14. விபாகபச்சயோ
ச²த்திங்ஸவிதா⁴ விபாகபூ⁴தா ஸஹஜாதசித்தசேதஸிகா த⁴ம்மா விபாக பச்சயோ. தேயேவ அஞ்ஞமஞ்ஞஞ்ச படிஸந்தி⁴க்க²ணே கம்மஜரூபானி ச பவத்திக்க²ணே விபாக சித்தஜாதானி சித்தஜரூபானி ச விபாகபச்சயுப்பன்னா.
கேனட்டே²ன விபாகோதி. விபச்சனட்டே²ன விபாகோ. விபச்சனங் நாம முது³தருணபா⁴வங் அதிக்கம்ம விபக்கபா⁴வங் ஆபஜ்ஜனங். கஸ்ஸ பன த⁴ம்மஸ்ஸ முது³தருணபா⁴வோ, கஸ்ஸ விபக்கபா⁴வோதி. நானாக்க²ணிககம்மபச்சய ஸங்கா²தஸ்ஸ அதீதகம்மஸ்ஸ முது³தருணபா⁴வோ, தஸ்ஸேவ கம்மஸ்ஸ விபக்கபா⁴வோ.
தத்த² ஏகஸ்ஸ கம்மஸ்ஸ சதஸ்ஸோ அவத்தா²யோ ஹொந்தி சேதனா வத்தா² கம்மாவத்தா² நிமித்தாவத்தா² விபாகாவத்தா²தி.
தத்த² தாய சேதனாய நிருத்³தா⁴யபி தஸ்ஸா கிரியா விஸேஸோ ந நிருஜ்ஜ²தி, தங் சித்தஸந்தானங் அனுக³ச்ச²தியேவ. அயங் கம்மாவத்தா² நாம.
நிமித்தாவத்தா²தி தங் கம்மங் யதா³ விபச்சிதுங் ஓகாஸங் லப⁴தி, ததா³ மரணாஸன்னகாலே தஸ்ஸ புக்³க³லஸ்ஸ தமேவ கம்மங் வா பச்சுபட்டா²தி, ஸோ புக்³க³லோ ததா³ தா³னங் தெ³ந்தோ விய ஸீலங் ரக்க²ந்தோ விய பாணகா⁴தங் வா கரொந்தோ விய ஹோதி. கம்மனிமித்தங் வா பச்சுபட்டா²தி, தா³ன வத்து²ஆதி³கங் வா ஸத்தா²தி³கங் வா அஞ்ஞங் வாபி புப்³பே³ தஸ்ஸ கம்மஸ்ஸ உபகரணபூ⁴தங் ஆரம்மணங் ததா³ தஸ்ஸ புக்³க³லஸ்ஸ ஹத்த²க³தங் விய ஹோதி. க³தினிமித்தங் வா பச்சுபட்டா²தி, தி³ப்³ப³விமானாதி³கங் வா நிரயக்³கி³ஜாலாதி³கங் வா உப்பஜ்ஜமானப⁴வே உபலபி⁴தப்³ப³ங் வா அனுப⁴விதப்³ப³ங் வா ஆரம்மணங் ததா³ தி³ஸ்ஸமானங் ஹோதி. அயங் நிமித்தா வத்தா² நாம.
விபாகாவத்தா²தி ஸசே ஸோ புக்³க³லோ ததா² பச்சுபட்டி²தங் தங் கம்மங் வா கம்மனிமித்தங் வா க³தினிமித்தங் வா ஏகங் ஆரம்மணங் அமுஞ்சமானோ மரதி, ததா³ தங் கம்மங் தஸ்மிங்ப⁴வே விபச்சதி, தங் கம்மங் தஸ்மிங்ப⁴வே ஏகோ அத்தபா⁴வோ ஹுத்வா பாதுப⁴வதி
தத்த² யதா² அம்ப³ப்ப²லானி நாம யதா³ விபக்கபா⁴வங் ஆபஜ்ஜந்தி, ததா³ ஸப்³ப³ஸோ ஸினித்³த⁴ரூபானி ஹொந்தி. ஏவமேவங் விபாகத⁴ம்மா நாம நிருஸ்ஸாஹா நிப்³யாபாரா ஹுத்வா ஸப்³ப³ஸோ ஸந்தரூபா ஹொந்தி. தேஸங் ஸந்தரூபத்தாயேவ ப⁴வங்க³சித்தானங் ஆரம்மணங் அவிபூ⁴தங் ஹோதி, ப⁴வங்க³தோ வுட்டா²னகாலே தங் ஆரம்மணங் ந ஜானாதி. ததா²ஹி ரத்தியங் நித்³தா³யந்தஸ்ஸ புரிமப⁴வே மரணாஸன்னகாலே யதா²க³ஹிதங் கம்மாதி³கங் ஆரம்மணங் ஆரப்³ப⁴ ப⁴வங்க³ஸோதங் பவத்தமானங்பி தஸ்ஸ ப⁴வங்க³ஸோதஸ்ஸ தங் ஆரம்மணங் ஆரப்³ப⁴ இத³ங் நாம மே புரிமப⁴வே ஆரம்மணங் தி³ட்ட²ந்தி கஸ்ஸசி ஜானநவீதி²சித்தஸ்ஸ உப்பத்தியா பச்சயோ ந ஹோதி. ஸோ புக்³க³லோ நித்³தா³யனகாலேபி உட்டா²னகாலேபி புரிமப⁴வஸித்³த⁴ங் தங் நிமித்தங் ந ஜானாதி. ஏவங் நிருஸ்ஸாஹனிப்³யாபாரஸந்தரூப பா⁴வேன உபகாரகதா விபாகபச்சயதா நாமாதி. விபாக பச்சயதீ³பனா நிட்டி²தா.