானி, தானி யதா²ஸபா⁴வேன ஜானிதப்³பா³னி. வுத்தங் ஹேதங் போராணேஹி –
‘‘யதா² பதீ³போ அபுப்³ப³ங் அசரிமங் ஏகக்க²ணே சத்தாரி கிச்சானி கரோதி, வட்டிங் ஜா²பேதி, அந்த⁴காரங் வித⁴மதி, ஆலோகங் பரிவித³ங்ஸேதி, ஸினேஹங் பரியாதி³யதி, ஏவமேவ மக்³க³ஞாணங் அபுப்³ப³ங் அசரிமங் ஏகக்க²ணே சத்தாரி ஸச்சானி அபி⁴ஸமேதி, து³க்க²ங் பரிஞ்ஞாபி⁴ஸமயேன அபி⁴ஸமேதி, ஸமுத³யங் பஹானாபி⁴ஸமயேன அபி⁴ஸமேதி, மக்³க³ங் பா⁴வனாபி⁴ஸமயேன அபி⁴ஸமேதி, நிரோத⁴ங் ஸச்சி²கிரியாபி⁴ஸமயேன அபி⁴ஸமேதி. கிங் வுத்தங் ஹோதி? நிரோத⁴ங் ஆரம்மணங் கரித்வா சத்தாரிபி ஸச்சானி பாபுணாதி பஸ்ஸதி படிவிஜ்ஜ²தீ’’தி.
வுத்தம்பி சேதங் ‘‘யோ, பி⁴க்க²வே, து³க்க²ங் பஸ்ஸதி, து³க்க²ஸமுத³யம்பி ஸோ பஸ்ஸதி, து³க்க²னிரோத⁴ம்பி பஸ்ஸதி, து³க்க²னிரோத⁴கா³மினிங் படிபத³ம்பி பஸ்ஸதீ’’தி (ஸங்॰ நி॰ 5.1100) ஸப்³ப³ங் வேதி³தப்³ப³ங்.
அபரம்பி வுத்தங் ‘‘மக்³க³ஸமங்கி³ஸ்ஸ ஞாணங், து³க்கே²பேதங் ஞாணங், து³க்க²ஸமுத³யேபேதங் ஞாணங், து³க்க²னிரோதே⁴பேதங் ஞாணங், து³க்க²னிரோத⁴கா³மினியா படிபதா³யபேதங் ஞாண’’ந்தி (விப⁴॰ 794; படி॰ ம॰ 1.109).
தத்த² யதா² பதீ³போ வட்டிங் ஜா²பேதி, ஏவங் மக்³க³ஞாணங் து³க்க²ங் பரிஜானாதி. யதா² அந்த⁴காரங் வித⁴மதி, ஏவங் ஸமுத³யங் பஜஹதி. யதா² ஆலோகங் பரிவித³ங்ஸேதி, ஏவங் ஸஹஜாதாதி³பச்சயதாய ஸம்மாஸங்கப்பாதி³த⁴ம்மஸங்கா²தங் மக்³க³ங் பா⁴வேதி. யதா² ஸினேஹங் பரியாதி³யதி, ஏவங் கிலேஸபரியாதா³னங் நிரோத⁴ங் ஸச்சி²கரோதீதி ஏவங் உபமாஸங்ஸந்த³னங் வேதி³தப்³ப³ங்.
840. அபரோ
841. அபரோ நயோ – யதா² நாவா அபுப்³ப³ங் அசரிமங் ஏகக்க²ணே சத்தாரி கிச்சானி கரோதி, ஓரிமதீரங் பஜஹதி, ஸோதங் சி²ந்த³தி, ப⁴ண்ட³ங் வஹதி, பாரிமதீரங் அப்பேதி, ஏவமேவ மக்³க³ஞாணங்…பே॰… நிரோத⁴ங் ஸச்சி²கிரியாபி⁴ஸமயேன அபி⁴ஸமேதி. எத்தா²பி யதா² நாவா ஓரிமதீரங் பஜஹதி, ஏவங் மக்³க³ஞாணங் து³க்க²ங் பரிஜானாதி. யதா² ஸோதங் சி²ந்த³தி, ஏவங் ஸமுத³யங் பஜஹதி. யதா² ப⁴ண்ட³ங் வஹதி, ஏவங் ஸஹஜாதாதி³பச்சயதாய மக்³க³ங் பா⁴வேதி. யதா² பாரிமதீரங் அப்பேதி, ஏவங் பாரிமதீரபூ⁴தங் நிரோத⁴ங் ஸச்சி²கரோதீதி ஏவங் உபமாஸங்ஸந்த³னங் வேதி³தப்³ப³ங்.
842. ஏவங் ஸச்சாபி⁴ஸமயகாலஸ்மிங் ஏகக்க²ணே சதுன்னங் கிச்சானங் வஸேன பவத்தஞாணஸ்ஸ பனஸ்ஸ ஸோளஸஹாகாரேஹி தத²ட்டே²ன சத்தாரி கிச்சானி ஏகபடிவேதா⁴னி ஹொந்தி. யதா²ஹ –
‘‘கத²ங் தத²ட்டே²ன சத்தாரி கிச்சானி ஏகபடிவேதா⁴னி? ஸோளஸஹி ஆகாரேஹி தத²ட்டே²ன சத்தாரி கிச்சானி ஏகபடிவேதா⁴னி. து³க்க²ஸ்ஸ பீளனட்டோ², ஸங்க²தட்டோ², ஸந்தாபட்டோ², விபரிணாமட்டோ², தத²ட்டோ². ஸமுத³யஸ்ஸ ஆயூஹனட்டோ², நிதா³னட்டோ², ஸங்யோக³ட்டோ², பலிபோ³த⁴ட்டோ², தத²ட்டோ². நிரோத⁴ஸ்ஸ நிஸ்ஸரணட்டோ², விவேகட்டோ², அஸங்க²தட்டோ², அமதட்டோ², தத²ட்டோ². மக்³க³ஸ்ஸ நிய்யானட்டோ², ஹேதுட்டோ², த³ஸ்ஸனட்டோ², அதி⁴பதெய்யட்டோ², தத²ட்டோ². இமேஹி ஸோளஸஹி ஆகாரேஹி தத²ட்டே²ன சத்தாரி ஸச்சானி ஏகஸங்க³ஹிதானி. யங் ஏகஸங்க³ஹிதங், தங் ஏகத்தங். யங் ஏகத்தங், தங் ஏகேன ஞாணேன படிவிஜ்ஜ²தீதி சத்தாரி ஸச்சானி ஏகபடிவேதா⁴னீ’’தி (படி॰ ம॰ 2.11).
843. தத்த²
தத்த² யதா³ ஏகேகங் ஸச்சங் ஆரம்மணங் கரோதி, ததா³ ஸமுத³யத³ஸ்ஸனேன தாவ ஸபா⁴வதோ பீளனலக்க²ணஸ்ஸாபி து³க்க²ஸ்ஸ, யஸ்மா தங் ஆயூஹனலக்க²ணேன ஸமுத³யேன ஆயூஹிதங் ஸங்க²தங் ராஸிகதங், தஸ்மாஸ்ஸ ஸோ ஸங்க²தட்டோ² ஆவிப⁴வதி. யஸ்மா பன மக்³கோ³ கிலேஸஸந்தாபஹரோ ஸுஸீதலோ, தஸ்மாஸ்ஸ மக்³க³ஸ்ஸ த³ஸ்ஸனேன ஸந்தாபட்டோ² ஆவிப⁴வதி ஆயஸ்மதோ நந்த³ஸ்ஸ அச்ச²ராத³ஸ்ஸனேன ஸுந்த³ரியா அனபி⁴ரூபபா⁴வோ விய. அவிபரிணாமத⁴ம்மஸ்ஸ பன நிரோத⁴ஸ்ஸ த³ஸ்ஸனேனஸ்ஸ விபரிணாமட்டோ² ஆவிப⁴வதீதி வத்தப்³ப³மேவெத்த² நத்தி².
ததா² ஸபா⁴வதோ ஆயூஹனலக்க²ணஸ்ஸாபி ஸமுத³யஸ்ஸ, து³க்க²த³ஸ்ஸனேன நிதா³னட்டோ² ஆவிப⁴வதி அஸப்பாயபோ⁴ஜனதோ உப்பன்னப்³யாதி⁴த³ஸ்ஸனேன போ⁴ஜனஸ்ஸ ப்³யாதி⁴னிதா³னபா⁴வோ விய. விஸங்யோக³பூ⁴தஸ்ஸ நிரோத⁴ஸ்ஸ த³ஸ்ஸனேன ஸங்யோக³ட்டோ². நிய்யானபூ⁴தஸ்ஸ ச மக்³க³ஸ்ஸ த³ஸ்ஸனேன பலிபோ³த⁴ட்டோ²தி.
ததா² நிஸ்ஸரணலக்க²ணஸ்ஸாபி நிரோத⁴ஸ்ஸ, அவிவேகபூ⁴தஸ்ஸ ஸமுத³யஸ்ஸ த³ஸ்ஸனேன விவேகட்டோ² ஆவிப⁴வதி. மக்³க³த³ஸ்ஸனேன அஸங்க²தட்டோ², இமினா ஹி அனமதக்³க³ஸங்ஸாரே மக்³கோ³ நதி³ட்ட²புப்³போ³, ஸோபி ச ஸப்பச்சயத்தா ஸங்க²தோயேவாதி அப்பச்சயத⁴ம்மஸ்ஸ அஸங்க²தபா⁴வோ அதிவிய பாகடோ ஹோதி. து³க்க²த³ஸ்ஸனேன பனஸ்ஸ அமதட்டோ² ஆவிப⁴வதி, து³க்க²ங் ஹி விஸங், அமதங் நிப்³பா³னந்தி.
ததா² நிய்யானலக்க²ணஸ்ஸாபி மக்³க³ஸ்ஸ, ஸமுத³யத³ஸ்ஸனேன ‘‘நாயங் ஹேது நிப்³பா³னஸ்ஸ பத்தியா, அயங் ஹேதூ’’தி ஹேதுட்டோ² ஆவிப⁴வதி. நிரோத⁴த³ஸ்ஸனேன த³ஸ்ஸனட்டோ², பரமஸுகு²மானி ரூபானி பஸ்ஸதோ ‘‘விப்பஸன்னங் வத மே
பரிஞ்ஞாதி³ப்பபே⁴த³கதா²
844. இதா³னி யானி தானி பரிஞ்ஞாதீ³னி சத்தாரி கிச்சானி வுத்தானி, தேஸு –
திவிதா⁴ ஹோதி பரிஞ்ஞா, ததா² பஹானம்பி ஸச்சி²கிரியாபி;
த்³வே பா⁴வனா அபி⁴மதா, வினிச்ச²யோ தத்த² ஞாதப்³போ³.
845. திவிதா⁴ ஹோதி பரிஞ்ஞாதி ஞாதபரிஞ்ஞா தீரணபரிஞ்ஞா பஹானபரிஞ்ஞாதி ஏவங் பரிஞ்ஞா திவிதா⁴ ஹோதி. தத்த² ‘‘அபி⁴ஞ்ஞாபஞ்ஞா ஞாதட்டே²ன ஞாண’’ந்தி (படி॰ ம॰ மாதிகா 1.20) ஏவங் உத்³தி³ஸித்வா ‘‘யே யே த⁴ம்மா அபி⁴ஞ்ஞாதா ஹொந்தி, தே தே த⁴ம்மா ஞாதா ஹொந்தீ’’தி (படி॰ ம॰ 1.75) ஏவங் ஸங்கே²பதோ, ‘‘ஸப்³ப³ங், பி⁴க்க²வே, அபி⁴ஞ்ஞெய்யங். கிஞ்ச, பி⁴க்க²வே, ஸப்³ப³ங் அபி⁴ஞ்ஞெய்யங்? சக்கு²ங், பி⁴க்க²வே, அபி⁴ஞ்ஞெய்ய’’ந்திஆதி³னா (படி॰ ம॰ 1.2) நயேன வித்தா²ரதோ வுத்தா ஞாதபரிஞ்ஞா நாம. தஸ்ஸா ஸப்பச்சயனாமரூபாபி⁴ஜானநா ஆவேணிகா பூ⁴மி.
846. ‘‘பரிஞ்ஞாபஞ்ஞா தீரணட்டே²ன ஞாண’’ந்தி (படி॰ ம॰ மாதிகா 1.21) ஏவங் உத்³தி³ஸித்வா பன ‘‘யே யே த⁴ம்மா பரிஞ்ஞாதா ஹொந்தி, தே தே த⁴ம்மா தீரிதா ஹொந்தீ’’தி (படி॰ ம॰ 1.75) ஏவங் ஸங்கே²பதோ, ‘‘ஸப்³ப³ங், பி⁴க்க²வே, பரிஞ்ஞெய்யங். கிஞ்ச, பி⁴க்க²வே, ஸப்³ப³ங் பரிஞ்ஞெய்யங்? சக்கு²ங், பி⁴க்க²வே, பரிஞ்ஞெய்ய’’ந்திஆதி³னா (படி॰ ம॰ 1.21) நயேன வித்தா²ரதோ வுத்தா தீரணபரிஞ்ஞா நாம. தஸ்ஸா கலாபஸம்மஸனதோ பட்டா²ய அனிச்சங் து³க்க²மனத்தாதி தீரணவஸேன பவத்தமானாய யாவ அனுலோமா ஆவேணிகா பூ⁴மி.
847. ‘‘பஹானபஞ்ஞா பரிச்சாக³ட்டே²ன ஞாண’’ந்தி (படி॰ ம॰ மாதிகா 1.22) ஏவங் பன உத்³தி³ஸித்வா ‘‘யே யே த⁴ம்மா பஹீனா ஹொந்தி, தே தே த⁴ம்மா பரிச்சத்தா ஹொந்தீ’’தி (படி॰ ம॰ 1.75) ஏவங் வித்தா²ரதோ பஹானபரிஞ்ஞா. தஸ்ஸா ப⁴ங்கா³னுபஸ்ஸனதோ பட்டா²ய யாவ மக்³க³ஞாணா பூ⁴மி, அயங் இத⁴ அதி⁴ப்பேதா.
யஸ்மா வா ஞாததீரணபரிஞ்ஞாயோபி தத³த்தா²யேவ, யஸ்மா ச யே த⁴ம்மே பஜஹதி, தே நியமதோ ஞாதா சேவ தீரிதா ச ஹொந்தி, தஸ்மா பரிஞ்ஞாத்தயம்பி இமினா பரியாயேன மக்³க³ஞாணஸ்ஸ கிச்சந்தி வேதி³தப்³ப³ங்.
848. ததா² பஹானம்பீதி பஹானம்பி ஹி விக்க²ம்ப⁴னப்பஹானங் தத³ங்க³ப்பஹானங் ஸமுச்சே²த³ப்பஹானந்தி பரிஞ்ஞா விய திவித⁴மேவ ஹோதி. தத்த² யங் ஸஸேவாலே உத³கே பக்கி²த்தேன க⁴டேன ஸேவாலஸ்ஸ விய தேன தேன லோகியஸமாதி⁴னா நீவரணாதீ³னங் பச்சனீகத⁴ம்மானங் விக்க²ம்ப⁴னங், இத³ங் விக்க²ம்ப⁴னப்பஹானங் நாம. பாளியங் பன ‘‘விக்க²ம்ப⁴னப்பஹானஞ்ச நீவரணானங் பட²மங் ஜா²னங் பா⁴வயதோ’’தி (படி॰ ம॰ 1.24) நீவரணானஞ்ஞேவ விக்க²ம்ப⁴னங் வுத்தங், தங் பாகடத்தா வுத்தந்தி வேதி³தப்³ப³ங். நீவரணானி ஹி ஜா²னஸ்ஸ புப்³ப³பா⁴கே³பி பச்சா²பா⁴கே³பி ந ஸஹஸா சித்தங் அஜ்ஜொ²த்த²ரந்தி, விதக்காத³யோ அப்பிதக்க²ணேயேவ. தஸ்மா நீவரணானங் விக்க²ம்ப⁴னங் பாகடங்.
849. யங் பன ரத்திபா⁴கே³ ஸமுஜ்ஜலிதேன பதீ³பேன அந்த⁴காரஸ்ஸ விய தேன தேன விபஸ்ஸனாய அவயவபூ⁴தேன ஞாணங்கே³ன படிபக்க²வஸேனேவ தஸ்ஸ தஸ்ஸ பஹாதப்³ப³த⁴ம்மஸ்ஸ பஹானங், இத³ங் தத³ங்க³ப்பஹானங் நாம. ஸெய்யதி²த³ங் – நாமரூபபரிச்சே²தே³ன தாவ ஸக்காயதி³ட்டி²யா. பச்சயபரிக்³க³ஹேன அஹேதுவிஸமஹேதுதி³ட்டி²யா சேவ கங்கா²மலஸ்ஸ ச. கலாபஸம்மஸனேன ‘‘அஹங் மமா’’தி ஸமூஹகா³ஹஸ்ஸ. மக்³கா³மக்³க³வவத்தா²னேன அமக்³கே³ மக்³க³ஸஞ்ஞாய. உத³யத³ஸ்ஸனேன உச்சே²த³தி³ட்டி²யா. வயத³ஸ்ஸனேன ஸஸ்ஸததி³ட்டி²யா. ப⁴யதுபட்டா²னேன ஸப⁴யே அப⁴யஸஞ்ஞாய. ஆதீ³னவத³ஸ்ஸனேன அஸ்ஸாத³ஸஞ்ஞாய. நிப்³பி³தா³னுபஸ்ஸனேன அபி⁴ரதிஸஞ்ஞாய. முஞ்சிதுகம்யதாய அமுஞ்சிதுகாமபா⁴வஸ்ஸ. படிஸங்கா²னேன அப்படிஸங்கா²னஸ்ஸ. உபெக்கா²ய அனுபெக்க²னஸ்ஸ. அனுலோமேன ஸச்சபடிலோமகா³ஹஸ்ஸ பஹானங்.
யங் வா பன அட்டா²ரஸஸு மஹாவிபஸ்ஸனாஸு அனிச்சானுபஸ்ஸனாய நிச்சஸஞ்ஞாய. து³க்கா²னுபஸ்ஸனாய ஸுக²ஸஞ்ஞாய. அனத்தானுபஸ்ஸனாய அத்தஸஞ்ஞாய. நிப்³பி³தா³னுபஸ்ஸனாய நந்தி³யா. விராகா³னுபஸ்ஸனாய ராக³ஸ்ஸ. நிரோதா⁴னுபஸ்ஸனாய தத³ங்க³ப்பஹானமேவ.
850. தத்த² யதா² அனிச்சானுபஸ்ஸனாதீ³ஹி ஸத்தஹி நிச்சஸஞ்ஞாதீ³னங் பஹானங் ஹோதி, தங் ப⁴ங்கா³னுபஸ்ஸனே வுத்தமேவ.
க²யானுபஸ்ஸனாதி பன க⁴னவினிப்³போ⁴க³ங் கத்வா அனிச்சங் க²யட்டே²னாதி ஏவங் க²யங் பஸ்ஸதோ ஞாணங். தேன க⁴னஸஞ்ஞாய பஹானங் ஹோதி.
வயானுபஸ்ஸனாதி –
ஆரம்மணான்வயேன, உபோ⁴ ஏகவவத்தா²னா;
நிரோதே⁴ அதி⁴முத்ததா, வயலக்க²ணவிபஸ்ஸனாதி. –
ஏவங் வுத்தா பச்சக்க²தோ சேவ அன்வயதோ ச ஸங்கா²ரானங் ப⁴ங்க³ங் தி³ஸ்வா தஸ்மிஞ்ஞேவ ப⁴ங்க³ஸங்கா²தே நிரோதே⁴ அதி⁴முத்ததா, தாய ஆயூஹனஸ்ஸ பஹானங் ஹோதி. யேஸங் ஹி அத்தா²ய ஆயூஹெய்ய, ‘‘தே ஏவங் வயத⁴ம்மா’’தி விபஸ்ஸதோ ஆயூஹனே சித்தங் ந நமதி.
விபரிணாமானுபஸ்ஸனாதி ரூபஸத்தகாதி³வஸேன தங் தங் பரிச்சே²த³ங் அதிக்கம்ம அஞ்ஞதா²பவத்தித³ஸ்ஸனங். உப்பன்னஸ்ஸ வா ஜராய சேவ மரணேன ச த்³வீஹாகாரேஹி விபரிணாமத³ஸ்ஸனங், தாய து⁴வஸஞ்ஞாய பஹானங் ஹோதி.
அனிமித்தானுபஸ்ஸனாதி அனிச்சானுபஸ்ஸனாவ, தாய நிச்சனிமித்தஸ்ஸ பஹானங் ஹோதி.
அப்பணிஹிதானுபஸ்ஸனாதி து³க்கா²னுபஸ்ஸனாவ, தாய ஸுக²பணிதி⁴ஸுக²பத்த²னாபஹானங் ஹோதி.
ஸுஞ்ஞதானுபஸ்ஸனாதி அனத்தானுபஸ்ஸனாவ, தாய ‘‘அத்தி² அத்தா’’தி அபி⁴னிவேஸஸ்ஸ பஹானங் ஹோதி.
அதி⁴பஞ்ஞாத⁴ம்மவிபஸ்ஸனாதி
‘‘ஆரம்மணஞ்ச படிஸங்கா², ப⁴ங்க³ஞ்ச அனுபஸ்ஸதி;
ஸுஞ்ஞதோ ச உபட்டா²னங், அதி⁴பஞ்ஞா விபஸ்ஸனா’’தி. –
ஏவங் வுத்தா ரூபாதி³ஆரம்மணங் ஜானித்வா தஸ்ஸ ச ஆரம்மணஸ்ஸ ததா³ரம்மணஸ்ஸ ச சித்தஸ்ஸ ப⁴ங்க³ங் தி³ஸ்வா ‘‘ஸங்கா²ராவ பி⁴ஜ்ஜந்தி, ஸங்கா²ரானங் மரணங், ந அஞ்ஞோ கோசி அத்தீ²’’தி ப⁴ங்க³வஸேன ஸுஞ்ஞதங் க³ஹெத்வா பவத்தா விபஸ்ஸனா. ஸா அதி⁴பஞ்ஞா ச த⁴ம்மேஸு ச விபஸ்ஸனாதி கத்வா அதி⁴பஞ்ஞாத⁴ம்மவிபஸ்ஸனாதி வுச்சதி, தாய நிச்சஸாராபா⁴வஸ்ஸ ச அத்தஸாராபா⁴வஸ்ஸ ச ஸுட்டு² தி³ட்ட²த்தா ஸாராதா³னாபி⁴னிவேஸஸ்ஸ பஹானங் ஹோதி.
யதா²பூ⁴தஞாணத³ஸ்ஸனந்தி ஸப்பச்சயனாமரூபபரிக்³க³ஹோ, தேன ‘‘அஹோஸிங் நு கோ² அஹங் அதீதமத்³தா⁴ன’’ந்திஆதி³வஸேன சேவ, ‘‘இஸ்ஸரதோ லோகோ ஸம்போ⁴தீ’’திஆதி³வஸேன ச பவத்தஸ்ஸ ஸம்மோஹாபி⁴னிவேஸஸ்ஸ பஹானங் ஹோதி.
ஆதீ³னவானுபஸ்ஸனாதி ப⁴யதுபட்டா²னவஸேன உப்பன்னங் ஸப்³ப³ப⁴வாதீ³ஸு ஆதீ³னவத³ஸ்ஸனஞாணங், தேன ‘‘கிஞ்சி அல்லீயிதப்³ப³ங் ந தி³ஸ்ஸதீ’’தி ஆலயாபி⁴னிவேஸஸ்ஸ பஹானங் ஹோதி.
படிஸங்கா²னுபஸ்ஸனாதி முஞ்சனஸ்ஸ உபாயகரணங் படிஸங்கா²ஞாணங், தேன அப்படிஸங்கா²ய பஹானங் ஹோதி.
விவட்டானுபஸ்ஸனாதி ஸங்கா²ருபெக்கா² சேவ அனுலோமஞ்ச. ததா³ ஹிஸ்ஸ சித்தங் ஈஸகபோணே பது³மபலாஸே உத³கபி³ந்து³ விய ஸப்³ப³ஸ்மா ஸங்கா²ரக³தா பதிலீயதி, பதிகுடதி, பதிவத்ததீதி வுத்தங். தஸ்மா தாய ஸங்யோகா³பி⁴னிவேஸஸ்ஸ பஹானங் ஹோதி, காமஸங்யோகா³தி³கஸ்ஸ கிலேஸாபி⁴னிவேஸஸ்ஸ கிலேஸப்பவத்தியா பஹானங் ஹோதீதி அத்தோ². ஏவங் வித்தா²ரதோ தத³ங்க³ப்பஹானங் வேதி³தப்³ப³ங். பாளியங் பன ‘‘தத³ங்க³ப்பஹானஞ்ச தி³ட்டி²க³தானங் நிப்³பே³த⁴பா⁴கி³யங் ஸமாதி⁴ங் பா⁴வயதோ’’தி (படி॰ ம॰ 1.24) ஸங்கே²பேனேவ வுத்தங்.
851. யங் ஸமுச்சே²த³ப்பஹானங் நாம. யங் ஸந்தா⁴ய வுத்தங் ‘‘ஸமுச்சே²த³ப்பஹானஞ்ச லோகுத்தரங் க²யகா³மிமக்³க³ங் பா⁴வயதோ’’தி (படி॰ ம॰ 1.24)
852. ஸச்சி²கிரியாபீதி லோகியஸச்சி²கிரியா லோகுத்தரஸச்சி²கிரியாதி த்³வேதா⁴ பி⁴ன்னாபி லோகுத்தராய த³ஸ்ஸனபா⁴வனாவஸேன பே⁴த³தோ திவிதா⁴ ஹோதி. தத்த² ‘‘பட²மஸ்ஸ ஜா²னஸ்ஸ லாபீ⁴ம்ஹி, வஸீம்ஹி, பட²மஜ்ஜா²னங் ஸச்சி²கதங் மயா’’திஆதி³னா (பாரா॰ 203-204) நயேன ஆக³தா பட²மஜ்ஜா²னாதீ³னங் ப²ஸ்ஸனா லோகியஸச்சி²கிரியா நாம. ப²ஸ்ஸனாதி அதி⁴க³ந்த்வா ‘‘இத³ங் மயா அதி⁴க³த’’ந்தி பச்சக்க²தோ ஞாணப²ஸ்ஸேன பு²ஸனா. இமமேவ ஹி அத்த²ங் ஸந்தா⁴ய ‘‘ஸச்சி²கிரியா பஞ்ஞா ப²ஸ்ஸனட்டே² ஞாண’’ந்தி (படி॰ ம॰ மாதிகா 1.24) உத்³தி³ஸித்வா ‘‘யே யே த⁴ம்மா ஸச்சி²கதா ஹொந்தி, தே தே த⁴ம்மா ப²ஸ்ஸிதா ஹொந்தீ’’தி (படி॰ ம॰ 1.75) ஸச்சி²கிரியனித்³தே³ஸோ வுத்தோ.
அபிச அத்தனோ ஸந்தானே அனுப்பாதெ³த்வாபி யே த⁴ம்மா கேவலங் அபரப்பச்சயேன ஞாணேன ஞாதா, தே ஸச்சி²கதா ஹொந்தி. தேனேவ ஹி ‘‘ஸப்³ப³ங், பி⁴க்க²வே, ஸச்சி²காதப்³ப³ங். கிஞ்ச, பி⁴க்க²வே, ஸப்³ப³ங் ஸச்சி²காதப்³ப³ங்? சக்கு², பி⁴க்க²வே, ஸச்சி²காதப்³ப³’’ந்திஆதி³ (படி॰ ம॰ 1.29) வுத்தங்.
அபரம்பி வுத்தங் ‘‘ரூபங் பஸ்ஸந்தோ ஸச்சி²கரோதி. வேத³னங்…பே॰… விஞ்ஞாணங் பஸ்ஸந்தோ ஸச்சி²கரோதி. சக்கு²ங்…பே॰… ஜராமரணங்…பே॰… அமதோக³த⁴ங் நிப்³பா³னங் பஸ்ஸந்தோ ஸச்சி²கரோதீதி. யே யே த⁴ம்மா ஸச்சி²கதா ஹொந்தி, தே தே த⁴ம்மா ப²ஸ்ஸிதா ஹொந்தீ’’தி (படி॰ ம॰ 1.29).
பட²மமக்³க³க்க²ணே பன நிப்³பா³னத³ஸ்ஸனங் த³ஸ்ஸனஸச்சி²கிரியா. ஸேஸமக்³க³க்க²ணேஸு பா⁴வனாஸச்சி²கிரியாதி. ஸா து³விதா⁴பி இத⁴ அதி⁴ப்பேதா. தஸ்மா த³ஸ்ஸனபா⁴வனாவஸேன நிப்³பா³னஸ்ஸ ஸச்சி²கிரியா இமஸ்ஸ ஞாணஸ்ஸ கிச்சந்தி வேதி³தப்³ப³ங்.
853. த்³வே பா⁴வனா அபி⁴மதாதி பா⁴வனா பன லோகியபா⁴வனா லோகுத்தரபா⁴வனாதி த்³வேயேவ அபி⁴மதா. தத்த² லோகியானங் ஸீலஸமாதி⁴பஞ்ஞானங் உப்பாத³னங், தாஹி ச ஸந்தானவாஸனங் லோகியபா⁴வனா. லோகுத்தரானங் உப்பாத³னங், தாஹி ச ஸந்தானவாஸனங் லோகுத்தரபா⁴வனா. தாஸு இத⁴ லோகுத்தரா அதி⁴ப்பேதா. லோகுத்தரானி ஹி ஸீலாதீ³னி சதுப்³பி³த⁴ம்பேதங் ஞாணங் உப்பாதே³தி. தேஸங் ஸஹஜாதபச்சயாதி³தாய தேஹி ச ஸந்தானங் வாஸேதீதி லோகுத்தரபா⁴வனாவஸ்ஸ கிச்சந்தி.
ஏவங் –
கிச்சானி பரிஞ்ஞாதீ³னி, யானி வுத்தானி அபி⁴ஸமயகாலே;
தானி ச யதா²ஸபா⁴வேன, ஜானிதப்³பா³னி ஸப்³பா³னீதி.
எத்தாவதா ச –
‘‘ஸீலே பதிட்டா²ய நரோ ஸபஞ்ஞோ, சித்தங் பஞ்ஞஞ்ச பா⁴வய’’ந்தி. –
ஏவங் ஸரூபேனேவ ஆப⁴தாய பஞ்ஞாபா⁴வனாய விதா⁴னத³ஸ்ஸனத்த²ங் யங் வுத்தங் ‘‘மூலபூ⁴தா த்³வே விஸுத்³தி⁴யோ ஸம்பாதெ³த்வா ஸரீரபூ⁴தா பஞ்ச விஸுத்³தி⁴யோ ஸம்பாதெ³ந்தேன பா⁴வேதப்³பா³’’தி, தங் வித்தா²ரிதங் ஹோதி. கத²ங் பா⁴வேதப்³பா³தி அயஞ்ச பஞ்ஹோ விஸ்ஸஜ்ஜிதோதி.
இதி ஸாது⁴ஜனபாமோஜ்ஜத்தா²ய கதே விஸுத்³தி⁴மக்³கே³
பஞ்ஞாபா⁴வனாதி⁴காரே
ஞாணத³ஸ்ஸனவிஸுத்³தி⁴னித்³தே³ஸோ நாம
பா³வீஸதிமோ பரிச்சே²தோ³.