2. ப⁴வதிக்ரியாபத³மாலாவிபா⁴க³
இதோ பரங் பவக்கா²மி, ஸோதூனங் மதிவட்³ட⁴னங்;
க்ரியாபத³க்கமங் நாம, விப⁴த்தாதீ³னி தீ³பயங்.
தத்ர ஆக்²யாதிகஸ்ஸ க்ரியாலக்க²ணத்தஸூசிகா த்யாத³யோ விப⁴த்தியோ, தா அட்ட²விதா⁴ வத்தமானாபஞ்சமீஸத்தமீபரொக்கா²ஹிய்யத்தனஜ்ஜதனீப⁴விஸ்ஸந்தீ காலாதிபத்திவஸேன.
தத்த²தி அந்தி, ஸி த², மி ம, தே அந்தே, ஸே வ்ஹே, ஏ ம்ஹே இச்சேதா வத்தமானாவிப⁴த்தியோ நாம.
து அந்து, ஹி த², மி ம, தங் அந்தங், ஸு வ்ஹோ, ஏ ஆமஸே இச்சேதா பஞ்சமீவிப⁴த்தியோ நாம.
எய்ய
அ உ, ஏ த்த², அங் ம்ஹ, த்த² ரே, த்தோ² வ்ஹோ, இங் ம்ஹே இச்சேதா பரொக்கா²விப⁴த்தியோ நாம.
ஆ ஊ, ஓ த்த², அங் ம்ஹா, த்த² த்து²ங், ஸே வ்ஹங், இங் ம்ஹஸே இச்சேதா ஹிய்யத்தனீவிப⁴த்தியோ நாம.
ஈ உங், ஓ த்த², இங் ம்ஹா, ஆ ஊ, ஸே வ்ஹங், அங் ம்ஹே இச்சேதா அஜ்ஜதனீவிப⁴த்தியோ நாம.
ஸ்ஸதி ஸ்ஸந்தி, ஸ்ஸஸி ஸ்ஸத², ஸ்ஸாமி ஸ்ஸாம, ஸ்ஸதே ஸ்ஸந்தே, ஸ்ஸஸே ஸ்ஸவ்ஹே, ஸ்ஸங் ஸ்ஸாம்ஹே இச்சேதா ப⁴விஸ்ஸந்தீவிப⁴த்தியோ நாம.
ஸ்ஸா ஸ்ஸங்ஸு, ஸ்ஸே ஸ்ஸத², ஸ்ஸங் ஸ்ஸாம்ஹா, ஸ்ஸத² ஸ்ஸிஸு, ஸ்ஸஸே ஸ்ஸவ்ஹே, ஸ்ஸிங் ஸ்ஸாம்ஹஸே இச்சேதா காலாதிபத்திவிப⁴த்தியோ நாம.
ஸப்³பா³ஸமேதாஸங் விப⁴த்தீனங் யானி யானி புப்³ப³கானி ச² பதா³னி, தானி தானி பரஸ்ஸபதா³னி நாம. யானி யானி பன பரானி ச² பதா³னி, தானி தானி அத்தனோபதா³னி நாம. தத்த² பரஸ்ஸபதா³னி வத்தமானா ச², பஞ்சமியோ ச², ஸத்தமியோ ச², பரொக்கா² ச², ஹிய்யத்தனியோ ச², அஜ்ஜதனியோ ச², ப⁴விஸ்ஸந்தியோ ச², காலாதிபத்தியோ சா²தி அட்ட²சத்தாலீஸவிதா⁴னி ஹொந்தி, ததா² இதரானி, ஸப்³பா³னி தானி பிண்டி³தானி ச²ன்னவுதிவிதா⁴னி.
பரஸ்ஸபதா³னமத்தனோபதா³னஞ்ச த்³வே த்³வே பதா³னி பட²மமஜ்ஜி²முத்தமபுரிஸா நாம. தே வத்தமானாதீ³ஸு சத்தாரோ சத்தாரோ, அட்ட²ன்னங் விப⁴த்தீனங் வஸேன த்³வத்திங்ஸ, பிண்டி³தானி பரிமாணானேவ.
த்³வீஸு
தத்ர வத்தமானவிப⁴த்தீனந்தி அந்தி, ஸி த², மி ம இச்சேதானி பரஸ்ஸபதா³னி. தே அந்தே, ஸே வ்ஹே, ஏ ம்ஹே இச்சேதானி அத்தனோபதா³னி. பரஸ்ஸபத³த்தனோபதே³ஸுபிதி அந்தி இதி பட²மபுரிஸா, ஸித² இதி மஜ்ஜி²மபுரிஸா, மி ம இதி உத்தமபுரிஸா, தே அந்தே இதி பட²மபுரிஸா, ஸே வ்ஹே இதி மஜ்ஜி²மபுரிஸா, ஏ ம்ஹே இதி உத்தமபுரிஸா.
பட²மமஜ்ஜி²முத்தமபுரிஸேஸுபி தி-இதி ஏகவசனங், அந்தி-இதி ப³ஹுவசனந்தி ஏவங் ஏகவசனப³ஹுவசனானி கமதோ ஞெய்யானி. ஏவங் ஸேஸாஸு விப⁴த்தீஸு பரஸ்ஸபத³த்தனோபத³பட²மமஜ்ஜி²முத்தமபுரிஸேகவசனப³ஹுவசனானி ஞெய்யானி.
தத்த² விப⁴த்தீதி கேனட்டே²ன விப⁴த்தி? காலாதி³வஸேன தா⁴த்வத்த²ங் விப⁴ஜதீதி விப⁴த்தி, ஸ்யாதீ³ஹி நாமிகவிப⁴த்தீஹி ஸஹ ஸப்³ப³ஸங்கா³ஹகவஸேன பன ஸகத்த²பரத்தா²தி³பே⁴தே³ அத்தே² விப⁴ஜதீதி விப⁴த்தி, கம்மாத³யோ வா காரகே ஏகவசனப³ஹுவசனவஸேன விப⁴ஜதீதி விப⁴த்தி, விப⁴ஜிதப்³பா³ ஞாணேனாதிபி விப⁴த்தி, விப⁴ஜந்தி அத்தே² ஏதாயாதிபி விப⁴த்தி, அத² வா ஸதிபி ஜினஸாஸனே அவிப⁴த்திகனித்³தே³ஸே ஸப்³பே³ன ஸப்³ப³ங் விப⁴த்தீஹி வினா அத்த²ஸ்ஸா’நித்³தி³ஸிதப்³ப³தோ விஸேஸேன விவிதே⁴ன வா ஆகாரேன ப⁴ஜந்தி ஸேவந்தி நங் பண்டி³தாதிபி விப⁴த்தி. தத்த² அவிப⁴த்திகனித்³தே³ஸலக்க²ணங் வதா³ம ஸஹ பயோக³னித³ஸ்ஸனாதீ³ஹி.
அவிப⁴த்திகனித்³தே³ஸோ, நாமிகேஸுபலப்³ப⁴தி;
நாக்²யாதேஸூதி விஞ்ஞெய்ய-மித³மெத்த² நித³ஸ்ஸனங்.
நிக்³ரோதோ⁴வ மஹாருக்கோ², தே²ர வாதா³னமுத்தமோ;
அனூனங் அனதி⁴கஞ்ச, கேவலங் ஜினஸாஸனங்.
தத்ர
‘‘காயோ தே ஸப்³ப³ ஸோவண்ணோ’’, இச்சாதி³ம்ஹிபி நாமிகே;
அவிப⁴த்திகனித்³தே³ஸோ, க³ஹேதப்³போ³ நயஞ்ஞுனா.
அவிப⁴த்திகனித்³தே³ஸோ, நன்வாக்²யாதேபி தி³ஸ்ஸதி;
‘‘போ⁴ கா²த³ பிவ’’இச்சத்ர, வதே³ யோ கோசி சோத³கோ.
யதி³ ஏவங் மதேனஸ்ஸ, ப⁴வெய்ய அவிப⁴த்திகங்;
‘‘பி⁴க்கு², போ⁴ புரிஸி’’ச்சாதி³, பத³ம்பி, ந ஹித³ங் ததா².
‘‘பி⁴க்கு², போ⁴ புரிஸி’’ச்சாதி³, ஸி க³ லோபேன வுச்சதி;
ததா² ‘‘கா²தா³’’திஆதீ³னி, ஹி லோபேன பவுச்சரே.
ஏவங் அவிப⁴த்திகனித்³தே³ஸோ ஆக்²யாதேஸு ந லப்³ப⁴தி, நாமேஸுயேவ லப்³ப⁴தி. தத்ராபி ‘‘அட்ட² ச புக்³க³ல த⁴ம்மத³ஸா தே’’தி எத்த² ச²ந்த³வஸேன புக்³க³ல இதி ரஸ்ஸகரணங் த³ட்ட²ப்³ப³ங், ந ‘‘ககுஸந்த⁴ கோணாக³மனோ ச கஸ்ஸபோ’’தி எத்த² ககுஸந்த⁴ இதி அவிப⁴த்திகனித்³தே³ஸோ விய அவிப⁴த்திகனித்³தே³ஸோ த³ட்ட²ப்³போ³. ‘‘பி⁴க்கு² நிஸின்னே மாதுகா³மோ உபனிஸின்னோ வா ஹோதி உபனிபன்னோ வா’’தி எத்த² பன பி⁴க்கூ²தி இத³ங் பி⁴க்கு²ம்ஹீதி வத்தப்³ப³த்த²த்தா பு⁴ம்மே பச்சத்தந்திபி அதி³ட்ட²விப⁴த்திகனித்³தே³ஸோதிபி வத்துங் யுஜ்ஜதி. தத்த² பன ச²ந்த³வஸேன கதரஸ்ஸத்தா தானி பதா³னி அவிப⁴த்திகனித்³தே³ஸபக்க²ம்பி ப⁴ஜந்தீதி வத்துங் ந யுஜ்ஜதி.
தத்த² பரஸ்ஸபதா³னீதி பரஸ்ஸ அத்த²பூ⁴தானி பதா³னி பரஸ்ஸபதா³னி. எத்து²த்தமபுரிஸேஸு அத்தனோ அத்தே²ஸுபி அத்தனோபத³வோஹாரோ ந கரியதி.
கிஞ்சாபி
ததா²பி இதரேஸான-முஸ்ஸன்னத்தாவ தப்³ப³ஸா;
தப்³போ³ஹாரோ இமேஸானங், போராணேஹி நிரோபிதோ.
அத்தனோபதா³னீதி அத்தனோ அத்த²பூ⁴தானி பதா³னி அத்தனோபதா³னி. எத்த² பன பட²மமஜ்ஜி²மபுரிஸேஸு பரஸ்ஸத்தே²ஸுபி பரஸ்ஸபத³வோஹாரோ ந கரியதி.
பட²மமஜ்ஜி²மா சேதே, பரஸ்ஸத்தா² ததா²பி ச;
இதரேஸங் நிரூள்ஹத்தா, தப்³போ³ஹாரஸ்ஸ ஸச்சதோ.
இமஸ்ஸ பனிமேஸானங், புப்³ப³வோஹாரதாய ச;
ததா² ஸங்கரதோ³ஸஸ்ஸ, ஹரணத்தா²ய ஸோ அயங்;
அத்தனோபத³வோஹாரோ, ஏஸமாரோபிதோ து⁴வங்.
பரஸ்ஸபத³ஸஞ்ஞாதி³-ஸஞ்ஞாயோ ப³ஹுகா இத⁴;
போராணேஹி கதத்தாதா, ஸஞ்ஞா போராணிகா மதா.
தஸ்மா இத⁴ பட²மபுரிஸாதீ³னங் திண்ணங் புரிஸானங் வசனத்த²ங் ந பரியேஸாம. ரூள்ஹியா ஹி போராணேஹி த்யாதீ³னங் புரிஸஸஞ்ஞா விஹிதா.
ஏகவசனப³ஹுவசனேஸு பன ஏகஸ்ஸத்த²ஸ்ஸ வசனங் ஏகவசனங். ப³ஹூனமத்தா²னங் வசனங் ப³ஹுவசனங். அத² வா ப³ஹுத்தேபி ஸதி ஸமுதா³யவஸேன ஜாதிவஸேன வா சித்தேன ஸம்பிண்டெ³த்வா ஏகீகதஸ்ஸத்த²ஸ்ஸ ஏகஸ்ஸ விய வசனம்பி ஏகவசனங், ப³ஹுத்தே நிஸ்ஸிதஸ்ஸ நிஸ்ஸயவோஹாரேன வுத்தஸ்ஸ நிஸ்ஸயவஸேன ஏகஸ்ஸ விய வசனம்பி ஏகவசனங், ஏகத்தலக்க²ணேன ப³வ்ஹத்தா²னங் ஏகவசனங் விய வசனம்பி ஏகவசனங். அப³ஹுத்தேபி ஸதி அத்தக³ருகாராபரிச்சே²த³மாதிகானுஸந்தி⁴னயபுச்சா²ஸபா⁴க³புது²சித்த- ஸமாயோக³புது²ஆரம்மணவஸேன ஏகத்த²ஸ்ஸ ப³ஹூனங் விய வசனங் ப³ஹுவசனங், ததா² யே யே ப³ஹவோ தன்னிவாஸதங்புத்தஸங்கா²தஸ்ஸேகஸ்ஸத்த²ஸ்ஸ ரூள்ஹீவஸேன ப³ஹூனங் விய வசனம்பி ப³ஹுவசனங், ஏகஸ்ஸத்த²ஸ்ஸ அஞ்ஞேனத்தே²ன ஏகாபி⁴தா⁴னவஸேன ப³ஹூனங் புது²வசனங், அனேகவசனந்தி ச இமஸ்ஸேவ நாமங்.
வசனேஸு அயங் அத்தோ², நாமாக்²யாதவிப⁴த்தினங்;
வஸேன அதி⁴க³ந்தப்³போ³, ஸாஸனத்த²க³வேஸினா.
தஸ்மா தத³த்த²விஞ்ஞாபனத்த²ங் இத⁴ நாமிகபயோகே³ஹி ஸஹேவாக்²யாதபயோகே³ பவக்கா²ம – ‘‘ராஜா ஆக³ச்ச²தி, ஸஹாயோ மே ஆக³ச்ச²தி, ஏகங் சித்த’’ மிச்சேவமாத³யோ ஏகஸ்ஸத்த²ஸ்ஸ ஏகவசனபயோகா³. ‘‘ராஜானோ ஆக³ச்ச²ந்தி, ஸஹாயா மே ஆக³ச்ச²ந்தி, ந மே தெ³ஸ்ஸா உபோ⁴ புத்தா, த்³வே தீணி’’ இச்சேவமாத³யோ ப³வ்ஹத்தா²னங் ப³ஹுவசனபயோகா³.
‘‘ஸா ஸேனா மஹதீ ஆஸி, ப³ஹுஜ்ஜனோ பஸன்னோஸி, ஸப்³போ³ தங் ஜனோ ஓஜினாயது, இத்தி²கு³ம்ப³ஸ்ஸ பவரா, பு³த்³த⁴ஸ்ஸாஹங் வத்த²யுக³ங் அதா³ஸிங், த்³வயங் வோ பி⁴க்க²வே தே³ஸெஸ்ஸாமி, பேமங் மஹந்தங் ரதனத்தயஸ்ஸ, கரே பஸாத³ஞ்ச நரோ அவஸ்ஸங், பி⁴க்கு²ஸங்கோ⁴, ப³லகாயோ, தே³வனிகாயோ, அரியக³ணோ’’- இச்சேவமாத³யோ, ‘‘த்³விகங் திக’’மிச்சாத³யோ ச ஸமுதா³யவஸேன ப³வ்ஹத்தா²னங் ஏகவசனபயோகா³.
கத்த²சி பன ஈதி³ஸேஸு டா²னேஸு ப³ஹுவசனபயோகா³பி தி³ஸ்ஸந்தி. ததா² ஹி ‘‘பூஜிதா ஞாதிஸங்கே⁴ஹி, தே³வகாயா ஸமாக³தா, ஸப்³பே³தே தே³வனிகாயா, த்³வே தே³வஸங்கா⁴, தீணி
‘‘பாணங் ந ஹனே, ஸஸ்ஸோ ஸம்பஜ்ஜதி’’ இச்சேவமாத³யோ ஜாதிவஸேன ப³வ்ஹத்தா²னங் ஏகவசனபயோகா³, தப்³பா⁴வஸாமஞ்ஞேன ப³வ்ஹத்தா²னங் ஏகவசனபயோகா³திபி வத்துங் வட்டதி.
‘‘நாக³ங் ரட்ட²ஸ்ஸ பூஜிதங், ஸாவத்தீ² ஸத்³தா⁴ அஹோஸி பஸன்னா’’ இச்சேவமாத³யோ நிஸ்ஸயவஸேன பவத்தானங் நிஸ்ஸயவோஹாரேன வுத்தானமேகவசனபயோகா³.
‘‘திலக்க²ணங், குஸலாகுஸலங், விஞ்ஞாணபச்சயா நாமரூபங், நாமரூபபச்சயா ஸளாயதனங், த⁴ம்மவினயோ, சித்தஸேனோ ச க³ந்த⁴ப்³போ³, நதியா அஸதி ஆக³திக³தி ந ஹோதி, ஆக³திக³தியா அஸதி சுதூபபாதோ ந ஹோதி’’ இச்சேவமாத³யோ ஏகத்தலக்க²ணே ப³வ்ஹத்தா²னங் ஏகவசனபயோகா³.
‘‘ஏவங் மயங் க³ண்ஹாம, அம்ஹாகங் பகதி, பதா⁴னந்தி கோ² மேகி⁴ய வத³மானங் கிந்தி வதெ³ய்யாம’’ இச்சேவமாத³யோ ஏகஸ்ஸத்த²ஸ்ஸ அத்தவஸேன ப³ஹுவசனபயோகா³.
‘‘தே மனுஸ்ஸா தங் பி⁴க்கு²ங் ஏதத³வோசுங் ‘பு⁴ஞ்ஜத² ப⁴ந்தே’தி, அஹங் மனுஸ்ஸேஸு மனுஸ்ஸபூ⁴தா, அப்³பா⁴க³தானா’ஸனகங் அதா³ஸிங்’’ இச்சேவமாத³யோ ஏகஸ்ஸத்த²ஸ்ஸ க³ருகாரவஸேன ப³ஹுவசனபயோகா³.
‘‘அப்பச்சயா
கேசி பன ‘‘தே³ஸனாஸோதபாதவஸேன ப³ஹுவசனபயோகா³’’திபி வத³ந்தி, தங் ந க³ஹேதப்³ப³ங். ந ஹி ததா²க³தோ ஸதிஸம்பஜஞ்ஞரஹிதோ த⁴ம்மங் தே³ஸேதி, யுத்தி ச ந தி³ஸ்ஸதி ‘‘மாதிகாயங் புச்சா²யங் விஸ்ஸஜ்ஜனே சாதி தீஸுபி டா²னேஸு அப்பச்சயாதி³த⁴ம்மே தே³ஸெந்தோ ஸத்தா² புனப்புனங் ப³ஹுவசனவஸேன தே³ஸனாஸோதே பதித்வா த⁴ம்மங் தே³ஸேதீ’’தி.
‘‘கதமே த⁴ம்மா அப்பச்சயா’’ இச்சேவமாத³யோ ஏகஸ்ஸத்த²ஸ்ஸ மாதிகானுஸந்தி⁴னயேன ப³ஹுவசனபயோகா³.
‘‘இமே த⁴ம்மா அப்பச்சயா’’ இச்சேவமாத³யோ ஏகஸ்ஸத்த²ஸ்ஸ புச்சா²னுஸந்தி⁴னயேன ப³ஹுவசனபயோகா³.
‘‘கதமே த⁴ம்மா நோ பராமாஸா, தே த⁴ம்மே ட²பெத்வா அவஸேஸா குஸலாகுஸலாப்³யாகதா த⁴ம்மா’’ இச்சேவமாத³யோ ஏகஸ்ஸத்த²ஸ்ஸ புச்சா²ஸபா⁴கே³ன ப³ஹுவசனபயோகா³.
‘‘அத்தி² பி⁴க்க²வே அஞ்ஞேவ த⁴ம்மா க³ம்பீ⁴ரா து³த்³த³ஸா து³ரனுபோ³தா⁴ ஸந்தா பணீதா அதக்காவசரா நிபுணா பண்டி³தவேத³னீயா, யே ததா²க³தோ ஸயங் அபி⁴ஞ்ஞா ஸச்சி²கத்வா பவேதே³தீ’’தி அயமேகஸ்ஸத்த²ஸ்ஸ புது²சித்தஸமாயோக³புது²ஆரம்மணவஸேன ப³ஹுவசனபயோகோ³.
‘‘ஏகங் ஸமயங் ப⁴க³வா ஸக்கேஸு விஹரதி கபிலவத்து²ஸ்மிங் மஹாவனே,
ஸந்தி
தே ரஜ்ஜங் காரயிஸ்ஸந்தி, மிதி²லாயங் பஜாபதி’’ –
இச்சேவமாத³யோ ஸத்³தா³ யே யே ப³ஹவோ, தன்னிவாஸதங்புத்தஸங்கா²தஸ்ஸேகத்த²ஸ்ஸ ரூள்ஹீவஸேன ப³ஹுவசனபயோகா³.
‘‘ஸாரிபுத்தமொக்³க³ல்லானே ஆமந்தேஸி ‘க³ச்ச²த² தும்ஹே ஸாரிபுத்தா கீடாகி³ரிங் க³ந்த்வா அஸ்ஸஜிபுனப்³ப³ஸுகானங் பி⁴க்கூ²னங் கீடாகி³ரிஸ்மா பப்³பா³ஜனீயகம்மங் கரோத², தும்ஹாகங் ஏதே ஸத்³தி⁴விஹாரினோ’தி’’, ‘‘கச்சி வோ குலபுத்தா, ஏத² ப்³யக்³கா⁴ நிவத்தவ்ஹோ’’ இச்சேவமாத³யோ ஏகஸ்ஸத்த²ஸ்ஸ அஞ்ஞேனத்தே²ன ஏகாபி⁴தா⁴னவஸேன ப³ஹுவசனபயோகா³.
‘‘மஞ்சா உக்குட்டி²ங் கரொந்தி’’ இச்சேவமாத³யோ ஏகஸ்ஸத்த²ஸ்ஸ நிஸ்ஸிதவஸேன ப³ஹுவசனபயோகா³.
‘‘சத்தாரோ ஸதிபட்டா²னா’’தி அயமாரம்மணபே⁴தே³ன ஏகஸ்ஸத்த²ஸ்ஸ ப³ஹுவசனபயோகோ³.
‘‘சத்தாரோ ஸம்மப்பதா⁴னா’’தி அயங் பன கிச்சபே⁴தே³ன ஏகஸ்ஸத்த²ஸ்ஸ ப³ஹுவசனபயோகோ³.
தத்த² ஏகத்தே²கவசனங், ஸமுதா³யாபெக்கே²கவசனங், ஜாத்யாபெக்கே²கவசனங், தன்னிஸ்ஸயாபெக்கே²கவசனங், ஏகத்தலக்க²ணேகவசனந்தி பஞ்சவித⁴ங் ஏகவசனங் ப⁴வதி. எத்த² பன ஜாத்யாபெக்கே²கவசனங் அத்த²தோ ஸாமஞ்ஞாபெக்கே²கவசனமேவாதி த³ட்ட²ப்³ப³ங்.
ப³வ்ஹத்த²ப³ஹுவசனங், ப³ஹுஸமுதா³யாபெக்க²ப³ஹுவசனங், அத்தப³ஹுவசனங், க³ருகாரப³ஹுவசனங், அபரிச்சே²த³ப³ஹுவசனங், மாதிகானுஸந்தி⁴னயப³ஹுவசனங், புச்சா²னுஸந்தி⁴னயப³ஹுவசனங், புச்சா²ஸபா⁴க³ப³ஹுவசனங், புது²சித்தஸமாயோக³புது²ஆரம்மணப³ஹுவசனங், தன்னிவாஸப³ஹுவசனங், தங்புத்தப³ஹுவசனங், ஏகாபி⁴தா⁴னப³ஹுவசனங், தன்னிஸ்ஸிதாபெக்க²ப³ஹுவசனங்
ஏகத்தே² தே³கவசன-ஞ்சிதரஸ்மிதரம்பி ச;
ஸமுதா³யஜாதிஏகத்த-லக்க²ணேகவசோபி ச;
ஸாட்ட²கதே² பிடகம்ஹி, பாடே² பாயேன தி³ஸ்ஸரே.
க³ரும்ஹி சத்தனேகஸ்மிங், ப³ஹுவசனகங் பன;
பாளியங் அப்பகங் அட்ட²-கதா²டீகாஸு தங் ப³ஹுங்.
ததா² ஹி ப³ஹுகங் தே³க-வசனங்யேவ பாளியங்;
க³ரும்ஹி சத்தனேகஸ்மிங், இத³மெத்த² நித³ஸ்ஸனங்.
‘‘நமோ தே புரிஸாஜஞ்ஞ, நமோ தே புரிஸுத்தம;
தவ ஸாஸனமாக³ம்ம, பத்தொம்ஹி அமதங் பத³ங்’’.
இச்சேவமாத³யோ பாடா², ப³ஹுதா⁴ ஜினஸாஸனே;
தி³ஸ்ஸந்தீதி விஜானெய்ய, வித்³வா அக்க²ரசிந்தகோ.
ஸாதிஸயங் க³ருகாரா-ரஹஸ்ஸாபி மஹேஸினோ;
ஏகவசனயோகே³ன, நித்³தே³ஸோ தி³ஸ்ஸதே யதோ.
ததோ வோஹாரகுஸலோ, கரெய்யத்தா²னுரூபதோ;
ஏகவசனயோக³ங் வா, இதரங் வா ஸுமேத⁴ஸோ.
பாயேன தன்னிவாஸம்ஹி, ப³ஹுவசனகங் டி²தங்;
தங்புத்தே அப்பகங் தன்னி-ஸ்ஸயேகவசனம்பி ச.
புது²சித்தாபரிச்சே²த³-மாதிகாஸந்தி⁴ஆதி³ஸு;
ப³ஹுவசனகஞ்சாபி, அப்பகந்தி பகாஸயே.
ஏகாபி⁴தா⁴னதோ கிச்சா, ததா² கோ³சரதோபி ச;
ப³ஹுவசனகங் தன்னி-ஸ்ஸிதாபெக்க²ஞ்ச அப்பகங்.
இச்சேவங்
காதப்³போ³ பன வோஹாரோ, யதா²பாளி விபா⁴வினா.
இதா³னி காலாதி³வஸேன ஆக்²யாதப்பவத்திங் தீ³பயிஸ்ஸாம – காலகாரகபுரிஸபரிதீ³பகங் க்ரியாலக்க²ணங் ஆக்²யாதிகங். தத்ர காலந்தி அதீதானாக³தபச்சுப்பன்னவஸேன தயோ காலா, அதீதானாக³தபச்சுப்பன்னாணத்திபரிகப்பகாலாதிபத்திவஸேன பன ச², தே ஏகேகா திபுரிஸகா.
வுத்தப்பகாரகாலேஸு, யதி³த³ங் வத்ததே யதோ;
ஆக்²யாதிகங் ததோ தஸ்ஸ, காலதீ³பனதா மதா.
காரகந்தி கம்மகத்துபா⁴வா. தே ஹி உபசாரமுக்²யஸபா⁴வவஸேன கரொந்தி கரணந்தி ச ‘‘காரகா’’தி வுச்சந்தி. தேவ யதா²க்கமங் க்ரியானிமித்த தங்ஸாத⁴க தங்ஸபா⁴வாதி வேதி³தப்³பா³.
கம்மங் கத்தா ச பா⁴வோ ச, இச்சேவங் காரகா திதா⁴;
விப⁴த்திபச்சயா எத்த², வுத்தா நாஞ்ஞத்ர ஸச்சதோ.
‘‘பரிப⁴விய்யதி’’ச்சாதீ³, கம்மே ஸிஜ்ஜ²ந்தி காரகே;
‘‘ஸம்ப⁴வதீ’’திஆதீ³னி, ஸிஜ்ஜ²ரே கத்துகாரகே.
‘‘விப⁴விய்யதி’’இச்சாதீ³, பா⁴வே ஸிஜ்ஜ²ந்தி காரகே;
திவிதெ⁴ஸ்வேவமேதேஸு, விப⁴த்திபச்சயா மதா.
காரகத்தயமுத்தங் யங், ஆக்²யாதங் நத்தி² ஸப்³ப³ஸோ;
தஸ்மா தத்³தீ³பனத்தம்பி, தஸ்ஸாக்²யாதஸ்ஸ பா⁴ஸிதங்.
காரகத்தங் து பா⁴வஸ்ஸ, ஸசேபி ந ஸமீரிதங்;
காரகலக்க²ணே தேன, பா⁴வேன ச அவத்து²னா.
க்ரியானிப்ப²த்தி
ததா²பாக்²யாதிகே தஸ்ஸ, தப்³போ³ஹாரோ நிருத்தியங்;
பதிட்டி²தனயோவாதி, மந்த்வா அம்ஹேஹி பா⁴ஸிதோ.
புரிஸோதி ஏகவசனப³ஹுவசனகா பட²மமஜ்ஜி²முத்தமபுரிஸா. தத்த² பட²மபுரிஸோ ஆக்²யாதபதே³ன துல்யாதி⁴கரணே ஸாத⁴கவாசகே வா கம்மவாசகே வா தும்ஹா’ம்ஹஸத்³த³வஜ்ஜிதே பச்சத்தவசனபூ⁴தே நாமம்ஹி ‘‘அபி⁴னீஹாரோ ஸமிஜ்ஜ²தி, போ³தி⁴ வுச்சதி சதூஸு மக்³கே³ஸுஞாண’’ந்திஆதீ³ஸு விய பயுஜ்ஜமானேபி, தட்டா²னியத்தே ஸதி ‘‘பா⁴ஸதி வா கரோதி வா, பீளியக்கோ²தி மங் விதூ³, வுச்சதீதி வசன’’ந்திஆதீ³ஸு விய அப்பயுஜ்ஜமானேபி ஸப்³ப³தா⁴தூஹி பரோ ஹோதி. கத்த²சி பன பாளிப்பதே³ஸே நாமஸ்ஸ அப்பயுத்தத்தா பட²மபுரிஸபயோக³த்தோ² து³ரனுபோ³தோ⁴ ப⁴வதி, யதா² ‘‘து³க்க²ங் தே வேத³யிஸ்ஸாமி, தத்த² அஸ்ஸாஸயந்து ம’’ந்தி. ததா² ஹி எத்த² ‘‘பாதா³’’தி பாட²ஸேஸோ, தஸ்மிங் து³க்க²ஸாஸனாரோசனே வத்துங் அவிஸஹனவஸேன கிலமந்தங் மங் தே³வஸ்ஸ உபோ⁴ பாதா³ அஸ்ஸாஸெந்து, விஸ்ஸட்டோ² கதே²ஹீதி மங் வத³தா²தி அதி⁴ப்பாயோ ச ப⁴வதி.
அதி⁴ப்பாயோ ஸுது³ப்³போ³தோ⁴, யஸ்மா விஜ்ஜதி பாளியங்;
தஸ்மா உபட்ட²ஹங் க³ண்ஹே, க³ருங் க³ருமதங் விதூ³.
தத்ரிமானி பூ⁴தா⁴தாதி⁴காரத்தா பூ⁴தா⁴துவஸேன நித³ஸ்ஸனபதா³னி. ஸோ பரிப⁴வதி, தே பரிப⁴வந்தி, பரிப⁴வதி, பரிப⁴வந்தி. ஸபத்தோ அபி⁴ப⁴வியதே, ஸப்³பா³ வித்யா’நுபூ⁴யதே, அபி⁴ப⁴வியதே, அனுபூ⁴யதேதி. யத்த² ஸதிபி நாமஸ்ஸ ஸாத⁴கவாசகத்தே அபச்சத்தவசனத்தா ஆக்²யாதபதே³ன துல்யாதி⁴கரணதா ந லப்³ப⁴தி, தத்த² கம்மவாசகங் பச்சத்தவசனபூ⁴தங் துல்யாதி⁴கரணபத³ங் படிச்ச பட²மபுரிஸாத³யோ தயோ லப்³ப⁴ந்தி. தங்
மஜ்ஜி²மபுரிஸோ ஆக்²யாதபதே³ன துல்யாதி⁴கரணே ஸாத⁴கவாசகே வா கம்மவாசகே வா பச்சத்தவசனபூ⁴தே தும்ஹஸத்³தே³ பயுஜ்ஜமானேபி, தட்டா²னியத்தே ஸதி அப்பயுஜ்ஜமானேபி ஸப்³ப³தா⁴தூஹி பரோ ஹோதி. த்வங் அதிப⁴வஸி, தும்ஹே அதிப⁴வத², அதிப⁴வஸி, அதிப⁴வத². த்வங் பரிப⁴வியஸே தே³வத³த்தேன, தும்ஹே பரிப⁴வியவ்ஹே. யத்த² ஸதிபி தும்ஹஸத்³த³ஸ்ஸ ஸாத⁴கவாசகத்தே அபச்சத்தவசனத்தா ஆக்²யாதபதே³ன துல்யாதி⁴கரணதா ந லப்³ப⁴தி, ந தத்த² மஜ்ஜி²மபுரிஸோ ஹோதி. இதரே பன த்³வே ஹொந்தி கம்மவாசகங் பச்சத்தவசனபூ⁴தங் துல்யாதி⁴கரணபத³ங் படிச்ச. தங் யதா²? தயா அபி⁴ப⁴வியதே ஸபத்தோ, தயா அபி⁴ப⁴வியே அஹங்.
உத்தமபுரிஸோ ஆக்²யாதபதே³ன துல்யாதி⁴கரணே ஸாத⁴கவாசகே வா கம்மவாசகே வா பச்சத்தவசனபூ⁴தே அம்ஹஸத்³தே³ பயுஜ்ஜமானேபி, தட்டா²னியத்தே ஸதி அப்பயுஜ்ஜமானேபி ஸப்³ப³தா⁴தூஹி பரோ ஹோதி. அஹங் பரிப⁴வாமி, மயங் பரிப⁴வாம, பரிப⁴வாமி, பரிப⁴வாம. அஹங் பரிப⁴விய்யாமி அகுஸலேஹி த⁴ம்மேஹி, மயங் பரிப⁴விய்யாம, பரிப⁴விய்யாமி, பரிப⁴விய்யாம. யத்த² ஸதிபி அம்ஹஸத்³த³ஸ்ஸ ஸாத⁴கவாசகத்தே அபச்சத்தவசனத்தா ஆக்²யாதபதே³ன துல்யாதி⁴கரணதா ந லப்³ப⁴தி, ந தத்த²
த்³வின்னங் திண்ணங் வா புரிஸானமேகாபி⁴தா⁴னே பரோ புரிஸோ க³ஹேதப்³போ³. எத்த² ஏகாபி⁴தா⁴னங் நாம ஏகதோ அபி⁴தா⁴னங் ஏககாலாபி⁴தா⁴னஞ்ச. தஞ்ச கோ² சஸத்³த³பயோகே³யேவ, அசஸத்³த³பயோகே³ பி⁴ன்னகாலாபி⁴தா⁴னே தக்³க³ஹணாபா⁴வதோ. ‘‘தும்ஹே அத்த²குஸலா ப⁴வத², மயமத்த²குஸலா ப⁴வாம’’ இச்சேவமாத³யோ தப்பயோகா³. தத்த² தும்ஹே அத்த²குஸலா ப⁴வத² – இச்சேதஸ்மிங் வோஹாரே ‘‘ஸோ ச அத்த²குஸலோ ப⁴வதி, த்வஞ்ச அத்த²குஸலோ ப⁴வஸி, தும்ஹே அத்த²குஸலா ப⁴வதா²’’தி ஏவங் த்³வின்னமேகாபி⁴தா⁴னே பரோ புரிஸோ க³ஹேதப்³போ³. ‘‘மயமத்த²குஸலா ப⁴வாம’’ இச்சேதஸ்மிங் பன ‘‘ஸோ ச அத்த²குஸலோ ப⁴வதி, அஹஞ்ச அத்த²குஸலோ ப⁴வாமி, மயமத்த²குஸலா ப⁴வாமா’’தி வா ‘‘த்வஞ்ச அத்த²குஸலோ ப⁴வஸி, அஹஞ்ச அத்த²குஸலோ ப⁴வாமி, மயமத்த²குஸலா ப⁴வாமா’’தி வா ஏவம்பி த்³வின்னமேகாபி⁴தா⁴னே பரோ புரிஸோ க³ஹேதப்³போ³. ‘‘ஸோ ச அத்த²குஸலோ ப⁴வதி, த்வஞ்ச அத்த²குஸலோ ப⁴வஸி, அஹஞ்ச அத்த²குஸலோ ப⁴வாமி, மயமத்த²குஸலா ப⁴வாமா’’தி வா ‘‘ஸோ ச அத்த²குஸலோ ப⁴வதி, தே ச அத்த²குஸலா ப⁴வந்தி, த்வஞ்ச அத்த²குஸலோ ப⁴வஸி, தும்ஹே ச அத்த²குஸலா ப⁴வத², அஹஞ்ச அத்த²குஸலோ ப⁴வாமி, மயமத்த²குஸலா ப⁴வாமா’’தி வா ஏவங் திண்ணமேகாபி⁴தா⁴னே பரோ புரிஸோ க³ஹேதப்³போ³.
அபரோபி
‘‘த்வஞ்ச ப⁴வஸி ஸோ சாபி, ப⁴வதி’’ச்சாதி³பா⁴ஸனே;
‘‘தும்ஹே ப⁴வத²’’ இச்சாதி³, பரோபோஸோ கத²ங் ஸியா?;
‘‘அஹங் ப⁴வாமி ஸோ சாபி, ப⁴வதி’’ச்சாதி³பா⁴ஸனே;
‘‘மயங் ப⁴வாம’’இச்சாதி³, உத்தமோ ச கத²ங் ஸியா?;
எத்த² ச வுச்சதே –
பச்சா² வுத்தோ பரோ நாம, ஸஞ்ஞாய படிபாடியா;
ஏவங் பன க³ஹேதப்³போ³, பரோபுரிஸனாமகோ.
பட²மம்ஹா பரோ நாம, மஜ்ஜி²மோ உத்தமோபி ச;
மஜ்ஜி²மம்ஹா பரோ நாம, உத்தமோ புரிஸோ ருதோ.
ஏவங் து க³ஹணஞ்ஹெத்த², வோஹாரஸ்ஸானுலோமகங்;
தோ³ஸோ தத³னுலோமம்ஹி, க³ஹணஸ்மிங் ந விஜ்ஜதி.
‘‘த்வஞ்ச ப⁴த்³தே³ ஸுகீ² ஹோஹி, ஏஸோ சாபி மஹாமிகோ³’’;
இதி பாடோ² யதோ தி³ட்டோ², தஸ்மா ஏவங் வதே³மஸே.
‘‘தும்ஹே த்³வே ஸுகி²தா ஹோத²’’, இச்சத்தோ² தத்த² தி³ஸ்ஸதி;
ஏவங்ப்யயங் நயோ வுத்தோ, அத்தனோமதியா மம.
அத்தனோமதி
ததா²பி நயமாதா³ய, கதி²தத்தா அகோபியா.
‘‘த⁴ம்மேன ரஜ்ஜங் காரெந்தங், ரட்டா² பப்³பா³ஜயித்த² மங்;
த்வஞ்ச ஜானபதா³ சேவ, நேக³மா ச ஸமாக³தா’’.
‘‘அஹஞ்ச மத்³தி³தே³வீ ச, ஜாலீகண்ஹாஜினா சுபோ⁴;
அஞ்ஞமஞ்ஞங் ஸோகனுதா³, வஸாம அஸ்ஸமே ததா³’’.
ஏதா கா³தா²பி ஏதஸ்ஸ, அத்த²ஸ்ஸ பன ஸாதி⁴கா;
தாஸு வுத்தனயேனேவ, அத்தோ² ஸுபாகடோ ஸியா;
ஏவங் விஞ்ஞூஹி விஞ்ஞெய்யங், ப³ஹுனா பா⁴ஸிதேன கிங்.
ஆகாரேன மனாபேன, கத²னே யேன கேனசி;
ந விருஜ்ஜ²தி சே அத்தோ², தங் பமாணங் ஸுதீ⁴மதங்.
புரிஸத்தயதோ ஏஸோ, பரோபுரிஸனாமகோ;
நுபலப்³ப⁴தி பச்சேகங், தத³ந்தோக³த⁴தோவ யங்.
பாடவத்தா²ய ஸோதூனங், வோஹாரத்தே²ஸு ஸப்³ப³ஸோ;
விஸுங் அலப்³ப⁴மானோபி, லப்³ப⁴மானோவ உத்³த⁴டோ.
ஸங்கே²பதோபெத்த² புரிஸப்பவத்தி ஏவங் உபலக்கி²தப்³பா³ ‘‘அம்ஹவசனத்தே² உத்தமோ, தும்ஹவசனத்தே² மஜ்ஜி²மோ, அஞ்ஞேஸங் வசனத்தே² பட²மோ’’தி.
த்யாதீ³னங் புரிஸஸஞ்ஞா, யஸ்மா வுத்தா ததோ இத³ங்;
தப்³ப³ந்தாக்²யாதிகங் ஞெய்யங், புரிஸபரிதீ³பகங்.
ஏவங் ஸப்³ப³தா²பி ஆக்²யாதிகஸ்ஸ காலகாரகபுரிஸபரிதீ³பனதா வுத்தா.
க்ரியாலக்க²ணந்தி எத்த² கத²ங் ஆக்²யாதிகஸ்ஸ க்ரியாலக்க²ணதா வேதி³தப்³பா³?
லக்கி²யதி
க்ரியாலக்க²ணதா ஏவங், வேதி³தப்³பா³ ததா² ஹி ச.
‘‘க³ச்ச²தி’’ச்சாதி³கங் ஸுத்வா, க்ரியாஸந்தீ³பனங் பத³ங்;
‘‘ஆக்²யாதிக’’ந்தி தீ⁴ரேஹி, ஆக்²யாதஞ்ஞூஹி ஸஞ்ஞிதங்.
லக்க²ணங் ஹோதி நாமஸ்ஸ, யதா² ஸத்வாபி⁴தா⁴னதா;
க்ரியாபி⁴தா⁴னதா ஏவங், ஆக்²யாதஸ்ஸேவ லக்க²ணங்.
அத்த²தோ பன ஏதஸ்ஸ, க்ரியாவாசகதா இத⁴;
லக்க²ணங் இதி விஞ்ஞெய்யங், லக்க²ணஞ்ஞூஹி லக்கி²தங்.
‘‘கிங் கரோஸீ’’தி புட்ட²ஸ்ஸ, ‘‘பசாமி’’ச்சாதி³னா ‘‘அஹங்’’;
படிவாசாய தா³னேன, க்ரியாவாசகதா மதா.
ஏவமாக்²யாதிகஸ்ஸ க்ரியாலக்க²ணதா வேதி³தப்³பா³;
இதா³னி காலேஸு விப⁴த்திப்பவத்தி ஏவங் வேதி³தப்³பா³ –
பச்சுப்பன்னம்ஹி காலஸ்மிங், வத்தமானா பவத்ததி;
ஆஸிட்டா²ணாபனத்தே²ஸு, பச்சுப்பன்னம்ஹி பஞ்சமீ.
பச்சுப்பன்னே பரிகப்பா-நுமத்யத்தே²ஸு ஸத்தமீ;
அப்பச்சக்கே² அதீதம்ஹி, பரொக்கா² ஸம்பவத்ததி.
ஹிய்யோ பபு⁴தி காலஸ்மிங், அதீதம்ஹி பவத்ததி;
பச்சக்கே² வா அபச்சக்கே², ஹிய்யத்தனீ நிருத்திதா.
அஜ்ஜப்பபு⁴தி காலஸ்மிங், அதீதம்ஹி பவத்ததி;
பச்சக்கே² வா அபச்சக்கே², ஸமீபேஜ்ஜதனவ்ஹயா.
அனாக³தே ப⁴விஸ்ஸந்தீ, காலஸ்மிங் ஸம்பவத்ததி;
க்ரியாதிபன்னமத்தம்ஹி, தீதே காலாதிபத்திகா;
அனாக³தேபி ஹோதீதி, நிருத்தஞ்ஞூஹி பா⁴ஸிதா.
ஏவங் காலேஸு விப⁴த்திப்பவத்திங் ஞத்வா யே தே ஸுத்தந்தேஸு விசித்தா ஸுவிஸத³விபுலதிகி²ணபு³த்³தி⁴விஸயபூ⁴தா பயோகா³ தி³ஸ்ஸந்தி, தேஸு பாடவமிச்ச²ந்தேஹி த்யாதி³க்கமேன வுச்சமானா க்ரியாபத³மாலா
தி³ஸ்ஸந்தி ச ஸுத்தந்தேஸு அத்த²ஸம்ப⁴வேபி அஞ்ஞயோகா³தி³ரஹிதானி க்ரியாபதா³னி. ஸெய்யதி²த³ங்? ‘‘ஸப்³பே³ ஸங்கா²ரா அனிச்சாதி, யதா³ பஞ்ஞாய பஸ்ஸதி. யங் மங் ப⁴ணஸி ஸாரதி². அஞ்ஞங் ஸேபண்ணி க³ச்சா²மி’’ இச்சேவமாதீ³னி ஏதஸ்ஸத்த²ஸ்ஸ பரிதீ³பனியா க்ரியாபத³மாலா.
எத்த² திவிதோ⁴ க்ரியாபதே³ஸு யோகோ³ தயோகோ³, மயோகோ³, அஞ்ஞயோகோ³ ச. தத்த² மஜ்ஜி²மபுரிஸா தயோக³வஸேன க³ஹேதப்³பா³, உத்தமபுரிஸா மயோக³வஸேன. பட²மபுரிஸா அஞ்ஞயோக³வஸேன. த்யாதீ³னமெத்த² படிபாடியா அயங் அனுகீ³தி –
அஞ்ஞயோகே³ன பட²மா, தயோகே³ன து மஜ்ஜி²மா;
மயோகே³னுத்தமா ஹொந்தி, க³ஹேதப்³பா³ விபா⁴வினா.
ஸோதூனங் பயோகே³ஸு கோஸல்லத்த²ங் அஞ்ஞயோகா³தி³ஸஹிதமபரம்பி க்ரியாபத³மாலங் வதா³ம – ஸோ ப⁴வதி, தே ப⁴வந்தி. த்வங் ப⁴வஸி, தும்ஹே ப⁴வத². அஹங் ப⁴வாமி, மயங் ப⁴வாம. ஸோ ப⁴வதே, தே ப⁴வந்தே. த்வங் ப⁴வஸே, தும்ஹே ப⁴வவ்ஹே. அஹங் ப⁴வே, மயங் ப⁴வாம்ஹே. அயங் அஞ்ஞயோகா³தி³ஸஹிதா க்ரியாபத³மாலா.
தி³ஸ்ஸந்தி ச ஸுத்தந்தேஸு அஞ்ஞயோகா³தி³ஸஹிதானிபி க்ரியாபதா³னி. ஸெய்யதி²த³ங்? ‘‘யங்பாயங் தே³வ குமாரோ ஸுப்பதிட்டி²தபாதோ³, இத³ம்பிமஸ்ஸ மஹாபுரிஸஸ்ஸ மஹாபுரிஸலக்க²ணங் ப⁴வதி, தஸ்ஸிமானி ஸத்த ரதனானி ப⁴வந்தி. யோ த³ந்த⁴காலே தரதி
யோ தும்ஹஸத்³தே³ன வத்தப்³பே³ அத்தே² நிபததி, ந பன ஹோதி தும்ஹத்த²வாசகோ, நேஸோ ஸத்³தோ³ க்ரியாபத³ஸ்ஸ தயோக³ஸஹிதத்தங் ஸாதே⁴தி, அஞ்ஞத³த்து² அஞ்ஞயோக³ஸஹிதத்தஞ்ஞேவ ஸாதே⁴தி. யோ ச அம்ஹஸத்³தே³ன வத்தப்³பே³ அத்தே² நிபததி, ந பன ஹோதி அம்ஹத்த²வாசகோ, ந ஸோபி ஸத்³தோ³ க்ரியாபத³ஸ்ஸ மயோக³ஸஹிதத்தங் ஸாதே⁴தி, அஞ்ஞத³த்து² அஞ்ஞயோக³ஸஹிதத்தஞ்ஞேவ ஸாதே⁴தி.
தத்ர தும்ஹஸத்³தே³ன தாவ வத்தப்³ப³த்தே² – ‘‘ந ப⁴வங் ஏதி புஞ்ஞத்த²ங், ஸிவிராஜஸ்ஸ த³ஸ்ஸனங். மாயஸ்மா ஸமக்³க³ஸ்ஸ ஸங்க⁴ஸ்ஸ பே⁴தா³ய பரக்கமி. இத⁴ ப⁴ந்தே ப⁴க³வா பங்ஸுகூலங் தோ⁴வதூ’’தி இச்சேவமாத³யோ பயோகா³. அம்ஹஸத்³தே³ன பன வத்தப்³ப³த்தே² ‘‘உபாலி தங் மஹாவீர, பாதே³ வந்த³தி ஸத்து²னோ. ஸாவகோ தே மஹாவீர, ஸரணோ வந்த³தி ஸத்து²னோ’’தி ச இச்சேவமாத³யோ பயோகா³. இத³மெத்து²பலக்கி²தப்³ப³ங் ‘‘த்வங் தும்ஹே அஹங் மய’’ந்தி அத்த²தீ³பக தயோக³ மயோக³தோ அஞ்ஞோ அஞ்ஞத்த²தீ³பனோ பயோகோ³யேவ அஞ்ஞயோகோ³ நாம, தத்த² பட²மபுரிஸோ ப⁴வதீதி.
யஜ்ஜேவங் ‘‘ஸப்³பா³யஸங் கூடமதிப்பமாணங், பக்³க³ய்ஹ ஸோ திட்ட²ஸி அந்தலிக்கே². ஏஸ ஸுத்வா பஸீதா³மி, வசோ தே இஸிஸத்தமா’’திஆதீ³ஸு கத²ங். எத்த² ஹி மஜ்ஜி²முத்தமபுரிஸஸம்ப⁴வோயேவ தி³ஸ்ஸதி, ந து பட²மபுரிஸஸம்ப⁴வோதி? வுச்சதே – ‘‘ஸப்³பா³யஸங் கூடமதிப்பமாணங், பக்³க³ய்ஹ ஸோ திட்ட²ஸி அந்தலிக்கே²’’திஆதீ³ஸு ‘‘ஸோ’’திஆதி³கஸ்ஸ நாமஸத்³த³ஸ்ஸ தும்ஹ’ம்ஹஸத்³த³ஸ்ஸத்த²வாசகஸத்³தே³ஹி‘‘திட்ட²ஸீ’’திஆதீ³னங் ஸ்யாத்³யந்தானங் பதா³னங் த³ஸ்ஸனதோ அச்சந்தமஜ்ஜா²ஹரிதப்³பே³ஹி
ஆக்²யாதிகஸ்ஸ க்ரியாலக்க²ணத்தா அலிங்க³பே⁴த³த்தா ச திண்ணங் லிங்கா³னங் ஸாதா⁴ரணபா⁴வபரிதீ³பனத்த²ங் அபரம்பி க்ரியாபத³மாலங் வதா³ம –
புரிஸோ ப⁴வதி, கஞ்ஞா ப⁴வதி, சித்தங் ப⁴வதி, புரிஸா ப⁴வந்தி, கஞ்ஞாயோ ப⁴வந்தி, சித்தானி ப⁴வந்தி. போ⁴ புரிஸ த்வங் ப⁴வஸி, போ⁴தி கஞ்ஞே த்வங் ப⁴வஸி, போ⁴ சித்த த்வங் ப⁴வஸி, ப⁴வந்தோ புரிஸா தும்ஹே ப⁴வத², போ⁴தியோ கஞ்ஞாயோ தும்ஹே ப⁴வத², ப⁴வந்தோ சித்தானி தும்ஹே ப⁴வத². அஹங் புரிஸோ ப⁴வாமி, அஹங் கஞ்ஞா ப⁴வாமி, அஹங் சித்தங் ப⁴வாமி, மயங் புரிஸா ப⁴வாம, மயங் கஞ்ஞாயோ ப⁴வாம, மயங் சித்தானி ப⁴வாம.
ஏஸ நயோ அத்தனோபதே³ஸு, ஸேஸவிப⁴த்தீனங் ஸப்³ப³பதே³ஸுபி. அயமாக்²யாதிகஸ்ஸ திண்ணங் லிங்கா³னங் ஸாதா⁴ரணபா⁴வபரிதீ³பனீ க்ரியாபத³மாலாவ.
வுத்தஞ்ஹேதங் நிருத்திபிடகே ‘‘க்ரியாலக்க²ணமாக்²யாதிகமலிங்க³பே⁴த³’’மிதி. தத்ர அலிங்க³பே⁴த³மிதி கோ அத்தோ²? இத்தி²புமனபுங்ஸகானங் அவிஸேஸத்தோ² வுச்சதே ‘‘அலிங்க³பே⁴த³’’மிதி. யதா² ‘‘புரிஸோ க³ச்ச²தி, கஞ்ஞா க³ச்ச²தி, சித்தங் க³ச்ச²தீ’’தி. சதுதா⁴ உத்³தி³ட்ட²க்ரியாபதே³ஸு யதா² ‘‘ப⁴வதீ’’தி அகாரானந்தரத்யந்தபத³ங் க³ஹெத்வா ‘‘ப⁴வதி ப⁴வந்தி ப⁴வஸீ’’திஆதி³னா க்ரியாபத³மாலா ஸப்³ப³தா² கதா, ஏவங் ‘‘உப்³ப⁴வதி’’ச்சாதீ³னிபி அகாரானந்தரத்யந்தபதா³னி க³ஹெத்வா ‘‘உப்³ப⁴வதி உப்³ப⁴வந்தி உப்³ப⁴வஸீ’’திஆதி³னா
இதோ பட்டா²ய பன யது²த்³தி³ட்ட²பதா³னேவ பரிணாமெத்வா பரிணாமெத்வா பஞ்சமியாதீ³னங் மாதிகாபா⁴வேன க³ஹேதப்³பா³னி. இதா³னி பன தயோகா³தி³ஸஹிதாஸஹிதவஸேன த்³விதா⁴ க்ரியாபத³மாலாயோ த³ஸ்ஸெஸ்ஸாம க்வசாதே³ஸவஸேன ஸம்பூ⁴தானி ச ரூபந்தரானி ஸோதூனங் ஸுக²தா⁴ரணத்த²ஞ்சேவ புரிஸப்பயோகே³ அஸம்மோஹத்த²ஞ்ச.
ப⁴வது, ப⁴வந்து. ப⁴வாஹி, ப⁴வ, ப⁴வத². ப⁴வாமி, ப⁴வாம. ப⁴வதங், ப⁴வந்தங். ப⁴வஸ்ஸு, ப⁴வவ்ஹோ. ப⁴வே, ப⁴வாமஸே. ஸோ ப⁴வது, தே ப⁴வந்து. த்வங் ப⁴வாஹி, ப⁴வ, தும்ஹே ப⁴வத². அஹங் ப⁴வாமி, மயங் ப⁴வாம. ஸோ ப⁴வதங், தே ப⁴வந்தங். த்வங் ப⁴வஸ்ஸு, தும்ஹே ப⁴வவ்ஹோ. அஹங் ப⁴வே, மயங் ப⁴வாமஸே. அயங் பஞ்சமீவிப⁴த்திவஸேன க்ரியாபத³மாலானித்³தே³ஸோ.
ப⁴வெய்ய, ப⁴வே, ப⁴வெய்யுங். ப⁴வெய்யாஸி, ப⁴வெய்யாத². ப⁴வெய்யாமி, ப⁴வெய்யாம, ப⁴வேமு. ப⁴வேத², ப⁴வேரங். ப⁴வேதோ², ப⁴வெய்யாவ்ஹோ. ப⁴வெய்யங், ப⁴வெய்யாம்ஹே இதி வா, ஸோ ப⁴வெய்ய
ப³பூ⁴வ, ப³பூ⁴வு. ப³பூ⁴வே, ப³பூ⁴வித்த². ப³பூ⁴வங், ப³பூ⁴விம்ஹ. ப³பூ⁴வித்த², ப³பூ⁴விரே. ப³பூ⁴வித்தோ², ப³பூ⁴விவ்ஹோ. ப³பூ⁴விங், ப³பூ⁴விம்ஹே இதி வா, ஸோ ப³பூ⁴வ, தே ப³பூ⁴வு. த்வங் ப³பூ⁴வே, தும்ஹே ப³பூ⁴வித்த². அஹங் ப³பூ⁴வங், மயங் ப³பூ⁴விம்ஹ. ஸோ ப³பூ⁴வித்த², தே ப³பூ⁴விரே. த்வங் ப³பூ⁴வித்தோ², தும்ஹே ப³பூ⁴விவ்ஹோ. அஹங் ப³பூ⁴விங், மயங் ப³பூ⁴விம்ஹே இதி வா. அயங் பரொக்கா²விப⁴த்திவஸேன க்ரியாபத³மாலானித்³தே³ஸோ.
அப⁴வா, அப⁴வூ. அப⁴வோ, அப⁴வத்த². அப⁴வங், அப⁴வம்ஹா. அப⁴வத்த², அப⁴வத்து²ங். அப⁴வஸே, அப⁴வவ்ஹங். அப⁴விங், அப⁴வம்ஹஸே இதி வா, ஸோ அப⁴வா, தே அப⁴வூ. த்வங் அப⁴வோ, தும்ஹே அப⁴வத்த². அஹங் அப⁴வங், மயங் அப⁴வம்ஹா. ஸோ அப⁴வத்த², தே அப⁴வத்து²ங். த்வங் அப⁴வஸே, தும்ஹே அப⁴வவ்ஹங். அஹங் அப⁴விங், மயங் அப⁴வம்ஹஸே இதி வா. அயங் ஹிய்யத்தனீவிப⁴த்திவஸேன க்ரியாபத³மாலானித்³தே³ஸோ.
அப⁴வி, அப⁴வுங். அப⁴வோ, அப⁴வித்த². அப⁴விங், அப⁴விம்ஹா. அப⁴வா, அப⁴வூ. அப⁴வஸே, அப⁴விவ்ஹங். அப⁴வ்ஹங், அப⁴விம்ஹே இதி வா, ஸோ அப⁴வி, தே அப⁴வுங். த்வங் அப⁴வோ, தும்ஹே அப⁴வித்த². அஹங் அப⁴விங், மயங் அப⁴விம்ஹா. ஸோ அப⁴வா, தே அப⁴வூ. த்வங் அப⁴வஸே, தும்ஹே அப⁴விவ்ஹங். அஹங் அப⁴வங், மயங் அப⁴விம்ஹே இதி வா. அயங் அஜ்ஜதனீவிப⁴த்திவஸேன க்ரியாபத³மாலானித்³தே³ஸோ.
எத்த² பனஜ்ஜதனியா உங்வசனஸ்ஸ இங்ஸுமாதே³ஸவஸேன ப⁴வதினோ ரூபந்தரானிபி வேதி³தப்³பா³னி. ஸெய்யதி²த³ங்? தே ப⁴விங்ஸு, ஸமுப்³ப⁴விங்ஸு, பப⁴விங்ஸு, பராப⁴விங்ஸு, ஸம்ப⁴விங்ஸு, பாதுப⁴விங்ஸு, பாதுப்³ப⁴விங்ஸு
‘‘அதி⁴போ⁴ஸு’’ந்தி ரூபம்பி, யஸ்மா தி³ஸ்ஸதி பாளியங்;
தஸ்மா ஹி நயதோ ஞே ய்யங், ‘‘பரிபோ⁴ஸு’’ந்திஆதி³கங்.
தத்ராயங் பாளி – ‘‘ஏவங்விஹாரிஞ்சாவுஸோ பி⁴க்கு²ங் ரூபா அதி⁴போ⁴ஸுங், ந பி⁴க்கு² ரூபே அதி⁴போ⁴ஸீ’’தி. இமானி ஸகம்மகபதா³னி, ஏவமஜ்ஜதனியா உங்வசனஸ்ஸ இங்ஸுமாதே³ஸவஸேன ப⁴வதினோ ரூபந்தரானி ப⁴வந்தி. அபிச
‘‘அன்வபி⁴’’ இதிரூபம்பி, அஜ்ஜதன்யா பதி³ஸ்ஸதி;
தஸ்மா ஹி நயதோ ஞெய்யங், ‘‘அஜ்ஜ²பி⁴’’ச்சாதி³கம்பி ச.
தத்ராயங் பாளி – ஸோ தேன கம்மேன தி³வங் ஸமக்கமி, ஸுக²ஞ்ச கி²ட்³டா³ரதியோ ச அன்வபீ⁴தி. தத்த² அன்வபீ⁴தி அனு அபீ⁴தி சே²தோ³. அனூதி உபஸக்³கோ³. அபீ⁴தி ஆக்²யாதிகபத³ந்தி த³ட்ட²ப்³ப³ங்.
ப⁴விஸ்ஸதி, ப⁴விஸ்ஸந்தி. ப⁴விஸ்ஸஸி, ப⁴விஸ்ஸத². ப⁴விஸ்ஸாமி, ப⁴விஸ்ஸாம. ப⁴விஸ்ஸதே, ப⁴விஸ்ஸந்தே. ப⁴விஸ்ஸஸே, ப⁴விஸ்ஸவ்ஹே. ப⁴விஸ்ஸங், ப⁴விஸ்ஸாம்ஹே இதி வா, ஸோ ப⁴விஸ்ஸதி, தே ப⁴விஸ்ஸந்தி. த்வங் ப⁴விஸ்ஸஸி, தும்ஹே ப⁴விஸ்ஸத². அஹங் ப⁴விஸ்ஸாமி, மயங் ப⁴விஸ்ஸாம. ஸோ ப⁴விஸ்ஸதே, தே ப⁴விஸ்ஸந்தே. த்வங் ப⁴விஸ்ஸஸே, தும்ஹே ப⁴விஸ்ஸவ்ஹே. அஹங் ப⁴விஸ்ஸங், மயங் ப⁴விஸ்ஸாம்ஹே இதி வா. அயங் ப⁴விஸ்ஸந்தீவிப⁴த்திவஸேன க்ரியாபத³மாலானித்³தே³ஸோ.
அப⁴விஸ்ஸா, அப⁴விஸ்ஸங்ஸு. அப⁴விஸ்ஸே, அப⁴விஸ்ஸத². அப⁴விஸ்ஸங், அப⁴விஸ்ஸாம்ஹா. அப⁴விஸ்ஸத², அப⁴விஸ்ஸிஸு. அப⁴விஸ்ஸஸே, அப⁴விஸ்ஸவ்ஹே. அப⁴விஸ்ஸிங், அப⁴விஸ்ஸாம்ஹஸே இதி வா, ஸோ அப⁴விஸ்ஸா, தே அப⁴விஸ்ஸங்ஸு. த்வங் அப⁴விஸ்ஸே, தும்ஹே
வோஹாரபே⁴த³குஸலேன ஸுபு³த்³தி⁴னா யோ,
கச்சாயனேன கதி²தோ ஜினஸாஸனத்த²ங்;
த்யாதி³க்கமோ தத³னுக³ங் கிரியாபதா³னங்,
கத்வா கமோ ப⁴வதிதா⁴துவஸேன வுத்தோ.
இதி நவங்கே³ ஸாட்ட²கதே² பிடகத்தயே ப்³யப்பத²க³தீஸு விஞ்ஞூனங்
கோஸல்லத்தா²ய கதே ஸத்³த³னீதிப்பகரணே
ப⁴வதினோ க்ரியாபத³மாலாவிபா⁴கோ³ நாம
து³தியோ பரிச்சே²தோ³.