தூ²பஸாத⁴ன லாப⁴கதா²
20. அத² ராஜா தூ²பத்தா²ய உப்பன்னானி ஸுவண்ணாதீ³னி ஆஹராபெத்வா ப⁴ண்டா³கா³ரேஸு ராஸிங் காரேஸி ததோ ஸப்³ப³ஸம்பா⁴ரே ஸமத்தே விஸாக² புண்ணமுபோஸத²தி³வஸே பத்த விஸாக² நக்க²த்தே மஹாதூ²பகரணத்தா²ய பூ⁴மிபரிகம்மங் ஆரபி⁴. ராஜா து²பட்டா²னே பதிட்டா²பிதங் ஸிலாதூ²பங் ஹராபெத்வா தி²ரபா⁴வத்தா²ய ஸமந்ததோ ஹத்தி²பாகார பரியந்தங் க³ம்பீ⁴ரதோ ஸதரதனப்பமாணங் பூ⁴மிங் க²னாபெத்வா பங்ஸுங் அபனெத்வா
ததோ சம்மவினத்³தே⁴ஹி பாதே³ஹி மஹா ஹத்தீ²ஹி மத்³தா³பெத்வா பாஸாணகொட்டிமஸ்ஸுபரி நவனீத மத்திகங் அத்த²ராபேஸி. ஆகாஸ க³ங்கா³யஹி திபதிதட்டா²னே உத³கபி³ந்தூ³னி உக்³க³ந்த்வா ஸமந்தா திங்ஸ யோஜனப்பமாணபதே³ஸே பதந்தி யத்த² ஸயஞ்ஜாதஸாலீ உப்பஜ்ஜத்தி தங் டா²னங் நிச்சமேவ திந்தத்தா நிந்தஸீஸகோளங் நாம சா²தங். தத்த² மத்திகா ஸுகு²முத்தா நவனீத மத்திகாதி வுச்சதி.
தங் ததோ கீ²ணஸவா ஸாமணேரா ஆஹரந்தி தாய ஸப்³ப³த்த² மத்திகாகிச்சந்தி ஞாதப்³ப³ங். மத்திகோபரி இட்ட²கா அத்த²ராபேஸி. இட்ட²கோபரி க²ரஸுகம்மங், தஸ்ஸோபரிகுருவிண்த³பாஸாணங், தஸ்ஸோபரிஅயோஜாலங், தஸ்ஸோபரி கீ²ணாஸவ ஸாமணேரேஹி ஹிமவந்ததோ ஆஹடங் ஸுக³ண்த⁴மாரும்ப³ங், தஸ்ஸோபரி கீ²ரபாஸாணங், தஸ்ஸோபரி ஏளிகபாஸாணங், தஸ்ஸோபரி ஸீலங் அத்த²ராபேஸி. ஸப்³ப³மத்திகாகிச்சே நவனீதமத்திகா ஏவ அஹோஸி.
ஸிலாஸத்தா²ரோபரி ரஸோத³க ஸந்திந்தேன கபித்த² நிய்யாஸேன அட்ட²ங்கு³லப³ஹலதம்ப³லோஹபட்டங், தஸ்ஸோபரி திலதேலயந்திந்தாய மனோஸிலாய ஸத்தங்கு³ல ப³ஹலங் ரஜதபட்டங் அத்த²ராபேஸி ஏவங் ராஜா ஸப்³பா³காரேன பூ⁴மிபரிகம்மங் காராபெத்வா ஆஸாளஹி ஸுக்கபக்க²ஸ்ஸ சாதுத்³த³ஸ தி³வஸே பி⁴க்கு²ஸங்கா⁴ ஸன்னிபாதெத்வா ஏவமாஹ. ஸ்வே புண்ணமுபோஸத²தி³வஸே உத்தராஸாள்ஹ நக்க²த்தேன மஹாசேதியே மங்க³லிட்ட²கங் பதிட்டா²பெஸ்ஸாமி ஸ்வே தூ²பூட்டா²னே ஸப்³போ³ ஸங்கோ⁴ ஸந்திபததூதி நக³ரே பே⁴ரிங் சராபேஸி மஹாஜனோ உபோஸதி²கோ ஹுத்வா க³ண்த⁴மாலாதீ³னி க³ஹெத்வா தூ²பட்டா²னே ஸன்னிபததூதி.
ததோ விஸாக²ஸிரி தே³வனாமகே த்³வே அமச்சே ஆணாபேஸி. தும்ஹே க³ந்த்வா மஹா சேதியட்டா²னங் அலங்கரோதா²தி. தே க³ந்த்வா ஸமந்ததோ ரஜதபட்டவண்ணவாலுகங் ஓகீராபெத்வா லாஜபஞ்சமகானி புப்பா²னி விகிரித்வா கத³லிதோரணங் உஸ்ஸாபெத்வா புண்ணக⁴டே ட²பாபெத்வா மணிவண்ணே வேளும்ஹி பஞ்சபண்ணத⁴ஜங் ப³ண்தா⁴பெத்வா க³ண்த⁴ஸம்பன்னானி நானாவித⁴ குஸுமானிஸண்த²ராபெத்வா நானாப்பகாரேஹி தங் டா²னங் அலங்கரிங்ஸு.
அத² ராஜா ஸகலனக³ரஞ்ச விஹாரகா³மி மக்³க³ஞ்ச அலங்காராபேஸி பபா⁴தாய ரத்தியா நக³ரே சதுஸு த்³வாரேஸு மஸ்ஸு கம்மத்தா²ய நஹாபிதே, நஹாபனத்தா²யனஹாபனகே, அலங்காரத்தா²ய கப்பகேவ நானாவிராக³ வத்த² க³ண்த⁴மாலாதீ³னி ச ஸூபவ்யஞ்ஜன ஸம்பன்னானி மது⁴ரப⁴த்தானி ச ட²பாபெத்வா ஸப்³பே³ நக³ரா ச ஜானபதா³ ச யதா²ருசிங் மஸ்ஸூகம்மங் காரெத்வா நஹாத்வா பு⁴ஞ்ஜித்வா வத்தா²ப⁴ரணாதீ³ஹி அலங்கரித்வா மஹாசேதியட்டா²னங் ஆக³ச்ச²ந்தூதி ஆயுத்தகேஹி ஆரோசாபேஸி.
ஸயம்பி
அத² நானாதே³ஸதோ ப³ஹூ பி⁴க்கூ² ஆக³மிங்ஸு ராஜக³ஹா ஸமந்தா இண்தி³கு³த்தத்தே²ரோ நாம அஸீதி பி⁴க்கு²ஸஹஸ்ஸானி க³ஹெத்வா ஆகாஸேனாக³ஞ்சி² ததா² பா³ராணஸியங் இஸிபதனே மஹா விஹாரதோ த⁴ம்மஸேனத்தே²ரோ நாம த்³வாத³ஸ பி⁴க்கு²ஸஹஸ்ஸானி. ஸாவத்தி²யங் ஜேதவன விஹாரதோ பியத³ஸ்ஸி நாம தே²ரோ ஸட்டி² பி⁴க்கு² ஸஹஸ்ஸானி வேஸாலியங் மஹா வனதோ பு³த்³த⁴ரக்கி²தத்தே²ரோ அட்டா²ரஸ பி⁴க்கு² ஸஹஸ்ஸானி, கோஸம்பி³யங் கோ⁴ஸிதாராமதோ மஹாத⁴ம்மரக்கி²தத்தே²ரோ திங்ஸ பி⁴க்கு²ஸஹஸ்ஸானி. உஜ்ஜேனியங் த³க்கி²ணகி³ரி மஹா விஹாரதோ த⁴ம்மரக்கி²தத்தே²ரோ சத்தாலீஸ பி⁴க்கு²ஸஹஸ்ஸானி-பாடலிபுத்தே அஸோகாராமதோ மித்திண்ணத்தே²ரோ பி⁴க்கூ²னங் ஸதஸஹஸ்ஸானி ஸட்டி²ஞ்ச ஸஹஸ்ஸானி க³ண்தா⁴ர ரட்ட²தோ அத்தின்ன தே²ரோ நாம பி⁴க்கூ²னங் த்³வே ஸதஸஹஸ்ஸானி அஸீதிஞ்ச ஸஹஸ்ஸானி. மஹாபல்லவ போ⁴க³தோ மஹாதே³வத்தே²ரோ பி⁴க்கூ²னங் சத்தாரி ஸதஸஹஸ்ஸானி ஸட்டி²ஞ்ச ஸஹஸ்ஸானி யோனகரட்டே² அலஸண்தா³ நக³ரதோ யோனக த⁴ம்மரக்கி²தத்தே²ரோ திங்ஸ பி⁴க்கு² ஸஹஸ்ஸானி. விஞ்ஜா²டவிவத்தனிய ஸேனாஸனதோ உத்தரத்தே²ரோ அஸீதி பி⁴க்கு²ஸஹஸ்ஸானி. மஹாபோ³தி⁴மண்ட³ விஹாரதோ சித்தகு³த்தத்தே²ரோ திங்ஸ பி⁴க்கு²ஸஹஸ்ஸானி வனவாஸிபோ⁴க³தோ சண்த³கு³த்தத்தே²ரோ அஸீதி பி⁴க்கு²ஸஹஸ்ஸானி. கேலாஸ மஹாவிஹாரதோ ஸுரிப⁴கு³த்தத்தே²ரோ ச²ன்னவுதி ஸஹஸ்ஸானி க³ஹெத்வா ஆகாஸேனாக³ஞ்சி².
‘‘பி⁴க்கூ²னங் தீ³பவாஸீனங்-ஆக³தானஞ்ச ஸப்³ப³ஸோ,
க³ணனாய பரிச்சே²தோ³-போராணேஹி ந பா⁴ஸிதோ;
ஸமாக³தானங் பி⁴க்கூ²னங்-ஸப்³பே³ஸங் தங் ஸமாக³மே,
வுத்தா கீ²ணாஸவாயேவ-தே ச²ன்னவுதி கோடியோ;’’
அத² ஸங்கோ⁴ பரிக்கி²த்த பவாளவேதி³கா விய மஜ்ஜே² ரஞ்ஞோ ஓகாஸே ட²பெத்வா அஞ்ஞமஞ்ஞங் அக⁴ட்டெத்வா அட்டா²ஸி. பாசினபஸ்ஸே பு³த்³த⁴ரக்கி²தனாமகோ கீ²ணாஸாவத்தே²ரோ அத்தனாஸதி³ஸனாமகே பஞ்சஸதகீ²ணாஸவே க³ஹெத்வா அட்டா²ஸி. ததா² த³க்கி²ணபஸ்ஸே பச்சி²மபஸ்ஸே உத்தரபஸ்ஸே
ராஜா கிர ஸங்க⁴மஜ்ஜ²ங் பவிஸந்தோயேவ ஸசே மயா கயிரமானங் சேதியகம்மங் அனந்தராயேன நிட்ட²ங் க³ச்ச²தி பாசின-த³க்கி²ண-பச்சி²ம-உத்தரபஸ்ஸேஸு பு³த்³த⁴ரக்கி²த-சம்மரக்கி²த-ஸங்க⁴ரக்கி²த-ஆனண்த³ நாமகா தே²ரா அத்தனாஸதி³ஸனாமகே பஞ்சபஞ்சஸதபி⁴க்கு² க³ஹெத்வா திட்ட²ந்து பியத³ஸ்ஸி நாம தே²ரோ புப்³பு³த்தரகண்ணே பி⁴க்கு²ஸங்க⁴ங் க³ஹெத்வா திட்ட²தூதி சிந்தேஸி. தே²ராபி ரஞ்ஞோ அதி⁴ப்பாயங் ஞத்வா ததா² டி²தாதி வத³ந்தீ ஸித்³த⁴த்தே²ரோ பன மங்க³லோ-ஸுமனோ-பது³மோ-ஸீவலி-சண்த³கு³த்தோ-ஸூரியகு³த்தோ-இண்த³கு³- த்தோ-ஸாக³ரோ-சித்தஸேனோ -ஜயஸேனோ-அசலோதி இமேஹி ஏகாத³ஸஹி தே²ரேஹி பரிவுதோ புண்ணக⁴டே பூரதோ கத்வா புரத்தா²பி⁴முகோ² அட்டா²ஸி.
அத² ராஜா ததா² டி²தங் பி⁴க்கு²ஸங்க⁴ங் தி³ஸ்வா பஸன்னசித்தோ க³ண்த⁴மாலாதீ³ஹி பூஜெத்வா பத³க்கி²ணங் கத்வா சதூஸு டா²னேஸு வந்தி³த்வா புண்ணஸடட்டா²னங் பவிஸித்வா ஸுயண்ணகீ²லே படிமுக்கங்ரஜதமயங் பரிப்³ப⁴மன த³ண்ட³ங் விஜ்ஜமானமாதாபிதூனங் உப⁴தோ ஸுஜாதேன ஸுமண்டி³த பஸாதி⁴தேன அபி⁴மங்க³ல ஸம்மதேன அமச்சபுத்தேன கா³ஹாபெத்வா மஹந்தங் சேதியாவட்டங் காரேதுங் ஆரபி⁴. ததா² காரெந்தங் பன ஸித்³த⁴த்த²த்தே²ரோ நிவாரேஸி. ஏவங் கிரஸ்ஸ அஹோஸி - யதி³ மஹாராஜா மஹந்தங் சேதியங் கரோதி, அனிட்டி²தேயேவ மரிஸ்ஸதி அனாக³தே து³ப்பரிஹரியஞ்ச ப⁴விஸ்ஸதீதி. தஸ்மிங் க²ணே பி⁴க்கு²ஸங்கோ⁴ மஹா ராஜ தே²ரோ பாண்டி³தோ, தே²ரஸ்ஸ வசனங் காதுங் வட்டதீதி ஆஹ.
ராஜா பி⁴க்கு²ஸங்க⁴ஸ்ஸ அதி⁴ப்பாயங் ஞத்வா தே²ரோ கரோதீதி மஞ்ஞமானோ கீதி³ஸங் ப⁴ந்தே பமாணங் கரோமீதி ஆஹ. தே²ரோ மம க³தக³தட்டா²னதோ சேதியாவட்டங் கரோஹீதி வத்வா உபதி³ஸந்தோ ஆவிஜ்ஜி²த்வா அக³மாஸி. ராஜா தே²ரஸ்ஸ வுத்தனயேன சேதியாவட்டங் காரெத்வா தே²ரங் உபஸங்கமித்வா நாமங் புச்சி²த்வா க³ண்த⁴மாலாதீ³ஹி பூஜெத்வா வம்ப³த்வா பரிவாரெத்வா டி²தே ஸேஸ ஏகாத³ஸ தே²ரே ச உபஸங்கமித்வா பூஜெத்வா வண்தி³த்வா தேஸங் நாமானி ச புச்சி²த்வா பரிப்³ப⁴மன த³ண்ட³கா³ஹகஸ்ஸ அமச்ச புத்தஸ்ஸ தாம புச்சி².
அஹங் தே³வ ஸுப்பதிட்டி²த ப்³ரஹ்மா நாமாதி வுத்தே தவ பிதா கிங் நாமோதி புச்சி²த்வான நண்தி³ஸேனோ நாமாதி வுத்தே மாதுனாமங் புச்சி². ஸுமனாதே³வீ நாமாதி வுத்தே ஸப்³பே³ஸங் நாமானி அபி⁴மங்க³லஸம்மதானி, மயா கயரமானங் சேதியகம்மங் அவஸ்ஸங் நிட்டா²னங் க³ச்ச²திதி ஹட்டோ² அஹோஸி, ததோ ராஜா மஜ்ஜே² அட்ட² ஸுவண்ணக⁴டே
அத² அட்ட² ஸுவண்ணிட்ட²கா ட²பாபேஸி. தாஸு ஏகேகங் பரிவாரெத்வா அட்டு²த்தரஸத அட்டு²த்தரஸத ரஜதிட்ட²காயோ. அட்டு²த்தரஸத அட்டு²த்தரஸத வத்தா²னி ச ட²பாபேஸி. அத² ஸுப்பதிட்டி²த ப்³ரஹ்மனாமேன அமச்சபுத்தேன ஏகங் ஸுவண்ணிட்ட²கங் கா³ஹாபெத்வா தேன ஸதி³ஸ நாமேஹி ச ஜீவமானக மாதாபிதூஹி ஸத்தஹி அமச்சபுத்தேஹி ஸேஸ ஸத்திட்ட²காயோ கா³ஹாபேஸி.
தஸ்மிங் க²ணே மித்தத்தே²ரோ நாம புரத்தி²ம தி³ஸாபா⁴கே³ பரிப்³ப⁴மித லேகா²ய பூ⁴மியங் க³ண்த⁴பிண்ட³ங் ட²பேஸி. ஜயஸேனத்தே²ரோ நாம உத³கங் ஆஸிஞ்சித்வா ஸந்திந்தெத்வா ஸமங் அகாஸி. ஸுப்பதிட்டி²தப்³ரஹ்மா ப⁴த்³த³ நக்க²த்தேன ஏவங் நானாவித⁴ மங்க³லானிஸங்க²டட்டா²னே பட²மங் மங்க³லிகட்ட²கங் பதிட்டா²பேஸி. ஸுமனத்தே²ரோனாம ஜாதிஸுமனபுப்பே²ஹி தங் பூஜேஸி. தஸ்மிங் க²ணே உத³கபரியந்தங் கத்வா மஹாபத²வி கம்போ அஹோஸி. ஏதேனேவ நயேன ஸேஸ ஸத்திட்ட²காயோபி பதிட்டா²பேஸுங்.
ததோ ராஜா ரஜதிட்ட²காயோபி பதிட்டா²பெத்வா க³ண்த⁴மாலாதீ³ஹி பூஜெத்வா மங்க³லவிதா⁴னங் நிட்டா²பெத்வா ஸுவண்ணபேலாயபுப்பா²னி கா³ஹாபெத்வா பாசீனபஸ்ஸே பி⁴க்கு²ஸங்க⁴ஸ்ஸ புரதோ டி²தங் மஹா பு³த்³த⁴ரக்கி²தத்தே²ரங் உபஸங்கமித்வா க³ண்த⁴மாலாதீ³ஹி பூஜெத்வா வண்தி³த்வா தே²ரஸ்ஸ பரிவாரெத்வா டி²த பி⁴க்கூ²னஞ்ச நாமானி புச்சி²த்வா ததோ த³க்கி²ணபஸ்ஸே டி²தங் மஹாத⁴ம்மரக்கி²தத்தே²ரங் பச்சி²மபஸ்ஸே டி²தங் மஹாஸங்க⁴ரக்கி²தத்தே²ரங் உத்தரபஸ்ஸே டி²தங் ஆனண்த³த்தே²ரஞ்ச உபஸங்கமித்வா க³ண்த⁴மாலாதீ³ஹி பூஜெத்வா பஞ்சபதிட்டி²தேன வண்தி³த்வா ததே²வ நாமானி புச்சி²த்வா புப்³பு³த்தர கண்ணங் க³ந்த்வா தத்த² டி²தங் பியத³ஸ்ஸி மஹாதே²ரங் வண்தி³த்வா பூஜெத்வா நாமானி புச்சி²த்வா ஸந்திகே அட்டா²ஸி.
தே²ரோ மங்க³லங் வட்³டெ⁴ந்தோ ரஞ்ஞோ த⁴ம்மங் தே³ஸேஸி. மங்க³லபரியோஸானே ஸம்பத்த கி³ஹிபரிஸாஸு சத்தாலீஸ ஸஹஸ்ஸானி அரஹந்தோ பதிட்ட²ஹிங்ஸு. சத்தாலீஸ ஸஹஸ்ஸானி ஸோதாபத்திப²லோ ஸஹஸ்ஸங் ஸகதா³கா³மிப²லே, ஸஹஸ்ஸங் அனாகா³மிப²லே, பி⁴க்கூ²னங் பன அட்டா²ரஸஸஹஸ்ஸானி அரஹத்தங் பாபுணிங்ஸு. பி⁴க்கு²னீனங் சதுத்³த³ஸ ஸஹஸ்ஸானீதி.