21. படிபதா³ஞாணத³ஸ்ஸனவிஸுத்³தி⁴னித்³தே³ஸோ
உபக்கிலேஸவிமுத்தஉத³யப்³ப³யஞாணகதா²
737. அட்ட²ன்னங் படிபதா³ஞாணத³ஸ்ஸனவிஸுத்³தி⁴ நாம. அட்ட²ன்னந்தி செத்த² உபக்கிலேஸவிமுத்தங் வீதி²படிபன்னவிபஸ்ஸனாஸங்கா²தங் உத³யப்³ப³யானுபஸ்ஸனாஞாணங், ப⁴ங்கா³னுபஸ்ஸனாஞாணங், ப⁴யதுபட்டா²னஞாணங், ஆதீ³னவானுபஸ்ஸனாஞாணங், நிப்³பி³தா³னுபஸ்ஸனாஞாணங், முஞ்சிதுகம்யதாஞாணங், படிஸங்கா²னுபஸ்ஸனாஞாணங், ஸங்கா²ருபெக்கா²ஞாணந்தி இமானி அட்ட² ஞாணானி வேதி³தப்³பா³னி. நவமங் ஸச்சானுலோமிகஞாணந்தி அனுலோமஸ்ஸேதங் அதி⁴வசனங். தஸ்மா தங் ஸம்பாதே³துகாமேன உபக்கிலேஸவிமுத்தங் உத³யப்³ப³யஞாணங் ஆதி³ங் கத்வா ஏதேஸு ஞாணேஸு யோகோ³ கரணீயோ.
738. புன உத³யப்³ப³யஞாணே யோகோ³ கிமத்தி²யோதி சே? லக்க²ணஸல்லக்க²ணத்தோ². உத³யப்³ப³யஞாணங் ஹி ஹெட்டா² த³ஸஹி உபக்கிலேஸேஹி உபக்கிலிட்ட²ங் ஹுத்வா யாதா²வஸரஸதோ திலக்க²ணங் ஸல்லக்கே²துங் நாஸக்கி². உபக்கிலேஸவிமுத்தங் பன ஸக்கோதி. தஸ்மா லக்க²ணஸல்லக்க²ணத்த²மெத்த² புன யோகோ³ கரணீயோ.
739. லக்க²ணானி பன கிஸ்ஸ அமனஸிகாரா கேன படிச்ச²ன்னத்தா ந உபட்ட²ஹந்தி? அனிச்சலக்க²ணங் தாவ உத³யப்³ப³யானங் அமனஸிகாரா ஸந்ததியா படிச்ச²ன்னத்தா ந உபட்டா²தி. து³க்க²லக்க²ணங் அபி⁴ண்ஹஸம்படிபீளனஸ்ஸ அமனஸிகாரா இரியாபதே²ஹி படிச்ச²ன்னத்தா ந உபட்டா²தி. அனத்தலக்க²ணங் நானாதா⁴துவினிப்³போ⁴க³ஸ்ஸ அமனஸிகாரா க⁴னேன படிச்ச²ன்னத்தா ந உபட்டா²தி. உத³யப்³ப³யம்பன பரிக்³க³ஹெத்வா ஸந்ததியா விகோபிதாய அனிச்சலக்க²ணங் யாதா²வஸரஸதோ உபட்டா²தி. அபி⁴ண்ஹஸம்படிபீளனங் மனஸிகத்வா இரியாபதே² உக்³கா⁴டிதே து³க்க²லக்க²ணங் யாதா²வஸரஸதோ உபட்டா²தி. நானாதா⁴துயோ வினிப்³பு⁴ஜித்வா க⁴னவினிப்³போ⁴கே³ கதே அனத்தலக்க²ணங் யாதா²வஸரஸதோ உபட்டா²தி.
740. எத்த² அனிச்சந்தி க²ந்த⁴பஞ்சகங். கஸ்மா? உப்பாத³வயஞ்ஞத²த்தபா⁴வா அனிச்சலக்க²ணங் ஹுத்வா அபா⁴வஸங்கா²தோ வா ஆகாரவிகாரோ.
‘‘யத³னிச்சங் தங் து³க்க²’’ந்தி (ஸங்॰ நி॰ 3.15) வசனதோ பன ததே³வ க²ந்த⁴பஞ்சகங் து³க்க²ங். கஸ்மா? அபி⁴ண்ஹபடிபீளனா, அபி⁴ண்ஹபடிபீளனாகாரோ து³க்க²லக்க²ணங்.
‘‘யங் து³க்க²ங் தத³னத்தா’’தி (ஸங்॰ நி॰ 3.15) பன வசனதோ ததே³வ க²ந்த⁴பஞ்சகங் அனத்தா. கஸ்மா? அவஸவத்தனதோ, அவஸவத்தனாகாரோ அனத்தலக்க²ணங்.
தயித³ங் ஸப்³ப³ம்பி அயங் யோகா³வசரோ உபக்கிலேஸவிமுத்தேன வீதி²படிபன்னவிபஸ்ஸனாஸங்கா²தேன உத³யப்³ப³யானுபஸ்ஸனாஞாணேன யாதா²வஸரஸதோ ஸல்லக்கே²தி.
உபக்கிலேஸவிமுத்தஉத³யப்³ப³யஞாணங் நிட்டி²தங்.
ப⁴ங்கா³னுபஸ்ஸனாஞாணகதா²
741. தஸ்ஸேவங் ஸல்லக்கெ²த்வா புனப்புனங் ‘‘அனிச்சங் து³க்க²மனத்தா’’தி ரூபாரூபத⁴ம்மே துலயதோ தீரயதோ தங் ஞாணங் திக்க²ங் ஹுத்வா வஹதி, ஸங்கா²ரா லஹுங் உபட்ட²ஹந்தி, ஞாணே திக்கே² வஹந்தே ஸங்கா²ரேஸு லஹுங் உபட்ட²ஹந்தேஸு உப்பாத³ங் வா டி²திங் வா பவத்தங் வா நிமித்தங் வா ந ஸம்பாபுணாதி. க²யவயபே⁴த³னிரோதே⁴யேவ ஸதி ஸந்திட்ட²தி. தஸ்ஸ ‘‘ஏவங் உப்பஜ்ஜித்வா ஏவங் நாம ஸங்கா²ரக³தங் நிருஜ்ஜ²தீ’’தி பஸ்ஸதோ ஏதஸ்மிங் டா²னே ப⁴ங்கா³னுபஸ்ஸனங் நாம விபஸ்ஸனாஞாணங் உப்பஜ்ஜதி. யங் ஸந்தா⁴ய வுத்தங் –
‘‘கத²ங் ஆரம்மணபடிஸங்கா² ப⁴ங்கா³னுபஸ்ஸனே பஞ்ஞா விபஸ்ஸனே ஞாணங்? ரூபாரம்மணதா சித்தங் உப்பஜ்ஜித்வா பி⁴ஜ்ஜதி, தங் ஆரம்மணங் படிஸங்கா² தஸ்ஸ சித்தஸ்ஸ ப⁴ங்க³ங் அனுபஸ்ஸதி அனுபஸ்ஸதீதி கத²ங் அனுபஸ்ஸதி? அனிச்சதோ அனுபஸ்ஸதி நோ நிச்சதோ, து³க்க²தோ அனுபஸ்ஸதி நோ ஸுக²தோ, அனத்ததோ அனுபஸ்ஸதி நோ அத்ததோ, நிப்³பி³ந்த³தி நோ நந்த³தி, விரஜ்ஜதி நோ ரஜ்ஜதி, நிரோதே⁴தி நோ ஸமுதே³தி, படினிஸ்ஸஜ்ஜதி நோ ஆதி³யதி.
‘‘அனிச்சதோ அனுபஸ்ஸந்தோ நிச்சஸஞ்ஞங் பஜஹதி. து³க்க²தோ அனுபஸ்ஸந்தோ ஸுக²ஸஞ்ஞங், அனத்ததோ அனுபஸ்ஸந்தோ அத்தஸஞ்ஞங், நிப்³பி³ந்த³ந்தோ
‘‘வேத³னாரம்மணதா…பே॰… ஸஞ்ஞாரம்மணதா… ஸங்கா²ராரம்மணதா… விஞ்ஞாணாரம்மணதா… சக்கா²ரம்மணதா…பே॰… ஜராமரணாரம்மணதா சித்தங் உப்பஜ்ஜித்வா பி⁴ஜ்ஜதி…பே॰… படினிஸ்ஸஜ்ஜந்தோ ஆதா³னங் பஜஹதி.
‘‘வத்து²ஸங்கமனா சேவ, பஞ்ஞாய ச விவட்டனா;
ஆவஜ்ஜனாப³லஞ்சேவ, படிஸங்கா²விபஸ்ஸனா.
‘‘ஆரம்மணஅன்வயேன, உபோ⁴ ஏகவவத்த²னா;
நிரோதே⁴ அதி⁴முத்ததா, வயலக்க²ணவிபஸ்ஸனா.
‘‘ஆரம்மணஞ்ச படிஸங்கா², ப⁴ங்க³ஞ்ச அனுபஸ்ஸதி;
ஸுஞ்ஞதோ ச உபட்டா²னங், அதி⁴பஞ்ஞாவிபஸ்ஸனா.
‘‘குஸலோ தீஸு அனுபஸ்ஸனாஸு, சதஸ்ஸோ ச விபஸ்ஸனாஸு;
தயோ உபட்டா²னே குஸலதா, நானாதி³ட்டீ²ஸு ந கம்பதீ’’தி.
‘‘தங் ஞாதட்டே²ன ஞாணங், பஜானநட்டே²ன பஞ்ஞா, தேன வுச்சதி ‘ஆரம்மணபடிஸங்கா² ப⁴ங்கா³னுபஸ்ஸனே பஞ்ஞா விபஸ்ஸனே ஞாண’’’ந்தி (படி॰ ம॰ 1.51-52).
742. தத்த² ஆரம்மணபடிஸங்கா²தி யங்கிஞ்சி ஆரம்மணங் படிஸங்கா²ய ஜானித்வா, க²யதோ வயதோ தி³ஸ்வாதி அத்தோ². ப⁴ங்கா³னுபஸ்ஸனே பஞ்ஞாதி தஸ்ஸ, ஆரம்மணங் க²யதோ வயதோ படிஸங்கா²ய உப்பன்னஸ்ஸ ஞாணஸ்ஸ ப⁴ங்க³ங் அனுபஸ்ஸனே யா பஞ்ஞா, இத³ங் விபஸ்ஸனே ஞாணந்தி வுத்தங். தங் கத²ங் ஹோதீதி அயங் தாவ கதே²துகம்யதாபுச்சா²ய அத்தோ². ததோ யதா² தங் ஹோதி, தங் த³ஸ்ஸேதுங் ‘‘ரூபாரம்மணதா’’திஆதி³ வுத்தங்.
தத்த² ரூபாரம்மணதா சித்தங் உப்பஜ்ஜித்வா பி⁴ஜ்ஜதீதி ரூபாரம்மணங் சித்தங் உப்பஜ்ஜித்வா பி⁴ஜ்ஜதி. அத² வா ரூபாரம்மணபா⁴வே சித்தங் உப்பஜ்ஜித்வா பி⁴ஜ்ஜதீதி அத்தோ². தங் ஆரம்மணங் படிஸங்கா²தி தங் ரூபாரம்மணங் படிஸங்கா²ய ஜானித்வா, க²யதோ வயதோ தி³ஸ்வாதி அத்தோ². தஸ்ஸ சித்தஸ்ஸ ப⁴ங்க³ங் அனுபஸ்ஸதீதி யேன சித்தேன தங் ரூபாரம்மணங் க²யதோ வயதோ தி³ட்ட²ங், தஸ்ஸ சித்தஸ்ஸ அபரேன சித்தேன ப⁴ங்க³ங் அனுபஸ்ஸதீதி அத்தோ². தேனாஹு போராணா ‘‘ஞாதஞ்ச ஞாணஞ்ச உபோ⁴பி விபஸ்ஸதீ’’தி.
எத்த² அனுபஸ்ஸதீதி அனு அனு பஸ்ஸதி, அனேகேஹி ஆகாரேஹி புனப்புனங் பஸ்ஸதீதி அத்தோ². தேனாஹ – ‘‘அனுபஸ்ஸதீதி கத²ங் அனுபஸ்ஸதி. அனிச்சதோ அனுபஸ்ஸதீ’’திஆதி³.
தத்த² யஸ்மா ப⁴ங்கோ³ நாம அனிச்சதாய பரமா கோடி, தஸ்மா ஸோ ப⁴ங்கா³னுபஸ்ஸகோ யோகா³வசரோ ஸப்³ப³ங் ஸங்கா²ரக³தங் அனிச்சதோ அனுபஸ்ஸதி, நோ நிச்சதோ. ததோ அனிச்சஸ்ஸ து³க்க²த்தா, து³க்க²ஸ்ஸ ச அனத்தத்தா ததே³வ து³க்க²தோ அனுபஸ்ஸதி, நோ ஸுக²தோ. அனத்ததோ அனுபஸ்ஸதி நோ அத்ததோ.
யஸ்மா பன யங் அனிச்சங் து³க்க²மனத்தா, ந தங் அபி⁴னந்தி³தப்³ப³ங். யஞ்ச அனபி⁴னந்தி³தப்³ப³ங், ந தத்த² ரஜ்ஜிதப்³ப³ங். தஸ்மா ஏதஸ்மிங் ப⁴ங்கா³னுபஸ்ஸனானுஸாரேன ‘‘அனிச்சங் து³க்க²மனத்தா’’தி தி³ட்டே² ஸங்கா²ரக³தே நிப்³பி³ந்த³தி, நோ நந்த³தி. விரஜ்ஜதி, நோ ரஜ்ஜதி. ஸோ ஏவங் அரஜ்ஜந்தோ லோகிகேனேவ தாவ ஞாணேன ராக³ங் நிரோதே⁴தி, நோ ஸமுதே³தி. ஸமுத³யங் ந கரோதீதி அத்தோ².
அத² வா ஸோ ஏவங் விரத்தோ யதா² தி³ட்ட²ங் ஸங்கா²ரக³தங், ததா² அதி³ட்ட²ம்பி அன்வயஞாணவஸேன நிரோதே⁴தி
ஸோ ஏவங் படிபன்னோ படினிஸ்ஸஜ்ஜதி, நோ ஆதி³யதி. கிங் வுத்தங் ஹோதி? அயம்பி அனிச்சாதி³அனுபஸ்ஸனா தத³ங்க³வஸேன ஸத்³தி⁴ங் க²ந்தா⁴பி⁴ஸங்கா²ரேஹி கிலேஸானங் பரிச்சஜனதோ, ஸங்க²ததோ³ஸத³ஸ்ஸனேன ச தப்³பி³பரீதே நிப்³பா³னே தன்னின்னதாய பக்க²ந்த³னதோ பரிச்சாக³படினிஸ்ஸக்³கோ³ சேவ பக்க²ந்த³னபடினிஸ்ஸக்³கோ³ சாதி வுச்சதி. தஸ்மா தாய ஸமன்னாக³தோ பி⁴க்கு² யதா²வுத்தேன நயேன கிலேஸே பரிச்சஜதி, நிப்³பா³னே ச பக்க²ந்த³தி. நாபி நிப்³ப³த்தனவஸேன கிலேஸே ஆதி³யதி, ந அதோ³ஸத³ஸ்ஸிதாவஸேன ஸங்க²தாரம்மணங். தேன வுச்சதி ‘‘படினிஸ்ஸஜ்ஜதி நோ ஆதி³யதீ’’தி.
743. இதா³னிஸ்ஸ தேஹி ஞாணேஹி யேஸங் த⁴ம்மானங் பஹானங் ஹோதி, தங் த³ஸ்ஸேதுங் ‘‘அனிச்சதோ அனுபஸ்ஸந்தோ நிச்சஸஞ்ஞங் பஜஹதீ’’திஆதி³ வுத்தங். தத்த² நந்தி³ந்தி ஸப்பீதிகங் தண்ஹங். ஸேஸங் வுத்தனயமேவ.
744. கா³தா²ஸு வத்து²ஸங்கமனாதி ரூபஸ்ஸ ப⁴ங்க³ங் தி³ஸ்வா புன யேன சித்தேன ப⁴ங்கோ³ தி³ட்டோ², தஸ்ஸாபி ப⁴ங்க³த³ஸ்ஸனவஸேன புரிமவத்து²தோ அஞ்ஞவத்து²ஸங்கமனா. பஞ்ஞாய ச விவட்டனாதி உத³யங் பஹாய வயே ஸந்திட்ட²னா. ஆவஜ்ஜனாப³லஞ்சேவாதி ரூபஸ்ஸ ப⁴ங்க³ங் தி³ஸ்வா புன ப⁴ங்கா³ரம்மணஸ்ஸ சித்தஸ்ஸ ப⁴ங்க³த³ஸ்ஸனத்த²ங் அனந்தரமேவ ஆவஜ்ஜனஸமத்த²தா. படிஸங்கா²விபஸ்ஸனாதி ஏஸா ஆரம்மணபடிஸங்கா²ப⁴ங்கா³னுபஸ்ஸனா நாம.
745. ஆரம்மணஅன்வயேன உபோ⁴ ஏகவவத்த²னாதி பச்சக்க²தோ தி³ட்ட²ஸ்ஸ ஆரம்மணஸ்ஸ அன்வயேன அனுக³மனேன யதா² இத³ங், ததா² அதீதேபி ஸங்கா²ரக³தங் பி⁴ஜ்ஜித்த², அனாக³தேபி பி⁴ஜ்ஜிஸ்ஸதீதி ஏவங் உபி⁴ன்னங் ஏகஸபா⁴வேனேவ வவத்தா²பனந்தி அத்தோ².
வுத்தம்பி சேதங் போராணேஹி –
‘‘ஸங்விஜ்ஜமானம்ஹி விஸுத்³த⁴த³ஸ்ஸனோ,
தத³ன்வயங் நேதி அதீதனாக³தே;
ஸப்³பே³பி
உஸ்ஸாவபி³ந்தூ³ ஸூரியேவ உக்³க³தே’’தி.
நிரோதே⁴ அதி⁴முத்ததாதி ஏவங் உபி⁴ன்னங் ப⁴ங்க³வஸேன ஏகவவத்தா²னங் கத்வா தஸ்மிஞ்ஞேவ ப⁴ங்க³ஸங்கா²தே நிரோதே⁴ அதி⁴முத்ததா தக்³க³ருதா தன்னின்னதா தப்போணதா தப்பப்³பா⁴ரதாதி அத்தோ². வயலக்க²ணவிபஸ்ஸனாதி ஏஸா வயலக்க²ணவிபஸ்ஸனா நாமாதி வுத்தங் ஹோதி.
746. ஆரம்மணஞ்ச படிஸங்கா²தி புரிமஞ்ச ரூபாதி³ஆரம்மணங் ஜானித்வா. ப⁴ங்க³ஞ்ச அனுபஸ்ஸதீதி தஸ்ஸாரம்மணஸ்ஸ ப⁴ங்க³ங் தி³ஸ்வா ததா³ரம்மணஸ்ஸ சித்தஸ்ஸ ப⁴ங்க³ங் அனுபஸ்ஸதி. ஸுஞ்ஞதோ ச உபட்டா²னந்தி தஸ்ஸேவங் ப⁴ங்க³ங் அனுபஸ்ஸதோ ‘‘ஸங்கா²ராவ பி⁴ஜ்ஜந்தி, தேஸங் பே⁴தோ³ மரணங், ந அஞ்ஞோ கோசி அத்தீ²’’தி ஸுஞ்ஞதோ உபட்டா²னங் இஜ்ஜ²தி.
தேனாஹு
‘‘க²ந்தா⁴ நிருஜ்ஜ²ந்தி ந சத்தி² அஞ்ஞோ,
க²ந்தா⁴ன பே⁴தோ³ மரணந்தி வுச்சதி;
தேஸங் க²யங் பஸ்ஸதி அப்பமத்தோ,
மணிங்வ விஜ்ஜ²ங் வஜிரேன யோனிஸோ’’தி.
அதி⁴பஞ்ஞாவிபஸ்ஸனாதி யா ச ஆரம்மணபடிஸங்கா² யா ச ப⁴ங்கா³னுபஸ்ஸனா யஞ்ச ஸுஞ்ஞதோ உபட்டா²னங், அயங் அதி⁴பஞ்ஞாவிபஸ்ஸனா நாமாதி வுத்தங் ஹோதி.
747. குஸலோ தீஸு அனுபஸ்ஸனாஸூதி அனிச்சானுபஸ்ஸனாதீ³ஸு தீஸு சே²கோ பி⁴க்கு². சதஸ்ஸோ ச விபஸ்ஸனாஸூதி நிப்³பி³தா³தீ³ஸு ச சதூஸு விபஸ்ஸனாஸு. தயோ உபட்டா²னே குஸலதாதி க²யதோ வயதோ ஸுஞ்ஞதோதி இமஸ்மிஞ்ச திவிதே⁴ உபட்டா²னே குஸலதாய. நானாதி³ட்டீ²ஸு ந கம்பதீதி ஸஸ்ஸததி³ட்டி²ஆதீ³ஸு நானப்பகாராஸு தி³ட்டீ²ஸு ந வேத⁴தி.
748. ஸோ ஏவங் அவேத⁴மானோ ‘‘அனிருத்³த⁴மேவ நிருஜ்ஜ²தி, அபி⁴ன்னமேவ பி⁴ஜ்ஜதீ’’தி பவத்தமனஸிகாரோ
‘‘யதா² பு³ப்³பு³ளகங் பஸ்ஸே, யதா² பஸ்ஸே மரீசிகங்;
ஏவங் லோகங் அவெக்க²ந்தங், மச்சுராஜா ந பஸ்ஸதீ’’தி. (த⁴॰ ப॰ 170);
749. தஸ்ஸேவங் ‘‘ஸப்³பே³ ஸங்கா²ரா பி⁴ஜ்ஜந்தி பி⁴ஜ்ஜந்தீ’’தி அபி⁴ண்ஹங் பஸ்ஸதோ அட்டா²னிஸங்ஸபரிவாரங் ப⁴ங்கா³னுபஸ்ஸனாஞாணங் ப³லப்பத்தங் ஹோதி. தத்ரிமே அட்டா²னிஸங்ஸா – ப⁴வதி³ட்டி²ப்பஹானங், ஜீவிதனிகந்திபரிச்சாகோ³, ஸதா³யுத்தபயுத்ததா, விஸுத்³தா⁴ஜீவிதா, உஸ்ஸுக்கப்பஹானங், விக³தப⁴யதா, க²ந்திஸோரச்சபடிலாபோ⁴, அரதிரதிஸஹனதாதி.
தேனாஹு
‘‘இமானி அட்ட²க்³கு³ணமுத்தமானி,
தி³ஸ்வா தஹிங் ஸம்மஸதே புனப்புனங்;
ஆதி³த்தசேலஸ்ஸிரஸூபமோ முனி,
ப⁴ங்கா³னுபஸ்ஸீ அமதஸ்ஸ பத்தியா’’தி.
ப⁴ங்கா³னுபஸ்ஸனாஞாணங் நிட்டி²தங்.
ப⁴யதுபட்டா²னஞாணகதா²
750. தஸ்ஸேவங் ஸப்³ப³ஸங்கா²ரானங் க²யவயபே⁴த³னிரோதா⁴ரம்மணங் ப⁴ங்கா³னுபஸ்ஸனங் ஆஸேவந்தஸ்ஸ பா⁴வெந்தஸ்ஸ ப⁴யதுபட்டா²னஞாணங் நாம உப்பஜ்ஜதி.
தத்ராயங் உபமா – ஏகிஸ்ஸா கிர இத்தி²யா தயோ புத்தா ராஜபராதி⁴கா, தேஸங் ராஜா ஸீஸச்சே²த³ங் ஆணாபேஸி. ஸா புத்தேஹி ஸத்³தி⁴ங் ஆகா⁴தனங் அக³மாஸி. அத²ஸ்ஸா ஜெட்ட²புத்தஸ்ஸ ஸீஸங் சி²ந்தி³த்வா மஜ்ஜி²மஸ்ஸ சி²ந்தி³துங் ஆரபி⁴ங்ஸு. ஸா ஜெட்ட²ஸ்ஸ ஸீஸங் சி²ன்னங் மஜ்ஜி²மஸ்ஸ ச சி²ஜ்ஜமானங் தி³ஸ்வா கனிட்ட²ம்ஹி ஆலயங் விஸ்ஸஜ்ஜி ‘‘அயம்பி ஏதேஸஞ்ஞேவ ஸதி³ஸோ ப⁴விஸ்ஸதீ’’தி. தத்த² தஸ்ஸா இத்தி²யா ஜெட்ட²புத்தஸ்ஸ சி²ன்னஸீஸத³ஸ்ஸனங் விய யோகி³னோ அதீதஸங்கா²ரானங் நிரோத⁴த³ஸ்ஸனங், மஜ்ஜி²மஸ்ஸ சி²ஜ்ஜமானஸீஸத³ஸ்ஸனங் விய பச்சுப்பன்னானங் நிரோத⁴த³ஸ்ஸனங், ‘‘அயம்பி ஏதேஸஞ்ஞேவ ஸதி³ஸோ ப⁴விஸ்ஸதீ’’தி கனிட்ட²புத்தம்ஹி ஆலயவிஸ்ஸஜ்ஜனங் விய ‘‘அனாக³தேபி நிப்³ப³த்தனகஸங்கா²ரா பி⁴ஜ்ஜிஸ்ஸந்தீ’’தி அனாக³தானங் நிரோத⁴த³ஸ்ஸனங். தஸ்ஸேவங் பஸ்ஸதோ ஏதஸ்மிங் டா²னே உப்பஜ்ஜதி ப⁴யதுபட்டா²னஞாணங்.
அபராபி உபமா – ஏகா கிர பூதிபஜா இத்தீ² த³ஸ தா³ரகே விஜாயி. தேஸு நவ மதா, ஏகோ ஹத்த²க³தோ மரதி, அபரோ குச்சி²யங். ஸா நவ தா³ரகே
751. ப⁴யதுபட்டா²னஞாணங் பன பா⁴யதி ந பா⁴யதீதி? ந பா⁴யதி. தஞ்ஹி அதீதா ஸங்கா²ரா நிருத்³தா⁴, பச்சுப்பன்னா நிருஜ்ஜ²ந்தி, அனாக³தா நிருஜ்ஜி²ஸ்ஸந்தீதி தீரணமத்தமேவ ஹோதி. தஸ்மா யதா² நாம சக்கு²மா புரிஸோ நக³ரத்³வாரே திஸ்ஸோ அங்கா³ரகாஸுயோ ஓலோகயமானோ ஸயங் ந பா⁴யதி, கேவலங் ஹிஸ்ஸ ‘‘யே யே எத்த² நிபதிஸ்ஸந்தி, ஸப்³பே³ அனப்பகங் து³க்க²மனுப⁴விஸ்ஸந்தீ’’தி தீரணமத்தமேவ ஹோதி. யதா² வா பன சக்கு²மா புரிஸோ க²தி³ரஸூலங் அயோஸூலங் ஸுவண்ணஸூலந்தி படிபாடியா ப⁴யதுபட்டா²னந்தி வுச்சதி.
ஏவங் ப⁴யதோ உபட்டா²னே பனஸ்ஸ அயங் பாளி –
‘‘அனிச்சதோ மனஸிகரோதோ கிங் ப⁴யதோ உபட்டா²தி? து³க்க²தோ. அனத்ததோ மனஸிகரோதோ கிங் ப⁴யதோ உபட்டா²தீதி? அனிச்சதோ மனஸிகரோதோ நிமித்தங் ப⁴யதோ உபட்டா²தி. து³க்க²தோ மனஸிகரோதோ பவத்தங் ப⁴யதோ உபட்டா²தி. அனத்ததோ மனஸிகரோதோ நிமித்தஞ்ச பவத்தஞ்ச ப⁴யதோ உபட்டா²தீ’’தி (படி॰ ம॰ 1.227).
தத்த² நிமித்தந்தி ஸங்கா²ரனிமித்தங். அதீதானாக³தபச்சுப்பன்னானங் ஸங்கா²ரானமேவேதங் அதி⁴வசனங். அனிச்சதோ மனஸிகரொந்தோ ஹி ஸங்கா²ரானங் மரணமேவ பஸ்ஸதி, தேனஸ்ஸ நிமித்தங் ப⁴யதோ உபட்டா²தி. பவத்தந்தி ரூபாரூபப⁴வபவத்தி. து³க்க²தோ மனஸிகரொந்தோ ஹி ஸுக²ஸம்மதாயபி பவத்தியா அபி⁴ண்ஹபடிபீளனபா⁴வமேவ பஸ்ஸதி, தேனஸ்ஸ பவத்தங் ப⁴யதோ உபட்டா²தி. அனத்ததோ மனஸிகரொந்தோ பன உப⁴யம்பேதங் ஸுஞ்ஞகா³மங் விய மரீசிக³ந்த⁴ப்³ப³னக³ராதீ³னி விய ச ரித்தங் துச்ச²ங் ஸுஞ்ஞங் அஸ்ஸாமிகங் அபரிணாயகங் பஸ்ஸதி. தேனஸ்ஸ நிமித்தஞ்ச பவத்தஞ்ச உப⁴யங் ப⁴யதோ உபட்டா²தீதி.
ப⁴யதுபட்டா²னஞாணங் நிட்டி²தங்.
ஆதீ³னவானுபஸ்ஸனாஞாணகதா²
752. தஸ்ஸ தங் ப⁴யதுபட்டா²னஞாணங் ஆஸேவந்தஸ்ஸ பா⁴வெந்தஸ்ஸ ப³ஹுலீகரொந்தஸ்ஸ ஸப்³ப³ப⁴வயோனிக³திடி²திஸத்தாவாஸேஸு
கத²ங்? ஸுகே²ன ஜீவிதுகாமஸ்ஸ பீ⁴ருகபுரிஸஸ்ஸ ரமணீயாகாரஸண்டி²தம்பி ஸவாளகமிவ வனக³ஹனங், ஸஸத்³தூ³லா விய கு³ஹா, ஸகா³ஹரக்க²ஸங் விய உத³கங், ஸமுஸ்ஸிதக²க்³கா³ விய பச்சத்தி²கா, ஸவிஸங் விய போ⁴ஜனங், ஸசோரோ விய மக்³கோ³, ஆதி³த்தமிவ அகா³ரங், உய்யுத்தஸேனா விய ரணபூ⁴மி. யதா² ஹி ஸோ புரிஸோ ஏதானி ஸவாளகவனக³ஹனாதீ³னி ஆக³ம்ம பீ⁴தோ ஸங்விக்³கோ³ லோமஹட்ட²ஜாதோ ஸமந்ததோ ஆதீ³னவமேவ பஸ்ஸதி, ஏவமேவாயங் யோகா³வசரோ ஆதீ³னவஞாணங் நாம உப்பன்னங் ஹோதி. யங் ஸந்தா⁴ய இத³ங் வுத்தங் –
‘‘கத²ங் ப⁴யதுபட்டா²னே பஞ்ஞா ஆதீ³னவே ஞாணங்? உப்பாதோ³ ப⁴யந்தி ப⁴யதுபட்டா²னே பஞ்ஞா ஆதீ³னவே ஞாணங். பவத்தங் ப⁴யந்தி… நிமித்தங் ப⁴யந்தி… ஆயூஹனா ப⁴யந்தி… படிஸந்தி⁴ ப⁴யந்தி… க³தி ப⁴யந்தி… நிப்³ப³த்தி ப⁴யந்தி… உபபத்தி ப⁴யந்தி… ஜாதி ப⁴யந்தி… ஜரா ப⁴யந்தி… ப்³யாதி⁴ ப⁴யந்தி… மரணங் ப⁴யந்தி… ஸோகோ ப⁴யந்தி… பரிதே³வோ ப⁴யந்தி… உபாயாஸோ ப⁴யந்தி ப⁴யதுபட்டா²னே பஞ்ஞா ஆதீ³னவே ஞாணங். அனுப்பாதோ³ கே²மந்தி ஸந்திபதே³ ஞாணங். அப்பவத்தங்…பே॰… அனுபாயாஸோ கே²மந்தி ஸந்திபதே³ ஞாணங். உப்பாதோ³ ப⁴யங், அனுப்பாதோ³ கே²மந்தி ஸந்திபதே³ ஞாணங். பவத்தங்…பே॰… உபாயாஸோ ப⁴யங், அனுபாயாஸோ கே²மந்தி ஸந்திபதே³ ஞாணங்.
‘‘உப்பாதோ³ து³க்க²ந்தி ப⁴யதுபட்டா²னே பஞ்ஞா ஆதீ³னவே ஞாணங். பவத்தங்…பே॰… உபாயாஸோ து³க்க²ந்தி ப⁴யதுபட்டா²னே பஞ்ஞா ஆதீ³னவே ஞாணங். அனுப்பாதோ³ ஸுக²ந்தி ஸந்திபதே³
‘‘உப்பாதோ³ ஸாமிஸந்தி ப⁴யதுபட்டா²னே பஞ்ஞா ஆதீ³னவே ஞாணங். பவத்தங்…பே॰… உபாயாஸோ ஸாமிஸந்தி ப⁴யதுபட்டா²னே பஞ்ஞா ஆதீ³னவே ஞாணங். அனுப்பாதோ³ நிராமிஸந்தி ஸந்திபதே³ ஞாணங். அப்பவத்தங்…பே॰… அனுபாயாஸோ நிராமிஸந்தி ஸந்திபதே³ ஞாணங். உப்பாதோ³ ஸாமிஸங், அனுப்பாதோ³ நிராமிஸந்தி ஸந்திபதே³ ஞாணங். பவத்தங்…பே॰… உபாயாஸோ ஸாமிஸங், அனுபாயாஸோ நிராமிஸந்தி ஸந்திபதே³ ஞாணங்.
உப்பாதோ³
‘‘உப்பாத³ஞ்ச பவத்தஞ்ச, நிமித்தங் து³க்க²ந்தி பஸ்ஸதி;
ஆயூஹனங் படிஸந்தி⁴ங், ஞாணங் ஆதீ³னவே இத³ங்.
‘‘அனுப்பாத³ங் அப்பவத்தங், அனிமித்தங் ஸுக²ந்தி ச;
அனாயூஹனா அப்படிஸந்தி⁴, ஞாணங் ஸந்திபதே³ இத³ங்.
‘‘இத³ங் ஆதீ³னவே ஞாணங், பஞ்சடா²னேஸு ஜாயதி;
பஞ்சடா²னே ஸந்திபதே³, த³ஸ ஞாணே பஜானாதி;
த்³வின்னங் ஞாணானங் குஸலதா, நானாதி³ட்டீ²ஸு ந கம்பதீ’’தி.
‘‘தங் ஞாதட்டே²ன ஞாணங். பஜானநட்டே²ன பஞ்ஞா. தேன வுச்சதி ‘‘ப⁴யதுபட்டா²னே பஞ்ஞா ஆதீ³னவே ஞாண’’ந்தி (படி॰ ம॰ 1.53).
753. தத்த² உப்பாதோ³தி புரிமகம்மபச்சயா இத⁴ உப்பத்தி. பவத்தந்தி ததா² உப்பன்னஸ்ஸ பவத்தி. நிமித்தந்தி ஸப்³ப³ம்பி ஸங்கா²ரனிமித்தங். ஆயூஹனாதி ஆயதிங் படிஸந்தி⁴ஹேதுபூ⁴தங் கம்மங். படிஸந்தீ⁴தி ஆயதிங் உப்பத்தி. க³தீதி யாய க³தியா ஸா படிஸந்தி⁴ ஹோதி. நிப்³ப³த்தீதி க²ந்தா⁴னங் நிப்³ப³த்தனங். உபபத்தீதி ‘‘ஸமாபன்னஸ்ஸ வா உபபன்னஸ்ஸ வா’’தி (த⁴॰ ஸ॰ 1289, 1291) ஏவங் வுத்தா விபாகப்பவத்தி. ஜாதீதி ஜராதீ³னங் பச்சயபூ⁴தா ப⁴வபச்சயா ஜாதி. ஜராமரணாத³யோ பாகடா ஏவ. எத்த² ச உப்பாதா³த³யோ பஞ்சேவ ஆதீ³னவஞாணஸ்ஸ வத்து²வஸேன வுத்தா. ஸேஸா தேஸங் வேவசனவஸேன. நிப்³ப³த்தி ஜாதீதி இத³ஞ்ஹி த்³வயங் உப்பாத³ஸ்ஸ சேவ படிஸந்தி⁴யா ச வேவசனங். க³தி உபபத்தீதி இத³ங் த்³வயங் பவத்தஸ்ஸ. ஜராத³யோ நிமித்தஸ்ஸாதி. தேனாஹ –
‘‘உப்பாத³ஞ்ச பவத்தஞ்ச, நிமித்தங் து³க்க²ந்தி பஸ்ஸதி;
ஆயூஹனங் படிஸந்தி⁴ங், ஞாணங் ஆதீ³னவே இத³’’ந்தி ச.
‘‘இத³ங் ஆதீ³னவே ஞாணங், பஞ்சடா²னேஸு ஜாயதீ’’தி ச.
அனுப்பாதோ³
எத்த² ச யங் ப⁴யங், தங் யஸ்மா நியமதோ து³க்க²ங். தங் வட்டாமிஸலோகாமிஸகிலேஸாமிஸேஹி அவிப்பமுத்தத்தா ஸாமிஸமேவ. யஞ்ச ஸாமிஸங், தங் ஸங்கா²ரமத்தமேவ. தஸ்மா ‘‘உப்பாதோ³ து³க்க²ந்தி ப⁴யதுபட்டா²னே பஞ்ஞா ஆதீ³னவே ஞாண’’ந்திஆதி³ வுத்தங். ஏவங் ஸந்தேபி ப⁴யாகாரேன து³க்கா²காரேன ஸாமிஸாகாரேனாதி ஏவங் ஆகாரனானத்ததோ பவத்திவஸேனேவெத்த² நானத்தங் வேதி³தப்³ப³ங்.
த³ஸஞாணே பஜானாதீதி ஆதீ³னவஞாணங் பஜானந்தோ உப்பாதா³தி³வத்து²கானி பஞ்ச, அனுப்பாதா³தி³வத்து²கானி பஞ்சாதி த³ஸ ஞாணானி பஜானாதி படிவிஜ்ஜ²தி ஸச்சி²கரோதி. த்³வின்னங் ஞாணானங் குஸலதாதி ஆதீ³னவஞாணஸ்ஸ சேவ ஸந்திபத³ஞாணஸ்ஸ சாதி இமேஸங் த்³வின்னங் குஸலதாய. நானாதி³ட்டீ²ஸு ந கம்பதீதி பரமதி³ட்ட²த⁴ம்மனிப்³பா³னாதி³வஸேன பவத்தாஸு தி³ட்டீ²ஸு ந வேத⁴தி. ஸேஸமெத்த² உத்தானமேவாதி.
ஆதீ³னவானுபஸ்ஸனாஞாணங் நிட்டி²தங்.
நிப்³பி³தா³னுபஸ்ஸனாஞாணகதா²
754. ஸோ ஏவங் ஸப்³ப³ஸங்கா²ரே ஆதீ³னவதோ பஸ்ஸந்தோ ஸப்³ப³ப⁴வயோனிக³திவிஞ்ஞாணட்டி²திஸத்தாவாஸக³தே ஸபே⁴த³கே ஸங்கா²ரக³தே நிப்³பி³ந்த³தி உக்கண்ட²தி நாபி⁴ரமதி.
ஸெய்யதா²பி நாம, சித்தகூடபப்³ப³தபாதா³பி⁴ரதோ ஸுவண்ணராஜஹங்ஸோ அஸுசிம்ஹி சண்டா³லகா³மத்³வாரஆவாடே நாபி⁴ரமதி, ஸத்தஸு மஹாஸரேஸுயேவ அபி⁴ரமதி, ஏவமேவ அயம்பி யோகீ³ராஜஹங்ஸோ ஸுபரிதி³ட்டா²தீ³னவே ஸபே⁴த³கே ஸங்கா²ரக³தே நாபி⁴ரமதி. பா⁴வனாராமதாய பன பா⁴வனாரதியா ஸமன்னாக³தத்தா ஸத்தஸு அனுபஸ்ஸனாஸுயேவ ரமதி.
யதா²
யதா² ச ஸப்³ப³ஸேதோ ஸத்தபதிட்டோ² இத்³தி⁴மா வேஹாஸங்க³மோ ச²த்³த³ந்தோ நாக³ராஜா நக³ரமஜ்ஜே² நாபி⁴ரமதி, ஹிமவதி ச²த்³த³ந்தத³ஹக³ஹனேயேவ அபி⁴ரமதி, ஏவமயங் யோகீ³வரவாரணோ ஸப்³ப³ஸ்மிம்பி ஸங்கா²ரக³தே நாபி⁴ரமதி, அனுப்பாதோ³ கே²மந்திஆதி³னா நயேன தி³ட்டே² ஸந்திபதே³யேவ அபி⁴ரமதி, தன்னின்னதப்போணதப்பப்³பா⁴ரமானஸோ ஹோதீதி.
நிப்³பி³தா³னுபஸ்ஸனாஞாணங் நிட்டி²தங்.
755. தங் பனேதங் புரிமேன ஞாணத்³வயேன அத்த²தோ ஏகங். தேனாஹு போராணா –
‘‘ப⁴யதுபட்டா²னங்
பாளியம்பி வுத்தங் – ‘‘யா ச ப⁴யதுபட்டா²னே பஞ்ஞா, யஞ்ச ஆதீ³னவே ஞாணங், யா ச நிப்³பி³தா³, இமே த⁴ம்மா ஏகத்தா², ப்³யஞ்ஜனமேவ நான’’ந்தி (படி॰ ம॰ 1.227).
முஞ்சிதுகம்யதாஞாணகதா²
756. இமினா பன நிப்³பி³தா³ஞாணேன இமஸ்ஸ குலபுத்தஸ்ஸ நிப்³பி³ந்த³ந்தஸ்ஸ உக்கண்ட²ந்தஸ்ஸ அனபி⁴ரமந்தஸ்ஸ ஸப்³ப³ப⁴வயோனிக³திவிஞ்ஞாணட்டி²திஸத்தாவாஸக³தேஸு ஸபே⁴த³கேஸு ஸங்கா²ரேஸு ஏகஸங்கா²ரேபி சித்தங் ந ஸஜ்ஜதி, ந லக்³க³தி, ந ப³ஜ்ஜ²தி, ஸப்³ப³ஸ்மா ஸங்கா²ரக³தா முச்சிதுகாமங் நிஸ்ஸரிதுகாமங் ஹோதி. யதா² கிங்? யதா² நாம ஜாலப்³ப⁴ந்தரக³தோ மச்சோ², ஸப்பமுக²க³தோ மண்டூ³கோ, பஞ்ஜரபக்கி²த்தோ வனகுக்குடோ, த³ள்ஹபாஸவஸக³தோ மிகோ³, அஹிதுண்டி³கஹத்த²க³தோ ஸப்போ, மஹாபங்கபக்க²ந்தோ³ குஞ்ஜரோ, ஸுபண்ணமுக²க³தோ
முஞ்சிதுகம்யதாஞாணங் நிட்டி²தங்.
படிஸங்கா²னுபஸ்ஸனாஞாணகதா²
757. ஸோ ஏவங் ஸப்³ப³ப⁴வயோனிக³திட்டி²தினிவாஸக³தேஹி ஸபே⁴த³கேஹி ஸங்கா²ரேஹி முச்சிதுகாமோ ஸப்³ப³ஸ்மா ஸங்கா²ரக³தா முச்சிதுங் புன தே ஏவங் ஸங்கா²ரே படிஸங்கா²னுபஸ்ஸனாஞாணேன திலக்க²ணங் ஆரோபெத்வா பரிக்³க³ண்ஹாதி.
ஸோ அனிச்சாதி பஸ்ஸதி.
அபி⁴ண்ஹபடிபீளனதோ, து³க்க²மதோ, து³க்க²வத்து²தோ, ரோக³தோ, க³ண்ட³தோ, ஸல்லதோ, அக⁴தோ, ஆபா³த⁴தோ, ஈதிதோ, உபத்³த³வதோ, ப⁴யதோ, உபஸக்³க³தோ, அதாணதோ, அலேணதோ, அஸரணதோ, ஆதீ³னவதோ, அக⁴மூலதோ, வத⁴கதோ, ஸாஸவதோ, மாராமிஸதோ, ஜாதித⁴ம்மதோ, ஜராத⁴ம்மதோ, ப்³யாதி⁴த⁴ம்மதோ, ஸோகத⁴ம்மதோ, பரிதே³வத⁴ம்மதோ, உபாயாஸத⁴ம்மதோ, ஸங்கிலேஸிகத⁴ம்மதோதிஆதீ³ஹி காரணேஹி து³க்கா²தி பஸ்ஸதி.
அஜஞ்ஞதோ, து³க்³க³ந்த⁴தோ, ஜேகு³ச்ச²தோ, படிக்கூலதோ, அமண்ட³னாரஹதோ, விரூபதோ, பீ³ப⁴ச்ச²தோதிஆதீ³ஹி காரணேஹி து³க்க²லக்க²ணஸ்ஸ பரிவாரபூ⁴ததோ அஸுப⁴தோ பஸ்ஸதி.
பரதோ, ரித்ததோ, துச்ச²தோ, ஸுஞ்ஞதோ, அஸ்ஸாமிகதோ, அனிஸ்ஸரதோ, அவஸவத்திதோதிஆதீ³ஹி காரணேஹி அனத்ததோ பஸ்ஸதி.
758. ஏவஞ்ஹி
தத்ராயங் உபமா – ஏகோ கிர புரிஸோ ‘‘மச்சே² க³ஹெஸ்ஸாமீ’’தி மச்ச²கி²ப்பங் க³ஹெத்வா உத³கே ஒட்³டா³பேஸி ஸோ கி²ப்பமுகே²ன ஹத்த²ங் ஓதாரெத்வா அந்தோஉத³கே ஸப்பங் கீ³வாய க³ஹெத்வா ‘‘மச்சோ² மே க³ஹிதோ’’தி அத்தமனோ அஹோஸி. ஸோ ‘‘மஹா வத மயா மச்சோ² லத்³தோ⁴’’தி உக்கி²பித்வா பஸ்ஸந்தோ ஸோவத்தி²கத்தயத³ஸ்ஸனேன ஸப்போதி ஸஞ்ஜானித்வா பீ⁴தோ ஆதீ³னவங் தி³ஸ்வா க³ஹணே நிப்³பி³ன்னோ முஞ்சிதுகாமோ ஹுத்வா முஞ்சனஸ்ஸ உபாயங் கரொந்தோ அக்³க³னங்கு³ட்ட²தோ பட்டா²ய ஹத்த²ங் நிப்³பே³டெ²த்வா பா³ஹுங் உக்கி²பித்வா உபரிஸீஸே த்³வே தயோ வாரே ஆவிஜ்ஜி²த்வா ஸப்பங் து³ப்³ப³லங் கத்வா ‘‘க³ச்ச² து³ட்ட² ஸப்பா’’தி நிஸ்ஸஜ்ஜித்வா வேகே³ன தளாகபாளிங் ஆருய்ஹ ‘‘மஹந்தஸ்ஸ வத போ⁴ ஸப்பஸ்ஸ முக²தோ முத்தொம்ஹீ’’தி ஆக³தமக்³க³ங் ஓலோகயமானோ அட்டா²ஸி.
தத்த²
759. எத்தாவதா தஸ்ஸ உப்பன்னங் ஹோதி படிஸங்கா²ஞாணங். யங் ஸந்தா⁴ய வுத்தங் –
‘‘அனிச்சதோ
எத்த² ச நிமித்தங் படிஸங்கா²தி ஸங்கா²ரனிமித்தங் ‘‘அத்³து⁴வங் தாவகாலிக’’ந்தி அனிச்சலக்க²ணவஸேன ஜானித்வா. காமஞ்ச ந பட²மங் ஜானித்வா பச்சா² ஞாணங் உப்பஜ்ஜதி, வோஹாரவஸேன பன ‘‘மனஞ்ச படிச்ச த⁴ம்மே ச உப்பஜ்ஜதி மனோவிஞ்ஞாண’’ந்திஆதீ³னி (ம॰ நி॰ 3.421) விய ஏவங் வுச்சதி. ஏகத்தனயேன வா புரிமஞ்ச பச்சி²மஞ்ச ஏகங் கத்வா ஏவங் வுத்தந்தி வேதி³தப்³ப³ங். இமினா நயேன இதரஸ்மிம்பி பத³த்³வயே அத்தோ² வேதி³தப்³போ³தி.
படிஸங்கா²னுபஸ்ஸனாஞாணங் நிட்டி²தங்.
ஸங்கா²ருபெக்கா²ஞாணகதா²
760. ஸோ
கத²ங்? அயஞ்ஹி நாஹங் க்வசனீதி க்வசி அத்தானங் ந பஸ்ஸதி. கஸ்ஸசி கிஞ்சனதஸ்மிந்தி அத்தனோ அத்தானங் கஸ்ஸசி பரஸ்ஸ கிஞ்சனபா⁴வே உபனேதப்³ப³ங் ந பஸ்ஸதி. பா⁴திட்டா²னேவா பா⁴தரங், ஸஹாயட்டா²னே வா ஸஹாயங், பரிக்கா²ரட்டா²னே வா பரிக்கா²ரங் மஞ்ஞித்வா உபனேதப்³ப³ங் ந பஸ்ஸதீதி அத்தோ². ந ச மம க்வசனீதி எத்த² மம-ஸத்³த³ங் தாவ ட²பெத்வா ந ச க்வசனீதி பரஸ்ஸ ச அத்தானங் க்வசி நபஸ்ஸதீதி மம கிஸ்மிஞ்சி கிஞ்சனதத்தீ²தி ஸோ பரஸ்ஸ அத்தா மம கிஸ்மிஞ்சி கிஞ்சனபா⁴வே அத்தீ²தி ந பஸ்ஸதீதி. அத்தனோ பா⁴திட்டா²னே வா பா⁴தரங், ஸஹாயட்டா²னே வா ஸஹாயங் பரிக்கா²ரட்டா²னே வா பரிக்கா²ரந்தி கிஸ்மிஞ்சி டா²னே பரஸ்ஸ அத்தானங் இமினா கிஞ்சனபா⁴வேன உபனேதப்³ப³ங் ந பஸ்ஸதீதி அத்தோ². ஏவமயங் யஸ்மா நேவ கத்த²சி அத்தானங் பஸ்ஸதி, ந தங் பரஸ்ஸ கிஞ்சனபா⁴வே உபனேதப்³ப³ங் பஸ்ஸதி, ந பரஸ்ஸ அத்தானங் பஸ்ஸதி, ந பரஸ்ஸ அத்தானங் அத்தனோ கிஞ்சனபா⁴வே உபனேதப்³ப³ங் பஸ்ஸதி. தஸ்மானேன சதுகோடிகா ஸுஞ்ஞதா பரிக்³க³ஹிதா ஹோதீதி.
761. ஏவங் சதுகோடிகங் ஸுஞ்ஞதங் பரிக்³க³ஹெத்வா புன ச²ஹாகாரேஹி ஸுஞ்ஞதங் பரிக்³க³ண்ஹாதி. கத²ங்? சக்கு² ஸுஞ்ஞங் அத்தேன வா அத்தனியேன வா நிச்சேன வா து⁴வேன வா ஸஸ்ஸதேன வா அவிபரிணாமத⁴ம்மேன வா…பே॰… மனோ ஸுஞ்ஞோ. ரூபா ஸுஞ்ஞா…பே॰… த⁴ம்மா ஸுஞ்ஞா. சக்கு²விஞ்ஞாணங்…பே॰… மனோவிஞ்ஞாணங். சக்கு²ஸம்ப²ஸ்ஸோதி ஏவங் யாவ ஜராமரணா நயோ நேதப்³போ³.
762. ஏவங் ச²ஹாகாரேஹி ஸுஞ்ஞதங் பரிக்³க³ஹெத்வா புன அட்ட²ஹாகாரேஹி பரிக்³க³ண்ஹாதி. ஸெய்யதி²த³ங் – ரூபங் அஸாரங் நிஸ்ஸாரங் ஸாராபக³தங் நிச்சஸாரஸாரேன வா து⁴வஸாரஸாரேன வா ஸுக²ஸாரஸாரேன
763. ஸோ
764. ஏவங் த³ஸஹாகாரேஹி ஸுஞ்ஞதங் பரிக்³க³ஹெத்வா புன த்³வாத³ஸஹாகாரேஹி பரிக்³க³ண்ஹாதி. ஸெய்யதி²த³ங் – ரூபங் ந ஸத்தோ, ந ஜீவோ, ந நரோ, ந மாணவோ, ந இத்தீ², ந புரிஸோ, ந அத்தா, ந அத்தனியங். நாஹங், ந மம, ந அஞ்ஞஸ்ஸ, ந கஸ்ஸசி. வேத³னா…பே॰… விஞ்ஞாணங் ந கஸ்ஸசீதி (சூளனி॰ மோக⁴ராஜமாணவபுச்சா²னித்³தே³ஸ 88).
765. ஏவங் த்³வாத³ஸஹாகாரேஹி ஸுஞ்ஞதங் பரிக்³க³ண்ஹித்வா புன தீரணபரிஞ்ஞாவஸேன த்³வாசத்தாலீஸாய ஆகாரேஹி ஸுஞ்ஞதங் பரிக்³க³ண்ஹாதி, ரூபங் அனிச்சதோ… து³க்க²தோ… ரோக³தோ… க³ண்ட³தோ… ஸல்லதோ… அக⁴தோ… ஆபா³த⁴தோ… பரதோ… பலோகதோ… ஈதிதோ… உபத்³த³வதோ… ப⁴யதோ… உபஸக்³க³தோ… சலதோ… பப⁴ங்கு³தோ… அத்³து⁴வதோ… அதாணதோ… அலேணதோ… அஸரணதோ… அஸரணீபூ⁴ததோ… ரித்ததோ… துச்ச²தோ… ஸுஞ்ஞதோ… அனத்ததோ… அனஸ்ஸாத³தோ… ஆதீ³னவதோ… விபரிணாமத⁴ம்மதோ… அஸ்ஸாரகதோ… அக⁴மூலதோ… வத⁴கதோ… விப⁴வதோ… ஸாஸவதோ… ஸங்க²ததோ… மாராமிஸதோ… ஜாதித⁴ம்மதோ… ஜராத⁴ம்மதோ… ப்³யாதி⁴த⁴ம்மதோ… மரணத⁴ம்மதோ… ஸோகபரிதே³வது³க்க²தோ³மனஸ்ஸஉபாயாஸத⁴ம்மதோ… ஸமுத³யதோ… அத்த²ங்க³மதோ… அனஸ்ஸாத³தோ
வுத்தம்பி சேதங் – ‘‘ரூபங் அனிச்சதோ…பே॰… நிஸ்ஸரணதோ பஸ்ஸந்தோ ஸுஞ்ஞதோ லோகங் அவெக்க²தி. வேத³னங்…பே॰… விஞ்ஞாணங் அனிச்சதோ…பே॰… நிஸ்ஸரணதோ பஸ்ஸந்தோ ஸுஞ்ஞதோ லோகங் அவெக்க²தி’’.
‘‘ஸுஞ்ஞதோ லோகங் அவெக்க²ஸ்ஸு, மோக⁴ராஜ ஸதா³ ஸதோ;
அத்தானுதி³ட்டி²ங் ஊஹச்ச, ஏவங் மச்சுதரோ ஸியா;
ஏவங் லோகங் அவெக்க²ந்தங், மச்சுராஜா ந பஸ்ஸதீ’’தி. (ஸு॰ நி॰ 1125; சூளனி॰ மோக⁴ராஜமாணவபுச்சா²னித்³தே³ஸ 88);
766. ஏவங்
யதா² நாம புரிஸஸ்ஸ ப⁴ரியா ப⁴வெய்ய இட்டா² கந்தா மனாபா, ஸோ தாய வினா முஹுத்தம்பி அதி⁴வாஸேதுங் ந ஸக்குணெய்ய, அதிவிய நங் மமாயெய்ய, ஸோ தங் இத்தி²ங் அஞ்ஞேன புரிஸேன ஸத்³தி⁴ங் டி²தங் வா நிஸின்னங் வா கதெ²ந்திங் வா ஹஸந்திங் வா தி³ஸ்வா குபிதோ அஸ்ஸ அனத்தமனோ, அதி⁴மத்தங் தோ³மனஸ்ஸங் படிஸங்வேதெ³ய்ய. ஸோ அபரேன ஸமயேன தஸ்ஸா இத்தி²யா தோ³ஸங் தி³ஸ்வா முஞ்சிதுகாமோ ஹுத்வா தங் விஸ்ஸஜ்ஜெய்ய, ந நங் மமாதி க³ண்ஹெய்ய. ததோ பட்டா²ய தங் யேனகேனசி ஸத்³தி⁴ங் யங்கிஞ்சி குருமானங் தி³ஸ்வாபி நேவ குப்பெய்ய, ந தோ³மனஸ்ஸங் ஆபஜ்ஜெய்ய, அஞ்ஞத³த்து² உதா³ஸீனோவ ப⁴வெய்ய மஜ்ஜ²த்தோ. ஏவமேவாயங் ஸப்³ப³ஸங்கா²ரேஹி முஞ்சிதுகாமோ ஹுத்வா படிஸங்கா²னுபஸ்ஸனாய ஸங்கா²ரே பரிக்³க³ண்ஹந்தோ அஹங் மமாதி க³ஹேதப்³ப³ங் அதி³ஸ்வா ப⁴யஞ்ச நந்தி³ஞ்ச விப்பஹாய ஸப்³ப³ஸங்கா²ரேஸு உதா³ஸீனோ ஹோதி மஜ்ஜ²த்தோ.
தஸ்ஸ ஏவங் ஜானதோ ஏவங் பஸ்ஸதோ தீஸு ப⁴வேஸு சதூஸு யோனீஸு பஞ்சஸு க³தீஸு ஸத்தஸு விஞ்ஞாணட்டி²தீஸு
ஸெய்யதா²பி நாம பது³மபலாஸே ஈஸகபோணே உத³கபு²ஸிதானி பதிலீயந்தி பதிகுடந்தி பதிவத்தந்தி ந ஸம்பஸாரியந்தி, ஏவமேவ…பே॰… ஸெய்யதா²பி நாம குக்குடபத்தங் வா நஹாருத³த்³து³லங் வா அக்³கி³ம்ஹி பக்கி²த்தங் பதிலீயதி பதிகுடதி பதிவத்ததி ந ஸம்பஸாரியதி (அ॰ நி॰ 7.49), ஏவமேவ தஸ்ஸ தீஸு ப⁴வேஸு சித்தங்…பே॰… உபெக்கா² வா பாடிகுல்யதா வா ஸண்டா²தி. இச்சஸ்ஸ ஸங்கா²ருபெக்கா²ஞாணங் நாம உப்பன்னங் ஹோதி.
767. தங் பனேதங் ஸசே ஸந்திபத³ங் நிப்³பா³னங் ஸந்ததோ பஸ்ஸதி, ஸப்³ப³ங் ஸங்கா²ரப்பவத்தங் விஸ்ஸஜ்ஜெத்வா நிப்³பா³னமேவ பக்க²ந்த³தி. நோ சே நிப்³பா³னங் ஸந்ததோ
ததி³த³ங் ஸுப்பக்³கே³ பிட்ட²ங் வட்டயமானங் விய. நிப்³ப³ட்டிதகப்பாஸங் விஹனமானங் விய நானப்பகாரதோ ஸங்கா²ரே பரிக்³க³ஹெத்வா ப⁴யஞ்ச நந்தி³ஞ்ச பஹாய ஸங்கா²ரவிசினநே மஜ்ஜ²த்தங் ஹுத்வா திவிதா⁴னுபஸ்ஸனாவஸேன திட்ட²தி. ஏவங் திட்ட²மானங் திவித⁴விமொக்க²முக²பா⁴வங் ஆபஜ்ஜித்வா ஸத்தஅரியபுக்³க³லவிபா⁴கா³ய பச்சயோ ஹோதி.
768. தத்ரித³ங் திவிதா⁴னுபஸ்ஸனாவஸேன பவத்தனதோ திண்ணங் இந்த்³ரியானங் ஆதி⁴பதெய்யவஸேன திவித⁴விமொக்க²முக²பா⁴வங் ஆபஜ்ஜதி நாம. திஸ்ஸோ ஹி அனுபஸ்ஸனா தீணி விமொக்க²முகா²னீதி வுச்சந்தி. யதா²ஹ –
‘‘தீணி
தத்த² பரிச்சே²த³பரிவடுமதோதி உத³யப்³ப³யவஸேன பரிச்சே²த³தோ சேவ பரிவடுமதோ ச. அனிச்சானுபஸ்ஸனங் ஹி ‘‘உத³யதோ புப்³பே³ ஸங்கா²ரா நத்தீ²’’தி பரிச்சி²ந்தி³த்வா தேஸங் க³திங் ஸமன்னேஸமானங் ‘‘வயதோ பரங் ந க³ச்ச²ந்தி, எத்தே²வ அந்தரதா⁴யந்தீ’’தி பரிவடுமதோ ஸமனுபஸ்ஸதி. மனோஸமுத்தேஜனதாயாதி சித்தஸங்வேஜனதாய பரதோ ஸமனுபஸ்ஸனதாயாதி ‘‘நாஹங், ந மமா’’தி ஏவங் அனத்ததோ ஸமனுபஸ்ஸனதாய. இதி இமானி தீணி பதா³னி அனிச்சானுபஸ்ஸனாதீ³னங் வஸேன வுத்தானீதி வேதி³தப்³பா³னி. தேனேவ தத³னந்தரே பஞ்ஹவிஸ்ஸஜ்ஜனே வுத்தங் – ‘‘அனிச்சதோ மனஸிகரோதோ க²யதோ ஸங்கா²ரா உபட்ட²ஹந்தி. து³க்க²தோ மனஸிகரோதோ ப⁴யதோ ஸங்கா²ரா உபட்ட²ஹந்தி. அனத்ததோ மனஸிகரோதோ ஸுஞ்ஞதோ ஸங்கா²ரா உபட்ட²ஹந்தீ’’தி (படி॰ ம॰ 1.219).
769. கதமே பன தே விமொக்கா², யேஸங் இமானி அனுபஸ்ஸனானி முகா²னீதி? அனிமித்தோ, அப்பணிஹிதோ, ஸுஞ்ஞதோதி ஏதே தயோ. வுத்தங் ஹேதங் ‘‘அனிச்சதோ மனஸிகரொந்தோ அதி⁴மொக்க²ப³ஹுலோ அனிமித்தங் விமொக்க²ங் படிலப⁴தி. து³க்க²தோ மனஸிகரொந்தோ பஸ்ஸத்³தி⁴ப³ஹுலோ அப்பணிஹிதங் விமொக்க²ங் படிலப⁴தி. அனத்ததோ மனஸிகரொந்தோ வேத³ப³ஹுலோ ஸுஞ்ஞதவிமொக்க²ங் படிலப⁴தீ’’தி (படி॰ ம॰ 1.223).
எத்த² ச அனிமித்தோ விமொக்கோ²தி அனிமித்தாகாரேன நிப்³பா³னங் ஆரம்மணங் கத்வா பவத்தோ அரியமக்³கோ³. ஸோ ஹி அனிமித்தாய தா⁴துயா உப்பன்னத்தா அனிமித்தோ. கிலேஸேஹி ச விமுத்தத்தா விமொக்கோ². ஏதேனேவ நயேன அப்பணிஹிதாகாரேன நிப்³பா³னங் ஆரம்மணங் கத்வா பவத்தோ அப்பணிஹிதோ. ஸுஞ்ஞதாகாரேன நிப்³பா³னங் ஆரம்மணங் கத்வா பவத்தோ ஸுஞ்ஞதோதி வேதி³தப்³போ³.
770. யங் பன அபி⁴த⁴ம்மே ‘‘யஸ்மிங் ஸமயே லோகுத்தரங் ஜா²னங் பா⁴வேதி நிய்யானிகங் அபசயகா³மிங் படிஸம்பி⁴தா³மக்³கே³ –
‘‘அனிச்சானுபஸ்ஸனாஞாணங் நிச்சதோ அபி⁴னிவேஸங் முஞ்சதீதி ஸுஞ்ஞதோ விமொக்கோ². து³க்கா²னுபஸ்ஸனாஞாணங் ஸுக²தோ அபி⁴னிவேஸங். அனத்தானுபஸ்ஸனாஞாணங் அத்ததோ அபி⁴னிவேஸங் முஞ்சதீதி ஸுஞ்ஞதோ விமொக்கோ²தி ச,
‘‘அனிச்சானுபஸ்ஸனாஞாணங் நிச்சதோ நிமித்தங் முஞ்சதீதி அனிமித்தோ விமொக்கோ². து³க்கா²னுபஸ்ஸனாஞாணங் ஸுக²தோ நிமித்தங், அனத்தானுபஸ்ஸனாஞாணங் அத்ததோ நிமித்தங் முஞ்சதீதி அனிமித்தோ விமொக்கோ²’’தி (படி॰ ம॰ 1.229) ஏவங் நிமித்தங் முஞ்சனவஸேன அனிமித்தோ விமொக்கோ²தி ச,
‘‘அனிச்சானுபஸ்ஸனாஞாணங் நிச்சதோ பணிதி⁴ங் முஞ்சதீதி அப்பணிஹிதோ விமொக்கோ². து³க்கா²னுபஸ்ஸனாஞாணங் ஸுக²தோ பணிதி⁴ங். அனத்தானுபஸ்ஸனாஞாணங் அத்ததோ பணிதி⁴ங் முஞ்சதீதி அப்பணிஹிதோ விமொக்கோ²’’தி (படி॰ ம॰ 1.229) ஏவங் பணிதி⁴ங் முஞ்சனவஸேன அப்பணிஹிதோ விமொக்கோ²தி ச –
வுத்தங். ததா²பி தங் ஸங்கா²ரனிமித்தஸ்ஸ அவிஜஹனதோ ந நிப்பரியாயேன அனிமித்தங். நிப்பரியாயேன பன ஸுஞ்ஞதஞ்சேவ அப்பணிஹிதஞ்ச. தஸ்ஸ ச ஆக³மனவஸேன அரியமக்³க³க்க²ணே விமொக்கோ² உத்³த⁴டோ. தஸ்மா அப்பணிஹிதங் ஸுஞ்ஞதந்தி விமொக்க²த்³வயமேவ வுத்தந்தி வேதி³தப்³ப³ங். அயங் தாவெத்த² விமொக்க²கதா².
771. யங் பன வுத்தங் ‘‘ஸத்தஅரியபுக்³க³லவிபா⁴கா³ய பச்சயோ ஹோதீ’’தி, தத்த² ஸத்³தா⁴னுஸாரீ, ஸத்³தா⁴விமுத்தோ, காயஸக்கி², உப⁴தோபா⁴க³விமுத்தோ, த⁴ம்மானுஸாரீ, தி³ட்டி²ப்பத்தோ, பஞ்ஞாவிமுத்தோதி
772. யோ ஹி அனிச்சதோ மனஸிகரொந்தோ அதி⁴மொக்க²ப³ஹுலோ ஸத்³தி⁴ந்த்³ரியங் படிலப⁴தி, ஸோ ஸோதாபத்திமக்³க³க்க²ணே ஸத்³தா⁴னுஸாரீ ஹோதி. ஸேஸேஸு ஸத்தஸு டா²னேஸு ஸத்³தா⁴விமுத்தோ.
773. யோ பன து³க்க²தோ மனஸிகரொந்தோ பஸ்ஸத்³தி⁴ப³ஹுலோ ஸமாதி⁴ந்த்³ரியங் படிலப⁴தி, ஸோ ஸப்³ப³த்த² காயஸக்கி² நாம ஹோதி. அரூபஜ்ஜா²னங் பன பத்வா அக்³க³ப²லப்பத்தோ உப⁴தோபா⁴க³விமுத்தோ நாம ஹோதி.
774. யோ அனத்ததோ மனஸிகரொந்தோ வேத³ப³ஹுலோ பஞ்ஞிந்த்³ரியங் படிலப⁴தி, ஸோ ஸோதாபத்திமக்³க³க்க²ணே த⁴ம்மானுஸாரீ ஹோதி. ச²ஸு டா²னேஸு தி³ட்டி²ப்பத்தோ அக்³க³ப²லே பஞ்ஞாவிமுத்தோதி.
775. வுத்தங் ஹேதங் –
‘‘அனிச்சதோ மனஸிகரோதோ ஸத்³தி⁴ந்த்³ரியங் அதி⁴மத்தங் ஹோதி. ஸத்³தி⁴ந்த்³ரியஸ்ஸ அதி⁴மத்தத்தா ஸோதாபத்திமக்³க³ங் படிலப⁴தி, தேன வுச்சதி ஸத்³தா⁴னுஸாரீ’’தி.
ததா² ‘‘அனிச்சதோ மனஸிகரோதோ ஸத்³தி⁴ந்த்³ரியங் அதி⁴மத்தங் ஹோதி, ஸத்³தி⁴ந்த்³ரியஸ்ஸ அதி⁴மத்தத்தா ஸோதாபத்திப²லங் ஸச்சி²கதங் ஹோதி, தேன வுச்சதி ஸத்³தா⁴விமுத்தோ’’திஆதி³ (படி॰ ம॰ 1.221).
776. அபரம்பி வுத்தங் –
‘‘ஸத்³த³ஹந்தோ விமுத்தோதி ஸத்³தா⁴விமுத்தோ. பு²ட்ட²ந்தங் ஸச்சி²கதோதி காயஸக்கி². தி³ட்ட²ந்தங் பத்தோதி தி³ட்டி²ப்பத்தோ. ஸத்³த³ஹந்தோ விமுச்சதீதி ஸத்³தா⁴விமுத்தோ. ஜா²னப²ஸ்ஸங் பட²மங் பு²ஸதி பச்சா² நிரோத⁴ங் நிப்³பா³னங் ஸச்சி²கரோதீதி காயஸக்கி². ‘து³க்கா² ஸங்கா²ரா, ஸுகோ² நிரோதோ⁴’தி ஞாதங் ஹோதி தி³ட்ட²ங் விதி³தங் ஸச்சி²கதங் பு²ஸிதங் பஞ்ஞாயாதி தி³ட்டி²ப்பத்தோ’’தி (படி॰ ம॰ 1.221).
777. இதரேஸு ஸத்³தா⁴னுஸாரீ. ததா² பஞ்ஞாஸங்கா²தங் த⁴ம்மங் அனுஸரதி, த⁴ம்மேன வா அனுஸரதீதி த⁴ம்மானுஸாரீ. அரூபஜ்ஜா²னேன சேவ அரியமக்³கே³ன சாதி உப⁴தோபா⁴கே³ன விமுத்தோதி உப⁴தோபா⁴க³விமுத்தோ. பஜானந்தோ விமுத்தோதி பஞ்ஞாவிமுத்தோதி ஏவங் வசனத்தோ² வேதி³தப்³போ³தி.
ஸங்கா²ருபெக்கா²ஞாணங்.
778. தங் பனேதங் புரிமேன ஞாணத்³வயேன அத்த²தோ ஏகங். தேனாஹு போராணா – ‘‘இத³ங் ஸங்கா²ருபெக்கா²ஞாணங் ஏகமேவ தீணி நாமானி லப⁴தி, ஹெட்டா²
779. பாளியம்பி வுத்தங் –
‘‘கத²ங் முஞ்சிதுகம்யதா-படிஸங்கா²-ஸந்திட்ட²னா பஞ்ஞா ஸங்கா²ருபெக்கா²ஸு ஞாணங்? உப்பாத³ங் முஞ்சிதுகம்யதா-படிஸங்கா²-ஸந்திட்ட²னா பஞ்ஞா ஸங்கா²ருபெக்கா²ஸு ஞாணங். பவத்தங்…பே॰… நிமித்தங்…பே॰… உபாயாஸங் முஞ்சிதுகம்யதாபடிஸங்கா²-ஸந்திட்ட²னா பஞ்ஞா ஸங்கா²ருபெக்கா²ஸு ஞாணங். உப்பாதோ³ து³க்க²ந்தி…பே॰… ப⁴யந்தி…பே॰… ஸாமிஸந்தி…பே॰… உப்பாதோ³ ஸங்கா²ராதி…பே॰… உபாயாஸோ ஸங்கா²ராதி முஞ்சிதுகம்யதா-படிஸங்கா²-ஸந்திட்ட²னா பஞ்ஞா ஸங்கா²ருபெக்கா²ஸு ஞாண’’ந்தி (படி॰ ம॰ 1.54).
780. தத்த² முஞ்சிதுகம்யதா ச ஸா படிஸங்கா² ச ஸந்திட்ட²னா சாதி முஞ்சிதுகம்யதா-படிஸங்கா²-ஸந்திட்ட²னா. இதி புப்³ப³பா⁴கே³ நிப்³பி³தா³ஞாணேன நிப்³பி³ன்னஸ்ஸ உப்பாதா³தீ³னி பரிச்சஜிதுகாமதா முஞ்சிதுகாமதா. முஞ்சனஸ்ஸ உபாயகரணத்த²ங் மஜ்ஜே² படிஸங்கா²னங் படிஸங்கா². முஞ்சித்வா அவஸானே அஜ்ஜு²பெக்க²னங் ஸந்திட்ட²னா. யங் ஸந்தா⁴ய ‘‘உப்பாதோ³ ஸங்கா²ரா, தே ஸங்கா²ரே அஜ்ஜு²பெக்க²தீதி ஸங்கா²ருபெக்கா²’’திஆதி³ (படி॰ ம॰ 1.54) வுத்தங். ஏவங் ஏகமேவித³ங் ஞாணங்.
781. அபிச இமாயபி பாளியா இத³ங் ஏகமேவாதி வேதி³தப்³ப³ங். வுத்தங் ஹேதங் – ‘‘யா ச முஞ்சிதுகம்யதா, யா ச படிஸங்கா²னுபஸ்ஸனா, யா ச ஸங்கா²ருபெக்கா², இமே த⁴ம்மா ஏகத்தா², ப்³யஞ்ஜனமேவ நான’’ந்தி (படி॰ ம॰ 1.227).
782. ஏவங் ஸிகா²ப்பத்தா. வுட்டா²னங் க³ச்ச²தீதி வுட்டா²னகா³மினீ. வுட்டா²னங் வுச்சதி ப³ஹித்³தா⁴னிமித்தபூ⁴ததோ அபி⁴னிவிட்ட²வத்து²தோ சேவ அஜ்ஜ²த்தபவத்ததோ ச வுட்ட²ஹனதோ மக்³கோ³, தங் க³ச்ச²தீதி வுட்டா²னகா³மினீ, மக்³கே³ன ஸத்³தி⁴ங் க⁴டியதீதி அத்தோ².
783. தத்ராயங் அபி⁴னிவேஸவுட்டா²னானங் ஆவிபா⁴வத்தா²ய மாதிகா – அஜ்ஜ²த்தங் அபி⁴னிவிஸித்வா அஜ்ஜ²த்தா வுட்டா²தி, அஜ்ஜ²த்தங் அபி⁴னிவிஸித்வா ப³ஹித்³தா⁴ வுட்டா²தி
784. கத²ங்? இதே⁴கச்சோ ஆதி³தோவ அஜ்ஜ²த்தஸங்கா²ரேஸு அபி⁴னிவிஸதி, அபி⁴னிவிஸித்வா தே பஸ்ஸதி. யஸ்மா பன ந ஸுத்³த⁴அஜ்ஜ²த்தத³ஸ்ஸனமத்தேனேவ மக்³க³வுட்டா²னங் ஹோதி, ப³ஹித்³தா⁴பி த³ட்ட²ப்³ப³மேவ, தஸ்மா பரஸ்ஸ க²ந்தே⁴பி அனுபாதி³ண்ணஸங்கா²ரேபி அனிச்சங் து³க்க²மனத்தாதி பஸ்ஸதி. ஸோ காலேன அஜ்ஜ²த்தங் ஸம்மஸதி, காலேன ப³ஹித்³தா⁴. தஸ்ஸேவங் ஸம்மஸதோ அஜ்ஜ²த்தங் ஸம்மஸனகாலே விபஸ்ஸனா மக்³கே³ன ஸத்³தி⁴ங் க⁴டியதி. அயங் அஜ்ஜ²த்தங் அபி⁴னிவிஸித்வா அஜ்ஜ²த்தா வுட்டா²தி நாம.
ஸசே பனஸ்ஸ ப³ஹித்³தா⁴ ஸம்மஸனகாலே விபஸ்ஸனா மக்³கே³ன ஸத்³தி⁴ங் க⁴டியதி, அயங் அஜ்ஜ²த்தங் அபி⁴னிவிஸித்வா ப³ஹித்³தா⁴ வுட்டா²தி நாம. ஏஸ நயோ ப³ஹித்³தா⁴ அபி⁴னிவிஸித்வா ப³ஹித்³தா⁴ ச அஜ்ஜ²த்தா ச வுட்டா²னேபி.
785. அபரோ ஆதி³தோவ ரூபே அபி⁴னிவிஸதி, அபி⁴னிவிஸித்வா பூ⁴தரூபஞ்ச உபாதா³ரூபஞ்ச ராஸிங் கத்வா பஸ்ஸதி. யஸ்மா பன ந ஸுத்³த⁴ரூபத³ஸ்ஸனமத்தேனேவ வுட்டா²னங் ஹோதி, அரூபம்பி த³ட்ட²ப்³ப³மேவ. தஸ்மா தங் ரூபங் ஆரம்மணங் கத்வா உப்பன்னங் வேத³னங் ஸஞ்ஞங் ஸங்கா²ரே விஞ்ஞாணஞ்ச ‘‘இத³ங் அரூப’’ந்தி அரூபங் பஸ்ஸதி. ஸோ காலேன ரூபங் ஸம்மஸதி, காலேன அரூபங் ரூபே அபி⁴னிவிஸித்வா ரூபா வுட்டா²தி நாம.
ஸசே பனஸ்ஸ அரூபஸம்மஸனகாலே விபஸ்ஸனா மக்³கே³ன ஸத்³தி⁴ங் க⁴டியதி, அயங் அரூபே அபி⁴னிவிஸித்வா அரூபா வுட்டா²தி நாம. ஏஸ நயோ அரூபே அபி⁴னிவிஸித்வா அரூபா ச ரூபா ச வுட்டா²னேபி.
786. ‘‘யங்கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்தி (தீ³॰ நி॰ 1.298) ஏவங் அபி⁴னிவிஸித்வா ஏவமேவ வுட்டா²னகாலே பன ஏகப்பஹாரேன பஞ்சஹி க²ந்தே⁴ஹி வுட்டா²தி நாம.
787. ஏகோ அனிச்சதோ அபி⁴னிவிஸித்வா அனிச்சதோ வுட்டா²தி நாம.
ஸசே பனஸ்ஸ து³க்க²தோ அனத்ததோ ஸம்மஸனகாலே வுட்டா²னங் ஹோதி, அயங் அனிச்சதோ அபி⁴னிவிஸித்வா து³க்க²தோ, அனத்ததோ வுட்டா²தி நாம. ஏஸ நயோ து³க்க²தோ அனத்ததோ அபி⁴னிவிஸித்வா ஸேஸவுட்டா²னேஸுபி.
788. எத்த² ச யோபி அனிச்சதோ அபி⁴னிவிட்டோ², யோபி து³க்க²தோ, யோபி அனத்ததோ, வுட்டா²னகாலே ச அனிச்சதோ வுட்டா²னங் ஹோதி. தயோபி ஜனா அதி⁴மொக்க²ப³ஹுலா ஹொந்தி, ஸத்³தி⁴ந்த்³ரியங் படிலப⁴ந்தி, அனிமித்தவிமொக்கே²ன விமுச்சந்தி, பட²மமக்³க³க்க²ணே ஸத்³தா⁴னுஸாரினோ ஹொந்தி, ஸத்தஸு டா²னேஸு ஸத்³தா⁴விமுத்தா. ஸசே பன து³க்க²தோ வுட்டா²னங் ஹோதி, தயோபி ஜனா பஸ்ஸத்³தி⁴ப³ஹுலா ஹொந்தி, ஸமாதி⁴ந்த்³ரியங் படிலப⁴ந்தி, அப்பணிஹிதவிமொக்கே²ன விமுச்சந்தி, ஸப்³ப³த்த² காயஸக்கி²னோ ஹொந்தி. யஸ்ஸ பனெத்த² அரூபஜ்ஜா²னங் பாத³கங், ஸோ அக்³க³ப²லே உப⁴தோபா⁴க³விமுத்தோ ஹோதி. அத² நேஸங் அனத்ததோ வுட்டா²னங் ஹோதி, தயோபி ஜனா வேத³ப³ஹுலா ஹொந்தி, பஞ்ஞிந்த்³ரியங் படிலப⁴ந்தி, ஸுஞ்ஞதவிமொக்கே²ன விமுச்சந்தி, பட²மமக்³க³க்க²ணே த⁴ம்மானுஸாரினோ ஹொந்தி, ச²ஸு டா²னேஸு தி³ட்டி²ப்பத்தா அக்³க³ப²லே பஞ்ஞாவிமுத்தாதி.
789. இதா³னி
‘‘வக்³கு³லீ கண்ஹஸப்போ ச, க⁴ரங் கோ³ யக்கி² தா³ரகோ;
கு²த்³த³ங் பிபாஸங் ஸீதுண்ஹங், அந்த⁴காரங் விஸேன சா’’தி.
இமா ச உபமா ப⁴யதுபட்டா²னதோ பபு⁴தி யத்த² கத்த²சி ஞாணே ட²த்வா ஆஹரிதுங் வட்டெய்யுங். இமஸ்மிங் பன டா²னே ஆஹரியமானாஸு ப⁴யதுபட்டா²னதோ யாவ ப²லஞாணங் ஸப்³ப³ங் பாகடங் ஹோதி, தஸ்மா இதே⁴வ ஆஹரிதப்³பா³தி வுத்தா.
790. வக்³கு³லீதி
தத்த² வக்³கு³லி விய யோகா³வசரோ த³ட்ட²ப்³போ³, பஞ்சஸாகோ² மது⁴கருக்கோ² விய பஞ்சுபாதா³னக்க²ந்தா⁴, தத்த² வக்³கு³லியா நிலீயனங் விய யோகி³னோ க²ந்த⁴பஞ்சகே அபி⁴னிவேஸோ, தஸ்ஸா ஏகேகங் ஸாக²ங் பராமஸித்வா கிஞ்சி க³ய்ஹுபக³ங் அதி³ஸ்வா அவஸேஸஸாகா²பராமஸனங் விய யோகி³னோ ரூபக்க²ந்த⁴ங் ஸம்மஸித்வா தத்த² கிஞ்சி க³ய்ஹுபக³ங் அதி³ஸ்வா அவஸேஸக்க²ந்த⁴ஸம்மஸனங், தஸ்ஸா ‘‘அப²லோ வதாயங் ருக்கோ²’’தி ருக்கே² ஆலயவிஸ்ஸஜ்ஜனங் விய யோகி³னோ பஞ்சஸுபி க²ந்தே⁴ஸு அனிச்சலக்க²ணாதி³த³ஸ்ஸனவஸேன நிப்³பி³ன்னஸ்ஸ முஞ்சிதுகம்யதாதி³ஞாணத்தயங், தஸ்ஸா உஜுகாய ஸாகா²ய உபரி ஆரோஹனங் விய யோகி³னோ அனுலோமங், ஸீஸங் நீஹரித்வா உத்³த⁴ங் உல்லோகனங் விய கொ³த்ரபு⁴ஞாணங், ஆகாஸே உப்பதனங் விய மக்³க³ஞாணங், அஞ்ஞஸ்மிங் ப²லருக்கே² நிலீயனங் விய ப²லஞாணங்.
791. கண்ஹஸப்புபமா படிஸங்கா²ஞாணே வுத்தாவ. உபமாஸங்ஸந்த³னே பனெத்த² ஸப்பவிஸ்ஸஜ்ஜனங் விய
792. க⁴ரந்தி க⁴ரஸாமிகே கிர ஸாயங் பு⁴ஞ்ஜித்வா ஸயனங் ஆருய்ஹ நித்³த³ங் ஓக்கந்தே க⁴ரங் ஆதி³த்தங், ஸோ பபு³ஜ்ஜி²த்வா அக்³கி³ங் தி³ஸ்வா ‘‘பீ⁴தோ ஸாது⁴ வதஸ்ஸ ஸசே அட³ய்ஹமானோ நிக்க²மெய்ய’’ந்தி ஓலோகயமானோ மக்³க³ங் தி³ஸ்வா நிக்க²மித்வா வேகே³ன கே²மட்டா²னங் க³ந்த்வா டி²தோ. தத்த² க⁴ரஸாமிகஸ்ஸ பு⁴ஞ்ஜித்வா ஸயனங் ஆருய்ஹ நித்³தோ³க்கமனங் விய பா³லபுது²ஜ்ஜனஸ்ஸ க²ந்த⁴பஞ்சகே ‘‘அஹங் மமா’’தி க³ஹணங். பபு³ஜ்ஜி²த்வா அக்³கி³ங் தி³ஸ்வா பீ⁴தகாலோ விய ஸம்மாபடிபத³ங் படிபஜ்ஜித்வா லக்க²ணங் தி³ஸ்வா ப⁴யதுபட்டா²னஞாணங், நிக்க²மனமக்³க³ங் ஓலோகனங் விய முஞ்சிதுகம்யதாஞாணங்
793. கோ³தி ஏகஸ்ஸ கிர கஸ்ஸகஸ்ஸ ரத்திபா⁴கே³ நித்³த³ங் ஓக்கந்தஸ்ஸ வஜங் பி⁴ந்தி³த்வா கோ³ணா பலாதா, ஸோ பச்சூஸஸமயே தத்த² க³ந்த்வா ஓலோகெந்தோ தேஸங் பலாதபா⁴வங் ஞத்வா அனுபத³ங் க³ந்த்வா ரஞ்ஞோ கோ³ணே அத்³த³ஸ. தே ‘‘மய்ஹங் கோ³ணா’’தி ஸல்லக்கெ²த்வா ஆஹரந்தோ பபா⁴தகாலே ‘‘ந இமே மய்ஹங் கோ³ணா, ரஞ்ஞோ கோ³ணா’’தி ஸஞ்ஜானித்வா ‘‘யாவ மங் ‘சோரோ அய’ந்தி க³ஹெத்வா ராஜபுரிஸா ந அனயப்³யஸனங் பாபெந்தி, தாவதே³வ பலாயிஸ்ஸாமீ’’தி பீ⁴தோ கோ³ணே பஹாய வேகே³ன பலாயித்வா நிப்³ப⁴யட்டா²னே அட்டா²ஸி. தத்த² ‘‘மய்ஹங் கோ³ணா’’தி ராஜகோ³ணானங் க³ஹணங் விய பா³லபுது²ஜ்ஜனஸ்ஸ ‘‘அஹங் மமா’’தி க²ந்தா⁴னங் க³ஹணங், பபா⁴தே ‘‘ராஜகோ³ணா’’தி ஸஞ்ஜானநங் விய யோகி³னோ திலக்க²ணவஸேன க²ந்தா⁴னங் ‘‘அனிச்சா து³க்கா² அனத்தா’’தி ஸஞ்ஜானநங், பீ⁴தகாலோ விய ப⁴யதுபட்டா²னஞாணங், விஸ்ஸஜ்ஜித்வா க³ந்துகாமதா விய முஞ்சிதுகம்யதா, விஸ்ஸஜ்ஜனங் விய கொ³த்ரபு⁴, பலாயனங் விய மக்³கோ³, பலாயித்வா அப⁴யதே³ஸே டா²னங் விய ப²லங்.
794. யக்கீ²தி ஏகோ கிர புரிஸோ யக்கி²னியா ஸத்³தி⁴ங் ஸங்வாஸங் கப்பேஸி, ஸா ரத்திபா⁴கே³ ‘‘ஸுத்தோ அய’’ந்தி மந்த்வா ஆமகஸுஸானங் க³ந்த்வா மனுஸ்ஸமங்ஸங் கா²த³தி. ஸோ ‘‘குஹிங் ஏஸா க³ச்ச²தீ’’தி அனுப³ந்தி⁴த்வா மனுஸ்ஸமங்ஸங் கா²த³மானங் தி³ஸ்வா தஸ்ஸா அமனுஸ்ஸிபா⁴வங் ஞத்வா ‘‘யாவ மங் ந கா²த³தி, தாவ பலாயிஸ்ஸாமீ’’தி பீ⁴தோ வேகே³ன பலாயித்வா கே²மட்டா²னே அட்டா²ஸி. தத்த² யக்கி²னியா ஸத்³தி⁴ங் ஸங்வாஸோ விய க²ந்தா⁴னங் ‘‘அஹங் மமா’’தி க³ஹணங், ஸுஸானே மனுஸ்ஸமங்ஸங் கா²த³மானங்
795. தா³ரகோதி ஏகா கிர புத்தகி³த்³தி⁴னீ இத்தீ², ஸா உபரிபாஸாதே³ நிஸின்னாவ அந்தரவீதி²யங் தா³ரகஸத்³த³ங் ஸுத்வா ‘‘புத்தோ நு கோ² மே கேனசி விஹேடி²யதீ’’தி வேக³ஸா க³ந்த்வா ‘‘அத்தனோ புத்தோ’’தி ஸஞ்ஞாய பரபுத்தங் அக்³க³ஹேஸி. ஸா ‘‘பரபுத்தோ அய’’ந்தி ஸஞ்ஜானித்வா ஒத்தப்பமானா இதோ சிதோ
796. கு²த்³த³ங் பிபாஸங் ஸீதுண்ஹங், அந்த⁴காரங் விஸேன சாதி இமா பன ச² உபமா வுட்டா²னகா³மினியா விபஸ்ஸனாய டி²தஸ்ஸ லோகுத்தரத⁴ம்மாபி⁴முக²னின்னபோணபப்³பா⁴ரபா⁴வத³ஸ்ஸனத்த²ங் வுத்தா. யதா² ஹி கு²த்³தா³ய அபி⁴பூ⁴தோ ஸுஜிக⁴ச்சி²தோ புரிஸோ ஸாது³ரஸங் போ⁴ஜனங் பத்தே²தி, ஏவமேவாயங் ஸங்ஸாரவட்டஜிக⁴ச்சா²ய பு²ட்டோ² யோகா³வசரோ அமதரஸங் காயக³தாஸதிபோ⁴ஜனங் பத்தே²தி.
யதா² ச பிபாஸிதோ புரிஸோ பரிஸுஸ்ஸமானகண்ட²முகோ² அனேகங்க³ஸம்பா⁴ரங் பானகங் பத்தே²தி, ஏவமேவாயங் ஸங்ஸாரவட்டபிபாஸாய பு²ட்டோ² யோகா³வசரோ அரியங் அட்ட²ங்கி³கமக்³க³பானகங் பத்தே²தி.
யதா² பன ஸீதஸம்பு²ட்டோ² புரிஸோ உண்ஹங் பத்தே²தி, ஏவமேவாயங் ஸங்ஸாரவட்டே தண்ஹாஸினேஹஸீதேன பு²ட்டோ² யோகா³வசரோ கிலேஸஸந்தாபகங் மக்³க³தேஜங் பத்தே²தி.
யதா² ச உண்ஹஸம்பு²ட்டோ² புரிஸோ ஸீதங் பத்தே²தி, ஏவமேவாயங் ஸங்ஸாரவட்டே ஏகாத³ஸக்³கி³ஸந்தாபஸந்தத்தோ யோகா³வசரோ ஏகாத³ஸக்³கி³வூபஸமங் நிப்³பா³னங் பத்தே²தி.
யதா²
யதா² ச விஸஸம்பு²ட்டோ² புரிஸோ விஸகா⁴தனங் பே⁴ஸஜ்ஜங் பத்தே²தி, ஏவமேவாயங் கிலேஸவிஸஸம்பு²ட்டோ² யோகா³வசரோ கிலேஸவிஸனிம்மத²னங் அமதோஸத⁴ங் நிப்³பா³னங் பத்தே²தி. தேன வுத்தங் – ‘‘தஸ்ஸேவங் ஜானதோ ஏவங் பஸ்ஸதோ
797. எத்தாவதா ச பனேஸ பதிலீனசரோ நாம ஹோதி, யங் ஸந்தா⁴ய வுத்தங் –
‘‘பதிலீனசரஸ்ஸ பி⁴க்கு²னோ,
ப⁴ஜமானஸ்ஸ விவித்தமாஸனங்;
ஸாமக்³கி³யமாஹு தஸ்ஸ தங்,
யோ அத்தானங் ப⁴வனே ந த³ஸ்ஸயே’’தி. (ஸு॰ நி॰ 816; மஹானி॰ 45);
ஏவமித³ங் ஸங்கா²ருபெக்கா²ஞாணங் யோகி³னோ பதிலீனசரபா⁴வங் நியமெத்வா உத்தரி அரியமக்³க³ஸ்ஸாபி பொ³ஜ்ஜ²ங்க³மக்³க³ங்க³ஜா²னங்க³படிபதா³விமொக்க²விஸேஸங் நியமேதி. கேசி ஹி தே²ரா பொ³ஜ்ஜ²ங்க³மக்³க³ங்க³ஜா²னங்கா³னங் விஸேஸங் பாத³கஜ்ஜா²னங் நியமேதீதி வத³ந்தி. கேசி விபஸ்ஸனாய ஆரம்மணபூ⁴தா க²ந்தா⁴ நியமெந்தீதி வத³ந்தி. கேசி புக்³க³லஜ்ஜா²ஸயோ நியமேதீதி வத³ந்தி. தேஸம்பி வாதே³ஸு அயங் புப்³ப³பா⁴க³வுட்டா²னகா³மினிவிபஸ்ஸனாவ நியமேதீதி வேதி³தப்³பா³.
798. தத்ராயங் அனுபுப்³பி³கதா² – விபஸ்ஸனானியமேன ஹி ஸுக்க²விபஸ்ஸகஸ்ஸ உப்பன்னமக்³கோ³பி, ஸமாபத்திலாபி⁴னோ ஜா²னங் பாத³கங் அகத்வா உப்பன்னமக்³கோ³பி, பட²மஜ்ஜா²னங் பாத³கங் கத்வா பகிண்ணகஸங்கா²ரே ஸம்மஸித்வா உப்பாதி³தமக்³கோ³பி பட²மஜ்ஜா²னிகாவ ஹொந்தி. ஸப்³பே³ஸு ஸத்த பொ³ஜ்ஜ²ங்கா³னி அட்ட² மக்³க³ங்கா³னி பஞ்ச ஜா²னங்கா³னி ஹொந்தி. தேஸங் ஹி புப்³ப³பா⁴க³விபஸ்ஸனா ஸோமனஸ்ஸஸஹக³தாபி உபெக்கா²ஸஹக³தாபி ஹுத்வா வுட்டா²னகாலே ஸங்கா²ருபெக்கா²பா⁴வங் பத்வா ஸோமனஸ்ஸஸஹக³தா
799. து³தியத்தே²ரவாதே³ பன யதோ யதோ ஸமாபத்திதோ வுட்டா²ய யே யே ஸமாபத்தித⁴ம்மே ஸம்மஸித்வா மக்³கோ³ நிப்³ப³த்திதோ ஹோதி, தங்தங்ஸமாபத்திஸதி³ஸோவ ஹோதி. தத்ராபி ச விபஸ்ஸனானியமோ வுத்தனயேனேவ வேதி³தப்³போ³.
800. ததியத்தே²ரவாதே³ அத்தனோ அத்தனோ அஜ்ஜா²ஸயானுரூபேன யங் யங் ஜா²னங் பாத³கங் கத்வா யே யே ஜா²னத⁴ம்மே ஸம்மஸித்வா மக்³கோ³ நிப்³ப³த்திதோ, தங்தங்ஜா²னஸதி³ஸோவ ஹோதி. பாத³கஜ்ஜா²னங் பன ஸம்மஸிதஜ்ஜா²னங் வா வினா அஜ்ஜா²ஸயமத்தேனேவ தங் ந இஜ்ஜ²தி. ஸ்வாயமத்தோ² நந்த³கோவாத³ஸுத்தேன (ம॰ நி॰ 3.398 ஆத³யோ) தீ³பேதப்³போ³. எத்தா²பி ச விபஸ்ஸனானியமோ வுத்தனயேனேவ வேதி³தப்³போ³. ஏவங் தாவ ஸங்கா²ருபெக்கா² பொ³ஜ்ஜ²ங்க³மக்³க³ங்க³ஜா²னங்கா³னி நியமேதீதி வேதி³தப்³பா³.
801. ஸசே பனாயங் ஆதி³தோ கிலேஸே விக்க²ம்ப⁴யமானா து³க்கே²ன ஸப்பயோகே³ன ஸஸங்கா²ரேன விக்க²ம்பே⁴துங் அஸக்கி², து³க்கா²படிபதா³ நாம ஹோதி. விபரியாயேன ஸுகா²படிபதா³. கிலேஸே பன விக்க²ம்பெ⁴த்வா விபஸ்ஸனாபரிவாஸங் மக்³க³பாதுபா⁴வங் ஸணிகங் குருமானா த³ந்தா⁴பி⁴ஞ்ஞா நாம ஹோதி. விபரியாயேன கி²ப்பாபி⁴ஞ்ஞா. இதி அயங் ஸங்கா²ருபெக்கா² ஆக³மனீயட்டா²னே ட²த்வா அத்தனோ அத்தனோ மக்³க³ஸ்ஸ நாமங் தே³தி. தேன மக்³கோ³ சத்தாரி நாமானி லப⁴தி.
ஸா
802. அபிச மக்³கோ³ நாம பஞ்சஹி காரணேஹி நாமங் லப⁴தி ஸரஸேன வா பச்சனீகேன வா ஸகு³ணேன வா ஆரம்மணேன வா ஆக³மனேன வா. ஸசே ஹி ஸங்கா²ருபெக்கா² அனிச்சதோ ஸங்கா²ரே ஸம்மஸித்வா வுட்டா²தி, அனிமித்தவிமொக்கே²ன விமுச்சதி. ஸசே து³க்க²தோ ஸம்மஸித்வா வுட்டா²தி, அப்பணிஹிதவிமொக்கே²ன விமுச்சதி. ஸசே அனத்ததோ ஸம்மஸித்வா வுட்டா²தி, ஸுஞ்ஞதவிமொக்கே²ன விமுச்சதி. இத³ங் ஸரஸதோ நாமங் நாம.
யஸ்மா பனேஸ அனிச்சானுபஸ்ஸனாய ஸங்கா²ரானங் க⁴னவினிப்³போ⁴க³ங் கத்வா நிச்சனிமித்தது⁴வனிமித்தஸஸ்ஸதனிமித்தானி பஜஹந்தோ ஆக³தோ, தஸ்மா அனிமித்தோ. து³க்கா²னுபஸ்ஸனாய பன ஸுக²ஸஞ்ஞங் பஹாய பணிதி⁴ங் பத்த²னங் ஸுக்கா²பெத்வா ஆக³தத்தா அப்பணிஹிதோ. அனத்தானுபஸ்ஸனாய அத்தஸத்தபுக்³க³லஸஞ்ஞங் பஹாய ஸங்கா²ரானங் ஸுஞ்ஞதோ தி³ட்ட²த்தா ஸுஞ்ஞதோதி இத³ங் பச்சனீகதோ நாமங் நாம.
ராகா³தீ³ஹி பனேஸ ஸுஞ்ஞத்தா ஸுஞ்ஞதோ, ரூபனிமித்தாதீ³னங் ராக³னிமித்தாதீ³னஞ்ஞேவ வா அபா⁴வேன அனிமித்தோ, ராக³பணிதி⁴ஆதீ³னங் அபா⁴வதோ அப்பணிஹிதோதி இத³மஸ்ஸ ஸகு³ணதோ நாமங்.
ஸ்வாயங் ஸுஞ்ஞங் அனிமித்தங் அப்பணிஹிதஞ்ச நிப்³பா³னங் ஆரம்மணங் கரோதீதிபி ஸுஞ்ஞதோ அனிமித்தோ அப்பணிஹிதோதி வுச்சதி. இத³மஸ்ஸ ஆரம்மணதோ நாமங்.
803. ஆக³மனங் பன து³வித⁴ங் விபஸ்ஸனாக³மனங் மக்³கா³க³மனஞ்ச. தத்த² மக்³கே³ விபஸ்ஸனாக³மனங் லப⁴தி, ப²லே மக்³கா³க³மனங். அனத்தானுபஸ்ஸனா ஹி ஸுஞ்ஞதா நாம, ஸுஞ்ஞதவிபஸ்ஸனாய மக்³கோ³ ஸுஞ்ஞதோ, அனிச்சானுபஸ்ஸனா அனிமித்தா நாம ஆக³மனதோ நாமங். ஏவமயங் ஸங்கா²ருபெக்கா² விமொக்க²விஸேஸங் நியமேதீதி.
ஸங்கா²ருபெக்கா²ஞாணங் நிட்டி²தங்.
அனுலோமஞாணகதா²
804. தஸ்ஸ தங் ஸங்கா²ருபெக்கா²ஞாணங் ஆஸேவந்தஸ்ஸ பா⁴வெந்தஸ்ஸ ப³ஹுலீகரொந்தஸ்ஸ அதி⁴மொக்க²ஸத்³தா⁴ ப³லவதரா நிப்³ப³த்ததி, வீரியங் ஸுபக்³க³ஹிதங் ஹோதி, ஸதி ஸூபட்டி²தா, சித்தங் ஸுஸமாஹிதங், திக்க²தரா ஸங்கா²ருபெக்கா² உப்பஜ்ஜதி. தஸ்ஸ ‘‘தா³னி மக்³கோ³ உப்பஜ்ஜிஸ்ஸதீ’’தி ஸங்கா²ருபெக்கா² ஸங்கா²ரே அனிச்சாதி வா து³க்கா²தி வா அனத்தாதி வா ஸம்மஸித்வா ப⁴வங்க³ங் ஓதரதி. ப⁴வங்கா³னந்தரங் ஸங்கா²ருபெக்கா²ய கதனயேனேவ ஸங்கா²ரே அனிச்சாதி வா து³க்கா²தி வா அனத்தாதி வா ஆரம்மணங் குருமானங் உப்பஜ்ஜதி மனொத்³வாராவஜ்ஜனங். ததோ ப⁴வங்க³ங் ஆவட்டெத்வா உப்பன்னஸ்ஸ தஸ்ஸ கிரியசித்தஸ்ஸானந்தரங் அவீசிகங் சித்தஸந்ததிங் அனுப்பப³ந்த⁴மானங் ததே²வ ஸங்கா²ரே ஆரம்மணங் கத்வா உப்பஜ்ஜதி பட²மங் ஜவனசித்தங், யங் பரிகம்மந்தி வுச்சதி. தத³னந்தரங் ததே²வ ஸங்கா²ரே ஆரம்மணங் கத்வா உப்பஜ்ஜதி து³தியங் ஜவனசித்தங், யங் உபசாரந்தி வுச்சதி. தத³னந்தரம்பி ததே²வ ஸங்கா²ரே ஆரம்மணங் கத்வா உப்பஜ்ஜதி ததியங் ஜவனசித்தங், யங் அனுலோமந்தி வுச்சதி. இத³ங் நேஸங் பாடியேக்கங் நாமங்.
அவிஸேஸேன பன திவித⁴ம்பேதங் ஆஸேவனந்திபி பரிகம்மந்திபி உபசாரந்திபி அனுலோமந்திபி வத்துங் வட்டதி. கிஸ்ஸானுலோமங்? புரிமபா⁴க³பச்சி²மபா⁴கா³னங். தஞ்ஹி புரிமானங் அட்ட²ன்னங்
யதா² ஹி த⁴ம்மிகோ ராஜா வினிச்ச²யட்டா²னே நிஸின்னோ வோஹாரிகமஹாமத்தானங் வினிச்ச²யங் ஸுத்வா அக³திக³மனங் பஹாய மஜ்ஜ²த்தோ ஹுத்வா ‘‘ஏவங் ஹோதூ’’தி அனுமோத³மானோ தேஸஞ்ச வினிச்ச²யஸ்ஸ அனுலோமேதி, போராணஸ்ஸ ச ராஜத⁴ம்மஸ்ஸ, ஏவங்ஸம்பத³மித³ங் வேதி³தப்³ப³ங். ராஜா விய ஹி அனுலோமஞாணங், அட்ட² வோஹாரிகமஹாமத்தா விய அட்ட² ஞாணானி, போராணோ ராஜத⁴ம்மோ விய ஸத்ததிங்ஸ போ³தி⁴பக்கி²யா. தத்த² யதா² ராஜா ‘‘ஏவங் ஹோதூ’’தி வத³மானோ வோஹாரிகானஞ்ச வினிச்ச²யஸ்ஸ, ராஜத⁴ம்மஸ்ஸ ச அனுலோமேதி, ஏவமித³ங் அனிச்சாதி³வஸேன ஸங்கா²ரே ஆரப்³ப⁴ உப்பஜ்ஜமானங் அட்ட²ன்னஞ்ச ஞாணானங் தத²கிச்சதாய அனுலோமேதி, உபரி ச ஸத்ததிங்ஸாய போ³தி⁴பக்கி²யத⁴ம்மானங். தேனேவ ஸச்சானுலோமிகஞாணந்தி வுச்சதீதி.
அனுலோமஞாணங் நிட்டி²தங்.
வுட்டா²னகா³மினீவிபஸ்ஸனாகதா²
805. இத³ஞ்ச பன அனுலோமஞாணங் ஸங்கா²ராரம்மணாய வுட்டா²னகா³மினியா விபஸ்ஸனாய பரியோஸானங் ஹோதி. ஸப்³பே³ன ஸப்³ப³ங் பன கொ³த்ரபு⁴ஞாணங் வுட்டா²னகா³மினியா விபஸ்ஸனாய பரியோஸானங். இதா³னி தஸ்ஸாயேவ வுட்டா²னகா³மினியா விபஸ்ஸனாய அஸம்மோஹத்த²ங் அயங் ஸுத்தஸங்ஸந்த³னா வேதி³தப்³பா³.
ஸெய்யதி²த³ங்
அயஞ்ஹி வுட்டா²னகா³மினீ விபஸ்ஸனா ஸளாயதனவிப⁴ங்க³ஸுத்தே ‘‘அதம்மயதங், பி⁴க்க²வே, நிஸ்ஸாய அதம்மயதங் ஆக³ம்ம யாயங் உபெக்கா² ஏகத்தா ஏகத்தஸிதா, தங் பஜஹத² தங் ஸமதிக்கமதா²’’தி (ம॰ நி॰ 3.310) ஏவங் அதம்மயதாதி வுத்தா.
அலக³த்³த³ஸுத்தந்தே ‘‘நிப்³பி³ந்த³ங் விரஜ்ஜதி, விராகா³ விமுச்சதீ’’தி (ம॰ நி॰ 1.245) ஏவங் நிப்³பி³தா³தி வுத்தா.
ஸுஸிமஸுத்தந்தே ‘‘புப்³பே³ கோ², ஸுஸிம, த⁴ம்மட்டி²திஞாணங், பச்சா² நிப்³பா³னே ஞாண’’ந்தி (ஸங்॰ நி॰ 2.70) ஏவங் த⁴ம்மட்டி²திஞாணந்தி வுத்தா.
பொட்ட²பாத³ஸுத்தந்தே ‘‘ஸஞ்ஞா கோ², பொட்ட²பாத³, பட²மங் உப்பஜ்ஜதி, பச்சா² ஞாண’’ந்தி (தீ³॰ நி॰ 1.416) ஏவங் ஸஞ்ஞக்³க³ந்தி வுத்தா.
த³ஸுத்தரஸுத்தந்தே ‘‘படிபதா³ஞாணத³ஸ்ஸனவிஸுத்³தி⁴ பாரிஸுத்³தி⁴பதா⁴னியங்க³’’ந்தி (தீ³॰ நி॰ 3.359) ஏவங் பாரிஸுத்³தி⁴பதா⁴னியங்க³ந்தி வுத்தா.
படிஸம்பி⁴தா³மக்³கே³ ‘‘யா ச முஞ்சிதுகம்யதா யா ச படிஸங்கா²னுபஸ்ஸனா யா ச ஸங்கா²ருபெக்கா², இமே த⁴ம்மா ஏகத்தா² ப்³யஞ்ஜனமேவ நான’’ந்தி (படி॰ ம॰ 1.227) ஏவங் தீஹி நாமேஹி வுத்தா.
பட்டா²னே ‘‘அனுலோமங் கொ³த்ரபு⁴ஸ்ஸ, அனுலோமங் வோதா³னஸ்ஸா’’தி (பட்டா²॰ 1.1.417) ஏவங் தீஹி நாமேஹி வுத்தா.
ரத²வினீதஸுத்தந்தே ‘‘கிங் பனாவுஸோ, படிபதா³ஞாணத³ஸ்ஸனவிஸுத்³த⁴த்த²ங் ப⁴க³வதி ப்³ரஹ்மசரியங் வுஸ்ஸதீ’’தி (ம॰ நி॰ 1.257) ஏவங் படிபதா³ஞாணத³ஸ்ஸனவிஸுத்³தீ⁴தி வுத்தா.
இதினேகேஹி
வுட்டா²னகா³மினீ ஸந்தா, பரிஸுத்³தா⁴ விபஸ்ஸனா.
வுட்டா²துகாமோ ஸங்ஸார-து³க்க²பங்கா மஹப்³ப⁴யா;
கரெய்ய ஸததங் தத்த², யோக³ங் பண்டி³தஜாதிகோதி.
இதி ஸாது⁴ஜனபாமோஜ்ஜத்தா²ய கதே விஸுத்³தி⁴மக்³கே³
பஞ்ஞாபா⁴வனாதி⁴காரே
படிபதா³ஞாணத³ஸ்ஸனவிஸுத்³தி⁴னித்³தே³ஸோ நாம
ஏகவீஸதிமோ பரிச்சே²தோ³.