8. மஹாஸீஹனாத³ஸுத்தவண்ணனா
அசேலகஸ்ஸபவத்து²வண்ணனா
381. ஏவங் மே ஸுதங்…பே॰… உருஞ்ஞாயங் விஹரதீதி மஹாஸீஹனாத³ஸுத்தங். தத்ராயங் அபுப்³ப³பத³வண்ணனா. உருஞ்ஞாயந்தி உருஞ்ஞாதி தஸ்ஸ ரட்ட²ஸ்ஸபி நக³ரஸ்ஸபி ஏததே³வ நாமங், ப⁴க³வா உருஞ்ஞானக³ரங் உபனிஸ்ஸாய விஹரதி. கண்ணகத்த²லே மிக³தா³யேதி தஸ்ஸ நக³ரஸ்ஸ அவிதூ³ரே கண்ணகத்த²லங் நாம ஏகோ ரமணீயோ பூ⁴மிபா⁴கோ³ அத்தி². ஸோ மிகா³னங் அப⁴யத்தா²ய தி³ன்னத்தா ‘‘மிக³தா³யோ’’தி வுச்சதி, தஸ்மிங் கண்ணகத்த²லே மிக³தா³யே. அசேலோதி நக்³க³பரிப்³பா³ஜகோ. கஸ்ஸபோதி தஸ்ஸ நாமங். தபஸ்ஸிந்தி தபனிஸ்ஸிதகங். லூகா²ஜீவிந்தி அசேலகமுத்தாசாராதி³வஸேன லூகோ² ஆஜீவோ அஸ்ஸாதி லூகா²ஜீவீ, தங் லூகா²ஜீவிங். உபக்கோஸதீதி உபண்டே³தி. உபவத³தீதி ஹீளேதி வம்பே⁴தி. த⁴ம்மஸ்ஸ ச அனுத⁴ம்மங் ப்³யாகரொந்தீதி போ⁴தா கோ³தமேன வுத்தகாரணஸ்ஸ அனுகாரணங் கதெ²ந்தி. ஸஹத⁴ம்மிகோ வாதா³னுவாதோ³தி பரேஹி வுத்தகாரணேன ஸகாரணோ ஹுத்வா தும்ஹாகங் வாதோ³ வா அனுவாதோ³ வா விஞ்ஞூஹி க³ரஹிதப்³ப³ங், காரணங் கோசி அப்பமத்தகோபி கிங் ந ஆக³ச்ச²தி. இத³ங் வுத்தங் ஹோதி, ‘‘கிங் ஸப்³பா³காரேனபி தவ வாதே³ கா³ரய்ஹங் காரணங் அனப்³ப⁴க்கா²துகாமாதி ந அபூ⁴தேன வத்துகாமா.
382. ஏகச்சங் தபஸ்ஸிங் லூகா²ஜீவிந்திஆதீ³ஸு இதே⁴கச்சோ அசேலகபப்³ப³ஜ்ஜாதி³தபனிஸ்ஸிதத்தா தபஸ்ஸீ ‘‘லூகே²ன ஜீவிதங் கப்பெஸ்ஸாமீ’’தி திணகோ³மயாதி³ப⁴க்க²னாதீ³ஹி நானப்பகாரேஹி அத்தானங் கிலமேதி, அப்பபுஞ்ஞதாய ச ஸுகே²ன ஜீவிதவுத்திமேவ ந லப⁴தி, ஸோ தீணி து³ச்சரிதானி பூரெத்வா நிரயே நிப்³ப³த்ததி.
அபரோ தாதி³ஸங் தபனிஸ்ஸிதோபி புஞ்ஞவா ஹோதி, லப⁴தி லாப⁴ஸக்காரங். ஸோ ‘‘ந தா³னி மயா ஸதி³ஸோ அத்தீ²’’தி அத்தானங் உச்சே டா²னே ஸம்பா⁴வெத்வா ‘‘பி⁴ய்யோஸோமத்தாய லாப⁴ங் உப்பாதெ³ஸ்ஸாமீ’’தி
அபரோ தபனிஸ்ஸிதகோ லூகா²ஜீவீ அப்பபுஞ்ஞோ ஹோதி, ந லப⁴தி ஸுகே²ன ஜீவிதவுத்திங். ஸோ ‘‘மய்ஹங் புப்³பே³பி அகதபுஞ்ஞதாய ஸுக²ஜீவிகா நுப்பஜ்ஜதி
அபரோ லூகா²ஜீவீ புஞ்ஞவா ஹோதி, லப⁴தி ஸுகே²ன ஜீவிதவுத்திங். ஸோ – ‘‘மய்ஹங் புப்³பே³பி கதபுஞ்ஞதாய ஸுக²ஜீவிகா உப்பஜ்ஜதீ’’தி சிந்தெத்வா அனேஸனங் பஹாய தீணி ஸுசரிதானி பூரெத்வா ஸக்³கே³ நிப்³ப³த்ததி. இமே த்³வே ஸந்தா⁴ய து³தியனயோ வுத்தோ.
ஏகோ பன தபஸ்ஸீ அப்பது³க்க²விஹாரீ ஹோதி பா³ஹிரகாசாரயுத்தோ தாபஸோ வா ச²ன்னபரிப்³பா³ஜகோ வா, அப்பபுஞ்ஞதாய ச மனாபே பச்சயே ந லப⁴தி. ஸோ அனேஸனவஸேன தீணி து³ச்சரிதானி பூரெத்வா அத்தானங் ஸுகே² ட²பெத்வா நிரயே நிப்³ப³த்ததி.
அபரோ
அபரோ பன அப்பது³க்க²விஹாரீ அப்பபுஞ்ஞோ ஹோதி, ஸோ – ‘‘அஹங் புப்³பே³பி அகதபுஞ்ஞதாய ஸுகே²ன ஜீவிகங் ந லபா⁴மீ’’தி தீணி ஸுசரிதானி பூரெத்வா ஸக்³கே³ நிப்³ப³த்ததி.
அபரோ புஞ்ஞவா ஹோதி, ஸோ – ‘‘புப்³பே³பாஹங் கதபுஞ்ஞதாய ஸுக²ங் லபா⁴மி, இதா³னி புஞ்ஞானி கரிஸ்ஸாமீ’’தி தீணி ஸுசரிதானி பூரெத்வா ஸக்³கே³ நிப்³ப³த்ததி. இமே த்³வே ஸந்தா⁴ய சதுத்த²னயோ வுத்தோ. இத³ங் தித்தி²யவஸேன ஆக³தங், ஸாஸனேபி பன லப்³ப⁴தி.
ஏகச்சோ ஹி து⁴தங்க³ஸமாதா³னவஸேன லூகா²ஜீவீ ஹோதி, அப்பபுஞ்ஞதாய வா ஸகலம்பி கா³மங் விசரித்வா உத³ரபூரங் ந லப⁴தி. ஸோ – ‘‘பச்சயே உப்பாதெ³ஸ்ஸாமீ’’தி வேஜ்ஜகம்மாதி³வஸேன வா அனேஸனங்
அபரோ
அபரோ ஸமாதி³ன்னது⁴தங்கோ³ அப்பபுஞ்ஞோவ ஹோதி, ந லப⁴தி ஸுகே²ன ஜீவிதவுத்திங். ஸோ – ‘‘புப்³பே³பாஹங் அகதபுஞ்ஞதாய கிஞ்சி ந லபா⁴மி, ஸசே இதா³னி அனேஸனங் கரிஸ்ஸங், ஆயதிம்பி து³ல்லப⁴ஸுகோ² ப⁴விஸ்ஸாமீ’’தி தீணி ஸுசரிதானி பூரெத்வா அரஹத்தங் பத்துங் அஸக்கொந்தோ ஸக்³கே³ நிப்³ப³த்ததி.
அபரோ புஞ்ஞவா ஹோதி, ஸோ – ‘‘புப்³பே³பாஹங் கதபுஞ்ஞதாய ஏதரஹி ஸுகி²தோ, இதா³னிபி புஞ்ஞங் கரிஸ்ஸாமீ’’தி அனேஸனங் பஹாய தீணி ஸுசரிதானி பூரெத்வா அரஹத்தங் பத்துங் அஸக்கொந்தோ ஸக்³கே³ நிப்³ப³த்ததி.
383. ஆக³திஞ்சாதி – ‘‘அஸுகட்டா²னதோ நாம இமே ஆக³தா’’தி ஏவங் ஆக³திஞ்ச. க³திஞ்சாதி இதா³னி க³ந்தப்³ப³ட்டா²னஞ்ச. சுதிஞ்சாதி ததோ சவனஞ்ச. உபபத்திஞ்சாதி ததோ சுதானங் புன உபபத்திஞ்ச. கிங் ஸப்³ப³ங் தபங் க³ரஹிஸ்ஸாமீதி – ‘‘கேன காரணேன க³ரஹிஸ்ஸாமி, க³ரஹிதப்³ப³மேவ ஹி மயங் க³ரஹாம, பஸங்ஸிதப்³ப³ங் பஸங்ஸாம, ந ப⁴ண்டி³கங் கரொந்தோ மஹாரஜகோ விய தோ⁴தஞ்ச அதோ⁴தஞ்ச ஏகதோ கரோமா’’தி த³ஸ்ஸேதி. இதா³னி தமத்த²ங் பகாஸெந்தோ – ‘‘ஸந்தி கஸ்ஸப ஏகே ஸமணப்³ராஹ்மணா’’திஆதி³மாஹ.
384. யங் தே ஏகச்சந்தி பஞ்சவித⁴ங் ஸீலங், தஞ்ஹி லோகே ந கோசி ‘‘ந ஸாதூ⁴’’தி வத³தி. புன யங் தே ஏகச்சந்தி பஞ்சவித⁴ங் வேரங், தங் ந யங் தே ஏகச்சந்தி பஞ்சத்³வாரே அஸங்வரங், தே கிர – ‘‘சக்கு² நாம ந நிருந்தி⁴தப்³ப³ங், சக்கு²னா மனாபங் ரூபங் த³ட்ட²ப்³ப³’’ந்தி வத³ந்தி, ஏஸ நயோ ஸோதாதீ³ஸு. புன யங் தே ஏகச்சந்தி பஞ்சத்³வாரே ஸங்வரங்.
ஏவங் பரேஸங் வாதே³ன ஸஹ அத்தனோ வாத³ஸ்ஸ ஸமானாஸமானதங் த³ஸ்ஸெத்வா இதா³னி அத்தனோ வாதே³ன
ஸமனுயுஞ்ஜாபனகதா²வண்ணனா
385. ஸமனுயுஞ்ஜந்தந்தி ஸத்தா²ரா வா ஸத்தா²ரந்தி ஸத்தா²ரா வா ஸத்³தி⁴ங் ஸத்தா²ரங் உபஸங்ஹரித்வா – ‘‘கிங் தே ஸத்தா² தே த⁴ம்மே ஸப்³ப³ஸோ பஹாய வத்ததி, உதா³ஹு ஸமணோ கோ³தமோ’’தி. து³தியபதே³பி ஏஸேவ நயோ.
இதா³னி தமத்த²ங் யோஜெத்வா த³ஸ்ஸெந்தோ – ‘‘யே இமேஸங் ப⁴வத’’ந்திஆதி³மாஹ. தத்த² அகுஸலா அகுஸலஸங்கா²தாதி அகுஸலா சேவ ‘‘அகுஸலா’’தி ச ஸங்கா²தா ஞாதா கொட்டா²ஸங் வா கத்வா ட²பிதாதி அத்தோ². ஏஸ நயோ ஸப்³ப³பதே³ஸு. அபி செத்த² ஸாவஜ்ஜாதி ஸதோ³ஸா. ந அலமரியாதி நித்³தோ³ஸட்டே²ன அரியா ப⁴விதுங் நாலங் அஸமத்தா².
386-392. யங் விஞ்ஞூ ஸமனுயுஞ்ஜந்தாதி யேன விஞ்ஞூ அம்ஹே ச அஞ்ஞே ச புச்ச²ந்தா ஏவங் வதெ³ய்யுங், தங் டா²னங் விஜ்ஜதி, அத்தி² தங் காரணந்தி அத்தோ². யங் வா பன பொ⁴ந்தோ பரே க³ணாசரியாதி பரே பன பொ⁴ந்தோ க³ணாசரியா யங் வா தங் வா அப்பமத்தகங் பஹாய வத்தந்தீதி அத்தோ². அம்ஹேவ தத்த² யேபு⁴ய்யேன பஸங்ஸெய்யுந்தி இத³ங் ப⁴க³வா ஸத்தா²ரா ஸத்தா²ரங் ஸமனுயுஞ்ஜனேபி ஆஹ – ஸங்கே⁴ன ஸங்க⁴ங் ஸமனுயுஞ்ஜனேபி. கஸ்மா? ஸங்க⁴பஸங்ஸாயபி ஸத்து²யேவ பஸங்ஸாஸித்³தி⁴தோ. பஸீத³மானாபி ஹி பு³த்³த⁴ஸம்பத்தியா ஸங்கே⁴, ஸங்க⁴ஸம்பத்தியா ச பு³த்³தே⁴ பஸீத³ந்தி, ததா² ஹி ப⁴க³வதோ ஸரீரஸம்பத்திங் ‘‘அம்ஹேவ தத்த² யேபு⁴ய்யேன பஸங்ஸெய்யு’’ந்தி ஆஹ. ஸமணோ கோ³தமோ இமே த⁴ம்மே அனவஸேஸங் பஹாய வத்ததி, யங் வா பன பொ⁴ந்தோ பரே க³ணாசரியாதிஆதீ³ஸுபி பனெத்த² அயமதி⁴ப்பாயோ – ஸம்பத்தஸமாதா³னஸேதுகா⁴தவஸேன
பஞ்ச கோ² பனிமே உபோஸது²த்³தே³ஸா, தேஸு பஞ்சஸீலமத்தமேவ அஞ்ஞேஸங் ஹோதி. பாதிமொக்க²ஸங்வரஸீலங் ஸப்³பே³ன ஸப்³ப³ங் நத்தி². இதி அகுஸலப்பஹானே ச குஸலஸமாதா³னே ச, தீஸு விரதீஸு, பஞ்சஸு பஹானேஸு, பஞ்சஸு ஸங்வரேஸு, பஞ்சஸு உத்³தே³ஸேஸு, – ‘‘அஹமேவ ச மய்ஹஞ்ச ஸாவகஸங்கோ⁴ லோகே பஞ்ஞாயதி, மயா ஹி ஸதி³ஸோ ஸத்தா² நாம, மய்ஹங் ஸாவகஸங்கே⁴ன ஸதி³ஸோ ஸங்கோ⁴ நாம நத்தீ²’’தி ப⁴க³வா ஸீஹனாத³ங் நத³தி.
அரியஅட்ட²ங்கி³கமக்³க³வண்ணனா
393. ஏவங் ஸீஹனாத³ங் மக்³கோ³தி லோகுத்தரமக்³கோ³. படிபதா³தி புப்³ப³பா⁴க³படிபதா³. காலவாதீ³திஆதீ³னி ப்³ரஹ்மஜாலே வண்ணிதானி. இதா³னி தங் து³வித⁴ங் மக்³க³ஞ்ச படிபத³ஞ்ச ஏகதோ கத்வா த³ஸ்ஸெந்தோ – ‘‘அயமேவ அரியோ’’திஆதி³மாஹ. இத³ங் பன ஸுத்வா அசேலோ சிந்தேஸி – ‘‘ஸமணோ கோ³தமோ மய்ஹங்யேவ மக்³கோ³ ச படிபதா³ ச அத்தி², அஞ்ஞேஸங் நத்தீ²தி மஞ்ஞதி, ஹந்த³ஸ்ஸாஹங் அம்ஹாகம்பி மக்³க³ங் கதே²மீ’’தி. ததோ அசேலகபடிபத³ங் கதே²ஸி. தேனாஹ – ‘‘ஏவங் வுத்தே அசேலோ கஸ்ஸபோ ப⁴க³வந்தங் ஏதத³வோச…பே॰… உத³கோரோஹனானுயோக³மனுயுத்தோ விஹரதீ’’தி.
தபோபக்கமகதா²வண்ணனா
394. தத்த² தபோபக்கமாதி தபாரம்பா⁴, தபகம்மானீதி அத்தோ². ஸாமஞ்ஞஸங்கா²தாதி ஸமணகம்மஸங்கா²தா. ப்³ரஹ்மஞ்ஞஸங்கா²தாதி ப்³ராஹ்மணகம்மஸங்கா²தா. அசேலகோதி நிச்சோலோ, நக்³கோ³தி அத்தோ². முத்தாசாரோதி விஸட்டா²சாரோ, உச்சாரகம்மாதீ³ஸு லோகியகுலபுத்தாசாரேன விரஹிதோ ஹத்தா²பலேக²னோதி ஹத்தே² பிண்ட³ம்ஹி டி²தே ஜிவ்ஹாய ஹத்த²ங் அபலிக²தி, உச்சாரங் வா கத்வா ஹத்த²ஸ்மிஞ்ஞேவ த³ண்ட³கஸஞ்ஞீ ஹுத்வா ஹத்தே²ன அபலிக²தி. ‘‘பி⁴க்கா²க³ஹணத்த²ங் ஏஹி, ப⁴ந்தே’’தி வுத்தோ ந ஏதீதி ந ஏஹிப⁴த்³த³ந்திகோ. ‘‘தேன ஹி நதிட்ட²ப⁴த்³த³ந்திகோ. தது³ப⁴யம்பி கிர ஸோ – ‘‘ஏதஸ்ஸ வசனங் கதங் ப⁴விஸ்ஸதீ’’தி ந கரோதி. அபி⁴ஹடந்தி புரேதரங் க³ஹெத்வா ஆஹடங் பி⁴க்க²ங், உத்³தி³ஸ்ஸகதந்தி ‘‘இமங் தும்ஹே உத்³தி³ஸ்ஸ கத’’ந்தி ஏவங் ஆரோசிதங் பி⁴க்க²ங். ந நிமந்தனந்தி ‘‘அஸுகங் நாம குலங் வா வீதி²ங் வா கா³மங் வா பவிஸெய்யாதா²’’தி ஏவங் நிமந்திதபி⁴க்க²ம்பி ந ஸாதி³யதி, ந க³ண்ஹதி. ந கும்பி⁴முகா²தி கும்பி⁴தோ உத்³த⁴ரித்வா தி³ய்யமானங் பி⁴க்க²ங் ந க³ண்ஹதி. ந களோபிமுகா²தி களோபீதி உக்க²லி வா பச்சி² வா, ததோபி ந க³ண்ஹதி. கஸ்மா? கும்பி⁴களோபியோ மங் நிஸ்ஸாய கடச்சு²னா பஹாரங் லப⁴ந்தீதி. ந ஏளகமந்தரந்தி உம்மாரங் அந்தரங் கத்வா தி³ய்யமானங் ந க³ண்ஹதி. கஸ்மா? ‘‘அயங் மங் நிஸ்ஸாய அந்தரகரணங் லப⁴தீ’’தி. த³ண்ட³முஸலேஸுபி ஏஸேவ நயோ.
த்³வின்னந்தி த்³வீஸு பு⁴ஞ்ஜமானேஸு ஏகஸ்மிங் உட்டா²ய தெ³ந்தே ந க³ண்ஹதி. கஸ்மா? ‘‘ஏகஸ்ஸ கப³ளந்தராயோ ஹோதீ’’தி. ந க³ப்³பி⁴னியாதிஆதீ³ஸு பன ‘‘க³ப்³பி⁴னியா குச்சி²யங் தா³ரகோ கிலமதி. பாயந்தியா தா³ரகஸ்ஸ கீ²ரந்தராயோ ஹோதி, புரிஸந்தரக³தாய ரதிஅந்தராயோ ஹோதீ’’தி ந க³ண்ஹதி. ஸங்கித்தீஸூதி ஸங்கித்தெத்வா கதப⁴த்தேஸு, து³ப்³பி⁴க்க²ஸமயே கிர அசேலகஸாவகா அசேலகானங் அத்தா²ய ததோ ததோ தண்டு³லாதீ³னி ஸமாத³பெத்வா ப⁴த்தங் பசந்தி. உக்கட்டோ² அசேலகோ ததோபி ந படிக்³க³ண்ஹதி. ந யத்த² ஸாதி யத்த² ஸுனகோ² – ‘‘பிண்ட³ங் லபி⁴ஸ்ஸாமீ’’தி உபட்டி²தோ ஹோதி, தத்த² தஸ்ஸ அத³த்வா ஆஹடங் ந க³ண்ஹதி. கஸ்மா? ஏதஸ்ஸ பிண்ட³ந்தராயோ ஹோதீதி. ஸண்ட³ஸண்ட³சாரினீதி ஸமூஹஸமூஹசாரினீ, ஸசே ஹி அசேலகங் தி³ஸ்வா – ‘‘இமஸ்ஸ பி⁴க்க²ங் த³ஸ்ஸாமா’’தி மனுஸ்ஸா ப⁴த்தகே³ஹங் பவிஸந்தி, தேஸு ச பவிஸந்தேஸு களோபிமுகா²தீ³ஸு நிலீனா மக்கி²கா உப்பதித்வா ஸண்ட³ஸண்டா³ சரந்தி, ததோ ஆஹடங் பி⁴க்க²ங் ந க³ண்ஹதி. கஸ்மா? மங் நிஸ்ஸாய மக்கி²கானங் கோ³சரந்தராயோ ஜாதோதி.
து²ஸோத³கந்தி ஏகாகா³ரிகோதி யோ ஏகஸ்மிங்யேவ கே³ஹே பி⁴க்க²ங் லபி⁴த்வா நிவத்ததி ஏகாலோபிகோதி யோ ஏகேனேவ ஆலோபேன யாபேதி. த்³வாகா³ரிகாதீ³ஸுபி ஏஸேவ நயோ. ஏகிஸ்ஸாபி த³த்தியாதி ஏகாய த³த்தியா. த³த்தி நாம ஏகா கு²த்³த³கபாதி ஹோதி, யத்த² அக்³க³பி⁴க்க²ங் பக்கி²பித்வா ட²பெந்தி. ஏகாஹிகந்தி ஏகதி³வஸந்தரிகங். அத்³த⁴மாஸிகந்தி அத்³த⁴மாஸந்தரிகங். பரியாயப⁴த்தபோ⁴ஜனந்தி வாரப⁴த்தபோ⁴ஜனங், ஏகாஹவாரேன த்³வீஹவாரேன ஸத்தாஹவாரேன அட்³ட⁴மாஸவாரேனாதி ஏவங் தி³வஸவாரேன ஆக³தப⁴த்தபோ⁴ஜனங்.
395. ஸாகப⁴க்கோ²தி ஸாமாகப⁴க்கோ²தி ஸாமாகதண்டு³லப⁴க்கோ². நீவாராதீ³ஸு நீவாரோ நாம அரஞ்ஞே ஸயங்ஜாதா வீஹிஜாதி. த³த்³து³லந்தி சம்மகாரேஹி சம்மங் லிகி²த்வா ச²ட்³டி³தகஸடங். ஹடங் வுச்சதி ஸிலேஸோபி ஸேவாலோபி. கணந்தி குண்ட³கங். ஆசாமோதி ப⁴த்தஉக்க²லிகாய லக்³கோ³ ஜா²மகஓத³னோ, தங் ச²ட்³டி³தட்டா²னதோவ க³ஹெத்வா கா²த³தி, ‘‘ஓத³னகஞ்ஜிய’’ந்திபி வத³ந்தி. பிஞ்ஞாகாத³யோ பாகடா ஏவ. பவத்தப²லபோ⁴ஜீதி பதிதப²லபோ⁴ஜீ.
396. ஸாணானீதி ஸாணவாகசோளானி. மஸாணானீதி மிஸ்ஸகசோளானி. ச²வது³ஸ்ஸானீதி மதஸரீரதோ ச²ட்³டி³தவத்தா²னி, ஏரகதிணாதீ³னி வா க³ந்தெ²த்வா கதனிவாஸனானி. பங்ஸுகூலானீதி பத²வியங் ச²ட்³டி³தனந்தகானி. திரீடானீதி ருக்க²தசவத்தா²னி. அஜினந்தி அஜினமிக³சம்மங். அஜினக்கி²பந்தி ததே³வ மஜ்ஜே² பா²லிதகங். குஸசீரந்தி குஸதிணானி க³ந்தெ²த்வா கதசீரங். வாகசீரப²லகசீரேஸுபி ஏஸேவ நயோ. கேஸகம்ப³லந்தி மனுஸ்ஸகேஸேஹி கதகம்ப³லங். யங் ஸந்தா⁴ய
‘‘ஸெய்யதா²பி பி⁴க்க²வே, யானி கானிசி தந்தாவுதானி வத்தா²னி, கேஸகம்ப³லோ தேஸங் படிகிட்டோ² அக்கா²யதி. கேஸகம்ப³லோ, பி⁴க்க²வே, ஸீதே ஸீதோ, உண்ஹே உண்ஹோ அப்பக்³கோ⁴ ச து³ப்³ப³ண்ணோ ச து³க்³க³ந்தோ⁴ து³க்க²ஸம்ப²ஸ்ஸோ’’தி.
வாளகம்ப³லந்தி உலூகபக்கி²கந்தி உலூகபக்கா²னி க³ந்தெ²த்வா கதனிவாஸனங். உக்குடிகப்பதா⁴னமனுயுத்தோதி உக்குடிகவீரியங் அனுயுத்தோ, க³ச்ச²ந்தோபி உக்குடிகோவ ஹுத்வா உப்பதித்வா உப்பதித்வா க³ச்ச²தி. கண்டகாபஸ்ஸயிகோதி அயகண்டகே வா பகதிகண்டகே வா பூ⁴மியங் கொட்டெத்வா தத்த² சம்மங் அத்த²ரித்வா டா²னசங்கமாதீ³னி கரோதி. ஸெய்யந்தி ஸயந்தோபி தத்தே²வ ஸெய்யங் கப்பேதி. ப²லகஸெய்யந்தி ருக்க²ப²லகே ஸெய்யங். த²ண்டி³லஸெய்யந்தி த²ண்டி³லே உச்சே பூ⁴மிடா²னே ஸெய்யங். ஏகபஸ்ஸயிகோதி ஏகபஸ்ஸேனேவ ஸயதி. ரஜோஜல்லத⁴ரோதி ஸரீரங் தேலேன மக்கி²த்வா ரஜுட்டா²னட்டா²னே திட்ட²தி, அத²ஸ்ஸ ஸரீரே ரஜோஜல்லங் லக்³க³தி, தங் தா⁴ரேதி. யதா²ஸந்த²திகோதி லத்³த⁴ங் ஆஸனங் அகோபெத்வா யதே³வ லப⁴தி, தத்தே²வ நிஸீத³னஸீலோ. வேகடிகோதி விகடகா²த³னஸீலோ. விகடந்தி கூ³த²ங் வுச்சதி. அபானகோதி படிக்கி²த்தஸீதுத³கபானோ. ஸாயங் ததியமஸ்ஸாதி ஸாயததியகங். பாதோ, மஜ்ஜ²ன்ஹிகே, ஸாயந்தி தி³வஸஸ்ஸ திக்க²த்துங் பாபங் பவாஹெஸ்ஸாமீதி உத³கோரோஹனானுயோக³ங் அனுயுத்தோ விஹரதீதி.
தபோபக்கமனிரத்த²கதாவண்ணனா
397. அத² ஆரகா வாதி தூ³ரேயேவ. அவேரந்தி அப்³யாபஜ்ஜந்தி தோ³மனஸ்ஸப்³யாபஜ்ஜரஹிதங்.
398. து³க்கரங், போ⁴ கோ³தமாதி இத³ங் கஸ்ஸபோ ‘‘மயங் புப்³பே³ எத்தகமத்தங் ஸாமஞ்ஞஞ்ச ப்³ரஹ்மஞ்ஞஞ்சாதி விசராம, தும்ஹே பன அஞ்ஞங்யேவ ஸாமஞ்ஞஞ்ச ப்³ரஹ்மஞ்ஞஞ்ச வத³தா²’’தி தீ³பெந்தோ ஆஹ. பகதி கோ² ஏஸாதி பகதிகதா² ஏஸா. இமாய ச, கஸ்ஸப, மத்தாயாதி ‘‘கஸ்ஸப யதி³ இமினா பமாணேன ஏவங் பரித்தகேன படிபத்திக்கமேன ஸாமஞ்ஞங் வா ப்³ரஹ்மஞ்ஞங் வா து³க்கரங் ஸுது³க்கரங் நாம அப⁴விஸ்ஸ, ததோ நேதங் அப⁴விஸ்ஸ கல்லங் வசனாய து³க்கரங் ஸாமஞ்ஞ’’ந்தி அயமெத்த² பத³ஸம்ப³ந்தே⁴ன ஸத்³தி⁴ங் அத்தோ². ஏதேன நயேன ஸப்³ப³த்த² பத³ஸம்ப³ந்தோ⁴ வேதி³தப்³போ³.
399. து³ஜ்ஜானோதி
ஸீலஸமாதி⁴பஞ்ஞாஸம்பதா³வண்ணனா
400-401. கதமா பன ஸா, போ⁴ கோ³தமாதி கஸ்மா புச்ச²தி. அயங் கிர பண்டி³தோ ப⁴க³வதோ கதெ²ந்தஸ்ஸேவ கத²ங் உக்³க³ஹேஸி, அத² அத்தனோ படிபத்தியா நிரத்த²கதங் விதி³த்வா ஸமணோ கோ³தமோ – ‘‘தஸ்ஸ ‘சாயங் ஸீலஸம்பதா³, சித்தஸம்பதா³, பஞ்ஞாஸம்பதா³ அபா⁴விதா ஹோதி அஸச்சி²கதா, அத² கோ² ஸோ ஆரகாவ ஸாமஞ்ஞா’திஆதி³மாஹ. ஹந்த³ தா³னி நங் தா ஸம்பத்தியோ புச்சா²மீ’’தி ஸீலஸம்பதா³தி³விஜானநத்த²ங் புச்ச²தி. அத²ஸ்ஸ ப⁴க³வா பு³த்³து⁴ப்பாத³ங் த³ஸ்ஸெத்வா தந்தித⁴ம்மங் கதெ²ந்தோ தா ஸம்பத்தியோ த³ஸ்ஸேதுங் – ‘‘இத⁴ கஸ்ஸபா’’திஆதி³மாஹ. இமாய ச கஸ்ஸப ஸீலஸம்பதா³யாதி இத³ங் அரஹத்தப²லமேவ ஸந்தா⁴ய வுத்தங். அரஹத்தப²லபரியோஸானஞ்ஹி ப⁴க³வதோ ஸாஸனங். தஸ்மா அரஹத்தப²லஸம்பயுத்தாஹி ஸீலசித்தபஞ்ஞாஸம்பதா³ஹி
ஸீஹனாத³கதா²வண்ணனா
402. ஏவஞ்ச அரியந்தி நிருபக்கிலேஸங் பரமவிஸுத்³த⁴ங். பரமந்தி உத்தமங், பஞ்சஸீலானி ஹிஆதி³ங் கத்வா யாவ பாதிமொக்க²ஸங்வரஸீலா ஸீலமேவ, லோகுத்தரமக்³க³ப²லஸம்பயுத்தங் பன பரமஸீலங் நாம. நாஹங் தத்தா²தி தத்த² ஸீலேபி பரமஸீலேபி அஹங் அத்தனோ ஸமஸமங் மம ஸீலஸமேன ஸீலேன மயா ஸமங் புக்³க³லங் ந பஸ்ஸாமீதி அத்தோ². அஹமேவ தத்த² பி⁴ய்யோதி அஹமேவ தஸ்மிங் ஸீலே உத்தமோ. கதமஸ்மிங்? யதி³த³ங் அதி⁴ஸீலந்தி யங் ஏதங் உத்தமங் ஸீலந்தி அத்தோ². இதி இமங் பட²மங் ஸீஹனாத³ங் நத³தி.
தபோஜிகு³ச்ச²வாதா³தி அரியா பரமாதி எத்த² நித்³தோ³ஸத்தா அரியா, அட்ட²ஆரம்ப⁴வத்து²வஸேனபி உப்பன்னா விபஸ்ஸனாவீரியஸங்கா²தா தபோஜிகு³ச்சா² தபோஜிகு³ச்சா²வ, மக்³க³ப²லஸம்பயுத்தா பரமா நாம. அதி⁴ஜேகு³ச்ச²ந்தி இத⁴ ஜிகு³ச்ச²பா⁴வோ ஜேகு³ச்ச²ங், உத்தமங் ஜேகு³ச்ச²ங் அதி⁴ஜேகு³ச்ச²ங், தஸ்மா யதி³த³ங் அதி⁴ஜேகு³ச்ச²ங், தத்த² அஹமேவ பி⁴ய்யோதி ஏவமெத்த² அத்தோ² த³ட்ட²ப்³போ³. பஞ்ஞாதி⁴காரேபி கம்மஸ்ஸகதாபஞ்ஞா ச விபஸ்ஸனாபஞ்ஞா ச பஞ்ஞா நாம, மக்³க³ப²லஸம்பயுத்தா பரமா பஞ்ஞா நாம. அதி⁴பஞ்ஞந்தி எத்த² லிங்க³விபல்லாஸோ வேதி³தப்³போ³, அயங் பனெத்த²த்தோ² – யாயங் அதி⁴பஞ்ஞா நாம அஹமேவ தத்த² பி⁴ய்யோதி விமுத்தாதி⁴காரே யதி³த³ங் அதி⁴விமுத்தீதி யா அயங் அதி⁴விமுத்தி, அஹமேவ தத்த² பி⁴ய்யோதி அத்தோ².
403. ஸுஞ்ஞாகா³ரேதி ஸுஞ்ஞே க⁴ரே, ஏககோவ நிஸீதி³த்வாதி அதி⁴ப்பாயோ. பரிஸாஸு சாதி அட்ட²ஸு பரிஸாஸு. வுத்தம்பி சேதங் –
‘‘சத்தாரிமானி, ஸாரிபுத்த, ததா²க³தஸ்ஸ வேஸாரஜ்ஜானி. யேஹி வேஸாரஜ்ஜேஹி ஸமன்னாக³தோ ததா²க³தோ ஆஸப⁴ங் டா²னங் படிஜானாதி, பரிஸாஸு ஸீஹனாத³ங் நத³தீ’’தி (ம॰ நி॰ 1.150) ஸுத்தங் வித்தா²ரேதப்³ப³ங்.
பஞ்ஹஞ்ச நங் புச்ச²ந்தீதி பண்டி³தா தே³வமனுஸ்ஸா நங் பஞ்ஹங் அபி⁴ஸங்க²ரித்வா புச்ச²ந்தி. ப்³யாகரோதீதி சித்தங் ஆராதே⁴தீதி பஞ்ஹாவிஸ்ஸஜ்ஜனேன மஹாஜனஸ்ஸ சித்தங் பரிதோஸேதியேவ. நோ ச கோ² ஸோதப்³ப³ங் மஞ்ஞந்தீதி சித்தங் ஆராதெ⁴த்வா கதெ²ந்தஸ்ஸபிஸ்ஸ வசனங் பரே ஸோதப்³ப³ங் ந மஞ்ஞந்தீதி, ஏவஞ்ச வதெ³ய்யுந்தி அத்தோ². ஸோதப்³ப³ஞ்சஸ்ஸ மஞ்ஞந்தீதி தே³வாபி மனுஸ்ஸாபி மஹந்தேனேவ உஸ்ஸாஹேன ஸோதப்³ப³ங் மஞ்ஞந்தி. பஸீத³ந்தீதி ஸுபஸன்னா கல்லசித்தா முது³சித்தா ஹொந்தி. பஸன்னாகாரங் கரொந்தீதி ந முத்³த⁴ப்பஸன்னாவ ஹொந்தி, பணீதானி சீவராதீ³னி வேளுவனவிஹாராத³யோ ச மஹாவிஹாரே பரிச்சஜந்தா பஸன்னாகாரங் கரொந்தி. தத²த்தாயாதி யங் ஸோ த⁴ம்மங் தே³ஸேதி ததா² பா⁴வாய, த⁴ம்மானுத⁴ம்மபடிபத்திபூரணத்தா²ய படிபஜ்ஜந்தீதி அத்தோ². தத²த்தாய ச படிபஜ்ஜந்தீதி தத²பா⁴வாய படிபஜ்ஜந்தி, தஸ்ஸ ஹி படிபன்னா ச ஆராதெ⁴ந்தீதி தஞ்ச பன படிபத³ங் படிபன்னா பூரேதுங் ஸக்கொந்தி, ஸப்³பா³காரேன பன பூரெந்தி, படிபத்திபூரணேன
இமஸ்மிங் பனோகாஸே ட²த்வா ஸீஹனாதா³ ஸமோதா⁴னேதப்³பா³. ஏகச்சங் தபஸ்ஸிங் நிரயே நிப்³ப³த்தங் பஸ்ஸாமீதி ஹி ப⁴க³வதோ ஏகோ ஸீஹனாதோ³. அபரங் ஸக்³கே³ நிப்³ப³த்தங் பஸ்ஸாமீதி ஏகோ. அகுஸலத⁴ம்மப்பஹானே அஹமேவ ஸெட்டோ²தி ஏகோ. குஸலத⁴ம்மஸமாதா³னேபி அஹமேவ ஸெட்டோ²தி ஏகோ. அகுஸலத⁴ம்மப்பஹானே மய்ஹமேவ ஸாவகஸங்கோ⁴ ஸெட்டோ²தி ஏகோ. குஸலத⁴ம்மஸமாதா³னேபி மய்ஹங்யேவ ஸாவகஸங்கோ⁴ ஸெட்டோ²தி ஏகோ. ஸீலேன மய்ஹங் ஸதி³ஸோ நத்தீ²தி ஏகோ. வீரியேன மய்ஹங் ஸதி³ஸோ நத்தீ²தி ஏகோ. பஞ்ஞாய…பே॰… விமுத்தியா…பே॰… ஸீஹனாத³ங் நத³ந்தோ பரிஸமஜ்ஜே² நிஸீதி³த்வா நதா³மீதி ஏகோ. விஸாரதோ³ ஹுத்வா நதா³மீதி ஏகோ. பஞ்ஹங் மங் புச்ச²ந்தீதி ஏகோ. பஞ்ஹங் புட்டோ² விஸ்ஸஜ்ஜேமீதி ஏகோ. விஸ்ஸஜ்ஜனேன பரஸ்ஸ சித்தங் ஆராதே⁴மீதி ஏகோ. ஸுத்வா ஸோதப்³ப³ங் மஞ்ஞந்தீதி ஏகோ. ஸுத்வா மே பஸீத³ந்தீதி ஏகோ. பஸன்னாகாரங் கரொந்தீதி ஏகோ. யங் படிபத்திங் தே³ஸேமி, தத²த்தாய படிபஜ்ஜந்தீதி ஏகோ. படிபன்னா ச மங் ஆராதெ⁴ந்தீதி ஏகோ. இதி புரிமானங் த³ஸன்னங் ஏகேகஸ்ஸ – ‘‘பரிஸாஸு ச நத³தீ’’தி ஆத³யோ த³ஸ த³ஸ பரிவாரா. ஏவங் தே த³ஸ புரிமானங் த³ஸன்னங் பரிவாரவஸேன ஸதங் புரிமா ச த³ஸாதி த³ஸாதி⁴கங் ஸீஹனாத³ஸதங் ஹோதி. இதோ அஞ்ஞஸ்மிங் பன ஸுத்தே எத்தகா ஸீஹனாதா³ து³ல்லபா⁴, தேனித³ங் ஸுத்தங் மஹாஸீஹனாத³ந்தி வுச்சதி. இதி ப⁴க³வா ‘‘ஸீஹனாத³ங் கோ² ஸமணோ கோ³தமோ நத³தி, தஞ்ச கோ² ஸுஞ்ஞாகா³ரே நத³தீ’’தி ஏவங் வாதா³னு வாத³ங் படிஸேதெ⁴த்வா இதா³னி பரிஸதி நதி³தபுப்³ப³ங் ஸீஹனாத³ங் த³ஸ்ஸெந்தோ ‘‘ஏகமிதா³ஹ’’ந்திஆதி³மாஹ.
தித்தி²யபரிவாஸகதா²வண்ணனா
404. தத்த² தத்ர மங் அஞ்ஞதரோ தபப்³ரஹ்மசாரீதி தத்ர ராஜக³ஹே கி³ஜ்ஜ²கூடே பப்³ப³தே விஹரந்தங் மங் அஞ்ஞதரோ தபப்³ரஹ்மசாரீ நிக்³ரோதோ⁴ நாம பரிப்³பா³ஜகோ அதி⁴ஜேகு³ச்சே²தி வீரியேன பாபஜிகு³ச்ச²னாதி⁴காரே பஞ்ஹங் புச்சி². இத³ங் யங் தங் ப⁴க³வா கி³ஜ்ஜ²கூடே மஹாவிஹாரே நிஸின்னோ உது³ம்ப³ரிகாய தே³வியா உய்யானே நிஸின்னஸ்ஸ நிக்³ரோத⁴ஸ்ஸ ச பரிப்³பா³ஜகஸ்ஸ ஸந்தா⁴னஸ்ஸ ச உபாஸகஸ்ஸ தி³ப்³பா³ய ஸோததா⁴துயா கதா²ஸல்லாபங் ஸுத்வா ஆகாஸேனாக³ந்த்வா தேஸங் ஸந்திகே பஞ்ஞத்தே ஆஸனே நிஸீதி³த்வா நிக்³ரோதே⁴ன அதி⁴ஜேகு³ச்சே² புட்ட²பஞ்ஹங் விஸ்ஸஜ்ஜேஸி, தங் ஸந்தா⁴ய வுத்தங். பரங் விய மத்தாயாதி பரமாய மத்தாய, அதிமஹந்தேனேவ பமாணேனாதி அத்தோ². கோ ஹி, ப⁴ந்தேதி ட²பெத்வா அந்த⁴பா³லங் தி³ட்டி²க³திகங் அஞ்ஞோ பண்டி³தஜாதிகோ ‘‘கோ நாம ப⁴க³வதோ த⁴ம்மங் ஸுத்வா ந அத்தமனோ அஸ்ஸா’’தி வத³தி. லபெ⁴ய்யாஹந்தி இத³ங் ஸோ – ‘‘சிரங் வத மே அனிய்யானிகபக்கே² யோஜெத்வா அத்தா கிலமிதோ, ‘ஸுக்க²னதீ³தீரே ந்ஹாயிஸ்ஸாமீ’தி ஸம்பரிவத்தெந்தேன விய து²ஸே கொட்டெந்தேன விய ந கோசி அத்தோ² நிப்பா²தி³தோ. ஹந்தா³ஹங் அத்தானங் யோகே³ யோஜெஸ்ஸாமீ’’தி சிந்தெத்வா ஆஹ. அத² ப⁴க³வா யோ அனேன க²ந்த⁴கே தித்தி²யபரிவாஸோ பஞ்ஞத்தோ, யோ அஞ்ஞதித்தி²யபுப்³போ³ ஸாமணேரபூ⁴மியங் டி²தோ – ‘‘அஹங் ப⁴ந்தே, இத்த²ன்னாமோ அஞ்ஞதித்தி²யபுப்³போ³ இமஸ்மிங் த⁴ம்மவினயே ஆகங்கா²மி உபஸம்பத³ங், ஸ்வாஹங், ப⁴ந்தே, ஸங்க⁴ங் சத்தாரோ மாஸே பரிவாஸங் யாசாமீ’’திஆதி³னா (மஹாவ॰ 86) நயேன ஸமாதி³யித்வா பரிவஸதி, தங் ஸந்தா⁴ய – ‘‘யோ கோ², கஸ்ஸப, அஞ்ஞதித்தி²யபுப்³போ³’’திஆதி³மாஹ.
405. தத்த² பப்³ப³ஜ்ஜந்தி வசனஸிலிட்ட²தாவஸேனேவ வுத்தங், அபரிவஸித்வாயேவ ஹி பப்³ப³ஜ்ஜங் லப⁴தி. உபஸம்பத³த்தி²கேன பன நாதிகாலேன கா³மப்பவேஸனாதீ³னி அட்ட² வத்தானி பூரெந்தேன பரிவஸிதப்³ப³ங். ஆரத்³த⁴சித்தாதி அட்ட²வத்தபூரணேன வினயட்ட²கதா²யங் பப்³ப³ஜ்ஜக²ந்த⁴கவண்ணனாய வுத்தனயேன வேதி³தப்³போ³. அபி ச மெத்தா²தி அபி ச மே எத்த². புக்³க³லவேமத்ததா விதி³தாதி புக்³க³லனானத்தங் விதி³தங். ‘‘அயங் புக்³க³லோ பரிவாஸாரஹோ, அயங் ந பரிவாஸாரஹோ’’தி இத³ங் மய்ஹங் பாகடந்தி த³ஸ்ஸேதி. ததோ கஸ்ஸபோ சிந்தேஸி – ‘‘அஹோ அச்ச²ரியங் பு³த்³த⁴ஸாஸனங், யத்த² ஏவங் க⁴ங்ஸித்வா கொட்டெத்வா யுத்தமேவ க³ண்ஹந்தி, அயுத்தங் ச²ட்³டெ³ந்தீ’’தி, ததோ ஸுட்டு²தரங் பப்³ப³ஜ்ஜாய ஸஞ்ஜாதுஸ்ஸாஹோ – ‘‘ஸசே ப⁴ந்தே’’திஆதி³மாஹ.
அத² அசிரூபஸம்பன்னோதி உபஸம்பன்னோ ஹுத்வா நசிரமேவ. வூபகட்டோ²தி வத்து²காமகிலேஸகாமேஹி காயேன சேவ சித்தேன ச வூபகட்டோ². அப்பமத்தோதி கம்மட்டா²னே ஸதிங் அவிஜஹந்தோ. ஆதாபீதி காயிகசேதஸிகஸங்கா²தேன வீரியாதாபேன ஆதாபீ. பஹிதத்தோதி காயே ச ஜீவிதே ச அனபெக்க²தாய பேஸிதசித்தோ விஸ்ஸட்ட²அத்தபா⁴வோ. யஸ்ஸத்தா²யாதி யஸ்ஸ அத்தா²ய. குலபுத்தாதி ஆசாரகுலபுத்தா. ஸம்மதே³வாதி ஹேதுனாவ காரணேனேவ. தத³னுத்தரந்தி தங் அனுத்தரங். ப்³ரஹ்மசரியபரியோஸானந்தி மக்³க³ப்³ரஹ்மசரியஸ்ஸ பரியோஸானபூ⁴தங் அரஹத்தப²லங். தஸ்ஸ ஹி அத்தா²ய குலபுத்தா பப்³ப³ஜந்தி. தி³ட்டே²வ த⁴ம்மேதி இமஸ்மிங்யேவ அத்தபா⁴வே. ஸயங் அபி⁴ஞ்ஞா ஸச்சி²கத்வாதி அத்தனாயேவ பஞ்ஞாய பச்சக்க²ங் உபஸம்பஜ்ஜ விஹாஸீதி பாபுணித்வா ஸம்பாதெ³த்வா விஹாஸி, ஏவங் விஹரந்தோ ச கீ²ணா ஜாதி…பே॰… அப்³ப⁴ஞ்ஞாஸீதி.
ஏவமஸ்ஸ பச்சவெக்க²ணபூ⁴மிங் த³ஸ்ஸெத்வா அரஹத்தனிகூடேன தே³ஸனங் நிட்டா²பேதுங் ‘‘அஞ்ஞதரோ கோ² பனாயஸ்மா கஸ்ஸபோ அரஹதங் அஹோஸீ’’தி வுத்தங். தத்த² அஞ்ஞதரோதி ஏகோ. அரஹதந்தி அரஹந்தானங், ப⁴க³வதோ ஸாவகானங் அரஹந்தானங் அப்³ப⁴ந்தரோ அஹோஸீதி அயமெத்த² அதி⁴ப்பாயோ. யங் யங் பன அந்தரந்தரா ந வுத்தங், தங் தங் தத்த² தத்த² வுத்தத்தா பாகடமேவாதி.
இதி ஸுமங்க³லவிலாஸினியா தீ³க⁴னிகாயட்ட²கதா²யங்
மஹாஸீஹனாத³ஸுத்தவண்ணனா நிட்டி²தா.