நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
தீ³க⁴னிகாயே
மஹாவக்³க³டீகா
1. மஹாபதா³னஸுத்தவண்ணனா
புப்³பே³னிவாஸபடிஸங்யுத்தகதா²வண்ணனா
1. யதா²ஜாதானங் ‘‘கரேரிமண்ட³போ’’தி அதி⁴ப்பேதோ. த்³வாரேதி த்³வாரஸமீபே. த்³வாரே டி²தருக்க²வஸேன அஞ்ஞத்தா²பி ஸமஞ்ஞா அத்தீ²தி த³ஸ்ஸேதுங் ‘‘யதா²’’திஆதி³ வுத்தங். கத²ங் பன ப⁴க³வா மஹாக³ந்த⁴குடியங் அவஸித்வா ததா³ கரேரிகுடிகாயங் விஹாஸீதி? ஸாபி பு³த்³த⁴ஸ்ஸ ப⁴க³வதோ வஸனக³ந்த⁴குடி ஏவாதி த³ஸ்ஸெந்தோ ‘‘அந்தோஜேதவனே’’திஆதி³மாஹ. ஸலளாகா³ரந்தி தே³வதா³ருருக்கே²ஹி கதகே³ஹங். பகதிப⁴த்தஸ்ஸ பச்ச²தோதி பி⁴க்கூ²னங் பாகதிகப⁴த்தகாலதோ பச்சா², டி²தமஜ்ஜ²ன்ஹிகதோ உபரீதி அத்தோ². பிண்ட³பாததோ படிக்கந்தானந்தி பிண்ட³பாதபோ⁴ஜனதோ அபேதானங். தேனாஹ ‘‘ப⁴த்தகிச்ச’’ந்திஆதி³.
மண்ட³லஸண்டா²னா ‘‘மண்ட³லமாள’’ந்தி அதி⁴ப்பேதாதி ஆஹ ‘‘நிஸீத³னஸாலாயா’’தி. புப்³பே³னிவாஸபடிஸங்யுத்தாதி எத்த² புப்³ப³-ஸத்³தோ³ அதீதவிஸயோ, நிவாஸ-ஸத்³தோ³ கம்மஸாத⁴னோ, க²ந்த⁴வினிமுத்தோ ச நிவஸிதத⁴ம்மோ நத்தி², க²ந்தா⁴ ச ஸந்தானவஸேனேவ பவத்தந்தீதி ஆஹ ‘‘புப்³பே³னிவுத்த²க்க²ந்த⁴ஸந்தானஸங்கா²தேன புப்³பே³னிவாஸேனா’’தி. யோஜெத்வாதி பவத்திதாதி கதி²தா. த⁴ம்மூபஸங்ஹிதத்தா த⁴ம்மதோ அனபேதாதி த⁴ம்மீ. தேனாஹ ‘‘த⁴ம்மஸங்யுத்தா’’தி.
உத³பாதீ³தி ‘‘அஹோ அச்ச²ரிய’’ந்திஆதி³ ஆரத்³த⁴ங். தத்த² கே அனுஸ்ஸரந்தி, கே நானுஸ்ஸரந்தீதி பத³த்³வயே பட²மங்யேவ ஸப்பபஞ்சனங், ந இதரந்தி ததே³வ புக்³க³லபே⁴த³தோ, காலவிபா⁴க³தோ, அனுஸ்ஸரணாகாரதோ, ஓபம்மதோ நித்³தி³ஸந்தேன ‘‘தித்தி²யா அனுஸ்ஸரந்தீ’’திஆதி³ வுத்தங். அக்³க³ப்பத்தகம்மவாதி³னோதி ஸிகா²ப்பத்தகம்மவாதி³னோ ‘‘அத்தி² கம்மங் அத்தி² கம்மவிபாகோ’’தி (படி॰ ம॰ 1.234) ஏவங் கம்மஸ்ஸகதாஞாணே டி²தா தாபஸபரிப்³பா³ஜகா. சத்தாலீஸங்யேவ கப்பே அனுஸ்ஸரந்தீதி ப்³ரஹ்மஜாலாதீ³ஸு (தீ³॰ நி॰ 1.33) ப⁴க³வதா ததா² பரிச்சி²ஜ்ஜ வுத்தத்தா. ததோ பரங் ந அனுஸ்ஸரந்தீதி ததா²வசனஞ்ச தி³ட்டி²க³தோபட்ட²கஸ்ஸ தேஸங் ஞாணஸ்ஸ பரிது³ப்³ப³லபா⁴வதோ.
ஸாவகாதி மஹாஸாவகா தேஸஞ்ஹி கப்பஸதஸஹஸ்ஸங் புப்³பா³பி⁴னீஹாரோ. பகதிஸாவகா பன ததோ ஊனகமேவ அனுஸ்ஸரந்தி. யஸ்மா ‘‘கப்பானங் லக்கா²தி⁴கங் ஏகங், த்³வே ச அஸங்க்²யெய்யானீ’’தி காலவஸேன ஏவங் பரிமாணோ யதா²க்கமங் அக்³க³ஸாவகபச்சேகபு³த்³தா⁴னங் புஞ்ஞஞாணாபி⁴னீஹாரோ, ஸாவகபோ³தி⁴பச்சேகபோ³தி⁴பாரமிதாஸம்ப⁴ரணஞ்ச, தஸ்மா வுத்தங் ‘‘த்³வே அக்³க³ஸாவகா…பே॰… கப்பஸதஸஹஸ்ஸஞ்சா’’தி. யதி³ போ³தி⁴ஸம்பா⁴ரஸம்ப⁴ரணகாலபரிச்சி²ன்னோ தேஸங் தேஸங் அரியானங் அபி⁴ஞ்ஞாஞாணவிப⁴வோ, ஏவங் ஸந்தே பு³த்³தா⁴னம்பிஸ்ஸ ஸபரிச்சே²த³தா ஆபன்னாதி சோத³னங் ஸந்தா⁴யாஹ ‘‘பு³த்³தா⁴னங் பன எத்தகந்தி பரிச்சே²தோ³ நத்தி², யாவதகங் ஆகங்க²ந்தி, தாவதகங் அனுஸ்ஸரந்தீ’’தி ‘‘யாவதகங் நெய்யங், தாவதகங் ஞாண’’ந்தி (மஹானி॰ 156; சூளனி॰ 85; படி॰ ம॰ 3, 5) வசனதோ. ஸப்³ப³ஞ்ஞுதஞ்ஞாணஸ்ஸ விய ஹி பு³த்³தா⁴னங் அபி⁴ஞ்ஞாஞாணானம்பி ஸவிஸயே பரிச்சே²தோ³ நாம நத்தி², தஸ்மா யங் ‘‘பு³த்³தா⁴னங்…பே॰… நத்தீ²’’தி.
க²ந்த⁴படிபாடியாதி க²ந்த⁴ப்பவத்திந்தி வேத³னாதி³க்க²ந்த⁴ப்பவத்திங். தேஸஞ்ஹி அனுப⁴வனாதி³ஆகாரக்³க³ஹணமஸ்ஸ ஸாதிஸயங், தங் ஸஞ்ஞாப⁴வே தத்த² தத்த² அனுஸ்ஸரணவஸேன க³ஹெத்வா க³ச்ச²ந்தா ஏகவோகாரப⁴வே அலப⁴ந்தா ‘‘ந பஸ்ஸந்தீ’’தி வுத்தா, ஜாலே பதிதா விய ஸகுணா, மச்சா² விய சாதி அதி⁴ப்பாயோ. குண்டா² வியாதி த³ந்தா⁴ விய. பங்கு³ளா வியாதி பீட²ஸப்பினோ விய. தி³ட்டி²ங் க³ண்ஹந்தீதி அதி⁴ச்சஸமுப்பன்னிகதி³ட்டி²ங் க³ண்ஹந்தி. யட்டி²கோடிஹேதுகங் க³மனங் யட்டி²கோடிக³மனங் க²ந்த⁴படிபாடியா அமுஞ்சனதோ.
ஏவங் ஸந்தேபீதி காமங் பு³த்³த⁴ஸாவகாபி அஸஞ்ஞப⁴வே க²ந்த⁴ப்பவத்திங் ந பஸ்ஸந்தி, ஏவங் ஸந்தேபி தே பு³த்³த⁴ஸாவகா அஸஞ்ஞப⁴வங் லங்கி⁴த்வா பரதோ அனுஸ்ஸரந்தி. ‘‘வட்டே’’திஆதி³ ததா² தேஸங் அனுஸ்ஸரணாகாரத³ஸ்ஸனங். பு³த்³தே⁴ஹி தி³ன்னநயே ட²த்வாதி ‘‘யத்த² பஞ்சகப்பஸதானி ரூபப்பவத்தியேவ, ந அரூபப்பவத்தி, ஸோ அஸஞ்ஞப⁴வோ’’தி ஏவங் ஸம்மாஸம்பு³த்³தே⁴ஹி தே³ஸிதாயங் த⁴ம்மனெத்தியங் ட²த்வா. ஏவஞ்ஹி அந்தரா சுதிபடிஸந்தி⁴யோ அபஸ்ஸந்தா பரதோ அனுஸ்ஸரந்தி ஸெய்யதா²பி ஆயஸ்மா ஸோபி⁴தோதி (தே²ரகா³॰ அட்ட²॰ 1.2.164 ஸோபி⁴தத்தே²ரகா³தா²வண்ணனா). ஸோ கிர புப்³பே³னிவாஸே சிண்ணவஸீ ஹுத்வா அனுபடிபாடியா அத்தனோ நிப்³ப³த்தட்டா²னங் ‘‘சுதிபடிஸந்தி⁴ங் ஓலோகெத்வா’’தி இத³ங் சுதிபடிஸந்தி⁴வஸேன தேஸங் ஞாணஸ்ஸ ஸங்கமனத³ஸ்ஸனங், தேன ஸப்³ப³ஸோ ப⁴வே அனாமஸித்வா க³ந்துங் ந ஸக்கொந்தீதி த³ஸ்ஸேதி.
தங் ததே³வ பஸ்ஸந்தீதி யதா² நாம ஸரத³ஸமயே டி²தமஜ்ஜ²ன்ஹிகவேலாய சதுரதனிகே கே³ஹே சக்கு²மதோ புரிஸஸ்ஸ ரூபக³தங் ஸுபாகடமேவ ஹோதீதி லோகஸித்³த⁴மேதங், ஸியா பன தஸ்ஸ ஸுகு²மதரதிரோஹிதாதி³பே⁴த³ஸ்ஸ ரூபக³தஸ்ஸ அகோ³சரதா. ந த்வேவ பு³த்³தா⁴னங் ஞாதுங் இச்சி²தஸ்ஸ ஞெய்யஸ்ஸ அகோ³சரதா, அத² கோ² தங் ஞாணாலோகேன ஓபா⁴ஸிதங் ஹத்த²தலே ஆமலகங் விய ஸுபாகடங் ஸுவிபூ⁴தமேவ ஹோதி
ததா² ஸாவகா ச பச்சேகபு³த்³தா⁴ சாதி. எத்த² ததா²-ஸத்³தே³ன ‘‘அத்தனா தி³ட்ட²கதஸுதமேவ அனுஸ்ஸரந்தீ’’தி
க²ஜ்ஜோபனகஓபா⁴ஸஸதி³ஸங் ஞாணஸ்ஸ அதிவிய அப்பானுபா⁴வதாய. ஸாவகானந்தி எத்த² பகதிஸாவகானங் பாகதிகபதீ³போபா⁴ஸஸதி³ஸங். மஹாஸாவகானங் (தே²ரகா³॰ அட்ட²॰ 2.21 வங்கீ³ஸெத்த²ரகா³தா²வண்ணனாய வித்தா²ரோ) மஹாபதீ³போபா⁴ஸஸதி³ஸங். தேனாஹ விஸுத்³தி⁴மக்³கே³ (விஸுத்³தி⁴॰ 2.402) ‘‘உக்காபபா⁴ஸதி³ஸ’’ந்தி. ஓஸதி⁴தாரகோபா⁴ஸஸதி³ஸந்தி ஸரத³ஸூரியமண்ட³லோபா⁴ஸஸதி³ஸங் ஸப்³ப³ஸோ அந்த⁴காரவித⁴மனதோ. அபடுபா⁴வஹேதுகோ விஸயக்³க³ஹணே சஞ்சலபா⁴வோ க²லிதங், குண்டி²பா⁴வஹேதுகோ விஸயஸ்ஸ அனபி⁴ஸமயோ படிகா⁴தோ. ஆவஜ்ஜனபடிப³த்³த⁴மேவாதி ஆவஜ்ஜனமத்தாதீ⁴னங், ஆவஜ்ஜிதமத்தே ஏவ யதி²ச்சி²தஸ்ஸ படிவிஜ்ஜ²னகந்தி அத்தோ². ஸேஸபத³த்³வயேபி ஏஸேவ நயோ.
அஸங்க³அப்படிஹதங் பவத்தமானங் ப⁴க³வதோ ஞாணங் லஹுதரேபி விஸயே, க³ருதரே ச ஏகஸதி³ஸமேவாதி த³ஸ்ஸேதுங் ‘‘து³ப்³ப³லபத்தபுடே’’திஆதி³னா உபமாத்³வயங் வுத்தங். த⁴ம்மகாயத்தா ப⁴க³வதோ கு³ணங் ஆரப்³ப⁴ பவத்தா ‘‘ப⁴க³வந்தங்யேவ ஆரப்³ப⁴ உப்பன்னா’’தி வுத்தங். தங் ஸப்³ப³ம்பீதி தங் யதா²வுத்தங் ஸப்³ப³ம்பி புப்³பே³னிவாஸபடிஸங்யுத்தங் கத²ங். தித்தி²யானங், ஸாவகானஞ்ச புப்³பே³னிவாஸானுஸ்ஸரணங் ப⁴க³வதோ புப்³பே³னிவாஸானுஸ்ஸரணஸ்ஸ ஹீனுதா³ஹரணத³ஸ்ஸனவஸேனெத்த² கதி²தங். ஏவஞ்ஹி ப⁴க³வதோ மஹந்தபா⁴வோ விஸேஸதோ பகாஸிதோ ஹோதீதி. ஸங்கே²பதோதி ஸமாஸதோ. யத்தகோபி புப்³பே³னிவாஸானுஸ்ஸதிஞாணஸ்ஸ பவத்திபே⁴தோ³ அத்தனோ ஞாணஸ்ஸ விஸயபூ⁴தோ, தங் ஸப்³ப³ங் ததா³ யதா²கதி²தங் தே பி⁴க்கூ² ஸங்கி²பித்வா ‘‘இதிபீ’’தி ஆஹங்ஸு. தஸ்ஸ ச அனேகாகாரதாய ஆமேடி³தவசனங், பி-ஸத்³தோ³ ஸம்பிண்ட³னத்தோ², ‘‘இதி கோ² பி⁴க்க²வே ஸப்படிப⁴யோ பா³லோ’’திஆதீ³ஸு (ம॰ நி॰ 3.124; அ॰ நி॰ 3.1) விய ஆகாரத்தோ² இதி-ஸத்³தோ³தி த³ஸ்ஸெந்தோ ‘‘ஏவம்பீ’’தி தத³த்த²மாஹ.
2-3. வுத்தமேவாதி ‘‘அயமேவ ஹி விஸேஸோ’’திஆதி³மாஹ. ‘‘அஸ்ஸோஸீ’’தி இத³ங் ஸவனகிச்சனிப்ப²த்தியா வுத்தங் ஸத்³த³க்³க³ஹணமுகே²ன தத³த்தா²வபோ³த⁴ஸ்ஸ ஸித்³த⁴த்தா. தத்த² பன பாளியங் ‘‘இமங் ஸங்கி²யத⁴ம்மங் விதி³த்வா’’ இச்சேவ (தீ³॰ நி॰ 1.2) வுத்தங். இமே பி⁴க்கூ² மம கு³ணே தோ²மெந்தி, கத²ங்? மம புப்³பே³னிவாஸஞாணங் ஆரப்³பா⁴தி யோஜனா. நிப்ப²த்திந்தி கிச்சனிப்ப²த்திங், தேன காதப்³ப³கிச்சஸித்³த⁴ந்தி அத்தோ². நோதி புச்சா²வாசீ நு-இதி இமினா ஸமானத்தோ² நிபாதோதி வுத்தங் ‘‘இச்செ²ய்யாத² நூ’’தி. நந்தி ப⁴க³வந்தங். ‘‘யங் ப⁴க³வா’’தி எத்த² யங்-ஸத்³தே³ன கிரியாபராமஸனபூ⁴தேன ‘‘த⁴ம்மிங் கத²ங் கதெ²ய்யா’’தி ஏவங் வுத்தங். த⁴ம்மிகதா²கரணங் பராமட்ட²ங் ‘‘ஏதஸ்ஸா’’தி பத³ஸ்ஸ அத்தோ²தி ஆஹ ‘‘ஏதஸ்ஸ த⁴ம்மிகதா²கரணஸ்ஸா’’தி, ஆத³ரவஸேன பன தங் த்³விக்க²த்துங் வுத்தங்.
4. ஸுணாதா²தி எத்த² இதி-ஸத்³தோ³ ஆதி³அத்தோ², பகாரத்தோ² வா, ஏதேன ‘‘மனஸி கரோதா²’’தி பத³ங் ஸங்க³ண்ஹாதி. ஸோதாவதா⁴னங் ஸோதஸ்ஸ ஓத³ஹனங், ஸுஸ்ஸூஸாதி அத்தோ². சி²ன்னங் உபச்சி²ன்னங் வடுமங் ஸங்ஸாரவட்டங் ஏதேஸந்தி சி²ன்னவடுமகா, ஸம்மாஸம்பு³த்³தா⁴, அஞ்ஞே ச கீ²ணாஸவா, இத⁴ பன ஸம்மாஸம்பு³த்³தா⁴ அதி⁴ப்பேதா. தேஸஞ்ஹி ஸப்³ப³ஸோ அனுஸ்ஸரணங் இதரேஸங் அவிஸயோ. தேனாஹ ‘‘அஞ்ஞேஸங் அஸாதா⁴ரண’’ந்தி. பச்சத்தவசனே தி³ஸ்ஸதி யங்-ஸத்³தோ³ கம்மத்த²தீ³பனதோ. உபயோக³வசனே தி³ஸ்ஸதி யங்-ஸத்³தோ³ புச்ச²னகிரியாய கம்மத்த²தீ³பனதோ. தந்தி ச உபயோக³வசனமேவ புச்ச²தி-ஸத்³த³ஸ்ஸ த்³விகம்மகபா⁴வதோ. யந்தி யேன காரணேனாதி அயமெத்த² அத்தோ²தி ஆஹ ‘‘கரணவசனே தி³ஸ்ஸதீ’’தி. பு⁴ம்மேதி த³ட்ட²ப்³போ³தி யதா² யங்-ஸத்³தோ³ ந கேவலங் பச்சத்தஉபயோகே³ஸு ஏவ, அத² கோ² கரணேபி தி³ஸ்ஸதி, ஏவங் இத⁴ பு⁴ம்மேதி த³ட்ட²ப்³போ³. த³ஸஸஹஸ்ஸிலோகதா⁴துந்தி ஜாதிக்கெ²த்தபூ⁴தங் த³ஸஸஹஸ்ஸசக்கவாளங். உன்னாதெ³ந்தோ உப்பஜ்ஜி
காலஸ்ஸ ப⁴த்³த³தா நாம தத்த² ஸத்தானங் கு³ணவிபூ⁴தியா, பு³த்³து⁴ப்பாத³பரமா ச கு³ணவிபூ⁴தீதி தப்³ப³ஹுலதா யஸ்ஸ கப்பஸ்ஸ ப⁴த்³த³தாதி ஆஹ ‘‘பஞ்சபு³த்³து⁴ப்பாத³படிமண்டி³தத்தா ஸுந்த³ரகப்பே’’தி, ததா² ஸாரபூ⁴தகு³ணவஸேன ‘‘ஸாரகப்பே’’தி ‘‘யதோ பட்டா²யா’’திஆதி³ வுத்தங். தத்த² யதோ பட்டா²யாதி யதோ பபு⁴தி அபி⁴னீஹாரோ கதோதி மனுஸ்ஸத்தாதி³அட்ட²ங்க³ஸமன்னாக³தோ அபி⁴னீஹாரோ பவத்திதோ. ஸங்ஸாரஸ்ஸ அனாதி³பா⁴வதோ இமஸ்ஸ ப⁴க³வதோ அபி⁴னீஹாரதோ புரேதரங் உப்பன்னா ஸம்மாஸம்பு³த்³தா⁴ அனந்தா அபரிமெய்யாதி தேஹி உப்பன்னகப்பே நிவத்தெந்தோ ‘‘ஏதஸ்மிங் அந்தரே’’தி ஆஹ. காமங் தீ³பங்கரபு³த்³து⁴ப்பாதே³ அயங் ப⁴க³வா அபி⁴னீஹாரமகாஸி, தஸ்ஸ பன ப⁴க³வதோ நிப்³ப³த்தி இமஸ்ஸ அபி⁴னீஹாரதோ புரிமதராதி வுத்தங் ‘‘அம்ஹாகங்…பே॰… நிப்³ப³த்திங்ஸூ’’தி.
அஸங்க்²யெய்யகப்பபரியோஸானேதி மஹாகப்பானங் அஸங்க்²யெய்யபரியோஸானே. ஏஸ நயோ இதோ பரேஸுபி. ‘‘இதோ திங்ஸகப்பஸஹஸ்ஸானங் உபரீ’’தி ஏதேன பது³முத்தரஸ்ஸ ப⁴க³வதோ, ஸுமேத⁴ஸ்ஸ ச ப⁴க³வதோ அந்தரே ஏகூனஸத்ததிகப்பஸஹஸ்ஸானி பு³த்³த⁴ஸுஞ்ஞானி அஹேஸுந்தி த³ஸ்ஸேதி. ‘‘இதோ அட்டா²ரஸன்னங் கப்பஸஹஸ்ஸானங் உபரீ’’தி இமினா ஸுஜாதஸ்ஸ ப⁴க³வதோ, அத்த²த³ஸ்ஸிஸ்ஸ ச ப⁴க³வதோ அந்தரே ‘‘இதோ சதுனவுதே கப்பே’’தி இமினா த⁴ம்மத³ஸ்ஸிஸ்ஸ ப⁴க³வதோ, ஸித்³த⁴த்த²ஸ்ஸ ச ப⁴க³வதோ அந்தரே சா²தி⁴கனவஸதுத்தரானி ஸத்தரஸகப்பஸஹஸ்ஸானி பு³த்³த⁴ஸுஞ்ஞானி அஹேஸுந்தி த³ஸ்ஸேதி. ‘‘ஏகதிங்ஸே கப்பே’’தி இமினா விபஸ்ஸிஸ்ஸ ப⁴க³வதோ, ஸிகி²ஸ்ஸ ச ப⁴க³வதோ அந்தரே ஸட்டி² கப்பானி பு³த்³த⁴ஸுஞ்ஞானி அஹேஸுந்தி த³ஸ்ஸேதி. தே ஸப்³பே³பி பது³முத்தரஸ்ஸ ப⁴க³வதோ ஓரங் ஸுமேதா⁴தீ³ஹி உப்பன்னகப்பேஹி ஸத்³தி⁴ங் ஸமோதா⁴னியமானா ஸதஸஹஸ்ஸா கப்பா ஹொந்தி, யத்த² மஹாஸாவகாத³யோ (தே²ரகா³॰ அட்ட²॰ 2.21 வங்கீ³ஸத்தே²ரகா³தா²வண்ணனா) விவட்டூ பனிஸ்ஸயானி ‘‘ஏவமய’’ந்திஆதி³ வுத்தமேவத்த²ங் நிக³மனவஸேன வத³தி.
‘‘கிங் பனேத’’ந்திஆதி³ புப்³ப³னிமித்தவிபா⁴வனத்தா²ய ஆரத்³த⁴ங். தத்த² ஏதந்தி பு³த்³தா⁴னங் உப்பஜ்ஜனங். கப்பஸண்டா²னகாலஸ்மிந்தி விவட்டகப்பஸ்ஸ ஸண்ட²ஹனகாலே. ஏகமஸங்க்²யெய்யந்தி ஸங்வட்டட்டா²யிங் ஸந்தா⁴யாஹ. ஏகங்க³ணங் ஹுத்வா டி²தேதி பப்³ப³தருக்க²க³ச்சா²தீ³னங், மேகா⁴தீ³னஞ்ச அபா⁴வேன விவடங்அங்க³ணங் ஹுத்வா டி²தே. லோகஸன்னிவாஸேதி உஸப⁴ங். ‘‘உஸப⁴மத்தா, த்³வே உஸப⁴மத்தா’’திஆதி³னா பச்சேகங் மத்தா-ஸத்³தோ³ யோஜேதப்³போ³. யோஜனஸஹஸ்ஸமத்தா ஹுத்வாதி பதமானாவ உத³கதா⁴ரா யோஜனஸஹஸ்ஸமத்தங் ஆகாஸட்டா²னங் ப²ரித்வா பவத்தியா யோஜனஸஹஸ்ஸமத்தா ஹுத்வா. யாவ அவினட்ட²ப்³ரஹ்மலோகாதி யாவ ஆப⁴ஸ்ஸரப்³ரஹ்மலோகா, யாவ ஸுப⁴கிண்ஹப்³ரஹ்மலோகா, யாவ வேஹப்ப²லப்³ரஹ்மலோகாதி அத்தோ².
வாதவஸேனாதி ஸட்டி²ஸஹஸ்ஸாதி⁴கனவயோஜனஸதஸஹஸ்ஸுப்³பே³த⁴ஸ்ஸ ஸந்தா⁴ரகவாதமண்ட³லஸ்ஸ வஸேன. மஹாபோ³தி⁴பல்லங்கோதி மஹாபோ³தி⁴பல்லங்கப்பதே³ஸமாஹ. தஸ்ஸ பச்சா² வினாஸோ, பட²மங் ஸண்ட²ஹனஞ்ச த⁴ம்மதாவஸேன வேதி³தப்³ப³ங். தத்தா²தி தஸ்மிங் பதே³ஸே. புப்³ப³னிமித்தங் ஹுத்வாதி பு³த்³த⁴ப்பாத³ஸ்ஸ புப்³ப³னிமித்தங் ஹுத்வா. புப்³ப³னிமித்தஸன்னிஸ்ஸயோ ஹி க³ச்சோ² நிஸ்ஸிதவோஹாரேன ததா² வுத்தோ. தேனாஹ ‘‘தஸ்ஸா’’திஆதி³. கண்ணிகாப³த்³தா⁴னி ஹுத்வாதி ஆப³த்³த⁴கண்ணிகா விய ஹுத்வா. ஸுத்³தா⁴வாஸப்³ரஹ்மானோ அத்தமனா…பே॰… க³ச்ச²ந்தீதி யோஜனா. வேஹப்ப²லேபி ஸுப⁴கிண்ஹே ஸங்க³ஹெத்வா ‘‘நவ ப்³ரஹ்மலோகா’’தி வுத்தங். ததா² ஹி தே நிக்க²மந்தேஸூதி மஹாபி⁴னிக்க²மனங் அபி⁴னிக்க²மந்தேஸு. அபி⁴ஜாதி பனெத்த² ஜாதிபா⁴வஸாமஞ்ஞேன க³ப்³போ⁴க்கந்தியாவ ஸங்க³ஹிதா. நிமீயதி அனுமீயதி ப²லங் ஏதேனாதி நிமித்தங், காரணங். ஞாபகம்பி ஹி காரணங் தி³ஸ்வா தஸ்ஸ அப்³யபி⁴சாரீபா⁴வேன ப²லங் ஸித்³த⁴மேவ கத்வா க³ண்ஹி, யதா² தங் அஸிதோ இஸி அபி⁴ஜாதியங் மஹாபுரிஸஸ்ஸ லக்க²ணானி தி³ஸ்வா தேஸங் அப்³யபி⁴சாரீபா⁴வேன பு³த்³த⁴கு³ணே ஸித்³தே⁴ ஏவ கத்வா க³ண்ஹி, ஏவங் ‘‘தேஸங் நிமித்தானங் ஆனுபா⁴வேனா’’திஆதி³. ததா² சாஹ ப⁴க³வா ‘‘ஸோ தேன லக்க²ணேன ஸமன்னாக³தோ…பே॰… ராஜா ஸமானோ கிங் லப⁴தி, பு³த்³தோ⁴ ஸமானோ கிங் லப⁴தீ’’தி (தீ³॰ நி॰ 3.202, 204) ச ஏவமாதி³. இமமத்த²ந்தி பஞ்ச பு³த்³தா⁴ இமஸ்மிங் கப்பே உப்பஜ்ஜிஸ்ஸந்தீதி இமமத்த²ங் யாதா²வதோ ஜானிங்ஸு.
ஜாதிபரிச்சே²தா³தி³வண்ணனா
5-7. கப்பபரிச்சே²த³வஸேனாதி பரிச்சே²தோ³. பரித்தந்தி இத்தரங். லஹுகந்தி ஸல்லஹுகங், ஆயுனோ அதி⁴ப்பேதத்தா ரஸ்ஸந்தி வுத்தங் ஹோதி. தேனாஹ ‘‘உப⁴யமேதங் அப்பகஸ்ஸேவ வேவசன’’ந்தி.
‘‘அப்பங் வா பி⁴ய்யோ’’தி அவிஸேஸஜோதனங் ‘‘வீஸங் வா திங்ஸங் வா’’திஆதி³னா அனியமிதவஸேனேவ யதா²லாப⁴தோ ‘‘ஏவங் தீ³கா⁴யுகோ பன அதிது³ல்லபோ⁴’’தி ஆஹ. இத³ங் தங் விஸேஸவவத்தா²பனங் புக்³க³லேஸு பக்கி²பித்வா த³ஸ்ஸெந்தோ ‘‘தத்த² விஸாகா²’’திஆதி³மாஹ.
யதி³ ஏவங் கஸ்மா அம்ஹாகங் ப⁴க³வா தத்தகம்பி காலங் ந ஜீவி, நனு மஹாபோ³தி⁴ஸத்தா சரிமப⁴வே அதிவியஉளாரதமேன புஞ்ஞாபி⁴ஸங்கா²ரேன படிஸந்தி⁴ங் க³ண்ஹந்தீதி? ஸச்சமேதந்தி. தத்த² காரணங் த³ஸ்ஸேதுங் ‘‘விபஸ்ஸீஆத³யோ பனா’’திஆதி³ வுத்தங். தத்த² அபி⁴ஜாதியா மெத்தாடா²னதாய அபி⁴ஸங்கா²ரவிஞ்ஞாணஸ்ஸ மெத்தாபுப்³ப³பா⁴க³தா. தத³னுகு³ணஞ்ஹி தேஸங் விஸேஸதோ படிஸந்தி⁴விஞ்ஞாணங். தஸ்ஸ விஸேஸதோ ப³ஹுலங் கே²மவிதக்கூபனிஸ்ஸயதாய ஸோமனஸ்ஸஸஹக³ததா, அனஞ்ஞஸாதா⁴ரணபரோபதே³ஸரஹிதஞாணவிஸேஸூபனிஸ்ஸயதாய ஞாணஸம்பயுத்ததா, அஸங்கா²ரிகதா ச வேதி³தப்³பா³, அஸங்க்²யெய்யங் ஆயு ஆதா⁴ரவிஸேஸதோ, நிஸ்ஸயவிஸேஸதோ, படிபக்க²தூ³ரீபா⁴வதோ, பவத்திஆகாரவிஸேஸதோ ச அபரிமெய்யானுபா⁴வதாய காரணஸ்ஸ. தத்த² சிரதரங் காலங் ஸந்தானஸ்ஸ பாரமிதாபரிபா⁴விததா ஆதா⁴ரவிஸேஸதா. அலோப⁴ஜ்ஜா²ஸயாதி³ஆஸயஸம்பதா³ நிஸ்ஸயவிஸேஸதா. லாப⁴மச்ச²ரியாதி³பாபத⁴ம்மவிக்க²ம்ப⁴னங் படிபக்க²தூ³ரீபா⁴வோ. ஸப்³ப³ஸத்தானங் ஸகலவட்டது³க்க²னிஸ்ஸரணத்தா²ய ஆயூஹனா பவத்திஆகாரவிஸேஸோ வேதி³தப்³போ³.
அயஞ்ச ‘‘இதி ஸப்³பே³ பு³த்³தா⁴ அஸங்க்²யெய்யாயுகா’’தி, அஸங்க்²யெய்யகாலாவத்தா²னாயுகாதி அத்தோ². அஸங்க்²யெய்யாயுகஸங்வத்தனஸமத்த²ங் பரிசிதங் கம்மங் ஹோதி, பு³த்³தா⁴ பன ததா³ மனுஸ்ஸானங் அட்ட²கதா²யங் பன ததோ பரங் பன அட்டா²னஸ்ஸ ‘‘உதுபோ⁴ஜனவிபத்தியா’’தி (தீ³॰ நி॰ அட்ட²॰ 2.5) காரணங் வுத்தங், ‘‘தங் லோகஸாதா⁴ரணங் லோகே ஜாதஸங்வுத்³தா⁴னங் ததா²க³தானங் ந ஹோதீ’’தி ந ஸக்கா வத்துங். ததா² ஹி நேஸங் ரோக³கிலமதா²த³யோ ஹொந்தியேவ. உதுபோ⁴ஜனவஸேனாதி அஸம்பன்னஸ்ஸ, ஸம்பன்னஸ்ஸ ச உதுனோ, போ⁴ஜனஸ்ஸ ச வஸேன யதா²க்கமங் ஆயு ஹாயதிபி வட்³ட⁴திபி. ஆயூதி ச பரமாயு அதி⁴ப்பேதங். தத்த² யங் வத்தப்³ப³ங், தங் ப்³ரஹ்மஜாலாதி³டீகாயங் (தீ³॰ நி॰ டீ॰ 1.40) வுத்தமேவ.
இதா³னி தமத்த²ங் ஸமுதா³க³மதோ பட்டா²ய த³ஸ்ஸேதுங் ‘‘தத்த² யதா³’’திஆதி³ வுத்தங். த⁴ம்மே நியுத்தா த⁴ம்மிகா, ந த⁴ம்மிகா அத⁴ம்மிகா, ஹிங்ஸாதி³அத⁴ம்மபஸுதா. அத⁴ம்மிகமேவ ஹோதி இஸ்ஸரஜனானங் அனுவத்தனேன, பரேஸங் தி³ட்டா²னுக³திஆபஜ்ஜனேன ச. உண்ஹவலாஹகா தே³வதாதி உண்ஹஉதுனோ பச்சயபூ⁴தமேக⁴மாலாஸமுட்டா²பகா தே³வபுத்தா. தேஸங் கிர ததா² சித்துப்பாத³ஸமகாலமேவ யதி²ச்சி²தட்டா²னங் உண்ஹங் ப²ரமானா வலாஹகமாலா நாதிப³ஹலா இதோ சிதோ நப⁴ங் சா²தெ³ந்தீ விதனோதி. ஏஸ நயோ ஸீதவலாஹகவஸ்ஸவலாஹகாஸு. அப்³ப⁴வலாஹகா பன தே³வதா ஸீதுண்ஹவஸ்ஸேஹி வினா கேவலங் அப்³ப⁴படலஸ்ஸேவ ஸமுட்டா²பகா வேதி³தப்³பா³. தாஸந்தி எத்த² ‘‘மித்தா’’தி பத³ங் ஆனெத்வா யோஜனா. காமங் ஹெட்டா² வுத்தா ஸத்தவிதா⁴பி தே³வதா சாதுமஹாராஜிகாவ தா பன தேன தேன விஸேஸேன வத்வா இதா³னி தத³ஞ்ஞே பட²மபூ⁴மிகே காமாவசரதே³வே ஸாமஞ்ஞதோ க³ண்ஹந்தோ ‘‘சாதுமஹாராஜிகா’’தி ஆஹ. தாஸங் அத⁴ம்மிகதாயாதி ராஜூனங் அத⁴ம்மிகபா⁴வமூலகேன உபராஜாதி³அத⁴ம்மிகபா⁴வபரம்பராப⁴தேன தாஸங் தே³வதானங் அத⁴ம்மிகபா⁴வேன. விஸமங் சந்தி³மஸூரியா பரிஹரந்தீதி ‘‘வாதோ யதா²மக்³கே³ன ந வாயதீ’’திஆதி³ வுத்தங். தே³வதானந்தி ஸீதவலாஹகதே³வதாதி³தே³வதானங். தேனாஹ ‘‘ஸீதுண்ஹபே⁴தோ³ உதூ’’திஆதி³. தஸ்மிங் அஸம்பஜ்ஜந்தேதி தஸ்மிங் யதா²வுத்தே வஸ்ஸபீ³ஜபூ⁴தே உதும்ஹி யதா²காலங் ஸம்பத்திங் அனுபக³ச்ச²ந்தே.
‘‘ந ‘‘கதா³சீ’’திஆதி³மாஹ. தத்த² கதா³சி வஸ்ஸதீதி கதா³சி அவஸ்ஸனகாலே வஸ்ஸதி. கதா³சி ந வஸ்ஸதீதி கதா³சி வஸ்ஸிதப்³ப³காலே ந வஸ்ஸதி. கத்த²சி வஸ்ஸதி, கத்த²சி ந வஸ்ஸதீதி பதே³ஸமாஹ. ‘‘வஸ்ஸந்தோபீ’’திஆதி³ ‘‘கதா³சி வஸ்ஸதி, கதா³சி ந வஸ்ஸதீ’’தி பத³த்³வயஸ்ஸேவ அத்த²விவரணங். விக³தக³ந்த⁴வண்ணரஸாதீ³தி ஆதி³-ஸத்³தே³ன நிரோஜதங் ஸங்க³ண்ஹாதி. ஏகஸ்மிங் பதே³ஸேதி ப⁴த்தபசனபா⁴ஜனஸ்ஸ ஏகபஸ்ஸே. உத்தண்டு³லந்தி பாகதோ உக்கந்ததண்டு³லங். தீஹாகாரேஹீதி ஸப்³ப³ஸோ அபரிணதங், ஏகதே³ஸேன பரிணதங், து³பரிணதஞ்சாதி ஏவங் தீஹாகாரேஹி. பச்சதி பக்காஸயங் உபக³ச்ச²தி. அப்பாயுகாதி எத்த² ‘‘து³ப்³ப³ண்ணா சா’’திபி வத்தப்³ப³ங். ஏவங் உதுபோ⁴ஜனவஸேன ஆயு ஹாயதி ஹேதும்ஹி அபரிக்கீ²ணேபி பச்சயஸ்ஸ பரிது³ப்³ப³லத்தா.
‘‘யதா³ பனா’’திஆதி³ ஸுக்கபக்க²ஸ்ஸ அத்தோ² வுத்தவிபரியாயேன வேதி³தப்³போ³.
வட்³டி⁴த்வா வட்³டி⁴த்வா பரிஹீனந்தி வேதி³தப்³ப³ங். கஸ்மா? ந ஹி ஏகஸ்மிங் அந்தரகப்பே அனேகே பு³த்³தா⁴ உப்பஜ்ஜந்தி, ஏகோ ஏவ பன உப்பஜ்ஜதீதி. இதா³னி தமத்த²ங் வித்தா²ரதோ த³ஸ்ஸேதுங் ‘‘கத²’’ந்திஆதி³ வுத்தங். சத்தாரி ட²த்வாதி அச்சந்தஸங்யோகே³ உபயோக³வசனங். யங்யங்ஆயுபரிமாணேஸூதி யத்தகயத்தகபரமாயுப்பமாணேஸு. தேஸம்பீதி பு³த்³தா⁴னங். தங் ததே³வ ஆயுபரிமாணங் ஹோதி, தத்த² காரணங் ஹெட்டா² வுத்தமேவ.
ஜாதிபரிச்சே²தா³தி³வண்ணனா நிட்டி²தா
போ³தி⁴பரிச்சே²த³வண்ணனா
8. மூலேதி ‘‘பாடலிருக்க²ஸ்ஸ ஹெட்டா²’’தி. தங்தி³வஸந்தி அத்தனா ஜாததி³வஸே, தங்தி³வஸந்தி வா தங் ப⁴க³வதோ அபி⁴ஸம்போ³தி⁴தி³வஸே. ஸோ கிர போ³தி⁴ருக்கோ² ஸாலகல்யாணீ விய பத²வியா அப்³ப⁴ந்தரே ஏவ புரேதரங் வட்³டெ⁴ந்தோ அபி⁴ஸம்போ³தி⁴தி³வஸே பத²விங் உப்³பி⁴ஜ்ஜித்வா உட்டி²தோ ரதனஸதங் உச்சோ, தாவதே³வ ச வித்த²தோ ஹுத்வா நப⁴ங் பூரெந்தோ அட்டா²ஸி. அயம்பி கிரேதஸ்ஸ ருக்க²பா⁴வேன விய அஞ்ஞேஹி வேமத்ததா. க⁴னஸங்ஹதனாளவண்டதாய கண்ணிகப³த்³தே⁴ஹி விய புப்பே²ஹி. ஏகஸஞ்ச²ன்னாதி புப்பா²னங் நிரந்தரதாய தத்த² தத்த² நிப³த்³த⁴…பே॰… ஸமுஜ்ஜலந்தி தஹங் தஹங் ஓலம்பி³தகுஸுமதா³மேஹி சேவ தஹங் தஹங் கி²த்தமாலாபிண்டீ³ஹி ச இதோ சிதோ விப்பகிண்ணவிவித⁴வண்டமுத்தபுப்பே²ஹி ச ஸம்மதே³வ உஜ்ஜலங். அஞ்ஞமஞ்ஞங் ஸிரீஸம்பத்தானீதி அஞ்ஞமஞ்ஞஸ்ஸ ஸிரியா ஸோபா⁴ய ஸம்பன்னானி. பு³த்³த⁴கு³ணவிப⁴வஸிரிந்தி ஸம்மாஸம்பு³த்³தே⁴ஹி அபி⁴க³ந்தப்³ப³கு³ணவிபூ⁴திஸோப⁴ங். படிவிஜ்ஜ²மானோதி அதி⁴க³ச்ச²ந்தோ.
ஸேதம்ப³ருக்கோ²தி ஸேதவண்ணப²லோ அம்ப³ருக்கோ². ததே³வாதி ஏகதோதி ஏகபஸ்ஸே. ஸுரஸானீதி ஸுமது⁴ரரஸானி.
ஏகோவ பல்லங்கோதி ஏகோவ பல்லங்கப்பதே³ஸோ. ஸோ ஸோ ருக்கோ² ‘‘போ³தீ⁴’’தி வுச்சதி பு³ஜ்ஜ²ந்தி எத்தா²தி கத்வா.
ஸாவகயுக³பரிச்சே²த³வண்ணனா
9. ஸாவகபரிச்சே²தே³தி ஸாவகயுக³பரிச்சே²தே³. ‘‘க²ண்ட³திஸ்ஸ’’ந்தி த்³வேபி ஏகஜ்ஜ²ங் க³ஹெத்வா ஏகத்தவஸேன வுத்தந்தி ஆஹ ‘‘க²ண்டோ³ ச திஸ்ஸோ சா’’தி, பு³த்³தா⁴னங் ஸஹோத³ரோ, வேமாதிகோபி வா ஜெட்ட²பா⁴தா ந ஹோதீதி ‘‘ஏகபிதிகோ கனிட்ட²பா⁴தா’’தி வுத்தங். அவஸேஸேஹி புத்தேஹி. ‘‘பஞ்ஞாபாரமியா மத்த²கங் பத்தோ’’தி வத்வா தஸ்ஸ மத்த²கப்பத்தங் கு³ணவிஸேஸங் த³ஸ்ஸேதுங் ‘‘ஸிகி²னா ப⁴க³வதா’’திஆதி³ வுத்தங்.
உத்தரோதி உத்தமோ. புன உத்தரோதி தே²ரங் நாமேன வத³தி. பாரந்தி பரகோடிமத்த²கங். பஞ்ஞாவிஸயேதி பஞ்ஞாதி⁴காரே. பவத்திட்டா²னவஸேன ஹி பவத்திங் வத³தி.
ஸாவகஸன்னிபாதபரிச்சே²த³வண்ணனா
10. உபோஸத²ந்தி து³தியததியேஸூதி து³தியே, ததியே ச ஸாவகஸன்னிபாதே. ஏஸேவ நயோதி சதுரங்கி³கதங் அதிதி³ஸதி. அபி⁴னீஹாரதோ பட்டா²ய வத்து²ங் கதெ²த்வா பப்³ப³ஜ்ஜா தீ³பேதப்³பா³, ஸா பன யஸ்மா மனோரத²பூரணியங் அங்கு³த்தரட்ட²கதா²யங் (அ॰ நி॰ அட்ட²॰ 1.1.211) வித்தா²ரதோ ஆக³தா, தஸ்மா தத்த² வுத்தனயேனேவ வேதி³தப்³பா³தி.
உபட்டா²கபரிச்சே²த³வண்ணனா
11. நிப³த்³து⁴பட்டா²கபா⁴வந்தி ‘‘ப⁴க³வதோ ஹீ’’திஆதி³. இதா³னி ஆனந்த³த்தே²ரோ யேன காரணேன ஸத்து² நிப³த்³து⁴பட்டா²கபா⁴வங் உபக³தோ, யதா² ச உபக³தோ, தங் த³ஸ்ஸேதுங் ‘‘தத்த² ஏகதா³’’திஆதி³ வுத்தங். ‘‘அஹங் இமினா மக்³கே³ன க³ச்சா²மீ’’தி ஆஹ அனயப்³யஸனாபாத³கேன கம்முனா சோதி³யமானோ அத² நங் ப⁴க³வா தமத்த²ங் அனாரோசெத்வாவ கே²மங் மக்³க³ங் ஸந்தா⁴ய ‘‘ஏஹி பி⁴க்கு² இமினா க³ச்சா²மா’’தி ஆஹ. கஸ்மா பனஸ்ஸ ப⁴க³வா தமத்த²ங் நாரோசேஸீதி? ஆரோசிதேபி அஸத்³த³ஹந்தோ நாதி³யிஸ்ஸதி. தஞ்ஹி தஸ்ஸ ஹோதி தீ³க⁴ரத்தங் அஹிதாய து³க்கா²யாதிதி. தேதி தே க³மனங், ‘‘த’’ந்தி வா பாடோ².
அன்வாஸத்தோதி அனுப³த்³தோ⁴, உபத்³து³தோ வா. த⁴ம்மகா³ரவனிஸ்ஸிதோ ஸங்வேகோ³ த⁴ம்மஸங்வேகோ³ ‘‘அம்ஹேஸு நாம திட்ட²ந்தேஸு ப⁴க³வதோபி ஈதி³ஸங் ஜாத’’ந்தி. ‘‘அஹங் உபட்ட²ஹிஸ்ஸாமீ’’தி வத³ந்தோ த⁴ம்மஸேனாபதி அத்த²தோ ஏவங் வத³ந்தோ நாம ஹோதீதி ‘‘அஹங் ப⁴ந்தே தும்ஹே’’திஆதி³ வுத்தங். அஸுஞ்ஞாயேவ மே ஸா தி³ஸாதி அஸுஞ்ஞாயேவ மம ஸா தி³ஸா. தத்த² காரணமாஹ ‘‘தவ ஓவாதோ³ பு³த்³தா⁴னங் ஓவாத³ஸதி³ஸோ’’தி.
வஸிதுங் ந த³ஸ்ஸதீதி ஏகக³ந்த⁴குடியங் வாஸங் ந லபி⁴ஸ்ஸதீதி அதி⁴ப்பாயோ. பரம்முகா² தே³ஸிதஸ்ஸாபி த⁴ம்மஸ்ஸாதி ஸுத்தந்ததே³ஸனங் ஸந்தா⁴ய வுத்தங். அபி⁴த⁴ம்மதே³ஸனா பனஸ்ஸ பரம்முகா²வ பவத்தா பகே³வ யாசனாய. தஸ்ஸா வாசனாமக்³கோ³பி ஸாரிபுத்தத்தே²ரப்பப⁴வோ. கஸ்மா? ஸோ நித்³தே³ஸபடிஸம்பி⁴தா³ விய
அக்³கு³பட்டா²கோதி உபட்டா²னே ஸக்கச்சகாரிதாய அக்³க³பூ⁴தோ உபட்டா²கோ. தே²ரோ ஹி உபட்டா²கட்டா²னங் லத்³த⁴காலதோ பட்டா²ய ப⁴க³வந்தங் து³விதே⁴ன உத³கேன, திவிதே⁴ன த³ந்தகட்டே²ன, பாத³பரிகம்மேன, க³ந்த⁴குடிபரிவேணஸம்மஜ்ஜனேனாதி ஏவமாதீ³ஹி கிச்சேஹி உபட்ட²ஹந்தோ ‘‘இமாய நாம வேலாய ஸத்து² இத³ங் நாம லத்³து⁴ங் வட்டதி, இத³ங் நாம காதுங் வட்டதீ’’தி சிந்தெத்வா
12. பிதுமாதுஜாதனக³ரபரிச்சே²தோ³ பிதுமுகே²ன ஆக³தத்தா ‘‘பிதிபரிச்சே²தோ³’’தி வுத்தோ.
விஹாரங் பாவிஸீதி க³ந்த⁴குடிங் பாவிஸி. எத்தகங் கதெ²த்வாதி கப்பபரிச்சே²தா³தி³னவவாரபடிமண்டி³தங் விபஸ்ஸீஆதீ³னங் ஸத்தன்னங் பு³த்³தா⁴னங் புப்³பே³னிவாஸபடிஸங்யுத்தங் எத்தாவதா தே³ஸனங் தே³ஸெத்வா. கஸ்மா பனெத்த² ப⁴க³வா விபஸ்ஸீஆதீ³னங் ஸத்தன்னங்யேவ பு³த்³தா⁴னங் புப்³பே³னிவாஸங் கதே²ஸி, ந பு³த்³த⁴வங்ஸதே³ஸனாயங் (பு³॰ வங்॰ 64 கா³தா²த³யோ) விய பஞ்சவீஸதியா பு³த்³தா⁴னங், ததோ வா பன பி⁴ய்யோதி? அனதி⁴காரதோ, பயோஜனாபா⁴வதோ ச. பு³த்³த⁴வங்ஸதே³ஸனாயஞ்ஹி (பு³॰ வங்॰ 75) –
‘‘கீதி³ஸோ தே மஹாவீர, அபி⁴னீஹாரோ நருத்தம;
கம்ஹி காலே தயா வீர, பத்தி²தா போ³தி⁴முத்தமா’’தி. ஆதி³னா –
பவத்தங் தங் புச்ச²ங் அதி⁴காரங் அட்டு²ப்பத்திங் கத்வா யஸ்ஸ ஸம்மாஸம்பு³த்³த⁴ஸ்ஸ பாத³மூலே அத்தனா மஹாபி⁴னீஹாரோ கதோ, தங் தீ³பங்கரங் ப⁴க³வந்தங் ஆதி³ங் கத்வா யேஸங் சதுவீஸதியா பு³த்³தா⁴னங் ஸந்திகா போ³தி⁴யா லத்³த⁴ப்³யாகரணோ ஹுத்வா தத்த² தத்த² பாரமியோ பூரேஸி, தேஸங் படிபத்திஸங்கா²தோ புப்³பே³னிவாஸோ, அத்தனோ ச படிபத்தி கதி²தா, இத⁴ பன தாதி³ஸோ அதி⁴காரோ நத்தி² ஆடானாடியபரித்த- (தீ³॰ நி॰ 3.275) தே³ஸனாத³யோ பவத்தா.
அபிசெத்த² நிரந்தரங் மத்த²கங் பாபெத்வாதி அபி⁴ஜாதிதோ பட்டா²ய யாவ பாதிமொக்கு²த்³தே³ஸோ யாவ தா பு³த்³த⁴கிச்சஸித்³தி⁴, தாவ மத்த²கங் ஸிக²ங் பாபெத்வா. ந தாவ கதி²தோதி யோஜனா.
தந்திந்தி த⁴ம்மதந்திங், பரியத்திந்தி அத்தோ². புத்தபுத்தமாதுயானவிஹாரத⁴னவிஹாரதா³யகாதீ³னங் ஸம்ப³ஹுலானங் அத்தா²னங் விபா⁴வனவஸேன பவத்தவாரோ ஸம்ப³ஹுலவாரோ.
ஸம்ப³ஹுலவாரவண்ணனா
காமஞ்சாயங் ‘‘ஸப்³ப³போ³தி⁴ஸத்தானஞ்ஹீ’’திஆதி³மாஹ. குலவங்ஸோ குலானுக்கமோ. பவேணீதி பரம்பரா. ‘‘கஸ்மா’’தி புத்துப்பத்தியா காரணங் புச்சி²த்வா தங் விஸ்ஸஜ்ஜெந்தோ ‘‘ஸப்³ப³ஞ்ஞுபோ³தி⁴ஸத்தானஞ்ஹீ’’திஆதி³மாஹ, தேன தேஸங் ஜாதனக³ராதி³ பஞ்ஞாயமானங் ஏகங்ஸதோ மனுஸ்ஸபா⁴வஸஞ்ஜானநத்த²ங் இச்சி²தப்³ப³ங், அஞ்ஞதா² யதா²தி⁴ப்பேதபு³த்³த⁴கிச்சஸித்³தி⁴ ஏவ ந ஸியாதி த³ஸ்ஸேதி, யதோ மஹாஸத்தானங் சரிமப⁴வே மனுஸ்ஸலோகே ஏவ பாதுபா⁴வோ, ந அஞ்ஞத்த².
ஸம்ப³ஹுலபரிச்சே²த³வண்ணனா
சந்தா³தீ³னங் ஸோபா⁴விஸேஸங் ரஹேதி சஜாபேதீதி ராஹு, ராஹுக்³க³ஹோ, இத⁴ பன ராஹு வியாதி ராஹு. ப³ந்த⁴னந்தி ச அனத்து²ப்பத்திட்டா²னதங் ஸந்தா⁴ய வுத்தங். ததா² மஹாஸத்தேன வுத்தவசனமேவ க³ஹெத்வா குமாரஸ்ஸ ‘‘ராஹுலோ’’தி நாமங் அகங்ஸு. அதா²தி நிபாதமத்தங். ரோசினீதி ரோசனஸீலா, உஜ்ஜலரூபாதி ருசக்³க³தீதி ருசங் பபா⁴தங் ஆக³திபூ⁴தா, க³-காராக³மங் கத்வா வுத்தங். இத்தி²ரதனபா⁴வதோ மனுஸ்ஸலோகே ஸப்³பா³ஸங் இத்தீ²னங் பி³ம்ப³படிச்ச²ன்னபூ⁴தாதி பி³ம்பா³.
ஜா²னா வுட்டா²யாதி பாத³கஜ்ஜா²னதோ உட்டா²ய.
அட்ட²ங்கு³லுப்³பே³தா⁴தி அட்ட²ங்கு³லப்பமாணப³ஹலபா⁴வா. சூளங்ஸேன சா²தெ³த்வாதி திரியபா⁴கே³ன ட²பனவஸேன ஸப்³ப³ங் விஹாரட்டா²னங் சா²தெ³த்வா. ஸுவண்ணயட்டி²பா²லேஹீதி பா²லப்பமாணாஹி ஸுவண்ணயட்டீ²ஹி. ஸுவண்ணஹத்தி²பாதா³னீதி பகதிஹத்தி²பாத³பரிமாணானி ஸுவண்ணக²ண்டா³னி. வுத்தனயேனேவாதி சூளங்ஸேனேவ. ஸுவண்ணகட்டீஹீதி ஸுவண்ணக²ண்டே³ஹி. ஸலக்க²ணானந்தி லக்க²ணஸம்பன்னானங் ஸஹஸ்ஸாரானங்.
போ³தி⁴பல்லங்கோதி அபி⁴ஸம்பு³ஜ்ஜ²னகாலே நிஸஜ்ஜட்டா²னங். அவிஜஹிதோதி ‘‘ஏகஸ்மிங்யேவ டா²னே ஹோதீ’’தி. பட²மபத³க³ண்டி²காதி பச்சி²மே ஸோபானப²லகே ட²த்வா ட²பியமானஸ்ஸ த³க்கி²ணபாத³ஸ்ஸ பதிட்ட²ஹனட்டா²னங். தங் பன யஸ்மா த³ள்ஹங் தி²ரங் கேனசி அபே⁴ஜ்ஜங் ஹோதி, தஸ்மா ‘‘பத³க³ண்டீ²’’தி வுத்தங். யஸ்மிங் விஹாரோபி ந விஜஹிதோ யேவாதி எத்தா²பி ஏஸேவ நயோ. புரிமங் விஹாரட்டா²னங் ந பரிச்சஜதீதி ஹி அத்தோ².
விஸிட்டா² மத்தா விமத்தா, விமத்தாவ வேமத்தங், விஸதி³ஸதாதி அத்தோ². பமாணங் ஆரோஹோ. பதா⁴னங் து³க்கரகிரியா. ரஸ்மீதி ஸரீரப்பபா⁴.
‘‘ஸத்தானங் பாகதிகஹத்தே²ன ச²ஹத்தோ² மஜ்ஜி²மபுரிஸோ, ததோ திகு³ணங் ப⁴க³வதோ ஸரீரப்பமாணந்தி ப⁴க³வா அட்டா²ரஸஹத்தோ²’’தி வத³ந்தி. அபரே பன ப⁴ணந்தி ‘‘மனுஸ்ஸானங் பாகதிகஹத்தே²ன சதுஹத்தோ² மஜ்ஜி²மபுரிஸோ, ததோ திகு³ணங் ப⁴க³வதோ ஸரீரப்பமாணந்தி ப⁴க³வா த்³வாத³ஸஹத்தோ² உபாதி³ன்னகரூபத⁴ம்மவஸேன, ஸமந்ததோ பன ப்³யாமமத்தங் ப்³யாமப்பபா⁴ ப²ரதீதி உபரி ச²ஹத்த²ங் அப்³பு⁴க்³க³தோ, ப³ஹலதரப்பபா⁴ ரூபேன ஸத்³தி⁴ங் அட்டா²ரஸஹத்தோ² ஹோதீ’’தி.
அத்³த⁴னியந்தி
அஜ்ஜா²ஸயபடிப³த்³த⁴ந்தி போ³தி⁴ஸம்பா⁴ரஸம்ப⁴ரணகாலே ததா²பவத்தஜ்ஜா²ஸயாதீ⁴னங், ததா²பவத்தபத்த²னானுரூபங் விபுலங், விபுலதரஞ்ச சரியாபிடகவண்ணனாயங் வுத்தனயேனேவ வேதி³தப்³போ³. எத்த² ச யஸ்மா ஸரீரப்பமாணங், பதா⁴னங், ஸரீரப்பபா⁴ ச பு³த்³தா⁴னங் விஸதி³ஸாதி இத⁴ பாளியங் அனாக³தா, தஸ்மா தேஹி ஸத்³தி⁴ங் வேமத்ததாஸாமஞ்ஞேன ஆயுகுலானிபி இத⁴ ஆஹரித்வா தீ³பிதானி. படிவித்³த⁴கு³ணேஸூதி அதி⁴க³தஸப்³ப³ஞ்ஞுகு³ணேஸு. நனு ச போ³தி⁴ஸம்பா⁴ரேஸு, வேனெய்யபுக்³க³லபரிமாணே ச வேமத்தங் நத்தீ²தி? ஸச்சங் நத்தி², தது³ப⁴யங் பன பு³த்³த⁴கு³ணக்³க³ஹணேன க³ஹிதமேவ ஹோதீதி ந உத்³த⁴டங். யத³க்³கே³ன ஹி ஸப்³ப³பு³த்³தா⁴னங் பு³த்³த⁴கு³ணேஸு வேமத்தங் நத்தி², தத³க்³கே³ன நேஸங் ஸம்போ³தி⁴ஸம்பா⁴ரேஸுபி வேமத்தங் நத்தீ²தி. கஸ்மா? ஹேதுஅனுரூபதாய ப²லஸ்ஸ
நிதி⁴கும்போ⁴தி சத்தாரோ மஹானித⁴யோ ஸந்தா⁴ய வத³தி. ஜாதோ சாதி. ச-ஸத்³தே³ன கதமஹாபி⁴னீஹாரோ சாதி அயம்பி அத்தோ² ஸங்க³ஹிதோதி த³ட்ட²ப்³போ³. வுத்தங் ஹேதங் பு³த்³த⁴வங்ஸே –
‘‘தாராக³ணா விரோசந்தி, நக்க²த்தா க³க³னமண்ட³லே;
விஸாகா² சந்தி³மாயுத்தா, து⁴வங் பு³த்³தோ⁴ ப⁴விஸ்ஸதீ’’தி. (பு³॰ வங்॰ 65);
‘‘ஏதேனேவ ச ஸப்³ப³பு³த்³தா⁴னங் விஸாகா²னக்க²த்தேனேவ மஹாபி⁴னீஹாரோ ஹோதீ’’தி ச வத³ந்தி.
13. அயங் க³தீதி அயங் பவத்தி பவத்தனாகாரோ, அஞ்ஞே புப்³பே³னிவாஸங் அனுஸ்ஸரந்தா இமினா ஆகாரேன அனுஸ்ஸரந்தீதி அத்தோ², யஸ்மா சுதிதோ பட்டா²ய யாவ படிஸந்தி⁴, தாவ அனுஸ்ஸரணங் ஆரோஹனங் அதீதஅதீததரஅதீததமாதி³ஜாதிஸங்கா²தே புப்³பே³னிவாஸே ஞாணஸ்ஸ அபி⁴முக²பா⁴வேன பவத்தீதி கத்வா. தஸ்மா படிஸந்தி⁴தோ பட்டா²ய யாவ சுதி, தாவ அனுஸ்ஸரணங் ஓரோஹனங் புப்³பே³னிவாஸே படிமுக²பா⁴வேன ஞாணஸ்ஸ பவத்தீதி ஆஹ ‘‘பச்சா²முக²ங் ஞாணங் பேஸெத்வா’’தி. சுதிக³ந்தப்³ப³ந்தி யங் பனித³ங் சுதியா ஞாணக³தியா க³ந்தப்³ப³ங், தங் க³மனங் பு³ஜ்ஜ²னந்தி அத்தோ². க³ருகந்தி பா⁴ரியங் து³க்கரங். தேனாஹ ‘‘ஆகாஸே பத³ங் த³ஸ்ஸெந்தோ வியா’’தி. அபரம்பி காரணந்தி யத்ராதி பச்சத்தத்தே², நாமாதி அச்ச²ரியத்தே² நிபாதோ, ஹி-ஸத்³தோ³ அனத்த²கோ. தேனாஹ ‘‘யோ நாம ததா²க³தோ’’தி. ஏவஞ்ச கத்வா ‘‘யத்ரா’’தி நிபாதவஸேன விஸுங் யத்ர-ஸத்³த³க்³க³ஹணங் ஸமத்தி²தங் ஹோதி. பபஞ்செந்தி ஸத்தஸந்தானங் ஸங்ஸாரே வித்தா²ரெந்தீதி பபஞ்சங். கம்மவட்டங் வுச்சதீதி கிலேஸவட்டஸ்ஸ பபஞ்சக்³க³ஹணேன, விபாகவட்டஸ்ஸ து³க்க²க்³க³ஹணேன க³ஹிதத்தா. பரியாதி³ன்னவட்டேதி ஸப்³ப³ஸோ கே²பிதவட்டே. ‘‘மக்³க³ஸீலேன ப²லஸீலேனா’’தி வத்வா தயித³ங் மக்³க³ப²லஸீலங் லோகியஸீலபுப்³ப³கங், பு³த்³தா⁴னஞ்ச ‘‘லோகியலோகுத்தரஸீலேனா’’தி வுத்தங். ஸமாதி⁴பஞ்ஞாஸுபி ஏஸேவ நயோ. ஸமாதி⁴பக்கா²தி ஸமாதி⁴ ச ஸமாதி⁴பக்கா² ச ஸமாதி⁴பக்கா², ஏகதே³ஸஸரூபேகஸேஸோ த³ட்ட²ப்³போ³. தேனாஹ ‘‘மக்³க³ஸமாதி⁴னா’’திஆதி³, ‘‘விஹாரோ க³ஹிதோ வா’’தி ச. ஸமாதி⁴பக்கா² நாம வீரியஸதிஆத³யோ.
ஸயந்தி அத்தனா. நீவரணாதீ³ஹீதி நீவரணேஹி சேவ ததே³கட்டே²ஹி ச பாபத⁴ம்மேஹி, விதக்கவிசாராதீ³ஹி ச. ‘‘விமுத்தத்தா விமுத்தீதி ஸங்க்²யங் க³ச்ச²ந்தீ’’தி இமினா விமுத்தி-ஸத்³த³ஸ்ஸ கம்மஸாத⁴னதங் ஆஹ அட்ட²ஸமாபத்திஆதி³விஸயத்தா தஸ்ஸ. விமுத்தத்தாதி ச ‘‘விக்க²ம்ப⁴னவஸேன விமுத்தத்தா’’திஆதி³னா யோஜேதப்³ப³ங். தஸ்ஸ தஸ்ஸாதி அனிச்சானுபஸ்ஸனாதி³கஸ்ஸ. பச்சனீகங்க³வஸேனாதி பஹாதப்³ப³படிபக்க²அங்க³வஸேன. படிப்பஸ்ஸத்³த⁴ந்தே உப்பன்னத்தாதி கிலேஸானங் படிப்பஸ்ஸம்ப⁴னங் படிப்பஸ்ஸத்³த⁴ங், ஸோ ஏவ அந்தோ பரியோஸானபா⁴வதோ, தஸ்மிங் ஸாதே⁴தப்³பே³ நிப்³ப³த்தத்தா, தங்தங்மக்³க³வஜ்ஜ²கிலேஸானங் படிப்பஸ்ஸம்ப⁴னவஸேன பவத்தத்தாதி அத்தோ². கிலேஸேஹி நிஸ்ஸடதா, அபக³மோ ச நிப்³பா³னஸ்ஸ தேஹி விவித்தத்தா ஏவாதி ஆஹ ‘‘தூ³ரே டி²தத்தா’’தி.
16. த⁴ம்மதா⁴தூதி த⁴ம்மானங் ஸபா⁴வோ, அத்த²தோ சத்தாரி அரியஸச்சானி. ஸுப்படிவித்³தா⁴தி ஸுட்டு² படிவித்³தா⁴ ஸவாஸனானங் ஸப்³பே³ஸங் கிலேஸானங் பஜஹனதோ. ஏவஞ்ஹி ஸப்³ப³ஞ்ஞுதா, த³ஸப³லஞாணாத³யோ சாதி ஸப்³பே³ பு³த்³த⁴கு³ணா ப⁴க³வதா அதி⁴க³தா அஹேஸுங். அரஹத்தங் த⁴ம்மதா⁴தூதி கேசி. ஸப்³ப³ஞ்ஞுதஞாணந்தி அபரே. த்³வீஹி பதே³ஹீதி த்³வீஹி வாக்யேஹி. ஆப³த்³த⁴ந்தி படிப³த்³த⁴ங் தங்மூலகத்தா உபரிதே³ஸனாய. தே³வசாரிககோலாஹலந்தி அத்தனோ தே³வலோகே சாரிகாயங் ஸுத்³தா⁴வாஸதே³வானங் குதூஹலப்பவத்திங் த³ஸ்ஸெந்தோ ஸுத்தந்தபரியோஸானே (தீ³॰ நி॰ அட்ட²॰ 2.91) விசாரெஸ்ஸதி, அத்த²தோ விபா⁴வெஸ்ஸதீதி யோஜனா. அயங் தே³ஸனாதி ‘‘இதோ ஸோ பி⁴க்க²வே’’திஆதி³னா (தீ³॰ நி॰ 2.4) வித்தா²ரதோ பவத்திததே³ஸனமாஹ. நிதா³னகண்டே³திஆதி³தோ தே³ஸிதங் உத்³தே³ஸதே³ஸனமாஹ. ஸா ஹி இமிஸ்ஸா தே³ஸனாய நிதா³னட்டா²னியத்தா ததா² வுத்தா.
போ³தி⁴ஸத்தத⁴ம்மதாவண்ணனா
17. ‘‘விபஸ்ஸீதி ‘‘தஞ்ச கோ²’’திஆதி³ வுத்தங். விவிதே⁴ அத்தே²தி திரோஹிதவிதூ³ரதே³ஸக³தாதி³கே நீலாதி³வஸேன பஸ்ஸனகுஸலதாயாதி த³ஸ்ஸனே நிபுணபா⁴வேன. யாதா²வதோ போ³தி⁴, ஸோ ஏவ ஸத்தயோக³தோ போ³தி⁴ஸத்தோதி ஆஹ ‘‘பண்டி³தஸத்தோ பு³ஜ்ஜ²னகஸத்தோ’’தி. ஸுசிந்திதசிந்திதாதி³னா பன பண்டி³தபா⁴வே வத்தப்³ப³மேவ நத்தி². யதா³ ச பனானேன மஹாபி⁴னீஹாரோ கதோ, ததோ பட்டா²ய மஹாபோ³தி⁴யங் ஏகந்தனின்னத்தா போ³தி⁴ம்ஹி ஸத்தோ போ³தி⁴ஸத்தோதி ஆஹ ‘‘போ³தி⁴ஸங்கா²தேஸூ’’திஆதி³. மக்³க³ஞாணபத³ட்டா²னஞ்ஹி ஸப்³ப³ஞ்ஞுதஞாணங், ஸப்³ப³ஞ்ஞுதஞாணபத³ட்டா²னஞ்ச மக்³க³ஞாணங் ‘‘போ³தீ⁴’’தி வுச்சதி. ‘‘ஸதோ ஸம்பஜானோ’’தி இமினா சதுத்தா²ய க³ப்³பா⁴வக்கந்தியா ஓக்கமீதி த³ஸ்ஸேதி. சதஸ்ஸோ ஹி க³ப்³பா⁴வக்கந்தியோ இதே⁴கச்சோ க³ப்³போ⁴ மாதுகுச்சி²யங் ஓக்கமனே, டா²னே, நிக்க²மனேதி தீஸு டா²னேஸு அஸம்பஜானோ ஹோதி, ஏகச்சோ பட²மே டா²னே ஸம்பஜானோ, ந இதரேஸு, ஏகச்சோ பட²மே, து³தியே ச டா²னே ஸம்பஜானோ, ந ததியே, ஏகச்சோ தீஸுபி டா²னேஸு ஸம்பஜானோ ஹோதி. தத்த² பட²மா க³ப்³பா⁴வக்கந்தி லோகியமஹாஜனஸ்ஸ வஸேன வுத்தா, து³தியா அஸீதிமஹாஸாவகானங் (தே²ரகா³॰ அட்ட²॰ 2.21 வங்கீ³ஸத்தே²ரகா³தா²வண்ணனாய வித்தா²ரோ) வஸேன, ததியா த்³வின்னங் அக்³க³ஸாவகானங், பச்சேகபு³த்³தா⁴னஞ்ச வஸேன. தே கிர கம்மஜவாதேஹி உத்³த⁴ங்பாதா³ அதோ⁴ஸிரா அனேகஸதபோரிஸே பபாதே விய யோனிமுகே² கி²த்தா தாளச்சி²க்³க³ளேன ஹத்தீ² விய ஸம்பா³தே⁴ன யோனிமுகே²ன நிக்க²மந்தா மஹந்தங் து³க்க²ங் பாபுணந்தி, தேன நேஸங் ‘‘மயங் நிக்க²மாமா’’தி ஸம்பஜஞ்ஞங் ந ஹோதி. சதுத்தா² ஸப்³ப³ஞ்ஞுபோ³தி⁴ஸத்தானங் வஸேன. தே ஹி மாதுகுச்சி²ம்ஹி படிஸந்தி⁴ங் க³ண்ஹந்தாபி பஜானந்தி, தத்த² வஸந்தாபி பஜானந்தி, நிக்க²மனகாலேபி பஜானந்தி. ந ஹி தே கம்மஜவாதா உத்³த⁴ங்பாதே³ அதோ⁴ஸிரே கத்வா கி²பிதுங் ஸக்கொந்தி, த்³வே ஹத்தே² பஸாரித்வா அக்கீ²னி உம்மீலெத்வா டி²தகாவ நிக்க²மந்தீதி. ஞாணேன பரிச்சி²ந்தி³த்வாதி புப்³ப³பா⁴கே³ பஞ்சமஹாவிலோகனஞாணேஹி சேவ ‘‘இதா³னி சவாமீ’’தி சுதிபரிச்சி²ந்த³னஞாணேன ச அபரபா⁴கே³ ‘‘இத⁴ மயா படிஸந்தி⁴ க³ஹிதா’’தி படிஸந்தி⁴பரிச்சி²ந்த³னஞாணேன ச பரிச்சி²ஜ்ஜ ஜானித்வா.
பஞ்சன்னங் பஞ்ச மஹாபரிச்சாகா³. தத்தா²பி காமங் அங்க³பரிச்சாகா³த³யோபி தா³னபாரமீயேவ, ததா²பி பரிச்சாக³விஸேஸபா⁴வத³ஸ்ஸனத்த²ஞ்சேவ ஸுது³க்கரபா⁴வத³ஸ்ஸனத்த²ஞ்ச ஞாதத்த²சரியா, ஸா ச கோ² கருணாயனவஸேன. ததா² ஸத்தலோகஸ்ஸ தி³ட்ட²த⁴ம்மிகஸம்பராயிகபரமத்தா²னங் வஸேன ஹிதசரியா லோகத்த²சரியா. கம்மஸ்ஸகதாஞாணவஸேன, அனவஜ்ஜகம்மாயதனஸிப்பாயதனவிஜ்ஜாடா²னவஸேன, க²ந்தா⁴யதனாதி³வஸேன, லக்க²ணத்தயாதி³தீரணவஸேன ச அத்தனோ, பரேஸஞ்ச தத்த² ஸதிபட்டா²னேன ஞாணசாரோ பு³த்³த⁴சரியா, ஸா பனத்த²தோ பஞ்ஞாபாரமீயேவ, ஞாணஸம்பா⁴ரவிஸேஸதாத³ஸ்ஸனத்த²ங் பன விஸுங் க³ஹணங். பு³த்³த⁴சரியானந்தி ப³ஹுவசனநித்³தே³ஸேன புப்³ப³யோக³புப்³ப³சரியாத⁴ம்மக்கா²னாதீ³னங் ஸங்க³ஹோ த³ட்ட²ப்³போ³. தத்த² க³தபச்சாக³தவத்தஸங்கா²தாய புப்³ப³பா⁴க³படிபதா³ய ஸத்³தி⁴ங் அபி⁴ஞ்ஞாஸமாபத்தினிப்பா²த³னங் புப்³ப³யோகோ³. தா³னாதீ³ஸுயேவ ஸாதிஸயபடிபத்தி புப்³ப³சரியா. ‘‘யாவ சரியாபிடகே ஸங்க³ஹிதா அபி⁴னீஹாரோ புப்³ப³யோகோ³, காயாதி³விவேகவஸேன ஏகசரியா புப்³ப³சரியா’’தி கேசி. தா³னாதீ³னஞ்சேவ அப்பிச்ச²தாதீ³னஞ்ச ஸங்ஸாரனிப்³பா³னேஸு ஆதீ³னவானிஸங்ஸானஞ்ச விபா⁴வனவஸேன, ஸத்தானங் போ³தி⁴த்தயே பதிட்டா²பனபரிபாசனவஸேன த⁴ம்மக்கா²னங். கோடிங் பத்வாதி பரங் பரியந்தங் பரமுக்கங்ஸங் பாபுணித்வா. ஸத்தமஹாதா³னானீதி அட்ட²வஸ்ஸிககாலே ‘‘ஹத³யமங்ஸாதீ³னிபி யாசகானங் த³தெ³ய்ய’’ந்தி அஜ்ஜா²ஸயங் உப்பாதெ³த்வா தி³ன்னதா³னங், மங்க³லஹத்தி²தா³னங், க³மனகாலே தி³ன்னங் ஸத்தஸத்தகமஹாதா³னங், மக்³க³ங் க³ச்ச²ந்தேன தி³ன்னங் அஸ்ஸதா³னங், ரத²தா³னங், புத்ததா³னங், ப⁴ரியாதா³னந்தி இமானி ஸத்த மஹாதா³னானி (சரியா॰ 79) த³த்வா.
‘‘இதா³னேவ மே மரணங் ஹோதூ’’தி அதி⁴முச்சித்வா காலகரணங் அதி⁴முத்திகாலகிரியா, தங் போ³தி⁴ஸத்தானங்யேவ, ந அஞ்ஞேஸங். போ³தி⁴ஸத்தா கிர தீ³கா⁴யுகதே³வலோகே டி²தா ‘‘இத⁴ டி²தஸ்ஸ மே போ³தி⁴ஸம்பா⁴ரஸம்ப⁴ரணங் ந ஸம்ப⁴வதீ’’தி கத்வா தத்த² வாஸதோ நிப்³பி³ந்த³மானஸா ஹொந்தி, ததா³ விமானங் பவிஸித்வா அக்கீ²னி நிமீலெத்வா ‘‘இதோ உத்³த⁴ங் மே ஜீவிதங் நப்பவத்ததூ’’தி சித்தங் அதி⁴ட்டா²ய நிஸீத³ந்தி, சித்தாதி⁴ட்டா²னஸமனந்தரமேவ மரணங் ஹோதி. பாரமீத⁴ம்மானஞ்ஹி ‘‘ஏகேனஅத்தபா⁴வேன அந்தரேன பாரமீனங் ஸப்³ப³ஸோ பூரிதத்தா’’தி இமினா பயோஜனாபா⁴வதோ தத்த² ட²த்வா அதி⁴முத்திகாலகிரியா
மனுஸ்ஸக³ணனாவஸேன, ந தே³வக³ணனாவஸேன. புப்³ப³னிமித்தானீதி சுதியா புப்³ப³னிமித்தானி. அமிலாயித்வாதி எத்த² அமிலாதக்³க³ஹணேனேவ தாஸங் மாலானங் வண்ணஸம்பதா³யபி க³ந்த⁴ஸம்பதா³யபி ஸோபா⁴ஸம்பதா³யபி அவினாஸோ த³ஸ்ஸிதோதி த³ட்ட²ப்³ப³ங். பா³ஹிரப்³ப⁴ந்தரானங் ரஜோஜல்லானங் லேபஸ்ஸபி அபா⁴வதோ தே³வானங் ஸரீரக³தானி வத்தா²னி ஸப்³ப³காலங் பரிஸுத்³த⁴ப்பப⁴ஸ்ஸரானேவ ஹுத்வா திட்ட²ந்தீதி ஆஹ ‘‘வத்தே²ஸுபி ஏஸேவ நயோ’’தி. நேவ ஸீதங் ந உண்ஹந்தி யஸ்ஸ ஸீதஸ்ஸ படிகாரவஸேன அதி⁴கங் ஸேவியமானங் உண்ஹங், ஸயமேவ வா க²ரதரங் ஹுத்வா அபி⁴ப⁴வந்தங் ஸரீரே ஸேத³ங் உப்பாதெ³ய்ய, தாதி³ஸங் நேவ ஸீதங், ந உண்ஹங் ஹோதி. தஸ்மிங் காலேதி யதா²வுத்தமரணாஸன்னகாலே. பி³ந்து³பி³ந்து³வஸேனாதி சி²ன்னஸுத்தாய ஆமுத்தமுத்தாவலியா நிபதந்தா முத்தகு³ளிகா விய பி³ந்து³ பி³ந்து³ ஹுத்வா. ஸேதா³தி ஸேத³தா⁴ரா முச்சந்தி. த³ந்தானங் க²ண்டி³தபா⁴வோ க²ண்டி³ச்சங். கேஸானங் பலிதபா⁴வோ பாலிச்சங். ஆதி³-ஸத்³தே³ன வலித்தசதங் ஸங்க³ண்ஹாதி. கிலந்தரூபோ அத்தபா⁴வோ ஹோதி, ந பன க²ண்டி³ச்சபாலிச்சாதீ³தி உக்கண்டி²தாதி அனபி⁴ரதி. ஸா நத்தி² நிஸ்ஸஸந்தீதி உண்ஹங் நிஸ்ஸஸந்தி. விஜம்ப⁴ந்தீதி அனபி⁴ரதிவஸேன விஜம்ப⁴னங் கரொந்தி.
பண்டி³தா ஏவாதி பு³த்³தி⁴ஸம்பன்னா ஏவ தே³வதா. யதா² தே³வதா ஸம்பதிஜாதா ‘‘கீதி³ஸேன புஞ்ஞகம்மேன இத⁴ நிப்³ப³த்தா’’தி சிந்தெத்வா ‘‘இமினா நாம புஞ்ஞகம்மேன இத⁴ நிப்³ப³த்தா’’தி ஜானந்தி, ஏவங் அதீதப⁴வே அத்தனா கதங், அஞ்ஞதா³பி வா ஏகச்சங் புஞ்ஞகம்மங் ஜானந்தியேவ மஹாபுஞ்ஞாதி ஆஹ ‘‘யே மஹாபுஞ்ஞா’’திஆதி³.
ந பஞ்ஞாயந்தி சிரதரகாலத்தா பரமாயுனோ. அனிய்யானிகந்தி ந நிய்யானாவஹங் ஸத்தானங் அபா⁴ஜனபா⁴வதோ. ஸத்தா ந பரமாயுனோ ஹொந்தி நாம பாபுஸ்ஸன்னதாயாதி ஆஹ ‘‘ததா³ ஹி ஸத்தா உஸ்ஸன்னகிலேஸா ஹொந்தீ’’தி. எத்தா²ஹ – கஸ்மா ஸம்மாஸம்பு³த்³தா⁴ மனுஸ்ஸலோகே ஏவ உப்பஜ்ஜந்தி, ந தே³வப்³ரஹ்மலோகேஸூதி? தே³வலோகே தாவ நுப்பஜ்ஜந்தி ப்³ரஹ்மசரியவாஸஸ்ஸ அனோகாஸபா⁴வதோ, ததா² அனச்ச²ரியபா⁴வதோ ப்³ரஹ்மலோகே நுப்பஜ்ஜந்தீதி எத்தா²பி ஏஸேவ நயோ. ஸத்தானங் தாதி³ஸக்³கா³ஹவினிமோசனத்த²ஞ்ஹி பு³த்³தா⁴ ப⁴க³வந்தோ மனுஸ்ஸஸுக³தியங்யேவ உப்பஜ்ஜந்தி, ந தே³வஸுக³தியங். மனுஸ்ஸஸுக³தியங் உப்பஜ்ஜந்தாபி ஓபபாதிகா ந ஹொந்தி, ஸதி ச ஓபபாதிகூபபத்தியங் வுத்ததோ³ஸானதிவத்தனதோ, த⁴ம்மவேனெய்யானங் த⁴ம்மதந்தியா ட²பனஸ்ஸ
கஸ்மா பன ஸம்மாஸம்பு³த்³தா⁴ ஜம்பு³தீ³பே ஏவ உப்பஜ்ஜந்தி, ந ஸேஸதீ³பேஸு? கேசி தாவ ஆஹு ‘‘யஸ்மா பத²வியா நாபி⁴பூ⁴தா, பு³த்³தா⁴னுபா⁴வஸஹிதா அசலட்டா²னபூ⁴தா போ³தி⁴மண்ட³பூ⁴மி ஜம்பு³தீ³பே ஏவ, தஸ்மா ஜம்பு³தீ³பே ஏவ உப்பஜ்ஜந்தீ’’தி, ததா² ‘‘இதரேஸம்பி அவிஜஹிதட்டா²னானங் தத்தே²வ லப்³ப⁴னதோ’’தி. அயங் பனெத்த² அம்ஹாகங் க²ந்தி – யஸ்மா புரிமபு³த்³தா⁴னங், மஹாபோ³தி⁴ஸத்தானங், பச்சேகபு³த்³தா⁴னஞ்ச நிப்³ப³த்தியா ஸாவகபோ³தி⁴ஸத்தானங் ஸாவகபோ³தி⁴யா அபி⁴னீஹாரோ, ஸாவகபாரமியா ஸம்ப⁴ரணங், பரிபாசனஞ்ச பு³த்³த⁴கெ²த்தபூ⁴தே இமஸ்மிங் சக்கவாளே ஜம்பு³தீ³பே ஏவ இஜ்ஜ²தி, ந அஞ்ஞத்த². வேனெய்யானங் வினயனத்தோ² ச பு³த்³து⁴ப்பாதோ³தி அக்³க³ஸாவகமஹாஸாவகாதி³ வேனெய்யவிஸேஸாபெக்கா²ய ஏதஸ்மிங் ஜம்பு³தீ³பே ஏவ பு³த்³தா⁴ நிப்³ப³த்தந்தி, ந ஸேஸதீ³பேஸு. அயஞ்ச நயோ ஸப்³ப³பு³த்³தா⁴னங் ஆசிண்ணஸமாசிண்ணோதி. தேஸங் உத்தமபுரிஸானங் தத்தே²வ உப்பத்தி ஸம்பத்திசக்கானங் விய அஞ்ஞமஞ்ஞூபனிஸ்ஸயதோ அபராபரங் ‘‘தீஸு தீ³பேஸு பு³த்³தா⁴ ந நிப்³ப³த்தந்தி, ஜம்பு³தீ³பேயேவ நிப்³ப³த்தந்தீதி தீ³பங் பஸ்ஸீ’’தி. இமினா நயேன தே³ஸனியாமேபி காரணங் நீஹரித்வா வத்தப்³ப³ங்.
இதா³னி ச க²த்தியகுலங் லோகஸம்மதங் ப்³ராஹ்மணானம்பி பூஜனீயபா⁴வதோ. ‘‘ராஜா பிதா ப⁴விஸ்ஸதீ’’தி குலங் பஸ்ஸி பிதுவஸேன குலஸ்ஸ நித்³தி³ஸிதப்³ப³தோ.
‘‘த³ஸன்னங் மாஸானங் உபரி ஸத்த தி³வஸானீ’’தி பஸ்ஸி, தேன அத்தனோ அந்தராயாபா⁴வங் அஞ்ஞாஸி, தஸ்ஸா ச துஸிதப⁴வே தி³ப்³ப³ஸம்பத்திபச்சனுப⁴வனங்.
தா தே³வதாதி த³ஸஸஹஸ்ஸிசக்கவாளதே³வதா. கத²ங் பன தா தே³வதா ததா³ போ³தி⁴ஸத்தஸ்ஸ பூரிதபாரமிபா⁴வங், கத²ங் சஸ்ஸ பு³த்³த⁴பா⁴வங் ஜானந்தீதி? மஹேஸக்கா²னங்
‘‘சவாமீ’’தி ஜானாதி சுதிஆஸன்னஜவனேஹி ஞாணஸஹிதேஹி சுதியா உபட்டி²தபா⁴வஸ்ஸ படிஸங்விதி³தத்தா. சுதிசித்தங் ந ஜானாதி சுதிசித்தக்க²ணஸ்ஸ இத்தரபா⁴வதோ. ததா² ஹி தங் சுதூபபாதஞாணஸ்ஸபி அவிஸயோவ. படிஸந்தி⁴சித்தேபி ஏஸேவ நயோ. ஆவஜ்ஜனபரியாயோதி ஆவஜ்ஜனக்கமோ. யஸ்மா ஏகவாரங் ஆவஜ்ஜிதமத்தேன ஆரம்மணங் நிச்சி²னிதுங் ந ஸக்கா, தஸ்மா தங் ஏவாரம்மணங் து³தியங், ததியஞ்ச ஆவஜ்ஜித்வா நிச்ச²யதி. ஆவஜ்ஜனஸீஸேன செத்த² ஜவனவாரோ க³ஹிதோ. தேனாஹ ‘‘து³தியததியசித்தவாரே ஏவ ஜானிஸ்ஸதீ’’தி. சுதியா புரேதரங் கதிபயசித்தவாரதோ பட்டா²ய ‘‘மரணங் மே ஆஸன்ன’’ந்தி ‘‘சுதிக்க²ணேபி சவாமீதி ஜானாதீ’’தி வுத்தங். படிஸந்தி⁴யா பன அபுப்³ப³பா⁴வதோ படிஸந்தி⁴சித்தங் ந ஜானாதி. நிகந்தியா உப்பத்திதோ பரதோ ‘‘அஸுகஸ்மிங் மே டா²னே படிஸந்தி⁴ க³ஹிதா’’தி ஜானாதி. தஸ்மிங் காலேதி படிஸந்தி⁴க்³க³ஹணகாலே. த³ஸஸஹஸ்ஸிலோகதா⁴து கம்பதீதி எத்த² கம்பனகாரணங் ஹெட்டா² ப்³ரஹ்மஜாலவண்ணனாயங் (தீ³॰ நி॰ டீ॰ 1.149) வுத்தமேவ. அத்த²தோ பனெத்த² யங் வத்தப்³ப³ங், தங் பரதோ மஹாபரினிப்³பா³னவண்ணனாயங் (தீ³॰ நி॰ அட்ட²॰ 2.171) ஆக³மிஸ்ஸதி. மஹாகாருணிகா பு³த்³தா⁴ ப⁴க³வந்தோ ஸத்தானங் ஹிதஸுக²விதா⁴னதப்பரதாய ப³ஹுலங் ஸோமனஸ்ஸிகாவ ஹொந்தீதி தேஸங் பட²மமஹாவிபாகசித்தேன படிஸந்தி⁴க்³க³ஹணங் அட்ட²கதா²யங் (தீ³॰ நி॰ அட்ட²॰ 2.17; த⁴॰ ஸ॰ அட்ட²॰ 498; ம॰ நி॰ அட்ட²॰ 4.200) வுத்தங். மஹாஸிவத்தே²ரோபன யதி³பி மஹாகாருணிகா பு³த்³தா⁴ ப⁴க³வந்தோ ஸத்தானங் ஹிதஸுக²விதா⁴னதப்பராவ, விவேகஜ்ஜா²ஸயா பன விஸங்கா²ரனின்னா ஸப்³ப³ஸங்கா²ரேஸு அஜ்ஜு²பெக்க²னப³ஹுலாதி பஞ்சமமஹாவிபாகசித்தேன படிஸந்தி⁴க்³க³ஹணமாஹ.
புரே புண்ணமாய ஸத்தமதி³வஸதோ பட்டா²யாதி புண்ணமாய புரே ஸத்தமதி³வஸதோ பட்டா²ய, ஸுக்கபக்கே² ஸத்தமே தி³வஸேதி நவமிதோ ஸத்தமே தி³வஸே ஆஸள்ஹிபுண்ணமாயங். இத³ங் ஸுபினந்தி இதா³னி வுச்சமானாகாரங். மஜ்ஜி²மட்ட²கதா²யங் பன ‘‘அனோதத்தத³ஹங் நெத்வா ஏகமந்தங் அட்ட²ங்ஸு. அத² நேஸங் தே³வியோ ஆக³ந்த்வா மனுஸ்ஸமலஹரணத்த²ங் ந்ஹாபெத்வா’’தி நேஸங் தே³வியோதி மஹாராஜூனங் தே³வியோ. சரித்வாதி கோ³சரங் சரித்வா.
ஹரிதூபலித்தாயாதி ஹரிதேன கோ³மயேன கதபரிப⁴ண்டா³ய. ‘‘ஸோ ச கோ² புரிஸக³ப்³போ⁴, ந இத்தி²க³ப்³போ⁴, புத்தோ தே ப⁴விஸ்ஸதீ’’தி எத்தகமேவ ‘‘ஸசே அகா³ரங் அஜ்ஜா²வஸிஸ்ஸதீ’’திஆதி³ பன தே³வதாவிக்³க³ஹேன தமத்த²ங் யாதா²வதோ பவேதே³ஸுங்.
த⁴ம்மதாதி எத்த² த⁴ம்ம-ஸத்³தோ³ ‘‘ஜாதித⁴ம்மானங் பி⁴க்க²வே ஸத்தான’’ந்திஆதீ³ஸு (ம॰ நி॰ 1.131; 3.373; படி॰ ம॰ 1.33) விய பகதிபரியாயோ, த⁴ம்மோ ஏவ த⁴ம்மதா யதா² தே³வோ ஏவ தே³வதாதி ஆஹ ‘‘அயங் ஸபா⁴வோ’’தி, அயங் பகதீதி அத்தோ². ஸ்வாயங் ஸபா⁴வோ அத்த²தோ ததா² நியதபா⁴வோதி ஆஹ ‘‘அயங் நியாமோதி வுத்தங் ஹோதீ’’தி. நியாமோ பன ப³ஹுவிதோ⁴தி தே ஸப்³பே³ அத்து²த்³தா⁴ரனயேன உத்³த⁴ரித்வா இதா⁴தி⁴ப்பேதனியாமமேவ த³ஸ்ஸேதுங் ‘‘நியாமோ ச நாமா’’திஆதி³ வுத்தங். தத்த² கம்மானங் நியாமோ கம்மனியாமோ. ஏஸ நயோ உதுனியாமாதீ³ஸு தீஸு. இதரோ பன த⁴ம்மோ ஏவ நியாமோ த⁴ம்மனியாமோ, த⁴ம்மதா.
குஸலஸ்ஸ கம்மஸ்ஸ. நிஸெந்தோ திகி²ணங் கரொந்தோ.
அரூபாதி³பூ⁴மிபா⁴க³விஸேஸவஸேன உதுவிஸேஸத³ஸ்ஸனதோ உதுவிஸேஸேன ஸிஜ்ஜ²மானானங் ருக்கா²தீ³னங் புப்ப²ப²லாதி³க்³க³ஹணங் ‘‘தேஸு தேஸு ஜனபதே³ஸூ’’தி விஸேஸெத்வா வுத்தங். தஸ்மிங் தஸ்மிங் காலேதி தஸ்மிங் தஸ்மிங் வஸந்தாதி³காலே.
மது⁴ரதோ பீ³ஜதோ தித்ததோ பீ³ஜதோதி யோஜனா.
18. வத்தமானஸமீபே வத்தமானே விய வோஹரிதப்³ப³ந்தி ‘‘ஓக்கமதீ’’தி வுத்தந்தி ஆஹ ‘‘ஓக்கந்தோ ஹோதீதி அயமேவத்தோ²’’தி. ஏவங் ஹோதீதி ஏவங் வுத்தப்பகாரேனஸ்ஸ ஸம்பஜானநா ஹோதி. ந ஓக்கமமானே படிஸந்தி⁴க்க²ணஸ்ஸ து³விஞ்ஞெய்யதாய. யதா² ச வுத்தங் ‘‘படிஸந்தி⁴சித்தங் ந ஜானாதீ’’தி. த³ஸஸஹஸ்ஸசக்கவாளபத்த²ரணேன அப்பமாணோ. அதிவிய ஸமுஜ்ஜலனபா⁴வேன உளாரோ தே³வானுபா⁴வந்தி தே³வானங் பபா⁴னுபா⁴வங். தே³வானஞ்ஹி பப⁴ங் ஸோ ஓபா⁴ஸோ ‘‘நிவத்த²வத்த²ஸ்ஸா’’திஆதி³.
லோகானங் லோகதா⁴தூனங் அந்தரோ விவரோ லோகந்தரோ, ஸோ ஏவ இத்தி²லிங்க³வஸேன ‘‘லோகந்தரிகா’’தி வுத்தோ. ருக்க²க³ச்சா²தி³னா கேனசி ந ஹஞ்ஞந்தீதி அகா⁴, அஸம்பா³தா⁴. தேனாஹ ‘‘நிச்சவிவடா’’தி. அஸங்வுதாதி ஹெட்டா², உபரி ச கேனசி ந பிஹிதா. தேன வுத்தங் ‘‘ஹெட்டா²பி அப்பதிட்டா²’’தி. தத்த² பி-ஸத்³தே³ன யதா² ஹெட்டா² உத³கஸ்ஸ பிதா⁴யிகா பத²வீ நத்தீ²தி அஸங்வுதா லோகந்தரிகா, ஏவங் உபரிபி சக்கவாளேஸு விய தே³வவிமானானங் அபா⁴வதோ அஸங்வுதா அப்பதிட்டா²தி த³ஸ்ஸேதி. அந்த⁴காரோ எத்த² அத்தீ²தி அந்த⁴காரா. சக்கு²விஞ்ஞாணங் ந ஜாயதி ஆலோகஸ்ஸ அபா⁴வதோ, ந சக்கு²னோ. ததா² ஹி ‘‘தேன ஓபா⁴ஸேன அஞ்ஞமஞ்ஞங் ஸஞ்ஜானந்தீ’’தி வுத்தங். ஜம்பு³தீ³பே டி²தமஜ்ஜ²ன்ஹிகவேலாயங் புப்³ப³விதே³ஹவாஸீனங் அத்த²ங்க³மனவஸேன உபட்³ட⁴ங் ஸூரியமண்ட³லங் பஞ்ஞாயதி, அபரகோ³யானவாஸீனங் உக்³க³மனவஸேன, ஏவங் ஸேஸதீ³பேஸு பீதி ஆஹ ‘‘ஏகப்பஹாரேனேவ தீஸு தீ³பேஸு பஞ்ஞாயந்தீ’’தி. இதோ அஞ்ஞதா² பன த்³வீஸு ஏவ தீ³பேஸு ஏகப்பஹாரேன பஞ்ஞாயந்தீதி. ஏகேகாய தி³ஸாய நவ நவ யோஜனஸதஸஹஸ்ஸானி அந்த⁴காரவித⁴மனம்பி இமினாவ நயேன த³ட்ட²ப்³ப³ங். பபா⁴ய நப்பஹொந்தீதி அத்தனோ பபா⁴ய ஓபா⁴ஸிதுங் அனபி⁴ஸம்பு⁴னந்தி. யுக³ந்த⁴ரபப்³ப³தப்பமாணே ஆகாஸே விசரணதோ ‘‘சக்கவாளபப்³ப³தஸ்ஸ வேமஜ்ஜே²ன விசரந்தீ’’தி வுத்தங்.
வாவடாதி விபரிவத்தித்வாதி விவத்தித்வா. சி²ஜ்ஜித்வாதி முச்சா²பத்தியா டி²தட்டா²னதோ முச்சித்வா, அங்க³பச்சங்க³சே²த³னேன வா சி²ஜ்ஜித்வா. அச்சந்தகா²ரேதி ஆதபஸந்தாபாபா⁴வேன அதிஸீதபா⁴வமேவ ஸந்தா⁴ய அச்சந்தகா²ரதா வுத்தா ஸியா. ந ஹி தங் கப்பஸண்ட²ஹனஉத³கங் ஸம்பத்திகரமஹாமேக⁴வுட்ட²ங் பத²விஸந்தா⁴ரகங் கப்பவினாஸகங் உத³கங் விய கா²ரங் ப⁴விதுங் அரஹதி. ததா² ஹி ஸதி பத²வீபி விலீயெய்ய, தேஸங் வா பாபகம்மப³லேன பேதானங் உத³கஸ்ஸ புப்³ப³கே²ளபா⁴வாபத்தி விய தஸ்ஸ உத³கஸ்ஸ ததா³ கா²ரபா⁴வாபத்தி ஹோதீதி வுத்தங் ‘‘அச்சந்தகா²ரே உத³கே’’தி.
ஏகயாகு³பானமத்தம்பீதி பத்தாதி³பா⁴ஜனக³தங் யாகு³ங் க³ளோசிஆதி³உத்³த⁴ரணியா க³ஹெத்வா பிவனமத்தம்பி காலங். ஸமந்ததோதி ஸப்³ப³பா⁴க³தோ ச²ப்பகாரம்பி.
19. சதுன்னங் மஹாராஜானங் வஸேனாதி வெஸ்ஸவணாதி³சதுமஹாராஜபா⁴வஸாமஞ்ஞேன.
யதா²விஹாரந்தி
20. பகதியாதி அத்தனோ பகதியா ஏவ. தேனாஹ ‘‘ஸபா⁴வேனேவா’’தி. பரஸ்ஸ ஸந்திகே க³ஹணேன வினா அத்தனோ ஸபா⁴வேனேவ ஸயமேவ அதி⁴ட்ட²ஹித்வா ஸீலஸம்பன்னா. போ³தி⁴ஸத்தமாதாபீதி அம்ஹாகங் போ³தி⁴ஸத்தமாதாபி. காலதே³விலஸ்ஸாதி யதா² காலதே³விலஸ்ஸ ஸந்திகே அஞ்ஞதா³ க³ண்ஹாதி, போ³தி⁴ஸத்தே பன…பே॰… ஸயமேவ ஸீலங் அக்³க³ஹேஸி, ததா² விபஸ்ஸீபோ³தி⁴ஸத்தமாதாபீதி அதி⁴ப்பாயோ.
21. ‘‘மனுஸ்ஸேஸூ’’தி இத³ங் பகதிசாரித்தவஸேன வுத்தங், ‘‘மனுஸ்ஸித்தி²யா நாம மனுஸ்ஸபுரிஸேஸு புரிஸாதி⁴ப்பாயசித்தங் உப்பஜ்ஜெய்யா’’தி. போ³தி⁴ஸத்தஸ்ஸ மாதுயா பன தே³வேஸுபி தாதி³ஸங் சித்தங் நுப்பஜ்ஜதேவ. யதா² போ³தி⁴ஸத்தஸ்ஸ ஆனுபா⁴வேன போ³தி⁴ஸத்தமாது புரிஸாதி⁴ப்பாயசித்தங் நுப்பஜ்ஜதி, ஏவங் தஸ்ஸ ஆனுபா⁴வேனேவ ஸா கேனசி புரிஸேன அனபி⁴ப⁴வனீயாதி ஆஹ ‘‘பாதா³ ந வஹந்தி தி³ப்³ப³ஸங்க²லிகா விய ப³ஜ்ஜ²ந்தீ’’தி.
22. புப்³பே³ ‘‘புப்³பே³’’திஆதி³. வத்து²படிக்கே²போதி அப்³ரஹ்மசரியவத்து²படிஸேதோ⁴. தேனாஹ ‘‘புரிஸாதி⁴ப்பாயவஸேனா’’தி. ஆரம்மணபடிலாபோ⁴தி ரூபாதி³பஞ்சகாமகு³ணாரம்மணஸ்ஸேவ படிலாபோ⁴.
23. கிலமதோ²தி கே²தோ³, காயஸ்ஸ க³ருபா⁴வகதி²னபா⁴வாத³யோபி தஸ்ஸா ததா³ ந ஹொந்தி ஏவ. ‘‘திரோகுச்சி²க³தங் பஸ்ஸதீ’’தி வுத்தங். கதா³ பட்டா²ய பஸ்ஸதீதி ஆஹ ‘‘கலலாதி³காலங் அதிக்கமித்வா’’திஆதி³. த³ஸ்ஸனே பயோஜனங் ஸயமேவ வத³தி. தஸ்ஸ அபா⁴வதோ கலலாதி³காலே ந பஸ்ஸதி. புத்தேன த³ஹரேன மந்தே³ன உத்தானஸெய்யகேன ஸத்³தி⁴ங். ‘‘யங் தங் மாதூ’’திஆதி³ பகதிசாரித்தவஸேன வுத்தங். சக்கவத்திக³ப்³ப⁴தோபி ஹி ஸவிஸேஸங் போ³தி⁴ஸத்தக³ப்³போ⁴ பரிஹாரங் லப⁴தி புஞ்ஞஸம்பா⁴ரஸ்ஸ ஸாதிஸயத்தா, தஸ்மா போ³தி⁴ஸத்தமாதா அதிவிய ஸப்பாயாஹாராசாரா ச ஹுத்வா ஸக்கச்சங் பரிஹரதி. ஸுக²வாஸத்த²ந்தி போ³தி⁴ஸத்தஸ்ஸ ஸுக²வாஸத்த²ங். புரத்தா²பி⁴முகோ²தி மாது ‘‘புப்³பே³ கதகம்ம’’ந்திஆதி³ வுத்தங். அஸ்ஸாதி தே³வியா. வத்து²ந்தி குச்சி²ங். ப²லிகஅப்³ப⁴படலாதி³னோ விய போ³தி⁴ஸத்தமாதுகுச்சி²தசஸ்ஸ பதனுபா⁴வேன ஆலோகஸ்ஸ விப³ந்தா⁴பா⁴வதோ யதா² போ³தி⁴ஸத்தமாதா குச்சி²க³தங் போ³தி⁴ஸத்தங் பஸ்ஸதி, கிங் ஏவங் போ³தி⁴ஸத்தோபி மாதரங், அஞ்ஞஞ்ச புரதோ டி²தங் ரூபக³தங் பஸ்ஸதி, நோதி ஆஹ ‘‘போ³தி⁴ஸத்தோ பனா’’திஆதி³. கஸ்மா ‘‘ந ஹி அந்தோகுச்சி²யங் சக்கு²விஞ்ஞாணங் உப்பஜ்ஜதீ’’தி. அஸ்ஸாஸபஸ்ஸாஸா விய ஹி தத்த² சக்கு²விஞ்ஞாணம்பி ந உப்பஜ்ஜதி தஜ்ஜஸ்ஸ ஸமன்னாஹாரஸ்ஸ அபா⁴வதோ.
24. யதா² ‘‘போ³தி⁴ஸத்தேன வஸிதட்டா²னஞ்ஹீ’’திஆதி³ தஸ்ஸ காரணவசனங். அஞ்ஞேஸங் அபரிபோ⁴க³ந்தி அஞ்ஞேஹி ந பரிபு⁴ஞ்ஜிதப்³ப³ங், ந பரிபோ⁴க³யொக்³யந்தி அத்தோ². ததா² ஸதி போ³தி⁴ஸத்தபிது அஞ்ஞாய அக்³க³மஹேஸியா ப⁴விதப்³ப³ங், ததா²பி போ³தி⁴ஸத்தமாதரி த⁴ரந்தியா அயுஜ்ஜமானகந்தி ஆஹ ‘‘ந ச ஸக்கா’’திஆதி³. அபனெத்வாதி அக்³க³மஹேஸிடா²னதோ நீஹரித்வா. அத்தனி ச²ந்த³ராக³வஸேனேவ ப³ஹித்³தா⁴ ஆரம்மணபரியேஸனாதி விஸயினிஸாராகோ³ ஸத்தானங் விஸயேஸு ஸாராக³ஸ்ஸ ப³லவகாரணந்தி த³ஸ்ஸெந்தோ ஆஹ ‘‘ஸத்தானங் அத்தபா⁴வே ச²ந்த³ராகோ³ ப³லவா ஹோதீ’’தி. அனுரக்கி²துங் ந ஸக்கோதீதி ஸம்மா க³ப்³ப⁴பரிஹாரங் நானுயுஞ்ஜதி. தேன க³ப்³போ⁴ ப³ஹ்வாபா³தோ⁴ ஹோதி. வத்து² விஸத³ங் ஹோதீதி க³ப்³பா⁴ஸயோ விஸுத்³தோ⁴ ஹோதி. மாது மஜ்ஜி²மவயஸ்ஸ ததியகொட்டா²ஸே போ³தி⁴ஸத்தக³ப்³போ⁴க்கமனம்பி தஸ்ஸா ஆயுபரிமாணவிலோகனேனேவ ஸங்க³ஹிதங் வயோவஸேன உப்பஜ்ஜனகவிகாரஸ்ஸ பரிவஜ்ஜனதோ. இத்தி²ஸபா⁴வேன உப்பஜ்ஜனகவிகாரோ பன போ³தி⁴ஸத்தஸ்ஸ ஆனுபா⁴வேனேவ வூபஸமதி.
25. ஸத்தமாஸஜாதோதி படிஸந்தி⁴க்³க³ஹணதோ ஸத்தமே மாஸே ஜாதோ. ஸோ ஸீதுண்ஹக்க²மோ ந ஹோதி அதிவிய ஸுகு²மாலதாய. அட்ட²மாஸஜாதோ ந ஜீவதி. ‘‘ஸத்தமாஸஜாதஸ்ஸ பன ந தாவ தே ஜாதா’’தி வத³ந்தி.
27. தே³வா பட²மங் படிக்³க³ண்ஹந்தீதி ‘‘லோகனாத²ங் மஹாபுரிஸங் ஸயமேவ பட²மங் படிக்³க³ண்ஹாமா’’தி ஸஞ்ஜாதகா³ரவப³ஹுமானா அத்தனோ பீதிங் பவேதெ³ந்தா கீ²ணாஸவா ஸுத்³தா⁴வாஸப்³ரஹ்மானோ ஆதி³தோ படிக்³க³ண்ஹந்தி. ஸூதிவேஸந்தி ஸூதிஜக்³க³னதா⁴திவேஸங். ஏகேதி அப⁴யகி³ரிவாஸினோ. மச்ச²க்கி²ஸதி³ஸங் ச²விவஸேன. அட்டா²ஸி ந நிஸீதி³, ந நிபஜ்ஜி வா. தேன வுத்தங் ‘‘டி²தாவ போ³தி⁴ஸத்தங் போ³தி⁴ஸத்தமாதா விஜாயதீ’’தி. நித்³து³க்க²தாய டி²தா ஏவ ஹுத்வா விஜாயதி. து³க்க²ஸ்ஸ ஹி ப³லவபா⁴வதோ தங் து³க்க²ங் அஸஹமானா அஞ்ஞா இத்தி²யோ நிஸின்னா வா நிபன்னா வா விஜாயந்தி.
28. அஜினப்பவேணியாதி மஹாதேஜோதி மஹானுபா⁴வோ. மஹாயஸோதி மஹாபரிவாரோ, விபுலகித்திகோ⁴ஸோ ச.
29. ப⁴க்³க³விப⁴க்³கா³தி ஸம்பா³த⁴ட்டா²னதோ நிக்க²மனேன விபா⁴விதத்தா ப⁴க்³கா³, விப⁴க்³கா³ விய ச ஹுத்வா, தேன நேஸங் அவிஸத³பா⁴வமேவ த³ஸ்ஸேதி. அலக்³கோ³ ஹுத்வாதி க³ப்³பா⁴ஸயே, யோனிபதே³ஸே ச கத்த²சி அலக்³கோ³ அஸத்தோ ஹுத்வா, யதோ ‘‘த⁴மகரணதோ உத³கனிக்க²மனஸதி³ஸ’’ந்தி வுத்தங். உத³கேனாதி க³ப்³பா⁴ஸயக³தேன உத³கேன. அமக்கி²தோவ நிக்க²மதி ஸம்மக்கி²தஸ்ஸ தாதி³ஸஸ்ஸ உத³கஸெம்ஹாதி³கஸ்ஸேவ தத்த² அபா⁴வதோ. போ³தி⁴ஸத்தஸ்ஸ ஹி புஞ்ஞானுபா⁴வதோ படிஸந்தி⁴க்³க³ஹணதோ பட்டா²ய தங் டா²னங் புப்³பே³பி விஸுத்³த⁴ங் விஸேஸதோ பரமஸுக³ந்த⁴க³ந்த⁴குடி விய சந்த³னக³ந்த⁴ங் வாயந்தங் திட்ட²தி.
உத³கவட்டியோதி உத³கக்க²ந்தா⁴.
31. முஹுத்தஜாதோதி முஹுத்தேன ஜாதோ ஹுத்வா முஹுத்தமத்தோவ. அனுதா⁴ரியமானேதி ஆக³தானேவாதி தங் டா²னங் உபக³தானி ஏவ. அனேகஸாக²ந்தி ரதனமயானேகஸதபதிட்டா²னஹீரகங். ஸஹஸ்ஸமண்ட³லந்தி தேஸங் உபரிட்டி²தங் அனேகஸஹஸ்ஸமண்ட³லஹீரகங். மரூதி தே³வா. ந கோ² பன ஏவங் த³ட்ட²ப்³ப³ங் பத³வீதிஹாரதோ பகே³வ தி³ஸாவிலோகனஸ்ஸ ‘‘மஹாஸத்தோ ஹீ’’திஆதி³. ஏகங்க³ணானீதி விவடபா⁴வேன விஹாரங்க³ணபரிவேணங்க³ணானி விய ஏகங்க³ணஸதி³ஸானி அஹேஸுங். ஸதி³ஸோபி நத்தீ²தி தும்ஹாகங் இத³ங் விலோகனங் விஸிட்டே² பஸ்ஸிதுங் ‘‘இத⁴ தும்ஹேஹி ஸதி³ஸோபி நத்தி², குதோ உத்தரிதரோ’’தி ஆஹங்ஸு. அக்³கோ³தி பதா⁴னோ, கேன பனஸ்ஸ பதா⁴னதாதி ஆஹ ‘‘கு³ணேஹீ’’தி. பட²ம-ஸத்³தோ³ செத்த² பதா⁴னபரியாயோ. போ³தி⁴ஸத்தஸ்ஸ பன பதா⁴னதா அனஞ்ஞஸாதா⁴ரணாதி ஆஹ ‘‘ஸப்³ப³பட²மோ’’தி, ஸப்³ப³பதா⁴னோதி அத்தோ². ஏதஸ்ஸேவாதி அக்³க³ஸத்³த³ஸ்ஸேவ. எத்த² ச மஹேஸக்கா² தாவ தே³வா ததா² ச வத³ந்தி, இதரே பன கத²ந்தி? மஹாஸத்தஸ்ஸ ஆனுபா⁴வத³ஸ்ஸனாதி³னா. மஹேஸக்கா²னஞ்ஹி தே³வானங் மஹாஸத்தஸ்ஸ ஆனுபா⁴வோ விய தேன ஸதி³ஸானம்பி ஆனுபா⁴வோ பச்சக்கோ² அஹோஸீதி, இதரே பன தேஸங் வசனங் ஸுத்வா ஸத்³த³ஹந்தா அனுமினந்தா ததா² ஆஹங்ஸு. பரிபாகக³தபுப்³ப³ஹேதுஸங்ஸித்³தா⁴ய த⁴ம்மதாய சோதி³யமானோ இமஸ்மிங்…பே॰… ப்³யாகாஸி.
ஜாதமத்தஸ்ஸேவ போ³தி⁴ஸத்தஸ்ஸ டா²னாதீ³னி யேஸங் விஸேஸாதி⁴க³மானங் புப்³ப³னிமித்தபூ⁴தானீதி தே நித்³தா⁴ரெத்வா த³ஸ்ஸெந்தோ ‘‘எத்த² சா’’திஆதி³மாஹ. தத்த² பதிட்டா²னங் சதுரித்³தி⁴பாத³படிலாப⁴ஸ்ஸ புப்³ப³னிமித்தங் இத்³தி⁴பாத³வஸேன லோகுத்தரத⁴ம்மேஸு ஸுப்பதிட்டி²தபா⁴வஸமிஜ்ஜ²னதோ. உத்தராபி⁴முக²பா⁴வோ ‘‘மஹாஜனங் அஜ்ஜொ²த்த²ரித்வா அபி⁴ப⁴வித்வா க³மனஸ்ஸ புப்³ப³னிமித்த’’ந்தி. ததா² ஸத்தபத³க³மனங் ஸத்தபத³பொ³ஜ்ஜ²ங்க³ஸம்பன்னஅரியமக்³க³க³மனஸ்ஸ. ஸுவிஸுத்³த⁴ஸேதச்ச²த்ததா⁴ரணங் ஸுவிஸுத்³த⁴விமுத்திச²த்ததா⁴ரணஸ்ஸ. பஞ்சராஜககுத⁴ப⁴ண்ட³ஸமாயோகோ³ பஞ்சவித⁴விமுத்திகு³ணஸமாயோக³ஸ்ஸ. அனாவடதி³ஸானுவிலோகனங் அனாவடஞாணதாய. ‘‘அக்³கோ³ஹமஸ்மீ’’திஆதி³னா அச²ம்பி⁴தவாசாபா⁴ஸனங் கேனசி அவிப³ந்த⁴னீயதாய அப்பவத்தியஸ்ஸ ஸத்³த⁴ம்மசக்கப்பவத்தனஸ்ஸ. ‘‘அயமந்திமா ஜாதீ’’தி ஆயதிங் ஜாதியா அபா⁴வகித்தனா அனுபாதி³…பே॰… புப்³ப³னிமித்தந்தி வேதி³தப்³ப³ங் தஸ்ஸ தஸ்ஸ அனாக³தே லத்³த⁴ப்³ப³விஸேஸஸ்ஸ தங் தங் நிமித்தங் அப்³யபி⁴சாரீதி கத்வா. ந ஆக³தோதி இமஸ்மிங் ஸுத்தே, அஞ்ஞத்த² ச வக்க²மானாய அனுபுப்³பி³யா ந ஆக³தோ. ஆஹரித்வாதி தஸ்மிங் தஸ்மிங் ஸுத்தே, அட்ட²கதா²ஸு ச ஆக³தனயேன ஆஹரித்வா தீ³பேதப்³போ³.
‘‘த³ஸஸஹஸ்ஸிலோகதா⁴து கம்பீ’’தி இத³ங் ஸதிபி இத⁴ பாளியங் ஆக³தத்தே வக்க²மானானங் அச்ச²ரியானங் மூலபூ⁴தங் த³ஸ்ஸேதுங் வுத்தங், ஏவங் அஞ்ஞம்பி ஏவரூபங் த³ட்ட²ப்³ப³ங். தந்திப³த்³தா⁴ வீணா சம்மப³த்³தா⁴ பே⁴ரியோதி பஞ்சங்கி³கதூரியஸ்ஸ நித³ஸ்ஸனமத்தங், ச-ஸத்³தே³ன வா இதரேஸம்பி ஸங்க³ஹோ த³ட்ட²ப்³போ³. ‘‘அந்து³ப³ந்த⁴னாதீ³னி தங்க²ணே ஏவ ச²ஜ்ஜித்வா புன பாகதிகானேவ ஹொந்தி, ததா² ஜச்சந்தா⁴தீ³னங் சக்கு²ஸோதாதீ³னி ததா²ரூபகம்மபச்சயா தஸ்மிங்யேவ க²ணே உப்பஜ்ஜித்வா தாவதே³வ விக³ச்ச²ந்தீ’’தி வத³ந்தி. சி²ஜ்ஜிங்ஸூதி ச பாதே³ஸு ப³ந்த⁴ட்டா²னேஸு சி²ஜ்ஜிங்ஸு. விக³ச்சி²ங்ஸூதி வூபஸமிங்ஸு. ஆகாஸட்ட²கரதனானி நாம தங்தங்விமானக³தமணிரதனாதீ³னி. ஸகதேஜோபா⁴ஸிதானீதி அஹேஸுங். நப்பவத்தீதி ந ஸன்னிபாதோ. ந வாயீதி க²ரோ வாதோ ந வாயி. முது³ஸுகோ² பன ஸத்தானங் ஸுகா²வஹோ வாயி. பத²விக³தா அஹேஸுங் உச்சட்டா²னே டா²துங் அவிஸஹந்தா. உதுஸம்பன்னோதி அனுண்ஹாஸீததாஸங்கா²தேன உதுனா ஸம்பன்னோ. அப்போ²டனங் வுச்சதி பு⁴ஜஹத்த²ஸங்க⁴ட்டனஸத்³தோ³, அத்த²தோ பன வாமஹத்த²ங் உரே ட²பெத்வா த³க்கி²ணேன புது²பாணினா ஹத்த²தாளனேன ஸத்³த³கரணங். முகே²ன உஸ்ஸேளனங் ஸத்³த³ஸ்ஸ முஞ்சனங் ஸேளனங். ஏகத்³த⁴ஜமாலா அஹோஸி நிரந்தரங் த⁴ஜமாலாஸமோதா⁴னக³தாய. ந கேவலஞ்ச ஏதானி ஏவ, அத² கோ² அஞ்ஞானிபி ‘‘விசித்தபுப்ப²ஸுக³ந்த⁴புப்ப²வஸ்ஸதே³வோபவஸ்ஸி ஸூரியே தி³ஸ்ஸமானே ஏவ தாரகா ஓபா⁴ஸிங்ஸு, அச்ச²ங் விப்பஸன்னங் உத³கங் பத²விதோ உப்³பி⁴ஜ்ஜி, பி³லாஸயா ச திரச்சா²னா ஆஸயதோ நிக்க²மிங்ஸு, ராக³தோ³ஸமோஹாபி தனு ப⁴விங்ஸு, பத²வியங் ரஜோ வூபஸமி, அனிட்ட²க³ந்தோ⁴ விக³ச்சி², தி³ப்³ப³க³ந்தோ⁴ வாயி, ரூபினோ தே³வா ஸரூபேனேவ மனுஸ்ஸானங் ஆபாத²ங் அக³மங்ஸு, ஸத்தானங் சுதூபபாதா நாஹேஸு’’ந்தி ஏவமாதீ³னி
தத்ராபீதி தேஸுபி பத²விகம்பாதீ³ஸு ஏவங் புப்³ப³னிமித்தபா⁴வோ வேதி³தப்³போ³. ந கேவலங் ஸம்பதிஜாதஸ்ஸ டா²னாதீ³ஸு ஏவாதி அதி⁴ப்பாயோ. ஸப்³ப³ஞ்ஞுதஞ்ஞாணபடிலாப⁴ஸ்ஸ புப்³ப³னிமித்தங் ஸப்³ப³ஸ்ஸ ஞெய்யஸ்ஸ, தித்த²கரமதஸ்ஸ ச சாலனதோ. கேனசி அனுஸ்ஸாஹிதானங்யேவ இமஸ்மிங்யேவ ஏகசக்கவாளே ஸன்னிபாதோ கேனசி அனுஸ்ஸாஹிதானங்யேவ ஏகப்பஹாரேனேவ ஸன்னிபதித்வா த⁴ம்மபடிக்³க³ண்ஹனஸ்ஸ புப்³ப³னிமித்தங். பட²மங் தே³வதானங் படிக்³க³ஹணங் தி³ப்³ப³விஹாரபடிலாப⁴ஸ்ஸ, பச்சா² மனுஸ்ஸானங் படிக்³க³ஹணங் தத்தே²வ டா²னஸ்ஸ நிச்சலஸபா⁴வதோ புப்³ப³னிமித்தங். வீணானங் ஸயங் வஜ்ஜனங் பரூபதே³ஸேன வினா ஸயமேவ அனுபுப்³ப³விஹாரபடிலாப⁴ஸ்ஸ புப்³ப³னிமித்தங். பே⁴ரீனங் வஜ்ஜனங் சக்கவாளபரியந்தாய பரிஸாய பவேத³னஸமத்த²ஸ்ஸ த⁴ம்மபே⁴ரியா அனுஸாவனஸ்ஸ அமதது³ந்து³பி⁴கோ⁴ஸனஸ்ஸ புப்³ப³னிமித்தங். அந்து³ப³ந்த⁴னாதீ³னங் சே²தோ³ மானவினிப³ந்த⁴பே⁴த³னஸ்ஸ புப்³ப³னிமித்தங். மஹாஜனஸ்ஸ ரோக³விக³மோ தஸ்ஸேவ ஸகலவட்டது³க்க²ரோக³விக³மபூ⁴தஸ்ஸ ஸச்சபடிலாப⁴ஸ்ஸ புப்³ப³னிமித்தங். ‘‘மஹாஜனஸ்ஸா’’தி பத³ங் ‘‘மஹாஜனஸ்ஸ தி³ப்³ப³சக்கு²படிலாப⁴ஸ்ஸ, மஹாஜனஸ்ஸ தி³ப்³ப³ஸோததா⁴துபடிலாப⁴ஸ்ஸா’’திஆதி³னா தத்த² தத்த² ஆனெத்வா ஸம்ப³ந்தி⁴தப்³ப³ங். இத்³தி⁴பாத³பா⁴வனாவஸேன ஸாதிஸயஞாணஜவஸம்பத்திஸித்³தீ⁴தி ஆஹ ‘‘பீட²ஸப்பீனங் ஜவஸம்பதா³ சதுரித்³தி⁴பாத³படிலாப⁴ஸ்ஸ புப்³ப³னிமித்த’’ந்தி. ஸுபட்டனஸம்பாபுணனங் சதுபடிஸம்பி⁴தா³தி⁴க³மஸ்ஸ புப்³ப³னிமித்தங். அத்தா²தி³அனுரூபங் அத்தா²தீ³ஸு ஸம்படிபத்திபா⁴வதோ. ரதனானங் ஸகதேஜோபா⁴ஸிதத்தங் யங் லோகஸ்ஸ த⁴ம்மோபா⁴ஸங் த³ஸ்ஸெஸ்ஸதி, தேன தஸ்ஸ ஸகதேஜோபா⁴ஸிதத்தஸ்ஸ புப்³ப³னிமித்தங்.
சதுப்³ரஹ்மவிஹாரபடிலாப⁴ஸ்ஸ புப்³ப³னிமித்தங் தஸ்ஸ ஸப்³ப³ஸோ வேரவூபஸமனதோ. ஏகாத³ஸஅக்³கி³னிப்³பா³பனஸ்ஸ புப்³ப³னிமித்தங் து³ன்னிப்³பா³பனநிப்³பா³னபா⁴வதோ. ஞாணாலோகாத³ஸ்ஸனஸ்ஸ புப்³ப³னிமித்தங் அனாலோகே ஆலோகத³ஸ்ஸனபா⁴வதோ. நிப்³பா³னரஸேனாதி கிலேஸானங் நிப்³பா³யனரஸேன. ஏகரஸபா⁴வஸ்ஸாதி ஸாஸனஸ்ஸ ஸப்³ப³த்த² ஏகரஸபா⁴வஸ்ஸ, தஞ்ச கோ² அமது⁴ரஸ்ஸ த்³வாஸட்டி²தி³ட்டி²க³தபி⁴ந்த³னஸ்ஸ புப்³ப³னிமித்தங் ஸப்³ப³ஸோ தி³ட்டி²க³தவாதாபனயனவஸேன. ஆகாஸாதி³அப்பதிட்ட²விஸமசஞ்சலட்டா²னங் பஹாய ஸகுணானங் பத²விக³மனங் தாதி³ஸங் மிச்சா²கா³ஹங் பஹாய ஸத்தானங் பாணேஹி ரதனத்தயஸரணக³மனஸ்ஸ புப்³ப³னித்தங். ப³ஹுஜனகந்ததாயாதி சந்த³ஸ்ஸ விய ப³ஹுஜனஸ்ஸ கந்ததாய. ஸூரியஸ்ஸ உண்ஹஸீதவிவஜ்ஜிதஉதுஸுக²தா பரிளாஹவிவஜ்ஜிதகாயிகசேதஸிகஸுக²ப்பத்தியா புப்³ப³னிமித்தங். தே³வதானங் அப்போ²டனாதீ³ஹி கீளனங் பமோது³ப்பத்தி ப⁴வந்தக³மனேன, த⁴ம்மஸபா⁴வபோ³த⁴னேன ச உதா³னவஸேன பமோத³விபா⁴வனஸ்ஸ புப்³ப³னிமித்தங். த⁴ம்மவேக³வஸ்ஸனஸ்ஸாதி தே³ஸனாஞாணவேகே³ன த⁴ம்மாமதஸ்ஸ வஸ்ஸனஸ்ஸ புப்³ப³னிமித்தங். காயக³தாஸதிவஸேன லத்³த⁴ங் ஜா²னங் பாத³கங் கத்வா உப்பாதி³தமக்³க³ப²லஸுகா²னுப⁴வோ காயக³தாஸதிஅமதபடிலாபோ⁴, தஸ்ஸ பன காயஸ்ஸாபி அதப்பகஸுகா²வஹத்தா கு²தா³பிபாஸாபீளனாபா⁴வோ புப்³ப³னிமித்தங் வுத்தோ அட்ட²கதா²யங்பன கு²த³ங், பிபாஸஞ்ச பி⁴ந்தி³த்வா வுத்தங். தத்த² புப்³ப³னிமித்தானங் பே⁴தோ³ விஸேஸஸாமஞ்ஞவிபா⁴கே³ன, கோ³ப³லீப³த்³த³ஞாயேன ச க³ஹேதப்³போ³. ‘‘ஸயமேவா’’தி பத³ங் ‘‘அட்ட²ங்கி³கமக்³க³த்³வாரவிவரணஸ்ஸா’’தி எத்தா²பி ஆனெத்வா ஸம்ப³ந்தி⁴தப்³ப³ங். ப⁴ரிதபா⁴வஸ்ஸாதி பரிபுண்ணபா⁴வஸ்ஸ. ‘‘அரியத்³த⁴ஜமாலாமாலிதாயாதி காஸாயத்³த⁴ஜமாலாவந்ததாயா’’தி கேசி, ஸதே³வகஸ்ஸ லோகஸ்ஸ பன அரியமக்³க³பொ³ஜ்ஜ²ங்க³த்³த⁴ஜமாலாஹி மாலிபா⁴வஸ்ஸ புப்³ப³னிமித்தங். யங் பனெத்த² அனுத்³த⁴டங், தங் ஸுவிஞ்ஞெய்யமேவ.
எத்தா²தி ‘‘ஸம்பதிஜாதோ’’திஆதி³னா ஆக³தே இமஸ்மிங் வாரே. விஸ்ஸஜ்ஜிதோவ, தஸ்மா அம்ஹேஹி இத⁴ அபுப்³ப³ங் வத்தப்³ப³ங் நத்தீ²தி அதி⁴ப்பாயோ. ததா³ பச்சா² பா³லதா³ரகோவ அஹோஸி, ந தாதி³ஸோதி. பு³த்³த⁴பா⁴வானுச்ச²விகஸ்ஸ போ³தி⁴ஸத்தானுபா⁴வஸ்ஸ யாதா²வதோ பவேதி³தத்தா பரிஸா சஸ்ஸ ப்³யாகரணேன பு³த்³தே⁴ன விய…பே॰… அத்தமனா அஹோஸி.
ஸப்³ப³த⁴ம்மதாதி ஸப்³ப³போ³தி⁴ஸத்தானங் ஹொந்தீதி வேதி³தப்³பா³ புஞ்ஞஞாணஸம்பா⁴ரத³ஸ்ஸனேன நேஸங் ஏகஸதி³ஸத்தா.
த்³வத்திங்ஸமஹாபுரிஸலக்க²ணவண்ணனா
33. து³கூலசும்ப³டகேதி த³ஹரஸ்ஸ நிபஜ்ஜனயொக்³யதாவஸேன படிஸங்ஹடது³கூலஸுகு²மே. ‘‘க²த்தியோ ப்³ராஹ்மணோ’’தி ஏவமாதி³ ஜாதி. ‘‘கொண்ட³ஞ்ஞோ கோ³தமோ’’தி ஏவமாதி³ கொ³த்தங். ‘‘போணிகா சிக்க²ல்லிகா ஸாகியா கோளியா’’தி ஏவமாதி³ குலபதே³ஸோ. ஆதி³-ஸத்³தே³ன ரூபிஸ்ஸரியபரிவாராதி³ஸப்³ப³ஸம்பத்தியோ ஸங்க³ண்ஹாதி. மஹந்தஸ்ஸாதி விபுலஸ்ஸ, உளாரஸ்ஸாதி அத்தோ². நிப்ப²த்தியோதி ஸித்³தி⁴யோ. க³ந்தப்³ப³க³தியாதி க³தி-ஸத்³த³ஸ்ஸ கம்மஸாத⁴னதமாஹ. உபபஜ்ஜனவஸேன ஹி ஸுசரிதது³ச்சரிதேஹி க³ந்தப்³பா³தி க³தியோ, உபபத்திப⁴வவிஸேஸோ. க³ச்ச²தி யதா²ருசி பவத்ததீதி க³தி, அஜ்ஜா²ஸயோ. படிஸரணேதி பராயணே அவஸ்ஸயே. ஸப்³ப³ஸங்க²தவிஸங்யுத்தஸ்ஸ ஹி அரஹதோ நிப்³பா³னமேவ தங்படிஸரணங். த்யாஹந்தி தே அஹங்.
த³ஸவிதே⁴ குஸலத⁴ம்மே, அக³ரஹிதே ச ராஜத⁴ம்மே (ஜா॰ 2 மஹாமங்ஸஜாதகே வித்தா²ரோ) நியுத்தோதி த⁴ம்மிகோ. தேன ச த⁴ம்மேன ஸகலங் லோகங் ரஞ்ஜேதீதி த⁴ம்மராஜா. யஸ்மா சக்கவத்தீ த⁴ம்மேன ஞாயேன ரஜ்ஜங் அதி⁴க³ச்ச²தி, ந அத⁴ம்மேன, தஸ்மா வுத்தங் ‘‘த⁴ம்மேன லத்³த⁴ரஜ்ஜத்தா த⁴ம்மராஜா’’தி. சதூஸு தி³ஸாஸு ஸமுத்³த³பரியோஸானதாய சதுரந்தா நாம தத்த² தத்த² தீ³பே மஹாபத²வீதி ஆஹ ‘‘புரத்தி²ம…பே॰… இஸ்ஸரோ’’தி. விஜிதாவீதி விஜேதப்³ப³ஸ்ஸ விஜிதவா, காமகோதா⁴தி³கஸ்ஸ அப்³ப⁴ந்தரஸ்ஸ, படிராஜபூ⁴தஸ்ஸ பா³ஹிரஸ்ஸ ச அரிக³ணஸ்ஸ விஜயி, விஜெத்வா டி²தோதி அத்தோ². காமங் சக்கவத்தினோ கேனசி யுத்³த⁴ங் நாம நத்தி², யுத்³தே⁴ன பன ஸாதே⁴தப்³ப³ஸ்ஸ விஜயஸ்ஸ ஸித்³தி⁴யா ‘‘விஜிதஸங்கா³மோ’’தி வுத்தங். ஜனபதோ³வ சதுப்³பி³த⁴அச்ச²ரியத⁴ம்மாதி³ஸமன்னாக³தே அஸ்மிங் ராஜினி தா²வரியங் கேனசி அஸங்ஹாரியங் த³ள்ஹங் ப⁴த்தபா⁴வங் பத்தோ, ஜனபதே³ ஜனபத³த்தா²வரியப்பத்தோ. மனுஸ்ஸானங் உரே ஸத்த²ங் ட²பெத்வா இச்சி²தத⁴னஹரணாதி³னா பரஸாஹஸகாரிதாய ஸாஹஸிகா.
ரதிஜனநட்டே²னாதி அதப்பகபீதிஸோமனஸ்ஸுப்பாத³னேன. ஸத்³த³த்த²தோ பன ரமேதீதி ரதனங். ‘‘அஹோ மனோஹர’’ந்தி சித்தே கத்தப்³ப³தாய சித்தீகதங் மஹக்³க⁴ங். நத்தி² ஏதஸ்ஸ துலா உபமாதி அதுலங், அஸதி³ஸங். கதா³சி ஏவ உப்பஜ்ஜனதோ து³க்கே²ன லத்³த⁴ப்³ப³த்தா து³ல்லப⁴த³ஸ்ஸனங். அனோமேஹி உளாரகு³ணேஹேவ ஸத்தேஹி பரிபு⁴ஞ்ஜிதப்³ப³தோ அனோமஸத்தபரிபோ⁴க³ங். இதா³னி நேஸங் சித்தீகதாதி³அத்தா²னங் ஸவிஸேஸங் சக்கரதனே லப்³ப⁴மானதங் த³ஸ்ஸெத்வா இதரேஸுபி தே அதிதி³ஸிதுங் ‘‘சக்கரதனஸ்ஸ சா’’திஆதி³ ஆரத்³த⁴ங். அஞ்ஞங் தே³வட்டா²னங் நாம ந ஹோதி ரஞ்ஞோ அனஞ்ஞஸாதா⁴ரணிஸ்ஸரியாதி³ஸம்பத்திபடிலாப⁴ஹேதுதோ, ஸத்தானஞ்ச யதி²ச்சி²தத்த²படிலாப⁴ஹேதுதோ. அக்³கோ⁴ நத்தி² அதிவிய உளாரஸமுஜ்ஜலஸத்தரதனமயத்தா, அச்ச²ரியப்³பு⁴தமஹானுபா⁴வதாய ச. யத³க்³கே³ன மஹக்³க⁴ங், தத³க்³கே³ன அதுலங். ஸத்தானங் பாபஜிகு³ச்ச²னேன விக³தகாளகோ புஞ்ஞபஸுததாய மண்ட³பூ⁴தோ யாதி³ஸோ காலோ பு³த்³து⁴ப்பாதா³ரஹோ, தாதி³ஸே ஏவ சக்கவத்தீனம்பி ஸம்ப⁴வோதி ஆஹ ‘‘யஸ்மா ச பனா’’திஆதி³. உபமாவஸேன சேதங் வுத்தங், உபமோபமெய்யானஞ்ச ந அச்சந்தமேவ ஸதி³ஸதா. தஸ்மா யதா² பு³த்³தா⁴ கதா³சி கரஹசி உப்பஜ்ஜந்தி, ந ததா² சக்கவத்தினோ, ஏவங் ஸந்தேபி சக்கவத்திவத்தபரிபூரணஸ்ஸாபி து³க்கரபா⁴வதோபி து³ல்லபு⁴ப்பாதா³யேவாதி ‘‘ததே³த’’ந்திஆதி³மாஹ. யதா²வுத்தானங் பஞ்சன்னங், ச²ன்னம்பி வா அத்தா²னங் இதரரதனேஸுபி லப்³ப⁴னதோ ‘‘ஏவங் ஸேஸானிபீ’’தி வுத்தங். ஹத்தி²அஸ்ஸ-பரிணாயகரதனேஹி அஜிதவிஜயதோ, சக்கரதனேன ச பரிவாரபா⁴வேன, ஸேஸேஹி பரிபோ⁴கூ³பகரணபா⁴வேன ஸமன்னாக³தோ. ஹத்தி²அஸ்ஸமணிஇத்தி²ரதனேஹி பரிபோ⁴கூ³பகரணபா⁴வேன ஸேஸேஹி பரிவாரபா⁴வேனாதி யோஜனா.
சதுன்னங் மஹாதீ³பானங் ஸிரிவிப⁴வந்தி தத்த² லத்³த⁴ங் ஸிரிஸம்பத்திஞ்சேவ போ⁴க³ஸம்பத்திஞ்ச. தாதி³ஸமேவாதி ‘‘புரேப⁴த்தமேவா’’திஆதி³னா வுத்தானுபா⁴வமேவ. யோஜனப்பமாணங் பதே³ஸங் ப்³யாபனேன யோஜனப்பமாணங் அந்த⁴காரங். அதிதீ³க⁴தாதி³ச²ப்³பி³த⁴தோ³ஸபரிவஜ்ஜிதங்.
ஸூராதி ஸத்திவந்தோ, நிப்³ப⁴யாதி அத்தோ²தி ஆஹ ‘‘அபீ⁴ருகா’’தி. அங்க³ந்தி காரணங். யேன காரணேன ‘‘வீரா’’தி வுச்செய்யுங், தங் வீரங்க³ங். தேனாஹ ‘‘வீரியஸ்ஸேதங் நாம’’ந்தி. யாவ சக்கவாளபப்³ப³தா சக்கஸ்ஸ வத்தனதோ ‘‘சக்கவாளபப்³ப³தங் ஸீமங் கத்வா டி²தஸமுத்³த³பரியந்த’’ந்தி வுத்தங். ‘‘அத³ண்டே³னா’’தி இமினாவ த⁴னத³ண்ட³ஸ்ஸ, ஸரீரத³ண்ட³ஸ்ஸ ச அகரணங் வுத்தங். ‘‘அஸத்தே²னா’’தி இமினா பன ஸேனாய யுஜ்ஜ²னஸ்ஸாதி தது³ப⁴யங் த³ஸ்ஸேதுங் ‘‘யே கதாபராதே⁴’’திஆதி³ வுத்தங். வுத்தப்பகாரந்தி ஸாக³ரபரியந்தங்.
‘‘ரஞ்ஜனட்டே²ன ராகோ³, தண்ஹாயனட்டே²ன தண்ஹா’’தி பவத்திஆகாரபே⁴தே³ன கிலேஸக்³க³ஹணேன விசிகிச்சா²த³யோ ஸேஸகிலேஸா வுத்தா. யஸ்மா தே ஸப்³பே³ பாபத⁴ம்மா உப்பஜ்ஜமானா ஸத்தஸந்தானங் சா²தெ³த்வா பரியோனந்தி⁴த்வா திட்ட²ந்தி குஸலப்பவத்திங் நிவாரெந்தி, தஸ்மா தே ‘‘ச²த³னா, ச²தா³’’தி ச வுத்தா. விவட்டச்ச²தா³தி ச ஓ-காரஸ்ஸ ஆ-காரங் கத்வா நித்³தே³ஸோ.
35. தாஸந்தி த்³வின்னம்பி நிப்ப²த்தீனங். நிமித்தபூ⁴தானீதி ஞாபககாரணபூ⁴தானி. ததா² ஹி லக்கீ²யதி மஹாபுரிஸபா⁴வோ ஏதேஹீதி லக்க²ணானி. டா²னக³மனாதீ³ஸு பூ⁴மியங் ஸுட்டு² ஸமங் பதிட்டி²தா பாதா³ ஏதஸ்ஸாதி ஸுப்பதிட்டி²தபாதோ³. தங் பனஸ்ஸ ஸுப்பதிட்டி²தபாத³தங் ப்³யதிரேகமுகே²ன விபா⁴வேதுங் ‘‘யதா²’’திஆதி³ வுத்தங். தத்த² அக்³க³தலந்தி அக்³க³பாத³தலங். பண்ஹீதி பண்ஹிதலங். பஸ்ஸந்தி பாத³தலஸ்ஸ த்³வீஸு பஸ்ஸேஸு ஏகேகங், உப⁴யமேவ வா பரியந்தங் பஸ்ஸங். ‘‘அஸ்ஸ பனா’’திஆதி³ அன்வயதோ அத்த²விபா⁴வனங். ஸுவண்ணபாது³கதலமிவ உஜுகங் நிக்கி²பியமானங். ஏகப்பஹாரேனேவாதி ஏகக்க²ணேயேவ. ஸகலங் பாத³தலங் பூ⁴மிங் பு²ஸதி நிக்கி²பனே. ஏகப்பஹாரேனேவ ஸகலங் பாத³தலங் பூ⁴மிதோ உட்ட²ஹதீதி யோஜனா. தஸ்மா அயங் ஸுப்பதிட்டி²தபாதோ³தி நிக³மனங். யங் பனெத்த² வத்தப்³ப³ங் அனுபுப்³ப³னின்னாதி³அச்ச²ரியப்³பு⁴தங் லக்க²ணஸுத்தவண்ணனாயங் (தீ³॰ நி॰ அட்ட²॰ 3.201) ஆவிப⁴விஸ்ஸதீதி.
நாபி⁴ தி³ஸ்ஸதீதி லக்க²ணசக்கஸ்ஸ நாபி⁴ பரிமண்ட³லஸண்டா²னா ஸுபரிப்³யத்தா ஹுத்வா தி³ஸ்ஸதி, லப்³ப⁴தீதி அதி⁴ப்பாயோ. நாபி⁴பரிச்சி²ன்னாதி தஸ்ஸங் நாபி⁴யங் பரிச்சி²ன்னா பரிச்சே²த³வஸேன டி²தா. நாபி⁴முக²பரிக்கே²பபட்டோதி பகதிசக்கஸ்ஸ நேமிமணிகாதி நேமியங் ஆவலிபா⁴வேன டி²தமணிகாலேகா². ஸம்ப³ஹுலவாரோதி ப³ஹுவித⁴லேக²ங்க³விபா⁴வனவாரோ. ஸத்தீதி ஆவுத⁴ஸத்தி. ஸிரிவச்சோ²தி ஸிரிஅங்கா³. நந்தீ³தி த³க்கி²ணாவத்தங். ஸோவத்திகோதி ஸோவத்திஅங்கோ³. வடங்ஸகோதி ஆவேளங். வட்³ட⁴மானகந்தி புரிமஹாதீ³ஸு தீ³பங்கங். மோரஹத்த²கோதி மோரபிஞ்ச²கலாபோ, மோரபிஞ்ச²படிஸிப்³பி³தோ வா பீ³ஜனீவிஸேஸோ. வாளபீ³ஜனீதி சாமரிவாலங். ஸித்³த⁴த்தா²தி³ புண்ணக⁴டபுண்ணபாதியோ. ‘‘சக்கவாளோ’’தி வத்வா தஸ்ஸ பதா⁴னாவயவே த³ஸ்ஸேதுங் ‘‘ஹிமவா ஸினேரு…பே॰… ஸஹஸ்ஸானீ’’தி வுத்தங். ‘‘சக்கவத்திரஞ்ஞோ பரிஸங் உபாதா³யா’’தி இத³ங் ஹத்தி²ரதனாதீ³னம்பி தத்த² லப்³ப⁴மானபா⁴வத³ஸ்ஸனங். ஸப்³போ³திஸத்திஆதி³கோ யதா²வுத்தோ அங்க³விஸேஸோ சக்கலக்க²ணஸ்ஸேவ பரிவாரோதி வேதி³தப்³போ³.
‘‘ஆயதபண்ஹீ’’தி ‘‘பரிபுண்ணபண்ஹீ’’தி. யதா² பன பண்ஹிலக்க²ணங் பரிபுண்ணங் நாம ஹோதி, தங் ப்³யதிரேகமுகே²ன த³ஸ்ஸேதுங் ‘‘யதா² ஹீ’’திஆதி³ வுத்தங். ஆரக்³கே³னாதி மண்ட³லாய ஸிகா²ய. வட்டெத்வாதி யதா² ஸுவட்டங் ஹோதி, ஏவங் வட்டெத்வா. ரத்தகம்ப³லகெ³ண்டு³கஸதி³ஸாதி ரத்தகம்ப³லமயகெ³ண்டு³கஸதி³ஸா.
‘‘மக்கடஸ்ஸேவா’’தி தீ³க⁴பா⁴வங், ஸமதஞ்ச ஸந்தா⁴யேதங் வுத்தங். நிய்யாஸதேலேனாதி ச²த்திரிதனிய்யாஸாதி³னிய்யாஸஸம்மிஸ்ஸேன தேலேன, யங் ‘‘ஸுரபி⁴னிய்யாஸ’’ந்திபி வத³ந்தி. நிய்யாஸதேலக்³க³ஹணஞ்செத்த² ஹரிதாலவட்டியா க⁴னஸினித்³த⁴பா⁴வத³ஸ்ஸனத்த²ங்.
யதா² ஸதக்க²த்துங் விஹதங் கப்பாஸபடலங் ஸப்பிமண்டே³ ஓஸாரிதங் அதிவிய முது³ ஹோதி, ஏவங் மஹாபுரிஸஸ்ஸ ஹத்த²பாதா³தி த³ஸ்ஸெந்தோ ‘‘ஸப்பிமண்டே³’’திஆதி³மாஹ. தலுனாதி ஸுகு²மாலா.
சம்மேனாதி அங்கு³லந்தரவேடி²தசம்மேன. படிப³த்³த⁴அங்கு³லந்தரோதி ஏகதோ ஸம்ப³த்³த⁴அங்கு³லந்தரோ ந ஹோதி. ஏகப்பமாணாதி தீ³க⁴தோ ஸமானப்பமாணா. யவலக்க²ணந்தி அப்³ப⁴ந்தரதோ அங்கு³லிபப்³பே³ டி²தங் யவலக்க²ணங். படிவிஜ்ஜி²த்வாதி தங்தங்பப்³பா³னங் ஸமானதே³ஸதாய அங்கு³லீனங் பஸாரிதகாலேபி அஞ்ஞமஞ்ஞங் விஜ்ஜி²தானி விய பு²ஸித்வா திட்ட²ந்தி.
ஸங்கா² உஸ்ஸங்கா², பாதா³. பிட்டி²பாதே³தி பிட்டி²பாத³ஸமீபே. தேனாதி பிட்டி²பாதே³ டி²தகொ³ப்ப²கபா⁴வேன ப³த்³தா⁴ ஹொந்தீதி யோஜனா. தயித³ங் ‘‘தேனா’’தி பத³ங் உபரிபத³த்³வயேபி யோஜேதப்³ப³ங் உபரீதி பிட்டி²பாத³தோ த்³விதிஅங்கு³லிமத்தங் உத்³த⁴ங், ‘‘சதுரங்கு³லமத்த’’ந்தி ச வத³ந்தி. நிகூ³ள்ஹானி ச ஹொந்தி, ந அஞ்ஞேஸங் விய பஞ்ஞாயமானானி. தேனாதி கொ³ப்ப²கானங் உபரி பதிட்டி²தபா⁴வேன. அஸ்ஸாதி மஹாபுரிஸஸ்ஸ. ஸதிபி தே³ஸந்தரப்பவத்தியங் நிச்சலோதி த³ஸ்ஸனத்த²ங் நாபி⁴க்³க³ஹணங். ‘‘அதோ⁴காயோவ இஞ்ஜதீ’’தி இத³ங் புரிமபத³ஸ்ஸ காரணவசனங். யஸ்மா அதோ⁴காயோவ இஞ்ஜதி, தஸ்மா நாபி⁴தோ…பே॰… நிச்சலோ ஹோதி. ‘‘ஸுகே²ன பாதா³ பரிவட்டந்தீ’’தி இத³ங் பன புரிமஸ்ஸ, பச்சி²மஸ்ஸ ச காரணவசனங். யஸ்மா ஸுகே²ன பாதா³ பரிவட்டந்தி, தஸ்மா அதோ⁴காயோவ இஞ்ஜதி, யஸ்மா ஸுகே²ன பாதா³ பரிவட்டந்தி, தஸ்மா புரதோபி…பே॰… பச்ச²தோயேவாதி.
யஸ்மா ஏணிமிக³ஸ்ஸ ஸமந்ததோ ஏகஸதி³ஸமங்ஸா அனுக்கமேன உத்³த⁴ங் தூ²லா ஜங்கா⁴ ஹொந்தி, ததா² ‘‘ஏணிமிக³ஸதி³ஸஜங்கோ⁴’’தி. பரிபுண்ணஜங்கோ⁴தி ஸமந்ததோ மங்ஸூபசயேன பரிபுண்ணஜங்கோ⁴. தேனாஹ ‘‘ந ஏகதோ’’திஆதி³.
ஏதேனாதி ‘‘அனோனமந்தோ’’திஆதி³வசனேன, ஜாணுபா²ஸுபா⁴வதீ³பனேனாதி அத்தோ². அவஸேஸஜனாதி இமினா லக்க²ணேன ரஹிதஜனா. கு²ஜ்ஜா வா ஹொந்தி ஹெட்டி²மகாயதோ உபரிமகாயஸ்ஸ ரஸ்ஸதாய, வாமனா வா உபரிமகாயதோ ஹெட்டி²மகாயஸ்ஸ ரஸ்ஸதாய, ஏதேன ட²பெத்வா ஸம்மாஸம்பு³த்³த⁴ங், சக்கவத்தினஞ்ச இதரே ஸத்தா கு²ஜ்ஜபக்கி²கா, வாமனபக்கி²கா சாதி த³ஸ்ஸேதி.
காமங் ஸப்³பா³பி பது³மகண்ணிகா ஸுவண்ணவண்ணாவ, கஞ்சனபது³மகண்ணிகா பன பப⁴ஸ்ஸரபா⁴வேன ததோ ஸாதிஸயாதி ‘‘ஸுவண்ணபது³மகண்ணிகஸதி³ஸேஹீ’’தி. ஓஹிதந்தி ஸமோஹிதங் அந்தோக³த⁴ங். ததா²பூ⁴தங் பன தங் தேன ச²ன்னங் ஹோதீதி ஆஹ ‘‘படிச்ச²ன்ன’’ந்தி.
ஸுவண்ணவண்ணோதி ஸுவண்ணவண்ணவண்ணோதி அயமெத்த² அத்தோ²தி ஆஹ ‘‘ஜாதிஹிங்கு³லகேனா’’திஆதி³, ஸ்வாயமத்தோ² ஆவுத்திஞாயேன ச வேதி³தப்³போ³. ஸரீரபரியாயோ இத⁴ வண்ண-ஸத்³தோ³தி அதி⁴ப்பாயோ. பட²மவிகப்பங் வத்வா
ரஜோதி ஸுகு²மரஜோ. ஜல்லந்தி மலீனபா⁴வாவஹோ ரேணுஸஞ்சயோ. தேனாஹ ‘‘மலங் வா’’தி. யதி³ விவத்ததி, கத²ங் ந்ஹானாதீ³னீதி ஆஹ ‘‘ஹத்த²தோ⁴வனாதீ³னீ’’திஆதி³.
ஆவட்டபரியோஸானேதி பத³க்கி²ணாவட்டனவஸேன பவத்தஸ்ஸ ஆவட்டஸ்ஸ அந்தே.
ப்³ரஹ்முனோ ஸரீரங் புரதோ வா பச்ச²தோ வா அனோனமித்வா உஜுகமேவ உக்³க³தந்தி ஆஹ ‘‘ப்³ரஹ்மா விய உஜுக³த்தோ’’தி. ஸா பனாயங் உஜுக³த்ததா அவயவேஸு பு³த்³தி⁴ப்பத்தேஸு த³ட்ட²ப்³பா³, ந த³ஹரகாலேதி வுத்தங் ‘‘உக்³க³ததீ³க⁴ஸரீரோ ப⁴விஸ்ஸதீ’’தி. இதரேஸூதி ‘‘க²ந்த⁴ஜாணூஸூ’’தி இமேஸு த்³வீஸு டா²னேஸு நமந்தா புரதோ நமந்தீதி ஆனெத்வா ஸம்ப³ந்தோ⁴. பஸ்ஸவங்காதி த³க்கி²ணபஸ்ஸேன வா வாமபஸ்ஸேன வா வங்கா. ஸூலஸதி³ஸாதி பொத்த²கரூபகரணே ட²பிதஸூலபாத³ஸதி³ஸா.
ஹத்த²பிட்டி²ஆதி³வஸேன ஸத்த ஸரீராவயவா உஸ்ஸதா³ உபசிதமங்ஸா ஏதஸ்ஸாதி ஸத்துஸ்ஸதோ³. அட்டி²கோடியோ நிகூ³ள்ஹஸிராஜாலேஹீதி லக்க²ணவசனமேதந்தி தேன நிகூ³ள்ஹஅட்டி²கோடீஹீதிபி வுத்தமேவ ஹோதீதி. ஹத்த²பிட்டா²தீ³ஹீதி ஆதி³-ஸத்³தே³ன அங்ஸகூடக²ந்த⁴கூடானங் ஸங்க³ஹே ஸித்³தே⁴ தங் ஏகதே³ஸேன த³ஸ்ஸெந்தோ ‘‘வட்டெத்வா…பே॰… க²ந்தே⁴னா’’தி ஆஹ. ‘‘ஸிலாரூபகங் வியா’’திஆதி³னா வா நிகூ³ள்ஹஅங்ஸகூடதாபி விபா⁴விதா யேவாதி த³ட்ட²ப்³ப³ங்.
ஸீஹஸ்ஸ புப்³ப³த்³த⁴ங் ஸீஹபுப்³ப³த்³த⁴ங், பரிபுண்ணாவயவதாய ஸீஹபுப்³ப³த்³த⁴ங் விய ஸகலோ காயோ அஸ்ஸாதி ஸீஹபுப்³ப³த்³த⁴காயோ. தேனாஹ ‘‘ஸீஹஸ்ஸ புப்³ப³த்³த⁴காயோ விய ஸப்³போ³ காயோ பரிபுண்ணோ’’தி. ஸீஹஸ்ஸேவாதி ஸீஹஸ்ஸ விய. து³ஸ்ஸண்டி²தவிஸண்டி²தோ ந ஹோதீதி து³ட்டு² ஸண்டி²தோ, விரூபஸண்டி²தோ ச ந ஹோதி, தேஸங் தேஸங் அவயவானங் அயுத்தபா⁴வேன, விரூபபா⁴வேன ச ஸண்டி²தி உபக³தோ ந ஹோதீதி அத்தோ². ஸண்ட²ந்தீதி ஸண்ட²ஹந்தி. தீ³கே⁴ஹீதி அங்கு³லினாஸாதீ³ஹி. ரஸ்ஸேஹீதி கீ³வாதீ³ஹி. தூ²லேஹீதி ஊருபா³ஹுஆதீ³ஹி கிஸேஹீதி கேஸலோமமஜ்ஜா²தீ³ஹி. புது²லேஹீதி அக்கி²ஹத்த²தலாதீ³ஹி. வட்டேஹீதி ஜங்க⁴ஹத்தா²தீ³ஹி.
ஸதபுஞ்ஞலக்க²ணதாய நானாசித்தேன புஞ்ஞசித்தேன சித்திதோ ஸஞ்ஜாதசித்தபா⁴வோ ‘‘ஈதி³ஸோ ஏவ பு³த்³தா⁴னங் த⁴ம்மகாயஸ்ஸ அதி⁴ட்டா²னங் ப⁴விதுங் யுத்தோ’’தி த³ஸபாரமீஹி ஸஜ்ஜிதோ அபி⁴ஸங்க²தோ, ‘‘தா³னசித்தேன புஞ்ஞசித்தேனா’’தி வா பாடோ², தா³னவஸேன, ஸீலாதி³வஸேன ச பவத்தபுஞ்ஞசித்தேனாதி அத்தோ².
த்³வின்னங் கொட்டானங் அந்தரந்தி த்³வின்னங் பிட்டி²பா³ஹானங் வேமஜ்ஜ²ங் பிட்டி²மஜ்ஜ²ஸ்ஸ உபரிபா⁴கோ³. சிதங் பரிபுண்ணந்தி அனின்னபா⁴வேன சிதங், த்³வீஹி கொட்டேஹி ஸமதலதாய பரிபுண்ணங். உக்³க³ம்மாதி உக்³க³ந்த்வா, அனின்னங் ஸமதலங் ஹுத்வாதி அதி⁴ப்பாயோ. தேனாஹ ‘‘ஸுவண்ணப²லகங் வியா’’தி.
நிக்³ரோதோ⁴ விய பரிமண்ட³லோதி பரிமண்ட³லனிக்³ரோதோ⁴ விய ‘‘நிக்³ரோத⁴பரிமண்ட³லோ’’தி வுத்தோ. தேனாஹ ‘‘ஸமக்க²ந்த⁴ஸாகோ² நிக்³ரோதோ⁴’’திஆதி³. ந ஹி ஸப்³போ³ நிக்³ரோதோ⁴ பரிமண்ட³லோதி, பரிமண்ட³லஸத்³த³ஸன்னிதா⁴னேன வா பரிமண்ட³லோவ நிக்³ரோதோ⁴ க³ய்ஹதீதி ஏகஸ்ஸ பரிமண்ட³லஸத்³த³ஸ்ஸ லோபேன வினாபி அயமத்தோ² லப்³ப⁴தீதி ஆஹ ‘‘நிக்³ரோதோ⁴ விய பரிமண்ட³லோ’’தி. யாவதகோ அஸ்ஸாதி யாவதக்வஸ்ஸ ஓ-காரஸ்ஸ வ-காராதே³ஸங் கத்வா.
ஸமவட்டிதக்க²ந்தோ⁴தி ஸமங் ஸுவட்டிதக்க²ந்தோ⁴. கோஞ்சா விய தீ³க⁴க³லா, ப³கா விய வங்கக³லா ஸுவண்ணாளிங்க³ஸதி³ஸோதி ஸுவண்ணமயகு²த்³த³கமுதி³ங்க³ஸதி³ஸோ.
ரஸக்³க³ஸக்³கீ³தி மது⁴ராதி³பே⁴த³ங் ரஸங் க³ஸந்தி அந்தோ பவேஸந்தீதி ரஸக்³க³ஸா ரஸக்³க³ஸானங் அக்³கா³ ரஸக்³க³ஸக்³கா³, தா ஏதஸ்ஸ ஸந்தீதி ரஸக்³க³ஸக்³கீ³. தேனாதி ஓஜாய அப²ரணேன ஹீனதா⁴துகத்தா தே ப³ஹ்வாபா³தா⁴ ஹொந்தி.
ஹனூதி ஸன்னிஸ்ஸயத³ந்தாதா⁴ரஸ்ஸ ஸமஞ்ஞா, தங் ப⁴க³வதோ ஸீஹஸ்ஸ ஹனு விய, தஸ்மா ப⁴க³வா ஸீஹஹனு. தத்த² யஸ்மா பு³த்³தா⁴னங் ரூபகாயஸ்ஸ, த⁴ம்மகாயஸ்ஸ ச உபமா நாம ஹீனூபமாவ, நத்தி² ஸமானூபமா, குதோ அதி⁴கூபமா, தஸ்மா அயம்பி ஹீனூபமாதி த³ஸ்ஸேதுங் ‘‘தத்தா²’’திஆதி³ வுத்தங். யஸ்மா மஹாபுரிஸஸ்ஸ ஹெட்டி²மானுரூபவஸேனேவ உபரிமம்பி ஸண்டி²தங், தஸ்மா வுத்தங் ‘‘த்³வேபி பரிபுண்ணானீ’’தி, தஞ்ச கோ² ந ஸப்³ப³ஸோ பரிமண்ட³லதாய, அத² கோ² திபா⁴கா³வஸேஸமண்ட³லதாயாதி ஆஹ ‘‘த்³வாத³ஸியா பக்க²ஸ்ஸ சந்த³ஸதி³ஸானீ’’தி. ஸல்லக்கெ²த்வாதி அத்தனோ லக்க²ணஸத்தா²னுஸாரேன ‘‘அயபட்டகேன சி²ன்னஸங்க²படலங் வியா’’தி. அயபட்டகந்தி ககசங் அதி⁴ப்பேதங். ஸமா ப⁴விஸ்ஸந்தி, ந விஸமா, ஸமஸண்டா²னாதி அத்தோ².
ஸாதிஸயங் முது³தீ³க⁴புது²லதாதி³ப்பகாரகு³ணா ஹுத்வா பூ⁴தா ஜாதாதி பபூ⁴தா, ப⁴-காரஸ்ஸ ஹ-காரங் கத்வா பஹூதா ஜிவ்ஹா ஏதஸ்ஸாதி பஹூதஜிவ்ஹோ.
விச்சி²ந்தி³த்வா விச்சி²ந்தி³த்வா பவத்தஸரதாய சி²ன்னஸ்ஸராபி. அனேகாகாரதாய பி⁴ன்னஸ்ஸராபி. காகஸ்ஸ விய அமனுஞ்ஞஸரதாய காகஸ்ஸராபி. அபலிபு³த்³த⁴த்தாதி அனுபத்³து³தவத்து²கத்தா, வத்தூ²தி ச அக்க²ருப்பத்திட்டா²னங் வேதி³தப்³ப³ங். அட்ட²ங்க³ஸமன்னாக³தோதி எத்த² அங்கா³னி பரதோ ஆக³மிஸ்ஸந்தி. மஞ்ஜுகோ⁴ஸோதி மது⁴ரஸ்ஸரோ.
அபி⁴னீலனெத்தோதி அதி⁴கனீலனெத்தோ, அதி⁴கதா ச ஸாதிஸயங் நீலபா⁴வேன வேதி³தப்³பா³, ந நெத்தனீலபா⁴வஸ்ஸேவ அதி⁴கபா⁴வதோதி ஆஹ ‘‘ந ஸகலனீலனெத்தோ’’திஆதி³. பீதலோஹிதவண்ணா ஸேதமண்ட³லக³தராஜிவஸேன. நீலஸேதகாளவண்ணா பன தங்தங்மண்ட³லவஸேனேவ வேதி³தப்³பா³.
‘‘சக்கு²ப⁴ண்ட³ந்தி அக்கி²த³ல’’ந்தி கேசி. ‘‘அக்கி²த³லவடும’’ந்தி அஞ்ஞே. அக்கி²த³லேஹி பன ‘‘அதி⁴ப்பேத’’ந்தி இமினா அயமெத்த² அதி⁴ப்பாயோ ஏகதே³ஸேன ஸமுதா³யுபலக்க²ணஞாயேனாதி த³ஸ்ஸேதி. யஸ்மா பகு²ம-ஸத்³தோ³ லோகே அக்கி²த³லலோமேஸு நிருள்ஹோ, தேனேவாஹ ‘‘முது³ஸினித்³த⁴னீலஸுகு²மபகு²மாசிதானி அக்கீ²னீ’’தி.
கிஞ்சாபி உண்ணா-ஸத்³தோ³ லோகே அவிஸேஸதோ லோமபரியாயோ, இத⁴ பன லோமவிஸேஸவாசகோதி ஆஹ ‘‘உண்ணா லோம’’ந்தி. நலாடவேமஜ்ஜே² ஜாதாதி நலாடமஜ்ஜ²க³தா ஜாதா. ஓதா³ததாய உபமா, ந முது³தாய ‘‘ஸப்பி மண்டே³’’திஆதி³. ரஜதபுப்³பு³ளகந்தி ரஜதமயதாரகமாஹ.
த்³வே அத்த²வஸே படிச்ச வுத்தந்தி யஸ்மா பு³த்³தா⁴, சக்கவத்தினோ ச பரிபுண்ணனலாடதாய, பரிபுண்ணஸீஸபி³ம்ப³தாய ச ‘‘உண்ஹீஸஸீஸா’’தி வுச்சந்தி, தஸ்மா தே த்³வே அத்த²வஸே படிச்ச ‘‘உண்ஹீஸஸீஸோ’’தி இத³ங் வுத்தங். இதா³னி தங் அத்த²த்³வயங் மஹாபுரிஸே ஸுப்பதிட்டி²தந்தி ‘‘மஹாபுரிஸஸ்ஸ ஹீ’’திஆதி³ வுத்தங். ஸண்ஹதமதாய, ஸுவண்ணவண்ணதாய, பப⁴ஸ்ஸரதாய, பரிபுண்ணதாய ச ரஞ்ஞோ ப³ந்த⁴உண்ஹீஸபட்டோ விய விரோசதி. கபிஸீஸாதி த்³விதா⁴பூ⁴தஸீஸா. ப²லஸீஸாதி ப²லிதஸீஸா. அட்டி²ஸீஸாதி மங்ஸஸ்ஸ அபா⁴வதோ அதிவிய அட்டி²தாய, பதனுபா⁴வதோ வா தசோனத்³த⁴அட்டி²மத்தஸீஸா. தும்ப³ஸீஸாதி லாபு³ஸதி³ஸஸீஸா. பப்³பா⁴ரஸீஸாதி பிட்டி²பா⁴கே³ன ஓலம்ப³மானஸீஸா. புரிமனயேனாதி பரிபுண்ணனலாடதாபக்கே²ன. உண்ஹீஸவேடி²தஸீஸோ வியாதி உண்ஹீஸபட்டேன வேடி²தஸீஸபதே³ஸோ விய. உண்ஹீஸங் வியாதி சே²கேன ஸிப்பினா விரசிதஉண்ஹீஸமண்ட³லங் விய.
விபஸ்ஸீஸமஞ்ஞாவண்ணனா
37. தஸ்ஸ வித்தா²ரோதி தஸ்ஸ லக்க²ணபரிக்³க³ண்ஹனே நேமித்தகானங் ஸந்தப்பனஸ்ஸ வித்தா²ரோ வித்தா²ரகதா². க³ப்³போ⁴க்கந்தியங் நிமித்தபூ⁴த ஸுபினபடிக்³கா³ஹகஸந்தப்பனே வுத்தோயேவ. நித்³தோ³ஸேனாதி கா²ரிகலோணிகாதி³தோ³ஸரஹிதேன. தா⁴தியோதி த²ஞ்ஞபாயிகா தா⁴தியோ. தா ஹி தா⁴பெந்தி த²ஞ்ஞங் பாயெந்தீதி தா⁴தியோ. ‘‘ததா²’’தி இமினா ‘‘ஸட்டி²’’ந்தி பத³ங் உபஸங்ஹரதி ஸேஸாபீதி ந்ஹாபிகா, தா⁴ரிகா, பரிஹாரிகாதி இமா திவிதா⁴. தாபி த³ஹந்தி வித³ஹந்தி ந்ஹானங் த³ஹந்தி தா⁴ரெந்தீதி ‘‘தா⁴தியோ’’ த்வேவ வுச்சந்தி. தத்த² தா⁴ரணங் உரஸா, ஊருனா, ஹத்தே²ஹி வா ஸுசிரங் வேலங் ஸந்தா⁴ரணங். பரிஹரணங் ஹரணங் ஸம்பாபனங்.
38. மஞ்ஜுஸ்ஸரோதி ஸண்ஹஸ்ஸரோ. யோ ஹி ஸண்ஹோ, ஸோ க²ரோ ந ஹோதீதி ஆஹ ‘‘அக²ரஸ்ஸரோ’’தி. வக்³கு³ஸ்ஸரோதி மனோரம்மஸ்ஸரோ, மனோரம்மதா சஸ்ஸ சாதுரியனே புஞ்ஞயோக³தோதி ஆஹ ‘‘சே²கனிபுணஸ்ஸரோ’’தி. மது⁴ரஸ்ஸரோதி ஸோதஸுக²ஸ்ஸரோ, ஸோதஸுக²தா சஸ்ஸ அதிவிய இட்ட²பா⁴வேனாதி ஆஹ ‘‘ஸாதஸ்ஸரோ’’தி. பேமனீயஸ்ஸரோதி ‘‘பேமஜனகஸ்ஸரோ’’தி. கரவீகஸ்ஸரோதி. கரவீகஸத்³தோ³ யேஸங் ஸத்தானங் ஸோதபத²ங் உபக³ச்ச²தி, தே அத்தனோ ஸரஸம்பத்தியா பகதிங் ஜஹாபெத்வா அவஸே கரொந்தோ அத்தனோ வஸே வத்தேதி, ஏவங் மது⁴ரோதி த³ஸ்ஸெந்தோ ‘‘தத்ரித³’’ந்திஆதி³மாஹ. தத்த² ‘‘கரவீகஸகுணே’’திஆதி³ தஸ்ஸ ஸபா⁴வகத²னங். லளிதந்தி பீதிவேக³ஸமுட்டி²தங் லீளங். ச²ட்³டெ³த்வாதி ‘‘ஸங்க²ரணம்பி மது⁴ரஸத்³த³ஸவனந்தராயகர’’ந்தி திணானி அபனெத்வா. அனிக்கி²பித்வாதி பூ⁴மியங் அனிக்கி²பித்வா ஆகாஸக³தமேவ கத்வா. அனுப³த்³த⁴மிகா³ வாளமிகே³ஹி. ததோ மரணப⁴யங் ஹித்வா. பக்கே² பஸாரெத்வாதி பக்கே² யதா²பஸாரிதே கத்வா அபதந்தா திட்ட²ந்தி.
ஸுவண்ணபஞ்ஜரங் விஸ்ஸஜ்ஜேஸி யோஜனப்பமாணே ஆகாஸே அத்தனோ ஆணாய பவத்தனதோ. தேனாஹ ‘‘ஸோ ராஜாணாயா’’திஆதி³. லளிங்ஸூதி லளிதங் காதுங் ஆரபி⁴ங்ஸு. தங் பீதிந்தி அவிஜஹித்வா விக்க²ம்பி⁴தகிலேஸா தே²ரானங் ஸந்திகே லத்³த⁴த⁴ம்மஸ்ஸவனஸப்பாயா உபனிஸ்ஸயஸம்பத்தியா பரிபக்கஞாணதாய ஸத்தஹி…பே॰… பதிட்டா²ஸி. ஸத்தஸதமத்தேன ஓரோத⁴ஜனேன ஸத்³தி⁴ங் பத³ஸாவ தே²ரானங் ஸந்திகங் உபக³தத்தா ‘‘ஸத்தஹி ஜங்க⁴ஸதேஹி ஸத்³தி⁴’’ந்தி வுத்தங். ததோதி கரவீகஸத்³த³தோ. ஸதபா⁴கே³ன…பே॰… வேதி³தப்³போ³ அனேககப்பகோடிஸதஸம்பூ⁴தபுஞ்ஞஸம்பா⁴ரஸமுதா³க³தவத்து²ஸம்பத்திபா⁴வதோ.
39. கம்மவிபாகஜந்தி ஸாதிஸயஸுசரிதகம்மனிப்³ப³த்தங் பித்தஸெம்ஹருஹிராதீ³ஹி அபலிபு³த்³த⁴ங் தூ³ரேபி ஆரம்மணங் ஸம்படிச்ச²னஸமத்த²ங் கம்மவிபாகேன ஸஹஜாதங், கம்மஸ்ஸ வா விபாகபா⁴வேன ஜாதங் பஸாத³சக்கு². து³வித⁴ஞ்ஹி தி³ப்³ப³சக்கு²ங் கம்மமயங், பா⁴வனாமயந்தி. தத்ரித³ங் கம்மமயந்தி ஆஹ ‘‘ந பா⁴வனாமய’’ந்தி. பா⁴வனாமயங் பன போ³தி⁴மூலே உப்பஜ்ஜிஸ்ஸதி. அயங் ‘‘ஸோ’’தி ஸல்லக்க²ணங் காமங் மனோவிஞ்ஞாணேன ஹோதி, சக்கு²விஞ்ஞாணேன பன தஸ்ஸ ததா² விபா⁴விதத்தா மனோவிஞ்ஞாணஸ்ஸ தத்த² ததா²பவத்தீதி ஆஹ ‘‘யேன நிமித்தங்…பே॰… ஸக்கோதீ’’தி.
40. வசனத்தோ²தி நிமீலனந்தி நிமீலனத³ஸ்ஸனங் நவிஸுத்³த⁴ங், ததா² ச அக்கீ²னி அவிவடானி நிமீலத³ஸ்ஸனஸ்ஸ ந விஸுத்³தி⁴பா⁴வதோ. தப்³பி³பரியாயதோ பன த³ஸ்ஸனங் விஸுத்³த⁴ங், விவடஞ்சாதி ஆஹ ‘‘அந்தரந்தரா’’திஆதி³.
41. நீ-இதி – ஜானநத்த²ங் தா⁴துங் க³ஹெத்வா ஆஹ ‘‘பனயதி ஜானாதீ’’தி. யதோ வுத்தங் ‘‘அனிமித்தா ந நாயரே’’தி (விஸுத்³தி⁴॰ 1.174; ஸங்॰ நி॰ அட்ட²॰ 1.1.20), ‘‘விதூ³பி⁴ ‘‘நயதி பவத்தேதீ’’தி. அப்பமத்தோ அஹோஸி தேஸு தேஸு கிச்சகரணீயேஸு.
42. வஸ்ஸாவாஸோ வஸ்ஸங் உத்தரபத³லோபேன, தஸ்மா வஸ்ஸங், வஸ்ஸே வா, ஸன்னிவாஸபா²ஸுதாய அரஹதீதி வஸ்ஸிகோ, பாஸாதோ³. மாஸா பன வஸ்ஸே உதும்ஹி ப⁴வாதி வஸ்ஸிகா. இதரேஸூதி ஹேமந்திகங் கி³ம்ஹிகந்தி இமேஸு. ஏஸேவ நயோதி உத்தரபத³லோபேன நித்³தே³ஸங் அதிதி³ஸதி.
நாதிஉச்சோ ஹோதி நாதினீசோதி கி³ம்ஹிகோ விய உச்சோ, ஹேமந்திகோ விய நீசோ ந ஹோதி, அத² கோ² தது³ப⁴யவேமஜ்ஜ²லக்க²ணதாய நாதிஉச்சோ ஹோதி, நாதினீசோ. அஸ்ஸாதி பாஸாத³ஸ்ஸ. நாதிப³ஹூனீதி கி³ம்ஹிகஸ்ஸ விய ந அதிப³ஹூனி. நாதிதனூனீதி ஹேமந்திகஸ்ஸ விய ந கு²த்³த³கானி, தனுதரஜாலானி ச. மிஸ்ஸகானேவாதி ஹேமந்திகே விய ந உண்ஹனியானேவ, கி³ம்ஹிகே விய ச ந ஸீதனியானேவ, அத² கோ² உப⁴யமிஸ்ஸகானேவ. தனுகானீதி ந புது²லானி. உண்ஹப்பவேஸனத்தா²யாதி ஸூரியஸந்தாபானுப்பவேஸாய. பி⁴த்தினியூஹானீதி த³க்கி²ணபஸ்ஸே பி⁴த்தீஸு நியூஹானி. ஸினித்³த⁴ந்தி ஸினேஹவந்தங், ஸினித்³த⁴க்³க³ஹணேனேவ சஸ்ஸ க³ருகதாபி வுத்தா ஏவ. கடுகஸன்னிஸ்ஸிதந்தி திகடுகாதி³கடுகத்³ரப்³பூ³பஸஞ்ஹிதங். உத³கயந்தானீதி உத³கதா⁴ராவிஸ்ஸந்த³யந்தானி. யதா² ஜலயந்தானி, ஏவங் ஹிமயந்தானிபி தத்த² கரொந்தி ஏவ. தஸ்மா ஹேமந்தே விய ஹிமானி பதந்தானியேவ ஹொந்தீதி ச வேதி³தப்³ப³ங்.
ஸப்³ப³ட்டா²னானிபீதி ‘‘தோ³வாரிகாபீ’’திஆதி³. தத்த² காரணமாஹ ‘‘ராஜா கிரா’’திஆதி³.
பட²மபா⁴ணவாரவண்ணனா நிட்டி²தா.
ஜிண்ணபுரிஸவண்ணனா
44. கோ³பானஸிவங்கந்தி ஆபொ⁴க்³க³வங்கந்தி ஆதி³தோ பட்டா²ய அப்³பு⁴க்³க³தாய குடிலஸரீரதாய வங்கங். தேனாஹ ‘‘க²ந்தே⁴’’திஆதி³. த³ண்ட³பரங் த³ண்ட³க்³க³ஹணபரங் அயனங் க³மனங் ஏதஸ்ஸாதி த³ண்ட³பராயனங், த³ண்டோ³ வா பரங் ஆயனங் க³மனகாரணங் ஏதஸ்ஸாதி த³ண்ட³பராயனங். டா²னாதீ³ஸு த³ண்டோ³ க³தி அவஸ்ஸயோ ஏதஸ்ஸ தேன வினா அப்பவத்தனதோதி த³ண்ட³க³திகங், க³ச்ச²தி ஏதேனாதி வா க³தி, த³ண்டோ³ க³தி க³மனகாரணங் ஏதஸ்ஸாதி த³ண்ட³க³திகங். த³ண்ட³படிஸரணந்தி எத்தா²பி ஏஸேவ நயோ. ஜராதுரந்தி ஜராய கிலந்தங் அஸ்ஸவஸங். யதா³ ரதோ² புரதோ ஹோதீதி த்³வேதா⁴பதே² ஸம்பத்தே புரதோ க³ச்ச²ந்தே ப³லகாயே தத்த² ஏகங் ஸண்டா²னங் ஆருள்ஹோ மஜ்ஜே² க³ச்ச²ந்தோ போ³தி⁴ஸத்தேன ஆருள்ஹோ ரதோ² இதரங் ஸண்டா²னங் க³ச்ச²ந்தோ யதா³ புரதோ ஹோதி. பச்சா² ப³லகாயோதி ததா³ பச்சா² ஹோதி ஸப்³போ³ ப³லகாயோ. தாதி³ஸே ஓகாஸேதி தாதி³ஸே வுத்தப்பகாரே மக்³க³ப்பதே³ஸே. தங் புரிஸந்தி தங் ஜிண்ணபுரிஸங். ஸுத்³தா⁴வாஸாதி ஸித்³த⁴த்தா²தீ³னங் திண்ணங் ஸம்மாஸம்பு³த்³தா⁴னங் ஸாஸனே ப்³ரஹ்மசரியங் சரித்வா ஸுத்³தா⁴வாஸபூ⁴மியங் நிப்³ப³த்தப்³ரஹ்மானோ. தே ஹி ததா³ தத்த² திட்ட²ந்தி. ‘‘கிங் ‘‘கிங் வுத்தங் ஹோதீ’’திஆதி³ தஸ்ஸ அனித்³தா⁴ரிதஸரூபதங்யேவ விபா⁴வேதி.
‘‘தேன ஹீ’’திஆதி³ ‘‘அயஞ்ச ஜிண்ணபா⁴வோ ஸப்³ப³ஸாதா⁴ரணத்தா மய்ஹம்பி உபரி ஆபத்திதோ ஏவா’’தி மஹாஸத்தஸ்ஸ ஸங்விஜ்ஜனாகாரவிபா⁴வனங். ரத²ங் ஸாரேதீதி ஸாரதி². கீளாவிஹாரத்த²ங் உய்யுத்தா யந்தி உபக³ச்ச²ந்தி ஏதந்தி உய்யானங். அலந்தி படிக்கே²பவசனங். நாமாதி க³ரஹணே நிபாதோ ‘‘கத²ஞ்ஹினாமா’’திஆதீ³ஸு (பாரா॰ 39, 42, 87, 88, 90, 166, 170; பாசி॰ 1, 13, 36) விய. ஜாதியா ஆதீ³னவத³ஸ்ஸனத்த²ங் தங்மூலஸ்ஸ உம்மூலனங் விய ஹோதீதி, தஸ்ஸ ச அவஸ்ஸிதபா⁴வதோ ‘‘ஜாதியா மூலங் க²ணந்தோ நிஸீதீ³’’தி ஆஹ. ஸித்³தே⁴ ஹி காரணே ப²லங் ஸித்³த⁴மேவ ஹோதீதி. பீளங் ஜனெத்வா அந்தோதுத³னவஸேன ஸப்³ப³பட²மங் ஹத³யங் அனுபவிஸ்ஸ டி²தத்தா பட²மேன ஸல்லேன ஹத³யே வித்³தோ⁴ விய நிஸீதீ³தி யோஜனா.
ப்³யாதி⁴புரிஸவண்ணனா
47. புப்³பே³ வுத்தனயேனேவாதி ‘‘ஸுத்³தா⁴வாஸா கிரா’’திஆதி³னா புப்³பே³ வுத்தேனேவ நயேன. ஆபா³தி⁴கந்தி ஆபா³த⁴வந்தங். து³க்கி²தந்தி ஸஞ்ஜாதது³க்க²ங். அஜாதந்தி அஜாதபா⁴வோ, நிப்³பா³னங் வா.
காலகதபுரிஸவண்ணனா
50. ப⁴ந்தனெத்தகுப்பலாதி³ விவித⁴ங் கத்வா லாதப்³ப³தோ விலாதோ, வய்ஹங், ஸிவிகா சாதி ஆஹ ‘‘விலாதந்தி ஸிவிக’’ந்தி. ஸிவிகாய தி³ட்ட²புப்³ப³த்தா மஹாஸத்தோ சிதகபஞ்ஜரங் ‘‘ஸிவிக’’ந்தி ஆஹ. இதோ படிக³தந்தி இதோ ப⁴வதோ அபக³தங் கதகாலந்தி பரியோஸாபிதஜீவனகாலங். தேனாஹ ‘‘யத்தக’’ந்திஆதி³.
பப்³ப³ஜிதவண்ணனா
53. த⁴ம்மங் சரதீதி த⁴ம்மசரணோ, தஸ்ஸ பா⁴வோ த⁴ம்மசரணபா⁴வோதி த⁴ம்மசரியமேவ வத³தி. ஏவங் ஏகேகஸ்ஸ பத³ஸ்ஸாதி யதா² ‘‘ஸாது⁴த⁴ம்மசரியாதி பப்³ப³ஜிதோ’’தி யோஜனா, ஏவங் ‘‘ஸாது⁴ஸமசரியாதி பப்³ப³ஜிதோ’’திஆதி³னா ஏகேகஸ்ஸ பத³ஸ்ஸ யோஜனா வேதி³தப்³பா³. ஸப்³பா³னீதி ‘‘ஸாது⁴த⁴ம்மசரியா’’திஆதீ³ஸு ஆக³தானி ஸப்³பா³னி த⁴ம்மஸமகுஸலபுஞ்ஞபதா³னி. த³ஸகுஸலகம்மபத²வேவசனானீதி தா³னாதீ³னி த³ஸகுஸலத⁴ம்மபரியாயபதா³னி.
போ³தி⁴ஸத்தபப்³ப³ஜ்ஜாவண்ணனா
54. பப்³ப³ஜிதஸ்ஸ த⁴ம்மிங் கத²ங் ஸுத்வாதி ஸம்ப³ந்தோ⁴. அஞ்ஞஞ்ச ஸங்கீ³திஅனாருள்ஹங் தேன ததா³ வுத்தங் த⁴ம்மிங் கத²ந்தி யோஜனா. ‘‘வங்ஸோவா’’தி பத³த்தயேன த⁴ம்மதா ஏஸாதி த³ஸ்ஸேதி. சிரஸ்ஸங் சிரஸ்ஸங் பஸ்ஸந்தி தீ³கா⁴யுகபா⁴வதோ. ததா² ஹி வுத்தங் ‘‘ப³ஹூனங் வஸ்ஸானங்…பே॰… அச்சயேனா’’தி. தேனேவாதி ந சிரஸ்ஸங் தி³ட்ட²பா⁴வேனேவ. அசிரகாலந்தரிகமேவ புப்³ப³காலகிரியங் த³ஸ்ஸெந்தோ ‘‘ஜிண்ணஞ்ச தி³ஸ்வா…பே॰… பப்³ப³ஜிதஞ்ச தி³ஸ்வா, தஸ்மா அஹங் பப்³ப³ஜிதொம்ஹி ராஜா’’தி ஆஹ
மஹாஜனகாயஅனுபப்³ப³ஜ்ஜாவண்ணனா
55. ‘‘கஸ்மா பனெத்தா²’’திஆதி³னா தேஸங் சதுராஸீதியா பாணஸஹஸ்ஸானங் மஹாஸத்தே ஸங்ப⁴த்ததங், ஸங்வேக³ப³ஹுலதஞ்ச த³ஸ்ஸேதி, யதோ ஸுதட்டா²னேயேவ ட²த்வா ஞாதிமித்தாதீ³ஸு கிஞ்சி அனாமந்தெத்வா மத்தவரவாரணோ விய அயோமயப³ந்த⁴னங் க⁴னப³ந்த⁴னங் சி²ந்தி³த்வா பப்³ப³ஜ்ஜங் உபக³ச்சி²ங்ஸு.
சத்தாரோ மாஸே சாரிகங் சரி ந தாவ ஞாணஸ்ஸ பரிபாகங் க³தத்தா.
யதா³ பன ஞாணங் பரிபாகங் க³தங், தங் த³ஸ்ஸெந்தோ ‘‘அயங் பனா’’திஆதி³மாஹ. ஸப்³பே³வ இமே பப்³ப³ஜிதா மம க³மனங் ஜானிஸ்ஸந்தி, ஜானந்தா ச மங் அனுப³ந்தி⁴ஸ்ஸந்தீதி அதி⁴ப்பாயோ. ஸன்னிஸீவேஸூதி ஸன்னிஸின்னேஸு. ஸணதேவாதி ஸணதி விய ஸத்³த³ங் கரோதி விய.
அவிவேகாராமானந்தி அனபி⁴ரதிவிவேகானங். அயங் காலோதி அயங் தேஸங் பப்³ப³ஜிதானங் மம க³மனஸ்ஸ அஜானநகாலோ. நிக்க²மித்வாதி பண்ணஸாலாய நிக்³க³ந்த்வா, மஹாபி⁴னிக்க²மனங் பன பகே³வ நிக்க²ந்தோ. பாரமிதானுபா⁴வேன உட்டி²தங் உபரி தே³வதாஹி தி³ப்³ப³பச்சத்த²ரணேஹி ஸுபஞ்ஞத்தம்பி மஹாஸத்தஸ்ஸ புஞ்ஞானுபா⁴வேன ஸித்³த⁴த்தா தேன பஞ்ஞத்தங் விய ஹோதீதி வுத்தங் ‘‘பல்லங்கங் பஞ்ஞபெத்வா’’தி. ‘‘காமங் தசோ ச ந்ஹாரு ச, அட்டி² ச அவஸிஸ்ஸதூ’’திஆதி³ (ம॰ நி॰ 2.184; ஸங்॰ நி॰ 2.22, 237; அ॰ நி॰ 2.5; 8.13; மஹானி॰ 17, 196) நயப்பவத்தங் சதுரங்க³வீரியங் அதி⁴ட்ட²ஹித்வா. வூபகாஸந்தி விவேகவாஸங்.
அஞ்ஞேனேவாதி யத்த² மஹாபுரிஸோ ததா³ விஹரதி, ததோ அஞ்ஞேனேவ தி³ஸாபா⁴கே³ன. காமங் போ³தி⁴மண்டோ³ ஜம்பு³தீ³பஸ்ஸ மஜ்ஜே² நாபி⁴ட்டா²னியோ, ததா³ பன ப்³ரஹாரஞ்ஞே விவித்தே யோகீ³னங் படிஸல்லானஸாருப்போ ஹுத்வா திட்ட²தி, தத³ஞ்ஞோ பன ஜம்பு³தீ³பப்பதே³ஸோ யேபு⁴ய்யேன ப³ஹுஜனோ ஆகிண்ணமனுஸ்ஸோ இத்³தோ⁴ பீ²தோ அஹோஸி. தேன தே தங் தங் ஜனபத³தே³ஸங் உத்³தி³ஸ்ஸ க³தா ‘‘அந்தோ ஜம்பு³தீ³பாபி⁴முகா² சாரிகங் பக்கந்தா’’தி வுத்தா அந்தோ ஜம்பு³தீ³பாபி⁴முகா², ந ஹிமவந்தாதி³பப்³ப³தாபி⁴முகா²தி அத்தோ².
போ³தி⁴ஸத்தஅபி⁴னிவேஸவண்ணனா
57. காமங் ‘‘ஏகரத்திவாஸங் உபக³தஸ்ஸா’’தி வுத்தங். ரஹோக³தஸ்ஸாதி ரஹோ ஜனவிவித்தங் டா²னங் உபக³தஸ்ஸ, தேன க³ணஸங்க³ணிகாபா⁴வேன மஹாஸத்தஸ்ஸ காயவிவேகமாஹ. படிஸல்லீனஸ்ஸாதி து³க்க²ந்தி ஜாதிஆதி³மூலகங் து³க்க²ங். காமங் சுதூபபாதாபி ஜாதிமரணானி ஏவ, மரணஜாதியோவ ‘‘ஜாயதி மீயதீ’’தி பன வத்வா ‘‘சவதி உபபஜ்ஜதீ’’தி வசனங் ந ஏகப⁴வபரியாபன்னானங் நேஸங் க³ஹணங், அத² கோ² நானாப⁴வபரியாபன்னானங் ஏகஜ்ஜ²ங் க³ஹணந்தி த³ஸ்ஸெந்தோ ஆஹ ‘‘இத³ங் த்³வயங்…பே॰… வுத்த’’ந்தி. கஸ்மா பன லோகஸ்ஸ கிச்சா²பத்திபரிவிதக்கனே ‘‘ஜராமரணஸ்ஸா’’தி ஜராமரணவஸேன நியமனங் கதந்தி ஆஹ ‘‘யஸ்மா’’திஆதி³. ஜராமரணமேவ உபட்டா²தி ஆதி³தோதி அதி⁴ப்பாயோ. அபி⁴னிவிட்ட²ஸ்ஸாதி ஆரத்³த⁴ஸ்ஸ. படிச்சஸமுப்பாத³முகே²ன விபஸ்ஸனாரம்பே⁴ தஸ்ஸ ஜராமரணதோ பட்டா²ய அபி⁴னிவேஸோ அக்³க³தோ யாவ மூலங் ஓதரணங் வியாதி ஆஹ ‘‘ப⁴வக்³க³தோ ஓதரந்தஸ்ஸ வியா’’தி.
உபாயமனஸிகாராதி உபாயேன மனஸிகரணதோ மனஸிகாரஸ்ஸ பவத்தனதோ. இதா³னி தங் உபாயமனஸிகாரபரியாயங் யோனிஸோமனஸிகாரங் ஸரூபதோ, பவத்திஆகாரதோ ச த³ஸ்ஸேதுங் ‘‘அனிச்சாதீ³னி ஹீ’’திஆதி³ வுத்தங். யோனிஸோமனஸிகாரோ நாம ஹோதீதி யாதா²வதோ மனஸிகாரபா⁴வதோ. அனிச்சாதீ³னீதி ஆதி³-ஸத்³தே³ன து³க்கா²னத்தஅஸுபா⁴தீ³னங் க³ஹணங். அயந்தி ‘‘ஏதத³ஹோஸீ’’தி ஏவங் வுத்தோ ‘‘கிம்ஹி நு கோ² ஸதீ’’திஆதி³னயப்பவத்தோ மனஸிகாரோ. தேஸங் அஞ்ஞதரோதி தேஸு அனிச்சாதி³மனஸிகாரேஸு அஞ்ஞதரோ ஏகோ. கோ பன ஸோதி? அனிச்சமனஸிகாரோவ, தத்த² காரணமாஹ ‘‘உத³யப்³ப³யானுபஸ்ஸனாவஸேன பவத்தத்தா’’தி. யஞ்ஹி உப்பஜ்ஜதி சேவ சவதி ச, தங் அனிச்சங் உத³யவயபரிச்சி²ன்னத்தா அத்³து⁴வந்தி கத்வா. தஸ்ஸ பன தப்³பா⁴வத³ஸ்ஸனங் யாதா²வமனஸிகாரதாய யோனிஸோமனஸிகாரோ இதோ யோனிஸோமனஸிகாராதி ஹேதும்ஹி நிஸ்ஸக்கவசனந்தி தஸ்ஸ இமினா ‘‘உபாயமனஸிகாரேனா’’தி ஹேதும்ஹி கரணவசனேன அத்த²மாஹ. ஸமாக³மோ அஹோஸீதி கிங் பன தந்தி கிங் பன தங் ஜராமரணகாரணந்தி ஆஹ ‘‘ஜாதீ’’தி. ‘‘ஜாதியா கோ²’’திஆதீ³ஸு அயங் ஸங்கே²பத்தோ² – கிம்ஹி நு கோ² ஸதி ஜராமரணங் ஹோதி, கிங் பச்சயா ஜராமரண’’ந்தி ஜராமரணகாரணங் பரிக்³க³ண்ஹந்தஸ்ஸ போ³தி⁴ஸத்தஸ்ஸ ‘‘யஸ்மிங் ஸதி யங் ஹோதி, அஸதி ச ந ஹோதி, தங் தஸ்ஸ காரண’’ந்தி ஏவங் அப்³யபி⁴சாரிகாரணபரிக்³க³ண்ஹனே ‘‘ஜாதியா கோ² ஸதி ஜராமரணங் ஹோதி, ஜாதிபச்சயா ஜராமரண’’ந்தி யா ஜராமரணஸ்ஸ காரணபரிக்³கா³ஹிகா பஞ்ஞா உப்பஜ்ஜதி, தாய உப்பஜ்ஜந்தியா ஸமாக³மோ அஹோஸீதி. ஸப்³ப³பதா³னீதி ‘‘கிம்ஹி நு கோ² ஸதி ஜாதி ஹோதீ’’திஆதி³னா ஆக³தானி ஜாதிஆதீ³னி விஞ்ஞாணபரியோஸானானி நவ பதா³னி.
த்³வாத³ஸபதி³கே ‘‘எத்த² பனா’’திஆதி³மாஹ. பச்சக்க²பூ⁴தங் பச்சுப்பன்னப⁴வங் பட²மங் க³ஹெத்வா தத³னந்தரங் அனாக³தங் ‘‘து³திய’’ந்தி க³ஹணே அதீதோ ததியோ ஹோதீதி ஆஹ ‘‘அவிஜ்ஜா ஸங்கா²ரா ஹி அதீதோ ப⁴வோ’’தி. நனு செத்த² அனாக³தஸ்ஸாபி ப⁴வஸ்ஸ க³ஹணங் ந ஸம்ப⁴வதி பச்சுப்பன்னவஸேன அபி⁴னிவேஸஸ்ஸ ஜோதிதத்தாதி? ஸச்சமேதங், காரணே பன க³ஹிதே ப²லங் க³ஹிதமேவ ஹோதீதி ததா² வுத்தந்தி த³ட்ட²ப்³ப³ங். அபி செத்த² அனாக³தோபி அத்³தா⁴ அத்த²தோ ஸங்க³ஹிதோ ஏவ, யதோ பரதோ ‘‘நாமரூபபச்சயா ஸளாயதன’’ந்திஆதி³னா அனாக³தத்³த⁴ஸங்க³ஹிகா தே³ஸனா பவத்தா. தேஹீதி அவிஜ்ஜாஸங்கா²ரேஹி ஆரம்மணபூ⁴தேஹி. ந க⁴டியதி ந ஸம்ப³ஜ்ஜ²தி. மஹாபுரிஸோ ஹி பச்சுப்பன்னவஸேன அபி⁴னிவிட்டோ²தி அக⁴டனே காரணமாஹ. அதி³ட்டே²ஹீதி அனவபு³த்³தே⁴ஹி, இத்த²ம்பூ⁴தலக்க²ணே சேதங் கரணவசனங். ஸதி அனுபோ³தே⁴ படிவேதே⁴ன ப⁴விதப்³ப³ந்தி ஆஹ ‘‘ந ஸக்கா பு³த்³தே⁴ன ப⁴விது’’ந்தி. இமினாதி மஹாஸத்தேன. தேதி அவிஜ்ஜாஸங்கா²ரா. ப⁴வஉபாதா³னதண்ஹாவஸேனேவாதி ப⁴வஉபாதா³னதண்ஹாத³ஸ்ஸனவஸேனேவ. தி³ட்டா² தங்ஸபா⁴வதங்ஸஹக³தேஹி தேஹி ஸமானயோக³க்க²மத்தா. விஸுத்³தி⁴மக்³கே³ (விஸுத்³தி⁴॰ 2.570) கதி²தாவ, தஸ்மா ந இத⁴ கதே²தப்³பா³தி அதி⁴ப்பாயோ.
58. பச்சயதோதி ஹேதுதோ, ஸங்கா²ரதோதி அத்தோ². ‘‘கிம்ஹி நு கோ² ஸதி ஜராமரணங் ஹோதீ’’திஆதி³னா ஹி ஹேதுபரம்பராவஸேன ப²லபரம்பராய வுச்சமானாய ஆரம்மணதோதி அவிஜ்ஜாஸங்கா²ரஸங்கா²தஆரம்மணதோ, அதீதப⁴வஸங்கா²தஆரம்மணதோ வா. அதீதத்³த⁴பரியாபன்னா ஹி அவிஜ்ஜாஸங்கா²ரா. யதோ படினிவத்தமானங் விஞ்ஞாணங் அதீதப⁴வதோபி படினிவத்ததி நாம. உப⁴யம்பீதி படிஸந்தி⁴விஞ்ஞாணம்பி விபஸ்ஸனாவிஞ்ஞாணம்பி. நாமரூபங் நாதிக்கமதீதி பச்சயபூ⁴தங், ஆரம்மணபூ⁴தஞ்ச நாமரூபங் நாதிக்கமதி தேன வினா அவத்தனதோ. தேனாஹ ‘‘நாமரூபதோ பரங் ந க³ச்ச²தீ’’தி.
விஞ்ஞாணே நாமரூபஸ்ஸ பச்சயே ஹொந்தேதி விஞ்ஞாணே நாமஸ்ஸ, ரூபஸ்ஸ, நாமரூபஸ்ஸ ச பச்சயே ஹொந்தே. நாமரூபே ச விஞ்ஞாணஸ்ஸ பச்சயே ஹொந்தேதி ததா² நாமே, ரூபே, நாமரூபே ச விஞ்ஞாணஸ்ஸ த்³வீஸுபி அஞ்ஞமஞ்ஞபச்சயேஸு ஹொந்தேஸூதி பன பஞ்சவோகாரப⁴வவஸேனேவ. எத்தகேனாதி ஏவங் விஞ்ஞாண நாமரூபானங் ஜாயேத² வா…பே॰… உபபஜ்ஜேத² வாதி ‘‘ஸத்தோ ஜாயதி…பே॰… உபபஜ்ஜதி வா’’தி ஸமஞ்ஞா ஹோதி விஞ்ஞாணனாமரூபவினிமுத்தஸ்ஸ ஸத்தபஞ்ஞத்தியா உபாதா³னபூ⁴தஸ்ஸ த⁴ம்மஸ்ஸ அபா⁴வதோ. தேனாஹ ‘‘இதோ ஹீ’’திஆதி³. ஏததே³வாதி விஞ்ஞாணங், நாமரூபந்தி ஏதங் த்³வயமேவ.
பஞ்ச பதா³னீதி ‘‘ஜாயேத² வா’’திஆதீ³னி பஞ்ச பதா³னி. நனு தத்த² பட²மததியேஹி சதுத்த²பஞ்சமானி அத்த²தோ அபி⁴ன்னானீதி ஆஹ ‘‘ஸத்³தி⁴ங் அபராபரங் சுதிபடிஸந்தீ⁴ஹீ’’தி. புன தங் எத்தாவதாதி வுத்தமத்த²ந்தி யோ ‘‘எத்தாவதா’’தி பதே³ன புப்³பே³ வுத்தோ, தமேவ யதா²வுத்தமத்த²ங் ‘‘யதி³த³’’ந்திஆதி³னா நிய்யாதெந்தோ நித³ஸ்ஸெந்தோ புன வத்வா. அனுலோமபச்சயாகாரவஸேனாதி பச்சயத⁴ம்மத³ஸ்ஸனபுப்³ப³கங் பச்சயுப்பன்னத⁴ம்மத³ஸ்ஸனவஸேன. பச்சயத⁴ம்மானஞ்ஹி அத்தனோ பச்சயுப்பன்னஸ்ஸ அனுலோமபச்சயாகாரோ. ஜாதிஆதி³கங் ஸப்³ப³ங் வட்டது³க்க²ங் சித்தேன ஸமிஹிதேன கதங் ஸமூஹவஸேன க³ஹெத்வா பாளியங் ‘‘து³க்க²க்க²ந்த⁴ஸ்ஸா’’தி வுத்தந்தி ஆஹ ‘‘ஜாதி…பே॰… து³க்க²ராஸிஸ்ஸா’’தி.
59. து³க்க²க்க²ந்த⁴ஸ்ஸ அனேகவாரங் ஸமுத³யத³ஸ்ஸனவஸேன விஞ்ஞாணஸ்ஸ பவத்தத்தா ‘‘ஸமுத³யோ ஸமுத³யோ’’தி ஆமேடி³தவசனங் அவோச. அத² வா ‘‘ஏவங் ஸமுத³யோ ஹோதீ’’தி இத³ங் ந கேவலங் நிப்³ப³த்தினித³ஸ்ஸனபத³ங், அத² கோ² படிச்சஸமுப்பாத³-ஸத்³தோ³ விய ஸமுப்பாத³முகே²ன இத⁴ ஸமுத³ய-ஸத்³தோ³ நிப்³ப³த்திமுகே²ன பச்சயத்தங் வத³தி. விஞ்ஞாணாத³யோ ப⁴வந்தா இத⁴ பச்சயத⁴ம்மா நித்³தி³ட்டா², தே ஸாமஞ்ஞரூபேன ப்³யாபனிச்சா²வஸேன க³ண்ஹந்தோ ‘‘ஸமுத³யோ ஸமுத³யோ’’தி ஆஹ, ஏவஞ்ச கத்வா யங் வக்க²தி ‘‘இமஸ்மிங் ஸதி த³ஸ்ஸனட்டே²ன சக்கூ²தி ஸமுத³யஸ்ஸ பச்சக்க²தோ த³ஸ்ஸனபா⁴வேன சக்கு² வியாதி சக்கு². ஞாதகரணட்டே²னாதி யதா² ஸமுத³யோ ஸம்மதே³வ ஞாதோ ஹோதி அவபு³த்³தோ⁴, ஏவங் கரணட்டே²ன. பஜானநட்டே²னாதி ‘‘விஞ்ஞாணாதி³தங்தங்பச்சயுப்பத்தியா ஏதஸ்ஸ து³க்க²க்க²ந்த⁴ஸ்ஸ ஸமுத³யோ ஹோதீ’’தி பகாரதோ ஜானநட்டே²ன. நிப்³பி³ஜ்ஜி²த்வா படிவிஜ்ஜி²த்வா உப்பன்னட்டே²னாதி அனிப்³பி³ஜ்ஜி²த்வா புப்³பே³ உத³யத³ஸ்ஸனபஞ்ஞாய படிபக்க²த⁴ம்மே நிப்³பி³ஜ்ஜி²த்வா ‘‘அயங் ஸமுத³யோ’’தி பச்சயதோ, க²ணதோ ச, ஸரூபதோ படிவிஜ்ஜி²த்வா ஓபா⁴ஸட்டே²னாதி ஸமுத³யஸபா⁴வபடிச்சா²த³னகஸ்ஸ மோஹந்த⁴காரஸ்ஸ ச கிலேஸந்த⁴காரஸ்ஸ ச வித⁴மனவஸேன அவபா⁴ஸகபா⁴வேன.
இதா³னி யதா²வுத்தமத்த²ங் படிபாடியா விபா⁴வேதுங் ‘‘யதா²ஹா’’திஆதி³ வுத்தங். தத்த² சக்கு²ங் உத³பாதீ³தி பாளியங் பது³த்³தா⁴ரோ. கத²ங் உத³பாதீ³தி சேதி ஆஹ ‘‘த³ஸ்ஸனட்டே²னா’’தி. ‘‘ஸமுத³யஸ்ஸ பச்சக்க²தோ த³ஸ்ஸனபா⁴வேனாதி வுத்தோ வாயமத்தோ². இமினா நயேன ஸேஸபதே³ஸுபி அத்தோ² வேதி³தப்³போ³. சக்கு²த⁴ம்மோதி சக்கூ²தி பாளித⁴ம்மோ. த³ஸ்ஸனட்டோ² அத்தோ²தி த³ஸ்ஸனஸபா⁴வோ தேன எத்தகேஹி பதே³ஹீதி இமேஹி பஞ்சஹி பதே³ஹி. ‘‘கிங் கதி²த’’ந்தி பிண்ட³த்த²ங் புச்ச²தி. பச்சயஸஞ்ஜானநமத்தந்தி விஞ்ஞாணாதீ³னங் பச்சயத⁴ம்மானங் நாமரூபாதி³பச்சயுப்பன்னஸ்ஸ பச்சயஸபா⁴வஸஞ்ஜானநமத்தங் கதி²தங் அவிஸேஸதோ பச்சயஸபா⁴வஸல்லக்க²ணஸ்ஸ ஜோதிதத்தா. ஸங்கா²ரானங் ஸம்மதே³வ ‘‘வீதி²படிபன்னா தருணவிபஸ்ஸனா கதி²தா’’தி ச வுத்தங்.
61. அத்தனா அதி⁴க³தத்தா ஆஸன்னபச்சக்க²தாய ‘‘அய’’ந்தி வுத்தங், அரியமக்³கா³தீ³னங் மக்³க³னட்டே²ன மக்³கோ³தி. புப்³ப³பா⁴க³விபஸ்ஸனா ஹேஸா. தேனாஹ ‘‘போ³தா⁴யா’’தி. போ³த⁴பத³ஸ்ஸ பா⁴வஸாத⁴னதங் ஸந்தா⁴யாஹ ‘‘சதுஸச்சபு³ஜ்ஜ²னத்தா²யா’’தி. பரிஞ்ஞாபஹானபா⁴வனாபி⁴ஸமயா யாவதே³வ ஸச்சி²கிரியாபி⁴ஸமயத்தா² நிப்³பா³னாதி⁴க³மத்த²த்தா ப்³ரஹ்மசரியவாஸஸ்ஸாதி வுத்தங் ‘‘நிப்³பா³னபு³ஜ்ஜ²னத்தா²ய ஏவ வா’’தி. ‘‘நிப்³பா³னங் பரமங் ஸுக²’’ந்தி (ம॰ நி॰ 2.215, 217; த⁴॰ ப॰ 204) ஹி வுத்தங். பு³ஜ்ஜ²தீதி சத்தாரி அரியஸச்சானி ஏகபடிவேதே⁴ன படிவிஜ்ஜ²தி, தேன போ³த⁴-ஸத்³த³ஸ்ஸ கத்துஸாத⁴னத்தமாஹ. பச்சத்தபதே³ஹீதி பட²மாவிப⁴த்திதீ³பகேஹி பதே³ஹி. நிப்³பா³னமேவ கதி²தங் விஞ்ஞாணாதி³ நிருஜ்ஜ²தி எத்தா²தி கத்வா. அனிப்³ப³த்தினிரோத⁴ந்தி ஸப்³ப³ஸோ பச்சயனிரோதே⁴ன அனுப்பாத³னிரோத⁴ங் அச்சந்தனிரோத⁴ங்.
62. ஸப்³பே³ஹேவ ஏதேஹி பதே³ஹீதி ‘‘சக்கூ²’’திஆதீ³ஹி பஞ்சஹி பதே³ஹி. நிரோத⁴ஸஞ்ஜானநமத்தமேவாதி ‘‘நிரோதோ⁴ நிரோதோ⁴தி கோ²’’திஆதி³னா நிரோத⁴ஸ்ஸ ஸஞ்ஜானநமத்தமேவ கதி²தங் புப்³பா³ரம்ப⁴பா⁴வதோ, ந தஸ்ஸ படிவிஜ்ஜ²னவஸேன பச்சக்க²தோ த³ஸ்ஸனங் அரியமக்³க³ஸ்ஸ அனதி⁴க³தத்தா. ஸங்கா²ரானங் ஸம்மதே³வ நிரோத⁴த³ஸ்ஸனங் நாம ஸிகா²ப்பத்தாய விபஸ்ஸனாய வஸேன இச்சி²தப்³ப³ந்தி ‘‘வுட்டா²னகா³மினீ ப³லவவிபஸ்ஸனா கதி²தா’’தி ச வுத்தங்.
63. விதி³த்வாதி ததோ அபரபா⁴கே³தி வுத்தனயேன பச்சயனிரோத⁴ஜானநதோ பச்சா²பா⁴கே³. உபாதா³னஸ்ஸ பச்சயபூ⁴தேஸூதி சதுப்³பி³த⁴ஸ்ஸபி உபாதா³னஸ்ஸ ஆரம்மணபச்சயாதி³னா பச்சயபூ⁴தேஸு, உபாதா³னியேஸூதி அத்தோ² வஹந்தோதி பவத்தெந்தோ. இத³ந்தி ‘‘அபரேன ஸமயேனா’’திஆதி³ வசனங். கஸ்மா வுத்தந்தி ‘‘யாய படிபத்தியா ஸப்³பே³பி மஹாபோ³தி⁴ஸத்தா சரிமப⁴வே போ³தா⁴ய படிபஜ்ஜந்தி, விபஸ்ஸனாய மஹாபோ³தி⁴ஸத்தேன ததே²வ படிபன்ன’’ந்தி கதே²துகம்யதாவஸேன புச்சா²வசனங். தேனாஹ ‘‘ஸப்³பே³யேவ ஹீ’’திஆதி³. தத்த² புத்தஸ்ஸ ஜாததி³வஸே மஹாபி⁴னிக்க²மனங், பதா⁴னானுயோகோ³ ச த⁴ம்மதாவஸேன வேதி³தப்³போ³, இதரங் இதிகத்தப்³ப³தாவஸேன. தத்தா²பி சிரகாலபரிபா⁴வனாய லத்³தா⁴ஸேவனாய மஹாகருணாய ஸஞ்சோதி³தமானஸத்தா ‘‘கிச்ச²ங் வதாயங் லோகோ ஆபன்னோ’’திஆதி³னா (தீ³॰ நி॰ 2.57; ஸங்॰ நி॰ 2.4, 10) ஸங்ஸாரது³க்க²தோ மோசேதுங் இச்சி²தஸ்ஸ ஸத்தலோகஸ்ஸ கிச்சா²பத்தித³ஸ்ஸனமுகே²ன ஜராமரணதோ பட்டா²ய பச்சயாகாரஸம்மஸனம்பி த⁴ம்மதாவ. ததா² அத்தாதீ⁴னதாய, கேனசி அனுபக²தத்தா, அஸேசனகஸுக²விஹாரதாய, சதுத்த²ஜ்ஜா²னிகதாய ச ஆனாபானகம்மட்டா²னானுயோகோ³. பஞ்சஸு க²ந்தே⁴ஸு அபி⁴னிவிஸித்வாதி விஞ்ஞாணனாமரூபாதி³பரியாயேன க³ஹிதேஸு பஞ்சஸு உபாதா³னக்க²ந்தே⁴ஸு விபஸ்ஸனாபி⁴னிவேஸவஸேன அபி⁴னிவிஸித்வா படிபத்திங் ஆரபி⁴த்வா. அனுக்கமந்தி அனு அனு கா³மிதப்³ப³தோ படிபஜ்ஜிதப்³ப³தோ ‘‘அனுக்கம’’ந்தி லத்³த⁴னாமங் அனுபுப்³ப³படிபத்திங். கத்வாதி படிபஜ்ஜித்வா.
இதி ரூபந்தி எத்த² து³தியோ இதி-ஸத்³தோ³ நித³ஸ்ஸனத்தோ², தேன பட²மோ இதி-ஸத்³தோ³ ஸரூபஸ்ஸ, பரிமாணஸ்ஸ ச போ³த⁴கோ அனேகத்த²த்தா நிபாதானங்,ஆவுத்திஆதி³வஸேன வாயமத்தோ² வேதி³தப்³போ³. அந்தோக³தா⁴வதா⁴ரணஞ்ச வாக்யங் த³ஸ்ஸெந்தோ ‘‘இத³ங் ரூபங், எத்தகங் ரூபங், இதோ உத்³த⁴ங் ரூபங் நத்தீ²’’திஆதி³மாஹ ‘‘ருப்பனஸபா⁴வ’’ந்தி இமினா ஸாமஞ்ஞதோ ரூபஸ்ஸ ஸபா⁴வோ த³ஸ்ஸிதோ, ‘‘பூ⁴துபாதா³யபே⁴த³’’ந்திஆதி³னா விஸேஸதோ, தது³ப⁴யேனபி ‘‘இத³ங் ரூப’’ந்தி பத³ஸ்ஸ அத்தோ² நித்³தி³ட்டோ². தத்த² லக்க²ணங் நாம தஸ்ஸ தஸ்ஸ ரூபவிஸேஸஸ்ஸ அனஞ்ஞஸாதா⁴ரணோ ஸபா⁴வோ. ரஸோ தஸ்ஸேவ அத்தனோ ப²லங் பதி பச்சயபா⁴வோ. பச்சுபட்டா²னங் தஸ்ஸ பரமத்த²தோ விஜ்ஜமானத்தா யாதா²வதோ ஞாணஸ்ஸ கோ³சரபா⁴வோ. பத³ட்டா²னங் ஆஸன்னகாரணங், தேனஸ்ஸ பச்சயாயத்தவுத்திதா த³ஸ்ஸிதா. ‘‘அனவஸேஸரூபபரிக்³க³ஹோ’’தி இமினா பன ‘‘எத்தகங் ரூபங், இதோ உத்³த⁴ங்’’ ரூபங் நத்தீ²தி பத³த்³வயஸ்ஸாபி அத்தோ² நித்³தி³ட்டோ² ரூபஸ்ஸ ஸப்³ப³ஸோ பரியாதா³னவஸேன நியாமனதோ. ‘‘இதி ரூபஸ்ஸ ஸமுத³யோ’’தி எத்த² பன இதி-ஸத்³தோ³ ‘‘இதி கோ² பி⁴க்க²வே ஸப்படிப⁴யோ பா³லோ’’திஆதீ³ஸு (ம॰ நி॰ 3.124; அ॰ நி॰ 3.1) விய பகாரத்தோ²தி ஆஹ ‘‘இதீதி ஏவ’’ந்தி.
அவிஜ்ஜாஸமுத³யாதி ‘‘தண்ஹாஸமுத³யா’’திஆதீ³ஸுபி ஏஸேவ நயோ. ஆஹாரஸமுத³யாதி எத்த² பன பவத்திபச்சயேஸு கப³ளீகாராஹாரஸ்ஸ ப³லவதாய ஸோ ஏவ க³ஹிதோ. தஸ்மிங் பன க³ஹிதே பவத்திபச்சயதாஸாமஞ்ஞேன உதுசித்தானி க³ஹிதானேவ ஹொந்தீதி சதுஸமுட்டா²னிகரூபஸ்ஸ பச்சயதோ உத³யத³ஸ்ஸனங் விபா⁴விதமேவாதி த³ட்ட²ப்³ப³ங். ‘‘நிப்³ப³த்திலக்க²ண’’ந்திஆதி³னா காலவஸேன உத³யத³ஸ்ஸனமாஹ. தத்த² நிப்³ப³த்திலக்க²ணந்தி ரூபஸ்ஸ உப்பாத³ஸங்கா²தங் ஸங்க²தலக்க²ணங். பஸ்ஸந்தோபீதி ந கேவலங் பச்சயஸமுத³யமேவ, அத² கோ² க²ணதோ உத³யங் பஸ்ஸந்தோபி. அத்³தா⁴வஸேன ஹி பட²மங் உத³யங் பஸ்ஸித்வா டி²தோ புன ஸந்ததிவஸேன தி³ஸ்வா அனுக்கமேன க²ணவஸேன பஸ்ஸதி. அவிஜ்ஜானிரோதா⁴ ரூபனிரோதோ⁴தி அக்³க³மக்³கே³ன தண்ஹானிரோதா⁴ கம்மனிரோதோ⁴தி எத்தா²பி ஏஸேவ நயோ. ஆஹாரனிரோதா⁴தி பவத்திபச்சயஸ்ஸ கப³ளீகாராஹாரஸ்ஸ அபா⁴வேன. ரூபனிரோதோ⁴தி தங்ஸமுட்டா²னரூபஸ்ஸ அபா⁴வோ ஹோதி. ஸேஸங் வுத்தனயமேவ. ‘‘விபரிணாமலக்க²ண’’ந்தி ப⁴ங்க³காலவஸேன ஹேதங் வயத³ஸ்ஸனங், தஸ்மா தங் அத்³தா⁴வஸேன பட²மங் பஸ்ஸித்வா புன ஸந்ததிவஸேன தி³ஸ்வா அனுக்கமேன க²ணவஸேன பஸ்ஸதி. அயஞ்ச நயோ பாகதிகவிபஸ்ஸகவஸேன வுத்தோ, போ³தி⁴ஸத்தானங் பனேதங் நத்தி². ஏஸ நயோ உத³யத³ஸ்ஸனேபி.
‘‘இதி வேத³னா’’திஆதீ³ஸுபி ஹெட்டா² ரூபே வுத்தனயானுஸாரேன அத்தோ² வேதி³தப்³போ³. தேனாஹ ‘‘அயங் வேத³னா, எத்தகா வேத³னா’’திஆதி³. தத்த² வேத³யித…பே॰… ஸபா⁴வந்தி எத்த² ‘‘வேத³யிதஸபா⁴வங்…பே॰… விஜானநஸபா⁴வ’’ந்தி பச்சேகங் ஸபா⁴வ- ஸத்³தோ³ யோஜேதப்³போ³. வேத³யிதஸபா⁴வந்தி அனுப⁴வனஸபா⁴வங். ஸஞ்ஜானநஸபா⁴வந்தி ‘‘நீலங் பீத’’ந்திஆதி³னா ஆரம்மணஸ்ஸ ஸல்லக்க²ணஸபா⁴வங். அபி⁴ஸங்க²ரணஸபா⁴வந்தி ஆயூஹனஸபா⁴வங். விஜானநஸபா⁴வந்தி ஆரம்மணஸ்ஸ உபலத்³தி⁴ஸபா⁴வங். ஸுகா²தீ³தி ஆதி³-ஸத்³தே³ன து³க்க²ஸோமனஸ்ஸதோ³மனஸ்ஸுபெக்கா²வேத³னானங் ஸங்க³ஹோ ரூபஸஞ்ஞாதீ³தி ஆதி³-ஸத்³தே³ன ஸத்³த³ஸஞ்ஞாதீ³னங், ப²ஸ்ஸாதீ³தி ஆதி³-ஸத்³தே³ன சேதனா விதக்காதீ³னங் சக்கு²விஞ்ஞாணாதீ³னந்தி ஆதி³-ஸத்³தே³ன ஸப்³பே³ஸங் லோகியவிஞ்ஞாணானங் ஸங்க³ஹோ. யதா² ச விஞ்ஞாணே, ஏஸ நயோ வேத³னாதீ³ஸுபி. தேஸந்தி தீஸு க²ந்தே⁴ஸூதி வேத³னாஸஞ்ஞாஸங்கா²ரக்க²ந்தே⁴ஸு. ‘‘பு²ட்டோ² வேதே³தி, பு²ட்டோ² ஸஞ்ஜானாதி, பு²ட்டோ² சேதேதீ’’தி (ஸங்॰ நி॰ 4.93) வசனதோ ‘‘ப²ஸ்ஸஸமுத³யா’’தி வத்தப்³ப³ங். ‘‘நாமரூபபச்சயாபி விஞ்ஞாண’’ந்தி (விப⁴॰ 246; தீ³॰ நி॰ 2.97) வசனதோ விஞ்ஞாணக்க²ந்தே⁴ ‘‘நாமரூபஸமுத³யா’’தி வத்தப்³ப³ங். தேஸங் யேவாதி வஸேன அத்த²ங்க³மபத³ம்பி யோஜேதப்³ப³ங், அவிஜ்ஜாத³யோ பன ரூபே வுத்தஸதி³ஸா ஏவாதி அதி⁴ப்பாயோ.
ஸமபஞ்ஞாஸலக்க²ணவஸேனாதி பச்சயதோ வீஸதி க²ணதோ பஞ்சாதி பஞ்சவீஸதியா உத³யலக்க²ணானங், பச்சயதோ வீஸதி க²ணதோ பஞ்சாதி பஞ்சவீஸதியா ஏவ வயலக்க²ணானங் சாதி ஸமபஞ்ஞாஸாய உத³யவயலக்க²ணானங் வஸேன. தத்த² பஞ்சன்னங் க²ந்தா⁴னங் உத³யோ லக்கீ²யதி ஏதேஹீதி லக்க²ணானீதி வுச்சந்தி அவிஜ்ஜாதி³ஸமுத³யோதி, ததா² தேஸங் அனுப்பாத³னிரோதோ⁴ லக்கீ²யதி ஏதேஹீதி லக்க²ணானீதி வுச்சந்தி அவிஜ்ஜாதீ³னங் அச்சந்தனிரோதோ⁴. நிப்³ப³த்திவிபரிணாமலக்க²ணானி பன ஸங்க²தலக்க²ணமேவாதி. ஏவங் ஏதானி ஸமபஞ்ஞாஸலக்க²ணானி ஸரூபதோ வேதி³தப்³பா³னி. யதா²னுக்கமேன வட்³டி⁴தேதி யதா²வுத்தஉத³யப்³ப³யஞாணே திக்கே² ஸூரே பஸன்னே ஹுத்வா வஹந்தே ததோ பரங் வத்தப்³பா³னங் ப⁴ங்க³ஞாணாதீ³னங் உப்பத்திபடிபாடியா பு³த்³தி⁴ப்பத்தே பரமுக்கங்ஸக³தே விபஸ்ஸனாஞாணே. பகே³வ ஹி ச²த்திங்ஸகோடிஸதஸஹஸ்ஸமுகே²ன பவத்தேன ஸப்³ப³ஞ்ஞுதஞ்ஞாணானுச்ச²விகேன மஹாவஜிரஞாணஸங்கா²தேன ஸம்மஸனஞாணேன ஸம்ப⁴தானுபா⁴வங் க³ப்³ப⁴ங் க³ண்ஹந்தங் பரிபாகங் க³ச்ச²ந்தங் படிபதா³விஸுத்³தி⁴ஞாணங் அபரிமிதகாலே ஸம்ப⁴தாய பஞ்ஞாபாரமியா ஆனுபா⁴வேன உக்கங்ஸபாரமிப்பத்தங் அனுக்கமேன வுட்டா²னகா³மினிபா⁴வங் உபக³ந்த்வா யதா³ அரியமக்³கே³ன க⁴டேதி, ததா³ அரியமக்³க³சித்தங் ஸப்³ப³கிலேஸேஹி மக்³க³படிபாடியா விமுச்சதி ‘‘அனுப்பாத³னிரோதே⁴னா’’தி. ஆஸவஸங்கா²தேஹி கிலேஸேஹீதி ப⁴வதோ ஆப⁴வக்³க³ங், த⁴ம்மதோ ஆகொ³த்ரபு⁴ங் ஸவனதோ பவத்தனதோ ஆஸவஸஞ்ஞிதேஹி ராகோ³, தி³ட்டி², மோஹோதி இமேஹி கிலேஸேஹி. லக்க²ணவசனஞ்சேதங், பாளியங் யதி³த³ங் ‘‘ஆஸவேஹீ’’தி, ததே³கட்ட²தாய பன ஸப்³பே³ஹிபி அக்³க³ஹெத்வாதி தேஸங் கிலேஸானங் லேஸமத்தம்பி அக்³க³ஹெத்வா.
மக்³க³க்க²ணே விமுச்சதி நாம தங்தங்மக்³க³வஜ்ஜ²கிலேஸேஹி ப²லக்க²ணே விமுத்தங் நாம. மக்³க³க்க²ணே வா விமுத்தஞ்சேவ விமுச்சதி சாதி உபரிமக்³க³க்க²ணே ஹெட்டி²மமக்³க³வஜ்ஜே²ஹி விமுத்தஞ்சேவ யதா²ஸகங் பஹாதப்³பே³ஹி விமுச்சதி ச. ப²லக்க²ணே விமுத்தமேவாதி ஸப்³ப³ஸ்மிம்பி ப²லக்க²ணே விமுத்தமேவ, ந விமுச்சதி நாம.
ஸப்³ப³ப³ந்த⁴னாதி ஓரம்பா⁴கி³யுத்³த⁴ம்பா⁴கி³யஸங்க³ஹிதா ஸப்³ப³ஸ்மாபி ப⁴வஸஞ்ஞோஜனா, விப்பமுத்தோ விஸேஸதோ பகாரேஹி முத்தோ. ஸுவிகஸிதசித்தஸந்தானோதி ஸாதிஸயங் ஞாணரஸ்மிஸம்ப²ஸ்ஸேன ஸுட்டு² ஸம்மதே³வ ‘‘சத்தாரி மக்³க³ஞாணானீ’’திஆதி³ யேஹி ஞாணேஹி ஸுவிகஸிதசித்தஸந்தானோ, தேஸங் ஏகதே³ஸேன த³ஸ்ஸனங். நிப்பதே³ஸதோ த³ஸ்ஸனங் பன பரதோ ஆக³மிஸ்ஸதி, தஸ்மா தத்தே²வ தானி விப⁴ஜிஸ்ஸாம. ஸகலே ச பு³த்³த⁴கு³ணேதி அதீதங்ஸே அப்படிஹதஞாணாதி³கே ஸப்³பே³பி பு³த்³த⁴கு³ணே. யதா³ ஹி லோகனாதோ² அக்³க³மக்³க³ங் அதி⁴க³ச்ச²தி, ததா³ ஸப்³பே³ கு³ணே ஹத்த²க³தே கரோதி நாம. ததோ பரங் ‘‘ஹத்த²க³தே கத்வா டி²தோ’’தி வுச்சதி.
‘‘பரிபுண்ணஸங்கப்போ’’தி வத்வா பரிபுண்ணஸங்கப்பதாபரிதீ³பனங் உதா³னங் த³ஸ்ஸேதுங் ‘‘அனேகஜாதிஸங்ஸார’’ந்திஆதி³ வுத்தங். தத்த² ஆதி³தோ த்³வின்னங் கா³தா²னமத்தோ² ஹெட்டா² ப்³ரஹ்மஜாலனிதா³னவண்ணனாயங் (தீ³॰ நி॰ டீ॰ 1.பட²மமஹாஸங்கீ³திகதா²வண்ணனா) வுத்தோ ஏவ. பரதோ அயோக⁴னஹதஸ்ஸாதி அயோ ஹஞ்ஞதி ஏதேனாதி அயோக⁴னங், கம்மாரானங் அயோகூடங், அயோமுட்டி² ச, தேன அயோக⁴னேன ஹதஸ்ஸ பஹதஸ்ஸ. ஏவ-ஸத்³தோ³ செத்த² நிபாதமத்தங். ஜலதோ ஜாதவேத³ஸோதி ஜலயமானஸ்ஸ அக்³கி³ஸ்ஸ, அனாத³ரே வா ஏதங் ஸாமிவசனங். அனுபுப்³பூ³பஸந்தஸ்ஸாதி அனுக்கமேன உபஸந்தஸ்ஸ விக்க²ம்ப⁴ந்தஸ்ஸ நிருத்³த⁴ஸ்ஸ. யதா² ந ஞாயதே க³தீதி யதா² தஸ்ஸ க³தி ந ஞாயதி. இத³ங் வுத்தங் ஹோதி – அயோமுட்டி²கூடாதி³னா பஹதத்தா அயோக⁴னேன ஹதஸ்ஸ பஹதஸ்ஸ அயோக³தஸ்ஸ, கங்ஸபா⁴ஜனாதி³க³தஸ்ஸ வா ஜலமானஸ்ஸ அக்³கி³ஸ்ஸ அனுக்கமேன உபஸந்தஸ்ஸ த³ஸஸு தி³ஸாஸு ந கத்த²சி க³தி பஞ்ஞாயதி பச்சயனிரோதே⁴ன அப்படிஸந்தி⁴கனிருத்³த⁴த்தாதி. ஏவங் ஸம்மாவிமுத்தானந்தி ஸம்மா ஹேதுனா ஞாயேன தத³ங்க³விக்க²ம்ப⁴னவிமுத்திபுப்³ப³ங்க³மாய காமப³ந்தோ⁴க⁴தாரீனங் ஸுட்டு² படிபஸ்ஸம்பி⁴தஸப்³ப³கிலேஸவிப்ப²ந்தி³தத்தா கிலேஸாபி⁴ஸங்கா²ரவாதேஹி அகம்பனீயதாய அசலங் நிப்³பா³னஸங்கா²தங் ஸங்கா²ரூபஸமங் ஸுக²ங் பத்தானங் அதி⁴க³தானங் கீ²ணாஸவானங் க³தி தே³வமனுஸ்ஸாதி³பே⁴தா³ஸு க³தீஸு ‘‘அயங் நாமா’’தி பஞ்ஞாபேதப்³ப³தாய அபா⁴வதோ பஞ்ஞாபேதுங் நத்தி² ந உபலப்³ப⁴தி, யதா²வுத்தஜாதவேதோ³ விய அபஞ்ஞத்திகபா⁴வமேவ தே க³ச்ச²ந்தீதி அத்தோ². ஏவங் மனஸி கரொந்தோதி ‘‘ஏவங் அனேகஜாதிஸங்ஸார’’ந்திஆதி³னா (த⁴॰ ப॰ 153) அத்தனோ கதகிச்சத்தங் மனஸி கரொந்தோ போ³தி⁴பல்லங்கே நிஸின்னோவ விரோசித்தா²தி யோஜனா.
து³தியபா⁴ணவாரவண்ணனா நிட்டி²தா.
ப்³ரஹ்மயாசனகதா²வண்ணனா
64. யன்னூனாதி அஹந்தி ப⁴க³வா அத்தானங் நித்³தி³ஸதீதி ஆஹ ‘‘யதி³ பனாஹ’’ந்தி. ‘‘அட்ட²மே ஸத்தாஹே’’திஆதி³ யதா² அம்ஹாகங் ப⁴க³வா அபி⁴ஸம்பு³த்³தோ⁴ ஹுத்வா விமுத்திஸுக²படிஸங்வேத³னாதி³வஸேன ஸத்தஸு ஸத்தாஹேஸு படிபஜ்ஜி, ததோ பரஞ்ச த⁴ம்மக³ம்பீ⁴ரதாபச்சவெக்க²ணாதி³வஸேன, ஏவமேவ ஸப்³பே³பி ஸம்மாஸம்பு³த்³தா⁴ அபி⁴ஸம்பு³த்³த⁴காலே படிபஜ்ஜிங்ஸு, தே ச ஸத்தாஹாத³யோ ததே²வ வவத்த²பீயந்தீதி அயங் ஸப்³பே³ஸம்பி பு³த்³தா⁴னங் த⁴ம்மதா. தஸ்மா விபஸ்ஸீ ப⁴க³வா அபி⁴ஸம்பு³த்³த⁴காலே ததா² படிபஜ்ஜீதி த³ஸ்ஸேதுங் ஆரத்³த⁴ங். தத்த² ‘‘அட்ட²மே ஸத்தாஹே’’தி இத³ங் ஸத்தமஸத்தாஹதோ பரங், ஸத்தாஹதோ ஓரிமே ச பவத்தாய படிபத்தியா வஸேன வுத்தங், ந பல்லங்கஸத்தாஹஸ்ஸ விய அட்ட²மஸ்ஸ நாம ஸத்தாஹஸ்ஸ வவத்தி²தஸ்ஸ லப்³ப⁴மானத்தா. அனந்தரோதி ‘‘அதி⁴க³தோ கோ² ம்யாயங் த⁴ம்மோ’’திஆதி³கோ விதக்கோ (தீ³॰ நி॰ 2.67; ம॰ நி॰ 1.281; 2.337; ஸங்॰ நி॰ 1.172; மஹாவ॰ 7, 8).
படிவித்³தோ⁴தி ஸயம்பு⁴ஞாணேன ‘‘இத³ங் து³க்க²’’ந்திஆதி³னா படிமுக²ங் படிவிஜ்ஜ²னவஸேன பவத்தோ, யதா²பூ⁴தங் அவபு³த்³தோ⁴தி அத்தோ². த⁴ம்மோதி சதுஸச்சத⁴ம்மோ தப்³பி³னிமுத்தஸ்ஸ க³ம்பீ⁴ரோதி மஹாஸமுத்³தோ³ விய மகஸதுண்ட³ஸூசியா அஞ்ஞத்ர ஸமுபசிதபரிபக்கஞாணஸம்பா⁴ரேஹி அஞ்ஞேஸங் ஞாணேன அலப்³ப⁴னெய்யப்பதிட்டோ². தேனாஹ ‘‘உத்தானபா⁴வபடிக்கே²பவசனமேத’’ந்தி. அலப்³ப⁴னெய்யப்பதிட்டோ² ஓகா³ஹிதுங் அஸக்குணெய்யதாய ஸரூபதோ விஸேஸதோ ச பஸ்ஸிதுங் ந ஸக்காதி ஆஹ ‘‘க³ம்பீ⁴ரத்தாவ து³த்³த³ஸோ’’தி. து³க்கே²ன த³ட்ட²ப்³போ³தி கிச்சே²ன கேனசி கதா³சிதே³வ த³ட்ட²ப்³போ³. யங் பன த³ட்டு²மேவ ந ஸக்கா, தஸ்ஸ ஓகா³ஹெத்வா அனு அனு பு³ஜ்ஜ²னே கதா² ஏவ நத்தீ²தி ஆஹ ‘‘து³த்³த³ஸத்தாவ து³ரனுபோ³தோ⁴’’தி. து³க்கே²ன அவபு³ஜ்ஜி²தப்³போ³ அவபோ³த⁴ஸ்ஸ து³க்கரபா⁴வதோ. இமஸ்மிங் டா²னே ‘‘தங் கிங் மஞ்ஞத² பி⁴க்க²வே து³க்கரதரங் வா து³ரபி⁴ஸம்ப⁴வதரங் வா’’தி (ஸங்॰ நி॰ 5.1115) ஸுத்தபத³ங் ஸந்தோ. நிப்³பு³தஸப்³ப³பரிளாஹதாய நிப்³பு³தோ. பதா⁴னபா⁴வங் நீதோதி வா பணீதோ. அதித்திகரட்டே²ன அதப்பகோ ஸாது³ரஸபோ⁴ஜனங் விய. எத்த² ச நிரோத⁴ஸச்சங் ஸந்தங் ஆரம்மணந்தி ஸந்தாரம்மணங், மக்³க³ஸச்சங் ஸந்தங், ஸந்தாரம்மணஞ்சாதி ஸந்தாரம்மணங் அனுபஸந்தஸபா⁴வானங் கிலேஸானங், ஸங்கா²ரானஞ்ச அபா⁴வதோ ஸந்தோ நிப்³பு³தஸப்³ப³பரிளாஹத்தா நிப்³பு³தோ, ஸந்தபணீதபா⁴வேனேவ தத³த்தா²ய அஸேசனகதாய அதப்பகதா த³ட்ட²ப்³பா³. தேனாஹ ‘‘இத³ங் த்³வயங் லோகுத்தரமேவ ஸந்தா⁴ய வுத்த’’ந்தி. உத்தமஞாணஸ்ஸ விஸயத்தா ந தக்கேன அவசரிதப்³போ³, ததோ ஏவ நிபுணஞாணகோ³சரதாய, ஸண்ஹஸுகு²மஸபா⁴வத்தா ச நிபுணோ. பா³லானங் அவிஸயத்தா பண்டி³தேஹி ஏவ வேதி³தப்³போ³தி பண்டி³தவேத³னீயோ. ஆலீயந்தி அபி⁴ரமிதப்³ப³ட்டே²ன ஆலயா, பஞ்ச காமகு³ணா. ஆலயந்தி அபி⁴ரமணவஸேன ஸேவந்தீதி ஆலயா, தண்ஹாவிசரிதானி. ஆலயரதாதி ஆலயனிரதா. ஸுட்டு² முதி³தா அதிவிய முதி³தா அனுக்கண்ட²னதோ. ரமதீதி ரதிங் விந்த³தி கீளதி லளதி. இமே ஸத்தா யதா² காமகு³ணே, ஏவங் ராக³ம்பி அஸ்ஸாதெ³ந்தி அபி⁴னந்த³ந்தி யேவாதி வுத்தங் ‘‘து³வித⁴ம்பீ’’திஆதி³.
டா²னங் ஸந்தா⁴யாதி டா²ன-ஸத்³த³ங் ஸந்தா⁴ய. அத்த²தோ பன ‘‘டா²ன’’ந்தி ச படிச்சஸமுப்பாதோ³ ஏவ அதி⁴ப்பேதோ. திட்ட²தி எத்த² ப²லங் ததா³யத்தவுத்திதாயாதி டா²னங், ஸங்கா²ராதீ³னங் பச்சயபூ⁴தா அவிஜ்ஜாத³யோ. இமேஸங் ஸங்கா²ராதீ³னங் பச்சயாதி இத³ப்பச்சயா, அவிஜ்ஜாத³யோவ. இத³ப்பச்சயா ஏவ இத³ப்பச்சயதா யதா² தே³வோ ஏவ தே³வதா இத³ப்பச்சயதா, தேன பரமத்த²பச்சயலக்க²ணோ படிச்சஸமுப்பாதோ³ த³ஸ்ஸிதோ ஹோதி. படிச்ச ஸமுப்பஜ்ஜதி ப²லங் ஏதஸ்மாதி படிச்சஸமுப்பாதோ³. பத³த்³வயேனாபி த⁴ம்மானங் பச்சயட்டோ² ஏவ விபா⁴விதோ. தேனாஹ ‘‘ஸங்கா²ராதி³பச்சயானங் அவிஜ்ஜாதீ³னமேதங் அதி⁴வசன’’ந்தி. அயமெத்த² ஸங்கே²போ, வித்தா²ரோ பன விஸுத்³தி⁴மக்³க³ஸங்வண்ணனாஸு (விஸுத்³தி⁴॰ 2.570) வுத்தனயேன வேதி³தப்³போ³.
ஸப்³ப³ஸங்கா²ரஸமதோ²திஆதி³ ஸப்³ப³ந்தி ஸப்³ப³ஸங்கா²ரஸமதா²தி³பதா³பி⁴தெ⁴ய்யங் ஸப்³ப³ங், அத்த²தோ நிப்³பா³னமேவ. இதா³னி தஸ்ஸ நிப்³பா³னபா⁴வங் த³ஸ்ஸேதுங் ‘‘யஸ்மா ஹீ’’திஆதி³ வுத்தங். தந்தி நிப்³பா³னங். ஆக³ம்மாதி படிச்ச அரியமக்³க³ஸ்ஸ ஆரம்மணபச்சயஹேது. ஸம்மந்தீதி அப்படிஸந்தி⁴கூபஸமவஸேன ஸம்மந்தி. ததா² ஸந்தா ச ஸவிஸேஸங் உபஸந்தா நாம ஹொந்தீதி ஆஹ ‘‘வூபஸம்மந்தீ’’தி, ஏதேன ஸப்³பே³ ஸங்கா²ரா ஸம்மந்தி எத்தா²தி ஸப்³ப³ஸங்கா²ரஸமதோ², நிப்³பா³னந்தி த³ஸ்ஸேதி. ஸப்³ப³ஸங்கா²ரவிஸங்யுத்தே ஹி நிப்³பா³னே ஸப்³ப³ஸங்கா²ரவூபஸமபரியாயோ ஞாயாக³தோ யேவாதி. ஸேஸேபதே³ஸுபி ஏஸேவ நயோ. உபதீ⁴யதி எத்த² து³க்க²ந்தி உபதி⁴, க²ந்தா⁴த³யோ. படினிஸ்ஸட்டா²தி ஸமுச்சே²த³வஸேன பரிச்சத்தா ஹொந்தி. ஸப்³பா³ தண்ஹாதி அட்ட²ஸதப்பபே⁴தா³ ஸப்³பா³பி தண்ஹா. ஸப்³பே³ கிலேஸராகா³தி காமராக³ரூபராகா³தி³பே⁴தா³ ஸப்³பே³பி கிலேஸபூ⁴தா ராகா³, ஸப்³பே³பி வா கிலேஸா இத⁴ கிலேஸராகா³தி வேதி³தப்³பா³, ந லோப⁴விஸேஸா ஏவ சித்தஸ்ஸ விபரீதபா⁴வாபாத³னதோ. யதா²ஹ ‘‘ரத்தம்பி சித்தங் விபரிணதங், து³ட்ட²ம்பி சித்தங் விபரிணதங், மூள்ஹம்பி சித்தங் விபரிணத’’ந்தி (பாரா॰ 271) விரஜ்ஜந்தீதி ஸப்³ப³ங் து³க்க²ந்தி ஜராமரணாதி³பே⁴த³ங் ஸப்³ப³ங் வட்டது³க்க²ங். ப⁴வேன ப⁴வந்தி தேன தேன ப⁴வேன ப⁴வந்தரங். ப⁴வனிகந்திபா⁴வேன ஸங்ஸிப்³ப³தி, ப²லேன வா ஸத்³தி⁴ங் கம்மங் ஸதண்ஹஸ்ஸேவ ஆயதிங் புனப்³ப⁴வபா⁴வதோ. ததோ வானதோ நிக்க²ந்தங் தத்த² தஸ்ஸ ஸப்³ப³ஸோ அபா⁴வதோ. சிரனிஸஜ்ஜாசிரபா⁴ஸனேஹி பிட்டி²ஆகி³லாயனதாலுக³லஸோஸாதி³வஸேன காயகிலமதோ² சேவ காயவிஹேஸா ச வேதி³தப்³பா³. ஸா ச கோ² தே³ஸனாய அத்த²ங் அஜானந்தானங், அப்படிபஜ்ஜந்தானஞ்ச வஸேன, ஜானந்தானங், பன படிபஜ்ஜந்தானஞ்ச தே³ஸனாய காயபரிஸ்ஸமோபி ஸத்து² அபரிஸ்ஸமோவ. தேனாஹ ப⁴க³வா ‘‘ந ச மங் த⁴ம்மாதி⁴கரணங் விஹேஸேஸீ’’தி (உதா³॰ 10). ததா² ஹி வுத்தங் ‘‘யா அஜானந்தானங் தே³ஸனா நாம, ஸோ மம கிலமதோ² அஸ்ஸா’’தி. உப⁴யந்தி சித்தகிலமதோ², சித்தவிஹேஸா உப⁴யங் பேதங் பு³த்³தா⁴னங் நத்தி², போ³தி⁴மூலேயேவ ஸமுச்சி²ன்னத்தா.
65. அனுப்³ரூஹனங் ஸம்பிண்ட³னங். ஸோதி ‘‘அபிஸ்ஸூ’’தி நிபாதோ. விபஸ்ஸிந்தி படி-ஸத்³த³யோகே³ன ஸாமிஅத்தே² உபயோக³வசனந்தி ஆஹ ‘‘விபஸ்ஸிஸ்ஸா’’தி. வுத்³தி⁴ப்பத்தா அச்ச²ரியா வா அனச்ச²ரியா. வுத்³தி⁴அத்தோ²பி ஹி அகாரோ ஹோதி யதா²‘‘அஸெக்கா² த⁴ம்மா’’தி (த⁴॰ ஸ॰ திகமாதிகாய 11). கப்பானங் சத்தாரி அஸங்க்²யெய்யானி ஸதஸஹஸ்ஸஞ்ச ஸதே³வகஸ்ஸ லோகஸ்ஸ த⁴ம்மஸங்விபா⁴க³கரணத்த²மேவ பாரமியோ கோ³சரா அஹேஸுந்தி உபட்ட²ஹிங்ஸு. உபட்டா²னஞ்ச விதக்கேதப்³ப³தாவாதி ஆஹ ‘‘பரிவிதக்கயிதப்³ப³தங் பாபுணிங்ஸூ’’தி.
யதி³ ஸுகா²படிபதா³வ கத²ங் கிச்ச²தாதி ஆஹ ‘‘பாரமீபூரணகாலே’’திஆதி³. ஏவமாதீ³னி து³ப்பரிச்சஜானி தெ³ந்தஸ்ஸ. ஹ-இதி வா ப்³யத்தந்தி ஏதஸ்மிங் அத்தே² நிபாதோ, ‘‘ஏகங்ஸத்தே²’’தி கேசி. ஹ ப்³யத்தங், ஏகங்ஸேன வா அலங் நிப்பயோஜனங் ஏவங் கிச்சே²ன அதி⁴க³தஸ்ஸ த⁴ம்மஸ்ஸ தே³ஸேதுந்தி யோஜனா. ஹலந்தி ‘‘அல’’ந்தி இமினா ஸமானத்த²ங் பத³ங் ‘‘ஹலந்தி வதா³மீ’’திஆதீ³ஸு (ஸங்॰ நி॰ டீ॰ 1.172) விய. ராக³தோ³ஸபு²ட்டே²ஹீதி பு²ட்ட²விஸேன விய ஸப்பேன ராகே³ன, தோ³ஸேன ச ஸம்பு²ட்டே²ஹி அபி⁴பூ⁴தேஹி. ராக³தோ³ஸானுக³தேஹீதி ராக³தோ³ஸேஹி அனுப³ந்தே⁴ஹி.
நிச்சாதீ³னந்தி நிச்சக்³கா³ஹாதீ³னங். ஏவங் க³தந்தி ஏவங் பவத்தங் அனிச்சாதி³ஆகாரேன பவத்தங். ‘‘சதுஸச்சத⁴ம்ம’’ந்தி இத³ங் அனிச்சாதீ³ஸு, ஸச்சேஸு ச யதா²லாப⁴வஸேன க³ஹேதப்³ப³ங். ஏவங் க³தந்தி வா ஏவங் ‘‘அனிச்ச’’ந்திஆதி³னா அபி⁴னிவிஸித்வா மயா, அஞ்ஞேஹி ச ஸம்மாஸம்பு³த்³தே⁴ஹி க³தங், ஞாதங் படிவித்³த⁴ந்தி அத்தோ². காமராகே³ன, ப⁴வராகே³ன ச ரத்தா நீவரணேஹி நிவுதசித்ததாய, தி³ட்டி²ராகே³ன ரத்தா விபரீதாபி⁴னிவேஸேன ந த³க்க²ந்தி யாதா²வதோ இமங் த⁴ம்மங் நப்படிவிஜ்ஜி²ஸ்ஸந்தி. ஏவங் கா³ஹாபேதுந்தி ‘‘அனிச்ச’’ந்திஆதி³னா ஸபா⁴வேன யாதா²வதோ த⁴ம்மே ‘‘தமோக²ந்தே⁴ன ஆவுடா’’தி.
த⁴ம்மதே³ஸனாய ‘‘கஸ்மா பனா’’திஆதி³னா ஸயமேவ சோத³னங் ஸமுட்டா²பேதி. தத்த² யதா²யங் இதா³னி த⁴ம்மதே³ஸனாய ‘‘கிங் மே’’திஆதி³. தத்த² அஞ்ஞாதவேஸேனாதி ஸதே³வகங் லோகங் உன்னாதெ³ந்தோ பு³த்³தோ⁴ அஹுத்வா கேவலங் பு³த்³தா⁴னங் ஸாவகபா⁴வூபக³மனவஸேன அஞ்ஞாதரூபேன. திவித⁴ங் காரணங் அப்பொஸ்ஸுக்கதாபத்தியா படிபக்க²ஸ்ஸ ப³லவபா⁴வோ, த⁴ம்மஸ்ஸ பரமக³ம்பீ⁴ரதா, தத்த² ச ப⁴க³வதோ ஸாதிஸயங் கா³ரவந்தி தங் த³ஸ்ஸேதுங் ‘‘தஸ்ஸ ஹீ’’திஆதி³ ஆரத்³த⁴ங். தத்த² படிபக்கா² நாம ராகா³த³யோ கிலேஸா ஸம்மாபடிபத்தியா அந்தராயகரத்தா. தேஸங் ப³லவபா⁴வதோ சிரபரிபா⁴வனாய ஸத்தஸந்தானதோ து³ப்³பி³ஸோதி⁴யதாய தே ஸத்தே மத்தஹத்தி²னோ விய து³ப்³ப³லங் புரிஸங் அஜ்ஜொ²த்த²ரித்வா அனயப்³யஸனங் ஆபாதெ³ந்தா அனேகஸதயோஜனாயாமவித்தா²ரங் ஸுனிசிதங் க⁴னஸன்னிவேஸங் கண்டகது³க்³க³ம்பி அதி⁴ஸெந்தி. தூ³ரப்பபே⁴த³ து³ச்சே²ஜ்ஜதாஹி து³ப்³பி³ஸோதி⁴யதங் பன த³ஸ்ஸேதுங் ‘‘அத²ஸ்ஸா’’திஆதி³ வுத்தங். தத்த² ச அந்தோ ஆமட்ட²தாய கஞ்ஜிகபுண்ணலாபு³ சிரபரிவாஸிகதாய தக்கப⁴ரிதசாடி ஸ்னேஹதிந்தது³ப்³ப³லபா⁴வேன வஸாதேலபீதபிலோதிகா; தேலமிஸ்ஸிததாய அஞ்ஜனமக்கி²தஹத்தா² து³ப்³பி³ஸோத⁴னீயா வுத்தா. ஹீனூபமா ‘‘அதிஸங்கிலிட்டா²’’தி. யதா² ச து³ப்³பி³ஸோத⁴னீயதாய ஏவங் க³ம்பீ⁴ரது³த்³த³ஸது³ரனுபோ³தா⁴னம்பி வுத்தஉபமா ஹீனூபமாவ.
க³ம்பீ⁴ரோபி த⁴ம்மோ படிபக்க²வித⁴மனேன ஸுபாகடோ ப⁴வெய்ய, படிபக்க²வித⁴மனங் பன ஸம்மாபடிபத்திபடிப³த்³த⁴ங், ஸா ஸத்³த⁴ம்மஸவனாதீ⁴னா, தங் ஸத்த²ரி, த⁴ம்மே ச பஸாதா³யத்தங். ஸோ விஸேஸதோ லோகே ஸம்பா⁴வனீயஸ்ஸ க³ருகாதப்³ப³ஸ்ஸ அபி⁴பத்த²னாஹேதுகோதி பனாளிகாய ஸத்தானங் த⁴ம்மஸம்படிபத்தியா ப்³ரஹ்மயாசனாதி³னிமித்தந்தி தங் த³ஸ்ஸெந்தோ ‘‘அபிசா’’திஆதி³மாஹ.
66. ‘‘அஞ்ஞதரோ’’தி அப்பஞ்ஞாதோ விய கிஞ்சாபி வுத்தங், அத² கோ² பாகடோ பஞ்ஞாதோதி த³ஸ்ஸேதுங் ‘‘இமஸ்மிங் சக்கவாளே ஜெட்ட²கமஹாப்³ரஹ்மா’’தி வுத்தங். மஹாப்³ரஹ்மப⁴வனே ஜெட்ட²கமஹாப்³ரஹ்மா. ஸோ ஹி ஸக்கோ விய அப்பரஜங், அப்பரஜங் அக்கி² பஞ்ஞாசக்கு² யேஸங் தே தங்ஸபா⁴வாதி கத்வா அப்பரஜக்க²ஜாதிகாதி இமமத்த²ங் த³ஸ்ஸேதுங் ‘‘பஞ்ஞாமயே’’திஆதி³மாஹ. அப்பங் ராகா³தி³ரஜங் யேஸங் தே தங்ஸபா⁴வா அப்பரஜக்க²ஜாதிகாதி ஏவமெத்த² அத்தோ² வேதி³தப்³போ³. அஸ்ஸவனதாதி ‘‘ஸயங் ‘‘அஸ்ஸவனதாயா’’தி. த³ஸபுஞ்ஞகிரியவத்து²வஸேனாதி தா³னாதி³த³ஸவித⁴விமுத்திபரிபாசனீயபுஞ்ஞகிரியவத்தூ²னங் வஸேன. தேனாஹ ‘‘கதாதி⁴காரா’’திஆதி³. பபஞ்சஸூத³னியங் பன ‘‘த்³வாத³ஸபுஞ்ஞகிரியவஸேனா’’தி
69. க³ருட்டா²னியேஸு கா³ரவவஸேன க³ருகரபத்த²னா அஜ்ஜே²ஸனா, ஸாபி அத்த²தோ பத்த²னா ஏவாதி வுத்தங் ‘‘யாசன’’ந்தி. பதே³ஸவிஸயஞாணத³ஸ்ஸனங் ஹுத்வா பு³த்³தா⁴னங்யேவ ஆவேணிகபா⁴வதோ இத³ங் ஞாணத்³வயங் ‘‘பு³த்³த⁴சக்கூ²’’தி வுச்சதீதி ஆஹ ‘‘இமேஸஞ்ஹி த்³வின்னங் ஞாணானங் பு³த்³த⁴சக்கூ²தி நாம’’ந்தி. திண்ணங் மக்³க³ஞாணானந்தி ஹெட்டி²மானங் திண்ணங் மக்³க³ஞாணானங் ‘‘த⁴ம்மசக்கூ²’’தி நாமங், சதுஸச்சத⁴ம்மத³ஸ்ஸனந்தி கத்வா த³ஸ்ஸனமத்தபா⁴வதோ. யதோ தானி ஞாணானி விஜ்ஜூபமாபா⁴வேன வுத்தானி, அக்³க³மக்³க³ஞாணங் பன ஞாணகிச்சஸ்ஸ ஸிகா²ப்பத்தியா த³ஸ்ஸனமத்தங் ந ஹோதீதி ‘‘த⁴ம்மசக்கூ²’’தி ந வுச்சதீதி. யதோ தங் வஜிரூபமாபா⁴வேன வுத்தங். வுத்தனயேனேவாதி ‘‘அப்பரஜக்க²ஜாதிகா’’தி எத்த² வுத்தனயேனேவ. யஸ்மா மந்த³கிலேஸா ‘‘அப்பரஜக்கா²’’தி வுத்தா, தஸ்மா ப³ஹலகிலேஸா ‘‘மஹாரஜக்கா²’’தி வேதி³தப்³பா³. படிபக்க²வித⁴மனஸமத்த²தாய திக்கா²னி ஸூரானி விஸதா³னி, வுத்தவிபரியாயேன முதூ³னி. ஸத்³தா⁴த³யோ ஆகாராதி ஸத்³த³ஹனாதி³ப்பகாரே வத³தி. ஸுந்த³ராதி கல்யாணா. ஸம்மோஹவினோத³னியங் பன ‘‘யேஸங் ஆஸயாத³யோ கொட்டா²ஸா ஸுந்த³ரா, தே ஸ்வாகாரா’’தி (விப⁴॰ அட்ட²॰ 814) வுத்தங், தங் இமாய அத்த²வண்ணனாய அஞ்ஞத³த்து² ஸங்ஸந்த³தி காரணங் நாம பச்சயாகாரோ, ஸச்சானி வா. பரலோகந்தி ஸம்பராயங். தங் து³க்கா²வஹங் வஜ்ஜங் விய ப⁴யதோ பஸ்ஸிதப்³ப³ந்தி வுத்தங் ‘‘பரலோகஞ்சேவ வஜ்ஜஞ்ச ப⁴யதோ பஸ்ஸந்தீ’’தி. ஸம்பத்திப⁴வதோ வா அஞ்ஞத்தா விபத்திப⁴வோ ‘‘பரலோகோ’’தி வுத்தங் ‘‘பர…பே॰… பஸ்ஸந்தீ’’தி.
அயங் பனெத்த² பாளீதி எத்த² ‘‘அப்பரஜக்கா²’’தி³பதா³னங் அத்த²விபா⁴வனே அயங் தஸ்ஸ ததா²பா⁴வஸாத⁴கபாளி. ஸத்³தா⁴தீ³னஞ்ஹி விமுத்திபரிபாசகத⁴ம்மானங் ப³லவபா⁴வோ தப்படிபக்கா²னங் பாபத⁴ம்மானங் து³ப்³ப³லபா⁴வேனேவ ஹோதி, தேஸஞ்ச ப³லவபா⁴வோ ஸத்³தா⁴தீ³னங் து³ப்³ப³லபா⁴வேனாதி விமுத்திபரிபாசகத⁴ம்மானங் ஸவிஸேஸங் அத்தி²தானத்தி²தாவஸேன ‘‘அப்பரஜக்கா² மஹாரஜக்கா²’’தி ஆத³யோ பாளியங் (படி॰ ம॰ 1.111) விப⁴ஜித்வா த³ஸ்ஸிதா. இதி ஸத்³தா⁴தீ³னங் வஸேன பஞ்ச அப்பரஜக்கா², அஸத்³தி⁴யாதீ³னங் வஸேன பஞ்ச மஹாரஜக்கா². ஏவங் திக்கி²ந்த்³ரியமுதி³ந்த்³ரியாத³யோதி விபா⁴விதா பஞ்ஞாஸ புக்³க³லா. ஸத்³தா⁴தீ³னங் பன அந்தரபே⁴தே³ன அனேகபே⁴தா³ வேதி³தப்³பா³. க²ந்தா⁴த³யோ ஏவ லோகோ, ஸம்பத்திப⁴வபூ⁴தோ லோகோ ஸம்பத்திப⁴வலோகோ, ஸுக³திஸங்கா²தோ உபபத்திப⁴வோ, ஸம்பத்தி ஸம்ப⁴வதி ஏதேனாதி ஸம்பத்திஸம்ப⁴வலோகோ ஸுக³திஸங்வத்தனியோ கம்மப⁴வோ. து³க்³க³திஸங்கா²தஉபபத்திப⁴வது³க்³க³திஸங்வத்தனியகம்மப⁴வா விபத்திப⁴வலோகவிபத்திஸம்ப⁴வலோகா.
புன ஏககது³காதி³வஸேன லோகங் விப⁴ஜித்வா த³ஸ்ஸேதுங் ‘‘ஏகோ லோகோ’’திஆதி³ வுத்தங். ஆஹாராத³யோ ஹி லுஜ்ஜனபலுஜ்ஜனட்டே²ன லோகோதி. தத்த² ‘‘ஏகோ லோகோ ஸப்³பே³ ஸத்தா ஆஹாரட்டி²திகா’’தி (தீ³॰ நி॰ 3.303; அ॰ நி॰ 10.27, 28; படி॰ ம॰ 1.2, 112, 208) யாயங் புக்³க³லாதி⁴ட்டா²னாய கதா²ய ஸப்³ப³ஸங்கா²ரானங் பச்சயாயத்தவுத்திதா வுத்தா, தாய ஸப்³போ³ ஸங்கா²ரலோகோ ஏகோ ஏகவிதோ⁴ பகாரந்தரஸ்ஸாபா⁴வதோ. ‘‘த்³வே லோகா’’திஆதீ³ஸுபி இமினா உபாதா³னக்க²ந்தா⁴. அனுரோதா⁴தி³வத்து²பூ⁴தா லாபா⁴த³யோ அட்ட² லோகத⁴ம்மா. த³ஸாயதனானீதி த³ஸ ரூபாயதனானி விவட்டஜ்ஜா²ஸயஸ்ஸ அதி⁴ப்பேதத்தா. தஸ்ஸ ச ஸப்³ப³ங் தேபூ⁴மககம்மங் க³ரஹிதப்³ப³ங், வஜ்ஜிதப்³ப³ஞ்ச ஹுத்வா உபட்டா²தீதி வுத்தங் ‘‘ஸப்³பே³ அபி⁴ஸங்கா²ரா வஜ்ஜங், ஸப்³பே³ ப⁴வகா³மிகம்மா வஜ்ஜ’’ந்தி. யேஸங் ‘‘பஞ்ஞாஸாய ஆகாரேஹி இமானி பஞ்சிந்த்³ரியானி ஜானாதீ’’தி வுத்தங். அத² வா அன்வயதோ, ப்³யதிரேகதோ ச ஸத்³தா⁴தீ³னங் இந்த்³ரியானங் பரோபரியத்தங் ஜானாதீதி கத்வா ததா² வுத்தங். எத்த² ச அப்பரஜக்கா²தி³வஸேன ஆவஜ்ஜந்தஸ்ஸ ப⁴க³வதோ தே ஸத்தா புஞ்ஜபுஞ்ஜாவ ஹுத்வா உபட்ட²ஹந்தி, ந ஏகேகா.
உப்பலானி எத்த² ஸந்தீதி உப்பலினீ, க³ச்சோ²பி ஜலாஸயோபி, இத⁴ பன ஜலாஸயோ அதி⁴ப்பேதோதி ஆஹ ‘‘உப்பலவனே’’தி. யானி உத³கஸ்ஸ அந்தோ நிமுக்³கா³னேவ ஹுத்வா புஸந்தி வட்³ட⁴ந்தி, தானி அந்தோனிமுக்³க³போஸீனீ. தீ³பிதானீதி அட்ட²கதா²யங் பகாஸிதானி, இதே⁴வ வா ‘‘அஞ்ஞானிபீ’’திஆதி³னா தீ³பிதானி. உக்³க⁴டிதஞ்ஞூதி உக்³க⁴டனங் நாம ஞாணுக்³க⁴டனங், ஞாணே உக்³க⁴டிதமத்தே ஏவ ஜானாதீதி அத்தோ². விபஞ்சிதங் விபஞ்சிதஞ்ஞூ. உத்³தே³ஸாதீ³ஹி நேதப்³போ³தி நெய்யோ. ஸஹ உதா³ஹடவேலாயாதி உதா³ஹாரே த⁴ம்மஸ்ஸ உத்³தே³ஸே உதா³ஹடமத்தே ஏவ. த⁴ம்மாபி⁴ஸமயோதி சதுஸச்சத⁴ம்மஸ்ஸ ஞாணேன ஸத்³தி⁴ங் அபி⁴ஸமயோ. அயங் வுச்சதீதி அயங் ‘‘சத்தாரோ ஸதிபட்டா²னா’’திஆதி³னா ‘‘புக்³க³லோ உக்³க⁴டிதஞ்ஞூ’’தி வுச்சதி. அயங் வுச்சதீதி அயங் ஸங்கி²த்தேன மாதிகங் ட²பெத்வா வித்தா²ரேன அத்தே² விப⁴ஜியமானே அரஹத்தங் பாபுணிதுங் ஸமத்தோ² ‘‘புக்³க³லோ விபஞ்சிதஞ்ஞூ’’தி வுச்சதி. உத்³தே³ஸதோதி உத்³தே³ஸஹேது, உத்³தி³ஸந்தஸ்ஸ, உத்³தி³ஸாபெந்தஸ்ஸ வாதி அத்தோ². பரிபுச்ச²தோதி அத்த²ங் பரிபுச்ச²ந்தஸ்ஸ. அனுபுப்³பே³ன த⁴ம்மாபி⁴ஸமயோ ஹோதீதி அனுக்கமேன அரஹத்தப்பத்தோ ஹோதி. ந தாய ஜாதியா த⁴ம்மாபி⁴ஸமயோ ஹோதீதி தேன அத்தபா⁴வேன மக்³க³ங் வா ப²லங் வா அந்தமஸோ ஜா²னங் வா விபஸ்ஸனங் வா நிப்³ப³த்தேதுங் ந ஸக்கோதி. அயங் வுச்சதி புக்³க³லோ பத³பரமோதி அயங் புக்³க³லோ ப்³யஞ்ஜனபத³மேவ பரமங் அஸ்ஸாதி ‘‘பத³பரமோ’’தி வுச்சதி.
யேதி யே து³விதே⁴ புக்³க³லே ஸந்தா⁴ய வுத்தங் விப⁴ங்கே³ கம்மாவரணேனாதி பஞ்சவிதே⁴ன ஆனந்தரியகம்மேன. விபாகாவரணேனாதி அஹேதுகபடிஸந்தி⁴யா. யஸ்மா து³ஹேதுகானம்பி அரியமக்³க³படிவேதோ⁴ நத்தி², தஸ்மா து³ஹேதுகபடிஸந்தி⁴பி கிலேஸாவரணேனாதி நியதமிச்சா²தி³ட்டி²யா. அஸ்ஸத்³தா⁴தி பு³த்³தா⁴தீ³ஸு ஸத்³தா⁴ ரஹிதா. அச்ச²ந்தி³காதி கத்துகம்யதாகுஸலச்ச²ந்த³ரஹிதா, உத்தரகுருகா மனுஸ்ஸா அச்ச²ந்தி³கட்டா²னங் பவிட்டா². து³ப்பஞ்ஞாதி ப⁴வங்க³பஞ்ஞாய பரிஹீனா, ப⁴வங்க³பஞ்ஞாய பன பரிபுண்ணாயபி யஸ்ஸ ப⁴வங்க³ங் லோகுத்தரஸ்ஸ பச்சயோ ந ஹோதி, ஸோபி து³ப்பஞ்ஞோ ஏவ நாம. அப⁴ப்³பா³ நியாமங் ஓக்கமிதுங் குஸலேஸு த⁴ம்மேஸு ஸம்மத்தந்தி ‘‘ந கம்மாவரணேனா’’திஆதீ³னி வுத்தவிபரியாயேன வேதி³தப்³பா³னி.
‘‘ராக³சரிதா’’திஆதீ³ஸு யங் வத்தப்³ப³ங், தங் பரமத்த²தீ³பனியங் [பரமத்த²மஞ்ஜூஸாயங் விஸுத்³தி⁴மக்³க³ஸங்வண்ணனாயந்தி ப⁴விதப்³ப³ங் –
‘‘ஸா ஏஸா பரமத்தா²னங், தத்த² தத்த² யதா²ரஹங்;
நிதா⁴னதோ பரமத்த²-மஞ்ஜூஸா நாம நாமதோ’’தி. (விஸுத்³தி⁴மக்³க³மஹாடீகாய நிக³மனே ஸயமேவ வுத்தத்தா)] விஸுத்³தி⁴மக்³க³ஸங்வண்ணனாயங் வுத்தனயேன வேதி³தப்³ப³ங்;
70. ஆரப்³பா⁴தி அத்தனோ அதி⁴ப்பேதஸ்ஸ அத்த²ஸ்ஸ ப⁴க³வதோ ஜானாபனங் உத்³தி³ஸ்ஸாதி அத்தோ². ஸேலோ பப்³ப³தோ உச்சோ ஹோதி தி²ரோ ச, ந பங்ஸுபப்³ப³தோ, மிஸ்ஸகபப்³ப³தோ வாதி ஆஹ ‘‘ஸேலே யதா² பப்³ப³தமுத்³த⁴னீ’’தி. த⁴ம்மமயங் பாஸாத³ந்தி லோகுத்தரத⁴ம்மமாஹ. ஸோ ஹி பப்³ப³தஸதி³ஸோ ச ஹோதி ஸப்³ப³த⁴ம்மே அதிக்கம்ம அப்³பு⁴க்³க³தட்டே²ன பாஸாத³ஸதி³ஸோ ச, பஞ்ஞாபரியாயோ வா இத⁴ த⁴ம்ம-ஸத்³தோ³
‘‘பஞ்ஞாபாஸாத³மாருய்ஹ, அஸோகோ ஸோகினிங் பஜங்;
பப்³ப³தட்டோ²வ பூ⁴மட்டே², தீ⁴ரோ பா³லே அவெக்க²தீ’’தி. (த⁴॰ ப॰ 28);
‘‘யதா² ஹீ’’திஆதீ³ஸு யதா² பப்³ப³தே ட²த்வா ரத்தந்த⁴காரே ஹெட்டா² ஓலோகெந்தஸ்ஸ புரிஸஸ்ஸ கெ²த்தே கேதா³ரபாளிகுடியோ, தத்த² ஸயிதமனுஸ்ஸா ச ந பஞ்ஞாயந்தி அனுஜ்ஜலபா⁴வதோ. குடிகாஸு பன அக்³கி³ஜாலா பஞ்ஞாயதி உஜ்ஜலபா⁴வதோ ஏவங் த⁴ம்மபாஸாத³மாருய்ஹ ஸத்தலோகங் ஓலோகயதோ ப⁴க³வதோ ஞாணஸ்ஸ ஆபாத²ங் நாக³ச்ச²ந்தி அகதகல்யாணா ஸத்தா ஞாணக்³கி³னா அனுஜ்ஜலபா⁴வதோ, அனுளாரபா⁴வதோ ச ரத்திங் கி²த்தா ஸரா
உட்டே²ஹீதி த்வங் த⁴ம்மதே³ஸனாய அப்பொஸ்ஸுக்கதாஸங்கா²தஸங்கோசாபத்திதோ கிலாஸுபா⁴வதோ உட்ட²ஹ. வீரியவந்ததாயாதி ஸாதிஸய சதுப்³பி³த⁴ஸம்மப்பதா⁴னவீரியவந்ததாய. வீரஸ்ஸ ஹி பா⁴வோ, கம்மங் வா வீரியங். கிலேஸமாரஸ்ஸ விய மச்சுமாரஸ்ஸபி ஆயதிங் அஸம்ப⁴வதோ ‘‘மச்சுகிலேஸமாரான’’ந்தி வுத்தங். அபி⁴ஸங்கா²ரமாரவிஜயஸ்ஸ அக்³க³ஹணங் கிலேஸமாரவிஜயேனேவ தப்³பி³ஜயஸ்ஸ ஜோதிதபா⁴வதோ. வாஹனஸமத்த²தாயாதி ஸங்ஸாரமஹாகந்தாரதோ நிப்³பா³னஸங்கா²தங் கே²மப்பதே³ஸங் ஸம்பாபனஸமத்த²தாய.
71. ‘‘அபாருதங் தேஸங் அமதஸ்ஸ த்³வார’’ந்தி கேசி பட²ந்தி. நிப்³பா³னஸ்ஸ த்³வாரங் பவிஸனமக்³கோ³ விவரித்வா ட²பிதோ மஹாகருணூபனிஸ்ஸயேன ஸயம்பு⁴ஞாணேன அதி⁴க³தத்தா. ஸத்³த⁴ங் பமுஞ்சந்தூதி ஸத்³த⁴ங் பவேதெ³ந்து, அத்தனோ ஸத்³த³ஹனாகாரங் உபட்டா²பெந்தூதி அத்தோ². ஸுகே²ன அகிச்சே²ன பவத்தனீயதாய ஸுப்பவத்திதங். ந பா⁴ஸிங் ந பா⁴ஸிஸ்ஸாமீதி சிந்தேஸி.
அக்³க³ஸாவகயுக³வண்ணனா
73. ஸல்லபித்வாதி ‘‘விப்பஸன்னானி கோ² தே ஆவுஸோ இந்த்³ரியானீ’’திஆதி³னா (மஹாவ॰ 60) ஆலாபஸல்லாபங் கத்வா. தஞ்ஹிஸ்ஸ அபரபா⁴கே³ ஸத்து² ஸந்திகங் உபஸங்கமனஸ்ஸ பச்சயோ அஹோஸி.
75-6. அனுபுப்³பி³ங் கத²ந்தி அனுபுப்³பி³யா அனுபுப்³ப³ங் கதே²தப்³ப³ங் கத²ங். கா பன ஸாதி? தா³னாதி³கதா². தத்த² தா³னகதா² தாவ பசுரஜனேஸு பவத்தியா ஸப்³ப³ஸாதா⁴ரணத்தா, ஸுகரத்தா, ஸீலே பதிட்டா²னஸ்ஸ உபாயபா⁴வதோ ச ஆதி³தோ கதி²தா. பரிச்சாக³ஸீலோ ஹி புக்³க³லோ பரிக்³க³ஹவத்தூ²ஸு தா³னகதா²னந்தரங் ஸீலகதா² கதி²தா, தஞ்சே தா³னஸீலங் வட்டனிஸ்ஸிதங், அயங் ப⁴வஸம்பத்தி தஸ்ஸ ப²லந்தி த³ஸ்ஸனத்த²ங், இமேஹி ச தா³னஸீலமயேஹி பணீதபணீததராதி³பே⁴த³பி⁴ன்னேஹி புஞ்ஞகிரியவத்தூ²ஹி ஏதா சாதுமஹாராஜிகாதீ³ஸு பணீதபணீததராதி³பே⁴த³பி⁴ன்னா அபரிமெய்யா தி³ப்³ப³போ⁴க³ப⁴வஸம்பத்தியோ ஹொந்தீதி த³ஸ்ஸனத்த²ங் தத³னந்தரங் ஸக்³க³கத²ங். வத்வா அயங் ஸக்³கோ³ ராகா³தீ³ஹி உபக்கிலிட்டோ², ஸப்³ப³தா³ அனுபக்கிலிட்டோ² அரியமக்³கோ³தி த³ஸ்ஸனத்த²ங் ஸக்³கா³னந்தரங் மக்³க³கதா² கதே²தப்³பா³. மக்³க³ஞ்ச கதெ²ந்தேன தத³தி⁴க³முபாயத³ஸ்ஸனத்த²ங் ஸக்³க³பரியாபன்னாபி, பகே³வ இதரே ஸப்³பே³பி காமா நாம ப³ஹ்வாதீ³னவா, அனிச்சா அது⁴வா, விபரிணாமத⁴ம்மாதி காமானங் ஆதீ³னவோ, ஹீனா, க³ம்மா, போது²ஜ்ஜனிகா, அனரியா, அனத்த²ஸஞ்ஹிதாதி தேஸங் ஓகாரோ லாமகபா⁴வோ, ஸப்³பே³பி ப⁴வா கிலேஸானங் வத்து²பூ⁴தாதி தத்த² ஸங்கிலேஸோ, ஸப்³ப³ஸோ கிலேஸவிப்பமுத்தங் நிப்³பா³னந்தி நெக்க²ம்மே ஆனிஸங்ஸோ ச கதே²தப்³போ³தி அயமத்தோ² மக்³க³ந்தீதி எத்த² இதி-ஸத்³தே³ன ஆதி³அத்த²ஜோதகேன போ³தி⁴தோதி வேதி³தப்³ப³ங்.
ஸுகா²னங் நிதா³னந்தி தி³ட்ட²த⁴ம்மிகானங், ஸம்பராயிகானங், நிப்³பா³னபடிஸங்யுத்தானஞ்சாதி ஸப்³பே³ஸம்பி ஸுகா²னங் காரணங். யஞ்ஹி கிஞ்சி லோகே போ⁴க³ஸுக²ங் நாம, தங் ஸப்³ப³ங் தா³னநிதா³னந்தி பாகடோ யமத்தோ². யங் பன தங் ஸம்பத்தீனங் மூலந்தி யா இமா லோகே பதே³ஸரஜ்ஜங் ஸிரிஸ்ஸரியங் ஸத்தரதனஸமுஜ்ஜலசக்கவத்திஸம்பதா³தி ஏவங்பபே⁴தா³ மானுஸிகா ஸம்பத்தியோ, யா ச சாதுமஹாராஜிகசாதுமஹாராஜாதி³பே⁴தா³ தி³ப்³ப³ஸம்பத்தியோ, யா வா பனஞ்ஞாபி ஸம்பத்தியோ, தாஸங் ஸப்³பா³ஸங் இத³ங் தா³னங் நாம மூலங் காரணங். போ⁴கா³னந்தி பு⁴ஞ்ஜிதப்³ப³ட்டே²ன ‘‘போ⁴கோ³’’தி லத்³த⁴னாமானங் மனாபியரூபாதீ³னங், தன்னிஸ்ஸயானஞ்ச உபபோ⁴க³ஸுகா²னங். அவஸ்ஸயட்டே²ன பதிட்டா². விஸமக³தஸ்ஸாதி ப்³யஸனப்பத்தஸ்ஸ. தாணந்தி ரக்கா² ததோ பரிபாலனதோ. லேணந்தி ப்³யஸனேஹி பரிபாசியமானஸ்ஸ ஓலீயனபதே³ஸோ. க³தீதி க³ந்தப்³ப³ட்டா²னங். பராயணந்தி படிஸரணங். அவஸ்ஸயோதி வினிபதிதுங் அதெ³ந்தோ நிஸ்ஸயோ. ஆரம்மணந்தி ஓலுப்³பா⁴ரம்மணங்.
ரதனமயஸீஹாஸனஸதி³ஸந்தி ஸப்³ப³ரதனமயஸத்தங்க³மஹாஸீஹாஸனஸதி³ஸங் மஹக்³க⁴ங் ஹுத்வா ஸப்³ப³ஸோ வினிபதிதுங் மஹாபத²விஸதி³ஸங் க³தக³தட்டா²னே ஆலம்ப³னரஜ்ஜுஸதி³ஸந்தி யதா² து³ப்³ப³லஸ்ஸ புரிஸஸ்ஸ ஆலம்ப³னரஜ்ஜு உத்திட்ட²தோ, திட்ட²தோ ச உபத்த²ம்போ⁴, ஏவங் தா³னங் ஸத்தானங் ஸம்பத்திப⁴வே உப்பத்தியா, டி²தியா ச பச்சயபா⁴வதோ. து³க்க²னித்த²ரணட்டே²னாதி து³க்³க³திது³க்க²னித்த²ரணட்டே²ன. ஸமஸ்ஸாஸனட்டே²னாதி ப⁴யபரித்தாணட்டே²னாதி தா³லித்³தி³யப⁴யதோ பரிபாலனட்டே²ன. மச்சே²ரமலாதீ³ஹீதி மச்சே²ரலோப⁴தோ³ஸஇஸ்ஸாவிசிகிச்சா²தி³ட்டி² ஆதி³சித்தமலேஹி. அனுபலித்தட்டே²னாதி அனுபக்கிலிட்ட²தாய. தேஸந்தி மச்சே²ரமலாதி³கசவரானங். ஏதேஹி ஏவ து³ராஸத³ட்டே²ன. அஸந்தாஸனட்டே²னாதி அனபி⁴ப⁴வனீயதாய ஸந்தாஸாபா⁴வேன. யோ ஹி தா³யகோ தா³னபதி, ஸோ ஸம்பதிபி குதோசி ந பா⁴யதி, பகே³வ ஆயதிங். த⁴ம்மஸீஸேன புக்³க³லோ வுத்தோ. ப³லவந்தட்டே²னாதி மஹாப³லவதாய. தா³யகோ ஹி தா³னபதி ஸம்பதி பக்க²ப³லேன ப³லவா ஹோதி, ஆயதிங் பன காயப³லாதீ³ஹிபி. அபி⁴மங்க³லஸம்மதட்டே²னாதி ‘‘வட்³டி⁴காரண’’ந்தி அபி⁴ஸம்மதபா⁴வேன. விபத்திப⁴வதோ ஸம்பத்திப⁴வூபனயனங் கே²மந்தபூ⁴மிஸம்பாபனங், ப⁴வஸங்கா³மதோ யோக³க்கே²மஸம்பாபனஞ்ச கே²மந்தபூ⁴மிஸம்பாபனட்டோ².
இதா³னி தா³னங் வட்டக³தா உக்கங்ஸப்பத்தா ஸம்பத்தியோ விய விவட்டக³தாபி தா ஸம்பாதே³தீதி போ³தி⁴சரியபா⁴வேனபி தா³னகு³ணே த³ஸ்ஸேதுங் ‘‘தா³னஞ்ஹீ’’திஆதி³ வுத்தங். தத்த² ஸக்கமாரப்³ரஹ்மஸம்பத்தியோ அத்தஹிதாய ஏவ, சக்கவத்திஸம்பத்தி பன அத்தஹிதாய, பரஹிதாய சாதி த³ஸ்ஸேதுங் ஸா தாஸங் பரதோ வுத்தா, ஏதா லோகியா, இமா பன லோகுத்தராதி த³ஸ்ஸேதுங் ததோ பரங் ‘‘ஸாவகபாரமீஞாண’’ந்திஆதி³ வுத்தங். தத்தா²பி உக்கட்டு²க்கட்ட²தருக்கட்ட²தமாதி த³ஸ்ஸேதுங் கமேன ஞாணத்தயங் வுத்தங். தேஸங் பன தா³னஸ்ஸ பச்சயபா⁴வோ ஹெட்டா² வுத்தோ ஏவ. ஏதேனேவஸ்ஸ ப்³ரஹ்மஸம்பத்தியாபி பச்சயபா⁴வோ தீ³பிதோதி வேதி³தப்³போ³.
தா³னஞ்ச நாம த³க்கி²ணெய்யேஸு ஹிதஜ்ஜா²ஸயேன வா பூஜனஜ்ஜா²ஸயேன வா அத்தனோ ஸந்தகஸ்ஸ பரேஸங் பரிச்சஜனங், தஸ்மா தா³யகோ ஸத்தேஸு ஏகந்தஹிதஜ்ஜா²ஸயோ புரிஸபுக்³க³லோ, ஸோ ‘‘பரேஸங் ஹிங்ஸதி, பரேஸங் வா ஸந்தகங் ஹரதீ’’தி அட்டா²னமேதந்தி ஆஹ ‘‘தா³னங் த³த³ந்தோ ஸீலங் ஸமாதா³துங் ஸக்கோதீ’’தி. ஸீலஸதி³ஸோ அலங்காரோ நத்தீ²தி அகித்திமங் ஹுத்வா ஸப்³ப³காலங் ஸோபா⁴விஸேஸாவஹத்தா. ஸீலபுப்ப²ஸதி³ஸங் புப்ப²ங் நத்தீ²தி எத்தா²பி ஸீலக³ந்த⁴ஸதி³ஸோ க³ந்தோ⁴ நத்தீ²தி எத்த² ‘‘சந்த³னங் ‘‘ஸீலாலங்காரேன ஹீ’’திஆதி³.
‘‘அயங் ஸக்³கோ³ லப்³ப⁴தீ’’தி இத³ங் மஜ்ஜி²மேஹி ச²ந்தா³தீ³ஹி ஆரத்³த⁴ங் ஸீலங் ஸந்தா⁴யாஹ. தேனாஹ ஸக்கோ தே³வராஜா –
‘‘ஹீனேன ப்³ரஹ்மசரியேன, க²த்தியே உபபஜ்ஜதி;
மஜ்ஜி²மேன ச தே³வத்தங், உத்தமேன விஸுஜ்ஜ²தீ’’தி. (ஜா॰ 2.22.429);
இட்டோ²தி ஸுகோ², கந்தோதி கமனீயோ, மனாபோதி மனவட்³ட⁴னகோ, தங் பனஸ்ஸ இட்டா²தி³பா⁴வங் த³ஸ்ஸேதுங் ‘‘நிச்சமெத்த² கீளா’’திஆதி³ வுத்தங். நிச்சந்தி ஸப்³ப³காலங் கீளாதி காமூபஸங்ஹிதா ஸுக²விஹாரா. ஸம்பத்தியோதி போ⁴க³ஸம்பத்தியோ. தி³ப்³ப³ந்தி தி³ப்³ப³ப⁴வங் தே³வலோகபரியாபன்னங். ஸுக²ந்தி காயிகங், சேதஸிகஞ்ச ஸுக²ங். தி³ப்³ப³ஸம்பத்திந்தி தி³ப்³ப³ப⁴வங் ஆயுஸம்பத்திங், வண்ணயஸஇஸ்ஸரியஸம்பத்திங், ரூபாதி³ஸம்பத்திஞ்ச. ஏவமாதீ³தி ஆதி³-ஸத்³தே³ன யாமாதீ³ஹி அனுப⁴விதப்³ப³ங் தி³ப்³ப³ஸம்பத்திங் வத³தி.
அப்பஸ்ஸாதா³தி நிரஸ்ஸாதா³ பண்டி³தேஹி யதா²பூ⁴தங் பஸ்ஸந்தேஹி தத்த² அஸ்ஸாதே³தப்³ப³தாபா⁴வதோ. ப³ஹுது³க்கா²தி மஹாது³க்கா² ஸம்பதி, ஆயதிஞ்ச விபுலது³க்கா²னுப³ந்த⁴த்தா. ப³ஹுபாயாஸாதி அனேகவித⁴பரிஸ்ஸயா. எத்தா²தி காமேஸு. பி⁴ய்யோதி ப³ஹுங். தோ³ஸோதி அனிச்சதாதி³னா, அப்பஸ்ஸாத³தாதி³னா ச தூ³ஸிதபா⁴வோ, யதோ தே விஞ்ஞூனங் சித்தங் நாராதெ⁴ந்தி. அத² வா ஆதீ³னங் வாதி பவத்ததீதி ஆதீ³னவோ, பரமகபணதா, ததா² லாமகபா⁴வோதி நிஹீனபா⁴வோ அஸெட்டே²ஹி ஸேவிதப்³ப³த்தா, ஸெட்டே²ஹி ந ஸேவிதப்³ப³த்தா ச. ஸங்கிலிஸ்ஸனந்தி விபா³தே⁴தப்³ப³தா உபதாபேதப்³ப³தா. நெக்க²ம்மே ஆனிஸங்ஸந்தி எத்த² யத்தகா காமேஸு ஆதீ³னவா, தப்படிபக்க²தோ தத்தகா நெக்க²ம்மே ஆனிஸங்ஸா. அபி ச ‘‘நெக்க²ம்மங் நாமேதங் அஸம்பா³த⁴ங் அஸங்கிலிட்ட²ங், நிக்க²ந்தங் காமேஹி, நிக்க²ந்தங் காமஸஞ்ஞாய, நிக்க²ந்தங் காமவிதக்கேஹி, நிக்க²ந்தங் காமபரிளாஹேஹி, நிக்க²ந்தங் ப்³யாபாத³தோ’’திஆதி³னா
வுத்தனயந்தி எத்த² யங் அவுத்தனயங் ‘‘கல்லசித்தே’’திஆதி³, தத்த² கல்லசித்தேதி கம்மனியசித்தே, ஹெட்டா² முது³சித்தே. காமச்ச²ந்தா³தி³விக³மேன வினீவரணசித்தே. ஸம்மாபடிபத்தியங் உளாரபீதிபாமோஜ்ஜயோகே³ன உத³க்³க³சித்தே. தத்த² ஸத்³தா⁴ஸம்பத்தியா பஸன்னசித்தே. யதா³ ச ப⁴க³வா அஞ்ஞாஸீதி ஸம்ப³ந்தோ⁴. அத² வா கல்லசித்தேதி காமச்ச²ந்த³விக³மேன அரோக³சித்தே. முது³சித்தேதி ப்³யாபாத³விக³மேன மெத்தாவஸேன அகதி²னசித்தே. வினீவரணசித்தேதி உத்³த⁴ச்சகுக்குச்சவிக³மேன விக்கே²பஸ்ஸ விக³தத்தா தேன அபிஹிதசித்தே. உத³க்³க³சித்தேதி தி²னமித்³த⁴விக³மேன பஸன்னசித்தேதி விசிகிச்சா²விக³மேன ஸம்மாபடிபத்தியங் அதி⁴முத்தசித்தே, ஏவம்பெத்த² அத்தோ² வேதி³தப்³போ³.
‘‘ஸெய்யதா²பீ’’திஆதி³னா உபமாவஸேன நேஸங் ஸங்கிலேஸப்பஹானங், அரியமக்³கு³ப்பாத³ஞ்ச த³ஸ்ஸேதி. அபக³தகாளகந்தி விக³தகாளகங். ஸம்மதே³வாதி ஸுட்டு² ஏவ. ரஜனந்தி நீலபீதாதி³ரங்க³ஜாதங். படிக்³க³ண்ஹெய்யாதி க³ண்ஹெய்ய பப⁴ஸ்ஸரங் ப⁴வெய்ய. தஸ்மிங்யேவ ஆஸனேதி திஸ்ஸமேவ நிஸஜ்ஜாயங், ஏதேன நேஸங் லஹுவிபஸ்ஸகதா, திக்க²பஞ்ஞதா, ஸுக²படிபதா³கி²ப்பாபி⁴ஞ்ஞதா ச த³ஸ்ஸிதா ஹோதி. விரஜந்தி அபாயக³மனீயராக³ரஜாதீ³னங் விக³மேன விரஜங். அனவஸேஸதி³ட்டி²விசிகிச்சா²மலாபக³மனேன வீதமலங். பட²மமக்³க³வஜ்ஜ²கிலேஸரஜாபா⁴வேன வா விரஜங். பஞ்சவித⁴து³ஸ்ஸீல்யமலாபக³மனேன வீதமலங். த⁴ம்மசக்கு²ந்தி ப்³ரஹ்மாயுஸுத்தே (ம॰ நி॰ 2.383) ஹெட்டி²மா தயோ மக்³கா³ வுத்தா, சூளராஹுலோவாதே³ (ம॰ நி॰ 3.416) ஆஸவக்க²யோ, இத⁴ பன ஸோதாபத்திமக்³கோ³ அதி⁴ப்பேதோ. ‘‘யங் கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்தி தஸ்ஸ உப்பத்திஆகாரத³ஸ்ஸனந்தி. நனு ச மக்³க³ஞாணங் அஸங்க²தத⁴ம்மாரம்மணங், ந ஸங்க²தத⁴ம்மாரம்மணந்தி? ஸச்சமேதங். யஸ்மா தங் நிரோத⁴ங் ஆரம்மணங் கத்வா கிச்சவஸேன ஸப்³ப³ஸங்க²தங் படிவிஜ்ஜ²ந்தங் உப்பஜ்ஜதி, தஸ்மா ததா² வுத்தங்.
‘‘ஸுத்³த⁴ங் வத்த²’’ந்தி நித³ஸ்ஸிதஉபமாயங் இத³ங் உபமாஸங்ஸந்த³னங் வத்த²ங் விய சித்தங், வத்த²ஸ்ஸ ஆக³ந்துகமலேஹி கிலிட்ட²பா⁴வோ விய சித்தஸ்ஸ ராகா³தி³மலேஹி ஸங்கிலிட்ட²பா⁴வோ ‘‘பத்தத⁴ம்மா’’தி வுத்தங். பத்தி ச ஞாணஸம்பத்திதோ அஞ்ஞம்பி விஜ்ஜதீதி ததோ விஸேஸத³ஸ்ஸனத்த²ங் ‘‘விதி³தத⁴ம்மா’’தி வுத்தங். ஸா பன விதி³தத⁴ம்மதா த⁴ம்மேஸு ஏகதே³ஸேனாபி ஹோதீதி நிப்பதே³ஸதோ விதி³தபா⁴வங் த³ஸ்ஸேதுங் ‘‘பரியோகா³ள்ஹத⁴ம்மா’’தி வுத்தங், தேன நேஸங் ஸச்சாபி⁴ஸம்போ³தி⁴ங்யேவ விபா⁴வேதி. மக்³க³ஞாணஞ்ஹி ஏகாபி⁴ஸமயவஸேன பரிஞ்ஞாதி³கிச்சங் ஸாதெ⁴ந்தங் நிப்பதே³ஸதோவ சதுஸச்சத⁴ம்மங் ஸமந்ததோ ஓகா³ஹந்தங் படிவிஜ்ஜ²தீதி. ஸேஸங் ஹெட்டா² வுத்தனயமேவ.
77. சீவரதா³னாதீ³னீதி சீவராதி³பரிக்கா²ரதா³னங் ஸந்தா⁴யாஹ. யோ ஹி சீவராதி³கே அட்ட² பரிக்கா²ரே, பத்தசீவரமேவ வா ஸோதாபன்னாதி³அரியஸ்ஸ, புது²ஜ்ஜனஸ்ஸேவ வா ஸீலஸம்பன்னஸ்ஸ த³த்வா ‘‘இத³ங் பரிக்கா²ரதா³னங் அனாக³தே ஏஹிபி⁴க்கு²பா⁴வாய பச்சயோ ஹோதூ’’தி பத்த²னங் பட்ட²பேஸி, தஸ்ஸ ச ஸதி அதி⁴காரஸம்பத்தியங் பு³த்³தா⁴னங் ஸம்முகீ²பா⁴வே இத்³தி⁴மயபரிக்கா²ரலாபா⁴ய ஸங்வத்ததீதி வேதி³தப்³ப³ங். வஸ்ஸஸதிகத்தே²ரா விய ஆகப்பஸம்பன்னாதி அதி⁴ப்பாயோ.
ஸந்த³ஸ்ஸேஸீதி ஸுட்டு² பச்சக்க²ங் கத்வா த³ஸ்ஸேஸி. இத⁴லோகத்த²ந்தி இத⁴லோகபூ⁴தங் க²ந்த⁴பஞ்சகஸங்கா²தமத்த²ங். பரலோகத்த²ந்தி எத்தா²பி ஏஸேவ நயோ. த³ஸ்ஸேஸீதி ஸாமஞ்ஞலக்க²ணதோ, ஸலக்க²ணதோ ச த³ஸ்ஸேஸி. தேனாஹ ‘‘அனிச்ச’’ந்திஆதி³. தத்த² ஹுத்வா அபா⁴வதோ அனிச்சந்தி த³ஸ்ஸேஸி. உத³யப்³ப³யபடிபீளனதோ து³க்க²ந்தி த³ஸ்ஸேஸி. அவஸவத்தனதோ அனத்தாதி த³ஸ்ஸேஸி. இமே ருப்பனாதி³லக்க²ணா பஞ்சக்க²ந்தா⁴தி ராஸட்டே²ன க²ந்தே⁴ த³ஸ்ஸேஸி. இமே சக்கா²தி³ஸபா⁴வா த³ஸ்ஸேஸி. இமானி சக்கா²தி³ஸபா⁴வானேவ த்³வாராரம்மணபூ⁴தானி த்³வாத³ஸ ஆயதனானீதி த³ஸ்ஸேஸி. இமே த³ஸ்ஸேஸி. ரூபக்க²ந்த⁴ஸ்ஸ ஹெட்டா² வுத்தனயேன பச்சயதோ சத்தாரி, க²ணதோ ஏகந்தி இமானி பஞ்ச லக்க²ணானி த³ஸ்ஸேஸி. ததா²தி இமினா ‘‘பஞ்ச லக்க²ணானீ’’தி பத³ங் ஆகட்³ட⁴தி. த³ஸ்ஸெந்தோதி இதி-ஸத்³தோ³ நித³ஸ்ஸனத்தோ², ஏவந்தி அத்தோ². நிரயந்தி அட்ட²மஹானிரயஸோளஸஉஸ்ஸத³னிரயப்பபே⁴த³ங் ஸப்³ப³ஸோ நிரயங் த³ஸ்ஸேஸி. திரச்சா²னயோனிந்தி அபத³த்³விபத³சதுப்பத³ப³ஹுப்பதா³தி³பே⁴த³ங் மிக³பஸுபக்கி²ஸரீஸபாதி³விபா⁴க³ங் நானாவித⁴ங் திரச்சா²னலோகங். பெத்திவிஸயந்தி கு²ப்பிபாஸிகவந்தாஸிகபரத³த்தூபஜீவினிஜ்ஜா²மதண்ஹிகாதி³பே⁴த³பி⁴ன்னங் நானாவித⁴ங் பேதஸத்தலோகங். அஸுரகாயந்தி காலகஞ்சிகாஸுரனிகாயங். ஏவங் தாவ து³க்³க³திபூ⁴தங் பரலோகத்த²ங் வத்வா இதா³னி ஸுக³திபூ⁴தங் வத்துங் ‘‘திண்ணங் குஸலானங் விபாக’’ந்திஆதி³ வுத்தங். வேஹப்ப²லே ஸுப⁴கிண்ணேயேவ ஸங்க³ஹெத்வா அஸஞ்ஞீஸு, அரூபீஸு ச ஸம்பத்தியா த³ஸ்ஸேதப்³பா³ய அபா⁴வதோ து³விஞ்ஞெய்யதாய ‘‘நவன்னங் ப்³ரஹ்மலோகான’’ந்த்வேவ வுத்தங்.
க³ண்ஹாபேஸீதி
ஸமுத்தேஜனங் நாம ஸமாதி³ன்னத⁴ம்மானங் யதா² அனுபகாரகா த⁴ம்மா பரிஹாயந்தி, பஹீயந்தி ச, உபகாரகா த⁴ம்மா பரிவட்³ட⁴ந்தி, விஸுஜ்ஜ²ந்தி ச, ததா² நேஸங் உஸ்ஸாஹுப்பாத³னந்தி ஆஹ ‘‘அப்³பு⁴ஸ்ஸாஹேஸீ’’தி. யதா² பன தங் உஸ்ஸாஹுப்பாத³னங் ஹோதி, தங் த³ஸ்ஸேதுங் ‘‘இத⁴லோகத்த²ஞ்சேவா’’திஆதி³ வுத்தங். தாஸெத்வா தாஸெத்வாதி பரிப்³யத்தபா⁴வாபாத³னேன தேஜெத்வா தேஜெத்வா. அதி⁴க³தங் விய கத்வாதி யேஸங் கதே²தி, தேஹி தமத்த²ங் பச்சக்க²தோ அனுபு⁴ய்யமானங் விய கத்வா. வேனெய்யானஞ்ஹி பு³த்³தே⁴ஹி பகாஸியமானோ
‘‘ஆதி³த்தோபி அயங் லோகோ, ஏகாத³ஸஹி அக்³கி³பி⁴;
ந ததா² யாதி ஸங்வேக³ங், ஸம்மோஹபலிகு³ண்டி²தோ.
ஸுத்வாதீ³னவஸஞ்ஞுத்தங், யதா² வாசங் மஹேஸினோ;
பச்சக்க²தோபி பு³த்³தா⁴னங், வசனங் ஸுட்டு² பாகட’’ந்தி.
தேனாஹ ‘‘த்³வத்திங்ஸகம்மகாரணபஞ்சவீஸதிமஹாப⁴யப்பபே⁴த³ஞ்ஹீ’’திஆதி³. த்³வத்திங்ஸகம்மகாரணானி ‘‘ஹத்த²ம்பி சி²ந்த³ந்தீ’’திஆதி³னா (ம॰ நி॰ 1.178) து³க்க²க்க²ந்த⁴ஸுத்தே ஆக³தனயேன பஞ்சவீஸதிமஹாப⁴யானி ‘‘ஜாதிப⁴யங் ஜராப⁴யங் ப்³யாதி⁴ப⁴யங் மரணப⁴ய’’ந்திஆதி³னா (சூளனி॰ 123) தத்த² தத்த² ஸுத்தே ஆக³தனயேன வேதி³தப்³பா³னி. ஆகா⁴தனப⁴ண்டி³கா அதி⁴குட்டனகளிங்க³ரங், யங் ‘‘அச்சாதா⁴ன’’ந்திபி வுச்சதி.
படிலத்³த⁴கு³ணேன சோதே³ஸீதி ‘‘தங்தங்கு³ணாதி⁴க³மேன அயம்பி தும்ஹேஹி படிலத்³தோ⁴, ஆனிஸங்ஸோ அயம்பீ’’தி பச்சக்க²தோ த³ஸ்ஸெந்தோ ‘‘கிங் இதோ புப்³பே³ ஏவரூபங் அத்தீ²’’தி சோதெ³ந்தோ விய அஹோஸி. தேனாஹ ‘‘மஹானிஸங்ஸங் கத்வா கதே²ஸீ’’தி.
தப்பச்சயஞ்ச கிலமத²ந்தி ஸங்கா²ரபவத்திஹேதுகங் தஸ்மிங் தஸ்மிங் ஸத்தஸந்தானே உப்பஜ்ஜனகபரிஸ்ஸமங் ஸங்விகா⁴தங் விஹேஸங். இதா⁴தி ஹெட்டா² பட²மமக்³கா³தி⁴க³மத்தா²ய கதா²ய. ஸப்³ப³ஸங்கா²ரூபஸமபா⁴வதோ ஸந்தங். அதித்திகரபரமஸுக²தாய பணீதங். ஸகலஸங்ஸாரப்³யஸனதோ தாயனத்தே²ன தாணங். ததோ நிப்³பி³ந்த³ஹத³யானங் நிலீயனட்டா²னதாய லேணங். ஆதி³-ஸத்³தே³ன க³திபடிஸரணங் பரமஸ்ஸாஸோதி ஏவமாதீ³னங் ஸங்க³ஹோ.
மஹாஜனகாயபப்³ப³ஜ்ஜாவண்ணனா
80. ஸங்க⁴ப்பஹோனகானங் பி⁴க்கூ²னங் அபா⁴வா ‘‘ஸங்க⁴ஸ்ஸ அபரிபுண்ணத்தா’’தி வுத்தங். த்³வே அக்³க³ஸாவகா ஏவ ஹி ததா³ அஹேஸுங்.
சாரிகாஅனுஜானநவண்ணனா
86. ‘‘கதா³ ‘‘ப⁴க³வா கிரா’’திஆதி³ வுத்தங். பிது ஸங்க³ஹங் கரொந்தோ விஹாஸி ஸம்போ³தி⁴தோ ‘‘ஸத்த ஸங்வச்ச²ரானி ஸத்த மாஸே ஸத்த தி³வஸே’’தி ஆனெத்வா ஸம்ப³ந்தோ⁴, தஞ்ச கோ² வேனெய்யானங் ததா³ அபா⁴வதோ. கிலஞ்ஜேஹி ப³ஹி சா²தா³பெத்வா, வத்தே²ஹி அந்தோ படிச்சா²தா³பெத்வா, உபரி ச வத்தே²ஹி சா²தா³பெத்வா, தஸ்ஸ ஹெட்டா² ஸுவண்ண…பே॰… விதானங் காராபெத்வா. மாலாவச்ச²கேதி புப்ப²மாலாஹி வச்சா²காரேன வேடி²தே. க³ந்த⁴ந்தரேதி சாடிப⁴ரிதக³ந்த⁴ஸ்ஸ அந்தரே. புப்பா²னீதி சாடிஆதி³ப⁴ரிதானி ஜலஜபுப்பா²னி சேவ சங்கோதகாதி³ப⁴ரிதானி த²லஜபுப்பா²னி ச.
காமஞ்சாயங் ‘‘நாஹங் பி⁴க்கு²ஸங்க⁴ங் தே³மீ’’தி ஆஹ.
தா³னமுக²ந்தி தா³னகரணூபாயங், தா³னவத்தந்தி அத்தோ². ந தா³னி மே அனுஞ்ஞாதாதி இதா³னி மே தா³னங் ந அனுஞ்ஞாதா, நோ ந அனுஜானந்தீதி அத்தோ².
பரிதஸ்ஸனஜீவிதந்தி து³க்க²ஜீவிகா தா³லித்³தி³யந்தி அத்தோ².
ஸப்³பே³ஸங் பி⁴க்கூ²னங் பஹோஸீதி ப⁴க³வதோ அட்ட²ஸட்டி² ச பி⁴க்கு²ஸதஸஹஸ்ஸானங் பா⁴க³தோ தா³துங் பஹோஸி, ந ஸப்³பே³ஸங் பரியத்தபா⁴வேன. தேனாஹ ‘‘ஸேனாபதிபி அத்தனோ தெ³ய்யத⁴ம்மங் அதா³ஸீ’’தி. ஜெட்டி²கட்டா²னேதி ஜெட்டி²கதே³விட்டா²னே.
ததே²வ கத்வாதி சரபுரிஸே ட²பெத்வா. ஸுசிந்தி ஸுத்³த⁴ங். பணீதந்தி உளாரங், பா⁴வனபுங்ஸகஞ்சேதங் ‘‘ஏகமந்த’’ந்திஆதீ³ஸு (பாரா॰ 2) விய. ப⁴ஞ்ஜித்வாதி மத்³தி³த்வா, பீளெத்வாதி ஜாதிஸப்பிகீ²ராதீ³ஹியேவாதி அந்தோஜாதஸப்பிகீ²ராதீ³ஹியேவ, அம்ஹாகமேவ கா³விஆதி³தோ க³ஹிதஸப்பிஆதீ³ஹியேவாதி அத்தோ².
90. பராபவாத³ங், பராபகாரங், ஸீதுண்ஹாதி³பே⁴த³ஞ்ச கு³ணாபராத⁴ங் க²மதி ஸஹதி அதி⁴வாஸேதீதி க²ந்தி. ஸா பன யஸ்மா ஸீலாதீ³னங் படிபக்க²த⁴ம்மே ஸவிஸேஸங் தபதி ஸந்தபதி வித⁴மதீதி பரமங் உத்தமங் தபோ. தேனாஹ ‘‘அதி⁴வாஸனக²ந்தி நாம பரமங் தபோ’’தி. ‘‘அதி⁴வாஸனக²ந்தீ’’தி இமினா த⁴ம்மனிஜ்ஜா²னக்க²ந்திதோ விஸேஸேதி. திதிக்க²னங் க²மனங் திதிக்கா².அக்க²ரசிந்தகா ஹி க²மாயங் திதிக்கா²-ஸத்³த³ங் வண்ணெந்தி. தேனேவாஹ ‘‘க²ந்தியா ஏவ வேவசன’’ந்திஆதி³. ஸப்³பா³காரேனாதி ஸந்தபணீதனிபுணஸிவகே²மாதி³னா ஸப்³ப³ப்பகாரேன. ஸோ பப்³ப³ஜிதோ நாம ந ஹோதி பப்³பா³ஜிதப்³ப³த⁴ம்மஸ்ஸ அபப்³பா³ஜனதோ. தஸ்ஸேவ ததியபத³ஸ்ஸ வேவசனங் அனத்த²ந்தரத்தா.
‘‘ந ஹீ’’திஆதி³னா தங் ஏவத்த²ங் விவரதி. உத்தமத்தே²ன பரமந்தி வுச்சதி பர-ஸத்³த³ஸ்ஸ ஸெட்ட²வாசகத்தா, ‘‘புக்³க³லபரோபரஞ்ஞூ’’திஆதீ³ஸு (அ॰ நி॰ 7.68; நெத்தி॰ 118) விய. பரந்தி அஞ்ஞங். இதா³னி பர-ஸத்³த³ங் அஞ்ஞபரியாயமேவ க³ஹெத்வா அத்த²ங் த³ஸ்ஸேதுங் ‘‘அத² வா’’திஆதி³ வுத்தங். மலஸ்ஸாதி பாபமலஸ்ஸ. அபப்³பா³ஜிதத்தாதி அனீஹடத்தா அனிராகதத்தா ஸமிதத்தாதி நிரோதி⁴தத்தா தேஸங் பாபத⁴ம்மானங். ‘‘ஸமிதத்தா ஹி பாபானங் ஸமணோதி பவுச்சதீ’’தி ஹி வுத்தங்.
அபிச ப⁴க³வா பி⁴க்கூ²னங் பாதிமொக்க²ங் உத்³தி³ஸந்தோ பாதிமொக்க²கதா²ய ச ஸீலபதா⁴னத்தா ஸீலஸ்ஸ ச விஸேஸதோ தோ³ஸோ படிபக்கோ²தி ‘‘க²ந்தீ பரமங் தபோ’’தி ஆஹ, தேன அனிட்ட²ஸ்ஸ படிஹனநூபாயோ வுத்தோ, திதிக்கா²க³ஹணேன பன இட்ட²ஸ்ஸ, தது³ப⁴யேனபி உப்பன்னங் ரதிங் அபி⁴பு⁴ய்ய விஹரதீதி அயமத்தோ² த³ஸ்ஸிதோதி. தண்ஹாவானஸ்ஸ வூபஸமனதோ நிப்³பா³னங் பரமங் வத³ந்தி பு³த்³தா⁴. தத்த² க²ந்திக்³க³ஹணேன பயோக³விபத்தியா அபா⁴வோ த³ஸ்ஸிதோ, திதிக்கா²க³ஹணேன ஆஸயவிபத்தியா அபா⁴வோ. ததா² க²ந்திக்³க³ஹணேன பராபராத⁴ஸஹதா, திதிக்கா²க³ஹணேன பரேஸு அனபரஜ்ஜ²னா த³ஸ்ஸிதா. ஏவங் காரணமுகே²ன அன்வயதோ பாதிமொக்க²ங் த³ஸ்ஸெத்வா இதா³னி ப்³யதிரேகதோ தங் த³ஸ்ஸேதுங் ‘‘ந ஹீ’’திஆதி³ வுத்தங், தேன யதா² ஸத்தானங் ஜீவிதா வோரோபனங், பாணிலெட்³டு³த³ண்டா³தீ³ஹி விபா³த⁴னஞ்ச ‘‘பரூபகா⁴தோ, பரவிஹேட²ன’’ந்தி வுச்சதி, ஏவங் தேஸங் மூலஸாபதெய்யாவஹரணங், தா³ரபராமஸனங், விஸங்வாத³னங், அஞ்ஞமஞ்ஞபே⁴த³னங், ப²ருஸவசனேன மம்மக⁴ட்டனங், நிரத்த²கவிப்பலாபோ
ஸப்³பா³குஸலஸ்ஸாதி ஸப்³ப³ஸ்ஸாபி த்³வாத³ஸாகுஸலசித்துப்பாத³ஸங்க³ஹிதஸ்ஸ ஸாவஜ்ஜத⁴ம்மஸ்ஸ. கரணங் நாம தஸ்ஸ அத்தனோ ஸந்தானே உப்பாத³னந்தி தப்படிக்கே²பதோ அகரணங் ‘‘அனுப்பாத³ன’’ந்தி வுத்தங். ‘‘குஸலஸ்ஸா’’தி இத³ங் ‘‘ஏதங் பு³த்³தா⁴ன ஸாஸன’’ந்தி வக்க²மானத்தா அரியமக்³க³த⁴ம்மே, தேஸஞ்ச ஸம்பா⁴ரபூ⁴தே தேபூ⁴மககுஸலத⁴ம்மே ஸம்போ³தே⁴தீதி ஆஹ ‘‘சதுபூ⁴மககுஸலஸ்ஸா’’தி. உபஸம்பதா³தி உபஸம்பாத³னங், தங் பன தஸ்ஸ ஸமதி⁴க³மோதி ஆஹ ‘‘படிலாபோ⁴’’தி. சித்தஜோதனந்தி சித்தஸ்ஸ பப⁴ஸ்ஸரபா⁴வகரணங் ஸப்³ப³ஸோ பரிஸோத⁴னங். யஸ்மா ‘‘தங் பன அரஹத்தேன ஹோதீ’’தி. ஸப்³ப³பாபங் பஹாய தத³ங்கா³தி³வஸேனேவாதி அதி⁴ப்பாயோ. ‘‘ஸீலஸங்வரேனா’’தி ஹி இமினா தேபூ⁴மகஸ்ஸாபி ஸங்க³ஹே இதரப்பஹானானம்பி ஸங்க³ஹோ ஹோதீதி, ஏவஞ்ச கத்வா ஸப்³ப³க்³க³ஹணங் ஸமத்தி²தங் ஹோதி ஸமத²விபஸ்ஸனாஹீதி லோகியலோகுத்தராஹி ஸமத²விபஸ்ஸனாஹி. ஸம்பாதெ³த்வாதி நிப்பா²தெ³த்வா. ஸம்பாத³னஞ்செத்த² ஹேதுபூ⁴தாஹி ப²லபூ⁴தஸ்ஸ ஸஹஜாதாஹிபி, பகே³வ புரிமஸித்³தா⁴ஹீதி த³ட்ட²ப்³ப³ங்.
கஸ்ஸசீதி ஹீனாதீ³ஸு கஸ்ஸசி ஸத்தஸ்ஸ கஸ்ஸசி உபவாத³ஸ்ஸ, தேன த³வகம்யதாயபி உபவத³னங் படிக்கி²பதி. உபகா⁴தஸ்ஸ அகரணந்தி எத்தா²பி ‘‘கஸ்ஸசீ’’தி ஆனெத்வா ஸம்ப³ந்தோ⁴. காயேனாதி ச நித³ஸ்ஸனமத்தமேதங் மனஸாபி பரேஸங் அனத்த²சிந்தனாதி³வஸேன உபகா⁴தகரணஸ்ஸ வஜ்ஜேதப்³ப³த்தா. காயேனாதி வா எத்த² அரூபகாயஸ்ஸாபி ஸங்க³ஹோ த³ட்ட²ப்³போ³, ந சோபனகாயகரஜகாயானமேவ. ப அதிமொக்க²ந்தி பகாரதோ அதிவிய ஸீலேஸு முக்²யபூ⁴தங். ‘‘அதிபமொக்க²’’ந்தி தமேவ பத³ங் உபஸக்³க³ப்³யத்தயேன வத³தி. ஏவங் பே⁴த³தோ பத³வண்ணனங் கத்வா தத்வதோ வத³தி ‘‘உத்தமஸீல’’ந்தி. ‘‘பாதி வா’’திஆதி³னா பாலனதோ ரக்க²ணதோ அதிவிய மொக்க²னதோ அதிவிய மோசனதோ பாதிமொக்க²ந்தி த³ஸ்ஸேதி. ‘‘பாபா அதி மொக்கே²தீதி அதிமொக்கோ²’’தி நிமித்தஸ்ஸ கத்துபா⁴வேன உபசரிதப்³ப³தோ. யோ வா நந்தி யோ வா புக்³க³லோ நங் பாதிமொக்க²ஸங்வரஸீலங் பாதி ரக்க²தி, தங் ‘‘பாதீ’’தி லத்³த⁴னாமங் பாதிமொக்க²ஸங்வரஸீலே டி²தங் மொக்கே²தீதி பாதிமொக்க²ந்தி அயமெத்த² ஸங்கே²போ, வித்தா²ரதோ பன பாதிமொக்க²பத³ஸ்ஸ அத்தோ² விஸுத்³தி⁴மக்³க³ஸங்வண்ணனாயங் (விஸுத்³தி⁴॰ டீ॰ 1.14) வுத்தனயேன வேதி³தப்³போ³.
மத்தஞ்ஞுதாதி ‘‘படிக்³க³ஹணபரிபோ⁴க³வஸேன பமாணஞ்ஞுதா’’தி. ஆஜீவபாரிஸுத்³தி⁴ஸீலவஸேனாபி க³ய்ஹமானே ‘‘பரியேஸனவிஸ்ஸஜ்ஜனவஸேனா’’திபி வத்தப்³ப³ங். ஸங்க⁴ட்டனவிரஹிதந்தி ஜனஸங்க⁴ட்டனவிரஹிதங், நிரஜனஸம்பா³த⁴ங் விவித்தந்தி அத்தோ². சதுபச்சயஸந்தோஸோ தீ³பிதோ பச்சயஸந்தோஸதாஸாமஞ்ஞேன இதரத்³வயஸ்ஸாபி லக்க²ணஹாரனயேன ஜோதிதபா⁴வதோ. ‘‘அட்ட²ஸமாபத்திவஸிபா⁴வாயா’’தி இமினா பயோஜனத³ஸ்ஸனவஸேன யத³த்த²ங் விவித்தஸேனாஸனஸேவனங் இச்சி²தங், ஸோ அதி⁴சித்தானுயோகோ³ வுத்தோ. அட்ட² ஸமாபத்தியோ செத்த² விபஸ்ஸனாய பாத³கபூ⁴தா அதி⁴ப்பேதா, ந யா காசீதி ஸகலஸ்ஸாபி அதி⁴சித்தானுயோக³ஸ்ஸ ஜோதிதபா⁴வோ வேதி³தப்³போ³.
தே³வதாரோசனவண்ணனா
91. எத்தாவதாதி ச-ஸத்³தோ³ ப்³யதிரேகத்தோ², தேன இதா³னி வுச்சமானத்த²ங் உல்லங்கே³தி. ஏகமிதா³ஹந்தி ஏகங் அஹங். இத³ங்-ஸத்³தோ³ நிபாதமத்தங். ஆதி³-ஸத்³தே³ன ‘‘பி⁴க்க²வே ஸமய’’ந்தி ஏவமாதி³ பாடோ² ஸங்க³ஹிதோ. அஹங் பி⁴க்க²வே ஏகங் ஸமயந்தி ஏவங் பெத்த² பத³யோஜனா.
ஸுப⁴க³வனேதி ஸுப⁴க³த்தா ஸுப⁴க³ங், ஸுந்த³ரஸிரிகத்தா ஸுப⁴க³ங். வனயதீதி வனங், அத்தஸம்பத்தியா அத்தனி ஸினேஹங் உப்பாதே³தீதி அத்தோ². வனுதே இதி வா வனங், அத்தஸம்பத்தியா ஏவ ‘‘மங் பரிபு⁴ஞ்ஜதா²’’தி ஸத்தே யாசதி வியாதி அத்தோ². ஸுப⁴க³ஞ்ச தங் வனஞ்சாதி ஸுப⁴க³வனங், தஸ்மிங் ஸுப⁴க³வனே. அட்ட²கதா²யங்பன கிங் இமினா பபஞ்சேனாதி ‘‘ஏவங் நாமகே வனே’’தி வுத்தங். காமங் ஸாலருக்கோ²பி ‘‘ஸாலோ’’தி வுச்சதி, யோ கோசி ருக்கோ²பி வனப்பதி ஜெட்ட²கருக்கோ²பி. இத⁴ பன பச்சி²மோ ஏவ அதி⁴ப்பேதோதி ஆஹ ‘‘வனப்பதிஜெட்ட²கஸ்ஸ மூலே’’தி. மூலஸமுக்³கா⁴தவஸேனாதி அனுஸயஸமுச்சி²ந்த³னவஸேன.
ந விஹாயந்தீதி அகுப்பத⁴ம்மதாய ந விஜஹந்தி. ‘‘ந கஞ்சி ஸத்தங் தபந்தீதி அதப்பா’’தி இத³ங் தேஸு தஸ்ஸா ஸமஞ்ஞாய நிருள்ஹதாய வுத்தங், அஞ்ஞதா² ஸப்³பே³பி ஸுத்³தா⁴வாஸா ந கஞ்சி ஸத்தங் தபந்தீதி அதப்பா நாம ஸியுங். ‘‘ந விஹாயந்தீ’’திஆதி³னிப்³ப³சனேஸுபி ஏஸேவ நயோ. ஸுந்த³ரத³ஸ்ஸனாதி த³ஸ்ஸனீயாதி அயமத்தோ²தி ஆஹ ‘‘அபி⁴ரூபா’’திஆதி³. ஸுந்த³ரமேதேஸங் த³ஸ்ஸனந்தி ஸப்³பே³ ஹேவ…பே॰… ஜெட்டா² பஞ்சவோகாரப⁴வே ததோ விஸிட்டா²னங் அபா⁴வதோ.
ஸத்தன்னங் பு³த்³தா⁴னங் வஸேனாதி ஸத்தன்னங் ஸம்மாஸம்பு³த்³தா⁴னங் அபதா³னவஸேன. அவிஹேஹி அஜ்ஜி²ட்டே²ன ஏகேன அவிஹாப்³ரஹ்முனா கதி²தா தேஹி ஸப்³பே³ஹி கதி²தா நாம ஹொந்தீதி வுத்தங் ‘‘ததா² அவிஹேஹீ’’தி. ஏஸேவ நயோ ஸேஸேஸுபி. தேனாஹ ப⁴க³வா ‘‘தே³வதா மங் ஏதத³வோசு’’ந்தி. யங் பன பாளியங் ‘‘அனேகானி தே³வதாஸதானீ’’தி வுத்தங், தங் ஸப்³ப³ங் அனுஸந்தி⁴த்³வயம்பீதி த⁴ம்மதா⁴துபதா³னுஸந்தி⁴, தே³வதாரோசனபதா³னுஸந்தீ⁴தி து³வித⁴ங் அனுஸந்தி⁴ங். நிய்யாதெந்தோதி நிக³மெந்தோ. யங் பனெத்த² அத்த²தோ அவிப⁴த்தங், தங் ஸுவிஞ்ஞெய்யமேவாதி.
மஹாபதா³னஸுத்தவண்ணனாய லீனத்த²ப்பகாஸனா.