9. மஹாஸதிபட்டா²னஸுத்தவண்ணனா
உத்³தே³ஸவாரகதா²வண்ணனா
373. ‘‘கஸ்மா ‘‘குருரட்ட²வாஸீன’’ந்திஆதி³ வுத்தங். ஸமுட்டா²னந்தி ஹி தே³ஸனானிதா³னங், தங் ஸாதா⁴ரணாஸாதா⁴ரணபே⁴த³தோ து³வித⁴ங், ஸாதா⁴ரணம்பி அஜ்ஜ²த்திகபா³ஹிரபே⁴த³தோ து³வித⁴ங். தத்த² ஸாதா⁴ரணங் அஜ்ஜ²த்திகங் ஸமுட்டா²னங் நாம ப⁴க³வதோ மஹாகருணா. தாய ஹி ஸமுஸ்ஸாஹிதஸ்ஸ ப⁴க³வதோ வேனெய்யானங் த⁴ம்மதே³ஸனாய சித்தங் உத³பாதி³. யதா²ஹ ‘‘ஸத்தேஸு ச காருஞ்ஞதங் படிச்ச பு³த்³த⁴சக்கு²னா லோகங் வோலோகேஸீ’’திஆதி³. (தீ³॰ நி॰ 2.69; ம॰ நி॰ 1.283; 2.339; ஸங்॰ நி॰ 1.172; மஹாவ॰ 9) பா³ஹிரங் பன ஸாதா⁴ரணங் ஸமுட்டா²னங் நாம த³ஸஸஹஸ்ஸமஹாப்³ரஹ்மபரிவாரஸ்ஸ ஸஹம்பதிமஹாப்³ரஹ்முனோ அஜ்ஜே²ஸனங். ததா² சாஹ ‘‘ப்³ரஹ்முனோ ச அஜ்ஜே²ஸனங் விதி³த்வா’’தி. (தீ³॰ நி॰ 2.69; ம॰ நி॰ 1.283; 2.339; ஸங்॰ நி॰ 1.179; மஹாவ॰ 9) தத³ஜ்ஜே²ஸனுத்தரகாலஞ்ஹி த⁴ம்மபச்சவெக்க²ணாஜனிதங் அப்பொஸ்ஸுக்கதங் படிபஸ்ஸம்பெ⁴த்வா ப⁴க³வா த⁴ம்மங் தே³ஸேதுங் உஸ்ஸாஹஜாதோ அஹோஸி. யதா² ச மஹாகருணா, ஏவங் த³ஸப³லஞாணாத³யோ ச தே³ஸனாய அஜ்ஜ²த்தஸமுட்டா²னபா⁴வே வத்தப்³பா³. ஸப்³ப³ஞ்ஹி ஞெய்யத⁴ம்மங், தேஸங் தே³ஸேதப்³ப³ப்பகாரங், ஸத்தானஞ்ச ஆஸயானுஸயாதி³ங் யாதா²வதோ ஜானித்வா ப⁴க³வா டா²னாட்டா²னாதீ³ஸு கோஸல்லேன வேனெய்யஜ்ஜா²ஸயானுரூபங் விசித்தனயதே³ஸனங் பவத்தேஸீதி. அஸாதா⁴ரணம்பி அஜ்ஜ²த்திகபா³ஹிரபே⁴த³தோ து³வித⁴மேவ. தத்த² அஜ்ஜ²த்திகங் யாய மஹாகருணாய, யேன ச தே³ஸனாஞாணேன பா³ஹிரங் பன த³ஸ்ஸேதுங் ‘‘குருரட்ட²வாஸீன’’ந்திஆதி³மாஹ. தேன வுத்தங் ‘‘அஸாதா⁴ரணங் ஸமுட்டா²னங் புச்ச²தீ’’தி, தேன ‘‘அத்தஜ்ஜா²ஸயாதீ³ஸு சதூஸு ஸுத்தனிக்கே²பேஸு கதரோய’’ந்தி ஸுத்தனிக்கே²போ புச்சி²தோ ஹோதீதி இதரோ ‘‘குருரட்ட²வாஸீன’’ந்திஆதி³னா ‘‘பரஜ்ஜா²ஸயோயங் ஸுத்தனிக்கே²போ’’தி த³ஸ்ஸேதி.
குருரட்ட²ங் ‘‘உதுபச்சயாதி³ஸம்பன்னத்தா’’தி. ஆதி³-ஸத்³தே³ன போ⁴ஜனாதி³ஸம்பத்திங் ஸங்க³ண்ஹாதி. கேசி பன ‘‘புப்³பே³ சித்தஸரீரகல்லதாயாதி சித்தஸ்ஸ, ஸரீரஸ்ஸ ச அரோக³தாய. அனுக்³க³ஹிதபஞ்ஞாப³லாதி லத்³தூ⁴பகாரஞாணானுபா⁴வா, அனு அனு வா ஆசிண்ணபஞ்ஞாதேஜா. ஏகவீஸதியா டா²னேஸுதி காயானுபஸ்ஸனாவஸேன சுத்³த³ஸஸு டா²னேஸு, வேத³னானுபஸ்ஸனாவஸேன ஏகஸ்மிங் டா²னே, ததா² சித்தானுபஸ்ஸனாவஸேன, த⁴ம்மானுபஸ்ஸனாவஸேன பஞ்சஸு டா²னேஸூதி ஏவங் ஏகவீஸதியா டா²னேஸு. கம்மட்டா²னங் அரஹத்தே பக்கி²பித்வாதி சதுஸச்சகம்மட்டா²னங் யதா² அரஹத்தங் பாபேதி, ஏவங் தே³ஸனாவஸேன அரஹத்தே பக்கி²பித்வா. ஸுவண்ணசங்கோடகஸுவண்ணமஞ்ஜூஸாஸு பக்கி²த்தானி ஸுமனசம்பகாதி³னானாபுப்பா²னி, மணிமுத்தாதி³ஸத்தரதனானி ச யதா² பா⁴ஜனஸம்பத்தியா ஸவிஸேஸங் ஸோப⁴ந்தி, கிச்சகரானி ச ஹொந்தி மனுஞ்ஞபா⁴வதோ, ஏவங் ஸீலத³ஸ்ஸனாதி³ஸம்பத்தியா பா⁴ஜனவிஸேஸபூ⁴தாய குருரட்ட²வாஸிபரிஸாய தே³ஸிதா ப⁴க³வதோ அயங் தே³ஸனா பி⁴ய்யோஸோ மத்தாய ஸோப⁴தி, கிச்சகாரீ ச ஹோதீதி இமமத்த²ங் த³ஸ்ஸேதி ‘‘யதா² ஹி புரிஸோ’’திஆதி³னா. எத்தா²தி குருரட்டே².
பகதியாதி ஸரஸதோபி, இமிஸ்ஸா ஸதிபட்டா²னஸுத்ததே³ஸனாய புப்³பே³பீதி அதி⁴ப்பாயோ. அனுயுத்தா விஹரந்தி ஸத்து² தே³ஸனானுஸாரதோ பா⁴வனானுயோக³ங்.
விஸ்ஸட்ட²அத்தபா⁴வேனாதி ப⁴விதுங் ந வட்டதி, பமாத³விஹாரங் பஹாய அப்பமத்தேன ப⁴விதப்³ப³ந்தி அதி⁴ப்பாயோ.
ஏகாயனோதி எத்த² அயன-ஸத்³தோ³ மக்³க³பரியாயோ. ந கேவலங் அயனமேவ, அத² கோ² அஞ்ஞேபி ப³ஹூ மக்³க³பரியாயாதி பது³த்³தா⁴ரங் கரொந்தோ ‘‘மக்³க³ஸ்ஸ ஹீ’’தி ஆதி³ங் வத்வா யதி³ மக்³க³பரியாயோ அயன-ஸத்³தோ³, கஸ்மா புன ‘‘மக்³கோ³’’தி வுத்தந்தி சோத³னங் ஸந்தா⁴யாஹ ‘‘தஸ்மா’’திஆதி³. தத்த² ஏகமக்³கோ³தி ஏகோ ஏவ மக்³கோ³. ந ஹி நிப்³பா³னகா³மிமக்³கோ³ அஞ்ஞோ அத்தீ²தி. நனு ஸதிபட்டா²னங் இத⁴ மக்³கோ³தி அதி⁴ப்பேதங், தத³ஞ்ஞே ச ப³ஹூ மக்³க³த⁴ம்மா அத்தீ²தி? ஸச்சங் அத்தி², தே பன ஸதிபட்டா²னக்³க³ஹணேனேவ க³ஹிதா தத³வினாபா⁴வதோ. ததா² ‘‘ந த்³விதா⁴பத²பூ⁴தோ’’தி இமினா ஏகேனாதி அஸஹாயேன. அஸஹாயதா ச து³விதா⁴ அத்தது³தியதாபா⁴வேன வா, யா ‘‘வூபகட்ட²காயதா’’தி வுச்சதி, தண்ஹாது³தியதாபா⁴வேன வா, யா ‘‘பவிவித்தசித்ததா’’தி வுச்சதி. தேனாஹ ‘‘வூபகட்டே²ன பவிவித்தசித்தேனா’’தி. ஸெட்டோ²பி லோகே ‘‘ஏகோ’’தி வுச்சதி ‘‘யாவ பரே ஏகாஹங் வோ கரோமீ’’திஆதீ³ஸூதி ஆஹ ‘‘ஏகஸ்ஸாதி ஸெட்ட²ஸ்ஸா’’தி. யதி³ ஸங்ஸாரதோ நிஸ்ஸரணட்டோ² அயனட்டோ², அஞ்ஞேஸம்பி உபனிஸ்ஸயஸம்பன்னானங் ஸாதா⁴ரணதோ, கத²ங் ப⁴க³வதோதி ஆஹ ‘‘கிஞ்சாபீ’’திஆதி³. இமஸ்மிங் கோ²தி எத்த² கோ²-ஸத்³தோ³ அவதா⁴ரணே, தஸ்மா இமஸ்மிங் யேவாதி அத்தோ². தே³ஸனாபே⁴தோ³யேவ ஹேஸோ, யதி³த³ங் ‘‘மக்³கோ³’’தி வா ‘‘அயனோ’’தி வா. அயன-ஸத்³தோ³ வா கம்மகரணாதி³விபா⁴கோ³. தேனாஹ ‘‘அத்த²தோ பன ஏகோ வா’’தி.
நானாமுக²பா⁴வனானயப்பவத்தோதி காயானுபஸ்ஸனாதி³முகே²ன ஏகாயனந்தி ஏககா³மினங், நிப்³பா³னகா³மினந்தி அத்தோ². நிப்³பா³னஞ்ஹி அது³தியபா⁴வதோ, ஸெட்ட²பா⁴வதோ ச ‘‘ஏக’’ந்தி வுச்சதி. யதா²ஹ ‘‘ஏகஞ்ஹி ஸச்சங் ந து³தீயமத்தீ²’’தி (ஸு॰ நி॰ 890). ‘‘யாவதா பி⁴க்க²வே த⁴ம்மா ஸங்க²தா வா அஸங்க²தா வா விராகோ³ தேஸங் அக்³க³ங் அக்கா²யதீ’’தி. (அ॰ நி॰ 4.34; இதிவு॰ 90) க²யோ ஏவ அந்தோதி க²யந்தோ, ஜாதியா க²யந்தங் தி³ட்ட²வாதி ஜாதிக²யந்தத³ஸ்ஸீ. அவிபா⁴கே³ன ஸப்³பே³பி ஸத்தே ஹிதேன அனுகம்பதீதி ஹிதானுகம்பீ. அதரிங்ஸூதி தரிங்ஸு. புப்³பே³தி புரிமகா பு³த்³தா⁴, புப்³பே³ வா அதீதகாலே.
தந்தி தேஸங் வசனங், தங் வா கிரியாவுத்திவாசகத்தங் ந யுஜ்ஜதி. ந ஹி ஸங்கெ²ய்யப்பதா⁴னதாய ஸத்தவாசினோ ஏகஸத்³த³ஸ்ஸ கிரியாவுத்திவாசகதா அத்தி². ‘‘ஸகிம்பி உத்³த⁴ங் க³ச்செ²ய்யா’’திஆதீ³ஸு (அ॰ நி॰ 7.72) விய ஸகிங் அயனோதி இமினா ப்³யஞ்ஜனேன ப⁴விதப்³ப³ங். ஏவமத்த²ங் யோஜெத்வாதி ‘‘ஏகங் அயனங் அஸ்ஸா’’தி ஏவங் ஸமாஸபத³த்த²ங் யோஜெத்வா. உப⁴யதா²பீதி புரிமனயேன, பச்சி²மனயேன ச. ந யுஜ்ஜதி இதா⁴தி⁴ப்பேதமக்³க³ஸ்ஸ அனேகவாரங் பவத்திஸப்³பா⁴வதோ. தேனாஹ ‘‘கஸ்மா’’திஆதி³. ‘‘அனேகவாரம்பி அயதீ’’தி புரிமனயஸ்ஸ அயுத்ததாத³ஸ்ஸனங், ‘‘அனேகஞ்சஸ்ஸ அயனங் ஹோதீ’’தி பச்சி²மனயஸ்ஸ.
இமஸ்மிங் பதே³தி ‘‘ஏகாயனோ அயங் பி⁴க்க²வே மக்³கோ³’’தி இமஸ்மிங் வாக்யே, இமஸ்மிங் வா ‘‘புப்³ப³பா⁴க³மக்³கோ³, லோகுத்தரமக்³கோ³’’தி விதா⁴னபதே³. மிஸ்ஸகமக்³கோ³தி லோகியேன மிஸ்ஸகோ லோகுத்தரமக்³கோ³ ‘‘மிஸ்ஸகமக்³கோ³’’தி ஆஹ. இதரோ பரியாயஹேது இதா⁴தி⁴ப்பேதோதி ‘‘புப்³ப³பா⁴க³மக்³கோ³’’தி அவோச.
ஸத்³த³ங் ஸுத்வாதி ‘‘காலோ ப⁴ந்தே த⁴ம்மஸவனாயா’’தி காலாரோசனஸத்³த³ங் பச்சக்க²தோ, பரம்பராய ச ஸுத்வா. ஏவங் உக்கி²பித்வாதி ஏவங் ‘‘ஸுந்த³ரங் மனோஹரங் இமங் கத²ங் ச²ட்³டே³மா’’தி அச²ட்³டெ³ந்தா உச்சு²பா⁴ரங் விய பக்³க³ஹெத்வா ந விசரந்தி. ஆலுளேதீதி விலுளிதோ ஆகுலோ ஹோதீதி அத்தோ². ஏகாயனமக்³கோ³ வுச்சதி புப்³ப³பா⁴க³ஸதிபட்டா²னமக்³கோ³தி எத்தாவதா இதா⁴தி⁴ப்பேதத்தே² ஸித்³தே⁴ தஸ்ஸேவ அலங்காரத்த²ங் ஸோ பன யஸ்ஸ புப்³ப³பா⁴க³மக்³கோ³, தங் த³ஸ்ஸேதுங் ‘‘மக்³கா³னட்ட²ங்கி³கோ’’திஆதி³கா கா³தா²பி படிஸம்பி⁴தா³மக்³க³தோவ ஆனெத்வா ட²பிதா.
நிப்³பா³னக³மனட்டே²னாதி நிப்³பா³னங் க³ச்ச²தி அதி⁴க³ச்ச²தி ஏதேனாதி நிப்³பா³னக³மனங்,ஸோயேவ அவிபரீதஸபா⁴வதாய அத்தோ², தேன நிப்³பா³னக³மனட்டே²ன, நிப்³பா³னாதி⁴க³மூபாயதாயாதி அத்தோ². மக்³க³னீயட்டே²னாதி க³வேஸிதப்³ப³தாய. ‘‘க³மனீயட்டே²னா’’தி வா பாடோ², உபக³ந்தப்³ப³தாயாதி அத்தோ². ‘‘ராகா³தீ³ஹீ’’தி இமினா ராக³தோ³ஸமோஹானங்யேவ க³ஹணங் ‘‘ராகோ³ மலங், தோ³ஸோ மலங், மோஹோ மல’’ந்தி (விப⁴॰ 924) வசனதோ. ‘‘அபி⁴ஜ்ஜா²விஸமலோபா⁴தீ³ஹீ’’தி பன இமினா ஸப்³பே³ஸம்பி உபக்கிலேஸானங் ஸங்க³ண்ஹனத்த²ங் தே விஸுங் உத்³த⁴டா. ‘‘ஸத்தானங் விஸுத்³தி⁴யா’’தி வுத்தஸ்ஸ அத்த²ஸ்ஸ ஏகந்திகதங் த³ஸ்ஸெந்தோ ‘‘ததா² ஹீ’’திஆதி³மாஹ. காமங் ‘‘விஸுத்³தி⁴யா’’தி ஸாமஞ்ஞஜோதனா, சித்தஸ்ஸேவ பன விஸுத்³தி⁴ இதா⁴தி⁴ப்பேதாதி த³ஸ்ஸேதுங் ‘‘ரூபமலவஸேன பனா’’திஆதி³ வுத்தங். ந ‘‘ததா² ஹீ’’திஆதி³மாஹ.
ஸா பனாயங் சித்தவிஸுத்³தி⁴ ஸிஜ்ஜ²மானா யஸ்மா ஸோகாதீ³னங் அனுப்பாதா³ய ஸங்வத்ததி, தஸ்மா வுத்தங் ‘‘ஸோகபரிதே³வானங் ஸமதிக்கமாயா’’திஆதி³. தத்த² ஸோசனங் ஞாதிப்³யஸனாதி³னிமித்தங் சேதஸோ ஸந்தாபோ அந்தோனிஜ்ஜா²னங் ஸோகோ. ஞாதிப்³யஸனாதி³னிமித்தமேவ ஸோகாவதிண்ணதோ ‘‘கஹங் ஏகபுத்தக கஹங் ஏகபுத்தகா’’திஆதி³னா (ம॰ நி॰ 2.353, 354; ஸங்॰ நி॰ 2.63) பரிதே³வனவஸேன வாசாவிப்பலாபோ பரித³வனங் பரிதே³வோ. ஆயதிங் அனுப்பஜ்ஜனங் இத⁴ ஸமதிக்கமோதி ஆஹ ‘‘பஹானாயா’’தி. தங் பனஸ்ஸ ஸமதிக்கமாவஹதங் நித³ஸ்ஸனவஸேன த³ஸ்ஸெந்தோ ‘‘அயஞ்ஹீ’’திஆதி³மாஹ.
தத்த² யங் புப்³பே³, தங் விஸோதே⁴ஹீதி அதீதேஸு க²ந்தே⁴ஸு தண்ஹாஸங்கிலேஸவிஸோத⁴னங் வுத்தங். பச்சா²தி பரதோ தேதி துய்ஹங். மாஹூதி மா அஹு. கிஞ்சனந்தி ராகா³தி³கிஞ்சனங், ஏதேன அனாக³தேஸு க²ந்தே⁴ஸு ஸங்கிலேஸவிஸோத⁴னங் வுத்தங். மஜ்ஜே²தி தது³ப⁴யவேமஜ்ஜே². நோ சே க³ஹெஸ்ஸஸீதி ந உபாதி³யிஸ்ஸஸி சே, ஏதேன பச்சுப்பன்னே க²ந்த⁴ப்பப³ந்தே⁴ உபாதா³னப்பவத்தி வுத்தா. உபஸந்தோ சரிஸ்ஸஸீதி ஏவங் அத்³த⁴த்தயக³தஸங்கிலேஸவிஸோத⁴னே ஸதி நிப்³பு³தஸப்³ப³பரிளாஹதாய உபஸந்தோ ஹுத்வா விஹரிஸ்ஸஸீதி அரஹத்தனிகூடேன கா³த²ங் நிட்ட²பேஸி. தேனாஹ ‘‘இமங் கா³த²’’ந்திஆதி³.
புத்தாதி ஓரஸா, அஞ்ஞேபி வா தி³ன்னககித்திமாத³யோ யே கேசி. பிதாதி ஜனகோ, அஞ்ஞேபி வா பிதுட்டா²னியா. ப³ந்த⁴வாதி ஞாதகா. அயஞ்ஹெத்த² அத்தோ² – புத்தா வா பிதா வா ப³ந்த⁴வா வா அந்தகேன மச்சுனா அதி⁴பன்னஸ்ஸ அபி⁴பூ⁴தஸ்ஸ மரணதோ தாணாய ந ஹொந்தி. கஸ்மா? நத்தி² ஞாதீஸு தாணதாதி. ந ஹி ஞாதீனங் வஸேன மரணதோ ஆரக்கா² அத்தி², தஸ்மா படாசாரே ஸோதாபத்திப²லே பதிட்டி²தாதி யதா²னுலோமங் பவத்திதாய ஸாமுக்கங்ஸிகாய த⁴ம்மதே³ஸனாய பரியோஸானே ஸஹஸ்ஸனயபடிமண்டி³தே ஸோதாபத்திப²லே பதிட்ட²ஹி. கத²ங் பனாயங் ஸதிபட்டா²னமக்³க³வஸேன ஸோதாபத்திப²லே பதிட்டா²ஸீதி ஆஹ ‘‘யஸ்மா பனா’’திஆதி³. ந ஹி சதுஸச்சகம்மட்டா²னகதா²ய வினா ஸாவகானங் அரியமக்³கா³தி⁴க³மோ அத்தி². ‘‘இமங் கா³த²ங் ஸுத்வா’’தி பனித³ங் ஸோகவினோத³னவஸேன பவத்திதாய கா³தா²ய பட²மங் ஸுதத்தா வுத்தங், ஸாபி ஹி ஸச்சதே³ஸனாய பரிவாரப³ந்தா⁴ ஏவ அனிச்சதாகதா²தி கத்வா. இதரகா³தா²யங் பன வத்தப்³ப³மேவ நத்தி². பா⁴வனாதி பஞ்ஞாபா⁴வனா. ஸா ஹி இத⁴ அதி⁴ப்பேதா. தஸ்மாதி யஸ்மா ரூபாதீ³னங் அனிச்சாதி³தோ அனுபஸ்ஸனாபி ஸதிபட்டா²னபா⁴வனாவ, தஸ்மா. தேபீதி ஸந்ததிமஹாமத்தபடாசாராபி.
பஞ்சஸதே சோரேதி ஸதஸதசோரபரிவாரே பஞ்சசோரே படிபாடியா பேஸேஸி, தே அரஞ்ஞங் பவிஸித்வா தே²ரங் பரியேஸந்தா அனுக்கமேன தே²ரஸ்ஸ ஸமீபே ஸமாக³ச்சி²ங்ஸு. தேனாஹ ‘‘தே க³ந்த்வா தே²ரங் பரிவாரெத்வா நிஸீதி³ங்ஸூ’’தி. வேத³னங் விக்க²ம்பெ⁴த்வாதி ஊருட்டி²பே⁴த³பச்சயங் து³க்க²வேத³னங் அமனஸிகாரேன வினோதெ³த்வா. பீதிபாமோஜ்ஜங் உப்பஜ்ஜி விப்படிஸாரலேஸஸ்ஸபி அஸம்ப⁴வதோ. தேனாஹ ‘‘பரிஸுத்³த⁴ங் ஸீலங் நிஸ்ஸாயா’’தி. தே²ரஸ்ஸ ஹி ஸீலங் பச்சவெக்க²தோ பரிஸுத்³த⁴ங் ஸீலங் நிஸ்ஸாய உளாரங் பீதிபாமோஜ்ஜங் உப்பஜ்ஜமானங் ஊருட்டி²பே⁴த³ஜனிதங் து³க்க²வேத³னங் விக்க²ம்பே⁴ஸி. தியாமரத்திந்தி அச்சந்தஸங்யோகே³ உபயோக³வசனங், தேனஸ்ஸ விபஸ்ஸனாயங் அப்பமாத³ங், படிபத்திஉஸ்ஸுக்காபனஞ்ச த³ஸ்ஸேதி. பாதா³னீதி பாதே³. ஸங்யமெஸ்ஸாமீதி ஸஞ்ஞபெஸ்ஸாமி, ஸஞ்ஞத்திங் கரிஸ்ஸாமீதி அத்தோ². அட்டியாமீதி ஜிகு³ச்சா²மி. ஹராயாமீதி லஜ்ஜாமி. விபஸ்ஸிஸந்தி ஸம்பஸ்ஸிங்.
பசலாயந்தானந்தி அக³திந்தி அகோ³சரங். வதஸம்பன்னோதி து⁴தகு³ணஸம்பன்னோ. பமாத³ந்தி பசலாயனங் ஸந்தா⁴யாஹ. ஓருத்³த⁴மானஸோதி உபருத்³த⁴அதி⁴சித்தோ. பஞ்ஜரஸ்மிந்தி ஸரீரே. ஸரீரஞ்ஹி ந்ஹாருஸம்ப³ந்த⁴அட்டி²ஸங்கா⁴டதாய இத⁴ ‘‘பஞ்ஜர’’ந்தி வுத்தங்.
பீதவண்ணாய பன படாகாய காயங் பரிஹரணதோ, மல்லயுத்³த⁴சித்தகதாய ச ‘‘பீதமல்லோ’’தி பஞ்ஞாதோ பப்³ப³ஜித்வா பீதமல்லத்தே²ரோ நாம ஜாதோ. தீஸு ரஜ்ஜேஸூதி பண்டு³சோளகோ³ளரஜ்ஜேஸு. ‘‘ஸப்³ப³மல்லா ஸீஹளதீ³பே ஸக்காரஸம்மானங் லப⁴ந்தீ’’தி தம்ப³பண்ணிதீ³பங் ஆக³ம்ம. தங்யேவ அங்குஸங் கத்வாதி ‘‘ரூபாத³யோ ‘மமா’தி ந க³ஹேதப்³பா³’’தி நதும்ஹாகவக்³கே³ன பகாஸிதமத்த²ங் அத்தனோ சித்தமத்தஹத்தி²னோ அங்குஸங் கத்வா. பாதே³ஸு அவஹந்தேஸூதி அதிவேலங் சங்கமனேன அக்கமிதுங் அஸமத்தே²ஸு. ஜண்ணுகேஹி சங்கமதி ‘‘நிஸின்னே நித்³தா³ய அவஸரோ ஹோதீ’’தி. ப்³யாகரித்வாதி அத்தனோ வீரியாரம்ப⁴ஸ்ஸ ஸப²லதாபவேத³னமுகே²ன ஸப்³ரஹ்மசாரீனங் தத்த² உஸ்ஸாஹங் ஜனெந்தோ அஞ்ஞங் ப்³யாகரித்வா. பா⁴ஸிதந்தி வசனங், கஸ்ஸ பன தந்தி ஆஹ ‘‘பு³த்³த⁴ஸெட்ட²ஸ்ஸ ஸப்³ப³லோகக்³க³வாதி³னோ’’தி. ‘‘ந தும்ஹாக’’ந்திஆதி³ தஸ்ஸ பவத்திஆகாரத³ஸ்ஸனங். தயித³ங் மே ஸங்கா²ரானங் அச்சந்தவூபஸமகாரணந்தி த³ஸ்ஸெந்தோ ‘‘அனிச்சா வதா’’தி கா³த²மாஹரி, தேன இதா³னாஹங் ஸங்கா²ரானங் க²ணே க²ணே ப⁴ங்க³ஸங்கா²தஸ்ஸ ரோக³ஸ்ஸ அபா⁴வேன அரோகோ³ பரினிப்³பு³தோதி த³ஸ்ஸேதி.
அஸ்ஸாதி உபபத்தீதி தே³வூபபத்தி. புன பாகதிகாவ அஹோஸி ஸக்கபா⁴வேனேவ உபபன்னத்தா.
ஸுப்³ரஹ்மாதி ஏவங்னாமோ. அச்ச²ரானங் நிரயூபபத்திங் தி³ஸ்வா ததோ பபு⁴தி ஸததங் பவத்தமானங் அத்தனோ சித்துத்ராஸங் ஸந்தா⁴யாஹ ‘‘நிச்சங் உத்ரஸ்தமித³ங் சித்த’’ந்திஆதி³. தத்த² உத்ரஸ்தந்தி ஸந்தஸ்தங் பீ⁴தங் உப்³பி³க்³க³ந்தி ஸங்விக்³க³ங். உத்ரஸ்தந்தி வா ஸங்விக்³க³ங். உப்³பி³க்³க³ந்தி ப⁴யவஸேன ஸஹ நிஸ்ஸயேன ஸஞ்சலிதங். அனுப்பன்னேஸூதி அனாக³தேஸு. கிச்சேஸூதி தேஸு தேஸு இதிகத்தப்³பே³ஸு. ‘‘கிச்சே²ஸூ’’தி வா பாடோ², து³க்கே²ஸூதி அத்தோ², நிமித்தத்தே² சேதங் பு⁴ம்மங், பா⁴விது³க்க²னிமித்தந்தி அத்தோ². உப்பதிதேஸூதி உப்பன்னேஸு கிச்சேஸூதி யோஜனா. ததா³ அத்தனோ பரிவாரஸ்ஸ உப்பன்னங் து³க்க²ங் ஸந்தா⁴ய வத³தி.
பொ³ஜ்ஜா²தி போ³தி⁴தோ, அரியமக்³க³தோதி அத்தோ². ‘‘அஞ்ஞத்ரா’’தி ச பத³ங் அபெக்கி²த்வா நிஸ்ஸக்கவசனங், போ³தி⁴ங் ட²பெத்வாதி அத்தோ². ஸேஸேஸுபி ஏஸேவ நயோ. தபஸாதி தபோகம்மதோ, தேன மக்³கா³தி⁴க³மஸ்ஸ உபாயபூ⁴தங் ஸல்லேக²படிபத³ங் த³ஸ்ஸேதி. இந்த்³ரியஸங்வராதி மனச்ச²ட்டா²னங் இந்த்³ரியானங் ஸங்வரணதோ ஸப்³ப³னிஸ்ஸக்³கா³தி ஸப்³ப³ஸ்ஸபி நிஸ்ஸஜ்ஜனதோ ஸப்³ப³கிலேஸப்பஹானதோ. கிலேஸேஸு ஹி நிஸ்ஸட்டே²ஸு கம்மவட்டங், விபாகவட்டஞ்ச நிஸ்ஸட்ட²மேவ ஹோதீதி. ஸொத்தி²ந்தி கே²மங் அனுபத்³த³வதங்.
ஞாயதி நிச்ச²யேன கமதி நிப்³பா³னங், தங் வா ஞாயதி படிவிஜ்ஜீ²யதி ஏதேனாதி ஞாயோ, அரியமக்³கோ³தி ஆஹ ‘‘ஞாயோ வுச்சதி அரியோ அட்ட²ங்கி³கோ மக்³கோ³’’தி. தண்ஹாவானவிரஹிதத்தாதி தண்ஹாஸங்கா²தவானவிவித்தத்தா. தண்ஹா ஹி க²ந்தே⁴ஹி க²ந்த⁴ங், கம்முனா ப²லங், ஸத்தேஹி ச து³க்க²ங் வினதி ஸங்ஸிப்³ப³தீதி ‘‘வான’’ந்தி வுச்சதி, தயித³ங் நத்தி² எத்த² வானங், ந வா ஏதஸ்மிங் அதி⁴க³தே புக்³க³லஸ்ஸ வானந்தி நிப்³பா³னங், அஸங்க²தா தா⁴து. பரப்பச்சயேன வினா பச்சக்க²கரணங் ஸச்சி²கிரியாதி ஆஹ ‘‘அத்தபச்சக்க²தாயா’’தி.
நனு ‘‘விஸுத்³தி⁴யா’’தி சித்தவிஸுத்³தி⁴யா அதி⁴ப்பேதத்தா விஸுத்³தி⁴க்³க³ஹணேனேவெத்த² ஸோகஸமதிக்கமாத³யோபி க³ஹிதா ஏவ ஹொந்தி, தே புன கஸ்மா க³ஹிதாதி அனுயோக³ங் ஸந்தா⁴ய ‘‘தத்த² கிஞ்சாபீ’’திஆதி³ வுத்தங். ஸாஸனயுத்திகோவிதே³தி ஸச்சபடிச்சஸமுப்பாதா³தி³லக்க²ணாயங் த⁴ம்மனீதியங் சே²கே. தங் தமத்த²ங் ஞாபேதீதி யே யே போ³த⁴னெய்யபுக்³க³லா ஸங்கே²பவித்தா²ராதி³வஸேன யதா² யதா² போ³தே⁴தப்³பா³, அத்தனோ தே³ஸனாவிலாஸேன ப⁴க³வா தே தே ததா² ததா² போ³தெ⁴ந்தோ தங் தமத்த²ங் ஞாபேதி. தங் தங் பாகடங் கத்வா த³ஸ்ஸெந்தோதி அத்தா²பத்திங் அக³ணெந்தோ தங் தமத்த²ங் பாகடங் கத்வா த³ஸ்ஸெந்தோ. ந ஹி ஸம்மாஸம்பு³த்³தோ⁴ அத்தா²பத்திஞாபகாதி³ஸாத⁴னீயவசனாதி. ஸங்வத்ததீதி ஜாயதி, ஹோதீதி அத்தோ². யஸ்மா அனதிக்கந்தஸோகபரிதே³வஸ்ஸ ந கதா³சி சித்தவிஸுத்³தி⁴ அத்தி² ஸோகபரிதே³வஸமதிக்கமனமுகே²னேவ சித்தவிஸுத்³தி⁴யா இஜ்ஜ²னதோ, தஸ்மா ஆஹ ‘‘ஸோகபரிதே³வானங் ஸமதிக்கமேன ஹோதீ’’தி. யஸ்மா பன தோ³மனஸ்ஸபச்சயேஹி து³க்க²த⁴ம்மேஹி பு²ட்ட²ங் புது²ஜ்ஜனங் ஸோகாத³யோ அபி⁴ப⁴வந்தி, பரிஞ்ஞாதேஸு ச தேஸு தே ந ஹொந்தி, தஸ்மா வுத்தங் ‘‘ஸோகபரிதே³வானங் ஸமதிக்கமோ து³க்க²தோ³மனஸ்ஸானங் அத்த²ங்க³மேனா’’தி. ஞாயஸ்ஸாதி அக்³க³மக்³க³ஸ்ஸ, ததியமக்³க³ஸ்ஸ ச. தத³தி⁴க³மேன ஹி யதா²க்கமங் து³க்க²தோ³மனஸ்ஸானங் அத்த²ங்க³மோ. ஸச்சி²கிரியாபி⁴ஸமயஸஹபா⁴வீபி இதராபி⁴ஸமயோ தத³வினாபா⁴வதோ ஸச்சி²கிரியாபி⁴ஸமயஹேதுகோ விய வுத்தோ. ஞாயஸ்ஸாதி⁴க³மோ நிப்³பா³னஸ்ஸ ஸச்சி²கிரியாயாதி ப²லஞாணேன வா பச்சக்க²கரணங் ஸந்தா⁴ய வுத்தங், ‘‘நிப்³பா³னஸ்ஸ ஸச்சி²கிரியாயா’’தி ஸம்பதா³னவசனஞ்சேதங் த³ட்ட²ப்³ப³ங்.
வண்ணப⁴ணனந்தி பஸங்ஸாவசனங். தயித³ங் ந இதே⁴வ, அத² கோ² அஞ்ஞத்தா²பி ஸத்து² ஆசிண்ணங் ஏவாதி ‘‘யதே²வ ஹீ’’திஆதி³மாஹ. தத்த² ஆதி³ம்ஹி கல்யாணமாதி³ வா கல்யாணங் ஏதஸ்ஸாதி ஆதி³கல்யாணங். ஸேஸபத³த்³வயேபி ஏஸேவ நயோ. அத்த²ஸம்பத்தியா ஸாத்த²ங். ப்³யஞ்ஜனஸம்பத்தியா ஸப்³யஞ்ஜனங். ஸீலாதி³பஞ்சத⁴ம்மக்க²ந்த⁴பாரிபூரிதோ, உபனேதப்³ப³ஸ்ஸ அபா⁴வதோ ச கேவலபரிபுண்ணங். நிருபக்கிலேஸதோ அபனேதப்³ப³ஸ்ஸ ச அபா⁴வதோ பரிஸுத்³த⁴ங். ஸெட்ட²சரியபா⁴வதோ ப்³ரஹ்மசரியங், மக்³க³ப்³ரஹ்மசரியஞ்ச வோ பகாஸெஸ்ஸாமீதி. அயமெத்த² ஸங்கே²போ, வித்தா²ரோ பன விஸுத்³தி⁴மக்³கே³ (விஸுத்³தி⁴॰ 1.147) வுத்தனயேனேவ வேதி³தப்³போ³. அரியவங்ஸாதி அரியானங் பு³த்³தா⁴தீ³னங் வங்ஸா பவேணியோ. அக்³க³ஞ்ஞாதி அக்³கா³தி ஜானிதப்³பா³ ஸப்³ப³வங்ஸேஹி ஸெட்ட²பா⁴வதோ. ரத்தஞ்ஞாதி சிரரத்தாதி ஜானிதப்³பா³. வங்ஸஞ்ஞாதி பு³த்³தா⁴தீ³னங் வங்ஸாதி ஜானிதப்³பா³. போராணாதி புராதனா அனது⁴னாதனத்தா. அஸங்கிண்ணாதி அவிகிண்ணா அனபனீதா. அஸங்கிண்ணபுப்³பா³தி ‘‘கிங் இமேஹீ’’தி அரியேஹி ந அபனீதபுப்³பா³ ந ஸங்கீயந்தீதி இதா³னிபி தேஹி ந அபனீயந்தி. ந ஸங்கீயிஸ்ஸந்தீதி அனாக³தேபி தேஹி ந அபனீயிஸ்ஸந்தி. அப்படிகுட்டா²…பே॰… விஞ்ஞூஹீதி யே லோகே விஞ்ஞூ ஸமணப்³ராஹ்மணா, தேஹி அப்பச்சக்க²தா அனிந்தி³தா, அக³ரஹிதாதி அத்தோ². ‘‘விஸுத்³தி⁴யா’’திஆதீ³ஹீதி விஸுத்³தி⁴ஆதி³தீ³பனேஹி. பதே³ஹீதி வாக்யேஹி, விஸுத்³தி⁴அத்த²தாதி³பே⁴த³பி⁴ன்னேஹி வா த⁴ம்மகொட்டா²ஸேஹி. உபத்³த³வேதி அனத்தே². விஸுத்³தி⁴ந்தி விஸுஜ்ஜ²னங் ஸங்கிலேஸப்பஹானங். வாசுக்³க³தகரணங் உக்³க³ஹோ. பரியாபுணனங் பரிசயோ. அத்த²ஸ்ஸ ஹத³யே ட²பனங் தா⁴ரணங். பரிவத்தனங் வாசனங்.
க³ந்தா⁴ரகோதி க³ந்தா⁴ரதே³ஸே உப்பன்னோ. பஹொந்தீதி ஸக்கொந்தி. அனிய்யானிகமக்³கா³தி மிச்சா²மக்³கா³, மிச்ச²த்தனியதானியதமக்³கா³பி வா. ஸுவண்ணந்தி கூடஸுவண்ணம்பி வுச்சதி. மணீதி காசமணிபி, முத்தாதி வேளுஜாபி, பவாளந்தி பல்லவோபி வுச்சதீதி ரத்தஜம்பு³னதா³தி³பதே³ஹி தே விஸேஸிதா.
ந ததோ ஹெட்டா²தி இதா⁴தி⁴ப்பேதகாயாதீ³னங் வேத³னாதி³ஸபா⁴வத்தாபா⁴வா, காயவேத³னாசித்தவிமுத்தஸ்ஸ தேபூ⁴மகத⁴ம்மஸ்ஸ விஸுங் விபல்லாஸவத்த²ந்தரபா⁴வேன க³ஹிதத்தா ச ஹெட்டா² க³ஹணேஸு விபல்லாஸவத்தூ²னங் அனிட்டா²னங் ஸந்தா⁴ய வுத்தங், பஞ்சமஸ்ஸ பன விபல்லாஸவத்து²னோ அபா⁴வா ‘‘ந உத்³த⁴’’ந்தி ஆஹ. ஆரம்மணவிபா⁴கே³ன ஹெத்த² ஸதிபட்டா²னவிபா⁴கோ³தி. தயோ ஸதிபட்டா²னாதி ஸதிபட்டா²ன-ஸத்³த³ஸ்ஸ ஆதீ³ஸு ஹி ஸதிகோ³சரோதி எத்த² ஆதி³-ஸத்³தே³ன ‘‘ப²ஸ்ஸஸமுத³யா வேத³னானங் ஸமுத³யோ, நாமரூபஸமுத³யா சித்தஸ்ஸ ஸமுத³யோ, மனஸிகாரஸமுத³யா த⁴ம்மானங் ஸமுத³யோ’’தி (ஸங்॰ நி॰ 5.408) ‘‘ஸதிபட்டா²னா’’தி வுத்தானங் ஸபி⁴கோ³சரானங் பகாஸகே ஸுத்தப்பதே³ஸே ஸங்க³ண்ஹாதி. ஏவங் ‘‘படிஸம்பி⁴தா³பாளிய’’ம்பி (படி॰ ம॰ 2.34) அவஸேஸபாளிப்பதே³ஸத³ஸ்ஸனத்தோ² ஸதியா பட்டா²னந்தி ஸதியா பதிட்டா²தப்³ப³ட்டா²னங். தா³னாதீ³னி கரொந்தஸ்ஸ ரூபாதீ³னி ஸதியா டா²னங் ஹொந்தீதி தங்னிவாரணத்த²மாஹ ‘‘பதா⁴னங் டா²ன’’ந்தி. ப-ஸத்³தோ³ ஹி இத⁴ ‘‘பணீதா த⁴ம்மா’’திஆதீ³ஸு (த⁴॰ ஸங்॰ மாதிகா 14) விய பதா⁴னத்த²தீ³பகோதி அதி⁴ப்பாயோ.
அரியோதி அரியங் ஸப்³ப³ஸத்தஸெட்ட²ங் ஸம்மாஸம்பு³த்³த⁴மாஹ. எத்தா²தி ஏதஸ்மிங் ஸளாயதனவிப⁴ங்க³ஸுத்தே.(ம॰ நி॰ 3.310) ஸுத்தேகதே³ஸேன ஹி ஸுத்தங் த³ஸ்ஸேதி. தத்த² ஹி –
‘‘தயோ
புன சபரங், பி⁴க்க²வே, ஸத்தா²…பே॰..இத³ங் வோ ஸுகா²யாதி
புன சபரங், பி⁴க்க²வே…பே॰… ஸுகா²யாதி, தஸ்ஸ ஸாவகா ஸுஸ்ஸூஸந்தி…பே॰… வத்தந்தி. தத்ர, பி⁴க்க²வே, ததா²க³தோ அத்தமனோ சேவ ஹோதி, அத்தமனதஞ்ச படிஸங்வேதே³தி, அனவஸ்ஸுதோ ச விஹரதி ஸதோ ஸம்பஜானோ. இத³ங் வுச்சதி, பி⁴க்க²வே, ததிய’’ந்தி (ம॰ நி॰ 3.311).
ஏவங் படிகா⁴னுனயேஹி அனவஸ்ஸுததா, நிச்சங் உபட்டி²தஸ்ஸதிதாய தது³ப⁴யவீதிவத்ததா ‘‘ஸதிபட்டா²ன’’ந்தி வுத்தா. பு³த்³தா⁴னங்யேவ ஹி நிச்சங் உபட்டி²தஸ்ஸதிதா ஹோதி ஆவேணிகத⁴ம்மபா⁴வதோ, ந ப-ஸத்³தோ³ ஆரம்ப⁴ங் ஜோதேதி, ஆரம்போ⁴ ச பவத்தீதி கத்வா ஆஹ ‘‘பவத்தயிதப்³ப³தோதி அத்தோ²’’தி. ஸதியா கரணபூ⁴தாய பட்டா²னங் பட்ட²பேதப்³ப³ங் ஸதிபட்டா²னங். அன-ஸத்³தோ³ ஹி ப³ஹுலங்வசனேன கம்மத்தோ²பி ஹோதீதி. ததா²ஸ்ஸ கத்துஅத்தோ²பி லப்³ப⁴தீதி ‘‘பட்டா²தீதி பட்டா²ன’’ந்தி வுத்தங். பட்டா²தீதி எத்த² ப-ஸத்³தோ³ பு⁴ஸத்த²விஸிட்ட²ங் பக்க²ந்த³னங் தீ³பேதீதி ‘‘ஓக்கந்தி³த்வா பக்க²ந்தி³த்வா பத்த²ரித்வா பவத்ததீதி அத்தோ²’’தி ஆஹ. புன பா⁴வத்த²ங் ஸதி, ஸத்³த³ங், பட்டா²னஸத்³த³ஞ்ச ‘‘அத² வா’’திஆதி³மாஹ, தேன புரிமவிகப்பே ஸதி, ஸத்³தோ³, பட்டா²ன-ஸத்³தோ³ ச கத்துஅத்தோ²தி ஸரணட்டே²னாதி சிரகதஸ்ஸ, சிரபா⁴ஸிதஸ்ஸ ச அனுஸ்ஸரணட்டே²ன. இத³ந்தி யங் ‘‘ஸதியேவ ஸதிபட்டா²ன’’ந்தி வுத்தங், இத³ங். இத⁴ இமஸ்மிங் ஸுத்தபதே³ஸே அதி⁴ப்பேதங்.
யதி³ ஏவந்தி. யதி³ ஸதி ஏவ ஸதிபட்டா²னங், ஸதி நாம ஏகோ த⁴ம்மோ, ஏவங் ஸந்தே கஸ்மா ‘‘ஸதிபட்டா²னா’’தி ப³ஹுவசனந்தி ஆஹ ‘‘ஸதிப³ஹுத்தா’’திஆதி³. யதி³ ப³ஹுகா தா ஸதியோ, அத² கஸ்மா ‘‘மக்³கோ³’’தி ஏகவசனந்தி யோஜனா. மக்³க³ட்டே²னாதி நிய்யானட்டே²ன. நிய்யானிகோ ஹி மக்³க³த⁴ம்மோ, தேனேவ நிய்யானிகபா⁴வேன ஏகத்தூபக³தோ ஏகந்ததோ நிப்³பா³னங் க³ச்ச²தி, அத்தி²கேஹி ச தத³த்த²ங் மக்³கீ³யதீதி ஆஹ ‘‘வுத்தஞ்ஹேத’’ந்தி, அத்தனாவ புப்³பே³ வுத்தங் பச்சாஹரதி. தத்த² சதஸ்ஸோபி சேதாதி காயானுபஸ்ஸனாதி³வஸேன சதுப்³பி³தா⁴பி ச ஏதா ஸதியோ. அபரபா⁴கே³தி அரியமக்³க³க்க²ணே. கிச்சங் ஸாத⁴யமானாதி புப்³ப³பா⁴கே³ காயாதீ³ஸு ஸுப⁴ஸஞ்ஞாதி³வித⁴மனவஸேன விஸுங் விஸுங் பவத்தித்வா மக்³க³க்க²ணே ஸதியேவ தத்த² சதுப்³பி³த⁴ஸ்ஸபி விபல்லாஸஸ்ஸ ஸமுச்சே²த³வஸேன பஹானகிச்சங் ஸாத⁴யமானா ஆரம்மணகரணவஸேன நிப்³பா³னங் க³ச்ச²தி. சதுகிச்சஸாத⁴னேனேவ ஹெத்த² ப³ஹுவசனநித்³தே³ஸோ. ஏவஞ்ச ஸதீதி ஏவங் மக்³க³ட்டே²ன ஏகத்தங் உபாதா³ய ‘‘மக்³கோ³’’தி ஏகவசனேன, ஆரம்மணபே⁴தே³ன சதுப்³பி³த⁴தங் உபாதா³ய ‘‘சத்தாரோ’’தி ச வத்தப்³ப³தாய ஸதி விஜ்ஜமானத்தா. வசனானுஸந்தி⁴னா ‘‘ஏகாயனோ அய’’ந்திஆதி³கா தே³ஸனா ஸானுஸந்தி⁴காவ, ந அனநுஸந்தி⁴காதி அதி⁴ப்பாயோ. வுத்தமேவத்த²ங் நித³ஸ்ஸனேன படிபாதே³துங் ‘‘மாரஸேனப்பமத்³த³ன’’ந்தி (ஸங்॰ நி॰ 5.224) ஸுத்தபத³ங் ஆனெத்வா ‘‘யதா²’’திஆதி³னா நித³ஸ்ஸனங் ஸங்ஸந்த³தி. ‘‘தஸ்மா’’திஆதி³ நிக³மனங்.
விஸேஸதோ காயோ, வேத³னா ச அஸ்ஸாத³ஸ்ஸ காரணந்தி தப்பஹானத்த²ங் தேஸு தண்ஹாவத்தூ²ஸு ஓளாரிகஸுகு²மேஸு அஸுப⁴து³க்க²பா⁴வத³ஸ்ஸனானி மந்த³திக்க²பஞ்ஞேஹி தண்ஹாசரிதேஹி ஸுகரானீதி தானி தேஸங் ‘‘விஸுத்³தி⁴மக்³கோ³’’தி வுத்தானி. ததா² ‘‘நிச்சங் அத்தா’’தி அபி⁴னிவேஸவத்து²தாய தி³ட்டி²யா விஸேஸகாரணேஸு சித்தத⁴ம்மேஸு அனிச்சானத்ததாத³ஸ்ஸனானி ஸராகா³தி³வஸேன, ஸஞ்ஞாப²ஸ்ஸாதி³வஸேன, நீவரணாதி³வஸேன ச நாதிப்பபே⁴தா³திப்பபே⁴த³க³தேஸு தேஸு தப்பஹானத்த²ங் மந்த³திக்க²பஞ்ஞானங் ‘‘ஓளாரிகாரம்மணே அஸண்ட²ஹனதோ’’தி. விபஸ்ஸனாயானிகஸ்ஸ பன ஸுகு²மே சித்தே, த⁴ம்மேஸு ச சித்தங் பக்க²ந்த³தீதி சித்தத⁴ம்மானுபஸ்ஸனானங் மந்த³திக்க²பஞ்ஞவிபஸ்ஸனாயானிகானங் விஸுத்³தி⁴மக்³க³தா வுத்தா.
தேஸங் தத்தா²தி எத்த² தத்த²-ஸத்³த³ஸ்ஸ ‘‘பஹானத்த²’’ந்தி ஏதேன யோஜனா. பரதோ தேஸங் தத்தா²தி எத்தா²பி ஏஸேவ நயோ. பஞ்ச காமகு³ணா ஸவிஸேஸா காயே லப்³ப⁴ந்தீதி விஸேஸேன காயோ காமோக⁴ஸ்ஸ வத்து², ப⁴வேஸு ஸுக²க்³க³ஹணவஸேன ப⁴வஸ்ஸாதோ³ ஹோதீதி ப⁴வோக⁴ஸ்ஸ வேத³னா வத்து², ஸந்ததிக⁴னக்³க³ஹணவஸேன விஸேஸதோ சித்தே அத்தாபி⁴னிவேஸோ ஹோதீதி தி³ட்டோ²க⁴ஸ்ஸ சித்தங் வத்து², த⁴ம்மேஸு வினிப்³போ⁴க³ஸ்ஸ து³க்கரத்தா, த⁴ம்மானங் த⁴ம்மமத்ததாய து³ப்படிவிஜ்ஜ²த்தா ச ஸம்மோஹோ ஹோதீதி அவிஜ்ஜோக⁴ஸ்ஸ த⁴ம்மா வத்து², தஸ்மா தேஸு தேஸங் பஹானத்த²ங் சத்தாரோவ வுத்தா.
ஏவங் காயாதீ³னங் காமோகா⁴தி³வத்து²பா⁴வகத²னேனேவ காமயோக³காமாஸவாதீ³னம்பி வத்து²பா⁴வோ தீ³பிதோ ஹோதி ஓகே⁴ஹி தேஸங் அத்த²தோ அனஞ்ஞத்தா. யத³க்³கே³ன ச காயோ காமோகா⁴தீ³னங் வத்து², தத³க்³கே³ன அபி⁴ஜ்ஜா²காயக³ந்த²ஸ்ஸ வத்து². ‘‘து³க்கா²ய வேத³னாய படிகா⁴னுஸயோ அனுஸேதீ’’தி து³க்க²து³க்க²விபரிணாமது³க்க²ஸங்கா²ரது³க்க²பூ⁴தா வேத³னா
ஆஹாரஸமுத³யா ‘‘சதுப்³பி³தா⁴ஹாரபரிஞ்ஞத்த²’’ந்தி. பகரணனயோதி நெத்திபகரணவஸேன ஸுத்தந்தஸங்வண்ணனானயோ.
ஸரணவஸேனாதி காயாதீ³னங், குஸலாதி³த⁴ம்மானஞ்ச உபதா⁴ரணவஸேன. ஸரந்தி க³ச்ச²ந்தி நிப்³பா³னங் ஏதாயாதி ஸதீதி இமஸ்மிங் அத்தே² ஏகத்தே ஏகஸபா⁴வே நிப்³பா³னே ஸமோஸரணங் ஸமாக³மோ ஏகத்தஸமோஸரணங். ஏததே³வ ஹி த³ஸ்ஸேதுங் ‘‘யதா² ஹீ’’திஆதி³ வுத்தங்.
ஏகனிப்³பா³னபவேஸஹேதுபூ⁴தோ ஏகத்தங், தத்த² ஸமோஸரணங் ஏகத்தஸமோஸரணங், தங்ஸபா⁴க³தாவ, ஏகனிப்³பா³னபவேஸஹேதுபா⁴வங் பன த³ஸ்ஸேதுங் ‘‘யதா²’’திஆதி³மாஹ. ஏதஸ்மிங் அத்தே² ஸரணேகத்தஸமோஸரணானி ஸஹேவ ஸதிபட்டா²னேகபா⁴வஸ்ஸ காரணத்தேன வுத்தானீதி த³ட்ட²ப்³பா³னி, புரிமஸ்மிங் விஸுங். ஸரணவஸேனாதி வா க³மனவஸேனாதி அத்தே² ஸதி ததே³வ க³மனங் ஸமோஸரணந்தி, ஸமோஸரணே வா ஸதி-ஸத்³த³த்த²வஸேன அவுச்சமானே தா⁴ரணதாவ ஸதீதி ஸதி-ஸத்³த³த்த²ந்தராபா⁴வா புரிமங் ஸதிபா⁴வஸ்ஸ காரணங், பச்சி²மங் ஏகபா⁴வஸ்ஸாதி நிப்³பா³னஸமோஸரணேபி ஸஹிதானேவ தானி ஸதிபட்டா²னேகபா⁴வஸ்ஸ காரணானி வுத்தானி ஹொந்தி.
‘‘சுத்³த³ஸவிதே⁴ன, நவவிதே⁴ன, ஸோளஸவிதே⁴ன, பஞ்சவிதே⁴னா’’தி இத³ங் உபரி பாளியங் (தீ³॰ நி॰ 2.374) ஆக³தானங் ஆனாபானபப்³பா³தீ³னங் வஸேன வுத்தங், தேஸங் பன அனந்தரபே⁴த³வஸேன, தத³னுக³தபே⁴த³வஸேன ச பா⁴வனாய அனேகவித⁴தா லப்³ப⁴தியேவ, சதூஸு தி³ஸாஸு உட்டா²னகப⁴ண்ட³ஸதி³ஸதா காயானுபஸ்ஸனாதி³தங்தங்ஸதிபட்டா²னபா⁴வனானுபா⁴வஸ்ஸ த³ட்ட²ப்³பா³.
கதே²துகம்யதாபுச்சா² ‘‘இதா⁴’’தி வுச்சமானபடிபத்திஸம்பாத³கஸ்ஸ பி⁴க்கு²னோ ஸன்னிஸ்ஸயத³ஸ்ஸனங், ஸோ சஸ்ஸ ஸன்னிஸ்ஸயோ ஸாஸனதோ அஞ்ஞோ நத்தீ²தி வுத்தங் ‘‘இதா⁴தி இமஸ்மிங் ஸாஸனே’’தி. த⁴ம்ம…பே॰… லபனமேதங் தேஸங் அத்தனோ ஸம்முகா²பி⁴முக²பா⁴வகரணத்த²ங், தஞ்ச த⁴ம்மஸ்ஸ ஸக்கச்சஸவனத்த²ங். ‘‘கோ³சரே ‘‘படிபத்தியா பி⁴க்கு²பா⁴வத³ஸ்ஸனதோ’’தி. ஸத்து²சரியானுவிதா⁴யகத்தா, ஸகலஸாஸனஸம்படிக்³கா³ஹகத்தா ச ஸப்³ப³ப்பகாராய அனுஸாஸனியா பா⁴ஜனபா⁴வோ. தஸ்மிங் க³ஹிதேதி பி⁴க்கு²ம்ஹி க³ஹிதே. பி⁴க்கு²பரிஸாய ஜெட்ட²பா⁴வதோ ராஜக³மனஞாயேன இதரா பரிஸாபி அத்த²தோ க³ஹிதாவ ஹொந்தீதி ஆஹ ‘‘ஸேஸா’’திஆதி³. ஏவங் பட²மங் காரணங் விப⁴ஜித்வா இதரம்பி விப⁴ஜிதுங் ‘‘யோ ச இம’’ந்திஆதி³ வுத்தங்.
ஸமங் சரெய்யாதி காயாதி³ விஸமசரியங் பஹாய காயாதீ³ஹி ஸமங் சரெய்ய. ராகா³தி³வூபஸமேன ஸந்தோ, இந்த்³ரியத³மேன த³ந்தோ, சதுமக்³க³னியாமேன நியதோ, ஸெட்ட²சரிதாய ப்³ரஹ்மசாரீ, ஸப்³ப³த்த² காயத³ண்டா³தி³ஓரோபனேன நிதா⁴ய த³ண்ட³ங். அரியபா⁴வே டி²தோ ஸோ ஏவரூபோ பா³ஹிதபாபஸமிதபாபபி⁴ன்னகிலேஸதாஹி ‘‘ப்³ராஹ்மணோ, ஸமணோ, பி⁴க்கூ²’’தி ச வேதி³தப்³போ³.
‘‘அயஞ்சேவ காயோ, ப³ஹித்³தா⁴ ச நாமரூப’’ந்திஆதீ³ஸு க²ந்த⁴பஞ்சகங், ததா² ‘‘ஸுக²ஞ்ச காயேன படிஸங்வேதே³தீ’’திஆதீ³ஸு (ம॰ நி॰ 1.271, 287; பாரா॰ 11), ‘‘யா தஸ்மிங் ஸமயே காயஸ்ஸ பஸ்ஸத்³தி⁴ படிப்பஸ்ஸத்³தீ⁴’’திஆதீ³ஸு ச வேத³னாத³யோ சேதஸிகா க²ந்தா⁴ காயோதி வுச்சந்தீதி ‘‘காயேதி ரூபகாயே’’தி ஆஹ. கேஸாதீ³னஞ்ச த⁴ம்மானந்தி கேஸாதி³ஸஞ்ஞிதானங் பூ⁴துபாதா³த⁴ம்மானங். ஏவங் ‘‘சயட்டோ² ஸரீரட்டோ² காயட்டோ²’’தி ஸத்³த³னயேன காய-ஸத்³த³ங் த³ஸ்ஸெத்வா இதா³னி நிருத்தினயேனபி தங் த³ஸ்ஸேதுங் ‘‘யதா² சா’’திஆதி³ வுத்தங். ஆயந்தீதி உப்பஜ்ஜந்தி.
அஸம்மிஸ்ஸதோதி ‘‘காயே’’தி ஏகவசனங், ததா² ஆரம்மணாதி³விபா⁴கே³ன அனேகபே⁴த³பி⁴ன்னம்பி சித்தங் சித்தபா⁴வஸாமஞ்ஞேன ஏகஜ்ஜ²ங் க³ஹெத்வா ‘‘சித்தே’’தி ஏகவசனங், வேத³னா பன ஸுகா²தி³பே⁴த³பி⁴ன்னா விஸுங் விஸுங் அனுபஸ்ஸிதப்³பா³தி த³ஸ்ஸெந்தேன ‘‘வேத³னாஸூ’’தி ப³ஹுவசனேன வுத்தா, ததே²வ ச நித்³தே³ஸோ பவத்திதோ, த⁴ம்மா ச பரோபண்ணாஸபே⁴தா³, அனுபஸ்ஸிதப்³பா³காரேன ச அனேகபே⁴தா³ ஏவாதி தேபி ப³ஹுவசனவஸேனேவ வுத்தா.
அவயவீகா³ஹஸமஞ்ஞாதிதா⁴வனஸாராதா³னாபி⁴னிவேஸனிஸேத⁴னத்த²ங் காயங் அங்க³பச்சங்கே³ஹி, தானி ச கேஸாதீ³ஹி, கேஸாதி³கே ச பூ⁴துபாதா³யரூபேஹி வினிப்³பு⁴ஞ்ஜந்தோ ‘‘ததா² ந காயே’’திஆதி³மாஹ. பாஸாதா³தி³னக³ராவயவஸமூஹே ‘‘காயோ வா இத்தீ² வா புரிஸோ வா அஞ்ஞோ வா கோசி த⁴ம்மோ தி³ஸ்ஸதீ’’தி. ‘‘கோசி த⁴ம்மோ’’தி இமினா ஸத்தஜீவாதி³ங் படிக்கி²பதி, அவயவீ பன காயபடிக்கே²பேனேவ படிக்கி²த்தோதி. யதி³ ஏவங் கத²ங் காயாதி³ஸமஞ்ஞாதிதா⁴வனானீதி ஆஹ ‘‘யதா²வுத்தத⁴ம்ம…பே॰… கரொந்தீ’’தி. ததா² ததா²தி காயாதி³ஆகாரேன.
யங் பஸ்ஸதீதி யங் இத்தி²ங், புரிஸங் வா பஸ்ஸதி. நனு சக்கு²னா இத்தி²புரிஸத³ஸ்ஸனங் நத்தீ²தி? ஸச்சமேதங், ‘‘இத்தி²ங் பஸ்ஸாமி, புரிஸங் பஸ்ஸாமீ’’தி பன பவத்தஸஞ்ஞாய வஸேன ‘‘யங் பஸ்ஸதீ’’தி வுத்தங் மிச்சா²த³ஸ்ஸனேன வா தி³ட்டி²யா யங் பஸ்ஸதி, ந தங் தி³ட்ட²ங் தங் ரூபாயதனங் ந ஹோதீதி அத்தோ² விபரீதக்³கா³ஹவஸேன மிச்சா²பரிகப்பிதரூபத்தா. அத² வா தங் கேஸாதி³பூ⁴துபாதா³யஸமூஹஸங்கா²தங் தி³ட்ட²ங் ந ஹோதி, அசக்கு²விஞ்ஞாணவிஞ்ஞெய்யத்தா தி³ட்ட²ங் வா தங் ந ஹோதி. யங் தி³ட்ட²ங், தங் ந பஸ்ஸதீதி யங் ரூபாயதனங் கேஸாதி³பூ⁴துபாதா³யஸமூஹஸங்கா²தங் தி³ட்ட²ங், தங் பஞ்ஞாசக்கு²னா பூ⁴ததோ ந பஸ்ஸதீதி அத்தோ². அபஸ்ஸங் ப³ஜ்ஜ²தேதி இமங் அத்தபா⁴வங் யதா²பூ⁴தங் பஞ்ஞாசக்கு²னா அபஸ்ஸந்தோ ‘‘ஏதங்
ந அஞ்ஞத⁴ம்மானுபஸ்ஸீதி ந அஞ்ஞஸபா⁴வானுபஸ்ஸீ, அஸுபா⁴தி³தோ அஞ்ஞாகாரானுபஸ்ஸீ ந ஹோதீதி அத்தோ². ‘‘கிங் வுத்தங் ஹோதீ’’திஆதி³னா தங் ஏவத்த²ங் பாகடங் கரோதி. பத²வீகாயந்தி கேஸாதி³கொட்டா²ஸங் பத²விங் த⁴ம்மஸமூஹத்தா ‘‘காயோ’’தி வத³தி, லக்க²ணபத²விமேவ வா அனேகப்பபே⁴த³ங் ஸகலஸரீரக³தங், புப்³பா³பரியபா⁴வேன ச பவத்தமானங் ஸமூஹவஸேன க³ஹெத்வா ‘‘காயோ’’தி வத³தி. ‘‘ஆபோகாய’’ந்திஆதீ³ஸுபி ஏஸேவ நயோ.
ஏவங் க³ஹேதப்³ப³ஸ்ஸாதி ‘‘அஹங் மம’’ந்தி ஏவங் அத்தத்தனியபா⁴வேன அந்த⁴பா³லேஹி க³ஹேதப்³ப³ஸ்ஸ.
இதா³னி ஸத்தன்னங் அனுபஸ்ஸனாகாரானம்பி வஸேன காயானுபஸ்ஸனங் த³ஸ்ஸேதுங் ‘‘அபிசா’’திஆதி³ ஆரத்³த⁴ங். தத்த² அனிச்சதோ அனுபஸ்ஸதீதி சதுஸமுட்டா²னிகங் காயங் ‘‘அனிச்ச’’ந்தி அனுபஸ்ஸதி, ஏவங் பஸ்ஸந்தோ ஏவஞ்சஸ்ஸ அனிச்சாகாரம்பி ‘‘அனுபஸ்ஸதீ’’தி வுச்சதி. ததா²பூ⁴தஸ்ஸ சஸ்ஸ நிச்சக்³கா³ஹஸ்ஸ ‘‘நோ நிச்சதோ’’தி. ததா² ஹேஸ ‘‘நிச்சஸஞ்ஞங் பஜஹதீ’’தி ‘‘து³க்க²தோ அனுபஸ்ஸதீ’’திஆதீ³ஸுபி ஏஸேவ நயோ. அயங் பன விஸேஸோ – அனிச்சஸ்ஸ து³க்க²த்தா தமேவ ச காயங் து³க்க²தோ அனுபஸ்ஸதி, து³க்க²ஸ்ஸ அனத்தத்தா அனத்ததோ அனுபஸ்ஸதி. யஸ்மா பன யங் அனிச்சங் து³க்க²ங் அனத்தா, ந தங் அபி⁴னந்தி³தப்³ப³ங், யஞ்ச ந அபி⁴னந்தி³தப்³ப³ங், ந தத்த² ரஞ்ஜிதப்³ப³ங், தஸ்மா வுத்தங் ‘‘நிப்³பி³ந்த³தி, நோ நந்த³தி. விரஜ்ஜதி, நோ ரஜ்ஜதீ’’தி. ஸோ ஏவங் அரஜ்ஜந்தோ ராக³ங் நிரோதே⁴தி, நோ ஸமுதே³தி ஸமுத³யங் ந கரோதீதி அத்தோ². ஏவங் படிபன்னோ ச படினிஸ்ஸஜ்ஜதி, நோ ஆதி³யதி. அயஞ்ஹி அனிச்சாதி³அனுபஸ்ஸனா தத³ங்க³வஸேன ஸத்³தி⁴ங் காயங் தன்னிஸ்ஸயக²ந்தா⁴பி⁴ஸங்கா²ரேஹி கிலேஸானங் பரிச்சஜனதோ, ஸங்க²ததோ³ஸத³ஸ்ஸனேன தப்³பி³பரீதே நிப்³பா³னே தன்னின்னதாய பக்க²ந்த³னதோ ‘‘பரிச்சாக³படினிஸ்ஸக்³கோ³ சேவ பக்க²ந்த³னபடினிஸ்ஸக்³கோ³ சா’’தி வுச்சதி, தஸ்மா தாய ஸமன்னாக³தோ பி⁴க்கு² வுத்தனயேன கிலேஸே பரிச்சஜதி, நிப்³பா³னே ச பக்க²ந்த³தி, ததா²பூ⁴தோ ச நிப்³ப³த்தனவஸேன கிலேஸே ‘‘அனிச்சதோ அனுபஸ்ஸந்தோ நிச்சஸஞ்ஞங் பஜஹதீ’’திஆதி³ வுத்தங். தத்த² நிச்சஸஞ்ஞந்தி ‘‘ஸங்கா²ரா நிச்சா’’தி ஏவங் பவத்தங் விபரீதஸஞ்ஞங். தி³ட்டி²சித்தவிபல்லாஸப்பஹானமுகே²னேவ ஸஞ்ஞாவிபல்லாஸப்பஹானந்தி ஸஞ்ஞாக்³க³ஹணங், ஸஞ்ஞாஸீஸேன வா தேஸம்பி நந்தி³ந்தி ஸப்பீதிகதண்ஹங். ஸேஸங் வுத்தனயமேவ.
‘‘விஹரதீ’’தி இமினா காயானுபஸ்ஸனாஸமங்கி³னோ இரியாபத²விஹாரோ வுத்தோதி ஆஹ ‘‘இரியதீ’’தி, இரியாபத²ங் பவத்தேதீதி அத்தோ². ஆரம்மணகரணவஸேன அபி⁴ப்³யாபனதோ ‘‘தீஸு ப⁴வேஸூ’’தி வுத்தங், உப்பஜ்ஜனவஸேன பன கிலேஸா பரித்தபூ⁴மகா ஏவாதி. யதி³பி கிலேஸானங் பஹானங் ஆதாபனந்தி தங் ஸம்மாதி³ட்டி²ஆதீ³னம்பி அத்தே²வ, ஆதப்ப-ஸத்³தோ³ விய பன ஆதாபஸத்³தோ³ வீரியேயேவ நிருள்ஹோதி வுத்தங் ‘‘வீரியஸ்ஸேதங் நாம’’ந்தி. அத² வா படிபக்க²ப்பஹானே ஸம்பயுத்தத⁴ம்மானங் அப்³பு⁴ஸ்ஸஹனவஸேன பவத்தமானஸ்ஸ வீரியஸ்ஸ ஸாதிஸயங் ததா³தாபனந்தி வீரியமேவ ததா² வுச்சதி, ந அஞ்ஞே த⁴ம்மா. ஆதாபீதி சாயமீகாரோ பஸங்ஸாய, அதிஸயஸ்ஸ வா தீ³பகோதி ஆதாபீக³ஹணேன ஸம்மப்பதா⁴னஸமங்கி³தங் த³ஸ்ஸேதி. ஸம்மா, ஸமந்ததோ, ஸாமஞ்ச பஜானந்தோ ஸம்பஜானோ, அஸம்மிஸ்ஸதோ வவத்தா²னே அஞ்ஞத⁴ம்மானுபஸ்ஸிதாபா⁴வேன ஸம்மா அவிபரீதங், ஸப்³பா³காரபஜானநேன ஸமந்ததோ, உபரூபரி விஸேஸாவஹபா⁴வேன பவத்தியா ஸாமங் பஜானந்தோதி அத்தோ² ‘‘ந ஹீ’’திஆதி³. ஸப்³ப³த்தி²கந்தி ஸப்³ப³த்த² ப⁴வங் ஸப்³ப³த்த² லீனே, உத்³த⁴தே ச சித்தே இச்சி²தப்³ப³த்தா. ஸப்³பே³ வா லீனே, உத்³த⁴தே ச பா⁴வேதப்³பா³ பொ³ஜ்ஜ²ங்கா³ அத்தி²கா ஏதாயாதி ஸப்³ப³த்தி²கா. ஸதியா லத்³து⁴பகாராய ஏவ பஞ்ஞாய எத்த² யதா²வுத்தே காயே கம்மட்டா²னிகோ பி⁴க்கு² காயானுபஸ்ஸீ விஹரதி. அந்தோ ஸங்கே²போ அந்தோஓலீயனோ, கோஸஜ்ஜந்தி அத்தோ². உபாயபரிக்³க³ஹேதி எத்த² ஸீலவிஸோத⁴னாதி³, க³ணனாதி³, உக்³க³ஹகோஸல்லாதி³ ச உபாயோ, தப்³பி³பரியாயதோ அனுபாயோ வேதி³தப்³போ³. யஸ்மா ச உபட்டி²தஸ்ஸதி யதா²வுத்தங் உபாயங் ந பரிச்சஜதி, அனுபாயஞ்ச ந உபாதி³யதி, தஸ்மா வுத்தங் ‘‘முட்ட²ஸ்ஸதீ …பே॰… அஸமத்தோ² ஹோதீ’’தி. தேனாதி உபாயானுபாயானங் பரிக்³க³ஹபரிவஜ்ஜனேஸு, பரிச்சாகா³பரிக்³க³ஹேஸு ச அஸமத்த²பா⁴வேன. அஸ்ஸ யோகி³னோ.
யஸ்மா ‘‘ஸம்பயோக³ங்க³ஞ்சஸ்ஸ த³ஸ்ஸெத்வா’’தி. அங்க³-ஸத்³தோ³ செத்த² காரணபரியாயோ த³ட்ட²ப்³போ³. ஸதிக்³க³ஹணேனேவ செத்த² ஸமாதி⁴ஸ்ஸாபி க³ஹணங் த³ட்ட²ப்³ப³ங் தஸ்ஸா ஸமாதி⁴க்க²ந்தே⁴ ஸங்க³ஹிதத்தா. யஸ்மா வா ஸதிஸீஸேனாயங் தே³ஸனா. ந ஹி கேவலாய ஸதியா கிலேஸப்பஹானங் ஸம்ப⁴வதி, நிப்³பா³னாதி⁴க³மோ வா, நாபி கேவலா ஸதி பவத்ததி, தஸ்மாஸ்ஸ ஜா²னதே³ஸனாயங் ஸவிதக்காதி³வசனஸ்ஸ விய ஸம்பயோக³ங்க³த³ஸ்ஸனதாதி அங்க³-ஸத்³த³ஸ்ஸ அவயவபரியாயதா த³ட்ட²ப்³பா³. பஹானங்க³ந்தி ‘‘விவிச்சேவ காமேஹீ’’திஆதீ³ஸு (தீ³॰ நி॰ 1.226; ம॰ நி॰ 1.271, 287, 297; ஸங்॰ நி॰ 2.152; அ॰ நி॰ 4.123; பாரா॰ 11) விய பஹாதப்³ப³ங்க³ங் த³ஸ்ஸேதுங். யஸ்மா எத்த² லோகியமக்³கோ³ அதி⁴ப்பேதோ, ந லோகுத்தரமக்³கோ³, தஸ்மா புப்³ப³பா⁴கி³யமேவ வினயங் த³ஸ்ஸெந்தோ ‘‘தத³ங்க³வினயேன வா விக்க²ம்ப⁴னவினயேன வா’’தி ஆஹ. தேஸங் த⁴ம்மானந்தி வேத³னாதி³த⁴ம்மானங். தேஸஞ்ஹி தத்த² அனதி⁴ப்பேதத்தா ‘‘அத்து²த்³தா⁴ரனயேனேதங் வுத்த’’ந்தி வுத்தங். தத்தா²தி விப⁴ங்கே³. எத்தா²தி ‘‘லோகே’’தி ஏதஸ்மிங் பதே³.
அவிஸேஸேன த்³வீஹிபி நீவரணப்பஹானங் வுத்தந்தி கத்வா புன ஏகேகேன வுத்தங் பஹானவிஸேஸங் த³ஸ்ஸேதுங் ‘‘விஸேஸேனா’’தி ஆஹ. அத² வா ‘‘வினெய்ய நீவரணானீ’’தி அவத்வா அபி⁴ஜ்ஜா²தோ³மனஸ்ஸவினயவசனஸ்ஸ பயோஜனங் த³ஸ்ஸெந்தோ ‘‘விஸேஸேனா’’திஆதி³மாஹ. காயானுபஸ்ஸனாபா⁴வனாய ஹி உஜுவிபச்சனீகானங் அனுரோத⁴விரோதா⁴தீ³னங் பஹானத³ஸ்ஸனங் ஏதஸ்ஸ பயோஜனந்தி. காயஸம்பத்திமூலகஸ்ஸாதி ரூபப³லயொப்³ப³னாரொக்³யாதி³ஸரீரஸம்பதா³னிமித்தஸ்ஸ. வுத்தவிபரியாயதோ காயவிபத்திமூலகோ விரோதோ⁴ வேதி³தப்³போ³. காயபா⁴வனாயாதி காயானுபஸ்ஸனாபா⁴வனாய. ஸா ஹி இத⁴ காயபா⁴வனாதி அதி⁴ப்பேதா. ஸுப⁴ஸுக²பா⁴வாதீ³னந்தி ஆதி³-ஸத்³தே³ன அஸுபா⁴ஸுக²பா⁴வாதீ³னந்தி எத்த² பன ஆதி³-ஸத்³தே³ன அமனுஞ்ஞஅனிச்சதாதீ³னங். தேனாதி அனுரோதா⁴தி³ப்பஹானவசனேன. ‘‘யோகா³னுபா⁴வோ ஹீ’’திஆதி³ வுத்தஸ்ஸேவத்த²ஸ்ஸ பாகடகரணங். யோகா³னுபா⁴வோ ஹி பா⁴வனானுபா⁴வோ. யோக³ஸமத்தோ²தி யோக³மனுயுஞ்ஜிதுங் ஸமத்தோ². புரிமேன ஹி ‘‘அனுரோத⁴விரோத⁴விப்பமுத்தோ’’திஆதி³வசனேன பா⁴வனங் அனுயுத்தஸ்ஸ ஆனிஸங்ஸோ வுத்தோ, து³தியேன பா⁴வனங் அனுயுஞ்ஜந்தஸ்ஸ படிபத்தி. ந ஹி அனுரோத⁴விரோதா⁴தீ³ஹி உபத்³து³தஸ்ஸ பா⁴வனா இஜ்ஜ²தி.
அனுபஸ்ஸீதி எத்தா²தி ‘‘அனுபஸ்ஸீ’’தி ஏதஸ்மிங் பதே³ லப்³ப⁴மானாய அனுபஸ்ஸனாய அனுபஸ்ஸனாஜோதனாய கம்மட்டா²னங் வுத்தந்தி ஏவமத்தோ² த³ட்ட²ப்³போ³, அஞ்ஞதா² ‘‘அனுபஸ்ஸனாயா’’தி கரணவசனங் ந யுஜ்ஜெய்ய. அனுபஸ்ஸனா ஏவ ஹி கம்மட்டா²னங், ந எத்த² ஆரம்மணங் அதி⁴ப்பேதங், யுஜ்ஜதி வா. காயபரிஹரணங் வுத்தந்தி ஸம்ப³ந்தோ⁴. கம்மட்டா²னபரிஹரணஸ்ஸ செத்த² அத்த²ஸித்³த⁴த்தா ‘‘காயபரிஹரண’’ந்த்வேவ வுத்தங். கம்மட்டா²னிகஸ்ஸ ஹி காயபரிஹரணங் யாவதே³வ கம்மட்டா²னங் பரிஹரணத்த²ந்தி. கம்மட்டா²னபரிஹரணஸ்ஸ வா ‘‘ஆதாபீ’’திஆதி³னா (தீ³॰ நி॰ 2.373) வுச்சமானத்தா ‘‘காயபரிஹரண’’ந்த்வேவ வுத்தங். காயக்³க³ஹணேன வா நாமகாயஸ்ஸாபி க³ஹணங், ந ரூபகாயஸ்ஸேவ, தேனேவ கம்மட்டா²னபரிஹரணம்பி ஸங்க³ஹிதங் ஹோதி, ஏவஞ்ச கத்வா ‘‘விஹரதீதி எத்த² வுத்தவிஹாரேனா’’தி எத்த²க்³க³ஹணஞ்ச ஸமத்தி²தங் ஹோதி ‘‘காயானுபஸ்ஸீ விஹரதீ’’தி விஹாரஸ்ஸ விஸேஸெத்வா வுத்தத்தா. ‘‘ஆதாபீ’’திஆதி³ பன ஸங்கே²பதோ வுத்தஸ்ஸ கம்மட்டா²னபரிஹரணஸ்ஸ ஸஹ ஸாத⁴னேன வித்தா²ரெத்வா த³ஸ்ஸனங். ஆதாபேனாதி ஆதாபக்³க³ஹணேன. ‘‘ஸதிஸம்பஜஞ்ஞேனா’’திஆதீ³ஸுபி ஏஸேவ நயோ. ஸப்³ப³த்த²ககம்மட்டா²னந்தி பு³த்³தா⁴னுஸ்ஸதி, மெத்தா, மரணஸ்ஸதி ஸதியா வா ஸமதோ² வுத்தோ தஸ்ஸா ஸமாதி⁴க்க²ந்தே⁴ன ஸங்க³ஹிதத்தா.
விப⁴ங்கே³(விப⁴॰ காயானுபஸ்ஸனானித்³தே³ஸே) பன அத்தோ² வுத்தோதி யோஜனா. தேனாதி ஸத்³த³த்த²ங் அனாதி³யித்வா பா⁴வத்த²ஸ்ஸேவ விப⁴ஜனவஸேன பவத்தேன விப⁴ங்க³பாடே²ன ஸஹ. அட்ட²கதா²னயோதி ஸத்³த³த்த²ஸ்ஸாபி விவரணவஸேன யதா²ரஹங் வுத்தோ அத்த²ஸங்வண்ணனானயோ. யதா² ஸங்ஸந்த³தீதி யதா² அத்த²தோ, அதி⁴ப்பாயதோ ச அவிலோமெந்தோ அஞ்ஞத³த்து² ஸங்ஸந்த³தி ஸமேதி, ஏவங் வேதி³தப்³போ³.
வேத³னாதீ³னங் புன வசனேதி எத்த² நிஸ்ஸயபச்சயபா⁴வவஸேன சித்தத⁴ம்மானங் வேத³னாஸன்னிஸ்ஸிதத்தா, பஞ்சவோகாரப⁴வே க⁴னவினிப்³போ⁴கா³தீ³தி ஆதி³-ஸத்³தே³ன அயம்பி அத்தோ² வேதி³தப்³போ³. அயஞ்ஹி வேத³னாயங் வேத³னானுபஸ்ஸீ ஏவ, ந அஞ்ஞத⁴ம்மானுபஸ்ஸீ. கிங் வுத்தங் ஹோதி – யதா² நாம பா³லோ அமணிஸபா⁴வேபி உத³கபுப்³பு³ளகே மணிஆகாரானுபஸ்ஸீ ஹோதி, ந ஏவங் அயங் டி²திரமணீயேபி வேத³யிதே, பகே³வ இதரஸ்மிங் மனுஞ்ஞாகாரானுபஸ்ஸீ, அத² கோ² க²ணபப⁴ங்கு³ரதாய, அவஸவத்திதாய கிலேஸாஸுசிபக்³க⁴ரணதாய ச அனிச்சஅனத்தஅஸுபா⁴காரானுபஸ்ஸீ, விபரிணாமது³க்க²தாய, ஸங்கா²ரது³க்க²தாய ச விஸேஸதோ து³க்கா²னுபஸ்ஸீ யேவாதி. ஏவங் சித்த த⁴ம்மேஸுபி யதா²ரஹங் புனவசனே பயோஜனங் வத்தப்³ப³ங். லோகியா ஏவ ஸம்மஸனசாரஸ்ஸ அதி⁴ப்பேதத்தா. ‘‘கேவலங் பனிதா⁴’’திஆதி³னா ‘‘இத⁴ எத்தகங் வேதி³தப்³ப³’’ந்தி வேதி³தப்³ப³பரிச்சே²த³ங் த³ஸ்ஸேதி. ‘‘ஏஸ நயோ’’தி இமினா யதா² சித்தங், த⁴ம்மா ச அனுபஸ்ஸிதப்³பா³, ததா² தானி அனுபஸ்ஸந்தோ சித்தே சித்தானுபஸ்ஸீ, த⁴ம்மேஸு த⁴ம்மானுபஸ்ஸீதி வேதி³தப்³போ³தி இமமத்த²ங் அதிதி³ஸதி. து³க்க²தோதி து³க்க²ஸபா⁴வதோ, து³க்க²ந்தி அனுபஸ்ஸிதப்³பா³தி அத்தோ². ஸேஸபத³த்³வயேபி ஏஸேவ நயோ.
யோ ஸுக²ங் து³க்க²தோ அத்³தா³தி யோ பி⁴க்கு² ஸுக²ங் வேத³னங் விபரிணாமது³க்க²தாய ‘‘து³க்கா²’’தி பஞ்ஞாசக்கு²னா அத்³த³க்கி². து³க்க²ங் அத்³த³க்கி² ஸல்லதோதி து³க்க²ங் வேத³னங் பீளாஜனநதோ, அந்தோதுத³னதோ, து³ன்னீஹரணதோ ச ஸல்லதோ அத்³த³க்கி² பஸ்ஸி. அது³க்க²மஸுக²ந்தி உபெக்கா²வேத³னங். ஸந்தந்தி ஸுக²து³க்கா²னி விய அனோளாரிகதாய, பச்சயவஸேன வூபஸந்தஸபா⁴வதாய ச ஸந்தங். அனிச்சதோதி ஹுத்வாஅபா⁴வதோ, உத³யவயவந்ததோ, தாவகாலிகதோ, நிச்சபடிபக்க²தோ ச ‘‘அனிச்ச’’ந்தி யோ அத்³த³க்கி². ஸ வே ஸம்மத்³த³ஸோ பி⁴க்கு² ஏகங்ஸேன, பரிப்³யத்தங் வா வேத³னாய ஸம்மாபஸ்ஸனகோதி அத்தோ².
து³க்கா²திபீதி தங் து³க்க²ஸ்மிந்தி ஸப்³ப³ங் தங் வேத³யிதங் து³க்க²ஸ்மிங் ஸுக²து³க்க²தோபி சாதி ஸுகா²தீ³னங் டி²திவிபரிணாமஞாணஸுக²தாய, விபரிணாமடி²திஅஞ்ஞாணது³க்க²தாய ச வுத்தத்தா திஸ்ஸோபி ச ஸுக²தோ, திஸ்ஸோபி ச து³க்க²தோ அனுபஸ்ஸிதப்³பா³தி அத்தோ². ஸத்த அனுபஸ்ஸனா ஹெட்டா² பகாஸிதா ஏவ. ஸேஸந்தி யதா²வுத்தங் ஸுகா²தி³விபா⁴க³தோ ஸேஸங் ஸாமிஸனிராமிஸாதி³பே⁴த³ங் வேத³னானுபஸ்ஸனாயங் வத்தப்³ப³ங்.
ஆரம்மண…பே॰… பே⁴தா³னந்தி ரூபாதி³ஆரம்மணனானத்தஸ்ஸ நீலாதி³தப்³பே⁴த³ஸ்ஸ, ச²ந்தா³தி³அதி⁴பதினானத்தஸ்ஸ ஹீனாதி³தப்³பே⁴த³ஸ்ஸ, ஞாணஜா²னாதி³ஸஹஜாதனானத்தஸ்ஸ ஸஸங்கா²ரிகாஸங்கா²ரிகஸவிதக்காதி³தப்³பே⁴த³ஸ்ஸ, காமாவசராதி³பூ⁴மினானத்தஸ்ஸ உக்கட்ட²மஜ்ஜி²மாதி³தப்³பே⁴த³ஸ்ஸ, குஸலாதி³கம்மனானத்தஸ்ஸ தே³வக³திஸங்வத்தனியதாதி³தப்³பே⁴த³ஸ்ஸ, கண்ஹஸுக்கவிபாகனானத்தஸ்ஸ தி³ட்ட²த⁴ம்மவேத³னீயதாதி³தப்³பே⁴த³ஸ்ஸ, பரித்தபூ⁴மகாதி³கிரியானானத்தஸ்ஸ திஹேதுகாதி³தப்³பே⁴த³ஸ்ஸ வஸேன அனுபஸ்ஸிதப்³ப³ந்தி யோஜனா. ஆதி³-ஸத்³தே³ன ஸவத்து²காவத்து²காதி³னானத்தஸ்ஸ புக்³க³லத்தயஸாதா⁴ரணாதி³தப்³பே⁴த³ஸ்ஸ ச ஸங்க³ஹோ த³ட்ட²ப்³போ³. ஸலக்க²ணஸாமஞ்ஞலக்க²ணானந்தி பு²ஸனாதி³தங்தங்லக்க²ணானஞ்சேவ அனிச்சதாதி³ஸாமஞ்ஞலக்க²ணானஞ்ச வஸேனாதி யோஜனா. ஸுஞ்ஞதத⁴ம்மஸ்ஸாதி அனத்ததாஸங்கா²தஸுஞ்ஞதாஸபா⁴வஸ்ஸ. யங் விபா⁴வேதுங் அபி⁴த⁴ம்மே‘‘தஸ்மிங் கோ² பன ஸமயே த⁴ம்மா ஹொந்தி, க²ந்தா⁴ ஹொந்தீ’’திஆதி³னா ‘‘காமஞ்செத்தா²’’திஆதி³னா. அத² வா மக்³க³சித்தக்க²ணே ஏகத்த² பஹீனங் ஸப்³ப³த்த² பஹீனமேவ ஹோதீதி விஸுங் விஸுங் பஹானங் ந வத்தப்³ப³ங். மக்³கே³ன ஹி பஹீனாதி வத்தப்³ப³தங் அரஹந்தி. தத்த² புரிமாய சோத³னாய நானாபுக்³க³லபரிஹாரோ, ந ஹி ஏகஸ்ஸ பஹீனங் ததோ அஞ்ஞஸ்ஸ பஹீனங் நாம ஹோதி. பச்சி²மாய நானாசித்தக்க²ணிகபரிஹாரோ. நானாசித்தக்க²ணேதி ஹி லோகியமக்³க³சித்தக்க²ணேதி அதி⁴ப்பாயோ. புப்³ப³பா⁴க³மக்³கோ³ ஹி இதா⁴தி⁴ப்பேதோ. லோகியபா⁴வனாய ச காயே பஹீனங் ந வேத³னாதீ³ஸு விக்க²ம்பி⁴தங் ஏகத்த² பஹீனங் ஸேஸேஸுபி பஹீனங் ஹோதீதி லோகுத்தரஸதிபட்டா²னபா⁴வனங், லோகியபா⁴வனாய வா ஸப்³ப³த்த² அப்பவத்திமத்தங் ஸந்தா⁴ய வுத்தங். ‘‘பஞ்சபி க²ந்தா⁴ உபாதா³னக்க²ந்தா⁴ லோகோ’’தி (விப⁴॰ 362, 364, 366) ஹி விப⁴ங்கே³சதூஸுபி டா²னேஸு வுத்தந்தி.
உத்³தே³ஸவாரவண்ணனாய லீனத்த²ப்பகாஸனா.
காயானுபஸ்ஸனா
ஆனாபானபப்³ப³வண்ணனா
374. ஆரம்மணவஸேனாதி சதுதா⁴ பி⁴ந்தி³த்வாதி உத்³தே³ஸவஸேன சதுதா⁴ பி⁴ந்தி³த்வா. ததோ சதுப்³பி³த⁴ஸதிபட்டா²னதோ ஏகேகங் ஸதிபட்டா²னங்
கத²ஞ்சாதி எத்த² கத²ந்தி பகாரபுச்சா², தேன நித்³தி³ஸியமானே காயானுபஸ்ஸனாபகாரே புச்ச²தி. ச-ஸத்³தோ³ ப்³யதிரேகோ, தேன உத்³தே³ஸவாரேன அபாகடங் நித்³தே³ஸவாரேன விபா⁴வியமானங் விஸேஸங் ஜோதேதி. பா³ஹிரகேஸுபி இதோ ஏகதே³ஸஸ்ஸ ஸம்ப⁴வதோ ஸப்³ப³ப்பகாரக்³க³ஹணங் கதங் ‘‘ஸப்³ப³ப்பகாரகாயானுபஸ்ஸனானிப்³ப³த்தகஸ்ஸா’’தி, தேன யே இமே ஆனாபானபப்³பா³தி³வஸேன ஆக³தா சுத்³த³ஸப்பகாரா, தத³ந்தோக³தா⁴ ச அஜ்ஜ²த்தாதி³அனுபஸ்ஸனாப்பகாரா, ததா² காயக³தாஸதிஸுத்தே (ம॰ நி॰ 3.153) வுத்தா கேஸாதி³வண்ணஸண்டா²னகஸிணாரம்மணசதுக்கஜ்ஜா²னப்பகாரா, லோகியாதி³ப்பகாரா ச, தே ஸப்³பே³பி அனவஸேஸதோ ஸங்க³ண்ஹாதி. இமே ச பகாரா இமஸ்மிங்யேவ ஸாஸனே, ந இதோ ப³ஹித்³தா⁴தி வுத்தங் ‘‘ஸப்³ப³ப்பகார…பே॰… படிஸேத⁴னோ சா’’தி. தத்த² ததா²பா⁴வபடிஸேத⁴னோதி ஸப்³ப³ப்பகாரகாயானுபஸ்ஸனானிப்³ப³த்தகஸ்ஸ புக்³க³லஸ்ஸ அஞ்ஞஸாஸனஸ்ஸ நிஸ்ஸயபா⁴வபடிஸேத⁴னோ, ஏதேன இத⁴ பி⁴க்க²வேதி எத்த² இத⁴-ஸத்³தோ³ அந்தோக³த⁴ஏவஸத்³த³த்தோ²தி த³ஸ்ஸேதி. ஸந்தி ஹி ஏகபதா³னிபி அவதா⁴ரணானி யதா² ‘‘வாயுப⁴க்கோ²’’தி. தேனாஹ ‘‘இதே⁴வ பி⁴க்க²வே ஸமணோ’’திஆதி³. பரிபுண்ணஸமணப்பகரணத⁴ம்மோ ஹி ஸோ புக்³க³லோ, யோ ஸப்³ப³ப்பகாரகாயானுபஸ்ஸனானிப்³ப³த்தகோ. பரப்பவாதா³தி பரேஸங் அஞ்ஞதித்தி²யானங் நானப்பகாரா வாதா³ தித்தா²யதனானி.
அரஞ்ஞாதி³கஸ்ஸேவ பா⁴வனானுரூபஸேனாஸனதங் த³ஸ்ஸேதுங் ‘‘இமஸ்ஸஹீ’’திஆதி³ வுத்தங். து³த்³த³மோ த³மத²ங் அனுபக³தோ கோ³ணோ கூடகோ³ணோ. தோ³ஹனகாலே யதா² த²னேஹி அனவஸேஸதோ கீ²ரங் ந பக்³க⁴ரதி, ஏவங் தோ³ஹபடிப³ந்தி⁴னீ கூடதே⁴னு. ரூப-ஸத்³தா³தி³கே படிச்ச உப்பஜ்ஜனகஅஸ்ஸாதோ³ ரூபாரம்மணாதி³ரஸோ. புப்³பே³ ஆசிண்ணாரம்மணந்தி பப்³ப³ஜ்ஜதோ புப்³பே³, அனாதி³மதி வா ஸங்ஸாரே பரிசிதாரம்மணங். நிப³ந்தெ⁴ய்யாதி ஸதியாதி ஸம்மதே³வ கம்மட்டா²னஸ்ஸ ஸல்லக்க²ணவஸேன பவத்தாய ஸதியா. ஆரம்மணேதி கம்மட்டா²னாரம்மணே. த³ள்ஹந்தி தி²ரங், யதா² ஸதோகாரிஸ்ஸ உபசாரப்பனாபே⁴தோ³ ஸமாதி⁴ இஜ்ஜ²தி, ததா² தா²மக³தங் கத்வாதி அத்தோ².
விஸேஸாதி⁴க³மதி³ட்ட²த⁴ம்மஸுக²விஹாரபத³ட்டா²னந்தி
வத்து²விஜ்ஜாசரியோ விய ப⁴க³வா யோகீ³னங் அனுரூபனிவாஸட்டா²னுபதி³ஸனதோ. பி⁴க்கு² தீ³பிஸதி³ஸோ அரஞ்ஞே ஏககோ விஹரித்வா படிபக்க²னிம்மத²னவஸேன இச்சி²தத்த²ஸாத⁴னதோ ப²லமுத்தமந்தி ஸாமஞ்ஞப²லங் ஸந்தா⁴ய வத³தி. பரக்கமஜவயொக்³க³பூ⁴மிந்தி பா⁴வனுஸ்ஸாஹஜவஸ்ஸ யொக்³க³கரணபூ⁴மிபூ⁴தங்.
அத்³தா⁴னவஸேன பவத்தானங் அஸ்ஸாஸபஸ்ஸாஸானங் வஸேன தீ³க⁴ங் வா அஸ்ஸஸந்தோ, இத்தரவஸேன பவத்தானங் அஸ்ஸாஸபஸ்ஸாஸானங் வஸேன ரஸ்ஸங் வா அஸ்ஸஸந்தோதி யோஜனா. ஏவங் ஸிக்க²தோதி அஸ்ஸாஸபஸ்ஸாஸானங் தீ³க⁴ரஸ்ஸதாபஜானநஸப்³ப³காயப்படிஸங்வேத³னஓளாரிகோளாரிகபடிப்பஸ்ஸம்ப⁴னவஸேன பா⁴வனங் ஸிக்க²தோ, ததா²பூ⁴தோ வா ஹுத்வா திஸ்ஸோ ஸிக்கா² பவத்தயதோ. அஸ்ஸாஸபஸ்ஸாஸனிமித்தேதி அஸ்ஸாஸபஸ்ஸாஸஸன்னிஸ்ஸயேன உபட்டி²தபடிபா⁴க³னிமித்தே. அஸ்ஸாஸபஸ்ஸாஸே பரிக்³க³ண்ஹாதி ரூபமுகே²ன விபஸ்ஸனங் அபி⁴னிவிஸந்தோ, யோ ‘‘அஸ்ஸாஸபஸ்ஸாஸகம்மிகோ’’தி வுத்தோ. ஜா²னங்கா³னி பரிக்³க³ண்ஹாதி அரூபமுகே²ன விபஸ்ஸனங் அபி⁴னிவிஸந்தோ. வத்து² நாம கரஜகாயோ சித்தசேதஸிகானங் பவத்திட்டா²னபா⁴வதோ. அஞ்ஞோ ஸத்தோ வா புக்³க³லோ வா நத்தீ²தி விஸுத்³தி⁴தி³ட்டி² ‘‘தயித³ங் விதிண்ணகங்கோ². ‘‘யங் திலக்க²ணங் ஆரோபெத்வா. உத³யவயானுபஸ்ஸனாதி³வஸேன விபஸ்ஸனங் வட்³டெ⁴ந்தோ. அனுக்கமேன மக்³க³படிபாடியா.
‘‘பரஸ்ஸ வா அஸ்ஸாஸபஸ்ஸாஸகாயே’’தி இத³ங் ஸம்மஸனவாரவஸேனாயங் பாளி பவத்தாதி கத்வா வுத்தங், ஸமத²வஸேன பன பரஸ்ஸ அஸ்ஸாஸபஸ்ஸாஸகாயே அப்பனானிமித்துப்பத்தி ஏவ நத்தி². அட்ட²பெத்வாதி அந்தரந்தரா ந ட²பெத்வா. அபராபரங் ஸஞ்சரணகாலோதி அஜ்ஜ²த்தப³ஹித்³தா⁴த⁴ம்மேஸுபி நிரந்தரங் வா பா⁴வனாய பவத்தனகாலோ கதி²தோ. ஏகஸ்மிங் காலே பனித³ங் உப⁴யங் ந லப்³ப⁴தீதி ‘‘அஜ்ஜ²த்தங், ப³ஹித்³தா⁴’’தி ச வுத்தங் இத³ங் த⁴ம்மத்³வயங் க⁴டிதங் ஏகஸ்மிங் காலே ஏகதோ ஆரம்மணபா⁴வேன ந லப்³ப⁴தி, ஏகஜ்ஜ²ங் ஆலம்பி³துங் ந ஸக்காதி அத்தோ².
ஸமுதே³தி ஏதஸ்மாதி ஸமுத³யோ, ஸோ ஏவ காரணட்டே²ன த⁴ம்மோதி ஸமுத³யத⁴ம்மோ. அஸ்ஸாஸபஸ்ஸாஸானங் உப்பத்திஹேது கரஜகாயாதி³, தஸ்ஸ அனுபஸ்ஸனஸீலோ ஸமுத³யத⁴ம்மானுபஸ்ஸீ, தங் பன ‘‘யதா² நாமா’’திஆதி³மாஹ. தத்த² ப⁴ஸ்தந்தி ருத்திங். க³க்³க³ரனாளிந்தி உக்காபனாளிங். தேதி கரஜகாயாதி³கே. யதா² அஸ்ஸாஸபஸ்ஸாஸகாயோ கரஜகாயாதி³ஸம்ப³ந்தீ⁴ தங்னிமித்ததாய, ஏவங் கரஜகாயாத³யோபி அஸ்ஸாஸபஸ்ஸாஸகாயஸம்ப³ந்தி⁴னோ தங்னிமித்தபா⁴வேனாதி ‘‘ஸமுத³யத⁴ம்மா காயஸ்மி’’ந்தி வத்தப்³ப³தங் லப⁴ந்தீதி வுத்தங் ‘‘ஸமுத³ய…பே॰… வுச்சதீ’’தி. பகதிவாசீ வா த⁴ம்ம-ஸத்³தோ³ ‘‘ஜாதித⁴ம்மான’’ந்திஆதீ³ஸு (ம॰ நி॰ 1.131; 3.310; படி॰ ம॰ 1.33) வியாதி காயஸ்ஸ பச்சயஸமவாயே உப்பஜ்ஜனகபகதிகாயானுபஸ்ஸீ வா ‘‘ஸமுத³யத⁴ம்மானுபஸ்ஸீ’’தி வுத்தோ. தேனாஹ ‘‘கரஜகாயஞ்சா’’திஆதி³. ஏவஞ்ச கத்வா காயஸ்மிந்தி பு⁴ம்மவசனங் ஸுட்டு²தரங் யுஜ்ஜதி.
வயத⁴ம்மானுபஸ்ஸீதி எத்த² அஹேதுகத்தேபி வினாஸஸ்ஸ யேஸங் ஹேதுத⁴ம்மானங் ‘‘யதா² ப⁴ஸ்தாயா’’திஆதி³
அஜ்ஜ²த்தப³ஹித்³தா⁴னுபஸ்ஸனா விய பி⁴ன்னவத்து²விஸயதாய ஸமுத³யவயத⁴ம்மானுபஸ்ஸனாபி ஏககாலே ந லப்³ப⁴தீதி ஆஹ ‘‘காலேன ஸமுத³யங் காலேன வயங் அனுபஸ்ஸந்தோ’’தி. ‘‘அத்தி² காயோ’’தி ஏவ-ஸத்³தோ³ லுத்தனித்³தி³ட்டோ²தி ‘‘காயோவ அத்தீ²’’தி வத்வா அவதா⁴ரணேன நிவத்திதங் த³ஸ்ஸெந்தோ ‘‘ந ஸத்தோ’’திஆதி³மாஹ. தஸ்ஸத்தோ² – யோ ரூபாதீ³ஸு ஸத்தவிஸத்ததாய, பரேஸஞ்ச ஸஜ்ஜாபனட்டே²ன, ஸத்வகு³ணயோக³தோ வா ‘‘ஸத்தோ’’தி பரேஹி பரிகப்பிதோ, தஸ்ஸ ஸத்தனிகாயஸ்ஸ பூரணதோ ச சவனுபபஜ்ஜனத⁴ம்மதாய க³லனதோ ச ‘‘புக்³க³லோ’’தி, தீ²யதி ஸங்ஹஞ்ஞதி எத்த² க³ப்³போ⁴தி ‘‘இத்தீ²’’தி, புரி புரே பா⁴கே³ ஸேதி பவத்ததீதி ‘‘புரிஸோ’’தி, ஆஹிதோ அஹங் மானோ எத்தா²தி ‘‘அத்தா’’தி, அத்தனோ ஸந்தகபா⁴வேன ‘‘அத்தனிய’’ந்தி, பரோ ந ஹோதீதி கத்வா ‘‘அஹ’’ந்தி, மம ஸந்தகந்தி கத்வா ‘‘மமா’’தி, வுத்தப்பகாரவினிமுத்தோ அஞ்ஞோதி கத்வா ‘‘கோசீ’’தி, தஸ்ஸ ஸந்தகபா⁴வேன ‘‘கஸ்ஸசீ’’தி, விகப்பேதப்³போ³ கோசி நத்தி², கேவலங் ‘‘காயோ ஏவ அத்தீ²’’தி. த³ஸஹிபி பதே³ஹி அத்தத்தனியஸுஞ்ஞதமேவ காயஸ்ஸ விபா⁴வேதி. ஏவந்தி ‘‘காயோவ அத்தீ²’’திஆதி³னா வுத்தப்பகாரேன.
ஞாணபமாணத்தா²யாதி காயானுபஸ்ஸனாஞாணங் பரங் பமாணங் பாபனத்தா²ய. ஸதிபமாணத்தா²யாதி காயபரிக்³கா³ஹிகங் ஸதிங் பவத்தனஸதிங் பரங் பமாணங் பாபனத்தா²ய. இமஸ்ஸ ஹி வுத்தனயேன ‘‘அத்தி² காயோ’’தி அபராபருப்பத்திவஸேன பச்சுபட்டி²தா ஸதி பி⁴ய்யோஸோ மத்தாய தத்த² ஞாணஸ்ஸ, ஸதியா ச ‘‘ஸதிஸம்பஜஞ்ஞானங் வுட்³ட⁴த்தா²யா’’தி. இமிஸ்ஸா ‘‘தண்ஹா…பே॰… விஹரதீ’’தி. ததா²பூ⁴தோ ச லோகே கிஞ்சிபி ‘‘அஹ’’ந்தி வா ‘‘மம’’ந்தி வா க³ஹேதப்³ப³ங் ந பஸ்ஸதி, குதோ க³ண்ஹெய்யாதி ஆஹ ‘‘ந ச கிஞ்சீ’’திஆதி³. ஏவம்பீதி எத்த² பி-ஸத்³தோ³ ஹெட்டா² நித்³தி³ட்ட²ஸ்ஸ தாதி³ஸஸ்ஸ அத்த²ஸ்ஸ அபா⁴வதோ அவுத்தஸமுச்சயத்தோ²தி த³ஸ்ஸெந்தோ ‘‘உபரி அத்த²ங் உபாதா³யா’’தி ஆஹ யதா² ‘‘அந்தமஸோ திரச்சா²னக³தாயபி, அயம்பி பாராஜிகோ ஹோதீ’’தி. (பாரா॰ 42) ஏவந்தி பன நித்³தி³ட்டா²காரஸ்ஸ பச்சாமஸனங் நிக³மனவஸேன கதந்தி ஆஹ ‘‘இமினா பன…பே॰… த³ஸ்ஸேதீ’’தி.
புப்³ப³பா⁴க³ஸதிபட்டா²னஸ்ஸ ‘‘ஸதி து³க்க²ஸச்ச’’ந்தி. ஸா பன ஸதி யஸ்மிங் அத்தபா⁴வே, தஸ்ஸ ஸமுட்டா²பிகா தண்ஹா, தஸ்ஸாபி ஸமுட்டா²பிகா ஏவ நாம ஹோதி தத³பா⁴வே அபா⁴வதோதி ஆஹ ‘‘தஸ்ஸா ஸமுட்டா²பிகா புரிமதண்ஹா’’தி, யதா² ‘‘ஸங்கா²ரபச்சயா’’தி (ம॰ நி॰ 3.126; உதா³॰ 1; விப⁴॰ 484). தங்விஞ்ஞாணபீ³ஜதங்ஸந்ததிஸம்பூ⁴தோ ஸப்³போ³பி லோகியோ விஞ்ஞாணப்பப³ந்தோ⁴ ‘‘ஸங்கா²ரபச்சயா விஞ்ஞாணங்’’ த்வேவ வுச்சதி ஸுத்தந்தனயேன. அப்பவத்தீதி அப்பவத்தினிமித்தங், உபி⁴ன்னங் அப்பவத்தியா நிமித்தபூ⁴தோதி அத்தோ². ந பவத்ததி எத்தா²தி வா அப்பவத்தி. ‘‘து³க்க²பரிஜானநோ’’திஆதி³ ஏகந்ததோ சதுகிச்சஸாத⁴னவஸேனேவ அரியமக்³க³ஸ்ஸ பவத்தீதி த³ஸ்ஸேதுங் வுத்தங். அவுத்தஸித்³தோ⁴ ஹி தஸ்ஸ பா⁴வனாபடிவேதோ⁴. சதுஸச்சவஸேனாதி சதுஸச்சகம்மட்டா²னவஸேன. உஸ்ஸக்கித்வாதி விஸுத்³தி⁴பரம்பராய ஆருஹித்வா, பா⁴வனங் உபரி நெத்வாதி அத்தோ². நிய்யானமுக²ந்தி வட்டது³க்க²தோ நிஸ்ஸரணூபாயோ.
ஆனாபானபப்³ப³வண்ணனா நிட்டி²தா.
இரியாபத²பப்³ப³வண்ணனா
375. இரியாபத²வஸேனாதி இரியனங் இரியா, கிரியா, இத⁴ பன காயிகபயோகோ³ இரியாபதோ², க³மனாதி³வஸேன பவத்தா ஸரீராவத்தா². க³ச்ச²ந்தோ வா ஹி ஸத்தோ காயேன காதப்³ப³கிரியங் கரோதி டி²தோ வா நிஸின்னோ வா நிபன்னோ வாதி, தேஸங் இரியாபதா²னங் வஸேன, இரியாபத²விபா⁴கே³னாதி அத்தோ². புன சபரந்தி புன ச அபரங், யதா²வுத்தஆனாபானகம்மட்டா²னதோ பி⁴ய்யோபி அஞ்ஞங் காயானுபஸ்ஸனாகம்மட்டா²னங் கதே²மி, ஸுணாதா²தி வா அதி⁴ப்பாயோ ‘‘க³ச்ச²ந்தோ வா’’திஆதி³ க³மனாதி³மத்தஜானநஸ்ஸ, க³மனாதி³க³தவிஸேஸஜானநஸ்ஸ ச ஸாதா⁴ரணவசனங், தத்த² க³மனாதி³மத்தஜானநங் ந இத⁴ நாதி⁴ப்பேதங், க³மனாதி³க³தவிஸேஸஜானநங் பன அதி⁴ப்பேதந்தி தங் விப⁴ஜித்வா த³ஸ்ஸேதுங் ‘‘தத்த² காம’’ந்திஆதி³ வுத்தங். ஸத்தூபலத்³தி⁴ந்தி ‘‘ஸத்தோ அத்தீ²’’தி உபலத்³தி⁴ங் ஸத்தக்³கா³ஹங். ந பஜஹதி ந பரிச்சஜதி ‘‘அஹங் க³ச்சா²மி, மம க³மன’’ந்தி கா³ஹஸப்³பா⁴வதோ. ததோ ஏவ அத்தஸஞ்ஞங் ‘‘அத்தி² அத்தா காரகோ வேத³கோ’’தி ஏவங் பவத்தங் விபரீதஸஞ்ஞங் ந உக்³கா⁴டேதி நாபனேதி அப்படிபக்க²பா⁴வதோ, அனநுப்³ரூஹனதோ வா. ஏவங் பூ⁴தஸ்ஸ சஸ்ஸ குதோ கம்மட்டா²னாதி³பா⁴வோதி ஆஹ ‘‘கம்மட்டா²னங் வா ஸதிபட்டா²னபா⁴வனா வா ந ஹோதீ’’தி. ‘‘இமஸ்ஸ பனா’’திஆதி³ ஸுக்கபக்கோ², தஸ்ஸ வுத்தவிபரியாயேன அத்தோ² வேதி³தப்³போ³. தமேவ ஹி அத்த²ங் விவரிதுங் ‘‘இத³ஞ்ஹீ’’திஆதி³ வுத்தங்.
தத்த² கோ க³ச்ச²தீதி ஸாத⁴னங், கிரியஞ்ச அவினிப்³பு⁴த்தங் கத்வா க³மனகிரியாய கத்துபுச்சா², ஸா கத்துபா⁴வவிஸிட்ட²அத்தபடிக்கே²பத்தா² த⁴ம்மமத்தஸ்ஸேவ க³மனஸித்³தி⁴த³ஸ்ஸனதோ. கஸ்ஸ க³மனந்தி தமேவத்த²ங் பரியாயந்தரேன வத³தி ஸாத⁴னங், கிரியஞ்ச வினிப்³பு⁴த்தங் கத்வா க³மனகிரியாய அகத்துஸம்ப³ந்தீ⁴பா⁴வவிபா⁴வனதோ. படிக்கே²பத்த²ஞ்ஹி அந்தோனீதங் கத்வா உப⁴யத்த²ங் கிங்-ஸத்³தோ³ பவத்தோ. கிங் காரணாதி பன படிக்கி²த்தகத்துகாய ‘‘தத்தா²’’திஆதி³.
ந கோசி ஸத்தோ வா புக்³க³லோ வா க³ச்ச²தி த⁴ம்மமத்தஸ்ஸேவ க³மனஸித்³தி⁴தோ, தப்³பி³னிமுத்தஸ்ஸ ச கஸ்ஸசி அபா⁴வதோ. இதா³னி த⁴ம்மமத்தஸ்ஸேவ க³மனஸித்³தி⁴ங் த³ஸ்ஸேதுங் ‘‘சித்தகிரியாவாயோதா⁴துவிப்பா²ரேனா’’திஆதி³ வுத்தங். தத்த² சித்தகிரியா ச ஸா, வாயோதா⁴துயா விப்பா²ரோ விப்ப²ந்த³னஞ்சாதி சித்தகிரியாவாயோதா⁴துவிப்பா²ரோ, தேன. எத்த² ச சித்தகிரியக்³க³ஹணேன அனிந்த்³ரியப³த்³த⁴வாயோதா⁴துவிப்பா²ரங் நிவத்தேதி, வாயோதா⁴துவிப்பா²ரக்³க³ஹணேன சேதனாவசீவிஞ்ஞத்திபே⁴த³ங் சித்தகிரியங் நிவத்தேதி, உப⁴யேன பன காயவிஞ்ஞத்திங் விபா⁴வேதி. ‘‘க³ச்ச²தீ’’தி வத்வா யதா² பவத்தமானே காயே ‘‘க³ச்ச²தீ’’தி வோஹாரோ ஹோதி, தங் த³ஸ்ஸேதுங் ‘‘தஸ்மா’’திஆதி³ வுத்தங். தந்தி க³ந்துகாமதாவஸேன பவத்தசித்தங். வாயங் ஜனேதீதி வாயோதா⁴துஅதி⁴கங் ரூபகலாபங் உப்பாதே³தி, அதி⁴கதா செத்த² ஸாமத்தி²யதோ, ந பமாணதோ. க³மனசித்தஸமுட்டி²தங் ஸஹஜாதரூபகாயஸ்ஸ த²ம்ப⁴னஸந்தா⁴ரணசலனானங் பச்சயபூ⁴தேன ஆகாரவிஸேஸேன பவத்தமானங் வாயோதா⁴துங் ஸந்தா⁴யாஹ ‘‘வாயோ விஞ்ஞத்திங் ஜனேதீ’’தி. அதி⁴ப்பாயஸஹபா⁴வீ ஹி விகாரோ விஞ்ஞத்தி. யதா²வுத்தஅதி⁴கபா⁴வேனேவ ச வாயோக³ஹணங் புரதோ அபி⁴னீஹாரோ புரதோபா⁴கே³ன காயஸ்ஸ பவத்தனங், யோ ‘‘அபி⁴க்கமோ’’தி வுச்சதி.
‘‘ஏஸேவ நயோ’’தி அதிதே³ஸேன ஸங்கே²பதோ வத்வா தமத்த²ங் விவரிதுங் ‘‘தத்ராபி ஹீ’’திஆதி³ வுத்தங். கோடிதோ பட்டா²யாதி ஹெட்டி²மகோடிதோ உஸ்ஸிதபா⁴வோதி உப்³பி³த்³த⁴பா⁴வோ.
ஏவங் பஜானதோதி ஏவங் சித்தகிரியவாயோதா⁴துவிப்பா²ரேனேவ க³மனாதி³ ஹோதீதி பஜானதோ. தஸ்ஸ ஏவங் பஜானநாய நிச்ச²யக³மனத்த²ங் ‘‘ஏவங் ஹோதீ’’தி விசாரணா வுச்சதி லோகே யதா²பூ⁴தங் அஜானந்தேஹி மிச்சா²பி⁴னிவேஸவஸேன, லோகவோஹாரவஸேன வா. அத்தி² பனாதி அத்தனோ ஏவங் வீமங்ஸனவஸேன புச்சா²வசனங். நத்தீ²தி நிச்ச²யவஸேன ஸத்தஸ்ஸ படிக்கே²பவசனங். ‘‘யதா² பனா’’திஆதி³ தஸ்ஸேவ அத்த²ஸ்ஸ உபமாய விபா⁴வனங், தங் ஸுவிஞ்ஞெய்யமேவ.
நாவா மாலுதவேகே³னாதி யதா² அசேதனா நாவா வாதவேகே³ன தே³ஸந்தரங் யாதி, யதா² ச அசேதனோ தேஜனங் கண்டோ³ ஜியாவேகே³ன தே³ஸந்தரங் யாதி, ததா² அசேதனோ காயோ வாதாஹதோ யதா²வுத்தவாயுனா நீதோ தே³ஸந்தரங் யாதீதி ஏவங் உபமாஸங்ஸந்த³னங் வேதி³தப்³ப³ங். ஸசே பன கோசி வதெ³ய்ய ‘‘யதா² நாவாதேஜனானங் பேல்லகஸ்ஸ புரிஸஸ்ஸ வஸேன தே³ஸந்தரக³மனங், ஏவங் காயஸ்ஸாபீ’’தி, ஹோது, ஏவங் இச்சி²தோ வாயமத்தோ² யதா² ஹி நாவாதேஜனானங் ஸங்ஹதலக்க²ணஸ்ஸேவ புரிஸஸ்ஸ வஸேன க³மனங், ந அஸங்ஹதலக்க²ணஸ்ஸ, ஏவங் காயஸ்ஸாபீதி. கா நோ ஹானி, பி⁴ய்யோபி த⁴ம்மமத்ததாவ பதிட்ட²ங் லப⁴தி, ந புரிஸவாதோ³. தேனாஹ ‘‘யந்தஸுத்தவஸேனா’’திஆதி³.
தத்த² பயுத்தந்தி ஹெட்டா² வுத்தனயேன க³மனாதி³கிரியாவஸேன பச்சயேஹி பயோஜிதங். டா²தீதி திட்ட²தி. எத்தா²தி இமஸ்மிங் லோகே. வினா ஹேதுபச்சயேதி க³ந்துகாமதாசித்ததங்ஸமுட்டா²னவாயோதா⁴துஆதி³ஹேதுபச்சயேஹி வினா. திட்டே²தி திட்டெ²ய்ய. வஜேதி வஜெய்ய க³ச்செ²ய்ய கோ நாமாதி ஸம்ப³ந்தோ⁴. படிக்கே²பத்தோ² செத்த² கிங்-ஸத்³தோ³தி ஹேதுபச்சயவிரஹேன டா²னக³மனபடிக்கே²பமுகே²ன
பணிஹிதோதி யதா² யதா² பச்சயேஹி பகாரேஹி நிஹிதோ ஸப்³ப³ஸங்கா³ஹிகவசனந்தி ஸப்³பே³ஸம்பி டி²தோதி பவத்தோ.
இரியாபத²பரிக்³க³ண்ஹனம்பி இரியாபத²வதோ காயஸ்ஸேவ பரிக்³க³ண்ஹனங் தஸ்ஸ அவத்தா²விஸேஸபா⁴வதோதி வுத்தங் ‘‘இரியாபத²பரிக்³க³ண்ஹனேன காயே காயானுபஸ்ஸீ விஹரதீ’’தி. தேனேவெத்த² ரூபக்க²ந்த⁴வஸேனேவ ஸமுத³யாத³யோ உத்³த⁴டா. ஏஸ நயோ ஸேஸவாரேஸுபி. ஆதி³னாதி எத்த² ஆதி³-ஸத்³தே³ன யதா² ‘‘தண்ஹாஸமுத³யா கம்மஸமுத³யா ஆஹாரஸமுத³யா’’தி நிப்³ப³த்திலக்க²ணங் பஸ்ஸந்தோபி ரூபக்க²ந்த⁴ஸ்ஸ உத³யங் பஸ்ஸதீதி இமே சத்தாரோ ஆகாரா ஸங்க³ய்ஹந்தி, ஏவங் ‘‘அவிஜ்ஜானிரோதா⁴’’தி ஆத³யோபி பஞ்ச ஆகாரா ஸங்க³ஹிதாதி த³ட்ட²ப்³பா³. ஸேஸங் வுத்தனயமேவ.
இரியாபத²பப்³ப³வண்ணனா நிட்டி²தா.
சதுஸம்பஜஞ்ஞபப்³ப³வண்ணனா
376. சதுஸம்பஜஞ்ஞவஸேனாதி ஸமந்ததோ பகாரேஹி, பகட்ட²ங் வா ஸவிஸேஸங் ஜானாதீதி ஸம்பஜானோ, ஸம்பஜானஸ்ஸ பா⁴வோ ஸம்பஜஞ்ஞங், ததா²பவத்தங் ஞாணங், ஹத்த²விகாராதி³பே⁴த³பி⁴ன்னத்தா சத்தாரி ஸம்பஜஞ்ஞானி ஸமாஹடானி சதுஸம்பஜஞ்ஞங், தஸ்ஸ வஸேன. ‘‘அபி⁴க்கந்தே’’திஆதீ³னி ஸாமஞ்ஞப²லே (தீ³॰ நி॰ அட்ட²॰ 1.214; தீ³॰ நி॰ டீ॰ 1.214 வாக்யக²ந்தே⁴பி) வண்ணிதானி, ந புன வண்ணேதப்³பா³னி, தஸ்மா தங்தங்ஸங்வண்ணனாய லீனத்த²ப்பகாஸனாபி தத்த² விஹிதனயேனேவ க³ஹேதப்³பா³. ‘‘அபி⁴க்கந்தே படிக்கந்தே ஸம்பஜானகாரீ ஹோதீ’’திஆதி³ வசனதோ அபி⁴க்கமாதி³க³தசதுஸம்பஜஞ்ஞபரிக்³க³ண்ஹனேன ரூபகாயஸ்ஸேவெத்த² ஸமுத³யத⁴ம்மானுபஸ்ஸிதாதி³ அதி⁴ப்பேதோதி ஆஹ ‘‘ரூபக்க²ந்த⁴ஸ்ஸேவ ஸமுத³யோ ச வயோ ச நீஹரிதப்³போ³’’தி. ரூபத⁴ம்மானங்யேவ ஹி பவத்திஆகாரவிஸேஸா அபி⁴க்கமாத³யோதி. ஸேஸங் வுத்தனயமேவ.
சதுஸம்பஜஞ்ஞபப்³ப³வண்ணனா நிட்டி²தா.
படிக்கூலமனஸிகாரபப்³ப³வண்ணனா
377. படிக்கூலமனஸிகாரவஸேனாதி விஸுத்³தி⁴மக்³கே³ (விஸுத்³தி⁴॰ 1.182) வுத்தங், தஸ்மா தத்த², தங்ஸங்வண்ணனாயஞ்ச (விஸுத்³தி⁴॰ டீ॰ 1.182 ஆத³யோ) வுத்தனயேன ‘‘இமமேவ காய’’ந்தி ஆதீ³னமத்தோ² வேதி³தப்³போ³.
வத்தா²தீ³ஹி பஸிப்³ப³காகாரேன ப³ந்தி⁴த்வா கதங் ஆவாடனங் புதோளி. நானாகாரா ஏகஸ்மிங் டா²னே ஸம்மிஸ்ஸாதி எத்தாவதா நானாவண்ணானங் கேஸாதீ³னஞ்ச உபமெய்யதா. விபூ⁴தகாலோதி பண்ணத்திங் ஸமதிக்கமித்வா கேஸாதீ³னங் அஸுபா⁴காரஸ்ஸ உபட்டி²தகாலோ. இதி-ஸத்³த³ஸ்ஸ ஆகாரத்த²தங் த³ஸ்ஸெந்தோ ‘‘ஏவ’’ந்தி வத்வா தங் ஆகாரங் ஸரூபதோ த³ஸ்ஸெந்தோ ‘‘கேஸாதி³பரிக்³க³ண்ஹனேனா’’திஆதி³மாஹ. கேஸாதி³ஸஞ்ஞிதானஞ்ஹி அஸுசிபா⁴வானங் பரமது³க்³க³ந்த⁴ஜேகு³ச்ச²படிக்கூலாகாரஸ்ஸ ஸமுத³யதோ அனுபஸ்ஸனா இத⁴ காயானுபஸ்ஸனாதி. ஸேஸங் வுத்தனயமேவ.
படிக்கூலமனஸிகாரபப்³ப³வண்ணனா நிட்டி²தா.
தா⁴துமனஸிகாரபப்³ப³வண்ணனா
378. தா⁴துமனஸிகாரவஸேனாதி பத²வீதா⁴துஆதி³கா சதஸ்ஸோ தா⁴துயோ ஆரப்³ப⁴ பவத்தபா⁴வனாமனஸிகாரவஸேன, சதுதா⁴துவவத்தா²னவஸேனாதி அத்தோ². தா⁴துமனஸிகாரோ, தா⁴துகம்மட்டா²னங், சதுதா⁴துவவத்தா²னந்தி ஹி அத்த²தோ ஏகங். கோ³கா⁴தகோதி ஜீவிகத்தா²ய கு³ன்னங் கா⁴தகோ. அந்தேவாஸிகோதி கம்மகரணவஸேன தஸ்ஸ ஸமீபவாஸீ தங் நிஸ்ஸாய ஜீவனகோ வினிவிஜ்ஜி²த்வாதி ஏகஸ்மிங் டா²னே அஞ்ஞமஞ்ஞங் வினிவிஜ்ஜி²த்வா. மஹாபதா²னங் வேமஜ்ஜ²ட்டா²னஸங்கா²தேதி சதுன்னங் மஹாபதா²னங் தாய சதுமஹாபதே². டி²த-ஸத்³தோ³ ‘‘டி²தோ வா’’திஆதீ³ஸு (தீ³॰ நி॰ 1.263; அ॰ நி॰ 5.28) டா²னஸங்கா²தஇரியாபத²ஸமங்கி³தாய, டா²-ஸத்³த³ஸ்ஸ வா க³தினிவத்திஅத்த²தாய அஞ்ஞத்த² ட²பெத்வா க³மனங் ஸேஸஇரியாபத²ஸமங்கி³தாய ‘‘சதுன்னங் இரியாபதா²னங் யேன கேனசி ஆகாரேன டி²தத்தா யதா² டி²த’’ந்தி. தத்த² ஆகாரேனாதி டா²னாதி³னா ரூபகாயஸ்ஸ பவத்திஆகாரேன. டா²னாத³யோ ஹி இரியாபத²ஸங்கா²தாய கிரியாய பதோ² பவத்திமக்³கோ³தி ‘‘இரியாபதோ²’’தி வுச்சந்தீதி வுத்தோ வாயமத்தோ². யதா²டி²தந்தி யதா²பவத்தங், யதா²வுத்தங் டா²னமேவெத்த² பணிதா⁴னந்தி அதி⁴ப்பேதந்தி ஆஹ ‘‘யதா² டி²தத்தா ச யதா²பணிஹித’’ந்தி. ‘‘டி²த’’ந்தி வா காயஸ்ஸ டா²னஸங்கா²தஇரியாபத²ஸமாயோக³பரிதீ³பனங், ‘‘பணிஹித’’ந்தி தத³ஞ்ஞஇரியாபத²ஸமாயோக³பரிதீ³பனங். ‘‘டி²த’’ந்தி வா காயஸங்கா²தானங் ரூபத⁴ம்மானங் தஸ்மிங் தஸ்மிங் க²ணே ஸகிச்சவஸேன அவட்டா²னபரிதீ³பனங், பணிஹிதந்தி பச்சயவஸேன தேஹி தேஹி பச்சயேஹி பகாரதோ நிஹிதங் பணிஹிதந்தி ஏவம்பெத்த² அத்தோ² வேதி³தப்³போ³. பச்சவெக்க²தீதி பதி பதி அவெக்க²தி, ஞாணசக்கு²னா வினிப்³பு⁴ஜ்ஜித்வா விஸுங் விஸுங் பஸ்ஸதி.
இதா³னி வுத்தமேவத்த²ங் பா⁴வத்த²விபா⁴வனவஸேன த³ஸ்ஸேதுங் ‘‘யதா² கோ³கா⁴தகஸ்ஸா’’திஆதி³ வுத்தங். தத்த² போஸெந்தஸ்ஸாதி மங்ஸூபசயபரிப்³ரூஹனாய குண்ட³கப⁴த்தகப்பாஸட்டி²ஆதீ³ஹி ஸங்வட்³டெ⁴ந்தஸ்ஸ. வதி⁴தங் மதந்தி ஹிங்ஸிதங் ஹுத்வா மதங். மதந்தி ச மதமத்தங். தேனேவாஹ ‘‘தாவதே³வா’’தி. கா³வீதி ஸஞ்ஞா ந அந்தரதா⁴யதீதி யானி அங்க³பச்சங்கா³னி பீ³லா, பா⁴கா³ வ-காரஸ்ஸ ப³-காரங், இகாரஸ்ஸ ச ஈகாரங் கத்வா. பீ³லஸோதி பீ³லங் பீ³லங் கத்வா. விப⁴ஜித்வாதி அட்டி²ஸங்கா⁴ததோ மங்ஸங் விவேசெத்வா, ததோ வா விவேசிதங் மங்ஸங் பா⁴க³ஸோ கத்வா. தேனேவாஹ ‘‘மங்ஸஸஞ்ஞா பவத்ததீ’’தி. பப்³ப³ஜிதஸ்ஸாபி அபரிக்³க³ஹிதகம்மட்டா²னஸ்ஸ. க⁴னவினிப்³போ⁴க³ந்தி ஸந்ததிஸமூஹகிச்சக⁴னானங் வினிப்³பு⁴ஜ்ஜனங் விவேசனங். தா⁴துஸோ பச்சவெக்க²தோதி க⁴னவினிப்³போ⁴க³கரணேன தா⁴துங் தா⁴துங் பத²வீஆதி³தா⁴துங் விஸுங் விஸுங் கத்வா பச்சவெக்க²ந்தஸ்ஸ. ஸத்தஸஞ்ஞாதி அத்தானுதி³ட்டி²வஸேன பவத்தா ஸத்தஸஞ்ஞாதி வத³ந்தி, வோஹாரவஸேன பவத்தஸத்தஸஞ்ஞாயபி ததா³ அந்தரதா⁴னங் யுத்தமேவ யாதா²வதோ க⁴னவினிப்³போ⁴க³ஸ்ஸ ஸம்பாத³னதோ. ஏவஞ்ஹி ஸதி யதா²வுத்தஓபம்மத்தே²ன உபமெய்யத்தோ² அஞ்ஞத³த்து² ஸங்ஸந்த³தி ஸமேதி. தேனேவாஹ ‘‘தா⁴துவஸேனேவ சித்தங் ஸந்திட்ட²தீ’’தி. த³க்கோ²தி சே²கோ தங்தங்ஸமஞ்ஞாய குஸலோ ‘‘யதா²ஜாதே ஸூனஸ்மிங் நங்கு³ட்ட²கு²ரவிஸாணாதி³வந்தே அட்டி²மங்ஸாதி³அவயவஸமுதா³யே அவிப⁴த்தே கா³வீஸமஞ்ஞா, ந விப⁴த்தே. விப⁴த்தே பன அட்டி²மங்ஸாதி³அவயவஸமஞ்ஞா’’தி ஜானநதோ. சதுமஹாபதோ² விய சதுஇரியாபதோ²தி கா³வியா டி²தசதுமஹாபதோ² விய காயஸ்ஸ பவத்திமக்³க³பூ⁴தோ சதுப்³பி³தோ⁴ இரியாபதோ² யஸ்மா விஸுத்³தி⁴மக்³கே³ (விஸுத்³தி⁴॰ 1.305) வித்தா²ரிதா, தஸ்மா தத்த², தங்ஸங்வண்ணனாயஞ்ச (விஸுத்³தி⁴॰ டீ॰ 1.306) வுத்தனயேன வேதி³தப்³போ³. ஸேஸங் வுத்தனயமேவ.
தா⁴துமனஸிகாரபப்³ப³வண்ணனா நிட்டி²தா.
நவஸிவதி²கபப்³ப³வண்ணனா
379. ஸிவதி²காய ‘‘ஸிவதி²கபப்³பே³ஹி விப⁴ஜிது’’ந்தி. மரித்வா ஏகாஹாதிக்கந்தங் ஏகாஹமதங். உத்³த⁴ங் ஜீவிதபரியாதா³னாதி ஜீவிதக்க²யதோ உபரி மரணதோ பரங். ஸமுக்³க³தேனாதி ஸமுட்டி²தேன. உத்³து⁴மாதத்தாதி உத்³த⁴ங் உத்³த⁴ங் து⁴மாதத்தா ஸூனத்தா. ஸேதரத்தேஹி விபரிபி⁴ன்னங் விமிஸ்ஸிதங் நீலங் வினீலங், புரிமவண்ணவிபரிணாமபூ⁴தங் வா நீலங் வினீலங். வினீலமேவ வினீலகந்தி க-காரேன பத³வட்³ட⁴னங் அனத்த²ந்தரதோ யதா² ‘‘பீதகங் லோஹிதக’’ந்தி (த⁴॰ ஸ॰ 616). படிக்கூலத்தாதி ஜிகு³ச்ச²னீயத்தா. குச்சி²தங் வினீலந்தி வினீலகந்தி குச்ச²னத்தோ² வா அயங் க-காரோதி த³ஸ்ஸேதுங் வுத்தங் யதா² ‘‘பாபகோ கித்திஸத்³தோ³ அப்³பு⁴க்³க³ச்ச²தீ’’தி. (தீ³॰ நி॰ 3.316; அ॰ நி॰ 5.213; மஹாவ॰ 285) பரிபி⁴ன்னட்டா²னேஹி காககங்காதீ³ஹி. விஸ்ஸந்த³மானபுப்³ப³ந்தி விஸ்ஸவந்தபுப்³ப³ங், தஹங் தஹங் பக்³க⁴ரந்தபுப்³ப³ந்தி அத்தோ². ததா²பா⁴வந்தி விஸ்ஸந்த³மானபுப்³ப³பா⁴வங்.
ஸோ பி⁴க்கூ²தி யோ ‘‘பஸ்ஸெய்ய ஸரீரங் ஸிவதி²காய ச²ட்³டி³த’’ந்தி வுத்தோ, ஸோ பி⁴க்கு². உபஸங்ஹரதி ஸதி³ஸதங். ‘‘அயம்பி கோ²’’திஆதி³ உபஸங்ஹரணாகாரத³ஸ்ஸனங். ஆயூதி ரூபஜீவிதிந்த்³ரியங், அரூபஜீவிதிந்த்³ரியங் பனெத்த² விஞ்ஞாணக³திகமேவ. உஸ்மாதி கம்மஜதேஜோ. ஏவங் பூதிகஸபா⁴வோயேவாதி ஏவங் அதிவிய து³க்³க³ந்த⁴ஜேகு³ச்ச²படிக்கூலபூபி⁴கஸபா⁴வோ ஏவ, ந ஆயுஆதீ³னங் அவிக³மே விய மத்தஸோதி அதி⁴ப்பாயோ. ஏதி³ஸோ ப⁴விஸ்ஸதீதி ஏவங்பா⁴வீதி ஆஹ ‘‘ஏவங் உத்³து⁴மாதாதி³பே⁴தோ³ ப⁴விஸ்ஸதீ’’தி.
லுஞ்சித்வா லுஞ்சித்வாதி உப்பாடெத்வா உப்பாடெத்வா. ஸாவஸேஸமங்ஸலோஹிதயுத்தந்தி ஸப்³ப³ஸோ அகா²தி³தத்தா தஹங் தஹங் ஸேஸேன அப்பாவஸேஸேன மங்ஸலோஹிதேன யுத்தங். ‘‘அஞ்ஞேன ஹத்த²ட்டி²க’’ந்தி அவிஸேஸேன ஹத்த²ட்டி²கானங் விப்பகிண்ணதா ஜோதிதாதி அனவஸேஸதோ தேஸங் விப்பகிண்ணதங் த³ஸ்ஸெந்தோ ‘‘சதுஸட்டி²பே⁴த³ம்பீ’’திஆதி³மாஹ
தேரோவஸ்ஸிகானீதி திரோவஸ்ஸங் க³தானி, தானி பன ஸங்வச்ச²ரங் வீதிவத்தானி ஹொந்தீதி ஆஹ ‘‘அதிக்கந்தஸங்வச்ச²ரானீ’’தி. புராணதாய க⁴னபா⁴வவிக³மேன விசுண்ணதா இத⁴ பூதிபா⁴வோதி ஸோ யதா² ஹோதி, தங் த³ஸ்ஸெந்தோ ‘‘அப்³போ⁴காஸே’’திஆதி³மாஹ. தேரோவஸ்ஸிகானேவாதி ஸங்வச்ச²ரமத்தாதிக்கந்தானி ‘‘க²ஜ்ஜமானதாதீ³னங் வஸேன யோஜனா காதப்³பா³’’தி.
நவஸிவதி²கபப்³ப³வண்ணனா நிட்டி²தா.
இமானேவ த்³வேதி அவதா⁴ரணேன அப்பனாகம்மட்டா²னங் தத்த² நியமேதி அஞ்ஞபப்³பே³ஸு தத³பா⁴வதோ. யதோ ஹி ஏவ-காரோ, ததோ அஞ்ஞத்த² நியமேதி, தேன பப்³ப³த்³வயஸ்ஸ விபஸ்ஸனாகம்மட்டா²னதாபி அப்படிஸித்³தா⁴ த³ட்ட²ப்³பா³ அனிச்சதாதி³த³ஸ்ஸனதோ. ஸங்கா²ரேஸு ஆதீ³னவவிபா⁴வனானி ஸிவதி²கபப்³பா³னீதி ஆஹ ‘‘ஸிவதி²கானங் ஆதீ³னவானுபஸ்ஸனாவஸேன வுத்தத்தா’’தி. இரியாபத²பப்³பா³தீ³னங் அப்பனாவஹதா பாகடா ஏவாதி ‘‘ஸேஸானி த்³வாத³ஸபீ’’தி வுத்தங். யங் பனெத்த² அத்த²தோ அவிப⁴த்தங். தங் ஸுவிஞ்ஞெய்யமேவ.
காயானுபஸ்ஸனாவண்ணனா நிட்டி²தா.
வேத³னானுபஸ்ஸனாவண்ணனா
380. ஸுக²ங் வேத³னந்தி எத்த² ஸுக²யதீதி ஸுகா². ஸம்பயுத்தத⁴ம்மே, காயஞ்ச லத்³த⁴ஸ்ஸாதே³ கரோதீதி அத்தோ². ஸுட்டு² வா கா²த³தி, க²னதி வா காயிகங், சேதஸிகஞ்சாபா³த⁴ந்தி ஸுகா². ‘‘ஸுகரங் ஓகாஸதா³னங் ஏதிஸ்ஸாதி ஸுகா²’’தி அபரே. வேத³யதி ஆரம்மணரஸங் அனுப⁴வதீதி வேத³னா. வேத³யமானோதி அனுப⁴வமானோ. ‘‘காம’’ந்திஆதீ³ஸு யங் வத்தப்³ப³ங், தங் இரியாபத²பப்³பே³ வுத்தனயமேவ. ஸம்பஜானஸ்ஸ வேதி³யனங் ஸம்பஜானவேதி³யனங்.
வத்து²ஆரம்மணாதி ரூபாதி³ஆரம்மணா. ரூபாதி³ஆரம்மணஞ்ஹெத்த² வேத³னாய பவத்திட்டா²னதாய ‘‘வத்தூ²’’தி அதி⁴ப்பேதங் அஸ்ஸாதி ப⁴வெய்ய. த⁴ம்மவினிமுத்தஸ்ஸ கத்து அபா⁴வதோ த⁴ம்மஸ்ஸேவ கத்துபா⁴வங் த³ஸ்ஸெந்தோ ‘‘வேத³னாவ வேத³யதீ’’தி ஆஹ. ‘‘வோஹாரமத்தங் ஹோதீ’’தி ஏதேன ‘‘ஸுக²ங் வேத³னங் வேத³யமானோ ஸுக²ங் வேத³னங் வேத³யாமீ’’தி இத³ங் வோஹாரமத்தந்தி த³ஸ்ஸேதி.
நித்து²னந்தோதி ப³லவதோ வேத³னாவேக³ஸ்ஸ நிரோத⁴னே ஆதீ³னவங் தி³ஸ்வா தஸ்ஸ அவஸரதா³னவஸேன நித்து²னந்தோ அபராபரங் பரிவத்ததி. வீரியஸமத²ங் யோஜெத்வாதி அதி⁴வாஸனவீரியஸ்ஸ அதி⁴மத்தத்தா தஸ்ஸ ஹாபனவஸேன ஸமாதி⁴னா ஸமரஸதாபாத³னேன வீரியஸமத²ங் யோஜெத்வா. ஸஹ படிஸம்பி⁴தா³ஹீதி லோகுத்தரபடிஸம்பி⁴தா³ஹி ஸஹ. அரியமக்³க³க்க²ணே ஹி படிஸம்பி⁴தா³னங் அஸம்மோஹவஸேன அதி⁴க³மோ, அத்த²படிஸம்பி⁴தா³ய பன ஆரம்மணகரணவஸேனபி. லோகியானம்பி வா ஸதி உப்பத்திகாலே தத்த² ஸமத்த²தங் ஸந்தா⁴யாஹ ‘‘ஸஹ படிஸம்பி⁴தா³ஹீ’’தி. ஸமஸீஸீதி வாரஸமஸீஸீ ஹுத்வா, பச்சவெக்க²ணவாரஸ்ஸ அனந்தரவாரே பரினிப்³பா³யீதி அத்தோ².
யதா² ச ஸுக²ங், ஏவங் து³க்க²ந்தி யதா² ‘‘ஸுக²ங் கோ வேத³யதீ’’திஆதி³னா ஸம்பஜானவேதி³யனங் ஸந்தா⁴ய வுத்தங், ஏவங் து³க்க²ம்பி. தத்த² து³க்க²யதீதி து³க்கா², ஸம்பயுத்தத⁴ம்மே, காயஞ்ச பீளேதி விபா³த⁴தீதி அத்தோ². து³ட்டு²ங் வா கா²த³தி, க²னதி காயிகங், சேதஸிகஞ்ச ஸாதந்தி து³க்கா². ‘‘து³க்கரங் ஓகாஸதா³னங் ஏதிஸ்ஸாதி து³க்கா²’’தி அபரே. அரூபகம்மட்டா²னந்தி அரூபபரிக்³க³ஹங், அரூபத⁴ம்மமுகே²ன விபஸ்ஸனாபி⁴னிவேஸனந்தி அத்தோ². ந பாகடங் ஹோதி ப²ஸ்ஸஸ்ஸ, சித்தஸ்ஸ ச அவிபூ⁴தாகாரத்தா. தேனாஹ ‘‘அந்த⁴காரங் விய கா²யதீ’’தி. ‘‘ந பாகடங் ஹோதீ’’தி ச ஸக்கபஞ்ஹவண்ணனா தீ³ஸு ‘‘ப²ஸ்ஸோ பாகடோ ஹோதி, விஞ்ஞாணங் பாகடங் ஹோதீ’’தி, (தீ³॰ நி॰ அட்ட²॰ 2.359) தங் அவிரோதி⁴தங் ஹோதி. வேத³னாவஸேன கதி²யமானங் கம்மட்டா²னங் பாகடங் ஹோதீதி யோஜனா. ‘‘வேத³னானங் உப்பத்திபாகடதாயா’’தி ச இத³ங் ஸுக²து³க்க²வேத³னானங் வஸேன வுத்தங். தாஸஞ்ஹி பவத்தி ஓளாரிகா, ந இதராய. தது³ப⁴யக்³க³ஹணமுகே²ன வா க³ஹேதப்³ப³த்தா இதராயபி பவத்தி விஞ்ஞூனங் பாகடா ஏவாதி ‘‘வேத³னான’’ந்தி அவிஸேஸக்³க³ஹணங் த³ட்ட²ப்³ப³ங். ஸக்கபஞ்ஹே வுத்தனயேனேவ வேதி³தப்³போ³, தஸ்மா தத்த² வத்தப்³போ³ அத்த²விஸேஸோ தத்த² லீனத்த²ப்பகாஸனியங் வுத்தனயேனேவ க³ஹேதப்³போ³.
புப்³பே³ ‘‘வத்து²ங் ஆரம்மணங் கத்வா வேத³னாவ வேத³யதீ’’தி வேத³னாய ஆரம்மணாதீ⁴னவுத்திதாய ச அனத்ததாய ச பஜானநங் வுத்தங், இதா³னி தஸ்ஸா அனிச்சதாதி³பஜானநங் த³ஸ்ஸெந்தோ ‘‘அயங் அபரோபி பஜானநபரியாயோ’’தி ஆஹ. யதா² ஏகஸ்மிங் க²ணே சித்தத்³வயஸ்ஸ அஸம்ப⁴வோ ஏகஜ்ஜ²ங் அனேகந்தபச்சயாபா⁴வதோ, ஏவங் வேத³னாத்³வயஸ்ஸ விஸிட்டா²ரம்மணவுத்திதோ சாதி ஆஹ ‘‘ஸுக²வேத³னாக்க²ணே து³க்கா²ய வேத³னாய அபா⁴வதோ’’தி. நித³ஸ்ஸனமத்தஞ்சேதங் ததா³ உபெக்கா²வேத³னாயபி அபா⁴வதோ, தேன ஸுக²வேத³னாக்க²ணே பூ⁴தபுப்³பா³னங் இதரவேத³னானங் ஹுத்வாஅபா⁴வபஜானநேன ஸுக²வேத³னாயபி ஹுத்வா அபா⁴வோ ஞாதோ ஏவ ஹோதீதி தஸ்ஸா பாகடபா⁴வமேவ த³ஸ்ஸெந்தோ ‘‘இமிஸ்ஸா ச ஸுகா²ய வேத³னாய இதோ பட²மங் அபா⁴வதோ’’தி ‘‘வேத³னா நாம அனிச்சா அது⁴வா விபரிணாமத⁴ம்மா’’தி. அனிச்சக்³க³ஹணேன ஹி வேத³னானங் வித்³த⁴ங்ஸனபா⁴வோ த³ஸ்ஸிதோ வித்³த⁴ஸ்தே அனிச்சதாய ஸுவிஞ்ஞெய்யத்தா. அது⁴வக்³க³ஹணேன பாகடபா⁴வோ தஸ்ஸ அஸதா³பா⁴விதாதி³பா⁴வனதோ. விபரிணாமக்³க³ஹணேன து³க்க²பா⁴வோ தஸ்ஸ அஞ்ஞத²த்ததீ³பனதோ, தேன ஸுகா²பி வேத³னா து³க்கா², பகே³வ இதராதி திஸ்ஸன்னம்பி வேத³னானங் து³க்க²தா த³ஸ்ஸிதா ஹோதி. இதி ‘‘யத³னிச்சங் து³க்க²ங், தங் ஏகந்ததோ அனத்தா’’தி தீஸுபி வேத³னாஸு லக்க²ணத்தயபஜானநா ஜோதிதாதி த³ட்ட²ப்³ப³ங். தேனாஹ ‘‘இதிஹ தத்த² ஸம்பஜானோ ஹோதீ’’தி.
இதா³னி ‘‘வுத்தம்பி சேத’’ந்திஆதி³மாஹ. தத்த² நேவ தஸ்மிங் ஸமயே து³க்க²ங் வேத³னங் வேதே³தீதி தஸ்மிங் ஸுக²வேத³னாஸமங்கி³ஸமயே நேவ து³க்க²ங் வேத³னங் வேதே³தி நிருத்³த⁴த்தா, அனுப்பன்னத்தா ச யதா²க்கமங் அதீதானாக³தானங். பச்சுப்பன்னாய பன அஸம்ப⁴வோ வுத்தோ ஏவ. ஸகிச்சக்க²ணமத்தாவட்டா²னதோ அனிச்சா. ஸமேச்ச ஸம்பு⁴ய்ய பச்சயேஹி கதத்தா ஸங்க²தா. வத்தா²ரம்மணாதி³பச்சயங் படிச்ச உப்பன்னத்தா படிச்சஸமுப்பன்னா. க²யவயபலுஜ்ஜனநிருஜ்ஜ²னபகதிதாய க²யத⁴ம்மா வயத⁴ம்மா விராக³த⁴ம்மா நிரோத⁴த⁴ம்மாதி த³ட்ட²ப்³பா³.
கிலேஸேஹி ஆமஸிதப்³ப³தோ ஆமிஸங் நாம, பஞ்ச காமகு³ணா, ஆரம்மணகரணவஸேன ஸஹ ஆமிஸேஹீதி ஸாமிஸங். தேனாஹ ‘‘பஞ்சகாமகு³ணாமிஸனிஸ்ஸிதா’’தி.
இதோ பரந்தி ‘‘அத்தி² வேத³னா’’தி ஏவமாதி³ பாளிங் ஸந்தா⁴யாஹ ‘‘காயானுபஸ்ஸனாயங் வுத்தனயமேவா’’தி.
வேத³னானுபஸ்ஸனாவண்ணனா நிட்டி²தா.
சித்தானுபஸ்ஸனாவண்ணனா
381. ஸம்பயோக³வஸேன ஸராக³ங். தேனாஹ ‘‘லோப⁴ஸஹக³த’’ந்தி. வீதராக³ந்தி எத்த² காமங் ஸராக³பத³படியோகி³னா வீதராக³பதே³ன ப⁴விதப்³ப³ங், ஸம்மஸனசாரஸ்ஸ பன அதி⁴ப்பேதத்தா தேபூ⁴மகஸ்ஸேவ க³ஹணந்தி ‘‘லோகியகுஸலாப்³யாகத’’ந்தி வத்வா ‘‘இத³ங் பனா’’திஆதி³னா தமேவ ஸேஸானி த்³வே தோ³ஸமூலானி, த்³வே மோஹமூலானீதி சத்தாரி அகுஸலசித்தானி. தேஸஞ்ஹி ராகே³ன ஸம்பயோகா³பா⁴வதோ நத்தே²வ ஸராக³தா, தங்னிமித்தகதாய பன ஸியா தங்ஸஹிதகாலே ஸோதி நத்தே²வ வீதராக³தாபீதி து³க்க²வினிமுத்ததா ஏவெத்த² லப்³ப⁴தீதி ஆஹ ‘‘நேவ புரிமபத³ங் ந பச்சி²மபத³ங் ப⁴ஜந்தீ’’தி. யதி³ ஏவங் பதே³ஸிகங் பஜானநங் ஆபஜ்ஜதீதி? நாபஜ்ஜதி, து³கந்தரபரியாபன்னத்தா தேஸங். யே பன ‘‘படிபக்க²பா⁴வே அக³ய்ஹமானே ஸம்பயோகா³பா⁴வோ ஏவெத்த² பமாணங் ஏகச்சஅப்³யாகதானங் வியா’’தி இச்ச²ந்தி, தேஸங் மதேன ஸேஸாகுஸலசித்தானம்பி து³தியபத³ஸங்க³ஹோ வேதி³தப்³போ³ ‘‘விசிகிச்சா²ஸஹக³தஞ்சேவ உத்³த⁴ச்சஸஹக³தஞ்சா’’தி. யஸ்மா செத்த² ‘‘ஸஹேவ மோஹேனாதி ஸமோஹ’’ந்தி புரிமபதா³வதா⁴ரணம்பி லப்³ப⁴தியேவ, தஸ்மா வுத்தங் ‘‘யஸ்மா பனா’’திஆதி³. யதா² பன அதிமூள்ஹதாய பாடிபுக்³க³லிகனயேன ஸவிஸேஸமோஹவந்ததாய ‘‘மோமூஹசித்த’’ந்தி வத்தப்³ப³தோ விசிகிச்சா²உத்³த⁴ச்சஸஹக³தத்³வயங் விஸேஸதோ ‘‘ஸமோஹ’’ந்தி வுச்சதி, ந ததா² ஸேஸாகுஸலசித்தானீதி ‘‘வட்டந்தியேவா’’தி ஸாஸங்கங் வத³தி. ஸம்பயோக³வஸேன தி²னமித்³தே⁴ன அனுபதிதங் அனுக³தந்தி தி²னமித்³தா⁴னுபதிதங், பஞ்சவித⁴ங்ஸஸங்கா²ரிகாகுஸலசித்தங் ஸங்குசிதசித்தங், ஸங்குசிதசித்தங் நாம ஆரம்மணே ஸங்கோசனவஸேன பவத்தனதோ. பச்சயவிஸேஸவஸேன தா²மஜாதேன உத்³த⁴ச்சேன ஸஹக³தங் ஸங்ஸட்ட²ந்தி உத்³த⁴ச்சஸஹக³தங், அஞ்ஞதா² ஸப்³ப³ம்பி அகுஸலசித்தங் பஸடசித்தங் நாம ஆரம்மணே ஸவிஸேஸங் விக்கே²பவஸேன விஸடபா⁴வேன பவத்தனதோ.
கிலேஸவிக்க²ம்ப⁴னஸமத்த²தாய விபுலப²லதாய ச தீ³க⁴ஸந்தானதாய ச மஹந்தபா⁴வங் க³தங், மஹந்தேஹி வா உளாரச்ச²ந்தா³தீ³ஹி க³தங் படிபன்னந்தி மஹக்³க³தங், தங் பன ரூபாரூபபூ⁴மிக³தங் ததோ மஹந்தஸ்ஸ லோகே அபா⁴வதோ. தேனாஹ ‘‘ரூபாரூபாவசர’’ந்தி. தஸ்ஸ செத்த² படியோகீ³ பரித்தங் ஏவாதி ஆஹ ‘‘அமஹக்³க³தந்தி காமாவசர’’ந்தி. அத்தானங் உத்தரிதுங் ஸமத்தே²ஹி ஸஹ உத்தரேஹீதி ஸஉத்தரங். தப்படிபக்கே²ன அனுத்தரங். தது³ப⁴யங் உபாதா³யுபாதா³ய வேதி³தப்³ப³ந்தி ஆஹ ‘‘ஸஉத்தரந்தி காமாவசரந்திஆதி³. படிபக்க²விக்க²ம்ப⁴னஸமத்தே²ன ஸமாதி⁴னா ஸம்மதே³வ ஆஹிதங் ஸமாஹிதங். தேனாஹ ‘‘யஸ்ஸா’’திஆதி³. யஸ்ஸாதி யஸ்ஸ சித்தஸ்ஸ. யதா²வுத்தேன ஸமாதி⁴னா ந ஸமாஹிதந்தி அஸமாஹிதங். தேனாஹ ‘‘உப⁴யஸமாதி⁴ரஹித’’ந்தி. தத³ங்க³விமுத்தியா விமுத்தங், காமாவசரகுஸலசித்தங், விக்க²ம்ப⁴னவிமுத்தியா விமுத்தங், மஹக்³க³தசித்தந்தி தது³ப⁴யங் ஸந்தா⁴யாஹ ‘‘தத³ங்க³விக்க²ம்ப⁴னவிமுத்தீஹி விமுத்த’’ந்தி. யத்த² தது³ப⁴யவிமுத்தி நத்தி², தங் உப⁴யவிமுத்திரஹிதந்தி க³ய்ஹமானே லோகுத்தரசித்தேபி ஸியாஸங்காதி தங் நிவத்தனத்த²ங் ‘‘ஸமுச்சே²த³…பே॰… ஓகாஸோவ நத்தீ²’’தி ஆஹ. ஓகாஸபா⁴வோ ச
சித்தானுபஸ்ஸனாவண்ணனா நிட்டி²தா.
த⁴ம்மானுபஸ்ஸனா
நீவரணபப்³ப³வண்ணனா
382. பஹாதப்³பா³தி³த⁴ம்மவிபா⁴க³த³ஸ்ஸனவஸேன ‘‘பஞ்சவிதே⁴ன த⁴ம்மானுபஸ்ஸனங் கதே²து’’ந்தி ஆஹ. யதி³ ஏவங் கஸ்மா நீவரணாதி³வஸேனேவ நித்³தி³ட்ட²ந்தி? வினெய்யஜ்ஜா²ஸயதோ. யேஸஞ்ஹி ‘‘அபிசா’’திஆதி³மாஹ. தத்த² க²ந்தா⁴யதனது³க்க²ஸச்சவஸேன மிஸ்ஸகபரிக்³க³ஹகத²னங் த³ட்ட²ப்³ப³ங். ஸஞ்ஞாஸங்கா²ரக்க²ந்த⁴பரிக்³க³ஹம்பீதி பி-ஸத்³தே³ன ஸகலபஞ்சுபாதா³னக்க²ந்த⁴பரிக்³க³ஹங் ஸம்பிண்டே³தி இதரேஸங் தத³ந்தோக³த⁴த்தா.
‘‘கண்ஹஸுக்கத⁴ம்மானங் யுக³னந்த⁴தா நத்தீ²’’தி பஜானநகாலே அபா⁴வா ‘‘அபி⁴ண்ஹஸமுதா³சாரவஸேனா’’தி வுத்தங். ஸங்விஜ்ஜமானந்தி அத்தனோ ஸந்தானே உபலப்³ப⁴மானங். யதா²தி யேனாகாரேன, ஸோ பன ‘‘காமச்ச²ந்த³ஸ்ஸ உப்பாதோ³ ஹோதீ’’தி வுத்தத்தா காமச்ச²ந்த³ஸ்ஸ காரணாகாரோவ, அத்த²தோ காரணமேவாதி ஆஹ ‘‘யேன காரணேனா’’தி. ச-ஸத்³தோ³ வக்க²மானத்த²ஸமுச்சயத்தோ².
தத்தா²தி ‘‘யதா² சா’’திஆதி³னா வுத்தபதே³. ஸுப⁴ம்பீதி காமச்ச²ந்தோ³பி. ஸோ ஹி அத்தனோ க³ஹணாகாரேன ‘‘ஸுப⁴’’ந்தி வுத்தோ, தேனாகாரேன பவத்தனகஸ்ஸ அஞ்ஞஸ்ஸ காமச்ச²ந்த³ஸ்ஸ நிமித்தத்தா ‘‘நிமித்த’’ந்தி ஸுபா⁴ரம்மணங். ஆகங்கி²தஸ்ஸ ஹிதஸுக²ஸ்ஸ பத்தியா அனுபாயபூ⁴தோ மனஸிகாரோ அனுபாயமனஸிகாரோ. தந்தி அயோனிஸோமனஸிகாரங் தத்தா²தி தஸ்மிங் ஸபா⁴க³ஹேதுபூ⁴தே, ஆரம்மணபூ⁴தே ச து³விதே⁴ ஸுப⁴னிமித்தே. ஆஹாரோதி பச்சயோ அத்தனோ ப²லங் ஆஹரதீதி கத்வா.
அஸுப⁴ந்தி கி³ரிமானந்த³ஸுத்தே (அ॰ நி॰ 10.60) வுத்தா. எத்த² ச சதுப்³பி³த⁴ஸ்ஸ அயோனிஸோமனஸிகாரஸ்ஸ, யோனிஸோமனஸிகாரஸ்ஸ ச க³ஹணங் நிரவஸேஸத³ஸ்ஸனத்த²ங் கதந்தி த³ட்ட²ப்³ப³ங், தேஸு பன அஸுபே⁴ஸு ‘‘ஸுப⁴’’ந்தி, ‘‘அஸுப⁴’’ந்தி ச மனஸிகாரோ இதா⁴தி⁴ப்பேதோ, தத³னுகூலத்தா பன இதரே பீதி.
ஏகாத³ஸஸு அஸுபே⁴ஸு படிக்கூலாகாரஸ்ஸ உக்³க³ண்ஹனங், யதா² வா தத்த² உக்³க³ஹனிமித்தங் உப்பஜ்ஜதி, ததா² படிபத்தி அஸுப⁴னிமித்தஸ்ஸ உக்³க³ஹோ. உபசாரப்பனாவஹாய அஸுப⁴பா⁴வனாய அனுயுஞ்ஜனா அஸுப⁴பா⁴வனானுயோகோ³. ‘‘போ⁴ஜனே மத்தஞ்ஞுனோ மிதாஹாரஸ்ஸ தி²னமித்³தா⁴பி⁴ப⁴வாபா⁴வா ஓதாரங் அலப⁴மானோ காமச்ச²ந்தோ³ பஹீயதீ’’தி வத³ந்தி, அயமேவ ச அத்தோ² நித்³தே³ஸேபி வுச்சதி. யோ பன போ⁴ஜனஸ்ஸ படிக்கூலதங், தப்³பி³பரிணாமஸ்ஸ ததா³தா⁴ரஸ்ஸ தஸ்ஸ ச உபனிஸ்ஸயபூ⁴தஸ்ஸ அதிவிய ஜேகு³ச்ச²தங், காயஸ்ஸ ச ஆஹாரட்டி²திகத்தங் ஸம்மதே³வ ஜானாதி, ஸோ ஸப்³ப³ஸோ போ⁴ஜனே பமாணஸ்ஸ ஜானநேன போ⁴ஜனேமத்தஞ்ஞூ நாம. தாதி³ஸஸ்ஸ ஹி காமச்ச²ந்தோ³ பஹீயதேவ.
அஸுப⁴கம்மிகதிஸ்ஸத்தே²ரோ த³ந்தட்டி²த³ஸ்ஸாவீ. பஹீனஸ்ஸாதி விக்க²ம்ப⁴னவஸேன பஹீனஸ்ஸ. இதோ பரேஸுபி ஏவரூபேஸு டா²னேஸு ஏஸேவ நயோ. அபி⁴த⁴ம்மபரியாயேன (த⁴॰ ஸ॰ 1159, 1503) ஸப்³போ³பி லோபோ⁴ காமச்ச²ந்த³னீவரணந்தி ஆஹ ‘‘அரஹத்தமக்³கே³னா’’தி.
படிக⁴ம்பி புரிமுப்பன்னங் படிக⁴னிமித்தங்
மேஜ்ஜதி ஸினிய்ஹதீதி மித்தோ, ஹிதேஸீ புக்³க³லோ, தஸ்மிங் மித்தே ப⁴வா, மித்தஸ்ஸ வா ஏஸாதி மெத்தா, ஹிதேஸிதா, தஸ்ஸா மெத்தாய. அப்பனாபி உபசாரோபி வட்டதி ஸாதா⁴ரணவசனபா⁴வதோ. ‘‘சேதோவிமுத்தீ’’தி அப்பனாவ வட்டதி அப்பனங் அப்பத்தாய படிபக்க²தோ ஸுட்டு² முச்சனஸ்ஸ அபா⁴வதோ. தந்தி யோனிஸோமனஸிகாரங். தத்தா²தி மெத்தாய. ப³ஹுலங் பவத்தயதோதி ப³ஹுலீகாரவதோ.
ஸத்தேஸு மெத்தானிமித்தஸ்ஸ உக்³க³ஹோ, பட²முப்பன்னோ மெத்தாமனஸிகாரோ பரதோ உப்பஜ்ஜனகஸ்ஸ காரணபா⁴வதோ மெத்தாமனஸிகாரோவ மெத்தானிமித்தங். கம்மமேவ ஸகங் ஏதேஸந்தி கம்மஸ்ஸகா, ஸத்தா, தப்³பா⁴வோ கம்மஸ்ஸகதா, கம்மதா³யாத³தா. தோ³ஸமெத்தாஸு யாதா²வதோ ஆதீ³னவானிஸங்ஸானங் படிஸங்கா²னங் வீமங்ஸா இத⁴ படிஸங்கா²னங். மெத்தாவிஹாரிகல்யாணமித்தவந்ததா இத⁴ கல்யாணமித்ததா. ஓதி³ஸ்ஸகஅனோதி³ஸ்ஸகதி³ஸாப²ரணானந்தி (ஓதி⁴ஸகஅனோதி⁴ஸகதி³ஸாப²ரணானங் ம॰ நி॰ அட்ட²॰ 1.115) அத்தஅதிபியஸஹாயமஜ்ஜ²த்தவேரிவஸேன ஓதி³ஸ்ஸகதா, ஸீமாஸம்பே⁴தே³ கதே அனோதி³ஸ்ஸகதா. ஏகாதி³தி³ஸாப²ரணவஸேன தி³ஸாப²ரணதா மெத்தாய உக்³க³ஹணே வேதி³தப்³பா³. விஹாரரச்சா²கா³மாதி³வஸேன வா ஓதி³ஸ்ஸகதி³ஸாப²ரணங். விஹாராதி³உத்³தே³ஸரஹிதங் புரத்தி²மாதி³தி³ஸாவஸேன அனோதி³ஸ்ஸகதி³ஸாப²ரணந்தி ஏவங் த்³விதா⁴ உக்³க³ஹணங் ஸந்தா⁴ய ‘‘ஓதி³ஸ்ஸகஅனோதி³ஸ்ஸகதி³ஸாப²ரணான’’ந்தி வுத்தங். உக்³க³ஹோதி ச யாவ உபசாரா த³ட்ட²ப்³போ³. உக்³க³ஹிதாய ஆஸேவனா பா⁴வனா. தத்த² ஸப்³பே³ ஸத்தா, பாணா, பூ⁴தா, புக்³க³லா, அத்தபா⁴வபரியாபன்னாதி ஏதேஸங் வஸேன பஞ்சவிதா⁴, ஏகேகஸ்மிங் அவேரா ஹொந்து
யேன அயோனிஸோமனஸிகாரேன அரதிஆதி³கானி உப்பஜ்ஜந்தி, ஸோ அரதிஆதீ³ஸு அயோனிஸோமனஸிகாரோ. தேன நிப்பா²தே³தப்³பே³ ஹி இத³ங் பு⁴ம்மங். ஏஸ நயோ இதோ பரேஸுபி. உக்கண்டி²தா பந்தஸேனாஸனேஸு, அதி⁴குஸலத⁴ம்மேஸு ச உப்பஜ்ஜனபா⁴வரிஞ்சனா. காயவினமனாதி கரஜகாயஸ்ஸ விரூபேனாகாரேன நமனா. லீனாகாரோதி ஸங்கோசாபத்தி.
குஸலத⁴ம்மபடிபத்தியா பட்ட²பனஸபா⁴வதாய, தப்படிபக்கா²னங் விஸோஸனஸபா⁴வதாய ச ஆரம்ப⁴தா⁴துஆதி³தோ பவத்தவீரியந்தி ஆஹ ‘‘பட²மாரம்ப⁴வீரிய’’ந்தி. யஸ்மா பட²மாரம்ப⁴மத்தஸ்ஸ கோஸஜ்ஜவித⁴மனங், தா²மக³மனஞ்ச ‘‘கோஸஜ்ஜதோ நிக்க²ந்ததாய ததோ ப³லவதர’’ந்தி ‘‘பரங் பரங் டா²னங் அக்கமனதோ ததோபி ப³லவதர’’ந்தி.
அதிபோ⁴ஜனே நிமித்தக்³கா³ஹோதி அதிபோ⁴ஜனே தி²னமித்³த⁴ஸ்ஸ நிமித்தக்³கா³ஹோ ‘‘சதுபஞ்ச…பே॰… ந ஹோதீ’’தி. தி³வா ஸூரியாலோகந்தி தி³வா க³ஹிதனிமித்தங் ஸூரியாலோகங் ரத்தியங் மனஸி கரொந்தஸ்ஸாபீதி ஏவமெத்த² அத்தோ² வேதி³தப்³போ³. து⁴தங்கா³னங் வீரியனிஸ்ஸிதத்தா வுத்தங் ‘‘து⁴தங்க³னிஸ்ஸிதஸப்பாயகதா²யபீ’’தி.
குக்குச்சம்பி கதாகதானுஸோசனவஸேன பவத்தமானங் சேதஸோ அவூபஸமாவஹதாய உத்³த⁴ச்சேன ஸமானலக்க²ணமேவாதி ‘‘அவூபஸமோ நாம அவூபஸந்தாகாரோ, உத்³த⁴ச்சகுக்குச்சமேவேதங் அத்த²தோ’’தி வுத்தங்.
ப³ஹுஸ்ஸுதஸ்ஸ க³ந்த²தோ, அத்த²தோ ச ஸுத்தாதீ³னி விசாரெந்தஸ்ஸ தப்³ப³ஹுலவிஹாரினோ அத்த²வேதா³தி³படிலாப⁴ஸப்³பா⁴வதோ விக்கே²போ ந ஹோதீதி, யதா²விதி⁴படிபத்தியா, யதா²னுரூபபதிகாரப்பவத்தியா ச கதாகதானுஸோசனஞ்ச ந ஹோதீதி ‘‘பா³ஹுஸச்சேனபி…பே॰… உத்³த⁴ச்சகுக்குச்சங் பஹீயதீ’’தி ஆஹ. யத³க்³கே³ன பா³ஹுஸச்சேன உத்³த⁴ச்சகுக்குச்சங் பஹீயதி, தத³க்³கே³ன பரிபுச்ச²கதாவினயபகதஞ்ஞுதாஹிபி தங் பஹீயதீதி த³ட்ட²ப்³ப³ங். வுத்³த⁴ஸேவிதா ச வுத்³த⁴ஸீலிதங் ஆவஹதீதி சேதோவூபஸமகரத்தா உத்³த⁴ச்சகுக்குச்சப்பஹானகாரீ வுத்தா. வுத்³த⁴த்தங் பன அனபெக்கி²த்வா குக்குச்சவினோத³கா வினயத⁴ரா கல்யாணமித்தா வுத்தாதி த³ட்ட²ப்³பா³. விக்கே²போ ச பப்³ப³ஜிதானங் யேபு⁴ய்யேன குக்குச்சஹேதுகோ ஹோதீதி ‘‘கப்பியாகப்பியபரிபுச்சா²ப³ஹுலஸ்ஸா’’திஆதி³னா வினயனயேனேவ பரிபுச்ச²கதாத³யோ நித்³தி³ட்டா². பஹீனே உத்³த⁴ச்சகுக்குச்சேதி குக்குச்சஸ்ஸ தோ³மனஸ்ஸஸஹக³தத்தா அனாகா³மிமக்³கே³ன ஆயதிங் அனுப்பாதோ³ வுத்தோ.
திட்ட²தி டா²னீயா விசிகிச்சா²ய டா²னீயா விசிகிச்சா²டா²னீயா, விசிகிச்சா²ய காரணபூ⁴தா த⁴ம்மா, திட்ட²தீதி வா டா²னீயா, விசிகிச்சா² டா²னீயா ஏதிஸ்ஸாதி விசிகிச்சா²டா²னீயா, அத்த²தோ விசிகிச்சா² ஏவ. ஸா ஹி புரிமுப்பன்னா பரதோ உப்பஜ்ஜனகவிசிகிச்சா²ய ஸபா⁴க³ஹேதுதாய அஸாதா⁴ரணங் காரணங்.
குஸலாகுஸலாதி ஸாவஜ்ஜா, அஸேவிதப்³பா³, ஹீனா ச. யே குஸலா, தே அனவஜ்ஜா, ஸேவிதப்³பா³, பணீதா ச. குஸலா வா ஹீனேஹி ச²ந்தா³தீ³ஹி ஆரத்³தா⁴ ஹீனா, பணீதேஹி பணீதா. கண்ஹாதி காளகா சித்தஸ்ஸ அபப⁴ஸ்ஸரபா⁴வகரணா. ஸுக்காதி ஓதா³தா சித்தஸ்ஸ பப⁴ஸ்ஸரபா⁴வகரணா. கண்ஹாபி⁴ஜாதிஹேதுதோ வா கண்ஹா. ஸுக்காபி⁴ஜாதிஹேதுதோ ஸுக்கா. தே ஏவ ஸப்படிபா⁴கா³. கண்ஹா ஹி உஜுவிபச்சனீகதாய ஸுக்கஸப்படிபா⁴கா³, ததா² ஸுக்காபி இதரேஹி. அத² வா கண்ஹஸுக்கா ச ஸப்படிபா⁴கா³ ச கண்ஹஸுக்கஸப்படிபா⁴கா³. ஸுகா² ஹி வேத³னா து³க்கா²ய வேத³னாய ஸப்படிபா⁴கா³, து³க்கா² ச வேத³னா ஸுகா²ய வேத³னாய ஸப்படிபா⁴கா³தி.
காமங் பா³ஹுஸச்சபரிபுச்ச²கதாஹி ஸப்³பா³பி அட்ட²வத்து²கா விசிகிச்சா² பஹீயதி, ததா²பி ரதனத்தயவிசிகிச்சா²மூலிகா ஸேஸவிசிகிச்சா²தி கத்வா ஆஹ ‘‘தீணி ரதனானி ஆரப்³பா⁴’’தி. ரதனத்தயகு³ணாவபோ³தே⁴ ‘‘ஸத்த²ரி கங்க²தீ’’திஆதி³ (த⁴॰ ஸ॰ 1008, 1123, 1167, 1241, 1263, 1270; விப⁴॰ 915) விசிகிச்சா²ய அஸம்ப⁴வோதி. வினயே பகதஞ்ஞுதா ‘‘ஸிக்கா²ய கங்க²தீ’’தி வுத்தாய விசிகிச்சா²ய பஹானங் கரோதீதி ஆஹ ‘‘வினயே சிண்ணவஸீபா⁴வஸ்ஸாபீ’’தி. ஓகப்பனியஸத்³தா⁴ஸங்கா²தஅதி⁴மொக்க²ப³ஹுலஸ்ஸாதி அதி⁴முச்சனஞ்ச அதி⁴மொக்கு²ப்பாத³னமேவாதி த³ட்ட²ப்³ப³ங், ஸத்³தா⁴ய வா நின்னபோணதாஅதி⁴முத்தி அதி⁴மொக்கோ².
ஸமுத³யவயாதி ஸமுத³யவயத⁴ம்மா. ஸுப⁴னிமித்தஅஸுப⁴னிமித்தாதீ³ஸூதி ‘‘ஸுப⁴னிமித்தாதீ³ஸு அஸுப⁴னிமித்தாதீ³ஸூ’’தி ஆதி³-ஸத்³தோ³ பச்சேகங் யோஜேதப்³போ³. தத்த² பட²மேன ஆதி³-ஸத்³தே³ன படிக⁴னிமித்தாதீ³னங் ஸங்க³ஹோ, து³தியேனமெத்தாசேதோவிமுத்திஆதீ³னங். ஸேஸமெத்த² யங் வத்தப்³ப³ங், தங் வுத்தனயமேவ.
நீவரணபப்³ப³வண்ணனா நிட்டி²தா.
க²ந்த⁴பப்³ப³வண்ணனா
383. உபாதா³னேஹி உபாதா³னக்க²ந்தா⁴.
இதி ரூபந்தி எத்த² இதி-ஸத்³தோ³ இத³ங்-ஸத்³தே³ன ஸமானத்தோ²தி அதி⁴ப்பாயேனாஹ ‘‘இத³ங் ரூப’’ந்தி. தயித³ங் ஸரூபக்³க³ஹணபா⁴வதோ அனவஸேஸபரியாதா³னங் ஹோதீதி ஆஹ ‘‘எத்தகங் ரூபங், ந இதோ பரங் ரூபங் அத்தீ²’’தி. இதீதி வா பகாரத்தே² நிபாதோ, தஸ்மா ‘‘இதி ரூப’’ந்தி இமினா பூ⁴துபாதா³தி³வஸேன யத்தகோ ரூபஸ்ஸ பபே⁴தோ³, தேன ஸத்³தி⁴ங் ரூபங் அனவஸேஸதோ பரியாதி³யித்வா த³ஸ்ஸேதி. ஸபா⁴வதோதி ருப்பனஸபா⁴வதோ, சக்கா²தி³வண்ணாதி³ஸபா⁴வதோ ச. வேத³னாதீ³ஸுபீதி எத்த² ‘‘அயங் வேத³னா, எத்தகா வேத³னா, ந இதோ பரங் வேத³னா அத்தீ²தி ஸபா⁴வதோ வேத³னங் பஜானாதீ’’திஆதி³னா, ஸபா⁴வதோதி ச ‘‘அனுப⁴வனஸபா⁴வதோ, ஸாதாதி³ஸபா⁴வதோ சா’’தி ஏவமாதி³னா யோஜேதப்³ப³ங். ஸேஸங் வுத்தனயத்தா ஸுவிஞ்ஞெய்யமேவ.
க²ந்த⁴பப்³ப³வண்ணனா நிட்டி²தா.
ஆயதனபப்³ப³வண்ணனா
384. ச²ஸு அஜ்ஜ²த்திகபா³ஹிரேஸூதி ‘‘ச²ஸு அஜ்ஜ²த்திகேஸு ச²ஸு பா³ஹிரேஸூ’’தி ‘‘ச²ஸூ’’தி பத³ங் பச்சேகங் யோஜேதப்³ப³ங். கஸ்மா பனேதானி உப⁴யானி ச²ளேவ வுத்தானி? ச²விஞ்ஞாணகாயுப்பத்தித்³வாராரம்மணவவத்தா²னதோ. சக்கு²விஞ்ஞாணவீதி²யா பரியாபன்னஸ்ஸ ஹி விஞ்ஞாணகாயஸ்ஸ சக்கா²யதனமேவ உப்பத்தித்³வாரங், ரூபாயதனமேவ ச ஆரம்மணங், ததா² இதரானி இதரேஸங், ச²ட்ட²ஸ்ஸ பன ப⁴வங்க³மனஸங்கா²தோ மனாயதனேகதே³ஸோ சக்கு², ரூபங் அஸ்ஸாதே³தி, விபா⁴வேதி சாதி அத்தோ². ஸுணாதீதி ஸோதங். கா⁴யதீதி கா⁴னங். ஜீவிதனிமித்ததாய ரஸோ ஜீவிதங், தங் ஜீவிதங் அவ்ஹாயதீதி ஜிவ்ஹா. குச்சி²தானங் ஸாஸவத⁴ம்மானங் ஆயோ உப்பத்திதே³ஸோதி காயோ. முனாதி ஆரம்மணங் விஜானாதீதி மனோ. ரூபயதி வண்ணவிகாரங் ஆபஜ்ஜமானங் ஹத³யங்க³தபா⁴வங் பகாஸேதீதி ரூபங். ஸப்பதி அத்தனோ பச்சயேஹி ஹரீயதி ஸோதவிஞ்ஞெய்யபா⁴வங் க³மீயதீதி ஸத்³தோ³. க³ந்த⁴யதி அத்தனோ வத்து²ங் ஸூசேதீதி க³ந்தோ⁴ ரஸோ. பு²ஸீயதீதி பொ²ட்ட²ப்³ப³ங். அத்தனோ ஸபா⁴வங் தா⁴ரெந்தீதி த⁴ம்மா. ஸப்³பா³னி பன ஆயானங் தனநாதி³அத்தே²ன ஆயதனானி. அயமெத்த² ஸங்கே²போ, வித்தா²ரோ பன விஸுத்³தி⁴மக்³க³ஸங்வண்ணனாயங் (விஸுத்³தி⁴॰ 2.510, 511, 512; விஸுத்³தி⁴॰ டீ॰ 2.510) வுத்தனயேனேவ வேதி³தப்³போ³.
சக்கு²ஞ்ச பஜானாதீதி (தீ³॰ நி॰ 2.384; ம॰ நி॰ 1.117) எத்த² சக்கு² நாம பஸாத³சக்கு², ந ஸஸம்பா⁴ரசக்கு², நாபி தி³ப்³ப³சக்கு²ஆதி³கந்தி ஆஹ சக்கு²பஸாத³ந்தி. யங் ஸந்தா⁴ய வுத்தங் ‘‘யங் சக்கு² சதுன்னங் மஹாபூ⁴தானங் உபாதா³ய பஸாதோ³’’தி. (த⁴॰ ஸ॰ 596) ச-ஸத்³தோ³ வக்க²மானத்த²ஸமுச்சயத்தோ². யாதா²வஸரஸலக்க²ணவஸேனாதி அவிபரீதஸ்ஸ அத்தனோ ரஸஸ்ஸ சேவ லக்க²ணஸ்ஸ ச வஸேன, ரூபேஸு ஆவிஞ்ச²னகிச்சஸ்ஸ சேவ ரூபாபி⁴கா⁴தாரஹபூ⁴தபஸாத³லக்க²ணஸ்ஸ ச த³ட்டு²காமதானிதா³னகம்மஸமுட்டா²னபூ⁴தபஸாத³லக்க²ணஸ்ஸ ச வஸேனாதி அத்தோ². அத² வா யாதா²வஸரஸலக்க²ணவஸேனாதி யாதா²வஸரஸவஸேன சேவ லக்க²ணவஸேன ச, யாதா²வஸரஸோதி லக்க²ணவஸேனாதி அனிச்சாதி³ஸாமஞ்ஞலக்க²ணவஸேன.
‘‘சக்கு²ஞ்ச படிச்ச ரூபே ச உப்பஜ்ஜதி சக்கு²விஞ்ஞாண’’ந்திஆதீ³ஸு (ம॰ நி॰ 1.204, 400; ம॰ நி॰ 3.421, 425, 426; ஸங்॰ நி॰ 2.43, 45; 2.4.60) ஸமுதி³தானியேவ ரூபாயதனானி சக்கு²விஞ்ஞாணுப்பத்திஹேது, ந விஸுங் விஸுந்தி இமஸ்ஸ அத்த²ஸ்ஸ ஜோதனத்த²ங் ‘‘ரூபே சா’’தி புது²வசனக்³க³ஹணங், தாய ஏவ ச தே³ஸனாக³தியா காமங் இதா⁴பி ‘‘ரூபே ச பஜானாதீ’’தி வுத்தங், ரூபபா⁴வஸாமஞ்ஞேன பன ஸப்³ப³ங் ஏகஜ்ஜ²ங் க³ஹெத்வா ப³ஹித்³தா⁴ சதுஸமுட்டா²னிகரூபஞ்சாதி ஏகவசனவஸேன அத்தோ². ஸரஸலக்க²ண வஸேனாதி சக்கு²விஞ்ஞாணஸ்ஸ விஸயபா⁴வகிச்சஸ்ஸ வஸேன சேவ சக்கு²படிஹனநலக்க²ணஸ்ஸ வஸேன சாதி யோஜேதப்³ப³ங்.
உப⁴யங் படிச்சாதி சக்கு²ங் உபனிஸ்ஸயபச்சயவஸேன பச்சயபூ⁴தங், ரூபே ஆரம்மணாதி⁴பதிஆரம்மணூபனிஸ்ஸயவஸேன பச்சயபூ⁴தே ச படிச்ச. காமங் அயங் ஸுத்தந்தஸங்வண்ணனா, நிப்பரியாயகதா² நாம அபி⁴த⁴ம்மஸன்னிஸ்ஸிதா ஏவாதி அபி⁴த⁴ம்மனயேனேவ ஸங்யோஜனானி த³ஸ்ஸெந்தோ ‘‘காமராக³…பே॰… அவிஜ்ஜாஸங்யோஜன’’ந்தி காமராகோ³. ஸோ ஏவ ப³ந்த⁴னட்டே²ன ஸங்யோஜனங். அயஞ்ஹி யஸ்ஸ ஸங்விஜ்ஜதி, தங் புக்³க³லங் வட்டஸ்மிங் ஸங்யோஜேதி ப³ந்த⁴தி இதி து³க்கே²ன ஸத்தங், ப⁴வாதி³கே வா ப⁴வந்தராதீ³ஹி, கம்முனா வா விபாகங் ஸங்யோஜேதி ப³ந்த⁴தீதி ஸங்யோஜனங். ஏவங் படிக⁴ஸங்யோஜங்ஆதீ³னம்பி யதா²ரஹமத்தோ² வத்தப்³போ³. ஸரஸலக்க²ணவஸேனாதி எத்த² பன ஸத்தஸ்ஸ வட்டதோ அனிஸ்ஸஜ்ஜனஸங்கா²தஸ்ஸ அத்தனோ கிச்சஸ்ஸ சேவ யதா²வுத்தப³ந்த⁴னஸங்கா²தஸ்ஸ லக்க²ணஸ்ஸ ச வஸேனாதி யோஜேதப்³ப³ங்.
ப⁴வஸ்ஸாத³தி³ட்டி²ஸ்ஸாத³னிவத்தனத்த²ங் காமஸ்ஸாத³க்³க³ஹணங். அஸ்ஸாத³யதோதி அபி⁴ரமந்தஸ்ஸ. அபி⁴னந்த³தோதி அனிட்டா²ரம்மணேதி எத்த² ‘‘ஆபாத²க³தே’’தி விப⁴த்திவிபரிணாமனவஸேன ‘‘ஆபாத²க³த’’ந்தி பத³ங் ஆனெத்வா ஸம்ப³ந்தி⁴தப்³ப³ங். ஏதங் ஆரம்மணந்தி ஏதங் ஏவங்ஸுகு²மங் ஏவங்து³ப்³பி³பா⁴க³ங் ஆரம்மணங். ‘‘நிச்சங் து⁴வ’’ந்தி இத³ங் நித³ஸ்ஸனமத்தங். ‘‘உச்சி²ஜ்ஜிஸ்ஸதி வினஸ்ஸிஸ்ஸதீதி க³ண்ஹதோ’’தி ஏவமாதீ³னம்பி ஸங்க³ஹோ இச்சி²தப்³போ³. பட²மாய ஸக்காயதி³ட்டி²யா அனுரோத⁴வஸேன ‘‘ஸத்தோ நு கோ²’’தி, இதராய அனுரோத⁴வஸேன ‘‘ஸத்தஸ்ஸ நு கோ²’’தி விசிகிச்ச²தோ. அத்தத்தனியாதி³கா³ஹானுக³தா ஹி விசிகிச்சா² தி³ட்டி²யா அஸதி அபா⁴வதோ. ப⁴வங் பத்தெ²ந்தஸ்ஸாதி ‘‘ஈதி³ஸே ஸம்பத்திப⁴வே யஸ்மா அம்ஹாகங் இத³ங் இட்ட²ங் ரூபாரம்மணங் ஸுலப⁴ங் ஜாதங், தஸ்மா ஆயதிம்பி ஏதி³ஸோ, இதோ வா உத்தரிதரோ ஸம்பத்திப⁴வோ ப⁴வெய்யா’’தி ப⁴வங் நிகாமெந்தஸ்ஸ. ஏவரூபந்தி ஏவரூபங் ரூபங். தங்ஸதி³ஸே ஹி தப்³போ³ஹாரவஸேனேவங் வுத்தங். ப⁴வதி ஹி தங்ஸதி³ஸேஸு தப்³போ³ஹாரோ யதா² ‘‘ஸா ஏவ தித்திரீ, தானி ஏவ ஓஸதா⁴னீ’’தி. உஸூயதோதி உஸூயங் இஸ்ஸங் உப்பாத³யதோ. அஞ்ஞஸ்ஸ மச்ச²ராயதோதி அஞ்ஞேன அஸாதா⁴ரணபா⁴வகரணேன மச்ச²ரியங் கரோதோ. ஸப்³பே³ஹேவ யதா²வுத்தேஹி நவஹி ஸங்யோஜனேஹி.
தஞ்ச காரணந்தி ஸுப⁴னிமித்தபடிக⁴னிமித்தாதி³விபா⁴க³ங் இட்டா²னிட்டா²தி³ரூபாரம்மணஞ்சேவ தஜ்ஜாயோனிஸோமனஸிகாரஞ்சாதி ‘‘அப்பஹீனட்டே²ன உப்பன்னஸ்ஸா’’தி வுத்தங். வத்தமானுப்பன்னதா ஸமுதா³சாரக்³க³ஹணேனேவ க³ஹிதா. யேன காரணேனாதி யேன விபஸ்ஸனாஸமத²பா⁴வனாஸங்கா²தேன காரணேன ஓளாரிகஸ்ஸாதி தூ²லஸ்ஸ, யதோ அபி⁴ண்ஹஸமுப்பத்திபரியுட்டா²னதிப்³ப³தாவ ஹோதி. அணுஸஹக³தஸ்ஸாதி வுத்தப்பகாராபா⁴வேன அணுபா⁴வங் ஸுகு²மபா⁴வங் க³தஸ்ஸ. உத்³த⁴ச்சஸங்யோஜனஸ்ஸபெத்த² அனுப்பாதோ³ வுத்தோயேவாதி த³ட்ட²ப்³போ³ யதா²வுத்தஸங்யோஜனேஹி அவினாபா⁴வதோ. ஏகத்த²தாய ஸோதாதீ³னங் ஸபா⁴வஸரஸலக்க²ணவஸேன பஜானநா, தப்பச்சயானங் ஸங்யோஜனானங் உப்பாதா³தி³பஜானநா ச வுத்தனயேனேவ வேதி³தப்³பா³தி த³ஸ்ஸெந்தோ ‘‘ஏஸேவ நயோ’’தி அதிதி³ஸதி.
அத்தனோ வா த⁴ம்மேஸூதி அத்தனோ அஜ்ஜ²த்திகாயதனத⁴ம்மேஸு, அத்தனோ உப⁴யத⁴ம்மேஸு வா. இமஸ்மிங் பக்கே² அஜ்ஜ²த்திகாயதனபரிக்³க³ண்ஹனேனாதி அஜ்ஜ²த்திகாயதனபரிக்³க³ண்ஹனமுகே²னாதி அத்தோ². ஏவஞ்ச பரஸ்ஸ வா த⁴ம்மேஸூதி எத்தா²பி ஏஸேவ நயோ. ரூபாயதனஸ்ஸாதி அட்³டே⁴காத³ஸப்பபே⁴த³ஸ்ஸ ரூபஸபா⁴வஸ்ஸ ஆயதனஸ்ஸ ரூபக்க²ந்தே⁴ ‘‘வுத்தனயேன நீஹரிதப்³போ³’’தி ஆனெத்வா ஸம்ப³ந்தி⁴தப்³ப³ங். ஸேஸக்க²ந்தே⁴ஸூதி வேத³னாஸஞ்ஞாஸங்கா²ரக்க²ந்தே⁴ஸு. வுத்தனயேனாதி இமினா அதிதே³ஸேன ரூபக்க²ந்தே⁴ ‘‘ஆஹாரஸமுத³யா’’தி விஞ்ஞாணக்க²ந்தே⁴ ‘‘நாமரூபஸமுத³யா’’தி ஸேஸக²ந்தே⁴ஸு ‘‘ப²ஸ்ஸஸமுத³யா’’தி இமங் விஸேஸங் விபா⁴வேதி, இதரங் பன ஸப்³ப³த்த² ஸமானந்தி க²ந்த⁴பப்³பே³ விய ஆயதனபப்³பே³பி லோகுத்தரனிவத்தனங் பாளியங் க³ஹிதங் நத்தீ²தி வுத்தங் ‘‘லோகுத்தரத⁴ம்மா ந க³ஹேதப்³பா³’’தி. ஸேஸங் வுத்தனயமேவ.
ஆயதனபப்³ப³வண்ணனா நிட்டி²தா.
பொ³ஜ்ஜ²ங்க³பப்³ப³வண்ணனா
385. பு³ஜ்ஜ²னகஸத்தஸ்ஸாதி கிலேஸனித்³தா³ய படிபு³ஜ்ஜ²னகஸத்தஸ்ஸ, அரியஸச்சானங் வா படிவிஜ்ஜ²னகஸத்தஸ்ஸ. அங்கே³ஸூதி காரணேஸு, அவயவேஸு வா ‘‘ஆரத்³த⁴விபஸ்ஸகதோ பட்டா²ய யோகா³வசரோதி ஸம்போ³தீ⁴’’தி. ஸுத்தந்ததே³ஸனா நாம பரியாயகதா², அயஞ்ச ஸதிபட்டா²னதே³ஸனா லோகியமக்³க³வஸேன பவத்தாதி வுத்தங் ‘‘யோகா³வசரோதி ஸம்போ³தீ⁴’’தி, அஞ்ஞதா² ‘‘அரியஸாவகோ’’தி வதெ³ய்ய.
‘‘ஸதிஸம்பொ³ஜ்ஜ²ங்க³ட்டா²னீயா’’தி பத³ஸ்ஸ அத்தோ² ‘‘விசிகிச்சா²ட்டா²னீயா’’தி எத்த² வுத்தனயேன வேதி³தப்³போ³. தந்தி யோனிஸோமனஸிகாரங். தத்தா²தி ஸதியங், நிப்பா²தே³தப்³பே³ சேதங் பு⁴ம்மங்.
ஸதி ச ஸம்பஜஞ்ஞஞ்ச ஸதிஸம்பஜஞ்ஞங். அத² வா ஸதிப்பதா⁴னங் அபி⁴க்கந்தாதி³ஸாத்த²கபா⁴வபரிக்³க³ண்ஹனஞாணங் ஸதிஸம்பஜஞ்ஞங். தங் ஸப்³ப³த்த² ஸதோகாரீபா⁴வாவஹத்தா ஸதிஸம்பொ³ஜ்ஜ²ங்க³ஸ்ஸ உப்பாதா³ய ஹோதி. யதா² பச்சனீகத⁴ம்மப்பஹானங், அனுரூபத⁴ம்மஸேவனா ச அனுப்பன்னானங் குஸலானங் த⁴ம்மானங் உப்பாதா³ய ஹோதி, ஏவங் ஸதிரஹிதபுக்³க³லவிவஜ்ஜனா, ஸதோகாரீபுக்³க³லஸேவனா, தத்த² ச யுத்தப்பயுத்ததா ஸதிஸம்பொ³ஜ்ஜ²ங்க³ஸ்ஸ உப்பாதா³ய ஹோதீதி இமமத்த²ங் த³ஸ்ஸேதி ‘‘ஸதிஸம்பஜஞ்ஞ’’ந்திஆதி³னா. திஸ்ஸத³த்தத்தே²ரோ நாம, யோ போ³தி⁴மண்டே³ அப⁴யத்தே²ரோதி த³த்தாப⁴யத்தே²ரமாஹ.
த⁴ம்மானங், த⁴ம்மேஸு வா விசயோ த⁴ம்மவிசயோ, ஸோ ஏவ ஸம்பொ³ஜ்ஜ²ங்கோ³, தஸ்ஸ த⁴ம்மவிசயஸம்பொ³ஜ்ஜ²ங்க³ஸ்ஸ. ‘‘குஸலாகுஸலா த⁴ம்மா’’திஆதீ³ஸு யங் வத்தப்³ப³ங், தங் ஹெட்டா² வுத்தனயமேவ. தத்த² யோனிஸோமனஸிகாரப³ஹுலீகாரோதி குஸலாதீ³னங் தங்தங்ஸபா⁴வஸரஸலக்க²ணஆதி³கஸ்ஸ யாதா²வதோ அவபு³ஜ்ஜ²னவஸேன உப்பன்னோ ஞாணஸம்பயுத்தசித்துப்பாதோ³. ஸோ ஹி அவிபரீதமனஸிகாரதாய ‘‘யோனிஸோமனஸிகாரோ’’தி வுத்தோ, ததா³போ⁴க³தாய ஆவஜ்ஜனாபி தக்³க³திகா ஏவ, தஸ்ஸ அபி⁴ண்ஹங் பவத்தனங் ப³ஹுலீகாரோ. பி⁴ய்யோபா⁴வாயாதி புனப்புனங் பா⁴வாய. வேபுல்லாயாதி விபுலபா⁴வாய. பாரிபூரியாதி பரிப்³ரூஹனாய.
பரிபுச்ச²கதாதி பரியோகா³ஹெத்வா புச்ச²கபா⁴வோ. ஆசரியே பயிருபாஸித்வா பஞ்சபி நிகாயே ஸஹ அட்ட²கதா²ய பரியோகா³ஹெத்வா யங் யங் தத்த² க³ண்டி²ட்டா²னபூ⁴தங், தங் தங் ‘‘இத³ங் ப⁴ந்தே கத²ங், இமஸ்ஸ கோ அத்தோ²’’தி க²ந்தா⁴யதனாதி³அத்த²ங் ‘‘க²ந்த⁴தா⁴து…பே॰… ப³ஹுலதா’’தி. வத்தூ²னங் விஸத³பா⁴வகரணந்தி எத்த² சித்தசேதஸிகானங் பவத்திட்டா²னபா⁴வதோ ஸரீரங், தப்படிப³த்³தா⁴னி சீவரானி ச ‘‘வத்தூ²னீ’’தி அதி⁴ப்பேதானி, தானி யதா² சித்தஸ்ஸ ஸுகா²வஹானி ஹொந்தி, ததா² கரணங் தேஸங் விஸத³பா⁴வகரணங். தேன வுத்தங் ‘‘அஜ்ஜ²த்திகபா³ஹிரான’’ந்திஆதி³. உஸ்ஸன்னதோ³ஸந்தி வாதாதி³உஸ்ஸன்னதோ³ஸங். ஸேத³மலமக்கி²தந்தி ஸேதே³ன சேவ ஜல்லிகாஸங்கா²தேன ஸரீரமலேன ச மக்கி²தங். ச-ஸத்³தே³ன அஞ்ஞம்பி ஸரீரஸ்ஸ, சித்தஸ்ஸ ச பீளாவஹங் ஸேனாஸனங் வாதி வா-ஸத்³தே³ன பத்தாதீ³னங் ஸங்க³ஹோ த³ட்ட²ப்³போ³. அவிஸதே³ ஸதி, விஸயபூ⁴தே வா. கத²ங் பா⁴வனமனுயுத்தஸ்ஸ தானி விஸயோ? அந்தரந்தரா பவத்தனகசித்துப்பாத³வஸேனேவங் வுத்தங். தே ஹி சித்துப்பாதா³ சித்தேகக்³க³தாய அபரிஸுத்³த⁴பா⁴வாய ஸங்வத்தந்தி. சித்தசேதஸிகேஸு நிஸ்ஸயாதி³பச்சயபூ⁴தேஸு. ஞாணம்பீதி பி-ஸத்³தோ³ ஸம்பிண்ட³னத்தோ², தேன ந கேவலங் தங் வத்து²யேவ, அத² கோ² தஸ்மிங் அபரிஸுத்³தே⁴ ஞாணம்பி அபரிஸுத்³த⁴ங் ஹோதீதி நிஸ்ஸயாபரிஸுத்³தி⁴யா தங்னிஸ்ஸிதாபரிஸுத்³தி⁴ விய விஸயஸ்ஸ அபரிஸுத்³த⁴தாய விஸயினோ அபரிஸுத்³தி⁴ங் த³ஸ்ஸேதி.
ஸமபா⁴வகரணந்தி கிச்சதோ அனூனாதி⁴கபா⁴வகரணங். ஸத்³தெ⁴ய்யவத்து²ஸ்மிங் பச்சயவஸேன அதி⁴மொக்க²கிச்சஸ்ஸ படுதரபா⁴வேன, பஞ்ஞாய அவிஸத³தாய, வீரியாதீ³னஞ்ச ஸிதி²லதாதி³னா ஸத்³தி⁴ந்த்³ரியங் ப³லவங் ஹோதி. தேனாஹ ‘‘இதரானி மந்தா³னீ’’தி. ததோதி தஸ்மா ஸத்³தி⁴ந்த்³ரியஸ்ஸ ப³லவபா⁴வதோ பக்³க³ஹோ, பக்³க³ஹோவ கிச்சங் பக்³க³ஹகிச்சங், ‘‘காதுங் ந ஸக்கோதீ’’தி ஆனெத்வா ஸம்ப³ந்தி⁴தப்³ப³ங். ஆரம்மணங் உபக³ந்த்வா டா²னங், அனிஸ்ஸஜ்ஜனங் வா உபட்டா²னங். விக்கே²பபடிக்கே²போ, யேன வா ஸம்பயுத்தா அவிக்கி²த்தா ஹொந்தி, ஸோ அவிக்கே²போ. ரூபக³தங் விய சக்கு²னா யேன யாதா²வதோ விஸயஸபா⁴வங் பஸ்ஸதி, தங் த³ஸ்ஸனகிச்சங். காதுங் ந ஸக்கோதி ப³லவதா ஸத்³தி⁴ந்த்³ரியேன அபி⁴பூ⁴தத்தா. ஸஹஜாதத⁴ம்மேஸு ஹி இந்த³ட்ட²ங் காரெந்தானங் ஸஹபவத்தமானானங் த⁴ம்மானங் ஏகரஸதாவஸேனேவ அத்த²ஸித்³தி⁴, ந அஞ்ஞதா². தஸ்மாதி வுத்தமேவத்த²ங் காரணபா⁴வேன பச்சாமஸதி. தந்தி ஸத்³தி⁴ந்த்³ரியங் த⁴ம்மஸபா⁴வபச்சவெக்க²ணேனாதி யஸ்ஸ ஸத்³தெ⁴ய்யஸ்ஸ வத்து²னோ உளாரதாதி³கு³ணே அதி⁴முச்சனஸ்ஸ ஸாதிஸயப்பவத்தியா ஸத்³தி⁴ந்த்³ரியங் ‘‘தங் த⁴ம்மஸபா⁴வபச்சவெக்க²ணேன வா, யதா² வா மனஸிகரோதோ ப³லவங் ஜாதங், ததா² அமனஸிகாரேன ஹாபேதப்³ப³’’ந்தி. ததா² அமனஸிகாரேனாதி யேனாகாரேன பா⁴வனங் அனுயுஞ்ஜந்தஸ்ஸ ஸத்³தி⁴ந்த்³ரியங் ப³லவங் ஜாதங், தேனாகாரேன பா⁴வனாய அனநுயுஞ்ஜனதோதி வுத்தங் ஹோதி. இத⁴ து³விதே⁴ன ஸத்³தி⁴ந்த்³ரியஸ்ஸ ப³லவபா⁴வோ அத்தனோ வா பச்சயவிஸேஸேன கிச்சுத்தரியதோ, வீரியாதீ³னங் வா மந்த³கிச்சதாய. தத்த² பட²மவிகப்பே ஹாபனவிதி⁴ த³ஸ்ஸிதோ. து³தியகப்பே பன யதா² மனஸி கரோதோ வீரியாதீ³னங் மந்த³கிச்சதாய ஸத்³தி⁴ந்த்³ரியங் ப³லவங் ஜாதங், ததா² அமனஸிகாரேன, வீரியாதீ³னங் படுகிச்சபா⁴வாவஹேன மனஸிகாரேன ஸத்³தி⁴ந்த்³ரியங் தேஹி ஸமரஸங் கரொந்தேன ஹாபேதப்³ப³ங். இமினா நயேன ஸேஸிந்த்³ரியேஸுபி ஹாபனவிதி⁴ வேதி³தப்³போ³.
வக்கலித்தே²ரவத்தூ²தி. ஸோ ஹி ஆயஸ்மா ஸத்³தா⁴தி⁴முத்ததாய கதாதி⁴காரோ ஸத்து² ரூபகாயத³ஸ்ஸனப்பஸுதோ ஏவ ஹுத்வா விஹரந்தோ ஸத்தா²ரா ‘‘கிங் தே வக்கலி இமினா பூதிகாயேன தி³ட்டே²ன, யோ கோ² வக்கலி த⁴ம்மங் பஸ்ஸதி, ஸோ மங் பஸ்ஸதீ’’திஆதி³னா (ஸங்॰ நி॰ 3.87; தீ³॰ நி॰ அட்ட²॰ 1.பட²மமஹாஸங்கீ³திகதா²; அ॰ நி॰ அட்ட²॰ 1.1.208; த⁴॰ ப॰ அட்ட²॰ 2.380; படி॰ ம॰ அட்ட²॰ 2.2.130; த⁴॰ ஸ॰ அட்ட²॰ 1007; தே²ரகா³॰ அட்ட²॰ 2.வக்கலித்தே²ரகா³தா²வண்ணனா) ஓவதி³த்வா கம்மட்டா²னே நியோஜிதோபி தங் அனநுயுஞ்ஜந்தோ
‘‘பாமோஜ்ஜப³ஹுலோ
அதி⁴க³ச்சே² பத³ங் ஸந்தங், ஸங்கா²ரூபஸமங் ஸுக²’’ந்தி. (த⁴॰ ப॰ 381) –
கா³த²ங் வத்வா ‘‘ஏஹி வக்கலீ’’தி ஆஹ. ஸோ தேன அமதேனேவ அபி⁴ஸித்தோ ஹட்ட²துட்டோ² ஹுத்வா விபஸ்ஸனங் பட்ட²பேஸி. ஸத்³தா⁴ய ப³லவபா⁴வதோ விபஸ்ஸனாவீதி²ங் ந ஓதரதி, தங் ஞத்வா ப⁴க³வா தஸ்ஸ இந்த்³ரியஸமத்தபடிபாத³னாய கம்மட்டா²னங் ஸோதெ⁴த்வா அதா³ஸி. ஸோ ஸத்தா²ரா தி³ன்னநயே எத்தா²தி ஸத்³தி⁴ந்த்³ரியஸ்ஸ அதி⁴மத்தபா⁴வே ஸேஸிந்த்³ரியானங் ஸகிச்சாகரணே.
இதரகிச்சபே⁴த³ந்தி உபட்டா²னாதி³கிச்சவிஸேஸங். பஸ்ஸத்³தா⁴தீ³தி ஆதி³-ஸத்³தே³ன ஸமாதி⁴உபெக்கா²ஸம்பொ³ஜ்ஜ²ங்கா³னங் ஸங்க³ஹோ த³ட்ட²ப்³போ³. ஹாபேதப்³ப³ந்தி யதா² ஸத்³தி⁴ந்த்³ரியஸ்ஸ ப³லவபா⁴வோ த⁴ம்மஸபா⁴வபச்சவெக்க²ணேன ஹாயதி, ஏவங் வீரியிந்த்³ரியஸ்ஸ அதி⁴மத்ததா பஸ்ஸத்³தி⁴ஆதி³பா⁴வனாய ஹாயதி ஸமாதி⁴பக்கி²யத்தா தஸ்ஸா. ததா² ஹி ஸமாதி⁴ந்த்³ரியஸ்ஸ அதி⁴மத்ததங் கோஸஜ்ஜபாததோ ரக்க²ந்தீ வீரியாதி³பா⁴வனா விய வீரியிந்த்³ரியஸ்ஸ அதி⁴மத்ததங் உத்³த⁴ச்சபாததோ ரக்க²ந்தீ ஏகங்ஸதோ ஹாபேதி. தேன வுத்தங் ‘‘பஸ்ஸத்³த⁴ஆதி³பா⁴வனாய ஹாபேதப்³ப³’’ந்தி. ஸோணத்தே²ரஸ்ஸ வத்தூ²தி ஸுகுமாரஸோணத்தே²ரஸ்ஸ வத்து². (மஹாவ॰ 242; அ॰ நி॰ அட்ட²॰ 1.1.205) ஸோ ஹி ஆயஸ்மா ஸத்து² ஸந்திகே கம்மட்டா²னங் க³ஹெத்வா ஸீதவனே விஹரந்தோ ‘‘மம ஸரீரங் ஸுகு²மாலங், ந ச ஸக்கா ஸுகே²னேவ ஸுக²ங் அதி⁴க³ந்துங், கிலமெத்வாபி ஸமணத⁴ம்மோ காதப்³போ³’’தி தங் டா²னசங்கமமேவ அதி⁴ட்டா²ய பதா⁴னங் அனுயுஞ்ஜந்தோ பாத³தலேஸு போ²டேஸு உட்டி²தேஸுபி வேத³னங் அஜ்ஜு²பெக்கி²த்வா த³ள்ஹங் வீரியங் கரொந்தோ அச்சாரத்³த⁴வீரியதாய விஸேஸங் நிப்³ப³த்தேதுங் நாஸக்கி². ஸத்தா² தத்த² க³ந்த்வா வீணூபமோவாதே³ன ‘‘ஸோணத்தே²ரஸ்ஸ வத்து² த³ஸ்ஸேதப்³ப³’’ந்தி. ஸேஸேஸுபீதி ஸதிஸமாதி⁴பஞ்ஞிந்த்³ரியேஸுபி.
ஸமதந்தி ஸத்³தா⁴பஞ்ஞானங் அஞ்ஞமஞ்ஞங் அனூனானதி⁴கபா⁴வங், ததா² ஸமாதி⁴வீரியானங். யதா² ஹி ஸத்³தா⁴பஞ்ஞானங் விஸுங் விஸுங் து⁴ரியத⁴ம்மபூ⁴தானங் கிச்சதோ அஞ்ஞமஞ்ஞங் நாதிவத்தனங் விஸேஸதோ இச்சி²தப்³ப³ங், யதோ நேஸங் ஸமது⁴ரதாய அப்பனா ஸம்பஜ்ஜதி, ஏவங் ஸமாதி⁴வீரியானங் கோஸஜ்ஜுத்³த⁴ச்சபக்கி²கானங் ஸமரஸதாய ஸதி அஞ்ஞமஞ்ஞூபத்த²ம்ப⁴னதோ ஸம்பயுத்தத⁴ம்மானங் அந்தத்³வயபாதாபா⁴வேன ஸம்மதே³வ அப்பனா இஜ்ஜ²தி. ‘‘ப³லவஸத்³தோ⁴’’திஆதி³ ப்³யதிரேகமுகே²ன வுத்தஸ்ஸேவ அவத்து²ஸ்மிங் பஸீத³தி ஸெய்யதா²பி தித்தி²யஸாவகா. கேராடிகபக்க²ந்தி ப⁴ஜதி. ஸத்³தா⁴ஹீனாய பஞ்ஞாய அதிதா⁴வந்தோ ‘‘தெ³ய்யவத்து²பரிச்சாகே³ன வினா சித்துப்பாத³மத்தேனபி தா³னமயங் புஞ்ஞங் ஹோதீ’’திஆதீ³னி பரிகப்பேதி ஹேதுபதிரூபகேஹி வஞ்சிதோ, ஏவங்பூ⁴தோ ச ஸுக்க²தக்கவிலுத்தசித்தோ பண்டி³தானங் வசனங் நாதி³யதி ஸஞ்ஞத்திங் ந க³ச்ச²தி. தேனாஹ ‘‘பே⁴ஸஜ்ஜஸமுட்டி²தோ விய ரோகோ³ அதேகிச்சோ² ஹோதீ’’தி. யதா² செத்த² ஸத்³தா⁴பஞ்ஞானங் அஞ்ஞமஞ்ஞங் விஸமபா⁴வோ ந அத்தா²வஹோ, அனத்தா²வஹோவ, ஏவங், ஸமாதி⁴வீரியானங் அஞ்ஞமஞ்ஞங் விஸமபா⁴வோ ந அத்தா²வஹோ, அனத்தா²வஹோவ, ததா² ந அவிக்கே²பாவஹோ, விக்கே²பாவஹோவாதி. கோஸஜ்ஜங் அபி⁴ப⁴வதி, தேன அப்பனங் ந பாபுணாதீதி அதி⁴ப்பாயோ. உத்³த⁴ச்சங் அபி⁴ப⁴வதீதி எத்தா²பி ஏஸேவ நயோ. தது³ப⁴யந்தி ஸத்³தா⁴பஞ்ஞாத்³வயங், ஸமாதி⁴வீரியத்³வயஞ்ச. ஸமங் காதப்³ப³ந்தி ஸமரஸங் காதப்³ப³ங்
ஸமாதி⁴கம்மிகஸ்ஸாதி ஸமத²கம்மட்டா²னிகஸ்ஸ. ஏவந்தி ஏவங் ஸந்தே, ஸத்³தா⁴ய தோ²கங் ப³லவபா⁴வே ஸதீதி அத்தோ². ஸத்³த³ஹந்தோதி ‘‘பத²வீ பத²வீதி மனஸிகரணமத்தேன கத²ங் ஜா²னுப்பத்தீ’’தி அசிந்தெத்வா ‘‘அத்³தா⁴ ஸம்மாஸம்பு³த்³தே⁴ன வுத்தவிதி⁴ இஜ்ஜி²ஸ்ஸதீ’’தி ஸத்³த³ஹந்தோ ஸத்³த⁴ங் ஜனெந்தோ. ஓகப்பெந்தோதி ஆரம்மணங் அனுபவிஸித்வா விய அதி⁴முச்சனவஸேன அவகப்பெந்தோ பக்க²ந்த³ந்தோ. ஏகக்³க³தா ப³லவதீ வட்டதி ஸமாதி⁴ப்பதா⁴னத்தா ஜா²னஸ்ஸ. உபி⁴ன்னந்தி ஸமாதி⁴பஞ்ஞானங். ஸமாதி⁴கம்மிகஸ்ஸ ஸமாதி⁴னோ அதி⁴மத்ததாய பஞ்ஞாய அதி⁴மத்ததாபி இச்சி²தப்³பா³தி ஆஹ ‘‘ஸமதாயபீ’’தி, ஸமபா⁴வேனாபீதி அத்தோ². அப்பனாதி லோகியப்பனா. ததா² ஹி ‘‘ஹோதியேவா’’தி ஸாஸங்கங் வத³தி. லோகுத்தரப்பனா பன தேஸங் ஸமபா⁴வேனேவ இச்சி²தா. யதா²ஹ ‘‘ஸமத²விபஸ்ஸனங் யுக³னந்த⁴ங் பா⁴வேதீ’’தி (அ॰ நி॰ 4.170; படி॰ ம॰ 2.5).
யதி³ விஸேஸதோ ஸத்³தா⁴பஞ்ஞானங், ஸமாதி⁴வீரியானஞ்ச ஸமதாவ இச்சி²தா, கத²ங் ஸதீதி ஆஹ ‘‘ஸதி பன ஸப்³ப³த்த² ப³லவதீ வட்டதீ’’தி. ஸப்³ப³த்தா²தி லீனுத்³த⁴ச்சபக்கி²கேஸு பஞ்சஸு இந்த்³ரியேஸு. உத்³த⁴ச்சபக்கி²கேகதே³ஸே க³ண்ஹந்தோ ‘‘ஸத்³தா⁴வீரியபஞ்ஞான’’ந்தி ஆஹ. அஞ்ஞதா² பீதி ச க³ஹேதப்³பா³ ஸியா. ததா² ஹி ‘‘கோஸஜ்ஜபக்கி²கேன ஸமாதி⁴னா’’ இச்சேவ வுத்தங், ந ‘‘பஸ்ஸத்³தி⁴ஸமாதி⁴உபெக்கா²ஹீ’’தி. ஸாதி ஸதி. ஸப்³பே³ஸு ராஜகம்மேஸு நியுத்தோ ஸப்³ப³கம்மிகோ. தேனாதி தேன ஸப்³ப³த்த² இச்சி²தப்³ப³ட்டே²ன காரணேன. ஆஹ அட்ட²கதா²யங். ஸப்³ப³த்த² நியுத்தா ஸப்³ப³த்தி²கா ஸப்³ப³த்த² லீனே, உத்³த⁴தே ச சித்தே இச்சி²தப்³ப³த்தா, ஸப்³பே³ ஸப்³ப³த்தி²கா. சித்தந்தி குஸலங் சித்தங். தஸ்ஸ ஹி ஸதி படிஸரணங் ‘‘ஆரக்க²பச்சுபட்டா²னா’’திஆதி³.
க²ந்தா⁴தி³பே⁴தே³ அனோகா³ள்ஹபஞ்ஞானந்தி பரியத்திபா³ஹுஸச்சவஸேனபி க²ந்தா⁴யதனாதீ³ஸு அப்பதிட்டி²தபு³த்³தீ⁴னங். ப³ஹுஸ்ஸுதஸேவனா ஹி ஸுதமயஞாணாவஹா. தருணவிபஸ்ஸனாஸமங்கீ³பி பா⁴வனாமயஞாணே டி²தத்தா ஏகங்ஸதோ பஞ்ஞவா ஏவ நாம ஹோதீதி ஆஹ ‘‘ஸமபஞ்ஞாஸ லக்க²ணபரிக்³கா³ஹிகாய உத³யப்³ப³யபஞ்ஞாய ஸமன்னாக³தபுக்³க³லஸேவனா’’தி. ஞெய்யத⁴ம்மஸ்ஸ க³ம்பீ⁴ரபா⁴வவஸேன தப்பரிச்சே²த³கஞாணஸ்ஸ க³ம்பீ⁴ரபா⁴வக்³க³ஹணந்தி ஆஹ ‘‘க³ம்பீ⁴ரேஸு க²ந்தா⁴தீ³ஸு பவத்தாய க³ம்பீ⁴ரபஞ்ஞாயா’’தி. தஞ்ஹி ஞெய்யங் தாதி³ஸாய பஞ்ஞாய சரிதப்³ப³தோ க³ம்பீ⁴ரஞாணசரியங், தஸ்ஸா வா பஞ்ஞாய தத்த² பபே⁴த³தோ பவத்தி க³ம்பீ⁴ரஞாணசரியா, தஸ்ஸா பச்சவெக்க²ணாதி ஆஹ ‘‘க³ம்பீ⁴ரபஞ்ஞாய பபே⁴த³பச்சவெக்க²ணா’’தி. யதா² ஸதிவேபுல்லப்பத்தோ நாம அரஹா ஏவ, ஏவங் பஞ்ஞாவேபுல்லப்பத்தோதிபி ஸோ ஏவாதி ஆஹ ‘‘அரஹத்தமக்³கே³ன பா⁴வனாபாரிபூரீ ஹோதீ’’தி. வீரியாதீ³ஸுபி ஏஸேவ நயோ.
‘‘தத்தங் அயோகி²லங் ஹத்தே² க³மெந்தீ’’திஆதி³னா (ம॰ நி॰ 3.250, 267; அ॰ நி॰ 3.36) வுத்தபஞ்சவித⁴ப³ந்த⁴னகம்மகாரணா நிரயே நிப்³ப³த்தஸத்தஸ்ஸ யேபு⁴ய்யேன ஸப்³ப³பட²மங் கரொந்தீதி, தே³வதூ³தஸுத்தாதீ³ஸு தஸ்ஸ ஆதி³தோ வுத்தத்தா ச ஆஹ ‘‘பஞ்சவித⁴ப³ந்த⁴னகம்மகாரணதோ பட்டா²யா’’தி. ஸகடவஹனாதி³காலேதி ஆதி³-ஸத்³தே³ன தத³ஞ்ஞமனுஸ்ஸேஹி, திரச்சா²னேஹி ச விபா³தி⁴யமானகாலங் ஸங்க³ண்ஹாதி. ‘‘ஏகங் பு³த்³த⁴ந்தர’’ந்தி இத³ங் அபராபரங் பேதேஸு ஏவ உப்பஜ்ஜனகஸத்தவஸேன வுத்தங், ஏகச்சானங் வா பேதானங் ஏகச்சதிரச்சா²னானங்
ஆனிஸங்ஸத³ஸ்ஸாவினோதி ‘‘வீரியாயத்தோ ஏவ ஸப்³போ³ லோகுத்தரோ, லோகியோ ச விஸேஸாதி⁴க³மோ’’தி ஏவங் வீரியே ஆனிஸங்ஸத³ஸ்ஸனஸீலஸ்ஸ. க³மனவீதி²ந்தி ஸபுப்³ப³பா⁴க³ங் நிப்³பா³னகா³மினிங் படிபத³ங், ஸஹ விபஸ்ஸனாய அரியமக்³க³படிபாடி க³மனவீதி² நாம. காயத³ள்ஹீப³ஹுலோதி யதா² ததா² காயஸ்ஸ த³ள்ஹீகம்மப்பஸுதோ. பிண்ட³ந்தி ரட்ட²பிண்ட³ங். பச்சயதா³யகானங் அத்தனி காரஸ்ஸ அத்தனோ பிண்டா³பசாயனங்.
நீஹரந்தோதி பத்தத²விகதோ நீஹரந்தோ. தங் ஸத்³த³ங் ஸுத்வாதி தங் உபாஸிகாய வசனங் அத்தனோ வஸனபண்ணஸாலத்³வாரே டி²தோவ பஞ்சாபி⁴ஞ்ஞதாய தி³ப்³ப³ஸோதேன ஸுத்வா. மனுஸ்ஸஸம்பத்தி, தி³ப்³ப³ஸம்பத்தி, நிப்³பா³னஸம்பத்தீதி இமா திஸ்ஸோ ஸம்பத்தியோ. தா³துங் ஸக்கி²ஸ்ஸஸீதி ‘‘தயி கதேன தா³னமயேன, வெய்யாவச்சமயேன ச புஞ்ஞகம்மேன கெ²த்தவிஸேஸபா⁴வூபக³மனேன அபராபரங் தே³வமனுஸ்ஸஸம்பத்தியோ, அந்தே நிப்³பா³னஸம்பத்திஞ்ச தா³துங் ஸக்கி²ஸ்ஸஸீ’’தி தே²ரோ அத்தானங் புச்ச²தி. ஸிதங் கரொந்தோ வாதி ‘‘அகிச்சே²னேவ மயா வட்டது³க்க²ங் ஸமதிக்கந்த’’ந்தி பச்சவெக்க²ணாவஸானே ஸஞ்ஜாதபாமோஜ்ஜவஸேன ஸிதங் கரொந்தோ ஏவ.
விப்படிபன்னந்தி ஜாதித⁴ம்மகுலத⁴ம்மாதி³லங்க⁴னேன அஸம்மாபடிபன்னங். ஏவங் யதா² அஸம்மாபடிபன்னோ புத்தோ தாய ஏவ அஸம்மாபடிபத்தியா குலஸந்தானதோ பா³ஹிரோ ஹுத்வா பிது ஸந்திகா தா³யஜ்ஜஸ்ஸ ந பா⁴கீ³, ஏவங். குஸீதோபி தேன குஸீதபா⁴வேன அஸம்மாபடிபன்னோ ஆரத்³த⁴வீரியோவ லப⁴தி ஸம்மாபடிபஜ்ஜனதோ. உப்பஜ்ஜதி வீரியஸம்பொ³ஜ்ஜ²ங்கோ³தி யோஜனா, ஏவங் ஸப்³ப³த்த².
மஹாதி ஸீலாதீ³ஹி கு³ணேஹி மஹந்தோ விபுலோ அனஞ்ஞஸாதா⁴ரணோ. தங் பனஸ்ஸ கு³ணமஹத்தங் த³ஸஸஹஸ்ஸிலோகதா⁴துகம்பனேன லோகே பாகடந்தி த³ஸ்ஸெந்தோ ‘‘ஸத்து²னோ ஹீ’’திஆதி³மாஹ.
யஸ்மா ஸத்து²ஸாஸனே பப்³ப³ஜிதஸ்ஸ பப்³ப³ஜ்ஜூபக³மேன ஸக்யபுத்தஸ்ஸபா⁴வோ ஸம்பஜாயதி, தஸ்மா பு³த்³த⁴புத்தபா⁴வங் த³ஸ்ஸெந்தோ ‘‘அஸம்பி⁴ன்னாயா’’திஆதி³மாஹ.
அலஸானங் பா⁴வனாய நாமமத்தம்பி அஜானந்தானங் காயத³ள்ஹீப³ஹுலானங் யாவத³த்த²ங் பு⁴ஞ்ஜித்வா ஸெய்யஸுகா²தி³அனுயுஞ்ஜனகானங் திரச்சா²னகதி²கானங் புக்³க³லானங் தூ³ரதோ வஜ்ஜனா குஸீதபுக்³க³லபரிவஜ்ஜனா. ‘‘தி³வஸங் சங்கமேன நிஸஜ்ஜாயா’’திஆதி³னா ஆரத்³த⁴வீரியபுக்³க³லஸேவனா. தேனாஹ ‘‘குச்சி²ங் பூரெத்வா’’திஆதி³. விஸுத்³தி⁴மக்³கே³ (விஸுத்³தி⁴॰ 1.64) பன ஜாதிமஹத்தபச்சவெக்க²ணா, ஸப்³ரஹ்மசாரீமஹத்தபச்சவெக்க²ணாதி இத³ங் த்³வயங் ந க³ஹிதங், தி²னமித்³த⁴வினோத³னதா, ஸம்மப்பதா⁴னபச்சவெக்க²ணதாதி ஸம்மப்பதா⁴னபச்சவெக்க²ணா க³ஹிதா ஹோதி லோகியலோகுத்தரவிஸேஸாதி⁴க³மஸ்ஸ வீரியாயத்ததாத³ஸ்ஸனபா⁴வதோ. தி²னமித்³த⁴வினோத³னங் தத³தி⁴முத்ததாய ஏவ க³ஹிதங் ஹோதி, வீரியுப்பாத³னே யுத்தப்பயுத்தஸ்ஸ தி²னமித்³த⁴வினோத³னங் அத்த²ஸித்³த⁴மேவ. தத்த² தி²னமித்³த⁴வினோத³னகுஸீதபுக்³க³லபரிவஜ்ஜனஆரத்³த⁴வீரியபுக்³க³லஸேவன- தத³தி⁴முத்ததாபடிபக்க²வித⁴மனபச்சயூபஸங்ஹாரவஸேன, அபாயப⁴யபச்சவெக்க²ணாத³யோ ஸமுத்தேஜனவஸேன வீரியஸம்பொ³ஜ்ஜ²ங்க³ஸ்ஸ உப்பாத³கா த³ட்ட²ப்³பா³.
புரிமுப்பன்னா ‘‘பீதியேவ பீதிஸம்பொ³ஜ்ஜ²ங்க³ட்டா²னீயா த⁴ம்மா’’தி வுத்தா, தஸ்ஸா பன ப³ஹுஸோ பவத்தியா புது²த்தங் உபாதா³ய ப³ஹுவசனநித்³தே³ஸோ. யதா² ஸா உப்பஜ்ஜதி, ஏவங் படிபத்தி தஸ்ஸா உப்பாத³கமனஸிகாரோ.
‘‘பு³த்³தா⁴னுஸ்ஸதீ’’திஆதீ³ஸு வத்தப்³ப³ங் விஸுத்³தி⁴மக்³கே³ (விஸுத்³தி⁴॰ 1.123) வுத்தனயேனேவ வேதி³தப்³ப³ங்.
பு³த்³தா⁴னுஸ்ஸதியா உபசாரஸமாதி⁴னிட்ட²த்தா வுத்தங் ‘‘யாவ உபசாரா’’தி. ஸகலஸரீரங் ப²ரமானோதி பீதிஸமுட்டா²னேஹி பணீதரூபேஹி ஸகலஸரீரங் ப²ரமானோ. த⁴ம்மகு³ணே அனுஸ்ஸரந்தஸ்ஸாபி யாவ உபசாரா ஸகலஸரீரங் ப²ரமானோ பீதிஸம்பொ³ஜ்ஜ²ங்கோ³ உப்பஜ்ஜதீதி யோஜனா, ஏவங் ஸேஸஅனுஸ்ஸதீஸு. பஸாத³னீயஸுத்தந்தபச்சவெக்க²ணாயஞ்ச யோஜேதப்³ப³ங் தஸ்ஸாபி விமுத்தாயதனபா⁴வேன தக்³க³திகத்தா. ஸங்கா²ரானங் ஸப்பதே³ஸவூபஸமேபி நிப்பதே³ஸவூபஸமே விய ததா² பஞ்ஞாய பவத்திதோ பா⁴வனாமனஸிகாரோ கிலேஸவிக்க²ம்ப⁴னஸமத்தோ² ஹுத்வா உபசாரஸமாதி⁴ங் ஆவஹந்தோ ததா²ரூபபீதிஸோமனஸ்ஸஸமன்னாக³தோ பீதிஸம்பொ³ஜ்ஜ²ங்க³ஸ்ஸ உப்பாதா³ய ஹோதீதி ஆஹ ‘‘ஸமாபத்தியா…பே॰… பச்சவெக்க²ந்தஸ்ஸாபீ’’தி. தத்த² ‘‘விக்க²ம்பி⁴தா கிலேஸா’’தி பாடோ². தே ஹி ந ஸமுதா³சரந்தீதி. இதி-ஸத்³தோ³ காரணத்தோ², யஸ்மா ந ஸமுதா³சரந்தி, தஸ்மா தங் நேஸங் அஸமுதா³சாரங் பச்சவெக்க²ந்தஸ்ஸாதி யோஜனா ‘‘அஸக்கச்சகிரியாய ஸங்ஸூசிதலூக²பா⁴வே’’தி.
காயசித்தத³ரத²வூபஸமலக்க²ணா பஸ்ஸத்³தி⁴ ஏவ யதா²வுத்தபோ³தி⁴அங்க³பூ⁴தோ பஸ்ஸத்³தி⁴ஸம்பொ³ஜ்ஜ²ங்கோ³, தஸ்ஸ பஸ்ஸத்³தி⁴ஸம்பொ³ஜ்ஜ²ங்க³ஸ்ஸ ஏவங் உப்பாதோ³ ஹோதீதி யோஜனா.
பணீதபோ⁴ஜனஸேவனதாதி உதுஇரியாபத²ஸுக²க்³க³ஹணேன ஸப்பாயஉதுஇரியாபத²க்³க³ஹணங் த³ட்ட²ப்³ப³ங். தஞ்ஹி திவித⁴ம்பி ஸப்பாயங் ஸேவியமானங் காயஸ்ஸ கல்லதாபாத³னவஸேன சித்தஸ்ஸ கல்லதங் ஆவஹந்தங் து³விதா⁴யபி பஸ்ஸத்³தி⁴யா காரணங் ஹோதி. அஹேதுகங் ஸத்தேஸு லப்³ப⁴மானங் ஸுக²து³க்க²ந்தி அயமேகோ அந்தோ, இஸ்ஸராதி³விஸமஹேதுகந்தி பன அயங் து³தியோ. ஏதே உபோ⁴ அந்தே அனுபக³ம்ம யதா²ஸகங் கம்முனா ஹோதீதி அயங் மஜ்ஜி²மா படிபத்தி. மஜ்ஜ²த்தோ பயோகோ³ யஸ்ஸ ஸோ மஜ்ஜ²த்தபயோகோ³, தஸ்ஸ பா⁴வோ மஜ்ஜ²த்தபயோக³தா. அயஞ்ஹி பஹாய ஸாரத்³த⁴காயதங் பஸ்ஸத்³த⁴காயதாய காரணங் ஹொந்தீ பஸ்ஸத்³தி⁴த்³வயங் ஆவஹதி, ஏதேனேவ ஸாரத்³த⁴காயபுக்³க³லபரிவஜ்ஜனபஸ்ஸத்³த⁴காயபுக்³க³லஸேவனானங் ததா³வஹனதா ஸங்வண்ணிதாதி த³ட்ட²ப்³ப³ங்.
யதா²ஸமாஹிதாகாரஸல்லக்க²ணவஸேன க³ய்ஹமானோ புரிமுப்பன்னோ ஸமதோ² ஏவ ஸமத²னிமித்தங். நானாரம்மணே பரிப்³ப⁴மனேன விவித⁴ங் அக்³க³ங் ஏதஸ்ஸாதி ப்³யக்³கோ³, விக்கே²போ. ததா² ஹி ஸோ அனவட்டா²னரஸோ, ப⁴ந்ததாபச்சுபட்டா²னோ ச வுத்தோ, ஏகக்³க³தாபா⁴வதோ ப்³யக்³க³படிபக்கோ²தி அப்³யக்³கோ³, ஸமாதி⁴. ஸோ ஏவ நிமித்தந்தி புப்³பே³ விய வத்தப்³ப³ங். தேனாஹ ‘‘அவிக்கே²பட்டே²ன ச அப்³யக்³க³னிமித்த’’ந்தி.
வத்து²விஸத³கிரியா, இந்த்³ரியஸமத்தபடிபாத³னா ச பஞ்ஞாவஹா வுத்தா, ஸமாதா⁴னாவஹாபி தா ஹொந்தி ஸமாதா⁴னாவஹபா⁴வேனேவ பஞ்ஞாவஹபா⁴வதோதி வுத்தங் ‘‘வத்து²விஸத³…பே॰… வேதி³தப்³பா³’’தி.
கரணபா⁴வனாகோஸல்லானங் அவினாபா⁴வதோ, ரக்க²னகோஸல்லஸ்ஸ ச தங்மூலகத்தா ‘‘நிமித்தகுஸலதா நாம கஸிணனிமித்தஸ்ஸ உக்³க³ஹணகுஸலதா’’ கஸிணனிமித்தஸ்ஸாதி ச நித³ஸ்ஸனமத்தங் த³ட்ட²ப்³ப³ங். அஸுப⁴னிமித்தஸ்ஸாபி ஹி யஸ்ஸ கஸ்ஸசி ஜா²னுப்பத்தினிமித்தஸ்ஸ உக்³க³ஹணகோஸல்லங் நிமித்தகுஸலதா ஏவாதி. அதிஸிதி²லவீரியதாதீ³ஹீதி ஆதி³-ஸத்³தே³ன பஞ்ஞாபயோக³மந்த³தங் தஸ்ஸ பக்³க³ண்ஹனந்தி தஸ்ஸ லீனஸ்ஸ சித்தஸ்ஸ த⁴ம்மவிசயஸம்பொ³ஜ்ஜ²ங்கா³தி³ஸமுட்டா²பனேன லயாபத்திதோ ஸமுத்³த⁴ரணங். வுத்தஞ்ஹேதங் ப⁴க³வதா –
‘‘யஸ்மிஞ்ச கோ², பி⁴க்க²வே, ஸமயே லீனங் சித்தங் ஹோதி, காலோ தஸ்மிங் ஸமயே த⁴ம்மவிசயஸம்பொ³ஜ்ஜ²ங்க³ஸ்ஸ பா⁴வனாய, காலோ வீரியஸம்பொ³ஜ்ஜ²ங்க³ஸ்ஸ பா⁴வனாய, காலோ பீதிஸம்பொ³ஜ்ஜ²ங்க³ஸ்ஸ பா⁴வனாய. தங் கிஸ்ஸ ஹேது? லீனங், பி⁴க்க²வே, சித்தங் தங் ஏதேஹி த⁴ம்மேஹி ஸுஸமுட்டா²பயங் ஹோதி. ஸெய்யதா²பி, பி⁴க்க²வே, புரிஸோ பரித்தங் அக்³கி³ங் உஜ்ஜாலிதுகாமோ அஸ்ஸ, ஸோ தத்த² ஸுக்கா²னி சேவ திணானி பக்கி²பெய்ய, ஸுக்கா²னி கோ³மயானி
எத்த² ச யதா²ஸகங் ஆஹாரவஸேன த⁴ம்மவிசயஸம்பொ³ஜ்ஜ²ங்கா³தீ³னங் பா⁴வனாஸமுட்டா²பனாதி வேதி³தப்³பா³, ஸா அனந்தரங் விபா⁴விதா ஏவ. ஆரத்³த⁴வீரியதாதீ³ஹீதி ஆதி³-ஸத்³தே³ன பஞ்ஞாபயோக³ப³லவதங், பமோது³ப்³பி³லாவனஞ்ச ஸங்க³ண்ஹாதி. தஸ்ஸ நிக்³க³ண்ஹனந்தி தஸ்ஸ உத்³த⁴தஸ்ஸ சித்தஸ்ஸ ஸமாதி⁴ஸம்பொ³ஜ்ஜ²ங்கா³தி³ஸமுட்டா²பனேன உத்³த⁴தாபத்திதோ நிஸேத⁴னங். வுத்தம்பி சேதங் ப⁴க³வதா –
‘‘யஸ்மிஞ்ச கோ², பி⁴க்க²வே, ஸமயே உத்³த⁴தங் சித்தங் ஹோதி, காலோ தஸ்மிங் ஸமயே பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பா⁴வனாய, காலோ ஸமாதி⁴ஸம்பொ³ஜ்ஜ²ங்க³ஸ்ஸ பா⁴வனாய, காலோ உபெக்கா²ஸம்பொ³ஜ்ஜ²ங்க³ஸ்ஸ பா⁴வனாய. தங் கிஸ்ஸ ஹேது? உத்³த⁴தங், பி⁴க்க²வே, சித்தங் தங் ஏதேஹி த⁴ம்மேஹி ஸுவூபஸமயங் ஹோதி. ஸெய்யதா²பி, பி⁴க்க²வே, புரிஸோ மஹந்தங் அக்³கி³க்க²ந்த⁴ங் நிப்³பா³பேதுகாமோ அஸ்ஸ, ஸோ தத்த² அல்லானி
எத்தா²பி பஞ்ஞாபயோக³மந்த³தாயாதி பஞ்ஞாப்³யாபாரஸ்ஸ அப்பபா⁴வேன. யதா² ஹி தா³னங் அலோப⁴பதா⁴னங், ஸீலங் அதோ³ஸபதா⁴னங், ஏவங் பா⁴வனா அமோஹபதா⁴னா. தத்த² யதா³ பஞ்ஞா ந ப³லவதீ ஹோதி, ததா³ பா⁴வனா புப்³பே³னாபரங் விஸேஸாவஹா ந ஹோதி, அனபி⁴ஸங்க²தோ விய ஆஹாரோ புரிஸஸ்ஸ யோகி³னோ சித்தஸ்ஸ அபி⁴ருசிங் ந ஜனேதி, தேன தங் நிரஸ்ஸாத³ங் ஹோதி, ததா² பா⁴வனாய ஸம்மதே³வ அவீதி²படிபத்தியா உபஸமஸுக²ங் ந விந்த³தி, தேனாபி சித்தங் நிரஸ்ஸாத³ங் ஹோதி. தேன வுத்தங் ‘‘பஞ்ஞாபயோக³…பே॰… நிரஸ்ஸாத³ங் ஹோதீ’’தி. தஸ்ஸ ஸங்வேகு³ப்பாத³னங், பஸாது³ப்பாத³னஞ்ச திகிச்ச²னந்தி தங் த³ஸ்ஸெந்தோ ‘‘அட்ட² ஸங்வேக³வத்தூ²னீ’’திஆதி³மாஹ. தத்த² ஜாதிஜராப்³யாதி⁴மரணானி யதா²ரஹங் ஸுக³தியங், து³க்³க³தியஞ்ச ஹொந்தீதி தத³ஞ்ஞமேவ பஞ்சவித⁴ப³ந்த⁴னாதி³கு²ப்பிபாஸாதி³ அஞ்ஞமஞ்ஞங் விபா³த⁴னாதி³ஹேதுகங் அபாயது³க்க²ங் த³ட்ட²ப்³ப³ங், தயித³ங் ஸப்³ப³ங் தேஸங் தேஸங் ஸத்தானங் பச்சுப்பன்னப⁴வனிஸ்ஸிதங் க³ஹிதந்தி அதீதே அனாக³தே ச காலே வட்டமூலகது³க்கா²னி விஸுங் க³ஹிதானி. யே பன ஸத்தா ஆஹாரூபஜீவினோ, தத்த² ச உட்டா²னப²லூபஜீவினோ, தேஸங் அஞ்ஞேஹி அஸாதா⁴ரணங் அயங் வுச்சதி ஸமயே ஸம்பஹங்ஸனாதி அயங் பா⁴வனாசித்தஸ்ஸ ஸம்பஹங்ஸிதப்³ப³ஸமயே வுத்தனயேன ஸங்வேக³ஜனநவஸேன சேவ பஸாது³ப்பாத³னவஸேன ச ஸம்மதே³வ பஹங்ஸனா, ஸங்வேக³ஜனநபுப்³ப³கபஸாது³ப்பாத³னேன தோஸனாதி
ஸம்மாபடிபத்திங் ஆக³ம்மாதி லீனுத்³த⁴ச்சவிரஹேன, ஸமத²வீதி²படிபத்தியா ச ஸம்மா அவிஸமங் ஸம்மதே³வ பா⁴வனாபடிபத்திங் ஆக³ம்ம. ‘‘அலீன’’ந்திஆதீ³ஸு கோஸஜ்ஜபக்கி²கானங் த⁴ம்மானங் அனதி⁴மத்ததாய அலீனங், உத்³த⁴ச்சபக்கி²கானங் அனதி⁴மத்ததாய அனுத்³த⁴தங், பஞ்ஞாபயோக³ஸம்பத்தியா, உபஸமஸுகா²தி⁴க³மேன ச அனிரஸ்ஸாத³ங், ததோ ஏவ ஆரம்மணே ஸமப்பவத்தங் ஸமத²வீதி²படிபன்னங். தத்த² அலீனதாய பக்³க³ஹே, அனுத்³த⁴ததாய நிக்³க³ஹே, அனிரஸ்ஸாத³தாய ஸம்பஹங்ஸனே ந ப்³யாபாரங் ஆபஜ்ஜதி. அலீனானுத்³த⁴ததா ஹி ஆரம்மணே ஸமப்பவத்தங், அனிரஸ்ஸாத³தாய ஸமத²வீதி²படிபன்னங், ஸமப்பவத்தியா வா அலீனங் அனுத்³த⁴தங். ஸமத²வீதி²படிபத்தியா அனிரஸ்ஸாத³ந்தி த³ட்ட²ப்³ப³ங். அயங் வுச்சதி ஸமயே அஜ்ஜு²பெக்க²னதாதி அயங் அஜ்ஜு²பெக்கி²தப்³ப³ஸமயே பா⁴வனாசித்தஸ்ஸ பக்³க³ஹனிக்³க³ஹஸம்பஹங்ஸனேஸு அப்³யாவடதாஸங்கா²தங் ‘‘உபசாரங் வா அப்பனங் வா’’தி.
உபெக்கா²ஸம்பொ³ஜ்ஜ²ங்க³ட்டா²னீயா த⁴ம்மாதி எத்த² யங் வத்தப்³ப³ங், தங் ஹெட்டா² வுத்தனயானுஸாரேன வேதி³தப்³ப³ங். அனுரோத⁴விரோத⁴விப்பஹானவஸேன மஜ்ஜ²த்தபா⁴வோ உபெக்கா²ஸம்பொ³ஜ்ஜ²ங்க³ஸ்ஸ காரணங் தஸ்மிங் ஸதி ஸிஜ்ஜ²னதோ, அஸதி ச அஸிஜ்ஜ²னதோ. ஸோ ச மஜ்ஜ²த்தபா⁴வோ விஸயவஸேன து³விதோ⁴தி ஆஹ ‘‘ஸத்தமஜ்ஜ²த்ததா ஸங்கா²ரமஜ்ஜ²த்ததா’’தி. தது³ப⁴யே ச விருஜ்ஜ²னங் பஸ்ஸத்³தி⁴ஸம்பொ³ஜ்ஜ²ங்க³பா⁴வனாய ஏவ தூ³ரீகதந்தி அனுருஜ்ஜ²னஸ்ஸேவ பஹானவிதி⁴ங் த³ஸ்ஸேதுங் ‘‘ஸத்தமஜ்ஜ²த்ததா’’திஆதி³ வுத்தங். தேனாஹ ‘‘ஸத்தஸங்கா²ரகேலாயனபுக்³க³லபரிவஜ்ஜனதா’’தி. உபெக்கா²ய ஹி விஸேஸதோ ராகோ³ படிபக்கோ². ததா² சாஹ ‘‘உபெக்கா² ராக³ப³ஹுலஸ்ஸ த்³வீஹாகாரேஹீதி கம்மஸ்ஸகதாபச்சவெக்க²ணங், அத்தஸுஞ்ஞதாபச்சவெக்க²ணந்தி இமேஹி த்³வீஹி காரணேஹி. த்³வீஹேவாதி அவதா⁴ரணங் ஸங்க்²யாஸமானதாத³ஸ்ஸனத்த²ங். ஸங்க்²யா ஏவெத்த² ஸமானா, ந ஸங்க்²யெய்யங் ஸப்³ப³தா² ஸமானந்தி. அஸ்ஸாமிகபா⁴வோ அனத்தனியதா. ஸதி ஹி அத்தனி தஸ்ஸ கிஞ்சனபா⁴வேன சீவரங், அஞ்ஞங் வா கிஞ்சி அத்தனியங் நாம ஸியா, ஸோ பன கோசி நத்தே²வாதி அதி⁴ப்பாயோ. அனத்³த⁴னியந்தி ந அத்³தா⁴னக்க²மங் ந சிரட்டா²யி, இத்தரங் அனிச்சந்தி அத்தோ². தாவகாலிகந்தி தஸ்ஸேவ வேவசனங்.
மமாயதீதி மமத்தங் கரோதி ‘‘மமா’’தி தண்ஹாய பரிக்³க³ய்ஹ திட்ட²தி.
மமாயந்தாதி
அயங் ஸதிபட்டா²னதே³ஸனா புப்³ப³பா⁴க³மக்³க³வஸேன தே³ஸிதாதி புப்³ப³பா⁴கி³யபொ³ஜ்ஜ²ங்கே³ ஸந்தா⁴யாஹ ‘‘பொ³ஜ்ஜ²ங்க³பரிக்³கா³ஹிகா ஸதி து³க்க²ஸச்ச’’ந்தி. ஸேஸங் வுத்தனயத்தா ஸுவிஞ்ஞெய்யமேவ.
பொ³ஜ்ஜ²ங்க³பப்³ப³வண்ணனா நிட்டி²தா.
பட²மபா⁴ணவாரவண்ணனா நிட்டி²தா.
சதுஸச்சபப்³ப³வண்ணனா
386. யதா²ஸபா⁴வதோதி ஜனிகங் ஸமுட்டா²பிகந்தி பவத்தலக்க²ணஸ்ஸ து³க்க²ஸ்ஸ ஜனிகங் நிமித்தலக்க²ணஸ்ஸ ஸமுட்டா²பிகங். புரிமதண்ஹந்தி யதா²பரிக்³க³ஹிதஸ்ஸ து³க்க²ஸ்ஸ நிப்³ப³த்திதோ புரேதரங் ஸித்³த⁴ங் தண்ஹங். ஸித்³தே⁴ ஹி காரணே தஸ்ஸ ப²லுப்பத்தி. அயங் து³க்க²ஸமுத³யோதி பஜானாதீதி யோஜனா. அயங் து³க்க²னிரோதோ⁴தி எத்தா²பி ஏஸேவ நயோ. உபி⁴ன்னங் அப்பவத்திந்தி து³க்க²ங், ஸமுத³யோ சாதி த்³வின்னங் அப்பவத்தினிமித்தங், தது³ப⁴யங் ந பவத்தி ஏதாயாதி அப்பவத்தி, அஸங்க²தா தா⁴து. து³க்க²ங் து³க்க²ஸச்சங் து³க்க²பரிஜானநங். ஸேஸபத³த்³வயேபி இமினா நயேன அத்தோ² வேதி³தப்³போ³.
து³க்க²ஸச்சனித்³தே³ஸவண்ணனா
388. ஏவங் வுத்தாதி ஏவங் உத்³தே³ஸவஸேன வுத்தா. ஸப்³ப³ஸத்தானங் பரியாதா³னவசனங் ப்³யாபனிச்சா²வஸேன ஆமேடி³தனித்³தே³ஸபா⁴வதோ. ஸத்தனிகாயேதி ஸத்தானங் நிகாயே, ஸத்தக⁴டே ஸத்தஸமூஹேதி அத்தோ². தே³வமனுஸ்ஸாதி³பே⁴தா³ஸு ஹி க³தீஸு பு⁴ம்மதே³வாதி³க²த்தியாதி³ஹத்தி²ஆதி³கு²ப்பிபாஸிகாதி³தங்தங்ஜாதிவிஸிட்டோ² ஸத்தஸமூஹோ ஸத்தனிகாயோ. நிப்பரியாயதோ க²ந்தா⁴னங் பட²மாபி⁴னிப்³ப³த்தி ஜாதீதி கத்வா ‘‘ஜனநங் ஜாதீ’’தி வத்வா ஸ்வாயங் உப்பாத³விகாரோ அபரினிப்ப²ன்னோ ‘‘ஸவிகாரான’’ந்திஆதி³ வுத்தங். ஸவிகாரானந்தி உப்பாத³ஸங்கா²தேன விகாரேன ஸவிகாரானங். ஜாதிஆதீ³னி ஹி தீணி லக்க²ணானி த⁴ம்மானங் விகாரவிஸேஸாதி. ‘‘உபஸக்³க³மண்டி³தவேவசன’’ந்தி இமினா கேவலங் உபஸக்³கே³ன பத³வட்³ட⁴னங் கதந்தி த³ஸ்ஸேதி. அனுபவிட்டா²காரேனாதி அண்ட³கோஸங், வத்தி²கோஸஞ்ச ஓகா³ஹனாகாரேன. நிப்³ப³த்திஸங்கா²தேனாதி ஆயதனானங் பாரிபூரிஸங்ஸித்³தி⁴ஸங்கா²தேன.
அத² வா ஜனநங் ஜாதீதி அபரிபுண்ணாயதனங் ஜாதிமாஹ. ஸஞ்ஜாதீதி ஸம்புண்ணாயதனங். ஸம்புண்ணா ஹி ஜாதி ஸஞ்ஜாதி. ஓக்கமனட்டே²ன ஓக்கந்தீதி அண்ட³ஜஜலாபு³ஜவஸேன அபி⁴னிப்³ப³த்தனட்டே²ன அபி⁴னிப்³ப³த்தீதி ஸங்ஸேத³ஜஓபபாதிகவஸேன. தே ஹி பாகடா ஏவ ஹுத்வா நிப்³ப³த்தந்தி. அபி⁴ப்³யத்தா நிப்³ப³த்தி அபி⁴னிப்³ப³த்தி. ‘‘ஜனநங் ஜாதீ’’திஆதி³ ஆயதனவஸேன, யோனிவஸேன ச த்³வீஹி த்³வீஹி பதே³ஹி ஸப்³ப³ஸத்தே பரியாதி³யித்வா ஜாதிங் த³ஸ்ஸேதுங் வுத்தங். ‘‘தேஸங் தேஸங் ஸத்தானங்…பே॰… அபி⁴னிப்³ப³த்தீ’’தி ஸத்தவஸேன வுத்தத்தா ஸம்முதிகதா². பாதுபா⁴வோதி எத்த² இதி-ஸத்³தோ³ ஆதி³அத்தோ², பகாரத்தோ² வா, தேன ‘‘ஆயதனானங் ஏகவோகாரப⁴வாதீ³ஸூதி ஏகசதுபஞ்சவோகாரப⁴வேஸு. தஸ்மிங் க²ந்தா⁴னங் பாதுபா⁴வே ஸதி. ஆயதனானங் படிலாபோ⁴தி ஏகசதுவோகாரப⁴வேஸு த்³வின்னங் த்³வின்னங் ஆயதனானங் வஸேன, ஸேஸேஸு ரூபதா⁴துயங் படிஸந்தி⁴க்க²ணே உப்பஜ்ஜமானானங் பஞ்சன்னங், காமதா⁴துயங் விகலாவிகலிந்த்³ரியானங் வஸேன ஸத்தன்னங், நவன்னங், த³ஸன்னங், புனத³ஸன்னங், ஏகாத³ஸன்னஞ்ச ஆயதனானங் வஸேன ஸங்க³ஹோ த³ட்ட²ப்³போ³. பாதுப⁴வந்தானேவ, ந குதோசி ஆக³தானி. படிலத்³தா⁴னி நாம ஹொந்தி ஸத்தஸந்தானஸ்ஸ தஸ்ஸ ஸங்விஜ்ஜமானத்தா. ஆயதனானங் படிலாபோ⁴தி வா ஆயதனானங் அத்தலாபோ⁴ வேதி³தப்³போ³.
389. ஸபா⁴வனித்³தே³ஸோதி ஸரூபனித்³தே³ஸோ. ஸரூபஞ்ஹேதங் ஜிண்ணதாய, யதி³த³ங் ‘‘ஜரா’’தி, ‘‘வயோஹானீதி வா. ஜீரணமேவ ஜீரணதா, ஜீரந்தஸ்ஸ வா ஆகாரோ தா-ஸத்³தே³ன வுத்தோதி ஆஹ ‘‘ஆகாரபா⁴வனித்³தே³ஸோ’’தி. க²ண்டி³தத³ந்தா க²ண்டி³தா நாம உத்தரபத³லோபேன. யஸ்ஸ விகாரஸ்ஸ வஸேன ஸத்தோ ‘‘க²ண்டி³தோ’’தி வுச்சதி, தங் க²ண்டி³ச்சங். ததா² பலிதானி அஸ்ஸ ஸந்தீதி ‘‘பலிதோ’’தி வுச்சதி, தங் பாலிச்சங். வலித்தசதாய வா வலி தசோ அஸ்ஸாதி வலித்தசோ.
ப²லூபசாரேனாதி ப²லவோஹாரேன.
390. சவனமேவ சவனதா, சவந்தஸ்ஸ வா ஆகாரோ தா-ஸத்³தே³ன வுத்தோ. க²ந்தா⁴ பி⁴ஜ்ஜந்தீதி ஏகப⁴வபரியாபன்னஸ்ஸ க²ந்த⁴ஸந்தானஸ்ஸ பரியோஸானபூ⁴தா க²ந்தா⁴ பி⁴ஜ்ஜந்தி, தேனேவ பே⁴தே³ன நிரோத⁴னங் அத³ஸ்ஸனங் க³ச்ச²ந்தி, தஸ்மா பே⁴தோ³ அந்தரதா⁴னங் மரணங். மச்சுமரணந்தி மச்சுஸங்கா²தங் ஏகப⁴வபரியாபன்னஜீவிதிந்த்³ரியுபச்சே²த³பூ⁴தங் மரணங். தேனாஹ ‘‘ந க²ணிகமரண’’ந்தி. ‘‘மச்சு காலகிரியாதி மரணகாலோ, அனதிக்கமனீயத்தா விஸேஸேன ‘‘காலோ’’தி வுத்தோதி தஸ்ஸ கிரியா, அத்த²தோ அயங் ஸப்³பா³பி ஸம்முதிகதா²வ ‘‘யங் தேஸங் தேஸங் ஸத்தான’’ந்திஆதி³னா ஸத்தவஸேன வுத்தத்தா. அயங் பரமத்த²கதா² பரமத்த²தோ லப்³ப⁴மானானங் ருப்பனாதி³ஸபா⁴வானங் த⁴ம்மானங் வினஸ்ஸனஜோதனாபா⁴வதோ.
அத்தாதி ப⁴வதி எத்த² சித்தந்தி அத்தபா⁴வோ, க²ந்த⁴ஸமூஹோ, தஸ்ஸ நிக்கே²போ நிக்கி²பனங், பாதனங் வினாஸோதி அத்தோ². அட்ட²கதா²யங்பன ‘‘மரணங் பத்தஸ்ஸா’’திஆதி³னா நிக்கே²பஹேதுதாய பதனங் ‘‘நிக்கே²போ’’தி ப²லூபசாரேன வுத்தந்தி த³ஸ்ஸேதி. ‘‘க²ந்தா⁴னங் பே⁴தோ³’’தி பப³ந்த⁴வஸேன பவத்தமானஸ்ஸ த⁴ம்மஸமூஹஸ்ஸ வினாஸஜோதனாதி ஏகதே³ஸதோ பரமத்த²கதா², ‘‘ஜீவிதிந்த்³ரியஸ்ஸ உபச்சே²தோ³’’தி பனெத்த² ந கோசி வோஹாரலேஸோ பீதி ஆஹ ‘‘ஜீவிதிந்த்³ரியஸ்ஸ உபச்சே²தோ³ பன ஸப்³பா³காரதோ பரமத்த²தோ மரண’’ந்தி. ஏவங் ஸந்தேபி யஸ்ஸ க²ந்த⁴பே⁴த³ஸ்ஸ பவத்தத்தா ‘‘திஸ்ஸோ மதோ, பு²ஸ்ஸோ மதோ’’தி வோஹாரோ ஹோதி, ஸோ பே⁴தோ³ க²ந்த⁴ப்பப³ந்த⁴ஸ்ஸ அனுபச்சி²ன்னதாய ‘‘ஸம்முதிமரண’’ந்தி வத்தப்³ப³தங் அரஹதீதி ஆஹ ‘‘ஏததே³வ ஸம்முதிமரணந்திபி வுச்சதீ’’தி. தேனாஹ ‘‘ஜீவிதிந்த்³ரியுபச்சே²த³மேவ ஹீ’’திஆதி³. ஸப்³ப³ஸோ பப³ந்த⁴ஸமுச்சே²தோ³ ஹி ஸமுச்சே²த³மரணந்தி.
391. ப்³யஸனேனாதி அனத்தே²ன. ‘‘த⁴ம்மபடிஸம்பி⁴தா³’’திஆதீ³ஸு (விப⁴॰ 721) விய த⁴ம்ம-ஸத்³தோ³ ஹேதுபரியாயோதி ஆஹ ‘‘து³க்க²காரணேனா’’தி. ஸோசனந்தி லக்கி²தப்³ப³தாய ஸோசனலக்க²ணோ. ஸோசிதஸ்ஸ ஸோசனகஸ்ஸ புக்³க³லஸ்ஸ, சித்தஸ்ஸ வா பா⁴வோ ஸோசிதபா⁴வோ. அப்³ப⁴ந்தரேதி அத்தபா⁴வஸ்ஸ அந்தோ. அத்தனோ லூக²ஸபா⁴வதாய ஸோஸெந்தோ. தா²மக³மனேன ஸமந்ததோ ஸோஸனவஸேன பரிஸோஸெந்தோ.
392. ‘‘ஆதி³ஸ்ஸ ஆதி³ஸ்ஸ தே³வந்தி பரிதே³வந்தி ஏதேனாதி ஆதே³வோ’’தி ஆதே³வன-ஸத்³த³ங் கத்வா அஸ்ஸுமோசனாதி³விகாரங் ஆபஜ்ஜந்தானங் தப்³பி³காராபத்தியா தங் தங் வண்ணந்தி தங் தங் கு³ணங். தஸ்ஸேவாதி ஆதே³வபரிதே³வஸ்ஸேவ. பா⁴வனித்³தே³ஸாதி ‘‘ஆதே³விதத்தங் பரிதே³விதத்த’’ந்தி பா⁴வனித்³தே³ஸா.
393. நிஸ்ஸயபூ⁴தோ காயோ ஏதஸ்ஸ அத்தீ²தி காயிகங். தேனாஹ ‘‘காயபஸாத³வத்து²க’’ந்தி. து³க்கரங் க²மனங் ஏதஸ்ஸாதி து³க்க²மனங், ஸோ ஏவ அத்தோ² ஸபா⁴வோதி து³க்க²மனட்டோ², தேன. ஸாதவிது⁴ரதாய அஸாதங்.
394. சேதஸி ப⁴வந்தி சேதஸிகங், தங் பன யஸ்மா சித்தேன ஸமங் பகாரேஹி யுத்தங், தஸ்மா ஆஹ ‘‘சித்தஸம்பயுத்த’’ந்தி.
395. ஸப்³ப³விஸயபடிபத்தினிவாரணவஸேன ஸமந்ததோ ஸீத³னங் ஸங்ஸீத³னங். உட்டா²தும்பி அஸக்குணெய்யதாகரணவஸேன அதிப³லவங், விரூபங் வா ஸீத³னங் விஸீத³னங். சித்தகிலமதோ²தி விஸீத³னாகாரேன சித்தஸ்ஸ பரிகே²தோ³. உபாயாஸோ, ஸயங் ந து³க்கோ² தோ³ஸத்தா, ஸங்கா²ரக்க²ந்த⁴பரியாபன்னத⁴ம்மந்தரத்தா வா. யே பன தோ³மனஸ்ஸமேவ ‘‘உபாயாஸோ’’தி வதெ³ய்யுங், தே ‘‘உபாயாஸோ தீஹி க²ந்தே⁴ஹி ஏகேனாயதனேன ஏகாய தா⁴துயா ஸம்பயுத்தோ, ஏகேன க²ந்தே⁴ன ஏகேனாயதனேன ஏகாய தா⁴துயா கேஹிசி ஸம்பயுத்தோ’’தி (தா⁴து॰ 249). இமாய பாளியா படிக்கி²பிதப்³பா³. உப-ஸத்³தோ³ பு⁴ஸத்தோ²தி ஆஹ ‘‘ப³லவதரங் ஆயாஸோ உபாயாஸோ’’தி. த⁴ம்மமத்ததாதீ³பனோ பா⁴வனித்³தே³ஸோ த⁴ம்மதோ அஞ்ஞஸ்ஸ கத்துஅபா⁴வஜோதனோ, அஸதி ச கத்தரி தேன கத்தப்³ப³ஸ்ஸ, பரிக்³க³ஹேதப்³ப³ஸ்ஸ ச அபா⁴வோ ஏவாதி ஆஹ ‘‘அத்தத்தனியாபா⁴வதீ³பகாபா⁴வனித்³தே³ஸா’’தி.
398. ஜாதித⁴ம்மானந்தி எத்த² த⁴ம்ம-ஸத்³தோ³ பகதிபரியாயோதி ஆஹ ‘‘ஜாதிஸபா⁴வான’’ந்தி, ஜாயனபகதிகானந்தி வுத்தங் ஹோதி. மக்³க³பா⁴வனாய மக்³க³பா⁴வனிச்சா²ஹேதுகதா இச்சி²தப்³பா³தி தாதி³ஸங் இச்ச²ங் நிவத்தெந்தோ ‘‘வினா மக்³க³பா⁴வன’’ந்தி ஆஹ. அபரோ நயோ ந கோ² பனேதந்தி யமேதங் ‘‘அஹோ வத மயங் ந ஜாதித⁴ம்மா அஸ்ஸாம, ந ச வத நோ ஜாதி ஆக³ச்செ²ய்யா’’தி ஏவங் பஹீனஸமுத³யேஸு பி-ஸத்³தோ³தி ஆஹ ‘‘உபரி ஸேஸானி உபாதா³ய பி-காரோ’’தி. யந்தி ஹேதுஅத்தே² கரணே பச்சத்தவசனந்தி ஆஹ ‘‘யேனபி த⁴ம்மேனா’’தி. ஹேதுஅத்தோ² ஹி அயங் த⁴ம்ம-ஸத்³தோ³ தந்தி வா இச்சி²தஸ்ஸ வத்து²னோ அலப்³ப⁴னங், ஏவமெத்த² ‘‘யம்பீதி யேனபீ’’தி விப⁴த்திவிபல்லாஸேன அத்தோ² வுத்தோ. யதா³ பன யங்-ஸத்³தோ³ ‘‘இச்ச²’’ந்தி ஏதங் அபெக்க²தி, ததா³ அலாப⁴விஸிட்டா² இச்சா² வுத்தா ஹோதி. யதா³ பன ‘‘ந லப⁴தீ’’தி ஏதங் அபெக்க²தி, ததா³ இச்சா²விஸிட்டோ² அலாபோ⁴ வுத்தோ ஹோதி, ஸோ பன அத்த²தோ அஞ்ஞோ த⁴ம்மோ நத்தி², ததா²பி அலப்³ப⁴னெய்யவத்து²க³தா இச்சா²வ வுத்தா ஹோதி. ஸப்³ப³த்தா²தி ‘‘ஜராத⁴ம்மான’’ந்திஆதி³னா ஆக³தேஸு ஸப்³ப³வாரேஸு.
ஸமுத³யஸச்சனித்³தே³ஸவண்ணனா
400. புனப்³ப⁴வகரணங் புனொப்³ப⁴வோ உத்தரபத³லோபங் கத்வா மனோ-ஸத்³த³ஸ்ஸ விய புரிமபத³ஸ்ஸ ஓ-காரந்ததா த³ட்ட²ப்³பா³. அத² வா ஸீலனட்டே²ன இக-ஸத்³தே³ன க³மிதத்த²த்தா கிரியாவாசகஸ்ஸ ஸத்³த³ஸ்ஸ அத³ஸ்ஸனங் த³ட்ட²ப்³ப³ங் யதா² ‘‘அஸூபப⁴க்க²னஸீலோ அஸூபிகோ’’தி. ஸம்மோஹவினோத³னியங் பன ‘‘புனப்³ப⁴வங் தே³தி, புனப்³ப⁴வாய ஸங்வத்ததி, புனப்புனங் ப⁴வே நிப்³ப³த்தேதீதி போனொப்³ப⁴விகா’’தி (விப⁴॰ அட்ட²॰ 203) அத்தோ² வுத்தோ ஸோ ‘‘தத்³தி⁴தா’’ இதி ப³ஹுவசனநித்³தே³ஸதோ, விசித்தத்தா வா தத்³தி⁴தவுத்தியா, அபி⁴தா⁴னலக்க²ணத்தா நந்தீ³ராகோ³, யோ ச நந்தீ³ராகோ³, யா ச தண்ஹாயனட்டே²ன தண்ஹா, உப⁴யமேதங் ஏகத்த²ங், ப்³யஞ்ஜனமேவ நானந்தி தண்ஹா ‘‘நந்தீ³ராகே³ன ஸத்³தி⁴ங் அத்த²தோ ஏகத்தமேவ க³தா’’தி வுத்தா. தப்³பா⁴வத்தோ² ஹெத்த² ஸஹ-ஸத்³தோ³ ‘‘ஸனித³ஸ்ஸனா த⁴ம்மா’’திஆதீ³ஸு (த⁴॰ ஸ॰ து³கமாதிகா 9) விய. தஸ்மா நந்தீ³ராக³ஸஹக³தாதி நந்தீ³ராக³பா⁴வங் க³தா ஸப்³பா³ஸுபி அவத்தா²ஸு நந்தீ³ராக³பா⁴வஸ்ஸ அபச்சக்கா²ய வத்தனதோதி அத்தோ². ராக³ஸம்ப³ந்தே⁴ன உப்பன்னஸ்ஸாதி வுத்தங். ரூபாரூபப⁴வராக³ஸ்ஸ விஸுங் வுச்சமானத்தா காமப⁴வே ஏவ ப⁴வபத்த²னுப்பத்தி வுத்தாதி வேதி³தப்³பா³.
தஸ்மிங் ‘‘உப்பஜ்ஜதீ’’தி வுத்தங், புனப்புனங் பவத்திவஸேன ‘‘நிவிஸதீ’’தி. பரியுட்டா²னானுஸயவஸேன வா உப்பத்தினிவேஸா யோஜேதப்³பா³. ஸம்பத்தியந்தி மனுஸ்ஸஸோப⁴க்³கே³, தே³வத்தே ச. அத்தனோ சக்கு²ந்தி ஸவத்து²கங் சக்கு²ங் வத³தி, ஸபஸாத³ங் வா மங்ஸபிண்ட³ங். விப்பஸன்னங் பஞ்சபஸாத³ந்தி பரிஸுத்³த⁴ஸுப்பஸன்னநீலபீதலோஹிதகண்ஹஓதா³தவண்ணவந்தங். ரஜதபனாளிகங் விய சி²த்³த³ங் அப்³ப⁴ந்தரே ஓதா³தத்தா. பாமங்க³ஸுத்தங் விய ஆலம்ப³கண்ணப³த்³த⁴ங். துங்கா³ உச்சா தீ³கா⁴ நாஸிகா துங்க³னாஸா, ஏவங் லத்³த⁴வோஹாரங் அத்தனோ கா⁴னங். ‘‘லத்³த⁴வோஹாரா’’தி வா பாடோ², தஸ்மிங் துங்க³னாஸா, ஏவங் லத்³த⁴வோஹாரா ஸத்தா அத்தனோ கா⁴னந்தி யோஜனா ஜிவ்ஹங்…பே॰… மஞ்ஞந்தி வண்ணஸண்டா²னதோ, கிச்சதோ ச. காயங்…பே॰… மஞ்ஞந்தி ஆரோஹபரிணாஹஸம்பத்தியா. மனங்…பே॰… மஞ்ஞந்தி அதீதாதி³அத்த²சிந்தனஸமத்த²ங். அத்தனா படிலத்³தா⁴னி அஜ்ஜ²த்தஞ்ச ஸரீரக³ந்தா⁴தீ³னி, ப³ஹித்³தா⁴ ச விலேபனக³ந்தா⁴தீ³னி. உப்பஜ்ஜமானா உப்பஜ்ஜதீதி யதா³ உப்பஜ்ஜமானா ஹோதி, ததா³ எத்த² உப்பஜ்ஜதீதி ஸாமஞ்ஞேன க³ஹிதா உப்பாத³கிரியா லக்க²ணபா⁴வேன வுத்தா, விஸயவிஸிட்டா² ச லக்கி²தப்³ப³பா⁴வேன. ந ஹி ஸாமஞ்ஞவிஸேஸேஹி நானத்தவோஹாரோ ந ஹோதீதி. உப்பஜ்ஜமானாதி வா அனிச்சி²தோ உப்பாதோ³ ஹேதுபா⁴வேன வுத்தோ, உப்பஜ்ஜதீதி நிச்சி²தோ ப²லபா⁴வேன யதி³ உப்பஜ்ஜமானா ஹோதி, எத்த² உப்பஜ்ஜதீதி.
நிரோத⁴ஸச்சனித்³தே³ஸவண்ணனா
401. ‘‘ஸப்³பா³னி நிப்³பா³னவேவசனானேவா’’தி வத்வா தமத்த²ங் பாகடதரங் காதுங் ‘‘நிப்³பா³னஞ்ஹீ’’திஆதி³ ஆரத்³த⁴ங். தத்த² ஆக³ம்மாதி நிமித்தங் கத்வா. நிப்³பா³னஹேதுகோ ஹி தண்ஹாய அஸேஸவிராக³னிரோதோ⁴. க²யக³மனவஸேன விரஜ்ஜதி. அப்பவத்திக³மனவஸேன நிருஜ்ஜ²தி. அனபெக்க²தாய சஜனவஸேன, ஹானிவஸேன வா சஜீயதி. புன யதா² நப்பவத்ததி, ததா² தூ³ர கி²பனவஸேன படினிஸ்ஸஜ்ஜீயதி. ப³ந்த⁴னபூ⁴தாய மோசனவஸேன முச்சதி. அஸங்கிலேஸவஸேன ந அல்லீயதி. கஸ்மா பனேதங் நிப்³பா³னங் ஏகமேவ ஸமானங் நானானாமேஹி வுச்சதீதி? படிபக்க²னானதாயாதி த³ஸ்ஸெந்தோ ‘‘ஏகமேவ ஹீ’’திஆதி³மாஹ. ஸங்க²தத⁴ம்மவிது⁴ரஸபா⁴வத்தா நிப்³பா³னஸ்ஸ நாமானிபி கு³ணனேமித்திகத்தா ஸங்க²தத⁴ம்மவிது⁴ரானேவ ஹொந்தீதி வுத்தங் ‘‘ஸப்³ப³ஸங்க²தானங் நாமபடிபக்க²வஸேனா’’தி. அஸேஸங் விரஜ்ஜதி தண்ஹா எத்தா²தி அஸேஸவிராகோ³தி. ஏஸ நயோ ஸேஸேஸுபி. அயங் பன விஸேஸோ – நத்தி² ஏதஸ்ஸ உப்பாதோ³, ந அனுப்பாதோ³, அஸங்க²தத⁴ம்மோ. ‘‘அப்பவத்த’’ந்திஆதீ³ஸுபி இமினா நயேன அத்தோ² வேதி³தப்³போ³. ஆயூஹனங் ஸமுத³யோ, தப்படிபக்க²வஸேன அனாயூஹனங்.
தண்ஹா அப்பஹீனே ஸதி யத்த² உப்பஜ்ஜதி, பஹானே பன ஸதி தத்த² ‘‘தத்தே²வ அபா⁴வங் த³ஸ்ஸேது’’ந்தி. அபஞ்ஞத்திந்தி அபஞ்ஞாபனங், ‘‘தித்த அலாபு³ அத்தீ²’’தி வோஹாராபா⁴வங் வா. தித்தஅலாபு³வல்லியா அப்பவத்திங் இச்ச²ந்தோ புரிஸோ விய அரியமக்³கோ³, தஸ்ஸ தஸ்ஸா அப்பவத்தினின்னசித்தஸ்ஸ மூலச்சே²த³னங் விய மக்³க³ஸ்ஸ நிப்³பா³னாரம்மணஸ்ஸ தண்ஹாய பஹானங், தத³ப்பவத்தி விய தண்ஹாய அப்பவத்திபூ⁴தங் நிப்³பா³னங் த³ட்ட²ப்³ப³ங்.
து³தியஉபமாயங்
மக்³க³ஸச்சனித்³தே³ஸவண்ணனா
402. அஞ்ஞமக்³க³படிக்கே²பனத்த²ந்தி தித்தி²யேஹி பரிகப்பிதஸ்ஸ மக்³க³ஸ்ஸ து³க்க²னிரோத⁴கா³மினிபடிபதா³பா⁴வபடிக்கே²பனத்த²ங், அஞ்ஞஸ்ஸ வா மக்³க³பா⁴வபடிக்கே²போ அஞ்ஞமக்³க³படிக்கே²போ, தத³த்த²ங். ‘‘அய’’ந்தி பன அத்தனோ, தேஸு ச பி⁴க்கூ²ஸு ஏகச்சானங் பச்சக்க²பா⁴வதோ ஆஸன்னபச்சக்க²வசனங். ஆரகத்தாதி நிருத்தினயேன அரியஸத்³த³ஸித்³தி⁴மாஹ. அரியபா⁴வகரத்தாதி அரியகரணோ அரியோதி உத்தரபத³லோபேன, புக்³க³லஸ்ஸ அரியபா⁴வகரத்தா அரியங் கரோதீதி வா அரியோ, அரியப²லபடிலாப⁴கரத்தா வா அரியங் ப²லங் லபா⁴பேதி ஜனேதீதி அரியோ. புரிமேன செத்த² அத்தனோ கிச்சவஸேன, பச்சி²மேன ப²லவஸேன அரியனாமலாபோ⁴ வுத்தோதி த³ட்ட²ப்³போ³. சதுஸச்சபடிவேதா⁴வஹங் கம்மட்டா²னங் சதுஸச்சகம்மட்டா²னங் சதுஸச்சகம்மட்டா²னங். புரிமானி த்³வே ஸச்சானி வட்டங் பவத்திஹேதுபா⁴வதோ. பச்சி²மானி விவட்டங் நிவத்திதத³தி⁴க³முபாயபா⁴வதோ. வட்டே கம்மட்டா²னாபி⁴னிவேஸோ ஸரூபதோ பரிக்³க³ஹஸப்³பா⁴வதோ. விவட்டே நத்தி² அவிஸயத்தா, விஸயத்தே ச பயோஜனாபா⁴வதோ. புரிமானி த்³வே ஸச்சானி உக்³க³ண்ஹித்வாதி ஸம்ப³ந்தோ⁴. கம்மட்டா²னபாளியா ஹி தத³த்த²ஸல்லக்க²ணேன வாசுக்³க³தகரணங் உக்³க³ஹோ. தேனாஹ ‘‘வாசாய புனப்புனங் பரிவத்தெந்தோ’’தி. இட்ட²ங் கந்தந்தி நிரோத⁴மக்³கே³ஸு நின்னபா⁴வங் த³ஸ்ஸேதி, ந அபி⁴னந்த³னங், தன்னின்னபா⁴வோயேவ ச தத்த² கம்மகரணங் த³ட்ட²ப்³ப³ங்.
ஏகபடிவேதே⁴னேவாதி ஏகஞாணேனேவ படிவிஜ்ஜ²னேன. படிவேதோ⁴ படிகா⁴தாபா⁴வேன விஸயே நிஸ்ஸங்க³சாரஸங்கா²தங் நிப்³பி³ஜ்ஜ²னங். அபி⁴ஸமயோ அவிரஜ்ஜி²த்வா விஸயஸ்ஸ அதி⁴க³மஸங்கா²தோ அவபோ³தோ⁴. ‘‘இத³ங் து³க்க²ங், எத்தகங் து³க்க²ங், ந இதோ பி⁴ய்யோ’’தி பரிச்சி²ந்தி³த்வா ஜானநமேவ வுத்தனயேன படிவேதோ⁴தி பரிஞ்ஞாபடிவேதோ⁴, தேன. இத³ஞ்ச யதா² தஸ்மிங் ஞாணே பவத்தே பச்சா² து³க்க²ஸ்ஸ ஸரூபாதி³பரிச்சே²தே³ ஸம்மோஹோ ந ஹோதி, ததா² பவத்திங் க³ஹெத்வா வுத்தங், ந பன மக்³க³ஞாணஸ்ஸ ‘‘இத³ங் து³க்க²’’ந்திஆதி³னா (ம॰ நி॰ 2.484; 3.104) பவத்தனதோ. பஹீனஸ்ஸ பஹானபடிவேதோ⁴, தேன. அயம்பி யஸ்மிங் கிலேஸே அப்பஹீயமானே மக்³க³பா⁴வனாய ந ப⁴விதப்³ப³ங், அஸதி ச ஸச்சி²கிரியா பச்சக்க²கரணங் அனுஸ்ஸவாகாரபரிவிதக்காதி³கே முஞ்சித்வா ஸரூபதோ ஆரம்மணகரணங் ‘‘இத³ங் த’’ந்தி யதா²ஸபா⁴வதோ க³ஹணங், ஸா ஏவ வுத்தனயேன படிவேதோ⁴தி ஸச்சி²கிரியாபடிவேதோ⁴, தேன. அயங் பனஸ்ஸ ஆவரணஸ்ஸ அஸமுச்சி²ந்த³னதோ ஞாணங் நிரோத⁴ங் ஆலம்பி³துங் ந ஸக்கோதி, தஸ்ஸ ஸமுச்சி²ந்த³னதோ தங் ஸரூபதோ விபா⁴வெந்தமேவ பவத்ததீதி ஏவங் வுத்தோ. பா⁴வனா உப்பாத³னா, வட்³ட⁴னா ச. தத்த² பட²மமக்³கே³ உப்பாத³னட்டே²ன, து³தியாதீ³ஸு வட்³ட⁴னட்டே²ன, உப⁴யத்தா²பி வா உப⁴யதா²பி வேதி³தப்³ப³ங். பட²மமக்³கே³பி ஹி யதா²ரஹங் வுட்டா²னகா³மினியங் பவத்தங் பரிஜானநாதி³ங் வட்³டெ⁴ந்தோ பவத்தோதி வட்³ட⁴னட்டே²ன பா⁴வனா ஸக்கா விஞ்ஞாதுங். து³தியாதீ³ஸுபி அப்பஹீனகிலேஸப்பஹானதோ, புக்³க³லந்தரபா⁴வஸாத⁴னதோ ச உப்பாத³னட்டே²ன பா⁴வனா ஸக்கா விஞ்ஞாதுங், ஸா ஏவ வுத்தனயேன படிவேதோ⁴தி பா⁴வனாபடிவேதோ⁴, தேன. அயம்பி
திட்ட²ந்து தாவ யதா²தி⁴க³தா மக்³க³த⁴ம்மா, யதா²பவத்தேஸு ப²லத⁴ம்மேஸுபி அயங் யதா²தி⁴க³தஸச்சத⁴ம்மேஸு விய விக³தஸம்மோஹோவ ஹோதி. தேனேவாஹ ‘‘தி³ட்ட²த⁴ம்மோ பத்தத⁴ம்மோ விதி³தத⁴ம்மோ பரியோகா³ள்ஹத⁴ம்மோ’’தி (மஹாவ॰ 18; தீ³॰ நி॰ 1.299; ம॰ நி॰ 2.69) யதோ ஸசஸ்ஸ த⁴ம்மதாஸஞ்சோதி³தா யதா²தி⁴க³தஸச்சத⁴ம்மாலம்ப³னியோ மக்³க³வீதி²தோ பரதோ மக்³க³ப²லபஹீனாவஸிட்ட²கிலேஸனிப்³பா³னானங் ‘‘பரிஞ்ஞாபி⁴ஸமயேனா’’திஆதீ³ஸுபி விபா⁴வேதப்³பா³. ஏகாபி⁴ஸமயேன அபி⁴ஸமேதீதி எத்தா²ஹ விதண்ட³வாதீ³ ‘‘அரியமக்³க³ஞாணங் சதூஸு ஸச்சேஸு நானாபி⁴ஸமயவஸேன கிச்சகர’’ந்தி, ஸோ அபி⁴த⁴ம்மே (கதா²॰ 274) ஓதி⁴ஸோகதா²ய ஸஞ்ஞாபேதப்³போ³. இதா³னி தமேவ ஏகாபி⁴ஸமயங் வித்தா²ரவஸேன விபா⁴வேதுங் ‘‘ஏவமஸ்ஸா’’திஆதி³ வுத்தங். ‘‘புப்³ப³பா⁴கே³…பே॰… படிவேதோ⁴ ஹோதீ’’தி கஸ்மா வுத்தங், நனு படிவேதோ⁴ புப்³ப³பா⁴கி³யோ ந ஹோதீதி? ஸச்சமேதங் நிப்பரியாயதோ, இத⁴ பன உக்³க³ஹாதி³வஸேன பவத்தோ அவபோ³தோ⁴ பரியாயதோ ததா² வுத்தோ. படிவேத⁴னிமித்தத்தா வா உக்³க³ஹாதி³வஸேன பவத்தங் து³க்கா²தீ³ஸு புப்³ப³பா⁴கே³ ஞாணங் ‘‘படிவேதோ⁴’’தி வுத்தங், ந படிவிஜ்ஜ²னஸபா⁴வங். கிச்சதோதி புப்³ப³பா⁴கே³ஹி து³க்கா²தி³ஞாணேஹி காதப்³ப³கிச்சஸ்ஸ இத⁴ நிப்ப²த்திதோ, இமஸ்ஸேவ வா ஞாணஸ்ஸ து³க்கா²தி³ப்பகாஸனகிச்சதோ, பரிஞ்ஞாதி³தோதி அத்தோ². ஆரம்மணபடிவேதோ⁴தி ஸச்சி²கிரியாபடிவேத⁴மாஹ. ஸாதி பச்சவெக்க²ணா. இதா⁴தி ந வுத்தா அனவஸரத்தா. அதி⁴க³மே ஹி ஸதி தஸ்ஸா ஸியா அவஸரோ.
தங்யேவ ஹி அனவஸரங் த³ஸ்ஸேதுங் ‘‘இமஸ்ஸ சா’’திஆதி³ வுத்தங். புப்³பே³ பரிக்³க³ஹதோதி கம்மட்டா²னபரிக்³க³ஹதோ புப்³பே³. உக்³க³ஹாதி³வஸேன ஸச்சானங் பரிக்³க³ண்ஹனஞ்ஹி பரிக்³க³ஹோ. ததா² தானி பரிக்³க³ண்ஹனதோ மனஸிகாரத³ள்ஹதாய புப்³ப³பா⁴கி³யா து³க்க²பரிஞ்ஞாத³யோ ஹொந்தி யேவாதி ஆஹ ‘‘பரிக்³க³ஹதோ பட்டா²ய ஹோதீ’’தி. அபரபா⁴கே³தி மக்³க³க்க²ணே. து³த்³த³ஸத்தாதி அத்தனோ பவத்திக்க²ணவஸேன க³ம்பீ⁴ரானி ‘‘லக்க²ணபடிவேத⁴தோ பன உப⁴யம்பி க³ம்பீ⁴ர’’ந்தி. இதரானி அஸங்கிலிட்ட²அஸங்கிலேஸிகதாய அச்சந்தஸுக²ப்பத்தாய அனுப்பத்திப⁴வதாய, அனுப்பன்னபுப்³ப³தாய ச பவத்திவஸேன அபாகடத்தா ச பரமக³ம்பீ⁴ரத்தா, ததா² பரமக³ம்பீ⁴ரஞாணேனேவ பஸ்ஸிதப்³ப³தாய பகதிஞாணேன த³ட்டு²ங் ந ஸக்குணெய்யானீதி து³த்³த³ஸானி. தேனாஹ ‘‘இதரேஸங் பனா’’திஆதி³. பயோகோ³தி கிரியா, வாயாமோ வா. தஸ்ஸ மஹந்ததரஸ்ஸ இச்சி²தப்³ப³தங், து³க்கரதரதஞ்ச உபமாஹி த³ஸ்ஸேதி ‘‘ப⁴வக்³க³க்³க³ஹணத்த²’’ந்திஆதி³னா. படிவேத⁴க்க²ணேதி அரியஸ்ஸ மக்³க³ஸ்ஸ சதுஸச்சஸம்படிவேத⁴க்க²ணே. ஏகமேவ தங் ஞாணந்தி து³க்கா²தீ³ஸு பரிஞ்ஞாதி³கிச்சஸாத⁴னவஸேன ஏகமேவ தங் மக்³க³ஞாணங் ஹோதி.
இமேஸு தீஸு டா²னேஸூதி இமேஸு விரமிதப்³ப³தாவஸேன ஜோதிதேஸு தீஸு காமப்³யாபாத³விஹிங்ஸாவிதக்கவத்தூ²ஸு. விஸுங் விஸுங் உப்பன்னஸ்ஸ திவித⁴அகுஸலஸங்கப்பஸ்ஸ. பத³பச்சே²த³தோதி எத்த² க³தமக்³கோ³ ‘‘பத³’’ந்தி வுச்சதி, யேன ச உபாயேன காரணேன காமவிதக்கோ உப்பஜ்ஜதி, ஸோ தஸ்ஸ க³தமக்³கோ³தி தஸ்ஸ பச்சே²தோ³ கா⁴தோ பத³பச்சே²தோ³, ததோ பத³பச்சே²த³தோ. அனுப்பத்தித⁴ம்மதாபாத³னங் அனுப்பத்திஸாத⁴னங், தஸ்ஸ வஸேன. மக்³க³கிச்சஸாத⁴னேன மக்³க³ங்க³ங் பூரயமானோ ஏகோவ திவித⁴கிச்சஸாத⁴னோ குஸலஸங்கப்போ உப்பஜ்ஜதி. திவிதா⁴குஸலஸங்கப்பஸமுச்சே²த³னமேவ ஹெத்த² திவித⁴கிச்சஸாத⁴னங் த³ட்ட²ப்³ப³ங். இமினா நயேன ‘‘இமேஸு சதூஸு டா²னேஸூ’’திஆதீ³ஸுபி அத்தோ² வேதி³தப்³போ³.
முஸாவாதா³வேரமணிஆத³யோதி எத்த² யஸ்மா ஸிக்கா²பத³விப⁴ங்கே³ ஸம்மோஹவினோத³னியங் வுத்தங், தஸ்மா கேசி ‘‘ஆதி³-ஸத்³தே³ன ந கேவலங் பிஸுணவாசா வேரமணிஆதீ³னங்யேவ ஸங்க³ஹோ, அத² கோ² தாதி³ஸானங் சேதனானம்பி
பி⁴க்கு²ஸ்ஸ ‘‘கா²த³னீய…பே॰… து³ச்சரித’’ந்தி. காயவசீது³ச்சரிதக்³க³ஹணஞ்ச காயவசீத்³வாரேயேவ ஆஜீவபகோபோ, ந மனொத்³வாரேதி த³ஸ்ஸனத்த²ங். தேனாஹ ‘‘இமேஸுயேவ ஸத்தஸு டா²னேஸூ’’தி.
அனுப்பன்னானந்தி அஸமுதா³சாரவஸேன வா அனநுபூ⁴தாரம்மணவஸேன வா அனுப்பன்னானங். அஞ்ஞதா² ஹி அனமதக்³கே³ ஸங்ஸாரே அனுப்பன்னா பாபகா அகுஸலா த⁴ம்மா நாம ந ஸந்தி. தேனாஹ ‘‘ஏகஸ்மிங் ப⁴வே’’திஆதி³. யஸ்மிங் ப⁴வே அயங் இமங் வீரியங் ஆரப⁴தி, தஸ்மிங் ஏகஸ்மிங் ப⁴வே. ஜனேதீதி உப்பாதே³தி. தாதி³ஸங் ச²ந்த³ங் குருமானோ ஏவங் ச²ந்த³ங் ஜனேதி நாம. வாயாமங் கரோதீதி பயோக³ங் பரக்கமங் கரோதி. வீரியங் பவத்தேதீதி காயிகசேதஸிகவீரியங் பகாரதோ வத்தேதி. வீரியேன சித்தங் பக்³க³ஹிதங் கரோதீதி தேனேவ ஸஹஜாதவீரியேன சித்தங் உக்கி²பெந்தோ கோஸஜ்ஜபாததோ நிஸேத⁴னேன பக்³க³ஹிதங் கரோதி. பத³ஹனங் பவத்தேதீதி பதா⁴னங் வீரியங் கரோதி. படிபாடியா பனேதானி சத்தாரி பதா³னி ஆஸேவனாபா⁴வனாப³ஹுலீகம்மஸாதச்சகிரியாஹி யோஜேதப்³பா³னி.
உப்பன்னபுப்³பா³னந்தி ஸதி³ஸவோஹாரேன வுத்தங். ப⁴வதி ஹி தங்ஸதி³ஸேஸு தப்³போ³ஹாரோ யதா² ‘‘ஸா ஏவ தித்திரி, தானி ஏவ ஓஸதா⁴னீ’’தி. தேனாஹ ‘‘இதா³னி தாதி³ஸே’’தி. உப்பன்னானந்தி ‘‘அனுப்பன்னா’’தி அவத்தப்³ப³தங் ஆபன்னானங். பஹானாயாதி பஜஹனத்தா²ய. அனுப்பன்னானங் குஸலானந்தி எத்த² குஸலாதி உத்தரிமனுஸ்ஸத⁴ம்மா அதி⁴ப்பேதா, தேஸஞ்ச உப்பாதோ³ நாம அதி⁴க³மோ படிலாபோ⁴, தப்படிக்கே²பேன அனுப்பாதோ³ அப்படிலாபோ⁴தி ஆஹ ‘‘அப்படிலத்³தா⁴னங் பட²மஜ்ஜா²னாதீ³ன’’ந்தி. ‘‘டி²தியா வீரியங் ஆரப⁴தீ’’தி வுத்தே ந க²ணடி²தி அதி⁴ப்பேதா தத³த்த²ங் வீரியாரப்³பே⁴ன பயோஜனாபா⁴வதோ, அத² கோ² பப³ந்த⁴டி²தி அதி⁴ப்பேதாதி ஆஹ ‘‘புனப்புனங் உப்பத்திபப³ந்த⁴வஸேன டி²தத்த²’’ந்தி. ஸம்முஸ்ஸனங் படிபக்க²த⁴ம்மவஸேன அத³ஸ்ஸனமுபக³மனந்தி தப்படிக்கே²பேன அஸம்முஸ்ஸனங் அஸம்மோஸோதி ஆஹ ‘‘அஸம்மோஸாயாதி அவினாஸனத்த²’’ந்தி. பி⁴ய்யோபா⁴வோ புனப்புனங் ப⁴வனங், ஸோ பன ‘‘உபரிபா⁴வாயா’’தி. வேபுல்லங் அபி⁴ண்ஹப்பவத்தியா பகு³ணப³லவபா⁴வாபத்தீதி வுத்தங் ‘‘வேபுல்லாயாதி விபுலபா⁴வாயா’’தி, மஹந்தபா⁴வாயாதி அத்தோ². பா⁴வனாய பரிபூரணத்த²ந்தி ஜா²னாதி³பா⁴வனாபரிப்³ரூஹனத்த²ங்.
சதூஸு டா²னேஸூதி அனுப்பன்னாகுஸலானுப்பாத³னாதீ³ஸு சதூஸு டா²னேஸு. கிச்சஸாத⁴னவஸேனாதி சதுப்³பி³த⁴ஸ்ஸபி கிச்சஸ்ஸ
ஜா²னானி புப்³ப³பா⁴கே³பி மக்³க³க்க²ணேபி நானாதி யதி³பி ஸமாதி⁴உபகாரகேஹி அபி⁴னிரோபனானுமஜ்ஜனஸம்பியாயனப்³ரூஹனஸந்தஸுக²ஸபா⁴வேஹி விதக்காதீ³ஹி ஸம்பயோக³பே⁴த³தோ பா⁴வனாதிஸயப்பவத்தானங் சதுன்னங் ஜா²னானங் வஸேன ஸம்மாஸமாதி⁴ விப⁴த்தோ, ததா²பி வாயாமோ விய அனுப்பன்னாகுஸலானுப்பாத³னாதி³சதுவாயாமகிச்சங், ஸதி விய ச அஸுபா⁴ஸுகா²னிச்சானத்தேஸு காயாதீ³ஸு ஸுபா⁴தி³ஸஞ்ஞாப்பஹானசதுஸதிகிச்சங், ஏகோ ஸமாதி⁴ சதுஜா²னஸமாதி⁴கிச்சங் ந ஸாதே⁴தீதி புப்³ப³பா⁴கே³பி பட²மஜ்ஜா²னஸமாதி⁴ ஏவ மக்³க³க்க²ணேபி, ததா² புப்³ப³பா⁴கே³பி சதுத்த²ஜ்ஜா²னஸமாதி⁴ ஏவ மக்³க³க்க²ணே பீதி அத்தோ². நானாமக்³க³வஸேனாதி பட²மமக்³கா³தி³னானாமக்³க³வஸேன ஜா²னானி நானா. து³தியாத³யோபி மக்³கா³ து³தியாதீ³னங் ஜா²னானங். அயங் பனஸ்ஸாதி எத்த² மக்³க³பா⁴வேன சதுப்³பி³த⁴ம்பி ஏகத்தேன க³ஹெத்வா ‘‘அஸ்ஸா’’தி வுத்தங், அஸ்ஸ மக்³க³ஸ்ஸாதி அத்தோ². அயந்தி பன அயங் ஜா²னவஸேன ஸப்³ப³ஸதி³ஸஸப்³பா³ஸதி³ஸேகச்சஸதி³ஸதா விஸேஸோ.
பாத³கஜ்ஜா²னநியமேன ஹோதீதி இத⁴ பாத³கஜ்ஜா²னநியமங் து⁴ரங் கத்வா வுத்தங், யதா² செத்த², ஏவங் ஸம்மோஹவினோத³னியம்பி (விப⁴॰ அட்ட²॰ 205). அட்ட²ஸாலினியங் (த⁴॰ ஸ॰ அட்ட²॰ 350) பன விபஸ்ஸனானியமோ வுத்தோ ஸப்³ப³வாதா³விரோத⁴தோ, இத⁴ பன ஸம்மஸிதஜ்ஜா²னபுக்³க³லஜ்ஜா²ஸயவாத³னிவத்தனதோ பாத³கஜ்ஜா²னநியமோ வுத்தோ. விபஸ்ஸனானியமோ பன ஸாதா⁴ரணத்தா இதா⁴பி ந படிக்கி²த்தோதி த³ட்ட²ப்³போ³. அஞ்ஞே ச ஆசரியவாதா³ பரதோ வக்க²மானா விப⁴ஜிதப்³பா³தி யதா²வுத்தமேவ தாவ பாத³கஜ்ஜா²னநியமங் விப⁴ஜந்தோ ஆஹ ‘‘பாத³கஜ்ஜா²னநியமேன தாவா’’தி. பட²மஜ்ஜா²னிகோ ஹோதி, யஸ்மா ஆஸன்னபதே³ஸே வுட்டி²தஸமாபத்தி மக்³க³ஸ்ஸ பரிபுண்ணானேவ ஹொந்தீதி அட்ட² ஸத்த ச ஹொந்தீதி அத்தோ². ஸத்த ஹொந்தி ஸம்மாஸங்கப்பஸ்ஸ அபா⁴வதோ. ச² ஹொந்தி பீதிஸம்பொ³ஜ்ஜ²ங்க³ஸ்ஸ அபா⁴வதோ. மக்³க³ங்க³பொ³ஜ்ஜ²ங்கா³னங் ஸத்தச²பா⁴வங் அதிதி³ஸதி ‘‘ஏஸ நயோ’’தி. அரூபே சதுக்கபஞ்சகஜ்ஜா²னங்…பே॰… வுத்தங் அட்ட²ஸாலினியந்தி அதி⁴ப்பாயோ. நனு தத்த² ‘‘அரூபே திகசதுக்கஜ்ஜா²னங் உப்பஜ்ஜதீ’’தி (த⁴॰ ஸ॰ அட்ட²॰ 350) வுத்தங் ‘‘தஞ்ச லோகுத்தரங், ந லோகிய’’ந்தி ஆஹ ‘‘அவயவேகத்தங் லிங்க³ஸமுதா³யஸ்ஸ விஸேஸகங் ஹோதீ’’தி. சதுத்த²ஜ்ஜா²னமேவ ஹி தத்த² லோகியங் உப்பஜ்ஜதி, ந சதுக்கங், பஞ்சகங் வாதி. எத்த² கத²ந்தி பாத³கஜ்ஜா²னஸ்ஸ அபா⁴வா கத²ங் த³ட்ட²ப்³ப³ந்தி அத்தோ². தங்ஜா²னிகாவஸ்ஸ தத்த² தயோ மக்³கா³ உப்பஜ்ஜந்தி, தஜ்ஜா²னிகங்பட²மப²லாதி³ங் பாத³கங் கத்வா உபரிமக்³க³பா⁴வனாயாதி அதி⁴ப்பாயோ. திகசதுக்கஜ்ஜா²னிகங் பன மக்³க³ங் பா⁴வெத்வா தத்த² உப்பன்னஸ்ஸ அரூபசதுத்த²ஜ்ஜா²னங், தஜ்ஜா²னிகங் ப²லஞ்ச பாத³கங் கத்வா உபரிமக்³க³பா⁴வனாய அஞ்ஞஜா²னிகாபி உப்பஜ்ஜந்தீதி, ஜா²னங்கா³தி³னியாமிகா புப்³பா³பி⁴ஸங்கா²ரஸமாபத்திபாத³கங், ந ஸம்மஸிதப்³பா³தி ப²லஸ்ஸாபி பாத³கதா த³ட்ட²ப்³பா³.
கேசி பனாதி மோரவாபீமஹாத³த்தத்தே²ரங் ஸந்தா⁴யாஹ. புன கேசீதி திபிடகசூளாப⁴யத்தே²ரங் கேசீதி ‘‘பாத³கஜ்ஜா²னமேவ நியமேதீ’’தி ஏவங் வாதி³னங் திபிடகசூளனாக³த்தே²ரஞ்சேவ அனந்தரங் வுத்தே த்³வே ச தே²ரே ட²பெத்வா இதரே தே²ரே ஸந்தா⁴ய வத³தி.
403. ஸஸந்ததிபரியாபன்னானங் து³க்க²ஸமுத³யானங் அப்பவத்திபா⁴வேன பரிக்³க³ய்ஹமானோ நிரோதோ⁴பி ஸஸந்ததிபரியாபன்னோ விய ஹோதீதி கத்வா வுத்தங் ‘‘அத்தனோ வா சத்தாரி ஸச்சானீ’’தி. பரஸ்ஸ வாதி எத்தா²பி ஏஸேவ நயோ. தேனாஹ ப⁴க³வா ‘‘இமஸ்மிங்யேவ ப்³யாமமத்தே களேவரே ஸஸஞ்ஞிம்ஹி ஸமனகே லோகஞ்ச பஞ்ஞாபேமி, லோகஸமுத³யஞ்ச பஞ்ஞாபேமி, லோகனிரோத⁴ஞ்ச பஞ்ஞாபேமி, லோகனிரோத⁴கா³மினிபடிபத³ஞ்ச பஞ்ஞாபேமீ’’தி (ஸங்॰ நி॰ 1.107; அ॰ நி॰ 4.45) கத²ங் பன ஆதி³கம்மிகோ நிரோத⁴மக்³க³ஸச்சானி பரிக்³க³ண்ஹாதீதி? அனுஸ்ஸவாதி³ஸித்³த⁴மாகாரங் பரிக்³க³ண்ஹாதி. ஏவஞ்ச கத்வா லோகுத்தரபொ³ஜ்ஜ²ங்கே³ உத்³தி³ஸ்ஸாபி பரிக்³க³ஹோ ந விருஜ்ஜ²தி. யதா²ஸம்ப⁴வதோதி ஸம்ப⁴வானுரூபங், ட²பெத்வா நிரோத⁴ஸச்சங் ஸேஸஸச்சவஸேன ஸமுத³யவயாதி வேதி³தப்³பா³தி அத்தோ².
சதுஸச்சபப்³ப³வண்ணனா நிட்டி²தா.
த⁴ம்மானுபஸ்ஸனாவண்ணனா நிட்டி²தா.
404. ‘‘அட்டி²கஸங்க²லிகங் த்³வேயேவாதி ஆனாபானங், த்³வத்திங்ஸாகாரோதி இமானி த்³வேயேவ. அபி⁴னிவேஸோதி விபஸ்ஸனாபி⁴னிவேஸோ, ஸோ பன ஸம்மஸனியத⁴ம்மபரிக்³க³ஹோ. இரியாபதா², ஆலோகிதாத³யோ ச ரூபத⁴ம்மானங் அவத்தா²விஸேஸமத்ததாய ந ஸம்மஸனுபகா³ விஞ்ஞத்திஆத³யோ விய. நீவரணபொ³ஜ்ஜ²ங்கா³ ஆதி³தோ ந பரிக்³க³ஹேதப்³பா³தி ‘‘இரியாபத²…பே॰… ந ஜாயதீ’’தி. கேஸாதி³அபதே³ஸேன தது³பாதா³னத⁴ம்மா விய இரியாபதா²தி³அபதே³ஸேன தத³வத்தா² ரூபத⁴ம்மா பரிக்³க³ய்ஹந்தி, நீவரணாதி³முகே²ன ச தங்ஸம்பயுத்தா, தங்னிஸ்ஸயத⁴ம்மாதி அதி⁴ப்பாயேன மஹாஸிவத்தே²ரோ ச இரியாபதா²தீ³ஸுபி ‘‘அபி⁴னிவேஸோ ஜாயதீ’’தி அவோச. ‘‘அத்தி² நு கோ² மே’’திஆதி³ பன ஸபா⁴வதோ இரியாபதா²தீ³னங் ஆதி³கம்மிகஸ்ஸ அனிச்சி²தபா⁴வத³ஸ்ஸனங். அபரிஞ்ஞாபுப்³பி³கா ஹி பரிஞ்ஞாதி.
காமங் ‘‘இத⁴ பி⁴க்க²வே பி⁴க்கூ²’’திஆதி³னா உத்³தே³ஸனித்³தே³ஸேஸு தத்த² தத்த² பி⁴க்கு²க்³க³ஹணங் கதங் தங்படிபத்தியா பி⁴க்கு²பா⁴வத³ஸ்ஸனத்த²ங், தே³ஸனா பன ஸப்³ப³ஸாதா⁴ரணாதி த³ஸ்ஸேதுங் ‘‘யோ ஹி கோசி பி⁴க்க²வே’’ இச்சேவ வுத்தங், ந பி⁴க்கு² யேவாதி த³ஸ்ஸெந்தோ ‘‘யோ ஹி கோசி பி⁴க்கு² வா’’திஆதி³மாஹ. த³ஸ்ஸனமக்³கே³ன ஞாதமரியாத³ங் அனதிக்கமித்வா ஜானந்தீ ஸிகா²ப்பத்தா அக்³க³மக்³க³பஞ்ஞா அஞ்ஞா நாம, தஸ்ஸ ப²லபா⁴வதோ அக்³க³ப²லங் பீதி ஆஹ ‘‘அஞ்ஞாதி அரஹத்த’’ந்தி.
அப்பதரேபி காலே ஸாஸனஸ்ஸ நிய்யானிகபா⁴வங் த³ஸ்ஸெந்தோதி யோஜனா. நிய்யாதெந்தோதி நிக³மெந்தோ.
மஹாஸதிபட்டா²னஸுத்தவண்ணனாய லீனத்த²ப்பகாஸனா.