7. மஹாஸமயஸுத்தவண்ணனா
நிதா³னவண்ணனா
331. ஏவங் மே ஸுதந்தி மஹாஸமயஸுத்தங். தத்ராயமபுப்³ப³பத³வண்ணனா – ஸக்கேஸூதி அம்ப³ட்ட²ஸுத்தே வுத்தேன உப்பத்தினயேன ‘‘ஸக்யா வத, போ⁴ குமாரா’’தி உதா³னங் படிச்ச ஸக்காதி லத்³த⁴னாமானங் ராஜகுமாரானங் நிவாஸோ ஏகோபி ஜனபதோ³ ருள்ஹீஸத்³தே³ன ‘‘ஸக்கா’’தி வுச்சதி, தஸ்மிங் ஸக்கேஸு ஜனபதே³. மஹாவனேதி ஸயங்ஜாதே அரோபிதே ஹிமவந்தேன ஸத்³தி⁴ங் ஏகாப³த்³தே⁴ மஹதி வனே. ஸப்³பே³ஹேவ அரஹந்தேஹீதி இமங் ஸுத்தங் கதி²ததி³வஸேயேவ பத்தஅரஹத்தேஹி.
தத்ராயங் அனுபுப்³பி³கதா² – ஸாகியகோலியா கிர கபிலவத்து²னக³ரஸ்ஸ ச கோலியனக³ரஸ்ஸ ச அந்தரே ரோஹிணிங் நாம நதி³ங் ஏகேனேவ ஆவரணேன ப³ந்தா⁴பெத்வா ஸஸ்ஸானி கரொந்தி, அத² ஜெட்ட²மூலமாஸே ஸஸ்ஸேஸு மிலாயந்தேஸு உப⁴யனக³ரவாஸிகானம்பி கம்மகரா ஸன்னிபதிங்ஸு. தத்த² கோலியனக³ரவாஸினோ ஆஹங்ஸு – ‘‘இத³ங் உத³கங் உப⁴தோ ஹரியமானங் ந தும்ஹாகங் ந அம்ஹாகங் பஹொஸ்ஸதி, அம்ஹாகங் பன ஸஸ்ஸங் ஏகேன உத³கேனேவ நிப்ப²ஜ்ஜிஸ்ஸதி, இத³ங் உத³கங் அம்ஹாகங் தே³தா²’’தி. கபிலவத்து²னக³ரவாஸினோ ஆஹங்ஸு – ‘‘தும்ஹேஸு கொட்டே² பூரெத்வா டி²தேஸு மயங் ரத்தஸுவண்ணனீலமணிகாளகஹாபணே ச க³ஹெத்வா பச்சி²பஸிப்³ப³காதி³ஹத்தா² ந ஸக்கி²ஸ்ஸாம தும்ஹாகங் க⁴ரத்³வாரே விசரிதுங், அம்ஹாகம்பி ஸஸ்ஸங் ஏகேனேவ உத³கேன நிப்ப²ஜ்ஜிஸ்ஸதி, இத³ங் உத³கங் அம்ஹாகங் தே³தா²’’தி. ‘‘ந
கோலியகம்மகரா வத³ந்தி – ‘‘தும்ஹே கபிலவத்து²வாஸிகே க³ஹெத்வா க³ஜ்ஜத², யே ஸோணஸிங்கா³லாத³யோ விய அத்தனோ ப⁴கி³னீஹி ஸத்³தி⁴ங் ஸங்வஸிங்ஸு. ஏதேஸங் ஹத்தி²னோ ச அஸ்ஸா ச ப²லகாவுதா⁴னி
ப⁴க³வாபி ரத்தியா பச்சூஸஸமயேவ மஹாகருணாஸமாபத்திதோ வுட்டா²ய லோகங் வோலோகெந்தோ இமே ஏவங் யுத்³த⁴ஸஜ்ஜே நிக்க²மந்தே அத்³த³ஸ. தி³ஸ்வா – ‘‘மயி க³தே அயங் கலஹோ வூபஸமிஸ்ஸதி நு கோ² உதா³ஹு நோ’’தி உபதா⁴ரெந்தோ – ‘‘அஹமெத்த² க³ந்த்வா கலஹவூபஸமனத்த²ங் தீணி ஜாதகானி கதெ²ஸ்ஸாமி, ததோ கலஹோ வூபஸமிஸ்ஸதி. அத² ஸாமக்³கி³தீ³பனத்தா²ய த்³வே ஜாதகானி கதெ²த்வா அத்தத³ண்ட³ஸுத்தங் தே³ஸெஸ்ஸாமி. தே³ஸனங் ஸுத்வா உப⁴யனக³ரவாஸினோபி அட்³ட⁴தியானி அட்³ட⁴தியானி குமாரஸதானி த³ஸ்ஸந்தி, அஹங் தே பப்³ப³ஜிஸ்ஸாமி, ததா³ மஹாஸமாக³மோ ப⁴விஸ்ஸதீ’’தி ஸன்னிட்டா²னமகாஸி. தஸ்மா இமேஸு யுத்³த⁴ஸஜ்ஜேஸு நிக்க²மந்தேஸு கஸ்ஸசி அனாரோசெத்வா ஸயமேவ பத்தசீவரமாதா³ய க³ந்த்வா த்³வின்னங் ஸேனானங் அந்தரே ஆகாஸே பல்லங்கங் ஆபு⁴ஜித்வா ச²ப்³ப³ண்ணரஸ்மியோ விஸ்ஸஜ்ஜெத்வா நிஸீதி³.
கபிலவத்து²வாஸினோ ப⁴க³வந்தங் தி³ஸ்வாவ – ‘‘அம்ஹாகங் ஞாதிஸெட்டோ² ஸத்தா² ஆக³தோ, தி³ட்டோ² நு கோ² தேன அம்ஹாகங் கலஹகாரணபா⁴வோ’’தி சிந்தெத்வா – ‘‘ந கோ² பன ஸக்கா ப⁴க³வதி ஆக³தே அம்ஹேஹி பரஸ்ஸ ஸரீரே ஸத்த²ங் பாதேதுங், கோலியனக³ரவாஸினோ அம்ஹே
ப⁴க³வா ஜானந்தோவ – ‘‘கஸ்மா ஆக³தத்த² மஹாராஜா’’தி புச்சி². ப⁴க³வா, ந தித்த²கீளாய ந பப்³ப³தகீளாய ந நதீ³கீளாய ந கி³ரித³ஸ்ஸனத்த²ங், இமஸ்மிங் பன டா²னே ஸங்கா³மங் பச்சுபட்ட²பெத்வா ஆக³தம்ஹாதி. கிங் நிஸ்ஸாய வோ கலஹோ மஹாராஜாதி? உத³கங், ப⁴ந்தேதி. உத³கங் கிங் அக்³க⁴தி மஹாராஜாதி? அப்பக்³க⁴ங், ப⁴ந்தேதி. பத²வீ நாம கிங் அக்³க⁴தி மஹாராஜாதி? அனக்³கா⁴, ப⁴ந்தேதி. க²த்தியா கிங் அக்³க⁴ந்தி மஹாராஜாதி? க²த்தியா நாம அனக்³கா⁴ ப⁴ந்தேதி. அப்பமூலகங் உத³கங் நிஸ்ஸாய கிமத்த²ங் அனக்³கே⁴ க²த்தியே நாஸேத², மஹாராஜாதி? ‘‘கலஹே அஸ்ஸாதோ³ நாம நத்தி², கலஹவஸேன மஹாராஜா அட்டா²னே வேரங் கத்வா ஏகாய ருக்க²தே³வதாய காளஸீஹேன ஸத்³தி⁴ங் ப³த்³தா⁴கா⁴தோ ப²ந்த³னஜாதகங் கதே²ஸி. ததோ ‘‘பரபத்தியேன நாம மஹாராஜா ந ப⁴விதப்³ப³ங். பரபத்தியா ஹுத்வா ஹி ஏகஸ்ஸ ஸஸகஸ்ஸ கதா²ய தியோஜனஸஹஸ்ஸவித்த²தே ஹிமவந்தே சதுப்பத³க³ணா மஹாஸமுத்³த³ங் பக்க²ந்தி³னோ அஹேஸுங். தஸ்மா பரபத்தியேன ந ப⁴விதப்³ப³’’ந்தி வத்வா பத²வீஉந்த்³ரியஜாதகங் கதே²ஸி. ததோ – ‘‘கதா³சி, மஹாராஜா, து³ப்³ப³லோபி மஹப்³ப³லஸ்ஸ ரந்த⁴ங் விவரங் பஸ்ஸதி, கதா³சி மஹப்³ப³லோ து³ப்³ப³லஸ்ஸ. லடுகிகாபி ஹி ஸகுணிகா ஹத்தி²னாக³ங் கா⁴தேஸீ’’தி வத்வா லடுகிகஜாதகங் கதே²ஸி. ஏவங் கலஹவூபஸமத்தா²ய தீணி ஜாதகானி கதெ²த்வா ஸாமக்³கி³பரிதீ³பனத்தா²ய த்³வே ஜாதகானி கதே²ஸி. கத²ங்? ஸமக்³கா³னஞ்ஹி மஹாராஜா கோசி ஓதாரங் நாம பஸ்ஸிதுங் ந ஸக்கோதீதி வத்வா ருக்க²த⁴ம்மஜாதகங் கதே²ஸி. ததோ ‘‘ஸமக்³கா³னங் மஹாராஜா கோசி விவரங் பஸ்ஸிதுங் நாஸக்கி². யதா³ பன அஞ்ஞமஞ்ஞங் விவாத³மகங்ஸு, அத² தே நேஸாத³புத்தோ ஜீவிதா வோரோபெத்வா ஆதா³ய க³தோ. விவாதே³ அஸ்ஸாதோ³ நாம நத்தீ²’’தி வத்வா வட்டகஜாதகங் கதே²ஸி. ஏவங் இமானி பஞ்ச ஜாதகானி கதெ²த்வா அவஸானே அத்தத³ண்ட³ஸுத்தங் கதே²ஸி.
ராஜானோ
ப⁴க³வா ஆவஜ்ஜந்தோ தேஸங் அனபி⁴ரதபா⁴வங் ஞத்வா ‘‘இமே பி⁴க்கூ² மாதி³ஸேன பு³த்³தே⁴ன ஸத்³தி⁴ங் ஏகதோ வஸந்தா உக்கண்ட²ந்தி, ஹந்த³ நேஸங் குணாலத³ஹஸ்ஸ வண்ணங் கதெ²த்வா தத்த² நெத்வா அனபி⁴ரதிங் வினோதெ³ஸ்ஸாமீ’’தி
தே புச்சி²ங்ஸு, ப⁴க³வா புச்சி²தபுச்சி²தங் கதே²ஸி. ந கேவலங் மச்சா²னங்யேவ, தஸ்மிங் வனஸண்டே³ ருக்கா²னம்பி பப்³ப³தபாதே³ த்³விபத³சதுப்பத³ஸகுணானம்பி நாமானி புச்சா²பெத்வா கதே²ஸி. அத² த்³வீஹி ஸகுணேஹி முக²துண்ட³கேன ட³ங்ஸித்வா க³ஹிதத³ண்ட³கே நிஸின்னோ குணாலஸகுணராஜா புரதோ பச்ச²தோ உபோ⁴ஸு பஸ்ஸேஸு ஸகுணஸங்க⁴பரிவுதோ ஆக³ச்ச²தி. பி⁴க்கூ² தங் தி³ஸ்வா – ‘‘ஏஸ, ப⁴ந்தே, இமேஸங் ஸகுணானங் ராஜா ப⁴விஸ்ஸதி, பரிவாரா ஏதே ஏதஸ்ஸா’’தி குணாலஜாதகங் கதெ²ந்தோ அனபி⁴ரதிங் வினோதே³ஸி. தே³ஸனாபரியோஸானே ஸப்³பே³பி ஸோதாபத்திப²லே பதிட்ட²ஹிங்ஸு, மக்³கே³னேவ ச நேஸங் இத்³தி⁴பி ஆக³தா. ப⁴க³வா – ‘‘ஹோது தாவ எத்தகங் ஏதேஸங் பி⁴க்கூ²ன’’ந்தி ஆகாஸே உப்பதித்வா மஹாவனமேவ அக³மாஸி. தேபி பி⁴க்கூ² க³மனகாலே த³ஸப³லஸ்ஸ ஆனுபா⁴வேன க³ந்த்வா ஆக³மனகாலே அத்தனோ ஆனுபா⁴வேன ப⁴க³வந்தங் பரிவாரெத்வா மஹாவனே ஓதரிங்ஸு.
ப⁴க³வா பஞ்ஞத்தாஸனே நிஸீதி³த்வா தே பி⁴க்கூ² ஆமந்தெத்வா – ‘‘ஏத², பி⁴க்க²வே, நிஸீத³த², உபரிமக்³க³த்தயவஜ்ஜா²னங் வோ கிலேஸானங் பஹானாய கம்மட்டா²னங் கதெ²ஸ்ஸாமீ’’தி கம்மட்டா²னங் கதே²ஸி. பி⁴க்கூ² சிந்தேஸுங் – ‘‘ப⁴க³வா அம்ஹாகங் அனபி⁴ரதபா⁴வங் ஞத்வா குணாலத³ஹங் நெத்வா அனபி⁴ரதிங் வினோதே³ஸி, தத்த² ஸோதாபத்திப²லப்பத்தானங் நோ இதா³னி இத⁴ திண்ணங் மக்³கா³னங் கம்மட்டா²னங் அதா³ஸி, ந கோ² பனம்ஹேஹி ‘ஸோதாபன்னா மய’ந்தி வீதினாமேதுங் வட்டதி, உத்தமபுரிஸஸதி³ஸேஹி நோ ப⁴விதுங் வட்டதீ’’தி தே த³ஸப³லஸ்ஸ பாதே³ வந்தி³த்வா உட்டா²ய நிஸீத³னங் பப்போ²டெத்வா விஸுங் விஸுங் பப்³பா⁴ரருக்க²மூலேஸு நிஸீதி³ங்ஸு.
ப⁴க³வா
ஸப்³ப³பட²மங்
ஏவங் ஓஸீத³மத்தே பன தஸ்மிங் அரியமண்ட³லே பாசீனயுக³ந்த⁴ரபரிக்கே²பதோ அப்³பா⁴, மஹிகா, தூ⁴மோ, ரஜோ, ராஹூதி இமேஹி உபக்கிலேஸேஹி விப்பமுத்தங் பு³த்³து⁴ப்பாத³படிமண்டி³தஸ்ஸ லோகஸ்ஸ ராமணெய்யகத³ஸ்ஸனத்த²ங் பாசீனதி³ஸாய உக்கி²த்தரஜதமயமஹாஆதா³ஸமண்ட³லங் விய, நேமிவட்டியங் க³ஹெத்வா பரிவத்தியமானரஜதசக்கஸஸ்ஸிரிகங் புண்ணசந்த³மண்ட³லங் உல்லங்கி⁴த்வா அனிலபத²ங் படிபஜ்ஜித்த². இதி ஏவரூபே க²ணே லயே முஹுத்தே ப⁴க³வா ஸக்கேஸு விஹரதி கபிலவத்து²ஸ்மிங் மஹாவனே மஹதா பி⁴க்கு²ஸங்கே⁴ன ஸத்³தி⁴ங் பஞ்சமத்தேஹி பி⁴க்கு²ஸதேஹி ஸப்³பே³ஹேவ அரஹந்தேஹி.
தத்த² ப⁴க³வாபி மஹாஸம்மதஸ்ஸ வங்ஸே உப்பன்னோ, தேபி பஞ்சஸதா பி⁴க்கூ² மஹாஸம்மதஸ்ஸ குலே உப்பன்னா. ப⁴க³வாபி க²த்தியக³ப்³பே⁴ ஜாதோ, தேபி க²த்தியக³ப்³பே⁴
யேபு⁴ய்யேனாதி
ஏவங் ஸன்னிபதிதாஹி தே³வதாஹி ஸகலசக்கவாளக³ப்³ப⁴ங் யாவ ப்³ரஹ்மலோகா ஸூசிக⁴ரே நிரந்தரங் பக்கி²த்தஸூசீஹி விய பரிபுண்ணங் ஹோதி. தத்ர ப்³ரஹ்மலோகஸ்ஸ ஏவங் உச்சத்தனங் வேதி³தப்³ப³ங். லோஹபாஸாதே³ கிர ஸத்தகூடாகா³ரஸமோ பாஸாணோ ப்³ரஹ்மலோகே ட²த்வா அதோ⁴ கி²த்தோ சதூஹி
ஸுத்³தா⁴வாஸகாயிகானந்தி ஸுத்³தா⁴வாஸவாஸீனங். ஸுத்³தா⁴வாஸா நாம ஸுத்³தா⁴னங் அனாகா³மிகீ²ணாஸவானங் ஆவாஸா பஞ்ச ப்³ரஹ்மலோகா. ஏதத³ஹோஸீதி கஸ்மா அஹோஸி? தே கிர ப்³ரஹ்மானோ ஸமாபத்திங் ஸமாபஜ்ஜித்வா யதா²பரிச்சே²தே³ன வுட்டி²தா ப்³ரஹ்மப⁴வனங் ஓலோகெந்தா பச்சா²ப⁴த்தே ப⁴த்தகே³ஹங் விய ஸுஞ்ஞதங் அத்³த³ஸங்ஸு. ததோ ‘‘குஹிங் ப்³ரஹ்மானோ க³தா’’தி ஆவஜ்ஜந்தா மஹாஸமாக³மங் ஞத்வா – ‘‘அயங் ஸமாக³மோ மஹா, மயங் ஓஹீனா, ஓஹீனகானங் ஓகாஸோ து³ல்லபோ⁴ ஹோதி, தஸ்மா
332. ப⁴க³வதோ புரதோ பாதுரஹேஸுந்தி பாளியங் ப⁴க³வதோ ஸந்திகே அபி⁴முக²ட்டா²னேயேவ ஓதிண்ணா விய கத்வா வுத்தா, ந கோ² பனெத்த² ஏவங் அத்தோ² வேதி³தப்³போ³. தே பன ப்³ரஹ்மலோகே டி²தாயேவ கா³தா² அபி⁴ஸங்க²ரித்வா ஏகோ புரத்தி²மசக்கவாளமுக²வட்டியங் ஓதரி, ஏகோ த³க்கி²ணசக்கவாளமுக²வட்டியங், ஏகோ பச்சி²மசக்கவாளமுக²வட்டியங், ஏகோ உத்தரசக்கவாளமுக²வட்டியங் ஓதரி. ததோ புரத்தி²மசக்கவாளமுக²வட்டியங் ஓதிண்ணப்³ரஹ்மா நீலகஸிணங் ஸமாபஜ்ஜித்வா நீலரஸ்மியோ விஸ்ஸஜ்ஜித்வா த³ஸஸஹஸ்ஸசக்கவாளதே³வதானங் மணிசம்மங் படிமுஞ்சந்தோ விய அத்தனோ ஆக³தபா⁴வங் ஜானாபெத்வா பு³த்³த⁴வீதி²
த³க்கி²ணசக்கவாளமுக²வட்டியங் ஓதிண்ணப்³ரஹ்மாபி பீதகஸிணங் ஸமாபஜ்ஜித்வா பீதரஸ்மியோ ஸுவண்ணபப⁴ங் முஞ்சித்வா த³ஸஸஹஸ்ஸசக்கவாளதே³வதானங் ஸுவண்ணபடங் பாருபெந்தோ விய அத்தனோ ஆக³தபா⁴வங் ஜானாபெத்வா ததே²வ அட்டா²ஸி. பச்சி²மசக்கவாளமுக²வட்டியங்
பாளியங் பன ‘‘ப⁴க³வதோ புரதோ பாதுரஹேஸுங். அத² கோ² தா தே³வதா ப⁴க³வந்தங் அபி⁴வாதெ³த்வா ஏகமந்தங் அட்ட²ங்ஸூ’’தி ஏவங் ஏகக்க²ணங் விய புரதோ பாதுபா⁴வோ ச அபி⁴வாதெ³த்வா ஏகமந்தங் டி²தபா⁴வோ ச வுத்தோ, ஸோ இமினா அனுக்கமேன அஹோஸி, ஏகதோ கத்வா பன த³ஸ்ஸிதோ. கா³தா²பா⁴ஸனங் பன பாளியங் விஸுங் விஸுங்யேவ வுத்தங்.
தத்த² மஹாஸமயோதி மஹாஸமூஹோ. பவனங் வுச்சதி வனஸண்டோ³. உப⁴யேனபி ப⁴க³வா இமஸ்மிங் வனஸண்டே³ அஜ்ஜ மஹாஸமூஹோ மஹாஸன்னிபாதோதி ஆஹ. ததோ யேஸங் ஸோ ஸன்னிபாதோ, தே த³ஸ்ஸேதுங் தே³வகாயா ஸமாக³தாதி ஆஹ. தத்த² தே³வகாயாதி தே³வக⁴டா. ஆக³தம்ஹ இமங் த⁴ம்மஸமயந்தி ஏவங் ஸமாக³தே தே³வகாயே தி³ஸ்வா மயம்பி இமங் த⁴ம்மஸமூஹங் ஆக³தா. கிங் காரணா? த³க்கி²தாயே அபராஜிதஸங்க⁴ங், கேனசி அபராஜிதங் அஜ்ஜேவ தயோ மாரே மத்³தி³த்வா விஜிதஸங்கா³மங் இமங் அபராஜிதஸங்க⁴ங் த³ஸ்ஸனத்தா²ய ஆக³தம்ஹாதி அத்தோ². ஸோ பன ப்³ரஹ்மா இமங் கா³த²ங் பா⁴ஸித்வா ப⁴க³வந்தங் அபி⁴வாதெ³த்வா புரத்தி²மசக்கவாளமுக²வட்டியங்யேவ அட்டா²ஸி.
அத² து³தியோ வுத்தனயேனேவ ஆக³ந்த்வா அபா⁴ஸி. தத்த² தத்ர பி⁴க்க²வோதி தஸ்மிங் ஸன்னிபாதட்டா²னே பி⁴க்கூ². ஸமாத³ஹங்ஸூதி ஸமாதி⁴னா யோஜேஸுங். சித்தமத்தனோ உஜுகங் அகங்ஸூதி அத்தனோ சித்தங் ஸப்³பே³ வங்ககுடிலஜிம்ஹபா⁴வே ஹரித்வா உஜுகங் அகரிங்ஸு. ஸாரதீ²வ நெத்தானி க³ஹெத்வாதி
அத² செ²த்வா கீ²லந்தி ராக³தோ³ஸமோஹகீ²லங் சி²ந்தி³த்வா. பலிக⁴ந்தி ராக³தோ³ஸமோஹபலிக⁴மேவ. இந்த³கீ²லந்திபி ராக³தோ³ஸமோஹஇந்த³கீ²லமேவ. ஊஹச்ச மனேஜாதி ஏதே தண்ஹாஏஜாய அபா⁴வேன அனேஜா பி⁴க்கூ² இந்த³கீ²லங் ஊஹச்ச ஸமூஹனித்வா. தே சரந்தீதி சதூஸு தி³ஸாஸு அப்படிஹதசாரிகங் சரந்தி. ஸுத்³தா⁴தி நிருபக்கிலேஸா. விமலாதி நிம்மலா. இத³ங் தஸ்ஸேவ வேவசனங். சக்கு²மதாதி பஞ்சஹி சக்கூ²ஹி சக்கு²மந்தேன. ஸுத³ந்தாதி சக்கு²தோபி த³ந்தா, ஸோததோபி கா⁴னதோபி ஜிவ்ஹாதோபி காயதோபி மனதோபி த³ந்தா. ஸுஸுனாகா³தி தருணனாகா³. தே ஏவரூபேன அனுத்தரேன யோகா³சரியேன த³மிதே தருணனாகே³ த³ஸ்ஸனாய ஆக³தம்ஹ ப⁴க³வாதி. ஸோபி க³ந்த்வா யதா²டா²னேயேவ அட்டா²ஸி.
அத² சதுத்தோ² வுத்தனயேனேவ ஆக³ந்த்வா அபா⁴ஸி. தத்த² க³தாஸேதி நிப்³பே³மதிகஸரணக³மனேன க³தா. ஸோபி க³ந்த்வா யதா²டா²னேயேவ அட்டா²ஸி.
தே³வதாஸன்னிபாதவண்ணனா
333. அத² ப⁴க³வா ஓலோகெந்தோ பத²வீதலதோ யாவ சக்கவாளமுக²வட்டிபரிச்சே²தா³ யாவ அகனிட்ட²ப்³ரஹ்மலோகா தே³வதாஸன்னிபாதங் தி³ஸ்வா சிந்தேஸி – ‘‘மஹா அயங் தே³வதாஸமாக³மோ, பி⁴க்கூ² பன ஏவங் மஹா தே³வதாய ஸமாக³மோதி ந ஜானந்தி, ஹந்த³, நேஸங் ஆசிக்கா²மீ’’தி, ஏவங் சிந்தெத்வா ஏதபரமாதி ஏதங் பரமங் பமாணங் ஏதேஸந்தி ஏதபரமா. இதா³னி பு³த்³தா⁴னங் பன அபா⁴வா ‘‘யேபி தே, பி⁴க்க²வே, ஏதரஹீ’’தி ததியோ வாரோ ந வுத்தோ. ஆசிக்கி²ஸ்ஸாமி, பி⁴க்க²வேதி கஸ்மா ஆஹ? தே³வதானங் சித்தகல்லதாஜனநத்த²ங். தே³வதா கிர சிந்தேஸுங் – ‘‘ப⁴க³வா ஏவங் மஹந்தே ஸமாக³மே மஹேஸக்கா²னங்யேவ தே³வதானங் நாமகொ³த்தானி கதெ²ஸ்ஸதி, அப்பேஸக்கா²னங் கிங் கதெ²ஸ்ஸதீ’’தி? அத²
பு³த்³தா⁴ நாம மஹந்தா ஏதே ஸத்தவிஸேஸா, யங் ஸதே³வகஸ்ஸ
‘‘யங் பி⁴க்க²வே ஸதே³வகஸ்ஸ லோகஸ்ஸ…பே॰… ஸதே³வமனுஸ்ஸாய தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங் அனுவிசரிதங் மனஸா, தமஹங் ஜானாமி, தமஹங் பஸ்ஸாமி, தமஹங் அப்³ப⁴ஞ்ஞாஸி’’ந்தி (அ॰ நி॰ 4.24).
ஏவங் ஸப்³ப³த்த² அப்படிஹதஞாணோ ப⁴க³வா ஸப்³பா³பி தா தே³வதா ப⁴ப்³பா³ப⁴ப்³ப³வஸேன த்³வே கொட்டா²ஸே அகாஸி. ‘‘கம்மாவரணேன வா ஸமன்னாக³தா’’திஆதி³னா நயேன வுத்தா ஸத்தா அப⁴ப்³பா³ நாம. தே ஏகவிஹாரே வஸந்தேபி பு³த்³தா⁴ ந ஓலோகெந்தி. விபரீதா பன ப⁴ப்³பா³ நாம, தே தூ³ரே வஸந்தேபி க³ந்த்வா ஸங்க³ண்ஹந்தி. தஸ்மா தஸ்மிம்பி தே³வதாஸன்னிபாதே யே அப⁴ப்³பா³, தே பஹாய ப⁴ப்³பே³ பரிக்³க³ஹேஸி. பரிக்³க³ஹெத்வா – ‘‘எத்தகா எத்த² ராக³சரிதா, எத்தகா தோ³ஸசரிதா, எத்தகா மோஹசரிதா’’தி சரிதவஸேன ச² கொட்டா²ஸே அகாஸி. அத² நேஸங் ஸப்பாயங் த⁴ம்மதே³ஸனங் உபதா⁴ரயந்தோ – ‘‘ராக³சரிதானங் தே³வதானங் ஸம்மாபரிப்³பா³ஜனியஸுத்தங் கதெ²ஸ்ஸாமி, தோ³ஸசரிதானங் கலஹவிவாத³ஸுத்தங், மோஹசரிதானங் மஹாப்³யூஹஸுத்தங், விதக்கசரிதானங் சூளப்³யூஹஸுத்தங், ஸத்³தா⁴சரிதானங் துவட்டகபடிபத³ங், பு³த்³தி⁴சரிதானங் புராபே⁴த³ஸுத்தங் கதெ²ஸ்ஸாமீ’’தி தே³ஸனங் வவத்த²பெத்வா புன தங் பரிஸங் மனஸாகாஸி – ‘‘அத்தஜ்ஜா²ஸயேன நு கோ² ஜானெய்ய, பரஜ்ஜா²ஸயேன அத்து²ப்பத்திகேன புச்சா²வஸேனா’’தி. ததோ ‘‘புச்சா²வஸேன ஜானெய்யா’’தி ஞத்வா ‘‘அத்தி² நு கோ² கோசி தே³வதானங் அஜ்ஜா²ஸயங் க³ஹெத்வா சரிதவஸேன பஞ்ஹங் புச்சி²துங் ஸமத்தோ²’’தி ‘‘தேஸு பஞ்சஸதேஸு பி⁴க்கூ²ஸு ஏகோபி
அத²ஸ்ஸ
தே³வஸங்கோ⁴ தங் தி³ஸ்வா – ‘‘அஞ்ஞோபி நு கோ², போ⁴, சந்தோ³ உக்³க³தோ’’தி ஆஹ. அத² சந்த³ங் ஓஹாய ஆஸன்னதரே ஜாதே ‘‘ந சந்தோ³, ஸூரியோ உக்³க³தோ’’தி, புன ஆஸன்னதரே ஜாதே ‘‘ந ஸூரியோ, தே³வவிமானங் ஏக’’ந்தி, புன ஆஸன்னதரே ஜாதே ‘‘ந தே³வவிமானங், தே³வபுத்தோ ஏகோ’’தி, புன ஆஸன்னதரே ஜாதே ‘‘ந தே³வபுத்தோ, மஹாப்³ரஹ்மா ஏகோ’’தி, புன ஆஸன்னதரே ஜாதே ‘‘ந மஹாப்³ரஹ்மா, அபரோபி போ⁴ பு³த்³தோ⁴ ஆக³தோ’’தி ஆஹ. தத்த² புது²ஜ்ஜனதே³வதா சிந்தயிங்ஸு – ‘‘ஏகபு³த்³த⁴ஸ்ஸ தாவ அயங் தே³வதாஸன்னிபாதோ, த்³வின்னங் கீவ மஹந்தோ ப⁴விஸ்ஸதீ’’தி. அரியதே³வதா சிந்தயிங்ஸு – ‘‘ஏகிஸ்ஸா லோகதா⁴துயா த்³வே பு³த்³தா⁴ நாம நத்தி², அத்³தா⁴ ப⁴க³வதா அத்தனா ஸதி³ஸோ அஞ்ஞோ ஏகோ பு³த்³தோ⁴ நிம்மிதோ’’தி.
அத² தஸ்ஸ தே³வஸங்க⁴ஸ்ஸ பஸ்ஸந்தஸ்ஸேவ நிம்மிதபு³த்³தோ⁴ ஆக³ந்த்வா த³ஸப³லங் அவந்தி³த்வாவ ஸம்முக²ட்டா²னே ஸமஸமங் கத்வா மாபிதே ஆஸனே நிஸீதி³. ப⁴க³வதோபி த்³வத்திங்ஸ மஹாபுரிஸலக்க²ணானி, நிம்மிதஸ்ஸாபி த்³வத்திங்ஸாவ, ப⁴க³வதோபி
‘‘புச்சா²மி முனிங் பஹூதபஞ்ஞங்,
திண்ணங் பாரங்க³தங் பரினிப்³பு³தங் டி²தத்தங்;
நிக்க²ம்ம க⁴ரா பனுஜ்ஜ காமே,
கத²ங் பி⁴க்கு² ஸம்மா ஸோ லோகே பரிப்³ப³ஜெய்யா’’தி. (ஸு॰ நி॰ 361) –
கா³த²ங் அபா⁴ஸி. ஸத்தா² தே³வதானங் தாவ சித்தகல்லதாஜனநத்த²ங் ஆக³தாக³தானங் நாமகொ³த்தானி கதெ²ஸ்ஸாமீதி சிந்தெத்வா ஆசிக்கி²ஸ்ஸாமி, பி⁴க்க²வேதிஆதி³மாஹ.
334. தத்த² ஸிலோகமனுகஸ்ஸாமீதி அக்க²ரபத³னியமிதங் வசனஸங்கா⁴தங் பவத்தயிஸ்ஸாமி. யத்த² பு⁴ம்மா தத³ஸ்ஸிதாதி யேஸு யேஸு டா²னேஸு பு⁴ம்மா தே³வதா தங் தங் நிஸ்ஸிதா. யே ஸிதா கி³ரிக³ப்³ப⁴ரந்திஆதீ³ஹி தேஸங் பி⁴க்கூ²னங் வண்ணங் கதே²ஸி, யே பி⁴க்கூ² கி³ரிகுச்சி²ங் நிஸ்ஸிதாதி அத்தோ². பஹிதத்தாதி பேஸிதசித்தா. ஸமாஹிதாதி அவிக்கி²த்தா.
புதூ²தி ப³ஹுஜனா. ஸீஹாவ ஸல்லீனாதி ஸீஹா விய நிலீனா ஏகத்தங் உபக³தா. லோமஹங்ஸாபி⁴ஸம்பு⁴னோதி லோமஹங்ஸங் அபி⁴ப⁴வித்வா டி²தா, நிப்³ப⁴யாதி வுத்தங் ஹோதி. ஓதா³தமனஸா ஸுத்³தா⁴தி ஓதா³தசித்தா ஹுத்வா ஸுத்³தா⁴. விப்பஸன்னாமனாவிலாதி விப்பஸன்னஅனாவிலா.
பி⁴ய்யோபஞ்சஸதே ஞத்வாதி ஸம்மாஸம்பு³த்³தே⁴ன ஸத்³தி⁴ங் அதிரேகபஞ்சஸதே பி⁴க்கூ² ஜானித்வா. வனே காபிலவத்த²வேதி கபிலவத்து²ஸமீபம்ஹி ஜாதே வனஸண்டே³. ததோ ஆமந்தயீ ஸத்தா²தி ததா³ ஆமந்தயி. ஸாவகே ஸாஸனே ரதேதி அத்தனோ த⁴ம்மதே³ஸனாய ஸவனந்தே ஜாதத்தா ஸாவகே
தே³வகாயா அபி⁴க்கந்தா, தே விஜானாத² பி⁴க்க²வோதி தே தி³ப்³ப³சக்கு²னா விஜானாதா²தி நேஸங் பி⁴க்கூ²னங் தி³ப்³ப³சக்கு²ஞாணாபி⁴னீஹாரத்தா²ய கதே²ஸி. தே ச ஆதப்பமகருங், ஸுத்வா பு³த்³த⁴ஸ்ஸ ஸாஸனந்தி தே ச பி⁴க்கூ² தங் பு³த்³த⁴ஸாஸனங் ஸுத்வா தாவதே³வ தத³த்தா²ய வீரியங் கரிங்ஸு.
ஏவங் கதமத்தாதப்பானங்யேவ தேஸங் பாதுரஹு ஞாணங். கீதி³ஸங்? அமனுஸ்ஸானங் த³ஸ்ஸனங் தி³ப்³ப³சக்கு²ஞாணங் உப்பஜ்ஜி. ந தங் தேஹி தஸ்மிங் க²ணே பரிகம்மங் கத்வா உப்பாதி³தங். அரியமக்³கே³னேவ ஹி தங் நிப்ப²ன்னங். அமனுஸ்ஸத³ஸ்ஸனத்த²ங் பனஸ்ஸ அபி⁴னீஹாரமத்தமேவ கதங். ஸத்தா²பி – ‘‘அத்தி² தும்ஹாகங் ஞாணங், தங் நீஹரித்வா தேன ஹி தே விஜானாதா²’’தி இத³மேவ ஸந்தா⁴ய ‘‘தே விஜானாத², பி⁴க்க²வோ’’தி ஆஹ.
அப்பேகே ஸதமத்³த³க்கு²ந்தி தேஸு பி⁴க்கூ²ஸு ஏகச்சே பி⁴க்கூ² அமனுஸ்ஸானங் ஸதங் அத்³த³ஸங்ஸு. ஸஹஸ்ஸங் அத² ஸத்தரிந்தி ஏகே ஸஹஸ்ஸங். ஏகே ஸத்ததி ஸஹஸ்ஸானி.
ஸதங் ஏகே ஸஹஸ்ஸானந்தி ஏகே ஸதஸஹஸ்ஸங் அத்³த³ஸங்ஸு. அப்பேகேனந்தமத்³த³க்கு²ந்தி விபுலங் அத்³த³ஸங்ஸு, ஸதவஸேன ஸஹஸ்ஸவஸேன ச அபரிச்சி²ன்னேபி அத்³த³ஸங்ஸூதி அத்தோ². கஸ்மா? யஸ்மா தி³ஸா ஸப்³பா³ பு²டா அஹுங், ப⁴ரிதா ஸம்புண்ணாவ அஹேஸுங்.
தஞ்ச ஸப்³ப³ங் அபி⁴ஞ்ஞாயாதி யங் தேஸு ஏகேனேகேன தி³ட்ட²ங், தஞ்ச ஸப்³ப³ங் ஜானித்வா. வவத்தி²த்வான சக்கு²மாதி ஹத்த²தலே லேக²ங் விய பச்சக்க²தோ வவத்த²பெத்வா பஞ்சஹி சக்கூ²ஹி சக்கு²மா ஸத்தா². ததோ ஆமந்தயீதி புப்³பே³ வுத்தகா³த²மேவ நாமகொ³த்தகித்தனத்தா²ய ஆஹ. தும்ஹே ஏதே விஜானாத², பஸ்ஸத², ஓலோகேத², யே வோஹங் கித்தயிஸ்ஸாமீதி அயமெத்த² ஸம்ப³ந்தோ⁴. கி³ராஹீதி வசனேஹி. அனுபுப்³ப³ஸோதி அனுபடிபாடியா.
335. ஸத்தஸஹஸ்ஸா தே யக்கா², பு⁴ம்மா காபிலவத்த²வாதி ஸத்தஸஹஸ்ஸா தாவெத்த² கபிலவத்து²ங் நிஸ்ஸாய நிப்³ப³த்தா பு⁴ம்மா யக்கா²யேவாதி வத³தி இத்³தி⁴மந்தோதி ஜுதிமந்தோதி ஆனுபா⁴வஸம்பன்னா. வண்ணவந்தோதி ஸரீரவண்ணஸம்பன்னா. யஸஸ்ஸினோதி பரிவாரஸம்பன்னா. மோத³மானா அபி⁴க்காமுந்தி துட்ட²சித்தா ஆக³தா. பி⁴க்கூ²னங் ஸமிதிங் வனந்தி இமங் மஹாவனங் பி⁴க்கூ²னங் ஸந்திகங் பி⁴க்கூ²னங் ஸமிதிந்தி ஸமூஹங், பி⁴க்கு²ஸமூஹங் த³ஸ்ஸனாய ஆக³தாதிபி அத்தோ².
ச²ஸஹஸ்ஸா ஹேமவதா, யக்கா² நானத்தவண்ணினோதி ச²ஸஹஸ்ஸா ஹேமவதபப்³ப³தே நிப்³ப³த்தயக்கா², தே ச ஸப்³பே³பி நீலாதி³வண்ணவஸேன நானத்தவண்ணா.
ஸாதாகி³ரா திஸஹஸ்ஸாதி ஸாதாகி³ரிபப்³ப³தே நிப்³ப³த்தயக்கா² திஸஹஸ்ஸா.
இச்சேதே ஸோளஸஸஹஸ்ஸாதி ஏதே ஸப்³பே³பி ஸோளஸஸஹஸ்ஸா ஹொந்தி.
வெஸ்ஸாமித்தா பஞ்சஸதாதி வெஸ்ஸாமித்தபப்³ப³தே நிப்³ப³த்தா பஞ்சஸதா.
கும்பீ⁴ரோ ராஜக³ஹிகோதி ராஜக³ஹனக³ரே நிப்³ப³த்தோ கும்பீ⁴ரோ நாம யக்கோ². வேபுல்லஸ்ஸ நிவேஸனந்தி தஸ்ஸ வேபுல்லபப்³ப³தோ நிவேஸனங் நிவாஸனட்டா²னந்தி அத்தோ². பி⁴ய்யோ நங் ஸதஸஹஸ்ஸங், யக்கா²னங் பயிருபாஸதீதி தங் அதிரேகங் யக்கா²னங் ஸதஸஹஸ்ஸங் பயிருபாஸதி. கும்பீ⁴ரோ ராஜக³ஹிகோ, ஸோபாகா³ ஸமிதிங் வனந்தி ஸோபி கும்பீ⁴ரோ ஸபரிவாரோ இமங் வனங் பி⁴க்கு²ஸமிதிங் த³ஸ்ஸனத்தா²ய ஆக³தோ.
336. புரிமஞ்ச தி³ஸங் ராஜா, த⁴தரட்டோ² பஸாஸதீதி பாசீனதி³ஸங் அனுஸாஸதி. க³ந்த⁴ப்³பா³னங் அதி⁴பதீதி சதூஸுபி தி³ஸாஸு க³ந்த⁴ப்³பா³னங் ஜெட்ட²கோ. ஸப்³பே³ தே தஸ்ஸ வஸே வத்தந்தி. மஹாராஜா யஸஸ்ஸிஸோதி மஹாபரிவாரோ ஏஸோ மஹாராஜா.
புத்தாபி தஸ்ஸ ப³ஹவோ, இந்த³னாமா மஹப்³ப³லாதி தஸ்ஸ த⁴தரட்ட²ஸ்ஸ ப³ஹவோ மஹப்³ப³லா புத்தா, தே ஸப்³பே³ ஸக்கஸ்ஸ தே³வரஞ்ஞோ நாமதா⁴ரகா.
விரூள்ஹோ தங் பஸாஸதீதி தங் தி³ஸங் விரூள்ஹோ அனுஸாஸதி.
புத்தாபி தஸ்ஸாதி தஸ்ஸாபி தாதி³ஸாயேவ புத்தா. பாளியங் பன ‘‘மஹப்³ப³லா’’தி லிக²ந்தி. அட்ட²கதா²யங் ஸப்³ப³வாரேஸு ‘‘மஹாப³லா’’தி பாடோ².
‘‘புரிமங்
பச்சி²மேன விரூபக்கோ², குவேரோ உத்தரங் தி³ஸங்.
சத்தாரோ தே மஹாராஜா, ஸமந்தா சதுரோ தி³ஸா;
த³த்³த³ல்லமானா அட்ட²ங்ஸு, வனே காபிலவத்த²வே’’தி.
இமா பன கா³தா² ஸப்³ப³ஸங்கா³ஹிகவஸேன வுத்தா.
அயஞ்செத்த² அத்தோ² – த³ஸஸஹஸ்ஸசக்கவாளே த⁴தரட்டா² நாம மஹாராஜானோ அத்தி². தே ஸப்³பே³பி கோடிஸதஸஹஸ்ஸகோடிஸதஸஹஸ்ஸக³ந்த⁴ப்³ப³பரிவாரா ஆக³ந்த்வா புரத்தி²மாய தி³ஸாய கபிலவத்து²மஹாவனதோ பட்டா²ய சக்கவாளக³ப்³ப⁴ங் பூரெத்வா டி²தா. ஏவங் த³க்கி²ணதி³ஸாதீ³ஸு விரூள்ஹகாத³யோ. தேனேவாஹ – ‘‘ஸமந்தா சதுரோ தி³ஸா, த³த்³த³ல்லமானா அட்ட²ங்ஸூ’’தி. இத³ஞ்ஹி வுத்தங் ஹோதி – ‘‘ஸமந்தா சக்கவாளேஹி ஆக³ந்த்வா சதுரோ தி³ஸா பப்³ப³தமத்த²கேஸு அக்³கி³க்க²ந்தா⁴ விய ஸுட்டு² ஜலமானா டி²தா’’தி. தே பன யஸ்மா கபிலவத்து²வனமேவ ஸந்தா⁴ய ஆக³தா, தஸ்மா சக்கவாளங் பூரெத்வா சக்கவாளேன ஸமஸமா டி²தாபி – ‘‘வனே காபிலவத்த²வே’’தி வுத்தா.
337. தேஸங் மாயாவினோ தா³ஸா, ஆகு³ங் வஞ்சனிகா ஸடா²தி தேஸங் மஹாராஜானங் கதபாபபடிச்சா²த³னலக்க²ணாய மாயாய யுத்தா குடிலாசாரா தா³ஸா அத்தி², யே ஸம்முக²பரம்முக²வஞ்சனாஹி லோகங் வஞ்சனதோ ‘‘வஞ்சனிகா’’தி ச, கேராடியஸாடெ²ய்யேன ஸமன்னாக³தத்தா ‘‘ஸடா²’’தி ச வுச்சந்தி, தேபி ஆக³தாதி அத்தோ². மாயா குடெண்டு³ விடெண்டு³, விடுச்ச விடுடோ ஸஹாதி தே தா³ஸா ஸப்³பே³பி மாயாகாரகாவ. நாமேன பனெத்த² ஏகோ குடெண்டு³ நாம, ஏகோ விடெண்டு³ நாம. பாளியங் பன ‘‘வேடெண்டூ³’’தி லிக²ந்தி. ஏகோ விடுச்ச நாம, ஏகோ விடுடோ நாம. ஸஹாதி ஸோபி விடுடோ தேஹி ஸஹேவ ஆக³தோ.
சந்த³னோ காமஸெட்டோ² ச, கின்னிக⁴ண்டு³ நிக⁴ண்டு³ சாதி அபரோ கின்னிக⁴ண்டு³ நாம. பாளியங் பன ‘‘கின்னுக⁴ண்டூ³’’தி லிக²ந்தி. நிக⁴ண்டு³ சாதி அஞ்ஞோ நிக⁴ண்டு³ நாம, எத்தகா தா³ஸா. இதோ பரே பன –
‘‘பனாதோ³
சித்தஸேனோ ச க³ந்த⁴ப்³போ³, நளோ ராஜா ஜனேஸபோ⁴;
ஆகு³ங் பஞ்சஸிகோ² சேவ, திம்ப³ரூ ஸூரியவச்ச²ஸா’’தி. –
இமே தே³வஸுதோதி தே³வஸாரதி². சித்தஸேனோதி சித்தோ ச ஸேனோ ச சித்தஸேனோ ச. க³ந்த⁴ப்³போ³தி அயங் சித்தஸேனோ க³ந்த⁴ப்³ப³காயிகோ தே³வபுத்தோ, ந கேவலங் சேஸ, ஸப்³பே³ பேதே பனாதா³த³யோ க³ந்த⁴ப்³பா³ ஏவ. நளோராஜாதி நளகாரதே³வபுத்தோ நாமேகோ. ஜனேஸபோ⁴தி ஜனவஸபோ⁴ தே³வபுத்தோ. ஆகு³ங் பஞ்சஸிகோ² சேவாதி பஞ்சஸிகோ² சேவ தே³வபுத்தோ ஆக³தோ. திம்ப³ரூதி திம்ப³ரூ நாம க³ந்த⁴ப்³ப³தே³வராஜா. ஸூரியவச்ச²ஸாதி தஸ்ஸேவ தீ⁴தா.
ஏதே சஞ்ஞே ச ராஜானோ, க³ந்த⁴ப்³பா³ ஸஹ ராஜுபீ⁴தி ஏதே ச நாமவஸேன வுத்தக³ந்த⁴ப்³ப³ராஜானோ அஞ்ஞே ச ஏதேஹி ராஜூஹி ஸத்³தி⁴ங் ப³ஹூ க³ந்த⁴ப்³பா³. மோத³மானா அபி⁴க்காமுங், பி⁴க்கூ²னங் ஸமிதிங் வனந்தி ஹட்ட²துட்ட²சித்தா பி⁴க்கு²ஸங்க⁴ஸமிதிங் இமங் வனங் ஆக³தாதி அத்தோ².
338. அதா²கு³ங் நாக³ஸா நாகா³, வேஸாலா ஸஹதச்ச²காதி நாக³ஸத³ஹவாஸிகா ச வேஸாலீவாஸிகா ச நாகா³ ஸஹ தச்ச²கனாக³பரிஸாய ஆக³தாதி அத்தோ². கம்ப³லஸ்ஸதராதி கம்ப³லோ ச அஸ்ஸதரோ ச. ஏதே கிர ஸினேருபாதே³ வஸந்தி, ஸுபண்ணேஹிபி அனுத்³த⁴ரணீயா மஹேஸக்க²னாகா³ பாயாகா³ ஸஹ ஞாதிபீ⁴தி பயாக³தித்த²வாஸினோ ச ஸஹ ஞாதிஸங்கே⁴ன ஆக³தா.
யாமுனா த⁴தரட்டா² சாதி யமுனவாஸினோ ச த⁴தரட்ட²குலே உப்பன்னா நாகா³ ச. ஏராவணோ மஹானாகோ³தி ஏராவணோ ச தே³வபுத்தோ, ஜாதியா நாகோ³ ந ஹோதி. நாக³வோஹாரேன பனேஸ வோஹரியதி. ஸோபாகா³தி ஸோபி ஆக³தோ.
யே நாக³ராஜே ஸஹஸா ஹரந்தீதி யே இமே வுத்தப்பகாரே நாகே³ லோபா⁴பி⁴பூ⁴தா ஸாஹஸங் கத்வா ஹரந்தி க³ண்ஹந்தி. தி³ப்³பா³ தி³ஜா பக்கீ² விஸுத்³த⁴சக்கூ²தி தி³ப்³பா³னுபா⁴வதோ தி³ப்³பா³ மாதுகுச்சி²தோ ச அண்ட³கோஸதோ சாதி த்³வே வாரே ஜாதாதி தி³ஜா பக்க²யுத்ததாய பக்கீ² யோஜனஸதந்தரேபி யோஜனஸஹஸ்ஸந்தரேபி நாகே³ த³ஸ்ஸனஸமத்த²சக்கு²தாய விஸுத்³த⁴சக்கூ². வேஹாயஸா தே வனமஜ்ஜ²ப்பத்தாதி தே ஆகாஸேனேவ இமங் மஹாவனங் ஸம்பத்தா. சித்ரா ஸுபண்ணா இதி தேஸ நாமந்தி தேஸங் ‘‘சித்ரஸுபண்ணா’’தி நாமங்.
அப⁴யங் ததா³ நாக³ராஜானமாஸி, ஸுபண்ணதோ கே²மமகாஸி பு³த்³தோ⁴தி தஸ்மா ஸப்³பே³பி தே அஞ்ஞமஞ்ஞங் ஸண்ஹாஹி வாசாஹி உபவ்ஹயந்தா மித்தா விய ப³ந்த⁴வா விய ச ஸமுல்லபந்தா ஸம்மோத³மானா ஆலிங்க³ந்தா ஹத்தே² க³ண்ஹந்தா அங்ஸகூடே ஹத்த²ங் ட²பெந்தா ஹட்ட²துட்ட²சித்தா. நாகா³ ஸுபண்ணா ஸரணமகங்ஸு பு³த்³த⁴ந்தி பு³த்³த⁴ங்யேவ ஸரணங் க³தா.
339. ஜிதா வஜிரஹத்தே²னாதி இந்தே³ன தே³வரஞ்ஞா ஜிதா. ஸமுத்³த³ங் அஸுராஸிதாதி மஹாஸமுத்³த³வாஸினோ ஸுஜாதாய அஸுரகஞ்ஞாய காரணா ஸப்³பே³பி பா⁴தரோ வாஸவஸ்ஸேதே, இத்³தி⁴மந்தோ யஸஸ்ஸினோ.
தேஸு காலகஞ்சா மஹாபி⁴ஸ்மாதி காலகஞ்சா ச மஹந்தே பி⁴ங்ஸனே அத்தபா⁴வே மாபெத்வா ஆக³மிங்ஸு. அஸுரா தா³னவேக⁴ஸாதி தா³னவேக⁴ஸா நாம அஞ்ஞே த⁴னுக்³க³ஹஅஸுரா. வேபசித்தி ஸுசித்தி ச, பஹாராதோ³ நமுசீ ஸஹாதி வேபசித்திஅஸுரோ, ஸுசித்திஅஸுரோ சாதி ஏதே ச அஸுரா நமுசி ச மாரோ தே³வபுத்தோ ஏதேஹி ஸஹேவ ஆக³தோ. இமே அஸுரா மஹாஸமுத்³த³வாஸினோ, அயங் பரனிம்மிததே³வலோகவாஸீ, கஸ்மா ஏதேஹி ஸஹாக³தோதி? அச்ச²ந்தி³கத்தா. தேபி ஹி அச்ச²ந்தி³கா அப⁴ப்³பா³, அயம்பி தாதி³ஸோயேவ. தஸ்மா தா⁴துஸோ ஸங்ஸந்த³மானோ ஆக³தோ.
ஸதஞ்ச ப³லிபுத்தானந்தி ப³லினோ மஹாஅஸுரஸ்ஸ புத்தானங் ஸதங். ஸப்³பே³ வேரோசனாமகாதி ஸப்³பே³ அத்தனோ மாதுலஸ்ஸ ராஹுஸ்ஸேவ நாமத⁴ரா. ஸன்னய்ஹித்வா ப³லிஸேனந்தி அத்தனோ ப³லிஸேனங் ஸன்னய்ஹித்வா ஸப்³பே³ கதஸன்னாஹாவ ஹுத்வா. ராஹுப⁴த்³த³முபாக³முந்தி ராஹுஅஸுரிந்த³ங் உபஸங்கமிங்ஸு. ஸமயோ தா³னி ப⁴த்³த³ந்தேதி ப⁴த்³த³ங் தவ ஹோது, ஸமயோ தே பி⁴க்கூ²னங் ஸமிதிங் வனங் உபஸங்கமித்வா பி⁴க்கு²ஸங்க⁴ங் த³ஸ்ஸனாயாதி அத்தோ².
340. ஆபோ ச தே³வா பத²வீ, தேஜோ வாயோ ததா³க³முந்தி ஆபோகஸிணாதீ³ஸு பரிகம்மங் கத்வா நிப்³ப³த்தா ஆபோதிஆதி³னாமகா தே³வா ஆக³முங். வருணா வாரணா தே³வா, ஸோமோ ச யஸஸா ஸஹாதி வருணதே³வதா மெத்தாகருணாகாயிகாதி மெத்தாஜா²னே ச கருணாஜா²னே ச பரிகம்மங் கத்வா நிப்³ப³த்ததே³வா. ஆகு³ங் தே³வா யஸஸ்ஸினோதி ஏதேபி மஹாயஸா தே³வா ஆக³தா.
த³ஸேதே த³ஸதா⁴ காயா, ஸப்³பே³ நானத்தவண்ணினோதி தே த³ஸதா⁴ டி²தா த³ஸ தே³வகாயா ஸப்³பே³ நீலாதி³வஸேன நானத்தவண்ணா ஆக³தாதி அத்தோ².
வெண்டூ³ ச தே³வாதி வெண்டு³தே³வதா ச. ஸஹலி சாதி ஸஹலிதே³வதா ச. அஸமா ச து³வே யமாதி அஸமதே³வதா ச த்³வே ச யமகா தே³வா. சந்த³ஸ்ஸுபனிஸா தே³வா, சந்த³மாகு³ங் புரக்க²த்வாதி சந்த³னிஸ்ஸிதகா தே³வா சந்த³ங் புரதோ கத்வா ஆக³தா. ததா² ஸூரியனிஸ்ஸிதகா தே³வா ஸூரியங் புரக்க²த்வா. நக்க²த்தானி புரக்க²த்வாதி நக்க²த்தனிஸ்ஸிதாபி தே³வா நக்க²த்தானி புரதோ கத்வா ஆக³தா. ஆகு³ங் மந்த³வலாஹகாதி வாதவலாஹகா, அப்³ப⁴வலாஹகா, உண்ஹவலாஹகா ஏதே ஸப்³பே³பி வலாஹகாயிகா ‘‘மந்த³வலாஹகா’’ நாம வுச்சந்தி. தேபி ஆக³தாதி அத்தோ². வஸூனங் வாஸவோ ஸெட்டோ², ஸக்கோபாகா³ புரிந்த³தோ³தி வஸூனங் தே³வதானங் ஸெட்டோ² வாஸவோ யோ ஸக்கோதி ச, புரிந்த³தோ³தி ச வுச்சதி, ஸோபி ஆக³தோ.
த³ஸேதே த³ஸதா⁴ காயாதி ஏதேபி த³ஸ தே³வகாயா த³ஸதா⁴வ ஆக³தா. ஸப்³பே³ நானத்தவண்ணினோதி நீலாதி³வஸேன நானத்தவண்ணா.
அதா²கு³ங் ஸஹபூ⁴ தே³வாதி அத² ஸஹபூ⁴ நாம தே³வா ஆக³தா. ஜலமக்³கி³ஸிகா²ரிவாதி அக்³கி³ஸிகா² விய ஜலந்தா. ஜலமக்³கி³ ச ஸிகா²ரிவாதி இமானி தேஸங் நாமானீதிபி வுத்தங். அரிட்ட²கா ச ரோஜா சாதி அரிட்ட²கதே³வா ச ரோஜதே³வா ச. உமாபுப்ப²னிபா⁴ஸினோதி உமாபுப்ப²தே³வா நாம ஏதே தே³வா
வருணா ஸஹத⁴ம்மா சாதி ஏதே ச த்³வே ஜனா. அச்சுதா ச அனேஜகாதி அச்சுததே³வதா ச அனேஜகதே³வதா ச. ஸுலெய்யருசிரா ஆகு³ந்தி ஸுலெய்யா ச ருசிரா ச ஆக³தா. ஆகு³ங் வாஸவனேஸினோதி வாஸவனேஸீதே³வா நாம ஆக³தா. த³ஸேதே த³ஸதா⁴ காயாதி ஏதேபி த³ஸதே³வகாயா த³ஸதா⁴வ ஆக³தா.
ஸமானா மஹாஸமானாதி ஸமானா ச மஹாஸமானா ச. மானுஸா மானுஸுத்தமாதி மானுஸா ச மானுஸுத்தமா ச. கி²ட்³டா³பதோ³ஸிகா ஆகு³ங், ஆகு³ங் மனோபதோ³ஸிகாதி கி²ட்³டா³பதோ³ஸிகா மனோபதோ³ஸிகா ச தே³வா ஆக³தா.
அதா²கு³ங் ஹரயோ தே³வாதி ஹரிதே³வா நாம ஆக³தா. யே ச லோஹிதவாஸினோதி லோஹிதவாஸினோ ச ஆக³தா. பாரகா³ மஹாபாரகா³தி ஏதே ச து³விதா⁴ ஆக³தா. த³ஸேதே த³ஸதா⁴ காயாதி ஏதேபி த³ஸதே³வகாயா த³ஸதா⁴வ ஆக³தா.
ஸுக்கா கரம்பா⁴ அருணா, ஆகு³ங் வேக⁴னஸா ஸஹாதி ஏதே ஸுக்காத³யோ தயோ, தேஹி ஸஹ வேக⁴னஸா ச ஆக³தா. ஓதா³தக³ய்ஹா பாமொக்கா²தி ஓதா³தக³ய்ஹா நாம பாமொக்க²தே³வா ஆக³தா. ஆகு³ங் தே³வா விசக்க²ணாதி விசக்க²ணா நாம தே³வா ஆக³தா.
ஸதா³மத்தா ஹாரக³ஜாதி ஸதா³மத்தா ச ஹாரக³ஜா ச. மிஸ்ஸகா ச யஸஸ்ஸினோதி யஸஸம்பன்னா மிஸ்ஸகதே³வா ச. த²னயங் ஆக³ பஜ்ஜுன்னோதி பஜ்ஜுன்னோ ச தே³வராஜா த²னயந்தோ ஆக³தோ. யோ தி³ஸா அபி⁴வஸ்ஸதீதி யோ யங் யங் தி³ஸங் யாதி, தத்த² தத்த² தே³வோ வஸ்ஸதி. த³ஸேதே த³ஸதா⁴ காயாதி ஏதேபி த³ஸதே³வகாயா த³ஸதா⁴ ஆக³தா.
கே²மியா துஸிதா யாமாதி கே²மியா தே³வா துஸிதபுரவாஸினோ ச யாமாதே³வலோகவாஸினோ ச. கத²கா ச யஸஸ்ஸினோதி யஸஸம்பன்னா கத²கதே³வா ச. பாளியங் பன ‘‘கட்ட²கா சா’’தி லிக²ந்தி. லம்பீ³தகா லாமஸெட்டா²தி லம்பி³தகதே³வா ச லாமஸெட்ட²தே³வா ச. ஜோதினாமா ச ஆஸவாதி பப்³ப³தமத்த²கே கதனளக்³கி³க்க²ந்தோ⁴ விய ஜோதமானா ஜோதிதே³வா நாம அத்தி², தே ச ஆஸா ச தே³வா ஆக³தாதி அத்தோ². பாளியங் ஆஸவாதி வுத்தா. நிம்மானரதினோ ஆகு³ங், அதா²கு³ங் பரனிம்மிதா. த³ஸேதே த³ஸதா⁴ காயாதி ஏதேபி த³ஸ தே³வகாயா த³ஸதா⁴வ ஆக³தா.
ஸட்டே²தே தே³வனிகாயாதி ஏதே ச ஆபோ ச தே³வாதிஆதி³கா ச² த³ஸகா ஸட்டி² தே³வனிகாயா ஸப்³பே³ நீலாதி³வஸேன நானத்தவண்ணினோ. நாமன்வயேன ஆக³ச்சு²ந்தி நாமபா⁴கே³ன நாமகொட்டா²ஸேன ஆக³தா. யே சஞ்ஞே ஸதி³ஸா ஸஹாதி யே ச அஞ்ஞேபி தேஹி ஸதி³ஸா வண்ணதோபி நாமதோபி ஏதாதி³ஸாயேவ ஸேஸசக்கவாளேஸு தே³வா, தேபி ஆக³தாயேவாதி ஏகபதே³னேவ கலாபங் விய புடகங் விய ச கத்வா ஸப்³பா³ தே³வதா நித்³தி³ஸதி.
ஏவங் த³ஸஸு லோகதா⁴துஸஹஸ்ஸேஸு தே³வகாயே நித்³தி³ஸித்வா இதா³னி யத³த்த²ங் தே ஆக³தா, தங் த³ஸ்ஸெந்தோ பவுட்ட²ஜாதிந்தி கா³த²மாஹ. தஸ்ஸத்தோ² – பவுட்டா² விக³தா ஜாதி அஸ்ஸாதி அரியஸங்கோ⁴ பவுட்ட²ஜாதி நாம, தங் பவுட்ட²ஜாதிங் ராக³தோ³ஸமோஹகீ²லானங் அபா⁴வா அகீ²லங் சத்தாரோ ஓகே⁴ தரித்வா டி²தத்தா ஓக⁴திண்ணங் சதுன்னங் ஆஸவானங் அபா⁴வேன அனாஸவங் அரியஸங்க⁴ங் த³க்கே²ம பஸ்ஸிஸ்ஸாம. தேஸஞ்ஞேவ ஓகா⁴னங் திண்ணத்தா ஓக⁴தரங் ஆகு³ங் அகரணதோ நாக³ங். அஸிதாதிக³ந்தி காளகபா⁴வாதீதங் சந்த³ங்வ ஸிரியா விரோசமானங் த³ஸப³லஞ்ச த³க்கே²ம பஸ்ஸிஸ்ஸாமாதி ஏதத³த்த²ங் ஸப்³பே³பி தே நாமன்வயேன ஆக³ச்சு²ங், யே சஞ்ஞே ஸதி³ஸா ஸஹாதி.
341. இதா³னி ஸுப்³ரஹ்மா பரமத்தோ சாதிஆதி³மாஹ. தத்த² ஸுப்³ரஹ்மாதி ஏகோ ப்³ரஹ்மா. பரமத்தோபி ப்³ரஹ்மாவ. புத்தா இத்³தி⁴மதோ ஸஹாதி ஏதே இத்³தி⁴மதோ பு³த்³த⁴ஸ்ஸ ப⁴க³வதோ புத்தா அரியப்³ரஹ்மானோ ஸஹேவ ஆக³தா. ஸனங்குமாரோ திஸ்ஸோ சாதி ஸனங்குமாரோ ச திஸ்ஸமஹாப்³ரஹ்மா ச. ஸோபாகா³தி ஸோபி ஆக³தோ.
‘‘ஸஹஸ்ஸங் ப்³ரஹ்மலோகானங், மஹாப்³ரஹ்மாபி⁴திட்ட²தி;
உபபன்னோ ஜுதிமந்தோ, பி⁴ஸ்மாகாயோ யஸஸ்ஸி ஸோ’’தி. –
எத்த² ஸஹஸ்ஸங் ப்³ரஹ்மலோகானந்தி ஏகங்கு³லியா ஏகஸஹஸ்ஸசக்கவாளே த³ஸஹி அங்கு³லீஹி த³ஸஸஹஸ்ஸிசக்கவாளே ஆலோகப²ரணஸமத்தா²னங் மஹாப்³ரஹ்மானங் ஸஹஸ்ஸங் ஆக³தங். மஹாப்³ரஹ்மாபி⁴திட்ட²தீதி யத்த² ஏகேகோ மஹாப்³ரஹ்மா அஞ்ஞே ப்³ரஹ்மே அபி⁴ப⁴வித்வா திட்ட²தி. உபபன்னோதி ஜுதிமந்தோதி ஆனுபா⁴வஸம்பன்னோ. பி⁴ஸ்மாகாயோதி மஹாகாயோ, த்³வீஹி தீஹி மாக³தி⁴கேஹி கா³மக்கெ²த்தேஹி ஸமப்பமாணஅத்தபா⁴வோ. யஸஸ்ஸிஸோதி அத்தபா⁴வஸிரீஸங்கா²தேன யஸேன ஸமன்னாக³தோ.
த³ஸெத்த² இஸ்ஸரா ஆகு³ங், பச்சேகவஸவத்தினோதி ஏதஸ்மிஞ்ச ப்³ரஹ்மஸஹஸ்ஸே யே பாடியேக்கங் பாடியேக்கங் வஸங் வத்தெந்தி, ஏவரூபா த³ஸ இஸ்ஸரா மஹாப்³ரஹ்மானோ ஆக³தா. தேஸஞ்ச மஜ்ஜ²தோ ஆக³, ஹாரிதோ பரிவாரிதோதி தேஸங் ப்³ரஹ்மானங் மஜ்ஜே² ஹாரிதோ நாம மஹாப்³ரஹ்மா ஸதஸஹஸ்ஸப்³ரஹ்மபரிவாரோ ஆக³தோ.
342. தே ச ஸப்³பே³ அபி⁴க்கந்தே, ஸஇந்தே³ தே³வே ஸப்³ரஹ்மகேதி தே ஸப்³பே³பி ஸக்கங் தே³வராஜானங் ஜெட்ட²கங் கத்வா ஆக³தே தே³வகாயே, ஹாரிதமஹாப்³ரஹ்மானங் ஜெட்ட²கங் கத்வா ஆக³தே ப்³ரஹ்மகாயே ச. மாரஸேனா அபி⁴க்காமீதி மாரஸேனா அபி⁴க³தா. பஸ்ஸ கண்ஹஸ்ஸ மந்தி³யந்தி காளகஸ்ஸ மாரஸ பா³லபா⁴வங் பஸ்ஸத².
ஏத² க³ண்ஹத² ப³ந்த⁴தா²தி ஏவங் அத்தனோ பரிஸங் ஆணாபேஸி. ராகே³ன ப³த்³த⁴மத்து² வோதி ஸப்³ப³ங் வோ இத³ங் தே³வமண்ட³லங் ராகே³ன ப³த்³த⁴ங் ஹோது. ஸமந்தா பரிவாரேத², மா வோ முஞ்சித்த² கோசி நந்தி தும்ஹாகங் ஏகோபி ஏதேஸு ஏகம்பி மா முஞ்சி. ‘‘மா வோ முஞ்சேதா²’’திபி பாடோ², ஏஸேவத்தோ².
இதி தத்த² மஹாஸேனோ, கண்ஹோ ஸேனங் அபேஸயீதி ஏவங் தத்த² மஹாஸமயே மஹாஸேனோ மாரோ மாரஸேனங் பாணினா தலமாஹச்சாதி ஹத்தே²ன பத²வீதலங் பஹரித்வா. ஸரங் கத்வான பே⁴ரவந்தி மாரவிபி⁴ங்ஸகத³ஸ்ஸனத்த²ங் ப⁴யானகங் ஸரஞ்ச கத்வா.
யதா² பாவுஸ்ஸகோ மேகோ⁴, த²னயந்தோ ஸவிஜ்ஜுகோதி ஸவிஜ்ஜுகோ பாவுஸ்ஸகமேகோ⁴ விய மஹாக³ஜ்ஜிதங் க³ஜ்ஜந்தோ. ததா³ ஸோ பச்சுதா³வத்தீதி தஸ்மிங் ஸமயே ஸோ மாரோ தங் விபி⁴ங்ஸனகங் த³ஸ்ஸெத்வா படினிவத்தோ ஸங்குத்³தோ⁴ அஸயங் வஸேதி ஸுட்டு² குத்³தோ⁴ குபிதோ கஞ்சி வஸே வத்தேதுங்
343. தஞ்ச ஸப்³ப³ங் அபி⁴ஞ்ஞாய, வவத்தி²த்வான சக்கு²மாதி தங் ஸப்³ப³ங் ப⁴க³வா ஜானித்வா வவத்த²பெத்வா ச.
மாரஸேனா அபி⁴க்கந்தா, தே விஜானாத² பி⁴க்க²வோதி பி⁴க்க²வே மாரஸேனா அபி⁴க்கந்தா, தே தும்ஹே அத்தனோ அனுரூபங் விஜானாத², ப²லஸமாபத்திங் ஸமாபஜ்ஜதா²தி வத³தி. ஆதப்பமகருந்தி ப²லஸமாபத்திங் பவிஸனத்தா²ய வீரியங் ஆரபி⁴ங்ஸு. வீதராகே³ஹி பக்காமுந்தி மாரோ ச மாரஸேனா ச வீதராகே³ஹி அரியேஹி தூ³ரதோவ அபக்கமுங். நேஸங் லோமாபி இஞ்ஜயுந்தி தேஸங் வீதராகா³னங் லோமானிபி ந சாலயிங்ஸு. அத² மாரோ பி⁴க்கு²ஸங்க⁴ங் ஆரப்³ப⁴ இமங் கா³த²ங் அபா⁴ஸி –
‘‘ஸப்³பே³ விஜிதஸங்கா³மா, ப⁴யாதீதா யஸஸ்ஸினோ;
மோத³ந்தி ஸஹ பூ⁴தேஹி, ஸாவகா தே ஜனேஸுதா’’தி.
தத்த² மோத³ந்தி ஸஹ பூ⁴தேஹீதி த³ஸப³லஸ்ஸ ஸாஸனே பூ⁴தேஹி ஸஞ்ஜாதேஹி அரியேஹி ஸத்³தி⁴ங் மோத³ந்தி பமோத³ந்தி. ஜனேஸுதாதி ஜனே விஸ்ஸுதா பாகடா அபி⁴ஞ்ஞாதா.
இத³ங்
தே³வதானஞ்சஸ்ஸ பியமனாபபா⁴வே இத³ங் வத்து² – கோடிபப்³ப³தவிஹாரே கிர நாக³லேணத்³வாரே நாக³ருக்கே² ஏகா தே³வதீ⁴தா வஸதி. ஏகோ த³ஹரோ அந்தோலேணே இமங் ஸுத்தங் ஸஜ்ஜா²யதி. தே³வதீ⁴தா ஸுத்வா ஸுத்தபரியோஸானே மஹாஸத்³தே³ன ஸாது⁴காரமதா³ஸி. கோ ஏஸோதி. அஹங், ப⁴ந்தே, தே³வதீ⁴தாதி. கஸ்மா ஸாது⁴காரமதா³ஸீதி? ப⁴ந்தே, த³ஸப³லேன மஹாவனே நிஸீதி³த்வா கதி²ததி³வஸே இமங் ஸுத்தங் ஸுத்வா அஜ்ஜ அஸ்ஸோஸிங், ப⁴க³வதா கதி²ததோ ஏகக்க²ரம்பி அஹாபெத்வா ஸுக்³க³ஹிதோ அயங் த⁴ம்மோ தும்ஹேஹீதி. த³ஸப³லஸ்ஸ கத²யதோ ஸுதங் தயாதி? ஆம, ப⁴ந்தேதி. மஹா கிர தே³வதாஸன்னிபாதோ அஹோஸி, த்வங் கத்த² டி²தா ஸுணீதி?
அஹங், ப⁴ந்தே, மஹாவனவாஸியா தே³வதா, மஹேஸக்கா²ஸு பன தே³வதாஸு ஆக³ச்ச²ந்தீஸு ஜம்பு³தீ³பே ஓகாஸங் நாலத்த²ங், அத² இமங் தம்ப³பண்ணிதீ³பங் ஆக³ந்த்வா ஜம்பு³கோலபட்டனே ட²த்வா ஸோதுங் ஆரத்³த⁴ம்ஹி, தத்ராபி மஹேஸக்கா²ஸு தே³வதாஸு ஆக³ச்ச²ந்தீஸு அனுக்கமேன படிக்கமமானா ரோஹணஜனபதே³ மஹாகா³மஸ்ஸ பிட்டி²பா⁴க³தோ ஸமுத்³தே³ க³லப்பமாணங் உத³கங் பவிஸித்வா தத்த² டி²தா அஸ்ஸோஸிந்தி. துய்ஹங் டி²தட்டா²னதோ தூ³ரே ஸத்தா²ரங் பஸ்ஸஸி தே³வதேதி? கிங் கதே²த², ப⁴ந்தே, ஸத்தா² மஹாவனே த⁴ம்மங் தே³ஸெந்தோ நிரந்தரங் மமஞ்ஞேவ ஓலோகேதீதி மஞ்ஞமானா ஓதப்பமானா ஊமீஸு நிலயாமீதி.
தங் தி³வஸங் கிர கோடிஸதஸஹஸ்ஸதே³வதா அரஹத்தங் பத்தா, தும்ஹேபி ததா³ அரஹத்தங் பத்தாதி? நத்தி², ப⁴ந்தே. அனாகா³மிப²லங் பத்தத்த² மஞ்ஞேதி? நத்தி², ப⁴ந்தே. ஸகதா³கா³மிப²லங் பத்தத்த² மஞ்ஞேதி? நத்தி², ப⁴ந்தே. தயோ மக்³கே³ பத்தா தே³வதா கிர க³ணனபத²ங்
இதி ஸுமங்க³லவிலாஸினியா தீ³க⁴னிகாயட்ட²கதா²யங்
மஹாஸமயஸுத்தவண்ணனா நிட்டி²தா.