2. ஸாமஞ்ஞப²லஸுத்தவண்ணனா
ராஜாமச்சகதா²வண்ணனா
150. ராஜக³ஹேதி ராஜக³ஹந்தி ஆஹ ‘‘மந்தா⁴து…பே॰… வுச்சதீ’’தி. தத்த² மஹாகோ³விந்தே³ன மஹாஸத்தேன பரிக்³க³ஹிதங் ரேணுஆதீ³ஹி ராஜூஹி பரிக்³க³ஹிதமேவ ஹோதீதி மஹாகோ³விந்த³க்³க³ஹணங். மஹாகோ³விந்தோ³தி மஹானுபா⁴வோ ஏகோ புராதனோ ராஜாதி கேசி. பரிக்³க³ஹிதத்தாதி ராஜதா⁴னீபா⁴வேன பரிக்³க³ஹிதத்தா. பகாரேதி நக³ரமாபனேன ரஞ்ஞா காரிதஸப்³ப³கே³ஹத்தா ராஜக³ஹங், கி³ஜ்ஜ²கூடாதீ³ஹி பரிக்கி²த்தத்தா பப்³ப³தராஜேஹி பரிக்கி²த்தகே³ஹஸதி³ஸந்திபி ராஜக³ஹங், ஸம்பன்னப⁴வனதாய ராஜமானங் கே³ஹந்தி பி ராஜக³ஹங், ஸங்விஹிதாரக்க²தாய அனத்தா²வஹபா⁴வேன உபக³தானங் படிராஜூனங் க³ஹங் கே³ஹபூ⁴தந்திபி ராஜக³ஹங், ராஜூஹி தி³ஸ்வா ஸம்மா பதிட்டா²பிதத்தா தேஸங் க³ஹங் கே³ஹபூ⁴தந்திபி ராஜக³ஹங், ஆராமராமணெய்யகாதீ³ஹி ராஜதே, நிவாஸஸுக²தாதி³னா ஸத்தேஹி மமத்தவஸேன க³ய்ஹதி, பரிக்³க³ய்ஹதீதி வா ராஜக³ஹந்தி ஏதி³ஸே பகாரே ஸோ பதே³ஸோ டா²னவிஸேஸபா⁴வேன உளாரஸத்தபரிபோ⁴கோ³தி ஆஹ ‘‘தங் பனேத’’ந்திஆதி³. தேஸந்தி யக்கா²னங். வஸனவனந்தி ஆபானபூ⁴மிபூ⁴தங் உபவனங்.
அவிஸேஸேனாதி ‘‘பாதிமொக்க²ஸங்வரஸங்வுதோ விஹரதி’’ (ம॰ நி॰ 1.69; 3.75; விப⁴॰ 508), ‘‘பட²மங் ஜா²னங் உபஸம்பஜ்ஜ விஹரதி, (தீ³॰ நி॰ 1.226; ஸங்॰ நி॰ 2.152; அ॰ நி॰ 4.123; பாரா॰ 11) ‘‘மெத்தாஸஹக³தேன சேதஸா ஏகங் தி³ஸங் ப²ரித்வா விஹரதி’’, (தீ³॰ நி॰ 1.556; 3.308; ம॰ நி॰ 1.77, 459, 509; 2.309, 315, 451, 471; 3.230; விப⁴॰ 642) ‘‘ஸப்³ப³னிமித்தானங் இரியாபதோ². டா²னாதீ³னஞ்ஹி க³தினிவத்தி ஆதி³அவத்தா²ஹி வினா ந கஞ்சி காயிககிரியங் பவத்தேதுங் ஸக்கா. விஹரதி பவத்ததி ஏதேன, விஹரணஞ்சாதி விஹாரோ, தி³ப்³ப³பா⁴வாவஹோ விஹாரோ தி³ப்³ப³விஹாரோ, மஹக்³க³தஜ்ஜா²னானி. நெத்தியங் பன ‘‘சதஸ்ஸோ ஆருப்பஸமாபத்தியோ ஆனேஞ்ஜா விஹாரா’’தி வுத்தங் அட்ட²கதா²ஸு பன தி³ப்³ப³பா⁴வாவஹஸாமஞ்ஞதோ தாபி ‘‘தி³ப்³ப³விஹாரா’’ த்வேவ வுத்தா. ஹிதூபஸங்ஹாராதி³வஸேன பவத்தியா ப்³ரஹ்மபூ⁴தா ஸெட்ட²பூ⁴தா விஹாராதி ப்³ரஹ்மவிஹாரா, மெத்தாஜா²னாதி³கா. அனஞ்ஞஸாதா⁴ரணத்தா அரியானங் விஹாராதி அரியவிஹாரா, சதஸ்ஸோபி ப²லஸமாபத்தியோ. ஸமங்கீ³பரிதீ³பனந்தி ஸமங்கி³பா⁴வபரிதீ³பனங். இரியாபத²ஸமாயோக³பரிதீ³பனங் இதரவிஹாரஸமாயோக³பரிதீ³பனஸ்ஸ விஸேஸவசனஸ்ஸ அபா⁴வதோ, இரியாபத²ஸமாயோக³பரிதீ³பனஸ்ஸ ச அத்த²ஸித்³த⁴த்தா. விஹரதீதி எத்த² வி-ஸத்³தோ³ விச்சே²த³த்த²ஜோதனோ, ஹரதீதி நேதி, பவத்தேதீதி அத்தோ². தத்த² கஸ்ஸ கேன விச்சி²ந்த³னங், கத²ங் கஸ்ஸ பவத்தனந்தி அந்தோலீனங் சோத³னங் ஸந்தா⁴யாஹ ‘‘ஸோ ஹீ’’திஆதி³.
கோ³சரகா³மத³ஸ்ஸனத்த²ங் ‘‘ராஜக³ஹே’’தி வத்வா பு³த்³தா⁴னங் அனுரூபனிவாஸனட்டா²னத³ஸ்ஸனத்த²ங் ‘‘அம்ப³வனே’’தி வுத்தந்தி ஆஹ ‘‘இத³மஸ்ஸா’’திஆதி³. ஏதந்தி ஏதங் ‘‘ராஜக³ஹே’’தி பு⁴ம்மவசனங் ஸமீபத்தே² ‘‘க³ங்கா³ய கா³வோ சரந்தி, கூபே க³க்³க³குல’’ந்தி ச யதா². குமாரேன கோமாரப⁴ச்சோ யதா² பி⁴ஸக்³க³மேவ பே⁴ஸஜ்ஜங். தோ³ஸாபி⁴ஸன்னந்தி வாதபித்தாதி³வஸேன உஸ்ஸன்னதோ³ஸங். விரேசெத்வாதி தோ³ஸபகோபதோ விவேசெத்வா.
அட்³ட⁴தேளஸஹீதி அட்³டே⁴ன தேரஸஹி அட்³ட⁴தேரஸஹி பி⁴க்கு²ஸதேஹி. தானி பன பஞ்ஞாஸாய ஊனானி தேரஸபி⁴க்கு²ஸதானி ஹொந்தீதி ஆஹ ‘‘அட்³ட⁴ஸதேனா’’திஆதி³.
ராஜதீதி தி³ப்³ப³தி, ஸோப⁴தீதி அத்தோ². ரஞ்ஜேதீதி ரமேதி. ரஞ்ஞோதி பிது பி³ம்பி³ஸாரரஞ்ஞோ. ஸாஸனட்டே²ன ஹிங்ஸனட்டே²ன ஸத்து.
பா⁴ரியேதி க³ருகே அஞ்ஞேஸங் அஸக்குணெய்யே வா. ஸுவண்ணஸத்த²கேனாதி ஸுவண்ணமயேன ஸத்த²கேன. அயோமயஞ்ஹி ரஞ்ஞோ ஸரீரங் உபனேதுங் அயுத்தந்தி வத³தி. ஸுவண்ணஸத்த²கேனாதி வா ஸுவண்ணபரிக்க²தேன ஸத்த²கேன பா³ஹுங் பா²லாபெத்வாதி ஸிராவேத⁴வஸேன பா³ஹுங் ப²லாபெத்வா உத³கேன ஸம்பி⁴ந்தி³த்வா பாயேஸி கேவலஸ்ஸ லோஹிதஸ்ஸ க³ப்³பி⁴னித்தி²யா து³ஜ்ஜீரபா⁴வதோ. து⁴ராதி து⁴ரபூ⁴தா, க³ணஸ்ஸ து⁴ரங் நீஹராமீதி க³ணது⁴ரங் க³ணப³ந்தி⁴யங் நிப்³ப³த்தேமி. ‘‘புப்³பே³ கோ²’’திஆதி³ க²ந்த⁴கபாளி ஏவ.
பொத்த²னியந்தி தி³வா தி³வஸ்ஸாதி தி³வஸ்ஸபி தி³வா, மஜ்ஜ²ன்ஹிகவேலாயந்தி அத்தோ².
தஸ்ஸா ஸரீரங் லேஹித்வா யாபேதி அத்தூபக்கமேன மரணங் ந யுத்தந்தி. ந ஹி அரியஸாவகா அத்தானங் வினிபாதெந்தீதி. மக்³க³ப²லஸுகே²னாதி மக்³க³ப²லஸுகா²வஹேன ஸோதாபத்திமக்³க³ப²லஸுகூ²பஸஞ்ஹிதேன சங்கமேன யாபேதி. சேதியங்க³ணேதி க³ந்த⁴புப்பா²தீ³ஹி பூஜனட்டா²னபூ⁴தே சேதியங்க³ணே நிஸஜ்ஜனத்தா²யாதி பி⁴க்கு²ஸங்க⁴னிஸீத³னத்தா²ய. சாதுமஹாராஜிகதே³வலோகே…பே॰… யக்கோ² ஹுத்வா நிப்³ப³த்தி தத்த² ப³ஹுலங் நிப்³ப³த்தபுப்³ப³தாய சிரபரிசிதனிகந்திவஸேன.
கோ²பெ⁴த்வாதி புத்தஸினேஹஸ்ஸ ப³லவபா⁴வதோ, ஸஹஜாதபீதிவேக³ஸ்ஸ ச ஸவிப்பா²ரதாய தங்ஸமுட்டா²னரூபத⁴ம்மேஹி ப²ரணவஸேன ஸகலஸரீரங் ஆலோளெத்வா. தேனாஹ ‘‘அட்டி²மிஞ்ஜங் ஆஹச்ச அட்டா²ஸீ’’தி. பிதுகு³ணந்தி பிது அத்தனி ஸினேஹகு³ணங். முஞ்சாபெத்வாதி எத்த² இதி-ஸத்³தோ³ பகாரத்தோ², தேன ‘‘அபி⁴மாரகபுரிஸபேஸனாதி³ப்பகாரேனா’’தி வுத்தே ஏவ பகாரே பச்சாமஸதி. வித்தா²ரகதா²னயோதி அஜாதஸத்துபஸாத³னாதி³வஸேன வித்தா²ரதோ வத்தப்³பா³ய கதா²ய நயமத்தங். கஸ்மா பனெத்த² வித்தா²ரனயா கதா² ந வுத்தாதி ஆஹ ‘‘ஆக³தத்தா பன ஸப்³ப³ங் ந வுத்த’’ந்தி.
கோஸலரஞ்ஞோதி மஹாகோஸலரஞ்ஞோ. பண்டி³தாதி⁴வசனந்தி பண்டி³தவேவசனங். வித³ந்தீதி ஜானந்தி. வேதே³ன ஞாணேன கரணபூ⁴தேன ஈஹதி பவத்ததீதி வேதே³ஹி.
எத்தா²தி ஏதஸ்மிங் தி³வஸே. அனஸனேன வாதி வா-ஸத்³தோ³ அனியமத்தோ², தேன ஏகச்சமனோது³ச்சரிதது³ஸ்ஸீல்யாதீ³னி ஸங்க³ண்ஹாதி. ததா² ஹி கோ³பாலகூபோஸதோ² அபி⁴ஜ்ஜா²ஸஹக³தசித்தஸ்ஸ வஸேன வுத்தோ, நிக³ண்டு²போஸதோ² மோஸவஜ்ஜாதி³வஸேன. யதா²ஹ ‘‘ஸோ தேன அபி⁴ஜ்ஜா²ஸஹக³தேன சேதஸா தி³வஸங் அதினாமேதீ’’தி (அ॰ நி॰ 1.71), ‘‘இதி யஸ்மிங் ஸமயே ஸச்சே ஸமாத³பேதப்³பா³, முஸாவாதே³ தஸ்மிங் ஸமயே ஸமாத³பெந்தீ’’தி (அ॰ நி॰ 1.71) ச ஆதி³. எத்தா²தி உபோஸத²ஸத்³தே³. அத்து²த்³தா⁴ரோதி வத்தப்³ப³அத்தா²னங் உத்³தா⁴ரணங்.
நனு உபோஸதோ², பாதிமொக்கு²த்³தே³ஸோ. ஸமாதா³னவஸேன அதி⁴ட்டா²னவஸேன வா உபேச்ச அரியவாஸாதி³அத்த²ங் வஸிதப்³ப³தோ உபோஸதோ², ஸீலங். அனஸனாதி³வஸேன உபேச்ச வஸிதப்³ப³தோ அனுவஸிதப்³ப³தோ உபோஸதோ². உபவாஸோதி ஸமாதா³னங். உபோஸத²குலபூ⁴ததாய நவமஹத்தி²னிகாயபரியாபன்னே ஹத்தி²னாகே³ கிஞ்சி கிரியங் அனபெக்கி²த்வா ரூள்ஹிவஸேன ஸமஞ்ஞாமத்தங் உபோஸதோ²தி ஆஹ ‘‘உபோஸதோ² நாக³ராஜாதிஆதீ³ஸு பஞ்ஞத்தீ’’தி. தி³வஸே பன உபோஸத²ஸத்³த³ப்பவத்தி அட்ட²கதா²யங் வுத்தா ஏவ. ஸுத்³த⁴ஸ்ஸ வே ஸதா³ ப²க்³கூ³தி எத்த² பன ஸுத்³த⁴ஸ்ஸாதி ஸப்³ப³ஸோ கிலேஸமலாபா⁴வேன ஸுத்³த⁴ஸ்ஸ. வேதி நிபாதமத்தங். வேதி வா ப்³யத்தந்தி அத்தோ². ஸதா³ ப²க்³கூ³தி நிச்சகாலம்பி ப²க்³கு³ணனக்க²த்தமேவ. யஸ்ஸ ஹி ப²க்³கு³ணமாஸே உத்தரப²க்³கு³ணதி³வஸே தித்த²ன்ஹானங் கரொந்தஸ்ஸ ஸங்வச்ச²ரிகபாபபவாஹனங் ஹோதீதி லத்³தி⁴, தங் ததோ விவேசேதுங் இத³ங் ப⁴க³வதா வுத்தங். ஸுத்³த⁴ஸ்ஸுபோஸதோ² ஸதா³தி யதா²வுத்தஸுத்³தி⁴யா ஸுத்³த⁴ஸ்ஸ உபோஸத²ங்கா³னி வதஸமாதா³னானி ச அஸமாதி³யதோபி நிச்சங் உபோஸதோ², உபோஸத²வாஸோ ஏவாதி அத்தோ². பஞ்சத³ஸன்னங் திதீ²னங் பூரணவஸேன பன்னரஸோ.
ப³ஹுஸோ குமுத³வதியா. சதுன்னங் மாஸானங் பாரிபூரிபூ⁴தாதி சாதுமாஸீ. ஸா ஏவ பாளியங் சாதுமாஸினீதி வுத்தாதி ஆஹ ‘‘இத⁴ பன சாதுமாஸினீதி வுச்சதீ’’தி. ததா³ கத்திகமாஸஸ்ஸ புண்ணதாய மாஸபுண்ணதா. வஸ்ஸானஸ்ஸ உதுனோ புண்ணதாய உதுபுண்ணதா. கத்திகமாஸலக்கி²தஸ்ஸ ஸங்வச்ச²ரஸ்ஸ புண்ணதாய ஸங்வச்ச²ரபுண்ணதா. ‘‘மா’’ இதி சந்தோ³ வுச்சதி தஸ்ஸ க³தியா தி³வஸஸ்ஸ மினிதப்³ப³தோ. எத்த² புண்ணோதி ஏதிஸ்ஸா ரத்தியா ஸப்³ப³கலாபாரிபூரியா புண்ணோ. ததா³ ஹி சந்தோ³ ஸப்³ப³ஸோ பரிபுண்ணோ ஹுத்வா தி³ஸ்ஸதி. எத்த² ச ‘‘தத³ஹுபோஸதே²
ராஜாமச்சபரிவுதோதி ராஜகுலஸமுதா³க³தேஹி அமச்சேஹி பரிவுதோ. அத² வா அனுயுத்தகராஜூஹி சதுருபக்கிலேஸாதி அப்³பா⁴ மஹிகா தூ⁴மரஜோ ராஹூதி இமேஹி சதூஹி உபக்கிலேஸேஹி. ஸன்னிட்டா²னங் கதங் அட்ட²கதா²யங்.
பீதிவசனந்தி பீதிஸமுட்டா²னங் வசனங். யஞ்ஹி வசனங் படிக்³கா³ஹகனிரபெக்க²ங் கேவலங் உளாராய பீதியா வஸேன ஸரஸதோ ஸஹஸாவ முக²தோ நிச்ச²ரதி, தங் இத⁴ ‘‘உதா³ன’’ந்தி அதி⁴ப்பேதங். தேனாஹ ‘‘யங் பீதிவசனங் ஹத³யங் க³ஹேதுங் ந ஸக்கோதீ’’திஆதி³.
தோ³ஸேஹி இதா க³தா அபக³தாதி தோ³ஸினா த-காரஸ்ஸ ந-காரங் கத்வா யதா² ‘‘கிலேஸே ஜிதோ விஜிதாவீதி ஜினோ’’தி. அனீய-ஸத்³தோ³ கத்துஅத்தே² வேதி³தப்³போ³தி ஆஹ ‘‘மனங் ரமயதீ’’தி ‘‘ரமணீயா’’தி யதா² ‘‘நிய்யானிகா த⁴ம்மா’’தி. ஜுண்ஹவஸேன ரத்தியா ஸுரூபதாதி ஆஹ ‘‘வுத்ததோ³ஸவிமுத்தாயா’’திஆதி³. தத்த² த³ஸ்ஸனீயதா, தேன, உதுஸம்பத்தியா ச பாஸாதி³கதா வேதி³தப்³பா³. லக்க²ணங் ப⁴விதுங் யுத்தாதி ஏதிஸ்ஸா ரத்தியா யுத்தோ தி³வஸோ மாஸோ உது ஸங்வச்ச²ரோதி ஏவங் தி³வஸமாஸஉதுஸங்வச்ச²ரானங் ஸல்லக்க²ணங் ப⁴விதுங் யுத்தா லக்க²ஞ்ஞா, லக்க²ணீயாதி அத்தோ².
‘‘யங் நோ பயிருபாஸதோ சித்தங் பஸீதெ³ய்யா’’தி வுத்தத்தா ‘‘ஸமணங் வா ப்³ராஹ்மணங் வா’’தி எத்த² பரமத்த²ஸமணோ ச பரமத்த²ப்³ராஹ்மணோ ச அதி⁴ப்பேதோ, ந பப்³ப³ஜ்ஜாமத்தஸமணோ, ந ஜாதிமத்தப்³ராஹ்மணோ சாதி ஆஹ ‘‘ஸமிதபாபதாய ஸமணங். பா³ஹிதபாபதாய ப்³ராஹ்மண’’ந்தி. ப³ஹுவசனே வத்தப்³பே³ ஏகவசனங், ஏகவசனே வா வத்தப்³பே³ ப³ஹுவசனங் வசனப்³யதயோ. அட்ட²கதா²யங் பன ஏகவசனவஸேனேவ ப்³யதயோ த³ஸ்ஸிதோ. அத்தனி, க³ருட்டா²னியே ச ஏகஸ்மிம்பி ப³ஹுவசனப்பயோகோ³ நிரூள்ஹோதி. ஸப்³பே³னபீதி ‘‘ரமணீயா வதா’’திஆதி³னா ஸப்³பே³ன வசனேன. ஓபா⁴ஸனிமித்தகம்மந்தி ஓபா⁴ஸபூ⁴தனிமித்தகம்மங் பரிப்³யத்தங் நிமித்தகரணந்தி அத்தோ². தே³வத³த்தோ சாதி. ச-ஸத்³தோ³ அத்தூபனயனே, தேன யதா² ராஜா அஜாதஸத்து அத்தனோ பிது அரியஸாவகஸ்ஸ ஸத்து²உபட்டா²கஸ்ஸ கா⁴தனேன மஹாபராதோ⁴ தஸ்ஸ பிட்டி²சா²யாயாதி தஸ்ஸ ஜீவகஸ்ஸ பிட்டி²அபஸ்ஸயேன, தங் பமுக²ங் கத்வா தங் அபஸ்ஸாயாதி அத்தோ². விக்கே²பபச்சே²த³னத்த²ந்தி பா⁴வினியா அத்தனோ கதா²ய உப்பஜ்ஜனகவிக்கே²பனஸ்ஸ பச்சி²ந்த³னத்த²ங், அனுப்பத்திஅத்த²ந்தி அதி⁴ப்பாயோ. தேனாஹ ‘‘தஸ்ஸங் ஹீ’’திஆதி³.
151. ‘‘ஸோ கிரா’’திஆதி³ போராணட்ட²கதா²ய ஆக³தனயோ. ஏஸேவ நயோ பரதோ மக்க²லிபத³னிப்³ப³சனேபி உபஸங்கமந்தீதி உபக³தா. ததே³வ பப்³ப³ஜ்ஜங் அக்³க³ஹேஸீதி ததே³வ நக்³க³ரூபங் பப்³ப³ஜ்ஜங் கத்வா க³ண்ஹி.
பப்³ப³ஜிதஸமூஹஸங்கா²தோ ஸங்கோ⁴தி பப்³ப³ஜிதஸமூஹதாமத்தேன ஸங்கோ⁴, ந நிய்யானிகதி³ட்டி²ஸுவிஸுத்³த⁴ஸீலஸாமஞ்ஞவஸேன ஸங்ஹதத்தாதி அதி⁴ப்பாயோ. அஸ்ஸ அத்தீ²தி அஸ்ஸ ஸத்து²படிஞ்ஞஸ்ஸ பரிவாரபூ⁴தோ அத்தி². ஸ்வேவாதி பப்³ப³ஜிதஸமூஹஸங்கா²தோவ. கேசி பன ‘‘பப்³ப³ஜிதஸமூஹவஸேன ஸங்கீ⁴, க³ஹட்ட²ஸமூஹவஸேன க³ணீ’’தி வத³ந்தி, தங் தேஸங் மதிமத்தங் க³ணே ஏவ லோகே ஸங்க⁴-ஸத்³த³ஸ்ஸ நிரூள்ஹத்தா. ஆசாரஸிக்கா²பனவஸேனாதி அசேலக வதசரியாதி³ஆசாரஸிக்கா²பனவஸேன. பாகடோதி ஸங்கீ⁴ஆதி³பா⁴வேன பகாஸிதோ. ‘‘அப்பிச்சோ²’’தி வத்வா தத்த² லப்³ப⁴மானங் அப்பிச்ச²த்தங் த³ஸ்ஸேதுங் ‘‘அப்பிச்ச²தாய வத்த²ம்பி ந நிவாஸேதீ’’தி வுத்தங். ந ஹி தஸ்மிங் ஸாஸனிகே விய ஸந்தகு³ணனிகூ³ஹணலக்க²ணா அப்பிச்ச²தா லப்³ப⁴தீதி. யஸோதி கித்திஸத்³தோ³. ‘‘தரந்தி ஏதேன ஸங்ஸாரோக⁴’’ந்தி ஏவங் ஸம்மதத்தா தித்த²ங் வுச்சதி லத்³தீ⁴தி ஆஹ ‘‘தித்த²கரோதி லத்³தி⁴கரோ’’தி. ஸாது⁴ஸம்மதோதி ‘‘ஸாதூ⁴’’தி ஸம்மதோ, ந ஸாதூ⁴ஹி ஸம்மதோதி ஆஹ ‘‘அயங் ஸாதூ⁴’’திஆதி³. ‘‘இமானி மே வதஸமாதா³னானி எத்தகங் காலங் ஸுசிணானீ’’தி பப்³ப³ஜிததோ பட்டா²ய அதிக்கந்தா ப³ஹூ ரத்தியோ ஜானாதீதி ரத்தஞ்ஞூ. தா பனஸ்ஸ ரத்தியோ சிரகாலபூ⁴தாதி கத்வா சிரங் பப்³ப³ஜிதஸ்ஸ அஸ்ஸாதி சிரபப்³ப³ஜிதோ. தத்த² சிரபப்³ப³ஜிததாக³ஹணேன பு³த்³தி⁴ஸீலதங் த³ஸ்ஸேதி, ரத்தஞ்ஞுதாக³ஹணேன தத்த² ஸம்பஜானதங். அத்³தா⁴னந்தி தீ³க⁴காலங். கித்தகோ பன ஸோதி ஆஹ ‘‘த்³வே தயோ ராஜபரிவட்டே’’தி, த்³வின்னங் திண்ணங் ராஜூனங் ரஜ்ஜங் அனுஸாஸனபடிபாடியோதி அத்தோ². ‘‘அத்³த⁴க³தோ’’தி வத்வா கதங் வயோக³ஹணங் ஓஸானவயாபெக்க²ந்தி ஆஹ ‘‘பச்சி²மவயங் அனுப்பத்தோ’’தி. உப⁴யந்தி ‘‘அத்³த⁴க³தோ, வயோஅனுப்பத்தோ’’தி பத³த்³வயங்.
புப்³பே³ ‘‘ஜா²னாபி⁴ஞ்ஞாதி³…பே॰… ஸோதுகாமோ’’தி. த³ஸ்ஸனேனாதி ந த³ஸ்ஸனமத்தங், தி³ஸ்வா பன தேன ஸத்³தி⁴ங் ஆலாபஸல்லாபங் கத்வா ததோ அகிரியவாத³ங் ஸுத்வா தேஸங் அனத்தமனோ அஹோஸி. கு³ணகதா²யாதி அபூ⁴தகு³ணகதா²ய. தேனாஹ ‘‘ஸுட்டு²தரங் அனத்தமனோ ஹுத்வா’’தி. யதி³ அனத்தமனோ, கஸ்மா துண்ஹீ அஹோஸீதி ஆஹ ‘‘அனத்தமனோ ஸமானோபீ’’திஆதி³.
152. கோ³ஸாலாயாதி ஏவங் நாமகே கா³மே. வஸ்ஸானகாலே கு³ன்னங் திட்ட²னஸாலாதி ஏகே.
153. படிகிட்ட²தரந்தி தந்தாவுதானீதி தந்தே பஸாரெத்வா வீதானி. ‘‘ஸீதே ஸீதோ’’திஆதி³னா ச²ஹாகாரேஹி தஸ்ஸ நிஹீனஸ்ஸ நிஹீனதரதங் த³ஸ்ஸேதி.
154. வச்சங் கத்வாபீதி பி-ஸத்³தே³ன போ⁴ஜனங் பு⁴ஞ்ஜித்வாபி கேனசி அஸுசினா மக்கி²தோ பீதி இமமத்த²ங் ஸம்பிண்டே³தி. வாலிகதூ²பங் கத்வாதி வத்தவஸேன வாலிகாய தூ²பங் கத்வா.
156. பலிபு³த்³த⁴னகிலேஸோதி ஸங்ஸாரே பலிபு³த்³த⁴னகிச்சோ ராகா³தி³கிலேஸோ கெ²த்தவத்து²புத்ததா³ராதி³விஸயோ.
கோமாரப⁴ச்சஜீவககதா²வண்ணனா
157. ந யதா²தி⁴ப்பாயங் வத்ததீதி கத்வா வுத்தங் ‘‘அனத்தோ² வத மே’’தி. ஜீவகஸ்ஸ துண்ஹீபா⁴வோ மம அதி⁴ப்பாயஸ்ஸ மத்³த³னஸதி³ஸோ, தஸ்மா தங் புச்சி²த்வா கதா²பனேன மம அதி⁴ப்பாயோ பூரேதப்³போ³தி அயமெத்த² ரஞ்ஞோ அஜ்ஜா²ஸயோதி த³ஸ்ஸெந்தோ ‘‘ஹத்தி²ம்ஹி நு கோ² பனா’’திஆதி³மாஹ. கிங் துண்ஹீதி கிங் காரணா துண்ஹீ, கிங் தங் காரணங், யேன துவங் துண்ஹீதி வுத்தங் ஹோதி. தேனாஹ ‘‘கேன காரணேன துண்ஹீ’’தி.
காமங் ஸப்³பா³பி ததா²க³தஸ்ஸ படிபத்தி அனஞ்ஞஸாதா⁴ரணா அச்ச²ரியஅப்³பு⁴தரூபா ச, ததா²பி க³ப்³போ⁴க்கந்தி- இத்த²ம்பூ⁴தாக்²யானத்தே²தி இத்த²ங் ஏவங் பகாரோ பூ⁴தோ ஜாதோதி ஏவங் கத²னத்தே². உபயோக³வசனந்தி. ‘‘அப்³பு⁴க்³க³தோ’’தி எத்த² அபீ⁴தி உபஸக்³கோ³ இத்த²ம்பூ⁴தாக்²யானத்த²ஜோதகோ, தேன யோக³தோ ‘‘தங் கோ² பன ப⁴க³வந்த’’ந்தி இத³ங் ஸாமிஅத்தே² உபயோக³வசனங், தேனாஹ ‘‘தஸ்ஸ கோ² பன ப⁴க³வதோதி அத்தோ²’’தி. கல்யாணகு³ணஸமன்னாக³தோதி கல்யாணேஹி கு³ணேஹி யுத்தோ, தங் நிஸ்ஸிதோ தப்³பி³ஸயதாயாதி அதி⁴ப்பாயோ. ஸெட்டோ²தி எத்தா²பி ஏஸேவ நயோ. கித்தேதப்³ப³தோ கித்தி, ஸா ஏவ ஸத்³த³னீயதோ ஸத்³தோ³தி ஆஹ ‘‘கித்திஸத்³தோ³தி கித்தியேவா’’தி. அபி⁴த்த²வனவஸேன பவத்தோ ஸத்³தோ³ து²திகோ⁴ஸோ. அனஞ்ஞஸாதா⁴ரணகு³ணே ஆரப்³ப⁴ பவத்தத்தா ஸதே³வகங் லோகங் அஜ்ஜொ²த்த²ரித்வா அபி⁴ப⁴வித்வா உக்³க³தோ.
ஸோ ப⁴க³வாதி யோ ஸோ ஸமதிங் ஸபாரமியோ பூரெத்வா ஸப்³ப³கிலேஸே ப⁴ஞ்ஜித்வா அனுத்தரங் ஸம்மாஸம்போ³தி⁴ங் ‘‘ப⁴க³வா’’தி ச இத³ங் ஸத்து² நாமகித்தனங். தேனாஹ ஆயஸ்மா த⁴ம்மஸேனாபதி ‘‘ப⁴க³வாதி நேதங் நாமங் மாதரா கத’’ந்திஆதி³ (மஹானி॰ 84). பரதோ பன ப⁴க³வாதி கு³ணகித்தனங்.
யதா² கம்மட்டா²னிகேன ‘‘அரஹ’’ந்திஆதீ³ஸு நவட்டா²னேஸு பச்சேகங் இதி-ஸத்³த³ங் யோஜெத்வா பு³த்³த⁴கு³ணா அனுஸ்ஸரீயந்தி, ஏவங் பு³த்³த⁴கு³ணஸங்கித்தகேனாபீதி த³ஸ்ஸெந்தோ ‘‘இதிபி அரஹங், இதிபி ஸம்மாஸம்பு³த்³தோ⁴…பே॰… இதிபி ப⁴க³வா’’தி ஆஹ. ‘‘இதிபேதங் இதி-ஸத்³தோ³ ஆஸன்னபச்சக்க²கரணத்தோ², பி-ஸத்³தோ³ ஸம்பிண்ட³னத்தோ², தேன ச தேஸங் கு³ணானங் ப³ஹுபா⁴வோ தீ³பிதோ. தானி ச ஸங்கித்தெந்தேன விஞ்ஞுனா சித்தஸ்ஸ ஸம்முகீ²பூ⁴தானேவ கத்வா ஸங்கித்தேதப்³பா³னீதி த³ஸ்ஸெந்தோ ‘‘இமினா ச இமினா ச காரணேனாதி வுத்தங் ஹோதீ’’தி ஆஹ. ஏவஞ்ஹி நிரூபெத்வா கித்தெந்தே யஸ்ஸ ஸங்கித்தேதி, தஸ்ஸ ப⁴க³வதி அதிவிய அபி⁴ப்பஸாதோ³ ஹோதி. ஆரகத்தாதி ஸுவிதூ³ரத்தா. அரீனந்தி கிலேஸாரீனங். அரானந்தி ஸங்ஸாரசக்கஸ்ஸ அரானங். ஹதத்தாதி விஹதத்தா. பச்சயாதீ³னந்தி சீவராதி³பச்சயானஞ்சேவ ததோதி விஸுத்³தி⁴மக்³க³தோ. யதா² ச விஸுத்³தி⁴மக்³க³தோ, ஏவங் தங்ஸங்வண்ணனதோபி நேஸங் வித்தா²ரோ க³ஹேதப்³போ³.
யஸ்மா ஜீவகோ ப³ஹுஸோ ஸத்து²ஸந்திகே பு³த்³த⁴கு³ணே ஸுத்வா டி²தோ, தி³ட்ட²ஸச்சதாய ச ஸத்து²ஸாஸனே விக³தகத²ங்கதோ² வேஸாரஜ்ஜப்பத்தோ, தஸ்மா ஆஹ ‘‘ஜீவகோ பனா’’திஆதி³. பஞ்சவண்ணாயாதி கு²த்³தி³காதி³வஸேன பஞ்சப்பகாராய. நிரந்தரங் பு²டங் அஹோஸி கதாதி⁴காரபா⁴வதோ. கம்மந்தராயவஸேன ஹிஸ்ஸ ரஞ்ஞோ கு³ணஸரீரங் க²துபஹதங் அஹோஸி.
158. ‘‘உத்தம’’ந்தி வத்வா ந கேவலங் ஸெட்ட²பா⁴வோ ஏவெத்த² காரணங், அத² கோ² அப்பஸத்³த³தாபி காரணந்தி த³ஸ்ஸேதுங் ‘‘அஸ்ஸயானரத²யானானீ’’திஆதி³ வுத்தங். ஹத்தி²யானேஸு நிப்³பி³ஸேவனமேவ க³ண்ஹந்தோ ஹத்தி²னியோவ கப்பாபேஸி. ரஞ்ஞோ ஆஸங்கானிவத்தனத்த²ங் ஆஸன்னசாரீபா⁴வேன தத்த² இத்தி²யோவ நிஸஜ்ஜாபிதா. ரஞ்ஞோ பரேஸங் து³ருபஸங்கமனபா⁴வத³ஸ்ஸனத்த²ங் புரிஸவேஸங் கா³ஹாபெத்வா ஆவுத⁴ஹத்தா² காரிதா. படிவேதே³ஸீதி ஞாபேஸி. ததே³வாதி க³மனங், அக³மனமேவ வா.
159. மஹஞ்சாதி கரணத்தே² பச்சத்தவசனந்தி ஆஹ ‘‘மஹதாசா’’தி. மஹச்சாதி மஹதியா ‘‘ராஜானுபா⁴வேனா’’தி ‘‘த்³வின்னங் மஹாரட்டா²னங் இஸ்ஸரியஸிரீ’’தி அங்க³மக³த⁴ரட்டா²னங் ஆதி⁴பச்சமாஹ. ஆஸத்தக²க்³கா³னீதி அங்ஸே ஓலம்ப³னவஸேன ஸன்னத்³த⁴அஸீனி. குலபோ⁴க³இஸ்ஸரியாதி³வஸேன மஹதீ மத்தா ஏதேஸந்தி மஹாமத்தா, மஹானுபா⁴வா ராஜபுரிஸா. விஜ்ஜாத⁴ரதருணா வியாதி விஜ்ஜாத⁴ரகுமாரா விய. ரட்டி²யபுத்தாதி போ⁴ஜபுத்தா. ஹத்தி²க⁴டாதி ஹத்தி²ஸமூஹா. அஞ்ஞமஞ்ஞஸங்க⁴ட்டனாதி அவிச்சே²த³வஸேன க³மனேன அஞ்ஞமஞ்ஞஸம்ப³ந்தா⁴.
சித்துத்ராஸோ ஸயங் பா⁴யனட்டே²ன ப⁴யங் யதா² ததா² பா⁴யதீதி கத்வா. ஞாணங் பா⁴யிதப்³பே³ ஏவ வத்து²ஸ்மிங் ப⁴யதோ உபட்டி²தே ‘‘பா⁴யிதப்³ப³மித³’’ந்தி ப⁴யதோ தீரணதோ ப⁴யங். தேனேவாஹ ‘‘ப⁴யதுபட்டா²னஞாணங் பன பா⁴யதி நபா⁴யதீதி? ந பா⁴யதி. தஞ்ஹி அதீதா ஸங்கா²ரா நிருத்³தா⁴, பச்சுப்பன்னா நிருஜ்ஜ²ந்தி, அனாக³தா நிருஜ்ஜி²ஸ்ஸந்தீதி தீரணமத்தமேவ ஹோதீ’’தி (விஸுத்³தி⁴॰ 2.751). ஆரம்மணங் ப⁴யங். ஓதப்பங் பாபதோ பா⁴யதி ஏதேனாதி ப⁴யங். ப⁴யானகந்தி பா⁴யனாகாரோ. ப⁴யந்தி ஞாணப⁴யங். ஸங்வேக³ந்தி ஸஹொத்தப்பஞாணங் ஸந்தாஸந்தி ஸப்³ப³ஸோ உப்³பி³ஜ்ஜனங். பா⁴யிதப்³ப³ட்டே²ன ப⁴யங் பீ⁴மபா⁴வேன பே⁴ரவந்தி ப⁴யபே⁴ரவங், பீ⁴தப்³ப³வத்து². தேனாஹ ‘‘ஆக³ச்ச²தீ’’தி.
பீ⁴ருங் பஸங்ஸந்தீதி பாபதோ பா⁴யனதோ உத்தஸனதோ பீ⁴ருங் பஸங்ஸந்தி பண்டி³தா. ந ஹி தத்த² ஸூரந்தி தஸ்மிங் பாபகரணே ஸூரங் பக³ப்³ப⁴த⁴ங்ஸினங் ந ஹி பஸங்ஸந்தி. தேனாஹ ‘‘ப⁴யா ஹி ஸந்தோ ந கரொந்தி பாப’’ந்தி. தத்த² ப⁴யாதி பாபுத்ராஸதோ, ஒத்தப்பஹேதூதி அத்தோ². ஸரீரசலனந்தி ப⁴யவஸேனஸரீரஸங்கம்போ. ஏகேதி உத்தரவிஹாரவாஸினோ. ‘‘ராஜக³ஹே’’திஆதி³ தேஸங் அதி⁴ப்பாயவிவரணங். காமங் வயதுல்யோ ‘‘வயஸ்ஸோ’’தி வுச்சதி, ரூள்ஹிரேஸோ, யோ கோசி பன ஸஹாயோ வயஸ்ஸோ, தஸ்மா வயஸ்ஸாபி⁴லாபோதி ஸஹாயாபி⁴லாபோ. ந விப்பலம்பே⁴ஸீதி ந விஸங்வாதே³ஸி. வினஸ்ஸெய்யாதி சித்தவிகா⁴தேன விஹஞ்ஞெய்ய.
ஸாமஞ்ஞப²லபுச்சா²வண்ணனா
160. ப⁴க³வதோ தேஜோதி பு³த்³தா⁴னுபா⁴வோ. ரஞ்ஞோ ஸரீரங் ப²ரி யதா² தங் ஸோணத³ண்ட³ஸ்ஸ ப்³ராஹ்மணஸ்ஸ ப⁴க³வதோ ஸந்திகங் க³ச்ச²ந்தஸ்ஸ அந்தோவனஸண்ட³க³தஸ்ஸ. ஏகேதி உத்தரவிஹாரவாஸினோ.
161. யேன, தேனாதி ச பு⁴ம்மத்தே² கரணவசனந்தி ஆஹ ‘‘யத்த² ப⁴க³வா, தத்த² க³தோ’’தி. ததா³ ‘‘யதோ யதோ…பே॰… மேவாதி அத்தோ²’’தி. ஹத்த²ஸ்ஸ குகதத்தா அஸங்யமோ அஸம்பஜஞ்ஞகிரியா ஹத்த²குக்குச்சந்தி வேதி³தப்³போ³. வா-ஸத்³தோ³ அவுத்தவிகப்பத்தோ², தேன தத³ஞ்ஞோ அஸங்யமபா⁴வோ விபா⁴விதோதி த³ட்ட²ப்³ப³ங். தத்த² பன சக்கு²அஸங்யமோ ஸப்³ப³பட²மோ, து³ன்னிவாரோ சாதி தத³பா⁴வங் த³ஸ்ஸேதுங் ‘‘ஸப்³பா³லங்காரபடிமண்டி³த’’ந்திஆதி³ வுத்தங். காயிகவாசஸிகேன உபஸமேன லத்³தே⁴ன இதரோபி அனுமானதோ லத்³தோ⁴ ஏவ ஹோதீதி ஆஹ ‘‘மானஸிகேன சா’’தி. உபஸமந்தி ஸங்யமங், ஆசாரஸம்பத்திந்தி அத்தோ². பஞ்சபரிவட்டேதி பஞ்சபுரிஸபரிவட்டே. பஞ்சஹாகாரேஹீதி ‘‘இட்டா²னிட்டே² தாதி³லக்க²ணேதி தாதி³பா⁴வே.
162. ந மே பஞ்ஹவிஸ்ஸஜ்ஜனே பா⁴ரோ அத்தீ²தி ஸத்து² ஸப்³ப³த்த² அப்படிஹதஞாணசாரதாத³ஸ்ஸனங். யதா³கங்க²ஸீதி ந வத³ந்தி, கத²ங் பன வத³ந்தீதி ஆஹ ‘‘ஸுத்வா வேதி³ஸ்ஸாமா’’தி பதே³ஸஞாணே டி²தத்தா. பு³த்³தா⁴ பன ஸப்³ப³ஞ்ஞுபவாரணங் பவாரெந்தீதி ஸம்ப³ந்தோ⁴. ‘‘யக்க²னரிந்த³தே³வஸமணப்³ராஹ்மணபரிப்³பா³ஜகான’’ந்தி இத³ங் ‘‘புச்சா²வுஸோ யதா³கங்க²ஸீ’’திஆதீ³னி (ஸங்॰ நி॰ 1.237, 246; ஸு॰ நி॰ ஆளவகஸுத்தே) ஸுத்தபதா³னி புச்ச²ந்தானங் யேஸங் புக்³க³லானங் வஸேன ஆக³தானி, தங் த³ஸ்ஸனத்த²ங். ‘‘புச்சா²வுஸோ யதா³கங்க²ஸீ’’தி இத³ங் ஆளவகஸ்ஸ யக்க²ஸ்ஸ ஓகாஸகரணங், ஸேஸானி நரிந்தா³தீ³னங். மனஸிச்ச²ஸீதி மனஸா இச்ச²ஸி. புச்ச²வ்ஹோ, யங் கிஞ்சி மனஸிச்ச²தா²தி பா³வரிஸ்ஸ ஸங்ஸயங் மனஸா புச்ச²வ்ஹோ. தும்ஹாகங் பன ஸப்³பே³ஸங் யங் கிஞ்சி ஸப்³ப³ஸங்ஸயங் மனஸா, அஞ்ஞதா² ச, யதா² இச்ச²த², ததா² புச்ச²வ்ஹோதி அதி⁴ப்பாயோ.
ஸாது⁴ரூபாதி ஸாது⁴ஸபா⁴வா. த⁴ம்மோதி பவேணீத⁴ம்மோ. வுத்³த⁴ந்தி ஸீலாதீ³ஹி பு³த்³தி⁴ப்பத்தங், க³ருந்தி அத்தோ². ஏஸ பா⁴ரோதி ஏஸ ஸங்ஸயூபச்சே²த³னஸங்கா²தோ பா⁴ரோ, ஆக³தோ பா⁴ரோ அவஸ்ஸங் ஆவஹிதப்³போ³தி அதி⁴ப்பாயோ. ஞத்வா ஸயந்தி பரூபதே³ஸேன வினா ஸயமேவ ஞத்வா.
ஸுசிரதேனாதி ஏவங் நாமகேன ப்³ராஹ்மணேன. தக்³கா⁴தி யதா²பி குஸலோ ததா²தி யதா² ஸப்³ப³த⁴ம்மகுஸலோ ஸப்³ப³விதூ³ ஜானாதி கதே²தி, ததா² அஹமக்கி²ஸ்ஸங். ராஜா ச கோ² தங் யதி³ காஹதி வா ந வாதி யோ தங் இத⁴ புச்சி²துங் பேஸேஸி, ஸோ ராஜானங் தயா புச்சி²தங் கரோது வா மா வா, அஹங் பன தே அக்கி²ஸ்ஸங் அக்கி²ஸ்ஸாமி, ஆசிக்கி²ஸ்ஸாமீதி அத்தோ².
163. ஸிப்பனட்டே²ன ஸிக்கி²தப்³ப³தாய ச ஸிப்பமேவ ஸிப்பாயதனங் ஜீவிகாய காரணபா⁴வதோ ஸெய்யதி²த³ந்தி நிபாதோ, தஸ்ஸ தே கதமேதி அத்தோ². புது² ஸிப்பாயதனானீதி ஹி ஸாதா⁴ரணதோ ஸிப்பானி உத்³தி³ஸித்வா உபரி தங்தங்ஸிப்பூபஜீவினோ நித்³தி³ட்டா² புக்³க³லாதி⁴ட்டா²னகதா²ய பபஞ்சங் பரிஹரிதுங். அஞ்ஞதா² யதா²தி⁴ப்பேதானி தாவ ஸிப்பாயதனானி த³ஸ்ஸெத்வா புன தங்தங்ஸிப்பூபஜீவீஸு த³ஸ்ஸியமானேஸு பபஞ்சோ ஸியாதி. தேனாஹ ‘‘ஹத்தா²ரோஹா’’திஆதி³.
ஹத்தி²ங் ஹத்தா²ரோஹா. யேஹி பயோகே³ஹி புரிஸோ ஹத்தி²னோ ஆரோஹனயொக்³கோ³ ஹோதி, ஹத்தி²ஸ்ஸ தங் பயோக³ங் விதா⁴யதங் ஸப்³பே³ஸங் பேதேஸங் க³ஹணங். தேனாஹ ‘‘ஸப்³பே³பீ’’திஆதி³. தத்த² ஹத்தா²சரியா நாம யே ஹத்தி²னோ ஹத்தா²ரோஹகானஞ்ச ஸிக்க²பகா. ஹத்தி²வேஜ்ஜா நாம ஹத்தி²பி⁴ஸக்கா. ஹத்தி²மெண்டா³ நாம ஹத்தீ²னங் பாத³ரக்க²கா. ஆதி³-ஸத்³தே³ன ஹத்தீ²னங் யவஸதா³யகாதி³கே ஸங்க³ண்ஹாதி. அஸ்ஸாரோஹா ரதி²காதி எத்தா²பி ஏஸேவ நயோ. ரதே² நியுத்தா ரதி²கா. ரத²ரக்கா² நாம ரத²ஸ்ஸ ஆணிரக்க²கா. த⁴னுங் க³ண்ஹந்தி, க³ண்ஹாபெந்தி சாதி த⁴னுக்³க³ஹா, இஸ்ஸாஸா ‘‘த⁴னுஆசரியா இஸ்ஸாஸா’’தி. சேலேன சேலபடாகாய யுத்³தே⁴ அகந்தி க³ச்ச²ந்தீதி சேலகாதி ஆஹ ‘‘யே யுத்³தே⁴ ஜயத⁴ஜங் க³ஹெத்வா புரதோ க³ச்ச²ந்தீ’’தி. யதா² ததா² டி²தே ஸேனிகே ப்³யூஹகரணவஸேன ததோ சலயந்தி உச்சாலெந்தீதி சலகா. ஸகுணக்³கி⁴ஆத³யோ விய மங்ஸபிண்ட³ங் பரஸேனாஸமூஹங் ஸாஹஸிகமஹாயோத⁴தாய செ²த்வா செ²த்வா த³யந்தி உப்பதித்வா உப்பதித்வா க³ச்ச²ந்தீதி பிண்ட³தா³யகா. து³தியவிகப்பே பிண்டே³ த³யந்தி ஜனஸம்மத்³தே³ உப்பதந்தா விய க³ச்ச²ந்தீதி பிண்ட³தா³யகாதி அத்தோ² வேதி³தப்³போ³. உக்³க³துக்³க³தாதி தா²மஜவபரக்கமாதி³வஸேன அதிவிய உக்³க³தா உக்³கா³தி அத்தோ². பக்க²ந்த³ந்தீதி அத்தனோ வீரஸூரபா⁴வேன அஸஜ்ஜமானா பரஸேனங் அனுபவிஸந்தீதி அத்தோ². தா²மஜவப³லபரக்கமாதி³ஸம்பத்தியா மஹானாகா³ விய மஹானாகா³. ஏகந்தஸூராதி ஏகாகிஸூரா அத்தனோ ஸூரபா⁴வேனேவ ஏகாகினோ ஹுத்வா யுஜ்ஜ²னகா. ஸஜாலிகாதி ஸவம்மிகா. ஸரபரித்தாணசம்மந்தி சம்மபரிஸிப்³பி³தங் கே²டகங், சம்மமயங் வா ப²லகங். க⁴ரதா³ஸயோதா⁴தி அந்தோஜாதயோதா⁴.
ஆளாரங் வுச்சதி மஹானஸங், தத்த² நியுத்தாதி ஆளாரிகா, ப⁴த்தகாரா. பூவிகாதி பூவஸம்பாத³கா, யே பூவமேவ நானப்பகாரதோ ஸம்பாதெ³த்வா விக்கிணந்தா ஜீவந்தி. கேஸனக²லிக²னாதி³வஸேன மனுஸ்ஸானங் அலங்காரவிதி⁴ங் கப்பெந்தி ஸங்வித³ஹந்தீதி கப்பகா. ந்ஹாபகாதி சுண்ணவிலேபனாதீ³ஹி அச்சி²த்³த³கபாட²கா. ஹத்தே²ன அதி⁴ப்பாயவிஞ்ஞாபனங் ஹத்த²முத்³தா³ ஹத்த²-ஸத்³தோ³ செத்த² ததே³கதே³ஸேஸு அங்கு³லீஸு த³ட்ட²ப்³போ³. ‘‘ந பு⁴ஞ்ஜமானோ ஸப்³ப³ங் ஹத்த²ங் முகே² பக்கி²பிஸ்ஸாமீ’’திஆதீ³ஸு விய, தஸ்மா அங்கு³லிஸங்கோசனாதி³னா ஹத்த²முத்³தா³ய க³ணனா. சித்தகாராதீ³னீதி. ஆதி³-ஸத்³தே³ன ப⁴மகாரகொட்டகலேக²க விலீவகாராதீ³னங் ஸங்க³ஹோ த³ட்ட²ப்³போ³. தி³ட்டே²வ த⁴ம்மேதி இமஸ்மிங்யேவ அத்தபா⁴வே. ஸந்தி³ட்டி²கமேவாதி அஸம்பராயிகதாய ஸாமங் த³ட்ட²ப்³ப³ங், ஸயங் அனுப⁴விதப்³ப³ங் அத்தபச்சக்க²ங் தி³ட்ட²த⁴ம்மிகந்தி அத்தோ². ஸுகி²தந்தி ஸுக²ப்பத்தங். உபரீதி தே³வலோகே. ஸோ ஹி மனுஸ்ஸலோகதோ உபரிமோ. கம்மஸ்ஸ கதத்தா நிப்³ப³த்தனதோ தஸ்ஸ ப²லங் தஸ்ஸ அக்³கி³ஸிகா² விய ஹோதி, தஞ்ச உத்³த⁴ங் தே³வலோகேதி ஆஹ ‘‘உத்³த⁴ங் அக்³க³ங் அஸ்ஸா அத்தீ²தி உத்³த⁴க்³கி³கா’’தி. ஸக்³க³ங் அரஹதீதி அத்தனோ ப²லபூ⁴தங் ஸக்³க³ங் அரஹதி, தத்த² ஸா நிப்³ப³த்தனாரஹோதி அத்தோ². ஸுக²விபாகாதி இட்ட²விபாகவிபச்சனீகா. ஸுட்டு² அக்³கே³தி அதிவிய உத்தமே உளாரே. த³க்க²ந்தி வட்³ட⁴ந்தி ஏதாயாதி த³க்கி²ணா, பரிச்சாக³மயங் புஞ்ஞந்தி ஆஹ ‘‘த³க்கி²ணங் தா³ன’’ந்தி.
மக்³கோ³ ஸாமஞ்ஞங் ஸமிதபாபஸமணபா⁴வோதி கத்வா. யஸ்மா அயங் ராஜா பப்³ப³ஜிதானங் தா³ஸகஸ்ஸகாதீ³னங் லோகதோ அபி⁴வாத³னாதி³லாபோ⁴ ஸந்தி³ட்டி²கங் ஸாமஞ்ஞப²லந்தி சிந்தெத்வா ‘‘அத்தி² நு கோ² கோசி ஸமணோ வா ப்³ராஹ்மணோ வா ஈதி³ஸமத்த²ங் ஜானந்தோ’’தி வீமங்ஸந்தோ பூரணாதி³கே புச்சி²த்வா தேஸங் கதா²ய அனாராதி⁴தசித்தோ ப⁴க³வந்தம்பி தமத்த²ங் புச்சி², தஸ்மா வுத்தங் ‘‘உபரி ஆக³தங் பன தா³ஸகஸ்ஸகோபமங் ஸந்தா⁴ய புச்ச²தீ’’தி.
கண்ஹபக்க²ந்தி யதா²புச்சி²தே அத்தே² லப்³ப⁴மானங் தி³ட்டி²க³தூபஸஞ்ஹிதங் ஸங்கிலேஸபக்க²ங். ஸுக்கபக்க²ந்தி தப்³பி³து⁴ரங் உபரிஸுத்தாக³தங் வோதா³னபக்க²ங். ஸமணகோலாஹலந்தி ஸமணகோதூஹலங் தங்தங்ஸமணவாதா³னங் அஞ்ஞமஞ்ஞவிரோத⁴ங். ஸமணப⁴ண்ட³னந்தி தேனேவ விரோதே⁴ன ‘‘ஏவங்வாதீ³னங் தேஸங் ஸமணப்³ராஹ்மணானங் அயங் தோ³ஸோ, ஏவங்வாதீ³னங் அயங் தோ³ஸோ’’தி ஏவங் தங்தங்வாத³ஸ்ஸ பரிபா⁴ஸனங். ரஞ்ஞோ பா⁴ரங் கரொந்தோ அத்தனோ தே³ஸனாகோஸல்லேனாதி அதி⁴ப்பாயோ.
164. பண்டி³தபதிரூபகானந்தி ஆமங் விய பக்கானங் பண்டி³தாபா⁴ஸானங்.
பூரணகஸ்ஸபவாத³வண்ணனா
165. ஏகங் இதா³ஹந்தி ஏகாஹங். இத⁴-ஸத்³தோ³ செத்த² நிபாதமத்தங், ஏகாஹங் ஸமயங் திச்சேவ அத்தோ². ஸரிதப்³ப³யுத்தந்தி அனுஸ்ஸரணானுச்ச²விகங்.
166. ஸஹத்தா² கரொந்தஸ்ஸாதி ஸஹத்தே²னேவ கரொந்தஸ்ஸ. நிஸ்ஸக்³கி³யதா²வராத³யோபி இத⁴ ஸஹத்த²கரணேனேவ ஹத்தா²தீ³னீதி ஹத்த²பாத³கண்ணனாஸாதீ³னி. பசனங் த³ஹனங் விபா³த⁴னந்தி ஆஹ ‘‘த³ண்டே³ன உப்பீளெந்தஸ்ஸா’’தி. பபஞ்சஸூத³னியங் ‘‘தஜ்ஜெந்தஸ்ஸ வா’’தி அத்தோ² வுத்தோ, இத⁴ பன தஜ்ஜனங் பரிபா⁴ஸனங் த³ண்டே³னேவ ஸங்க³ஹெத்வா ‘‘த³ண்டே³ன உப்பீளெந்தஸ்ஸ’’ இச்சேவ வுத்தங். ஸோகங் ஸயங் கரொந்தஸ்ஸாதி பரஸ்ஸ ஸோககாரணங் ஸயங் கரொந்தஸ்ஸ, ஸோகங் வா உப்பாதெ³ந்தஸ்ஸ. பரேஹீதி அத்தனோ வசனகரேஹி. ஸயம்பி ப²ந்த³தோதி பரஸ்ஸ விபா³த⁴னபயோகே³ன ஸயம்பி ப²ந்த³தோ. ‘‘அதிபாதாபயதோ’’தி பத³ங் ஸுத்³த⁴கத்துஅத்தே² ஹேதுகத்துஅத்தே² ச வத்ததீதி ஆஹ ‘‘ஹனந்தஸ்ஸாபி ஹனாபெந்தஸ்ஸாபீ’’தி. காரணவஸேனாதி காராபனவஸேன.
க⁴ரஸ்ஸ பி⁴த்தி அந்தோ ப³ஹி ச ஸந்தி⁴தா ஹுத்வா டி²தா க⁴ரஸந்தி⁴. கிஞ்சிபி அஸேஸெத்வா நிரவஸேஸோ லோபோ நில்லோபோ. ஏகாகா³ரே நியுத்தோ விலோபோ ஏகாகா³ரிகோ. பரிதோ ஸப்³ப³ஸோ பந்தே² ஹனநங் பரிபந்தோ². பாபங் ந கரீயதி புப்³பே³ அஸஞ்ஞதோ உப்பாதே³துங் அஸக்குணெய்யத்தா, தஸ்மா நத்தி² பாபங். யதி³ ஏவங் கத²ங் ஸத்தா பாபே படிபஜ்ஜந்தீதி ஆஹ ‘‘ஸத்தா பன பாபங் கரோமாதி ஏவங் ஸஞ்ஞினோ ஹொந்தீ’’தி. ஏவங் கிரஸ்ஸ ஹோதி – இமேஸஞ்ஹி ஸத்தானங் ஹிங்ஸாதி³கிரியா ந அத்தானங் பு²ஸதி தஸ்ஸ நிச்சதாய நிப்³பி³காரத்தா ஸரீரங் பன அசேதனங் கட்ட²கலிங்க³ரூபமங், தஸ்மிங் விகோபிதேபி ந கிஞ்சி பாபந்தி. கு²ரனேமினாதி நிஸிதகு²ரமயனேமினா.
க³ங்கா³ய த³க்கி²ணா தி³ஸா அப்பதிரூபதே³ஸோ, உத்தரா தி³ஸா பதிரூபதே³ஸோதி அதி⁴ப்பாயேன‘‘த³க்கி²ணஞ்ச’’திஆதி³ வுத்தந்தி ஆஹ ‘‘த³க்கி²ணதீரே மனுஸ்ஸா கக்க²ளா’’திஆதி³. மஹாயாக³ந்தி மஹாவிஜிதயஞ்ஞஸதி³ஸங் மஹாயாக³ங். உபோஸத²கம்மேன வாதி உபோஸத²கம்மேன ச. த³ம-ஸத்³தோ³ ஹி இந்த்³ரியஸங்வரஸ்ஸ உபோஸத²ஸீலஸ்ஸ ச வாசகோ இதா⁴தி⁴ப்பேதோ. கேசி பன ‘‘உபோஸத²கம்மேனாதி இத³ங் இந்த்³ரியத³மனஸ்ஸ விஸேஸனங், தஸ்மா ‘உபோஸத²கம்மபூ⁴தேன இந்த்³ரியத³மனேனா’’தி அத்த²ங் வத³ந்தி ஸீலஸங்யமேனாதி காயிகவாசஸிகஸங்வரேன ஸச்சவஜ்ஜேனாதி ஸச்சவாசாய, தஸ்ஸா விஸுங் வசனங் லோகே க³ருதரபுஞ்ஞஸம்மதபா⁴வதோ. யதா² ஹி பாபத⁴ம்மேஸு முஸாவாதோ³ க³ரு, ஏவங் புஞ்ஞத⁴ம்மேஸு ஸச்சவாசா. தேனாஹ ப⁴க³வா ‘‘ஏகங் த⁴ம்மங் அதீதஸ்ஸா’’திஆதி³. பவத்தீதி யோ ‘‘கரோதீ’’தி வுச்சதி, தஸ்ஸ ஸந்தானே ப²லுப்பத்திபச்சயபா⁴வேன உப்பத்தி. ஸப்³ப³தா²தி ‘‘கரோதோ’’திஆதி³னா வுத்தேன ஸப்³ப³ப்பகாரேன. கிரியமேவ படிக்கி²பதி, ந ரஞ்ஞா புட்ட²ங் ஸந்தி³ட்டி²கங் ஸாமஞ்ஞப²லங் ப்³யாகரோதீதி அதி⁴ப்பாயோ. இத³ங் அவதா⁴ரணங் விபாகபடிக்கே²பனிவத்தனத்த²ங். யோ ஹி கம்மங் படிக்கி²பதி, தேன அத்த²தோ விபாகோபி படிக்கி²த்தோ ஏவ நாம ஹோதி. ததா² ஹி வக்க²தி ‘‘கம்மங் படிபா³ஹந்தேனாபீ’’திஆதி³ (தீ³॰ நி॰ அட்ட²॰ 1.170-172).
படிராஜூஹி விஜிதங், ஆணாபவத்திதே³ஸோ. ‘‘மா மய்ஹங் விஜிதே வஸதா²’’தி அபஸாத³னா பப்³ப³ஜிதஸ்ஸ விஹேட²னா பப்³பா³ஜனாதி கத்வா வுத்தங் ‘‘அபஸாதே³தப்³ப³ந்தி விஹேடே²தப்³ப³’’ந்தி. உக்³க³ண்ஹனங் தேன வுத்தஸ்ஸ அத்த²ஸ்ஸ ‘‘ஏவமேத’’ந்தி உபதா⁴ரணங் ஸல்லக்க²ணங், நிகுஜ்ஜனங் தஸ்ஸ அத்³த⁴னியபா⁴வாபாத³னவஸேன சித்தேன ஸந்தா⁴ரணங். தது³ப⁴யங் படிக்கி²பந்தோ ஆஹ ‘‘அனுக்³க³ண்ஹந்தோ அனிகுஜ்ஜந்தோ’’தி. தேனாஹ ‘‘ஸாரவஸேன அக்³க³ண்ஹந்தோ’’திஆதி³.
மக்க²லிகோ³ஸாலவாத³வண்ணனா
168. உப⁴யேனாதி ஹேதுபச்சயபடிஸேத⁴னவசனேன. ஸங்கிலேஸபச்சயந்தி ஸங்கிலிஸ்ஸனஸ்ஸ மலீனபா⁴வஸ்ஸ காரணங். விஸுத்³தி⁴பச்சயந்தி ஸங்கிகிலேஸதோ விஸுத்³தி⁴யா வோதா³னஸ்ஸ காரணங். அத்தகாரோதி பரகாரந்தி பரஸ்ஸ வாஹஸா இஜ்ஜ²னகபயோஜனங். தேனாஹ ‘‘யேனா’’திஆதி³. மஹாஸத்தந்தி அந்திமப⁴விகங் மஹாபோ³தி⁴ஸத்தங், பச்சேகபோ³தி⁴ஸத்தஸ்ஸபி எத்தே²வ ஸங்க³ஹோ வேதி³தப்³போ³. மனுஸ்ஸஸோப⁴க்³யதந்தி மனுஸ்ஸேஸு ஸுப⁴க³பா⁴வங். ஏவந்தி வுத்தப்பகாரேன. கம்மவாத³ஸ்ஸ கிரியவாத³ஸ்ஸ படிக்கி²பனேன ‘‘அத்தி² பி⁴க்க²வே கம்மங் கண்ஹங் கண்ஹவிபாக’’ந்திஆதி³ (அ॰ நி॰ 4.232) நயப்பவத்தே ஜினசக்கே பஹாரங் தே³தி நாம. நத்தி² புரிஸகாரேதி யதா²வுத்தஅத்தகாரபரகாராபா⁴வதோ ஏவ ஸத்தானங் பச்சத்தபுரிஸகாரோ நாம கோசி நத்தீ²தி அத்தோ². தேனாஹ ‘‘யேனா’’திஆதி³. நத்தி² ப³லந்தி ஸத்தானங் தி³ட்ட²த⁴ம்மிகஸம்பராயிகனிப்³பா³னஸம்பத்திஆவஹங் ப³லங் நாம கிஞ்சி நத்தி². தேனாஹ ‘‘யம்ஹீ’’திஆதி³. நித³ஸ்ஸனமத்தஞ்சேதங், ஸங்கிலேஸிகம்பி சாயங் ப³லங் படிக்கி²பதேவ. யதி³ வீரியாதீ³னி புரிஸகாரவேவசனானி, கஸ்மா விஸுங் க³ஹணந்தி ஆஹ ‘‘இத³ங் நோ வீரியேனா’’திஆதி³. ஸத்³த³த்த²தோ பன தஸ்ஸா தஸ்ஸா கிரியாய உஸ்ஸன்னட்டே²ன ப³லங். ஸூரவீரபா⁴வாவஹட்டே²ன வீரியங். ததே³வ த³ள்ஹபா⁴வதோ, போரிஸது⁴ரங் வஹந்தேன பவத்தேதப்³ப³தோ ச புரிஸதா²மோ. பரங் பரங் டா²னங் அக்கமனப்பவத்தியா புரிஸபரக்கமோதி வுத்தோதி வேதி³தப்³ப³ங்.
ஸத்தயோக³தோ ரூபாதீ³ஸு ஸத்தவிஸத்ததாய ஸத்தா. பாணனதோ அஸ்ஸஸனபஸ்ஸஸனவஸேன பவத்தியா பாணா. தே பன ஸோ ஏகிந்த்³ரியாதி³வஸேன விப⁴ஜித்வா வத³தீதி ஆஹ ‘‘ஏகிந்த்³ரியோ’’திஆதி³. அண்ட³கோஸாதீ³ஸு ப⁴வனதோ ‘‘பூ⁴தா’’தி வுச்சந்தீதி ஆஹ ‘‘அண்ட³கோஸ…பே॰… வத³தீ’’தி ஜீவா. தேனாஹ ‘‘ஸாலியவா’’திஆதி³. நத்தி² ஏதேஸங் ஸங்கிலேஸவிஸுத்³தீ⁴ஸு வஸோதி அவஸா. நத்தி² நேஸங் ப³லங் வீரியங் அப³லா அவீரியா. நியதாதி அச்சே²ஜ்ஜஸுத்தாவுதாபே⁴ஜ்ஜமணினோ விய நியதப்பவத்திதாய க³திஜாதிப³ந்தா⁴பவக்³க³வஸேன நியாமோ. தத்த² தத்த² க³மனந்தி ச²ன்னங் அபி⁴ஜாதீனங் தாஸு தாஸு க³தீஸு உபக³மனங் ஸமவாயேன ஸமாக³மோ. ஸபா⁴வோயேவாதி யதா² கண்டகஸ்ஸ திகி²ணதா, கபித்த²ப²லானங் பரிமண்ட³லதா, மிக³பக்கீ²னங் விசித்தாகாரதா, ஏவங் ஸப்³ப³ஸ்ஸாபி லோகஸ்ஸ ஹேதுபச்சயேன வினா ததா² ததா² பரிணாமோ அயங் ஸபா⁴வோ ஏவ அகித்திமோயேவ. தேனாஹ ‘‘யேன ஹீ’’திஆதி³. ச²ளாபி⁴ஜாதியோ பரதோ வித்தா²ரீயந்தி. ‘‘ஸுக²ஞ்ச து³க்க²ஞ்ச படிஸங்வேதெ³ந்தீ’’தி வத³ந்தோ அது³க்க²மஸுக²பூ⁴மிங் ஸப்³பே³ன ஸப்³ப³ங் ந ஜானாதீதி உல்லிங்க³ந்தோ ‘‘அஞ்ஞா அது³க்க²மஸுக²பூ⁴மி நத்தீ²தி த³ஸ்ஸேதீ’’தி ஆஹ.
பமுக²யோனீனந்தி மனுஸ்ஸதிரச்சா²னாதீ³ஸு க²த்தியப்³ராஹ்மணாதி³ஸீஹப்³யக்³கா⁴தி³வஸேன பதா⁴னயோனீனங். ஸட்டி²ஸதானீதி ச²ஸஹஸ்ஸானி. ‘‘பஞ்ச ச கம்முனோ ஸதானீ’’தி பத³ஸ்ஸ அத்த²த³ஸ்ஸனங் ‘‘பஞ்சகம்மஸதானி சா’’தி. ‘‘ஏஸேவ நயோ’’தி இமினா ‘‘கேவலங் தக்கமத்தகேன நிரத்த²கங் தி³ட்டி²ங் தீ³பேதீ’’தி இமமேவத்த²ங் அதிதி³ஸதி. எத்த² ச ‘‘தக்கமத்தகேனா’’தி இமினா யஸ்மா தக்கிகா நிரங்குஸதாய பரிகப்பனஸ்ஸ யங் கிஞ்சி அத்தனோ பரிகப்பிதங் ஸாரதோ கேசீதி உத்தரவிஹாரவாஸினோ. தே ஹி ‘‘பஞ்ச கம்மானீதி சக்கு²ஸோதகா⁴னஜிவ்ஹாகாயா இமானி பஞ்சிந்த்³ரியானி ‘பஞ்ச கம்மானீ’தி பஞ்ஞாபெந்தீ’’தி வத³ந்தி. கம்மந்தி லத்³தீ⁴தி ஓளாரிகபா⁴வதோ பரிபுண்ணகம்மந்தி லத்³தி⁴. மனோகம்மங் உபட்³ட⁴கம்மந்தி லத்³தீ⁴தி யோஜனா. த்³வட்டி²படிபதா³தி ‘‘த்³வாஸட்டி² படிபதா³’’தி வத்தப்³பே³ ஸபா⁴வனிருத்திங் அஜானந்தோ ‘‘த்³வட்டி²படிபதா³’’தி வத³தி. ஏகஸ்மிங் கப்பேதி ஏகஸ்மிங் மஹாகப்பே, தத்தா²பி ச விவட்டட்டா²யீஸஞ்ஞிதே ஏகஸ்மிங் அஸங்க்²யெய்யேகப்பே.
உரப்³பே⁴ ஹனந்தீதி ஓரப்³பி⁴கா. ஏவங் ஸூகரிகாத³யோ வேதி³தப்³பா³. லுத்³தா³தி அஞ்ஞேபி யே கேசி மாக³விகனேஸாதா³. தே பாபகம்மபஸுததாய ‘‘கண்ஹாபி⁴ஜாதீதி வத³தி. பி⁴க்கூ²’’தி பு³த்³த⁴ஸாஸனே பி⁴க்கூ². தே கிர ‘‘ஸச²ந்த³ராகா³ பரிபு⁴ஞ்ஜந்தீ’’தி அதி⁴ப்பாயேன ‘‘சதூஸு பச்சயேஸு கண்டகே பக்கி²பித்வா கா²த³ந்தீ’’தி வத³தி. கஸ்மாதி சே? யஸ்மா ‘‘தே பணீதபணீதே பச்சயே படிஸேவந்தீ’’தி தஸ்ஸ மிச்சா²கா³ஹோ, தஸ்மா ஞாயலத்³தே⁴பி பச்சயே பு⁴ஞ்ஜமானா ஆஜீவகஸமயஸ்ஸ விலோமகா³ஹிதாய பச்சயேஸு கண்டகே பக்கி²பித்வா கா²த³ந்தி நாமாதி வத³தீதி அபரே. ஏகே பப்³ப³ஜிதா, யே ஸவிஸேஸங் அத்தகிலமதா²னுயோக³ங் அனுயுத்தா. ததா² ஹி தே கண்டகே வத்தந்தா விய ஹொந்தீதி ‘‘கண்டகவுத்திகா’’தி வுத்தா. ட²த்வா பு⁴ஞ்ஜனநஹானபடிக்கே²பாதி³வதஸமாயோகே³ன பண்ட³ரதரா ‘‘அசேலகஸாவகா’’தி ஆஜீவகஸாவகே வத³தி. தே கிர ஆஜீவகலத்³தி⁴யா விஸுத்³த⁴சித்ததாய நிக³ண்டே²ஹிபி பண்ட³ரதரா. நந்தா³த³யோ ஹி ததா²ரூபங் ஆஜீவகபடிபத்திங் உக்கங்ஸங் பாபெத்வா டி²தா. தஸ்மா நிக³ண்டே²ஹி ஆஜீவகஸாவகேஹி ச பண்ட³ரதரா பரமஸுக்காபி⁴ஜாதீதி அயங் தஸ்ஸ லத்³தி⁴.
புரிஸபூ⁴மியோதி பதா⁴னபுக்³க³லேன நித்³தே³ஸோ. இத்தீ²னம்பி தா பூ⁴மியோ இச்ச²ந்தேவ. ‘‘பி⁴க்கு² ச பன்னகோ’’திஆதி³ தேஸங் பாளியேவ. தத்த² பன்னகோதி பி⁴க்கா²ய விசரணகோ, தேஸங் வா படிபத்தியா படிபன்னகோ. ஜினோதி ஜிண்ணோ ஜராவஸேன ஹீனதா⁴துகோ, அத்தனோ ‘‘ந கிஞ்சி ஆஹா’’தி. ஒட்ட²வத³னாதி³விப்பகாரே கதேபி க²மனவஸேன ந கிஞ்சி வத³தீதிபி வத³ந்தி. அலாபி⁴ந்தி ‘‘ஸோ ந கும்பி⁴முகா² படிக்³க³ண்ஹாதீ’’திஆதி³னா ‘‘ஸமணங் பன்னபூ⁴மீ’’தி வத³தி.
ஆஜீவவுத்திஸதானீதி ஸத்தானங் ஆஜீவபூ⁴தானி ஜீவிகாவுத்திஸதானி. பஸுக்³க³ஹணேன ஏளகஜாதி க³ஹிதா, மிக³க்³க³ஹணேன ருருக³வயாதி³ஸப்³ப³மிக³ஜாதி. ப³ஹூ தே³வாதி சாதுமஹாராஜிகாதி³ப்³ரஹ்மகாயிகாதி³வஸேன, தேஸங் அந்தரபே⁴த³வஸேன ப³ஹூ தே³வா. தத்த² சாதுமஹாராஜிகானங் ஏகச்சபே⁴தோ³ மஹாஸமயஸுத்தவஸேன (தீ³॰ நி॰ 2.331) தீ³பேதப்³போ³. மனுஸ்ஸாபி அனந்தாதி தீ³பதே³ஸகுலவங்ஸாஜீவாதி³விபா⁴க³வஸேன மனுஸ்ஸாபி அனந்தபே⁴தா³. பிஸாசா ஏவ பேஸாசா. தே அபரபேதாத³யோ மஹந்தமஹந்தா. ச²த்³த³ந்தத³ஹமந்தா³கினியோ குவாளியமுசலிந்த³னாமேன வத³தி.
பவுடாதி பப்³ப³க³ண்டி²கா. பண்டி³தோபி …பே॰… உத்³த⁴ங் ந க³ச்ச²தி, கஸ்மா? ஸத்தானங் ஸங்ஸரணகாலஸ்ஸ நியதபா⁴வதோ. அபரிபக்கங் ஸங்ஸரணனிமித்தங் ஸீலாதி³னா பரிபாசேதி நாம ஸீக⁴ங்யேவ விஸுத்³தி⁴ப்பத்தியா. பரிபக்கங் கம்மங் பு²ஸ்ஸ பு²ஸ்ஸ பத்வா பத்வா காலேன பரிபக்கபா⁴வானாபாத³னேன ப்³யந்திங் கரோதி நாம.
ஸுத்தகு³ளேதி ஸுத்தவட்டியங். ‘‘நிப்³பே³டி²யமானமேவ பலேதீ’’தி உபமாய ஸத்தானங் ஸங்ஸாரோ அனுக்கமேன கீ²யதேவ, ந தஸ்ஸ வட்³ட⁴தீதி த³ஸ்ஸேதி பரிச்சி²ன்னரூபத்தா.
அஜிதகேஸகம்ப³லவாத³வண்ணனா
171. தி³ன்னந்தி ‘‘தி³ன்னஸ்ஸ ப²லாபா⁴வங் வத³தீ’’தி, தி³ன்னங் பன அன்னாதி³வத்து²ங் கத²ங் படிக்கி²பதி. ஏஸேவ நயோ யிட்ட²ங் ஹுதந்தி எத்தா²பி. மஹாயாகோ³தி ஸப்³ப³ஸாதா⁴ரணங் மஹாதா³னங். பாஹுனகஸக்காரோதி பாஹுனபா⁴வேன காதப்³ப³ஸக்காரோ. ப²லந்தி ஆனிஸங்ஸப²லங், நிஸ்ஸந்த³ப²லஞ்ச. விபாகோதி ஸதி³ஸப²லங். பரலோகே டி²தஸ்ஸ அயங் லோகோ நத்தீ²தி பரலோகே டி²தஸ்ஸ கம்முனா லத்³த⁴ப்³போ³ அயங் லோகோ ந ஹோதி. இத⁴லோகே டி²தஸ்ஸாபி பரலோகோ நத்தீ²தி இத⁴லோகே டி²தஸ்ஸ கம்முனா லத்³த⁴ப்³போ³ பரலோகோ ந ஹோதி. தத்த² காரணமாஹ ‘‘ஸப்³பே³ தத்த² தத்தே²வ உச்சி²ஜ்ஜந்தீ’’தி. இமே ஸத்தா யத்த² யத்த² ப⁴வே, யோனிஆதீ³ஸு ச டி²தா தத்த² தத்தே²வ உச்சி²ஜ்ஜந்தி நிருத³யவினாஸவஸேன வினஸ்ஸந்தி. ப²லாபா⁴வவஸேனாதி மாதாபிதூஸு ஸம்மாபடிபத்திமிச்சா²படிபத்தீனங் ப²லஸ்ஸ அபா⁴வவஸேன ‘‘நத்தி² மாதா, நத்தி² பிதா’’தி வத³தி, ந மாதாபிதூனங், நாபி தேஸு இதா³னி கயிரமானஸக்காராஸக்காரானங் அபா⁴வவஸேன தேஸங் லோகபச்சக்க²த்தா. புப்³பு³ளகஸ்ஸ விய இமேஸங் ஸத்தானங் உப்பாதோ³ நாம கேவலோ, ந சவித்வா ஆக³மனபுப்³ப³கோதி த³ஸ்ஸனத்த²ங் ‘‘நத்தி² ஸத்தா ஓபபாதிகா’’தி வுத்தந்தி ஆஹ ‘‘சவித்வா உபபஜ்ஜனகஸத்தா நாம நத்தீ²தி வத³தீ’’தி. ஸமணேன நாம யாதா²வதோ ‘‘யே இமஞ்ச…பே॰… பவேதெ³ந்தீ’’தி.
சதூஸு மஹாபூ⁴தேஸு நியுத்தோதி சாதுமஹாபூ⁴திகோ. யதா² பன மத்திகாய நிப்³ப³த்தங் பா⁴ஜனங் மத்திகாமயங், ஏவங் அயங் சதூஹி மஹாபூ⁴தேஹி நிப்³ப³த்தோதி ஆஹ ‘‘சதுமஹாபூ⁴தமயோ’’தி. அஜ்ஜ²த்திகபத²வீதா⁴தூதி ஸத்தஸந்தானக³தா பத²வீதா⁴து. பா³ஹிரபத²வீதா⁴துந்தி ப³ஹித்³தா⁴ மஹாபத²விங். உபக³ச்ச²தீதி பா³ஹிரபத²விகாயதோ ததே³கதே³ஸபூ⁴தா பத²வீ ஆக³ந்த்வா அஜ்ஜ²த்திகபா⁴வப்பத்தியா ஸத்தபா⁴வேன ஸண்டி²தா இதா³னி க⁴டாதி³க³தபத²வீ விய தமேவ பா³ஹிரபத²விகாயங் உபேதி உபக³ச்ச²தி ஸப்³ப³ஸோ தேன நிப்³பி³ஸேஸதங் ஏகீபா⁴வமேவ க³ச்ச²தி. ஆபாதீ³ஸுபி ஏஸேவ நயோதி எத்த² பஜ்ஜுன்னேன மஹாஸமுத்³த³தோ க³ஹிதஆபோ விய வஸ்ஸோத³கபா⁴வேன புனபி மஹாஸமுத்³த³மேவ, ஸூரியரஸ்மிதோ க³ஹிதங் இந்த³க்³கி³ஸங்கா²ததேஜோ விய புன ஸூரியரஸ்மிங், மஹாவாயுக²ந்த⁴தோ நிக்³க³தமஹாவாதோ விய தமேவ வாயுக²ந்த⁴ங் உபேதி உபக³ச்ச²தீதி தி³ட்டி²க³திகஸ்ஸ அதி⁴ப்பாயோ. மனச்ச²ட்டா²னி இந்த்³ரியானி ஆகாஸங் பக்க²ந்த³ந்தி தேஸங் விஸயாபா⁴வாதி வத³ந்தி. விஸயிக³ஹணேன ஹி விஸயாபி க³ஹிதா ஏவ ஹொந்தீதி. கு³ணாகு³ணபதா³னீதி கு³ணதோ³ஸகொட்டா²ஸா. ஸரீரமேவ பதா³னீதி அதி⁴ப்பேதங் ஸரீரேன தங்தங்கிரியாய த³த்தூஹி அத்தி²கவாத³ங்.
கம்மங் படிபா³ஹதி அகிரியவாதி³பா⁴வதோ. விபாகங் படிபா³ஹதி ஸப்³பே³ன ஸப்³ப³ங் ஆயதிங் உபபத்தியா படிக்கி²பனதோ. உப⁴யங் படிபா³ஹதி ஸப்³ப³ஸோ ஹேதுபடிபா³ஹனேனேவ ப²லஸ்ஸபி படிக்கி²த்தத்தா. உப⁴யந்தி ஹி கம்மங் விபாகஞ்சாதி உப⁴யங். ஸோ ஹி ‘‘அஹேதூ அப்பச்சயா ஸத்தா ஸங்கிலிஸ்ஸந்தி, விஸுஜ்ஜ²ந்தி சா’’தி (தீ³॰ நி॰ 1.168; ம॰ நி॰ 2.100, 227; ஸங்॰ நி॰ 3.212) வத³ந்தோ கம்மஸ்ஸ விய விபாகஸ்ஸாபி ஸங்கிலேஸவிஸுத்³தீ⁴னங் பச்சயத்தாபா⁴வவசனதோ தது³ப⁴யங் படிபா³ஹதி நாம. விபாகோ படிபா³ஹிதோ ஹோதி அஸதி கம்மே விபாகாபா⁴வதோ. கம்மங் படிபா³ஹிதங் ஹோதி அஸதி விபாகே கம்மஸ்ஸ நிரத்த²கபா⁴வாபத்திதோ. அத்த²தோதி ஸரூபேன. உப⁴யப்படிபா³ஹகாதி விஸுங் விஸுங் தங்தங்தி³ட்டி²தீ³பகபா⁴வேன பாளியங் ஆக³தாபி பச்சேகங் திவித⁴தி³ட்டி²கா ஏவ உப⁴யபடிபா³ஹகத்தா. உப⁴யப்படிபா³ஹகாதி ஹி ஹேதுவசனங். ‘‘அஹேதுகவாதா³ சேவா’’திஆதி³ படிஞ்ஞாவசனங். யோ ஹி விபாகபடிபா³ஹனேன நத்தி²கதி³ட்டி²கோ உச்சே²த³வாதீ³, ஸோ அத்த²தோ கம்மபடிபா³ஹனேன அகிரியதி³ட்டி²கோ, உப⁴யபடிபா³ஹனேன அஹேதுகதி³ட்டி²கோ ச ஹோதி. ஸேஸத்³வயேபி ஏஸேவ நயோ.
ஸஜ்ஜா²யந்தீதி தங் தி³ட்டி²தீ³பகங் க³ந்த²ங் உக்³க³ஹெத்வா பட²ந்தி. வீமங்ஸந்தீதி தஸ்ஸ அத்த²ங் விசாரெந்தி. ‘‘தேஸ’’ந்திஆதி³ வீமங்ஸனாகாரத³ஸ்ஸனங். தஸ்மிங் ஆரம்மணேதி யதா²பரிகப்பிதகம்மப²லாபா⁴வாதி³கே ‘‘கரோதோ ந கரீயதி பாப’’ந்தி ஆதி³னயப்பவத்தாய லத்³தி⁴யா ஆரம்மணே. மிச்சா²ஸதி ஸந்திட்ட²தீதி ‘‘கரோதோ ந கரீயதி பாப’’ந்திஆதி³வஸேன அனுஸ்ஸவூபலத்³தே⁴ அத்தே² ததா³காரபரிவிதக்கனேஹி ஸவிக்³க³ஹே விய ஸரூபதோ சித்தஸ்ஸ பச்சுபட்டி²தே சிரகாலபரிசயேன ஏவமேதந்தி நிஜ்ஜா²னக்க²மபா⁴வூபக³மனேன நிஜ்ஜா²னக்க²ந்தியா சித்தங் ஏகக்³க³ங் ஹோதீதி யதா²ஸகங் விதக்காதி³பச்சயலாபே⁴ன தஸ்மிங் ஆரம்மணே அவட்டி²ததாய அனேகக்³க³தங் பஹாய ஏகக்³க³ங் அப்பிதங் விய ஹோதி. சித்தஸீஸேன மிச்சா²ஸமாதி⁴ ஏவ வுத்தோ. ஸோபி ஹி பச்சயவிஸேஸேஹி லத்³த⁴பா⁴வனாப³லோ ஈதி³ஸே டா²னே ஸமாதா⁴னபதிரூபகிச்சகரோயேவ, வாளவிஜ்ஜ²னாதீ³ஸு வியாதி த³ட்ட²ப்³ப³ங். ஜவனானி ஜவந்தீதி அனேகக்க²த்துங் தேனாகாரேன புப்³ப³பா⁴கி³யேஸு ஜவனவாரேஸு பவத்தேஸு பட²மே ஜவனே ஸதேகிச்சா² ஹொந்தி. ததா² து³தியாதீ³ஸூதி த⁴ம்மஸபா⁴வத³ஸ்ஸனமத்தமேதங், ந பன தஸ்மிங் க²ணே தேஸங் திகிச்சா² கேனசி ஸக்கா காதுங்.
தத்தா²தி தேஸு தீஸு மிச்சா²த³ஸ்ஸனேஸு. கோசி ஏகங் த³ஸ்ஸனங் ஓக்கமதீதி யஸ்ஸ ஏகஸ்மிங்யேவ அபி⁴னிவேஸோ ஆஸேவனா ச பவத்தா, ஸோ ஏகமேவ த³ஸ்ஸனங் ஓக்கமதி. யஸ்ஸ பன த்³வீஸு தீஸுபி வா அபி⁴னிவேஸோ ஆஸேவனா ச பவத்தா, ஸோ த்³வே தீணிபி ஓக்கமதி, ஏதேன யா புப்³பே³ உப⁴யபடிபா³ஹகதாமுகே²ன தீ³பிதா அத்த²ஸித்³தா⁴ ஸப்³ப³தி³ட்டி²கதா, ஸா புப்³ப³பா⁴கி³யா. யா பன மிச்ச²த்தனியாமோக்கந்திபூ⁴தா, ஸா யதா²ஸகங் பச்சயஸமுதா³க³மஸித்³தி⁴தோ பி⁴ன்னாரம்மணானங் விய விஸேஸாதி⁴க³மானங் ஏகஜ்ஜ²ங் அனுப்பத்தியா அஸங்கிண்ணா ஏவாதி த³ஸ்ஸேதி. ‘‘ஏகஸ்மிங் ஓக்கந்தேபீ’’திஆதி³னா திஸ்ஸன்னம்பி தி³ட்டீ²னங் ஸமானப³லதங் ஸமானப²லதஞ்ச த³ஸ்ஸேதி. தஸ்மா திஸ்ஸோபி சேதா ஏகஸ்ஸ உப்பன்னா அப்³போ³கிண்ணா ஏவ, ஏகாய விபாகே தி³ன்னே ‘‘வட்டகா²ணு நாமேஸா’’தி இத³ங் வசனங் நெய்யத்த²ங், ந நீதத்த²ங். ததா² ஹி பபஞ்சஸூத³னியங் ‘‘கிங் பனேஸ ஏகஸ்மிங்யேவ அத்தபா⁴வே நியதோ ஹோதி, உதா³ஹு அஞ்ஞஸ்மிங் பீதி? ஏகஸ்மிங்யேவ நியதோ, ஆஸேவனவஸேன பன ப⁴வந்தரேபி தங் தங் தி³ட்டி²ங் ரோசேதி யேவா’’தி (ம॰ நி॰ அட்ட²॰ 3.129) வுத்தங். அகுஸலஞ்ஹி நாமேதங் அப³லங் து³ப்³ப³லங், ந குஸலங் விய ஸப³லங் மஹாப³லங். தஸ்மா ‘‘ஏகஸ்மிங்யேவ அத்தபா⁴வே நியதோ’’தி வுத்தங். அஞ்ஞதா² ஸம்மத்தனியாமோ விய மிச்ச²த்தனியாமோபி அச்சந்திகோ ஸியா, ந ச அச்சந்திகோ. யதி³ ஏவங் வட்டகா²ணுஜோதனா கத²ந்தி ஆஹ ‘‘ஆஸேவனவஸேன பனா’’திஆதி³. தஸ்மா யதா² ‘‘ஸகிங் நிமுக்³கோ³பி நிமுக்³கோ³ ஏவ பா³லோ’’தி வுத்தங், ஏவங் வட்டகா²ணுஜோதனா. யாதி³ஸே ஹி பச்சயே படிச்ச அயங் தங் தங் த³ஸ்ஸனங் ஓக்கந்தோ புன கதா³சி தப்படிபக்கே² பச்சயே படிச்ச ததோ ஸீஸுக்கி²பனமஸ்ஸ ந ஹோதீதி ந வத்தப்³ப³ங், தஸ்மா ‘‘யேபு⁴ய்யேன ஹி ஏவரூபஸ்ஸ ப⁴வதோ வுட்டா²னங் நாம நத்தீ²’’தி வுத்தங்.
தஸ்மாதி யஸ்மா ஏவங் ஸங்ஸாரகா²ணுபா⁴வஸ்ஸபி பச்சயோ அபண்ணகஜாதோ, தஸ்மா. பூ⁴திகாமோதி தி³ட்ட²த⁴ம்மிகஸம்பராயிகபரமத்தா²னங் வஸேன அத்தனோ கு³ணேஹி வட்³டி⁴காமோ.
பகுத⁴கச்சாயனவாத³வண்ணனா
174. அகதாதி அகதவிதா⁴னா இத்³தி⁴யாபி ந நிம்மிதாதி கஸ்ஸசி இத்³தி⁴மதோ சேதோவஸிப்பத்தஸ்ஸ தே³வஸ்ஸ அனிம்மாபிதா கஸ்ஸசி அனிம்மாபிதா. வுத்தத்த²மேவாதி ப்³ரஹ்மஜாலவண்ணனாயங் (தீ³॰ நி॰ அட்ட²॰ 1.30) வுத்தத்த²மேவ. வஞ்ஜா²தி வஞ்ஜ²பஸுவஞ்ஜ²தாலாத³யோ விய அப²லா, கஸ்ஸசி அஜனகாதி அத்தோ², ஏதேன பத²விகாயாதீ³னங் ரூபாதி³ஜனகபா⁴வங் படிக்கி²பதி. ரூபஸத்³தா³த³யோ ஹி பத²விகாயாதீ³ஹி அப்படிப³த்³த⁴வுத்திகாதி தஸ்ஸ லத்³தி⁴. பப்³ப³தகூடங் விய டி²தாதி கூடட்டா², யதா² பப்³ப³தகூடங் கேனசி அனிப்³ப³த்திதங், கஸ்ஸசி ச அனிப்³ப³த்தகங், ஏவமேதே பீதி அதி⁴ப்பாயோ. யமித³ங் ‘‘பீ³ஜதோ அங்குராதி³ ஜாயதீ’’தி வுச்சதி, தங் விஜ்ஜமானமேவ ததோ நிக்க²மதி, ந அவிஜ்ஜமானங், அஞ்ஞதா² அஞ்ஞதோபி அஞ்ஞஸ்ஸ உபலத்³தி⁴ ஸியாதி அதி⁴ப்பாயோ. டி²தத்தாதி நிப்³பி³காராபா⁴வேன டி²தத்தா. ந சலந்தீதி விகாரங் நாபஜ்ஜந்தி. விகாராபா⁴வதோ ஹி தேஸங் ஸத்தன்னங் காயானங் ஏஸிகட்டா²யிட்டி²ததா. அனிஞ்ஜனஞ்ச அத்தனோ பகதியா அவட்டா²னமேவ. தேனாஹ ‘‘ந விபரிணமந்தீ’’தி. அவிபரிணாமத⁴ம்மத்தா ஏவ ஹி தே அஞ்ஞமஞ்ஞங் ந ப்³யாபா³தெ⁴ந்தி. ஸதி ஹி விகாரங் ஆபாதே³தப்³ப³தாய ப்³யாபா³த⁴கதாபி ஸியா, ததா² அனுக்³க³ஹேதப்³ப³தாய அனுக்³கா³ஹகதாதி தத³பா⁴வங் த³ஸ்ஸேதுங் பாளியங் நாலந்திஆதி³ வுத்தங். பத²வீ ஏவ காயேகதே³ஸத்தா பத²விகாயோ. ஜீவஸத்தமானங் காயானங் நிச்சதாய நிப்³பி³காரபா⁴வதோ ந ‘‘ஸத்தன்னங் த்வேவ காயான’’ந்திஆதி³. யதி³ கோசி ஹந்தா நத்தி², கத²ங் ஸத்த²ப்பஹாரோதி ஆஹ ‘‘யதா² முக்³க³ராஸி ஆதீ³ஸூ’’திஆதி³. கேவலங் ஸஞ்ஞாமத்தமேவ ஹோதி. ஹனநகா⁴தனாதி³ பன பரமத்த²தோ நத்தே²வ காயானங் அவிகோபனீயபா⁴வதோதி அதி⁴ப்பாயோ.
நிக³ண்ட²னாடபுத்தவாத³வண்ணனா
177. சத்தாரோ யாமா பா⁴கா³ சதுயாமா, சதுயாமா ஏவ சாதுயாமா, பா⁴க³த்தோ² ஹி இத⁴ யாம-ஸத்³தோ³ யதா² ‘‘ரத்தியா பட²மோ யாமோ’’தி ‘‘சாதுயாமஸங்வுதோதி சதுகொட்டா²ஸேன ஸங்வரேன ஸங்வுதோ’’தி. படிக்கி²த்தஸப்³ப³ஸீதோத³கோதி படிக்கி²த்தஸப்³ப³ஸீதோத³கபரிபோ⁴கோ³. ஸப்³பே³ன பாபவாரணேன யுத்தோதி ஸப்³ப³ப்பகாரேன ஸங்வரலக்க²ணேன ஸமன்னாக³தோ. து⁴தபாபோதி ஸப்³பே³ன நிஜ்ஜரலக்க²ணேன பாபவாரணேன விது⁴தபாபோ. பு²ட்டோ²தி அட்ட²ன்னம்பி கம்மானங் கே²பனேன மொக்க²ப்பத்தியா கம்மக்க²யலக்க²ணேன ஸப்³பே³ன பாபவாரணேன பு²ட்டோ² தங் பத்வா டி²தோ. கோடிப்பத்தசித்தோதி மொக்கா²தி⁴க³மேனேவ உத்தமமரியாத³ப்பத்தசித்தோ. யதத்தோதி காயாதீ³ஸு இந்த்³ரியேஸு ஸங்யமேதப்³ப³ஸ்ஸ அபா⁴வதோ ஸங்யதசித்தோ. ஸுப்பதிட்டி²தசித்தோதி நிஸ்ஸேஸதோ ஸுட்டு² பதிட்டி²தசித்தோ. ஸாஸனானுலோமங் நாம பாபவாரணேன யுத்ததா. தேனாஹ ‘‘து⁴தபாபோ’’திஆதி³. அஸுத்³த⁴லத்³தி⁴தாயாதி ‘‘அத்தி² ஜீவோ, ஸோ ச ஸியா நிச்சோ, ஸியா அனிச்சோ’’தி ஏவமாதி³அஸுத்³த⁴லத்³தி⁴தாய ஸப்³பா³தி கம்மபகதிவிபா⁴கா³தி³விஸயா ஸப்³பா³ நிஜ்ஜா²னக்க²ந்தியோ. தி³ட்டி²யே வாதி மிச்சா²தி³ட்டி²யோ ஏவ ஜாதா.
ஸஞ்சயபே³லட்ட²புத்தவாத³வண்ணனா
179-181. அமராவிக்கே²பே வுத்தனயோ ஏவாதி ப்³ரஹ்மஜாலே அமராவிக்கே²பவாத³ஸங்வண்ணனாயங் (தீ³॰ நி॰ அட்ட²॰ 1.61-63) வுத்தனயோ ஏவ விக்கே²பப்³யாகரணபா⁴வதோ, ததே²வ செத்த² விக்கே²பவாத³ஸ்ஸ ஆக³தத்தா.
பட²மஸந்தி³ட்டி²கஸாமஞ்ஞப²லவண்ணனா
183. யதா² தே ருச்செய்யாதி இதா³னி மயா புச்சி²யமானோ அத்தோ² யதா² தவ சித்தே ரோசெய்ய. க⁴ரதா³ஸியா குச்சி²ஸ்மிங் ஜாதோ அந்தோஜாதோ. த⁴னேன கீதோ த⁴னக்கீதோ. ப³ந்த⁴க்³கா³ஹக³ஹிதோ கரமரானீதோ. ஸாமந்தி ஸயமேவ. தா³ஸப்³யந்தி தா³ஸபா⁴வங். கோசி தா³ஸோபி ஸமானோ அலஸோ கம்மங் அகரொந்தோ ‘‘கம்மகாரோ’’தி ந வுச்சதீதி ஆஹ ‘‘அனலஸோ கம்மகரணஸீலோயேவா’’தி. பட²மமேவாதி ஆஸன்னதரட்டா²னூபஸங்கமனதோ பகே³வ புரேதரமேவ. பச்சா²தி ஸாமிகஸ்ஸ நிபஜ்ஜாய பச்சா². ஸயனதோ அவுட்டி²தேதி ரத்தியா விபா⁴யனவேலாய ஸெய்யதோ அவுட்டி²தே. பச்சூஸகாலதோ பட்டா²யாதி அதீதாய யாவ ஸாமினோ ரத்திங் நித்³தோ³க்கமனந்தி அபராய பதோ³ஸவேலாயங் யாவ நித்³தோ³க்கமனங். கிங் காரந்தி கிங் கரணீயங், கிங்காரபா⁴வதோ புச்சி²த்வா காதப்³ப³வெய்யாவச்சந்தி அத்தோ².
தே³வோ வியாதி ஆதி⁴பச்சபரிவாராதி³ஸம்பத்திஸமன்னாக³தோ பதா⁴னதே³வோ விய. ஸோ வதஸ்ஸாஹந்தி ஸோ வத அஸ்ஸங் அஹங். ஸோ ராஜா விய அஹம்பி ப⁴வெய்யங், கத²ங் புஞ்ஞானி கரெய்யங், யதி³ புஞ்ஞானி உளாரானி கரெய்யந்தி யோஜனா. ‘‘ஸோ வதஸ்ஸ’ஸ்ஸ’’ந்தி பாடே² ஸோ ராஜா அஸ்ஸ அஹங் அஸ்ஸங் வத, யதி³ புஞ்ஞானி கரெய்யந்தி யோஜனா. தேனாஹ ‘‘அயமேவத்தோ²’’தி. அஸ்ஸந்தி உத்தமபுரிஸப்பயோகே³ அஹங்-ஸத்³தோ³ அப்பயுத்தோபி பயுத்தோ ஏவ ஹோதி. யாவஜீவங் ந ஸக்கி²ஸ்ஸாமி தா³துந்தி யாவஜீவங் தா³னத்தா²ய உஸ்ஸாஹங் கரொந்தோபி யங் ராஜா ஏகங் தி³வஸங் தே³தி
காயேன ஸங்வுதோதி காயேன ஸங்வரிதப்³ப³ங் காயத்³வாரேன பவத்தனகங் பாபத⁴ம்மங் ஸங்வரித்வா விஹரெய்யாதி அயமெத்த² அத்தோ²தி ஆஹ ‘‘காயேன பிஹிதோ ஹுத்வா’’திஆதி³. கா⁴ஸச்சா²த³னேன பரமதாயாதி கா⁴ஸச்சா²த³னபரியேஸனே ஸல்லேக²வஸேன பரமதாய, உக்கட்ட²பா⁴வே ஸண்டி²தோ கா⁴ஸச்சா²த³னமேவ வா பரமங் பரா கோடி ஏதஸ்ஸ, ந ததோ பரங் கிஞ்சி ஆமிஸஜாதங் பரியேஸதி பச்சாஸிஸதி சாதி கா⁴ஸச்சா²த³னபரமோ, தப்³பா⁴வோ கா⁴ஸச்சா²த³னபரமதா, தஸ்ஸா கா⁴ஸச்சா²த³னபரமதாய. விவேகட்ட²காயானந்தி க³ணஸங்க³ணிகதோ பவிவித்தே டி²தகாயானங். நெக்க²ம்மாபி⁴ரதானந்தி ஜா²னாபி⁴ரதானங். தாய ஏவ ஜா²னாபி⁴ரதியா பரமங் உத்தமங் வோதா³னங் விஸுத்³தி⁴ங் பத்ததாய பரமவோதா³னப்பத்தானங். கிலேஸூபதி⁴அபி⁴ஸங்கா²ரூபதீ⁴னங் அச்சந்தவிக³மேன நிருபதீ⁴னங். விஸங்கா²ரக³தானந்தி அதி⁴க³தனிப்³பா³னானங். எத்த² ச பட²மோ விவேகோ இதரேஹி த்³வீஹி விவேகேஹி ஸஹாபி பத்தப்³போ³ வினாபி, ததா² து³தியோ. ததியோ பன இதரேஹி த்³வீஹி ஸஹேவ பத்தப்³போ³, ந வினாதி த³ட்ட²ப்³ப³ங். க³ணே ஜனஸமாக³மே ஸன்னிபதனங் க³ணஸங்க³ணிகா, தங் பஹாய ஏகோ விஹரதி சரதி புக்³க³லவஸேன அஸஹாயத்தா. சித்தே கிலேஸானங் ஸன்னிபதனங் சித்தகிலேஸஸங்க³ணிகா, தங் பஹாய ஏகோ விஹரதி கிலேஸவஸேன அஸஹாயத்தா. மக்³க³ஸ்ஸ ‘‘ப²லஸமாபத்திங் வா நிரோத⁴ஸமாபத்திங் வா பவிஸித்வா’’தி. ப²லபரியோஸானோ ஹி நிரோதோ⁴தி.
184. அபி⁴ஹரித்வாதி அபி⁴முகீ²பா⁴வேன நெத்வா. ‘‘அஹங் சீவராதீ³ஹி பயோஜனங் ஸாதெ⁴ஸ்ஸாமீ’’தி வசனஸேஸோ. ஸப்பாயந்தி ரக்கா²கு³த்தி. பச்சுப்பன்னஸ்ஸ நிஸேத⁴வஸேன ஆவரணகு³த்தி.
து³தியஸந்தி³ட்டி²கஸாமஞ்ஞப²லவண்ணனா
186. கஸதீதி கஸிங் கரோதி. க³ஹபதிகோதி எத்த² க-ஸத்³தோ³ அப்பத்தோ²தி ஆஹ ‘‘ஏககே³ஹமத்தே ஜெட்ட²கோ’’தி, தேன அனேககுலஜெட்ட²கபா⁴வங் படிக்கி²பதி. கரங் கரோதீதி கரங் ஸம்பாதே³தி. வட்³டே⁴தீதி உபரூபரி ஸம்பாத³னேன வட்³டே⁴தி. ஏவங் அப்பம்பி பஹாய பப்³ப³ஜிதுங் து³க்கரந்தி அயமத்தோ² லடுகிகோபமஸுத்தேன (ம॰ நி॰ 2.151, 152) தீ³பேதப்³போ³. தேனாஹ ‘‘ஸெய்யதா²பி, உதா³யி, புரிஸோ த³லித்³தோ³ அஸ்ஸகோ அனாள்ஹியோ, தஸ்ஸஸ்ஸ ஏகங் அகா³ரகங் ஓலுக்³க³விலுக்³க³ங் காகாதிதா³யிங் நபரமரூப’’ந்தி வித்தா²ரோ. யதி³ அப்பம்பி போ⁴க³ங் பஹாய பப்³ப³ஜிதுங் து³க்கரங், கஸ்மா தா³ஸவாரே போ⁴க³க்³க³ஹணங் ந கதந்தி ஆஹ ‘‘தா³ஸவாரே பனா’’திஆதி³. யதா²
பணீததரஸாமஞ்ஞப²லவண்ணனா
189. ஏவரூபாஹீதி யதா²வுத்ததா³ஸகஸ்ஸகூபமாஸதி³ஸாஹி உபமாஹி ஸாமஞ்ஞப²லங் தீ³பேதுங் பஹோதி ப⁴க³வா ஸகலம்பி ரத்திந்தி³வங் ததோ பி⁴ய்யோபி அனந்தபடிபா⁴னதாய விசித்தனயதே³ஸனபா⁴வதோ. ததா²பீதி ஸதிபி தே³ஸனாய உத்தருத்தராதி⁴கனானானயவிசித்தபா⁴வே.
ஏகத்த²மேதங் பத³ங் ஸாது⁴ஸத்³த³ஸ்ஸேவ க-காரேன வட்³டி⁴த்வா வுத்தத்தா, தேனேவ ஸாது⁴க-ஸத்³த³ஸ்ஸ அத்த²ங் வத³ந்தேன அத்து²த்³தா⁴ரவஸேன ஸாது⁴-ஸத்³தோ³ உதா³ஹடோ. ஆயாசனேதி அபி⁴முக²யாசனே, அபி⁴பத்த²னாயந்தி அத்தோ² ஸம்படிச்ச²னேதி படிக்³க³ண்ஹனே ஸம்பஹங்ஸனேதி ஸங்விஜ்ஜமானகு³ணவஸேன ஹங்ஸனே தோஸனே, உத³க்³க³தாகரணேதி அத்தோ². த⁴ம்மருசீதி புஞ்ஞகாமோ. பஞ்ஞாணவாதி பஞ்ஞவா. அத்³து³ப்³போ⁴தி அதூ³ஸகோ, அனுபகா⁴தகோதி அத்தோ². இதா⁴பீதி இமஸ்மிங் ஸாமஞ்ஞப²லேபி. அயங் ஸாது⁴-ஸத்³தோ³. த³ள்ஹீகம்மேதி ஸக்கச்ச கிரியாயங். ஆணத்தியந்தி ஆணாபனே. ‘‘ஸுணோஹி ஸாது⁴கங் மனஸி கரோஹீ’’தி ஹி வுத்தே ஸாது⁴க-ஸத்³தே³ன ஸவனமனஸிகாரானங் ஸக்கச்சகிரியா விய ததா³ணாபனம்பி ஜோதிதங் ஹோதி, ஆயாசனத்த²தா விய சஸ்ஸ ஆணாபனத்த²தா வேதி³தப்³பா³. ஸுந்த³ரேபீதி ஸுந்த³ரத்தே²பி. இதா³னி யதா²வுத்தேன ஸாது⁴க-ஸத்³த³ஸ்ஸ அத்த²த்தயேன பகாஸிதங் விஸேஸங் த³ஸ்ஸேதுங் ‘‘த³ள்ஹீகம்மத்தே²ன ஹீ’’திஆதி³ வுத்தங்.
மனஸி கரோஹீதி எத்த² மனஸிகாரோ ந ஆரம்மணபடிபாத³னலக்க²ணோ, அத² கோ² வீதி²படிபாத³னஜவனபடிபாத³னமனஸிகாரபுப்³ப³கங் சித்தே ட²பனலக்க²ணோதி த³ஸ்ஸெந்தோ ‘‘ஆவஜ்ஜா’’திஆதி³மாஹ. ஸோதிந்த்³ரியவிக்கே²பவாரணங் ஸவனே நியோஜனவஸேன கிரியந்தரபடிஸேத⁴னபா⁴வதோ, ஸோதங் ஓத³ஹாதி அத்தோ². மனிந்த்³ரியவிக்கே²பவாரணங் அஞ்ஞசிந்தாபடிஸேத⁴னதோ. ப்³யஞ்ஜனவிபல்லாஸக்³கா³ஹவாரணங் ‘‘ஸாது⁴க’’ந்தி விஸேஸெத்வா வுத்தத்தா. பச்சி²மஸ்ஸ அத்த²விபல்லாஸக்³கா³ஹவாரணேபி ஏஸேவ நயோ. தா⁴ரணூபபரிக்கா²தீ³ஸூதி ஆதி³-ஸத்³தே³ன துலனதீரணாதி³கே, தி³ட்டி²யா ஸுப்படிவிதே⁴ ச ஸங்க³ண்ஹாதி. ஸப்³யஞ்ஜனோதி எத்த² யதா²தி⁴ப்பேதமத்த²ங் ப்³யஞ்ஜயதீதி ப்³யஞ்ஜனங், ஸபா⁴வனிருத்தி. ஸஹ ப்³யஞ்ஜனேனாதி ஸப்³யஞ்ஜனோ, ப்³யஞ்ஜனஸம்பன்னோதி அத்தோ². ஸாத்தோ²தி அரணீயதோ உபக³ந்தப்³ப³தோ அனுதா⁴தப்³ப³தோ அத்தோ², சதுபாரிஸுத்³தி⁴ஸீலாதி³கோ த⁴ம்மக³ம்பீ⁴ரோதிஆதீ³ஸு த⁴ம்மோ நாம தந்தி. தே³ஸனா அத்தோ² நாம தந்தியா அத்தோ². படிவேதோ⁴ நாம தந்தியா, தந்திஅத்த²ஸ்ஸ ச யதா²பூ⁴தாவபோ³தோ⁴. யஸ்மா சேதே த⁴ம்மதே³ஸனா அத்த²ப்படிவேதா⁴ ஸஸாதீ³ஹி விய மஹாஸமுத்³தோ³ மந்த³பு³த்³தீ⁴ஹி து³க்கோ²கா³ஹா, அலப்³ப⁴னெய்யபதிட்டா² ச, தஸ்மா க³ம்பீ⁴ரா. தேன வுத்தங் ‘‘யஸ்மா அயங் த⁴ம்மோ…பே॰… ஸாது⁴கங் மனஸி கரோஹீ’’தி. எத்த² ச படிவேத⁴ஸ்ஸ து³க்கரபா⁴வதோ த⁴ம்மத்தா²னங், தே³ஸனாஞாணஸ்ஸ து³க்கரபா⁴வதோ தே³ஸனாய து³க்கோ²கா³ஹதா, படிவேத⁴ஸ்ஸ பன உப்பாதே³துங் அஸக்குணெய்யதாய, ஞாணுப்பத்தியா ச து³க்கரபா⁴வதோ து³க்கோ²கா³ஹதா வேதி³தப்³பா³. தே³ஸனங் நாம பா⁴ஸனந்தி இதா⁴தி⁴ப்பேதந்தி ஆஹ ‘‘வித்தா²ரதோ பா⁴ஸிஸ்ஸாமீ’’தி. பரிப்³யத்தங் கத²னஞ்ஹி பா⁴ஸனங், தேனாஹ ‘‘தே³ஸெஸ்ஸாமீதி…பே॰… வித்தா²ரதீ³பன’’ந்தி.
யதா²வுத்தமத்த²ங் ஸுத்தபதே³ன ஸமத்தே²துங் ‘‘தேனாஹா’’திஆதி³ வுத்தங். ஸாளிகாயிவ நிக்³கோ⁴ஸோதி ஸாளிகாய ஆலாபோ விய மது⁴ரோ கண்ணஸுகோ² பேமனீயோ. படிபா⁴னந்தி ஸத்³தோ³. உதீ³ரயீதி உச்சாரீயதி, வுச்சதி வா.
ஏவங் வுத்தே உஸ்ஸாஹஜாதோதி ஏவங் ‘‘ஸுணோஹி ஸாது⁴கங் மனஸி கரோஹி பா⁴ஸிஸ்ஸாமீ’’தி வுத்தே ‘‘ந கிர ப⁴க³வா ஸங்கே²பேனேவ தே³ஸெஸ்ஸதி, வித்தா²ரேனபி பா⁴ஸிஸ்ஸதீ’’தி ஸஞ்ஜாதுஸ்ஸாஹோ ஹட்ட²துட்டோ² ஹுத்வா.
190. ‘‘இதா⁴’’தி இமினா வுச்சமானங் அதி⁴கரணங் ததா²க³தஸ்ஸ உப்பத்திட்டா²னபூ⁴தங் அதி⁴ப்பேதந்தி ஆஹ ‘‘தே³ஸாபதே³ஸே நிபாதோ’’தி. ‘‘ஸ்வாய’’ந்தி ஸாமஞ்ஞதோ இத⁴ஸத்³த³மத்தங் க³ண்ஹாதி, ந யதா²விஸேஸிதப்³ப³ங் இத⁴-ஸத்³த³ங். ததா² ஹி வக்க²தி ‘‘கத்த²சி பத³பூரணமத்தமேவா’’தி (தீ³॰ நி॰ அட்ட²॰ 1.190). லோகங் உபாதா³ய வுச்சதி லோக-ஸத்³தே³ன ஸமானாதி⁴கரணபா⁴வேன வுத்தத்தா இத⁴ ததா²க³தோ லோகேதி ஹி ஜாதிகெ²த்தங், தத்தா²பி அயங் சக்கவாளோ ‘‘லோகோ’’தி அதி⁴ப்பேதோ. ஸமணோதி ஸோதாபன்னோ. து³தியோ ஸமணோதி ஸகதா³கா³மீ. வுத்தஞ்ஹேதங் ‘‘கதமோ ச பி⁴க்க²வே ஸமணோ? இத⁴ பி⁴க்க²வே பி⁴க்கு² திண்ணங் ஸங்யோஜனானங் பரிக்க²யா ஸோதாபன்னோ ஹோதீ’’திஆதி³ (அ॰ நி॰ 4.241). ‘‘கதமோ ச பி⁴க்க²வே து³தியோ ஸமணோ? இத⁴ பி⁴க்க²வே பி⁴க்கு² திண்ணங் ஸங்யோஜனானங் பரிக்க²யா ராக³தோ³ஸமோஹானங் தனுத்தா’’திஆதி³ (அ॰ நி॰ 4.241). ஓகாஸந்தி கஞ்சி பதே³ஸங். இதே⁴வ திட்ட²மானஸ்ஸாதி இமிஸ்ஸா ஏவ இந்த³ஸாலகு³ஹாயங் திட்ட²மானஸ்ஸ.
பத³பூரணமத்தமேவ ‘‘ஸத்தலோகே உப்பஜ்ஜமானோபி சா’’திஆதி³ வுத்தங். ‘‘ததா²க³தோ ந தே³வலோகே உப்பஜ்ஜதீ’’திஆதீ³ஸு யங் வத்தப்³ப³ங், தங் பரதோ ஆக³மிஸ்ஸதி. ஸாரப்பத்தாதி குலபோ⁴கி³ஸ்ஸரியாதி³வஸேன ஸாரபூ⁴தா. ப்³ராஹ்மணக³ஹபதிகாதி ப்³ரஹ்மாயுபொக்க²ரஸாதிஆதி³ப்³ராஹ்மணா
‘‘ஸுஜாதாயா’’திஆதி³னா வுத்தேஸு சதூஸு விகப்பேஸு பட²மோ விகப்போ பு³த்³த⁴பா⁴வாய ஆஸன்னதரபடிபத்தித³ஸ்ஸனவஸேன வுத்தோ. ஆஸன்னதராய ஹி படிபத்தியா டி²தோ ‘‘உப்பஜ்ஜதீதி’’ வுச்சதி உப்பாத³ஸ்ஸ ஏகந்திகத்தா, பகே³வ படிபத்தியா மத்த²கே டி²தோ. து³தியோ பு³த்³த⁴பா⁴வாவஹபப்³ப³ஜ்ஜதோ பட்டா²ய ஆஸன்னபடிபத்தித³ஸ்ஸனவஸேன, ததியோ பு³த்³த⁴கரத⁴ம்ம பாரிபூரிதோ பட்டா²ய பு³த்³த⁴பா⁴வாய படிபத்தித³ஸ்ஸனவஸேன. ந ஹி மஹாஸத்தானங் உப்பதிப⁴வூபபத்திதோ பட்டா²ய போ³தி⁴ஸம்பா⁴ரஸம்ப⁴ரணங் நாம அத்தி². சதுத்தோ² பு³த்³த⁴கரத⁴ம்மஸமாரம்ப⁴தோ பட்டா²ய. போ³தி⁴யா நியதபா⁴வப்பத்திதோ பபு⁴தி ஹி விஞ்ஞூஹி ‘‘பு³த்³தோ⁴ உப்பஜ்ஜதீ’’தி வத்துங் ஸக்கா உப்பாத³ஸ்ஸ ஏகந்திகத்தா. யதா² பன ஸந்த³ந்தி நதி³யோதி ஸந்த³னகிரியாய அவிச்சே²த³முபாதா³ய வத்தமானப்பயோகோ³, ஏவங் உப்பாத³த்தா²ய படிபஜ்ஜனகிரியாய அவிச்சே²த³முபாதா³ய சதூஸு விகப்பேஸு ‘‘உப்பஜ்ஜதி நாமா’’தி வுத்தங். ஸப்³ப³பட²மங் உப்பன்னபா⁴வந்தி சதூஸு விகப்பேஸு ஸப்³ப³பட²மங் வுத்தங் ததா²க³தஸ்ஸ உப்பன்னதாஸங்கா²தங் அத்தி²பா⁴வங். தேனாஹ ‘‘உப்பன்னோ ஹோதீதி அயஞ்ஹெத்த² அத்தோ²’’தி.
ஸோ ப⁴க³வாதி யோ ‘‘ததா²க³தோ அரஹ’’ந்திஆதி³னா கித்திதகு³ணோ, ஸோ ப⁴க³வா. ‘‘இமங் லோக’’ந்தி நயித³ங் மஹாஜனஸ்ஸ ஸம்முக²மத்தங் ஸந்தா⁴ய வுத்தங், அத² கோ² அனவஸேஸங் பரியாதா³யாதி த³ஸ்ஸேதுங் ‘‘ஸதே³வக’’ந்திஆதி³ வுத்தங், தேனாஹ ‘‘இதா³னி வத்தப்³ப³ங் நித³ஸ்ஸேதீ’’தி. பஜாதத்தாதி யதா²ஸகங் கம்மகிலேஸேஹி நிப்³ப³த்தத்தா. பஞ்சகாமாவசரதே³வக்³க³ஹணங் பாரிஸேஸஞாயேன இதரேஸங் பத³ந்தரேஹி ஸங்க³ஹிதத்தா. ஸதே³வகந்தி ச அவயவேன விக்³க³ஹோ ஸமுதா³யோ ஸமாஸத்தோ². ச²ட்ட²காமாவசரதே³வக்³க³ஹணங் பச்சாஸத்திஞாயேன. தத்த² ஹி ஸோ ஜாதோ, தங்னிவாஸீ ச. ப்³ரஹ்மகாயிகாதி³ப்³ரஹ்மக்³க³ஹணந்தி எத்தா²பி ஏஸேவ பச்சத்தி²க …பே॰… ஸமணப்³ராஹ்மணக்³க³ஹணந்தி நித³ஸ்ஸனமத்தமேதங் அபச்சத்தி²கானங், அஸமிதாபா³ஹிதபாபானஞ்ச ஸமணப்³ராஹ்மணானங் ஸஸ்ஸமணப்³ராஹ்மணீவசனேன க³ஹிதத்தா. காமங் ‘‘ஸதே³வக’’ந்திஆதி³ ‘‘பஜாவசனேன ஸத்தலோகக்³க³ஹண’’ந்தி.
அரூபினோ ஸத்தா அத்தனோ ஆனேஞ்ஜவிஹாரேன விஹரந்தா தி³ப்³ப³ந்தீதி தே³வாதி இமங் நிப்³ப³சனங் லப⁴ந்தீதி ஆஹ ‘‘ஸதே³வகக்³க³ஹணேன அரூபாவசரலோகோ க³ஹிதோ’’தி. தேனாஹ ‘‘ஆகாஸானஞ்சாயதனூபகா³னங் தே³வானங் ஸஹப்³யத’’ந்தி (அ॰ நி॰ 3.117). ஸமாரகக்³க³ஹணேன ச²காமாவசரதே³வலோகோ க³ஹிதோ தஸ்ஸ ஸவிஸேஸங் மாரஸ்ஸ வஸே வத்தனதோ. ரூபீ ப்³ரஹ்மலோகோ க³ஹிதோ அரூபீப்³ரஹ்மலோகஸ்ஸ விஸுங் க³ஹிதத்தா. சதுபரிஸவஸேனாதி க²த்தியாதி³சதுபரிஸவஸேன, இதரா பன சதஸ்ஸோ பரிஸா ஸமாரகாதி³க்³க³ஹணேன க³ஹிதா ஏவாதி. அவஸேஸஸப்³ப³ஸத்தலோகோ நாக³க³ருளாதி³பே⁴தோ³.
எத்தாவதா ச பா⁴க³ஸோ லோகங் க³ஹெத்வா யோஜனங் த³ஸ்ஸெத்வா இதா³னி தேன தேன விஸேஸேன அபா⁴க³ஸோ லோகங் க³ஹெத்வா யோஜனங் த³ஸ்ஸேதுங் ‘‘அபி செத்தா²’’திஆதி³ வுத்தங். தத்த² உக்கட்ட²பரிச்சே²த³தோதி உக்கங்ஸக³திவிஜானநேன. பஞ்சஸு ஹி க³தீஸு தே³வக³திபரியாபன்னாவ ஸெட்டா², தத்தா²பி அரூபினோ தூ³ரஸமுஸ்ஸாரிதகிலேஸது³க்க²தாய, ஸந்தபணீதஆனேஞ்ஜவிஹாரஸமங்கி³தாய, அதிதீ³கா⁴யுகதாயாதி ஏவமாதீ³ஹி விஸேஸேஹி அதிவிய உக்கட்டா². ‘‘ப்³ரஹ்மா மஹானுபா⁴வோ’’திஆதி³ த³ஸஸஹஸ்ஸியங் மஹாப்³ரஹ்முனோ வஸேன வத³தி. ‘‘உக்கட்ட²பரிச்சே²த³தோ’’தி அனுத்தரந்தி ஸெட்ட²ங் நவ லோகுத்தரங். பா⁴வானுக்கமோதி பா⁴வவஸேன பரேஸங் அஜ்ஜா²ஸயவஸேன ‘‘ஸதே³வக’’ந்திஆதீ³னங் பதா³னங் அனுக்கமோ.
தீஹாகாரேஹீதி தே³வமாரப்³ரஹ்மஸஹிததாஸங்கா²தேஹி தீஹி பகாரேஹி. தீஸு பதே³ஸூதி ‘‘ஸதே³வக’’ந்திஆதீ³ஸு தீஸு பதே³ஸு. தேன தேனாகாரேனாதி ஸதே³வகத்தாதி³னா தேன தேன பகாரேன. தேதா⁴துகமேவ பரியாதி³ன்னந்தி போராணா பனாஹூதி யோஜனா.
அபி⁴ஞ்ஞாதி ‘‘அபி⁴ஞ்ஞாய அதி⁴கேன ஞாணேன ஞத்வா’’தி. அனுமானாதி³படிக்கே²போதி அனுமானஉபமானஅத்தா²பத்திஆதி³படிக்கே²போ ஏகப்பமாணத்தா. ஸப்³ப³த்த² அப்படிஹதஞாணசாரதாய ஹி ஸப்³ப³பச்சக்கா² பு³த்³தா⁴ ப⁴க³வந்தோ.
அனுத்தரங் விவேகஸுக²ந்தி ப²லஸமாபத்திஸுக²ங், தேன டி²திமிஸ்ஸாபி [வீதி²மிஸ்ஸாபி (ஸாரத்த²॰ டீ॰ 1.வேரஞ்ஜகண்ட³வண்ணனாயங்) தி⁴திமிஸ்ஸாபி (க)] கதா³சி ப⁴க³வதோ த⁴ம்மதே³ஸனா ஹோதீதி ஹித்வாபீதி பி-ஸத்³த³க்³க³ஹணங். ப⁴க³வா ஹி த⁴ம்மங் தே³ஸெந்தோ யஸ்மிங் க²ணே பரிஸா ஸாது⁴காரங் வா தே³தி, யதா²ஸுதங் வா த⁴ம்மங் பச்சவெக்க²தி, தங் க²ணங் புப்³ப³பா⁴கே³ன பரிச்சி²ந்தி³த்வா ப²லஸமாபத்திங் ஸமாபஜ்ஜதி, யதா²பரிச்சே²த³ஞ்ச ஸமாபத்திதோ வுட்டா²ய டி²தட்டா²னதோ பட்டா²ய த⁴ம்மங் தே³ஸேதி. உக்³க⁴டிதஞ்ஞுஸ்ஸ வஸேன அப்பங் வா விபஞ்சிதஞ்ஞுஸ்ஸ, நெய்யஸ்ஸ வா வஸேன ப³ஹுங் வா தே³ஸெந்தோ. த⁴ம்மஸ்ஸ கல்யாணதா நிய்யானிகதாய, நிய்யானிகதா ச ஸப்³ப³ஸோ அனவஜ்ஜபா⁴வேனேவாதி ஆஹ ‘‘அனவஜ்ஜமேவ கத்வா’’தி. தே³ஸகாயத்தேன ஆணாதி³விதி⁴னா அபி⁴ஸஜ்ஜனங் பபோ³த⁴னங் தே³ஸனாதி ஸா பரியத்தித⁴ம்மவஸேன வேதி³தப்³பா³தி ஆஹ ‘‘தே³ஸனாய தாவ சதுப்பதி³காயபி கா³தா²யா’’திஆதி³. நிதா³னநிக³மனானிபி ஸத்து²னோ தே³ஸனாய அனுவிதா⁴னதோ தத³ந்தோக³தா⁴னி ஏவாதி ஆஹ ‘‘நிதா³னமாதி³, இத³ங் ஏவோசாதி பரியோஸான’’ந்தி.
ஸாஸிதப்³ப³புக்³க³லக³தேன யதா²பராதா⁴தி³ஸாஸிதப்³ப³பா⁴வேன ‘‘ஸீலஸமாதி⁴விபஸ்ஸனா’’திஆதி³. குஸலானங் த⁴ம்மானந்தி அனவஜ்ஜத⁴ம்மானங் ஸீலஸ்ஸ, ஸமத²விபஸ்ஸனானஞ்ச ஸீலதி³ட்டீ²னங் ஆதி³பா⁴வோ தங் மூலகத்தா உத்தரிமனுஸ்ஸத⁴ம்மானங். அரியமக்³க³ஸ்ஸ அந்தத்³வயவிக³மேன மஜ்ஜி²மபடிபதா³பா⁴வோ விய, ஸம்மாபடிபத்தியா ஆரப்³ப⁴னிப்ப²த்தீனங் வேமஜ்ஜ²த்தாபி மஜ்ஜ²பா⁴வோதி வுத்தங். ‘‘அத்தி² பி⁴க்க²வே…பே॰… மஜ்ஜ²ங் நாமா’’தி. ப²லங் பரியோஸானங் நாம ஸஉபாதி³ஸேஸதாவஸேன, நிப்³பா³னங் பரியோஸானங் நாம அனுபாதி³ஸேஸதாவஸேன. இதா³னி தேஸங் த்³வின்னம்பி ஸாஸனஸ்ஸ பரியோஸானதங் ஆக³மேன த³ஸ்ஸேதுங் ‘‘ஏதத³த்த²மித³’’ந்திஆதி³ ஆஹ. இத⁴ தே³ஸனாய ஆதி³மஜ்ஜ²பரியோஸானங் அதி⁴ப்பேதங் ‘‘ஸப்³யஞ்ஜன’’ந்திஆதி³ வசனதோ. தஸ்மிங் தஸ்மிங் அத்தே² கதாவதி⁴ஸத்³த³ப்பப³ந்தோ⁴ கா³தா²வஸேன, ஸுத்தவஸேன ச வவத்தி²தோ பரியத்தித⁴ம்மோ, யோ ‘‘ப⁴க³வா ஹி த⁴ம்மங் தே³ஸெந்தோ…பே॰… த³ஸ்ஸேதீ’’தி. தத்த² ஸீலங் த³ஸ்ஸெத்வாதி ஸீலக்³க³ஹணேன ஸஸம்பா⁴ரங் ஸீலங் க³ஹிதங், ததா² மக்³க³க்³க³ஹணேன ஸஸம்பா⁴ரோ மக்³கோ³தி தது³ப⁴யவஸேன அனவஸேஸதோ பரியத்தி அத்த²ங் பரியாதி³யதி. தேனாதி ஸீலாதி³த³ஸ்ஸனேன. அத்த²வஸேன ஹி இத⁴ தே³ஸனாய ஆதி³கல்யாணாதி³பா⁴வோ அதி⁴ப்பேதோ. கதி²கஸண்டி²தீதி கதி²கஸ்ஸ ஸண்டா²னங் கத²னவஸேன ஸமவட்டா²னங்.
ந ஸோ ஸாத்த²ங் தே³ஸேதி நிய்யானத்த²விரஹதோ தஸ்ஸா தே³ஸனாய. ஏகப்³யஞ்ஜனாதி³யுத்தா வாதி ஸிதி²லாதி³பே⁴தே³ஸு ப்³யஞ்ஜனேஸு ஏகப்பகாரேமேவ, த்³விபகாரேமேவ வா ப்³யஞ்ஜனேன யுத்தா வா த³மிளபா⁴ஸா விய ஸப்³ப³னிரொட்ட²ப்³யஞ்ஜனா வா கிராதபா⁴ஸா ஸப்³ப³விஸ்ஸட்ட²ப்³யஞ்ஜனா வா ஸவரபா⁴ஸா [யவனபா⁴ஸா (ஸாரத்த²॰ டீ॰ 1.வேரஞ்ஜகண்ட³வண்ணனாயங்)] விய. ஸப்³ப³ஸ்ஸேவ [ஸப்³ப³த்தே²வ (ஸாரத்த²॰ டீ॰ 1.வேரஞ்ஜகண்ட³வண்ணனாயங்)] ஸானுஸாரதாய ஸப்³ப³னிக்³க³ஹிதப்³யஞ்ஜனா வா பாரஸிகாதி³மிலக்கு²பா⁴ஸா விய. ஸப்³பா³பேஸா ப்³யஞ்ஜனேகதே³ஸவஸேன பவத்தியா அபரிபுண்ணப்³யஞ்ஜனாதி கத்வா ‘‘அப்³யஞ்ஜனா’’தி வுத்தா.
டா²னகரணானி ஸிதி²லானி கத்வா உச்சாரேதப்³ப³ங் அக்க²ரங் பஞ்சஸு வக்³கே³ஸு பட²மததியந்தி ஏவமாதி³ ஸிதி²லங். தானி அஸிதி²லானி கத்வா உச்சாரேதப்³ப³ங் அக்க²ரங் வக்³கே³ஸு து³தியசதுத்த²ந்தி ஏவமாதி³ த⁴னிதங். த்³விமத்தகாலங் தீ³க⁴ங். ஏகமத்தகாலங் ரஸ்ஸங் ததே³வ லஹுகங். லஹுகமேவ ஸங்யோக³பரங், தீ³க⁴ஞ்ச க³ருகங். டா²னகரணானி நிக்³க³ஹெத்வா உச்சாரேதப்³ப³ங் நிக்³க³ஹிதங். பரேன ஸம்ப³ந்த⁴ங் கத்வா உச்சாரேதப்³ப³ங் ஸம்ப³ந்த⁴ங். ததா² நஸம்ப³ந்த⁴ங் வவத்தி²தங். டா²னகரணானி நிஸ்ஸட்டா²னி கத்வா உச்சாரேதப்³ப³ங் விமுத்தங். த³ஸதா⁴தி ஏவங் ஸிதி²லாதி³வஸேன ப்³யஞ்ஜனபு³த்³தி⁴யா அக்க²ருப்பாத³கசித்தஸ்ஸ ஸப்³பா³காரேன பபே⁴தோ³. ஸப்³பா³னி ஹி அக்க²ரானி சித்தஸமுட்டா²னானி யதா²தி⁴ப்பேதத்த²ங் ப்³யஞ்ஜனதோ ப்³யஞ்ஜனானி சாதி.
அமக்கெ²த்வாதி அமிலெச்செ²த்வா, அவினாஸெத்வா, அஹாபெத்வாதி வா அத்தோ². ப⁴க³வா யமத்த²ங் ஞாபேதுங் ஏகங் கா³த²ங், ஏகங் வாக்யங் வா தே³ஸேதி, தமத்த²ங் தாய தே³ஸனாய பரிமண்ட³லபத³ப்³யஞ்ஜனாய ஏவ தே³ஸேதீதி ஆஹ ‘‘பரிபுண்ணப்³யஞ்ஜனமேவ கத்வா த⁴ம்மங் தே³ஸேதீ’’தி. இத⁴ கேவலஸத்³தோ³ அனவஸேஸவாசகோ, ந அவோமிஸ்ஸகாதி³வாசகோதி ஆஹ ‘‘ஸகலாதி⁴வசன’’ந்தி. பரிபுண்ணந்தி ஸப்³ப³ஸோ புண்ணங், தங் பன கேனசி ஊனங், அதி⁴கங் வா ந ஹோதீதி ‘‘அனூனாதி⁴கவசன’’ந்தி வுத்தங். தத்த² யத³த்த²ங் ‘‘ஏகதே³ஸனாபி அபரிபுண்ணா நத்தீ²’’தி. அபரிஸுத்³தா⁴ தே³ஸனா ஹோதி தண்ஹாய ஸங்கிலிட்ட²த்தா. லோகாமிஸங் சீவராத³யோ பச்சயா தத்த² அக³தி⁴தசித்ததாய லோகாமிஸனிரபெக்கோ². ஹிதப²ரணேனாதி ஹிதூபஸங்ஹாரேன. மெத்தாபா⁴வனாய கரணபூ⁴தாய முது³ஹத³யோ. உல்லும்பனஸபா⁴வஸண்டி²தேனாதி ஸகலஸங்கிலேஸதோ, வட்டது³க்க²தோ ச உத்³த⁴ரணாகாராவட்டி²தேன சித்தேன, காருணாதி⁴ப்பாயேனாதி அத்தோ².
‘‘இதோ பட்டா²ய த³ஸ்ஸாமேவ, ஏவஞ்ச த³ஸ்ஸாமீ’’தி ஸமாதா³தப்³ப³ட்டே²ன வதங். பண்டி³தபஞ்ஞத்ததாய ப்³ரஹ்மசரியங் தா³னங். மச்ச²ரியலோபா⁴தி³னிக்³க³ண்ஹனேன ஸுசிண்ணஸ்ஸ. இத்³தீ⁴தி தே³வித்³தி⁴. ஜுதீதி பபா⁴, ஆனுபா⁴வோ வா. ப³லவீரியூபபத்தீதி ஏவங் மஹதா ப³லேன ச வீரியேன ச ஸமன்னாக³மோ. புஞ்ஞந்தி புஞ்ஞப²லங். வெய்யாவச்சங் ப்³ரஹ்மசரியங் ஸெட்டா² சரியாதி கத்வா. ஏஸ நயோ ஸேஸேபி.
தஸ்மாதி யஸ்மா ஸிக்க²த்தயஸங்க³ஹங் ஸகலங் ஸாஸனங் இத⁴ ‘‘ப்³ரஹ்மசரிய’’ந்தி அதி⁴ப்பேதங் தஸ்மா. ‘‘ப்³ரஹ்மசரிய’’ந்தி இமினா ஸமானாதி⁴கரணானி ஸப்³ப³பதா³னி யோஜெத்வா அத்த²ங் த³ஸ்ஸெந்தோ ‘‘ஸோ த⁴ம்மங் தே³ஸேதி…பே॰… பகாஸேதீதி ஏவமெத்த² அத்தோ² த³ட்ட²ப்³போ³’’தி ஆஹ.
191. வுத்தப்பகாரஸம்பத³ந்தி யதா²வுத்தங் ஆதி³கல்யாணதாதி³கு³ணஸம்பத³ங், தூ³ரஸமுஸ்ஸாரிதமானஸ்ஸேவ ஸாஸனே ஸம்மாபடிபத்தி ஸம்ப⁴வதி, ந மானஜாதிகஸ்ஸாதி ஆஹ ‘‘நிஹதமானத்தா’’தி. உஸ்ஸன்னத்தாதி ப³ஹுலபா⁴வதோ. போ⁴கா³ரொக்³யாதி³வத்து²கா மதா³ ஸுப்பஹெய்யா ஹொந்தி நிமித்தஸ்ஸ அனவத்தா²னதோ, ந ததா² குலவிஜ்ஜாமதா³, தஸ்மா க²த்தியப்³ராஹ்மணகுலானங் பப்³ப³ஜிதானம்பி ‘‘யேபு⁴ய்யேன ஹி…பே॰… மானங் கரொந்தீ’’தி. விஜாதிதாயாதி நிஹீனஜாதிதாய. பதிட்டா²துங் ந ஸக்கொந்தீதி ஸுவிஸுத்³த⁴ங் கத்வா ஸீலங் ரக்கி²துங் ந ஸக்கொந்தி. ஸீலவஸேன ஹி ஸாஸனே பதிட்டா², பதிட்டா²துந்தி வா ஸச்சபடிவேதே⁴ன லோகுத்தராய பதிட்டா²ய பதிட்டா²துங். ஸா ஹி நிப்பரியாயதோ ஸாஸனே பதிட்டா² நாம, யேபு⁴ய்யேன ச உபனிஸ்ஸயஸம்பன்னா ஸுஜாதா ஏவ ஹொந்தி, ந து³ஜ்ஜாதா.
பரிஸுத்³த⁴ந்தி ஸத்³த⁴ங் படிலப⁴தீதி போது²ஜ்ஜனிகஸத்³தா⁴வஸேன ஸத்³த³ஹதி. விஞ்ஞூஜாதிகானஞ்ஹி த⁴ம்மஸம்பத்திக்³க³ஹணபுப்³பி³கா ஸத்³தா⁴ ஸித்³தி⁴ த⁴ம்மப்பமாணத⁴ம்மப்பஸன்னபா⁴வதோ. ‘‘ஸம்மாஸம்பு³த்³தோ⁴ வத ஸோ ப⁴க³வா, யோ ஏவங் ஸ்வாக்கா²தத⁴ம்மோ’’தி ஸத்³த⁴ங் படிலப⁴தி. ஜாயம்பதிகாதி க⁴ரணீபதிகா. காமங் ‘‘ஜாயம்பதிகா’’தி வுத்தே க⁴ரஸாமிகக⁴ரஸாமினீவஸேன த்³வின்னங்யேவ க³ஹணங் விஞ்ஞாயதி. யஸ்ஸ பன புரிஸஸ்ஸ அனேகா பஜாபதியோ, தத்த² கிங் வத்தப்³ப³ங், ஏகாயாபி ஸங்வாஸோ ஸம்பா³தோ⁴தி த³ஸ்ஸனத்த²ங் ‘‘த்³வே’’தி வுத்தங். ராகா³தி³னா ஸகிஞ்சனட்டே²ன, கெ²த்தவத்து² ஆதி³னா ஸபலிபோ³த⁴ட்டே²ன ராக³ரஜாதீ³னங் ஆக³மனபத²தாபி உட்டா²னட்டா²னதா ஏவாதி த்³வேபி வண்ணனா ஏகத்தா², ப்³யஞ்ஜனமேவ நானங். அலக்³க³னட்டே²னாதி அஸ்ஸஜ்ஜனட்டே²ன அப்படிப³த்³த⁴பா⁴வேன. ஏவங் அகுஸலகுஸலப்பவத்தீனங் டா²னபா⁴வேன க⁴ராவாஸபப்³ப³ஜ்ஜானங் ஸம்பா³த⁴ப்³போ⁴காஸதங் த³ஸ்ஸெத்வா இதா³னி குஸலப்பவத்தியா ஏவ அட்டா²னட்டா²னபா⁴வேன தேஸங் தங் த³ஸ்ஸேதுங் ‘‘அபிசா’’திஆதி³ வுத்தங்.
ஸங்கே²பகதா²தி ஏகம்பி தி³வஸந்தி ஏகதி³வஸமத்தம்பி. அக²ண்ட³ங் கத்வாதி து³க்கடமத்தஸ்ஸபி அனாபஜ்ஜனேன அக²ண்டி³தங் கத்வா. கிலேஸமலேன அமலீனந்தி தண்ஹாஸங்கிலேஸாதி³னா அஸங்கிலிட்ட²ங் கத்வா. பரியோதா³தட்டே²ன நிம்மலபா⁴வேன ஸங்க²ங் விய லிகி²தங் தோ⁴தந்தி ஸங்க²லிகி²தந்தி ‘‘தோ⁴தஸங்க²ஸப்படிபா⁴க³’’ந்தி. ‘‘அஜ்ஜா²வஸதா’’தி பத³ப்பயோகே³ன ‘‘அகா³ர’’ந்தி பு⁴ம்மத்தே² உபயோக³வசனந்தி ஆஹ ‘‘அகா³ரமஜ்ஜே²’’தி. கஸாயேன ரத்தானி வத்தா²னி காஸாயானீதி ஆஹ ‘‘கஸாயரஸபீததாயா’’தி. பரித³ஹித்வாதி நிவாஸெத்வா சேவ பாருபித்வா ச. அகா³ரவாஸோ அகா³ரங் உத்தரபத³லோபேன, தஸ்ஸ வட்³டி⁴ஆவஹங் அகா³ரஸ்ஸ ஹிதங்.
192. போ⁴க³க்க²ந்தோ⁴தி போ⁴க³ஸமுதா³யோ. ஆப³ந்த⁴னட்டே²னாதி ‘‘புத்தோ நத்தா’’திஆதி³னா பேமவஸேன ஸபரிச்சே²த³ங் ப³ந்த⁴னட்டே²ன. ‘‘அம்ஹாகமேதே’’தி ஞாயந்தீதி ஞாதீ. பிதாமஹபிதுபுத்தாதி³வஸேன பரிவத்தனட்டே²ன பரிவட்டோ.
193. பாதிமொக்க²ஸங்வரஸங்வுதோதி பாதிமொக்க²ஸங்வரேன பிஹிதகாயவசீத்³வாரோ, ததா²பூ⁴தோ ச யஸ்மா தேன ஸங்வரேன உபேதோ நாம ஹோதி ‘‘பாதிமொக்க²ஸங்வரேன ஸமன்னாக³தோ’’தி. ‘‘ஆசாரகோ³சரஸம்பன்னோ’’திஆதி³ தஸ்ஸேவ பாதிமொக்க²ஸங்வரஸமன்னாக³மஸ்ஸ பச்சயத³ஸ்ஸனங். அப்பமத்தகேஸூதி அஸஞ்சிச்ச ஆபன்னஅனுகு²த்³த³கேஸு சேவ ஸஹஸா உப்பன்னஅகுஸலசித்துப்பாதே³ஸு ச. ப⁴யத³ஸ்ஸாவீதி ப⁴யத³ஸ்ஸனஸீலோ. ஸம்மா ஆதி³யித்வாதி ஸக்கச்சங் யாவஜீவங் அவீதிக்கமவஸேன ஆதி³யித்வா. தங் தங் ஸிக்கா²பத³ந்தி தங் தங் ஸிக்கா²கொட்டா²ஸங். எத்தா²தி ஏதஸ்மிங் ‘‘பாதிமொக்க²ஸங்வரஸங்வுதோ’’தி பாடே². ஸங்கே²போதி ஸங்கே²பவண்ணனா. வித்தா²ரோ விஸுத்³தி⁴மக்³கே³ (விஸுத்³தி⁴॰ 1.14) வுத்தோ, தஸ்மா ஸோ தத்த², தங்ஸங்வண்ணனாய (விஸுத்³தி⁴॰ டீ॰ 1.14) ச வுத்தனயேன வேதி³தப்³போ³.
ஆசாரகோ³சரக்³க³ஹணேனேவாதி ‘‘ஆசாரகோ³சரஸம்பன்னோ’’தி வசனேனேவ. தேனாஹ ‘‘குஸலே காயகம்மவசீகம்மே க³ஹிதேபீ’’தி. அதி⁴கவசனங் அஞ்ஞமத்த²ங் போ³தே⁴தீதி கத்வா தஸ்ஸ ஆஜீவபாரிஸுத்³தி⁴ஸீலஸ்ஸ உப்பத்தித்³வாரத³ஸ்ஸனத்த²ங்…பே॰… குஸலேனாதி வுத்தங், ஸப்³ப³ஸோ அனேஸனப்பஹானேன அனவஜ்ஜேனாதி அத்தோ². யஸ்மா ‘‘கதமே ‘‘முண்டி³கஸுத்தவஸேன வா ஏவங் வுத்த’’ந்தி. ஸீலஸ்மிங் வதா³மீதி ‘‘ஸீல’’ந்தி வதா³மி, ‘‘ஸீலஸ்மிங் அந்தோக³த⁴ங் பரியாபன்ன’’ந்தி வதா³மீதி வா அத்தோ². பரியாதா³னத்த²ந்தி பரிக்³க³ஹத்த²ங்.
திவிதே⁴ன ஸீலேனாதி சூளஸீலங் மஜ்ஜி²மஸீலங் மஹாஸீலந்தி ஏவங் திவிதே⁴ன ஸீலேன. மனச்ச²ட்டே²ஸு இந்த்³ரியேஸு, ந காயபஞ்சமேஸு. யதா²லாப⁴யதா²ப³லயதா²ஸாருப்பப்பகாரவஸேன திவிதே⁴ன ஸந்தோஸேன.
சூளமஜ்ஜி²மமஹாஸீலவண்ணனா
194-211. ‘‘ஸீலஸ்மி’’ந்தி இத³ங் நித்³தா⁴ரணே பு⁴ம்மந்தி ஆஹ ‘‘ஏகங் ஸீலங் ஹோதீதி அத்தோ²’’தி. அயமேவ அத்தோ²தி பச்சத்தவசனத்தோ² ஏவ. ப்³ரஹ்மஜாலேதி ப்³ரஹ்மஜாலவண்ணனாயங் (தீ³॰ நி॰ அட்ட²॰ 1.7).
212. அத்தானுவாத³பரானுவாத³த³ண்ட³ப⁴யாதீ³னி அஸங்வரமூலகானி. ஸீலஸ்ஸாஸங்வரதோதி ஸீலஸ்ஸ அஸங்வரணதோ, ஸீலஸங்வராபா⁴வதோதி அத்தோ². ப⁴வெய்யாதி உப்பஜ்ஜெய்ய. யதா²விதா⁴னவிஹிதேனாதி யதா²விதா⁴னஸம்பாதி³தேன. அவிப்படிஸாராதி³னிமித்தங் ‘‘அவிப்படிஸார…பே॰… படிஸங்வேதே³தீ’’தி.
இந்த்³ரியஸங்வரகதா²வண்ணனா
213. விஸேஸோ கம்மத்தா²பெக்க²தாய ஸாமஞ்ஞஸ்ஸ ந தேஹி பரிசத்தோதி ஆஹ ‘‘சக்கு²-ஸத்³தோ³ கத்த²சி பு³த்³த⁴சக்கு²ம்ஹி வத்ததீ’’தி. விஜ்ஜமானமேவ ஹி அபி⁴தெ⁴ய்யே விஸேஸத்த²ங் விஸேஸந்தரனிவத்தனவஸேன விஸேஸஸத்³தோ³ விபா⁴வேதி, ந அவிஜ்ஜமானங். ஸேஸபதே³ஸுபி ஏஸேவ நயோ. அஞ்ஞேஹி அஸாதா⁴ரணங் பு³த்³தா⁴னங்யேவ சக்கு²த³ஸ்ஸனந்தி பு³த்³த⁴சக்கு², ஆஸயானுஸயஞாணங், இந்த்³ரியபரோபரியத்தஞாணஞ்ச. ஸமந்ததோ ஸப்³ப³ஸோ த³ஸ்ஸனட்டே²ன ஸமந்தசக்கு², ஸப்³ப³ஞ்ஞுதஞ்ஞாணங். அரியமக்³க³த்தயபஞ்ஞாதி ஹெட்டி²மே அரியமக்³க³த்தயே பஞ்ஞா. இதா⁴தி ‘‘சக்கு²னா ரூப’’ந்தி இமஸ்மிங் பாடே². அயங் சக்கு²-ஸத்³தோ³ பஸாத³…பே॰… வத்ததி நிஸ்ஸயவோஹாரே நிஸ்ஸிதஸ்ஸ வத்தப்³ப³தோ யதா². ‘‘மஞ்சா உக்குட்டி²ங் கரொந்தீ’’தி. அஸம்மிஸ்ஸந்தி கிலேஸது³க்கே²ன அவோமிஸ்ஸங். தேனாஹ ‘‘பரிஸுத்³த⁴’’ந்தி ‘‘அதி⁴சித்தஸுக²ங் படிஸங்வேதே³தீ’’தி.
ஸதிஸம்பஜஞ்ஞகதா²வண்ணனா
214. ஸமந்ததோ, பகட்ட²ங் வா ஸவிஸேஸங் ஜானாதீதி ஸம்பஜானோ, ஸம்பஜானஸ்ஸ பா⁴வோ ஸம்பஜஞ்ஞங், ததா²பவத்தஞாணங். தஸ்ஸ விப⁴ஜனங் ஸம்பஜஞ்ஞபா⁴ஜனீயங், தஸ்மிங் ஸம்பஜஞ்ஞபா⁴ஜனீயம்ஹி. அபி⁴க்கமனங் அபி⁴க்கந்தந்தி ஆஹ ‘‘அபி⁴க்கந்தங் வுச்சதி க³மன’’ந்தி. ததா² படிக்கமனங் படிக்கந்தந்தி ஆஹ ‘‘படிக்கந்தங் நிவத்தன’’ந்தி. நிவத்தனந்தி ச நிவத்திமத்தங். நிவத்தித்வா பன க³மனங் க³மனமேவ. அபி⁴ஹரந்தோதி க³மனவஸேன காயங் உபனெந்தோ. டா²னநிஸஜ்ஜாஸயனேஸு யோ க³மனவிது⁴ரோ காயஸ்ஸ புரதோ அபி⁴ஹாரோ, ஸோ அபி⁴க்கமோ, பச்ச²தோ அபஹரணங் படிக்கமோதி த³ஸ்ஸெந்தோ ‘‘டா²னேபீ’’திஆதி³மாஹ. ஆஸனஸ்ஸாதி புரிமஅங்கா³பி⁴முகோ²தி அடனிகாதி³புரிமாவயவாபி⁴முகோ². ஸங்ஸரந்தோதி ஸங்ஸப்பந்தோ. பச்சாஸங்ஸரந்தோதி படிஆஸப்பந்தோ. ‘‘ஏஸேவ நயோ’’தி இமினா நிபன்னஸ்ஸேவ அபி⁴முக²ஸங்ஸப்பனபடிஆஸப்பனானி நித³ஸ்ஸேதி.
ஸம்மா பஜானநங் ஸம்பஜானங், தேன அத்தனா காதப்³ப³கிச்சஸ்ஸ கரணஸீலோ ஸம்பஜானகாரீதி ஆஹ ‘‘ஸம்பஜஞ்ஞேன ஸப்³ப³கிச்சகாரீ’’தி. ஸம்பஜானஸத்³த³ஸ்ஸ ஸம்பஜஞ்ஞபரியாயதா புப்³பே³ வுத்தா ஏவ. ஸம்பஜஞ்ஞங் கரோதேவாதி அபி⁴க்கந்தாதீ³ஸு அஸம்மோஹங் உப்பாதே³தி ஏவ. ஸம்பஜஞ்ஞஸ்ஸ வா காரோ ஏதஸ்ஸ அத்தீ²தி ஸம்பஜானகாரீ. த⁴ம்மதோ வட்³டி⁴ஸங்கா²தேன ஸஹ அத்தே²ன வத்ததீதி ஸாத்த²கங், அபி⁴க்கந்தாதி³. ஸாத்த²கஸ்ஸ ஸம்பஜானநங் ஸாத்த²கஸம்பஜஞ்ஞங். ஸப்பாயஸ்ஸ அத்தனோ ஹிதஸ்ஸ ஸம்பஜானநங் ஸப்பாயஸம்பஜஞ்ஞங். அபி⁴க்கமாதீ³ஸு பி⁴க்கா²சாரகோ³சரே, அஞ்ஞத்தா²பி ச பவத்தேஸு அவிஜஹிதே கம்மட்டா²னஸங்கா²தே கோ³சரே ஸம்பஜஞ்ஞங் கோ³சரஸம்பஜஞ்ஞங். அபி⁴க்கமாதீ³ஸு அஸம்முய்ஹனமேவ ஸம்பஜஞ்ஞங் அஸம்மோஹஸம்பஜஞ்ஞங். பரிக்³க³ஹெத்வாதி தூலெத்வா தீரெத்வா படிஸங்கா²யாதி, அத்தோ². ஸங்க⁴த³ஸ்ஸனேனேவ உபோஸத²பவாரணாதி³அத்த²ங் க³மனங் ஸங்க³ஹிதங். அஸுப⁴த³ஸ்ஸனாதீ³தி ஆதி³-ஸத்³தே³ன கஸிணபரிகம்மாதீ³னங் ஸங்க³ஹோ த³ட்ட²ப்³போ³ ‘‘சேதியங் வா போ³தி⁴ங் வா தி³ஸ்வாபி ஹீ’’திஆதி³ வுத்தங். அரஹத்தங் பாபுணாதீதி உக்கட்ட²னித்³தே³ஸோ ஏஸோ. ஸமத²விபஸ்ஸனுப்பாத³னம்பி ஹி பி⁴க்கு²னோ வட்³டி⁴யேவ. கேசீதி அப⁴யகி³ரிவாஸினோ.
தஸ்மிங் பனாதி ஸாத்த²கஸம்பஜஞ்ஞவஸேன பரிக்³க³ஹிதஅத்தே². ‘‘அத்தோ²தி த⁴ம்மதோ வட்³டீ⁴’’தி யங் ஸாத்த²கந்தி ‘‘சேதியத³ஸ்ஸனங் தாவா’’திஆதி³ ஆரத்³த⁴ங். சித்தகம்மரூபகானி வியாதி சித்தகம்மகதா படிமாயோ விய, யந்தபயோகே³ன வா விசித்தகம்மா படிமாயோ விய. அஸமபெக்க²னங் கே³ஹஸ்ஸித அஞ்ஞாணுபெக்கா²வஸேன ஆரம்மணஸ்ஸ அயோனிஸோ க³ஹணங். யங் ஸந்தா⁴ய வுத்தங். ‘‘சக்கு²னா ரூபங் தி³ஸ்வா உப்பஜ்ஜதி உபெக்கா² பா³லஸ்ஸ மூள்ஹஸ்ஸ புது²ஜ்ஜனஸ்ஸா’’திஆதி³ (ம॰ நி॰ 3.308). ஹத்தி²ஆதி³ஸம்மத்³தே³ன ஜீவிதந்தராயோ. விஸபா⁴க³ரூபத³ஸ்ஸனாதி³னா ப்³ரஹ்மசரியந்தராயோ.
பப்³ப³ஜிததி³வஸதோ பட்டா²ய பி⁴க்கூ²னங் அனுவத்தனகதா² ஆசிண்ணா, அனநுவத்தனகதா² பன தஸ்ஸா து³தியா நாம ஹோதீதி ஆஹ ‘‘த்³வே கதா² நாம ந கதி²தபுப்³பா³’’தி. ஏவந்தி ‘‘ஸசே பனா’’திஆதி³கங் ஸப்³ப³ம்பி வுத்தாகாரங் பச்சாமஸதி, ந ‘‘புரிஸஸ்ஸ மாதுகா³மாஸுப⁴’’ந்திஆதி³கங் வுச்சமானங்.
யோக³கம்மஸ்ஸ பவத்திட்டா²னதாய பா⁴வனாய ஆரம்மணங் ‘‘கம்மட்டா²ன’’ந்தி வுச்சதீதி ஆஹ ‘‘கம்மட்டா²னஸங்கா²தங் கோ³சர’’ந்தி. உக்³க³ஹெத்வாதி யதா² உக்³க³ஹனிமித்தங் உப்பஜ்ஜதி, ஏவங் உக்³க³ஹகோஸல்லஸ்ஸ ஸம்பாத³னவஸேன உக்³க³ஹெத்வா
ஹரதீதி கம்மட்டா²னங் பவத்தேதி, யாவ பிண்ட³பாதபடிக்கமா அனுயுஞ்ஜதீதி அத்தோ². ந பச்சாஹரதீதி ஆஹாரூபயோக³தோ யாவ தி³வாடா²னுபஸங்கமனா கம்மட்டா²னங் ந படினேதி. ஸரீரபரிகம்மந்தி முக²தோ⁴வனாதி³ஸரீரபடிஜக்³க³னங். த்³வே தயோ பல்லங்கேதி த்³வே தயோ நிஸஜ்ஜாவாரே த்³வே தீணி உண்ஹாஸனானி. தேனாஹ ‘‘உஸுமங் கா³ஹாபெந்தோ’’தி. கம்மட்டா²னஸீஸேனேவாதி கம்மட்டா²னமுகே²னேவ கம்மட்டா²னங் அவிஜஹந்தோ ஏவ, தேன ‘‘பத்தோபி அசேதனோ’’திஆதி³னா (தீ³॰ நி॰ அட்ட²॰ 1.214) வக்க²மானங் கம்மட்டா²னங், யதா²பரிஹரியமானங் வா அவிஜஹித்வாதி த³ஸ்ஸேதி. ததே²வாதி திக்க²த்துமேவ. பரிபோ⁴க³சேதியதோ ஸாரீரிகசேதியங் க³ருதரந்தி கத்வா ‘‘சேதியங் வந்தி³த்வா’’தி புப்³ப³காலகிரியாய வஸேன வுத்தங். ததா² ஹி அட்ட²கதா²யங் ‘‘சேதியங் பா³த⁴யமானா போ³தி⁴ஸாகா² ஹரிதப்³பா³’’தி வுத்தா. பு³த்³த⁴கு³ணானுஸ்ஸரணவஸேனேவ போ³தி⁴யங் பணிபாதகரணந்தி ஆஹ ‘‘பு³த்³த⁴ஸ்ஸ ப⁴க³வதோ ஸம்முகா² விய நிபச்சகாரங் த³ஸ்ஸெத்வா’’தி. கா³மஸமீபேதி கா³மஸ்ஸ உபசாரட்டா²னே. ஜனஸங்க³ஹத்த²ந்தி ‘‘மயி அகதெ²ந்தே ஏதேஸங் கோ கதெ²ஸ்ஸதீ’’தி த⁴ம்மானுக்³க³ஹேன ஜனஸங்க³ஹத்த²ங். தஸ்மாதி யஸ்மா ‘‘த⁴ம்மகதா² நாம கதே²தப்³பா³ ஏவா’’தி அட்ட²கதா²சரியா வத³ந்தி, யஸ்மா ச த⁴ம்மகதா² கம்மட்டா²னவினிமுத்தா நாம நத்தி², தஸ்மா. கம்மட்டா²னஸீஸேனேவாதி அத்தனா பரிஹரியமானங் கம்மட்டா²னங் அவிஜஹந்தோ அனுமோத³னங் வத்வாதி எத்தா²பி ‘‘கம்மட்டா²னஸீஸேனேவா’’தி ஆனெத்வா ஸம்ப³ந்தி⁴தப்³ப³ங்.
ஸம்பத்தபரிச்சே²தே³னேவாதி ‘‘பரிசிதோ அபரிசிதோ’’திஆதி³ விபா⁴க³ங் அகத்வா ஸம்பத்தகோடியா ஏவ, ஸமாக³மமத்தேனேவாதி அத்தோ². ப⁴யேதி பரசக்காதி³ப⁴யே.
‘‘கம்மஜதேஜோ’’தி கம்மட்டா²னங் வீதி²ங் நாரோஹதி கு²தா³பரிஸ்ஸமேன கிலந்தகாயத்தா ஸமாதா⁴னாபா⁴வதோ. அவஸேஸட்டா²னேதி யாகு³யா அக்³க³ஹிதட்டா²னே. பொங்கா²னுபொங்க²ந்தி கம்மட்டா²னுபட்டா²னஸ்ஸ அவிச்சே²த³த³ஸ்ஸனமேதங், யதா² பொங்கா²னுபொங்க²ங் பவத்தாய ஸரபடிபாதியா அனவிச்சே²தோ³, ஏவமேதஸ்ஸபீதி.
நிக்கி²த்தது⁴ரோ பா⁴வனானுயோகே³. வத்தபடிபத்தியா அபூரணேன ஸப்³ப³வத்தானி பி⁴ந்தி³த்வா. ‘‘காமேஸு அவீதராகோ³ ஹோதி, காயே அவீதராகோ³, ரூபே அவீதராகோ³, யாவத³த்த²ங் உத³ராவதே³ஹகங் பு⁴ஞ்ஜித்வா ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரதி, அஞ்ஞதரங் தே³வனிகாயங் பணிதா⁴ய ப்³ரஹ்மசரியங் சரதீ’’தி (தீ³॰ நி॰ 3.320; ம॰ நி॰ 1.186) ஏவங் வுத்தபஞ்சவித⁴சேதோகி²லவினிப³ந்த⁴சித்தோ. சரித்வாதி பவத்தித்வா.
க³தபச்சாக³திகவத்தவஸேனாதி பா⁴வனாஸஹிதங்யேவ பி⁴க்கா²ய க³தபச்சாக³தங் க³மனபச்சாக³மனங் ஏதஸ்ஸ அத்தீ²தி க³தபச்சாக³திகங், ததே³வ வத்தங், தஸ்ஸ வஸேன. அத்தகாமாதி அத்தனோ ஹிதஸுக²ங் இச்ச²ந்தா, த⁴ம்மச்ச²ந்த³வந்தோதி அத்தோ². த⁴ம்மோ ஹி ஹிதங் தன்னிமித்தகஞ்ச ஸுக²ந்தி. அத² வா விஞ்ஞூனங் நிப்³பி³ஸேஸத்தா, அத்தபா⁴வபரியாபன்னத்தா ச அத்தா நாம த⁴ம்மோ, தங் காமெந்தி இச்ச²ந்தீதி அத்தகாமா.
உஸப⁴ங் நாம வீஸதி யட்டி²யோ. தாய ஸஞ்ஞாயாதி தாய பாஸாணஸஞ்ஞாய, எத்தகங் டா²னங் ஆக³தாதி ஜானந்தாதி அதி⁴ப்பாயோ. ஸோயேவ நயோதி ‘‘அயங் பி⁴க்கூ²’’திஆதி³கோ யோ டா²னே வுத்தோ, ஸோ ஏவ நிஸஜ்ஜாயபி நயோ. பச்ச²தோ ஆக³ச்ச²ந்தானங் சி²ன்னப⁴த்தபா⁴வப⁴யேனபி யோனிஸோமனஸிகாரங் பரிப்³ரூஹேதி. மத்³த³ந்தாதி
மஹாபதா⁴னங் பூஜெஸ்ஸாமீதி அம்ஹாகங் அத்தா²ய லோகனாதே²ன ச²வஸ்ஸானி கதங் து³க்கரசரியமேவாஹங் யதா²ஸத்தி பூஜெஸ்ஸாமீதி. படிபத்திபூஜா ஹி ஸத்து²பூஜா, ந ஆமிஸபூஜாதி. ‘‘டா²னசங்கமமேவா’’தி
வீதி²ங் ஓதரித்வா இதோ சிதோ ச அனோலோகெத்வா பட²மமேவ வீதி²யோ ஸல்லக்கே²தப்³பா³தி ஆஹ ‘‘வீதி²யோ ஸல்லக்கெ²த்வா’’தி. யங் ஸந்தா⁴ய வுச்சதி ‘‘ஆஹாரே படிக்கூலஸஞ்ஞங் உபட்ட²பெத்வா’’திஆதீ³ஸு யங் வத்தப்³ப³ங், தங் பரதோ ஆக³மிஸ்ஸதி. அட்ட²ங்க³ஸமன்னாக³தந்தி ‘‘யாவதே³வ இமஸ்ஸ காயஸ்ஸ டி²தியா’’திஆதி³னா (ம॰ நி॰ 1.23; அ॰ நி॰ 6.58; மஹானி॰ 206) வுத்தேஹி அட்ட²ஹி அங்கே³ஹி ஸமன்னாக³தங் கத்வா. ‘‘நேவ த³வாயா’’திஆதி³ படிக்கே²பத³ஸ்ஸனங்.
பச்சேகபோ³தி⁴ங் ஸச்சி²கரோதி, யதி³ உபனிஸ்ஸயஸம்பன்னோ ஹோதீதி ஸம்ப³ந்தோ⁴. ஏவங் ஸப்³ப³த்த² இதோ பரேஸுபி. தத்த² பச்சேகபோ³தி⁴யா உபனிஸ்ஸயஸம்பதா³ கப்பானங் த்³வே அஸங்க்²யெய்யானி, ஸதஸஹஸ்ஸஞ்ச தஜ்ஜாபுஞ்ஞஞாணஸம்ப⁴ரணங். ஸாவகபோ³தி⁴யா அக்³க³ஸாவகானங் அஸங்க்²யெய்யங், கப்பஸதஸஹஸ்ஸஞ்ச, மஹாஸாவகானங் (தே²ரகா³॰ அட்ட²॰ 2.1288) ஸதஸஹஸ்ஸமேவ தஜ்ஜாபுஞ்ஞஞாணஸம்ப⁴ரணங். இதரேஸங் அதீதாஸு ஜாதீஸு விவட்டஸன்னிஸ்ஸயவஸேன நிப்³ப³த்திதங் நிப்³பே³த⁴பா⁴கி³யங் குஸலங். பா³ஹியோ தா³ருசீரியோதி பா³ஹியவிஸயே ஸஞ்ஜாதஸங்வட்³ட⁴தாய பா³ஹியோ, தா³ருசீரபரிஹரணேன தா³ருசீரியோதி ச ஸமஞ்ஞாதோ. ஸோ ஹி ஆயஸ்மா ‘‘தஸ்மாதிஹ
தந்தி அஸம்முய்ஹனங் ஏவந்தி இதா³னி வுச்சமானமாகாரேனேவ வேதி³தப்³ப³ங். ‘‘அத்தா அபி⁴க்கமதீ’’தி இமினா அந்த⁴புது²ஜ்ஜனஸ்ஸ தி³ட்டி²கா³ஹவஸேன அபி⁴க்கமே ஸம்முய்ஹனங் த³ஸ்ஸேதி, ‘‘அஹங் அபி⁴க்கமாமீ’’தி பன இமினா மானகா³ஹவஸேன. தது³ப⁴யங் பன தண்ஹாய வினா ந ஹோதீதி தண்ஹகா³ஹவஸேனபி ஸம்முய்ஹனங் த³ஸ்ஸிதமேவ ஹோதி. ‘‘ததா² அஸம்முய்ஹந்தோ’’தி வத்வா தங் அஸம்முய்ஹனங் யேன க⁴னவினிப்³போ⁴கே³ன ஹோதி, தங் த³ஸ்ஸெந்தோ ‘‘அபி⁴க்கமாமீ’’திஆதி³மாஹ. தத்த² ‘‘ஏகேகபாது³த்³த⁴ரணே…பே॰… ப³லவதியோதி ஆஹ. யஸ்மா பன தேஜோதா⁴துயா அனுக³தா வாயோதா⁴து அதிஹரணவீதிஹரணானங் பச்சயோ. திரியக³திகாய ஹி வாயோதா⁴துயா அதிஹரணவீதிஹரணேஸு ஸாதிஸயோ ப்³யாபாரோதி. தேஜோதா⁴துயா தஸ்ஸா அனுக³தபா⁴வோ, தஸ்மா இமாஸங் த்³வின்னமெத்த² ஸாமத்தி²யதோ அதி⁴மத்ததா, இதராஸஞ்ச ஓமத்ததாதி த³ஸ்ஸெந்தோ ‘‘ததா² அதிஹரணவீதிஹரணேஸூ’’தி ஆஹ. ஸதிபி அனுக³மகஅனுக³ந்தப்³ப³தாவிஸேஸே தேஜோதா⁴துவாயோதா⁴துபா⁴வமத்தங் ஸந்தா⁴ய ததா²-ஸத்³த³க்³க³ஹணங்,. தத்த² அக்கந்தட்டா²னதோ பாத³ஸ்ஸ உக்கி²பனங் உத்³த⁴ரணங். டி²தட்டா²னங் அதிக்கமித்வா புரதோ ஹரணங் அதிஹரணங், கா²ணுஆதி³பரிஹரணத்த²ங், பதிட்டி²தபாத³க⁴ட்டனபரிஹரணத்த²ங் வா பஸ்ஸேன ஹரணங் வீதிஹரணங். யாவ பதிட்டி²தபாதோ³, தாவ ஆஹரணங் அதிஹரணங், ததோ பரங் ஹரணங் வீதிஹரணந்தி அயங் வா ஏதேஸங் விஸேஸோ.
யஸ்மா பத²வீதா⁴துயா அனுக³தா ஆபோதா⁴து வொஸ்ஸஜ்ஜனஸ்ஸ பச்சயோ. க³ருதரஸபா⁴வா ஹி ஆபோதா⁴தூதி. வொஸ்ஸஜ்ஜனே பத²வீதா⁴துயா தஸ்ஸா அனுக³தபா⁴வோ, தஸ்மா தாஸங் த்³வின்னமெத்த² ஸாமத்தி²யதோ அதி⁴மத்ததா, இதராஸஞ்ச ஓமத்ததாதி த³ஸ்ஸெந்தோ ஆஹ ‘‘வொஸ்ஸஜ்ஜனே…பே॰… ப³லவதியோ’’தி. யஸ்மா பன ஆபோதா⁴துயா அனுக³தா பத²வீதா⁴து ஸன்னிக்கே²பனஸ்ஸ பச்சயோ, பதிட்டா²பா⁴வே விய பதிட்டா²பனேபி தஸ்ஸா ஸாதிஸயகிச்சத்தா ஆபோதா⁴துயா தஸ்ஸா அனுக³தபா⁴வோ, ததா² க⁴ட்டனகிரியாய பத²வீதா⁴துயா வஸேன ஸன்னிருஜ்ஜ²னஸ்ஸ ஸிஜ்ஜ²னதோ தத்தா²பி பத²வீதா⁴துயா ஆபோதா⁴துஅனுக³தபா⁴வோ, தஸ்மா வுத்தங் ‘‘ததா² ஸன்னிக்கே²பனஸன்னிருஜ்ஜ²னேஸூ’’தி.
தத்தா²தி தஸ்மிங் அபி⁴க்கமனே, தேஸு வா வுத்தேஸு உத்³த³ரணாதீ³ஸு கொட்டா²ஸேஸு. உத்³த⁴ரணேதி உத்³த⁴ரணக்க²ணே. ரூபாரூபத⁴ம்மாதி உத்³த⁴ரணாகாரேன பவத்தா ரூபத⁴ம்மா, தங்ஸமுட்டா²பகா அரூபத⁴ம்மா ச. அதிஹரணங் ந பாபுணந்தி க²ணமத்தாவட்டா²னதோ. தத்த² தத்தே²வாதி யத்த² யத்த² உப்பன்னா, தத்த² தத்தே²வ. ந ஹி த⁴ம்மானங் தே³ஸந்தரஸங்கமனங் அத்தி². ‘‘பப்³ப³ங் பப்³ப³’’திஆதி³ உத்³த⁴ரணாதி³கொட்டா²ஸே ஸந்தா⁴ய ஸபா⁴க³ஸந்ததிவஸேன வுத்தந்தி வேதி³தப்³ப³ங். அதிஇத்தரோ ஹி ரூபத⁴ம்மானம்பி ‘‘படபடாயந்தா’’தி வுத்தங். உப்பன்னா ஹி ஏகந்ததோ பி⁴ஜ்ஜந்தீதி. ‘‘ஸத்³தி⁴ங் ரூபேனா’’தி இத³ங் தஸ்ஸ தஸ்ஸ சித்தஸ்ஸ நிரோதே⁴ன ஸத்³தி⁴ங் நிருஜ்ஜ²னகரூபத⁴ம்மானங் வஸேன வுத்தங், யங் ததோ ஸத்தரஸமசித்தஸ்ஸ உப்பாத³க்க²ணே உப்பன்னங். அஞ்ஞதா² யதி³
அஞ்ஞங் உப்பஜ்ஜதே சித்தங், அஞ்ஞங் சித்தங் நிருஜ்ஜ²தீதி யங் புரிமுப்பன்னங் சித்தங், தங் அஞ்ஞங், தங் பன நிருஜ்ஜ²ந்தங் அபரஸ்ஸ அனந்தராதி³பச்சயபா⁴வேனேவ நிருஜ்ஜ²தீதி ததா²லத்³த⁴பச்சயங் அஞ்ஞங் உப்பஜ்ஜதே சித்தங். யதி³ ஏவங் தேஸங் அந்தரோ லப்³பெ⁴ய்யாதி? நோதி ஆஹ ‘‘அவீசி மனுப்பப³ந்தோ⁴’’தி, யதா² வீசி அந்தரோ ந லப்³ப⁴தி, ‘‘ததே³வேத’’ந்தி அவிஸேஸவிதூ³ மஞ்ஞந்தி, ஏவங் அனு அனு பப³ந்தோ⁴ சித்தஸந்தானோ ரூபஸந்தானோ ச நதீ³ஸோதோவ நதி³யங் உத³கப்பவாஹோ விய வத்ததி.
அபி⁴முக²ங் ‘‘புரதோ பெக்க²ன’’ந்தி. யஸ்மா யங்தி³ஸாபி⁴முகோ² க³ச்ச²தி, திட்ட²தி, நிஸீத³தி வா தத³பி⁴முக²ங் பெக்க²னங் ஆலோகிதங், தஸ்மா தத³னுக³தவிதி³ஸாலோகனங் விலோகிதந்தி ஆஹ ‘‘விலோகிதங் நாம அனுதி³ஸாபெக்க²ன’’ந்தி. ஸம்மஜ்ஜனபரிப⁴ண்டா³தி³கரணே ஓலோகிதஸ்ஸ, உல்லோகஹரணாதீ³ஸு உல்லோகிதஸ்ஸ, பச்ச²தோ ஆக³ச்ச²ந்தபரிஸ்ஸயஸ்ஸ பரிவஜ்ஜனாதீ³ஸு அபலோகிதஸ்ஸ ஸியா ஸம்ப⁴வோதி ஆஹ ‘‘இமினா வா முகே²ன ஸப்³பா³னிபி தானி க³ஹிதானேவா’’தி.
காயஸக்கி²ந்தி காயேன ஸச்சி²கதவந்தங், பச்சக்க²காரினந்தி அத்தோ². ஸோ ஹி ஆயஸ்மா விபஸ்ஸனாகாலே ‘‘யமேவாஹங் இந்த்³ரியேஸு அகு³த்தத்³வாரதங் நிஸ்ஸாய ஸாஸனே அனபி⁴ரதிஆதி³விப்பகாரங் பத்தோ, தமேவ ஸுட்டு² நிக்³க³ஹெஸ்ஸாமீ’’தி உஸ்ஸாஹஜாதோ ப³லவஹிரொத்தப்போ, தத்த² ச கதாதி⁴காரத்தா இந்த்³ரியஸங்வரே உக்கங்ஸபாரமிப்பத்தோ, தேனேவ நங் ஸத்தா² ‘‘ஏதத³க்³க³ங் பி⁴க்க²வே மம ஸாவகானங் பி⁴க்கூ²னங் இந்த்³ரியேஸு கு³த்தத்³வாரானங், யதி³த³ங் நந்தோ³’’தி (அ॰ நி॰ 1.235) ஏதத³க்³கே³ ட²பேஸி.
ஸாத்த²கதா தஸ்மாதி கம்மட்டா²னாவிஜஹனஸ்ஸேவ கோ³சரஸம்பஜஞ்ஞபா⁴வதோதி வுத்தமேவத்த²ங் ஹேதுபா⁴வேன பச்சாமஸதி. அத்தனோ கம்மட்டா²னவஸேனேவ ஆலோகனவிலோகனங் காதப்³ப³ங், க²ந்தா⁴தி³கம்மட்டா²னா அஞ்ஞோ உபாயோ ந க³வேஸிதப்³போ³தி அதி⁴ப்பாயோ. ஆலோகிதாதி³ஸமஞ்ஞாபி யஸ்மா த⁴ம்மமத்தஸ்ஸேவ பவத்திவிஸேஸோ, தஸ்மா தஸ்ஸ யாதா²வதோ பஜானநங் அஸம்மோஹஸம்பஜஞ்ஞந்தி த³ஸ்ஸேதுங் ‘‘அப்³ப⁴ந்தரே’’திஆதி³ வுத்தங். சித்தகிரியவாயோதா⁴துவிப்பா²ரவஸேனாதி கிரியமயசித்தஸமுட்டா²னாய வாயோதா⁴துயா சலனாகாரப்பவத்திவஸேன. அதோ⁴ ஸீத³தீதி அதோ⁴ க³ச்ச²தி. உத்³த⁴ங் லங்கே⁴தீதி லங்க⁴ங் விய உபரி க³ச்ச²தி.
அங்க³கிச்சங் ஸாத⁴யமானந்தி பதா⁴னபூ⁴தஅங்க³கிச்சங் நிப்பா²தெ³ந்தங் ஹுத்வாதி அத்தோ². ‘‘பட²மஜவனேபி…பே॰… ந ஹோதீ’’தி இத³ங் பஞ்சத்³வாரவீதி²யங் ‘‘இத்தீ² புரிஸோ’’தி ரஜ்ஜனாதீ³னங் அபா⁴வங் ஸந்தா⁴ய வுத்தங். தத்த² ஹி ஆவஜ்ஜன வொட்ட²ப்³ப³பனானங் அயோனிஸோ ஆவஜ்ஜனவொட்ட²ப்³ப³னவஸேன இட்டே² இத்தி²ரூபாதி³ம்ஹி லோப⁴மத்தங், அனிட்டே² ‘‘ஹெட்டு²பரியவஸேன பி⁴ஜ்ஜித்வா பதிதேஸூ’’தி ஹெட்டி²மஸ்ஸ உபரிமஸ்ஸ ச அபராபரங் ப⁴ங்க³ப்பத்திமாஹ.
தந்தி ஜவனங், தஸ்ஸ அயுத்தந்தி ஸம்ப³ந்தோ⁴. ஆக³ந்துகோ அப்³பா⁴க³தோ.
உத³யப்³ப³யபரிச்சி²ன்னோ தாவதகோ காலோ ஏதேஸந்தி தாவகாலிகானி.
ஏதங் அஸம்மோஹஸம்பஜஞ்ஞங். ஸமவாயேதி ஸாமக்³கி³யங் தத்தா²தி பஞ்சக்க²ந்த⁴வஸேன ஆலோகனவிலோகனே பஞ்ஞாயமானே தப்³பி³னிமுத்தோ கோ ஏகோ ஆலோகேதி, கோ விலோகேதி.
‘‘உபனிஸ்ஸயபச்சயோ’’தி இத³ங் ஸுத்தந்தனயேன பரியாயதோ வுத்தங். ஸஹஜாதபச்சயோதி நித³ஸ்ஸனமத்தமேதங் அஞ்ஞமஞ்ஞஸம்பயுத்தஅத்தி²அவிக³தாதி³பச்சயானம்பி லப்³ப⁴னதோ.
காலே ஸமஞ்சி²துங் யுத்தகாலே ஸமஞ்ச²ந்தஸ்ஸ. ததா² பஸாரெந்தஸ்ஸாதி எத்தா²பி. மணிஸப்போ நாம ஏகா ஸப்பஜாதீதி வத³ந்தி. லளனந்தி கம்பனங், லீளாகரணங் வா.
உண்ஹபகதிகோ மிச்சா²ஜீவவஸேன உப்பன்னங் அஸப்பாயங். ‘‘சீவரம்பி அசேதன’’ந்திஆதி³னா சீவரஸ்ஸ விய காயோபி அசேதனோதி காயஸ்ஸ அத்தஸுஞ்ஞதாவிபா⁴வனேன ‘‘அப்³ப⁴ந்தரே’’திஆதி³னா வுத்தமேவத்த²ங் பரிதீ³பெந்தோ இதரீதரஸந்தோஸஸ்ஸ காரணங் த³ஸ்ஸேதி, தேனாஹ ‘‘தஸ்மா’’திஆதி³.
சதுபஞ்சக³ண்டி²காஹதோதி ஆஹதசதுபஞ்சக³ண்டி²கோ, சதுபஞ்சக³ண்டி²காஹி வா ஆஹதோ ததா².
அட்ட²விதோ⁴பி அத்தோ²தி அட்ட²விதோ⁴பி பயோஜனவிஸேஸோ மஹாஸிவத்தே²ரவாத³வஸேன ‘‘இமஸ்ஸ காயஸ்ஸ டி²தியா’’திஆதி³னா (ம॰ நி॰ 1.23, 422; ம॰ நி॰ 2.387; அ॰ நி॰ 2.341; 8.9; த⁴॰ ஸ॰ 1355; விப⁴॰ 518; மஹானி॰ 206) நயேன வுத்தோ த³ட்ட²ப்³போ³. இமஸ்மிங் பக்கே² ‘‘நேவ த³வாயாதிஆதி³னா (ம॰ நி॰ 1.23, 422; ம॰ நி॰ 2.387; அ॰ நி॰ 8.9; த⁴॰ ஸ॰ 1355; விப⁴॰ 518; மஹானி॰ 206) நயேனா’’தி பன படிக்கே²பங்க³த³ஸ்ஸனமுகே²ன தே³ஸனாய ஆக³தத்தா வுத்தந்தி த³ட்ட²ப்³ப³ங்.
பத²விஸந்தா⁴ரகஜலஸ்ஸ தங்ஸந்தா⁴ரகவாயுனா விய பரிபு⁴த்தஸ்ஸ ஆஹாரஸ்ஸ வாயோதா⁴துயாவ ஆஸயே அவட்டா²னந்தி ஆஹ ‘‘வாயோதா⁴துவஸேனேவ திட்ட²தீ’’தி. அதிஹரதீதி யாவ முகா² அபி⁴ஹரதி. வீதிஹரதீதி ததோ குச்சி²யங் வீமிஸ்ஸங் கரொந்தோ அதிஹரதீதி வா முக²த்³வாரங் அதிக்காமெந்தோ ஹரதி. வீதிஹரதீதி குச்சி²க³தங் பஸ்ஸதோ ஹரதி, பரிவத்தேதீதி அபராபரங் சாரேதி. எத்த² ச ஆஹாரஸ்ஸ தா⁴ரணபரிவத்தனஸஞ்சுண்ணனவிஸோஸனானி பத²வீதா⁴துஸஹிதா ஏவ வாயோதா⁴து கரோதி, ந கேவலாதி தானி பத²வீதா⁴துயாபி கிச்சபா⁴வேன வுத்தானி. அல்லத்தஞ்ச அனுபாலேதீதி யதா² வாயோதா⁴து ஆதீ³ஹி அஞ்ஞேஹி விஸோஸனங் ந ஹோதி, ததா² அல்லத்தஞ்ச அனுபாலேதி. தேஜோதா⁴தூதி க³ஹணீஸங்கா²தா தேஜோதா⁴து. ஸா ஹி அந்தோபவிட்ட²ங் ஆஹாரங் பரிபாசேதி. அஞ்ஜஸோ ஹோதீதி ஆஹாரஸ்ஸ பவேஸனாதீ³னங் மக்³கோ³ ஹோதி. ஆபு⁴ஜதீதி பரியேஸனவஸேன, அஜ்ஜோ²ஹரணஜிண்ணாஜிண்ணதாதி³படிஸங்வேத³னவஸேன ச ஆவஜ்ஜேதி, விஜானாதீதி அத்தோ². தங்தங்விஜானநஸ்ஸ பச்சயபூ⁴தோயேவ ஹி பயோகோ³ ‘‘ஸம்மாபயோகோ³’’தி வுத்தோ. யேன ஹி பயோகே³ன பரியேஸனாதி³ நிப்ப²ஜ்ஜதி, ஸோ தப்³பி³ஸயவிஜானநம்பி நிப்பா²தே³தி நாம தத³வினாபா⁴வதோ. அத² வா ஸம்மாபயோக³ங் ஸம்மாபடிபத்தி மன்வாய ஆக³ம்ம ஆபு⁴ஜதி ஸமன்னாஹரதி. ஆபோ⁴க³புப்³ப³கோ ஹி ஸப்³போ³பி விஞ்ஞாணப்³யாபாரோதி ததா² வுத்தங்.
க³மனதோதி பி⁴க்கா²சாரவஸேன கோ³சரகா³மங் உத்³தி³ஸ்ஸ க³மனதோ. பரியேஸனதோதி கோ³சரகா³மே பி⁴க்க²த்த²ங் பரிபோ⁴க³தோதி ஆஹாரஸ்ஸ பரிபு⁴ஞ்ஜனதோ. ஆஸயதோதி பித்தாதி³ஆஸயதோ. ஆஸயதி எத்த² ஏகஜ்ஜ²ங் பவத்தமானோபி கம்மப²லவவத்தி²தோ ஹுத்வா மரியாத³வஸேன அஞ்ஞமஞ்ஞங் அஸங்கரதோ ஸயதி திட்ட²தி பவத்ததீதி ஆஸயோ நிதா⁴னந்தி யதா²பு⁴த்தோ ஆஹாரோ நிதா⁴னதோ. அபரிபக்கதோதி க³ஹணீஸங்கா²தேன கம்மஜதேஜேன அவிபக்கதோ. பரிபக்கதோதி யதா²பு⁴த்தஸ்ஸ ஆஹாரஸ விபக்கபா⁴வதோ. ப²லதோதி நிப்ப²த்திதோ. நிஸ்ஸந்த³தோதி இதோ சிதோ ச நிஸ்ஸந்த³னதோ. ஸம்மக்க²னதோதி ஸப்³ப³ஸோ மக்க²னதோ. அயமெத்த² ஸங்கே²போ, வித்தா²ரோ பன விஸுத்³தி⁴மக்³க³ஸங்வண்ணனாய (விஸுத்³தி⁴॰ டீ॰ 1.294) க³ஹேதப்³போ³.
ஸரீரதோ ஸேதா³ முச்சந்தீதி வேக³ஸங்தா⁴ரணேன உப்பன்னபரிளாஹதோ ஸரீரதோ ஸேதா³ முச்சந்தி. அஞ்ஞே ச ரோகா³ கண்ணஸூலப⁴க³ந்த³ராத³யோ. அட்டா²னேதி மனுஸ்ஸாமனுஸ்ஸபரிக்³க³ஹிதே அயுத்தட்டா²னே கெ²த்ததே³வாயதனாதி³கே. குத்³தா⁴ ஹி அமனுஸ்ஸா, மனுஸ்ஸாபி வா ஜீவிதக்க²யங் பாபெந்தி. நிஸ்ஸட்ட²த்தா நேவ அத்தனோ, கஸ்ஸசி அனிஸ்ஸஜ்ஜிதத்தா, ஜிகு³ச்ச²னீயத்தா ச ந பரஸ்ஸ. உத³கதும்ப³தோதி வேளுனாளிஆதி³உத³கபா⁴ஜனதோ. தந்தி ச²ட்³டி³தஉத³கங்.
அத்³தா⁴னஇரியாபதா² சிரதரப்பவத்திகா தீ³க⁴காலிகா இரியாபதா². மஜ்ஜி²மா பி⁴க்கா²சரணாதி³வஸேன பவத்தா. சுண்ணியஇரியாபதா² விஹாரே, அஞ்ஞத்தா²பி இதோ சிதோ ச பரிவத்தனாதி³வஸேன பவத்தாதி வத³ந்தி. ‘‘க³தேதி க³மனே’’தி புப்³பே³ அபி⁴க்கமபடிக்கமக்³க³ஹணேன க³மனேனபி புரதோ பச்ச²தோ ச காயஸ்ஸ அபி⁴ஹரணங் வுத்தந்தி இத⁴ க³மனமேவ க³ஹிதந்தி கேசி.
யஸ்மா மஹாஸிவத்தே²ரவாதே³ அனந்தரே அனந்தரே இரியாபதே² பவத்தரூபாரூபத⁴ம்மானங் தத்த² தத்தே²வ நிரோத⁴த³ஸ்ஸனவஸேன ஸம்பஜானகாரிதா க³ஹிதாதி தங் ஸம்பஜஞ்ஞவிபஸ்ஸனாசாரவஸேன வேதி³தப்³ப³ங். தேன வுத்தங் ‘‘தயித³ங் மஹாஸிவத்தே²ரேன வுத்தங் அஸம்மோஹது⁴ரங் மஹாஸதிபட்டா²னஸுத்தே அதி⁴ப்பேத’’ந்தி. இமஸ்மிங் பன ஸாமஞ்ஞப²லே ஸப்³ப³ம்பி சதுப்³பி³த⁴ங் ஸம்பஜஞ்ஞங் லப்³ப⁴தி யாவதே³வ ஸாமஞ்ஞப²லவிஸேஸத³ஸ்ஸனபரத்தா இமிஸ்ஸா தே³ஸனாய.
மஜ்ஜி²மபா⁴ணகா பன ப⁴ணந்தி – ஏகோ பி⁴க்கு² க³ச்ச²ந்தோ அஞ்ஞங் சிந்தெந்தோ அஞ்ஞங் விதக்கெந்தோ க³ச்ச²தி, ஏகோ கம்மட்டா²னங் அவிஸ்ஸஜ்ஜெத்வாவ க³ச்ச²தி. ததா² ஏகோ திட்ட²ந்தோ…பே॰… நிஸீத³ந்தோ…பே॰… ஸயந்தோ அஞ்ஞங் சிந்தெந்தோ அஞ்ஞங் விதக்கெந்தோ ஸயதி, ஏகோ கம்மட்டா²னங் அவிஸ்ஸஜ்ஜெத்வாவ ஸயதி, எத்தகேன பன ந பாகடங் ஹோதீதி சங்கமனேன தீ³பெந்தி. யோ ஹி பி⁴க்கு² சங்கமங் ஓதரித்வா ச சங்கமனகோடியங் டி²தோ பரிக்³க³ண்ஹாதி ‘‘பாசீனசங்கமனகோடியங் பவத்தா ரூபாரூபத⁴ம்மா பச்சி²மசங்கமனகோடிங் அப்பத்வா எத்தே²வ நிருத்³தா⁴, பச்சி²மசங்கமனகோடியங் பவத்தாபி பாசீனசங்கமனகோடிங் அப்பத்வா எத்தே²வ நிருத்³தா⁴, சங்கமனமஜ்ஜே² பவத்தா உபோ⁴ கோடியோ அப்பத்வா எத்தே²வ நிருத்³தா⁴, சங்கமனே பவத்தா ரூபாரூபத⁴ம்மா டா²னங் அப்பத்வா எத்தே²வ நிருத்³தா⁴, டா²னே பவத்தா நிஸஜ்ஜங் அப்பத்வா எத்தே²வ நிருத்³தா⁴, நிஸஜ்ஜாய பவத்தா ஸயனங் அப்பத்வா எத்தே²வ நிருத்³தா⁴’’தி ஏவங் பரிக்³க³ண்ஹந்தோ பரிக்³க³ண்ஹந்தோயேவ ப⁴வங்க³ங் ஓதரதி. உட்ட²ஹந்தோ கம்மட்டா²னங் க³ஹெத்வாவ உட்ட²ஹதி, அயங் பி⁴க்கு² க³தாதீ³ஸு ஸம்பஜானகாரீ நாம ஹோதீதி ஏவந்தி வுத்தப்பகாரேன, ஸத்தஸுபி டா²னேஸு சதுதா⁴தி அத்தோ².
ஸந்தோஸகதா²வண்ணனா
215. யஸ்ஸ ‘‘இதரீதரபச்சயஸந்தோஸேன ஸமன்னாக³தோ’’தி ஆஹ. சீவராதி³ யத்த² கத்த²சி பச்சயே இதரங் வுச்சதி ஹீனங் பணீததோ அஞ்ஞத்தா, ததா² பணீதங் இதரங் ஹீனதோ அஞ்ஞத்தா. அபெக்கா²ஸித்³தா⁴ ஹி இதரதாதி. இதி யேன த⁴ம்மேன ஹீனேன வா பணீதேன வா சீவராதி³பச்சயேன ஸந்துஸ்ஸதி, ஸோ ததா² பவத்தோ அலோபோ⁴ இதரீதரபச்சயஸந்தோஸோ, தேன ஸமன்னாக³தோ. யதா²லாப⁴ங் அத்தனோ லாபா⁴னுரூபங் ஸந்தோஸோ யதா²லாப⁴ஸந்தோஸோ. ஸேஸத்³வயேபி ஏஸேவ நயோ. லப்³ப⁴தீதி வா லாபோ⁴, யோ யோ லாபோ⁴ யதா²லாப⁴ங், தேன ஸந்தோஸோ யதா²லாப⁴ஸந்தோஸோ. ப³லந்தி காயப³லங். ஸாருப்பந்தி பகதிது³ப்³ப³லாதீ³னங் அனுச்ச²விகதா.
யதா²லத்³த⁴தோ அஞ்ஞஸ்ஸ அபத்த²னா நாம ஸியா அப்பிச்ச²தாயபி பவத்திஆகாரோதி ததோ வினிவத்திதமேவ ஸந்தோஸஸ்ஸ ஸரூபங் த³ஸ்ஸெந்தோ ‘‘லப⁴ந்தோபி ந க³ண்ஹாதீ’’தி ஆஹ. தங் பரிவத்தெத்வாதி பகதிது³ப்³ப³லாதீ³னங் க³ருசீவரங் ந பா²ஸுபா⁴வாவஹங், ஸரீரகே²தா³வஹஞ்ச ஹோதீதி பயோஜனவஸேன, ந அத்ரிச்ச²தாதி³வஸேன தங் பரிவத்தெத்வா. லஹுகசீவரபரிபோ⁴கோ³ ந ஸந்தோஸவிரோதீ⁴தி ஆஹ ‘‘லஹுகேன யாபெந்தோபி ஸந்துட்டோ²வ ஹோதீ’’தி. மஹக்³க⁴ங் சீவரங் ப³ஹூனி வா சீவரானி லபி⁴த்வாபி தானி விஸ்ஸஜ்ஜெத்வா தத³ஞ்ஞஸ்ஸ க³ஹணங் யதா²ஸாருப்பனயே டி²தத்தா ந ஸந்தோஸவிரோதீ⁴தி ஆஹ ‘‘தேஸங்…பே॰… தா⁴ரெந்தோபி ஸந்துட்டோ²வ ஹோதீ’’தி. ஏவங் ஸேஸபச்சயேபி யதா²ப³லயதா²ஸாருப்பனித்³தே³ஸேஸு அபி-ஸத்³த³க்³க³ஹணே அதி⁴ப்பாயோ வேதி³தப்³போ³.
முத்தஹரீதகந்தி கோ³முத்தபரிபா⁴விதங், பூதிபா⁴வேன வா ச²ட்³டி³தங் ஹரீதகங். பு³த்³தா⁴தீ³ஹி வண்ணிதந்தி ‘‘பூதிமுத்தபே⁴ஸஜ்ஜங் நிஸ்ஸாய பப்³ப³ஜ்ஜா’’திஆதி³னா (மஹாவ॰ 73, 128) ஸம்மாஸம்பு³த்³தா⁴தீ³ஹி பரமஸந்துட்டோ²வ ஹோதி பரமேன உக்கங்ஸக³தேன ஸந்தோஸேன ஸமன்னாக³தத்தா.
காயங் பரிஹரந்தி போஸெந்தீதி காயபரிஹாரிகா. ததா² குச்சி²பரிஹாரிகா வேதி³தப்³பா³. குச்சி²பரிஹாரிகதா ச அஜ்ஜோ²ஹரணேன ஸரீரஸ்ஸ டி²தியா உபகாரகதாவஸேன இச்சி²தாதி ப³ஹித்³தா⁴வ காயஸ்ஸ உபகாரகதாவஸேன காயபரிஹாரிகதா த³ட்ட²ப்³பா³.
பரிக்கா²ரமத்தாதி பரிக்கா²ரக்³க³ஹணங். தத்ரட்ட²கபச்சத்த²ரணந்தி அத்தனா அனதி⁴ட்ட²ஹித்வா தத்தே²வ திட்ட²னகபச்சத்த²ரணங் மஹாக³ஜா. யதி³ இதரேபி அப்பிச்ச²தாதி³ஸபா⁴வா, கிங் தேஸம்பி வஸேன அயங் தே³ஸனா இச்சி²தாதி? நோதி ஆஹ ‘‘ப⁴க³வா பனா’’திஆதி³. காயபரிஹாரோ பயோஜனங் ஏதேனாதி காயபரிஹாரிகங். தேனாஹ ‘‘காயங் பரிஹரணமத்தகேனா’’தி.
சதூஸு தி³ஸாஸு ஸுக²விஹாரதாய ஸுக²விஹாரட்டா²னபூ⁴தா சதஸ்ஸோ தி³ஸா ஏதஸ்ஸாதி சதுத்³தி³ஸோ சதுத்³தி³ஸோ ஏவ சாதுத்³தி³ஸோ. தாஸு ஏவ கத்த²சி ஸத்தே வா ஸங்கா²ரே வா ப⁴யேன ந படிஹனதி, ஸயங் வா தேன ந படிஹஞ்ஞதீதி அப்படிகோ⁴. ஸந்துஸ்ஸமானோ இதரீதரேனாதி உச்சாவசேன பச்சயேன ஸகேன, ஸந்தேன, ஸமமேவ ச துஸ்ஸனகோ. பரிச்ச ஸயந்தி, காயசித்தானி பரிஸயந்தி அபி⁴ப⁴வந்தீதி பரிஸ்ஸயா, ஸீஹப்³யக்³கா⁴த³யோ, காமச்ச²ந்தா³த³யோ ச, தே பரிஸ்ஸயே அதி⁴வாஸனக²ந்தியா வினயாதீ³ஹி ச ஸஹிதா க²ந்தா, அபி⁴ப⁴விதா ச. த²த்³த⁴பா⁴வகரப⁴யாபா⁴வேன அச²ம்பீ⁴. ஏகோ சரேதி ஏகாகீ ஹுத்வா சரிதுங் ஸக்குணெய்ய. க²க்³க³விஸாணகப்போதி தாய ஏவ ஏகவிஹாரிதாய க²க்³க³மிக³ஸிங்க³ஸமோ.
அஸஞ்ஜாதவாதாபி⁴கா⁴தேஹி ‘‘பக்கீ² ஸகுணோ’’தி விஸேஸெத்வா வுத்தோ.
நீவரணப்பஹானகதா²வண்ணனா
216. வத்தப்³ப³தங் ஆபஜ்ஜதீதி ‘‘அஸுகஸ்ஸ பி⁴க்கு²னோ அரஞ்ஞே திரச்சா²னக³தானங் விய, வனசரகானங் விய ச நிவாஸமத்தமேவ, ந பன அரஞ்ஞவாஸானுச்ச²விகா காளகங், து²ல்லவஜ்ஜங். திலகஸதி³ஸத்தா திலகங், அணுமத்தவஜ்ஜங்.
விவித்தந்தி ஜனவிவித்தங். தேனாஹ ‘‘ஸுஞ்ஞ’’ந்தி. தங் பன ஜனஸத்³த³கோ⁴ஸாபா⁴வேனேவ வேதி³தப்³ப³ங் ஸத்³த³கண்டகத்தா ஜா²னஸ்ஸாதி ஆஹ ‘‘அப்பஸத்³த³ங் அப்பனிக்³கோ⁴ஸந்தி அத்தோ²’’தி. ஏததே³வாதி நிஸ்ஸத்³த³தங்யேவ. விஹாரோ பாகாரபரிச்சி²ன்னோ ஸகலோ ஆவாஸோ. அட்³ட⁴யோகோ³தி தீ³க⁴பாஸாதோ³, ‘‘க³ருளஸண்டா²னபாஸாதோ³’’திபி வத³ந்தி. பாஸாதோ³தி சதுரஸ்ஸபாஸாதோ³. ஹம்மியங் முண்ட³ச்ச²த³னபாஸாதோ³ அட்டோ படிராஜூனங் படிபா³ஹனயொக்³கோ³ சதுபஞ்சபூ⁴மகோ பதிஸ்ஸயவிஸேஸோ. மாளோ ஏககூடஸங்க³ஹிதோ அனேககோணவந்தோ பதிஸ்ஸயவிஸேஸோ. அபரோ நயோ விஹாரோ நாம தீ³க⁴முக²பாஸாதோ³. அட்³ட⁴யோகோ³ ஏகபஸ்ஸச்ச²த³னகஸேனாஸனங். தஸ்ஸ கிர ஏகபஸ்ஸே பி⁴த்தி உச்சதரா ஹோதி, இதரபஸ்ஸே நீசா, தேன தங் ஏகபஸ்ஸச²த³னகங் ஹோதி. பாஸாதோ³ நாம ஆயதசதுரஸ்ஸபாஸாதோ³. ஹம்மியங் முண்ட³ச்ச²த³னகங் சந்தி³கங்க³ணயுத்தங். கு³ஹா நாம கேவலா பப்³ப³தகு³ஹா. லேணங் த்³வாரப³த்³த⁴ங் பப்³பா⁴ரங். ஸேஸங் வுத்தனயமேவ. மண்ட³போதி ஸாகா²மண்ட³போ.
விஹாரஸேனாஸனந்தி பதிஸ்ஸயபூ⁴தங் ஸேனாஸனங். மஞ்சபீட²ஸேனாஸனந்தி மஞ்சபீட²ஞ்சேவ மஞ்சபீட²ஸம்ப³ந்த⁴ஸேனாஸனஞ்ச. சிமிலிகாதி³ ஸந்த²ரிதப்³ப³தோ ஸந்த²தஸேனாஸனங். அபி⁴ஸங்க²ரணாபா⁴வதோ ஸேனாஸனக்³க³ஹணேன ஸங்க³ஹிதமேவ ஸாமஞ்ஞஜோதனாபா⁴வதோ.
யதி³ ஏவங் கஸ்மா ‘‘அரஞ்ஞ’’ந்திஆதி³ வுத்தந்தி ஆஹ ‘‘இம பனா’’திஆதி³. ‘‘பி⁴க்கு²னீனங் வஸேன ஆக³த’’ந்தி இத³ங் வினயே ததா² ஆக³ததங் ஸந்தா⁴ய வுத்தங், அபி⁴த⁴ம்மேபி பன ‘‘அரஞ்ஞந்தி நிக்க²மித்வா ப³ஹி இந்த³கீ²லா, ஸப்³ப³மேதங் அரஞ்ஞ’’ந்தி (விப⁴॰ 529) ஆக³தமேவ. தத்த² ஹி யங் ந கா³மபதே³ஸந்தோக³த⁴ங், தங் ‘‘அரஞ்ஞ’’ந்தி நிப்பரியாயவஸேன ததா² வுத்தங். து⁴தங்க³னித்³தே³ஸே (விஸுத்³தி⁴॰ 1.31) யங் வுத்தங், தங் யுத்தங்,தஸ்மா தத்த² வுத்தனயேன க³ஹேதப்³ப³ந்தி அதி⁴ப்பாயோ. ருக்க²மூலந்தி ருக்க²ஸமீபங். வுத்தஞ்ஹேதங் ‘‘யாவதா ஸேல-ஸத்³தோ³ அவிஸேஸதோ பப்³ப³தபரியாயோதி கத்வா வுத்தங் ‘‘பப்³ப³தந்தி ஸேல’’ந்தி, ந ஸிலாமயமேவ, பங்ஸுமயாதி³கோ திவிதோ⁴பி பப்³ப³தோ ஏவாதி. விவரந்தி த்³வின்னங் பப்³ப³தானங் மிதோ² ஆஸன்னதரே டி²தானங் ஓவரகாதி³ஸதி³ஸங் விவரங், ஏகஸ்மிங்யேவ வா பப்³ப³தே. உமங்க³ஸதி³ஸந்தி ஸுது³ங்கா³ஸதி³ஸங். மனுஸ்ஸானங் அனுபசாரட்டா²னந்தி பகதிஸஞ்சாரவஸேன மனுஸ்ஸேஹி ந ஸஞ்சரிதப்³ப³ட்டா²னங். ஆதி³-ஸத்³தே³ன ‘‘வனபத்த²ந்தி அச்ச²ன்னந்தி கேனசி ச²த³னேன அந்தமஸோ ருக்க²ஸாகா²யபி ந சா²தி³தங். நிக்கட்³டி⁴த்வாதி நீஹரித்வா. பப்³பா⁴ரலேணஸதி³ஸேதி பப்³பா⁴ரஸதி³ஸே லேணஸதி³ஸே ச.
பிண்ட³பாதபரியேஸனங் பிண்ட³பாதோ உத்தரபத³லோபேனாதி ஆஹ ‘‘பிண்ட³பாதபரியேஸனதோ படிக்கந்தோ’’தி பல்லங்கந்தி எத்த² பரிஸத்³தோ³ ‘‘ஸமந்ததோ’’தி ஏதஸ்ஸ அத்தே², தஸ்மா வாமோருஞ்ச த³க்கி²ணோருஞ்ச ஸமங் ட²பெத்வா உபோ⁴ பாதே³ அஞ்ஞமஞ்ஞங் ஸம்ப³ந்தி⁴த்வா நிஸஜ்ஜா பல்லங்கந்தி ஆஹ ‘‘ஸமந்ததோ ஊருப³த்³தா⁴ஸன’’ந்தி. ஊரூனங் ப³ந்த⁴னவஸேன நிஸஜ்ஜா பல்லங்கங். ஆபு⁴ஜித்வாதி ச யதா² பல்லங்கவஸேன நிஸஜ்ஜா ஹோதி, ஏவங் உபோ⁴ பாதே³ ஆபு⁴க்³கே³ ப⁴ஞ்ஜிதே கத்வா, தங் பன உபி⁴ன்னங் பாதா³னங் ததா² ஸம்ப³ந்த⁴தாகரணந்தி ஆஹ ‘‘ப³ந்தி⁴த்வா’’தி.
ஹெட்டி²மகாயஸ்ஸ ச அனுஜுகங் ட²பனங் நிஸஜ்ஜாவசனேனேவ போ³தி⁴தந்தி ‘‘உஜுங் காய’’ந்தி எத்த² காய-ஸத்³தோ³ உபரிமகாயவிஸயோதி ஆஹ ‘‘உபரிமங் ஸரீரங் உஜுங் ட²பெத்வா’’தி. தங் பன உஜுகட²பனங் ஸரூபதோ, பயோஜனதோ ச த³ஸ்ஸேதுங் ‘‘அட்டா²ரஸா’’திஆதி³ வுத்தங். ந பணமந்தீதி ந ஓனமந்தி. ந பரிபததீதி ந விக³ச்ச²தி வீதி²ங் ந லங்கே⁴தி. ததோ ஏவ புப்³பே³னாபரங் விஸேஸப்பத்தியா கம்மட்டா²னங் வுட்³டி⁴ங் பா²திங் வேபுல்லங் உபக³ச்ச²தி. பரிமுக²ந்தி எத்த² பரிஸத்³தோ³ அபி⁴-ஸத்³தே³ன ஸமானத்தோ²தி ‘‘கம்மட்டா²னாபி⁴முக²’’ந்தி, ப³ஹித்³தா⁴ புது²த்தாரம்மணதோ நிவாரெத்வா கம்மட்டா²னங்யேவ புரக்க²த்வாதி அத்தோ². ஸமீபத்தோ² வா பரிஸத்³தோ³தி த³ஸ்ஸெந்தோ ‘‘முக²ஸமீபே வா கத்வா’’தி ஆஹ. எத்த² ச யதா² ‘‘விவித்தங் ஸேனாஸனங் ப⁴ஜதீ’’திஆதி³னா பரீதி பரிக்³க³ஹட்டோ² ‘‘பரிணாயிகா’’திஆதீ³ஸு விய. முக²ந்தி நிய்யானட்டோ² ‘‘ஸுஞ்ஞதவிமொக்க²முக²’’ந்திஆதீ³ஸு விய. படிபக்க²தோ நிக்³க³மனட்டோ² ஹி நிய்யானட்டோ², தஸ்மா பரிக்³க³ஹிதனிய்யானந்தி ஸப்³ப³தா² க³ஹிதாஸம்மோஸங் பரிசத்தஸம்மோஸங் ஸதிங் கத்வா, பரமங் ஸதினேபக்கங் உபட்ட²பெத்வாதி அத்தோ².
217. அபி⁴ஜ்ஜா²யதி கி³ஜ்ஜ²தி அபி⁴கங்க²தி ஏதாயாதி அபி⁴ஜ்ஜா², லோபோ⁴. லுஜ்ஜனட்டே²னாதி பி⁴ஜ்ஜனட்டே²ன, க²ணே க²ணே பி⁴ஜ்ஜனட்டே²னாதி அத்தோ². விக்க²ம்ப⁴னவஸேனாதி எத்த² விக்க²ம்ப⁴னங் அனுப்பாத³னங் அப்பவத்தனங், ந படிபக்கா²னங் ஸுப்பஹீனதா. ‘‘பஹீனத்தா’’தி ச பஹீனஸதி³ஸதங் ஸந்தா⁴ய வுத்தங் ஜா²னஸ்ஸ அனதி⁴க³தத்தா. ததா²பி நயித³ங் சக்கு²விஞ்ஞாணங் விய ஸபா⁴வதோ விக³தாபி⁴ஜ்ஜ²ங், அத² கோ² பா⁴வனாவஸேன, தேனாஹ ‘‘ந சக்கு²விஞ்ஞாணஸதி³ஸேனா’’தி. ஏஸேவ நயோதி யதா² இமஸ்ஸ சித்தஸ்ஸ பா⁴வனாய பரிபா⁴விதத்தா விக³தாபி⁴ஜ்ஜ²தா, ஏவங் அப்³யாபன்னங் விக³ததி²னமித்³த⁴ங் அனுத்³த⁴தங் நிப்³பி³சிகிச்ச²ஞ்சாதி அத்தோ². புரிமபகதிந்தி பரிஸுத்³த⁴பண்ட³ரஸபா⁴வங். ‘‘யா ‘‘தி²னங் சித்தகே³லஞ்ஞங், மித்³த⁴ங் சேதஸிககே³லஞ்ஞ’’ந்தி. ஸதிபி அஞ்ஞமஞ்ஞங் அவிப்பயோகே³ சித்தகாயலஹுதாதீ³னங் விய சித்தசேதஸிகானங் யதா²கம்மங் தங் தங் விஸேஸஸ்ஸ யா தேஸங் அகல்யதாதீ³னங் விஸேஸப்பச்சயதா, அயமேதேஸங் ஸபா⁴வோதி த³ட்ட²ப்³ப³ங். ஆலோகஸஞ்ஞீதி எத்த² அதிஸயத்த²விஸிட்ட²அத்தி² அத்தா²வபோ³த⁴கோ அயமீகாரோதி த³ஸ்ஸெந்தோ ஆஹ ‘‘ரத்திம்பி…பே॰… ஸமன்னாக³தோ’’தி. இத³ங் உப⁴யந்தி ஸதிஸம்பஜஞ்ஞமாஹ. அதிக்கமித்வா விக்க²ம்ப⁴னவஸேன பஜஹித்வா. ‘‘கத²மித³’’ந்தி பவத்தியா கத²ங்கதா², விசிகிச்சா². ஸா ஏதஸ்ஸ அத்தீ²தி கத²ங்கதீ², ந கத²ங்கதீ²தி அகத²ங்கதீ², நிப்³பி³சிகிச்சோ². லக்க²ணாதி³பே⁴த³தோதி எத்த² ஆதி³-ஸத்³தே³ன பச்சயபஹானபஹாயகாதீ³னம்பி ஸங்க³ஹோ த³ட்ட²ப்³போ³. தேபி ஹி பே⁴த³தோ வத்தப்³பா³தி.
218. தேஸந்தி பரியந்தோதி தா³தப்³ப³ஸேஸோ. ஸோ ப³லவபாமோஜ்ஜங் லப⁴தி ‘‘இணபலிபோ³த⁴தோ முத்தொம்ஹீ’’தி. ஸோமனஸ்ஸங் அதி⁴க³ச்ச²தி ‘‘ஜீவிகானிமித்தங் அத்தீ²’’தி.
219. விஸபா⁴க³வேத³னுப்பத்தியாதி து³க்க²வேத³னுப்பத்தியா. து³க்க²வேத³னா ஹி ஸுக²வேத³னாய குஸலவிபாகஸந்தானஸ்ஸ விரோதி⁴தாய விஸபா⁴கா³. சதுஇரியாபத²ங் சி²ந்த³ந்தோதி ஆபா³தே⁴தீதி பீளேதி. வாதாதீ³னங் விகாரோ விஸமாவத்தா² ப்³யாதீ⁴தி ஆஹ ‘‘தங்ஸமுட்டா²னேன து³க்கே²ன து³க்கி²தோ’’தி. து³க்க²வேத³னாய பன ப்³யாதி⁴பா⁴வே மூலப்³யாதி⁴னா ஆபா³தி⁴கோ ஆதி³தோ பா³த⁴தீதி கத்வா. அனுப³ந்த⁴ப்³யாதி⁴னா து³க்கி²தோ அபராபரங் ஸஞ்ஜாதது³க்கோ²தி கத்வா. கி³லானோதி தா⁴துஸங்க²யேன பரிக்கீ²ணஸரீரோ. அப்பமத்தகங் வா ப³லங் ப³லமத்தா. தது³ப⁴யந்தி பாமோஜ்ஜங், ஸோமனஸ்ஸஞ்ச. தத்த² லபே⁴த² பாமோஜ்ஜங் ‘‘ரோக³தோ முத்தொம்ஹீ’’தி. அதி⁴க³ச்செ²ய்ய ஸோமனஸ்ஸங் ‘‘அத்தி² மே காயே ப³ல’’ந்தி.
220. ஸேஸந்தி ‘‘தஸ்ஸ ஹி ‘ப³ந்த⁴னா முத்தொம்ஹீ’தி ஆவஜ்ஜயதோ தது³ப⁴யங் ஹோதி. தேன வுத்த’’ந்தி ஏவமாதி³. வுத்தனயேனேவாதி பட²மது³தியபதே³ஸு வுத்தனயேனேவ. ஸப்³ப³பதே³ஸூதி அவஸிட்ட²பதே³ஸு ததியாதீ³ஸு கொட்டா²ஸேஸு.
221-222. ந அத்தனி அதீ⁴னோதி ந அத்தாயத்தோ. பராதீ⁴னோதி பராயத்தோ. அபராதீ⁴னதாய பு⁴ஜோ விய அத்தனோ கிச்சே ஏஸிதப்³போ³தி பு⁴ஜிஸ்ஸோ. ஸவஸோதி ஆஹ ‘‘அத்தனோ ஸந்தகோ’’தி. அனுத³கதாய கங் பானீயங் தாரெந்தி எத்தா²தி கந்தாரோதி ஆஹ ‘‘நிருத³கங் தீ³க⁴மக்³க³’’ந்தி.
223. தத்ராதி அயந்தி இதா³னி வுச்சமானா ஸதி³ஸதா. யேன இணாதீ³னங் உபமாபா⁴வோ, காமச்ச²ந்தா³தீ³னஞ்ச உபமெய்யபா⁴வோ ஹோதி, ஸோ நேஸங் உபமோபமெய்யஸம்ப³ந்தோ⁴ யோ யம்ஹி காமச்ச²ந்தே³ன ரஜ்ஜதீதி யோ புக்³க³லோ யம்ஹி காமராக³ஸ்ஸ வத்து²பூ⁴தே புக்³க³லே காமச்ச²ந்த³வஸேன ரத்தோ ஹோதி. தங் வத்து²ங் க³ண்ஹாதீதி தங் தண்ஹாவத்து²ங் ‘‘மமேத’’ந்தி க³ண்ஹாதி.
உபத்³த³வேதா²தி
நக்க²த்தஸ்ஸாதி மஹஸ்ஸ. முத்தோதி ப³ந்த⁴னதோ முத்தோ.
வினயே அபகதஞ்ஞுனாதி வினயக்கமே அகுஸலேன. ஸோ ஹி கப்பியாகப்பியங் யாதா²வதோ ந ஜானாதி. தேனாஹ ‘‘கிஸ்மிஞ்சிதே³வா’’திஆதி³.
க³ச்ச²திபீதி தோ²கங் தோ²கங் க³ச்ச²திபி. க³ச்ச²ந்தோ பன தாய ஏவ உஸ்ஸங்கிதபரிஸங்கிததாய தத்த² தத்த² திட்ட²திபி. ஈதி³ஸே கந்தாரே க³தோ ‘‘கோ ஜானாதி கிங் ப⁴விஸ்ஸதீ’’தி நிவத்ததிபி, தஸ்மா க³தட்டா²னதோ அக³தட்டா²னமேவ ப³ஹுதரங் ஹோதி. ஸத்³தா⁴ய க³ண்ஹிதுங் ஸத்³தெ⁴ய்யங் வத்து²ங் ‘‘இத³மேவ’’ந்தி ஸத்³த³ஹிதுங் ந ஸக்கோதி. அத்தி² நத்தீ²தி ‘‘அத்தி² நு கோ², நத்தி² நு கோ²’’தி. அரஞ்ஞங் பவிட்ட²ஸ்ஸ ஆதி³ம்ஹி ஏவ ஸப்பனங் ஆஸப்பனங். பரி பரிதோ, உபரூபரி வா ஸப்பனங் பரிஸப்பனங். உப⁴யேனபி தத்தே²வ பரிப்³ப⁴மனங் வத³தி. தேனாஹ ‘‘அபரியோகா³ஹன’’ந்தி. ச²ம்பி⁴தத்தந்தி அரஞ்ஞஸஞ்ஞாய உப்பன்னங் ச²ம்பி⁴தபா⁴வங், உத்ராஸந்தி அத்தோ².
224. தத்ராயங் ஸதி³ஸதாதி எத்தா²பி வுத்தனயானுஸாரேன ஸதி³ஸதா வேதி³தப்³பா³. யத³க்³கே³ன ஹி காமச்ச²ந்தா³த³யோ இணாதி³ஸதி³ஸா, தத³க்³கே³ன தேஸங் பஹானங் ஆணண்யாதி³ஸதி³ஸங் அபா⁴வோதி கத்வா. ச² த⁴ம்மேதி அஸுப⁴னிமித்தஸ்ஸ உக்³க³ஹோ, அஸுப⁴பா⁴வனானுயோகோ³, இந்த்³ரியேஸு கு³த்தத்³வாரதா, போ⁴ஜனே மத்தஞ்ஞுதா, கல்யாணமித்ததா, ஸப்பாயகதா²தி இமே ச² த⁴ம்மே. பா⁴வெத்வாதி ப்³ரூஹெத்வா. மஹாஸதிபட்டா²னே (தீ³॰ நி॰ 2.372-374) வண்ணயிஸ்ஸாம தத்த²ஸ்ஸ அனுப்பன்னானுப்பாத³னஉப்பன்னபஹானாதி³விபா⁴வனவஸேன ஸவிஸேஸங் பாளியா ஆக³தத்தா. ஏஸ நயோ பரவத்து²ம்ஹீதி ஆரம்மணபூ⁴தே பரஸ்மிங் வத்து²ஸ்மிங்.
அனத்த²கரோதி அத்தனோ பரஸ்ஸ ச அனத்தா²வஹோ. ச² த⁴ம்மேதி மெத்தானிமித்தஸ்ஸ உக்³க³ஹோ, மெத்தாபா⁴வனானுயோகோ³ தத்தே²வாதி மஹாஸதிபட்டா²னேயேவ (தீ³॰ நி॰ 2.372-374). சாரித்தஸீலங் உத்³தி³ஸ்ஸ பஞ்ஞத்தஸிக்கா²பத³ங் ஆசாரபண்ணத்தி.
ப³ந்த⁴னாகா³ரங் ‘‘நக்க²த்ததி³வஸே ப³ந்த⁴னாகா³ரங் பவேஸிதோ புரிஸோ’’தி வுத்தோ, நக்க²த்ததி³வஸே ஏவ வா தத³னநுப⁴வனத்த²ங் ததா² கதோ. மஹாஅனத்த²கரந்தி தி³ட்ட²த⁴ம்மிகாதி³அத்த²ஹாபனமுகே²ன மஹதோ அனத்த²ஸ்ஸ காரகங். ச² த⁴ம்மேதி அதிபோ⁴ஜனே நனிமித்தக்³கா³ஹோ, இரியாபத²ஸம்பரிவத்தனதா, ஆலோகஸஞ்ஞாமனஸிகாரோ, அப்³போ⁴காஸவாஸோ, கல்யாணமித்ததா, ஸப்பாயகதா²தி இமே ச² த⁴ம்மே.
உத்³த⁴ச்சகுக்குச்சே மஹாஅனத்த²கரந்தி பராயத்ததாபாத³னதோ வுத்தனயேன மஹதோ அனத்த²ஸ்ஸ காரகந்தி. அத்தோ² ச² த⁴ம்மேதி ப³ஹுஸ்ஸுததா, பரிபுச்ச²கதா, வினயே பகதஞ்ஞுதா, வுட்³ட⁴ஸேவிதா, கல்யாணமித்ததா, ஸப்பாயகதா²தி இமே ச² த⁴ம்மே.
ப³லவாதி பச்சத்தி²கவித⁴மனஸமத்தே²ன ப³லேன ப³லவா. ஸஜ்ஜாவுதோ⁴தி ஸன்னத்³த⁴த⁴னுஆதி³ஆவுதோ⁴. ஸூரவீரஸேவகஜனவஸேன ஸபரிவாரோ. தந்தி யதா²வுத்தங் புரிஸங். ப³லவந்ததாய, ஸஜ்ஜாவுத⁴தாய, ஸபரிவாரதாய ச சோரா தூ³ரதோவ தி³ஸ்வா பலாயெய்யுங். அனத்த²காரிகாதி ஸம்மாபடிபத்தியா விப³ந்த⁴கரணதோ வுத்தனயேன அனத்த²காரிகா. ச² த⁴ம்மேதி ப³ஹுஸ்ஸுததா, பரிபுச்ச²கதா, வினயே பகதஞ்ஞுதா, அதி⁴மொக்க²ப³ஹுலதா, கல்யாணமித்ததா, ஸப்பாயகதா²தி ‘‘து³ச்சரிதகந்தாரங் நித்த²ரித்வா’’திஆதி³.
225. பாமோஜ்ஜங் நாம தருணபீதி, ஸா கத²ஞ்சிபி துட்டா²வத்தா²தி ஆஹ ‘‘பாமோஜ்ஜங் ஜாயதீதி துட்டா²காரோ ஜாயதீ’’தி. துட்ட²ஸ்ஸாதி ஓக்கந்திகபா⁴வப்பத்தாய பீதியா வஸேன துட்ட²ஸ்ஸ. அத்தனோ ஸவிப்பா²ரிகதாய, அத்தஸமுட்டா²னபணீதரூபுப்பத்தியா ச ஸகலஸரீரங் கோ²ப⁴யமானா ப²ரணலக்க²ணா பீதி ஜாயதி. பீதிஸஹிதங் பீதி உத்தரபத³லோபேன, கிங் பன தங் பீதிமனஸ்ஸ. தயித³ங் அத்த²மத்தமேவ த³ஸ்ஸெந்தோ ‘‘பீதிஸம்பயுத்தசித்தஸ்ஸா’’தி காயோதி இத⁴ அரூபகலாபோ அதி⁴ப்பேதோ, ந வேத³னாதி³க்க²ந்த⁴த்தயமேவாதி ஆஹ ‘‘நாமகாயோ பஸ்ஸம்ப⁴தீ’’தி, பஸ்ஸத்³தி⁴த்³வயஸ்ஸ பீதிவஸேனெத்த² பஸ்ஸம்ப⁴னங் அதி⁴ப்பேதங். விக³தத³ரதோ²தி பஹீனஉத்³த⁴ச்சாதி³கிலேஸத³ரதோ². வுத்தப்பகாராய புப்³ப³பா⁴க³பா⁴வனாய வஸேன சேதஸிகஸுக²ங் படிஸங்வேதெ³ந்தோயேவ தங்ஸமுட்டா²னபணீதரூபபு²ட்ட²ஸரீரதாய காயிகம்பி ஸுக²ங் வேதே³தீதி ஆஹ ‘‘காயிகம்பி சேதஸிகம்பி ஸுக²ங் வேத³யதீ’’தி. இமினாதி ‘‘ஸுக²ங் படிஸங்வேதே³தீ’’தி ஏவங் வுத்தேன. ஸங்கிலேஸபக்க²தோ நிக்க²ந்தத்தா, பட²மஜ்ஜா²னபக்கி²கத்தா ச நெக்க²ம்மஸுகே²ன. ஸுகி²தஸ்ஸாதி ஸுகி²னோ.
பட²மஜ்ஜா²னகதா²வண்ணனா
226. ‘‘சித்தங் ‘‘ஸோ விவிச்சேவ காமேஹி…பே॰… வுத்த’’ந்தி. தத்த² உபரிவிஸேஸத³ஸ்ஸனத்த²ந்தி பட²மஜ்ஜா²னாதி³உபரிவத்தப்³ப³விஸேஸத³ஸ்ஸனத்த²ங். ந ஹி உபசாரஸமாதி⁴ஸமதி⁴க³மேன வினா பட²மஜ்ஜா²னாதி³விஸேஸோ ஸமதி⁴க³ந்துங் ஸக்கா. பாமோஜ்ஜுப்பாதா³தீ³ஹி காரணபரம்பரா து³தியஜ்ஜா²னாதி³ஸமதி⁴க³மேபி இச்சி²தப்³பா³வ படிபதா³ஞாணத³ஸ்ஸனவிஸுத்³தி⁴ விய து³தியமக்³கா³தி³ஸமதி⁴க³மேதி த³ட்ட²ப்³ப³ங். தஸ்ஸ ஸமாதி⁴னோதி ‘‘ஸுகி²னோ சித்தங் ஸமாதி⁴யதீ’’தி ஏவங் ஸாதா⁴ரணவஸேன வுத்தோ யோ அப்பனாலக்க²ணோ, தஸ்ஸ ஸமாதி⁴னோ. பபே⁴த³த³ஸ்ஸனத்த²ந்தி து³தியஜ்ஜா²னாதி³விபா⁴க³ஸ்ஸ சேவ அபி⁴ஞ்ஞாதி³விபா⁴க³ஸ்ஸ ச பபே⁴த³த³ஸ்ஸனத்த²ங். கரோ வுச்சதி புப்ப²ஸம்ப⁴வங் க³ப்³பா⁴ஸயே கரீயதீதி கத்வா, கரதோ ஜாதோ காயோ கரஜகாயோ, தது³பஸனிஸ்ஸயோ சதுஸந்ததிரூபஸமுதா³யோ. காமங் நாமகாயோபி விவேகஜேன பீதிஸுகே²ன ததா²லத்³து⁴பகாரோ, ‘‘அபி⁴ஸந்தே³தீ’’திஆதி³வசனதோ பன ரூபகாயோ இதா⁴தி⁴ப்பேதோதி ஆஹ ‘‘இமங் கரஜகாய’’ந்தி. அபி⁴ஸந்தே³தீதி அபி⁴ஸந்த³னங் கரோதி. தங் பன ஜா²னமயேன பீதிஸுகே²ன கரஜகாயஸ்ஸ திந்தபா⁴வாபாத³னங், ஸப்³ப³த்த²கமேவ லூக²பா⁴வாபனயனந்தி ஆஹ ‘‘தேமேதீ’’திஆதி³, தயித³ங் அபி⁴ஸந்த³னங் அத்த²தோ யதா²வுத்தபீதிஸுக²ஸமுட்டா²னேஹி பணீதரூபேஹி காயஸ்ஸ பரிப்ப²ரணங் த³ட்ட²ப்³ப³ங். ‘‘பரிஸந்தே³தீ’’திஆதீ³ஸுபி ஏஸேவ நயோ. ஸப்³ப³ங் ஏதஸ்ஸ அத்தீ²தி ஸப்³ப³வா, தஸ்ஸ ஸப்³பா³வதோ. அவயவாவயவிஸம்ப³ந்தே⁴ அவயவினி ஸாமிவசனந்தி ஸப்³ப³-ஸத்³தோ³, தஸ்மா வுத்தங் ‘‘ஸப்³ப³கொட்டா²ஸவதோ’’தி. அபு²டங் நாம ந ஹோதி யத்த² யத்த² கம்மஜரூபங், தத்த² தத்த² சித்தஜரூபஸ்ஸ அபி⁴ப்³யாபனதோ. தேனாஹ ‘‘உபாதி³ன்னகஸந்ததீ’’திஆதி³.
227. சே²கோதி ‘‘படிப³லோ’’திஆதி³. கங்ஸ-ஸத்³தோ³ ‘‘மஹதியா கங்ஸபாதியா’’திஆதீ³ஸு ஸுவண்ணே ஆக³தோ.
‘‘கங்ஸோ உபஹதோ யதா²’’திஆதீ³ஸு (த⁴॰ ப॰ 134) கித்திமலோஹே, கத்த²சி பண்ணத்திமத்தே ‘‘உபகங்ஸோ நாம ராஜாபி மஹாகங்ஸஸ்ஸ அத்ரஜோ’’திஆதி³, [ஜா॰ அட்ட²॰ 4.10 க⁴டபண்டி³தஜாதகவண்ணனாயங் (அத்த²தோ ஸமானங்)] இத⁴ பன யத்த² கத்த²சி லோஹேதி ஆஹ ‘‘யேன கேனசி லோஹேன கதபா⁴ஜனே’’தி. ஸ்னேஹானுக³தாதி உத³கஸினேஹேன அனுபவிஸனவஸேன க³தா உபக³தா. ஸ்னேஹபரேதாதி உத³கஸினேஹேன பரிதோ க³தா ஸமந்ததோ பு²ட்டா², ததோ ஏவ ஸந்தரபா³ஹிரா பு²ட்டா² ஸினேஹேன, ஏதேன ஸப்³ப³ஸோ உத³கேன தேமிதபா⁴வமாஹ. ‘‘ந ச பக்³க⁴ரணீ’’தி ஏதேன திந்தஸ்ஸபி தஸ்ஸ க⁴னத²த்³த⁴பா⁴வங் வத³தி. தேனாஹ ‘‘ந ச பி³ந்து³ங் பி³ந்து³’’ந்திஆதி³.
து³தியஜ்ஜா²னகதா²வண்ணனா
229. தாஹி தாஹி உத³கஸிராஹி உப்³பி⁴ஜ்ஜதீதி உப்³பி⁴த³ங், உப்³பி⁴த³ங் உத³கங் ஏதஸ்ஸாதி உப்³பி⁴தோ³த³கோ. உப்³பி⁴ன்னஉத³கோதி நதீ³தீரே க²தகூபகோ விய உப்³பி⁴ஜ்ஜனகஉத³கோ. உக்³க³ச்ச²னகஉத³கோதி தா⁴ராவஸேன உட்ட²ஹனஉத³கோ. கஸ்மா பனெத்த² உப்³பி⁴தோ³த³கோவ ரஹதோ³ க³ஹிதோ, ந இதரோதி ஆஹ ‘‘ஹெட்டா² உக்³க³ச்ச²னஉத³கஞ்ஹீ’’திஆதி³. தா⁴ரானிபாதபுப்³பு³ளகேஹீதி ஸன்னிஸின்னமேவாதி அபரிக்கோ²ப⁴தாய நிச்சலமேவ, ஸுப்பஸன்னமேவாதி அதி⁴ப்பாயோ. ஸேஸந்தி ‘‘அபி⁴ஸந்தே³தீ’’திஆதி³கங்.
ததியஜ்ஜா²னகதா²வண்ணனா
231. உப்பலானீதி உப்பலக³ச்சா²னி. ஸேதரத்தனீலேஸூதி உப்பலேஸு, ஸேதுப்பலரத்துப்பலனீலுப்பலேஸூதி அத்தோ². யங் கிஞ்சி உப்பலங் உப்பலமேவ ஸாமஞ்ஞக³ஹணதோ ஸதபத்தந்தி எத்த² ஸத-ஸத்³தோ³ ப³ஹுபரியாயோ ‘‘ஸதக்³கீ⁴’’திஆதீ³ஸு விய, தேன அனேகஸதபத்தஸ்ஸபி ஸங்க³ஹோ ஸித்³தோ⁴ ஹோதி. லோகே பன ‘‘ரத்தங் பது³மங், ஸேதங் புண்ட³ரீக’’ந்திபி வுச்சதி. யாவ அக்³கா³, யாவ ச மூலா உத³கேன அபி⁴ஸந்த³னாதி³ஸம்ப⁴வத³ஸ்ஸனத்த²ங் உத³கானுக்³க³தக்³க³ஹணங். இத⁴ உப்பலாதீ³னி விய கரஜகாயோ, உத³கங் விய ததியஜ்ஜா²னஸுக²ங்.
சதுத்த²ஜ்ஜா²னகதா²வண்ணனா
233. யஸ்மா ‘‘நிருபக்கிலேஸட்டே²ன பரிஸுத்³த⁴’’ந்தி. யஸ்மா பன பாரிஸுத்³தி⁴யா ஏவ பச்சயவிஸேஸேன பவத்திவிஸேஸோ பரியோதா³ததா ஸுவண்ணஸ்ஸ நிக⁴ங்ஸனேன பப⁴ஸ்ஸரதா விய, தஸ்மா ஆஹ ‘‘பப⁴ஸ்ஸரட்டே²ன பரியோதா³தந்தி வேதி³தப்³ப³’’ந்தி. இத³ந்தி ஓதா³தவசனங். உதுப²ரணத்த²ந்தி உண்ஹஉதுனோ ப²ரணத³ஸ்ஸனத்த²ங். உதுப²ரணங் ந ஹோதி ஸவிஸேஸந்தி அதி⁴ப்பாயோ, தேனாஹ ‘‘தங்க²ண…பே॰… ப³லவங் ஹோதீ’’தி. வத்த²ங் விய கரஜகாயோதி யோகி³னோ கரஜகாயோ வத்த²ங் விய த³ட்ட²ப்³போ³ உதுப²ரணஸதி³ஸேன சதுத்த²ஜ்ஜா²னஸுகே²ன ப²ரிதப்³ப³த்தா. புரிஸஸ்ஸ ஸரீரங் விய சதுத்த²ஜ்ஜா²னங் த³ட்ட²ப்³ப³ங் உதுப²ரணட்டா²னியஸ்ஸ ஸுக²ஸ்ஸ நிஸ்ஸயபா⁴வதோ, தேனாஹ ‘‘தஸ்மா’’திஆதி³. எத்த² ச ‘‘பரிஸுத்³தே⁴ன சேதஸா’’தி சேதோ க³ஹணேன ஜா²னஸுக²ங் வுத்தந்தி த³ட்ட²ப்³ப³ங், தேனாஹ ‘‘உதுப²ரணங் விய சதுத்த²ஜ்ஜா²னஸுக²’’ந்தி. நனு ச சதுத்த²ஜ்ஜா²னே ஸுக²மேவ நத்தீ²தி? ஸச்சங் நத்தி² ஸாதலக்க²ணஸந்தஸபா⁴வத்தா பனெத்த² ஸம்மோஹவினோத³னியங் ‘‘உபெக்கா² பன ஸந்தத்தா, ஸுக²மிச்சேவ பா⁴ஸிதா’’தி. (விப⁴॰ அட்ட²॰ 232; விஸுத்³தி⁴॰ 2.644; படி॰ ம॰ 105, மஹானி॰ அட்ட²॰ 27)
ந அரூபஜ்ஜா²னலாபீ⁴தி ந வேதி³தப்³போ³ அவினாபா⁴வதோ, தேனாஹ ‘‘ந ஹீ’’திஆதி³. தத்த² சுத்³த³ஸஹாகாரேஹீதி கஸிணானுலோமதோ, கஸிணபடிலோமதோ, கஸிணானுலோமபடிலோமதோ, ஜா²னானுலோமதோ, ஜா²னபடிலோமதோ, ஜா²னானுலோமபடிலோமதோ, ஜா²னுக்கந்திகதோ, கஸிணுக்கந்திகதோ, ஜா²னகஸிணுக்கந்திகதோ, அங்க³ஸங்கந்திதோ, ஆரம்மணஸங்கந்திதோ, அங்கா³ரம்மணஸங்கந்திதோ, அங்க³வவத்தா²னதோ ‘‘ந ஹி…பே॰… ஹோதீ’’தி. ஸ்வாயங் நயோ அரூபஸமாபத்தீஹி வினா ந இஜ்ஜ²தீதி தாயபெத்த² அவினாபா⁴வோ வேதி³தப்³போ³. யதி³ ஏவங் கஸ்மா பாளியங் ந ஆருப்பஜ்ஜா²னானி ஆக³தானீதி? விஸேஸதோ ச ரூபாவசரசதுத்த²ஜ்ஜா²னபாத³கத்தா ஸப்³பா³பி⁴ஞ்ஞானங் தத³ந்தோக³தா⁴ கத்வா தாய தே³ஸிதா, ந அரூபாவசரஜ்ஜா²னானங் இத⁴ அனுபயோக³தோ, தேனாஹ ‘‘அரூபஜ்ஜா²னானி ஆஹரித்வா கதே²தப்³பா³னீ’’தி.
விபஸ்ஸனாஞாணகதா²வண்ணனா
234. ஸேஸந்தி ‘‘ஞாணத³ஸ்ஸனந்தி மக்³க³ஞாணம்பி வுச்சதீ’’திஆதி³மாஹ. யஸ்மா விபஸ்ஸனாஞாணங் தேபூ⁴மகஸங்கா²ரே அனிச்சாதி³தோ ஜானாதி, ப⁴ங்கா³னுபஸ்ஸனதோ பட்டா²ய பச்சக்க²தோ ச தே பஸ்ஸதி தஸ்மா ஆஹ ‘‘இத⁴ பன…பே॰… ஞாணத³ஸ்ஸனந்தி வுத்த’’ந்தி.
அபி⁴னீஹரதீதி ‘‘விபஸ்ஸனா…பே॰… கரோதீ’’தி. தத³பி⁴முக²பா⁴வோ ஏவ ஹிஸ்ஸ தன்னின்னதாதி³கரதா. வுத்தோயேவ ப்³ரஹ்மஜாலே. ஓத³னகும்மாஸேஹி உபசீயதீதி ஓத³னகும்மாஸூபசயோ. அனிச்சத⁴ம்மோதி பப⁴ங்கு³தாய அத்³து⁴வஸபா⁴வோ. து³க்³க³ந்த⁴விகா⁴தத்தா²யாதி ஸரீரே து³க்³க³ந்த⁴ஸ்ஸ விக³மாய. உச்சா²த³னத⁴ம்மோதி உச்சா²தே³தப்³ப³தாஸபா⁴வோ. உச்சா²த³னேன ஹி ஸரீரே ஸேத³கூ³த²பித்தஸெம்ஹாதி³தா⁴துக்கோ²ப⁴க³ருபா⁴வது³க்³க³ந்தா⁴னங் அபக³மோ ஹோதி. மஹாஸம்பா³ஹனங் மல்லாதீ³னங் பா³ஹுவட்³ட⁴னாதி³அத்த²ங் ஹோதீதி ‘‘கு²த்³த³கஸம்பா³ஹனேனா’’தி வுத்தங். பரிமத்³த³னத⁴ம்மோதி பரிமத்³தி³தப்³ப³தாஸபா⁴வோ. பி⁴ஜ்ஜதி சேவ விகிரதி சாதி அனிச்சதாவஸேன பி⁴ஜ்ஜதி ச பி⁴ன்னஞ்ச கிஞ்சி பயோஜனங் அஸாதெ⁴ந்தங் விப்பகிண்ணஞ்ச ஹோதி. ரூபீதி அத்தனோ பச்சயபூ⁴தேன உதுஆஹாரலக்க²ணேன ரூபவாதி அயமெத்த² அத்தோ² இச்சி²தோதி ஆஹ ‘‘ச²ஹி பதே³ஹி ஸமுத³யோ கதி²தோ’’தி. ஸங்ஸக்³கே³ ஹி அயமீகாரோ. ஸண்டா²னஸம்பாத³னம்பி ததா²ரூபரூபுப்பாத³னேனேவ ஹோதீதி உச்சா²த³னபரிமத்³த³னபதே³ஹிபி நிஸ்ஸிதஞ்ச ச²ட்ட²வத்து²னிஸ்ஸிதத்தா விபஸ்ஸனாஞாணஸ்ஸ. படிப³த்³த⁴ஞ்ச தேன வினா அப்பவத்தனதோ, காயஸஞ்ஞிதானங் ரூபத⁴ம்மானங் ஆரம்மணகரணதோ ச.
235. ஸுட்டு² பா⁴தி ஓபா⁴ஸதீதி ஸுபோ⁴, பபா⁴ஸம்பத்தியாபி மணினோ ப⁴த்³த³தாதி ஆஹ ‘‘ஸுபோ⁴தி ஸுந்த³ரோ’’தி. குருவிந்த³ஜாதி ஆதி³ஜாதிவிஸேஸோபி மணினோ ஆகரபரிஸுத்³தி⁴மூலகோ ஏவாதி ஆஹ ‘‘பரிஸுத்³தா⁴கரஸமுட்டி²தோ’’தி தோ³ஸனீஹரணவஸேன பரிகம்மனிப்ப²த்தீதி ஆஹ ‘‘ஸுட்டு² கதபரிகம்மோ அபனீதபாஸாணஸக்க²ரோ’’தி. ச²வியா ஸண்ஹபா⁴வேனஸ்ஸ அச்ச²தா, ந ஸங்கா⁴தஸ்ஸாதி ஆஹ ‘‘அச்சோ²தி தனுச்ச²வீ’’தி, தேனாஹ ‘‘விப்பஸன்னோ’’தி. தோ⁴வனவேத⁴னாதீ³ஹீதி சதூஸு பாஸாணேஸு தோ⁴வனேன சேவ காளகாதி³அபஹரணத்தா²ய ஸுத்தேன ஆவுனநத்தா²ய ச விஜ்ஜ²னேன. தாபஸண்ஹகரணாதீ³னங் ஆதி³-ஸத்³தே³ன. வண்ணஸம்பத்திந்தி ஸுத்தஸ்ஸ வண்ணஸம்பத்திங். மணி விய கரஜகாயோ பச்சவெக்கி²தப்³ப³தோ. ஆவுதஸுத்தங் விய விபஸ்ஸனாஞாணங் அனுபவிஸித்வா டி²தத்தா. சக்கு²மா புரிஸோ விய விபஸ்ஸனாலாபீ⁴ பி⁴க்கு² ஸம்மதே³வ த³ஸ்ஸனதோ. ததா³ரம்மணானந்தி ரூபத⁴ம்மாரம்மணானங். ப²ஸ்ஸபஞ்சமகசித்தசேதஸிகக்³க³ஹணேன க³ஹிதத⁴ம்மாபி விபஸ்ஸனாசித்துப்பாத³பரியாபன்னா ஏவாதி வேதி³தப்³ப³ங். ஏவஞ்ஹி தேஸங் விபஸ்ஸனாஞாணக³திகத்தா ‘‘ஆவுதஸுத்தங் விய விபஸ்ஸனாஞாண’’ந்தி வசனங் அவிரோதி⁴தங் ஹோதி. கிங் பனேதே ஞாணஸ்ஸ ஆவி ப⁴வந்தி, உதா³ஹு புக்³க³லஸ்ஸாதி? ஞாணஸ்ஸ. தஸ்ஸ பன ஆவிபா⁴வத்தா புக்³க³லஸ்ஸ ஆவிபூ⁴தா நாம ஹொந்தி. ஞாணஸ்ஸாதி ச பச்சவெக்க²ணாஞாணஸ்ஸ.
மக்³க³ஞாணஸ்ஸ அனந்தரங், தஸ்மா லோகியாபி⁴ஞ்ஞானங் பரதோ ச²ட்டா²பி⁴ஞ்ஞாய புரதோ வத்தப்³ப³ங் விபஸ்ஸனாஞாணங். ஏவங் ஸந்தேபீதி யதி³பாயங் ஞாணானுபுப்³பீ³, ஏவங் ஸந்தேபி. ஏதஸ்ஸ அந்தராவாரோ நத்தீ²தி பஞ்சஸு லோகியாபி⁴ஞ்ஞாஸு கதி²தாஸு ஆகங்கெ²ய்யஸுத்தாதீ³ஸு (ம॰ நி॰ 1.65) விய ச²ட்டா²பி⁴ஞ்ஞா கதே²தப்³பா³தி ஏதஸ்ஸ அனபி⁴ஞ்ஞாலக்க²ணஸ்ஸ விபஸ்ஸனாஞாணஸ்ஸ தாஸங் அந்தராவாரோ ந ஹோதி. தஸ்மா தத்த² அவஸராபா⁴வதோ இதே⁴வ ரூபாவசரசதுத்த²ஜ்ஜா²னானந்தரமேவ த³ஸ்ஸிதங் விபஸ்ஸனாஞாணங். யஸ்மா சாதி ச-ஸத்³தோ³ ஸமுச்சயத்தோ², தேன ந கேவலங் ததே³வ, அத² கோ² இத³ம்பி காரணங் விபஸ்ஸனாஞாணஸ்ஸ இதே⁴வ த³ஸ்ஸனேதி இமமத்த²ங் தீ³பேதி. தி³ப்³பே³ன சக்கு²னா பே⁴ரவம்பி ரூபங் பஸ்ஸதோதி எத்த² ‘‘இத்³தி⁴வித⁴ஞாணேன பே⁴ரவங் ரூபங் நிம்மினித்வா சக்கு²னா பஸ்ஸதோ’’திபி வத்தப்³ப³ங், ஏவம்பி அபி⁴ஞ்ஞாலாபி⁴னோ அபரிஞ்ஞாதவத்து²கஸ்ஸ ப⁴யங் ஸந்தாஸோ உப்பஜ்ஜதி. உச்சாவாலிகவாஸி மஹானாக³த்தே²ரஸ்ஸ விய. பாடியேக்கங் ஸந்தி³ட்டி²கங் ஸாமஞ்ஞப²லங். தேனாஹ ப⁴க³வா –
‘‘யதோ
லப⁴தீ பீதிபாமோஜ்ஜங், அமதங் தங் விஜானத’’ந்திஆதி³. (த⁴॰ ப॰ 374);
மனோமயித்³தி⁴ஞாணகதா²வண்ணனா
236-7. மனேன நிப்³ப³த்திதந்தி அபி⁴ஞ்ஞாமனேன நிப்³ப³த்திதங். ஹத்த²பாதா³தி³ அங்கே³ஹி ச கப்பரஜண்ணுஆதி³ பச்சங்கே³ஹி ச. ஸண்டா²னவஸேனாதி கமலத³லாதி³ஸதி³ஸஸண்டா²னமத்தவஸேன, ந ரூபாபி⁴கா⁴தாரஹபூ⁴தப்பஸாதி³இந்த்³ரியவஸேன. ஸப்³பா³காரேஹீதி வண்ணஸண்டா²னஅவயவவிஸேஸாதி³ஸப்³பா³காரேஹி. தேன இத்³தி⁴மதா. ஸதி³ஸபா⁴வத³ஸ்ஸனத்த²மேவாதி ஸண்டா²னதோபி வண்ணதோபி அவயவவிஸேஸதோபி ஸதி³ஸபா⁴வத³ஸ்ஸனத்த²மேவ. ஸஜாதியங் டி²தோ, ந நாகி³த்³தி⁴யா அஞ்ஞஜாதிரூபோ.
இத்³தி⁴வித⁴ஞாணாதி³ககதா²வண்ணனா
239. ஸுபரிகம்மகதமத்திகாத³யோ விய இத்³தி⁴வித⁴ஞாணங் விகுப்³ப³னகிரியாய நிஸ்ஸயபா⁴வதோ.
241. ஸுக²ந்தி அகிச்சே²ன, அகஸிரேனாதி அத்தோ².
243. மந்தோ³ உத்தானஸெய்யகதா³ரகோபி ‘‘த³ஹரோ’’தி வுச்சதீதி ததோ விஸேஸனத்த²ங் ‘‘யுவா’’தி வுத்தங். யுவாபி கோசி அனிச்ச²னகோ அமண்ட³னஜாதிகோ ஹோதீதி ததோ விஸேஸனத்த²ங் ‘‘மண்ட³னகஜாதிகோ’’திஆதி³ வுத்தங், தேனாஹ ‘‘யுவாபீதி’’ஆதி³. காளதிலப்பமாணா பி³ந்த³வோ காளதிலகானி காளா வா கம்மாஸா, திலப்பமாணா பி³ந்த³வோ திலகானி. வங்க³ங் நாம வியங்க³ங். யொப்³ப³னபீளகாத³யோ முக²தூ³ஸிபீளகா. முக²க³தோ முக²தோ³ஸோ, லக்க²ணவசனஞ்சேதங் முகே² அதோ³ஸஸ்ஸாபி பாகடபா⁴வஸ்ஸ அதி⁴ப்பேதத்தா. யதா² வா முகே² தோ³ஸோ, ஏவங் முகே² அதோ³ஸோபி முக²தோ³ஸோ ஸரலோபேன. முக²தோ³ஸோ ச முக²தோ³ஸோ ச முக²தோ³ஸோதி ஏகஸேஸனயேனபெத்த² அத்தோ² த³ட்ட²ப்³போ³. ஏவஞ்ஹி ‘‘பரேஸங் ஸோளஸவித⁴ங் சித்தங் பாகடங் ஹோதீ’’தி வசனங் ஸமத்தி²தங் ஹோதி.
245. புப்³பே³னிவாஸஞாணூபமாயந்தி தங்தி³வஸ-க்³க³ஹணங் கதங். தங்தி³வஸக³தகா³மத்தய-க்³க³ஹணேனேவ மஹாபி⁴னீஹாரேஹி அஞ்ஞேஸம்பி புப்³பே³னிவாஸஞாணலாபீ⁴னங் தீஸு ப⁴வேஸு கதகிரியா யேபு⁴ய்யேன பாகடா ஹோதீதி தீ³பிதந்தி த³ட்ட²ப்³ப³ங்.
247. அபராபரங் ஸஞ்சரந்தேதி தங்தங்கிச்சவஸேன இதோ சிதோ ச ஸஞ்சரந்தே. யதா²வுத்தபாஸாதோ³விய பி⁴க்கு²னோ கரஜகாயோ த³ட்ட²ப்³போ³ தத்த² பதிட்டி²தஸ்ஸ த³ட்ட²ப்³ப³த³ஸ்ஸனஸித்³தி⁴தோ. சக்கு²மதோ ஹி தி³ப்³ப³சக்கு²ஸமதி⁴க³மோ. யதா²ஹ ‘‘மங்ஸசக்கு²ஸ்ஸ உப்பாதோ³, மக்³கோ³ தி³ப்³ப³ஸ்ஸ சக்கு²னோ’’தி (இதிவு॰ 61). சக்கு²மா புரிஸோ விய அயமேவ தி³ப்³ப³சக்கு²ங் பத்வா டி²தோ பி⁴க்கு² த³ட்ட²ப்³ப³ஸ்ஸ த³ஸ்ஸனதோ. கே³ஹங் பவிஸந்தா விய ஏதங் அத்தபா⁴வகே³ஹங் ஓக்கமந்தா, உபபஜ்ஜந்தாதி அத்தோ². கே³ஹா நிக்க²மந்தா விய ஏதஸ்மா அத்தபா⁴வகே³ஹதோ பக்கந்தா, சவந்தாதி அத்தோ². ஏவங் வா எத்த² அத்தோ² த³ட்ட²ப்³போ³. அபராபரங் ஸஞ்சரணகஸத்தாதி பன புனப்புனங் ஸங்ஸாரே பரிப்³ப⁴மந்தா ஸத்தா. ‘‘தத்த² தத்த² நிப்³ப³த்தஸத்தா’’தி பன இமினா தஸ்மிங் ப⁴வே ஜாதஸங்வத்³தே⁴ ஸத்தே வத³தி. நனு சாயங் தி³ப்³ப³சக்கு²ஞாணகதா², எத்த² கஸ்மா ‘‘தீஸு ப⁴வேஸூ’’தி சதுவோகாரப⁴வஸ்ஸாபி ஸங்க³ஹோ கதோதி ஆஹ ‘‘இத³ஞ்சா’’திஆதி³. தத்த² இத³ந்தி ‘‘தீஸு ப⁴வேஸு நிப்³ப³த்தஸத்தான’’ந்தி இத³ங் வசனங். தே³ஸனாஸுக²த்த²மேவாதி கேவலங் தே³ஸனாஸுக²த்த²ங், ந சதுவோகாரப⁴வே நிப்³ப³த்தஸத்தானங் தி³ப்³ப³சக்கு²னோ ஆவிபா⁴வஸப்³பா⁴வதோ. ந ஹி ‘‘ட²பெத்வா அரூபப⁴வ’’ந்தி வா ‘‘த்³வீஸு
ஆஸவக்க²யஞாணகதா²வண்ணனா
248. விபஸ்ஸனாபாத³கந்தி பரமத்த²மஞ்ஜுஸாயங் விஸுத்³தி⁴மக்³க³ஸங்வண்ணனாயங் (விஸுத்³தி⁴॰ டீ॰ 1.216) உத்³தே³ஸதோ த³ஸ்ஸிதோ. அத்தி²கேஹி ததோ க³ஹேதப்³போ³, இத⁴ பன ஸாவகானங் விபஸ்ஸனா அதி⁴ப்பேதா.
ஆஸவானங் க²யஞாணாயாதி ஆஸவானங் கே²பனதோ ஸமுச்சி²ந்த³னதோ ஆஸவக்க²யோ, அரியமக்³கோ³, தத்த² ஞாணங் ஆஸவானங் க²யஞாணங், தத³த்த²ங் தேனாஹ ‘‘ஆஸவானங் க²யஞாணனிப்³ப³த்தனத்தா²யா’’தி. ஆஸவா எத்த² கீ²யந்தீதி ஆஸவானங் க²யோ நிப்³பா³னங். கே²பேதி பாபத⁴ம்மேதி க²யோ, மக்³கோ³. ஸோ பன பாபக்க²யோ ஆஸவக்க²யேன வினா நத்தீ²தி ‘‘க²யே ஞாண’’ந்தி எத்த² க²யக்³க³ஹணேன ‘‘க²யே ஞாண’’ந்திஆதி³. ஸமிதபாபோ ஸமணோதி கத்வா ஆஸவானங் கீ²ணத்தா ஸமணோ நாம ஹோதீதி ஆஹ ‘‘ஆஸவானங் க²யா ஸமணோ ஹோதீதி எத்த² ப²ல’’ந்தி. ஆஸவவட்³டி⁴யா ஸங்கா²ரே வட்³டெ⁴ந்தோ விஸங்கா²ரதோ ஸுவிதூ³ரவிதூ³ரோதி ‘‘ஆரா ஸோ ஆஸவக்க²யா’’தி எத்த² ஆஸவக்க²யபத³ங் விஸங்கா²ராதி⁴வசனந்தி ஆஹ ‘‘ஆஸவக்க²யாதி எத்த² நிப்³பா³னங் வுத்த’’ந்தி. ப⁴ங்கோ³தி
‘‘இத³ங் து³க்க²’’ந்தி து³க்க²ஸ்ஸ அரியஸச்சஸ்ஸ ததா³ பி⁴க்கு²னோ பச்சக்க²தோ க³ஹிதபா⁴வத³ஸ்ஸனங். ‘‘எத்தகங் து³க்க²’’ந்தி தஸ்ஸ பரிச்சி²ஜ்ஜக்³க³ஹிதபா⁴வத³ஸ்ஸனங். ‘‘ந இதோ பி⁴ய்யோ’’தி தஸ்ஸ அனவஸேஸெத்வா க³ஹிதபா⁴வத³ஸ்ஸனங். தேனாஹ ‘‘ஸப்³ப³ம்பி து³க்க²ஸச்ச’’ந்திஆதி³. ஸரஸலக்க²ணபடிவேதே⁴னாதி ஸபா⁴வஸங்கா²தஸ்ஸ லக்க²ணஸ்ஸ அஸம்மோஹதோ படிவிஜ்ஜ²னேன, அஸம்மோஹபடிவேதோ⁴தி ச. யதா² தஸ்மிங் ஞாணே பவத்தே பச்சா² து³க்க²ஸச்சஸ்ஸ ஸரூபாதி³பரிச்சே²தே³ ஸம்மோஹோ ந ஹோதி, ததா² பவத்தி, தேனாஹ ‘‘யதா²பூ⁴தங் பஜானாதீ’’தி. து³க்க²ங் ஸமுதே³தி ஏதஸ்மாதி து³க்க²ஸமுத³யோ, தண்ஹாதி ஆஹ ‘‘தஸ்ஸ சா’’திஆதி³. யங் டா²னங் பத்வாதி யங் நிப்³பா³னங் மக்³க³ஸ்ஸ ஆரம்மணபச்சயட்டே²ன காரணபூ⁴தங் ஆக³ம்ம, ‘‘பத்வா’’தி ச தது³ப⁴யவதோ புக்³க³லஸ்ஸ பத்தி தது³ப⁴யஸ்ஸ பத்தி வியாதி கத்வா வுத்தங். பத்வாதி வா பாபுணனஹேது. அப்பவத்தீதி அப்பவத்தினிமித்தங், தே வா நப்பவத்தந்தி எத்தா²தி அப்பவத்தி, நிப்³பா³னங். தஸ்ஸாதி து³க்க²னிரோத⁴ஸ்ஸ. ஸம்பாபகந்தி ஸச்சி²கரணவஸேன ஸம்மதே³வ பாபகங்.
கிலேஸவஸேனாதி ஆஸவஸங்கா²தகிலேஸவஸேன. யஸ்மா ஆஸவானங் து³க்க²ஸச்சபரியாயோ தப்பரியாபன்னத்தா, ஸேஸஸச்சானஞ்ச தங்ஸமுத³யாதி³பரியாயோ அத்தி², தஸ்மா வுத்தங் ‘‘பரியாயதோ’’தி. த³ஸ்ஸெந்தோ ஸச்சானீதி யோஜனா. ஆஸவானங்யேவ செத்த² க³ஹணங் ‘‘ஆஸவானங் க²யஞாணாயா’’தி ஆரத்³த⁴த்தா. ததா² ஹி ‘‘காமாஸவாபி சித்தங் விமுச்சதீ’’திஆதி³னா ‘‘ஸஹ விபஸ்ஸனாய கோடிப்பத்தங் மக்³க³ங் கதே²ஸீ’’தி வுத்தங். ‘‘ஜானதோ பஸ்ஸதோ’’தி இமினா பரிஞ்ஞாஸச்சி²கிரியாபா⁴வனாபி⁴ஸமயா வுத்தா. ‘‘விமுச்சதீ’’தி இமினா பஹானாபி⁴ஸமயோ வுத்தோதி ஆஹ ‘‘இமினா மக்³க³க்க²ணங் த³ஸ்ஸேதீ’’தி. ‘‘ஜானதோ பஸ்ஸதோ’’தி வா ஹேதுனித்³தே³ஸோயங். ஜானநஹேது த³ஸ்ஸனஹேது காமாஸவாபி சித்தங் விமுச்சதீதி யோஜனா. த⁴ம்மானஞ்ஹி ஸமானகாலிகானம்பி பச்சயப்பச்சயுப்பன்னதா ஸஹஜாதகோடியா லப்³ப⁴தீதி. ப⁴வாஸவக்³க³ஹணேன செத்த² ப⁴வராக³ஸ்ஸ விய ப⁴வதி³ட்டி²யாபி ஸமவரோதோ⁴தி தி³ட்டா²ஸவஸ்ஸாபி கீ²ணா ஜாதீதிஆதீ³ஹி பதே³ஹி. தஸ்ஸாதி பச்சவெக்க²ணாஞாணஸ்ஸ. பூ⁴மிந்தி பவத்திட்டா²னங்.
யேனாதி⁴ப்பாயேன ‘‘கதமா பனஸ்ஸா’’திஆதி³னா சோத³னா கதா, தங் விவரந்தோ ‘‘ந தாவஸ்ஸா’’திஆதி³மாஹ ந தாவஸ்ஸ அதீதா ஜாதி கீ²ணா மக்³க³பா⁴வனாயாதி அதி⁴ப்பாயோ. தத்த² காரணமாஹ ‘‘புப்³பே³வ கீ²ணத்தா’’தி. ந அனாக³தா அஸ்ஸ ஜாதி கீ²ணாதி யோஜனா. ந அனாக³தாதி ச அனாக³தபா⁴வஸாமஞ்ஞங் க³ஹெத்வா லேஸேன சோதே³தி, தேனாஹ ‘‘அனாக³தே வாயாமாபா⁴வதோ’’தி. அனாக³தவிஸேஸோ பனெத்த² அதி⁴ப்பேதோ, தஸ்ஸ ச கே²பனே வாயாமோபி லப்³ப⁴தேவ, தேனாஹ ‘‘யா பன மக்³க³ஸ்ஸா’’திஆதி³. ஏகசதுபஞ்சவோகாரப⁴வேஸூதி ப⁴வத்தயக்³க³ஹணங் வுத்தனயேன அனவஸேஸதோ ஜாதியா கீ²ணபா⁴வத³ஸ்ஸனத்த²ங். தந்தி யதா²வுத்தங் ஜாதிங். ஸோதி கீ²ணாஸவோ பி⁴க்கு².
ப்³ரஹ்மசரியவாஸோ நாம உக்கட்ட²னித்³தே³ஸேன மக்³க³ப்³ரஹ்மசரியஸ்ஸ நிப்³ப³த்தனங் ஏவாதி ஆஹ ‘‘பரிவுத்த²’’ந்தி. ஸம்மாதி³ட்டி²யா சதூஸு ஸச்சேஸு பரிஞ்ஞாதி³கிச்சஸாத⁴னவஸேன பவத்தமானாய ஸம்மாஸங்கப்பாதீ³னம்பி து³க்க²ஸச்சே பரிஞ்ஞாபி⁴ஸமயானுகு³ணா பவத்தி, இதரஸச்சேஸு ச ‘‘சதூஸு ஸச்சேஸு சதூஹி மக்³கே³ஹி பரிஞ்ஞாபஹானஸச்சி²கிரியாபா⁴வனாவஸேனா’’தி. து³க்க²னிரோத⁴மக்³கே³ஸு பரிஞ்ஞாஸச்சி²கிரியாபா⁴வனா யாவதே³வ ஸமுத³யப்பஹானத்தா²யாதி ஆஹ ‘‘தேன தேன மக்³கே³ன பஹாதப்³ப³கிலேஸா பஹீனா’’தி. இத்த²த்தாயாதி இமே பகாரா இத்த²ங், தப்³பா⁴வோ இத்த²த்தங், தத³த்த²ந்தி வுத்தங் ஹோதி. தே பன பகாரா அரியமக்³க³ப்³யாபாரபூ⁴தா பரிஞ்ஞாத³யோ இதா⁴தி⁴ப்பேதாதி ஆஹ ‘‘ஏவங் ஸோளஸகிச்சபா⁴வாயா’’தி. தே ஹி மக்³க³ங் பச்சவெக்க²தோ மக்³கா³னுபா⁴வேன பாகடா ஹுத்வா உபட்ட²ஹந்தி, பரிஞ்ஞாதீ³ஸு ச பஹானமேவ பதா⁴னங் தத³த்த²த்தா இதரேஸந்தி ஆஹ ‘‘கிலேஸக்க²யபா⁴வாய வா’’தி. பஹீனகிலேஸபச்சவெக்க²ணவஸேன வா ஏவங் வுத்தங். து³தியவிகப்பே இத்த²த்தாயாதி நிஸ்ஸக்கே ஸம்பதா³னவசனந்தி ஆஹ ‘‘இத்த²பா⁴வதோ’’தி. அபரந்தி அனாக³தங். இமே பன சரிமகத்தபா⁴வஸங்கா²தா பஞ்சக்க²ந்தா⁴ பரிஞ்ஞாதா திட்ட²ந்தி, ஏதேன தேஸங் அப்பதிட்ட²தங் த³ஸ்ஸேதி. அபரிஞ்ஞாமூலிகா ஹி பதிட்டா². யதா²ஹ ‘‘கப³ளீகாரே சே பி⁴க்க²வே ஆஹாரே அத்தி² ராகோ³ அத்தி² நந்தீ³ அத்தி² ‘‘சி²ன்னமூலகா ருக்கா² வியா’’திஆதி³.
249. பப்³ப³தமத்த²கேதி பப்³ப³தஸிக²ரே. தஞ்ஹி யேபு⁴ய்யேன ஸங்கி²த்தங் ஸங்குசிதங் ஹோதீதி பாளியங் ‘‘பப்³ப³தஸங்கே²பே’’தி வுத்தங். பப்³ப³தபரியாபன்னோ வா பதே³ஸோ பப்³ப³தஸங்கே²போ அனாவிலோதி அகாலுஸியோ, ஸா சஸ்ஸ அனாவிலதா கத்³த³மாபா⁴வேன ஹோதீதி ஆஹ ‘‘நிக்கத்³த³மோ’’தி. ஸிப்பியோதி ஸுத்தியோ. ஸம்பு³காதி ஸங்க²லிகா. டி²தாஸுபி நிஸின்னாஸுபி கா³வீஸு. விஜ்ஜமானாஸூதி லப்³ப⁴மானாஸு, இதரா டி²தாபி நிஸின்னாபி ‘‘சரந்தீ’’தி வுச்சந்தி ஸஹசரணனயேன. திட்ட²ந்தமேவ, ந பன கதா³சிபி சரந்தங். த்³வயந்தி ஸிப்பிஸம்பு³கங், மச்ச²கு³ம்ப³ந்தி இத³ங் உப⁴யங். திட்ட²ந்தந்தி வுத்தங் சரந்தங் ‘‘இதரஞ்ச த்³வய’’ந்தி ச யதா²வுத்தமேவ ஸிப்பிஸம்பு³காதி³த்³வயங் வத³தி. தஞ்ஹி சரதீதி. கிங் வா இமாய ஸஹசரியாய, யதா²லாப⁴க்³க³ஹணங் பனெத்த² த³ட்ட²ப்³ப³ங். ஸக்க²ரகத²லஸ்ஸ ஹி வஸேன திட்ட²ந்தந்தி. ஸிப்பிஸம்பு³கஸ்ஸ மச்ச²கு³ம்ப³ஸ்ஸ ச வஸேன திட்ட²ந்தம்பி சரந்தங் பீதி யோஜனா காதப்³பா³.
தேஸங் த³ஸன்னங் ஞாணானங். தத்தா²தி தஸ்மிங் ஆரம்மணவிபா⁴கே³, தேஸு வா ஞாணேஸு. பூ⁴மிபே⁴த³தோ, காலபே⁴த³தோ, ஸந்தானபே⁴த³தோ சாதி ஸத்தவிதா⁴ரம்மணங் விபஸ்ஸனாஞாணங். ‘‘ரூபாயதனமத்தமேவா’’தி இத³ங் தஸ்ஸ ஞாணஸ்ஸ அபி⁴னிம்மியமானே மனோமயே காயே ரூபாயதனமேவாரப்³ப⁴ பவத்தனதோ வுத்தங், ந தத்த² க³ந்தா⁴யதங் ஆதீ³னங் அபா⁴வதோ. ந ஹி ரூபகலாபோ க³ந்தா⁴யதங் ஆதி³ரஹிதோ அத்தி². பரினிப்ப²ன்னமேவ நிம்மிதரூபங், தேனாஹ ‘‘பரித்தபச்சுப்பன்னப³ஹித்³தா⁴ரம்மண’’ந்தி. ஆஸவக்க²யஞாணங் நிப்³பா³னாரம்மணமேவ ஸமானங் பரித்தத்திகவஸேன அப்பமாணாரம்மணங், அஜ்ஜ²த்தத்திகவஸேன ப³ஹித்³தா⁴ரம்மணங், அதீதத்திகவஸேன நவத்தப்³பா³ரம்மணஞ்ச ஹோதீதி ஆஹ ‘‘அப்பமாணப³ஹித்³தா⁴னவத்தப்³பா³ரம்மண’’ந்தி. கூடோ ‘‘அரஹத்தனிகூடேனா’’தி. தே³ஸனங் நிட்டா²பேஸீதி தித்த²கரமதஹரவிபா⁴வினிங் நானாவித⁴குஹனலபனாதி³மிச்சா²ஜீவவித்³த⁴ங்ஸினிங் திவித⁴ஸீலாலங்கதங் பரமஸல்லேக²படிபத்திதீ³பனிங் ஜா²னாபி⁴ஞ்ஞாதி³உத்தரிமனுஸ்ஸத⁴ம்மவிபூ⁴ஸிதங் சுத்³த³ஸவித⁴மஹாஸாமஞ்ஞப²லபடிமண்டி³தங் அனஞ்ஞஸாதா⁴ரணங் தே³ஸனங் நிட்டா²பேஸி.
அஜாதஸத்துஉபாஸகத்தபடிவேத³னாகதா²வண்ணனா
250. ஆதி³மஜ்ஜ²பரியோஸானந்தி ஸக்கச்சங் ஸகா³ரவங். ஆரத்³த⁴ங் த⁴ம்மஸங்கா³ஹகேஹி.
அபி⁴க்கந்தா விக³தாதி அத்தோ²தி ஆஹ ‘‘க²யே தி³ஸ்ஸதீ’’தி. ததா² ஹி ‘‘நிக்க²ந்தோ பட²மோ யாமோ’’தி உபரி வுத்தங். அபி⁴க்கந்ததரோதி அதிவிய கந்ததரோ மனோரமோ, தாதி³ஸோ ச ஸுந்த³ரோ ப⁴த்³த³கோ நாம ஹோதீதி ஆஹ ‘‘ஸுந்த³ரே தி³ஸ்ஸதீ’’தி. கோதி தே³வனாக³யக்க²க³ந்த⁴ப்³பா³தீ³ஸு கோ கதமோ. மேதி மம. பாதா³னீதி பாதே³. இத்³தி⁴யாதி இமாய ஏவரூபாய தே³வித்³தி⁴யா. யஸஸாதி இமினா ஏதி³ஸேன பரிவாரேன, பரிஜனேன ச. ஜலந்தி விஜ்ஜோதமானோ. அபி⁴க்கந்தேனாதி அதிவிய கந்தேன கமனீயேன அபி⁴ரூபேன. வண்ணேனாதி ச²விவண்ணேன ஸரீரவண்ணனிபா⁴ய ஸப்³பா³ ஓபா⁴ஸயங் தி³ஸாதி த³ஸபி தி³ஸா பபா⁴ஸெந்தோ சந்தோ³ விய, ஸூரியோ விய ச ஏகோபா⁴ஸங் ஏகாலோகங் கரொந்தோதி கா³தா²ய அத்தோ². அபி⁴ரூபேதி உளாரரூபே ஸம்பன்னரூபே.
‘‘சோரோ சோரோ, ஸப்போ ஸப்போ’’திஆதீ³ஸு ப⁴யே ஆமேடி³தங், ‘‘விஜ்ஜ² விஜ்ஜ², பஹர பஹரா’’திஆதீ³ஸு கோதே⁴, ‘‘ஸாது⁴ ஸாதூ⁴திஆதீ³ஸு (ம॰ நி॰ 1.327; ஸங்॰ நி॰ 2.127; 3.35; 5.1005) பஸங்ஸாயங், ‘‘க³ச்ச² க³ச்ச², லுனாஹி லுனாஹீ’’திஆதீ³ஸு துரிதே, ‘‘ஆக³ச்ச² ஆக³ச்சா²’’திஆதீ³ஸு கோதூஹலே, ‘‘பு³த்³தோ⁴ பு³த்³தோ⁴தி சிந்தெந்தோ’’திஆதீ³ஸு (பு³॰ வங்॰ 44) அச்ச²ரே ஹாஸே, ‘‘கஹங் ஏகபுத்தக கஹங் ஏகபுத்தகா’’திஆதீ³ஸு (ஸங்॰ நி॰ 2.63) ஸோகே, ‘‘அஹோ ஸுக²ங் அஹோ ஸுக²’’ந்திஆதீ³ஸு (உதா³॰ 20; தீ³॰ நி॰ 3.305; சூளவ॰ 332) பஸாதே³. ச-ஸத்³தோ³ அவுத்தஸமுச்சயத்தோ², தேன க³ரஹாஅஸம்மானாதீ³னங் ஸங்க³ஹோ த³ட்ட²ப்³போ³. தத்த² ‘‘பாபோ பாபோ’’திஆதீ³ஸு க³ரஹாயங், ‘‘அபி⁴ரூபக அபி⁴ரூபகா’’திஆதீ³ஸு அஸம்மானே த³ட்ட²ப்³ப³ங்.
நயித³ங் ஆமேடி³தவஸேன த்³விக்க²த்துங் வுத்தங், அத² கோ² அத்த²த்³வயவஸேனாதி த³ஸ்ஸெந்தோ ‘‘அத² வா’’திஆதி³மாஹ ‘‘அபி⁴க்கந்த’’ந்தி வசனங் அபெக்கி²த்வா நபுங்ஸகலிங்க³வஸேன வுத்தங். தங் பன ப⁴க³வதோ வசனங் த⁴ம்மஸ்ஸ தே³ஸனாதி கத்வா தோ³ஸனாஸனதோதி ராகா³தி³கிலேஸவித⁴மனதோ. கு³ணாதி⁴க³மனதோதி ஸீலாதி³கு³ணானங் ஸம்பாத³னதோ. யே கு³ணே தே³ஸனா அதி⁴க³மேதி, தேஸு பதா⁴னபூ⁴தா த³ஸ்ஸேதப்³பா³தி தே பதா⁴னபூ⁴தே தாவ த³ஸ்ஸேதுங் ‘‘ஸத்³தா⁴ஜனநதோ பஞ்ஞாஜனநதோ’’தி வுத்தங். ஸத்³தா⁴பமுகா² ஹி லோகியா கு³ணா பஞ்ஞாபமுகா² லோகுத்தரா. ஸீலாதி³அத்த²ஸம்பத்தியா ஸாத்த²தோ. ஸபா⁴வனிருத்திஸம்பத்தியா ஸப்³யஞ்ஜனதோ. ஸுவிஞ்ஞெய்யஸத்³த³பயோக³தாய உத்தானபத³தோ. ஸண்ஹஸுகு²மபா⁴வேன து³ப்³பி³ஞ்ஞெய்யத்த²தாய க³ம்பீ⁴ரத்த²தோ. ஸினித்³த⁴முது³மது⁴ரஸத்³த³பயோக³தாய கண்ணஸுக²தோ. விபுலவிஸுத்³த⁴பேமனீயத்த²தாய ஹத³யங்க³மதோ. மானாதிமானவித⁴மனேன அனத்துக்கங்ஸனதோ. த²ம்ப⁴ஸாரம்ப⁴னிம்மத்³த³னேன அபரவம்ப⁴னதோ. ஹிதாதி⁴ப்பாயப்பவத்தியா, பரேஸங் ராக³பரிளாஹாதி³வூபக³மனேன கருணாஸீதலதோ. கிலேஸந்த⁴காரவித⁴மனேன பஞ்ஞாவதா³ததோ. கரவீகருதமஞ்ஜுதாய ஆபாத²ரமணீயதோ. புப்³பா³பராவிருத்³த⁴ஸுவிஸுத்³த⁴தாய விமத்³த³க்க²மதோ. ஆபாத²ரமணீயதாய ஏவ ஸுய்யமானஸுக²தோ. விமத்³த³க்க²மதாய, ஹிதஜ்ஜா²ஸயப்பவத்திதாய ச வீமங்ஸியமானஹிததோ. ஏவமாதீ³ஹீதி ஆதி³-ஸத்³தே³ன ஸங்ஸாரசக்கனிவத்தனதோ ஸத்³த⁴ம்மசக்கப்பவத்தனதோ, மிச்சா²வாத³வித்³த⁴ங்ஸனதோ ஸம்மாவாத³பதிட்டா²பனதோ, அகுஸலமூலஸமுத்³த⁴ரணதோ
அதோ⁴முக²ட்ட²பிதந்தி கேனசி அதோ⁴முக²ங் ட²பிதங். ஹெட்டா²முக²ஜாதந்தி ஸபா⁴வேனேவ ஹெட்டா²முக²ங் ஜாதங். உக்³கா⁴டெய்யாதி விவடங் கரெய்ய. ஹத்தே² க³ஹெத்வா ‘‘புரத்தா²பி⁴முகோ², உத்தராபி⁴முகோ² வா க³ச்சா²’’திஆதீ³னி அவத்வா ஹத்தே² க³ஹெத்வா நிஸ்ஸந்தே³ஹங் கத்வா. ‘‘ஏஸ மக்³கோ³, ஏவங் க³ச்சா²’’தி த³ஸ்ஸெய்ய. காளபக்க²சாதுத்³த³ஸீதி காளபக்கே² சாதுத்³த³ஸீ. நிக்குஜ்ஜிதங் ஆதெ⁴ய்யஸ்ஸ அனாதா⁴ரபூ⁴தங் பா⁴ஜனங் ஆதா⁴ரபா⁴வாபாத³னவஸேன உக்குஜ்ஜெய்ய. அஞ்ஞாணஸ்ஸ அபி⁴முக²த்தா ஹெட்டா²முக²ஜாததாய ஸத்³த⁴ம்மவிமுக²ங் அதோ⁴முக²ட்ட²பிததாய அஸத்³த⁴ம்மே பதிதந்தி ஏவங் பத³த்³வயங் யதா²ரஹங் யோஜேதப்³ப³ங், ந யதா²ஸங்க்²யங். காமங் காமச்ச²ந்தா³த³யோ படிச்சா²த³கா நீவரணபா⁴வதோ, மிச்சா²தி³ட்டி² பன ஸவிஸேஸங் படிச்சா²தி³கா ஸத்தே மிச்சா²பி⁴னிவேஸனவஸேனாதி ஆஹ ‘‘மிச்சா²தி³ட்டி²க³ஹனபடிச்ச²ன்ன’’ந்தி. தேனாஹ ப⁴க³வா ‘‘மிச்சா²தி³ட்டி²பரமாஹங் கும்மக்³கோ³ குச்சி²தோ மக்³கோ³தி கத்வா. ஸம்மாதி³ட்டி²ஆதீ³னங் உஜுபடிபக்க²தாய மிச்சா²தி³ட்டி²ஆத³யோ அட்ட² மிச்ச²த்தத⁴ம்மா மிச்சா²மக்³கா³. தேனேவ ஹி தது³ப⁴யபடிபக்க²தங் ஸந்தா⁴ய ‘‘ஸக்³க³மொக்க²மக்³க³ங் ஆவிகரொந்தேனா’’தி வுத்தங். ஸப்பிஆதி³ஸன்னிஸ்ஸயோ பதீ³போ ந ததா² உஜ்ஜலோ, யதா² தேலஸன்னிஸ்ஸயோதி தேலபஜ்ஜோத-க்³க³ஹணங். ஏதேஹி பரியாயேஹீதி ஏதேஹி நிக்குஜ்ஜிதுக்குஜ்ஜனபடிச்ச²ன்னவிவரணாதி³உபமோபமிதப்³ப³ப்பகாரேஹி, ஏதேஹி வா யதா²வுத்தேஹி நானாவித⁴குஹனலபனாதி³மிச்சா²ஜீவவிவித⁴மனாதி³விபா⁴வனபரியாயேஹி. தேனாஹ ‘‘அனேகபரியாயேன த⁴ம்மோ பகாஸிதோ’’தி.
பஸன்னகாரந்தி பஸன்னேஹி காதப்³ப³ங் ஸக்காரங். ஸரணந்தி படிஸரணங், தேனாஹ ‘‘பராயண’’ந்தி. பராயணபா⁴வோ ச அனத்த²னிஸேத⁴னேன, அத்த²ஸம்படிபாத³னேன ச ஹோதீதி ஆஹ ‘‘அக⁴ஸ்ஸ தாதா, ஹிதஸ்ஸ ச விதா⁴தா’’தி. அக⁴ஸ்ஸாதி து³க்க²தோதி வத³ந்தி, பாபதோதி பன அத்தோ² யுத்தோ, நிஸ்ஸக்கே சேதங் ஸாமிவசனங். எத்த² ச நாயங் க³மு-ஸத்³தோ³ நீ-ஸத்³தா³த³யோ விய த்³விகம்மகோ, தஸ்மா யதா² ‘‘அஜங் கா³மங் நேதீ’’தி வுச்சதி, ஏவங் ‘‘ப⁴க³வந்தங் ஸரணங் க³ச்சா²மீ’’தி வத்துங் ந ஸக்கா, ‘‘ஸரணந்தி க³ச்சா²மீ’’தி பன வத்தப்³ப³ங். இதி-ஸத்³தோ³ செத்த² லுத்தனித்³தி³ட்டோ². தஸ்ஸ சாயமத்தோ². க³மனஞ்ச தத³தி⁴ப்பாயேன ப⁴ஜனங் ஜானநங் வாதி த³ஸ்ஸெந்தோ ‘‘இமினா அதி⁴ப்பாயேனா’’திஆதி³மாஹ. தத்த² ‘‘ப⁴ஜாமீ’’திஆதீ³ஸு புரிமஸ்ஸ புரிமஸ்ஸ பச்சி²மங் பச்சி²மங் அத்த²வசனங், ப⁴ஜனங் வா ஸரணாதி⁴ப்பாயேன உபஸங்கமனங், ஸேவனங் ஸந்திகாவசரதா, பயிருபாஸனங் வத்தபடிவத்தகரணேன உபட்டா²னந்தி ‘‘க³ச்சா²மீ’’தி ‘‘யேஸஞ்ஹீ’’திஆதி³.
‘‘அதி⁴க³தமக்³கே³ ஸச்சி²கதனிரோதே⁴’’தி பத³த்³வயேனாபி ப²லட்டா² ஏவ த³ஸ்ஸிதா, ந மக்³க³ட்டா²தி தே த³ஸ்ஸெந்தோ ‘‘யதா²னுஸிட்ட²ங் படிபஜ்ஜமானே சா’’திஆதி³மாஹ. நனு ச கல்யாணபுது²ஜ்ஜனோபி ‘‘யதா²னுஸிட்ட²ங் படிபஜ்ஜதீ’’தி வுச்சதீதி? கிஞ்சாபி வுச்சதி, நிப்பரியாயேன பன மக்³க³ட்டா² ஏவ ததா² வத்தப்³பா³, ந இதரோ நியாமோக்கமனாபா⁴வதோ. ததா² ஹி தே ஏவ வுத்தா ‘‘அபாயேஸு அபதமானே தா⁴ரேதீ’’தி. ஸம்மத்தனியாமோக்கமனேன ஹி அபாயவினிமுத்தஸம்ப⁴வோ அக்கா²யதீதி எத்த² இதி-ஸத்³தோ³ ஆதி³அத்தோ², பகாரத்தோ² வா, தேன ‘‘யாவதா பி⁴க்க²வே த⁴ம்மா ஸங்க²தா வா அஸங்க²தா வா, விராகோ³ தேஸங் அக்³க³ங் அக்கா²யதீ’’தி (இதிவு॰ 90; அ॰ நி॰ 4.34) ஸுத்தபத³ங் ஸங்க³ண்ஹாதி, ‘‘வித்தா²ரோ’’தி வா இமினா. எத்த² ச அரியமக்³கோ³ நிய்யானிகதாய, நிப்³பா³னங் தஸ்ஸ தத³த்த²ஸித்³தி⁴ஹேதுதாயாதி உப⁴யமேவ நிப்பரியாயேன ‘‘த⁴ம்மோ’’தி வுத்தோ. நிப்³பா³னஞ்ஹி ஆரம்மணபச்சயபூ⁴தங் லபி⁴த்வா அரியமக்³க³ஸ்ஸ தத³த்த²ஸித்³தி⁴. ததா²பி யஸ்மா அரியப²லானங் ‘‘தாய ஸத்³தா⁴ய அவூபஸந்தாயா’’திஆதி³ வசனதோ மக்³கே³ன ஸமுச்சி²ன்னானங் கிலேஸானங் படிபஸ்ஸத்³தி⁴ப்பஹானகிச்சதாய, நிய்யானானுகு³ணதாய, நிய்யானபரியோஸானதாய ச, பரியத்தித⁴ம்மஸ்ஸ பன ‘‘நிய்யானத⁴ம்மஸ்ஸ ஸமதி⁴க³மனஹேதுதாயா’’தி இமினா பரியாயேன வுத்தனயேன த⁴ம்மபா⁴வோ லப்³ப⁴தி ஏவ. ஸ்வாயமத்தோ² பாடா²ரூள்ஹோ ஏவாதி த³ஸ்ஸெந்தோ ‘‘ந கேவல’’ந்திஆதி³மாஹ.
‘‘காமராகோ³ ப⁴வராகோ³’’தி ஏவமாதி³ பே⁴தோ³ ஸப்³போ³பி ராகோ³ விரஜ்ஜதி ஏதேனாதி ராக³விராகோ³தி மக்³கோ³ கதி²தோ. ஏஜாஸங்கா²தாய அனேஜங் அஸோகந்தி ப²லங் கதி²தங். அப்படிகூலந்தி அவிரோத⁴தீ³பனதோ கேனசி அவிருத்³த⁴ங், இட்ட²ங் பணீதந்தி வா அத்தோ². பகு³ணரூபேன பவத்திதத்தா, பகட்ட²கு³ணவிபா⁴வனதோ வா பகு³ணங். யதா²ஹ ‘‘விஹிங்ஸஸஞ்ஞீ பகு³ணங் ந பா⁴ஸிங், த⁴ம்மங் பணீதங் மனுஜேஸு ப்³ரஹ்மே’’தி. (ம॰ நி॰ 1.283; ம॰ நி॰ 2.339; மஹாவ॰ 9) ஸப்³ப³த⁴ம்மக்க²ந்தா⁴ கதி²தாதி யோஜனா.
தி³ட்டி²ஸீலஸங்கா⁴தேனாதி ‘‘யாயங் தி³ட்டி² அரியா நிய்யானிகா நிய்யாதி தக்கரஸ்ஸ ஸம்மா து³க்க²க்க²யாய, ததா²ரூபாய தி³ட்டி²யா தி³ட்டி²ஸாமஞ்ஞக³தோ விஹரதீ’’தி (தீ³॰ நி॰ 3.324; ம॰ நி॰ 4.92; 3.54) ஏவங் வுத்தாய தி³ட்டி²யா, ‘‘யானி தானி ஸீலானி அக²ண்டா³னி அச்சி²த்³தா³னி அஸப³லானி அகம்மாஸானி பு⁴ஜிஸ்ஸானி விஞ்ஞுப்பஸத்தா²னி அபராமட்டா²னி ஸமாதி⁴ஸங்வத்தனிகானி ஸங்ஹதோதி க⁴டிதோ, ஸமேதோதி அத்தோ². அரியபுக்³க³லா ஹி யத்த² கத்த²சி தூ³ரே டி²தாபி அத்தனோ கு³ணஸாமக்³கி³யா ஸங்ஹதா ஏவ அட்ட² ச புக்³க³லத⁴ம்மத³ஸா தேதி தே புரிஸயுக³வஸேன சத்தாரோபி புக்³க³லவஸேன அட்டே²வ அரியத⁴ம்மஸ்ஸ பச்சக்க²த³ஸ்ஸாவிதாய த⁴ம்மத³ஸா. தீணி வத்தூ²னி ‘‘ஸரண’’ந்தி க³மனேன, திக்க²த்துங் க³மனேன ச தீணி ஸரணக³மனானி. படிவேதே³ஸீதி அத்தனோ ஹத³யக³தங் வாசாய பவேதே³ஸி.
ஸரணக³மனகதா²வண்ணனா
ஸரணக³மனஸ்ஸ விஸயப்பபே⁴த³ப²லஸங்கிலேஸபே⁴தா³னங் ‘‘ஸரணக³மனேஸு கோஸல்லத்த²ங் ஸரணங்…பே॰… வேதி³தப்³போ³’’தி வுத்தங் தேன வினா ஸரணக³மனஸ்ஸேவ அஸம்ப⁴வதோ. கஸ்மா பனெத்த² வோதா³னங் ந க³ஹிதங், நனு வோதா³னவிபா⁴வனாபி தத்த² கோஸல்லாவஹாதி? ஸச்சமேதங், தங் பன ஸங்கிலேஸக்³க³ஹணேனேவ அத்த²தோ தீ³பிதங் ஹோதீதி ந க³ஹிதங். யானி ஹி நேஸங் ஸங்கிலேஸகாரணானி அஞ்ஞாணாதீ³னி, தேஸங் ஸப்³பே³ன ஸப்³ப³ங் அனுப்பன்னானங் அனுப்பாத³னேன, உப்பன்னானஞ்ச பஹானேன வோதா³னங் ஹோதீதி. ஹிங்ஸத்த²ஸ்ஸ ஸர-ஸத்³த³ஸ்ஸ வஸேனேதங் பத³ங் த³ட்ட²ப்³ப³ந்தி ‘‘ஹிங்ஸதீதி ஸரண’’ந்தி வத்வா தங் பன ஹிங்ஸனங் கேஸங் கத²ங் கஸ்ஸ வாதி சோத³னங் ஸோதெ⁴ந்தோ ‘‘ஸரணக³தான’’ந்திஆதி³மாஹ. தத்த² ப⁴யந்தி வட்டப⁴யங். ஸந்தாஸந்தி சித்துத்ராஸங் தேனேவ சேதஸிகது³க்க²ஸ்ஸ க³ஹிதத்தா. து³க்க²ந்தி காயிகது³க்க²ங். து³க்³க³திபரிகிலேஸந்தி து³க்³க³திபரியாபன்னங் ஸப்³ப³ம்பி து³க்க²ங், தயித³ங் ஸப்³ப³ங் பரதோ ப²லகதா²யங் ஆவிப⁴விஸ்ஸதி. ஏதந்தி ‘‘ஸரண’’ந்தி பத³ங்.
ஏவங் அவிஸேஸதோ ஸரண-ஸத்³த³ஸ்ஸ அத்த²ங் த³ஸ்ஸெத்வா இதா³னி விஸேஸதோ த³ஸ்ஸேதுங் ‘‘அத² வா’’திஆதி³ வுத்தங். ஹிதே பவத்தனேனாதி ‘‘ஸம்பன்னஸீலா பி⁴க்க²வே விஹரதா²’’திஆதி³னா (ம॰ நி॰ 1.64, 69) அத்தே² நியோஜனேன. அஹிதா ச நிவத்தனேனாதி. ‘‘பாணாதிபாதஸ்ஸ கோ² பாபகோ விபாகோ, பாபகங் அபி⁴ஸம்பராய’’ந்திஆதி³னா ஆதீ³னவத³ஸ்ஸனாதி³முகே²ன அனத்த²தோ நிவத்தனேன. ப⁴யங் ஹிங்ஸதீதி ஹிதாஹிதேஸு அப்பவத்திபவத்திஹேதுகங் ப்³யஸனங் அப்பவத்திகரணேன வினாஸேதி. ப⁴வகந்தாரா உத்தாரணேன மக்³க³ஸங்கா²தோ த⁴ம்மோ, இதரோ அஸ்ஸாஸதா³னேன ஸத்தானங் காரானந்தி தா³னவஸேன பூஜாவஸேன ச உபனீதானங் ஸக்காரானங். விபுலப²லபடிலாப⁴கரணேன ஸத்தானங் ப⁴யங் ஹிங்ஸதீதி யோஜனா, அனுத்தரத³க்கி²ணெய்யபா⁴வதோதி இமினாபி பரியாயேனாதி இமினாபி விப⁴ஜித்வா வுத்தேன காரணேன.
‘‘ஸம்மாஸம்பு³த்³தோ⁴ தப்பஸாத³தக்³க³ருதாஹி. விதூ⁴ததி³ட்டி²விசிகிச்சா²ஸம்மோஹஅஸ்ஸத்³தி⁴யாதி³தாய விஹதகிலேஸோ. ததே³வ ரதனத்தயங் பராயணங் பராக³தி தாணங் லேணந்தி ஏவங் பவத்தியா தப்பராயணதாகாரப்பவத்தோ சித்துப்பாதோ³ ஸரணக³மனங் ஸரணங் க³ச்ச²தி ஏதேனாதி. தங்ஸமங்கீ³தி தேன யதா²வுத்தசித்துப்பாதே³ன ஸமன்னாக³தோ. ஏவங் உபேதீதி ப⁴ஜதி ஸேவதி பயிருபாஸதி, ஏவங் வா ஜானாதி பு³ஜ்ஜ²தீதி ஏவமத்தோ² வேதி³தப்³போ³. எத்த² ச பஸாத³-க்³க³ஹணேன லோகியஸரணக³மனமாஹ. தஞ்ஹி பஸாத³ப்பதா⁴னங். க³ருதாக³ஹணேன லோகுத்தரங். அரியா ஹி ரதனத்தயங் கு³ணாபி⁴ஞ்ஞதாய பாஸாணச்ச²த்தங் விய க³ருங் கத்வா பஸ்ஸந்தி. தஸ்மா தப்பஸாதே³ன விக்க²ம்ப⁴னவஸேன விக³தகிலேஸோ, தக்³க³ருதாய ஸமுச்சே²த³வஸேனாதி யோஜேதப்³ப³ங் அகா³ரவகரணஹேதூனங் ஸமுச்சி²ந்த³னதோ. தப்பராயணதா பனெத்த² தக்³க³திகதாதி தாய சதுப்³பி³த⁴ம்பி வக்க²மானங் ஸரணக³மனங் க³ஹிதந்தி த³ட்ட²ப்³ப³ங். அவிஸேஸேன பஸாத³க்³க³ஹணேன அவேச்சப்பஸாத³ஸ்ஸ இதரஸ்ஸ ச க³ஹணங், ததா² க³ருதாக³ஹணேனாதி உப⁴யேனாபி உப⁴யங் ஸரணக³மனங் யோஜேதப்³ப³ங்.
மக்³க³க்க²ணே இஜ்ஜ²தீதி யோஜனா. ‘‘நிப்³பா³னாரம்மணங் ஹுத்வா’’தி ஏதேன அத்த²தோ சதுஸச்சாதி⁴க³மோ ஏவ லோகுத்தரஸரணக³மனந்தி த³ஸ்ஸேதி. தத்த² ஹி நிப்³பா³னத⁴ம்மோ ஸச்சி²கிரியாபி⁴ஸமயவஸேன, மக்³க³த⁴ம்மோ பா⁴வனாபி⁴ஸமயவஸேன படிவிஜ்ஜி²யமானோயேவ ஸரணக³மனத்த²ங் ஸாதே⁴தி. பு³த்³த⁴கு³ணா பன ஸாவககோ³சரபூ⁴தா பரிஞ்ஞாபி⁴ஸமயவஸேன, ததா² அரியஸங்க⁴கு³ணா, தேனாஹ ‘‘கிச்சதோ ஸகலேபி ரதனத்தயே இஜ்ஜ²தீ’’தி. இஜ்ஜ²ந்தஞ்ச ஸஹேவ இஜ்ஜ²தி, ந லோகியங் விய பதிபாடியா அஸம்மோஹபடிவேதே⁴ன படிவித்³த⁴த்தாதி அதி⁴ப்பாயோ. யே பன வத³ந்தி ‘‘ந ஸரணக³மனங் நிப்³பா³னாரம்மணங் ஹுத்வா பவத்ததி. மக்³க³ஸ்ஸ அதி⁴க³தத்தா பன அதி⁴க³தமேவ ஹோதி ஏகச்சானங் தேவிஜ்ஜாதீ³னங் லோகியவிஜ்ஜாத³யோ வியா’’தி, தேஸங் லோகியமேவ ஸரணக³மனங் ஸியா, ந லோகுத்தரங், தஞ்ச அயுத்தங் து³வித⁴ஸ்ஸாபி இச்சி²தப்³ப³த்தா.
தந்தி ஸத்³தா⁴படிலாபோ⁴ ‘‘ஸம்மாஸம்பு³த்³தோ⁴ ப⁴க³வா’’திஆதி³னா. ஸத்³தா⁴மூலிகாதி யதா²வுத்தஸத்³தா⁴புப்³ப³ங்க³மா ஸம்மாதி³ட்டி²தி பு³த்³த⁴ஸுபு³த்³த⁴தங், த⁴ம்மஸுத⁴ம்மதங், ஸங்க⁴ஸுப்படிபத்திஞ்ச லோகியாவபோ³த⁴வஸேனேவ ஸம்மா ஞாயேன த³ஸ்ஸனதோ. ‘‘ஸத்³தா⁴மூலிகா ஸம்மாதி³ட்டீ²’’தி ஏதேன ஸத்³தூ⁴பனிஸ்ஸயா யதா²வுத்தலக்க²ணா பஞ்ஞா லோகியஸரணக³மனந்தி த³ஸ்ஸேதி, தேனாஹ ‘‘தி³ட்டி²ஜுகம்மந்தி வுச்சதீ’’தி. தி³ட்டி² ஏவ அத்தனோ பச்சயேஹி உஜு கரீயதீதி கத்வா தி³ட்டி² வா உஜு கரீயதி ஏதேனாதி தி³ட்டி²ஜுகம்மங், ததா² பவத்தோ சித்துப்பாதோ³. ஏவஞ்ச கத்வா ‘‘தப்பராயணதாகாரப்பவத்தோ ‘‘ஸத்³தா⁴படிலாபோ⁴’’தி இமினா மாதாதீ³ஹி உஸ்ஸாஹிததா³ரகாதீ³னங் விய ஞாணவிப்பயுத்தங் ஸரணக³மனங் த³ஸ்ஸேதி, ‘‘ஸம்மாதி³ட்டீ²’’தி இமினா ஞாணஸம்பயுத்தங் ஸரணக³மனங். தயித³ங் லோகியங் ஸரணக³மனங். அத்தா ஸன்னிய்யாதீயதி அப்பீயதி பரிச்சஜீயதி ஏதேனாதி அத்தஸன்னிய்யாதனங், யதா²வுத்தங் தி³ட்டி²ஜுகம்மங். தங் ரதனத்தயங் பராயணங் படிஸரணங் ஏதஸ்ஸாதி தப்பராயணோ, புக்³க³லோ, சித்துப்பாதோ³ வா. தஸ்ஸ பா⁴வோ தப்பராயணதா, யதா²வுத்தங் தி³ட்டி²ஜுகம்மமேவ. ‘‘ஸரண’’ந்தி அதி⁴ப்பாயேன ஸிஸ்ஸபா⁴வங் அந்தேவாஸிகபா⁴வங் உபக³ச்ச²தி ஏதேனாதி ஸிஸ்ஸபா⁴வூபக³மனங். ஸரணக³மனாதி⁴ப்பாயேனேவ பணிபததி ஏதேனாதி பணிபாதோ. ஸப்³ப³த்த² யதா²வுத்ததி³ட்டி²ஜுகம்மவஸேனேவ அத்தோ² வேதி³தப்³போ³.
அத்தபரிச்சஜனந்தி ஸங்ஸாரது³க்க²னித்த²ரணத்த²ங் அத்தனோ அத்தபா⁴வஸ்ஸ பரிச்சஜனங். ஏஸேவ நயோ ஸேஸேஸுபி. பு³த்³தா⁴தீ³னங் யேவாதி அவதா⁴ரணங் அத்தஸன்னிய்யாதனாதீ³ஸுபி தத்த² தத்த² வத்தப்³ப³ங். ஏவஞ்ஹி தத³ஞ்ஞனிவத்தனங் கதங் ஹோதி.
ஏவங் அத்தஸன்னிய்யாதனாதீ³னி ஏகேன பகாரேன த³ஸ்ஸெத்வா இதா³னி அபரேஹிபி பகாரேஹி த³ஸ்ஸேதுங் ‘‘அபிசா’’திஆதி³ ஆரத்³த⁴ங், தேன பரியாயந்தரேஹிபி அத்தஸன்னிய்யாதனாதி³ கதமேவ ஹோதி அத்த²ஸ்ஸ அபி⁴ன்னத்தாதி த³ஸ்ஸேதி. ஆளவகாதீ³னந்தி ஆதி³-ஸத்³தே³ன ஸாதாகி³ரஹேமவதாதீ³னங் ஸங்க³ஹோ த³ட்ட²ப்³போ³. நனு சேதே ஆளவகாத³யோ மக்³கே³னேவ ஆக³தஸரணக³மனா, கத²ங் தேஸங் தப்பராயணதாஸரணக³மனங் வுத்தந்தி? மக்³கே³னாக³தஸரணக³மனேஹிபி. ‘‘ஸோ அஹங் விசரிஸ்ஸாமி…பே॰… ஸுத⁴ம்மதங்’’ (ஸங்॰ நி॰ 1.246; ஸு॰ நி॰ 194) ‘‘தே மயங் விசரிஸ்ஸாம
ஸோ பனேஸ ஞாதி…பே॰… வஸேனாதி எத்த² ஞாதிவஸேன, ப⁴யவஸேன, ஆசரியவஸேன, த³க்கி²ணெய்யவஸேனாதி பச்சேகங் யோஜேதப்³ப³ங். தத்த² ஞாதிவஸேனாதி ஞாதிபா⁴வவஸேன. ஏவங் ஸேஸேஸுபி. த³க்கி²ணெய்யபணிபாதேனாதி த³க்கி²ணெய்யதாஹேதுகேன பணிபாதேன. இதரேஹீதி ஞாதிபா⁴வாதி³வஸப்பவத்தேஹி தீஹி பணிபாதேஹி. ‘‘இதரேஹீ’’திஆதி³னா ஸங்கே²பதோ வுத்தமத்த²ங் வித்தா²ரதோ த³ஸ்ஸேதுங் ‘‘தஸ்மா’’திஆதி³ வுத்தங். வந்த³தீதி பணிபாதஸ்ஸ லக்க²ணவசனங். ஏவரூபந்தி தி³ட்ட²த⁴ம்மிகங் ஸந்தா⁴ய வத³தி. ஸம்பராயிகஞ்ஹி நிய்யானிகங் வா அனுஸாஸனிங் பச்சாஸிஸந்தோ த³க்கி²ணெய்யபணிபாதமேவ கரோதீதி அதி⁴ப்பாயோ.
ஸரணக³மனப்பபே⁴தோ³தி
அரியமக்³கோ³ ஏவ லோகுத்தரங் ஸரணக³மனந்தி ‘‘சத்தாரி ஸாமஞ்ஞப²லானி விபாகப²ல’’ந்தி வுத்தங். ஸப்³ப³து³க்க²க்க²யோதி ஸகலஸ்ஸ வட்டது³க்க²ஸ்ஸ அனுப்பாத³னிரோதோ⁴. ஏதந்தி ‘‘சத்தாரி அரியஸச்சானி, ஸம்மப்பஞ்ஞாய பஸ்ஸதீ’’தி ஏவங் வுத்தங் அரியஸச்சஸ்ஸ த³ஸ்ஸனங்.
நிச்சாதி³தோ அனுபக³மனாதி³வஸேனாதி ‘‘நிச்ச’’ந்தி அக்³க³ஹணாதி³வஸேன. அட்டா²னந்தி ஹேதுபடிக்கே²போ. அனவகாஸோதி பச்சயபடிக்கே²போ. உப⁴யேனாபி காரணமேவ படிக்கி²பதி. யந்தி யேன காரணேன. தி³ட்டி²ஸம்பன்னோதி மக்³க³தி³ட்டி²யா ஸமன்னாக³தோ ஸோதாபன்னோ. கஞ்சி ஸங்கா²ரந்தி சதுபூ⁴மகேஸு ஸங்க²தஸங்கா²ரேஸு ஏகஸங்கா²ரம்பி. நிச்சதோ உபக³ச்செ²ய்யாதி ‘‘நிச்சோ’’தி க³ண்ஹெய்ய. ‘‘ஸுக²தோ உபக³ச்செ²ய்யா’’தி. ‘‘ஏகந்தஸுகீ² அத்தா ஹோதி அரோகோ³ பரங் மரணா’’தி (தீ³॰ நி॰ 1.76) ஏவங் அத்ததி³ட்டி²வஸேன ஸுக²தோ கா³ஹங் ஸந்தா⁴யேதங் வுத்தங் கஞ்சி ஸங்கா²ரங் ஸுக²தோ உபக³ச்ச²தி. அத்தவாரே கஸிணாதி³பஞ்ஞத்திஸங்க³ஹத்த²ங் ‘‘ஸங்கா²ர’’ந்தி அவத்வா ‘‘கஞ்சி த⁴ம்ம’’ந்தி வுத்தங். இமேஸுபி வாரேஸு சதுபூ⁴மகவஸேனேவ பரிச்சே²தோ³ வேதி³தப்³போ³, தேபூ⁴மகவஸேனேவ வா. யங் யஞ்ஹி புது²ஜ்ஜனோ கா³ஹவஸேன க³ண்ஹாதி, ததோ ததோ அரியஸாவகோ கா³ஹங் வினிவேடே²தி.
‘‘மாதர’’ந்திஆதீ³ஸு மாதா, ஜனகோ பிதா, மனுஸ்ஸபூ⁴தோ கீ²ணாஸவோ அரஹாதி அதி⁴ப்பேதோ. கிங் பன அரியஸாவகோ அஞ்ஞங் ஜீவிதா வோரோபெய்யாதி? ஏதம்பி அட்டா²னங், புது²ஜ்ஜனபா⁴வஸ்ஸ பன மஹாஸாவஜ்ஜபா⁴வத³ஸ்ஸனத்த²ங், அரியஸாவகஸ்ஸ ச ப²லத³ஸ்ஸனத்த²ங் ஏவங் வுத்தங். து³ட்ட²சித்தோதி வத⁴கசித்தேன பது³ட்ட²சித்தோ. லோஹிதங் உப்பாதெ³ய்யாதி ஜீவமானகஸரீரே கு²த்³த³கமக்கி²காய பிவனமத்தம்பி லோஹிதங் உப்பாதெ³ய்ய. ஸங்க⁴ங் பி⁴ந்தெ³ய்யாதி ஸமானஸங்வாஸகங் ஸமானஸீமாயங் டி²தங் ஸங்க⁴ங். ‘‘கம்மேன, உத்³தே³ஸேன, வோஹரந்தோ, அனுஸ்ஸாவனேன, ஸலாகக்³கா³ஹேனா’’தி (பரி॰ 458) ஏவங் வுத்தேஹி பஞ்சஹி காரணேஹி பி⁴ந்தெ³ய்ய. அஞ்ஞங் ஸத்தா²ரந்தி அஞ்ஞங் தித்த²கரங் ‘‘அயங் மே ஸத்தா²’’தி ஏவங் க³ண்ஹெய்ய, நேதங் டா²னங் விஜ்ஜதீதி அத்தோ². ந தே க³மிஸ்ஸந்தி அபாயபூ⁴மிந்தி தே பு³த்³த⁴ங் ஸரணங் க³தா தங்னிமித்தங் அபாயங் ந க³மிஸ்ஸந்தி, தே³வகாயங் பன பரிபூரெஸ்ஸந்தீதி அத்தோ².
த³ஸஹி டா²னேஹீதி த³ஸஹி காரணேஹி. அதி⁴க³ண்ஹந்தீதி அபி⁴ப⁴வந்தி. வேலாமஸுத்தாதி³வஸேனாபீதி எத்த² கரீஸஸ்ஸ சதுத்த²பா⁴க³ப்பமாணானங் சதுராஸீதிஸஹஸ்ஸஸங்க்²யானங் ஸுவண்ணபாதிரூபியபாதிகங்ஸபாதீனங் வேலாமஸுத்தாதீ³தி ஆதி³ஸத்³தே³ன அக்³க³ப்பஸாத³ஸுத்தாதீ³னங் (அ॰ நி॰ 4.34; இதிவு॰ 90) ஸங்க³ஹோ த³ட்ட²ப்³போ³.
அஞ்ஞாணங் வத்து²த்தயஸ்ஸ கு³ணானங் அஜானநங், தத்த² ஸம்மோஹோ. ‘‘பு³த்³தோ⁴ நு கோ², ந நு கோ²’’திஆதி³னா விசிகிச்சா² ஸங்ஸயோ. மிச்சா²ஞாணங் தஸ்ஸ கு³ணானங் அகு³ணபா⁴வபரிகப்பனேன விபரீதக்³கா³ஹோ. ஆதி³-ஸத்³தே³ன அனாத³ராகா³ரவாதீ³னங் ஸங்க³ஹோ. ந மஹாஜுதிகந்தி ந உஜ்ஜலங், அபரிஸுத்³த⁴ங் அபரியோதா³தந்தி அத்தோ². ந மஹாவிப்பா²ரந்தி அனுளாரங். ஸாவஜ்ஜோதி தண்ஹாதி³ட்டா²தி³வஸேன ஸதோ³ஸோ, லோகியஸரணக³மனங் ஸிக்கா²ஸமாதா³னங் விய அக்³க³ஹிதகாலபரிச்சே²த³ங் ஜீவிதபரியந்தமேவ ஹோதி, தஸ்மா தஸ்ஸ க²ந்த⁴பே⁴தே³ன பே⁴தோ³தி ஆஹ ‘‘அனவஜ்ஜோ காலகிரியாயா’’தி. ஸோதி அனவஜ்ஜோ ஸரணக³மனபே⁴தோ³. ஸதிபி அனவஜ்ஜத்தே இட்ட²ப²லோபி ந ‘‘அப²லோ’’தி. கஸ்மா? அவிபாகத்தா. ந ஹி தங் அகுஸலந்தி.
கோ உபாஸகோதி ஸரூபபுச்சா², கிங்லக்க²ணோ உபாஸகோதி வுத்தங் ஹோதி. கஸ்மாதி ஹேதுபுச்சா², தேன கேன பவத்தினிமித்தேன உபாஸக-ஸத்³தோ³ தஸ்மிங் புக்³க³லே நிரூள்ஹோதி த³ஸ்ஸேதி, தேனாஹ ‘‘கஸ்மா உபாஸகோதி வுச்சதீ’’தி. ஸத்³த³ஸ்ஸ அபி⁴தெ⁴ய்யே பவத்தினிமித்தங் தத³த்த²ஸ்ஸ தப்³பா⁴வகாரணங். கிமஸ்ஸ ஸீலந்தி கீதி³ஸங் அஸ்ஸ உபாஸகஸ்ஸ ஸீலங், கித்தகேன ஸீலேனாயங் ஸீலஸம்பன்னோ நாம ஹோதீதி அத்தோ². கோ ஆஜீவோதி கோ அஸ்ஸ ஸம்மாஆஜீவோ, ஸோ பன மிச்சா²ஜீவஸ்ஸ பரிவஜ்ஜனேன ஹோதீதி ஸோபி விப⁴ஜீயதி. கா விபத்தீதி கா அஸ்ஸ ஸீலஸ்ஸ, ஆஜீவஸ்ஸ ஸம்பத்தீதி எத்தா²பி ஏஸேவ நயோ.
யோ கோசீதி க²த்தியாதீ³ஸு யோ கோசி, தேன ஸரணக³மனங் ஏவங் காரணங், ந ஜாதி ஆதி³விஸேஸோதி த³ஸ்ஸேதி.
உபாஸனதோதி தேனேவ ஸரணக³மனேன, தத்த² ச ஸக்கச்சகிரியாய ஆத³ர கா³ரவப³ஹுமானாதி³யோகே³ன பயிருபாஸனதோ.
வேரமணியோதி ‘‘படிவிரதோ ஹோதீ’’தி.
மிச்சா²வணிஜ்ஜாதி ந ஸம்மாவணிஜ்ஜா அயுத்தவணிஜ்ஜா அஸாருப்பவணிஜ்ஜா. பஹாயாதி அகரணேனேவ பஜஹித்வா. த⁴ம்மேனாதி த⁴ம்மதோ அனபேதேன, தேன அஞ்ஞம்பி அத⁴ம்மிகங் ஜீவிகங் படிக்கி²பதி. ஸமேனாதி அவிஸமேன, தேன காயவிஸங் ஆதி³து³ச்சரிதங் வஜ்ஜெத்வா காயஸமாதி³னா ஸுசரிதேன ஜீவிகங் த³ஸ்ஸேதி. ஸத்த²வணிஜ்ஜாதி ஆவுத⁴ப⁴ண்ட³ங் கத்வா ஸத்தவணிஜ்ஜாதி மனுஸ்ஸவிக்கயோ. மங்ஸவணிஜ்ஜாதி ஸூனகாராத³யோ விய மிக³ஸூகராதி³கே போஸெத்வா மங்ஸங் ஸம்பாதெ³த்வா விக்கயோ. மஜ்ஜவணிஜ்ஜாதி யங் கிஞ்சி மஜ்ஜங் யோஜெத்வா தஸ்ஸ விக்கயோ. விஸவணிஜ்ஜாதி விஸங் யோஜெத்வா வா விஸங் க³ஹெத்வா வா தஸ்ஸ விக்கயோ. தத்த² ஸத்த²வணிஜ்ஜா பரோபரோத⁴னிமித்ததாய அகரணீயா வுத்தா ஸத்தவணிஜ்ஜா அபு⁴ஜிஸ்ஸபா⁴வகரணதோ, மங்ஸவணிஜ்ஜா வத⁴ஹேதுதோ, மஜ்ஜவணிஜ்ஜா பமாத³ட்டா²னதோ.
தஸ்ஸேவாதி பஞ்சவேரமணிலக்க²ணஸ்ஸ ஸீலஸ்ஸ சேவ பஞ்சமிச்சா²வணிஜ்ஜாலக்க²ணஸ்ஸ ஆஜீவஸ்ஸ ச. விபத்தீதி பே⁴தோ³, பகோபோ ச. யாயாதி யாய படிபத்தியா. சண்டா³லோதி உபாஸகசண்டா³லோ. மலந்தி உபாஸகமலங். படிகிட்டோ²தி உபாஸகனிஹீனோ. பு³த்³தா⁴தீ³ஸு கம்மகம்மப²லேஸு ச ஸத்³தா⁴விபரியாயோ அஸ்ஸத்³தி⁴யங் மிச்சா²தி⁴மொக்கோ², யதா²வுத்தேன அஸ்ஸத்³தி⁴யேன ஸமன்னாக³தோ அஸ்ஸத்³தோ⁴. யதா²வுத்தஸீலவிபத்திஆஜீவவிபத்திவஸேன து³ஸ்ஸீலோ. ‘‘இமினா தி³ட்டா²தி³னா இத³ங் நாம மங்க³லங் ஹோதீ’’தி ஏவங் பா³லஜனபரிகப்பிதகோதூஹலஸங்கா²தேன தி³ட்ட²ஸுதமுதமங்க³லேன ஸமன்னாக³தோ கோதூஹலமங்க³லிகோ. மங்க³லங் பச்சேதீதி தி³ட்ட²மங்க³லாதி³பே⁴த³ங் மங்க³லமேவ பத்தியாயதி. நோ கம்மந்தி இதோ ச ப³ஹித்³தா⁴தி இதோ ஸப்³ப³ஞ்ஞுபு³த்³த⁴ஸாஸனதோ ப³ஹித்³தா⁴ பா³ஹிரகஸமயே. த³க்கி²ணெய்யங் பரியேஸதீதி து³ப்படிபன்னங் த³க்கி²ணாரஹஸஞ்ஞீ க³வேஸதி. புப்³ப³காரங் கரோதீதி தா³னமானங் ஆதி³கங் குஸலகிரியங் பட²மதரங் கரோதி. எத்த² ச த³க்கி²ணெய்யபரியேஸனபுப்³ப³காரே ஏகங் கத்வா பஞ்ச த⁴ம்மா வேதி³தப்³பா³.
விபத்தியங் வுத்தவிபரியாயேன ஸம்பத்தி வேதி³தப்³பா³. அயங் பன விஸேஸோ – சதுன்னம்பி பரிஸானங் ரதிஜனநட்டே²ன உபாஸகோவ ரதனங் உபாஸகரதனங். கு³ணஸோபா⁴கித்திஸத்³த³ஸுக³ந்த⁴தாய உபாஸகபது³மங். ததா² உபாஸகபுண்ட³ரீகங்.
ஆதி³ம்ஹீதிஆதி³அத்தே². கோடியந்தி பரியந்தகோடியங். விஹாரக்³கே³னாதி ஓவரககொட்டா²ஸேன, ‘‘இமஸ்மிங் க³ப்³பே⁴ வஸந்தானமித³ங் நாம பனஸப²லங் பாபுணாதீ’’திஆதி³னா தங் தங்வஸனட்டா²னகொட்டா²ஸேனாதி அத்தோ². அஜ்ஜதக்³க³ந்தி வா அஜ்ஜத³க்³க³ந்தி வா அஜ்ஜ இச்சேவ அத்தோ².
‘‘பாணேஹி உபேத’’ந்தி இமினா தஸ்ஸ ஸரணக³மனஸ்ஸ ஆபாணகோடிகதங் த³ஸ்ஸெந்தோ ‘‘யாவ மே ஜீவிதங் பவத்ததீ’’திஆதீ³னி வத்வா புன ஜீவிதேனாபி தங் வத்து²த்தயங் படிபூஜெந்தோ ‘‘ஸரணக³மனங் ரக்கா²மீ’’தி உப்பன்னங் தஸ்ஸ ரஞ்ஞோ அதி⁴ப்பாயங் விபா⁴வெந்தோ ‘‘அஹஞ்ஹீ’’திஆதி³மாஹ. பாணேஹி உபேதந்தி ஹி யாவ மே பாணா த⁴ரந்தி, தாவ ஸரணங் உபேதங், உபெந்தோ ச ந வாசாமத்தேன, ந ஏகவாரங் சித்துப்பாத³மத்தேன, அத² கோ² பாணானங் பரிச்சஜனவஸேன யாவஜீவங் உபேதந்தி ஏவமெத்த² அத்தோ² வேதி³தப்³போ³.
அச்சயனங் ஸாது⁴மரியாத³ங் மத்³தி³த்வா வீதிக்கமனங் அச்சயோதி ஆஹ ‘‘அபராதோ⁴’’தி. அச்சேதி அதிக்கமதி ஏதேனாதி வா அச்சயோ, வீதிக்கமஸ்ஸ பவத்தனகோ அகுஸலத⁴ம்மோ. ஸோ ஏவ அபரஜ்ஜ²தி ஏதேனாதி அபராதோ⁴. ஸோ ஹி அபரஜ்ஜ²ந்தங் புரிஸங் அபி⁴ப⁴வித்வா பவத்ததி, தேனாஹ ‘‘அதிக்கம்ம அபி⁴ப⁴வித்வா பவத்தோ’’தி. சரதீதி ஆசரதி கரோதி. த⁴ம்மேனேவாதி த⁴ம்மதோ அனபேதேன பயோகே³ன. படிக்³க³ண்ஹாதூதி அதி⁴வாஸனவஸேன ஸம்படிச்ச²தூதி அத்தோ²தி ஆஹ ‘‘க²மதூ’’தி.
251. ஸதே³வகேன லோகேன ‘‘ஸரண’’ந்தி அரணீயதோ அரியோ, ததா²க³தோதி ஆஹ ‘‘அரியஸ்ஸ வினயே பு³த்³த⁴ஸ்ஸ ப⁴க³வதோ ஸாஸனே’’தி. புக்³க³லாதி⁴ட்டா²னங் கரொந்தோதி காமங் ‘‘வுத்³தி⁴ ஹேஸா’’தி
253. இமஸ்மிங்யேவ அத்தபா⁴வே நிப்பஜ்ஜனகானங் அத்தனோ குஸலமூலானங் க²ணனேன க²தோ, தேஸங்யேவ உபஹனநேன உபஹதோ. உப⁴யேனாபி தஸ்ஸ கம்மாபராத⁴மேவ வத³தி. பதிட்டா²தி ஸம்மத்தனியாமோக்கமனங் ஏதாயாதி பி⁴ன்னபதிட்டோ², தேனாஹ ‘‘ததா²’’திஆதி³. த⁴ம்மேஸு சக்கு²ந்தி சதுஸச்சத⁴ம்மேஸு தேஸங் த³ஸ்ஸனட்டே²ன சக்கு². அஞ்ஞேஸு டா²னேஸூதி அஞ்ஞேஸு ஸுத்தபதே³ஸு. முச்சிஸ்ஸதீதி ஸட்டி² வஸ்ஸஸஹஸ்ஸானி பச்சித்வா லோஹகும்பீ⁴ நரகதோ முச்சிஸ்ஸதி.
யதி³ அனந்தரே அத்தபா⁴வே நரகே பச்சதி, இமங் பன ஸுத்தங் ஸுத்வா ரஞ்ஞோ கோ ஆனிஸங்ஸோ லத்³தோ⁴தி ஆஹ ‘‘மஹானிஸங்ஸோ’’திஆதி³. ஸோ பன ஆனிஸங்ஸோ நித்³தா³லாப⁴ஸீஸேன வுத்தோ ததா³ காயிகசேதஸிகது³க்கா²பக³மோ, திண்ணங் ரதனானங் மஹாஸக்காரகிரியா, ஸாதிஸயோ போது²ஜ்ஜனிகஸத்³தா⁴படிலாபோ⁴தி ஏவங்பகாரோ தி³ட்ட²த⁴ம்மிகோ, ஸம்பராயிகோ பன அபராபரேஸுபி ப⁴வேஸு அபரிமாணோ யேவாதி வேதி³தப்³போ³.
எத்தா²ஹ – யதி³ ரஞ்ஞோ கம்மந்தராயாபா⁴வே தஸ்மிங்யேவ ஆஸனே த⁴ம்மசக்கு² உப்பஜ்ஜிஸ்ஸதி, கத²ங் அனாக³தே பச்சேகபு³த்³தோ⁴ ஹுத்வா பரினிப்³பா³யிஸ்ஸதி. அத²
ஸாமஞ்ஞப²லஸுத்தவண்ணனாய லீனத்த²ப்பகாஸனா.