5. தத்³தி⁴தகப்ப
அட்ட²மகண்ட³
344, 361. வாண’பச்சே
ணபச்சயோ ஹோதி வா ‘‘தஸ்ஸாபச்ச’’ மிச்சேதஸ்மிங் அத்தே².
வஸிட்ட²ஸ்ஸ அபச்சங் வாஸிட்டோ², வஸிட்ட²ஸ்ஸ அபச்சங் வா, வஸிட்ட²ஸ்ஸ அபச்சங் வாஸிட்டீ², வஸிட்ட²ஸ்ஸ அபச்சங் வாஸிட்ட²ங். ஏவங் பா⁴ரத்³வாஜோ, பா⁴ரத்³வாஜீ, பா⁴ரத்³வாஜங். கோ³தமோ, கோ³தமீ, கோ³தமங். வாஸுதே³வோ, வாஸுதே³வீ, வாஸுதே³வங். பா³லதே³வோ, பா³லதே³வீ, பா³லதே³வங். வேஸாமித்தோ, வேஸாமித்தீ வேஸாமித்தங்.
345, 366. ணாயன ணான வச்சா²தி³தோ.
தஸ்மா வச்சா²தி³தோ கொ³த்தக³ணதோ ணாயனணானபச்சயா ஹொந்தி வா ‘‘தஸ்ஸாபச்ச’’மிச்சேதஸ்மிங் அத்தே².
வச்ச²ஸ்ஸ அபச்சங்வச்சா²யனோ, வச்சா²னோ, வச்ச²ஸ்ஸ அபச்சங் வா, வச்ச²ஸ்ஸ அபச்சங் வச்சா²யனீ, வச்சா²னீ, வச்ச²ஸ்ஸ அபச்சங் வச்சா²யனங், வச்சா²னங். ஸகடஸ்ஸ அபச்சங் ஸாகடாயனோ, ஸாகடானோ
346, 367. ணெய்யோ கத்திகாதீ³ஹி.
தேஹி கொ³த்தக³ணேஹி கத்திகாதீ³ஹி ணெய்யபச்சயோ ஹோதி வா ‘‘தஸ்ஸாபச்ச’’மிச்சேதஸ்மிங் அத்தே².
கத்திகாய அபச்சங் கத்திகெய்யோ, கத்திகாய அபச்சங் வா. ஏவங் வேனதெய்யோ, ரோஹிணெய்யோ, க³ங்கெ³ய்யோ, கத்³த³மெய்யோ, நாதெ³ய்யோ, ஆலெய்யோ, ஆஹேயோ, காமெய்யோ, ஸுசியா அபச்சங் ஸோசெய்யோ, ஸாலெய்யோ, பா³லெய்யோ, மாலெய்யோ, காலெய்யோ.
347, 368. அதோ ணி வா.
தஸ்மா அகாரதோ ணிபச்சயோ ஹோதி வா ‘‘தஸ்ஸாபச்ச’’மிச்சேதஸ்மிங் அத்தே².
த³க்க²ஸ்ஸ அபச்சங் த³க்கி², த³க்க²ஸ்ஸ அபச்சங் வா. து³ணஸ்ஸ அபச்சங் தோ³ணி, து³ணஸ்ஸ அபச்சங் வா, ஏவங் வாஸவி, ஸக்யபுத்தி, நாடபுத்தி, தா³ஸபுத்தி, தா³ஸவி, வாருணி, க³ண்டி³, பா³லதே³வி, பாவகி, ஜேனத³த்தி, பு³த்³தி⁴, த⁴ம்மி, ஸங்கி⁴, கப்பி, அனுருத்³தி⁴.
வாதி விகப்பனத்தே²ன ணிகபச்சயோ ஹோதி ‘‘தஸ்ஸாபச்ச’’மிச்சேதஸ்மிங் அத்தே². ஸக்யபுத்தஸ்ஸ அபச்சங் ஸக்யபுத்திகோ. ஏவங் நாடபுத்திகோ, ஜேனத³த்திகோ.
148, 371. ணவோ’ பக்வாதீ³ஹி.
உபகுஇச்சேவமாதீ³ஹி ணவபச்சயோ ஹோதி வா ‘‘தஸ்ஸாபச்ச’’மிச்சேதஸ்மிங் அத்தே².
உபகுஸ்ஸ அபச்சங் ஓபகவோ, உபகுஸ்ஸ அபச்சங் வா. மனுனோ அபச்சங் மானவோ, மனுனோ அபச்சங் வா. ப⁴க்³கு³ஸ்ஸ அபச்சங் ப⁴க்³க³வோ, ப⁴க்³கு³ஸ்ஸ அபச்சங் வா, பண்டு³ஸ்ஸ அபச்சங் பண்ட³வோ, பண்டு³ஸ்ஸ அபச்சங் வா, ப³ஹுஸ்ஸ அபச்சங் பா³ஹவோ, ப³ஹுஸ்ஸ அபச்சங் வா.
349, 372. ணேர வித⁴வாதி³தோ.
தஸ்மா வித⁴வாதி³தோ ணேரபச்சயோ ஹோதி வா ‘‘தஸ்ஸாபச்ச’’மிச்சேதஸ்மிங் அத்தே².
வித⁴வாய அபச்சங் வேத⁴வேரோ, வித⁴வாய அபச்சங் வா. ப³ந்து⁴கியா அபச்சங் ப³ந்து⁴கேரோ, ப³ந்து⁴கியா அபச்சங் வா. ஸமணஸ்ஸ அபச்சங் ஸாமணேரோ, ஸமணஸ்ஸ அபச்சங் வா. ஏவங் ஸாமணேரீ, ஸாமணேரங், நாளிகேரோ, நாளிகேரீ, நாளிகேரங்.
350, 373. யேன வா ஸங்ஸட்ட²ங் தரதி சரதி வஹதி ணிகோ.
யேன வா ஸங்ஸட்ட²ங், யேன வா தரதி, யேன வா சரதி, யேன வா வஹதி இச்சேதெஸ்வத்தே²ஸு ணிகபச்சயோ ஹோதி வா.
திலேன
நாவாய தரதீதி நாவிகோ, நாவாய தரதி வா. ஏவங் ஓளும்பிகோ.
ஸகடேன சரதீதி ஸாகடிகோ, ஸகடேன சரதி வா. ஏவங் பத்திகோ, த³ண்டி³கோ, த⁴ம்மிகோ, பாதி³கோ.
ஸீஸேன வஹதீதி ஸீஸிகோ, ஸீஸேன வஹதி வா. அங்ஸேன வஹதீதி அங்ஸிகோ, அங்ஸேன வஹதி வா. ஏவங் க²ந்தி⁴கோ, அங்கு³லிகோ.
வாதி விகப்பனத்தே²ன அஞ்ஞேஸுபி ணிகபச்சயோ ஹோதி. ராஜக³ஹே வஸதீதி ராஜக³ஹிகோ, ராஜக³ஹே வஸதி வா. ராஜக³ஹே ஜாதோ ராஜக³ஹிகோ, ராஜக³ஹே ஜாதோ வா. ஏவங் மாக³தி⁴கோ, ஸாவத்தி²கோ, காபில வத்தி²கோ, பாடலிபுத்திகோ, வேஸாலிகோ.
351, 374. தமதீ⁴தே தேனகதாதி³ ஸன்னிதா⁴ன நியோக³ ஸிப்ப ப⁴ண்ட³ ஜீவிகத்தே²ஸு ச.
தமதீ⁴தே, தேனகதாதி³அத்தே², தம்ஹி ஸன்னிதா⁴னா, தத்த² நியுத்தோ, தமஸ்ஸ ஸிப்பங், தமஸ்ஸ ப⁴ண்ட³ங், தமஸ்ஸ ஜீவிகங் இச்சேதெஸ்வத்தே²ஸு ச ணிகபச்சயோ ஹோதி வா.
வினயமதீ⁴தே
காயேன கதங் கம்மங் காயிகங், காயேன கதங் கம்மங் வா. ஏவங் வாசஸிகங், மானஸிகங்.
ஸரீரே ஸன்னிதா⁴னா வேத³னா ஸாரீரிகா, ஸரீரே ஸன்னிதா⁴னா வா, ஏவங் மானஸிகா.
த்³வாரே நியுத்தோ தோ³வாரிகோ, த்³வாரே நியுத்தோ வா. ஏவங் ப⁴ண்டா³கா³ரிகோ, நாக³ரிகோ, நாவகம்மிகோ.
வீணா அஸ்ஸ ஸிப்பங் வேணிகோ, வீணா அஸ்ஸ ஸிப்பங் வா. ஏவங் பாணவிகோ, மோதி³ங்கி³கோ, வங்ஸிகோ.
க³ந்தோ⁴ அஸ்ஸ ப⁴ண்ட³ங் க³ந்தி⁴கோ, க³ந்தோ⁴ அஸ்ஸ ப⁴ண்ட³ங் வா. ஏவங் தேலிகோ, கோ³ளிகோ.
உரப்³ப⁴ங் ஹந்த்வா ஜீவதீதி ஓரப்³பி⁴கோ, உரப்³ப⁴ங் ஹந்த்வா ஜீவதி வா. மக³ங் ஹந்த்வா ஜீவதீதி மாக³விகோ, மக³ங் ஹந்த்வா ஜீவதி வா. ஏவங் ஸோகரிகோ, ஸாகுணிகோ.
ஆதி³க்³க³ஹணேன அஞ்ஞத்தா²பி ணிக பச்சயோ யோஜேதப்³போ³. ஜாலேன ஹதோ ஜாலிகோ, ஜாலேன ஹதோ வா.
ஸுத்தேன ப³ந்தோ⁴ ஸுத்திகோ, ஸுத்தேன ப³ந்தோ⁴ வா.
சாபோ
வாதோ அஸ்ஸ ஆபா³தோ⁴ வாதிகோ, வாதோ அஸ்ஸ ஆபா³தோ⁴ வா. ஏவங் ஸெம்ஹிகோ, பித்திகோ.
பு³த்³தே⁴ பஸன்னோ பு³த்³தி⁴கோ, பு³த்³தே⁴ பஸன்னோ வா. ஏவங் த⁴ம்மிகோ, ஸங்கி⁴கோ.
பு³த்³த⁴ஸ்ஸ ஸந்தகங் பு³த்³தி⁴கங், பு³த்³த⁴ஸ்ஸ ஸந்தகங் வா. ஏவங் த⁴ம்மிகங், ஸங்கி⁴கங்.
வத்தே²ன கீதங் ப⁴ண்ட³ங் வத்தி²கங், வத்தே²ன கீதங் ப⁴ண்ட³ங் வா. ஏவங் கும்பி⁴கங், பா²லிகங், கிங் கணிகங், ஸோவண்ணிகங்.
கும்போ⁴ அஸ்ஸ பரிமாணங் கும்பி⁴கங், கும்போ⁴ அஸ்ஸ பரிமாணங் வா.
கும்ப⁴ஸ்ஸ ராஸி கும்பி⁴கங், கும்ப⁴ஸ்ஸ ராஸி வா.
கும்ப⁴ங் அரஹதீதி கும்பி⁴கோ, கும்ப⁴ங் அரஹதி வா.
அக்கே²ன தி³ப்³ப³தீதி அக்கி²கோ, அக்கே²ன தி³ப்³ப³தி வா. ஏவங் ஸாலாகிகோ, திந்து³கிகோ, அம்ப³ப²லிகோ. கபிட்ட²ப²லிகோ, நாளிகேரிகோ இச்சேவமாதி³.
352, 376. ண ராகா³ தஸ்ஸே த³மஞ்ஞத்தே²ஸு ச.
ணபச்சயோ ஹோதி வா ராக³ம்ஹா ‘‘தேன ரத்தங்’’ இச்சேதஸ்மிங் அத்தே², ‘‘தஸ்ஸேத³ங்’’ அஞ்ஞத்தே²ஸு ச.
கஸாவேன
ஸூகரஸ்ஸ இத³ங் மங்ஸங் ஸோகரங், ஸூகரஸ்ஸ இத³ங் மங்ஸங் வா. ஏவங் மாஹிஸங்.
உது³ம்ப³ரஸ்ஸ அவிதூ³ரே பவத்தங் விமானங் ஓது³ம்ப³ரங், உது³ம்ப³ரஸ்ஸ அவிதூ³ரே பவத்தங் விமானங் வா.
விதி³ஸாய அவிதூ³ரே நிவாஸோ வேதி³ஸோ, விதி³ஸாய அவிதூ³ரே நிவாஸோ வா.
மது²ராய ஜாதோ மாது²ரோ, மது²ராய ஜாதோ வா.
மது²ராய ஆக³தோ மாது²ரோ, மது²ராய ஆக³தோ வா.
கத்திகாய நியுத்தோ மாஸோ கத்திகோ, கத்திகாய நியுத்தோ மாஸோ வா. ஏவங் மாக³ஸிரோ, பு²ஸ்ஸோ, மாகோ⁴, ப²க்³கு³னோ, சித்தோ, வேஸாகோ², ஜெட்டோ², ஆஸள்ஹோ, ஸாவணோ, ப⁴த்³தோ³, அஸ்ஸயுஜோ.
ந வுத்³தி⁴ நீலபீதாதோ³, பச்சயே ஸணகாரகே.
ப²காரோ பு²ஸ்ஸஸத்³த³ஸ்ஸ, ‘‘ஸிரோ’’தி ஸிரஸங் வதே³.
ஸிக்கா²னங்
பு³த்³தே⁴, அஸ்ஸ தே³வதா பு³த்³தோ⁴. ஏவங் ப⁴த்³தோ³, மாரோ, மாஹிந்தோ³, வெஸ்ஸவணோ, யாமோ, ஸோமோ, நாராயணோ.
ஸங்வச்ச²ரமதீ⁴தே ஸங்வச்ச²ரோ. ஏவங் மோஹுத்தோ, நேமித்தோ, அங்க³விஜ்ஜோ, வெய்யாகரணோ, ச²ந்தோ³, பா⁴ஸ்ஸோ, சந்தோ³.
வஸாதா³னங் விஸயோ தே³ஸோ வாஸாதோ³. ஏவங் கும்போ⁴, ஸாகுந்தோ, ஆதிஸாரோ.
உது³ம்ப³ரா அஸ்மிங் பதே³ஸே ஸந்தீதி ஓது³ம்ப³ரோ. ஸாக³ரேஹி நிப்³ப³த்தோ ஸாக³ரோ. ஸாக³லமஸ்ஸ நிவாஸோ ஸாக³லோ. மது²ரா அஸ்ஸ நிவாஸோ மாது²ரோ. மது²ராய இஸ்ஸரோ மாது²ரோ. இச்சேவமாத³யோ யோஜேதப்³பா³.
353, 378. ஜாதாதீ³னமிமியா ச.
ஜாதஇச்சேவமாதீ³னமத்தே² இமஇயபச்சயா ஹொந்தி.
பச்சா² ஜாதோ பச்சி²மோ. ஏவங் அந்திமோ, மஜ்ஜி²மோ, புரிமோ, உபரிமோ, ஹெட்டி²மோ, கொ³ப்பி²மோ. போ³தி⁴ஸத்தஜாதியா ஜாதோ போ³தி⁴ஸத்தஜாதியோ, ஏவங்
ஆதி³க்³க³ஹணேன நியுத்தத்தா²தி³தோபி தத³ஸ்ஸத்தா²தி³தோபி இம இய இக இச்சேதே பச்சயா ஹொந்தி. அந்தோ நியுத்தோ அந்திமோ. ஏவங் அந்தியோ, அந்திகோ.
புத்தோ அஸ்ஸ அத்தி², தஸ்மிங் வா விஜ்ஜதீதி புத்திமோ. ஏவங் புத்தியேவ, புத்திகோ, கப்பிமோ, கப்பியோ, கப்பிகோ.
சக்³க³ஹணேன கியபச்சயோ ஹோதி நியுத்தத்தே². ஜாதியங் நியுத்தோ ஜாதிகியோ, அந்தே⁴ நியுத்தோ அந்த⁴கியோ, ஜாதியா அந்தோ⁴ ஜச்சந்தோ⁴, ஜச்சந்தே⁴ நியுத்தோ ஜச்சந்த⁴கியோ.
354, 379. ஸமூஹத்தே² கண ணா.
ஸமூஹத்தே² கண ணஇச்சேதே பச்சயா ஹொந்தி.
ராஜபுத்தானங் ஸமூஹோ ராஜபுத்தகோ. ஏவங் ராஜபுத்தோ, மானுஸ்ஸகோ, மானுஸ்ஸோ, மாயூரகோ, மாயூரோ, மாஹிங்ஸகோ, மாஹிங்ஸோ.
355, 380. கா³ம ஜன ப³ந்து⁴ ஸஹாயாதீ³ஹிதா.
கா³ம ஜன ப³ந்து⁴ ஸஹாயஇச்சேவமாதீ³ஹி தாபச்சயோ ஹோதி ஸமூஹத்தே².
கா³மானங்
356, 381. தத³ஸ்ஸ டா²னமியோ ச.
‘‘தத³ஸ்ஸ டா²ன’’ மிச்சேதஸ்மிங் அத்தே² இயபச்சயோ ஹோதி.
மத³னஸ்ஸ டா²னங் மத³னியங், ப³ந்த⁴னஸ்ஸ டா²னங் ப³ந்த⁴னியங், முச்ச²னஸ்ஸ டா²னங் முச்ச²னியங், ஏவங் ரஜனியங், கமனியங், க³மனியங், து³ஸ்ஸனியங், த³ஸ்ஸனியங்.
357, 382. உபமத்தா²யிதத்தங்.
உபமத்தே² ஆயிதத்தபச்சயோ ஹோதி.
தூ⁴மோ விய தி³ஸ்ஸதி அது³ங் வனங் ததி³த³ங் தூ⁴மாயிதத்தங், திமிரங் விய தி³ஸ்ஸதி அது³ங் வனங் ததி³த³ங் திமிராயிதத்தங்.
358, 383. தன்னிஸ்ஸிதத்தே² லோ.
‘‘தன்னிஸ்ஸிதத்தே², தத³ஸ்ஸ டா²ன’’மிச்சேதஸ்மிங் அத்தே² ச லபச்சயோ ஹோதி.
து³ட்டு²
359, 384. ஆலு தப்³ப³ஹுலே.
ஆலுபச்சயோ ஹோதி தப்³ப³ஹுலத்தே².
அபி⁴ஜ்ஜா² அஸ்ஸ பகதி அபி⁴ஜ்ஜா²லு, அபி⁴ஜ்ஜா² அஸ்ஸ ப³ஹுலா வா அபி⁴ஜ்ஜா²லு. ஏவங் ஸீதாலு, த⁴ஜாலு, த³யாலு.
360, 387. ண்ய த்த தா பா⁴வே து.
ண்யத்ததாஇச்சேதே பச்சயா ஹொந்தி பா⁴வத்தே².
அலஸஸ்ஸ பா⁴வோ ஆலஸ்யங், அரோக³ஸ்ஸ பா⁴வோ ஆரொக்³யங். பங்ஸுகூலிகஸ்ஸ பா⁴வோ பங்ஸுகூலிகத்தங், அனோத³ரிகஸ்ஸ பா⁴வோ அனோத³ரிகத்தங். ஸங்க³ணிகாராமஸ்ஸ பா⁴வோ ஸங்க³ணிகாராமதா, நித்³தா³ராமஸ்ஸ பா⁴வோ நித்³தா³ராமதா.
துக்³க³ஹணேன த்தனபச்சயோ ஹோதி. புது²ஜ்ஜனத்தனங், வேத³னத்தனங்.
361, 388. ண விஸமாதீ³ஹி.
ணபச்சயோ ஹோதி விஸமாதீ³ஹி ‘‘தஸ்ஸ பா⁴வோ’’இச்சேதஸ்மிங் அத்தே².
விஸமஸ்ஸ பா⁴வோ வேஸமங், ஸுசிஸ்ஸ பா⁴வோ ஸோசங்.
362, 389. ரமணீயாதி³தோ கண.
ரமணீயஇச்சேவமாதி³தோ கண பச்சயோ ஹோதி ‘‘தஸ்ஸ பா⁴வோ’’இச்சேதஸ்மிங் அத்தே².
ரமணீயஸ்ஸ பா⁴வோ ராமணீயகங், மனுஞ்ஞஸ்ஸ பா⁴வோ மானுஞ்ஞகங்.
363, 390. விஸேஸே தரதமிஸிகியிட்டா².
விஸேஸத்தே² தர தம இஸிக இய இட்ட²இச்சேதே பச்சயா ஹொந்தி.
ஸப்³பே³ இமே பாபா, அயமிமேஸங் விஸேஸேன பாபோதி பாபதரோ. ஏவங் பாபதமோ, பாபிஸிகோ, பாபியோ, பாபிட்டோ².
364, 398. தத³ஸ்ஸத்தீ²தி வீ ச.
‘‘தத³ஸ்ஸத்தி²’’இச்சேதஸ்மிங் அத்தே² வீபச்சயோ ஹோதி.
மேதா⁴
சக்³க³ஹணேன ஸோபச்சயோ ஹோதி. ஸுமேதா⁴ யஸ்ஸ அத்தி², தஸ்மிங் வா விஜ்ஜதீதி ஸுமேத⁴ஸோ.
365, 399. தபாதி³தோ ஸீ.
தபாதி³தோ ஸீபச்சயோ ஹோதி ‘‘தத³ஸ்ஸத்தி²’’இச்சேதஸ்மிங் அத்தே².
தபோ யஸ்ஸ அத்தி² தஸ்மிங் வா விஜ்ஜதீதி தபஸ்ஸீ. ஏவங் யஸஸ்ஸீ, தேஜஸ்ஸீ.
266, 400. த³ண்டா³தி³தோ இகஈ.
த³ண்டா³தி³தோ இக ஈஇச்சேதே பச்சயா ஹொந்தி ‘‘தத³ஸ்ஸத்தி²’’இச்சேதஸ்மிங் அத்தே².
த³ண்டோ³ யஸ்ஸ அத்தி², தஸ்மிங் வா விஜ்ஜதீதி த³ண்டி³கோ, த³ண்டீ³. ஏவங் மாலிகோ, மாலீ.
367, 401. மத்⁴வாதி³தோ ரோ.
மது⁴இச்சேவமாதி³தோ ரபச்சயோ ஹோதி ‘‘தத³ஸ்ஸத்தி²’’இச்சேதஸ்மிங் அத்தே².
மது⁴
368, 402. கு³ணாதி³தோ வந்து.
கு³ணஇச்சேவமாதி³தோ வந்துபச்சயோ ஹோதி ‘‘தத³ஸ்ஸத்தி²’’இச்சேதஸ்மிங் அத்தே².
கு³ணோ யஸ்ஸ அத்தி², தஸ்மிங் வா விஜ்ஜதீதி கு³ணவா. ஏவங் யஸவா, த⁴னவா, பஞ்ஞவா, ப³லவா, ப⁴க³வா.
369, 403. ஸத்யாதீ³ஹி மந்து.
ஸதிஇச்சேவமாதீ³ஹி மந்துபச்சயோஹோதி ‘‘தத³ஸ்ஸத்தி²’’ இச்சேதஸ்மிங் அத்தே².
ஸதி யஸ்ஸ அத்தி², தஸ்மிங் வா விஜ்ஜதீதி ஸதிமா, ஏவங் ஜுதிமா, ருசிமா, து²திமா, தி⁴திமா, மதிமா, பா⁴ணுமா.
370, 405. ஸத்³தா⁴தி³தோண.
ஸத்³தா⁴இச்சேவமாதி³தோ ண பச்சயோ ஹோதி ‘‘தத³ஸ்ஸத்தி²’’இச்சேதஸ்மிங் அத்தே².
ஸத்³தா⁴
371, 404. ஆயுஸ்ஸுகாராஸ மந்தும்ஹி.
ஆயுஸ்ஸ அந்தோ உகாரோ அஸாதே³ஸோ ஹோதிமந்தும்ஹி பச்சயே பரே.
ஆயு அஸ்ஸ அத்தி², தஸ்மிங் வா விஜ்ஜதீதி ஆயஸ்மா.
372, 385. தப்பகதிவசனே மயோ.
தப்பகதிவசனத்தே² மயபச்சயோ ஹோதி.
ஸுவண்ணேன பகதங் கம்மங் ஸோவண்ணமயங். ஏவங் ரூபியமயங் ஜதுமயங், ரஜதமயங், இட்ட²கமயங், அயோமயங், மத்திகா மயங், தா³ருமயங், கோ³மயங்.
373, 406. ஸங்க்²யாபூரணே மோ.
ஸங்க்²யாபூரணத்தே² மபச்சயோ ஹோதி.
பஞ்சன்னங் பூரணோ பஞ்சமோ, ஏவங் ஸத்தமோ, அட்ட²மோ, நவமோ, த³ஸமோ.
374, 408. ஸ ச²ஸ்ஸவா.
ச²ஸ்ஸ ஸகாராதே³ஸோ ஹோதி வா ஸங்க்²யாபூரணத்தே².
ச²ன்னங் பூரணோ ஸட்டோ², ச²ட்டோ² வா.
375, 412. ஏகாதி³தோ த³ஸஸ்ஸீ.
ஏகாதி³தோ த³ஸஸ்ஸ அந்தே ஈபச்சயோ ஹோதி வா ஸங்க்²யாபூரணத்தே².
ஏகோ ச த³ஸ ச ஏகாத³ஸ, ஏகாத³ஸன்னங் பூரணீ ஏகாத³ஸீ. பஞ்சச த³ஸ ச பஞ்சத³ஸ, பஞ்சத³ஸன்னங் பூரணீ பஞ்சத³ஸீ. சத்தாரோ ச த³ஸ ச சதுத்³த³ஸ, சதுத்³த³ஸன்னங் பூரணீ சாதுத்³த³ஸீ.
பூரணேதி கிமத்த²ங்? ஏகாத³ஸ, பஞ்சத³ஸ.
376, 257. த³ஸே ஸோ நிச்சஞ்ச.
த³ஸஸத்³தே³ பரே நிச்சங் ச²ஸ்ஸ ஸோ ஹோதி.
ஸோளஸ.
377, 0. அந்தே நிக்³க³ஹிதஞ்ச.
தாஸங் ஸங்க்²யானங் அந்தே நிக்³க³ஹிதாக³மோ ஹோதி.
பஞ்சத³ஸி, சாதுத்³த³ஸி.
378, 414. தி ச.
தாஸங் ஸங்க்²யானங் அந்தே திகாராக³மோ ஹோதி. வீஸதி, திங்ஸதி.
379, 258. ல த³ரானங்.
த³கார ரகாரானங் ஸங்க்²யானங் லகாராதே³ஸோ ஹோதி. ஸோளஸ, சத்தாலீஸங்.
380, 255. வீஸதி த³ஸேஸு பா³ த்³விஸ்ஸ து.
வீஸதி த³ஸஇச்சேதேஸு த்³விஸ்ஸ பா³ ஹோதி.
பா³வீஸதிந்த்³ரியானி, பா³ரஸ மனுஸ்ஸா.
துக்³க³ஹணேன த்³விஸ்ஸ து³ தி³ தோ³ ஆதே³ஸா ச ஹொந்தி. து³ரத்தங், தி³ரத்தங், தி³கு³ணங், தோ³ஹளினீ.
381, 254. ஏகாதி³தோ த³ஸ்ஸ ர ஸங்க்²யானே.
ஏகாதி³தோ த³ஸஸ்ஸ த³காரஸ்ஸ ரகாரோ ஹோதி வா ஸங்க்²யானே.
ஏகாரஸ, ஏகாத³ஸ, பா³ரஸ, த்³வாத³ஸ.
ஸங்க்²யானேதி கிமத்த²ங்? த்³வாத³ஸாயதனானி.
382, 259. அட்டா²தி³தோ ச.
அட்ட²இச்சேவமாதி³தோ ச த³ஸஸத்³த³ஸ்ஸ த³காரஸ்ஸ ரகாராதே³ஸோ ஹோதி வா ஸங்க்²யானே.
அட்டா²ரஸ, அட்ட²த³ஸ.
அட்டா²தி³தோதி கிமத்த²ங்? பஞ்சத³ஸ, ஸோளஸ.
ஸங்க்²யானேதி கிமத்த²ங்? அட்ட²த³ஸிகோ.
383, 253. த்³வேகட்டா²னமாகாரோ வா.
த்³வி ஏக அட்ட²இச்சேதேஸமந்தோ ஆகாரோ ஹோதி வா ஸங்க்²யானே.
த்³வாத³ஸ, ஏகாத³ஸ, அட்டா²ரஸ.
ஸங்க்²யானேதி கிமத்த²ங்? த்³வித³ந்தோ, ஏகத³ந்தோ, ஏகச்ச²ன்னோ, அட்ட²த்த²ம்போ⁴.
384, 407. சதுச்சே²ஹீ த² டா².
சது ச²இச்சேதேஹி த² ட²இச்சேதே பச்சயா ஹொந்தி ஸங்க்²யாபூரணத்தே².
சதுத்தோ², ச²ட்டோ².
385, 409. த்³விதீஹி தியோ.
த்³வி திஇச்சேதேஹி தியபச்சயோ ஹோதி ஸங்க்²யாபூரணத்தே².
து³தியோ, ததியோ.
386, 410. தியே து³தாபி ச.
த்³வி திஇச்சேதேஸங் து³ தஇச்சேதே ஆதே³ஸா ஹொந்தி தியபச்சயே பரே.
து³தியோ, ததியோ.
அபிக்³க³ஹணேன அஞ்ஞேஸுபி த்³விஇச்சேதஸ்ஸ து³ஆதே³ஸோ ஹோதி. து³ரத்தங்.
சக்³க³ஹணேன த்³விஇச்சேதஸ்ஸ தி³காரோ ஹோதி. தி³ரத்தங், தி³கு³ணங் ஸங்கா⁴டிங் பாருபெத்வா.
387, 411. தேஸமட்³டூ⁴பபதே³ன அட்³டு⁴ட்³ட⁴ தி³வட்³ட⁴ தி³யட்³ட⁴ட்³ட⁴தியா.
தேஸங் சதுத்த² து³திய ததியானங் அட்³டூ⁴பபதா³னங் அட்³ட⁴ட்³டு⁴தி³வட்³ட⁴ தி³யட்³ட⁴ அட்³ட⁴தியாதே³ஸா ஹொந்தி, அட்³டூ⁴பபதே³ன ஸஹனிப்பஜ்ஜந்தே.
அட்³டே⁴ன சதுத்தோ² அட்³டு⁴ட்³டோ⁴, அட்³டே⁴ன து³தியோ தி³வட்³டோ⁴, அட்³டே⁴ன து³தியோ தி³யட்³டோ⁴, அட்³டே⁴ன ததியோ அட்³ட⁴தியோ.
388, 68. ஸரூபானமேகஸெஸ்வஸகிங்.
ஸரூபானங் பத³ப்³யஞ்ஜனானங் ஏகஸேஸோ ஹோதி அஸகிங். புரிஸோ ச புரிஸோ ச புரிஸா.
ஸரூபானமிதி கிமத்த²ங்? ஹத்தீ² ச அஸ்ஸோ ச ரதோ² ச பத்திகோ ச ஹத்தி²அஸ்ஸரத²பத்திகா,
அஸகிந்தி கிமத்த²ங்? புரிஸோ.
389, 413. க³ணனே த³ஸஸ்ஸ த்³விதிசதுபஞ்சச²ஸத்தஅட்ட²னவகானங் வீ தி சத்தார பஞ்ஞா ச² ஸத்தாஸனவா யோஸு, யோனஞ்சீஸமாஸங் டி² ரி தீ துதி.
க³ணனே த³ஸஸ்ஸ த்³விக திக சதுக்க பஞ்சக ச²க்க ஸத்தகஅட்ட²க நவகானங் ஸரூபானங் கதேகஸேஸானங் யதா²ஸங்க்²யங் வீ தி சத்தார பஞ்ஞா ச² ஸத்த அஸ நவஇச்சாதே³ஸா ஹொந்தி அஸகிங் யோஸு, யோநஞ்ச ஈஸங் ஆஸங் டி² ரி தி ஈதி உதிஇச்சாதே³ஸா ஹொந்தி. பச்சா² புன நிப்பஜ்ஜந்தே.
வீஸங்
அஸகிந்தி கிமத்த²ங்? த³ஸ.
க³ணனேதி கிமத்த²ங்? த³ஸத³ஸகா புரிஸா.
390, 256. சதூபபத³ஸ்ஸ லோபோ துத்தரபதா³தி³சஸ்ஸ சுசோபி நவா.
சதூபபத³ஸ்ஸ க³ணனே பரியாபன்னஸ்ஸ துகாரஸ்ஸ லோபோ ஹோதி, உத்தரபதா³தி³சகாரஸ்ஸ சுசோபி ஆதே³ஸா ஹொந்தி நவா.
சுத்³த³ஸ, சொத்³த³ஸ, சதுத்³த³ஸ.
அபிக்³க³ஹணேன அனுபபத³ஸ்ஸாபி பதா³தி³சகாரஸ்ஸ. லோபோஹோதி நவா, சஸ்ஸ சுசோபி ஹொந்தி. தாலீஸங், சத்தாலீஸங், சுத்தாலீஸங், சொத்தாலீஸங்.
391, 423. யத³னுபபன்னா நிபாதனா ஸிஜ்ஜ²ந்தி.
யே ஸத்³தா³ அனித்³தி³ட்ட²லக்க²ணா, அக்க²ரபத³ப்³யஞ்ஜனதோ, இத்தி²புமனபுங்ஸகலிங்க³தோ
392, 418. த்³வாதி³தோ கோ’நேகத்தே²ச.
த்³விஇச்சேவமாதி³தோ கபச்சயோ ஹோதி அனேகத்தே² ச, நிபாதனா ஸிஜ்ஜ²ந்தி.
ஸதஸ்ஸ த்³விகங் த்³விஸதங், ஸதஸ்ஸ திகங் திஸதங், ஸதஸ்ஸ சதுக்கங் சதுஸதங், ஸதஸ்ஸ பஞ்சகங் பஞ்சஸதங், ஸதஸ்ஸ ச²க்கங் ச²ஸதங், ஸதஸ்ஸ ஸத்தகங் ஸத்தஸதங், ஸதஸ்ஸ அட்ட²கங் அட்ட²ஸதங், ஸதஸ்ஸ நவகங் நவஸதங், ஸதஸ்ஸ த³ஸகங் த³ஸஸதங், ஸஹஸ்ஸங் ஹோதி.
393, 415. த³ஸத³ஸகங் ஸதங் த³ஸகானங் ஸதங் ஸஹஸ்ஸஞ்ச யொம்ஹி.
க³ணனே பரியாபன்னஸ்ஸ த³ஸத³ஸகஸ்ஸ ஸதங் ஹோதி, ஸதத³ஸகஸ்ஸ ஸஹஸ்ஸங் ஹோதி யோம்ஹி பரே.
ஸதங், ஸஹஸ்ஸங்.
த்³விகாதீ³னங் தது³த்தரபதா³னஞ்ச நிப்பஜ்ஜந்தே யதா²ஸங்க்²யங். ஸதஸ்ஸ த்³விகங் (ததி³த³ங் ஹோதி) த்³விஸதங், ஏவங் திஸதங், சதுஸதங்
394, 416. யாவ தது³த்தரி த³ஸகு³ணிதஞ்ச.
யாவ தாஸங் ஸங்க்²யானங் உத்தரி த³ஸகு³ணிதஞ்ச காதப்³ப³ங்.
தங் யதா²? த³ஸஸ்ஸ க³ணனஸ்ஸ த³ஸகு³ணிதங் கத்வா ஸதங் ஹோதி, ஸதஸ்ஸ த³ஸகு³ணிதங் கத்வா ஸஹஸ்ஸங் ஹோதி, ஸஹஸ்ஸஸ்ஸ த³ஸகு³ணிதங் கத்வா த³ஸஸஹஸ்ஸங் ஹோதி, த³ஸஸஹஸ்ஸஸ்ஸ த³ஸகு³ணிதங் கத்வாஸதஸஹஸ்ஸங் ஹோதி, ஸதஸஹஸ்ஸஸ்ஸ த³ஸகு³ணிதங் கத்வாத³ஸஸதஸஹஸ்ஸங் ஹோதி, த³ஸஸதஸஹஸ்ஸஸ்ஸத³ஸகு³ணிதங் கத்வா கோடி ஹோதி, கோடிஸதஸஹஸ்ஸஸ்ஸ ஸதகு³ணிதங் கத்வா பகோடி ஹோதி. ஏவங் ஸேஸாபி யோஜேதப்³பா³.
சக்³க³ஹணங் விஸேஸனத்த²ங்.
395, 417. ஸகனாமேஹி.
யாஸங் பன ஸங்க்²யானங் அனித்³தி³ட்ட²னாமதெ⁴ய்யானங் ஸகேஹி ஸகேஹி நாமேஹி நிப்பஜ்ஜந்தே.
ஸதஸஹஸ்ஸானங் ஸதங் கோடி, கோடிஸதஸஹஸ்ஸானங் ஸதங் பகோடி, பகோடிஸதஸஹஸ்ஸானங் ஸதங் கோடிபகோடி
396, 363. தேஸங் ணோ லோபங்.
தேஸங் பச்சயானங் ணோ லோபமாபஜ்ஜதே.
கோ³தமஸ்ஸ அபச்சங் கோ³தமோ. ஏவங் வாஸிட்டோ². வேனதெய்யோ, ஆலஸ்யங், ஆரொக்³யங்.
397, 420. விபா⁴கே³ தா⁴ ச.
விபா⁴க³த்தே² ச தா⁴பச்சயோ ஹோதி.
ஏகேன விபா⁴கே³ன ஏகதா⁴. ஏவங் த்³விதா⁴, திதா⁴, சதுதா⁴, பஞ்சதா⁴, ச²தா⁴.
சேதி கிமத்த²ங்? ஸோபச்சயோ ஹோதி. ஸுத்தஸோ, ப்³யஞ்ஜனஸோ, பத³ஸோ.
398, 421. ஸப்³ப³னாமேஹி பகாரவசனே து தா².
ஸப்³ப³னாமேஹி பகாரவசனத்தே² தா²பச்சயோ ஹோதி.
ஸோ பகாரோ ததா², தங் பகாரங் ததா², தேன பகாரேன ததா², தஸ்ஸ பகாரஸ்ஸ ததா², தஸ்மா பகாரா ததா², தஸ்ஸ பகாரஸ்ஸ ததா², தஸ்மிங் பகாரே ததா². ஏவங் யதா², ஸப்³ப³தா², அஞ்ஞதா², இதரதா².
துக்³க³ஹணங் கிமத்த²ங்? தத்தா²பச்சயோ ஹோதி. ஸோ பகாரோ தத²த்தா². ஏவங் யத²த்தா². ஸப்³ப³த²த்தா², அஞ்ஞத²த்தா², இதரத²த்தா².
399, 422. கிமிமேஹி த²ங்.
கிங் இமஇச்சேதேஹி த²ங்பச்சயோ ஹோதி பகாரவசனத்தே².
கோ பகாரோ கத²ங், கங் பகாரங் கத²ங், கேன பகாரேன கத²ங், கஸ்ஸ பகாரஸ்ஸ கத²ங், கஸ்மா பகாரா கத²ங். கஸ்ஸ பகாரஸ்ஸ கத²ங், கஸ்மிங் பகாரே கத²ங், அயங் பகாரோ இத்த²ங், இமங் பகாரங் இத்த²ங், இமினா பகாரேன இத்த²ங், இமஸ்ஸ பகாரஸ்ஸ இத்த²ங், இமஸ்மா பகாரா இத்த²ங், இமஸ்ஸ பகாரஸ்ஸ இத்த²ங், இமஸ்மிங் பகாரே இத்த²ங்.
400, 364. வுத்³தா⁴தி³ஸரஸ்ஸ வா’ஸங்யோக³ந்தஸ்ஸ ஸணே ச.
ஆதி³ஸரஸ்ஸ வா அஸங்யோக³ந்தஸ்ஸ ஆதி³ப்³யஞ்ஜனஸ்ஸ வா ஸரஸ்ஸ வுத்³தி⁴ ஹோதி ஸணகாரகே பச்சயே பரே.
ஆபி⁴த⁴ம்மிகோ, வேனதெய்யோ, வாஸிட்டோ², ஆலஸ்யங், ஆரொக்³யங்.
அஸங்யோக³ந்தஸ்ஸேதி கிமத்த²ங்? ப⁴க்³க³வோ, மந்தெய்யோ, குந்தெய்யோ.
401, 375. மாயூனமாக³மோ டா²னே.
இஉஇச்சேதேஸங் ஆதி³பூ⁴தானங் மா வுத்³தி⁴ ஹோதி. தேஸு ச ஏ ஓ வுத்³தா⁴க³மோ ஹோதி டா²னே.
ப்³யாகரணமதீ⁴தே வெய்யாகரணிகோ, ந்யாயமதீ⁴தே நெய்யாயிகோ, ப்³யாவச்ச²ஸ்ஸ அபச்சங் வெய்யாவச்சோ², த்³வாரே நியுத்தோ தோ³வாரிகோ.
402, 377. ஆத்தஞ்ச
இஉஇச்சேதேஸங் ஆத்தஞ்ச ஹோதி, ரிகாராக³மோ ச டா²னே.
இஸிஸ்ஸ பா⁴வோ ஆரிஸ்யங், இணஸ்ஸ பா⁴வோ ஆண்யங், உஸப⁴ஸ்ஸ பா⁴வோ ஆஸப⁴ங், உஜுனோ பா⁴வோ அஜ்ஜவங், இச்சேவமாதீ³ யோஜேதப்³பா³.
யூனமிதி கிமத்த²ங்? அபாயேஸு ஜாதோ ஆபாயி கோ.
டா²னேதி கிமத்த²ங்? வேமதிகோ, ஓபனயிகோ, ஓபமாயிகோ, ஓபாயிகோ.
403, 354. க்வசாதி³மஜ்ஜு²த்தரானங் தீ³க⁴ரஸ்ஸா பச்சயேஸு ச.
க்வசி ஆதி³மஜ்ஜ²உத்தரஇச்சேதேஸங் தீ³க⁴ரஸ்ஸா ஹொந்தி பச்சயேஸு ச அபச்சயேஸு ச.
ஆதி³தீ³கோ⁴ தாவ – பாகாரோ, நீவாரோ, பாஸாதோ³, பாகடோ, பாதிமொக்கோ², பாடிகங்கோ² இச்சேவமாதி³.
மஜ்ஜே²தீ³கோ⁴
உத்தரதீ³கோ⁴ தாவ – க²ந்தீ பரமங் தபோ திதிக்கா², அஞ்ஜனா கி³ரி, கோடரா வனங், அங்கு³லீ இச்சேவமாதி³.
ஆதி³ரஸ்ஸோ தாவ – பகே³வ இச்சேவமாதி³.
மஜ்ஜே²ரஸ்ஸோ தாவ – ஸுமேத⁴ஸோ ஸுவண்ணத⁴ரேஹி இச்சேவமாதி³.
உத்தரரஸ்ஸோ தாவ – போ⁴வாதி³ நாம ஸோ ஹோதி, யதா²பா⁴வி கு³ணேன ஸோ இச்சேவமாதி³. அஞ்ஞேபி யதா²ஜினவசனானுபரோதே⁴ன யோஜேதப்³பா³.
சக்³க³ஹணேன அபச்சயேஸு சாதி அத்த²ங் ஸமுச்சேதி,
404, 370. தேஸு வுத்³தி⁴லோபாக³மவிகாரவிபரீதாதே³ஸா ச.
தேஸு ஆதி³மஜ்ஜு²த்தரேஸு யதா²ஜினவசனானுபரோதே⁴ன க்வசி வுத்³தி⁴ ஹோதி, க்வசி லோபோ ஹோதி, க்வசி ஆக³மோ ஹோதி, க்வசி விகாரோ ஹோதி, க்வசி விபரீதோ ஹோதி, க்வசி ஆதே³ஸோ ஹோதி.
ஆதி³வுத்³தி⁴ தாவ – ஆபி⁴த⁴ம்மிகோ, வேனதெய்யோ இச்சேவமாதி³.
மஜ்ஜே²வுத்³தி⁴
உத்தரவுத்³தி⁴ தாவ – காலிங்கோ³, மாக³தி⁴கோ, பச்சக்க²த⁴ம்மா இச்சேவமாதி³.
ஆதி³லோபோ தாவ – தாலீஸங் இச்சேவமாதி³.
மஜ்ஜே²லோபோ தாவ – கத்துகாமோ, கும்ப⁴காரபுத்தோ, வேத³ல்லங் இச்சேவமாதி³.
உத்தரலோபோ தாவ – பி⁴க்கு², பி⁴க்கு²னீ இச்சேவமாதி³.
ஆதி³ஆக³மோ தாவ – வுத்தோ ப⁴க³வதா இச்சேவமாதி³.
மஜ்ஜே²ஆக³மோ தாவ – ஸஸீலவா, ஸபஞ்ஞவாஇச்சேவமாதி³.
உத்தரஆக³மோ தாவ – வேத³ல்லங் இச்சேவமாதி³.
ஆதி³விகாரோ தாவ – ஆரிஸ்யங், ஆண்யங், ஆஸப⁴ங், அஜ்ஜவங் இச்சேவமாதி³.
மஜ்ஜே²விகாரோ தாவ – வராரிஸ்யங், பராரிஸ்யங் இச்சேவமாதி³.
உத்தரவிகாரோ தாவ – யானி, தானி, ஸுகா²னி இச்சேவமாதி³.
ஆதி³விபரீதோ
மஜ்ஜே²விபரீதோ தாவ – ஸமுக்³க³ச்ச²தி, ஸமுக்³க³தே ஸூரியே இச்சேவமாதி³.
உத்தரவிபரீதோ தாவ – தி³கு³, தி³கு³ணங் இச்சேவமாதி³.
ஆதி³ஆதே³ஸோ தாவ – யூனங் இச்சேவமாதி³.
மஜ்ஜே²ஆதே³ஸோ தாவ – ந்யாயோகா³ இச்சேவமாதி³.
உத்தரஆதே³ஸோ தாவ – ஸப்³ப³ஸெய்யோ, ஸப்³ப³ஸெட்டோ², சித்தங் இச்சேவமாதி³. ஏவங் யதா²ஜினவசனானுபரோதே⁴ன ஸப்³ப³த்த² யோஜேதப்³பா³.
405, 365. அயுவண்ணானஞ்சாயோ வுத்³தி⁴.
அ இதி அகாரோ, இ ஈஇதி இவண்ணோ, உ ஊஇதி உவண்ணோ, தேஸங் அகாரஇவண்ணுவண்ணானங் ஆ ஏ ஓவுத்³தி⁴யோ ஹொந்தி யதா²ஸங்க்²யங், ஆ ஈ ஊவுத்³தி⁴ ச.
ஆபி⁴த⁴ம்மிகோ, வேனதெய்யோ, ஓளும்பிகோ.
புன வுத்³தி⁴க்³க³ஹணங் கிமத்த²ங்? உத்தரபத³வுத்³தி⁴பா⁴வத்த²ங், அங்க³மக³தே⁴ஹி ஆக³தாதி அங்க³மாக³தி⁴கா. நிக³மஜனபதே³ஸு ஜாதாதி
வுத்³தி⁴இச்சனேன க்வத்தோ²? வுத்³தா⁴தி³ஸரஸ்ஸ வா’ஸங்யோக³ந்தஸ்ஸ ஸணே ச.
இதி நாமகப்பே தத்³தி⁴தகப்போ அட்ட²மோ கண்டோ³.
தத்³தி⁴தகப்போ நிட்டி²தோ.