வீதி² ஸங்க³ஹ பரமத்த²தீ³பனீ
136. ஏவங் சித்துப்பாதா³னமிச்சேவந்திஆதி³மாஹ. தத்த² உப்பஜ்ஜந்தீதி உப்பாதா³. தத்த² உப்பஜ்ஜந்தி. அஞ்ஞஸ்ஸ அஸு தத்தாசித்தே இச்சேவ லப்³ப⁴தி. இதி சித்தஞ்ச சித்தேஉப்பாதா³சாதி சித்துப்பாதா³. சித்தசேதஸிகாதி வுத்தங் ஹோதி. தேஸங் சித்துப்பாதா³னங். இச்சேவந்திஆதி³தோ பட்டா²ய வுத்தப்பகாரேன. ஸங்க³ஹமுத்தரந்தி ஜாதினித்³தே³ஸோ யங். உத்தரே உத்தமே தயோ பபே⁴த³ஸங்க³ஹே கத்வாதி ஸம்ப³ந்தோ⁴. பூ⁴மிபுக்³க³லபே⁴தே³னாதி ஸஹத்தே² கரணவசனங். காமாவசராதி³பூ⁴மிபே⁴தே³ன து³ஹேதுகாதி³ புக்³க³லபே⁴தே³ன ஸத்³தி⁴ந்தி அத்தோ². புப்³பா³பரனியாமிதந்தி ஆவஜ்ஜனாதி³ சக்கு²விஞ்ஞாணாதி³ புப்³ப³ சித்தாபரசித்தானுக்கமேன நியாமிதங் வவத்தி²தங். பவத்திஸங்க³ஹங்னாமாதிபி ஜாதினித்³தே³ஸோயேவ. ஏவங் நாமகே த்³வே பவத்திஸங்க³ஹேதி அத்தோ². படிஸந்தி⁴பவத்தியந்தி படிஸந்தி⁴பவத்தீஸு. வசனவிபல்லாஸோ ஹேஸ. படிஸந்தி⁴காலேபவத்திகாலேசாதி அத்தோ². படிஸந்தி⁴காலே பவத்திஸங்க³ஹஞ்ச பவத்திகாலே பவத்திஸங்க³ஹஞ்சாதி த்³வே ஸங்க³ஹேபவத்தி பவக்கா²மீதி வுத்தங் ஹோதி. அயஞ்ச அத்தோ² உபரிஸங்க³ஹே ஆரப்³ப⁴ கா³தா²ய பாகடோ. கேசி பன நித்³தா⁴ரணே பு⁴ம்மந்தி வத³ந்தி. ஏவங்ஸதி உபரி ஸங்க³ஹோ படிஸந்தி⁴ஸங்க³ஹோனாம ஸியா. ந பவத்தி ஸங்க³ஹோ நாம. ஏவஞ்ச ஸதி உபரி வீதி²முத்தஸங்க³ஹே ஆரப்³ப⁴ கா³தா²யங் ஸந்தி⁴யங் பவத்திஸங்க³ஹோனாம இதா³னி வுச்சதீதி இமினா ந ஸமேதி.
[115] டீகாஸு பன
‘‘உத்தரங் வேத³னாஸங்க³ஹாதி³விபா⁴க³தோ உத்தம’’ந்தி வுத்தங். தங் விசாரேதப்³ப³ங்.
ஏவஞ்ஹி
[116] விபா⁴வனியங் பன
‘‘வத்து²த்³வாராலம்ப³ண ஸங்க³ஹா ஹெட்டா² கதி²தாபி பரிபுண்ணங் கத்வா பவத்திஸங்க³ஹங் த³ஸ்ஸேதுங் புன நிக்கி²த்தா’’தி வுத்தங். தங் ந ஸுந்த³ரங்.
ந ஹி ஸகலா வத்து²த்³வாராலம்ப³ணஸங்க³ஹா இத⁴ நிக்கி²த்தாதி. விஸயானங் த்³வாரேஸு பவத்தி விஸயபவத்தி. எத்த²ச பவத்தீதி ஆபாதாக³மனமேவ வுச்சதி. வக்க²தி ஹி ஏகசித்தக்க²ணா தீதானிவாதிஆதி³ங். ஸா பன காசி ஸீக⁴தமா, காசி ஸீக⁴தரா, ஸீகா⁴, த³ந்தா⁴, த³ந்த⁴தரா, த³ந்த⁴தமாதி ச²தா⁴ ஹோதீதி. கம்மாதீ³னங் விஸயானங் த்³வாரேஸு பவத்தி பச்சுபட்டா²னங் ஆபாதாக³மனங் விஸயப்பவத்தி. வக்க²தி ஹி கம்மங்வா கம்மனிமித்தங்வா க³தினிமித்தங்வா கம்மப³லேன ச²ன்னங் த்³வாரானங் அஞ்ஞதரஸ்மிங் பச்சுபட்டா²தீதி.
[117] விபா⁴வனியங் பன
‘‘விஸயேஸுச சித்தானங் பவத்தி விஸயப்பவத்தீ’’திபி வுத்தங். தங் ந ஸுந்த³ரங்.
ஏவஞ்ஹி ஸதி அதிபரித்தாரம்மணே விஸயப்பவத்தினாம அனுபபன்னா ஆபஜ்ஜதீதி. தத்தா²தி தேஸு ச²க்கேஸு. தா⁴துபே⁴த³ங் பத்வாதா⁴துனானத்தங் பமாணந்தி மனநங் விஜானநதோ விஸுங் கத்வா மனோதா⁴து விஸுங் வுத்தா. விஞ்ஞாணபே⁴த³ங் பத்வா பன யங்கிஞ்சி மனநங் விஜானநே அந்தோ க³த⁴மேவாதி வுத்தங் சக்கு²விஞ்ஞாணங்.ல. ச²விஞ்ஞாணானீதி ச²வீதி²யோ பன த்³வாரப்பவத்தா சித்தபவத்தியோ யோஜேதப்³பா³தி ஸம்ப³ந்தோ⁴. சக்கு²த்³வாரே பவத்தா வீதி² சக்கு²த்³வாரவீதி². சக்கு²த்³வாரவிகாரங் படிச்ச பவத்தோ சக்கு²விஞ்ஞாணவீதி². ஸுத்³தோ⁴ பன மனோவிஞ்ஞாணபப³ந்தோ⁴ மனோவிஞ்ஞாணவீதி².
விபா⁴வனியங் பன
‘‘சக்கு²விஞ்ஞாணஸம்ப³ந்தி⁴னீ வீதி² தேன ஸஹ ஏகாரம்மண ஏக த்³வாரிகதாய ஸஹ சரணபா⁴வதோ சக்கு²விஞ்ஞாண வீதீ²’’தி வுத்தங்.
த்³வாரப்பவத்தாதி த்³வாரே உப்பன்னா. தங் தங் த்³வாரவிகாரங் படிச்ச உப்பன்னாதி அத்தோ². சித்தப்பவத்தியோதி சித்தபப³ந்தா⁴. அதிமஹந்தந்தி ஸாமி அத்தே² பச்சத்தவசனங். அதிமஹந்தஸ்ஸ பஞ்சாலம்ப³ணஸ்ஸ பவத்தி.ல. அதிபரித்தஸ்ஸ பஞ்சாலம்ப³ணஸ்ஸ பவத்திசாதி பஞ்சத்³வாரே சதுதா⁴. மனொத்³வாரே பன விபூ⁴தஸ்ஸ ச²ளாரம்மணஸ்ஸ பவத்தி அவிபூ⁴தஸ்ஸ ச²ளாரம்மணஸ்ஸ பவத்திசாதி த்³விதா⁴தி ச²தா⁴விஸயப்பவத்தி வேதி³தப்³பா³தி யோஜனா. அதிமஹந்தாதி³பா⁴வோ செத்த² ஆலோகாதி³ பச்சய வஸேனவா வத்து² அதிமஹந்தாதி³வஸேனவா வேதி³தப்³போ³. தத்த² ஸண்ஹஸுகு²மங்பி தூ³ரங்பி ரூபாதீ³னங் அதி⁴ட்டா²னவத்து²னாம ஆலோகாதி³ பச்சய ஸம்பத்தியா ஸதி அதிமஹந்தமேவ. ததா² ஹி பு³த்³த⁴ஸ்ஸ ப⁴க³வதோ பத²மாதி நீஹாரகாலாதீ³ஸு லோக விவரண பாடிஹாரியபவத்தி காலே அவீசினிரயேபி அகனிட்டே²பி பரசக்கவாளேஸுபி ஸண்ஹஸுகு²மானிச தூ³ரானிச ரூபானி இத⁴ டி²தாவ பஸ்ஸந்தி. ததா³ ஹி உளாரோ ஓபா⁴ஸோ பாதுரஹோஸி. தஸ்ஸ வஸேன ஸப்³பே³பி பத²விஸினேரு சக்கவாள ஸிலுச்சயாத³யோ ஜாதிப²லிகக்க²ந்தா⁴ விய ஸம்பஜ்ஜந்தி. மஹந்தோ உளாரோ ஓபா⁴ஸோ பாதுரஹோஸி அதிகம்மதே³வானங் தே³வானுபா⁴வந்தி ஹி வுத்தங். உபபத்திதே³வப்³ரஹ்மாதீ³னங் பன பஸாத³னிஸ்ஸயபூ⁴தானங் ஓபா⁴ஸஜாததாயபி பத²விபப்³ப³தாத³யோ சக்கு²ரூபாதீ³னங் அந்தரங் காதுங் நஸக்கொந்தீதி. ததா² தூ³ரேபி பப்³ப³தாதி³ரூபானி வத்து² அதிமஹந்ததாய சந்த³ஸூரிய தாரகாதி³ ரூபானி விஸய வத்து² மஹந்ததாய ஓபா⁴ஸ ஜாததாய ச அதி மஹந்தானி நாம ஹொந்தீதி. ஆலோகாதி³பச்சயானங் பன அதி⁴ட்டா²னவத்தூ²னஞ்ச து³ப்³ப³ல து³ப்³ப³லதர ஏகசித்தக்க²ணாதீதானிவாதிஆதி³. விபூ⁴தஸ்ஸாதி பாகடஸ்ஸ, அவிபூ⁴தஸ்ஸாதி அபாகடஸ்ஸ. ஏவங் ச²ச²க்கானி ஸரூபதோ நித்³தி³ஸித்வா இதா³னி தானி ஸப்³பா³னி ஏகதோ யோஜெத்வா வீதி²சித்தப்பவத்திங் வித்தா²ரெந்தோ கத²ந்தி புச்சி²த்வா ரூபாரூபானங் தாவ அத்³தா⁴னபரிச்சே²த³ங் த³ஸ்ஸேதுங் உப்பாத³ட்டி²தீதிஆதி³ மாஹ. தத்த² கத²ந்தி கேன பகாரேன வீதி²சித்தப்பவத்தி ஹோதீதி அத்தோ².
[118] விபா⁴வனியங் பன
‘‘கத²ந்தி கேன பகாரேன அதிமஹந்தாதி³வஸேன விஸய வவத்தா²னங் ஹோதீதி புச்சி²த்வா சித்தக்க²ணவஸேன தங் பகாஸேதுங் உப்பாத³ட்டி²தீதிஆதி³ ஆரத்³த⁴’’ந்தி வுத்தங். தங் யுத்தங் விய ந தி³ஸ்ஸதி.
ஏவஞ்ஹி ஸதிஆதி³தோ பஞ்சன்னங் ச²க்கானங் ஓகாஸோனாம நஸியா. நச உப்பாத³ட்டி²தி.ல. ரூபத⁴ம்மானமாயூதி இத³ங் விஸய வவத்தா²னத்த²மேவ வுத்தந்தி ஸக்கா விஞ்ஞாதுந்தி. உப்பஜ்ஜனங் உப்பாதோ³. ஸபா⁴வ படிலாபோ⁴தி அத்தோ². டா²னங் டி²தி. யதா²லத்³த⁴ஸபா⁴வஸ்ஸ அனிவத்தீதி அத்தோ². ப⁴ஞ்ஜனங் ப⁴ங்கோ³. தஸ்ஸ பரிஹாயித்வா அந்தரதா⁴னந்தி அத்தோ². ஏகசித்தக்க²ணங்னாமாதி ஏகஸ்ஸ சித்தஸ்ஸ க²ணோனாம. ஸோ பன க²ணோ அச்ச²ராஸங்கா⁴டக்க²ணஸ்ஸ அக்கி²னிம்மிலனக்க²ணஸ்ஸச அனேககோடி ஸதஸஹஸ்ஸபா⁴கோ³ த³ட்ட²ப்³போ³. அச்ச²ராஸங்கா⁴டக்க²ணே அனேககோடிஸதஸஹஸ்ஸஸங்கா² வேத³னா உப்பஜ்ஜந்தீதி ஹி அட்ட²கதா²யங் வுத்தங். ஆசரியானந்த³த்தே²ரமதேன பனெத்த² உப்பாத³ப⁴ங்க³ வஸேனக²ணத்³வயங் ஏகசித்தக்க²ணங்னாமாதி வத்தப்³ப³ங். யதா² ஹி லோகே
அத்தி²தா ஸப்³ப³த⁴ம்மானங், டி²தினாம பவுச்சதி;
தஸ்ஸேவ பே⁴தோ³ மரணங்; ஸப்³ப³தா³ ஸப்³ப³பாணினந்தி.
இமாய ஆசரியகா³தா²ய தமத்த²ங் ஸாதெ⁴ந்தி. அத²வா, ஸந்ததிவஸேன டா²னங் வேதி³தப்³ப³ந்திச வத³ந்தி. இமஸ்மிங் பன ஸுத்தே அயங் விஸேஸோ நத்தி². தஸ்மா ஆசரியகா³தா²ய ஸுத்தங் அப்படிபா³ஹெத்வா ஸுத்தமேவ பமாணங் காதப்³ப³ந்தி. தத்த² ஜராக²ணோனாம உப்பாத³க்க²ணப⁴ங்க³க்க²ணானங் மஜ்ஜே² விஸுங் ஜராய கெ²த்தபூ⁴தோ டீ²திக்க²ணோ வுச்சதி. அஞ்ஞத²த்தந்தி ஜராஏவ. அத்தி²க்க²ணந்தி க²ணத்³வயமேவ. படிக்கி²த்தோபி பன அயங் வாதோ³ கதா²வத்து² பாளியா ஸத்³தி⁴ங் ஸுட்டு² ஸமேதியேவ.
[119] யங் பன விபா⁴வனியங்
‘‘உப்பாத³ப⁴ங்கா³வத்தா²ஹி பி⁴ன்னா ப⁴ங்கா³பி⁴முகா²வத்தா²பி இச்சி²தப்³பா³. ஸா டி²தினாமா’’தி வுத்தங். தங் கதா²வத்து²பாளியா ஸஹ ந ஸமேதி.
உபத்³த⁴தி³வஸோ உப்பாத³க்க²ணோ. உபத்³த⁴தி³வஸோ வயக்க²ணோ. பத²மோ தி³வஸோ உப்பாத³க்க²ணோ. து³தீயோ வயக்க²ணோதி ஹி விசாரெந்தேன உப்பாத³ப⁴ங்கா³வத்தா² ஹி பி⁴ன்னா ததீயா அவத்தா² தஸ்ஸங் பாளியங் படிக்கி²த்தாயேவ ஹோதீதி.
[120] ஏதேன யஞ்ச தத்த²
‘‘பாளியங் பன வேனெய்யஜ்ஜா²ஸயா நுரோமதோ நயத³ஸ்ஸனவஸேன ஸா ந வுத்தா. அதித⁴ம்மதே³ஸனாபி ஹி கதா³சி வேனெய்யஜ்ஜா²ஸயானுரோதே⁴ன பவத்ததி. யதா², ரூபஸ்ஸ உப்பாதோ³ உபசயோ ஸந்ததீதி த்³விதா⁴ பி⁴ந்தி³த்வா தே³ஸிதோ’’தி வுத்தங். தங்பி படிக்கி²த்தங் ஹோதி. விபா⁴கா³ரஹஸ்ஸ ஹி த⁴ம்மஸ்ஸ விபா⁴க³கரணங்னாம வேனெய்யவஸேனாதிபி த⁴ம்மவஸேனாதிபி யுஜ்ஜதி. விஜ்ஜமானே ஸதி விஸுங் கத்வா வத்தப்³ப³ஸ்ஸ அபி⁴த⁴ம்மே அவசனங் பன வேனெய்யவஸேனாதி ந யுத்தமேதந்தி.
[121] யம்பி தத்த²
‘‘ஸுத்தேச தீணி மானி பி⁴க்க²வே ஸங்க²தஸ்ஸ ஸங்க²தலக்க²ணானி. கதமானி தீணி. உப்பாதோ³ பஞ்ஞாயதி. வயோ பஞ்ஞா யதி.
அபி⁴த⁴ம்மேபி ஹெட்டா² வுத்தனயேன பஞ்ஞத்திஸீஸேன ஸங்க²தத⁴ம்மானங் நித்³தே³ஸஸ்ஸ தி³ட்ட²த்தாதி.
[122] யம்பி தத்த²
‘‘உபஸக்³க³ஸ்ஸச தா⁴த்வத்தே²யேவ பவத்தனதோ பஞ்ஞாயதீதி ஏதஸ்ஸ விஞ்ஞாயதீதி அத்தோ²’’தி வுத்தங். தங்பி ந யுத்தங்.
யதா²னுலோமஸாஸனஞ்ஹி ஸுத்தங். தஸ்மா தத்த² வினெய்யானங் ஸுட்டு² பஞ்ஞாயனமேவ அதி⁴ப்பேதந்தி. அரூபங் அரூபிஸபா⁴வத்தா லஹுபரிணாமங். ரூபங் பன ரூபித⁴ம்மத்தாயேவ த³ந்த⁴பரிணாமந்தி வுத்தங் தானிபன.ல. ரூபத⁴ம்மான மாயூதி.
[123] விபா⁴வனியங் பன
‘‘கா³ஹகக³ஹேதப்³ப³ பா⁴வஸ்ஸ தங்தங் க²ணவஸேன நிப்பஜ்ஜனதோ’’தி காரணங் வுத்தங். தங் அகாரணங்.
ந ஹி கா³ஹகங் அரூபங் க³ஹேதப்³ப³ஞ்ச ரூபங் க³ஹணஸம்பஜ்ஜனத்த²ங் லஹுங் பரிணமதி க³ருங் பரிணபதீதி ஸக்கா வத்துந்தி. தானி தாதி³ஸானி ஸத்தரஸன்னங் சித்தானங் க²ணானி ஸத்தரஸவா தானி சித்தக்க²ணானி ரூப த⁴ம்மானமாயூதி யோஜனா. ஸத்தரஸ சித்தக்க²ணஸமபமாணானி க²ணானி விஞ்ஞத்தி ரூபலக்க²ண ரூபவஜ்ஜானங் ரூபத⁴ம்மானங் ஆயுனாமாதி வுத்தங் ஹோதி. க²ணமத்ததோ பன அட்ட²கதா²னயேன ஏகபஞ்ஞாஸக²ணானி ஹொந்தி, மூலடீகானயேன த்³வத்திங்ஸக²ணானி. தத்த²ச ஆதி³ம்ஹி த்³வே க²ணானி ரூபத⁴ம்மானங் ஏகங் உப்பாத³க்க²ணமேவ. அந்தே த்³வே ஏகங் ப⁴ங்க³க்க²ணமேவ. மஜ்ஜே² அட்ட²வீஸ க²ணானி தேஸங் ஏகங் டி²திக்க²ணமேவாதி த³ட்ட²ப்³ப³ங். ந ஹி த³ந்த⁴பரிணதானங் ரூபானங் உப்பாத³ப⁴ங்கா³பி சித்தஸ்ஸ விய லஹுகா ப⁴விதுங் அரஹந்தீதி. தத்த² விஞ்ஞத்தித்³வயங் ஏகசித்தக்க²ணிகங். உபசயஸந்ததியோ உப்பாத³மத்தா அனிச்சதா ப⁴ங்க³மத்தா. ஜரதா ரூப த⁴ம்மானங் டி²திக்க²ணமத்தாதி த³ட்ட²ப்³பா³. மூலடீகானயேன பனெத்த² தானி பன
[124] யங் பன விபா⁴வனியங்
தங் டீகானயங் தயித³மஸாரந்தி படிக்கி²பித்வா தத³த்த²ங் ஸா தெ⁴ந்தேன ‘‘படிஸந்தி⁴சித்தேன ஸஹுப்பன்னங் ரூபங் ததோ பட்டா²ய ஸத்தரஸமேன ஸத்³தி⁴ங் நிருஜ்ஜ²தி. படிஸந்தி⁴சித்தஸ்ஸ டி²திக்க²ணே உப்பன்னங் ரூபங் அட்டா²ரஸமஸ்ஸ உப்பாத³க்க²ணே நிருஜ்ஜ²தீதிஆதி³னா அட்ட²கதா²யமேவ ஸத்தரஸசித்தக்க²ணஸ்ஸ ஆக³தத்தா’’தி காரணங் வுத்தங். தங் ந ஸுந்த³ரங்.
யஞ்ஹி ஸங்க³ஹகாரஸ்ஸ ஸத்தரஸாயுகவசனங் டீகாகாரேன விசாரிதங். ததே³வ த³ஸ்ஸெத்வா டீகானயோ படிக்கி²த்தோதி ந யுத்தமே தந்தி. ஏகசித்தஸ்ஸ க²ணங் விய க²ணங் ஏகசித்தக்க²ணங். அத்த²தோ அபி⁴ன்னங்பி ஹி க²ணங் இத³ங் சித்தஸ்ஸ இத³ங் ரூபானந்தி கப்பனாவஸேன பி⁴ன்னங் விய கத்வா உபசரீயதீதி. ஏகசித்தக்க²ணங் அதீதங் ஏதேஸந்தி ஏகசித்தக்க²ணாதீதானி. அதிமஹந்தபூ⁴தானி பஞ்சாரம்மணானி.
[125] விபா⁴வனியங் பன
‘‘ஏதானிவா தங் அதீதானீதி ஏகசித்தக்க²ணாதீ கானீ’’திபி வுத்தங். தங் ந ஸுந்த³ரங்.
ந ஹி நிருத்³த⁴த⁴ம்மவிஸயோ அதீதஸத்³தோ³ கிஞ்சி அதிக்கமித்வா உத்³த⁴ங் ஆக³தானி பச்சுப்பன்னரூபானி தீ³பேதீதி ஸக்கா வத்துந்தி. ப³ஹூனி சித்தக்க²ணானி அதீதானி ஏதேஸந்தி ப³ஹுசித்தக்க²ணாதீதானி. மஹந்தாதி³ பூ⁴தானி பஞ்சாரம்மணானி. ரூபத⁴ம்மானங் பன ரூபத⁴ம்மெஸ்வேவ ஆபாதாக³மனே தோ²கங் ப³லவந்ததா இச்சி²தப்³பா³. தேச டி²திக்க²ணேயேவ பரிபுண்ணபச்சயுபலத்³தா⁴ டி²திபத்தானேவாதி. ஏவஸத்³தே³ன டீகாகாரஸ்ஸ வாத³ங் நீவாரேதி. ஸோ ஹி உப்பஜ்ஜமானமேவ ரூபங் பஸாதே³ க⁴ட்டேதீதி இச்ச²தீதி. பஞ்சாலம்ப³ணானி பஞ்சத்³வாரே ஆபாதமாக³ச்ச²ந்தீதி எத்த² ரூபஸத்³தா³ரம்மணானி அஸம்பத்த வஸேன இதரானிச ஸம்பத்தவஸேன கோ³சரபா⁴வங் உபக³ச்ச²ந்தி. அயஞ்ச விஸேஸோக⁴ட்டனவிஸேஸேன வேதி³தப்³போ³. புரிமானிஹி த்³வே நிமித்தவஸேனேவ க⁴ட்டெந்தி. ந வத்து²வஸேன. பச்சி²மானி பன தீணிவத்து²வஸேன க⁴ட்டெந்தி. ந நிமித்தமத்தவஸேன நிமித்தக⁴ட்டனஞ்சனாம அஸம்பத்தானஞ்ஞேவ ந ஸம்பத்தானங். வத்து²க⁴ட்டனங் பன ஸம்பத்தானஞ்ஞேவ. நோ அஸம்பத்தா ஹோதி. நந்தி. யதா² ஹி தீரே க³ச்ச²ந்தானங்ஸரீரனிமித்தானி பொக்க²ரணி யாஉத³கே தி³ஸ்ஸந்தி. தஸ்மிங் உத³கே ஓரோஹந்தானங் பன தானி தத்த² ந தி³ஸ்ஸந்தி. ஏவமேவ ஸம்பத்தானி ரூபஸத்³தா³ரம்மணானி நக⁴ட்டெந்தி. கஸ்மா, விஸயவிஸயீனங் மஜ்ஜே² ஆலோகஸ்ஸ ஆகாஸஸ்ஸச அபா⁴வேன நிமித்தோகாஸஸ்ஸ அபா⁴வதோ. அஸம்பத்தானியேவ பன அத்தனோ நிமித்துபட்டா²பனவஸேன க⁴ட்டெந்தி. கஸ்மா, நிமித்தோகாஸஸ்ஸ லத்³த⁴த்தா. இதரானி பன தீணி யதா²ஜாதவத்து²வஸேனேவ க⁴ட்டெந்தி. தஸ்மா தானி ஸம்பத்தானியேவ க⁴ட்டெந்தி. நோ அஸம்பத்தானீதி. தத்த² யானி அஸம்பத்தானியேவ ஹுத்வா க⁴ட்டெந்தி. தானி ஸயங் தூ³ரே ட²த்வா நிமித்த அப்பனாவஸேன க⁴ட்டிதத்தா ஏகேகஸ்மிங் பஸாதே³ சந்த³மண்ட³ல ஸூரிய மண்ட³லாதி³வஸேன அஸனிஸத்³த³மண்ட³ல மெண்ட³ஸத்³த³மண்ட³லாதி³வஸேன ச மஹந்தானிபி ப³ஹூனிபி ஆபாதமாக³ச்ச²ந்தியேவ. இதரானி பன தீணி ஸம்பத்தானியேவ க⁴ட்டெந்தீதி ஏகேகஸ்மிங் பஸாதே³ ஏகேகமேவ ஆபாதமாக³ச்ச²ந்தீதி த³ட்ட²ப்³ப³ங். இத³ஞ்ச பஞ்சத்³வாரவஸேன வுத்தங். மனோ த்³வாரே பன ஸப்³பா³னிபி ஆரம்மணானி அஸம்பத்தானியேவ ஆபாதமாக³ச்ச²ந்தீதி. எத்த²ச பஞ்சத்³வாரேதி இத³ங் அஸாதா⁴ரண த்³வாரத³ஸ்ஸனவஸேன வுத்தங். தானி பன பஞ்சாலம்ப³ணானி யதா³ஸகஸகத்³வாரே க⁴ட்டெந்தி. ததா³ மனொத்³வாரேபி அபாத மாக³ச்ச²ந்தியேவ. ஏகேகங் ஆரம்மணங் த்³வீஸு த்³வீஸு த்³வாரேஸு அபாத மாக³ச்ச²தீதி ஹி அட்ட²கதா²யங் வுத்தங். தஸ்மா யதா³ சந்த³ங்வா ஸூரியங்வா பப்³ப³தங்வா ருக்க²ங்வா யங்கிஞ்சிவா பஸ்ஸந்தி. ததா³ ஏகேகஸ்மிங் சக்கு²பஸாதே³ ஏகேகானி மனொத்³வாரே ஏகந்தி அனேகானி
[126] யங் பன விபா⁴வனியங்
‘‘ஆபோ⁴கா³னுரூபங் அனேககலாபக³தானி ஆபாதங் ஆக³ச்ச²ந்தீ’’தி வுத்தங். தத்த² ஆபோ⁴கா³னுரூபந்தி இத³ங் விசாரேதப்³ப³ங்.
யத்தகானி ஹி பஞ்சாலம்ப³ணானி சக்கா²தி³பதே² ஆலோகாதி³ ஸஹிதானி ஹுத்வா டி²தானி ஹொந்தி. தத்தகானி ஸப்³பா³னி நித்³தா³யந்தஸ்ஸபி விஸஞ்ஞி பூ⁴தஸ்ஸபி அஞ்ஞவிஹிதஸ்ஸபி யங்கிஞ்சி ஜா²னங்வா ப²லங்வா நிரோத⁴ங்வா ஸமாபஜ்ஜந்தஸ்ஸபி ஆபோ⁴கே³ன வினா அத்தனோ த்³வாரேஸு ஆபாதமாக³ச்ச²ந்தியேவ. நகேவலங் அத்தனொத்³வாரேஸு ஏவ. அத²கோ² மனொத்³வாரேபி. நகேவலங் ப⁴வங்க³மனொத்³வாரேஏவ. ஆவஜ்ஜனாதீ³ஸு பன சதுப்³பூ⁴மக வீதி²சித்தேஸுபி ஆபாதங் ஆக³ச்ச²ந்தியேவ. அயங்னாம மனோ மனொத்³வாரங் நஹோதீதி நவத்தப்³போ³தி ஹி த்³வாரகதா²யங் வுத்தங். அயஞ்ச அத்தோ² பத²மஜ்ஜா²னஸ்ஸ ஸத்³தோ³ கண்டகோதி இமினா பாடே²ன தீ³பேதப்³போ³. பத²மஜ்ஜா²னங் ஸமாபன்னஸ்ஸ ஹி ஸத்³தோ³ ஸோதம்ஹி க⁴ட்டெத்வா ஜா²னசித்தஸங்கா²தே மனொத்³வாரே ஆபாதமாக³ச்ச²தி. ததா³ ஜா²னசித்த ஸந்ததி சலித்வா வொச்சி²ஜ்ஜதி. ஜா²னா வுட்டா²தி. ப⁴வங்க³பாதோ ஹோதி. தங் ஸத்³தா³ரம்மணங் வீதி²சித்தங் பவத்ததீதி. து³தீயஜ்ஜா²னாதீ³னி ஸமாபஜ்ஜந்தோ பன அப்பகேன ஸத்³தே³ன நவுட்டா²தி. அதி⁴மத்தஸத்³தே³ன பன வுட்டா²தியேவ. ந ஹி தானி ஆனேஞ்ஜபத்தானினாம ஹொந்தி. அரூபஜ்ஜா²னானிஏவ பன ஆனேஞ்ஜபத்தானினாம ஹொந்தி. தஸ்மா தானி ஸமாபஜ்ஜந்தோ அதி⁴மத்தஸத்³தே³னபி நவுட்டா²தியேவாதி. தேஸு பன ததா² ஆபாதமாக³தேஸு ததா³ரம்மணானி வீதி²சித்தானி பவத்தந்தியேவாதி நவத்தப்³ப³ங். ப⁴வங்க³ ஸந்ததியாவா ஜவனஸந்ததியாவா வொச்சி²ன்னாய பவத்தந்தி. அவொச்சி²ன்னாய நபவத்தந்தி. பவத்தமானானிபி ஆரம்மணா தி⁴மத்தாதி³வஸேன லத்³த⁴பச்சயவிஸேஸே ஏகேகஸ்மிங் ஆரம்மணேஏவ பவத்தந்தி.
[127] விபா⁴வனியங் பன
‘‘தே பன பஸாதா³ ப⁴வங்க³சலனஸ்ஸ அனந்தரபச்சயபூ⁴தேன ப⁴வங்கே³ன ஸத்³தி⁴ங் உப்பன்னா’’தி வுத்தங்.
ஏவங் பன ஸதி ப³ஹுசித்தக்க²ணாதீதானிபி பஞ்சாலம்ப³ணானி ஏகசித்தக்க²ணாதீதேஏவ பஞ்சத்³வாரே ஆபாதமாக³ச்ச²ந்தீதி ஆபஜ்ஜதி. ஏத ரஹி பன ஏகக்க²ணே ஸஹுப்பன்னானஞ்ஞேவ வத்தா²ரம்மணானங் க⁴ட்டனங் இச்ச²ந்தி. ஸஹுப்பன்னானிவா பன ஹொந்து நானுப்பன்னானிவா, ப³லவபா⁴வோயேவ பமணந்தி அம்ஹாகங் க²ந்தி. ஸப்³ப³ங் விசாரெத்வா க³ஹேதப்³ப³ங்.
[128] யங் பன விபா⁴வனியங்
‘‘ஆவஜ்ஜனேன ஸத்³தி⁴ங் உப்பன்னாதி அபரே’’தி வுத்தங். தங் ந யுஜ்ஜதி.
ஏவஞ்ஹி ஸதி அஞ்ஞதே³வ பஞ்சாரம்மணானங் ஆபாதாக³மனவத்து². அஞ்ஞதே³வ பஞ்சவிஞ்ஞாணானங் நிஸ்ஸயவத்தூ²தி ஏவங் விருத்³த⁴ஸ்ஸ அத்த²ஸ்ஸ ஆபஜ்ஜனதோதி. ஏவங் பஞ்சத்³வாரே விஸயபவத்தியா ஆதி³லக்க²ணங் த³ஸ்ஸெத்வா இதா³னி ஸப்³ப³பாரிபூரங் விஸயபவத்திவிபா⁴க³ங் வீதி²சித்தபவத்திஞ்ச த³ஸ்ஸெந்தோ தஸ்மாதிஆதி³மாஹ. ததோதி தஸ்மா சக்கு²ஸ்ஸ ஆபாதாக³மனபச்சயா. சக்கு²ஸ்ஸ ஆபாதாக³மனேன ஸஹேவ ப⁴வங்க³ஸ்ஸபி ஆபாதங் ஆக³ச்ச²தியேவாதி வுத்தங் த்³விக்க²த்துங்ப⁴வங்கே³சலிதேதி. சலனஞ்செத்த² யதா² க³ஹிதங் கம்மாதி³ ஆரம்மணங் முஞ்சித்வா இதா³னி அத்தனி ஆபாதங் ஆக³ச்ச²ந்தங் அபி⁴னவாரம்மணங் க³ஹேதுங் உஸ்ஸாஹஜாதஸ்ஸ விய ப⁴வங்க³ஸந்தானஸ்ஸ விகாரப்பத்தி த³ட்ட²ப்³ப³ங். எத்த²ச சக்கு²ஸ்ஸ ஆபாதாக³மனங் சக்கு²விஞ்ஞாணுப்பத்தியா ஏவ காரணங். ந ஆவஜ்ஜனுப்பத்தியா. ப⁴வங்க³ஸ்ஸ ஆபாதாக³மனமேவ பன ஆவஜ்ஜனுப்பத்தியாபி காரணங் ஹோதீதி த³ட்ட²ப்³ப³ங்.
[129] விபா⁴வனியங் பன
மனொத்³வாரேபி
ந ஹி யொக்³யதே³ஸாவட்டா²னமேவ க⁴ட்டனந்தி ஸக்கா வத்துங். யொக்³யதே³ஸேபன ட²த்வா நிமித்தக⁴ட்டனவஸேன வத்து²க⁴ட்டனவஸேனச அஸனி நிபாதோவிய பஸாதே³ஸு யுஜ்ஜ²னங் மந்த²னங் கோ²ப⁴கரணங் க⁴ட்டனந்தி ச ஆபாதாக³மனந்தி ச வுச்சதீதி த³ட்ட²ப்³ப³ங். அயஞ்ச அத்தோ² ஹெட்டா² வுத்தோயேவ. எத்த²ச அயங்பி ஏகோ த⁴ம்மனியாமோயேவாதி கத்வா நானா டா²னியேஸு த்³வீஸு த்³வீஸு த்³வாரேஸு ஸஹேவ ஆபாதாக³மனங் பச்சேதப்³ப³ங். ரூபாதி³னா பஸாதே³ க⁴ட்டிதே தங் நிஸ்ஸிதஸ்ஸேவ பஞ்சவிஞ்ஞாணஸ்ஸ சலனங் ஸியா. கத²ங் பன ஹத³யவத்து²னிஸ்ஸிதஸ்ஸ ப⁴வங்க³ஸ்ஸாதி ந சோதே³தப்³ப³ந்தி.
[130] விபா⁴வனியங் பன
தமேவ சோத³னங் ஸமுட்டா²பெத்வா தங் பரிஹரந்தோ ‘‘ஸந்ததி வஸேன ஏகாப³த்³த⁴த்தா’’திஆதி³மாஹ. தத்த² ஸந்ததிவஸேனாதி நவத்தப்³ப³ங். ஸண்டா²னவஸேனாதி பன வத்தப்³ப³ங். ஸப்³ப³ஞ்சேதங் ஸாரதோ ந பச்சேதப்³ப³ங்.
கஸ்மா, தாதி³ஸஸ்ஸ அனுக்கமசலனஸ்ஸ அட்ட²கதா²யமேவ த³ள்ஹங் படிக்கி²த்தத்தா. வுத்தஞ்ஹி தத்த² ஏகேகங் ஆரம்மணங் த்³வீஸு த்³வீஸு த்³வாரேஸு ஆபாதமாக³ச்ச²தீதி. ரூபாரம்மணஞ்ஹி சக்கு²பஸாத³ங் க⁴ட்டெத்வா தங்க²ணேயேவ மனொத்³வாரே ஆபாதங் ஆக³ச்ச²தி. ப⁴வங்க³சலனஸ்ஸ பச்சயோ ஹோதீதி அத்தோ². ஸத்³த³ க³ந்த⁴ ரஸ பொ²ட்ட²ப்³பே³ஸுபி ஏஸேவ நயோ. யதா² ஹி ஸகுணோ ஆகாஸேனாக³ந்த்வா ருக்க²க்³கே³ நிலீயமானோவ ருக்க²ஸாக²ஞ்ச க⁴ட்டேதி. சா²யாசஸ்ஸ பத²வியங் படிஹஞ்ஞதி. ஸாகா²க⁴ட்டன சா²யாப²ரணானி அபுப்³ப³ங் அசரிமங் ஏகக்க²ணேயேவ ப⁴வந்தி. ப⁴வங்க³ஸோதங்வொச்சி²ந்தி³த்வாதி ப⁴வங்க³பவாஹங் ஸப்³ப³ஸோ அவச்சி²ன்னங் கத்வா. ஆவஜ்ஜந்தந்தி அதி³ஸ்வாவ கிங்னாமேதந்தி ஆவஜ்ஜ மானங். பஸ்ஸந்தந்தி அத்த பச்சக்க²ங் குருமானங். ஸம்படிச்ச²ந்தந்தி முஞ்சிதுங் அத³த்வா யதா²தி³ட்ட²ங் ரூபங் படி க³ண்ஹந்தங். ஸந்தீரயமானந்தி ஸுட்டு² தீரெந்தங்விசாரெந்தங். வவத்த²பெந்தந்தி ஸுட்டு² அஸங்கரதோ த²பெந்தங் ஸல்லக்கெ²ந்தந்தி அத்தோ². யோனிஸோமனஸிகாராதி³வஸேன லத்³தோ⁴பச்சயோ யேனாதி லத்³த⁴பச்சயங். யங்கிஞ்சி ஜவனங் ஜவதீதி ஸம்ப³ந்தோ⁴. தங் பன ஜவனங் ஆரம்மணஸ்ஸ து³ப்³ப³லகாலேவா முச்சா² மரணாஸன்னகாலேஸுவா ச²க்க²த்துங் வா பஞ்சக்க²த்துமேவவா ஜவதீதி வுத்தங் யேபு⁴ய்யேனாதி. ஜவதீதி அஸனினிபாதஸதி³ஸேன ஜவேன பவத்ததி. தத்த² பத²மஜவனங் அலத்³தா⁴ ஸேவனத்தா ஸப்³ப³து³ப்³ப³லங் ஹோதி. ததோ து³தீயங் ப³லவங். ததோ ததீயங். ததோ சதுத்த²ங். இத³ங் பன ஸப்³ப³ப³லவங் முத்³த⁴பத்தங் ஹோதி. இதோ பட்டா²ய அனுக்கமேன பரிஹாயமானங் பவத்ததி. ஸத்தமவாரே க³தே பரிக்கீ²ணஜவங் ஹோதீதி வேதி³தப்³ப³ங். ஜவனா நுப³ந்தா⁴னிதி யதா² படிஸோதங் க³ச்ச²ந்திங் நாவங் உத³கங் தோ²கங் அனுப³ந்த⁴தி அனுக³ச்ச²தி. ஏவங் ஜவனங் அனுப³ந்தா⁴னி. த்³வே ததா³ரம்மணபாகானீதி த்³விக்க²த்துங் ததா³ரம்மணகிச்சானி விபாகசித்தானி பவத்தந்தி. யதா²ரஹந்தி ஆரம்மணஜவன ஸத்தானுரூபங். ப⁴வங்க³பாதோதி இமஸ்மிங் அதிஹந்தாரம்மணே ஆவஜ்ஜனதோ பத²மப⁴வங்க³சலனதோயேவவா பட்டா²ய உட்டி²தங் ஸமுட்டி²தங் சித்தஸந்தானங் யாவசதுத்த²ஜவனா ஸமுட்ட²ஹித்வா பஞ்சமஜவனதோ பட்டா²ய பதிதமேவ ஹோதி. ஏவங் ஸந்தேபி ஸமுட்டி²தவேக³ஸ்ஸ ஸப்³ப³ஸோ அபரிக்கீ²ணதாய பதிதந்தி நவுச்சதி. து³தீயததா³ரம்மணதோ பரங் பன ஸமுட்டி²தவேக³ஸ்ஸ ஸப்³ப³ஸோ பரிக்கீ²ணத்தா ததா³ ஏவ தங்சித்தஸந்தானங் பதிதங்னாம ஹோதி. தஸ்மா பதனங் பாதோ. ப⁴வங்க³பா⁴வேனசித்தஸந்தானஸ்ஸ பாதோ ப⁴வங்க³பாதோ, ப⁴வங்க³ங் ஹுத்வா பாதோதி யாவ ததா³ரம்மணுப்பாதா³ பன அப்பஹொந்தாதீதகந்தி த்³விக்க²த்துங் யாவ ததா³ரம்மணுப்பாதா³ பவத்திதுங் அப்பஹொந்தங் ஹுத்வா அதீதத்³வத்திசித்தக்க²ணிகங். யஸ்ஸ ஹி த்³வேவா தீணிவா சித்தக்க²ணானி அதீதானி ஹொந்தி. தங் யாவ ததா³ரம்மணுப்பாதா³ பவத்திதுங் நப்பஹோதி ந ஸக்கோதி. ஏவங் அப்பஹொந்தங் ஹுத்வா அதீதகந்தி அத்தோ². அபாதமாக³தந்தி சக்கு²த்³வாரே மனொத்³வாரேச ஆபாதங் ஆக³தங். நத்தி² ததா³ரம்மணுப்பாதோ³தி எத்த² யஸ்ஸ தீணி சித்தக்க²ணானி அதீதானி ஹொந்தி. தஸ்ஸ சுத்³த³ஸ சித்தக்க²ணாயுகாவஸே ஸஸ்ஸ ஆரம்மணஸ்ஸ ஸத்தமஜவனேன ஸஹேவ நிருத்³த⁴த்தா தஸ்மிங் நத்தி² ததா³ரம்மணுப்பாதோ³தி யுத்தமேதங். ந ஹி ஏகாவஜ்ஜனவீதி²யங் சித்தானி த⁴ம்மவஸேன விய காலவஸேனாபி நானாரம்மணானி இச்ச²ந்தி அட்ட²கதா²சரியாதி. யஸ்ஸ பன த்³வே சித்தக்க²ணானி அதீதானி. தஸ்மிங் ஸத்தமஜவனதோ பரங் ஏகசித்தக்க²ணாயுகாவஸேஸே ஆரம்மணே ஏகேன ததா³ரம்மணேன உப்பஜ்ஜிதப்³ப³ந்தி சே.ந. ந ஹி தாதி³ஸங் நிரோதா⁴ ஸன்னங் ஆரம்மணங் ஏகவாரங்பி ததா³ரம்மணுப்பத்தியா பச்சயோ ப⁴விதுங் ஸக்கோதீதி. ததா² ஹி மஹாஅட்ட²கதா²யங் விபாகுத்³தா⁴ரே சித்தப்பவத்திக³ணனாயங் ததா³ரம்மணானி த்³வேதி த்³வேஏவ ததா³ரம்மண வாரா ஆக³தாதி.
யங் பன விபா⁴வனியங்
‘‘த்³விக்க²த்துமேவ
மஜ்ஜி²மபா⁴ணகாபன ததா³ரம்மணங் ஏகங்பி இச்ச²ந்தி. ஸங்க³ஹகாரேன பன தங் படிஸித்³த⁴ந்தி இத⁴பி தங் தே²ரேன படிக்கி²த்தந்தி த³ட்ட²ப்³ப³ங். யதி³ ஏவங் கஸ்மா பரமத்த²வினிச்ச²யே ஸகிங்த்³வேவா ததா³லம்ப³ந்தி தே²ரேன வுத்தந்தி. மஜ்ஜி²மபா⁴ணகானங் மதேன வுத்தந்தி த³ட்ட²ப்³ப³ந்தி. ஆசரியானந்த³த்தே²ரோ பன ஏகங்பி இச்ச²தியேவ. யதா² ஹி ஆக³ந்துகப⁴வங்க³ங் ஏகங் பவத்ததி. ததா² ததா³ரம்மணங்பி ஏகங் நபவத்ததீதி நஸக்கா வத்துங். யஞ்ச சித்தப்பவத்திக³ணனாயங் ததா³ரம்மணானி த்³வேதி வுத்தங். தங்பி உக்கட்ட²பரிச்சே²த³வஸேன வுத்தந்தி, ந நஸக்கா வத்துந்தி. யாவ ஜவனுப்பாதா³பி பவத்திதுங் அப்பஹொந்தாதீதகந்தி ஸம்ப³ந்தோ⁴. யஸ்ஸ ஹி ஆரம்மணஸ்ஸ சத்தாரி பஞ்ச ச² ஸத்த அட்ட²னவ வா சித்தக்க²ணானி அதீதானி ஹொந்தி. தங் யாவ ஜவனுப்பாதா³ பவத்திதுங் நப்பஹோதி. ஏவங் அப்பஹொந்தங் ஹுத்வா அதீதகந்தி அத்தோ². ஜவனங்பி அனுப்பஜ்ஜித்வாதி ஜவனஸ்ஸபி அனுப்பஜ்ஜனதோ. அயஞ்ஹி த்வாபச்சயோ பா⁴வத்தே²ஏவ த³ட்ட²ப்³போ³. ந கத்துஅத்தே². கஸ்மா. அத்தனோ பதா⁴னக்ரியாய ஸமானகத்துகதாய அபா⁴வதோதி.
[131] விபா⁴வனியங் பன
‘‘ஹேதும்ஹிசாயங் த்வாபச்சயோ’’தி வுத்தங். தங் ந ஸுந்த³ரங்.
ந ஹி பா³ஹிரத்த²பூ⁴தோ ஹேதுஅத்தோ² கிதகபச்சயானங் விஸயோ ஹோதீதி. தஸ்மா இத⁴ பா⁴வத்தே²ஏவ த்வாபச்சயோ. ததோச ஹேதுஅத்தே² பச்சத்தவசனந்தி த³ட்ட²ப்³ப³ங். ஏதேன யா லக்க²ணே ஹேதும்ஹிசமானந்தபச்சயானங்பி பவத்தி கத்த²சி வுத்தா. ஸாபிபடிக்கி²த்தா ஹோதி. நஹி பா³ஹிரத்த²பூ⁴தா லக்க²ணஹேதுயோ தேஸங் விஸயா ஹொந்தீதி. எத்த²ச யஸ்ஸ ஆரம்மணஸ்ஸ நவசித்தக்க²ணானி அதீதானி ஹொந்தி. தஸ்ஸ அவஸேஸ அட்ட²சித்தக்க²ணா யுகஸ்ஸ து³தீய வொட்ட²ப்³ப³னேன ஸஹேவ த்³வத்திக்க²த்துந்தி த்³விக்க²த்துங்வா திக்க²த்துங்வா. ததா² ஹி அட்ட²கதா²யங் வொட்ட²ப்³ப³னே ட²த்வா ஏகங்வா த்³வேவா சித்தானி பவத்தந்தி. ததோ ஆஸேவனங் லபி⁴த்வா ஜவனட்டா²னே ட²த்வா புன ப⁴வங்க³ங் ஓதரதீதி வுத்தங். எத்த² ஹி ததோ ஆஸேவனங் லபி⁴த்வா ஜவனட்டா²னே ட²த்வாதி ஏதேன ததீயஸ்ஸ வொட்ட²ப்³ப³னஸ்ஸ பவத்திங் த³ஸ்ஸேதி. இதரதா² ஏகங்வா த்³வேவா சித்தானி பவத்தந்தி. ததோ ப⁴வங்க³ங் ஓதரதீதி வுத்தங் ஸியாதி. ஏகங்வாதி பன வாசா ஸிலிட்ட²மத்தங் த³ட்ட²ப்³ப³ங். யதா² தி³ரத்த திரத்தங்தி. அத²வா, ததோதி ஏகசித்ததோவா த்³விசித்ததோவாதி அத்தோ². தத்த² பத²மேன த்³விக்க²த்துங் து³தீயேன திக்க²த்துங் வொட்ட²ப்³ப³னஸ்ஸ உப்பத்தி வுத்தா ஹோதீதி. ஆஸேவனங் லபி⁴த்வாதி இத³ங் பன உபசாரவசனமத்தங் த³ட்ட²ப்³ப³ங். ந ஹி வொட்ட²ப்³ப³னஸ்ஸ ஆஸேவனதா பட்டா²னே வுத்தாதி. ஆசரியானந்த³த்தே²ரேன பனெத்த² வொட்ட²ப்³ப³னதோ பரங் சதுபஞ்ச சித்தக்க²ணாவஸேஸே ஆரம்மணே சதுபஞ்சஜவனுப்பத்தியா ஏவ பரித்தாரம்மணவாரோ இச்சி²தோ. ந வொட்ட²ப்³ப³ன பரியோஸானவஸேன. பட்டா²னேஹி ப⁴வங்க³ங் ஆவஜ்ஜனாய அனந்தரபச்சயேன பச்சயோ த்வேவவுத்தோ. ந பன வுத்தோ ஆவஜ்ஜனா ப⁴வங்க³ஸ்ஸ அனந்தரபச்சயேன பச்சயோதி. யதா² ச முச்சா²மரணகாலேஸு வத்து²து³ப்³ப³லதாய ச² பஞ்சஜவனவாரா இச்சி²தப்³பா³. ததா² இத⁴பி ஆரம்மணது³ப்³ப³லதாயாதி ந ந ஸக்கா வத்துந்தி. எத்த² ச ஸந்தீரணதோ பரங் ஏகசித்தக்க²ணா வஸேஸே ஆரம்மணே ஏகங் வொட்ட²ப்³ப³னங் த்³விசித்தக்க²ணாவஸேஸே த்³வே தது³த்தரி தத்த² ப⁴வங்க³சலனமேவ ஹோதி. நத்தி² வீதி²சித்துப்பாதோ³தி. தத்த² ப⁴வங்க³சலனமேவாதி த்³விக்க²த்துங் ப⁴வங்க³ஸ்ஸ சலனமத்தமேவ ஹோதி. இச்சேவங் சக்கு²த்³வாரேதி இதி ஏவங் யதி³ ஏகசித்தக்க²ணாதீதகங் ரூபாரம்மணங் சக்கு²ஸ்ஸ அபாதமாக³ச்ச²தீதிஆதி³னா வுத்தனயேன சக்கு²த்³வாரே சதுன்னங் வாரானங் வஸேன சதுதா⁴ விஸயப்பவத்தி வேதி³தப்³பா³, ததா² ஸோதத்³வாராதீ³ஸு சாதியோஜனா. ஸப்³ப³தா²பி சதுதா⁴ வேதி³தப்³பா³தி ஸம்ப³ந்தோ⁴. அதிபரித்தாரம்மணங்பி ஆபாதாக³தமத்தேன மோக⁴வாரஸ்ஸ ஆரம்மணங்னாம ஹோதி. ந ஆரம்மணகரணவஸேன. இதரானி பன உப⁴யதா²பி இதரேஸங் வாரானங் ஆரம்மணானினாம ஹொந்தீதி வுத்தங் சதுன்னங் வாரானங் யதா²க்கமங் ஆரம்மணபூ⁴தாதி.
விபா⁴வனியங் பன
ஆரம்மணபூ⁴தாதி இமஸ்ஸ அதிபரித்தாரம்மணங் ஸந்தா⁴ய பச்சயபூ⁴தாதி அத்தோ² வுத்தோ. தஞ்ஹி மோக⁴வார பஞ்ஞா பனாய பச்சயோ ஹோதீதி.
பஞ்சத்³வாரேவீதி²சித்தானி யதா²ரஹங் கிச்சவஸேன ஸத்தேவ. சித்துப்பாதா³ சித்தானங் உப்பத்திக²ணவஸேன சதுத்³த³ஸ. வித்தா²ரா சித்தஸரூபவித்தா²ரதோ சதுபஞ்ஞாஸாதி யோஜனா. எத்தா²தி பரித்தஜவனவாரே.
137. மனொத்³வாரே பன ஆரம்மணத⁴ம்மா பரித்தக²ணாபி அதீதானாக³தாபி காலவிமுத்தாபி ஆபாதங் ஆக³ச்ச²ந்தியேவ. தஸ்மா தத்த² ஏகசித்தக்க²ணாதீதானிவா ப³ஹுசித்தக்க²ணாதீதானிவா டி²திப்பத்தானேவ ஆபாதமாக³ச்ச²ந்தீதி இத³ங் விதா⁴னங் நத்தீ²தி வுத்தங் மனொத்³வாரேபன யதி³விபூ⁴தமாலம்ப³ணங் ஆபாதமாக³ச்ச²தீதி. தத்த² மனொத்³வாரேதி ஸுத்³த⁴மனொத்³வாரே. சக்கா²தீ³ஸு ஹி க⁴ட்டனேன ஸஹேவ யத்த² அபாதமாக³ச்ச²தி. ததா³ரம்மணபாகானி பவத்தந்தீதி இத³ங் காமஸத்தவஸேன வுத்தங். ரூபாரூபஸத்தானங் பன விபூ⁴தாரம்மணேபி ததா³ரம்மணுப்பாதோ³ நத்தி²யேவ. யதா² செத்த². ஏவங் பஞ்சத்³வாரேபி ரூபஸத்தானங் அதிமஹந்தாரம்மணேஸு ததா³ரம்மணுப்பாதோ³ நத்தீ²தி. அவிபூ⁴தே பனா லம்ப³ணே ஜவனாவஸானே ப⁴வங்க³பாதோவ ஹோதீதி இத³ஞ்ச உக்கட்ட² பரிச்சே²த³வஸேன வுத்தந்தி த³ட்ட²ப்³ப³ங். ஞாணவிப⁴ங்க³ட்ட²கதா²யங் பன த்³வத்திக்க²த்துங் வொட்ட²ப்³ப³னப்பவத்திவஸேன அவிபு⁴தே ஆலம்ப³ணே வொட்ட²ப்³ப³னவாரோபி ஆக³தோ. யோச பஞ்சத்³வாரேப⁴வங்க³சலனமத்தவஸேன மோக⁴வாரோ நாம சதுத்தோ² வாரோ வுத்தோ. ஸோபி இத⁴ லத்³து⁴ங் வட்டதியேவ. ஸுத்³த⁴மனொத்³வாரேபி ஹி ஆரம்மணே ஆபாதமாக³தே வீதி²சித்தங் அனுப்பஜ்ஜித்வா த்³விக்க²த்துங் ப⁴வங்கே³ சலிதே நிவத்தனகவாரானங் பமாணங் நப⁴விஸ்ஸதியேவ, விஸயேச ஆபாதாக³தே ப⁴வங்கே³ச சலிதே ஸதி விஸயப்பவத்தினாம ந ந ஹோதீதி. இதி இமஸ்மிங் மனொத்³வாரேபி ததா³ரம்மண ஜவன வொட்ட²ப்³ப³ன மோக⁴வார ஸங்கா²தானங் சதுன்னங் வாரானங் யதா²க்கமங் ஆரணபூ⁴தா விஸயப்பவத்தி சதுதா⁴ வேதி³தப்³பா³தி. தத்த² ததா³ரம்மணவாரஸ்ஸ ஆரம்மணபூ⁴தா அபி⁴விபூ⁴தானாம ஜவன வாரஸ்ஸ
எத்த²ச ஆரம்மணஸ்ஸவா சித்தஸ்ஸவா அதிப³லவதாய அபி⁴விபூ⁴ததா வேதி³தப்³பா³. து³ப்³ப³லேபி ஹி சித்தே பத²விபப்³ப³தாதி³வஸேன அதிப³லவந்தங் ஆரம்மணங் அதிவிபூ⁴தங்னாம ஹோதி. அதிப³லவந்தே ச சித்தே அதிஸுகு²மங்பி நிப்³பா³னங் அதிவிபூ⁴தங்னாம ஹோதீதி. ஏவங் ஸேஸேஸுபீதி. வாரபே⁴தோ³ பனெத்த² அனுப³ந்த⁴கோ, விஸுங் ஸித்³தோ⁴தி து³விதோ⁴. தத்த² அனுப³ந்த⁴கோ சக்கு²த்³வாரானுப³ந்த⁴காதி³வஸேன பஞ்சவிதோ⁴. ஏகேகஸ்மிஞ்செத்த² அதீதக³ஹணங், ஸமுதா³ய க³ஹணங், வத்து²க³ஹணங், நாமக³ஹணந்தி சத்தாரோ சத்தாரோ வாரா. தேஸுச ததா³ரம்மணவாராத³யோ யதா²ரஹங் யோஜேதப்³பா³. விஸுங் ஸித்³தோ⁴ பன தி³ட்ட² வாரோ, தி³ட்ட²ஸம்ப³ந்த⁴வாரோ, ஸுதவாரோ, ஸுதஸம்ப³ந்த⁴வாரோ, விஞ்ஞாதவாரோ, விஞ்ஞாதஸம்ப³ந்த⁴வாரோதி ச²ப்³பி³தோ⁴ ஹோதி. எத்த²ச ஸத்³தா⁴ ருசி ஆகார பரிவிதக்காதி³ வஸேன பவத்தவாரா விஞ்ஞாதவாரோ, விஞ்ஞாத ஸம்ப³ந்த⁴வாரோதி வுத்தாதி த³ட்ட²ப்³பா³. அட்ட²ஸாலினியங் பன ஸத்³தா⁴ருசியாதி³வ ஸேனக³ஹிதங் ஆரம்மணங் ததா²பி ஹோதி. அஞ்ஞதா²பி ஹோதி. தஸ்மா அட்ட²கதா²யங் ந க³ஹிதந்தி வுத்தங். ததா²வா ஹோது அஞ்ஞதா²வா. வீதி²சித்தபவத்தியா ஸதி க³ஹேதப்³ப³மேவ. தத்த² ஏகேகஸ்மிங்வாரே ததா³ரம்மணவாராதி³வஸேன சத்தாரோ சத்தாரோ வாரா. தேஸுச காம மஹக்³க³தா நுத்தர பஞ்ஞத்தி வஸேன பச்சுப்பன்னாதீதானாக³தகால விமுத்தவஸேனச ஆரம்மணத⁴ம்மா யதா²ரஹங் யோஜேதப்³பா³தி. ஏதரஹி பன அதீதப⁴வங்க³வஸேன ததா³ரம்மணவஸேன ச வாரபே⁴த³ங் கப்பெந்தி. தத்த² அதீதப⁴வங்க³வஸேன வாரபே⁴த³கப்பனங் நிரத்த²கங். ந ஹி மனொத்³வாரே பஞ்சத்³வாரே விய ஆரம்மணானங் க²ணவஸேன ப³லவ து³ப்³ப³லதா ஸம்ப⁴வோ அத்தி². ததா³ அவிஜ்ஜமானானங்பி அதீதானாக³தானங் காலவிமுத்தானஞ்ச தத்த² ஆபாதாக³மனதோதி. எத்த² ஸியா, ஏகாவஜ்ஜனவீதி²யா ஆரம்மணங்னாம த⁴ம்மதோச காலதோச அபி⁴ன்ன மேவ இச்ச²ந்தி அட்ட²கதா²சரியா. இமேச ஸத்தா தங் தங் ஆகாரங் ஸல்லக்கெ²த்வா அஞ்ஞமஞ்ஞஸ்ஸ சித்தங் ஜானந்தியேவ. பரசித்தவிது³னியோ பன தே³வதா ஆகாரஸல்லக்க²ணேன வினாபி ஜானந்தி. தத்த² பச்சுப்பன்னங் பரஸ்ஸ தீணேவாதி கிச்சவஸேன தீணி ஏவ. சித்துப்பாதா³ த³ஸேரிதாதி சித்துப்பத்திக்க²ணவஸேன த³ஸ ஈரிதானி கதி²தானி. வித்தா² ரேனாதி எத்தா²தி மனொத்³வாரே. ஏகசத்தாலீஸாதி பஞ்சவிஞ்ஞாணமனோதா⁴தூஹி வஜ்ஜிதானங் காமாவசரசித்தானங் வஸேன ஏகசத்தாலீஸங். எத்தா²தி பரித்தஜவனவாரே. [பரித்தவாரோ]
138. விபூ⁴தாவிபூ⁴தபே⁴தோ³ நத்தி² ஏகங் விபூ⁴தமேவ லப்³ப⁴தீதி அதி⁴ப்பாயோ. ந ஹி அவிபூ⁴தே ஆரம்மணே அப்பனானாம ஸம்ப⁴வதீதி. ததா² ததா³ரம்மணுப்பாதோ³ச நத்தி². ந ஹி அதிஸந்ததரங் அப்பனாஜவனங் ததா³ரம்மணங் அனுப³ந்த⁴தீதி. தத்த² ஹி ச²ப்³பீ³ஸதி மஹக்³க³த லோகுத்தர ஜவனேஸு யங்கிஞ்சி ஜவனங் அப்பனாவீதி²மோதரதீதி ஸம்ப³ந்தோ⁴. ஞாணரஹிதங் த்³விஹேதுகஜவனங் அதி²ரஸபா⁴வத்தா அப்பனாய அனந்தரூபனிஸ்ஸயோ நஹோதீதி வுத்தங் ஞாணஸம்பயுத்த காமாவசரஜவனானமட்ட²ன்னந்தி. பரிகம்மோபசாரானுலோமகொ³த்ரதுனாமேனாதி எத்த² இந்த்³ரியஸமதாதீ³ஹி பரிதோபா⁴கே³ஹி அப்பனா கரீயதி ஸஜ்ஜீயதி ஏதேனாதி பரிகம்மங். அப்பனங் உபேச்ச சரதீதி உபசாரோ. ஸமீபசாரோதி அத்தோ². ஸமீபசரணஞ்செத்த² ஆஸன்னேகாலே அப்பனாவஹஸமத்த²பா⁴வேன த³ட்ட²ப்³ப³ங். யஸ்ஸ பவத்தியா அசிரங் காலங் அப்பனா ஸம்ப⁴வோ ஹோதீதி. அனுலோமந்தி அப்பனாபவத்தியா பச்சனீகத⁴ம்மவித⁴மனேன அப்பனாய அனுகூலங் அப்பனாஹிதங் அப்பனா வஹந்திச்சேவ அத்தோ², யஸ்ஸ பவத்தியா அப்பனா விப³ந்த⁴கோ பச்சனீ கோனாம நத்தீ²தி. க³மீயதி பு³ஜ்ஜீ²யதி அத்தோ² ஏதேனாதிவோ. அபி⁴தா⁴னங் பு³த்³தி⁴ச. தங் து³வித⁴ங்பி க³வங் தாயதி ரக்க²தீதி கொ³த்தங். பரித்த ஜாதிஸங்கா²தோ அன்வயோ. கொ³த்தங் அபி⁴பு⁴ய்யதி சி²ஜ்ஜதி எத்தா²தி கொ³த்ரபு⁴. எத்த² ச சத்தாரிபி ஜவனானி பரிகம்மஜவனானீதி வா உபசாரஜவனானிதிவா அனுலோமஜவனானீதிவா வுச்சந்தியேவ. கொ³த்ரபூ⁴தி பன பச்சி²மஸ்ஸேவ நாமங். இத⁴ பன சதுன்னங்பி நாமானங் ஸங்க³ஹணத்த²ங் பரிகம்மோ பசாரானுலோம கொ³த்ரபு⁴னாமேனாதி ஏவங் வுத்தந்தி த³ட்ட²ப்³ப³ங். ஏவஞ்ச கத்வா கஸ்மா பத²மமேவ பரிகம்மங்னாம. நனு இதரானிபி அப்பனங் பரிஸங்க²ரொந்தியேவாதி ஏவமாதி³கா சோத³னா அனோகாஸா ஹோதீதி. சதுக்க²த்துங் திக்க²த்துமேவவாதி சதுக்க²த்துமேவவா திக்க²த்துமேவவா. தத்த² பத²மேன ஏவ ஸத்³தே³ன பஞ்சமங் கொ³த்ரபு⁴ஸம்ப⁴வோ படிக்கி²த்தோ ஹோதி. ததா³ ஹி ஜவனங் பதிதங்னாம ஹோதி. பவேத⁴தி
யங் பன விபா⁴வனியங்
‘‘ச²ட்ட²ங் ஸத்தமங் ப⁴வங்க³ஸ்ஸ ஆஸன்னபா⁴வேன பபாதாஸன்னபுரிஸோ விய அப்பனாவஸேன பதிட்டா²துங் ந ஸக்கோதீ’’தி வுத்தங்.
தத்த² ப⁴வங்க³ஸ்ஸ ஆஸன்னபா⁴வேனாதி ப⁴வங்க³பா⁴வஸ்ஸ ஆஸன்ன பா⁴வேனாதி அத்தோ². பஞ்சமஜவனதோ ஹி பட்டா²ய ஜவனஸந்தானங் அனுபுப்³பே³ன பரிக்கீ²ணஜவங் ஹோதி. ப⁴வங்க³பா⁴வத்தா²ய பரிணமதீதி. ஏவஞ்ச கத்வா பபாதாஸன்னபுரிஸோபமாபி உபபன்னா ஹோதீதி. நிருத்³தா⁴னந்தரமேவாதி நிருத்³தே⁴ அனந்தரமேவாதி பத³ச்சே²தோ³. கஸ்ஸ அனந்தரந்தி, அஞ்ஞஸ்ஸ அஸுதத்தா நிருத்³த⁴ஸ்ஸாதி அத்த²தோ லத்³த⁴மேவாதி. யஸ்மா பன அப்பனானாம உப்பஜ்ஜமானா சதுத்த²தோவா பஞ்சமதோவா பட்டா²ய உப்பஜ்ஜதி. ந ச²ட்ட²தோவா ஸத்தமதோவா. ஸாஹி வஸீபூ⁴தாபி சதுத்த² பஞ்சமேஸு உப்பத்திங் அலப⁴மானா ஸப்³ப³ஸோ நுப்பஜ்ஜதியேவ. லப⁴மானா பன தி³வஸங்பி நிரந்தரங் பவத்ததியேவ. தஸ்மா சதுத்த²ங்வா பஞ்சமங்வாதி இத³ங் ஆதி³மத்தனியமனத்த²ங் வுத்தந்தி த³ட்ட²ப்³ப³ங். தேனேவ ஹி அப்பனாவீதி²மோதரதீதி ச ததோபரங் அப்பனாவஸானே ப⁴வங்க³பாதோவ ஹோதீதி ச வக்க²தீதி. யதி³ பன பஞ்சமதோ பட்டா²ய ஜவனங் பதிதங் நாம ஹோதி. ஏவங் ஸதி கஸ்மா ததோ பட்டா²ய பதனகெ²த்தே அப்பனாஜவனங் பவத்ததீதி. வுச்சதே, ஹத்தே²
யஸ்மா ச ஆனந்தரியகம்மானங் ப²லதா³னநியததானாம காலனியமேன வினா ந ஸம்ப⁴வதி. காலனியமோசனாம ஏகந்தேன ஸத்தமஜவனஸ்ஸேவ ஹோதி. ந மஜ்ஜி²மஜவனானங். தேஸஞ்ஹி அஸுகஸ்மிங் ப⁴வேஏவ விபச்சந்தீதி ஏவங் நியமோ நத்தீ²தி. தஸ்மா து³வித⁴ஸ்ஸ நியமஸ்ஸ ஸித்³த⁴த்தா ஏவ ஸத்தமஜவனசேதனாய அனந்தரியகம்மதா ஸித்³தா⁴ ஹோதி. ந ப³லவதரதாயாதி நிட்ட²மெத்த²க³ந்தப்³ப³ந்தி. மூலடீகாயங் பன நனுச ஸத்தமஜவனசேதனாய ப³லவதாய உபபஜ்ஜவேத³னீயபா⁴வோ ஹோதி ஆனந்தரியதாபீதி சோத³னங் ஸமுட்டா²பெத்வா தத்தா²யங் அதி⁴ப்பாயோ ஸியா. படிஸந்தி⁴யா அனந்தரபச்சயபா⁴வினோ விபாகஸந்தானஸ்ஸ அனந்தரபச்சயபா⁴வேன அந்திமஜவனசேதனாய ஸுஸங்க²தத்தாஸா ஸத்தமஜக³னசேதனா உபபஜ்ஜவேத³னீயா ஆனந்தரியகாச ஹோதி. ந அபதிதஜவனசேதனா விய ப³லவதாயாதி உத்தரங் வத³தி. தங் யுத்தங் விய ந தி³ஸ்ஸதி. ஏவஞ்ஹி ஸதி பத²மஜவனசேதனா கஸ்ஸ அனந்தரபச்சயபா⁴வேன ஸுஸங்க²தத்தா தி³ட்ட²த⁴ம்மவேத³னீயானாம ஜாதாதி வத்தப்³பா³ ஹோதீதி. மஹாடீகாயங் பன து³ப்³ப³லாபி அந்திமஜவன சேதனா ஸன்னிட்டா²னகிச்சவிஸேஸயுத்ததாய ப²லவிபச்சனே ஸத்திவிஸே ஸயுத்தா ஹோதீதி உபபஜ்ஜவேத³னீயா ஆனந்தரியகாச ஸா ஹோதீதி வுத்தங். யதா²ரஹந்தி தங் தங் புக்³க³லானுரூபங். யதா²பி⁴னீஹார வஸேனாதி தஸ்ஸ தஸ்ஸ பரிகம்மபா⁴வனா சித்தஸ்ஸ கஸிணனிமித்தா தீ³ஸுவா அனிச்சலக்க²ணாதீ³ஸுவா அபி⁴னீஹரணானுரூபங். அப்பனாவீதி²ந்தி அப்பனாபப³ந்த⁴ங். இத³ஞ்ச அனேகவாரே பவத்தானங் அப்பனாஜவனானங் ஸங்க³ஹணத்த²ங் ததோதி சதுத்த²தோவா பஞ்சமதோ வா. இமஸ்மிங் அத்தே² ஸதி பஞ்சமேவா ச²ட்டே²வா ஏகந்தேன ப⁴வங்க³பாதோ ஹோதீதி ஆபஜ்ஜதி. தஸ்மா புன அப்பனாவஸானேதி வுத்தங். ப⁴வங்க³பாதோவஹோதி. நத்தி² ததா³ரம்மணுப்பாதோ³தி அதி⁴ப்பாயோ.
விபா⁴வனியங் பன
‘‘கத்த²சி அப்பனாவாரே ஸத்தஜவன பரிபூரணத்த²ங் அப்பனாவஸானேபி காமாவசரஜவனப்பவத்திங் வத³ந்தானங் நிகாயந்தரிகானங் வாதோ³ இத⁴ ஏவஸத்³தே³ன நிவத்திதோ’’தி வுத்தங்.
தத்தா²தி தஸ்மிங் அப்பனாஜவனவாரே. நிரந்தரபவத்தானங் ஜவனானங் பி⁴ன்னவேத³னதானாம நத்தீ²தி வுத்தங் ஸோமனஸ்ஸஸஹக³த ஜவனா நந்தரந்திஆதி³.
[132] விபா⁴வனியங் பன
‘‘பி⁴ன்னவேத³னானங் அஞ்ஞமஞ்ஞங் ஆஸேவனபச்சயபா⁴வஸ்ஸ அனுத்³த⁴டத்தா’’திகாரணங் வுத்தங். தங் ந ஸுந்த³ரங்.
ந ஹி இத⁴ ஆஸேவனபச்சயபா⁴வோ பமாணங். கஸ்மா, ஆஸேவன பச்சனிகானங் ப²லஜவனானங்பி பரிகம்மஜவனேஹி அஞ்ஞமஞ்ஞஞ்ச அபி⁴ன்னவேத³னதாய இச்சி²தப்³ப³த்தாதி. பாடிகங்கி²தப்³பா³தி அவஸ்ஸங் இச்சி²தப்³பா³.
[133] விபா⁴வனியங் பன
‘‘பஸங்ஸிதப்³பா³’’தி வுத்தங். தங் ந ஸுந்த³ரங்.
ந ஹி தாதி³ஸோ ஸங்வண்ணனாபதே³ஸோ தி³ஸ்ஸதீதி. அரஹத்த ப²லே மக்³க³வீதி²யங் மக்³க³குஸலானந்தரங் பவத்தமானேபி அயங் புப்³பா³பர நியமோ பரிகம்மஜவனேஹி ஏவ ஸஹ அப்பனாஜவனானங் ஹோதீதி கத்வா க்ரியஜவனானந்தரங் அரஹத்தப²லஞ்சாதி வுத்தங். ஸுக²புஞ்ஞம்ஹா பரங் த்³வத்திங்ஸ அப்பனாஜவனானி ஸம்ப⁴வந்தி. உபெக்க²கா புஞ்ஞம்ஹா பரங் த்³வாத³ஸ, ஸுகி²தக்ரியதோ பரங் அட்ட². உபெக்க²கா க்ரியதோ பரங் ச² அப்பனாஜவனானி ஸம்ப⁴வந்தீதி யோஜனா. தத்த² த்³வத்திங்ஸாதி அரஹத்தப²லஸப்³ப³பஞ்சமஜ்ஜா²னவஜ்ஜிதானங் சதுன்னங் ரூபகுஸலானங் ஸோளஸன்னங் த்³வாத³ஸாதி பஞ்சமஜ்ஜா²னிகானங் ரூபாரூபமக்³க³குஸலானங் ஹெட்டி²மப²லானஞ்ச வஸேன த்³வாத³ஸ. அட்டா²தி பஞ்சமஜ்ஜா²னவஜ்ஜிதானங் சதுன்னங் ரூபக்ரியானங் சதுன்னங் அரஹத்தப²லானஞ்ச வஸேன அட்ட². சா²தி பஞ்சமஜ்ஜா²னிகானங் பஞ்சன்னங் ரூபாரூபக்ரியானங் அரஹத்தப²லஸ்ஸச வஸேன ச². புது²ஜ்ஜனானங் ஸெக்கா²னஞ்ச காமபுஞ்ஞதிஹேதுதோ பரங் சதுசத்தாலீஸ அப்பனா ஸம்ப⁴வந்தி. வீதராகா³னங் அரஹந்தானங் திஹேதுகாமக்ரியதோ பரங் சுத்³த³ஸ அப்பனா ஸம்ப⁴வந்தீதி யோஜனா.
139. ஸப்³ப³தா²பீதி அதிமஹந்தாதி³னா ஸப்³ப³பகாரேனபி. எத்தா²தி ஏதேஸு யதா²வுத்தேஸு பஞ்சத்³வார மனொத்³வாரேஸு. ஸப்³ப³த்தா²பி பன அனிட்டே² திவா பாடோ². தேனேவ டீகாஸு ஸப்³ப³த்தா²பீதி பஞ்சத்³வார மனொத்³வாரேபீதி வுத்தங். இச்சி²தப்³ப³ந்தி இட்ட²ங். கேன இச்சி²தப்³ப³ந்தி. லோகியமஹாஜனேன. தத்த² ச அதிஉக்கட்டே² அதிது³க்³க³தேச ஜனே அக³ஹெத்வா மஜ்ஜி²மகேன மஹாஜனேன. ஏவஞ்ஹி ஸதி இட்டா²னிட்டா²னங் ஸுட்டு²வவத்தா²னங் ஹோதீதி அட்ட²கதா²யங் வுத்தங். யஸ்மிங் ஆரம்மணேகுஸல விபாகங் உப்பஜ்ஜதி, ததே³வ இட்ட²ங்னாம. யஸ்மிங் பன அகுஸலவிபாகங் உப்பஜ்ஜதி, ததே³வ அனிட்ட²ங்னாம. ந ஹி ஸக்கா இட்ட²ங்வா அனிட்ட²ங்வா ஆரம்மணங் விபாகசித்தங் வஞ்சேதுந்திச. அபிச த்³வாரவஸேனாபி இட்டா²னிட்ட²தா வேதி³தப்³பா³தி ச வுத்தங். தஸ்மா இந்த்³ரியானிந்த்³ரியப³த்³த⁴ஸந்தானக³தே ஏகே கஸ்மிங் ரூபகலாபே வண்ணாதீ³ஸு ரூபேஸு கிஞ்சி இட்ட²ங் ஹோதி. கிஞ்சி அனிட்ட²ங். கதா³சி இட்ட²ங் ஹோதி. கதா³சி அனிட்ட²ங், தத்த² கிஞ்சி இட்ட²ங் ஹோதி கிஞ்சி அனிட்ட²ந்தி யதா² கிங்ஸ்மிங்சி ஏகஸ்மிங் புப்பே² வண்ணோ இட்டோ². க³ந்தோ⁴ அனிட்டோ², ரஸோ அனிட்டோ², பொ²ட்ட²ப்³போ³ அனிட்டோ², க²ரஸம்ப²ஸ்ஸோ. கிங்ஸ்மிங்சி வண்ணோபி இட்டோ², க³ந்தோ⁴பி இட்டோ², ரஸாத³யோ அனிட்டா²யேவ. ததா² பு³த்³த⁴ஸ்ஸ ஸரீரக³தேபி ஏகஸ்மிங் கலாபே வண்ணோ இட்டோ² ஹோதி. க³ந்தோ⁴ அனிட்டோ². மதகண்ஹஸுனக²ஸ்ஸ உத்³து⁴மாதஸரீரேபி வண்ணோ இட்டோ² ஹோதி. க³ந்தோ⁴ அனிட்டோ². ஸோ ஹி வண்ணோ யதி³ நிவத்த²பாருதஸ்ஸ வத்த²ஸ்ஸ ப⁴வெய்ய. தங் வத்த²ங் மஹக்³க⁴ங் ஹோதீதி. கதா³சி இட்ட²ங் கதா³சி அனிட்ட²ந்தி அக்³கி³னாம ஹேமந்தே இட்டோ² ஸுக²விபாகஸ்ஸ பச்சயோ. கி³ம்ஹே அனிட்டோ² து³க்க²விபாகஸ்ஸ பச்சயோ. ஸீதுத³கங் கி³ம்ஹே இட்டே²தி இட்ட²மஜ்ஜ²த்தே, குஸலவிபாகானி பஞ்சவிஞ்ஞாண ஸம்படிச்ச²ன ஸந்தீரண ததா³ரம்மணானீதி ஸம்ப³ந்தோ⁴. ஸந்தீரண ததா³ரம்மணானி செத்த² உபெக்கா²ஸஹக³தானிஏவ வேதி³தப்³பா³னி. தேனேவாஹ அதிஇட்டே²பனாதிஆதி³. தத்த² அபி⁴இட்டே²தி ஸுவண்ண ரஜத மணிவண்ணாதி³கே ஹரிதாலவண்ணாதி³கே கோஸெய்ய வத்த²வண்ணாதி³ கே தே³வச்ச²ராவண்ணாதி³கேச அதிவிய லோகியமஹாஜனேன இச்சி²தப்³பே³ ச²ளாரம்மணே. யஸ்மா செத்த² அனிட்டா²ரம்மண ஸமாயோகோ³ அகுஸலகம்மஸ்ஸேவ விபச்சனோகாஸோ ஹோதி. இட்டா²ரம்மணஸமாயோகோ³ச குஸலகம்மஸ்ஸேவ, தஸ்மா அனிட்டே² அகுஸலவிபாகானேவ. இட்டே² குஸலவிபாகானேவாதி அயங் நியமோ ஸித்³தோ⁴. வேத³னானியமோ பன ஆதா³ஸே முக²னிமித்தஸ்ஸ விய அத்தனோ உஸ்ஸாஹ ப³லேன வினா கேவலங் கம்மப³லேன நிப்³ப³த்தானங் விபாகானங் பரிது³ப்³ப³லத்தா ததா² ததா² கப்பெத்வா பகப்பெத்வா க³ஹணா பா⁴வதோ யதா²ரம்மணமேவ ஸித்³தோ⁴ ஹோதீதி த³ட்ட²ப்³ப³ங். ந கேவலஞ்ச விபாகானங் ஏவ. அத²கோ² விபல்லாஸரஹிதே கி²ணாஸவஸந்தானே பவத்தானங் காமக்ரியஜவனானங் வியதா²ரம்மணமேவ வேத³னாயோகோ³ ஹோதீதி அதி⁴ப்பாயேன வுத்தங் தத்தா²பி ஸோமனஸ்ஸஸஹக³த க்ரியஜவனாவஸானே திஆதி³. தத்தா²பீதி தேஸு விபாகேஸுபி. ஸோமனஸ்ஸஸஹக³த க்ரிய ஜவனா வஸானேதி பு³த்³த⁴வண்ணாதி³கே அதிஇட்டா²ரம்மணே பவத்தானங் ஸோமனஸ்ஸ ஸஹக³த க்ரியஜவனானங் அவஸானே. உபெக்கா²ஸஹக³த க்ரிய ஜவனா வஸானேதி அனிட்டே² இட்ட²மஜ்ஜ²த்தேச பவத்தானங் உபெக்கா²ஸஹக³தக்ரியஜவனானங் அவஸானே. அயஞ்ச க்ரியஜவனாவஸானே ததா³ரம்மணனியமோ அட்ட²கதா²யங்பி வுத்தோயேவ. வுத்தஞ்ஹி தத்த² காமாவசர திஹேதுக ஸோமனஸ்ஸ ஸஹக³தக்ரியத்³வயங் ததா³ரம்மணவஸேன பஞ்சன்னங் ஸோமனஸ்ஸஸஹக³த விபாகானங் அனந்தரபச்சயோதிஆதி³. இத³ஞ்ச பகதினீஹாரேன பவத்தானங் க்ரியஜவனானங் வஸேன வுத்தங். ததா² ரூபேன பன சித்தாதிஸங்கா²ரேன பவத்தானங்
கத²ஞ்சானந்த³ அரியோ ஹோதி பா⁴விதிந்த்³ரியோ. இதா⁴னந்த³ பி⁴க்கு²னோ சக்கு²னா ரூபங் தி³ஸ்வா உப்பஜ்ஜதி மனாபங் உப்பஜ்ஜதி அமனாபங். உப்பஜ்ஜதி மனாபாமனாபங். ஸோ ஸசே ஆகங்க²தி படிகூலே அப்படிகூலஸஞ்ஞீ விஹரெய்யந்தி. அப்படிகூலஸஞ்ஞீ தத்த² விஹரதி. ஸசே ஆகங்க²தி அப்படிகூலே படிகூல ஸஞ்ஞீ விஹரெய்யந்தி. படிகூலஸஞ்ஞீ தத்த² விஹரதீதி.
ஸப்³ப³ங் உபரிபண்ணாஸகே இந்த்³ரியபா⁴வனாஸுத்தங் ஆஹரிதப்³ப³ங். தத்த² உப்பஜ்ஜதி மனாபங் உப்பஜ்ஜதி அமனாபங். உப்பஜ்ஜதி மனாபாமனாபந்தி ஏதேன கீ²ணாஸவானங் காமக்ரியஜவனானங் பகதினீஹாரேன இட்டே² ஸோ மனஸ்ஸயோகோ³ அனிட்டே² உபெக்கா² யோகோ³ த³ஸ்ஸிதோ ஹோதி. ஸோஸசே ஆகங்க²தி படிகூலே அப்படிகூலஸஞ்ஞீ விஹரெய்யந்தி. அப்படிகூலஸஞ்ஞீ தத்த² விஹரதீதிஆதி³னா பன தேஸங் ததா²ரூபே சித்தாபி⁴ஸங்கா²ரே ஸதி இட்டே²பி உபெக்கா²யோகோ³ அனிட்டே²பிஸோமனஸ்ஸ யோகோ³ வுத்தோ ஹோதீதி. யங் பன கீ²ணாஸவானங் ஸததவிஹாரஸுத்தே இத⁴ பி⁴க்கு²னா ரூபங் தி³ஸ்வா நேவ ஸுமனோ ஹோதி. ந து³ம்மனோ. உபெக்க²கோ விஹரதி ஸதோ ஸம்பஜானோதிஆதி³னா ச²ஸுத்³வாரேஸு ஸோமனஸ்ஸ படிக்கி²பனங் வுத்தங். தங்பி தேஸங் ததா² ரூபசித்தாபி⁴ஸங்கா²ரபா³ஹுல்லவஸேன வுத்தந்தி க³ஹேதப்³ப³ங். யஸ்மா வா கீ²ணாலவாபி பு³த்³த⁴ரூபத³ஸ்ஸனாதீ³ஸு பதா⁴னஸாருப்பட்டா²னத³ஸ்ஸனாதீ³ஸு ச ஸோமனஸ்ஸிதா ஹொந்தியேவ. தஸ்மா கேவலங் ராகா³தி³வத்து² பூ⁴தானி ரூபாரம்மணாதீ³னி இட்டா²னிட்டா²னி ஸந்தா⁴ய இத³ங் வுத்தந்திபி யுத்தங். எத்த² ச. கத²ங் படிகூலே அப்படிகூலஸஞ்ஞீ விஹரதி. அனிட்ட²ஸ்மிங் வத்து²ஸ்மிங் மெத்தாயவா ப²ரதி. தா⁴துதோவா உபஸங்ஹரதி. ஏவங் படிகூலே அப்படிகூலஸஞ்ஞீ விஹரதி. கத²ங் அப்படிகூலே படிகூலஸஞ்ஞீ விஹரதி இட்ட²ஸ்மிங் வத்து²ஸ்மிங் அஸுபா⁴யவா ப²ரதி. அனிச்சதோ வா உபஸங்ஹரதி. ஏவங் அப்படிகூலே படிகூலஸஞ்ஞீ விஹரதீதிஆதி³னா படிஸம்பி⁴தா³மக்³க³னயேன இத⁴ ததா²ரூபோ சித்தாபி⁴ஸங்கா²ரோ நாம
ததா² யதா³ குதி⁴ப⁴குட்ட²ஸரீராதி³கங் அதிஅனிட்டா²ரம்மணங் ஆபாதமாக³ச்ச²தி. ததா³ தத்த² மெத்தாயவா ப²ரந்தி. தா⁴துதோவா உபஸங்ஹரந்தி. தத்த² இட்ட²பூ⁴தங் அவேரதாவாதி³லக்க²ணமேவ ஸோமனஸ்ஸக்ரியஜவனானங் ஆரம்மணங் ஹோதி. ந அதிஅனிட்ட²பூ⁴தங் குதி⁴த குட்ட²ஸரீராதி³கங். தஸ்மா தானி ஜவனானி காமவிபாகானிவிய ஸப்³ப³தா³பி ஆரம்மணானுரூபமேவ வேத³னாயுத்தானி ஹொந்தீதி. தங் நயுஜ்ஜதி. ந ஹி தானி லக்க²ணானி தே³வச்ச²ராவண்ணாதீ³ஹி வினா விஸுங் லப்³ப⁴ந்தி. தேஹி பன ஸஹேவ லப்³ப⁴ந்தி. தஸ்மா யதா² ஆனிஸங்ஸத³ஸ்ஸனேன பா⁴வனாய புப்³பா³பரியவிஸேஸத³ஸ்ஸனேனச உத்³து⁴மாதகாதீ³ஸு அதி அனிட்டே²ஸுபி ஸோமனஸ்ஸுப்பத்தி அட்ட²கதா²யங் வுத்தா. யதா²ச மஹா மொக்³க³லானத்தே²ரஸ்ஸ பு³த்³த⁴ஸுபு³த்³த⁴தாத³ஸ்ஸனேன அத்தஸம்பத்தித³ஸ்ஸனேனச அனிட்ட²பூ⁴தேபி அட்டி²கங்கலிகபேதரூபே ஸோமனஸ்ஸுப்பத்தி பாளியங் வுத்தா. யதா² ச மஹாகஸ்ஸபத்தே²ரஸ்ஸ ததா²ரூபேன சித்தாபி⁴ ஸங்கா²ரேன குட்டி²னோ ஹத்த²தோ லத்³தே⁴ அனிட்ட²பூ⁴தே பூதிகும்மாஸேபி ஸோமனஸ்ஸுப்பத்தி அட்ட²கதா²யங் வுத்தா. ஏவமேவங் இத⁴பி அஸுப⁴ப²ரணாதி³கோ சித்தாபி⁴ஸங்கா²ரோ அதிஇட்டே² உபெக்கா²ஜவனானங் அதிஅனிட்டே²ச ஸோமனஸ்ஸஜவனானங் உப்பத்தியா பச்சயோ ஹோதீதி த³ட்ட²ப்³ப³ங். அயஞ்ஹி ஆரம்மணானங் இட்டா²னிட்ட²பா⁴வோனாம லோகியமஹாஜனானங் இச்சா²வஸேன ஸித்³தோ⁴ ஹோதி அக³ம்பீ⁴ரோ விபல்லாஸத⁴ம்மானங் கிலேஸானஞ்ச வத்து²பூ⁴தோ. யதா²ஹ-தத்த² கதமங் ரூபங் ஹீனங். யங் ரூபங் தேஸங் தேஸங் ஸத்தானங் உஞ்ஞாதங் அவஞ்ஞாதந்திஆதி³. எத்த² ஹி தேஸங் தேஸங் ஸத்தானந்தி ஏதேன ஆரம்மணத⁴ம்மானங் இட்டா²னிட்ட²பா⁴வோ நாம லோகியமஹாஜன ஸம்முதியா ஸித்³தோ⁴தி த³ஸ்ஸேதி. தஸ்மா யஞ்ச அப்பஹீனவிபல்லாஸானங் லோகியமஹாஜனானங் தே³வச்ச²ராவண்ணா தீ³ஸு அதி இட்டே²ஸு அதிஇட்டா²காரதோ க³ஹணங். யஞ்ச பு³த்³த⁴வண்ணா தீ³ஸு
[134] யங் பன விபா⁴வனியங்
‘‘குஸலாகுஸலானங் பன அப்பஹீனவிபல்லாஸேஸு ஸந்தானேஸு பவத்தியா அதிஇட்டே²பி இட்ட²மஜ்ஜ²த்தஅனிட்டா²காரதோ அனிட்டே²பி இட்ட²இட்ட²மஜ்ஜ²த்தாகாரதோ க³ஹணங் ஹோதீதி’’ வுத்தங்.
யஞ்ச தத்த²
‘‘கீ²ணாஸவானங் சித்தவிபல்லாஸாபா⁴வேன க்ரியஜவனானிபி யதா²ரம்மணமேவ பவத்தந்தீ’’தி வுத்தங். தங் விசாரேதப்³ப³மேவ.
யே ஹி தே த⁴ம்ம சக்கு²ரஹிதா ஹொந்தி. தேயேவ விபல்லாஸ வஸேன சித்தவஸானுகா³ ஆரம்மணவஸானுகா³ச ஹொந்தீதி குஸலா குஸலானியேவ யேபு⁴ய்யேன யதா²ரம்மணங் பவத்தந்தி. ந பன க்ரிய ஜவனானி. ந ஹி கீ²ணாஸவா லோகியமஹாஜனஸம்மதேஸு இட்டா²னிட்டே²ஸு சித்தவஸானுகா³ ஆரம்மணவஸானுகா³ச ஹொந்தீதி. யதா²ஹ –
ரூபா ஸத்³தா³ க³ந்தா⁴ ரஸா, பொ²ட்ட²ப்³பா³ச மனோரமா;
இட்ட²த⁴ம்மா அனிட்டா²ச, ந பவேத⁴ந்தி பண்டி³தாதி.
தஸ்மா ஸோமனஸ்ஸ க்ரிய ஜவனானந்தரங்பி ததா³ரம்மணானி ஸோமனஸ்ஸுபெக்கா² வேத³னாயுத்தானி ஏவ ஸியுங். ததா² உபெக்கா²க்ரியஜவனானந்தரங்பீதி. மூலடீகாயங் பனெத்த² பட்டா²னே-குஸலாகுஸலே நிருத்³தே⁴ விபாகோ ததா³ரம்மணதாஉப்பஜ்ஜதீதி குஸலகுஸலானந்தரங் ஏவ ததா³ரம்மணங் வுத்தங். ந அப்³யாகதானந்தரங் நச கத்த²சி க்ரியானந்தரங் ததா³ரம்மணஸ்ஸ வுத்தட்டா²னங் தி³ஸ்ஸதி. விஜ்ஜமானேச தஸ்மிங் அவசனே காரணங்னத்தி². ப⁴வங்க³ஞ்சனாமேதங் நதி³ஸோதோவிய படிஸோதகா³மினாவங் ஸவிப்பா²ரிகங் ஏவஜவனங் அனுப³ந்த⁴தீதி யுத்தங். ந பன ச²ளங்கு³பெக்கா²வதோ கீ²ணாஸவஸ்ஸ ஸந்தவுத்திக்ரியஜவனங். தஸ்மா க்ரியஜவனானந்தரங் ததா³ரம்மணவிதா⁴னங்
[135] விபா⁴வனியங் பன
டீகாவாத³ஸ்ஸ உத்தரங் வத³ந்தேன யங் வுத்தங் ‘‘யதி³ அப்³யாகதா நந்தரங்பி ததா³ரம்மணங் வுச்செய்ய. பரித்தாரம்மணே வொட்ட²ப்³ப³னா நந்தரங்பி தஸ்ஸ பவத்திங் மஞ்ஞெய்யுந்தி க்ரியஜவனானந்தரங் ததா³ ரம்மணங் ந வுத்த’’ந்தி. தங் ந ஸுந்த³ரங்.
ந தோ³மனஸ்ஸ.ல. உபெக்கா² ஸஹக³தானேவ ப⁴வந்தி. ந ஸோமனஸ்ஸஸஹக³தானி. கஸ்மா, ஸோமனஸ்ஸ தோ³மனஸ்ஸானங் அஞ்ஞமஞ்ஞவிருத்³த⁴த்தா. தேனேவ ஹி பட்டா²னே தேஸங் இதரீதரானந்தரபச்சயதா நவுத்தாதி. எத்த²ச க்ரியஜவன தோ³மனஸ்ஸஜவனான மேவ அனந்தரங் ததா³ரம்மண நியமங் த³ஸ்ஸெந்தேன தே²ரேன இதரேஸங் குஸலாகுஸலஜவனானங் அனந்தரங் பன தாதி³ஸோ நியமோ நத்தீ²தி த³ஸ்ஸிதோ ஹோதி. தஸ்மா அட்ட²ன்னங் காமகுஸலானங் அட்ட²ன்னங் லோப⁴மூலானங் த்³வின்னங் மோஹமூலானந்தி அட்டா²ரஸன்னங் ஜவனானங் அனந்தரங் ஆரம்மணானுரூபங் ஸப்³பா³னி ததா³ரம்மணானி ப⁴வங்கா³னி ச பவத்தந்தி. யேபு⁴ய்யேன பன அகுஸலஜவனானந்தரங் ததா³ரம்மணங் அஹேதுகமேவ. த்³விஹேதுகஜவனானந்தரங் த்³விஹேதுகமேவ. திஹேதுகஜவனானந்தரங் திஹேதுகமேவாதி அயங் யேபு⁴ய்யனியமோ. யஸ்ஸ பன த்³விஹேதுகானிவா திஹேதுகானிவா குஸலஜவனானி ப³ஹுலங் ஸமுதா³சரந்தி. தஸ்ஸ கதா³சி அகுஸலஜவனேஸு ஜவிதேஸு அகுஸலானந்தரங்பி த்³விஹேதுகானிவா திஹேதுகானிவாததா³ரம்மணானி பவத்தந்தி. யஸ்ஸ அகுஸலஜவனானி ப³ஹுலங் ஸமுதா³சரந்தி. தஸ்ஸ கதா³சி த்³விஹேதுகேஸுவா திஹேதுகேஸுவா குஸலஜவனேஸு ஜவிதேஸு குஸலானந்தரங்பி அஹேதுகததா³ரம்மணானி பவத்தந்தி. வுத்தஞ்ஹேதங் பட்டா²னே-அஹேதுகே க²ந்தே⁴ அனிச்சதோ.ல. தோ³மனஸ்ஸங் உப்பஜ்ஜதி. குஸலாகுஸலே நிருத்³தே⁴ ஸஹேதுகோ விபாகோ ததா³ ரம்மணதா உப்பஜ்ஜதி. அஹேதுகோ விபாகோ ததா³ரம்மணதா உப்பஜ்ஜதீதி. ஏகானிஹி ததா³ரம்மணானினாம படிஸந்தி⁴ஜனகேன ஏகேன கம்மேன நிப்³ப³த்தானிபி நானாவீதீ²ஸு நானாப்பகாரானி ஹொந்தி. பவத்தி விபாகஜனகேஹி பன நானாகம்மேஹி நிப்³ப³த்தே²ஸு வத்தப்³ப³மேவ நத்தீ²தி. தஸ்மாதி யஸ்மா தோ³மனஸ்ஸானந்தரங் ஸோமனஸ்ஸுப்பத்தி நாம நத்தி², தஸ்மா. ஸோமனஸ்ஸபடிஸந்தி⁴கஸ்ஸாதி சதூஸு ஸோமனஸ்ஸமஹா விபாகேஸு ஏகமேகேன க³ஹித படிஸந்தி⁴கஸ்ஸ ஸத்தஸ்ஸ. ததா³ ரம்மணஸம்ப⁴வோதி யங்கிஞ்சீதி இட்டா²னிட்ட²பூ⁴தேஸு ரூபாரம்மணாதீ³ஸு யங்கிஞ்சி. பரிசிதபுப்³ப³ந்தி இமஸ்மிங் ப⁴வேயேவ தங்க²ணதோ புரிமக²ணேஸு க³ஹண ப³ஹுலதா வஸேன பரிசிதங். அபி⁴ண்ஹஸேவிதந்தி அத்தோ². பரித்தாரம்மணந்தி பரித்தத⁴ம்மபூ⁴தங் ஆரம்மணங். ஆரப்³பா⁴தி ஆலம்பி³த்வா. உபெக்கா²ஸஹக³த ஸந்தீரணந்தி த்³வீஸு உபெக்கா²ஸஹக³தஸந்தீ ரணேஸு இட்டே² குஸலவிபாகங் அனிட்டே² அகுஸலவிபாகங் உபெக்கா² ஸஹக³த ஸந்தீரணங். யேஸங் பன பகதியா இதரானி சத்தாரி உபெக்கா²ஸஹக³த விபாகானி ப³ஹுலங் பவத்தந்தி. தேஸங் தானிபி ஆக³ந்துகப⁴வங்க³ங் நஹொந்தீதி ந வத்தப்³பா³னி. அட்ட²கதா²யங் பன மஹாத⁴ம்மரக்கி²தத்தே²ரவாதே³ யேபு⁴ய்யனியமஸோதே பதிதத்தா அகுஸலஜவனானுரூபங் அஹேதுகங் உபெக்கா² ஸந்தீரண த்³வய மேவ வுத்தங். தேனேவ ஹி பரதோ தே²ரவாதா³னங் விசாரிதட்டா²னே அகுஸலஜவனானந்தரங் அஹேதுக ததா³ரம்மண மேவ தீ³பெந்தஸ்ஸ தஸ்ஸ தே²ரவாத³ஸ்ஸ அபரிபுண்ணவாத³பா⁴வங் த³ஸ்ஸெத்வா யதா³ குஸலஜவனானங் அந்தரந்தரா அகுஸலங் ஜவதி, ததா³ குஸலாவஸானே ஆசிண்ண ஸதி³ஸமேவ அகுஸலாவஸானே ஸஹேதுகங் ததா³ரம்மணங் யுத்தந்தி அட்ட²கதா²யங் வுத்தங். ததா³ரம்மணேசயுத்தே ஏதங்பி யுஜ்ஜதியேவ. தஸ்மா ச²பி உபெக்கா²ஸஹக³தவிபாகானி ஆக³ந்துகப⁴வங்க³ங் ஹொந்தியேவாதி த³ட்ட²ப்³ப³ங். எத்த²ச உபெக்கா²படிஸந்தி⁴கஸ்ஸ தாவ அதிமஹந்தாதி விபூ⁴தேஸுபி பு³த்³த⁴வண்ணாதீ³ஸு அபி⁴இட்டா²ரம்மணேஸு தோ³மனஸ்ஸங் உப்பாதெ³ந்தஸ்ஸ ததா³ரம்மணஸம்ப⁴வோ நத்தீ²தி தோ³மனஸ்ஸ ஜவனானந்தரங் ப⁴வங்க³பாதோவ ஹோதி. ஸோமனஸ்ஸபடிஸந்தி⁴கஸ்ஸ பன ஸப்³பே³ஸுபி இட்டா²னிட்ட²பூ⁴தேஸு மஹந்தேஸு அவிபூ⁴தேஸுச ச²ளாரம்மணேஸு தோ³மனஸ்ஸ உப்பாதெ³ந்தஸ்ஸ நேவ ததா³ரம்மணஸம்ப⁴வோ அத்தி². நசமூலப⁴வங்க³ ஸம்ப⁴வோதி கத்வா தோ³மனஸ்ஸானந்தரங் ச²ஸு உபெக்கா²ஸஹக³தவிபாகேஸு யதா²ரஹங் ஏகங் ஆக³ந்துக ப⁴வங்க³பா⁴வேன பவத்ததி. ததா² தஸ்ஸேவ பு³த்³த⁴வண்ணாதீ³ஸு அதிஇட்ட²பூ⁴தேஸு அதிமஹந்தேஸு அதிவிபூ⁴தேஸுச ச²ளாரம்மணேஸுவா மஹக்³க³தபஞ்ஞத்தீஸுவா தோ³மனஸ்ஸங் உப்பாதெ³ந்தஸ்ஸாதி. எத்த² ச யஸ்மா அபி⁴த⁴ம்மே தா⁴துவிப⁴ங்கே³ ஸப்³ப³த⁴ம்மேஸுவா பன
எத்த² ஸியா. யதி³ சே தங் ஆக³ந்துகப⁴வங்க³ங் ஏகவீதி²யங் ஆதி³ம்ஹி ஆவஜ்ஜனேன ஆவஜ்ஜிதங் ஆரம்மணங் அக³ஹெத்வா அஞ்ஞங் யங் கிஞ்சி பரிசிதபுப்³ப³ங் பரித்தாரம்மணங் ஆரப்³ப⁴ உப்பஜ்ஜதி. ஏவங் ஸதி நிராவஜ்ஜனங்னாம ஏதங் ஸியா. ஆவஜ்ஜனாதீ³ஹிச ஸத்³தி⁴ங் த⁴ம்மதோ காலதோ ச பி⁴ன்னாரம்மணங்னாம ஸியாதி. ஸச்சங், யதா² பன மக்³க³வீதி²யங் கொ³த்ரபு⁴வோதா³னானி ப²லஸமாபத்திவீதி²யங் ப²லானி நிரோத⁴தோ வுட்ட²ஹந்தஸ்ஸச ப²லசித்தங் நிராவஜ்ஜனமேவ ஹொந்தி பி⁴ன்னாரம்மணஞ்ச. ஏவமேதஸ்ஸபி நத்தி² நிராவஜ்ஜனதாய பி⁴ன்னாரம்மணதாயச தோ³ஸோதி. யஞ்ச ஏகஸ்மிங்ப⁴வே ப⁴வங்க³ஸ்ஸ படிஸந்தி⁴யா ஸஹ த⁴ம்மதோச ஆரம்மண தோச அபி⁴ன்னத்தங் தத்த² தத்த² வுத்தங். தங்பி மூலப⁴வங்க³ங் ஸந்தா⁴ய வுத்தங். தமனந்தரித்வாதி தங் ஆக³ந்துகப⁴வங்க³ங் அத்தனோ அனந்தரபச்சயங் கத்வா. வத³ந்தி ஆசரியா. பாளியங் பன மஹாஅட்ட²கதா²யங்ச ஏதங் விதா⁴னங் நத்தீ²தி அதி⁴ப்பாயோ. காமாவசரஜவனாவஸானேயேவ ததா³ரம்மணங் இச்ச²ந்தி. ந மஹக்³க³தானுத்தரஜவனாவஸானே. கஸ்மா இதி சே. காமாவசர ஜவனானங் ஏவ ஸவிப்ப²ந்த³னத்தா. இதரேஸஞ்ச அவிப்ப²ந்த³னத்தா.
[136] விபா⁴வனியங் பன
‘‘காமதண்ஹா நிதா³ன கம்மனிப்³ப³த்தத்தா’’தி காரணங் வுத்தங். தங் அகாரணங்.
அபிச அபி⁴ஞ்ஞாவஜ்ஜிதானி மஹக்³க³தானுத்தரஜவனானி அபரித்தாரம்மணானி ஹொந்தி. ததா³ரம்மணானி பன பரித்தாரம்மணானேவாதி நதேஸங் அவஸானே ததா³ரம்மணுப்பத்தி பஸங்கோ³ அத்தி². அபி⁴ஞ்ஞாஜவனானிச கானிசி பரித்தாரம்மணானிபி ஸந்ததரானி ஹொந்தீதி தேஸங்பி அவஸானே தது³ப்பத்தி நத்தி²யேவாதி.
[137] ஏதேன
அஜனகத்தா ஜனக ஸமானத்தாபா⁴வதோதிஆதி³பி படிக்கி²த்தங் ஹோதி.
காமாவசரஸத்தானங்ஏவ ததா³ரம்மணங் இச்ச²ந்தி. ந ரூபாரூபஸத்தானங். ந ஹி தேஸு உப்பன்னானங் பரித்தாரம்மணானங்பி காமாவசரஜவனானங் அவஸானே ததா³ரம்மணுப்பத்தி அத்தி². ததா³ரம்மணூப நிஸ்ஸயஸ்ஸ காம ப⁴வங்க³ஸ்ஸ அபா⁴வதோ மஹக்³க³த ப⁴வங்க³ஸ்ஸ ச ஸந்த தரஸ்ஸ ததா³ரம்மண கிச்சா பா⁴வதோதி. சக்கு²விஞ்ஞாண ஸோத விஞ்ஞாணானி பன ரூபஸத்தானங் சக்கு²ஸோதஇந்த்³ரிய பவத்திஆனுபா⁴வதோ ஸம்படிச்ச²னஸந்தீரணானிச த்³வாரவீதி²பே⁴தே³ சித்தனியமஸித்³தி⁴தோ ரூபஸத்தேஸு பவத்தந்தி யேவாதி. காமாவசரத⁴ம்மெஸ்வேவ ஆரம்மணபூ⁴தேஸு ததா³ரம்மணங் இச்ச²ந்தி, ந மஹக்³க³தானுத்தரபஞ்ஞத்தித⁴ம்மேஸு. ஏகந்தபரித்தாரம்மணத்தா ததா³ரம்மணானங். தேஸங் பன ஏகந்தபரித்தா ரம்மணபா⁴வே காரணங் ஹெட்டா² வுத்தமேவாதி.
[138] விபா⁴வனியங் பன
‘‘அபரிசிதத்தா’’தி
சித்தஞ்ஹி நாம விகப்பப³லேவா அப்பனாபத்தபா⁴வனாகம்மவிஸேஸே வா ஸதி நிப்³பா³னே விய அபரிசிதேபி ஆரம்மணே பவத்ததியேவாதி.
[139] யஞ்ச விபா⁴வனியங்
‘‘காமதண்ஹாயத்தகம்மஜனிதத்தாபீ’’தி காரணங் வுத்தங். தங்பி ஹெட்டா² படிக்கி²த்தமேவ. தேனேவ ஹி அட்ட²கதா²யங் கிங்வா ஏதாய யுத்திசிந்தாயாதி வத்வா ஸப்³பா³னி விபா⁴வனியங் வுத்த காரணானி படிக்கி²த்தானீதி.
காமே ஜவன ஸத்தாலம்ப³ணானங் நியமேஸதீதி காமபூ⁴மிபரியாபன்னானங் ஜவனானங் ஸத்தானங் ஆரம்மணானஞ்ச வஸேன திவிதே⁴ நியமே ஸதி. விபூ⁴தே திமஹந்தேச ததா³ரம்மணமீரிதந்தி ஏதேன ததா³ரம்மணங்னாம பவத்தமானங் விபூ⁴தாரம்மணேவா அதிமஹந்தாரம்மணே வா பவத்ததீதி அயமேவ நியமோ த³ஸ்ஸிதோ. ந பன யத்த² ததா³ ரம்மணங் பவத்ததி. ஏததே³வ விபூ⁴தஞ்ச அதிமஹந்தஞ்ச நாமாதி நியமோ. தஸ்மா உளாரகம்மனிப்³ப³த்தானங் ஸுவிஸத³வத்து²கானங் ரூபப்³ரஹ்மானங் உப்பன்னாவீதி²யோ யேபு⁴ய்யேன விபூ⁴தாரம்மணாஏவ அதிமஹந்தா ரம்மணாஏவச ஹொந்தீதி வேதி³தப்³பா³. கேசி பன இமமத்த²ங் அஸல்லக்கெ²த்வா ரூபாரூபபூ⁴மீஸு விபூ⁴தாரம்மணவீதி²யோ அதிமஹந்தாரம்மணவீதி²யோச நலப்³ப⁴ந்தீதி வத³ந்தி. [ததா³ரம்மணனியமோ].
140. ஜவனேஸுசாதி சஸத்³தோ³ பன ஸத்³த³த்தோ². ச²க்க²த்து மேவவா ஜவந்தி. பகதிகாலேபி ஆரம்மணஸ்ஸ து³ப்³ப³லபா⁴வே ஸதீதி அதி⁴ப்பாயோ. அட்ட²கதா²யங்பி ஹி பகதிகாலே ஆரம்மணது³ப்³ப³ லட்டா²னேஏவ காமாவசரஜவனானங் ச²க்க²த்துங் பவத்தி வுத்தாதி. கேசி பன ச²க்க²த்துந்தி இத³ங் முச்சா²காலவஸேன வுத்தந்தி மஞ்ஞந்தி. மந்த³வத்தியந்தி மரணாஸன்னகாலே ப³ஹுசித்தக்க²ணாதீதகஸ்ஸ வத்து²ஸ்ஸ து³ப்³ப³லத்தா இதரகாலேஸுச முது³தரபா⁴வேன கேனசி உபத்³து³த பா⁴வேன அஜ்ஜொ²த்த²டபா⁴வேனச வத்து²ஸ்ஸ து³ப்³ப³லத்தா தன்னிஸ்ஸிதானங் ஜவனானங் மரணகாலாதீ³ஸூதி மரணாஸன்னகாலே முச்சா²காலே விஸஞ்ஞிபூ⁴த காலே அதிதருணகாலேச, தத்த² முச்சா²காலோனாம அஸய்ஹ ரூபேஹி து³க்க²த⁴ம்மேஹி அதிபூ⁴தானங் அதி⁴மத்ததோ கரஜகாயஸ்ஸ விஹஞ்ஞப்பத்திகாலோ. விஸஞ்ஞி பூ⁴தகாலோனாம பீதிவேகே³னவா நித்³தா³பி⁴பூ⁴ததாயவா யக்க²க³ஹணேனவா ஸுராமதா³தி³ வஸேனவா பகதிஸஞ்ஞாய விக³தகாலோ. அதிதருணகாலோனாம க³ப்³ப⁴க³தஸ்ஸவா ஸம்பதிஜாதஸ்ஸவா தா³ரகஸ்ஸ அஜ்ஜ²த்த வத்தூ²னங் அதிமுது³காலோ. தாதி³ஸேஸு ஹி காலேஸு அந்தரந்தரா ச²த்³வாரிகவீதி²யோ பவத்தமானாபி யேபு⁴ய்யேன பரிபுண்ணஜவனவாரா ந பவத்தந்தி. த்³வத்திவொட்ட²ப்³ப³னிகாவா சதுபஞ்சஜவனிகாஏவவா பவத்தந்தீதி. எத்த²ச த்³வத்திவொட்ட²ப்³ப³னிகவாரா அட்ட²கதா²யங் வுத்தா. சதுபஞ்ச ஜவனிகவாரா மூலடீகாயங் வுத்தா. பஞ்சவாரமேவாதி இத³ங் பன மரணா ஸன்னகாலவஸேன வுத்தங். நமுச்சா²காலாதி³வஸேன. தஞ்ச கோ²பாகதிகஸத்தானங் வஸேனேவ. யே பன ஜா²னஸமனந்தரங்வா பச்சவெக்க²ண ஸமனந்தரங்வா அபி⁴ஞ்ஞாஸமனந்தரங்வா சவந்திவா பரினிப்³பா³யந்திவா. தேஸங் ஜா²னாதீ³னியேவ பஞ்சவாரதோ அதி⁴கானிவா ஊனானிவா மரணா ஸன்னஜவனானினாம ஹொந்தீதி த³ட்ட²ப்³ப³ங். அயஞ்ச அத்தோ² உபரி மரணுப்பத்தியங் ஆவிப⁴விஸ்ஸதீதி. ப⁴க³வதோ பன யமகபாடிஹாரிய காலாதீ³ஸூதி எத்த² அஞ்ஞேஸங்பி மஹாமொக்³க³லானத்தே²ராதீ³னங் ஏவரூபோ லஹுப்பவத்திகாலோ ஆதி³ஸத்³தே³ன ஸங்க³ஹிதோதி த³ட்ட²ப்³போ³. வுத்தஞ்ஹி விஸுத்³தி⁴மக்³கே³ அயங் பன மத்த²கபத்தா வஸீ ப⁴க³வதோ யமகபாடிஹாரியே லப்³ப⁴தி. அஞ்ஞேஸங்வா ஏவரூபே காலேதி. ஸகலேன பன வாக்யேன த²பெத்வா யமகபாடிஹாரியஸதி³ஸங் லஹுக பவத்திகாலங் அஞ்ஞஸ்மிங் காலே ப⁴க³வதோபி ச²வா ஸத்தவா பச்சவெக்க²ணசித்தானி பவத்தந்தி. அஞ்ஞேஸங் பன வத்தப்³ப³மேவ நத்தீ²தி த³ஸ்ஸேதி. சத்தாரி பஞ்சவா பச்சவெக்க²ணசித்தானி ப⁴வந்தீதி எத்த²பி ப⁴க³வதோபி லஹுகப்பவத்தியங் பஞ்ச பச்சவெக்க²ணசித்தானி ப⁴வந்தி. லஹுகதரபவத்தியங் சத்தாரீதி அத்தோ²பி யுஜ்ஜதியேவ.
விபா⁴வனியங் பன
ப⁴க³வதோ
தத்த² யமகபாடிஹாரியங் கரொந்தோ ப⁴க³வா அக்³கி³க்க²ந்த⁴உத³க தா⁴ராதீ³னங் த்³வின்னங் த்³வின்னங் பாடிஹாரியானங் பவத்தனத்த²ங் பத²மங் தேஜோகஸிணே பாத³கஜ்ஜா²னங் ஸமாபஜ்ஜி. ததோ த்³வே ஜா²னங்கா³னி பச்சவெக்கி². ததோ உபரிமகாயதோ அக்³கி³க்க²ந்தோ⁴ பவத்ததூதி அதி⁴ட்டா²ஸி. ததோ தஸ்மிங்யேவ கஸிணே அபி⁴ஞ்ஞங் ஸமாபஜ்ஜி. அபி⁴ஞ்ஞாவஸேன உபரிமகாயதோ அக்³கி³க்க²ந்தோ⁴ பவத்ததி. ததோ ஆபோகஸிணே பாத³கஜ்ஜா²னங் ஸமாபஜ்ஜி. ததோ த்³வே ஜா²னங்கா³னி பச்சவெக்கி². ததோ ஹெட்டி²மகாயதோ உத³கதா⁴ரா பவத்தந்தூதி அதி⁴ட்டா²ஸி. ததோ தஸ்மிங்யேவ கஸிணே அபி⁴ஞ்ஞங் ஸமாபஜ்ஜி. அபி⁴ஞ்ஞாவஸேன ஹெட்டி²ம காயதோ உத³கதா⁴ரா பவத்தந்தி. ஸேஸயமகேஸுபி ஏஸேவ நயோ. எத்த²ச லஹுகப்பவத்தியா இச்சி²தத்தா த்³வே த்³வே பச்சவெக்க²ணவாரா சதுபஞ்சஜவனிகாஏவ ப⁴வந்தி. த்³வின்னஞ்ச ஜவனவாரானங் அந்தரா த்³வே ஏவ ப⁴வங்கா³னி ப⁴வந்தி. தானிச த்³வே பாடிஹாரியானி பஸ்ஸந்தானங் ஏகப்பஹாரேனேவ பவத்தானி விய பஞ்ஞாயந்தீதி. ஏதரஹி பன கேசி ஆதி³கம்மிகஜ்ஜா²னபச்சவெக்க²ணேஸுபி சத்தாரி பஞ்சவாஜவனானி வத³ந்தி. ஆதி³கம்மிகஸ்ஸாதி யோக³கம்மஸித்³தி⁴யா ஆதி³ம்ஹி நியுத்தஸ்ஸ. பத²மங் உப்பன்னா அப்பனா பத²மகப்பனா. தஸ்ஸங் பத²மகப்பனாயங். ஆதி³கம்மிகஅப்பனாவீதி²யந்தி அத்தோ². ததா³ ஹி ஸப்³பா³னிபி மஹக்³க³தஜவனானி புன ஆஸேவனாபா⁴வதோ பரிது³ப்³ப³லானி ஹொந்தீதி ஏகவாரமேவ ஜவந்தீதி. அபி⁴ஞ்ஞாஜவனானி பன இத்³தி⁴விகுப்³ப³னாதி³. கிச்சஸித்³தி⁴யாஏவ பயுத்தானீதி கிச்சஸித்³தி⁴தோ பரங் கத்தப்³பா³பா⁴வதோ ஆதி³கம்மிககாலேபி வஸீபூ⁴தகாலேபி ஏகவாரமேவ ஜவந்தீதி வுத்தங் அபி⁴ஞ்ஞாஜவனானிச ஸப்³ப³தா³பீதி. யதா²ச அபி⁴ஞ்ஞாஜவனாதி³ ஏவங் மக்³க³ஜவனானிபி தங் தங் கிலேஸப்பஹானகிச்சஸித்³தி⁴தோ பரங் கத்தப்³பா³ பா⁴வதோ ஏகவாரமேவ ஜவந்தீதி வுத்தங் சத்தாரோ பன.ல. ஏக சித்தக்க²ணிகாவாதி. அத²வா, மக்³க³சேதனாய அனந்தரிகப²லத்தா ஸகிங் சத்தாரோ பன.ல. ஏகசித்தக்க²ணிகாவாதி. ஜவனுப்பத்தியா பகதியா ஸத்தக்கு²பரமத்தா மந்த³ஸ்ஸ பஞ்சமங் உப்பன்னமக்³க³தோ பரங் த்³வே ப²லசித்தானி உப்பஜ்ஜந்தி. திக்க²ஸ்ஸ சதுத்த²ங் உப்பன்னமக்³க³தோ பரங் தீணீதி வுத்தங் ததோ பரங்.ல. உப்பஜ்ஜந்தீதி. நிரோத⁴ஸமாபத்திகாலே பன புப்³ப³பா⁴கே³யேவ தாதி³ ஸஸ்ஸ பயோகா³பி⁴ஸங்கா²ரஸ்ஸ கதத்தா த்³வின்னங் வாரானங் உபரி சித்தப்பவத்தி நத்தீ²தி வுத்தங் நிரோத⁴.ல. ஜவதீதி. எத்த²ச த்³விக்க²த்துந்தி இத³ங் உக்கட்ட² நித்³தே³ஸவஸேன வுத்தங். ஏகங்வா த்³வேவா சித்தவாரே அதிக்கமித்வா அசித்தகோ ஹோதீதி ஹி வுத்தங். சதுத்தா²ருப்பஜவனந்தி அனாகா³மினோ குஸலபூ⁴தங் அரஹதோ க்ரியபூ⁴தங் நேவஸஞ்ஞானாஸஞ்ஞா யதன ஜவனங். வுட்டா²னகாலேச நிரோத⁴ஸ்ஸ நிஸந்த³மத்தத்தா ஏகவாரமேவ வஜனங் பவத்ததீதி வுத்தங் வுட்டா²னகாலேசாதிஆதி³. தத்த² அனாகா³மி ப²லங்வா அரஹத்தப²லங்வாதி அனாகா³மிப²லேவா அரஹத்தப²லேவா. பா⁴வேன பா⁴வலக்க²ணே ஹேதங் பச்சத்தவசனங். தேனாஹ நிருத்³தே⁴தி. ஸப்³ப³த்தா²பி ஸமாபத்திவீதி²யந்தி ஜா²னஸமாபத்தி ப²லஸமாபத்திவஸேன ஸகலாயபி ஸமாபத்திவீதி²யங். ப⁴வங்க³ஸோதோவிய வீதி²னிய மோ நத்தீ²தி இத³ங் சிண்ணவஸீபூ⁴தகாலங் ஸந்தா⁴ய வுத்தங். அகதா தி⁴காரஸ்ஸ பன ஜா²னஸமாபத்தியங் ஆதி³தோ பட்டா²ய த்³வே தீணி சத்தாரீதிஆதி³னா ஜா²னஜவனானி அனுக்கமேன வத்³த⁴மானானி பவத்தந்தி. கதா தி⁴காரானங் பன மஹாபுரிஸஜாதிகானங் படிலத்³த⁴காலதோ பட்டா²ய சிண்ணவஸீபா⁴வானேவ ஹொந்தி. ததா² ப²லஜவனானிச ஸப்³பே³ஸங்பி ப²லட்டா²னந்தி த³ட்ட²ப்³ப³ங். ப³ஹூனிபீதி பிஸத்³தோ³ ஸம்பிண்ட³னத்தோ². தேன ஆதி³கம்மிககாலாதீ³ஸு ஏகவாராதி³வஸேனபி அவஸேஸானங் பவத்திங் ஸம்பிண்டே³தீதி. [ஜானநியமோ].
141. ஏவங் புப்³பா³பரனியாமவஸேன வீதி²சித்தானங் பவத்திங் த³ஸ்ஸெத்வா இதா³னி புக்³க³லபே⁴த³வஸேன பூ⁴மிபே⁴த³வஸேனச தேஸங் பவத்திங் த³ஸ்ஸெந்தோ து³ஹேதுகானந்திஆதி³மாஹ. படிஸந்தி⁴விஞ்ஞாணஸஹக³தா த்³வே ஹேதுயோ ஏதேஸந்தி து³ஹேதுகா. சதூஹி ஞாணவிப்ப யுத்தமஹாவிபாகேஹி க்ரியஜவனானி சேவஅப்பனாஜவனானிச ந லப்³ப⁴ந்தீதி. தத்த² விபாகா வரணங் நாம அஹேதுக படிஸந்தி⁴கதா த்³விஹேதுக படிஸந்தி⁴கதாச. ததா² ஞாணஸம்பயுத்தவிபாகானிச ஸுக³தியந்தி ஸுக³தி ப⁴வே பரியாபன்னானங் தேஸங் த்³வின்னங் ததா² ஞாணம்பயுத்தமஹாவிபாகானிச ந லப்³ப⁴ந்தீதி அத்தோ². எத்த²ச ஸுக³தியந்தி ஏதேன து³க்³க³திபரியாபன்னே அஹேதுக புக்³க³லே நிவத்தேதி. ந ஹி தேஸங் இமஸ்மிங் வாக்யே இதரேஸங் அனுஞ்ஞாதானி ஞாணவிப்பயுத்தவிபாகானிபி லப்³ப⁴ந்தீதி. தேனாஹ து³க்³க³தி யங் பனாதிஆதி³. தத்த² து³க்³க³தியங் பரியாபன்னானங் அஹேதுகானங் ஞாணஸம்பயுத்தவிபாகானிச ஞாணவிப்பயுத்தானி மஹாவிபாகானிச ந லப்³ப⁴ந்தீதி பரிபுண்ண யோஜனா த³ட்ட²ப்³பா³. எத்த² ஸியா. கஸ்மா பனெத்த² ஸுக³திபரியாபன்னானங் அஹேதுகானங் சத்தாரி ஞாணஸம்பயுத்தவிபாகானி து³க்³க³திபரியாபன்னானஞ்ச அட்ட²பி ஸஹேதுக மஹாவிபாகானி ந லப்³ப⁴ந்தீதி வுத்தங். நனு பட்டா²னே ஸஹேதுகங் ப⁴வங்க³ங் அஹேதுகஸ்ஸ ப⁴வங்க³ஸ்ஸ அனந்தரபச்சயேன பச்சயோதி வுத்தங். எத்த² ஹி ஏகஸ்மிங் ப⁴வே ஏகஸ்ஸ ஸத்தஸ்ஸ கதா³சி ஸஹேதுகங் ப⁴வங்க³ங் கதா³சி அஹேதுகங் ப⁴வங்க³ந்தி ஏவங் மூலப⁴வங்கே³ பவத்திபே⁴தோ³ நத்தீ²தி கத்வா ஸஹேதுகங் ப⁴வங்க³ந்தி இத³ங் ததா³ரம்மணஸங்கா²தங் ஆக³ந்துகப⁴வங்க³ங் ஸந்தா⁴ய வுத்தந்தி விஞ்ஞாயதி. ஸஹேதுகந்திச ஸாமஞ்ஞவசனத்தா த்³விஹேதுகங் திஹேதுகஞ்ச ததா³ரம்மணங் விஞ்ஞாதப்³ப³ங் ஹோதி. அஹேதுகஸ்ஸ ப⁴வங்க³ஸ்ஸாதி இத⁴ பன தஸ்ஸ ததா³ரம்மணஸ்ஸ அனந்தரங் உப்பன்னங் மூலப⁴வங்க³மேவ அதி⁴ப்பேதங். இத⁴பி ஸாமஞ்ஞவசனத்தா த்³வீஸு அ- அஹேதுகப⁴வங்கே³ஸு யங்கிஞ்சி க³ஹேதப்³ப³மேவாதி. தஸ்மா த்³வின்னங் அஹேதுகானங்பி அட்ட²ஸஹேதுக ததா³ரம்மணானிபி லப்³ப⁴மானானிஏவ ஸியுங். து³ஹேதுகானங் பன வத்தப்³ப³மேவ நத்தீ²தி. வுச்சதே, அஹேது கேஸு லோகுத்தர.ல. ஸமுப்பஜ்ஜந்தீதி. எத்த²ச உபரிமக்³கே³ ஆக³தே ஹெட்டி²மமக்³கா³னுபா⁴வஸ்ஸ ஸப்³ப³ஸோ படிபஸ்ஸத்³தி⁴வஸேன உபரிமானங் புக்³க³லந்தரதாஸித்³தி⁴ வேதி³தப்³பா³தி. இதா³னி தேஸங் தேஸங் புக்³க³லானங் பாரிஸேஸதோ லப்³ப⁴மானவீதி²சித்தானி த³ஸ்ஸேதுங் கா³த²மாஹ. பரினிட்டி² தஸிக்கா²கிச்சத்தா நத்தி² ஸிக்கி²தப்³ப³கிச்சங் ஏதேஸந்தி அஸெக்கா². கீ²ணாஸவா. தேஸங் தேவீஸதிகாமவிபாக வீஸதிக்ரிய அரஹத்தப²ல வஸேன சதுசத்தாலீஸ வீதி²சித்தானி ஸம்ப⁴வா யதா²ஸம்ப⁴வங் உத்³தி³ஸே. ஸத்தன்னங் ஸெக்கா²னங் தி³ட்டி²விசிகிச்சா²ஜவனவஜ்ஜிதானங் ஸத்தன்னங் அகுஸலானங் ஏகவீஸதியா குஸலானங் தேவீஸதியா காமவிபாகானங் திண்ணங் ஹெட்டி²மப²லானங் ஆவஜ்ஜனத்³வயஸ்ஸச வஸேன ச²பஞ்ஞாஸ வீதி²சித்தானி ஸம்ப⁴வா உத்³தி³ஸே. அவஸேஸானங் சதுன்னங் புது²ஜ்ஜனானங் காமவிபாக லோகியகுஸலாகுலாவஜ்ஜன த்³வயவஸேன சதுபஞ்ஞாஸ வீதி²சித்தானி ஸம்ப⁴வா உத்³தி³ஸேதி யோஜனா. புக்³க³ல பே⁴தே³ன வீதி²சித்தானங் பே⁴தோ³ புக்³க³லபே⁴தோ³.
142. ஸப்³பா³னிபி வீதி²சித்தானி உபலப்³ப⁴ந்தி புக்³க³லானங் த்³வாரானஞ்ச எத்தே²வ பரிபுண்ணஸம்ப⁴வதோ. யதா²ரஹந்தி தங் தங் பூ⁴மிபுக்³க³லானங் உப்பத்திஅரஹானுரூபங். ரூபாவசரபூ⁴மியங் வஜ்ஜிதப்³பே³ஸு ஸோளஸவீதி² சித்தேஸு ச²ன்னங் சித்தானங் உபரிவாக்யே வுச்சமானத்தா படிக⁴ஜவன ததா³ரம்மண வஜ்ஜிதானீதி வுத்தங். அரூபாவசரபூ⁴மியங் பத²மமக்³க³ ரூபாவசரஹஸன ஹெட்டி²மாருப்பவஜ்ஜிதானி படிக⁴ஜவன ததா³ரம்மணவஜ்ஜிதானிச வீதி² சித்தானி லப்³ப⁴ந்தீதி யோஜனா. எத்தா²பி வஜ்ஜிதப்³பே³ஸு அட்ட²திங்ஸ வீதி²சித்தேஸு ஸோளஸன்னங் சித்தானங் உபரிவுச்சமானதா த³ட்ட²ப்³பா³. ஸப்³ப³த்தா²பீதி ஸப்³பா³ஸுபி ரூபாரூபபூ⁴மீஸு. தங்தங் பஸாத³ரஹிதானங் தங்தங்த்³வாரிக வீதி²சித்தானி ந லப்³ப⁴ந்தேவாதி ரூபாவசரபூ⁴மியங் தாவ கா⁴னாதி³த்தயங் நத்தீ²தி கா⁴னஜிவ்ஹாகாயபஸாத³ ரஹிதானங் ரூபீப்³ரஹ்மானங் கா⁴ன ஜிவ்ஹாகாயத்³வாரிகானி ச² வீதி²சித்தானி நலப்³ப⁴ந்தேவ. யானி ஸந்தா⁴ய ச²ன்னங் சித்தானங் உபரிவாக்யே வுச்சமானத்தாதி ஹெட்டா² வுத்தங். அரூபபூ⁴மியங் பன பஞ்சபி பஸாதா³ நத்தீ²தி பஞ்சத்³வாரிகானி த்³விபஞ்சவிஞ்ஞாண மனோதா⁴ துத்திக ஸந்தீரணத்தயவஸேன ஸோளஸவீதி²சித்தானி நலப்³ப⁴ந்தேவ. யானி ஸந்தா⁴ய ஸோளஸன்னங் சித்தானங் உபரி வுச்சமானதாதி வுத்தங். காமபூ⁴மியங் பன தங்தங் பஸாத³ரஹிததா ஜச்சந்தா⁴தீ³னங் வஸேன யோ ஜேதப்³பா³. காமே அஸீதி வீதி²சித்தானி யதா²ரஹங் லப்³ப⁴ரே லப்³ப⁴ந்தி. ரூபே சதுஸட்டி² ததா² யதா²ரஹங் லப்³ப⁴ரே. அரூபே த்³வே சத்தாலீஸ யதா²ரஹங் லப்³ப⁴ரேதி யோஜனா. எத்த²ச ப்³ரஹ்மலோகேவா உபரி ச²காமாவசர தே³வலோகேஸுவா அனிட்டா²ரம்மணானி நாம நத்தி². தஸ்மா ரூபாவசரபூ⁴மியங் சதுன்னங் அகுஸலவிபாகானங் லப்³ப⁴மானதாவசனங் தத்த² ட²த்வாவா இத⁴ ஆக³ந்த்வாவா இத⁴ அனட்டே²ஹி ரூபஸத்³தே³ஹி ஸமாக³ச்ச²ந்தானங் வஸேன த³ட்ட²ப்³ப³ங். கேசி பன இத⁴ ஆக³தானங்யேவ ப்³ரஹ்மானங் அனிட்டா²ரம்மணஸமாயோகோ³ ஹோதீதி தா²னி சத்தாரி ரூபபூ⁴மியங் லத்³தா⁴னினாம ந ஹொந்தி. தஸ்மா தத்த² ஸட்டி²யேவ வீதி²சித்தானீதி வத³ந்தி. தங் ந யுஜ்ஜதி. இத⁴ ஆக³தானங்யேவ உப்பன்னானிபி ப்³ரஹ்மத்தபா⁴வே உப்பன்னத்தா ப்³ரஹ்மலோகே உப்பன்னானி இச்சேவ வத்தப்³ப³த்தா. நச தத்த² டி²தாபி இத⁴ அனிட்டா²னி நக³ண்ஹந்தி. தூ³ரேபி ஆரம்மணங் க³ஹேதுங் ஸமத்த²த்தா ப்³ரஹ்மானந்தி.
[140] யஞ்ச விபா⁴வனியங்
தஸ்ஸ வாத³ஸ்ஸ படிக்கி²பனத்த²ங் வுத்தங் ‘‘இத⁴ பன தத்த² ட²த்வாபி இமங் லோகங் பஸ்ஸந்தானங் அனிட்டா²ரம்மணஸ்ஸ அஸம்ப⁴வோ ந ஸக்கா வத்து’’ந்தி. தேன தத்த² ட²த்வா இமங் லோகங் பஸ்ஸந்தானங் உப்பன்னானி தானி சத்தாரி சித்தானி தத்த² லத்³தா⁴னினாம ஹொந்தி. இத⁴ ஆக³தானங் உப்பன்னானி இத⁴ லத்³தா⁴னினாம ஹொந்தீதி அனுஞ்ஞாதங் ஹோதி. தஞ்ச ந யுத்தங்.
தங் தங் பூ⁴மிபரியாபன்னே ஸத்தஸந்தானே உப்பன்னானிஏவ தங்தங்பூ⁴மியங் உப்பன்னானீதி ஸித்³த⁴த்தா. இச்சேவந்திஆதி³ மஹானிக³மனங். யதா²ஸம்ப⁴வந்தி தங் தங் பூ⁴மிபுக்³க³லத்³வாராரம்மணேஸு ஸம்ப⁴வானுரூபங். ப⁴வங்கே³ன அந்தரிதா ப⁴வங்க³ந்தரிதா. யாவதாயுகந்தி தஸ்மிங் தஸ்மிங் ப⁴வே ப⁴வனிகந்தி வீதி²தோ பட்டா²ய யத்தகங் காலங் ஜீவிதஸந்தானங் பவத்ததி. தத்தகங் காலந்தி அத்தோ². அப்³பொ⁴ச்சி²ன்னா பவத்ததி அஸதி நிரோத⁴ ஸமாபத்தியந்தி அதி⁴ப்பாயோ.
இதி பரமத்த²தீ³பனியானாம அபி⁴த⁴ம்மத்த²ஸங்க³ஹஸ்ஸ
சதுத்த²வண்ணனாய வீதி² ஸங்க³ஹஸ்ஸ
பரமத்த²தீ³பனா நிட்டி²தா.