1. ஸீலனித்³தே³ஸவண்ணனா
ஸீலஸரூபாதி³கதா²வண்ணனா
6. ஏவந்தி அனேககு³ணஸங்கா³ஹகேனாதி அதி⁴ஸீலஸிக்கா²தீ³னங், அஞ்ஞேஸஞ்ச அனேகேஸங் கு³ணானங் ஸங்கா³ஹகேன. ஸீலஸமாதி⁴பஞ்ஞாமுகே²னாதி ‘‘ஸப்³பே³ ஸங்கா²ரா அனிச்சா’’திஆதீ³ஸு (த⁴॰ ப॰ 277; தே²ரகா³॰ 676; நெத்தி॰ 5) விய விபஸ்ஸனாமத்தாதி³முகே²ன ஸங்கே²பதோ அதே³ஸெத்வா ஸீலஸமாதி⁴பஞ்ஞாமுகே²ன தே³ஸிதோபி, ஸத்ததிங்ஸாயபி வா போ³தி⁴பக்கி²யத⁴ம்மானங் விஸுத்³தி⁴மக்³க³ந்தோக³த⁴த்தா தத்த² ஸீலஸமாதி⁴பஞ்ஞா முக²ங் பமுக²ங் கத்வா தே³ஸிதோபி. ஏதேன ஸீலஸமாதி⁴பஞ்ஞாஸு அவஸேஸபோ³தி⁴பக்கி²யத⁴ம்மானங் ஸபா⁴வதோ, உபகாரதோ ச அந்தோக³த⁴பா⁴வோ தீ³பிதோதி வேதி³தப்³ப³ங். அதிஸங்கே²பதே³ஸிதோயேவ ஹோதி ஸபா⁴வவிபா⁴கா³தி³தோ அவிபா⁴விதத்தா. நாலந்தி ந பரியத்தங் ந ஸமத்த²ங். ஸப்³பே³ஸந்தி நாதிஸங்கே²பனாதிவித்தா²ரருசீனம்பி, விபஞ்சிதஞ்ஞுனெய்யானம்பி வா. ஸங்கே²பதே³ஸனா ஹி ஸங்கி²த்தருசீனங், உக்³க⁴டிதஞ்ஞூனங்யேவ ச உபகாராய ஹோதி, ந பனிதரேஸங். அஸ்ஸ விஸுத்³தி⁴மக்³க³ஸ்ஸ. புச்ச²னட்டே²ன பஞ்ஹா, கிரியா கரணங் கம்மங், பஞ்ஹாவ கம்மங் பஞ்ஹாகம்மங், புச்ச²னபயோகோ³.
கிங் ஸீலந்தி ஸரூபபுச்சா². கேனட்டே²ன ஸீலந்தி கேன அத்தே²ன ஸீலந்தி வுச்சதி, ‘‘ஸீல’’ந்தி பத³ங் கங் அபி⁴தெ⁴ய்யங் நிஸ்ஸாய பவத்தந்தி அத்தோ². தயித³ங் ஸீலங் ஸபா⁴வதோ, கிச்சதோ, உபட்டா²னாகாரதோ, ஆஸன்னகாரணதோ ச கத²ங் ஜானிதப்³ப³ந்தி ஆஹ ‘‘கானஸ்ஸ லக்க²ணரஸபச்சுபட்டா²னபத³ட்டா²னானீ’’தி. படிபத்தி நாம தி³ட்டா²னிஸங்ஸே ஏவ ஹோதீதி ஆஹ ‘‘கிமானிஸங்ஸ’’ந்தி. கதிவித⁴ந்தி பபே⁴த³புச்சா². விபா⁴க³வந்தானங் ஹி ஸபா⁴வவிபா⁴வனங் விபா⁴க³த³ஸ்ஸனமுகே²னேவ ஹோதீதி. வோதா³னங் விஸுத்³தி⁴. ஸா ச ஸங்கிலேஸமலவிமுத்தி. தங் இச்ச²ந்தேன யஸ்மா உபாயகோஸல்லத்தி²னா அனுபாயகோஸல்லங் விய ஸங்கிலேஸோ ஜானிதப்³போ³தி ஆஹ ‘‘கோ சஸ்ஸ ஸங்கிலேஸோ’’தி.
தத்ராதி விஸ்ஸஜ்ஜனந்தி விவரணங். புச்சி²தோ ஹி அத்தோ² அவிபா⁴விதத்தா நிகூ³ள்ஹோ முட்டி²யங் கதோ விய திட்ட²தி. தஸ்ஸ விவரணங் விஸ்ஸஜ்ஜனங் விபூ⁴தபா⁴வகாரணதோ. பாணாதிபாதாதீ³ஹீதி எத்த² பாணோதி வோஹாரதோ ஸத்தோ, பரமத்த²தோ ஜீவிதிந்த்³ரியங். தஸ்ஸ ஸரஸேனேவ பதனஸபா⁴வஸ்ஸ அந்தரே ஏவ அதிவ பாதனங் அதிபாதோ, ஸணிகங் பதிதுங் அத³த்வா ஸீக⁴ங் பாதனந்தி அத்தோ², அதிக்கம்ம வா ஸத்தா²தீ³ஹி அபி⁴ப⁴வித்வா பாதனங் அதிபாதோ, பாணகா⁴தோ. ஆதி³ஸத்³தே³ன அதி³ன்னாதா³னாதி³ங் ஸங்க³ண்ஹாதி. தேஹி பாணாதிபாதாதீ³ஹி து³ஸ்ஸீல்யகம்மேஹி. விரமந்தஸ்ஸாதி ஸமாதா³னவிரதிவஸேன, ஸம்பத்தவிரதிவஸேன ச ஓரமந்தஸ்ஸ. வத்தபடிபத்திந்தி உபஜ்ஜா²யவத்தாதி³வத்தகரணங். சேதனாத³யோ த⁴ம்மாதி ஸங்கே²பதோ வுத்தமத்த²ங் பாளிவஸேன விப⁴ஜித்வா த³ஸ்ஸேதுங் ‘‘வுத்தஞ்ஹேத’’ந்திஆதி³ வுத்தங். தத்த² சேதயதீதி சேதனா, அத்தனா ஸம்பயுத்தத⁴ம்மேஹி ஸத்³தி⁴ங் ஆரம்மணே அபி⁴ஸந்த³ஹதீதி அத்தோ². சேதனாய அனுகூலவஸேனேவ ஹி தங்ஸம்பயுத்தா த⁴ம்மா ஆரம்மணே பவத்தந்தி. சேதனா காமங் குஸலத்திகஸாதா⁴ரணா, இத⁴ பன ஸீலசேதனா அதி⁴ப்பேதாதி கத்வா ‘‘குஸலா’’தி வேதி³தப்³பா³. சேதஸி நியுத்தங் சேதஸிகங், சித்தஸம்பயுத்தந்தி அத்தோ². சேதனாய ஸதிபி சேதஸிகத்தே ‘‘சேதனா ஸீல’’ந்தி விஸுங் க³ஹிதத்தா தத³ஞ்ஞமேவ விரதிஅனபி⁴ஜ்ஜா²தி³கங் சேதஸிகங் ஸீலங் த³ட்ட²ப்³ப³ங் கோ³ப³லீப³த்³த³ஞாயேன. ஸங்வரணங் ஸங்வரோ. யதா² அகுஸலா த⁴ம்மா சித்தே ந ஓதரந்தி, ததா² பித³ஹனங். அவீதிக்கமோ வீதிக்கமஸ்ஸ படிபக்க²பூ⁴தா அவீதிக்கமவஸேன பவத்தசித்தசேதஸிகா. தத்த² சேதனா ஸீலங் நாமாதிஆதி³ யதா²வுத்தஸ்ஸ ஸுத்தபத³ஸ்ஸ விவரணங். விரமந்தஸ்ஸ சேதனாதி விரதிஸம்பயுத்தங் பதா⁴னபூ⁴தங் சேதனமாஹ. பூரெந்தஸ்ஸ சேதனாதி வத்தபடிபத்திஆயூஹினீ. விரமந்தஸ்ஸ விரதீதி விரதியா பதா⁴னபா⁴வங் க³ஹெத்வா வுத்தங்.
எத்த² ஹி யதா³ ‘‘திவிதா⁴, பி⁴க்க²வே, காயஸஞ்சேதனா குஸலங் காயகம்ம’’ந்திஆதி³ (கதா²॰ 539) வசனதோ பாணாதிபாதாதீ³னங் படிபக்க²பூ⁴தா தப்³பி³ரதிவிஸிட்டா² சேதனா ததா²பவத்தா பதா⁴னபா⁴வேன பாணாதிபாதாதி³படிவிரதிஸாதி⁴கா ஹோதி, ததா³ தங்ஸம்பயுத்தா விரதிஅனபி⁴ஜ்ஜா²த³யோ ச சேதனாபக்கி²கா வா, அப்³போ³ஹாரிகா வாதி இமமத்த²ங் ஸந்தா⁴ய சேதனாஸீலங் வுத்தங். யதா³ பன பாணாதிபாதாதீ³ஹி ஸங்கோசங் ஆபஜ்ஜந்தஸ்ஸ ததோ விரமணாகாரேன பவத்தமானா சேதனாவிஸிட்டா² விரதி, அனபி⁴ஜ்ஜா²த³யோ ச தத்த² தத்த² பதா⁴னபா⁴வேன கிச்சஸாதி⁴கா ஹொந்தி, ததா³ தங்ஸம்பயுத்தா சேதனா விரதிஆதி³பக்கி²கா
இதா³னி ஸுத்தே ஆக³தனயேன குஸலகம்மபத²வஸேன சேதனாசேதஸிகஸீலானி விப⁴ஜித்வா த³ஸ்ஸேதுங் ‘‘அபிசா’’திஆதி³ வுத்தங். பஜஹந்தஸ்ஸாதி ஸமாதா³னவஸேன ‘‘இதோ பட்டா²ய ந கரிஸ்ஸாமீ’’தி ஸம்பத்தவத்து²கானிபி அனஜ்ஜா²சரணேன பஜஹந்தஸ்ஸ. ஸத்த கம்மபத²சேதனாதி பாணாதிபாதாதி³பஹானஸாதி⁴கா படிபாடியா ஸத்த குஸலகம்மபத²சேதனா. அபி⁴ஜ்ஜா²தி³வஸேன யங் பரதா³ரக³மனாதி³ கரீயதி, தஸ்ஸ பஹாயகா அனபி⁴ஜ்ஜா²த³யோ ஸீலந்தி ஆஹ ‘‘சேதஸிகங் ஸீலங் நாம அனபி⁴ஜ்ஜா²…பே॰… ஸம்மாதி³ட்டி²த⁴ம்மா’’தி. யதா² ஹி அபி⁴ஜ்ஜா²ப்³யாபாத³வஸேன மிச்சா²சாரபாணாதிபாதாத³யோ கரீயந்தி, ஏவங் மிச்சா²தி³ட்டி²வஸேனாபி தே புத்தமுக²த³ஸ்ஸனாதி³அத்த²ங் கரீயந்தி. தேஸஞ்ச பஜஹனகா அனபி⁴ஜ்ஜா²த³யோதி. பாதிமொக்க²ஸங்வரோ சாரித்தவாரித்தவிபா⁴க³ங் வினயபரியாபன்னங் ஸிக்கா²பத³ஸீலங். ஸதிஸங்வரோ மனச்ச²ட்டா²னங் இந்த்³ரியானங் ஆரக்கா², ஸா ச ததா²பவத்தா ஸதியேவ. ஞாணஸங்வரோ பஞ்ஞா. க²ந்திஸங்வரோ அதி⁴வாஸனா, ஸா ச ததா²பவத்தா அதோ³ஸபதா⁴னா க²ந்தா⁴, அதோ³ஸோ ஏவ வா. வீரியஸங்வரோ காமவிதக்காதீ³னங் வினோத³னவஸேன பவத்தங் வீரியங். பாதிமொக்க²ஸங்வரஸதிஸங்வராதீ³ஸு யங் வத்தப்³ப³ங், தங் பரதோ ஆவி ப⁴விஸ்ஸதி.
ஸோதானீதி தண்ஹாதி³ட்டி²அவிஜ்ஜாது³ச்சரிதஅவஸிட்ட²கிலேஸஸோதானி. ‘‘ஸோதானங் ஸங்வரங் ப்³ரூமீ’’தி வத்வா ‘‘பஞ்ஞாயேதே பிதி⁴ய்யரே’’தி வசனேன ஸோதானங் ஸங்வரோ பித³ஹனங் ஸமுச்சே²த³னங் ஞாணந்தி விஞ்ஞாயதி.
இத³மத்தி²கதங் மனஸி கத்வா யேன ஞாணேன யோனிஸோ பச்சவெக்கி²த்வா பச்சயா படிஸேவீயந்தி. தங் பச்சயபடிஸேவனம்பி ஞாணஸபா⁴வத்தா எத்தே²வ ஞாணஸங்வரே ஏவ ஸமோதா⁴னங் ஸங்க³ஹங் க³ச்ச²தி. க²மதி அதி⁴வாஸேதீதி க²மோ. உப்பன்னந்தி தஸ்மிங் தஸ்மிங் ஆரம்மணே ஜாதங் நிப்³ப³த்தங். காமவிதக்கந்தி காமூபஸங்ஹிதங் விதக்கங். நாதி⁴வாஸேதீதி சித்தங் ஆரோபெத்வா அப்³ப⁴ந்தரே ந வாஸேதி. ஆஜீவபாரிஸுத்³தி⁴பீதி பு³த்³த⁴படிகுட்ட²ங் மிச்சா²ஜீவங் பஹாய அனவஜ்ஜேன பச்சயபரியேஸனேன ஸிஜ்ஜ²னகங் ஆஜீவபாரிஸுத்³தி⁴ஸீலம்பி எத்தே²வ வீரியஸங்வரே ஏவ ஸமோதா⁴னங் க³ச்ச²தி வீரியஸாத⁴னத்தா. எத்த² ச யதா² ஞாணங் தண்ஹாதி³ஸோதானங் பவத்தினிவாரணதோ பித³ஹனட்டே²ன ஸங்வரணதோ ஸங்வரோ ச, பரதோ பவத்தனககு³ணானங் ஆதா⁴ராதி³பா⁴வதோ ஸீலனட்டே²ன ஸீலங் ‘‘யா ச பாபபீ⁴ருகானங்…பே॰… ஸங்வரஸீலந்தி வேதி³தப்³ப³’’ந்தி. ந வீதிக்கமதி ஏதேனாதி அவீதிக்கமோ. ததா²பவத்தோ குஸலசித்துப்பாதோ³.
7. அவஸேஸேஸு பன பஞ்ஹேஸு. ஸமாதா⁴னங் ஸண்ட²பனங். து³ஸ்ஸீல்யவஸேன ஹி பவத்தா காயகம்மாத³யோ ஸம்பதி, ஆயதிஞ்ச அஹிதது³க்கா²வஹா, ந ஸம்மா ட²பிதாதி அஸண்ட²பிதா விப்பகிண்ணா விஸடா ச நாம ஹொந்தி, ஸுஸீல்யவஸேன பன பவத்தா தப்³பி³பரியாயதோ ஸண்ட²பிதா அவிப்பகிண்ணா அவிஸடா ச நாம ஹொந்தி யதா² தங் ஒக்கி²த்தசக்கு²தா அபா³ஹுப்பசாலனாதி³. தேனாஹ ‘‘காயகம்மாதீ³னங் ஸுஸீல்யவஸேன அவிப்பகிண்ணதாதி அத்தோ²’’தி. ஏதேன ஸமாதி⁴கிச்சதோ ஸீலனங் விஸேஸேதி. தஸ்ஸ ஹி ஸமாதா⁴னங் ஸம்பயுத்தத⁴ம்மானங் அவிக்கே²பஹேதுதா. இத³ங் காயகம்மாதீ³னங் ஸண்ட²பனங் ஸங்யமனங். உபதா⁴ரணங் அதி⁴ட்டா²னங் மூலபா⁴வோ. ததா² ஹிஸ்ஸ ஆதி³சரணாதி³பா⁴வோ வுத்தோ. தேன பத²வீதா⁴துகிச்சதோ ஸீலனங் விஸேஸிதங் ஹோதி. ஸா ஹி ஸஹஜாதரூபத⁴ம்மானங் ஸந்தா⁴ரணவஸேன பவத்ததி. இத³ங் பன அனவஜ்ஜத⁴ம்மானங் மூலாதி⁴ட்டா²னபா⁴வேன. தேனாஹ ‘‘குஸலானங் த⁴ம்மான’’ந்திஆதி³. தத்த² குஸலத⁴ம்மா நாம ஸபுப்³ப³பா⁴கா³ மஹக்³க³தானுத்தரா த⁴ம்மா. அஞ்ஞே பன ஆசரியா. ஸிரட்டோ²தி யதா² ஸிரஸி சி²ன்னே ஸப்³போ³ அத்தபா⁴வோ வினஸ்ஸதி, ஏவங் ஸீலே பி⁴ன்னே ஸப்³ப³ங் கு³ணஸரீரங் வினஸ்ஸதி. தஸ்மா தஸ்ஸ உத்தமங்க³ட்டோ² ஸீலட்டோ². ‘‘ஸிரோ ஸீஸ’’ந்தி வா வத்தப்³பே³ நிருத்தினயேன ‘‘ஸீல’’ந்தி வுத்தந்தி அதி⁴ப்பாயோ. ஸீதலட்டோ² பரிளாஹவூபஸமனட்டோ². தேன த-காரஸ்ஸ லோபங் கத்வா நிருத்தினயேனேவ ‘‘ஸீல’’ந்தி வுத்தந்தி த³ஸ்ஸேதி. ததா² ஹித³ங் பயோக³ஸம்பாதி³தங் ஸப்³ப³கிலேஸபரிளாஹவூபஸமகரங் ஹோதி. ஏவமாதி³னாதி ஆதி³-ஸத்³தே³ன ஸயந்தி அகுஸலா ஏதஸ்மிங் ஸதி அபவிட்டா² ஹொந்தீதி ஸீலங், ஸுபந்தி வா தேன விஹதுஸ்ஸாஹானி ஸப்³ப³து³ச்சரிதானீதி ஸீலங், ஸப்³பே³ஸங் வா குஸலத⁴ம்மானங் பவேஸாரஹஸாலாதி ஸீலந்தி ஏவமாதீ³னங் ஸங்க³ஹோ த³ட்ட²ப்³போ³.
8. ‘‘ஸீலனட்டே²ன ஸீல’’ந்தி புப்³பே³ ஸத்³த³த்து²த்³தா⁴ரேன பகாஸிதோபி பா⁴வத்தோ² ஏவாதி ஆஹ ‘‘ஸீலனங் லக்க²ணங் தஸ்ஸா’’தி. ந ஹி தஸ்ஸ சேதனாதி³பே⁴த³பி⁴ன்னஸ்ஸ அனவஸேஸதோ ஸங்கா³ஹகோ ததோ அஞ்ஞோ அத்தோ² அத்தி², யோ லக்க²ணபா⁴வேன வுச்செய்ய. நனு ச அனேகபே⁴த³ஸங்கா³ஹகங் ஸாமஞ்ஞலக்க²ணங் நாம ஸியா, ந விஸேஸலக்க²ணந்தி அனுயோக³ங் மனஸி கத்வா ஆஹ ‘‘ஸனித³ஸ்ஸனத்தங் ரூபஸ்ஸ, யதா² பி⁴ன்னஸ்ஸனேகதா⁴’’தி.
யதா² ஸனித³ஸ்ஸனந்தி வுச்சதி. த⁴ம்மஸபா⁴வஸாமஞ்ஞேன ஹி ஏகீபூ⁴தேஸு த⁴ம்மேஸு யோ நானத்தகரோ ஸபா⁴வோ, ஸோ அஞ்ஞங் விய கத்வா உபசரிதுங் யுத்தோ. ஏவங் ஹி அத்த²விஸேஸாவபோ³தோ⁴ ஹோதீதி. அத² வா ‘‘ஸஹ நித³ஸ்ஸனேனா’’தி எத்த² தப்³பா⁴வத்தோ² ஸஹ-ஸத்³தோ³ யதா² நந்தி³ராக³ஸஹக³தாதி (ஸங்॰ நி॰ 5.1081; மஹாவ॰ 14; படி॰ ம॰ 2.30).
து³ஸ்ஸீல்யவித்³த⁴ங்ஸனரஸந்தி காயிகஅஸங்வராதி³பே⁴த³ஸ்ஸ து³ஸ்ஸீல்யஸ்ஸ வித⁴மனகிச்சங். அனவஜ்ஜரஸந்தி அகா³ரய்ஹஸம்பத்திகங் அக³ரஹிதப்³ப³பா⁴வேன ஸம்பஜ்ஜனகங், அவஜ்ஜபடிபக்க²பா⁴வேன வா ஸம்பஜ்ஜனகங். லக்க²ணாதீ³ஸூதி லக்க²ணரஸாதீ³ஸு வுச்சமானேஸு கிச்சமேவ, ஸம்பத்தி வா ரஸோதி வுச்சதி, ந ரஸாயதனரஸாதீ³தி அதி⁴ப்பாயோ. கேசி பன ‘‘கிச்சமேவா’’தி அவதா⁴ரணங் தஸ்ஸ இதரரஸதோ ப³லவபா⁴வத³ஸ்ஸனத்த²ந்தி வத³ந்தி, தங் தேஸங் மதிமத்தங், கிச்சமேவ, ஸம்பத்தி ஏவ வா ரஸோதி இமஸ்ஸ அத்த²ஸ்ஸ அதி⁴ப்பேதத்தா.
ஸோசெய்யபச்சுபட்டா²னந்தி க³ஹணபா⁴வந்தி க³ஹேதப்³ப³பா⁴வங். தேன உபட்டா²னாகாரட்டே²ன பச்சுபட்டா²னங் வுத்தங், ப²லட்டே²ன பன அவிப்படிஸாரபச்சுபட்டா²னங், ஸமாதி⁴பச்சுபட்டா²னங் வா. ஸீலங் ஹி ஸம்பதியேவ அவிப்படிஸாரங் பச்சுபட்டா²பேதி, பரம்பராய ஸமாதி⁴ங். இமஸ்ஸ பன ஆனிஸங்ஸப²லஸ்ஸ ஆனிஸங்ஸகதா²யங் வக்க²மானத்தா இத⁴ அக்³க³ஹணங் த³ட்ட²ப்³ப³ங். கேசி பன ப²லஸ்ஸ அனிச்சி²தத்தா இத⁴ அக்³க³ஹணந்தி வத³ந்தி, தத³யுத்தங் ப²லஸ்ஸ அனேகவித⁴த்தா, லோகியாதி³ஸீலஸ்ஸாபி விப⁴ஜியமானத்தா. ததா² ஹி வக்க²தி ‘‘நிஸ்ஸிதானிஸ்ஸிதவஸேனா’’திஆதி³ (விஸுத்³தி⁴॰ 1.10). யதா² பத²வீதா⁴துயா கம்மாதி³ தூ³ரகாரணங், ஸேஸபூ⁴தத்தயங் ஆஸன்னகாரணங், யதா² ச வத்த²ஸ்ஸ தந்தவாயதுரிவேமஸலாகாதி³ தூ³ரகாரணங், தந்தவோ ஆஸன்னகாரணங், ஏவங் ஸீலஸ்ஸ ஸத்³த⁴ம்மஸ்ஸவனாதி³ தூ³ரகாரணங், ஹிரிஒத்தப்பமஸ்ஸ ஆஸன்னகாரணந்தி த³ஸ்ஸெந்தோ ஆஹ ‘‘ஹிரொத்தப்பஞ்ச பனா’’திஆதி³. ஹிரொத்தப்பே ஹீதிஆதி³ தஸ்ஸ ஆஸன்னகாரணபா⁴வஸாத⁴னங். தத்த² உப்பஜ்ஜதி ஸமாதா³னவஸேன, திட்ட²தி அவீதிக்கமவஸேனாதி வேதி³தப்³ப³ங்.
ஸீலானிஸங்ஸகதா²வண்ணனா
9. அவிப்படிஸாராதீ³தி ஆதி³-ஸத்³தே³ன பாமோஜ்ஜபோ⁴க³ஸம்பத்திகித்திஸத்³தா³தி³ங் ஸங்க³ண்ஹாதி. அவிப்படிஸாரத்தா²னீதி அவிப்படிஸாரப்பயோஜனானி. குஸலானீதி அனவஜ்ஜானி. அவிப்படிஸாரானிஸங்ஸானீதி அவிப்படிஸாருத்³த³யானி. ஏதேன அவிப்படிஸாரோ நாம ஸீலஸ்ஸ உத்³த³யமத்தங், ஸங்வட்³டி⁴தஸ்ஸ ருக்க²ஸ்ஸ சா²யாபுப்ப²ஸதி³ஸங். அஞ்ஞோ ஏவ பனானேன நிப்பா²தே³தப்³போ³ ஸமாதி⁴ஆதி³கு³ணோதி த³ஸ்ஸேதி.
ஸீலவதோ ஸீலஸம்பதா³யாதி பரிஸுத்³த⁴ங் பரிபுண்ணங் கத்வா ஸீலஸ்ஸ ஸம்பாத³னேன ஸீலவதோ, தாய ஏவ ஸீலஸம்பதா³ய. அப்பமாதா³தி⁴கரணந்தி அப்பமாத³காரணா. போ⁴க³க்க²ந்த⁴ந்தி போ⁴க³ராஸிங். கல்யாணோ கித்திஸத்³தோ³ அப்³பு⁴க்³க³ச்ச²தீதி ‘‘இதிபி ஸீலவா, இதிபி கல்யாணத⁴ம்மோ’’தி ஸுந்த³ரோ து²திகோ⁴ஸோ உட்ட²ஹதி, லோகங் பத்த²ரதி. விஸாரதோ³தி அத்தனி கிஞ்சி க³ரஹிதப்³ப³ங் அமங்குபூ⁴தோதி அவிலக்கோ². அஸம்மூள்ஹோதி ‘‘அகதங் வத மே கல்யாண’’ந்திஆதி³னா (ம॰ நி॰ 3.248) விப்படிஸாராபா⁴வதோ, குஸலகம்மாதீ³னங்யேவ ச ததா³ உபட்டா²னதோ அமூள்ஹோ பஸன்னமானஸோ ஏவ காலங்கரோதி. காயஸ்ஸ பே⁴தா³தி உபாதி³ன்னக்க²ந்த⁴பரிச்சாகா³, ஜீவிதிந்த்³ரியஸ்ஸ உபச்சே²தா³. பரங் மரணாதி சுதிதோ உத்³த⁴ங். ஸுக³திந்தி ஸுந்த³ரங் க³திங். தேன மனுஸ்ஸக³திபி ஸங்க³ய்ஹதி. ஸக்³க³ந்தி தே³வக³திங். ஸா ஹி ரூபாதீ³ஹி விஸயேஹி ஸுட்டு² அக்³கோ³தி ஸக்³கோ³, லோகியதி எத்த² உளாரங் புஞ்ஞப²லந்தி லோகோதி ச வுச்சதி.
ஆகங்கெ²ய்ய சேதி யதி³ இச்செ²ய்ய. பியோ ச அஸ்ஸந்தி பியாயிதப்³போ³ பியசக்கூ²ஹி பஸ்ஸிதப்³போ³ பேமனியோ ப⁴வெய்யந்தி அத்தோ². மனாபோதி ஸப்³ரஹ்மசாரீனங் மனவட்³ட⁴னகோ, தேஸங் வா மனேன பத்தப்³போ³, மெத்தசித்தேன ப²ரிதப்³போ³தி வுத்தங் ஹோதி. க³ரூதி க³ருட்டா²னியோ பாஸாணச²த்தஸதி³ஸோ. பா⁴வனீயோதி ‘‘அத்³தா⁴ அயமாயஸ்மா ஜானங் ஜானாதி, பஸ்ஸங் பஸ்ஸதீ’’தி ஸம்பா⁴வனீயோ. ஸீலெஸ்வேவஸ்ஸ பரிபூரகாரீதி சதுபாரிஸுத்³தி⁴ஸீலேஸு ஏவ பரிபூரகாரீ அஸ்ஸ, அனூனகாரீ பரிபூரணாகாரேன ஸமன்னாக³தோ ப⁴வெய்ய. ‘‘ஆதி³னா நயேனா’’தி ஏதேன ‘‘அஜ்ஜ²த்தங் சேதோஸமத²மனுயுத்தோ
இதா³னி ந கேவலமிமே ஏவ அவிப்படிஸாராத³யோ, அத² கோ² அஞ்ஞேபி ப³ஹூ ஸீலானிஸங்ஸா விஜ்ஜந்தீதி தே த³ஸ்ஸேதுங் ‘‘அபிசா’’திஆதி³ ஆரத்³த⁴ங். தத்த² ஸாஸனேதி இமஸ்மிங் ஸகலலோகியலோகுத்தரகு³ணாவஹே ஸத்து²ஸாஸனே. ஆசாரகுலபுத்தானங் யங் ஸீலங் வினா பதிட்டா² அவட்டா²னங் நத்தி², தஸ்ஸ ஏவங் மஹானுபா⁴வஸ்ஸ ஸீலஸ்ஸ ஆனிஸங்ஸானங் பரிச்சே²த³ங் பரிமாணங் கோ வதே³ கோ வத்துங் ஸக்குணெய்யாதி அத்தோ². ஏதேன ஸப்³பே³ஸங்யேவ லோகியலோகுத்தரானங் கு³ணானங் ஸீலமேவ மூலபூ⁴தந்தி த³ஸ்ஸெத்வா ததோ பரம்பி மலவிஸோத⁴னேன, பரிளாஹவூபஸமனேன, ஸுசிக³ந்த⁴வாயனேன, ஸக்³க³னிப்³பா³னாதி⁴க³மூபாயபா⁴வேன, ஸோபா⁴லங்காரஸாத⁴னதாய ப⁴யவித⁴மனேன, கித்திபாமோஜ்ஜஜனேன ச ஸீலஸதி³ஸங் அஞ்ஞங் ஸத்தானங் ஹிதஸுகா²வஹங் நத்தீ²தி த³ஸ்ஸெந்தோ ‘‘ந க³ங்கா³’’திஆதி³கா கா³தா² அபா⁴ஸி.
தத்த² ஸரபூ⁴தி ஏகா நதீ³, ‘‘யங் லோகே ஸரபூ⁴’’தி வத³ந்தி. நின்னகா³ வாசிரவதீதி ‘‘அசிரவதீ’’தி ஏவங்னாமிகா நதீ³, வாதி ஸப்³ப³த்த² வா-ஸத்³தோ³ அனியமத்தோ². தேன அவுத்தா கோ³தா⁴வரீசந்த³பா⁴கா³தி³கா ஸங்க³ண்ஹாதி. பாணனட்டே²ன பாணீனங் ஸத்தானங் யங் மலங் ஸீலஜலங் விஸோத⁴யதி, தங் மலங் விஸோதே⁴துங் ந ஸக்குணந்தி க³ங்கா³த³யோ நதி³யோதி பட²மகா³தா²ய ந-காரங் ஆனெத்வா ஸம்ப³ந்தி⁴தப்³ப³ங். ஹாராதி முத்தாஹாரா. மணயோதி வேளுரியாதி³மணயோ. அரியந்தி விஸுத்³த⁴ங். ஸீலஸமுட்டா²னோ கித்திஸத்³தோ³ க³ந்தோ⁴ மனோஹரபா⁴வதோ, தி³ஸாஸு அபி⁴ப்³யாபனதோ ச ‘‘ஸீலக³ந்தோ⁴’’தி வுத்தோ. ஸோ ஹி படிவாதேபி பவத்ததி. தேனாஹ ப⁴க³வா ‘‘ஸதஞ்ச க³ந்தோ⁴ படிவாதமேதீ’’தி (த⁴॰ ப॰ 54; அ॰ நி॰ 3.80; மி॰ ப॰ 5.4.1). தோ³ஸானங் ப³லங் நாம வத்து²ஜ்ஜா²சாரோ, தங் தேஸங் காதுங் அதெ³ந்தங் ஸீலங் தோ³ஸானங் ப³லங் கா⁴தேதீதி வேதி³தப்³ப³ங்.
ஸீலப்பபே⁴த³கதா²வண்ணனா
10. ‘‘கதிவித⁴’’ந்தி எத்த² வித⁴-ஸத்³தோ³ கொட்டா²ஸபரியாயோ ‘‘ஏகவிதே⁴ன ரூபஸங்க³ஹோ’’திஆதீ³ஸு விய, பகாரத்தோ² வா, கதிப்பகாரங் கித்தகா ஸீலஸ்ஸ பகாரபே⁴தா³தி அத்தோ². ஸீலனலக்க²ணேனாதி ஸீலனஸங்கா²தேன ஸபா⁴வேன.
சரந்தி சாரித்தங். வாரிததோ தேன அத்தானங் தாயந்தி ரக்க²ந்தீதி வாரித்தங். அதி⁴கோ ஸமாசாரோ அபி⁴ஸமாசாரோ, தத்த² நியுத்தங், ஸோ வா பயோஜனங் ஏதஸ்ஸாதி ஆபி⁴ஸமாசாரிகங். ஆதி³ ப்³ரஹ்மசரியஸ்ஸாதி ஆதி³ப்³ரஹ்மசரியங், ததே³வ ஆதி³ப்³ரஹ்மசரியகங். விரமதி ஏதாய, ஸயங் வா விரமதி, விரமணங் வா விரதி, ந விரதீதி அவிரதி. நிஸ்ஸயதீதி நிஸ்ஸிதங், ந நிஸ்ஸிதந்தி அனிஸ்ஸிதங். பரியந்தோ ஏதஸ்ஸ அத்தீ²தி பரியந்தங், காலேன பரியந்தங் காலபரியந்தங், யதா²பரிச்சி²ன்னோ வா காலோ பரியந்தோ ஏதஸ்ஸாதி காலபரியந்தங். யாவ பாணனங் ஜீவனங் கோடி ஏதஸ்ஸாதி ஆபாணகோடிகங். அத்தனோ பச்சயேஹி லோகே நியுத்தங், தத்த² வா விதி³தந்தி லோகியங். லோகங் உத்தரதீதி லோகுத்தரங்.
பச்சயதோ, ப²லதோ ச மஜ்ஜி²மபணீதேஹி நிஹீனங், தேஸங் வா கு³ணேஹி பரிஹீனந்தி ஹீனங். அத்தனோ பச்சயேஹி பதா⁴னபா⁴வங் நீதந்தி பணீதங். உபி⁴ன்னமேவ வேமஜ்ஜே² மஜ்ஜி²மங். அத்தாதி⁴பதிதோ ஆக³தங் அத்தாதி⁴பதெய்யங். ஸேஸபத³த்³வயேபி ஏஸேவ நயோ. தண்ஹாய, தி³ட்டி²யா வா பராமட்ட²ங் பத⁴ங்ஸிதந்தி பராமட்ட²ங். தப்படிக்கே²பதோ அபராமட்ட²ங். படிப்பஸ்ஸத்³த⁴கிலேஸங் படிப்பஸ்ஸத்³த⁴ங். ஸிக்கா²ஸு ஜாதங், ஸெக்க²ஸ்ஸ இத³ந்தி வா ஸெக்க²ங். பரினிட்டி²தஸிக்கா²கிச்சதாய அஸெக்க²த⁴ம்மபரியாபன்னங் அஸெக்க²ங். தது³ப⁴யபடிக்கே²பேன நேவஸெக்க²னாஸெக்க²ங். ஹானங் ப⁴ஜதி, ஹானபா⁴கோ³ வா ஏதஸ்ஸ அத்தீ²தி ஹானபா⁴கி³யங். ஸேஸேஸுபி ஏஸேவ நயோ. அப்பபரிமாணத்தா பரியந்தவந்தங், பாரிஸுத்³தி⁴வந்தஞ்ச ஸீலங் பரியந்தபாரிஸுத்³தி⁴ஸீலங். அனப்பபரிமாணத்தா அபரியந்தங், பாரிஸுத்³தி⁴வந்தஞ்ச ஸீலங் அபரியந்தபாரிஸுத்³தி⁴ஸீலங். ஸப்³ப³ஸோ புண்ணங், பாரிஸுத்³தி⁴வந்தஞ்ச ஸீலங் பரிபுண்ணபாரிஸுத்³தி⁴ஸீலங்.
11. வுத்தனயேனாதி ‘‘ஸீலனட்டே²ன ஸீல’’ந்திஆதி³னா (விஸுத்³தி⁴॰ 1.7) ஹெட்டா² வுத்தேன நயேன. இத³ங் கத்தப்³ப³ந்தி பஞ்ஞத்தஸிக்கா²பத³பூரணந்தி இத³ங் ஆபி⁴ஸமாசாரிகங் கத்தப்³ப³ங் படிபஜ்ஜிதப்³ப³ந்தி ஏவங் பஞ்ஞத்தஸ்ஸ ஸிக்கா²பத³ஸீலஸ்ஸ பூரணங். ஸிக்கா²பத³ஸீலங் ஹி பூரெந்தோ ஸிக்கா²பத³ம்பி பூரேதி பாலேதி நாம. ஸிக்கா² ஏவ வா ஸிக்கி²தப்³ப³தோ, படிபஜ்ஜிதப்³ப³தோ ச ஸிக்கா²பத³ங். தஸ்ஸ பூரணந்திபி யோஜேதப்³ப³ங். இத³ங் ந கத்தப்³ப³ந்தி படிக்கி²த்தஸ்ஸ அகரணந்தி இத³ங் து³ச்சரிதங் ந கத்தப்³ப³ந்தி ப⁴க³வதா படிக்கி²த்தஸ்ஸ அகரணங் விரமணங். சரந்தி தஸ்மிந்தி தஸ்மிங் ஸீலே தங்ஸமங்கி³னோ சரந்தீதி ஸீலஸ்ஸ அதி⁴கரணதங் விபா⁴வெந்தோ தேஸங் பவத்திட்டா²னபா⁴வங் த³ஸ்ஸேதி. தேனாஹ ‘‘ஸீலேஸு பரிபூரகாரிதாய பவத்தந்தீ’’தி. வாரிதந்தி இத³ங் ந கத்தப்³ப³ந்தி படிக்கி²த்தங் அகப்பியங் தாயந்தீதி அகரணேனேவ தாயந்தி. தேனாதி வாரித்தஸீலமாஹ. வாரேதி வா ஸத்தா² எத்த², ஏதேன வாதி வாரிதங், ஸிக்கா²பத³ங். தங் அவிகோபெந்தோ தாயந்தி தேனாதி வாரித்தங். ஸத்³தா⁴வீரியஸாத⁴னந்தி ஸத்³தா⁴ய, உட்டா²னவீரியேன ச ஸாதே⁴தப்³ப³ங். ந ஹி அஸத்³தோ⁴, குஸீதோ ச வத்தபடிபத்திங் பரிபூரேதி, ஸத்³தோ⁴ ஏவ ஸத்தா²ரா படிக்கி²த்தே அணுமத்தேபி வஜ்ஜே ப⁴யத³ஸ்ஸாவீ ஸமாதா³ய ஸிக்க²தி ஸிக்கா²பதே³ஸூதி ஆஹ ‘‘ஸத்³தா⁴ஸாத⁴னங் வாரித்த’’ந்தி.
அதி⁴ஸீலஸிக்கா²பரியாபன்னத்தா அபி⁴விஸிட்டோ² ஸமாசாரோதி அபி⁴ஸமாசாரோதி ஆஹ ‘‘உத்தமஸமாசாரோ’’தி. அபி⁴ஸமாசாரோவ ஆபி⁴ஸமாசாரிகங், யதா² வேனயிகோதி (அ॰ நி॰ 8.11; பாரா॰ 8) அதி⁴ப்பாயோ. அபி⁴ஸமாசாரோ உக்கட்ட²னித்³தே³ஸதோ ஆபி⁴ஸமாசாரிகங். ஸுபரிஸுத்³தா⁴னி தீணி காயகம்மானி, சத்தாரி வசீகம்மானி, ஸுபரிஸுத்³தோ⁴ ஆஜீவோதி இத³ங் ஆஜீவட்ட²மகங். தத்த² காமங் ஆஜீவஹேதுகதோ ஸத்தவித⁴து³ச்சரிததோ விரதி ஸம்மாஆஜீவோதி ஸோபி ஸத்தவிதோ⁴ ஹோதி, ஸம்மாஜீவதாஸாமஞ்ஞேன பன தங் ஏகங் கத்வா வுத்தங். அத² வா திவித⁴குஹனவத்து²ஸன்னிஸ்ஸயதோ மிச்சா²ஜீவதோ விரதிங் ஏகஜ்ஜ²ங் கத்வா வுத்தோ ‘‘ஆஜீவோ ஸுபரிஸுத்³தோ⁴’’தி. ஸெட்ட²சரியபா⁴வதோ மக்³கோ³ ஏவ ப்³ரஹ்மசரியந்தி மக்³க³ப்³ரஹ்மசரியங், தஸ்ஸ. ஆதி³பா⁴வபூ⁴தந்தி ஆதி³ம்ஹி பா⁴வேதப்³ப³தங் நிப்பா²தே³தப்³ப³தங் பூ⁴தங் பத்தங் ஆதி³பா⁴வபூ⁴தங். கிஞ்சாபி தே³ஸனானுக்கமேன ஸம்மாதி³ட்டி² ஆதி³, படிபத்திக்கமேன பன ஆஜீவட்ட²மகஸீலங் ஆதீ³தி. தஸ்ஸ ஸம்பத்தியாதி ஆபி⁴ஸமாசாரிகஸ்ஸ ஸம்பஜ்ஜனேன பரிபூரணேன ஆதி³ப்³ரஹ்மசரியகங் ஸம்பஜ்ஜதி. யோ ஹி லஹுகானிபி அப்பஸாவஜ்ஜானி பரிவஜ்ஜேதி, ஸோ க³ருகானி மஹாஸாவஜ்ஜானி ப³ஹ்வாதீ³னவானி பரிவஜ்ஜெஸ்ஸதீதி வத்தப்³ப³மேவ நத்தீ²தி. ஸுத்தங் பன ஏதமத்த²ங் ப்³யதிரேகவஸேன விபா⁴வேதி. தத்த² த⁴ம்மந்தி ஸீலங். தங் ஹி உபரிகு³ணவிஸேஸானங் தா⁴ரணட்டே²ன த⁴ம்மோதி வுச்சதி.
விரதிஸீலஸ்ஸ இதரஸீலேன ஸதிபி ஸம்பயோகா³தி³கே அஸம்மிஸ்ஸகதாத³ஸ்ஸனத்த²ங் ‘‘வேரமணிமத்த’’ந்தி வுத்தங்.
‘‘நிஸ்ஸிதானிஸ்ஸிதவஸேனா’’தி எத்த² லப்³ப⁴மானநிஸ்ஸயங் தாவ த³ஸ்ஸேதுங் ‘‘நிஸ்ஸயோ’’திஆதி³ வுத்தங். தத்த² தண்ஹாசரிதேன நிஸ்ஸயிதப்³ப³தோ தண்ஹாவ தண்ஹானிஸ்ஸயோ. ததா² தி³ட்டி²னிஸ்ஸயோ. தி³ட்டி²சரிதோ ஹி அஸதிபி தி³ட்டி²யா தண்ஹாவிரஹே தி³ட்டி²னிஸ்ஸிதோவ பவத்ததி. தே³வோதி சதுமஹாராஜஸக்கஸுயாமாதி³பாகடதே³வமாஹ தே³வஞ்ஞதரோதி அபாகடங். தண்ஹங் ஏவ நிஸ்ஸிதந்தி தண்ஹானிஸ்ஸிதங். தண்ஹாய நிஸ்ஸிதந்தி ச கேசி வத³ந்தி. தேஸங் ‘‘த்³வே நிஸ்ஸயா’’திஆதி³னா விருஜ்ஜ²தி. ஸுத்³தி⁴தி³ட்டி²யாதி ‘‘இதி ஸங்ஸாரஸுத்³தி⁴ ப⁴விஸ்ஸதீ’’தி ஏவங் பவத்ததி³ட்டி²யா, லோகுத்தரங் ஸீலந்தி அதி⁴ப்பாயோ. தஸ்ஸேவாதி லோகுத்தரஸ்ஸேவ ஸம்பா⁴ரபூ⁴தங் காரணபூ⁴தங், விவட்டூபனிஸ்ஸயந்தி அத்தோ².
காலபரிச்சே²த³ங் கத்வாதி ‘‘இமஞ்ச ரத்திங், இமஞ்ச தி³வ’’ந்திஆதி³னா (அ॰ நி॰ 8.41) விய காலவஸேன பரிச்சே²த³ங் கத்வா. காலபரிச்சே²த³ங் அகத்வா ஸமாதி³ன்னம்பி அந்தராவிச்சி²ன்னங் ‘‘யாவஜீவங் ஸமாதி³யித்வா ததே²வ பவத்தித’’ந்தி வுத்தங்.
லாப⁴யஸஞாதிஅங்க³ஜீவிதவஸேனாதி லாப⁴யஸானங் அனுப்பன்னானங் உப்பாத³னவஸேன, உப்பன்னானங் ரக்க²ணவஸேன சேவ வட்³ட⁴னவஸேன ச ஞாதிஅங்க³ஜீவிதானங் அவினாஸனவஸேன. கிங் ஸோ வீதிக்கமிஸ்ஸதீதி யோ வீதிக்கமாய சித்தம்பி ந உப்பாதே³தி, ஸோ காயவாசாஹி வீதிக்கமிஸ்ஸதீதி கிங் இத³ங், நத்தே²தந்தி அத்தோ². படிக்கே²பே ஹி அயங் கிங்-ஸத்³தோ³.
ஆரம்மணபா⁴வேன வணோ விய ஆஸவே காமாஸவாதி³கே பக்³க⁴ரதீதி ஸம்பயோக³பா⁴வாபா⁴வேபி ஸஹாஸவேஹீதி ஸாஸவங். தேபூ⁴மகத⁴ம்மஜாதந்தி ஸீலங் தப்பரியாபன்னந்தி ஆஹ ‘‘ஸாஸவங் ஸீலங் லோகிய’’ந்தி. ப⁴வவிஸேஸா ஸம்பத்திப⁴வா. வினயோதி வினயபரியத்தி, தத்த² வா ஆக³தஸிக்கா²பதா³னி. பாமோஜ்ஜங் தருணபீதி. யதா²பூ⁴தஞாணத³ஸ்ஸனங் ஸபச்சயனாமரூபத³ஸ்ஸனங், தத³தி⁴ட்டா²னா வா தருணவிபஸ்ஸனா. நிப்³பி³தா³தி நிப்³பி³தா³ஞாணங். தேன ப³லவவிபஸ்ஸனமாஹ. விராகோ³ மக்³கோ³. விமுத்தி அரஹத்தப²லங். விமுத்திஞாணத³ஸ்ஸனங் பச்சவெக்க²ணா. கதா²தி வினயகதா². மந்தனாதி வினயவிசாரணா. உபனிஸாதி யதா²வுத்தகாரணபரம்பராஸங்கா²தோ உபனிஸ்ஸயோ. லோகுத்தரங் மக்³க³ப²லசித்தஸம்பயுத்தங் ஆஜீவட்ட²மகஸீலங். தத்த² மக்³க³ஸீலங் ப⁴வனிஸ்ஸரணாவஹங் ஹோதி, பச்சவெக்க²ணஞாணஸ்ஸ ச பூ⁴மி, ப²லஸீலங் பன பச்சவெக்க²ணாஞாணஸ்ஸேவ பூ⁴மி.
12. ஹீனாதி⁴முத்திவஸேன ச²ந்தா³தீ³னம்பி ஹீனதா. பணீதாதி⁴முத்திவஸேன பணீததா. தது³ப⁴யவேமஜ்ஜ²தாவஸேன மஜ்ஜி²மதா. யதே²வ ஹி கம்மங் ஆயூஹனவஸேன ஹீனாதி³பே⁴த³பி⁴ன்னங் ஹோதி, ஏவங் யஸகாமதாயாதி கித்திஸிலோகாபி⁴ரதியா, பரிவாரிச்சா²ய வா. ‘‘கத²ங் நாம மாதி³ஸோ ஈதி³ஸங் கரெய்யா’’தி பாபஜிகு³ச்சா²ய அரியபா⁴வங் நிஸ்ஸாய. அனுபக்கிலிட்ட²ந்தி அத்துக்கங்ஸனபரவம்ப⁴னாஹி, அஞ்ஞேஹி ச உபக்கிலேஸேஹி அனுபக்கிலிட்ட²ங். ப⁴வபோ⁴க³த்தா²யாதி ப⁴வஸம்பத்திஅத்த²ஞ்சேவ போ⁴க³ஸம்பத்திஅத்த²ஞ்ச. அத்தனோ விமொக்க²த்தா²ய பவத்திதந்தி ஸாவகபச்சேகபோ³தி⁴ஸத்தஸீலமாஹ. ஸப்³ப³ஸத்தானங் விமொக்க²த்தா²யாதி ஸப்³ப³ஸத்தானங் ஸங்ஸாரப³ந்த⁴னதோ பாரமிதாஸீலங் மஹாபோ³தி⁴ஸத்தஸீலங். யா கருணூபாயகோஸல்லபரிக்³க³ஹிதா மஹாபோ³தி⁴ங் ஆரப்³ப⁴ பவத்தா பரமுக்கங்ஸக³தஸோசெய்யஸல்லேகா² தே³ஸகாலஸத்தாதி³விகப்பரஹிதா ஸீலபாரமிதா.
அனநுரூபந்தி அஸாருப்பங். அத்தா ஏவ க³ரு அதி⁴பதி ஏதஸ்ஸாதி அத்தக³ரு, லஜ்ஜாதி⁴கோ. அத்தாதி⁴பதிதோ ஆக³தங் அத்தாதி⁴பதெய்யங். லோகோ அதி⁴பதி க³ரு ஏதஸ்ஸாதி லோகாதி⁴பதி, ஒத்தப்பாதி⁴கோ. த⁴ம்மோ நாமாயங் மஹானுபா⁴வோ ஏகந்தனிய்யானிகோ, ஸோ ச படிபத்தியாவ பூஜேதப்³போ³. தஸ்மா ‘‘நங் ஸீலஸம்பதா³ய பூஜெஸ்ஸாமீ’’தி ஏவங் த⁴ம்மமஹத்தங் பூஜேதுகாமேன.
பராமட்ட²த்தாதி பராப⁴வவஸேன ஆமட்ட²த்தா. தண்ஹாதி³ட்டி²யோ ஹி ‘‘இமினாஹங் ஸீலேன தே³வோ வா ப⁴விஸ்ஸாமி தே³வஞ்ஞதரோ வா, இமினா மே ஸீலேன ஸங்ஸாரஸுத்³தி⁴ ப⁴விஸ்ஸதீ’’தி பவத்தஸ்ஸ ஸீலங் பராமஸந்தியோ தங் பராப⁴வங் பாபெந்தி மக்³க³ஸ்ஸ அனுபனிஸ்ஸயபா⁴வகரணதோ. புது²ஜ்ஜனகல்யாணகஸ்ஸாதி புது²ஜ்ஜனேஸு கல்யாணகஸ்ஸ. ஸோ ஹி புது²ஜ்ஜனோவ ஹுத்வா கல்யாணேஹி ஸீலாதீ³ஹி ஸமன்னாக³தோ. பராமஸனகிலேஸானங் விக்க²ம்ப⁴னதோ, ஸமுச்சி²ந்த³னதோ ச தேஹி ந பராமட்ட²ந்தி அபராமட்ட²ங். தஸ்ஸ தஸ்ஸ கிலேஸத³ரத²ஸ்ஸ படிப்பஸ்ஸம்ப⁴னதோ வூபஸமனதோ படிப்பஸ்ஸத்³த⁴ங்.
கதபடிகம்மந்தி வுட்டா²னதே³ஸனாஹி யதா²த⁴ம்மங் கதபடிகாரங். ஏவங் ஹி தங் ஸீலங் படிபாகதிகமேவ ஹோதி. தேனாஹ ‘‘தங் விஸுத்³த⁴’’ந்தி. ‘‘கதபடிகம்ம’’ந்தி இமினா ச ‘‘ந புனேவங் கரிஸ்ஸ’’ந்தி அதி⁴ட்டா²னம்பி ஸங்க³ஹிதந்தி த³ட்ட²ப்³ப³ங். ‘‘அச்ச²மங்ஸங் நு கோ², ஸூகரமங்ஸங் நு கோ²’’திஆதி³னா வத்து²ம்ஹி வா, ‘‘பாசித்தியங் நு கோ², து³க்கடங் நு கோ²’’திஆதி³னா ஆபத்தியா வா, ‘‘மயா தங் வத்து² வீதிக்கந்தங் நு கோ², ந நு கோ² வீதிக்கந்த’’ந்திஆதி³னா அஜ்ஜா²சாரே வா வேமதிகஸ்ஸ ஸங்ஸயாபன்னஸ்ஸ. விஸோதே⁴தப்³ப³ங் யதா²த⁴ம்மங் படிகம்மேன. விமதி ஏவ வேமதிகங், தஸ்மிங் வேமதிகே ஸதி, விமதியா உப்பன்னாயாதி அத்தோ². விமதி படிவினேதப்³பா³தி ஸயங் வா தங் வத்து²ங் ‘‘இச்சஸ்ஸ பா²ஸு ப⁴விஸ்ஸதீ’’தி.
‘‘சதூஹி அரியமக்³கே³ஹீ’’திஆதி³னா மக்³க³ப²லபரியாபன்னங் ஸீலங் மக்³க³ப²லஸம்பயுத்தங் வுத்தங். ஸமுதா³யேஸு பவத்தவோஹாரா அவயவேஸுபி பவத்தந்தீதி. ஸேஸந்தி ஸப்³ப³ங் லோகியஸீலங்.
பகதிபீதி ஸபா⁴வோபி. ஸுக²ஸீலோ ஸகி²லோ ஸுக²ஸங்வாஸோ. தேன பரியாயேனாதி பகதிஅத்த²வாசகத்தே²ன. ஏகச்சங் அப்³யாகதங் ஸீலங் இதா⁴தி⁴ப்பேதஸீலேன ஏகஸங்க³ஹந்தி அகுஸலஸ்ஸேவாயுஜ்ஜமானதங் த³ஸ்ஸேதுங் ‘‘தத்த² அகுஸல’’ந்திஆதி³ வுத்தங். ததா² ஹி ஸெக்க²த்திகங் இத⁴ க³ஹிதங், இத⁴ ந உபனீதங் குஸலத்திகந்தி அதி⁴ப்பாயோ. வுத்தனயேனேவாதி வுத்தேனேவ நயேன குஸலத்திகங் அக்³க³ஹெத்வா ஹீனத்திகாதீ³னங் பஞ்சன்னங் திகானங் வஸேன அஸ்ஸ ஸீலஸ்ஸ திவித⁴தா வேதி³தப்³பா³.
13. யோதா⁴தி யோ இத⁴. வத்து²வீதிக்கமேதி ஆபத்தியா வத்து²னோ வீதிக்கமனே அஜ்ஜா²சாரே. காமஸங்கப்பாத³யோ நவ மஹாவிதக்கா மிச்சா²ஸங்கப்பா. ஏவரூபஸ்ஸாதி ஏதி³ஸஸ்ஸ. தஸ்ஸ ஹி ஸீலவந்தே அனுபஸங்கமித்வா து³ஸ்ஸீலே ஸேவந்தஸ்ஸ ததோ ஏவ தேஸங் தி³ட்டா²னுக³திங் ஆபஜ்ஜனேன பண்ணத்திவீதிக்கமே அதோ³ஸத³ஸ்ஸாவினோ மிச்சா²ஸங்கப்பப³ஹுலதாய மனச்ச²ட்டா²னி இந்த்³ரியானி அரக்க²தோ ஸீலங் ஏகங்ஸேனேவ ஹானபா⁴கி³யங் ஹோதி, ந டி²திபா⁴கி³யங், குதோ விஸேஸாதி³பா⁴கி³யதா. ஸீலஸம்பத்தியாதி ஸீலபாரிபூரியா சதுபாரிஸுத்³தி⁴ஸீலேன. அக⁴டந்தஸ்ஸ உத்தரீதி உத்தரி விஸேஸாதி⁴க³மாய அவாயமந்தஸ்ஸ. டி²திபா⁴கி³யங் ஸீலங் ப⁴வதி அஸமாதி⁴ஸங்வத்தனியத்தா. ஸம்பாதி³தே ஹி ஸமாதி⁴ஸ்மிங் ஸீலஸ்ஸ ஸமாதி⁴ஸங்வத்தனியதா நிச்சி²யதி. ஸமாத⁴த்தா²யாதி ஸமத²வஸேன ஸமாதா⁴னத்தா²ய. நிப்³பி³த³ந்தி விபஸ்ஸனங். ப³லவவிபஸ்ஸனாத³ஸ்ஸனத்த²ங் நிப்³பி³தா³க³ஹணங் தாவதாபி ஸீலஸ்ஸ நிப்³பே³த⁴பா⁴கி³யபா⁴வஸித்³தி⁴தோ.
யானி ச ஸிக்கா²பதா³னி நேஸங் ரக்கி²தப்³பா³னீதி ஸம்ப³ந்தோ⁴, தானி பன அஸாதா⁴ரணபஞ்ஞத்திதோ அஞ்ஞானி. நேஸந்தி ‘‘ரக்கி²தப்³பா³னீ’’தி பத³ங் அபெக்கி²த்வா கத்தரி ஸாமிவசனங், தேஹி பி⁴க்கூ²ஹீதி அத்தோ². ஸதி வா உஸ்ஸாஹேதி உஸ்ஸக்கித்வா ஸீலானி ரக்கி²துங் உஸ்ஸாஹே ஸதி. த³ஸாதி ஸாமணேரேஹி ரக்கி²தப்³ப³ஸீலமாஹ க⁴டிகாராதீ³னங் விய. அட்டா²தி நச்சாதி³மாலாதி³வேரமணிங் ஏகங் கத்வா ஸப்³ப³பச்சி²மவஜ்ஜானி அட்ட².
அவீதிக்கமோதி பகதிஸீலந்தி ஸபா⁴வஸீலங். தத்ரூபபத்தினியதங் ஹி ஸீலங் உத்தரகுருகானங். மரியாதா³சாரித்தந்தி தஸ்ஸ தஸ்ஸ ஸாவஜ்ஜஸ்ஸ அகரணே மரியாத³பூ⁴தங், தத்த² தத்த² குலாதீ³ஸு புப்³ப³புரிஸேஹி ட²பிதங் சாரித்தங். குலதே³ஸபாஸண்ட³த⁴ம்மோ ஹி ‘‘ஆசாரஸீல’’ந்தி அதி⁴ப்பேதங். தத்த² குலத⁴ம்மோ தாவ ப்³ராஹ்மணாதீ³னங் அமஜ்ஜபானாதி³, தே³ஸத⁴ம்மோ ஏகச்சஜனபத³வாஸீனங் அஹிங்ஸனாதி³, பாஸண்ட³த⁴ம்மோ தித்தி²யானங் யமனியமாதி³. தித்தி²யமதங் ஹி தி³ட்டி²பாஸேன, தண்ஹாபாஸேன ச டே³தி பவத்ததி, பாஸங் வா பா³த⁴ங் அரியவினயஸ்ஸ டே³தீதி ‘‘பாஸண்ட³’’ந்தி வுச்சதி. ‘‘பகதியா ஸீலவதீ ஹோதீ’’தி (தீ³॰ நி॰ 2.20) வசனதோ போ³தி⁴ஸத்தமாது பஞ்சஸிக்கா²பத³ஸீலங் பரிபுண்ணமேவ. இத³ங் பன உக்கங்ஸக³தங் போ³தி⁴ஸத்தபிதரிபி சித்துப்பாத³மத்தேனபி அஸங்கிலிட்ட²ங் ‘‘த⁴ம்மதாஸீல’’ந்தி வுத்தங். காமகு³ணூபஸங்ஹிதந்தி காமகொட்டா²ஸேஸு அஸ்ஸாதூ³பஸங்ஹிதங் காமஸ்ஸாத³க³தி⁴தங். த⁴ம்மதாஸீலந்தி த⁴ம்மதாய காரணனியாமேன ஆக³தங் ஸீலங். ஸீலபாரமிங் ஹி பரமுக்கங்ஸங் பாபெத்வா குச்சி²க³தஸ்ஸ மஹாபோ³தி⁴ஸத்தஸ்ஸ ஸீலதேஜேன கு³ணானுபா⁴வேன போ³தி⁴ஸத்தமாது ஸரஸேனேவ பரமஸல்லேக²ப்பத்தங் ஸீலங் ஹோதி. மஹாகஸ்ஸபாதீ³னந்தி ஆதி³-ஸத்³தே³ன ப⁴த்³தா³தி³கே ஸங்க³ண்ஹாதி. தே கிர ஸுசிரங் காலங் ஸுபரிஸுத்³த⁴ஸீலா ஏவ ஹுத்வா ஆக³தா. தேனாஹ ‘‘ஸுத்³த⁴ஸத்தான’’ந்தி. தாஸு தாஸு ஜாதீஸூதி ஸீலவராஜமஹிங்ஸராஜாதி³ஜாதீஸு. புப்³பே³ புரிமஜாதியங் ஸித்³தோ⁴ ஹேது ஏதஸ்ஸாதி புப்³ப³ஹேதுகஸீலங். இத³ங் பன பகதிஸீலாதி³ஸமாதா³னேன வினா அவீதிக்கமலக்க²ணங் ஸம்பத்தவிரதிஸங்க³ஹங் த³ட்ட²ப்³ப³ங்.
யங் ப⁴க³வதா ஏவங் வுத்தங் ஸீலந்தி ஸம்ப³ந்தோ⁴. இதா⁴தி வக்க²மானஸீலபரிபூரகஸ்ஸ புக்³க³லஸ்ஸ ஸன்னிஸ்ஸயபூ⁴தஸாஸனபரிதீ³பனங், அஞ்ஞஸாஸனஸ்ஸ ச ததா²பா⁴வபடிஸேத⁴னங். வுத்தங் ஹேதங் ‘‘இதே⁴வ, பி⁴க்க²வே, ஸமணோ…பே॰… ஸுஞ்ஞா பரப்பவாதா³ ஸமணேபி⁴ அஞ்ஞேஹீ’’தி (தீ³॰ நி॰ 2.214; ம॰ நி॰ 1.139; அ॰ நி॰ 4.241). பி⁴க்கூ²தி தஸ்ஸ ஸீலஸ்ஸ பரிபூரகபுக்³க³லபரிதீ³பனங். பாதிமொக்க²ஸங்வரஸங்வுதோதி இத³மஸ்ஸ பாதிமொக்க²ஸீலே பதிட்டி²தபா⁴வபரிதீ³பனங். விஹரதீதி இத³மஸ்ஸ தத³னுரூபவிஹாரஸமங்கி³பா⁴வபரிதீ³பனங். ஆசாரகோ³சரஸம்பன்னோதி இத³ங் பாதிமொக்க²ஸங்வரஸ்ஸ, உபரிஅதி⁴க³ந்தப்³ப³கு³ணானஞ்ச உபகாரகத⁴ம்மபரிதீ³பனங். அணுமத்தேஸு வஜ்ஜேஸு ப⁴யத³ஸ்ஸாவீதி இத³ங் பாதிமொக்க²தோ அசவனபா⁴வபரிதீ³பனங். ஸமாதா³யாதி ஸிக்கா²பதா³னங் அனவஸேஸதோ ஆதா³னபரிதீ³பனங். ஸிக்க²தீதி ஸிக்கா²ய ஸமங்கி³பா⁴வபரிதீ³பனங் ஸிக்கா²பதே³ஸூதி ஸிக்கி²தப்³ப³த⁴ம்மபரிதீ³பனங். யங் பனெத்த² வத்தப்³ப³ங், தங் பரதோ ஆவி ப⁴விஸ்ஸதி.
ஸோதி சக்கு²னாதி யதோ ஸோ ஸங்வரோ, தங் த³ஸ்ஸேதி. ரூபந்தி யத்த² ஸோ ஸங்வரோ, தங் த³ஸ்ஸேதி. தி³ஸ்வா ந நிமித்தக்³கா³ஹீ ஹோதி நானுப்³யஞ்ஜனக்³கா³ஹீதி ஸங்வரஸ்ஸ உபாயங் த³ஸ்ஸேதி. யத்வாதி⁴கரண…பே॰… அன்வாஸ்ஸவெய்யுந்தி ஸங்வரஸ்ஸ படிபக்க²ங் தத்த² ஆதீ³னவங் த³ஸ்ஸேதி. ஸங்வராய படிபஜ்ஜதீதி பகே³வ ஸதியா உபட்ட²பேதப்³ப³தங் த³ஸ்ஸேதி. ரக்க²தி சக்கு²ந்த்³ரியந்தி ஸதியா உபட்டா²பனமேவ சக்கு²ந்த்³ரியஸ்ஸ ஆரக்கா²தி த³ஸ்ஸேதி. சக்கு²ந்த்³ரியே ஸங்வரங் ஆபஜ்ஜதீதி ததா²பூ⁴தா ஸதியேவெத்த² ஸங்வரோதி த³ஸ்ஸேதி. வீதிக்கமஸ்ஸ வஸேனாதி ஸம்ப³ந்தோ⁴. ச²ன்னங் ஸிக்கா²பதா³னந்தி ‘‘ஆஜீவஹேது ஆஜீவகாரணா அஸந்தங் அபூ⁴தங் உத்தரிமனுஸ்ஸத⁴ம்மங் உல்லபதீ’’திஆதி³னா ஆக³தானங் ச²ன்னங் பாராஜிகாதி³படிஸங்யுத்தானங் ஸிக்கா²பதா³னங். ஸாமந்தஜப்பனாதி³னா திவிதே⁴ன குஹனவத்து²னா விம்ஹாபனங் குஹனா. அத்தானங், தா³யகங் வா உக்கி²பித்வா யதா² ஸோ கிஞ்சி த³தா³தி, ஏவங் கத²னங் லபனா. நிமித்தங் வுச்சதி பச்சயதா³னஸஞ்ஞுப்பாத³கங் காயவசீகம்மங், தேன நிமித்தேன சரதி, நிமித்தங் வா கரோதீதி நேமித்திகோ, தஸ்ஸ பா⁴வோ நேமித்திகதா. க³ந்தா⁴த³யோ விய லாபா⁴ய பரேஸங் அக்கோஸனாதி³னா நிபிஸதீதி நிப்பேஸோ, நிப்பேஸோவ நிப்பேஸிகோ, தஸ்ஸ பா⁴வோ நிப்பேஸிகதா. மஹிச்ச²தாய அத்தனா லத்³த⁴லாபே⁴ன பரதோ லாப⁴பரியேஸனா லாபே⁴ன லாப⁴ங் நிஜிகீ³ஸனதா. ஏவமாதீ³னந்தி ஆதி³-ஸத்³தே³ன அனுப்பியபா⁴ணிதாசாடுகம்யதாதி³ங் ஸங்க³ண்ஹாதி. படிஸங்கா²னேன பச்சவெக்க²ணாய பரிஸுத்³தோ⁴ அஸங்கிலிட்டோ² படிஸங்கா²னபரிஸுத்³தோ⁴. சத்தாரோ பச்சயா பரிபு⁴ஞ்ஜீயந்தி ஏதேனாதி சதுபச்சயபரிபோ⁴கோ³, ததா²பவத்தா அனவஜ்ஜசேதனா.
பாதிமொக்க²ஸங்வரஸீலவண்ணனா
14. தத்ராதி தேஸு பாதிமொக்க²ஸங்வராதீ³ஸு. ஆதி³தோ பட்டா²யாதி ‘‘இத⁴ பி⁴க்கூ²’’திஆதி³னா (விப⁴॰ 508; தீ³॰ நி॰ 1.194) ஆக³ததே³ஸனாய ஆதி³தோ பபு⁴தி. வினிச்ச²யகதா²தி தத்த² ஸங்ஸயவித⁴மனேன வினிச்ச²யாவஹா கதா². பட²மஸ்ஸ அத்த²ஸ்ஸ ‘‘சி²ன்னபி⁴ன்னபடத⁴ராதி³தாய வா’’தி ஆஹ. ஏவங் ஹிஸ்ஸ பரிபுண்ணபாதிமொக்க²ஸங்வரயொக்³யதா த³ஸ்ஸிதா ஹோதி. பி⁴ன்னபடத⁴ராதி³பா⁴வோ ச நாம த³லித்³த³ஸ்ஸாபி நிக்³க³ஹிதஸ்ஸ ஹோதீதி ததோ விஸேஸேதுங் ‘‘ஸத்³தா⁴பப்³ப³ஜிதோ’’தி வத்வா படிபத்தியா யொக்³யபா⁴வத³ஸ்ஸனத்த²ங் ‘‘குலபுத்தோ’’தி வுத்தங். ஆசாரகுலபுத்தோ வா ஹி படிபஜ்ஜிதுங் ஸக்கோதி ஜாதிகுலபுத்தோ வா. ஸிக்கா²பத³ஸீலந்தி சாரித்தவாரித்தப்பபே⁴த³ங் ஸிக்கா²பத³வஸேன பஞ்ஞத்தங் ஸீலங். யோதி நந்தி வினயபரியாபன்னங் ஸீலங். தந்தி புக்³க³லங். மொக்கே²தி ஸஹகாரிகாரணபா⁴வதோ. அபாயே ப⁴வானி ஆபாயிகானி. ஆதி³-ஸத்³தே³ன தத³ஞ்ஞங் ஸப்³ப³ஸங்ஸாரது³க்க²ங் ஸங்க³ண்ஹாதி. ஸங்வரணங் காயவசீத்³வாரானங் பித³ஹனங். யேன தே ஸங்வுதா பிஹிதா ஹொந்தி, ஸோ ஸங்வரோ. யஸ்மா பன ஸோ ஸத்தன்னங் ஆபத்திக்க²ந்தா⁴னங் அவீதிக்கமோ வீதிக்கமபடிபக்கோ²தி கத்வா, தஸ்மா வுத்தங் ‘‘காயிகவாசஸிகஸ்ஸ அவீதிக்கமஸ்ஸேதங் நாம’’ந்தி. பாதிமொக்க²ஸங்வரேன ஸங்வுதோதி பாதிமொக்க²ஸங்வரேன பிஹிதகாயவசீத்³வாரோ. ததா²பூ⁴தோ ச யஸ்மா தங் உபேதோ தேன ச ஸமங்கீ³ நாம ஹோதி, தஸ்மா வுத்தங் ‘‘உபக³தோ ஸமன்னாக³தோதி அத்தோ²’’தி.
அபரோ நயோ – கிலேஸானங் ப³லவபா⁴வதோ, பாபகிரியாய ஸுகரபா⁴வதோ, புஞ்ஞகிரியாய ச து³க்கரபா⁴வதோ ப³ஹுக்க²த்துங் அபாயேஸு பதனஸீலோதி பாதீ, புது²ஜ்ஜனோ. அனிச்சதாய வா ப⁴வாதீ³ஸு கம்மவேக³க்கி²த்தோ க⁴டியந்தங் விய அனவட்டா²னேன பரிப்³ப⁴மனதோ க³மனஸீலோதி பாதீ, மரணவஸேன வா தம்ஹி தம்ஹி ஸத்தனிகாயே அத்தபா⁴வஸ்ஸ பாதனஸீலோதி பாதீ, ஸத்தஸந்தானோ, சித்தமேவ வா. தங் பாதினங் ஸங்ஸாரது³க்க²தோ மொக்கே²தீதி பாதிமொக்க²ங். சித்தஸ்ஸ ஹி விமொக்கே²ன ஸத்தோ ‘‘விமுத்தோ’’தி வுச்சதி. வுத்தங் ஹி ‘‘சித்தவோதா³னா விஸுஜ்ஜ²ந்தீ’’தி, ‘‘அனுபாதா³ய ஆஸவேஹி சித்தங் விமுத்த’’ந்தி (மஹாவ॰ 28) ச. அத² வா அவிஜ்ஜாதி³னா ஹேதுனா ஸங்ஸாரே பததி க³ச்ச²தி பவத்ததீதி பாதீ, ‘‘அவிஜ்ஜானீவரணானங் ஸத்தானங் தண்ஹாஸங்யோஜனானங் ஸந்தா⁴வதங் ஸங்ஸரத’’ந்தி (ஸங்॰ நி॰ 2.124) ஹி வுத்தங். தஸ்ஸ பாதினோ ஸத்தஸ்ஸ தண்ஹாதி³ஸங்கிலேஸத்தயதோ மொக்கோ² ஏதேனாதி பாதிமொக்க²ங் பாதி, சித்தங். வுத்தங் ஹி ‘‘சித்தேன நீயதி லோகோ, சித்தேன பரிகஸ்ஸதீ’’தி (ஸங்॰ நி॰ 1.62). தஸ்ஸ பாதினோ மொக்கோ² ஏதேனாதி பாதிமொக்க²ங், பததி வா ஏதேன அபாயது³க்கே², ஸங்ஸாரது³க்கே² சாதி பாதீ, தண்ஹாதி³ஸங்கிலேஸோ. வுத்தங் ஹி ‘‘தண்ஹா ஜனேதி புரிஸங் (ஸங்॰ நி॰ 1.55-57), தண்ஹாது³தியோ புரிஸோ’’தி (இதிவு॰ 15, 105; அ॰ நி॰ 4.9; மஹானி॰ 191; சூளனி॰ பாராயனானுகீ³திகா³தா²னித்³தே³ஸ) ச ஆதி³. ததோ பாதிதோ மொக்கோ²தி பாதிமொக்க²ங். அத² வா பததி எத்தா²தி பாதீனி, ச² அஜ்ஜ²த்திகபா³ஹிரானி ஆயதனானி. வுத்தங் ஹி ‘‘ச²ஸு லோகோ ஸமுப்பன்னோ, ச²ஸு குப்³ப³தி ஸந்த²வ’’ந்தி (ஸங்॰ நி॰ 1.70; ஸு॰ நி॰ 171). ததோ ச²அஜ்ஜ²த்திகபா³ஹிராயதனஸங்கா²ததோ பாதிதோ மொக்கோ²தி பாதிமொக்க²ங். அத² வா பாதோ வினிபாதோ அஸ்ஸ பாதீ, ஸங்ஸாரோ. ததோ மொக்கோ²தி பாதிமொக்க²ங், அத² வா ஸப்³ப³லோகாதி⁴பதிபா⁴வதோ த⁴ம்மிஸ்ஸரோ ப⁴க³வா ‘‘பதீ’’தி வுச்சதி. முச்சதி ஏதேனாதி மொக்கோ², பதினோ மொக்கோ² தேன பஞ்ஞத்தத்தாதி பதிமொக்கோ², பதிமொக்கோ² ஏவ பாதிமொக்க²ங். ஸப்³ப³கு³ணானங் வா மூலபா⁴வதோ உத்தமட்டே²ன பதி ச ஸோ யதா²வுத்தேனத்தே²ன மொக்கோ² சாதி பதிமொக்கோ², பதிமொக்கோ² ஏவ பாதிமொக்க²ங். ததா² ஹி வுத்தங் ‘‘பாதிமொக்க²ந்தி முக²மேதங் பமுக²மேத’’ந்தி (மஹாவ॰ 135) வித்தா²ரோ.
அத² வா ப-இதி பகாரே, அதீ-தி அச்சந்தத்தே² நிபாதோ, தஸ்மா பகாரேஹி அச்சந்தங் மொக்கே²தீதி பாதிமொக்க²ங். இத³ங் ஹி ஸீலங் ஸயங் தத³ங்க³வஸேன, ஸமாதி⁴ஸஹிதங் பஞ்ஞாஸஹிதஞ்ச விக்க²ம்ப⁴னவஸேன, ஸமுச்சே²த³வஸேன ச அச்சந்தங் மொக்கே²தி மோசேதீதி பாதிமொக்க²ங், பதி பதி மொக்கோ²தி வா பதிமொக்கோ², தம்ஹா தம்ஹா வீதிக்கமதோ³ஸதோ பச்சேகங் மொக்கோ²தி அத்தோ², பதிமொக்கோ² ஏவ பாதிமொக்க²ங். மொக்கோ²தி வா நிப்³பா³னங், தஸ்ஸ மொக்க²ஸ்ஸ படிபி³ம்ப³பூ⁴தோதி பதிமொக்கோ². ஸீலஸங்வரோ ஹி ஸூரியஸ்ஸ அருணுக்³க³மனங் விய நிப்³பா³னஸ்ஸ உத³யபூ⁴தோ தப்படிபா⁴கோ³ விய யதா²ரஹங் கிலேஸனிப்³பா³பனதோ, பதிமொக்கோ²யேவ பாதிமொக்க²ங். அத² வா மொக்க²ங் பதி வத்ததி, மொக்கா²பி⁴முக²ந்தி வா பதிமொக்க²ங், பதிமொக்க²மேவ பாதிமொக்க²ந்தி ஏவமெத்த² பாதிமொக்க²-ஸத்³த³ஸ்ஸ அத்தோ² வேதி³தப்³போ³. இரியதீதி அத்தபா⁴வங் பவத்தேதி. ‘‘விஹரதீ’’தி இமினா பாதிமொக்க²ஸங்வரஸீலே டி²தஸ்ஸ பாளியந்தி ஜா²னவிப⁴ங்க³பாளியங் (விப⁴॰ 508 ஆத³யோ).
தத்த² காமங் ஸமணசாரங், ஸமணகோ³சரஞ்ச த³ஸ்ஸேதுங் ‘‘ஆசாரகோ³சரஸம்பன்னோ’’தி வுத்தங், யதா² பன மக்³க³ங் ஆசிக்க²ந்தோ ‘‘வாமங் முஞ்ச, த³க்கி²ணங் க³ண்ஹா’’தி வஜ்ஜேதப்³ப³புப்³ப³கங் க³ஹேதப்³ப³ங் வதெ³ய்ய, யதா² வா ஸஸீஸன்ஹானேன பஹீனஸேத³மலஜல்லிகஸ்ஸ மாலாக³ந்த⁴விலேபனாதி³விபூ⁴ஸனஸங்விதா⁴னங் யுத்தரூபங், ஏவங் பஹீனபாபத⁴ம்மஸ்ஸ கல்யாணத⁴ம்மஸமாயோகோ³ யுத்தரூபோதி ‘‘அத்தி² ஆசாரோ, அத்தி² அனாசாரோ’’தி த்³வயங் உத்³தி³ஸித்வா அனாசாரங் தாவ விப⁴ஜிதுங் ‘‘தத்த² கதமோ அனாசாரோ’’திஆதி³ வுத்தங். தத்த² காயிகோ வீதிக்கமோதி திவித⁴ங் காயது³ச்சரிதங். வாசஸிகோ வீதிக்கமோதி சதுப்³பி³த⁴ங் வசீது³ச்சரிதங். காயிகவாசஸிகோதி தது³ப⁴யங்.
ஏவங் ஆஜீவட்ட²மகஸீலஸ்ஸ வீதிக்கமோ த³ஸ்ஸிதோ. இதா³னி மானஸங் அனாசாரங் த³ஸ்ஸேதுங் ‘‘ஸப்³ப³ம்பி ‘‘இதே⁴கச்சோ வேளுதா³னேன வா’’திஆதி³மாஹ. தத்த² வேளுதா³னேனாதி பச்சயுப்பாத³னத்தே²ன வேளுதா³னேன. பத்ததா³னாதீ³ஸுபி ஏஸேவ நயோ. வேளூதி மனுஸ்ஸானங் பயோஜனாவஹோ யோ கோசி வேளுத³ண்டோ³. பத்தங் க³ந்தி⁴காதீ³னங் க³ந்த⁴பலிவேட²னாதி³அத்த²ங் வா, தாலனாளிகேராதி³பத்தங் வா. புப்ப²ங் யங் கிஞ்சி மனுஸ்ஸானங் பயோஜனாவஹங். ததா² ப²லங். ஸினானங் ஸிரீஸசுண்ணாதி³ன்ஹானியசுண்ணங். மத்திகாபி எத்தே²வ ஸங்க³ஹங் க³ச்ச²தி. த³ந்தகட்ட²ங் யங் கிஞ்சி முக²ஸோத⁴னத்த²ங் த³ந்தபோனங். சாடுகம்யதா அத்தானங் தா³ஸங் விய நீசட்டா²னே ட²பெத்வா பரஸ்ஸ க²லிதவசனங் ஸண்ட²பெத்வா பியகாமதாய பக்³க³ய்ஹவசனங். முக்³க³ஸூப்யதாதி முக்³க³ஸூபஸமதா ஸச்சாலிகேன ஜீவிதகப்பனங். யதா² ஹி முக்³க³ஸூபே பச்சந்தே ப³ஹூ முக்³கா³ பச்சந்தி, கதிபயா ந பச்சந்தி, ஏவங் ஸச்சாலிகேன ஜீவிதகப்பனே ப³ஹு அலிகங் ஹோதி, அப்பகங் ஸச்சந்தி. பரிப⁴டதீதி பரிப⁴டோ, பரேஸங் தா³ரகே பரிஹரந்தோ. பரிப⁴டஸ்ஸ கம்மங் பாரிப⁴ட்யங், ஸா ஏவ பாரிப⁴ட்யதா, அலங்கரணாதி³னா குலதா³ரகபரிஹரணஸ்ஸேதங் நாமங். தேஸங் தேஸங் கி³ஹீனங் கா³மந்தரதே³ஸந்தராதீ³ஸு ஸாஸனபடிஸாஸனஹரணங் ஜங்க⁴பேஸனிகங். அஞ்ஞதரஞ்ஞதரேனாதி ஏதேஸங் வா வேளுதா³னாதீ³னங் வேஜ்ஜகம்மப⁴ண்டா³கா³ரிககம்மபிண்ட³படிபிண்ட³கம்மஸங்கு⁴ப்பாத³சேதியுப்பாத³பட்ட²பனாதீ³னங் வா மிச்சா²ஜீவேன ஜீவிதகப்பனககம்மானங் யேன கேனசி பு³த்³த⁴படிகுட்டே²னாதி பு³த்³தே⁴ஹி க³ரஹிதேன படிஸித்³தே⁴ன. மிச்சா²ஜீவேனாதி ந ஸம்மாஆஜீவேன. அயங் வுச்சதி அனாசாரோதி அயங் ஸப்³போ³பி ‘‘அனாசாரோ’’தி கதீ²யதி. ஆசாரனித்³தே³ஸோ வுத்தபடிபக்க²னயேனேவ வேதி³தப்³போ³.
கோ³சரனித்³தே³ஸேபி பட²மங் அகோ³சரஸ்ஸ வசனே காரணங் ஹெட்டா² வுத்தனயேனேவ வேதி³தப்³ப³ங். கோ³சரோதி பிண்ட³பாதாதீ³னங் அத்தா²ய உபஸங்கமிதுங் யுத்தட்டா²னங். அயுத்தட்டா²னங் அகோ³சரோ. வேஸியா கோ³சரோ அஸ்ஸாதி வேஸியாகோ³சரோ, மித்தஸந்த²வவஸேன உபஸங்கமிதப்³ப³ட்டா²னந்தி அத்தோ². வேஸியா நாம ரூபூபஜீவினியோ, தா மித்தஸந்த²வவஸேன ந உபஸங்கமிதப்³பா³, ஸமணபா⁴வஸ்ஸ அந்தராயகரத்தா, பரிஸுத்³தா⁴ஸயஸ்ஸாபி க³ரஹஹேதுதோ, தஸ்மா த³க்கி²ணாதா³னவஸேன ஸதிங் உபட்ட²பெத்வாவ உபஸங்கமிதப்³பா³. வித⁴வா வுச்சந்தி மதபதிகா, பவுத்த²பதிகா வா. து²ல்லகுமாரிகாதி மஹல்லிகா அனிவிட்ட²குமாரியோ, பண்ட³காதி நபுங்ஸகா. தே ஹி உஸ்ஸன்னகிலேஸா அவூபஸந்தபரிளாஹா லோகாமிஸஸன்னிஸ்ஸிதகதா²ப³ஹுலா, தஸ்மா ந உபஸங்கமிதப்³பா³. பி⁴க்கு²னியோ நாம உஸ்ஸன்னப்³ரஹ்மசரியா. ததா² பி⁴க்கூ²பி. தேஸங் அஞ்ஞமஞ்ஞங் விஸபா⁴க³வத்து²பா⁴வதோ ஸந்த²வவஸேன உபஸங்கமனே கதிபாஹேனேவ ப்³ரஹ்மசரியந்தராயோ ஸியா, தஸ்மா ந உபஸங்கமிதப்³பா³. கி³லானபுச்ச²னாதி³வஸேன உபஸங்கமனே ஸதோகாரினா ப⁴விதப்³ப³ங். பானாகா³ரந்தி ஸுராபானக⁴ரங். தங் ஸொண்ட³ஜனேஹி ஸங்ஸட்டோ² விஹரதி ராஜூஹீதிஆதீ³ஸு ராஜானோ நாம யே ரஜ்ஜமனுஸாஸந்தி. ராஜமஹாமத்தா ராஜிஸ்ஸரியஸதி³ஸாய இஸ்ஸரியமத்தாய ஸமன்னாக³தா. தித்தி²யாதி விபரீதத³ஸ்ஸனா பா³ஹிரகபரிப்³பா³ஜகா. தித்தி²யஸாவகாதி தேஸு த³ள்ஹப⁴த்தா பச்சயதா³யகா. அனநுலோமிகேன ஸங்ஸக்³கே³னாதி திஸ்ஸன்னங் ஸிக்கா²னங் அனநுலோமிகேன பச்சனீகபூ⁴தேன ஸங்ஸக்³கே³ன ஸங்ஸட்டோ² விஹரதி, யேன ப்³ரஹ்மசரியந்தராயங் வா ஸல்லேக²பரிஹானிங் வா பாபுணாதி.
இதா³னி அபரேனபி பரியாயேன அகோ³சரங் த³ஸ்ஸேதுங் ‘‘யானி வா பன தானீ’’திஆதி³ வுத்தங். தத்த² அஸ்ஸத்³தா⁴னீதி பு³த்³தா⁴தீ³ஸு ஸத்³தா⁴விரஹிதானி. ததோ ஏவ அப்பஸன்னானி, கம்மகம்மப²லஸத்³தா⁴ய வா அபா⁴வேன அஸ்ஸத்³தா⁴னி. ரதனத்தயப்பஸாதா³பா⁴வேன அப்பஸன்னானி. அக்கோஸகபரிபா⁴ஸகானீதி அக்கோஸவத்தூ²ஹி அனத்த²காமானி. ஹிதங் ந இச்ச²ந்தி அஹிதமேவ இச்ச²ந்தீதி அஹிதகாமானி. பா²ஸு ந இச்ச²ந்தி அபா²ஸுங்யேவ இச்ச²ந்தீதி அபா²ஸுககாமானி. யோக³க்கே²மங் நிப்³ப⁴யங் ந இச்ச²ந்தி, அயோக³க்கே²மமேவ இச்ச²ந்தீதி அயோக³க்கே²மகாமானி. பி⁴க்கூ²னந்தி எத்த² ஸாமணேரானம்பி ஸங்க³ஹோ. பி⁴க்கு²னீனந்தி எத்த² ஸிக்க²மானஸாமணேரீனங். ஸப்³பே³ஸங் ஹி ஸாஸனிகானங் அனத்த²காமதாதீ³பனபத³மித³ங் வசனங். ததா²ரூபானி குலானீதி தாதி³ஸானி க²த்தியகுலாதீ³னி. ஸேவதீதி நிஸ்ஸாய ஜீவதி. ப⁴ஜதீதி உபஸங்கமதி. பயிருபாஸதீதி புனப்புனங் உபக³ச்ச²தி. அயங் வுச்சதீதி அயங் வேஸியாதி³கோ, ராஜாதி³கோ, அஸ்ஸத்³த⁴குலாதி³கோ ச தங் தங் ஸேவந்தஸ்ஸ திப்பகாரோபி அயுத்தோ கோ³சரோதி அகோ³சரோ. எத்த² ஹி வேஸியாதி³கோ பஞ்சகாமகு³ணனிஸ்ஸயதோ அகோ³சரோ. யதா²ஹ ‘‘கோ ச, பி⁴க்க²வே, பி⁴க்கு²னோ அகோ³சரோ பரவிஸயோ? யதி³த³ங் பஞ்ச காமகு³ணா’’தி (ஸங்॰ நி॰ 5.372). ராஜாதி³கோ ஸமணத⁴ம்மஸ்ஸ அனுபனிஸ்ஸயதோ, லாப⁴ஸக்காராஸனிவிசக்கனிப்போத²னதி³ட்டி²விபத்திஹேதுதோ ச. அஸ்ஸத்³த⁴குலாதி³கோ ஸத்³தா⁴ஹானிசித்தஸந்தாஸாவஹதோ அகோ³சரோ.
கோ³சரனித்³தே³ஸே ‘‘ந வேஸியாகோ³சரோ’’திஆதீ³னி வுத்தபடிபக்க²வஸேன வேதி³தப்³பா³னி. ஓபானபூ⁴தானீதி உத³பானபூ⁴தானி பி⁴க்கு²ஸங்க⁴ஸ்ஸ, பி⁴க்கு²னீஸங்க⁴ஸ்ஸ ச சதுமஹாபதே² க²தபொக்க²ரணீ விய யதா²ஸுக²ங் ஓகா³ஹனக்க²மானி. காஸாவபஜ்ஜோதானீதி பி⁴க்கூ²னங், பி⁴க்கு²னீனஞ்ச நிவத்த²பாருதகாஸாவானங்யேவ பபா⁴ஹி ஏகோபா⁴ஸானி. இஸிவாதபடிவாதானீதி கே³ஹங் பவிஸந்தானங்
இதா³னி நித்³தே³ஸே ஆக³தனயேனாபி ஆசாரகோ³சரே த³ஸ்ஸேதுங் ‘‘அபிசா’’திஆதி³ ஆரத்³த⁴ங். எத்தா²தி ஏதஸ்மிங் பாதிமொக்க²ஸீலனித்³தே³ஸே. இமினாபி நயேனாதி இதா³னி வுச்சமானவிதி⁴னாபி. ஸங்க⁴க³தோதி ஸங்க⁴ஸன்னிபாதங் க³தோ. அசித்தீகாரகதோதி அகதசித்தீகாரோ, அகதகா³ரவோதி அத்தோ². க⁴ட்டயந்தோதி ஸரீரேன, சீவரேன வா க⁴ங்ஸந்தோ. புரதோபி திட்ட²தி அசித்தீகாரகதோதி டி²தகோபீதி உபரி திட்ட²ந்தோ விய ஆஸன்னதரட்டா²னே டி²தகோபி ப⁴ணதி. பா³ஹாவிக்கே²பகோதி பா³ஹுங் விக்கி²பந்தோ. அனுபாஹனானந்தி அனாத³ரே ஸாமிவசனங். ஸஉபாஹனோதி உபாஹனாருள்ஹோ. தே²ரே பி⁴க்கூ² அனுபக²ஜ்ஜாதி தே²ரானங் பி⁴க்கூ²னங் டி²தட்டா²னங் அனுபவிஸித்வா தேஸங் ஆஸன்னதரட்டா²னங் உபக³ந்த்வா. கட்ட²ங் பக்கி²பதி அக்³கி³குண்டே³. வோக்கம்மாதி பஸ்ஸதோ அதிக்கமித்வா. கூ³ள்ஹானி ஸபா⁴வதோ படிச்ச²ன்னானி ஸாணிபாகாராதி³னா படிச்சா²தி³தானி. அனாபுச்சா²தி அனாபுச்சி²த்வா. அஸ்ஸாதி அனாசாரஸ்ஸ.
அபிச பி⁴க்கூ²திஆதி³ ஸப்³ப³ஸ்ஸேவ பி⁴க்கு²னோ ஆசாரத³ஸ்ஸனவஸேன பவத்தங் அட்ட²கதா²வசனங், ந நித்³தே³ஸபாளி. ஸத்³தா⁴ஸீலஸுதசாகா³தி³கு³ணஹேதுகோ க³ருபா⁴வோ க³ருகரணங் வா கா³ரவோ, ஸஹ கா³ரவேனாதி ஸகா³ரவோ. க³ருட்டா²னியேஸு கா³ரவஸாரஜ்ஜாதி³வஸேன படிஸ்ஸாயனா பதிஸ்ஸா, ஸப்பதிஸ்ஸவபடிபத்தி. ஸஹ பதிஸ்ஸாயாதி ஸப்பதிஸ்ஸோ. ஸவிஸேஸங் ஹிரிமனதாய, ஒத்தப்பிபா⁴வேன ச ஹிரொத்தப்பஸம்பன்னோ. ஸேகி²யத⁴ம்மபாரிபூரிவஸேன ஸுனிவத்தோ² ஸுபாருதோ. பாஸாதி³கேனாதி பஸாதா³வஹேன, இத்த²ம்பூ⁴தலக்க²ணே சேதங் கரணவசனங். ஏஸேவ நயோ இதோ பரேஸுபி ச²ஸு பதே³ஸு. அபி⁴க்கந்தேனாதி அபி⁴க்கமேன. இரியாபத²ஸம்பன்னோதி ஸம்பன்னஇரியாபதோ². தேன ஸேஸஇரியாபதா²னம்பி பாஸாதி³கதமாஹ. இந்த்³ரியேஸு கு³த்தத்³வாரோதி சக்கு²ந்த்³ரியாதீ³ஸு ச²ஸு த்³வாரேஸு ஸுஸங்விஹிதாரக்கோ². போ⁴ஜனே மத்தஞ்ஞூதி பரிபு⁴ஞ்ஜிதப்³ப³தோ போ⁴ஜனஸஞ்ஞிதே சதுப்³பி³தே⁴பி பச்சயே பரியேஸனபடிக்³க³ஹணபரிபோ⁴கா³தி³வஸேன ஸப்³ப³ஸோ பமாணஞ்ஞூ. ஜாக³ரியமனுயுத்தோதி புப்³ப³ரத்தாபரரத்தங் பா⁴வனாமனஸிகாரஸங்கா²தங் ஜாக³ரியங் ஸாதச்சகாரிதாவஸேன அனு அனு யுத்தோ தத்த² யுத்தபயுத்தோ. ஸதிஸம்பஜஞ்ஞேன ஸமன்னாக³தோதிஆதி³ யதா²வுத்தஸ்ஸ ஆசாரஸ்ஸ ஸம்பா⁴ரத³ஸ்ஸனங். தத்த² அப்பிச்சோ²தி நிஇச்சோ². ஸந்துட்டோ²தி யதா²லாபா⁴தி³வஸேன ஸந்தோஸேன துட்டோ². ஸக்கச்சகாரீதி ஆத³ரகாரீ. க³ருசித்தீகாரப³ஹுலோதி அயங் வுச்சதி ஆசாரோதி அயங் ஸகா³ரவதாதி³ அத்த²காமேஹி ஆசரிதப்³ப³தோ ஆசாரோ.
ஸீலாதீ³னங் கு³ணானங் உபனிஸ்ஸயபூ⁴தோ உபனிஸ்ஸயகோ³சரோ. ஸதிஸங்கா²தோ சித்தஸ்ஸ ஆரக்க²பூ⁴தோ ஏவ கோ³சரோ ஆரக்க²கோ³சரோ. கம்மட்டா²னஸங்கா²தோ சித்தஸ்ஸ உபனிப³ந்த⁴னட்டா²னபூ⁴தோ கோ³சரோ உபனிப³ந்த⁴கோ³சரோ. அப்பிச்ச²தாதீ³ஹி த³ஸகதா²வத்து²கு³ணஸமன்னாக³தோ. ததோ ஏவ கல்யாணோ ஸுந்த³ரோ மித்தோதி கல்யாணமித்தோ. தஸ்ஸ லக்க²ணங் பரதோ ஆக³மிஸ்ஸதி. அஸ்ஸுதங் ஸுத்தகெ³ய்யாதி³ங். ஸுணாதீதி ஸுதமயங் ஞாணங் உப்பாதே³தி. ஸுதங் பரியோதா³பேதீதி தமேவ யதா²ஸுதங் அவிஸத³தாய அபரியோதா³தங் புனப்புனங் பரிபுச்ச²னாதி³னா விஸோதே⁴தி நிஜ்ஜடங் நிகு³ம்ப³ங் கரோதி. தத்த² ச யே கங்க²ட்டா²னியா த⁴ம்மா, தேஸு ஸங்ஸயங் சி²ந்த³ந்தோ கங்க²ங் விதரதி. கம்மகம்மப²லேஸு, ரதனத்தயே ச ஸம்மாதி³ட்டி²யா உஜுகரணேன தி³ட்டி²ங் உஜுங் கரோதி. ததோ ஏவ ச து³விதா⁴யபி ஸத்³தா⁴ஸம்பதா³ய சித்தங் பஸாதே³தி. அத² வா யதா²ஸுதங் த⁴ம்மங் பரியோத³பெத்வா தத்தா²க³தே ரூபாரூபத⁴ம்மே பரிக்³க³ஹெத்வா ஸபச்சயங் நாமரூபங் பரிக்³க³ண்ஹந்தோ ஸத்ததி³ட்டி²வங்கவித⁴மனேன தி³ட்டி²ங் உஜுங் கரோதி. த⁴ம்மானங் பச்சயபச்சயுப்பன்னதாமத்தத³ஸ்ஸனேன தீஸுபி அத்³தா⁴ஸு கங்க²ங் விதரதி. ததோ பரங் ச உத³யப்³ப³யஞாணாதி³வஸேன விபஸ்ஸனங் வட்³டெ⁴த்வா அரியபூ⁴மிங் ஓக்கமந்தோ அவேச்சபஸாதே³ன ரதனத்தயே சித்தங் பஸாதே³தி. ததா²பூ⁴தோவ தஸ்ஸ கல்யாணமித்தஸ்ஸ அனுஸிக்க²னேன ஸத்³தா⁴தீ³ஹி கு³ணேஹி ந ஹாயதி, அஞ்ஞத³த்து² வட்³ட⁴தேவ. தேனாஹ ‘‘யஸ்ஸ வா’’திஆதி³.
அந்தரக⁴ரந்தி அந்தரே அந்தரே க⁴ரானி எத்த², தங் ஏதஸ்ஸாதி வா ‘‘அந்தரக⁴ர’’ந்தி லத்³த⁴னாமங் கோ³சரகா³மங் பவிட்டோ². தத்த² க⁴ரே க⁴ரே பி⁴க்கா²பரியேஸனாய வீதி²ங் படிபன்னோ. ஒக்கி²த்தசக்கூ²தி ஹெட்டா²கி²த்தசக்கு². கித்தகேன பன ஒக்கி²த்தசக்கு² ஹோதீதி ஆஹ ‘‘யுக³மத்தத³ஸ்ஸாவீ’’தி. ஸுஸங்வுதோதி ஸங்யதோ. யதா² பனெத்த² ஸுஸங்வுதோ நாம ஹோதி, தங் த³ஸ்ஸேதுங் ‘‘ந ஹத்தி²ங் ஓலோகெந்தோ’’திஆதி³ வுத்தங்.
யத்தா²தி யேஸு ஸதிபட்டா²னேஸு. சித்தங் பா⁴வனாசித்தங். உபனிப³ந்த⁴தீதி உபனெத்வா நிப³ந்த⁴தி. வுத்தஞ்ஹேதங் –
‘‘யதா²
ப³ந்தெ⁴ய்யேவங் ஸகங் சித்தங், ஸதியாரம்மணே த³ள்ஹ’’ந்தி. (விஸுத்³தி⁴॰ 1.217; தீ³॰ நி॰ அட்ட²॰ 2.374; ம॰ நி॰ அட்ட²॰ 1.107; பாரா॰ அட்ட²॰ 2.165; படி॰ ம॰ அட்ட²॰ 2.1.163);
ஸதிபட்டா²னானங் உபனிப³ந்த⁴கோ³சரபா⁴வங் த³ஸ்ஸேதுங் ‘‘வுத்தஞ்ஹேத’’ந்திஆதி³ வுத்தங். தத்த² ஸகோ பெத்திகோ விஸயோதி அத்தனோ பிது ஸம்மாஸம்பு³த்³த⁴ஸ்ஸ ஸந்தகோ, தேன தி³ட்டோ² த³ஸ்ஸிதோ ச விஸயோ.
அணுப்பமாணேஸூதி அஸஞ்சிச்சஆபன்னஸேகி²யஅகுஸலசித்துப்பாதா³தி³பே⁴தே³ஸூதி அஸஞ்சிச்ச ஆபன்னஸேகி²யேஸு அகுஸலசித்துப்பாதா³தி³பே⁴தே³ஸூதி ஏவங் அஸஞ்சிச்சக்³க³ஹணங் ஸேகி²யவிஸேஸனங் த³ட்ட²ப்³ப³ங். ஸேகி²யக்³க³ஹணேன செத்த² வத்தக்க²ந்த⁴காதீ³ஸு (சூளவ॰ 356 ஆத³யோ) ஆக³தவத்தாதீ³னம்பி க³ஹணங். தேபி ஹி ஸிக்கி²தப்³ப³ட்டே²ன ‘‘ஸேகி²யா’’தி இச்சி²தா. ததா² ஹி மாதிகாயங் பாராஜிகாதீ³னங் விய ஸேகி²யானங் பரிச்சே²தோ³ ந கதோ. ஏவஞ்ச கத்வா ‘‘அஸஞ்சிச்ச ஆபன்னஸேகி²யா’’தி அஸஞ்சிச்சக்³க³ஹணங் ஸமத்தி²தங் ஹோதி. ந ஹி மாதிகாயங் ஆக³தேஸு பஞ்சஸத்ததியா ஸேகி²யேஸு நோஸஞ்ஞாவிமொக்கோ² நாம அத்தி², அஸஞ்சிச்சக்³க³ஹணேனேவ செத்த² அஸதிஅஜானநானம்பி ஸங்க³ஹோ கதோ. கேசி பனெத்த² அஸிஞ்சிச்ச ஆபன்னக்³க³ஹணேன அசித்தகாபத்தியோ க³ஹிதாதி வத³ந்தி, தங் தேஸங் மதிமத்தங், க³ருகாபத்தீஸுபி காஸஞ்சி அசித்தகபா⁴வஸப்³பா⁴வதோ, அதி⁴ட்டா²னாவிகம்மஸ்ஸ, தே³ஸனாவிகம்மஸ்ஸேவ வா ஸப்³ப³லஹுகஸ்ஸ வஜ்ஜஸ்ஸ இதா⁴தி⁴ப்பேதத்தா. தேனாஹ ‘‘யானி தானி வஜ்ஜானி அப்பமத்தகானி ஓரமத்தகானி லஹுகானி லஹுஸம்மதானீ’’திஆதி³. ஆதி³ஸத்³தே³ன பாதிமொக்க²ஸங்வரவிஸுத்³த⁴த்த²ங் அனதிக்கமனீயானங் அனாபத்திக³மனீயானங் ஸங்க³ஹோ த³ட்ட²ப்³போ³. ப⁴யத³ஸ்ஸனஸீலோதி பரமாணுமத்தங் வஜ்ஜங் அட்ட²ஸட்டி²யோஜனஸதஸஹஸ்ஸுப்³பே³த⁴ஸினேருபப்³ப³தஸதி³ஸங் கத்வா த³ஸ்ஸனஸபா⁴வோ, ஸப்³ப³லஹுகங் வா து³ப்³பா⁴ஸிதமத்தங் பாராஜிகஸதி³ஸங் கத்வா த³ஸ்ஸனஸபா⁴வோ. யங் கிஞ்சீதி மூலபஞ்ஞத்திஅனுபஞ்ஞத்திஸப்³ப³த்த²பஞ்ஞத்திபதே³ஸபஞ்ஞத்திஆதி³பே⁴த³ங் யங் கிஞ்சி ஸிக்கி²தப்³ப³ங் படிபஜ்ஜிதப்³ப³ங் பூரேதப்³ப³ங் ஸீலங். ஸம்மா ஆதா³யாதி ஸம்மதே³வ ஸக்கச்சங், ஸப்³ப³ஸோ ச ஆதி³யித்வா. அயங் பன ஆசாரகோ³சரஸம்பதா³ கிங் பாதிமொக்க²ஸீலே பரியாபன்னா, உதா³ஹு அபரியாபன்னாதி? பரியாபன்னா. யதி³ ஏவங் கஸ்மா புன வுத்தாதி சோத³னங் ஸந்தா⁴யாஹ ‘‘எத்த² சா’’திஆதி³.
இந்த்³ரியஸங்வரஸீலவண்ணனா
15. இந்த்³ரியஸங்வரஸீலங் ‘‘ஸோதி பாதிமொக்க²ஸங்வரஸீலே டி²தோ பி⁴க்கூ²’’தி. ஸம்பாதி³தே ஹி ஏதஸ்மிங் பாதிமொக்க²ஸங்வரஸீலங் ஸுகு³த்தங் ஸுரக்கி²தமேவ ஹோதி, ஸுஸங்விஹிதகண்டகவதி விய ஸஸ்ஸந்தி. காரணவஸேனாதி அஸாதா⁴ரணகாரணஸ்ஸ வஸேன. அஸாதா⁴ரணகாரணவஸேன ரூபந்தி ரூபாயதனங். சக்கு²னா ரூபங் தி³ஸ்வாதி எத்த² யதி³ சக்கு² ரூபங் பஸ்ஸெய்ய, அஞ்ஞவிஞ்ஞாணஸமங்கி³னோபி பஸ்ஸெய்யுங், ந சேதங் அத்தி², கஸ்மா? அசேதனத்தா சக்கு²ஸ்ஸ. தேனாஹ ‘‘சக்கு² ரூபங் ந பஸ்ஸதி அசித்தகத்தா’’தி. அத² விஞ்ஞாணங் ரூபங் பஸ்ஸெய்ய, திரோகுட்டாதி³க³தம்பி நங் பஸ்ஸெய்ய அப்படிக⁴பா⁴வதோ, இத³ம்பி நத்தி² ஸப்³ப³ஸ்ஸ விஞ்ஞாணஸ்ஸ த³ஸ்ஸனாபா⁴வதோ. தேனாஹ ‘‘சித்தங் ந பஸ்ஸதி அசக்கு²கத்தா’’தி. தத்த² யதா² சக்கு²ஸன்னிஸ்ஸிதங் விஞ்ஞாணங் பஸ்ஸதி, ந யங் கிஞ்சி. தஞ்ச கேனசி குட்டாதி³னா அந்தரிதே ந உப்பஜ்ஜதி, யத்த² ஆலோகஸ்ஸ விப³ந்தோ⁴. யத்த² பன ந விப³ந்தோ⁴ ப²லிகக³ப்³ப⁴படலாதி³கே, தத்த² அந்தரிதேபி உப்பஜ்ஜதேவ. ஏவங் விஞ்ஞாணாதி⁴ட்டி²தங் சக்கு² பஸ்ஸதி, ந யங் கிஞ்சீதி விஞ்ஞாணாதி⁴ட்டி²தங் சக்கு²ங் ஸந்தா⁴யேதங் வுத்தங் ‘‘சக்கு²னா ரூபங் தி³ஸ்வா’’தி.
த்³வாராரம்மணஸங்க⁴ட்டேதி த்³வாரஸ்ஸ ஆரம்மணேன ஸங்க⁴ட்டே ஸதி, சக்கு²ஸ்ஸ ரூபாரம்மணே ஆபாத²க³தேதி அதி⁴ப்பாயோ. பஸாத³வத்து²கேன சித்தேனாதி சக்கு²பஸாத³வத்து²கேன தன்னிஸ்ஸாய பவத்தேன விஞ்ஞாணேன, யங் ‘‘சக்கு²விஞ்ஞாண’’ந்தி வுச்சதி. பஸ்ஸதீதி ஓலோகேதி. சக்கு²பஸாத³ஸன்னிஸ்ஸயே ஹி விஞ்ஞாணே ஆலோகானுக்³க³ஹிதங் ரூபாரம்மணங் ஸன்னிஸ்ஸயகு³ணேன ஓபா⁴ஸெந்தே தங்ஸமங்கி³புக்³க³லோ ‘‘ரூபங் பஸ்ஸதீ’’தி வுச்சதி. ஓபா⁴ஸனஞ்செத்த² ஆரம்மணஸ்ஸ யதா²ஸபா⁴வதோ விபா⁴வனங், யங் ‘‘பச்சக்க²தோ க³ஹண’’ந்தி வுச்சதி. உஸுனா லக்க²ஸ்ஸ வேதே⁴ ஸிஜ்ஜ²ந்தே தஸ்ஸ ஸம்பா⁴ரபூ⁴தேன த⁴னுனா விஜ்ஜ²தீதி வசனங் விய விஞ்ஞாணேன ரூபத³ஸ்ஸனே ஸிஜ்ஜ²ந்தே சக்கு²னா ரூபங் பஸ்ஸதீதி ஈதி³ஸீ ஸஸம்பா⁴ரகதா² நாமேஸா ஹோதி. ஸஸம்பா⁴ரா கதா² ஸஸம்பா⁴ரகதா², த³ஸ்ஸனஸ்ஸ காரணஸஹிதாதி அத்தோ². ஸஸம்பா⁴ரஸ்ஸ வா த³ஸ்ஸனஸ்ஸ கதா² ஸஸம்பா⁴ரகதா². தஸ்மாதி யஸ்மா கேவலேன சக்கு²னா, கேவலேன வா விஞ்ஞாணேன ரூபத³ஸ்ஸனங் நத்தி², தஸ்மா.
இத்தி²புரிஸனிமித்தங் வாதி எத்த² இத்தி²ஸந்தானநிஸ்ஸிதரூபமுகே²ன க³ய்ஹமானங் ஸண்டா²னங் த²னமங்ஸாவிஸத³தா இத்தி²னிமித்தங். வுத்தவிபரியாயதோ புரிஸனிமித்தங் வேதி³தப்³ப³ங். ஸுப⁴னிமித்தாதி³கங் வாதி எத்த² ராகு³ப்பத்திஹேதுபூ⁴தோ இட்டா²காரோ ஸுப⁴னிமித்தங். ஆதி³-ஸத்³தே³ன படிக⁴னிமித்தாதீ³னங் உபெக்கா²னிமித்தந்தி செத்த² அஞ்ஞாணுபெக்கா²ய வத்து²பூ⁴தங் ஆரம்மணங், தஞ்சஸ்ஸ அஸமபெக்க²னவஸேன வேதி³தப்³ப³ங். ஏவங் ஸங்கே²பதோ ராக³தோ³ஸமோஹானங் காரணங் ‘‘ஸுப⁴னிமித்தாதி³க’’ந்தி வுத்தங். தேனாஹ ‘‘கிலேஸவத்து²பூ⁴தங் நிமித்த’’ந்தி. தி³ட்ட²மத்தேயேவ ஸண்டா²தீதி ‘‘தி³ட்டே² தி³ட்ட²மத்தங் ப⁴விஸ்ஸதீ’’தி (உதா³॰ 10) ஸுத்தே வுத்தனயேன வண்ணாயதனே சக்கு²விஞ்ஞாணேன, வீதி²சித்தேஹி ச க³ஹிதமத்தேயேவ திட்ட²தி, ந ததோ பரங் கிஞ்சி ஸுபா⁴தி³ஆகாரங் பரிகப்பேதி. பாகடபா⁴வகரணதோதி பரிப்³யத்தபா⁴வகரணதோ விபூ⁴தபா⁴வகரணதோ. விஸபா⁴க³வத்து²னோ ஹி ஹத்தா²தி³அவயவேஸு ஸுபா⁴தி³தோ பரிகப்பெந்தஸ்ஸ அபராபரங் தத்த² உப்பஜ்ஜமானா கிலேஸா பரிப்³யத்தா ஹொந்தீதி தே தேஸங் அனுப்³யஞ்ஜனா நாம. தே பன யஸ்மா ததா² ததா² ஸன்னிவிட்டா²னங் பூ⁴துபாதா³யரூபானங் ஸன்னிவேஸாகாரோ. ந ஹி தங் முஞ்சித்வா பரமத்த²தோ ஹத்தா²தி³ நாம கோசி அத்தி². தஸ்மா வுத்தங் ‘‘ஹத்த²பாத³…பே॰… ஆகாரங் ந க³ண்ஹாதீ’’தி. கிங் பன க³ண்ஹாதீதி ஆஹ ‘‘யங் தத்த² பூ⁴தங், ததே³வ க³ண்ஹாதீ’’தி. யங் தஸ்மிங் ஸரீரே விஜ்ஜமானங் கேஸலோமாதி³ பூ⁴துபாதா³யமத்தங் வா, ததே³வ யாதா²வதோ க³ண்ஹாதி. தத்த² அஸுபா⁴காரக³ஹணஸ்ஸ நித³ஸ்ஸனங் த³ஸ்ஸெந்தோ ‘‘சேதியபப்³ப³தவாஸீ’’திஆதி³னா மஹாதிஸ்ஸத்தே²ரவத்து²ங் ஆஹரி.
தத்த² ஸுமண்டி³தபஸாதி⁴தாதி ஸுட்டு² மண்டி³தா பஸாதி⁴தா ச. ஆப⁴ரணாதீ³ஹி ஆஹாரிமேஹி மண்ட³னங். ஸரீரஸ்ஸ உச்சா²த³னாதி³வஸேன படிஸங்க²ரணங் பஸாத⁴னந்தி வத³ந்தி, ஆப⁴ரணேஹி, பன வத்தா²லங்காராதீ³ஹி ச அலங்கரணங் பஸாத⁴னங். ஊனட்டா²னபூரணங் மண்ட³னங். விபல்லத்த²சித்தாதி ராக³வஸேன விபரீதசித்தா. ஓலோகெந்தோதி தே²ரோ கம்மட்டா²னமனஸிகாரேனேவ க³ச்ச²ந்தோ ஸத்³த³கண்டகத்தா புப்³ப³பா⁴க³மனஸிகாரஸ்ஸ ஹஸிதஸத்³தா³னுஸாரேன ‘‘கிமேத’’ந்தி ஓலோகெந்தோ. அஸுப⁴ஸஞ்ஞந்தி அட்டி²கஸஞ்ஞங். அட்டி²ககம்மட்டா²னங் ஹி தே²ரோ ததா³ பரிஹரதி. அரஹத்தங் பாபுணீதி தே²ரோ புப்³ப³ஸஞ்ஞங் அனுஸ்ஸரீதி புப்³ப³கங் யதா²ரத்³த⁴ங் காலேன காலங் அனுயுஞ்ஜியமானங் அட்டி²ககம்மட்டா²னங் அனுஸ்ஸரி ஸமன்னாஹரி. அனுமக்³க³ந்தி அனுபத²ங் தஸ்ஸா பதா³னுபத³ங். தே²ரஸ்ஸ கிர பா⁴வனாய பகு³ணபா⁴வதோ த³ந்தட்டி²த³ஸ்ஸனேனேவ தஸ்ஸா ஸகலஸரீரங் அட்டி²கஸங்கா⁴தபா⁴வேன உபட்டா²ஸி. ந தங் ‘‘இத்தீ²’’தி வா ‘‘புரிஸோ’’தி வா ஸஞ்ஜானி. தேனாஹ ‘‘நாபி⁴ஜானாமி…பே॰… மஹாபதே²’’தி.
‘‘யஸ்ஸ சக்கு²ந்த்³ரியாஸங்வரஸ்ஸ ஹேதூ’’தி வத்வா புன ‘‘தஸ்ஸ சக்கு²ந்த்³ரியஸ்ஸ ஸதிகவாடேன பித³ஹனத்தா²யா’’தி வுத்தங், ந அஸங்வரஸ்ஸாதி. யதி³த³ங் யங் சக்கு²ந்த்³ரியாஸங்வரஸ்ஸ ஹேது அபி⁴ஜ்ஜா²தி³அன்வாஸ்ஸவனங் த³ஸ்ஸிதங், தங் அஸங்வுதசக்கு²ந்த்³ரியஸ்ஸேவ ஹேது பவத்தங் த³ஸ்ஸிதந்தி கத்வா வுத்தங். சக்கு²த்³வாரிகஸ்ஸ ஹி அபி⁴ஜ்ஜா²தி³அன்வாஸ்ஸவனஸ்ஸ தங்த்³வாரிகவிஞ்ஞாணஸ்ஸ விய சக்கு²ந்த்³ரியங் பதா⁴னகாரணங். சக்கு²ந்த்³ரியஸ்ஸ அஸங்வுதத்தே ஸதி தே அன்வாஸ்ஸவந்தீதி அஸங்வரியமானசக்கு²ந்த்³ரியஹேதுகோ ஸோ அஸங்வரோ ததா² வுத்தோதி. யத்வாதி⁴கரணந்தி ஹி யஸ்ஸ சக்கு²ந்த்³ரியஸ்ஸ காரணாதி அத்தோ². கீதி³ஸஸ்ஸ ச காரணாதி? அஸங்வுதஸ்ஸ, கிஞ்ச அஸங்வுதங்? யஸ்ஸ சக்கு²ந்த்³ரியாஸங்வரஸ்ஸ ஹேது அபி⁴ஜ்ஜா²த³யோ அன்வாஸ்ஸவந்தி, தஸ்ஸ ஸங்வராயாதி அயமெத்த² யோஜனா.
ஜவனக்க²ணே பன ஸசே து³ஸ்ஸீல்யங் வாதிஆதி³ புன அவசனத்த²ங் இதே⁴வ ஸப்³ப³ங் வுத்தந்தி ச²ஸு த்³வாரேஸு யதா²ஸம்ப⁴வங் வேதி³தப்³ப³ங். ந ஹி பஞ்சத்³வாரே காயவசீது³ச்சரிதஸங்கா²தங் து³ஸ்ஸீல்யங் அத்தி², தஸ்மா து³ஸ்ஸீல்யாஸங்வரோ மனொத்³வாரவஸேன, ஸேஸாஸங்வரோ ச²த்³வாரவஸேன யோஜேதப்³போ³. முட்ட²ஸச்சாதீ³னங் ஹி ஸதிபடிபக்கா²குஸலத⁴ம்மாதி³பா⁴வதோ ஸியா பஞ்சத்³வாரே உப்பத்தி, ந த்வேவ காயிகவாசஸிகவீதிக்கமபூ⁴தஸ்ஸ து³ஸ்ஸீல்யஸ்ஸ தத்த² உப்பத்தி, பஞ்சத்³வாரிகஜவனானங் அவிஞ்ஞத்திஜனகத்தா. து³ஸ்ஸீல்யாத³யோ செத்த² பஞ்ச அஸங்வரா ஸீலஸங்வராதீ³னங் பஞ்சன்னங் ஸங்வரானங் படிபக்க²பா⁴வேன வுத்தா. தஸ்மிங் ஸதீதி தஸ்மிங் அஸங்வரே ஸதி.
யதா² கிந்தி யேன பகாரேன ஜவனே உப்பஜ்ஜமானோ அஸங்வரோ ‘‘சக்கு²ந்த்³ரியே அஸங்வரோ’’தி வுச்சதி, தங் நித³ஸ்ஸனங் கிந்தி அத்தோ². யதா²திஆதி³னா நக³ரத்³வாரே அஸங்வரே ஸதி தங்ஸம்ப³ந்தா⁴னங் க⁴ராதீ³னங் அஸங்வுததா விய ஜவனே அஸங்வரே ஸதி தங்ஸம்ப³ந்தா⁴னங் த்³வாராதீ³னங் அஸங்வுததாதி ஏவங் அஞ்ஞாஸங்வரே அஞ்ஞாஸங்வுததா ஸாமஞ்ஞமேவ நித³ஸ்ஸேதி, ந புப்³பா³பரஸாமஞ்ஞங், அந்தோப³ஹிஸாமஞ்ஞங் வா. ஸதி வா த்³வாரப⁴வங்கா³தி³கே புன உப்பஜ்ஜமானங் ஜவனங் பா³ஹிரங் விய கத்வா நக³ரத்³வாரஸமானங் வுத்தங்
எத்த² ச சக்கு²த்³வாரே ரூபாரம்மணே ஆபாத²க³தே நியமிதாதி³வஸேன குஸலாகுஸலஜவனே ஸத்தக்க²த்துங் உப்பஜ்ஜித்வா ப⁴வங்க³ங் ஓதிண்ணே தத³னுரூபமேவ மனொத்³வாரிகஜவனே தஸ்மிங்யேவாரம்மணே ஸத்தக்க²த்துங்யேவ உப்பஜ்ஜித்வா ப⁴வங்க³ங் ஓதிண்ணே புன தஸ்மிங்யேவ த்³வாரே ததே³வாரம்மணங் நிஸ்ஸாய ‘‘இத்தீ² புரிஸோ’’திஆதி³னா வவத்த²பெந்தங் பஸாத³ரஜ்ஜனாதி³வஸேன ஸத்தக்க²த்துங் ஜவனங் ஜவதி. ஏவங் பவத்தமானங் ஜவனங் ஸந்தா⁴ய ‘‘ஜவனே து³ஸ்ஸீல்யாதீ³ஸு உப்பன்னேஸு தஸ்மிங் அஸங்வரே ஸதி த்³வாரம்பி அகு³த்த’’ந்திஆதி³ வுத்தங்.
தஸ்மிங் பன ஜவனே. ஸீலாதீ³ஸூதி ஸீலஸங்வரஸதிஸங்வரஞாணஸங்வரக²ந்திஸங்வரவீரியஸங்வரேஸு உப்பன்னேஸு. யதா² ஹி பகே³வ ஸதிஆரக்க²ங் அனுபட்ட²பெந்தஸ்ஸ கிலேஸானுப³ந்த⁴னிமித்தாதி³க்³கா³ஹபரிவஜ்ஜனலக்க²ணங். ஆதி³-ஸத்³தே³ன அனுப்³யஞ்ஜனங் ஸங்க³ண்ஹாதி.
ஆஜீவபாரிஸுத்³தி⁴ஸீலவண்ணனா
16. வுத்தேதி இதே⁴வ உத்³தே³ஸவஸேன புப்³பே³ வுத்தே. ததா² ஹி ‘‘ஆஜீவஹேது பஞ்ஞத்தானங் ச²ன்னங் ஸிக்கா²பதா³ன’’ந்தி பது³த்³தா⁴ரங் கத்வா தானி பாளிவஸேனேவ த³ஸ்ஸேதுங் ‘‘யானி தானீ’’திஆதி³ ஆரத்³த⁴ங். தத்த² யானி தானி ஏவங் பஞ்ஞத்தானி ச² ஸிக்கா²பதா³னீதி ஸம்ப³ந்தோ⁴. ஆஜீவஹேதூதி ஜீவிகனிமித்தங், ‘‘ஏவாஹங் பச்சயேஹி அகிலமந்தோ ஜீவிஸ்ஸாமீ’’தி அதி⁴ப்பாயேன. ஆஜீவகாரணாதி தஸ்ஸேவ வேவசனங். பாபிச்சோ²தி பாபிகாய அஸந்தகு³ணஸம்பா⁴வனிச்சா²ய ஸமன்னாக³தோ. இச்சா²பகதோதி இச்சா²ய அபகதோ உபத்³து³தோ, அபி⁴பூ⁴தோ வா. அஸந்தந்தி அவிஜ்ஜமானங். அபூ⁴தந்தி அனுப்பன்னங். அனுப்பன்னத்தா ஹி தஸ்ஸ தங் அஸந்தந்தி புரிமஸ்ஸ பச்சி²மங் காரணவசனங். உத்தரிமனுஸ்ஸத⁴ம்மந்தி உத்தரிமனுஸ்ஸானங் உக்கட்ட²புரிஸானங் த⁴ம்மங், மனுஸ்ஸத⁴ம்மதோ வா உத்தரி உக்கட்ட²ங். உல்லபதீதி உக்³க³தாயுகோ லபதி. ஸீலங் ஹி பி⁴க்கு²னோ ஆயு, தங் தஸ்ஸ ததா²லபனஸமகாலமேவ விக³ச்ச²தி. தேனாஹ ‘‘ஆபத்தி பாராஜிகஸ்ஸா’’தி பாராஜிகஸங்கா²தா ஆபத்தி அஸ்ஸ, பாராஜிகஸஞ்ஞிதஸ்ஸ வா வீதிக்கமஸ்ஸ ஆபஜ்ஜனங் உல்லபனந்தி அத்தோ². ஸஞ்சரித்தங் ஸமாபஜ்ஜதீதி ஸஞ்சரணபா⁴வங் ஆபஜ்ஜதி, இத்தி²யா வா புரிஸமதிங், புரிஸஸ்ஸ வா இத்தி²மதிங் ஆரோசேதீதி அதி⁴ப்பாயோ. ‘‘இமேஸங் ச²ன்னங் ஸிக்கா²பதா³னங் வீதிக்கமஸ்ஸ வஸேனா’’தி ஸம்ப³ந்தோ⁴ ஹெட்டா² த³ஸ்ஸிதோ ஏவ.
குஹனாதிஆதீ³ஸூதி அயங் பாளீதி அயங் விப⁴ங்கே³ (விப⁴॰ 861) ஆக³தா நித்³தே³ஸபாளி.
17. சீவராதி³பச்சயா லப்³ப⁴ந்தீதி லாபா⁴. தே ஏவ ஸக்கச்சங் ஆத³ரவஸேன தி³ய்யமானா ஸக்காரா. பத்த²டயஸதா கித்திஸத்³தோ³. தங் லாப⁴ஞ்ச ஸக்காரஞ்ச கித்திஸத்³த³ஞ்ச. ஸன்னிஸ்ஸிதஸ்ஸாதி எத்த² தண்ஹானிஸ்ஸயோ அதி⁴ப்பேதோதி ஆஹ ‘‘பத்த²யந்தஸ்ஸா’’தி. அஸந்தகு³ணதீ³பனகாமஸ்ஸாதி அஸந்தே அத்தனி அவிஜ்ஜமானே ஸத்³தா⁴தி³கு³ணே ஸம்பா⁴வேதுகாமஸ்ஸ. அஸந்தகு³ணஸம்பா⁴வனதாலக்க²ணா, படிக்³க³ஹணே இச்சா²ய அபகதஸ்ஸாதி பாபிகாய இச்சா²ய ஸம்மாஆஜீவதோ அபேதோ கதோதி அபகதோ. ததா²பூ⁴தோ ச ஆஜீவூபத்³த³வேன உபத்³து³தோதி கத்வா ஆஹ ‘‘உபத்³து³தஸ்ஸாதி அத்தோ²’’தி.
குஹனமேவ பச்சயுப்பாத³னஸ்ஸ வத்தூ²தி குஹனவத்து². திவித⁴ம்பேதங் தத்த² ஆக³தங் தஸ்ஸ நிஸ்ஸயபூ⁴தாய இமாய பாளியா த³ஸ்ஸேதுந்தி ஏவமத்தோ² த³ட்ட²ப்³போ³. தத³த்தி²கஸ்ஸேவாதி தேஹி சீவராதீ³ஹி அத்தி²கஸ்ஸேவ. படிக்கி²பனேனாதி சீவராதீ³னங் படிக்கி²பனஹேது. அஸ்ஸாதி ப⁴வெய்ய. படிக்³க³ஹணேன சாதி ச-ஸத்³தே³ன புப்³பே³ வுத்தங் படிக்கி²பனங் ஸமுச்சினோதி.
பி⁴ய்யோகம்யதந்தி ப³ஹுகாமதங். யந்தி கிரியாபராமஸனங், தஸ்மா ‘‘தா⁴ரெய்யா’’தி எத்த² யதே³தங் ஸங்கா⁴டிங் கத்வா தா⁴ரணங், ஏதங் ஸமணஸ்ஸ ஸாருப்பந்தி யோஜனா. பாபணிகானீதி ஆபணதோ ச²ட்³டி³தானி. நந்தகானீதி அந்தரஹிதானி சோளக²ண்டா³னி. உச்சினித்வாதி உஞ்ச²னேன சினித்வா ஸங்க³ஹெத்வா. உஞ்சா²சரியாயாதி உஞ்சா²சரியாய லத்³தே⁴ன. கி³லானஸ்ஸ பச்சயபூ⁴தா பே⁴ஸஜ்ஜஸங்கா²தா ஜீவிதபரிக்கா²ரா கி³லானபச்சயபே⁴ஸஜ்ஜபரிக்கா²ரா. பூதிமுத்தந்தி புராணஸ்ஸ, அபுராணஸ்ஸ ச ஸப்³ப³ஸ்ஸ கோ³முத்தஸ்ஸேதங் நாமங். பூதிமுத்தேனாதி பூதிபா⁴வேன முத்தேன பரேஹி ச²ட்³டி³தேன, பூதிபூ⁴தேன வா கோ³முத்தேன. து⁴தவாதோ³தி பரேஸம்பி து⁴தகு³ணவாதீ³. ஸம்முகீ²பா⁴வாதி ஸம்முக²தோ விஜ்ஜமானத்தா, லப்³ப⁴மானதாயாதி அத்தோ².
அத்தானங் உத்தரிமனுஸ்ஸத⁴ம்மாதி⁴க³மஸ்ஸ ஸாமந்தே கத்வா ஜப்பனங் ஸாமந்தஜப்பனங். மஹேஸக்கோ²தி மஹானுபா⁴வோ, உத்தரிமனுஸ்ஸத⁴ம்மாதி⁴க³மேனாதி அதி⁴ப்பாயோ. ‘‘மித்தோ’’தி ஸாமஞ்ஞதோ வத்வா புன தங் விஸேஸேதி ‘‘ஸந்தி³ட்டோ² ஸம்ப⁴த்தோ’’தி ஸந்தி³ட்டோ². த³ள்ஹப⁴த்திகோ ஸம்ப⁴த்தோ. ஸஹாயோதி ஸஹ ஆயனகோ, ஸகா²தி அத்தோ². ஸத்தபதி³னோ ஹி ‘‘ஸகா²’’தி வுச்சந்தி. விஹாரோ பாகாரபரிச்சி²ன்னோ ஸகலோ ஆவாஸோ. அட்³ட⁴யோகோ³ தீ³க⁴பாஸாதோ³, க³ருளஸண்டா²னபாஸாதோ³திபி வத³ந்தி. பாஸாதோ³ சதுரஸ்ஸபாஸாதோ³. ஹம்மியங் முண்ட³ச்ச²த³னபாஸாதோ³. கூடாகா³ரங் த்³வீஹி கண்ணிகாஹி கத்தப்³ப³பாஸாதோ³. அட்டோ படிராஜூனம்பி படிபா³ஹனயொக்³யோ சதுபஞ்சபூ⁴மகோ படிஸ்ஸயவிஸேஸோ. மாளோ ஏககூடஸங்க³ஹிதோ அனேககோணவந்தோ படிஸ்ஸயவிஸேஸோ. உத்³த³ண்டோ³ அக³ப்³பி⁴கா ஏகத்³வாரா தீ³க⁴ஸாலாதி வத³ந்தி. அபரே பன ப⁴ணந்தி – விஹாரோ நாம தீ³க⁴முக²பாஸாதோ³. அட்³ட⁴யோகோ³ ஏகபஸ்ஸேன ச²த³னகஸேனாஸனங். தஸ்ஸ கிர ஏகபஸ்ஸே பி⁴த்தி உச்சதரா ஹோதி, இதரபஸ்ஸே நீசா, தேன தங் ஏகபஸ்ஸச²த³னகங் பாஸாதோ³ ஆயதசதுரஸ்ஸபாஸாதோ³. ஹம்மியங் முண்ட³ச்ச²த³னங் சந்தி³கங்க³ணயுத்தங். கு³ஹா கேவலா பப்³ப³தகு³ஹா. லேணங் த்³வாரப³த்³த⁴ங். கூடாகா³ரங் யோ கோசி கண்ணிகாப³த்³த⁴பாஸாதோ³. அட்டோ ப³ஹலபி⁴த்திகே³ஹங். யஸ்ஸ கோ³பானஸியோ அக்³க³ஹெத்வா இட்ட²காஹி ஏவ ச²த³னங் ஹோதி. அட்டாலகாகாரேன கரீயதீதிபி வத³ந்தி. மாளோ வட்டாகாரேன கதஸேனாஸனங். உத்³த³ண்டோ³ ஏகோ படிஸ்ஸயவிஸேஸோ. யோ ‘‘ப⁴ண்ட³ஸாலா, உதோ³ஸித’’ந்திபி வுச்சதி. உபட்டா²னஸாலா ஸன்னிபதனட்டா²னங்.
குச்சி²தரஜபூ⁴தாய பாபிச்ச²தாய நிரத்த²கங் காயவசீவிப்ப²ந்த³னிக்³க³ண்ஹனங் கோரஜங், தங் ஏதஸ்ஸ அத்தீ²தி கோரஜிகோ, கோஹஞ்ஞேன ஸங்யதகாயோ, அதிவிய, அபி⁴ண்ஹங் வா கோரஜிகோ கோரஜிககோரஜிகோ. அதிபரிஸங்கிதோதி கேசி. அதிவிய குஹோ குஹககுஹகோ, ஸாதிஸயவிம்ஹாபகோதி அத்தோ². அதிவிய லபோ லபனகோ லபகலபகோ. முக²ஸம்பா⁴விகோதி கோரஜிககோரஜிகாதி³பா⁴வேன பவத்தவசனேஹி அத்தனோ முக²மத்தேன அஞ்ஞேஹி ஸம்பா⁴விகோ. ஸோ ஏவரூபோ ஏவரூபதாய ஏவ அத்தானங் பரங் விய கத்வா ‘‘அயங் ஸமணோ’’திஆதீ³னி கதே²தி. க³ம்பீ⁴ரந்திஆதி³ தஸ்ஸா கதா²ய உத்தரிமனுஸ்ஸத⁴ம்மபடிப³த்³த⁴தாய வுத்தங்.
ஸம்பா⁴வனாதி⁴ப்பாயகதேனாதி ‘‘கத²ங் நு கோ² மங் ஜனோ ‘அரியோ’தி வா ‘விஸேஸலாபீ⁴’தி வா ஸம்பா⁴வெய்யா’’தி இமினா அதி⁴ப்பாயேன கதேன. க³மனங் ஸண்ட²பேதீதி விஸேஸலாபீ⁴னங் க³மனங் விய அத்தனோ க³மனங் ஸக்கச்சங் ட²பேதி பணிதா⁴யாதி ‘‘அரஹாதி மங் ஜானந்தூ’’தி சித்தங் ஸண்ட²பெத்வா, பத்தெ²த்வா வா. ஸமாஹிதோ வியாதி ஜா²னஸமாதி⁴னா ஸமாஹிதோ விய. ஆபாத²கஜ்ஜா²யீதி மனுஸ்ஸானங் ஆபாத²ட்டா²னே ஸமாதி⁴ஸமாபன்னோ விய நிஸீத³ந்தோ ஆபாத²கே ஜனஸ்ஸ பாகடட்டா²னே ஜா²யீ. இரியாபத²ஸங்கா²தந்தி இரியாபத²ஸண்ட²பனஸங்கா²தங்.
பச்சயபடிஸேவனஸங்கா²தேனாதி அயோனிஸோ உப்பாதி³தானங் பச்சயானங் படிஸேவனந்தி ஏவங் கதி²தேன, தேன வா பச்சயபடிஸேவனேன ஸங்கா²தப்³பே³ன கதி²தப்³பே³ன. அஞ்ஞங் விய கத்வா அத்தனோ ஸமீபே ப⁴ணனங் ஸாமந்தஜப்பிதங். ஆ-காரஸ்ஸ ரஸ்ஸத்தங் கத்வா ‘‘அட்ட²பனா’’தி வுத்தங். குஹனங் குஹோ, தஸ்ஸ அயனா பவத்தி குஹாயனா, குஹஸ்ஸ வா புக்³க³லஸ்ஸ அயனா க³தி கிரியா குஹாயனா. குஹேதி, குஹேன வா இதோதி குஹிதோ, குஹகோ.
புட்ட²ஸ்ஸாதி உத்³த⁴ங் கத்வாதி உக்கி²பித்வா விப⁴வஸம்பத்திஆதி³னா பக்³க³ஹெத்வா.
உன்னஹனாதி உத்³த⁴ங் உத்³த⁴ங் ப³ந்த⁴னா பலிவேட²னா. த்³வே கிர பி⁴க்கூ² ஏகங் கா³மங் பவிஸித்வா ஆஸனஸாலாய நிஸீதி³த்வா ஏகங் குமாரிகங் பக்கோஸிங்ஸு. தாய ஆக³தாய தத்ரேகோ ஏகங் புச்சி² ‘‘அயங், ப⁴ந்தே, கஸ்ஸ குமாரிகா’’தி? ‘‘அம்ஹாகங் உபட்டா²யிகாய தேலகந்த³ரிகாய தீ⁴தா, இமிஸ்ஸா மாதா மயி கே³ஹங் க³தே ஸப்பிங் த³த³மானா க⁴டேனேவ தே³தி, அயம்பி மாதா விய க⁴டேன தே³தீ’’தி (விப⁴॰ அட்ட²॰ 862) உக்காசேஸி. இமங் ஸந்தா⁴ய வுத்தங் ‘‘தேலகந்த³ரிகவத்து² செத்த² வத்தப்³ப³’’ந்தி.
த⁴ம்மானுரூபா வாதி மத்தாவசனானுரூபங் வா. மத்தாவசனங் ஹி ‘‘த⁴ம்மோ’’தி வுச்சதி. யதா²ஹ ‘‘ஸுபா⁴ஸிதங் உத்தமமாஹு ஸந்தோ, த⁴ம்மங் ப⁴ணே நாத⁴ம்மங் தங் து³திய’’ந்தி (ஸங்॰ நி॰ 1.213; ஸு॰ நி॰ 452). தேன ப³ஹுங் விப்பலபனமாஹ, ஸச்சதோ வா அஞ்ஞா ஸுபா⁴ஸிதா வாசா ‘‘த⁴ம்மோ’’தி வேதி³தப்³போ³. முக்³க³ஸூபஸதி³ஸகம்மோ புக்³க³லோ முக்³க³ஸூப்யோ. தேனாஹ ‘‘அயங் புக்³க³லோ முக்³க³ஸூப்யோதி வுச்சதீ’’தி. பரிப⁴டஸ்ஸ கம்மங் பாரிப⁴ட்யங், ததே³வ பாரிப⁴ட்யதா.
நிமித்தேன சரந்தோ, ஜீவந்தோ வா நிமித்தகோ, தஸ்ஸ பா⁴வோ நேமித்திகதா. அத்தனோ இச்சா²ய பகாஸனங் ஓபா⁴ஸோ. கோ பன ஸோதி பச்சயபடிஸங்யுத்தகதா². இச்சி²தவத்து²ஸ்ஸ ஸமீபே கத²னங் ஸாமந்தஜப்பா.
அக்கோஸனப⁴யேனாபி த³தெ³ய்யாதி த³ஸஹி அக்கோஸவத்தூ²ஹி அக்கோஸனங். ததா² வம்ப⁴னாத³யோ. உபெக்க²னா உபாஸகானங் தா³யகாதி³பா⁴வதோ ப³ஹி ச²ட்³ட³னா. கி²பனாதி கே²பவசனங். தங் பன அவஹஸித்வா வசனங் ஹோதீதி ஆஹ ‘‘உப்பண்ட³னா’’தி. பாபனாதி அதா³யகத்தஸ்ஸ, அவண்ணஸ்ஸ வா பதிட்டா²பனங். பரேஸங் பிட்டி²மங்ஸகா²த³னஸீலோ பரபிட்டி²மங்ஸிகோ, தஸ்ஸ பா⁴வோ பரபிட்டி²மங்ஸிகதா. அப்³ப⁴ங்க³ந்தி அப்³ப⁴ஞ்ஜனங். நிபிஸித்வா க³ந்த⁴மக்³க³னா வியாதி அனிப்பிஸிதே அலப்³ப⁴மானஸ்ஸ க³ந்த⁴ஸ்ஸ நிபிஸனே லாபோ⁴ விய பரகு³ணே அனிப்பிஸிதே அலப்³ப⁴மானானங் பச்சயானங் நிபிஸனேன லாபோ⁴ த³ட்ட²ப்³போ³தி.
நிகத்துங் நிஜிகீ³ஸனதா. தஸ்ஸேவ இச்ச²னஸ்ஸ பவத்திஆகாரோ, தங்ஸஹஜாதங் வா க³வேஸனகம்மங்.
அங்க³ந்தி ஹத்த²பாதா³தி³அங்கா³னி உத்³தி³ஸ்ஸ பவத்தங் விஜ்ஜங். நிமித்தந்தி நிமித்தஸத்த²ங். உப்பாதந்தி உக்காபாததி³ஸாடா³ஹ-பூ⁴மிசாலாதி³உப்பாதபடிப³த்³த⁴விஜ்ஜங். ஸுபினந்தி ஸுபினஸத்த²ங். லக்க²ணந்தி இத்தி²புரிஸானங் லக்க²ணஜானநஸத்த²ங். மூஸிகச்சி²ன்னந்தி வத்தா²தீ³னங் அஸுகபா⁴கே³ மூஸிகச்சே²தே³ ஸதி இத³ங் நாம ப²லங் ஹோதீதி ஜானநகஸத்த²ங். பலாஸக்³கி³ஆதீ³ஸு இமினா நாம அக்³கி³னா ஹுதே இத³ங் நாம ஹோதீதி அக்³கி³வஸேன ஹோமவிதா⁴னங் அக்³கி³ஹோமங். இமினா நயேன த³ப்³பி³ஹோமங் வேதி³தப்³ப³ங். ஆதி³-ஸத்³தே³ன து²ஸஹோமாதீ³னங், அஞ்ஞேஸஞ்ச ஸுத்தே ஆக³தானங் மிச்சா²ஜீவானங் ஸங்க³ஹோ த³ட்ட²ப்³போ³. வீரியஸாத⁴னத்தா ஆஜீவபாரிஸுத்³தி⁴ஸீலஸ்ஸ ‘‘பச்சயபரியேஸனவாயாமோ’’தி வுத்தங். தஸ்ஸ பாரிஸுத்³தி⁴ அனவஜ்ஜபா⁴வோ, யேன த⁴ம்மேன ஸமேன பச்சயலாபோ⁴ ஹோதி. ந ஹி அலஸோ ஞாயேன பச்சயே பரியேஸிதுங் ஸக்கோதீதி.
பச்சயஸன்னிஸ்ஸிதஸீலவண்ணனா
18. படிஸங்கா²தி அயங் ‘‘ஸயங் அபி⁴ஞ்ஞா’’திஆதீ³ஸு (மஹாவ॰ 11) விய ய-காரலோபேன நித்³தே³ஸோ. யோனிஸோதி செத்த² உபாயத்தோ² யோனிஸோ-ஸத்³தோ³தி த³ஸ்ஸெந்தோ ஆஹ ‘‘உபாயேன பதே²னா’’தி. ‘‘படிஸங்கா²ய ஞத்வா’’தி ‘‘பச்சவெக்கி²த்வாதி அத்தோ²’’திஆதி³ வுத்தங். யதா² ஹி பச்சவெக்கி²த்வாதி ஸீதபடிகா⁴தாதி³கங் தங் தங் பயோஜனங் பதி பதி அவெக்கி²த்வா, ஞாணேன பஸ்ஸித்வாதி அத்தோ², ஏவங் படிஸங்கா²யாதி ததே³வ பயோஜனங் பதி பதி ஸங்கா²ய, ஜானித்வாதி அத்தோ². ஞாணபரியாயோ ஹி இத⁴ ஸங்கா²-ஸத்³தோ³தி. எத்த² ச ‘‘படிஸங்கா² யோனிஸோ’’திஆதி³ காமங் பச்சயபரிபோ⁴க³காலேன வுச்சதி, தா⁴துவஸேன பன படிகூலவஸேன வா பச்சவெக்க²ணாய பச்சயஸன்னிஸ்ஸிதஸீலங் ஸுஜ்ஜ²தீதி அபரே. பி⁴ஜ்ஜதீதி கேசி. ஏகே பன பட²மங் ஏவ பரியத்தந்தி வத³ந்தி, வீமங்ஸிதப்³ப³ங். ‘‘சீவர’’ந்தி ஏகவசனங் ஏகத்தமத்தங் வாசகந்தி அதி⁴ப்பாயேன ‘‘அந்தரவாஸகாதீ³ஸு யங் கிஞ்சீ’’தி வுத்தங், ஜாதிஸத்³த³தாய பன தஸ்ஸ பாளியங் ஏகவசனந்தி யத்தகானி சீவரானி யோகி³னா பரிஹரிதப்³பா³னி, தேஸங் ஸப்³பே³ஸங் ஏகஜ்ஜ²ங் க³ஹணந்தி ஸக்கா விஞ்ஞாதுங், யங் கிஞ்சீதி வா அனவஸேஸபரியாதா³னமேதங், ந அனியமவசனங். ‘‘நிவாஸேதி வா பாருபதி வா’’தி விகப்பனங் பன படிஸேவனபரியாயஸ்ஸ பரிபோ⁴க³ஸ்ஸ
பயோஜனானங் மரியாதா³ பயோஜனாவதி⁴, தஸ்ஸ பரிச்சி²ந்த³னவஸேன யோ நியமோ, தஸ்ஸ வசனங் பயோஜனா…பே॰… வசனங். இதா³னி தங் நியமங் விவரித்வா த³ஸ்ஸேதுங் ‘‘எத்தகமேவ ஹீ’’திஆதி³ வுத்தங். தத்த² அவதா⁴ரணேன லீளாவிபூ⁴ஸாவிலம்ப³னானடம்ப³ராதி³வஸேன வத்த²பரிபோ⁴க³ங் நிஸேதே⁴தி. தேனாஹ ‘‘ந இதோ பி⁴ய்யோ’’தி. லீளாவஸேன ஹி ஏகச்சே ஸத்தா வத்தா²னி பரித³ஹந்தி சேவ உபஸங்வியந்தி ச. யதா² தங் யொப்³ப³னே டி²தா நாக³ரிகமனுஸ்ஸா. ஏகச்சே விபூ⁴ஸனவஸேன, யதா² தங் ரூபூபஜீவினிஆத³யோ. விலம்ப³னவஸேன விலம்ப³கா. நடம்ப³ரவஸேன போ⁴ஜாத³யோ. அஜ்ஜ²த்ததா⁴துக்கோ²போ⁴ ஸீதரோகா³தி³உப்பாத³கோ. உதுபரிணாமனவஸேனாதி உதுனோ பரிவத்தனவஸேன விஸபா⁴க³ஸீதஉதுஸமுட்டா²னேன. வா-ஸத்³தே³ன ஹேமந்தாதீ³ஸு ஹிமபாதாதி³வஸேன பவத்தஸ்ஸ ஸங்க³ஹோ த³ட்ட²ப்³போ³, ந உப்பாதே³தி ஸீதந்தி அதி⁴ப்பாயோ. யத³த்த²ங் பன தங் வினோத³னங், தங் மத்த²கப்பத்தங் த³ஸ்ஸேதுங் ‘‘ஸீதப்³பா⁴ஹதே’’திஆதி³ வுத்தங். ஸப்³ப³த்தா²தி ‘‘உண்ஹஸ்ஸ படிகா⁴தாயா’’திஆதீ³ஸு ஸப்³பே³ஸு ஸேஸபயோஜனேஸு. யதி³பி ஸூரியஸந்தாபோபி உண்ஹோவ, தஸ்ஸ பன ஆதபக்³க³ஹணேன க³ஹிதத்தா ‘‘அக்³கி³ஸந்தாபஸ்ஸா’’தி ‘‘தஸ்ஸ வனதா³ஹாதீ³ஸு ஸம்ப⁴வோ வேதி³தப்³போ³’’தி. ட³ங்ஸாதி பிங்க³லமக்கி²கா. தே பன யஸ்மா ட³ங்ஸனஸீலா, தஸ்மா வுத்தங் ‘‘ட³ங்ஸனமக்கி²கா’’தி. ஸப்பாத³யோதி ஸப்பஸதபதி³உண்ணனாபி⁴ஸரபூ³விச்சி²காத³யோ. பு²ட்ட²ஸம்ப²ஸ்ஸோதி பு²ட்ட²விஸமாஹ. திவிதா⁴ ஹி ஸப்பா – த³ட்ட²விஸா பு²ட்ட²விஸா தி³ட்ட²விஸா. தேஸு புரிமகா த்³வே ஏவ க³ஹிதா. ஸதபதி³ஆதீ³னம்பி தாதி³ஸானங் ஸங்க³ண்ஹனத்த²ங். நியதபயோஜனங் ஏகந்திகங், ஸப்³ப³காலிகஞ்ச பயோஜனங். ஹிரீ குப்பதி நில்லஜ்ஜதா ஸண்டா²தி. தேனாஹ ‘‘வினஸ்ஸதீ’’தி. கூபாவதரணங் வா படிச்சா²த³னங் அரஹதீதி கோபினங். ஹிரியிதப்³ப³ட்டே²ன ஹிரீ ச தங் கோபினஞ்சாதி ஹிரிகோபினந்தி ஏவமெத்த² அத்தோ² த³ட்ட²ப்³போ³. தஸ்ஸ சாதி ச-ஸத்³தோ³ புப்³பே³ வுத்தபயோஜனானங் ஸம்பிண்ட³னத்தோ².
யங் கிஞ்சி ஆஹாரந்தி கா²த³னீயபோ⁴ஜனீயாதி³பே⁴த³ங் யங் கிஞ்சி ஆஹரிதப்³ப³வத்து²ங். பிண்டா³ய பி⁴க்கா²ய உலதீதி பிண்டோ³லோ, தஸ்ஸ கம்மங் பிண்டொ³ல்யங். தேன பிண்டொ³ல்யேன பி⁴க்கா²சரியாய. பதிதத்தாதி பக்கி²பிதத்தா. பிண்ட³பாதோ பத்தே பக்கி²த்தபி⁴க்கா²ஹாரோ. பிண்டா³னங் வா பாதோதி க⁴ரே க⁴ரே லத்³த⁴பி⁴க்கா²னங் ஸன்னிபாதோ. ‘‘நத்தி² த³வா’’திஆதீ³ஸு (தீ³॰ நி॰ அட்ட²॰ 3.305) ஸஹஸா கிரியாபி ‘‘த³வத்த²ங், கீளானிமித்தந்தி வுத்தங் ஹோதீ’’தி ஆஹ. முட்டி²கமல்லா முட்டி²யுத்³த⁴யுஜ்ஜ²னகா. ஆதி³-ஸத்³தே³ன நிபு³த்³த⁴யுஜ்ஜ²னகாதீ³னங் க³ஹணங். ப³லமத³னிமித்தந்தி ப³லங் நிஸ்ஸாய உப்பஜ்ஜனகமதோ³ ப³லமதோ³. தங் நிமித்தங், ப³லஸ்ஸ உப்பாத³னத்த²ந்தி அத்தோ². போரிஸமத³னிமித்தந்தி போரிஸமதோ³ வுச்சதி புரிஸமானோ ‘‘அஹங் புரிஸோ’’தி உப்பஜ்ஜனகமானோ. அஸத்³த⁴ம்மஸேவனாஸமத்த²தங் நிஸ்ஸாய பவத்தோ மானோ, ராகோ³ ஏவ வா போரிஸமதோ³தி கேசி. தங் நிமித்தங். அந்தேபுரிகா ராஜோரோதா⁴. ஸப்³பே³ஸங் ஸன்னிவேஸயொக்³யதாய வேஸியோ ரூபூபஜீவினியோ. மண்ட³னங் நாம இதா⁴வயவபாரிபூரீதி ஆஹ ‘‘அங்க³பச்சங்கா³னங் பீணபா⁴வனிமித்த’’ந்தி, பரிப்³ரூஹனஹேதூதி அத்தோ². நடா நாம ரங்க³னடா. நச்சகா லங்க⁴காத³யோ. விபூ⁴ஸனங் ஸோபா⁴ஸமுப்பாத³னந்தி ஆஹ ‘‘பஸன்னச்ச²விவண்ணதானிமித்த’’ந்தி.
ஏதங் பத³ங். மோஹூபனிஸ்ஸயப்பஹானத்த²ந்தி மோஹஸ்ஸ உபனிஸ்ஸயதாபஹானாய. த³வா ஹி மோஹேன ஹோதி, மோஹஞ்ச வட்³டே⁴தீதி தஸ்ஸா வஜ்ஜனேன மோஹஸ்ஸ அனுபனிஸ்ஸயதா. தோ³ஸூபனிஸ்ஸயப்பஹானத்த²ந்தி இத³ங் ப³லமத³ஸ்ஸ, புரிஸமத³ஸ்ஸ ‘‘ராகூ³பனிஸ்ஸயப்பஹானத்த²’’ந்தி. யதி³பி ஏகச்சஸ்ஸ த³வமதே³ ஆரப்³ப⁴ பரஸ்ஸ படிக⁴ஸங்யோஜனாதீ³னங் உப்பத்தி ஹோதியேவ மனோபதோ³ஸிகதே³வாதீ³னங் விய, அத்தனோ பன த³வமதே³ ஆரப்³ப⁴ யேஸங் ஸவிஸேஸங் ராக³மோஹமானாத³யோ பாபத⁴ம்மா உப்பஜ்ஜந்தி. தே ஸந்தா⁴ய ‘‘அத்தனோ ஸங்யோஜனுப்பத்திபடிஸேத⁴னத்த²’’ந்தி வத்வா மண்ட³னவிபூ⁴ஸனானி படிச்ச ஸவிஸேஸங் பரஸ்ஸபி ராக³மோஹாத³யோ பவத்தந்தீதி ‘‘பரஸ்ஸபி ஸங்யோஜனுப்பத்திபடிஸேத⁴னத்த²’’ந்தி வுத்தங். அயோனிஸோ படிபத்தியாதி எத்த² காமஸுக²ல்லிகானுயோக³ங் முஞ்சித்வா ஸப்³பா³பி மிச்சா²படிபத்தி அயோனிஸோ படிபத்தி. புரிமேஹி த்³வீஹி பதே³ஹி அயோனிஸோ படிபத்தியா, பச்சி²மேஹி த்³வீஹி காமஸுக²ல்லிகானுயோக³ஸ்ஸ பஹானங் வுத்தந்தி வத³ந்தி. ‘‘சதூஹிபி சேதேஹீ’’தி பன வசனதோ ஸப்³பே³ஹி உபி⁴ன்னம்பி பஹானங் வுத்தந்தி வேதி³தப்³ப³ங். காமகீளாபி த³வந்தோக³தா⁴ ஹோதியேவ, புரிஸமதோ³பி காமஸுக²ல்லிகானுயோக³ஸ்ஸ ஹேதுயேவாதி.
சாதுமஹாபூ⁴திகஸ்ஸாதி சதுமஹாபூ⁴தே ஸன்னிஸ்ஸிதஸ்ஸ. ரூபகாயஸ்ஸாதி சதுஸந்ததிரூபஸமூஹஸ்ஸ. டி²தியாதி டி²தத்த²ங். ஸா பனஸ்ஸ டி²தி பப³ந்த⁴வஸேன இச்சி²தாதி ஆஹ ‘‘பப³ந்த⁴ட்டி²தத்த²’’ந்தி. பவத்தியாதி ஜீவிதிந்த்³ரியப்பவத்தியா. ததா² ஹி ஜீவிதிந்த்³ரியங் ‘‘யாபனா வத்தனா’’தி ‘‘சிரகாலட்டி²தத்த²ங் வா’’தி ஆஹ. இதா³னி வுத்தமேவத்த²ங் பாகடதரங் காதுங் ‘‘க⁴ரூபத்த²ம்ப⁴மிவா’’திஆதி³ வுத்தங். தத்தா²யங் யோஜனா – யதா² ஜிண்ணக⁴ரஸாமிகோ க⁴ரஸ்ஸ உபத்த²ம்ப⁴னங் கரோதி தஸ்ஸ அபதனத்த²ங், யதா² ச ஸாகடிகோ அக்க²ப்³ப⁴ஞ்ஜனங் கரோதி தஸ்ஸ ஸம்பவத்தனத்த²ங், ஏவமேஸ யோகீ³ காயஸ்ஸ டி²தத்த²ங், யாபனத்த²ஞ்ச பிண்ட³பாதங் படிஸேவதி பரிபு⁴ஞ்ஜதீதி. ஏதேன டி²தி நாம அபதனங் யாபனா பவத்தீதி த³ஸ்ஸேதி. ந த³வமத³மண்ட³னவிபூ⁴ஸனத்த²ந்தி இத³ங் ‘‘யாவதே³வா’’தி அவதா⁴ரணேன நிவத்திதத்த²த³ஸ்ஸனங். திட்ட²ந்தி உபாதி³ன்னத⁴ம்மா ஏதாயாதி டி²தி, ஆயூதி ஆஹ ‘‘டி²தீதி ஜீவிதிந்த்³ரியஸ்ஸேதங் அதி⁴வசன’’ந்தி. ததா² ஹி தங் ஆயு ‘‘டி²தீ’’தி நித்³தி³ட்ட²ங், டி²தியா யாபனாயாதி காயஸ்ஸ ‘‘ஜீவிதிந்த்³ரியபவத்தாபனத்த²’’ந்தி. ஆபா³த⁴ட்டே²னாதி விபா³த⁴னட்டே²ன, ரோக³ட்டே²ன வா. ஜிக⁴ச்சா²பரமா ஹி ரோகா³. உபரமத்த²ந்தி வூபஸமத்த²ங். வணாலேபனமிவ வணிகோ. உண்ஹஸீதாதீ³ஸு அபி⁴ப⁴வந்தேஸு தப்படிகாரங் ஸீதுண்ஹங் விய படிஸேவதீதி ஸம்ப³ந்தோ⁴. மக்³க³ப்³ரஹ்மசரியங் ட²பெத்வா ஸிக்க²த்தயஸங்க³ஹா ஸாஸனாவசரிதப்³பா³ அனுஸாஸனீ ஸாஸனப்³ரஹ்மசரியந்தி ஆஹ ‘‘ஸகலஸாஸனப்³ரஹ்மசரியஸ்ஸ ச மக்³க³ப்³ரஹ்மசரியஸ்ஸ சா’’தி. அனுக்³க³ஹணத்த²ந்தி அனு அனு க³ண்ஹனத்த²ங் ஸம்பாத³னத்த²ங். காயப³லங் நிஸ்ஸாயாதி யதா²ஸமாரத்³த⁴ங் கு³ணவிஸேஸபாரிபூரிஹேதுபூ⁴தங் காயப³லமத்தங் நிஸ்ஸாய. தேனாஹ ‘‘ஸிக்க²த்தயானுயோக³வஸேனா’’திஆதி³. கந்தாரனித்த²ரணத்தி²கா ஜாயம்பதிகா, நதீ³ஸமுத்³த³னித்த²ரணத்தி²கா ச புத்தமங்ஸாதீ³னி யதா² அகி³த்³தா⁴ அமுச்சி²தா கேவலங் தங் தங் அத்த²ஸித்³தி⁴மேவ அவெக்க²ந்தா படிஸேவந்தி தேஹி வினா அஸிஜ்ஜ²னதோ, ஏவமயம்பி கேவலங் ப⁴வகந்தாரனித்த²ரணத்தி²கோ அகி³த்³தோ⁴ அமுச்சி²தோ தேன வினா அஸிஜ்ஜ²னதோ பிண்ட³பாதங் படிஸேவதீதி உபமாஸங்ஸந்த³னங்.
இதீதி பகாரத்தே² நிபாதபத³ங். தேன படிஸேவியமானஸ்ஸ பிண்ட³பாதஸ்ஸ படிஸேவனாகாரோ க³ய்ஹதீதி ஆஹ ‘‘ஏவங் இமினா பிண்ட³பாதபடிஸேவனேனா’’தி. புராணந்தி போ⁴ஜனதோ புரிமகாலிகத்தா புராதனங். படிஹங்கா²மீதி படிஹனிஸ்ஸாமி. நவஞ்ச வேத³னங் ந உப்பாதெ³ஸ்ஸாமீதி படிஸேவதீதி யோஜனா. கீதி³ஸங், கத²ஞ்சாதி ஆஹ ‘‘அபரிமித…பே॰… அஞ்ஞதரோ வியா’’தி. அபரிமிதங் அபரிமாணங் போ⁴ஜனங் பச்சயோ ஏதிஸ்ஸாதி அபரிமிதபோ⁴ஜனபச்சயா, தங் அபரிமிதபோ⁴ஜனபச்சயங் அத்தனோ க³ஹணீதேஜபமாணதோ அதிக்கந்தபமாணபோ⁴ஜனஹேதுகந்தி அத்தோ². யோ ப³ஹுங் பு⁴ஞ்ஜித்வா அத்தனோ ஆஹரஹத்த²கோ. யோ பு⁴ஞ்ஜித்வா அச்சுத்³து⁴மாதகுச்சி²தாய உட்டி²தோபி ஸாடகங் நிவாஸேதுங் ந ஸக்கோதி, அயங் அலங்ஸாடகோ. யோ பு⁴ஞ்ஜித்வா உட்டா²துங் அஸக்கொந்தோ தத்தே²வ பரிவத்ததி, அயங் தத்ரவட்டகோ. யோ யதா² காகேஹி ஆமஸிதுங் ஸக்கா, ஏவங் யாவ முக²த்³வாரங் ஆஹாரேதி, அயங் காகமாஸகோ. யோ பு⁴ஞ்ஜித்வா முகே² ஸந்தா⁴ரேதுங் அஸக்கொந்தோ தத்தே²வ வமதி, அயங் பு⁴த்தவமிதகோ. ஏதேஸங் அஞ்ஞதரோ விய. அத² வா புராணவேத³னா நாம அபு⁴த்தபச்சயா உப்பஜ்ஜனகவேத³னா. தங் ‘‘படிஹனிஸ்ஸாமீ’’தி நவவேத³னா நாம அதிபு⁴த்தபச்சயேன உப்பஜ்ஜனகவேத³னா. தங் ‘‘ந உப்பாதெ³ஸ்ஸாமீ’’தி படிஸேவதி. அத² வா நவவேத³னா நாம அபு⁴த்தபச்சயேன உப்பஜ்ஜனகவேத³னா, தஸ்ஸா அனுப்பன்னாய அனுப்பஜ்ஜனத்த²மேவ படிஸேவதி. அபு⁴த்தபச்சயா உப்பஜ்ஜனகாதி சேதங் கு²த்³தா³ய விஸேஸனங். யஸ்ஸா அப்பவத்தி போ⁴ஜனேன காதப்³பா³, தஸ்ஸா த³ஸ்ஸனத்த²ங். அபு⁴த்தபச்சயேன, பு⁴த்தபச்சயேன ச உப்பஜ்ஜனகானுப்பஜ்ஜனகவேத³னாஸு புரிமா யதா²பவத்தா ஜிக⁴ச்சா²னிமித்தா வேத³னா. ஸா ஹி அபு⁴ஞ்ஜந்தஸ்ஸ பி⁴ய்யோபவட்³ட⁴னவஸேன உப்பஜ்ஜதி. பச்சி²மாபி கு²த்³தா³னிமித்தாவ அங்க³தா³ஹஸூலாதி³வேத³னா பவத்தா. ஸா ஹி பு⁴த்தபச்சயா புப்³பே³ அனுப்பன்னாவ நுப்பஜ்ஜிஸ்ஸதீதி அயமேதாஸங் விஸேஸோ. விஹிங்ஸானிமித்ததா சேதாஸங் விஹிங்ஸாய விஸேஸோ.
யா வேத³னா. அது⁴னாதி ஏதரஹி. அஸப்பாயாபரிமிதபோ⁴ஜனங் நிஸ்ஸாயாதி அஸப்பாயாபரிமிதஸ்ஸ ஆஹாரஸ்ஸ பு⁴ஞ்ஜனபயோக³ங் ஆக³ம்ம உப்பஜ்ஜதீதி அத்தோ². புராணகம்மபச்சயவஸேனாதி புப்³பே³ புரிமஜாதியங் கதத்தா புராணஸ்ஸ கம்மஸ்ஸ பச்சயதாவஸேன பயோக³விபத்திங் ஆக³ம்ம உப்பஜ்ஜனாரஹதாய தங் வஜ்ஜெத்வா பயோக³ஸம்பத்தியா உபட்டா²பனங் து³க்க²வேத³னாபச்சயகா⁴தோ, படிஹனநஞ்ச ஹோதீதி ஆஹ ‘‘தஸ்ஸா பச்சயங் வினாஸெந்தோ தங் புராணஞ்ச வேத³னங் படிஹங்கா²மீ’’தி. அயுத்தபரிபோ⁴கோ³ பச்சயே அபச்சவெக்கி²த்வா பரிபோ⁴கோ³. ஸோ ஏவ கதூபசிதகம்மதாய கம்மூபசயோ. தங் நிஸ்ஸாய படிச்ச ஆயதிங் அனாக³தே காலே உப்பஜ்ஜனதோ யா சாயங் ‘‘நவவேத³னா’’தி வுச்சதீதி யோஜனா. யுத்தபரிபோ⁴க³வஸேனாதி பச்சவெக்கி²த்வா பச்சயானங் பரிபோ⁴க³வஸேன, தஸ்ஸா நவவேத³னாய மூலங் அயுத்தபரிபோ⁴க³கம்மங் அனிப்³ப³த்தெந்தோ ஸப்³பே³ன ஸப்³ப³ங் அனுப்பாதெ³ந்தோ. எத்தாவதாதி ‘‘இதி புராண’’ந்திஆதி³னா வுத்தேன பத³த்³வயேன. ‘‘விஹிங்ஸூபரதியா’’திஆதி³னா வா பத³சதுக்கேன யுத்தபரிபோ⁴க³ஸங்க³ஹோ பப்³ப³ஜிதானுச்ச²விகஸ்ஸ பச்சயபரிபோ⁴க³ஸ்ஸ வுத்தத்தா. அத்தகிலமதா²னுயோக³ப்பஹானங் ஜிக⁴ச்சா²தி³து³க்க²படிகா⁴தஸ்ஸ பா⁴ஸிதத்தா. ஜா²னஸுகா²தீ³னங் த⁴ம்மிகஸுகா²பரிச்சாகோ³ ச தீ³பிதோ ஹோதி.
அஸப்பாயாபரிமிதூபயோகே³ன ஜீவிதிந்த்³ரியுபச்சே²த³கோ, இரியாபத²ப⁴ஞ்ஜனகோ வா ஸியா பரிஸ்ஸயோ, ஸப்பாயபரிமிதூபயோகே³ன பன ஸோ ந ஹோதி. ததா² ஸதி சிரகாலப்பவத்திஸங்கா²தா ஸரீரஸ்ஸ யாத்ரா ‘‘பரிமிதபரிபோ⁴கே³ன…பே॰… ப⁴விஸ்ஸதீ’’தி ஆஹ. யோ ரோகோ³ ஸாத்³தோ⁴ அஸாத்³தோ⁴ ச ந ஹோதி, ஸோ யாப்யரோகோ³, ஸோ ஏதஸ்ஸ அத்தீ²தி யாப்யரோகீ³. ஸோ ஹி நிச்சகாலங் பே⁴ஸஜ்ஜங் உபஸேவதி, ததா² அயம்பீதி. யதி³ யாத்ராபி யாபனா, புப்³பே³பி ‘‘யாபனாயா’’தி வுத்தங், கோ எத்த² விஸேஸோதி? புப்³பே³ ‘‘யாபனாயா’’தி ஜீவிதிந்த்³ரியயாபனா அதி⁴ப்பேதா, இத⁴ பன சதுன்னம்பி இரியாபதா²னங் அவிச்சே²த³ஸங்கா²தா யாபனா யாத்ராதி அயமெத்த² விஸேஸோ. பு³த்³த⁴படிகுட்டே²ன மிச்சா²ஜீவேன பச்சயபரியேஸனா அயுத்தபரியேஸனா. தா³யகதெ³ய்யத⁴ம்மானங், அத்தனோ ச பமாணங் அஜானித்வா படிக்³க³ஹணங், ஸத்³தா⁴தெ³ய்யவினிபாதனத்த²ங் வா படிக்³க³ஹணங் அயுத்தபடிக்³க³ஹணங், யேன வா ஆபத்திங் ஆபஜ்ஜதி. அபச்சவெக்கி²த்வா பரிபோ⁴கோ³ அயுத்தபரிபோ⁴கோ³. தேஸங் பரிவஜ்ஜனங் த⁴ம்மேன ஸமேன பச்சயுப்பாத³னாதி³வஸேன வேதி³தப்³ப³ங். த⁴ம்மேன ஹி பச்சயே பரியேஸித்வா த⁴ம்மேன படிக்³க³ஹெத்வா பச்சவெக்கி²த்வா பரிபு⁴ஞ்ஜனங் அனவஜ்ஜதா நாம.
அரதீதி உக்கண்டா². பந்தஸேனாஸனேஸு, அதி⁴குஸலத⁴ம்மேஸு ச அனபி⁴ரதி. தந்தீ³தி பசலாயிகா நித்³தா³. விஜம்பி⁴தாதி தி²னமித்³தா⁴பி⁴ப⁴வேன காயஸ்ஸ விஜம்ப⁴னா. விஞ்ஞூஹி க³ரஹா விஞ்ஞூக³ரஹா. ஏகச்சோ ஹி அனவஜ்ஜங்யேவ ஸாவஜ்ஜங் கரோதி, ‘‘லத்³த⁴ங் மே’’தி பமாணாதி⁴கங் பு⁴ஞ்ஜித்வா தங் ஜீராபேதுங் அஸக்கொந்தோ உத்³த⁴ங்விரேசனஅதோ⁴விரேசனாதீ³ஹி கிலமதி, ஸகலவிஹாரே பி⁴க்கூ² தஸ்ஸ ஸரீரபடிஜக்³க³னபே⁴ஸஜ்ஜபரியேஸனாபஸுதா ஹொந்தி. அஞ்ஞே தே ‘‘கிங் இத³’’ந்தி புச்சி²த்வா ‘‘அஸுகஸ்ஸ உத³ரங் உத்³து⁴மாத’’ந்திஆதீ³னி ஸுத்வா ‘‘நிச்சகாலமேஸ ஏவங்பகதிகோ அத்தனோ குச்சி²பமாணங் நாம ந ஜானாதீ’’தி நிந்த³ந்தி, ஏவங் அனவஜ்ஜங்யேவ ஸாவஜ்ஜங் கரோதி. ஏவங் அகத்வா ‘‘அனவஜ்ஜதா ச ப⁴விஸ்ஸதீ’’தி படிஸேவதி. அத்தனோ ஹி பகதிஅக்³கி³ப³லாதி³ங் ஜானித்வா ‘‘ஏவங் மே அரதிஆதீ³னங் அபா⁴வேன காயஸுக²தா, அக³ரஹிதப்³ப³தா ச ப⁴விஸ்ஸதீ’’தி பமாணயுத்தமேவ படிஸேவதி. யாவதகோ போ⁴ஜனேன அத்தோ², தஸ்ஸ ஸாத⁴னேன யாவத³த்த²ங் உத³ரஸ்ஸ பரிபூரணேன உத³ராவதே³ஹகங் போ⁴ஜனங் யாவத³த்த²உத³ராவதே³ஹகபோ⁴ஜனங், தஸ்ஸ பரிவஜ்ஜனேன. ஸெய்யாய ஸயனேன லத்³த⁴ப்³ப³ஸுக²ங் ஸெய்யஸுக²ங், உபோ⁴ஹி பஸ்ஸேஹி ஸெய்ய…பே॰… ஸுகா²னங் பஹானதோ சதுன்னங் இரியாபதா²னங் யொக்³யபா⁴வஸ்ஸ படிபாத³னங் காயஸ்ஸ சதுஇரியாபத²யொக்³யபா⁴வபடிபாத³னங், ததோ. ஸுகோ² இரியாபத²விஹாரோ பா²ஸுவிஹாரோ. பச்சி²மே விகப்பே, ஸப்³ப³விகப்பேஸு வா வுத்தங் பா²ஸுவிஹாரலக்க²ணங் ஆக³மேன ஸமத்தே²துங் ‘‘வுத்தம்பி ஹேத’’ந்திஆதி³ வுத்தங். தீஸுபி விகப்பேஸு ஆஹாரஸ்ஸ ஊனபரிபோ⁴க³வஸேனேவ ஹி பா²ஸுவிஹாரோ வுத்தோதி.
எத்தாவதாதி ‘‘யாத்ரா’’திஆதி³னா வுத்தேன பத³த்தயேன. ‘‘யாத்ரா ச மே ப⁴விஸ்ஸதீ’’தி பயோஜனபரிக்³க³ஹதீ³பனா. யாத்ரா ஹி நங் ஆஹாரூபயோக³ங் பயோஜேதீதி. த⁴ம்மிகஸுகா²பரிச்சாக³ஹேதுகோ பா²ஸுவிஹாரோ மஜ்ஜி²மா படிபதா³ அந்தத்³வயபரிவஜ்ஜனதோ. இமஸ்மிங் பன டா²னே அட்ட² அங்கா³னி ஸமோதா⁴னேதப்³பா³னி – ‘‘நேவ த³வாயா’’தி ஏகங் அங்க³ங், ‘‘ந மதா³யா’’தி ஏகங், ‘‘ந மண்ட³னாயா’’தி ஏகங், ‘‘ந விபூ⁴ஸனாயா’’தி ஏகங், ‘‘யாவதே³வ இமஸ்ஸ காயஸ்ஸ டி²தியா யாபனாயா’’தி ஏகங், ‘‘விஹிங்ஸூபரதியா ப்³ரஹ்மசரியானுக்³க³ஹாயா’’தி ஏகங், ‘‘இதி புராணஞ்ச வேத³னங் படிஹங்கா²மி, நவஞ்ச வேத³னங் ந உப்பாதெ³ஸ்ஸாமீ’’தி ஏகங், ‘‘யாத்ரா ச மே ப⁴விஸ்ஸதீ’’தி ஏகங். ‘‘அனவஜ்ஜதா ச பா²ஸுவிஹாரோ சா’’தி அயமெத்த² போ⁴ஜனானிஸங்ஸோ. மஹாஸிவத்தே²ரோ பனாஹ ‘‘ஹெட்டா² சத்தாரி அங்கா³னி படிக்கே²போ நாம, உபரி பன அட்ட²ங்கா³னி ஸமோதா⁴னேதப்³பா³னீ’’தி. தத்த² ‘‘யாவதே³வ இமஸ்ஸ காயஸ்ஸ டி²தியா’’தி ஏகங் அங்க³ங், ‘‘யாபனாயா’’தி ஏகங், ‘‘விஹிங்ஸூபரதியா’’தி ஏகங், ‘‘ப்³ரஹ்மசரியானுக்³க³ஹாயா’’தி ஏகங், ‘‘இதி புராணஞ்ச வேத³னங் படிஹங்கா²மீ’’தி ஏகங், ‘‘நவஞ்ச வேத³னங் ந உப்பாதெ³ஸ்ஸாமீ’’தி ஏகங், ‘‘யாத்ரா ச மே ப⁴விஸ்ஸதீ’’தி ஏகங், ‘‘அனவஜ்ஜதா சா’’தி ஏகங். பா²ஸுவிஹாரோ பன போ⁴ஜனானிஸங்ஸோதி. ஏவங் அட்ட²ங்க³ஸமன்னாக³தங் ஆஹாரங் ஆஹாரெந்தோ படிஸங்கா² யோனிஸோ பிண்ட³பாதங் படிஸேவதி நாம.
யத்த² யத்தா²தி பு⁴ம்மனித்³தே³ஸேன ஸேன-ஸத்³த³ஸ்ஸ அதி⁴கரணத்த²வுத்திமாஹ. ததா² ஆஸன-ஸத்³த³ஸ்ஸாதி. அட்³ட⁴யோகா³தி³ம்ஹீதி ஆதி³-ஸத்³தே³ன பாஸாதா³தி³ங், மஞ்சாதி³ஞ்ச ஸங்க³ண்ஹாதி. யத்த² யத்த² விஹாரே வா அட்³ட⁴யோகா³தி³ம்ஹி வா ஆஸதீதி விஹாரஅட்³ட⁴யோகா³தி³கே ஆனெத்வா ஸம்ப³ந்தி⁴தப்³ப³ங். இத⁴ ஆதி³-ஸத்³தே³ன பீட²ஸந்த²தாதீ³னம்பி ஸங்க³ஹோ வேதி³தப்³போ³. பரிஸஹனட்டே²னாதி அபி⁴ப⁴வனட்டே²ன, விபா³த⁴னட்டே²னாதி அத்தோ². உதுயேவ உதுபரிஸ்ஸயோதி ஸீதுண்ஹாதி³உதுயேவ படிஸல்லானாராமோ, தத³த்த²ங். ஸேனாஸனங் ஹி விவித்தங் யோகி³னோ பா⁴வனானுகூலங் ஸுஞ்ஞாகா³ரபா⁴வதோ. தங் பனேதங் அத்த²த்³வயங் விபா⁴வேதுங் ‘‘யோ ஸரீராபா³த⁴சித்தவிக்கே²பகரோ’’திஆதி³ வுத்தங். தத்த² ஏகீபா⁴வஸுக²த்த²ந்தி ஏகீபா⁴வஹேதுகங் ஸுக²ங் ஏகீபா⁴வஸுக²ங், தத³த்த²ங். க³ணஸங்க³ணிககிலேஸஸங்க³ணிகாபா⁴வேன உப்பஜ்ஜனகஸுக²ங்.
யதி³ உதுயேவ உதுபரிஸ்ஸயோ, ‘‘உது ச ஸீதுண்ஹ’’ந்தி ஸீதுண்ஹபடிகா⁴தங் வத்வா உதுபரிஸ்ஸயவினோத³னங் கஸ்மா வுத்தந்தி சோத³னங் ஸந்தா⁴யாஹ ‘‘காமஞ்சா’’திஆதி³. தத்த² ‘‘நியதங் உதுபரிஸ்ஸயவினோத³ன’’ந்தி ஏதேன ‘‘ஸீதஸ்ஸ படிகா⁴தாய உண்ஹஸ்ஸ படிகா⁴தாயா’’தி எத்த² வுத்தங் ஸீதுண்ஹங் அனியதங் கதா³சி கதா³சி உப்பஜ்ஜனகங், உதுபரிஸ்ஸயோ பன ஸப்³ப³தா³பா⁴வீ அதி⁴ப்பேதோதி த³ஸ்ஸேதி. வுத்தப்பகாரோதி ‘‘ஸீதாதி³கோ, அஸப்பாயோ’’தி ச ஏவங் வுத்தப்பகாரோ விவடங்க³ணருக்க²மூலாதீ³ஸு நிஸின்னஸ்ஸ அபரிகு³த்தியா அஸங்வுதத்³வாராதி³தாய பாகடபரிஸ்ஸயா, அஸப்பாயரூபத³ஸ்ஸனாதி³னா அபாகடபரிஸ்ஸயா ச பி⁴க்கு²ஸ்ஸ காயசித்தானங் ஆபா³த⁴ங் கரெய்யுங். யத்த² கு³த்தே ஸேனாஸனே ஆபா³த⁴ங் ந கரொந்தி. ஏவங் ஜானித்வாதி உப⁴யபரிஸ்ஸயரஹிதந்தி ஏவங் ஞத்வா படிஸேவந்தோ பி⁴க்கு² வேதி³தப்³போ³தி ஸம்ப³ந்தோ⁴.
தா⁴துக்கோ²ப⁴லக்க²ணஸ்ஸ, தங்ஹேதுகது³க்க²வேத³னாலக்க²ணஸ்ஸ வா ரோக³ஸ்ஸ படிபக்க²பா⁴வோ படிஅயனட்டோ². தேனாஹ ‘‘பச்சனீகக³மனட்டே²னாதி அத்தோ²’’தி, வூபஸமனட்டே²னாதி வுத்தங் ஹோதி. யஸ்ஸ கஸ்ஸசீதி ஸப்பிஆதீ³ஸு யஸ்ஸ கஸ்ஸசி. ஸப்பாயஸ்ஸாதி ஹி தஸ்ஸ விகாரவூபஸமேனாதி அதி⁴ப்பாயோ. பி⁴ஸக்கஸ்ஸ கம்மங் தேன விதா⁴தப்³ப³தோ. தேனாஹ ‘‘தேன அனுஞ்ஞாதத்தா’’தி. நக³ரபரிக்கா²ரேஹீதி நக³ரங் பரிவாரெத்வா ரக்க²ணகேஹி. விவடபரிக்கே²போ பரிக்கா² உட்³டா³போ பாகாரோ ஏஸிகா பலிகோ⁴ பாகாரபத்த²ண்டி³லந்தி ஸத்த ‘‘நக³ரபரிக்கா²ரா’’தி வத³ந்தி. ஸீலபரிக்கா²ரோதி ஸுவிஸுத்³த⁴ஸீலாலங்காரோ ஜீவிதபரிக்கா²ராதி ஜீவிதஸ்ஸ பவத்திகாரணானி. ஸமுதா³னேதப்³பா³தி ஸம்மா உத்³த⁴ங் உத்³த⁴ங் ஆனேதப்³பா³ பரியேஸிதப்³பா³. பரிவாரோபி ஹோதி அந்தராயானங் பரிதோ வாரணதோ. தேனாஹ ‘‘ஜீவித…பே॰… ரக்க²ணதோ’’தி.
தத்த² அந்தரந்தி விவரங், ஓகாஸோதி அத்தோ². வேரிகானங் அந்தரங் அத³த்வா அத்தனோ ஸாமிகானங் ரக்க²ணதோ. அஸ்ஸாதி ஜீவிதஸ்ஸ. காரணபா⁴வதோதி சிரப்பவத்தியா காரணபா⁴வதோ. ரஸாயனபூ⁴தங் ஹி பே⁴ஸஜ்ஜங் ஸுசிரம்பி காலங் ஜீவிதங் பவத்தேதியேவ. யதி³பி அனுப்பன்னா ஏவ து³க்க²வேத³னா பே⁴ஸஜ்ஜபரிபோ⁴கே³ன படிஹஞ்ஞந்தி, ந உப்பன்னா தாஸங் ஸரஸேனேவ பி⁴ஜ்ஜனதோ, உப்பன்னஸதி³ஸா பன ‘‘உப்பன்னா’’தி வுச்சந்தி. ப⁴வதி ஹி தங்ஸதி³ஸேஸு தப்³போ³ஹாரோ, யதா² ஸா ஏவ தித்திரி, தானியேவ ஓஸதா⁴னீதி. தஸ்மா வுத்தங் ‘‘உப்பன்னானந்தி ஜாதானங் பூ⁴தானங் நிப்³ப³த்தான’’ந்தி. ஸஞ்சயதோ பட்டா²ய ஸோ தா⁴துக்கோ²போ⁴ ஸமுட்டா²னங் ஏதேஸந்தி தங்ஸமுட்டா²னா. ‘‘து³க்க²வேத³னா’’தி வத்வா ஸா அகுஸலஸபா⁴வாபி அத்தீ²தி ததோ விஸேஸேதுங் ‘‘அகுஸலவிபாகவேத³னா’’தி வுத்தங். ப்³யாபா³த⁴னட்டே²ன ப்³யாபா³தோ⁴, ப்³யாபா³தோ⁴வ ப்³யாப³ஜ்ஜ²ங், து³க்க²ந்தி அத்தோ². நத்தி² எத்த² ப்³யாப³ஜ்ஜ²ந்தி அப்³யாப³ஜ்ஜ²ங், நித்³து³க்க²தா. தேனாஹ ‘‘அப்³யாப³ஜ்ஜ²பரமதாயா’’தி நித்³து³க்க²பரமதாயாதி. தங் து³க்க²ந்தி ரோக³னிமித்தகங் து³க்க²ங்.
சீவராதீ³னங் பச்சயானங் நிஸ்ஸயனங் பரிபோ⁴கோ³ ஏவாதி த³ஸ்ஸேதுங் ‘‘தே படிச்ச நிஸ்ஸாயா’’தி வத்வா ‘‘பரிபு⁴ஞ்ஜமானா’’தி வுத்தங். பவத்தந்தீதி ஜீவந்தி. ஜீவனம்பி ஹி பவத்தனங், யதோ ஜீவிதிந்த்³ரியங் ‘‘பவத்தனரஸ’’ந்தி வுச்சதி.
சதுபாரிஸுத்³தி⁴ஸம்பாத³னவிதி⁴வண்ணனா
19. ஏவங் பாதிமொக்க²ஸங்வராதி³பே⁴தே³ன நித்³தி³ட்ட²ங் ஸீலங் புன ஸாத⁴னவிபா⁴கே³ன த³ஸ்ஸேதுங் ‘‘ஏவமேதஸ்மி’’ந்திஆதி³மாரத்³த⁴ங். தத்த² ஸாதீ⁴யதி ஸம்பாதி³யதி ஏதேனாதி ஸாத⁴னங், ஸத்³தா⁴ ஸாத⁴னங் ஏதஸ்ஸாதி ஸத்³தா⁴ஸாத⁴னோ. நனு ச வீரியஸதிபஞ்ஞாஹிபி வினா பாதிமொக்க²ஸங்வரோ ந ஸிஜ்ஜ²தீதி? ஸச்சங் ந ஸிஜ்ஜ²தி, ஸத்³தா⁴ய பன விஸேஸஹேதுபா⁴வங் ஸந்தா⁴ய ஏவங் வுத்தந்தி த³ஸ்ஸெந்தோ ஆஹ
‘‘ஸாவகவிஸயாதீதத்தா ஸிக்கா²பத³பஞ்ஞத்தியா’’தி. க³ருகலஹுகாதி³பே⁴தே³ ஓதிண்ணே வத்து²ஸ்மிங் தஸ்ஸ தஸ்ஸ அபராத⁴ஸ்ஸ அனுரூபங் ஸிக்கா²பத³பஞ்ஞாபனங் நாம ஸாவகானங் அவிஸயோ, பு³த்³தா⁴னங் ஏவ விஸயோ. ஸிக்கா²பத³பஞ்ஞாபனங் தாவ திட்ட²து, தஸ்ஸ காலோபி நாம ஸாவகானங் அவிஸயோ, பு³த்³தா⁴னங் ஏவ விஸயோதி த³ஸ்ஸெந்தோ ‘‘ஸிக்கா²பத³பஞ்ஞத்தியாசனபடிக்கே²போ செத்த² நித³ஸ்ஸன’’ந்தி ஆஹ. ததா² ஹி வுத்தங் ‘‘ஆக³மேஹி த்வங் ஸாரிபுத்த, ஆக³மேஹி த்வங் ஸாரிபுத்த, ததா²க³தோவ தத்த² காலங் ச-ஸத்³தோ³ ஸமுச்சயத்தோ². தேன ‘‘அபஞ்ஞத்தங் ந பஞ்ஞபேம, பஞ்ஞத்தங் ந ஸமுச்சி²ந்தா³ம, யதா²பஞ்ஞத்தேஸு ஸிக்கா²பதே³ஸு ஸமாதா³ய வத்தாமா’’தி (பாரா॰ 565) ஏவமாதீ³னங் ஸங்க³ஹோ த³ட்ட²ப்³போ³. ஸத்³தா⁴யாதி ஸத்³த³ஹனேன ஸத்த²ரி, த⁴ம்மே ச ஸத்³தா⁴ய பச்சுபட்டா²பனேன. ஜீவிதேபி பகே³வ ஜீவிதபரிக்கா²ரேதி அதி⁴ப்பாயோ.
கிகீவ அண்ட³ந்தி கிகீஸகுணிகா விய அத்தனோ அண்ட³ங். ஸா கிர ஜீவிதம்பி பரிச்சஜித்வா அண்ட³மேவ ரக்க²தி. சமரீவ வாலதி⁴ந்தி சமரீமிகோ³ விய அத்தனோ வாலதி⁴ங். சமரீமிகா³ கிர ப்³யாதே⁴ன பரிபாதியமானா ஜீவிதம்பி பரிச்சஜித்வா கண்ட³ககு³ம்பா³தீ³ஸு லக்³க³ங் அத்தனோ வாலமேவ ரக்க²ந்தி. பியங்வ புத்தங் ஏககந்தி ஆனெத்வா ஸம்ப³ந்தி⁴தப்³ப³ங். யதா² ஹி ஏகபுத்தகோ குடும்பி³கோ தங் ஏகபுத்தங், ஏகனயனோ ச தங் ஏகனயனங் ஸுட்டு²தரங் ரக்க²தி. ததே²வ ஸீலங் அனுரக்க²மானகாதி அனுகம்பனவஸேன வுத்தங். ஸுபேஸலாதி ஸுட்டு² பியஸீலா. ஸதா³ ஸப்³ப³காலங் த³ஹரமஜ்ஜி²மதே²ரகாலேஸு. ச²ன்னம்பி கா³ரவானங் வஸேன ஸகா³ரவா, க³ருகாரவந்தோதி அத்தோ².
ஏவமேவ கோ²தி யதா² மஹாஸமுத்³தோ³ டி²தத⁴ம்மோ வேலங் நாதிக்கமதி, ஏவமேவ. மம ஸாவகாதி அரியஸாவகே ஸந்தா⁴யாஹ. தே ஹி து⁴வஸீலா. இமஸ்மிங் அத்தே²தி ஜீவிதஹேதுபி ஸீலஸ்ஸ அவீதிக்கமனே.
மஹாவத்தனிஅடவீ நாம விஞ்ஜா²டவீ. ஹிமவந்தபஸ்ஸே அடவீதி கேசி. தே²ரந்தி நாமகொ³த்தவஸேன அபஞ்ஞாதங் ஏகங் தே²ரங். நிபஜ்ஜாபேஸுங் க³ந்த்வா கஸ்ஸசி மா ஆரோசெய்யாதி.
பூதிலதாயாதி ஸமஸீஸீதி ஜீவிதஸமஸீஸீ. யஸ்ஸ ஹி கிலேஸஸீஸங் அவிஜ்ஜங் மக்³க³படிபாடியா அரஹத்தமக்³கோ³ பரியாதி³யதி, ததோ ஏகூனவீஸதிமே பச்சவெக்க²ணஞாணே பதிட்டா²ய ப⁴வங்கொ³த்தரணே வட்டஸீஸங் ஜீவிதிந்த்³ரியங் சுதிசித்தங் பரியாதி³யதி, ஸோ இமாய வாரஸமதாய ‘‘ஜீவிதஸமஸீஸீ’’தி வுச்சதி. ஸோ ச தே²ரோ ததா² பரினிப்³பா³யி. தேன வுத்தங் ‘‘ஸமஸீஸீ ஹுத்வா பரினிப்³பா³யீ’’தி. அப⁴யத்தே²ரோ கிர மஹாபி⁴ஞ்ஞோ. தஸ்மா சேதியங் காராபேஸீதி வத³ந்தி. அப்பேவாதி அப்பேவ நாம அத்தனோ ஜீவிதம்பி ஜஹெய்ய, ந பி⁴ந்தே³தி ந பி⁴ந்தெ³ய்ய, ந வீதிக்கமெய்ய.
ஸதியா அதி⁴ட்டி²தானந்தி பகே³வ உபட்டி²தாய ஸதியா ஆரக்க²வஸேன அதி⁴ட்டி²தானங் இந்த்³ரியானங். அனந்வாஸ்ஸவனீயதோதி த்³வாரபா⁴வேன அபி⁴ஜ்ஜா²தீ³ஹி அனநுப³ந்தி⁴தப்³ப³தோ. வரந்தி ஸெட்ட²ங். தத்தாயாதி உண்ஹாய. ஆதி³த்தாயாதி ஆதி³தோ பட்டா²ய தி³த்தாய. ஸம்பஜ்ஜலிதாயாதி ஸமந்ததோ ஜலந்தியா. ஸஜோதிபூ⁴தாயாதி ஏகஜாலீபூ⁴தாய. ஸம்பலிமட்ட²ந்தி ஸப்³ப³ஸோ ஆமட்ட²ங், அஞ்சிதந்தி அத்தோ². ந த்வேவ வரந்தி ஆனெத்வா ஸம்ப³ந்தி⁴தப்³ப³ங். ரூபேஸூதி ரூபாரம்மணேஸு. அனுப்³யஞ்ஜனஸோ நிமித்தக்³கா³ஹோதி கிலேஸானங் அனு அனு ப்³யஞ்ஜனவஸேன உப்பாத³னேன பாகடீகரணவஸேன ஸுபா⁴தி³னிமித்தக்³கா³ஹோ, அத² வா அனுப்³யஞ்ஜனஸோதி ஹத்த²பாதா³தி³அனுப்³யஞ்ஜனதோ, நிமித்தக்³கா³ஹோதி இத்தி²புரிஸாதி³ஸுபா⁴தி³னிமித்தக்³க³ஹணங். சக்கு²த்³வாராதி³பவத்தஸ்ஸாதி சக்கு²த்³வாராதீ³ஹி பவத்தஸ்ஸ. விஞ்ஞாணஸ்ஸாதி ஜவனவிஞ்ஞாணஸ்ஸ. நிமித்தாதி³க்³கா³ஹங் நிஸேதெ⁴ந்தேன ஸம்பாதே³தப்³போ³தி ஸம்ப³ந்தோ⁴. அஸங்விஹிதஸாகா²பரிவாரந்தி ஸம்மா அவிஹிதவதிபரிக்கே²பங். பரஸ்ஸஹாரீஹீதி பரஸந்தகாவஹாரகேஹி சோரேஹி. ஸமதிவிஜ்ஜ²தீதி ஸப்³ப³ஸோ அதிவிஜ்ஜ²தி அனுபவிஸதி.
ரூபேஸூதி ரூபஹேது ரூபனிமித்தங். உப்பஜ்ஜனகஅனத்த²தோ ரக்க² இந்த்³ரியந்தி ஸம்ப³ந்தோ⁴. ஏவங் ஸேஸேஸு. ஏதே ஹி த்³வாராதி ஏதே சக்கா²தி³த்³வாரா. ஸதிகவாடேன அஸங்வுதத்தா விவடா. ததோ ஏவ அரக்கி²தா. கிலேஸுப்பத்தியா ஹேதுபா⁴வேன தங்ஸமங்கி³னங் ஹனந்தீதி காரணூபசாரேனேவ வுத்தங். ஏதே வா ரூபாத³யோ. கிலேஸானங் ஆரம்மணபூ⁴தா த்³வாரா சக்கா²தி³த்³வாரா. தே கீதி³ஸா விவடா அரக்கி²தா அஸங்வுதசக்கா²தி³ஹேதுங் தங்ஸமங்கி³னங் ஹனந்தீதி காரணூபசாரேனேவ வுத்தங். அகா³ரந்தி கே³ஹங். து³ச்ச²ன்னந்தி ந ஸம்மா சா²தி³தங். அபா⁴விதந்தி லோகுத்தரபா⁴வனாரஹிதங்.
ஸம்பாதி³தேதிஆதி³ஸ்ஸ அயங் பன ஸப்³ப³ஸோ கிலேஸானங் அனுப்பாதோ³ அதிஉக்கட்ட²தே³ஸனா மக்³கே³னாக³தஸதி³ஸத்தா. ஸம்பாதே³தப்³போ³தி ‘‘ந புனேவங் கரிஸ்ஸ’’ந்தி அதி⁴ட்டா²னஸுத்³தி⁴யா ஸம்பாதே³தப்³போ³.
அது⁴னாபப்³ப³ஜிதேனாதி ந சிரபப்³ப³ஜிதேன, நவபப்³ப³ஜிதேனாதி அத்தோ². காமராகே³ன ட³ய்ஹாமீதி காமராக³க்³கி³னா பரிட³ய்ஹாமி. ஸோ ச பன தா³ஹோ இதா³னி சித்தக³தோதி த³ஸ்ஸெந்தோ ஆஹ ‘‘சித்தங் மே பரிட³ய்ஹதீ’’தி. ஸாதூ⁴தி ஆயாசனா. நிப்³பா³பனந்தி தஸ்ஸ நிப்³பா³பனுபாயங். கோ³தமாதி தே²ரங் கொ³த்தேன ஆலபதி.
ஸஞ்ஞாய விபரியேஸாதி ‘‘அஸுபே⁴ ஸுப⁴’’ந்தி பவத்தஸஞ்ஞாவிபரியேஸஹேது விபரீதஸஞ்ஞானிமித்தங். நிமித்தங் பரிவஜ்ஜேஹி கீதி³ஸங்? ராகூ³பஸஞ்ஹிதங் ராகு³ப்பத்திஹேதுபூ⁴தங் ஸுப⁴னிமித்தங் பரிவஜ்ஜேஹி ந மனஸி கரோஹி. ந கேவலங் ஸுப⁴னிமித்தஸ்ஸாமனஸிகாரோ ஏவ, அத² கோ² அஸுப⁴பா⁴வனாய அத்தனோ சித்தங் பா⁴வேஹி. கத²ங்? ஏகக்³க³ங் ஸுஸமாஹிதங் யதா² தங் அஸுபா⁴ரம்மணே விக்கே²பாபா⁴வேன ஏகக்³க³ங், ஸுட்டு² அப்பிதபா⁴வேன ஸுஸமாஹிதஞ்ச ஹோதி, ஏவங் பா⁴வேஹீதி. ஏவங் ஸமத²பா⁴வனாய காமராக³ஸ்ஸ விக்க²ம்ப⁴னங் த³ஸ்ஸெத்வா இதா³னி ஸமுச்சே²த³னவிதி⁴ங் த³ஸ்ஸேதுங் ‘‘ஸங்கா²ரே’’திஆதி³ வுத்தங். தத்த² ஸங்கா²ரே பரதோ பஸ்ஸாதி ஸப்³பே³பி ஸங்கா²ரே அவிதெ⁴ய்யகதாய ‘‘பரே’’தி பஸ்ஸ. அனிச்சதாய பன உத³யப்³ப³யபடிபீளிதத்தா து³க்க²தோ, அனத்தஸபா⁴வத்தா, அத்தவிரஹதோ ச நோ அத்ததோ பஸ்ஸ. ஏவங் லக்க²ணத்தயங் ஆரோபெத்வா விபஸ்ஸனங் வட்³டெ⁴ந்தோ மக்³க³படிபாடியா சதுத்த²மக்³கே³ன ஸப்³ப³ஸோ நிப்³பா³பேஹி மஹாராக³ங் தேபூ⁴மகஸ்ஸ அபி⁴ப⁴வனதோ மஹாவிஸயதாய மஹாராக³ங் வூபஸமேஹி. யதா² ஏதரஹி, ஏவங் மா ட³ய்ஹித்தோ² புனப்புனந்தி த³ள்ஹதரங் ராக³வினோத³னே நியோஜேஸி.
ஏவங் இந்த்³ரியஸங்வரஸீலஸ்ஸ ஸம்பாத³னே விதி⁴ங் த³ஸ்ஸெத்வா ஏவங் தங் ஸுஸம்பாதி³தங் ஹோதீதி நயங் த³ஸ்ஸேதுங் ‘‘அபிசா’’திஆதி³னா தத்த² பரிபூரகாரினோ தே²ரே நித³ஸ்ஸேதி. தத்த² ‘‘லேணங் ந உல்லோகிதபுப்³ப³’’ந்தி இத³ங் ஸப்³ப³த்தே²வ தே²ரஸ்ஸ யுக³மத்தத³ஸ்ஸிதாய வுத்தங். கிங் பன தே²ரோ ஸேனாஸனங் ந ஸோதே⁴தி அஸ்ஸ நாக³ருக்க²ஸ்ஸ.
தஸ்மிங் கா³மேதி மஹாகா³மே. தருணா த²ஞ்ஞபிவனகா புத்ததீ⁴தரோ யாஸங் தா தருணபுத்தா, தாஸங். லஞ்ஜாபேஸீதி த²னபட்டிகாய த²னே ப³ந்தா⁴பெத்வா ராஜமுத்³தி³காய லஞ்ஜாபேஸி. ராஜா தே²ரங் சிரதரங் த³ட்டு²ங் காலவிக்கே²பங் கரொந்தோ ‘‘ஸ்வே ஸீலானி க³ண்ஹிஸ்ஸாமீ’’தி ஆஹ. தே²ரோ ரஞ்ஞோ ச தே³வியா ச வந்த³னகாலே ஸத்தாகாரமத்தங் க³ண்ஹாதி. இத்தீ² புரிஸோதி பன விவேகங் ந கரோதி. தேனாஹ ‘‘வவத்தா²னங் ந கரோமீ’’தி. ‘‘அஹோ ஸுபரிஸுத்³த⁴ஸீலோ வதாயங் அய்யோ’’தி த³ண்ட³தீ³பிகங் க³ஹெத்வா அட்டா²ஸி. அதிபரிஸுத்³த⁴ங் பாகடந்தி ஸப்பாயலாபே⁴ன கம்மட்டா²னங் அதிவிய பரிஸுத்³த⁴ங் விபூ⁴தங் அஹோஸி. ஸகலங் பப்³ப³தங் உன்னாத³யந்தோதி பத²விகம்பனேன ஸகலங் பப்³ப³தங் ஏகங் நின்னாத³ங் கரொந்தோ. தன்னிவாஸிதே³வதானங் ஸாது⁴காரதா³னேனாதி கேசி. ப⁴ந்தோதி அனவட்டி²தோ. பா³லோதி தருணதா³ரகோ. உத்ரஸ்தோதி ஞாதகேஹி வினாபா⁴வேன ஸந்த்ரஸ்தோ.
விஸக³ண்ட³கரோகோ³தி யதோ பப்³ப³ஜிதோ, ததோ பட்டா²ய பப்³ப³ஜிதகாலதோ பபு⁴தீதி அத்தோ². இந்த்³ரியானீதி இந்த்³ரியஸங்வரஸீலானி. தேஸு ஹி பி⁴ன்னேஸு இந்த்³ரியானிபி பி⁴ன்னானீதி வுச்சந்தி ஆரக்கா²பா⁴வதோ, இந்த்³ரியானேவ வா நிமித்தானுப்³யஞ்ஜனக்³கா³ஹஸ்ஸ த்³வாரபூ⁴தானி பி⁴ன்னானி நாம தங்ஸமங்கி³னோ அனத்து²ப்பத்திதோ, விபரியாயதோ அபி⁴ன்னானீதி வேதி³தப்³பா³னி. இந்த்³ரியானங் வா அயோனிஸோ உபஸங்ஹாரோ பே⁴த³னங், யோனிஸோ உபஸங்ஹாரோ அபே⁴த³னந்தி அபரே. மித்தத்தே²ரோவாதி மஹாமித்தத்தே²ரோ விய. வரேதி ஸெட்டே².
ததா² வீரியேனாதி ததா²-ஸத்³தே³ன வீரியங் விஸேஸேதி. யதா² ஸதி அனவஜ்ஜலக்க²ணாவ இந்த்³ரியஸங்வரஸாத⁴னங், ததா² வீரியங் அனவஜ்ஜலக்க²ணங் ஆஜீவபாரிஸுத்³தி⁴ஸாத⁴னந்தி. வீரியாபெக்க²மேவ விஸேஸனங் த³ட்ட²ப்³ப³ங். தேனேவாஹ ‘‘ஸம்மாஆரத்³த⁴வீரியஸ்ஸா’’தி. அயுத்தா ஏஸனா அனேஸனா, யதா²வுத்தமிச்சா²ஜீவஸங்க³ஹா. ஸா ஏவ ஸத்து²ஸாஸனஸ்ஸ ந பதிரூபாதி அப்பதிரூபங், தங் அனேஸனங் அப்பதிரூபங். அத² வா பதிரூபவிரோதி⁴னீ அப்பதிரூபா, பரிக்³க³ஹிதது⁴தங்க³ஸ்ஸ ‘‘த⁴ம்மதே³ஸனாதீ³ஹி சஸ்ஸ கு³ணேஹி பஸன்னான’’ந்தி வுத்தங். ஆதி³-ஸத்³தே³ன பா³ஹுஸச்சவத்தபரிபூரணஇரியாபத²ஸம்பத்திஆதீ³னங் க³ஹணங் வேதி³தப்³ப³ங். து⁴தகு³ணே சஸ்ஸ பஸன்னானந்தி எத்தா²பி ஏஸேவ நயோ. பிண்ட³பாதசரியாதீ³ஹீதி ஆதி³-ஸத்³தே³ன மித்தஸுஹஜ்ஜபங்ஸுகூலசரியாதீ³னங் ஸங்க³ஹோ த³ட்ட²ப்³போ³. து⁴தங்க³னியமானுலோமேனாதி தங்தங்து⁴தங்க³னியதாய படிபத்தியா அனுலோமவஸேன, அவிகோபனவஸேனாதி அத்தோ². மஹிச்ச²ஸ்ஸேவ மிச்சா²ஜீவேன ஜீவிகா, ந அப்பிச்ச²ஸ்ஸ. அப்பிச்ச²தாய உக்கங்ஸக³தாய மிச்சா²ஜீவஸ்ஸ அஸம்ப⁴வோ ஏவாதி த³ஸ்ஸேதுங் ‘‘ஏகப்³யாதி⁴வூபஸமத்த²’’ந்திஆதி³ வுத்தங். தத்த² பூதிஹரிதகீதி பூதிமுத்தபரிபா⁴விதங், பூதிபா⁴வேன வா ச²ட்³டி³தங் ஹரிதகங். அரியவங்ஸோ ஏதஸ்ஸ அத்தீ²தி, அரியவங்ஸே வா நியுத்தோதி அரியவங்ஸிகோ, பச்சயகே³த⁴ஸ்ஸ தூ³ரஸமுஸ்ஸாரிதத்தா உத்தமோ ச ஸோ அரியவங்ஸிகோ சாதி உத்தமஅரியவங்ஸிகோ. யஸ்ஸ கஸ்ஸசீதி பரிக்³க³ஹிதாபரிக்³க³ஹிதது⁴தங்கே³ஸு யஸ்ஸ கஸ்ஸசி.
நிமித்தங் நாம பச்சயே உத்³தி³ஸ்ஸ யதா² அதி⁴ப்பாயோ ஞாயதி ஏவங் நிமித்தகம்மங். ஓபா⁴ஸோ நாம பரிகதா² நாம பரியாயேன கத²னங். ததா² உப்பன்னந்தி நிமித்தாதி³வஸேன உப்பன்னங்.
த்³வாரங் தி³ன்னந்தி ரோக³ஸீஸேன பரிபோ⁴க³ஸ்ஸ த்³வாரங் தி³ன்னங். தஸ்மா அரோக³காலேபி பரிபு⁴ஞ்ஜிதுங் வட்டதி, ஆபத்தி ந ஹோதீதி அத்தோ². தேனாஹ ‘‘கிஞ்சாபி ஆபத்தி ந ஹோதீ’’திஆதி³. ந வட்டதீதி ஸல்லேக²படிபத்தியங் டி²தஸ்ஸ ந வட்டதி, ஸல்லேக²ங் கோபேதீதி அதி⁴ப்பாயோ. ‘‘ஆஜீவங் பன கோபேதீ’’தி இமினாவ ஸேனாஸனபடிஸங்யுத்தது⁴தங்க³த⁴ரஸ்ஸ நிமித்தாத³யோ ந வட்டந்தீதி வத³ந்தி. தத³ஞ்ஞது⁴தங்க³த⁴ரஸ்ஸாபி ந வட்டந்தியேவாதி அபரே. அகரொந்தோதி யதா²ஸகங் அனுஞ்ஞாதவிஸயேபி அகரொந்தோ. அஞ்ஞத்ரேவாதி ட²பெத்வா ஏவ.
க³ணவாஸங் ‘‘பவிவேகங் ப்³ரூஹயமானோ’’தி வுத்தோ. உத³ரஸன்னிஸ்ஸிதோ வாதாபா³தோ⁴ உத³ரவாதாபா³தோ⁴. அஸம்பி⁴ன்னங் கீ²ரங் ஏதஸ்ஸாதி அஸம்பி⁴ன்னகீ²ரங், ததே³வ பாயாஸந்தி அஸம்பி⁴ன்னகீ²ரபாயாஸங், உத³கேன அஸம்மிஸ்ஸகீ²ரேன பக்கபாயாஸந்தி அத்தோ². தஸ்ஸாதி பாயாஸஸ்ஸ. உப்பத்திமூலந்தி ‘‘கி³ஹிகாலே மே, ஆவுஸோ, மாதா ஸப்பிமது⁴ஸக்கராதீ³ஹி யோஜெத்வா அஸம்பி⁴ன்னகீ²ரபாயாஸங் அதா³ஸி, தேன மே பா²ஸு அஹோஸீ’’தி அத்தனோ வசீனிச்சா²ரணஸங்கா²தங் உப்பத்திஹேதுங். ‘‘அபரிபோ⁴கா³ரஹோ பிண்ட³பாதோ’’தி கஸ்மா வுத்தங், நனு தே²ரஸ்ஸ ஓபா⁴ஸனாதி³சித்துப்பத்தியேவ நத்தீ²தி? ஸச்சங் நத்தி², அஜ்ஜா²ஸயங் பன அஜானந்தா ஏகச்சே புது²ஜ்ஜனா ததா² மஞ்ஞெய்யுங், அனாக³தே ச ஸப்³ரஹ்மசாரினோ ஏவங் மம தி³ட்டா²னுக³திங் ஆபஜ்ஜெய்யுந்தி படிக்கி²பி. அபிச மஹாதே²ரஸ்ஸ பரமுக்கங்ஸக³தா ஸல்லேக²படிபத்தி. ததா² ஹி த³ஹரபி⁴க்கு²னோ ‘‘கஸ்ஸ ஸம்பன்னங் ந மனாப’’ந்தி (பாசி॰ 209, 257, 612, 1228, 1234; சூளவ॰ 343) வசனங் நிஸ்ஸாய யாவ பரினிப்³பா³னா பிட்ட²கா²த³னீயங் ந கா²த³தி.
வசீவிஞ்ஞத்திவிப்பா²ராதி வசீனிச்சா²ரணஹேது. அத்த²விஞ்ஞாபனவஸேன பவத்தமானோ ஹி ஸத்³தோ³ அஸதிபி விஞ்ஞத்தியா தஸ்ஸ கேனசி பச்சயேன பச்சயபா⁴வே வசீவிஞ்ஞத்திவஸேனேவ பவத்ததீதி ‘‘வசீவிஞ்ஞத்திவிப்பா²ரோ’’தி வுச்சதி. பு⁴த்தோதி பு⁴த்தவா ஸசே ப⁴வெய்யங் அஹங். ஸாதி அஸ்ஸ. அகாரலோபேன ஹி நித்³தே³ஸோ ‘‘ஏவங்ஸ தே’’திஆதீ³ஸு (ம॰ நி॰ 1.23; அ॰ நி॰ 6.58; 8.7) விய. அந்தகு³ணந்தி அந்தபோ⁴கோ³. ப³ஹி சரேதி ஆஸயதோ நிக்க²மித்வா கோ³சரக்³க³ஹணவஸேன ஆராதே⁴மீதி ஆதி³தோ பட்டா²ய ராதே⁴மி, வஸே வத்தேமீதி அத்தோ².
மஹாதிஸ்ஸத்தே²ரோ கிர து³ப்³பி⁴க்க²காலே மக்³க³ங் க³ச்ச²ந்தோ ப⁴த்தச்சே²தே³ன, மக்³க³கிலமதே²ன ச கிலந்தகாயோ து³ப்³ப³லோ அஞ்ஞதரஸ்ஸ ப²லிதஸ்ஸ அம்ப³ஸ்ஸ மூலே நிபஜ்ஜி, ப³ஹூனி அம்ப³ப²லானி தஹங் தஹங் பதிதானி ஹொந்தி. தத்தே²கோ வுட்³ட⁴தரோ உபாஸகோ தே²ரஸ்ஸ ஸந்திகங் உபக³ந்த்வா பரிஸ்ஸமங் ஞத்வா
‘‘ந பிதா நபி தே மாதா, ந ஞாதி நபி ப³ந்த⁴வோ;
கரோதேதாதி³ஸங் கிச்சங், ஸீலவந்தஸ்ஸ காரணா’’தி. (விஸுத்³தி⁴॰ 1.20) –
அத்தானங் ஓவதி³த்வா ஸம்மஸனங் ஆரபி⁴த்வா விபஸ்ஸனங் வட்³டெ⁴த்வா தஸ்ஸ பிட்டி²க³தோ ஏவ மக்³க³படிபாடியா அரஹத்தங் ஸச்சா²காஸி. இமங் ஸந்தா⁴ய வுத்தங் ‘‘அம்ப³கா²த³கமஹாதிஸ்ஸத்தே²ரவத்து²பி செத்த² கதே²தப்³ப³’’ந்தி. ஸப்³ப³தா²பீதி ஸப்³ப³ப்பகாரேனபி அனேஸனவஸேன, சித்துப்பத்திவஸேனபி, பகே³வ காயவசீவிப்ப²ந்தி³தவஸேனாதி அதி⁴ப்பாயோ. தேனாஹ ‘‘அனேஸனாயா’’திஆதி³.
அபச்சவெக்கி²தபரிபோ⁴கே³ இணபரிபோ⁴க³ஆபத்திஆதீ³னவஸ்ஸ, தப்³பி³பரியாயதோ பச்சவெக்கி²தபரிபோ⁴கே³ ஆனிஸங்ஸஸ்ஸ ச த³ஸ்ஸனங் ஆதீ³னவானிஸங்ஸத³ஸ்ஸனங். தஸ்ஸ பன பச்சயாதி⁴காரத்தா வுத்தங் ‘‘பச்சயேஸூ’’தி. காரணகாரணம்பி ஹி காரணபா⁴வேன வுச்சதி யதா² திணேஹி ப⁴த்தங் ஸித்³த⁴ந்தி. யேன காரணேன பி⁴க்கு²னோ அபச்சவெக்கி²தபரிபோ⁴கோ³ நாம ஸியா, தஸ்மிங் வஜ்ஜிதே பச்சயஸன்னிஸ்ஸிதஸீலங் ஸிஜ்ஜ²தி, விஸுஜ்ஜ²தி சாதி த³ஸ்ஸேதுங் ‘‘தஸ்மா’’திஆதி³ வுத்தங். தத்த² பச்சயகே³த⁴ந்தி கே³த⁴க்³க³ஹணேனேவ ஸம்மோஹோபி க³ஹிதோதி த³ட்ட²ப்³போ³ தேன ஸஹ பவத்தனதோ, தது³பனிஸ்ஸயதோ ச. த⁴ம்மேன ஸமேன உப்பன்னேதி இத³ங் பச்சயானங் ஆக³மனஸுத்³தி⁴த³ஸ்ஸனங், ந பச்சயஸன்னிஸ்ஸிதஸீலவிஸுத்³தி⁴த³ஸ்ஸனங். பச்சயானங் ஹி இத³மத்தி²தங் உபதா⁴ரெத்வா பரிபு⁴ஞ்ஜனங் பச்சயஸன்னிஸ்ஸிதஸீலங். யஸ்மா பன தே பச்சயா ஞாயாதி⁴க³தா ஏவ பி⁴க்கு²னா பரிபு⁴ஞ்ஜிதப்³பா³, தஸ்மா வுத்தங் ‘‘த⁴ம்மேன ஸமேன உப்பன்னே பச்சயே’’தி. யதா²வுத்தேன விதி⁴னாதி ‘‘ஸீதஸ்ஸ படிகா⁴தாயா’’திஆதி³னா (ம॰ நி॰ 1.23; அ॰ நி॰ 6.58; மஹானி॰ 206) வுத்தவிதி⁴னா.
தா⁴துவஸேன வாதி ‘‘யதா²பச்சயங் வத்தமானங் தா⁴துமத்தமேவேதங், யதி³த³ங் சீவராதி³, தது³பபு⁴ஞ்ஜகோ ச புக்³க³லோ’’தி ஏவங் தா⁴துமனஸிகாரவஸேன வா. படிகூலவஸேன வாதி பிண்ட³பாதே தாவ ஆஹாரே படிகூலஸஞ்ஞாவஸேன, ‘‘ஸப்³பா³னி பன இமானி சீவராதீ³னி அஜிகு³ச்ச²னீயானி, இமங் பூதிகாயங் பத்வா அதிவிய ஜிகு³ச்ச²னீயானி ஜாயந்தீ’’தி ஏவங் படிகூலமனஸிகாரவஸேன வா. ததோ உத்தரீதி படிலாப⁴காலதோ உபரி. அனவஜ்ஜோவ பரிபோ⁴கோ³ ‘‘பரிபோ⁴க³காலேபீ’’திஆதி³. தத்ராதி தஸ்மிங் பரிபோ⁴க³காலே பச்சவெக்க²ணே. ஸன்னிட்டா²னகரோதி அஸந்தே³ஹகரோ ஏகந்திகோ.
தெ²ய்யபரிபோ⁴கோ³ நாம அனரஹஸ்ஸ பரிபோ⁴கோ³. ப⁴க³வதாபி அத்தனோ ஸாஸனே ஸீலவதோ பச்சயா அனுஞ்ஞாதா, ந து³ஸ்ஸீலஸ்ஸ. தா³யகானம்பி ஸீலவதோ ஏவ பரிச்சாகோ³, ந து³ஸ்ஸீலஸ்ஸ. அத்தனோ காரானங் மஹப்ப²லபா⁴வஸ்ஸ பச்சாஸீஸனதோ. இதி ஸத்தா²ரா அனநுஞ்ஞாதத்தா, தா³யகேஹி ச அபரிச்சத்தத்தா து³ஸ்ஸீலஸ்ஸ பரிபோ⁴கோ³ தெ²ய்யாய பரிபோ⁴கோ³ தெ²ய்யபரிபோ⁴கோ³. இணவஸேன பரிபோ⁴கோ³ இணபரிபோ⁴கோ³, படிக்³கா³ஹகதோ த³க்கி²ணாவிஸுத்³தி⁴யா அபா⁴வதோ இணங் க³ஹெத்வா பரிபோ⁴கோ³ வியாதி அத்தோ². தஸ்மாதி ‘‘ஸீலவதோ’’திஆதி³னா வுத்தமேவத்த²ங் காரணபா⁴வேன பச்சாமஸதி. சீவரங் காயதோ மோசெத்வா பரிபோ⁴கே³ பரிபோ⁴கே³ புரேப⁴த்த…பே॰… பச்சி²மயாமேஸு பச்சவெக்கி²தப்³ப³ந்தி ஸம்ப³ந்தோ⁴. ததா² அஸக்கொந்தேன யதா²வுத்தகாலவிஸேஸவஸேன ஏகதி³வஸே சதுக்க²த்துங் திக்க²த்துங் த்³விக்க²த்துங் ஸகிங்யேவ வா பச்சவெக்கி²தப்³ப³ங். ஸசே அருணங் உக்³க³ச்ச²தி, இணபரிபோ⁴க³ட்டா²னே திட்ட²தி. ஹிய்யோ யங் மயா சீவரங் பரிபு⁴த்தங், தங் யாவதே³வ ஸீதஸ்ஸ படிகா⁴தாய…பே॰… ஹிரிகோபீனபடிச்சா²த³னத்த²ங். ஹிய்யோ யோ மயா பிண்ட³பாதோ பரிபு⁴த்தோ, ஸோ ‘‘நேவ த³வாயா’’திஆதி³னா ஸசே அதீதபரிபோ⁴க³பச்சவெக்க²ணங் ந கரெய்யாதி வத³ந்தி, தங் வீமங்ஸிதப்³ப³ங். ஸேனாஸனம்பி பரிபோ⁴கே³ பரிபோ⁴கே³தி பவேஸே பவேஸே. ஸதிபச்சயதாதி ஸதியா பச்சயபா⁴வோ படிக்³க³ஹணஸ்ஸ, பரிபோ⁴க³ஸ்ஸ ச பச்சவெக்க²ணஸதியா பச்சயபா⁴வோ யுஜ்ஜதி, பச்சவெக்கி²த்வாவ படிக்³க³ஹேதப்³ப³ங், பரிபு⁴ஞ்ஜிதப்³ப³ஞ்சாதி அத்தோ². தேனேவாஹ ‘‘ஸதிங் கத்வா’’திஆதி³. ஏவங் ஸந்தேபீதி யதி³பி த்³வீஸுபி டா²னேஸு பச்சவெக்க²ணா யுத்தா, ஏவங் ஸந்தேபி. அபரே பனாஹு – ஸதி பச்சயதாதி ஸதி பே⁴ஸஜ்ஜபரிபோ⁴க³ஸ்ஸ பச்சயபா⁴வே, ஸதி பச்சயேதி அத்தோ². ஏவங் ஸந்தேபீதி பச்சயே ஸதிபீதி. தங் தேஸங் மதிமத்தங். ததா² ஹி பச்சயஸன்னிஸ்ஸிதஸீலங் பச்சவெக்க²ணாய விஸுஜ்ஜ²தி, ந பச்சயஸ்ஸ பா⁴வமத்தேன.
ஏவங் ‘‘சதுப்³பி³தா⁴ ஹி ஸுத்³தீ⁴’’திஆதி³மாஹ. தத்த² ஸுஜ்ஜ²தி தே³ஸனாஸுத்³தி⁴. வுட்டா²னஸ்ஸாபி செத்த² தே³ஸனாய ஏவ ஸங்க³ஹோ த³ட்ட²ப்³போ³. சி²ன்னமூலாபத்தீனங் பன அபி⁴க்கு²தாபடிஞ்ஞாவ தே³ஸனா. அதி⁴ட்டா²னவிஸிட்டோ² ஸங்வரோவ ஸுத்³தி⁴ ஸங்வரஸுத்³தி⁴. த⁴ம்மேன ஸமேன பச்சயானங் பரியெட்டி² ஏவ ஸுத்³தி⁴ பரியெட்டி²ஸுத்³தி⁴. சதூஸுபி பச்சயேஸு வுத்தவிதி⁴னா பச்சவெக்க²ணாவ ஸுத்³தி⁴ பச்சவெக்க²ணஸுத்³தி⁴. ஏஸ தாவ ஸுத்³தீ⁴ஸு ஸமாஸனயோ. ஸுத்³தி⁴மந்தேஸு பன தே³ஸனா ஸுத்³தி⁴ ஏதஸ்ஸாதி தே³ஸனாஸுத்³தி⁴. ஸேஸேஸுபி ஏஸேவ நயோ. ஸுத்³தி⁴-ஸத்³தோ³ பன வுத்தனயோவ. ஏவந்தி ஸங்வரபே⁴த³ங் ஸந்தா⁴யாஹ. பஹாயாதி வஜ்ஜெத்வா, அகத்வாதி அத்தோ².
தா³தப்³ப³ட்டே²ன தா³யங், தங் ஆதி³யந்தீதி தா³யாதா³. அனநுஞ்ஞாதேஸு ஸப்³பே³ன ஸப்³ப³ங் பரிபோ⁴கா³பா⁴வதோ, அனுஞ்ஞாதேஸு ஏவ ச பரிபோ⁴க³ஸம்ப⁴வதோ பி⁴க்கூ²ஹி பரிபு⁴ஞ்ஜிதப்³ப³பச்சயா ப⁴க³வதோ ஸந்தகா. ‘‘த⁴ம்மதா³யாதா³ மே, பி⁴க்க²வே, ப⁴வத² மா ஆமிஸதா³யாதா³. அத்தி² மே தும்ஹேஸு அனுகம்பா ‘கிந்தி மே ஸாவகா த⁴ம்மதா³யாதா³ ப⁴வெய்யுங் நோ ஆமிஸதா³யாதா³’’’தி (ம॰ நி॰ 1.29) ஏவங் பவத்தங் த⁴ம்மதா³யாத³ஸுத்தஞ்ச எத்த² ஏதஸ்மிங் அத்தே² ஸாத⁴கங்.
அவீதராகா³னங் தண்ஹாபரவஸதாய பச்சயபரிபோ⁴கே³ ஸாமிபா⁴வோ நத்தி², தத³பா⁴வேன வீதராகா³னங் தத்த² ஸாமிபா⁴வோ யதா²ருசிபரிபோ⁴க³ஸம்ப⁴வதோ. ததா² ஹி தே படிகூலம்பி அப்படிகூலாகாரேன, அப்படிகூலம்பி படிகூலாகாரேன, தது³ப⁴யம்பி வஜ்ஜெத்வா அஜ்ஜு²பெக்க²னாகாரேன பச்சயே பரிபு⁴ஞ்ஜந்தி, தா³யகானஞ்ச மனோரத²ங் பரிபூரெந்தி. தேனாஹ ‘‘தே ஹி தண்ஹாய தா³ஸப்³யங் அதீதத்தா ஸாமினோ ஹுத்வா பரிபு⁴ஞ்ஜந்தீ’’தி.
ஸப்³பே³ஸந்தி அரியானங், புது²ஜ்ஜனானஞ்ச. கத²ங் புது²ஜ்ஜனானங் இமே பரிபோ⁴கா³ ஸம்ப⁴வந்தி? உபசாரவஸேன. யோ ஹி புது²ஜ்ஜனஸ்ஸாபி ஸல்லேக²படிபத்தியங் டி²தஸ்ஸ பச்சயகே³த⁴ங் பஹாய தத்த² தத்த² அனுபலித்தேன சித்தேன பரிபோ⁴கோ³, ஸோ ஸாமிபரிபோ⁴கோ³ விய ஹோதி. ஸீலவதோ பன பச்சவெக்கி²தபரிபோ⁴கோ³ தா³யஜ்ஜபரிபோ⁴கோ³ விய ஹோதி, தா³யகானங் மனோரத²ஸ்ஸ அவிராத⁴னதோ. ததா² ஹி வுத்தங் ‘‘தா³யஜ்ஜபரிபோ⁴கே³யேவ வா ஸங்க³ஹங் க³ச்ச²தீ’’தி. கல்யாணபுது²ஜ்ஜனஸ்ஸ பரிபோ⁴கே³ வத்தப்³ப³மேவ நத்தி², தஸ்ஸ ஸெக்க²ஸங்க³ஹதோ. ஸெக்க²ஸுத்தங் (ஸங்॰ நி॰ 5.13) ஹேதஸ்ஸத்த²ஸ்ஸ ஸாத⁴கங். தேனாஹ ‘‘ஸீலவாபி ஹீ’’திஆதி³. பச்சனீகத்தாதி யதா² இணாயிகோ அத்தனோ ருசியா இச்சி²ததே³ஸங் க³ந்துங் ந ‘‘ஆணண்யபரிபோ⁴கோ³ வா’’தி. ஏதேன நிப்பரியாயதோ சதுபரிபோ⁴க³வினிமுத்தோ விஸுங்யேவாயங் பரிபோ⁴கோ³தி த³ஸ்ஸேதி. இமாய ஸிக்கா²யாதி ஸீலஸங்கா²தாய ஸிக்கா²ய. கிச்சகாரீதி படிஞ்ஞானுரூபங் படிபஜ்ஜனதோ யுத்தபத்தகாரீ.
இதா³னி தமேவ கிச்சகாரிதங் ஸுத்தபதே³ன விபா⁴வேதுங் ‘‘வுத்தம்பி சேத’’ந்திஆதி³ வுத்தங். தத்த² விஹாரந்தி பதிஸ்ஸயங். ஸயனாஸனந்தி மஞ்சாதி³ங். உப⁴யேனபி ஸேனாஸனமேவ வுத்தங். ஆபந்தி உத³கங். ஸங்கா⁴டிரஜூபவாஹனந்தி பங்ஸுமலாதி³னோ ஸங்கா⁴டிக³தரஜஸ்ஸ தோ⁴வனங். ஸுத்வான த⁴ம்மங் ஸுக³தேன தே³ஸிதந்தி சீவராதீ³ஸு ‘‘படிஸங்கா² யோனிஸோ சீவரங் படிஸேவதி ஸீதஸ்ஸ படிகா⁴தாயா’’திஆதி³னா (ம॰ நி॰ 1.23; அ॰ நி॰ 6.58; மஹானி॰ 206) நயேன ப⁴க³வதா தே³ஸிதங் த⁴ம்மங் ஸுத்வா. ஸங்கா²ய ஸேவே வரபஞ்ஞஸாவகோதி ‘‘பிண்ட³’’ந்தி வுத்தங் பிண்ட³பாதங், விஹாராதி³பதே³ஹி வுத்தங் ஸேனாஸனங், ‘‘பிபாஸாகே³லஞ்ஞஸ்ஸ வூபஸமனதோ பானீயம்பி கி³லானபச்சயோ’’தி ஆபமுகே²ன த³ஸ்ஸிதங் கி³லானபச்சயங், ஸங்கா⁴டியாதி³சீவரந்தி சதுப்³பி³த⁴ங் பச்சயங் ஸங்கா²ய ‘‘யாவதே³வ இமஸ்ஸ காயஸ்ஸ டி²தியா’’திஆதி³னா (ம॰ நி॰ 1.23; 2.24; 3.75; ஸங்॰ நி॰ 4.120; அ॰ நி॰ 6.58; 8.9; த⁴॰ ஸ॰ 1355) நயேன பச்சவெக்கி²த்வா. ஸேவே ஸேவிதுங் ஸக்குணெய்ய உத்தமபஞ்ஞஸ்ஸ ப⁴க³வதோ ஸாவகோ ஸேகோ² வா புது²ஜ்ஜனோ வா.
யஸ்மா ச ஸங்கா²ய ஸேவீ வரபஞ்ஞஸாவகோ, தஸ்மா ஹி பிண்டே³…பே॰… பொக்க²ரே வாரிபி³ந்து³, ததா² ஹோதி. காலேனாதி அரியானங் போ⁴ஜனகாலே. லத்³தா⁴தி லபி⁴த்வா. பரதோதி அஞ்ஞதோ தா³யகதோ. அனுக்³க³ஹாதி அனுகம்பாய ப³ஹும்ஹி உபனீதே மத்தங் ஸோ ஜஞ்ஞா ஜானெய்ய ஸததங் ஸப்³ப³காலங் உபட்டி²தோ உபட்டி²தஸ்ஸதி. ஆலேபனரூஹனே யதா²தி பே⁴ஸஜ்ஜலேபனேன வணஸ்ஸ ருஹனே விய, மத்தங் ஜானெய்யாதி யோஜனா. ஆஹரேதி ஆஹரெய்ய. ‘‘ஆஹரெய்யாஹார’’ந்தி வா பாடோ². யாபனத்த²ந்தி ஸரீரஸ்ஸ யாபனாய. அமுச்சி²தோதி தண்ஹாமுச்சா²ய அமுச்சி²தோ கே³த⁴ங் தண்ஹங் அனாபன்னோ.
அத்தனோ பா⁴கி³னெய்யஸங்க⁴ரக்கி²தஸாமணேரோ. ஸாலிகூரந்தி ஸாலிப⁴த்தங். ஸுனிப்³பு³தந்தி ஸுஸீதலங். அஸஞ்ஞதோதி அபச்சவெக்க²ணங் ஸந்தா⁴யாஹ. ஸப்³பா³ஸவபரிக்கீ²ணோதி பரிக்கீ²ணஸப்³பா³ஸவோ.
பட²மஸீலபஞ்சகவண்ணனா
20. பரியந்தோ பரியந்தஸிக்கா²பதா³னங். உபஸம்பன்னானந்தி ட²பெத்வா கல்யாணபுது²ஜ்ஜனஸெக்கா²ஸெக்கே² தத³ஞ்ஞேஸங் உபஸம்பன்னானங். ஸாமஞ்ஞஜோதனாபி ஹி விஸேஸே திட்ட²தி. குஸலத⁴ம்மே யுத்தானந்தி விபஸ்ஸனாசாரே யுத்தபயுத்தானங். ஸெக்க²த⁴ம்மா பரியந்தா பரமா மரியாதா³ ஏதஸ்ஸாதி ஸெக்க²பரியந்தோ. நாமரூபபரிச்சே²த³தோ, குஸலத⁴ம்மஸமாதா³னதோ வா பன பட்டா²ய யாவ கொ³த்ரபூ⁴, தாவ பவத்தகுஸலத⁴ம்மப்பப³ந்தோ⁴ ஸெக்க²த⁴ம்மே ஆஹச்ச டி²தோ ஸெக்க²பரியந்தோ. ஸெக்க²த⁴ம்மானங் வா ஹெட்டி²மந்தபூ⁴தா ஸிக்கி²தப்³பா³ லோகியா திஸ்ஸோ ஸிக்கா² ஸெக்க²பரியந்தோ, தஸ்மிங் ஸெக்க²பரியந்தே. பரிபூரகாரீனந்தி கிஞ்சிபி ஸிக்க²ங் அஹாபெத்வா பூரெந்தானங். உபரிவிஸேஸாதி⁴க³மத்த²ங் காயே ச ஜீவிதே ச அனபெக்கா²னங். ததோ ஏவ ஸீலபாரிபூரிஅத்த²ங் பரிச்சத்தஜீவிதானங். தி³ட்டி²ஸங்கிலேஸேன அபராமஸனீயதோ பாரிஸுத்³தி⁴வந்தங் ஸீலங் அபராமட்ட²பாரிஸுத்³தி⁴ஸீலங். கிலேஸானங் ஸப்³ப³ஸோ படிப்பஸ்ஸத்³தி⁴யா பாரிஸுத்³தி⁴வந்தங் ஸீலங் படிப்பஸ்ஸத்³தி⁴பாரிஸுத்³தி⁴ஸீலங்.
அனுபஸம்பன்னானங் அஸெக்கா²னங், ஸெக்கா²னங், கல்யாணபுது²ஜ்ஜனானஞ்ச ஸீலங் மஹானுபா⁴வதாய ஆனுபா⁴வதோ அபரியந்தமேவாதி ஆஹ ‘‘க³ணனவஸேன ஸபரியந்தத்தா’’தி. காயவாசானங் ஸங்வரணதோ, வினயனதோ ச ஸங்வரவினயா. பெய்யாலமுகே²ன நித்³தி³ட்டா²தி தத்த² தத்த² ஸத்தா²ரா தே³ஸிதவித்தா²ரனயேன யதா²வுத்தக³ணனதோ நித்³தி³ட்டா². ஸிக்கா²தி ஸீலஸங்கா²தா ஸிக்கா². வினயஸங்வரேதி வினயபிடகே. க³ணனவஸேன ஸபரியந்தம்பி உபஸம்பன்னானங் ஸீலந்தி ஹெட்டா² வுத்தங் ஆனெத்வா ஸம்ப³ந்தி⁴தப்³ப³ங். யங் கிஞ்சி ஹி உபஸம்பன்னேன ஸிக்கி²தப்³ப³ங் ஸீலங் நாம, தத்த² கஸ்ஸசிபி அனவஸேஸதோ அனவஸேஸவஸேன ஸமாதா³னபா⁴வந்தி ஸமாதா³னஸப்³பா⁴வங். லாப⁴…பே॰… வஸேன அதி³ட்ட²பரியந்தபா⁴வோ லாபா⁴தி³ஹேது ஸீலஸ்ஸ அவீதிக்கமோ.
த⁴னங் சஜே அங்க³வரஸ்ஸ ஹேது பாரிபந்தி²கசோராதீ³ஹி உபத்³து³தோ. அங்க³ங் சஜே ஜீவிதங் ரக்க²மானோ ஸப்பத³ட்டா²தி³காலே. அங்க³ங் த⁴னங் ஜீவிதஞ்சாபி ஸப்³ப³ங், சஜே நரோ த⁴ம்மமனுஸ்ஸரந்தோ ஸுதஸோமமஹாபோ³தி⁴ஸத்தாத³யோ விய. தேனாஹ ‘‘இமங் ஸப்புரிஸானுஸ்ஸதிங் அவிஜஹந்தோ’’தி. ஜிக⁴ச்சா²பரிஸ்ஸமேன ஜீவிதஸங்ஸயே ஸதிபி. ஸிக்கா²பத³ங் அவீதிக்கம்மாதி அஸ்ஸாமிகேஸு அம்ப³ப²லேஸு படிக்³க³ஹணஸிக்கா²பத³ங் அவீதிக்கமித்வா.
ஸீலவந்தஸ்ஸாதி ஸீலவந்தபா⁴வஸ்ஸ காரணா, ஸீலவந்தஸ்ஸ வா துய்ஹங் ஏதாதி³ஸங் அங்ஸேன வாஹணாதி³கங் கிச்சங் கரோதி, காரணா ஸீலஸ்ஸாதி அதி⁴ப்பாயோ. ஸுதோ⁴தஜாதிமணி வியாதி சதூஸு பாஸாணேஸு ஸம்மதே³வ தோ⁴தஜாதிமணி விய. மஹாஸங்க⁴ரக்கி²தபா⁴கி³னெய்யஸங்க⁴ரக்கி²தத்தே²ரானங் வியாதி மஹாஸங்க⁴ரக்கி²தத்தே²ரஸ்ஸ, தஸ்ஸேவ பா⁴கி³னெய்யஸங்க⁴ரக்கி²தத்தே²ரஸ்ஸ விய ச. ‘‘கிமத்த²ங் மயங் இதா⁴க³தா’’தி மஹாஜனஸ்ஸ விப்படிஸாரோ ப⁴விஸ்ஸதீதி அதி⁴ப்பாயோ. அச்ச²ரிகாயாதி அங்கு³லிபோ²டனேன. அஸதியாதி ஸதிஸம்மோஸேன. அஞ்ஞாணபகதந்தி அஞ்ஞாணேன அபரஜ்ஜி²த்வா கதங், அஜானித்வா கதந்தி அத்தோ².
அப்பஸ்ஸுதோபி சே ஹோதீதி ஸுத்தகெ³ய்யாதி³ஸுதரஹிதோ ஹோதி சே. ஸீலேஸு அஸமாஹிதோதி பாதிமொக்க²ஸங்வராதி³ஸீலேஸுபி ந ஸம்மா பதிட்டி²தோ ஹோதி சே. நாஸ்ஸ ஸம்பஜ்ஜதே ஸுதந்தி அஸ்ஸ ஸீலரஹிதஸ்ஸ புக்³க³லஸ்ஸ ஸுதங் அத்தனோ, பரேஸஞ்ச கத்த²சி ப⁴வஸம்பத்திஆவஹங் ந ஹோதி. ‘‘து³ஸ்ஸீலோயங் புரிஸபுக்³க³லோ’’தி ஹி ஸிக்கா²காமா ந தஸ்ஸ ஸந்திகங் உபஸங்கமந்தி. ப³ஹுஸ்ஸுதோபி சேதி எத்த² சே-தி நிபாதமத்தங். பஸங்ஸிதோதி பஸங்ஸிதோ ஏவ நாம.
ராக³வஸேன அபராமட்ட²க³ஹணேன தண்ஹாபராமாஸாபா⁴வமாஹ. ததா²ரூபந்தி ராக³வஸேன அபராமட்ட²ங். பி⁴ந்தி³த்வாதி ஹனித்வா. ஸஞ்ஞபெஸ்ஸாமீதி ஸஞ்ஞத்திங் அட்டியாமீதி ஜிகு³ச்சா²மி. ஹராயாமீதி லஜ்ஜாமி.
பலிபன்னோதி ஸீத³ந்தோ, ஸம்மக்கி²தோ வா. ஸீலேனேவ ஸத்³தி⁴ங் மரிஸ்ஸாமீதி ஸீலங் அவினாஸெந்தோ தேன ஸஹேவ மரிஸ்ஸாமி, ந இதா³னி கதா³சிபி தங் பரிச்சஜிஸ்ஸாமி. ஸதி ஹி ப⁴வாதா³னே ஸீலேன வியோகோ³ ஸியா, ப⁴வமேவ நாதி³யிஸ்ஸாமீதி அதி⁴ப்பாயோ. ரோக³ங் ஸம்மஸந்தோதி ரோக³பூ⁴தங் வேத³னங் வேத³னாமுகே²ன ஸேஸாரூபத⁴ம்மே, ரூபத⁴ம்மே ச பரிக்³க³ஹெத்வா விபஸ்ஸந்தோ.
ருப்பதோதி விகாரங் ஆபாதி³யமானஸரீரஸ்ஸ. பரிஸுஸ்ஸதீதி ஸமந்ததோ ஸுஸ்ஸதி. யதா² கிங்? புப்ப²ங் யதா² பங்ஸுனி ஆதபே கதங் ஸூரியாதபஸந்தத்தே பங்ஸுனி ட²பிதங் ஸிரீஸாதி³புப்ப²ங் வியாதி அஜஞ்ஞந்தி அமனுஞ்ஞங் ஜிகு³ச்ச²னீயங். ஜஞ்ஞஸங்கா²தந்தி பா³லேஹி ‘‘ஜஞ்ஞ’’ந்தி ஏவங் கித்திதங். ஜஞ்ஞரூபங் அபஸ்ஸதோதி யதா²பூ⁴தங் அப்பஸ்ஸதோ அவித்³த³ஸுனோ ‘‘ஜஞ்ஞ’’ந்தி பஸங்ஸிதங். தி⁴ரத்து²மந்தி தி⁴ அத்து² இமங், தி⁴-ஸத்³த³யோகே³ன ஸப்³ப³த்த² உபயோக³வசனங், இமஸ்ஸ பூதிகாயஸ்ஸ தி⁴காரோ ஹோதூதி அத்தோ². து³க்³க³ந்தி⁴யந்தி து³க்³க³ந்தி⁴கங் து³க்³க³ந்த⁴வந்தங். யத்த² யதா²வுத்தே பூதிகாயே ராக³ஹேது பமத்தா பமாத³ங் ஆபன்னா. பஜாதி ஸத்தா. ஹாபெந்தி மக்³க³ங் ஸுக³தூபபத்தியாதி ஸுக³தூபபத்தியா மக்³க³ங், ஸீலம்பி ஹாபெந்தி, பகே³வ ஜா²னாதி³ந்தி அதி⁴ப்பாயோ. கேவலங் ‘‘அரஹந்தோ’’தி வத்தப்³பா³ ஸாவககீ²ணாஸவா, இதரே பன பச்சேகபு³த்³தா⁴ ஸம்மாஸம்பு³த்³தா⁴தி ஸஹ விஸேஸனேனாதி ஆஹ ‘‘அரஹந்தாதீ³ன’’ந்தி. ஸப்³ப³த³ரத²ப்படிப்பஸ்ஸத்³தி⁴யாதி ஸப்³ப³கிலேஸத³ரத²ப்படிப்பஸ்ஸத்³தி⁴யா.
து³தியஸீலபஞ்சகவண்ணனா
பாணாதிபாதாதீ³னந்தி ஆதி³-ஸத்³தே³ன அதி³ன்னாதா³னாதீ³னங் அக்³க³மக்³க³வஜ்ஜ²கிலேஸபரியோஸானானங் ஸங்க³ஹோ த³ட்ட²ப்³போ³. பஹானாதீ³தி ஆதி³-ஸத்³தே³ன வேரமணிஆதீ³னங் சதுன்னங். கேஸுசி பொத்த²கேஸு ‘‘பஹானவஸேனா’’தி லிக²ந்தி, ஸா பமாத³லேகா². பாணாதிபாதஸ்ஸ பஹானங் ஸீலந்தி ஹிரொத்தப்பகருணாலோபா⁴தி³பமுகே²ன யேன குஸலசித்துப்பாதே³ன பாணாதிபாதோ பஹீயதி, தங் பாணாதிபாதஸ்ஸ பஹானங் ஸீலனட்டே²ன ஸீலங். ததா² பாணாதிபாதா வேரமணீ ஸீலங். பாணாதிபாதஸ்ஸ படிபக்க²சேதனா சேதனா ஸீலங். பாணாதிபாதஸ்ஸ ஸங்வரணங் பவேஸத்³வாரபிதா⁴னங் ஸங்வரோ ஸீலங். பாணாதிபாதஸ்ஸ அவீதிக்கமனங் அவீதிக்கமோ ஸீலங். அதி³ன்னாதா³னஸ்ஸாதிஆதீ³ஸுபி ஏஸேவ நயோ. அபி⁴ஜ்ஜா²தீ³னங் பன அனபி⁴ஜ்ஜா²தி³வஸேன பஹானங் வேதி³தப்³ப³ங். வேரமணீ சேதனா தங்ஸம்பயுத்தா ஸங்வராவீதிக்கமா தப்பமுகா² த⁴ம்மா.
ஏவங் த³ஸகுஸலகம்மபத²வஸேன பஹானஸீலாதீ³னி த³ஸ்ஸெத்வா இதா³னி ஸஉபாயானங் அட்ட²ன்னங் ஸமாபத்தீனங், அட்டா²ரஸன்னங் மஹாவிபஸ்ஸனானங், அரியமக்³கா³னஞ்ச வஸேன தானி த³ஸ்ஸேதுங் ‘‘நெக்க²ம்மேனா’’திஆதி³ ஆரத்³த⁴ங். தத்த² நெக்க²ம்மேனாதி அலோப⁴ப்பதா⁴னேன குஸலசித்துப்பாதே³ன. குஸலா ஹி த⁴ம்மா காமபடிபக்கா² இத⁴ ‘‘நெக்க²ம்ம’’ந்தி அதி⁴ப்பேதா. தேனாஹ ‘‘காமச்ச²ந்த³ஸ்ஸ பஹானங் ஸீல’’ந்திஆதி³. தத்த² பஹானஸீலாதீ³னி ஹெட்டா² வுத்தனயேனேவ வேதி³தப்³பா³னி. விஸேஸமேவ வக்கா²ம. அப்³யாபாதே³னாதி மெத்தாய. ஆலோகஸஞ்ஞாயாதி விபூ⁴தங் கத்வா மனஸிகரணேன உபட்டி²தஆலோகஸஞ்ஜானநேன அவிக்கே²பேனாதி ஸமாதி⁴னா. த⁴ம்மவவத்தா²னேனாதி குஸலாதி³த⁴ம்மானங் யாதா²வனிச்ச²யேன. ஸபச்சயனாமரூபவவத்தா²னேனாதிபி வத³ந்தி.
ஏவங் காமச்ச²ந்தா³தி³னீவரணப்பஹானேன ‘‘அபி⁴ஜ்ஜ²ங் லோகே பஹாயா’’திஆதி³னா (விப⁴॰ 538) வுத்தாய பட²மஜ்ஜா²னாதி⁴க³மஸ்ஸ உபாயபூ⁴தாய புப்³ப³பா⁴க³படிபதா³ய வஸேன பஹானஸீலாதீ³னி த³ஸ்ஸெத்வா இதா³னி ஸஉபாயானங் அட்ட²ஸமாபத்திஆதீ³னங் வஸேன த³ஸ்ஸேதுங் ‘‘ஞாணேனா’’திஆதி³ வுத்தங். நாமரூபபரிக்³க³ஹகங்கா²விதரணானங் ஹி விப³ந்த⁴பூ⁴தஸ்ஸ மோஹஸ்ஸ தூ³ரீகரணேன ஞாதபரிஞ்ஞாய டி²தஸ்ஸ அனிச்சஸஞ்ஞாத³யோ ஸிஜ்ஜ²ந்தி. ததா² ஜா²னஸமாபத்தீஸு அபி⁴ரதினிமித்தேன பாமோஜ்ஜேன. தத்த² அனபி⁴ரதியா வினோதி³தாய ஜா²னாதீ³னங் ஸமதி⁴க³மோதி ஸமாபத்திவிபஸ்ஸனானங் அரதிவினோத³னஅவிஜ்ஜாபதா³லனாதி³னா உபாயோதி வுத்தங் ‘‘ஞாணேன அவிஜ்ஜாய, பாமோஜ்ஜேன அரதியா’’தி. உப்படிபாடினித்³தே³ஸோ பன நீவரணஸபா⁴வாய அவிஜ்ஜாய ஹெட்டா²னீவரணேஸுபி ஸங்க³ஹத³ஸ்ஸனத்த²ந்தி த³ட்ட²ப்³ப³ங்.
‘‘பட²மேன ஜா²னேன நீவரணான’’ந்திஆதீ³ஸு கத²ங் ஜா²னானங் ஸீலபா⁴வோ, கத²ங் வா தத்த² விரதியா ஸம்ப⁴வோ. ஸுவிஸுத்³த⁴காயகம்மாதி³கஸ்ஸ ஹி சித்தஸமாதா³னவஸேன இமானி ஜா²னானி பவத்தந்தி, ந பரித்தகுஸலானி விய காயகம்மாதி³விஸோத⁴னவஸேன, நாபி மக்³க³ப²லத⁴ம்மா விய து³ச்சரிதது³ராஜீவஸமுச்சே²த³படிப்பஸ்ஸம்ப⁴னவஸேனாதி? ஸச்சமேதங். மஹக்³க³தத⁴ம்மேஸு நிப்பரியாயேன நத்தி² ஸீலனட்டோ², குதோ விரமணட்டோ². பரியாயேன பனேதங் வுத்தந்தி த³ட்ட²ப்³ப³ங். கோ பன ஸோ பரியாயோ? யத³க்³கே³ன மஹக்³க³தா குஸலத⁴ம்மா படிபக்கே² பஜஹந்தி, தத³க்³கே³ன ததோ ஓரதா. தே ச யதா² சித்தங் நாரோஹந்தி, ஏவங் ஸங்வுதா நாம ஹொந்தி. பரியுட்டா²னஸங்கா²தோ மனொத்³வாரே வீதிக்கமோ நத்தி² ஏதேஸூதி அவீதிக்கமாதி ச வுச்சந்தி, சேதனா பன தங்ஸம்பயுத்தாதி. ஸோயமத்தோ² பரதோ ஆக³மிஸ்ஸதி. ஏவஞ்ச கத்வா விதக்காதி³பஹானவசனம்பி ஸமத்தி²தங் ஹோதி. ந ஹி நிப்பரியாயதோ ஸீலங் குஸலத⁴ம்மானங் பஹாயகங் யுஜ்ஜதி, ந செத்த² அகுஸலவிதக்காத³யோ அதி⁴ப்பேதா. கிஞ்சாபி பட²மஜ்ஜா²னூபசாரேயேவ து³க்க²ஸ்ஸ, சதுத்த²ஜ்ஜா²னூபசாரே ச ஸுக²ஸ்ஸ பஹானங் ஹோதி, அதிஸயபஹானங் பன ஸந்தா⁴ய வுத்தங் ‘‘சதுத்தே²ன ஜா²னேன ஸுக²து³க்கா²னங் பஹான’’ந்தி. ‘‘ஆகாஸானஞ்சாயதனஸமாபத்தியா’’திஆதீ³ஸு யங் வத்தப்³ப³ங், தங் ஆருப்பகதா²யங் (விஸுத்³தி⁴॰ 1.275 ஆத³யோ) ஆக³மிஸ்ஸதி.
அனிச்சஸ்ஸ, அனிச்சந்தி வா அனுபஸ்ஸனா அனிச்சானுபஸ்ஸனா. தேபூ⁴மிகத⁴ம்மானங் அனிச்சதங் க³ஹெத்வா நிச்சஸஞ்ஞாயாதி ‘‘ஸங்க²தத⁴ம்மா நிச்சா ஸஸ்ஸதா’’தி ஏவங் பவத்தாய மிச்சா²ஸஞ்ஞாய, ஸஞ்ஞாக்³க³ஹணேனேவ தி³ட்டி²சித்தானம்பி க³ஹணங் த³ட்ட²ப்³ப³ங். ஏஸ நயோ இதோ பராஸுபி. நிப்³பி³தா³னுபஸ்ஸனாயாதி ஸங்கா²ரேஸு நிப்³பி³ந்த³னாகாரேன பவத்தாய அனுபஸ்ஸனாய. நந்தி³யாதி ஸப்பீதிகதண்ஹாய. விராகா³னுபஸ்ஸனாயாதி விரஜ்ஜனாகாரேன பவத்தாய அனுபஸ்ஸனாய. ராக³ஸ்ஸாதி ஸங்கா²ரேஸு ராக³ஸ்ஸ. நிரோதா⁴னுபஸ்ஸனாயாதி ஸங்கா²ரானங் நிரோத⁴ஸ்ஸ அனுபஸ்ஸனாய. யதா² வா ஸங்கா²ரா நிருஜ்ஜ²ந்தியேவ, ஆயதிங் புனப்³ப⁴வவஸேன ந உப்பஜ்ஜந்தி, ஏவங் அனுபஸ்ஸனா நிரோதா⁴னுபஸ்ஸனா. தேனேவாஹ ‘‘நிரோதா⁴னுபஸ்ஸனாய நிரோதே⁴தி நோ ஸமுதே³தீ’’தி (படி॰ ம॰ 1.83). முஞ்சிதுகாமதாய ஹி அயங் ப³லப்பத்தா. ஸங்கா²ரானங் படினிஸ்ஸஜ்ஜனாகாரேன பவத்தா அனுபஸ்ஸனா படினிஸ்ஸக்³கா³னுபஸ்ஸனா. படிஸங்கா² ஸந்திட்ட²னா ஹி அயங் ஆதா³னஸ்ஸாதி நிச்சாதி³வஸேன க³ஹணஸ்ஸ. ஸந்ததிஸமூஹகிச்சாரம்மணவஸேன ஏகத்தக³ஹணங் க⁴னஸஞ்ஞா, தஸ்ஸா க⁴னஸஞ்ஞாய. ஆயூஹனஸ்ஸாதி அபி⁴ஸங்க²ரணஸ்ஸ. ஸங்கா²ரானங் அவத்தா²தி³விஸேஸாபத்தி விபரிணாமோ. து⁴வஸஞ்ஞாயாதி தி²ரபா⁴வக³ஹணஸ்ஸ. நிமித்தஸ்ஸாதி ஸமூஹாதி³க⁴னவஸேன ஸகிச்சபரிச்சே²த³தாய ச ஸங்கா²ரானங் ஸவிக்³க³ஹதாய. பணிதி⁴யாதி ராகா³தி³பணிதி⁴யா, தண்ஹாவஸேன ஸங்கா²ரேஸு நின்னதாயாதி அத்தோ². அபி⁴னிவேஸஸ்ஸாதி அத்தானுதி³ட்டி²யா. அனிச்சது³க்கா²தி³வஸேன ஸப்³ப³தேபூ⁴மகத⁴ம்மதிரணா அதி⁴பஞ்ஞாத⁴ம்மவிபஸ்ஸனா. ஸாராதா³னாபி⁴னிவேஸஸ்ஸாதி அஸாரேஸு ஸாரக³ஹணவிபல்லாஸஸ்ஸ. யதா²பூ⁴தஞாணத³ஸ்ஸனங் தி²ரபா⁴வபத்தா அனிச்சாதி³அனுபஸ்ஸனாவ. உத³யப்³ப³யஞாணந்தி கேசி. ஸப்பச்சயனாமரூபத³ஸ்ஸனந்தி அபரே. ‘‘இஸ்ஸரகுத்தாதி³வஸேன லோகோ ஸமுப்பன்னோ’’தி அபி⁴னிவேஸோ ஸம்மோஹாபி⁴னிவேஸோ. உச்சே²த³ஸஸ்ஸதாபி⁴னிவேஸோதி கேசி. ‘‘அஹோஸிங் நு கோ² அஹமதீதமத்³தா⁴ன’’ந்திஆதி³னயப்பவத்தா (ம॰ நி॰ 1.18; ஸங்॰ நி॰ 2.20; மஹானி॰ 174) ஸங்ஸயாபத்தி ஸம்மோஹாபி⁴னிவேஸோதி அபரே. ஸங்கா²ரேஸு தாணலேணபா⁴வக³ஹணங் ஆலயாபி⁴னிவேஸோ. ‘‘ஆலயரதா ஆலயஸம்முதி³தா’’தி (தீ³॰ நி॰ 2.67; ம॰ நி॰ 1.281; 2.337; ஸங்॰ நி॰ 1.172; மஹாவ॰ 7-8) வசனதோ ஆலயோ தண்ஹா. ஸா ஏவ சக்கா²தீ³ஸு, ரூபாதீ³ஸு ச அபி⁴னிவிஸனவஸேன பவத்தியா ஆலயாபி⁴னிவேஸோதி அபரே. ‘‘ஏவங் டி²தா தே ஸங்கா²ரா படினிஸ்ஸஜ்ஜீயந்தீ’’தி பவத்தங் ஞாணங் படிஸங்கா²னுபஸ்ஸனா. அப்படிஸங்கா² படிஸங்கா²ய படிபக்க²பூ⁴தா மோஹப்பதா⁴னா அகுஸலத⁴ம்மா. வட்டதோ விக³தத்தா விவட்டங் நிப்³பா³னங், தத்த² நின்னபா⁴வஸங்கா²தேன அனுபஸ்ஸனேன பவத்தி விவட்டானுபஸ்ஸனா, ஸங்கா²ருபெக்கா² சேவ அனுலோமஞாணஞ்ச. ஸஞ்ஞோகா³பி⁴னிவேஸோ ஸங்யுஜ்ஜனவஸேன ஸங்கா²ரேஸு அபி⁴னிவிஸனங்.
தி³ட்டே²கட்டா²னந்தி ஓளாரிகானந்தி உபரிமக்³க³வஜ்ஜே² கிலேஸே உபாதா³ய வுத்தங். அஞ்ஞதா² த³ஸ்ஸனேன பஹாதப்³பா³பி து³தியமக்³க³வஜ்ஜே²ஹி ஓளாரிகா. அணுஸஹக³தானந்தி அணுபூ⁴தானங், இத³ங் ஹெட்டி²மமக்³க³வஜ்ஜே² உபாதா³ய வுத்தங். ஸப்³ப³கிலேஸானந்தி அவஸிட்ட²ஸப்³ப³கிலேஸானங். ந ஹி பட²மமக்³கா³தீ³ஹி பஹீனா கிலேஸா புன பஹீயந்தி.
‘‘சித்தஸ்ஸ அவிப்படிஸாராய ஸங்வத்தந்தீ’’திஆதீ³ஸு ஸங்வரோ அவிப்படிஸாரத்தா²ய. ‘‘அவிப்படிஸாரத்தா²னி கோ², ஆனந்த³, குஸலானி ஸீலானீ’’தி (அ॰ நி॰ 10.1) வசனதோ சேதஸோ அவிப்படிஸாரத்தா²ய ப⁴வந்தி. அவிப்படிஸாரோ பாமோஜ்ஜத்தா²ய. ‘‘யோனிஸோ மனஸி கரோதோ பாமோஜ்ஜங் ஜாயதீ’’தி (தீ³॰ நி॰ 3.359) வசனதோ பாமோஜ்ஜாய ஸங்வத்தந்தி. பாமோஜ்ஜங் பீதியா. ‘‘பமுதி³தஸ்ஸ பீதி ஜாயதீ’’தி (தீ³॰ நி॰ 1.466; 3.359; அ॰ நி॰ 3.96; 6.10; 11.12) வசனதோ பீதியா ஸங்வத்தந்தி. பீதி பஸ்ஸத்³த⁴த்தா²ய. ‘‘பீதிமனஸ்ஸ காயோ பஸ்ஸம்ப⁴தீ’’தி (தீ³॰ நி॰ 1.466; 3.359; அ॰ நி॰ 3.96; 6.10; 11.12) வசனதோ பஸ்ஸத்³தி⁴யா ஸங்வத்தந்தி. பஸ்ஸத்³தி⁴ ஸுக²த்தா²ய. ‘‘பஸ்ஸத்³த⁴காயோ ஸுக²ங் வேதே³தீ’’தி (தீ³॰ நி॰ 1.466; 3.359; அ॰ நி॰ 3.96; 6.10; 11.12) வசனதோ ஸோமனஸ்ஸாய ஸங்வத்தந்தீதி. ‘‘ஸுக²த்தா²ய ஸுக²ங் வேதே³தீ’’தி செத்த² ஸோமனஸ்ஸங் ‘‘ஸுக²’’ந்தி வுத்தங். ஆஸேவனாயாதி ஸமாதி⁴ஸ்ஸ ஆஸேவனாய. நிராமிஸே ஹி ஸுகே² ஸித்³தே⁴ ‘‘ஸுகி²னோ சித்தங் ஸமாதி⁴யதீ’’தி (தீ³॰ நி॰ 1.466; 3.359; அ॰ நி॰ 3.96; 6.10; 11.12) வசனதோ ஸமாதி⁴ ஸித்³தோ⁴யேவ ஹோதி, தஸ்மா ஸமாதி⁴ஸ்ஸ ஆஸேவனாய பகு³ணப³லவபா⁴வாய ஸங்வத்தந்தீதி அத்தோ². பா⁴வனாயாதி தஸ்ஸேவ ஸமாதி⁴ஸ்ஸ வட்³டி⁴யா. ப³ஹுலீகம்மாயாதி புனப்புனங் கிரியாய. அலங்காராயாதி தஸ்ஸேவ ஸமாதி⁴ஸ்ஸ பஸாத⁴னபூ⁴தஸத்³தி⁴ந்த்³ரியாதி³னிப்ப²த்தியா அலங்காராய ஸங்வத்தந்தி. பரிக்கா²ராயாதி அவிப்படிஸாராதி³கஸ்ஸ ஸமாதி⁴ஸம்பா⁴ரஸ்ஸ ஸித்³தி⁴யா தஸ்ஸேவ ஸமாதி⁴ஸ்ஸ பரிக்கா²ராய ஸங்வத்தந்தி. ஸம்பா⁴ரத்தோ² ஹி இத⁴ பரிக்கா²ர-ஸத்³தோ³. ‘‘யே ச கோ² இமே பப்³ப³ஜிதேன ஜீவிதபரிக்கா²ரா ஸமுதா³னேதப்³பா³’’திஆதீ³ஸு (ம॰ நி॰ 1.191) விய ஸம்பா⁴ரோதி ச பச்சயோ வேதி³தப்³போ³. காமஞ்சாயங் பரிக்கா²ர-ஸத்³தோ³ ‘‘ரதோ² ஸீலபரிக்கா²ரோ’’திஆதீ³ஸு (ஸங்॰ நி॰ 5.4) அலங்காரத்தோ². ‘‘ஸத்தஹி நக³ரபரிக்கா²ரேஹி ஸுபரிக்க²த்தங் ஹோதீ’’திஆதீ³ஸு (அ॰ நி॰ 7.67) பரிவாரத்தோ² வுத்தோ. இத⁴ பன அலங்காரபரிவாரானங் விஸுங் க³ஹிதத்தா ‘‘ஸம்பா⁴ரத்தோ²’’தி வுத்தங் பரிவாராயாதி மூலகாரணபா⁴வேனேவ ஸமாதி⁴ஸ்ஸ பரிவாரபூ⁴தஸதிவீரியாதி³த⁴ம்மவிஸேஸஸாத⁴னேன பரிவாரஸம்பத்தியா ஸங்வத்தந்தி. பாரிபூரியாதி வஸீபா⁴வஸம்பாபனேன, விபஸ்ஸனாய பத³ட்டா²னபா⁴வாபாத³னேன ச பரிபுண்ணபா⁴வஸாத⁴னதோ ஸமாதி⁴ஸ்ஸ பாரிபூரியா ஸங்வத்தந்தி.
ஏவங் ஸுபரிஸுத்³த⁴ஸீலமூலகங் ஸப்³பா³காரபரிபூரங் ஸமாதி⁴ங் த³ஸ்ஸெத்வா இதா³னி ‘‘ஸமாஹிதோ பஜானாதி பஸ்ஸதி, யதா²பூ⁴தங் ஜானங் பஸ்ஸங் நிப்³பி³ந்த³தி, நிப்³பி³ந்த³ங் விரஜ்ஜதி ‘‘ஏகந்தனிப்³பி³தா³யா’’திஆதி³ வுத்தங். நிப்³பி³தா³ய ஹி த³ஸ்ஸிதாய தஸ்ஸா பத³ட்டா²னபூ⁴தங் யதா²பூ⁴தஞாணத³ஸ்ஸனங் த³ஸ்ஸிதமேவ ஹோதி, தஸ்மிங் அஸதி நிப்³பி³தா³ய அஸிஜ்ஜ²னதோ. நிப்³பி³தா³த³யோ அத்த²தோ விப⁴த்தா ஏவ. யதா²பூ⁴தஞாணத³ஸ்ஸனந்தி பனெத்த² ஸப்பச்சயனாமரூபத³ஸ்ஸனங் அதி⁴ப்பேதங். ஏவமெத்த² அமதமஹானிப்³பா³னபரியோஸானங் ஸீலஸ்ஸ பயோஜனங் த³ஸ்ஸிதந்தி வேதி³தப்³ப³ங்.
இதா³னி பஹானாதீ³ஸு ஸீலத்த²ங் த³ஸ்ஸேதுங் ‘‘எத்த² சா’’திஆதி³ ஆரத்³த⁴ங். தத்த² பஜஹனங் அனுப்பாத³னிரோதோ⁴ பஹானந்தி தஸ்ஸ பா⁴வஸாத⁴னதங் ஸந்தா⁴ய ‘‘பஹானந்தி கோசி த⁴ம்மோ நாம நத்தீ²’’தி வுத்தங். யதா² பனஸ்ஸ த⁴ம்மபா⁴வோ ஸம்ப⁴வதி, ததா² ஹெட்டா² ஸங்வண்ணிதமேவ. ஏவங் ஹிஸ்ஸ ஸீலபா⁴வோ ஸுட்டு² யுஜ்ஜதி. தங் தங் பஹானந்தி ‘‘பாணாதிபாதஸ்ஸ பஹானங், அதி³ன்னாதா³னஸ்ஸ பஹான’’ந்தி ஏவங் வுத்தங் தங் தங் பஹானங். தஸ்ஸ தஸ்ஸ குஸலத⁴ம்மஸ்ஸாதி பாணாதிபாதஸ்ஸ பஹானங் மெத்தாதி³குஸலத⁴ம்மஸ்ஸ, அதி³ன்னாதா³னஸ்ஸ பஹானங் சாகா³தி³குஸலத⁴ம்மஸ்ஸாதி ஏவங் தஸ்ஸ தஸ்ஸ குஸலத⁴ம்மஸ்ஸ. பதிட்டா²னட்டே²னாதி பதிட்டா²னபா⁴வேன. பஹானங் ஹி தஸ்மிங் ஸதி ஹோதி, அஸதி ந ஹோதி, தஸ்ஸ ‘‘பதிட்டா²ன’’ந்தி வத்தப்³ப³தங் லப⁴தீதி கத்வா யஸ்மிங் ஸந்தானே பாணாதிபாதாத³யோ தஸ்ஸ பகம்பஹேதவோதி தப்பஹானங் விகம்பாபா⁴வகரணேன ச ஸமாதா⁴னங் வுத்தங். ஏவங் ஸேஸபஹானேஸுபி வத்தப்³ப³ங். ஸமாதா⁴னங் ஸண்ட²பனங், ஸங்யமனங் வா. இதரே சத்தாரோதி வேரமணிஆத³யோ சத்தாரோ த⁴ம்மா ந பஹானங் விய வோஹாரமத்தந்தி அதி⁴ப்பாயோ. ததோ ததோதி தம்ஹா தம்ஹா பாணாதிபாதாதி³தோ. தஸ்ஸ தஸ்ஸாதி பாணாதிபாதாதி³கஸ்ஸ ஸங்வரணவஸேன, தஸ்ஸ தஸ்ஸ வா ஸங்வரஸ்ஸ வஸேன. தது³ப⁴யஸம்பயுத்தசேதனாவஸேனாதி வேரமணீஹி, ஸங்வரத⁴ம்மேஹி ச ஸம்பயுத்தாய சேதனாய வஸேன. தங் தங் அவீதிக்கமந்தஸ்ஸாதி தங் தங் பாணாதிபாதாதி³ங் அவீதிக்கமந்தஸ்ஸ புக்³க³லஸ்ஸ, த⁴ம்மஸமூஹஸ்ஸ வா வஸேன சேதஸோ பவத்திஸப்³பா⁴வங் ஸந்தா⁴ய வுத்தா. தஸ்மா ஏகக்க²ணேபி லப்³ப⁴ந்தீதி அதி⁴ப்பாயோ.
ஸீலஸங்கிலேஸவோதா³னவண்ணனா
21. ஸங்கிலிஸ்ஸதி ஸங்கிலேஸோ. கோ பன ஸோதி ஆஹ ‘‘க²ண்டா³தி³பா⁴வோ ஸீலஸ்ஸ ஸங்கிலேஸோ’’தி. வோதா³யதி விஸுஜ்ஜ²தி ஏதேனாதி வோதா³னங், அக²ண்டா³தி³பா⁴வோ. லாப⁴யஸாதீ³தி ஆதி³-ஸத்³தே³ன ஞாதிஅங்க³ஜீவிதாதீ³னங் ஸங்க³ஹோ. ஸத்தஸு ஆபத்திக்க²ந்தே⁴ஸு ஆதி³ம்ஹி வா அந்தே வா வேமஜ்ஜே²தி ச இத³ங் தேஸங் உத்³தே³ஸாதி³பாளிவஸேன வுத்தங். ந ஹி அஞ்ஞோ கோசி ஆபத்திக்க²ந்தா⁴னங் அனுக்கமோ அத்தி². க²ண்ட³ந்தி க²ண்ட³வந்தங், க²ண்டி³தங் வா. சி²த்³த³ந்தி எத்தா²பி ஏஸேவ நயோ. பரியந்தே சி²ன்னஸாடகோ வியாதி வத்த²ந்தே, த³ஸந்தே வா சி²ன்னவத்த²ங் விய.
ஏவந்தி இதா³னி வுச்சமானாகாரேன. மேது²னஸங்யோக³வஸேனாதி ராக³பரியுட்டா²னேன ஸதி³ஸபா⁴வாபத்தியா மிது²னானங் இத³ந்தி மேது²னங், நிப³ந்த⁴னங். மேது²னவஸேன ஸமாயோகோ³ மேது²னஸங்யோகோ³. இத⁴ பன மேது²னஸங்யோகோ³ வியாதி மேது²னஸங்யோகோ³, தஸ்ஸ வஸேன. இதா⁴தி இமஸ்மிங் லோகே. ஏகச்சோதி ஏகோ. ஸமணோ வா ப்³ராஹ்மணோ வாதி பப்³ப³ஜ்ஜாமத்தேன ஸமணோ வா ஜாதிமத்தேன ப்³ராஹ்மணோ வா. த்³வயங்த்³வயஸமாபத்திந்தி த்³வீஹி த்³வீஹி ஸமாபஜ்ஜிதப்³ப³ங், மேது²னந்தி அத்தோ². ந ஹேவ கோ² ஸமாபஜ்ஜதீதி ஸம்ப³ந்தோ⁴. உச்சா²த³னங் உப்³ப³த்தனங். ஸம்பா³ஹனங் பரிமத்³த³னங். ஸாதி³யதீதி அதி⁴வாஸேதி. தத³ஸ்ஸாதே³தீதி தங் உச்சா²த³னாதி³ங் அபி⁴ரமதி. நிகாமேதீதி இச்ச²தி. வித்திந்தி துட்டி²ங். இத³ம்பி கோ²தி எத்த² இத³ந்தி யதா²வுத்தங் ஸாதி³யனாதி³ங் க²ண்ட³பா⁴வாதி³வஸேன ஏகங் கத்வா வுத்தங். பி-ஸத்³தோ³ வக்க²மானங் உபாதா³ய ஸமுச்சயத்தோ². கோ²-ஸத்³தோ³ அவதா⁴ரணத்தோ². இத³ங் வுத்தங் ஹோதி – யதே³தங் ப்³ரஹ்மசாரீபடிஞ்ஞஸ்ஸ அஸதிபி த்³வயங்த்³வயஸமாபத்தியங் மாதுகா³மஸ்ஸ உச்சா²த³னந்ஹாபனஸம்பா³ஹனஸாதி³யனாதி³, இத³ம்பி ஏகங்ஸேன தஸ்ஸ ப்³ரஹ்மசரியஸ்ஸ க²ண்டா³தி³பா⁴வாபாத³னதோ க²ண்ட³ம்பி சி²த்³த³ம்பி ஸப³லம்பி கம்மாஸம்பீதி. ஏவங் பன க²ண்டா³தி³பா⁴வாபத்தியா ஸோ அபரிஸுத்³த⁴ங் ப்³ரஹ்மசரியங் சரதி, ந பரிஸுத்³த⁴ங், ஸங்யுத்தோ மேது²னஸங்யோகே³ன, ந விஸங்யுத்தோ. ததோ சஸ்ஸ ந ஜாதிஆதீ³ஹி பரிமுத்தீதி த³ஸ்ஸெந்தோ ‘‘அயங் வுச்சதீ’’திஆதி³மாஹ.
ஸஞ்ஜக்³க⁴தீதி கிலேஸவஸேன மஹாஹஸிதங் ஹஸதி. ஸங்கீளதீதி காயஸங்ஸக்³க³வஸேன கீளதி. ஸங்கேலாயதீதி ஸப்³ப³ஸோ மாதுகா³மங் கேலாயந்தோ சக்கு²னாதி அத்தனோ சக்கு²னா. சக்கு²ந்தி மாதுகா³மஸ்ஸ சக்கு²ங். உபனிஜ்ஜா²யதீதி உபேச்ச நிஜ்ஜா²யதி ஓலோகேதி. திரோகுட்டாதி குட்டஸ்ஸ திரோபாகாரா. மத்திகாமயா பி⁴த்தி குட்டங், இட்ட²காமயா பாகாரோதி வத³ந்தி. யா காசி வா பி⁴த்தி போரிஸதோ தி³யட்³ட⁴ரதனுச்சப்பமாணா குட்டங், குட்டதோ அதி⁴கோ பாகாரோ.
அஸ்ஸாதி ப்³ரஹ்மசாரீபடிஞ்ஞஸ்ஸ. புப்³பே³தி வதஸமாதா³னதோ புப்³பே³. காமகு³ணேஹீதி காமகொட்டா²ஸேஹி. ஸமப்பிதந்தி ஸுட்டு² அப்பிதங் ஸஹிதங். ஸமங்கீ³பூ⁴தந்தி ஸமன்னாக³தங். பரிசாரயமானந்தி கீளந்தங், உபட்ட²ஹியமானங் வா. பணிதா⁴யாதி பத்தெ²த்வா. ஸீலேனாதிஆதீ³ஸு யமனியமாதி³ஸமாதா³னவஸேன ஸீலங். அவீதிக்கமவஸேன வதங். உப⁴யம்பி ஸீலங். து³க்கரசரியவஸேன பவத்திதங் வதங். தங்தங்அகிச்சஸம்மததோ வா நிவத்திலக்க²ணங் ஸீலங். தங்தங்ஸமாதா³னவதோ வேஸபோ⁴ஜனகிச்சகரணாதி³விஸேஸபடிபத்தி வதங். ஸப்³ப³தா²பி து³க்கரசரியா தபோ. மேது²னவிரதி ப்³ரஹ்மசரியங்.
ஸப்³ப³ஸோதி அனவஸேஸதோ, ஸப்³பே³ஸங் வா. அபே⁴தே³னாதி அவீதிக்கமேன. அபராய ச பாபத⁴ம்மானங் அனுப்பத்தியா, கு³ணானங் உப்பத்தியா ஸங்க³ஹிதோதி யோஜனா. தத்த² குஜ்ஜ²னலக்க²ணோ கோதோ⁴. உபனந்த⁴னலக்க²ணோ உபனாஹோ. பரேஸங் கு³ணமக்க²னலக்க²ணோ மக்கோ². யுக³க்³கா³ஹலக்க²ணோ பளாஸோ. பரஸம்பத்திஉஸூயனலக்க²ணா இஸ்ஸா. அத்தஸம்பத்தினிகூ³ஹனலக்க²ணங் மச்ச²ரியங். ஸந்ததோ³ஸபடிச்சா²த³னலக்க²ணா மாயா. அஸந்தகு³ணஸம்பா⁴வனலக்க²ணங் ஸாடெ²ய்யங். சித்தஸ்ஸ த²த்³த⁴பா⁴வலக்க²ணோ த²ம்போ⁴. கரணுத்தரியலக்க²ணோ ஸாரம்போ⁴. உன்னதிலக்க²ணோ மானோ. அப்³பு⁴ன்னதிலக்க²ணோ அதிமானோ. மஜ்ஜனலக்க²ணோ மதோ³. சித்தவோஸக்³க³லக்க²ணோ பமாதோ³. ஆதி³-ஸத்³தே³ன லோப⁴மோஹவிபரீதமனஸிகாராதீ³னங் ஸங்க³ஹோ.
இதா³னி ‘‘அக²ண்டா³தி³பா⁴வோ பனா’’திஆதி³னா வுத்தமேவத்த²ங் பாகடதரங் காதுங் ‘‘யானி ஹீ’’திஆதி³மாஹ. தத்த² அனுபஹதானீதி அனுபத்³து³தானி. விவட்டூபனிஸ்ஸயதாய தண்ஹாதா³ஸப்³யதோ மோசனேன பு⁴ஜிஸ்ஸபா⁴வகரணங். அவிஞ்ஞூனங் அப்பமாணத்தா வுத்தங் ‘‘விஞ்ஞூஹி பஸத்த²த்தா’’தி. ஸமாதி⁴ஸங்வத்தனங் வா ஏதேஸங் பயோஜனங், ஸமாதி⁴ஸங்வத்தனே வா நியுத்தானீதி ஸமாதி⁴ஸங்வத்தனிகானி. நித்³தா³னேன ஸஸ்ஸஸம்பத்தி விய படிபக்க²விக³மேன ஸீலஸம்பதா³, ஸா ச தத்த² ‘‘ஸீலவிபத்தியா ச ஆதீ³னவத³ஸ்ஸனேனா’’தி. நிஸம்மகாரீனங் பயோஜனக³ருகதாய தி³ட்ட²கு³ணேயேவ ஸம்மாபடிபத்தீதி வுத்தங் ‘‘ஸீலஸம்பத்தியா ச ஆனிஸங்ஸத³ஸ்ஸனேனா’’தி.
தத்த² ‘‘அபிசா’’தி ஆரத்³த⁴ங். தத்த² யதா² ஸீலஸம்பதா³ ஸத்தானங் மனுஞ்ஞபா⁴வகாரணங், ஏவங் ஸீலவிபத்தி அமனுஞ்ஞபா⁴வகாரணந்தி ஆஹ ‘‘து³ஸ்ஸீலோ…பே॰… தே³வமனுஸ்ஸான’’ந்தி. அனநுஸாஸனீயோ ஜிகு³ச்சி²தப்³ப³தோ. து³க்கி²தோதி ஸஞ்ஜாதது³க்கோ². விப்படிஸாரீதி ‘‘அகதங் வத மே கல்யாண’’ந்திஆதி³னா பச்சானுதாபீ. து³ப்³ப³ண்ணோதி கு³ணவண்ணேன, காயவண்ணேன ச விரஹிதோ. அஸ்ஸாதி து³ஸ்ஸீலஸ்ஸ. ஸம்ப²ஸ்ஸிதானங் து³க்கோ² து³க்கா²வஹோ ஸம்ப²ஸ்ஸோ ஏதஸ்ஸாதி து³க்க²ஸம்ப²ஸ்ஸோ. கு³ணானுபா⁴வாபா⁴வதோ அப்பங் அக்³க⁴தீதி அப்பக்³கோ⁴. அனேகவஸ்ஸக³ணிககூ³த²கூபோ வியாதி அனேகவஸ்ஸஸமூஹே ஸஞ்சிதுக்காராவாடோ விய. து³ப்³பி³ஸோத⁴னோ ஸோதே⁴துங் அஸக்குணெய்யோ. ச²வாலாதங் ச²வடா³ஹே ஸந்தஜ்ஜனும்முக்கங். உப⁴தோ பரிபா³ஹிரோதி ஸாமஞ்ஞதோ, கி³ஹிபோ⁴க³தோ ச பரிஹீனோ. ஸப்³பே³ஸங் வேரீ, ஸப்³பே³ வா வேரீ ஏதஸ்ஸாதி ஸப்³ப³வேரீ, ஸோ ஏவ ஸப்³ப³வேரிகோ, புரிஸோ. ஸங்வாஸங் நாரஹதீதி அஸங்வாஸாரஹோ. ஸத்³த⁴ம்மேதி படிபத்திஸத்³த⁴ம்மே, படிவேத⁴ஸத்³த⁴ம்மே ச.
‘‘அக்³கி³க்க²ந்த⁴பரியாயே வுத்தது³க்க²பா⁴கி³தாயா’’தி ஸங்கே²பேன வுத்தமத்த²ங் வித்தா²ரதோ த³ஸ்ஸேதுங் ‘‘து³ஸ்ஸீலானஞ்ஹீ’’திஆதி³ ஆரத்³த⁴ங். பஞ்சகாமகு³ணபரிபோ⁴க³ஸுகே², பரேஹி கயிரமானவந்த³னமானநாதி³ஸுகே² ச அஸ்ஸாதே³ன க³தி⁴தசித்தா பஞ்சகாம…பே॰… க³தி⁴தசித்தா, தேஸங். தே யதா²வுத்தஸுக²ஸ்ஸாதா³ பச்சயா ஏதஸ்ஸாதி தப்பச்சயங். து³க்க²ந்தி ஸம்ப³ந்தோ⁴.
பஸ்ஸத² நோதி பஸ்ஸத² நு, அபி பஸ்ஸத². மஹந்தந்தி விபுலங். அக்³கி³க்க²ந்த⁴ந்தி அக்³கி³ஸமூஹங். ஆதி³த்தந்தி பதி³த்தங். ஸம்பஜ்ஜலிதந்தி ஸமந்ததோ பஜ்ஜலிதங் அச்சி²விப்பு²லிங்கா³னி முச்சந்தங். ஸஜோதிபூ⁴தந்தி ஸபப⁴ங் ஸமந்ததோ உட்டி²தாஹி ஜாலாஹி ஏகப்பபா⁴ஸமுத³யபூ⁴தங். தங் கிங் மஞ்ஞதா²தி தங் இதா³னி மயா வுச்சமானமத்த²ங் கிங் மஞ்ஞதா²தி அனுமதிக³ஹணத்த²ங் புச்ச²தி. ஆலிங்கெ³த்வாதி உபகூ³ஹித்வா. உபனிஸீதெ³ய்யாதி தேனேவ ஆலிங்க³னேன உபேச்ச நிஸீதெ³ய்ய. யத³த்த²மெத்த² ஸத்தா² அக்³கி³க்க²ந்தா⁴லிங்க³னங், கஞ்ஞாலிங்க³னஞ்ச ஆனேஸி, தமத்த²ங் விபா⁴வேதுங் ‘‘ஆரோசயாமீ’’திஆதி³மாஹ ஆரோசயாமீதி ஆமந்தேமி. வோதி தும்ஹே. படிவேத³யாமீதி பபோ³தே⁴மி. து³ஸ்ஸீலஸ்ஸாதி நிஸ்ஸீலஸ்ஸ ஸீலவிரஹிதஸ்ஸ. பாபத⁴ம்மஸ்ஸாதி து³ஸ்ஸீலத்தா ஏவ ஹீனஜ்ஜா²ஸயதாய லாமகஸபா⁴வஸ்ஸ. அஸுசிஸங்கஸ்ஸரஸமாசாரஸ்ஸாதி அபரிஸுத்³த⁴காயஸமாசாராதி³தாய அஸுசிஸ்ஸ ஹுத்வா ஸங்காய ஸரிதப்³ப³ஸமாசாரஸ்ஸ. து³ஸ்ஸீலோ ஹி கிஞ்சிதே³வ அஸாருப்பங் தி³ஸ்வா ‘‘இத³ங் படிச்ச²ன்னகம்மந்தஸ்ஸாதி லஜ்ஜிதப்³ப³தாய படிச்சா²தே³தப்³ப³கம்மந்தஸ்ஸ. அஸ்ஸமணஸ்ஸாதி ந ஸமணஸ்ஸ. ஸலாகக்³க³ஹணாதீ³ஸு ‘‘அஹம்பி ஸமணோ’’தி மிச்சா²படிஞ்ஞாய ஸமணபடிஞ்ஞஸ்ஸ. அஸெட்ட²சாரிதாய அப்³ரஹ்மசாரிஸ்ஸ. உபோஸதா²தீ³ஸு ‘‘அஹம்பி ப்³ரஹ்மசாரீ’’தி மிச்சா²படிஞ்ஞாய ப்³ரஹ்மசாரிபடிஞ்ஞஸ்ஸ. பூதினா கம்மேன ஸீலவிபத்தியா அந்தோ அனுபவிட்ட²த்தா அந்தோபூதிகஸ்ஸ. ச²ஹி த்³வாரேஹி ராகா³தி³கிலேஸானுவஸ்ஸனேன திந்தத்தா அவஸ்ஸுதஸ்ஸ. ஸஞ்ஜாதராகா³தி³கசவரத்தா, ஸீலவந்தேஹி ச²ட்³டே³தப்³ப³த்தா ச கஸம்பு³ஜாதஸ்ஸ. அக்³கி³க்க²ந்தூ⁴பமாய ஹீனூபமபூ⁴தாயாதி அத்தோ². தேனாஹ ப⁴க³வா – ‘‘ஏததே³வ தஸ்ஸ வர’’ந்தி. ப⁴க³வா து³க்க²ங் த³ஸ்ஸெத்வா து³க்க²ங் த³ஸ்ஸேதீதி ஸம்ப³ந்தோ⁴.
வாளரஜ்ஜுயாதி வாளேஹி கதரஜ்ஜுயா. ஸா ஹி க²ரதரா ஹோதி. க⁴ங்ஸெய்யாதி பத⁴ங்ஸனவஸேன க⁴ங்ஸெய்ய. தேலதோ⁴தாயாதி தேலேன நிஸிதாய. பச்சோரஸ்மிந்தி பதிஉரஸ்மிங் உராபி⁴முக²ங், உரமஜ்ஜே²தி அதி⁴ப்பாயோ. அயோஸங்குனாதி ஸண்டா³ஸேன. பே²ணுத்³தே³ஹகந்தி பே²ணங் உத்³தே³ஹெத்வா, அனேகவாரங் பே²ணங் உட்ட²பெத்வாதி அத்தோ².
அக்³கி³க்க²ந்தா⁴லிங்க³னது³க்க²தோபி அதி⁴மத்தது³க்க²தாய கடுகபூ⁴தங் து³க்க²ங் ப²லங் ஏதஸ்ஸாதி அக்³கி³க்க²ந்தா⁴லிங்க³னது³க்கா²தி⁴கது³க்க²கடுகப²லங். காமஸுக²ங் அவிஜஹதோ பி⁴ன்னஸீலஸ்ஸ து³ஸ்ஸீலஸ்ஸ குதோ தஸ்ஸ ஸுக²ங் நத்தே²வாதி அதி⁴ப்பாயோ. ஸாத³னேதி ஸாதி³யனே. யந்தி அஞ்ஜலிகம்மஸாத³னங். அஸீலினோதி து³ஸ்ஸீலஸ்ஸ. உபஹதந்தி ஸீலப்³யஸனேன உபத்³து³தங். க²தந்தி குஸலமூலானங் க²ணனேன க²தங், க²ணிதங் வா கு³ணங் ஸரீரேதி அதி⁴ப்பாயோ. ஸப்³ப³ப⁴யேஹீதி அத்தானுவாதா³தி³ஸப்³ப³ப⁴யேஹி. உபசாரஜ்ஜா²னங் உபாதா³ய ஸப்³பே³ஹி அதி⁴க³மஸுகே²ஹி.
வுத்தப்பகாரவிபரீததோதி காயக³ந்தோ⁴பி பாமோஜ்ஜங், ஸீலவந்தஸ்ஸ பி⁴க்கு²னோ. கரோதி அபி தே³வானந்தி எத்த² ‘‘க³ந்தோ⁴ இஸீனங் சிரதி³க்கி²தான’’ந்திஆதி³கா (ஜா॰ 2.17.55) கா³தா² வித்தா²ரேதப்³பா³. அவிகா⁴தீதி அப்படிகா⁴தீ. வத⁴ப³ந்தா⁴தி³பரிகிலேஸா தி³ட்ட²த⁴ம்மிகா ஆஸவா உபத்³த³வா. ஸம்பராயிகது³க்கா²னங் மூலங் நாம து³ஸ்ஸீல்யங். அந்தமதிக்கந்தங் அச்சந்தங், அச்சந்தங் ஸந்தா அச்சந்தஸந்தா உப்³பி³ஜ்ஜித்வாதி ஞாணுத்ராஸேன உத்தஸித்வா. வோதா³பேதப்³ப³ந்தி விஸோதே⁴தப்³ப³ங்.
ஸீலனித்³தே³ஸவண்ணனா நிட்டி²தா.
இதி பட²மபரிச்சே²த³வண்ணனா.