16. இந்த்³ரியபச்சயோ
திவிதோ⁴ இந்த்³ரியபச்சயோ ஸஹஜாதிந்த்³ரியபச்சயோ புரே ஜாதிந்த்³ரியபச்சயோ ரூபஜீவிதிந்த்³ரியபச்சயோ.
தத்த² பன்னரஸிந்த்³ரியத⁴ம்மா ஸஹஜாதிந்த்³ரியபச்சயோ நாம, ஜீவிதிந்த்³ரியங் மனிந்த்³ரியங் ஸுகி²ந்த்³ரியங் து³க்கி²ந்த்³ரியங் ஸோமனஸ்ஸிந்த்³ரியங் தோ³மனஸ்ஸிந்த்³ரியங் உபெக்கி²ந்த்³ரியங் ஸத்³தி⁴ந்த்³ரியங் வீரியிந்த்³ரியங் ஸதிந்த்³ரியங் ஸமாதி⁴ந்த்³ரியங் பஞ்ஞிந்த்³ரியங் அனஞ்ஞாதஞ்ஞஸ்ஸாமீதிந்த்³ரியங் அஞ்ஞிந்த்³ரியங் அஞ்ஞாதாவிந்த்³ரியந்தி. தேஹி ஸஹஜாதா சித்தசேதஸிகத⁴ம்மா ச ரூபத⁴ம்மா ச தஸ்ஸ பச்சயுப்பன்னா.
பஞ்சிந்த்³ரியரூபானி புரேஜாதிந்த்³ரியபச்சயோ, சக்கு²ந்த்³ரியங் ஸோதிந்த்³ரியங் கா⁴னிந்த்³ரியங் ஜிவ்ஹிந்த்³ரியங் காயிந்த்³ரியங். பஞ்சவிஞ்ஞாணசித்த சேதஸிக த⁴ம்மா தஸ்ஸ பச்சயுப்பன்னா.
ஏகங் ரூபஜீவிதிந்த்³ரியங் ரூபஜீவிதிந்த்³ரியபச்சயோ. ஸப்³பா³னி கம்மஜ ரூபானி ஜீவிதரூபவஜ்ஜிதானி தஸ்ஸ பச்சயுப்பன்னானி.
கேனட்டே²ன இந்த்³ரியந்தி. இஸ்ஸரியட்டே²ன இந்த்³ரியங். தத்த² கத்த² இஸ்ஸரியந்தி. அத்தனோ அத்தனோ பச்சயுப்பன்னேஸு த⁴ம்மேஸு இஸ்ஸரியங். கஸ்மிங் கஸ்மிங் கிச்சே இஸ்ஸரியந்தி
எத்த² வதெ³ய்ய, த்³வே இத்தி²ந்த்³ரியபுரிஸிந்த்³ரியத⁴ம்மா இந்த்³ரியபூ⁴தா ஸமானாபி கஸ்மா இந்த்³ரியபச்சயே விஸுங் ந க³ஹிதாதி. பச்சயகிச்சஸ்ஸ அபா⁴வதோ. திவித⁴ஞ்ஹி பச்சயகிச்சங் ஜனநகிச்சஞ்ச உபத்த²ம்ப⁴னகிச்சஞ்ச அனுபாலனகிச்சஞ்ச. தத்த² யோ பச்சயோ பச்சயுப்பன்னத⁴ம்மஸ்ஸ உப்பாதா³ய பச்சயோ ஹோதி, யஸ்மிங் அஸதி பச்சயுப்பன்னோ த⁴ம்மோ ந உப்பஜ்ஜதி, தஸ்ஸ பச்சயகிச்சங் ஜனநகிச்சங் நாம. யதா² அனந்தரபச்சயோ. யோ பச்சயோ பச்சயுப்பன்னத⁴ம்மஸ்ஸ டி²தியா ச வுட்³டி⁴யா ச விருள்ஹியா ச பச்சயோ ஹோதி, யஸ்மிங் அஸதி பச்சயுப்பன்னோ த⁴ம்மோ ந திட்ட²தி ந வட்³ட⁴தி ந விரூஹதி, தஸ்ஸ பச்சயகிச்சங் உபத்த²ம்ப⁴னகிச்சங் நாம. யதா² பச்சா²ஜாதபச்சயோ. யோ பச்சயோ பச்சயுப்பன்னஸ்ஸ த⁴ம்மஸ்ஸ பவத்தியா பச்சயோ ஹோதி, யேன வினா பச்சயுப்பன்னோ த⁴ம்மோ சிரகாலங் ந பவத்ததி, ஸந்ததி க³மனங் சி²ஜ்ஜதி, தஸ்ஸ பச்சய கிச்சங் அனுபாலனகிச்சங் நாம. யதா² ரூப ஜீவிதிந்த்³ரியபச்சயோ. ஏதே பன த்³வே இந்த்³ரியத⁴ம்மா தேஸு தீஸு பச்சய கிச்சேஸு ஏககிச்சங்பி நஸாதெ⁴ந்தி, தஸ்மா ஏதே த்³வே த⁴ம்மா இந்த்³ரிய பச்சயே விஸுங் ந க³ஹிதாதி.
ஏதங் ஸந்தே ஏதே த்³வே த⁴ம்மா இந்த்³ரியாதிபி ந வத்தப்³பா³தி. நோ ந வத்தப்³பா³. கஸ்மா. இந்த்³ரியகிச்சஸப்³பா⁴வதோதி. கிங் பன ஏதேஸங் இந்த்³ரியகிச்சந்தி. லிங்க³னிமித்தகுத்தஆகப்பேஸு இஸ்ஸரதா இந்த்³ரிய கிச்சங். ததா² ஹி யஸ்ஸ புக்³க³லஸ்ஸ படிஸந்தி⁴க்க²ணே இத்தி²ந்த்³ரியரூபங் உப்பஜ்ஜதி, தஸ்ஸ ஸந்தானே சதூஹி கம்மாதீ³ஹி பச்சயேஹி உப்பன்னா பஞ்சக்க²ந்த⁴ த⁴ம்மா இத்தி²பா⁴வாய பரிணமந்தி, ஸோ அத்தபா⁴வோ ஏகந்தேன இத்தி²லிங்க³ இத்தி²னிமித்த இத்தி²குத்த இத்தா²கப்பயுத்தோ ஹோதி, நோ அஞ்ஞதா². ந ச இத்தி²ந்த்³ரியரூபங் தே பஞ்சக்க²ந்த⁴த⁴ம்மே ஜனேதி, ந ச உபத்த²ம்ப⁴தி, நாபி அனுபாலேதி, அத² கோ² தே த⁴ம்மா அத்தனோ அத்தனோ பச்சயேஹி உப்பஜ்ஜமானா ஏவஞ்சேவஞ்ச உப்பஜ்ஜந்தூதி ஆணங் ட²பெந்தங் விய தேஸு அத்தனோ அனுபா⁴வங் பவத்தேதி. தே ச த⁴ம்மா ததே²வ உப்பஜ்ஜந்தி, நோ அஞ்ஞதா²தி. அயங் இத்தி²ந்த்³ரியரூபஸ்ஸ இத்தி²லிங்கா³தீ³ஸு இஸ்ஸரதா. ஏஸ நயோ புரிஸிந்த்³ரியரூபஸ்ஸ புரிஸலிங்கா³தீ³ஸு இஸ்ஸரதாயங். ஏவங் ஏதே த்³வே த⁴ம்மா லிங்கா³தீ³ஸு இந்த்³ரியகிச்ச ஸப்³பா⁴வதோ இந்த்³ரியா நாம ஹொந்தீதி.
ஹத³யவத்து²ரூபங் பன த்³வின்னங் விஞ்ஞாணதா⁴தூனங் நிஸ்ஸயவத்து²கிச்சங் ஸாத⁴யமானங்பி தாஸு இந்த்³ரியகிச்சங் ந ஸாதே⁴தி. ந ஹி பா⁴வித சித்தஸ்ஸ புக்³க³லஸ்ஸ ஹத³யரூபே பஸன்னேவா