த்³வத்திங்ஸதிம பரிச்சே²த³
துஸிதபுரக³மனங்
1.
அனிட்டி²தே ச²த்தகம்மே, ஸுதா⁴கம்மே ச சேதியே;
மாரணந்திகரோகே³ன, ராஜா ஆஸி கி³லானகோ.
2.
திஸ்ஸங் பக்கோஸயித்வா ஸோ, கனிட்ட²ங் தீ³க⁴வாபிதோ;
‘‘தூ²பே அனிட்டி²தங் கம்மங், நிட்டா²பேஹீதி அப்³ரவி.
3.
பா⁴துனோ து³ப்³ப³லத்தாஸோ, துன்னவாயேஹி காரிய;
கஞ்சுகங் ஸுத்³த⁴வத்தே²ஹி, தேன சா²தி³ய சேதியங்.
4.
சித்தகாரேஹி காரேஸி, வேதி³கங் தத்த² ஸாது⁴கங்;
பந்திபுண்ணக⁴டானஞ்ச, பஞ்சங்கு³லகபந்திகங்.
5.
ச²த்தாகாரேஹி காரேஸி, ச²த்தங் வேளுமயங் ததா²;
க²ரபத்தமயே சந்த³-ஸூரியே முத்³த⁴வேதி³யங்.
6.
லாகா²குங்குமகேஹே’தங், சித்தயித்வா ஸுசித்திதங்;
ரஞ்ஞோ நிவேத³யி’’தூ²பே, கத்தப்³ப³ங் நிட்டி²தங்’’இதி.
7.
ஸிவிகாய நிபஜ்ஜித்வா, இதா⁴க³ந்த்வா மஹீபதி;
பத³க்கி²ணங் கரித்வான, ஸிவிகாயே’வ சேதியங்.
8.
வந்தி³த்வா
ஸயித்வா த³க்கி²ணபஸ்ஸேன, ஸோ மஹாதூ²ப முத்தமங்.
9.
ஸயித்வா வாமபஸ்ஸேஸ, லோஹபாஸாத³ முத்தமங்;
பஸ்ஸந்தோ ஸுமனோ ஆஸி, பி⁴க்கு²ஸங்க⁴புரெக்க²தோ.
10.
கி³லானபுச்ச²னத்தா²ய, ஆக³தாஹி ததோ ததோ;
ச²ன்னவுதிகோடியோ பி⁴க்கூ², தஸ்மிங் ஆஸுங் ஸமாக³மே.
11.
க³ணஸஜ்ஜா²யமகருங், வக்³க³ப³ந்தே⁴ன பி⁴க்க²வோ;
தே²ரபுத்தாப⁴யங் தே²ரங், தத்தா²’தி³ஸ்வா மஹீபதி.
12.
அட்ட²வீஸ மஹாயுத்³த⁴ங், யுஜ்ஜ²ந்தோ அபராஜயங்;
யோ ஸோ ந பச்சுதா³வத்தோ, மஹாயோதோ⁴ வஸீ மம.
13.
மச்சுயுத்³த⁴ம்ஹி ஸம்பத்தே, தி³ஸ்வா மஞ்ஞே பராஜயங்;
இதா³னி ஸோ மங் நோ பேதி, தே²ரோ தே²ரபுத்தப⁴யோ.
14.
இதி சிந்தயி ஸோதே²ரோ, ஜானித்வா தஸ்ஸ சிந்திதங்;
கரிந்த³னதி³யா ஸிஸே, வஸங் பஞ்ஜலிபப்³ப³தே.
15.
பஞ்சகீ²ணாஸவஸத-பரிவாரேன இத்³தி⁴யா;
நப⁴ஸாக³ம்ம ராஜானங், அட்டா²ஸி பரிவாரிய.
16.
ராஜா தி³ஸ்வா பஸன்னோ தங், புரதோ ச நிஸீதி³ய;
தும்ஹே த³ஸமஹாயோதே⁴, க³ண்ஹித்வான புரே அஹங்.
17.
யுஜ்ஜி²ங் இதா³னி ஏகோ’வ, மச்சுனா யுத்³த⁴மாரபி⁴ங்;
மச்சுஸத்துங் பராஜேதுங், ந ஸக்கோமீ’’தி ஆஹ ச.
18.
ஆஹ தே²ரோ ‘‘மஹாராஜ-மா பா⁴யி மனுஜாதி⁴ப;
கிலேஸஸத்துங் அஜித்வா, அஜெய்யோ மச்சுஸத்துகோ.
19.
ஸப்³ப³ம்பி ஸங்கா²ரக³தங், அவஸ்ஸங்யேவ பி⁴ஜ்ஜதி;
‘‘அனிச்சா ஸப்³ப³ஸங்கா²ரா’’, இதி வுத்தங்ஹி ஸத்து²னா.
20.
லஜ்ஜா ஸாரஜ்ஜரஹிதா, பு³த்³தே⁴பே’தி அனிச்சதா;
தஸ்மா அனிச்சா ஸங்கா²ரா, து³க்கா²’நத்தாதி சிந்தய.
21.
து³தியே அத்தாபா⁴வேபி, த⁴ம்மச்ச²ந்தோ³ மஹாஹிதே;
உபட்டி²தே தே³வலோகே, ஹித்வா தி³ப்³ப³ங் ஸுக²ங் துவங்.
22.
இதா⁴க³ம்ம ப³ஹுங் புஞ்ஞங், அகாஸி ச அனேகதா⁴;
கரணம்பேகரஜ்ஜஸ்ஸ, ஸாஸனுஜ்ஜோதனாயதே.
23.
மஹாபுஞ்ஞகதங்
ஸப்³ப³ங்னுஸ்ஸரமேவங் தே, ஸுக²ங் ஸஜ்ஜு ப⁴விஸ்ஸதி.
24.
தே²ரஸ்ஸவசனங் ஸுத்வா, ராஜா அத்தமனோ அஹு;
‘‘அவஸ்ஸயோ மச்சுயுத்³தே⁴பி, த்வங் மே ஸீ’’தி அபா⁴ஸிதங்.
25.
ததா³ ச ஆஹராபெத்வா, பஹட்டோ² புஞ்ஞ பொத்த²கங்;
வாசேதுங் லேக²கங் ஆஹ, ஸோ தங் வாசேஸி பொத்த²கங்.
26.
ஏகூனஸதவிஹாரா, மஹாராஜேன காரிதா;
ஏகூனவீஸகோடீஹி, விஹாரோ மரிச வட்டி ச.
27.
உத்தமோ லோஹபாஸாதோ³,
திங்ஸகோடீஹி காரிதோ;
மஹாதூ²பே அனக்³கா⁴னி,
காரிதா சதுவீஸதி.
28.
மஹாதூ²பம்ஹி ஸேஸானி, காரிதானி ஸுபு³த்³தி⁴னா;
கோடிஸஹஸ்ஸங் அக்³க⁴ந்தி, மஹாராஜா’’தி வாசயி.
29.
‘‘கொட்ட²னாமம்ஹி மலயே, அக்க²க்கா²யிக சா²தகே;
குண்ட³லானி மஹக்³கா⁴னி, து³வே த³த்வான க³ண்ஹிய.
30.
கீ²ணாஸவானங் பஞ்சன்னங், மஹாதே²ரான முத்தமோ;
தி³ன்னோ பஸன்னசித்தேன, கங்கு³அம்பி³லபிண்ட³கோ.
31.
சூளங்க³னிய யுத்³த⁴ம்ஹி, பராஜித்வா பலாயதா;
காலங் கோ⁴ஸாபயித்வான, ஆக³தஸ்ஸ விஹாயஸா.
32.
கீ²ணாஸவஸ்ஸ யதினோ, அத்தானமனபெக்கி²ய;
தி³ன்னங் ஸரகப⁴த்த’ந்தி, வுத்தே ஆஹ மஹீபதி.
33.
விஹாரமஹஸத்தாஹே, பாஸாத³ஸ்ஸ மஹேததா²;
தூ²பாரம்பே⁴ து ஸத்தாஹே, ததா² தா⁴துனிதா⁴னகே.
34.
சாதுத்³தி³ஸஸ்ஸ உப⁴தோ, ஸங்க⁴ஸ்ஸ உப⁴தோ மயா;
மஹாரஹங் மஹாதா³னங், அவிஸேஸங் பவத்திதங்.
35.
மஹாவேஸாக²பூஜா ச, சதுவீஸதி காரயி;
தீ³பே ஸங்க⁴ஸ்ஸ திக்க²த்துங், திசீவரமதா³பயி.
36.
ஸத்தஸத்த
பஞ்சக்க²த்துங் ஸாஸனம்ஹி, அதா³ஸிங் ஹட்ட²மானஸோ.
37.
ஸததங் த்³வாத³ஸடா²னே, ஸப்பினா ஸுத்³த⁴வட்டியா;
தீ³பஸஹஸ்ஸங் ஜாலேஸிங், பூஜெந்தோ ஸுக³தங் அஹங்.
38.
நிச்சங் அட்டா²ரஸடா²னே, வஜ்ஜேஹி விஹிதங் அஹங்;
கி³லான ப⁴த்தபே⁴ஸஜ்ஜங், கி³லானானமதா³பயிங்.
39.
சதுத்தாலீஸடா²னம்ஹி, ஸங்க²தங் மது⁴பாயஸங்;
தத்தகெஸ்வேவ டா²னேஸு, தேலுல்லோபகமேவ ச.
40.
க⁴தே பக்கே மஹாஜால, பூவே டா²னம்ஹி தத்தகே;
ததே²வ ஸஹ ப⁴த்தேஹி, நிச்ச ஏமவ அதா³பயிங்.
41.
உபோஸதே²ஸு தி³வஸேஸு, மாஸே மாஸே ச அட்ட²ஸு;
லங்காதீ³பே விஹாரேஸு, தீ³ப தேலமதா³பயிங்.
42.
த⁴ம்மதா³னங் மஹந்தந்தி, ஸுத்வா அமிஸதா³னதோ;
லோஹ பாஸாத³தோ ஹெட்டா², ஸங்க⁴மஜ்ஜ²ம்ஹி ஆஸனே.
43.
‘‘ஓஸாரெஸ்ஸாமி ஸங்க⁴ஸ்ஸ, மங்க³லஸுத்த’’மிச்சஹங்;
நிஸின்னோ ஓஸாரயிதுங், நாஸக்கி²ங் ஸங்க⁴கா³ரவா.
44.
ததொப்பபு⁴தி லங்காய, விஹாரேஸு தஹிங் தஹிங்;
த⁴ம்மகத²ங் கதா²பேஸிங், ஸக்கரித்வான தே³ஸகே.
45.
த⁴ம்மகதி²க ஸ்ஸேகஸ்ஸ, ஸப்பிபா²ணிதஸக்க²ரங்;
நாளிங் நாளிமதா³பேஸிங், தா³பேஸிங் சதுரங்கு³லங்.
46.
முட்டி²கங் யட்டி²மது⁴கங், தா³பேஸிங் ஸாடகத்³வயங்;
ஸப்³ப³ங்பிஸ்ஸரியே தா³னங், நமே ஹாஸேஸி மானஸங்.
47.
ஜீவிதங் அனபெக்கி²த்வா, து³க்³க³தேன ஸதா மயா;
தி³ன்ன தா³ன த்³வயங்யேவ, தங் மே ஹாஸேஸி மானஸங்.
48.
தங் ஸுத்வா அப⁴யோ தே²ரோ, தங் தா³னத்³வயமேவ ஸோ;
ரஞ்ஞோ சித்தப்பஸாத³த்த²ங், ஸங் வண்ணேஸி அனேகதா⁴.
49.
தேஸு பஞ்சஸு தே²ரேஸு, கங்கு³அம்பி³லகா³ஹகோ;
மலிய தே³வ மஹாதே²ரோ, ஸுமனகூடம்ஹி பப்³ப³தே.
50.
நவன்னங்
பத²வீசாலகோ த⁴ம்ம, ஸுத்ததே²ரோ து தங் பன.
51.
கல்யாணிகவிஹாரம்ஹி, பி⁴க்கூ²னங் ஸங்விபா⁴ஜிய;
த³ஸத்³த⁴ஸ தஸங்கா²னங், பரிபோ⁴க³ மகாஸயங்.
52.
தலங்க³ர வாஸிகோ த⁴ம்ம, தி³ன்னத்தே²ரோ பியங்கு³கே;
தீ³பே த³ஸஸஹஸ்ஸானங், த³த்வான பரிபு⁴ஞ்ஜிதங்.
53.
மங்க³ணவாஸிகோ கு²த்³த³, திஸ்ஸத்தே²ரோ மஹித்³தி⁴கோ;
கேலாஸே ஸட்டி²ஸஹஸ்ஸானங், த³த்வான பரிபு⁴ஞ்ஜி தங்.
54.
மஹாப்³யக்³கோ⁴ ச தே²ரோ தங், உக்கனக³ரவிஹாரகே;
த³த்வா ஸதானங் ஸத்தானங், பரிபோ⁴க³மகாஸயங்.
55.
ஸரகப⁴த்தகா³ஹீ து, தே²ரோ பியங்கு³தீ³பகே;
த்³வாத³ஸ பி⁴க்கு²ஸஹஸ்ஸானங், த³த்வான பரிபு⁴ஞ்ஜிதங்.
56.
இதி வத்வா’ப⁴யத்தே²ரோ, ரஞ்ஞோ ஹாஸேஸி மானஸங்;
ராஜா சித்தங் பஸாதெ³த்வா, தங் தே²ரங் இத⁴ மப்³ருவி.
57.
‘‘சதுவீஸதிவஸ்ஸானி, ஸங்க⁴ஸ்ஸ உபகாரகோ;
அஹ மேவங் ஹோது காயோ’பி, ஸங்க⁴ஸ்ஸ உபகாரகோ.
58.
மஹாதூ²ப த³ஸ்ஸனடா²னே, ஸங்க⁴ஸ்ஸ கம்மமாளகே;
ஸரீரங் ஸங்க⁴தா³ஸஸ்ஸ, தும்ஹே ஜா²பேத² மே’’இதி.
59.
கனிட்ட²ங் ஆஹ ‘‘போ⁴ திஸ்ஸ, மஹாதூ²பே அனிட்டி²தங்;
நிட்டா²பேஹி துவங் ஸப்³ப³ங், கம்மங் ஸக்கச்ச ஸாது⁴கங்.
60.
ஸாயங் பாதோ ச புப்பா²னி, மஹாதூ²பம்ஹி பூஜய;
திக்க²த்துங் உபஹாரஞ்ச, மஹாதூ²பஸ்ஸ காரய.
61.
படியாதி³தஞ்ச யங் வத்தங், மயா ஸுக³த ஸாஸனே;
ஸப்³ப³ங் அபரிஹாபெத்வா, தாத வத்தய தங் துவங்.
62.
ஸங்க⁴ஸ்ஸ தாத கிச்சேஸு, மா பமஜ்ஜித்த² ஸப்³ப³தா³’’;
இதங் தங் அனுஸாஸித்வா, துண்ஹீ ஆஸி மஹீபதி.
63.
தங்க²ணங்
தே³வதா ச² ரதே² சேவ, ச²ஹி தே³வேஹி ஆனயுங்.
64.
யாசுங் விஸுங் விஸுங் தே³வா, ராஜானங் தே ரதே² டி²தா;
‘‘அம்ஹாகங் தே³வலோகங் த்வங், ஏஹி ராஜமனோரமங்’’.
65.
ராஜா தேஸங் வசோ ஸுத்வா, ‘‘யாவ த⁴ம்மங் ஸுணோமஹங்;
அதி⁴வாஸேத² தாவா’’தி, ஹத்தா²காரேன வாரயி.
66.
வாரேதி க³ணஸஜ்ஜா²ய, மீபி⁴ மந்த்வான பி⁴க்க²வோ;
ஸஜ்ஜா²யங் ட²பயுங் ராஜா, புச்சி²தங் டா²னகாரணங்.
67.
‘‘ஆக³மேதா²’’தி ஸஞ்ஞாய, தி³ன்னத்தா’தி வதி³ங்ஸு தே;
ராஜா ‘‘நேதங் ததா² ப⁴ந்தே’’, இதி வத்வான தங் வதி³.
68.
தங் ஸுத்வான ஜனா கேசி, ‘‘பீ⁴தோ மச்சுப⁴யா அயங்;
லாலப்பதீ’’தி மஞ்ஞிங்ஸு, தேஸங் கங்கா²வினோத³னங்.
69.
காரேதுங் அப⁴யத்தே²ரோ, ராஜானங் ஏவமாஹ ஸோ;
‘‘ஜானாபேதுங் கத²ங் ஸக்கா, ஆனீதா தே ரதா²’’இதி.
70.
புப்ப²தா³னங் கி²பாபேஸி, ராஜ நப⁴ஸி பண்டி³தோ;
தானி லக்³கா³னி லம்பி³ங்ஸு, ரதீ²ஸாஸு விஸுங் விஸுங்.
71.
ஆகாஸே லம்ப³மானானி, தானி தி³ஸ்வா மஹாஜனோ;
கங்க²ங் படிவினோதே³ஸி, ராஜா தே²ரமபா⁴ஸிதங்.
72.
‘‘கதமோ தே³வலோகோ ஹி,
ரம்மோ ப⁴ந்தே’’தி ஸோ ப்³ருவி;
‘‘துஸினானங் புரங் ராஜ,
ரம்மங்’’இதி ஸதங் மதங்.
73.
பு³த்³த⁴பா⁴வாய ஸமயங், ஓலோகெந்தோ மஹாத³யோ;
மெத்தெய்யோ போ³தி⁴ஸத்தோ ஹி, வஸதே துஸிதே புரே.
74.
தே²ரஸ்ஸ வசனங் ஸுத்வா, மஹாராஜா மஹாமதீ;
ஓலோகெந்தோ மஹாதூ²பங், நிபன்னோவ நிமீலயி.
75.
சவித்வா தங்க²ணங்யேவ, துஸிதா அஹடே ரதே²;
நிப்³ப³த்தித்வா டி²தோயேவ, தி³ப்³ப³தே³ஹோ அதி³ஸ்ஸத².
76.
கதஸ்ஸ
மஹாஜனஸ்ஸ த³ஸ்ஸெந்தோ, அத்தானங் ஸமலங்கதங்.
77.
ரத²ட்டோ²யேவ திக்க²த்துங், மஹாதூ²பங் பத³க்கி²ணங்;
கத்வான தூ²பங் ஸங்க⁴ஞ்ச, வந்தி³த்வா துஸிதங் அகா³.
78.
நாடகியோ இதா⁴க³ந்த்வா, மகுடங் யத்த² மோசயுங்;
‘‘மகுடமுத்தஸாலா’’தி, எத்த² ஸாலா கதா அஹு.
79.
சிதகே ட²பிதே ரஞ்ஞே, ஸரீரம்ஹி மஹாஜனோ;
யத்தா²ரவி ‘‘ராவவட்டி-ஸாலா’’நாம தஹிங் அஹு.
80.
ரஞ்ஞோ ஸரீரங் ஜா²பேஸுங், யஸ்மிங் நிஸ்ஸீமமாளகே;
ஸோ ஏவ மாளகோ எத்த², வுச்சதே ‘‘ராஜ மாளகோ’’.
81.
து³ட்ட²கா³மணிராஜா ஸோ, ராஜா நாமாரஹோ மஹா;
மெத்தெய்யஸ்ஸ ப⁴க³வதோ, ஹெஸ்ஸதி அக்³க³ஸாவகோ.
82.
ரஞ்ஞோ பிதா பிதா தஸ்ஸ,
மாதா மாதா ப⁴விஸ்ஸதி;
ஸத்³தா⁴திஸ்ஸோ கனிட்டோ² து,
து³தியோ ஹெஸ்ஸதி ஸாவகோ.
83.
ஸாலிராஜகுமாரோ யோ,
தஸ்ஸ ரஞ்ஞோ ஸுதோ துஸோ;
மெத்தெய்யஸ்ஸ ப⁴க³வதோ,
புத்தோயேவ ப⁴விஸ்ஸதி.
84.
ஏவங் யோ குஸலபரோ கரோதி புஞ்ஞங்,
சா²தெ³ந்தோ அனியதபாபகங் ப³ஹும்பி;
ஸோ ஸக்³க³ங் ஸகலே ரமி வோ பயாதி தஸ்மா,
ஸப்பஞ்ஞோ ஸ ததரதோ ப⁴வெய்ய புஞ்ஞேதி.
ஸுஜனப்பஸாத³ஸங்வேக³த்தா²ய கதே மஹாவங்ஸே
துஸிதபுரக³மனங் நாம
த்³வத்திங்ஸதிமோ பரிச்சே²தோ³