5. ஸம்பஸாத³னீயஸுத்தவண்ணனா
ஸாரிபுத்தஸீஹனாத³வண்ணனா
141. ஏவங் மே ஸுதந்தி ஸம்பஸாத³னீயஸுத்தங். தத்ராயமனுத்தானபத³வண்ணனா – நாளந்தா³யந்தி நாளந்தா³தி ஏவங்னாமகே நக³ரே, தங் நக³ரங் கோ³சரகா³மங் கத்வா. பாவாரிகம்ப³வனேதி து³ஸ்ஸபாவாரிகஸெட்டி²னோ அம்ப³வனே. தங் கிர தஸ்ஸ உய்யானங் அஹோஸி. ஸோ ப⁴க³வதோ த⁴ம்மதே³ஸனங் ஸுத்வா ப⁴க³வதி பஸன்னோ தஸ்மிங் உய்யானே குடிலேணமண்ட³பாதி³படிமண்டி³தங் ப⁴க³வதோ விஹாரங் கத்வா நிய்யாதேஸி. ஸோ விஹாரோ ஜீவகம்ப³வனங் விய ‘‘பாவாரிகம்ப³வன’’ந்த்வேவ ஸங்க்²யங் க³தோ, தஸ்மிங் பாவாரிகம்ப³வனே விஹரதீதி அத்தோ². ப⁴க³வந்தங் ஏதத³வோச – ‘‘ஏவங்பஸன்னோ அஹங், ப⁴ந்தே, ப⁴க³வதீ’’தி. கஸ்மா ஏவங் அவோச? அத்தனோ உப்பன்னஸோமனஸ்ஸபவேத³னத்த²ங்.
தத்ராயமனுபுப்³பி³கதா² – தே²ரோ கிர தங்தி³வஸங் காலஸ்ஸேவ ஸரீரப்படிஜக்³க³னங் கத்வா ஸுனிவத்த²னிவாஸனோ பத்தசீவரமாதா³ய பாஸாதி³கேஹி அபி⁴க்கந்தாதீ³ஹி தே³வமனுஸ்ஸானங் பஸாத³ங் ஆவஹந்தோ நாளந்த³வாஸீனங் ஹிதஸுக²மனுப்³ரூஹயந்தோ பிண்டா³ய பவிஸித்வா பச்சா²ப⁴த்தங் பிண்ட³பாதபடிக்கந்தோ விஹாரங் க³ந்த்வா ஸத்து² வத்தங் த³ஸ்ஸெத்வா ஸத்த²ரி க³ந்த⁴குடிங் பவிட்டே² ஸத்தா²ரங் வந்தி³த்வா அத்தனோ தி³வாட்டா²னங் அக³மாஸி. தத்த² ஸத்³தி⁴விஹாரிகந்தேவாஸிகேஸு வத்தங் த³ஸ்ஸெத்வா படிக்கந்தேஸு தி³வாட்டா²னங் ஸம்மஜ்ஜித்வா சம்மக்க²ண்ட³ங் பஞ்ஞபெத்வா உத³கதும்ப³தோ உத³கேன ஹத்த²பாதே³ ஸீதலே கத்வா திஸந்தி⁴பல்லங்கங் ஆபு⁴ஜித்வா காலபரிச்சே²த³ங் கத்வா ப²லஸமாபத்திங் ஸமாபஜ்ஜி.
ஸோ யதா²பரிச்சி²ன்னகாலவஸேன ஸமாபத்திதோ வுட்டா²ய அத்தனோ கு³ணே அனுஸ்ஸரிதுமாரத்³தோ⁴. அத²ஸ்ஸ கு³ணே அனுஸ்ஸரதோ ஸீலங் ஆபாத²மாக³தங். ததோ படிபாடியாவ ஸமாதி⁴ பஞ்ஞா விமுத்தி விமுத்திஞாணத³ஸ்ஸனங் பட²மங் ஜா²னங் து³தியங் ஜா²னங் ததியங் ஜா²னங் சதுத்த²ங் ஜா²னங் ஆகாஸானஞ்சாயதனஸமாபத்தி விஞ்ஞானஞ்சாயதனஸமாபத்தி ஆகிஞ்சஞ்ஞாயதனஸமாபத்தி
ஏவங்
ததா² பஞ்ச பதா⁴னியங்கா³னி, பஞ்சங்கி³கங்ஸம்மாஸமாதி⁴ங், பஞ்சிந்த்³ரியானி, பஞ்ச ப³லானி, பஞ்ச நிஸ்ஸரணியா தா⁴துயோ, பஞ்ச விமுத்தாயதனானி, பஞ்ச விமுத்திபரிபாசனியா பஞ்ஞா, ச² ஸாரணீயே த⁴ம்மே, ச² அனுஸ்ஸதிட்டா²னானி, ச² கா³ரவே, ச² நிஸ்ஸரணியா தா⁴துயோ, ச² ஸததவிஹாரே, ச² அனுத்தரியானி, ச² நிப்³பே³த⁴பா⁴கி³யா பஞ்ஞா, ச² அபி⁴ஞ்ஞா, ச² அஸாதா⁴ரணஞாணானி, ஸத்த அபரிஹானியே த⁴ம்மே, ஸத்த அரியத⁴னானி, ஸத்த பொ³ஜ்ஜ²ங்கே³, ஸத்த ஸப்புரிஸத⁴ம்மே, ஸத்த நிஜ்ஜரவத்தூ²னி, ஸத்த பஞ்ஞா, ஸத்த த³க்கி²ணெய்யபுக்³க³லே, ஸத்த கீ²ணாஸவப³லானி, அட்ட² பஞ்ஞாபடிலாப⁴ஹேதூ, அட்ட² ஸம்மத்தானி, அட்ட² லோகத⁴ம்மாதிக்கமே, அட்ட² ஆரம்ப⁴வத்தூ²னி, அட்ட² அக்க²ணதே³ஸனா, அட்ட² மஹாபுரிஸவிதக்கே, அட்ட² அபி⁴பா⁴யதனானி, அட்ட² விமொக்கே², நவ யோனிஸோமனஸிகாரமூலகே த⁴ம்மே, நவ பாரிஸுத்³தி⁴பதா⁴னியங்கா³னி, நவ ஸத்தாவாஸதே³ஸனா, நவ ஆகா⁴தப்படிவினயே, நவ பஞ்ஞா, நவ நானத்தானி, நவ அனுபுப்³ப³விஹாரே, த³ஸ நாத²கரணே த⁴ம்மே, த³ஸ கஸிணாயதனானி, த³ஸ குஸலகம்மபதே², த³ஸ ததா²க³தப³லானி, த³ஸ ஸம்மத்தானி, த³ஸ அரியவாஸே, த³ஸ அஸெக்க²த⁴ம்மே, ஏகாத³ஸ மெத்தானிஸங்ஸே, த்³வாத³ஸ த⁴ம்மசக்காகாரே, தேரஸ து⁴தங்க³கு³ணே
தஸ்மிங்யேவ
ஸெய்யதா²பி நாம மஹாஜனோ ‘‘மஹாஸமுத்³தோ³ க³ம்பீ⁴ரோ உத்தானோ’’தி ஜானநத்த²ங் யொத்தானி வட்டெய்ய, தத்த² கோசி ப்³யாமப்பமாணங் யொத்தங் வட்டெய்ய, கோசி த்³வே ப்³யாமங், கோசி த³ஸப்³யாமங், கோசி வீஸதிப்³யாமங், கோசி திங்ஸப்³யாமங், கோசி சத்தாலீஸப்³யாமங், கோசி பஞ்ஞாஸப்³யாமங், கோசி ஸதப்³யாமங், கோசி ஸஹஸ்ஸப்³யாமங்
தே²ரேன ஹி தி³ட்ட²பு³த்³த⁴கு³ணேஹி த⁴ம்மன்வயேன க³ஹேதப்³ப³பு³த்³த⁴கு³ணாயேவ ப³ஹுதரா. யதா² கத²ங் விய? யதா² இதோ நவ இதோ நவாதி அட்டா²ரஸ யோஜனானி அவத்த²ரித்வா க³ச்ச²ந்தியா சந்த³பா⁴கா³ய மஹானதி³யா புரிஸோ ஸூசிபாஸேன உத³கங் க³ண்ஹெய்ய, ஸூசிபாஸேன க³ஹிதஉத³கதோ அக்³க³ஹிதமேவ ப³ஹு ஹோதி. யதா² வா பன புரிஸோ மஹாபத²விதோ அங்கு³லியா பங்ஸுங் க³ண்ஹெய்ய, அங்கு³லியா க³ஹிதபங்ஸுதோ அவஸேஸபங்ஸுயேவ ப³ஹு ஹோதி. யதா² வா பன புரிஸோ மஹாஸமுத்³தா³பி⁴முகி²ங் அங்கு³லிங் கரெய்ய, அங்கு³லிஅபி⁴முக²உத³கதோ
‘‘பு³த்³தோ⁴பி பு³த்³த⁴ஸ்ஸ ப⁴ணெய்ய வண்ணங்,
கப்பம்பி சே அஞ்ஞமபா⁴ஸமானோ;
கீ²யேத² கப்போ சிரதீ³க⁴மந்தரே,
வண்ணோ ந கீ²யேத² ததா²க³தஸ்ஸா’’தி.
ஏவங் தே²ரஸ்ஸ அத்தனோ ச ஸத்து² ச கு³ணே அனுஸ்ஸரதோ யமகமஹானதீ³மஹோகோ⁴ விய அப்³ப⁴ந்தரே
அத² தே²ரோ ‘‘கஸ்ஸாஹங் இமங் பீதிஸோமனஸ்ஸங் ஆரோசெய்ய’’ந்தி சிந்தெந்தோ அஞ்ஞோ கோசி ஸமணோ வா ப்³ராஹ்மணோ வா தே³வோ வா மாரோ வா ப்³ரஹ்மா வா மம இமங் பஸாத³ங் அனுச்ச²விகங் கத்வா படிக்³க³ஹேதுங் ந ஸக்கி²ஸ்ஸதி, அஹங் இமங் ஸோமனஸ்ஸங் ஸத்து²னோயேவ பவேதெ³ய்யாமி, ஸத்தா²வ மே படிக்³க³ண்ஹிதுங் ஸக்கி²ஸ்ஸதி, ஸோ ஹி திட்ட²து மம பீதிஸோமனஸ்ஸங், மாதி³ஸஸ்ஸ ஸமணஸதஸ்ஸ வா ஸமணஸஹஸ்ஸஸ்ஸ வா ஸமணஸதஸஹஸ்ஸஸ்ஸ வா ஸோமனஸ்ஸங் பவேதெ³ந்தஸ்ஸ ஸப்³பே³ஸங் மனங் க³ண்ஹந்தோ படிக்³க³ஹேதுங் ஏவங்பஸன்னோ அஹங், ப⁴ந்தேதிஆதி³மாஹ. தத்த² ஏவங்பஸன்னோதி ஏவங் உப்பன்னஸத்³தோ⁴, ஏவங் ஸத்³த³ஹாமீதி அத்தோ². பி⁴ய்யோபி⁴ஞ்ஞதரோதி பி⁴ய்யதரோ அபி⁴ஞ்ஞாதோ, பி⁴ய்யதராபி⁴ஞ்ஞோ வா, உத்தரிதரஞாணோதி அத்தோ². ஸம்போ³தி⁴யந்தி ஸப்³ப³ஞ்ஞுதஞ்ஞாணே அரஹத்தமக்³க³ஞாணே வா, அரஹத்தமக்³கே³னேவ ஹி பு³த்³த⁴கு³ணா நிப்பதே³ஸா க³ஹிதா ஹொந்தி. த்³வே ஹி அக்³க³ஸாவகா அரஹத்தமக்³கே³னேவ ஸாவகபாரமீஞாணங் படிலப⁴ந்தி. பச்சேகபு³த்³தா⁴ பச்சேகபோ³தி⁴ஞாணங். பு³த்³தா⁴ ஸப்³ப³ஞ்ஞுதஞ்ஞாணஞ்சேவ ஸகலே ச பு³த்³த⁴கு³ணே. ஸப்³ப³ஞ்ஹி நேஸங் அரஹத்தமக்³கே³னேவ இஜ்ஜ²தி. தஸ்மா அரஹத்தமக்³க³ஞாணங் ஸம்போ³தி⁴ நாம ஹோதி. தேன உத்தரிதரோ ப⁴க³வதா நத்தி². தேனாஹ ‘‘ப⁴க³வதா பி⁴ய்யோபி⁴ஞ்ஞதரோ யதி³த³ங் ஸம்போ³தி⁴ய’’ந்தி.
142. உளாராதி ஸெட்டா². அயஞ்ஹி உளாரஸத்³தோ³ ‘‘உளாரானி கா²த³னீயானி கா²த³ந்தீ’’திஆதீ³ஸு (ம॰ நி॰ 1.366) மது⁴ரே ஆக³ச்ச²தி. ‘‘உளாராய க²லு ப⁴வங், வச்சா²யனோ ஆஸபீ⁴தி உஸப⁴ஸ்ஸ வாசாஸதி³ஸீ அசலா அஸம்பவேதீ⁴. ஏகங்ஸோ க³ஹிதோதி அனுஸ்ஸவேன வா ஆசரியபரம்பராய வா இதிகிராய
ஸீஹனாதோ³தி ஸெட்ட²னாதோ³, நேவ த³ந்தா⁴யந்தேன ந க³க்³க³ராயந்தேன ஸீஹேன விய உத்தமனாதோ³ நதி³தோதி அத்தோ². கிங் தே ஸாரிபுத்தாதி இமங் தே³ஸனங் கஸ்மா ஆரபீ⁴தி? அனுயோக³தா³பனத்த²ங். ஏகச்சோ ஹி ஸீஹனாத³ங் நதி³த்வா அத்தனோ ஸீஹனாதே³ அனுயோக³ங் தா³துங் ந ஸக்கோதி, நிக⁴ங்ஸனங் நக்க²மதி, லேபே பதிதமக்கடோ விய ஹோதி. யதா² த⁴மமானங் அபரிஸுத்³த⁴லோஹங் ஜா²யித்வா ஜா²மஅங்கா³ரோ ஹோதி, ஏவங் ஜா²மங்கா³ரோ விய ஹோதி
தத்த² ஸப்³பே³ தேதி ஸப்³பே³ தே தயா. ஏவங்ஸீலாதிஆதீ³ஸு லோகியலோகுத்தரவஸேன ஸீலாதீ³னி புச்ச²தி. தேஸங் வித்தா²ரகதா² மஹாபதா³னே கதி²தாவ.
கிங் பன தே, ஸாரிபுத்த, யே தே ப⁴விஸ்ஸந்தீதி அதீதா ச தாவ நிருத்³தா⁴, அபண்ணத்திகபா⁴வங் க³தா தீ³பஸிகா² விய நிப்³பு³தா, ஏவங் நிருத்³தே⁴ அபண்ணத்திகபா⁴வங் க³தே த்வங் கத²ங் ஜானிஸ்ஸஸி, அனாக³தபு³த்³தா⁴னங் பன கு³ணா கிந்தி தயா அத்தனோ சித்தேன பரிச்சி²ந்தி³த்வா விதி³தாதி புச்ச²ந்தோ ஏவமாஹ. கிங் பன தே, ஸாரிபுத்த, அஹங் ஏதரஹீதி அனாக³தாபி பு³த்³தா⁴ அஜாதா அனிப்³ப³த்தா அனுப்பன்னா, தேபி கத²ங் த்வங் ஜானிஸ்ஸஸி? தேஸஞ்ஹி ஜானநங் அபதே³ ஆகாஸே பத³த³ஸ்ஸனங் விய ஹோதி. இதா³னி மயா ஸத்³தி⁴ங் ஏகவிஹாரே வஸஸி, ஏகதோ பி⁴க்கா²ய சரஸி, த⁴ம்மதே³ஸனாகாலே த³க்கி²ணபஸ்ஸே நிஸீத³ஸி, கிங் பன மய்ஹங் கு³ணா அத்தனோ சேதஸா பரிச்சி²ந்தி³த்வா விதி³தா தயாதி அனுயுஞ்ஜந்தோ ஏவமாஹ.
தே²ரோ பன புச்சி²தே புச்சி²தே ‘‘நோ ஹேதங், ப⁴ந்தே’’தி படிக்கி²பதி. தே²ரஸ்ஸ ச விதி³தம்பி அத்தி²
எத்தா²தி ஏதேஸு அதீதாதி³பே⁴தே³ஸு பு³த்³தே⁴ஸு. அத² கிஞ்சரஹீதி அத² கஸ்மா ஏவங் ஞாணே அஸதி தயா ஏவங் கதி²தந்தி வத³தி.
143. த⁴ம்மன்வயோதி த⁴ம்மஸ்ஸ பச்சக்க²தோ ஞாணஸ்ஸ அனுயோக³ங் அனுக³ந்த்வா உப்பன்னங் அனுமானஞாணங் நயக்³கா³ஹோ விதி³தோ. ஸாவகபாரமீஞாணே ட²த்வாவ இமினாவ ஸெய்யதா²பி, ப⁴ந்தேதிஆதி³மாஹ. தத்த² யஸ்மா மஜ்ஜி²மபதே³ஸே நக³ரஸ்ஸ உத்³தா⁴பபாகாராதீ³னி தி²ரானி வா ஹொந்து, து³ப்³ப³லானி வா, ஸப்³ப³ஸோ வா பன மா ஹொந்து, சோராஸங்கா ந ஹோதி, தஸ்மா தங் அக்³க³ஹெத்வா பச்சந்திமனக³ரந்தி ஆஹ. த³ள்ஹுத்³தா⁴பந்தி தி²ரபாகாரபாத³ங். த³ள்ஹபாகாரதோரணந்தி தி²ரபாகாரஞ்சேவ தி²ரபிட்ட²ஸங்கா⁴டஞ்ச. ஏகத்³வாரந்தி கஸ்மா ஆஹ? ப³ஹுத்³வாரே ஹி நக³ரே ப³ஹூஹி பண்டி³ததோ³வாரிகேஹி ப⁴விதப்³ப³ங். ஏகத்³வாரே ஏகோவ வட்டதி. தே²ரஸ்ஸ ச பஞ்ஞாய ஸதி³ஸோ அஞ்ஞோ நத்தி². தஸ்மா அத்தனோ பண்டி³தபா⁴வஸ்ஸ ஓபம்மத்த²ங் ஏகங்யேவ தோ³வாரிகங் த³ஸ்ஸேதுங் ஏகத்³வார’’ந்தி ஆஹ. பண்டி³தோதி பண்டி³ச்சேன ஸமன்னாக³தோ. ப்³யத்தோதி வெய்யத்தியேன ஸமன்னாக³தோ விஸத³ஞாணோ. மேதா⁴வீதி டா²னுப்பத்திகபஞ்ஞாஸங்கா²தாய மேதா⁴ய ஸமன்னாக³தோ. அனுபரியாயபத²ந்தி அனுபரியாயனாமகங் பாகாரமக்³க³ங். பாகாரஸந்தி⁴ந்தி த்³வின்னங் இட்ட²கானங் அபக³தட்டா²னங். பாகாரவிவரந்தி பாகாரஸ்ஸ சி²ன்னட்டா²னங்.
சேதஸோ உபக்கிலேஸேதி பஞ்ச நீவரணானி சித்தங் உபக்கிலேஸெந்தி கிலிட்ட²ங் பஞ்ஞாய து³ப்³ப³லீகரணேதி நீவரணா உப்பஜ்ஜமானா அனுப்பன்னாய பஞ்ஞாய உப்பஜ்ஜிதுங் ந தெ³ந்தி, உப்பன்னாய பஞ்ஞாய வட்³டி⁴துங் ந ஸுப்பதிட்டி²தசித்தாதி சதூஸு ஸதிபட்டா²னேஸு ஸுட்டு² ட²பிதசித்தா ஹுத்வா. ஸத்த பொ³ஜ்ஜ²ங்கே³ யதா²பூ⁴தந்தி ஸத்த பொ³ஜ்ஜ²ங்கே³ யதா²ஸபா⁴வேன பா⁴வெத்வா. அனுத்தரங் ஸம்மாஸம்போ³தி⁴ந்தி அரஹத்தங் ஸப்³ப³ஞ்ஞுதஞ்ஞாணங் வா படிவிஜ்ஜி²ங்ஸூதி த³ஸ்ஸேதி.
அபிசெத்த² ஸதிபட்டா²னாதி விபஸ்ஸனா. ஸம்பொ³ஜ்ஜ²ங்கா³ மக்³கோ³. அனுத்தராஸம்மாஸம்போ³தி⁴ அரஹத்தங். ஸதிபட்டா²னாதி வா மக்³கா³தி வா பொ³ஜ்ஜ²ங்க³மிஸ்ஸகா. ஸம்மாஸம்போ³தி⁴ அரஹத்தமேவ. தீ³க⁴பா⁴ணகமஹாஸீவத்தே²ரோ பனாஹ ‘‘ஸதிபட்டா²னே
இத⁴ ட²த்வா உபமா ஸங்ஸந்தே³தப்³பா³ – ஆயஸ்மா ஹி ஸாரிபுத்தோ பச்சந்தனக³ரங் த³ஸ்ஸேஸி, பாகாரங் த³ஸ்ஸேஸி, பரியாயபத²ங் த³ஸ்ஸேஸி, த்³வாரங் த³ஸ்ஸேஸி, பண்டி³ததோ³வாரிகங் த³ஸ்ஸேஸி, நக³ரங் பவேஸனகனிக்க²மனகே ஓளாரிகே பாணே த³ஸ்ஸேஸி, பண்டி³ததோ³வாரிகஸ்ஸ தேஸங் பாணானங் பாகடபா⁴வஞ்ச த³ஸ்ஸேஸி. தத்த² கிங் கேன ஸதி³ஸந்தி சே. நக³ரங் விய ஹி நிப்³பா³னங், பாகாரோ விய ஸீலங், பரியாயபதோ² விய ஹிரீ, த்³வாரங் விய அரியமக்³கோ³, பண்டி³ததோ³வாரிகோ விய த⁴ம்மஸேனாபதி, நக³ரப்பவிஸனகனிக்க²மனகஓளாரிகபாணா விய அதீதானாக³தபச்சுப்பன்னா பு³த்³தா⁴, தோ³வாரிகஸ்ஸ தேஸங் பாணானங் பாகடபா⁴வோ விய ஆயஸ்மதோ ஸாரிபுத்தஸ்ஸ அதீதானாக³தபச்சுப்பன்னபு³த்³தா⁴னங் ஸீலஸமதா²தீ³ஹி பாகடபா⁴வோ. எத்தாவதா தே²ரேன ப⁴க³வா ஏவமஹங் ஸாவகபாரமீஞாணே ட²த்வா த⁴ம்மன்வயேன நயக்³கா³ஹேன ஜானாமீதி அத்தனோ ஸீஹனாத³ஸ்ஸ அனுயோகோ³ தி³ன்னோ ஹோதி.
144. இதா⁴ஹங், ப⁴ந்தே, யேன ப⁴க³வாதி இமங் தே³ஸனங் கஸ்மா ஆரபி⁴ இதா⁴தி நிபாதமத்தங். உபஸங்கமிங் த⁴ம்மஸவனாயாதி தும்ஹே உபஸங்கமந்தோ பனாஹங் ந சீவராதி³ஹேது உபஸங்கமந்தோ, த⁴ம்மஸவனத்தா²ய உபஸங்கமந்தோ. ஏவங் உபஸங்கமித்வா ஸாவகபாரமீஞாணங் படிலபி⁴ங். கதா³ பன தே²ரோ த⁴ம்மஸவனத்தா²ய உபஸங்கமந்தோதி. ஸூகரக²தலேணே பா⁴கி³னெய்யதீ³க⁴னக²பரிப்³பா³ஜகஸ்ஸ வேத³னாபரிக்³க³ஹஸுத்தந்தகத²னதி³வஸே (ம॰ நி॰ 2.205) உத்தருத்தரங் பணீதபணீதந்தி உத்தருத்தரஞ்சேவ பணீதபணீதஞ்ச கத்வா தே³ஸேஸி. கண்ஹஸுக்கஸப்படிபா⁴க³ந்தி கண்ஹஞ்சேவ ஸுக்கஞ்ச. தஞ்ச கோ² ஸப்படிபா⁴க³ங் ஸவிபக்க²ங் கத்வா. கண்ஹங் படிபா³ஹித்வா ஸுக்கங், ஸுக்கங் படிபா³ஹித்வா கண்ஹந்தி ஏவங் ஸப்படிபா⁴க³ங் கத்வா கண்ஹஸுக்கங் தே³ஸேஸி, கண்ஹங் தே³ஸெந்தோபி ச ஸஉஸ்ஸாஹங் ஸவிபாகங் தே³ஸேஸி, ஸுக்கங் தே³ஸெந்தோபி ஸஉஸ்ஸாஹங் ஸவிபாகங் தே³ஸேஸி.
தஸ்மிங் த⁴ம்மே அபி⁴ஞ்ஞா இதே⁴கச்சங் த⁴ம்மங் த⁴ம்மேஸு நிட்ட²மக³மந்தி தஸ்மிங் தே³ஸிதே த⁴ம்மே ஏகச்சங் த⁴ம்மங் நாம ஸாவகபாரமீஞாணங் ஸஞ்ஜானித்வா த⁴ம்மேஸு நிட்ட²மக³மங். கதமேஸு த⁴ம்மேஸூதி? சதுஸச்சத⁴ம்மேஸு. எத்தா²யங் தே²ரஸல்லாபோ, காளவல்லவாஸீ ஸுமத்தே²ரோ தாவ வத³தி ‘‘சதுஸச்சத⁴ம்மேஸு இதா³னி நிட்ட²க³மனகாரணங் நத்தி². அஸ்ஸஜிமஹாஸாவகஸ்ஸ ஹி தி³ட்ட²தி³வஸேயேவ ஸோ பட²மமக்³கே³ன சதுஸச்சத⁴ம்மேஸு நிட்ட²ங் க³தோ, அபரபா⁴கே³ ஸூகரக²தலேணத்³வாரே உபரி தீஹி மக்³கே³ஹி சதுஸச்சத⁴ம்மேஸு நிட்ட²ங் க³தோ, இமஸ்மிங் பன டா²னே
ஸத்த²ரி பஸீதி³ந்தி ஏவங் ஸாவகபாரமீஞாணத⁴ம்மேஸு நிட்ட²ங் க³ந்த்வா பி⁴ய்யோஸோமத்தாய ‘‘ஸம்மாஸம்பு³த்³தோ⁴ வத ஸோ ப⁴க³வா’’தி ஸத்த²ரி பஸீதி³ங். ஸ்வாக்கா²தோ ப⁴க³வதா த⁴ம்மோதி ஸுட்டு² அக்கா²தோ ஸுகதி²தோ நிய்யானிகோ மக்³கோ³ ப²லத்தா²ய நிய்யாதி ராக³தோ³ஸமோஹனிம்மத³னஸமத்தோ².
ஸுப்படிபன்னோ ஸங்கோ⁴தி பு³த்³த⁴ஸ்ஸ ப⁴க³வதோ ஸாவகஸங்கோ⁴பி வங்காதி³தோ³ஸவிரஹிதங் ஸம்மாபடிபத³ங் படிபன்னத்தா ஸுப்படிபன்னோதி பஸன்னொம்ஹி ப⁴க³வதீதி த³ஸ்ஸேதி.
குஸலத⁴ம்மதே³ஸனாவண்ணனா
145. இதா³னி தி³வாட்டா²னே நிஸீதி³த்வா ஸமாபஜ்ஜிதே ஸோளஸ அபராபரியத⁴ம்மே த³ஸ்ஸேதுங் அபரங் பன ப⁴ந்தே ஏததா³னுத்தரியந்தி தே³ஸனங் ஆரபி⁴. தத்த² அனுத்தரியந்தி அனுத்தரபா⁴வோ. யதா² ப⁴க³வா த⁴ம்மங் தே³ஸேதீதி யதா² யேனாகாரேன யாய தே³ஸனாய ப⁴க³வா த⁴ம்மங் தே³ஸேதி, ஸா தும்ஹாகங் தே³ஸனா அனுத்தராதி வத³தி. குஸலேஸு த⁴ம்மேஸூதி தாய தே³ஸனாய தே³ஸிதேஸு குஸலேஸு த⁴ம்மேஸுபி ப⁴க³வாவ அனுத்தரோதி தீ³பேதி. யா வா ஸா தே³ஸனா, தஸ்ஸா பூ⁴மிங் த³ஸ்ஸெந்தோபி ‘‘குஸலேஸு த⁴ம்மேஸூ’’தி ஆஹ. தத்ரிமே குஸலா த⁴ம்மாதி தத்ர குஸலேஸு த⁴ம்மேஸூதி வுத்தபதே³ இமே குஸலா த⁴ம்மா நாமாதி வேதி³தப்³பா³. தத்த² ஆரொக்³யட்டே²ன, அனவஜ்ஜட்டே²ன, கோஸல்லஸம்பூ⁴தட்டே²ன, நித்³த³ரத²ட்டே²ன, ஸுக²விபாகட்டே²னாதி பஞ்சதா⁴ குஸலங் வேதி³தப்³ப³ங். தேஸு ஜாதகபரியாயங் பத்வா ஆரொக்³யட்டே²ன குஸலங் வட்டதி. ஸுத்தந்தபரியாயங் பத்வா அனவஜ்ஜட்டே²ன. அபி⁴த⁴ம்மபரியாயங் பத்வா கோஸல்லஸம்பூ⁴தனித்³த³ரத²ஸுக²விபாகட்டே²ன. இமஸ்மிங் பன டா²னே பா³ஹிதிகஸுத்தந்தபரியாயேன (ம॰ நி॰ 2.358) அனவஜ்ஜட்டே²ன குஸலங் த³ட்ட²ப்³ப³ங்.
சத்தாரோ ஸதிபட்டா²னாதி சுத்³த³ஸவிதே⁴ன காயானுபஸ்ஸனாஸதிபட்டா²னங், நவவிதே⁴ன வேத³னானுபஸ்ஸனாஸதிபட்டா²னங் சத்தாரோ ஸம்மப்பதா⁴னாதி பக்³க³ஹட்டே²ன ஏகலக்க²ணா, கிச்சவஸேன நானாகிச்சா. ‘‘இத⁴ பி⁴க்கு² அனுப்பன்னானங் பாபகானங் அகுஸலானங் த⁴ம்மானங் அனுப்பாதா³யா’’திஆதி³னா நயேன ஸமத²விபஸ்ஸனாமக்³க³வஸேன லோகியலோகுத்தரமிஸ்ஸகாவ சத்தாரோ ஸம்மப்பதா⁴னா தே³ஸிதா. சத்தாரோ இத்³தி⁴பாதா³தி இஜ்ஜ²னட்டே²ன ஏகஸங்க³ஹா, ச²ந்தா³தி³வஸேன நானாஸபா⁴வா. ‘‘இத⁴ பி⁴க்கு² ச²ந்த³ஸமாதி⁴பதா⁴னஸங்கா²ரஸமன்னாக³தங் இத்³தி⁴பாத³ங் பா⁴வேதீ’’திஆதி³னா நயேன ஸமத²விபஸ்ஸனாமக்³க³வஸேன லோகியலோகுத்தரமிஸ்ஸகாவ சத்தாரோ இத்³தி⁴பாதா³ தே³ஸிதா.
பஞ்சிந்த்³ரியானீதி ஆதி⁴பதெய்யட்டே²ன ஏகலக்க²ணானி, அதி⁴மொக்கா²தி³ஸபா⁴வவஸேன நானாஸபா⁴வானி. ஸமத²விபஸ்ஸனாமக்³க³வஸேனேவ ச லோகியலோகுத்தரமிஸ்ஸகானி ஸத்³தா⁴தீ³னி பஞ்சிந்த்³ரியானி தே³ஸிதானி. பஞ்ச ப³லானீதி உபத்த²ம்ப⁴னட்டே²ன அகம்பியட்டே²ன வா ஏகஸங்க³ஹானி, ஸலக்க²ணேன நானாஸபா⁴வானி ஸத்த பொ³ஜ்ஜ²ங்கா³தி நிய்யானட்டே²ன ஏகஸங்க³ஹா, உபட்டா²னாதி³னா ஸலக்க²ணேன நானாஸபா⁴வா. ஸமத²விபஸ்ஸனா மக்³க³வஸேனேவ லோகியலோகுத்தரமிஸ்ஸகா ஸத்த பொ³ஜ்ஜ²ங்கா³ தே³ஸிதா.
அரியோ அட்ட²ங்கி³கோ மக்³கோ³தி ஹேதுட்டே²ன ஏகஸங்க³ஹோ, த³ஸ்ஸனாதி³னா ஸலக்க²ணேன நானாஸபா⁴வோ. ஸமத²விபஸ்ஸனாமக்³க³வஸேனேவ
இத⁴, ப⁴ந்தே, பி⁴க்கு² ஆஸவானங் க²யாதி இத³ங் கிமத்த²ங் ஆரத்³த⁴ங்? ஸாஸனஸ்ஸ பரியோஸானத³ஸ்ஸனத்த²ங். ஸாஸனஸ்ஸ ஹி ந கேவலங் மக்³கே³னேவ பரியோஸானங் ஹோதி, அரஹத்தப²லேன பன ஹோதி. தஸ்மா தங் த³ஸ்ஸேதுங் இத³மாரத்³த⁴ந்தி வேதி³தப்³ப³ங். ஏததா³னுத்தரியங், ப⁴ந்தே, குஸலேஸு த⁴ம்மேஸூதி ப⁴ந்தே யா அயங் குஸலேஸு த⁴ம்மேஸு ஏவங்தே³ஸனா, ஏததா³னுத்தரியங். தங் ப⁴க³வாதி தங் தே³ஸனங் ப⁴க³வா அஸேஸங் ஸகலங் அபி⁴ஜானாதி. தங் ப⁴க³வதோதி தங் தே³ஸனங் ப⁴க³வதோ அஸேஸங் அபி⁴ஜானதோ. உத்தரி அபி⁴ஞ்ஞெய்யங் நத்தீ²தி தது³த்தரி அபி⁴ஜானிதப்³ப³ங் நத்தி², அயங் நாம இதோ அஞ்ஞோ த⁴ம்மோ வா புக்³க³லோ வா யங் ப⁴க³வா ந ஜானாதீதி இத³ங் நத்தி². யத³பி⁴ஜானங் அஞ்ஞோ ஸமணோ வாதி யங் தும்ஹேஹி அனபி⁴ஞ்ஞாதங், தங் அஞ்ஞோ ஸமணோ வா ப்³ராஹ்மணோ வா அபி⁴ஜானந்தோ ப⁴க³வதா பி⁴ய்யோபி⁴ஞ்ஞதரோ அஸ்ஸ, அதி⁴கதரபஞ்ஞோ ப⁴வெய்ய. யதி³த³ங் குஸலேஸு த⁴ம்மேஸூதி எத்த² யதி³த³ந்தி நிபாதமத்தங், குஸலேஸு த⁴ம்மேஸு ப⁴க³வதா உத்தரிதரோ நத்தீ²தி அயமெத்த²த்தோ². இதி ப⁴க³வாவ குஸலேஸு த⁴ம்மேஸு அனுத்தரோதி த³ஸ்ஸெந்தோ ‘‘இமினாபி காரணேன ஏவங்பஸன்னோ அஹங், ப⁴ந்தே, ப⁴க³வதீ’’தி தீ³பேதி. இதோ பரேஸு அபரங் பனாதிஆதீ³ஸு விஸேஸமத்தமேவ வண்ணயிஸ்ஸாம. புரிமவாரஸதி³ஸங் பன வுத்தனயேனேவ வேதி³தப்³ப³ங்.
ஆயதனபண்ணத்திதே³ஸனாவண்ணனா
146. ஆயதனபண்ணத்தீஸூதி ஆயதனபஞ்ஞாபனாஸு. இதா³னி தா ஆயதனபஞ்ஞத்தியோ த³ஸ்ஸெந்தோ ச²யிமானி, ப⁴ந்தேதிஆதி³மாஹ. ஆயதனகதா² பனேஸா விஸுத்³தி⁴மக்³கே³ வித்தா²ரேன கதி²தா, தேன ந தங் வித்தா²ரயிஸ்ஸாம, தஸ்மா தத்த² வுத்தனயேனேவ ஸா வித்தா²ரதோ வேதி³தப்³பா³.
ஏததா³னுத்தரியங் ப⁴ந்தே, ஆயதனபண்ணத்தீஸூதி யாயங் ஆயதனபண்ணத்தீஸு அஜ்ஜ²த்திகபா³ஹிரவவத்தா²னாதி³வஸேன ஏவங் தே³ஸனா, ஏததா³னுத்தரியங். ஸேஸங் வுத்தனயமேவ.
க³ப்³பா⁴வக்கந்திதே³ஸனாவண்ணனா
147. க³ப்³பா⁴வக்கந்தீஸூதி க³ப்³போ⁴க்கமனேஸு. தா க³ப்³பா⁴வக்கந்தியோ த³ஸ்ஸெந்தோ சதஸ்ஸோ இமா, ப⁴ந்தேதிஆதி³மாஹ. தத்த² அஸம்பஜானோதி அஜானந்தோ ஸம்மூள்ஹோ ஹுத்வா. மாதுகுச்சி²ங் ஓக்கமதீதி டா²தீதி வஸதி. நிக்க²மதீதி நிக்க²மந்தோபி அஸம்பஜானோ ஸம்மூள்ஹோவ நிக்க²மதி. அயங் பட²மாதி அயங் பகதிலோகியமனுஸ்ஸானங் பட²மா க³ப்³பா⁴வக்கந்தி.
ஸம்பஜானோ மாதுகுச்சி²ங் ஓக்கமதீதி ஓக்கமந்தோ ஸம்பஜானோ அஸம்மூள்ஹோ ஹுத்வா ஓக்கமதி.
அயங் து³தியாதி அயங் அஸீதிமஹாதே²ரானங் ஸாவகானங் து³தியா க³ப்³பா⁴வக்கந்தி. தே ஹி பவிஸந்தாவ ஜானந்தி, வஸந்தா ச நிக்க²மந்தா ச ந ஜானந்தி.
அயங் ததியாதி அயங் த்³வின்னஞ்ச அக்³க³ஸாவகானங் பச்சேகபோ³தி⁴ஸத்தானஞ்ச ததியா க³ப்³பா⁴வக்கந்தி. தே கிர கம்மஜேஹி வாதேஹி அதோ⁴ஸிரா உத்³த⁴ங்பாதா³ அனேகஸதபோரிஸே பபாதே விய யோனிமுகே² கி²த்தா தாளச்சி²க்³க³ளேன ஹத்தீ² விய ஸம்பா³தே⁴ன யோனிமுகே²ன நிக்க²மமானா அனந்தங் து³க்க²ங் பாபுணந்தி. தேன நேஸங் ‘‘மயங் நிக்க²மம்ஹா’’தி ஸம்பஜானதா ந ஹோதி. ஏவங் பூரிதபாரமீனம்பி ச ஸத்தானங் ஏவரூபே டா²னே மஹந்தங் து³க்க²ங் உப்பஜ்ஜதீதி அலமேவ க³ப்³பா⁴வாஸே நிப்³பி³ந்தி³துங் அலங் விரஜ்ஜிதுங்.
அயங் சதுத்தா²தி அயங் ஸப்³ப³ஞ்ஞுபோ³தி⁴ஸத்தானங் வஸேன சதுத்தா² க³ப்³பா⁴வக்கந்தி. ஸப்³ப³ஞ்ஞுபோ³தி⁴ஸத்தா ஹி மாதுகுச்சி²ஸ்மிங் படிஸந்தி⁴ங் க³ண்ஹந்தாபி ஜானந்தி, தத்த² வஸந்தாபி ஜானந்தி, நிக்க²மந்தாபி ஜானந்தி, நிக்க²மனகாலேபி ச தே கம்மஜவாதா உத்³த⁴ங்பாதே³ அதோ⁴ஸிரே கத்வா கி²பிதுங் ந ஸக்கொந்தி, த்³வே ஹத்தே² பஸாரெத்வா அக்கீ²னி உம்மீலெத்வா டி²தகாவ நிக்க²மந்தி. ப⁴வக்³க³ங் உபாதா³ய அவீசிஅந்தரே அஞ்ஞோ தீஸு காலேஸு ஸம்பஜானோ நாம நத்தி² ட²பெத்வா ஸப்³ப³ஞ்ஞுபோ³தி⁴ஸத்தே. தேனேவ நேஸங் மாதுகுச்சி²ங் ஓக்கமனகாலே ச நிக்க²மனகாலே
ஆதே³ஸனவிதா⁴தே³ஸனாவண்ணனா
148. ஆதே³ஸனவிதா⁴ஸூதி ஆதே³ஸனகொட்டா²ஸேஸு. இதா³னி தா ஆதே³ஸனவிதா⁴ த³ஸ்ஸெந்தோ சதஸ்ஸோ இமாதிஆதி³மாஹ. நிமித்தேன ஆதி³ஸதீதி ஆக³தனிமித்தேன க³தனிமித்தேன டி²தனிமித்தேன வா இத³ங் நாம ப⁴விஸ்ஸதீதி கதே²தி.
தத்ரித³ங்
அமனுஸ்ஸானந்தி யக்க²பிஸாசாதீ³னங். தே³வதானந்தி ஸத்³த³ங் ஸுத்வாதி அஞ்ஞஸ்ஸ சித்தங் ஞத்வா கதெ²ந்தானங் ஸத்³த³ங் ஸுத்வா. விதக்கவிப்பா²ரஸத்³த³ந்தி விதக்கவிப்பா²ரவஸேன உப்பன்னங் விப்பலபந்தானங் ஸுத்தபமத்தாதீ³னங் ஸத்³த³ங். ஸுத்வாதி தங் ஸத்³த³ங் ஸுத்வா. யங் விதக்கயதோ தஸ்ஸ ஸோ ஸத்³தோ³ உப்பன்னோ, தஸ்ஸ வஸேன ‘‘ஏவம்பி தே மனோ’’தி ஆதி³ஸதி. மனோஸங்கா²ரா பணிஹிதாதி சித்தஸங்கா²ரா ஸுட்ட²பிதா. விதக்கெஸ்ஸதீதி விதக்கயிஸ்ஸதி பவத்தெஸ்ஸதீதி பஜானாதி. ஜானந்தோ ச ஆக³மனேன ஜானாதி, புப்³ப³பா⁴கே³ன ஜானாதி, அந்தோஸமாபத்தியங் சித்தங் ஓலோகெத்வா ஜானாதி. ஆக³மனேன ஜானாதி நாம கஸிணபரிகம்மகாலேயேவ யேனாகாரேன ஏஸ கஸிணபா⁴வனங் ஆரத்³தோ⁴ பட²மஜ்ஜா²னங் வா…பே॰… சதுத்த²ஜ்ஜா²னங் வா அட்ட²ஸமாபத்தியோ வா நிப்³ப³த்தெஸ்ஸதீதி ஜானாதி. புப்³ப³பா⁴கே³ன ஜானாதி நாம ஸமத²விபஸ்ஸனாய ஆரத்³தா⁴யேவ ஜானாதி, யேனாகாரேன ஏஸ விபஸ்ஸனங் ஆரத்³தோ⁴ ஸோதாபத்திமக்³க³ங் வா நிப்³ப³த்தெஸ்ஸதி, ஸகதா³கா³மிமக்³க³ங் வா நிப்³ப³த்தெஸ்ஸதி, அனாகா³மிமக்³க³ங் வா நிப்³ப³த்தெஸ்ஸதி, அரஹத்தமக்³க³ங் வா நிப்³ப³த்தெஸ்ஸதீதி ஜானாதி. அந்தோஸமாபத்தியங் சித்தங் ஓலோகெத்வா ஜானாதி நாம யேனாகாரேன இமஸ்ஸ மனோஸங்கா²ரா ஸுட்ட²பிதா, இமஸ்ஸ நாம சித்தஸ்ஸ அனந்தரா
தத்த² புது²ஜ்ஜனோ சேதோபரியஞாணலாபீ⁴ புது²ஜ்ஜனானங்யேவ சித்தங் ஜானாதி, ந அரியானங். அரியேஸுபி ஹெட்டி²மோ ஹெட்டி²மோ உபரிமஸ்ஸ உபரிமஸ்ஸ சித்தங் ந ஜானாதி, உபரிமோ பன ஹெட்டி²மஸ்ஸ ஜானாதி. ஏதேஸு ச ஸோதாபன்னோ ஸோதாபத்திப²லஸமாபத்திங் ஸமாபஜ்ஜதி. ஸகதா³கா³மீ, அனாகா³மீ, அரஹா, அரஹத்தப²லஸமாபத்திங் ஸமாபஜ்ஜதி. உபரிமோ ஹெட்டி²மங் ந ஸமாபஜ்ஜதி. தேஸஞ்ஹி ஹெட்டி²மா ஹெட்டி²மா ஸமாபத்தி தத்ருபபத்தியேவ ஹோதி. ததே²வ தங் ஹோதீதி இத³ங் ஏகங்ஸேன ததே²வ ஹோதி. சேதோபரியஞாணவஸேன ஞாதஞ்ஹி அஞ்ஞதா²பா⁴வீ நாம நத்தி². ஸேஸங் புரிமனயேனேவ யோஜேதப்³ப³ங்.
த³ஸ்ஸனஸமாபத்திதே³ஸனாவண்ணனா
149. ஆதப்பமன்வாயாதிஆதி³ ஆதப்பந்தி வீரியங். ததே³வ பத³ஹிதப்³ப³தோ பதா⁴னங். அனுயுஞ்ஜிதப்³ப³தோ அனுயோகோ³. அப்பமாத³ந்தி ஸதிஅவிப்பவாஸங். ஸம்மாமனஸிகாரந்தி அனிச்சே அனிச்சந்திஆதி³வஸேன பவத்தங் உபாயமனஸிகாரங். சேதோஸமாதி⁴ந்தி பட²மஜ்ஜா²னஸமாதி⁴ங். அயங் பட²மா த³ஸ்ஸனஸமாபத்தீதி அயங் த்³வத்திங் ஸாகாரங் படிகூலதோ மனஸிகத்வா படிகூலத³ஸ்ஸனவஸேன உப்பாதி³தா பட²மஜ்ஜா²னஸமாபத்தி பட²மா த³ஸ்ஸனஸமாபத்தி நாம, ஸசே பன தங் ஜா²னங் பாத³கங் கத்வா ஸோதாபன்னோ ஹோதி, அயங் நிப்பரியாயேனேவ பட²மா த³ஸ்ஸனஸமாபத்தி.
அதிக்கம்ம சாதி அதிக்கமித்வா ச. ச²விமங்ஸலோஹிதந்தி ச²விஞ்ச மங்ஸஞ்ச லோஹிதஞ்ச. அட்டி²ங் பச்சவெக்க²தீதி அட்டி² அட்டீ²தி பச்சவெக்க²தி. அட்டி² அட்டீ²தி பச்சவெக்கி²த்வா உப்பாதி³தா அட்டி²ஆரம்மணா தி³ப்³ப³சக்கு²பாத³கஜ்ஜா²னஸமாபத்தி து³தியா த³ஸ்ஸனஸமாபத்தி நாம. ஸசே பன தங் ஜா²னங் பாத³கங் கத்வா ஸகதா³கா³மிமக்³க³ங் நிப்³ப³த்தேதி. அயங் நிப்பரியாயேன து³தியா த³ஸ்ஸனஸமாபத்தி. காளவல்லவாஸீ ஸுமத்தே²ரோ பன ‘‘யாவ ததியமக்³கா³ வட்டதீ’’தி ஆஹ.
விஞ்ஞாணஸோதந்தி உப⁴யதோ அப்³பொ³ச்சி²ன்னந்தி த்³வீஹிபி பா⁴கே³ஹி அச்சி²ன்னங். இத⁴ லோகே பதிட்டி²தஞ்சாதி ச²ந்த³ராக³வஸேன இமஸ்மிஞ்ச லோகே பதிட்டி²தங். து³தியபதே³பி ஏஸேவ நயோ. கம்மங் வா கம்மதோ உபக³ச்ச²ந்தங் இத⁴ லோகே பதிட்டி²தங் நாம. கம்மப⁴வங் ஆகட்³ட⁴ந்தங் பரலோகே பதிட்டி²தங் நாம. இமினா கிங் கதி²தங்? ஸெக்க²புது²ஜ்ஜனானங் சேதோபரியஞாணங் கதி²தங். ஸெக்க²புது²ஜ்ஜனானஞ்ஹி சேதோபரியஞாணங் ததியா த³ஸ்ஸனஸமாபத்தி நாம.
இத⁴ லோகே அப்பதிட்டி²தஞ்சாதி நிச்ச²ந்த³ராக³த்தா இத⁴லோகே ச அப்பதிட்டி²தங். து³தியபதே³பி ஏஸேவ நயோ. கம்மங் வா கம்மதோ ந உபக³ச்ச²ந்தங் இத⁴ லோகே அப்பதிட்டி²தங் நாம. கம்மப⁴வங் அனாகட்³ட⁴ந்தங் பரலோகே அப்பதிட்டி²தங் நாம. இமினா கிங் கதி²தங்? கீ²ணாஸவஸ்ஸ சேதோபரியஞாணங் கதி²தங். கீ²ணாஸவஸ்ஸ ஹி சேதோபரியஞாணங் சதுத்தா² த³ஸ்ஸனஸமாபத்தி நாம.
அபிச த்³வத்திங்ஸாகாரே ஆரத்³த⁴விபஸ்ஸனாபி
புக்³க³லபண்ணத்திதே³ஸனாவண்ணனா
150. புக்³க³லபண்ணத்தீஸூதி லோகவோஹாரவஸேன ‘‘ஸத்தோ புக்³க³லோ நரோ போஸோ’’தி ஏவங் பஞ்ஞாபேதப்³பா³ஸு லோகபஞ்ஞத்தீஸு. பு³த்³தா⁴னஞ்ஹி த்³வே கதா² ஸம்முதிகதா², பரமத்த²கதா²தி பொட்ட²பாத³ஸுத்தே (தீ³॰ நி॰ அட்ட²॰ 1.439-443) வித்தா²ரிதா.
தத்த² புக்³க³லபண்ணத்தீஸூதி அயங் ஸம்முதிகதா². இதா³னி யே புக்³க³லே பஞ்ஞபெந்தோ புக்³க³லபண்ணத்தீஸு ப⁴க³வா அனுத்தரோ ஹோதி, தே த³ஸ்ஸெந்தோ ஸத்திமே ப⁴ந்தே புக்³க³லா. உப⁴தோபா⁴க³விமுத்தோதிஆதி³மாஹ. தத்த² உப⁴தோபா⁴க³விமுத்தோதி த்³வீஹி பா⁴கே³ஹி விமுத்தோ, அரூபஸமாபத்தியா ரூபகாயதோ
பாளி பனெத்த² ‘‘கதமோ ச புக்³க³லோ உப⁴தோபா⁴க³விமுத்தோ? இதே⁴கச்சோ புக்³க³லோ அட்ட²விமொக்கே² காயேன பு²ஸித்வா விஹரதி, பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹொந்தீ’’தி (தா⁴து॰ 24) ஏவங் அட்ட²விமொக்க²லாபி⁴னோ வஸேன ஆக³தா. பஞ்ஞாய விமுத்தோதி பஞ்ஞாவிமுத்தோ. ஸோ ஸுக்க²விபஸ்ஸகோ ச, சதூஹி ஜா²னேஹி வுட்டா²ய அரஹத்தங் பத்தா சத்தாரோ சாதி இமேஸங் வஸேன பஞ்சவிதோ⁴வ ஹோதி.
பாளி பனெத்த² அட்ட²விமொக்க²படிக்கே²பவஸேனேவ ஆக³தா. யதா²ஹ ‘‘ந ஹேவ கோ² அட்ட² விமொக்கே² காயேன பு²ஸித்வா விஹரதி. பஞ்ஞாய சஸ்ஸ தி³ஸ்வா ஆஸவா பரிக்கீ²ணா ஹொந்தி. அயங் வுச்சதி புக்³க³லோ பஞ்ஞாவிமுத்தோ’’தி (தா⁴து॰ 25).
பு²ட்ட²ந்தங் ஸச்சி² கரோதீதி காயஸக்கி². ஸோ ஜா²னப²ஸ்ஸங் பட²மங் பு²ஸதி, பச்சா² நிரோத⁴ங் நிப்³பா³னங் ஸச்சி²கரோதி, ஸோ ஸோதாபத்திப²லட்ட²ங் ஆதி³ங் கத்வா யாவ அரஹத்தமக்³க³ட்டா²
தி³ட்ட²ந்தங் பத்தோதி தி³ட்டி²ப்பத்தோ. தத்ரித³ங் ஸங்கே²பலக்க²ணங், து³க்கா² ஸங்கா²ரா ஸுகோ² நிரோதோ⁴தி ஞாதங் ஹோதி தி³ட்ட²ங் விதி³தங் ஸச்சி²கதங் பஸ்ஸிதங் பஞ்ஞாயாதி தி³ட்டி²ப்பத்தோ. வித்தா²ரதோ பனேஸோபி காயஸக்கி² விய ச²ப்³பி³தோ⁴ ஹோதி. தேனேவாஹ – ‘‘இதே⁴கச்சோ புக்³க³லோ இத³ங் து³க்க²ந்தி யதா²பூ⁴தங் பஜானாதி…பே॰… அயங் து³க்க²னிரோத⁴கா³மினீ படிபதா³தி யதா²பூ⁴தங் பஜானாதி, ததா²க³தப்பவேதி³தா சஸ்ஸ த⁴ம்மா பஞ்ஞாய வோதி³ட்டா² ஹொந்தி வோசரிதா, பஞ்ஞாய சஸ்ஸ தி³ஸ்வா ஏகச்சே ஆஸவா பரிக்கீ²ணா ஹொந்தி. அயங் வுச்சதி புக்³க³லோ தி³ட்டி²ப்பத்தோ’’தி (தா⁴து॰ 27).
ஸத்³தா⁴ய ஸத்³தா⁴விமுத்தோ. ஸோபி வுத்தனயேனேவ ச²ப்³பி³தோ⁴ ஹோதி. தேனேவாஹ – ‘‘இதே⁴கச்சோ புக்³க³லோ இத³ங் து³க்க²ந்தி யதா²பூ⁴தங் பஜானாதி, அயங் து³க்க²ஸமுத³யோதி யதா²பூ⁴தங் பஜானாதி, அயங் து³க்க²னிரோதோ⁴தி யதா²பூ⁴தங் பஜானாதி, அயங் து³க்க²னிரோத⁴கா³மினீ படிபதா³தி யதா²பூ⁴தங் பஜானாதி, ததா²க³தப்பவேதி³தா சஸ்ஸ த⁴ம்மா பஞ்ஞாய வோதி³ட்டா² ஹொந்தி வோசரிதா, பஞ்ஞாய சஸ்ஸ தி³ஸ்வா ஏகச்சே ஆஸவா பரிக்கீ²ணா ஹொந்தி நோ ச கோ² யதா² தி³ட்டி²ப்பத்தஸ்ஸ. அயங் வுச்சதி புக்³க³லோ ஸத்³தா⁴விமுத்தோ’’தி (தா⁴து॰ 28). ஏதேஸு ஹி ஸத்³தா⁴விமுத்தஸ்ஸ புப்³ப³பா⁴க³மக்³க³க்க²ணே ஸத்³த³ஹந்தஸ்ஸ விய, ஓகப்பெந்தஸ்ஸ விய, அதி⁴முச்சந்தஸ்ஸ விய ச கிலேஸக்க²யோ ஹோதி. தி³ட்டி²ப்பத்தஸ்ஸ புப்³ப³பா⁴க³மக்³க³க்க²ணே கிலேஸச்சே²த³கங் ஞாணங் அத³ந்த⁴ங் திகி²ணங் ஸூரங் ஹுத்வா வஹதி. தஸ்மா யதா² நாம நாதிதிகி²ணேன அஸினா கத³லிங் சி²ந்த³ந்தஸ்ஸ சி²ன்னட்டா²னங் ந மட்ட²ங் ஹோதி, அஸி ந ஸீக⁴ங் வஹதி, ஸத்³தோ³ ஸுய்யதி, ப³லவதரோ வாயாமோ காதப்³போ³ ஹோதி, ஏவரூபா ஸத்³தா⁴விமுத்தஸ்ஸ புப்³ப³பா⁴க³மக்³க³பா⁴வனா. யதா² பன அதினிஸிதேன அஸினா கத³லிங் சி²ந்த³ந்தஸ்ஸ சி²ன்னட்டா²னங் மட்ட²ங் ஹோதி, அஸி ஸீக⁴ங் வஹதி, ஸத்³தோ³ ந ஸுய்யதி, ப³லவதரங் வாயாமகிச்சங் ந ஹோதி, ஏவரூபா பஞ்ஞாவிமுத்தஸ்ஸ புப்³ப³பா⁴க³மக்³க³பா⁴வனா வேதி³தப்³பா³.
த⁴ம்மங் அனுஸ்ஸரதீதி த⁴ம்மானுஸாரீ. த⁴ம்மோதி பஞ்ஞா, பஞ்ஞாபுப்³ப³ங்க³மங் மக்³க³ங் பா⁴வேதீதி அத்தோ². ஸத்³தா⁴னுஸாரிம்ஹிபி ஏஸேவ நயோ, உபோ⁴பேதே ஸோதாபத்திமக்³க³ட்டா²யேவ. வுத்தம்பி சேதங் ‘‘யஸ்ஸ புக்³க³லஸ்ஸ ஸோதாபத்திப²லஸச்சி²கிரியாய படிபன்னஸ்ஸ பஞ்ஞிந்த்³ரியங் அதி⁴மத்தங் ஹோதி, பஞ்ஞாவாஹிங் பஞ்ஞாபுப்³ப³ங்க³மங் அரியமக்³க³ங் பா⁴வேதி. அயங் வுச்சதி புக்³க³லோ த⁴ம்மானுஸாரீ’’தி.
ததா²
பதா⁴னதே³ஸனாவண்ணனா
151. பதா⁴னேஸூதி இத⁴ பத³ஹனவஸேன ‘‘ஸத்த பொ³ஜ்ஜ²ங்கா³ பதா⁴னா’’தி வுத்தா. தேஸங் வித்தா²ரகதா² மஹாஸதிபட்டா²னே வுத்தனயேனேவ வேதி³தப்³பா³. ஸேஸமிதா⁴பி புரிமனயேனேவ யோஜேதப்³ப³ங்.
படிபதா³தே³ஸனாவண்ணனா
152. து³க்க²படிபதா³தீ³ஸு
ப⁴ஸ்ஸஸமாசாராதி³வண்ணனா
153. ந சேவ முஸாவாதூ³பஸஞ்ஹிதந்தி ப⁴ஸ்ஸஸமாசாரே டி²தோபி கதா²மக்³க³ங் அனுபச்சி²ந்தி³த்வா கதெ²ந்தோபி இதே⁴கச்சோ பி⁴க்கு² ந சேவ முஸாவாதூ³பஸஞ்ஹிதங் பா⁴ஸதி. அட்ட² அனரியவோஹாரே வஜ்ஜெத்வா அட்ட² அரியவோஹாரயுத்தமேவ பா⁴ஸதி. ந ச வேபூ⁴தியந்தி ப⁴ஸ்ஸஸமாசாரே டி²தோபி பே⁴த³கரவாசங் ந ச பேஸுணியந்தி தஸ்ஸாயேவேதங் வேவசனங். வேபூ⁴தியவாசா ஹி பியபா⁴வஸ்ஸ ஸுஞ்ஞகரணதோ ‘‘பேஸுணிய’’ந்தி வுச்சதி. நாமமேவஸ்ஸா ஏதந்தி மஹாஸீவத்தே²ரோ அவோச. ந ச ஸாரம்ப⁴ஜந்தி ஸாரம்ப⁴ஜா ச யா வாசா, தஞ்ச ந பா⁴ஸதி. ‘‘த்வங் து³ஸ்ஸீலோ’’தி வுத்தே, ‘‘த்வங் து³ஸ்ஸீலோ தவாசரியோ து³ஸ்ஸீலோ’’தி வா, ‘‘துய்ஹங் ஆபத்தீ’’தி வுத்தே, ‘‘அஹங் பிண்டா³ய சரித்வா பாடலிபுத்தங் க³தோ’’திஆதி³னா நயேன ப³ஹித்³தா⁴ விக்கே²பகதா²பவத்தங் வா கரணுத்தரியவாசங் ந பா⁴ஸதி. ஜயாபெக்கோ²தி ஜயபுரெக்கா²ரோ ஹுத்வா, யதா² ஹத்த²கோ ஸக்யபுத்தோ தித்தி²யா நாம த⁴ம்மேனபி அத⁴ம்மேனபி ஜேதப்³பா³தி ஸச்சாலிகங் யங்கிஞ்சி பா⁴ஸதி, ஏவங் மந்தா மந்தா ச வாசங் பா⁴ஸதீதி எத்த² மந்தாதி வுச்சதி பஞ்ஞா, மந்தாய பஞ்ஞாய. புன மந்தாதி உபபரிக்கி²த்வா. இத³ங் வுத்தங் ஹோதி, ப⁴ஸ்ஸஸமாசாரே டி²தோ தி³வஸபா⁴க³ம்பி கதெ²ந்தோ பஞ்ஞாய உபபரிக்கி²த்வா யுத்தகத²மேவ கதே²தீதி. நிதா⁴னவதிந்தி ஹத³யேபி நித³ஹிதப்³ப³யுத்தங். காலேனாதி யுத்தபத்தகாலேன.
ஏவங் பா⁴ஸிதா ஹி வாசா அமுஸா சேவ ஹோதி அபிஸுணா ச அப²ருஸா ச அஸடா² ச அஸம்ப²ப்பலாபா ச. ஏவரூபா ச அயங் வாசா சதுஸச்சனிஸ்ஸிதாதிபி ஸிக்க²த்தயனிஸ்ஸிதாதிபி த³ஸகதா²வத்து²னிஸ்ஸிதாதிபி தேரஸது⁴தங்க³னிஸ்ஸிதாதிபி ஸத்தத்திங்ஸபோ³தி⁴பக்கி²யத⁴ம்மனிஸ்ஸிதாதிபி மக்³க³னிஸ்ஸிதாதிபி வுச்சதி. தேனாஹ ஏததா³னுத்தரியங், ப⁴ந்தே, ப⁴ஸ்ஸஸமாசாரேதி தங் புரிமனயேனேவ யோஜேதப்³ப³ங்.
ஸச்சோ சஸ்ஸ ஸத்³தோ⁴ சாதி ஸீலாசாரே டி²தோ பி⁴க்கு² ஸச்சோ ச ப⁴வெய்ய ஸச்சகதோ² ஸத்³தோ⁴ ச ஸத்³தா⁴ஸம்பன்னோ. நனு ஹெட்டா² ஸச்சங் கதி²தமேவ, இத⁴ கஸ்மா புன வுத்தந்தி? ஹெட்டா² வாசாஸச்சங் கதி²தங். ஸீலாசாரே டி²தோ பன பி⁴க்கு² அந்தமஸோ ஹஸனகதா²யபி முஸாவாத³ங் ந கரோதீதி த³ஸ்ஸேதுங் இத⁴ வுத்தங். இதா³னி ஸோ த⁴ம்மேன ஸமேன ஜீவிதங் கப்பேதீதி த³ஸ்ஸனத்த²ங் ந ச குஹகோதிஆதி³ வுத்தங். தத்த² ‘‘குஹகோ’’திஆதீ³னி ப்³ரஹ்மஜாலே வித்தா²ரிதானி.
இந்த்³ரியேஸு கு³த்தத்³வாரோ, போ⁴ஜனே மத்தஞ்ஞூதி ச²ஸு இந்த்³ரியேஸு கு³த்தத்³வாரோ போ⁴ஜனேபி பமாணஞ்ஞூ. ஸமகாரீதி ஜாக³ரியானுயோக³மனுயுத்தோதி ரத்திந்தி³வங் ச² கொட்டா²ஸே கத்வா ‘‘தி³வஸங் சங்கமேன நிஸஜ்ஜாயா’’தி வுத்தனயேனேவ ஜாக³ரியானுயோக³ங் யுத்தப்பயுத்தோ விஹரதி. அதந்தி³தோதி நித்தந்தீ³ காயாலஸியவிரஹிதோ. ஆரத்³த⁴வீரியோதி காயிகவீரியேனாபி ஆரத்³த⁴வீரியோ ஹோதி, க³ணஸங்க³ணிகங் வினோதெ³த்வா சதூஸு இரியாபதே²ஸு அட்ட²ஆரப்³ப⁴வத்து²வஸேன ஏகவிஹாரீ. சேதஸிகவீரியேனாபி ஆரத்³த⁴வீரியோ ஜா²யீதி ஆரம்மணலக்க²ணூபனிஜ்ஜா²னவஸேன ஸதிமாதி சிரகதாதி³அனுஸ்ஸரணஸமத்தா²ய ஸதியா ஸமன்னாக³தோ.
கல்யாணபடிபா⁴னோதி வாக்கரணஸம்பன்னோ சேவ ஹோதி படிபா⁴னஸம்பன்னோ ச. யுத்தபடிபா⁴னோ கோ² பன ஹோதி நோ முத்தபடிபா⁴னோ. ஸீலஸமாசாரஸ்மிஞ்ஹி டி²தபி⁴க்கு² முத்தபடிபா⁴னோ ந ஹோதி, யுத்தபடிபா⁴னோ பன ஹோதி வங்கீ³ஸத்தே²ரோ விய. க³திமாதி க³மனஸமத்தா²ய பஞ்ஞாய ஸமன்னாக³தோ. தி⁴திமாதி தா⁴ரணஸமத்தா²ய பஞ்ஞாய ஸமன்னாக³தோ. மதிமாதி எத்த² பன மதீதி பஞ்ஞாய நாமமேவ, தஸ்மா பஞ்ஞவாதி அத்தோ². இதி தீஹிபி இமேஹி பதே³ஹி பஞ்ஞாவ கதி²தா. தத்த² ஹெட்டா² ஸமணத⁴ம்மகரணவீரியங் கதி²தங், இத⁴ பு³த்³த⁴வசனக³ண்ஹனவீரியங். ததா² ஹெட்டா² விபஸ்ஸனாபஞ்ஞா கதி²தா, இத⁴ பு³த்³த⁴வசனக³ண்ஹனபஞ்ஞா. ந ச காமேஸு கி³த்³தோ⁴தி வத்து²காமகிலேஸகாமேஸு அகி³த்³தோ⁴. ஸதோ ச நிபகோ சாதி அபி⁴க்கந்தபடிக்கந்தாதீ³ஸு ஸத்தஸு டா²னேஸு ஸதியா சேவ ஞாணேன ச ஸமன்னாக³தோ சரதீதி அத்தோ². நேபக்கந்தி பஞ்ஞா, தாய ஸமன்னாக³தத்தா நிபகோதி வுத்தோ. ஸேஸமிதா⁴பி புரிமனயேனேவ யோஜேதப்³ப³ங்.
அனுஸாஸனவிதா⁴தி³வண்ணனா
154. பச்சத்தங் யோனிஸோ மனஸிகாராதி அத்தனோ உபாயமனஸிகாரேன. யதா²னுஸிட்ட²ங் ததா² படிபஜ்ஜமானோதி யதா² மயா அனுஸிட்ட²ங் அனுஸாஸனீ தி³ன்னா, ததா² படிபஜ்ஜமானோ. திண்ணங் ஸங்யோஜனானங் பரிக்க²யாதிஆதி³ வுத்தத்த²மேவ. ஸேஸமிதா⁴பி புரிமனயேனேவ யோஜேதப்³ப³ங்.
155. பரபுக்³க³லவிமுத்திஞாணேதி ஸோதாபன்னாதீ³னங் பரபுக்³க³லானங் தேன தேன மக்³கே³ன கிலேஸவிமுத்திஞாணே. ஸேஸமிதா⁴பி புரிமனயேனேவ யோஜேதப்³ப³ங்.
156. அமுத்ராஸிங் ஏவங்னாமோதி ஏகோ புப்³பே³னிவாஸங் அனுஸ்ஸரந்தோ நாமகொ³த்தங் பரியாதி³யமானோ க³ச்ச²தி. ஏகோ ஸுத்³த⁴க²ந்தே⁴யேவ அனுஸ்ஸரதி, ஏகோ ஹி ஸக்கோதி, ஏகோ ந ஸக்கோதி. தத்த² யோ ஸக்கோதி, தஸ்ஸ வஸேன அக்³க³ஹெத்வா அஸக்கொந்தஸ்ஸ வஸேன க³ஹிதங். அஸக்கொந்தோ பன கிங் கரோதி? ஸுத்³த⁴க²ந்தே⁴யேவ அனுஸ்ஸரந்தோ க³ந்த்வா அனேகஜாதிஸதஸஹஸ்ஸமத்த²கே ட²த்வா நாமகொ³த்தங் பரியாதி³யமானோ ஓதரதி. தங் த³ஸ்ஸெந்தோ ஏவங்னாமோதிஆதி³மாஹ ஸோ ஏவமாஹாதி ஸோ தி³ட்டி²க³திகோ ஏவமாஹ. தத்த² கிஞ்சாபி ஸஸ்ஸதோதி வத்வா ‘‘தே ச ஸத்தா ஸங்ஸரந்தீ’’தி வத³ந்தஸ்ஸ வசனங் புப்³பா³பரவிருத்³த⁴ங் ஹோதி. தி³ட்டி²க³திகத்தா பனேஸ ஏதங் ந ஸல்லக்கே²ஸி. தி³ட்டி²க³திகஸ்ஸ ஹி டா²னங் வா நியமோ வா நத்தி². இமங் க³ஹெத்வா இமங் விஸ்ஸஜ்ஜேதி, இமங் விஸ்ஸஜ்ஜெத்வா இமங் க³ண்ஹாதீதி ப்³ரஹ்மஜாலே வித்தா²ரிதமேவேதங். அயங் ததியோ ஸஸ்ஸதவாதோ³தி தே²ரோ லாபி⁴ஸ்ஸேவ வஸேன தயோ ஸஸ்ஸதவாதே³ ஆஹ. ப⁴க³வதா பன தக்கீவாத³ம்பி க³ஹெத்வா ப்³ரஹ்மஜாலே சத்தாரோ வுத்தா. ஏதேஸங் பன திண்ணங் வாதா³னங் வித்தா²ரகதா² ப்³ரஹ்மஜாலே (தீ³॰ நி॰ அட்ட²॰ 1.30) வுத்தனயேனேவ வேதி³தப்³பா³. ஸேஸமிதா⁴பி புரிமனயேனேவ வித்தா²ரேதப்³ப³ங்.
157. க³ணனாய வாதி பிண்ட³க³ணனாய. ஸங்கா²னேனாதி அச்சி²த்³த³கவஸேன மனோக³ணனாய. உப⁴யதா²பி பிண்ட³க³ணனமேவ த³ஸ்ஸேதி. இத³ங் வுத்தங் ஹோதி, வஸ்ஸானங் ஸதவஸேன ஸஹஸ்ஸவஸேன ஸதஸஹஸ்ஸவஸேன கோடிவஸேன பிண்ட³ங் கத்வாபி எத்தகானி வஸ்ஸஸதானீதி வா எத்தகா வஸ்ஸகோடியோதி வா ஏவங் ஸங்கா²துங் ந ஸக்கா. தும்ஹே பன அத்தனோ த³ஸன்னங் பாரமீனங் பூரிதத்தா ஸப்³ப³ஞ்ஞுதஞ்ஞாணஸ்ஸ ஸுப்படிவித்³த⁴த்தா யஸ்மா வோ அனாவரணஞாணங் ஸூரங் வஹதி. தஸ்மா தே³ஸனாஞாணகுஸலதங் புரக்க²த்வா வஸ்ஸக³ணனாயபி பரியந்திகங் கத்வா கப்பக³ணனாயபி பரிச்சி²ந்தி³த்வா எத்தகந்தி
158. ஏததா³னுத்தரியங், ப⁴ந்தே, ஸத்தானங் சுதூபபாதஞாணேதி ப⁴ந்தே யாபி அயங் ஸத்தானங் சுதிபடிஸந்தி⁴வஸேன ஞாணதே³ஸனா, ஸாபி தும்ஹாகங்யேவ அனுத்தரா. அதீதபு³த்³தா⁴பி ஏவமேவ தே³ஸேஸுங். அனாக³தாபி ஏவமேவ தே³ஸெஸ்ஸந்தி. தும்ஹே தேஸங் அதீதானாக³தபு³த்³தா⁴னங் ஞாணேன ஸங்ஸந்தி³த்வாவ தே³ஸயித்த². ‘‘இமினாபி காரணேன ஏவங்பஸன்னோ அஹங் ப⁴ந்தே ப⁴க³வதீ’’தி தீ³பேதி. பாளியத்தோ² பனெத்த² வித்தா²ரிதோயேவ.
159. ஸாஸவா ஸஉபதி⁴காதி ஸதோ³ஸா ஸஉபாரம்பா⁴. நோ அரியாதி வுச்சதீதி அரியித்³தீ⁴தி ந வுச்சதி. அனாஸவா அனுபதி⁴காதி நித்³தோ³ஸா அனுபாரம்பா⁴. அரியாதி வுச்சதீதி அரியித்³தீ⁴தி வுச்சதி. அப்படிகூலஸஞ்ஞீ தத்த² விஹரதீதி கத²ங் அப்படிகூலஸஞ்ஞீ தத்த² விஹரதீதி? படிகூலே ஸத்தே மெத்தங் ப²ரதி, ஸங்கா²ரே தா⁴துஸஞ்ஞங் உபஸங்ஹரதி. யதா²ஹ ‘‘கத²ங் படிகூலே அப்படிகூலஸஞ்ஞீ விஹரதி (படி॰ ம॰ 3.97)? அனிட்ட²ஸ்மிங் வத்து²ஸ்மிங் மெத்தாய வா ப²ரதி, தா⁴துதோ வா உபஸங்ஹரதீ’’தி. படிகூலஸஞ்ஞீ தத்த² விஹரதீதி அப்படிகூலே ஸத்தே அஸுப⁴ஸஞ்ஞங் ப²ரதி, ஸங்கா²ரே அனிச்சஸஞ்ஞங் உபஸங்ஹரதி. யதா²ஹ ‘‘கத²ங் அப்படிகூலே படிகூலஸஞ்ஞீ
உபெக்க²கோ தத்த² விஹரதீதி இட்டே² அரஜ்ஜந்தோ அனிட்டே² அது³ஸ்ஸந்தோ யதா² அஞ்ஞே அஸமபெக்க²னேன மோஹங் உப்பாதெ³ந்தி, ஏவங் அனுப்பாதெ³ந்தோ ச²ஸு ஆரம்மணேஸு ச²ளங்கு³பெக்கா²ய உபெக்க²கோ விஹரதி. ஏததா³னுத்தரியங், ப⁴ந்தே, இத்³தி⁴விதா⁴ஸூதி, ப⁴ந்தே, யா அயங் த்³வீஸு இத்³தீ⁴ஸு ஏவங்தே³ஸனா, ஏததா³னுத்தரியங். தங் ப⁴க³வாதி தங் தே³ஸனங் ப⁴க³வா அஸேஸங் ஸகலங் அபி⁴ஜானாதி. தங் ப⁴க³வதோதி தங் தே³ஸனங் ப⁴க³வதோ அஸேஸங் அபி⁴ஜானதோ. உத்தரி அபி⁴ஞ்ஞெய்யங் நத்தீ²தி உத்தரி அபி⁴ஜானிதப்³ப³ங் நத்தி². அயங் நாம இதோ அஞ்ஞோ த⁴ம்மோ வா புக்³க³லோ வா யங் ப⁴க³வா ந ஜானாதி இத³ங் நத்தி². யத³பி⁴ஜானங் அஞ்ஞோ ஸமணோ வா ப்³ராஹ்மணோ வாதி யங் தும்ஹேஹி அனபி⁴ஞ்ஞாதங் அஞ்ஞோ ஸமணோ வா யதி³த³ங் இத்³தி⁴விதா⁴ஸூதி எத்த² யதி³த³ந்தி நிபாதமத்தங். இத்³தி⁴விதா⁴ஸு ப⁴க³வதா உத்தரிதரோ நத்தி². அதீதபு³த்³தா⁴பி ஹி இமா த்³வே இத்³தி⁴யோ தே³ஸேஸுங், அனாக³தாபி இமாவ தே³ஸெஸ்ஸந்தி. தும்ஹேபி தேஸங் ஞாணேன ஸங்ஸந்தி³த்வா இமாவ தே³ஸயித்த². இதி ப⁴க³வா இத்³தி⁴விதா⁴ஸு அனுத்தரோதி த³ஸ்ஸெந்தோ ‘‘இமினாபி காரணேன ஏவங்பஸன்னோ அஹங், ப⁴ந்தே, ப⁴க³வதீ’’தி தீ³பேதி. எத்தாவதா யே த⁴ம்மஸேனாபதி தி³வாட்டா²னே நிஸீதி³த்வா ஸோளஸ அபரம்பரியத⁴ம்மே ஸம்மஸி, தேவ த³ஸ்ஸிதா ஹொந்தி.
அஞ்ஞதா²ஸத்து²கு³ணத³ஸ்ஸனாதி³வண்ணனா
160. இதா³னி அபரேனபி ஆகாரேன ப⁴க³வதோ கு³ணே த³ஸ்ஸெந்தோ யங் தங் ப⁴ந்தேதிஆதி³மாஹ. தத்த² ஸத்³தே⁴ன குலபுத்தேனாதி ஸத்³தா⁴ குலபுத்தா ஆரத்³த⁴வீரியேனாதிஆதீ³ஸு ‘‘வீரியங் தா²மோ’’திஆதீ³னி ஸப்³பா³னேவ வீரியவேவசனானி. தத்த² ஆரத்³த⁴வீரியேனாதி பக்³க³ஹிதவீரியேன. தா²மவதாதி தா²மஸம்பன்னேன தி²ரவீரியேன. புரிஸதா²மேனாதி தேன தா²மவதா யங் புரிஸதா²மேன பத்தப்³ப³ந்தி வுத்தங் ஹோதி. அனந்தரபத³த்³வயேபி ஏஸேவ நயோ. புரிஸதோ⁴ரய்ஹேனாதி யா அஸமது⁴ரேஹி பு³த்³தே⁴ஹி வஹிதப்³பா³ து⁴ரா, தங் து⁴ரங் வஹனஸமத்தே²ன மஹாபுரிஸேன. அனுப்பத்தங் தங் ப⁴க³வதாதி தங் ஸப்³ப³ங் அதீதானாக³தபு³த்³தே⁴ஹி பத்தப்³ப³ங், ஸப்³ப³மேவ அனுப்பத்தங், ப⁴க³வதோ ஏககு³ணோபி ஊனோ நத்தீ²தி த³ஸ்ஸேதி. காமேஸு காமஸுக²ல்லிகானுயோக³ந்தி வத்து²காமேஸு காமஸுக²ல்லிகானுயோக³ங். யதா² அஞ்ஞே கேணியஜடிலாத³யோ ஸமணப்³ராஹ்மணா ‘‘கோ ஜானாதி பரலோகங்
ஹீனந்தி லாமகங். க³ம்மந்தி கா³மவாஸீனங் த⁴ம்மங். போது²ஜ்ஜனிகந்தி புது²ஜ்ஜனேஹி ஸேவிதப்³ப³ங். அனரியந்தி ந நித்³தோ³ஸங். ந வா அரியேஹி ஸேவிதப்³ப³ங். அனத்த²ஸஞ்ஹிதந்தி அனத்த²ஸங்யுத்தங். அத்தகிலமதா²னுயோக³ந்தி து³க்க²ந்தி து³க்க²யுத்தங், து³க்க²மங் வா. யதா² ஏகே ஸமணப்³ராஹ்மணா காமஸுக²ல்லிகானுயோக³ங் பரிவஜ்ஜெஸ்ஸாமாதி காயகிலமத²ங் அனுதா⁴வந்தி, ததோ முஞ்சிஸ்ஸாமாதி காமஸுக²ங் அனுதா⁴வந்தி, ந ஏவங் ப⁴க³வா. ப⁴க³வா பன உபோ⁴ ஏதே அந்தே வஜ்ஜெத்வா யா ஸா ‘‘அத்தி², பி⁴க்க²வே, மஜ்ஜி²மா படிபதா³ ததா²க³தேன அபி⁴ஸம்பு³த்³தா⁴ சக்கு²கரணீ’’தி ஏவங் வுத்தா ஸம்மாபடிபத்தி, தமேவ படிபன்னோ. தஸ்மா ‘‘ந ச அத்தகிலமதா²னுயோக³’’ந்திஆதி³மாஹ.
ஆபி⁴சேதஸிகானந்தி அபி⁴சேதஸிகானங், காமாவசரசித்தானி அதிக்கமித்வா டி²தானந்தி அத்தோ². தி³ட்ட²த⁴ம்மஸுக²விஹாரானந்தி இமஸ்மிங்யேவ அத்தபா⁴வே ஸுக²விஹாரானங். பொட்ட²பாத³ஸுத்தந்தஸ்மிஞ்ஹி ஸப்பீதிகது³தியஜ்ஜா²னப²லஸமாபத்தி கதி²தா (தீ³॰ நி॰ 1.432). பாஸாதி³கஸுத்தந்தே ஸஹ மக்³கே³ன விபஸ்ஸனாபாத³கஜ்ஜா²னங். த³ஸுத்தரஸுத்தந்தே நிகாமலாபீ⁴தி யதா²காமலாபீ⁴. அகிச்ச²லாபீ⁴தி அது³க்க²லாபீ⁴. அகஸிரலாபீ⁴தி விபுலலாபீ⁴.
அனுயோக³தா³னப்பகாரவண்ணனா
161. ஏகிஸ்ஸா லோகதா⁴துயாதி த³ஸஸஹஸ்ஸிலோகதா⁴துயா. தீணி ஹி கெ²த்தானி – ஜாதிகெ²த்தங் ஆணாகெ²த்தங் விஸயகெ²த்தங். தத்த² ஜாதிகெ²த்தங் நாம த³ஸஸஹஸ்ஸீ லோகதா⁴து. ஸா ஹி ததா²க³தஸ்ஸ மாதுகுச்சி²ங் ஓக்கமனகாலே நிக்க²மனகாலே ஸம்போ³தி⁴காலே த⁴ம்மசக்கப்பவத்தனே ஆயுஸங்கா²ரொஸ்ஸஜ்ஜனே பரினிப்³பா³னே ச கம்பதி. கோடிஸதஸஹஸ்ஸசக்கவாளங் பன ஆணாகெ²த்தங் நாம. ஆடானாடியமோரபரித்தத⁴ஜக்³க³பரித்தரதனபரித்தாதீ³னஞ்ஹி எத்த² ஆணா வத்ததி. விஸயகெ²த்தஸ்ஸ பன பரிமாணங் நத்தி², பு³த்³தா⁴னஞ்ஹி ‘‘யாவதகங் ஞாணங், தாவதகங் ஞெய்யங், யாவதகங் ஞெய்யங் தாவதகங் ஞாணங், ஞாணபரியந்திகங் ஞெய்யங், ஞெய்யபரியந்திகங் ஞாண’’ந்தி (மஹானி॰ 55) வசனதோ அவிஸயோ நாம நத்தி².
இமேஸு
அபுப்³ப³ங் அசரிமந்தி அபுரே அபச்சா² ஏகதோ நுப்பஜ்ஜந்தி, புரே வா பச்சா² வா உப்பஜ்ஜந்தீதி வுத்தங் ஹோதி. தத்த² போ³தி⁴பல்லங்கே ‘‘போ³தி⁴ங் அபத்வா ந உட்ட²ஹிஸ்ஸாமீ’’தி நிஸின்னகாலதோ பட்டா²ய யாவ மாதுகுச்சி²ஸ்மிங் படிஸந்தி⁴க்³க³ஹணங், தாவ புப்³பே³தி ந வேதி³தப்³ப³ங். போ³தி⁴ஸத்தஸ்ஸ ஹி படிஸந்தி⁴க்³க³ஹணே த³ஸஸஹஸ்ஸசக்கவாளகம்பனேனேவ கெ²த்தபரிக்³க³ஹோ கதோ. அஞ்ஞஸ்ஸ பு³த்³த⁴ஸ்ஸ உப்பத்திபி நிவாரிதா ஹோதி. பரினிப்³பா³னதோ பட்டா²ய ச யாவ ஸாஸபமத்தாபி தா⁴துயோ திட்ட²ந்தி, தாவ பச்சா²தி ந வேதி³தப்³ப³ங். தா⁴தூஸு ஹி டி²தாஸு
திபிடகஅந்தரதா⁴னகதா²
தீணி அந்தரதா⁴னானி நாம பரியத்திஅந்தரதா⁴னங், படிவேத⁴அந்தரதா⁴னங், படிபத்திஅந்தரதா⁴னந்தி. தத்த² பரியத்தீதி தீணி பிடகானி. படிவேதோ⁴தி ஸச்சப்படிவேதோ⁴. படிபத்தீதி படிபதா³. தத்த² படிவேதோ⁴ ச படிபத்தி ச ஹோதிபி ந ஹோதிபி. ஏகஸ்மிஞ்ஹி காலே படிவேத⁴கரா பி⁴க்கூ² ப³ஹூ ஹொந்தி, ஏஸ பி⁴க்கு² புது²ஜ்ஜனோதி அங்கு³லிங் பஸாரெத்வா த³ஸ்ஸேதப்³போ³ ஹோதி. இமஸ்மிங்யேவ தீ³பே ஏகவாரங் புது²ஜ்ஜனபி⁴க்கு² நாம நாஹோஸி. படிபத்திபூரகாபி கதா³சி ப³ஹூ ஹொந்தி, கதா³சி அப்பா. இதி படிவேதோ⁴ ச படிபத்தி ச ஹோதிபி ந ஹோதிபி. ஸாஸனட்டி²தியா பன பரியத்தி பமாணங். பண்டி³தோ ஹி தேபிடகங் ஸுத்வா த்³வேபி பூரேதி.
யதா² அம்ஹாகங் போ³தி⁴ஸத்தோ ஆளாரஸ்ஸ ஸந்திகே பஞ்சாபி⁴ஞ்ஞா ஸத்த ச ஸமாபத்தியோ நிப்³ப³த்தெத்வா நேவஸஞ்ஞானாஸஞ்ஞாயதனஸமாபத்தியா பரிகம்மங் புச்சி², ஸோ ந ஜானாமீதி ஆஹ. ததோ உத³கஸ்ஸ ஸந்திகங் க³ந்த்வா அதி⁴க³தவிஸேஸங் ஸங்ஸந்தி³த்வா நேவஸஞ்ஞானாஸஞ்ஞாயதனஸ்ஸ பரிகம்மங் புச்சி², ஸோ ஆசிக்கி², தஸ்ஸ வசனஸமனந்தரமேவ மஹாஸத்தோ தங் ஜா²னங் ஸம்பாதே³ஸி, ஏவமேவ
தத்த² ஸுத்தந்தபிடகே அந்தரதா⁴யமானே பட²மங் அங்கு³த்தரனிகாயோ ஏகாத³ஸகதோ பட்டா²ய யாவ ஏககா அந்தரதா⁴யதி, தத³னந்தரங் ஸங்யுத்தனிகாயோ சக்கபெய்யாலதோ பட்டா²ய யாவ ஓக⁴தரணா அந்தரதா⁴யதி. தத³னந்தரங் மஜ்ஜி²மனிகாயோ இந்த்³ரியபா⁴வனதோ பட்டா²ய யாவ மூலபரியாயா அந்தரதா⁴யதி. தத³னந்தரங் தீ³க⁴னிகாயோ த³ஸுத்தரதோ பட்டா²ய யாவ ப்³ரஹ்மஜாலா அந்தரதா⁴யதி. ஏகிஸ்ஸாபி த்³வின்னம்பி கா³தா²னங் புச்சா² அத்³தா⁴னங்
த்³வீஸு பன பிடகேஸு அந்தரஹிதேஸுபி வினயபிடகே டி²தே ஸாஸனங் திட்ட²தி. பரிவாரக்க²ந்த⁴கேஸு அந்தரஹிதேஸு உப⁴தோவிப⁴ங்கே³ டி²தே டி²தமேவ ஹோதி. உப⁴தோவிப⁴ங்கே³ அந்தரஹிதே மாதிகாயபி டி²தாய டி²தமேவ ஹோதி. மாதிகாய அந்தரஹிதாய பாதிமொக்க²பப்³ப³ஜ்ஜாஉபஸம்பதா³ஸு டி²தாஸு ஸாஸனங் திட்ட²தி. லிங்க³ங் அத்³தா⁴னங் க³ச்ச²தி. ஸேதவத்த²ஸமணவங்ஸோ பன கஸ்ஸபபு³த்³த⁴காலதோ பட்டா²ய ஸாஸனங் தா⁴ரேதுங் நாஸக்கி². படிஸம்பி⁴தா³பத்தேஹி வஸ்ஸஸஹஸ்ஸங் அட்டா²ஸி. ச²ளபி⁴ஞ்ஞேஹி வஸ்ஸஸஹஸ்ஸங். தேவிஜ்ஜேஹி வஸ்ஸஸஹஸ்ஸங். ஸுக்க²விபஸ்ஸகேஹி வஸ்ஸஸஹஸ்ஸங். பாதிமொக்கே²ஹி வஸ்ஸஸஹஸ்ஸங் அட்டா²ஸி. பச்சி²மகஸ்ஸ பன ஸச்சப்படிவேத⁴தோ பச்சி²மகஸ்ஸ ஸீலபே⁴த³தோ பட்டா²ய ஸாஸனங் ஓஸக்கிதங் நாம ஹோதி. ததோ பட்டா²ய அஞ்ஞஸ்ஸ பு³த்³த⁴ஸ்ஸ உப்பத்தி ந நிவாரிதா.
ஸாஸனஅந்தரஹிதவண்ணனா
தீணி பரினிப்³பா³னானி நாம கிலேஸபரினிப்³பா³னங் க²ந்த⁴பரினிப்³பா³னங் தா⁴துபரினிப்³பா³னந்தி. தத்த² கிலேஸபரினிப்³பா³னங் போ³தி⁴பல்லங்கே அஹோஸி. க²ந்த⁴பரினிப்³பா³னங் குஸினாராயங். தா⁴துபரினிப்³பா³னங் அனாக³தே ப⁴விஸ்ஸதி. ஸாஸனஸ்ஸ கிர ஓஸக்கனகாலே இமஸ்மிங் தம்ப³பண்ணிதீ³பே தா⁴துயோ ஸன்னிபதித்வா மஹாசேதியங் க³மிஸ்ஸந்தி. மஹாசேதியதோ நாக³தீ³பே ராஜாயதனசேதியங். ததோ மஹாபோ³தி⁴பல்லங்கங் க³மிஸ்ஸந்தி. நாக³ப⁴வனதோபி தே³வலோகதோபி ப்³ரஹ்மலோகதோபி தா⁴துயோ மஹாபோ³தி⁴பல்லங்கமேவ
தா த³ஸஸஹஸ்ஸிலோகதா⁴துங்
யாவ ந ஏவங் அந்தரதா⁴யதி, தாவ அசரிமங் நாம ஹோதி. ஏவங் அபுப்³ப³ங் அசரிமங் உப்பஜ்ஜெய்யுங், நேதங் டா²னங் விஜ்ஜதி. கஸ்மா பன அபுப்³ப³ங் அசரிமங் நுப்பஜ்ஜந்தீதி? அனச்ச²ரியத்தா. பு³த்³தா⁴ ஹி அச்ச²ரியமனுஸ்ஸா. யதா²ஹ – ‘‘ஏகபுக்³க³லோ, பி⁴க்க²வே, லோகே உப்பஜ்ஜமானோ உப்பஜ்ஜதி அச்ச²ரியமனுஸ்ஸோ. கதமோ ஏகபுக்³க³லோ? ததா²க³தோ அரஹங் ஸம்மாஸம்பு³த்³தோ⁴’’தி (அ॰ நி॰ 1.172). யதி³ ச த்³வே வா சத்தாரோ வா அட்ட² வா ஸோளஸ வா ஏகதோ உப்பஜ்ஜெய்யுங், அனச்ச²ரியா ப⁴வெய்யுங். ஏகஸ்மிஞ்ஹி விஹாரே த்³வின்னங் சேதியானம்பி லாப⁴ஸக்காரோ உளாரோ ந ஹோதி. பி⁴க்கூ²பி ப³ஹுதாய ந அச்ச²ரியா ஜாதா, ஏவங் பு³த்³தா⁴பி ப⁴வெய்யுங், தஸ்மா நுப்பஜ்ஜந்தி. தே³ஸனாய ச விஸேஸாபா⁴வதோ. யஞ்ஹி ஸதிபட்டா²னாதி³பே⁴த³ங் த⁴ம்மங் ஏகோ தே³ஸேதி. அஞ்ஞேன உப்பஜ்ஜித்வாபி ஸோவ தே³ஸேதப்³போ³ ஸியா, ததோ அனச்ச²ரியோ ஸியா. ஏகஸ்மிங் பன த⁴ம்மங் தே³ஸெந்தே தே³ஸனாபி அச்ச²ரியா ஹோதி, விவாத³பா⁴வதோ ச. ப³ஹூஸு ஹி பு³த்³தே⁴ஸு உப்பன்னேஸு ப³ஹூனங் ஆசரியானங் அந்தேவாஸிகா விய அம்ஹாகங் பு³த்³தோ⁴ பாஸாதி³கோ, அம்ஹாகங் பு³த்³தோ⁴ மது⁴ரஸ்ஸரோ லாபீ⁴ புஞ்ஞவாதி விவதெ³ய்யுங். தஸ்மாபி ஏவங் நுப்பஜ்ஜந்தி. அபி சேதங் காரணங் மிலிந்த³ரஞ்ஞாபி புட்டே²ன நாக³ஸேனத்தே²ரேன வித்தா²ரிதமேவ. வுத்தஞ்ஹி தத்த² –
ப⁴ந்தே, நாக³ஸேன, பா⁴ஸிதம்பி ஹேதங் ப⁴க³வதா ‘‘அட்டா²னமேதங், பி⁴க்க²வே, அனவகாஸோ, யங் ஏகிஸ்ஸா லோகதா⁴துயா த்³வே அரஹந்தோ ஸம்மாஸம்பு³த்³தா⁴ அபுப்³ப³ங் அசரிமங் உப்பஜ்ஜெய்யுங், நேதங் டா²னங் விஜ்ஜதீ’’தி. தே³ஸயந்தா ச, ப⁴ந்தே நாக³ஸேன, ஸப்³பே³பி
அயங், மஹாராஜ, த³ஸஸஹஸ்ஸீ லோகதா⁴து ஏகபு³த்³த⁴தா⁴ரணீ, ஏகஸ்ஸேவ ததா²க³தஸ்ஸ கு³ணங் தா⁴ரேதி, யதி³ து³தியோ பு³த்³தோ⁴ உப்பஜ்ஜெய்ய, நாயங் த³ஸஸஹஸ்ஸீ லோகதா⁴து தா⁴ரெய்ய, சலெய்ய, கம்பெய்ய, நமெய்ய, ஓணமெய்ய, வினமெய்ய, விகிரெய்ய, வித⁴மெய்ய, வித்³த⁴ங்ஸெய்ய, ந டா²னமுபக³ச்செ²ய்ய.
யதா², மஹாராஜ, நாவா ஏகபுரிஸஸந்தா⁴ரணீ ப⁴வெய்ய, ஏகபுரிஸே அபி⁴ரூள்ஹே ஸா நாவா ஸமுபாதி³கா ப⁴வெய்ய, அத² து³தியோ புரிஸோ ஆக³ச்செ²ய்ய தாதி³ஸோ ஆயுனா வண்ணேன வயேன பமாணேன கிஸதூ²லேன ஸப்³ப³ங்க³பச்சங்கே³ன, ஸோ தங் நாவங் அபி⁴ரூஹெய்ய, அபி நு ஸா, மஹாராஜ, நாவா த்³வின்னம்பி தா⁴ரெய்யாதி? ந ஹி, ப⁴ந்தே, சலெய்ய, கம்பெய்ய, நமெய்ய, ஓணமெய்ய, வினமெய்ய, விகிரெய்ய, வித⁴மெய்ய, வித்³த⁴ங்ஸெய்ய, ந டா²னமுபக³ச்செ²ய்ய ஓஸீதெ³ய்ய உத³கேதி. ஏவமேவ கோ², மஹாராஜ, அயங் த³ஸஸஹஸ்ஸீ லோகதா⁴து ஏகபு³த்³த⁴தா⁴ரணீ, ஏகஸ்ஸேவ ததா²க³தஸ்ஸ கு³ணங் தா⁴ரேதி, யதி³ து³தியோ பு³த்³தோ⁴ உப்பஜ்ஜெய்ய, நாயங் த³ஸஸஹஸ்ஸீ லோகதா⁴து தா⁴ரெய்ய…பே॰… ந டா²னமுபக³ச்செ²ய்ய.
யதா² வா பன, மஹாராஜ, புரிஸோ யாவத³த்த²ங் போ⁴ஜனங் பு⁴ஞ்ஜெய்ய சா²தெ³ந்தங் யாவ கண்ட²மபி⁴பூரயித்வா, ஸோ தா⁴தோ பீணிதோ பரிபுண்ணோ நிரந்தரோ தந்தீ³கதோ அனோணமிதத³ண்ட³ஜாதோ புனதே³வ தாவதகங் போ⁴ஜனங் பு⁴ஞ்ஜெய்ய, அபி நு கோ² ஸோ, மஹாராஜ, புரிஸோ ஸுகி²தோ ப⁴வெய்யாதி? ந ஹி, ப⁴ந்தே
கிங் நு கோ², ப⁴ந்தே நாக³ஸேன, அதித⁴ம்மபா⁴ரேன பத²வீ சலதீதி? இத⁴, மஹாராஜ, த்³வே
அபிச, மஹாராஜ, இமங் காரணங் பு³த்³த⁴ப³லபரிதீ³பனாய ஓஸாரிதங் அஞ்ஞம்பி தத்த² அதிரூபங் காரணங் ஸுணோஹி, யேன காரணேன த்³வே ஸம்மாஸம்பு³த்³தா⁴ ஏகக்க²ணே நுப்பஜ்ஜந்தி. யதி³, மஹாராஜ, த்³வே ஸம்மாஸம்பு³த்³தா⁴ ஏகக்க²ணே உப்பஜ்ஜெய்யுங், தேஸங் பரிஸாய விவாதோ³ உப்பஜ்ஜெய்ய ‘‘தும்ஹாகங் பு³த்³தோ⁴ அம்ஹாகங் பு³த்³தோ⁴’’தி, உப⁴தோ பக்க²ஜாதா ப⁴வெய்யுங். யதா², மஹாராஜ, த்³வின்னங் ப³லவாமச்சானங் பரிஸாய விவாதோ³ உப்பஜ்ஜெய்ய ‘‘தும்ஹாகங் அமச்சோ அம்ஹாகங் அமச்சோ’’தி, உப⁴தோ பக்க²ஜாதா ஹொந்தி; ஏவமேவ கோ², மஹாராஜ, யதி³ த்³வே ஸம்மாஸம்பு³த்³தா⁴ ஏகக்க²ணே உப்பஜ்ஜெய்யுங், தேஸங் பரிஸாய விவாதோ³ உப்பஜ்ஜெய்ய ‘‘தும்ஹாகங் பு³த்³தோ⁴, அம்ஹாகங் பு³த்³தோ⁴’’தி, உப⁴தோ பக்க²ஜாதா ப⁴வெய்யுங், இத³ங் தாவ, மஹாராஜ, ஏகங் காரணங், யேன காரணேன த்³வே ஸம்மாஸம்பு³த்³தா⁴ ஏகக்க²ணே நுப்பஜ்ஜந்தி.
அபரம்பி, மஹாராஜ, உத்தரிங் காரணங் ஸுணோஹி, யேன காரணேன த்³வே ஸம்மாஸம்பு³த்³தா⁴ ஏகக்க²ணே நுப்பஜ்ஜந்தி. யதி³, மஹாராஜ, த்³வே ஸம்மாஸம்பு³த்³தா⁴ ஏகக்க²ணே உப்பஜ்ஜெய்யுங், ‘‘அக்³கோ³ பு³த்³தோ⁴’’தி யங் வசனங், தங் மிச்சா² ப⁴வெய்ய, ‘‘ஜெட்டோ² பு³த்³தோ⁴’’தி, ஸெட்டோ² பு³த்³தோ⁴தி, விஸிட்டோ² பு³த்³தோ⁴தி, உத்தமோ பு³த்³தோ⁴தி, பவரோ பு³த்³தோ⁴தி, அஸமோ பு³த்³தோ⁴தி
அபிச கோ², மஹாராஜ, பு³த்³தா⁴னங் ப⁴க³வந்தானங் ஸபா⁴வபகதி ஏஸா, யங் ஏகோயேவ பு³த்³தோ⁴ லோகே உப்பஜ்ஜதி. கஸ்மா காரணா? மஹந்ததாய ஸப்³ப³ஞ்ஞுபு³த்³த⁴கு³ணானங், யங் அஞ்ஞம்பி, மஹாராஜ, மஹந்தங் ஹோதி, தங் ஏகங்யேவ ஹோதி. பத²வீ, மஹாராஜ, மஹந்தீ, ஸா ஏகாயேவ. ஸாக³ரோ மஹந்தோ, ஸோ ஏகோயேவ. ஸினேரு கி³ரிராஜா மஹந்தோ, ஸோ ஏகோயேவ. ஆகாஸோ மஹந்தோ, ஸோ ஏகோயேவ. ஸக்கோ மஹந்தோ, ஸோ ஏகோயேவ. மாரோ மஹந்தோ
த⁴ம்மஸ்ஸ சானுத⁴ம்மந்தி நவவித⁴ஸ்ஸ லோகுத்தரத⁴ம்மஸ்ஸ அனுத⁴ம்மங் புப்³ப³பா⁴க³ப்படிபத³ங். ஸஹத⁴ம்மிகோதி ஸகாரணோ. வாதா³னுவாதோ³தி வாதோ³யேவ.
அச்ச²ரியஅப்³பு⁴தவண்ணனா
162. ஆயஸ்மா உதா³யீதி தயோ தே²ரா உதா³யீ நாம – லாளுதா³யீ, காளுதா³யீ, மஹாஉதா³யீதி. இத⁴ மஹாஉதா³யீ அதி⁴ப்பேதோ. தஸ்ஸ கிர இமங் ஸுத்தங் ஆதி³தோ பட்டா²ய யாவ பரியோஸானா ஸுணந்தஸ்ஸ அப்³ப⁴ந்தரே பஞ்சவண்ணா பீதி உப்பஜ்ஜித்வா பாத³பிட்டி²தோ ஸீஸமத்த²கங் க³ச்ச²தி, ஸீஸமத்த²கதோ பாத³பிட்டி²ங் ஆக³ச்ச²தி, உப⁴தோ பட்டா²ய மஜ்ஜ²ங் ஓதரதி, மஜ்ஜ²தோ பட்டா²ய உப⁴தோ க³ச்ச²தி. ஸோ நிரந்தரங் பீதியா பு²டஸரீரோ ப³லவஸோமனஸ்ஸேன த³ஸப³லஸ்ஸ கு³ணங் கதெ²ந்தோ அச்ச²ரியங் ப⁴ந்தேதிஆதி³மாஹ. அப்பிச்ச²தாதி நித்தண்ஹதா. ஸந்துட்டி²தாதி சதூஸு பச்சயேஸு தீஹாகாரேஹி ஸல்லேக²தாதி ஸப்³ப³கிலேஸானங் ஸல்லிகி²தபா⁴வோ. யத்ர ஹி நாமாதி யோ நாம. ந அத்தானங் பாதுகரிஸ்ஸதீதி அத்தனோ கு³ணே ந ஆவி கரிஸ்ஸதி. படாகங் பரிஹரெய்யுந்தி ‘‘கோ அம்ஹேஹி ஸதி³ஸோ அத்தீ²’’தி வத³ந்தா படாகங் உக்கி²பித்வா நாளந்த³ங் விசரெய்யுங்.
பஸ்ஸ கோ² த்வங், உதா³யி, ததா²க³தஸ்ஸ அப்பிச்ச²தாதி பஸ்ஸ உதா³யி யாதி³ஸீ ததா²க³தஸ்ஸ அப்பிச்ச²தாதி தே²ரஸ்ஸ வசனங் ஸம்படிச்ச²ந்தோ ஆஹ. கிங் பன ப⁴க³வா நேவ அத்தானங் பாதுகரோதி, ந அத்தனோ கு³ணங் கதே²தீதி சே? ந, ந கதே²தி. அப்பிச்ச²தாதீ³ஹி கதே²தப்³ப³ங், சீவராதி³ஹேதுங் ந கதே²தி. தேனேவாஹ – ‘‘பஸ்ஸ கோ² த்வங், உதா³யி, ததா²க³தஸ்ஸ அப்பிச்ச²தா’’திஆதி³. பு³ஜ்ஜ²னகஸத்தங் பன ஆக³ம்ம வேனெய்யவஸேன கதே²தி. யதா²ஹ –
‘‘ந மே ஆசரியோ அத்தி², ஸதி³ஸோ மே ந விஜ்ஜதி;
ஸதே³வகஸ்மிங் லோகஸ்மிங், நத்தி² மே படிபுக்³க³லோ’’தி. (மஹாவ॰ 11);
ஏவங்
163. அபி⁴க்க²ணங் பா⁴ஸெய்யாஸீதி புனப்புனங் பா⁴ஸெய்யாஸி. புப்³ப³ண்ஹஸமயே மே கதி²தந்தி மா மஜ்ஜ²ன்ஹிகாதீ³ஸு ந கத²யித்த². அஜ்ஜ வா மே கதி²தந்தி மா பரதி³வஸாதீ³ஸு ந கத²யித்தா²தி அத்தோ². பவேதே³ஸீதி கதே²ஸி. இமஸ்ஸ வெய்யாகரணஸ்ஸாதி நிக்³கா³த²கத்தா இத³ங் ஸுத்தங் ‘‘வெய்யாகரண’’ந்தி வுத்தங். அதி⁴வசனந்தி நாமங். இத³ங் பன ‘‘இதி ஹித³’’ந்தி பட்டா²ய பத³ங் ஸங்கீ³திகாரேஹி ட²பிதங். ஸேஸங் ஸப்³ப³த்த² உத்தானத்த²மேவாதி.
ஸுமங்க³லவிலாஸினியா தீ³க⁴னிகாயட்ட²கதா²ய
ஸம்பஸாத³னீயஸுத்தவண்ணனா நிட்டி²தா.