2. க³ந்த²காரகாசரிய-பரிச்சே²தோ³
ஆசரியோ பன அத்தி². போராணாசரியா அத்தி², அட்ட²கதா²சரியா அத்தி², க³ந்த²காரகாசரியா அத்தி², திவித⁴னாமிகாசரியா. கதமே போராணாசரியா? பட²மஸங்கா³யனாயங் பஞ்சஸதா கீ²ணாஸவா பஞ்சன்னங் நிகாயானங் நாமஞ்ச அத்த²ஞ்ச அதி⁴ப்பாயஞ்ச யத³ஞ்ச ப்³யஞ்ஜன ஸோத⁴னஞ்ச அவஸேஸங் கிச்சங் கரிங்ஸு. து³தியஸங்கா³யனாயங் ஸத்தஸதா கீ²ணாஸவா தேஸங்யேவ ஸத்³த³த்தா²தி³கங் கிச்சங் புன கரிங்ஸு. ததியஸங்கா³யனாயங் ஸஹஸ்ஸமத்தா கீ²ணாஸவா தேஸங்யேவ ஸத்³த³த்தா²தி³கங் கிச்சங் புன கரிங்ஸு. இச்சேவங் த்³வேஸதாதி⁴கா த்³வேஸஹஸ்ஸ கீ²ணாஸவா மஹாகச்சாயனங் ட²பெத்வா அவஸேஸா போராணாசரியா நாம. யே போராணாசரியா தேயேவ அட்ட²கதா²சரியா நாம. கதமே க³ந்த²காரகாசரியா? மஹாஅட்ட²கதி²காபேப⁴த³அனேகாசரியா க³ந்த²காரகாசரியா நாம. கதமே திவித⁴ நாமாசரியா மஹாகச்சாயனோ திவித⁴னாமங். கதமே க³ந்தா² மஹாகச்சாயனேன கதா? கச்சாயனக³ந்தோ², மஹானிருத்திக³ந்தோ², சுல்லனிருத்திக³ந்தோ², யமகக³ந்தோ², நெத்திக³ந்தோ², பேடகோபதே³ஸக³ந்தோ²தி, இமே ச² க³ந்தா² மஹாகச்சாயனேன கதா. கதமே அனேகாசரியேன கதா க³ந்தா²? மஹாபச்சரிகாசரியோ மஹாபச்சரியங் நாம க³ந்த²ங் அகாஸி. மஹாகுருந்தி³காசரியோ குருந்தி³ நாம க³ந்த²ங் அகாஸி. அஞ்ஞதரோ ஆசரியோ மஹாபச்சரிய க³ந்த²ஸ்ஸ அட்ட²கத²ங் அகாஸி. அஞ்ஞதரோ ஆசரியோ குருந்தி³ க³ந்த²ஸ்ஸ அட்ட²கத²ங் அகாஸி, மஹாபு³த்³த⁴கோ⁴ஸா நாமசரியோ விஸுத்³தி⁴மக்³கோ³ தீ³க⁴னிகாயஸ்ஸ ஸுமங்க³லவிலாஸனி நாம அட்ட²கதா², மஜ்ஜி²மனிகாயஸ்ஸ பபஞ்சஸூத³னீ நாம அட்ட²கதா², ஸங்யுத்தனிகாயஸ்ஸ ஸாரத்த²ப்பகாஸினீ நாம அட்ட²கதா², அங்கு³த்தரனிகாயஸ்ஸ மனோரத²பூரணீ நாம அட்ட²கதா², பஞ்சவினய க³ந்தா²னங் ஸமந்தபாஸாதி³கா நாம அட்ட²கதா², ஸத்தன்னங் அபி⁴த⁴ம்மக³ந்தா²னங் பரமத்த²கதா² நாம அட்ட²கதா², பாதிமொக்க² ஸங்கா²தாய மாதிகாய கங்கா²விதரணீதி விஸுத்³தி⁴ நாம அட்ட²கதா², த⁴ம்மபத³ஸ்ஸ அட்ட²கதா², ஜாதகஸ்ஸ அட்ட²கதா², கு²த்³த³கபாட²ஸ்ஸ அட்ட²கதா², ஸுத்தனிபாதஸ்ஸ அட்ட²கதா², அபதா³னஸ்ஸ அட்ட²கதா²தி, இமே தேரஸ க³ந்தே² அகாஸி. பு³த்³த⁴த³த்தோனாமாசரியோ வினய வினிச்ச²யோ, உத்தரவினிச்ச²யோ, அபி⁴த⁴ம்மாவதாரோ, பு³த்³த⁴வங்ஸஸ்ஸ மது⁴ரத்த²விலாஸினீ நாம அட்ட²கதா²தி, இமே சத்தாரோ க³ந்தே² அகாஸி. ஆனந்தோ³னாமாசரியா ஸத்தாபி⁴த⁴ம்மக³ந்த²ட்ட²கதா²ய மூடீகங் நாம டீகங் அகாஸி. த⁴ம்மபாலாசரியோ நெத்திப்பகரணட்ட²கதா², இதிவுத்தகட்ட²கதா², உதா³னட்ட²கதா², சரியாபிடகட்ட²கதா², தே²ரகத²ட்ட²கதா², தே²ரீகத²ட்ட²கதா², விமானவத்து²ஸ்ஸ விமலவிலாஸினி நாம அட்ட²கதா², பேதவத்து²ஸ்ஸ விமலவிலாஸினி நாம அட்ட²கதா², விஸுத்³தி⁴மக்³க³ஸ்ஸ பரமத்த²மஞ்ஜூஸா நாம டீகா, தீ³க⁴னிகாயஸ்ஸ அட்ட²கதா²தீ³னங் சதுன்னங் அட்ட²கதா²னங் லீனத்த²ப்பகாஸனி நாம டீகா, ஜாதகட்ட²கதா²ய லீனத்த²ப்பகாஸனி நாம டீகா, நெத்திபகரணட்ட²கதா²ய டீகா, பு³த்³த⁴வங்ஸட்ட²கதா²ய பரமத்த²தீ³பனீ நாம டீகா, அபி⁴த⁴ம்மட்ட²கதா²யடீகா லீனத்த²வண்ணனா நாம அனுடீகாதி இமே சுத்³த³ஸ மத்தே க³ந்தே² அகாஸி.
த்³வே புப்³பா³சரியானாமா சரியானிருத்தி மஞ்ஜூஸங் நாம சுல்லனிருத்தி டீகஞ்ச மஹானிருத்தி ஸங்கே²பஞ்ச அகங்ஸு. மஹாவஜிரபு³த்³தி⁴னாமாசரியோ வினயக³ண்டி²னாம பகரணங் அகாஸி. தீ³பங்கரஸங்கா²தோ விமலபு³த்³தி⁴ நாமாசரியோ முக²மத்ததீ³பனீ நாமகங் ந்யாஸப்பகரணங் அகாஸி. சுல்லவஜிரபு³த்³தி⁴ நாமாசரியோ அத்த²ப்³யாக்²யானங் நாம பகரணங் அகாஸி.
தீ³பங்கரோ நாமாசரியோ ரூபஸித்³தி⁴ பகரணங், ரூபஸித்³தி⁴ டீகங், ஸம்பபஞ்ச ஸுத்தஞ்சேதி திவித⁴ங் பகரணங் அகாஸி. ஆனந்தா³சரியஸ்ஸ ஜெட்ட²ஸிஸ்ஸோ த⁴ம்மபாலோ நாமாசரியோ ஸச்சஸங்கே²பங் நாம பகரணங் அகாஸி. கஸ்ஸபோ நாமாசரியோ மோஹவிச்சே²த³னீ, விமதிச்சே²த³னீ, த³ஸபு³த்³த⁴வங்ஸோ, அனாக³தவங்ஸோதி, சதுவித⁴ங் பகரணங் அகாஸி.
மஹானாமோ நாமாசரியோ, ஸத்³த⁴ம்மபகாஸனீ நாம படிஸம்பி⁴தா³மக்³க³ஸ்ஸ அட்ட²கத²ங் அகாஸி. தீ³பவங்ஸோ, தூ²பவங்ஸோ, போ³தி⁴வங்ஸோ, சூலவங்ஸோ, மஹாவங்ஸோ, படிஸம்பி⁴தா³மக்³க³ட்ட²கதா² க³ண்டி² சேதி இமே ச² க³ந்தா² மஹானாமாசரி விஸுங் விஸுங் கதா.
நவோ மஹானாமோ நாமாசரியோ நவங் மஹாவங்ஸ நாம பகரணங் அகாஸி. உபஸேனோ நாமாசரியோ ஸத்³த⁴ம்மபஜ்ஜோதிகங் நாம மஹானித்³தே³ஸஸ்ஸ அட்ட²கத²ங் அகாஸி. மொக்³க³லானோ நாமாசரியோ மொக்³க³லானப்³யாகரணங் நாம பகரணங் அகாஸி. ஸங்க⁴ரக்கி²தோ நாமாசரியோ, ஸுபோ³தா⁴லங்காரங் நாம பகரணங் அகாஸி. வுத்தோத³யகாரோ நாமாசரியோ வுத்தோத³யங் நாம பகரணங் அகாஸி. த⁴ம்மஸிரி நாமாசரியோ கு²த்³த³கஸிக்க²ங் நாம பகரணங் அகாஸி. புராணகு²த்³த³ஸிக்கா²ய டீகா, மூலஸிக்கா² சேதி, இமே த்³வே க³ந்தா² த்³வேஹாசரியேஹி விஸுங் விஸுங் கதா.
அனுருத்³தோ⁴ நாமாசரியோ பரமத்த²வினிச்ச²யங், நாமரூபபரிச்சே²த³ங், அபி⁴த⁴ம்மத்த²ஸங்க³ஹங் சேதி திவித⁴ங் பகரணங் அகாஸி. கே²மோ நாமாசரியோ கே²மங் நாம பகரணங் அகாஸி. ஸாரிபுத்தோ நாமாசரியோ வினயட்ட²கதா²ய ஸாரத்த²தீ³பனீ நாம டீகங்; வினயஸங்க³ஹபகரணங், வினயஸங்க³ஹஸ்ஸடீகங்; அங்கு³த்தரட்ட²கதா²ய ஸாரத்த²மஞ்ஜூஸங் நாம நவங் டீகங்; பஞ்சிகா டீகஞ்சேதி, இமே பஞ்ச க³ந்தே² அகாஸி. பு³த்³த⁴னாகோ³ நாமாசரியோ வினயத்த²மஞ்ஜூஸங் நாம கங்கா²விதரணீயா டீகங் அகாஸி. நவோ மொக்³க³லானோ நாமாசரியோ அபி⁴தா⁴னப்பதீ³பிகங் நாம பகரணங் அகாஸி. வாசிஸ்ஸரோ நாமாசரியோ மஹாஸாமி நாம ஸுபோ³தா⁴லங்காரஸ்ஸ டீகா, வுத்தோத³ய விவரணங், ஸுமங்க³லப்பஸாத³னி நாம கு²த்³த³ஸிக்கா²ய டீகா; ஸம்ப³ந்த⁴சிந்தா, ஸம்ப³ந்த⁴சிந்தாய டீகா; பா³லாவதாரோ, மொக்³க³லானப்³யாகரணஸ்ஸ பஞ்சிகாய டீகா; யோக³வினிச்ச²யோ, வினயவினிச்ச²யஸ்ஸ டீகா, உத்தரவினிச்ச²யஸ்ஸ டீகா, நாமரூப-பரிச்சே²த³ஸ்ஸ விபா⁴கோ³, ஸத்³த³த்த²ஸ்ஸ பத³ரூபவிபா⁴வனங்; கே²மஸ்ஸ பகரணஸ்ஸ டீகா, ஸீமாலங்காரோ, மூலஸிக்கா²ய டீகா, ரூபவிபா⁴கோ³, பச்சயஸங்க³ஹோ, ஸச்சஸங்கே²பஸ்ஸ டீகா சேதி, இமே அட்டா²ரஸ க³ந்தே² அகாஸி.
ஸுமங்க³லோ நாமாசரியோ அபி⁴த⁴ம்மாவதாரஸ்ஸடீகங், அபி⁴த⁴ம்மத்த²ஸங்க³ஹஸ்ஸடீகஞ்ச து³வித⁴ங் பகரணங் அகாஸி. பு³த்³த⁴பியோ நாமாசரியோ ஸாரத்த²ஸங்க³ஹங் நாம பகரணங் அகாஸி. த⁴ம்மகித்தி நாமாசரியோ த³ந்ததா⁴து பகரணங் அகாஸி. மேத⁴ங்கரோ நாமாசரியோ ஜினசரிதங் நாம பகரணங் அகாஸி. பு³த்³த⁴ரக்கி²தோ நாமாசரியோ ஜினலங்காரங், ஜினலங்காரஸ்ஸ டீகஞ்சாதி து³வித⁴ங் பகரணங் அகாஸி. உபதிஸ்ஸோ நாமாசரியோ அனாக³தவங்ஸஸ்ஸ அட்ட²கத²ங் அகாஸி.
கங்கா²விதரணீயா லீனத்த²ப்பகாஸினி, நிஸந்தே³ஹோ, த⁴ம்மானுஸாரணீ, ஞெய்யாஸந்ததி, ஞெய்யாஸந்ததியா டீகா, ஸுமதாதா³வதாரோ, லோகபஞ்ஞத்தி பகரணங், ததா²க³துப்பத்தி பகரணங், நலாடதா⁴து வண்ணனா, ஸீஹளவத்து², த⁴ம்மதீ³பகோ, படிபத்திஸங்க³ஹோ, விஸுத்³தி⁴மக்³க³ண்டி², அபி⁴த⁴ம்மக³ண்டி², நெத்திபகரணக³ண்டி², விஸுத்³தி⁴மக்³க³சுல்லனவடீகா, ஸோதப்³ப³மாலினீ, பஸாத³ஜனநீ, ஓகாஸலோகோ, ஸுபோ³தா⁴லங்காரஸ்ஸ நவ டீகா சேதி, இமே வீஸதி க³ந்தா² வீஸதாசரியேஹி விஸுங் விஸுங் கதா.
ஸத்³த⁴ம்மஸிரி நாமாசரியோ ஸத்³த³த்த²பே⁴த³சிந்தா நாம பகரணங் அகாஸி. தே³வோ நாமாசரியோ ஸுமன கூடவண்ணனங் நாம பகரணங் அகாஸி. சுல்லபு³த்³த⁴கோ⁴ஸோ நாமாசரியோ ஸோதத்த²கினிதா³னங் நாம பகரணங் அகாஸி. ரட்ட²பாலோ நாமாசரியோ மது⁴ரஸங்கா³ஹணீகித்தி நாம பகரணங் அகாஸி. ஸுபூ⁴தசந்தோ³ நாமாசரியோ லிங்க³த்த²விவரண-பகரணங் அகாஸி. அக்³க³வங்ஸோ நாமாசரியோ ஸத்³த³னீதி பகரணங் நாம அகாஸி. வஜிரபு³த்³தி⁴ நாமாசரியோ மஹாடீகங் நாம ந்யாஸபகரணடீகங் அகாஸி. கு³ணஸாக³ரோ நாமாசரியோ முக²மத்தஸாரங், முக²மத்தஸாரஸ்ஸ டீகஞ்ச து³வித⁴ங் பகரணங் அகாஸி. அப⁴யோ நாமாசரியோ ஸத்³த³த்த²பே⁴த³சிந்தாய மஹாடீகங் அகாஸி. ஞாணஸாக³ரோ நாமாசரியோ லிங்க³த்த²விவரணப்பகாஸனங் நாம பகரணங் அகாஸி. அஞ்ஞதரோ ஆசரியோ கூ³ளத்த²டீகங், பா³லப்பபோ³த⁴னஞ்ச து³வித⁴ங் பகரணங் அகாஸி. அஞ்ஞதரோ ஆசரியோ ஸத்³த³த்த²-பே⁴த³சிந்தாய மஜ்ஜி²மடீகங் அகாஸி. உத்தமோ நாமாசரியோ பா³லாவதாரடீகங், லிங்க³த்த²விவரணடீகஞ்ச து³வித⁴ங் பகரணங் அகாஸி. அஞ்ஞதரோ ஆசரியோ ஸத்³த³த்த²பே⁴த³சிந்தாய நவ-டீகங் அகாஸி. ஏகோ அமச்சோ அபி⁴தா⁴னப்பதீ³பிகாயடீகங், க³ண்டி²பகரணஸ்ஸ த³ண்டீ³ப்பகரணஸ்ஸ மாக³த⁴பூ⁴தங் டீகங், கோலத்³த⁴ஜனஸ்ஸ ஸகடபா⁴ஸாய கதடீகஞ்ச திவித⁴ங் பகரணங் அகாஸி. த⁴ம்மஸேனாபதி நாமாசரியோ காரிகங், ஏதிமாஸபிதீ³பனீ, மனோஹாரஞ்ச திவித⁴ங் பகரணங் அகாஸி. அஞ்ஞதரோ ஆசரியோ காரிகாய டீகங் அகாஸி. அஞ்ஞதரோ ஆசரியோ ஏதிமாஸபிதீ³பிகாய டீகங் அகாஸி.
அஞ்ஞதரோ ஆசரியோ ஸத்³த³பி³ந்து³ நாம பகரணங் அகாஸி. ஸத்³த⁴ம்மகு³ரு நாமாசரியோ ஸத்³த³வுத்திப்பகாஸகங் நாம பகரணங் அகாஸி. ஸாரிபுத்தோ நாமாசரியோ ஸத்³த³வுத்திப்பகாஸகஸ்ஸ டீகங் அகாஸி. அஞ்ஞதரோ ஆசரியோ கச்சாயனஸாரங் நாம பகரணங் கச்சாயனஸாரஸ்ஸ டீகஞ்ச து³வித⁴ங் பகரணங் அகாஸி. நவோ மேத⁴ங்கரோ நாமாசரியோ லோகதீ³பகஸாரங் நாம பகரணங் அகாஸி. அக்³க³பண்டி³தோ நாமாசரியோ லோகுப்பத்தி நாம பகரணங் அகாஸி. சீவரோ நாமாசரியோ ஜங்க⁴தா³ஸகஸ்ஸ டீகங் அகாஸி. மாதிகத்த²தீ³பனீ, அபி⁴த⁴ம்மத்த²ஸங்க³ஹவண்ணனா, ஸீமாலங்காரஸ்ஸடீகா, வினயஸமுட்டா²னதீ³பனீ டீகா, க³ண்டி² ஸாரோ, பட்டா²னக³ணனா நயோ, ஸுத்தனித்³தே³ஸோ, பாதிமொக்கோ², சேதி, இமே அட்ட² க³ந்தே² ஸத்³த⁴ம்மஜோதிபாலாசரியோ அகாஸி. விமலபு³த்³தி⁴ நாமாசரியோ அபி⁴த⁴ம்ம-பன்னரஸட்டா²னங் நாம பகரணங் அகாஸி. நவோ விமலபு³த்³தி⁴ நாமாசரியோ ஸத்³த³ஸாரத்த²ஜாலினீ, ஸத்³த³ஸாரத்த²ஜாலினியா டீகா, வுத்தோத³ய டீகா, பரமத்த²மஞ்ஜூஸா நாம அபி⁴த⁴ம்மஸங்க³ஹடீகாய அனுடீகா த³ஸக³ண்டி²வண்ணனா, மாக³த⁴பூ⁴தாவித³க்³க³முக²மண்ட³னடீகா சேதி இமே ச² க³ந்தே² அகாஸி. அஞ்ஞதரோ ஆசரியோ பஞ்சபகரணடீகாய நவானுடீகங் அகாஸி. அரியவங்ஸோ நாமாசரியோ அபி⁴த⁴ம்மஸங்க³ஹ-டீகாய [பரமத்த²] மணிஸாரமஞ்ஜூஸங் நாம நவானுடீகங் அகாஸி. அபி⁴த⁴ம்மத்த²ஸங்க³ஹஸ்ஸ டீகா, பேடகோபதே³ஸஸ்ஸ டீகா, சதுபா⁴ணவாரஸ்ஸ அட்ட²கதா², மஹாஸாரபகாஸனீ, மஹாதீ³பனீ, ஸாரத்த²தீ³பனீ க³தி பகரணங், ஹத்த²ஸாரோ, பு⁴ம்மஸங்க³ஹோ, பு⁴ம்மனித்³தே³ஸோ, த³ஸவத்து²காயவிரதிடீகா, ஜோதனா நிருத்தி, விப⁴த்திகதா², கச்சாயனவிவரணா, ஸத்³த⁴ம்மமாலினீ, பஞ்சக³தி வண்ணனா, பா³லசித்தபபோ³த⁴னங், த⁴ம்மசக்கஸுத்தஸ்ஸ நவட்ட²கதா², த³ந்ததா⁴து பகரணஸ்ஸ டீகா சேதி, இமே வீஸதி க³ந்தா² நானாசரியேஹி கதா, அஞ்ஞானி பன பகரணானி அத்தி².
கதமானி ஸத்³த⁴ம்மோ பாயனோ, பா³லப்பபோ³த⁴னபகரணஸ்ஸ டீகா ச, ஜினாலங்காரபகரணஸ்ஸ நவடீகா ச, லிங்க³த்த²விவரணங், லிங்க³வினிச்ச²யோ; பாதிமொக்க²விவரணங், பரமத்த²கதா²விவரணங், ஸமந்தபாஸாதி³கா விவரணங், சதுபா⁴ணவாரட்ட²கதா² விவரணங், அபி⁴த⁴ம்மத்த²ஸங்க³ஹவிவரணங், ஸச்சஸங்கே²பவிவரணங், ஸத்³த³த்த²பே⁴த³சிந்தாவிவரணங், ஸத்³த³வுத்திவிவரணங், கச்சாயனஸாரவிவரணங், அபி⁴த⁴ம்மத்த²ஸங்க³ஹஸ்ஸ டீகா விவரணங், மஹாவெஸ்ஸந்தராஜாதகஸ்ஸ விவரணங், ஸக்காபி⁴மதங், மஹாவெஸ்ஸந்தரஜாதகஸ்ஸ நவட்ட²கதா², பட²ம ஸங்போ³தி⁴, லோகனெத்தி ச, பு³த்³த⁴கோ⁴ஸாசரியனிதா³னங் மிலிந்த³பஞ்ஹா வண்ணனா, சதுரா ரக்கா², சதுரக்கா²ய அட்ட²கதா², ஸத்³த³வுத்திபகரணஸ்ஸ நவடீகா, இச்சேவங் பஞ்சவீஸதி பமாணானி பகரணானி லங்கோ தீ³பாதீ³ஸுட்டா²னேஸு பண்டி³தேஹி கதானி அஹேஸுங், ஸம்பு³த்³தே⁴கா³தா² ச, நரதே³வ நாம கா³தா² ச, தா³தவே சீரத்தி கா³தா² ச, வீஸதி ஓவாத³கா³தா² ச, தா³னஸத்தரி, ஸீலஸத்தரி, ஸப்பாதா³னவண்ணனா, அனந்தபு³த்³த⁴வந்த³னகா³தா² ச, அட்ட²வீஸதி பு³த்³த⁴வந்த³னகா³தா² ச, அதீதானாக³தபச்சுப்பன்னவந்த³னகா³தா² ச, அஸீதிமஹாஸாவகவந்த³னகா³தா² ச, நவஹாரகு³ணவண்ணனா சாதி, இமே பு³த்³த⁴பணாம-கா³தா²தி³கா கா³தா² யோ பண்டி³தேஹி லங்காதீ³பாதி³ஸுட்டா²னேஸு கதா அஹேஸுங் [இதி சுல்லக³ந்த²வங்ஸே க³ந்த²காரகாசரிய தீ³பகோ நாம து³தியோ பரிச்சே²தோ³]