16. இந்த்³ரியஸச்சனித்³தே³ஸோ
இந்த்³ரியவித்தா²ரகதா²
525. தா⁴தூனங் இந்த்³ரியானீதி பா³வீஸதிந்த்³ரியானி – சக்கு²ந்த்³ரியங் ஸோதிந்த்³ரியங் கா⁴னிந்த்³ரியங் ஜிவ்ஹிந்த்³ரியங் காயிந்த்³ரியங் மனிந்த்³ரியங் இத்தி²ந்த்³ரியங் புரிஸிந்த்³ரியங் ஜீவிதிந்த்³ரியங் ஸுகி²ந்த்³ரியங் து³க்கி²ந்த்³ரியங் ஸோமனஸ்ஸிந்த்³ரியங் தோ³மனஸ்ஸிந்த்³ரியங் உபெக்கி²ந்த்³ரியங் ஸத்³தி⁴ந்த்³ரியங் வீரியிந்த்³ரியங் ஸதிந்த்³ரியங் ஸமாதி⁴ந்த்³ரியங் பஞ்ஞிந்த்³ரியங் அனஞ்ஞாதஞ்ஞஸ்ஸாமீதிந்த்³ரியங் அஞ்ஞிந்த்³ரியங் அஞ்ஞாதாவிந்த்³ரியந்தி. தத்த² –
அத்த²தோ லக்க²ணாதீ³ஹி, கமதோ ச விஜானியா;
பே⁴தா³பே⁴தா³ ததா² கிச்சா, பூ⁴மிதோ ச வினிச்ச²யங்.
தத்த² சக்கா²தீ³னங் தாவ சக்க²தீதி சக்கூ²திஆதி³னா நயேன அத்தோ² பகாஸிதோ. பச்சி²மேஸு பன தீஸு பட²மங் புப்³ப³பா⁴கே³ அனஞ்ஞாதங் அமதங் பத³ங் சதுஸச்சத⁴ம்மங் வா ஜானிஸ்ஸாமீதி ஏவங் படிபன்னஸ்ஸ உப்பஜ்ஜனதோ இந்த்³ரியட்ட²ஸம்ப⁴வதோ ச அனஞ்ஞாதஞ்ஞஸ்ஸாமீதிந்த்³ரியந்தி வுத்தங். து³தியங் ஆஜானநதோ இந்த்³ரியட்ட²ஸம்ப⁴வதோ ச அஞ்ஞிந்த்³ரியங். ததியங் அஞ்ஞாதாவினோ சதூஸு ஸச்சேஸு நிட்டி²தஞ்ஞாணகிச்சஸ்ஸ கீ²ணாஸவஸ்ஸ உப்பஜ்ஜனதோ இந்த்³ரியட்ட²ஸம்ப⁴வதோ ச அஞ்ஞாதாவிந்த்³ரியங்.
கோ பன நேஸங் இந்த்³ரியட்டோ² நாமாதி? இந்த³லிங்க³ட்டோ² இந்த்³ரியட்டோ². இந்த³தே³ஸிதட்டோ² இந்த்³ரியட்டோ². இந்த³தி³ட்ட²ட்டோ² இந்த்³ரியட்டோ². இந்த³ஸிட்ட²ட்டோ² இந்த்³ரியட்டோ². இந்த³ஜுட்ட²ட்டோ² இந்த்³ரியட்டோ². ஸோ ஸப்³போ³பி இத⁴ யதா²யோக³ங் யுஜ்ஜதி. ப⁴க³வா ஹி ஸம்மாஸம்பு³த்³தோ⁴ பரமிஸ்ஸரியபா⁴வதோ இந்தோ³. குஸலாகுஸலஞ்ச கம்மங், கம்மேஸு கஸ்ஸசி இஸ்ஸரியாபா⁴வதோ. தேனேவெத்த² கம்மஸஞ்ஜனிதானி தாவ இந்த்³ரியானி குஸலாகுஸலகம்மங்
அபிச
லக்க²ணாதீ³ஹீதி லக்க²ணரஸபச்சுபட்டா²னபத³ட்டா²னேஹிபி சக்கா²தீ³னங் வினிச்ச²யங் விஜானியாதி அத்தோ². தானி ச நேஸங் லக்க²ணாதீ³னி க²ந்த⁴னித்³தே³ஸே வுத்தானேவ. பஞ்ஞிந்த்³ரியாதீ³னி ஹி சத்தாரி அத்த²தோ அமோஹோயேவ. ஸேஸானி தத்த² ஸரூபேனேவ ஆக³தானி.
526. கமதோதி அயம்பி தே³ஸனாக்கமோவ. தத்த² அஜ்ஜ²த்தத⁴ம்மே பரிஞ்ஞாய அரியபூ⁴மிபடிலாபோ⁴ ஹோதீதி அத்தபா⁴வபரியாபன்னானி சக்கு²ந்த்³ரியாதீ³னி பட²மங் தே³ஸிதானி. ஸோ பன அத்தபா⁴வோ யங் த⁴ம்மங் உபாதா³ய இத்தீ²தி வா புரிஸோதி வா ஸங்க²ங் க³ச்ச²தி, அயங் ஸோதி நித³ஸ்ஸனத்த²ங் ததோ இத்தி²ந்த்³ரியங் புரிஸிந்த்³ரியஞ்ச. ஸோ து³விதோ⁴பி ஜீவிதிந்த்³ரியபடிப³த்³த⁴வுத்தீதி ஞாபனத்த²ங் ததோ ஜீவிதிந்த்³ரியங். யாவ தஸ்ஸ பவத்தி, தாவ ஏதேஸங் வேத³யிதானங் அனிவத்தி. யஞ்ச கிஞ்சி வேத³யிதங், ஸப்³ப³ங் தங் து³க்க²ந்தி ஞாபனத்த²ங் ததோ ஸுகி²ந்த்³ரியாதீ³னி. தங்னிரோத⁴த்த²ங் பன ஏதே த⁴ம்மா பா⁴வேதப்³பா³தி படிபத்தித³ஸ்ஸனத்த²ங் ததோ ஸத்³தா⁴தீ³னி. இமாய படிபத்தியா ஏஸ த⁴ம்மோ பட²மங் அத்தனி பாதுப⁴வதீதி படிபத்தியா அமோக⁴பா⁴வத³ஸ்ஸனத்த²ங் ததோ அனஞ்ஞாதஞ்ஞஸ்ஸாமீதிந்த்³ரியங். தஸ்ஸேவ ப²லத்தா ததோ அனந்தரங் பா⁴வேதப்³ப³தோ ச ததோ அஞ்ஞிந்த்³ரியங். ததோ பரங் பா⁴வனாய இமஸ்ஸ அதி⁴க³மோ, அதி⁴க³தே ச பன இமஸ்மிங் நத்தி² கிஞ்சி உத்தரி கரணீயந்தி ஞாபனத்த²ங் அந்தே பரமஸ்ஸாஸபூ⁴தங் அஞ்ஞாதாவிந்த்³ரியங் தே³ஸிதந்தி அயமெத்த² கமோ.
பே⁴தா³பே⁴தா³தி ஜீவிதிந்த்³ரியஸ்ஸேவ செத்த² பே⁴தோ³. தஞ்ஹி ரூபஜீவிதிந்த்³ரியங் அரூபஜீவிதிந்த்³ரியந்தி து³வித⁴ங் ஹோதி. ஸேஸானங் அபே⁴தோ³தி ஏவமெத்த² பே⁴தா³பே⁴த³தோ வினிச்ச²யங் விஜானியா.
527. கிச்சாதி
528. பூ⁴மிதோதி சக்கு²ஸோதகா⁴னஜிவ்ஹாகாயஇத்தி²புரிஸஸுக²து³க்க²தோ³மனஸ்ஸிந்த்³ரியானி செத்த² காமாவசரானேவ. மனிந்த்³ரியஜீவிதிந்த்³ரியஉபெக்கி²ந்த்³ரியானி ஸத்³தா⁴வீரியஸதிஸமாதி⁴பஞ்ஞிந்த்³ரியானி ச சதுபூ⁴மிபரியாபன்னானி. ஸோமனஸ்ஸிந்த்³ரியங் காமாவசரரூபாவசரலோகுத்தரவஸேன பூ⁴மித்தயபரியாபன்னங். அவஸானே தீணி லோகுத்தரானேவாதி ஏவமெத்த² பூ⁴மிதோபி வினிச்ச²யங் விஜானெய்ய. ஏவங் ஹி விஜானந்தோ –
ஸங்வேக³ப³ஹுலோ பி⁴க்கு², டி²தோ இந்த்³ரியஸங்வரே;
இந்த்³ரியானி பரிஞ்ஞாய, து³க்க²ஸ்ஸந்தங் கரிஸ்ஸதீதி.
இத³ங் இந்த்³ரியானங் வித்தா²ரகதா²முக²ங்.
ஸச்சவித்தா²ரகதா²
529. தத³னந்தரானி பன ஸச்சானீதி சத்தாரி அரியஸச்சானி – து³க்க²ங் அரியஸச்சங், து³க்க²ஸமுத³யோ
விபா⁴க³தோ
அத்த²த்து²த்³தா⁴ரதோ சேவ, அனூனாதி⁴கதோ ததா².
கமதோ ஜாதிஆதீ³னங், நிச்ச²யா ஞாணகிச்சதோ;
அந்தோக³தா⁴னங் பபே⁴தா³, உபமாதோ சதுக்கதோ.
ஸுஞ்ஞதேகவிதா⁴தீ³ஹி, ஸபா⁴க³விஸபா⁴க³தோ;
வினிச்ச²யோ வேதி³தப்³போ³, விஞ்ஞுனா ஸாஸனக்கமே.
தத்த² விபா⁴க³தோதி து³க்கா²தீ³னங் ஹி சத்தாரோ சத்தாரோ அத்தா² விப⁴த்தா ததா² அவிததா² அனஞ்ஞதா², யே து³க்கா²தீ³னி அபி⁴ஸமெந்தேஹி அபி⁴ஸமேதப்³பா³. யதா²ஹ – ‘‘து³க்க²ஸ்ஸ பீளனட்டோ² ஸங்க²தட்டோ² ஸந்தாபட்டோ² விபரிணாமட்டோ², இமே சத்தாரோ து³க்க²ஸ்ஸ து³க்க²ட்டா² ததா² அவிததா² அனஞ்ஞதா². ஸமுத³யஸ்ஸ ஆயூஹனட்டோ² நிதா³னட்டோ² ஸங்யோக³ட்டோ² பலிபோ³த⁴ட்டோ². நிரோத⁴ஸ்ஸ நிஸ்ஸரணட்டோ² விவேகட்டோ² அஸங்க²தட்டோ² அமதட்டோ². மக்³க³ஸ்ஸ நிய்யானட்டோ² ஹேதுட்டோ² த³ஸ்ஸனட்டோ² அதி⁴பதெய்யட்டோ². இமே சத்தாரோ மக்³க³ஸ்ஸ மக்³க³ட்டா² ததா² அவிததா² அனஞ்ஞதா²’’தி (படி॰ ம॰ 2.8). ததா² ‘‘து³க்க²ஸ்ஸ பீளனட்டோ² ஸங்க²தட்டோ² ஸந்தாபட்டோ² விபரிணாமட்டோ² அபி⁴ஸமயட்டோ²’’தி (படி॰ ம॰ 2.11) ஏவமாதி³. இதி ஏவங் விப⁴த்தானங் சதுன்னங் சதுன்னங் அத்தா²னங் வஸேன து³க்கா²தீ³னி வேதி³தப்³பா³னீதி. அயங் தாவெத்த² விபா⁴க³தோ வினிச்ச²யோ.
530. நிப்³ப³சனலக்க²ணாதி³ப்பபே⁴த³தோதி எத்த² பன நிப்³ப³சனதோ தாவ இத⁴ து³-இதி அயங் ஸத்³தோ³ குச்சி²தே தி³ஸ்ஸதி. குச்சி²தங் ஹி புத்தங் து³ப்புத்தோதி வத³ந்தி. க²ங்-ஸத்³தோ³ பன துச்சே². துச்ச²ங் ஹி ஆகாஸங் ‘‘க²’’ந்தி வுச்சதி. இத³ஞ்ச பட²மஸச்சங் குச்சி²தங் அனேகஉபத்³த³வாதி⁴ட்டா²னதோ. துச்ச²ங் பா³லஜனபரிகப்பிதது⁴வஸுப⁴ஸுக²த்தபா⁴வவிரஹிததோ. தஸ்மா குச்சி²தத்தா துச்ச²த்தா ச து³க்க²ந்தி வுச்சதி.
ஸங்-இதி உ-இதி அயங் ‘‘உப்பன்னங் உதி³த’’ந்திஆதீ³ஸு (த⁴॰ ஸ॰ 1; மஹாவ॰ 84) உப்பத்திங். அய-ஸத்³தோ³ காரணங் தீ³பேதி. இத³ஞ்சாபி து³தியஸச்சங் அவஸேஸபச்சயஸமாயோகே³ ஸதி து³க்க²ஸ்ஸுப்பத்திகாரணங். இதி து³க்க²ஸ்ஸ ஸங்யோகே³ உப்பத்திகாரணத்தா து³க்க²ஸமுத³யந்தி வுச்சதி.
ததியஸச்சங் நி-ஸத்³தோ³ அபா⁴வங், ரோத⁴-ஸத்³தோ³ ச சாரகங் தீ³பேதி. தஸ்மா அபா⁴வோ எத்த² ஸங்ஸாரசாரகஸங்கா²தஸ்ஸ து³க்க²ரோத⁴ஸ்ஸ ஸப்³ப³க³திஸுஞ்ஞத்தா, ஸமதி⁴க³தே வா தஸ்மிங் ஸங்ஸாரசாரகஸங்கா²தஸ்ஸ து³க்க²ரோத⁴ஸ்ஸ அபா⁴வோ ஹோதி, தப்படிபக்க²த்தாதிபி து³க்க²னிரோத⁴ந்தி வுச்சதி. து³க்க²ஸ்ஸ வா அனுப்பாத³னிரோத⁴பச்சயத்தா து³க்க²னிரோத⁴ந்தி.
சதுத்த²ஸச்சங் பன யஸ்மா ஏதங் து³க்க²னிரோத⁴ங் க³ச்ச²தி ஆரம்மணவஸேன தத³பி⁴முக²பூ⁴தத்தா, படிபதா³ ச ஹோதி து³க்க²னிரோத⁴ப்பத்தியா. தஸ்மா து³க்க²னிரோத⁴கா³மினீ படிபதா³தி வுச்சதி.
531. யஸ்மா பனேதானி பு³த்³தா⁴த³யோ அரியா படிவிஜ்ஜ²ந்தி, தஸ்மா அரியஸச்சானீதி வுச்சந்தி. யதா²ஹ ‘‘சத்தாரிமானி, பி⁴க்க²வே, அரியஸச்சானி. கதமானி…பே॰… இமானி கோ², பி⁴க்க²வே, சத்தாரி அரியஸச்சானி. அரியா இமானி படிவிஜ்ஜ²ந்தி, தஸ்மா அரியஸச்சானீதி வுச்சந்தீ’’தி. அபிச அரியஸ்ஸ ஸச்சானீதிபி அரியஸச்சானி. யதா²ஹ ‘‘ஸதே³வகே, பி⁴க்க²வே, லோகே…பே॰… மனுஸ்ஸாய ததா²க³தோ அரியோ, தஸ்மா அரியஸச்சானீதி வுச்சந்தீ’’தி (ஸங்॰ நி॰ 5.1098). அத² வா ஏதேஸங் அபி⁴ஸம்பு³த்³த⁴த்தா அரியபா⁴வஸித்³தி⁴தோபி அரியஸச்சானி. யதா²ஹ – ‘‘இமேஸங் கோ², பி⁴க்க²வே, சதுன்னங் அரியஸச்சானங் யதா²பூ⁴தங் அபி⁴ஸம்பு³த்³த⁴த்தா ததா²க³தோ அரஹங் ஸம்மாஸம்பு³த்³தோ⁴ அரியோதி வுச்சதீ’’தி. அபிச கோ² பன அரியானி ஸச்சானீதிபி அரியஸச்சானி. அரியானீதி ததா²னி அவிததா²னி அவிஸங்வாத³கானீதி அத்தோ². யதா²ஹ – ‘‘இமானி கோ², பி⁴க்க²வே, சத்தாரி அரியஸச்சானி ததா²னி அவிததா²னி அனஞ்ஞதா²னி, தஸ்மா அரியஸச்சானீதி வுச்சந்தீ’’தி (ஸங்॰ நி॰ 5.1097) ஏவமெத்த² நிப்³ப³சனதோ வினிச்ச²யோ வேதி³தப்³போ³.
532. கத²ங் லக்க²ணாதி³ப்பபே⁴த³தோ? எத்த² ஹி பா³த⁴னலக்க²ணங் து³க்க²ஸச்சங், ஸந்தாபனரஸங், பவத்திபச்சுபட்டா²னங். பப⁴வலக்க²ணங் ஸமுத³யஸச்சங், அனுபச்சே²த³கரணரஸங், பலிபோ³த⁴பச்சுபட்டா²னங். ஸந்திலக்க²ணங் நிரோத⁴ஸச்சங், அச்சுதிரஸங், அனிமித்தபச்சுபட்டா²னங். நிய்யானலக்க²ணங் மக்³க³ஸச்சங், கிலேஸப்பஹானரஸங், வுட்டா²னபச்சுபட்டா²னங். அபிச பவத்திபவத்தனநிவத்தினிவத்தனலக்க²ணானி படிபாடியா. ததா² ஸங்க²ததண்ஹா அஸங்க²தத³ஸ்ஸனலக்க²ணானி சாதி ஏவமெத்த² லக்க²ணாதி³ப்பபே⁴த³தோ வினிச்ச²யோ வேதி³தப்³போ³.
533. அத்த²த்து²த்³தா⁴ரதோ சேவாதி எத்த² பன அத்த²தோ தாவ கோ ஸச்சட்டோ²தி சே? யோ பஞ்ஞாசக்கு²னா உபபரிக்க²மானானங் மாயாவ விபரீதோ, மரீசிவ விஸங்வாத³கோ, தித்தி²யானங் அத்தாவ அனுபலப்³ப⁴ஸபா⁴வோ ச ந ஹோதி, அத² கோ² பா³த⁴னப்பப⁴வஸந்தினிய்யானப்பகாரேன தச்சா²விபரீதபூ⁴தபா⁴வேன அரியஞாணஸ்ஸ கோ³சரோ ஹோதியேவ. ஏஸ அக்³கி³லக்க²ணங் விய, லோகபகதி விய ச தச்சா²விபரீதபூ⁴தபா⁴வோ ஸச்சட்டோ²தி வேதி³தப்³போ³. யதா²ஹ – ‘‘இத³ங் து³க்க²ந்தி, பி⁴க்க²வே, தத²மேதங் அவிதத²மேதங் அனஞ்ஞத²மேத’’ந்தி (ஸங்॰ நி॰ 5.1090) வித்தா²ரோ. அபிச –
நாபா³த⁴கங் யதோ து³க்க²ங், து³க்கா² அஞ்ஞங் ந பா³த⁴கங்;
பா³த⁴கத்தனியாமேன, ததோ ஸச்சமித³ங் மதங்.
தங் வினா நாஞ்ஞதோ து³க்க²ங், ந ஹோதி ந ச தங் ததோ;
து³க்க²ஹேதுனியாமேன, இதி ஸச்சங் விஸத்திகா.
நாஞ்ஞா நிப்³பா³னதோ ஸந்தி, ஸந்தங் ந ச ந தங் யதோ;
ஸந்தபா⁴வனியாமேன, ததோ ஸச்சமித³ங் மதங்.
மக்³கா³ அஞ்ஞங் ந நிய்யானங், அனிய்யானோ ந சாபி ஸோ;
தச்ச²னிய்யானபா⁴வத்தா, இதி ஸோ ஸச்சஸம்மதோ.
இதி தச்சா²விபல்லாஸ, பூ⁴தபா⁴வங் சதூஸ்வபி;
து³க்கா²தீ³ஸ்வவிஸேஸேன, ஸச்சட்ட²ங் ஆஹு பண்டி³தாதி.
ஏவங் அத்த²தோ வினிச்ச²யோ வேதி³தப்³போ³.
534. கத²ங் அத்து²த்³தா⁴ரதோ? இதா⁴யங் ஸச்ச-ஸத்³தோ³ அனேகேஸு அத்தே²ஸு தி³ஸ்ஸதி. ஸெய்யதி²த³ங் – ‘‘ஸச்சங் ப⁴ணே ந குஜ்ஜெ²ய்யா’’திஆதீ³ஸு (த⁴॰ ப॰ 224) வாசாஸச்சே. ‘‘ஸச்சே டி²தா ஸமணப்³ராஹ்மணா சா’’திஆதீ³ஸு (ஜா॰ 2.21.433) விரதிஸச்சே. ‘‘கஸ்மா நு ஸச்சானி வத³ந்தி நானா பவாதி³யாஸே குஸலாவதா³னா’’திஆதீ³ஸு (ஸு॰ நி॰ 891) தி³ட்டி²ஸச்சே. ‘‘ஏகங் ஹி ஸச்சங் ந து³திய’’ந்திஆதீ³ஸு (ஸு॰ நி॰ 890) பரமத்த²ஸச்சே நிப்³பா³னே சேவ மக்³கே³ ச. ‘‘சதுன்னங் அரியஸச்சானங் கதி குஸலா’’திஆதீ³ஸு (விப⁴॰ 216) அரியஸச்சே. ஸ்வாயமிதா⁴பி அரியஸச்சே வத்ததீதி ஏவமெத்த² அத்து²த்³தா⁴ரதோபி வினிச்ச²யோ வேதி³தப்³போ³.
535. அனூனாதி⁴கதோதி
அபிச பவத்திமாசிக்க²ந்தோ ப⁴க³வா ஸஹேதுகங் ஆசிக்கி², நிவத்திஞ்ச ஸஉபாயங். இதி பவத்தினிவத்திதது³ப⁴யஹேதூனங் ஏதபரமதோ சத்தாரேவ வுத்தானி. ததா² பரிஞ்ஞெய்யபஹாதப்³ப³ஸச்சி²காதப்³ப³பா⁴வேதப்³பா³னங், தண்ஹாவத்து²தண்ஹாதண்ஹானிரோத⁴தண்ஹானிரோது⁴பாயானங், ஆலயஆலயாராமதாஆலயஸமுக்³கா⁴தஆலயஸமுக்³கா⁴துபாயானஞ்ச வஸேனாபி சத்தாரேவ வுத்தானீதி ஏவமெத்த² அனூனாதி⁴கதோ வினிச்ச²யோ வேதி³தப்³போ³.
536. கமதோதி அயம்பி தே³ஸனாக்கமோவ. எத்த² ச ஓளாரிகத்தா, ஸப்³ப³ஸத்தஸாதா⁴ரணத்தா ச ஸுவிஞ்ஞெய்யந்தி து³க்க²ஸச்சங் பட²மங் வுத்தங். தஸ்ஸேவ ஹேதுத³ஸ்ஸனத்த²ங் தத³னந்தரங் ஸமுத³யஸச்சங். ஹேதுனிரோதா⁴ ப²லனிரோதோ⁴தி ஞாபனத்த²ங் ததோ நிரோத⁴ஸச்சங். தத³தி⁴க³முபாயத³ஸ்ஸனத்த²ங் அந்தே மக்³க³ஸச்சங். ப⁴வஸுக²ஸ்ஸாத³க³தி⁴தானங் வா ஸத்தானங் ஸங்வேக³ஜனநத்த²ங் பட²மங் து³க்க²மாஹ. தங் நேவ அகதங் ஆக³ச்ச²தி
537. ஜாதிஆதீ³னங் நிச்ச²யாதி யே தே அரியஸச்சானி நித்³தி³ஸந்தேன ப⁴க³வதா ‘‘ஜாதிபி து³க்கா², ஜராபி து³க்கா², மரணம்பி து³க்க²ங், ஸோகபரிதே³வது³க்க²தோ³மனஸ்ஸுபாயாஸாபி து³க்கா², அப்பியேஹி ஸம்பயோகோ³ து³க்கோ², பியேஹி
து³க்க²னித்³தே³ஸகதா²
ஜாதினித்³தே³ஸோ
ஸெய்யதி²த³ங், அயஞ்ஹி ஜாதி-ஸத்³தோ³ அனேகத்தோ². ததா² ஹேஸ ‘‘ஏகம்பி ஜாதிங் த்³வேபி ஜாதியோ’’தி (தீ³॰ நி॰ 1.244; பாரா॰ 12) எத்த² ப⁴வே ஆக³தோ. ‘‘அத்தி², விஸாகே², நிக³ண்டா² நாம ஸமணஜாதீ’’தி (அ॰ நி॰ 3.71) எத்த² நிகாயே. ‘‘ஜாதி த்³வீஹி க²ந்தே⁴ஹி ஸங்க³ஹிதா’’தி (தா⁴து॰ 71) எத்த² ஸங்க²தலக்க²ணே. ‘‘யங் மாதுகுச்சி²ஸ்மிங் பட²மங் சித்தங் உப்பன்னங், பட²மங் விஞ்ஞாணங் பாதுபூ⁴தங், தது³பாதா³ய ஸாவஸ்ஸ ஜாதீ’’தி (மஹாவ॰ 124) எத்த² படிஸந்தி⁴யங். ‘‘ஸம்பதிஜாதோ, ஆனந்த³, போ³தி⁴ஸத்தோ’’தி (ம॰ நி॰ 3.207) எத்த² பஸூதியங். ‘‘அக்கி²த்தோ அனுபகுட்டோ² ஜாதிவாதே³னா’’தி (தீ³॰ நி॰ 1.331) எத்த² குலே. ‘‘யதோஹங், ப⁴கி³னி, அரியாய ஜாதியா ஜாதோ’’தி (ம॰ நி॰ 2.351) எத்த² அரியஸீலே.
538. ஸ்வாயமித⁴
ஸா
539. கஸ்மா பனேஸா து³க்கா²தி சே? அனேகேஸங் து³க்கா²னங் வத்து²பா⁴வதோ. அனேகானி ஹி து³க்கா²னி. ஸெய்யதி²த³ங் – து³க்க²து³க்க²ங், விபரிணாமது³க்க²ங், ஸங்கா²ரது³க்க²ங், படிச்ச²ன்னது³க்க²ங், அப்படிச்ச²ன்னது³க்க²ங், பரியாயது³க்க²ங், நிப்பரியாயது³க்க²ந்தி.
தத்த² காயிகசேதஸிகா து³க்கா² வேத³னாஸபா⁴வதோ ச நாமதோ ச து³க்க²த்தா து³க்க²து³க்க²ந்தி வுச்சதி.
ஸுகா² வேத³னா விபரிணாமேன து³க்கு²ப்பத்திஹேதுதோ விபரிணாமது³க்க²ங்.
உபெக்கா² வேத³னா சேவ அவஸேஸா ச தேபூ⁴மகா ஸங்கா²ரா உத³யப்³ப³யப்படிபீளிதத்தா ஸங்கா²ரது³க்க²ங். கண்ணஸூலத³ந்தஸூலராக³ஜபரிளாஹதோ³ஸஜபரிளாஹாதி³ காயிகசேதஸிகோ ஆபா³தோ⁴ புச்சி²த்வா ஜானிதப்³ப³தோ உபக்கமஸ்ஸ ச அபாகடபா⁴வதோ படிச்ச²ன்னது³க்க²ங் நாம. அபாகடது³க்க²ந்திபி வுச்சதி.
த்³வத்திங்ஸகம்மகாரணாதி³ஸமுட்டா²னோ ஆபா³தோ⁴ அபுச்சி²த்வாவ ஜானிதப்³ப³தோ உபக்கமஸ்ஸ ச பாகடபா⁴வதோ அப்படிச்ச²ன்னது³க்க²ங் நாம. பாகடது³க்க²ந்திபி வுச்சதி.
ட²பெத்வா து³க்க²து³க்க²ங் ஸேஸங் து³க்க²ஸச்சவிப⁴ங்கே³ ஆக³தங் ஜாதிஆதி³ ஸப்³ப³ம்பி தஸ்ஸ தஸ்ஸ து³க்க²ஸ்ஸ வத்து²பா⁴வதோ பரியாயது³க்க²ங். து³க்க²து³க்க²ங் பன நிப்பரியாயது³க்க²ந்தி வுச்சதி.
தத்ராயங்
540. தத்ரித³ங் க³ப்³போ⁴க்கந்திமூலகாதி³பே⁴த³ங் து³க்க²ங் – அயங் ஹி ஸத்தோ மாதுகுச்சி²ம்ஹி நிப்³ப³த்தமானோ ந உப்பலபது³மபுண்ட³ரீகாதீ³ஸு நிப்³ப³த்ததி, அத² கோ² ஹெட்டா² ஆமாஸயஸ்ஸ உபரி பக்காஸயஸ்ஸ உத³ரபடலபிட்டி²கண்டகானங் வேமஜ்ஜே² பரமஸம்பா³தே⁴ திப்³ப³ந்த⁴காரேனானாகுணபக³ந்த⁴பரிபா⁴விதபரமது³க்³க³ந்த⁴பவனவிசரிதே அதி⁴மத்தஜேகு³ச்சே² குச்சி²பதே³ஸே பூதிமச்ச²பூதிகும்மாஸசந்த³னிகாதீ³ஸு கிமி விய நிப்³ப³த்ததி. ஸோ தத்த² நிப்³ப³த்தோ த³ஸ மாஸே மாதுகுச்சி²ஸம்ப⁴வேன உஸ்மனா புடபாகங் விய பச்சமானோ பிட்ட²பிண்டி³ விய ஸேதி³யமானோ ஸமிஞ்ஜனபஸாரணாதி³ரஹிதோ அதி⁴மத்தங் து³க்க²மனுபோ⁴தீதி, இத³ங் தாவ க³ப்³போ⁴க்கந்திமூலகங் து³க்க²ங்.
யங் க³ப்³ப⁴பரிஹரணமூலகங் து³க்க²ங்.
யங் பனஸ்ஸ மூள்ஹக³ப்³பா⁴ய மாதுயா மித்தாமச்சஸுஹஜ்ஜாதீ³ஹிபி அத³ஸ்ஸனாரஹே து³க்கு²ப்பத்திட்டா²னே சே²த³னபா²லனாதீ³ஹி து³க்க²ங் உப்பஜ்ஜதி, இத³ங் க³ப்³ப⁴விபத்திமூலகங் து³க்க²ங்.
யங் விஜாயமானாய மாதுயா கம்மஜேஹி வாதேஹி பரிவத்தெத்வா நரகபபாதங் விய அதிப⁴யானகங் யோனிமக்³க³ங் படிபாதியமானஸ்ஸ பரமஸம்பா³தே⁴ன யோனிமுகே²ன தாளச்சி²க்³க³ளேன விய நிக்கட்³டி⁴யமானஸ்ஸ மஹானாக³ஸ்ஸ நரகஸத்தஸ்ஸ விய ச ஸங்கா⁴தபப்³ப³தேஹி விசுண்ணியமானஸ்ஸ து³க்க²ங் உப்பஜ்ஜதி, இத³ங் விஜாயனமூலகங் து³க்க²ங்.
யங் பன ஜாதஸ்ஸ தருணவணஸதி³ஸஸுகு²மாலஸரீரஸ்ஸ ஹத்த²க³ஹணனஹாபனதோ⁴வனசோளபரிமஜ்ஜனாதி³காலே ப³ஹினிக்க²மனமூலகங் து³க்க²ங்.
யங் ததோ பரங் பவத்தியங் அத்தனாவ அத்தானங் வதெ⁴ந்தஸ்ஸ அசேலகவதாதி³வஸேன ஆதாபனபரிதாபனானுயோக³மனுயுத்தஸ்ஸ, கோத⁴வஸேன அபு⁴ஞ்ஜந்தஸ்ஸ, உப்³ப³ந்த⁴ந்தஸ்ஸ ச து³க்க²ங் உப்பஜ்ஜதி, இத³ங் அத்தூபக்கமமூலகங் து³க்க²ங். யங் பன பரதோ வத⁴ப³ந்த⁴னாதீ³னி அனுப⁴வந்தஸ்ஸ உப்பஜ்ஜதி, இத³ங் பரூபக்கமமூலகங் து³க்க²ந்தி.
இதி இமஸ்ஸ ஸப்³ப³ஸ்ஸாபி து³க்க²ஸ்ஸ அயங் ஜாதி வத்து²மேவ ஹோதி.
541. தேனேதங் வுச்சதி –
ஜாயேத² நோ சே நரகேஸு ஸத்தோ,
தத்தக்³கி³தா³ஹாதி³கமப்பஸய்ஹங்;
லபே⁴த² து³க்க²ங் நு குஹிங் பதிட்ட²ங்,
இச்சாஹ து³க்கா²தி முனீத⁴ ஜாதிங்.
து³க்க²ங்
த³ண்டா³பி⁴கா⁴தாதி³ப⁴வங் அனேகங்;
யங் தங் கத²ங் தத்த² ப⁴வெய்ய ஜாதிங்,
வினா தஹிங் ஜாதி ததோபி து³க்கா².
பேதேஸு து³க்க²ங் பன கு²ப்பிபாஸா-
வாதாதபாதி³ப்பப⁴வங் விசித்தங்;
யஸ்மா அஜாதஸ்ஸ ந தத்த² அத்தி²,
தஸ்மாபி து³க்க²ங் முனி ஜாதிமாஹ.
திப்³ப³ந்த⁴காரே
லோகந்தரே யங் அஸுரேஸு து³க்க²ங்;
ந தங் ப⁴வே தத்த² ந சஸ்ஸ ஜாதி,
யதோ அயங் ஜாதி ததோபி து³க்கா².
யஞ்சாபி கூ³த²னரகே விய மாதுக³ப்³பே⁴,
ஸத்தோ வஸங் சிரமதோ ப³ஹி நிக்க²மஞ்ச;
பப்போதி து³க்க²மதிகோ⁴ரமித³ம்பி நத்தி²,
ஜாதிங் வினா இதிபி ஜாதி அயஞ்ஹி து³க்கா².
கிங் பா⁴ஸிதேன ப³ஹுனா நனு யங் குஹிஞ்சி,
அத்தீ²த⁴ கிஞ்சித³பி து³க்க²மித³ங் கதா³சி;
நேவத்தி² ஜாதிவிரஹேன யதோ மஹேஸி,
து³க்கா²தி ஸப்³ப³பட²மங் இமமாஹ ஜாதிந்தி.
அயங் தாவ ஜாதியங் வினிச்ச²யோ.
ஜரானித்³தே³ஸோ
542. ஜராபி து³க்கா²தி எத்த² து³விதா⁴ ஜரா ஸங்க²தலக்க²ணஞ்ச, க²ண்டி³ச்சாதி³ஸம்மதோ ஸந்ததியங் ஏகப⁴வபரியாபன்னக²ந்த⁴புராணபா⁴வோ ச, ஸா இத⁴ அதி⁴ப்பேதா. ஸா பனேஸா ஜரா க²ந்த⁴பரிபாகலக்க²ணா, மரணூபனயனரஸா, யொப்³ப³னவினாஸபச்சுபட்டா²னா. து³க்கா² ஸங்கா²ரது³க்க²பா⁴வதோ சேவ து³க்க²வத்து²தோ ச
‘‘அங்கா³னங் ஸிதி²லீபா⁴வா, இந்த்³ரியானங் விகாரதோ;
யொப்³ப³னஸ்ஸ வினாஸேன, ப³லஸ்ஸ உபகா⁴ததோ.
‘‘விப்பவாஸா
அபஸாத³னீயதோ சேவ, பி⁴ய்யோ பா³லத்தபத்தியா.
‘‘பப்போதி து³க்க²ங் யங் மச்சோ, காயிகங் மானஸங் ததா²;
ஸப்³ப³மேதங் ஜராஹேது, யஸ்மா தஸ்மா ஜரா து³கா²’’தி.
அயங் ஜராயங் வினிச்ச²யோ.
மரணனித்³தே³ஸோ
543. மரணம்பி து³க்க²ந்தி எத்தா²பி து³வித⁴ங் மரணங் ஸங்க²தலக்க²ணஞ்ச, யங் ஸந்தா⁴ய வுத்தங் ‘‘ஜராமரணங் த்³வீஹி க²ந்தே⁴ஹி ஸங்க³ஹித’’ந்தி (தா⁴து॰ 71). ஏகப⁴வபரியாபன்னஜீவிதிந்த்³ரியப்பப³ந்த⁴விச்சே²தோ³ ச, யங் ஸந்தா⁴ய வுத்தங் ‘‘நிச்சங் மரணதோ ப⁴ய’’ந்தி (ஸு॰ நி॰ 581). தங் இத⁴ அதி⁴ப்பேதங். ஜாதிபச்சயா மரணங் உபக்கமமரணங் ஸரஸமரணங் ஆயுக்க²யமரணங் புஞ்ஞக்க²யமரணந்திபி தஸ்ஸேவ நாமங். தயித³ங் சுதிலக்க²ணங், வியோக³ரஸங், க³திவிப்பவாஸபச்சுபட்டா²னங். து³க்க²ஸ்ஸ பன வத்து²பா⁴வதோ து³க்க²ந்தி வேதி³தப்³ப³ங். தேனேதங் வுச்சதி –
‘‘பாபஸ்ஸ பாபகம்மாதி³-நிமித்தமனுபஸ்ஸதோ;
ப⁴த்³த³ஸ்ஸாபஸஹந்தஸ்ஸ, வியோக³ங் பியவத்து²கங்;
மீயமானஸ்ஸ யங் து³க்க²ங், மானஸங் அவிஸேஸதோ.
ஸப்³பே³ஸஞ்சாபி யங் ஸந்தி⁴-ப³ந்த⁴னச்சே²த³னாதி³கங்;
விதுஜ்ஜமானமம்மானங், ஹோதி து³க்க²ங் ஸரீரஜங்.
அஸய்ஹமப்பதிகாரங், து³க்க²ஸ்ஸேதஸ்ஸித³ங் யதோ;
மரணங் வத்து² தேனேதங், து³க்க²மிச்சேவ பா⁴ஸித’’ந்தி.
அயங் மரணே வினிச்ச²யோ.
ஸோகாதி³னித்³தே³ஸா
544. ஸோகாதீ³ஸு ஸோகோ நாம ஞாதிப்³யஸனாதீ³ஹி பு²ட்ட²ஸ்ஸ சித்தஸந்தாபோ. ஸோ கிஞ்சாபி அத்த²தோ தோ³மனஸ்ஸமேவ ஹோதி. ஏவங் ஸந்தேபி அந்தோனிஜ்ஜா²னலக்க²ணோ, சேதஸோ பரிஜ்ஜா²பனரஸோ, அனுஸோசனபச்சுபட்டா²னோ. து³க்கோ² பன து³க்க²து³க்க²தோ து³க்க²வத்து²தோ ச. தேனேதங் வுச்சதி –
‘‘ஸத்தானங் ஹத³யங் ஸோகோ, விஸஸல்லங்வ துஜ்ஜதி;
அக்³கி³தத்தோவ நாராசோ, பு⁴ஸங்வ த³ஹதே புன.
‘‘ஸமாவஹதி ச ப்³யாதி⁴-ஜராமரணபே⁴த³னங்;
து³க்க²ம்பி விவித⁴ங் யஸ்மா, தஸ்மா து³க்கோ²தி வுச்சதீ’’தி.
அயங் ஸோகே வினிச்ச²யோ.
பரிதே³வோ
545. பரிதே³வோ நாம ஞாதிப்³யஸனாதீ³ஹி பு²ட்ட²ஸ்ஸ வசீபலாபோ. ஸோ லாலப்பனலக்க²ணோ, கு³ணதோ³ஸகித்தனரஸோ, ஸம்ப⁴மபச்சுபட்டா²னோ. து³க்கோ² பன ஸங்கா²ரது³க்க²பா⁴வதோ து³க்க²வத்து²தோ ச. தேனேதங் வுச்சதி –
‘‘யங் ஸோகஸல்லவிஹதோ பரிதே³வமானோ,
கண்டொ²ட்ட²தாலுதலஸோஸஜமப்பஸய்ஹங்;
பி⁴ய்யோதி⁴மத்தமதி⁴க³ச்ச²தியேவ து³க்க²ங்,
து³க்கோ²தி தேன ப⁴க³வா பரிதே³வமாஹா’’தி.
அயங் பரிதே³வே வினிச்ச²யோ.
து³க்க²ங்
546. து³க்க²ங்
‘‘பீளேதி காயிகமித³ங், து³க்க²ஞ்ச மானஸங் பி⁴ய்யோ;
ஜனயதி யஸ்மா தஸ்மா, து³க்க²ந்தி விஸேஸதோ வுத்த’’ந்தி.
அயங் து³க்கே² வினிச்ச²யோ.
தோ³மனஸ்ஸங்
547. தோ³மனஸ்ஸங்
‘‘பீளேதி யதோ சித்தங், காயஸ்ஸ ச பீளனங் ஸமாவஹதி;
து³க்க²ந்தி தோ³மனஸ்ஸங், விதோ³மனஸ்ஸா ததோ ஆஹூ’’தி.
அயங் தோ³மனஸ்ஸே வினிச்ச²யோ.
உபாயாஸோ
548. உபாயாஸோ நாம ஞாதிப்³யஸனாதீ³ஹி பு²ட்ட²ஸ்ஸ அதி⁴மத்தசேதோது³க்க²ப்பபா⁴விதோ தோ³ஸோயேவ. ஸங்கா²ரக்க²ந்த⁴பரியாபன்னோ ஏகோ த⁴ம்மோதி ஏகே. ஸோ சித்தபரித³ஹனலக்க²ணோ, நித்து²னநரஸோ
‘‘சித்தஸ்ஸ ச பரித³ஹனா, காயஸ்ஸ விஸாத³னா ச அதி⁴மத்தங்;
யங் து³க்க²முபாயாஸோ, ஜனேதி து³க்கோ² ததோ வுத்தோ’’தி.
அயங் உபாயாஸே வினிச்ச²யோ.
எத்த² ச மந்த³க்³கி³னா அந்தோபா⁴ஜனே பாகோ விய ஸோகோ. திக்க²க்³கி³னா பச்சமானஸ்ஸ பா⁴ஜனதோ ப³ஹினிக்க²மனங் விய பரிதே³வோ. ப³ஹினிக்க²ந்தாவஸேஸஸ்ஸ நிக்க²மிதுங் அப்பஹொந்தஸ்ஸ அந்தோபா⁴ஜனேயேவ யாவ பரிக்க²யா பாகோ விய உபாயாஸோ த³ட்ட²ப்³போ³.
அப்பியஸம்பயோகோ³
549. அப்பியஸம்பயோகோ³ நாம அமனாபேஹி ஸத்தஸங்கா²ரேஹி ஸமோதா⁴னங். ஸோ அனிட்ட²ஸமோதா⁴னலக்க²ணோ, சித்தவிகா⁴தகரணரஸோ, அனத்த²பா⁴வபச்சுபட்டா²னோ. து³க்கோ² பன து³க்க²வத்து²தோ. தேனேதங் வுச்சதி –
‘‘தி³ஸ்வாவ
தது³பக்கமஸம்பூ⁴த-மத²காயே யதோ இத⁴.
‘‘ததோ து³க்க²த்³வயஸ்ஸாபி, வத்து²தோ ஸோ மஹேஸினா;
து³க்கோ² வுத்தோதி விஞ்ஞெய்யோ, அப்பியேஹி ஸமாக³மோ’’தி.
அயங் அப்பியஸம்பயோகே³ வினிச்ச²யோ.
பியவிப்பயோகோ³
550. பியவிப்பயோகோ³ நாம மனாபேஹி ஸத்தஸங்கா²ரேஹி வினாபா⁴வோ. ஸோ இட்ட²வத்து²வியோக³லக்க²ணோ
‘‘ஞாதித⁴னாதி³வியோகா³,
ஸோகஸரஸமப்பிதா விதுஜ்ஜந்தி;
பா³லா யதோ ததோ யங்,
து³க்கோ²தி மதோ பியவிப்பயோகோ³’’தி.
அயங் பியவிப்பயோகே³ வினிச்ச²யோ.
இச்சி²தாலாபோ⁴
551. யம்பிச்ச²ங் ந லப⁴தீதி எத்த² ‘‘அஹோ வத மயங் ந ஜாதித⁴ம்மா அஸ்ஸாமா’’திஆதீ³ஸு (தீ³॰ நி॰ 2.398; விப⁴॰ 201) அலப்³ப⁴னெய்யவத்தூ²ஸு இச்சா²வ யம்பிச்ச²ங் ந லப⁴தி, தம்பி து³க்க²ந்தி வுத்தா. ஸா அலப்³ப⁴னெய்யவத்து²இச்ச²னலக்க²ணா, தப்பரியேஸனரஸா, தேஸங் அப்பத்திபச்சுபட்டா²னா. து³க்கா² பன து³க்க²வத்து²தோ. தேனேதங் வுச்சதி –
‘‘தங் தங் பத்த²யமானானங், தஸ்ஸ தஸ்ஸ அலாப⁴தோ;
யங் விகா⁴தமயங் து³க்க²ங், ஸத்தானங் இத⁴ ஜாயதி.
‘‘அலப்³ப⁴னெய்யவத்தூ²னங், பத்த²னா தஸ்ஸ காரணங்;
யஸ்மா தஸ்மா ஜினோ து³க்க²ங், இச்சி²தாலாப⁴மப்³ரவீ’’தி.
அயங் இச்சி²தாலாபே⁴ வினிச்ச²யோ.
பஞ்சுபாதா³னக்க²ந்தா⁴
552. ஸங்கி²த்தேன பஞ்சுபாதா³னக்க²ந்தா⁴ து³க்கா²தி எத்த² பன –
ஜாதிப்பபு⁴திகங்
அவுத்தங் யஞ்ச தங் ஸப்³ப³ங், வினா ஏதே ந விஜ்ஜதி.
யஸ்மா தஸ்மா உபாதா³ன-க்க²ந்தா⁴ ஸங்கே²பதோ இமே;
து³க்கா²தி வுத்தா து³க்க²ந்த-தே³ஸகேன மஹேஸினா.
ததா² ஹி இந்த⁴னமிவ பாவகோ, லக்க²மிவ பஹரணானி, கோ³ரூபங் விய ட³ங்ஸமகஸாத³யோ, கெ²த்தமிவ லாயகா, கா³மங் விய கா³மகா⁴தகா உபாதா³னக்க²ந்த⁴பஞ்சகமேவ ஜாதிஆத³யோ நானப்பகாரேஹி விபா³தெ⁴ந்தா திணலதாதீ³னி விய பூ⁴மியங், புப்ப²ப²லபல்லவானி விய ருக்கே²ஸு உபாதா³னக்க²ந்தே⁴ஸுயேவ நிப்³ப³த்தந்தி. உபாதா³னக்க²ந்தா⁴னஞ்ச ஆதி³து³க்க²ங் ஜாதி, மஜ்ஜே²து³க்க²ங் ஜரா, பரியோஸானது³க்க²ங் மரணங், மாரணந்திகது³க்கா²பி⁴கா⁴தேன பரிட³ய்ஹனது³க்க²ங் ஸோகோ, தத³ஸஹனதோ லாலப்பனது³க்க²ங் பரிதே³வோ, ததோ தா⁴துக்கோ²ப⁴ஸங்கா²தஅனிட்ட²பொ²ட்ட²ப்³ப³ஸமாயோக³தோ காயஸ்ஸ ஆபா³த⁴னது³க்க²ங் து³க்க²ங், தேன பா³தி⁴யமானானங் புது²ஜ்ஜனானங் தத்த² படிகு⁴ப்பத்திதோ சேதோபா³த⁴னது³க்க²ங் தோ³மனஸ்ஸங், ஸோகாதி³வுத்³தி⁴யா ஜனிதவிஸாதா³னங் அனுத்து²னநது³க்க²ங் உபாயாஸோ, மனோரத²விகா⁴தப்பத்தானங் இச்சா²விகா⁴தது³க்க²ங் இச்சி²தாலாபோ⁴தி ஏவங் நானப்பகாரதோ உபபரிக்கி²யமானா உபாதா³னக்க²ந்தா⁴வ து³க்கா²தி. யதே³தங் ஏகமேகங் த³ஸ்ஸெத்வா வுச்சமானங் அனேகேஹிபி கப்பேஹி ந ஸக்கா அஸேஸதோ வத்துங், தஸ்மா தங் ஸப்³ப³ம்பி து³க்க²ங் ஏகஜலபி³ந்து³ம்ஹி ஸகலஸமுத்³த³ஜலரஸங் விய யேஸு கேஸுசி பஞ்சஸு உபாதா³னக்க²ந்தே⁴ஸு ஸங்கி²பித்வா த³ஸ்ஸேதுங் ‘‘ஸங்கி²த்தேன பஞ்சுபாதா³னக்க²ந்தா⁴ து³க்கா²’’தி ப⁴க³வா அவோசாதி. அயங் உபாதா³னக்க²ந்தே⁴ஸு வினிச்ச²யோ.
அயங் தாவ து³க்க²னித்³தே³ஸே நயோ.
ஸமுத³யனித்³தே³ஸகதா²
553. ஸமுத³யனித்³தே³ஸே பன யாயங் தண்ஹாதி யா அயங் தண்ஹா. போனொப்³ப⁴விகாதி புனப்³ப⁴வகரணங் புனொப்³ப⁴வோ, புனொப்³ப⁴வோ ஸீலமேதிஸ்ஸாதி நந்தீ³ராகே³ன ஸஹக³தாதி நந்தீ³ராக³ஸஹக³தா, நந்தீ³ராகே³ன ஸத்³தி⁴ங் அத்த²தோ ஏகத்தமேவ க³தாதி வுத்தங் ஹோதி. தத்ர தத்ராபி⁴னந்தி³னீதி யத்ர யத்ர அத்தபா⁴வோ நிப்³ப³த்ததி, தத்ர தத்ராபி⁴னந்தி³னீ. ஸெய்யதி²த³ந்தி நிபாதோ
அயங் ஸமுத³யனித்³தே³ஸே நயோ.
நிரோத⁴னித்³தே³ஸகதா²
554. து³க்க²னிரோத⁴னித்³தே³ஸே யோ தஸ்ஸாயேவ தண்ஹாயாதிஆதி³னா நயேன ஸமுத³யனிரோதோ⁴ வுத்தோ, ஸோ கஸ்மாதி சே? ஸமுத³யனிரோதே⁴ன து³க்க²னிரோதோ⁴. ஸமுத³யனிரோதே⁴ன ஹி து³க்க²ங் நிருஜ்ஜ²தி, ந அஞ்ஞதா². தேனாஹ –
‘‘யதா²பி மூலே அனுபத்³த³வே த³ள்ஹே,
சி²ன்னோபி ருக்கோ² புனதே³வ ரூஹதி;
ஏவம்பி தண்ஹானுஸயே அனூஹதே,
நிப்³ப³த்ததீ து³க்க²மித³ங் புனப்புன’’ந்தி. (த⁴॰ ப॰ 338);
இதி யஸ்மா ஸமுத³யனிரோதே⁴னேவ து³க்க²ங் நிருஜ்ஜ²தி, தஸ்மா ப⁴க³வா து³க்க²னிரோத⁴ங் தே³ஸெந்தோ ஸமுத³யனிரோதே⁴னேவ தே³ஸேஸி. ஸீஹஸமானவுத்தினோ ஹி ததா²க³தா. தே து³க்க²ங் நிரோதெ⁴ந்தா து³க்க²னிரோத⁴ஞ்ச தே³ஸெந்தா ஹேதும்ஹி படிபஜ்ஜந்தி, ந ப²லே. ஸுவானவுத்தினோ பன தித்தி²யா. தே து³க்க²ங் நிரோதெ⁴ந்தா து³க்க²னிரோத⁴ஞ்ச தே³ஸெந்தா அத்தகிலமதா²னுயோக³தே³ஸனாதீ³ஹி ப²லே படிபஜ்ஜந்தி, ந ஹேதும்ஹீதி. ஏவங் தாவ து³க்க²னிரோத⁴ஸ்ஸ ஸமுத³யனிரோத⁴வஸேன தே³ஸனாய பயோஜனங் வேதி³தப்³ப³ங்.
555. அயங் பனத்தோ² – தஸ்ஸாயேவ தண்ஹாயாதி தஸ்ஸா ‘‘போனொப்³ப⁴விகா’’தி வத்வா காமதண்ஹாதி³வஸேன விப⁴த்ததண்ஹாய. விராகோ³ வுச்சதி மக்³கோ³. ‘‘விராகா³ விமுச்சதீ’’தி (ம॰ நி॰ 1.245; ஸங்॰ நி॰ 3.14) ஹி வுத்தங். விராகே³ன நிரோதோ⁴ விராக³னிரோதோ⁴. அனுஸயஸமுக்³கா⁴ததோ அஸேஸோ விராக³னிரோதோ⁴ அஸேஸவிராக³னிரோதோ⁴. அத² வா விராகோ³தி பஹானங் வுச்சதி, தஸ்மா அஸேஸோ
556. தயித³ங் ஸந்திலக்க²ணங், அச்சுதிரஸங், அஸ்ஸாஸகரணரஸங் வா, அனிமித்தபச்சுபட்டா²னங், நிப்பபஞ்சபச்சுபட்டா²னங் வா.
நிப்³பா³னகதா²
557. நத்தே²வ நிப்³பா³னங், ஸஸவிஸாணங் விய அனுபலப்³ப⁴னீயதோதி சே? ந, உபாயேன உபலப்³ப⁴னீயதோ. உபலப்³ப⁴தி ஹி தங் தத³னுரூபபடிபத்திஸங்கா²தேன உபாயேன, சேதோபரியஞாணேன பரேஸங் லோகுத்தரசித்தங் விய, தஸ்மா ‘‘அனுபலப்³ப⁴னீயதோ நத்தீ²’’தி ந வத்தப்³ப³ங். ந ஹி ‘‘யங் பா³லபுது²ஜ்ஜனா ந உபலப⁴ந்தி, தங் நத்தீ²’’தி வத்தப்³ப³ங்.
558. அபிச நிப்³பா³னங் நத்தீ²தி ந வத்தப்³ப³ங், கஸ்மா? படிபத்தியா வஞ்ஜ²பா⁴வாபஜ்ஜனதோ. அஸதி ஹி நிப்³பா³னே ஸம்மாதி³ட்டி²புரேஜவாய ஸீலாதி³க²ந்த⁴த்தயஸங்க³ஹாய ஸம்மாபடிபத்தியா வஞ்ஜ²பா⁴வோ ஆபஜ்ஜதி. ந சாயங் வஞ்ஜா², நிப்³பா³னபாபனதோதி. ந படிபத்தியா வஞ்ஜ²பா⁴வாபத்தி, அபா⁴வபாபகத்தாதி சே. ந, அதீதானாக³தாபா⁴வேபி நிப்³பா³னபத்தியா அபா⁴வதோ. வத்தமானானம்பி அபா⁴வோ நிப்³பா³னந்தி சே. ந, தேஸங் அபா⁴வாஸம்ப⁴வதோ, அபா⁴வே ச அவத்தமானபா⁴வாபஜ்ஜனதோ, வத்தமானக்க²ந்த⁴னிஸ்ஸிதமக்³க³க்க²ணே ச ஸோபாதி³ஸேஸனிப்³பா³னதா⁴துப்பத்தியா அபா⁴வதோ³ஸதோ. ததா³ கிலேஸானங் அவத்தமானத்தா ந தோ³ஸோதி சே. ந, அரியமக்³க³ஸ்ஸ நிரத்த²கபா⁴வாபஜ்ஜனதோ. ஏவஞ்ஹி ஸதி அரியமக்³க³க்க²ணதோ புப்³பே³பி கிலேஸா ந ஸந்தீதி அரியமக்³க³ஸ்ஸ நிரத்த²கபா⁴வோ ஆபஜ்ஜதி. தஸ்மா அகாரணமேதங்.
559. ‘‘யோ கோ², ஆவுஸோ, ராக³க்க²யோ’’திஆதி³வசனதோ (ஸங்॰ நி॰ 4.315) ‘‘க²யோ நிப்³பா³ன’’ந்தி சே. ந, அரஹத்தஸ்ஸாபி க²யமத்தாபஜ்ஜனதோ. தம்பி ஹி
அனுப்பத்தினிரோத⁴ஸங்கா²தஸ்ஸ பன க²யஸ்ஸ பரியாயேன உபனிஸ்ஸயத்தா, யஸ்ஸ உபனிஸ்ஸயோ ஹோதி தது³பசாரேன ‘‘க²யோ’’தி வுத்தங். ஸரூபேனேவ கஸ்மா ந வுத்தந்தி சே. அதிஸுகு²மத்தா. அதிஸுகு²மதா சஸ்ஸ ப⁴க³வதோ அப்போஸுக்கபா⁴வாவஹனதோ, அரியேன சக்கு²னா பஸ்ஸிதப்³ப³தோ ச ஸித்³தா⁴தி.
560. தயித³ங் மக்³க³ஸமங்கி³னா பத்தப்³ப³தோ அஸாதா⁴ரணங், புரிமகோடியா அபா⁴வதோ அப்பப⁴வங். மக்³க³பா⁴வே பா⁴வதோ ந அப்பப⁴வந்தி சே. ந, மக்³கே³ன அனுப்பாத³னீயதோ. பத்தப்³ப³மேவ ஹேதங் மக்³கே³ன, ந உப்பாதே³தப்³ப³ங். தஸ்மா அப்பப⁴வமேவ. அப்பப⁴வத்தா அஜராமரணங். பப⁴வஜராமரணானங் அபா⁴வதோ நிச்சங்.
நிப்³பா³னஸ்ஸேவ அணுஆதீ³னம்பி நிச்சபா⁴வாபத்தீதி சே. ந, ஹேதுனோ அபா⁴வா. நிப்³பா³னஸ்ஸ நிச்சத்தா தே நிச்சாதி சே. ந, ஹேதுலக்க²ணஸ்ஸ அனுபபத்திதோ. நிச்சா உப்பாதா³தீ³னங் அபா⁴வதோ நிப்³பா³னங் வியாதி சே. ந, அணுஆதீ³னங் அஸித்³த⁴த்தா.
561. யதா²வுத்தயுத்திஸப்³பா⁴வதோ பன இத³மேவ நிச்சங், ரூபஸபா⁴வாதிக்கமதோ அரூபங். பு³த்³தா⁴தீ³னங் நிட்டா²ய விஸேஸாபா⁴வதோ ஏகாவ நிட்டா². யேன பா⁴வனாய பத்தங், தஸ்ஸ கிலேஸவூபஸமங், உபாதி³ஸேஸஞ்ச உபாதா³ய பஞ்ஞாபனீயத்தா ஸஹ உபாதி³ஸேஸேன பஞ்ஞாபியதீதி ஸஉபாதி³ஸேஸங். யோ சஸ்ஸ ஸமுத³யப்பஹானேன உபஹதாயதிகம்மப²லஸ்ஸ சரிமசித்ததோ ச உத்³த⁴ங் பவத்திக²ந்தா⁴னங் அனுப்பாத³னதோ, உப்பன்னானஞ்ச அந்தரதா⁴னதோ உபாதி³ஸேஸாபா⁴வோ அனுபாதி³ஸேஸங்.
அஸிதி²லபரக்கமஸித்³தே⁴ன
இத³ங் து³க்க²னிரோத⁴னித்³தே³ஸே வினிச்ச²யகதா²முக²ங்.
மக்³க³னித்³தே³ஸகதா²
562. து³க்க²னிரோத⁴கா³மினிபடிபதா³னித்³தே³ஸே வுத்தா பன அட்ட² த⁴ம்மா காமங் க²ந்த⁴னித்³தே³ஸேபி அத்த²தோ பகாஸிதாயேவ, இத⁴ பன நேஸங் ஏகக்க²ணே பவத்தமானானங் விஸேஸாவபோ³த⁴னத்த²ங் வதா³ம. ஸங்கே²பதோ ஹி சதுஸச்சபடிவேதா⁴ய படிபன்னஸ்ஸ யோகி³னோ நிப்³பா³னாரம்மணங் அவிஜ்ஜானுஸயஸமுக்³கா⁴தகங் பஞ்ஞாசக்கு² ஸம்மாதி³ட்டி². ஸா ஸம்மா த³ஸ்ஸனலக்க²ணா, தா⁴துப்பகாஸனரஸா, அவிஜ்ஜந்த⁴காரவித்³த⁴ங்ஸனபச்சுபட்டா²னா. ததா² ஸம்பன்னதி³ட்டி²னோ தங்ஸம்பயுத்தங் மிச்சா²ஸங்கப்பனிகா⁴தகங் சேதஸோ நிப்³பா³னபதா³பி⁴னிரோபனங் ஸம்மாஸங்கப்போ. ஸோ ஸம்மா சித்தாபி⁴னிரோபனலக்க²ணோ, அப்பனாரஸோ, மிச்சா²ஸங்கப்பப்பஹானபச்சுபட்டா²னோ.
ததா² பஸ்ஸதோ விதக்கயதோ ச தங்ஸம்பயுத்தாவ வசீது³ச்சரிதஸமுக்³கா⁴திகா மிச்சா²வாசாய விரதி ஸம்மாவாசா நாம. ஸா பரிக்³க³ஹலக்க²ணா, விரமணரஸா, மிச்சா²வாசாப்பஹானபச்சுபட்டா²னா. ததா² விரமதோ தங்ஸம்பயுத்தாவ மிச்சா²கம்மந்தஸமுச்சே²தி³கா பாணாதிபாதாதி³விரதி ஸம்மாகம்மந்தோ நாம. ஸோ ஸமுட்டா²பனலக்க²ணோ, விரமணரஸோ, மிச்சா²கம்மந்தப்பஹானபச்சுபட்டா²னோ. யா பனஸ்ஸ தேஸங் ஸம்மாவாசாகம்மந்தானங் விஸுத்³தி⁴பூ⁴தா தங்ஸம்பயுத்தாவ குஹனாதி³உபச்சே²தி³கா மிச்சா²ஜீவவிரதி, ஸோ ஸம்மாஆஜீவோ நாம. ஸோ வோதா³னலக்க²ணோ, ஞாயாஜீவபவத்திரஸோ, மிச்சா²ஜீவப்பஹானபச்சுபட்டா²னோ.
அத²ஸ்ஸ யோ தஸ்ஸா ஸம்மாவாசாகம்மந்தாஜீவஸங்கா²தாய ஸீலபூ⁴மியங் பதிட்டி²தஸ்ஸ தத³னுரூபோ தங்ஸம்பயுத்தோவ கோஸஜ்ஜஸமுச்சே²த³கோ வீரியாரம்போ⁴, ஏஸ ஸம்மாவாயாமோ நாம. ஸோ பக்³க³ஹலக்க²ணோ, அனுப்பன்னஅகுஸலானுப்பாத³னாதி³ரஸோ, மிச்சா²வாயாமப்பஹானபச்சுபட்டா²னோ. தஸ்ஸேவங் வாயமதோ தங்ஸம்பயுத்தோவ மிச்சா²ஸதிவினித்³து⁴னநோ சேதஸோ அஸம்மோஸோ ஸம்மாஸதி நாம. ஸா உபட்டா²னலக்க²ணா, அஸம்முஸ்ஸனரஸா, மிச்சா²ஸதிப்பஹானபச்சுபட்டா²னா. ஏவங் அனுத்தராய ஸதியா ஸங்ரக்கி²யமானசித்தஸ்ஸ ஸம்மாஸமாதி⁴ நாம. ஸோ அவிக்கே²பலக்க²ணோ, ஸமாதா⁴னரஸோ, மிச்சா²ஸமாதி⁴ப்பஹானபச்சுபட்டா²னோதி. அயங் து³க்க²னிரோத⁴கா³மினிபடிபதா³னித்³தே³ஸே நயோ. ஏவமெத்த² ஜாதிஆதீ³னங் வினிச்ச²யோ வேதி³தப்³போ³.
563. ஞாணகிச்சதோதி ஸச்சஞாணஸ்ஸ கிச்சதோபி வினிச்ச²யோ வேதி³தப்³போ³. து³வித⁴ங் ஹி ஸச்சஞாணங் – அனுபோ³த⁴ஞாணங் படிவேத⁴ஞாணஞ்ச. தத்த² அனுபோ³த⁴ஞாணங் லோகியங் அனுஸ்ஸவாதி³வஸேன நிரோதே⁴ மக்³கே³ ச பவத்ததி. படிவேத⁴ஞாணங் லோகுத்தரங் நிரோத⁴மாரம்மணங் கத்வா கிச்சதோ சத்தாரி ஸச்சானி படிவிஜ்ஜ²தி. யதா²ஹ – ‘‘யோ, பி⁴க்க²வே, து³க்க²ங் பஸ்ஸதி, து³க்க²ஸமுத³யம்பி ஸோ பஸ்ஸதி, து³க்க²னிரோத⁴ம்பி பஸ்ஸதி, து³க்க²னிரோத⁴கா³மினிங் படிபத³ம்பி பஸ்ஸதீ’’தி (ஸங்॰ நி॰ 5.1100) ஸப்³ப³ங் வத்தப்³ப³ங். தங் பனஸ்ஸ கிச்சங் ஞாணத³ஸ்ஸனவிஸுத்³தி⁴யங் ஆவிப⁴விஸ்ஸதி.
யங் பனேதங் லோகியங், தத்த² து³க்க²ஞாணங் பரியுட்டா²னாபி⁴ப⁴வவஸேன பவத்தமானங் ஸக்காயதி³ட்டி²ங் நிவத்தேதி. ஸமுத³யஞாணங் உச்சே²த³தி³ட்டி²ங். நிரோத⁴ஞாணங் ஸஸ்ஸததி³ட்டி²ங். மக்³க³ஞாணங் அகிரியதி³ட்டி²ங். து³க்க²ஞாணங் வா து⁴வஸுப⁴ஸுக²த்தபா⁴வவிரஹிதேஸு க²ந்தே⁴ஸு து⁴வஸுப⁴ஸுக²த்தபா⁴வஸஞ்ஞாஸங்கா²தங் ப²லே விப்படிபத்திங். ஸமுத³யஞாணங் இஸ்ஸரபதா⁴னகாலஸபா⁴வாதீ³ஹி லோகோ பவத்ததீதி அகாரணே காரணாபி⁴மானப்பவத்தங் ஹேதும்ஹி விப்படிபத்திங். நிரோத⁴ஞாணங் அரூபலோகலோகதூ²பிகாதீ³ஸு அபவக்³க³கா³ஹபூ⁴தங் நிரோதே⁴ விப்படிபத்திங். மக்³க³ஞாணங் காமஸுக²ல்லிகஅத்தகிலமதா²னுயோக³ப்பபே⁴தே³ அவிஸுத்³தி⁴மக்³கே³ விஸுத்³தி⁴மக்³க³கா³ஹவஸேன பவத்தங் உபாயே விப்படிபத்திங் நிவத்தேதி. தேனேதங் வுச்சதி –
‘‘லோகே லோகப்பப⁴வே, லோகத்த²க³மே ஸிவே ச தது³பாயே;
ஸம்முய்ஹதி தாவ நரோ, ந விஜானாதி யாவ ஸச்சானீ’’தி.
ஏவமெத்த² ஞாணகிச்சதோபி வினிச்ச²யோ வேதி³தப்³போ³.
564. அந்தோக³தா⁴னங் பபே⁴தா³தி து³க்க²ஸச்சஸ்மிங் ஹி ட²பெத்வா தண்ஹஞ்சேவ அனாஸவத⁴ம்மே ச ஸேஸா ஸப்³ப³த⁴ம்மா அந்தோக³தா⁴. ஸமுத³யஸச்சே ச²த்திங்ஸ தண்ஹாவிசரிதானி. நிரோத⁴ஸச்சங் அஸம்மிஸ்ஸங். மக்³க³ஸச்சே ஸம்மாதி³ட்டி²முகே²ன வீமங்ஸித்³தி⁴பாத³பஞ்ஞிந்த்³ரியபஞ்ஞாப³லத⁴ம்மவிசயஸம்பொ³ஜ்ஜ²ங்கா³னி. ஸம்மாஸங்கப்பாபதே³ஸேன தயோ
565. உபமாதோதி பா⁴ரோ விய ஹி து³க்க²ஸச்சங் த³ட்ட²ப்³ப³ங், பா⁴ராதா³னமிவ ஸமுத³யஸச்சங், பா⁴ரனிக்கே²பனமிவ நிரோத⁴ஸச்சங், பா⁴ரனிக்கே²பனுபாயோ விய மக்³க³ஸச்சங். ரோகோ³ விய ச து³க்க²ஸச்சங், ரோக³னிதா³னமிவ ஸமுத³யஸச்சங், ரோக³வூபஸமோ விய நிரோத⁴ஸச்சங், பே⁴ஸஜ்ஜமிவ மக்³க³ஸச்சங். து³ப்³பி⁴க்க²மிவ வா து³க்க²ஸச்சங், து³ப்³பு³ட்டி² விய ஸமுத³யஸச்சங், ஸுபி⁴க்க²மிவ நிரோத⁴ஸச்சங், ஸுவுட்டி² விய மக்³க³ஸச்சங். அபிச வேரீ-வேரமூல-வேரஸமுக்³கா⁴த-வேரஸமுக்³கா⁴துபாயேஹி, விஸருக்க²-ருக்க²மூல-மூலுபச்சே²த³-தது³பச்சே²து³பாயேஹி, ப⁴ய-ப⁴யமூல-நிப்³ப⁴ய-தத³தி⁴க³முபாயேஹி, ஓரிமதீர-மஹோக⁴பாரிமதீர-தங்ஸம்பாபகவாயாமேஹி ச யோஜெத்வாபேதானி உபமாதோ வேதி³தப்³பா³னீதி ஏவமெத்த² உபமாதோ வினிச்ச²யோ வேதி³தப்³போ³.
566. சதுக்கதோதி அத்தி² செத்த² து³க்க²ங் ந அரியஸச்சங், அத்தி² அரியஸச்சங் ந து³க்க²ங், அத்தி² து³க்க²ஞ்சேவ அரியஸச்சஞ்ச, அத்தி² நேவ து³க்க²ங் ந அரியஸச்சங். ஏஸ நயோ ஸமுத³யாதீ³ஸு. தத்த² மக்³க³ஸம்பயுத்தா த⁴ம்மா ஸாமஞ்ஞப²லானி ச ‘‘யத³னிச்சங் தங் து³க்க²’’ந்தி (ஸங்॰ நி॰ 3.15) வசனதோ ஸங்கா²ரது³க்க²தாய து³க்க²ங், ந அரியஸச்சங். நிரோதோ⁴ அரியஸச்சங், ந து³க்க²ங். இதரங் பன அரியஸச்சத்³வயங் ஸியா து³க்க²ங் அனிச்சதோ, ந பன யஸ்ஸ பரிஞ்ஞாய ப⁴க³வதி ப்³ரஹ்மசரியங் வுஸ்ஸதி தத²த்தேன. ஸப்³பா³காரேன பன உபாதா³னக்க²ந்த⁴பஞ்சகங் து³க்க²ஞ்சேவ அரியஸச்சஞ்ச அஞ்ஞத்ர தண்ஹாய. மக்³க³ஸம்பயுத்தா த⁴ம்மா ஸாமஞ்ஞப²லானி ச யஸ்ஸ பரிஞ்ஞத்த²ங் ப⁴க³வதி ப்³ரஹ்மசரியங் வுஸ்ஸதி தத²த்தேன நேவ து³க்க²ங் ந அரியஸச்சங். ஏவங் ஸமுத³யாதீ³ஸுபி யதா²யோக³ங் யோஜெத்வா சதுக்கதோபெத்த² வினிச்ச²யோ வேதி³தப்³போ³.
567. ஸுஞ்ஞதேகவிதா⁴தீ³ஹீதிஎத்த² ஸுஞ்ஞதோ தாவ பரமத்தே²ன ஹி ஸப்³பா³னேவ ஸச்சானி வேத³ககாரகனிப்³பு³தக³மகாபா⁴வதோ ஸுஞ்ஞானீதி வேதி³தப்³பா³னி. தேனேதங் வுச்சதி –
‘‘து³க்க²மேவ ஹி, ந கோசி து³க்கி²தோ;
காரகோ ந, கிரியாவ விஜ்ஜதி.
அத்தி² நிப்³பு³தி, ந நிப்³பு³தோ புமா;
மக்³க³மத்தி², க³மகோ ந விஜ்ஜதீ’’தி.
அத² வா,
து⁴வஸுப⁴ஸுக²த்தஸுஞ்ஞங், புரிமத்³வயமத்தஸுஞ்ஞமமதபத³ங்;
து⁴வஸுக²அத்தவிரஹிதோ, மக்³கோ³இதி ஸுஞ்ஞதா தேஸு.
நிரோத⁴ஸுஞ்ஞானி வா தீணி, நிரோதோ⁴ ச ஸேஸத்தயஸுஞ்ஞோ. ப²லஸுஞ்ஞோ வா எத்த² ஹேது ஸமுத³யே து³க்க²ஸ்ஸாபா⁴வதோ, மக்³கே³ ச நிரோத⁴ஸ்ஸ, ந ப²லேன ஸக³ப்³போ⁴ பகதிவாதீ³னங் பகதி விய. ஹேதுஸுஞ்ஞஞ்ச ப²லங் து³க்க²ஸமுத³யானங் நிரோத⁴மக்³கா³னஞ்ச அஸமவாயா, ந ஹேதுஸமவேதங் ஹேதுப²லங் ஸமவாயவாதீ³னங் த்³விஅணுகாதி³ விய. தேனேதங் வுச்சதி –
‘‘தயமித⁴ நிரோத⁴ஸுஞ்ஞங், தயேன தேனாபி நிப்³பு³தி ஸுஞ்ஞா;
ஸுஞ்ஞோ ப²லேன ஹேது, ப²லம்பி தங்ஹேதுனா ஸுஞ்ஞ’’ந்தி.
ஏவங் தாவ ஸுஞ்ஞதோ வினிச்ச²யோ வேதி³தப்³போ³.
ஏகவிதா⁴தி³வினிச்ச²யகதா²
568. ஏகவிதா⁴தீ³ஹீதி ஸப்³ப³மேவ செத்த² து³க்க²ங் ஏகவித⁴ங் பவத்திபா⁴வதோ. து³வித⁴ங் நாமரூபதோ. திவித⁴ங் காமரூபாரூபூபபத்திப⁴வபே⁴த³தோ. சதுப்³பி³த⁴ங் சதுஆஹாரபே⁴த³தோ. பஞ்சவித⁴ங் பஞ்சுபாதா³னக்க²ந்த⁴பே⁴த³தோ.
ஸமுத³யோபி
நிரோதோ⁴பி
மக்³கோ³பி ஏகவிதோ⁴ பா⁴வேதப்³ப³தோ. து³விதோ⁴ ஸமத²விபஸ்ஸனாபே⁴த³தோ, த³ஸ்ஸனபா⁴வனாபே⁴த³தோ வா. திவிதோ⁴ க²ந்த⁴த்தயபே⁴த³தோ. அயஞ்ஹி ஸப்பதே³ஸத்தா நக³ரங் விய ரஜ்ஜேன நிப்பதே³ஸேஹி தீஹி க²ந்தே⁴ஹி ஸங்க³ஹிதோ. யதா²ஹ –
‘‘ந கோ², ஆவுஸோ விஸாக², அரியேன அட்ட²ங்கி³கேன மக்³கே³ன தயோ க²ந்தா⁴ ஸங்க³ஹிதா, தீஹி ச கோ², ஆவுஸோ விஸாக², க²ந்தே⁴ஹி அரியோ அட்ட²ங்கி³கோ மக்³கோ³ ஸங்க³ஹிதோ. யா சாவுஸோ விஸாக², ஸம்மாவாசா, யோ ச ஸம்மாகம்மந்தோ, யோ ச ஸம்மாஆஜீவோ, இமே த⁴ம்மா ஸீலக்க²ந்தே⁴ ஸங்க³ஹிதா. யோ ச ஸம்மாவாயாமோ, யா ச ஸம்மாஸதி, யோ ச ஸம்மாஸமாதி⁴, இமே த⁴ம்மா ஸமாதி⁴க்க²ந்தே⁴ ஸங்க³ஹிதா. யா ச ஸம்மாதி³ட்டி², யோ ச ஸம்மாஸங்கப்போ, இமே த⁴ம்மா பஞ்ஞாக்க²ந்தே⁴ ஸங்க³ஹிதா’’தி (ம॰ நி॰ 1.462).
எத்த² ஹி ஸம்மாவாசாத³யோ தயோ ஸீலமேவ, தஸ்மா தே ஸஜாதிதோ ஸீலக்க²ந்தே⁴ன ஸங்க³ஹிதா. கிஞ்சாபி ஹி பாளியங் ஸீலக்க²ந்தே⁴தி பு⁴ம்மேன நித்³தே³ஸோ கதோ, அத்தோ² பன கரணவஸேனேவ வேதி³தப்³போ³. ஸம்மாவாயாமாதீ³ஸு பன தீஸு ஸமாதி⁴ அத்தனோ த⁴ம்மதாய ஆரம்மணே ஏகக்³க³பா⁴வேன அப்பேதுங் ந ஸக்கோதி, வீரியே பன பக்³க³ஹகிச்சங் ஸாதெ⁴ந்தே ஸதியா ச அபிலாபனகிச்சங் ஸாதெ⁴ந்தியா லத்³து⁴பகாரோ ஹுத்வா ஸக்கோதி.
தத்ராயங் உபமா – யதா² ஹி நக்க²த்தங் கீளிஸ்ஸாமாதி உய்யானங் பவிட்டே²ஸு தீஸு ஸஹாயேஸு ஏகோ ஸுபுப்பி²தங் சம்பகருக்க²ங் தி³ஸ்வா ஹத்த²ங் உக்கி²பித்வா க³ஹேதும்பி ந ஸக்குணெய்ய. அத²ஸ்ஸ து³தியோ ஓனமித்வா
ஏகதோ
ஸம்மாதி³ட்டி²ஸம்மாஸங்கப்பேஸுபி பஞ்ஞா அத்தனோ த⁴ம்மதாய அனிச்சங் து³க்க²மனத்தாதி ஆரம்மணங் நிச்சே²துங் ந ஸக்கோதி. விதக்கே பன ஆகோடெத்வா ஆகோடெத்வா தெ³ந்தே ஸக்கோதி. கத²ங்? யதா² ஹி ஹேரஞ்ஞிகோ கஹாபணங் ஹத்தே² ட²பெத்வா ஸப்³ப³பா⁴கே³ஸு ஓலோகேதுகாமோ ஸமானோபி ந சக்கு²தலேனேவ பரிவத்தேதுங் ஸக்கோதி. அங்கு³லிபப்³பே³ஹி பன பரிவத்தெத்வா பரிவத்தெத்வா இதோ சிதோ ச ஓலோகேதுங் ஸக்கோதி, ஏவமேவ ந பஞ்ஞா அத்தனோ த⁴ம்மதாய அனிச்சாதி³வஸேன ஆரம்மணங் நிச்சே²துங் ஸக்கோதி. அபி⁴னிரோபனலக்க²ணேன பன ஆஹனநபரியாஹனநரஸேன விதக்கேன ஆகோடெந்தேன விய பரிவத்தெந்தேன விய ச ஆதா³யாதா³ய தி³ன்னமேவ நிச்சே²துங் ஸக்கோதி. தஸ்மா இதா⁴பி ஸம்மாதி³ட்டி²யேவ ஸஜாதிதோ பஞ்ஞாக்க²ந்தே⁴ன ஸங்க³ஹிதா, ஸம்மாஸங்கப்போ பன கிரியவஸேன ஸங்க³ஹிதோ ஹோதி.
இதி இமேஹி தீஹி க²ந்தே⁴ஹி மக்³கோ³ ஸங்க³ஹங் க³ச்ச²தி. தேன வுத்தங் ‘‘திவிதோ⁴ க²ந்த⁴த்தயபே⁴த³தோ’’தி. சதுப்³பி³தோ⁴ ஸோதாபத்திமக்³கா³தி³வஸேனேவ.
அபிச ஸப்³பா³னேவ ஸச்சானி ஏகவிதா⁴னி அவிதத²த்தா, அபி⁴ஞ்ஞெய்யத்தா வா. து³விதா⁴னி லோகியலோகுத்தரதோ, ஸங்க²தாஸங்க²ததோ வா. திவிதா⁴னி த³ஸ்ஸன-பா⁴வனாஹி பஹாதப்³ப³தோ, அப்பஹாதப்³ப³தோ ச. சதுப்³பி³தா⁴னி பரிஞ்ஞெய்யாதி³பே⁴த³தோதி ஏவமெத்த² ஏகவிதா⁴தீ³ஹி வினிச்ச²யோ வேதி³தப்³போ³.
569. ஸபா⁴க³விஸபா⁴க³தோதி
‘‘தங் கிங் மஞ்ஞஸி, ஆனந்த³, கதமங் நு கோ² து³க்கரதரங் வா து³ரபி⁴ஸம்ப⁴வதரங் வா, யோ வா தூ³ரதோவ ஸுகு²மேன தாளச்சி²க்³க³ளேன அஸனங் அதிபாதெய்ய பொங்கா²னுபொங்க²ங் அவிராதி⁴தங், யோ வா ஸததா⁴ பி⁴ன்னஸ்ஸ வாலஸ்ஸ கோடியா கோடிங் படிவிஜ்ஜெ²ய்யாதி? ஏததே³வ, ப⁴ந்தே, து³க்கரதரஞ்சேவ து³ரபி⁴ஸம்ப⁴வதரஞ்ச, யோ வா ஸததா⁴ பி⁴ன்னஸ்ஸ வாலஸ்ஸ கோடியா கோடிங் படிவிஜ்ஜெ²ய்யாதி. ததோ கோ² தே, ஆனந்த³, து³ப்படிவிஜ்ஜ²தரங் படிவிஜ்ஜ²ந்தி. யே இத³ங் து³க்க²ந்தி யதா²பூ⁴தங் படிவிஜ்ஜ²ந்தி…பே॰… அயங் து³க்க²னிரோத⁴கா³மினீ படிபதா³தி யதா²பூ⁴தங் படிவிஜ்ஜ²ந்தீ’’தி (ஸங்॰ நி॰ 5.1115).
விஸபா⁴கா³னி ஸலக்க²ணவவத்தா²னதோ. புரிமானி ச த்³வே ஸபா⁴கா³னி து³ரவகா³ஹத்தே²ன க³ம்பீ⁴ரத்தா லோகியத்தா ஸாஸவத்தா ச. விஸபா⁴கா³னி ப²லஹேதுபே⁴த³தோ பரிஞ்ஞெய்யப்பஹாதப்³ப³தோ ச. பச்சி²மானிபி த்³வே ஸபா⁴கா³னி க³ம்பீ⁴ரத்தேன து³ரவகா³ஹத்தா லோகுத்தரத்தா அனாஸவத்தா ச. விஸபா⁴கா³னி விஸயவிஸயீபே⁴த³தோ ஸச்சி²காதப்³ப³பா⁴வேதப்³ப³தோ ச. பட²மததியானி சாபி ஸபா⁴கா³னி ப²லாபதே³ஸதோ. விஸபா⁴கா³னி ஸங்க²தாஸங்க²ததோ. து³தியசதுத்தா²னி சாபி ஸபா⁴கா³னி ஹேதுஅபதே³ஸதோ. விஸபா⁴கா³னி ஏகந்தகுஸலாகுஸலதோ. பட²மசதுத்தா²னி சாபி ஸபா⁴கா³னி ஸங்க²ததோ. விஸபா⁴கா³னி லோகியலோகுத்தரதோ. து³தியததியானி சாபி ஸபா⁴கா³னி நேவஸெக்கா²னாஸெக்க²பா⁴வதோ. விஸபா⁴கா³னி ஸாரம்மணானாரம்மணதோ.
இதி ஏவங் பகாரேஹி, நயேஹி ச விசக்க²ணோ;
விஜஞ்ஞா அரியஸச்சானங், ஸபா⁴க³விஸபா⁴க³தந்தி.
இதி ஸாது⁴ஜனபாமோஜ்ஜத்தா²ய கதே விஸுத்³தி⁴மக்³கே³
பஞ்ஞாபா⁴வனாதி⁴காரே
இந்த்³ரியஸச்சனித்³தே³ஸோ நாம
ஸோளஸமோ பரிச்சே²தோ³.