1. மூலபரியாயவக்³கோ³
1. மூலபரியாயஸுத்தவண்ணனா
அப்³ப⁴ந்தரனிதா³னவண்ணனா
1. ஏவங் ‘‘யங் பனேத’’ந்திஆதி³ வுத்தங். தத்த² யஸ்மா ஸங்வண்ணனங் கரொந்தேன ஸங்வண்ணேதப்³பே³ த⁴ம்மே பத³விபா⁴க³ங் பத³த்த²ஞ்ச த³ஸ்ஸெத்வா ததோ பரங் பிண்ட³த்தாதி³த³ஸ்ஸனவஸேன ஸங்வண்ணனா காதப்³பா³, தஸ்மா பதா³னி தாவ த³ஸ்ஸெந்தோ ‘‘ஏவந்தி நிபாதபத³’’ந்திஆதி³மாஹ. தத்த² பத³விபா⁴கோ³தி பதா³னங் விஸேஸோ, ந பத³விக்³க³ஹோ. அத² வா பதா³னி ச பத³விபா⁴கோ³ ச பத³விபா⁴கோ³, பத³விக்³க³ஹோ ச பத³விபா⁴கோ³ ச பத³விபா⁴கோ³தி வா ஏகஸேஸவஸேன பத³பத³விக்³க³ஹா பத³விபா⁴க³ஸத்³தே³ன வுத்தாதி வேதி³தப்³ப³ங். தத்த² பத³விக்³க³ஹோ ‘‘ஸுப⁴க³ஞ்ச தங் வனஞ்சாதி ஸுப⁴க³வனங், ஸாலானங் ராஜா, ஸாலோ ச ஸோ ராஜா ச இதிபி ஸாலராஜா’’திஆதி³வஸேன ஸமாஸபதே³ஸு த³ட்ட²ப்³போ³.
அத்த²தோதி பத³த்த²தோ. தங் பன பத³த்த²ங் அத்து²த்³தா⁴ரக்கமேன பட²மங் ஏவங்ஸத்³த³ஸ்ஸ த³ஸ்ஸெந்தோ ‘‘ஏவங்-ஸத்³தோ³ தாவா’’திஆதி³மாஹ. அவதா⁴ரணாதீ³தி எத்த² ஆதி³-ஸத்³தே³ன இத³மத்த²புச்சா²பரிமாணாதி³அத்தா²னங் ஸங்க³ஹோ த³ட்ட²ப்³போ³. ததா² ஹி ‘‘ஏவங்க³தானி புது²ஸிப்பாயதனானி (தீ³॰ நி॰ 1.163), ஏவவிதோ⁴ ஏவமாகாரோ’’தி ச ஆதீ³ஸு இத³ங்-ஸத்³த³ஸ்ஸ அத்தே² ஏவங்-ஸத்³தோ³. க³த-ஸத்³தோ³ ஹி பகாரபரியாயோ, ததா² விதா⁴கார-ஸத்³தா³ ச. ததா² ஹி வித⁴யுத்தக³த-ஸத்³தே³ லோகியா பகாரத்தே² வத³ந்தி. ‘‘ஏவங் ஸு தே ஸுன்ஹாதா ஸுவிலித்தா கப்பிதகேஸமஸ்ஸூ ஆமுக்கமணிகுண்ட³லாப⁴ரணா ஓதா³தவத்த²வஸனா பஞ்சஹி காமகு³ணேஹி ஸமப்பிதா ஸமங்கீ³பூ⁴தா பரிசாரெந்தி, ஸெய்யதா²பி த்வங் ஏதரஹி ஸாசரியகோதி. நோ ஹித³ங், போ⁴ கோ³தமா’’திஆதீ³ஸு (தீ³॰ நி॰ 1.286) புச்சா²யங். ‘‘ஏவங்லஹுபரிவத்தங் (அ॰ நி॰ 1.48) ஏவமாயுபரியந்தோ’’தி (பாரா॰ 12) ச ஆதீ³ஸு பரிமாணே.
நனு ‘‘உபமாயங் ஆக³தோ’’தி. ததா² ‘‘ஏவங் இமினா ஆகாரேன அபி⁴க்கமிதப்³ப³’’ந்திஆதி³னா உபதி³ஸியமானாய ஸமணஸாருப்பாய ஆகப்பஸம்பத்தியா யோ தத்த² உபதி³ஸனாகாரோ, ஸோ அத்த²தோ உபதே³ஸோ ஏவாதி வுத்தங் ‘‘ஏவங் தே…பே॰… உபதே³ஸே’’தி. ததா² ‘‘ஏவமேதங் ப⁴க³வா, ஏவமேதங் ஸுக³தா’’தி எத்த² ச ப⁴க³வதா யதா²வுத்தமத்த²ங் அவிபரீததோ ஜானந்தேஹி கதங் தத்த² ஸங்விஜ்ஜமானகு³ணானங் பகாரேஹி ஹங்ஸனங் உத³க்³க³தாகரணங் ஸம்பஹங்ஸனங். யோ தத்த² ஸம்பஹங்ஸனாகாரோதி யோஜேதப்³ப³ங்.
ஏவமேவங் பனாயந்தி எத்த² க³ரஹணாகாரோதி யோஜேதப்³ப³ங், ஸோ ச க³ரஹணாகாரோ ‘‘வஸலீ’’திஆதி³கு²ங்ஸனஸத்³த³ஸன்னிதா⁴னதோ இத⁴ ஏவங்-ஸத்³தே³ன பகாஸிதோதி விஞ்ஞாயதி. யதா² செத்த², ஏவங் உபமாகாராத³யோபி உபமாதி³வஸேன வுத்தானங் புப்ப²ராஸிஆதி³ஸத்³தா³னங் ஸன்னிதா⁴னதோ த³ட்ட²ப்³ப³ங். ஏவங், ப⁴ந்தேதி பன த⁴ம்மஸ்ஸ ஸாது⁴கங் ஸவனமனஸிகாரே ஸன்னியோஜிதேஹி பி⁴க்கூ²ஹி அத்தனோ தத்த² டி²தபா⁴வஸ்ஸ படிஜானநவஸேன வுத்தத்தா எத்த² ஏவங்-ஸத்³தோ³ வசனஸம்படிச்ச²னத்தோ² வுத்தோ. தேன ஏவங், ப⁴ந்தே ஸாது⁴, ப⁴ந்தே, ஸுட்டு², ப⁴ந்தேதி வுத்தங் ஹோதி. ஏவஞ்ச வதே³ஹீதி ‘‘யதா²ஹங் வதா³மி, ஏவங் ஸமணங் ஆனந்த³ங் வதே³ஹீ’’தி யோ ஏவங் வத³னாகாரோ இதா³னி வத்தப்³போ³. ஸோ ஏவங்ஸத்³தே³ன நித³ஸ்ஸீயதீதி ‘‘நித³ஸ்ஸனே’’தி வுத்தோதி. ஏவங் நோதி எத்தா²பி தேஸங் யதா²வுத்தத⁴ம்மானங் அஹிதது³க்கா²வஹபா⁴வே ஸன்னிட்டா²னஜனநத்த²ங் அனுமதிக³ஹணவஸேன ‘‘ஏவங் நோ எத்த² ஹோதீதிஆதீ³ஸு அவதா⁴ரணே’’தி.
நானானயனிபுணந்தி நானானயனிபுணங். ஆஸயோவ அஜ்ஜா²ஸயோ, தே ச ஸஸ்ஸதாதி³பே⁴தே³ன, தத்த² ச அப்பரஜக்க²தாதி³பே⁴தே³ன அனேகே, அத்தஜ்ஜா²ஸயாத³யோ ஏவ வா ஸமுட்டா²னங் உப்பத்திஹேது ஏதஸ்ஸாதி அனேகஜ்ஜா²ஸயஸமுட்டா²னங். அத்த²ப்³யஞ்ஜனஸம்பன்னந்தி அத்த²ப்³யஞ்ஜனபரிபுண்ணங் உபனேதப்³பா³பா⁴வதோ, ஸங்காஸனபகாஸன-விவரண-விப⁴ஜன-உத்தானீகரண-பஞ்ஞத்திவஸேன ச²ஹி அத்த²பதே³ஹி, அக்க²ர-பத³ப்³யஞ்ஜனாகாரனிருத்தினித்³தே³ஸவஸேன ச²ஹி ப்³யஞ்ஜனபதே³ஹி ச ஸமன்னாக³தந்தி வா அத்தோ² த³ட்ட²ப்³போ³.
விவித⁴பாடிஹாரியந்தி எத்த² பாடிஹாரியபத³ஸ்ஸ வசனத்த²ங் (உதா³॰ அட்ட²॰ 1; இதிவு॰ அட்ட²॰ நிதா³னவண்ணனா; ஸங்॰ நி॰ டீ॰ 1.1.1 தே³வதாஸங்யுத்த) ‘‘படிபக்க²ஹரணதோ, ராகா³தி³கிலேஸாபனயனதோ ச பாடிஹாரிய’’ந்தி வத³ந்தி, ப⁴க³வதோ பன படிபக்கா² ராகா³த³யோ ந ஸந்தி, யே ஹரிதப்³பா³. புது²ஜ்ஜனானம்பி விக³தூபக்கிலேஸே அட்ட²கு³ணஸமன்னாக³தே சித்தே ஹதபடிபக்கே² இத்³தி⁴வித⁴ங் பவத்ததி, தஸ்மா தத்த² பவத்தவோஹாரேன ச ந ஸக்கா இத⁴ ‘‘பாடிஹாரிய’’ந்தி வத்துங். ஸசே பன மஹாகாருணிகஸ்ஸ ப⁴க³வதோ வேனெய்யக³தா ச கிலேஸா படிபக்கா², தேஸங் ஹரணதோ ‘‘பாடிஹாரிய’’ந்தி வுத்தங், ஏவங் ஸதி யுத்தமேதங். அத² வா ப⁴க³வதோ ச ஸாஸனஸ்ஸ ச படிபக்கா² தித்தி²யா, தேஸங் ஹரணதோ பாடிஹாரியங். தே ஹி தி³ட்டி²ஹரணவஸேன தி³ட்டி²பகாஸனே அஸமத்த²பா⁴வேன ச இத்³தி⁴ஆதே³ஸனானுஸாஸனீஹி ஹரிதா அபனீதா ஹொந்தீதி பாடிஹாரியங், பாடிஹாரியே வா இத்³தி⁴ஆதே³ஸனானுஸாஸனிஸமுதா³யே ப⁴வங் ஏகமேகங் பாடிஹாரியந்தி வுச்சதி. பாடிஹாரியங் வா சதுத்த²ஜ்ஜா²னங் மக்³கோ³ ச படிபக்க²ஹரணதோ, தத்த² ஜாதங், தஸ்மிங் வா நிமித்தபூ⁴தே, ததோ வா ஆக³தந்தி பாடிஹாரியங். தஸ்ஸ பன இத்³தி⁴ஆதி³பே⁴தே³ன விஸயபே⁴தே³ன ச ப³ஹுவித⁴ஸ்ஸ ப⁴க³வதோ தே³ஸனாயங் லப்³ப⁴மானத்தா ஆஹ ‘‘விவித⁴பாடிஹாரிய’’ந்தி.
ந அஞ்ஞதா²தி ப⁴க³வதோ ஸம்முகா² ஸுதாகாரதோ ந அஞ்ஞதா²தி அத்தோ², ந பன ப⁴க³வதோ தே³ஸிதாகாரதோ. அசிந்தெய்யானுபா⁴வா ஹி ப⁴க³வதோ தே³ஸனா. ஏவஞ்ச கத்வா ‘‘ஸப்³ப³ப்பகாரேன கோ ஸமத்தோ² விஞ்ஞாது’’ந்தி இத³ங் வசனங் ஸமத்தி²தங் ப⁴வதி, தா⁴ரணப³லத³ஸ்ஸனஞ்ச ந விருஜ்ஜ²தி ஸுதாகாராவிரஜ்ஜ²னஸ்ஸ அதி⁴ப்பேதத்தா. ந ஹெத்த² அத்த²ந்தரதாபரிஹாரோ த்³வின்னம்பி அத்தா²னங் ஏகவிஸயத்தா. இதரதா² தே²ரோ ப⁴க³வதோ தே³ஸனாய ஸப்³ப³தா² படிக்³க³ஹணே ஸமத்தோ² அஸமத்தோ² சாதி ஆபஜ்ஜெய்யாதி.
‘‘யோ பரோ ந ஹோதி, ஸோ அத்தா’’தி ஏவங் வுத்தாய நியகஜ்ஜ²த்தஸங்கா²தாய ஸஸந்ததியா வத்தனதோ திவிதோ⁴பி மே-ஸத்³தோ³ கிஞ்சாபி ஏகஸ்மிங்யேவ அத்தே² தி³ஸ்ஸதி, கரணஸம்பதா³னஸாமினித்³தே³ஸவஸேன பன விஜ்ஜமானங் பே⁴த³ங் ஸந்தா⁴யாஹ ‘‘மே-ஸத்³தோ³ தீஸு அத்தே²ஸு தி³ஸ்ஸதீ’’தி.
கிஞ்சாபி உபஸக்³கோ³ கிரியங் விஸேஸேதி, ஜோதகபா⁴வதோ பன ஸதிபி தஸ்மிங் ஸுதஸத்³தோ³ ஏவ தங் தமத்த²ங் வத³தீதி அனுபஸக்³க³ஸ்ஸ ஸுதஸத்³த³ஸ்ஸ அத்து²த்³தா⁴ரே ஸஉபஸக்³க³ஸ்ஸ க³ஹணங் ந விருஜ்ஜ²தீதி த³ஸ்ஸெந்தோ ‘‘ஸஉபஸக்³கோ³ ச அனுபஸக்³கோ³ சா’’திஆதி³மாஹ. அஸ்ஸாதி ஸுதஸத்³த³ஸ்ஸ. கம்மபா⁴வஸாத⁴னானி இத⁴ ஸுதஸத்³தே³ ஸம்ப⁴வந்தீதி வுத்தங் ‘‘உபதா⁴ரிதந்தி வா உபதா⁴ரணந்தி வா அத்தோ²’’தி.
ஸுத-ஸத்³த³ஸன்னிதா⁴னே பயுத்தேன ஏவங்-ஸத்³தே³ன ஸவனகிரியாஜோதகேன ப⁴விதப்³ப³ந்தி வுத்தங் ‘‘ஏவந்தி ஸோதவிஞ்ஞாணாதி³விஞ்ஞாணகிச்சனித³ஸ்ஸன’’ந்தி. ஆதி³-ஸத்³தே³ன ஸம்படிச்ச²னாதீ³னங் பஞ்சத்³வாரிகவிஞ்ஞாணானங் தத³பி⁴னீஹடானஞ்ச மனொத்³வாரிகவிஞ்ஞாணானங் க³ஹணங் வேதி³தப்³ப³ங். ஸப்³பே³ஸம்பி வாக்யானங் ஏவ-காரத்த²ஸஹிதத்தா ‘‘ஸுத’’ந்தி ஏதஸ்ஸ ஸுதமேவாதி அயமத்தோ² லப்³ப⁴தீதி ஆஹ ‘‘அஸ்ஸவனபா⁴வபடிக்கே²பதோ’’தி. ஏதேன அவதா⁴ரணேன நிராஸங்கதங் த³ஸ்ஸேதி. யதா² ச ஸுதங் ஸுதமேவாதி நியமேதப்³ப³ங், தங் ஸம்மா ஸுதங் ஹோதீதி ஆஹ ‘‘அனூனானதி⁴காவிபரீதக்³க³ஹணனித³ஸ்ஸன’’ந்தி. அத² வா ஸத்³த³ந்தரத்தா²போஹனவஸேன ஸத்³தோ³ அத்த²ங் வத³தீதி ஸுதந்தி அஸுதங் ந ஹோதீதி அயமேதஸ்ஸ அத்தோ²தி வுத்தங் ‘‘அஸ்ஸவனபா⁴வபடிக்கே²பதோ’’தி ‘‘அனூனானதி⁴காவிபரீதக்³க³ஹணனித³ஸ்ஸன’’ந்தி. அவதா⁴ரணத்தே² வா ஏவங்-ஸத்³தே³ அயமத்த²யோஜனா கரீயதீதி தத³பெக்க²ஸ்ஸ ஸுத-ஸத்³த³ஸ்ஸ அயமத்தோ² வுத்தோ ‘‘அஸ்ஸவனபா⁴வபடிக்கே²பதோ’’தி. தேனேவாஹ ‘‘அனூனானதி⁴காவிபரீதக்³க³ஹணனித³ஸ்ஸன’’ந்தி. ஸவனஸத்³தோ³ செத்த² கம்மத்தோ² வேதி³தப்³போ³ ‘‘ஸுய்யதீ’’தி.
ஏவங் ஸவனஹேதுஸுணந்தபுக்³க³லஸவனவிஸேஸவஸேன பத³த்தயஸ்ஸ ஏகேன பகாரேன அத்த²யோஜனங் த³ஸ்ஸெத்வா இதா³னி பகாரந்தரேஹிபி தங் த³ஸ்ஸேதுங் ‘‘ததா² ஏவ’’ந்திஆதி³ வுத்தங். தத்த² தஸ்ஸாதி யா ஸா ப⁴க³வதோ ஸம்முகா² த⁴ம்மஸ்ஸவனாகாரேன பவத்தா மனொத்³வாரவிஞ்ஞாணவீதி², தஸ்ஸா. ஸா ஹி நானப்பகாரேன ஆரம்மணே பவத்திதுங் ஸமத்தா². ததா² ச வுத்தங் ‘‘ஸோதத்³வாரானுஸாரேனா’’தி. நானப்பகாரேனாதி வக்க²மானானங் அனேகவிஹிதானங் ப்³யஞ்ஜனத்த²க்³க³ஹணானங் நானாகாரேன. ஏதேன இமிஸ்ஸா யோஜனாய ஆகாரத்தோ² ஏவங்-ஸத்³தோ³ க³ஹிதோதி தீ³பேதி. பவத்திபா⁴வப்பகாஸனந்தி பவத்தியா அத்தி²பா⁴வப்பகாஸனங். ஸுதந்தி த⁴ம்மப்பகாஸனந்தி யஸ்மிங் ஆரம்மணே ‘‘அயஞ்ஹெத்தா²’’திஆதி³. தத்த² விஞ்ஞாணவீதி²யாதி கரணத்தே² கரணவசனங். மயாதி கத்துஅத்தே².
ஏவந்தி நித்³தி³ஸிதப்³ப³ப்பகாஸனந்தி நித³ஸ்ஸனத்த²ங் ஏவங்-ஸத்³த³ங் க³ஹெத்வா வுத்தங் நித³ஸ்ஸேதப்³ப³ஸ்ஸ நித்³தி³ஸிதப்³ப³த்தாபா⁴வாபா⁴வதோ. தேன ஏவங்-ஸத்³தே³ன ஸகலம்பி ஸுத்தங் பச்சாமட்ட²ந்தி த³ஸ்ஸேதி. ஸுத-ஸத்³த³ஸ்ஸ கிரியாஸத்³த³த்தா ஸவனகிரியாய ச ஸாதா⁴ரணவிஞ்ஞாணபப³ந்த⁴படிப³த்³த⁴த்தா தத்த² ச புக்³க³லவோஹாரோதி வுத்தங் ‘‘ஸுதந்தி புக்³க³லகிச்சப்பகாஸன’’ந்தி. ந ஹி புக்³க³லவோஹாரரஹிதே த⁴ம்மபப³ந்தே⁴ ஸவனகிரியா லப்³ப⁴தீதி.
யஸ்ஸ சித்தஸந்தானஸ்ஸாதிஆதி³பி ஆகாரத்த²மேவ ஏவங்-ஸத்³த³ங் க³ஹெத்வா புரிமயோஜனாய அஞ்ஞதா² அத்த²யோஜனங் த³ஸ்ஸேதுங் வுத்தங். தத்த² ஆகாரபஞ்ஞத்தீதி உபாதா³பஞ்ஞத்தி ஏவ த⁴ம்மானங் பவத்திஆகாரூபாதா³னவஸேன ததா² வுத்தா. ஸுதந்தி விஸயனித்³தே³ஸோதி ஸோதப்³ப³பூ⁴தோ த⁴ம்மோ ஸவனகிரியாகத்துபுக்³க³லஸ்ஸ ஸவனகிரியாவஸேன பவத்திட்டா²னந்தி கத்வா வுத்தங். சித்தஸந்தானவினிமுத்தஸ்ஸ பரமத்த²தோ கஸ்ஸசி கத்து அபா⁴வேபி ஸத்³த³வோஹாரேன பு³த்³தி⁴பரிகப்பிதபே⁴த³வசனிச்சா²ய சித்தஸந்தானதோ அஞ்ஞங் விய தங்ஸமங்கி³ங் கத்வா வுத்தங் ‘‘சித்தஸந்தானேன தங்ஸமங்கி³னோ’’தி. ஸவனகிரியாவிஸயோபி ஸோதப்³ப³த⁴ம்மோ ஸவனகிரியாவஸேன பவத்தசித்தஸந்தானஸ்ஸ இத⁴ பரமத்த²தோ கத்துபா⁴வதோ, ஸவனவஸேன சித்தப்பவத்தியா ஏவ வா ஸவனகிரியாபா⁴வதோ தங்கிரியாகத்து ச விஸயோ ஹோதீதி வுத்தங் ‘‘தங்ஸமங்கி³னோ கத்துவிஸயே’’தி. ஸுதாகாரஸ்ஸ ச தே²ரஸ்ஸ ஸம்மானிச்சி²தபா⁴வதோ ஆஹ ‘‘க³ஹணஸன்னிட்டா²ன’’ந்தி. ஏதேன வா அவதா⁴ரணத்த²ங் ஏவங்-ஸத்³த³ங் க³ஹெத்வா அயமத்த²யோஜனா கதாதி த³ட்ட²ப்³ப³ங்.
புப்³பே³ ஸுதானங் நானாவிஹிதானங் ஸுத்தஸங்கா²தானங் அத்த²ப்³யஞ்ஜனானங் உபதா⁴ரிதரூபஸ்ஸ ஆகாரஸ்ஸ நித³ஸ்ஸனஸ்ஸ, அவதா⁴ரணஸ்ஸ வா பகாஸனஸபா⁴வோ ஏவங்-ஸத்³தோ³தி ததா³காராதி³உபதா⁴ரணஸ்ஸ புக்³க³லபஞ்ஞத்தியா உபாதா³னபூ⁴தத⁴ம்மபப³ந்த⁴ப்³யாபாரதாய வுத்தங் – ‘‘ஏவந்தி புக்³க³லகிச்சனித்³தே³ஸோ’’தி. ஸவனகிரியா பன புக்³க³லவாதி³னோபி விஞ்ஞாணனிரபெக்கா² நத்தீ²தி விஸேஸதோ விஞ்ஞாணப்³யாபாரோதி ஆஹ ‘‘ஸுதந்தி விஞ்ஞாணகிச்சனித்³தே³ஸோ’’தி. ‘‘மே’’தி ஸத்³த³ப்பவத்தியா ஏகந்தேனேவ ஸத்தவிஸயத்தா விஞ்ஞாணகிச்சஸ்ஸ ச தத்தே²வ ஸமோத³ஹிதப்³ப³தோ ‘‘மேதி உப⁴யகிச்சயுத்தபுக்³க³லனித்³தே³ஸோ’’தி வுத்தங். அவிஜ்ஜமானபஞ்ஞத்திவிஜ்ஜமானபஞ்ஞத்திஸபா⁴வா யதா²க்கமங் ஏவங்-ஸத்³த³ – ஸுத-ஸத்³தா³னங் அத்தா²தி தே ததா²ரூப-பஞ்ஞத்தி-உபாதா³னபூ⁴த-த⁴ம்மபப³ந்த⁴ப்³யாபாரபா⁴வேன த³ஸ்ஸெந்தோ ஆஹ – ‘‘ஏவந்தி புக்³க³லகிச்சனித்³தே³ஸோ, ஸுதந்தி விஞ்ஞாணகிச்சனித்³தே³ஸோ’’தி. எத்த² ச கரணகிரியாகத்துகம்மவிஸேஸப்பகாஸனவஸேன புக்³க³லப்³யாபாரவிஸயபுக்³க³லப்³யாபாரனித³ஸ்ஸனவஸேன க³ஹணாகாரகா³ஹகதப்³பி³ஸயவிஸேஸனித்³தே³ஸவஸேன கத்துகரணப்³யாபாரகத்துனித்³தே³ஸவஸேன ச து³தியாத³யோ சதஸ்ஸோ அத்த²யோஜனா த³ஸ்ஸிதாதி த³ட்ட²ப்³ப³ங்.
ஸப்³ப³ஸ்ஸபி ஸத்³தா³தி⁴க³மனீயஸ்ஸ அத்த²ஸ்ஸ பஞ்ஞத்திமுகே²னேவ படிபஜ்ஜிதப்³ப³த்தா ஸப்³ப³பஞ்ஞத்தீனஞ்ச விஜ்ஜமானாதி³வஸேன ச²ஸு பஞ்ஞத்திபே⁴தே³ஸு அந்தோக³த⁴த்தா தேஸு ‘‘ஏவ’’ந்திஆதீ³னங் பஞ்ஞத்தீனங் ஸரூபங் நித்³தா⁴ரெந்தோ ஆஹ – ‘‘ஏவந்தி ச மேதி சா’’திஆதி³. தத்த² ‘‘ஏவ’’ந்தி ச ‘‘மே’’தி ச வுச்சமானஸ்ஸத்த²ஸ்ஸ ஆகாராதி³னோ த⁴ம்மானங் அஸல்லக்க²ணபா⁴வதோ அவிஜ்ஜமானபஞ்ஞத்திபா⁴வோதி ஆஹ – ‘‘ஸச்சிகட்ட²பரமத்த²வஸேன அவிஜ்ஜமானபஞ்ஞத்தீ’’தி. தத்த² ஸச்சிகட்ட²பரமத்த²வஸேனாதி பூ⁴தத்த²உத்தமத்த²வஸேன. இத³ங் வுத்தங் ஹோதி – யோ மாயாமரீசிஆத³யோ விய அபூ⁴தத்தோ², அனுஸ்ஸவாதீ³ஹி க³ஹேதப்³போ³ விய அனுத்தமத்தோ² ச ந ஹோதி, ஸோ ரூபஸத்³தா³தி³ஸபா⁴வோ, ருப்பனானுப⁴வனாதி³ஸபா⁴வோ வா அத்தோ² ஸச்சிகட்டோ² பரமத்தோ² சாதி வுச்சதி, ந ததா² ‘‘ஏவங் மே’’தி பதா³னங் அத்தோ²தி. ஏதமேவத்த²ங் பாகடதரங் காதுங் ‘‘கிஞ்ஹெத்த² த’’ந்திஆதி³ வுத்தங். ஸுதந்தி பன ஸத்³தா³யதனங் ஸந்தா⁴யாஹ ‘‘விஜ்ஜமானபஞ்ஞத்தீ’’தி. தேனேவ ஹி ‘‘யஞ்ஹி தங் எத்த² ஸோதேன உபலத்³த⁴’’ந்தி வுத்தங், ‘‘ஸோதத்³வாரானுஸாரேன உபலத்³த⁴’’ந்தி பன வுத்தே அத்த²ப்³யஞ்ஜனாதி³ஸப்³ப³ங் லப்³ப⁴தி.
தங் தங் உபாதா³ய வத்தப்³ப³தோதி ஸோதபத²மாக³தே த⁴ம்மே உபாதா³ய தேஸங் உபதா⁴ரிதாகாராதி³னோ பச்சாமஸனவஸேன ‘‘ஏவ’’ந்தி, ஸஸந்ததிபரியாபன்னே க²ந்தே⁴ உபாதா³ய ‘‘மே’’தி வத்தப்³ப³த்தாதி அத்தோ². தி³ட்டா²தி³ஸபா⁴வரஹிதே ஸத்³தா³யதனே பவத்தமானோபி ஸுதவோஹாரோ ‘‘து³தியங் ததிய’’ந்திஆதி³கோ விய பட²மாதீ³னி தி³ட்ட²முதவிஞ்ஞாதே அபெக்கி²த்வாவ பவத்தோதி ஆஹ ‘‘தி³ட்டா²தீ³னி உபனிதா⁴ய வத்தப்³ப³தோ’’தி அஸுதங் ந ஹோதீதி ஹி ஸுதந்தி பகாஸிதோயமத்தோ²தி. அத்தனா படிவித்³தா⁴ ஸுத்தஸ்ஸ பகாரவிஸேஸா ‘‘ஏவ’’ந்தி தே²ரேன பச்சாமட்டா²தி ஆஹ ‘‘அஸம்மோஹங் தீ³பேதீ’’தி. நானப்பகாரபடிவேத⁴ஸமத்தோ² ஹோதீதி ஏதேன ஸுதஸ்ஸ அஸம்மோஸங் தீ³பேதீதி ஸுதாகாரஸ்ஸ யாதா²வதோ த³ஸ்ஸியமானத்தா வுத்தங். அஸம்மோஹேனாதி ஸம்மோஹாபா⁴வேன, பஞ்ஞாய ஏவ வா ஸவனகாலஸம்பூ⁴தாய தது³த்தரகாலபஞ்ஞாஸித்³தி⁴. ஏவங் அஸம்மோஸேனாதி எத்தா²பி வத்தப்³ப³ங். ப்³யஞ்ஜனானங் படிவிஜ்ஜி²தப்³போ³ ஆகாரோ நாதிக³ம்பீ⁴ரோ, யதா²ஸுததா⁴ரணமேவ தத்த² கரணீயந்தி ஸதியா ப்³யாபாரோ அதி⁴கோ, பஞ்ஞா தத்த² கு³ணீபூ⁴தாதி வுத்தங் ‘‘பஞ்ஞாபுப்³ப³ங்க³மாயா’’திஆதி³ ‘‘பஞ்ஞாய புப்³ப³ங்க³மா’’தி கத்வா. புப்³ப³ங்க³மதா செத்த² பதா⁴னதா ‘‘மனோபுப்³ப³ங்க³மா’’திஆதீ³ஸு (த⁴॰ ப॰ 1, 2) விய. புப்³ப³ங்க³மதாய வா சக்கு²விஞ்ஞாணாதீ³ஸு ஆவஜ்ஜனாதீ³னங் விய அப்பதா⁴னத்தே பஞ்ஞா புப்³ப³ங்க³மா ஏதிஸ்ஸாதி அயம்பி அத்தோ² யுஜ்ஜதி. ஏவங் ஸதிபுப்³ப³ங்க³மாயாதி எத்தா²பி வுத்தனயானுஸாரேன யதா²ஸம்ப⁴வமத்தோ² வேதி³தப்³போ³. அத்த²ப்³யஞ்ஜனஸம்பன்னஸ்ஸாதி அத்த²ப்³யஞ்ஜனபரிபுண்ணஸ்ஸ, ஸங்காஸனபகாஸனவிவரணவிப⁴ஜனஉத்தானீகரணபஞ்ஞத்திவஸேன ச²ஹி அத்த²பதே³ஹி, அக்க²ரபத³ப்³யஞ்ஜனாகாரனிருத்தினித்³தே³ஸவஸேன ச²ஹி ப்³யஞ்ஜனபதே³ஹி ச ஸமன்னாக³தஸ்ஸாதி வா அத்தோ² த³ட்ட²ப்³போ³.
யோனிஸோமனஸிகாரங் தீ³பேதி ஏவங்-ஸத்³தே³ன வுச்சமானானங் ஆகாரனித³ஸ்ஸனாவதா⁴ரணத்தா²னங் அவிபரீதஸத்³த⁴ம்மவிஸயத்தாதி அதி⁴ப்பாயோ. அவிக்கே²பங் தீ³பேதீதி ‘‘மூலபரியாயங் கத்த² பா⁴ஸித’’ந்திஆதி³புச்சா²வஸேன பகரணப்பத்தஸ்ஸ வக்க²மானஸ்ஸ ஸுத்தஸ்ஸ ஸவனங் ஸமாதா⁴னமந்தரேன ந ஸம்ப⁴வதீதி கத்வா வுத்தங். விக்கி²த்தசித்தஸ்ஸாதிஆதி³ தஸ்ஸேவத்த²ஸ்ஸ ஸமத்த²னவஸேன வுத்தங். ஸப்³ப³ஸம்பத்தியாதி அத்த²ப்³யஞ்ஜனதே³ஸகபயோஜனாதி³ஸம்பத்தியா. அவிபரீதஸத்³த⁴ம்மவிஸயேஹி விய ஆகாரனித³ஸ்ஸனாவதா⁴ரணத்தே²ஹி யோனிஸோமனஸிகாரஸ்ஸ, ஸத்³த⁴ம்மஸ்ஸவனேன விய ச அவிக்கே²பஸ்ஸ யதா² யோனிஸோமனஸிகாரேன ப²லபூ⁴தேன அத்தஸம்மாபணிதி⁴புப்³பே³கதபுஞ்ஞதானங் ஸித்³தி⁴ வுத்தா தத³வினாபா⁴வதோ, ஏவங் அவிக்கே²பேன ப²லபூ⁴தேன காரணபூ⁴தானங் ஸத்³த⁴ம்மஸ்ஸவனஸப்புரிஸூபனிஸ்ஸயானங் ஸித்³தி⁴ த³ஸ்ஸேதப்³பா³ ஸியா அஸ்ஸுதவதோ ஸப்புரிஸூபனிஸ்ஸயரஹிதஸ்ஸ ச தத³பா⁴வதோ. ந ஹி விக்கி²த்தசித்தோதிஆதி³னா ஸமத்த²னவசனேன பன அவிக்கே²பேன காரணபூ⁴தேன ஸப்புரிஸூபனிஸ்ஸயேன ச ப²லபூ⁴தஸ்ஸ ஸத்³த⁴ம்மஸ்ஸவனஸ்ஸ ஸித்³தி⁴ த³ஸ்ஸிதா. அயங் பனெத்த² அதி⁴ப்பாயோ யுத்தோ ஸியா – ஸத்³த⁴ம்மஸ்ஸவனஸப்புரிஸூபனிஸ்ஸயா
ப⁴க³வதோ வசனஸ்ஸ அத்த²ப்³யஞ்ஜனபபே⁴த³பரிச்சே²த³வஸேன ஸகலஸாஸனஸம்பத்திஓகா³ஹனாகாரோ நிரவஸேஸபரஹிதபாரிபூரிகாரணந்தி வுத்தங் ‘‘ஏவங் ப⁴த்³த³கோ ஆகாரோ’’தி. யஸ்மா ந ஹோதீதி ஸம்ப³ந்தோ⁴. பச்சி²மசக்கத்³வயஸம்பத்திந்தி அத்தஸம்மாபணிதி⁴புப்³பே³கதபுஞ்ஞதாஸங்கா²தங் கு³ணத்³வயங். அபராபரவுத்தியா செத்த² சக்கபா⁴வோ, சரந்தி ஏதேஹி ஸத்தா ஸம்பத்திப⁴வேஸூதி வா. யே ஸந்தா⁴ய வுத்தங் ‘‘சத்தாரிமானி, பி⁴க்க²வே, சக்கானி, யேஹி ஸமன்னாக³தானங் தே³வமனுஸ்ஸானங் சதுசக்கங் வத்ததீ’’திஆதி³ (அ॰ நி॰ 4.31). புரிமபச்சி²மபா⁴வோ செத்த² தே³ஸனாக்கமவஸேன த³ட்ட²ப்³போ³. பச்சி²மசக்கத்³வயஸித்³தி⁴யாதி பச்சி²மசக்கத்³வயஸ்ஸ அத்தி²தாய. ஸம்மாபணிஹிதத்தோ புப்³பே³ ச கதபுஞ்ஞோ ஸுத்³தா⁴ஸயோ ஹோதி தத³ஸுத்³தி⁴ஹேதூனங் கிலேஸானங் தூ³ரீபா⁴வதோதி ஆஹ – ‘‘ஆஸயஸுத்³தி⁴ ஸித்³தா⁴ ஹோதீ’’தி. ததா² ஹி வுத்தங் ‘‘ஸம்மாபணிஹிதங் சித்தங், ஸெய்யஸோ நங் ததோ கரே’’தி (த⁴॰ ப॰ 43), ‘‘கதபுஞ்ஞோஸி த்வங் ஆனந்த³, பதா⁴னமனுயுஞ்ஜ, கி²ப்பங் ஹோஹிஸி அனாஸவோ’’தி (தீ³॰ நி॰ 2.207) ச. தேனேவாஹ ‘‘ஆஸயஸுத்³தி⁴யா அதி⁴க³மப்³யத்திஸித்³தீ⁴’’தி. பயோக³ஸுத்³தி⁴யாதி யோனிஸோமனஸிகாரபுப்³ப³ங்க³மஸ்ஸ த⁴ம்மஸ்ஸவனபயோக³ஸ்ஸ விஸத³பா⁴வேன. ததா² சாஹ ‘‘ஆக³மப்³யத்திஸித்³தீ⁴’’தி. ஸப்³ப³ஸ்ஸ வா காயவசீபயோக³ஸ்ஸ நித்³தோ³ஸபா⁴வேன. பரிஸுத்³த⁴காயவசீபயோகோ³ ஹி விப்படிஸாராபா⁴வதோ அவிக்கி²த்தசித்தோ பரியத்தியங் விஸாரதோ³ ஹோதீதி.
நானப்பகாரபடிவேத⁴தீ³பகேனாதிஆதி³னா அத்த²ப்³யஞ்ஜனேஸு தே²ரஸ்ஸ ஏவங்ஸத்³த³ஸுத-ஸத்³தா³னங் அஸம்மோஹாஸம்மோஸதீ³பனதோ சதுபடிஸம்பி⁴தா³வஸேன அத்த²யோஜனங் த³ஸ்ஸேதி. தத்த² ஸோதப்³ப³பே⁴த³படிவேத⁴தீ³பகேனாதி ஏதேன அயங் ஸுத-ஸத்³தோ³ ஏவங்-ஸத்³த³ஸன்னிதா⁴னதோ, வக்க²மானாபெக்கா²ய வா ஸாமஞ்ஞேனேவ த⁴ம்மாதி பரியத்தித⁴ம்மா. மனஸானுபெக்கி²தாதி ‘‘இத⁴ ஸீலங் கதி²தங், இத⁴ ஸமாதி⁴, இத⁴ பஞ்ஞா, எத்தகா எத்த² அனுஸந்தி⁴யோ’’திஆதி³னா நயேன மனஸா அனு அனு பெக்கி²தா. தி³ட்டி²யா ஸுப்படிவித்³தா⁴தி நிஜ்ஜா²னக்க²ந்திபூ⁴தாய, ஞாதபரிஞ்ஞாஸங்கா²தாய வா தி³ட்டி²யா தத்த² தத்த² வுத்தரூபாரூபத⁴ம்மே ‘‘இதி ரூபங், எத்தகங் ரூப’’ந்திஆதி³னா ஸுட்டு² வவத்த²பெத்வா படிவித்³தா⁴.
ஸகலேன வசனேனாதி புப்³பே³ தீஹி பதே³ஹி விஸுங் விஸுங் யோஜிதத்தா வுத்தங். அத்தனோ அத³ஹந்தோதி ‘‘மமேத³’’ந்தி அத்தனி அட்ட²பெந்தோ. அஸப்புரிஸபூ⁴மிந்தி அகதஞ்ஞுதங் ‘‘இதே⁴கச்சோ பாபபி⁴க்கு² ததா²க³தப்பவேதி³தங் த⁴ம்மவினயங் பரியாபுணித்வா அத்தனோ த³ஹதீ’’தி (பாரா॰ 195) ஏவங் வுத்தங் அனரியவோஹாராவத்த²ங், ஸா ஏவ அனரியவோஹாராவத்தா² அஸத்³த⁴ம்மோ. நனு ச ஆனந்த³த்தே²ரஸ்ஸ ‘‘மமேத³ங் வசன’’ந்தி அதி⁴மானஸ்ஸ, மஹாகஸ்ஸபத்தே²ராதீ³னஞ்ச ததா³ஸங்காய அபா⁴வதோ அஸப்புரிஸபூ⁴மிஸமதிக்கமாதி³வசனங் நிரத்த²கந்தி? நயித³மேவங் ‘‘ஏவங் மே ஸுத’’ந்தி வத³ந்தேன அயம்பி அத்தோ² விபா⁴விதோதி த³ஸ்ஸனதோ. கேசி பன ‘‘தே³வதானங் பரிவிதக்காபெக்க²ங் ததா²வசனந்தி ஏதி³ஸீ சோத³னா அனவகாஸாவா’’தி வத³ந்தி. தஸ்மிங் கிர க²ணே ஏகச்சானங் தே³வதானங் ஏவங் சேதஸோ பரிவிதக்கோ உத³பாதி³ ‘‘ப⁴க³வா ச பரினிப்³பு³தோ, அயஞ்ச ஆயஸ்மா தே³ஸனாகுஸலோ, இதா³னி த⁴ம்மங் தே³ஸேதி ஸக்யகுலப்பஸுதோ ததா²க³தஸ்ஸ பா⁴தா சூளபிதுபுத்தோ, கிங் நு கோ² ஸயங் ஸச்சி²கதங் த⁴ம்மங் தே³ஸேதி, உதா³ஹு ப⁴க³வதோயேவ வசனங் யதா²ஸுத’’ந்தி. ஏவங் ததா³ஸங்கிதப்பகாரதோ அஸப்புரிஸபூ⁴மிஸமோக்கமாதி³தோ அதிக்கமாதி³ விபா⁴விதந்தி. அப்பேதீதி நித³ஸ்ஸேதி. தி³ட்ட²த⁴ம்மிகஸம்பராயிகபரமத்தே²ஸு யதா²ரஹங் ஸத்தே நேதீதி நெத்தி, த⁴ம்மோயேவ நெத்தி த⁴ம்மனெத்தி.
த³ள்ஹதரனிவிட்டா² விசிகிச்சா² கங்கா². நாதிஸங்ஸப்பனா மதிபே⁴த³மத்தா விமதி. அஸ்ஸத்³தி⁴யங் வினாஸேதி ப⁴க³வதா தே³ஸிதத்தா, ஸம்முகா²வஸ்ஸ படிக்³க³ஹிதத்தா, க²லிதது³ருத்தாதி³க³ஹணதோ³ஸாபா⁴வதோ
ஏக-ஸத்³தோ³ அஞ்ஞஸெட்டா²ஸஹாயஸங்க்²யாதீ³ஸு தி³ஸ்ஸதி. ததா² ஹேஸ ‘‘ஸஸ்ஸதோ அத்தா ச லோகோ ச, இத³மேவ ஸச்சங் மோக⁴மஞ்ஞந்தி இத்தே²கே அபி⁴வத³ந்தீ’’திஆதீ³ஸு (ம॰ நி॰ 3.27) அஞ்ஞத்தே² தி³ஸ்ஸதி ‘‘ஏகந்தி க³ணனபரிச்சே²த³னித்³தே³ஸோ’’தி. காலஞ்ச ஸமயஞ்சாதி யுத்தகாலஞ்ச பச்சயஸாமக்³கி³ஞ்ச க²ணோதி ஓகாஸோ. ததா²க³துப்பாதா³தி³கோ ஹி மக்³க³ப்³ரஹ்மசரியஸ்ஸ ஓகாஸோ தப்பச்சயபடிலாப⁴ஹேதுத்தா. க²ணோ ஏவ ச ஸமயோ. யோ ‘‘க²ணோ’’தி ச ‘‘ஸமயோ’’தி ச வுச்சதி, ஸோ ஏகோவாதி ஹி அத்தோ² மஹாஸமயோதி மஹாஸமூஹோ. ஸமயோபி கோ²தி ஸிக்கா²பத³பூரணஸ்ஸ ஹேதுபி. ஸமயப்பவாத³கேதி தி³ட்டி²ப்பவாத³கே. தத்த² ஹி நிஸின்னா தித்தி²யா அத்தனோ அத்தனோ ஸமயங் பவத³ந்தீதி. அத்தா²பி⁴ஸமயாதி ஹிதபடிலாபா⁴. அபி⁴ஸமேதப்³போ³தி அபி⁴ஸமயோ, அபி⁴ஸமயோ அத்தோ² அபி⁴ஸமயட்டோ²தி பீளனாதீ³னி அபி⁴ஸமேதப்³ப³பா⁴வேன ஏகீபா⁴வங் உபனெத்வா வுத்தானி. அபி⁴ஸமயஸ்ஸ வா படிவேத⁴ஸ்ஸ விஸயபூ⁴தோ அத்தோ² அபி⁴ஸமயட்டோ²தி. தானேவ ததா² ஏகத்தேன வுத்தானி. தத்த² பீளனங் து³க்க²ஸச்சஸ்ஸ தங்ஸமங்கி³னோ ஹிங்ஸனங் அவிப்பா²ரிகதாகரணங். ஸந்தாபோ து³க்க²து³க்க²தாதி³வஸேன ஸந்தாபனங் பரித³ஹனங்.
தத்த² ஸஹகாரீகாரணங் ஸன்னிஜ்ஜ²ங் ஸமேதி ஸமவேதீதி ஸமயோ, ஸமவாயோ. ஸமேதி ஸமாக³ச்ச²தி மக்³க³ப்³ரஹ்மசரியங் எத்த² ததா³தா⁴ரபுக்³க³லேஹீதி ஸமயோ, க²ணோ. ஸமேதி எத்த², ஏதேன வா ஸங்க³ச்ச²தி ஸத்தோ, ஸபா⁴வத⁴ம்மோ வா ஸஹஜாதாதீ³ஹி உப்பாதா³தீ³ஹி வாதி ஸமயோ, காலோ. த⁴ம்மப்பவத்திமத்ததாய அத்த²தோ அபூ⁴தோபி ஹி காலோ த⁴ம்மப்பவத்தியா அதி⁴கரணங் கரணங் ஸமயோ, ஸமூஹோ யதா² ‘‘ஸமுதா³யோ’’தி. அவயவஸஹாவட்டா²னமேவ ஹி ஸமூஹோதி. அவஸேஸபச்சயானங் ஸமாக³மே ஏதி ப²லங் ஏதஸ்மா உப்பஜ்ஜதி பவத்ததி சாதி ஸமயோ, ஹேது யதா² ‘‘ஸமுத³யோ’’தி. ஸமேதி ஸங்யோஜனபா⁴வதோ ஸம்ப³ந்தோ⁴ ஏதி அத்தனோ விஸயே பவத்ததி, த³ள்ஹக்³க³ஹணபா⁴வதோ வா ஸங்யுத்தா அயந்தி பவத்தந்தி ஸத்தா யதா²பி⁴னிவேஸங் ஏதேனாதி ஸமயோ, தி³ட்டி²; தி³ட்டி²ஸஞ்ஞோஜனேன ஹி ஸத்தா அதிவிய ப³ஜ்ஜ²ந்தீதி. ஸமிதி ஸங்க³தி ஸமோதா⁴னந்தி ஸமயோ, படிலாபோ⁴. ஸமயனங், ஸம்மா வா அயனங் அபக³மோதி ஸமயோ, பஹானங். அபி⁴முக²ங் ஞாணேன ஸம்மா ஏதப்³போ³ அபி⁴ஸமேதப்³போ³தி அபி⁴ஸமயோ, த⁴ம்மானங் அவிபரீதோ ஸபா⁴வோ. அபி⁴முக²பா⁴வேன ஸம்மா ஏதி க³ச்ச²தி பு³ஜ்ஜ²தீதி அபி⁴ஸமயோ, த⁴ம்மானங் அவிபரீதஸபா⁴வாவபோ³தோ⁴. ஏவங் தஸ்மிங் தஸ்மிங் அத்தே² ஸமய-ஸத்³த³ஸ்ஸ பவத்தி வேதி³தப்³பா³. ஸமயஸத்³த³ஸ்ஸ அத்து²த்³தா⁴ரே அபி⁴ஸமயஸத்³த³ஸ்ஸ உதா³ஹரணங் வுத்தனயேனேவ வேதி³தப்³ப³ங். அஸ்ஸாதி ஸமயஸத்³த³ஸ்ஸ காலோ அத்தோ² ஸமவாயாதீ³னங் அத்தா²னங் இத⁴ அஸம்ப⁴வதோ, தே³ஸதே³ஸகபரிஸானங் விய ஸுத்தஸ்ஸ நிதா³னபா⁴வேன காலஸ்ஸ அபதி³ஸிதப்³ப³தோ ச.
கஸ்மா பனெத்த² அனியமிதவஸேனேவ காலோ நித்³தி³ட்டோ², ந உதுஸங்வச்ச²ராதி³வஸேன நியமெத்வாதி? ஆஹ – ‘‘தத்த² கிஞ்சாபீ’’திஆதி³. உதுஸங்வச்ச²ராதி³வஸேன நியமங் அகத்வா ஸமயஸத்³த³ஸ்ஸ வசனேன அயம்பி கு³ணோ லத்³தோ⁴ ஹோதீதி த³ஸ்ஸெந்தோ ‘‘யே வா இமே’’திஆதி³மாஹ. ஸாமஞ்ஞஜோதனா ஹி விஸேஸே அவதிட்ட²தீதி. தத்த² தி³ட்ட²த⁴ம்மஸுக²விஹாரஸமயோ தே³வஸிகங் ஜா²னப²லஸமாபத்தீஹி வீதினாமனகாலோ, விஸேஸதோ ஸத்தஸத்தாஹானி. ஸுப்பகாஸாதி த³ஸஸஹஸ்ஸிலோகதா⁴துஸங்கம்பனஓபா⁴ஸபாதுபா⁴வாதீ³ஹி பாகடா. யதா²வுத்தபே⁴தே³ஸு ஏவ ஸமயேஸு ஏகதே³ஸங் பகாரந்தரேஹி ஸங்க³ஹெத்வா த³ஸ்ஸேதுங் ‘‘யோ சாய’’ந்திஆதி³மாஹ. ததா² ஹி ஞாணகிச்சஸமயோ அத்தஹிதபடிபத்திஸமயோ ச அபி⁴ஸம்போ³தி⁴ஸமயோ, அரியதுண்ஹீபா⁴வஸமயோ தி³ட்ட²த⁴ம்மஸுக²விஹாரஸமயோ, கருணாகிச்சபரஹிதபடிபத்தித⁴ம்மிகதா²ஸமயோ தே³ஸனாஸமயோ ஏவ.
கரணவசனேன தத்தா²தி அபி⁴த⁴ம்மதத³ஞ்ஞஸுத்தபத³வினயேஸு. ததா²தி பு⁴ம்மகரணேஹி. அதி⁴கரணத்தோ² ஆதா⁴ரத்தோ². பா⁴வோ நாம கிரியா, தாய கிரியந்தரலக்க²ணங் பா⁴வேனபா⁴வலக்க²ணங். தத்த² யதா² காலோ ஸபா⁴வத⁴ம்மபரிச்சி²ன்னோ ஸயங் பரமத்த²தோ அவிஜ்ஜமானோபி ஆதா⁴ரபா⁴வேன பஞ்ஞாதோ தங்க²ணப்பவத்தானங் ததோ புப்³பே³ பரதோ ச அபா⁴வதோ ‘‘புப்³ப³ண்ஹே ஜாதோ, ஸாயன்ஹே க³ச்ச²தீ’’தி ச ஆதீ³ஸு, ஸமூஹோ ச அவயவவினிமுத்தோ அவிஜ்ஜமானோபி கப்பனாமத்தஸித்³தோ⁴ அவயவானங் ஆதா⁴ரபா⁴வேன பஞ்ஞாபீயதி ‘‘ருக்கே² ஸாகா², யவராஸியங் ஸம்பூ⁴தோ’’திஆதீ³ஸு, ஏவங் இதா⁴பீதி த³ஸ்ஸெந்தோ ஆஹ ‘‘அதி⁴கரணஞ்ஹி…பே॰… த⁴ம்மான’’ந்தி. யஸ்மிங் காலே த⁴ம்மபுஞ்ஜே வா காமாவசரங் குஸலங் சித்தங் உப்பன்னங் ஹோதி, தஸ்மிங் ஏவ காலே த⁴ம்மபுஞ்ஜே ச ப²ஸ்ஸாத³யோபி ஹொந்தீதி அயஞ்ஹி தத்த² அத்தோ². யதா² ச ‘‘கா³வீஸு து³ய்ஹமானாஸு க³தோ, து³த்³தா⁴ஸு ஆக³தோ’’தி தோ³ஹனகிரியாய க³மனகிரியா லக்கீ²யதி, ஏவங் இதா⁴பி ‘‘யஸ்மிங் ஸமயே, தஸ்மிங் ஸமயே’’தி ச வுத்தே ‘‘ஸதீ’’தி அயமத்தோ² விஞ்ஞாயமானோ ஏவ ஹோதி பத³த்த²ஸ்ஸ ஸத்தாவிரஹாபா⁴வதோதி ஸமயஸ்ஸ ஸத்தாகிரியாய சித்தஸ்ஸ உப்பாத³கிரியா ப²ஸ்ஸாதீ³னங் ப⁴வனகிரியா ச லக்கீ²யதி. யஸ்மிங் ஸமயேதி யஸ்மிங் நவமே க²ணே, யஸ்மிங் யோனிஸோமனஸிகாராதி³ஹேதும்ஹி, பச்சயஸமவாயே வா ஸதி காமாவசரங் குஸலங் சித்தங் உப்பன்னங் ஹோதி, தஸ்மிங்யேவ க²ணே, ஹேதும்ஹி, பச்சயஸமவாயே வா ப²ஸ்ஸாத³யோபி ஹொந்தீதி உப⁴யத்த² ஸமயஸத்³தே³ பு⁴ம்மனித்³தே³ஸோ கதோ லக்க²ணபூ⁴தபா⁴வயுத்தோதி த³ஸ்ஸெந்தோ ஆஹ ‘‘க²ண…பே॰… லக்கீ²யதீ’’தி.
ஹேதுஅத்தோ² கரணத்தோ² ச ஸம்ப⁴வதி ‘‘அன்னேன வஸதி, அஜ்ஜே²னேன வஸதி, ப²ரஸுனா சி²ந்த³தி, குதா³லேன க²ணதீ’’திஆதீ³ஸு விய. வீதிக்கமஞ்ஹி ஸுத்வா பி⁴க்கு²ஸங்க⁴ங் ஸன்னிபாதாபெத்வா ஓதிண்ணவத்து²கங் புக்³க³லங் படிபுச்சி²த்வா விக³ரஹித்வா ச தங் தங் வத்து²ங் ஓதிண்ணகாலங் அனதிக்கமித்வா தேனேவ காலேன ஸிக்கா²பதா³னி பஞ்ஞபெந்தோ ப⁴க³வா விஹரதி ஸிக்கா²பத³பஞ்ஞத்திஹேதுஞ்ச அபெக்க²மானோ ததியபாராஜிகாதீ³ஸு விய.
அச்சந்தமேவ ஆரம்ப⁴தோ பட்டா²ய யாவ தே³ஸனானிட்டா²னங் பரஹிதபடிபத்திஸங்கா²தேன கருணாவிஹாரேன. தத³த்த²ஜோதனத்த²ந்தி அச்சந்தஸங்யோக³த்த²ஜோதனத்த²ங். உபயோக³வசனநித்³தே³ஸோ கதோ யதா² ‘‘மாஸங் அஜ்ஜே²தீ’’தி.
போராணாதி அபி⁴லாபமத்தபே⁴தோ³தி வசனமத்தேன விஸேஸோ. தேன ஸுத்தவினயேஸு விப⁴த்திப்³யத்தயோ கதோதி த³ஸ்ஸேதி.
ஸெட்ட²ந்தி ஸெட்ட²வாசகங் வசனங் ‘‘ஸெட்ட²’’ந்தி வுத்தங் ஸெட்ட²கு³ணஸஹசரணதோ. ததா² உத்தமந்தி எத்தா²பி. கா³ரவயுத்தோதி க³ருபா⁴வயுத்தோ க³ருகு³ணயோக³தோ, க³ருகரணாரஹதாய வா கா³ரவயுத்தோ. வுத்தோயேவ, ந பன இத⁴ வத்தப்³போ³ விஸுத்³தி⁴மக்³க³ஸ்ஸ இமிஸ்ஸா அட்ட²கதா²ய ஏகதே³ஸபா⁴வதோதி அதி⁴ப்பாயோ.
அபரோ நயோ (ஸங்॰ நி॰ டீ॰ 1.1.1; ஸாரத்த²॰ டீ॰ 1.வினயானிஸங்ஸகதா²வண்ணனா; விஸுத்³தி⁴॰ மஹாடீ॰ 1.144; இதிவு॰ அட்ட²॰ க³ந்தா²ரம்ப⁴கதா²) – பா⁴க³வாதி ப⁴க³வா, ப⁴தவாதி ப⁴க³வா, பா⁴கே³ வனீதி ப⁴க³வா, ப⁴கே³ வனீதி ப⁴க³வா, ப⁴த்தவாதி ப⁴க³வா, ப⁴கே³ வமீதி ப⁴க³வா, பா⁴கே³ வமீதி ப⁴க³வா.
ப⁴க³வா ப⁴தவா பா⁴கே³, ப⁴கே³ ச வனி ப⁴த்தவா;
ப⁴கே³ வமி ததா² பா⁴கே³, வமீதி ப⁴க³வா ஜினோ.
தத்த² கத²ங் பா⁴க³வாதி ப⁴க³வா? யே தே ஸீலாத³யோ த⁴ம்மக்க²ந்தா⁴ கு³ணபா⁴கா³ கு³ணகொட்டா²ஸா, தே அனஞ்ஞஸாதா⁴ரணா நிரதிஸயா ததா²க³தஸ்ஸ அத்தி² உபலப்³ப⁴ந்தி. ததா² ஹிஸ்ஸ ஸீலங், ஸமாதி⁴, பஞ்ஞா, விமுத்தி, விமுத்திஞாணத³ஸ்ஸனங், ஹிரீ, ஒத்தப்பங், ஸத்³தா⁴, வீரியங், ஸதி ஸம்பஜஞ்ஞங், ஸீலவிஸுத்³தி⁴, தி³ட்டி²விஸுத்³தி⁴, ஸமதோ², விபஸ்ஸனா, தீணி குஸலமூலானி, தீணி ஸுசரிதானி, தயோ ‘‘ப⁴க³வா’’தி வுத்தோ. ஏவங் தாவ பா⁴க³வாதி ப⁴க³வா.
யஸ்மா ஸீலாத³யோ ஸப்³பே³, கு³ணபா⁴கா³ அஸேஸதோ;
விஜ்ஜந்தி ஸுக³தே தஸ்மா, ப⁴க³வாதி பவுச்சதீதி.
கத²ங் ப⁴தவாதி ப⁴க³வா? யே தே ஸப்³ப³லோகஹிதாய உஸ்ஸுக்கமாபன்னேஹி மனுஸ்ஸத்தாதி³கே அட்ட² த⁴ம்மே ‘‘ப⁴க³வா’’தி வுத்தோ நிருத்தினயேன த-காரஸ்ஸ க³-காரங் கத்வா. அத² வா ப⁴தவாதி தேயேவ யதா²வுத்தே பு³த்³த⁴கரத⁴ம்மே வுத்தனயேனேவ ப⁴ரி ஸம்ப⁴ரி, பரிபூரேஸீதி அத்தோ². ஏவம்பி ப⁴தவாதி ப⁴க³வா.
ஸம்மாஸம்போ³தி⁴யா ஸப்³பே³, தா³னபாரமிஆதி³கே;
ஸம்பா⁴ரே ப⁴தவா நாதோ², தேனாபி ப⁴க³வா மதோதி.
கத²ங் பா⁴கே³ வனீதி ப⁴க³வா? யே தே சதுவீஸதிகோடிஸதஸஹஸ்ஸஸங்கா² தே³வஸிகங் வளஞ்ஜனகஸமாபத்திபா⁴கா³, தே அனவஸேஸதோ லோகஹிதத்த²ங் அத்தனோ ச தி³ட்ட²த⁴ம்மஸுக²விஹாரத்த²ங் நிச்சகப்பங் வனி ப⁴ஜி ஸேவி ப³ஹுலமகாஸீதி பா⁴கே³ வனீதி ப⁴க³வா. அத² வா அபி⁴ஞ்ஞெய்யத⁴ம்மேஸு குஸலாதீ³ஸு க²ந்தா⁴தீ³ஸு ச யே தே பரிஞ்ஞெய்யாதி³வஸேன ஸங்கே²பதோ வா சதுப்³பி³தா⁴ அபி⁴ஸமயபா⁴கா³, வித்தா²ரதோ பன ‘‘சக்கு² பரிஞ்ஞெய்யங் ஸோதங்…பே॰… ஜராமரணங் பரிஞ்ஞெய்ய’’ந்திஆதி³னா (படி॰ ம॰ 1.21) அனேகே பரிஞ்ஞெய்யபா⁴கா³, ‘‘சக்கு²ஸ்ஸ ஸமுத³யோ பஹாதப்³போ³…பே॰… ஜராமரணஸ்ஸ ஸமுத³யோ பஹாதப்³போ³’’திஆதி³னா பஹாதப்³ப³பா⁴கா³, ‘‘சக்கு²ஸ்ஸ நிரோதோ⁴…பே॰… ஜராமரணஸ்ஸ நிரோதோ⁴ ஸச்சி²காதப்³போ³’’திஆதி³னா ஸச்சி²காதப்³ப³பா⁴கா³, ‘‘சக்கு²ஸ்ஸ நிரோத⁴கா³மினீ படிபதா³’’திஆதி³னா, ‘‘சத்தாரோ ஸதிபட்டா²னா’’திஆதி³னா ச அனேகபே⁴தா³ பா⁴வேதப்³ப³பா⁴கா³ ச த⁴ம்மா, தே ஸப்³பே³ வனி ப⁴ஜி யதா²ரஹங் கோ³சரபா⁴வனாஸேவனானங் வஸேன ஸேவி. ஏவம்பி பா⁴கே³ வனீதி ப⁴க³வா. அத² வா ‘‘யே இமே ஸீலாத³யோ த⁴ம்மக்க²ந்தா⁴ ஸாவகேஹி ஸாதா⁴ரணா கு³ணபா⁴கா³ கு³ணகொட்டா²ஸா, கிந்தி நு கோ² தே வினெய்யஸந்தானேஸு பதிட்ட²பெய்ய’’ந்தி மஹாகருணாய வனி அபி⁴பத்த²யி, ஸா சஸ்ஸ அபி⁴பத்த²னா யதா²தி⁴ப்பேதப²லாவஹா அஹோஸி. ஏவம்பி பா⁴கே³ வனீதி ப⁴க³வா.
யஸ்மா
ப⁴ஜி பத்த²யி ஸத்தானங், ஹிதாய ப⁴க³வா ததோதி.
கத²ங் ப⁴கே³ வனீதி ப⁴க³வா? ஸமாஸதோ தாவ கதபுஞ்ஞேஹி பயோக³ஸம்பன்னேஹி யதா²விப⁴வங் ப⁴ஜீயந்தீதி ப⁴கா³, லோகியலோகுத்தரா ஸம்பத்தியோ. தத்த² லோகியே தாவ ததா²க³தோ ஸம்போ³தி⁴தோ புப்³பே³ போ³தி⁴ஸத்தபூ⁴தோ பரமுக்கங்ஸக³தே வனி ப⁴ஜி ஸேவி, யத்த² பதிட்டா²ய நிரவஸேஸதோ பு³த்³த⁴கரத⁴ம்மே ஸமன்னானெந்தோ பு³த்³த⁴த⁴ம்மே பரிபாசேஸி, பு³த்³த⁴பூ⁴தோ பன தே நிரவஜ்ஜஸுகூ²பஸங்ஹிதே அனஞ்ஞஸாதா⁴ரணே லோகுத்தரேபி வனி ப⁴ஜி ஸேவி, வித்தா²ரதோ பன பதே³ஸரஜ்ஜஇஸ்ஸரியசக்கவத்திஸம்பத்தி-தே³வரஜ்ஜஸம்பத்திஆதி³வஸேன- ஜா²னவிமொக்க²ஸமாதி⁴ஸமாபத்திஞாணத³ஸ்ஸன-மக்³க³பா⁴வனாப²லஸச்சி²- கிரியாதி³-உத்தரிமனுஸ்ஸத⁴ம்மவஸேன ச அனேகவிஹிதே அனஞ்ஞஸாதா⁴ரணே ப⁴கே³ வனி ப⁴ஜி ஸேவி. ஏவம்பி ப⁴கே³ வனீதி ப⁴க³வா.
யா தா ஸம்பத்தியோ லோகே, யா ச லோகுத்தரா புது²;
ஸப்³பா³ தா ப⁴ஜி ஸம்பு³த்³தோ⁴, தஸ்மாபி ப⁴க³வா மதோதி.
கத²ங் ப⁴த்தவாதி ப⁴க³வா? ப⁴த்தா த³ள்ஹப⁴த்திகா அஸ்ஸ ப³ஹூ அத்தீ²தி ப⁴த்தவா. ததா²க³தோ ஹி மஹாகருணாஸப்³ப³ஞ்ஞுதஞ்ஞாணாதி³அபரிமிதனிருபமபபா⁴வகு³ணவிஸேஸஸமங்கி³பா⁴வதோ ஸப்³ப³ஸத்துத்தமோ, ஸப்³பா³னத்த²பரிஹாரபுப்³ப³ங்க³மாய நிரவஸேஸஹிதஸுக²விதா⁴னதப்பராய நிரதிஸயாய பயோக³ஸம்பத்தியா ஸதே³வமனுஸ்ஸாய பஜாய அச்சந்தூபகாரிதாய த்³வத்திங்ஸமஹாபுரிஸலக்க²ண-அஸீதிஅனுப்³யஞ்ஜன-ப்³யாமப்பபா⁴தி³அனஞ்ஞஸாதா⁴ரண- விஸேஸபடிமண்டி³த-ரூபகாயதாய யதா²பு⁴ச்ச-கு³ணாதி⁴க³தேன ‘‘இதிபி ஸோ ப⁴க³வா’’திஆதி³னயப்பவத்தேன லோகத்தயப்³யாபினா ஸுவிபுலேன ஸுவிஸுத்³தே⁴ன ச து²திகோ⁴ஸேன ஸமன்னாக³தத்தா உக்கங்ஸபாரமிப்பத்தாஸு அப்பிச்ச²தாஸந்துட்டி²ஆதீ³ஸு ஸுப்பதிட்டி²தபா⁴வதோ த³ஸப³லசதுவேஸாரஜ்ஜாதி³னிரதிஸயகு³ணவிஸேஸ-ஸமங்கி³பா⁴வதோ ச ரூபப்பமாணோ ரூபப்பஸன்னோ, கோ⁴ஸப்பமாணோ கோ⁴ஸப்பஸன்னோ, லூக²ப்பமாணோ லூக²ப்பஸன்னோ, த⁴ம்மப்பமாணோ த⁴ம்மப்பஸன்னோதி ஏவங் சதுப்பமாணிகே லோகஸன்னிவாஸே ஸப்³ப³தா²பி பஸாதா³வஹபா⁴வேன ஸமந்தபாஸாதி³கத்தா அபரிமாணானங் ஸத்தானங் ஸதே³வமனுஸ்ஸானங் ஆத³ரப³ஹுமானகா³ரவாயதனதாய பரமபேமஸம்ப⁴த்திட்டா²னங். யே தஸ்ஸ ஓவாதே³ பதிட்டி²தா அவேச்சப்பஸாதே³ன ஸமன்னாக³தா ஹொந்தி, கேனசி அஸங்ஹாரியா தேஸங் பஸாத³ப⁴த்தி ஸமணேன வா ப்³ராஹ்மணேன வா தே³வேன வா மாரேன வா ப்³ரஹ்முனா வா. ததா² ஹி தே அத்தனோ ஜீவிதபரிச்சாகே³பி தத்த² பஸாத³ங் ந பரிச்சஜந்தி, தஸ்ஸ வா ஆணங் த³ள்ஹப⁴த்திபா⁴வதோ. தேனேவாஹ –
‘‘யோ கதஞ்ஞூ கதவேதி³ தீ⁴ரோ;
கல்யாணமித்தோ த³ள்ஹப⁴த்தி ச ஹோதீ’’தி. (ஜா॰ 2.17.78);
‘‘ஸெய்யதா²பி, பி⁴க்க²வே, மஹாஸமுத்³தோ³ டி²தத⁴ம்மோ வேலங் நாதிவத்ததி, ஏவமேவ கோ², பி⁴க்க²வே, யங் மயா ஸாவகானங் ஸிக்கா²பத³ங் பஞ்ஞத்தங், தங் மம ஸாவகா ஜீவிதஹேதுபி நாதிக்கமந்தீ’’தி (அ॰ நி॰ 8.20; உதா³॰ 45; சூளவ॰ 385) ச.
ஏவங் ப⁴த்தவாதி ப⁴க³வா நிருத்தினயேன ஏகஸ்ஸ த-காரஸ்ஸ லோபங் கத்வா இதரஸ்ஸ க³-காரங் கத்வா.
கு³ணாதிஸயயுத்தஸ்ஸ, யஸ்மா லோகஹிதேஸினோ;
ஸம்ப⁴த்தா ப³ஹவோ ஸத்து², ப⁴க³வா தேன வுச்சதீதி.
கத²ங் ப⁴கே³ வமீதி ப⁴க³வா? யஸ்மா ததா²க³தோ போ³தி⁴ஸத்தபூ⁴தோபி புரிமாஸு ஜாதீஸு பாரமியோ பூரெந்தோ ப⁴க³ஸங்கா²தங் ஸிரிங் இஸ்ஸரியங் யஸஞ்ச வமி, உக்³கி³ரி, கே²ளபிண்ட³ங் விய அனபெக்கோ² ச²ட்³ட³யி; பச்சி²மத்தபா⁴வேபி ஹத்தா²க³தங் சக்கவத்திஸிரிங் தே³வலோகாதி⁴பச்சஸதி³ஸங் சதுதீ³பிஸ்ஸரியங் சக்கவத்திஸம்பத்திஸன்னிஸ்ஸயங் ஸத்தரதனஸமுஜ்ஜலங் யஸஞ்ச திணாயபி அமஞ்ஞமானோ நிரபெக்கோ² பஹாய அபி⁴னிக்க²மித்வா ஸம்மாஸம்போ³தி⁴ங் அபி⁴ஸம்பு³த்³தோ⁴, தஸ்மா இமே ஸிரிஆதி³கே ப⁴கே³ வமீதி ப⁴க³வா. அத² வா பா⁴னி நாம நக்க²த்தானி, தேஹி ஸமங் க³ச்ச²ந்தி பவத்தந்தீதி ப⁴கா³, ஸினேருயுக³ந்த⁴ரஉத்தரகுருஹிமவந்தாதி³பா⁴ஜனலோகவிஸேஸஸன்னிஸ்ஸயா ஸோபா⁴ கப்பட்டி²யபா⁴வதோ, தேபி ப⁴கே³ வமி தன்னிவாஸிஸத்தாவாஸஸமதிக்கமனதோ, தப்படிப³த்³த⁴ச²ந்த³ராக³பஹானேன பஜஹீதி. ஏவம்பி ப⁴கே³ வமீதி ப⁴க³வா.
சக்கவத்திஸிரிங் யஸ்மா, யஸங் இஸ்ஸரியங் ஸுக²ங்;
பஹாஸி லோகசித்தஞ்ச, ஸுக³தோ ப⁴க³வா ததோதி.
கத²ங் பா⁴கே³ வமீதி ப⁴க³வா? பா⁴கா³ நாம ஸபா⁴க³த⁴ம்மகொட்டா²ஸா, தே க²ந்தா⁴யதனதா⁴தாதி³வஸேன, தத்தா²பி ரூபவேத³னாதி³வஸேன, பத²வியாதி³அதீதாதி³வஸேன ச அனேகவிதா⁴. தே ப⁴க³வா ஸப்³ப³ங் பபஞ்சங் ஸப்³ப³ங் யோக³ங் ஸப்³ப³ங் க³ந்த²ங் ஸப்³ப³ங் ஸங்யோஜனங் ஸமுச்சி²ந்தி³த்வா அமதங் தா⁴துங் ஸமதி⁴க³ச்ச²ந்தோ வமி உக்³கி³ரி, அனபெக்கோ² ச²ட்³ட³யி ந பச்சாக³மி. ததா² ஹேஸ ‘‘ஸப்³ப³த்த²மேவ பத²விங் ப⁴க³வா. அத² வா பா⁴கே³ வமீதி ஸப்³பே³பி குஸலாகுஸலே ஸாவஜ்ஜானவஜ்ஜே ஹீனபணீதே கண்ஹஸுக்கஸப்படிபா⁴கே³ த⁴ம்மே அரியமக்³க³ஞாணமுகே²ன வமி உக்³கி³ரி அனபெக்கோ² பரிச்சஜி பஜஹி, பரேஸஞ்ச தத²த்தாய த⁴ம்மங் தே³ஸேஸி. வுத்தம்பி சேதங் ‘‘த⁴ம்மாபி வோ, பி⁴க்க²வே, பஹாதப்³பா³, பகே³வ அத⁴ம்மா (ம॰ நி॰ 1.240), குல்லூபமங் வோ, பி⁴க்க²வே, த⁴ம்மங் தே³ஸெஸ்ஸாமி நித்த²ரணத்தா²ய, நோ க³ஹணத்தா²யா’’திஆதி³ (ம॰ நி॰ 1.240). ஏவம்பி பா⁴கே³ வமீதி ப⁴க³வா.
க²ந்தா⁴யதனதா⁴தாதி³-த⁴ம்மபா⁴கா³மஹேஸினா;
கண்ஹஸுக்கா யதோ வந்தா, ததோபி ப⁴க³வா மதோதி.
தேன வுத்தங் –
‘‘பா⁴க³வா ப⁴தவா பா⁴கே³, ப⁴கே³ ச வனி ப⁴த்தவா;
ப⁴கே³ வமி ததா² பா⁴கே³, வமீதி ப⁴க³வா ஜினோ’’தி.
த⁴ம்மஸரீரங் பச்சக்க²ங் கரோதீதி ‘‘யோ வோ, ஆனந்த³, மயா த⁴ம்மோ ச வினயோ ச தே³ஸிதோ பஞ்ஞத்தோ, ஸோ வோ மமச்சயேன ஸத்தா²’’தி (தீ³॰ நி॰ 2.216) வசனதோ த⁴ம்மஸ்ஸ ஸத்து²பா⁴வபரியாயோ விஜ்ஜதீதி கத்வா வுத்தங். வஜிரஸங்கா⁴தஸமானகாயோ பரேஹி அபே⁴ஜ்ஜஸரீரத்தா. ந ஹி ப⁴க³வதோ ரூபகாயே கேனசி ஸக்கா அந்தராயோ காதுந்தி.
தே³ஸனாஸம்பத்திங் நித்³தி³ஸதி வக்க²மானஸ்ஸ ஸகலஸ்ஸ ஸுத்தஸ்ஸ ‘‘ஏவ’’ந்தி நித³ஸ்ஸனதோ. ஸாவகஸம்பத்திங் நித்³தி³ஸதி படிஸம்பி⁴தா³ப்பத்தேன பஞ்சஸு டா²னேஸு ப⁴க³வதா ஏதத³க்³கே³ ட²பிதேன மயா மஹாஸாவகேன காலஸம்பத்திங் நித்³தி³ஸதி ப⁴க³வா-ஸத்³த³ஸன்னிதா⁴னே பயுத்தஸ்ஸ ஸமய-ஸத்³த³ஸ்ஸ காலஸ்ஸ பு³த்³து⁴ப்பாத³படிமண்டி³தபா⁴வதீ³பனதோ. பு³த்³து⁴ப்பாத³பரமா ஹி காலஸம்பதா³. தேனேதங் வுச்சதி –
‘‘கப்பகஸாயே கலியுகே³, பு³த்³து⁴ப்பாதோ³ அஹோ மஹச்ச²ரியங்;
ஹுதாவஹமஜ்ஜே² ஜாதங், ஸமுதி³தமகரந்த³மரவிந்த³’’ந்தி. (தீ³॰ நி॰ டீ॰ 1.1; ஸங்॰ நி॰ டீ॰ 1.1.1; அ॰ நி॰ டீ॰ 1.1.1 ரூபாதி³வக்³க³வண்ணனா);
ப⁴க³வாதி தே³ஸகஸம்பத்திங் நித்³தி³ஸதி கு³ணவிஸிட்ட²ஸத்துத்தமக³ருகா³ரவாதி⁴வசனபா⁴வதோ.
மங்க³லதி³வஸோ ஸுக²ணோ ஸுனக்க²த்தந்தி அஜ்ஜ மங்க³லதி³வஸோ, தஸ்மா ஸுனக்க²த்தங், தத்தா²பி அயங் ஸுக²ணோ. மா அதிக்கமீதி மா ரத்திவிபா⁴யனங் அனுதி³க்க²ந்தானங் ரத்தி அதிக்கமீதி ஏவங் ஸம்ப³ந்தோ⁴ வேதி³தப்³போ³. உக்காஸு டி²தாஸு டி²தாதி உக்கட்டா² (தீ³॰ நி॰ டீ॰ 1.255; அ॰ நி॰ டீ॰ 2.4.36). உக்காஸு விஜ்ஜோதலந்தீஸு டி²தா பதிட்டி²தாதி மூலவிபூ⁴ஜாதி³பக்கே²பேன (பாணினி 3.2.5) ஸத்³த³ஸித்³தி⁴ வேதி³தப்³பா³. நிருத்தினயேன வா உக்காஸு டி²தாஸு டி²தா ஆஸீதி உக்கட்டா². அபரே பன ப⁴ணந்தி ‘‘பூ⁴மிபா⁴க³ஸம்பத்தியா மனுஸ்ஸஸம்பத்தியா உபகரணஸம்பத்தியா ச ஸா நக³ரீ உக்கட்ட²கு³ணயோக³தோ ‘உக்கட்டா²’தி நாமங் லபீ⁴’’தி.
அவிஸேஸேனாதி ந விஸேஸேன, விஹாரபா⁴வஸாமஞ்ஞேனாதி அத்தோ². இரியாபத²…பே॰… விஹாரேஸூதி இரியாபத²விஹாரோ தி³ப்³ப³விஹாரோ ப்³ரஹ்மவிஹாரோ அரியவிஹாரோதி ஏதேஸு சதூஸு விஹாரேஸு. ஸமங்கி³பரிதீ³பனந்தி ஸமங்கீ³பா⁴வபரிதீ³பனங். ஏதந்தி ‘‘விஹரதீ’’தி ஏதங் பத³ங். ததா² ஹி தங் ‘‘இதே⁴கச்சோ கி³ஹீஹி ஸங்ஸட்டோ² விஹரதி ஸஹனந்தீ³ ஸஹஸோகீ’’திஆதீ³ஸு (ஸங்॰ நி॰ 4.241) இரியாபத²விஹாரே ஆக³தங்; ‘‘யஸ்மிங் ஸமயே, பி⁴க்க²வே, பி⁴க்கு² விவிச்சேவ காமேஹி…பே॰… பட²மங் ஜா²னங் உபஸம்பஜ்ஜ விஹரதீ’’திஆதீ³ஸு (த⁴॰ ஸ॰ 160; விப⁴॰ 624) தி³ப்³ப³விஹாரே; ‘‘ஸோ மெத்தாஸஹக³தேன சேதஸா ஏகங் தி³ஸங் ப²ரித்வா விஹரதீ’’திஆதீ³ஸு (தீ³॰ நி॰ 1.556; 3.308; ம॰ நி॰ 1.77; 2.309; 3.230) ப்³ரஹ்மவிஹாரே; ‘‘ஸோ கோ² அஹங் அக்³கி³வெஸ்ஸன தஸ்ஸாயேவ கதா²ய பரியோஸானே தஸ்மிங் ஏவ புரிமஸ்மிங் ஸமாதி⁴னிமித்தே அஜ்ஜ²த்தமேவ
தத்த² இரியனங் வத்தனங் இரியா, காயப்பயோகோ³. தஸ்ஸா பவத்தனுபாயபா⁴வதோ டா²னாதி³ இரியாபதோ². டா²னஸமங்கீ³ வா ஹி காயேன கிஞ்சி கரெய்ய க³மனாதீ³ஸு அஞ்ஞதரஸமங்கீ³ வா. அத² வா இரியதி பவத்ததி ஏதேன அத்தபா⁴வோ, காயகிச்சங் வாதி இரியா, தஸ்ஸா பவத்தியா உபாயபா⁴வதோ பதோ²தி இரியாபதோ², டா²னாதி³ ஏவ. ஸோ ச அத்த²தோ க³தினிவத்திஆதி³ஆகாரேன பவத்தோ சதுஸந்ததிரூபபப³ந்தோ⁴ ஏவ. விஹரணங், விஹரதி ஏதேனாதி வா விஹாரோ, இரியாபதோ² ஏவ விஹாரோ இரியாபத²விஹாரோ. தி³வி ப⁴வோதி தி³ப்³போ³. தத்த² ப³ஹுலப்பவத்தியா ப்³ரஹ்மபாரிஸஜ்ஜாதி³தே³வலோகே ப⁴வோதி அத்தோ². தத்த² யோ தி³ப்³பா³னுபா⁴வோ, தத³த்தா²ய ஸங்வத்ததீதி வா தி³ப்³போ³, அபி⁴ஞ்ஞாபி⁴னீஹாரவஸேன மஹாக³திகத்தா வா தி³ப்³போ³, தி³ப்³போ³ ச ஸோ விஹாரோ சாதி தி³ப்³ப³விஹாரோ, சதஸ்ஸோ ரூபாவசரஸமாபத்தியோ. ஆருப்பஸமாபத்தியோபி எத்தே²வ ஸங்க³ஹங் க³ச்ச²ந்தி. ப்³ரஹ்மூனங், ப்³ரஹ்மானோ வா விஹாரா ப்³ரஹ்மவிஹாரா, சதஸ்ஸோ அப்பமஞ்ஞாயோ. அரியானங், அரியா வா விஹாரா அரியவிஹாரா, சத்தாரி ஸாமஞ்ஞப²லானி. ஸோ ஹி ப⁴க³வா ஏகங் இரியாபத²பா³த⁴னந்திஆதி³ யதி³பி ப⁴க³வா ஏகேனபி இரியாபதே²ன சிரதரங் காலங் அத்தபா⁴வங் பவத்தேதுங் ஸக்கோதி, ததா²பி ‘‘உபாதி³ன்னகஸரீரஸ்ஸ நாம அயங் ஸபா⁴வோ’’தி த³ஸ்ஸேதுங் வுத்தங். யஸ்மா வா ப⁴க³வா யத்த² கத்த²சி வஸந்தோ வேனெய்யானங் த⁴ம்மங் தே³ஸெந்தோ, நானாஸமாபத்தீஹி ச காலங் வீதினாமெந்தோ வஸதீதி வேனெய்யஸத்தானங் அத்தனோ ச விவித⁴ங் ஹிதஸுக²ங் ஹரதி உபனேதி உப்பாதே³தி, தஸ்மா விவித⁴ங் ஹரதீதி ஏவமெத்த² அத்தோ² வேதி³தப்³போ³.
ஸுப⁴க³த்தாதி ஸிரீகாமானவஸேன ஸோப⁴னத்தா. தேனேவாஹ ‘‘ஸுந்த³ரஸிரிகத்தா ஸுந்த³ரகாமத்தா சா’’தி. ச²ணஸமஜ்ஜஉஸ்ஸவேதி எத்த² ச²ணங் நாம ப²க்³கு³னமாஸாதீ³ஸு உத்தரப²க்³கு³னாதி³-அபி⁴லக்கி²ததி³வஸேஸு ஸபரிஜனானங் மனுஸ்ஸானங் மங்க³லகரணங். ஸமஜ்ஜங் நாம நடஸமஜ்ஜாதி³. உஸ்ஸவோ நக்க²த்தங். யத்த² கா³மனிக³மவாஸினோ தயோ ஸத்த வா தி³வஸே நக்க²த்தகோ⁴ஸனங் கத்வா யதா²விப⁴வங் அலங்கதபடியத்தா போ⁴கே³ பரிபு⁴ஞ்ஜந்தா நக்க²த்தகீளனங் தேஸங் தங் ததே²வ ஹோதீதி தேஸங் மனுஸ்ஸானங் தங் பத்த²னங் தன்னிவாஸிதே³வதானுபா⁴வேன யேபு⁴ய்யேன ததே²வ ஹோதி, பத்த²னா ஸமிஜ்ஜ²தீதி அத்தோ². ப³ஹுஜனகந்ததாயாதி இமினா ‘‘ஸுந்த³ரகாமத்தா’’தி ஏதஸ்ஸேவ பத³ஸ்ஸ பகாரந்தரேன அத்த²ங் விபா⁴வேதி. தத்ராயங் வசனத்தோ² – கமனீயட்டே²ன ஸுட்டு² ப⁴ஜீயதீதி ஸுப⁴க³ங், ஸுபா⁴ அகா³ ருக்கா² எத்தா²தி வா ஸுப⁴க³ங், ஸுந்த³ரகித்தியோக³தோ வா ‘‘ஸுப⁴க³’’ந்தி ஏவம்பெத்த² அத்த²ங் வண்ணெந்தி. கேசி பன ‘‘ஸுபா⁴க³வனே’’தி பட²ந்தி, ‘‘ஸுந்த³ரபூ⁴மிபா⁴கே³ ‘‘அத்தனி ஸினேஹங் உப்பாதே³தீ’’தி. யாசனத்தே² வனுதே இதி வனந்தி உபசாரகப்பனாவஸேன வன-ஸத்³தோ³ வேதி³தப்³போ³.
உஜுவங்ஸாதி உஜுபூ⁴தவிடபா. மஹாஸாலாதி மஹாருக்கா². அஞ்ஞதரஸ்மிங் ஸாலமூலேதி அஞ்ஞதரஸ்ஸ ருக்க²ஸ்ஸ மூலே. வனப்பதிஜெட்ட²கருக்கோ²தி வனப்பதிபூ⁴தோ ஜெட்ட²கருக்கோ². தமேவ ஜெட்ட²கபா⁴வந்தி வனப்பதிபா⁴வேனாக³தங் ஸெட்ட²பா⁴வங் பதா⁴னபா⁴வங். தேன ஹி ஸோ ‘‘ஸாலராஜா’’தி வுத்தோ. உபக³தானங் ரஞ்ஜனட்டே²ன ராஜா, அஞ்ஞஸ்மிம்பி தாதி³ஸே ருக்கே² ராஜவோஹாரங் த³ஸ்ஸேதுங் ‘‘ஸுபதிட்டி²தஸ்ஸா’’திஆதி³ வுத்தங். தத்த² ப்³ராஹ்மண த⁴ம்மிகாதி ஆலபனங். நிப்பரியாயேன ஸாகா²தி³மதோ ஸங்கா⁴தஸ்ஸ ஸுப்பதிட்டி²தபா⁴வஸாத⁴னே அவயவவிஸேஸே பவத்தமானோ மூல-ஸத்³தோ³. யஸ்மா தங்ஸதி³ஸேஸு தன்னிஸ்ஸயே பதே³ஸே ச ருள்ஹீவஸேன பரியாயதோ பவத்ததி, தஸ்மா ‘‘மூலானி உத்³த⁴ரெய்யா’’தி எத்த² நிப்பரியாயமூலங் அதி⁴ப்பேதந்தி ஏகேன மூல-ஸத்³தே³ன விஸேஸெத்வா ஆஹ ‘‘மூலமூலே தி³ஸ்ஸதீ’’தி யதா² ‘‘து³க்க²து³க்க²ங் (ஸங்॰ நி॰ 4.327), ரூபரூப’’ந்தி (விஸுத்³தி⁴॰ 2.449) ச. அஸாதா⁴ரணஹேதும்ஹீதி அஸாதா⁴ரணகாரணே. லோப⁴ஸஹக³தசித்துப்பாதா³னங் ஏவ ஆவேணிகே நேஸங் ஸுப்பதிட்டி²தபா⁴வஸாத⁴னதோ மூலட்டே²ன உபகாரகே பச்சயத⁴ம்மே தி³ஸ்ஸதீதி அத்தோ².
தத்தா²தி ‘‘ஏகங் ஸமயங் ப⁴க³வா உக்கட்டா²யங் விஹரதி ஸுப⁴க³வனே ஸாலராஜமூலே’’தி யங் வுத்தங் வாக்யங், தத்த. ஸியாதி கஸ்ஸசி ஏவங் பரிவிதக்கோ ஸியா, வக்க²மானாகாரேன கதா³சி சோதெ³ய்ய வாதி அத்தோ². அத² தத்த² விஹரதீதி யதி³ ஸுப⁴க³வனே ஸாலராஜமூலே விஹரதி. ந வத்தப்³ப³ந்தி நானாடா²னபூ⁴தத்தா ‘‘ந ஹி ஸக்கா’’திஆதி³னா விவரதி. இதரோ ஸப்³ப³மேதங் அவிபரீதங் அத்த²ங் அஜானந்தேன வுத்தந்தி த³ஸ்ஸெந்தோ ‘‘ந கோ² பனேதங் ஏவங் த³ட்ட²ப்³ப³’’ந்தி ஆஹ. தத்த² ஏதந்தி ‘‘உக்கட்டா²யங் விஹரதி ஸுப⁴க³வனே ஸாலராஜமூலே’’தி ஏதங் வசனங். ஏவந்தி ‘‘யதி³ தாவ ப⁴க³வா’’திஆதி³னா யங் தங் ப⁴வதா சோதி³தங், தங் அத்த²தோ ஏவங் ந கோ² பன த³ட்ட²ப்³ப³ங், ந உப⁴யத்த² அபுப்³ப³அசரிமங் விஹாரத³ஸ்ஸனத்த²ந்தி அத்தோ².
இதா³னி அத்தனோ யதா²தி⁴ப்பேதங் அவிபரீதங் அத்த²ங், தஸ்ஸ ச படிகச்சேவ வுத்தபா⁴வங், தேன ச அப்படிவித்³த⁴த்தங் பகாஸெந்தோ ‘‘நனு அவோசும்ஹ…பே॰… ஸாலராஜமூலே’’தி ஆஹ. ஏவம்பி ‘‘ஸுப⁴க³வனே ‘‘கோ³சரகா³மனித³ஸ்ஸனத்த²’’ந்திஆதி³.
அவஸ்ஸங் செத்த² கோ³சரகா³மகித்தனங் காதப்³ப³ங். ததா² ஹி தங் யதா² ஸுப⁴க³வனாதி³கித்தனங் பப்³ப³ஜிதானுக்³க³ஹகரணாதி³அனேகப்பயோஜனங், ஏவங் க³ஹட்டா²னுக்³க³ஹகரணாதி³விவித⁴ப்பயோஜனந்தி த³ஸ்ஸெந்தோ ‘‘உக்கட்டா²கித்தனேனா’’திஆதி³மாஹ. தத்த² பச்சயக்³க³ஹணேன உபஸங்கமனபயிருபாஸனானங் ஓகாஸதா³னேன த⁴ம்மதே³ஸனாய ஸரணேஸு ஸீலேஸு ச பதிட்டா²பனேன யதூ²பனிஸ்ஸயங் உபரிவிஸேஸாதி⁴க³மாவஹனேன ச க³ஹட்டா²னக்³க³ஹகரணங், உக்³க³ஹபரிபுச்சா²னங் கம்மட்டா²னானுயோக³ஸ்ஸ ச அனுரூபவஸனட்டா²னபரிக்³க³ஹேனெத்த² பப்³ப³ஜிதானுக்³க³ஹகரணங் வேதி³தப்³ப³ங். கருணாய உபக³மனங், ந லாபா⁴தி³னிமித்தங், பஞ்ஞாய அபக³மனங், ந விரோதா⁴தி³னிமித்தந்தி உபக³மனாபக³மனானங் நிருபக்கிலேஸதங் விபா⁴வேதி. த⁴ம்மிகஸுக²ங் நாம அனவஜ்ஜஸுக²ங். தே³வானங் உபகாரப³ஹுலதா ஜனவிவித்ததாய. பசுரஜனவிவித்தங் ஹி டா²னங் தே³வா உபஸங்கமிதப்³ப³ங் மஞ்ஞந்தி. தத³த்த²பரினிப்பா²த³னந்தி லோகத்த²னிப்பா²த³னங், பு³த்³த⁴கிச்சஸம்பாத³னந்தி அத்தோ². ஏவமாதி³னாதி ஆதி³-ஸத்³தே³ன உக்கட்டா²கித்தனதோ ரூபகாயஸ்ஸ அனுக்³க³ண்ஹனங் த³ஸ்ஸேதி, ஸுப⁴க³வனாதி³கித்தனதோ த⁴ம்மகாயஸ்ஸ. ததா² புரிமேன பராதீ⁴னகிரியாகரணங், து³தியேன அத்தாதீ⁴னகிரியாகரணங். புரிமேன வா கருணாகிச்சங், இதரேன பஞ்ஞாகிச்சங். புரிமேன சஸ்ஸ பரமாய அனுகம்பாய ஸமன்னாக³மங், பச்சி²மேன பரமாய உபெக்கா²ய ஸமன்னாக³மங்
தஸ்ஸ மஹாகாருணிகதாய லோகனாத²தா, உபெக்க²கதாய அத்தனாத²தா. ததா² ஹேஸ போ³தி⁴ஸத்தபூ⁴தோ மஹாகருணாய ஸஞ்சோதி³தமானஸோ ஸகலலோகஹிதாய உஸ்ஸுக்கமாபன்னோ மஹாபி⁴னீஹாரதோ பட்டா²ய தத³த்த²னிப்பா²த³னத்த²ங் புஞ்ஞஞாணஸம்பா⁴ரே ஸம்பாதெ³ந்தோ அபரிமிதங் காலங் அனப்பகங் து³க்க²மனுபோ⁴ஸி, உபெக்க²கதாய ஸம்மா பதிதேஹி து³க்கே²ஹி ந விகம்பி. ததா² மஹாகாருணிகதாய ஸங்ஸாராபி⁴முக²தா, உபெக்க²கதாய ததோ நிப்³பி³ந்த³னா. ததா² உபெக்க²கதாய நிப்³பா³னாபி⁴முக²தா, மஹாகாருணிகதாய தத³தி⁴க³மோ. ததா² மஹாகாருணிகதாய பரேஸங் அபி⁴ங்ஸாபனங், உபெக்க²கதாய ஸயங் பரேஹி அபா⁴யனங். மஹாகாருணிகதாய பரங் ரக்க²தோ அத்தனோ ரக்க²ணங், உபெக்க²கதாய அத்தானங் ரக்க²தோ பரேஸங் ரக்க²ணங். தேனஸ்ஸ அத்தஹிதாய படிபன்னாதீ³ஸு சதுத்த²புக்³க³லபா⁴வோ ஸித்³தோ⁴ ஹோதி. ததா² மஹாகாருணிகதாய ஸச்சாதி⁴ட்டா²னஸ்ஸ சாகா³தி⁴ட்டா²னஸ்ஸ ச பாரிபூரி, உபெக்க²கதாய உபஸமாதி⁴ட்டா²னஸ்ஸ பஞ்ஞாதி⁴ட்டா²னஸ்ஸ ச பாரிபூரி. ஏவங் பரிஸுத்³தா⁴ஸயபயோக³ஸ்ஸ
ததா² மஹாகாருணிகதாய சரிமத்தபா⁴வே ஜிண்ணாதுரமதத³ஸ்ஸனேன ஸஞ்ஜாதஸங்வேகோ³, உபெக்க²கதாய உளாரேஸு தே³வபோ⁴க³ஸதி³ஸேஸு போ⁴கே³ஸு நிரபெக்கோ² மஹாபி⁴னிக்க²மனங் நிக்க²மி. ததா² மஹாகாருணிகதாய ‘‘கிச்ச²ங் வதாயங் லோகோ ஆபன்னோ’’திஆதி³னா (தீ³॰ நி॰ 2.57; ஸங்॰ நி॰ 2.4, 10) கருணாமுகே²னேவ விபஸ்ஸனாரம்போ⁴
தந்தி ‘‘தத்ரா’’தி பத³ங். தே³ஸகாலபரிதீ³பனந்தி யே தே³ஸகாலா இத⁴ விஹரணகிரியாவிஸேஸனபா⁴வேன வுத்தா, தேஸங் பரிதீ³பனந்தி த³ஸ்ஸெந்தோ ‘‘யங் ஸமயங்…பே॰… தீ³பேதீ’’தி ஆஹ. தங்-ஸத்³தோ³ ஹி வுத்தஸ்ஸ அத்த²ஸ்ஸ படினித்³தே³ஸோ, தஸ்மா இத⁴ காலஸ்ஸ, தே³ஸஸ்ஸ வா படினித்³தே³ஸோ ப⁴விதுங் அரஹதி, ந அஞ்ஞஸ்ஸ. அயங் தாவ தத்ர-ஸத்³த³ஸ்ஸ படினித்³தே³ஸபா⁴வே அத்த²விபா⁴வனா. யஸ்மா பன ஈதி³ஸேஸு டா²னேஸு தத்ர-ஸத்³தோ³ த⁴ம்மதே³ஸனாவிஸிட்ட²ங் தே³ஸங் காலஞ்ச விபா⁴வேதி, தஸ்மா வுத்தங் ‘‘பா⁴ஸிதப்³ப³யுத்தே வா தே³ஸகாலே தீ³பேதீ’’தி. தேன தத்ராதி யத்த² ப⁴க³வா த⁴ம்மதே³ஸனத்த²ங் பி⁴க்கூ² ஆலபி அபா⁴ஸி, தாதி³ஸே தே³ஸே, காலே வாதி அத்தோ². ந ஹீதிஆதி³னா தமேவத்த²ங் ஸமத்தே²தி. நனு ச யத்த² டி²தோ ப⁴க³வா ‘‘அகாலோ கோ² தாவா’’திஆதி³னா பா³ஹியஸ்ஸ த⁴ம்மதே³ஸனங் படிக்கி²பி, தத்தே²வ அந்தரவீதி²யங் டி²தோ தஸ்ஸ த⁴ம்மங் தே³ஸேதீதி? ஸச்சமேதங், அதே³ஸேதப்³ப³காலே அதே³ஸனாய இத³ங் உதா³ஹரணங். தேனேவாஹ ‘‘அகாலோ கோ² தாவா’’தி. யங் பன தத்த² வுத்தங் ஆதி³-ஸத்³தே³ன ஸங்க³ஹிதங்.
‘‘அத² கோ² ஸோ, பி⁴க்க²வே, பா³லோ இத⁴ புப்³பே³ ரஸாதோ³ இத⁴ பாபானி கம்மானி கரித்வா’’திஆதீ³ஸு (ம॰ நி॰ 3.251) பத³பூரணமத்தே கோ²-ஸத்³தோ³, ‘‘து³க்க²ங் கோ² அகா³ரவோ விஹரதி அப்பதிஸ்ஸோ’’திஆதீ³ஸு (அ॰ நி॰ 4.21) அவதா⁴ரணே, ‘‘கித்தாவதா நு கோ², ஆவுஸோ, ஸத்து² பவிவித்தஸ்ஸ விஹரதோ ஸாவகா விவேகங் நானுஸிக்க²ந்தீ’’திஆதீ³ஸு (ம॰ நி॰ 1.31) ஆதி³காலத்தே². வாக்யாரம்பே⁴தி அத்தோ². தத்த² பத³பூரணேன வசனாலங்காரமத்தங் கதங் ஹோதி, ஆதி³காலத்தே²ன வாக்யஸ்ஸ உபஞ்ஞாஸமத்தங், அவதா⁴ரத்தே²ன பன நியமத³ஸ்ஸனங், தஸ்மா ஆமந்தேஸி ஏவாதி ஆமந்தனே நியமோ த³ஸ்ஸிதோ ஹோதீதி.
‘‘ப⁴க³வாதி லோகக³ருதீ³பன’’ந்தி கஸ்மா வுத்தங், நனு புப்³பே³பி ப⁴க³வா-ஸத்³த³ஸ்ஸ அத்தோ² வுத்தோதி? யதி³பி புப்³பே³ வுத்தோ, தங் பனஸ்ஸ யதா²வுத்தே டா²னே விஹரணகிரியாய கத்துவிஸேஸத³ஸ்ஸனத்த²ங் கதங், ந ஆமந்தனகிரியாய, இத⁴ பன ஆமந்தனகிரியாய, தஸ்மா தத³த்த²ங் புன ‘‘ப⁴க³வா’’தி பாளியங் வுத்தந்தி தஸ்ஸத்த²ங் த³ஸ்ஸேதுங் ‘‘ப⁴க³வாதி லோகக³ருதீ³பன’’ந்தி ஆஹ. கதா²ஸவனயுத்தபுக்³க³லவசனந்தி வக்க²மானாய மூலபரியாயதே³ஸனாய ஸவனயொக்³யபுக்³க³லவசனங். சதூஸுபி பரிஸாஸு பி⁴க்கூ² ஏவ ஏதி³ஸானங் தே³ஸனானங் விஸேஸேன பா⁴ஜனபூ⁴தா, இதி ஸாதிஸயஸாஸனஸம்படிக்³கா³ஹகபா⁴வத³ஸ்ஸனத்த²ங் இத⁴ பி⁴க்கு²க³ஹணந்தி த³ஸ்ஸெத்வா இதா³னி ஸத்³த³த்த²ங் த³ஸ்ஸேதுங் ‘‘அபிசா’’திஆதி³மாஹ.
தத்த² பி⁴க்க²கோதி பி⁴க்கூ²தி பி⁴க்க²னத⁴ம்மதாய பி⁴க்கூ²தி அத்தோ². பி⁴க்கா²சரியங் அஜ்ஜு²பக³தோதி பு³த்³தா⁴தீ³ஹிபி அஜ்ஜு²பக³தங் பி⁴க்கா²சரியங் உஞ்சா²சரியங் அஜ்ஜு²பக³தத்தா அனுட்டி²தத்தா பி⁴க்கூ². யோ ஹி கோசி அப்பங் வா மஹந்தங் வா போ⁴க³க்க²ந்த⁴ங் பஹாய அகா³ரஸ்மா அனகா³ரியங் பப்³ப³ஜிதோ, ஸோ கஸிகோ³ரக்கா²தீ³ஹி ஜீவிகாகப்பனங் ஹித்வா லிங்க³ஸம்படிச்ச²னேனேவ பி⁴க்கா²சரியங் அஜ்ஜு²பக³தத்தா பி⁴க்கு², பரபடிப³த்³த⁴ஜீவிகத்தா வா விஹாரமஜ்ஜே² காஜப⁴த்தங் பு⁴ஞ்ஜமானோபி பி⁴க்கா²சரியங் பி⁴க்கு², பிண்டி³யாலோபபோ⁴ஜனங் நிஸ்ஸாய பப்³ப³ஜ்ஜாய உஸ்ஸாஹஜாதத்தா வா பி⁴க்கா²சரியங் அஜ்ஜு²பக³தோதி பி⁴க்கூ²தி ஏவம்பெத்த² அத்தோ² த³ட்ட²ப்³போ³. ஆதி³னா நயேனாதி ‘‘பி⁴ன்னபடத⁴ரோதி பி⁴க்கு², பி⁴ந்த³தி பாபகே அகுஸலே த⁴ம்மேதி பி⁴க்கு², பி⁴ன்னத்தா விப⁴ங்கே³ (விப⁴॰ 510) ஆக³தனயேன. ஞாபனேதி அவபோ³த⁴னே, படிவேத³னேதி அத்தோ².
பி⁴க்க²னஸீலதாதிஆதீ³ஸு பி⁴க்க²னஸீலதா பி⁴க்க²னேன ஆஜீவனஸீலதா, ந கஸிவணிஜ்ஜாதீ³ஹி ஆஜீவனஸீலதா. பி⁴க்க²னத⁴ம்மதா ‘‘உத்³தி³ஸ்ஸ அரியா திட்ட²ந்தீ’’தி (படி॰ ம॰ 153; மி॰ ப॰ 4.5.9) ஏவங் வுத்தபி⁴க்க²னஸபா⁴வதா, ந ஸம்பா⁴வனாகோஹஞ்ஞஸபா⁴வதா. பி⁴க்க²னே ஸாது⁴காரிதா ‘‘உத்திட்டே² நப்பமஜ்ஜெய்யா’’தி (த⁴॰ ப॰ 168) வசனங் அனுஸ்ஸரித்வா தத்த² அப்பமஜ்ஜனா. அத² வா ஸீலங் நாம பகதிஸபா⁴வோ, இத⁴ பன தத³தி⁴ட்டா²னங். த⁴ம்மோதி வதங். அபரே பன ‘‘ஸீலங் நாம வதஸமாதா³னங், த⁴ம்மோ நாம பவேணீஆக³தங் சாரித்தங், ஸாது⁴காரிதாதி ஸக்கச்சகாரிதா ஆத³ரகிரியா’’தி வண்ணெந்தி. ஹீனாதி⁴கஜனஸேவிதந்தி யே பி⁴க்கு²பா⁴வே டி²தாபி ஜாதிமதா³தி³வஸேன உத்³த⁴தா உன்னளா. யே ச கி³ஹிபா⁴வே பரேஸு அத்தி²கபா⁴வம்பி அனுபக³ததாய பி⁴க்கா²சரியங் பரமகாபஞ்ஞதங் மஞ்ஞந்தி, தேஸங் உப⁴யேஸம்பி யதா²க்கமங் ‘‘பி⁴க்க²வோ’’தி வசனேன ஹீனஜனேஹி த³லித்³தே³ஹி பரமகாபஞ்ஞதங் பத்தேஹி பரகுலேஸு பி⁴க்கா²சரியாய ஜீவிகங் கப்பெந்தேஹி ஸேவிதங் வுத்திங் பகாஸெந்தோ உத்³த⁴தபா⁴வனிக்³க³ஹங் கரோதி, அதி⁴கஜனேஹி உளாரபோ⁴க³க²த்தியகுலாதி³தோ பப்³ப³ஜிதேஹி பு³த்³தா⁴தீ³ஹி ஆஜீவவிஸோத⁴னத்த²ங் ஸேவிதங் வுத்திங் பகாஸெந்தோ தீ³னபா⁴வனிக்³க³ஹங் கரோதீதி யோஜேதப்³ப³ங். யஸ்மா ‘‘பி⁴க்க²வோ’’தி வசனங் ஆமந்தனபா⁴வதோ அபி⁴முகீ²கரணங், பகரணதோ ஸாமத்தி²யதோ ச ஸுஸ்ஸூஸாஜனநங் ஸக்கச்சஸவனமனஸிகாரனியோஜனஞ்ச ஹோதி. தஸ்மா தமத்த²ங் த³ஸ்ஸெந்தோ ‘‘பி⁴க்க²வோதி இமினா’’திஆதி³மாஹ.
தத்த² ஸாது⁴கஸவனமனஸிகாரேதி ஸாது⁴கஸவனே ஸாது⁴கமனஸிகாரே ச. கத²ங் பன பவத்திதா ஸவனாத³யோ ஸாது⁴கங் பவத்திதா ஹொந்தீதி? ‘‘அத்³தா⁴ இமாய ஸம்மாபடிபத்தியா ஸகலஸாஸனஸம்பத்தி ஹத்த²க³தா ப⁴விஸ்ஸதீ’’தி ஆத³ரகா³ரவயோகே³ன, கதா²தீ³ஸு அபரிப⁴வனாதி³னா ச. வுத்தங் ஹி ‘‘பஞ்சஹி, பி⁴க்க²வே, த⁴ம்மேஹி ஸமன்னாக³தோ ஸுணந்தோ ஸத்³த⁴ம்மங் ப⁴ப்³போ³ நியாமங் ஓக்கமிதுங் குஸலேஸு த⁴ம்மேஸு ஸம்மத்தங். கதமேஹி பஞ்சஹி? ந கத²ங் பரிபோ⁴தி, ந கதி²கங் பரிபோ⁴தி, ந அத்தானங் பரிபோ⁴தி, அவிக்கி²த்தசித்தோ த⁴ம்மங் ஸுணாதி ஏகக்³க³சித்தோ, யோனிஸோ ச மனஸி கரோதி. இமேஹி கோ², பி⁴க்க²வே ‘‘ஸாது⁴கஸவனமனஸிகாராயத்தா ஹி ஸாஸனஸம்பத்தீ’’தி. ஸாஸனஸம்பத்தி நாம ஸீலாதி³னிப்ப²த்தி.
பட²மங் உப்பன்னத்தா அதி⁴க³மவஸேன. ஸத்து²சரியானுவிதா⁴யகத்தா ஸீலாதி³கு³ணானுட்டா²னேன. திண்ணங் யானானங் வஸேன அனுத⁴ம்மபடிபத்திஸப்³பா⁴வதோ ஸகலஸாஸனபடிக்³கா³ஹகத்தா. ஸந்திகத்தாதி ஸமீபபா⁴வதோ. ஸந்திகாவசரத்தாதி ஸப்³ப³காலங் ஸம்பயுத்தபா⁴வதோ. யதா²னுஸிட்ட²ந்தி அனுஸாஸனிஅனுரூபங், அனுஸாஸனிங் அனவஸேஸதோ படிக்³க³ஹெத்வாதி அத்தோ². ஏகச்சே பி⁴க்கூ²யேவ ஸந்தா⁴யாதி யே ஸுத்தபரியோஸானே ‘‘தே பி⁴க்கூ² ப⁴க³வதோ பா⁴ஸிதங் அபி⁴னந்து³’’ந்தி வுத்தா பஞ்சஸதா ப்³ராஹ்மணபப்³ப³ஜிதா, தே ஸந்தா⁴ய.
புப்³பே³ ஸப்³ப³பரிஸஸாதா⁴ரணத்தேபி ப⁴க³வதோ த⁴ம்மதே³ஸனாய ‘‘ஜெட்ட²ஸெட்டா²’’திஆதி³னா பி⁴க்கூ²னங் ஏவ ஆமந்தனே காரணங் த³ஸ்ஸெத்வா இதா³னி பி⁴க்கூ² ஆமந்தெத்வாவ த⁴ம்மதே³ஸனாய பயோஜனங் த³ஸ்ஸேதுங் ‘‘கிமத்த²ங் பன ப⁴க³வா’’தி சோத³னங் ஸமுட்டா²பேஸி. தத்த² அஞ்ஞங் சிந்தெந்தாதி அஞ்ஞவிஹிதா. விக்கி²த்தசித்தாதி அஸமாஹிதசித்தா. த⁴ம்மங் பச்சவெக்க²ந்தாதி ததா³ ஹிய்யோ ததோ பரதி³வஸேஸு வா ஸுதத⁴ம்மங் பதி பதி மனஸா அவெக்க²ந்தா. பி⁴க்கூ² ஆமந்தெத்வா த⁴ம்மே தே³ஸியமானே ஆதி³தோ பட்டா²ய தே³ஸனங் ஸல்லக்கே²துங் ஸக்கொந்தீதி இமமேவத்த²ங் ப்³யதிரேகமுகே²ன த³ஸ்ஸேதுங் ‘‘தே அனாமந்தெத்வா’’திஆதி³ வுத்தங்.
பி⁴க்க²வோதீதி ச ஸந்தி⁴வஸேன இ-காரலோபோ த³ட்ட²ப்³போ³ ‘‘பி⁴க்க²வோ இதீ’’தி. அயங் ஹி இதி-ஸத்³தோ³ ஹேது-பரிஸமாபனாதி³பத³த்த²விபரியாய-பகாராவதா⁴ரணனித³ஸ்ஸனாதி³அனேகத்த²ப்பபே⁴தோ³. ததா² ஹேஸ ‘‘ருப்பதீதி கோ², பி⁴க்க²வே, தஸ்மா ‘ரூப’ந்தி வுச்சதீ’’திஆதீ³ஸு (ஸங்॰ நி॰ 3.79) ஹேதுஅத்தே² தி³ஸ்ஸதி; ‘‘தஸ்மா திஹ மே, பி⁴க்க²வே, த⁴ம்மதா³யாதா³ ப⁴வத², மா ஆமிஸதா³யாதா³, அத்தி² மே தும்ஹேஸு அனுகம்பா ‘கிந்தி மே ஸாவகா த⁴ம்மதா³யாதா³ ப⁴வெய்யுங், நோ ஆமிஸதா³யாதா³’தி’’ஆதீ³ஸு பரிஸமாபனே; ‘‘இதி வா, இதி ஏவரூபா நச்சகீ³தவாதி³தவிஸூகத³ஸ்ஸனா ‘‘ப⁴த்³த³ந்தே’’திஆதீ³ஸுபி யதா²ரஹங் இதி-ஸத்³த³ஸ்ஸ அத்தோ² வேதி³தப்³போ³. புப்³பே³ ‘‘ப⁴க³வா ஆமந்தேஸீ’’தி வுத்தத்தா ‘‘ப⁴க³வதோ பச்சஸ்ஸோஸு’’ந்தி இத⁴ ‘‘ப⁴க³வதோ’’தி ஸாமிவசனங் ஆமந்தனமேவ ஸம்ப³ந்தீ⁴அந்தரங் அபெக்க²தீதி இமினா அதி⁴ப்பாயேன ‘‘ப⁴க³வதோ ஆமந்தனங் படிஅஸ்ஸோஸு’’ந்தி வுத்தங். ‘‘ப⁴க³வதோ’’தி பன இத³ங் படிஸ்ஸவஸம்ப³ந்த⁴னேன ஸம்பதா³னவசனங் யதா² ‘‘தே³வத³த்தஸ்ஸ படிஸ்ஸுணோதீ’’தி.
யங் நிதா³னங் பா⁴ஸிதந்தி ஸம்ப³ந்தோ⁴. எத்தா²ஹ – கிமத்த²ங் பன த⁴ம்மவினயஸங்க³ஹே கரியமானே நிதா³னவசனங், நனு ப⁴க³வதா பா⁴ஸிதவசனஸ்ஸேவ ஸங்க³ஹோ காதப்³போ³தி? வுச்சதே – தே³ஸனாய டி²திஅஸம்மோஸஸத்³தெ⁴ய்யபா⁴வஸம்பாத³னத்த²ங். காலதே³ஸதே³ஸகனிமித்தபரிஸாபதே³ஸேஹி உபனிப³ந்தி⁴த்வா ட²பிதா ஹி தே³ஸனா சிரட்டி²திகா ஹோதி அஸம்மோஸத⁴ம்மா ஸத்³தெ⁴ய்யா ச, தே³ஸகாலகத்துஸோதுனிமித்தேஹி உபனிப³த்³தோ⁴ விய வோஹாரவினிச்ச²யோ. தேனேவ ச ஆயஸ்மதா மஹாகஸ்ஸபேன ‘‘மூலபரியாயஸுத்தங் ஆவுஸோ, ஆனந்த³, கத்த² பா⁴ஸித’’ந்திஆதி³னா தே³ஸாதி³புச்சா²ஸு கதாஸு தாஸங் விஸ்ஸஜ்ஜனங் கரொந்தேன த⁴ம்மப⁴ண்டா³கா³ரிகேன ‘‘ஏவங் மே ஸுத’’ந்திஆதி³னா இமஸ்ஸ ஸுத்தஸ்ஸ நிதா³னங் பா⁴ஸிதங். அபிச ஸத்து²ஸம்பத்திபகாஸனத்த²ங் நிதா³னவசனங். ததா²க³தஸ்ஸ ஹி ப⁴க³வதோ புப்³ப³ரசனானுமானாக³மதக்காபா⁴வதோ ஸம்மாஸம்பு³த்³த⁴பா⁴வஸித்³தி⁴
ததா²
அப்³ப⁴ந்தரனிதா³னவண்ணனா நிட்டி²தா.
ஸுத்தனிக்கே²பவண்ணனா
நிக்கி²த்தஸ்ஸாதி ஸுத்தனிக்கே²பங் விசாரெத்வா வுச்சமானா பாகடா ஹோதீதி ஸாமஞ்ஞதோ ப⁴க³வதோ தே³ஸனாஸமுட்டா²னஸ்ஸ விபா⁴க³ங் த³ஸ்ஸெத்வா ‘‘எத்தா²யங் தே³ஸனா ஏவங்ஸமுட்டா²னா’’தி தே³ஸனாய ஸமுட்டா²னே த³ஸ்ஸிதே ஸுத்தஸ்ஸ ஸம்மதே³வ நிதா³னபரிஜானநேன வண்ணனாய ஸுவிஞ்ஞெய்யத்தா வுத்தங். ஏவஞ்ஹி ‘‘அஸ்ஸுதவா பி⁴க்க²வே புது²ஜ்ஜனோ’’திஆதி³னா, ‘‘யோபி ஸோ, பி⁴க்க²வே, பி⁴க்கு² அரஹங் கீ²ணாஸவோ’’திஆதி³னா (ம॰ நி॰ 1.8), ‘‘ததா²க³தோபி கோ², பி⁴க்க²வே, அரஹங் ஸம்மாஸம்பு³த்³தோ⁴’’திஆதி³னா (ம॰ நி॰ 1.12) ச பவத்ததே³ஸனா அனுஸந்தி⁴த³ஸ்ஸனஸுக²தாய ஸுவிஞ்ஞெய்யா ஹோதி. தத்த² யதா² அனேகஸதஅனேகஸஹஸ்ஸபே⁴தா³னிபி ஸுத்தந்தானி ஸங்கிலேஸபா⁴கி³யாதி³பதா⁴னநயவஸேன ஸோளஸவித⁴தங் நாதிவத்தந்தி, ஏவங் அத்தஜ்ஜா²ஸயாதி³ஸுத்தனிக்கே²பவஸேன சதுப்³பி³த⁴பா⁴வந்தி ஆஹ ‘‘சத்தாரோ ஹி ஸுத்தனிக்கே²பா’’தி.
எத்த² ச யதா² அத்தஜ்ஜா²ஸயஸ்ஸ அட்டு²ப்பத்தியா ச பரஜ்ஜா²ஸயபுச்சா²ஹி ஸத்³தி⁴ங் ஸங்ஸக்³க³பே⁴தோ³ ஸம்ப⁴வதி
தத்ராயங் வசனத்தோ² – நிக்கி²பீயதீதி நிக்கே²போ, ஸுத்தங் ஏவ நிக்கே²போ ஸுத்தனிக்கே²போ. அத² வா நிக்கி²பனங் நிக்கே²போ, ஸுத்தஸ்ஸ நிக்கே²போ ஸுத்தனிக்கே²போ, ஸுத்ததே³ஸனாதி அத்தோ². அத்தனோ அஜ்ஜா²ஸயோ அத்தஜ்ஜா²ஸயோ, ஸோ அஸ்ஸ அத்தி² காரணபூ⁴தோதி அத்தஜ்ஜா²ஸயோ. அத்தனோ அஜ்ஜா²ஸயோ ஏதஸ்ஸாதி வா அத்தஜ்ஜா²ஸயோ. பரஜ்ஜா²ஸயேபி ஏஸேவ நயோ. புச்சா²ய வஸோ புச்சா²வஸோ, ஸோ ஏதஸ்ஸ அத்தீ²தி புச்சா²வஸிகோ. ஸுத்ததே³ஸனாவத்து²பூ⁴தஸ்ஸ அத்த²ஸ்ஸ உப்பத்தி அத்து²ப்பத்தி, அத்து²ப்பத்தியேவ அட்டு²ப்பத்தி த்த²-காரஸ்ஸ ட்ட²-காரங் கத்வா. ஸா ஏதஸ்ஸ அத்தீ²தி அட்டு²ப்பத்திகோ. அத² வா நிக்கி²பீயதி ஸுத்தங் ஏதேனாதி ஸுத்தனிக்கே²போ, அத்தஜ்ஜா²ஸயாதி³ ஏவ. ஏதஸ்மிங் பன அத்தவிகப்பே அத்தனோ அஜ்ஜா²ஸயோ அத்தஜ்ஜா²ஸயோ. பரேஸங் அஜ்ஜா²ஸயோ பரஜ்ஜா²ஸயோ. புச்சீ²யதீதி புச்சா², புச்சி²தப்³போ³ அத்தோ². புச்ச²னவஸேன பவத்தங் த⁴ம்மபடிக்³கா³ஹகானங் வசனங் புச்சா²வஸிகங், ததே³வ நிக்கே²ப-ஸத்³தா³பெக்கா²ய புல்லிங்க³வஸேன ‘‘புச்சா²வஸிகோ’’தி வுத்தங். ததா² அட்டு²ப்பத்தி ஏவ அட்டு²ப்பத்திகோதி ஏவம்பெத்த² அத்தோ² வேதி³தப்³போ³.
அபிசெத்த² பரேஸங் இந்த்³ரியபரிபாகாதி³காரணனிரபெக்க²த்தா அத்தஜ்ஜா²ஸயஸ்ஸ விஸுங் ஸுத்தனிக்கே²பபா⁴வோ யுத்தோ கேவலங் அத்தனோ அஜ்ஜா²ஸயேனேவ த⁴ம்மதந்திட²பனத்த²ங் பவத்திததே³ஸனத்தா. பரஜ்ஜா²ஸயபுச்சா²வஸிகானங் பன பரேஸங் அஜ்ஜா²ஸயபுச்சா²னங் தே³ஸனாபவத்திஹேதுபூ⁴தானங் உப்பத்தியங் பவத்திதானங் கத²மட்டு²ப்பத்தியங் அனவரோதோ⁴, புச்சா²வஸிகஅட்டு²ப்பத்திகானங் வா பரஜ்ஜா²ஸயானுரோதே⁴ன பவத்திகானங் கத²ங் பரஜ்ஜா²ஸயே அனவரோதோ⁴தி? ந சோதே³தப்³ப³மேதங். பரேஸஞ்ஹி அபி⁴னீஹாரபரிபுச்சா²தி³வினிமுத்தஸ்ஸேவ ஸுத்ததே³ஸனாகாரணுப்பாத³ஸ்ஸ அட்டு²ப்பத்திபா⁴வேன க³ஹிதத்தா பரஜ்ஜா²ஸயபுச்சா²வஸிகானங் விஸுங் க³ஹணங். ததா² ஹி ப்³ரஹ்மஜால (தீ³॰ நி॰ 1.1) த⁴ம்மதா³யாத³ஸுத்தாதீ³னங் (ம॰ நி॰ 1.29) வண்ணாவண்ணஆமிஸுப்பாதா³தி³தே³ஸனானிமித்தங் ‘‘அட்டு²ப்பத்தீ’’தி வுச்சதி. பரேஸங் புச்ச²ங் வினா அஜ்ஜா²ஸயங் ஏவ நிமித்தங் கத்வா தே³ஸிதோ பரஜ்ஜா²ஸயோ, புச்சா²வஸேன தே³ஸிதோ புச்சா²வஸிகோதி பாகடோயமத்தோ²தி.
அத்தனோ அஜ்ஜா²ஸயேனேவ கதே²ஸி த⁴ம்மதந்திட²பனத்த²ந்தி த³ட்ட²ப்³ப³ங். ஸம்மப்பதா⁴னஸுத்தந்தஹாரகோதி அனுபுப்³பே³ன நிக்கி²த்தானங் ஸங்யுத்தகே ஸம்மப்பதா⁴னபடிஸங்யுத்தானங் ஸுத்தானங் ஆவளி. ததா² இத்³தி⁴பாத³ஹாரகாத³யோ.
விமுத்திபரிபாசனீயா த⁴ம்மா ஸத்³தி⁴ந்த்³ரியாத³யோ. அஜ்ஜா²ஸயந்தி அதி⁴முத்திங். க²ந்திந்தி தி³ட்டி²னிஜ்ஜா²னக்க²ந்திங். மனந்தி சித்தங். அபி⁴னிஹாரந்தி பணிதா⁴னங். பு³ஜ்ஜ²னபா⁴வந்தி பு³ஜ்ஜ²னஸபா⁴வங், படிவிஜ்ஜ²னாகாரங் வா.
உப்பன்னே மானே நிக்கி²த்தந்தி ஸம்ப³ந்தோ⁴. இத்தி²லிங்கா³தீ³னி தீணி லிங்கா³னி. நாமாதீ³னி சத்தாரி பதா³னி. பட²மாத³யோ ஸத்த விப⁴த்தியோ. முஞ்சித்வா ந கிஞ்சி கதே²தி ஸபா⁴வனிருத்தியா அனுபஹச்சாதி அனுத்³த⁴ரித்வா.
யேன யேன ஸம்ப³ந்த⁴ங் க³ச்ச²தி, தஸ்ஸ தஸ்ஸ அனவஸேஸதங் தீ³பேதீதி இமினா இமஸ்ஸ ஸப்³ப³-ஸத்³த³ஸ்ஸ ஸப்பதே³ஸதங் த³ஸ்ஸேதி. ஸப்³ப³-ஸத்³தோ³ ஹி ஸப்³ப³ஸப்³ப³ங் பதே³ஸஸப்³ப³ங் ஆயதனஸப்³ப³ங் ஸக்காயஸப்³ப³ந்தி சதூஸு விஸயேஸு தி³ட்ட²ப்பயோகோ³. ததா² ஹேஸ ‘‘ஸப்³பே³ த⁴ம்மா ஸப்³பா³காரேன பு³த்³த⁴ஸ்ஸ ப⁴க³வதோ ஞாணமுகே² ஆபாத²மாக³ச்ச²ந்தீ’’திஆதீ³ஸு (மஹானி॰ 156; சூளனி॰ 85; படி॰ ம॰ 3.6) ஸப்³ப³ஸப்³ப³ஸ்மிங் ஆக³தோ. ‘‘ஸப்³பே³ஸங் வோ, ஸாரிபுத்த, ஸுபா⁴ஸிதங் பரியாயேனா’’திஆதீ³ஸு (ம॰ நி॰ 1.345) பதே³ஸஸப்³ப³ஸ்மிங். ‘‘ஸப்³ப³ங் வோ, பி⁴க்க²வே, தே³ஸெஸ்ஸாமி…பே॰… சக்கு²ஞ்சேவ ரூபா ச…பே॰… மனோ சேவ த⁴ம்மா சா’’தி (ஸங்॰ நி॰ 4.23) எத்த² ஆயதனஸப்³ப³ஸ்மிங். ‘‘ஸப்³ப³ங் ஸப்³ப³தோ ஸஞ்ஜானாதீ’’திஆதீ³ஸு (ம॰ நி॰ 1.5) ஸக்காயஸப்³ப³ஸ்மிங். தத்த² ஸப்³ப³ஸப்³ப³ஸ்மிங் ஆக³தோ நிப்பதே³ஸோ, இதரேஸு தீஸுபி ஆக³தோ ஸப்பதே³ஸோ, இத⁴ பன ஸக்காயஸப்³ப³ஸ்மிங் வேதி³தப்³போ³. ததா² ஹி வக்க²தி ‘‘ஸக்காயபரியாபன்னா பன தேபூ⁴மகத⁴ம்மாவ அனவஸேஸதோ வேதி³தப்³பா³’’தி (ம॰ நி॰ அட்ட²॰ 1.1 ஸுத்தனிக்கே²பவண்ணனா).
ஸச்சேஸூதி அரியஸச்சேஸு. ஏதே சதுரோ த⁴ம்மாதி இதா³னி வுச்சமானே ஸச்சாதி³கே சத்தாரோ த⁴ம்மே ஸந்தா⁴ய வத³தி. தத்த² ஸச்சந்தி வசீஸச்சங். டி²தீதி வீரியங், ‘‘தி⁴தீ’’தி வா பாடோ², ஸோ ஏவத்தோ². சாகோ³தி அலோபோ⁴. தி³ட்ட²ங் ஸோ அதிவத்ததீதி யஸ்மிங் ஏதே ஸச்சாத³யோ த⁴ம்மா உபலப்³ப⁴ந்தி, ஸோ தி³ட்ட²ங் அத்தனோ அமித்தங் அதிக்கமதி, ந தஸ்ஸ ஹத்த²தங் க³ச்ச²தி, அத² கோ² நங் ஸபா⁴வே வத்ததி அஸபா⁴வத⁴ம்மஸ்ஸ காரணாஸம்ப⁴வதோ. ந ஹி நிஸ்ஸபா⁴வா த⁴ம்மா கேனசி நிப்³ப³த்தீயந்தி. அத்தனோ லக்க²ணங் தா⁴ரெந்தீதி யதி³பி லக்க²ணவினிமுத்தா த⁴ம்மா நாம நத்தி², ததா²பி யதா² தி³ட்டி²தண்ஹாபரிகப்பிதாகாரமத்தா அத்தஸுப⁴ஸுக²ஸஸ்ஸதாத³யோ, பகதியாத³யோ, த³ப்³பா³த³யோ, ஜீவாத³யோ, காயாத³யோ லோகவோஹாரமத்தஸித்³தா⁴ க³க³ணகுஸுமாத³யோவ ஸச்சிகட்ட²பரமத்த²தோ ந உபலப்³ப⁴ந்தி, ந ஏவமேதே, ஏதே பன ஸச்சிகட்ட²பரமத்த²பூ⁴தா உபலப்³ப⁴ந்தி, ததோ ஏவ ஸத்தாதி³விஸேஸவிரஹதோ த⁴ம்மமத்தா ஸபா⁴வவந்தோதி த³ஸ்ஸனத்த²ங் ‘‘அத்தனோ லக்க²ணங் தா⁴ரெந்தீ’’தி வுத்தங் த⁴ம்மா, கக்க²ளபு²ஸனாத³யோ.
அஸாதா⁴ரணஹேதும்ஹீதி அஸாதா⁴ரணகாரணே, ஸக்காயத⁴ம்மேஸு தஸ்ஸ தஸ்ஸ ஆவேணிகபச்சயேதி அத்தோ². கிங் பன தந்தி? தண்ஹாமானதி³ட்டி²யோ, அவிஜ்ஜாத³யோபி வா. யதே²வ ஹி பத²வீஆதீ³ஸு மஞ்ஞனாவத்தூ²ஸு உப்பஜ்ஜமானா தண்ஹாத³யோ மஞ்ஞனா தேஸங் பவத்தியா மூலகாரணங், ஏவங் அவிஜ்ஜாத³யோபி. ததா² ஹி ‘‘அஸ்ஸுதவா புது²ஜ்ஜனோ’’திஆதி³னா ‘‘அபரிஞ்ஞாதங் தஸ்ஸாதி வதா³மீ’’தி (ம॰ நி॰ 1.2) ‘‘நந்தீ³ து³க்க²ஸ்ஸ மூல’’ந்தி (ம॰ நி॰ 1.13) ச அன்வயதோ, ‘‘க²யா ராக³ஸ்ஸ…பே॰… வீதமோஹத்தா’’தி ப்³யதிரேகதோ ச தேஸங் மூலகாரணபா⁴வோ விபா⁴விதோ.
பரியாயேதி தே³ஸேதப்³ப³மத்த²ங் அவக³மேதி போ³த⁴யதீதி பரியாயோ, தே³ஸனா. பரியாயதி அத்தனோ ப²லங் பரிக்³க³ஹெத்வா வத்ததி தஸ்ஸ வா காரணபா⁴வங் க³ச்ச²தீதி பரியாயோ, காரணங். பரியாயதி அபராபரங் பரிவத்ததீதி பரியாயோ, வாரோ. ஏவங் பரியாயஸத்³த³ஸ்ஸ தே³ஸனாகாரணவாரேஸு பவத்தி வேதி³தப்³பா³. யதா²ருதவஸேன அக்³க³ஹெத்வா நித்³தா⁴ரெத்வா க³ஹேதப்³ப³த்த²ங் நெய்யத்த²ங். தேபூ⁴மகா த⁴ம்மாவ அனவஸேஸதோ வேதி³தப்³பா³ மஞ்ஞனாவத்து²பூ⁴தானங் ஸப்³பே³ஸங் பத²வீஆதி³த⁴ம்மானங் அதி⁴ப்பேதத்தா.
காரணதே³ஸனந்தி காரணஞாபனங் தே³ஸனங். தங் அத்த²ந்தி தங் ஸப்³ப³த⁴ம்மானங் மூலகாரணஸங்கா²தங், காரணதே³ஸனாஸங்கா²தங் வா அத்த²ங். தேனேவாஹ ‘‘தங் காரணங் தங் தே³ஸன’’ந்தி. ஏகத்த²மேதந்தி ஏதங் பத³த்³வயங் ஏகத்த²ங். ஸாது⁴-ஸத்³தோ³ ஏவ ஹி க-காரேன வட்³டெ⁴த்வா ‘‘ஸாது⁴க’’ந்தி வுத்தோ. தேனேவ ஹி ஸாது⁴ஸத்³த³ஸ்ஸ அத்த²ங் வத³ந்தேன அத்து²த்³தா⁴ரவஸேன ஸாது⁴கஸத்³தோ³ உதா³ஹடோ. த⁴ம்மருசீதி புஞ்ஞகாமோ. பஞ்ஞாணவாதி பஞ்ஞவா. அத்³து³ப்³போ⁴தி அதூ³ஸகோ, அனுபகா⁴தகோதி அத்தோ². இதா⁴பீதி இமஸ்மிங் மூலபரியாயஸுத்தேபி. அயந்தி ஸாது⁴கஸத்³தோ³. எத்தே²வ த³ள்ஹீகம்மேதி ஸக்கச்சகிரியாயங். ஆணத்தியந்தி
இதா³னெத்த² ஸோதிந்த்³ரியவிக்கே²பவாரணங் ஸவனே நியோஜனவஸேன கிரியந்தரபடிஸேத⁴னபா⁴வதோ, ஸோதங் ஓத³ஹதா²தி அத்தோ². மனிந்த்³ரியவிக்கே²பனிவாரணங் அஞ்ஞசிந்தாபடிஸேத⁴னதோ. புரிமந்தி ‘‘ஸுணாதா²’’தி பத³ங். எத்தா²தி ஸுணாத², மனஸி கரோதா²’’தி பத³த்³வயே, ஏதஸ்மிங் வா அதி⁴காரே. ப்³யஞ்ஜனவிபல்லாஸக்³கா³ஹவாரணங் ஸோதத்³வாரே விக்கே²பபடிபா³ஹகத்தா. ந ஹி யாதா²வதோ ஸுணந்தஸ்ஸ ஸத்³த³தோ விபல்லாஸக்³கா³ஹோ ஹோதி. அத்த²விபல்லாஸக்³கா³ஹவாரணங் மனிந்த்³ரியவிக்கே²பபடிபா³ஹகத்தா. ந ஹி ஸக்கச்சங் த⁴ம்மங் உபதா⁴ரெந்தஸ்ஸ அத்த²தோ விபல்லாஸக்³கா³ஹோ ஹோதி. த⁴ம்மஸ்ஸவனே நியோஜேதி ஸுணாதா²தி வித³ஹனதோ. தா⁴ரணூபபரிக்கா²ஸூதி உபபரிக்க²க்³க³ஹணேன துலனதீரணாதி³கே தி³ட்டி²யா ச ஸுப்படிவேத⁴ங் ஸங்க³ண்ஹாதி.
ஸப்³யஞ்ஜனோதி எத்த² யதா²தி⁴ப்பேதமத்த²ங் ப்³யஞ்ஜயதீதி ப்³யஞ்ஜனங், ஸபா⁴வனிருத்தி. ஸஹ ப்³யஞ்ஜனேனாதி ஸப்³யஞ்ஜனோ, ப்³யஞ்ஜனஸம்பன்னோதி அத்தோ². அரணீயதோ உபக³ந்த⁴ப்³ப³தோ அனுட்டா²தப்³ப³தோ அத்தோ², சதுபாரிஸுத்³தி⁴ஸீலாதி³கோ. ஸஹ அத்தே²னாதி ஸாத்தோ², அத்த²ஸம்பன்னோதி அத்தோ². த⁴ம்மக³ம்பீ⁴ரோதிஆதீ³ஸு த⁴ம்மோ நாம தந்தி. தே³ஸனா நாம தஸ்ஸா மனஸா வவத்தா²பிதாய தந்தியா தே³ஸனா. அத்தோ² நாம தந்தியா அத்தோ². படிவேதோ⁴ நாம தந்தியா தந்திஅத்த²ஸ்ஸ ச யதா²பூ⁴தாவபோ³தோ⁴. யஸ்மா சேதே த⁴ம்மதே³ஸனாஅத்த²படிவேதா⁴ ஸஸாதீ³ஹி விய மஹாஸமுத்³தோ³ மந்த³பு³த்³தீ⁴ஹி து³க்கோ²கா³ள்ஹா அலப்³ப⁴னெய்யபதிட்டா² ச, தஸ்மா க³ம்பீ⁴ரா. தேன வுத்தங் ‘‘யஸ்மா அயங் த⁴ம்மோ…பே॰… ஸாது⁴கங் மனஸி கரோதா²’’தி. எத்த² ச படிவேத⁴ஸ்ஸ து³க்கரபா⁴வதோ த⁴ம்மத்தா²னங் தே³ஸனாஞாணஸ்ஸ து³க்கரபா⁴வதோ தே³ஸனாய து³க்கோ²கா³ஹதா, படிவேத⁴ஸ்ஸ பன உப்பாதே³துங் அஸக்குணெய்யத்தா தப்³பி³ஸயஞாணுப்பத்தியா ச து³க்கரபா⁴வதோ து³க்கோ²கா³ஹதா வேதி³தப்³பா³.
தே³ஸனங் நாம உத்³தி³ஸனங். தஸ்ஸ நித்³தி³ஸனங் பா⁴ஸனந்தி இதா⁴தி⁴ப்பேதந்தி ஆஹ ‘‘வித்தா²ரதோபி நங் பா⁴ஸிஸ்ஸாமீதி வுத்தங் ஹோதீ’’தி. பரிப்³யத்தங் கத²னங் வா பா⁴ஸனங். ஸாளிகாயிவ நிக்³கோ⁴ஸோதி ஸாளிகாய ஆலாபோ விய மது⁴ரோ கண்ணஸுகோ² பேமனீயோ. படிபா⁴னந்தி ஸத்³தோ³. உதீ³ரயீதி உச்சாரீயதி, வுச்சதி வா.
ஏவங் வுத்தே உஸ்ஸாஹஜாதாதி ஏவங் ‘‘ஸுணாத² ஸாது⁴கங் மனஸி கரோத² பா⁴ஸிஸ்ஸாமீ’’தி வுத்தே ந இதா⁴தி இமினா வுச்சமானஅதி⁴கரணங் தஸ்ஸ புக்³க³லஸ்ஸ உப்பத்திட்டா²னபூ⁴தங் அதி⁴ப்பேதந்தி ஆஹ ‘‘தே³ஸாபதே³ஸே நிபாதோ’’தி. லோகந்தி ஓகாஸலோகங். இத⁴ ததா²க³தோ லோகேதி ஹி ஜாதிகெ²த்தங், தத்தா²பி அயங் சக்கவாளோ அதி⁴ப்பேதோ. ஸமணோதி ஸோதாபன்னோ. து³தியோ ஸமணோதி ஸகதா³கா³மீ. வுத்தஞ்ஹேதங் ‘‘கதமோ ச, பி⁴க்க²வே, ஸமணோ? இத⁴, பி⁴க்க²வே, பி⁴க்கு² திண்ணங் ஸங்யோஜனானங் பரிக்க²யா ஸோதாபன்னோ ஹோதீ’’தி (அ॰ நி॰ 4.241) ‘‘கதமோ ச, பி⁴க்க²வே, து³தியோ ஸமணோ? இத⁴, பி⁴க்க²வே, பி⁴க்கு² திண்ணங் ஸங்யோஜனானங் பரிக்க²யா ராக³தோ³ஸமோஹானங் தனுத்தா ஸகதா³கா³மீ ஹோதீ’’தி ச (அ॰ நி॰ 4.241). இதே⁴வ திட்ட²மானஸ்ஸாதி இமிஸ்ஸா ஏவ இந்த³ஸாலகு³ஹாயங் திட்ட²மானஸ்ஸ.
2. அஸ்ஸுதவாதி எத்த² (அ॰ நி॰ டீ॰ 1.1.51) ஸுதந்தி ஸோதத்³வாரானுஸாரேன உபதா⁴ரிதங், உபதா⁴ரணங் வா, ஸுதங் அஸ்ஸத்தீ²தி ஸுதவா. வா-ஸத்³த³ஸ்ஸ ஹி அத்தோ² அத்தி²தாமத்தாதி³வஸேன அனேகவிதோ⁴. ததா² ஹி ‘‘அந்தவா அயங் லோகோ பரிவடுமோ’’திஆதீ³ஸு (தீ³॰ நி॰ 1.54; படி॰ ம॰ 1.140) அத்தி²தாமத்தங் அத்தோ². ‘‘த⁴னவா போ⁴க³வா, லாபீ⁴ அன்னஸ்ஸா’’தி ச ஆதீ³ஸு ப³ஹுபா⁴வோ. ‘‘ரோக³வா ஹோதி ரோகா³பி⁴பூ⁴தோ’’திஆதீ³ஸு காயாபா³தோ⁴. ‘‘குட்டீ² குட்ட²சீவரேனா’’திஆதீ³ஸு நிந்தா³, ‘‘இஸ்ஸுகீ மச்ச²ரீ ஸடோ² மாயாவினோ கேடுபி⁴னோ’’திஆதீ³ஸு அபி⁴ண்ஹயோகோ³. ‘‘த³ண்டீ³ ச²த்தீ அலம்ப³ரீ’’திஆதீ³ஸு (விஸுத்³தி⁴॰ 1.142) ஸங்ஸக்³கோ³. ‘‘பண்டி³தோ வாபி தேன ஸோ’’திஆதீ³ஸு (த⁴॰ ப॰ 63) உபமானங், ஸதி³ஸபா⁴வோதி அத்தோ². ‘‘தங் வாபி தீ⁴ரா முனிங் வேத³யந்தீ’’திஆதீ³ஸு (ஸு॰ நி॰ 213) ஸமுச்சயோ. ‘‘கே வா இமே கஸ்ஸ வா’’திஆதீ³ஸு (பாரா॰ 296) ஸங்ஸயோ. ‘‘அயங் வா இமேஸங் ஸமணப்³ராஹ்மணானங் ஸப்³ப³பா³லோ ஸப்³ப³மூள்ஹோ’’திஆதீ³ஸு (தீ³॰ நி॰ 1.181) விபா⁴வனோ. ‘‘ந வாயங் குமாரோ மத்தமஞ்ஞாஸீ’’திஆதீ³ஸு (ஸங்॰ நி॰ 2.154) பத³பூரணங். ‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா’’திஆதீ³ஸு (ம॰ நி॰ 1.170) விகப்போ. ‘‘ஸக்யபுத்தஸ்ஸ ஸிரீமதோ
அயஞ்ஹி அ-காரோ ‘‘அஹேதுகா த⁴ம்மா (த⁴॰ ஸ॰ 2.து³கமாதிகா), அபி⁴க்கு²கோ ஆவாஸோ’’திஆதீ³ஸு (பாசி॰ 1046, 1047) தங்ஸஹயோக³னிவத்தியங் இச்சி²தோ. ‘‘அபச்சயா த⁴ம்மா’’தி (த⁴॰ ஸ॰ 7.து³கமாதிகா) தங்ஸம்ப³ந்தீ⁴பா⁴வனிவத்தியங். பச்சயுப்பன்னஞ்ஹி பச்சயஸம்ப³ந்தீ⁴தி அப்பச்சயுப்பன்னத்தா அதங்ஸம்ப³ந்தி⁴தா எத்த² ஜோதிதா. ‘‘அனித³ஸ்ஸனா த⁴ம்மா’’தி (த⁴॰ ஸ॰ 9.து³கமாதிகா) தங்ஸபா⁴வனிவத்தியங். நித³ஸ்ஸனஞ்ஹி த³ட்ட²ப்³ப³தா. அத² வா பஸ்ஸதீதி நித³ஸ்ஸனங், சக்கு²விஞ்ஞாணங், தக்³க³ஹேதப்³ப³பா⁴வனிவத்தியங் யதா² ‘‘அனாஸவா த⁴ம்மா’’தி (த⁴॰ ஸ॰ 15.து³கமாதிகா), ‘‘அப்படிகா⁴ த⁴ம்மா (த⁴॰ ஸ॰ 10.து³கமாதிகா), அனாரம்மணா த⁴ம்மா’’தி (த⁴॰ ஸ॰ 55.து³கமாதிகா) தங்கிச்சனிவத்தியங், ‘‘அரூபினோ த⁴ம்மா (த⁴॰ ஸ॰ 11.து³கமாதிகா) அசேதஸிகா த⁴ம்மா’’தி (த⁴॰ ஸ॰ 57.து³கமாதிகா) தப்³பா⁴வனிவத்தியங். தத³ஞ்ஞதா² ஹி எத்த² பகாஸிதா. ‘‘அமனுஸ்ஸோ’’தி தப்³பா⁴வமத்தனிவத்தியங். மனுஸ்ஸமத்தங் நத்தி², அஞ்ஞங் ஸமானந்தி. ஸதி³ஸதா ஹி எத்த² ஸூசிதா. ‘‘அஸ்ஸமணோ ஸமணபடிஞ்ஞோ, அனரியோ’’தி (அ॰ நி॰ 3.13) ச தங்ஸம்பா⁴வனீயகு³ணனிவத்தியங். க³ரஹா ஹி இத⁴ ஞாயதி. ‘‘கச்சி போ⁴தோ அனாமயங், அனுத³ரா கஞ்ஞா’’தி (ஜா॰ 2.20.129) தத³னப்பபா⁴வனிவத்தியங், ‘‘அனுப்பன்னா த⁴ம்மா’’தி (த⁴॰ ஸ॰ 17.திகமாதிகா) தங்ஸதி³ஸபா⁴வனிவத்தியங். அதீதானஞ்ஹி உப்பன்னபுப்³ப³த்தா உப்பாதி³த⁴ம்மானஞ்ச பச்சயேகதே³ஸனிப்ப²த்தியா ஆரத்³து⁴ப்பாதி³பா⁴வதோ காலவிமுத்தஸ்ஸ ச விஜ்ஜமானத்தா உப்பன்னானுகூலதா பகே³வ பச்சுப்பன்னானந்தி தப்³பி³தூ³ரதாவ எத்த² விஞ்ஞாயதி ‘‘அஸெக்கா² த⁴ம்மா’’தி (த⁴॰ ஸ॰ 11.திகமாதிகா) தத³பரியோஸானநிவத்தியங். தன்னிட்டா²னஞ்ஹி எத்த² பகாஸிதந்தி. ஏவமனேகேஸங் அத்தா²னங் ஜோதகோ. இத⁴ பன ‘‘அரூபினோ த⁴ம்மா அசேதஸிகா த⁴ம்மா’’திஆதீ³ஸு விய தப்³பா⁴வனிவத்தியங் ‘‘ஆக³மாதி⁴க³மாபா⁴வா ஞெய்யோ அஸ்ஸுதவா இதீ’’தி.
இதா³னி தஸ்ஸ அத்த²ங் விவரந்தோ யஸ்மா க²ந்த⁴தா⁴த்வாதி³கோஸல்லேனபி மஞ்ஞனாபடிஸேத⁴னஸமத்த²ங் பா³ஹுஸச்சங் ஹோதி. யதா²ஹ ‘‘கித்தாவதா நு கோ², ப⁴ந்தே, ப³ஹுஸ்ஸுதோ ஹோதி? யதோ கோ² பி⁴க்கு² க²ந்த⁴குஸலோ ஹோதி தா⁴து, ஆயதன, படிச்சஸமுப்பாத³குஸலோ ஹோதி, எத்தாவதா கோ² பி⁴க்கு² ப³ஹுஸ்ஸுதோ ஹோதீ’’தி, தஸ்மா ‘‘யஸ்ஸ ஹி க²ந்த⁴தா⁴துஆயதனஸச்சபச்சயாகாரஸதிபட்டா²னாதீ³ஸூதிஆதி³ வுத்தங். தத்த² வாசுக்³க³தகரணங் உக்³க³ஹோ. அத்த²பரிபுச்ச²னங் பரிபுச்சா². குஸலேஹி ஸஹ சோத³னாபரிஹரணவஸேன வினிச்ச²யகரணங் வினிச்ச²யோ. மக்³க³ப²லனிப்³பா³னானி அதி⁴க³மோ.
ப³ஹூனங் புது² ஸத்தா²ரானங் முக²முல்லோகிகாதி எத்த² புது² ஜனா ஸத்து²படிஞ்ஞா ஏதேஸந்தி புது²ஜ்ஜனாதி வசனத்தோ². புது² ஸப்³ப³க³தீஹி அவுட்டி²தாதி எத்த² ஜனேதப்³பா³, ஜாயந்தி வா எத்த² ஸத்தாதி ஜனா, நானாக³தியோ, தா புதூ² ஏதேஸந்தி புது²ஜ்ஜனா. இதோ பரே ஜாயந்தி ஏதேஹீதி ஜனா, அபி⁴ஸங்கா²ராத³யோ, தே ஏதேஸங் புதூ² விஜ்ஜந்தீதி புது²ஜ்ஜனா. அபி⁴ஸங்க²ரணாதி³அத்தோ² ஏவ வா ஜன-ஸத்³தோ³ த³ட்ட²ப்³போ³. ஓகா⁴ காமோகா⁴த³யோ. ராக³க்³கி³ஆத³யோ ஸந்தாபா. தே ஏவ, ஸப்³பே³பி வா கிலேஸா பரிளாஹா. புது² பஞ்சஸு காமகு³ணேஸு ரத்தாதி எத்த² ஜாயதீதி ஜனோ, ராகோ³ கே³தோ⁴தி ஏவமாதி³கோ, புது² ஜனோ ஏதேஸந்தி புது²ஜ்ஜனா. புதூ²ஸு வா ஜனா ஜாதா ரத்தாதி ஏவங் ராகா³தி³அத்தோ² ஏவ வா ஜனஸத்³தோ³ த³ட்ட²ப்³போ³. ரத்தாதி வத்த²ங் விய ரங்க³ஜாதேன சித்தஸ்ஸ விபரிணாமகரேன ச²ந்த³ராகே³ன ரத்தா ஸாரத்தா. கி³த்³தா⁴தி அபி⁴கங்க²னஸபா⁴வேன அபி⁴ஜ்ஜா²னேன கி³த்³தா⁴ கே³த⁴ங் ஆபன்னா. க³தி⁴தாதி க³ந்தி²தா விய து³ம்மோசனீயபா⁴வேன தத்த² படிப³த்³தா⁴. முச்சி²தாதி கிலேஸவஸேன விஸஞ்ஞீபூ⁴தா விய அனஞ்ஞகிச்சா முச்ச²ங் மோஹமாபன்னா. அஜ்ஜோ²ஸன்னாதி அனஞ்ஞஸாதா⁴ரணே விய கத்வா கி³லித்வா பரினிட்ட²பெத்வா டி²தா. லக்³கா³தி வங்கத³ண்ட³கே விய ஆஸத்தா மஹாபலிபே வா யாவ நாஸிகக்³கா³ பலிபன்னபுரிஸோ விய உத்³த⁴ரிதுங் அஸக்குணெய்யபா⁴வேன நிமுக்³கா³ லகி³தாதி மக்கடாலேபே ஆலக்³க³பா⁴வேன பச்சுட்³டி³தோ விய மக்கடோ பஞ்சன்னங் இந்த்³ரியானங் வஸேன ஆலக்³கி³தா. பலிபு³த்³தா⁴தி ப³த்³தா⁴, உபத்³து³தா வா. ஆவுடாதி ஆவுனிதா, நிவுதாதி நிவாரிதா. ஓவுதாதி பலிகு³ண்டி²தா, பரியோனத்³தா⁴ வா. பிஹிதாதி பித³ஹிதா, படிச்ச²ன்னாதி படிச்சா²தி³தா. படிகுஜ்ஜிதாதி ஹெட்டா²முக²ஜாதா. புதூ²னங் வா க³ணனபத²மதீதானந்திஆதி³னா புது² ஜனோ புது²ஜ்ஜனோதி த³ஸ்ஸேதி.
‘‘அஸ்ஸுதவா’’தி ஏதேன அவிஜ்ஜந்த⁴தா வுத்தாதி ஆஹ ‘‘அந்த⁴புது²ஜ்ஜனோ வுத்தோ ஹோதீ’’தி. ஆரகத்தா (ஸங்॰ நி॰ டீ॰ 2.3.1) கிலேஸேஹி மக்³கே³ன ஸமுச்சி²ன்னத்தா. அனயேதி அவட்³டி⁴யங், அனத்தே²தி அத்தோ². அனயே வா அனுபாயே. நஇரியனதோ அவத்தனதோ. அயேதி வட்³டி⁴யங், அத்தே², உபாயே வா. அரணீயதோதி பயிருபாஸிதப்³ப³தோ. நிருத்தினயேன பத³ஸித்³தி⁴ வேதி³தப்³பா³ புரிமேஸு அத்த²விகப்பேஸு. பச்சி²மே பன ஸத்³த³ஸத்த²வஸேனபி. யதி³பி அரிய-ஸத்³தோ³ ‘‘யே ஹி வோ அரியா பரிஸுத்³த⁴காயகம்மந்தா’’திஆதீ³ஸு (ம॰ நி॰ 1.35) விஸுத்³தா⁴ஸயபயோகே³ஸு புது²ஜ்ஜனேஸுபி வத்ததி. இத⁴ பன அரியமக்³கா³தி⁴க³மேன ஸப்³ப³லோகுத்தரபா⁴வேன ச அரியபா⁴வோ அதி⁴ப்பேதோதி த³ஸ்ஸெந்தோ ஆஹ ‘‘பு³த்³தா⁴’’திஆதி³. தத்த² ‘‘பச்சேகபு³த்³தா⁴ ததா²க³தஸாவகா ச ஸப்புரிஸா’’தி இத³ங் அரியா ஸப்புரிஸாதி இத⁴ வுத்தபதா³னங் அத்த²ங் அஸங்கரதோ த³ஸ்ஸேதுங் வுத்தங். யஸ்மா பன நிப்பரியாயதோ அரியஸப்புரிஸபா⁴வா அபி⁴ன்னஸபா⁴வா. தஸ்மா ‘‘ஸப்³பே³வ வா’’திஆதி³ வுத்தங்.
எத்தாவதா ஹி பு³த்³த⁴ஸாவகோ வுத்தோ. தஸ்ஸ ஹி ஏகந்தேன கல்யாணமித்தோ இச்சி²தப்³போ³ பரதோகோ⁴ஸமந்தரேன பட²மமக்³க³ஸ்ஸ அனுப்பஜ்ஜனதோ. விஸேஸதோ சஸ்ஸ ப⁴க³வாவ கல்யாணமித்தோ அதி⁴ப்பேதோ. வுத்தஞ்ஹேதங் ‘‘மமஞ்ஹி, ஆனந்த³, கல்யாணமித்தங் ஆக³ம்ம ஜாதித⁴ம்மா ஸத்தா ஜாதியா பரிமுச்சந்தீ’’திஆதி³ (ஸங்॰ நி॰ 5.2). ஸோ ஏவ ச அவேச்சபஸாதா³தி⁴க³மேன த³ள்ஹப⁴த்தி நாம. வுத்தம்பி சேதங் ‘‘யங் மயா ஸாவகானங் ஸிக்கா²பத³ங் பஞ்ஞத்தங், தங் மம ஸாவகா ஜீவிதஹேதுபி நாதிக்கமந்தீ’’தி (உதா³॰ 45). கதஞ்ஞுதாதீ³ஹி பச்சேகபு³த்³தா⁴ பு³த்³தா⁴தி எத்த² கதங் ஜானாதீதி கதஞ்ஞூ. கதங் விதி³தங் பாகடங் கரோதீதி கதவேதீ³. அனேகேஸுபி ஹி கப்பஸதஸஹஸ்ஸேஸு கதங் உபகாரங் ஜானந்தி பச்சேகபு³த்³தா⁴ பாகடஞ்ச கரொந்தி ஸதிஜனநஆமிஸபடிக்³க³ஹணாதி³னா சக்கு²னா அத³ஸ்ஸாவீதி எத்த சக்கு² நாம ந மங்ஸசக்கு² ஏவ, அத² கோ² தி³ப்³ப³சக்கு²பீதி ஆஹ ‘‘தி³ப்³ப³சக்கு²னா வா’’தி. அரியபா⁴வோதி யேஹி யோக³தோ ‘‘அரியா’’தி வுச்சந்தி. தே மக்³க³ப²லத⁴ம்மா த³ட்ட²ப்³பா³.
தத்ராதி ஞாணத³ஸ்ஸனஸ்ஸேவ த³ஸ்ஸனபா⁴வே. வத்தூ²தி அதி⁴ப்பேதத்த²ஞாபனகாரணங். ஏவங் வுத்தேபீதி ஏவங் அஞ்ஞாபதே³ஸேன அத்தூபனாயிகங் கத்வா வுத்தேபி. த⁴ம்மந்தி லோகுத்தரத⁴ம்மங், சதுஸச்சத⁴ம்மங் வா. அரியகரத⁴ம்மா அனிச்சானுபஸ்ஸனாத³யோ விபஸ்ஸியமானா அனிச்சாத³யோ, சத்தாரி வா அரியஸச்சானி.
அவினீதோதி ந வினீதோ, அதி⁴ஸீலஸிக்கா²தி³வஸேன ந ஸிக்கி²தோ. யேஸங் ஸங்வரவினயாதீ³னங் அபா⁴வேன அயங் அவினீதோதி வுச்சதி, தே தாவ த³ஸ்ஸேதுங் ‘‘து³விதோ⁴ வினயோ நாமா’’திஆதி³மாஹ. தத்த² ஸீலஸங்வரோதி பாதிமொக்க²ஸங்வரோ வேதி³தப்³போ³, ஸோ ச அத்த²தோ காயிகவாசஸிகோ அவீதிக்கமோ. ஸதிஸங்வரோதி இந்த்³ரியரக்கா², ஸா ச ததா²பவத்தா ஸதி ஏவ. ஞாணஸங்வரோதி ‘‘ஸோதானங் ஸங்வரங் ப்³ரூமீ’’தி (ஸு॰ நி॰ 1040) வத்வா ‘‘பஞ்ஞாயேதே பிதீ⁴யரே’’தி வசனதோ ஸோதஸங்கா²தானங் தண்ஹாதி³ட்டி²து³ச்சரிதஅவிஜ்ஜாஅவஸிட்ட²கிலேஸானங் ஸங்வரோ பித³ஹனங் ஸமுச்சே²த³ஞாணந்தி வேதி³தப்³ப³ங். க²ந்திஸங்வரோதி அதி⁴வாஸனா, ஸா ச ததா²பவத்தா க²ந்தா⁴, அதோ³ஸோ வா. பஞ்ஞாதி ஏகே, தங் அட்ட²கதா²ய விருஜ்ஜ²தி. வீரியஸங்வரோ காமவிதக்காதீ³னங் வினோத³னவஸேன தத³ங்க³பஹானங். விக்க²ம்ப⁴னேன பஹானங் விக்க²ம்ப⁴னபஹானங். ஸேஸபத³த்த²யேபி ஏஸேவ நயோ.
இமினா பாதிமொக்க²ஸங்வரேனாதிஆதி³ ஸீலஸங்வராதீ³னங் விவரணங். தத்த² ஸமுபேதோதி எத்த² இதி-ஸத்³தோ³ ஆதி³ஸத்தோ². தேன ‘‘ஸஹக³தோ ஸமுபக³தோ’’திஆதி³னா விப⁴ங்கே³ (விப⁴॰ 511) ஆக³தங் ஸங்வரவிப⁴ங்க³ங் த³ஸ்ஸேதி. ஏஸ நயோ ஸேஸேஸுபி. யங் பனெத்த² வத்தப்³ப³ங், தங் அனந்தரஸுத்தே ஆவி ப⁴விஸ்ஸதி.
காயது³ச்சரிதாதீ³னந்தி து³ஸ்ஸீல்யஸங்கா²தானங் காயவசீது³ச்சரிதாதீ³னங் முட்ட²ஸ்ஸச்சஸங்கா²தஸ்ஸ பமாத³ஸ்ஸ அபி⁴ஜ்ஜா²தீ³னங் வா அக்க²ந்திஅஞ்ஞாணகோஸஜ்ஜானஞ்ச. ஸங்வரணதோதி பித³ஹனதோ த²கனதோ. வினயனதோதி காயவாசாசித்தானங் விரூபப்பவத்தியா வினயனதோ அபனயனதோ, காயது³ச்சரிதாதீ³னங் வா வினயனதோ, காயாதீ³னங் வா ஜிம்ஹப்பவத்திங் விச்சி²ந்தி³த்வா உஜுகங் நயனதோதி அத்தோ². பச்சயஸமவாயே உப்பஜ்ஜனாரஹானங் காயது³ச்சரிதாதீ³னங் ததா² ததா² அனுப்பாத³னமேவ ஸங்வரணங் வினயனஞ்ச வேதி³தப்³ப³ங்.
யங் பஹானந்தி ஸம்ப³ந்தோ⁴. ‘‘நாமரூபபரிச்சே²தா³தீ³ஸு விபஸ்ஸனாஞாணேஸூ’’தி கஸ்மா வுத்தங், நனு நாமரூபபரிச்சே²த³பச்சயபரிக்³க³ஹகங்கா²விதரணானி ந விபஸ்ஸனாஞாணானி ஸம்மஸனாகாரேன அப்பவத்தனதோ? ஸச்சமேதங். விபஸ்ஸனாஞாணஸ்ஸ பன அதி⁴ட்டா²னபா⁴வதோ ஏவங் வுத்தங். ‘‘நாமரூபமத்தமித³ங், நத்தி² எத்த² அத்தா வா அத்தனியங் வா’’தி ஏவங் பவத்தஞாணங் நாமரூபவவத்தா²னங். ஸதி விஜ்ஜமானே க²ந்த⁴பஞ்சகஸங்கா²தே காயே, ஸயங் வா ஸதீ தஸ்மிங் காயே தி³ட்டீ²தி ஸக்காயதி³ட்டி². ‘‘ரூபங் அத்ததோ ஸமனுபஸ்ஸதீ’’தி (ஸங்॰ நி॰ 3.81; 4.345) ஏவங் பவத்தா மிச்சா²தி³ட்டி². தஸ்ஸேவ ரூபாரூபஸ்ஸ கம்மாவிஜ்ஜாதி³பச்சயபரிக்³க³ண்ஹனஞாணங் பச்சயபரிக்³க³ஹோ. ‘‘நத்தி² ஹேது நத்தி² பச்சயோ ஸத்தானங் ஸங்கிலேஸாயா’’தி (தீ³॰ நி॰ 1.168) ஆதி³னயப்பவத்தா அஹேதுகதி³ட்டி². ‘‘இஸ்ஸரபுரிஸபஜாபதிபகதிஅணுகாலாதீ³ஹி லோகோ பவத்ததி நிவத்ததி சா’’தி பவத்தா விஸமஹேதுதி³ட்டி². தஸ்ஸேவாதி பச்சயபரிக்³க³ஹஸ்ஸேவ. கங்கா²விதரணேனாதி யதா² ஏதரஹி நாமரூபஸ்ஸ கம்மாதி³பச்சயதோ உப்பத்தி, ஏவங் அதீதானாக³தேஸுபீதி தீஸுபி காலேஸு விசிகிச்சா²பனயனஞாணேன. கத²ங்கதீ²பா⁴வஸ்ஸாதி ‘‘அஹோஸிங் நு கோ² அஹமதீதமத்³தா⁴ன’’ந்தி (ம॰ நி॰ 1.18; ஸங்॰ நி॰ 2.20) ஆதி³னயப்பவத்தாய ஸங்ஸயப்பவத்தியா. கலாபஸம்மஸனேனாதி ‘‘யங் கிஞ்சி ரூபங் அதீதானாக³தபச்சுப்பன்ன’’ந்திஆதி³னா (ம॰ நி॰ 1.361; 2.113; 3.86, 89) க²ந்த⁴பஞ்சகங் ஏகாத³ஸஸு ஓகாஸேஸு பக்கி²பித்வா ஸம்மஸனவஸேன பவத்தேன நயவிபஸ்ஸனாஞாணேன அஹங் மமாதி கா³ஹஸ்ஸாதி அத்தத்தனியக³ஹணஸ்ஸ. மக்³கா³மக்³க³வவத்தா²னேனாதி மக்³கா³மக்³க³ஞாணவிஸுத்³தி⁴யா. அமக்³கே³ மக்³க³ஸஞ்ஞாயாதி ஓபா⁴ஸாதி³கே அமக்³கே³ ‘‘மக்³கோ³’’தி உப்பன்னஸஞ்ஞாய.
யஸ்மா ‘‘உத³யத³ஸ்ஸனேன உச்சே²த³தி³ட்டி²யா’’தி. யஸ்மா பன ஸங்கா²ரானங் வயங் பஸ்ஸந்தோ ‘‘யதி³பிமே ஸங்கா²ரா அவிச்சி²ன்னா வத்தந்தி, உப்பன்னுப்பன்னா பன அப்படிஸந்தி⁴கா நிருஜ்ஜ²ந்தே வா’’தி பஸ்ஸதி, தஸ்ஸேவங் பஸ்ஸதோ குதோ ஸஸ்ஸதக்³கா³ஹோ, தஸ்மா வுத்தங் ‘‘வயத³ஸ்ஸனேன ஸஸ்ஸததி³ட்டி²யா’’தி. ப⁴யத³ஸ்ஸனேனாதி ப⁴யதுபட்டா²னஞாணேன. ஸப⁴யேதி ஸப்³ப³ப⁴யானங் ஆகரபா⁴வதோ ஸகலது³க்க²வூபஸமஸங்கா²தஸ்ஸ பரமஸ்ஸாஸஸ்ஸ படிபக்க²பா⁴வதோ ச ஸப⁴யே க²ந்த⁴பஞ்சகே. அப⁴யஸஞ்ஞாயாதி ‘‘அப⁴யங் கே²ம’’ந்தி உப்பன்னஸஞ்ஞாய. அஸ்ஸாத³ஸஞ்ஞா நாம பஞ்சுபாதா³னக்க²ந்தே⁴ஸு அஸ்ஸாத³வஸேன பவத்தஸஞ்ஞா, யா ‘‘ஆலயாபி⁴னிவேஸோ’’திபி வுச்சதி. அபி⁴ரதிஸஞ்ஞா தத்தே²வ அபி⁴ரதிவஸேன பவத்தஸஞ்ஞா, யா ‘‘நந்தீ³’’திபி வுச்சதி. அமுச்சிதுகம்யதா ஆதா³னங். அனுபெக்கா² ஸங்கா²ரேஹி அனிப்³பி³ந்த³னங், ஸாலயதாதி அத்தோ². த⁴ம்மட்டி²தியங் படிச்சஸமுப்பாதே³ படிலோமபா⁴வோ ஸஸ்ஸதுச்சே²த³க்³கா³ஹோ, பச்சயாகாரபடிச்சா²த³கமோஹோ வா, நிப்³பா³னே படிலோமபா⁴வோ ஸங்கா²ரேஸு ரதி, நிப்³பா³னபடிச்சா²த³கமோஹோ வா. ஸங்கா²ரனிமித்தக்³கா³ஹோதி யாதி³ஸஸ்ஸ கிலேஸஸ்ஸ அப்பஹீனத்தா விபஸ்ஸனா ஸங்கா²ரனிமித்தங் ந முஞ்சதி, ஸோ கிலேஸோ, யோ ‘‘ஸங்யோகா³பி⁴னிவேஸோ’’திபி வுச்சதி. ஸங்கா²ரனிமித்தக்³க³ஹணஸ்ஸ அதிக்கமனமேவ வா பஹானங்.
பவத்தி ஏவ பவத்திபா⁴வோ, பரியுட்டா²னந்தி அத்தோ². நீவரணாதி³த⁴ம்மானந்தி எத்த² ஆதி³-ஸத்³தே³ன நீவரணபக்கி²யா கிலேஸா விதக்கவிசாராத³யோ ச க³ய்ஹந்தி.
சதுன்னங் அரியமக்³கா³னங் பா⁴விதத்தா அச்சந்தங் அப்பவத்திபா⁴வேன யங் பஹானந்தி ஸம்ப³ந்தோ⁴. கேன பஹானந்தி? அரியமக்³கே³ஹேவாதி விஞ்ஞாயமானோயமத்தோ² தேஸங் பா⁴விதத்தா அப்பவத்திவசனதோ. ஸமுத³யபக்கி²கஸ்ஸாதி எத்த² சத்தாரோபி மக்³கா³ சதுஸச்சாபி⁴ஸமயாதி கத்வா தேஹி பஹாதப்³பே³ன தேன தேன ஸமுத³யேன ஸஹ பஹாதப்³ப³த்தா ஸமுத³யஸபா⁴க³த்தா, ஸச்சவிப⁴ங்கே³ ச ஸப்³ப³கிலேஸானங் ஸமுத³யபா⁴வஸ்ஸ வுத்தத்தா ‘‘ஸமுத³யபக்கி²கா’’தி தி³ட்டி²ஆத³யோ வுச்சந்தி. படிப்பஸ்ஸத்³த⁴த்தங் வுபஸந்ததா. ஸங்க²தனிஸ்ஸடதா ஸங்கா²ரஸபா⁴வாபா⁴வோ. பஹீனஸப்³ப³ஸங்க²தந்தி விரஹிதஸப்³ப³ஸங்க²தங், விஸங்கா²ரந்தி பஹானவினயோ புரிமேன அத்தே²ன, து³தியேன பன பஹீயதீதி பஹானங், தஸ்ஸ வினயோதி யோஜேதப்³ப³ங்.
பி⁴ன்னஸங்வரத்தாதி அரியேதி அரியோ. பச்சத்தவசனஞ்ஹேதங். ஏஸேஸேதி ஏஸோ ஸோ ஏவ, அத்த²தோ அனஞ்ஞோதி அத்தோ². தஜ்ஜாதேதி அத்த²தோ தங்ஸபா⁴வோ, ஸப்புரிஸோ அரியஸபா⁴வோ, அரியோ ச ஸப்புரிஸஸபா⁴வோதி அத்தோ².
தங் அத்த²ந்தி ‘‘ஸப்³ப³த⁴ம்மமூலபரியாய’’ந்தி ஏவங் வுத்தமத்த²ங். கஸ்மா பனெத்த² புக்³க³லாதி⁴ட்டா²னா தே³ஸனா கதாதி? யதெ³த்த² வத்தப்³ப³ங், தங் ‘‘யஸ்மா புது²ஜ்ஜனோ அபரிஞ்ஞாதவத்து²கோ’’திஆதி³னா (ம॰ நி॰ அட்ட²॰ 1.2) ஸயமேவ வக்க²தி. த⁴ம்மோ அதி⁴ட்டா²னங் ஏதிஸ்ஸாதி த⁴ம்மாதி⁴ட்டா²னா, ஸபா⁴வத⁴ம்மே நிஸ்ஸாய பவத்திததே³ஸனா. த⁴ம்மவஸேனேவ பவத்தா பட²மா, புக்³க³லவஸேன உட்ட²ஹித்வா புக்³க³லவஸேனேவ க³தா ததியா, இதரா த⁴ம்மபுக்³க³லானங் வோமிஸ்ஸகவஸேன. கஸ்மா பன ப⁴க³வா ஏவங் விபா⁴கே³ன த⁴ம்மங் தே³ஸேதீதி? வேனெய்யஜ்ஜா²ஸயேன தே³ஸனாவிலாஸேன ச. யே ஹி வேனெய்யா த⁴ம்மாதி⁴ட்டா²னாய த⁴ம்மதே³ஸனாய ஸுகே²ன அத்த²ங் படிவிஜ்ஜ²ந்தி, தேஸங் ததா² த⁴ம்மங் தே³ஸேதி. ஏஸ நயோ ஸப்³ப³த்த². யஸ்ஸா ச த⁴ம்மதா⁴துயா ஸுப்படிவித்³த⁴த்தா தே³ஸனாவிலாஸப்பத்தோ ஹோதி, ஸாயங் ஸுப்படிவித்³தா⁴, தஸ்மா தே³ஸனாவிலாஸப்பத்தோ த⁴ம்மிஸ்ஸரோ த⁴ம்மராஜா யதா² யதா² இச்ச²தி, ததா² ததா² த⁴ம்மங் தே³ஸேதீதி ஏவங் இமினா வேனெய்யஜ்ஜா²ஸயேன தே³ஸனாவிலாஸேன ச ஏவங் விபா⁴கே³ன த⁴ம்மங் தே³ஸேதீதி வேதி³தப்³போ³.
ச²தா⁴துரோதி பத²விதா⁴து ஆபோ-தேஜோ-வாயோ-ஆகாஸதா⁴து விஞ்ஞாணதா⁴தூதி இமேஸங் ச²ன்னங் தா⁴தூனங் வஸேன ச²தா⁴துரோ. ‘‘சக்கு²னா ரூபங் தி³ஸ்வா ஸோமனஸ்ஸட்டா²னியங் ரூபங் உபவிசரதீ’’திஆதி³னா (தீ³॰ நி॰ 3.324) வுத்தானங் ச²ன்னங் ஸோமனஸ்ஸூபவிசாரானங், ச²ன்னங் தோ³மனஸ்ஸஉபெக்கூ²பவிசாரானஞ்ச வஸேன அட்டா²ரஸமனோபவிசாரோ. ஸச்சாதி⁴ட்டா²னாதி³வஸேன சதுராதி⁴ட்டா²னோ. பஞ்ஞாசக்கு²னா தி³ட்ட²த⁴ம்மிகஸ்ஸ ஸம்பராயிகஸ்ஸ ச அத்த²ஸ்ஸ அத³ஸ்ஸனதோ அந்தோ⁴, தி³ட்ட²த⁴ம்மிகஸ்ஸேவ த³ஸ்ஸனதோ ஏகசக்கு², த்³வின்னம்பி த³ஸ்ஸனதோ த்³விசக்கு², வேதி³தப்³போ³.
ஸ்வாயங் ஸ்வாயந்தி ச ஸோ அயங், யதா²வுத்ததே³ஸனாவிபா⁴க³குஸலோ ப⁴க³வாதி அத்தோ². அபரிஞ்ஞாதவத்து²கோதி தீஹி பரிஞ்ஞாஹி அபரிஞ்ஞாதக்க²ந்தோ⁴. க²ந்தா⁴ ஹி பரிஞ்ஞாதவத்து². அபரிஞ்ஞாமூலிகாதி பரிஜானநாபா⁴வனிமித்தா தஸ்மிங் ஸதி பா⁴வதோ. பரிஞ்ஞானஞ்ஹி அரியானங் அத³ஸ்ஸாவீதி எத்த² இதி-ஸத்³தோ³ ஆதி³அத்தோ². தேன ‘‘அரியத⁴ம்மஸ்ஸ அகோவிதோ³’’திஆதி³கங் புது²ஜனஸ்ஸ விஸேஸனபா⁴வேன பவத்தங் பாளிஸேஸங் க³ண்ஹாதி புது²ஜ்ஜனநித்³தே³ஸபா⁴வதோ. தேனாஹ ‘‘ஏவங் புது²ஜ்ஜனங் நித்³தி³ஸீ’’தி.
ஸுத்தனிக்கே²பவண்ணனா நிட்டி²தா.
பத²வீவாரவண்ணனா
தஸ்ஸாதி புது²ஜ்ஜனஸ்ஸ. வஸதி எத்த² ஆரம்மணகரணவஸேனாதி ஆரம்மணம்பி வத்தூ²தி வுச்சதி பவத்திட்டா²னபா⁴வதோதி ஆஹ ‘‘பத²வீஆதீ³ஸு வத்தூ²ஸூ’’தி. ஸக்காயத⁴ம்மானம்பி ஆரம்மணாதி³னா ஸதிபி மஞ்ஞனாஹேதுபா⁴வே மஞ்ஞனாஹேதுகத்தேனேவ தேஸங் நிப்³ப³த்திதோதி வுத்தங் ‘‘ஸப்³ப³ஸக்காயத⁴ம்மஜனிதங் மஞ்ஞன’’ந்தி. எத்த² ச பத²வீதா⁴து ஸேஸதா⁴தூனங் ஸஸம்பா⁴ராஸம்பா⁴ரபா⁴வா ஸதிபி பமாணதோ ஸமபா⁴வே ஸாமத்தி²யதோ அதி⁴கானதி⁴கபா⁴வேன வேதி³தப்³பா³. ஸம்பா⁴ரந்தீதி ஸம்பா⁴ரா, பரிவாரா. தங்தங்கலாபேஹி லக்க²ணபத²வியா ஸேஸத⁴ம்மா யதா²ரஹங் பச்சயபா⁴வேன பரிவாரபா⁴வேன ச பவத்தந்தி. தேனாஹ ‘‘ஸா ஹி வண்ணாதீ³ஹி ஸம்பா⁴ரேஹி ஸத்³தி⁴ங் பத²வீதி ஸஸம்பா⁴ரபத²வீ’’தி. பத²விதோதி எத்த² புது²லட்டே²ன புது²வீ, புது²வீ ஏவ பத²வீ. ஸா ஹி ஸதிபி பரிச்சி²ன்னவுத்தியங் ஸப்³பே³ஸங் ஸகலாபபா⁴வானங் ஆதா⁴ரபா⁴வேன பவத்தமானா புது²லா பத்த²டா வித்தி²ண்ணாதி வத்தப்³ப³தங் அரஹதி, ந பன தங் அனுபவிஸித்வா பவத்தமானா ஆபாத³யோ. ஸஸம்பா⁴ரபத²வியா பன புது²லபா⁴வே வத்தப்³ப³மேவ நத்தி². ஆரம்மணபத²வியங் வட்³ட⁴னப²ரணட்டே²ஹி புது²லட்டோ², இதரஸ்மிங் ருள்ஹியாவ த³ட்ட²ப்³போ³. ஆரம்மணபத²வீதி ஜா²னஸ்ஸ ஆரம்மணபூ⁴தங் பத²வீஸங்கா²தங் படிபா⁴க³னிமித்தங். தேனாஹ ‘‘நிமித்தபத²வீதிபி வுச்சதீ’’தி. ஆக³மனவஸேனாதி பத²வீகஸிணபா⁴வனாக³மனவஸேன. ததா² ஹி வுத்தங் ‘‘ஆபோ ச தே³வா பத²வீ, தேஜோ வாயோ ததா³க³மு’’ந்தி (தீ³॰ நி॰ 2.340).
ஸப்³பா³பீதி சதுப்³பி³தா⁴ பத²வீபி. அனுஸ்ஸவாதி³மத்தலத்³தா⁴ மஞ்ஞனா வத்து² ஹோதியேவ. ததா² ஹி ‘‘கக்க²ளங் க²ரிக³த’’ந்திஆதி³னா (விப⁴॰ 173) லக்க²ணபத²வீபி உத்³த⁴ரீயதி. யங் ‘‘லோகவோஹாரங் க³ஹெத்வா’’தி. ந ச ஸப்³ப³ஸஞ்ஞா பிண்ட³க்³கா³ஹிகா பத²விதோதி பச்சதே நிஸ்ஸக்கவசனந்தி த³ஸ்ஸெந்தோ ‘‘பத²வீதி ஸஞ்ஜானாதீ’’தி ஆஹ. யஸ்மா சதுப்³பி³த⁴ம்பி பத²விங் ‘‘பத²வீ’தி ஸஞ்ஜானந்தோ தேன தேன நயேன பத²வீகொட்டா²ஸேனேவ ஸஞ்ஜானாதீதி வுச்சதி, ந ஆபாதி³கொட்டா²ஸேன, தஸ்மா வுத்தங் ‘‘பத²விபா⁴கே³ன ஸஞ்ஜானாதீ’’தி. லோகவோஹாரங் க³ஹெத்வாதி லோகஸமஞ்ஞங் அவிஜஹித்வா. ஏதேன லக்க²ணபத²வியம்பி வோஹாரமுகே²னேவஸ்ஸா பவத்தீதி த³ஸ்ஸேதி.
யதி³ லோகவோஹாரேன தத்த² பவத்தி, கோ எத்த² தோ³ஸோ, நனு அரியாபி ‘‘அயஞ்ஹி ப⁴ந்தே மஹாபத²வீ’’திஆதி³னா லோகவோஹாரேன பவத்தந்தீதி? ந எத்த² வோஹாரமத்தே அவட்டா²னங் அதி⁴ப்பேதங், அத² கோ² வோஹாரமுகே²ன மிச்சா²பி⁴னிவேஸோதி த³ஸ்ஸெந்தோ ‘‘ஸஞ்ஞாவிபல்லாஸேன ஸஞ்ஜானாதீ’’தி ஆஹ. தஸ்ஸத்தோ² – அயோனிஸோமனஸிகாரஸம்பூ⁴தாய ‘‘ஸுப⁴’’ந்திஆதி³னயப்பவத்தாய விபரீதஸஞ்ஞாய ஸஞ்ஜானாதீதி. ஏதேன து³ப்³ப³லா தண்ஹாமானதி³ட்டி²மஞ்ஞனா த³ஸ்ஸிதாதி த³ட்ட²ப்³ப³ங். யதி³ ஏவங் கஸ்மா ஸஞ்ஞா க³ஹிதாதி? பாகடபா⁴வதோ. யதா² நாம அக்³கி³ம்ஹி மதி²யமானே யதா³ தூ⁴மோ உபலப்³ப⁴தி, கிஞ்சாபி ததா³ விஜ்ஜதேவ பாவகோ அவினாபா⁴வதோ, பாகடபா⁴வதோ பன தூ⁴மோ ஜாதோதி வுச்சதி, ந அக்³கி³ ஜாதோதி, ஏவங்ஸம்பத³மித³ங் த³ட்ட²ப்³ப³ங். யதி³பி தத்த² மஞ்ஞனாகிச்சங் அத்தி², ந பன விபூ⁴தங் அபாகடபா⁴வதோ ஸஞ்ஞாகிச்சமேவ விபூ⁴தங், தங் பன மஞ்ஞனானுகூலங் மஞ்ஞனாஸஹிதங் சாதி ஆஹ ‘‘ஸஞ்ஞாவிபல்லாஸேன ஸஞ்ஜானாதீ’’தி. ஏவங் பத²வீபா⁴க³ங் அமுஞ்சந்தோயேவ வா ஸஞ்ஜானாதீதி ஸம்ப³ந்தோ⁴. யோ ஹி வுத்தப்பபே⁴தா³ய பத²வியா பத²விபா⁴க³ங் அமுஞ்சந்தோயேவ அவிஜஹந்தோயேவ ஸீஸபிண்டே³ ஸுவண்ணஸஞ்ஞீ விய அனத்தாதி³ஸபா⁴வங்யேவ தங் அத்தாதி³வஸேன ஸஞ்ஜானாதி, தஸ்ஸ வஸேன வுத்தங் ‘‘பத²வீ’’திஆதி³. ந வத்தப்³ப³ங் புது²ஜ்ஜனக்³கா³ஹஸ்ஸ யுத்திமக்³க³னநிவாரணதோதி த³ஸ்ஸெந்தோ ஆஹ ‘‘உம்மத்தகோ விய…பே॰… க³ண்ஹாதீ’’தி அரியானங் அத³ஸ்ஸாவிதாதி³பே⁴த³ந்தி அரியானங் அத³ஸ்ஸாவிதாதி³விஸேஸங் வத³ந்தேன ப⁴க³வதாவ எத்த² யதா²வுத்தஸஞ்ஜானநே காரணங் வுத்தந்தி யோஜனா.
ஏவந்தி ‘‘பத²விபா⁴கே³ன ஸஞ்ஜானாதீ’’திஆதி³னா வுத்தப்பகாரேன. ஸஞ்ஜானித்வாதி புப்³ப³காலகிரியானித்³தே³ஸோதி ஆஹ ‘‘அபரபா⁴கே³…பே॰… க³ண்ஹாதீ’’தி. பபஞ்சஸங்கா²தி பபஞ்சகொட்டா²ஸா. பபஞ்சந்தி ஸத்தா ஸங்ஸாரே சிராயந்தி ஏதேஹீதி பபஞ்சா, மஞ்ஞந்தி ‘‘ஏதங் மமா’’திஆதி³னா பரிகப்பெந்தி ஏதாஹீதி மஞ்ஞனாதி த்³வீஹிபி பரியாயேஹி தண்ஹாத³யோவ வுத்தாதி ஆஹ ‘‘தண்ஹாமானதி³ட்டி²பபஞ்சேஹி இத⁴ மஞ்ஞனானாமேன வுத்தேஹீ’’தி. அஜஞ்ஞஸ்ஸ ஜஞ்ஞதோ, அஸெய்யாதி³கஸ்ஸ ‘‘அஞ்ஞதா² க³ண்ஹாதீ’’தி. ஆரம்மணாபி⁴னிரோபனாதி³னா பி⁴ன்னஸபா⁴வானம்பி விதக்காதீ³னங் ஸாதா⁴ரணோ உபனிஜ்ஜா²யனஸபா⁴வோ விய அனுகி³ஜ்ஜ²னுண்ணதிபராமஸனஸபா⁴வானம்பி தண்ஹாதீ³னங் ஸாதா⁴ரணேன ஆரம்மணபரிகப்பனாகாரேன பவத்தி மஞ்ஞனாதி த³ட்ட²ப்³ப³ங். தேனாஹ ‘‘தீஹி மஞ்ஞனாஹி மஞ்ஞதீ’’திஆதி³. அஸ்ஸாதி புது²ஜ்ஜனஸ்ஸ, உத³யப்³ப³யானுபஸ்ஸனாதீ³ஸு விய ஸுகு²மனயேனபி மஞ்ஞனாபவத்தி அத்தீ²தி விபா⁴வனஸுக²தாய தூ²லங்யேவ தங் த³ஸ்ஸேதுகாமோ ‘‘ஓளாரிகனயேனா’’திஆஹ. ஓளாரிகே ஹி விபா⁴கே³ த³ஸ்ஸிதே ஸுகு²மவிபா⁴வனா ஸுகராதி த³ஸ்ஸேதுங் அயமத்த²யோஜனா வுச்சதீதி ஸம்ப³ந்தோ⁴. அஜ்ஜ²த்திகாதி இந்த்³ரியப³த்³தா⁴ ஸத்தஸந்தானபரியாபன்னா நியகஜ்ஜ²த்தா வுத்தா விப⁴ங்கே³ படிஸம்பி⁴தா³மக்³கே³ ச.
விப⁴ங்கே³தி தா⁴துவிப⁴ங்கே³ (விப⁴॰ 173). பா³ஹிராதி அனிந்த்³ரியப³த்³தா⁴ ஸங்கா²ரஸந்தானபரியாபன்னா. கக்க²ளந்தி த²த்³த⁴ங். க²ரிக³தந்தி ப²ருஸங். கக்க²ளபா⁴வோ கக்க²ளத்தங். கக்க²ளபா⁴வோதி கக்க²ளஸபா⁴வோ. ப³ஹித்³தா⁴தி இந்த்³ரியப³த்³த⁴தோ ப³ஹித்³தா⁴பூ⁴தங். அனுபாதி³ன்னந்தி ந உபாதி³ன்னங். அயோதி காளலோஹங். லோஹந்தி ஜாதிலோஹங் விஜாதிலோஹங் கித்திமலோஹங் பிஸாசலோஹந்தி சதுப்³பி³த⁴ங். தத்த² அயோ ஸஜ்ஜு² ஸுவண்ணங் திபு ஸீஸங் தம்ப³லோஹங் வேகந்தகலோஹந்தி இமானி ஸத்த ஜாதிலோஹானி நாம. நாக³னாஸிகாலோஹங் விஜாதிலோஹங் நாம. கங்ஸலோஹங் வட்டலோஹங் ஆரகுடந்தி தீணி கித்திமலோஹானி நாம. மோரக்க²கங் புது²கங் மலினகங் சபலகங் ஸலகங் ஆடலங் ப⁴த்தகங் பிஸாசலோஹானி நாம. தேஸு வேகந்தகலோஹங் நாம ஸப்³ப³லோஹச்சே²த³னஸமத்தா² ஏகா லோஹஜாதி. ததா² ஹி தங் விகந்ததி சி²ந்த³தீதி விகந்தகந்தி வுச்சதி. விகந்தகமேவ வேகந்தகங். நாக³னாஸிகாலோஹங் லோஹஸதி³ஸங் லோஹவிஜாதி ஹலித்³தா³தி³விஜாதி விய. ததா² ஹி தங் லோஹாகாரங் லோஹமலங் விய க⁴னஸங்ஹதங் ஹுத்வா திட்ட²தி, தாபெத்வா தாளிதங் பன பி⁴ன்னங் பி⁴ன்னங் ஹுத்வா விஸரதி முது³ மட்ட²ங் கம்மனியங் வா ந ஹோதி. திபுதம்பே³ மிஸ்ஸெத்வா கதங் கங்ஸலோஹங். ஸீஸதம்பே³ மிஸ்ஸெத்வா கதங் வட்டலோஹங். ஜஸதம்பே³ மிஸ்ஸெத்வா கதங் ஆரகுடங். தேனேவ தங் கரணேன நிப்³ப³த்தத்தா கித்திமலோஹந்தி வுச்சதி. யங் பன கேவலங் ரஸகதா⁴து வினிக்³க³தங், தங் ‘‘பித்தல’’ந்திபி வத³ந்தி. தங் இத⁴ நாதி⁴ப்பேதங், யதா²வுத்தங் மிஸ்ஸகமேவ கத்வா யோஜிதங் கித்திமந்தி வுத்தங். மோரக்க²காதீ³னி ஏவங்னாமானேவேதானி. தேஸு யஸ்மா பஞ்ச ஜாதிலோஹானி பாளியங் விஸுங் வுத்தானேவ, தஸ்மா வேகந்தகலோஹேன ஸத்³தி⁴ங் வுத்தாவஸேஸங் ஸப்³ப³ங் இத⁴ லோஹந்தி வேதி³தப்³ப³ங்.
திபூதி ஸேததிபு. ஸீஸந்தி காளதிபு. ஸஜ்ஜ²ந்தி ரஜதங். முத்தாதி ஹத்தி²கும்ப⁴ஜாதி³கா அட்ட²விதா⁴பி முத்தா. ததா² ஹி ஹத்தி²கும்ப⁴ங் வராஹதா³டா² பூ⁴ஜங்க³ஸீஸங் வலாஹகூடங் வேளூ மச்ச²ஸீரோ ஸங்கோ² ஹத்தி²கும்ப⁴ஜா பீதவண்ணா பபா⁴ஹீனா. வராஹதா³டா² வராஹதா³ட²வண்ணாவ. பு⁴ஜங்க³ஸீஸஜா நீலாதி³வண்ணா ஸுவிஸுத்³தா⁴ வட்டலா ச. வலாஹகஜா பா⁴ஸுரா து³ப்³பி³பா⁴க³ரூபா ரத்திபா⁴கே³ அந்த⁴காரங் வித⁴மந்தியோ திட்ட²ந்தி, தே³வூபபோ⁴கா³ ஏவ ச ஹொந்தி. வேளுஜா கரகுபலஸமானவண்ணா ந பா⁴ஸுரா, தே ச வேளூ அமனுஸ்ஸகோ³சரே ஏவ பதே³ஸே ஜாயந்தி. மச்ச²ஸீரஜா பாடீ²னபிட்டி²ஸமானவண்ணா வட்டலா லக⁴வோ ச ஹொந்தி பபா⁴விஹீனா, தே ச மச்சா² ஸமுத்³த³மஜ்ஜே² ஏவ ஜாயந்தி. ஸங்க²ஜா ஸங்கோ²த³ரச்ச²விவண்ணா கோலப்பமாணாபி ஹொந்தி பபா⁴விஹீனாவ. ஸிப்பிஜா பபா⁴விஸேஸயுத்தா ஹொந்தி நானாஸண்டா²னா. ஏவங் ஜாதிதோ அட்ட²விதா⁴ஸுபி முத்தாஸு யா மச்ச²ஸங்க²ஸிப்பிஜா, தா ஸாமுத்³தி³கா ஹொந்தி, பு⁴ஜங்க³ஜாபி காசி ஸாமுத்³தி³கா ஹொந்தி, இதரா அஸாமுத்³தி³கா. யஸ்மா ப³ஹுலங் ஸாமுத்³தி³காவ முத்தா லோகே தி³ஸ்ஸந்தி, தத்தா²பி ஸிப்பிஜாவ, இதரா காதா³சிகா. தஸ்மா ஸம்மோஹவினோத³னியங் (விப⁴॰ அட்ட²॰ 173) ‘‘முத்தாதி ஸாமுத்³தி³கா முத்தா’’தி வுத்தங்.
மணீதி வேளுரியந்தி வங்ஸவண்ணமணி. ஸங்கோ²தி ஸாமுத்³தி³கஸங்கோ². ஸிலாதி காளஸிலா பண்டு³ஸிலா ஸேதஸிலாதி³பே⁴தா³ அட்ட²பி ஸிலா. ரஜதந்தி கஹாபணாதி³கங் வுத்தாவஸேஸங் ரஜதஸம்மதங். ஜாதரூபந்தி ஸுவண்ணங். லோஹிதங்கோ³தி ரத்தமணி. மஸாரக³ல்லந்தி கப³ரமணி திணாதீ³ஸு ப³ஹிபா⁴ரா தாலனாளிகேராத³யோபி திணங் நாம. அந்தோஸாரங் க²தி³ராதி³ அந்தமஸோ தா³ருக²ண்ட³ம்பி கட்ட²ங் நாம. முக்³க³மத்ததோ யாவ முட்டி²ப்பமாணா மரும்பா³ ஸக்க²ரா நாம. முக்³க³மத்ததோ பட்டா²ய ஹெட்டா² வாலிகா நாம. கட²லந்தி கபாலக²ண்ட³ங். பூ⁴மீதி ஸஸம்பா⁴ரபத²வீ. பாஸாணோதி அந்தோமுட்டி²யங் அஸண்ட²ஹனதோ பட்டா²ய யாவ ஹத்தி²ப்பமாணங் பாஸாணங், ஹத்தி²ப்பமாணதோ பன பட்டா²ய உபரி பப்³ப³தோதி. அயங் அயோஆதீ³ஸு விபா⁴க³னித்³தே³ஸோ. நிமித்தபத²வீதி படிபா⁴க³னிமித்தபூ⁴தங் பத²விகஸிணங். தம்பி ஹி ‘‘ரூபாவசரதிகசதுக்கஜ்ஜா²னங் குஸலதோ ச விபாகதோ ச கிரியதோ ச சதுத்த²ஸ்ஸ ஜா²னஸ்ஸ விபாகோ இமே த⁴ம்மா ப³ஹித்³தா⁴ரம்மணா’’தி வசனதோ ‘‘பா³ஹிரா பத²வீ’’தி வுச்சதி. தேன வுத்தங் ‘‘யா ச அஜ்ஜ²த்தாரம்மணத்திகே நிமித்தபத²வீ, தங் க³ஹெத்வா’’தி. உக்³க³ஹனிமித்தஞ்செத்த² தங்க³திகமேவ த³ட்ட²ப்³ப³ங், நிமித்துப்பத்திதோ பன புப்³பே³ பூ⁴மிக்³க³ஹணேனேவ க³ஹிதந்தி.
தீஹி மஞ்ஞனாஹீதி வுத்தங் மஞ்ஞனாத்தயங் ஸபரஸந்தானேஸு ஸங்கே²பதோ யோஜெத்வா த³ஸ்ஸேதுங் ‘‘அஹங் பத²வீ’’திஆதி³ வுத்தங். தத்த² அஹங் பத²வீதிஆதீ³னா அஜ்ஜ²த்தவிஸயங் தி³ட்டி²மஞ்ஞனங் மானமஞ்ஞனஞ்ச த³ஸ்ஸேதி அத்தாபி⁴னிவேஸாஹங்காரதீ³பனதோ. மம பத²வீதி இமினா தண்ஹாமஞ்ஞனங் மானமஞ்ஞனம்பி வா பரிக்³க³ஹபூ⁴தாயபி பத²வியா ஸெய்யாதி³தோ மானஜப்பனதோ. ஸேஸபத³த்³வயேபி இமினானயேன மஞ்ஞனாவிபா⁴கோ³ ‘‘அஹங் பத²வீ’’தி மஞ்ஞதி நாம, தமேவ ‘‘அயங் மய்ஹங் அத்தா’’தி க³ஹணே பன ‘‘மம பத²வீ’’தி மஞ்ஞதி நாம. ததா² தங் ‘‘பரபுரிஸோ’’தி வா ‘‘தே³வோ’’தி வா வாத³வஸேன ‘‘அயமேவ பரேஸங் அத்தா’’தி வா அபி⁴னிவிஸந்தோ ‘‘பரோ பத²வீ, பரஸ்ஸ பத²வீ’’தி மஞ்ஞதி நாம. இமினா நயேன ஸேஸபத²வீஸுபி யதா²ரஹங் சதுக்கங் நித்³தா⁴ரேதப்³ப³ங்.
ஏவங் ‘‘பத²விங் மஞ்ஞதீ’’தி எத்த² சதுக்கவஸேன மஞ்ஞனங் த³ஸ்ஸெத்வா இதா³னி மஞ்ஞனாவத்து²ங் மஞ்ஞனாயோ ச விப⁴ஜித்வா அனேகவிஹிதங் தஸ்ஸ மஞ்ஞனாகாரங் ‘‘அத² வா’’திஆதி³மாஹ. தத்த² அயந்தி யதா²வுத்தோ புது²ஜ்ஜனோ. ச²ந்த³ராக³ந்தி ப³ஹலராக³ங். அஸ்ஸாதே³தீதி நிகாமேதி, ‘‘இமே கேஸா முது³ஸினித்³த⁴குஞ்சிதனீலோபா⁴ஸா’’திஆதி³னா தத்த² ரஸங் விந்த³தி. அபி⁴னந்த³தீதி ஸப்பீதிகாய தண்ஹாய அபி⁴முகோ² நந்த³தி பமோத³தி. அபி⁴வத³தீதி உப்பன்னங் தண்ஹாபி⁴னந்த³னாவேக³ங் ஹத³யேன ஸந்தா⁴ரேதுங் அஸக்கொந்தோ ‘‘அஹோ மே கேஸா’’தி வாசங் நிச்சா²ரேதி. அஜ்ஜோ²ஸாய திட்ட²தீதி ப³லவதண்ஹாபி⁴னிவேஸேன கி³லித்வா பரினிட்டா²பெத்வா திட்ட²தி. அஞ்ஞதரங் வா பன ரஜ்ஜனீயவத்து²ந்தி கேஸாதி³தோ அஞ்ஞதரங் வா கரசரணாதி³ப்பபே⁴த³ங் நியகஜ்ஜ²த்தபரியாபன்னங் ராகு³ப்பத்திஹேதுபூ⁴தங் வத்து²ங். இதீதி இமினா ஸினித்³தா⁴தி³ப்பகாரேனாதி பத்த²யிதப்³பா³காரங் பராமஸதி. தத்த² நந்தி³ங் ஸமன்னானேதீதி தேஸு பா⁴வீஸு கேஸாதீ³ஸு ஸித்³த⁴ங் விய கத்வா நந்தி³ங் தண்ஹங் ஸமன்னாஹரதி ஸமுபசாரேதி. பணித³ஹதீதி பத்த²னங் ட²பேதி.
ஸம்பத்திங் நிஸ்ஸாய ‘‘ஸெய்யோஹமஸ்மீ’’தி, விபத்திங் நிஸ்ஸாய ‘‘ஹீனோஹமஸ்மீ’’தி மானங் ஜனேதீதி யோஜனா. பத²வீகொட்டா²ஸபூ⁴தானங் கேஸாதீ³னங் ஸம்பத்திவிபத்தீஹி மானஜப்பனா பத²வியா மஞ்ஞனா ஹோதீதி ஆஹ ‘‘ஏவங் அஜ்ஜ²த்திகங் பத²விங் மானமஞ்ஞனாய மஞ்ஞதீ’’தி. அவயவப்³யதிரேகேன ஸமுதா³யஸ்ஸ அபா⁴வதோ ஸமுதா³யோ ஜீவாபி⁴னிவேஸோ அவயவேபி ஹோதீதி த³ஸ்ஸெந்தோ ‘‘தங் ஜீவங் தங் ஸரீரந்தி ஆக³தனயேன பன கேஸங் ‘ஜீவோ’தி அபி⁴னிவிஸதீ’’தி ஆஹ. ‘‘கேஸா நாமேதே இஸ்ஸரவிஹிதா பஜாபதினிஸ்ஸிதா அணுஸஞ்சயோ பகதிபரிணாமோ’’திஆதி³னா நயேனபெத்த² தி³ட்டி²மஞ்ஞனா வேதி³தப்³பா³.
இமிஸ்ஸா பவத்தியாதி நிகந்திமானதி³ட்டீ²னங் பரியாதா³னஸமுக்³கா⁴டப்பவத்தியா. ‘‘ஏதங் மமா’’திஆதி³னா யதி³பி திஸ்ஸன்னம்பி மஞ்ஞனானங் ஸம்ப⁴வோ த³ஸ்ஸிதோ. தண்ஹாமானமஞ்ஞனானங் பன ஹெட்டா² ‘‘ஏவம்பி அஜ்ஜ²த்திகங் பத²விங் தி³ட்டி²மஞ்ஞனாய மஞ்ஞதீ’’தி.
பா³ஹிரம்பி பத²விங் தீஹி மஞ்ஞனாஹி மஞ்ஞதீதி யோஜனா. தங் பன மஞ்ஞனாவிதி⁴ங் த³ஸ்ஸேதுங் ‘‘கத²’’ந்தி ஆஹ. தஸ்ஸத்தோ² ஹெட்டா² வுத்தனயேன வேதி³தப்³போ³.
அயங் ஜீவோதி அயங் காளலோஹங் ‘‘ஜீவோ அத்தா’’தி அபி⁴னிவிஸதி ஏகச்சே நிக³ண்டா² விய. ஏவங் பா³ஹிரங் பத²விங் தி³ட்டி²மஞ்ஞனாய மஞ்ஞதீதி எத்தா²பி ‘‘யா சேவ கோ² பன அஜ்ஜ²த்திகா பத²வீதா⁴து, யா ச பா³ஹிரா பத²வீதா⁴தூ’’திஆதி³னா நயேன ஆனெத்வா வத்தப்³போ³.
பத²வீகஸிணங் அத்ததோ ஸமனுபஸ்ஸதீதிஆதீ³ஸு யங் வத்தப்³ப³ங், தங் ஹெட்டா² வுத்தமேவ. அயம்பி ச நயோ ‘‘ரூபங் அத்ததோ ஸமனுபஸ்ஸதீ’’தி எத்தே²வ அந்தோக³தோ⁴தி த³ட்ட²ப்³போ³ கஸிணானம்பி ரூபஸமஞ்ஞாஸம்பா⁴வதோ. பத²விங் மஞ்ஞதீதி எத்த² யாதி³ஸோ மஞ்ஞனாவத்து²மஞ்ஞனானங் வித்தா²ரனயோ வுத்தோ, தாதி³ஸோ இதோ பரங் வுத்தனயோவாதி ஆஹ ‘‘இதோ பரங் ஸங்கே²பேனேவ கத²யிஸ்ஸாமா’’தி, அதாதி³ஸோ பன வித்தா²ரதோபி கத²யிஸ்ஸதீதி அத்தோ².
தஸ்மாதி யஸ்மா ‘‘பத²வியா’’தி இத³ங் பு⁴ம்மவசனங், தஸ்மா, ஸோ அத்தபரத்தது³பகரணானங் ஆதா⁴ரபா⁴வேன தங் மஞ்ஞனாவத்து²ங் கப்பேதீதி அத்தோ². தேனாஹ ‘‘அஹங் பத²வியா’’திஆதி³. நனு ச இந்த்³ரியப³த்³தா⁴னிந்த்³ரியப³த்³த⁴பபே⁴த³ஸ்ஸ த⁴ம்மப்பப³ந்த⁴ஸ்ஸ ஸஸம்பா⁴ரபத²வீ ச ஆதா⁴ரனிஸ்ஸயோ, இதரா ஆரம்மணனிஸ்ஸயோ ததா³ரம்மணஸ்ஸாதி எத்த² நிப்³பி³ரோதோ⁴தி? ந, மஞ்ஞனாவத்து²ங் நிஸ்ஸயபா⁴வேன பரிகப்பனதோ. அயஞ்ஹி ‘‘அஹ’’ந்தி தி³ட்டி²மஞ்ஞனாய மானமஞ்ஞனாய ச வத்து²பூ⁴தஸ்ஸ அத்தனோ பத²விஸன்னிஸ்ஸயங் கத்வா ‘‘அஹங் பத²வியா’’தி மஞ்ஞதி, தண்ஹாமஞ்ஞனாய வத்து²பூ⁴தஸ்ஸ உபகரணஸ்ஸ பத²விங் ஸன்னிஸ்ஸயங் கத்வா ‘‘மய்ஹங் கிஞ்சனங் பலிபோ³தோ⁴ பத²வியா’’தி மஞ்ஞதி. பரோதிஆதீ³ஸுபி இமினா நயேன அத்தோ² வேதி³தப்³போ³.
ய்வாயங் அத்த²னயோதி ஸம்ப³ந்தோ⁴. வுத்தோ படிஸம்பி⁴தா³மக்³கே³. ஏதேனேவ நயேனாதி ய்வாயங் ‘‘ஸோ கோ² பன மே அத்தா இமஸ்மிங் ரூபே’’தி ஸமுதா³யஸ்ஸ ஆதா⁴ரபா⁴வதீ³பனோ அத்த²னயோ வுத்தோ, ஏதேனேவ நயேன. ந ஹி அவயவப்³யதிரேகேன ஸமுதா³யோ லப்³ப⁴தி, தஸ்மா ஸமுதா³யே வுத்தவிதி⁴ அவயவேபி லப்³ப⁴தீதி அதி⁴ப்பாயோ. தேனாஹ ஸோ கோ² பன மே அயங் அத்தா இமிஸ்ஸா பத²வியாதி மஞ்ஞந்தோதி. தஸ்மிங்யேவ பனஸ்ஸ அத்தனீதி எத்த² அஸ்ஸாதி புது²ஜ்ஜனஸ்ஸ. தஸ்மிங்யேவ அத்தனீதி அஜ்ஜ²த்திகபா³ஹிரபத²வீஸன்னிஸ்ஸயே ‘‘யதா³ பனா’’திஆதி³ வுத்தங். தத்த² அஸ்ஸாதி ததா³தி பரவஸேன மஞ்ஞனாயங். தி³ட்டி²மஞ்ஞனா ஏவ யுஜ்ஜதி தத்த² நிச்சாபி⁴னிவேஸாத³யோ ஸம்ப⁴வந்தீதி கத்வா. அவதா⁴ரணேன மானதண்ஹாமஞ்ஞனா நிவத்தேதி. ந ஹி ‘‘ஸெய்யோஹமஸ்மீ’’திஆதி³னா, ‘‘மய்ஹ’’ந்தி ச பவத்தலக்க²ணா மானதண்ஹா பரஸ்மிங் பரஸ்ஸ ஸந்தகபா⁴வேன க³ஹிதே ச பவத்தந்தீதி அதி⁴ப்பாயோ. இதராயோபீதி மானதண்ஹாமஞ்ஞனாயோபி. இச்ச²ந்தி அட்ட²கதா²சரியா. பரஸ்ஸபி ஹி பத²வீஸன்னிஸ்ஸயேன ஸம்பத்திஇஸ்ஸரியாதி³கஸ்ஸ வஸேன அத்தனி ஸெய்யாதி³பா⁴வங் த³ஹதோ பணித³ஹதோ ச சித்தங் ததா²பா⁴வாய மானதண்ஹாமஞ்ஞனா ஸம்ப⁴வந்தீதி ஆசரியானங் அதி⁴ப்பாயோ. ‘‘பரோ பத²வீ பரஸ்ஸ பத²வீ’’தி எத்தா²பி இமே த்³வே பகாரா ஸாதி⁴ப்பாயா நித்³தா⁴ரேதப்³பா³.
‘‘பத²விதோ ஸஞ்ஜானாதீ’’தி, ‘‘ஆதி³தோ’’தி ச ஆதீ³ஸு அனிஸ்ஸக்கவசனேபி தோ-ஸத்³தோ³ தி³ட்டோ²தி ஆஹ ‘‘பத²விதோதி நிஸ்ஸக்கவசன’’ந்தி. ஸஉபகரணஸ்ஸாதி ஹிரஞ்ஞஸுவண்ணக³தஸ்ஸ தா³ஸபோரிஸாதி³னா வித்துபகரணேன ஸஉபகரணஸ்ஸ, அத்தனோ வா பரஸ்ஸ வா தேஸங் உபகரணஸ்ஸ வாதி அத்தோ². யதா²வுத்தப்பபே⁴த³தோதி லக்க²ணாதி³அஜ்ஜ²த்திகாதி³வுத்தப்பகாரவிபா⁴க³தோ. உப்பத்திங் வா நிக்³க³மனங் வாதி ‘‘தங் அண்ட³ங் அஹோஸி ஹேமமயங், தஸ்மிங் ஸயங் ப்³ரஹ்மா உப்பன்னோ’’தி ப்³ரஹ்மண்ட³வாத³வஸேன வா ‘‘த்³வீஹி அணூஹி த்³விஅணுக’’ந்தி ஏவங் பவத்தஅணுகவாத³வஸேன வா பத²விதோ உப்பத்திங் வா ‘‘ஸப்³போ³யங் லோகோ இஸ்ஸரதோ வினிக்³க³தோ’’தி இஸ்ஸரவாத³வஸேன இஸ்ஸரகுத்ததோ பத²விதோ நிக்³க³மனங் வா மஞ்ஞமானோதி யோஜனா. பத²விதோ வா அஞ்ஞோ ஆபாதி³கோ அத்தாதி அதி⁴ப்பாயோ. எத்த² ச புரிமஸ்மிங் அத்த²விகப்பே காரகலக்க²ணங் நிஸ்ஸக்கவசனங், து³தியஸ்மிங் உபபத³லக்க²ணந்தி த³ட்ட²ப்³ப³ங். அத்தனோ பரிக்³க³ஹபூ⁴தபத²விதோ ஸுக²ப்பத்திங் ததோ ஏவ ச பரேஹி ஸெய்யாதி³பா⁴வங் கப்பெந்தஸ்ஸ வஸேனபெத்த² தண்ஹாமானமஞ்ஞனா வேதி³தப்³பா³. அபரேதி ஸாரஸமாஸாசரியா. ததோ அஞ்ஞங் அப்பமாணங் அத்தானங் க³ஹெத்வாதி புப்³பே³ பா⁴விதஆபாதி³அப்பமாணகஸிணவஸேன வா காபிலகாணாத³தி³ட்டி²வஸேன வா அப்பமாணங் ப்³யாபினங் அத்தானங் க³ஹெத்வா. பத²விதோதி பச்சா² அபா⁴விதஅவட்³டி⁴தபத²வீகஸிணஸங்கா²தபத²விதோ. ப³ஹித்³தா⁴பி மே அத்தாதி இதோ பத²விதோ ப³ஹிபி மே அத்தாதி அதி⁴ப்பாயோ.
கேவலந்தி மஹாபத²விங் தண்ஹாவஸேன மமாயதி, அயஞ்ச நயோ சதுதீ³பிஸ்ஸரியே டி²தஸ்ஸ தீ³பசக்கவத்தினோ ச லப்³பெ⁴ய்ய, மண்ட³லிகராஜமஹாமத்தகுடும்பி³கானம்பி வஸேன லப்³ப⁴தேவ தேஸம்பி யதா²பரிக்³க³ஹங் அனவஸேஸெத்வா மஞ்ஞனாய ஸம்ப⁴வதோ. ‘‘ஏவங் மமா’’தி கா³ஹஸ்ஸ ‘‘ஏஸோஹமஸ்மிங், ஏஸோ மே அத்தா’’தி கா³ஹவிதூ⁴ரதாய வுத்தங் ‘‘ஏகா தண்ஹாமஞ்ஞனா ஏவ லப்³ப⁴தீ’’தி இமினா நயேனாதி வுத்தமதிதே³ஸங் விபா⁴வேதுங் ‘‘ஸா சாய’’ந்திஆதி³ வுத்தங். தத்த² ஸா சாயந்தி ஸா ச அயங் தண்ஹாமஞ்ஞனா யோஜேதப்³பா³தி ஸம்ப³ந்தோ⁴. யதா² பன தி³ட்டி²மஞ்ஞனாமஞ்ஞிதே வத்து²ஸ்மிங் ஸினேஹங் மானஞ்ச உப்பாத³யதோ தண்ஹாமானமஞ்ஞனா ஸம்ப⁴வந்தி, ஏவங் தண்ஹாமஞ்ஞனாமஞ்ஞிதேன வத்து²னா அத்தானங் ஸெய்யாதி³தோ த³ஹதோ தஞ்ச அத்தனியங் நிச்சங் ததா² தங்ஸாமிபூ⁴தங் அத்தானஞ்ச பரிகப்பெந்தஸ்ஸ இதரமஞ்ஞனாபி ஸம்ப⁴வந்தீதி ஸக்கா விஞ்ஞாதுங். ‘‘மே’’தி ஹி இமினா அத்த²க்³க³ஹணமுகே²னேவ அத்தனியஸம்ப³ந்தோ⁴ பகாஸீயதீதி.
அபி⁴னந்த³தீதி இமினா தண்ஹாதி³ட்டா²பி⁴னிவேஸானங் ஸங்க³ஹிதத்தா தே த³ஸ்ஸெந்தோ ‘‘அஸ்ஸாதே³தி பராமஸதி சா’’தி ஆஹ. தி³ட்டி²விப்பயுத்தசித்துப்பாத³வஸேன சேதஸ்ஸ த்³வயஸ்ஸ அஸங்கரதோ பவத்தி வேதி³தப்³பா³, ஏகசித்துப்பாதே³பி வா அதி⁴பதித⁴ம்மானங் விய புப்³பா³பி⁴ஸங்கா²ரவஸேன தஸ்ஸ தஸ்ஸ ப³லவபா⁴வேன பவத்தி. ஏதஸ்மிங் அத்தே²தி தண்ஹாதி³ட்டி²வஸேன அபி⁴னந்த³னத்தே². ஏதந்தி ‘‘பத²விங் அபி⁴னந்த³தீ’’தி ஏதங் பத³ங். யேஸங் வினெய்யானங் யேஹி பகாரவிஸேஸேஹி த⁴ம்மானங் விபா⁴வனே கதே விஸேஸாதி⁴க³மோ ஹோதி, தேஸங் தேஹி பகாரவிஸேஸேஹி த⁴ம்மவிபா⁴வனங். யேஸங் பன யேன ஏகேனேவ பகாரேன த⁴ம்மவிபா⁴வனே கதே விஸேஸாதி⁴க³மோ ஹோதி, தேஸம்பி தங் வத்வா த⁴ம்மிஸ்ஸரதாய தத³ஞ்ஞனிரவஸேஸப்பகாரவிபா⁴வனஞ்ச தே³ஸனாவிலாஸோ. தேனாஹ ‘‘புப்³பே³ மஞ்ஞனாவஸேன கிலேஸுப்பத்திங் த³ஸ்ஸெத்வா இதா³னி அபி⁴னந்த³னாவஸேன த³ஸ்ஸெந்தோ’’தி. த⁴ம்மதா⁴துயாதி ஸம்மாஸம்போ³தி⁴யா. ஸா ஹி ஸப்³ப³ஞெய்யத⁴ம்மங் யதா²ஸபா⁴வதோ தா⁴ரேதி உபதா⁴ரேதி, ஸகலஞ்ச வினெய்யஸத்தஸங்கா²தத⁴ம்மப்பப³ந்த⁴ங் அபாயது³க்க²ஸங்ஸாரது³க்க²பதனதோ தா⁴ரேதி, ஸயஞ்ச அவிபரீதபவத்திஆகாரா தா⁴தூதி த⁴ம்மதா⁴தூதி இதா⁴தி⁴ப்பேதா. ஸப்³ப³ஞ்ஞுதஞ்ஞாணபத³ட்டா²னஞ்ஹி மக்³க³ஞாணங், மக்³க³ஞாணபத³ட்டா²னஞ்ச ஸப்³ப³ஞ்ஞுதஞ்ஞாணங் ஸம்மாஸம்போ³தீ⁴தி. ஸுப்படிவித்³த⁴த்தாதி பரிகப்பனங். யேன அஜ்ஜோ²ஸானங் ஹோதி, அயங் அபி⁴னந்த³னாதி அயமேதேஸங் விஸேஸோ. ஸுத்தாதி³அவிருத்³தா⁴யேவ அத்தனோமதி இச்சி²தப்³பா³, ந இதராதி ஸுத்தேன தஸ்ஸா ஸங்க³ஹங் த³ஸ்ஸேதுங் ‘‘வுத்தஞ்சேத’’ந்திஆதி³ வுத்தங். தே³ஸனாவிலாஸவிபா⁴வனஸ்ஸ பன ஸஹேதுகஹேதுஸம்பயுத்தது³காதி³தே³ஸனாய நிப³த்³த⁴தா நித்³தா⁴ரேதப்³பா³.
தஸ்ஸாதி தேன. ஞாதஸத்³த³ஸம்ப³ந்தே⁴ன ஹேதங் கத்தரி ஸாமிவசனங். தஸ்மாதி அபரிஞ்ஞாதத்தா. ‘‘அபரிஞ்ஞாத’’ந்தி படிக்கே²பமுகே²ன யங் பரிஜானநங் வுத்தங், தங் அத்த²தோ திவிதா⁴ பரிஞ்ஞா ஹோதீதி தங் ஸரூபதோ பவத்திஆகாரதோ ச விபா⁴வெந்தோ ‘‘யோ ஹீ’’திஆதி³மாஹ.
தத்த² ஞாதபரிஞ்ஞா. ஸா ஹி தேபூ⁴மகத⁴ம்மஜாதங் ‘‘அயங் விபஸ்ஸனாபூ⁴மீ’’தி ஞாதங் விதி³தங் பாகடங் கரொந்தீயேவ லக்க²ணரஸாதி³தோ அஜ்ஜ²த்திகாதி³விபா⁴க³தோ ச பரிச்சி²ஜ்ஜ ஜானாதி. இத⁴ பன பத²வீதா⁴துவஸேன வேதி³தப்³பா³தி வுத்தங் ‘‘பத²வீதா⁴துங் பரிஜானாதீ’’திஆதி³. தீரணபரிஞ்ஞாதி கீரணவஸேன பரிஜானநகபஞ்ஞா. ஸா ஹி பரிவாரேஹி அனிச்சதாதி³ஆகாரேஹி அனிச்சதாதி³ஸபா⁴வஸ்ஸ உபாதா³னக்க²ந்த⁴பஞ்சகஸ்ஸ தீரணவஸேன ஸம்மஸனவஸேன தங் பரிச்சி²ஜ்ஜ ஜானாதி. அக்³க³மக்³கே³னாதி அரஹத்தமக்³கே³ன. ஸோ ஹி அனவஸேஸதோ ச²ந்த³ராக³ங் பஜஹதி. அக்³க³மக்³கே³னாதி வா அக்³க³பூ⁴தேன மக்³கே³ன, லோகுத்தரமக்³கே³னாதி அத்தோ². உப⁴யதா²பி ஹி ஸமுச்சே²த³பஹானகாரீ ஏவ பஞ்ஞா நிப்பரியாயேன பஹானபரிஞ்ஞாதி த³ஸ்ஸேதி.
நாமரூபவவத்தா²னந்தி ஏதேன பச்சயபரிக்³க³ஹோபி ஸங்க³ஹிதோதி த³ட்ட²ப்³போ³ நாமரூபஸ்ஸ ஹேதுவவத்தா²னபா⁴வதோ. ஸோபி ஹி ஹேதுபச்சயமுகே²ன நாமரூபஸ்ஸ வவத்தா²னமேவாதி. கலாபஸம்மஸனாதி³வஸேன தீரணபரிஞ்ஞா அனிச்சாதி³வஸேன ஸம்மஸனபா⁴வதோ. தஸ்மாதி யஸ்மா தா பரிஞ்ஞாயோ நத்தி², தஸ்மா. அத² வா தஸ்மா அபரிஞ்ஞாதத்தாதி யஸ்மா அபரிஞ்ஞாதா பத²வீ, தஸ்மா அபரிஞ்ஞாதத்தா பத²வியா தங் பத²விங் மஞ்ஞதி ச அபி⁴னந்த³தி சாதி.
பத²வீவாரவண்ணனா நிட்டி²தா.
ஆபோவாராதி³வண்ணனா
ஆபங் ஆபதோதி எத்த² அப்போதி, அப்பாயதீதி வா ஆபோ, யஸ்மிங் ஸங்கா⁴தே ஸயங் அத்தி², தங் ஆப³ந்த⁴னவஸேன ப்³யாபெத்வா திட்ட²தி, பரிப்³ரூஹேதீதி வா அத்தோ². அத்தா²னங் அதி⁴ அஜ்ஜ²த்தங். பதி பதி அத்தானந்தி பச்சத்தங். உப⁴யேனபி ஸத்தஸந்தானபரியாபன்னமேவ வத³தி. ஆபோ ஆபோக³தந்திஆதீ³ஸு ஆப³ந்த⁴னமேவ ஆபோ, ததே³வ ஆபோஸபா⁴வங் க³தத்தா ஆபோக³தங், ஸபா⁴வேனேவ ஆபபா⁴வங் பத்தந்தி அத்தோ². ஸினேஹனவஸேன ஸினேஹோ, ஸோயேவ ஸினேஹனஸபா⁴வங் க³தத்தா ஸினேஹக³தங். ப³ந்த⁴னத்தங் ரூபஸ்ஸாதி அவினிப்³போ⁴க³ரூபஸ்ஸ ப³ந்த⁴னபா⁴வோ, அவிப்பகிரணவஸேன ஸம்பிண்ட³னந்தி அத்தோ². உக்³க³ண்ஹந்தோதி யதா²பரிச்சி²ன்னே ஆபோமண்ட³லே யதா² உக்³க³ஹனிமித்தங் உபலப்³ப⁴தி, ததா² நிமித்தங் க³ண்ஹந்தோ. வுத்தோதி ‘‘ஆபஸ்மி’’ந்தி எத்த² வுத்தஆபோ. ஸோ ஹி ஸஸம்பா⁴ரஆபோ, ந ‘‘ஆபோகஸிண’’ந்தி எத்த² வுத்தஆபோ. ஸேஸந்தி ஆரம்மணஸம்முதிஆபானங் ஸரூபவிபா⁴வனங். ‘‘ஆபங் பத²வியங் வுத்தஸதி³ஸமேவாதி. தத்த² ‘‘பத²வீகஸிணமேகோ ஸஞ்ஜானாதீ’’திஆதி³னா (தீ³॰ நி॰ 3.360; அ॰ நி॰ 10.25) வுத்தங், இத⁴ ‘‘ஆபோகஸிணமேகோ ஸஞ்ஜானாதீ’’திஆதி³னா வத்தப்³ப³ங். தத்த² ச ‘‘பத²வீதி ஸஞ்ஜானாதீ’’தி வுத்தங், இத⁴ பன ‘‘ஆபோதி ஸஞ்ஜானாதீ’’திஆதி³னா வத்தப்³ப³ந்தி ஏவமாதி³ ஏவ விஸேஸோ. ஸேஸங் தாதி³ஸமேவ. தேன வுத்தங் ‘‘பத²வியங் வுத்தஸதி³ஸமேவா’’தி. யோ பனெத்த² விஸேஸோ, தங் த³ஸ்ஸேதுங் ‘‘கேவல’’ந்திஆதி³ வுத்தங். தத்த² மூலரஸோதி மூலங் படிச்ச நிப்³ப³த்தரஸோ. க²ந்த⁴ரஸாதீ³ஸுபி ஏஸேவ நயோ. கீ²ராதீ³னி பாகடானேவ. யதா² பன பே⁴ஸஜ்ஜஸிக்கா²பதே³ (பாரா॰ 618-625), ந ஏவமித⁴ நியமோ அத்தி². யங் கிஞ்சி கீ²ரங் கீ²ரமேவ. ஸேஸேஸுபி ஏஸேவ நயோ. பு⁴ம்மானீதி ஆவாடாதீ³ஸு டி²தஉத³கானி. அந்தலிக்கா²னீதி பத²விங் அப்பத்தானி வஸ்ஸோத³கானி, பத்தானி பன பு⁴ம்மானேவ. ஏவங் வுத்தா சாதி ச-ஸத்³தே³ன ஹிமோத³ககப்பவினாஸகஉத³கபத²வியாஅந்தோஉத³கபத²வீஸந்தா⁴ரகஉத³காதி³ங் புப்³பே³ அவுத்தம்பி ஸமுச்சினோதி.
தேஜங் தேஜதோதி எத்த² தேஜனட்டே²ன தேஜோ, தேஜனங் நாம த³ஹனபசனாதி³ஸமத்த²ங் நிஸானங், யங் உண்ஹத்தந்தி வுச்சதி. யேன சாதி யேன தேஜோக³தேன ஸந்தப்பதீதி அயங் காயோ ஸமந்ததோ தப்பதி ஏகாஹிகஜராதி³பா⁴வேன உஸுமஜாதோ ஹோதி. யேன ச ஜீரீயதீதி யேன அயங் காயோ ஜீரீயதி, இந்த்³ரியவேகல்லதங் ப³லபரிக்க²யங் வலிதாதி³பா⁴வஞ்ச பாபுணாதி. யேன ச பரிட³ய்ஹதீதி யேன குபிதேன அயங் காயோ பரிதோ ட³ய்ஹதி, ஸோ ச புக்³க³லோ ட³ய்ஹாமீதி ஸததோ⁴தஸப்பிகோ³ஸீதசந்த³னாதி³லேபஞ்சேவ தாலவண்டவாதஞ்ச பச்சாஸீஸதி. யேன ச அஸிதபீதகா²யிதஸாயிதங் ஸம்மா பரிணாமங் க³ச்ச²தீதி யேன அஸிதங் வா ஓத³னாதி³, பீதங் வா பானகாதி³, கா²யிதங் வா பிட²க²ஜ்ஜகாதி³, ஸாயிதங் வா அம்ப³பக்கமது⁴பா²ணிதாதி³ ஸம்மதே³வ பரிபாகங் க³ச்ச²தி, ரஸாதி³பா⁴வேன விவேகங் க³ச்ச²தீதி அத்தோ². எத்த² ச ஸரீரஸ்ஸ பகதிஉஸுமங் அதிக்கமித்வா உண்ஹபா⁴வோ ஸந்தாபோ, ஸரீரத³ஹனவஸேன பவத்தோ மஹாதா³ஹோ பரிதா³ஹோ, ஸதவாரங் தாபெத்வா உத³கே பக்கி²பித்வா உத்³த⁴டஸப்பி ஸததோ⁴தஸப்பி, ரஸருதி⁴ரமங்ஸமேத³அட்டி²அட்டி²மிஞ்ஜஸுக்கா ரஸாத³யோ. தத்த² புரிமா தயோ தேஜா சதுஸமுட்டா²னா, பச்சி²மோ கம்மஸமுட்டா²னோவ.
தேஜோபா⁴வங் க³தத்தா தேஜோக³தங். உஸ்மாதி உண்ஹாகாரோ. உஸ்மாவ உஸ்மாபா⁴வங் க³தத்தா உஸ்மாக³தங். உஸுமந்தி சண்ட³உஸுமங். ததே³வ உஸுமக³தங், ஸபா⁴வேனேவ உஸுமபா⁴வங் பத்தந்தி அத்தோ². கட்ட²க்³கீ³தி கட்டு²பாதா³னோ அக்³கி³. ஸகலிகக்³கீ³ஆதீ³ஸுபி ஏஸேவ நயோ. ஸங்காரக்³கீ³தி கசவரங் படிச்ச உப்பன்னஅக்³கி³. இந்த³க்³கீ³தி அஸனிஅக்³கி³. ஸந்தாபோதி ஜாலாய வா வீதச்சிதங்கா³ரானங் வா ஸந்தாபோ ஸூரியஸந்தாபோதி ஆதபோ. கட்ட²ஸன்னிசயஸந்தாபோதி கட்ட²ராஸிங் படிச்ச உப்பன்னஸந்தாபோ. ஸேஸேஸுபி ஏஸேவ நயோ. ஏவங் வுத்தா சாதி. ச-ஸத்³தே³ன பேதக்³கி³கப்பவினாஸகக்³கி³னிரயக்³கி³ஆதி³கே அவுத்தேபி ஸமுச்சினோதி.
வாயங் வாயதோதி எத்த² வாயனட்டே²ன வாயோ. கிமித³ங் வாயனங் நாம? வித்த²ம்ப⁴னங், ஸமுதீ³ரணங் வா, வாயனங் க³மனந்தி ஏகே. உத்³த⁴ங்க³மா வாதாதி உக்³கா³ரஹிக்காதி³பவத்தகா உத்³த⁴ங் ஆரோஹனவாதா. அதோ⁴க³மா வாதாதி உச்சாரபஸ்ஸாவாதி³னீஹரணதா அதோ⁴ ஓரோஹனவாதா. குச்சி²ஸயா வாதாதி அந்தானங் ப³ஹிவாதா. கொட்டா²ஸயா வாதாதி அந்தானங் அந்தோவாதா. அங்க³மங்கா³னுஸாரினோ வாதாதி த⁴மனீஜாலானுஸாரேன ஸகலஸரீரே அங்க³மங்கா³னி அனுஸடா ஸமிஞ்ஜனபஸாரணாதி³னிப்³ப³த்தகா வாதா ஸத்த²கவாதாதி ஸந்தி⁴ப³ந்த⁴னானி கத்தரியா சி²ந்த³ந்தா விய பவத்தவாதா. கு²ரகவாதாதி கு²ரேன விய ஹத³யமங்ஸசே²த³னபா²லனகவாதா. உப்பலகவாதாதி ஹத³யமங்ஸஸ்ஸ ஸமுப்பாடனகவாதா. அஸ்ஸாஸோதி அந்தோபவிஸனகனாஸிகாவாதோ. பஸ்ஸாஸோதி ப³ஹினிக்க²மனநாஸிகாவாதோ. எத்த² ச புரிமா ஸப்³பே³ சதுஸமுட்டா²னா, அஸ்ஸாஸபஸ்ஸாஸா சித்தஸமுட்டா²னாவ.
வாயோக³தந்தி வாயோவ வாயோக³தங், ஸபா⁴வேனேவ வாயோபா⁴வங் பத்தந்தி அத்தோ². த²ம்பி⁴தத்தங் ரூபஸ்ஸாதி அவினிப்³போ⁴க³ரூபஸ்ஸ த²ம்பி⁴தபா⁴வோ. புரத்தி²மா வாதாதி புரத்தி²மதி³ஸதோ ஆக³தா வாதா. பச்சி²மாதீ³ஸுபி ஏஸேவ நயோ. ஸரஜாதீ³ஸு ஸஹ ரஜேன ஸரஜா, ரஜவிரஹிதா ஸுத்³தா⁴ அரஜா. ஸீதஉதுஸமுட்டா²னா, ஸீதவலாஹகந்தரே வா ஜாதா ஸீதா. உண்ஹஉதுஸமுட்டா²னா, உண்ஹவலாஹகந்தரே வா ஜாதா உண்ஹா. பரித்தாதி மந்தா³ தனுகவாதா. அதி⁴மத்தாதி ப³லவவாதா. காளாதி காளவலாஹகந்தரே ஸமுட்டி²தா. யேஹி அப்³பா⁴ஹதோ ச²விவண்ணோ காளகோ ஹோதி, தேஸங் ஏதங் அதி⁴வசனந்திபி ஏகே. வேரம்ப⁴வாதாதி யோஜனதோ உபரி வாயனவாதா. பக்க²வாதாதி அந்தமஸோ மக்கி²காயபி பக்கா²யூஹனவாதா. ஸுபண்ணவாதாதி க³ருளவாதா. காமங் சேதேபி பக்க²வாதாவ, உஸ்ஸத³வஸேன பன விஸுங் க³ஹிதா. தாலவண்டவாதாதி தாலவண்ணேஹி கதேன, அஞ்ஞேஹி வா கதேன கேனசி மண்ட³லஸண்டா²னேன ஸமுட்டா²பிதவாதா. விதூ⁴பனவாதாதி பீ³ஜனபத்தகேன ஸமுட்டா²பிதவாதா. இமானி ச தாலவண்டவிதூ⁴பனானி அனுப்பன்னம்பி வாதங் உப்பாதெ³ந்தி, உப்பன்னம்பி பரிவத்தெந்தி. இதா⁴பி ச-ஸத்³தோ³ உத³கஸந்தா⁴ரகவாதகப்பவினாஸகவாதஜாலாபேல்லனகவாதாதி³கே அவுத்தேபி ஸமுச்சினோதி. எத்த² ச ‘‘ஆபங் மஞ்ஞதீ’’திஆதீ³ஸு யஸ்மா தீஹி மஞ்ஞனாஹி – ‘‘அஹங் ஆபோதி மஞ்ஞதி, மம ஆபோதி மஞ்ஞதீ’’திஆதி³னா பத²வீவாரே வுத்தனயேன ஸக்கா மஞ்ஞனாவிபா⁴கோ³ விபா⁴வேதுந்தி வுத்தங் ‘‘ஸேஸங் வுத்தனயமேவா’’தி. தஸ்மா தத்த² வுத்தனயானுஸாரேன இமேஸு தீஸு வாரேஸு யதா²ரஹங் மஞ்ஞனாவிபா⁴கோ³ விபா⁴வேதப்³போ³.
எத்தாவதாதி ச-ஸத்³தோ³ ப்³யதிரேகோ. தேன வக்க²மானங்யேவ விஸேஸங் ஜோதேதி. ய்வாயந்தி யோ அயங் லக்க²ணோ நாம ஹாரோ வுத்தோதி ஸம்ப³ந்தோ⁴. ஸோ பன லக்க²ணஹாரோ யங்லக்க²ணோ தத்த² வுத்தோ, தங் த³ஸ்ஸேதுங் ‘‘வுத்தம்ஹீ’’திஆதி³ வுத்தங். தத்த² வுத்தம்ஹி ஏகத⁴ம்மேதி குஸலாதீ³ஸு க²ந்தா⁴தீ³ஸு வா யஸ்மிங் கஸ்மிஞ்சி ஏகத⁴ம்மே ஸுத்தே ஸரூபதோ நித்³தா⁴ரணவஸேன வா கதி²தே. யே த⁴ம்மா ஏகலக்க²ணா தேனாதி யே கேசி த⁴ம்மா குஸலாதி³பா⁴வேன, ரூபக்க²ந்தா⁴தி³பா⁴வேன வா தேன வுத்தத⁴ம்மேன ஸமானலக்க²ணா. வுத்தா ப⁴வந்தி ஸப்³பே³தி ஸப்³பே³பி குஸலாதி³ஸபா⁴வா, க²ந்தா⁴தி³ஸபா⁴வா வா த⁴ம்மா ஸுத்தே அவுத்தாபி தாய ஸமானலக்க²ணதாய வுத்தா ப⁴வந்தி, ஆனெத்வா ஸங்வண்ணனவஸேனாதி அதி⁴ப்பாயோ.
எத்த² ச ஏகலக்க²ணாதி ஸமானலக்க²ணா வுத்தா. தேன ஸஹசரிதா ஸமானகிச்சதா ஸமானஹேதுதா ஸமானப²லதா ஸமானாரம்மணதாதி ஏவமாதீ³ஹிபி அவுத்தானங் வுத்தானங் விய நித்³தா⁴ரணங் வேதி³தப்³ப³ங். இதீதி இமினா பகாரேன. தேனாஹ ‘‘ஏவங் நெத்தியங் லக்க²ணோ நாம ஹாரோ வுத்தோ’’தி, நெத்திபாளியங் (நெத்தி॰ 23) பன ‘‘யே த⁴ம்மா ஏகலக்க²ணா கேசி ஸோ ஹாரோ லக்க²ணோ நாமா’’தி பாடோ² ஆக³தோ. தஸ்ஸ வஸேனாதி தஸ்ஸ லக்க²ணஹாரஸ்ஸ வஸேன. ரூபலக்க²ணங் அனதீதத்தாதி ருப்பனஸபா⁴வேன ஸமானஸபா⁴வத்தா. வத³ந்தேன ப⁴க³வதா. ஏதாதி ‘‘ரூபங் அத்ததோ ஸமனுபஸ்ஸதீ’’தி ஏவங் வுத்ததி³ட்டீ². எத்த² ச ஸக்காயதி³ட்டி²மஞ்ஞனாத³ஸ்ஸனேனேவ ஸகலரூபவத்து²கா தண்ஹாமானமஞ்ஞனாபி த³ஸ்ஸிதா ஏவாதி த³ட்ட²ப்³ப³ங். ததா² ஹி வுத்தங் ‘‘தஸ்மிங்யேவ பனஸ்ஸ தி³ட்டி²மஞ்ஞனாய மஞ்ஞிதே வத்து²ஸ்மிங் ஸினேஹங் மானஞ்ச உப்பாத³யதோ தண்ஹாமானமஞ்ஞனாபி வேதி³தப்³பா³’’தி. அத² வா பத²விங் ஆபங் தேஜங் வாயங் மேதி மஞ்ஞதி அபி⁴னந்த³தீதி ச வத³ந்தேன வுத்தனயேனேவ ஸகலரூபவத்து²கா தண்ஹாமஞ்ஞனா தத³னுஸாரேன மானமஞ்ஞனாபி வுத்தாவ ஹோதீதி ஏவம்பெத்த² இதரமஞ்ஞனாபி நித்³தா⁴ரேதப்³பா³.
ஆபோவாராதி³வண்ணனா நிட்டி²தா.
பூ⁴தவாராதி³வண்ணனா
3. ‘‘பத²விங் மஞ்ஞதி, பத²வியா மஞ்ஞதீ’’திஆதீ³ஹி பதே³ஹி ‘‘ரூபங் அத்ததோ ஸமனுபஸ்ஸதி, ரூபஸ்மிங் அத்தானங் ஸமனுபஸ்ஸதீ’’திஆதீ³னங் ஸக்காயதி³ட்டீ²னங் நித்³தா⁴ரிதத்தா வுத்தங் ‘‘ஏவங் ரூபமுகே²ன ஸங்கா²ரவத்து²கங் மஞ்ஞனங் வத்வா’’தி தேஸு ஸங்கா²ரேஸு ஸத்தேஸுபீதி தது³பாதா³னேஸுபி ஸத்தேஸு தா⁴தூஸூதி பத²வீஆதீ³ஸு சதூஸு தா⁴தூஸு. ‘‘ஜாதங் பூ⁴தங் ஸங்க²த’’ந்திஆதீ³ஸு (தீ³॰ நி॰ 2.207; ஸங்॰ நி॰ 5.379) பூ⁴த-ஸத்³தோ³ உப்பாதே³ தி³ஸ்ஸதி, ஸஉபஸக்³கோ³ பன ‘‘பபூ⁴தமரியோ பகரோதி புஞ்ஞ’’ந்திஆதீ³ஸு விபுலே, ‘‘யேபு⁴ய்யேன பி⁴க்கூ²னங் பரிபூ⁴தரூபோ’’திஆதீ³ஸு ஹிங்ஸனே, ‘‘ஸம்பூ⁴தோ ஸாணவாஸீ’’திஆதீ³ஸு (சூளவ॰ 450) பஞ்ஞத்தியங், ‘‘அபி⁴பூ⁴தோ மாரோ விஜிதோ ஸங்கா³மோ’’திஆதீ³ஸு விமத²னே, ‘‘பராபூ⁴தரூபோ கோ² அயங் அசேலோ பாதி²கபுத்தோ’’திஆதீ³ஸு (தீ³॰ நி॰ 3.23, 25, 31, 32) பராஜயே, ‘‘அனுபூ⁴தங் ஸுக²து³க்க²’’ந்திஆதீ³ஸு வேதி³யனே, ‘‘விபூ⁴தங் விபா⁴விதங் பஞ்ஞாயா’’திஆதீ³ஸு பாகடீகரணே தி³ஸ்ஸதி. தே ஸப்³பே³ ருக்கா²தீ³ஸூதி. ஆதி³-ஸத்³தே³ன ஸங்க³ஹிதாதி த³ட்ட²ப்³பா³. ‘‘காலோ க⁴ஸதி பூ⁴தானீதி (ஜா॰ 1.2.190), பூ⁴தா லோகே ஸமுஸ்ஸய’’ந்தி (தீ³॰ நி॰ 2.220; ஸங்॰ நி॰ 1.186) ச ஆதீ³ஸு அவிஸேஸேன ஸத்தவாசகோபி பூ⁴தஸத்³தோ³, உபரி தே³வாதி³பதே³ஹி ஸத்தவிஸேஸானங் க³ஹிதத்தா இத⁴ தத³வஸிட்டா² பூ⁴தஸத்³தே³ன க³ய்ஹந்தீதி ஆஹ ‘‘நோ ச கோ² அவிஸேஸேனா’’தி. தேனேவாஹ – ‘‘சாதுமஹாராஜிகானஞ்ஹி ஹெட்டா² ஸத்தா இத⁴ பூ⁴தாதி அதி⁴ப்பேதா’’தி. யோ ஹி ஸத்தனிகாயோ பரிபுண்ணயோனிகோ சதூஹிபி யோனீஹி நிப்³ப³த்தனாரஹோ, தத்தா²யங் பூ⁴தஸமஞ்ஞா அண்ட³ஜாதி³வஸேன ப⁴வனதோ.
பூ⁴தேதி வுத்ததே³ஸஆதே³ஸிதே பூ⁴தே. பூ⁴ததோ ஸஞ்ஜானாதீதி இமினா ‘‘பூ⁴தா’’தி லோகவோஹாரங் க³ஹெத்வா யதா² தத்த² தண்ஹாதி³மஞ்ஞனா ஸம்ப⁴வந்தி, ஏவங் விபரீதஸஞ்ஞாய ஸஞ்ஜானநங் பகாஸீயதி. ஸ்வாயமத்தோ² ஹெட்டா² ‘‘பத²விதோ ஸஞ்ஜானாதீ’’தி எத்த² வுத்தனயானுஸாரேன ஸக்கா ஜானிதுந்தி ஆஹ ‘‘வுத்தனயமேவா’’தி. யதா² ஸுத்³தா⁴வாஸா ஸப்³ப³தா³ அபா⁴வதோ இமங் தே³ஸனங் நாருள்ஹா, ஏவங் நேரயிகாபி ஸப்³ப³மஞ்ஞனானதி⁴ட்டா²னதோ. ஏதேனேவ ஏகச்சபேதானம்பெத்த² அஸங்க³ஹோ த³ட்ட²ப்³போ³. அபரே பன ‘‘தி³ட்டி²மஞ்ஞனாதி⁴ட்டா²னதோ தேஸம்பெத்த² ஸங்க³ஹோ இச்சி²தோயேவா’’தி வத³ந்தி. ‘‘ஸமங்கி³பூ⁴தங் பரிசாரெந்த’’ந்திஆதி³னா ஸுத்தே வுத்தனயேன. ரஜ்ஜதீதி ‘‘ஸுபா⁴ ஸுகி²தா’’தி விபல்லாஸக்³கா³ஹேன தத்த² ராக³ங் ஜனேதி. ஏவமெத்த² ரஜ்ஜந்தோ ச ந கேவலங் த³ஸ்ஸனவஸேனேவ, ஸவனாதி³வஸேனபி ரஜ்ஜதேவாதி த³ஸ்ஸெந்தோ ‘‘தி³ஸ்வாபி…பே॰… உத்வாபீ’’தி ஆஹ. தத்த² கா⁴யனாதி³வஸேன ரஜ்ஜனங் தேஹி அனுபூ⁴தக³ந்த⁴மாலாதி³வஸேன சேவ விஸபா⁴க³வத்து²பூ⁴தானங் தேஸங் ஏவங் பூ⁴தே தண்ஹாமஞ்ஞனாய மஞ்ஞதீதி வுத்தனயேன பூ⁴தே படிச்ச ச²ந்த³ராக³ங் ஜனெந்தோ தேஸங் படிபத்திங் அஸ்ஸாதெ³ந்தோ அபி⁴னந்த³ந்தோ அபி⁴வத³ந்தோ அஜ்ஜோ²ஸாய திட்ட²ந்தோ ‘‘ஈதி³ஸீ அவத்தா² மம அனாக³தமத்³தா⁴னங் ஸியா’’திஆதி³னா வா பன நயேன தத்த² நந்தி³ங் ஸமன்னானெந்தோ பூ⁴தே தண்ஹாமஞ்ஞனாய மஞ்ஞதீதி அத்தோ². அப்படிலத்³த⁴ஸ்ஸ க²த்தியமஹாஸாலாதி³பா⁴வஸ்ஸ, ஸம்பத்திங் விபத்திந்தி ஜாதிவஸேன உக்கட்டனிஹீனதங். த³ஹதீதி ட²பேதி. யோ ஏவரூபோ மானோதி யோ ஏஸோ ‘‘அயங் புப்³பே³ மயா ஸதி³ஸோ, இதா³னி அயங் ஸெட்டோ² அயங் ஹீனதரோ’’தி உப்பன்னோ மானோ. அயங் வுச்சதி மானாதிமானோதி அயங் பா⁴ராதிபா⁴ரோ விய புரிமங் ஸதி³ஸமானங் உபாதா³ய மானாதிமானோ நாமாதி அத்தோ².
நிச்சாதிஆதீ³ஸு உப்பாதா³பா⁴வதோ நிச்சா, மரணாபா⁴வதோ து⁴வா, ஸப்³ப³தா³ பா⁴வதோ ஸஸ்ஸதா. அனிச்சபடிபக்க²தோ வா நிச்சா, தி²ரபா⁴வதோ து⁴வா, ஸஸ்ஸதிஸமதாய ஸஸ்ஸதா, ஜராதி³வஸேன விபரிணாமஸ்ஸ அபா⁴வதோ அவிபரிணாமத⁴ம்மாதி மஞ்ஞதி. ஸப்³பே³ ஸத்தாதி ஒட்ட²கோ³ணக³த்³ரபா⁴த³யோ அனவஸேஸா ஸஞ்ஜனட்டே²ன ஸத்தா. ஸப்³பே³ பாணாதி ‘‘ஏகிந்த்³ரியோ பாணோ த்³விந்த்³ரியோ பாணோ’’திஆதி³வஸேன வுத்தா அனவஸேஸா பாணனட்டே²ன பாணா. ஸப்³பே³ பூ⁴தாதி அனவஸேஸா அண்ட³கோஸாதீ³ஸு பூ⁴தா ஸஞ்ஜாதாதி பூ⁴தா. ஸப்³பே³ ஜீவாதி ஸாலியவகோ³தூ⁴மாத³யோ அனவஸேஸா ஜீவனட்டே²ன ஜீவா. தேஸு ஹி ஸோ விரூஹபா⁴வேன ஜீவஸஞ்ஞீ. அவஸா அப³லா அவீரியாதி தேஸங் அத்தனோ வஸோ வா ப³லங் வா வீரியங் வா நத்தீ²தி த³ஸ்ஸேதி. நியதிஸங்க³திபா⁴வபரிணதாதி எத்த² நியதீதி. நியததா, அச்சே²ஜ்ஜஸுத்தாவுதஅபே⁴ஜ்ஜமணி விய அவிஜஹிதபகதிதா. ஸங்க³தீதி ச²ன்னங் அபி⁴ஜாதீனங் தத்த² ஸங்க³மோ. பா⁴வோதி ஸபா⁴வோயேவ, கண்ட³கானங் திகி²ணதா, கபிட்ட²ப²லாதீ³னங் பரிமண்ட³லாதி³தா, மிக³பக்கீ²னங் விசித்தவண்ணாதி³தாதி ஏவமாதி³கோ. ஏவங் நியதியா ச ஸங்க³தியா ச பா⁴வே ச பரிணதா நானப்பகாரதங் பத்தா. யேன ஹி யதா² ப⁴விதப்³ப³ங், ஸோ ததே²வ ப⁴வதி. யேன ந ப⁴விதப்³ப³ங், ஸோ ந ப⁴வதீதி த³ஸ்ஸேதி. ச²ஸ்வேவாபி⁴ஜாதீஸூதி கண்ஹாபி⁴ஜாதிஆதீ³ஸு ச²ஸு ஏவ அபி⁴ஜாதீஸு ட²த்வா ஸுக²ஞ்ச து³க்க²ஞ்ச படிஸங்வேதெ³ந்தி, அஞ்ஞா ஸுக²து³க்க²பூ⁴மி நத்தீ²தி த³ஸ்ஸேதி. வா-ஸத்³தே³ன அந்தாதி³பே⁴தே³ தி³ட்டா²பி⁴னிவேஸே ஸங்க³ண்ஹாதி.
உபபத்திந்தி ஸுகு²ப்பத்திந்தி இமினா பன தத்த² தத்த² உப்பன்னஸ்ஸ ஸுகு²ப்பத்திங். ஏகச்சே பூ⁴தே நிச்சாதிஆதி³னா ஏகச்சஸஸ்ஸதிகதி³ட்டி²ங் த³ஸ்ஸேதி. அஹம்பி பூ⁴தேஸு அஞ்ஞதரொஸ்மீதி இமினா பன சதுத்த²ங் ஏகச்சஸஸ்ஸதிகவாத³ங் த³ஸ்ஸேதி.
யதோ குதோசீதி இஸ்ஸரபுரிஸாதி³பே⁴த³தோ யதோ குதோசி. ஏகா தண்ஹாமஞ்ஞனாவ லப்³ப⁴தீதி இதா⁴பி ஹெட்டா² வுத்தனயேன இதரமஞ்ஞனானம்பி ஸம்ப⁴வோ நித்³தா⁴ரேதப்³போ³. வுத்தப்பகாரேயேவ பூ⁴தே தண்ஹாதி³ட்டீ²ஹி அபி⁴னந்த³தீதிஆதி³னா வத்தப்³ப³த்தா ஆஹ ‘‘வுத்தனயமேவா’’தி. யோஜனா காதப்³பா³தி ‘‘யோ பூ⁴தபஞ்ஞத்தியா உபாதா³னபூ⁴தே க²ந்தே⁴ பரிஜானாதி, ஸோ தீஹி பரிஞ்ஞாஹி பரிஜானாதீ’’திஆதி³னா யோஜனா காதப்³பா³. அபரே பனெத்த² பூ⁴தகா³மோபி பூ⁴த-ஸத்³தே³ன ஸங்க³ஹிதோதி ருக்கா²தி³வஸேனபி அட்ட²கதா²யங் நத்தி².
பூ⁴மிவிஸேஸாதி³னா பே⁴தே³னாதி பூ⁴மிவிஸேஸஉபபத்திவிஸேஸாதி³விபா⁴கே³ன. இத்³தி⁴யாதி புஞ்ஞவிஸேஸனிப்³ப³த்தேன ஆனுபா⁴வேன. கிஞ்சாபி தே³வ-ஸத்³தோ³ ‘‘வித்³தே⁴ விக³தவலாஹகே தே³வே’’திஆதீ³ஸு (ஸங்॰ நி॰ 1.110; 3.102; 5.146-148; ம॰ நி॰ 1.486; அ॰ நி॰ 10.15; இதிவு॰ 27) அஜடாகாஸே ஆக³தோ, ‘‘தே³வோ ச தோ²கங் தோ²கங் பு²ஸாயதீ’’திஆதீ³ஸு மேகே⁴, ‘‘அயஞ்ஹி தே³வ குமாரோ’’திஆதீ³ஸு (தீ³॰ நி॰ 2.34, 35, 36) க²த்தியே ஆக³தோ, ‘‘பஞ்சஹி காமகு³ணேஹி ஸமப்பிதோ ஸமங்கி³பூ⁴தோ பரிசாரேதி தே³வோ மஞ்ஞே’’திஆதீ³ஸு (தீ³॰ நி॰ 1.183; ம॰ நி॰ 2.211) விய இத⁴ உபபத்திதே³வேஸு ஆக³தோ, தே³வ-ஸத்³தே³ன பன வத்தப்³ப³ஸத்தே அனவஸேஸதோ உத்³த⁴ரித்வா ததோ இதா⁴தி⁴ப்பேதே த³ஸ்ஸேதுங் ‘‘தே திவிதா⁴’’திஆதி³ வுத்தங். ஸேஸா ச² காமாவசரா இத⁴ தே³வாதி அதி⁴ப்பேதா இதரேஸங் பத³ந்தரேஹி நிவத்திதத்தாதி அதி⁴ப்பாயோ. பூ⁴தா தே³வாதி க³ஹிதேஸு ஸத்தேஸு தண்ஹாதி³மஞ்ஞனானங் பவத்தாகாரேனபி திவித⁴லக்க²ணந்தி ஆஹ ‘‘பூ⁴தவாரே வுத்தனயேன வேதி³தப்³பா³’’தி.
‘‘அஞ்ஞதரஸ்ஸ உபாஸகஸ்ஸ பஜாபதி அபி⁴ரூபா ஹோதீ’’திஆதீ³ஸு (பாரா॰ 168) பஜாபதி-ஸத்³தோ³ க⁴ரணியங் ஆக³தோ, ‘‘பஜாபதி காமதா³யீ ஸுவண்ணவண்ணா மே பஜா ஹோதூ’’திஆதீ³ஸு தி³ட்டி²க³திகபரிகப்பிதே, ‘‘பஜாபதிஸ்ஸ தே³வராஜஸ்ஸ தே³வானந்தி சாதுமஹாராஜிகாதி³தே³வானங். மஹாராஜாதீ³னந்தி ஆதி³-ஸத்³தே³ன ஸக்கஸுயாமஸந்துஸ்ஸிதஸுனிம்மிதவஸவத்தினோ க³ஹிதா. தேஸந்தி மஹாராஜாதீ³னங். ஸத்தஸங்கா²தாயாதி காமபூ⁴மியங் ஸத்தஸங்கா²தாய. பஜாபதிந்தி பஜாபதிபா⁴வங். பஜாபதிபா⁴வேன ஹி மானங் ஜப்பெந்தோ பஜாபதிங் மானமஞ்ஞனாய மஞ்ஞதீதி வுத்தோ.
ஏகா தி³ட்டி²மஞ்ஞனாவ யுஜ்ஜதீதி வுத்தங், பஜாபதினோ பன ஸமிபதங் ஸலோகதங் வா ஆகங்க²தோ, ததா²பா⁴வாய சித்தங் பணித³ஹதோ, ததா²லத்³த⁴ப்³பா³ய ஸம்பத்தியா அத்தனோ ஸெய்யாதி³பா⁴வங் த³ஹதோ ச தண்ஹாமானமஞ்ஞனாபி ஸம்ப⁴வந்தீதி ஸக்கா விஞ்ஞாதுங். யே ச த⁴ம்மாதி ஆயுவண்ணாதி³கே வத³தி. பஜாபதிந்தி எத்தா²பி ஹெட்டா² வுத்தனயேன இதரமஞ்ஞனானம்பி ஸம்ப⁴வோ வேதி³தப்³போ³.
ப்³ரூஹிதோதி கு³ணவிஸேஸேஹீதி ஜா²னாதீ³ஹி விஸிட்டே²ஹி கு³ணேஹி உத்தரிமனுஸ்ஸத⁴ம்மதாய. ப்³ரஹ்ம-ஸத்³த³ஸ்ஸ ஸதிபி அவிஸேஸதோ விஸிட்ட²வாசகத்தே யத்த² யத்த² பனஸ்ஸ கு³ணவிஸேஸயுத்தாதி³ரூபா பவத்தி, தங் த³ஸ்ஸேதுங் ‘‘அபிசா’’திஆதி³ வுத்தங். ஸஹஸ்ஸோதி ஸஹஸ்ஸியா லோகதா⁴துயா அதி⁴பதிபூ⁴தோ. பட²மாபி⁴னிப்³ப³த்தோதி பணீதேன பட²மஜா²னேன நிப்³ப³த்தோ, பட²மஜ்ஜா²னபூ⁴மியங் வா பட²மங் அபி⁴னிப்³ப³த்தோ. க³ஹிதாதி வேதி³தப்³பா³ பதா⁴னக்³க³ஹணேன அப்பதா⁴னானம்பி கேனசி ஸம்ப³ந்தே⁴ன க³ஹிதபா⁴வஸித்³தி⁴தோ. எத்த² ச ப்³ரஹ்மாதி மஹாப்³ரஹ்மா அதி⁴ப்பேதோ. ஸோ ஹி வண்ணவந்ததாய சேவ தீ³கா⁴யுகதாய ச ப்³ரஹ்மபாரிஸஜ்ஜாதீ³ஹி மஹந்தோ ப்³ரஹ்மாதி மஹாப்³ரஹ்மா, தஸ்ஸ பன புரோஹிதட்டா²னே டி²தாதி ப்³ரஹ்மபுரோஹிதா, பரிஸாயங் ப⁴வா பரிசாரகாதி ப்³ரஹ்மபாரிஸஜ்ஜாதி வேதி³தப்³பா³. உக்கட்டே²கபுக்³க³லபா⁴வதோ பஜாபதிஸ்மிங் விய ப்³ரஹ்மனி மஞ்ஞனா வத்ததீதி வுத்தங் ‘‘பஜாபதிவாரே வுத்தனயேனேவ வேதி³தப்³பா³’’தி. ததா² ஹி ப³ஹுபுக்³க³லபா⁴வஸாமஞ்ஞதோ ஆப⁴ஸ்ஸரவாராதீ³னங் பூ⁴தவாரஸதி³ஸதா வுத்தா.
யதா²வுத்தபபா⁴ய ஆபா⁴ஸனஸீலா வா ஆப⁴ஸ்ஸரா. ஏகதலவாஸினோதி இத³ங் ஜா²னந்தரபூ⁴மீனங் விய ஹெட்டு²பரிபா⁴வாபா⁴வதோ வுத்தங், டா²னானி பரித்தாபா⁴. அப்பமாணா ஆபா⁴ ஏதேஸந்தி அப்பமாணாபா⁴.
ஸுபா⁴தி ஸோப⁴னா பபா⁴. கஞ்சனபிண்டோ³ விய ஸஸ்ஸிரிகா கஞ்சனபிண்ட³ஸஸ்ஸிரிகா. தத்த² ஸோப⁴னாய பபா⁴ய கிண்ணா ஸுபா⁴கிண்ணாதி வத்தப்³பே³ பா⁴-ஸத்³த³ஸ்ஸ ரஸ்ஸத்தங், அந்திம-ண-காரஸ்ஸ ஹ-காரஞ்ச கத்வா ‘‘ஸுப⁴கிண்ஹா’’தி வுத்தா. ஸுபா⁴தி ச ஏகக்³க⁴னா நிச்சலா பபா⁴ வுச்சதி, பரித்தா ஸுபா⁴ ஏதேஸந்தி பரித்தஸுபா⁴. அப்பமாணா ஸுபா⁴ ஏதேஸந்தி அப்பமாணஸுபா⁴.
விபுலப²லாதி விபுலஸந்தஸுகா²யுவண்ணாதி³ப²லா.
ஸதிபி தே³வப்³ரஹ்மாதீ³னங் புஞ்ஞப²லேன ஜா²னப²லேன ச படிபக்கா²பி⁴ப⁴வே யேஸங் பன புது²ஜ்ஜனஅஸஞ்ஞஸத்தேஸு அபி⁴பூ⁴வோஹாரோ பாகடோ நிருள்ஹோ ச, தேஸங் வஸேனாயங் தே³ஸனா பவத்தாதி த³ஸ்ஸெந்தோ ஆஹ ‘‘அஸஞ்ஞப⁴வஸ்ஸேதங் அதி⁴வசன’’ந்தி. யதா² பஜாபதிவாரே ‘‘இதே⁴கச்சோ பஜாபதிஸ்மிங்யேவா’’திஆதி³னா மஞ்ஞனாபவத்தி த³ஸ்ஸிதா, ததா² இதா⁴பி தங் த³ஸ்ஸேதுங் ஸக்காதி ஆஹ ‘‘ஸேஸங் பஜாபதிவாரே வுத்தனயமேவா’’தி.
பூ⁴தவாராதி³வண்ணனா நிட்டி²தா.
ஆகாஸானஞ்சாயதனவாராதி³வண்ணனா
4. ஏவங் ‘‘ஏவங் ப⁴க³வா’’திஆதி³மாஹ. தத்த² அனாகா³மிகீ²ணாஸவாதி அனாகா³மினோ ச கீ²ணாஸவா ச. கிஞ்சாபி ஸுத்³தா⁴வாஸா அத்தே²வ அனேககப்பஸஹஸ்ஸாயுகா, உக்கங்ஸபரிச்சே²த³தோ பன ஸோளஸகப்பஸஹஸ்ஸாயுகாவ, ந ததோ பரந்தி ஆஹ ‘‘கதிபயகப்பஸஹஸ்ஸாயுகா’’தி. காமரூபப⁴வேஸு பவத்தமானாபி ஆகாஸானஞ்சாயதனாதி³த⁴ம்மா அரூபாவசரபா⁴வதோ தங்பூ⁴மிகவோஹாரங் ந லப⁴ந்தீதி ‘‘தத்ரூபபன்னாயேவா’’தி அவதா⁴ரெத்வா வுத்தங். அபி⁴பூ⁴வாரே வுத்தனயேன வேதி³தப்³பா³ யதா²ரஹந்தி அதி⁴ப்பாயோ. ந ஹெத்த² வண்ணவந்ததாதி³ ஸம்ப⁴வதீதி. பஜாபதிவாரே வுத்தனயேனாதி
ஆகாஸானஞ்சாயதனவாராதி³வண்ணனா நிட்டி²தா.
தி³ட்ட²ஸுதவாராதி³வண்ணனா
5. ரூபமுகே²ன மஞ்ஞனாவத்து²த³ஸ்ஸனங் ஸங்கே²போதி கத்வா வுத்தங் ‘‘வித்தா²ரதோபீ’’தி. தம்பி ஹி ‘‘யத்த² நேவ பத²வீ, ந ஆபோ, ந தேஜோ, ந வாயோ, ந ஆகாஸானஞ்சாயதன’’ந்திஆதி³க்³க³ஹணங் விய ஸங்கே²பதோ பஞ்சவோகாரப⁴வத³ஸ்ஸனங் ஹோதீதி.
தி³ட்ட²ந்தி யங் சக்கு²த்³வாரேன கதத³ஸ்ஸனகிரியாஸமாபனங், யஞ்ச சக்கு² த்³வயங் பஸ்ஸதி பஸ்ஸிஸ்ஸதி ஸதி ஸம்ப⁴வே பஸ்ஸெய்ய, தங் ஸப்³ப³காலந்தி விஸேஸவசனிச்சா²ய அபா⁴வதோ தி³ட்ட²ந்தேவ வுத்தங் யதா² ‘‘து³த்³த⁴’’ந்தி. தேனாஹ ‘‘ரூபாயதனஸ்ஸேதங் அதி⁴வசன’’ந்தி. அயஞ்ச நயோ ஸுதாதீ³ஸுபி யோஜேதப்³போ³. ஸத்தாதி ரூபாதீ³ஸு ஸத்தா விஸத்தாதி ஸத்தா. ஸஞ்ஜனட்டே²ன ஸாமஞ்ஞஸத்³தோ³பி சேஸ ஸத்த-ஸத்³தோ³ ‘‘இத்தி²ரூபே’’தி விஸயவிஸேஸிதத்தா இத⁴ புரிஸவாசகோ த³ட்ட²ப்³போ³. ரத்தாதி வத்த²ங் விய ரங்க³ஜாதேன சித்தஸ்ஸ விபரிணாமகாரகேன ச²ந்த³ராகே³ன ரத்தா ஸாரத்தா. கி³த்³தா⁴தி அபி⁴கங்க²னஸபா⁴வேன அபி⁴கி³ஜ்ஜ²னேன கி³த்³தா⁴ கே³த⁴ங் ஆபன்னா. க³தி⁴தாதி க³ந்தி²தா விய லோபே⁴ன து³ம்மோசனீயபா⁴வேன ஆரம்மணே படிப³த்³தா⁴. முச்சி²தாதி கிலேஸவஸேன விஸஞ்ஞீபூ⁴தா விய அனஞ்ஞகிச்சா முச்ச²ங் மோஹங் ஆபன்னா. அஜ்ஜோ²ஸன்னாதி விஸயே அஞ்ஞஸாதா⁴ரணே விய கத்வா கி³லித்வா பரினிட்டா²பெத்வா விய டி²தா. இமினாதி ஸுவண்ணவண்ணாதி³ஆகாரேன. மங்க³லங் அமங்க³லந்தி ஈதி³ஸங் தி³ட்ட²ங் மங்க³லங், ஈதி³ஸங் அமங்க³லந்தி ரூபஸ்மிங் அத்தானங் ஸமனுபஸ்ஸனநயேனாதி இத³ங் வேத³னாதி³அரூபத⁴ம்மே, ரூபாயதனவினிமுத்தஸப்³ப³த⁴ம்மே வா அத்ததோ க³ஹெத்வா ததோ அஜ்ஜ²த்திகங், பா³ஹிரங் வா ரூபாயதனங் தஸ்ஸோகாஸபா⁴வேன பரிகப்பெத்வா ‘‘ஸோ கோ² பன மே அயங் அத்தா இமஸ்மிங் ரூபாயதனே’’தி மஞ்ஞந்தோ தி³ட்ட²ஸ்மிங் மஞ்ஞதீதி இமங் நயங் ஸந்தா⁴ய வுத்தங். ‘‘பத²விதோ மஞ்ஞதீ’’திஆதீ³ஸு யதா² ‘‘ஸஉபகரணஸ்ஸ அத்தனோ வா பரஸ்ஸ ‘‘தேஸங் பத²வீவாரே வுத்தனயேனேவ வேதி³தப்³ப³’’ந்தி.
ஆஹச்சாதி விஸயங் அன்வாய, பத்வாதி அத்தோ². தேனாஹ ‘‘உபக³ந்த்வா’’தி. அஞ்ஞமஞ்ஞஸங்ஸிலேஸேதி சக்கு²ரூபஸோதஸத்³தா³ விய து³ரே அஹுத்வா அஞ்ஞமஞ்ஞங் அல்லியனே.
மனஸா விஞ்ஞாதங் கேவலந்தி அத்தோ². இதரானிபி ஹி மனஸா விஞ்ஞாயந்தீதி. ஸேஸேஹி ஸத்தஹி ஆயதனேஹி பஞ்ஞத்தியா அஸங்க³ஹிதத்தா தம்பி ஸங்க³ஹெத்வா த³ஸ்ஸேதுங் ‘‘த⁴ம்மாரம்மணஸ்ஸ வா’’தி வுத்தங். த்³வீஸுபி விகப்பேஸு லோகுத்தரானம்பி ஸங்க³ஹோ ஆபன்னோதி ஆஹ ‘‘இத⁴ பன ஸக்காயபரியாபன்னமேவ லப்³ப⁴தீ’’தி. வித்தா²ரோதி மஞ்ஞனானங் பவத்தனாகாரவித்தா²ரோ. எத்தா²தி ஏதேஸு ஸுதவாராதீ³ஸு.
தி³ட்ட²ஸுதவாராதி³வண்ணனா நிட்டி²தா.
ஏகத்தவாராதி³வண்ணனா
6. ஸமாபன்னகவாரேனாதி ஸமாபன்னகப்பவத்தியா, ரூபாவசராரூபாவசரஜா²னப்பவத்தியாதி அத்தோ². ஸா ஹி ஏகஸ்மிங்யேவ ஆரம்மணே ஏகாகாரேன பவத்ததீதி கத்வா ‘‘ஏகத்த’’ந்தி வுச்சதி, ஏவஞ்ச கத்வா விபாகஜ்ஜா²னப்பவத்திபி இத⁴ ஸமாபன்னகவாரக்³க³ஹணேனேவ க³ஹிதாதி த³ட்ட²ப்³பா³. அஸமாபன்னகவாரேனாதி காமாவசரத⁴ம்மப்பவத்தியா. உபசாரஜ்ஜா²னேனபி ஹி சித்தங் ந ஸம்மா ஏகத்தங் க³தந்தி வுச்சதீதி.
யோஜனாதி மஞ்ஞனாயோஜனா. பி⁴ந்தி³த்வாதி விப⁴ஜித்வா. ஸாஸனநயேனாதி பாளினயேன. தத்த² ‘‘ஏகத்தங் மஞ்ஞதீ’’திஆதீ³ஸு ‘‘வேத³னங் அத்ததோ ஸமனுபஸ்ஸதீ’’திஆதி³னா நயேன, ‘‘நானத்தங் மஞ்ஞதீ’’திஆதீ³ஸு
பத²வீவாராதீ³ஸு வுத்தேன ச அட்ட²கதா²னயேனாதி ‘‘அஹங் வேத³னாதி மஞ்ஞதி, மம வேத³னாதி மஞ்ஞதீ’’திஆதி³னா, ‘‘அஹங் ரூபந்தி மஞ்ஞதி, மம ரூபந்தி மஞ்ஞதீ’’திஆதி³னா சாதி அத்தோ². தேனாஹ ‘‘யதா²னுரூபங் வீமங்ஸித்வா’’தி, ஏகத்தனானத்தபா⁴வேஸு யோ யோஜனானயோ ஸம்ப⁴வதி, தத³னுரூபங் விசாரெத்வாதி அத்தோ². கேசீதி அப⁴யகி³ரிவாஸினோ. அபரேதி ஸாரஸமாஸாசரியா. தி³ட்டா²பி⁴னிவேஸங் வத³ந்தீதி ஸம்ப³ந்தோ⁴. புது²ஜ்ஜனஸ்ஸ மஞ்ஞனா நாம ஸக்காயங் பி⁴ந்தி³த்வாவ யதா²உபட்டி²தவிஸயவஸேனேவ பவத்ததீதி ந தத்த² அயமேகத்தனயோ அயங் நானத்தனயோதி விபா⁴க³வஸேனேவ, ஏகத்தஸஞ்ஞீ அத்தா ஹோதீதிஆதீ³ஸு ச அத்தனோ ஏகத்தனானத்தஸஞ்ஞிதா வுத்தா, ந பன ஏகத்தங் நானத்தந்தி ஏவங் பவத்தஸ்ஸ தி³ட்டா²பி⁴னிவேஸஸ்ஸ ஏகத்தனானத்தபா⁴வோதி ஏவமெத்த² தது³ப⁴யஸ்ஸ இத⁴ அனதி⁴ப்பேதபா⁴வோ த³ட்ட²ப்³போ³.
யங் யதா²வுத்தபுது²ஜ்ஜனோ அனவஸேஸதோ க³ண்ஹந்தோ க³ஹேதுங் ஸக்கோதி, தங் தஸ்ஸ அனவஸேஸதோ க³ஹேதப்³ப³தங் உபாதா³ய ‘‘ஸப்³ப³’’ந்தி வுச்சதீதி த³ஸ்ஸெந்தோ ‘‘தமேவா’’தி ஆஹ, ஸக்காயஸப்³ப³ந்தி அத்தோ². ஸப்³ப³ஸ்மிம்பி தேபூ⁴மகத⁴ம்மே ஆதீ³னவத³ஸ்ஸனே அஸதி நிப்³பி³தா³பா⁴வதோ அஸ்ஸாதா³னுபஸ்ஸனாய தண்ஹா வட்³ட⁴தேவாதி ஆஹ ‘‘ஸப்³ப³ங் அஸ்ஸாதெ³ந்தோ ஸப்³ப³ங் தண்ஹாமஞ்ஞனாய மஞ்ஞதீ’’தி. வுத்தஞ்ஹேதங் ப⁴க³வதா – ‘‘ஸங்யோஜனியேஸு, பி⁴க்க²வே, த⁴ம்மேஸு அஸ்ஸாதா³னுபஸ்ஸினோ விஹரதோ தண்ஹா பவட்³ட⁴தீ’’தி (ஸங்॰ நி॰ 2.53, 57). ‘‘ஸப்³ப³மித³ங் மயா நிம்மித’’ந்தி தேன நிம்மிதமஞ்ஞனாய அத்தானங் ஸெய்யாதி³தோ த³ஹந்தோ தேன மானேன நிம்மிதங் மஞ்ஞதியேவ நாம நிம்மிதமஞ்ஞனாய வினா ததா²மானுப்பத்தியா அபா⁴வதோதி ஆஹ ‘‘அத்தனா நிம்மிதங் மஞ்ஞந்தோ ஸப்³ப³ங் மானமஞ்ஞனாய மஞ்ஞதீ’’தி. ஸப்³ப³ங் நத்தீ²திஆதி³னா நயேனாதி ஆதி³-ஸத்³தே³ன நியதிவாதா³தி³கே ஸங்க³ண்ஹாதி. மஹா மே அத்தாதி இமினா ஸப்³ப³தோ அத்தனோ விபூ⁴திபவத்திவாத³ங் த³ஸ்ஸேதி. ‘‘ஸப்³ப³ங் ஸப்³ப³த்த²க’’ந்தி தி³ட்டி²வஸேன – ‘‘அஹங் ஸப்³ப³ஸ்மிங் மய்ஹங் கிஞ்சனங் பலிபோ³தோ⁴ ஸப்³ப³ஸ்மிங், பரோ ஸப்³ப³ஸ்மிங் பரஸ்ஸ கிஞ்சனங் பலிபோ³தோ⁴ ஸப்³ப³ஸ்மி’’ந்திஆதி³னா நயேனபெத்த² மஞ்ஞனா ஸம்ப⁴வதீதி த³ஸ்ஸெந்தோ ஆஹ ‘‘ஸேஸங் பத²வீவாரே வுத்தனயேன வேதி³தப்³ப³’’ந்தி. அபிச ‘‘ஸப்³போ³யங் லோகோ புரிஸமயோ’’தி ஏவங்தி³ட்டி²கோ புரிஸஸங்கா²ததோ ஸப்³ப³தோ, அத்தனோ உப்பத்திங் வா நிக்³க³மனங் வா மஞ்ஞந்தோ தி³ட்டி²மஞ்ஞனாய ஸப்³ப³தோ மஞ்ஞதி, தஸ்மிங்யேவ பன தி³ட்டி²மஞ்ஞனாய மஞ்ஞிதே வத்து²ஸ்மிங் ஸினேஹங் மானஞ்ச உப்பாத³யதோ தண்ஹாமஞ்ஞனா மானமஞ்ஞனா ச வேதி³தப்³பா³. தங்யேவ பன ஸப்³ப³ங் மய்ஹங் அத்தா கத்தா
தந்தி ஸக்காயங். உக்கங்ஸக³தஸுக²ஸஹிதஞ்ஹி க²ந்த⁴பஞ்சகங் தி³ட்ட²த⁴ம்மனிப்³பா³னவாதீ³ நிப்³பா³னந்தி மஞ்ஞதி, தங் பனத்த²தோ ஸக்காயோயேவாதி. ஏகதா⁴தி பஞ்சவித⁴ம்பி நிப்³பா³னபா⁴வேன ஏகஜ்ஜ²ங் கத்வா வுத்தங். யதோதி யஸ்மா. பஞ்சஹி காமகு³ணேஹீதி மனாபியரூபாதீ³ஹி பஞ்சஹி காமகொட்டா²ஸேஹி, ப³ந்த⁴னேஹி வா. ஸமப்பிதோ ஸுட்டு² அப்பிதோ அல்லீனோ ஹுத்வா டி²தோ. ஸமங்கி³பூ⁴தோதி ஸமன்னாக³தோ. பரிசாரேதீதி தேஸு காமகு³ணேஸு காமகொட்டா²ஸேஸு யதா²ஸுக²ங் இந்த்³ரியானி சாரேதி ஸஞ்சாரேதி இதோ சிதோ ச உபனேதி. அத² வா லளதி ரமதி கீளதி. எத்த² த்³விதா⁴ காமகு³ணா மானுஸகா சேவ தி³ப்³பா³ ச. மானுஸகா ச மந்தா⁴துகாமகு³ணஸதி³ஸா, தி³ப்³பா³ பரனிம்மிதவஸவத்திதே³வராஜஸ்ஸ காமகு³ணஸதி³ஸா. ஏவரூபே காமே உபக³தானஞ்ஹி தே தி³ட்ட²த⁴ம்மனிப்³பா³னஸம்பத்திங் பஞ்ஞபெந்தி. தேனாஹ ‘‘எத்தாவதா கோ²…பே॰… ஹோதீ’’தி. தி³ட்ட²த⁴ம்மோதி பச்சக்க²த⁴ம்மோ வுச்சதி, தத்த² தத்த² படிலத்³த⁴த்தபா⁴வஸ்ஸேதங் அதி⁴வசனங், தி³ட்ட²த⁴ம்மே நிப்³பா³னங் இமஸ்மிங்யேவ அத்தபா⁴வே து³க்க²வூபஸமனங் தி³ட்ட²த⁴ம்மனிப்³பா³னங். பரமங் உத்தமங் தி³ட்ட²த⁴ம்மனிப்³பா³னந்தி பரமதி³ட்ட²த⁴ம்மனிப்³பா³னங், தங் பத்தோ ஹோதீதி அத்தோ². பஞ்சதா⁴ ஆக³தந்தி யதா²வுத்தகாமகு³ணஸுக²ஸ்ஸ சேவ சதுப்³பி³த⁴ரூபாவசரஜ்ஜா²னஸுக²ஸ்ஸ ச வஸேன பாளியங் பஞ்சப்பகாரேன ஆக³தங். நிப்³பா³னங் அஸ்ஸாதெ³ந்தோதி பரமங் ஸுக²ங் நிஸ்ஸரணந்தி மஞ்ஞனாய அஸ்ஸாதெ³ந்தோ.
‘‘இமஸ்மிங் நிப்³பா³னே பத்தே ந ஜாயதி, ந ஜீரதி, ந மீயதீ’’தி ஏவம்பி நிப்³பா³னஸ்மிங் மஞ்ஞதி. ‘‘இதோ பரங் பரமஸ்ஸாஸபூ⁴தங் நத்தீ²’’தி க³ண்ஹந்தோ நிப்³பா³னதோ மஞ்ஞதி. தயித³ங் நிப்³பா³னங் மயா அதி⁴க³தங், தஸ்மா ‘‘நிப்³பா³னங் மே’’தி மஞ்ஞதி. ததோயேவ தங் நிப்³பா³னங் தி³ட்டா²பி⁴னந்த³னாய அபி⁴னந்த³தி. அயங் தாவெத்த² தி³ட்டி²மஞ்ஞனா. தஸ்மிங்யேவ பன தி³ட்டி²மஞ்ஞனாய மஞ்ஞிதே வத்து²ஸ்மிங் ஸினேஹங் மானஞ்ச உப்பாத³யதோ தண்ஹாமானமஞ்ஞனாபி நித்³தா⁴ரேதப்³பா³.
யாதி³ஸோதி யதா²ரூபோ, யேஹி ஜேகு³ச்சா²தி³ஸபா⁴வேஹி பஸ்ஸிதப்³போ³தி அத்தோ². ஏஸாதி அயங். தேனஸ்ஸ அத்தனோ ஸுணந்தானஞ்ச பச்சக்க²ஸித்³த⁴தமாஹ. அஸுபா⁴தி³ஸபா⁴வேன ஸஹ விஜ்ஜமானானங் ரூபாதி³த⁴ம்மானங் காயோ ஸமூஹோதி ஸக்காயோ, உபாதா³னக்க²ந்தா⁴. ததா²தி தஸ்ஸ பா⁴வபூ⁴தேன படிகூலதாதி³ப்பகாரேன. ஸப்³ப³மஞ்ஞனாதி பத²வீஆதி³கே ஸரூபாவதா⁴ரணாதி³விபா⁴க³பி⁴ன்னே
ஜேகு³ச்சோ²தி ஸிது³ரோதி க²ணே க²ணே பி⁴ஜ்ஜனஸபா⁴வோ. தேனஸ்ஸ அனிச்சஅத்³து⁴வக²யவயபப⁴ங்கு³ரஸபா⁴வங் த³ஸ்ஸேதி. அயந்தி ஸக்காயோ. து³க்கோ²தி ந ஸுகோ². தேனஸ்ஸ கிச்ச²கஸிராபா³த⁴து³க்க²வுத்திதங் த³ஸ்ஸேதி. அபரிணாயகோதி பரிணாயகரஹிதோ. தேனஸ்ஸ அத்தஸுஞ்ஞஅஸாரவுத்திதங் த³ஸ்ஸேதி. தந்தி ஸக்காயங். பச்சனீகதோதி ஸபா⁴வபடிபக்க²தோ, ஸுப⁴னிச்சஸுக²அத்தாதி³தோதி அத்தோ². க³ண்ஹந்தி க³ண்ஹந்தோ, தத்த² ஸுபா⁴தி³கா³ஹவஸேன அபி⁴னிவிஸந்தோதி அத்தோ².
இதா³னி திஸ்ஸோபி மஞ்ஞனா உபமாஹி விபா⁴வேதுங் ‘‘ஸுப⁴தோ’’திஆதி³ வுத்தங். தத்த² யதா² மஹாபரிளாஹே விபுலானத்தா²வஹே ச அக்³கி³ம்ஹி ஸலப⁴ஸ்ஸ பதனங் ஸுப⁴ஸுக²ஸஞ்ஞாய, ஏவங் தாதி³ஸே ஸக்காயே ஸலப⁴ஸ்ஸ தண்ஹாமஞ்ஞனாதி இமமத்த²ங் த³ஸ்ஸேதி ‘‘ஸுப⁴தோ…பே॰… தண்ஹாய மஞ்ஞனா’’தி இமினா.
கூ³தா²தீ³ கீடகோ கூ³த²ராஸிங் லத்³தா⁴ அஸம்பன்னேபி தஸ்மிங் ஸம்பன்னாகாரங் பவத்தயமானோ அத்தானங் உக்கங்ஸேதி, ஏவமனேகாதீ³னவே ஏகந்தபே⁴தி³னி ஸக்காயே நிச்சஸஞ்ஞங் உபட்ட²பெத்வா ஸம்பத்திமதே³ன தத்த² பா³லோ மானங் ஜப்பேதீதி இமமத்த²மாஹ ‘‘நிச்சஸஞ்ஞங்…பே॰… மானேன மஞ்ஞனா’’தி.
யதா² பா³லோ முத்³த⁴தா⁴துகோ ஸம்மூள்ஹோ கோசி ஆதா³ஸே அத்தனோ படிபி³ம்ப³ங் தி³ஸ்வா ‘‘அயங் மஞ்ஞே ஆதா³ஸஸாமிகோ, யதி³ அஹமிமங் க³ஹெத்வா திட்டெ²ய்யங், அனத்த²ம்பி மே கரெய்யா’’தி ச²ட்³டெ³த்வா பலாயந்தோ தத்த² அவிஜ்ஜமானமேவ கிஞ்சி விஜ்ஜமானங் கத்வா க³ண்ஹி, ததூ²பமோ அயங் பா³லோ ஸக்காயே அத்தத்தனியகா³ஹங் க³ண்ஹந்தோதி இமமத்த²ங் தீ³பேதி ‘‘அத்தா…பே॰… தி³ட்டி²யா ஹோதி மஞ்ஞனா’’தி இமினா.
ஸுகு²மங் மாரப³ந்த⁴னங் வேபசித்திப³ந்த⁴னதோபி ஸுகு²மதரத்தா. தேனாஹ ப⁴க³வா ‘‘அஹோ ஸுகு²மதரங் கோ², பி⁴க்க²வே, மாரப³ந்த⁴ன’’ந்தி.
ப³ஹுந்தி அதிவிய, அனேகக்க²த்துங் வா. விப்ப²ந்த³மானோபி ஸக்காயங் நாதிவத்ததி ஸங்ஸாரங் நாதிவத்தனதோ. யதா²ஹ ‘‘யே தே, பி⁴க்க²வே, ஸமணா ஸதோ ஸத்தஸ்ஸ உச்சே²த³ங் வினாஸங் விப⁴வங் பஞ்ஞபெந்தி, தே, ஸக்காயங்யேவ அனுபரிதா⁴வந்தி ஸெய்யதா²பி ஸா க³த்³து³லப³ந்த⁴னோ’’திஆதி³. யதா² ஹி ஸத்தஸுபி
ஸஸோதி ஸோ ஏஸோ புது²ஜ்ஜனோ. நிச்சந்தி ஸப்³ப³காலங்.
தந்தி தஸ்மா ஸக்காயமலீனஸ்ஸ ஜாதியாதீ³னமனதிவத்தனதோ. அஸாததோதி து³க்க²தோ.
பஸ்ஸங் ஏவமிமந்தி அஸுபா⁴னிச்சது³க்கா²னத்தஸபா⁴வங் தங் ஸக்காயங் வுத்தப்பகாரேன யதா²பூ⁴தவிபஸ்ஸனாபஞ்ஞாஸஹிதாய மக்³க³பஞ்ஞாய பஸ்ஸந்தோ. பஹாயாதி ஸமுச்சே²த³வஸேன ஸப்³பா³ மஞ்ஞனாயோ பஜஹித்வா. ஸப்³ப³து³க்கா² பமுச்சதீதி ஸகலஸ்மாபி வட்டது³க்க²தோ பமுச்சதீதி.
ஏகத்தவாராதி³வண்ணனா நிட்டி²தா.
பட²மனயவண்ணனா நிட்டி²தா.
ஸெக்க²வாரது³தியனயவண்ணனா
7. அதி⁴ப்பேதஸ்ஸ அத்த²ஸ்ஸ அனியமெத்வா வசனங் உத்³தே³ஸோ, நியமெத்வா வசனங் நித்³தே³ஸோதி ஆஹ ‘‘யோதி உத்³தே³ஸவசனங், ஸோதி நித்³தே³ஸவசன’’ந்தி. ஸம்பிண்ட³னத்தோ²தி ஸமுச்சயத்தோ². ஸம்பிண்ட³னஞ்ச ஸபா⁴க³தாவஸேன ஹோதீதி ஆஹ – ‘‘ஆரம்மணஸபா⁴கே³னா’’தி, ஆரம்மணஸ்ஸ ஸபா⁴க³தாய ஸதி³ஸதாயாதி அத்தோ². ஸெக்க²ங் த³ஸ்ஸேதி ஸாமஞ்ஞஜோதனாய விஸேஸே அவட்டா²னதோ, ஸெக்க²விஸயத்தா ச தஸ்ஸ வசனஸ்ஸ.
கேனட்டே²னாதி யஸ்மா ஞாணேன அரணீயதோ அத்தோ² ஸபா⁴வோ, தஸ்மா கேனட்டே²ன கேன ஸபா⁴வேன கேன லக்க²ணேன ஸெக்கோ² நாம ஹோதீதி அத்தோ². யஸ்மா பன ஸெக்க²த⁴ம்மாதி⁴க³மேன புக்³க³லே ஸெக்க²வோஹாரப்பவத்தி, தஸ்மா ‘‘ஸெக்க²த⁴ம்மபடிலாப⁴தோ ஸெக்கோ²’’தி வுத்தங். ஸெக்க²த⁴ம்மா நாம சதூஸு மக்³கே³ஸு, ஹெட்டி²மேஸு ச தீஸு ப²லேஸு ஸம்மாதி³ட்டி²ஆத³யோ. தேனாஹ ‘‘ஸெக்கா²ய ஸம்மாதி³ட்டி²யா…பே॰… எத்தாவதா கோ² பி⁴க்கு² ஸெக்கோ² ஹோதீ’’தி. ஏவங் அபி⁴த⁴ம்மபரியாயேன ஸெக்க²லக்க²ணங் த³ஸ்ஸெத்வா ‘‘அபிசா’’திஆதி³ வுத்தங். தத்த² ஸிக்க²தீதி இமினா ஸிக்கா²த்தயஸமங்கீ³ அபரினிட்டி²தஸிக்கோ² ஸெக்கோ²தி த³ஸ்ஸேதி. தேனாஹ ‘‘ஸிக்க²தீ’’திஆதி³ ஸெக்கோ². ஸோ ஹி அபரியோஸிதஸிக்க²த்தா தத³தி⁴முத்தத்தா ச ஏகந்தேன ஸிக்க²னஸீலோ, ந அஸெக்கோ² விய பரினிட்டி²தஸிக்கோ² தத்த² படிப்பஸ்ஸத்³து⁴ஸ்ஸுக்கோ, நாபி விஸ்ஸட்ட²ஸிக்கோ² பசுரஜனோ விய தத்த² அனதி⁴முத்தோ. அத² வா அரியாய ஜாதியா தீஸு ஸிக்கா²ஸு ஜாதோ, தத்த² வா ப⁴வோதி ஸெக்கோ². அத² வா இக்க²தி ஏதாயாதி இக்கா², மக்³க³ப²லஸம்மாதி³ட்டி². ஸஹ இக்கா²யாதி ஸெக்கோ².
அனுலோமபடிபதா³ய பரிபூரகாரீதி யா ஸா ஸீலாதி³கா விபஸ்ஸனந்தா து³க்க²னிரோத⁴கா³மினியா லோகுத்தராய படிபதா³ய அனுலோமனதோ அனுலோமபடிபதா³, தஸ்ஸா ஸம்பாத³னேன பரிபூரகாரீதி. இதா³னி தங் படிபத³ங் புக்³க³லாதி⁴ட்டா²னேன த³ஸ்ஸேதுங் ‘‘ஸீலஸம்பன்னோ’’திஆதி³ வுத்தங். தத்த² ஸீலஸம்பன்னோதி பாதிமொக்க²ஸங்வரஸீலேன ஸமன்னாக³தோ, பரிபுண்ணபாதிமொக்க²ஸீலோ வா. பாதிமொக்க²ஸீலஞ்ஹி இத⁴ ‘‘ஸீல’’ந்தி அதி⁴ப்பேதங் பதா⁴னபா⁴வதோ. ரூபாதி³ஆரம்மணேஸு அபி⁴ஜ்ஜா²தீ³னங் பவத்தினிவாரணஸங்கா²தேன மனச்ச²ட்டா²னங் இந்த்³ரியானங் பிதா⁴னேன இந்த்³ரியேஸு கு³த்தத்³வாரோ. பரியேஸனாதி³வஸேன போ⁴ஜனே பமாணஜானநேன போ⁴ஜனே மத்தஞ்ஞூ. விக³ததி²னமித்³தோ⁴ ஹுத்வா ரத்திந்தி³வங் கம்மட்டா²னமனஸிகாரே யுத்ததாய ஜாக³ரியானுயோக³மனுயுத்தோ. கத²ங் பன ஜாக³ரியானுயோகோ³ ஹோதீதி தங் த³ஸ்ஸேதுங் ‘‘புப்³ப³ரத்தா…பே॰… விஹரதீ’’தி வுத்தங். யதா²ஹ ‘‘கத²ஞ்ச புப்³ப³ரத்தாபரரத்தங் ஜாக³ரியானுயோக³மனுயுத்தோ ஹோதி? இத⁴ பி⁴க்கு² தி³வஸங் சங்கமேன நிஸஜ்ஜாய ஆவரணீயேஹி சித்தங் பரிஸோதே⁴தி, ரத்தியா பட²மங் யாமங் சங்கமேன…பே॰… ஸோதே⁴தி, ஏவங் கோ² பி⁴க்கு² புப்³ப³ரத்தாபரரத்தங் ஜாக³ரியானுயோக³மனுயுத்தோ ஹோதீ’’தி (விப⁴॰ 519). இமஸ்மிங் பனத்தே²தி ‘‘மஞ்ஞதி, ந மஞ்ஞதீ’’தி ச வத்தப்³ப³பா⁴வஸங்கா²தே அத்தே². நோ புது²ஜ்ஜனோ அதி⁴ப்பேதோ ‘‘அப்பத்தமானஸோ, அனுத்தரங் யோக³க்கே²மங் பத்த²யமானோ’’தி ச வுத்தத்தா.
ஸம்பயுத்தத்தா மனஸி ப⁴வோதி ராகோ³ மானஸோ, மனோ ஏவ மானஸந்தி கத்வா சித்தங் மானஸங், அனவஸேஸதோ மானங் ஸீயதி ஸமுச்சி²ந்த³தீதி அக்³க³மக்³கோ³ மானஸங், தன்னிப்³ப³த்தத்தா பன அரஹத்தஸ்ஸ மானஸதா த³ட்ட²ப்³பா³. ஜனேஸுதாதி ஜனே ஸகலஸத்தலோகே விஸ்ஸுதா, பத்த²டயஸாதி அத்தோ².
நத்தி² இதோ உத்தரந்தி அனுத்தரங். தங் பன ஸப்³ப³ஸெட்ட²ங் ஹொந்தங் ஏகந்ததோ ஸதி³ஸரஹிதமேவ ஹோதி, தஸ்மா வுத்தங் ‘‘அனுத்தரந்தி ஸெட்ட²ங், அஸதி³ஸந்தி அத்தோ²’’தி. பத்த²யமானஸ்ஸாதி தண்ஹாயந்தஸ்ஸ. பஜப்பிதானீதி மானஜப்பனானி. யஸ்மிஞ்ஹி வத்து²ஸ்மிங் தண்ஹாயனா பத்த²யமானமஞ்ஞனா ஸம்ப⁴வதி, தஸ்மிங்யேவ ‘‘ஸெய்யோஹமஸ்மீ’’திஆதீ³னி பஜப்பிதானி ஸம்ப⁴வந்தீதி அதி⁴ப்பாயோ. பவேதீ⁴தந்தி பரிவாஸிதங். பகப்பிதேஸூதி தண்ஹாதி³ட்டி²கப்பேஹி பரிகப்பிதேஸு ஆரம்மணேஸு. ஸோதந்தி கிலேஸஸோதங் வித்³த⁴ஸ்தந்தி வினாஸிதங். தஞ்ச கோ² லோமஹங்ஸமத்தம்பி அஸேஸெத்வாதி த³ஸ்ஸெந்தோ ஆஹ ‘‘வினளீகத’’ந்தி, விக³தாவஸேஸங் கதந்தி அத்தோ². அதி⁴முத்தியா இதா⁴தி⁴ப்பேதபத்த²னா பாகடா ஹோதீதி ‘‘தன்னின்னோ’’திஆதி³ வுத்தங், ந பன குஸலச்ச²ந்த³ஸ்ஸ அதி⁴முத்திபா⁴வதோ. அதி⁴முச்சந்தோதி ஓகப்பெந்தோ.
ஸப்³பா³காரவிபரீதாயாதி ‘‘ஸுப⁴ங் ஸுக²ங் நிச்ச’’ந்திஆதீ³னங் ஸப்³பே³ஸங் அத்தனா க³ஹேதப்³பா³காரானங் வஸேன தப்³பி³பரீததாய, அனவஸேஸதோ த⁴ம்மஸபா⁴வவிபரீதாகாரகா³ஹினியாதி அத்தோ². அபி⁴விஸிட்டே²ன ஞாணேனாதி அஸம்பஜானநமிச்சா²ஜானநானி விய ந த⁴ம்மஸபா⁴வங் அப்பத்வா நாபி அதிக்கமித்வா, அத² கோ² அவிரஜ்ஜி²த்வா த⁴ம்மஸபா⁴வஸ்ஸ அபி⁴முக²பா⁴வப்பத்தியா அபி⁴விஸிட்டே²ன ஞாணேன, ஞாதபரிஞ்ஞாதி⁴ட்டா²னாய தீரணபரிஞ்ஞாய பஹானபரிஞ்ஞேகதே³ஸேன சாதி அத்தோ². தேனாஹ ‘‘பத²வீதி…பே॰… வுத்தங் ஹோதீ’’தி. பத²வீபா⁴வந்தி பத²வியங் அபி⁴ஞ்ஞெய்யபா⁴வங். லக்க²ணபத²வீ ஹி இதா⁴தி⁴ப்பேதா, பரிஞ்ஞெய்யபா⁴வோ பனஸ்ஸா ‘‘அனிச்சாதிபீ’’திஆதி³னா க³ஹிதோதி. அபி⁴ஞ்ஞத்வாதி ஞாததீரணபஹானபரிஞ்ஞாஹி ஹெட்டி²மமக்³க³ஞாணேஹி ச அபி⁴ஜானித்வா. மாமஞ்ஞீதி அப்பஹீனானங் மஞ்ஞனானங் வஸேன மாதி மஞ்ஞதீதி மா, பஹீனானங் பன வஸேன ந மஞ்ஞதீதி அமஞ்ஞீ, மா ச ஸோ அமஞ்ஞீ ச மாமஞ்ஞீதி ஏவமெத்த² பத³விபா⁴க³தோ அத்தோ² வேதி³தப்³போ³. தத்த² யேன பா⁴கே³ன அமஞ்ஞீ, தேன மஞ்ஞீதி ந வத்தப்³போ³. யேன பன பா⁴கே³ன மஞ்ஞீ, தேன அமஞ்ஞீதி ந வத்தப்³போ³தி. ஏவங் படிக்கே²பப்பதா⁴னங் அத்த²ங் த³ஸ்ஸேதுங் அட்ட²கதா²யங் ‘‘மஞ்ஞீ ச ந மஞ்ஞீ ச ந வத்தப்³போ³’’தி வுத்தங். படிக்கே²பப்பதா⁴னதா செத்த² ‘‘இதரா பன தனுபா⁴வங் க³தா’’தி. மாதி ச நிபாதபத³மேதங், அனேகத்தா² ச நிபாதாதி அதி⁴ப்பாயேன ‘‘ஏதஸ்மிஞ்ஹி அத்தே² இமங் பத³ங் நிபாதெத்வா வுத்த’’ந்தி வுத்தங். நிபாதெத்வாதி ச பகதிஆதி³விபா⁴க³னித்³தா⁴ரணே அனுமானநயங் முஞ்சித்வா யதா²வுத்தே அத்தே² பச்சக்க²தோவ த³ஸ்ஸெத்வாதி அத்தோ². புது²ஜ்ஜனோ வியாதி ஏதேனஸ்ஸ உபரிமக்³க³வஜ்ஜ²தண்ஹாமானவஸேன மஞ்ஞனா ந படிக்கி²த்தாதி தீ³பேதி.
அத² வா மா மஞ்ஞீதி பரிகப்பகிரியாபடிக்கே²பவசனமேதங் ‘‘மா ரந்த⁴யுங், மா ஜீரீ’’திஆதீ³ஸு விய, ந மஞ்ஞெய்யாதி வுத்தஞ்ஹோதி. யதா² ஹி புது²ஜ்ஜனோ ஸப்³ப³ஸோ அப்பஹீனமஞ்ஞனத்தா ‘‘மஞ்ஞதி’’ச்சேவ வத்தப்³போ³, யதா² ச கீ²ணாஸவோ ஸப்³ப³ஸோ பஹீனமஞ்ஞனத்தா ந மஞ்ஞதி ஏவ, ந ஏவங் ஸெக்கோ². தஸ்ஸ ஹி ஏகச்சா மஞ்ஞனா பஹீனா, ஏகச்சா அப்பஹீனா, தஸ்மா உப⁴யபா⁴வதோ உப⁴யதா²பி ந வத்தப்³போ³. நனு ச உப⁴யபா⁴வதோ உப⁴யதா²பி வத்தப்³போ³தி? ந. யா ஹி அப்பஹீனா, தாபிஸ்ஸ தனுபா⁴வங் க³தாதி தாஹிபி ஸோ ந மஞ்ஞெய்ய விபூ⁴ததராய ‘‘பரிஞ்ஞெய்யங் தஸ்ஸாதி வதா³மீ’’தி.
ஓக்கந்தனியாமத்தாதி அனுபவிட்ட²ஸம்மத்தனியாமத்தா, ஓதிண்ணமக்³க³ஸோதத்தாதி அத்தோ². ஸம்போ³தி⁴பராயணத்தாதி உபரிமக்³க³ஸம்போ³தி⁴படிஸரணத்தா, தத³தி⁴க³மாய நின்னபோணபப்³பா⁴ரபா⁴வதோதி அத்தோ². உப⁴யேனபி தஸ்ஸ அவஸ்ஸங்பா⁴வினீ ஸேஸபரிஞ்ஞாதி த³ஸ்ஸேதி. பரிஞ்ஞெய்யந்தி பரிஜானிதப்³ப³பா⁴வேன டி²தங், பரிஞ்ஞாதுங் வா ஸக்குணெய்யங். தப்படிபக்க²தோ அபரிஞ்ஞெய்யங். புது²ஜ்ஜனஸ்ஸ வியாதி ஏதேன இதா⁴தி⁴ப்பேதபுது²ஜ்ஜனஸ்ஸ பரிஞ்ஞெய்யபா⁴வாஸங்கா ஏவ நத்தி² அனதி⁴காரதோதி த³ஸ்ஸேதி. ‘‘மாபி⁴னந்தீ³’’தி எத்தா²பி இமினாவ நயேன அத்தோ² வேதி³தப்³போ³.
ஸெக்க²வாரது³தியனயவண்ணனா நிட்டி²தா.
கீ²ணாஸவவாரததியாதி³னயவண்ணனா
8. ஸபா⁴கோ³ ‘‘வுத்தஞ்சேத’’ந்திஆதி³மாஹ. தத்த² பாபகாதி லாமகட்டே²ன து³க்³க³திஸம்பாபனட்டே²ன ச பாபகா. ஸாவஜ்ஜட்டே²ன அகோஸல்லஸம்பூ⁴தட்டே²ன ச அகுஸலா. ஸங்கிலேஸங் அரஹந்தி, தத்த² வா நியுத்தாதி ஸங்கிலேஸிகா. புனப்³ப⁴வஸ்ஸ கரணஸீலா, புனப்³ப⁴வப²லங் அரஹந்தீதி வா போனோப⁴விகா. ஸஹ த³ரதே²ன பரிளாஹேன பவத்தந்தீதி ஸத³ரா. து³க்கோ² கடுகோ, து³க்க²மோ வா விபாகோ ஏதேஸந்தி து³க்க²விபாகா. அனாக³தே ஜாதியா சேவ ஜராமரணானஞ்ச வட்³ட⁴னேன ஜாதிஜராமரணியாதி. ஏவமேதேஸங் பதா³னங் அத்தோ² வேதி³தப்³போ³. காமஞ்சாயங் ஸுத்தந்தவண்ணனா, அபி⁴த⁴ம்மனயோ பன நிப்பரியாயோதி தேன த³ஸ்ஸெந்தோ ‘‘சத்தாரோ ஆஸவா’’திஆதி³மாஹ. ஸமுச்சி²ன்னா படிப்பஸ்ஸத்³தா⁴தி ந கேவலங் ஸமுச்சி²ன்னா ஏவ, அத² கோ² படிப்பஸ்ஸத்³தா⁴பீதி மக்³க³கிச்சேன ஸதி³ஸங் ப²லகிச்சம்பி நித்³தா⁴ரேதி.
ஸீலவிஸோத⁴னாதி³னா க³ருஸங்வாஸோ. அரியமக்³க³படிபத்தி ஏவ அரியமக்³க³ஸங்வாஸோ. த³ஸ அரியாவாஸா நாம பஞ்சங்க³விப்பஹீனதாத³யோ. யே ஸந்தா⁴ய வுத்தங் –
‘‘த³ஸயிமே, பி⁴க்க²வே, அரியாவாஸா, யே அரியா ஆவஸிங்ஸு வா ஆவஸந்தி வா ஆவஸிஸ்ஸந்தி வா. கதமே த³ஸ? இத⁴, பி⁴க்க²வே, பி⁴க்கு² பஞ்சங்க³விப்பஹீனோ ஹோதி ச²ளங்க³ஸமன்னாக³தோ, ஏகாரக்கோ², சதுராபஸ்ஸேனோ, பனுண்ணபச்சேகஸச்சோ, ஸமவயஸட்டே²ஸனோ, அனாவிலஸங்கப்போ, பஸ்ஸத்³த⁴காயஸங்கா²ரோ, ஸுவிமுத்தசித்தோ, ஸுவிமுத்தபஞ்ஞோ. இமே கோ², பி⁴க்க²வே, த³ஸ அரியாவாஸா’’தி (அ॰ நி॰ 10.19).
வுஸ்ஸதீதி வா வுஸிதங், அரியமக்³கோ³, அரியப²லஞ்ச, தங் ஏதஸ்ஸ அத்தீ²தி அதிஸயவசனிச்சா²வஸேன அரஹா ‘‘வுஸிதவா’’தி வுத்தோ. கரணீயந்தி பரிஞ்ஞாபஹானபா⁴வனாஸச்சி²கிரியமாஹ. தங் பன யஸ்மா சதூஹி மக்³கே³ஹி சதூஸு ஸச்சேஸு கத்தப்³ப³த்தா ஸோளஸவித⁴ந்தி வேதி³தப்³ப³ங். தேனாஹ ‘‘சதூஹி மக்³கே³ஹி கரணீய’’ந்தி. ஸம்மாவிமுத்தஸ்ஸாதி அக்³க³மக்³க³ப²லபஞ்ஞாஹி ஸமுச்சே²த³படிப்பஸ்ஸத்³தீ⁴னங் வஸேன ஸுட்டு² விமுத்தஸ்ஸ. ஸந்தசித்தஸ்ஸாதி ததோ ஏவ ஸப்³ப³கிலேஸத³ரத²பரிளாஹானங் வூபஸந்தசித்தஸ்ஸ. பி⁴ன்னகிலேஸஸ்ஸ கீ²ணாஸவஸ்ஸ பி⁴க்கு²னோ. கதஸ்ஸ பரிஞ்ஞாதி³கிச்சஸ்ஸ படிசயோ புன கரணங் நத்தி², ததோ ஏவ கரணீயங் ந விஜ்ஜதி ந உபலப்³ப⁴தி.
பா⁴ராதி ஓஸீதா³பனட்டே²ன பா⁴ரா வியாதி பா⁴ரா. வுத்தஞ்ஹி ‘‘பா⁴ரா ஹவே பஞ்சக்க²ந்தா⁴’’திஆதி³ (ஸங்॰ நி॰ 3.22). அத்தனோ யோனிஸோமனஸிகாராயத்தந்தி அத்துபனிப³ந்த⁴ங், ஸஸந்தானபரியாபன்னத்தா அத்தானங் அவிஜஹனங். தயித³ங் யதி³பி ஸப்³ப³ஸ்மிங் அனவஜ்ஜத⁴ம்மே ஸம்ப⁴வதி, அகுப்பஸபா⁴வாபரிஹானத⁴ம்மேஸு பன அக்³க³பூ⁴தே அரஹத்தே ஸாதிஸயங், நேதரேஸூதி த³ஸ்ஸெந்தோ ஆஹ ‘‘அத்தனோ பரமத்த²ட்டே²ன வா’’தி, உத்தமட்ட²பா⁴வேனாதி அத்தோ².
ஸுத்தந்தனயோ நாம பரியாயனயோதி நிப்பரியாயனயேன ஸங்யோஜனானி த³ஸ்ஸெந்தோ ‘‘ப⁴வராக³இஸ்ஸாமச்ச²ரியஸங்யோஜன’’ந்தி ஆஹ, ந பன ‘‘ரூபராகோ³’’திஆதி³னா. ப⁴வேஸு ஸங்யோஜந்தீதி கிலேஸகம்மவிபாகவட்டானங் பச்சயோ ஹுத்வா நிஸ்ஸரிதுங் அப்பதா³னவஸேன ப³ந்த⁴ந்தி. ஸதிபி ஹி அஞ்ஞேஸங் தப்பச்சயபா⁴வே ந வினா ஸங்யோஜனானி தேஸங் தப்பச்சயபா⁴வோ அத்தி², ஓரம்பா⁴கி³யஉத்³த⁴ம்பா⁴கி³யஸங்க³ஹிதேஹி ச தேஹி தங்தங்ப⁴வனிப்³ப³த்தககம்மனியமோ ப⁴வனியமோ ச ஹோதி
ஸம்மா அஞ்ஞாயாதி ஆஜானநபூ⁴தாய அக்³க³மக்³க³பஞ்ஞாய ஸம்மா யதா²பூ⁴தங் து³க்கா²தீ³ஸு யோ யதா² ஜானிதப்³போ³, தங் ததா² ஜானித்வா. சித்தவிமுத்தி ஸப்³ப³ஸ்ஸ சித்தஸங்கிலேஸஸ்ஸ விஸ்ஸக்³கோ³. நிப்³பா³னாதி⁴முத்தி நிப்³பா³னே அதி⁴முச்சனங் தத்த² நின்னபோணபப்³பா⁴ரதா. தந்தி பத²வீஆதி³கங். பரிஞ்ஞாதங், ந புது²ஜ்ஜனஸ்ஸ விய அபரிஞ்ஞாதங், ஸெக்க²ஸ்ஸ விய பரிஞ்ஞெய்யங் வா. தஸ்மாதி பரிஞ்ஞாதத்தா.
சதுத்த²பஞ்சமச²ட்ட²வாரா தத்த² தத்த² கிலேஸனிப்³பா³னகித்தனவஸேன பவத்தத்தா நிப்³பா³னவாரா நாம. தத்த² பத²வீஆதீ³னங் பரிஞ்ஞாதத்தா அமஞ்ஞனா, ஸா பன பரிஞ்ஞா ராகா³தீ³னங் க²யேன ஸித்³தா⁴தி இமஸ்ஸ அத்த²ஸ்ஸ தீ³பனவஸேன பாளி பவத்தாதி த³ஸ்ஸெந்தோ ‘‘பரிஞ்ஞாதங் தஸ்ஸாதி ஸப்³ப³பதே³ஹி யோஜெத்வா புன க²யா ராக³ஸ்ஸ வீதராக³த்தாதி யோஜேதப்³ப³ங். ஏஸ நயோ இதரேஸூ’’தி ஆஹ. தத்த² இதரேஸூதி பஞ்சமச²ட்ட²வாரேஸு. யதி³ ஏவங் கஸ்மா பாளி ஏவங் ந தி³ஸ்ஸதீதி ஆஹ ‘‘தே³ஸனா பன ஏகத்த² வுத்தங் ஸப்³ப³த்த² வுத்தமேவ ஹோதீதி ஸங்கி²த்தா’’தி.
ந க²யா ராக³ஸ்ஸ வீதராகோ³ ஸப்³ப³ஸோ அப்பஹீனராக³த்தா. விக்க²ம்பி⁴தராகோ³ ஹி ஸோதி. பா³ஹிரகக்³க³ஹணஞ்செத்த² ததா²பா⁴வஸ்ஸேவ தேஸு லப்³ப⁴னதோ, ந தேஸு ஏவ ததா²பா⁴வஸ்ஸ லப்³ப⁴னதோ. இதா³னி யா ஸா ‘‘பரிஞ்ஞாதங் தஸ்ஸா’’தி ஸப்³ப³பதே³ஹி யோஜனா வுத்தா, தங் வினாபி நிப்³பா³னவாரஅத்த²யோஜனங் த³ஸ்ஸேதுங் ‘‘யதா² சா’’திஆதி³ வுத்தங். தத்த² மஞ்ஞனங் ந மஞ்ஞதீதி மஞ்ஞனா நப்பவத்ததீதி அத்தோ². மஞ்ஞனாய மஞ்ஞிதப்³ப³த்தேபி தஸ்ஸா வத்து²அந்தோக³த⁴த்தாதி ஏவமெத்த² அத்தோ² த³ட்ட²ப்³போ³.
யதி³பி பரிஞ்ஞாதபத³ங் அக்³க³ஹெத்வா நிப்³பா³னவாரதே³ஸனா பவத்தா, ஏவம்பி ‘‘க²யா’’திஆதி³பதே³ஹி பரிஞ்ஞாஸித்³தி⁴ ஏவ பகாஸீயதீதி கோ தேஸங் விஸேஸோதி சோத³னங் ஸந்தா⁴யாஹ ‘‘எத்த² சா’’திஆதி³. மக்³க³பா⁴வனாபாரிபூரித³ஸ்ஸனத்த²ங் வுத்தோ, மக்³க³கிச்சந்தா ஹி பரிஞ்ஞாயோதி அதி⁴ப்பாயோ. இதரே…பே॰… வேதி³தப்³பா³ வீதராகா³தி³கித்தனதோதி. த்³வீஹி வா காரணேஹீதி யதா²வுத்தகாரணத்³வயேன. அஸ்ஸாதி கீ²ணாஸவஸ்ஸ. அயங் விஸேஸோதி இதா³னி வுச்சமானோ விஸேஸோ. யதி³பி கீ²ணாஸவோ ஏகந்தேன வீதராகோ³ வீததோ³ஸோ வீதமோஹோ ஏவ ச ஹோதி, யாய பன புப்³ப³பா⁴க³படிபதா³ய வீதராக³தாத³யோ ஸவிஸேஸாதி வத்தப்³ப³தங் லப⁴ந்தி, தங் த³ஸ்ஸெந்தோ ‘‘தீஸு ஹீ’’திஆதி³மாஹ ‘‘ராகே³…பே॰… வீதராகோ³ ஹோதீ’’தி. ததா² ‘‘து³ட்டோ² அத்த²ங் ந ஜானாதீ’’திஆதி³னா (இதிவு॰ 88) தோ³ஸே ஆதீ³னவங் பஸ்ஸதோ ‘‘தோ³ஸோ ச நாம து³க்க²ங் படிச்ச உப்பஜ்ஜதி, தஞ்ச உப⁴யங் அனவட்டி²தங் இத்தரங் பப⁴ங்கூ³’’தி ஸஹேதுகே தோ³ஸே ஆதீ³னவத³ஸ்ஸனங் அனிச்சானுபஸ்ஸனாய நிமித்தங், அனிச்சானுபஸ்ஸனா ச நிச்சனிமித்தாதீ³னங் படிபக்க²பா⁴வதோ அனிமித்தவிமொக்க²ங் பரிபூரேதீதி ஆஹ ‘‘தோ³ஸே…பே॰… ஹோதீ’’தி. ததா² ‘‘மூள்ஹோ ‘‘மோஹே…பே॰… வீதமோஹோ ஹோதீ’’தி.
ஏவங் ஸந்தேதி யதி³ வீதராக³தாத³யோ விமொக்க²விபா⁴கே³ன வுத்தா, ஏவங் ஸந்தே. தஸ்மாதி யஸ்மா விமொக்க²முக²விமொக்கா²னங் வஸேன நியமெத்வா ந வுத்தங், தஸ்மா. யங் கிஞ்சி அரஹதோ ஸம்ப⁴வந்தங் விப⁴ஜித்வா வுச்சதீதி வாரத்தயதே³ஸனா கதாதி இமமத்த²ங் த³ஸ்ஸேதி ‘‘யங் அரஹதோ’’திஆதி³னா.
ஏவங் விமுத்திவிபா⁴கே³ன கீ²ணாஸவஸ்ஸ விபா⁴க³ங் வாரத்தயதே³ஸனானிப³ந்த⁴னங் த³ஸ்ஸெத்வா இதா³னி அவிபா⁴கே³னபி தத்த² பரிஞ்ஞாவிஸயஸ்ஸ அனுஸயவிஸயஸ்ஸ ச விபா⁴க³ங் தஸ்ஸ நிப³ந்த⁴னங் த³ஸ்ஸெந்தோ ‘‘அவிஸேஸேனா’’திஆதி³மாஹ. தத்த² உபெக்கா²வேத³னா விஸேஸதோ ஸங்கா²ரது³க்க²ங் ஸம்மோஹாதி⁴ட்டா²னந்தி வுத்தங் ‘‘ஸங்கா²ர…பே॰… மோஹோ’’தி. ஸேஸங் வுத்தனயத்தா ஸுவிஞ்ஞெய்யமேவ.
கீ²ணாஸவவாரததியாதி³னயவண்ணனா நிட்டி²தா.
ததா²க³தவாரஸத்தமனயவண்ணனா
12. யேஹி (தீ³॰ நி॰ அபி⁴॰ டீ॰ 1.7.சூளஸீலவண்ணனா; அ॰ நி॰ டீ॰ 1.1.170) கு³ணவிஸேஸேஹி நிமித்தபூ⁴தேஹி ப⁴க³வதி ‘‘ததா²க³தோ’’தி அயங் ஸமஞ்ஞா பவத்தா, தங் த³ஸ்ஸனத்த²ங் ‘‘அட்ட²ஹி காரணேஹி ப⁴க³வா ததா²க³தோ’’திஆதி³ வுத்தங். கு³ணனேமித்தகானேவ ஹி ப⁴க³வதோ ஸப்³பா³னி நாமானி. யதா²ஹ –
‘‘அஸங்க்²யெய்யானி நாமானி, ஸகு³ணேன மஹேஸினோ;
கு³ணேன நாமமுத்³தெ⁴ய்யங், அபி நாமஸஹஸ்ஸதோ’’தி. (த⁴॰ ஸ॰ அட்ட²॰ 1313; உதா³॰ அட்ட²॰ 53; படி॰ ம॰ அட்ட²॰ 1.76; தீ³॰ நி॰ அபி⁴॰ டீ॰ 1.7.சூளஸீலவண்ணனா; அ॰ நி॰ டீ॰ 1.1.170) –
ததா² ஆக³தோதி எத்த² ஆகாரனியமனவஸேன ஓபம்மஸம்படிபாத³னத்தோ² ததா²-ஸத்³தோ³. ஸாமஞ்ஞஜோதனா ஹி விஸேஸே அவதிட்ட²தீதி படிபாத³க³மனத்தோ² ஆக³த-ஸத்³தோ³, ந ஞாணக³மனத்தோ² ‘‘தத²லக்க²ணங் ஆக³தோ’’திஆதீ³ஸு ‘‘யதா² ஸப்³ப³லோக…பே॰… ஆக³தா’’தி ஸாதா⁴ரணதோ வத்வா புன தங் படிபத³ங் மஹாபதா³னஸுத்தாதீ³ஸு (தீ³॰ நி॰ 2.4) ஸம்ப³ஹுலனித்³தே³ஸேன ஸுபாகடானங் ஆஸன்னானஞ்ச விபஸ்ஸீஆதீ³னங் ச²ன்னங் ஸம்மாஸம்பு³த்³தா⁴னங் வஸேன த³ஸ்ஸெந்தோ ‘‘யதா² விபஸ்ஸீ ப⁴க³வா’’திஆதி³மாஹ. தத்த² யேன அபி⁴னீஹாரேனாதி மனுஸ்ஸத்த-லிங்க³ஸம்பத்தி-ஹேது-ஸத்தா²ரத³ஸ்ஸன-பப்³ப³ஜ்ஜா-அபி⁴ஞ்ஞாதி³கு³ணஸம்பத்தி-அதி⁴கார-ச²ந்தா³னங் வஸேன அட்ட²ங்க³ஸமன்னாக³தேன காயபணிதா⁴னமஹாபணிதா⁴னேன. ஸப்³பே³ஸஞ்ஹி ஸம்மாஸம்பு³த்³தா⁴னங் காயபணிதா⁴னங் இமினாவ நீஹாரேன ஸமிஜ்ஜ²தீதி.
ஏவங் மஹாபி⁴னீஹாரவஸேன ‘‘ததா²க³தோ’’தி பத³ஸ்ஸ அத்த²ங் வத்வா இதா³னி பாரமீபூரணவஸேன த³ஸ்ஸேதுங் ‘‘அத² வா யதா² விபஸ்ஸீ ப⁴க³வா…பே॰… யதா² கஸ்ஸபோ ப⁴க³வா தா³னபாரமிங் பூரெத்வா’’திஆதி³ வுத்தங். இமஸ்மிங் பன டா²னே ஸுத்தந்திகானங் மஹாபோ³தி⁴யானபடிபதா³ய கோஸல்லஜனநத்த²ங் பாரமீகதா² வத்தப்³பா³, ஸா பன ஸப்³பா³காரஸம்பன்னா சரியாபிடகவண்ணனாய (சரியா॰ பகிண்ணககதா²) வித்தா²ரதோ நித்³தி³ட்டா², தஸ்மா அத்தி²கேஹி தத்த² வுத்தனயேனேவ வேதி³தப்³பா³. யதா² ‘‘ஸமத்திங் ஸபாரமியோ பூரெத்வா’’தி. ஸதிபி அங்க³பரிச்சாகா³தீ³னங் தா³னபாரமிபா⁴வே பரிச்சாக³விஸேஸபா⁴வத³ஸ்ஸனத்த²ஞ்சேவ ஸுது³க்கரபா⁴வத³ஸ்ஸனத்த²ஞ்ச ‘‘பஞ்ச மஹாபரிச்சாகே³’’தி விஸுங் க³ஹணங், ததோயேவ ச அங்க³பரிச்சாக³தோ விஸுங் நயனபரிச்சாக³க்³க³ஹணம்பி கதங், பரிக்³க³ஹபரிச்சாக³பா⁴வஸாமஞ்ஞேபி த⁴னரஜ்ஜபரிச்சாக³தோ புத்ததா³ரபரிச்சாக³க்³க³ஹணஞ்ச கதங்.
க³தபச்சாக³திகவத்தபூரணாதி³காய புப்³ப³பா⁴க³படிபதா³ய ஸத்³தி⁴ங் அபி⁴ஞ்ஞாஸமாபத்தினிப்பா²த³னங் புப்³ப³யோகோ³, தா³னாதீ³ஸுயேவ ஸாதிஸயபடிபத்தினிப்பா²த³னங் புப்³ப³சரியா புப்³ப³யோகோ³, தா³னாதி³படிபத்தி, காயவிவேகவஸேன ஏகசரியா வா புப்³ப³சரியாதி கேசி. தா³னாதீ³னஞ்சேவ அப்பிச்ச²தாதீ³னஞ்ச ஸங்ஸாரனிப்³பா³னேஸு ஆதீ³னவானிஸங்ஸானஞ்ச விபா⁴வனவஸேன ஸத்தானங் போ³தி⁴த்தயே பதிட்டா²பனபரிபாசனவஸேன ச பவத்தா கதா² த⁴ம்மக்கா²னங், ஞாதீனங் அத்த²சரியா ஞாதத்த²சரியா, ஸாபி கருணாய வஸேனேவ. ஆதி³-ஸத்³தே³ன லோகத்த²சரியாத³யோ ஸங்க³ண்ஹாதி. கம்மஸ்ஸகதஞாணவஸேன, அனவஜ்ஜகம்மாயதனஸிப்பாயதனவிஜ்ஜாட்டா²னபரிசயவஸேன க²ந்தா⁴யதனாதி³பரிசயவஸேன, லக்க²ணத்தயதீரணவஸேன ச ஞாணசாரோ பு³த்³தி⁴சரியா, ஸா பன அத்த²தோ பஞ்ஞாபாரமீயேவ, ஞாணஸம்பா⁴ரத³ஸ்ஸனத்த²ங் விஸுங் க³ஹணங். கோடீதி பரியந்தோ, உக்கங்ஸோதி அத்தோ².
சத்தாரோ ஸதிபட்டா²னே பா⁴வெத்வா ப்³ரூஹெத்வாதி ஸம்ப³ந்தோ⁴. தத்த² பா⁴வெத்வாதி உப்பாதெ³த்வா. ப்³ரூஹெத்வாதி வட்³டெ⁴த்வா. ஸதிபட்டா²னாதி³க்³க³ஹணேன ஆக³மனபடிபத³ங் மத்த²கங் பாபெத்வா த³ஸ்ஸேதி. விபஸ்ஸனாஸஹக³தா ஏவ வா ஸதிபட்டா²னாத³யோ த³ட்ட²ப்³பா³. எத்த² ச ‘‘யேன அபி⁴னீஹாரேனா’’திஆதி³னா ஆக³மனபடிபதா³ய ஆதி³ங் த³ஸ்ஸேதி, ‘‘தா³னபாரமீ’’திஆதி³னா மஜ்ஜ²ங், ‘‘சத்தாரோ ஸதிபட்டா²னே’’திஆதி³னா பரியோஸானந்தி வேதி³தப்³ப³ங்.
ஸம்பதிஜாதோதி முஹுத்தஜாதோ மனுஸ்ஸானங் ஹத்த²தோ முத்தமத்தோ, ந மாதுகுச்சி²தோ நிக்க²ந்தமத்தோ. நிக்க²ந்தமத்தஞ்ஹி மஹாஸத்தங் பட²மங் ப்³ரஹ்மானோ ஸுவண்ணஜாலேன படிக்³க³ண்ஹிங்ஸு, தேஸங் ஹத்த²தோ சத்தாரோ மஹாராஜானோ அஜினப்பவேணியா, தேஸங் ஹத்த²தோ மனுஸ்ஸா து³கூலசும்ப³டகேன படிக்³க³ண்ஹிங்ஸு, மனுஸ்ஸானங் ஹத்த²தோ முச்சித்வா பத²வியங் பதிட்டி²தோதி. யதா²ஹ ப⁴க³வா மஹாபதா³னதே³ஸனாயங். ஸேதம்ஹி ச²த்தேதி தி³ப்³ப³ஸேதச்ச²த்தே. அனுதா⁴ரீயமானேதி தா⁴ரீயமானே. எத்த² ச ச²த்தக்³க³ஹணேனேவ க²க்³கா³தீ³னி பஞ்ச ககுத⁴ப⁴ண்டானிபி வுத்தானேவாதி த³ட்ட²ப்³ப³ங். க²க்³க³தாலவண்டமோரஹத்த²கவாலபீ³ஜனீஉண்ஹீஸபட்டாபி ஸப்³பா³ ச தி³ஸாதி த³ஸபி தி³ஸா. நயித³ங் ஸப்³ப³தி³ஸாவிலோகனங் ஸத்தபத³வீதிஹாருத்தரகாலங் த³ட்ட²ப்³ப³ங். மஹாஸத்தோ ஹி மனுஸ்ஸானங் ஹத்த²தோ முச்சித்வா புரத்தி²மதி³ஸங் ஆஸபி⁴ந்தி உத்தமங். அக்³கோ³தி ஸப்³ப³பட²மோ. ஜெட்டோ² ஸெட்டோ²தி ச தஸ்ஸேவ வேவசனங். அயமந்திமா ஜாதி, நத்தி² தா³னி புனப்³ப⁴வோதி இமஸ்மிங் அத்தபா⁴வே பத்தப்³ப³ங் அரஹத்தங் ப்³யாகாஸி.
அனேகேஸங் விஸேஸாதி⁴க³மானங் புப்³ப³னிமித்தபா⁴வேனாதி ஸங்கி²த்தேன வுத்தமத்த²ங் ‘‘யஞ்ஹீ’’திஆதி³னா வித்தா²ரதோ த³ஸ்ஸேதி. தத்த² எத்தா²தி –
‘‘அனேகஸாக²ஞ்ச ஸஹஸ்ஸமண்ட³லங்,
ச²த்தங் மரூ தா⁴ரயுமந்தலிக்கே²;
ஸுவண்ணத³ண்டா³ வீதிபதந்தி சாமரா,
ந தி³ஸ்ஸரே சாமரச²த்தகா³ஹகா’’தி. (ஸு॰ நி॰ 693);
இமிஸ்ஸா கா³தா²ய. ஸப்³ப³ஞ்ஞுதஞ்ஞாணமேவ ஸப்³ப³த்த² அப்படிஹதசாரதாய அனாவரணஞாணந்தி ஆஹ ‘‘ஸப்³ப³ஞ்ஞுதானாவரணஞாணபடிலாப⁴ஸ்ஸா’’தி. ததா² அயங் ப⁴க³வாபி க³தோ…பே॰… புப்³ப³னிமித்தபா⁴வேனாதி ஏதேன அபி⁴ஜாதியங் த⁴ம்மதாவஸேன உப்பஜ்ஜனகவிஸேஸா ஸப்³ப³போ³தி⁴ஸத்தானங் ஸாதா⁴ரணாதி த³ஸ்ஸேதி. பாரமிதானிஸ்ஸந்தா³ ஹி தேதி.
விக்கமீதி அக³மாஸி. மரூதி தே³வா. ஸமாதி விலோகனஸமதாய ஸமா ஸதி³ஸியோ. மஹாபுரிஸோ ஹி யதா² ஏகங் தி³ஸங் விலோகேஸி, ஏவங் ஸேஸதி³ஸாபி, ந கத்த²சி விலோகனே விப³ந்தோ⁴ தஸ்ஸ அஹோஸீதி. ஸமாதி வா விலோகேதுங் யுத்தா, விஸமரஹிதாதி அத்தோ². ந ஹி ததா³ போ³தி⁴ஸத்தஸ்ஸ விரூபபீ³ப⁴ச்ச²விஸமரூபானி விலோகேதுங் அயுத்தானி தி³ஸாஸு உபட்ட²ஹந்தீதி.
ஏவங் ‘‘ததா² க³தோ’’தி காயக³மனட்டே²ன க³த-ஸத்³தே³ன ததா²க³த-ஸத்³த³ங் நித்³தி³ஸித்வா இதா³னி ஞாணக³மனட்டே²ன தங் த³ஸ்ஸேதுங் ‘‘அத² வா’’திஆதி³மாஹ. தத்த² நெக்க²ம்மேனாதி அலோப⁴ப்பதா⁴னேன குஸலசித்துப்பாதே³ன பஹாயாதி பஜஹித்வா. க³தோ அதி⁴க³தோ, படிபன்னோ உத்தரிவிஸேஸந்தி அத்தோ². பஹாயாதி வா பஹானஹேது, பஹானலக்க²ணங் வா. ஹேதுலக்க²ணத்தோ² ஹி அயங் பஹாய-ஸத்³தோ³. காமச்ச²ந்தா³தி³ப்பஹானஹேதுகங் ‘‘க³தோ’’தி ஹெத்த² வுத்தங் க³மனங் அவபோ³தோ⁴, படிபத்தி ஏவ வா காமச்ச²ந்தா³தி³ப்பஹானேன ச லக்கீ²யதீதி. ஏஸ நயோ பதா³லெத்வாதிஆதீ³ஸுபி. அப்³யாபாதே³னாதி மெத்தாய. ஆலோகஸஞ்ஞாயாதி விபூ⁴தங் கத்வா மனஸிகரணேன (தீ³॰ நி॰ அபி⁴॰ டீ॰ 1.7.சூளஸீலவண்ணனா) உபட்டி²தஆலோகஸஞ்சானநேன. அவிக்கே²பேனாதி ஸமாதி⁴னா. த⁴ம்மவவத்தா²னேனாதி குஸலாதி³த⁴ம்மானங் யாதா²வனிச்ச²யேன. ‘‘ஸப்பச்சயனாமரூபவவத்தா²னேனா’’திபி வத³ந்தி.
ஏவங் காமச்ச²ந்தா³தி³னீவரணப்பஹானேன ‘‘அபி⁴ஜ்ஜ²ங் லோகே பஹாயா’’திஆதி³னா (விப⁴॰ 508) வுத்தாய பட²மஜ்ஜா²னஸ்ஸ புப்³ப³பா⁴க³படிபதா³ய ப⁴க³வதோ ததா²க³தபா⁴வங் த³ஸ்ஸெத்வா இதா³னி ஸஹ உபாயேன அட்ட²ஹி ஸமாபத்தீஹி அட்டா²ரஸஹி ச மஹாவிபஸ்ஸனாஹி தங் த³ஸ்ஸேதுங் ‘‘ஞாணேனா’’திஆதி³மாஹ. நாமரூபபரிக்³க³ஹகங்கா²விதரணானஞ்ஹி வினிப³ந்த⁴பூ⁴தஸ்ஸ மோஹஸ்ஸ தூ³ரீகரணேன ஞாதபரிஞ்ஞாயங் டி²தஸ்ஸ அனிச்சஸஞ்ஞாத³யோ ஸிஜ்ஜ²ந்தி, ததா² ஜா²னஸமாபத்தீஸு அபி⁴ரதினிமித்தேன பாமோஜ்ஜேன. தத்த² ‘‘அனபி⁴ரதியா வினோதி³தாய ஜா²னாதீ³னங் ஸமதி⁴க³மோ’’தி ஸமாபத்திவிபஸ்ஸனானங் அரதிவினோத³னஅவிஜ்ஜாபதா³லனாதீ³னி உபாயோ, உப்படிபாடினித்³தே³ஸோ பன நீவரணஸபா⁴வாய அவிஜ்ஜாய ஹெட்டா² நிவரணேஸுபி ஸங்க³ஹத³ஸ்ஸனத்த²ந்தி த³ட்ட²ப்³ப³ங். ஸமாபத்திவிஹாரப்பவேஸவிப³ந்த⁴னேன நீவரணானி கவாடஸதி³ஸானீதி ஆஹ ‘‘நீவரணகவாடங் உக்³கா⁴டெத்வா’’தி. ‘‘ரத்திங் அனுவிதக்கெத்வா அனுவிசாரெத்வா தி³வா கம்மந்தே பயோஜேதீ’’தி (ம॰ நி॰ 1.251) வுத்தட்டா²னே விதக்கவிசாரா தூ⁴மாயனாதி அதி⁴ப்பேதாதி ஆஹ ‘‘விதக்கவிசாரதூ⁴ம’’ந்தி. கிஞ்சாபி பட²மஜ்ஜா²னுபசாரேயேவ து³க்க²ங், சதுத்த²ஜ்ஜா²னுபசாரே ச ஸுக²ங் பஹீயதி, அதிஸயப்பஹானங் பன ஸந்தா⁴யாஹ ‘‘சதுத்த²ஜ்ஜா²னேன ஸுக²து³க்க²ங் பஹாயா’’தி.
அனிச்சஸ்ஸ, அனிச்சந்தி ச அனுபஸ்ஸனா அனிச்சானுபஸ்ஸனா, தேபூ⁴மகத⁴ம்மானங் அனிச்சதங் க³ஹெத்வா பவத்தாய விபஸ்ஸனாயேதங் நாமங். நிச்சஸஞ்ஞந்தி ஸங்க²தத⁴ம்மேஸு ‘‘நிச்சா ஸஸ்ஸதா’’தி ஏவங்பவத்தமிச்சா²ஸஞ்ஞங். ஸஞ்ஞாஸீஸேன தி³ட்டி²சித்தானம்பி நிப்³பி³தா³னுபஸ்ஸனாயாதி ஸங்கா²ரேஸு நிப்³பி³ஜ்ஜனாகாரேன பவத்தாய அனுபஸ்ஸனாய. நந்தி³ந்தி ஸப்பீதிகதண்ஹங். விராகா³னுபஸ்ஸனாயாதி ஸங்கா²ரேஸு விரஜ்ஜனாகாரேன பவத்தாய அனுபஸ்ஸனாய. நிரோதா⁴னுபஸ்ஸனாயாதி நிரோதா⁴னுபஸ்ஸனா. தேனேவாஹ ‘‘நிரோதா⁴னுபஸ்ஸனாய நிரோதே⁴தி, நோ ஸமுதே³தீ’’தி. முச்சிதுகம்யதா ஹி அயங் ப³லப்பத்தாதி. படினிஸ்ஸஜ்ஜனாகாரேன பவத்தா அனுபஸ்ஸனா படினிஸ்ஸக்³கா³னுபஸ்ஸனா, படிஸங்கா²ஸந்திட்ட²னா ஹி அயங். ஆதா³னந்தி நிச்சாதி³வஸேன க³ஹணங். ஸந்ததிஸமூஹகிச்சாரம்மணானங் வஸேன ஏகத்தக்³க³ஹணங் க⁴னஸஞ்ஞா. ஆயூஹனங் அபி⁴ஸங்க²ரணங். அவத்தா²விஸேஸாபத்தி விபரிணாமோ. து⁴வஸஞ்ஞந்தி தி²ரபா⁴வக்³க³ஹணங். நிமித்தந்தி ஸமூஹாதி³க⁴னவஸேன ஸகிச்சபரிச்சே²த³தாய ச ஸங்கா²ரானங் ஸவிக்³க³ஹக்³க³ஹணங். பணிதி⁴ந்தி ராகா³தி³பணிதி⁴ங். ஸா பனத்த²தோ தண்ஹாவஸேன ஸங்கா²ரேஸு நின்னதா. அபி⁴னிவேஸந்தி அத்தானுதி³ட்டி²ங்.
அனிச்சது³க்கா²தி³வஸேன ஸப்³ப³த⁴ம்மதீரணங் அதி⁴பஞ்ஞாத⁴ம்மவிபஸ்ஸனா. ஸாராதா³னாபி⁴னிவேஸந்தி அஸாரேஸு ஸாரக்³க³ஹணவிபல்லாஸங். இஸ்ஸரகுத்தாதி³வஸேன லோகோ ஸமுப்பன்னோதி அபி⁴னிவேஸோ ஸம்மோஹாபி⁴னிவேஸோ. கேசி பன ‘‘அஹோஸிங் நு கோ² அஹங் அதீதமத்³தா⁴னந்திஆதி³னா (ம॰ நி॰ 1.18; ஸங்॰ நி॰ 2.20) பவத்தஸங்ஸயாபத்தி ஸம்மோஹாபி⁴னிவேஸோ’’தி வத³ந்தி. ஸங்கா²ரேஸு லேணதாணபா⁴வக்³க³ஹணங் ஆலயாபி⁴னிவேஸோ. ‘‘ஆலயரதா ஆலயஸம்முதி³தா’’தி (தீ³॰ நி॰ 2.64, 67; ம॰ நி॰ 1.281; 2.337; ஸங்॰ நி॰ 1.172; மஹாவ॰ 7, 8) வசனதோ ஆலயோ தண்ஹா, ஸாயேவ சக்கா²தீ³ஸு ரூபாதீ³ஸு ச அபி⁴னிவிஸனவஸேன பவத்தியா ஆலயாபி⁴னிவேஸோதி கேசி. ‘‘ஏவங்விதா⁴ ஸங்கா²ரா படினிஸ்ஸஜ்ஜீயந்தீ’’தி பவத்தங் ஞாணங் படிஸங்கா²னுபஸ்ஸனா. வட்டதோ விக³தத்தா விவட்டங், நிப்³பா³னங், தத்த² ஆரம்மணகரணஸங்கா²தேன அனுபஸ்ஸனேன பவத்தியா விவட்டானுபஸ்ஸனா, கொ³த்ரபூ⁴. ஸங்யோகா³பி⁴னிவேஸந்தி ஸங்யுஜ்ஜனவஸேன ஸங்கா²ரேஸு நிவிஸனங். தி³ட்டே²கட்டே²தி தி³ட்டி²யா ஸஹஜாதேகட்டே² பஹானேகட்டே² ச. ஓளாரிகேதி உபரிமக்³க³வஜ்ஜ²கிலேஸே அபெக்கி²த்வா வுத்தங், அஞ்ஞதா² த³ஸ்ஸனேன பஹாதப்³பா³பி து³தியமக்³க³வஜ்ஜே²ஹி ஓளாரிகாதி. அணுஸஹக³தேதி அணுபூ⁴தே. இத³ங் ஹெட்டி²மமக்³க³வஜ்ஜே² அபெக்கி²த்வா ஸப்³ப³கிலேஸேதி அவஸிட்ட²ஸப்³ப³கிலேஸே. ந ஹி பட²மாதி³மக்³கே³ஹி பஹீனா கிலேஸா புன பஹீயந்தீதி.
கக்க²ளத்தங் கதி²னபா⁴வோ. பக்³க⁴ரணங் த்³ரவபா⁴வோ. லோகியவாயுனா ப⁴ஸ்தஸ்ஸ விய யேன வாயுனா தங்தங்கலாபஸ்ஸ உத்³து⁴மாயனங், த²த்³த⁴பா⁴வோ வா, தங் வித்த²ம்ப⁴னங். விஜ்ஜமானேபி கலாபந்தரபூ⁴தானங் கலாபந்தரபூ⁴தேஹி ஸம்பு²ட்ட²பா⁴வே தங்தங்பூ⁴தவிவித்ததா ரூபபரியந்தோ ஆகாஸோதி யேஸங் யோ பரிச்சே²தோ³, தேஹி ஸோ அஸம்பு²ட்டோ²வ, அஞ்ஞதா² பூ⁴தானங் பரிச்சே²த³ஸபா⁴வோ ந ஸியா ப்³யாபீபா⁴வாபத்திதோ, அப்³யாபிதாவ அஸம்பு²ட்ட²லக்க²ணங். தேனாஹ ப⁴க³வா ஆகாஸதா⁴துனித்³தே³ஸே (த⁴॰ ஸ॰ 637) ‘‘அஸம்பு²ட்ட²ங் சதூஹி மஹாபூ⁴தேஹீ’’தி.
விரோதி⁴பச்சயஸன்னிபாதே விஸதி³ஸுப்பத்தி ருப்பனங். சேதனாபதா⁴னத்தா ஸங்கா²ரக்க²ந்த⁴த⁴ம்மானங் சேதனாவஸேனேதங் வுத்தங் ‘‘ஸங்கா²ரானங் அபி⁴ஸங்க²ரணலக்க²ண’’ந்தி. ததா² ஹி ஸுத்தந்தபா⁴ஜனீயே ஸங்கா²ரக்க²ந்த⁴விப⁴ங்கே³ (விப⁴॰ 92) ‘‘சக்கு²ஸம்ப²ஸ்ஸஜா சேதனா’’திஆதி³னா சேதனாவ விப⁴த்தா. அபி⁴ஸங்க²ரணலக்க²ணா ச சேதனா. யதா²ஹ ‘‘தத்த² கதமோ புஞ்ஞாபி⁴ஸங்கா²ரோ? குஸலா சேதனா காமாவசரா’’திஆதி³. ப²ரணங் ஸவிப்பா²ரிகதா. அஸ்ஸத்³தி⁴யேதி அஸத்³தி⁴யஹேது. நிமித்தத்தே² பு⁴ம்மங். ஏஸ நயோ கோஸஜ்ஜேதிஆதீ³ஸு. உபஸமலக்க²ணந்தி காயசித்தபரிளாஹூபஸமலக்க²ணங். லீனுத்³த⁴ச்சரஹிதே அதி⁴சித்தே பவத்தமானே பக்³க³ஹனிக்³க³ஹஸம்பஹங்ஸனேஸு அப்³யாவடதாய அஜ்ஜு²பெக்க²னங் படிஸங்கா²னங் பக்க²பாதுபச்சே²த³தோ.
முஸாவாதா³தீ³னங் விஸங்வாத³னாதி³கிச்சதாய லூகா²னங் அபரிக்³கா³ஹகானங் படிபக்க²பா⁴வதோ பரிக்³கா³ஹகஸபா⁴வா ஸம்மாவாசா ஸினித்³த⁴பா⁴வதோ ஸம்பயுத்தத⁴ம்மே ஸம்மாவாசாபச்சயஸுபா⁴ஸிதானங் ஸோதாரஞ்ச புக்³க³லங் பரிக்³க³ண்ஹாதீதி தஸ்ஸா பரிக்³கா³ஹலக்க²ணங் வுத்தங். காயிககிரியா கிஞ்சி கத்தப்³ப³ங் ஸமுட்டா²பேதி, ஸயஞ்ச ஸமுட்ட²ஹனங் க⁴டனங் ஹோதீதி ஸம்மாகம்மந்த ஸங்கா²தாய விரதியா ஸமுட்டா²னலக்க²ணங் த³ட்ட²ப்³ப³ங். ஸம்பயுத்தத⁴ம்மானங் வா உக்கி²பனங் ஸமுட்டா²பனங் காயிககிரியாய பா⁴ருக்கி²பனங் விய. ஜீவமானஸ்ஸ ஸத்தஸ்ஸ, ஸம்பயுத்தத⁴ம்மானங் வா ஜீவிதிந்த்³ரியப்பவத்தியா, ஆஜீவஸ்ஸேவ வா ஸுத்³தி⁴ வோதா³னங். ஸஸம்பயுத்தத⁴ம்மஸ்ஸ சித்தஸ்ஸ ஸங்கிலேஸபக்கே² பதிதுங் அத³த்வா ஸம்மதே³வ பக்³க³ண்ஹனங் பக்³க³ஹோ.
‘‘ஸங்கா²ரா’’தி ‘‘ஸங்கா²ரானங் சேதனாலக்க²ண’’ந்தி. நமனங் ஆரம்மணாபி⁴முக²பா⁴வோ. ஆயதனங் பவத்தனங். ஆயதனானங் வஸேன ஹி ஆயஸங்கா²தானங் சித்தசேதஸிகானங் பவத்தி. தண்ஹாய ஹேதுலக்க²ணந்தி வட்டஸ்ஸ ஜனகஹேதுபா⁴வோ, மக்³க³ஸ்ஸ பன நிப்³பா³னஸம்பாபகத்தந்தி அயமேதேஸங் விஸேஸோ.
தத²லக்க²ணங் அவிபரீதஸபா⁴வோ. ஏகரஸோ அஞ்ஞமஞ்ஞானதிவத்தனங் அனூனானதி⁴கபா⁴வோ. யுக³னத்³தா⁴ ஸமத²விபஸ்ஸனாவ. ஸத்³தா⁴பஞ்ஞா பக்³க³ஹாவிக்கே²பாதிபி வத³ந்தி.
கீ²ணோதி க²யோ, மக்³கோ³. அனுப்பாத³பரியோஸானதாய அனுப்பாதோ³, ப²லங். பஸ்ஸத்³தி⁴ கிலேஸவூபஸமோ. ச²ந்த³ஸ்ஸாதி கத்துகாமதாச²ந்த³ஸ்ஸ. மூலலக்க²ணங் பதிட்டா²பா⁴வோ. ஸமுட்டா²னபா⁴வோ ஸமுட்டா²னலக்க²ணங் ஆரம்மணபடிபாத³கதாய ஸம்பயுத்தத⁴ம்மானங் உப்பத்திஹேதுதா. ஸமோதா⁴னங் விஸயாதி³ஸன்னிபாதேன க³ஹேதப்³பா³காரோ, யா ஸங்க³தீதி வுச்சதி. ஸமங் ஸஹ ஓத³ஹந்தி அனேன ஸம்பயுத்தத⁴ம்மாதி வா ஸமோதா⁴னங், ப²ஸ்ஸோ. ஸமோஸரந்தி ஸன்னிபதந்தி எத்தா²தி ஸமோஸரணங். வேத³னாய வினா அப்பவத்தமானா ஸம்பயுத்தத⁴ம்மா வேத³னானுப⁴வனநிமித்தங் ஸமோஸடா விய ஹொந்தீதி ஏவங் வுத்தங். கோ³பானஸீனங் கூடங் விய ஸம்பயுத்தானங் பாமொக்க²பா⁴வோ பமுக²லக்க²ணங். ததோ, தேஸங் வா ஸம்பயுத்தத⁴ம்மானங் உத்தரி பதா⁴னந்தி ததுத்தரி, பஞ்ஞுத்தரா ஹி குஸலா த⁴ம்மா. விமுத்தியாதி ப²லஸ்ஸ. தஞ்ஹி ஸீலாதி³கு³ணஸாரஸ்ஸ பரமுக்கங்ஸபா⁴வேன ஸாரங். அயஞ்ச லக்க²ணவிபா⁴கோ³ ச²தா⁴துபஞ்சஜா²னங்கா³தி³வஸேன தங்தங்ஸுத்தபதா³னுஸாரேன போராணட்ட²கதா²யங் ஆக³தனயேன ச கதோதி த³ட்ட²ப்³ப³ங். ததா² ஹி புப்³பே³ வுத்தோபி கோசி த⁴ம்மோ பரியாயந்தரபகாஸனத்த²ங் புன த³ஸ்ஸிதோ. ததோ ஏவ ச ‘‘ச²ந்த³மூலகா குஸலா த⁴ம்மா மனஸிகாரஸமுட்டா²னா ப²ஸ்ஸஸமோதா⁴னா வேத³னாஸமோஸரணா’’தி, ‘‘பஞ்ஞுத்தரா குஸலா த⁴ம்மா’’தி, ‘‘விமுத்திஸாரமித³ங் ப்³ரஹ்மசரிய’’ந்தி, ‘‘நிப்³பா³னோக³த⁴ஞ்ஹி ஆவுஸோ ப்³ரஹ்மசரியங் நிப்³பா³னபரியோஸான’’ந்தி (ம॰ நி॰ 1.466) ச ஸுத்தபதா³னங் வஸேன ‘‘ச²ந்த³ஸ்ஸ மூலலக்க²ண’’ந்திஆதி³ வுத்தங்.
தத²த⁴ம்மா நாம சத்தாரி அரியஸச்சானி அவிபரீதஸபா⁴வத்தா. ததா²னி தங்ஸபா⁴வத்தா. அவிததா²னி அமுஸாஸபா⁴வத்தா. அனஞ்ஞதா²னி அஞ்ஞாகாரரஹிதத்தா. ஜாதிபச்சயஸம்பூ⁴தஸமுதா³க³தட்டோ²தி ஜாதிபச்சயா ஸம்பூ⁴தங் ஸம்பூ⁴தஸமுதா³க³தட்டோ², ந ஜாதிதோ ஜராமரணங் ந ஹோதி, ந ச ஜாதிங் வினா அஞ்ஞதோ ஹோதீதி ஜாதிபச்சயஸம்பூ⁴தட்டோ². இத்த²ஞ்ச ஜாதிதோ ஸமுதா³க³ச்ச²தீதி ஜாதிபச்சயஸமுதா³க³தட்டோ², யா யா ஜாதி யதா² யதா² பச்சயோ ஹோதி, தத³னுரூபங் பாதுபா⁴வோதி அத்தோ². அவிஜ்ஜாய ஸங்கா²ரானங் பச்சயட்டோ²தி எத்தா²பி ந அவிஜ்ஜா ஸங்கா²ரானங் பச்சயோ ந ஹோதி, ந ச அவிஜ்ஜங் வினா ஸங்கா²ரா உப்பஜ்ஜந்தி, யா யா அவிஜ்ஜா யேஸங் யேஸங் ஸங்கா²ரானங் யதா² யதா² பச்சயோ ஹோதி, அயங் அவிஜ்ஜாய ஸங்கா²ரானங் பச்சயட்டோ² பச்சயபா⁴வோதி அத்தோ².
ப⁴க³வா தங் ஸப்³பா³காரதோ ஜானாதி பஸ்ஸதீதி ஸம்ப³ந்தோ⁴. தேனாதி ப⁴க³வதா. தங் விப⁴ஜ்ஜமானந்தி யோஜேதப்³ப³ங். தந்தி ருபாயதனங். இட்டா²னிட்டா²தீ³தி ஆதி³-ஸத்³தே³ன மஜ்ஜ²த்தங் ஸங்க³ண்ஹாதி, ததா² அதீதானாக³தபச்சுப்பன்னபரித்தஅஜ்ஜ²த்தப³ஹித்³தா⁴தது³ப⁴யாதி³பே⁴த³ங். லப்³ப⁴மானகபத³வஸேனாதி ‘‘ரூபாயதனங் அனேகேஹி நாமேஹி.
தேரஸஹி வாரேஹீதி ரூபகண்டே³ (த⁴॰ ஸ॰ 616) ஆக³தே தேரஸ நித்³தே³ஸவாரே ஸந்தா⁴யாஹ. ஏகேகஸ்மிஞ்ச வாரே சதுன்னங் சதுன்னங் வவத்தா²பனநயானங் வஸேன ‘‘த்³வேபஞ்ஞாஸாய நயேஹீ’’தி ஆஹ. தத²மேவ அவிபரீதத³ஸ்ஸிதாய அப்படிவத்தியதே³ஸனதாய ச. ‘‘ஜானாமி அபி⁴ஞ்ஞாஸி’’ந்தி வத்தமானாதீதகாலேஸு ஞாணப்பவத்தித³ஸ்ஸனேன அனாக³தேபி ஞாணப்பவத்தி வுத்தாயேவாதி த³ட்ட²ப்³பா³. விதி³த-ஸத்³தோ³ அனாமட்ட²காலவிஸேஸோ வேதி³தப்³போ³ ‘‘தி³ட்ட²ங் ஸுதங் முத’’ந்திஆதீ³ஸு (த⁴॰ ஸ॰ 966) விய. ந உபட்டா²ஸீதி அத்தத்தனியவஸேன ந உபக³ச்சி². யதா² ரூபாரம்மணாத³யோ த⁴ம்மா யங்ஸபா⁴வா யங்பகாரா ச, ததா² நே பஸ்ஸதி ஜானாதி க³ச்ச²தீதி ததா²க³தோதி ஏவங் பத³ஸம்ப⁴வோ வேதி³தப்³போ³. கேசி பன ‘‘நிருத்தினயேன பிஸோத³ராதி³பக்கே²பேன (பாணினி 6.3.109) வா த³ஸ்ஸி-ஸத்³த³ஸ்ஸ லோபங், ஆக³த-ஸத்³த³ஸ்ஸ சாக³மங் கத்வா ததா²க³தோ’’தி வண்ணெந்தி.
நித்³தோ³ஸதாய அனுபவஜ்ஜங். பக்கி²பிதப்³பா³பா⁴வேன அனூனங். அபனேதப்³பா³பா⁴வேன அனதி⁴கங். அத்த²ப்³யஞ்ஜனாதி³ஸம்பத்தியா ஸப்³பா³காரபரிபுண்ணங். நோ அஞ்ஞதா²தி ‘‘ததே²வா’’தி வுத்தமேவத்த²ங் ப்³யதிரேகேன ஸம்பாதே³தி. தேன யத³த்த²ங் பா⁴ஸிதங், ஏகந்தேன தத³த்த²னிப்பா²த³னதோ யதா² பா⁴ஸிதங் ப⁴க³வதா, ததே²வாதி அவிபரீததே³ஸனதங் த³ஸ்ஸேதி. க³த³அத்தோ²தி ஏதேன தத²ங் க³த³தீதி ததா²க³தோதி த³-காரஸ்ஸ த-காரோ கதோ நிருத்தினயேனாதி த³ஸ்ஸேதி.
ததா² க³தமஸ்ஸாதி ததா²க³தோ. க³தந்தி ச காயவாசாபவத்தீதி அத்தோ². ததா²தி ச வுத்தே யங்தங்ஸத்³தா³னங் அப்³யபி⁴சாரிஸம்ப³ந்தி⁴தாய யதா²தி அயமத்தோ² உபட்டி²தோயேவ ஹோதி, காயவசீகிரியானஞ்ச அஞ்ஞமஞ்ஞானுலோமேன வசனிச்சா²யங் காயஸ்ஸ வாசா, வாசாய ச காயோ ஸம்ப³ந்தீ⁴பா⁴வேன உபதிட்ட²தீதி இமமத்த²ங் த³ஸ்ஸெந்தோ ஆஹ ‘‘ப⁴க³வதோ ஹீ’’திஆதி³. இமஸ்மிங் பன அத்தே² ததா²வாதீ³தாய ததா²க³தோதி அயம்பி அத்தோ² ஸித்³தோ⁴ ஹோதி. ஸோ பன புப்³பே³ பகாரந்தரேன த³ஸ்ஸிதோதி ஆஹ ‘‘ஏவங் ததா²காரிதாய ததா²க³தோ’’தி.
திரியங் அபரிமாணாஸு லோகதா⁴தூஸூதி ஏதேன யதே³கே ‘‘திரியங் விய உபரி அதோ⁴ ச ஸந்தி லோகதா⁴துயோ’’தி தே³ஸனாவிலாஸமயோ யதா² ‘‘புஞ்ஞமயங், தா³னமய’’ந்திஆதீ³ஸு.
நிபாதானங் வாசகஸத்³த³ஸன்னிதா⁴னே தத³த்த²ஜோதனபா⁴வேன பவத்தனதோ க³த-ஸத்³தோ³யேவ அவக³தத்த²ங் அதீதத்த²ஞ்ச வத³தீதி ஆஹ ‘‘க³தோதி அவக³தோ அதீதோ’’தி.
அத² வா அபி⁴னீஹாரதோ பட்டா²ய யாவ ஸம்மாஸம்போ³தி⁴, எத்த²ந்தரே மஹாபோ³தி⁴யானபடிபத்தியா ஹானட்டா²னஸங்கிலேஸனிவத்தீனங் அபா⁴வதோ யதா² பணிதா⁴னங், ததா² க³தோ அபி⁴னீஹாரானுரூபங் படிபன்னோதி ததா²க³தோ. அத² வா மஹித்³தி⁴கதாய படிஸம்பி⁴தா³னங் உக்கங்ஸாதி⁴க³மேன அனாவரணஞாணதாய ச கத்த²சிபி படிகா⁴தாபா⁴வதோ யதா² ருசி, ததா² காயவசீசித்தானங் க³தானி க³மனானி பவத்தியோ ஏதஸ்ஸாதி ததா²க³தோ. யஸ்மா ச லோகே வித⁴-யுத்த-க³த-ப்பகார-ஸத்³தா³ ஸமானத்தா² தி³ஸ்ஸந்தி. தஸ்மா யதா²விதா⁴ விபஸ்ஸீஆத³யோ ப⁴க³வந்தோ, அயம்பி ப⁴க³வா ததா²விதோ⁴தி ததா²க³தோ ததா²க³தோ. அத² வா யஸ்மா ஸச்சங் தச்ச²ங் தத²ந்தி ஞாணஸ்ஸேதங் அதி⁴வசனங், தஸ்மா ததே²ன ஞாணேன ஆக³தோதி ததா²க³தோ. ஏவம்பி ததா²க³த-ஸத்³த³ஸ்ஸ அத்தோ² வேதி³தப்³போ³.
பஹாய காமாதி³மலே யதா² க³தா,
ஸமாதி⁴ஞாணேஹி விபஸ்ஸிஆத³யோ;
மஹேஸினோ ஸக்யமுனீ ஜுதிந்த⁴ரோ,
ததா² க³தோ தேன மதோ ததா²க³தோ.
தத²ஞ்ச தா⁴தாயதனாதி³லக்க²ணங்,
ஸபா⁴வஸாமஞ்ஞவிபா⁴க³பே⁴த³தோ;
ஸயம்பு⁴ஞாணேன ஜினோ ஸமாக³தோ,
ததா²க³தோ வுச்சதி ஸக்யபுங்க³வோ.
ததா²னி ஸச்சானி ஸமந்தசக்கு²னா,
ததா² இத³ப்பச்சயதா ச ஸப்³ப³ஸோ;
அனஞ்ஞனெய்யேன யதோ விபா⁴விதா,
யாதா²வதோ தேன ஜினோ ததா²க³தோ.
அனேகபே⁴தா³ஸுபி
ஜினஸ்ஸ ரூபாயதனாதி³கோ³சரே;
விசித்ரபே⁴த³ங் தத²மேவ த³ஸ்ஸனங்,
ததா²க³தோ தேன ஸமந்தலோசனோ.
யதோ ச த⁴ம்மங் தத²மேவ பா⁴ஸதி,
கரோதி வாசாயனுலோமமத்தனோ;
கு³ணேஹி லோகங் அபி⁴பு⁴ய்யிரீயதி,
ததா²க³தோ தேனபி லோகனாயகோ.
யதா²பி⁴னீஹாரமதோ யதா²ருசி,
பவத்தவாசா தனுசித்தபா⁴வதோ;
யதா²விதா⁴ யேன புரா மஹேஸினோ,
ததா²விதோ⁴ தேன ஜினோ ததா²க³தோதி. (இதிவு॰ அட்ட²॰ 38; தீ³॰ நி॰ டீ॰ 1.7 சூளஸீலவண்ணனா);
ஆரகத்தாதிஆதீ³னங் விஸுத்³தி⁴மக்³கே³ (விஸுத்³தி⁴॰ 1.125) பு³த்³தா⁴னுஸ்ஸதிஸங்வண்ணனாய வுத்தனயேனேவ வேதி³தப்³போ³. ஸம்மா ஸாமஞ்ச ஸப்³ப³த⁴ம்மானங் பு³த்³த⁴த்தாதி இமினாஸ்ஸ பரோபதே³ஸரஹிதஸ்ஸ ஸப்³பா³காரேன ஸப்³ப³த⁴ம்மாவபோ³த⁴னஸமத்த²ஸ்ஸ ஆகங்கா²படிப³த்³த⁴வுத்தினோ அனாவரணஞாணஸங்கா²தஸ்ஸ ஸப்³ப³ஞ்ஞுதஞ்ஞாணஸ்ஸ அதி⁴க³மோ த³ஸ்ஸிதோ.
நனு ச (இதிவு॰ அட்ட²॰ 38) ஸப்³ப³ஞ்ஞுதஞ்ஞாணதோ அஞ்ஞங் அனாவரணஞாணங், அஞ்ஞதா² ச² அஸாதா⁴ரணஞாணானி பு³த்³த⁴ஞாணானீதி வசனங் விருஜ்ஜெ²ய்யாதி? ந விருஜ்ஜ²தி விஸயப்பவத்திபே⁴த³வஸேன அஞ்ஞேஹி அஸாதா⁴ரணஞாணபா⁴வத³ஸ்ஸனத்த²ங் ஏகஸ்ஸேவ ஞாணஸ்ஸ த்³விதா⁴ வுத்தத்தா. ஏகமேவ ஹி தங் ஞாணங் அனவஸேஸஸங்க²தாஸங்க²தஸம்முதித⁴ம்மவிஸயதாய ஸப்³ப³ஞ்ஞுதஞ்ஞாணங், தத்த² ச ஆவரணாபா⁴வதோ நிஸ்ஸங்க³சாரமுபாதா³ய அனாவரணஞாணந்தி வுத்தங். யதா²ஹ படிஸம்பி⁴தா³யங் (படி॰ ம॰ 1.119) ‘‘ஸப்³ப³ங் ஸங்க²தாஸங்க²தமனவஸேஸங் ஜானாதீதி ஸப்³ப³ஞ்ஞுதஞ்ஞாணங், தத்தா²வரணங் நத்தீ²தி அனாவரணஞாண’’ந்திஆதி³, தஸ்மா நத்தி² நேஸங் அத்த²தோ பே⁴தோ³, ஏகந்தேன சேதங் ஏவமிச்சி²தப்³ப³ங், அஞ்ஞதா² ஸப்³ப³ஞ்ஞுதானாவரணஞாணானங் ஸாவரணதா அஸப்³ப³த⁴ம்மாரம்மணதா ச ஆபஜ்ஜெய்ய. ந ஹி ப⁴க³வதோ ஞாணஸ்ஸ அணுமதம்பி ஆவரணங் அத்தி², அனாவரணஞாணஸ்ஸ ச அஸப்³ப³த⁴ம்மாரம்மணபா⁴வே படிஸம்பி⁴தா³யங் (படி॰ ம॰ 1.162) ‘‘விமொக்க²ந்திகமேதங் பு³த்³தா⁴னங் ப⁴க³வந்தானங் போ³தி⁴யா மூலே ஸஹ ஸப்³ப³ஞ்ஞுதஞ்ஞாணஸ்ஸ படிலாபா⁴ ஸச்சி²கா பஞ்ஞத்தி யதி³த³ங் பு³த்³தோ⁴’’தி. ஸப்³ப³த⁴ம்மாவபோ³த⁴னஸமத்த²ஞாணஸமதி⁴க³மேன ஹி ப⁴க³வதோ ஸந்தானே அனவஸேஸத⁴ம்மே படிவிஜ்ஜி²துங் ஸமத்த²தா அஹோஸீதி.
எத்தா²ஹ – கிங் பனித³ங் ஞாணங் பவத்தமானங் ஸகிங்யேவ ஸப்³ப³ஸ்மிங் விஸயே பவத்ததி, உதா³ஹு கமேனாதி. கிஞ்செத்த² – யதி³ தாவ ஸகிங்யேவ ஸப்³ப³ஸ்மிங் விஸயே பவத்ததி, அதீதானாக³தபச்சுப்பன்னஅஜ்ஜ²த்தப³ஹித்³தா⁴தி³பே⁴தே³ன பி⁴ன்னானங் ஸங்க²தத⁴ம்மானங்
அத² கமேன ஸப்³ப³ஸ்மிங் விஸயே ஞாணங் பவத்ததி, ஏவம்பி ந யுஜ்ஜதி. ந ஹி ஜாதிபூ⁴மிஸபா⁴வாதி³வஸேன தி³ஸாதே³ஸகாலாதி³வஸேன ச அனேகபே⁴த³பி⁴ன்னே நெய்யே கமேன க³ய்ஹமானே தஸ்ஸ அனவஸேஸபடிவேதோ⁴ ஸம்ப⁴வதி அபரியந்தபா⁴வதோ ஞெய்யஸ்ஸ. யே பன ‘‘அத்த²ஸ்ஸ அவிஸங்வாத³னதோ ஞெய்யஸ்ஸ ஏகதே³ஸங் பச்சக்க²ங் கத்வா ஸேஸேபி ஏவந்தி அதி⁴முச்சித்வா வவத்தா²பனேன ஸப்³ப³ஞ்ஞூ ப⁴க³வா, தஞ்ச ஞாணங் அனநுமானிகங் ஸங்ஸயாபா⁴வதோ. ஸங்ஸயானுப³ந்த⁴ஞ்ஹி லோகே அனுமானஞாண’’ந்தி வத³ந்தி, தேஸம்பி தங் ந யுத்தங். ஸப்³ப³ஸ்ஸ ஹி அப்பச்சக்க²பா⁴வே அத்த²ஸ்ஸ அவிஸங்வாத³னேன ஞெய்யஸ்ஸ ஏகதே³ஸங் பச்சக்க²ங் கத்வா ஸேஸேபி ஏவந்தி அதி⁴முச்சித்வா வவத்தா²பனஸ்ஸ அஸம்ப⁴வதோ. யஞ்ஹி தங் ஸேஸங், தங் அப்பச்சக்க²ந்தி. அத² தம்பி பச்சக்க²ங், தஸ்ஸ ஸேஸபா⁴வோ ஏவ ந ஸியாதி? ஸப்³ப³மேதங் அகாரணங். கஸ்மா? அவிஸயவிசாரணபா⁴வதோ. வுத்தஞ்ஹேதங் ப⁴க³வதா
நனு
தந்தி யதா²வுத்தங் பத²வீஆதி³பே⁴த³ங். பரிஞ்ஞாதந்தி பரிதோ ஸமந்ததோ ஸப்³பா³காரதோ ஞாதங், தங் பரிஜானிதப்³ப³பா⁴வங் கிஞ்சி அஸேஸெத்வா ஞாதந்தி அத்தோ². அயமேவ ஹி அத்தோ² ‘‘பரிஞ்ஞாதந்த’’ந்தி இமினாபி பதே³ன பகாஸிதோதி த³ஸ்ஸெந்தோ ‘‘பரிஞ்ஞாதந்தங் நாமா’’திஆதி³மாஹ. தேன தேன மக்³கே³ன கிலேஸப்பஹானேன விஸேஸோ நத்தீ²தி இத³ங் தங்தங்மக்³க³வஜ்ஜ²கிலேஸானங் பு³த்³தா⁴னங் ஸாவகானஞ்ச தேன தேன மக்³கே³னேவ பஹாதப்³ப³பா⁴வஸாமஞ்ஞங் ஸந்தா⁴ய வுத்தங், ந ஸாவகேஹி பு³த்³தா⁴னங் கிலேஸப்பஹானவிஸேஸாபா⁴வதோ. ததா² ஹி ஸம்மாஸம்பு³த்³தா⁴ ஏவ ஸவாஸனகிலேஸே ஜஹந்தி, ந ஸாவகா. ஏகதே³ஸமேவாதி அத்தனோ ஸந்தானக³தமேவ. ஸஸந்ததிபரியாபன்னத⁴ம்மபரிஞ்ஞாமத்தேனபி ஹி சதுஸச்சகம்மட்டா²னபா⁴வனா ஸமிஜ்ஜ²தி. தேனேவாஹ – ‘‘இமஸ்மிங்யேவ ப்³யாமமத்தே களேவரே ஸஸஞ்ஞிம்ஹி ஸமனகே லோகஞ்ச பஞ்ஞபேமி லோகஸமுத³யஞ்ச பஞ்ஞபேமீ’’திஆதி³ (ஸங்॰ நி॰ 1.107; அ॰ நி॰ 4.45). அணுப்பமாணம்பி …பே॰… நத்தி², யதோ ச²த்திங்ஸகோடிஸதஸஹஸ்ஸமுகே²ன பு³த்³தா⁴னங் மஹாவஜிரஞாணங் பவத்ததீதி வத³ந்தி.
ததா²க³தவாரஸத்தமனயவண்ணனா நிட்டி²தா.
ததா²க³தவாரஅட்ட²மனயவண்ணனா
13. புரிமதண்ஹாதி எத்தா²தி ‘‘ப⁴வா ஜாதீ’’தி ஏதஸ்மிங் பதே³. தேன உபபத்திப⁴வேனாதி ‘‘ப⁴வா ஜாதீ’’தி ஜாதிஸீஸேன வுத்தஉபபத்திப⁴வேன. பூ⁴தஸ்ஸாதி நிப்³ப³த்தஸ்ஸ. ஸோ பன யஸ்மா ஸத்தோ நாம ஹோதி, தஸ்மா வுத்தங் ‘‘ஸத்தஸ்ஸா’’தி. ஏவஞ்ச ஜானித்வாதி இமினா ‘‘பூ⁴தஸ்ஸ ஜராமரண’’ந்தி எத்தா²பி ‘‘இதி விதி³த்வா’’தி இத³ங் பத³ங் ஆனெத்வா யோஜேதப்³ப³ந்தி த³ஸ்ஸேதி.
யதி³பி தேபூ⁴மகா உபாதா³னக்க²ந்தா⁴ ‘‘யங் கிஞ்சி ரூப’’ந்திஆதி³னா (விப⁴॰ 2; ம॰ நி॰ 1.244) ஏகாத³ஸஸு ஓகாஸேஸு பக்கி²பிதப்³பா³ ஸம்மஸிதப்³பா³ ச, தே பன யஸ்மா ப⁴க³வதா ‘‘கிம்ஹி நு கோ² ஸதி ஜராமரணங் ஹோதி, கிங்பச்சயா ஜராமரண’’ந்திஆதி³னா (தீ³॰ நி॰ 2.57; ஸங்॰ நி॰ 2.4, 10) படிச்சஸமுப்பாத³முகே²ன ஸம்மஸிதா, படிச்சஸமுப்பாதோ³ ச பவத்திபவத்திஹேதுபா⁴வதோ புரிமஸச்சத்³வயமேவ ஹோதி, தஸ்மா தத³பி⁴ஸமயங் ‘‘மஞ்ஞனாபா⁴வஹேது பச்சயாகாரபடிவேதோ⁴’’தி விபா⁴வெந்தோ ‘‘யங் போ³தி⁴ருக்க²மூலே…பே॰… த³ஸ்ஸெந்தோ’’தி ஆஹ. ஸங்கி²ப்பந்தி எத்த² அவிஜ்ஜாத³யோ விஞ்ஞாணாத³யோ சாதி ஸங்கே²பா, அதீதே ஹேதுஆத³யோ ‘‘ஹேது, ப²ல’’ந்தி ஏவங் ஸங்கி²ப்பந்தீதி வா ஸங்கே²பா, அவிஜ்ஜாத³யோ விஞ்ஞாணாத³யோ ச. ஸங்கே²ப-ஸத்³தோ³ பா⁴கா³தி⁴வசனந்தி த³ட்ட²ப்³போ³. தேனாஹ ‘‘கொட்டா²ஸாதி அத்தோ²’’தி. தே பன அதீதே ஹேதுஸங்கே²போ, ஏதரஹி ப²லஸங்கே²போ, ஏதரஹி ஹேதுஸங்கே²போ, ஆயதிங் ப²லஸங்கே²போதி சத்தாரோ ஸங்கே²பா ஏதஸ்ஸாதி சதுஸங்கே²போ, தங் சதுஸங்கே²பங். ஹேதுப²லஸந்தி⁴, ப²லஹேதுஸந்தி⁴, புன ஹேதுப²லஸந்தீ⁴தி ஏவங் தயோ ஸந்தீ⁴ ஏதஸ்ஸாதி திஸந்தி⁴, தங் திஸந்தி⁴ங். அதீதபச்சுப்பன்னானாக³தபே⁴தா³ தயோ அத்³தா⁴ ஏதஸ்ஸாதி தியத்³தோ⁴, தங் தியத்³த⁴ங். ஸரூபதோ அவுத்தாபி தஸ்மிங் தஸ்மிங் ஸங்கே²பே ஆகிரீயந்தி அவிஜ்ஜாஸங்கா²ராதி³க்³க³ஹணேஹி பகாஸீயந்தீதி ஆகாரா, அதீதஹேதுஆதீ³னங் வா பகாரா ஆகாரா, தே ஏகேகஸங்கே²பே பஞ்ச பஞ்ச கத்வா வீஸதி ஆகாரா ஏதஸ்ஸாதி வீஸதாகாரோ, தங் வீஸதாகாரங்.
ஏஸ ஸப்³போ³தி ஏஸ சதுஸங்கே²பாதி³பபே⁴தோ³ அனவஸேஸோ பச்சயோ. பச்சயலக்க²ணேனாதி பச்சயபா⁴வேன அத்தனோ ப²லஸ்ஸ படிஸந்தி⁴விஞ்ஞாணஸ்ஸ பச்சயபா⁴வேன, அவினாபா⁴வலக்க²ணேனாதி அத்தோ². யதா² ஹி தண்ஹங் வினா அவிஜ்ஜாத³யோ விஞ்ஞாணஸ்ஸ பச்சயா ந ஹொந்தி, ஏவங் தண்ஹாபி அவிஜ்ஜாதி³கே வினாதி. எத்த² து³க்க²க்³க³ஹணேன விஞ்ஞாணனாமரூபஸளாயதனப²ஸ்ஸவேத³னானங், ப⁴வக்³க³ஹணேன ச தண்ஹாஸங்கா²ருபாதா³னானங் க³ஹிததா வுத்தனயா ஏவாதி ந உத்³த⁴டா.
இதா³னி தே வீஸதி ஆகாரே படிஸம்பி⁴தா³மக்³க³பாளியா விபா⁴வேதுங் ‘‘ஏவமேதே’’திஆதி³ வுத்தங். தத்த² (படி॰ ம॰ அட்ட²॰ 1.47) புரிமகம்மப⁴வஸ்மிந்தி புரிமே கம்மப⁴வே, அதீதஜாதியங் கம்மப⁴வே கயிரமானேதி அத்தோ². மோஹோ அவிஜ்ஜாதி யோ ததா³ து³க்கா²தீ³ஸு மோஹோ, யேன மூள்ஹோ கம்மங் கரோதி, ஸா அவிஜ்ஜா. ஆயூஹனா ஸங்கா²ராதி தங் தங் கம்மங் கரொந்தோ தா³னுபகரணாதி³ ஸஜ்ஜனாதி³வஸேன யா புரிமசேதனாயோ, தே ஸங்கா²ரா. படிக்³கா³ஹகானங் பன ஹத்தே² தெ³ய்யத⁴ம்மங் பதிட்டா²பயதோ சேதனா ப⁴வோ. ஏகாவஜ்ஜனஜவனேஸு வா புரிமா சேதனா ஆயூஹனா ஸங்கா²ரா, ஸத்தமா ப⁴வோ. யா காசி வா பன சேதனா ப⁴வோ, ஸம்பயுத்தா ஆயூஹனா ஸங்கா²ரா. நிகந்தி தண்ஹாதி யங் கம்மங் கரொந்தஸ்ஸ உபபத்திப⁴வே தஸ்ஸ ப²லஸ்ஸ நிகாமனா பத்த²னா, ஸா தண்ஹா நாம. உபக³மனங் உபாதா³னந்தி யங் கம்மப⁴வஸ்ஸ பச்சயபூ⁴தங் ‘‘இத³ங் கம்மங் கத்வா அஸுகஸ்மிங் நாம டா²னே காமே ஸேவிஸ்ஸாமி உச்சி²ஜ்ஜிஸ்ஸாமீ’’திஆதி³னா நயேன பவத்தங் உபக³மனங் க³ஹணங் பராமஸனங், இத³ங் உபாதா³னங் நாம. சேதனா ப⁴வோதி த்³வீஸு அத்த²விகப்பேஸு வுத்தஸ்ஸ ஆயூஹனஸ்ஸ அவஸானே வுத்தசேதனா, ததியே பன ஆயூஹனஸம்பயுத்தசேதனா ப⁴வோ. இதி இமே பஞ்ச த⁴ம்மா புரிமகம்மப⁴வஸ்மிங் இத⁴ படிஸந்தி⁴யா பச்சயாதி இமே யதா²வுத்தா மோஹாத³யோ பஞ்ச த⁴ம்மா அதீதகம்மப⁴வஸித்³தா⁴ ஏதரஹி படிஸந்தி⁴யா பச்சயபூ⁴தாதி அத்தோ².
இத⁴ படிஸந்தி⁴விஞ்ஞாணந்தி யங் ப⁴வந்தரபடிஸந்தா⁴னவஸேன உப்பன்னத்தா படிஸந்தீ⁴தி வுச்சதி, தங் விஞ்ஞாணங். ஓக்கந்தி நாமரூபந்தி யா க³ப்³பே⁴ ரூபாரூபத⁴ம்மானங் ஓக்கந்தி ஆக³ந்த்வா பவிஸந்தீ விய, இத³ங் நாமரூபங். பஸாதோ³ ஆயதனந்தி இத³ங் சக்கா²தி³பஞ்சாயதனவஸேன வுத்தங். பு²ட்டோ² ப²ஸ்ஸோதி யோ ஆரம்மணங் பு²ட்டோ² பு²ஸந்தோ உப்பன்னோ, அயங் ப²ஸ்ஸோ. வேத³யிதங் வேத³னாதி யங் படிஸந்தி⁴விஞ்ஞாணேன வா ஸளாயதனபச்சயேன வா ப²ஸ்ஸேன ஸஹுப்பன்னங் விபாகவேத³யிதங், ஸா வேத³னா. இதி இமே…பே॰… பச்சயாதி இமே விஞ்ஞாணாத³யோ பஞ்ச கொட்டா²ஸிகா த⁴ம்மா புரிமப⁴வே கதஸ்ஸ கம்மஸ்ஸ கம்மவட்டஸ்ஸ பச்சயா, பச்சயபா⁴வதோ தங் படிச்ச இத⁴ ஏதரஹி உபபத்திப⁴வஸ்மிங் உபபத்திப⁴வபா⁴வேன வா ஹொந்தீதி அத்தோ².
இத⁴ பரிபக்கத்தா ஆயதனானங் மோஹோதி பரிபக்காயதனஸ்ஸ கம்மகரணகாலே அஸம்மோஹங் த³ஸ்ஸேதி. த³ஹரஸ்ஸ ஹி சித்தப்பவத்தி ப⁴வங்க³ப³ஹுலா யேபு⁴ய்யேன ப⁴வந்தரஜனககம்மாயூஹனஸமத்தா² ந ஹோதீதி. கம்மகரணகாலேதி ச இமினா ஸப்³போ³ கம்மஸ்ஸ பச்சயபூ⁴தோ ஸம்மோஹோ க³ஹிதோ, ந ஸம்பயுத்தோவ. ஸேஸங் வுத்தனயமேவ.
பத³யோஜனாயாதி ‘‘தஸ்மா’’திஆதீ³னங் பதா³னங் ஸம்ப³ந்தே⁴ன ஸஹ. அத்த²னிக³மனந்தி இமஸ்மிங் அட்ட²மவாரே தே³ஸனத்த²னிக³மனங். நந்தீ³தி ஏவங் வுத்தானங் ஸப்³ப³தண்ஹானந்தி ‘‘நந்தீ³ து³க்க²ஸ்ஸ மூல’’ந்தி ஏவங் நந்த³னத்த²ஸாமஞ்ஞதோ ஏகவசனேன வுத்தானங் ஸப்³ப³தண்ஹானங் ஸந்தானாரம்மணஸம்பயுத்தத⁴ம்மப்பவத்திஆகாராதி³பே⁴தே³ன அனேகபே⁴தா³னங் ஸப்³பா³ஸங் தண்ஹானங். க²யவேவசனானேவாதி ஸமுச்சே²த³பஹானவேவசனானேவ. ‘‘அச்சந்தக்க²யா’’தி ஹி வுத்தங். சதுமக்³க³கிச்சஸாதா⁴ரணமேதந்தி சதுன்னங் அரியமக்³கா³னங் பஹானகிச்சஸ்ஸ ஸாதா⁴ரணங் ஸாமஞ்ஞதோ க³ஹணங் ஏதங் க²யாதி³வசனந்தி அத்தோ². தேஸங் பன மக்³கா³னங் கமேன பவத்தனங் கிச்சகமேனேவ த³ஸ்ஸேதுங் ‘‘விராகா³’’திஆதி³ வுத்தந்தி த³ஸ்ஸெந்தோ ‘‘ததோ…பே॰… யோஜேதப்³ப³’’ந்தி ஆஹ. ததா² ஸதிபி க²யாதி³ஸத்³தா³னங் பஹானபரியாயபா⁴வே பஹாதப்³பா³ய பன விஸயபே⁴த³பி⁴ன்னாய தண்ஹாய அனவஸேஸதோ பஹீனபா⁴வதீ³பனத்த²ங் க²யாதி³பரியாயந்தரக்³க³ஹணங் கதந்தி த³ஸ்ஸெந்தோ ‘‘யாஹீ’’திஆதி³மாஹ. யதா²வுத்தஸஞ்ஜனநாதி³ஹேதுபூ⁴தாய தண்ஹாய பஹீனத்தா தப்பஹானதீ³பனங் கத்வா வுச்சமானங் க²யாதி³வசனங் ந கத²ஞ்சி த⁴ம்மதங் விலோமேதீதி வுத்தங் ‘‘ந கிஞ்சி விருஜ்ஜ²தீ’’தி.
உத்தரவிரஹிதந்தி அத்தானங் உத்தரிதுங் ஸமத்த²த்தா உத்தரேன அதி⁴கேன விரஹிதங். அயஞ்சஸ்ஸ உத்தரவிரஹதா அத்தனோ ஸெட்ட²பா⁴வேனாதி ஆஹ ‘‘ஸப்³ப³ஸெட்ட²’’ந்தி. யதா² ஸம்மா-ஸங்-ஸத்³தா³ ‘‘அவிபரீதங், ஸாம’’ந்தி இமேஸங் பதா³னங் அத்த²ங் வத³ந்தி, ஏவங் பாஸங்ஸஸோப⁴னத்தே²பீதி ஆஹ ‘‘ஸம்மா ஸாமஞ்ச போ³தி⁴ங் பஸத்த²ங் ஸுந்த³ரஞ்ச போ³தி⁴’’ந்தி. பு³ஜ்ஜி² எத்த² படிவிஜ்ஜி² சத்தாரி அரியஸச்சானி, ஸப்³ப³ம்பி வா நெய்யந்தி ருக்கோ² போ³தி⁴, பு³ஜ்ஜ²தி ஏதேனாதி பன மக்³கோ³ போ³தி⁴, ததா² போ³தீ⁴தி அயமெத்த² ஸாத⁴னவிபா⁴கோ³ த³ட்ட²ப்³போ³. பண்ணத்தியம்பி அத்தே²வ போ³தி⁴-ஸத்³தோ³ ‘‘போ³தி⁴ராஜகுமாரோ’’திஆதீ³ஸு (ம॰ நி॰ 2.324; சூளவ॰ 268). அபரேதி ஸாரஸமாஸாசரியா. எத்த² ச ஸஉபஸக்³க³ஸ்ஸ போ³தி⁴-ஸத்³த³ஸ்ஸ அத்து²த்³தா⁴ரே அனுபஸக்³கா³னங் உதா³ஹரணே காரணங் ஹெட்டா² வுத்தமேவ.
லோகுத்தரபா⁴வதோ வா தத்தா²பி ஹெட்டி²மமக்³கா³னங் விய ததுத்தரிமக்³கா³பா⁴வதோ ச ‘‘ஸியா நு கோ² அனுத்தரா போ³தீ⁴’’தி ஆஸங்கங் ஸந்தா⁴ய தங் வித⁴மிதுங் ‘‘ஸாவகான’’ந்திஆதி³ வுத்தங். அபி⁴னீஹாரஸம்பத்தியா ப²லவிஸேஸபூ⁴தேஹி ஞாணவிஸேஸேஹி ஏகச்சேஹி ஸகலேஹி ஸத்³தி⁴ங் ஸமிஜ்ஜ²மானோ பச்சேகங் ஸச்சானி பு³த்³த⁴வந்தோதி பச்சேகபு³த்³தா⁴. நனு ச ஸப்³பே³பி அரியா பச்சேகமேவ ஸச்சானி படிவிஜ்ஜ²ந்தி த⁴ம்மஸ்ஸ பச்சத்தங் வேத³னீயபா⁴வதோதி? ஸச்சங், நயித³மீதி³ஸங் படிவேத⁴ங் ஸந்தா⁴ய வுத்தங், யதா² பன ஸாவகா அஞ்ஞஸன்னிஸ்ஸயேன ஸச்சானி படிவிஜ்ஜ²ந்தி பரதோகோ⁴ஸேன வினா தேஸங் த³ஸ்ஸனமக்³க³ஸ்ஸ அனுப்பஜ்ஜனதோ, யதா² ச ஸம்மாஸம்பு³த்³தோ⁴ அஞ்ஞேஸங் நிஸ்ஸயபா⁴வேன ஸச்சானி அபி⁴ஸம்பு³ஜ்ஜ²ந்தி, ந ஏவமேதே, ஏதே பன அபரனெய்யா ஹுத்வா அபரிணாயகபா⁴வேன ஸச்சானி படிவிஜ்ஜ²ந்தி. தேன வுத்தங் ‘‘பச்சேகங் ஸச்சானி பு³த்³த⁴வந்தோதி பச்சேகபு³த்³தா⁴’’தி.
இதீதி கரீயதி உச்சாரீயதீதி இதிகாரோ, இதி-ஸத்³தோ³. காரணத்தோ² அனியமரூபேனாதி அதி⁴ப்பாயோ, தஸ்மாதி வுத்தங் ஹோதி. தேனாஹ ‘‘யஸ்மா சா’’தி. புப்³பே³ பன இதி-ஸத்³த³ங் பகாரத்த²ங் கத்வா ‘‘ஏவங் ஜானித்வா’’தி வுத்தங், இதா⁴பி தங் பகாரத்த²மேவ கத்வா அதோ² யுஜ்ஜதி. கத²ங்? விதி³த்வாதி ஹி பத³ங் ஹேதுஅத்தே² த³ட்ட²ப்³ப³ங் ‘‘பஞ்ஞாய சஸ்ஸ தி³ஸ்வா’’தி (ம॰ நி॰ 1.271), ‘‘க⁴தங் பிவித்வா ப³லங் ஹோதீ’’தி ச ஏவமாதீ³ஸு விய, தஸ்மா பகாரத்தே²பி இதி-ஸத்³தே³ படிச்சஸமுப்பாத³ஸ்ஸ விதி³தத்தாதி அயங் அத்தோ² லப்³ப⁴தேவ. படிச்சஸமுப்பாத³ங் விதி³த்வாதி எத்தா²பி ஹேதுஅத்தே² விதி³த்வா-ஸத்³தே³ யதா²வுத்தா அத்த²யோஜனா யுஜ்ஜதேவ. எத்த² ச பட²மவிகப்பே படிச்சஸமுபாத³ஸ்ஸ விதி³தத்த²ங் மஞ்ஞனாபா⁴வஸ்ஸ காரணங் ‘‘பத²விங் ந மஞ்ஞதீ’’திஆதி³ நிக³மனங் த³ட்ட²ப்³ப³ங். து³தியவிகப்பே பன படிச்சஸமுப்பாத³வேத³னங் தண்ஹாப்பஹானஸ்ஸ காரணங் வுத்தங், தங் அபி⁴ஸம்போ³தி⁴யா அபி⁴ஸம்போ³தி⁴மஞ்ஞனாபா⁴வஸ்ஸாதி அயமத்தோ² த³ஸ்ஸிதோதி அயமேதேஸங் த்³வின்னங் அத்த²விகப்பானங் விஸேஸோ, தஸ்மா ‘‘நந்தீ³ து³க்க²ஸ்ஸ மூல’’ந்தி வுத்தங்.
தங் குதோ லப்³ப⁴தீதி சோத³னங் ஸந்தா⁴யாஹ ‘‘யத்த² யத்த² ஹீ’’திஆதி³. ஸாஸனயுத்தி அயங் ஸாஸனேபி ஏவங் ஸம்ப³ந்தோ⁴ தி³ஸ்ஸதீதி கத்வா. லோகேபி ஹி யங்-தங்-ஸத்³தா³னங் அப்³யபி⁴சாரிஸம்ப³ந்த⁴தா ஸித்³தா⁴.
ஏவங் அபி⁴ஸம்பு³த்³தோ⁴தி வதா³மீதி அபி⁴ஸம்பு³த்³த⁴பா⁴வஸ்ஸ க³ஹிதத்தா, அஸப்³ப³ஞ்ஞுனா ஏவங் தே³ஸேதுங் அஸக்குணெய்யத்தா ச ‘‘ஸப்³ப³ஞ்ஞுதஞ்ஞாணங் த³ஸ்ஸெந்தோ’’திஆதி³மாஹ.
விசித்ரனயதே³ஸனாவிலாஸயுத்தந்தி யதா² தே ந ஜானந்தி, ததா² தே³ஸேஸீதி இமினாபி ப⁴க³வதோ தே³ஸனாவிலாஸங்யேவ விபா⁴வேதி. தங்யேவ கிர பத²விந்தி எத்த² பத²வீக³ஹணங் உபலக்க²ணமத்தங் ஆபாதி³வஸேனபி, ததா² ‘‘கீதி³ஸா நு கோ² இத⁴ பத²வீ அதி⁴ப்பேதா, கஸ்மா ச பூ⁴தரூபானியேவ க³ஹிதானி, ந ஸேஸரூபானீ’’திஆதி³னாபி தேஸங் ஸங்ஸயுப்பத்தி நித்³தா⁴ரேதப்³பா³. அத² வா கத²ங் நாமித³ந்தி எத்த² இதி-ஸத்³தோ³ பகாரத்தோ². தேன இமஸ்மிங் ஸுத்தே ஸப்³பா³யபி தேஸங் ஸங்ஸயுப்பத்தியா பரிக்³க³ஹிதத்தா த³ட்ட²ப்³பா³. அந்தந்தி மரியாத³ங், தே³ஸனாய அந்தங் பரிச்சே²த³ந்தி அத்தோ², யோ அனுஸந்தீ⁴தி வுச்சதி. கோடிந்தி பரியந்தங், தே³ஸனாய பரியோஸானந்தி அத்தோ². உப⁴யேன ஸுத்தே அஜ்ஜா²ஸயானுஸந்தி⁴ யதா²னுஸந்தீ⁴தி வத³தி.
அந்தராகதா²தி கம்மட்டா²னமனஸிகாரஉத்³தே³ஸபரிபுச்சா²தீ³னங் அந்தரா அஞ்ஞா ஏகா ததா². விப்பகதா²தி அனிட்டி²தா ஸிக²ங் அப்பத்தா. கங்க²ணானுரூபேனாதி தஸ்மிங் க²ணே த⁴ம்மஸபா⁴யங் ஸன்னிபதிதானங் பி⁴க்கூ²னங் அஜ்ஜா²ஸயானுரூபேன. இத³ந்தி இதா³னி வுச்சமானங் மூலபரியாயஜாதகங்.
தி³ஸாபாமொக்கோ²தி ப்³ராஹ்மணோதி ப்³ரஹ்மங் அணதீதி ப்³ராஹ்மணோ, மந்தே ஸஜ்ஜா²யதீதி அத்தோ². திண்ணங் வேதா³னந்தி இருவேத³-யஜுவேத³-ஸாமவேதா³னங். பாரகூ³தி அத்த²ஸோ ப்³யஞ்ஜனஸோ ச பாரங் பரியந்தங் க³தோ. ஸஹ நிக⁴ண்டு³னா ச கேடுபே⁴ன சாதி ஸனிக⁴ண்டு³கேடுபா⁴, தேஸங். நிக⁴ண்டூ³தி ருக்கா²தீ³னங் வேவசனப்பகாஸகங் ஸத்த²ங். கேடுப⁴ந்தி கிரியாகப்பவிகப்போ, கவீனங் உபகாராவஹங் ஸத்த²ங். ஸஹ அக்க²ரப்பபே⁴தே³னாதி ஸாக்க²ரப்பபே⁴தா³, தேஸங், ஸிக்கா²னிருத்திஸஹிதானந்தி அத்தோ². இதிஹாஸபஞ்சமானந்தி ஆத²ப்³ப³ணவேத³ங் சதுத்த²ங் கத்வா ‘‘இதிஹ அஸ, இதிஹ அஸா’’தி ஈதி³ஸவசனபடிஸங்யுத்தோ புராணகதா²ஸங்கா²தோ இதிஹாஸோ பஞ்சமோ ஏதேஸந்தி இதிஹாஸபஞ்சமா, தேஸங். பத³ங் தத³வஸேஸஞ்ச ப்³யாகரணங் காயதி அஜ்ஜே²தி வேதே³தி சாதி பத³கோ, வெய்யாகரணோ. லோகாயதங் வுச்சதி விதண்ட³ஸத்த²ங். மஹாபுரிஸானங் பு³த்³தா⁴தீ³னங் லக்க²ணதீ³பனக³ந்தோ² மஹாபுரிஸலக்க²ணங். தேஸு அனூனோ பரிபூரகாரீதி அனவயோ.
மந்தேதி வேதே³. யதி³பி வேதோ³ ‘‘மந்தோ, ப்³ரஹ்மங், கப்போ’’தி திவிதோ⁴, மந்தோ ஏவ பன மூலவேதோ³, தத³த்த²விவரணங் ப்³ரஹ்மங், தத்த² வுத்தனயேன யஞ்ஞகிரியாவிதா⁴னங் கப்போ. தேன வுத்தங் ‘‘மந்தேதி வேதே³’’தி. பண்டி³தாதி பஞ்ஞாவந்தோ. ததா² ஹி தே புது²பஞ்ஞாதாய ப³ஹுங் ஸஹஸ்ஸத்³விஸஹஸ்ஸாதி³பரிமாணங் க³ந்த²ங் பாகடங் கத்வா க³ண்ஹந்தி உக்³க³ண்ஹந்தி, ஜவனபஞ்ஞதாய லஹுங் ஸீக⁴ங் க³ண்ஹந்தி, திக்க²பஞ்ஞதாய ஸுட்டு² அவிரஜ்ஜ²ந்தா உபதா⁴ரெந்தி, ஸதினேபக்கஸம்பத்தியா க³ஹிதஞ்ச நேஸங் ந வினஸ்ஸதி ந ஸம்முஸ்ஸதீதி. ஸப்³ப³ம்பி ஸிப்பந்தி அட்டா²ரஸவிஜ்ஜாட்டா²னாதி³பே⁴த³ங் ஸிக்கி²தப்³ப³ட்டே²ன ஸிப்பந்தி ஸங்க்²யங் க³தங் ஸப்³ப³ங் பா³ஹிரகஸத்த²ங் மொக்கா²வஹஸம்மதம்பி ந மொக்க²ங் ஆவஹதீதி ஆஹ ‘‘தி³ட்ட²த⁴ம்மஸம்பராயஹித’’ந்தி. ஸம்பிண்டி³தா ஹுத்வாதி யதா² மித்தா, ததா² பிண்டி³தவஸேன ஸன்னிபதிதா ஹுத்வா. ‘‘ஏவங் க³ய்ஹமானே ஆதி³னா விருஜ்ஜெ²ய்ய, ஏவங் அந்தேனா’’தி சிந்தெந்தா ஞாதுங் இச்சி²தஸ்ஸ அத்த²ஸ்ஸ புப்³பே³னாபரங் அவிருத்³த⁴ங் நிச்ச²யங் க³ஹேதுங் அஸக்கொந்தா ந ஆதி³ங், ந அந்தங் அத்³த³ஸங்ஸு.
லோமஸானீதி லோமவந்தானி, க⁴னகேஸமஸ்ஸுவானீதி அத்தோ². கேஸாபி ஹி லோமக்³க³ஹணேன க³ய்ஹந்தி யதா² ‘‘லோமனக²ங் பு²ஸித்வா ஸுத்³தி⁴ காதப்³பா³’’தி. கண்ணங் வியாதி கண்ணங், பஞ்ஞா, தாய ஸுத்வா காதப்³ப³கிச்சஸாத⁴னதோ வுத்தங் ‘‘கண்ணவாதி பஞ்ஞவா’’தி.
யஸ்மா ‘‘நேஸங் ஆயு…பே॰… கா²த³தீதி வுச்சதீ’’தி.
அபி⁴ஞ்ஞாயாதி குஸலாதி³பே⁴த³ங் க²ந்தா⁴தி³பே⁴த³ஞ்ச தே³ஸேதப்³ப³ங் த⁴ம்மங், வேனெய்யானஞ்ச ஆஸயானுஸயசரியாவிமுத்திஆதி³பே⁴த³ங், தஸ்ஸ ச நேஸங் தே³ஸேதப்³ப³ப்பகாரங் யாதா²வதோ அபி⁴ஜானித்வா. த⁴ம்மங் தே³ஸேமீதி தி³ட்ட²த⁴ம்மிகஸம்பராயிகனிப்³பா³னஹிதாவஹங் ஸத்³த⁴ம்மங் கத²யாமி. நோ அனபி⁴ஞ்ஞாயாதி யதா² பா³ஹிரகா அஸம்மாஸம்பு³த்³த⁴த்தா வுத்தவிதி⁴ங் அஜானந்தாயங் கிஞ்சி தக்கபரியாஹதங் வீமங்ஸானுசரிதங் ஸயங்படிபா⁴னங் கதெ²ந்தி, ஏவங் ந தே³ஸேமீதி அத்தோ². ஸனிதா³னந்தி ஸகாரணங், வேனெய்யானங் அஜ்ஜா²ஸயவஸேன வா புச்சா²ய வா அட்டு²ப்பத்தியா வா ஸனிமித்தங் ஹேதுஉதா³ஹரணஸஹிதஞ்சாதி அத்தோ². ஸப்பாடிஹாரியந்தி ஸனிஸ்ஸரணங் ஸப்படிஹரணங், பச்சனீகபடிஹரணேன ஸப்பாடிஹாரியமேவ கத்வா தே³ஸேமீதி அத்தோ². அபரே பன ‘‘யதா²ரஹங் இத்³தி⁴ஆதே³ஸனானுஸாஸனிபாடிஹாரியஸஹித’’ந்தி வத³ந்தி, அனுஸாஸனிபாடிஹாரியஹிதா பன தே³ஸனா நத்தீ²தி. ஹிதூபதே³ஸனா ஓவாதோ³, ஸா ஏவ அனுஸாஸனீ. அனோதிண்ணவத்து²விஸயோ வா ஓவாதோ³, ஓதிண்ணவத்து²விஸயா அனுஸாஸனீ. பட²மூபதே³ஸோ வா ஓவாதோ³, இதரா அனுஸாஸனீ. அலஞ்ச பனாதி யுத்தமேவ. நிட்ட²மக³மாஸீதி அத்த²ஸித்³தி⁴ங் க³தா.
ததா²க³தவாரஅட்ட²மனயவண்ணனா நிட்டி²தா.
அயங் தாவெத்த² அட்ட²கதா²ய லீனத்த²வண்ணனா.
நெத்தினயவண்ணனா
இதா³னி ஸமுட்டா²னங் தாவ பரியத்திங் நிஸ்ஸாய மானுப்பாதோ³, பயோஜனங்மானமத்³த³னங். வுத்தஞ்ஹி அட்ட²கதா²யங் ‘‘ஸுதபரியத்திங்…பே॰… ஆரபீ⁴’’தி. அபிச வேனெய்யானங் பத²வீஆதி³பூ⁴தாதி³பே⁴த³பி⁴ன்னே ஸக்காயே புது²ஜ்ஜனஸ்ஸ ஸெக்கா²தி³அரியஸ்ஸ ச ஸத்³தி⁴ங் ஹேதுனா மஞ்ஞனாமஞ்ஞனவஸேன ஸமுட்டா²னங், யதா²வுத்தவிபா⁴கா³வபோ³தோ⁴ பயோஜனங், வேனெய்யானஞ்ஹி வுத்தப்பகாரே விஸயே யதா²வுத்தானங் புக்³க³லானங் ஸத்³தி⁴ங் ஹேதுனா மஞ்ஞனாமஞ்ஞனவஸேன பவத்திவிபா⁴கா³வபோ³தோ⁴ பயோஜனங்.
அபிச ஸமுட்டா²னங் நாம தே³ஸனானிதா³னங். தங் ஸாதா⁴ரணங் அஸாதா⁴ரணந்தி து³வித⁴ங். தத்த² ஸாதா⁴ரணம்பி அஜ்ஜ²த்திகபா³ஹிரபே⁴த³தோ து³வித⁴ங். தத்த² ஸாதா⁴ரணங் அஜ்ஜ²த்திகஸமுட்டா²னங் நாம லோகனாத²ஸ்ஸ மஹாகருணா. தாய ஹி ஸமுஸ்ஸாஹிதஸ்ஸ ப⁴க³வதோ வேனெய்யானங் த⁴ம்மதே³ஸனாய சித்தங் உத³பாதி³. தங் ஸந்தா⁴ய வுத்தங் ‘‘ஸத்தேஸு ச காருஞ்ஞதங் படிச்ச பு³த்³த⁴சக்கு²னா லோகங் வோலோகேஸீ’’திஆதி³ (ம॰ நி॰ 1.283; ஸங்॰ நி॰ 1.172; மஹாவ॰ 9). எத்த² ச ஹேதாவத்தா²யபி மஹாகருணாய ஸங்க³ஹோ த³ட்ட²ப்³போ³ யாவதே³வ ஸங்ஸாரமஹோக⁴தோ ஸத்³த⁴ம்மதே³ஸனாஹத்த²தா³னேஹி ஸத்தஸந்தாரணத்த²ங் தது³ப்பத்திதோ. யதா² ச மஹாகருணா, ஏவங் ஸப்³ப³ஞ்ஞுதஞ்ஞாணங் த³ஸப³லஞாணாதீ³னி ச தே³ஸனாய அப்³ப⁴ந்தரஸமுட்டா²னபா⁴வே வத்தப்³பா³னி. ஸப்³ப³ம்பி ஹி ஞெய்யத⁴ம்மங், தேஸங் தே³ஸேதப்³ப³ப்பகாரங், ஸத்தானஞ்ச ஆஸயானுஸயாதி³ங் யாதா²வதோ ஜானந்தோ ப⁴க³வா டா²னாட்டா²னாதீ³ஸு கோஸல்லேன வேனெய்யஜ்ஜா²ஸயானுரூபங் விசித்தனயதே³ஸனங் பவத்தேஸீதி. பா³ஹிரங் பன ஸாதா⁴ரணங் ஸமுட்டா²னங் த³ஸஸஹஸ்ஸப்³ரஹ்மபரிவாரிதஸ்ஸ ஸஹம்பதிமஹாப்³ரஹ்முனோ அஜ்ஜே²ஸனங். தத³ஜ்ஜே²ஸனுத்தரகாலஞ்ஹி த⁴ம்மக³ம்பீ⁴ரதாபச்சவெக்க²ணாஜனிதங் அப்பொஸ்ஸுக்கதங் படிப்பஸ்ஸம்பெ⁴த்வா த⁴ம்மஸ்ஸாமீ த⁴ம்மதே³ஸனாய உஸ்ஸாஹஜாதோ அஹோஸி. அஸாதா⁴ரணம்பி அம்ப⁴ந்தரபா³ஹிரபே⁴த³தோ து³வித⁴மேவ. தத்த² அப்³ப⁴ந்தரங் யாய மஹாகருணாய யேன ச தே³ஸனாஞாணேன இத³ங் ஸுத்தங் பவத்திதங், தது³ப⁴யங் வேதி³தப்³ப³ங். பா³ஹிரங் பன பஞ்சஸதானங் ப்³ராஹ்மணஜாதிகானங் பி⁴க்கூ²னங் பரியத்திங் நிஸ்ஸாய மானுப்பாத³னங், வுத்தமேவ தங் அட்ட²கதா²யங்.
பயோஜனம்பி ஸாதா⁴ரணங் அஸாதா⁴ரணந்தி து³வித⁴ங். தத்த² ஸாதா⁴ரணங் அனுக்கமேன யாவ அனுபாதா³பரினிப்³பா³னங் அஸாதா⁴ரணங் பன தேஸங் பி⁴க்கூ²னங் மானமத்³த³னங். வுத்தஞ்சேதங் அட்ட²கதா²யங் (ம॰ நி॰ அட்ட²॰ 1.1) ‘‘தே³ஸனாகுஸலோ ப⁴க³வா மானப⁴ஞ்ஜனத்த²ங் ‘ஸப்³ப³த⁴ம்மமூலபரியாய’ந்தி தே³ஸனங் ஆரபீ⁴’’தி. உப⁴யம்பேதங் பா³ஹியமேவ. ஸசே பன வேனெய்யஸந்தானக³தம்பி தே³ஸனாப³லஸித்³தி⁴ஸங்கா²தங் பயோஜனங் அதி⁴ப்பாயஸமிஜ்ஜ²னபா⁴வதோ யதா²தி⁴ப்பேதத்த²ஸித்³தி⁴யா யதா²காருணிகஸ்ஸ ப⁴க³வதோபி பயோஜனமேவாதி க³ண்ஹெய்ய, இமினா பரியாயேனஸ்ஸ அப்³ப⁴ந்தரதாபி வேதி³தப்³பா³.
அபிச வேனெய்யானங் பத²வீஆதி³பூ⁴தாதி³விபா⁴க³பி⁴ன்னே ஸக்காயே புது²ஜ்ஜனஸ்ஸ ஸெக்கா²தி³அரியஸ்ஸ ச ஸத்³தி⁴ங் ஹேதுனா மஞ்ஞனாமஞ்ஞனவஸேன பவத்திவிபா⁴கா³னவபோ³தோ⁴ ஸமுட்டா²னங், இமஸ்ஸ ஸுத்தஸ்ஸ யதா²வுத்தவிபா⁴கா³வபோ³தோ⁴ பயோஜனந்தி வுத்தோவாயமத்தோ². வேனெய்யானஞ்ஹி வுத்தப்பகாரே விஸயே யதா²வுத்தானங் புக்³க³லானங் ஸத்³தி⁴ங் ஹேதுனா மஞ்ஞனாமஞ்ஞனானங் வஸேன பவத்திவிபா⁴கா³வபோ³தோ⁴ இமங் தே³ஸனங் பயோஜேதி ‘‘தன்னிப்பா²த³னபராயங் தே³ஸனா’’தி கத்வா. யஞ்ஹி தே³ஸனாய ஸாதே⁴தப்³ப³ங் ப²லங், தங் ஆகங்கி²தப்³ப³த்தா தே³ஸகங் தே³ஸனாய பயோஜேதீதி பயோஜனந்தி வுச்சதி. ததா² வேனெய்யானங் ஸப்³ப³ஸோ ஏகதே³ஸதோ ச மஞ்ஞனானங் அப்பஹானங், தத்த² ச ஆதீ³னவாத³ஸ்ஸனங், நிரங்குஸானங் மஞ்ஞனானங் அனேகாகாரவோஹாரஸ்ஸ ஸக்காயே பவத்திவிஸேஸஸ்ஸ அஜானநங், தத்த² ச பஹீனமஞ்ஞனானங் படிபத்தியா அஜானநங், தண்ஹாமுகே²ன பச்சயாகாரஸ்ஸ ச அனவபோ³தோ⁴தி ஏவமாதீ³னி ச பயோஜனானி இத⁴ வேதி³தப்³பா³னி.
பூ⁴மித்தயபரியாபன்னேஸு அஸங்கா²தத⁴ம்மவிப்பகதபரிஞ்ஞாதி³கிச்சஸங்கா²தத⁴ம்மானங் ஸம்மாஸம்பு³த்³த⁴ஸ்ஸ ச படிபத்திங் அஜானந்தா அஸத்³த⁴ம்மஸ்ஸவனதா⁴ரணபரிசயமனஸிகாரபரா ஸத்³த⁴ம்மஸ்ஸவன-தா⁴ரணபரிசயபடிவேத⁴விமுகா² ச வேனெய்யா இமிஸ்ஸா தே³ஸனாய பா⁴ஜனங். பிண்ட³த்தா² பன ‘‘அஸ்ஸுதவா’’திஆதி³னா அயோனிஸோமனஸிகாரப³ஹுலீகாரோ அகுஸலமூல-ஸமாயோகோ³ ஓலீயனாதிதா⁴வனாபரிக்³க³ஹோ உபாயவினிப³த்³தா⁴னுப்³ரூஹனா மிச்சா²பி⁴னிவேஸஸமன்னாக³மோ அவிஜ்ஜாதண்ஹா-பரிஸுத்³தி⁴
ஸோளஸஹாரவண்ணனா
1. தே³ஸனாஹாரவண்ணனா
தத்த² யே உபாதா³னக்க²ந்த⁴த⁴ம்மே உபாதா³ய பத²வீஆதி³பூ⁴தாதி³பே⁴தா³ பஞ்ஞத்தி, தே பஞ்ஞத்திபடிபாத³னபா⁴வேன ஜாதிஜராமரணவிஸேஸனது³க்க²பரியாயேன ச வுத்தா தண்ஹாவஜ்ஜா தேபூ⁴மகத⁴ம்மா து³க்க²ஸச்சங். மஞ்ஞனாபி⁴னந்த³னநந்தீ³பரியாயேஹி வுத்தா தண்ஹா ஸமுத³யஸச்சங். அயங் தாவ ஸுத்தந்தனயோ. அபி⁴த⁴ம்மனயே பன யதா²வுத்ததண்ஹாய ஸத்³தி⁴ங் ‘‘அஸ்ஸுதவா’’திஆதி³னா தீ³பிதா அவிஜ்ஜாத³யோ, மஞ்ஞனாபரியாயேன க³ஹிதா மானதி³ட்டி²யோ, ப⁴வபதே³ன க³ஹிதோ கம்மப⁴வோ சாதி ஸப்³பே³பி கிலேஸாபி⁴ஸங்கா²ரா ஸமுத³யஸச்சங். உபி⁴ன்னங் அப்பவத்தி நிரோத⁴ஸச்சங். அரியத⁴ம்மக்³க³ஹணேன, பரிஞ்ஞாபி⁴க்கு²ஸெக்கா²பி⁴ஞ்ஞாக³ஹணேஹி, ராகா³தி³க²யவசனேஹி, ஸம்மாஸம்போ³தி⁴க³ஹணேன ச மக்³க³ஸச்சங். கேசி பன தண்ஹாக்க²யாதி³வசனேஹி நிரோத⁴ஸச்சங் உத்³த⁴ரந்தி, தங் அட்ட²கதா²ய விருஜ்ஜ²தி தத்த² தண்ஹாக்க²யாதீ³னங் மக்³க³கிச்சபா⁴வஸ்ஸ உத்³த⁴டத்தா.
தத்த² ஸமுத³யேன அஸ்ஸாதோ³, து³க்கே²ன ஆதீ³னவோ, மக்³க³னிரோதே⁴ஹி நிஸ்ஸரணங், தேஸங் பி⁴க்கூ²னங் மானப⁴ஞ்ஜனங் ப²லங், ததா² ‘‘யதா²வுத்தவிபா⁴கா³வபோ³தோ⁴’’திஆதி³னா வுத்தங் பயோஜனஞ்ச. தஸ்ஸ நிப்ப²த்திகாரணத்தா தே³ஸனாய விசித்ததா சதுன்னங் புக்³க³லானங் யாதா²வதோ ஸபா⁴வூபதா⁴ரணஞ்ச உபாயோ ஆணத்தீதி. அயங் தே³ஸனாஹாரோ.
2. விசயஹாரவண்ணனா
மஞ்ஞனானங்
வுச்சமானஸ்ஸ புக்³க³லஸ்ஸ லோகபரியாபன்னத்தா லோகாதா⁴ரத்தா ச லோகங் உபாதா³ய ‘‘இதா⁴’’தி வுத்தங். படிவேத⁴பா³ஹுஸச்சாபா⁴வதோ பரியத்திபா³ஹுஸச்சாபா⁴வதோ ச ‘‘அஸ்ஸுதவா’’தி வுத்தங். புதூ²ஸு, புது² வா ஜனபா⁴வதோ ‘‘புது²ஜ்ஜனோ’’தி வுத்தங். அனரியத⁴ம்மவிரஹதோ அரியத⁴ம்மஸமன்னாக³மதோ ச ‘‘அரியான’’ந்தி வுத்தங். அரியபா⁴வகராய படிபத்தியா அபா⁴வதோ, தத்த² கோஸல்லத³மதா²பா⁴வதோ ‘‘அரியானங் அத³ஸ்ஸாவீ’’திஆதி³ வுத்தங். அஸந்தத⁴ம்மஸ்ஸவனதோ ஸந்தத⁴ம்மஸமன்னாக³மதோ ஸப்³பி⁴ பாஸங்ஸியதோ
புப்³பே³ அட்ட²கத²ங் தஸ்ஸா லீனத்த²வண்ணனஞ்ச அனுக³ந்த்வா அயமத்தோ² விஞ்ஞூஹி விபா⁴வேதுந்தி அதிவித்தா²ரப⁴யேன ந வித்தா²ரயிம்ஹ. இதி அனுபத³விசயதோ விசயோ ஹாரோ.
3. யுத்திஹாரவண்ணனா
ஸக்காயஸ்ஸ ஸப்³ப³மஞ்ஞனானங் மூலபா⁴வோ யுஜ்ஜதி பரிகப்பமத்தகத்தா லோகவிசித்தஸ்ஸ. ப்³யாஹுஸச்சத்³வயரஹிதஸ்ஸ அந்த⁴புது²ஜ்ஜனபா⁴வோ யுஜ்ஜதி புது²கிலேஸாபி⁴ஸங்கா²ரஜனநாதி³ஸபா⁴வத்தா. யதா²வுத்தபுது²ஜ்ஜனஸ்ஸ வா வுத்தப்பகாரபா³ஹுஸச்சாபா⁴வோ யுஜ்ஜதி தஸ்மிங் ஸதி ஸப்³பா⁴வதோ. தத்த² அஸ்ஸுதவதோ யுத்திஹாரோ.
4. பத³ட்டா²னஹாரவண்ணனா
கிஸ்ஸோபி மஞ்ஞனா ஸக்காயஸ்ஸ பத³ட்டா²னங், மஞ்ஞனானங் அயோனிஸோமனஸிகாரோ பத³ட்டா²னங், ஸுதத்³வயவிரஹோ அந்த⁴புது²ஜ்ஜனபா⁴வஸ்ஸ பத³ட்டா²னங், ஸோ அரியானங் அத³ஸ்ஸாவிதாய பத³ட்டா²னங், ஸா அரியத⁴ம்மஸ்ஸ அகோவித³தாய பத³ட்டா²னங், ஸா அரியத⁴ம்மே அவினீததாய பத³ட்டா²னங். ‘‘ஸப்புரிஸானங் அத³ஸ்ஸாவீ’’தி எத்தா²பி ஏஸேவ நயோ. ஸஞ்ஞாவிபல்லாஸோ மஞ்ஞனானங் பத³ட்டா²னங். ஸஞ்ஞானிதா³னா ஹி பபஞ்சஸங்கா²தி. மஞ்ஞனாஸு ச தண்ஹாமஞ்ஞனா இதரமஞ்ஞனானங் பத³ட்டா²னங் ‘‘தண்ஹாக³தானங் பரிதஸ்ஸிதவிப்ப²ந்தி³த’’ந்தி, (தீ³॰ நி॰ 1.105-109) ‘‘தண்ஹாபச்சயா உபாதா³ன’’ந்தி (ம॰ நி॰ 3.126; மஹாவ॰ 1) ச வசனதோ, தண்ஹாக³தஸ்ஸேவ ச ‘‘ஸெய்யோஹமஸ்மி’’ந்திஆதி³னா மானஜப்பனாஸப்³பா⁴வதா. ஸப்³பா³பி வா மஞ்ஞனா ஸப்³பா³ஸங் மஞ்ஞனானங் பத³ட்டா²னங் பத³ட்டா²னோ ஹாரோ.
5. லக்க²ணஹாரவண்ணனா
‘‘ஸப்³ப³த⁴ம்மமூலபரியாய’’ந்தி எத்த² மூலக்³க³ஹணேன மூலபரியாயக்³க³ஹணேன வா யதா² தண்ஹாமானதி³ட்டி²யோ க³ய்ஹந்தி, ஏவங் தோ³ஸமோஹாதீ³னம்பி ஸக்காயமூலத⁴ம்மானங் ஸங்க³ஹோ த³ட்ட²ப்³போ³ ஸக்காயஸ்ஸ மூலபா⁴வேன ஏகலக்க²ணத்தா. ‘‘அஸ்ஸுதவா’’தி இமினா யதா² தஸ்ஸ புக்³க³லஸ்ஸ பரியத்திபடிவேத⁴ஸத்³த⁴ம்மானங் அபா⁴வோ க³ய்ஹதி, ஏவங் படிபத்திஸத்³த⁴ம்மஸ்ஸபி அபா⁴வோ க³ய்ஹதி ஸத்³த⁴ம்மபா⁴வேன ஏகலக்க²ணத்தா. அரியானங் அத³ஸ்ஸனகாமதாதி³லக்க²ணா. ‘‘அரியத⁴ம்மஸ்ஸ அகோவிதோ³’’தி
‘‘பத²விங் பத²விதோ ஸஞ்ஜானாதீ’’தி இத³ங் தி³ட்டி²மஞ்ஞனாதீ³னங் ஸஞ்ஞாய காரணபா⁴வத³ஸ்ஸனங். தத்த² யதா² ஸஞ்ஞா, ஏவங் விதக்கப²ஸ்ஸாவிஜ்ஜாஅயோனிஸோமனஸிகாராத³யோபி தாஸங் காரணந்தி அத்த²தோ தேஸம்பெத்த² ஸங்க³ஹோ வுத்தோ ஹோதி மஞ்ஞனானங் காரணபா⁴வேன ஏகலக்க²ணத்தா. ‘‘மஞ்ஞதீ’’தி இமினா மஞ்ஞனாகிச்சேன தண்ஹாமானதி³ட்டி²யோ க³ஹிதா லக்க²ணோ ஹாரோ.
6. சதுப்³யூஹஹாரவண்ணனா
பத²வீஆதீ³ஸு வத்தூ²ஸு ப்³யஞ்ஜனச்சா²யாய அத்த²ங் க³ஹெத்வா த⁴ம்மக³ம்பீ⁴ரதங் அஸல்லக்கெ²த்வா அஸத்³த⁴ம்மஸ்ஸவனாதி³னா வஞ்சிதா ஹுத்வா ஸத்³த⁴ம்மஸ்ஸவனதா⁴ரணபரிசயமனஸிகாரவிமுகா² பத²வீஆதீ³ஸு வத்தூ²ஸு புது²ஜ்ஜனஸெக்கா²ஸெக்க²ததா²க³தானங் படிபத்திவிஸேஸங் அஜானந்தா ச வேனெய்யா இமிஸ்ஸா தே³ஸனாய நிதா³னங். தே ‘‘கத²ங் நு கோ² யதா²வுத்ததோ³ஸவினிமுத்தா யதா²வுத்தஞ்ச விஸேஸங் ஜானந்தா ஸம்மாபடிபத்தியா உப⁴யஹிதபராயணா ஸவெய்யு’’ந்தி அயமெத்த² ப⁴க³வதோ அதி⁴ப்பாயோ. பத³னிப்³ப³சனங் நிருத்தங், தங் ‘‘ஏவ’’ந்திஆதி³னிதா³னபதா³னங், ‘‘ஸப்³ப³த⁴ம்மமூலபரியாய’’ந்திஆதி³பாளிபதா³னஞ்ச அட்ட²கதா²யங், தஸ்ஸா லீனத்த²வண்ணனாயஞ்சேவ வுத்தனயேன ஸுவிஞ்ஞெய்யத்தா அதிவித்தா²ரப⁴யேன ந வித்தா²ரயிம்ஹ.
பத³பத³த்த²தே³ஸனானிக்கே²பஸுத்தஸந்தி⁴வஸேன பஞ்சவிதா⁴ ஸந்தி⁴. தத்த² பத³ஸ்ஸ பத³ந்தரேன ஸம்ப³ந்தோ⁴ பத³ஸந்தி⁴, ததா² பத³த்த²ஸ்ஸ பத³த்த²ந்தரேன ஸம்ப³ந்தோ⁴ பத³த்த²ஸந்தி⁴, யோ ‘‘கிரியாகாரகஸம்ப³ந்தோ⁴’’தி வுச்சதி. நானானுஸந்தி⁴கஸ்ஸ ஸுத்தஸ்ஸ தங்தங்அனுஸந்தீ⁴ஹி ஸம்ப³ந்தோ⁴, ஏகானுஸந்தி⁴கஸ்ஸ பன புப்³பா³பரஸம்ப³ந்தோ⁴ தே³ஸனாஸந்தி⁴. யா அட்ட²கதா²யங் ‘‘புச்சா²னுஸந்தி⁴ அஜ்ஜா²ஸயானுஸந்தி⁴ யதா²னுஸந்தீ⁴’’தி நிக்கே²பஸந்தி⁴ சதுன்னங் ஸுத்தனிக்கே²பானங் வஸேன வேதி³தப்³போ³. ஸுத்தஸந்தி⁴ இத⁴ பட²மனிக்கே²பவஸேனேவ வேதி³தப்³போ³. கஸ்மா பனெத்த² மூலபரியாயஸுத்தமேவ பட²மங் நிக்கி²த்தந்தி? நாயமனுயோகோ³ கத்த²சி நப்பவத்ததி, அபிச யஸ்மா மஞ்ஞனாமூலகங் ஸக்காயங், ஸப்³ப³மஞ்ஞனா ச தத்த² ஏவ அனேகபே⁴த³பி⁴ன்னா பவத்ததி, ந தஸ்ஸா ஸவிஸயாய லேஸமத்தம்பி ஸாரங் அத்தீ²தி பத²வீஆதி³விபா⁴க³பி⁴ன்னேஸு மஞ்ஞனாஸு ச ஸாதிஸயங் நிப்³பே³த⁴விராக³ஸஞ்ஜனநீ உபரி ஸெக்கா²ஸெக்க²ததா²க³தகு³ணவிபா⁴வனீ ச அயங் தே³ஸனா. ஸுத்தந்ததே³ஸனா ச விஸேஸதோ தி³ட்டி²வினிவேட²னகதா², தஸ்மா ஸனிஸ்ஸயஸ்ஸ தி³ட்டி²க்³கா³ஹஸ்ஸ ஆதி³தோ அஸாரபா⁴வதீ³பனங் உபரி ச ஸப்³பே³ஸங் அரியானங் கு³ணவிஸேஸவிபா⁴வனமித³ங் ஸுத்தங் பட²மங் நிக்கி²த்தங். கிஞ்ச ஸக்காயே மஞ்ஞனாமஞ்ஞனாமுகே²ன பவத்தினிவத்தீஸு ஆதீ³னவானிஸங்ஸவிபா⁴வனதோ ஸப்³பே³ஸங் புக்³க³லானங் படிபத்திவிபா⁴க³தோ ச இத³மேவ ஸுத்தங் பட²மங் நிக்கி²த்தங்.
யங் பன ஏகிஸ்ஸா தே³ஸனாய தே³ஸனந்தரேன ஸத்³தி⁴ங் ஸங்ஸந்த³னங், அயம்பி தே³ஸனாஸந்தி⁴, ஸா ஏவங் வேதி³தப்³பா³. ‘‘அஸ்ஸுதவா புது²ஜ்ஜனோ…பே॰… நிப்³பா³னங் அபி⁴னந்த³தீ’’தி அயங் தே³ஸனா. ‘‘இத⁴, பி⁴க்க²வே, அஸ்ஸுதவா புது²ஜ்ஜனோ…பே॰… ஸப்புரிஸத⁴ம்மே அவினீதோ மனஸிகரணீயே த⁴ம்மே நப்பஜானாதி, அமனஸிகரணீயே ச த⁴ம்மே நப்பஜானாதி, ஸோ மனஸிகரணீயே த⁴ம்மே அப்பஜானந்தோ அமனஸிகரணீயே ச த⁴ம்மே அப்பஜானந்தோ யே த⁴ம்மா ந மனஸிகரணீயா, தே த⁴ம்மே மனஸி கரோதி…பே॰… அனுப்பன்னோ வா காமாஸவோ உப்பஜ்ஜதி, உப்பன்னோ வா காமாஸவோ பவட்³ட⁴தி. அனுப்பன்னோ வா ப⁴வாஸவோ உப்பஜ்ஜதி, உப்பன்னோ வா ப⁴வாஸவோ பவட்³ட⁴தி, அனுப்பன்னோ வா அவிஜ்ஜாஸவோ உப்பஜ்ஜதி, உப்பன்னோ வா அவிஜ்ஜாஸவோ பவட்³ட⁴தீ’’தி (ம॰ நி॰ 1.17) இமாய தே³ஸனாய ஸங்ஸந்த³தி. ததா² ‘‘தஸ்ஸேதங் பாடிகங்க²ங் ஸுப⁴னிமித்தங் மனஸி கரிஸ்ஸதி, தஸ்ஸ ஸுப⁴னிமித்தஸ்ஸ மனஸிகாரா ராகோ³ சித்தங் அனுத்³த⁴ங்ஸெஸ்ஸதி, ஸோ ஸராகோ³ ஸதோ³ஸோ ஸமோஹோ ஸாங்க³ணோ ஸங்கிலிட்ட²சித்தோ காலங் கரிஸ்ஸதீ’’தி (ம॰ நி॰ 1.59) இமாய தே³ஸனாய ஸங்ஸந்த³தி. ததா² ‘‘சக்கு²ஞ்சாவுஸோ
‘‘யோபி ஸோ, பி⁴க்க²வே, பி⁴க்கு²…பே॰… நிப்³பா³னங் மாபி⁴னந்தீ³’’தி அயங் தே³ஸனா. ‘‘இத⁴, தே³வானமிந்த³, பி⁴க்கு²னோ ஸுதங் ஹோதி ‘ஸப்³பே³ த⁴ம்மா நாலங் அபி⁴னிவேஸாயா’தி, ஏவஞ்சேதங், தே³வானமிந்த³, பி⁴க்கு²னோ ஸுதங் ஹோதி ‘ஸப்³பே³ த⁴ம்மா நாலங் அபி⁴னிவேஸாயா’தி, ஸோ ஸப்³ப³ங் த⁴ம்மங் அபி⁴ஜானாதி, ஸப்³ப³ங் த⁴ம்மங் அபி⁴ஞ்ஞாய ஸப்³ப³ங் த⁴ம்மங் பரிஜானாதி, ஸப்³ப³ங் த⁴ம்மங் பரிஞ்ஞாய யங் கிஞ்சி வேத³னங் வேதே³தி ஸுக²ங் வா து³க்க²ங் வா அது³க்க²மஸுக²ங் வா, ஸோ தாஸு வேத³னாஸு அனிச்சானுபஸ்ஸீ விஹரதி, விராகா³னுபஸ்ஸீ விஹரதி, நிரோதா⁴னுபஸ்ஸீ விஹரதி, படினிஸ்ஸக்³கா³னுபஸ்ஸீ விஹரதீ’’தி (ம॰ நி॰ 1.390) இமாய தே³ஸனாய ஸங்ஸந்த³தி. ‘‘யோபி ஸோ, பி⁴க்க²வே, பி⁴க்கு² அரஹங்…பே॰… அபி⁴ஸம்பு³த்³தோ⁴தி வதா³மீ’’தி அயங் தே³ஸனா ‘‘ஸுதவா ச கோ², பி⁴க்க²வே, அரியஸாவகோ…பே॰… ஸப்புரிஸத⁴ம்மே ஸுவினீதோ ரூபங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி, வேத³னங்…பே॰…, ஸஞ்ஞங்…பே॰…, ஸங்கா²ரே…பே॰…, விஞ்ஞாணங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. யம்பி தங் தி³ட்ட²ங் ஸுதங் விஞ்ஞாதங் பத்தங் பரியேஸிதங் அனுவிசரிதங் மனஸா, தம்பி ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. யம்பி தங் தி³ட்டி²ட்டா²னங், ஸோ லோகோ ஸோ அத்தா ஸோ பேச்ச ப⁴விஸ்ஸாமி ‘நிச்சோ து⁴வோ ஸஸ்ஸதோ அபி பரிணாமத⁴ம்மோ ஸஸ்ஸதிஸமங் ததே²வ ட²ஸ்ஸாமீ’தி, தம்பி ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. ஸோ ஏவங் ஸமனுபஸ்ஸந்தோ ந பரிதஸ்ஸதீ’’தி (ம॰ நி॰ 1.241) ஏவமாதி³தே³ஸனாஹி ஸங்ஸந்த³தீதி, அயங் சதுப்³யூஹோ ஹாரோ.
7. ஆவத்தஹாரவண்ணனா
‘‘அஸ்ஸுதவா
ஸெக்க²க்³க³ஹணேன அரியாய ஸம்மாதி³ட்டி²யா ஸங்க³ஹோ, ததோ ச பரதோகோ⁴ஸயோனிஸோமனஸிகாரா தீ³பிதா ஹொந்தி. பரதோகோ⁴ஸேன ச ஸுதவா அரியஸாவகோதி ஆவத்ததி, யோனிஸோமனஸிகாரேன நவ யோனிஸோமனஸிகாரமூலகா த⁴ம்மா ஆவத்தந்தி, சதுப்³பி³த⁴ஞ்ச ஸம்பத்திசக்கங். ‘‘மா மஞ்ஞீ’’தி மஞ்ஞனானங் விப்பகதப்பஹானதாக³ஹணேன ஏகச்சாஸவபரிக்க²யோ தீ³பிதோ ஹோதி, தேன ச ஸத்³தா⁴விமுத்ததி³ட்டி²ப்பத்தகாயஸக்கி²பா⁴வா ஆவத்தந்தி. ‘‘அரஹங் கீ²ணாஸவோ’’திஆதி³னா அஸெக்கா² ஸீலக்க²ந்தா⁴த³யோ த³ஸ்ஸிதா ஹொந்தி, ஸீலக்க²ந்தா⁴தி³பாரிபூரியா ச த³ஸ நாத²கரணா த⁴ம்மா ஆவத்தந்தி. ‘‘ந மஞ்ஞதீ’’தி மஞ்ஞனாபடிக்கே²பேன பஞ்சஸு உபாதா³னக்க²ந்தே⁴ஸு ‘‘நேதங் மம, நேஸோஹமஸ்மி, ந மேஸோ அத்தா’’தி ஸம்மாபடிபத்தி த³ஸ்ஸிதா, தாய ச ஸாதிஸயா நிகந்திபரியாதா³னமானஸமுக்³கா⁴டனதி³ட்டி²உக்³கா⁴டனானி
‘‘ததா²க³தோ’’திஆதி³னா ஆவத்தோ ஹாரோ.
8. விப⁴த்திஹாரவண்ணனா
‘‘ஸப்³ப³த⁴ம்மமூலபரியாய’’ந்தி எத்த² ஸப்³ப³த⁴ம்மா நாம தேபூ⁴மகா த⁴ம்மா ஸக்காயஸ்ஸ அதி⁴ப்பேதத்தா. தேஸங் மஞ்ஞனா பத³ட்டா²னங் பபஞ்சஸங்கா²னிமித்தத்தா லோகவிசித்தஸ்ஸ. தயிமே குஸலா அகுஸலா அப்³யாகதாதி திவிதா⁴. தேஸு குஸலானங் யோனிஸோமனஸிகாராதி³ பத³ட்டா²னங், அகுஸலானங் அயோனிஸோமனஸிகாராதி³, அப்³யாகதானங் கம்மப⁴வஆவஜ்ஜனபூ⁴தரூபாதி³ பத³ட்டா²னங். தத்த² குஸலா காமாவசராதி³வஸேன பூ⁴மிதோ திவிதா⁴, ததா² அப்³யாகதா சித்துப்பாத³ஸபா⁴வா, அசித்துப்பாத³ஸபா⁴வா பன காமாவசராவ ததா² அகுஸலா. பரியத்திபடிபத்திபடிவேத⁴ஸுதகிச்சாபா⁴வேன திவிதோ⁴ அஸ்ஸுதவா. அந்த⁴கல்யாணவிபா⁴கே³ன து³விதோ⁴ புது²ஜ்ஜனோ. ஸம்மாஸம்பு³த்³த⁴பச்சேகபு³த்³த⁴ஸாவகபே⁴தே³ன திவிதா⁴ அரியா. மங்ஸசக்கு²தி³ப்³ப³சக்கு²பஞ்ஞாசக்கூ²ஹி த³ஸ்ஸனாபா⁴வேன திவிதோ⁴ அத³ஸ்ஸாவீ. மக்³க³ப²லனிப்³பா³னபே⁴தே³ன திவிதோ⁴, நவவிதோ⁴ வா அரியத⁴ம்மோ. ஸவனதா⁴ரணபரிசயமனஸிகாரபடிவேத⁴வஸேன பஞ்சவிதா⁴ அரியத⁴ம்மஸ்ஸ கோவித³தா. தத³பா⁴வதோ அகோவிதோ³. ஸங்வரபஹானபே⁴தே³ன து³விதோ⁴, த³ஸவிதோ⁴ வா அரியத⁴ம்மவினயோ, தத³பா⁴வதோ அரியத⁴ம்மே அவினீதோ. எத்த² பத³ட்டா²னவிபா⁴கோ³ ஹெட்டா² த³ஸ்ஸிதோயேவ. ‘‘ஸப்புரிஸானங் அத³ஸ்ஸாவீ’’திஆதீ³ஸுபி ஏஸேவ நயோ. ‘‘பத²விங் மஞ்ஞதீ’’திஆதீ³ஸு மஞ்ஞனாவத்து²விபா⁴கோ³ பாளியங் ஆக³தோவ, ததா² அஜ்ஜ²த்திகபா³ஹிராதி³கோ ச அந்தரவிபா⁴கோ³.
மஞ்ஞனா ப்³ரஹ்மஜாலே ஆக³தனயேன த்³வாஸட்டி²வித⁴தா தத³ந்தரபே⁴தே³ன அனேகவித⁴தா ச வேதி³தப்³பா³. ‘‘அபரிஞ்ஞாத’’ந்தி எத்த² ஞாதபரிஞ்ஞாதி³வஸேன சேவ ரூபமுகா²தி³அபி⁴னிவேஸபே⁴தா³தி³வஸேன ச பரிஞ்ஞானங் அனேகவித⁴தா வேதி³தப்³பா³. ததா² அட்ட²மகாதி³வஸேன ஸெக்க²விபா⁴கோ³ பஞ்ஞாவிமுத்தாதி³வஸேன அஸெக்க²விபா⁴கோ³ ச. அயமெத்த² த⁴ம்மவிபா⁴கோ³. பத³ட்டா²னவிபா⁴கோ³ ச பூ⁴மிவிபா⁴கோ³ ச வுத்தனயானுஸாரேன வேதி³தப்³பா³தி. அயங் விப⁴த்திஹாரோ.
9. பரிவத்தஹாரவண்ணனா
‘‘ஸப்³ப³த⁴ம்மமூலபரியாய’’ந்தி எத்த² ‘‘ஸப்³ப³த⁴ம்மா’’தி பஞ்சுபாதா³னக்க²ந்தா⁴ க³ஹிதா, தேஸங் மூலகாரணந்தி ச தண்ஹாமானதி³ட்டி²யோ. ததா² அஸ்ஸுதவா புது²ஜ்ஜனோ…பே॰… ஸப்புரிஸத⁴ம்மே அவினீதோதி. யாவகீவஞ்ச பஞ்சஸு உபாதா³னக்க²ந்தே⁴ஸு ஸுப⁴தோ ஸுக²தோ நிச்சதோ அத்ததோ ஸமனுபஸ்ஸனவஸேன ‘‘ஏதங் மம, ஏஸோஹமஸ்மி, ஏஸோ மே அத்தா’’தி தண்ஹாமானதி³ட்டி²கா³ஹா ந ஸமுச்சி²ஜ்ஜந்தி, தாவ நேஸங் பப³ந்தூ⁴பரமோ ஸுபினந்தேபி ந கேனசி லத்³த⁴புப்³போ³. யதா³ பன நேஸங் அஸுப⁴தோ து³க்க²தோ அனிச்சதோ அனத்ததோ ஸமனுபஸ்ஸனவஸேன ‘‘நேதங் மம, நேஸோஹமஸ்மி, ந மேஸோ அத்தா’’தி பவத்தமானா அப்பணிஹிதானிமித்தஸுஞ்ஞதானுபஸ்ஸனா உஸ்ஸக்கித்வா அரியமக்³கா³தி⁴க³மாய ஸங்வத்தந்தி, அத² நேஸங் பப³ந்தூ⁴பரமோ ஹோதி அச்சந்தஅப்பஞ்ஞத்திகபா⁴வூபக³மனதோ. தேன வுத்தங் ‘‘ஸப்³ப³த⁴ம்மாதி பஞ்சுபாதா³னக்க²ந்தா⁴ க³ஹிதா, தேஸங் மூலகாரணந்தி ச தண்ஹாமானதி³ட்டி²யோ’’தி. ததா² அஸ்ஸுதவா புது²ஜ்ஜனோ…பே॰… ஸப்புரிஸத⁴ம்மே அவினீதோ தீஹிபி மஞ்ஞனாஹி பத²விங் மஞ்ஞதி யாவ நிப்³பா³னங் அபி⁴னந்த³தி, தீஹிபி பரிஞ்ஞாஹி தஸ்ஸ தங் வத்து² அபரிஞ்ஞாதந்தி கத்வா. யஸ்ஸ பன தங் வத்து² தீஹி பரிஞ்ஞாஹி பரிஞ்ஞாதங், ந ஸோ இதரோ விய தங் மஞ்ஞதி. தேனாஹ பரிவத்தோ ஹாரோ.
10. வேவசனஹாரவண்ணனா
‘‘ஸப்³ப³த⁴ம்மா ஸகலத⁴ம்மா அனவஸேஸத⁴ம்மா’’தி பரியாயவசனங், ‘‘மூலபரியாயங் மூலகாரணங் அஸாதா⁴ரணஹேது’’ந்தி பரியாயவசனங், ‘‘மூலபரியாயந்தி வா மூலதே³ஸனங் காரணதத²ன’’ந்தி பரியாயவசனங், ‘‘வோ தும்ஹாகங் தும்ஹ’’ந்தி பரியாயவசனங், ‘‘பி⁴க்க²வே, ஸமணா தபஸ்ஸினோ’’தி பரியாயவசனங், ‘‘தே³ஸெஸ்ஸாமீ கதெ²ஸ்ஸாமீ பஞ்ஞபெஸ்ஸாமீ’’தி பரியாயவசனங், ‘‘ஸுணாத² ஸோதங் ஓத³ஹத² ஸோதத்³வாரானுஸாரேன உபதா⁴ரேதா²’’தி பரியாயவசனங், ‘‘ஸாது⁴கங் ஸம்மா ஸக்கச்ச’’ந்தி பரியாயவசனங், ‘‘மனஸி கரோத² சித்தே ட²பேத² ஸமன்னாஹரதா²’’தி பரியாயவசனங், ‘‘பா⁴ஸிஸ்ஸாமி ப்³யத்தங் கதெ²ஸ்ஸாமி விப⁴ஜிஸ்ஸாமீ’’தி பரியாயவசனங், ‘‘ஏவங், ப⁴ந்தே, ஸாது⁴ ஸுட்டு² ப⁴ந்தே’’தி பரியாயவசனங், ‘‘பச்சஸ்ஸோஸுங் ஸம்படிச்சி²ங்ஸு ஸம்படிக்³க³ஹேஸு’’ந்தி பரியாயவசனங். இமினா நயேன ஸப்³ப³பதே³ஸு வேவசனங் வத்தப்³ப³ந்தி. அயங் வேவசனோ ஹாரோ.
11. பஞ்ஞத்திஹாரவண்ணனா
‘‘ஸப்³ப³த⁴ம்மமூலபரியாய’’ந்தி எத்த² ஸப்³ப³த⁴ம்மா நாம ஸக்காயத⁴ம்மா, தே க²ந்த⁴வஸேன பஞ்சதா⁴ பஞ்ஞத்தா, ஆயதனவஸேன த்³வாத³ஸதா⁴, தா⁴துவஸேன அட்டா²ரஸதா⁴ பஞ்ஞத்தி ஹாரோ.
12. ஓதரணஹாரவண்ணனா
‘‘ஸப்³ப³த⁴ம்மமூலபரியாய’’ந்தி எத்த² ஸப்³ப³த⁴ம்மா நாம லோகியா பஞ்சக்க²ந்தா⁴ த்³வாத³ஸாயதனானி அட்டா²ரஸ தா⁴துயோ த்³வே ஸச்சானி ஏகூனவிஸதி இந்த்³ரியானி த்³வாத³ஸபதி³கோ பச்சயாகாரோதி, அயங் ஸப்³ப³த⁴ம்மக்³க³ஹணேன க²ந்தா⁴தி³முகே²ன தே³ஸனாய ஓதரணங். ‘‘மூல’’ந்தி வா ‘‘மூலபரியாய’’ந்தி வா மஞ்ஞனா வுத்தா, தா அத்த²தோ தண்ஹா மானோ தி³ட்டி² சாதி தேஸங் ஸங்கா²ரக்க²ந்த⁴ஸங்க³ஹோதி அயங் க²ந்த⁴முகே²ன ஓதரணங். ததா² ‘‘த⁴ம்மாயதனத⁴ம்மதா⁴தூஹி ஸங்க³ஹோ’’தி அயங் ஆயதனமுகே²ன தா⁴துமுகே²ன ச ஓதரணங். ‘‘அஸ்ஸுதவா’’தி இமினா ஸுதஸ்ஸ ஓதரணோ ஹாரோ.
13. ஸோத⁴னஹாரவண்ணனா
‘‘ஸப்³ப³த⁴ம்மமூலபரியாயங் வோ, பி⁴க்க²வே…பே॰… இத⁴, பி⁴க்க²வே, அஸ்ஸுதவா…பே॰… பத²விங் பத²விதோ ஸஞ்ஜானாதீ’’தி ஆரம்போ⁴. ‘‘பத²விங் பத²வியா ஸஞ்ஞத்வா பத²விங் மஞ்ஞதீ’’தி பத³ஸுத்³தி⁴, நோ ஆரம்ப⁴ஸுத்³தி⁴. ததா² ‘‘பத²வியா மஞ்ஞதி பத²விதோ மஞ்ஞதி பத²விங் மேதி மஞ்ஞதி பத²விங் அபி⁴னந்த³தீ’’தி பத³ஸுத்³தி⁴, நோ ஆரம்ப⁴ஸுத்³தி⁴. ‘‘தங் கிஸ்ஸ ஹேது அபரிஞ்ஞாதங் தஸ்ஸாதி வதா³மீ’’தி பத³ஸுத்³தி⁴ சேவ ஆரம்ப⁴ஸுத்³தி⁴ ச. ஸேஸவாரேஸுபி ஏஸேவ நயோதி. அயங் ஸோத⁴னோ ஹாரோ.
14. அதி⁴ட்டா²னஹாரவண்ணனா
‘‘ஸப்³ப³த⁴ம்மமூலபரியாய’’ந்தி எத்த² ஸப்³ப³த⁴ம்மக்³க³ஹணங் ஸாமஞ்ஞதோ அதி⁴ட்டா²னங். ‘‘பத²விங் ஆப’’ந்திஆதி³ பன தங் அவிகப்பெத்வா விஸேஸவசனங். ததா² ‘‘மூலபரியாய’’ந்தி அதி⁴ட்டா²னோ ஹாரோ.
14. பரிக்கா²ரஹாரவண்ணனா
‘‘ஸப்³ப³த⁴ம்மமூலபரியாய’’ந்தி எத்த² ஸப்³ப³த⁴ம்மா நாம பரியாபன்னத⁴ம்மா, தே குஸலாகுஸலாப்³யாகதபே⁴தே³ன திவிதா⁴. தேஸு குஸலானங் யோனிஸோமனஸிகாரோ அலோபா⁴த³யோ ச ஹேதூ, அகுஸலானங் அயோனிஸோமனஸிகாரோ லோபா⁴த³யோ ச ஹேதூ, அப்³யாகதேஸு விபாகானங் யதா²ஸகங் கம்மங், இதரேஸங் ப⁴வங்க³மாவஜ்ஜனஸமன்னாஹாராதி³ ச ஹேதூ. எத்த² ச ஸப்புரிஸூபனிஸ்ஸயாதி³கோ பச்சயோ ஹேதும்ஹி ஏவ ஸமவருள்ஹோ, ஸோ தத்த² பரிக்கா²ரோ ஹாரோ.
16. ஸமாரோபனஹாரவண்ணனா
‘‘ஸப்³ப³த⁴ம்மமூலபரியாய’’ந்திஆதீ³ஸு மூலபரியாயக்³க³ஹணேன அஸ்ஸுதவாக³ஹணேன ஸஞ்ஜானநமஞ்ஞனாபரிஞ்ஞாக³ஹணேஹி ச ஸங்கிலேஸத⁴ம்மா த³ஸ்ஸிதா, தே ச ஸங்கே²பதோ திவிதா⁴ தண்ஹாஸங்கிலேஸோ தி³ட்டி²ஸங்கிலேஸோ து³ச்சரிதஸங்கிலேஸோதி. தத்த² தண்ஹாஸங்கிலேஸோ தண்ஹாஸங்கிலேஸஸ்ஸ, தி³ட்டி²ஸங்கிலேஸஸ்ஸ, து³ச்சரிதஸங்கிலேஸஸ்ஸ ச பத³ட்டா²னங், ததா² தி³ட்டி²ஸங்கிலேஸோ தி³ட்டி²ஸங்கிலேஸஸ்ஸ, தண்ஹாஸங்கிலேஸஸ்ஸ, து³ச்சரிதஸங்கிலேஸஸ்ஸ ச பத³ட்டா²னங், து³ச்சரிதஸங்கிலேஸோபி து³ச்சரிதஸங்கிலேஸஸ்ஸ, தண்ஹாஸங்கிலேஸஸ்ஸ, தி³ட்டி²ஸங்கிலேஸஸ்ஸ ச பத³ட்டா²னங். தேஸு தண்ஹாஸங்கிலேஸோ அத்த²தோ லோபோ⁴வ, யோ ‘‘லோபோ⁴ லுப்³ப⁴னா லுப்³பி⁴தத்தங் ஸாராகோ³ ஸாரஜ்ஜனா ஸாரஜ்ஜிதத்த’’ந்திஆதி³னா
தேஸு ஸமாரோபனோ ஹாரோ.
ஸோளஸஹாரவண்ணனா நிட்டி²தா.
பஞ்சவித⁴னயவண்ணனா
1. நந்தி³யாவட்டனயவண்ணனா
‘‘ஸப்³ப³த⁴ம்மமூலபரியாய’’ந்திஆதீ³ஸு நந்தி³யாவட்டஸ்ஸ ந யஸ்ஸ பூ⁴மி.
2. திபுக்க²லனயவண்ணனா
ததா² வுத்தனயேன ஸரூபதோ பரியாயதோ ச க³ஹிதேஸு தண்ஹாவிஜ்ஜாதப்பக்கி²யத⁴ம்மேஸு தண்ஹா லோபோ⁴, அவிஜ்ஜா மோஹோ, அவிஜ்ஜாய ஸம்பயுத்தோ லோஹிதே ஸதி புப்³போ³ விய தண்ஹாய ஸதி ஸிஜ்ஜ²மானோ ஆகா⁴தோ தோ³ஸோ, இதி தீஹி அகுஸலமூலேஹி க³ஹிதேஹி, தப்படிபக்க²தோ மஞ்ஞனாபடிக்கே²பபரிஞ்ஞாக³ஹணாதீ³ஹி ச குஸலமூலானி ஸித்³தா⁴னியேவ ஹொந்தி. இதா⁴பி ‘‘லோபோ⁴ ஸப்³பா³னி திபுக்க²லஸ்ஸ நயஸ்ஸ பூ⁴மி.
3. ஸீஹவிக்கீளிதனயவண்ணனா
ததா² வுத்தனயேன ஸரூபதோ பரியாயதோ ச க³ஹிதேஸு தண்ஹாவிஜ்ஜாதப்பக்கி²யத⁴ம்மேஸு விஸேஸதோ தண்ஹாதி³ட்டீ²னங் வஸேன அஸுபே⁴ ‘‘ஸுப⁴’’ந்தி
இதா⁴பி ஸுப⁴ஸஞ்ஞாஸுக²ஸஞ்ஞாஹி சதூஹிபி வா விபல்லாஸேஹி ஸமுத³யஸச்சங், தேஸங் அதி⁴ட்டா²னாரம்மணபூ⁴தா பஞ்சுபாதா³னக்க²ந்தா⁴ து³க்க²ஸச்சந்திஆதி³னா ஸச்சயோஜனா வேதி³தப்³பா³. ப²லங் பனெத்த² சத்தாரி ஸாமஞ்ஞப²லானி, சதூஹி சித்தவிபல்லாஸேஹி சதுராஸவோக⁴-யோக³-காயக³ந்த²-அக³தி-தண்ஹுப்பாத³-ஸல்லுபாதா³ன-விஞ்ஞாணட்டி²தி-அபரிஞ்ஞாதி³வஸேன அகுஸலபக்கோ² நேதப்³போ³. ததா² சதூஹி ஸதிபட்டா²னேஹி ஸீஹவிக்கீளிதஸ்ஸ நயஸ்ஸ பூ⁴மி.
4-5. தி³ஸாலோசன-அங்குஸனயத்³வயவண்ணனா
இமேஸங் பன திண்ணங் அத்த²னயானங் ஸித்³தி⁴யா வோஹாரேன நயத்³வயங் ஸித்³த⁴மேவ ஹோதி. ததா² ஹி அத்த²னயானங் தி³ஸாபூ⁴தத⁴ம்மானங் ஸமாலோசனங் தி³ஸாலோசனங், தேஸங் ஸமானயனங் அங்குஸோதி பஞ்சபி நயா நியுத்தாதி வேதி³தப்³பா³.
பஞ்சவித⁴னயவண்ணனா நிட்டி²தா.
ஸாஸனபட்டா²னவண்ணனா
இத³ஞ்ச
நெத்தினயவண்ணனா நிட்டி²தா.
மூலபரியாயஸுத்தவண்ணனாய லீனத்த²ப்பகாஸனா ஸமத்தா.
2. ஸப்³பா³ஸவஸுத்தவண்ணனா
14. அபுப்³ப³பத³வண்ணனாதி நிவாஸட்டா²னபூ⁴தா பூ⁴தபுப்³ப³னிவாஸட்டா²னபூ⁴தா, நிவாஸட்டா²னே வா பூ⁴தா நிப்³ப³த்தா நிவாஸட்டா²னபூ⁴தா, தத்த² மாபிதாதி அத்தோ². யதா² காகந்தீ³ மாகந்தீ³ கோஸம்பீ³தி யதா² காகந்த³ஸ்ஸ இஸினோ நிவாஸட்டா²னே மாபிதா நக³ரீ காகந்தீ³, மாகந்த³ஸ்ஸ நிவாஸட்டா²னே மாபிதா மாகந்தீ³, குஸம்ப³ஸ்ஸனிவாஸட்டா²னே மாபிதா கோஸம்பீ³தி வுச்சதி, ஏவங் ஸாவத்தீ²தி த³ஸ்ஸேதி. உபனெத்வா ஸமீபே கத்வா பு⁴ஞ்ஜிதப்³ப³தோ உபபோ⁴கோ³, ஸவிஞ்ஞாணகவத்து². பரிதோ ஸப்³ப³தா³ பு⁴ஞ்ஜிதப்³ப³தோ பரிபோ⁴கோ³, நிவாஸனபாருபனாதி³ அவிஞ்ஞாணகவத்து². ஸப்³ப³மெத்த² அத்தீ²தி நிருத்தினயேன ஸாவத்தீ²-ஸத்³த³ஸித்³தி⁴மாஹ. ஸத்த²ஸமாயோகே³தி ஸத்த²ஸ்ஸ நக³ரியா ஸமாக³மே, ஸத்தே² தங் நக³ரங் உபக³தேதி அத்தோ². புச்சி²தே ஸத்தி²கஜனேஹி.
ஸமோஹிதந்தி ஸன்னிசிதங். ரம்மந்தி அந்தோ ப³ஹி ச பூ⁴மிபா⁴க³ஸம்பத்தியா சேவ ஆராமுய்யானஸம்பத்தியா ச ரமணீயங். த³ஸ்ஸனெய்யந்தி விஸிகா²ஸன்னிவேஸஸம்பத்தியா சேவ பாஸாத³கூடாகா³ராதி³ஸம்பத்தியா ச த³ஸ்ஸனீயங் பஸ்ஸிதப்³ப³யுத்தங். உபபோ⁴க³பரிபோ⁴க³வத்து²ஸம்பத்தியா சேவ நிவாஸஸுக²தாய ச நிப³த்³த⁴வாஸங் வஸந்தானங் இதரேஸஞ்ச ஸத்தானங் மனங் ரமேதீதி மனோரமங். த³ஸஹி ஸத்³தே³ஹீதி ஹத்தி²ஸத்³தோ³, அஸ்ஸ-ரத²-பே⁴ரி-ஸங்க²-முதி³ங்க³-வீணா-கீ³த ஸம்மதாளஸத்³தோ³, அஸ்னாத²-பிவத²-கா²த³தா²தி-ஸத்³தோ³தி அவிவித்தந்தி ந விவித்தங், ஸப்³ப³காலங் கோ⁴ஸிதந்தி அத்தோ².
வுத்³தி⁴ங் வேபுல்லதங் பத்தந்தி தன்னிவாஸீ ஸத்தவுத்³தி⁴யா வுத்³தி⁴ங், தாய பரிவுத்³தி⁴தாயேவ விபுலபா⁴வங் பத்தங், ப³ஹுஜனங் ஆகிண்ணமனுஸ்ஸந்தி அத்தோ². வித்தூபகரணஸமித்³தி⁴யா இத்³த⁴ங். ஸப்³ப³காலங் ஸுபி⁴க்க²பா⁴வேன பீ²தங். அந்தமஸோ விகா⁴ஸாதே³ உபாதா³ய ஸப்³பே³ஸங் கபணத்³தி⁴கவனிப்³ப³கயாசகானம்பி இச்சி² தத்த²னிப்ப²த்தியா மனுஞ்ஞங் ஜாதங், பகே³வ இஸ்ஸரியே டி²தானந்தி த³ஸ்ஸனத்த²ங் புன ‘‘மனோரம’’ந்தி வுத்தங். அளகமந்தா³வாதி ஆடானாடாதீ³ஸு த³ஸஸு வெஸ்ஸவணமஹாராஜஸ்ஸ நக³ரீஸு அளகமந்தா³ நாம ஏகா நக³ரீ, யா லோகே அளாகா ஏவ வுச்சதி தே³வானந்தி வெஸ்ஸவணபக்கி²யானங் சாதுமஹாராஜிகதே³வானங்.
ஜினாதீதி இமினா ஸோத-ஸத்³தோ³ விய கத்துஸாத⁴னோ ஜேத-ஸத்³தோ³தி த³ஸ்ஸேதி. ரஞ்ஞாதி பஸேனதி³கோஸலராஜேன. ராஜக³தங் ஜயங் ஆரோபெத்வா குமாரோ ஜிதவாதி ஜேதோதி வுத்தோ. மங்க³லகப்³யதாயாதிஆதி³னா ‘‘ஜெய்யோ’’தி ஏதஸ்மிங் அத்தே² ‘‘ஜேதோ’’தி வுத்தந்தி த³ஸ்ஸேதி. ஸப்³ப³காமஸமித்³தி⁴தாயாதி ஸப்³பே³ஹி உபபோ⁴க³பரிபோ⁴க³வத்தூ²ஹி பீ²தபா⁴வேன விப⁴வஸம்பன்னதாயாதி அத்தோ². ஸமித்³தா⁴பி மச்ச²ரினோ கிஞ்சி ந தெ³ந்தீதி ஆஹ ‘‘விக³தமலமச்சே²ரதாயா’’தி, ராக³தோ³ஸாதி³மலானஞ்சேவ மச்ச²ரியஸ்ஸ ச அபா⁴வேனாதி அத்தோ². ஸமித்³தா⁴ அமச்ச²ரினோபி ச கருணாஸத்³தா⁴தி³கு³ணவிரஹிதா அத்தனோ ஸந்தகங் பரேஸங் ந த³தெ³ய்யுந்தி ஆஹ ‘‘கருணாதி³கு³ணஸமங்கி³தாய சா’’தி. தேனாதி அனாதா²னங் பிண்ட³தா³னேன. ஸத்³த³த்த²தோ பன தா³தப்³ப³பா⁴வேன ஸப்³ப³காலங் உபட்ட²பிதோ அனாதா²னங் பிண்டோ³ ஏதஸ்ஸ அத்தீ²தி அனாத²பிண்டி³கோ. பஞ்சவித⁴ஸேனாஸனங்க³ஸம்பத்தியாதி ‘‘நாதிதூ³ரங் நச்சாஸன்னங் க³மனாக³மனஸம்பன்ன’’ந்தி ஏகங் அங்க³ங், ‘‘தி³வா அப்பாகிண்ணங் ரத்திங் அப்பஸத்³த³ங் அப்பனிக்³கோ⁴ஸ’’ந்தி ஏகங், ‘‘அப்பட³ங்ஸமகஸவாதாதபஸரீஸபஸம்ப²ஸ்ஸ’’ந்தி ஏகங், ‘‘தஸ்மிங் கோ² பன ஸேனாஸனே விஹரந்தஸ்ஸ அப்பகஸிரேன உப்பஜ்ஜந்தி சீவர…பே॰… பரிக்கா²ரா’’தி ஏகங், ‘‘தஸ்மிங் கோ² பன ஸேனாஸனே தே²ரா பி⁴க்கூ² விஹரந்தி ப³ஹுஸ்ஸுதா’’தி ஏகங், ஏவமேதேஹி பஞ்சவித⁴ஸேனாஸனங்கே³ஹி ஸம்பன்னதாய. யதி³ ஜேதவனங் தத²ங் அனாத²பிண்டி³கஸ்ஸ ஆராமோதி ஆஹ ‘‘ஸோ ஹீ’’திஆதி³.
கீதகாலதோ ‘‘ஜேதவனே’’திஆதி³. ‘‘யதி³பி ஸோ பூ⁴மிபா⁴கோ³ கோடிஸந்த²ரேன மஹாஸெட்டி²னா கீதோ, ருக்கா² பன ஜேதேன ந விக்கீதாதி ஜேதவனந்தி வத்தப்³ப³தங் லபீ⁴’’தி வத³ந்தி.
கஸ்மா இத³ங் ஸுத்தமபா⁴ஸீதி கதே²துகம்யதாய ஸுத்தனிக்கே²பங் புச்ச²தி. ஸாமஞ்ஞதோ ஹி ப⁴க³வதோ தே³ஸனாகாரணங் பாகடமேவாதி. கோ பனாயங் ஸுத்தனிக்கே²போதி? அத்தஜ்ஜா²ஸயோ. பரேஹி அனஜ்ஜி²ட்டோ² ஏவ ஹி ப⁴க³வா அத்தனோ அஜ்ஜா²ஸயேன இமங் ஸுத்தங் தே³ஸேதீதி ஆசரியா. யஸ்மா பனேஸ பி⁴க்கூ²னங் உபக்கிலிட்ட²சித்ததங் விதி³த்வா ‘‘இமே பி⁴க்கூ² இமாய தே³ஸனாய உபக்கிலேஸவிஸோத⁴னங் கத்வா ஆஸவக்க²யாய படிபஜ்ஜிஸ்ஸந்தீ’’தி அயங் தே³ஸனா ஆரத்³தா⁴, தஸ்மா பரஜ்ஜா²ஸயோதி அபரே. உப⁴யம்பி பன யுத்தங். அத்தஜ்ஜா²ஸயாதீ³னஞ்ஹி ஸங்ஸக்³க³பே⁴த³ஸ்ஸ ஸம்ப⁴வோ ஹெட்டா² த³ஸ்ஸிதோவாதி. தேஸங் பி⁴க்கூ²னந்தி ததா³ த⁴ம்மபடிக்³கா³ஹதபி⁴க்கூ²னங். உபக்கிலேஸவிஸோத⁴னந்தி ஸமத²விபஸ்ஸனுபக்கிலேஸதோ
ஸங்வரபூ⁴தந்தி ஸீலஸங்வராதி³ஸங்வரபூ⁴தங் ஸங்வரணஸபா⁴வங் காரணங், தங் பன அத்த²தோ த³ஸ்ஸனாதி³ ஏவாதி வேதி³தப்³ப³ங். ஸங்வரிதாதி பவத்திதுங் அப்பதா³னவஸேன ஸம்மா, ஸப்³ப³தா² வா வாரிதா. ஏவங்பூ⁴தா ச யஸ்மா பவத்தித்³வாரபிதா⁴னேன பிஹிதா நாம ஹொந்தி, தஸ்மா வுத்தங் ‘‘வித³ஹிதா ஹுத்வா’’தி. ஏவங் அச்சந்திகஸ்ஸ ஸங்வரஸ்ஸ காரணபூ⁴தங் அனச்சந்திகங் ஸங்வரங் த³ஸ்ஸெத்வா இதா³னி அச்சந்திகமேவ ஸங்வரங் த³ஸ்ஸெந்தோ யஸ்மிங் த³ஸ்ஸனாதி³ம்ஹி ஸதி உப்பஜ்ஜனாரஹா ஆஸவா ந உப்பஜ்ஜந்தி, ஸோ தேஸங் அனுப்பாதோ³ நிரோதோ⁴ க²யோ பஹானந்தி ச வுச்சமானோ அத்த²தோ அப்பவத்திமத்தந்தி தஸ்ஸ ச த³ஸ்ஸனாதி³ காரணந்தி ஆஹ ‘‘யேன காரணேன அனுப்பாத³னிரோத⁴ஸங்கா²தங் க²யங் க³ச்ச²ந்தி பஹீயந்தி நப்பவத்தந்தி, தங் காரணந்தி அத்தோ²’’தி.
சக்கு²தோபி…பே॰… மனதோபீதி (த⁴॰ ஸ॰ மூலடீ॰ 14-19) சக்கு²விஞ்ஞாணாதி³வீதீ²ஸு தத³னுக³தமனோவிஞ்ஞாணவீதீ²ஸு ச கிஞ்சாபி குஸலாதீ³னம்பி பவத்தி அத்தி², காமாஸவாத³யோ ‘‘ஆஸவா’’தி வுச்சந்தி. தத்த² ஹி பக்³க⁴ரணஅஸுசிம்ஹி நிருள்ஹோ ஆஸவ-ஸத்³தோ³தி. த⁴ம்மதோ யாவ கொ³த்ரபு⁴ந்தி ததோ பரங் மக்³க³ப²லேஸு அப்பவத்தனதோ வுத்தங். ஏதே ஹி ஆரம்மணவஸேன த⁴ம்மே க³ச்ச²ந்தா ததோ பரங் ந க³ச்ச²ந்தி. நனு ததோ பரங் ப⁴வங்கா³தீ³னிபி க³ச்ச²ந்தீதி சே? ந, தேஸம்பி புப்³பே³ ஆலம்பி³தேஸு லோகியத⁴ம்மேஸு ஸாஸவபா⁴வேன அந்தோக³த⁴த்தா ததோ பரதாபா⁴வதோ. எத்த² ச கொ³த்ரபு⁴வசனேன கொ³த்ரபு⁴வோதா³னப²லஸமாபத்திபுரேசாரிகபரிகம்மானி வுத்தானீதி வேதி³தப்³பா³னி. பட²மமக்³க³புரேசாரிகமேவ வா கொ³த்ரபு⁴ அவதி⁴னித³ஸ்ஸனபா⁴வேன க³ஹிதங், ததோ பரங் பன மக்³க³ப²லஸமானதாய அஞ்ஞேஸு மக்³கே³ஸு மக்³க³வீதி²யங் ஸமாபத்திவீதி²யங் நிரோதா⁴னந்தரஞ்ச பவத்தமானேஸு ப²லேஸு நிப்³பா³னே ச ஆஸவானங் பவத்தி நிவாரிதாதி வேதி³தப்³ப³ங். ஸவந்தீதி க³ச்ச²ந்தி, ஆரம்மணகரணவஸேன பவத்தந்தீதி அத்தோ². அவதி⁴அத்தோ² ஆ-காரோ, அவதி⁴ ச மரியாதா³பி⁴விதி⁴பே⁴த³தோ து³விதோ⁴. தத்த² மரியாத³ங் கிரியங் ப³ஹி கத்வா பவத்ததி யதா² ‘‘ஆபாடலிபுத்தா வுட்டோ² தே³வோ’’தி. அபி⁴விதி⁴ பன கிரியங் ப்³யாபெத்வா பவத்ததி யதா² ‘‘ஆப⁴வக்³கா³ ப⁴க³வதோ யஸோ பவத்ததீ’’தி. அபி⁴விதி⁴அத்தோ² சாயங் ஆ-காரோ இத⁴ க³ஹிதோதி வுத்தங் ‘‘அந்தோகரணத்தோ²’’தி.
மதி³ராத³யோதி ஆதி³-ஸத்³தே³ன ஸிந்த⁴வகாத³ம்ப³ரிகாபோதிகாதீ³னங் ஸங்க³ஹோ த³ட்ட²ப்³போ³. சிரபாரிவாஸியட்டோ² விரபரிவுத்த²தா புராணபா⁴வோ. அவிஜ்ஜா நாஹோஸீதிஆதீ³தி எத்த² ஆதி³-ஸத்³தே³ன ‘‘புரிமா, பி⁴க்க²வே, கோடி ந பஞ்ஞாயதி ப⁴வதண்ஹாயா’’தி (அ॰ நி॰ 10.62) இத³ங் ஸுத்தங் ஸங்க³ஹிதங். அவிஜ்ஜாஸவப⁴வாஸவானங் சிரபரிவுத்த²தாய த³ஸ்ஸிதாய தப்³பா⁴வபா⁴வினோ காமாஸவஸ்ஸ சிரபரிவுத்த²தா த³ஸ்ஸிதாவ ஹோதி. அஞ்ஞேஸு ச யதா²வுத்தே த⁴ம்மே ஓகாஸஞ்ச ஆரம்மணங் கத்வா பவத்தமானேஸு மானாதீ³ஸு விஜ்ஜமானேஸு அத்தத்தனியாதி³க்³கா³ஹவஸேன அபி⁴ப்³யாபனங் மத³கரணவஸேன ஆஸவஸதி³ஸதா ச ஏதேஸங்யேவ, ந அஞ்ஞேஸந்தி ஏதெஸ்வேவ ஆஸவ-ஸத்³தோ³ நிருள்ஹோதி த³ட்ட²ப்³போ³. ந செத்த² தி³ட்டா²ஸவோ நாக³தோதி க³ஹேதப்³ப³ங் ப⁴வதண்ஹாய விய ப⁴வதி³ட்டி²யாபி ப⁴வாஸவக்³க³ஹணேனேவ க³ஹிதத்தா. ஆயதங் அனாதி³காலிகத்தா. பஸவந்தீதி ப²லந்தி. ந ஹி தங் கிஞ்சி ஸங்ஸாரது³க்க²ங் புரிமானி செத்தா²தி எத்த² ஏதேஸு சதூஸு அத்த²விதப்பேஸு புரிமானி தீணி. யத்தா²தி யேஸு ஸுத்தாபி⁴த⁴ம்மபதே³ஸேஸு. தத்த² யுஜ்ஜந்தி கிலேஸேஸுயேவ யதா²வுத்தஸ்ஸ அத்த²த்தயஸ்ஸ ஸம்ப⁴வதோ. பச்சி²மங் ‘‘ஆயதங் வா ஸங்ஸாரது³க்க²ங் ஸவந்தீ’’தி வுத்தனிப்³ப³சனங். கம்மேபி யுஜ்ஜதி து³க்க²ப்பஸவனஸ்ஸ கிலேஸகம்மஸாதா⁴ரணத்தா.
தி³ட்ட²த⁴ம்மா வுச்சந்தி பச்சக்க²பூ⁴தா க²ந்தா⁴, தி³ட்ட²த⁴ம்மே ப⁴வா தி³ட்ட²த⁴ம்மிகா. விவாத³மூலபூ⁴தாதி விவாத³ஸ்ஸ மூலகாரணபூ⁴தா கோதூ⁴பனாஹ-மக்க²-பளாஸ-இஸ்ஸா-மச்ச²ரிய-மாயா-ஸாடெ²ய்ய-த²ம்ப⁴-ஸாரம்ப⁴-மானாதிமானா.
யேன தே³வூபபத்யஸ்ஸாதி யேன கம்மகிலேஸப்பகாரேன ஆஸவேன தே³வேஸு உபபத்தி நிப்³ப³த்தி அஸ்ஸ மய்ஹந்தி ஸம்ப³ந்தோ⁴. க³ந்த⁴ப்³போ³ வா விஹங்க³மோ ஆகாஸசாரீ அஸ்ஸந்தி விப⁴த்திங் பரிணாமெத்வா யோஜேதப்³ப³ங். எத்த² ச யக்க²க³ந்த⁴ப்³ப³தாய வினிமுத்தா ஸப்³பா³ தே³வக³தி தே³வக்³க³ஹணேன க³ஹிதா. அவஸேஸா ச அகுஸலா த⁴ம்மாதி அகுஸலகம்மதோ அவஸேஸா அகுஸலா த⁴ம்மா ஆஸவாதி ஆக³தாதி ஸம்ப³ந்தோ⁴.
படிகா⁴தாயாதி படிஸேத⁴னாய. பரூபவா…பே॰… உபத்³த³வாதி இத³ங் யதி³ ப⁴க³வா ஸிக்கா²பத³ங் ந பஞ்ஞபெய்ய, ததோ அஸத்³த⁴ம்மப்படிஸேவனஅதி³ன்னாதா³னபாணாதிபாதாதி³ஹேது யே உப்பஜ்ஜெய்யுங் பரூபவாதா³த³யோ தி³ட்ட²த⁴ம்மிகா நானப்பகாரா அனத்தா², யே ச தன்னிமித்தா ஏவ நிரயாதீ³ஸு நிப்³ப³த்தஸ்ஸ பஞ்சவித⁴ப³ந்த⁴னகம்மகாரணாதி³வஸேன மஹாது³க்கா²னுப⁴வாதி³ப்பகாரா அனத்தா², தே ஸந்தா⁴ய வுத்தங். தே பனேதேதி ஏதே காமராகா³தி³கிலேஸ-தேபூ⁴மககம்மபரூபவாதா³தி³உபத்³த³வப்பகாரா ஆஸவா. யத்தா²தி யதா²தி யேன து³விதா⁴தி³ப்பகாரேன அஞ்ஞேஸு ச ஸுத்தந்தேஸு ஆக³தாதி ஸம்ப³ந்தோ⁴.
நிரயங் க³மெந்தீதி நிரயகா³மினியா. ச²க்கனிபாதே ஆஹுனெய்யஸுத்தே. தத்த² ஹி ஆஸவா ச²தா⁴ ஆக³தா ஆஸவ-ஸத்³தா³பி⁴தெ⁴ய்யஸ்ஸ அத்த²ஸ்ஸ பபே⁴தோ³பசாரேன ஆஸவ-பதே³ பபே⁴தோ³தி வுத்தோ, கொட்டா²ஸத்தோ² வா பத³-ஸத்³தோ³தி ஆஸவபதே³தி ஆஸவப்பகாரே ஸத்³த³கொட்டா²ஸே அத்த²கொட்டா²ஸே வாதி அத்தோ².
ததா² ஹீதி தஸ்மா ஸங்வரணங் பித³ஹனங் பவத்திதுங் அப்பதா³னங், தேனேவ காரணேனாதி அத்தோ². ஸீலாதி³ஸங்வரே அதி⁴ப்பேதே பவத்திதுங் அப்பதா³னவஸேன த²கனபா⁴வஸாமஞ்ஞதோ த்³வாரங் ஸங்வரித்வாதி கே³ஹத்³வாரஸங்வரணம்பி உதா³ஹடங். ஸீலஸங்வரோதிஆதி³ ஹெட்டா² மூலபரியாயவண்ணனாய வுத்தம்பி இமஸ்ஸ ஸுத்தஸ்ஸ அத்த²வண்ணனங் பரிபுண்ணங் கத்வா வத்துகாமோ புன வத³தி. யுத்தங் தாவ ஸீலஸதிஞாணானங் ஸங்வரத்தோ² பாளியங் ததா² ஆக³தத்தா, க²ந்திவீரியானங் பன கத²ந்தி ஆஹ ‘‘தேஸஞ்சா’’திஆதி³. தஸ்ஸத்தோ² – யதி³பி ‘‘க²மோ ஹோதி…பே॰… ஸீதஸ்ஸ உப்பன்னங் காமவிதக்கங் நாதி⁴வாஸேதீ’’திஆதி³னித்³தே³ஸே க²ந்திவீரியானங் ஸங்வரபரியாயோ நாக³தோ, உத்³தே³ஸே பன ஸப்³பா³ஸவஸங்வரபரியாயந்தி ஸங்வரபரியாயேன க³ஹிதத்தா அத்தே²வ தேஸங் ஸங்வரபா⁴வோதி.
புப்³பே³ ஸீலஸதிஞாணானங் பாட²ந்தரேன ஸங்வரபா⁴வோ த³ஸ்ஸிதோதி இதா³னி தங் இமினாபி ஸுத்தேன க³ஹிதபா⁴வங் த³ஸ்ஸேதுங் ‘‘அபிசா’’திஆதி³ வுத்தங். க²ந்திவீரியஸங்வரா வுத்தாயேவ ‘‘க²மோ ஹோதி ஸீதஸ்ஸா’’திஆதி³னா (ம॰ நி॰ 1.14) பாளியா த³ஸ்ஸனவஸேன. ‘‘தஞ்ச அனாஸனங், தஞ்ச அகோ³சர’’ந்தி அயங் பனெத்த² ஸீலஸங்வரோதி தஞ்ச ‘‘யதா²ரூபே’’திஆதி³னா வுத்தங் அயுத்தங் அனியதவத்து²கங் ரஹோ படிச்ச²ன்னாஸனங், தஞ்ச யதா²வுத்தங் அயுத்தங் வேஸியாதி³கோ³சரங், ‘‘படிஸங்கா²யோனிஸோ பரிவஜ்ஜேதீ’’தி ஆக³தங் யங் பரிவஜ்ஜனங், அயங் பன எத்த² ஏதஸ்மிங் ஸுத்தே ஆக³தோ ஸீலஸங்வரோதி அத்தோ². அனாஸனபரிவஜ்ஜனேன ஹி அனாசாரபரிவஜ்ஜனங் வுத்தங், அனாசாராகோ³சரபரிவஜ்ஜனங் சாரித்தஸீலதாயஸீலஸங்வரோ. ததா² ஹி ப⁴க³வதா ‘‘பாதிமொக்க²ஸங்வரஸங்வுதோ விஹரதீ’’தி (விப⁴॰ 508) ஸீலஸங்வரவிப⁴ஜனே ஆசாரகோ³சரஸம்பத்திங் த³ஸ்ஸெந்தேன ‘‘அத்தி² அனாசாரோ, அத்தி² அகோ³சரோ’’திஆதி³னா (விப⁴॰ 513, 514) அனாசாராகோ³சரா விப⁴ஜித்வா த³ஸ்ஸிதா. இத³ஞ்ச ஏகதே³ஸேன ஸமுதா³யனித³ஸ்ஸனங் த³ட்ட²ப்³ப³ங் ஸமுத்³த³பப்³ப³தனித³ஸ்ஸனங் விய.
ஸப்³ப³த்த² படிஸங்கா² ஞாணஸங்வரோதி எத்த² ‘‘யோனிஸோமனஸிகாரோ, படிஸங்கா² ஞாணஸங்வரோ’’தி வத்தப்³ப³ங் ‘‘அக்³க³ஹிதக்³க³ஹணேனா’’தி வுத்தங் பரிவஜ்ஜனவிஸேஸஸங்வராதி⁴வாஸனவினோத³னானங் ஸீலஸங்வராதி³பா⁴வேன க³ஹிதத்தா, ததா² அக்³க³ஹிதானங் க³ஹணேனாதி அத்தோ². தே பன அக்³க³ஹிதே ஸரூபதோ த³ஸ்ஸெந்தோ ‘‘த³ஸ்ஸனங் படிஸேவனா பா⁴வனா’’தி ஆஹ.
ஏதேன ஸீலஸங்வராதி³னா கரணபூ⁴தேன, காரணபூ⁴தேன வா. த⁴ம்மாதி குஸலாகுஸலத⁴ம்மா. ஸீலஸங்வராதி³னா ஹி ஸஹஜாதகோடியா, உபனிஸ்ஸயகோடியா வா பச்சயபூ⁴தேன அனுப்பன்னா குஸலா த⁴ம்மா உப்பத்திங் க³ச்ச²ந்தி உப்பஜ்ஜந்தி, ததா² அனிருத்³தா⁴ அகுஸலா த⁴ம்மா நிரோத⁴ங் க³ச்ச²ந்தி நிருஜ்ஜ²ந்தீதி அத்தோ². பாளியங் பன ‘‘அனுப்பன்னா சேவ ஆஸவா ந உப்பஜ்ஜந்தி, உப்பன்னா ச ஆஸவா பஹீயந்தீ’’தி அகுஸலத⁴ம்மானங் அனுப்பாத³பஹானானி ஏவ வுத்தானி, ந குஸலத⁴ம்மானங் உப்பாதா³த³யோதி? நயித³மேவங் த³ட்ட²ப்³ப³ங், ‘‘யோனிஸோ ச கோ², பி⁴க்க²வே, மனஸிகரோதோ’’திஆதி³னா குஸலத⁴ம்மானம்பி உப்பத்தி பகாஸிதாவ ஆஸவஸங்வரணஸ்ஸ பதா⁴னபா⁴வேன க³ஹிதத்தா. ததா² ஹி பரியோஸானேபி ‘‘யே ஆஸவா த³ஸ்ஸனா பஹாதப்³பா³, தே த³ஸ்ஸனா பஹீனா ஹொந்தீ’’திஆதி³னா (ம॰ நி॰ 1.28) ஆஸவப்பஹானமேவ பதா⁴னங் கத்வா நிக³மிதங்.
15. ஜானதோ பஸ்ஸதோதி எத்த² த³ஸ்ஸனம்பி பஞ்ஞாசக்கு²னாவ த³ஸ்ஸனங் அதி⁴ப்பேதங், ந மங்ஸசக்கு²னா தி³ப்³ப³சக்கு²னா வாதி ஆஹ ‘‘த்³வேபி பதா³னி ஏகத்தா²னீ’’தி. ஏவங் ஸந்தேபீதி பத³த்³வயஸ்ஸ ஏகத்த²த்தே²பி. ஞாணலக்க²ணந்தி ஞாணஸ்ஸ ஸபா⁴வங், விஸயஸ்ஸ யதா²ஸபா⁴வாவபோ³த⁴னந்தி அத்தோ². தேனாஹ ‘‘ஜானநலக்க²ணஞ்ஹி ஞாண’’ந்தி. ஞாணப்பபா⁴வந்தி ஞாணானுபா⁴வங், ஞாணகிச்சங் விஸயோபா⁴ஸனந்தி ‘‘ஞாணேன விவடே த⁴ம்மே’’தி. ‘‘ஜானதோ பஸ்ஸதோ’’தி ச ஜானநத³ஸ்ஸனமுகே²ன புக்³க³லாதி⁴ட்டா²னா தே³ஸனா பவத்தாதி ஆஹ ‘‘ஞாணலக்க²ணங் ஞாணப்பபா⁴வங் உபாதா³ய புக்³க³லங் நித்³தி³ஸதீ’’தி. ஜானதோ பஸ்ஸதோதி ‘‘யோனிஸோ ச மனஸிகாரங் அயோனிஸோ ச மனஸிகார’’ந்தி ‘‘யோனிஸோமனஸிகாரங்…பே॰… அயமெத்த² ஸாரோ’’தி.
‘‘ஜானதோ’’தி வத்வா ஜானநஞ்ச அனுஸ்ஸவாகாரபடிவிதக்கமத்தவஸேன ந இதா⁴தி⁴ப்பேதங், அத² கோ² ரூபாதி³ விய சக்கு²விஞ்ஞாணேன யோனிஸோமனஸிகாராயோனிஸோமனஸிகாரே பச்சக்கே² கத்வா தேஸங் உப்பாத³வஸேன த³ஸ்ஸனந்தி இமமத்த²ங் விபா⁴வேதுங் ‘‘பஸ்ஸதோ’’தி வுத்தந்தி ஏவங் வா எத்த² அத்தோ² த³ட்ட²ப்³போ³. அஞ்ஞத்தா²பி ஹி ‘‘ஏவங் ஜானதோ ஏவங் பஸ்ஸதோ (இதிவு॰ 102), ஜானங் ஜானாதி பஸ்ஸங் பஸ்ஸதி (ம॰ நி॰ 1.203), ஏவங் ஜானந்தா ஏவங் பஸ்ஸந்தா (ம॰ நி॰ 1.407), அஜானதங் அபஸ்ஸத’’ந்தி ச ஆதீ³ஸு ஞாணகிச்சஸ்ஸ ஸாமஞ்ஞவிஸேஸதீ³பனவஸேனேதங் பத³த்³வயங் ஆக³தந்தி. கேசீதி அப⁴யகி³ரிவாஸிஸாரஸமாஸாசரியா. தே ஹி ‘‘ஸமாதி⁴னா ஜானதோ விபஸ்ஸனாய பஸ்ஸதோ ஜானங் ஜானாதி பஸ்ஸங் பஸ்ஸதி, ஏவங் ஜானநா ஸமதோ², பஸ்ஸனா விபஸ்ஸனா’’தி ச ஆதி³னா பபஞ்செந்தி. தேதி பபஞ்சா. இமஸ்மிங் அத்தே²தி ‘‘ஜானதோ’’திஆதி³னயப்பவத்தே இமஸ்மிங் ஸுத்தபத³அத்தே² நித்³தா⁴ரியமானே. ந யுஜ்ஜந்தி ஜானநத³ஸ்ஸனானங் யோனிஸோமனஸிகாராயோனிஸோமனஸிகாரவிஸயபா⁴வஸ்ஸ பாளியங் வுத்தத்தா.
ஆஸவப்பஹானங் ஆஸவானங் அச்சந்தப்பஹானங். ஸோ பன நேஸங் அனுப்பாதோ³ ஸப்³பே³ன ஸப்³ப³ங் கீ²ணதா அபா⁴வோ ஏவாதி ஆஹ ‘‘ஆஸவானங் அச்சந்தக²யமஸமுப்பாத³ங் கீ²ணாகாரங் நத்தி²பா⁴வ’’ந்தி. உஜுமக்³கா³னுஸாரினோதி கிலேஸவங்கஸ்ஸ காயவங்காதீ³னஞ்ச பஹானேன உஜுபூ⁴தே ஸவிபஸ்ஸனே ஹெட்டி²மமக்³கே³ அனுஸ்ஸரந்தஸ்ஸ. ததே³வ ஹிஸ்ஸ ஸிக்க²னங். க²யஸ்மிங் பட²மங் ஞாணங். ததோ அஞ்ஞா அனந்தராதி க²யஸங்கா²தே அக்³க³மக்³கே³ தப்பரியாபன்னமேவ ஞாணங் பட²மங் உப்பஜ்ஜதி ‘‘மக்³கோ³ ஆஸவக்க²யோதி வுத்தோ’’தி. ஸமணோதி ஸமிதபாபோ அதி⁴ப்பேதோ. ஸோ பன கீ²ணாஸவோ ஹோதீதி ‘‘ஆஸவானங் க²யா’’தி இமஸ்ஸ ப²லபரியாயதா வுத்தா, நிப்பரியாயேன பன ஆஸவக்க²யோ மக்³கோ³, தேன பத்தப்³ப³தோ ப²லங். ஏதேனேவ நிப்³பா³னஸ்ஸபி ஆஸவக்க²யபா⁴வோ வுத்தோதி வேதி³தப்³போ³.
‘‘ஜானதோ பஸ்ஸதோ’’தி ஜானதோ ஏவ பஸ்ஸதோ ஏவாதி ஏவமெத்த² நியமோ இச்சி²தோ, ந அஞ்ஞதா² விஸேஸாபா⁴வதோ அனிட்ட²ஸாத⁴னதோ சாதி தஸ்ஸ நியமஸ்ஸ ப²லங் த³ஸ்ஸேதுங் ‘‘நோ அஜானதோ நோ அபஸ்ஸதோ’’தி வுத்தந்தி ஆஹ ‘‘யோ பன ந ஜானாதி ந பஸ்ஸதி, தஸ்ஸ நேவ வதா³மீதி அத்தோ²’’தி. இமினா தூ³ரீகதாயோனிஸோமனஸிகாரோ இதா⁴தி⁴ப்பேதோ, யோனிஸோமனஸிகாரோ ச ஆஸவக்க²யஸ்ஸ ஏகந்திககாரணந்தி த³ஸ்ஸேதி. ஏதேனாதி ‘‘நோ அஜானதோ நோ அபஸ்ஸதோ’’தி வசனேன. தே படிக்கி²த்தாதி கே பன தேதி? ‘‘பா³லே ச பண்டி³தே ச ஸந்தா⁴வித்வா ஸங்ஸரித்வா து³க்க²ஸ்ஸந்தங் கரிஸ்ஸந்தி (தீ³॰ நி॰ 1.168; ம॰ நி॰ 2.228), அஹேதூ அபச்சயா ஸத்தா விஸுஜ்ஜ²ந்தீ’’தி (தீ³॰ நி॰ 1.168; ம॰ நி॰ 2.227) ஏவமாதி³வாதா³. தேஸு ஹி கேசி அபி⁴ஜாதிஸங்கந்திமத்தேன ப⁴வஸங்கந்திமத்தேன ச ஸங்ஸாரஸுத்³தி⁴ங் படிஜானந்தி, அஞ்ஞே இஸ்ஸரபஜாபதிகாலாதி³வஸேன, தயித³ங் ஸப்³ப³ங் ‘‘ஸங்ஸாராதீ³ஹீ’’தி எத்தே²வ ஸங்க³ஹிதந்தி த³ட்ட²ப்³ப³ங்.
புரிமேன வா பத³த்³வயேனாதி ‘‘ஜானதோ, பஸ்ஸதோ’’தி இமினா பத³த்³வயேன. உபாயோ வுத்தோ ‘‘ஆஸவக்க²யஸ்ஸா’’தி அதி⁴காரதோ விஞ்ஞாயதி. இமினாதி ‘‘நோ அஜானதோ, நோ அபஸ்ஸதோ’’தி இமினா பத³த்³வயேன. அனுபாயோ ஏவ ஹி ஆஸவானங் க²யஸ்ஸ யதி³த³ங் யோனிஸோ ச அயோனிஸோ ச மனஸிகாரஸ்ஸ அஜானநங் அத³ஸ்ஸனஞ்ச, தேன தத²த்தாய அப்படிபத்திதோ மிச்சா²படிபத்திதோ ச. நனு ‘‘பஸ்ஸதோ’’தி இமினா அயோனிஸோமனஸிகாரோ யதா² ந உப்பஜ்ஜதி, ஏவங் த³ஸ்ஸனே அதி⁴ப்பேதே புரிமேனேவ அனுபாயபடிஸேதோ⁴ வுத்தோ ஹோதீதி? ந ஹோதி, அயோனிஸோமனஸிகாரானுப்பாத³னஸ்ஸபி உபாயபா⁴வதோ ஸதிப³லேன ஸங்வுதசக்கு²ந்த்³ரியாதி³தா விய ஸம்பஜஞ்ஞப³லேனேவ நிச்சாதி³வஸேன அபூ⁴தஜானநாபா⁴வோ ‘‘ஸங்கே²பேன…பே॰… ஹோதீ’’தி. தத்த² ஸங்கே²பேனாதி ஸமாஸேன, அன்வயதோ ப்³யதிரேகதோ ச வித்தா²ரங் அகத்வாதி அத்தோ². ஞாணங்…பே॰… த³ஸ்ஸிதங் ஹோதி ‘‘ஜானதோ’’திஆதி³னா ஞாணஸ்ஸேவ க³ஹிதத்தா. யதி³ ஏவங் ‘‘ஸ்வாயங் ஸங்வரோ’’திஆதி³ கத²ங் நீயதீதி? ஞாணஸ்ஸ பதா⁴னபா⁴வத³ஸ்ஸனத்த²ங் ஏவமயங் தே³ஸனா கதாதி நாயங் தோ³ஸோ, ததா² அஞ்ஞத்தா²பி ‘‘அரியங் வோ பி⁴க்க²வே ஸம்மாஸமாதி⁴ங் தே³ஸெஸ்ஸாமி ஸஉபனிஸங் ஸபரிக்கா²ர’’ந்தி (ம॰ நி॰ 3.136) வித்தா²ரோ.
த³ப்³ப³ஜாதிகோதி த³ப்³ப³ரூபோ. ஸோ ஹி த்³ரப்³யோதி வுச்சதி ‘‘த்³ரப்³யங் வினஸ்ஸதி நாத்³ரப்³ய’’ந்திஆதீ³ஸு. த³ப்³ப³ஜாதிகோ வா ஸாரஸபா⁴வோ, ஸாருப்பஸீலாசாரோதி அத்தோ². யதா²ஹ ‘‘ந கோ² த³ப்³ப³ த³ப்³பா³ ஏவங் நிப்³பே³டெ²ந்தீ’’தி (பாரா॰ 384, 391; சூளவ॰ 193). வத்தஸீஸே ட²த்வாதி வத்தங் உத்தமங்க³ங், து⁴ரங் வா கத்வா. யோ ஹி பரிஸுத்³தா⁴ஜீவோ காதுங் அஜானந்தானங் ஸப்³ரஹ்மசாரீனங், அத்தனோ வா வாதாதபாதி³படிபா³ஹனத்த²ங் ச²த்தாதீ³னி கரோதி, ஸோ வத்தஸீஸே ட²த்வா கரோதி நாம. பத³ட்டா²னங் ந ஹோதீதி ந வத்தப்³பா³ நாத²கரணத⁴ம்மபா⁴வேன உபனிஸ்ஸயபா⁴வதோ. வுத்தஞ்ஹி
உபாயமனஸிகாரோதி குஸலத⁴ம்மப்பவத்தியா காரணபூ⁴தோ மனஸிகாரோ. பத²மனஸிகாரோதி தஸ்ஸா ஏவ மக்³க³பூ⁴தோ மனஸிகாரோ. அனிச்சாதீ³ஸு அனிச்சந்திஆதி³னாதி அனிச்சது³க்க²அஸுப⁴அனத்தஸபா⁴வேஸு த⁴ம்மேஸு ‘‘அனிச்சங் து³க்க²ங் அஸுப⁴ங் அனத்தா’’திஆதி³னா ஏவ நயேன, அவிபரீதஸபா⁴வேனாதி அத்தோ². ஸச்சானுலோமிகேன வாதி ஸச்சாபி⁴ஸமயஸ்ஸ அனுலோமவஸேன. சித்தஸ்ஸ ஆவட்டனாதிஆதி³னா ஆவட்டனாய பச்சயபூ⁴தா ததோ புரிமுப்பன்னா மனொத்³வாரிகா குஸலஜவனப்பவத்தி ப²லவோஹாரேன ததா² வுத்தா. தஸ்ஸா ஹி வஸேன ஸா குஸலுப்பத்தியா உபனிஸ்ஸயோ ஹோதி. ஆவஜ்ஜனா ஹி ப⁴வங்க³சித்தங் ஆவட்டயதீதி ஆவட்டனா. அனு அனு ஆவட்டேதீதி அன்வாவட்டனா. ப⁴வங்கா³ரம்மணதோ அஞ்ஞங் ஆபு⁴ஜதீதி ஆபோ⁴கோ³. ஸமன்னாஹரதீதி ஸமன்னாஹாரோ. ததே³வாரம்மணங் அத்தானங் அனுப³ந்தி⁴த்வா உப்பஜ்ஜமானங் மனஸி கரோதி ட²பேதீதி மனஸிகாரோ. அயங் வுச்சதீதி அயங் உபாயபத²மனஸிகாரலக்க²ணோ யோனிஸோமனஸிகாரோ நாம வுச்சதி, யஸ்ஸ வஸேன புக்³க³லோ து³க்கா²தீ³னி ஸச்சானி ஆவஜ்ஜிதுங் ஸக்கோதி ஸச்சபடிகூலேனாதி ஸச்சாபி⁴ஸமயஸ்ஸ அனநுலோமவஸேன. ஸேஸங் யோனிஸோமனஸிகாரே வுத்தவிபரியாயேன வேதி³தப்³ப³ங்.
யுத்திந்தி உபபத்திஸாத⁴னயுத்திங், ஹேதுந்தி அத்தோ². தேனேவாஹ ‘‘யஸ்மா’’திஆதி³. எத்தா²தி ‘‘அயோனிஸோ பி⁴க்க²வே…பே॰… பஹீயந்தீ’’தி ஏதஸ்மிங் பாடே². தத்தா²தி வாக்யோபஞ்ஞாஸனங். கஸ்மா பனெத்த² அயமுத்³தே³ஸனித்³தே³ஸோ பரிவத்தோதி சோத³னங் ஸந்தா⁴யாஹ ‘‘யோனிஸோ’’திஆதி³. தத்த² மனஸிகாரபத³ங் த்³வின்னங் ஸாதா⁴ரணந்தி அதி⁴ப்பாயேன ‘‘யோனிஸோ அயோனிஸோதி இமேஹி தாவ த்³வீஹி பதே³ஹீ’’தி வுத்தங். யோனிஸோதி ஹி யோனிஸோமனஸிகாரோ, அயோனிஸோதி ச அயோனிஸோமனஸிகாரோ தத்த² அனுவத்தனதோ வக்க²மானத்தா ச. ஸதிபி அனத்து²ப்பத்திஸாமஞ்ஞே ப⁴வாதீ³ஸு புக்³க³லஸ்ஸ ப³ஹுலிஸாமஞ்ஞங் த³ஸ்ஸெத்வா தங் பரிவத்தித்வா விஸேஸத³ஸ்ஸனத்தங் நாவாதி³ உபமாத்தயக்³க³ஹணங் த³ட்ட²ப்³ப³ங். சக்கயந்தங் ஆஹடக⁴டீயந்தந்தி வத³ந்தி.
அனுப்பன்னாதி அனிப்³ப³த்தா. ஆரம்மணவிஸேஸவஸேன தஸ்ஸ அனுப்பத்தி வேதி³தப்³பா³, ந ரூபாரம்மணாதி³ஆரம்மணஸாமஞ்ஞேன, நாபி ஆஸவவஸேன. தேனாஹ ‘‘அனநுபூ⁴தபுப்³ப³ங் ஆரம்மணங்…பே॰… அஞ்ஞதா² ஹி அனமதக்³கே³ ஸங்ஸாரே அனுப்பன்னா நாம ஆஸவா ந ஸந்தீ’’தி. வத்து²ந்தி ஸவிஞ்ஞாணகாவிஞ்ஞாணகப்பபே⁴த³ங் ஆஸவுப்பத்திகாரணங். ஆரம்மணங் ஆரம்மணபச்சயபூ⁴தரூபாதீ³னி ‘‘அனுபூ⁴தபுப்³பே³பீ’’திஆதி³ வுத்தங். பகதிஸுத்³தி⁴யாதி புப்³ப³சரியதோ கிலேஸதூ³ரீபா⁴வஸித்³தா⁴ய ஸுத்³தி⁴பகதிதாய. பாளியா உத்³தி³ஸனங் உத்³தே³ஸோ, அத்த²கத²னங் பரிபுச்சா². அஜ்ஜ²யனங் பரியத்தி, சீவரஸிப்³பா³தி³ நவகம்மங், ஸமத²விபஸ்ஸனானுயோகோ³ யோனிஸோமனஸிகாரோ. தாதி³ஸேனாதி யாதி³ஸேன ‘‘மனுஞ்ஞவத்தூ²’’திமனஸிகாராதி³னா காமாஸவாத³யோ ஸம்ப⁴வெய்யுங், தாதி³ஸேன. ஆஸவானங் வட்³டி⁴ நாம பரியுட்டா²னதிப்³ப³தாய வேதி³தப்³பா³, ஸா ச அபி⁴ண்ஹுப்பத்தியா ப³ஹுலீகாரதோதி தே லத்³தா⁴ஸேவனா ப³ஹுலபா⁴வங் பத்தா மத்³த³ந்தா ப²ரந்தா சா²தெ³ந்தா அந்தா⁴காரங் கரொந்தா அபராபரங் உப்பஜ்ஜமானா ஏகஸந்தானநயேன ‘‘உப்பன்னா பவட்³ட⁴ந்தீ’’தி வுச்சந்தி. தேன வுத்தங் ‘‘புனப்புனங் உப்பஜ்ஜமானா உப்பன்னா பவட்³ட⁴ந்தீதி வுச்சந்தீ’’தி. இதோ அஞ்ஞதா²தி இதோ வட்³டி⁴ நாம நத்தி² க²ணிகபா⁴வதோ.
ஸோ ச ஜானாதீதி த⁴ம்முத்³த⁴ச்சவிக்³க³ஹாபா⁴வமாஹ. காரகஸ்ஸேவாதி யுத்தயோக³ஸ்ஸேவ. யஸ்ஸ பனாதிஆதி³னா அனுத்³தே³ஸிகங் கத்வா வுத்தமத்த²ங் புராதனஸ்ஸ புரிஸாதிஸயஸ்ஸ படிபத்தித³ஸ்ஸனேன பாகடதரங் காதுங் ‘‘மண்ட³லாராமவாஸீமஹாதிஸ்ஸபூ⁴தத்தே²ரஸ்ஸ வியா’’திஆதி³ வுத்தங். தஞ்ஹி ஸப்³ரஹ்மசாரீனங் ஆயதிங் ததா²படிபத்திகாரணங் ஹோதி, யதோ ஏதி³ஸங் வத்து² வுச்சதி. தஸ்மிங் யேவாதி மண்ட³லாராமேயேவ. ஆசரியங் ஆபுச்சி²த்வாதி அத்தனோ உத்³தே³ஸாசரியங் கம்மட்டா²னக்³க³ஹணத்த²ங் க³ந்துங் ஆபுச்சி²த்வா. ஆசரியங் வந்தி³த்வாதி கம்மட்டா²னதா³யகங் மஹாரக்கி²தத்தே²ரங் வந்தி³த்வா. உத்³தே³ஸமக்³க³ந்தி யதா²ஆரத்³த⁴ங் உத்³தே³ஸபப³ந்த⁴ங். ததா³ கிர முக²பாடே²னேவ ப³ஹூ ஏகஜ்ஜ²ங் உத்³தி³ஸாபெத்வா மனோஸஜ்ஜா²யவஸேன த⁴ம்மங் ஸஜ்ஜா²யந்தி. தத்தா²யங் தே²ரோ பஞ்ஞவந்ததாய உத்³தே³ஸங் க³ண்ஹந்தானங் பி⁴க்கூ²னங் தோ⁴ரய்ஹோ, ஸோ ‘‘இதா³னாஹங் அனாகா³மீ, கிங் மய்ஹங் உத்³தே³ஸேனா’’தி ஸங்கோசங் அனாபஜ்ஜித்வா து³தியதி³வஸே உத்³தே³ஸகாலே ஆசரியங் உபஸங்கமி. ‘‘உப்பன்னா பஹீயந்தீ’’தி எத்த² உப்பன்னஸதி³ஸா ‘‘உப்பன்னா’’தி வுத்தா, ந பச்சுப்பன்னா. ந ஹி பச்சுப்பன்னேஸு ஆஸவேஸு மக்³கே³ன பஹானங் ஸம்ப⁴வதீதி ஆஹ ‘‘யே பன…பே॰… நத்தீ²’’தி. வத்தமானுப்பன்னா க²ணத்தயஸமங்கி³னோ. தேஸங் படிபத்தியா பஹானங் நத்தி² உப்பஜ்ஜனாரஹானங் பச்சயகா⁴தேன அனுப்பாத³னமேவ தாய பஹானந்தி.
16. யதி³ ஏவங் து³தியபத³ங் கிமத்தி²யந்தி? பத³த்³வயக்³க³ஹணங் ஆஸவானங் உப்பன்னானுப்பன்னபா⁴வஸம்ப⁴வத³ஸ்ஸனத்த²ஞ்சேவ பஹாயகவிபா⁴கே³ன பஹாதப்³ப³விபா⁴க³த³ஸ்ஸனத்த²ஞ்ச. தேனாஹ ‘‘இத³மேவ பத³ங் க³ஹெத்வா’’தி. அஞ்ஞம்பீதி ஞாணதோ அஞ்ஞம்பி ஸதிஸங்வராதி³ங். த³ஸ்ஸனாதி இத³ங் ஹேதும்ஹி நிஸ்ஸக்கவசனந்தி த³ஸ்ஸனேனாதி ஹேதும்ஹி கரணவசனேன தத³த்த²ங் விவரதி. ஏஸ நயோதி தமேவத்த²ங் அதிதி³ஸதி. த³ஸ்ஸனேனாதி ஸோதாபத்திமக்³கே³ன. ஸோ ஹி பட²மங் நிப்³பா³னத³ஸ்ஸனதோ ‘‘த³ஸ்ஸன’’ந்தி அட்ட²கதா²யமேவ (ம॰ நி॰ அட்ட²॰ 1.22) ஆக³மிஸ்ஸதி. ஸப்³ப³த்தா²தி ‘‘ஸங்வரா பஹாதப்³பா³’’திஆதீ³ஸு. ஸங்வராதி ஸங்வரேன, ‘‘ஸங்வரோ’’தி செத்த² ஸதிஸங்வரோ வேதி³தப்³போ³. படிஸேவதி ஏதேனாதி படிஸேவனங், பச்சயேஸு இத³மத்தி²கதாஞாணங். அதி⁴வாஸேதி க²மதி ஏதாயாதி அதி⁴வாஸனா, ஸீதாதீ³னங் க²மனாகாரேன பவத்தோ அதோ³ஸோ, தப்பதா⁴னா வா சத்தாரோ குஸலக்க²ந்தா⁴. பரிவஜ்ஜேதி ஏதேனாதி பரிவஜ்ஜனங், வாளமிகா³தீ³னங் பரிஹரணவஸேன பவத்தா சேதனா, ததா²பவத்தா வா சத்தாரோ குஸலக்க²ந்தா⁴. காமவிதக்காதி³கே வினோதே³தி விதுத³தி ஏதேனாதி வினோத³னங், குஸலவீரியங். பட²மமக்³கே³ன தி³ட்டே² சதுஸச்சத⁴ம்மே பா⁴வனாவஸேன உப்பஜ்ஜனதோ பா⁴வனா, ஸேஸமக்³க³த்தயங். ந ஹி தங் அதி³ட்ட²புப்³ப³ங் கிஞ்சி பஸ்ஸதி, ஏவங் த³ஸ்ஸனாதீ³னங் வசனத்தோ² வேதி³தப்³போ³.
த³ஸ்ஸனாபஹாதப்³ப³ஆஸவவண்ணனா
17. குஸலாகுஸலத⁴ம்மேஹி ஆலம்பி³யமானாபி ஆரம்மணத⁴ம்மா ஆவஜ்ஜனமுகே²னேவ தப்³பா⁴வங் க³ச்ச²ந்தீதி த³ஸ்ஸெந்தோ ‘‘மனஸிகரணீயே’’தி பத³ஸ்ஸ ‘‘ஆவஜ்ஜிதப்³பே³’’தி அத்த²மாஹ. ஹிதஸுகா²வஹபா⁴வேன மனஸிகரணங் அரஹந்தீதி மனஸிகரணீயா, தப்படிபக்க²தோ அமனஸிகரணீயாதி ஆஹ ‘‘அமனஸிகரணீயேதி தப்³பி³பரீதே’’தி. ஸேஸபதே³ஸூதி ‘‘மனஸிகரணீயே த⁴ம்மே அப்பஜானந்தோ’’திஆதீ³ஸு. யஸ்மா குஸலத⁴ம்மேஸுபி ஸுப⁴ஸுக²னிச்சாதி³வஸேன மனஸிகாரோ அஸ்ஸாத³னாதி³ஹேதுதாய ஸாவஜ்ஜோ அஹிதது³க்கா²வஹோ அகுஸலத⁴ம்மேஸுபி அனிச்சாதி³வஸேன மனஸிகாரோ நிப்³பி³தா³தி³ஹேதுதாய அனவஜ்ஜோ ஹிதஸுகா²வஹோ, தஸ்மா ‘‘த⁴ம்மதோ நியமோ நத்தீ²’’தி வத்வா ‘‘ஆகாரதோ பன அத்தீ²’’தி ஆஹ.
வா-ஸத்³தோ³ யேபு⁴ய்யேன ‘‘மமங் வா ஹி பி⁴க்க²வே (தீ³॰ நி॰ 1.5, 6), தே³வோ வா ப⁴விஸ்ஸாமி தே³வஞ்ஞதரோ வா’’திஆதீ³ஸு (ம॰ நி॰ 1.186; ம॰ நி॰ 2.79, 80) விகப்பத்தோ² தி³ட்டோ², ந ஸமுச்சயத்தோ²தி தத்த² ஸமுச்சயத்தே² பயோக³ங் த³ஸ்ஸேதுங் ‘‘யதா²’’திஆதி³ வுத்தங். ஏவஞ்ச கத்வா ஸமுச்சயத்த²தீ³பகங் பனேதங் ஸுத்தபத³ங் ஸமுதா³ஹடங்.
காமாஸவோதி ‘‘பஞ்சகாமகு³ணிகோ ராகோ³’’தி. ப⁴வாஸவங் பன ட²பெத்வா ஸப்³போ³ ரூபாரூபப⁴வேதி கம்முபபத்திபே⁴த³தோ து³விதே⁴பி ரூபாரூபப⁴வே ச²ந்த³ராகோ³. ஜா²னநிகந்தீதி ஜா²னஸ்ஸாதோ³. ‘‘ஸுந்த³ரமித³ங் டா²னங் நிச்சங் து⁴வ’’ந்திஆதி³னா அஸ்ஸாதெ³ந்தஸ்ஸ உப்பஜ்ஜமானோ ஸஸ்ஸதுச்சே²த³தி³ட்டி²ஸஹக³தோ ராகோ³ ப⁴வே ஆஸவோதி ப⁴வாஸவோ. ஏவந்தி ஸப்³ப³தி³ட்டீ²னங் ஸஸ்ஸதுச்சே²த³தி³ட்டி²ஸங்க³ஹதோ ப⁴வாஸவேனேவ தி³ட்டா²ஸவோ க³ஹிதோ தங்ஸஹக³தராக³தாயாதி அதி⁴ப்பாயோ. அபரே பன ‘‘தி³ட்டா²ஸவோ அவிஜ்ஜாஸவேன ச ஸங்க³ஹிதோ’’தி வத³ந்தி. எத்த² ச ‘‘ப⁴வாஸவோ சதூஸு தி³ட்டி²க³தவிப்பயுத்தலோப⁴ஸஹக³தசித்துப்பாதே³ஸு உப்பஜ்ஜதீ’’தி (த⁴॰ ஸ॰ 1465) வசனதோ தி³ட்டி²ஸம்பயுத்தராக³ஸ்ஸ ப⁴வாஸவபா⁴வோ விசாரேதப்³போ³, அத² ‘‘காமஸஹக³தா ஸஞ்ஞாமனஸிகாரா’’திஆதீ³ஸு (ஸங்॰ நி॰ 4.332) விய ஆரம்மணகரணத்தோ² ஸஹக³தத்தோ², ஏவங் ஸதி ப⁴வாஸவே தி³ட்டா²ஸவஸ்ஸ ஸமோதா⁴னக³மனங் கதங் ந ஸியா. ந ஹி தம்பயோக³தப்³பா⁴வாதி³கே அஸதி தங்ஸங்க³ஹோ யுத்தோ, தஸ்மா யதா²வுத்தபாளிங் அனுஸாரேன தி³ட்டி²க³தஸம்பயுத்தலோபோ⁴பி காமாஸவோதி யுத்தங் ஸியா. தி³ட்ட²த⁴ம்மிகஸம்பராயிகது³க்கா²னஞ்ஹி காரணபூ⁴தா காமாஸவாத³யோபி த்³விதா⁴ வுத்தா.
அபி⁴த⁴ம்மே (த⁴॰ ஸ॰ 1103) ச காமாஸவனித்³தே³ஸே ‘‘காமேஸூதி காமராக³தி³ட்டி²ராகா³தீ³னங் ஆரம்மணபூ⁴தேஸு தேபூ⁴மகேஸு வத்து²காமேஸூ’’தி அத்தோ² ஸம்ப⁴வதி. தத்த² ஹி உப்பஜ்ஜமானா ஸா தண்ஹா ஸப்³பா³பி ந காமச்ச²ந்தா³தி³னாமங் ந லப⁴தீதி. யதி³ பன லோபோ⁴ காமாஸவப⁴வாஸவவினிமுத்தோபி ஸியா, ஸோ யதா³ தி³ட்டி²க³தவிப்பயுத்தேஸு சித்தேஸு உப்பஜ்ஜதி, ததா³ தேன ஸம்பயுத்தோ அவிஜ்ஜாஸவோ ஆஸவவிப்பயுத்தோதி தோ³மனஸ்ஸவிசிகிச்சு²த்³த⁴ச்சஸம்பயுத்தஸ்ஸ விய தஸ்ஸபி ஆஸவவிப்பயுத்ததா வத்தப்³பா³ ஸியா ‘‘சதூஸு தி³ட்டி²க³தவிப்பயுத்தலோப⁴ஸஹக³தசித்துப்பாதே³ஸு உப்பன்னோ மோஹோ ஸியா ஆஸவஸம்பயுத்தோ, ஸியா ஆஸவவிப்பயுத்தோ’’தி. ‘‘காமாஸவோ அட்ட²ஸு லோப⁴ஸஹக³தசித்துப்பாதே³ஸு உப்பஜ்ஜதீ’தி (த⁴॰ ஸ॰ 1465), ‘‘காமாஸவங் படிச்ச தி³ட்டா²ஸவோ அவிஜ்ஜாஸவோ’’தி (பட்டா²॰ 3.3.109) ச வசனதோ தி³ட்டி²ஸஹக³தராகோ³ காமாஸவோ ந ஹோதீதி ந ஸக்கா வத்துங். கிஞ்ச அபி⁴ஜ்ஜா²காமராகா³னங் விஸேஸோ ஆஸவத்³வயஏகாஸவபா⁴வோ ஸியா, ந அபி⁴ஜ்ஜா²ய ச நோஆஸவபா⁴வோதி நோஆஸவலோப⁴ஸ்ஸ ஸப்³பா⁴வோ விசாரேதப்³போ³. ந ஹி அத்தி² அபி⁴த⁴ம்மே ‘‘ஆஸவோ ச ‘‘காமாஸவோதி பஞ்சகாமகு³ணிகோ ராகோ³’’தி வுத்தங், ததா² ப⁴வாபி⁴னந்த³னந்தி.
ஸாமஞ்ஞேன ப⁴வாஸவோ தி³ட்டா²ஸவங் அந்தோக³த⁴ங் கத்வா இத⁴ தயோ ஏவ ஆஸவா வுத்தாதி தஸ்ஸ தத³ந்தோக³த⁴தங் த³ஸ்ஸேதுங் ‘‘ஏவங் தி³ட்டா²ஸவோ’’திஆதி³ வுத்தங். ததா² ஹி வக்க²தி ப⁴வாஸவஸ்ஸ அனிமித்தவிமொக்க²படிபக்க²தங். சதூஸு ஸச்சேஸு அஞ்ஞாணந்தி இத³ங் ஸுத்தந்தனயங் நிஸ்ஸாய வுத்தங். ஸுத்தந்தஸங்வண்ணனா ஹேஸாதி, தத³ந்தோக³த⁴த்தா வா புப்³ப³ந்தாதீ³னங். யதா² அத்த²தோ காமாஸவாத³யோ வவத்தா²பிதா, ததா² நேஸங் உப்பாத³வட்³டி⁴யோ த³ஸ்ஸெந்தோ ‘‘காமகு³ணே’’திஆதி³மாஹ. அஸ்ஸாத³தோ மனஸிகரோதோதி ‘‘ஸுப⁴ஸுகா²’’திஆதி³னா அஸ்ஸாத³னவஸேன மனஸி கரொந்தஸ்ஸ. சதுவிபல்லாஸபத³ட்டா²னபா⁴வேனாதி ஸுப⁴ஸஞ்ஞாதீ³னங் வத்து²பா⁴வேன. வுத்தனயபச்சனீகதோதி ‘‘காமா நாமேதே அனிச்சா து³க்கா² விபரிணாமத⁴ம்மா’’திஆதி³னா காமகு³ணேஸு ஆதீ³னவத³ஸ்ஸனபுப்³ப³கனெக்க²ம்மபடிபத்தியா ச²ந்த³ராக³ங் விக்க²ம்ப⁴யதோ ஸமுச்சி²ந்த³ந்தஸ்ஸ ச அனுப்பன்னோ ச காமாஸவோ ந உப்பஜ்ஜதி, உப்பன்னோ ச பஹீயதி. ததா² மஹக்³க³தத⁴ம்மேஸு சேவ ஸகலதேபூ⁴மகத⁴ம்மேஸு ச ஆதீ³னவத³ஸ்ஸனபுப்³ப³கஅனிச்சாதி³மனஸிகாரவஸேன நிஸ்ஸரணபடிபத்தியா அனுப்பன்னா ச ப⁴வாஸவஅவிஜ்ஜாஸவா ந உப்பஜ்ஜந்தி, உப்பன்னா ச பஹீயந்தீதி ஏவங் தண்ஹாபக்கே² வுத்தஸ்ஸ நயஸ்ஸ படிபக்க²தோ ஸுக்கபக்கே² வித்தா²ரோ வேதி³தப்³போ³.
தயோ ஏவாதி அபி⁴த⁴ம்மே விய ‘‘சத்தாரோ’’தி அவத்வா கஸ்மா தயோ ஏவ ஆஸவா இத⁴ இமிஸ்ஸங் த³ஸ்ஸனாபஹாதப்³ப³கதா²யங் வுத்தா? தத்த² காமாஸவஸ்ஸ தண்ஹாபணிதி⁴பா⁴வதோ அப்பணிஹிதவிமொக்க²படிபக்க²தா வேதி³தப்³பா³. ப⁴வேஸு நிச்சக்³கா³ஹானுஸாரதோ யேபு⁴ய்யதோ ப⁴வராக³ஸம்பத்திதோ ப⁴வாஸவஸ்ஸ அனிமித்தவிமொக்க²படிபக்க²தா, ப⁴வதி³ட்டி²யா பன ஸுஞ்ஞதவிமொக்க²படிபக்க²தா. எத்தா²தி ஏதிஸ்ஸங் ஆஸவகதா²யங். வண்ணிதந்தி கதி²தங். அபே⁴த³தோதி ஸாமஞ்ஞதோ.
18. காமாஸவாதீ³னந்தி மனுஸ்ஸலோகதே³வலோகக³மனீயானங் காமாஸவாதீ³னங். நிரயாதி³க³மனீயா பன காமாஸவாத³யோ ‘‘த³ஸ்ஸனா பஹாதப்³பே³ ஆஸவே’’தி எத்தே²வ ஸமாருள்ஹா. அத² வா யத³க்³கே³ன ஸோ புக்³க³லோத³ஸ்ஸனாபஹாதப்³பா³னங் ஆஸவானங் அதி⁴ட்டா²னங், தத³க்³கே³ன காமாஸவாதீ³னம்பி அதி⁴ட்டா²னங். ந ஹி ஸமஞ்ஞாபே⁴தே³ன வத்து²பே⁴தோ³ அத்தீ²தி த³ஸ்ஸேதுங் ‘‘எத்தாவதா’’திஆதி³ ‘‘ஸாமஞ்ஞதோ வுத்தான’’ந்தி. கஸ்மா பனெத்த² த³ஸ்ஸனாபஹாதப்³பே³ஸு ஆஸவேஸு த³ஸ்ஸேதப்³பே³ஸு ‘‘அஹோஸிங் நு கோ² அஹ’’ந்திஆதி³னா விசிகிச்சா² த³ஸ்ஸிதாதி ஆஹ ‘‘விசிகிச்சா²ஸீஸேன செத்தா²’’திஆதி³. ஏவந்தி யதா² ஸோளஸவத்து²கா விசிகிச்சா² உப்பஜ்ஜதி, ஏவங் அயோனிஸோமனஸிகாரோதி.
விஜ்ஜமானதங் அவிஜ்ஜமானதஞ்சாதி (ஸங்॰ நி॰ டீ॰ 2.2.20) ஸஸ்ஸதாஸங்கங் நிஸ்ஸாய ‘‘அஹோஸிங் நு கோ² அஹமதீதமத்³தா⁴ன’’ந்தி அதீதே அத்தனோ விஜ்ஜமானதங், அதி⁴ச்சஸமுப்பத்திஆஸங்கங் நிஸ்ஸாய ‘‘யதோ பபு⁴தி அஹங், ததோ புப்³பே³ ந நு கோ² அஹோஸி’’ந்தி அதீதே அத்தனோ அவிஜ்ஜமானதஞ்ச கங்க²தி. கஸ்மா? விசிகிச்சா²ய ஆகாரத்³வயாவலம்ப³னதோ. தஸ்ஸா பன அதீதவத்து²தாய க³ஹிதத்தா ஸஸ்ஸதாதி⁴ச்சஸமுப்பத்திஆகாரனிஸ்ஸயதா த³ஸ்ஸிதா. ஏவங் ஆஸப்பனபரிஸப்பனாபவத்திகங் கத்த²சிபி அப்படிவத்திஹேதுபூ⁴தங் விசிகிச்ச²ங் கஸ்மா உப்பாதே³தீதி ந சோதே³தப்³ப³மேதந்தி த³ஸ்ஸெந்தோ ஆஹ ‘‘கிங் காரணந்தி ந வத்தப்³ப³’’ந்தி. ஸ்வேவ புது²ஜ்ஜனபா⁴வோ ஏவ. யதி³ ஏவங் தஸ்ஸ அயோனிஸோமனஸிகாரேனேவ ப⁴விதப்³ப³ந்தி ஆபன்னந்தி ஆஹ ‘‘நனு ச புது²ஜ்ஜனோபி யோனிஸோ மனஸி கரோதீ’’தி. தத்தா²தி யோனிஸோமனஸிகரணே.
ஜாதிலிங்கூ³பபத்தியோதி க²த்தியப்³ராஹ்மணாதி³ஜாதிங் க³ஹட்ட²பப்³ப³ஜிதாதி³லிங்க³ங் தே³வமனுஸ்ஸாதி³உபபத்திஞ்ச. நிஸ்ஸாயாதி உபாதா³ய.
தஸ்மிங் காலே ஸத்தானங் மஜ்ஜி²மப்பமாணங், தேன யுத்தோ பமாணிகோ, தத³பா⁴வதோ, ததோ அதீதபா⁴வதோ வா அப்பமாணிகோ வேதி³தப்³போ³. கேசீதி ஸாரஸமாஸாசரியா. தே ஹி ‘‘கத²ங் நு கோ²தி இஸ்ஸரேன ‘‘ஹேதுதோ கங்க²தீதி வத³ந்தீ’’தி. அஹேதுதோ நிப்³ப³த்திகங்கா²பி ஹி ஹேதுபராமஸனமேவாதி.
பரம்பரந்தி புப்³பா³பரப்பவத்திங். அத்³தா⁴னந்தி காலாதி⁴வசனங், தஞ்ச பு⁴ம்மத்தே² உபயோக³வசனங் த³ட்ட²ப்³ப³ங்.
விஜ்ஜமானதங் அவிஜ்ஜமானதஞ்சாதி ஸஸ்ஸதாஸங்கங் நிஸ்ஸாய ‘‘ப⁴விஸ்ஸாமி நு கோ² அஹமனாக³தமத்³தா⁴ன’’ந்தி அனாக³தே அத்தனோ விஜ்ஜமானதங், உச்சே²தா³ஸங்கங் நிஸ்ஸாய ‘‘யஸ்மிஞ்ச அத்தபா⁴வே அஹங், ததோ பரங் ந நு கோ² ப⁴விஸ்ஸாமீ’’தி அனாக³தே அத்தனோ அவிஜ்ஜமானதஞ்ச கங்க²தீதி ஹெட்டா² வுத்தனயேன யோஜேதப்³ப³ங்.
பச்சுப்பன்னமத்³தா⁴னந்தி ‘‘படிஸந்தி⁴ங் ஆதி³ங் கத்வா’’திஆதி³ வுத்தங். ‘‘இத³ங் கத²ங் இத³ங் கத²’’ந்தி பவத்தனதோ கத²ங்கதா², விசிகிச்சா², ஸா அஸ்ஸ அத்தீ²தி கத²ங்கதீ²தி ஆஹ ‘‘விசிகிச்சோ² ஹோதீ’’தி. கா எத்த² சிந்தா, உம்மத்தகோ விய ஹி பா³லபுது²ஜ்ஜனோதி படிகச்சேவ வுத்தந்தி அதி⁴ப்பாயோ. தங் மஹாமாதாய புத்தங். முண்டே³ஸுந்தி முண்டே³ன அனிச்ச²ந்தங் ஜாக³ரணகாலே ந ஸக்காதி ஸுத்தங் முண்டே³ஸுங் குலத⁴ம்மதாய யதா² தங் ஏகச்சே குலதாபஸா, ராஜப⁴யேனாதி ச வத³ந்தி.
ஸீதிபூ⁴தந்தி இத³ங் மது⁴ரகபா⁴வப்பத்தியா காரணவசனங். ‘‘ஸேதிபூ⁴த’’ந்திபி பாடோ², உத³கே சிரட்டா²னேன ஸேதபா⁴வங் பத்தந்தி அத்தோ².
அத்தனோ க²த்தியபா⁴வங் கங்க²தி கண்ணோ விய ஸூதபுத்தஸஞ்ஞீ. ஜாதியா விபா⁴வியமானாய ‘‘அஹ’’ந்தி தஸ்ஸ அத்தனோ பராமஸனங் ஸந்தா⁴யாஹ ‘‘ஏவஞ்ஹி ஸியா கங்கா²’’தி. மனுஸ்ஸாபி ச ராஜானோ வியாதி மனுஸ்ஸாபி கேசி ஏகச்சே ராஜானோ வியாதி அதி⁴ப்பாயோ.
வுத்தனயமேவ ‘‘ஸண்டா²னாகாரங் நிஸ்ஸாயா’’திஆதி³னா. எத்தா²தி ‘‘கத²ங் நு கொ²ஸ்மீ’’தி பதே³. அப்³ப⁴ந்தரே ஜீவோதி பரபரிகப்பிதங் அந்தரத்தானங் வத³தி. ஸோளஸங்ஸாதீ³னந்தி ஆதி³-ஸத்³தே³ன ஸரீர-பரிமாண-பரிமண்ட³ல-அங்கு³ட்ட²யவபரமாணு-பரிமாணதாதி³கே ஸங்க³ண்ஹாதி.
‘‘ஸத்தபஞ்ஞத்தி ‘‘அத்தபா⁴வஸ்ஸ ஆக³திக³திட்டா²ன’’ந்தி, யதாயங் ஆக³தோ, யத்த² ச க³மிஸ்ஸதி, தங் டா²னந்தி அத்தோ².
19. யதா² அயங் விசிகிச்சா² உப்பஜ்ஜதீதி அயங் வுத்தப்பபே⁴தா³ விசிகிச்சா² யதா² உப்பஜ்ஜதி, ஏவங் அயோனிஸோ மனஸிகரோதோ. ஏதேன விசிகிச்சா²ய அத்தாபி⁴னிவேஸஸன்னிஸ்ஸயதமாஹ. யதா² ஹி விசிகிச்சா² அத்தாபி⁴னிவேஸங் நிஸ்ஸாய பவத்ததி, யதோ ஸா ஸஸ்ஸதாதி⁴ச்சஸமுப்பத்திஸஸ்ஸதுச்சே²தா³காராவலம்பி³னீ வுத்தா, ஏவங் அத்தாபி⁴னிவேஸோபி தங் நிஸ்ஸாய பவத்ததி ‘‘அஹோஸிங் நு கோ² அஹ’’ந்திஆதி³னா அந்தோக³தா⁴ஹங்காரஸ்ஸ கத²ங்கதி²பா⁴வஸ்ஸ அத்தக்³கா³ஹஸன்னிஸ்ஸயபா⁴வதோ. தேனேவாஹ ‘‘ஸவிசிகிச்ச²ஸ்ஸ அயோனிஸோமனஸிகாரஸ்ஸ தா²மக³தத்தா’’தி. விகப்பத்தோ²தி அனியமத்தோ². ‘‘அஞ்ஞதரா தி³ட்டி² உப்பஜ்ஜதீ’’தி ஹி வுத்தங். ஸுட்டு² த³ள்ஹபா⁴வேனாதி அபி⁴னிவேஸஸ்ஸ அதிவிய தா²மக³தபா⁴வேன. தத்த² தத்தா²தி தஸ்மிங் ப⁴வே. பச்சுப்பன்னமேவாதி அவதா⁴ரணேன அதீதே ஏவ நத்தி², ந அனாக³தேபீதி அதி⁴ப்பாயோ.
ஸஞ்ஞாக்க²ந்த⁴ஸீஸேனாதி ஸஞ்ஞாக்க²ந்த⁴பமுகே²ன, ஸஞ்ஞாக்க²ந்த⁴ங் பமுக²ங் கத்வாதி அத்தோ². க²ந்தே⁴தி பஞ்சபி க²ந்தே⁴. அத்தாதி க³ஹெத்வாதி ‘‘ஸஞ்ஜானநஸபா⁴வோ மே அத்தா’’தி அபி⁴னிவிஸ்ஸ. பகாஸேதப்³ப³ங் வத்து²ங் விய, அத்தானம்பி பகாஸெந்தோ பதீ³போ விய, ஸஞ்ஜானிதப்³ப³ங் நீலாதி³ஆரம்மணங் விய அத்தானம்பி ஸஞ்ஜானாதீதி ஏவங்தி³ட்டி²தோபி தி³ட்டி²க³திதோ ஹோதீதி வுத்தங் ‘‘அத்தனாவ அத்தானங் ஸஞ்ஜானாமீ’’தி. ஸ்வாயமத்தோ² ஸஞ்ஞங் தத³ஞ்ஞதரத⁴ம்மே ச ‘‘அத்தா அனத்தா’’தி ச க³ஹணவஸேன ஹோதீதி வுத்தங் ‘‘ஸஞ்ஞாக்க²ந்த⁴ஸீஸேனா’’திஆதி³. எத்த² ச க²ந்த⁴வினிமுத்தோ அத்தாதி க³ண்ஹதோ ஸஸ்ஸததி³ட்டி², க²ந்த⁴ங் பன ‘‘அத்தா’’தி க³ண்ஹதோ உச்சே²த³தி³ட்டீ²தி ஆஹ ‘‘ஸப்³பா³பி ஸஸ்ஸதுச்சே²த³தி³ட்டி²யோவா’’தி.
அபி⁴னிவேஸாகாராதி விபரியேஸாகாரா. வத³தீதி இமினா காரகவேத³கஸத்தானங் ஹிதஸுகா²வபோ³த⁴னஸமத்த²தங் அத்தனோ தீ³பேதி. தேனாஹ ‘‘வசீகம்மஸ்ஸ காரகோ’’தி. வேதே³தீதி வேதி³யோ, வேதி³யோவ வேதெ³ய்யோ. ஈதி³ஸானஞ்ஹி பதா³னங் ப³ஹுலா கத்துஸாத⁴னதங் ஸத்³த³ஸத்த²விதூ³ மஞ்ஞந்தி. உப்பாத³வதோ ஏகந்தேனேவ வயோ இச்சி²தப்³போ³, ஸதி ச உத³யப்³ப³யத்தே நேவ ‘‘நிச்சோ’’தி வத³ந்தஸ்ஸ அதி⁴ப்பாயங் விவரந்தோ ஆஹ ‘‘உப்பாத³வயரஹிதோ’’தி. ஸாரபூ⁴தோதி நிச்சதாய ஏவ ஸாரபா⁴வோ. ஸப்³ப³காலிகோதி ஸப்³ப³ஸ்மிங் காலே விஜ்ஜமானோ. பகதிபா⁴வந்தி ஸபா⁴வபூ⁴தங் பகதிங், ‘‘வதோ³’’திஆதி³னா வா வுத்தங் பகதிஸங்கா²தங் ஸபா⁴வங். ஸஸ்ஸதிஸமந்தி ஸஸ்ஸதியா ஸமங் ஸஸ்ஸதிஸமங், தா²வரங் நிச்சகாலந்தி அத்தோ². ததே²வ ட²ஸ்ஸதீதி யேனாகாரேன புப்³பே³ அட்டா²ஸி, ஏதரஹி திட்ட²தி, ததே²வ தேனாகாரேன அனாக³தேபி ட²ஸ்ஸதீதி அத்தோ².
பச்சக்க²னித³ஸ்ஸனங் இத³ங்-ஸத்³த³ஸ்ஸ ஆஸன்னபச்சக்க²பா⁴வங் கத்வா. தி³ட்டி²யேவ தி³ட்டி²க³தந்தி க³த-ஸத்³த³ஸ்ஸ பத³வட்³ட⁴னமத்ததங் ஆஹ. தி³ட்டீ²ஸுக³தந்தி மிச்சா²தி³ட்டீ²ஸு பரியாபன்னந்தி அத்தோ². தேனேவாஹ ‘‘த்³வாஸட்டி²தி³ட்டி²அந்தோக³த⁴த்தா’’தி. தி³ட்டி²யா க³மனமத்தந்தி தி³ட்டி²யா க³ஹணமத்தங். யதா² பன பப்³ப³தஜலவிது³க்³கா³னி து³ன்னிக்³க³மனானி, ஏவங் தி³ட்டி²க்³கா³ஹோபீதி ஆஹ ‘‘து³ன்னிக்³க³மனட்டே²ன க³ஹன’’ந்தி. தங் நாம உத³கங், தங் க³ஹெத்வா தங் அதிக்கமிதப்³ப³தோ கந்தாரோ, நிருத³கவனங், தங் பவனந்திபி வுச்சதி. அஞ்ஞோ பன அரஞ்ஞபதே³ஸோ து³ரதிக்கமனட்டே²ன கந்தாரோ வியாதி, ஏவங் தி³ட்டி²பீதி ஆஹ ‘‘து³ரதிக்கமனட்டே²னா’’திஆதி³. வினிவிஜ்ஜ²னங் விதுத³னங். விலோமனங் விபரிணாமபா⁴வோ. அனவட்டி²தஸபா⁴வதாய விசலிதங் விப்ப²ந்தி³தந்தி ஆஹ ‘‘கதா³சீ’’திஆதி³. அந்து³ப³ந்த⁴னாதி³ விய நிஸ்ஸரிதுங் ப³ந்த⁴னட்டோ², கிலேஸகம்மவிபாகவட்டானங் பச்சயபா⁴வேன தூ³ரக³தம்பி ஆகட்³டி⁴த்வா ஸங்யோஜனங் ஸங்யோஜனட்டோ², தி³ட்டி²பி ததா²ரூபாதி வுத்தங் ‘‘தி³ட்டி²ஸங்யோஜன’’ந்தி. ப³ந்த⁴னத்த²ங் த³ஸ்ஸெந்தோ கிச்சஸித்³தி⁴யாதி அதி⁴ப்பாயோ. தேனேவாஹ ‘‘தி³ட்டி²ஸங்யோஜனேன…பே॰… முச்சதீ’’தி. தத்த² ஏதேஹீதி இமினா ஜாதிஆதி³து³க்க²ஸ்ஸ பச்சயபா⁴வமாஹ. ஜாதிஆதி³கே து³க்க²த⁴ம்மே ஸரூபதோ த³ஸ்ஸெத்வாபி ‘‘ந பரிமுச்சதி து³க்க²ஸ்மா’’தி வத³ந்தேன ப⁴க³வதா தி³ட்டி²ஸங்யோஜனங் நாம ஸப்³பா³னத்த²கரங் மஹாஸாவஜ்ஜங் ஸப்³ப³ஸ்ஸபி து³க்க²ஸ்ஸ மூலபூ⁴தந்தி அயமத்தோ² விபா⁴விதோதி த³ஸ்ஸேதுங் ‘‘கிங் வா ப³ஹுனா, ஸகலவட்டது³க்க²தோபி ந முச்சதீ’’தி வுத்தங்.
20. நனு செத்த² தி³ட்டி²ஸங்யோஜனத³ஸ்ஸனேன ஸீலப்³ப³தபராமாஸோபி த³ஸ்ஸேதப்³போ³, ஏவஞ்ஹி த³ஸ்ஸனேன பஹாதப்³பா³ ஆஸவா அனவஸேஸதோ த³ஸ்ஸிதா ஹொந்தீதி சோத³னங் ஸந்தா⁴யாஹ ‘‘யஸ்மா’’திஆதி³. ஸீலப்³ப³தபராமாஸோ காமாஸவாதி³க்³க³ஹணேனேவ க³ஹிதோ ஹோதி காமாஸவாதி³ஹேதுகத்தா தஸ்ஸ. அப்பஹீனகாமராகா³தி³கோ ஹி காமஸுக²த்த²ங் வா ப⁴வஸுத்³த⁴த்த²ங் ஸீலப்³ப³தானி பராமஸந்தி, ‘‘இமினாஹங் ஸீலேன வா வதேன வா தபேன வா ப்³ரஹ்மசரியேன வா தே³வோ வா ப⁴விஸ்ஸாமி தே³வஞ்ஞதரோ வா’’தி (ம॰ நி॰ 1.186; ம॰ நி॰ 2.79), ‘‘தத்த² நிச்சோ து⁴வோ ஸஸ்ஸதோ அவிபரிணாமத⁴ம்மோ ஸஸ்ஸதிஸமங் ததே²வ ட²ஸ்ஸாமீ’’தி (ம॰ நி॰ 1.19), ‘‘ஸீலேன ஸுத்³தி⁴ வதேன ஸுத்³தி⁴ ஸீலப்³ப³தேன ஸுத்³தீ⁴’’தி (த⁴॰ ஸ॰ 1222) ச ஸுத்தேவுத்தங் ஸீலப்³ப³தங் பராமஸந்தி. தத்த² ப⁴வஸுக²ப⁴வவிஸுத்³தி⁴அத்த²ந்தி ப⁴வஸுக²த்த²ஞ்ச ப⁴வவிஸுத்³தி⁴அத்த²ஞ்ச. தஸ்ஸ க³ஹிதத்தாதி ஸீலப்³ப³தபராமாஸஸ்ஸ தி³ட்டி²க்³க³ஹணேன க³ஹிதத்தா யதா² ‘‘தி³ட்டி²க³தானங் பஹானாயா’’திஆதீ³ஸு (த⁴॰ ஸ॰ 277). தேஸந்தி த³ஸ்ஸனபஹாதப்³பா³னங். த³ஸ்ஸேதுங் புக்³க³லாதி⁴ட்டா²னாய தே³ஸனாய. தப்³பி³பரீதஸ்ஸாதி யோனிஸோமனஸிகரோதோ கல்யாணபுது²ஜ்ஜனஸ்ஸ.
தஸ்ஸாதி ‘‘ஸுதவா’’திஆதி³பாட²ஸ்ஸ. தாவாதி ‘‘ஸுதவா’’தி இதோ பட்டா²ய யாவ ‘‘ஸோ இத³ங் து³க்க²’’ந்தி பத³ங், தாவ இமங் பத³ங் அவதி⁴ங் கத்வாதி அத்தோ². ஹெட்டா² வுத்தனயேனாதி அரியஸப்புரிஸ-அரியத⁴ம்ம-ஸப்புரிஸத⁴ம்ம-மனஸிகரணீய-அமனஸிகரணீயபதா³னங் யதா²க்கமங் மூலபரியாயே இத⁴ க³ஹெத்வா வுத்தனயேன அத்தோ² வேதி³தப்³போ³தி ஸம்ப³ந்தோ⁴. வுத்தபச்சனீகதோதி ‘‘ஸுதவா அரியஸாவகோ, அரியானங் த³ஸ்ஸாவீ, ஸப்புரிஸானங் த³ஸ்ஸாவீ’’தி ஏதேஸங் பதா³னங் ஸப்³பா³காரேன வுத்தவிபரீததோ அத்தோ² வேதி³தப்³போ³, கோவித³வினீதபதா³னங் பன ந ஸப்³ப³ப்பகாரேன வுத்தவிபரீததோ. அரஹா ஹி நிப்பரியாயேன அரியத⁴ம்மே கோவிதோ³ அரியத⁴ம்மே ஸுவினீதோ ச நாம. தேனாஹ ‘‘பச்சனீகதோ ச ஸப்³பா³காரேன…பே॰… அரியஸாவகோதி வேதி³தப்³போ³’’தி. ஸங்கா²ருபெக்கா²ஞாணங் ஸிகா²ப்பத்தவிபஸ்ஸனா. கேசி பன ‘‘ப⁴ங்க³ஞாணதோ பட்டா²ய ஸிகா²பத்தவிபஸ்ஸனா’’தி வத³ந்தி, தத³யுத்தங் தத³னுரூபேன அத்தே²னாதி தஸ்ஸ புக்³க³லஸ்ஸ அனுரூபேன அரியட்டே²ன, ந படிவேத⁴வஸேனாதி அதி⁴ப்பாயோ. கல்யாணபுது²ஜ்ஜனோ ஹி அயங். யதா² சஸ்ஸ ‘‘யோபி கல்யாணபுது²ஜ்ஜனோ’’தி ஆரபி⁴த்வா ‘‘ஸோபி வுச்சதி ஸிக்க²தீதி ஸெக்கோ²’’தி பரியாயேன ஸெக்க²ஸுத்தே (ஸங்॰ நி॰ 5.13) ஸெக்க²பா⁴வோ வுத்தோ, ஏவங் இத⁴ அரியஸாவகபா⁴வோ வுத்தோ. வுட்டா²னகா³மினீவிபஸ்ஸனாலக்க²ணேஹி யே அரியஸப்புரிஸத⁴ம்மவினயஸங்கா²தா போ³தி⁴பக்கி²யத⁴ம்மா திஸ்ஸோ ஸிக்கா² ஏவ வா ஸம்ப⁴வந்தி, தேஸங் வஸேன இமஸ்ஸ அரியஸாவகாதி³பா⁴வோ வுத்தோ ‘‘தத³னுரூபேன அத்தே²னா’’தி. அரியஸ்ஸ ஸாவகோதி வா அரியஸாவகத்தே²ன ஏவ வுத்தோ யதா² ‘‘அக³மா ராஜக³ஹங் பு³த்³தோ⁴’’தி (ஸு॰ நி॰ 410). ஸிகா²ப்பத்தவிபஸ்ஸனாக்³க³ஹணஞ்செத்த² விபஸ்ஸனங் உஸ்ஸுக்காபெத்வா அனிவத்திபடிபதா³யங் டி²தஸ்ஸ க³ஹணத்த²ந்தி யதா²வுத்தா அத்த²ஸங்வண்ணனா ஸுட்டு²தரங் யுஜ்ஜதேவ.
21. யதா² தா⁴துமுகே²ன விபஸ்ஸனங் அபி⁴னிவிட்டோ² தா⁴துகம்மட்டா²னிகோ ஆயதனாதி³முகே²ன அபி⁴னிவிட்டோ² ஆயதனாதி³கம்மட்டா²னிகோ, ஏவங் ஸச்சமுகே²ன அபி⁴னிவிட்டோ²தி வுத்தங் ‘‘சதுஸச்சகம்மட்டா²னிகோ’’தி. சதுரோக⁴னித்த²ரணத்தி²கேஹி காதப்³ப³தோ கம்மங், பா⁴வனா. கம்மமேவ விஸேஸாதி⁴க³மஸ்ஸ டா²னங் காரணந்தி, கம்மே வா யதா²வுத்தனட்டே²ன டா²னங் அவட்டா²னங் பா⁴வனாரம்போ⁴கம்மட்டா²னங், ததே³வ சதுஸச்சமுகே²ன பவத்தங் ஏதஸ்ஸ அத்தீ²தி சதுஸச்சகம்மட்டா²னிகோ. உப⁴யங் நப்பவத்ததி எத்தா²தி அப்பவத்தி. உக்³க³ஹிதசதுஸச்சகம்மட்டா²னோதி ச சதுஸச்சகம்மட்டா²னங் பாளிதோ அத்த²தோ ச உக்³க³ஹெத்வா மனஸிகாரயொக்³க³ங் கத்வா டி²தோ. விபஸ்ஸனாமக்³க³ங் ஸமாருள்ஹோதி ஸப்பச்சயனாமரூபத³ஸ்ஸனே பதிட்டா²ய ததே³வ நாமரூபங் அனிச்சாதி³தோ ஸம்மஸந்தோ. ஸமன்னாஹரதீதி விபஸ்ஸனாவஜ்ஜனங் ஸந்தா⁴யாஹ, தஸ்மா யதா² ‘‘இத³ங் து³க்க²’’ந்தி விபஸ்ஸனாஞாணங் பவத்ததி, ஏவங் ஸமன்னாஹரதி ஆவஜ்ஜதீதி அத்தோ². கத²ங் பனெத்த² ‘‘மனஸி கரோதீ’’தி இமினா ‘‘விபஸ்ஸதீ’’தி அயமத்தோ² வுத்தோ ஹோதீதி ஆஹ ‘‘எத்த²…பே॰… வுத்தா’’தி. எத்தா²தி ச இமஸ்மிங் ஸுத்தேதி அத்தோ². விபஸ்ஸதீதி ச யதா² உபரி விஸேஸாதி⁴க³மோ ஹோதி, ஏவங் ஞாணசக்கு²னா விபஸ்ஸதி, ஓலோகேதீதி அத்தோ². மக்³கோ³பி வத்தப்³போ³. புரிமஞ்ஹி ஸச்சத்³வயங் க³ம்பீ⁴ரத்தா து³த்³த³ஸங், இதரங் து³த்³த³ஸத்தா க³ம்பீ⁴ரங்.
அபி⁴னிவேஸோதி விபஸ்ஸனாபி⁴னிவேஸோ விபஸ்ஸனாபடிபத்தி. ததா³ரம்மணேதி தங் ரூபக்க²ந்த⁴ங் ஆரம்மணங் கத்வா பவத்தே. யாதா²வஸரஸலக்க²ணங் வவத்த²பெத்வாதி அவிபரீதங் அத்தனோ ஆரம்மணங் ஸபா⁴வச்சே²த³னாதி³கிச்சஞ்சேவ அஞ்ஞாணாதி³லக்க²ணஞ்ச அஸங்கரதோ ஹத³யே ட²பெத்வா. இமினா புப்³பே³ நாமரூபபரிச்சே²தே³ கதேபி த⁴ம்மானங் ஸலக்க²ணவவத்தா²பனங் பச்சயபரிக்³க³ஹேன ஸுவவத்தா²பிதங் நாம ஹோதீதி த³ஸ்ஸேதி யதா² ‘‘த்³விக்க²த்துங் ப³த்³த⁴ங் ஸுப³த்³த⁴’’ந்தி. ஏவஞ்ஹி ஞாதபரிஞ்ஞாய கிச்சங் ஸித்³த⁴ங் நாம ‘‘அஹுத்வா ஹொந்தீ’’தி. அனிச்சலக்க²ணங் ஆரோபேதீதி அஸதோ ஹி ‘‘உத³யப்³ப³யபடிபீளிதத்தா து³க்கா²தி து³க்க²லக்க²ணங் ஆரோபேதீ’’தி. கத்த²சிபி ஸங்கா²ரக³தே ‘‘மா ஜீரி மா ப்³யாதி⁴யீ’’தி அலப்³ப⁴னதோ நத்தி² வஸவத்தனந்தி ஆஹ ‘‘அவஸவத்தனதோ அனத்தாதி அனத்தலக்க²ணங் ஆரோபேதீ’’தி. படிபாடியாதி உத³யப்³ப³யஞாணாதி³பரம்பராய.
தஸ்மிங் க²ணேதி ஸோதாபத்திமக்³க³க்க²ணே. ஏகபடிவேதே⁴னேவாதி ஏகஞாணேனேவ படிவிஜ்ஜ²னேன. படிவேதோ⁴ படிகா⁴தாபா⁴வேன விஸயே நிஸ்ஸங்க³சாரஸங்கா²தங் நிப்³பி³ஜ்ஜ²னங். அபி⁴ஸமயோ அவிரஜ்ஜி²த்வா விஸயஸ்ஸ அதி⁴க³மஸங்கா²தோ அவபோ³தோ⁴. ‘‘இத³ங் து³க்க²ங், எத்தகங் து³க்க²ங், ந இதோ பி⁴ய்யோ’’தி பரிச்சி²ந்தி³த்வா ஜானநமேவ வுத்தனயேன படிவேதோ⁴தி பரிஞ்ஞாபடிவேதோ⁴. அயங் யதா² ஞாணே பவத்தே பச்சா² து³க்க²ஸ்ஸ ஸரூபாதி³பரிச்சே²தே³ ஸம்மோஹோ ந ஹோதி, ததா² பவத்திங் க³ஹெத்வா வுத்தோ, ந பன மக்³க³ஞாணஸ்ஸ ‘‘இத³ங் து³க்க²’’ந்திஆதி³னாபி வத்தனதோ. தேனாஹ ‘‘ந ஹிஸ்ஸ தஸ்மிங் ஸமயே’’திஆதி³. பஹீனஸ்ஸ புன அப்பஹாதப்³ப³தாய பகட்ட²ங் ஹானங் சஜனங் ஸமுச்சி²ந்த³னங் பஹானங், பஹானமேவ வுத்தனயேன படிவேதோ⁴தி பஹானபடிவேதோ⁴. அயம்பி யேன கிலேஸேன அப்பஹீயமானேன மக்³க³பா⁴வனாய ந ப⁴விதப்³ப³ங், அஸதி ச மக்³க³பா⁴வனாய யோ உப்பஜ்ஜெய்ய, தஸ்ஸ கிலேஸஸ்ஸ பத³கா⁴தங் கரொந்தஸ்ஸ அனுப்பத்தித⁴ம்மதங் ஆபாதெ³ந்தஸ்ஸ ஞாணஸ்ஸ ததா²பவத்தியா படிகா⁴தாபா⁴வேன நிஸ்ஸங்க³சாரங் உபாதா³ய ஏவங் வுத்தோ. ஸச்சி²கிரியா பச்சக்க²கரணங், அனுஸ்ஸவாகாரபரிவிதக்காதி³கே முஞ்சித்வா ஸரூபதோ ஆரம்மணகரணங் இத³ங் தந்தி யதா²ஸபா⁴வதோ க³ஹணங், ஸா ஏவ வுத்தனயேன படிவேதோ⁴தி ஸச்சி²கிரியாபடிவேதோ⁴. அயங் பன யஸ்ஸ ஆவரணஸ்ஸ அஸமுச்சி²ந்த³னதோ ஞாணங் நிரோத⁴ங் ஆலம்பி³துங் ந ஸக்கோதி, தஸ்ஸ ஸமுச்சி²ந்த³னதோ தங் ஸரூபதோ விபா⁴விதமேவ பவத்ததீதி ஏவங் வுத்தோ.
பா⁴வனா உப்பாத³னா வட்³ட⁴னா ச, தத்த² பட²மமக்³கே³ உப்பாத³னட்டே²ன, து³தியாதீ³ஸு வட்³ட⁴னட்டே²ன, உப⁴யத்தா²பி வா உப⁴யதா²பி வேதி³தப்³ப³ங். பட²மமக்³கோ³பி ஹி யதா²ரஹங் வுட்டா²னகா³மினியங் பவத்தங் பரிஜானநாதி³ங் வட்³டெ⁴ந்தோ பவத்தோதி தத்தா²பி வட்³ட⁴னட்டே²ன பா⁴வனா பா⁴வனா படிவேதோ⁴. அயம்பி ஹி யதா² ஞாணே பவத்தே பச்சா² மக்³க³த⁴ம்மானங் ஸரூபபரிச்சே²தே³ ஏகாபி⁴ஸமயேன அபி⁴ஸமேதீதி வுத்தமேவத்த²ங் விபூ⁴ததரங் கத்வா த³ஸ்ஸேதுங் ‘‘நோ ச கோ² அஞ்ஞமஞ்ஞேன ஞாணேனா’’திஆதி³ வுத்தங்.
விதண்ட³வாதீ³ பனாஹ ‘‘அரியமக்³க³ஞாணங் சதூஸு ஸச்சேஸு நானாபி⁴ஸமயவஸேன கிச்சகரணங், ந ஏகாபி⁴ஸமயவஸேன. தஞ்ஹி காலேன து³க்க²ங் பஜானாதி, காலேன ஸமுத³யங் பஜஹதி, காலேன நிரோத⁴ங் ஸச்சி²கரோதி, காலேன மக்³க³ங் பா⁴வேதி, அஞ்ஞதா² ஏகஸ்ஸ ஞாணஸ்ஸ ஏகஸ்மிங் க²ணே சதுகிச்சகரணங் ந யுஜ்ஜதி. ந ஹித³ங் கத்த²சி தி³ட்ட²ம்பி ஸுத்தங் அத்தீ²’’தி. ஸோ வத்தப்³போ³ – யதி³ அரியமக்³க³ஞாணங் நானாபி⁴ஸமயவஸேன ஸச்சானி அபி⁴ஸமேதி, ந ஏகாபி⁴ஸமயவஸேன, ஏவங் ஸந்தே பச்சேகம்பி ஸச்சேஸு நானக்க²ணேனேவ பவத்தெய்ய, ந ஏகக்க²ணேன, ததா² ஸதி து³க்கா²தீ³னங் ஏகதே³ஸேகதே³ஸமேவ பரிஜானாதி பஜஹதீதி ஆபஜ்ஜதீதி நானாபி⁴ஸமயே பட²மமக்³கா³தீ³ஹி பஹாதப்³பா³னங் ஸஞ்ஞோஜனத்தயாதீ³னங் ஏகதே³ஸேகதே³ஸப்பஹானங் ஸியாதி ஏகதே³ஸஸோதாபத்திமக்³க³ட்டா²தி³தா, ததோ ஏவ ஏகதே³ஸஸோதாபன்னாதி³தா ச ஆபஜ்ஜதி அனந்தரப²லத்தா லோகுத்தரகுஸலானங், ந ச தங் யுத்தங். ந ஹி காலபே⁴தே³ன வினா ஸோ ஏவ ஸோதாபன்னோ ச அஸோதாபன்னோ சாதி ஸக்கா விஞ்ஞாதுங்.
அபிசாயங் நானாபி⁴ஸமயவாதீ³ ஏவங் புச்சி²தப்³போ³ ‘‘மக்³க³ஞாணங் ஸச்சானி படிவிஜ்ஜ²ந்தங் கிங் ஆரம்மணதோ படிவிஜ்ஜ²தி, உதா³ஹு கிச்சதோ’’தி? ஜானமானோ ‘‘கிச்சதோ’’தி வதெ³ய்ய, ‘‘கிச்சதோ படிவிஜ்ஜ²ந்தஸ்ஸ கிங் நானாபி⁴ஸமயேனா’’தி வத்வா படிபாடியானித³ஸ்ஸனேன அபி⁴த⁴ம்மே (கதா²॰ 274) ஓதி⁴ஸோகதா²ய ஸஞ்ஞாபேதப்³போ³தி.
நிரோத⁴ங் ஆரம்மணதோதி நிரோத⁴மேவ ஆரம்மணதோதி நியமோ க³ஹேதப்³போ³, ந ஆரம்மணதோவாதி. தேன நிரோதே⁴ கிச்சதோபி படிவேதோ⁴ ஸித்³தோ⁴ ஹோதி. தஸ்மிங் ஸமயேதி ஸச்சானங் அபி⁴ஸமயே. வீஸதிவத்து²காதிஆதி³ ‘‘தீணி ஸஞ்ஞோஜனானீ’’தி வுத்தானங் ஸரூபத³ஸ்ஸனங். சதூஸு ஆஸவேஸூதி இத³ங் அபி⁴த⁴ம்மனயேன வுத்தங், ந ஸுத்தந்தனயேன. ந ஹி ஸுத்தே கத்த²சி சத்தாரோ ஆஸவா ஆக³தா அத்தி². யதி³ விசிகிச்சா² ந ஆஸவோ, அத² கஸ்மா ‘‘ஸக்காயதி³ட்டி² விசிகிச்சா² ஸீலப்³ப³தபராமாஸோ, இமே வுச்சந்தி, பி⁴க்க²வே, ஆஸவா த³ஸ்ஸனா பஹாதப்³பா³’’தி வுத்தந்தி ஆஹ ‘‘த³ஸ்ஸனா பஹாதப்³பா³’’திஆதி³. எத்த² பரியாபன்னத்தாதி ஏதேன ஸம்மாஸங்கப்பஸ்ஸ விய பஞ்ஞாக்க²ந்தே⁴ கிச்சஸபா⁴க³தாய இத⁴ விசிகிச்சா²ய ஆஸவஸங்க³ஹோ கதோதி த³ஸ்ஸேதி.
ஸப்³போ³ ‘‘ச²ன்னங் தி³ட்டீ²னங்…பே॰… விப⁴த்தா’’தி. ஸா ஹி தி³ட்டி² ஏகஸ்மிங் சித்துப்பாதே³ ஸந்தானே ச டி²தங் ஏகட்ட²ங், தத்த² பட²மங் ஸஹஜாதேகட்ட²ங், இதரங் பஹானேகட்ட²ங், தது³ப⁴யம்பி நித்³தா⁴ரெத்வா த³ஸ்ஸேதுங் ‘‘தி³ட்டா²ஸவேஹீ’’திஆதி³ வுத்தங். ஸப்³ப³தா²பீதி ஸப்³ப³ப்பகாரேன, ஸஹஜாதேகட்ட²பஹானேகட்ட²ப்பகாரேஹீதி அத்தோ². அவஸேஸாதி தி³ட்டா²ஸவதோ அவஸிட்டா². தயோபி ஆஸவாதி காமாஸவப⁴வாஸவஅவிஜ்ஜாஸவா. ததா² ஹி புப்³பே³ ‘‘சதூஸு ஆஸவேஸூ’’தி வுத்தங். தஸ்மாதி யஸ்மா ப³ஹூ ஏவெத்த² ஆஸவா பஹாதப்³பா³, தஸ்மா ப³ஹுவசனநித்³தே³ஸோ கதோ ‘‘இமே வுச்சந்தி, பி⁴க்க²வே, ஆஸவா த³ஸ்ஸனா பஹாதப்³பா³’’தி. போராணானந்தி அட்ட²கதா²சரியானங், ‘‘புராதனானங் மஜ்ஜி²மபா⁴ணகான’’ந்தி ச வத³ந்தி.
த³ஸ்ஸனா பஹாதப்³பா³திஆதீ³ஸு யங் வத்தப்³ப³ங், தங் ஹெட்டா² வுத்தமேவ.
த³ஸ்ஸனாபஹாதப்³ப³ஆஸவவண்ணனா நிட்டி²தா.
ஸங்வராபஹாதப்³ப³ஆஸவவண்ணனா
22. ஸங்வராதீ³ஹீதி ஸப்³பே³ஸம்பீதி சதுன்னம்பி அரியமக்³கா³னங். அயந்தி ஸங்வராபஹாதப்³பா³தி³கதா² புப்³ப³பா⁴க³படிபதா³தி வேதி³தப்³பா³. ததா² ஹி ஹெட்டா² ‘‘உபக்கிலேஸவிஸோத⁴னங் ஆதி³ங் கத்வா ஆஸவக்க²யபடிபத்தித³ஸ்ஸனத்த²’’ந்தி ஸுத்தந்ததே³ஸனாய பயோஜனங் வுத்தங். ந ஹி ஸக்கா ஆதி³தோ ஏவ அரியமக்³க³ங் பா⁴வேதுங், அத² கோ² ஸமாதி³ன்னஸீலோ இந்த்³ரியேஸு கு³த்தத்³வாரோ ‘‘ஸங்கா²யேகங் படிஸேவதி, ஸங்கா²யேகங் அதி⁴வாஸேதி, ஸங்கா²யேகங் பரிவஜ்ஜேதி, ஸங்கா²யேகங் வினோதே³தீ’’தி (தீ³॰ நி॰ 3.348; ம॰ நி॰ 2.168) ஏவங் வுத்தங் சதுராபஸ்ஸேனபடிபத்திங் படிபஜ்ஜமானோ ஸம்மஸனவிதி⁴ங் ஓதரித்வா அனுக்கமேன விபஸ்ஸனங் உஸ்ஸுக்காபெத்வா மக்³க³படிபாடியா ஆஸவே கே²பேதி. தேனாஹ ப⁴க³வா ‘‘ஸெய்யதா²பி, பி⁴க்க²வே, மஹாஸமுத்³தோ³ அனுபுப்³ப³னின்னோ அனுபுப்³ப³போணோ அனுபுப்³ப³பப்³பா⁴ரோ, ந ஆயதகேனேவ பபாதோ, ஏவங் கோ², பி⁴க்க²வே, இமஸ்மிங் த⁴ம்மவினயே அனுபுப்³ப³ஸிக்கா² அனுபுப்³ப³கிரியா அனுபுப்³ப³படிபதா³, ந ஆயதகேனேவ அஞ்ஞாபடிவேதோ⁴’’தி (அ॰ நி॰ 8.20; உதா³॰ 45; சூளவ॰ 385).
இதா⁴தி இத⁴-ஸத்³தோ³ ஸப்³பா³காரதோ இந்த்³ரியஸங்வரஸங்வுதஸ்ஸ புக்³க³லஸ்ஸ ஸன்னிஸ்ஸயபூ⁴தஸாஸனபரிதீ³பனோ, அஞ்ஞஸாஸனஸ்ஸ ததா²பா⁴வபடிஸேத⁴னோ சாதி வுத்தங் ‘‘இமஸ்மிங் ஸாஸனே’’தி. ஆதீ³னவபடிஸங்கா²தி ஆதீ³னவபச்சவெக்க²ணா. ஸம்பலிமட்ட²ந்தி (அ॰ நி॰ டீ॰ 3.6.58) க⁴ங்ஸிதங். அனுப்³யஞ்ஜனஸோதி ஹத்த²பாத³ஹஸிதகதி²தவிலோகிதாதி³ப்பகாரபா⁴க³ஸோ. தஞ்ஹி அயோனிஸோ மனஸிகரோதோ கிலேஸானங் அனு அனு ப்³யஞ்ஜனதோ ‘‘அனுப்³யஞ்ஜன’’ந்தி வுச்சதி. நிமித்தக்³கா³ஹோதி இத்தி²புரிஸனிமித்தாதி³கஸ்ஸ வா கிலேஸவத்து²பூ⁴தஸ்ஸ வா நிமித்தஸ்ஸ கா³ஹோ. ஆதி³த்தபரியாயனயேனாதி ஆதி³த்தபரியாயே (ஸங்॰ நி॰ 4.28; மஹாவ॰ 54) ஆக³தனயேன வேதி³தப்³பா³ ஆதீ³னவபடிஸங்கா²தி யோஜனா. யதா² இத்தி²யா இந்த்³ரியந்தி இத்தி²ந்த்³ரியங், ந ஏவமித³ங், இத³ங் பன சக்கு²மேவ இந்த்³ரியந்தி சக்கு²ந்த்³ரியந்தி. தித்த²காகோ வியாதி தித்தே² காகோ தித்த²காகோ, நதி³யா ஸமதிக்கமனதித்தே² நியதட்டி²திகோ. ஆவாடகச்ச²போதிஆதீ³ஸுபி ஏஸேவ நயோ.
ஏவங் தப்படிப³த்³த⁴வுத்திதாய சக்கு²ந்த்³ரியே நியதட்டா²னோ ஸங்வரோ சக்கு²ந்த்³ரியஸங்வரோ. முட்ட²ஸ்ஸச்சங் ஸதிபடிபக்கா² அகுஸலத⁴ம்மா. யதி³பி அஞ்ஞத்த² அஸங்கெ²ய்யம்பி ப⁴வங்க³சித்தங் நிரந்தரங் உப்பஜ்ஜதி, பஸாத³க⁴ட்டனாவஜ்ஜனுப்பாதா³னங் பன அந்தரே த்³வே ஏவ ப⁴வங்க³சித்தானி உப்பஜ்ஜந்தீதி அயங் சித்தனியாமோதி ஆஹ ப⁴வங்கே³ ‘‘த்³விக்க²த்துங் உப்பஜ்ஜித்வா நிருத்³தே⁴’’தி.
ஜவனக்க²ணே பன ஸசே து³ஸ்ஸீல்யங் வாதிஆதி³ (விஸுத்³தி⁴॰ டீ॰ 1.15; த⁴॰ ஸ॰ மூலடீ॰ 1352) புன அவசனத்த²ங் இதே⁴வ ஸப்³ப³ங் வுத்தந்தி ச²ஸு த்³வாரேஸு யதா²ஸம்ப⁴வங் யோஜேதப்³ப³ங். ந ஹி பஞ்சத்³வாரே காயவசீது³ச்சரிதஸங்கா²தோ து³ஸ்ஸீல்யஸங்வரோ அத்தீ²தி ஸோ மனொத்³வாரவஸேன, இதரோ ச²ன்னம்பி த்³வாரானங் வஸேன யோஜேதப்³போ³. முட்ட²ஸ்ஸச்சாதீ³னஞ்ஹி ஸதிபடிபக்கா²தி³லக்க²ணானங் அகுஸலத⁴ம்மானங் ஸியா பஞ்சத்³வாரே உப்பத்தி, ந த்வேவ காயிகவாசஸிகவீதிக்கமபூ⁴தஸ்ஸ து³ஸ்ஸீல்யஸ்ஸ தத்த² உப்பத்தி பஞ்சத்³வாரிகஜவனானங் அவிஞ்ஞத்திஜனகத்தாதி.
யதா² கிந்தி யேன பகாரேன ஜவனே உப்பஜ்ஜமானோ அஸங்வரோ ‘‘சக்கு²த்³வாரே அஸங்வரோ’’தி வுச்சதி, தங் நித³ஸ்ஸனங் கிந்தி அத்தோ². யதா²திஆதி³னா நக³ரத்³வாரே அஸங்வரே ஸதி தங்ஸம்ப³ந்தா⁴னங் க⁴ராதீ³னங் அஸங்வுததா ‘‘ஏவமேவ ஜவனே து³ஸ்ஸீல்யாதீ³ஸு உப்பன்னேஸு தஸ்மிங் அஸங்வரே ஸதி த்³வாரம்பி அகு³த்த’’ந்திஆதி³. அயங் தாவ அஸங்வரபக்கே² அத்த²வண்ணனா.
ஸங்வரபக்கே²பி ‘‘உபேதோதி வுத்தங் ஹோதீ’’தி. ஏகஜ்ஜ²ங் கத்வாதி ‘‘பாதிமொக்க²ஸங்வரஸங்வுதோ’’தி பத³ஞ்ச அத்த²தோ அபி⁴ன்னங் ஸமானங் கத்வா. அயமேவ செத்த² அத்தோ² ஸுந்த³ரதரோ ‘‘ததா²ஹீ’’திஆதி³. யந்தி ஆதே³ஸோதி இமினா லிங்க³விபல்லாஸேன ஸத்³தி⁴ங் வசனவிபல்லாஸோ கதோதி த³ஸ்ஸேதி, நிபாதபத³ங் வா ஏதங் பச்சத்தபுது²வசனத்த²ங். விகா⁴தகராதி சித்தவிகா⁴தகரணா சித்தது³க்க²னிப்³ப³த்தகா ச. யதா²வுத்தகிலேஸஹேதுகா தா³ஹானுப³ந்தா⁴ விபாகா ஏவ விபாகபரிளாஹா. யதா² பனெத்த² ஆஸவா அஞ்ஞே ச விகா⁴தகரா கிலேஸவிபாகபரிளாஹா ஸம்ப⁴வந்தி, தங் த³ஸ்ஸேதுங் ‘‘சக்கு²த்³வாரேஹீ’’திஆதி³ வுத்தங், தங் ஸுவிஞ்ஞெய்யமேவ. எத்த² ச ஸங்வரணூபாயோ, ஸங்வரிதப்³ப³ங், ஸங்வரோ, யதோ ஸோ ஸங்வரோ, யத்த² ஸங்வரோ, யஞ்ச ஸங்வரப²லந்தி அயங் விபா⁴கோ³ வேதி³தப்³போ³. கத²ங்? படிஸங்கா² யோனிஸோதி ஹி ஸங்வரணூபாயோ. சக்கு²ந்த்³ரியங் ஸங்வரிதப்³ப³ங். ஸங்வரக்³க³ஹணேன க³ஹிதா ஸதி ஸங்வரோ. அஸங்வுதஸ்ஸாதி ஸங்வரணாவதி⁴. அஸங்வரதோ ஹி ஸங்வரணங். ஸங்வரிதப்³ப³க்³க³ஹணேன ஸித்³தோ⁴ இத⁴ ஸங்வரவிஸயோ. சக்கு²ந்த்³ரியஞ்ஹி ஸங்வரஞாணங் ரூபாரம்மணே ஸங்வரீயதீதி அவுத்தஸித்³தோ⁴யமத்தோ². ஆஸவதன்னிமித்தகிலேஸாதி³பரிளாஹாபா⁴வோ ப²லங். ஏவங் ஸோதத்³வாராதீ³ஸுபி யோஜேதப்³ப³ங். ஸப்³ப³த்தே²வாதி மனொத்³வாரே பஞ்சத்³வாரே சாதி ஸப்³ப³ஸ்மிங் த்³வாரே.
ஸங்வராபஹாதப்³ப³ஆஸவவண்ணனா நிட்டி²தா.
படிஸேவனாபஹாதப்³ப³ஆஸவவண்ணனா
23. படிஸங்கா² யோனிஸோ சீவரந்திஆதீ³ஸு ‘‘ஸீதஸ்ஸ படிகா⁴தாயா’’திஆதி³னா வுத்தங் பச்சவெக்க²ணமேவ யோனிஸோ படிஸங்கா². ஈதி³ஸந்தி ஏவரூபங் இட்டா²ரம்மணங். ப⁴வபத்த²னாய அஸ்ஸாத³யதோதி ப⁴வபத்த²னாமுகே²ன பா⁴விதங் ஆரம்மணங் அஸ்ஸாதெ³ந்தஸ்ஸ. சீவரந்தி நிவாஸனாதி³ யங் கிஞ்சி சீவரங். படிஸேவதீதி நிவாஸனாதி³வஸேன பரிபு⁴ஞ்ஜதி. யாவதே³வாதி பயோஜனபரிமாணனியமனங். ஸீதபடிகா⁴தாதி³யேவ ஹி யோகி³னோ சீவரபடிஸேவனே பயோஜனங். ஸீதஸ்ஸாதி தா⁴துக்கோ²ப⁴தோ வா உதுபரிணாமதோ வா உப்பன்னஸீதஸ்ஸ. படிகா⁴தாயாதி படிபா³ஹனத்த²ங் தப்பச்சயஸ்ஸ விகாரஸ்ஸ வினோத³னத்த²ங். உண்ஹஸ்ஸாதி அக்³கி³ஸந்தாபதோ உப்பன்னஸ்ஸ உண்ஹஸ்ஸ. ட³ங்ஸாத³யோ பாகடாயேவ. புன யாவதே³வாதி நியதபயோஜனபரிமாணனியமனங். நியதஞ்ஹி பயோஜனங் சீவரபடிஸேவனஸ்ஸ ஹிரிகோபீனபடிச்சா²த³னங், இதரங் கதா³சி கதா³சி ஹிரிகோபீனந்தி ஸம்பா³த⁴ட்டா²னங்
பிண்ட³பாதந்தி யங் கிஞ்சி ஆஹாரங். ஸோ ஹி பிண்டொ³ல்யேன பி⁴க்க²னாய பத்தே பதனதோ தத்த² தத்த² லத்³த⁴பி⁴க்கா²பிண்டா³னங் பாதோ ஸன்னிபாதோதி ‘‘பிண்ட³பாதோ’’தி வுச்சதி. நேவ த³வாயாதி ந கீளனாய. ந மதா³யாதி ந ப³லமத³மானமத³புரிஸமத³த்த²ங். ந மண்ட³னாயாதி ந அங்க³பச்சங்கா³னங் பீணனபா⁴வத்த²ங். ந விபூ⁴ஸனாயாதி ந தேஸங்யேவ ஸோப⁴னத்த²ங், ச²விஸம்பதிஅத்த²ந்தி அத்தோ². இமானி ச பதா³னி யதா²க்கமங் மோஹ-தோ³ஸ-ஸண்டா²ன-வண்ண-ராகூ³பனிஸ்ஸய-பஹானத்தா²னி வேதி³தப்³பா³னி. புரிமங் வா த்³வயங் அத்தனோ அத்தனோ ஸங்கிலேஸுப்பத்தினிஸேத⁴னத்த²ங், இதரங் பரஸ்ஸபி. சத்தாரிபி காமஸுக²ல்லிகானுயோக³ஸ்ஸ பஹானத்த²ங் வுத்தானீதி வேதி³தப்³பா³னி. காயஸ்ஸாதி ரூபகாயஸ்ஸ. டி²தியா யாபனாயாதி பப³ந்த⁴ட்டி²தத்த²ஞ்சேவ பவத்தியா அவிச்சே²த³னத்த²ஞ்ச சிரகாலட்டி²தத்த²ங் ஜீவிதிந்த்³ரியஸ்ஸ பவத்தாபனத்த²ங். விஹிங்ஸூபரதியாதி ஜிக⁴ச்சா²து³க்க²ஸ்ஸ உபரமணத்த²ங். ப்³ரஹ்மசரியானுக்³க³ஹாயாதி ஸாஸனமக்³க³ப்³ரஹ்மசரியானங் அனுக்³க³ஹத்த²ங். இதீதி ஏவங் இமினா உபாயேன. புராணஞ்ச வேத³னங் படிஹங்கா²மீதி புராணங் அபு⁴த்தபச்சயா உப்பஜ்ஜனகவேத³னங் படிஹனிஸ்ஸாமி. நவஞ்ச வேத³னங் ந உப்பாதெ³ஸ்ஸாமீதி நவங் பு⁴த்தபச்சயா உப்பஜ்ஜனகவேத³னங் ந உப்பாதெ³ஸ்ஸாமீதி. தஸ்ஸா ஹி அனுப்பன்னாய அனுப்பஜ்ஜனத்த²மேவ ஆஹாரங் பரிபு⁴ஞ்ஜதி. எத்த² ச அபு⁴த்தபச்சயா உப்பஜ்ஜனகவேத³னா நாம யதா²பவத்தா ஜிக⁴ச்சா²னிமித்தா வேத³னா. ஸா ஹி அபு⁴ஞ்ஜந்தஸ்ஸ பி⁴ய்யோ பி⁴ய்யோ பவட்³ட⁴னவஸேன உப்பஜ்ஜதி, பு⁴த்தபச்சயா உப்பஜ்ஜனகவேத³னாபி கு²தா³னிமித்தாவ அங்க³தா³ஹஸூலாதி³வேத³னா அப்பவத்தா. ஸா ஹி பு⁴த்தபச்சயா அனுப்பன்னாவ ந உப்பஜ்ஜிஸ்ஸதீதி. விஹிங்ஸானிமித்ததா சேதாஸங் விஹிங்ஸாய விஸேஸோ.
யாத்ரா ச மே ப⁴விஸ்ஸதீதி யாபனா ச மே சதுன்னங் இரியாபதா²னங் ப⁴விஸ்ஸதி. யாபனாயாதி இமினா ஜீவிதிந்த்³ரியயாபனா வுத்தா, இத⁴ சதுன்னங் இரியாபதா²னங் அவிச்சே²த³ஸங்கா²தா யாபனாதி அயமேதாஸங் விஸேஸோ. அனவஜ்ஜதா ச பா²ஸுவிஹாரோ சாதி அயுத்தபரியேஸனபடிக்³க³ஹணபரிபோ⁴க³பரிவஜ்ஜனேன அனவஜ்ஜதா, பரிமிதபரிபோ⁴கே³ன பா²ஸுவிஹாரோ. அஸப்பாயாபரிமிதபோ⁴ஜனபச்சயா அரதிதந்தீ³விஜம்பி⁴தாவிஞ்ஞுக³ரஹாதி³தோ³ஸாபா⁴வேன வா அனவஜ்ஜதா, ஸப்பாயபரிமிதபோ⁴ஜனபச்சயா காயப³லஸம்ப⁴வேன
‘‘சத்தாரோ
அலங் பா²ஸுவிஹாராய, பஹிதத்தஸ்ஸ பி⁴க்கு²னோ’’தி. (தே²ரகா³॰ 983);
எத்தாவதா பயோஜனபரிக்³க³ஹோ, மஜ்ஜி²மா ச படிபதா³ தீ³பிதா ஹோதி.
ஸேனாஸனந்தி ஸயனஞ்ச ஆஸனஞ்ச. யத்த² ஹி விஹாராதி³கே ஸேதி நிபஜ்ஜதி, ஆஸதி நிஸீத³தி, தங் ஸேனாஸனங். உதுபரிஸ்ஸயவினோத³னபடிஸல்லானாராமத்த²ந்தி உதுயேவ பரிஸஹனட்டே²ன பரிஸ்ஸயோ, ஸரீராபா³த⁴சித்தவிக்கே²பகரோ, அத² வா யதா²வுத்தோ உது ச ஸீஹப்³யக்³கா⁴தி³பாகடபரிஸ்ஸயோ ச ராக³தோ³ஸாதி³படிச்ச²ன்னபரிஸ்ஸயோ ச உதுபரிஸ்ஸயோ, தஸ்ஸ வினோத³னத்த²ஞ்சேவ ஏகீபா⁴வஸுக²த்த²ஞ்ச. இத³ஞ்ச சீவரபடிஸேவனே ஹிரிகோபீனபடிச்சா²த³னங் விய தஸ்ஸ நியதபயோஜனந்தி புன ‘‘யாவதே³வா’’தி வுத்தங்.
கி³லானபச்சயபே⁴ஸஜ்ஜபரிக்கா²ரந்தி ரோக³ஸ்ஸ பச்சனீகப்பவத்தியா கி³லானபச்சயோ, ததோ ஏவ பி⁴ஸக்கஸ்ஸ அனுஞ்ஞாதவத்து²தாய பே⁴ஸஜ்ஜங், ஜீவிதஸ்ஸ பரிவாரஸம்பா⁴ரபா⁴வேஹி பரிக்கா²ரோ சாதி கி³லானபச்சயபே⁴ஸஜ்ஜபரிக்கா²ரோ, தங். உப்பன்னானந்தி ஜாதானங் நிப்³ப³த்தானங். வெய்யாபா³தி⁴கானந்தி ப்³யாபா³த⁴தோ தா⁴துக்கோ²ப⁴தோ ச தன்னிப்³ப³த்தரோக³தோ ச ஜாதானங். வேத³னானந்தி து³க்க²வேத³னானங். அப்³யாப³ஜ்ஜ²பரமதாயாதி நித்³து³க்க²பரமபா⁴வாய படிஸேவாமீதி யோஜனா. ஏவமெத்த² ஸங்கே²பேனேவ பாளிவண்ணனா வேதி³தப்³பா³. நவவேத³னுப்பாத³னதோபீதி ந கேவலங் ஆயதிங் ஏவ விபாகபரிளாஹா, அத² கோ² அதிபோ⁴ஜனபச்சயா அலங்ஸாடகாதீ³னங் விய நவவேத³னுப்பாத³னதோபி வேதி³தப்³பா³தி அத்தோ².
படிஸேவனாபஹாதப்³ப³ஆஸவவண்ணனா நிட்டி²தா.
அதி⁴வாஸனாபஹாதப்³ப³ஆஸவவண்ணனா
24. க²மோதி ‘‘சலதி கம்பதி கம்மட்டா²னங் விஜஹதீ’’தி. அதி⁴மத்தம்பி உண்ஹங் ஸஹதி, ஸஹந்தோ ச ந நக்³க³ஸமணாத³யோ விய ஸஹதி, அத² கோ² கம்மட்டா²னாவிஜஹனேனாதி ஆஹ ‘‘ஸ்வேவ தே²ரோ வியா’’தி. ப³ஹிசங்கமேதி லேணதோ ப³ஹி சங்கமே. உண்ஹப⁴யேனேவாதி நரகக்³கி³உண்ஹப⁴யேனேவ. தேனாஹ ‘‘அவீசிமஹானிரயங் பச்சவெக்கி²த்வா’’தி, தம்பி ‘‘மயா அனேகக்க²த்துங் அனுபூ⁴தங், இத³ங் பன ததோ முது³தர’’ந்தி எத்தா²தி ஏதஸ்மிங் டா²னே. அக்³கி³ஸந்தாபோவ வேதி³தப்³போ³ ஸூரியஸந்தாபஸ்ஸ பரதோ வுச்சமானத்தா.
பரிஸுத்³த⁴ஸீலோஹமஸ்மீதி ஸப்³ப³தா²பி ‘‘விஸுத்³த⁴ஸீலோஹமஸ்மீ’’தி மரணங் அக்³க³ஹெத்வா அவிப்படிஸாரமூலிகங் பீதிங் உப்பாதே³ஸி. ஸஹ பீதுப்பாதா³தி ப²ரணபீதியா உப்பாதே³ன ஸஹேவ. விஸங் நிவத்தித்வாதி பீதிவேகே³ன அஜ்ஜொ²த்த²தங் த³ட்ட²முகே²னேவ ப⁴ஸ்ஸித்வா. தத்தே²வாதி ஸப்பேன த³ட்ட²ட்டா²னேயேவ. சித்தேகக்³க³தங் லபி⁴த்வாதி ‘‘பீதிமனஸ்ஸ காயோ பஸ்ஸம்ப⁴தீ’’திஆதி³னா (தீ³॰ நி॰ 1.466; 3.359; ஸங்॰ நி॰ 5.376; அ॰ நி॰ 3.96; 11.12) நயேன ஸமாதா⁴னங் பாபுணித்வா.
பச்சயேஸு ஸந்தோஸோ பா⁴வனாய ச ஆரமிதப்³ப³ட்டா²னதாய ஆராமோ அஸ்ஸாதி பச்சயஸந்தோஸபா⁴வனாராமோ, தஸ்ஸ பா⁴வோ பச்சய…பே॰… ராமதா, தாய. மஹாதே²ரோதி வுட்³ட⁴தரோ தே²ரோ. வசனமேவ தத³த்த²ங் ஞாபேதுகாமானங் பதோ²தி வசனபதோ².
அஸுக²ட்டே²ன வா திப்³பா³. யஞ்ஹி ந ஸுக²ங், தங் அனிட்ட²ங் ‘‘திப்³ப³’’ந்தி வுச்சதி. ஏவங்ஸபா⁴வோதி ‘‘அதி⁴வாஸனஜாதியோ’’தி பத³ஸ்ஸ அத்த²மாஹ. முஹுத்தேன க²ணேவ வாதே ஹத³யங் பா²லேதுங் ஆரத்³தே⁴யேவ. அனாகா³மீ ஹுத்வா பரினிப்³பா³யீதி அரஹத்தங் பத்வா பரினிப்³பா³யி.
ஏவங் ஸப்³ப³த்தா²தி ‘‘உண்ஹேன பு²ட்ட²ஸ்ஸ ஸீதங் பத்த²யதோ’’திஆதி³னா ஸப்³ப³த்த² உண்ஹாதி³னிமித்தங் காமாஸவுப்பத்தி வேதி³தப்³பா³, ஸீதங் வா உண்ஹங் வா அனிட்ட²ந்தி அதி⁴ப்பாயோ. அத்தக்³கா³ஹே ஸதி அத்தனியக்³கா³ஹோதி ஆஹ ‘‘மய்ஹங் ஸீதங் உண்ஹந்தி கா³ஹோ தி³ட்டா²ஸவோ’’தி. ஸீதாதி³கே உபக³தே ஸஹந்தீ க²மந்தீ தே அத்தனோ உபரி வாஸெந்தீ விய ஹோதீதி வுத்தங் ‘‘ஆரோபெத்வா வாஸேதியேவா’’தி ந நிரஸ்ஸதீதி ந விது⁴னதி. யோ ஹி ஸீதாதி³கே ந ஸஹதி, ஸோ தே நிரஸ்ஸந்தோ விது⁴னந்தோ விய ஹோதீதி.
அதி⁴வாஸனாபஹாதப்³ப³ஆஸவவண்ணனா நிட்டி²தா.
பரிவஜ்ஜனாபஹாதப்³ப³ஆஸவவண்ணனா
25. அஹங் ஸமணோதி (அ॰ நி॰ டீ॰ 3.6.58) ‘‘அஹங் ஸமணோ, கிங் மம ஜீவிதேன வா மரணேன வா’’தி ஏவங் அசிந்தெத்வாதி அதி⁴ப்பாயோ. பச்சவெக்கி²த்வாதி கா³மப்பதே³ஸங் பயோஜனாதி³ஞ்ச பச்சவெக்கி²த்வா. படிக்கமதீதி ஹத்தி²ஆதீ³னங் ஸமீபக³மனதோ அபக்கமதி. கண்டகா யத்த² திட்ட²ந்தி, தங் கண்டகட்டா²னங். அமனுஸ்ஸது³ட்டா²னீதி அமனுஸ்ஸஸஞ்சாரேன தூ³ஸிதானி, ஸபரிஸ்ஸயானீதி அத்தோ². ஸமானந்தி ஸமங், அவிஸமந்தி அத்தோ². அகாஸி வா தாதி³ஸங் அனாசாரங்.
ஸீலஸங்வரஸங்கா²தேனாதி ‘‘கத²ங் பரிவஜ்ஜனங் ஸீல’’ந்தி யதெ³த்த² வத்தப்³ப³ங், தங் ஹெட்டா² வுத்தமேவ. அபிச ‘‘சண்ட³ங் ஹத்தி²ங் பரிவஜ்ஜேதீ’’தி வசனதோ ஹத்தி²ஆதி³பரிவஜ்ஜனம்பி ப⁴க³வதோ வசனானுட்டா²னந்தி கத்வா ஆசாரஸீலமேவாதி வேதி³தப்³ப³ங்.
பரிவஜ்ஜனாபஹாதப்³ப³ஆஸவவண்ணனா நிட்டி²தா.
வினோத³னாபஹாதப்³ப³ஆஸவவண்ணனா
26. இதிபீதி இமினா காரணேன, அயோனிஸோமனஸிகாரஸமுட்டி²தத்தாபி லோபா⁴தி³ஸஹக³தத்தாபி குஸலபடிபக்க²தோபீதிஆதீ³ஹி காரணேஹி அயங் விதக்கோ அகுஸலோதி அத்தோ². இமினா நயேன ஸாவஜ்ஜோதிஆதீ³ஸுபி அத்தோ² வேதி³தப்³போ³. எத்த² ச அகுஸலோதிஆதி³னா தி³ட்ட²த⁴ம்மிகங் காமவிதக்கஸ்ஸ ஆதீ³னவங் த³ஸ்ஸேதி, து³க்க²விபாகோதி இமினா ஸம்பராயிகங். அத்தப்³யாபா³தா⁴ய ஸங்வத்ததீதிஆதீ³ஸுபி இமினாவ நயேன ஆதீ³னவவிபா⁴வனா வேதி³தப்³பா³. உப்பன்னஸ்ஸ காமவிதக்கஸ்ஸ அனதி⁴வாஸனங் நாம புன தாதி³ஸஸ்ஸ அனுப்பாத³னங், தங் பனஸ்ஸ பஹானங் வினோத³னங் ப்³யந்திகரணங் அனபா⁴வக³மனந்தி ‘‘அனதி⁴வாஸெந்தோ கிங் கரோதீதி பஜஹதீ’’திஆதி³மாஹ. பஹானஞ்செத்த² விக்க²ம்ப⁴னமேவ, ந ஸமுச்சே²தோ³தி த³ஸ்ஸேதுங் ‘‘வினோதே³தீ’’திஆதி³ வுத்தந்தி விக்க²ம்ப⁴னவஸேனேவ அத்தோ² த³ஸ்ஸிதோ.
காமவிதக்கோதி ஸம்பயோக³தோ ஆரம்மணதோ ச காமஸஹக³தோ விதக்கோ. தேனாஹ ‘‘காமபடிஸங்யுத்தோ தக்கோ’’திஆதி³. காமபடிஸங்யுத்தோதி ஹி காமராக³ஸங்கா²தேன காமேன ஸம்பயுத்தோ வத்து²காமஸங்கா²தேன படிப³த்³தோ⁴ ச. உப்பன்னுப்பன்னேதி தேஸங் பாபவிதக்கானங் உப்பாதா³வத்தா²க³ஹணங் வா கதங் ஸியா அனவஸேஸக்³க³ஹணங் வா. தேஸு பட²மங் ஸந்தா⁴யாஹ ‘‘உபன்னமத்தே’’தி, ஸம்பதிஜாதேதி அத்தோ². அனவஸேஸக்³க³ஹணங் ப்³யாபனிச்சா²ய ஹோதீதி த³ஸ்ஸேதுங் ‘‘ஸதக்க²த்தும்பி உப்பன்னே’’தி வுத்தங். ஞாதிவிதக்கோதி ‘‘அம்ஹாகங் ஞாதயோ ஸுக²ஜீவினோ ஸம்பத்தியுத்தா’’திஆதி³னா கே³ஹஸ்ஸிதபேமவஸேன ஞாதகே ஆரப்³ப⁴ உப்பன்னவிதக்கோ. ஜனபத³விதக்கோதி ‘‘அம்ஹாகங் ஜனபதோ³ ஸுபி⁴க்கோ² ஸம்பன்னஸஸ்ஸோ ரமணீயோ’’திஆதி³னா கே³ஹஸ்ஸிதபேமவஸேனேவ ஜனபத³ங் ஆரப்³ப⁴ உப்பன்னவிதக்கோ. உக்குடிகப்பதா⁴னாதீ³ஹி து³க்கே² நிஜ்ஜிண்ணே ஸம்பராயே அத்தா ஸுகீ² ஹோதி அமரோதி து³க்கரகாரிகாய படிஸங்யுத்தோ அமரத்தா²ய விதக்கோ, தங் வா ஆரப்³ப⁴ அமராவிக்கே²பதி³ட்டி²ஸஹக³தோ அமரோ ச ஸோ விதக்கோ சாதி அமரவிதக்கோ. பரானுத்³த³யதாபடிஸங்யுத்தோதி பரேஸு உபட்டா²காதீ³ஸு ஸஹனந்தி³காதி³வஸேன பவத்தோ அனுத்³த³யதாபதிரூபகோ கே³ஹஸ்ஸிதபேமேன படிஸங்யுத்தோ விதக்கோ. லாப⁴ஸக்காரஸிலோகபடிஸங்யுத்தோதி சீவராதி³லாபே⁴ன சேவ ஸக்காரேன ச கித்திஸத்³தே³ன ச ஆரம்மணகரணவஸேன படிஸங்யுத்தோ. அனவஞ்ஞத்திபடிஸங்யுத்தோதி ‘‘அஹோ வத மங் பரே ந அவஜானெய்யுங், ந ஹெட்டா² கத்வா மஞ்ஞெய்யுங், பாஸாணச்ச²த்தங் விய க³ருங் கரெய்யு’’ந்தி உப்பன்னவிதக்கோ.
காமவிதக்கோ காமஸங்கப்பனஸபா⁴வத்தா காமஸங்கப்பபவத்தியா ஸாதிஸயத்தா ச காமனாகாரோதி ஆஹ ‘‘காமவிதக்கோ பனெத்த² காமாஸவோ’’தி. தப்³பி³ஸேஸோதி காமாஸவவிஸேஸோ, ராக³ஸஹவுத்தீதி அதி⁴ப்பாயோ. காமவிதக்காதி³கே வினோதே³தி அத்தனோ ஸந்தானதோ வினோத³னங், வீரியந்தி ஆஹ ‘‘வீரியஸங்வரஸங்கா²தேன வினோத³னேனா’’தி.
வினோத³னாபஹாதப்³ப³ஆஸவவண்ணனா நிட்டி²தா.
பா⁴வனாபஹாதப்³ப³ஆஸவவண்ணனா
27. ‘‘ஸத்த பொ³ஜ்ஜ²ங்கா³ பா⁴விதா ப³ஹுலீகதா விஜ்ஜாவிமுத்தியோ பரிபூரெந்தீ’’தி (ஸங்॰ நி॰ 5.187) வசனதோ விஜ்ஜாவிமுத்தீனங் அனதி⁴க³மோ ததோ ச ஸகலவட்டது³க்கா²னதிவத்தி அபா⁴வனாய ஆதீ³னவோ, வுத்தவிபரியாயேன ப⁴க³வதோ ஓரஸபுத்தபா⁴வாதி³வஸேன ச பா⁴வனாய ஆனிஸங்ஸோ வேதி³தப்³போ³. உபரிமக்³க³த்தயஸமயஸம்பூ⁴தாதி து³தியாதி³மக்³க³க்க²ணே ஜாதா, பா⁴வனாதி⁴காரதோ து³தியமக்³கா³தி³பரியாபன்னாதி அத்தோ². நனு ச தே லோகுத்தரா ஏவ, கஸ்மா விஸேஸனங் பொ³ஜ்ஜ²ங்கே³ஸு அஸம்மோஹத்த²ந்தி விபஸ்ஸனாஜா²னமக்³க³ப²லபொ³ஜ்ஜ²ங்கே³ஸு ஸம்மோஹாபா⁴வத்த²ங். மிஸ்ஸகனயேன ஹி பொ³ஜ்ஜ²ங்கே³ஸு வுச்சமானேஸு தத³ங்கா³தி³விவேகத³ஸ்ஸனவஸேன விபஸ்ஸனாபொ³ஜ்ஜ²ங்கா³த³யோ விப⁴ஜித்வா வுச்சந்தி, ந நிப்³ப³த்திதலோகுத்தரபொ³ஜ்ஜ²ங்கா³ ஏவாதி பொ³ஜ்ஜ²ங்கே³ஸு ஸம்மோஹோ ந ஹோதி பொ³ஜ்ஜ²ங்க³பா⁴வனாபடிபத்தியா ச ஸம்மதே³வ பகாஸிதத்தா. இத⁴ பனாதி இமஸ்மிங் ஸுத்தே, இமஸ்மிங் வா அதி⁴காரே. லோகுத்தரனயோ ஏவ க³ஹேதப்³போ³ பா⁴வனாமக்³க³ஸ்ஸ அதி⁴கதத்தா.
ஆதி³பதா³னந்தி (அ॰ நி॰ டீ॰ 1.1.418) ‘‘ஸதிஸம்பொ³ஜ்ஜ²ங்க³’’ந்தி ஏவமாதீ³னங் தஸ்மிங் தஸ்மிங் வாக்யே ஆதி³பூ⁴தானங் பதா³னங். அத்த²தோதி விஸேஸவஸேன ஸாமஞ்ஞவஸேன ச பத³த்த²தோ. லக்க²ணாதீ³ஹீதி லக்க²ணரஸபச்சுபட்டா²னதோ. கமதோதி அனுபுப்³பி³தோ. அனூனாதி⁴கதோதி தாவத்தகதோ. விபா⁴வினாதி விஞ்ஞுனா.
ஸதிஸம்பொ³ஜ்ஜ²ங்கே³தி ஸதிஸம்பொ³ஜ்ஜ²ங்க³பதே³. ஸரணட்டே²னாதி அனுஸ்ஸரணட்டே²ன. சிரகதாதி³பே⁴த³ங் ஆரம்மணங் உபக³ந்த்வா டா²னங், அனிஸ்ஸஜ்ஜனங் வா உபட்டா²னங். உத³கே அலாபு³ விய பிலவித்வா க³ந்துங் அத³த்வா பாஸாணஸ்ஸ விய நிச்சலஸ்ஸ ஆரம்மணஸ்ஸ ட²பனங் ஸாரணங் அஸம்முட்ட²தாகரணங் அபிலாபனங். வுத்தம்பி ஹேதங் மிலிந்த³பஞ்ஹே.
போ³தி⁴யா த⁴ம்மஸாமக்³கி³யா, அங்கோ³ அவயவோ, போ³தி⁴ஸ்ஸ வா அரியஸாவகஸ்ஸ அங்கோ³ காரணங். பதிட்டா²னாயூஹனா ஓக⁴தரணஸுத்தவண்ணனாயங் (ஸங்॰ நி॰ அட்ட²॰ 1.1.1) –
‘‘கிலேஸவஸேன பதிட்டா²னங், அபி⁴ஸங்கா²ரவஸேன ஆயூஹனா. தண்ஹாதி³ட்டீ²ஹி பதிட்டா²னங், அவஸேஸகிலேஸாபி⁴ஸங்கா²ரேஹி ஆயூஹனா. தண்ஹாவஸேன பதிட்டா²னங், தி³ட்டி²வஸேன ஆயூஹனா. ஸஸ்ஸததி³ட்டி²யா பதிட்டா²னங், உச்சே²த³தி³ட்டி²யா ஆயூஹனா. லீனவஸேன பதிட்டா²னங், உத்³த⁴ச்சவஸேன ஆயூஹனா. காமஸுகா²னுயோக³வஸேன பதிட்டா²னங், அத்தகிலமதா²னுயோக³வஸேன ஆயூஹனா. ஸப்³பா³குஸலாபி⁴ஸங்கா²ரவஸேன பதிட்டா²னங், ஸப்³ப³லோகியகுஸலாபி⁴ஸங்கா²ரவஸேன ஆயூஹனா’’தி –
வுத்தேஸு பகாரேஸு இத⁴ அவுத்தானங் வஸேன வேதி³தப்³பா³. யா ஹி அயங் போ³தீ⁴தி வுச்சதீதி யோஜேதப்³ப³ங் ‘‘கிலேஸஸந்தானநித்³தா³ய உட்ட²ஹதீ’’தி. தங் பன படிபு³ஜ்ஜ²னங் அத்த²தோ சதுன்னங் ஸச்சானங் படிவேதோ⁴, நிப்³பா³னஸ்ஸேவ வா ஸச்சி²கிரியாதி ஆஹ ‘‘சத்தாரீ’’திஆதி³. ஜா²னங்க³மக்³க³ங்கா³த³யோ வியாதி யதா² அங்கா³னி ஏவ ஜா²னமக்³கா³, ந அங்க³வினிமுத்தா, ஏவமிதா⁴பீதி அத்தோ². ஸேனங்க³ரத²ங்கா³த³யோ வியாதி ஏதேன புக்³க³லபஞ்ஞத்தியா அவிஜ்ஜமானபஞ்ஞத்திபா⁴வங் த³ஸ்ஸேதி.
போ³தா⁴ய ஸங்வத்தந்தீதி பொ³ஜ்ஜ²ங்கா³தி இத³ங் காரணத்தோ² அங்க³-ஸத்³தோ³தி கத்வா வுத்தங். பு³ஜ்ஜ²ந்தீதி போ³தி⁴யோ, போ³தி⁴யோ ஏவ அங்கா³தி பொ³ஜ்ஜ²ங்கா³தி வுத்தங் ‘‘பு³ஜ்ஜ²ந்தீதி பொ³ஜ்ஜ²ங்கா³’’தி. அனுபு³ஜ்ஜ²ந்தீதி விபஸ்ஸனாதீ³னங் காரணானங் பு³ஜ்ஜி²தப்³பா³னஞ்ச ஸச்சானங் அனுரூபங் பு³ஜ்ஜ²ந்தி. படிபு³ஜ்ஜ²ந்தீதி கிலேஸனித்³தா³ய உட்ட²ஹனதோ பச்சக்க²பா⁴வேன வா படிமுக²ங் பு³ஜ்ஜ²ந்தி. ஸம்பு³ஜ்ஜ²ந்தீதி அவிபரீதபா⁴வேன ஸம்மா ச பு³ஜ்ஜ²ந்தி. ஏவங் உபஸக்³கா³னங் அத்த²விஸேஸதீ³பனதா த³ட்ட²ப்³பா³. போ³தி⁴-ஸத்³தோ³ ஹி ஸப்³ப³விஸேஸயுத்தங் பு³ஜ்ஜ²னங் ஸாமஞ்ஞேன க³ஹெத்வா டி²தோ.
விசினாதீதி ஓபா⁴ஸனங் த⁴ம்மானங் யதா²பூ⁴தஸபா⁴வபடிச்சா²த³கஸ்ஸ ஸம்மோஹஸ்ஸ வித்³த⁴ங்ஸனங் யதா² ஆலோகோ அந்த⁴காரஸ்ஸ. யஸ்மிங் த⁴ம்மே ஸதி வீரோ நாம ஹோதி, ஸோ த⁴ம்மோ வீரபா⁴வோ. ஈரயிதப்³ப³தோதி பவத்தேதப்³ப³தோ. கோஸஜ்ஜபக்க²தோ பதிதுங் அப்பதா³னவஸேன ஸம்பயுத்தானங் பக்³க³ண்ஹனங் பக்³க³ஹோ. உபத்த²ம்ப⁴னங் அனுப³லப்பதா³னங். ஓஸீத³னங் லயாபத்தி, தப்படிபக்க²தோ அனோஸீத³னங் த³ட்ட²ப்³ப³ங். பீணயதீதி தப்பேதி வட்³டே⁴தி வா. ப²ரணங் பணீதரூபேஹி காயஸ்ஸ ப்³யாபனங். துட்டி² நாம பீதி. உத³க்³க³பா⁴வோ ஓத³க்³யங், காயசித்தானங் உக்கி²பனந்தி அத்தோ². காயசித்தத³ரத²பஸ்ஸம்ப⁴னதோதி காயத³ரத²ஸ்ஸ சித்தத³ரத²ஸ்ஸ ச பஸ்ஸம்ப⁴னதோ வூபஸமனதோ. காயோதி செத்த² வேத³னாத³யோ தயோ க²ந்தா⁴. த³ரதோ² ஸாரம்போ⁴, து³க்க²தோ³மனஸ்ஸபச்சயானங் உத்³த⁴ச்சாதி³கிலேஸானங், தப்பதா⁴னானங் வா சதுன்னங் க²ந்தா⁴னங் அதி⁴வசனங். உத்³த⁴ச்சாதி³கிலேஸபடிபக்க²பா⁴வோ த³ட்ட²ப்³போ³, ஏவஞ்செத்த² பஸ்ஸத்³தி⁴யா அபரிப்ப²ந்த³னஸீதிபா⁴வோ த³ட்ட²ப்³போ³ அஸாரத்³த⁴பா⁴வதோ. தேனாஹ ப⁴க³வா ‘‘பஸ்ஸத்³தோ⁴ காயோ அஸாரத்³தோ⁴’’தி (ம॰ நி॰ 1.52).
ஸமாதா⁴னதோதி ஸம்மா சித்தஸ்ஸ ஆதா⁴னதோ ட²பனதோ. அவிக்கே²போ ஸம்பயுத்தானங் அவிக்கி²த்ததா, யேன ஸஸம்பயுத்தா த⁴ம்மா அவிக்கி²த்தா ஹொந்தி, ஸோ த⁴ம்மோ அவிக்கே²போதி. அவிஸாரோ அத்தனோ ஏவ அவிஸரணஸபா⁴வோ. ஸம்பிண்ட³னங் ஸம்பயுத்தானங் அவிப்பகிண்ணபா⁴வாபாத³னங் ந்ஹானீயசுண்ணானங் உத³கங் விய. சித்தட்டி²திபச்சுபட்டா²னோதி ‘‘சித்தஸ்ஸ டி²தீ’’தி (த⁴॰ ஸ॰ 11) வசனதோ சித்தஸ்ஸ பப³ந்த⁴டி²திபச்சுபட்டா²னோ. அஜ்ஜு²பெக்க²னதோதி உதா³ஸீனபா⁴வதோ. ஸாதி பொ³ஜ்ஜ²ங்க³உபெக்கா² படிஸங்கா²னலக்க²ணா, ஏவஞ்ச கத்வா ‘‘படிஸங்கா² ஸந்திட்ட²னா க³ஹணே மஜ்ஜ²த்ததா’’தி உபெக்கா²கிச்சாதி⁴மத்ததாய ஸங்கா²ருபெக்கா² வுத்தா. ஸம்பயுத்தத⁴ம்மானங் யதா²ஸககிச்சகரணவஸேன ஸமங் பவத்தனபச்சயதா ஸமவாஹிதா. அலீனானுத்³த⁴தப்பவத்திபச்சயதா ஊனாதி⁴கதானிவாரணங். ஸம்பயுத்தானங் அஸமப்பவத்திஹேதுகபக்க²பாதங் உபச்சி²ந்த³ந்தீ விய ஹோதீதி வுத்தங் ‘‘பக்க²பாதுபச்சே²த³ரஸா’’தி. அஜ்ஜு²பெக்க²னமேவ மஜ்ஜ²த்தபா⁴வோ.
ஸப்³ப³ஸ்மிங் லீனபக்கே² உத்³த⁴ச்சபக்கே² ச அத்தி²கா பத்த²னீயா இச்சி²தப்³பா³தி ஸப்³ப³த்தி²கா, தங் ஸப்³ப³த்தி²கங். ஸமானக்க²ணபவத்தீஸு ஸத்தஸுபி ஸம்பொ³ஜ்ஜ²ங்கே³ஸு வாசாய ‘‘ஸப்³பே³ஸ’’ந்திஆதி³. ஸப்³பே³ஸந்தி ச லீனுத்³த⁴ச்சபக்கி²கானங், அஞ்ஞதா² ஸப்³பே³பி ஸப்³பே³ஸங் பச்சயாதி.
‘‘கஸ்மா ஸத்தேவ பொ³ஜ்ஜ²ங்கா³ வுத்தா’’தி சோத³கோ ஸத்³தா⁴லோபா⁴தீ³னம்பி பொ³ஜ்ஜ²ங்க³பா⁴வங் ஆஸங்கதி, இதரோ ஸதிஆதீ³னங்யேவ பா⁴வனாய உபகாரதங் த³ஸ்ஸெந்தோ ‘‘லீனுத்³த⁴ச்சபடிபக்க²தோ ஸப்³ப³த்தி²கதோ சா’’திஆதி³மாஹ. தத்த² லீனஸ்ஸாதி அதிஸிதி²லவீரியதாதீ³ஹி பா⁴வனாவீதி²ங் அனோதரித்வா ஸங்குடிதஸ்ஸ சித்தஸ்ஸ. ததா³ ஹி பஸ்ஸத்³தி⁴ஸமாதி⁴உபெக்கா²ஸம்பொ³ஜ்ஜ²ங்கா³ ந பா⁴வேதப்³பா³. தஞ்ஹி ஏதேஹி அல்லதிணாதீ³ஹி விய பரித்தோ அக்³கி³ து³ஸ்ஸமுட்டா²பியங் ஹோதீதி. தேனாஹ ப⁴க³வா ‘‘ஸெய்யதா²பி, பி⁴க்க²வே, புரிஸோ பரித்தங் அக்³கி³ங் உஜ்ஜாலேதுகாமோ அஸ்ஸ, ஸோ தத்த² அல்லானி சேவ திணானி பக்கி²பெய்யா’’திஆதி³ (ஸங்॰ நி॰ 5.234). த⁴ம்மவிசயவீரியபீதிஸம்பொ³ஜ்ஜ²ங்கா³ பன பா⁴வேதப்³பா³, ஸுக்க²திணாதீ³ஹி விய பரித்தோ அக்³கி³ லீனங் சித்தங் ஏதேஹி ஸுஸமுட்டா²பியங் ஹோதீதி. தேன வுத்தங் ‘‘யஸ்மிஞ்ச கோ²’’திஆதி³. தத்த² யதா²ஸகங் ஆஹாரவஸேன த⁴ம்மவிசயஸம்பொ³ஜ்ஜ²ங்கா³தீ³னங் பா⁴வனா வேதி³தப்³பா³. வுத்தஞ்ஹேதங் ‘‘அத்தி², பி⁴க்க²வே, குஸலாகுஸலா த⁴ம்மா…பே॰… பீதிஸம்பொ³ஜ்ஜ²ங்க³ஸ்ஸ பி⁴ய்யோபா⁴வாய…பே॰… ஸங்வத்ததீ’’தி (ஸங்॰ நி॰ 5.232). தத்த² ஸபா⁴வஸாமஞ்ஞலக்க²ணபடிவேத⁴வஸேன பவத்தமனஸிகாரோ…பே॰… த⁴ம்மவிசயஸம்பொ³ஜ்ஜ²ங்கா³த³யோ பா⁴வேதி நாம.
உத்³த⁴ச்சஸ்ஸாதி சித்தஸ்ஸ அச்சாரத்³த⁴வீரியதாதீ³ஹி ஸீதிபா⁴வபதிட்டி²தபா⁴வங் அனோதிண்ணதாய, ததா³ த⁴ம்மவிசயவீரியபீதிஸம்பொ³ஜ்ஜ²ங்கா³ ந பா⁴வேதப்³பா³. தஞ்ஹி ஏதேஹி ஸுக்க²திணாதீ³ஹி விய அக்³கி³க்க²ந்தோ⁴ து³வூபஸமயங் ஹோதி. தேனாஹ ப⁴க³வா ‘‘ஸெய்யதா²பி, பி⁴க்க²வே, புரிஸோ மஹந்தங் அக்³கி³க்க²ந்த⁴ங் ‘‘யஸ்மிஞ்ச கோ²’’திஆதி³. எத்தா²பி யதா²ஸகங் ஆஹாரவஸேன பஸ்ஸத்³தி⁴ஸம்பொ³ஜ்ஜ²ங்கா³தீ³னங் பா⁴வனா வேதி³தப்³பா³. வுத்தஞ்ஹேதங் ‘‘அத்தி², பி⁴க்க²வே, காயபஸ்ஸத்³தி⁴ ‘‘ஸதிஞ்ச க்²வாஹங், பி⁴க்க²வே, ஸப்³ப³த்தி²கங் வதா³மீ’’தி (ஸங்॰ நி॰ 5.234).
ஞத்வா ஞாதப்³பா³தி (ஸங்॰ நி॰ டீ॰ 1.1.129) ஸம்ப³ந்தோ⁴. வட்³டி⁴ நாம வேபுல்லங் பி⁴ய்யோபா⁴வோ புனப்புனங் உப்பாதோ³ ஏவாதி ஆஹ ‘‘புனப்புனங் ஜனேதீ’’தி. அபி⁴வுத்³தி⁴ங் பாபெந்தோ நிப்³ப³த்தேதி. விவித்ததாதி விவித்தபா⁴வோ. யோ ஹி விவேசனீயதோ விவிச்சதி, யங் விவிச்சித்வா டி²தங், தது³ப⁴யங் இத⁴ விவித்தபா⁴வஸாமஞ்ஞேன ‘‘விவித்ததா’’தி வுத்தங். தேஸு புரிமோ விவேசனீயதோ விவிச்சமானதாய விவேகஸங்கா²தாய விவிச்சனகிரியாய ஸமங்கீ³ த⁴ம்மஸமூஹோ தாய ஏவ விவிச்சனகிரியாய வஸேன விவேகோதி க³ஹிதோ. இதரோ ஸப்³ப³ஸோ ததோ ததோ விவித்தஸபா⁴வதாய. தத்த² யஸ்மிங் த⁴ம்மபுஞ்ஜே ஸதிஸம்பொ³ஜ்ஜ²ங்கோ³ விவிச்சனகிரியாய பவத்ததி, தங் யதா²வுத்தாய விவிச்சமானதாய விவேகஸங்கா²தங் நிஸ்ஸாயேவ பவத்ததி, இதரங் பன தன்னின்னதாததா³ரம்மணதாஹீதி வுத்தங் ‘‘விவேகே நிஸ்ஸித’’ந்தி. யதா² வா விவேகவஸேன பவத்தங் ஜா²னங் ‘‘விவேகஜ’’ந்தி வுத்தங், ஏவங் விவேகவஸேன பவத்தோ பொ³ஜ்ஜ²ங்கோ³ ‘‘விவேகனிஸ்ஸிதோ’’தி த³ட்ட²ப்³போ³. நிஸ்ஸயட்டோ² ச விபஸ்ஸனாமக்³கா³னங் வஸேன மக்³க³ப²லானங் வேதி³தப்³போ³. அஸதிபி புப்³பா³பரபா⁴வே ‘‘படிச்சஸமுப்பாதா³’’தி எத்த² பச்சயானங் ஸமுப்பாத³னங் விய அபி⁴ன்னத⁴ம்மாதா⁴ரா நிஸ்ஸயனபா⁴வனா ஸம்ப⁴வந்தீதி. அயமேவாதி விவேகோ ஏவ. விவேகோ ஹி பஹானவினயவிராக³னிரோதா⁴ ச ஸமானத்தா².
தத³ங்க³ஸமுச்சே²த³னிஸ்ஸரணவிவேகனிஸ்ஸிததங் வத்வா படிபஸ்ஸத்³தி⁴விவேகனிஸ்ஸிததாய அவசனங் ‘‘ஸதிஸம்பொ³ஜ்ஜ²ங்க³ங் பா⁴வேதீ’’திஆதி³னா பா⁴வேதப்³பா³னங் பொ³ஜ்ஜ²ங்கா³னங் இத⁴ வுத்தத்தா. பா⁴விதப்³பொ³ஜ்ஜ²ங்க³ஸ்ஸ ஹி யே ஸச்சி²காதப்³பா³ ப²லபொ³ஜ்ஜ²ங்கா³, தேஸங் கிச்சங் படிபஸ்ஸத்³தி⁴விவேகோ. அஜ்ஜா²ஸயதோதி ந படிஸித்³தா⁴ விபஸ்ஸனாபாத³கேஸு கஸிணாரம்மணாதி³ஜா²னேஸு ஸதிஆதீ³னங் நிப்³பே³த⁴பா⁴கி³யத்தா. அனுத்³த⁴ரந்தா பன விபஸ்ஸனா விய போ³தி⁴யா மக்³க³ஸ்ஸ ஆஸன்னகாரணங் ஜா²னங் ந ஹோதி, நாபி ததா² ஏகந்திகங் காரணங், ந ச விபஸ்ஸனாகிச்சஸ்ஸ விய ஜா²னகிச்சஸ்ஸ நிட்டா²னங் மக்³கோ³தி கத்வா ந உத்³த⁴ரந்தி. எத்த² ச கஸிணக்³க³ஹணேன ததா³யத்தானி ஆருப்பானிபி க³ஹிதானீதி த³ட்ட²ப்³பா³னி. தானிபி ஹி விபஸ்ஸனாபாத³கானி நிப்³பே³த⁴பா⁴கி³யானி ச ஹொந்தீதி வத்துங் வட்டதி தன்னின்னபா⁴வஸப்³பா⁴வதோ. யத³க்³கே³ன ஹி நிப்³பா³னநின்னதா, தத³க்³கே³ன ப²லனின்னதாபி ஸியா. ‘‘குதா³ஸ்ஸு நாமாஹங் ததா³யதனங் உபஸம்பஜ்ஜ விஹரெய்ய’’ந்தி (ம॰ நி॰ 1.465) ஆதி³வசனம்பேதஸ்ஸ அத்த²ஸ்ஸ ஸாத⁴கங்.
வொஸ்ஸக்³க³-ஸத்³தோ³ பரிச்சாக³த்தோ² பக்க²ந்த³னத்தோ² சாதி வொஸ்ஸக்³க³ஸ்ஸ து³வித⁴தா வுத்தா. வொஸ்ஸஜ்ஜனஞ்ஹி பஹானங், விஸ்ஸட்ட²பா⁴வேன நிராஸங்கபவதி ச, தஸ்மா விபஸ்ஸனாக்க²ணே தத³ங்க³வஸேன, மக்³க³க்க²ணே ஸமுச்சே²த³வஸேன படிபக்க²ஸ்ஸ பஹானங் வொஸ்ஸக்³கோ³, ததா² விபஸ்ஸனாக்க²ணே தன்னின்னபா⁴வேன, மக்³க³க்க²ணே ஆரம்மணகரணேன விஸ்ஸட்ட²ஸபா⁴வதோ வொஸ்ஸக்³கோ³தி வேதி³தப்³ப³ங். யதா²வுத்தேன பகாரேனாதி தத³ங்க³ஸமுச்சே²த³பகாரேன தன்னின்னததா³ரம்மணகரணபகாரேன ச. புப்³பே³ வொஸ்ஸக்³க³-பத³ஸ்ஸேவ அத்த²ஸ்ஸ வுத்தத்தா ஆஹ ‘‘ஸகலேன வசனேனா’’தி. பரிணமந்தங் விபஸ்ஸனாக்க²ணே, பரிணதங் மக்³க³க்க²ணே. பரிணாமோ நாம பரிபாகோதி ஆஹ ‘‘பரிபச்சந்தங் பரிபக்கஞ்சா’’தி. பரிபாகோ ச ஆஸேவனலாபே⁴ன ஆஹிதஸாமத்தி²யஸ்ஸ கிலேஸஸ்ஸ பரிச்சஜிதுங் நிப்³பா³னஞ்ச பக்க²ந்தி³துங் திக்க²விஸத³ஸபா⁴வோ. தேனாஹ ‘‘அயஞ்ஹீ’’திஆதி³. ஏஸ நயோதி ய்வாயங் ‘‘தத³ங்க³விவேகனிஸ்ஸித’’ந்திஆதி³னா ஸதிஸம்பொ³ஜ்ஜ²ங்கே³ வுத்தோ, ஸேஸேஸு த⁴ம்மவிசயஸம்பொ³ஜ்ஜ²ங்கா³தீ³ஸுபி ஏஸ நயோதி ஏவங் தத்த² நேதப்³ப³ந்தி அத்தோ².
ஏவங் ஆதி³கம்மிகானங் பொ³ஜ்ஜ²ங்கே³ஸு அஸம்மோஹத்த²ங் மிஸ்ஸகனயங் வத்வா இதா³னி நிப்³ப³த்திதலோகுத்தரபொ³ஜ்ஜ²ங்க³வஸேன அத்த²ங் விபா⁴வேதுங் ‘‘இத⁴ பனா’’திஆதி³ வுத்தங். இத⁴ பனாதி இமஸ்மிங் ஸப்³பா³ஸவஸுத்தந்தே. மக்³கோ³ ஏவ வொஸ்ஸக்³க³விபரிணாமீ பா⁴வனாமக்³க³ஸ்ஸ இத⁴ அதி⁴ப்பேதத்தா. தஞ்ச கோ²தி ஸதிஸம்பொ³ஜ்ஜ²ங்க³ங். ஸமுச்சே²த³தோதி ஸமுச்சி²ந்த³னதோ.
தி³ட்டா²ஸவஸ்ஸ‘‘தயோ ஆஸவா’’தி வுத்தங். தேபி அனபாயக³மனீயா ஏவ வேதி³தப்³பா³ ‘‘மக்³க³த்தயஸம்பயுத்தாயா’’தி ஆஹ.
பா⁴வனாபஹாதப்³ப³ஆஸவவண்ணனா நிட்டி²தா.
28. தோ²மெந்தோதி ஆஸவப்பஹானஸ்ஸ ஸுது³க்கரத்தா தாய ஏவ து³க்கரகிரியாய தங் அபி⁴த்த²வந்தோ. அஸ்ஸாதி பஹீனாஸவபி⁴க்கு²னோ. ஆனிஸங்ஸந்தி தண்ஹாச்சே²தா³தி³து³க்க²க்க²யபரியோஸானங் உத்³ரயங். ஏதேஹி பஹானாதி³ஸங்கித்தனேஹி. உஸ்ஸுக்கங் ஜனெந்தோதி ஏவங் த⁴ம்மஸ்ஸாமினாபி அபி⁴த்த²வனீயங் மஹானிஸங்ஸஞ்ச ஆஸவப்பஹானந்தி தத்த² ஆத³ரஸஹிதங் உஸ்ஸாஹங் உப்பாதெ³ந்தோ. த³ஸ்ஸனேனேவ பஹீனாதி த³ஸ்ஸனேன பஹீனா ஏவ. தேன வுத்தங் ‘‘ந அப்பஹீனேஸுயேவ பஹீனஸஞ்ஞீ’’தி.
ஸப்³ப³-ஸத்³தே³ன ஆஸவானங், ஆஸவஸங்வரானஞ்ச ஸம்ப³ந்த⁴வஸேன து³தியபட²மவிகப்பானங் பே⁴தோ³ த³ட்ட²ப்³போ³. த³ஸ்ஸனாபி⁴ஸமயாதி பரிஞ்ஞாபி⁴ஸமயா பரிஞ்ஞாகிச்சஸித்³தி⁴யா. தேனாஹ ‘‘கிச்சவஸேனா’’தி, அஸம்மோஹபடிவேதே⁴னாதி அத்தோ². ஸமுஸ்ஸயோ காயோ, அத்தபா⁴வோ வா.
அனவஜ்ஜபீதிஸோமனஸ்ஸஸஹிதங் சித்தங் ‘‘அத்தனோ’’தி வத்தப்³ப³தங் அரஹதி அத்தா²வஹத்தா, ந தப்³பி³பரீதங் அனத்தா²வஹத்தாதி பீதிஸம்பயுத்தசித்ததங் ஸந்தா⁴யாஹ ‘‘அத்தமனாதி ஸகமனா’’தி. தேனாஹ ‘‘துட்ட²மனா’’தி. அத்தமனாதி வா பீதிஸோமனஸ்ஸேஹி க³ஹிதமனா. யஸ்மா பன தேஹி க³ஹிததா ஸம்பயுத்ததாவ, தஸ்மா வுத்தங் ‘‘பீதிஸோமனஸ்ஸேஹி வா ஸம்பயுத்தமனா’’தி. யதெ³த்த² அத்த²தோ ந விப⁴த்தங், தங் வுத்தனயத்தா ஸுவிஞ்ஞெய்யத்தா சாதி வேதி³தப்³ப³ங்.
ஸப்³பா³ஸவஸுத்தவண்ணனாய லீனத்த²ப்பகாஸனா ஸமத்தா.
3. த⁴ம்மதா³யாத³ஸுத்தவண்ணனா
29. தஸ்மா தங் த³ஸ்ஸெத்வாதி யஸ்மா ஸுத்தந்தவண்ணனா ஸுத்தனிக்கே²பங் த³ஸ்ஸெத்வா வுச்சமானா பாகடா ஹோதி, யஸ்மா சஸ்ஸ த⁴ம்மதா³யாத³ஸுத்தஸ்ஸ அட்டு²ப்பத்திகோ நிக்கே²போ, தஸ்மா தங் நிக்கே²பங் த³ஸ்ஸெத்வா, கதெ²த்வாதி அத்தோ². லாப⁴ஸக்காரேதி (ஸங்॰ நி॰ டீ॰ 2.2.63) லாப⁴ஸக்காரஸங்கா²தாய அட்டு²ப்பத்தியாதி கேசி, லாப⁴ஸக்காரே வா அட்டு²ப்பத்தியாதி அபரே. யா ஹி லாப⁴ஸக்காரனிமித்தங் ததா³ பி⁴க்கூ²ஸு பச்சயபா³ஹுல்லிகதா ஜாதா, தங் அட்டு²ப்பத்திங் கத்வா ப⁴க³வா இமங் தே³ஸேஸீதி. யமகமஹாமேகோ⁴தி ஹெட்டா²ஓலம்ப³னஉபரிஉக்³க³மனவஸேன ஸதபடலோ ஸஹஸ்ஸபடலோ யுக³ளமஹாமேகோ⁴. திட்ட²ந்தி சேவ ப⁴க³வதி கத்த²சி நிப³த்³த⁴வாஸங் வஸந்தே, சாரிகங் பன க³ச்ச²ந்தே அனுப³ந்த⁴ந்தி ச. பி⁴க்கூ²னம்பி யேபு⁴ய்யேன கப்பஸதஸஹஸ்ஸங் ததோ பி⁴ய்யோபி பூரிததா³னபாரமிஸஞ்சயத்தா ததா³ மஹாலாப⁴ஸக்காரோ உப்பஜ்ஜீதி வுத்தங் ‘‘ஏவங் பி⁴க்கு²ஸங்க⁴ஸ்ஸபீ’’தி.
ஸக்கதோதி ஸக்காரப்பதோ. க³ருகதோதி க³ருகாரப்பத்தோ. மானிதோதி ப³ஹுமதோ மனஸா பியாயிதோ ச. பூஜிதோதி மாலாதி³பூஜாய சேவ சதுபச்சயாபி⁴பூஜாய ச பூஜிதோ. அபசிதோதி அபசாயனப்பத்தோ. யஸ்ஸ ஹி சத்தாரோ பச்சயே ஸக்கத்வாபி அபி⁴ஸங்க²தே பணீதபணீதே உபனெந்தி, ஸோ ஸக்கதோ. யஸ்மிங் க³ருபா⁴வங் பச்சுபட்ட²பெத்வா தே தெ³ந்தி, ஸோ க³ருகதோ. யங் மனஸா பியாயந்தி ப³ஹுமஞ்ஞந்தி ச, ஸோ ப³ஹுமதோ. யஸ்ஸ ஸப்³ப³மேதங் பூஜாவஸேன கரொந்தி, ஸோ பூஜிதோ. யஸ்ஸ அபி⁴வாத³னபச்சுட்டா²னஞ்ஜலிகம்மாதி³வஸேன பரமனிபச்சகாரங் கரொந்தி, ஸோ அபசிதோ. ப⁴க³வதி பி⁴க்கு²ஸங்கே⁴ ச லோகோ ஏவங் படிபன்னோ. தேன வுத்தங் ‘‘தேன கோ² பன…பே॰… பரிக்கா²ரான’’ந்தி. லாப⁴க்³க³யஸக்³க³பத்தந்தி லாப⁴ஸ்ஸ ச யஸஸ்ஸ ச அக்³க³ங் உக்கங்ஸங் பத்தங்.
பச்சயா சீவராத³யோ க³ருகாதப்³பா³ ஏதேஸந்தி பச்சயக³ருகா, ஆமிஸசக்கு²காதி அத்தோ². பச்சயேஸு கி³த்³தா⁴ க³தி⁴தா பச்சயானங் ப³ஹுலபா⁴வாய படிபன்னாதி பச்சயபா³ஹுலிகா. ப⁴க³வதோபி பாகடா அஹோஸி பகதிசாரித்தவஸேனாதி அதி⁴ப்பாயோ அஞ்ஞதா² அபாகடஸ்ஸேவ அபா⁴வதோ. த⁴ம்மஸபா⁴வசிந்தாவஸேன பவத்தங் ஸஹொத்தப்பஞாணங் த⁴ம்மஸங்வேகோ³, இத⁴ ஸமணத⁴ம்மவுத்தீதி ஸமணத⁴ம்மகரணங். ஸாதி த⁴ம்மதா³யாத³தே³ஸனா. படிபி³ம்ப³த³ஸ்ஸனவஸேன ஸப்³ப³காயஸ்ஸ த³ஸ்ஸனயொக்³கோ³ ஆதா³ஸோதி ஸப்³ப³காயிகஆதா³ஸோ.
பிது-தா³யங், தேன தா³தப்³ப³ங், ததோ லத்³த⁴ப்³ப³ங் அரஹபா⁴வேன ஆதி³யந்தீதி தா³யாதா³, புத்தா. தஞ்ச லோகே ஆமிஸமேவ, ஸாஸனே பன த⁴ம்மோபீதி தத்த² யங் ஸாவஜ்ஜங் அனிய்யானிகஞ்ச, தங் படிக்கி²பித்வா, யங் நிய்யானிகங் அனவஜ்ஜஞ்ச, தத்த² பி⁴க்கூ² நியோஜெந்தோ ப⁴க³வா அவோச ‘‘த⁴ம்மதா³யாதா³ மே, பி⁴க்க²வே, ப⁴வத², மா ஆமிஸதா³யாதா³’’தி. த⁴ம்மஸ்ஸ மே தா³யாதா³தி மம த⁴ம்மஸ்ஸ ஓகா³ஹினோ, த⁴ம்மபா⁴க³பா⁴கி³னோதி அத்தோ². ததா² ஹி வக்க²தி ‘‘த⁴ம்மகொட்டா²ஸஸ்ஸேவ ஸாமினோ’’தி (ம॰ நி॰ அட்ட²॰1.29). நிப்³ப³த்திதத⁴ம்மோதி அஸங்கிலேஸிகானுத்தராதி³பா⁴வேன த⁴ம்மஸாமஞ்ஞதோ நித்³தா⁴ரிதத⁴ம்மோ. பரியாயேதி ஸபா⁴வதோ பரிவத்தெத்வா ஞாபேதி ஏதேனாதி பரியாயோ, லேஸோ, லேஸகாரணங் வா. தத³பா⁴வதோ நிப்பரியாயத⁴ம்மோ மக்³க³ப்பத்தியா அபாயபதனாதி³தோ அச்சந்தமேவ வாரணதோ. இதரோ வுத்தவிபரியாயதோ பரியாயத⁴ம்மோ அச்சந்தங் அபாயது³க்க²வட்டது³க்க²பாதனதோ பரம்பராய வாரணதோ. யதா² ஹி லோகியங் குஸலங் தா³னஸீலாதி³ விவட்டங் உத்³தி³ஸ்ஸ நிப்³ப³த்திதங், அயங் தங் அஸம்பாதெ³ந்தம்பி தங் ஸம்பாபகஸ்ஸ த⁴ம்மஸ்ஸ நிப்³ப³த்தகாரணபா⁴வபரியாயேன பரியாயத⁴ம்மோ நாம ஹோதி, ஏவங் தங் வட்டங் உத்³தி³ஸ்ஸ நிப்³ப³த்திதங், யங் தண்ஹாதீ³ஹி ஸவிஸேஸங் ஆமஸிதப்³ப³தோ ஆமிஸந்தி லோகே பாகடங் அச்சா²த³னபோ⁴ஜனாதி³, தஸ்ஸ, தங்ஸதி³ஸஸ்ஸ ச ப²லவிஸேஸஸ்ஸ நிமித்தபா⁴வபரியாயேன பரியாயாமிஸந்தி வுச்சதீதி த³ஸ்ஸெந்தோ ஆஹ ‘‘யங் பனித³ங்…பே॰… இத³ங் பரியாயாமிஸங் நாமா’’தி.
‘‘ஸகலமேவ ஹித³ங், ஆனந்த³, ப்³ரஹ்மசரியஸ்ஸ யதி³த³ங் கல்யாணமித்ததா’’தி (ஸங்॰ நி॰ 5.2, 3) ஆதி³வசனதோ ஸாவகேஹி அதி⁴க³தோபி லோகுத்தரத⁴ம்மோ ஸத்து²யேவாதி வத்தப்³ப³தங் அரஹதீதி வுத்தங் ‘‘நிப்பரியாயத⁴ம்மோபி ப⁴க³வதோயேவ ஸந்தகோ’’தி. ஸாவகானஞ்ஹி த⁴ம்மதி³ட்டி²பச்சயஸ்ஸபி யோனிஸோமனஸிகாரஸ்ஸ விஸேஸபச்சயோ பரதோகோ⁴ஸோ ச ததா²க³தாதீ⁴னோதி தேஹி படிவித்³தோ⁴பி த⁴ம்மோ த⁴ம்மஸ்ஸாமினோயேவாதி வத்துங் யுத்தங். தேனாஹ ‘‘ப⁴க³வதா ஹீ’’திஆதி³. தத்த² அனுப்பன்னஸ்ஸ மக்³க³ஸ்ஸாதி கஸ்ஸபஸ்ஸ ப⁴க³வதோ ஸாஸனந்தரதா⁴னதோ பபு⁴தி யாவ இமஸ்மா பு³த்³து⁴ப்பாதா³ அஸம்போ³த⁴வஸேன ந உப்பன்னஸ்ஸ அரியமக்³க³ஸ்ஸ. உப்பாதே³தாதி நிப்³ப³த்தேதா. தங் பனேதங் மக்³க³ஸ்ஸ ‘‘அஸஞ்ஜாதஸ்ஸ மக்³க³ஸ்ஸ ஸஞ்ஜனேதா, அனக்கா²தஸ்ஸ மக்³க³ஸ்ஸ அக்கா²தா’’தி வுத்தங். தயித³ங் மக்³க³ஸ்ஸ உப்பாத³னங் ஸஞ்ஜானநஞ்ச அத்த²தோ ஜானநஞ்ஞேவ அஸம்மோஹபடிவேத⁴பா⁴வதோதி வுத்தங் ‘‘மக்³க³ஞ்ஞூ மக்³க³விதூ³’’தி. அக்கா²னங் பனஸ்ஸ ஸுகுஸலபா⁴வேனாதி வுத்தங் ‘‘மக்³க³கோவிதோ³’’தி. ஸத்தா²ரா மக்³கா³னுகா³ ப⁴க³வதோ ஏவ தங் மக்³க³ங் ஸுட்டு² அதி⁴க³மனதோ. பச்சா² பரதோ ஸம்மா அனு அனு ஆக³தா படிபன்னாதி பச்சா² ஸமன்னாக³தா.
ஜானங் ஜானாதீதி ஜானிதப்³ப³மேவ அபி⁴ஞ்ஞெய்யாதி³பே⁴த³ங் ஜானாதி ஏகந்தஹிதபடிபத்திதோ. பஸ்ஸங் பஸ்ஸதீதி ததா² பஸ்ஸிதப்³ப³மேவ பஸ்ஸதி. அத² வா ஜானங் ஜானாதீதி ஸப்³ப³ஞ்ஞுதஞ்ஞாணேன ஜானிதப்³ப³ங் ஜானாதியேவ. ந ஹி பதே³ஸஞாணேன ஜானிதப்³ப³ங் ஸப்³ப³ங் ஏகந்ததோ ஜானாதி. பஸ்ஸங் பஸ்ஸதீதி தி³ப்³ப³சக்கு² பஞ்ஞாசக்கு² த⁴ம்மசக்கு² பு³த்³த⁴சக்கு² ஸமந்தசக்கு²ஸங்கா²தேஹி பஞ்சஹி சக்கூ²ஹி பஸ்ஸிதப்³ப³ங் பஸ்ஸதியேவ. அத² வா ஜானங் ஜானாதீதி யதா² அஞ்ஞே ஸவிபல்லாஸா காமரூபபரிஞ்ஞாவாதி³னோ ஜானந்தாபி விபல்லாஸவஸேன ஜானந்தி, ந ஏவங் ப⁴க³வா. ப⁴க³வா பன பஹீனவிபல்லாஸத்தா ஜானந்தோ ஜானாதியேவ, தி³ட்டி²த³ஸ்ஸனஸ்ஸ ச அபா⁴வா பஸ்ஸந்தோ பஸ்ஸதியேவாதி அத்தோ². சக்கு²பூ⁴தோதி பஞ்ஞாசக்கு²மயத்தா தஸ்ஸ ச பத்தத்தா ஸத்தேஸு ச தது³ப்பாத³னதோ த³ஸ்ஸனபரிணாயகட்டே²ன லோகஸ்ஸ சக்கு² விய பூ⁴தோ. ஞாணபூ⁴தோதி ஏதஸ்ஸ ச ஏவமேவ அத்தோ² த³ட்ட²ப்³போ³. த⁴ம்மா போ³தி⁴பக்கி²யா, ப்³ரஹ்மா மக்³கோ³, தேஹி உப்பன்னத்தா, தேஸங்வா பத்தத்தா அதி⁴க³தத்தா, லோகஸ்ஸ ச தது³ப்பாத³னதோ ‘‘த⁴ம்மபூ⁴தோ, ப்³ரஹ்மபூ⁴தோ’’தி ச வேதி³தப்³போ³. வத்தாதி சதுஸச்சத⁴ம்மங் வத³தீதி வத்தா. சிரங் ஸச்சப்படிவேத⁴ங் பவத்தெந்தோ வத³தீதி பவத்தா. அத்த²ஸ்ஸ நின்னேதாதி த⁴ம்மதாஸங்கா²தங் பரமத்த²ங் நிப்³பா³னஞ்ச நித்³தா⁴ரெத்வா த³ஸ்ஸேதா, பாபயிதா வா. அமதஸ்ஸ தா³தாதி அமதங் ஸச்சி²கிரியங் ஸத்தேஸு உப்பாதெ³ந்தோ அமதங் த³தா³தீதி அமதஸ்ஸ தா³தா. போ³தி⁴பக்கி²யத⁴ம்மானங் ததா³யத்தபா⁴வதோ த⁴ம்மஸ்ஸாமீ.
‘‘யா ச நிப்³பா³னஸம்பத்தி, ஸப்³ப³மேதேன லப்³ப⁴தி;
ஸுகோ² விபாகோ புஞ்ஞானங், அதி⁴ப்பாயோ ஸமிஜ்ஜ²தி. (பேடகோ॰ 23);
நிப்³பா³னபடிஸங்யுத்தோ, ஸப்³ப³ஸம்பத்திதா³யகோ’’தி –
ஏவமாதி³ங் ‘‘பரியாயத⁴ம்மோபி…பே॰… படிலப⁴தீ’’தி. ‘‘ஏதி³ஸங் பரிபு⁴ஞ்சிதப்³ப³’’ந்தி கப்பியஸ்ஸ ச சீவராதி³பச்சயஸ்ஸ ப⁴க³வதோ வசனேன வினா படிக்³க³ஹோபி பி⁴க்கூ²னங் ந ஸம்ப⁴வதி, குதோ பரிபோ⁴கோ³தி ஆஹ ‘‘நிப்பரியாயாமிஸம்பீ’’திஆதி³.
பரியாயாமிஸஸ்ஸ ப⁴க³வதோ ஸந்தகபா⁴வோ பரியாயத⁴ம்மஸ்ஸ தப்³பா⁴வேனேவ தீ³பிதோ. ததே³வ ஸாமிபா⁴வங் தஸ்மாதி அத்தாதீ⁴னபடிலாப⁴படிக்³க³ஹதாய அத்தனோ ஸந்தகத்தா ச. தத்தா²தி தஸ்மிங் த⁴ம்மாமிஸே.
பச்சயா சீவராத³யோ பரமா பாபுணிதப்³ப³பா⁴வேன உத்தமமரியாதா³ ஏதஸ்ஸ ந உத்தரிமனுஸ்ஸத⁴ம்மா அப்பிச்ச²தாத³யோ சாதி பச்சயபரமோ, லாப⁴க³ரூதி அத்தோ². தண்ஹுப்பாதே³ஸூதி ‘‘சீவரஹேது வா, பி⁴க்க²வே, பி⁴க்கு²னோ தண்ஹா உப்பஜ்ஜமானா உப்பஜ்ஜதி, பிண்ட³பாதஸேனாஸனஇதிப⁴வாப⁴வஹேது வா, பி⁴க்க²வே, பி⁴க்கு²னோ தண்ஹா உப்பஜ்ஜமானா உப்பஜ்ஜதீ’’தி (தீ³॰ நி॰ 3.311; அ॰ நி॰ 4.9; இதிவு॰ 105) ஏவங் வுத்தேஸு சதூஸு தண்ஹுப்பத்திகொட்டா²ஸேஸு. அப்பிச்ச²தாஸந்துட்டி²ஸல்லேக²பவிவேகாத³யோ அப்பிச்ச²தாத³யோ.
தத்தா²தி தஸ்மிங் ஓவாதே³, தேஸு வா த⁴ம்மபடிக்³கா³ஹகேஸு பி⁴க்கூ²ஸு. ப⁴விஸ்ஸதி வா யேஸங் தத்தா²தி யோஜனா. இமஸ்மிங் பக்கே² தத்தா²தி தஸ்மிங் ஓவாதே³ இச்சேவ அத்தோ² த³ட்ட²ப்³போ³. அதி⁴ப்பாயோ ஆமிஸதா³யாத³தாய உப்பஜ்ஜனகஅனத்தா²னுப்பாத³ஸ்ஸ த⁴ம்மதா³யாத³தாய உப்பஜ்ஜனகஅட்டு²ப்பத்தியா ச ஆகங்கா². தேனாஹ ‘‘பஸ்ஸதீ’’திஆதி³. தத்த² ஆமிஸே உபக்க²லிதானந்தி ஆமிஸஹேது விப்படிபன்னானங். அதீதகாலேதி கஸ்ஸபஸம்மாஸம்பு³த்³த⁴காலே. கபிலஸ்ஸ பி⁴க்கு²னோ வத்து² கபிலஸுத்தேன, ‘‘ஸங்கா⁴டிபிஆதி³த்தா ஹோதீ’’திஆதி³னா லக்க²ணஸுத்தேன (ஸங்॰ நி॰ 2.218) ச விபா⁴வேதப்³ப³ங். ஆமிஸக³ருகோ அப்பக்³க⁴பா⁴வேன கூடகஹாபணோ விய நித்தேஜோ ஸமணதேஜேன அனுஜ்ஜலதோ நிப்³பு³தங்கா³ரோ விய நிப்பபோ⁴ ச ஹோதீதி யோஜனா. ததோதி பச்சயக³ருகபா⁴வதோ. விவத்திதசித்தோதி வினிவத்திதமானஸோ, ஸல்லேக²வுத்தீதி அத்தோ².
த⁴ம்மதா³யாதா³தி ‘‘மா ஆமிஸதா³யாதா³’’தி படிக்கே²போ த³ஸ்ஸிதோ. ததே²வ ச விபா⁴வேதுங் அதி⁴ப்பாயானிஸங்ஸவிபா⁴வனேஸுபி த³ஸ்ஸிதோ, ததா² ஆதீ³னவவிபா⁴வனேன த⁴ம்மதா³யாத³தாபடிக்கே²போ. அபதி³ஸிதப்³பா³தி ஹெட்டா² கத்வா வத்தப்³பா³தி. ஆதி³யாதி எத்த² யஸ்மா ஆ-காரோ மரியாத³த்தோ², தஸ்மா த⁴ம்மதா³யாத³தாவிது⁴ரேன ஆமிஸதா³யாத³பா⁴வேன ஹேதுபூ⁴தேன, கரணபூ⁴தேன வா ஆதி³யங் விவேசனங் விஞ்ஞூஹி விஸுங் கரணங் வவத்தா²னஸ்ஸ ஹோதீதி ஆஹ ‘‘விஸுங் காதப்³பா³’’தி. தேனாஹ ‘‘விஞ்ஞூஹி கா³ரய்ஹா ப⁴வெய்யாதா²தி வுத்தங் ஹோதீ’’தி.
‘‘அத்தி² மே தும்ஹேஸு அனுகம்பா…பே॰… நோ ஆமிஸதா³யாதா³’’தி பி⁴க்கூ²ஸு அத்தனோ கருணாயனாகித்தனங் ‘‘அதீவ முது³கரணத்த²’’ந்தி.
நாளகபடிபதா³த³யோ நாளகஸுத்தாதீ³ஸு (ஸு॰ நி॰ 684-728) ஆக³தபடிபத்தியோ. தா பன யஸ்மா நாளகத்தே²ராதீ³ஹி படிபன்னா பரமஸல்லேக²வுத்திபூ⁴தா அதிஉக்கட்ட²படிபத்தியோ, தஸ்மா இத⁴ த⁴ம்மதா³யாத³படிபதா³ய உதா³ஹரணபா⁴வேன உத்³த⁴டா. ஸக்கி²பூ⁴தாதி தாய படிபத்தியா வுச்சமானாய ‘‘கிங் மே வினா படிபஜ்ஜனகோ அத்தீ²’’தி அஸத்³த³ஹந்தானங் பச்சக்க²கரணேன ஸக்கி²பூ⁴தா. இமஸ்மிந்தி ‘‘தும்ஹே ச மே பி⁴க்க²வே த⁴ம்மதா³யாதா³’’திஆதி³கே வாக்யே. ஸேஸந்தி ‘‘தும்ஹே ச மே’’திஆதி³கங் ஸுக்கபக்கே² ஆக³தங் பாளிபத³ங். வுத்தனயபச்சனீகேனாதி ‘‘தேன த⁴ம்மதா³யாத³பா⁴வேன நோ ஆமிஸதா³யாத³பா⁴வேனா’’தி ஏவங் கண்ஹபக்கே² வுத்தனயஸ்ஸ படிபக்கே²ன.
30. தோ²மனங் ஸுத்வாதி படிபஜ்ஜனகஸ்ஸ புக்³க³லஸ்ஸ பஸங்ஸனங் ஸுத்வா யதா² தங் ஸபரிஸஸ்ஸ ஆயஸ்மதோ உபஸேனஸ்ஸ படிபத்தியா ஸீலதோ²மனங் ஸுத்வா. நிபாதபத³ந்தி இமினா இத⁴-ஸத்³த³ஸ்ஸ அனத்த²கதமாஹ. பவாரிதோதி படிக்கே²பிதோ. யோ ஹி பு⁴ஞ்ஜந்தோ போ⁴ஜனேன தித்தோ பரிவேஸகேன உபனீதபோ⁴ஜனங் படிக்கி²பதி, ஸோ தேன பவாரிதேன படிக்கே²பிதோ நாம ஹோதி. தேனாஹ ‘‘பவாரிதோதி…பே॰… வுத்தங் ஹோதீ’’தி. பகாரேஹி தி³ட்டா²தீ³ஹி வாரேதி ஸங்கா⁴தி³கே யாசாபேதி ப⁴த்தே பவாரணா, ஆபத்திவிஸோத⁴னாய அத்தவொஸ்ஸக்³கோ³ ஓகாஸதா³னங். ஸா பன யஸ்மா யேபு⁴ய்யேன வஸ்ஸங்வுத்தே²ஹி காதப்³பா³ வுத்தா, தஸ்மா ‘‘வஸ்ஸங்வுத்த²பவாரணா’’தி வுத்தங். பவாரேதி பச்சயே இச்சா²பேதி ஏதாயாதி பவாரணா, சீவராதீ³ஹி உபனிமந்தனா. பகாரயுத்தா வாரணாதி பவாரணா, விப்பகதபோ⁴ஜனதாதி³சதுரங்க³ஸஹிதோ போ⁴ஜனபடிக்கே²போ. ஸா பன யஸ்மா அனதிரித்தபோ⁴ஜனநிமித்தாய ஆபத்தியா காரணங் ஹோதி, தஸ்மா ‘‘அனதிரித்தபவாரணா’’தி வுத்தா. யாவத³த்த²போ⁴ஜனஸ்ஸ பவாரணா யாவத³த்த²பவாரணா, பரியோஸிதபோ⁴ஜனஸ்ஸ உபனீதாஹாரபடிக்கே²போதி அத்தோ².
‘‘பு⁴த்தாவீ’’தி வசனதோ போ⁴ஜனபாரிபூரிதா இதா⁴தி⁴ப்பேதாதி ஆஹ ‘‘பரிபுண்ணோதி போ⁴ஜனேன பரிபுண்ணோ’’தி. பரியோஸிதோதி எத்தா²பி ஏஸேவ நயோ ‘‘போ⁴ஜனேன போ⁴ஜனகிரியாய பரியோஸிதோ’’தி. அட்ட²கதா²யங் பன அதி⁴ப்பேதத்த²ங் பாகடங் கத்வா த³ஸ்ஸேதுங் போ⁴ஜன-ஸத்³த³ஸ்ஸ லோபோ வுத்தோ. தா⁴தோதி தித்தோ. ஸாத⁴கானீதி ஞாபகானி. பரியோஸிதபோ⁴ஜனங் ஸுஹிதயாவத³த்த²தாக³ஹணேஹி பு⁴த்தாவிதாத³யோ, பு⁴த்தாவிதாதி³க்³க³ஹணேஹி வா இதரே போ³தி⁴தா ஹொந்தீதி அஞ்ஞமஞ்ஞங் நேஸங் ஞாபகஞாபேதப்³ப³தங் த³ஸ்ஸேதுங் ‘‘யோ ஹீ’’திஆதி³ வுத்தங். ஏவங் ச²ஹிபி பதே³ஹி உத³ராவதே³ஹகங் போ⁴ஜனங் த³ஸ்ஸிதங் ‘‘ஸப்³ப³ஞ்சேதங் பரிகப்பெத்வா வுத்த’’ந்தி.
‘‘ஸியா ஏவ, நாபி ஸியா’’தி ச இத³ங் அத்த²த்³வயம்பி இத⁴ ஸம்ப⁴வதீதி வுத்தங் ‘‘இத⁴ உப⁴யம்பி வட்டதீ’’தி. அதா²தி அனந்தரங், மம போ⁴ஜனஸமனந்தரமேவாதி அத்தோ². தங் பன யஸ்மா யதா²வுத்தகாலபச்சாமஸனங் ஹோதி, தஸ்மா ‘‘தம்ஹி காலே’’தி வுத்தங். அப்பருள்ஹஹரிதேதி ருஹமானதிணாதி³ஹரிதரஹிதே. அபா⁴வத்தோ² ச அயங் அப்ப-ஸத்³தோ³ ‘‘அப்பிச்சோ²’’திஆதீ³ஸு (ம॰ நி॰ 1.252, 336; ஸங்॰ நி॰ 2.148) விய.
கதி²தேபீதி பி-ஸத்³தோ³ அவுத்தஸமுச்சயத்தோ². தேன வாபஸமீகரணாதி³ங் ஸங்க³ண்ஹாதி. ததா² ஹேஸ வுத்த-ஸத்³தோ³ ‘‘நோ ச கோ² படிவுத்த’’ந்திஆதீ³ஸு (பாரா॰ 289) வாபஸமீகரணே தி³ஸ்ஸதி, ‘‘பன்னலோமோ பரத³த்தவுத்தோ’’திஆதீ³ஸு (சூளவ॰ 332) ஜீவிதவுத்தியங், ‘‘பண்டு³பலாஸோ ப³ந்த⁴னா பவுத்தோ’’திஆதீ³ஸு (பாரா॰ 92; பாசி॰ 666; மஹாவ॰ 129; ம॰ நி॰ 3.59) அபக³மே, ‘‘கீ³தங் பவுத்தங்
ந எத்த² பிண்ட³பாதபோ⁴ஜனேன த⁴ம்மதா³யாத³தா நிவாரிதா, பிண்ட³பாதபோ⁴ஜனங் பன அனாத³ரித்வா த⁴ம்மானுத⁴ம்மபடிபத்தீதி எத்த² காரணங் த³ஸ்ஸெந்தோ ஆஹ ‘‘பிண்ட³பாதங்…பே॰… வீதினாமெய்யா’’தி. தத்த² வீதினாமெய்யாதி கம்மட்டா²னானுயோகே³ன கே²பெய்ய. தேனாஹ ‘‘ஆதி³த்தஸீஸூபமங் பச்சவெக்கி²த்வா’’தி. ஆதி³த்தஸீஸூபமந்திஆதி³த்தஸீஸூபமஸுத்தங்.
கிஞ்சாபீதி அயங் ‘‘யதி³பீ’’தி இமினா ஸமானத்தோ² நிபாதோ. நிபாதோ ச நாம யத்த² யத்த² வாக்யே பயுஜ்ஜதி, தேன தேன வத்தப்³ப³த்த²ஜோதகோ ஹோதீதி இத⁴ ‘‘பிண்ட³பாத’’ந்திஆதி³னா அனுஞ்ஞாபஸங்ஸாவஸேன வுச்சமானஸ்ஸ அத்த²ஸ்ஸ ஜோதகோதி அதி⁴ப்பாயேன ‘‘அனுஜானநபஸங்ஸனத்தே² நிபாதோ’’தி வுத்தங், அனுஞ்ஞாபஸங்ஸாரம்பே⁴ பன ‘‘அஸம்பா⁴வனத்தே²’’தி வுத்தங் ஸியா புரிமேயேவ ஸம்பா⁴வனாவிபா⁴வனதோ அதி⁴கத்தானுலோமதோ ச.
ஏகவாரங் பவத்தங் பிண்ட³பாதபடிக்கி²பனங் கத²ங் தீ³க⁴ரத்தங் அப்பிச்ச²தாதீ³னங் காரணங் ஹோதீதி சோத³னங் ஸந்தா⁴யாஹ ‘‘தஸ்ஸ ஹீ’’திஆதி³. தத்த² அத்ரிச்ச²தாதி அத்ர இச்ச²தீதி அத்ரிச்சோ², தஸ்ஸ பா⁴வோ அத்ரிச்ச²தா, அத்த²தோ பரலாப⁴பத்த²னா. ததா² ஹி வுத்தங் ‘‘புரிமேயேவ ஸகலாபே⁴ன அஸந்துட்டி², பரலாபே⁴ பாபிச்ச²தாதி அஸந்தகு³ணஸம்பா⁴வனாதி⁴ப்பாயதா. பாபா இச்சா² ஏதஸ்ஸாதி பாபிச்சோ², தஸ்ஸ பா⁴வோ பாபிச்ச²தா. யதா²ஹ ‘‘அஸந்தகு³ணஸம்பா⁴வனதா படிக்³க³ஹணே ச அமத்தஞ்ஞுதா, ஏதங் பாபிச்ச²லக்க²ண’’ந்தி (விப⁴॰ அட்ட²॰ 851). மஹந்தானி வத்தூ²னி இச்ச²தி, மஹதீ வா தஸ்ஸ இச்சா²தி மஹிச்சோ², தஸ்ஸ பா⁴வோ மஹிச்ச²தா. யங் ஸந்தா⁴ய வுத்தங் ‘‘ஸந்தகு³ணஸம்பா⁴வனதா படிக்³க³ஹணே ச அமத்தஞ்ஞுதா, ஏதங் மஹிச்ச²லக்க²ண’’ந்தி. பச்சவெக்க²மானோ நிவாரெஸ்ஸதீதி யோஜனா. அஸ்ஸ பி⁴க்கு²னோ ஸங்வத்திஸ்ஸதி பிண்ட³பாதபடிக்கே²போ.
மஹிச்சோ² புக்³க³லோ யதா² பச்சயதா³னவஸேன பச்சயதா³யகேஹி ப⁴ரிதுங் அஸக்குணெய்யோ, ஏவங் பச்சயபரியேஸனவஸேன அத்தனாபீதி வுத்தங் ‘‘அத்தனோபி உபட்டா²கானம்பி து³ப்³ப⁴ரோ ஹோதீ’’தி. ஸத்³தா⁴தெ³ய்யஸ்ஸ வினிபாதவஸேன பவத்தியா அஞ்ஞஸ்ஸ க⁴ரே ச²ட்³டெ³ந்தோ. ரித்தபத்தோவாதி யேஸு குலேஸு படிபிண்ட³வஸேன பவத்ததி, தேஸங் ஸப்³ப³பச்சி²மங் அத்தனோ யதா²லத்³த⁴ங் த³த்வா தத்த² கிஞ்சி அலத்³தா⁴ ரித்தபத்தோ விஹாரங் பவிஸித்வா நிபஜ்ஜதி ஜிக⁴ச்சா²து³ப்³ப³ல்யேனாதி அதி⁴ப்பாயோ. யதா²லத்³த⁴பச்சயபரிபோ⁴கே³ன, புன பரியேஸனானாபஜ்ஜனேன அத்தனோ ஸுப⁴ரதா, யதா²லத்³த⁴பச்சயேன அவஞ்ஞங் அகத்வா ஸந்தோஸாபத்தியா உபட்டா²கானங் ஸுப⁴ரதா வேதி³தப்³பா³.
கதா²வத்தூ²னீதி அப்பிச்ச²தாதி³படிஸங்யுத்தானங் கதா²னங் வத்தூ²னீதி கதா²வத்தூ²னி, அப்பிச்ச²தாத³யோ ஏவ. தீணீதி தீணி கதா²வத்தூ²னி. அபி⁴ஸல்லேகி²காதி அதிவிய கிலேஸே ஸல்லிக²தீதி அபி⁴ஸல்லேகோ², அப்பிச்ச² தாதி³கு³ணஸமுதா³யோ, ஸோ ஏதிஸ்ஸா அத்தீ²தி அபி⁴ஸல்லேகி²கா, மஹிச்ச²தாதீ³னங் தனுபா⁴வாய யுத்தரூபா அப்பிச்ச²தாதி³படிஸங்யுத்ததா. சேதோவினீவரணஸப்பாயாதி குஸலசித்துப்பத்தியா நிவாரகானங் நீவரணானங் தூ³ரீபா⁴வகரணேன சேதோவினீவரணஸங்கா²தானங் ஸமத²விபஸ்ஸனானங் ஸப்பாயா. ஸமத²விபஸ்ஸனாசித்தஸ்ஸேவ வா விபூ⁴திபா⁴வகரணாய ஸப்பாயா உபகாரிகாதி சேதோவினீவரணஸப்பாயா. ஏகந்தனிப்³பி³தா³யாதிஆதி³ யேன நிப்³பி³தா³தி³ஆனிஸங்ஸேன அயங் கதா² அபி⁴ஸல்லேகி²கா சேதோவினீவரணஸப்பாயா ச நாம ஹோதி, தங் த³ஸ்ஸேதுங் வுத்தங். தத்த² ஏகந்தனிப்³பி³தா³யாதி ஏகங்ஸேன வட்டது³க்க²தோ நிப்³பி³ந்த³னத்தா²ய. விராகா³ய நிரோதா⁴யாதி தஸ்ஸேவ விரஜ்ஜனத்த²ஞ்ச நிருஜ்ஜ²னத்த²ஞ்ச. உபஸமாயாதி ஸப்³ப³கிலேஸவூபஸமாய. அபி⁴ஞ்ஞாயாதி ஸப்³ப³ஸ்ஸபி அபி⁴ஞ்ஞெய்யஸ்ஸ அபி⁴ஜானநாய. ஸம்போ³தா⁴யாதி சதுமக்³க³ஸம்போ³தா⁴ய. நிப்³பா³னாயாதி அனுபாதி³ஸேஸனிப்³பா³னாய. ஏதேஸு ஹி ஆதி³தோ தீஹி விபஸ்ஸனா வுத்தா, புன தீஹி மக்³கோ³, இதரேன நிப்³பா³னங். தேன ஸமத²விபஸ்ஸனா ஆதி³ங் கத்வா நிப்³பா³னபரியோஸானோ அயங் ஸப்³போ³ உத்தரிமனுஸ்ஸத⁴ம்மோ த³ஸகதா²வத்து²லாபி⁴னோ ஸம்ப⁴வதீதி த³ஸ்ஸேதி. பரிபூரெஸ்ஸந்தீதி தங்ஸபா⁴வதோ உபகாரதோ
அமதங் நிப்³பா³னந்தி அனுபாதி³ஸேஸனிப்³பா³னதா⁴துங். இதரா பன ஸெக்கா²ஸெக்க²த⁴ம்மபாரிபூரியா பரிபுண்ணா. நிப்³பா³னபாரிபூரி செத்த² ததா³வஹத⁴ம்மபாரிபூரிவஸேன பரியாயதோ ‘‘ஸெய்யதா²பீ’’திஆதி³மாஹ. தத்த² பாவுஸ்ஸகோதி வஸ்ஸானமாஸே உட்டி²தோ. ஸோ ஹி சிரானுப்பவத்தி ஹோதி. பப்³ப³தகந்த³ரா பப்³ப³தேஸு உபச்சகாதி⁴ச்சகாபப⁴வனிஜ்ஜ²ராதி³னதி³யோ. ஸரஸாகா²தி யத்த² உபரிஉன்னதபதே³ஸதோ உத³கங் ஆக³ந்த்வா திட்ட²தி சேவ ஸந்த³தி ச, தே. குஸொப்³பா⁴ கு²த்³த³கதளாகா. குன்னதி³யோதி பப்³ப³தபாத³தோ நிக்க²ந்தா கு²த்³த³கனதி³யோ. தா ஹி மஹானதி³யோ ஓதரந்தியோ பரிபூரெந்தி. பரமத⁴ம்மதா³யாத³ந்தி பரமங் உத்தமங் த⁴ம்மதா³யாத³பா⁴வங், பரமங் த⁴ம்மதா³யஜ்ஜங் வா. தே பி⁴க்கூ²தி தே த⁴ம்மபடிக்³கா³ஹகே பி⁴க்கூ². ஸன்னியோஜெந்தோதி மூலகு³ணேஹி அப்பிச்ச²தாதீ³ஹி யோஜெந்தோ.
உக்³க³ஹெத்வாதி அத்த²தோ ப்³யஞ்ஜனதோ ச உபதா⁴ரணவஸேன க³ஹெத்வா அவிபரீதங் க³ஹெத்வா. ஸங்ஸந்தெ³த்வாதி மம தே³ஸனானுஸாரேன மமஜ்ஜா²ஸயங் அவிரஜ்ஜி²த்வா. யதா² இதே⁴வ சிந்தேஸீதி யதா² இமிஸ்ஸா த⁴ம்மதா³யாத³தே³ஸனாய சிந்தேஸி, ஏவங் அஞ்ஞத்தா²பி த⁴ம்மதோ²மனத்த²ங் க³ந்த⁴குடிங் பவிஸந்தோ சிந்தேஸி. ஏகஜ்ஜா²ஸயாயாதி ஸமானாதி⁴ப்பாயாய. மதியாதி பஞ்ஞாய. அயங் தே³ஸனா அக்³கா³திஆதி³ ப⁴க³வா த⁴ம்மஸேனாபதிங் கு³ணதோ ஏவ பக்³க³ண்ஹாதீதி கத்வா வுத்தங்.
சித்தக³தியாதி சித்தவஸேன காயஸ்ஸ பரிணாமனேன ‘‘அயங் காயோ இத³ங் சித்தங் விய ஹோதூ’’தி காயஸ்ஸ சித்தேன ஸமானக³திகதாதி⁴ட்டா²னேன. கத²ங் பன காயோ த³ந்த⁴ப்பவத்திகோ லஹுபரிவத்தனசித்தேன ஸமானக³திகோ ஹோதீதி? ந ஸப்³ப³தா² ஸமானக³திகோ. யதே²வ ஹி காயவஸேன சித்தபரிணாமனே சித்தங் ஸப்³ப³தா² காயேன ஸமானக³திகங் ந ஹோதி. ந ஹி ததா³ சித்தங் ஸபா⁴வஸித்³தே⁴ன அத்தனோ க²ணேன அவத்தித்வா த³ந்த⁴வுத்திகஸ்ஸ ரூபத⁴ம்மஸ்ஸ க²ணேன வத்திதுங் ஸக்கோதி, ‘‘இத³ங் சித்தங் அயங் காயோ விய ஹோதூ’’தி பன அதி⁴ட்டா²னேன த³ந்த⁴க³திகஸ்ஸ காயஸ்ஸ அனுவத்தனதோ யாவ இச்சி²தட்டா²னப்பத்தி, தாவ காயக³திங் அனுலோமெந்தமேவ ஹுத்வா ஸந்தானவஸேன பவத்தமானங் சித்தங் காயக³திகங் கத்வா பரிணாமிதங் நாம ஹோதி, ஏவங் ‘‘அயங் காயோ இத³ங் சித்தங் விய ஹோதூ’’தி அதி⁴ட்டா²னேன பகே³வ லஹுஸஞ்ஞாய ஸுகு²மஸஞ்ஞாய ச ஸம்பாதி³தத்தா அபா⁴விதித்³தி⁴பாதா³னங் விய த³ந்த⁴ங் அவத்தித்வா யதா² லஹுங் கதிபயசித்தவாரேஹேவ இச்சி²தட்டா²னப்பத்தி ஹோதி
31. ப⁴க³வதோ அதி⁴ப்பாயானுரூபங் பி⁴க்கூ²னஞ்ச அஜ்ஜா²ஸயங் ஞத்வாதி வசனஸேஸோ. தே³ஸகாலே விய பா⁴ஜனம்பி ஓலோகெத்வா ஏவ மஹாதே²ரோ த⁴ம்மங் கதே²தி. பக்கந்தஸ்ஸாதி இத³ங் அனாத³ரே ஸாமிவசனந்தி த³ஸ்ஸெந்தோ ‘‘பக்கந்தஸ்ஸ ஸதோ’’திஆதி³மாஹ. கித்தகேனாதி கேன பரிமாணேன. தங் பன பரிமாணங் யஸ்மா பரிமெய்யஸ்ஸ அத்த²ஸ்ஸ பரிச்சி²ந்த³னங் ஹோதி, தஸ்மா ‘‘கித்தாவதாதி பரிச்சே²த³வசன’’ந்தி ஆஹ. நுகாரோ புச்சா²யந்தி அயங் நு-ஸத்³தோ³ இதே⁴வ புச்சா²யங் ஆக³தோதி கத்வா வுத்தங். நு-ஸத்³தே³ன ஹெத்த² ஜோதியமானோ அத்தோ² கிங்-ஸத்³தே³ன பரிமாணோ அத்தோ² பரிமெய்யத்தோ² ச. எத்த² ஸங்கிலேஸபக்கோ² விவேகஸ்ஸ அனநுஸிக்க²னங் ஆமிஸதா³யாத³தா, வோதா³னபக்கோ² தஸ்ஸ அனுஸிக்க²னங் த⁴ம்மதா³யாத³தாதி. தீஹி விவேகேஹீதி விவேகத்தயக்³க³ஹணங் தத³ந்தோக³த⁴த்தா விவேகபஞ்சகஸ்ஸ. விவேகபஞ்சகக்³க³ஹணே பனஸ்ஸ ஸரூபேன காயவிவேகோ க³ஹிதோ ந ஸியா, ததா³யத்தத்தா வா ஸத்தா²ரா ததா³ பயுஜ்ஜமானவிவேகத³ஸ்ஸனவஸேன ‘‘தீஹி விவேகேஹீ’’திஆதி³ வுத்தங். அஞ்ஞதரம்பீதி கஸ்மா வுத்தங். ந ஹி காயவிவேகமத்தேன த⁴ம்மதா³யாத³பா⁴வோ ஸிஜ்ஜ²தீதி? ந, விவேகத்³வயஸன்னிஸ்ஸயஸ்ஸேவ காயவிவேகஸ்ஸ இதா⁴தி⁴ப்பேதத்தா. ஏவஞ்ச கத்வா சித்தவிவேகக்³க³ஹணம்பி ஸமத்தி²தங் ஹோதி. ந ஹி லோகியஜ்ஜா²னாதி⁴க³மமத்தேன நிப்பரியாயதோ ஸத்து²த⁴ம்மதா³யாத³பா⁴வோ இச்சி²தோ, நிப்³பா³னாதி⁴க³மேன பன ஸோ இச்சி²தோ, தஸ்மா ஸப்³பா³பி ஸாஸனே விவேகானுஸிக்க²னா நிப்³பா³னபோணா நிப்³பா³னபப்³பா⁴ரா நிப்³பா³னோக³தா⁴ சாதி வுத்தங் ‘‘திண்ணங் விவேகானங் அஞ்ஞதரம்பீ’’தி. அஸதி ஆலோகே அந்த⁴காரோ விய அஸதி த⁴ம்மதா³யாத³தாய ஏகங்ஸியா ஆமிஸதா³யாத³தாதி ஆஹ ‘‘ஆமிஸதா³யாதா³வ ஹொந்தீ’’தி. ஏஸ நயோ ஸுக்கபக்கே²பீதி கண்ஹபக்க²தோ ஸாதா⁴ரணவஸேன லப்³ப⁴மானங் அத்த²ஸாமஞ்ஞங் அதிதி³ஸதி, ந அத்த²விஸேஸங் தஸ்ஸ விஸதி³ஸத்தா, அத்த²விஸேஸமேவ வா அதிதி³ஸதி விஸதி³ஸூதா³ஹரணூபாயஞாயேன. ‘‘திண்ணங் விவேகானங் அஞ்ஞதர’’ந்தி இத³ங் இத⁴ ந லப்³ப⁴தி. தயோபி
தூ³ரதோபீதி தூ³ரட்டா²னதோபி. தேனாஹ ‘‘திரோரட்ட²தோபீ’’திஆதி³. காமங் ‘‘படிபா⁴தூ’’தி எத்த² படி-ஸத்³தா³பெக்கா²ய ‘‘ஸாரிபுத்த’’ந்தி உபயோக³வசனங், அத்தோ² பன ஸாமிவசனவஸேனேவ வேதி³தப்³போ³தி த³ஸ்ஸெந்தோ ஆஹ ‘‘ஆயஸ்மதோயேவ ஸாரிபுத்தஸ்ஸா’’தி. பா⁴கோ³ ஹோதூதி இமினாபா⁴க³த்தோ² படி-ஸத்³தோ³தி த³ஸ்ஸேதி லக்க²ணாதி³அத்தா²னங் இத⁴ அயுஜ்ஜனதோ. தேனாஹ ‘‘ஏவங் ஸத்³த³லக்க²ணேன ஸமேதீ’’தி. தி³ஸ்ஸதூதி ஞாணேன தி³ஸ்ஸது, பஸ்ஸதூதி வா அத்தோ². உபட்டா²தூதி ஞாணஸ்ஸ பச்சுபதிட்ட²து. உக்³க³ஹெஸ்ஸந்தீதி பரியாபுணிஸ்ஸந்தீதி தஸ்ஸேவ வேவசனங். புரிபுச்ச²னாதி³னா வா அத்த²ஸ்ஸ சித்தே ஆபாத³னங் பட்ட²பனங் பரியாபுணனங். காரணவசனந்தி யதா²வுத்தஸ்ஸ காரணபா⁴வேன வசனங் ‘‘ஹேதும்ஹி கரணவசன’’ந்தி கத்வா. வுத்தத்த²பச்சாமஸனங் தங்-ஸத்³தே³ன கரீயதீதி. தேனாஹ ‘‘யஸ்மா’’திஆதி³.
ஏகேனேவாகாரேனாதி ஆமிஸதா³யாத³தாஸித்³தே⁴ன ஆதி³யதாஸங்கா²தேன ஏகேனேவ பகாரேன. தமேவ ஹி ஆகாரங் ஸந்தா⁴யாஹ ‘‘ப⁴க³வதா வுத்தமத்த²’’ந்தி. அஞ்ஞதா² ‘‘ஸத்து² பவிவித்தஸ்ஸ விஹரதோ ஸாவகா விவேகங் நானுஸிக்க²ந்தீ’தி ஏகேனேவ ஆகாரேன ஸோ அத்தோ² தே²ரேனபி வுத்தோ. தீஹி ஆகாரேஹீதி ஆமிஸதா³யாத³படிபதா³பூ⁴தேஹி திண்ணங் விவேகானங் அனநுஸிக்க²னாகாரேஹி. எத்தாவதாதி ‘‘இதா⁴வுஸோ…பே॰… நானுஸிக்க²ந்தீ’’தி எத்தகேன கண்ஹபக்கே² உத்³தே³ஸபாடே²ன.
வித்தா²ரதோ ஸுவிப⁴த்தோ ஹோதி அனவஸேஸதோ ஸம்மதே³வ நித்³தி³ட்ட²த்தா. நனு ச உத்³தே³ஸே ஸத்து²னோபி ஆதி³யதா ப⁴க³வதா க³ஹிதா, ஸா ந நித்³தி³ட்டா²தி அனுயோக³ங் ஸந்தா⁴யாஹ ‘‘ஸோ ச கோ²’’திஆதி³. ஸாவகே அனுக்³க³ண்ஹந்தஸ்ஸாதி ‘‘ஆமிஸதா³யாதா³ ஸத்து² ஸாவகா’’தி ஸத்து² பரப்பவாத³பரிஹரணத்த²ம்பி ‘‘தும்ஹேஹி த⁴ம்மதா³யாதே³ஹி ப⁴விதப்³ப³’’ந்தி ஏவங் ஸாவகே அனுகம்பமானஸ்ஸ. ஸாவகானங் தங் ந யுத்தங் ஸாமீசிஅபா⁴வதோதி யோஜனா. ஏஸ நயோதி யதி³த³ங் ‘‘எத்தாவதாயங் ப⁴க³வா’’திஆதி³னா கண்ஹபக்கே² உத்³தே³ஸஸ்ஸ அத்த²விபா⁴க³த³ஸ்ஸனமுகே²ன ஸம்ப³ந்த⁴த³ஸ்ஸனங், ஏஸ நயோ ஸுக்கபக்கே²பி ஸம்ப³ந்த⁴த³ஸ்ஸனேதி அதி⁴ப்பாயோ. தேனாஹ ‘‘அயங் தாவெத்த² அனுஸந்தி⁴க்கமயோஜனா’’தி, ஸத்தா²ரா தே³ஸிதாய உத்³தே³ஸதே³ஸனாய மஹாதே²ரேன
அச்சந்தபவிவித்தஸ்ஸாதி ஏகந்தஉபதி⁴விவேகோ விய இதரேபி விவேகோ ஸத்து² ஏகந்திகாவாதி. அனுஸிக்க²னங் நாம அனு அனு பூரணந்தி தப்படிக்கே²பேன ஆஹ ‘‘ந பரிபூரெந்தீ’’தி, ந பரிப்³ரூஹெந்தீதி அத்தோ², ந பரிபூரெந்தீதி வா ந பரிபாலெந்தீதி அத்தோ². யத³க்³கே³ன ஹி விவேகங் நானுஸிக்க²ந்தி, தத³க்³கே³ன ந பரிப்³ரூஹெந்தி, ந பரிபாலெந்தீதி வா வத்தப்³ப³தங் லப⁴ந்தீதி. கஸ்மா பனெத்த² ‘‘விவேகங் நானுஸிக்க²ந்தீ’’தி உத்³தே³ஸே விய அவிஸேஸவசனே காயவிவேகஸ்ஸேவ க³ஹணங் கதந்தி சோத³னங் ஸந்தா⁴யாஹ ‘‘யதி³ பனா’’திஆதி³. புச்சா²யாதி புச்சா²தோ அவிஸேஸோ ஸியா விபா⁴க³ஸ்ஸ அலப்³ப⁴மானத்தா விஸ்ஸஜ்ஜனஸ்ஸ. நனு ச ‘‘விவேகங் நானுஸிக்க²ந்தீ’’தி அவிஸேஸவசனதோ பாளியங் விபா⁴கோ³ ந லப்³ப⁴தேவாதி? ந, பத³ந்தரேன விபா⁴விதத்தா. தேனாஹ ‘‘யேஸஞ்ச த⁴ம்மான’’ந்திஆதி³. ப்³யாகரணபக்கோ²தி விஸ்ஸஜ்ஜனபக்கோ². விஸ்ஸஜ்ஜனஞ்ச ந புச்சா² விய அவிஸேஸஜோதனா இமினா பதே³னாதி ‘‘விவேகங் நானுஸிக்க²ந்தீ’’தி இமினா பதே³ன காயவிவேகங் அபரிபூரியமானங் த³ஸ்ஸேதீதி அதி⁴ப்பாயோ. சித்தவிவேகங் உபதி⁴விவேகந்தி எத்தா²பி ஏஸேவ நயோ.
எத்த² ச நப்பஜஹந்தீதி பஹாதப்³ப³த⁴ம்மானங் பஹானாபா⁴வவசனங் பஹானலக்க²ணவிவேகாபா⁴வதீ³பனங், தங் வத்வா புன ‘‘விவேகே நிக்கி²த்தது⁴ரா’’தி வசனங் ததோ ஸாதிஸயவிவேகாபா⁴வதீ³பனந்தி தது³ப⁴யவிவேகாபா⁴வத³ஸ்ஸனேன ‘‘யேஸஞ்ச த⁴ம்மான’’ந்திஆதி³னாவ பாரிஸேஸஞாயேன ‘‘விவேகங் நானுஸிக்க²ந்தீ’’தி இமினா விவேகத்³வயமூலபூ⁴தகாயவிவேகாபா⁴வத³ஸ்ஸனங் கதந்தி த³ட்ட²ப்³ப³ங். அவிக³ததண்ஹதாய தங் தங் பரிக்கா²ரஜாதங் ப³ஹுங் லந்தி ஆதி³யந்தீதி ப³ஹுலா, ப³ஹுலா ஏவ பா³ஹுலிகா யதா² ‘‘வேனயிகோ’’தி (ம॰ நி॰ 1.246; அ॰ நி॰ 8.11; பாரா॰ 8). தே பன யஸ்மா பச்சயப³ஹுலபா⁴வாய யுத்தப்பயுத்தா நாம ஹொந்தி, தஸ்மா ஆஹ ‘‘சீவராதி³பா³ஹுல்லாய படிபன்னா’’தி. ஸிக்கா²ய ஆத³ரபா⁴வாபா⁴வதோ ஸிதி²லங் அத³ள்ஹங் க³ண்ஹந்தீதி ‘‘ஸாத²லிகா’’தி வுத்தங். ஸிதி²லந்தி பா⁴வனபுங்ஸகனித்³தே³ஸோ, ஸிதி²ல-ஸத்³தே³ன வா ஸமானத்த²ஸ்ஸ ஸாத²ல-ஸத்³த³ஸ்ஸ வஸேன ‘‘ஸாத²லிகா’’தி பத³ஸித்³தி⁴ வேதி³தப்³பா³. அவக³மனட்டே²னாதி அதோ⁴க³மனட்டே²ன உபதி⁴விவேகேதி ஸப்³பூ³பதி⁴படினிஸ்ஸக்³க³தாய உபதீ⁴ஹி விவித்தே. ஓரோபிதது⁴ராதி உஜ்ஜி²துஸ்ஸாஹா.
அனியமேனேவாதி கிஞ்சி விஸேஸங் அனாமஸித்வா ‘‘ஸாவகா’’தி அவிஸேஸேனேவ. நியமெந்தோ‘‘தே²ரா’’திஆதி³னா. த³ஸவஸ்ஸே உபாதா³யாதி த³ஸவஸ்ஸதோ பட்டா²ய. இஸ்ஸரியேதி ‘‘ஸெட்டி²ட்டா²னங் ஸேனாபதிட்டா²ன’’ந்திஆதீ³ஸு விய. அசிரக்க²ணோபா⁴ஸேன லக்க²வேத⁴கோ அக்க²ணவேதி⁴. டி²தியந்தி அவட்டா²னே. டா²னஸோதி தங்க²ணேயேவ. திட்ட²தீதி ஆதா⁴ராதெ⁴ய்யபா⁴வேனாதி ஆஹ ‘‘ததா³யத்தவுத்திபா⁴வேனா’’தி. உபெக்கா²னுப்³ரூஹனா ஸத்தஸங்கா²ரேஸு உதா³ஸீனதாபி அஸங்க²தாதி⁴க³மஸ்ஸ உபாயோதி தப்³பி³பரியாயதோ சீவராதி³மண்ட³னா ந உபதி⁴விவேகபாரிபூரியா ஸங்வத்ததீதி ஆஹ ‘‘சீவரபத்த…பே॰… அபூரயமானா’’தி. தத்தா²தி தே²ரவாரே. இதா⁴தி மஜ்ஜி²மனவகவாரேஸு. ததா² ஹி ‘‘மஜ்ஜி²மதே²ரகாலே’’திஆதி³ வுத்தங்.
32. இமஸ்மிஞ்ச கண்ஹபக்கே²தி இமஸ்மிஞ்ச நித்³தே³ஸவாரே கண்ஹபக்கே², ந உத்³தே³ஸவாரே கண்ஹபக்கே². உத்³தே³ஸவாரே பன கண்ஹபக்கே² வுத்தவிபரியாயேன க³ஹேதப்³ப³த்தோ² ‘‘ஏஸ நயோ ஸுக்கபக்கே²பீ’’தி அதிதே³ஸேன த³ஸ்ஸிதோ. வுத்தபச்சனீகனயேனாதி ‘‘காயவிவேகங் நானுஸிக்க²ந்தி ந பரிபூரெந்தீ’’திஆதி³னா வுத்தஸ்ஸ அத்த²ஸ்ஸ பச்சனீகனயேன, ‘‘காயவிவேகங் அனுஸிக்க²ந்தி பரிபூரெந்தீ’’திஆதி³னா எத்தா²தி ஏதஸ்மிங் ஸுக்கபக்கே². ஸங்கே²போதி அத்த²ஸங்கே²போ. யோஜனபரம்பராயாதி கா³மந்ததோ தூ³ரபா⁴வேன ஏகங் த்³வே தீணீதி ஏவங் யோஜனானங் படிபாடியா. அரஞ்ஞவனபத்தா²னீதி அரஞ்ஞேஸு வனஸண்ட³பூ⁴தானி. பந்தானீதி பரியந்தானி. உபக³ந்துங் யுத்தகாலோ ஜராஜிண்ணகாலோ கோ³சரகா³மே தூ³ரே க³மனாக³மனஸமத்த²தாபா⁴வதோ. ‘‘ஏவங் கு³ணவந்தேஸு தி³ன்னங் அஹோ ஸுதி³ன்ன’’ந்தி பச்சயதா³யகானங் பஸாத³ங் ஜனெந்தி. பாஸங்ஸாதி பஸங்ஸிதப்³பா³. அயம்பி மஹாதே²ரோதிஆதி³ ஏகங் அப்பமாத³விஹாரினங் வுத்³த⁴தரங் நித்³தி³ஸித்வா வத³ந்தானங் வஸேன வுத்தங். பவிட்டோ² விவேகட்டா²னங். ஸாயங் நிக்க²மதி யோனிஸோமனஸிகாரங் உபப்³ரூஹெத்வாதி அதி⁴ப்பாயோ. கஸிணபரிகம்மங் கரோதி, ந யங் கிஞ்சி கிச்சந்தரங். ஸமாபத்தியோ நிப்³ப³த்தேதி, ந மோக⁴மனஸிகாரங். ஸப்³ப³தா²திஆதி³தோ தாவ தத³ங்க³வஸேன கிலேஸேஹி சித்தங் விவேசெந்தோ ததோ விக்க²ம்ப⁴னவஸேன ஸமுச்சே²த³வஸேன படிபஸ்ஸத்³தி⁴வஸேனாதி ஸப்³ப³ப்பகாரேன சித்தவிவேகங் பூரேதி. பங்ஸுகூலானி தா⁴ரேதீதி இமினா பா³ஹுலிகதாபா⁴வங் த³ஸ்ஸேதி, அஸிதி²லங் ஸாஸனங் க³ஹெத்வாதி இமினா ஸாத²லிகதாபா⁴வங், விக³தனீவரணோதி இமினா ஓக்கமனே நிக்கி²த்தது⁴ரதங், ப²லஸமாபத்திந்திஆதி³னா பவிவேகபுப்³ப³ங்க³மதங் த³ஸ்ஸேதி.
33. தத்ராவுஸோதி எத்த² இதி-ஸத்³தோ³ ஆதி³அத்தோ². தேன ‘‘லோபோ⁴ ச பாபகோ’’திஆதி³னயப்பவத்தங் உபரிதே³ஸனங் அனவஸேஸதோ பரியாதி³யதி. கோ அனுஸந்தீ⁴தி யா ஸா ப⁴க³வதா ஸங்கிலேஸபக்கே²ன ஸஹ த⁴ம்மதா³யாத³படிபத்திபா⁴வினீ ‘‘த⁴ம்மதா³யாதா³ மே, பி⁴க்க²வே, ப⁴வத², மா ஆமிஸதா³யாதா³’’திஆதி³னா தே³ஸனா உத்³தி³ட்டா², தங் ‘‘ஸத்து² பவிவித்தஸ்ஸ விஹரதோ’’திஆதி³னா ஆரபி⁴த்வா அட்டா²ரஸவாரபடிமண்டி³தாய நித்³தே³ஸதே³ஸனாய விப⁴ஜித்வா ததோ பரங் ‘‘தத்ராவுஸோ லோபோ⁴ ச பாபகோ’’திஆதி³னயாய உபரிதே³ஸனாய ஸம்ப³ந்த⁴ங் புச்ச²தி. ஏவந்தி ஸங்கிலேஸபக்கே² ‘‘நப்பஜஹந்தீ’’தி பஹானாபா⁴வத³ஸ்ஸனவஸேன, வோதா³னபக்கே² ‘‘பஜஹந்தீ’’தி பஹானஸப்³பா⁴வத³ஸ்ஸனவஸேனாதி ஏவங். அனித்³தா⁴ரிதஸரூபா யங்-தங்-ஸத்³தே³ஹி த⁴ம்ம-ஸத்³தே³ன ஸாமஞ்ஞதோ யே பஹாதப்³ப³த⁴ம்மா வுத்தா, தே ஸரூபதோ த³ஸ்ஸேதுந்தி யோஜனா. இமே தேதி எத்த² கஸ்மா லோபா⁴த³யோ ஏவ பஹாதப்³ப³த⁴ம்மா வுத்தா, நனு இதோ அஞ்ஞேபி மோஹதி³ட்டி²விசிகிச்சா²த³யோ பஹாதப்³ப³த⁴ம்மா ஸந்தீதி? ஸச்சங் ஸந்தி, தே பன லோபா⁴தீ³ஹி ததே³கட்ட²தா க³ஹிதா ஏவ ஹொந்தீதி வுத்தா. அத² வா இமேஸங்யேவெத்த² க³ஹணே காரணங் பரதோ ஆவி ப⁴விஸ்ஸதி.
இதா³னி உபசயேன அனுஸந்தி⁴ங் த³ஸ்ஸேதுங் ‘‘அபிசா’’திஆதி³ வுத்தங். தத்த² ஸாவகானங் யஸ்ஸ த⁴ம்மஸ்ஸ தா³யாத³பா⁴வோ ஸத்து² அபி⁴ருசிதோ, ஸோ ‘‘சத்தாரோ ஸதிபட்டா²னே பா⁴வேதீ’’திஆதி³னா அகத்தெ²த்வா ‘‘விவேகங் அனுஸிக்க²ந்தி, தே ச த⁴ம்மே பஜஹந்தி, ந ச பா³ஹுலிகா’’திஆதி³னா கதி²தத்தா ஹெட்டா² பரியாயேனேவ த⁴ம்மோ கதி²தோதி வுத்தங். ‘‘தே ச த⁴ம்மே நப்பஜஹந்தி, ஓக்கமனே புப்³ப³ங்க³மா’’திஆதி³னா ஆமிஸங் பரியாயேனபி கதி²தங். ‘‘ஸியா ச மே பிண்ட³பாதோ’’திஆதி³னா, ‘‘பா³ஹுலிகா ச ஹொந்தீ’’திஆதி³னா ச ஆமிஸங் நிப்பரியாயேனபி கதி²தங். அத² வா யாயங் ப⁴க³வதா ஆமிஸதா³யாத³படிக்கே²பனா த⁴ம்மதா³யாத³தா வுத்தா, யஞ்ச தத³த்த²ங் விப⁴ஜந்தேன மஹாதே²ரேன அத்தனா விவேகானுஸிக்க²னாதி³ வுத்தங், தது³ப⁴யங் ஹேதுவஸேன விபா⁴வேதுங் ‘‘தத்ராவுஸோ, லோபோ⁴ சா’’திஆதி³ வுத்தங்
அதீததே³ஸனானித³ஸ்ஸனந்தி அதீதாய தே²ரேன யதா²தே³ஸிதாய தே³ஸனாய ச பச்சாமஸனங். தேனேவாஹ ‘‘ஸத்து² பவிவித்தஸ்ஸ…பே॰… தே³ஸனாயந்தி வுத்தங் ஹோதீ’’தி. தத்தா²தி யங் வுத்தங் விஸேஸதோ ‘‘யேஸங் த⁴ம்மானங் ஸத்தா² பஹானமாஹா’’தி, ஏதஸ்மிங் பதே³. தத்த² ஹி பஹாதப்³ப³த⁴ம்மா லோபா⁴த³யோ ஸாமஞ்ஞதோ வுத்தா. லாமகாதி நிஹீனா. லோப⁴தோ³ஸா ஹி ஹேதுதோ பச்சயதோ ஸபா⁴வதோ ப²லதோ நிஸ்ஸந்த³தோ ஸங்கிலிட்ட²பகதிகா, ஆயதிங் து³க்க²ஸ்ஸ பாபனட்டே²ன வா பாபகா. லுப்³ப⁴னலக்க²ணோதி ஆரம்மணஸ்ஸ அபி⁴கி³ஜ்ஜ²னலக்க²ணோ. ததா² ஹி ஸோ லுப்³ப⁴ந்தி தேன, ஸயங் வா லுப்³ப⁴தி, லுப்³ப⁴னமத்தமேவ வா தந்தி ‘‘லோபோ⁴’’தி வுச்சதி. ரஸாதீ³ஸு அபி⁴ஸங்க³ரஸோ, அபரிச்சாக³பச்சுபட்டா²னோ, ஸங்யோஜனியேஸு த⁴ம்மேஸு அஸ்ஸாத³த³ஸ்ஸனபத³ட்டா²னோ. து³ஸ்ஸனலக்க²ணோதி ஆரம்மணே ப்³யாபஜ்ஜனலக்க²ணோ. ததா² ஹி ஸோ து³ஸ்ஸந்தி தேன, ஸயங் வா து³ஸ்ஸதி, து³ஸ்ஸனமத்தமேவ வா தந்தி ‘‘தோ³ஸோ’’தி வுச்சதி. ரஸாதீ³ஸு விஸப்பனரஸோ, ஸனிஸ்ஸயத³ஹனரஸோ வா, து³ஸ்ஸனபச்சுபட்டா²னோ, ஆகா⁴தவத்து²பத³ட்டா²னோ.
தேஸூதிஆதி³னா த³ஸ்ஸனேன லோப⁴தோ³ஸானங் ஏகந்ததோ பஹாதப்³ப³தாத³ஸ்ஸனங். ஆமிஸதா³யாத³ஸ்ஸ பச்சயானங் லாபே⁴ ஹோதீதி இத³ங் லோப⁴ஸ்ஸ ஆரம்மணக்³க³ஹணஸபா⁴வதங் ஸந்தா⁴ய வுத்தங், தண்ஹாய வஸேன பன அனுகி³ஜ்ஜ²னங் ஸந்தா⁴ய ‘‘அலத்³த⁴ங் பத்தே²தீ’’தி ஆஹ. அலாபே⁴ பச்சயானங் ஆமிஸதா³யாத³ஸ்ஸ ஹோதீதி ஆனெத்வா யோஜனா. அலப⁴ந்தோதி எத்த² ‘‘பச்சயே’’தி விப⁴த்திங் பரிணாமெத்வா யோஜேதப்³ப³ங். விகா⁴தவாதி ‘‘யம்பிச்ச²ங் ந லப⁴தி, தம்பி து³க்க²’’ந்தி (ம॰ நி॰ 1.120; விப⁴॰ 190) வசனதோ இச்சா²விகா⁴தவா. லோபோ⁴ ச தெ³ய்யத⁴ம்மே ஹோதி ஆமிஸதா³யாத³ஸ்ஸாதி ஸம்ப³ந்தோ⁴. ஏஸ நயோ அனந்தரபதே³பி. தெ³ய்யத⁴ம்மேதி ச இத³ங் நித³ஸ்ஸனமத்தங் ஸத்தகேலாயனாதி³வஸேனபி தஸ்ஸ லோபு⁴ப்பத்திஸப்³பா⁴வதோ. ‘‘தண்ஹங் படிச்ச பரியேஸனா, பரியேஸனங் படிச்ச லாபோ⁴’’தி ஏவமாத³யோ நவ தண்ஹாமூலகா. பரிபூரேதி ஆமிஸதா³யாதோ³தி விப⁴த்திவிபரிணாமோ வேதி³தப்³போ³. ஆவாஸமச்ச²ரியாதீ³னி பஞ்ச மச்ச²ரியானி.
மக்³க³ந்தி ஏகோ அந்தோதி இதரேன அஸம்மிஸ்ஸோ ஏகோ கொட்டா²ஸோ, ஹீனதாய வா லாமகட்டே²ன ஏகோ அந்தோ. காமங் அஞ்ஞேபி குஸலத⁴ம்மா ஏதே அந்தே அஸம்பயோக³தோ ந உபெந்தி, தேஹி விமுத்தா ஏவ, அயங் பன அச்சந்தவிமுத்தியா ந உபேதீதி ஆஹ ‘‘விமுத்தோ ஏதேஹி அந்தேஹீ’’தி. தஸ்மாதி அந்தத்³வயவிமுத்தத்தா. ஏதேஸங் மஜ்ஜே² ப⁴வத்தாதி இத³ங் மக்³க³ஸ்ஸ உப⁴யந்தவிமுத்ததாய ஏவ வுத்தங், ந தப்பரியாபன்னதாய, வட்டது³க்க²னிஸ்ஸரணத்தி²கேஹி படிபஜ்ஜிதப்³ப³தோ ச. ததா²தி யதா² இதரேன அஸம்மிஸ்ஸட்டே²ன லாமகட்டே²ன ச லோபோ⁴ ஏகோ அந்தோ, ததா² காமஸுக²ல்லிகானுயோகோ³தி அத்தோ². ஏஸ நயோ ஸேஸேஸுபி. மக்³க³ஸ்ஸ அனுபக³மனஞ்ச நேஸங் அந்தானங் ஸப்³ப³ஸோ அப்பவத்திகரணேனேவ த³ட்ட²ப்³ப³ங். புரிமனயேனாதி ‘‘ஏதே த்³வே அந்தே ந உபேதீ’’திஆதி³னா புப்³பே³ வுத்தனயேன.
ஸச்சானந்தி சதுன்னங் அரியஸச்சானங். த³ஸ்ஸனபரிணாயகட்டே²னாதி த³ஸ்ஸனஸ்ஸ பரிஞ்ஞாபி⁴ஸமயாதி³பே⁴த³ஸ்ஸ பரிதோ ஸப்³ப³தா² நயனட்டே²ன பவத்தனட்டே²ன. சக்கு²கரணீதி த⁴ம்மசக்கு²ஸ்ஸ கரணீ நிப்பா²தி³கா. தயித³ங் ஸதிபி படிபதா³ய த⁴ம்மசக்கு²தோ அனஞ்ஞத்தே அவயவவஸேன ஸிஜ்ஜ²மானோ அத்தோ² ஸமுதா³யேன கதோ நாம ஹோதீதி உபசாரவஸேன வுத்தந்தி த³ட்ட²ப்³ப³ங். ததா² ஹி வக்க²தி ‘‘மக்³கோ³யேவ ஹி மக்³க³த்தா²ய ஸங்வத்ததி மக்³கே³ன காதப்³ப³கிச்சகரணதோ’’தி. ஞாணாயாதி யாதா²வதோ ஜானநாய. தேனாஹ ‘‘விதி³தகரணட்டே²னா’’தி. விஸேஸஞாதபா⁴வாபாத³னஞ்ஹி விதி³தகரணங். வூபஸமனதோதி ஸமுச்சி²ந்த³னவஸேன வூபஸமனதோ. து³க்கா²தீ³னங் பரிஞ்ஞெய்யாதி³பா⁴வோ விய அபி⁴ஞ்ஞெய்யபா⁴வோபி மக்³க³வஸேனேவ பாகடோ ஹோதீதி ஆஹ ‘‘சதுன்னம்பி ஸச்சானங் அபி⁴ஞ்ஞெய்யபா⁴வத³ஸ்ஸனதோ’’தி, விபா⁴வனதோதி அத்தோ². ஸம்போ³தோ⁴தி மக்³கோ³ ‘‘ஸம்பு³ஜ்ஜ²தி ஏதேனா’’தி கத்வா. தஸ்ஸத்தா²யாதி மக்³க³கிச்சத்தா²ய. ந ஹி மக்³க³தோ அஞ்ஞோ மக்³க³கிச்சகரோ அத்தி². தேனாஹ ‘‘மக்³கோ³யேவ ஹீ’’திஆதி³. அத² வா ஸம்மாதி³ட்டி² உப்பஜ்ஜமானா ஸஹஜாதாதி³பச்சயபா⁴வேன இதரே உப்பாதே³தி, ஏவங் ஸேஸமக்³க³த⁴ம்மாபீதி ஏவம்பி மக்³க³த்தா²ய ஸங்வத்தனங் வேதி³தப்³ப³ங். ஸச்சி²கிரியாய பச்சக்க²கம்மாயாதி ஸச்சி²கரணஸங்கா²தபச்சக்க²கம்மாய. நிப்³பா³னாயாதி வா அனுபாதி³ஸேஸனிப்³பா³னாய. உபஸமாயாதி அயந்தி ‘‘ஸா ஹி ஸச்சான’’ந்திஆதி³னா யதா²வுத்தோ அத்த²னயோ. எத்தா²தி ‘‘சக்கு²கரணீ’’திஆதீ³ஸு பதே³ஸு. ஸாரோ ஸுந்த³ரோ அனபனீதோ. இதோ அஞ்ஞதா²தி ‘‘து³க்க²ஸ்ஸ பரிஞ்ஞாய தி³ட்டி²விஸுத்³தி⁴ங் கரோதீதி சக்கு²கரணீ’’திஆதி³னா அத்த²வண்ணனாபபஞ்சோ கேவலங் வித்தா²ரத்தா²ய.
அயமேவாதி எத்த² அயந்தி இமினா அத்தனோ அஞ்ஞேஸஞ்ச தஸ்ஸங் பரிஸாயங் அரியானங் மக்³க³ஸ்ஸ அஞ்ஞமக்³க³படிஸேத⁴னத்த²ந்தி அஞ்ஞஸ்ஸ நிப்³பா³னகா³மிமக்³க³ஸ்ஸ அத்தி²பா⁴வபடிஸேத⁴னத்த²ங். ஸத்தாபடிக்கே²போ ஹி இத⁴ படிஸேத⁴னங் அலப்³ப⁴மானத்தா அஞ்ஞஸ்ஸ மக்³க³ஸ்ஸ. பு³த்³தா⁴தீ³னங் ஸாதா⁴ரணபா⁴வோ அனஞ்ஞதா. தேனாஹ ப்³ரஹ்மா ஸஹம்பதி –
‘‘ஏகாயனங் ஜாதிக²யந்தத³ஸ்ஸீ,
மக்³க³ங் பஜானாதி ஹிதானுகம்பீ;
ஏதேன மக்³கே³ன தரிங்ஸு புப்³பே³,
தரிஸ்ஸந்தி யே ச தரந்தி ஓக⁴’’ந்தி. (ஸங்॰ நி॰ 5.384, 409; மஹானி॰ 191; சூளனி॰ 107, 121; நெத்தி॰ 170);
ஆரகத்தாதி இமினா நிருத்தினயேன அரிய-ஸத்³த³ஸித்³தி⁴மாஹ. அரிபஹானாயாதி அத்த²வசனமத்தங். அரயோ பாபத⁴ம்மா யந்தி அபக³மந்தி ஏதேனாதி அரியோ. அரியேன தே³ஸிதோதி எத்த² அரியஸ்ஸ ப⁴க³வதோ அயந்தி அரியோ. அரியபா⁴வப்படிலாபா⁴யாதி எத்த² அரியகரோ அரியோதி உத்தரபத³லோபேன அரிய-ஸத்³த³ஸித்³தி⁴ வேதி³தப்³பா³. யஸ்மா மக்³க³ங்க³ஸமுதா³யே மக்³க³வோஹாரோ ஹோதி, ஸமுதா³யோ ச ஸமுதா³யீஹி ஸமன்னாக³தோ நாம ஹோதீதி ஆஹ ‘‘அட்ட²ஹி அங்கே³ஹி உபேதத்தா’’தி, தஸ்மா அத்தனோ அவயவபூ⁴தானி அட்ட² அங்கா³னி ஏதஸ்ஸ ஸந்தீதி அட்ட²ங்கி³கோ. யஸ்மா பன பரமத்த²தோ அங்கா³னியேவ மக்³கோ³, தஸ்மா வுத்தங் ‘‘ந ச அங்க³வினிமுத்தோ’’தி யதா² ‘‘ச²ளங்கோ³ வேதோ³’’தி. ஸதி³ஸூதா³ஹரணங் பன த³ஸ்ஸெந்தோ ‘‘பஞ்சங்கி³கதூரியாதீ³னி வியா’’தி ஆஹ. ஆதி³-ஸத்³தே³ன சதுரங்கி³னீ ஸேனாதி ஏவமாதீ³னங் ஸங்க³ஹோ. மாரெந்தோ க³ச்ச²தீதி நிருத்தினயேன ஸத்³த³ஸித்³தி⁴மாஹ. மக்³க³தீதி க³வேஸதி. அரியமக்³கோ³ ஹி நிப்³பா³னங் ஆரம்மணங் கரொந்தோ தங் க³வேஸந்தோ விய ஹோதீதி. மக்³கீ³யதி நிப்³பா³னத்தி²கேஹி விவட்டூபனிஸ்ஸயபுஞ்ஞகரணதோ க³ம்மதீதி ஏதேன ஆதி³அந்தவிபரியாயேன ஸத்³த³ஸித்³தி⁴மாஹ யதா² ‘‘ககூ’’தி. ‘‘ஸெய்யதி²த³ந்தி நிபாதோ’’தி வத்வா தஸ்ஸ ஸப்³ப³லிங்க³விப⁴த்திவசனஸாதா⁴ரணதாய ‘‘கதமானி தானி அட்ட²ங்கா³னீ’’தி வுத்தங். நனு ச அங்கா³னி ஸமுதி³தானி மக்³கோ³ அந்தமஸோ ஸத்தங்க³விகலஸ்ஸ அரியமக்³க³ஸ்ஸ அபா⁴வதோதி? ஸச்சமேதங் ஸச்சபடிவேதே⁴ன, மக்³க³பச்சயதாய பன யதா²ஸகங் கிச்சகரணேன பச்சேகம்பி தானி மக்³கோ³யேவாதி ஆஹ ‘‘ஏகமேகஞ்ஹி அங்க³ங் மக்³கோ³யேவா’’தி, அஞ்ஞதா² ஸமுதி³தானம்பி நேஸங் மக்³க³கிச்சங் ந ஸம்ப⁴வெய்யாதி. இதா³னி தமேவத்த²ங் பாளியா ஸமத்தே²துங் ‘‘ஸம்மாதி³ட்டி²மக்³கோ³ சேவ ஹேது சா’’தி வுத்தங்.
ஸம்மா அவிபரீதங் பரிஞ்ஞாபி⁴ஸமயாதி³வஸேன சதுன்னங் ஸச்சானங் த³ஸ்ஸனங் படிவிஜ்ஜ²னங் லக்க²ணங் ஸம்மாத³ஸ்ஸனலக்க²ணா. ஸம்மா அவிபரீதங் ஸம்பயுத்தத⁴ம்மே நிப்³பா³னாரம்மணே அபி⁴னிரோபனங் அப்பனாலக்க²ணங் ஏதஸ்ஸாதி ஸம்மாஅபி⁴னிரோபனலக்க²ணோ முஸாவாதா³தீ³னங் விஸங்வாத³னாதி³கிச்சதாய லூகா²னங் அபரிக்³கா³ஹகானங் படிபக்க²பா⁴வதோ ஸினித்³த⁴ஸபா⁴வத்தா ஸம்பயுத்தத⁴ம்மே, ஸம்மாவாசப்பச்சயஸுபா⁴ஸிதஸோதாரஞ்ச ஜனங் ஸம்மதே³வ பரிக்³க³ண்ஹாதீதி ஸம்மாவாசா ஸம்மாபரிக்³க³ஹோ லக்க²ணங் ஏதிஸ்ஸாதி ஸம்மாபரிக்³க³ஹலக்க²ணா. யதா² காயிகா கிரியா கிஞ்சி கத்தப்³ப³ங் ஸமுட்டா²பேதி, ஸயஞ்ச ஸமுட்ட²ஹனங் க⁴டனங் ஹோதி, ததா² ஸம்மாகம்மந்தஸங்கா²தா விரதிபீதி ஸம்மாஸமுட்டா²னலக்க²ணோ ஸம்மாகம்மந்தோ. ஸம்பயுத்தத⁴ம்மானங் வா உக்கி²பனங் ஸமுட்டா²னங் காயிககிரியாய பா⁴ருக்கி²பனங் விய. ஜீவமானஸ்ஸ ஸத்தஸ்ஸ, ஸம்பயுத்தத⁴ம்மானங் வா ஸுத்³தி⁴ வோதா³னங், ஆஜீவஸ்ஸேவ வா ஜீவிதப்பவத்தியா ஸுத்³தி⁴ வோதா³னங் ஏதேனாதி ஸம்மாவோதா³னலக்க²ணோ ஸம்மாஆஜீவோ. கோஸஜ்ஜபக்கே² பதிதுங் அத³த்வா ஸம்பயுத்தத⁴ம்மானங் பக்³க³ண்ஹனங் அனுப³லப்பதா³னங் பக்³க³ஹோ. ஆரம்மணங் உபக³ந்த்வா டா²னங், தஸ்ஸ வா அனிஸ்ஸஜ்ஜனங் உபட்டா²னங். ஆரம்மணே ஸம்பயுத்தத⁴ம்மானங் ஸம்மா, ஸமங் வா ஆதா⁴னங் ஸமாதா⁴னங். ஸம்மா ஸங்கப்பேதி ஸம்பயுத்தத⁴ம்மே ஆரம்மணே அபி⁴னிரோபேதீதி ஸம்மாஸங்கப்போ. ஸம்மா வத³தி ஏதாயாதி ஸம்மாவாசா. ஸம்மா கரோதி ஏதேனாதி ஸம்மாகம்மங், ததே³வ ஸம்மாகம்மந்தோ. ஸம்மா ஆஜீவதி ஏதேனாதி ஸம்மாஆஜீவோ. ஸம்மா வாயமதி உஸ்ஸஹதி ஏதேனாதி ஸம்மாவாயாமோ. ஸம்மா ஸரதி அனுஸ்ஸரதீதி ஸம்மாஸதி ஸம்மாஸமாதீ⁴தி ஏவங் ஸம்மாஸங்கப்பாதீ³னங் நிப்³ப³சனங் வேதி³தப்³ப³ங்.
மிச்சா²தி³ட்டி²ந்தி ஸப்³ப³ம்பி மிச்சா²த³ஸ்ஸனங். தப்பச்சனீயகிலேஸேதி எத்த² தங்-ஸத்³தே³ன ஸம்மாதி³ட்டி². ந ஹி மிச்சா²தி³ட்டி²யா கிலேஸா பச்சனீயா, அத² கோ² ஸம்மாதி³ட்டி²யா. அவிஜ்ஜஞ்சாதி அவிஜ்ஜாக்³க³ஹணங் தஸ்ஸா ஸங்கிலேஸத⁴ம்மானங் பமுக²பா⁴வதோ. தேனாஹ ‘‘அவிஜ்ஜா, பி⁴க்க²வே, புப்³ப³ங்க³மா அகுஸலானங் த⁴ம்மானங் ஸமாபத்தியா’’தி (ஸங்॰ நி॰ 5.1). த³ஸ்ஸனநிவாரகஸ்ஸ ஸம்மோஹஸ்ஸ ஸமுக்³கா⁴தேன அஸம்மோஹதோ. எத்த² ச மிச்சா²தி³ட்டி²ங்…பே॰… பஜஹதீதி ஏதேன பஹானாபி⁴ஸமயங், நிப்³பா³னங் ஆரம்மணங் கரோதீதி ஏதேன ஸச்சி²கிரியாபி⁴ஸமயங், ஸம்பயுத்தத⁴ம்மேதிஆதி³னா பா⁴வனாபி⁴ஸமயங் ஸம்மாதி³ட்டி²கிச்சங் த³ஸ்ஸேதி. பரிஞ்ஞாபி⁴ஸமயோ பன நானந்தரியதாய அத்த²தோ வுத்தோ ஏவ ஹோதீதி த³ட்ட²ப்³போ³.
கத²ங் பன ஏகமேவ ஞாணங் ஏகஸ்மிங் க²ணே சத்தாரி கிச்சானி ஸாதெ⁴ந்தங் பவத்ததி. ந ஹி தாதி³ஸங் லோகே தி³ட்ட²ங், ந ஆக³மோ வா தாதி³ஸோ அத்தீ²தி ந வத்தப்³ப³ங். யதா² ஹி பதீ³போ ஏகஸ்மிங்யேவ க²ணே வட்டிங் த³ஹதி, ஸ்னேஹங் பரியாதி³யதி, அந்த⁴காரங் வித⁴மதி, ஆலோகஞ்ச வித³ங்ஸேதி, ஏவமேதங் ஞாணந்தி த³ட்ட²ப்³ப³ங். மக்³க³ஸமங்கி³ஸ்ஸ ஞாணங் து³க்கே²பேதங் ஞாணங், து³க்க²ஸமுத³யேபேதங் ஞாணங் ஸுத்தபத³ங் (விப⁴॰ 754) எத்த² உதா³ஹரிதப்³ப³ங். யதா² ச ஸம்மாதி³ட்டி² புப்³ப³பா⁴கே³ து³க்கா²தீ³ஸு விஸுங் விஸுங் பவத்தித்வா மக்³க³க்க²ணே ஏகாவ சதுன்னங் ஞாணானங் கிச்சங் ஸாதெ⁴ந்தீ பவத்ததி, ஏவங் ஸம்மாஸங்கப்பாத³யோ புப்³ப³பா⁴கே³ நெக்க²ம்மஸங்கப்பாதி³னாமகா ஹுத்வா காமஸங்கப்பாதீ³னங் பஜஹனவஸேன விஸுங் விஸுங் பவத்தித்வா மக்³க³க்க²ணே திண்ணங் சதுன்னஞ்ச கிச்சங் ஸாதெ⁴ந்தா பவத்தந்தி. ஸம்மாஸமாதி⁴ பன புப்³ப³பா⁴கே³பி மக்³க³க்க²ணேபி நானாயேவ ஹுத்வா பவத்ததீதி காமஞ்செத்த² ஸம்மாதி³ட்டி²யா ஸப்³பே³பி பாபத⁴ம்மா படிபக்கா², உஜுவிபச்சனீகதாத³ஸ்ஸனவஸேன பன ஸம்மாதி³ட்டி²யா கிச்சனித்³தே³ஸே மிச்சா²தி³ட்டி²க்³க³ஹணங் கதங். தேனேவ ச ‘‘தப்பச்சனீயகிலேஸே சா’’தி வுத்தங்.
யேஸங் கிலேஸானங் அனுபச்சி²ந்த³னே ஸம்மாதி³ட்டி² ந உப்பஜ்ஜெய்ய, தே மிச்சா²தி³ட்டி²யா ஸஹஜேகட்ட²தாய ததே³கட்டா²வ தப்பச்சனீயகிலேஸா த³ட்ட²ப்³பா³. ஸம்மாஸங்கப்பாதீ³னங் கிச்சனித்³தே³ஸேபி ஏஸேவ நயோ. ஸோதாபத்திமக்³கா³தி³வஸேன சத்தாரோ லோகுத்தரமக்³க³பா⁴வஸாமஞ்ஞேன ஏகதோ கத்வா. லோப⁴தோ³ஸா ஸமுத³யஸச்சங், யஸ்ஸ பன ஸோ ஸமுத³யோ தங் து³க்க²ஸச்சங், பஹானபா⁴வோ மக்³க³ஸச்சங், யத்த² தங்
குஜ்ஜ²னலக்க²ணோதி குப்பனஸபா⁴வோ, சித்தஸ்ஸ ப்³யாபஜ்ஜனாதி அத்தோ². சண்டி³க்கங் லுத்³த³தா, குருரபா⁴வோதி அத்தோ². ஆகா⁴தகரணரஸோதி ‘‘அனத்த²ங் மே அசரீ’’திஆதி³னா சித்தே ஆகா⁴தஸ்ஸ கரணரஸோ. து³ஸ்ஸனபச்சுபட்டா²னோதி ஸபரஸந்தானஸ்ஸ வினாஸனபச்சுபட்டா²னோ லத்³தோ⁴காஸோ விய ஸபத்தோ. உபனந்த⁴னங் நானப்பகாரஸ்ஸ உபரூபரி நந்த⁴னங் விய ஹோதீதி கத்வா. ததா² ஹேஸ ‘‘வேரஅப்படினிஸ்ஸஜ்ஜனரஸோ, கோதா⁴னுபப³ந்த⁴பா⁴வபச்சுபட்டா²னோ’’தி ச வுத்தோ. அபரகாலே உபனாஹோதிஆதீ³தி ஆதி³-ஸத்³தே³ன ‘‘உபனய்ஹனா உபனய்ஹிதத்தங் ஆட²பனா ட²பனா ஸண்ட²பனா அனுஸங்ஸந்த³னா அனுப்பப³ந்த⁴னா த³ள்ஹீகம்ம’’ந்திஆதீ³னங் (விப⁴॰ 891) நித்³தே³ஸபதா³னங் அத்த²வண்ணனங் ஸங்க³ய்ஹதி. உபனாஹஸமங்கீ³ ஹி புக்³க³லோ வேரஸ்ஸ அனிஸ்ஸஜ்ஜனதோ ஆதி³த்தபூதிஅலாதங் விய ஜலதி ஏவ, சித்தஞ்சஸ்ஸ தோ⁴வியமானங் அச்ச²சம்மங் விய, மஸிமக்கி²தபிலோதிகா விய ச ந ஸுஜ்ஜ²தேவ.
பரகு³ணமக்க²னலக்க²ணோதி மக்கோ²தி வுச்சதி. யுக³க்³கா³ஹோ ஸமது⁴ரக்³க³ஹணங் அஸமானஸ்ஸபி அபூ⁴தஸ்ஸ ஸமாரோபனங். ஸமபா⁴வகரணங் ஸமீகரணங். பரேஸங் கு³ணப்பமாணேன அத்தனோ கு³ணானங் உபட்டா²னங் பச்சுபட்ட²பேதீதி ஆஹ ‘‘பரேஸங் கு³ணப்பமாணேன உபட்டா²னபச்சுபட்டா²னோ’’தி. ததா² ஹேஸ பரேஸங் கு³ணே ட³ங்ஸித்வா விய அத்தனோ கு³ணேஹி ஸமே கரோதீதி பளாஸோதி வுச்சதி.
பரஸம்பத்திகீ²யனங் இஸ்ஸா. ததா² ஹேஸா ‘‘பரஸம்பத்தியா அக்க²மனலக்க²ணா’’தி வுச்சதி. தத்தா²தி பரஸம்பத்தியங். அனபி⁴ரதிரஸா அபி⁴ரதிபடிபக்க²கிச்சா. விமுக²பா⁴வபச்சுபட்டா²னா பரஸம்பத்திங் பஸ்ஸிதும்பி அப்பதா³னதோ. நிகூ³ஹனலக்க²ணங் அத்தனோ ஸம்பத்தியா பரேஹி ஸாதா⁴ரணபா⁴வாஸஹனதோ. அஸுகா²யனங் ந ஸுக²னங் து³க்க²னங், அரோசனந்தி அதி⁴ப்பாயோ.
கதஸ்ஸ காயது³ச்சரிதாதி³பாபஸ்ஸ படிச்சா²த³னங் கதபாபபடிச்சா²த³னங். தஸ்ஸ பாபஸ்ஸ ஆவரணபா⁴வேன பச்சுபதிட்ட²தீதி ததா³வரணபச்சுபட்டா²னா, மாயா, யாய ஸமன்னாக³தோ புக்³க³லோ ப⁴ஸ்மச²ன்னோ விய அங்கா³ரோ, உத³கச²ன்னோ விய கா²ணு, பிலோதிகபடிச்சா²தி³தங் விய ச ஸத்த²ங் ஹோதி. அவிஜ்ஜமானகு³ணப்பகாஸனங் அத்தனி அவிஜ்ஜமானஸீலாதி³கு³ணவிபா⁴வனங், யேன ஸாடெ²ய்யேன ஸமன்னாக³தஸ்ஸ புக்³க³லஸ்ஸ அஸந்தகு³ணஸம்பா⁴வனேன சித்தானுரூபகிரியாவிஹரதோ ‘‘ஏவங்சித்தோ, ஏவங்கிரியோ’’தி து³ப்³பி³ஞ்ஞெய்யத்தா குச்சி²ங் வா பிட்டி²ங் வா ஜானிதுங் ந ஸக்கா. யதோ –
‘‘வாமேன ஸூகரோ ஹோதி, த³க்கி²ணேன அஜாமிகோ³;
ஸரேன நேலகோ ஹோதி, விஸாணேன ஜரக்³க³வோ’’தி. (தீ³॰ நி॰ அட்ட²॰ 2.296; விப⁴॰ அட்ட²॰ 894; மஹானி॰ அட்ட²॰ 166) –
ஏவங் வுத்தயக்கஸூகரஸதி³ஸோ ஹோதி.
சித்தஸ்ஸ உத்³து⁴மாதபா⁴வோ த²த்³த⁴லூக²பா⁴வோ. அப்பதிஸ்ஸயவுத்தீதி அனிவாதவுத்தி. அமத்³த³வாகாரேன பச்சுபதிட்ட²தி, அமத்³த³வதங் வா பச்சுபட்ட²பேதீதி அமத்³த³வதாபச்சுபட்டா²னோ, த²ம்போ⁴, யேன ஸமன்னாக³தோ புக்³க³லோ கி³லிதனங்க³லஸீஸோ விய அஜக³ரோ, வாதப⁴ரிதப⁴ஸ்தா விய ச த²த்³தோ⁴ ஹுத்வா க³ருட்டா²னியே ச கரணுத்தரியங். விஸேஸதோ பச்சனீகபா⁴வோ விபச்சனீகதா. பரேன ஹி கிஸ்மிஞ்சி கதே தத்³தி³கு³ணங் கரணவஸேன ஸாரம்போ⁴ பவத்ததி.
ஸெய்யாதி³ஆகாரேஹி உன்னமனங் உன்னதி. ஓமானோபி ஹி ஏவங் கரணமுகே²ன ஸம்பக்³க³ஹவஸேனேவ பவத்ததி. ‘‘அஹமஸ்மி ஸெய்யோ’’திஆதி³னா அஹங்கரணங் ஸம்பக்³க³ஹோ அஹங்காரோ. பரே அபி⁴ப⁴வித்வா அதி⁴கங் உன்னமனங் அப்³பு⁴ன்னதி
மத்தபா⁴வோ ஜாதிஆதி³ங் படிச்ச சித்தஸ்ஸ மஜ்ஜனாகாரோ, யஸ்ஸ வா த⁴ம்மஸ்ஸ வஸேன புக்³க³லோ மத்தோ நாம ஹோதி, ஸோ த⁴ம்மோ மத்தபா⁴வோ. மத³க்³கா³ஹணரஸோ மத³ஸ்ஸ கா³ஹணகிச்சோ. மதோ³ ஹி அத்தனோ மஜ்ஜனாகாரங் ஸம்பயுத்தத⁴ம்மே கா³ஹெந்தோ விய பவத்தமானோ தங்ஸமங்கி³ங் புக்³க³லம்பி ததா² கரொந்தோ விய ஹோதி. அஹங்காரவஸேன புக்³க³லங் அனிட்ட²ங் கரொந்தோ சித்தஸ்ஸ உம்மாத³பா⁴வோ விய ஹோதீதி உம்மாத³பச்சுபட்டா²னோ. ஸதியா அனிக்³க³ண்ஹித்வா சித்தஸ்ஸ வொஸ்ஸஜ்ஜனங் சித்தவொஸ்ஸக்³கோ³, ஸதிவிரஹிதோதி அத்தோ². யதா²வுத்தஸ்ஸ வொஸ்ஸக்³க³ஸ்ஸ அனுப்பதா³னங் புனப்புனங் விஸ்ஸஜ்ஜனங் வொஸ்ஸக்³கா³னுப்பதா³னங். இமேஸங் கோதா⁴தீ³னங் லோபா⁴தீ³னம்பி வா. லக்க²ணாதீ³னீதி லக்க²ணரஸபச்சுபட்டா²னானி. பத³ட்டா²னங் பன த⁴ம்மந்தரதாய ந க³ஹிதங். நிப்³ப³சனங் ‘‘குஜ்ஜ²தீதி கோதோ⁴, உபனய்ஹதீதி உபனாஹோ’’திஆதி³னா ஸுவிஞ்ஞெய்யமேவாதி ந வுத்தங், அத்த²தோ பன கோதோ⁴ தோ³ஸோ ஏவ, ததா² உபனாஹோ. பவத்திஆகாரமத்ததோ ஹி கதோ நேஸங் பே⁴தோ³, மக்க²பளாஸஸாரம்பா⁴ ததா³காரப்பவத்தா படிக⁴ஸஹக³தசித்துப்பாத³த⁴ம்மா, மாயாஸாடெ²ய்யத²ம்ப⁴மத³ப்பமாதா³ ததா³காரப்பவத்தா லோப⁴ஸஹக³தசித்துப்பாத³த⁴ம்மா. த²ம்போ⁴ வா மானவிஸேஸோ சித்தஸ்ஸ த²த்³த⁴பா⁴வேன க³ஹேதப்³ப³தோ, ததா² மதோ³. ததா² ஹி ஸோ ‘‘மானோ மஞ்ஞனா’’திஆதி³னா விப⁴ங்கே³ (விப⁴॰ 878) நித்³தி³ட்டோ². இத⁴ பன மானாதிமானானங் விஸுங் க³ஹிதத்தா மஜ்ஜனாகாரேன பவத்தத⁴ம்மா ஏவ ‘‘மதோ³’’தி க³ஹேதப்³பா³. ஸேஸானங் த⁴ம்மந்தரபா⁴வோ பாகடோ ஏவ.
கஸ்மா பனெத்த² ஏதே ஏவ அட்ட² து³கா க³ஹிதா, கிமிதோ அஞ்ஞேபி கிலேஸத⁴ம்மா நத்தீ²தி? நோ நத்தி², இமே பன ஆமிஸதா³யாத³ஸ்ஸ ஸவிஸேஸங் கிலேஸாய ஸங்வத்தந்தீதி தங் விஸேஸங் விபா⁴வெந்தேன ஆமிஸதா³யாத³ஸ்ஸ லோபா⁴தீ³னங் பவத்தனாகாரங் த³ஸ்ஸேதுங் ‘‘விஸேஸதோ’’திஆதி³ ஆரத்³த⁴ங். தத்த² எத்தா²தி ஏதேஸு லோபா⁴தீ³ஸு. அலப⁴ந்தோ ஆமிஸந்தி அதி⁴ப்பாயோ. ததுத்தரி உப்பன்னோ கோதோ⁴தி ஆனெத்வா ஸம்ப³ந்தி⁴தப்³ப³ங். ஸந்தேபீதி விஜ்ஜமானேபி. இஸ்ஸதீதி இஸ்ஸங் ஜனேதி. பது³ஸ்ஸதீதி தஸ்ஸேவ வேவசனங். ததா² ஹி ஸா ‘‘இஸ்ஸதி து³ஸ்ஸதி பது³ஸ்ஸதீ’’திஆதி³னா நித்³தி³ட்டா². யஸ்மா வா இஸ்ஸங் ‘‘பது³ஸ்ஸதீ’’தி வுத்தங். அஸ்ஸாதி ஆமிஸதா³யாத³ஸ்ஸ. ஏவங் படிபன்னோதி ஏவங் அஸந்தகு³ணப்பகாஸனங் படிபத³ங் படிபன்னோ. ஓவதி³துங் அஸக்குணெய்யோதி ஏதேன த²ம்போ⁴ நாம தோ³வசஸ்ஸகரணோ த⁴ம்மோதி த³ஸ்ஸேதி. கிஞ்சி வத³தி ஓவாத³தா³னவஸேன. த²ம்பே⁴ன…பே॰… மஞ்ஞந்தோதி இமினா ச த²ம்ப⁴ஸ்ஸ மானவிஸேஸபா⁴வங் த³ஸ்ஸேதி, த²ம்பே⁴ன வா ஹேதுனாதி அத்தோ². மத்தோ ஸமானோதி மத்தோ ஹொந்தோ. காம…பே॰… பமஜ்ஜதீதி ஏதேன மத³வஸேன ஏகங்ஸதோ பமாத³மாபஜ்ஜதீதி த³ஸ்ஸேதி.
ஏவந்தி இமினா ஆமிஸதா³யாத³ஸ்ஸ லோபா⁴தீ³னங் உப்பத்திக்கமத³ஸ்ஸனேனேவ இத⁴ பாளியங் நேஸங் தே³ஸனாக்கமோபி த³ஸ்ஸிதோதி த³ட்ட²ப்³போ³. ந கேவலங் இமேஹேவ, அத² கோ² அஞ்ஞேஹி ச ஏவரூபேஹி பாபகேஹி த⁴ம்மேஹி அபரிமுத்தோ ஹோதீதி ஸம்ப³ந்தோ⁴. கே பன தேதி? அத்ரிச்ச²தாமஹிச்ச²தாத³யோதி. ஏவங் மஹாதீ³னவா ஆமிஸதா³யாத³தாதி ததோ ப³லவதரோ ஸங்வேகோ³ ஜனேதப்³போ³தி அயமெத்த² ஓவாதோ³ வேதி³தப்³போ³. எத்தா²தி ஏதஸ்மிங் ஸுத்தே. ஸப்³ப³த்தா²தி ஸப்³பே³ஸு வாரேஸு. நிப்³பி³ஸேஸோயேவாதி ஏதேனேவ பட²மதரங் இத⁴ த³ஸ்ஸிதஸச்சயோஜனானயேன ஸப்³ப³வாரேஸு யோஜேதப்³போ³தி வேதி³தப்³போ³.
ஞாணபரிசயபாடவத்த²ந்தி மக்³க³ஸ்ஸ அட்ட²ங்க³ஸத்தங்க³தாதி³விஸேஸவிபா⁴வனாய ஞாணஸ்ஸ ஆஸேவனட்டே²ன பரிசயோ ஞாணபரிசயோ, தஸ்ஸ படுபா⁴வத்த²ங் கோஸல்லத்த²ங். எத்தா²தி அரியமக்³கே³. பே⁴தோ³தி விஸேஸோ. கமோதி அங்கா³னங் தே³ஸனானுபுப்³பீ³. பா⁴வனானயோதி பா⁴வனாவிதி⁴. ‘‘கதா³சி அட்ட²ங்கி³கோ, கதா³சி ஸத்தங்கி³கோ’’தி ஸங்கே²பதோ வுத்தமத்த²ங் விவரந்தோ புன ‘‘அயங் ஹீ’’திஆதி³மாஹ. தத்த² லோகுத்தரபட²மஜ்ஜா²னவஸேனாதி லோகுத்தரஸ்ஸ பட²மஜ்ஜா²னஸ்ஸ வஸேன. எத்த² ச கேசி ஜா²னத⁴ம்மா மக்³க³ஸபா⁴வாதி ஏகந்ததோ ஜா²னங் மக்³க³தோ விஸுங் கத்வா வத்துங் ந ஸக்காதி ‘‘லோகுத்தரபட²மஜ்ஜா²னஸஹிதோ’’தி அவத்வா ‘‘லோகுத்தரபட²மஜ்ஜா²னவஸேன’’இச்சேவ வுத்தங். அத² வா லோகுத்தரபட²மஜ்ஜா²னவஸேனாதி லோகுத்தரா ஹுத்வா பட²மஜ்ஜா²னஸ்ஸ வஸேனாதி ஏவமெத்த² அத்தோ² வேதி³தப்³போ³. அரியமக்³கோ³ ஹி விபஸ்ஸனாய பாத³கபூ⁴தஸ்ஸ, ஸம்மஸிதஸ்ஸ வா பட²மஜ்ஜா²னஸ்ஸ வஸேன அட்ட²ங்கி³கோ ஹோதி. அத² வா அஜா²னலாபி⁴னோ ஸுக்க²விபஸ்ஸகஸ்ஸ, ஜா²னலாபி⁴னோ வா பாத³கமகத்வா பட²மஜ்ஜா²னஸ்ஸ, பகிண்ணகஸங்கா²ரானங் வா ஸம்மஸனே ‘‘பட²மஜ்ஜா²னவஸேனா’’தி ஆஹ. ஏவங் ‘‘அவஸேஸஜ்ஜா²னவஸேனா’’தி எத்தா²தி யதா²ரஹங் அத்தோ² வேதி³தப்³போ³.
யதி³ அரியமக்³கோ³ ஸத்தங்கி³கோபி ஹோதி, அத² கஸ்மா பாளியங் ‘‘அட்ட²ங்கி³கோ’’இச்சேவ வுத்தந்தி ஆஹ ‘‘உக்கட்ட²னித்³தே³ஸதோ’’திஆதி³. யதா² செத்த² படிபதா³ய மக்³க³வஸேன அட்ட²ங்கி³கஸத்தங்கி³கபே⁴தோ³ இதோ பரந்தி இதோ அட்ட²ங்க³தோ பரங் உக்கங்ஸதோ, அவகங்ஸதோ பன ஸத்தங்க³தோ பரங் மக்³க³ங்க³ங் நாம நத்தீ²தி. நனு மக்³க³விப⁴ங்கே³ (விப⁴॰ 493-502) பஞ்சங்கி³கவாரே பஞ்சேவ மக்³க³ங்கா³னி உத்³த⁴டானி, மஹாஸளாயதனே (ம॰ நி॰ 3.431) ச ‘‘யா ததா²பூ⁴தஸ்ஸ தி³ட்டி², யோ ததா²பூ⁴தஸ்ஸ ஸங்கப்போ, யோ ததா²பூ⁴தஸ்ஸ வாயாமோ, யா ததா²பூ⁴தஸ்ஸ ஸதி, யோ ததா²பூ⁴தஸ்ஸ ஸமாதி⁴, ஸ்வாஸ்ஸ ஹோதி ஸம்மாஸமாதீ⁴’’தி வத்வா புப்³ப³பா⁴க³வஸேன பன ‘‘புப்³பே³வ கோ² பனஸ்ஸ காயகம்மங் வசீகம்மங் ஆஜீவோ ஸுபரிஸுத்³தோ⁴ ஹோதீ’’தி ஸம்மாவாசாத³யோ ஆக³தாதி? ஸச்சமேதங், தங் பன ஸம்மாதி³ட்டி²ஆதீ³னங் பஞ்சன்னங் காராபகங்கா³னங் அதிரேககிச்சத³ஸ்ஸனவஸேன வுத்தங், தஸ்மா ந அரியமக்³கோ³ ஸம்மாவாசாதி³விரஹிதோ அத்தீ²தி ‘‘இதோ பரஞ்ஹி மக்³க³ங்க³ங் நத்தீ²’’தி ஸுவுத்தமேதந்தி த³ட்ட²ப்³ப³ங்.
ஸப்³ப³குஸலானந்தி ஸப்³பே³ஸங் குஸலத⁴ம்மானங். நித்³தா⁴ரணே சேதங் ஸாமிவசனங். காமாவசராதி³வஸேன தங்தங்குஸலத⁴ம்மேஸு ஸா ஸம்மாதி³ட்டி² ஸெட்டா². தஸ்ஸா ஸெட்ட²பா⁴வேன ஹி ‘‘பஞ்ஞாஜீவிங் ஜீவிதமாஹு ஸெட்ட²’’ந்தி (ஸங்॰ நி॰ 1.246; ஸு॰ நி॰ 184) வுத்தங், மக்³க³ஸம்மாதி³ட்டி²யா பன ஸப்³ப³ஸெட்ட²பா⁴வே வத்தப்³ப³மேவ நத்தி². குஸலவாரேதி குஸலுப்பத்திஸமயே. புப்³ப³ங்க³மா குஸலாதி³த⁴ம்மானங் யாதா²வஸபா⁴வபோ³தே⁴ன ஸம்பயுத்தத⁴ம்மானங் பரிணாயகபா⁴வதோ. தேனேவாஹ ‘‘ஸம்மாதி³ட்டி²ங் ஸம்மாதி³ட்டீ²தி பஜானாதீ’’திஆதி³. ஸா ஸம்மாதி³ட்டி² பப⁴வோ ஏதஸ்ஸாதி தப்பப⁴வோ, ஸம்மாஸங்கப்போ. ஸம்மாத³ஸ்ஸனவஸேன ஹி ஸம்மாஸங்கப்போ ஹோதி. ததோ அபி⁴னிப்³ப³த்தானீதி தப்பப⁴வாபி⁴னிப்³ப³த்தானி. தப்பப⁴வாபி⁴னிப்³ப³த்தானிபி ‘‘தத³பி⁴னிப்³ப³த்தானீ’’தி வுச்சந்தி காரணகாரணேபி காரணூபசாரதோதி ஆஹ ‘‘தப்பப⁴வாபி⁴னிப்³ப³த்தானி ஸேஸங்கா³னீ’’தி. தேனாஹ ‘‘ஸம்மாதி³ட்டி²ஸ்ஸா’’திஆதி³. யதா² ஹி ஸம்மாத³ஸ்ஸனங் தஸ்மா ‘‘புரிமங் புரிமங் பச்சி²மஸ்ஸ பச்சி²மஸ்ஸ விஸேஸபச்சயோ ஹோதீ’’தி இமினா விஸேஸபச்சயபா⁴வத³ஸ்ஸனத்தே²ன கமேன ஏதானி ஸம்மாதி³ட்டி²ஆதீ³னி அங்கா³னி வுத்தானீதி த³ஸ்ஸிதானி.
பா⁴வனானயோதி ஸமத²விபஸ்ஸனானங் யுக³னத்³த⁴பா⁴வேன பவத்தோ பா⁴வனாவிதி⁴. அயஞ்ஹி அரியமக்³க³க்க²ணே பா⁴வனாவிதி⁴. தஸ்ஸ பன புப்³ப³பா⁴கே³ பா⁴வனானயோ கஸ்ஸசி ஸமத²புப்³ப³ங்க³மோ ஹோதி ‘‘கோசீ’’திஆதி³ ஆரத்³த⁴ங். தத்த² பட²மோ ஸமத²யானிகஸ்ஸ வஸேன வுத்தோ, து³தியோ விபஸ்ஸனாயானிகஸ்ஸ. தேனாஹ ‘‘இதே⁴கச்சோ’’திஆதி³. தந்தி ஸமத²ங் ஸமாதி⁴ங், ஜா²னத⁴ம்மேதி வா அத்தோ². தங்ஸம்பயுத்தேதி ஸமாதி⁴ஸம்பயுத்தே, ஜா²னஸம்பயுத்தே வா த⁴ம்மே. அயஞ்ச நயோ யேபு⁴ய்யேன ஸமத²யானிகா அரூபமுகே²ன, தத்தா²பி ஜா²னமுகே²ன விபஸ்ஸனாபி⁴னிவேஸங் கரொந்தீதி கத்வா வுத்தோ. விபஸ்ஸனங் பா⁴வயதோதி படிபதா³ஞாணத³ஸ்ஸனவிஸுத்³தி⁴ங் ஆரபி⁴த்வா யதா²தி⁴க³தங் தருணவிபஸ்ஸனங் வட்³டெ⁴ந்தஸ்ஸ. மக்³கோ³ ஸஞ்ஜாயதீதி புப்³ப³பா⁴கி³யோ லோகியமக்³கோ³ உப்பஜ்ஜதி. ஆஸேவதி நிப்³பி³தா³னுபஸ்ஸனாவஸேன. பா⁴வேதி முஞ்சிதுகம்யதாவஸேன. ப³ஹுலீகரோதி படிஸங்கா²னுபஸ்ஸனாவஸேன. ஆஸேவதி வா ப⁴யதூபட்டா²னஞாணவஸேன. ப³ஹுலீகரோதி வுட்டா²னகா³மினிவிபஸ்ஸனாவஸேன. ஸங்யோஜனானி பஹீயந்தி, அனுஸயா ப்³யந்தீ ஹொந்தி மக்³க³படிபாடியா.
ஸமத²ங் அனுப்பாதெ³த்வாவாதி அவதா⁴ரணேன உபசாரஸமாதி⁴ங் நிவத்தேதி, ந க²ணிகஸமாதி⁴ங். ந ஹி க²ணிகஸமாதி⁴ங் வினா விபஸ்ஸனா ஸம்ப⁴வதி. விபஸ்ஸனாபாரிபூரியாதி விபஸ்ஸனாய பரிபுண்ணதாய வுட்டா²னகா³மினிபா⁴வப்பத்தியா. தத்த²ஜாதானந்தி தஸ்மிங் அரியமக்³க³க்க²ணே உப்பன்னானங் ஸம்மாதி³ட்டி²ஆதீ³னங் த⁴ம்மானங். நித்³தா⁴ரணே சேதங் ஸாமிவசனங். வவஸ்ஸக்³கா³ரம்மணதோதி வவஸ்ஸக்³க³ஸ்ஸ ஆரம்மணதாய. வவஸ்ஸக்³கோ³ வொஸ்ஸக்³கோ³ படினிஸ்ஸக்³கோ³தி ச அபவக்³கோ³தி ச அத்த²தோ ஏகங், நிப்³பா³னந்தி வுத்தங் ஹோதி, தஸ்மா நிப்³பா³னஸ்ஸ ஆரம்மணகரணேனாதி அத்தோ². சித்தஸ்ஸ ஏகக்³க³தாதி மக்³க³ஸம்மாஸமாதி⁴மாஹ. அரியமக்³கோ³ ஹி ஏகந்த ஸமாஹிதோ அஸமாதா⁴னஹேதூனங் கிலேஸானங் ஸமுச்சே²த³னதோ. ஸேஸங் வுத்தனயமேவ.
யுக³னத்³தா⁴வ ஹொந்தி ததா³ ஸமாதி⁴பஞ்ஞானங் ஸமரஸதாய இச்சி²தப்³ப³தோ. மக்³க³க்க²ணே ஹி ந ஸமத²பா⁴வனாயங் விய ஸமாதி⁴, விபஸ்ஸனாபா⁴வனாயங் விய ச பஞ்ஞா கிச்சதோ அதி⁴கா இச்சி²தப்³பா³, ஸமரஸதாய பன அஞ்ஞமஞ்ஞஸ்ஸ அனதிவத்தனட்டே²ன த்³வேபி யுக³னத்³தா⁴ விய பவத்தந்தி. தேன வுத்தங் ‘‘ஸமத²விபஸ்ஸனா யுக³னத்³தா⁴வ ஹொந்தீ’’தி.
த⁴ம்மதா³யாத³ஸுத்தவண்ணனாய லீனத்த²ப்பகாஸனா ஸமத்தா.
4. ப⁴யபே⁴ரவஸுத்தவண்ணனா
34. ஏவங் மே ஸுதந்தி ப⁴யபே⁴ரவஸுத்தங். கோ நிக்கே²போ? கேசி தாவ ஏவமாஹு ‘‘புச்சா²வஸிகோ நிக்கே²போ’’தி. து³விதா⁴ ஹி புச்சா² பாகடாபாகடபே⁴த³தோ. தத்த² யஸ்ஸா தே³ஸனாய நிமித்தபூ⁴தோ ஞாதுங் இச்சி²தோ அத்தோ² கிங்-ஸத்³த³புப்³ப³கேன பகாஸீயதி, ஸா பாகடா புச்சா² யதா² ‘‘கிங்ஸூத⁴ வித்தங் புரிஸஸ்ஸ ஸெட்ட²’’ந்தி ஏவமாதி³ (ஸங்॰ நி॰ 1.246; ஸு॰ நி॰ 183). யஸ்ஸா பன தே³ஸனாய நிமித்தபூ⁴தோ ஞாதுங் இச்சி²தோ அத்தோ² கிங்-ஸத்³த³ரஹிதேன கேவலேனேவ ஸத்³த³பயோகே³ன பகாஸீயதி, ஸா அபாகடா புச்சா². ஞாதுங் இச்சி²தோ ஹி அத்தோ² ‘‘பஞ்ஹா, புச்சா²’’தி வுச்சதி, தஸ்மாயேவ இத⁴ ‘‘யே மே போ⁴ கோ³தமா’’திஆதி³கா அபாகடாதி ‘‘புச்சா²வஸிகோ நிக்கே²போ’’தி. தயித³ங் அகாரணங், யஸ்மா ஸோ ப்³ராஹ்மணோ ‘‘யேமே போ⁴ கோ³தமா’’திஆதீ³னி வத³ந்தோ ந தத்த² கங்கீ² விசிகிச்சீ² ஸங்ஸயமாபன்னோ அவோச, அத² கோ² அத்தனா யதா²னிச்சி²தமத்த²ங் ப⁴க³வதி பஸாத³பா⁴வப³ஹுமானங் பவேதெ³ந்தோ கதே²ஸி. தேனாஹ ‘‘ப⁴க³வதி பஸாத³ங் அலத்தா²’’திஆதி³ (ம॰ நி॰ அட்ட²॰ 1.34). விஹாரேதி விஹாரகே நிவாஸே. அவிச்சி²ன்னேயேவாதி பவத்தமானேயேவ. பத³த்³வயஸ்ஸபி வஸந்தே ஏவாதி அத்தோ². ஏதங் புரோஹிதட்டா²னங் உண்ஹீஸாதி³ககுத⁴ப⁴ண்டே³ஹி ஸத்³தி⁴ங் லத்³த⁴ங், ததா² ச ‘‘அஸ்ஸ ரஞ்ஞா தி³ன்ன’’ந்தி வத³ந்தி. தேனாஹ ‘‘தங் தஸ்ஸ ரஞ்ஞா தி³ன்ன’’ந்தி. ப்³ரஹ்மந்தி வேத³ங். ஸோ பன மந்தப்³ரஹ்மகப்பவஸேன திவிதோ⁴. தத்த² மந்தா பதா⁴னங் மூலபா⁴வதோ, யே அட்ட²காதீ³ஹி பவுத்தா, இதரே தன்னிஸ்ஸயேன ஜாதா, தேன தேஸங்யேவ க³ஹணங் ‘‘மந்தே ஸஜ்ஜா²யதீ’’தி ‘‘மந்தா’’தி வுச்சந்தி. இத³மேவ ஹீதி அவதா⁴ரணேன ‘‘ப்³ரஹ்மதோ ஜாதா’’திஆதி³கங் நிருத்திங் படிக்கி²பதி.
யேன வா காரணேனாதி (ஸாரத்த²॰ டீ॰ வேரஞ்ஜகண்ட³வண்ணனாயங் 2; ஸங்॰ நி॰ டீ॰ 1.1.1; அ॰ நி॰ டீ॰ 2.2.16) ஹேதும்ஹி இத³ங் கரணவசனங். ஹேதுஅத்தோ² ஹி கிரியாகாரணங், ந கரணங் விய கிரியத்தோ², தஸ்மா நானப்பகாரகு³ணவிஸேஸாதி⁴க³மத்தா² இத⁴ உபஸங்கமனகிரியாதி ‘‘அன்னேன வஸதீ’’திஆதீ³ஸு விய ஹேதுஅத்த²மேவேதங் கரணவசனங் யுத்தங், ந கரணத்த²ங் தஸ்ஸ அயுஜ்ஜமானத்தாதி வுத்தங் ‘‘யேன வா காரணேனா’’திஆதி³. ப⁴க³வதோ ஸததப்பவத்தனிரதிஸயஸாது³விபுலாமதரஸஸத்³த⁴ம்மப²லதாய ஸாது³ப²லனிச்சப²லிதமஹாருக்கே²ன ப⁴க³வா உபமிதோ, ஸாது³ப²லூபபோ⁴கா³தி⁴ப்பாயக்³க³ஹணேனேவ ஹி மஹாருக்க²ஸ்ஸ ஸாது³ப²லதா க³ஹிதாதி.
உபஸங்கமீதி ‘‘க³தோதி வுத்தங் ஹோதீ’’தி, உபக³தோதி அத்தோ². உபஸங்கமித்வாதி புப்³ப³காலகிரியானித்³தே³ஸோதி ஆஹ ‘‘உபஸங்கமனபரியோஸானதீ³பன’’ந்தி. ததோதி யங் டா²னங் பத்தோ ‘‘உபஸங்கமீ’’தி வுத்தோ, ததோ உபக³தட்டா²னதோ. யதா² க²மனீயாதீ³னி புச்ச²ந்தோதி (ஸங்॰ நி॰ டீ॰ 1.1.112) யதா² ப⁴க³வா ‘‘கச்சி தே ப்³ராஹ்மண க²மனீயங், கச்சி யாபனீய’’ந்திஆதி³னா க²மனீயாதீ³னி புச்ச²ந்தோ தேன ப்³ராஹ்மணேன ஸத்³தி⁴ங் ஸமப்பவத்தமோதோ³ அஹோஸி புப்³ப³பா⁴ஸிதாய, தத³னுகரணேன ஏவங் ஸோபி ப்³ராஹ்மணோ ப⁴க³வதா ஸத்³தி⁴ங் ஸமப்பவத்தமோதோ³ அஹோஸீதி யோஜனா. தங் பன ஸமப்பவத்தமோத³தங் உபமாய த³ஸ்ஸேதுங் ‘‘ஸீதோத³கங் வியா’’திஆதி³ வுத்தங். தத்த² ஸம்மோதி³தந்தி ஸங்ஸந்தி³தங். ஏகீபா⁴வந்தி ஸம்மோத³னகிரியாய ஸமானதங் ஏகரூபதங். க²மனீயந்தி ‘‘இத³ங் சதுசக்கங் நவத்³வாரங் ஸரீரயந்தங் க²ணப⁴ங்கு³ரதாய ஸபா⁴வதோ து³ஸ்ஸஹங், கச்சி க²மிதுங் ஸக்குணெய்ய’’ந்தி புச்ச²தி. யாபனீயந்தி பச்சயாயத்தவுத்திகங் சிரப்பப³ந்த⁴ஸங்கா²தாய யாபனாய கச்சி யாபேதுங் ஸக்குணெய்யங். ஸீஸரோகா³தி³ஆபா³தா⁴பா⁴வேன கச்சி அப்பாபா³த⁴ங். து³க்க²ஜீவிகாபா⁴வேன கச்சி அப்பாதங்கங். தங்தங்கிச்சகரணே உட்டா²னஸுக²தாய கச்சி லஹுட்டா²னங். தத³னரூபப³லயோக³தோ கச்சி ப³லங். ஸுக²விஹாரஸப்³பா⁴வேன கச்சி பா²ஸுவிஹாரோ அத்தீ²தி தத்த² தத்த² கச்சி-ஸத்³த³ங் யோஜெத்வா அத்தோ² வேதி³தப்³போ³.
ப³லவப்பத்தா பீதியேவ. தருணபீதி பாமோஜ்ஜங். ஸம்மோத³னங் ஜனேதி கரோதீதி ஸம்மோத³னிகங், ததே³வ ஸம்மோத³னீயந்தி ஆஹ ‘‘ஸம்மோத³ஜனநதோ’’தி. ஸம்மோதி³தப்³ப³தோ ஸம்மோத³னீயந்தி இமங் பன அத்த²ங் த³ஸ்ஸெந்தோ ‘‘ஸம்மோதி³துங் யுத்தபா⁴வதோ’’தி ஆஹ. ஸரிதப்³ப³பா⁴வதோதி அனுஸ்ஸரிதப்³ப³பா⁴வதோ. ‘‘ஸரணீய’’ந்தி வத்தப்³பே³ தீ³க⁴ங் கத்வா ‘‘ஸாரணீய’’ந்தி வுத்தங். ஸுய்யமானஸுக²தோதி ஆபாத²மது⁴ரதங் ஆஹ, அனுஸ்ஸரியமானஸுக²தோதி விமத்³த³ரமணீயதங். ப்³யஞ்ஜனபரிஸுத்³த⁴தாயாதி ஸபா⁴வனிருத்திபா⁴வேன தஸ்ஸா கதா²ய வசனசாதுரியமாஹ, அத்த²பரிஸுத்³த⁴தாயாதி அத்த²ஸ்ஸ நிருபக்கிலேஸதங். அனேகேஹி பரியாயேஹீதி அனேகேஹி காரணேஹி.
அபி⁴தூ³ரஅச்சாஸன்னபடிக்கே²பேன நாதிதூ³ரனாச்சாஸன்னங் நாம க³ஹிதங், தங் பன அவகங்ஸதோ உபி⁴ன்னங் பஸாரிதஹத்த²ஸங்க⁴ட்டனேன த³ட்ட²ப்³ப³ங். கீ³வங் பஸாரெத்வாதி கீ³வங் பரிவத்தனவஸேன பஸாரெத்வா.
யேமேதி எத்த² ஸந்தி⁴வஸேன இகாரலோபோதி த³ஸ்ஸெந்தோ ‘‘யே இமே’’திஆதி³மாஹ. உச்சாகுலீனதாய ஜாதிவஸேன அபி⁴ஜாதா ஜாதிகுலபுத்தா. தேனாஹ ‘‘உச்சாகுலப்பஸுதா’’தி. ஆசாரஸம்பத்தியா ஆசாரகுலபுத்தா. தேனாஹ ‘‘ஆசாரஸம்பன்னா’’தி. யத்த² கத்த²சி அபாகடேபி குலே. தேன ப்³ராஹ்மணேன அதி⁴ப்பேதா பி⁴க்கூ²ஸு து³விதா⁴பி ஸங்விஜ்ஜந்தீதி ஆஹ ‘‘இத⁴ பன த்³வீஹிபி காரணேஹி குலபுத்தாயேவா’’தி.
ஸத்³தா⁴தி இத³ங் கரணத்தே² பச்சத்தவசனந்தி ஆஹ ‘‘ஸத்³தா⁴யா’’தி, ஸத்³தா⁴தி வா ஸத்³த³ஹித்வாதி அத்தோ². இமஸ்மிங் பக்கே² பாளியங் ய-காரலோபேன நித்³தே³ஸோதி த³ட்ட²ப்³ப³ங். அகா³ரதோதி அகா³ரவாஸதோ, உத்தரபத³லோபேன, நிஸ்ஸயூபசாரேன வா அயங் நித்³தே³ஸோதி. பி⁴க்க²னஸீலதாதி³லக்க²ணோ பி⁴க்கு²பா⁴வோ பப்³ப³ஜ்ஜாஸஹசரிதாய ஸத்³தி⁴ங் பி⁴க்கு²பா⁴வங் அன்வாசினந்தோதி ஆஹ ‘‘பப்³ப³ஜ்ஜங் பி⁴க்கு²பா⁴வஞ்சா’’தி. கம்மவாசாலக்க²ணே பன பி⁴க்கு²பா⁴வே அதி⁴ப்பேதே ஸமுச்சயத்தோ² ச-ஸத்³தோ³ த³ட்ட²ப்³போ³. அனகா³ரஸ்ஸ பா⁴வோதி ஏதேன பப்³ப³ஜ்ஜானிஸ்ஸிதோ ஸுவிஸுத்³தோ⁴ ஸீலாசாரகு³ணவிஸேஸோ க³ஹிதோ, கஸிகோ³ரக்கா²தி³கம்மபடிக்கே²போ இத⁴ அனுப்பாதா³தீ³ஹி வேதி³தப்³போ³. ஸேஸக்³க³ஹணே பன ஸரணக³மனாதி³வஸேன பப்³ப³ஜ்ஜாய, ஸரணக³மனாதி³வஸேன உபஸம்பதா³ய ச அனேகபே⁴த³த்தா ஆஹ ‘‘ஸப்³ப³தா²பீ’’தி, தேன தேன பகாரேனாதி அத்தோ². புரதோகா³மிதா படிபத்திக³மனேன, ந காயக³மனேனாதி ஆஹ ‘‘நாயகோ’’தி ஹிதகிரியாயாதி தி³ட்ட²த⁴ம்மிகாதி³ஹிதசரியாய. கா³ஹணங் அதி⁴ஸீலாதீ³ஸு அச்சந்தாய நியோஜனங், ந கத²னமத்தந்தி த³ஸ்ஸெந்தோ ‘‘கா³ஹேதா’’தி வத்வா ‘‘ஸிக்கா²பேதா’’தி ஆஹ. தி³ட்டா²னுக³திந்தி தி³ட்டி²யா அனுக³மனந்தி த³ஸ்ஸெந்தோ ‘‘த³ஸ்ஸனானுக³தி’’ந்தி வத்வா ஸிக்கா²த்தயஸங்க³ஹங் ப⁴க³வதோ ஸாஸனங் தேன தி³ட்ட²த்தா தி³ட்டி², தஸ்ஸ தஸ்ஸேவ க²மனவஸேன க²ந்தி, ருச்சனவஸேன ருசி, தங்தி³ட்டி²க²ந்திருசிகாவ ப⁴க³வதோ ஸாவகாதி ஆஹ ‘‘யங்தி³ட்டி²கோ’’திஆதி³.
ஏஸ கிர அலத்தா²தி ஸம்ப³ந்தோ⁴. தே³வபுத்தே வியாதிஆதி³ கஸ்ஸசி பாரிஜுஞ்ஞஸ்ஸ அபா⁴வதீ³பனதோ ‘‘ஸத்³தா⁴யா’’திஆதி³னா வுத்தஸ்ஸ பப்³ப³ஜிதபா⁴வஸ்ஸ பாகடீகரணங். ஸத்³தா⁴ய க⁴ரா நிக்க²ம்ம பப்³ப³ஜித்வாதி இத³ங் ஹட்ட²பஹட்டா²தி³பா⁴வஸ்ஸ காரணவசனங். கா⁴ஸச்சா²த³னபரமதாய ஸந்துட்டே²தி இத³ங் அனுஸ்ஸங்கிதாபரிஸங்கிததாய காரணவசனந்தி த³ட்ட²ப்³ப³ங்.
ஏவமேதந்திஆதி³னா ஆமேடி³தவசனங் ஸம்பஹங்ஸனவஸேன, பஸாத³வஸேன வா கதந்தி த³ட்ட²ப்³ப³ங். ததா² ஹி ஏவங்-ஸத்³தோ³ ஸம்படிச்ச²னத்தோ² அப்³ப⁴னுமோத³னத்தோ² ச வுத்தோ. மமந்தி உபயோக³த்தே² ஸாமிவசனங், நிபாதபத³ங் வா ஏதங் ‘‘ம’’ந்தி இமினா ஸமானத்த²ந்தி த³ட்ட²ப்³ப³ங். ஆதீ³னீதி ஆதி³-ஸத்³தே³ன நஜீவிகாபகதாதி³ங் ஸங்க³ண்ஹாதி ஈதி³ஸானங்யேவாதி ஸத்³தா⁴பப்³ப³ஜ்ஜாய விபா⁴விதஅனபி⁴ஜ்ஜா²லுஆதி³ஸபா⁴வானங்யேவ, ந இதரேஸங் அபி⁴ஜ்ஜா²லுஸபா⁴வானங். வுத்தஞ்ஹேதங் –
‘‘ஸங்கா⁴டிகண்ணே
அஜ்ஜோ²கா³ஹெத்வா அதி⁴ப்பேதத்த²ங் ஸம்ப⁴விதுங் ஸாதே⁴துங் து³க்கா²னீதி து³ரபி⁴ஸம்ப⁴வானி. அட்ட²கதா²யங் பன தத்த² நிவாஸோயேவ து³க்கோ²தி த³ஸ்ஸேதுங் ‘‘ஸம்ப⁴விதுங் து³க்கா²னி து³ஸ்ஸஹானீ’’தி வுத்தங். அரஞ்ஞவனபத்தா²னீதி அரஞ்ஞலக்க²ணப்பத்தானி வனஸண்டா³னி. வனபத்த²-ஸத்³தோ³ ஹி ஸண்ட³பூ⁴தே ருக்க²ஸமூஹேபி வத்ததீதி கிஞ்சாபீதி அனுஜானநஸம்பா⁴வனத்தே² நிபாதோ. கிங் அனுஜானாதி? நிப்பரியாயதோ அரஞ்ஞாபா⁴வங் ‘‘கா³மதோ ப³ஹி அரஞ்ஞ’’ந்தி. தேனாஹ ‘‘நிப்பரியாயேனா’’திஆதி³. கிங் ஸம்பா⁴வேதி? ஆரஞ்ஞகங்க³னிப்பா²த³கத்தங். யஞ்ஹி ஆரஞ்ஞகங்க³னிப்பா²த³கங், தங் விஸேஸதோ ‘‘அரஞ்ஞ’’ந்தி வுத்தந்தி. தேனேவாஹ ‘‘யங் தங் பஞ்சத⁴னுஸதிக’’ந்திஆதி³. நிக்க²மித்வா ப³ஹி இந்த³கீ²லாதி இந்த³கீ²லதோ ப³ஹி நிக்க²மித்வா, ததோ ப³ஹி பட்டா²யாதி அத்தோ². ப³ஹி இந்த³கீ²லாதி யத்த² த்³வே தீணி இந்த³கீ²லானி, தத்த² ப³ஹித்³தா⁴ இந்த³கீ²லதோ பட்டா²ய, யத்த² தங் நத்தி², தத்த² தத³ரஹட்டா²னதோ பட்டா²யாதி வத³ந்தி. யஸ்மா ப³ஹி இந்த³கீ²லதோ பட்டா²ய மனுஸ்ஸூபசாரே ப⁴யபே⁴ரவங் நத்தி², தஸ்மா இத⁴ நாதி⁴ப்பேதந்தி த³ட்ட²ப்³ப³ங்.
கா³மந்தந்தி கா³மஸமீபங். அனுபசாரட்டா²னந்தி நிச்சகிச்சவஸேன நுபசரிதப்³ப³ட்டா²னங். தேனாஹ ‘‘யத்த² ந கஸீயதி ந வபீயதீ’’தி. பந்தானீதி இமினா ‘‘பரியந்தான’’ந்தி இமஸ்ஸ பரியாயஸ்ஸ இத⁴ பாளியங் க³ஹிதத்தா வுத்தங் ‘‘பரியந்தானந்தி இமமேகங் பரியாயங் ட²பெத்வா’’தி. தூ³ரானந்தி பன அயங் பரியாயோ ட²பேதப்³போ³ ஸியா தஸ்ஸாபி ‘‘பந்தானீ’’தி இமினாவ அத்த²தோ க³ஹிதத்தா, ததா² ஸதி ‘‘ந மனுஸ்ஸூபசாரான’’ந்தி ஏதி³ஸானம்பி ட²பேதப்³ப³தா ஆபஜ்ஜதி, தஸ்மா ஸத்³த³தோ ஏவ ட²பனங் த³ட்ட²ப்³ப³ங். பவிவேகந்தி பகாரதோ, பகாரேஹி வா விவேசனங், ரூபாதி³புது²த்தாரம்மணே பகாரதோ க³மனாதி³இரியாபத²ப்பகாரேஹி அத்தனோ காயஸ்ஸ விவேசனங் க³ச்ச²தோபி திட்ட²தோபி நிஸஜ்ஜதோபி ஏகஸ்ஸேவ பவத்ததி. தேனேவ ஹி விவேசேதப்³பா³னங் விவேசனாகாரஸ்ஸ ச பே⁴த³தோ ப³ஹுவித⁴த்தா தே ஏகத்தேன க³ஹெத்வா ‘‘பவிவேக’’ந்தி ஏகவசனேன வுத்தங். து³க்கரங் பவிவேகந்தி வா பவிவேகங் கத்துங் ந ஸுக²ந்தி அத்தோ². ஏகீபா⁴வேதி ஏகிகபா⁴வே. த்³வயங்த்³வயாராமோதி த்³வின்னங் த்³வின்னங் பா⁴வாபி⁴ரதோ. ஹரந்தி வியாதி ஸங்ஹரந்தி விய விகா⁴துப்பாத³னேன. தேனாஹ ‘‘க⁴ஸந்தி வியா’’தி, ப⁴யஸந்தாஸுப்பாத³னேன கா²தி³துங் ஆக³தா யக்க²ரக்க²ஸபிஸாசாத³யோ வியாதி அதி⁴ப்பாயோ. ஈதி³ஸஸ்ஸாதி அலத்³த⁴ஸமாதி⁴னோ. திணபண்ணமிகா³தி³ஸத்³தே³ஹீதி வாதேரிதானங் திணபண்ணாதீ³னங் மிக³பக்கி²ஆதீ³னஞ்ச விவிதே⁴ஹி ச அஞ்ஞேஹி கா²ணுஆதீ³ஹி யக்கா²தி³ஆகாரேஹி உபட்டி²தேஹி பி⁴ங்ஸனகேஹி. ஏவங் து³க்கரங் து³ரபி⁴ஸம்ப⁴வங் நாம கரொந்தோ அஹோ அச்ச²ரியா ஏதேதி விம்ஹிதோ.
காயகம்மந்தவாரகதா²வண்ணனா
35. ஸோளஸஸு டா²னேஸூதி ‘‘யே கோ² கேசீ’’திஆதி³னா பாளியங் வக்க²மானேஸு ஸோளஸஸு காரணேஸு. அபரிஸுத்³த⁴காயகம்மந்ததாத³யோ அரஞ்ஞே விஹரந்தானங் சித்துத்ராஸனிமித்ததாய விஸேஸதோ விக்கே²பாவஹா, பரிஸுத்³த⁴காயகம்மந்ததாத³யோ பன தத³பா⁴வதோ தேஸங் அவிக்கே²பாவஹா. தேனாஹ ‘‘அபரிஸுத்³த⁴காயகம்மந்தஸந்தோ³ஸஹேதூ’’திஆதி³. ஸோளஸஸூதி ச வோதா³னபக்க²ங்யேவ க³ஹெத்வா வுத்தங். ஸங்கிலேஸக்³க³ஹணம்பி யாவதே³வ வோதா³னத³ஸ்ஸனத்த²ந்தி. ஆரம்மணபரிக்³க³ஹரஹிதானந்தி அபரிஸுத்³த⁴காயகம்மந்தாதி³கஸ்ஸ அரஞ்ஞே தி³ட்ட²ஸ்ஸ தஸ்ஸ ஆரம்மணஸ்ஸ ‘‘யே கோ² கேசீ’’திஆதி³னா பாளியங் ஆக³தனயேன பரிக்³க³ண்ஹனஞாணரஹிதானங். ஆரம்மணபரிக்³க³ஹயுத்தானந்தி எத்த² வுத்தவிபரியாயேன அத்தோ² வேதி³தப்³போ³. அத்தனாதி ப⁴க³வந்தங் ஸந்தா⁴ய வத³தி, ஸயந்தி அத்தோ². தாதி³ஸோதி ஆரம்மணபரிக்³க³ஹயுத்தோ.
ஸம்பு³ஜ்ஜ²தி ஏதேனாதி ஸம்போ³தோ⁴, அரியமக்³கோ³தி ஆஹ ‘‘அரியமக்³க³ப்பத்திதோ’’தி. அக்³க³மக்³கா³தி⁴க³மாதீ⁴னோ பு³த்³தா⁴னங் ஸப்³ப³ஞ்ஞுதஞ்ஞாணாதி⁴க³மோதி ஆஹ ‘‘அனபி⁴ஸம்பு³த்³த⁴ஸ்ஸாதி அப்படிவித்³த⁴சதுஸச்சஸ்ஸா’’தி. அனவஸேஸதோ ஞெய்யங், பு³ஜ்ஜி²துங் அரஹதீதி போ³தி⁴, மஹாவீரியதாதி³னா தத்த² விஸேஸயோக³தோ ஸத்தோதி ஆஹ ‘‘பு³ஜ்ஜ²னகஸத்தஸ்ஸா’’தி. தேனாஹ ‘‘ஸம்மாஸம்போ³தி⁴’’ந்திஆதி³. நியதபா⁴வப்பத்திதோ பட்டா²ய மஹாஸத்தா யதா² மஹாபோ³தி⁴யானபடிபதா³ ஹானபா⁴கி³யா, டி²திபா⁴கி³யா வா ந ஹோதி, அத² கோ² விஸேஸபா⁴கி³யா நிப்³பே³த⁴பா⁴கி³யா ச ஹோதி, ததா² படிபஜ்ஜனதோ போ³தி⁴யங் நின்னகோ³ணபப்³பா⁴ரா ஏவாதி ஆஹ ‘‘போ³தி⁴யா வா ஸத்தஸ்ஸேவ லக்³க³ஸ்ஸேவா’’தி. தேனாஹ ‘‘தீ³பங்கரஸ்ஸ ஹீ’’திஆதி³. அட்ட²த⁴ம்மஸமோதா⁴னேனாதி –
‘‘மனுஸ்ஸத்தங் லிங்க³ஸம்பத்தி, ஹேது ஸத்தா²ரத³ஸ்ஸனங்;
பப்³ப³ஜ்ஜா கு³ணஸம்பத்தி, அதி⁴காரோ ச ச²ந்த³தா’’தி. (பு³॰ வங்॰ 2.59) –
இமேஸங் அபி⁴னீஹாரஸ்ஸ அங்க³பூ⁴தானங் அட்ட²ன்னங் த⁴ம்மானங் ஸமோதா⁴னேன ஸமவதா⁴னேன.
பப்³ப³ஜ்ஜூபக³தாதி ப்³ராஹ்மணாதி அதி⁴ப்பேதாதி ஆஹ ‘‘போ⁴வாதி³னோ வா’’தி. தே ஹி ‘‘போ⁴ போ⁴’’தி வத³னஸீலா, தேனாஹ ‘‘போ⁴வாதீ³ நாம ஸோ ஹோதி, ஸசே ஹோதி ஸகிஞ்சனோ’’தி (த⁴॰ ப॰ 396; ஸு॰ நி॰ 625). பாணாதிபாதாதி³னாதி ஆதி³-ஸத்³தே³ன அதி³ன்னாதா³னங் அப்³ரஹ்மசரியஞ்ச ஸங்க³ண்ஹாதி. அபரிஸுத்³தே⁴னாதி ச விஸேஸனங் காயகம்மந்தாபெக்கா²ய, ந பாணாதிபாதாதி³அபெக்கா²ய. ந ஹி பாணாதிபாதாதி³கோ தஸ்ஸ புப்³ப³பா⁴க³பயோகோ³ ச கோசி பரிஸுத்³தோ⁴ நாம அத்தி². பா⁴யனட்டே²ன ப⁴யங், பீ⁴ருதாவஹட்டே²ன பே⁴ரவங். ஸந்தோ³ஸஹேதூதி ஸதோ³ஸஹேது. ஸ-ஸத்³தோ³ ஹி இத⁴ ஸானுஸாரோ வுத்தோ. தேனாஹ ‘‘அத்தனோ தோ³ஸஸ்ஸ ஹேதூ’’தி. ஏகந்தேன சித்துத்ராஸலக்க²ணஸ்ஸ ப⁴யஸ்ஸ வஸேன ‘‘ஸாவஜ்ஜ’’ந்தி வுத்தங். சித்துத்ராஸோ ஹி ஏகந்தஸாவஜ்ஜோ பா⁴யனட்டே²ன ப⁴யஞ்சாதி. அக்கே²மந்தி இத³ங் உப⁴யவஸேன. சித்துத்ராஸோபி ஹி ஸரீரசித்தானங் அனத்தா²வஹதோ அக்கே²ம, ததா² ப⁴யானகாரம்மணம்பீதி. அட்ட²கதா²யங் பன அத்த²த்³வயங் யதா²ஸங்க்²யங் யோஜிதங். ஸயங் பரிகப்பிதப⁴யானகாரம்மணனிமித்தங் சித்துத்ராஸஸமுப்பாத³னவஸேன ஆனெந்தா ப⁴யபே⁴ரவங் அவ்ஹாயந்தி விய ஹொந்தீதி வுத்தங் ‘‘அவ்ஹாயந்தீதி பக்கோஸந்தீ’’தி. தேதி மாரிதமனுஸ்ஸானங் ஞாதிமித்தாத³யோ. க³ச்ச²ங் க³ஹனபூ⁴தங் மஹந்தங் கண்டகஸண்ட³ங், கு³ம்ப³ங் நாதிமஹந்தந்தி வத³ந்தி. க³ச்ச²ந்தி பன திணவனங் வேதி³தப்³ப³ங், ‘‘க³ச்சே² ருள்ஹதிணே’’தி வுத்தங், கு³ம்ப³ங் கண்டகலதாதி³ப⁴ரிதாவிருள்ஹங். ப³த்³தா⁴ வதி⁴தா வியாதி ப³த்³தா⁴ ஹுத்வா தாளியமானா விய.
‘‘ந கோ² பனாதி எத்த² கோ²தி அவதா⁴ரணத்தே² நிபாதோ, பனா’’தி விஸேஸத்தே². தேனேதங் த³ஸ்ஸேதி ‘‘அஞ்ஞே ஸமணப்³ராஹ்மணா விய அஹங் அபரிஸுத்³த⁴காயகம்மந்தோ ஹுத்வா அரஞ்ஞவனபத்தா²னி பந்தானி ஸேனாஸனானி ந கோ² பன படிஸேவாமி, பரிஸுத்³த⁴காயகம்மந்தோயேவ பன ஹுத்வா தானி படிஸேவாமீ’’தி. ஏவங் வா எத்த² அத்த²யோஜனா வேதி³தப்³பா³. ‘‘பரிஸுத்³த⁴காயகம்மந்தோஹமஸ்மீ’’தி ஹி தேன அவதா⁴ரணேன விபா⁴விதத்த²த³ஸ்ஸனங். தேஸமஹங் அஞ்ஞதரோதி தாய பரிஸுத்³த⁴காயகம்மதாய தேஸங் அரியானங் அஹங் அஞ்ஞதரோதி காயகம்மபாரிஸுத்³தி⁴யா மஹாஸத்தோ அத்தானங் அரியேஸு பக்கி²பதி. பரமஸல்லேக²பா⁴வப்பத்தா ஹி ததா³ போ³தி⁴ஸத்தஸ்ஸ காயகம்மபாரிஸுத்³தி⁴
‘‘ஸத்த வஸ்ஸானி ப⁴க³வந்தங், அனுப³ந்தி⁴ங் பதா³பத³ங்;
ஓதாரங் நாதி⁴க³ச்சி²ஸ்ஸங், ஸம்பு³த்³த⁴ஸ்ஸ ஸதீமதோ’’தி. (ஸு॰ நி॰ 448);
பி⁴ய்யோதி ‘‘பன்னலோமத’’ந்திஆதி³. எத்த² ச பி⁴ய்யோ பல்லோமமாபாதி³ங் அரஞ்ஞே விஹாராயாதி படிஞ்ஞானித்³தே³ஸோ. பரிஸுத்³த⁴காயகம்மந்தோஹமஸ்மீதி ஹேதுத³ஸ்ஸனங். ‘‘யே ஹி வோ அரியா’’தி ஸதி³ஸூதா³ஹரணத³ஸ்ஸனங். யே கோ² கேசி ஸமணா வா ப்³ராஹ்மணா வாதி விஸதி³ஸூதா³ஹரணத³ஸ்ஸனங். ஸேஸானி அன்வயப்³யதிரேகவிபா⁴வனானீதி த³ட்ட²ப்³ப³ந்தி அயமெத்த² யுத்திவிபா⁴வனா. இமினா நயேன ஸேஸவாரேஸுபி யுத்திவிபா⁴வனா வேதி³தப்³பா³.
காயகம்மந்தவாரகதா²வண்ணனா நிட்டி²தா.
வசீகம்மந்தவாராதி³கதா²வண்ணனா
36. அபரிஸுத்³தே⁴ன முஸாவாதா³தி³னாதி எத்த² யங் வத்தப்³ப³ங், தங் ஹெட்டா² வுத்தனயமேவ. ஆதி³-ஸத்³தே³ன பன ஸங்க³ஹிதங் தேஸஞ்ச முஸாவாதா³தீ³னங் பவத்திபே⁴த³ங் ப⁴யபே⁴ரவாவ்ஹானமுகே²ன த³ஸ்ஸேதுங் ‘‘கத²’’ந்திஆதி³ வுத்தங். தத்த² யங் வத்தப்³ப³ங், தங் ஹெட்டா² வுத்தமேவ.
ப⁴ண்டே³ஸூதி ஸவிஞ்ஞாணகாவிஞ்ஞாணகேஸு ப⁴ண்டே³ஸு. உப்பாதெ³த்வாதி அத்தனோ பரிணாமவஸேன அபி⁴ஜ்ஜா²ஸங்கா²தங் விஸமலோப⁴ங் உப்பாதெ³த்வா. குஜ்ஜி²த்வாதி வினாஸசிந்தாவஸேன பரஸ்ஸ குஜ்ஜி²த்வா. ஏவஞ்ஹி நேஸங் ‘‘யேஸங் அபரஜ்ஜி²ம்ஹா, தே இதா³னி அனுப³ந்தி⁴த்வா’’திஆதி³னா பச்சா² ஆஸங்குப்பத்தி ஸியா. ‘‘ஏதே அம்ஹாகங் பரிக்³க³ஹவத்து²ங் க³ஹேதுகாமா மஞ்ஞே, வினாஸங் காதுகாமா மஞ்ஞே’’தி யதா² பரே பரதோ தேஸங் அபி⁴ஜ்ஜா²ப்³யாபாத³ப்பவத்திங் பரிக்³க³ண்ஹந்தி, தாதி³ஸங் ‘‘தே பரேஸ’’ந்திஆதி³ வுத்தந்தி த³ட்ட²ப்³ப³ங். காமங் அகுஸலகாயகம்மவசீகம்மபவத்திகாலேபி அபி⁴ஜ்ஜா²த³யோ பவத்தந்தியேவ, ததா³ பன தே சேதனாபக்கி²கா வா அப்³போ³ஹாரிகா வாதி மனோகம்மந்தவாரே ஏவ அபி⁴ஜ்ஜா²தி³வஸேன யோஜனா கதா. அத² வா த்³வாரந்தரே பவத்தானம்பி பாணாதிபாதாதீ³னங் வசீகம்மாதி³பா⁴வாபா⁴வோ விய த்³வாரந்தரே பவத்தானம்பி அபி⁴ஜ்ஜா²தீ³னங் காயகம்மாதி³பா⁴வாபா⁴வோ, மனோகம்மபா⁴வோ ஏவ பன ஸித்³தோ⁴தி கத்வா மனோகம்மந்தவாரே ஏவ அபி⁴ஜ்ஜா²த³யோ உத்³த⁴டா. ததா² ஹி வுத்தங் –
‘‘த்³வாரே
தஸ்மா த்³வாரேஹி கம்மானி, அஞ்ஞமஞ்ஞங் வவத்தி²தா’’தி. (த⁴॰ ஸ॰ அட்ட²॰ 1.காயகம்மத்³வார);
கிஞ்சாபி அட்ட²கதா²யங் ஸாஸனே பப்³ப³ஜிதவஸேன ஆஜீவவாரே ப⁴யபே⁴ரவாவ்ஹானங் யோஜிதங், ‘‘யே கோ² கேசி ஸமணா வா ப்³ராஹ்மணா வா’’தி பன வசனதோ பா³ஹிரகவஸேன க³ஹட்ட²வஸேன ச யோஜனா வேதி³தப்³பா³. க³ஹட்டா²னம்பி ஹி ஜாதித⁴ம்மகுலத⁴ம்மதே³ஸத⁴ம்மவிலோமனவஸேன அஞ்ஞதா²பி மிச்சா²ஜீவோ லப்³ப⁴தேவ, தாய ஏவ ச ஆஜீவவிபத்தியா அஞ்ஞதா² வா நேஸங் அரஞ்ஞவாஸோ ஸம்ப⁴வெய்யாதி.
37. ஏவங் ஆஜீவட்ட²மகஸீலவஸேன ப⁴யபே⁴ரவங் த³ஸ்ஸெத்வா ததோ பரங் நீவரணப்பஹானாதி³வஸேன தங் த³ஸ்ஸேதுங் தே³ஸனா வட்³டி⁴தாதி தத³த்த²ங் விவரந்தோ ‘‘இதோ பர’’ந்திஆதி³மாஹ. தத்த² நீவரணவஸேன புன வுத்தாதி அயமதி⁴ப்பாயோ – ஏவங் ஸீலவிஸுத்³தி⁴மத்தம்பி அரஞ்ஞே விஹரதோ ப⁴யபே⁴ரவாபா⁴வங் ஆவஹதி, கிமங்க³ங் பன நீவரணானி பஹாய அப்பனாஸமாதி⁴ங், உபசாரஸமாதி⁴மேவ வா ஸம்பாத³யதோதி ஸமாதி⁴ஸம்பதா³ய ப⁴யபே⁴ரவாபா⁴வஹேதுகங் த³ஸ்ஸேதுங் உபரி தே³ஸனா வட்³டி⁴தாதி அகுஸலமனோகம்மந்தபா⁴வேன க³ஹிதாபி அபி⁴ஜ்ஜா²ப்³யாபாதா³ நீவரணவஸேன புன வுத்தாதி அதி⁴ப்பாயோ. அபி⁴-புப்³போ³ ஜா²-ஸத்³தோ³ அபி⁴ஜ்ஜா²யனத்தோ²தி ஆஹ ‘‘பரப⁴ண்டா³தி³அபி⁴ஜ்ஜா²யனஸீலா’’தி. வத்து²காமேஸூதி ரூபாதீ³ஸு கிலேஸகாமஸ்ஸ வத்து²பூ⁴தேஸு காமேஸு. ப³ஹலகிலேஸராகா³தி தி²ரமூலது³ம்மோசனீயதாஹி அஜ்ஜோ²ஸானே பபூ⁴தகிலேஸகாமா. அபி⁴ஜ்ஜா² செத்த² அப்பத்தவிஸயபத்த²னா, திப்³ப³ஸாராகோ³ ஸம்பத்திவிஸயாபி⁴னிவேஸோ. தே ‘‘தேஸ’’ந்திஆதி³. உபட்டா²தி ஸந்தசித்ததாய. ததா² ஹி வுத்தங் ‘‘ஆகுலசித்தா’’தி. ‘‘இதா³னிம்ஹ நட்டா²’’தி தஸந்தி விதஸந்தி, ஆக³ந்த்வா பா³தி⁴யமானா விய ஹொந்தி, ஏவங் தங் ப⁴யபே⁴ரவங் அத்தனி ஸமாரோபனட்டே²ன அவ்ஹாயந்தி பக்கோஸந்தீதி யோஜனங் ஸந்தா⁴யாஹ ‘‘ஸேஸங் தாதி³ஸமேவா’’தி. ‘‘அனபி⁴ஜ்ஜா²லுஹமஸ்மீ’’தி பாளிபதே³ சிரபரிசிதஅலோப⁴ஜ்ஜா²ஸயதாய கமலத³லே ஜலபி³ந்து³ விய அலக்³க³மானஸத்தா ஸப்³ப³த்த² அனபெக்கோ²ஹமஸ்மீதி அத்தோ².
38. பகதிபா⁴வவிஜஹனேனாதி பரிஸுத்³த⁴பா⁴வஸங்கா²தஸ்ஸ ச பகதிபா⁴வஸ்ஸ விஜஹனேன. ஸாவஜ்ஜத⁴ம்மஸமுப்பத்தியா ஹி சித்தஸ்ஸ அனவஜ்ஜபா⁴வோ ஜஹிதோ ஹோதீதி. விபன்னசித்தாதி கிலேஸாஸுசிதூ³ஸிததாய ‘‘கிலேஸானுக³தங்…பே॰… பூதிகங் ஹோதீ’’தி. பது³ட்ட²மனஸங்கப்பாதி விஸஸங்ஸட்ட²முத்தங் விய தோ³ஸேன பதூ³ஸிதசித்தஸங்கப்பா. வுத்தனயேனேவாதி ‘‘தே அவவத்தி²தாரம்மணா ஹொந்தீ’’திஆதி³னா அபி⁴ஜ்ஜா²லுவாரே வுத்தனயேனேவ. யதா² ஹி லோப⁴வஸேன, ஏவங் தோ³ஸாதி³வஸேனபி அவவத்தி²தாரம்மணா ஹொந்தீதி. ஸப்³ப³த்தா²தி ஹெட்டா² உபரி சாதி ஸப்³ப³த்த² டா²னேஸு வண்ணேதப்³பா³.
39. ‘‘யா சித்தஸ்ஸ அகல்லதா அகம்மஞ்ஞதா’’தி வசனதோ தி²னங் சித்தஸ்ஸ கே³லஞ்ஞபா⁴வேன க³ஹணங் க³ச்ச²தீதி ஆஹ ‘‘சித்தகே³லஞ்ஞபூ⁴தேன தி²னேனா’’தி. ததா² ‘‘யா காயஸ்ஸ அகல்லதா அகம்மஞ்ஞதா’’தி (த⁴॰ ஸ॰ 1163) வசனதோ மித்³த⁴ங் விஸேஸதோ நாமகாயஸ்ஸ கே³லஞ்ஞபா⁴வேன க³ஹணங் க³ச்ச²தீதி ஆஹ ‘‘ஸேஸனாமகாயகே³லஞ்ஞபூ⁴தேன மித்³தே⁴னா’’தி. ஸேஸக்³க³ஹணஞ்செத்த² சித்தனிவத்தனத்த²ங். இத³ஞ்ச மித்³த⁴ங் ரூபகாயஸ்ஸபி கே³லஞ்ஞாவஹந்தி த³ட்ட²ப்³ப³ங் நித்³தா³ய ஹேதுபா⁴வதோ. ததா² ஹி தங் ‘‘நித்³தா³ சபலாயிகா’’தி நித்³தி³ட்ட²ங். தேனாஹ ‘‘தே நித்³தா³ப³ஹுலா ஹொந்தீ’’தி.
40. உத்³த⁴ச்சபகதிகாதி உத்³த⁴ச்சஸீலா அனவட்டி²தஸபா⁴வா. அனவட்டா²னரஸஞ்ஹி உத்³த⁴ச்சங். தேனாஹ ‘‘விப்ப²ந்த³மானசித்தா’’திஆதி³. இதா⁴தி ‘‘அவூபஸந்தசித்தா’’தி இமஸ்மிங் குக்குச்சங் க³ஹேதுங் வட்டதி ஸங்வண்ணனாவஸேன பச்சா²னுதாபஸ்ஸபி சித்தஸ்ஸ அவூபஸமகரத்தா. உத்³த⁴ச்சங் பன ஸரூபேனேவ க³ஹிதந்தி அதி⁴ப்பாயோ.
41. ஏகமேவித³ங் பஞ்சமங் நீவரணங் யதி³த³ங் கங்கா² விசிகிச்சா²தி ச. யதி³ ஏவங் கஸ்மா த்³விதா⁴ கத்வா வுத்தந்தி ஆஹ ‘‘கிங் நு கோ²’’திஆதி³. கங்க²னதோதி ஸங்ஸயனதோ. விசிகிச்சா²தி வுச்சதி ‘‘த⁴ம்மஸபா⁴வங் விசினந்தோ ஏதாய கிச்ச²தி, விக³தா திகிச்சா² வா’’தி கத்வா.
42. ஏவங் நீவரணாபா⁴வகித்தனமுகே²ன ஸமாதி⁴ஸம்பதா³ய ப⁴யபே⁴ரவாபா⁴வங் த³ஸ்ஸெத்வா இதா³னி அத்துக்கங்ஸனாதி³அபா⁴வகித்தனமுகே²ன பஞ்ஞாஸம்பதா³ய ப⁴யபே⁴ரவாபா⁴வங் த³ஸ்ஸேதுங் ‘‘யே கோ² கேசீ’’திஆதி³னா உபரி தே³ஸனா வட்³டி⁴தா, தத³த்த²ங் விவரிதுங் ‘‘அத்துக்கங்ஸனகா’’திஆதி³ வுத்தங். உக்கங்ஸெந்தி மானவஸேன பக்³க³ண்ஹனேன. தேனாஹ ‘‘உச்சே டா²னே ட²பெந்தீ’’தி. தி²னமித்³த⁴உத்³த⁴ச்சகுக்குச்சவிசிகிச்சா²வாரேஸு க³ய்ஹமானங் அபி⁴ஜ்ஜா²லுவாரஸதி³ஸந்தி தத்த² தங் அனாமஸித்வா அத்துக்கங்ஸகவாரே கிஞ்சி விஸதி³ஸங் அத்தீ²தி தங் த³ஸ்ஸேதுங் ‘‘தே கத²’’ந்திஆதி³ வுத்தங்.
43. ச²ம்ப⁴னங் ச²ம்பீ⁴. தேனாஹ ‘‘காயத²ம்ப⁴னா’’திஆதி³. பீ⁴ருகஜாதிகாதி பா⁴யனகஸீலா. ஏகமேவ சேதங் ஸாவஜ்ஜப⁴யங் காயே ச²ம்பி⁴தத்தஸ்ஸ, சித்தே ச காயே ச த²த்³த⁴பா⁴வஸ்ஸ உப்பாத³னவஸேன ‘‘ச²ம்போ⁴ பீ⁴ருதா’’தி ச வுச்சதீதி தங்ஸமங்கி³னோ ஸமணப்³ராஹ்மணா ‘‘ச²ம்பீ⁴ பீ⁴ருகஜாதிகா’’தி வுத்தா, இத⁴ ப⁴யபே⁴ரவங் ஸரூபேனேவ க³ஹிதங்.
44. லப்³ப⁴தி பாபுணீயதீதி லாப⁴ஸத்³த³ஸ்ஸ கம்மஸாத⁴னத்தமாஹ. ஸக்கச்சங் காதப்³போ³ தா³தப்³போ³தி ஸக்காரோ. தத³த்த²தீ³பகந்தி லாபா⁴தி³ங் பஹாய அரஞ்ஞே வஸதோ ப⁴யபே⁴ரவாவ்ஹாயனங் நத்தீ²தி தீ³பகங். ஸோ கிர லாப⁴க³ருதாயேவ பியோ கா³மோ ஏதஸ்ஸாதி ‘‘பியகா³மிகோ’’தி நாமங் லப⁴தி. கம்மமுத்தோதி ஜராஜிண்ணத்தா கம்மங் காதுங் ந ஸக்கோதீதி ஸாமிகேஹி விஸ்ஸட்டோ².
45. அலஸபா⁴வேன குஸீதா. வீரஸ்ஸ பா⁴வோ, கம்மங் வா வீரியங், விதி⁴னா வா ஈரேதப்³ப³ங் பவத்தேதப்³ப³ந்தி வீரியங், ஸம்மாவாயாமோ. தேன ஹீனா ஹீனவீரியா. காயவிஞ்ஞத்தியா ஸமுட்டா²னவஸேன பவத்தவீரியங் காயிகவீரியங், வத்தகரணசங்கமனாதீ³ஸு த³ட்ட²ப்³ப³ங். நிஸஜ்ஜ ஸயித்வா ச கம்மட்டா²னமனஸிகாரவஸேன பவத்தவீரியங் சேதஸிகவீரியங். தத்த² புரிமங் விஸேஸதோ கோஸஜ்ஜபடிபக்க²தாவஸேன, து³தியங் வீரியாரம்ப⁴தாவஸேன பாகடங் ஹோதீதி த³ஸ்ஸெந்தோ ‘‘குஸீதா’’திஆதி³மாஹ. தே ஹி ஹீனவீரியா அலஸதாயேவ ஆரம்மணவவத்தா²னமத்தம்பி காதுங் ந ஸக்கொந்தி.
46. நட்ட²ஸ்ஸதீதி அலப்³ப⁴மானஸ்ஸதி, பச்சயவேகல்லேன விஜ்ஜமானாயபி ஸதியா ஸதிகிச்சங் காதுங் அஸமத்த²தாய ஏவங் வுத்தங். ந ஸம்பஜானாதி அஸம்பஜானா. தங்யோக³னிவத்தியஞ்சாயங் அ-காரோ ‘‘அஹேதுகா த⁴ம்மா (த⁴॰ ஸ॰ 2.து³கமாதிகா), அபி⁴க்கு²கோ ஆவாஸோ’’திஆதீ³ஸு (சூளவ॰ 76) வியாதி ஆஹ ‘‘பஞ்ஞாரஹிதா’’தி. நனு ஸோளஸமோ பஞ்ஞாவாரோ, அயங் ஸதிவாரோ, தத்த² கஸ்மா ஸங்கிலேஸபக்கே² பஞ்ஞா க³ஹிதாதி சோத³னங் ஸந்தா⁴யாஹ ‘‘இமஸ்ஸ சா’’திஆதி³. ஸதிபா⁴ஜனீயமேவேதங், யதி³த³ங் சுத்³த³ஸமோ வாரோ, பஞ்ஞா பனெத்த² சுத்³த³ஸமே வாரே கேவலா ஸதி து³ப்³ப³லாதி ஸதிது³ப்³ப³ல்யதீ³பனத்த²ங் ‘‘அஸம்பஜானா’’தி படிக்கே²பமுகே²ன வுத்தா. இதா³னி வுத்தமேவத்த²ங் பாகடதரங் காதுங் ‘‘து³விதா⁴ ஹீ’’திஆதி³ வுத்தங்.
47. அப்பனாஸமாதி⁴னா, உபசாரஸமாதி⁴னா வா சித்தங் ஆரம்மணே ஸமங், ஸம்மா வா ஆஹிதங் நாம ஹோதி, நாஞ்ஞதா²தி த³ஸ்ஸெந்தோ ‘‘அஸமாஹிதாதி உபசாரப்பனாஸமாதி⁴விரஹிதா’’தி ஆஹ விப்³ப⁴ந்தசித்தாதி அனவட்டி²தசித்தா. புப்³பே³ நீவரணபா⁴வஸாமஞ்ஞேன உத்³த⁴ச்சங் க³ஹிதங் ‘‘உத்³த⁴தா அவூபஸந்தசித்தா’’தி, இத⁴ ஸமாதா⁴னாபா⁴வேன உத்³த⁴ச்சஹேதுகோ சித்தவிப்³ப⁴மோ வுத்தோ ‘‘அஸமாஹிதா விப்³ப⁴ந்தசித்தா’’தி, அயமேதேஸங் விஸேஸோ. புப்³பே³ வுத்தனயேனாதி புப்³பே³ ‘‘உத்³த⁴ச்சேன ஹி ஏகாரம்மணே சித்தங் விப்ப²ந்த³தி த⁴ஜயட்டி²யங் வாதேன படாகா வியா’’தி (ம॰ நி॰ அட்ட²॰ 1.40) வுத்தனயேன. ஸப்³ப³ங் புப்³ப³ஸதி³ஸமேவாதி ப⁴யபே⁴ரவாவ்ஹாயனஸ்ஸ அபி⁴ஜ்ஜா²லுவாரே வுத்தஸதி³ஸதங் ஸந்தா⁴ய வத³தி.
48. து³ப்பஞ்ஞாதி து³-ஸத்³தோ³ ‘‘து³ஸ்ஸீலோ’’திஆதீ³ஸு விய அபா⁴வத்தோ², ந ‘‘து³க்³க³தி, து³ப்படிபன்னோ’’திஆதீ³ஸு விய க³ரஹத்தோ²தி த³ஸ்ஸேதுங் ‘‘நிப்பஞ்ஞானமேதங் அதி⁴வசன’’ந்தி வத்வா ‘‘பஞ்ஞா பன து³ட்டா² நாம நத்தீ²’’தி வுத்தங். தேதி து³ப்பஞ்ஞா. ஸப்³ப³த்தா²தி சதூஸுபி பாட²விகப்பேஸு. ஏலந்தி வா தோ³ஸோ வுச்சதி. தேனாஹ ‘‘யா ஸா வாசா நேலா கண்ணஸுகா²’’தி. ததா² ஹி ஸீலங் ‘‘நேலங்க³’’ந்தி வுத்தங். து³ப்பஞ்ஞா ச கதெ²ந்தா ஸதோ³ஸமேவ கத²ங் கதெ²ந்தி அபண்டி³தபா⁴வதோ. தேனேவாஹ ‘‘து³ப்³பா⁴ஸிதபா⁴ஸீ’’தி. தஸ்மா ஏலஸப்³பா⁴வதோ ஏலங் முக²ங் ஏதேஸந்தி ஏலமூகா³தி வுத்தாதி ஏவம்பி வா எத்த² அத்தோ² த³ட்ட²ப்³போ³. யாய பஞ்ஞாய வஸேன ‘‘பஞ்ஞாஸம்பன்னோ’’தி வுத்தங், தங் ப்³யதிரேகமுகே²ன த³ஸ்ஸேதுங் ‘‘நோ ச கோ²’’திஆதி³ வுத்தங். நனு ச போ³தி⁴ஸத்தா ப³ஹுலவிபஸ்ஸனாபஞ்ஞாய ஸமன்னாக³தா ஹொந்தீதி? ஹொந்தி, ததா³ பன போ³தி⁴ஸத்தேன ந விபஸ்ஸனாரம்போ⁴ கதோ, நோ ச விபஸ்ஸனாபஞ்ஞா அதி⁴ப்பேதாதி வுத்தங் ‘‘நோ ச கோ² விபஸ்ஸனாபஞ்ஞாயா’’தி.
கேசி பனெத்த² ‘‘ஸத்³தா⁴விரஹிதா அபரிஸுத்³த⁴காயகம்மந்தாத³யோ விய ப⁴யபே⁴ரவாவ்ஹாயனஸ்ஸ விஸேஸகாரணங், நாபி ஸத்³தா⁴லுதா பல்லோமதாயாதி ஸத்³தா⁴வாரோ அனுத்³த⁴டோ’’தி வத³ந்தி, தங் அகாரணங். கம்மப²லே ஹி ஸத்³த³ஹந்தோ கம்மபடிஸரணதங்யேவ நிஸ்ஸாய ப⁴யபே⁴ரவங் திணாயபி அமஞ்ஞமானோ பல்லோமதமாபஜ்ஜெய்ய. யஸ்மா பன வீரியாத³யோ ஸத்³தா⁴ய வினா நப்பவத்தந்தீதி தேஸங் உபனிஸ்ஸயபூ⁴தா ஸஹஜாதா ச ஸா தக்³க³ஹணேனேவ க³ஹிதா ஹோதீதி விஸுங் ந உத்³த⁴டா. ததா² ஹி ஸா ஜா²னஸ்ஸ புப்³ப³பா⁴க³படிபதா³யம்பி ந உத்³த⁴டா, கிங் வா ஏதாய ஸத்³தா⁴ய, அத்³தா⁴ ஸா இமஸ்மிங் ஆரம்மணபரிக்³க³ஹட்டா²னே ந க³ஹேதப்³பா³வ, ததோ த⁴ம்மஸ்ஸாமினா இத⁴ ந உத்³த⁴டா, ஏவங் அஞ்ஞேஸுபி ஏதி³ஸேஸு டா²னேஸு நிச்ச²யோ காதப்³போ³. யதா²னுலோமதே³ஸனா ஹி ஸுத்தந்தகதா²தி.
வசீகம்மந்தவாராதி³கதா²வண்ணனா நிட்டி²தா.
ஸோளஸட்டா²னாரம்மணபரிக்³க³ஹோ நிட்டி²தோ.
ப⁴யபே⁴ரவஸேனாஸனாதி³வண்ணனா
49. ஸோளஸாரம்மணானீதி ஏவரூபாஸு ரத்தீஸூதி சாதுத்³த³ஸீஆதி³கா உபரி வக்க²மானா ரத்தியோ ஸந்தா⁴ய வத³தி ஏவரூபே ஸேனாஸனேதி எத்தா²பி ஏஸேவ நயோ. யாதி அனியமதோ உத்³தி³ட்டா²னங் புன ‘‘தா’’தி வசனங் நித்³தே³ஸோ விய ஹோதீதி வுத்தங் ‘‘யா தாதி உப⁴யமேதங் ரத்தீனங்யேவ உத்³தே³ஸனித்³தே³ஸவசன’’ந்தி. அபீ⁴தி லக்க²ணத்தே² ‘‘அஞ்ஞே ச அபி⁴ஞ்ஞாதா ப்³ராஹ்மணமஹாஸாலா’’திஆதீ³ஸு விய. கத²ங் பனெத்த² லக்க²ணத்த²தா வேதி³தப்³பா³? லக்கீ²யதி ஏதேனாதி லக்க²ணந்தி ஆஹ ‘‘சந்த³பாரிபூரியா’’திஆதி³. புண்ணமாஸியங் சந்த³பாரிபூரியா அமாவாஸியங் சந்த³பரிக்க²யேன. ஆதி³-ஸத்³தே³ன சந்த³ஸ்ஸ உபட்³ட⁴மண்ட³லதாராஹுக்³க³ஹதாதீ³னங் ஸங்க³ஹோ த³ட்ட²ப்³போ³. உபஸக்³க³மத்தமேவ அபி⁴-ஸத்³தோ³ லக்கி²தஸத்³தே³னேவ லக்க²ணத்த²ஸ்ஸ விஞ்ஞாயமானத்தாதி அதி⁴ப்பாயோ.
பட²மதி³வஸதோ பபு⁴தீதி பட²மபாடிபத³தி³வஸதோ பட்டா²ய. யஸ்மா சோத³கோ ப⁴க³வதோ காலே அனபி⁴லக்கி²தாபி அபரபா⁴கே³ அபி⁴லக்கி²தா ஜாதா, தஸ்மா தங் அபி⁴லக்க²ணீயதங் உபாதா³ய ‘‘ஸப்³ப³த³ஸ்ஸினா ப⁴க³வதா பஞ்சமீ கஸ்மா ந க³ஹிதா’’தி சோதே³தி, இதரோ ஸப்³ப³காலிகாஸு சாதுத்³த³ஸீஆதீ³ஸு க³ய்ஹமானாஸு அஸப்³ப³காலிகாய கத²ங் க³ஹணந்தி அதி⁴ப்பாயேன ‘‘அஸப்³ப³காலிகத்தா’’தி பரிஹரதி.
ததா²விதா⁴ஸூதி ‘‘அபி⁴ஞ்ஞாதா’’திஆதி³னா யதா² வுத்தா, ததா²விதா⁴ஸு. தே³வதாதி⁴ட்டி²தபா⁴வேன ஆராமாதீ³னங் லோகஸ்ஸ சேதியபா⁴வோதி ஆஹ ‘‘பூஜனீயட்டே²னா’’தி. மனுஸ்ஸா யேபு⁴ய்யேன கா³மாதீ³னங் த்³வாரேஸு ததா²ரூபே ருக்கே² சேதியட்டா²னியே கத்வா வோஹரந்தீதி ஆஹ ‘‘கா³மனிக³மாதி³த்³வாரேஸூ’’திஆதி³. த³ஸ்ஸனமத்தேனபி ஸவனமத்தேனபி ப⁴யுப்பாத³னேன பாகதிகஸத்தே பி⁴ங்ஸெந்தீதி பி⁴ங்ஸனகானி. தேனாஹ ‘‘ப⁴யஜனகானீ’’திஆதி³. பா⁴யதி ஏதஸ்மாதி ப⁴யங், அதிவிய ஸப்படிப⁴யங் பே⁴ரவங்.
ஆயாசனஉபஹாரகரணாரஹந்தி தங்தங்ப³லிகம்மபணிதி⁴கம்மகரணயொக்³க³ங். புப்ப²தூ⁴ப…பே॰… த⁴ரணிதலந்தி இத³ங் யதா²படிஸூதேன ஸுப்பாதி³னா உபஹாரகரணத³ஸ்ஸனங். கொட்டெந்தோதி பஹரந்தோ, ஸிங்க³ப்பஹாரகு²ரப்பஹாரேஹி ஸத்³த³ங் கரொந்தோதி அதி⁴ப்பாயோ. ஸப்³ப³சதுப்பதா³னங் இத⁴ மகோ³தி நாமங், ந ‘‘அச்ச²சம்மங் மிக³சம்மங் ஏளகசம்ம’’ந்திஆதீ³ஸு (மஹாவ॰ 259) விய, ரோஹிதோதிஆதி³ மிக³விஸேஸானந்தி சாலெத்வாதி அக்³க³மத்³த³னேன சாலெத்வா. மோரக்³க³ஹணஞ்செத்த² உபலக்க²ணந்தி த³ஸ்ஸெந்தோ ஆஹ ‘‘இத⁴ ஸப்³ப³பக்கி²க³ஹணங் அதி⁴ப்பேத’’ந்தி. ஏஸ நயோதி இத³ங் யதா² ‘‘மோரோ வா’’தி இதோ பபூ⁴தீதி ‘‘யங்னூனாஹங் யா தா ரத்தியோ’’திஆதி³னா ப⁴யபே⁴ரவஸ்ஸ க³வேஸனசிந்தனதோ பபு⁴தி, ந க³வேஸனாரம்ப⁴தோ பபு⁴தி. ‘‘அப்பேவ நாமாஹங் ப⁴யபே⁴ரவங் பஸ்ஸெய்ய’’ந்தி எத்தா²பி ஹி ஆரம்மணமேவ ப⁴யபே⁴ரவங். ஸுகா²ரம்மணங் ரூபங் ஸுக²மிவ ‘‘ரூபங் ஸுக²ங் ஸுகா²னுபதிதங் ஸுகா²வக்கந்த’’ந்திஆதீ³ஸு (ஸங்॰ நி॰ 3.60). கத²ங் ப⁴யக்³க³ஹணேன ச ரூபாரம்மணக்³க³ஹணந்தி ஆஹ ‘‘பரித்தஸ்ஸ சா’’திஆதி³. ‘‘ஆக³ச்ச²தீ’’தி வசனதோ க³வேஸனாரம்ப⁴தோ பபு⁴தி ‘‘ஏதங் ப⁴ய’’ந்தி ஆரம்மணங் அதி⁴ப்பேதந்தி கேசி ‘‘தங் ந பஸ்ஸெய்ய’’ந்தி சக்கு²னா த³ஸ்ஸனஸ்ஸ அதி⁴ப்பேதத்தா, தஸ்மா வுத்தனயேனேவ அத்தோ² க³ஹேதப்³போ³. ப⁴யங் ஆகங்க²மானோதி உபபரிக்க²னவஸேன அஹங் ப⁴யவத்து²ங் ஆகங்க²ந்தோ விஹராமி, தங் கிமத்தி²யங், எத்தகோபி ப⁴யஸமன்னாஹாரோ மய்ஹங் அயுத்தோதி அதி⁴ப்பாயோ.
யங் பகாரங் பூ⁴தோ யதா²பூ⁴தோ, ஸோ பனெத்த² பகாரோ இரியாபத²வஸேன யுத்தோ பாளியங் ததா² ஆக³தத்தாதி ஆஹ ‘‘யேன யேன இரியாபதே²ன பூ⁴தஸ்ஸா’’தி. ப⁴விதஸ்ஸாதி இத³ங் ‘‘பூ⁴தஸ்ஸா’’தி இமினா ஸமானத்த²ங் பத³ந்தி த³ட்ட²ப்³ப³ங். ‘‘ஸமங்கீ³பூ⁴தஸ்ஸா’’தி பத³ங் புரிமபத³லோபேன பூ⁴தஸ்ஸாதி வுத்தந்தி த³ஸ்ஸெந்தோ ‘‘ஸமங்கீ³பூ⁴தஸ்ஸ வா’’தி ஆஹ. ப⁴யபே⁴ரவாரம்மணேதி ப⁴யபே⁴ரவாபி⁴மதே ஆரம்மணே. நேவ மஹாஸத்தோ திட்ட²தீதிஆதி³ ‘‘ததா²பூ⁴தோ ச தங் படிவினெய்ய’’ந்தி யதா² சிந்திதங், ததா² படிபன்னபா⁴வத³ஸ்ஸனங். இரியாபத²படிபாடி நாம டா²னக³மனநிஸஜ்ஜானிபஜ்ஜாதி வத³ந்தி, உப்படிபாடி பன பட²மங் நிபஜ்ஜா, புன நிஸஜ்ஜா, புன டா²னங், பச்சா² க³மனந்தி ஏவங் வேதி³தப்³பா³. ஆஸன்னபடிபாடியாதி க³மனஸ்ஸ தாவ டா²னங் ஆஸன்னங், டா²னஸ்ஸ நிஸஜ்ஜா க³மனஞ்ச, நிஸஜ்ஜாய நிபஜ்ஜா டா²னஞ்ச, நிபஜ்ஜாய நிஸஜ்ஜா ஆஸன்னா. இத⁴ பன க³மனஸ்ஸ டா²னங், டா²னஸ்ஸ ச க³மனங், நிஸஜ்ஜாய ச நிபஜ்ஜா, நிபஜ்ஜாய ச நிஸஜ்ஜா ஆஸன்னபா⁴வேன க³ஹிதா, இதரே பரம்பராவஸேனாதி வேதி³தப்³பா³. பி⁴க்கு²ஸ்ஸ பன இரியாபதா² ஸம்பத்தபடிபாடியா விய அபராபருப்பத்திவஸேன வுச்சந்தி.
ப⁴யபே⁴ரவஸேனாஸனாதி³வண்ணனா நிட்டி²தா.
அஸம்மோஹவிஹாரவண்ணனா
50. அயஞ்ச ‘‘ஸந்தி கோ² பனா’’திஆதி³னா உபரி தே³ஸனா வட்³டி⁴தாதி அயங் வா எத்த² அனுஸந்தி⁴. ஜா²யீனங் ஸம்மோஹட்டா²னேஸூதி இமினா அஜ்ஜா²யீனங் ஸம்மோஹட்டா²னேஸு வத்தப்³ப³மேவ நத்தீ²தி த³ஸ்ஸேதி. அத்தீ²தி இத³ங் நிபாதபத³ங் புது²வசனம்பி ஹோதி ‘‘அத்தி² இமஸ்மிங் காயே கேஸா’’திஆதீ³ஸு (தீ³॰ நி॰ 2.373-374; ம॰ நி॰ 1.110; 3.154; ஸங்॰ நி॰ 4.127; கு²॰ பா॰ 3.த்³வதிங்ஸாகார) வியாதி ‘‘ஸந்தீ’’தி பத³ஸ்ஸ அத்த²த³ஸ்ஸனவஸேன வுத்தங். கிங் க²ணத்தயஸமங்கி³தாய தே அத்தி², நோதி ஆஹ ‘‘ஸங்விஜ்ஜந்தி உபலப்³ப⁴ந்தீ’’தி, மஹதி லோகஸன்னிவாஸே ஏதி³ஸாபி ஸங்விஜ்ஜந்தி ஞாணேன க³ஹேதப்³ப³தாய உபலப்³ப⁴ந்தீதி. ஓதா³தகஸிணலாபீ⁴தி அப்பமாணஓதா³தகஸிணலாபீ⁴. ஏவங் ஹிஸ்ஸ ஸமந்ததோ ஆலோகோ விய உபட்டா²தி. பரிகம்மந்தி ஸமாபத்திபுப்³ப³பா⁴க³மாஹ. எத்தகங் ஸூரியே க³தே வுட்ட²ஹாமீதி, நோ ச கோ² அத்³தா⁴னபரிச்சே²தே³ குஸலோ ஹோதி, கேவலங் ‘‘தி³வா ஏவ வுட்ட²ஹாமீ’’தி மனஸிகாரங் உப்பாதே³ஸி. விஸத³ங் ஹோதி ஸப்³ப³ங் ஆரம்மணஜாதங், தி³ப்³ப³சக்கு²னா பஸ்ஸந்தஸ்ஸ விய விபூ⁴தங். அவிஸத³ந்தி எத்த² வுத்தவிபரியாயேன அத்தோ² வேதி³தப்³போ³. ஏவங்ஸஞ்ஞினோதி ரத்திங் ‘‘தி³வா’’தி, தி³வா ச ‘‘ரத்தீ’’தி ஏவங்ஸஞ்ஞினோ.
அந்தோஸேனாஸனே ரத்திங் நிஸின்னோ ஹோதீதி ரத்தி-ஸத்³தோ³ அஜ்ஜா²ஹரிதப்³போ³. பரித்தாஸனாதீ³ஹி, அஞ்ஞேஹி வா காரணேஹி. க³ம்பீ⁴ராய பூ⁴மிக³ப்³ப⁴ஸதி³ஸாய க⁴னவனபடிச்ச²ன்னாய ப³ஹலதரஜாலவனபடலபடிச்ச²ன்னாய. அந்தரஹிதஸூரியாலோகே காலேதி ஏதேனேவ தி³வாதி அவுத்தஸித்³தோ⁴. ஸம்மோஹவிஹாரோ நாம ப³ஹுவிதோ⁴தி ஆஹ ‘‘ஸம்மோஹவிஹாரானங் அஞ்ஞதர’’ந்தி.
பாகடோ போ³தி⁴ஸத்தஸ்ஸ ரத்திந்தி³வபரிச்சே²தோ³ அந்தமஸோ லவதுடிக²ணஸ்ஸபி உபாதா³ய ஸுவவத்தி²தத்தா, ததா² ரத்திதி³வஸகொட்டா²ஸபரிச்சே²தோ³ அத்தனா காதப்³ப³கிச்சவஸேன காலஞாணவஸேன ச.
காலத²ம்பே⁴ த்³வங்கு³லகாலே. யாமக⁴ண்டிகங் பஹரதி ஸங்க⁴ஸ்ஸ தங்தங்வத்தகரணத்த²ங். முக்³க³ரந்தி க⁴ண்டிகப்பஹரணமுக்³க³ரங். யாமயந்தங் பததி அஞ்ஞேஹி பி⁴க்கூ²ஹி யோஜிதந்தி அதி⁴ப்பாயோ. யாவ அஞ்ஞே பி⁴க்கூ² போ⁴ஜனஸாலங் உபக³ச்ச²ந்தி, தாவ தி³வாவிஹாரட்டா²னங் க³ந்த்வா ஸமணத⁴ம்மங் கரோதி.
யங் கோ² தந்தி எத்த² யந்தி அனியமுத்³தே³ஸோ, கோ²தி அவதா⁴ரணே, யமேவ புக்³க³லந்தி அத்தோ². தந்தி வுச்சமானாகாரவசனங். மமேவாதி மங் ஏவ. அஸம்மோஹஸபா⁴வோதி ஸபா⁴வபூ⁴தஅஸம்மோஹோ. ‘‘உப்பன்னோ’’தி வுத்தத்தா ‘‘மனுஸ்ஸலோகே’’தி வுத்தங். பஞ்ஞாஸம்பத்தியாதி யாதா²வதோ ஹிதஸ்ஸ ஜானநஸமத்தே²ன அத்தனோ பஞ்ஞாகு³ணேன, ந கேவலங் அஜ்ஜா²ஸயேனேவ ஹிதேஸிதா, அத² கோ² பயோகே³னாதி ‘‘ஹிதூபதே³ஸகோ’’தி ஆஹ. அஜ்ஜா²ஸயேன பன ஹிதேஸிதா ‘‘லோகானுகம்பாயா’’தி இமினா த³ஸ்ஸிதா. உபகரணேஹி வினா ந கதா³சி போ⁴க³ஸுக²ங் உபகரணதா³னஞ்ச சாக³ஸம்பத்திஹேதுகந்தி ஆஹ ‘‘சாக³ஸம்பத்தியா…பே॰… தா³யகோ’’தி. மெத்தாஸம்பத்தியா ஹிதூபஸங்ஹாரேன ரக்கி²தா. கருணாஸம்பத்தியா து³க்கா²பனயனேன கோ³பாயிதா. நனு ச புப்³பே³பி வுத்தங் ‘‘ஹிதாய ஸுகா²யா’’தி, அத² கஸ்மா புன தங் க³ஹிதந்தி சோத³னங் ஸந்தா⁴யாஹ ‘‘இத⁴ தே³வமனுஸ்ஸக்³க³ஹணேனா’’திஆதி³. தேன புப்³பே³ அவிஸேஸதோ ஹிதாதீ³னி த³ஸ்ஸிதானி, இதா³னி விஸேஸதோ ஸஹ பயோஜனேன தானி த³ஸ்ஸிதானீதி தீ³பேதி. நிப்³பா³னதோ பரோ பரமோ அத்தோ² நாம நத்தீ²தி ஆஹ ‘‘பரமத்த²த்தாயா’’தி. ஹினோதி நிப்³பா³னங் க³ச்ச²தீதி ஹிதங், மக்³கோ³. உக்கங்ஸதோ ஸுக²த்த²ங் அரியப²லந்தி ஆஹ ‘‘ததோ உத்தரி ஸுகா²பா⁴வதோ’’தி.
அஸம்மோஹவிஹாரவண்ணனா நிட்டி²தா.
புப்³ப³பா⁴க³படிபதா³தி³வண்ணனா
51. அஸம்மோஹவிஹாரந்தி அஸம்மோஹவுத்திங், அஸம்மோஹஸம்போ³தி⁴ந்தி வா அத்தோ². தந்தி ஸமத²விபஸ்ஸனாபா⁴வனாஸங்கா²தங் படிபத³ங். புப்³ப³பா⁴க³தோ பபு⁴தீதி பா⁴வனாய புப்³ப³பா⁴க³வீரியாரம்பா⁴தி³தோ பட்டா²ய. கேசீதி உத்தரவிஹாரவாஸினோ.
போ³தி⁴மண்டே³தி சதுரங்க³ந்தி ‘‘காமங் தசோ ச ந்ஹாரு ச, அட்டி² ச அவஸிஸ்ஸதூ’’திஆதி³னா (ம॰ நி॰ 2.184; ஸங்॰ நி॰ 2.237; அ॰ நி॰ 2.5; 8.13; மஹானி॰ 17, 196) வுத்தசதுரங்க³ஸமன்னாக³தங். பக்³க³ஹிதந்தி ஆரம்ப⁴ங் ஸிதி²லங் அகத்வா த³ள்ஹபரக்கமஸங்கா²துஸ்ஸஹனபா⁴வேன க³ஹிதங். தேனாஹ ‘‘அஸிதி²லப்பவத்திதந்தி வுத்தங் ஹோதீ’’தி. அஸல்லீனந்தி அஸங்குசிதங் கோஸஜ்ஜவஸேன ஸங்கோசங் அனாபன்னங்.
உபட்டி²தாதி ஓகா³ஹனஸங்கா²தேன அபிலாபனபா⁴வேன ஆரம்மணங் உபக³ந்த்வா டி²தா. தேனாஹ ‘‘ஆரம்மணாபி⁴முகீ²பா⁴வேனா’’தி. ஸம்மோஸஸ்ஸ வித்³த⁴ங்ஸனவஸேன பவத்தியா ந ஸம்முட்டா²தி அஸம்முட்டா². கிஞ்சாபி சித்தமிவ சித்தபஸ்ஸத்³தி⁴வஸேன காயபஸ்ஸத்³தி⁴வஸேனேவ காயோ பஸ்ஸத்³தோ⁴ ஹோதி, ததா²பி யஸ்மா காயபஸ்ஸத்³தி⁴ உப்பஜ்ஜமானா சித்தபஸ்ஸத்³தி⁴யா ஸஹேவ உப்பஜ்ஜதி, ந வினா, தஸ்மா வுத்தங் ‘‘காயசித்தபஸ்ஸத்³தி⁴ஸம்ப⁴வேனா’’தி ரூபகாயோபி பஸ்ஸத்³தோ⁴யேவ ஹோதி காயபஸ்ஸத்³தி⁴யா உப⁴யேஸம்பி காயானங் பஸ்ஸம்ப⁴னாவஹத்தா. ஸோ ச கோ² காயோ. விக³தத³ரதோ²தி விக³தகிலேஸத³ரதோ². நாமகாயே ஹி விக³தத³ரதே² ரூபகாயோபி வூபஸந்தத³ரத²பரிளாஹோ ஹோதி. ஸம்மா ஆஹிதந்தி நானாரம்மணேஸு விதா⁴வனஸங்கா²தவிக்கே²பங் விச்சி²ந்தி³த்வா ஏகஸ்மிங்யேவ ஆரம்மணே அவிக்கி²த்தபா⁴வாபாதா³னேன ஸம்மதே³வ ஆஹிதங். தேனாஹ ‘‘ஸுட்டு² ட²பித’’ந்திஆதி³. சித்தஸ்ஸ அனேகக்³க³பா⁴வோ விக்கே²பவஸேன சஞ்சலதா, ஸா ஸதி ஏகக்³க³தாய ந ஹோதீதி ஆஹ ‘‘ஏகக்³க³ங் அசலங் நிப்ப²ந்த³ன’’ந்தி. எத்தாவதாதி ‘‘ஆரத்³த⁴ங் கோ² பனா’’திஆதி³னா வீரியஸதிபஸ்ஸத்³தி⁴ஸமாதீ⁴னங் கிச்சஸித்³தி⁴த³ஸ்ஸனேன. நனு ச ஸத்³தா⁴பஞ்ஞானம்பி கிச்சஸித்³தி⁴ ஜா²னஸ்ஸ புப்³ப³படிபதா³ய இச்சி²தப்³பா³தி? ஸச்சங் இச்சி²தப்³பா³, ஸா பன நானந்தரியபா⁴வேன அவுத்தஸித்³தா⁴தி ந க³ஹிதா. அஸதி ஹி ஸத்³தா⁴ய வீரியாரம்பா⁴தீ³னங் அஸம்ப⁴வோயேவ, பஞ்ஞாபரிக்³க³ஹே ச நேஸங் அஸதி பஞ்ஞாயாரம்பா⁴தி³பா⁴வோ ந ஸியா. ததா² அஸல்லீனாஸம்மோஸதாத³யோ வீரியாதீ³னந்தி அஸல்லீனதாதி³க்³க³ஹணேனேவெத்த² பஞ்ஞாகிச்சஸித்³தி⁴ க³ஹிதாதி த³ட்ட²ப்³ப³ங். ஜா²னபா⁴வனாயங் வா ஸமாதி⁴கிச்சங் அதி⁴கங் இச்சி²தப்³ப³ந்தி த³ஸ்ஸேதுங் ஸமாதி⁴பரியோஸானாவ ஜா²னஸ்ஸ புப்³ப³படிபதா³ கதி²தாதி த³ட்ட²ப்³ப³ங்.
வுத்தங், தஸ்மா இத⁴ ந வத்தப்³ப³ங். விஸுத்³தி⁴மக்³கோ³ ஹி இமிஸ்ஸா ஸங்வண்ணனாய ஏகதே³ஸபூ⁴தோதி வுத்தோவாயமத்தோ²தி. விஹரதீதி ஆக³தங் பருத்³தே³ஸிகத்தா இத⁴ விஹாஸிந்தி ஆக³தங் அத்து²த்³தே³ஸிகத்தா. இத³ங் கிர ஸப்³ப³பு³த்³தா⁴னங் அவிஜஹிதந்தி ஆஹ ‘‘ஆனாபானஸ்ஸதிகம்மட்டா²ன’’ந்தி. ரூபவிராக³பா⁴வனாவஸேன (ஸாரத்த²॰ டீ॰ 1.12.நேரஞ்ஜகண்ட³வண்ணனா) பவத்தோ சதுப்³பி³தோ⁴பி அரூபஜ்ஜா²னவிஸேஸோ சதுத்த²ஜ்ஜா²னஸங்க³ஹோ ஏவாதி ஆஹ ‘‘சத்தாரி ஜா²னானீ’’தி. யுத்தங் தாவ சித்தேகக்³க³தா ப⁴வோக்கமனத்த²தா விய விபஸ்ஸனாபாத³கதாபி சதுன்னங் ஜா²னானங் ஸாதா⁴ரணாதி தேஸங் வஸேன ‘‘சத்தாரி ஜா²னானீ’’தி வசனங், அபி⁴ஞ்ஞாபாத³கதா பன நிரோத⁴பாத³கதா ச சதுத்த²ஸ்ஸேவ ஜா²னஸ்ஸ ஆவேணிகா, ஸா கத²ங் சதுன்னங் ஜா²னானங் ஸாதா⁴ரணா வுத்தாதி? பரம்பராதி⁴ட்டா²னபா⁴வதோ. பத³ட்டா²னபத³ட்டா²னம்பி ஹி பத³ட்டா²னந்தேவ வுச்சதி, காரணகாரணம்பி காரணந்தி யதா² ‘‘திணேஹி ஸத்தங் ஸித்³த⁴’’ந்தி, ஏவஞ்ச கத்வா பயோஜனநித்³தே³ஸே அட்ட²ஸமாபத்திக்³க³ஹணங் ஸமத்தி²தங் ஹோதி. சித்தேகக்³க³தத்தா²னீதி சித்தஸமாதா⁴னத்தா²னி, தி³ட்ட²த⁴ம்மஸுக²விஹாரத்தா²னீதி அத்தோ². சித்தேகக்³க³தாஸீஸேன ஹி தி³ட்ட²த⁴ம்மஸுக²விஹாரோ வுத்தோ, ஸுக்க²விபஸ்ஸககீ²ணாஸவவஸேன சேதங் வுத்தங். தேனாஹ ‘‘ஏகக்³க³சித்தா ஸுக²ங் தி³வஸங் விஹரிஸ்ஸாமா’’தி. ப⁴வோக்கமனத்தா²னீதி ப⁴வேஸு நிப்³ப³த்திஅத்தா²னி.
யஸ்மா (ஸாரத்த²॰ டீ॰ 1.12.நேரஞ்ஜகண்ட³வண்ணனா) போ³தி⁴ஸத்தேன போ³தி⁴மண்டூ³பஸங்கமனதோ புப்³பே³பி சரிமப⁴வே சதுத்த²ஜ்ஜா²னங் நிப்³ப³த்திதபுப்³ப³ங், ததா³ பன தங் நிப்³ப³த்திதமத்தமேவ அஹோஸி, ந விபஸ்ஸனாதி³பாத³கங் ‘‘போ³தி⁴ருக்க²மூலே நிப்³ப³த்தித’’ந்தி ததோ விஸேஸெத்வா வுத்தங். விபஸ்ஸனாபாத³கந்தி விபஸ்ஸனாரம்பே⁴ விபஸ்ஸனாய பாத³கங். அபி⁴ஞ்ஞாபாத³கந்தி எத்தா²பி ஏஸேவ நயோ. பு³த்³தா⁴னஞ்ஹி பட²மாரம்பே⁴ ஏவ பாத³கஜ்ஜா²னேன பயோஜனங் அஹோஸி, ந ததோ பரங் உபரிமக்³கா³தி⁴க³மப²லஸமாபத்திஅபி⁴ஞ்ஞாவளஞ்ஜனாதி³அத்த²ங். அபி⁴ஸம்போ³தி⁴ஸமதி⁴க³மதோ பட்டா²ய ஹி ஸப்³ப³ங் ஞாணஸமாதி⁴கிச்சங் ஆகங்க²மத்தபடிப³த்³த⁴மேவாதி. ஸப்³ப³கிச்சஸாத⁴கந்தி அனுபுப்³ப³விஹாராதி³ஸப்³ப³கிச்சஸாத⁴கங். ஸப்³ப³லோகியலோகுத்தரகு³ணதா³யகந்தி எத்த² விபஸ்ஸனாபி⁴ஞ்ஞாபாத³கத்தா ஏவ சதுத்த²ஸ்ஸ ஜா²னஸ்ஸ ப⁴க³வதோ ஸப்³ப³லோகியலோகுத்தரகு³ணதா³யகதா வேதி³தப்³பா³. ஸப்³ப³ஞ்ஞுதஞ்ஞாணபத³ட்டா²னஞ்ஹி மக்³க³ஞாணங், மக்³க³ஞாணபத³ட்டா²னஞ்ச ஸப்³ப³ஞ்ஞுதஞ்ஞாணங் அபி⁴ஸம்போ³தி⁴, தத³தி⁴க³மஸமகாலமேவ ப⁴க³வதோ ஸப்³பே³ பு³த்³த⁴கு³ணா ஹத்த²க³தா அஹேஸுங், சதுத்த²ஜ்ஜா²னஸன்னிஸ்ஸயோ ச மக்³கா³தி⁴க³மோதி.
புப்³ப³பா⁴க³படிபதா³தி³வண்ணனா நிட்டி²தா.
புப்³பே³னிவாஸகதா²வண்ணனா
52. த்³வின்னங் விஜ்ஜானந்தி புப்³பே³னிவாஸஞாணதி³ப்³ப³சக்கு²ஞாணஸங்கா²தானங் த்³வின்னங் விஜ்ஜானங். அனுபத³வண்ணனாதி தாஸங் விஜ்ஜானங் நித்³தே³ஸபாளியா அனுபத³வண்ணனா. பா⁴வனானயோதி உப்பாத³னவிதி⁴. ‘‘ஸோ’’தி பச்சத்தவசனஸ்ஸ அஹங்-ஸத்³தே³ன ஸம்ப³ந்த⁴னே காரணங் த³ஸ்ஸேதுங் ‘‘அபி⁴னின்னாமேஸி’’ந்திஆதி³ வுத்தங். பாளியங் வா ‘‘அபி⁴னின்னாமேஸி’’ந்தி உத்தமபுரிஸஸ்ஸ யோகோ³தி அஹங்-ஸத்³தே³ன ஆனெத்வா வுச்சமானே தத³த்தோ² பாகடோ ஹோதீதி ‘‘ஸோ அஹ’’ந்தி வுத்தங். அபி⁴னீஹரிந்தி சித்தங் ஜா²னாரம்மணதோ அபனெத்வா புப்³பே³னிவாஸாபி⁴முக²ங் பேஸேஸிங், புப்³பே³னிவாஸனின்னங் புப்³பே³னிவாஸபோணங் புப்³பே³னிவாஸபப்³பா⁴ரங் அகாஸிந்தி அத்தோ².
புப்³பே³அதீதஜாதீஸு நிவுத்த²க்க²ந்தா⁴ புப்³பே³னிவாஸோ. நிவுத்தா²தி ச அஜ்ஜா²வுத்தா² அனுபூ⁴தா அத்தனோ ஸந்தானே உப்பஜ்ஜித்வா நிருத்³தா⁴, கோ³சரனிவாஸேன நிவுத்த²த⁴ம்மா வா அத்தனோ விஞ்ஞாணேனவிஞ்ஞாதா, பரவிஞ்ஞாணவிஞ்ஞாதாபி வா சி²ன்னவடுமகானுஸ்ஸரணாதீ³ஸு, தங் புப்³பே³னிவாஸங் யாய ஸதியா அனுஸ்ஸரதி, தாய ஸம்பயுத்தங் ஞாணங் புப்³பே³னிவாஸானுஸ்ஸதிஞ்ஞாணங். படினிவத்தந்தஸ்ஸாதி புப்³பே³னிவாஸங் அனுஸ்ஸரணவஸேன யாவதி³ச்ச²கங் க³ந்த்வா பச்சாக³ச்ச²ந்தஸ்ஸ. தஸ்மாதி வுத்தஸ்ஸேவத்த²ஸ்ஸ காரணபா⁴வேன பச்சாமஸனங், படினிவத்தந்தஸ்ஸ பச்சவெக்க²ணபா⁴வதோதி வுத்தங் ஹோதி. இதூ⁴பபத்தியாதி இத⁴ அனந்தரந்தி அதீதானந்தரமாஹ. அமுத்ராதி அமுகஸ்மிங் ப⁴வேதி அத்தோ². உத³பாதி³ந்தி உப்பஜ்ஜிங். தாஹி தே³வதாஹீதி துஸிதாதே³வதாஹி. ஏககொ³த்தோதி துஸிதகொ³த்தேன ஏககொ³த்தோ. மஹாபோ³தி⁴ஸத்தானங் ஸந்தானஸ்ஸ பரியோஸானாவத்தா²ய தே³வலோகூபபத்திஜனகங் நாம அகுஸலேன கம்முனா அனுபத்³து³தமேவ ஹோதீதி அதி⁴ப்பாயேன ‘‘து³க்க²ங் பன ஸங்கா²ரது³க்க²மேவா’’தி வுத்தங். மஹாபுஞ்ஞானம்பி பன தே³வபுத்தானங் புப்³ப³னிமித்துப்பத்திகாலாதீ³ஸு அனிட்டா²ரம்மணஸமாயோகோ³ ஹோதியேவாதி ‘‘கதா³சி து³க்க²து³க்க²ஸ்ஸபி ஸம்ப⁴வோ நத்தீ²’’தி ந ஸக்கா வத்துங். ஸத்தபஞ்ஞாஸ…பே॰… பரியந்தோதி இத³ங் மனுஸ்ஸானங் வஸ்ஸக³ணனாவஸேன வுத்தங். தத்த² தே³வானங் வஸ்ஸக³ணனாய பன சதுஸஹஸ்ஸமேவ.
அதீதப⁴வே (ஸாரத்த²॰ டீ॰ 1.12.புப்³பே³னிவாஸகதா²யங்) க²ந்தா⁴ தப்படிப³த்³த⁴னாமகொ³த்தானி ச ஸப்³ப³ங் புப்³பே³னிவாஸந்தேவ ஸங்க³ஹிதந்தி ஆஹ ‘‘கிங் விதி³தங் கரோதி? புப்³பே³னிவாஸ’’ந்தி. மோஹோ படிச்சா²த³கட்டே²ன ‘‘தமோ’’தி வுச்சதி ‘‘தமோ வியா’’தி கத்வா. ஓபா⁴ஸகரணட்டே²னாதி ஸேஸங் பஸங்ஸாவசனந்தி படிபக்க²வித⁴மனபவத்திவிஸேஸானங் போ³த⁴னதோ வுத்தங். அவிஜ்ஜா விஹதாதி ஏதேன விஜ்ஜனட்டே²ன விஜ்ஜாதி அயம்பி அத்தோ² தீ³பிதோதி த³ட்ட²ப்³ப³ங். யஸ்மா விஜ்ஜா உப்பன்னாதி ஏதேன விஜ்ஜாபடிபக்கா² அவிஜ்ஜா, படிபக்க²தா சஸ்ஸா பஹாதப்³ப³பா⁴வேன விஜ்ஜாய ச பஹாயகபா⁴வேனாதி த³ஸ்ஸேதி. ஏஸ நயோ இதரஸ்மிம்பி பத³த்³வயேதி இமினா தமோ விஹதோ வினட்டோ². கஸ்மா? யஸ்மா ஆலோகோ உப்பன்னோதி இமமத்த²ங் அதிதி³ஸதி. பேஸிதத்தஸ்ஸாதி யதா²தி⁴ப்பேதத்த²ஸித்³தி⁴ங் பதி விஸ்ஸட்ட²சித்தஸ்ஸ. யதா² அப்பமத்தஸ்ஸாதி அஞ்ஞஸ்ஸபி கஸ்ஸசி மாதி³ஸஸ்ஸாதி அதி⁴ப்பாயோ.
புப்³பே³னிவாஸகதா²வண்ணனா நிட்டி²தா.
தி³ப்³ப³சக்கு²ஞாணகதா²வண்ணனா
53. இதா⁴தி ப⁴யபே⁴ரவஸுத்தே வுத்தங். இத⁴ அயங் விஸேஸோதி யோஜனா. வுத்தஸதி³ஸமேவ ‘‘மேதி மயா’’திஆதி³னா. பரிகம்மகிச்சந்தி ‘‘அபி⁴ஞ்ஞாபாத³கசதுத்த²ஜ்ஜா²னதோ வுட்டா²ய ஸப்³ப³பச்சி²மா நிஸஜ்ஜா ஆவஜ்ஜிதப்³பா³’’திஆதி³னா, கஸிணாரம்மணங் அபி⁴ஞ்ஞாபாத³கஜ்ஜா²னங் ஸப்³பா³காரேன அபி⁴னீஹாரக்க²மங் கத்வா’’திஆதி³னா ச வுத்தேன பரிகம்மேன கிச்சங் பயோஜனங் நத்தி². ந தேன இத⁴ அத்தோ²தி தேன பா⁴வனானயேன இத⁴ பாளியா அத்த²வண்ணனாயங் அத்தோ² நத்தி² ததா²பா⁴வனாய இத⁴ அனதி⁴ப்பேதத்தாதி அதி⁴ப்பாயோ.
தி³ப்³ப³சக்கு²ஞாணகதா²வண்ணனா நிட்டி²தா.
ஆஸவக்க²யஞாணகதா²வண்ணனா
54. விபஸ்ஸனாபாத³கந்தி (ஸாரத்த²॰ டீ॰ 1.14.ஆஸவக்க²யஞாணகதா²யங்; தீ³॰ நி॰ டீ॰ 1.248; அ॰ நி॰ டீ॰ 2.3.59) விபஸ்ஸனாய பத³ட்டா²னபூ⁴தங். விபஸ்ஸனா ச திவிதா⁴ விபஸ்ஸனகபுக்³க³லபே⁴தே³ன. மஹாபோ³தி⁴ஸத்தானஞ்ஹி பச்சேகபோ³தி⁴ஸத்தானஞ்ச விபஸ்ஸனா சிந்தாமயஞாணஸங்வத்³தி⁴தத்தா ஸயம்பு⁴ஞாணபூ⁴தா, இதரேஸங் விஸுத்³தி⁴மக்³கே³ (விஸுத்³தி⁴॰ 1.306) நானானயதோ விபா⁴விதா. மஹாபோ³தி⁴ஸத்தானங் பன சதுவீஸதிகோடிஸதஸஹஸ்ஸமுகே²ன பபே⁴த³க³மனதோ நானானயங் ஸப்³ப³ஞ்ஞுதஞ்ஞாணஸன்னிஸ்ஸயஸ்ஸ அரியமக்³க³ஞாணஸ்ஸ அதி⁴ட்டா²னபூ⁴தங் புப்³ப³பா⁴க³ஞாணக³ப்³ப⁴ங் க³ண்ஹாபெந்தங் பரிபாகங் க³ச்ச²ந்தங் பரமக³ம்பீ⁴ரஸண்ஹஸுகு²மதரங் அனஞ்ஞஸாதா⁴ரணங் விபஸ்ஸனாஞாணங் ஹோதி, யங் அட்ட²கதா²ஸு மஹாவஜிரஞாணந்தி வுச்சதி. யஸ்ஸ ச பவத்திவிபா⁴கே³ன சதுவீஸதிகோடிஸதஸஹஸ்ஸப்பபே⁴த³ஸ்ஸ பாத³கபா⁴வேன ஸமாபஜ்ஜியமானா சதுவீஸதிகோடிஸதஸஹஸ்ஸஸங்கா² தே³வஸிகங் ஸத்து² வளஞ்ஜனகஸமாபத்தியோ வுச்சந்தி, ஸ்வாயங் பு³த்³தா⁴னங் விபஸ்ஸனாசாரோ பரமத்த²மஞ்ஜூஸாய விஸுத்³தி⁴மக்³க³ஸங்வண்ணனாய (விஸுத்³தி⁴॰ மஹாடீ॰ 1.144) உத்³தே³ஸதோ த³ஸ்ஸிதோ, அத்தி²கேஹி ததோ க³ஹேதப்³போ³தி.
ஆஸவானங் கே²பனதோ ஸமுச்சி²ந்த³னதோ ஆஸவக்க²யோ, அரியமக்³கோ³, உக்கட்ட²னித்³தே³ஸவஸேன அரஹத்தமக்³க³க்³க³ஹணங். ஆஸவானங் க²யே ஞாணங் ஆஸவக்க²யஞாணந்தி த³ஸ்ஸெந்தோ ‘‘தத்ர சேதங் ஞாண’’ந்தி வத்வா க²யேதி ச ஆதா⁴ரே பு⁴ம்மங், ந விஸயேதி த³ஸ்ஸெந்தோ ‘‘தப்பரியா பன்னத்தா’’தி ஆஹ. இத³ங் து³க்க²ந்தி து³க்க²ஸ்ஸ அரியஸச்சஸ்ஸ ததா³ பச்சக்க²தோ க³ஹிதபா⁴வத³ஸ்ஸனங். எத்தகங் து³க்க²ந்தி து³க்க²ஸ்ஸ அரியஸச்சஸ்ஸ ததா³ பச்சக்க²தோ க³ஹிதபா⁴வத³ஸ்ஸனங். எத்தகங் து³க்க²ந்தி தஸ்ஸ பரிச்சி²ஜ்ஜ க³ஹிதபா⁴வத³ஸ்ஸனங். ந இதோ பி⁴ய்யோதி அனவஸேஸெத்வா க³ஹிதபா⁴வத³ஸ்ஸனங். தேனாஹ ‘‘ஸப்³ப³ம்பி து³க்க²ஸச்ச’’ந்திஆதி³. ஸரஸலக்க²ணபடிவேதே⁴னாதி ஸபா⁴வஸங்கா²தஸ்ஸ லக்க²ணஸ்ஸ அஸம்மோஹதோ படிவிஜ்ஜ²னேன. அஸம்மோஹபடிவேதோ⁴தி ச யதா² தஸ்மிங் ஞாணே பவத்தே பச்சா² து³க்க²ஸ்ஸ ஸரூபாதி³பரிச்சே²தே³ ஸம்மோஹோ ந ஹோதி, ததா² பவத்தி. தேனாஹ ‘‘யதா²பூ⁴தங் அப்³ப⁴ஞ்ஞாஸி’’ந்தி. யங் டா²னங் பத்வாதி யங் நிப்³பா³னங் மக்³க³ஸ்ஸ ஆரம்மணபச்சயட்டே²ன காரணபூ⁴தங் ஆக³ம்ம. தது³ப⁴யவதோ ஹி புக்³க³லஸ்ஸ பத்தி தது³ப⁴யஸ்ஸ பத்தீதி வுத்தங். பத்வாதி வா பாபுணனஹேது. அப்பவத்திந்தி அப்பவத்தினிமித்தங். தே வா நப்பவத்தந்தி எத்தா²தி அப்பவத்தி, நிப்³பா³னங். தஸ்ஸாதி து³க்க²னிரோத⁴ஸ்ஸ. ஸம்பாபகந்தி ஸச்சி²கிரியாவஸேன ஸம்மதே³வ பாபகங்.
கிலேஸவஸேனாதி ‘‘பரியாயதோ’’தி. த³ஸ்ஸெந்தோ ஸச்சானீதி யோஜனா. ஆஸவானங்யேவ செத்த² க³ஹணங் ‘‘ஆஸவானங் க²யஞாணாயா’’தி ஆரத்³த⁴த்தா. ததா² ஹி ஆஸவவிமுத்தி ஸீஸேனேவ ஸப்³ப³ஸங்கிலேஸவிமுத்தி வுத்தா. ‘‘இத³ங் து³க்க²ந்தி யதா²பூ⁴தங் அப்³ப⁴ஞ்ஞாஸி’’ந்திஆதி³னா மிஸ்ஸகமக்³கோ³ இத⁴ கதி²தோதி ‘‘ஸஹ விபஸ்ஸனாய கோடிப்பத்தங் மக்³க³ங் கதே²தீ’’தி வுத்தங். எத்த² ச ஸச்சபடிவேத⁴ஸ்ஸ ததா³ அதீதகாலிகத்தா ‘‘யதா²பூ⁴தங் அப்³ப⁴ஞ்ஞாஸி’’ந்தி வத்வாபி அபி⁴ஸமயகாலே தஸ்ஸ பச்சுப்பன்னதங் உபாதா³ய ‘‘ஏவங் ஜானதோ ஏவங் பஸ்ஸதோ’’தி வத்தமானகாலேன நித்³தே³ஸோ கதோ. ஸோ ச காமங் மக்³க³க்க²ணதோ பரங் யாவஜ்ஜதனா அதீதகாலிகோ ஏவ, ஸப்³ப³பட²மங் பனஸ்ஸ அதீதகாலிகத்தங் ப²லக்க²ணேன வேதி³தப்³ப³ந்தி ஆஹ ‘‘விமுச்சித்தா²தி இமினா ப²லக்க²ணங் த³ஸ்ஸேதீ’’தி. ஜானதோ பஸ்ஸதோதி வா ஹேதுனித்³தே³ஸோயங். ஜானநஹேது த³ஸ்ஸனஹேது காமாஸவா சித்தங் விமுச்சித்தா²தி யோஜனா. ப⁴வாஸவக்³க³ஹணேனேவ செத்த² ப⁴வராக³ஸ்ஸ விய ப⁴வதி³ட்டி²யாபி ஸமவரோதோ⁴தி தி³ட்டா²ஸவஸ்ஸபி ஸங்க³ஹோ த³ட்ட²ப்³போ³.
கீ²ணாஜாதீதிஆதீ³ஹி பதே³ஹி. தஸ்ஸாதி பச்சவெக்க²ணஞாணஸ்ஸ. பூ⁴மீந்தி பவத்திட்டா²னங். ந தாவஸ்ஸ அதீதா ஜாதி கீ²ணா மக்³க³பா⁴வனாயாதி அதி⁴ப்பாயோ. தத்த² காரணமாஹ ‘‘புப்³பே³வ கீ²ணத்தா’’தி. ந அனாக³தா அஸ்ஸஜாதி கீ²ணாதி யோஜனா. ந அனாக³தாதி ச அனாக³தத்தஸாமஞ்ஞங் க³ஹெத்வா லேஸேன சோதே³தி. தேனாஹ ‘‘அனாக³தே வாயாமாபா⁴வதோ’’தி, அனாக³தவிஸேஸோ பனெத்த² அதி⁴ப்பேதோ, தஸ்ஸ ச கே²பனே வாயாமோபி லப்³ப⁴தேவ. தேனாஹ ‘‘யா பன மக்³க³ஸ்ஸா’’திஆதி³. ஏகசதுபஞ்சவோகாரப⁴வேஸூதி ப⁴வத்தயக்³க³ஹணங் வுத்தனயேன அனவஸேஸதோ ஜாதியா கீ²ணபா⁴வத³ஸ்ஸனத்த²ங். தந்தி யதா²வுத்தங் ஜாதிங். ஸோதி ப⁴க³வா.
ப்³ரஹ்மசரியவாஸோ நாம இத⁴ மக்³க³ப்³ரஹ்மசரியஸ்ஸ நிப்³ப³த்தனமேவாதி ஆஹ ‘‘நிட்டி²த’’ந்தி. ஸம்மாதி³ட்டி²யா ‘‘சதூஹி மக்³கே³ஹி பரிஞ்ஞாபஹானஸச்சி²கிரியாபா⁴வனாவஸேனா’’தி. இத்த²த்தாயாதி இமே பகாரா இத்த²ங், தப்³பா⁴வோ இத்த²த்தங், தத³த்த²ந்தி வுத்தங் ‘‘ஏவங்ஸோளஸகிச்சபா⁴வாயா’’தி. தே ஹி மக்³க³ங் பச்சவெக்க²தோ மக்³கா³னுபா⁴வேன பாகடா ஹுத்வா உபட்ட²ஹந்தி, பரிஞ்ஞாதீ³ஸு ச பஹானமேவ பதா⁴னங் தத³த்த²த்தா இதரேஸந்தி ஆஹ ‘‘கிலேஸக்க²யாயவா’’தி. பஹீனகிலேஸபச்சவெக்க²ணவஸேன வா ஏதங் வுத்தங். இத்த²த்தாயாதி நிஸ்ஸக்கே ஸம்பதா³னவசனந்தி ஆஹ ‘‘இத்த²பா⁴வதோ’’தி. அபரங் அனாக³தங். இமே பன சரிமத்தபா⁴வஸங்கா²தா பஞ்சக்க²ந்தா⁴. பரிஞ்ஞாதா திட்ட²ந்தீதி ஏதேன தேஸங் அப்பதிட்ட²தங் த³ஸ்ஸேதி. அபரிஞ்ஞாமூலகா ஹி பதிட்டா². யதா²ஹ ‘‘கப³ளீகாரே சே, பி⁴க்க²வே, ஆஹாரே அத்தி² ராகோ³ அத்தி² நந்தீ³ அத்தி² தண்ஹா, பதிட்டி²தங் தத்த² விஞ்ஞாணங் விரூள்ஹ’’ந்திஆதி³ (ஸங்॰ நி॰ 2.64; மஹானி॰ 7; கதா²॰ 296). தேனேவாஹ ‘‘சி²ன்னமூலகா ருக்கா² வியா’’திஆதி³.
பச்சவெக்க²ணஞாணபரிக்³க³ஹிதங், ந பட²மது³தியஞாணத்³வயாதி⁴க³மங் விய கேவலந்தி அதி⁴ப்பாயோ. த³ஸ்ஸெந்தோ நிக³மனவஸேனாதி அதி⁴ப்பாயோ. ஸரூபதோ ஹி தங் புப்³பே³ த³ஸ்ஸிதமேவாதி. புப்³பே³னிவாஸஞாணேன அதீதாரம்மணஸபா⁴க³தாய தப்³பா⁴வீபா⁴வதோ ச அதீதங்ஸஞாணங் ஸங்க³ஹெத்வாதி யோஜனா. தத்த² அதீதங்ஸஞாணந்தி அதீதக²ந்தா⁴யதனதா⁴துஸங்கா²தே அதீதகொட்டா²ஸே அப்படிஹதங் ஞாணங். தி³ப்³ப³சக்கு²னாதி ஸபரிப⁴ண்டே³ன தி³ப்³ப³சக்கு²ஞாணேன. பச்சுப்பன்னங்ஸோ ச அனாக³தங்ஸோ ச பச்சுப்பன்னானாக³தங்ஸங், தத்த² ஞாணங் பச்சுப்பன்னானாக³தங்ஸஞாணங். ஸகலலோகியலோகுத்தரகு³ணந்தி ஏதேன ஸப்³ப³ங் லோகங் உத்தரித்வா அபி⁴பு⁴ய்ய டி²தத்தா ஸப்³ப³ஞ்ஞுதஞ்ஞாணஸ்ஸ விய ஸேஸாஸாதா⁴ரணஞாணஸ்ஸ ப³லஞாணஆவேணிகபு³த்³த⁴த⁴ம்மாதீ³னம்பி அனஞ்ஞஸாதா⁴ரணானங் பு³த்³த⁴கு³ணானங் ஸங்க³ஹோ வேதி³தப்³போ³. தேனாஹ ‘‘ஸப்³பே³பி ஸப்³ப³ஞ்ஞுகு³ணே ஸங்க³ஹெத்வா’’தி.
ஆஸவக்க²யஞாணகதா²வண்ணனா நிட்டி²தா.
அரஞ்ஞவாஸகாரணவண்ணனா
55. ஸியா கோ² பன தே ப்³ராஹ்மணாதி எத்த² ஸியாதி ‘‘அப்பேவா’’தி இமினா ஸமானத்தோ² நிபாதோ அட்ட²கதா²யங் ‘‘கதா³சீ’’தி வுத்தங், தம்பி இமமேவத்த²ங் ஸந்தா⁴ய வுத்தங் அகாரணங் ப்³ராஹ்மணேன பரிகப்பிதமத்த²ங் படிபக்கி²பித்வா அத்தனோ அதி⁴ப்பேதங் காரணங் த³ஸ்ஸெந்தோ. அத்தோ²வ ப²லங் தத³தீ⁴னவுத்திதாய வஸோ ஏதஸ்ஸாதி அத்த²வஸோ, ஹேதூதி ஏவங் வா எத்த² அத்தோ² த³ட்ட²ப்³போ³. அத்தனோ ச தி³ட்ட²த⁴ம்மஸுக²விஹாரந்தி ஏதேன ஸத்தா² அத்தனோ விவேகாபி⁴ரதிங் பகாஸேதீதி த³ஸ்ஸெந்தோ ‘‘தி³ட்ட²த⁴ம்மோ நாமா’’திஆதி³மாஹ. தத்த² இரியாபத²விஹாரானந்தி இரியாபத²பவத்தீனங். தப்பவத்தியோ ஹி ஏகஸ்மிங் இரியாபதே² உப்பன்னது³க்க²ங் அஞ்ஞேன இரியாபதே²ன விச்சி²ந்தி³த்வா ஹரணதோ விஹாராதி வுச்சந்தி. பச்சி²மஞ்ச ஜனதங் அனுகம்பமானோதி ஏதேன யோ ஆதி³தோ ப்³ராஹ்மணேன ‘‘ப⁴வங் தேஸங் கோ³தமோ புப்³ப³ங்க³மோ…பே॰… தி³ட்டா²னுக³திங் ஆபஜ்ஜதீ’’தி வுத்தோ, யோ ச ததா² ‘‘ஏவமேதங் ப்³ராஹ்மணா’’திஆதி³னா அத்தனா ஸம்படிச்சி²தோ, தமேவ அத்த²ங் நிக³மனவஸேன த³ஸ்ஸெந்தோ யதா²னுஸந்தி⁴னாவ ஸத்தா² தே³ஸனங் நிட்டா²பேஸி.
அரஞ்ஞவாஸகாரணவண்ணனா நிட்டி²தா.
தே³ஸனானுமோத³னாவண்ணனா
56. ஏவங் நிட்டா²பிதாய தே³ஸனாய ப்³ராஹ்மணோ தத்த² ப⁴க³வதி பஸாத³ங் பவேதெ³ந்தோ ‘‘அபி⁴க்கந்த’’ந்திஆதி³மாஹ. அபி⁴க்கந்தாதி (ஸாரத்த²॰ டீ॰ 1.15.தே³ஸனானுமோத³னகதா²; தீ³॰ நி॰ டீ॰ 1.250; ஸங்॰ நி॰ டீ॰ 1.1.1; அ॰ நி॰ டீ॰ 2.2.16) அதிக்கந்தா, விக³தாதி அத்தோ²தி ஆஹ ‘‘க²யே தி³ஸ்ஸதீ’’தி. தேனேவ ஹி ‘‘நிக்க²ந்தோ பட²மோ யாமோ’’தி வுத்தங். அபி⁴க்கந்ததரோதி அதிவிய கந்ததரோ மனோரமோ. தாதி³ஸோ ச ஸுந்த³ரோ ப⁴த்³த³கோ நாம ஹோதீதி ஆஹ ‘‘ஸுந்த³ரே தி³ஸ்ஸதீ’’தி.
கோதி தே³வனாக³யக்க²க³ந்த⁴ப்³பா³தீ³ஸு கோ கதமோ. மேதி மம. பாதா³னீதி பாதே³. இத்³தி⁴யாதி இமாய ஏவரூபாய தே³வித்³தி⁴யா. யஸஸாதி இமினா ஏதி³ஸேன பரிவாரேன பரிஜனேன. ஜலந்தி விஜ்ஜோதமானோ. அபி⁴க்கந்தேனாதி அதிவிய கந்தேன கமனீயேன அபி⁴ரூபேன. வண்ணேனாதி ச²விவண்ணேன ஸரீரவண்ணனிபா⁴ய. ஸப்³பா³ ஓபா⁴ஸயங் தி³ஸாதி த³ஸபி தி³ஸா ஓபா⁴ஸெந்தோ பபா⁴ஸெந்தோ, சந்தோ³ விய ஸூரியோ விய ச ஏகோபா⁴ஸங் ஏகாலோகங் அபி⁴ரூபேதி உளாரரூபே ஸம்பன்னரூபே.
‘‘சோரோ ப⁴யே ஆமேடி³தங். ‘‘விஜ்ஜ² விஜ்ஜ², பஹர பஹரா’’திஆதீ³ஸு கோதே⁴, ‘‘ஸாது⁴ ஸாதூ⁴திஆதீ³ஸு (ம॰ நி॰ 1.327; ஸங்॰ நி॰ 2.127; 3.35; 5.1085) பஸங்ஸாயங், ‘‘க³ச்ச² க³ச்ச², லுனாஹி லுனாஹீ’’திஆதீ³ஸு துரிதே, ‘‘ஆக³ச்ச² ஆக³ச்சா²’’திஆதீ³ஸு கோதூஹலே, ‘‘பு³த்³தோ⁴ பு³த்³தோ⁴தி சிந்தெந்தோ’’திஆதீ³ஸு (பு³॰ வங்॰ 2.44) அச்ச²ரே, ‘‘அபி⁴க்கமதா²யஸ்மந்தோ, அபி⁴க்கமதா²யஸ்மந்தோ’’திஆதீ³ஸு (தீ³॰ நி॰ 3.20; அ॰ நி॰ 9.11) ஹாஸே, ‘‘கஹங் ஏகபுத்தக, கஹங் ஏகபுத்தகா’’திஆதீ³ஸு (ம॰ நி॰ 2.353; ஸங்॰ நி॰ 2.63) ஸோகே, ‘‘அஹோ ஸுக²ங் அஹோ ஸுக²’’ந்திஆதீ³ஸு (உதா³॰ 20; தீ³॰ நி॰ 3.305; சூளவ॰ 332) பஸாதே³. ச-ஸத்³தோ³ அவுத்தஸமுச்சயத்தோ². தேன க³ரஹாஅஸம்மானாதீ³னங் ஸங்க³ஹோ த³ட்ட²ப்³போ³. தத்த² ‘‘பாபோ பாபோ’’திஆதீ³ஸு க³ரஹாயங். ‘‘அபி⁴ரூபக அபி⁴ரூபகா’’திஆதீ³ஸு அஸம்மானே த³ட்ட²ப்³ப³ங்.
நயித³ங் ஆமேடி³தவஸேன த்³விக்க²த்துங் வுத்தங், அத² கோ² அத்த²த்³வயவஸேனாதி த³ஸ்ஸெந்தோ ‘‘அத² வா’’திஆதி³மாஹ. அபி⁴க்கந்தந்தி வசனங் அபெக்கி²த்வா நபுங்ஸகலிங்க³வஸேன வுத்தங், தங் பன ப⁴க³வதோ வசனங் த⁴ம்மஸ்ஸ தே³ஸனாதி கத்வா ததா² வுத்தங். அத்த²மத்தத³ஸ்ஸனங் வா ஏதங், தஸ்மா அத்த²வஸேன லிங்க³விப⁴த்திவிபரிணாமோ வேதி³தப்³போ³. து³தியபதே³பி ஏஸேவ நயோ. தோ³ஸனாஸனதோதி ராகா³தி³கிலேஸதோ³ஸவித⁴மனதோ, கு³ணாதி⁴க³மனதோதி ஸீலாதி³கு³ணானங் ஸம்பாபனதோ. யே கு³ணே தே³ஸனா அதி⁴க³மேதி, தேஸு பதா⁴னபூ⁴தா த³ஸ்ஸேதப்³பா³தி தே பதா⁴னபூ⁴தே தாவ த³ஸ்ஸேதுங் ‘‘ஸத்³தா⁴ஜனநதோ பஞ்ஞாஜனநதோ’’தி வுத்தங். ஸத்³தா⁴பமுகா² ஹி லோகியா கு³ணா, பஞ்ஞாபமுகா² லோகுத்தரா. ஸீலாதி³அத்த²ஸம்பத்தியா ஸாத்த²தோ, ஸபா⁴வனிருத்திஸம்பத்தியா ஸப்³யஞ்ஜனதோ. ஸுவிஞ்ஞெய்யஸத்³த³பயோக³தாய உத்தானபத³தோ, ஸண்ஹஸுகு²மபா⁴வேன து³ப்³பி³ஞ்ஞெய்யத்த²தாய க³ம்பீ⁴ரத்த²தோ. ஸினித்³த⁴முது³மது⁴ரஸத்³த³பயோக³தாய கண்ணஸுக²தோ, விபுலவிஸுத்³த⁴பேமனீயத்த²தாய ஹத³யங்க³மதோ. மானாதிமானவித⁴மனேன அனத்துக்கங்ஸனதோ, த²ம்ப⁴ஸாரம்ப⁴மத்³த³னேன அபரவம்ப⁴னதோ. ஹிதாதி⁴ப்பாயபவத்தியா பரேஸங் ராக³பரிளாஹாதி³வூபஸமனேன ச கருணாஸீதலதோ, கிலேஸந்த⁴காரவித⁴மனேன பஞ்ஞாவதா³ததோ. கரவீகருதமஞ்ஜுதாய ஆபாத²ரமணீயதோ, புப்³பா³பராவிருத்³த⁴ஸுவிஸுத்³த⁴த்த²தாய விமத்³த³க்க²மதோ. ஆபாத²ரமணீயதாய ஏவ ஸுய்யமானஸுக²தோ, விமத்³த³க்க²மதாய ஹிதஜ்ஜா²ஸயப்பவத்திததாய ச வீமங்ஸியமானஹிததோ. ஏவமாதீ³ஹீதி ஆதி³ஸத்³தே³ன ஸங்ஸாரசக்கனிவத்தனதோ, ஸத்³த⁴ம்மசக்கப்பவத்தனதோ, மிச்சா²வாத³வித⁴மனதோ, ஸம்மாவாத³பதிட்டா²பனதோ, அகுஸலமூலஸமுத்³த⁴ரணதோ, குஸலமூலஸங்ரோபனதோ, அபாயத்³வாரபிதா⁴னதோ, ஸக்³க³மக்³க³த்³வாரவிவரணதோ, பரியுட்டா²னவூபஸமனதோ, அனுஸயஸமுக்³கா⁴தனதோதி ஏவமாதீ³னங் ஸங்க³ஹோ த³ட்ட²ப்³போ³.
அதோ⁴முக²ட்ட²பிதந்தி ஹெட்டா²முக²ஜாதந்தி ஸபா⁴வேனேவ ஹெட்டா²முக²ஜாதங். உக்³கா⁴டெய்யாதி விவடங் கரெய்ய. ஹத்தே² க³ஹெத்வாதி ‘‘புரத்தா²பி⁴முகோ², உத்தராபி⁴முகோ² வா க³ச்சா²’’திஆதீ³னி அவத்வா ஹத்தே² க³ஹெத்வா ‘‘நிஸ்ஸந்தே³ஹங் ஏஸ மக்³கோ³, ஏவங் க³ச்சா²’’தி வதெ³ய்ய. காளபக்க²சாதுத்³த³ஸீதி காளபக்கே² சாதுத்³த³ஸீ.
நிகுஜ்ஜிதங் ஆதெ⁴ய்யஸ்ஸ அனாதா⁴ரபூ⁴தங் பா⁴ஜனங் ஆதா⁴ரபா⁴வாபாத³னவஸேன உக்குஜ்ஜெய்ய. ஹெட்டா²முக²ஜாததாய ஸத்³த⁴ம்மவிமுக²ங், அதோ⁴முக²ட்ட²பிததாய அஸத்³த⁴ம்மே பதிதந்தி ஏவங் பத³த்³வயங் யதா²ரஹங் யோஜேதப்³ப³ங், ந யதா²ஸங்க்²யங். காமங் காமச்ச²ந்தா³த³யோபி படிச்சா²த³கா, மிச்சா²தி³ட்டி² பன ஸவிஸேஸங் படிச்சா²தி³காதி ஆஹ ‘‘மிச்சா²தி³ட்டி²க³ஹனபடிச்ச²ன்ன’’ந்தி. தேனாஹ ப⁴க³வா ‘‘மிச்சா²தி³ட்டி²பரமாஹங், பி⁴க்க²வே, வஜ்ஜங் வதா³மீ’’தி (அ॰ நி॰ 1.310). ஸப்³போ³ அபாயகா³மிமக்³கோ³ கும்மக்³கோ³ ‘‘குச்சி²தோ மக்³கோ³’’தி கத்வா. ஸம்மாதி³ட்டி²ஆதீ³னங் உஜுபடிபக்க²தாய மிச்சா²தி³ட்டி²ஆத³யோ அட்ட² மிச்ச²த்தத⁴ம்மா மிச்சா²மக்³கோ³. தேனேவ ஹி தது³ப⁴யபடிபக்க²தங் ஸந்தா⁴ய ‘‘ஸக்³க³மொக்க²மக்³க³ங் ஆசிக்க²ந்தேனா’’தி வுத்தங். ஸப்பிஆதி³ஸன்னிஸ்ஸயோ பதீ³போ ந ததா² உஜ்ஜலோ, யதா² தேலஸன்னிஸ்ஸயோதி தேலபஜ்ஜோதக்³க³ஹணங். ஏதேஹி பரியாயேஹீதி ஏதேஹி நிகுஜ்ஜிதுக்குஜ்ஜனபடிச்ச²ன்னவிவரணாதி³உபமோபமிதப்³ப³பகாரேஹி, ஏதேஹி வா யதா²வுத்தேஹி ஸோளஸாரம்மணபரிக்³க³ஹஅஸம்மோஹவிஹாரதி³ப்³ப³விஹாரவிபா⁴வனபரியாயேஹி விஜ்ஜாத்தயவிபா⁴வனாபதே³ஸேன அத்தனோ ஸப்³ப³ஞ்ஞுகு³ணவிபா⁴வனபரியாயேஹி ச. தேனாஹ ‘‘அனேகபரியாயேன த⁴ம்மோ பகாஸிதோ’’தி.
தே³ஸனானுமோத³னாவண்ணனா நிட்டி²தா.
பஸன்னகாரவண்ணனா
பஸன்னகாரந்தி ஸரணந்தி படிஸரணங். தேனாஹ ‘‘பராயண’’ந்தி. பராயணபா⁴வோ ச அனத்த²னிஸேத⁴னேன அத்த²ஸம்படிபாத³னேன ச ஹோதீதி ஆஹ ‘‘அக⁴ஸ்ஸ தாதா ஹிதஸ்ஸ ச விதா⁴தா’’தி. அக⁴ஸ்ஸாதி து³க்க²தோதி வத³ந்தி, பாபதோதி பன யுத்தங். நிஸ்ஸக்கே சேதங் ஸாமிவசனங். எத்த² ச நாயங் க³மி-ஸத்³தோ³ நீ-ஸத்³தா³த³யோ விய த்³விகம்மகோ, தஸ்மா யதா² ‘‘அஜங் கா³மங் நேதீ’’தி வுச்சதி, ஏவங் ‘‘கோ³தமங் ஸரணங் க³ச்சா²மீ’’தி வத்துங் ந ஸக்கா, ‘‘ஸரணந்தி க³ச்சா²மீ’’தி பன வத்தப்³ப³ங். இதி-ஸத்³தோ³ செத்த² லுத்தனித்³தி³ட்டோ², தஸ்ஸ சாயமத்தோ² – க³மனஞ்ச தத³தி⁴ப்பாயேன ப⁴ஜனங், ததா² ஜானநங் வாதி த³ஸ்ஸெந்தோ ‘‘இதி இமினா அதி⁴ப்பாயேனா’’திஆதி³மாஹ ப⁴ஜாமீதிஆதீ³ஸு புரிமஸ்ஸ புரிமஸ்ஸ பச்சி²மங் பச்சி²மங் அத்த²வசனங். ப⁴ஜனங் வா ஸரணாதி⁴ப்பாயேன உபஸங்கமனங், ஸேவனங் ஸந்திகாவசரதா, பயிருபாஸனங் வத்தபடிவத்தகரணேன உபட்டா²னந்தி ஏவங் ஸப்³ப³தா²பி அனஞ்ஞஸரணதங்யேவ தீ³பேதி. ‘‘க³ச்சா²மீ’’தி பத³ஸ்ஸ கத²ங் ‘‘பு³ஜ்ஜா²மீ’’தி அயமத்தோ² லப்³ப⁴தீதி ஆஹ ‘‘யேஸஞ்ஹீ’’திஆதி³.
அதி⁴க³தமக்³கே³, ஸச்சி²கதனிரோதே⁴தி பத³த்³வயேனபி ப²லட்டா² ஏவ த³ஸ்ஸிதா, ந மக்³க³ட்டா²தி தே த³ஸ்ஸெந்தோ ‘‘யதா²னுஸிட்ட²ங் படிபஜ்ஜமானே சா’’தி ஆஹ. நனு ச கல்யாணபுது²ஜ்ஜனோபி யதா²னுஸிட்ட²ங் படிபஜ்ஜதீதி வுச்சதீதி? கிஞ்சாபி வுச்சதி, நிப்பரியாயேன பன மக்³க³ட்டா² ஏவ ததா² வத்தப்³பா³, ந இதரே நியாமோக்கமனாபா⁴வதோ. ததா² ஹி தே ஏவ ‘‘அபாயேஸு அபதமானே தா⁴ரேதீ’’தி வுத்தா. ஸம்மத்தனியாமோக்கமனேன ஹி அபாயவினிமுத்திஸம்ப⁴வோ. அக்கா²யதீதி எத்த² இதி-ஸத்³தோ³ ஆதி³அத்தோ², பகாரத்தோ² வா. தேன ‘‘யாவதா, பி⁴க்க²வே, த⁴ம்மா ஸங்க²தா வா அஸங்க²தா வா, விராகோ³ தேஸங் அக்³க³மக்கா²யதீ’’தி ஸுத்தபத³ங் (அ॰ நி॰ 4.34; இதிவு॰ 90) ஸங்க³ண்ஹாதி, வித்தா²ரோதி வா இமினா. எத்த² ச அரியமக்³கோ³ நிய்யானிகதாய, நிப்³பா³னங் தஸ்ஸ தத³த்த²ஸித்³தி⁴ஹேதுதாயாதி உப⁴யமேவெத்த² நிப்பரியாயேன த⁴ம்மோதி வுத்தோ. நிப்³பா³னஞ்ஹி ஆரம்மணபச்சயபூ⁴தங் லபி⁴த்வா அரியமக்³க³ஸ்ஸ தத³த்த²ஸித்³தி⁴, அரியப²லானங் ‘‘யஸ்மா தாய ஸத்³தா⁴ய அவூபஸந்தாயா’’திஆதி³வசனதோ மக்³கே³ன ஸமுச்சி²ன்னானங் கிலேஸானங் படிப்பஸ்ஸத்³தி⁴பஹானகிச்சதாய நிய்யானானுகு³ணதாய நிய்யானபரியோஸானதாய ச. பரியத்தித⁴ம்மஸ்ஸ பன நிய்யானத⁴ம்மஸமதி⁴க³மஹேதுதாயாதி இமினா
காமராகோ³ ப⁴வராகோ³தி ஏவமாதி³பே⁴தோ³ ஸப்³போ³பி ராகோ³ விரஜ்ஜதி பஹீயதி ஏதேனாதி ராக³விராகோ³தி மக்³கோ³ கதி²தோ. ஏஜாஸங்கா²தாய தண்ஹாய அந்தோனிஜ்ஜா²னலக்க²ணஸ்ஸ ஸோகஸ்ஸ ச தது³ப்பத்தியங் ஸப்³ப³ஸோ பரிக்கீ²ணத்தா அனேஜமஸோகந்தி ப²லங் கதி²தங். அப்படிகூலந்தி அவிரோத⁴தீ³பனதோ கேனசி அவிருத்³த⁴ங், இட்ட²ங் பணீதந்தி வா அத்தோ². பகு³ணரூபேன பவத்திதத்தா, பகட்ட²கு³ணவிபா⁴வனதோ வா பகு³ணங். யதா²ஹ ‘‘விஹிங்ஸஸஞ்ஞீ பகு³ணங் ந பா⁴ஸிங், த⁴ம்மங் பணீதங் மனுஜேஸு ப்³ரஹ்மே’’தி. ஸப்³ப³த⁴ம்மக்க²ந்தா⁴ கதி²தாதி யோஜனா.
தி³ட்டி²ஸீலஸங்கா⁴தேனாதி ‘‘யாயங் தி³ட்டி² அரியா நிய்யானிகா நிய்யாதி தக்கரஸ்ஸ ஸம்மா து³க்க²க்க²யாய, ததா²ரூபாய தி³ட்டி²யா தி³ட்டி²ஸாமஞ்ஞக³தோ விஹரதீ’’தி (தீ³॰ நி॰ 3.324, 356; ம॰ நி॰ 1.492; 3.54) ஏவங் வுத்தாய தி³ட்டி²யா, ‘‘யானி தானி ஸீலானி அக²ண்டா³னி அச்சி²த்³தா³னி அஸப³லானி அகம்மாஸானி பு⁴ஜிஸ்ஸானி விஞ்ஞுப்பஸத்தா²னி அபராமட்டா²னி ஸமாதி⁴ஸங்வத்தனிகானி ஸங்ஹதோதி க⁴டிதோ. அரியபுக்³க³லா ஹி யத்த² கத்த²சி தூ³ரே டி²தாபி அத்தனோ கு³ணஸாமக்³கி³யா ஸங்ஹதா ஏவ. அட்ட² ச புக்³க³ல த⁴ம்மத³ஸா தேதி தே புரிஸயுக³வஸேன சத்தாரோபி புக்³க³லவஸேன அட்டே²வ அரியத⁴ம்மஸ்ஸ பச்சக்க²த³ஸ்ஸாவிதாய த⁴ம்மத³ஸா. தீணி வத்தூ²னி ஸரணந்தி க³மனேன திக்க²த்துங் க³மனேன ச தீணி ஸரணக³மனானி. படிவேதே³ஸீதி அத்தனோ ஹத³யக³தங் வாசாய பவேதே³ஸி.
பஸன்னகாரவண்ணனா நிட்டி²தா.
ஸரணக³மனகதா²வண்ணனா
ஸரணக³மனஸ்ஸ விஸயபபே⁴த³ப²லஸங்கிலேஸபே⁴தா³னங் விய கத்து ச விபா⁴வனா தத்த² கோஸல்லாய ஹோதீதி ‘‘ஸரணக³மனேஸு கோஸல்லத்த²ங் ஸரணங்…பே॰… வேதி³தப்³போ³’’தி வுத்தங் தேன வினா ஸரணக³மனஸ்ஸேவ அஸம்ப⁴வதோ. கஸ்மா பனெத்த² வோதா³னங் ந க³ஹிதங், நனு வோதா³னவிபா⁴வனாபி தத்த² கோஸல்லாவஹாதி? ஸச்சமேதங், தங் பன ஸங்கிலேஸக்³க³ஹணேனேவ அத்த²தோ தீ³பிதங் ஹோதீதி ந க³ஹிதங். யானி ஹி தேஸங் ஸங்கிலேஸகாரணானி அஞ்ஞாணாதீ³னி, தேஸங் ஸப்³பே³ன ஸப்³ப³ங் அனுப்பன்னானங் அனுப்பாத³னேன, உப்பன்னானஞ்ச பஹானேன வோதா³னங் ஹோதீதி. ஹிங்ஸத்த²ஸ்ஸ ஸர-ஸத்³த³ஸ்ஸ வஸேனேதங் பத³ங் த³ட்ட²ப்³ப³ந்தி ‘‘ஹிங்ஸதீதி ஸரண’’ந்தி வத்வா தங் பன ஹிங்ஸனங் கேஸங், கத²ங், கஸ்ஸ வாதி சோத³னங் ஸோதெ⁴ந்தோ ‘‘ஸரணக³தான’’ந்திஆதி³மாஹ. தத்த² ப⁴யந்தி வட்டப⁴யங். ஸந்தாஸந்தி சித்துத்ராஸங். தேனேவ சேதஸிகது³க்க²ஸ்ஸ க³ஹிதத்தா து³க்க²ந்தி இத⁴ காயிகங் து³க்க²ங். து³க்³க³திபரிகிலேஸந்தி து³க்³க³திபரியாபன்னங் ஸப்³ப³ங் து³க்க²ங். தயித³ங் ஸப்³ப³ங் பரதோ ப²லகதா²யங் ஆவி ப⁴விஸ்ஸதி. ஏதந்தி ‘‘ஸரண’’ந்தி பத³ங்.
ஏவங் அவிஸேஸதோ ஸரணஸத்³த³ஸ்ஸ அத்த²ங் த³ஸ்ஸெத்வா இதா³னி விஸேஸதோ த³ஸ்ஸேதுங் ‘‘அத² வா’’திஆதி³ வுத்தங். ஹிதே பவத்தமானேனாதி ‘‘ஸம்பன்னஸீலா, பி⁴க்க²வே, விஹரதா²’’திஆதி³னா (ம॰ நி॰ 1.64, 69) அத்தே² நியோஜனேன. அஹிதா ச நிவத்தனேனாதி ‘‘பாணாதிபாதஸ்ஸ கோ² பாபகோ விபாகோ பாபகங் அபி⁴ஸம்பராய’’ந்திஆதி³னா ஆதீ³னவத³ஸ்ஸனாதி³முகே²ன அனத்த²தோ வினிவத்தனேன. ப⁴யங் ஹிங்ஸதீதி ஹிதாஹிதேஸு அப்பவத்திபவத்திஹேதுகங் ப்³யஸனங் அப்பவத்திகரணேன வினாஸேதி ப⁴வகந்தாரா உத்தாரணேன மக்³க³ஸங்கா²தோ த⁴ம்மோ, இதரோ அஸ்ஸாஸதா³னேன ஸத்தானங் ப⁴யங் ஹிங்ஸதீதி யோஜனா. காரானந்தி தா³னவஸேன பூஜாவஸேன ச உபனீதானங் ஸக்காரானங். விபுலப²லபடிலாப⁴கரணேன ஸத்தானங் ப⁴யங் ஹிங்ஸதி அனுத்தரத³க்கி²ணெய்யபா⁴வதோதி அதி⁴ப்பாயோ. இமினாபி பரியாயேனாதி இமினாபி விப⁴ஜித்வா வுத்தேன காரணேன.
‘‘ஸம்மாஸம்பு³த்³தோ⁴ ப⁴க³வா, ஸ்வாக்கா²தோ த⁴ம்மோ, ஸுப்படிபன்னோ ஸங்கோ⁴’’தி ஏவங் பவத்தோ தத்த² ரதனத்தயே பஸாதோ³ தப்பஸாதோ³, ததே³வ ரதனத்தயங் க³ரு ஏதஸ்ஸாதி தக்³க³ரு, தஸ்ஸ பா⁴வோ தக்³க³ருதா, தப்பஸாதோ³ ச தக்³க³ருதா ச தப்பஸாத³தக்³க³ருதா, தாஹி. விது⁴ததி³ட்டி²விசிகிச்சா²ஸம்மோஹஅஸ்ஸத்³தி⁴யாதி³தாய விஹதகிலேஸோ. ‘‘ததே³வ ரதனத்தயங் பராயணங் க³தி தப்பராயணதாகாரபவத்தோ சித்துப்பாதோ³ ஸரணக³மனங் ‘‘ஸரணந்தி க³ச்ச²தி ஏதேனா’’தி. தங்ஸமங்கீ³தி தேன யதா²வுத்தசித்துப்பாதே³ன ஸமன்னாக³தோ. ஏவங் உபேதீதி ஏவங் ப⁴ஜதி ஸேவதி பயிருபாஸதி, ஏவங் வா ஜானாதி பு³ஜ்ஜ²தீதி ஏவமத்தோ² வேதி³தப்³போ³. எத்த² ச பஸாத³க்³க³ஹணேன லோகியஸரணக³மனமாஹ. தஞ்ஹி பஸாத³ப்பதா⁴னங், ந ஞாணப்பதா⁴னங். க³ருதாக³ஹணேன லோகுத்தரங். அரியா ஹி ரதனத்தயங் கு³ணாபி⁴ஞ்ஞாதாய பாஸாணச்ச²த்தங் விய க³ருங் கத்வா பஸ்ஸந்தி, தஸ்மா தப்பஸாதே³ன விக்க²ம்ப⁴னவஸேன விஹதகிலேஸோ தக்³க³ருதாய ஸமுச்சே²த³வஸேனாதி யோஜேதப்³ப³ங். தப்பராயணதா பனெத்த² தக்³க³திகதாதி தாய சதுப்³பி³த⁴ம்பி வக்க²மானங் ஸரணக³மனங் க³ஹிதந்தி த³ட்ட²ப்³ப³ங். அவிஸேஸேன வா பஸாத³க³ருதா ஜோதிதாதி பஸாத³க்³க³ஹணேன அவேச்சப்பஸாத³ஸ்ஸ இதரஸ்ஸ ச க³ஹணங், ததா² க³ருதாக³ஹணேனாதி உப⁴யேனபி உப⁴யங் ஸரணக³மனங் யோஜேதப்³ப³ங்.
மக்³க³க்க²ணே இஜ்ஜ²தீதி யோஜனா. நிப்³பா³னாரம்மணங் ஹுத்வாதி ஏதேன அத்த²தோ சதுஸச்சாதி⁴க³மோயேவ லோகுத்தரங் ஸரணக³மனந்தி த³ஸ்ஸேதி. தத்த² ஹி நிப்³பா³னத⁴ம்மோ ஸச்சி²கிரியாபி⁴ஸமயவஸேன, மக்³க³த⁴ம்மோ பா⁴வனாபி⁴ஸமயவஸேன படிவிஜ்ஜி²யமானோயேவ ஸரணக³மனத்தங் ஸாதே⁴தி, பு³த்³த⁴கு³ணா பன ஸாவககோ³சரபூ⁴தா பரிஞ்ஞாபி⁴ஸமயவஸேன, ததா² அரியஸங்க⁴கு³ணா. தேனாஹ ‘‘கிச்சதோ ஸகலேபி ரதனத்தயே இஜ்ஜ²தீ’’தி, இஜ்ஜ²ந்தஞ்ச ஸஹேவ இஜ்ஜ²தி, ந லோகியங் விய படிபாடியா அஸம்மோஹபடிவேதே⁴ன படிவித்³த⁴த்தாதி அதி⁴ப்பாயோ. யே பன வத³ந்தி ‘‘ந ஸரணக³மனங் நிப்³பா³னாரம்மணங் ஹுத்வா பவத்ததி, மக்³க³ஸ்ஸ அதி⁴க³தத்தா பன அதி⁴க³தமேவ ஹோதி ஏகச்சானங் தேவிஜ்ஜாதீ³னங் லோகியவிஜ்ஜாத³யோ வியா’’தி, தேஸங் லோகியமேவ ஸரணக³மனங் ஸியா, ந லோகுத்தரங், தஞ்ச அயுத்தங் து³வித⁴ஸ்ஸபி இச்சி²தப்³ப³த்தா. தந்தி லோகியஸரணக³மனங். ஸத்³தா⁴படிலாபோ⁴ ‘‘ஸம்மாஸம்பு³த்³தோ⁴ ப⁴க³வா’’திஆதி³னா. ஸத்³தா⁴மூலிகாதி யதா²வுத்தஸத்³தா⁴புப்³ப³ங்க³மா ஸம்மாதி³ட்டி² பு³த்³த⁴ஸுபு³த்³த⁴தங் த⁴ம்மஸுத⁴ம்மதங் ஸங்க⁴ஸுப்படிபதிஞ்ச லோகியாவபோ³த⁴வஸேனேவ ‘‘தி³ட்டி²ஜுகம்மந்தி வுச்சதீ’’தி ‘‘தி³ட்டி² ஏவ அத்தனோ பச்சயேஹி உஜுங் கரீயதீ’’தி கத்வா. தி³ட்டி² வா உஜுங் கரீயதி ஏதேனாதி தி³ட்டி²ஜுகம்மங், ததா² பவத்தோ சித்துப்பாதோ³
தயித³ங் லோகியங் ஸரணக³மனங். அத்தா ஸன்னிய்யாதீயதி அப்பீயதி பரிச்சஜீயதி ஏதேனாதி அத்தஸன்னிய்யாதனங், யதா²வுத்தங் தி³ட்டி²ஜுகம்மங். தங் ரதனத்தயங் பராயணங் படிஸரணங் ஏதஸ்ஸாதி தப்பராயணோ, புக்³க³லோ, சித்துப்பாதோ³ வா, தஸ்ஸ பா⁴வோ தப்பராயணதா, யதா²வுத்ததி³ட்டி²ஜுகம்மமேவ. ஸரணந்தி அதி⁴ப்பாயேன ஸிஸ்ஸபா⁴வங் அந்தேவாஸிகபா⁴வங் உபக³ச்ச²தி ஏதேனாதி ஸிஸ்ஸபா⁴வூபக³மனங். ஸரணக³மனாதி⁴ப்பாயேனேவ பணிபததி ஏதேனாதி பணிபாதோ. ஸப்³ப³த்த² யதா²வுத்ததி³ட்டி²ஜுகம்மவஸேனேவ அத்தோ² வேதி³தப்³போ³. அத்தபரிச்சஜனந்தி ஸங்ஸாரது³க்க²னித்த²ரணத்த²ங் அத்தனோ அத்தபா⁴வஸ்ஸ பரிச்சஜனங். ஏஸ நயோ ஸேஸேஸுபி. பு³த்³தா⁴தீ³னங்யேவாதி அவதா⁴ரணங் இதரேஸுபி ஸரணக³மனவிஸேஸேஸு யதா²ரஹங் வத்தப்³ப³ங். ஏவஞ்ஹி தத³ஞ்ஞனிவத்தனங் கதங் ஹோதி.
ஏவங் அத்தஸன்னியாதனாதீ³னி ஏகேன பகாரேன த³ஸ்ஸெத்வா இதா³னி அபரேஹிபி பகாரேஹி த³ஸ்ஸேதுங் ‘‘அபிசா’’திஆதி³ ஆரத்³த⁴ங். தேன பரியாயந்தரேஹிபி அத்தஸன்னிய்யாதனாதி³ கதமேவ ஹோதி அத்த²ஸ்ஸ அபி⁴ன்னத்தாதி த³ஸ்ஸேதி. ஆளவகாதீ³னந்தி ஆதி³-ஸத்³தே³ன ஸாதாகி³ரிஹேமவதாதீ³னங் ஸங்க³ஹோ த³ட்ட²ப்³போ³. நனு சேதே ஆளவகாத³யோ மக்³கே³னேவ ஆக³தஸரணக³மனா, கத²ங் தேஸங் தப்பராயணதாஸரணக³மனங் வுத்தந்தி? மக்³கே³னாக³தஸரணக³மனேஹிபி ‘‘ஸோ அஹங் விசரிஸ்ஸாமி கா³மா கா³ம’’ந்திஆதி³னா (ஸங்॰ நி॰ 1.246) தேஹி தப்பராயணதாகாரஸ்ஸ பவேதி³தத்தா ததா² வுத்தங்.
ஞாதி…பே॰… வஸேனாதி எத்த² ஞாதிவஸேன ப⁴யவஸேன ஆசரியவஸேன த³க்கி²ணெய்யவஸேனாதி பச்சேகங் ‘‘வஸேனா’’தி பத³ங் யோஜேதப்³ப³ங். தத்த² ஞாதிவஸேனாதி ஞாதிபா⁴வவஸேன. ஏவங் ஸேஸேஸுபி. த³க்கி²ணெய்யபணிபாதேனாதி த³க்கி²ணெய்யதாஹேதுகேன பணிபாதேன. இதரேஹீதி ஞாதிபா⁴வாதி³வஸப்பவத்தேஹி தீஹி பணிபாதேஹி. இதரேஹீதிஆதி³னா ஸங்கே²பதோ ‘‘தஸ்மா’’திஆதி³ வுத்தங். வந்த³தீதி பணிபாதஸ்ஸ லக்க²ணவசனங். ஏவரூபந்தி தி³ட்ட²த⁴ம்மிகங் ஸரணக³மனப்பபே⁴தோ³தி ஸரணக³மனவிபா⁴கோ³.
அரியமக்³கோ³யேவ லோகுத்தரஸரணக³மனந்தி ஆஹ ‘‘சத்தாரி ஸாமஞ்ஞப²லானி விபாகப²ல’’ந்தி. ஸப்³ப³து³க்க²க்க²யோதி ஸகலஸ்ஸ வட்டது³க்க²ஸ்ஸ அனுப்பாத³னிரோதோ⁴. ஏதந்தி ‘‘சத்தாரி அரியஸச்சானி, ஸம்மப்பஞ்ஞாய பஸ்ஸதீ’’தி (த⁴॰ ப॰ 190) ஏவங் வுத்தங் அரியஸச்சத³ஸ்ஸனங்.
நிச்சதோ அனுபக³மனாதி³வஸேனாதி நிச்சந்தி அக்³க³ஹணாதி³வஸேன. அட்டா²னந்தி ஹேதுபடிக்கே²போ. அனவகாஸோதி பச்சயபடிக்கே²போ. உப⁴யேனபி காரணமேவ படிக்கி²பதி. யந்தி யேன காரணேன. தி³ட்டி²ஸம்பன்னோதி மக்³க³தி³ட்டி²யா ஸம்பன்னோ ஸோதாபன்னோ. கஞ்சி ஸங்கா²ரந்தி சதுபூ⁴மகேஸு ஸங்க²தஸங்கா²ரேஸு ஏகஸங்கா²ரம்பி. நிச்சதோ உபக³ச்செ²ய்யாதி ‘‘நிச்சோ’’தி க³ண்ஹெய்ய. ஸுக²தோ உபக³ச்செ²ய்யாதி ‘‘ஏகந்தஸுகீ² அத்தா ஹோதி அரோகோ³ பரங் மரணா’’தி (தீ³॰ நி॰ 1.76) ஏவங் அத்ததி³ட்டி²வஸேன ஸுக²தோ கா³ஹங் ஸந்தா⁴யேதங் வுத்தங். தி³ட்டி²விப்பயுத்தசித்தேன பன அரியஸாவகோ பரிளாஹவூபஸமனத்த²ங் மத்தஹத்தி²பரித்தாஸிதோ விய சொக்க²ப்³ராஹ்மணோ உக்காரபூ⁴மிங் கஞ்சி ஸங்கா²ரங் ஸுக²தோ உபக³ச்ச²தி. அத்தவாரே கஸிணாதி³பஞ்ஞத்திஸங்க³ஹணத்த²ங் ‘‘ஸங்கா²ர’’ந்தி அவத்வா ‘‘கஞ்சி த⁴ம்ம’’ந்தி வுத்தங். இமேஸுபி வாரேஸு சதுபூ⁴மகவஸேனேவ பரிச்சே²தோ³ வேதி³தப்³போ³ தேபூ⁴மகவஸேனேவ வா. யங் யஞ்ஹி புது²ஜ்ஜனோ கா³ஹவஸேன க³ண்ஹாதி, ததோ ததோ அரியஸாவகோ கா³ஹங் வினிவேடே²தி. மாதரந்திஆதீ³ஸு ஜனிகா மாதா, ஜனகோ பிதா, மனுஸ்ஸபூ⁴தோ கீ²ணாஸவோ அரஹாதி அதி⁴ப்பேதோ. கிங் பன அரியஸாவகோ அஞ்ஞங் ஜீவிதா வோரோபெய்யாதி? ஏதம்பி அட்டா²னங், புது²ஜ்ஜனபா⁴வஸ்ஸ பன மஹாஸாவஜ்ஜபா⁴வத³ஸ்ஸனத்த²ங் அரியஸாவகஸ்ஸ ப²லதீ³பனத்த²ஞ்சேவங் வுத்தங். து³ட்ட²சித்தோ வத⁴கசித்தேன பது³ட்ட²சித்தோ. லோஹிதங் உப்பாதெ³ய்யாதி ஜீவமானகஸரீரே கு²த்³த³கமக்கி²காய பிவனமத்தம்பி லோஹிதங் உப்பாதெ³ய்ய. ஸங்க⁴ங் பி⁴ந்தெ³ய்யாதி ஸமானஸங்வாஸகங் ஸமானஸீமாயங் டி²தங் ஸங்க⁴ங் ‘கம்மேன உத்³தே³ஸேன வோஹரந்தோ அனுஸ்ஸாவனேன ஸலாகக்³கா³ஹேனா’’தி (பரி॰ 458) ஏவங் வுத்தேஹி பஞ்சஹி காரணேஹி பி⁴ந்தெ³ய்ய அஞ்ஞங் ஸத்தா²ரந்தி அஞ்ஞங் தித்த²கரங் ‘‘அயங் மே ஸத்தா²’’தி ஏவங் க³ண்ஹெய்யாதி நேதங் டா²னங் விஜ்ஜதீதி அத்தோ².
ந தே க³மிஸ்ஸந்தி அபாயபூ⁴மிந்தி தே பு³த்³த⁴ங் ஸரணங் க³தா தன்னிமித்தங் அபாயபூ⁴மிங் ந க³மிஸ்ஸந்தி, தே³வகாயங் பன பரிபூரெஸ்ஸந்தீதி அத்தோ².
த³ஸஹி டா²னேஹீதி த³ஸஹி காரணேஹி. அதி⁴க்³க³ண்ஹந்தீதி அதி⁴ப⁴வந்தி. வேலாமஸுத்தாதி³வஸேனாபீதி எத்த² ‘‘சதுராஸீதிஸஹஸ்ஸஸங்கா²னங் ஸுவண்ணபாதிரூபியபாதிகங்ஸபாதீனங் யதா²க்கமங் ரூபியஸுவண்ணஹிரஞ்ஞபூரானங் கரீஸஸ்ஸ சதுத்த²பா⁴வப்பமாணானங் ஸப்³பா³லங்காரபடிமண்டி³தானங் சதுராஸீதியா ஹத்தி²ஸஹஸ்ஸானங் சதுராஸீதியா அஸ்ஸஸஹஸ்ஸானங் சதுராஸீதியா ரத²ஸஹஸ்ஸானங் சதுராஸீதியா தே⁴னுஸஹஸ்ஸானங் சதுராஸீதியா கஞ்ஞாஸஹஸ்ஸானங் சதுராஸீதியா பல்லங்கஸஹஸ்ஸானங் சதுராஸீதியா வத்த²கோடிஸஹஸ்ஸானங் அபரிமாணஸ்ஸ ச க²ஜ்ஜபோ⁴ஜ்ஜாதி³பே⁴த³ஸ்ஸ ஆஹாரஸ்ஸ பரிச்சஜனவஸேன ஸத்தமாஸாதி⁴கானி ஸத்த ஸங்வச்ச²ரானி நிரந்தரங் பவத்தவேலாமமஹாதா³னதோ ஏகஸ்ஸ ஸோதாபன்னஸ்ஸ தி³ன்னதா³னங் மஹப்ப²லதரங், ததோ ஸதங் ஸோதாபன்னானங் தி³ன்னதா³னதோ ஏகஸ்ஸ ஸகதா³கா³மிஸ்ஸ, ததோ ஏகஸ்ஸ அனாகா³மிஸ்ஸ, ததோ ஏகஸ்ஸ அரஹதோ, ததோ ஏகஸ்ஸ பச்சேகபு³த்³த⁴ஸ்ஸ, ததோ ஸம்மாஸம்பு³த்³த⁴ஸ்ஸ, ததோ பு³த்³த⁴ப்பமுக²ஸ்ஸ ஸங்க⁴ஸ்ஸ தி³ன்னதா³னங் மஹப்ப²லதரங், ததோ சாதுத்³தி³ஸங் ஸங்க⁴ங் உத்³தி³ஸ்ஸ விஹாரகரணங், ததோ ஸரணக³மனங் மஹப்ப²லதர’’ந்தி இமமத்த²ங் தீ³பெந்தஸ்ஸ வேலாமஸுத்தஸ்ஸ (அ॰ நி॰ 9.20) வஸேன. வுத்தஞ்ஹேதங் ‘‘யங் க³ஹபதி, வேலாமோ ப்³ராஹ்மணோ தா³னங் அதா³ஸி மஹாதா³னங், யோ ஏகங் தி³ட்டி²ஸம்பன்னங் போ⁴ஜெய்ய, இத³ங் ததோ மஹப்ப²லதர’’ந்திஆதி³ (அ॰ நி॰ 9.20). வேலாமஸுத்தாதீ³தி ஆதி³-ஸத்³தே³ன அக்³க³ப்பஸாத³ஸுத்தாதீ³னங் (அ॰ நி॰ 4.34; இதிவு॰ 90) ஸங்க³ஹோ த³ட்ட²ப்³போ³.
அஞ்ஞாணங் வத்து²த்தயஸ்ஸ கு³ணானங் அஜானநங் தத்த² ஸம்மோஹோ, ‘‘பு³த்³தோ⁴ நு கோ², ந நு கோ² பு³த்³தோ⁴’’திஆதி³னா விசிகிச்சா² ஸங்ஸயோ, மிச்சா²ஞாணங் தஸ்ஸ கு³ணானங் அகு³ணபா⁴வபரிகப்பனேன விபரீதக்³கா³ஹோ. ஆதி³-ஸத்³தே³ன அனாத³ராகா³ரவாதீ³னங் ஸங்க³ஹோ. ந மஹாஜுதிகந்தி ந உஜ்ஜலங், அபரிஸுத்³த⁴ங் அபரியோதா³தந்தி அத்தோ². ந மஹாவிப்பா²ரந்தி அனுளாரங். ஸாவஜ்ஜோதி தி³ட்டி²தண்ஹாதி³வஸேன ஸதோ³ஸோ. லோகியங் ஸரணக³மனங் ஸிக்கா²ஸமாதா³னங் விய ‘‘அனவஜ்ஜோ காலகிரியாயா’’தி. ஸோதி அனவஜ்ஜோ ஸரணக³மனபே⁴தோ³. ஸதிபி அனவஜ்ஜத்தே இட்ட²ப²லோபி ந ஹோதீதி ஆஹ ‘‘அப²லோ’’தி.
ஸரணக³மனகதா²வண்ணனா நிட்டி²தா.
உபாஸகவிதி⁴கதா²வண்ணனா
கோ உபாஸகோதி ஸரூபபுச்சா², தஸ்மா கிங்லக்க²ணோ உபாஸகோதி வுத்தங் ஹோதி. கஸ்மாதி ஹேதுபுச்சா². தேன கேன பவத்தினிமித்தேன உபாஸகஸத்³தோ³ தஸ்மிங் புக்³க³லே நிருள்ஹோதி த³ஸ்ஸேதி. கிமஸ்ஸ ஸீலந்தி கீதி³ஸங் அஸ்ஸ உபாஸகஸ்ஸ ஸீலங், கித்தகேன ஸீலேனாயங் ஸீலஸம்பன்னோ நாம ஹோதீதி அத்தோ². கோ ஆஜீவோதி கோ அஸ்ஸ ஸம்மாஆஜீவோ, ஸோ பன மிச்சா²ஜீவஸ்ஸ பரிவஜ்ஜனேன ஹோதீதி ஸோபி விப⁴ஜீயதீதி. கா விபத்தீதி கா அஸ்ஸ ஸீலஸ்ஸ, ஆஜீவஸ்ஸ வா விபத்தி. அனந்தரஸ்ஸ ஹி விதி⁴ வா படிஸேதோ⁴ வா. கா ஸம்பத்தீதி எத்தா²பி ஏஸேவ நயோ.
யோ கோசீதி க²த்தியாதீ³ஸு யோ கோசி. தேன ஸரணக³மனமேவெத்த² காரணங், ந ஜாதிஆதி³விஸேஸோதி த³ஸ்ஸேதி. உபாஸனதோதி தேனேவ ஸரணக³மனேன தத்த² ச ஸக்கச்சகாரிதாய ஆத³ரகா³ரவப³ஹுமானாதி³யோகே³ன பயிருபாஸனதோ. வேரமணியோதி வேரங் வுச்சதி பாணாதிபாதாதி³து³ஸ்ஸீல்யங், தஸ்ஸ மணனதோ ஹனநதோ வினாஸனதோ வேரமணியோ, பஞ்ச விரதியோ விரதிப்பதா⁴னத்தா தஸ்ஸ ஸீலஸ்ஸ. தேனேவாஹ தத்த² தத்த² ‘‘படிவிரதோ ஹோதீ’’தி.
மிச்சா²வணிஜ்ஜாதி ந ஸம்மாவணிஜ்ஜா அயுத்தவணிஜ்ஜா அஸாருப்பவணிஜ்ஜா. பஹாயாதி அகரணேனேவ பஜஹித்வா. த⁴ம்மேனாதி த⁴ம்மதோ அனபேதேன. தேன அஞ்ஞம்பி அத⁴ம்மிகங் ஜீவிகங் படிக்கி²பதி. ஸமேனாதி அவிஸமேன. தேன காயவிஸமாதி³து³ச்சரிதங் வஜ்ஜெத்வா காயஸமாதி³னா ஸுசரிதேன ஜீவனங் த³ஸ்ஸேதி. ஸத்த²வணிஜ்ஜாதி ஆவுத⁴ப⁴ண்ட³ங் கத்வா வா காரெத்வா வா யதா²கதங் வா படிலபி⁴த்வா தஸ்ஸ விக்கயோ. ஸத்த²வணிஜ்ஜாதி மனுஸ்ஸவிக்கயோ மங்ஸவணிஜ்ஜாதி ஸூனகாராத³யோ விய மிக³ஸூகராதி³கே போஸெத்வா மங்ஸங் ஸம்பாதெ³த்வா விக்கயோ. மஜ்ஜவணிஜ்ஜாதி யங் கிஞ்சி மஜ்ஜங் யோஜெத்வா தஸ்ஸ விக்கயோ. விஸவணிஜ்ஜாதி விஸங் யோஜெத்வா, விஸங் க³ஹெத்வா வா தஸ்ஸ விக்கயோ. தத்த² ஸத்த²வணிஜ்ஜா பரோபரோத⁴னிமித்ததாய அகரணீயா வுத்தா, ஸத்தவணிஜ்ஜா அபு⁴ஜிஸ்ஸபா⁴வகரணதோ, மங்ஸவிஸவணிஜ்ஜா வத⁴ஹேதுதோ, மஜ்ஜவணிஜ்ஜா பமாத³ட்டா²னதோ.
தஸ்ஸேவாதி பஞ்சவேரமணிலக்க²ணஸ்ஸ ஸீலஸ்ஸ சேவ பஞ்சமிச்சா²வணிஜ்ஜாலக்க²ணஸ்ஸ ஆஜீவஸ்ஸ ச. விபத்தீதி பே⁴தோ³ பகோபோ ச. யாயாதி யாய படிபத்தியா. சண்டா³லோதி உபாஸகசண்டா³லோ. மலந்தி உபாஸகமலங். பதிகிட்டோ²தி உபாஸகனிஹீனோ. பு³த்³தா⁴தீ³ஸு கம்மகம்மப²லேஸு ச ஸத்³தா⁴விபரியாயோ அஸ்ஸத்³தி⁴யங் மிச்சா²தி⁴மொக்கோ². யதா²வுத்தேன அஸ்ஸத்³தி⁴யேன ஸமன்னாக³தோ அஸ்ஸத்³தோ⁴. யதா²வுத்த ஸீலவிபத்தி ஆஜீவவிபத்திவஸேன து³ஸ்ஸீலோ. ‘‘இமினா தி³ட்டா²தி³னா கோதூஹலமங்க³லிகோ. மங்க³லங் பச்சேதீதி தி³ட்ட²மங்க³லாதி³பே⁴த³ங் மங்க³லமேவ பத்தியாயதி. நோ கம்மந்தி கம்மஸ்ஸகதங் நோ பத்தியாயதி. இதோ ப³ஹித்³தா⁴தி இதோ ஸப்³ப³ஞ்ஞுபு³த்³த⁴ஸாஸனதோ ப³ஹித்³தா⁴ பா³ஹிரகஸமயே. த³க்கி²ணெய்யங் பரியேஸதீதி து³ப்படிபன்னங் த³க்கி²ணாரஹஸஞ்ஞீ க³வேஸதி. புப்³ப³காரங் கரோதீதி தா³னமானநாதி³கங் குஸலகிரியங் பட²மங் கரோதி. எத்த² ச த³க்கி²ணெய்யபரியேஸனபுப்³ப³காரே ஏகங் கத்வா பஞ்ச த⁴ம்மா வேதி³தப்³பா³.
விபத்தியங் வுத்தவிபரியாயேன ஸம்பத்தி ஞாதப்³பா³. அயங் பன விஸேஸோ – சதுன்னம்பி பரிஸானங் ரதிஜனநட்டே²ன உபாஸகோவ ரதனங் உபாஸகரதனங். கு³ணஸோபா⁴கித்திஸத்³த³ஸுக³ந்த⁴தாஹி உபாஸகோவ பது³மங் உபாஸகபது³மங். ததா² உபாஸகபுண்ட³ரீகோ.
ஆதி³ம்ஹீதி ஆதி³அத்தே². கோடியந்தி பரியந்தகோடியங். விஹாரக்³கே³னாதி ஓவரககொட்டா²ஸேன, ‘‘இமஸ்மிங் க³ப்³பே⁴ வஸந்தானங் இத³ங் நாம பனஸப²லங் பாபுணாதீ’’திஆதி³னா தங்தங்வஸனட்டா²னகொட்டா²ஸேனாதி அத்தோ². அஜ்ஜதந்தி அஜ்ஜஇச்சேவ அத்தோ².
பாணேஹி உபேதந்தி இமினா தஸ்ஸ ஸரணக³மனஸ்ஸ ஆபாணகோடிகதங் த³ஸ்ஸெந்தோ ‘‘யாவ மே ஜீவிதங் பவத்ததீ’’திஆதி³னா வத்வா புன ஜீவிதேன தங் வத்து²த்தயங் படிபூஜெந்தோ ‘‘ஸரணக³மனங் ரக்கா²மீ’’தி உப்பன்னங் தஸ்ஸ ப்³ராஹ்மணஸ்ஸ அதி⁴ப்பாயங் விபா⁴வெந்தோ ‘‘அஹஞ்ஹீ’’திஆதி³மாஹ. பாணேஹி உபேதந்தி ஹி யாவ மே பாணா த⁴ரந்தி, தாவ ஸரணங் உபேதங், உபெந்தோ ச ந வாசாமத்தேன, ந ஏகவாரங் சித்துப்பாத³னமத்தேன, அத² கோ² பாணே பரிச்சஜித்வாபி யாவஜீவங் உபேதந்தி ஏவமெத்த² அத்தோ² வேதி³தப்³போ³தி.
உபாஸகவிதி⁴கதா²வண்ணனா நிட்டி²தா.
ப⁴யபே⁴ரவஸுத்தவண்ணனாய லீனத்த²ப்பகாஸனா ஸமத்தா.
5. அனங்க³ணஸுத்தவண்ணனா
57. ஆயஸ்மா ஸாரிபுத்தோதி எத்த² இதி-ஸத்³தோ³ ஆதி³அத்தோ², ஏவமாதி³கந்தி அத்தோ². தேன ‘‘பி⁴க்கூ² ஆமந்தேஸீ’’திஆதி³கங் ஸப்³ப³ங் ஸுத்தங் ஸங்க³ண்ஹாதி. தேனாஹ ‘‘அனங்க³ணஸுத்த’’ந்தி. தஸ்ஸ கோ நிக்கே²போ? அத்தஜ்ஜா²ஸயோ. பரேஹி அனஜ்ஜி²ட்டோ²யேவ ஹி மஹாதே²ரோ இமங் தே³ஸனங் ஆரபி⁴. கேசி பனாஹு ‘‘ஏகச்சே பி⁴க்கூ² ஸங்கிலிட்ட²சித்தே தி³ஸ்வா தேஸங் சித்தஸங்கிலேஸப்பஹானாய சேவ ஏகச்சானங் ஆயதிங் அனுப்பாத³னாய ச அயங் தே³ஸனா ஆரத்³தா⁴’’தி. ஏவங் ஸப்³ப³ஸுத்தேஸூதி யதா² எத்த² அனங்க³ணஸுத்தே, ஏவங் இதோ பரேஸூதி ஸப்³பே³ஸுபி ஸுத்தேஸு அனுத்தானஅபுப்³ப³பத³வண்ணனா ஏவ கரீயதி. தேனாஹ ‘‘தஸ்மா’’திஆதி³. க³ணனபரிச்சே²தோ³தி க³ணனேன பரிச்சி²ந்த³னங். இத³ஞ்ஹி அப்பரஜக்க²மஹாரஜக்க²தாவஸேன து³விதே⁴ ஸத்தே பச்சேகங் அத்த²ஞ்ஞுதானத்த²ஞ்ஞுதாவஸேன த்³விதா⁴ கத்வா ‘‘சத்தாரோ’’தி அனவஸேஸபரியாதா³னங். வஜ்ஜீபுத்தகாத³யோ விய புக்³க³லவாதீ³தி ந க³ஹேதப்³ப³ங் லோகஸமஞ்ஞானுஸாரேன அத்த²ங் படிவிஜ்ஜி²துங் ஸமத்தா²னங் வஸேன தே³ஸனாய ஆரத்³த⁴த்தா, அயஞ்ச தே³ஸனானயோ ஸத்து² நிஸ்ஸாய ஏவாதி த³ஸ்ஸெந்தோ ‘‘அயஞ்ஹீ’’திஆதி³மாஹ.
ஸம்முதிபரமத்த²தே³ஸனாகதா²வண்ணனா
தத்த² (அ॰ நி॰ டீ॰ 1.1.170) ஸம்முதியா தே³ஸனா ஸம்முதிதே³ஸனா, பரமத்த²ஸ்ஸ தே³ஸனா பரமத்த²தே³ஸனா. தத்தா²தி ஸம்முதிபரமத்த²தே³ஸனாஸு, ந ஸம்முதிபரமத்தே²ஸு. தேனாஹ ‘‘ஏவரூபா ஸம்முதிதே³ஸனா, ஏவரூபா பரமத்த²தே³ஸனா’’தி. தத்ரித³ங் ஸம்முதிபரமத்தா²னங் லக்க²ணங் – யஸ்மிங் பி⁴ன்னே, பு³த்³தி⁴யா அவயவவினிப்³போ⁴கே³ வா கதே ந தங்ஸமஞ்ஞா, ஸா க⁴டபடாதி³ப்பபே⁴தா³ ஸம்முதி, தப்³பி³பரியாயதோ பரமத்தோ². ந ஹி கக்க²ளபு²ஸனாதி³ஸபா⁴வே அயங் நயோ லப்³ப⁴தி, தத்த² ரூபாதி³த⁴ம்மங் ஸமூஹஸந்தானவஸேன பவத்தமானங் உபாதா³ய புக்³க³லவோஹாரோதி ஆஹ ‘‘புக்³க³லோதி ஸம்முதிதே³ஸனா’’தி. ஸேஸபதே³ஸுபி ஏஸேவ நயோ. உப்பாத³வயவந்தோ ஸபா⁴வத⁴ம்மா ந நிச்சாதி ஆஹ ‘‘அனிச்சந்தி பரமத்த²தே³ஸனா’’தி. ஏஸ நயோ ஸேஸபதே³ஸுபி. நனு க²ந்த⁴தே³ஸனாபி ஸம்முதிதே³ஸனாவ. க²ந்த⁴ட்டோ² ஹி ராஸட்டோ², கொட்டா²ஸட்டோ² வாதி? ஸச்சமேதங், அயங் பன க²ந்த⁴ஸமஞ்ஞா ப²ஸ்ஸாதீ³ஸு தஜ்ஜாபஞ்ஞத்தி விய பரமத்த²ஸன்னிஸ்ஸயா தஸ்ஸ ஆஸன்னதரா, புக்³க³லஸமஞ்ஞாத³யோ விய ந தூ³ரேதி பரமத்த²ஸங்க³ஹதா வுத்தா, க²ந்த⁴ஸீஸேன வா தது³பாதா³னா ஸபா⁴வத⁴ம்மா ஏவ க³ஹிதா. நனு ச ஸபா⁴வத⁴ம்மா ஸப்³பே³பி ஸம்முதிமுகே²னேவ தே³ஸனங் ஆரோஹந்தி, ந ஸமுகே²னாதி ஸப்³பா³பி தே³ஸனா ஸம்முதிதே³ஸனாவ
ஸம்முதிவஸேன தே³ஸனங் ஸுத்வாதி ‘‘இதே⁴கச்சோ புக்³க³லோ அத்தந்தபோ ஹோதி அத்தபரிதாபானுயோக³மனுயுத்தோ’’திஆதி³னா (ம॰ நி॰ 2.413; பு॰ ப॰ 10.25 மாதிகா) ஸம்முதிமுகே²ன பவத்திதங் தே³ஸனங் ஸுதமயஞாணுப்பாத³னவஸேன ஸுத்வா. அத்த²ங் படிவிஜ்ஜி²த்வாதி தத³னுஸாரேன சதுஸச்சஸங்கா²தங் அத்த²ங் ஸஹ விபஸ்ஸனாய மக்³கே³ன படிவிஜ்ஜி²த்வா. மோஹங் பஹாயாதி ததே³கட்டே²ஹி கிலேஸேஹி ஸத்³தி⁴ங் அனவஸேஸங் மோஹங் பஜஹித்வா. விஸேஸந்தி நிப்³பா³னஸங்கா²தங் அரஹத்தஸங்கா²தஞ்ச விஸேஸங். தேஸந்தி தாதி³ஸானங் வினெய்யானங். பரமத்த²வஸேனாதி ‘‘பஞ்சிமானி, பி⁴க்க²வே, இந்த்³ரியானீ’’திஆதி³னா (ஸங்॰ நி॰ 5.472-474) பரமத்த²த⁴ம்மவஸேன. ஸேஸங் அனந்தரனயே வுத்தஸதி³ஸமேவ. தத்தா²தி தஸ்ஸங் ஸம்முதிவஸேன பரமத்த²வஸேன ச தே³ஸனாயங். தே³ஸபா⁴ஸாகுஸலோதி நானாதே³ஸபா⁴ஸாஸு குஸலோ. திண்ணங் வேதா³னந்தி நித³ஸ்ஸனமத்தங், திண்ணங் வேதா³னங் ஸிப்பக³ந்தா²னம்பீதி அதி⁴ப்பாயோ ஸிப்புக்³க³ஹணஞ்ஹி பரதோ வக்க²தி. ஸிப்பானி வா வேத³ந்தோக³தே⁴ கத்வா ‘‘திண்ணங் வேதா³ன’’ந்தி வுத்தங். கதே²தப்³ப³பா⁴வேன டி²தானி, ந கத்த²சி ஸன்னிஹிதபா⁴வேனாதி வேதா³னம்பி கதே²தப்³ப³பா⁴வேனேவ அவட்டா²னங் தீ³பெந்தோ ‘‘கு³ய்ஹா தயீ நானாதே³ஸபா⁴ஸா.
பரமோ உத்தமோ அத்தோ² பரமத்தோ², த⁴ம்மானங் யதா²பூ⁴தஸபா⁴வோ. லோகஸங்கேதமத்தஸித்³தா⁴ ஸம்முதி. யதி³ ஏவங் கத²ங் ஸம்முதிகதா²ய ஸச்சதாதிஆஹ ‘‘லோகஸம்முதிகாரணா’’தி, லோகஸமஞ்ஞங் நிஸ்ஸாய பவத்தனதோ. லோகஸமஞ்ஞாய ஹி அபி⁴னிவேஸேன வினா ஞாபனா ஏகச்சஸ்ஸ ஸுதஸ்ஸ ஸாவனா விய ந முஸா அனதிதா⁴விதப்³ப³தோ தஸ்ஸா. தேனாஹ ப⁴க³வா ‘‘ஜனபத³னிருத்திங் நாபி⁴னிவேஸெய்ய, ஸமஞ்ஞங் நாதிதா⁴வெய்யா’’தி (ம॰ நி॰ 3.332). த⁴ம்மானந்தி ஸபா⁴வத⁴ம்மானங். பூ⁴தகாரணாதி யதா²பூ⁴தஸபா⁴வங் நிஸ்ஸாய பவத்தனதோ. ஸம்முதிங் வோஹரந்தஸ்ஸாதி ‘‘புக்³க³லோ ஸத்தோ’’திஆதி³னா லோகஸமஞ்ஞங் கதெ²ந்தஸ்ஸ.
ஹிரொத்தப்பதீ³பனத்த²ந்தி லோகபாலனகிச்சே ஹிரொத்தப்பத⁴ம்மே கிச்சதோ பகாஸேதுங். தேஸஞ்ஹி கிச்சங் ஸத்தஸந்தானேயேவ பாகடங் ஹோதீதி புக்³க³லாதி⁴ட்டா²னாய கதா²ய தங் வத்தப்³ப³ங். ஏஸ நயோ ஸேஸேஸுபி. யஸ்மிஞ்ஹி சித்துப்பாதே³ கம்மங் உப்பன்னங், தங்ஸந்தானே ஏவ தஸ்ஸ ப²லஸ்ஸ உப்பத்தி கம்மஸ்ஸகதா. ஏவஞ்ஹி கதவிஞ்ஞாணனாஸோ அகதாக³மோ வா நத்தீ²தி ஸா புக்³க³லாதி⁴ட்டா²னாய ஏவ கதா²ய பச்சத்தபுரிஸகாரோபி ஸந்தானவஸேன நிப்பா²தே³தப்³ப³தோ புக்³க³லாதி⁴ட்டா²னாய ஏவ கதா²ய தீ³பேதப்³போ³.
ஆனந்தரியதீ³பனத்த²ந்தி சுதிஅனந்தரங் ப²லங் அனந்தரங் நாம, தஸ்மிங் அனந்தரே நியுத்தானி, தன்னிப்³ப³த்தனேன அனந்தரகரணஸீலானி, அனந்தரபயோஜனானி வாதி ஆனந்தரியானி, மாதுகா⁴தாதீ³னி, தேஸங் தீ³பனத்த²ங். தானிபி ஹி ஸந்தானவஸேன நிப்பா²தே³தப்³ப³தோ ‘‘மாதரங் ஜீவிதா வோரோபேதீ’’திஆதி³னா (பட்டா²॰ 1.1.423) புக்³க³லாதி⁴ட்டா²னாய ஏவ கதா²ய தீ³பேதப்³பா³னி, ததா² ‘‘ஸோ மெத்தாஸஹக³தேன சேதஸா ஏகங் தி³ஸங் ப²ரித்வா விஹரதீ’’திஆதி³னா (தீ³॰ நி॰ 1.556; 3.308; ம॰ நி॰ 1.77; 2.309; 3.230; விப⁴॰ 642, 643) ‘‘ஸோ அனேகவிஹிதங் புப்³பே³னிவாஸங் அனுஸ்ஸரதி ஏகம்பி ஜாதி’’ந்திஆதி³னா (தீ³॰ நி॰ 1.244, 245; ம॰ நி॰ 1.148, 384, 431; பாரா॰ 12) ‘‘அத்தி² த³க்கி²ணா தா³யகதோ விஸுஜ்ஜ²தி, நோ படிக்³கா³ஹகதோ’’திஆதி³னா (ம॰ நி॰ 3.381) ச பவத்தா ப்³ரஹ்மவிஹாரபுப்³பே³னிவாஸத³க்கி²ணாவிஸுத்³தி⁴கதா²
மஹாஜனோதி லோகியமஹாஜனோ. ந ஜானாதி க⁴னவினிப்³போ⁴கா³பா⁴வேன த⁴ம்மகிச்சஸ்ஸ அஸல்லக்க²ணேன. தத்த² ‘‘கிங் நாமேதங், கத²ங் நாமேத’’ந்தி ஸங்ஸயபக்க²ந்த³தாய ஸம்மோஹங் ஆபஜ்ஜதி. விருத்³தா⁴பி⁴னிவேஸிதாய படிஸத்து ஹோதி. ஜானாதி சிரபரிசிதத்தா² வோஹாரகதா²ய. ததோ ஏவ ந ஸம்மோஹமாபஜ்ஜதி, ந படிஸத்து ஹோதி.
நப்பஜஹந்தி வோஹாரமுகே²ன பரமத்த²ஸ்ஸ தீ³பனதோ. ஸமஞ்ஞாக³ஹணவஸேன லோகேன ஞாயதி ஸமஞ்ஞாயதி வோஹரீயதீதி லோகஸமஞ்ஞா, தாய லோகஸமஞ்ஞாய. தஸ்ஸ தஸ்ஸ அத்த²ஸ்ஸ விபா⁴வனே லோகேன நிச்சி²தங், நியதங் வா வுச்சதி வோஹரீயதீதி லோகனிருத்தி, தஸ்ஸங் லோகனிருத்தியங். ததா² லோகேன அபி⁴லபீயதீதி லோகஸமஞ்ஞதாய லோகாபி⁴லாபோ, தஸ்மிங் லோகாபி⁴லாபே டி²தாயேவ அப்பஹானதோ. புக்³க³லவாதி³னோ விய பரமத்த²வஸேன அக்³க³ஹெத்வா.
ஸந்தோதி ஸந்தஸத்³தோ³ ‘‘தீ³க⁴ங் ஸந்தஸ்ஸ யோஜன’’ந்திஆதீ³ஸு (த⁴॰ ப॰ 70) கிலந்தபா⁴வே ஆக³தோ, ‘‘அயஞ்ச விதக்கோ அயஞ்ச விசாரோ ஸந்தா ஹொந்தி ஸமிதா’’திஆதீ³ஸு (விப⁴॰ 576) நிருத்³த⁴பா⁴வே ஆக³தோ, ‘‘அதி⁴க³தோ கோ² ம்யாயங் த⁴ம்மோ க³ம்பீ⁴ரோ து³த்³த³ஸோ து³ரனுபோ³தோ⁴ ஸந்தோ பணீதோ’’திஆதீ³ஸு (தீ³॰ நி॰ 2.67; ம॰ நி॰ 1.281; 2.337; ஸங்॰ நி॰ 2.172; மஹாவ॰ 7) ஸந்தஞாணகோ³சரதாய, ‘‘உபஸந்தஸ்ஸ ஸதா³ ஸதிமதோ’’திஆதீ³ஸு (உதா³॰ 27) கிலேஸவூபஸமே, ‘‘ஸந்தோ ஹவே ஸப்³பி⁴ பவேத³யந்தீ’’திஆதீ³ஸு (த⁴॰ ப॰ 15) ஸாதூ⁴ஸு, ‘‘பஞ்சிமே, பி⁴க்க²வே, மஹாசோரா ஸந்தோ ஸங்விஜ்ஜமானா’’திஆதீ³ஸு (பாரா॰ 195) அத்தி²பா⁴வே, இதா⁴பி அத்தி²பா⁴வேயேவ. ஸோ ச புக்³க³லஸம்ப³ந்தே⁴ன வுத்தத்தா லோகஸமஞ்ஞாவஸேனாதி ‘‘லோகஸங்கேதவஸேன அத்தீ²’’தி ஆஹ. அத்தீ²தி சேதங் நிபாதபத³ங் த³ட்ட²ப்³ப³ங் ‘‘அத்தி² இமஸ்மிங் காயே கேஸா’’திஆதீ³ஸு (தீ³॰ நி॰ 2.373-374; ம॰ நி॰ 1.110; 3.154; அ॰ நி॰ 6.29; 10.60) விய. ஸங்விஜ்ஜமானாதி பத³ஸ்ஸ அத்த²ங் த³ஸ்ஸெந்தோ ‘‘உபலப்³ப⁴மானா’’தி ஆஹ. யஞ்ஹி ஸங்விஜ்ஜதி, தங் உபலப்³ப⁴தீதி. அங்க³ந்தி ஏதேஹி தங்ஸமங்கி³புக்³க³லா நிஹீனபா⁴வங் க³ச்ச²ந்தீதி அங்க³ணானி, ராகா³த³யோ. அஞ்ஜதி மக்கே²தீதி அங்க³ணங், மலாதி³. அஞ்ஜேதி தத்த² டி²தங் அஹுந்த³ரதாய அபி⁴ப்³யஞ்ஜேதீதி அங்க³ணங், விவடோ பூ⁴மிபதே³ஸோ. தோ³ஸாதீ³னங் பவத்திஆகாரவிஸேஸதாய நானப்பகாரா ப³ஹுலப்பவத்தியா திப்³ப³கிலேஸா. பாபகானந்தி லாமகானங். அகுஸலானந்தி அகோஸல்லஸம்பூ⁴தானங். இச்சா²வசரானந்தி இச்சா²வஸேன பவத்தானங். ஸஹ அங்க³ணேனாதி அங்க³ணந்தி லத்³த⁴னாமேன யதா²வுத்தகிலேஸேன ஸஹ வத்ததி.
அத்தீ²திபி ந ஜானாதி தாதி³ஸஸ்ஸ யோனிஸோமனஸிகாரஸ்ஸ அபா⁴வா. யேஸங் கிலேஸானங் அத்தி²தா, தேஸங் ஸப்படிப⁴யதா விஸேஸதோ ஜானிதப்³பா³தி த³ஸ்ஸேதுங் ‘‘இமே கிலேஸா நாமா’’திஆதி³ வுத்தங். தத்த² கக்க²ளாதி ப²ருஸா. வாளாதி குருரா. ந க³ஹிதப்³பா³தி ந உப்பாதே³தப்³பா³. யாதா²வஸரஸதோதி யதா²பூ⁴தஸபா⁴வதோ. ஏவஞ்சாதி ‘‘இமே கிலேஸா நாமா’’திஆதி³னா வுத்தப்பகாரேன. யேன வா தேன வாதி நவகம்மேஸு வா பரியத்திது⁴தங்கா³தீ³ஸு வா யேன வா தேன வா. தத்ராதி நித்³தா⁴ரணே பு⁴ம்மங். தங் பன நித்³தா⁴ரணங் ஸங்க³ணானங்க³ணஸமுதா³யதோதி த³ஸ்ஸெந்தோ ‘‘சதூஸு புக்³க³லேஸூ’’தி வத்வா புன ததே³கதே³ஸதோ த³ஸ்ஸெந்தோ ‘‘தேஸு வா த்³வீஸு ஸாங்க³ணேஸூ’’தி ஆஹ. தஞ்ஹி த்³வயங் பட²மங் ஹீனஸெட்ட²பா⁴வேன நித்³தா⁴ரீயதி பட²மங் உத்³தி³ட்ட²த்தா. நித்³தா⁴ரணஞ்ஹி க்வசி குதோசி கேனசி ஹோதீதி.
58. கிஞ்சாபி அஞ்ஞத்த² ‘‘ஜனகோ ஹேது, பரிக்³கா³ஹதோ பச்சயோ, அஸாதா⁴ரணோ ஹேது, ஸாதா⁴ரணோ பச்சயோ, ஸபா⁴கோ³ ஹேது, அஸபா⁴கோ³ பச்சயோ, புப்³ப³காலிகோ ஹேது, ஸஹப்பவத்தோ பச்சயோ’’திஆதி³னா ‘‘உப⁴யேனபி காரணமேவ புச்ச²தீ’’தி வுத்தங். தத்த² உப⁴யேனாதி ஹேதுபச்சயவசனத்³வயேன. புச்ச²தி ஆயஸ்மா மஹாமொக்³க³ல்லானோ தே³ஸனங் வட்³டே⁴துகாமோ. கிஞ்சாபீதி அனுஜானநஸம்பா⁴வனத்தே² நிபாதோ. கிங் அனுஜானாதி? ஸமானேபி த்³வின்னங் ஸாங்க³ணபா⁴வே தஸ்ஸா பஜானநாப்பஜானநஹேதுகதங் தேஸங் ஸெட்ட²ஹீனதங். கிங் ஸம்பா⁴வேதி? தே²ரஸ்ஸ விசித்தபடிபா⁴னதாய நானாஹேதூபமாஹி அலங்கத்வா யதா²புச்சி²தஸ்ஸ அத்த²ஸ்ஸ பாகடகரணங். தேனாஹ ‘‘நப்பஜானாதீ’’திஆதி³. ஹேது சேவ பச்சயோ ச ஸெட்ட²ஹீனபா⁴வே. ததா²அக்கா²தப்³ப³தாபி ஹி தேஸங் தன்னிமித்தா ஏவாதி.
59. தந்தி தேஸங் த்³வின்னங் புக்³க³லானங் ஹீனஸெட்ட²தாய காரணங். ஓபம்மேஹி பாகடதரங் கத்வா த³ஸ்ஸேதுங். ஏதந்தி ஸுத்தே அனந்தரங் வுச்சமானங் வீரியாரம்பா⁴பா⁴வேன அங்க³ணஸ்ஸ அப்பஹானங். தேனாஹ ‘‘ந ச²ந்த³ங்…பே॰… ஸந்தா⁴யாஹா’’தி. கத்துகம்யதாச²ந்த⁴ந்தி கத்துகம்யதாஸங்கா²தங் அங்க³ணஸ்ஸ பஹாதுகம்யதாவஸேன உப்பஜ்ஜனககுஸலத⁴ம்மச்ச²ந்த³ங். ந ஜனெஸ்ஸதீதி ந உப்பாதெ³ஸ்ஸதி. குஸலோ வாயாமோ நாம ச²ந்த³தோ ப³லவாதி ஆஹ ‘‘ததோ ப³லவதரங் வாயாமங் ந கரிஸ்ஸதீ’’தி, ச²ந்த³ம்பி அனுப்பாதெ³ந்தோ கத²ங் தஜ்ஜங் வாயாமங் கரிஸ்ஸதீதி அதி⁴ப்பாயோ. தா²மக³தவீரியங் உஸ்ஸொள்ஹீபா⁴வப்பத்தங் த³ள்ஹங் வீரியங். ஸாங்க³ணக்³க³ஹணேனேவ அங்க³ணானங் கிலேஸவத்து²தாய சித்தஸ்ஸ ஸங்கிலிட்ட²தாய ஸத்³தா⁴ய புன ஸங்கிலிட்ட²க்³க³ஹணங் ஸவிஸேஸங் கிலிட்ட²பா⁴வவிபா⁴வனந்தி ஆஹ ‘‘ஸுட்டு²தரங் கிலிட்ட²சித்தோ’’தி. மலினசித்தோதிஆதீ³ஸுபி ‘‘தேஹியேவா’’தி ஆனெத்வா ஸம்ப³ந்தி⁴தப்³ப³ங். உக்க²லிபுச்ச²னசோளகஸ்ஸ விய வஸாபீதபிலோதிகா விய ச து³ம்மோசனீயபா⁴வேன மலக்³க³ஹணங் மலீனதா, பீளனங் ஹிங்ஸனங் அவிப்பா²ரிகதாகரணங் விபா³த⁴னங் த³ரத²பரிளாஹுப்பாத³னேன பரித³ஹனங் உபதாபனங், காலந்தி காலனங், யதா²க³ஹிதஸ்ஸ அத்தபா⁴வஸ்ஸ கே²பனங் ஆயுக்க²யந்தி அத்தோ². கரிஸ்ஸதீதி பவத்தெஸ்ஸதி, பாபுணிஸ்ஸதீதி வுத்தங் ஹோதி. ததா²பூ⁴தோ ச பாணங் சஜிஸ்ஸதி நாமாதி ஆஹ ‘‘மரிஸ்ஸதீ’’தி.
ஸெய்யதா²பீதி உபமானித³ஸ்ஸனே நிபாதோ. தத³த்த²ங் த³ஸ்ஸெந்தோ ‘‘யதா² நாமா’’தி ஆஹ. பங்ஸுஆதி³னாதி ஆதி³-ஸத்³தே³ன ஜல்லாதீ³னங் ஸங்க³ஹோ, க⁴ங்ஸனாதீ³ஹீதி ஆதி³-ஸத்³தே³ன சா²ரிகாபரிமஜ்ஜனாதீ³னங் ஸங்க³ஹோதி. ‘‘அபி⁴ரூபாய கஞ்ஞா தா³தப்³பா³’’திஆதீ³ஸு விய அந்தரேனபி அதிஸயத்த²போ³த⁴கஸத்³தே³ன அதிஸயத்தோ² ஞாயதீதி ஆஹ ‘‘மலக்³க³ஹிததராதி வுத்தங் ஹோதீ’’தி. படிபுச்சா²வசனந்தி அனுமதிபுச்சா²விஸேஸோ. ஏவங் கரியமானாதி அபரிபோ⁴க³-அபரியோத³பனரஜோபத²னிக்கி²பனேஹி கிலிட்ட²பா⁴வங் ஆபாதி³யமானா. ஓபம்மங் ஸம்படிபாதெ³ந்தோதி யதூ²பனீதங் உபமங் உபமெய்யத்தே²ன ஸாங்க³ணோ புக்³க³லோதி ஸாங்க³ணோ தஸ்மிங் அத்தபா⁴வே அஸுஜ்ஜ²னகபுக்³க³லோ. ஆபணாதி³தோ குலக⁴ரங் ஆனீதஸ்ஸ மலக்³க³ஹிதகங்ஸபா⁴ஜனஸ்ஸ தத்த² லத்³த⁴ப்³பா³ய விஸுத்³தி⁴யா அலாப⁴தோ யதா² அனுக்கமேன ஸங்கிலிட்ட²தரபா⁴வோ, ஏவங் க⁴ரதோ நிக்க²ந்தஸ்ஸ புக்³க³லஸ்ஸ பப்³ப³ஜ்ஜாய லத்³த⁴ப்³பா³ய விஸுத்³தி⁴யா அலாப⁴தோ அனுக்கமேன ஸங்கிலிட்ட²தரபா⁴வோதி த³ஸ்ஸெந்தோ ‘‘ஸங்கிலிட்ட²கங்ஸபாதியா’’திஆதி³மாஹ. ஸங்கிலிட்ட²தரபா⁴வோ ச நாம பப்³ப³ஜிதஸ்ஸ ஆஜீவவிபத்திவஸேன வா ஸியா ஆசாரதி³ட்டி²ஸீலவிபத்தீஸு அஞ்ஞதரவஸேன வாதி தங் ஸப்³ப³ங் ஸங்க³ஹெத்வா த³ஸ்ஸேதுங் ‘‘தஸ்ஸ புக்³க³லஸ்ஸா’’திஆதி³ வுத்தங். பாசித்தியவீதிக்கமனக்³க³ஹணேன ஹி ஏகச்சதி³ட்டி²விபத்தியாபி ஸங்க³ஹோ ஹோதீதி. எத்த² டி²தஸ்ஸாதி ஏதிஸ்ஸங் ஆஜீவவிபத்தியங் டி²தஸ்ஸ. இமினா நயேன ஸேஸேஸுபி யதா²ரஹங் வத்தப்³ப³ங். ஸப்³ப³பரிஸஸாதா⁴ரணா மஹாதே²ரஸ்ஸ தே³ஸனா, தஸ்மா க³ஹபதிவஸேனபி யோஜேதப்³ப³ங். தத்த² உக்கங்ஸக³தஸங்கிலிட்ட²தரபா⁴வங் த³ஸ்ஸெந்தோ ‘‘மாதுகா⁴தாதி³ஆனந்தரியகரண’’ந்தி ஆஹ. அவிஸோதெ⁴த்வாதி யதா² அத்தனோ ஸீலே வா தி³ட்டி²யா வா விஸுத்³தி⁴ ஹோதி, ஏவங் கிலேஸமலினசித்தஸந்தானங் அவிஸோதெ⁴த்வா.
ப⁴ப்³ப³புக்³க³லோதி உபனிஸ்ஸயாதி³ஸம்பத்தியா தஸ்மிங் அத்தபா⁴வே விஸுத்³த⁴புக்³க³லோ. ஆதி³ங் கத்வாதி இமினா தோ⁴வனக⁴ங்ஸனாதீ³ஹி பரியோத³பனங் ஆதி³மந்தங் கத்வா வத³தி. ஸுத்³த⁴ட்டா²னங் யத்த² வா ந ரஜேன ஓகிரீயதி. த³ண்ட³கம்மங் கத்வாதி ‘‘எத்தகா உத³கா, வாலுகா வா ஆனேதப்³பா³’’தி த³ண்ட³கம்மங் கத்வா. எத்த² டி²தஸ்ஸாதி பரிஸுத்³தே⁴ ஸீலே டி²தஸ்ஸ. ஸம்மாவத்தபடிபத்திஸீலேஹி ஸீலவிஸுத்³தி⁴ த³ஸ்ஸிதா. வத்தபடிபத்தியாபி ஹி அங்க³ணானங் விக்க²ம்ப⁴னங் ஸியா. ததா² ஹிஸ்ஸா ஸங்கிலிட்ட²கங்ஸபாதியா பரிஸுத்³த⁴பரியோதா³தபா⁴வோ உபமாபா⁴வேன வுத்தோ. பந்தஸேனாஸனவாஸோ கிலேஸவிக்க²ம்ப⁴னங் கிலேஸானங் தத³ங்க³னிவாரணங். ஸோதாபத்திப²லாதி⁴க³மோ…பே॰… அரஹத்தஸச்சி²கிரியாதி ஸத்தஸுபி டா²னேஸு ‘‘பரிஸுத்³த⁴பரியோதா³தபா⁴வோ வியா’’தி பத³ங் ஆனெத்வா ஸம்ப³ந்தி⁴தப்³ப³ங். பப்³ப³ஜிதஸ்ஸ ஹி விஸுத்³தி⁴ நாம ஹெட்டி²மந்தேன ஸீலவிஸுத்³தி⁴யா வா ஸியா கம்மட்டா²னானுயோக³வஸேன விவேகவாஸேன ஜா²னஸ்ஸாதி⁴க³மேன வா விபஸ்ஸனாபா⁴வனாய வா ஸாமஞ்ஞப²லாதி⁴க³மேன வாதி.
ராக³ட்டா²னியந்தி ‘‘இட்டா²ரம்மண’’ந்தி. தஸ்மிந்தி இட்டா²ரம்மணே. விபன்னஸ்ஸதீதி முட்ட²ஸ்ஸதி. தங் நிமித்தந்தி ஸுப⁴னிமித்தங். ஆவஜ்ஜிஸ்ஸதீதி அயோனிஸோ ஆவஜ்ஜிஸ்ஸதி. ஸயமேவ அஞ்ஞேன அவோமிஸ்ஸோ. குஸலவாரபச்சி²ந்த³னமேவ செத்த² அனுத்³த⁴ங்ஸனங் த³ட்ட²ப்³ப³ங். ஸேஸந்தி ‘‘ஸாங்க³ணோ ஸங்கிலிட்ட²சித்தோ’’திஆதி³. வுத்தனயானுஸாரேனாதி பட²மவாரே வுத்தனயானுஸாரேன. ஸப்³ப³ந்தி மாதுகா⁴தாதி³ஆனந்தரியகரணபரியோஸானங் ஸப்³ப³ங் உபமாஸங்ஸந்த³னவசனங்.
அதிவிரஹாபா⁴வதோதி ஸேஸந்தி ‘‘ஸோ அராகோ³’’திஆதி³. ‘‘தோ⁴வனக⁴ங்ஸனஸண்ஹசா²ரிகாபரிமஜ்ஜனாதீ³ஹீ’’திஆதி³னா து³தியவாரானுஸாரேன. ‘‘கோ நு கோ²’’திஆதி³ புச்சா²வஸேன ஆக³தங், இத³ங் நிக³மனவஸேனாதி அயமேவ விஸேஸோ.
60. அங்க³ணந்தி தத்த² தத்த² நாமதோ ஏவ விபா⁴விதங், ந பன ஸபா⁴வதோ, பபே⁴த³தோ வாதி ஸபா⁴வாதி³தோ விபா⁴வனங் ஸந்தா⁴யாஹ ‘‘நானப்பகாரதோ பாகடங் காராபேதுகாமேனா’’தி. இச்சா²ய அவசரானந்தி இச்சா²வஸேன அவசரணானங். ஓதிண்ணானந்தி சித்தஸந்தானங் அனுபவிட்டா²னங். தே பன தத்த² பச்சயவஸேன நிப்³ப³த்தத்தா பவத்தா நாம ஹொந்தீதி ஆஹ ‘‘பவத்தான’’ந்தி. நானப்பகாரானந்தி விஸயபே⁴தே³ன பவத்திஆகாரபே⁴தே³ன ச நானாவிதா⁴னங். யேனகாரணேன. ந கேவலங் லாப⁴த்தி²கதா ஏவ, அத² கோ² புஞ்ஞவந்ததா ஸக்கதக³ருகதா ச எத்த² காரணபா⁴வேன க³ஹேதப்³பா³தி த³ஸ்ஸெந்தோ ‘‘பகதியாபி சா’’திஆதி³மாஹ. தேன லாப⁴த்தி²கோபி ந யோ கோசி ஏவங் சித்தங் உப்பாதே³தி புஞ்ஞவா ஸம்பா⁴வனீயோதி த³ஸ்ஸேதி. தே²ரா அவஜ்ஜபடிச்சா²த³னப⁴யேன மஜ்ஜி²மானங் ஆரோசெந்தி, ததா² மஜ்ஜி²மா நவகானங், நவகா பன அத்தனோ நவகபா⁴வேன விகா⁴ஸாதா³தீ³னங் ஆரோசெந்தி ‘‘பஸ்ஸத² தும்ஹாகங் தே²ரஸ்ஸ கம்ம’’ந்தி. விகா⁴ஸாதா³த³யோ நாம ‘‘ஈதி³ஸஸ்ஸ ஸந்திகே ஓவாத³த்த²ங் தும்ஹே ஆக³தா’’தி பி⁴க்கு²னீனங் ஆரோசெந்தி. ந ச மங் பி⁴க்கூ² ஜானெய்யுந்தி ந ச வத மங் பி⁴க்கூ² ஜானெய்யுங், அஹோ வத மங் பி⁴க்கூ² ந ஜானெய்யுந்தி யோஜனா. டா²னங் கோ² பனேதந்தி எத்த² கோ²-ஸத்³தோ³ அவதா⁴ரணத்தோ², பன-ஸத்³தோ³ வசனாலங்காரோதி ஆஹ ‘‘அத்தி²யேவா’’தி. புப்³பே³ இச்சு²ப்பாத³வாரவண்ணனாய வுத்தனயேன. இதி-ஸத்³தோ³ இத⁴ ஆஸன்னகாரணத்தோ²தி தங் த³ஸ்ஸெந்தோ ‘‘இமினா காரணேனா’’தி ஆஹ இத³ஞ்ச கோபஅப்பச்சயானமேவ க³ஹணங். தாதி³ஸானந்தி கோபஅப்பச்சயாதி⁴பூ⁴தானந்தி அதி⁴ப்பாயோ.
அனுரஹோதி அனுரூபே ரஹஸி. ஏவமேவ ஹி அத்த²ங் த³ஸ்ஸேதுங் ‘‘விஹாரபச்சந்தே’’திஆதி³ வுத்தங். புரிமஸதி³ஸமேவாதி ‘‘லாப⁴த்தி²கோ ஹீ’’திஆதி³னா வுத்தேன புரிமேன யோஜனானயேன ஸதி³ஸமேவ.
சோத³னாய படிபுக்³க³லபா⁴வோ, சோத³னா ச ஆபத்தியாதி சுதி³தகேன சோத³கஸ்ஸ ஸமானபா⁴வோ ஆபத்திஆபன்னதாயாதி ஆஹ ‘‘ஸமானோதி ஸாபத்திகோ’’தி. ஸப்படிபுக்³க³லேனேவஸ்ஸ சோத³னிச்சா²ய காரணங் விபா⁴வேதுங் ‘‘அய’’ந்திஆதி³ வுத்தங். ந சாயங் ஸாபத்திகதாய ஏவ ஸமானதங் இச்ச²தி, அத² கோ² அஞ்ஞதா²பீதி த³ஸ்ஸெந்தோ ‘‘அபிசா’’திஆதி³மாஹ. அஞ்ஞேன வா படிபுக்³க³லேன ஸப்படிபுக்³க³லோ. அயஞ்ஹி ‘‘ஸப்படிபுக்³க³லோவ மங் சோதெ³ய்யா’’தி இச்ச²தி ‘‘ஏவாஹங் தஸ்ஸ படிபுக்³க³லேஹி ஸத்³தி⁴ங் ஏகஜ்ஜா²ஸயோ ஹுத்வா தஸ்ஸ உபரி கிஞ்சி வத்துங் காதுங் வா லபி⁴ஸ்ஸாமீ’’தி மஞ்ஞமானோ நோ அப்படிபுக்³க³லோதி நத்தி² ஏதஸ்ஸ படிபுக்³க³லோதி அப்படிபுக்³க³லோதி ஏவமத்தோ² வேதி³தப்³போ³.
‘‘அஹோ வதா’’தி இத³ங் பத³ங் தி³ஸ்ஸதீதி ஸம்ப³ந்தோ⁴, இமஸ்ஸ புக்³க³லஸ்ஸ இச்சா²சாரே டி²தத்தா பி⁴க்கூ²னங் த⁴ம்மங் தே³ஸெய்யாதி வசனதோ ‘‘தஞ்ச கோ² அனுமதிபுச்சா²யா’’தி வுத்தங். ந ஹேஸ ‘‘ஸச்சங் கிர த்வங் பி⁴க்கூ²’’திஆதி³னா கிஞ்சி வீதிக்கமங் உத்³தி³ஸ்ஸ ப⁴க³வதா புச்சி²தப்³ப³தங் இச்ச²தி. நோ மக்³க³ங் வா ப²லங் வா விபஸ்ஸனங் வா அந்தரங் கத்வாதி மக்³க³பா⁴வனங் வா ப²லஸச்சி²கிரியங் வா ஸிகா²ப்பத்தவிபஸ்ஸனானுயோக³ங் வா நிரோத⁴ஸமாபஜ்ஜனங் வா ஜா²னஸமாபஜ்ஜனமேவ வா அந்தரங் காரணங் கத்வா ப⁴க³வதா அத்தானங் படிபுச்சி²தப்³ப³ங் நோ இச்ச²தி. நிச்சங் அனிச்சந்திஆதி³னா அனுமதிக்³க³ஹணவஸேன புச்சி²தப்³ப³ங் இச்ச²தி, உத்தானமேவ கத்வா புச்சி²தப்³ப³ங் இச்ச²தீதி அத்தோ². உபஹரந்தே பஸ்ஸதீதி ஸம்ப³ந்தோ⁴. அப⁴ப்³ப³ட்டா²னபி⁴க்கு²தாய நிஹரிஸ்ஸந்தி ஸாஸனதோ.
தங் ஸம்பத்திந்தி பரிவாரஸம்பத்திஞ்சேவ பி⁴க்கூ²ஹி கரியமானங் ஸக்காரக³ருகாரஸம்பத்திஞ்ச. க³ஹெத்வா பரிபு⁴ஞ்ஜந்தி மயா ஸங்விபா⁴கே³ கரியமானே. ஸயமேவ பஞ்ஞாயதீதி ஸயமேவ க³ந்த்வா பி⁴க்கூ²னங் புரதோ அத்தானங் த³ஸ்ஸேதி, புரதோ வஸந்தங் பன பி⁴க்கு² புரக்க²த்வா க³ச்ச²ந்தியேவாதி அதி⁴ப்பாயோ.
த³க்கி²ணோத³கந்தி அஹமேவ லபெ⁴ய்யந்தி அஹங் லபெ⁴ய்யமேவாதி ஏவமேதங் அவதா⁴ரணங் த³ட்ட²ப்³ப³ந்தி அதி⁴ப்பாயேனாஹ ‘‘அஹமேவ லபெ⁴ய்யந்தி இச்சா² நாதிமஹாஸாவஜ்ஜா’’தி, அஞ்ஞதா² யதா²ருதவஸேன அவதா⁴ரணே க³ய்ஹமானே ‘‘ந அஞ்ஞே லபெ⁴ய்யு’’ந்தி அயமேவெத்த² அத்தோ² ஸியாதி. பாஸாதி³கோ ஹோதீதி இத³ங் தஸ்ஸ அக்³கா³ஸனாதி³பச்சாஸீஸனாய காரணத³ஸ்ஸனங்.
அனுமோத³னந்தி மங்க³லாமங்க³லேஸு அனுமோத³னாவஸேன பவத்தேதப்³ப³த⁴ம்மகத²ங். க²ண்டா³னுமோத³னந்தி அனுமோத³னேகதே³ஸங். ‘‘புப்³பே³ அனுமோதி³தபுப்³போ³ அனுமோத³தூ’’தி அவத்வா தே²ரேன வுத்தமத்தேயேவ.
தாதி³ஸேஸு டா²னேஸூதி தாதி³ஸேஸு பேஸலானங் ப³ஹுஸ்ஸுதானங் வஸனட்டா²னேஸு. ஸப்³ப³ம்பி ரதிங் பவத்தனதோ ஸப்³ப³ரத்திகானி. வினிச்ச²யகுஸலானந்தி அனேகவிஹிதேஸு கங்க²ட்டா²னியேஸு கங்கா²வினயனாய தங் தங் பஞ்ஹானங் வினிச்ச²யே குஸலானங் சே²கானங். தேஸு தேஸு த⁴ம்மகதி²கேஸு அஜ்ஜி²ட்டே²ஸு வாரேன த⁴ம்மங் கதெ²ந்தேஸு ‘‘அயங் ப்³யத்தோ’’தி த⁴ம்மஜ்ஜே²ஸகேன அஜ்ஜி²ட்ட²த்தா ஓகாஸங் அலப⁴மானோ.
ஸக்கச்சஞ்ச கரெய்யுந்தி பி⁴க்கூ² யங் மம அபி⁴வாத³னபச்சுட்டா²னஞ்ஜலிகம்மஸாமீசிகம்மாதி³ங் கரொந்தி. தங் ஆத³ரேனேவ கரெய்யுங், யஞ்ச மே பரிக்கா²ரஜாதங் படியாதெ³ந்தி, தம்பி ஸுந்த³ரங் ஸம்மதே³வ அபி⁴ஸங்க²தங் கரெய்யுந்தி அத்தோ². பா⁴ரியந்தி பாஸாணச்ச²த்தங் விய க³ருகாதப்³ப³ங். ஏதங் விதி⁴ந்தி ஏதங் ‘‘ஸக்கரெய்யு’’ந்திஆதி³னா வுத்தஸக்காராதி³விதி⁴ங். தேனாதி தேன காரணேன, பா³ஹுஸச்சாதி³கு³ணவிஸேஸவதோ ஏவ ஸக்காராதீ³னங் அரஹத்தாதி அத்தோ². ஏவரூபந்தி ஈதி³ஸங் ‘‘பியோ க³ரூ’’திஆதி³னா (அ॰ நி॰ 7.37) வுத்தப்பகாரங். ஏவங் கரெய்யுந்தி ஏவங் ‘‘ஸக்கரெய்யு’’ந்திஆதி³னா வுத்தப்பகாரங் ஸக்காராதி³ங் கரெய்யுங். ஏஸ நயோதி யோயங் பி⁴க்கு²வாரே வுத்தவிதி⁴, ஏஸேவ நயோ. இதோ பரேஸு பி⁴க்கு²னீவாராதீ³ஸு வாரேஸு.
அஹமேவ லாபீ⁴ அஸ்ஸந்தி எத்தா²பி ஹெட்டா² வுத்தனயேனேவ அவதா⁴ரணங் க³ஹேதப்³ப³ங். பிண்ட³பாதஸ்ஸ பணீததா உபஸேசனாதி³வஸேனாதி ஆஹ ‘‘ஸப்பிதேலமது⁴ஸக்க²ராதி³பூரிதான’’ந்தி மஞ்சபீடா²தீ³னந்தி நித³ஸ்ஸனமத்தங் உதுஸப்பாயானங் நிவாதானங் ப²ஸ்ஸிததலானங் பிஹிதத்³வாரகவாளவாதபானாதீ³னம்பி பணீதஸேனாஸனபா⁴வதோ. ஆதி³-ஸத்³தே³ன வா தேஸம்பி க³ஹணங் த³ட்ட²ப்³ப³ங். ஸப்³ப³த்தா²பீதி ஸப்³பே³ஸு தேஸு சதூஸுபி பச்சயவாரேஸு.
61. காயகம்மங் தி³ஸ்வாதி இத³ங் ந காயகம்மங் சக்கு²விஞ்ஞெய்யங், காயகம்முனா பன ஸஹ பவத்தங் ஒட்ட²பரிப்ப²ந்த³னங் பா⁴குடிகரணங் காயங்கா³தி³த³ஸ்ஸனங் காயகம்மத³ஸ்ஸனங் விய ஹோதீதி கத்வா வுத்தங். வசீகம்மங் ஸுத்வாதி எத்தா²பி ஏஸேவ நயோ, தஸ்மா காயவிகாரஜனகா த⁴ம்மா ‘‘தி³ஸ்ஸந்தீ’’தி வுத்தா, வசீவிகாரஜனகா ‘‘ஸூயந்தீ’’தி. ததோ ஏவ ச தே பச்சக்க²காலே ஸம்முக²காலே தி³ஸ்ஸந்தி நாம. திரொக்க²காலே அஸம்முக²காலே ஸூயந்தி நாம. அனுரூபதோ க³ஹணங் அனுக்³க³ஹோ. ஆரஞ்ஞிகத்தந்தி தஸ்ஸ பி⁴க்கு²னோ து⁴தகு³ணத்தானுரூபதோ க³ண்ஹாதி. தேனாஹ ‘‘ஆரஞ்ஞிகத்தங் அனுக்³க³ண்ஹாதீ’’தி. அரஞ்ஞே நிவாஸோ அஸ்ஸாதி ஆரஞ்ஞிகோ. பந்தங் பரியந்தங் தூ³ரதரங் ஸேனாஸனங் அஸ்ஸாதி பந்தஸேனாஸனோ. தங் பன அத்த²மத்தேன த³ஸ்ஸெந்தேன ‘‘பந்தஸேனாஸனே வஸதீ’’தி வுத்தங். பி⁴க்கா²ஸங்கா²தானங் பிண்டா³னங் பாதோ பிண்டா³பாதோ, தங் பிண்ட³பாதங் உஞ்ச²தி க³வேஸதீதி பிண்ட³பாதிகோ. பிண்டா³ய பதிதுங் சரிதுங் வதமேதஸ்ஸாதி வா பிண்ட³பாதி, ஸோ ஏவ பிண்ட³பாதிகோ. தா³னதோ அவக²ண்ட³னதோ அபேதங் அபதா³னங், ஸஹ அபதா³னேன ஸபதா³னங், அனவக²ண்ட³னங். அனுக⁴ரங் சரணஸீலோ ஸபதா³னசாரீ. உன்னதபா⁴வேன பங்ஸுகூலங் விய பங்ஸுகூலங், பங்ஸு விய வா குச்சி²தபா⁴வங் உலதி க³ச்ச²தீதி பங்ஸுகூலங், தஸ்ஸ தா⁴ரணங் இத⁴ பங்ஸுகூலங், தங் ஸீலமஸ்ஸாதி பங்ஸுகூலிகோ.
தீஹி காரணேஹி லூக²ங் வேதி³தப்³ப³ங் அக்³க⁴ப²ஸ்ஸவண்ணபரிஹானிதோ அபங்ஸுகூலம்பி, கோ பன வாதோ³ பங்ஸுகூலந்தி அதி⁴ப்பாயோ. தூ²லதீ³க⁴ஸுத்தகேனாதி தூ²லேன ஓலம்ப³மானேன தீ³க⁴ஸுத்தகேன. வண்ணேனாதி எத்த² ப²ஸ்ஸேனபி பரிஹாயதீதி வத்தப்³ப³ங். தஞ்ஹி தத்த² க²ரப²ஸ்ஸம்பி ஹோதியேவாதி. கஸ்மா பன பாளியங் ஆரஞ்ஞிகாதி³க்³க³ஹணேன சத்தாரோவ து⁴தகு³ணா வுத்தாதி? பதா⁴னத்தா, தக்³க³ஹணேனேவ ச இதோ பரேஸம்பி ஸுக²பரிபோ⁴க³தாய க³ஹணஸம்ப⁴வதோ. யோ ஹி ஆரஞ்ஞிகோ பந்தஸேனாஸனோ, தஸ்ஸ அப்³போ⁴காஸிக-ருக்க²மூலிக-நேஸஜ்ஜிக-யதா²ஸந்த²திக-ஸோஸானிகங்கா³னி ஸுபரிபூரானி. யோ ச பிண்ட³பாதிகோ ஸபதா³னசாரீ ச, தஸ்ஸ பத்தபிண்டி³கக²லுபச்சா²ப⁴த்திகஏகாஸனிகங்கா³னி. யோ பன பங்ஸுகூலிகோ, தஸ்ஸ எத்தகாதி பாளியங் ஆக³தானங் பரிச்சி²ஜ்ஜ க³ஹணமேதங், ந எத்தகா ஸப்³பே³பி ஏகஸ்ஸ ஏகங்ஸதோ ஸம்ப⁴வந்தி, நாபி எத்தகாயேவ பாபத⁴ம்மா பஹாதப்³பா³. ந ஹி மக்க²பளாஸாதீ³னங் அப்பஹீனபா⁴வேபி ஸப்³ரஹ்மசாரீ நேவ ஸக்கரொந்தி…பே॰… ந பூஜெந்தீதி.
தமத்த²ந்தி ‘‘யஸ்ஸ கஸ்ஸசீ’’திஆதி³னா வுத்தமத்த²ங். உபமாய பாகடங் கரொந்தோதி அன்வயதோ ப்³யதிரேகதோ ச உதா³ஹரணேன விபா⁴வெந்தோ. அஹிகுணபாதீ³னங் அதிபடிகூலஜிகு³ச்ச²னீயதா அதிவிய து³க்³க³ந்த⁴தாய. ஸா ச அஹீனங் திகி²ணகோபதாய, குக்குரமனுஸ்ஸானங் ஓத³னகும்மாஸூபசயதாய ஸரீரஸ்ஸ ஹோதீதி வத³ந்தி. இமேஸந்தி அஹிஆதீ³னங். வட்³டெ⁴த்வாதி உபரூபரி கி²பனேன ரசிதங் கத்வா. தங் பன வட்³டி⁴தங் தேன ச பா⁴ஜனங் பூரிதங் ஹோதீதி ஆஹ ‘‘வட்³டெ⁴த்வா பரிபூரெத்வா’’தி. ஜனஸ்ஸ த³ஸ்ஸனயொக்³யங் த³ஸ்ஸனீயங் ஜஞ்ஞங், தங் பரமபரிஸுத்³த⁴ங் மனோஹரஞ்ச ஹோதீதி ஆஹ ‘‘சொக்க²சொக்க²’’ந்தி. அபி⁴னவனிவிட்டா² மஹாமாதா வது⁴கா. ஸா பன புத்தலாப⁴யொக்³யதங் உபாதா³ய மங்க³லவசனேன ‘‘ஜனீ’’தி வுச்சதி, தஸ்ஸா நிய்யமானங் பண்ணாகாரங் ஜனியா ஹரதீதி ஜஞ்ஞங். உப⁴யத்தா²தி அத்த²த்³வயே. புனருத்தந்தி ஆமேடி³தவசனமாஹ. ந மனாபங் ஏதஸ்ஸாதி அமனாபோ, தஸ்ஸ பா⁴வோ அமனாபதா, ததா²பவத்தோ சித்துப்பாதோ³தி ஆஹ ‘‘அமனாபங் இத³ந்தி…பே॰… அதி⁴வசன’’ந்தி. பு³த்³த⁴வேஸத்தா லிங்க³ஸ்ஸ பரிஸுத்³த⁴கங்ஸபாதிஸதி³ஸகா. குணபரசனங் விய இச்சா²வசரேஹி ஸந்தானஸ்ஸ ப⁴ரிதபா⁴வோ. ஸோ பன தேஸங் அப்பஹீனதாயாதி ஆஹ ‘‘இச்சா²வசரானங் அப்பஹான’’ந்தி.
62. ‘‘தேன கா³மந்தவிஹாரங் அனுக்³க³ண்ஹாதீ’’தி வத்தப்³பே³ ‘‘ஆரஞ்ஞிகத்த’’ந்தி பன பொத்த²கே லிகி²தங். ந ஹி ஸுக்கபக்கே² பாளியங் ஆரஞ்ஞிகக்³க³ஹணங் அத்தி², ஸதி ச இச்சா²வசரப்பஹானே கா³மந்தவிஹாரோ ஏகந்தேன ந படிக்கி²பிதப்³போ³, இச்சி²தப்³போ³வ தாதி³ஸானங் உத்தரிமனுஸ்ஸத⁴ம்மபடிச்சா²த³னதோ ‘‘அப்பிச்ச²தாஸமுட்டா²னேஹீ’’திஆதி³. ஸாலிவரப⁴த்தரசனங் விய இச்சா²வசரப்பஹானங் மனுஞ்ஞபா⁴வதோ தித்திஹேதுதோ ச.
63. மங் தந்தி ச உபயோக³வசனங் படி-ஸத்³த³யோகே³ன, அத்தோ² பன ஸம்பதா³னமேவாதி ஆஹ ‘‘மய்ஹங் துய்ஹ’’ந்தி ச. ‘‘ஸமயே’’தி பு⁴ம்மத்தே² ‘‘ஸமய’’ந்தி உபயோக³வசனங். கி³ஜ்ஜ²கூடபண்ட³வஇஸிகி³லிவேபா⁴ரவேபுல்லபப்³ப³தானங் வஸேன ஸமந்ததோ கி³ரிபரிக்கே²பேன. ராஜக³ஹேதி ஸமீபத்தே² பு⁴ம்மவசனந்தி ஆஹ ‘‘தங் நிஸ்ஸாய விஹராமீ’’தி.
புராணயானகாரபுத்தோதி புராணே பப்³ப³ஜிததோ புப்³பே³ யானகாரபுத்தோ ததா²பஞ்ஞாதோ. ஜிம்ஹந்தி கோ³முத்தகுடிலங். தேனாஹ ‘‘ஸப்பக³தமக்³க³ஸதி³ஸ’’ந்தி. ஸோதி பண்டு³புத்தோ. இதரோதி ஸமிதி. சிந்திதட்டா²னமேவாதி சிந்திதசிந்திதட்டா²னமேவ தச்ச²தி, தஞ்ச கோ² ந தஸ்ஸ சித்தானுஸாரேன, அத² கோ² அத்தனோ ஸுத்தானுஸாரேன தச்ச²ந்தோ யானகாரபுத்தோ. சித்தந்தி அத்தனோ சித்தேன மம சித்தங் ஜானித்வா விய.
‘‘ந ஸத்³தா⁴ய பப்³ப³ஜிதோ’’தி இமினாவ கம்மப²லஸத்³தா⁴ய அபா⁴வோ நேஸங் பகாஸிதோதி ஆஹ ‘‘அஸ்ஸத்³தா⁴தி பு³த்³த⁴த⁴ம்மஸங்கே⁴ஸு ஸத்³தா⁴விரஹிதா’’தி. பப்³ப³ஜிதானங் ஜீவிகா அத்தோ² ஏதேஸந்தி ஜீவிகத்தா². தேனாஹ ‘‘இணப⁴யாதீ³ஹீ’’திஆதி³. கேராடிகங் வுச்சதி ஸாடெ²ய்யங். ஸடா²னங் கு³ணவாணிஜகானங் கம்மங் ஸாடெ²ய்யந்தி ஆஹ ‘‘ஸாடெ²ய்யஞ்ஹீ’’திஆதி³. துச்ச²ஸபா⁴வேன மானோ நளோ வியாதி நளோ, மானஸங்கா²தோ உக்³க³தோ நளோ ஏதேஸந்தி உன்னளா. தேனாஹ ‘‘உட்டி²ததுச்ச²மானா’’தி. லஹுகதாய வா சபலா. ப²ருஸவசனதாய க²ரவசனா. திரச்சா²னகதா²ப³ஹுலதாய நிரத்த²கவசனபலாபினோ. அஸங்வுதகம்மத்³வாராதி இத³ங் கம்மத்³வாராதீ³னங் அஸங்வுதபா⁴வோ உப்பத்தித்³வாரானங் அஸங்வுததாய ஏவ ஹோதீதி கத்வா வுத்தங். அத² வா ச²ஸு இந்த்³ரியேஸூதி நிமித்தே பு⁴ம்மங், ச²ஸு இந்த்³ரியேஸு நிமித்தபூ⁴தேஸு அஸங்வுதகம்மத்³வாராதி அத்தோ². யா மத்தாதி போ⁴ஜனே அயுத்தபரியேஸன-அயுத்தபடிக்³க³ஹண-அயுத்தபரிபோ⁴கே³ வஜ்ஜெத்வா யுத்தபரியேஸன-யுத்தபடிக்³க³ஹண-யுத்தபரிபோ⁴க³ஸங்கா²தா யா மத்தா அப்பமத்தேஹி ஜானிதப்³பா³. தேனாஹ ‘‘யுத்ததா’’தி. ஜாக³ரேதி ரத்திந்தி³வங் ஆவரணியேஹி த⁴ம்மேஹி சித்தபரிஸோத⁴னஸங்கா²தே ஜாக³ரே. தேஸங் ஜாக³ரிதாய அதி⁴ஸீலஸிக்கா²ய கா³ரவரஹிதானங் இதரஸிக்கா²ஸு பதிட்டா² ஏவ நத்தீ²தி த³ஸ்ஸெந்தோ ‘‘ஸிக்கா²பதே³ஸு ப³ஹுலகா³ரவா ந ஹொந்தீ’’தி வத்வா தமேவ கா³ரவாபா⁴வங் ஸரூபேன விபா⁴வெந்தோ ‘‘ஆபத்திவீதிக்கமப³ஹுலா’’தி ஆஹ.
பகதியாபி ஸத்³தா⁴. பிவந்தி மஞ்ஞே யதா² தங் த்³ரவபூ⁴தங் அமதங் லத்³தா⁴. க⁴ஸந்தி மஞ்ஞே யதா² தங் ப³ஹலபிண்டி³கஸுதா⁴போ⁴ஜனங் லத்³தா⁴. அத்தமனவாசங் நிச்சா²ரெந்தா ‘‘ஸாது⁴ ஸாதூ⁴’’தி. தமேவ பன ஸாது⁴காரங் ஹத³யே ட²பெத்வா அப்³ப⁴னுமோத³ந்தா. எத்த² ச அத்தமனவாசானிச்சா²ரணங் பிவனஸதி³ஸங் கத்வா வுத்தங் ப³ஹித்³தா⁴பா⁴வதோ, மனஸா அப்³ப⁴னுமோத³னங் பன அப்³ப⁴ந்தரபா⁴வதோ க⁴ஸனஸதி³ஸங் வுத்தங். ஸங்கா²த³னஜ்ஜோ²ஹரணஞ்ஹி க⁴ஸனந்தி. ரஸ்ஸஞ்ச ஏகவசனங் ஹோதீதி ஆஹ ‘‘ரஸ்ஸே ஸதி ஸாரிபுத்தஸ்ஸ உபரி ஹோதீ’’தி. தீ³க⁴ஞ்ச ப³ஹுவசனங் ஹோதீதி ஆஹ ‘‘தீ³கே⁴ ஸதி ஸப்³ரஹ்மசாரீன’’ந்தி. ‘‘உபரி ஹோதீ’’தி ஆனெத்வா ஸம்ப³ந்தோ⁴. ஆலஸியப்³யஸனாதீ³ஹீதி ஆலஸியேன வா ஞாதிப்³யஸனாதீ³ஹி வா. ‘‘மஹானாகா³தி வுச்சந்தீ’’தி வத்வா தத்த² காரணங் விபா⁴வெந்தோ ‘‘தத்ரா’’திஆதி³மாஹ. தத்த² ‘‘ந க³ச்ச²ந்தீதி நாகா³, ந ஆக³ச்ச²ந்தீதி நாகா³, ந ஆகு³ங் கரொந்தீதி நாகா³’’தி யோ விவிதோ⁴ வசனத்தோ² இச்சி²தோ, தங் விசாரெத்வா த³ஸ்ஸேதுங் ‘‘ச²ந்தா³தீ³ஹீ’’திஆதி³ வுத்தங், தங் பன ஞெய்யாவபோ³தா⁴ய வசனதோ அப்பமத்தகாரணங்.
ஸயமேவ ஆகு³ங் ந கரோதி ஸப்³ப³தா² மக்³கே³ன பஹீனஆகு³த்தா. ஸோ காமயோகா³தி³கே ஸப்³ப³ஸங்யோகே³ த³ஸவித⁴ஸங்யோஜனப்பபே⁴தா³னி ச ஸப்³ப³ப³ந்த⁴னானி விஸஜ்ஜ ஜஹித்வா ஸப்³ப³த்த² யக்கா²தீ³ஸு, ஸப்³பே³ஸு வா ப⁴வேஸு கேனசி ஸங்கே³ன ந ஸஜ்ஜதி தீஹி ச விமுத்தீஹி விமுத்தோ, ததோ ஏவ இட்டா²தீ³ஸு தாதி³பா⁴வப்பத்தியா தாதி³, ஸோ வுத்தலக்க²ணேன தத²த்தா தங்ஸபா⁴வத்தா நாகோ³ பவுச்சதேதி அத்தோ² வேதி³தப்³போ³. தேனாஹ ‘‘ஏவமெத்த² அத்தோ² வேதி³தப்³போ³’’தி. அஞ்ஞேஹி கீ²ணாஸவனாகே³ஹி அக்³க³ஸாவகத்தா கு³ணவிஸேஸயோக³தோ புஜ்ஜதரா ச பாஸங்ஸதரா ச. ஸமங் அனுமோதி³ஸுந்தி அஞ்ஞமஞ்ஞஸ்ஸ ஸுபா⁴ஸிததோ ஸம்படிச்ச²னேன ஸமப்பவத்தமோத³தாய ஸமங் ஸதி³ஸங் அப்³ப⁴னுமோதி³ங்ஸு. தங் பன ஸமனுமோத³னங் ‘‘தத்தா²’’திஆதி³னா பாளிவஸேனேவ த³ஸ்ஸேதி.
ஸம்முதிபரமத்த²தே³ஸனாகதா²வண்ணனா நிட்டி²தா.
அனங்க³ணஸுத்தவண்ணனாய லீனத்த²ப்பகாஸனா ஸமத்தா.
6. ஆகங்கெ²ய்யஸுத்தவண்ணனா
64. ஸம்பன்னந்தி ‘‘இத³ங் பரிபுண்ணஸம்பன்னங் நாமா’’தி. நந்தி ‘‘ஸுவா’’தி வுத்தங் ஸுவக³ணங். ஸம்பன்னோதி ஸம்மதே³வ பன்னோ க³தோ உபக³தோ. தேனாஹ ‘‘ஸமன்னாக³தோ’’தி. ஸம்பன்னந்தி ஸம்பத்தியுத்தங். ஸா பனெத்த² ரஸஸம்பத்தி அதி⁴ப்பேதா ஸாமஞ்ஞஜோதனாய விஸேஸே அவட்டா²னதோ. தேனாஹ ‘‘ஸெய்யதா²பி கு²த்³த³மது⁴ங் அனேளக’’ந்தி, நித்³தோ³ஸந்தி அத்தோ². தேன வுத்தங் ‘‘இத³ங் மது⁴ரஸம்பன்னங் நாமா’’தி. ஸீலஸ்ஸ அனவஸேஸஸமாதா³னேன அக²ண்டா³தி³பா⁴வாபத்தியா ச பரிபுண்ணஸீலா. ஸமாதா³னதோ பட்டா²ய அச்சி²ந்த³னதோ ஸீலஸமங்கி³னோ. ஸமாதா³னதோ ஹி அச்சந்தவிரோதி⁴த⁴ம்மானுப்பத்தியா ஸீலஸமங்கி³தா வேதி³தப்³பா³, சேதனாதீ³னங் பன ஸீலனலக்க²ணானங் த⁴ம்மானங் பவத்திக்க²ணே வத்தப்³ப³மேவ நத்தி². விஸுத்³தி⁴மக்³கே³ (விஸுத்³தி⁴॰ 1.9) வுத்தா, தஸ்மா தத்த² வுத்தனயேனேவ வித்தா²ரகதா² வேதி³தப்³பா³தி அதி⁴ப்பாயோ.
கெ²த்தபாரிபூரீதி நிஸ்ஸிதபாரிபூரியா நிஸ்ஸயபாரிபூரிமாஹ நிஸ்ஸிதகம்மவிபத்திஸம்பத்திவிஸயத்தா யதா² ‘‘மஞ்சா உக்குட்டி²ங் கரொந்தீ’’தி. ததா² ஹி கெ²த்தேன க²ண்ட³பூதிஆதி³தோ³ஸோ வுத்தோ. கெ²த்தங் க²ண்ட³ங் ஹோதீதி அபரிபூரங் ஹோதி ஸஸ்ஸபாரிபூரியா அபா⁴வதோ. தேனேவாஹ ‘‘ஸஸ்ஸங் ந உட்டே²தீ’’தி. பாத³மத்தஸ்ஸபி அனேகம்ப³ணப²லனதோ மஹப்ப²லங் ஹோதி. கிஸலயபலாலாதி³ப³ஹுதாய மஹானிஸங்ஸங். ஏவமேவந்தி யதா² கி²த்தங் பீ³ஜங் க²ண்டா³தி³சதுதோ³ஸவஸேன அபரிபுண்ணங் ஹோதி, தத³பா⁴வேன ச பரிபுண்ணங், ஏவங் ஸீலங் க²ண்டா³தி³சதுதோ³ஸவஸேன அபரிபுண்ணங் ஹோதி, தத³பா⁴வேன ச பரிபுண்ணந்தி, சதுதோ³ஸதத³பா⁴வஸாமஞ்ஞமேவ நித³ஸ்ஸனநித³ஸ்ஸிதப்³ப³விபத்திஸம்பத்தீஸு த³ஸ்ஸேதி. மஹப்ப²லங் ஹோதி விபாகப²லேன. மஹானிஸங்ஸந்தி விபுலானிஸங்ஸங். ஸ்வாயங் ஆனிஸங்ஸோ இத⁴ பாளியங் நானப்பகாரேன வித்தா²ரீயதி.
எத்தாவதா கிராதி (அ॰ நி॰ டீ॰ 2.2.37; அ॰ நி॰ டீ॰ 3.10.71-74) கிர-ஸத்³தோ³ அருசிஸூசனத்தோ². தேனெத்த² ஆசரியவாத³ஸ்ஸ அத்தனோ அருச்சனபா⁴வங் தீ³பேதி. ஸம்பன்னஸீலாதி அனாமட்ட²விஸேஸங் ஸாமஞ்ஞதோ ஸீலஸங்கே²பேன க³ஹிதங். தஞ்ச சதுப்³பி³த⁴ந்தி ஆசரியத்தே²ரோ ‘‘சதுபாரிஸுத்³தி⁴ஸீலங் உத்³தி³ஸித்வா’’தி ஆஹ. தத்தா²தி சதுபாரிஸுத்³தி⁴ஸீலே. ஜெட்ட²கஸீலந்தி (ஸங்॰ நி॰ டீ॰ 3.5.412) பதா⁴னஸீலங். உப⁴யத்தா²தி உத்³தே³ஸனித்³தே³ஸே. இத⁴ பாதிமொக்க²ஸங்வரோ ப⁴க³வதா வுத்தோ ‘‘ஸம்பன்னஸீலா’’தி வுத்தத்தாதி அதி⁴ப்பாயோ ‘‘பாதிமொக்க²ஸங்வரோயேவா’’திஆதி³. தத்த² அவதா⁴ரணேன இதரேஸங் திண்ணங் ஏகதே³ஸேன பாதிமொக்க²ந்தோக³த⁴பா⁴வங் தீ³பேதி. ததா² ஹி அனோலோகியோலோகனே ஆஜீவஹேது ச²ஸிக்கா²பத³வீதிக்கமே கி³லானபச்சயஸ்ஸ அபச்சவெக்கி²தபரிபோ⁴கே³ ச ஆபத்தி விஹிதாதி. தீணீதி இந்த்³ரியஸங்வரஸீலாதீ³னி. ஸீலந்தி வுத்தட்டா²னங் நாம அத்தீ²தி ஸீலபரியாயேன தேஸங் கத்த²சி ஸுத்தே க³ஹிதட்டா²னங் நாம கிங் அத்தி² யதா² பாதிமொக்க²ஸங்வரோதி ஆசரியஸ்ஸ ஸம்முக²த்தா அபடிக்கி²பந்தோவ உபசாரேன புச்ச²ந்தோ விய வத³தி. தேனாஹ ‘‘அனநுஜானந்தோ’’தி. ச²த்³வாரரக்கா²மத்தகமேவாதி தஸ்ஸ ஸல்லஹுகபா⁴வமாஹ சித்தாதி⁴ட்டா²னமத்தேன படிபாகதிகபா⁴வாபத்திதோ. இதரத்³வயேபி ஏஸேவ நயோ. பச்சயுப்பத்திமத்தகந்தி ப²லேன ஹேதுங் த³ஸ்ஸேதி. உப்பாத³னஹேதுகா ஹி பச்சயானங் உப்பத்தி. இத³மத்த²ந்தி இத³ங் பயோஜனங் இமஸ்ஸ பச்சயஸ்ஸ பரிபு⁴ஞ்ஜனேதி அதி⁴ப்பாயோ. நிப்பரியாயேனாதி இமினா இந்த்³ரியஸங்வராதீ³னி தீணி பதா⁴னஸ்ஸ ஸீலஸ்ஸ பரிவாரவஸேன பவத்தியா பரியாயஸீலானி நாமாதி த³ஸ்ஸேதி.
இதா³னி பாதிமொக்க²ஸங்வரஸ்ஸேவ பதா⁴னபா⁴வங் ப்³யதிரேகதோ அன்வயதோ ச உபமாய விபா⁴வேதுங் ‘‘யஸ்ஸா’’திஆதி³மாஹ. தத்த² ஸோதி பாதிமொக்க²ஸங்வரோ. ஸேஸானீதி இந்த்³ரியஸங்வராதீ³னி. தஸ்ஸேவாதி ‘‘ஸம்பன்னஸீலா’’தி எத்த² யங் ஸீலங் வுத்தங், தஸ்ஸேவ. ஸம்பன்னபாதிமொக்கா²தி எத்த² பாதிமொக்க²க்³க³ஹணேன வேவசனங் வத்வா தங் வித்தா²ரெத்வா…பே॰… ஆதி³மாஹ. யதா² அஞ்ஞதா²பி ‘‘இத⁴ பி⁴க்கு² ஸீலவா ஹோதீ’’தி (மஹானி॰ 199) புக்³க³லாதி⁴ட்டா²னாய தே³ஸனாய உத்³தி³ட்ட²ங் ஸீலங் ‘‘பாதிமொக்க²ஸங்வரஸங்வுதோ விஹரதீ’’தி (விப⁴॰ 508; மஹானி॰ 199) நித்³தி³ட்ட²ங்.
பாதிமொக்க²ஸங்வரஸங்வுதாதி யோ நங் பாதி ரக்க²தி, தங் மொக்கே²தி மோசேதி ஆபாயிகாதீ³ஹி து³க்கே²ஹீதி ‘‘பாதிமொக்க²’’ந்தி லத்³த⁴னாமேன ஸிக்கா²பத³ஸீலேன பிஹிதகாயவசீத்³வாரா. தே பன யஸ்மா ஏவங்பூ⁴தா தேன ஸமன்னாக³தா நாம ஹொந்தி, தஸ்மா வுத்தங் ‘‘பாதிமொக்க²ஸங்வரேன ஸமன்னாக³தா’’தி.
அபரோ பாதிமொக்க²ங். சித்தஸ்ஸ ஹி விமொக்கே²ன ஸத்தோ விமுத்தோதி வுச்சதி. வுத்தஞ்ஹி ‘‘சித்தவோதா³னா விஸுஜ்ஜ²ந்தீ’’தி, ‘‘அனுபாதா³ய ஆஸவேஹி சித்தங் விமுத்த’’ந்தி (மஹாவ॰ 28) ச.
அத² வா அவிஜ்ஜாதி³னா ஹேதுனா ஸங்ஸாரே பததி க³ச்ச²தி பவத்ததீதி பாதீ. ‘‘அவிஜ்ஜானீவரணானங் ஸத்தானங் தண்ஹாஸங்யோஜனானங் ஸந்தா⁴வதங் ஸங்ஸரத’’ந்தி (ஸங்॰ நி॰ 2.125) ஹி வுத்தங். தஸ்ஸ பாதினோ ஸத்தஸ்ஸ தண்ஹாதி³ஸங்கிலேஸத்தயதோ மொக்கோ² ஏதேனாதி பாதிமொக்கோ². ‘‘கண்டே²காலோ’’திஆதீ³னங் விய ஸமாஸஸித்³தி⁴ வேதி³தப்³பா³.
அத² வா பாதேதி வினிபாதேதி து³க்கே²தி பாதி, சித்தங். வுத்தஞ்ஹி ‘‘சித்தேன நீயதி லோகோ, சித்தேன பரிகஸ்ஸதீ’’தி (ஸங்॰ நி॰ 1.62). தஸ்ஸ பாதினோ மொக்கோ² ஏதேனாதி பாதிமொக்கோ². பததி வா ஏதேன அபாயது³க்கே² ஸங்ஸாரது³க்கே² சாதி பாதீ, தண்ஹாதி³ஸங்கிலேஸோ. வுத்தஞ்ஹி ‘‘தண்ஹா ஜனேதி புரிஸங் (ஸங்॰ நி॰ 1.57), தண்ஹாது³தியோ புரிஸோ’’தி (இதிவு॰ 15, 105; அ॰ நி॰ 4.9) ச ஆதி³. ததோ பாதிதோ மொக்கோ²தி பாதிமொக்கோ².
அத² வா பததி எத்தா²தி பாதீ, ச² அஜ்ஜ²த்திகபா³ஹிரானி ஆயதனானி. வுத்தஞ்ஹி ‘‘ச²ஸு லோகோ ஸமுப்பன்னோ, ச²ஸு குப்³ப³தி ஸந்த²வ’’ந்தி (ஸங்॰ நி॰ 1.70; ஸு॰ நி॰ 171). ததோ அஜ்ஜ²த்திகபா³ஹிராயதனஸங்கா²ததோ பாதிதோ மொக்கோ²தி பாதிமொக்கோ². அத² வா பாதோ வினிபாதோ அஸ்ஸ அத்தீ²தி பாதீ, ஸங்ஸாரோ. ததோ மொக்கோ²தி பாதிமொக்கோ². அத² வா ஸப்³ப³லோகாதி⁴பதிபா⁴வதோ த⁴ம்மிஸ்ஸரோ ப⁴க³வா ‘‘பதீ’’தி வுச்சதி, முச்சதி ஏதேனாதி மொக்கோ², பதினோ மொக்கோ² தேன பஞ்ஞத்தத்தாதி பாதிமொக்கோ² பாதிமொக்கோ². ஸப்³ப³கு³ணானங் வா மூலபா⁴வதோ உத்தமட்டே²ன பதி ச ஸோ யதா²வுத்தத்தே²ன மொக்கோ² சாதி பாதிமொக்கோ². பாதிமொக்கோ² ஏவ பாதிமொக்கோ². ததா² ஹி வுத்தங் ‘‘பாதிமொக்க²ந்திஆதி³மேதங் முக²மேதங் பமுக²மேத’’ந்தி (மஹாவ॰ 135) வித்தா²ரோ.
அத² வா ப-இதி பகாரே, அதீதி அச்சந்தத்தே² நிபாதோ, தஸ்மா பகாரேஹி அச்சந்தங் மொக்கே²தீதி பாதிமொக்கோ². இத³ஞ்ஹி ஸீலங் ஸயங் தத³ங்க³வஸேன, ஸமாதி⁴ஸஹிதங் பஞ்ஞாஸஹிதஞ்ச விக்க²ம்ப⁴னவஸேன, ஸமுச்சே²த³வஸேன ச அச்சந்தங் மொக்கே²தி மோசேதீதி பாதிமொக்கோ². பதி பதி மொக்கோ²தி வா பாதிமொக்கோ², தம்ஹா தம்ஹா வீதிக்கமதோ³ஸதோ பச்சேகங் மொக்கோ²தி அத்தோ². பாதிமொக்கோ² ஏவ பாதிமொக்கோ². மொக்கோ² வா நிப்³பா³னங், தஸ்ஸ மொக்க²ஸ்ஸ பதிபி³ம்ப³பூ⁴தோதி பாதிமொக்கோ² பாதிமொக்கோ². அத² வா மொக்க²ங் பதி வத்ததி மொக்கா²பி⁴முக²ந்தி வா பாதிமொக்க²ங். பாதிமொக்க²மேவ பாதிமொக்க²ந்தி ஏவமெத்த² பாதிமொக்க²ஸத்³த³ஸ்ஸ அத்தோ² வேதி³தப்³போ³.
ஆசாரகோ³சரஸம்பன்னாதி காயிகவாசஸிகஅவீதிக்கமஸங்கா²தேன ஆசாரேன சேவ நவேஸியகோ³சரதாதி³ஸங்கா²தேன கோ³சரேன ச ஸம்பன்னா, ஸம்பன்னஆசாரகோ³சராதி அத்தோ². அப்பமத்தேஸூதி அதிபரித்தகேஸு அனாபத்திக³மனீயேஸு, து³க்கடது³ப்³பா⁴ஸிதமத்தேஸூதி அபரே. வஜ்ஜேஸூதி கா³ரய்ஹேஸு. தே பன ஏகந்ததோ அகுஸலஸபா⁴வா ஹொந்தீதி ஆஹ ‘‘அகுஸலத⁴ம்மேஸூ’’தி. ப⁴யத³ஸ்ஸினோதி ப⁴யதோ த³ஸ்ஸனஸீலா, பரமாணுமத்தம்பி வஜ்ஜங் ஸினேருப்பமாணங் விய கத்வா பா⁴யனஸீலா. ஸம்மா ஆதி³யித்வாதி ஸம்மதே³வ ஸக்கச்சங் ஸப்³ப³ஸோ ச ஆதி³யித்வா. ஸிக்கா²பதே³ஸூதி நித்³தா⁴ரணே பு⁴ம்மந்தி ஸமுதா³யதோ அவயவனித்³தா⁴ரணங் த³ஸ்ஸெந்தோ ‘‘ஸிக்கா²பதே³ஸு தங் தங் ஸிக்கா²பத³ங் ஸமாதி³யித்வா ஸிக்க²தா²’’தி அத்த²மாஹ. ஸிக்கா²பத³மேவ ஹி ஸமாதா³தப்³ப³ங் ஸிக்கி²தப்³ப³ஞ்சாதி அதி⁴ப்பாயோ. யங் கிஞ்சி ஸிக்கா²கொட்டா²ஸேஸூதி ஸிக்கா²கொட்டா²ஸேஸு மூலபஞ்ஞத்திஅனுபஞ்ஞதிஸப்³ப³த்த²பஞ்ஞத்திபதே³ஸபஞ்ஞத்திஆதி³பே⁴த³ங் யங் கிஞ்சி ஸிக்கி²தப்³ப³ங் படிபஜ்ஜிதப்³ப³ங் பூரேதப்³ப³ங் ஸீலங். தங் பன த்³வாரவஸேன து³வித⁴மேவாதி ஆஹ ‘‘காயிகங் வாசஸிகஞ்சா’’தி. இமஸ்மிங் அத்த²விகப்பே ஸிக்கா²பதே³ஸூதி ஆதா⁴ரே பு⁴ம்மங் ஸிக்கா²பா⁴கே³ஸு கஸ்ஸசி விஸுங் அக்³க³ஹணதோ. தேனாஹ ‘‘தங் ஸப்³ப³’’ந்தி.
65. கஸ்மா ஆரத்³த⁴ந்தி (அ॰ நி॰ டீ॰ 3.10.71-74) தே³ஸனாய காரணபுச்சா². ஸீலானிஸங்ஸத³ஸ்ஸனத்த²ந்தி பயோஜனநித்³தே³ஸோ. கோ அத்தோ² க்வ அத்தோ² க்வ நிபாதிதாதி? நயித³மேவங் த³ட்ட²ப்³ப³ங். ஸீலானிஸங்ஸத³ஸ்ஸனத்த²ந்தி ஹி எத்த² ப்³யதிரேகதோ யங் ஸீலானிஸங்ஸஸ்ஸ அத³ஸ்ஸனங், தங் இமிஸ்ஸா தே³ஸனாய காரணந்தி கஸ்மா ஆரத்³த⁴ந்தி வினெய்யானங் ஸீலானிஸங்ஸஸ்ஸ அத³ஸ்ஸனதோதி அத்த²தோ ஆபன்னோ ஏவ ஹோதீதி. தேனாஹ ‘‘ஸசேபீ’’திஆதி³. ஸீலானிஸங்ஸத³ஸ்ஸனத்த²ந்தி பன இமஸ்ஸ அத்த²ங் விவரிதுங் ‘‘தேஸ’’ந்திஆதி³ வுத்தங். ஆனிஸங்ஸோதி உத³யோ. ‘‘ஸீலவா ஸீலஸம்பன்னோ காயஸ்ஸ பே⁴தா³ பரங் மரணா ஸுக³திங் ஸக்³க³லோகங் உபபஜ்ஜதீ’’திஆதீ³ஸு (தீ³॰ நி॰ 2.150; 3.316; அ॰ நி॰ 5.213; மஹாவ॰ 285) பன விபாகப²லம்பி ‘‘ஆனிஸங்ஸோ’’தி வுத்தங். கோ விஸேஸோதி கோ ப²லவிஸேஸோ. கா வட்³டீ⁴தி கோ அப்³பு⁴த³யோ. விஜ்ஜமானோபி கு³ணோ யாதா²வதோ விபா⁴விதோ ஏவ அபி⁴ருசிங் உப்பாதே³தி, ந அவிபா⁴விதோ, தஸ்மா ஏகந்ததோ ஆனிஸங்ஸகித்தனங் இச்சி²தப்³ப³மேவாதி த³ஸ்ஸேதுங் விஸகண்டகவாணிஜோ உதா³ஹடோ.
தத்த² கு³ளோ நாம உச்சு²ரஸங் பசித்வா சுண்ணாதீ³ஹி மிஸ்ஸித்வா ஸம்பிண்ட³னே பிண்டீ³பூ⁴தங். பா²ணிதங் அபிண்டி³தங் த்³ரவீபூ⁴தங். க²ண்ட³ங் பி⁴ஜ்ஜனக்க²மங். ஸக்க²ரா நாம ப²லிகஸதி³ஸா. ஸக்க²ராதீ³னிதி ஆதி³-ஸத்³தே³ன மச்ச²ண்டி³கானங் ஸங்க³ஹோ. தஸ்மிங் காலே கு³ளாதீ³ஸு விஸகண்டகவோஹாரோ அபச்சந்ததே³ஸே பசுரோதி ‘‘பச்சந்தகா³மங் க³ந்த்வா’’தி வுத்தங். தா³ரகே ச பலாபேஸுங் ‘‘விஸகண்டகங் மா க³ண்ஹந்தூ’’தி.
பியோதி பியாயிதப்³போ³. பியஸ்ஸ நாம த³ஸ்ஸனங் ஏகந்ததோ அபி⁴னந்தி³தப்³ப³ங் ஹோதீதி ஆஹ ‘‘வியசக்கூ²ஹி ஸம்பஸ்ஸிதப்³போ³’’தி. பீதிஸமுட்டா²னபஸன்னஸொம்மரூபபரிக்³க³ஹஞ்ஹி சக்கு² ‘‘பியசக்கூ²’’தி வுச்சதி. தேஸந்தி ஸப்³ரஹ்மசாரீனங். மனவட்³ட⁴னகோதி பீதிமனஸ்ஸ பரிப்³ரூஹனதோ உபரூபரி பீதிசித்தஸ்ஸ உப்பாத³கோ. க³ருட்டா²னியோதி க³ருகரணஸ்ஸ டா²னபூ⁴தோ. ஜானங் ஜானாதீதி ஞாணேன ஜானிதப்³ப³ங் ஜானாதி. யதா² வா அஞ்ஞே அஜானந்தாபி ஜானந்தா விய பவத்தந்தி, ந ஏவமயங், அயங் பன ஜானந்தோ ஏவ ஜானாதி பஸ்ஸங் பஸ்ஸதீதி த³ஸ்ஸனபூ⁴தேன பஞ்ஞாசக்கு²னா பஸ்ஸிதப்³ப³ங் பஸ்ஸதி, பஸ்ஸந்தோ ஏவ வா பஸ்ஸதி. ஏவங் ஸம்பா⁴வனீயோதி ஏவங் விஞ்ஞுதாய பண்டி³தபா⁴வேன ஸம்பா⁴வேதப்³போ³.
ஸீலெஸ்வேவஸ்ஸ பரிபூரகாரீதி ஸீலேஸு பரிபூரகாரீ ஏவ ப⁴வெய்யாதி ஏவங் உத்தரபதா³வதா⁴ரணங் த³ட்ட²ப்³ப³ங். ஏவஞ்ஹி இமினா பதே³ன உபரிஸிக்கா²த்³வயங் அனிவத்திதமேவ ஹோதி. யதா² பன ஸீலேஸு பரிபூரகாரீ நாம ஹோதி, தங் ப²லேன த³ஸ்ஸேதுங் ‘‘அஜ்ஜ²த்த’’ந்திஆதி³ வுத்தங். விபஸ்ஸனாதி⁴ட்டா²னஸமாதி⁴ஸங்வத்தனிகதாய ஹி இத⁴ ஸீலஸ்ஸ பாரிபூரீ, ந கேவலங் அக²ண்டா³தி³பா⁴வமத்தங். தேனாஹ ‘‘யானி கோ² பன தானி அக²ண்டா³னி…பே॰… ஸமாதி⁴ஸங்வத்தனிகானீ’’தி. ஏவஞ்ச கத்வா உபரி ஸிக்கா²த்³வயங் ஸீலஸ்ஸ ஸம்பா⁴ரபா⁴வேன க³ஹிதந்தி ஸீலஸ்ஸேவெத்த² பதா⁴னக்³க³ஹணங் ஸித்³த⁴ங் ஹோதி. ததா² ஹி சித்தேகக்³க³தாஸங்கா²ரபரிக்³க³ஹானங் ஸீலஸ்ஸானுரக்க²ணபா⁴வங் வக்க²தி. யங் பன வக்க²தி ‘‘ஸிக்க²த்தயதே³ஸனா ஜாதா’’தி (ம॰ நி॰ அட்ட²॰ 1.65), தங் இதராஸம்பி ஸிக்கா²னங் இத⁴ க³ஹிததாமத்தங் ஸந்தா⁴ய வுத்தங், ந பதா⁴னபா⁴வேன க³ஹிததங். யதி³ ஏவங் கத²ங் ஸீலஸ்ஸ அப்பமத்தகதாவசனங். வுத்தஞ்ஹேதங் ‘‘அப்பமத்தகங் கோ² பனேதங், பி⁴க்க²வே, ஓரமத்தக’’ந்தி (தீ³॰ நி॰ 1.7). தங் புது²ஜ்ஜனகோ³சரங் ஸந்தா⁴ய வுத்தங். ததா² ஹி தத்த² ந நிப்பதே³ஸதோ ஸீலங் விப⁴த்தங், ஏவங் கத்வா தத்த² ஸீலமத்தகந்தி மத்தக்³க³ஹணங் ஸமத்தி²தந்தி த³ட்ட²ப்³ப³ங். அனூனேனாதி அக²ண்டா³தி³பா⁴வேன, கஸ்ஸசி வா அஹாபனேன உபபன்னேன. ஆகாரேனாதி கரணேன ஸம்பாத³னேன. சித்தஸமதே²தி சித்தஸமாதா⁴னே. யுத்தோதி அவியுத்தோ பஸுதோ. யோ ஸப்³பே³ன ஸப்³ப³ங் ஜா²னபா⁴வனங் அனநுயுத்தோ, ஸோ தங் ப³ஹி நீஹரதி நாம. யோ ஆரபி⁴த்வா அந்தரா ஸங்கோசங் ஆபஜ்ஜதி அனிராகதஜ்ஜா²னோதி த³ஸ்ஸெந்தோ ‘‘ப³ஹி அனீஹடஜ்ஜா²னோ’’திஆதி³மாஹ.
அனிச்சஸ்ஸ தேபூ⁴மகத⁴ம்மஸ்ஸ, அனிச்சந்தி வா அனுபஸ்ஸனா அனிச்சானுபஸ்ஸனா. ததா² து³க்கா²னுபஸ்ஸனா அனத்தானுபஸ்ஸனா ச. தஸ்ஸேவ நிப்³பி³ந்த³னாகாரேன பவத்தா அனுபஸ்ஸனா நிப்³பி³தா³னுபஸ்ஸனா. விரஜ்ஜனாகாரேன பவத்தா அனுபஸ்ஸனா விராகா³னுபஸ்ஸனா. நிரோத⁴ஸ்ஸ அனுபஸ்ஸனா நிரோதா⁴னுபஸ்ஸனா. படினிஸ்ஸஜ்ஜனவஸேன பவத்தா அனுபஸ்ஸனா படினிஸ்ஸக்³கா³னுபஸ்ஸனா. ஸுஞ்ஞாகா³ரக³தோ பி⁴க்கு² தத்த² லத்³த⁴காயவிவேகதாய ஸமத²விபஸ்ஸனாவஸேன சித்தவிவேகங் ‘‘ப்³ரூஹேதா ஸுஞ்ஞாகா³ரான’’ந்தி. தேனாஹ ‘‘எத்த² சா’’திஆதி³. அயமேவ ஸுஞ்ஞாகா³ரானுப்³ரூஹனவிஞ்ஞுப்பஸத்தா²னங் பா⁴ஜனங், ந ஸேனாஸனபதிட்டா²பனந்தி த³ஸ்ஸெந்தோ ஆஹ ‘‘ஏகபூ⁴மகாதி³…பே॰… த³ட்ட²ப்³போ³’’தி. ஸுஞ்ஞாகா³ரக்³க³ஹணேன செத்த² அரஞ்ஞருக்க²மூலாதி³ ஸப்³ப³ங் பதா⁴னானுயோக³க்க²மங் ஸேனாஸனங் க³ஹிதந்தி த³ட்ட²ப்³ப³ங்.
தண்ஹாவிசரிததே³ஸனாதி ‘‘அஜ்ஜ²த்திகஸ்ஸ உபாதா³யா’’தி (விப⁴॰ 937) ஆதி³னயப்பவத்தங் தண்ஹாவிசரிதஸுத்தங். தண்ஹாபத³ட்டா²னத்தாதி தண்ஹாஸன்னிஸ்ஸயத்தா. ந ஹி தண்ஹாவிரஹிதா மானதி³ட்டி²பவத்தி அத்தி². மானதி³ட்டி²யோ ஓஸரித்வாதி த³ஸ்ஸேதப்³ப³தாய மானதி³ட்டி²யோ ஓகா³ஹெத்வாதி அத்தோ². க³ஹணத்த²மேவ ஹி தே³ஸேதப்³ப³த⁴ம்மஸ்ஸ தே³ஸனாய ஓஸரணங். தண்ஹாமானதி³ட்டி²யோ பபஞ்சத்தயங் ஸத்தஸந்தானஸ்ஸ ஸங்ஸாரே பபஞ்சனதோ அனுப்பப³ந்த⁴னவஸேன வித்தா²ரணதோ. ஸீலபத³ட்டா²னத்தாதி ஸீலாதி⁴ட்டா²னத்தா.
அதி⁴சித்தஸிக்கா² வுத்தாதி ஆனெத்வா ஸம்ப³ந்தோ⁴. விபஸ்ஸனாவஸேன ஸுஞ்ஞாகா³ரவட்³ட⁴னேதி யோஜனா. த்³வேபி ஸிக்கா²தி அதி⁴சித்தாதி⁴பஞ்ஞாஸிக்கா². ஸங்க³ஹெத்வாதி அதி⁴ஸீலஸிக்கா²ய ஸத்³தி⁴ங் ஸங்க³ஹெத்வா வுத்தா. யதி³ ஏவமயங் ஸிக்க²த்தயதே³ஸனா ஜாதாதி ஸிக்க²த்தயானிஸங்ஸப்பகாஸனீ ஸியாதி அனுயோக³ங் ஸந்தா⁴யாஹ ‘‘எத்த² சா’’திஆதி³. தத்த² யங் வத்தப்³ப³ங், தங் ஹெட்டா² வுத்தமேவ. இந்த்³ரியஸங்வரோ விய பாதிமொக்க²ஸங்வரஸ்ஸ சதுபாரிஸுத்³தி⁴ஸீலஸ்ஸ ஆரக்க²பூ⁴தா சித்தேகக்³க³தா விபஸ்ஸனா ச இத⁴ க³ஹிதாதி தது³ப⁴யங் அப்பதா⁴னங், ஸீலமேவ பன பதா⁴னபா⁴வேன க³ஹிதந்தி வேதி³தப்³ப³ங். தேனாஹ ‘‘ஸீலானுரக்கி²கா ஏவா’’திஆதி³.
ப³லவதரஸுக²ந்தி ப³லவமமத்தங் ஹோதி, தேன த³ள்ஹஅத்தஸினேஹேன விலுத்தஹத³யோ குஸலத⁴ம்மே ச²ட்³டெ³ந்தோ ஸோ ததா²ரூபேஸு…பே॰… போஸேதா ஹோதி. ப³லவமமத்தங் வா ஸினேஹோ ந ஹோதி ‘‘ஸுத்³தோ⁴ ஸங்கா²ரபுஞ்ஜோ’’தி யாதா²வத³ஸ்ஸனேன ‘‘ஸசேபிஸ்ஸ அந்தானி ப³ஹி நிக்க²மந்தீ’’தி. ப்³யாதி⁴ப⁴யங் ஸந்தா⁴யாஹ ‘‘உஸ்ஸுஸ்ஸதி விஸுஸ்ஸனீ’’தி. ஆதி³-ஸத்³தே³ன க³ஹிதங் சோரப⁴யங் ஸந்தா⁴யாஹ ‘‘க²ண்டா³க²ண்டி³கோ வா’’தி. உப⁴யஸ்ஸாதி ஸமத²விபஸ்ஸனாத்³வயஸ்ஸ. எத்த² ச ‘‘அஜ்ஜ²த்தங் சேதோ…பே॰… ஸுஞ்ஞாகா³ரான’’ந்தி இமேஹி விஸேஸனிப்³பே³த⁴பா⁴கி³யபா⁴வாபாத³னேன ஸீலங் ரக்கி²துங் ஸமத்தா² ஏவ சித்தேகக்³க³தாவிபஸ்ஸனா க³ஹிதா. யஸ்மா பரதோ ஜா²னவிமொக்க²ப²லாபி⁴ஞ்ஞாணஅதி⁴ட்டா²னபா⁴வோ ஸீலஸ்ஸ உத்³த⁴டோ, தஸ்மா தஸ்ஸ பி⁴ய்யோபி ஸம்பா⁴ரபூ⁴தா ஏவ சித்தேகக்³க³தா விபஸ்ஸனா தத்த² தத்த² க³ஹிதாதி வேதி³தப்³பா³.
ஸீலாதீ³தி ஆதி³-ஸத்³தே³ன யதா²வுத்தசித்தேகக்³க³தாவிபஸ்ஸனா ஸங்க³ண்ஹாதி, ஸீலஸ்ஸ வா மூலகாரணபூ⁴தங் ஸப்³ப³ங் கம்மஸ்ஸகதஞாணஞ்ச ஸங்க³ண்ஹாதி கம்மபத²ஸம்மாதி³ட்டி²ங் வா. ஸீலஞ்ஹி தத³ஞ்ஞம்பி புஞ்ஞகிரியாவத்து² தேனேவ பரிஸோதி⁴தங் மஹப்ப²லங் ஹோதி மஹானிஸங்ஸந்தி. லாபீ⁴ அஸ்ஸந்தி லாபா⁴ ஸாய ஸங்வரணஸீலபரிபூரணங் பாளியங் ஆக³தங் கிமீதி³ஸங் ப⁴க³வா அனுஜானாதீதி? ந ப⁴க³வா ஸபா⁴வேன ஈதி³ஸங் அனுஜானாதி, மஹாகாருணிகதாய பன புக்³க³லஜ்ஜா²ஸயேன ஏவங் வுத்தந்தி த³ஸ்ஸெந்தோ ‘‘ந செத்தா²’’திஆதி³மாஹ. தத்த² கா⁴ஸேஸனங் சி²ன்னகதோ² ந வாசங் பயுத்தங் ப⁴ணேதி சி²ன்னகதோ² மூகோ³ விய ஹுத்வா ஓபா⁴ஸபரிகதா²னிமித்தவிஞ்ஞத்திபயுத்தங் கா⁴ஸேஸனங் வாசங் ந ப⁴ணே ந கதெ²ய்யாதி அத்தோ². புக்³க³லஜ்ஜா²ஸயவஸேனாதி ஸங்கே²பதோ வுத்தமத்த²ங் விவரந்தோ ‘‘யேஸஞ்ஹீ’’திஆதி³மாஹ. ரஸோ ஸபா⁴வபூ⁴தோ ஆனிஸங்ஸோ ரஸானிஸங்ஸோ.
பச்சயதா³னகாராதி சீவராதி³பச்சயவஸேன தா³னகாரா. ‘‘தே³வானங் வா’’தி வுத்தவசனங் பாகடீகாதுமாஹ ‘‘தே³வாபீ’’திஆதி³. ‘‘பஞ்சிமே க³ஹபதயோ ஆனிஸங்ஸா’’திஆதீ³ஸு (தீ³॰ நி॰ 2.150) அனிஸங்ஸஸத்³தோ³ ப²லபரியாயோபி ஹோதீதி ஆஹ ‘‘உப⁴யமேதங் அத்த²தோ ஏக’’ந்தி.
ஸஸ்ஸுஸஸுரா ச தப்பக்கி²கா ச ஸஸ்ஸுஸஸுரபக்கி²கா. தே ஞாதியோனிஸம்ப³ந்தே⁴ன ஆவாஹவிவாஹஸம்ப³ந்த⁴வஸேன ஸம்ப³ந்தா⁴ ஞாதீ. ஸாலோஹிதாதி யோனிஸம்ப³ந்த⁴வஸேன. ஏகலோஹிதஸம்ப³த்³தா⁴தி ஏகேன ஸமானேன லோஹிதஸம்ப³ந்தே⁴ன ஸம்ப³த்³தா⁴. பேச்சபா⁴வங் க³தாதி பேதூபபத்திவஸேன நிப்³ப³த்திங் ‘‘காலகதா’’தி. பஸன்னசித்தோதி பஸன்னசித்தகோ. காலகதோ ‘‘மஹானிஸங்ஸமேவ ஹோதீ’’தி, தஸ்ஸ ததா² ஸீலஸம்பன்னத்தாதி அதி⁴ப்பாயோ. அரியபா⁴வே பன ஸதி வத்தப்³ப³மேவ நத்தி². தேனாஹ ‘‘அனேகானி கப்பஸதஸஹஸ்ஸானீ’’திஆதி³. ப³ஹுகாரந்தி ப³ஹுபகாரங். உபஸங்கமனந்தி அபி⁴வாத³னாதி³வஸேன உபக³மனங். பயிருபாஸனந்தி உபட்டா²னந்தி.
66. அஜ்ஜொ²த்த²ரிதாதி மத்³தி³தா. உக்கண்டா²தி ரிஞ்சனா அனபி⁴ரதி அனநுயோகோ³. ஸீலவா பி⁴க்கு² அத்தனோ ஸீலக²ண்ட³ப⁴யேன ஸமாஹிதோ விபஸ்ஸகோ ச பச்சயகா⁴தேன அரதியா ரதியா ச ஸஹிதா அபி⁴ப⁴விதாவ ஹோதீதி ஆஹ ‘‘ஸீலாதி³கு³ணயுத்தேனேவா’’திஆதி³.
சித்துத்ராஸோ பா⁴யதீதி ப⁴யங். ஆரம்மணங் பா⁴யதி ஏதஸ்மாதி ப⁴யங். புரிமவாரஸதி³ஸத்தா வுத்தனயமேவாதி அதிதி³ஸித்வாபி புன தங் த³ஸ்ஸேதுங் ‘‘ஸீலாதி³கு³ணயுத்தோ ஹீ’’திஆதி³ வுத்தங். தே²ரஸ்ஸ ஹெட்டா² நிஸின்னத்தா தே³வதாய தா³ரகா ஸகபா⁴வேன ஸண்டா²துங் ஸுகே²ன வத்திதுங் அஸக்கொந்தா அஸமத்தா².
அதி⁴கங் சேதோதி அபி⁴சேதோ, உபசாரஜ்ஜா²னசித்தங். தஸ்ஸ பன அதி⁴கதா பாகதிககாமாவசரசித்தேஹி ஸுந்த³ரதாய ஸபடிபக்க²தோ விஸுத்³தி⁴யா சாதி ஆஹ ‘‘அபி⁴க்கந்தங் விஸுத்³தி⁴சித்த’’ந்தி. அதி⁴சித்தந்தி ஸமாதி⁴மாஹ, ஸோ ச உபசாரஸமாதி⁴ த³ட்ட²ப்³போ³. விவேகஜங் பீதிஸுக²ங், ஸமாதி⁴ஜங் பீதிஸுக²ங், அபீதிஜங் ஜா²னஸுக²ங், ஸதிபாரிஸுத்³தி⁴ஜங் ஜா²னஸுக²ந்தி சதுப்³பி³த⁴ம்பி ஜா²னஸுக²ங் படிபக்க²தோ நிக்க²ந்ததங் உபாதா³ய ‘‘நெக்க²ம்மஸுக²’’ந்தி வுச்சதீதி ஆஹ ‘‘நெக்க²ம்மஸுக²ங் விந்த³ந்தீ’’தி. இச்சி²திச்சி²தக்க²ணே ஸமாபஜ்ஜிதுங் ஸமத்தோ²தி இமினா தேஸு ஜா²னேஸு ஸமாபஜ்ஜனவஸீபா⁴வமாஹ, ‘‘நிகாமலாபீ⁴’’தி பன வசனதோ ஆவஜ்ஜனாதி⁴ட்டா²னபச்சவெக்க²ணவஸியோபி வுத்தா ஏவாதி வேதி³தப்³பா³. ஸுகே²னேவ பச்சனீகத⁴ம்மே விக்க²ம்பெ⁴த்வாதி ஏதேன தேஸங் ஜா²னஸுக²கி²ப்பாபி⁴ஞ்ஞதஞ்ச த³ஸ்ஸேதி. விபுலானந்தி வேபுல்லங் பாபிதானங். ஜா²னானங் விபுலதா நாம ஸுபா⁴விதபா⁴வேன சிரதரப்பத்தி, ஸா ச பரிச்சே²தா³னுரூபாவ இச்சி²தப்³ப்³பா³தி ‘‘விபுலான’’ந்தி வத்வா ‘‘யதா²பரிச்சே²தே³யேவ வுட்டா²துங் ஸமத்தோ²தி வுத்தங் ஹோதீ’’தி ‘‘ஏகச்சோ ஹீ’’திஆதி³ வுத்தங். தத்த² லாபீ⁴யேவ ஹோதீதி இத³ங் படிலத்³த⁴மத்தஸ்ஸ ஜா²னஸ்ஸ வஸேன வுத்தங். ததா²தி இச்சி²திச்சி²தக்க²ணே. பாரிப³ந்தி⁴கேதி வஸீபா⁴வஸ்ஸ பச்சனீகத⁴ம்மே. ஜா²னாதி⁴க³மஸ்ஸ பன பச்சனீகத⁴ம்மா பகே³வ விக்க²ம்பி⁴தா, அஞ்ஞதா² ஜா²னாதி⁴க³மோ ஏவ ந ஸியா. கிச்சே²ன விக்க²ம்பே⁴தீதி கிச்சே²ன விஸோதே⁴தி. காமாதீ³னவபச்சவெக்க²ணாதீ³ஹி காமச்ச²ந்தா³தீ³னங் விய நாளிகாயந்தந்தி காலமானநாளிகாயந்தங் ஆஹ.
விஸேஸேன ரூபாவசரசதுத்த²ஜ்ஜா²னங் ஸப்³ப³ஸோ வஸீபா⁴வாபாதி³தங் அபி⁴ஞ்ஞாபாத³கந்தி அதி⁴ப்பாயேனாஹ ‘‘அபி⁴ஞ்ஞாபாத³கே ஜா²னே வுத்தே’’தி. அரூபஜ்ஜா²னம்பி பன அதி⁴ட்டா²னதாய பாத³கமேவ சுத்³த³ஸதா⁴ சித்தபரித³மனேன வினா தத³பா⁴வதோ. ‘‘ஏவமபி⁴ஞ்ஞாபாத³கே ரூபாவசரஜ்ஜா²னே வுத்தே ரூபாவசரதாய கிஞ்சாபி அபி⁴ஞ்ஞானங் லோகியவாரோ ஆக³தோ’’தி அயஞ்ஹெத்த² அதி⁴ப்பாயோ. நந்தி அபி⁴ஞ்ஞாவாரங். சத்தாரி…பே॰… அரியமக்³கா³ ஸீலானங் ஆனிஸங்ஸோ ஸம்பன்னஸீலஸ்ஸேவ லாப⁴தோ. பரியாதி³யித்வாதி க³ஹெத்வா.
அங்க³ஸந்ததாயாதி நீவரணாதீ³னங் பச்சனீகத⁴ம்மானங் ஸுதூ³ரதரபா⁴வேன ஜா²னங்கா³னங் வூபஸந்ததாய, நிப்³பு³தஸப்³ப³த³ரத²பரிளாஹதாயாதி அத்தோ², யதோ தேஸங் ஜா²னானங் பணீததராதி³பா⁴வோ. ஆரம்மணஸந்ததாயாதி ரூபபடிகா⁴தி³விக³மனேன ஸண்ஹஸுகு²மாதி³பா⁴வப்பத்தஸந்தபா⁴வேன. யத³க்³கே³ன ஹி நேஸங் பா⁴வனாபி⁴ஸமயஸப்³பா⁴விதஸண்ஹஸுகு²மாகாரானி ஆரம்மணானி ஸந்தானி, தத³க்³கே³ன ஜா²னங்கா³னங் ஸந்ததா வேதி³தப்³பா³. ஆரம்மணஸந்ததாய ஸந்ததா லோகுத்தரத⁴ம்மாரம்மணாஹி பச்சவெக்க²ணாஹி தீ³பேதப்³பா³. விமுத்தா விஸேஸேன முத்தா. யே ஹி ஜா²னத⁴ம்மா ததா²பவத்தபுப்³ப³பா⁴க³பா⁴வனாஹி தப்³பி³ஸேஸதாய ஸாதிஸயங் படிபக்க²த⁴ம்மேஹி விமுத்திவஸேன பவத்தந்தி, ததோ ஏவ ததா²விமுத்ததாய பிது அங்கே விஸ்ஸட்ட²அங்க³பச்சங்கோ³ விய குமாரோ நிராஸங்கபா⁴வேன ஆரம்மணே அதி⁴முத்தா ச பவத்தந்தி, தே விமொக்கா²தி வுச்சந்தி. தேனாஹ ‘‘விமொக்கா²தி பச்சனீகத⁴ம்மேஹி விமுத்தத்தா ஆரம்மணே ச அதி⁴முத்தத்தா’’தி ‘‘ரூபாவசரஜ்ஜா²னே அதிக்கமித்வா’’தி இச்சேவ வுத்தங். அதிக்கம்ம ரூபேதி பாளியங் ‘‘ஸம்பாதே³தப்³பா³, பஸ்ஸிதப்³பா³’’தி வா கிஞ்சி பத³ங் இச்சி²தப்³ப³ங், அஸுதபரிகப்பனேன பன பயோஜனங் நத்தீ²தி ‘‘ஸந்தாதி பத³ஸம்ப³ந்தோ⁴’’தி வுத்தங். ஏவஞ்ச கத்வா தேன விராக³பா⁴வேன தேஸங் ஸந்ததாதி அயம்பி அத்தோ² விபா⁴விதோ ஹோதி. ரூபஜ்ஜா²னாதீ³னங் விய நத்தி² ஏதேஸங் ஆரம்மணபூ⁴தங் வா ப²லபூ⁴தங் வா ரூபந்தி அரூபா. அரூபா ஏவ ஆருப்பா. தேனாஹ ‘‘ஆரம்மணதோ ச விபாகதோ ச ரூபவிரஹிதா’’தி. நாமகாயேனாதி ஸஹஜாதனாமஸமூஹேன.
67. ஸங்யோஜெந்தீதி ப³ந்த⁴ந்தி. கேஹீதி ஆஹ ‘‘க²ந்த⁴க³தீ’’திஆதி³. அஸமுச்சி²ன்னராகா³தி³கஸ்ஸ ‘‘க²ந்த⁴க³தி…பே॰… வுச்சந்தீ’’தி. பரிக்க²யேனாதி ஸமுச்சே²தே³ன ஸப்³ப³ஸோ ஆயதிங் அனுப்பஜ்ஜனேன. படிபக்க²த⁴ம்மானங் அனவஸேஸதோ ஸவனதோ பீளனதோ ஸோதோ, அரியமக்³கோ³தி ஆஹ ‘‘ஸோதோதி ச மக்³க³ஸ்ஸேதங் அதி⁴வசன’’ந்தி. தங் ஸோதங் ஆதி³தோ பன்னோ அதி⁴க³ச்சீ²தி ஸோதாபன்னோ, அட்ட²மகோ. தேனாஹ ‘‘தங்ஸமங்கீ³புக்³க³லஸ்ஸா’’தி, பட²மமக்³க³க்க²ணே புக்³க³லஸ்ஸாதி அதி⁴ப்பாயோ. இத⁴ பன பன்ன-ஸத்³தோ³ ‘‘ப²லஸச்சி²கிரியாய படிபன்னோ’’திஆதீ³ஸு (அ॰ நி॰ 8.59) விய வத்தமானகாலிகோதி ஆஹ ‘‘மக்³கே³ன ப²லஸ்ஸ நாமங் தி³ன்ன’’ந்தி. அபீ⁴தகாலிகத்தே பன ஸரஸதோவ நாமலாபோ⁴ ஸியா. விரூபங் ஸது³க்க²ங் ஸஉபாயாஸங் நிபாதேதீதி வினிபாதோ, அபாயது³க்கே² கி²பனகோ. த⁴ம்மோதி ஸபா⁴வோ. தேனாஹ ‘‘அத்தான’’ந்திஆதி³. கஸ்மாதி அவினிபாதத⁴ம்மதாய காரணங் புச்ச²தி. அபாயங் க³மெந்தீதி அபாயக³மனீயா. ஸம்பு³ஜ்ஜ²தீதி ஸம்போ³தி⁴, அரியமக்³கோ³. ஸோ பன பட²மமக்³க³ஸ்ஸ அதி⁴க³தத்தா அவஸிட்டோ² ஏவ அதி⁴க³ந்த⁴ப்³ப³பா⁴வேன இச்சி²தப்³போ³தி ஆஹ ‘‘உபரிமக்³க³த்தய’’ந்தி.
வண்ணப⁴ணனத்த²ங் வுத்தானி,ந பஹாதப்³பா³னீதி அதி⁴ப்பாயோ. ஓளாரிகானங் ராகா³தீ³னங் ஸமுச்சி²ந்த³னவஸேன பவத்தமானோ து³தியமக்³கோ³ அவஸிட்டா²னங் தேஸங் தனுபா⁴வாபத்தியா ‘‘ராக³தோ³ஸமோஹானங் தனுத்தா’’தி. அதி⁴ச்சுப்பத்தியாதி கதா³சி கரஹசி உப்பஜ்ஜனேன. பரியுட்டா²னமந்த³தாயாதி ஸமுதா³சாரமுது³தாய. அபி⁴ண்ஹங் ந உப்பஜ்ஜந்தி தஜ்ஜஸ்ஸ அயோனிஸோமனஸிகாரஸ்ஸ அனிப³த்³த⁴பா⁴வதோ. மந்த³மந்தா³ உப்பஜ்ஜந்தி விபல்லாஸானங் தப்பச்சயானஞ்ச மோஹமானாதீ³னங் முது³தரபா⁴வதோ. ப³ஹலாவ உப்பஜ்ஜந்தி வத்து²படிஸேவனதோதி அதி⁴ப்பாயோ. தேனாஹ ‘‘ததா² ஹீ’’திஆதி³.
ஸகிங் ஆக³மனத⁴ம்மோதி படிஸந்தி⁴வஸேன ஸகிங்யேவ ஆக³மனஸபா⁴வோ. ஏகவாரங்யேவ…பே॰… ஆக³ந்த்வாதி இமினா பஞ்சஸு ஸகதா³கா³மீஸு சத்தாரோ வஜ்ஜெத்வா ஏகோயேவ க³ஹிதோதி த³ஸ்ஸெந்தோ ‘‘யோபி ஹீ’’திஆதி³மாஹ. தத்த² ய்வாயங் பஞ்சமகோ ஸகதா³கா³மீ ‘‘இத⁴ மக்³க³ங் பா⁴வெத்வா தே³வலோகே நிப்³ப³த்தோ, தத்த² யாவதாயுகங் ட²த்வா புன இதூ⁴பபஜ்ஜித்வா பரினிப்³பா³யதீ’’தி வுத்தோ, தஸ்ஸ ஏகபீ³ஜினா ஸத்³தி⁴ங் கிங் நானாகரணந்தி? ஏகபீ³ஜிஸ்ஸ ஏகா படிஸந்தி⁴, ஸகதா³கா³மிஸ்ஸ த்³வே படிஸந்தி⁴யோதி இத³ங் தேஸங் நானாகரணங். யஸ்ஸ ஹி ஸோதாபன்னஸ்ஸ ஏகங்யேவ க²ந்த⁴பீ³ஜங், ந ஏகங் அத்தபா⁴வக்³க³ஹணங், ஸோ ஏகபீ³ஜீதி.
ஹெட்டா²தி ஹெட்டா²பா⁴கி³யா, தேஸங். தானீதி ஓரப்³பா⁴கி³யஸங்யோஜனானி. காமாவசரே நிப்³ப³த்ததியேவ அஜ்ஜ²த்தங் ஸங்யோஜனத்தா. ததா² ஹேஸ தூ³ரதோபி ஆவத்தித⁴ம்மோ ஏவாதி த³ஸ்ஸேதுங் கி³லப³ளிஸமச்சா²த³யோ உபமாபா⁴வேன வுத்தா. ஓபபாதிகோதி இமினா க³ப்³ப⁴வாஸது³க்கா²பா⁴வமாஹ. தத்த² பரினிப்³பா³யீதி இமினா ஸேஸது³க்கா²பா⁴வங். தத்த² பரினிப்³பா³னதா சஸ்ஸ காமலோகே க²ந்த⁴பீ³ஜஸ்ஸ அபுனாரோஹவஸேனேவாதி த³ஸ்ஸேதுங் ‘‘அனாவத்தித⁴ம்மோ’’தி வுத்தங்.
68. கேவலாதி லோகியாபி⁴ஞ்ஞாஹி அஸம்மிஸ்ஸா. லோகியபஞ்சாபி⁴ஞ்ஞாயோபி ஸீலானங் ஆனிஸங்ஸோ தத³வினாபா⁴வதோ. தாபி த³ஸ்ஸேதுங் ஆகங்கெ²ய்ய சே…பே॰… ஏவமாதி³மாஹாதி யோஜனா. ஆஸவானங் அனவஸேஸப்பஹானதோ அரஹத்தமக்³கோ³யேவ விஸேஸதோ ‘‘ஆஸவக்க²யோ’’தி வத்தப்³ப³தங் அரஹதீதி வுத்தங் ‘‘ஆஸவக்க²யே கதி²தே’’தி, அஞ்ஞதா² ஸப்³பா³பி ச²ளபி⁴ஞ்ஞா ஆஸவக்க²யோ ஏவாதி. இமேஸங் கு³ணானந்தி லோகியாபி⁴ஞ்ஞானங் ‘‘அயங் கதா² முண்டா³பி⁴ஞ்ஞாகதா² நாம ப⁴வெய்யா’’தி. இத்³தி⁴விகுப்³ப³னாதி இத்³தி⁴ ச விகுப்³ப³னா ச. விகுப்³ப³னக்³க³ஹணேன செத்த² விகுப்³ப³னித்³தி⁴மாஹ, இத்³தி⁴க்³க³ஹணேன தத³ஞ்ஞங் ஸப்³ப³ஞ்ச அபி⁴ஞ்ஞாகிச்சங். யுத்தட்டா²னேயேவாதி லோகியாபி⁴ஞ்ஞானங் நிப்³ப³த்தனஸ்ஸ விய தே³ஸனாய யுத்தட்டா²னேயேவ. ஏதேன ந கேவலங் தே³ஸனக்கமேனேவாயங் தே³ஸனா, அத² கோ² படிபத்திக்கமேனபீதி த³ஸ்ஸேதி. விஸுத்³தி⁴மக்³கே³ (விஸுத்³தி⁴॰ 2.369) வுத்தா, தஸ்மா தத்த² வுத்தனயேனேவ வேதி³தப்³பா³தி அதி⁴ப்பாயோ.
69. ஆஸவானங் க²யாதி ஹெட்டி²மமக்³கே³ன கே²பிதாவஸிட்டா²னங் ஆஸவானங் அரஹத்தமக்³கே³ன ஸமுச்சி²ந்த³னதோ. யஸ்மா அரஹத்தமக்³கோ³ ந கேவலங் ஆஸவேயேவ கே²பேதி, அத² கோ² அவஸிட்டே² ஸப்³ப³கிலேஸேபி, தஸ்மா ஆஹ ‘‘ஸப்³ப³கிலேஸானங் க²யா’’தி. லக்க²ணமத்தஞ்ஹெத்த² ஆஸவக்³க³ஹணங், ஆஸவானங் ஆரம்மணபா⁴வஸ்ஸபி அனுபக³மனதோ அனாஸவங். யஸ்மா பன தத்த² ஆஸவானங் லேஸோபி நத்தி², தஸ்மா வுத்தங் ‘‘ஆஸவவிரஹித’’ந்தி. ஸமாதி⁴ வுத்தோ சேதோஸீஸேன யதா² ‘‘சித்தங் பஞ்ஞஞ்ச பா⁴வய’’ந்தி (ஸங்॰ நி॰ 1.23, 192; பேடகோ॰ 22; மி॰ ப॰ 2.1.9) அதி⁴ப்பாயோ. ராக³தோ விமுத்தத்தா அவிஜ்ஜாய விமுத்தத்தாதி இத³ங் உஜுவிபச்சனீகபடிப்பஸ்ஸத்³தி⁴த³ஸ்ஸனங் த³ட்ட²ப்³ப³ங், ந தத³ஞ்ஞேஸங் பாபத⁴ம்மானங் அப்படிப்பஸ்ஸத்³த⁴த்தா. இதா³னி தமேவ ஸமாதி⁴பஞ்ஞானங் ராகா³விஜ்ஜாபடிபக்க²தங் ஆக³மேன த³ஸ்ஸேதுங் ‘‘வுத்தங் சேத’’ந்திஆதி³ வுத்தங். ஸமத²ப²லந்தி ஸமத²ஸ்ஸ ப²லங் லோகியஸமத²பா⁴வனாய ஹி விபஸ்ஸனாக³தாய ஆஹிதப²லஸ்ஸ லோகுத்தரஸமத²ஸ்ஸ ஸரிக்க²கப²லோ சேதோவிமுத்தி. விபஸ்ஸனாப²லந்தி எத்தா²பி ஏஸேவ நயோ. அத்தனோயேவாதி ஸுதமயஞாணாதி³னா விய பரபச்சயதங் பஞ்ஞாய பச்சக்க²ங் கத்வா ஸயம்பு⁴ஞாணபூ⁴தாயாதி அதி⁴ப்பாயோ. தேனாஹ ‘‘அபரப்பச்சயேன ஞத்வா’’தி.
ஸப்³ப³ம்பி தந்தி ஸப்³ப³ம்பி ஸத்தரஸவித⁴ங் தங் யதா²வுத்தங் ஸீலானிஸங்ஸங். யதா² ஆனிஸங்ஸவந்தே ஸம்மதே³வ ஸம்பாதி³தே ததா³னிஸங்ஸா த³ஸ்ஸிதா ஏவ ஹொந்தி ததா³யத்தபா⁴வதோ, ஏவங் ஆனிஸங்ஸபதா⁴னயொக்³யபா⁴வேன த³ஸ்ஸிதே ‘‘ஸம்பிண்டெ³த்வா த³ஸ்ஸெந்தோ’’தி. வுத்தஸ்ஸேவ அத்த²ஸ்ஸ புனவசனங் நிக³மனந்தி வுத்தங் ‘‘நிக³மனங் ஆஹா’’தி. புப்³பே³தி தே³ஸனாரம்பே⁴. ஏவங் வுத்தந்தி ‘‘ஸம்பன்னஸீலா’’தி ஏவமாதி³னா ஆகாரேன வுத்தங். இத³ங் ஸப்³ப³ம்பீதி இத³ங் ‘‘ஸம்பன்னஸீலா’’திஆதி³கங் ஸப்³ப³ம்பி வசனங். ஏதங் படிச்சாதி ஏதங் ஸம்பன்னஸீலஸ்ஸ பி⁴க்கு²னோ யதா²வுத்தஸத்தரஸவிதா⁴னிஸங்ஸபா⁴கி³தங் ஸந்தா⁴ய வுத்தங். இத³மேவ ஹி ‘‘இதி யங் தங் வுத்தங், இத³மேதங் படிச்ச வுத்த’’ந்தி வசனங் ஸந்தா⁴ய ‘‘ஸப்³ப³ம்பி தங் ஸீலானிஸங்ஸங் ஸம்பிண்டெ³த்வா த³ஸ்ஸெந்தோ’’தி வுத்தங். எத்த²ஆதி³தோ ச²ஹி ஆனிஸங்ஸேஹி பரித்தபூ⁴மிகா ஸம்பத்தி க³ஹிதா, தத³ந்தரங் பஞ்சஹி லோகியாபி⁴ஞ்ஞாஹி ச மஹக்³க³தபூ⁴மிகா, இதரேஹி லோகுத்தரபூ⁴மிகாதி ஏவங் சதுபூ⁴மிகஸம்பதா³னிஸங்ஸஸீலங் நாமேதங் மஹந்தங் மஹானுபா⁴வங், தஸ்மா தங்ஸம்பாத³னே ஸக்கச்சகாரிதா அப்பமத்தேன ப⁴விதப்³ப³ங்.
ஆகங்கெ²ய்யஸுத்தவண்ணனாய லீனத்த²ப்பகாஸனா ஸமத்தா.
7. வத்த²ஸுத்தவண்ணனா
70. சா²தே³தப்³ப³ங் வத்த²ங். யங் ஸமானங் விய ந ஸப்³ப³ஸோ மினோதி, மானஸ்ஸ பன ஸமீபே, தங் உபமானங். உபமீயதி ஏதாயாதி உபமா, உபமாய போ³த⁴கவசனங் உபமாவசனங். கத்த²சி ஸுத்தே. அத்த²ந்தி உபமியத்த²ங். பட²மங் உபமங் வத்வா தத³னந்தரங் அத்த²ங் வத்வா புன உபமங் வத³ந்தோ ‘‘உபமாய அத்த²ங் பரிவாரெத்வா த³ஸ்ஸேதீ’’தி வுத்தோ. அத்தே²ன உபமங் பரிவாரெத்வாதி எத்தா²பி ஏஸேவ நயோ. இதா³னி தே சத்தாரோபி பகாரே ஸுத்தே ஆக³தனயேனேவ த³ஸ்ஸெந்தோ ‘‘ஸெய்யதா²பிஸ்ஸு, பி⁴க்க²வே’’திஆதி³மாஹ. தத்த² த்³வே அகா³ராதி த்³வே படிவிஸ்ஸகக⁴ரா. ஸத்³வாராதி ஸம்முக²த்³வாரா.
ஸ்வாயந்தி ஸோ அயங் ஏவங் உபமாத³ஸ்ஸனவஸேனபி நானானயேனபி த⁴ம்மதே³ஸகோ ப⁴க³வா. ஏகச்சானங் வேனெய்யானங் அத்த²ஸ்ஸ ஸுகா²வபோ³தோ⁴ பட²மங் உபமாத³ஸ்ஸனே ஹேது, ஏவங் பட²மங் அத்த²த³ஸ்ஸனே, உபமாய அத்த²பரிவாரணே, அத்தே²ன உபமாபரிவாரணே சா’’தி இமமத்த²ங் த³ஸ்ஸேதி ‘‘ஏஸ நயோ ஸப்³ப³த்தா²’’தி த⁴ம்மதா⁴துயாதி ஸப்³ப³ஞ்ஞுதஞ்ஞாணஸ்ஸ. தஞ்ஹி த⁴ம்மதா⁴துபரியாபன்னத்தா யதா²வுத்தத⁴ம்மே ச ஸப்³பே³பி ஞெய்யத⁴ம்மே ச பத³ஹதி யதா²ஸபா⁴வதோ பு³ஜ்ஜ²தி போ³தே⁴தி சாதி தா⁴து, தீ⁴யந்தி வா த⁴ம்மா ஏதாய ஸப்³பா³காரதோ ஞாயந்தி ஞாபியந்தி சாதி த⁴ம்மதா⁴து. தஸ்ஸா பன ஸுட்டு² ஸச்சஸம்படிவேத⁴வஸேன லத்³த⁴த்தா ஸுப்படிவித்³த⁴த்தாதி, யத³க்³கே³ன வா ஞெய்யங் தாய ஸுப்படிவித்³த⁴ங், தத³க்³கே³ன ஸாபிஸ்ஸ ஸுப்படிவித்³தா⁴ ஏவாதி ஆஹ ‘‘ஸுப்படிவித்³த⁴த்தா’’தி.
பகதிபரியோதா³தஸ்ஸ சித்தஸ்ஸ ஆக³ந்துகேஹி உபக்கிலேஸேஹி உபக்கிலிட்ட²பா⁴வத³ஸ்ஸனத்த²ங் ஸங்கிலிட்ட²வத்த²த³ஸ்ஸனந்தி கத்வா வுத்தங் ‘‘பகதிபரிஸுத்³த⁴ங் வத்த²’’ந்தி. ரஜாதி³னாதி எத்த²ரஜோ நாம ரேணு. ஆதி³-ஸத்³தே³ன அணுதஜ்ஜாரிதூ⁴மாதி³கங் வத்த²ஸ்ஸ அபரிஸுத்³தி⁴காரணங் ஸங்க³ண்ஹாதி. ஸப்³ப³ஸோ கிலிஸ்ஸதி வினஸ்ஸதி விஸுத்³தி⁴ ஏதேனாதி ஸங்கிலேஸோ, தேன ஸங்கிலேஸேன பங்ஸுரஜாதி³னா ஸங்கிலிட்ட²ங் வண்ணவினாஸனேன விதூ³ஸிதங். மலங் மஸி. ஜல்லிகா வுச்சதி லோணபடலாதி³ ச²வியா உபரி டி²தங் ஸரீரமலங். ஆதி³ஸத்³தே³ன ஸரீரஜல்லமேவ அஸ்ஸுகே²ளஸிங்கா⁴ணிகாதி³கங் தத³ஞ்ஞமலங் ஸங்க³ண்ஹாதி. க³ஹிதத்தாதி பரியோனந்த⁴னவஸேன க³ஹிதத்தா. ரஜந்தி ஸத்தா தேனாதி ரங்க³ங், ரங்க³மேவ ரங்க³ஜாதங் யதா² கோபமேவ கோபஜாதங். உபனாமெய்யாதி பக்கி²பெய்ய. நீலகத்தா²யாதி நீலவண்ணத்தா²ய. பலாஸனீலாதி³கேதி ஆதி³-ஸத்³தே³ன காளஸாமாதி³ங் ஸங்க³ண்ஹாதி. ஹலித்³தி³ககுத⁴ஸேலாதி³கே பீதகரங்கே³. லாகா²பத்தங்க³ரஸாதி³கே லோஹிதகரங்கே³. மஹாரஜனலொத்³த³கந்து³லாதி³கே மந்த³ரத்தரங்கே³. து³ட்டு² ரஜிதவண்ணங் அபப⁴ஸ்ஸரங். தேனாஹ ‘‘அபரிஸுத்³த⁴வண்ணமேவஸ்ஸா’’தி. ஈதி³ஸந்தி து³ரத்தவண்ணங். தஸ்மிங் வத்தே² ரங்க³ஜாதங் ஸயங் ஸுபரிஸுத்³த⁴ங் ஸமானங் கிஸ்ஸ ஹேது கேன ரத்தவண்ணங் அபரிஸுத்³த⁴ங் ஹோதீதி ரங்க³ஜாதஸ்ஸ நித்³தோ³ஸதங் வத³தி. தேனாஹ ‘‘யஸ்மா பனா’’திஆதி³.
ஸங்கிலேஸபக்க²ங் த³ஸ்ஸெந்தேன அஸங்கிலிட்ட²மேவ வத்த²ங் உதா³ஹரிதப்³ப³ந்தி பாகடோயமத்தோ², ஸங்கிலிட்ட²வத்த²னித³ஸ்ஸனேன பன ‘‘ஸியா நு கோ² அஞ்ஞோபி கோசி விஸேஸோ’’தி அதி⁴ப்பாயேன புச்ச²தி ‘‘கஸ்மா பனா’’திஆதி³னா. இதரோ அத்த²விஸேஸோதி த³ஸ்ஸெந்தோ ‘‘வாயாமமஹப்ப²லத³ஸ்ஸனத்த²’’ந்திஆதி³மாஹ. எத்த² ச ஸங்கிலிட்ட²சித்தவிஸோத⁴னவிதா⁴னே ஸங்கிலிட்ட²வத்த²ங் நித³ஸ்ஸதப்³ப³ந்தி படிஞ்ஞா, வாயாமமஹப்ப²லத³ஸ்ஸனத்த²ந்தி ஹேதுஅத்தோ². யதா² ஹீதிஆதி³ அன்வயத்தோ². ந தத்த² ஜாதிகாளகே வியாதிஆதி³ ப்³யதிரேகத்தோ². ஸதி³ஸூதா³ஹரணங் பன மலக்³க³ஹிதகங்ஸபாதிஆதி³ த³ட்ட²ப்³ப³ங். ஏவங் சித்தம்பீதிஆதி³ பகதியாதி அகித்திமேன ஸபா⁴வேன. தந்தி சித்தங். ஸாமஞ்ஞக்³க³ஹணஞ்சேதங் சித்தபா⁴வாவிஸேஸதோ. தேனாஹ ‘‘ஸகலேபீ’’தி. பண்ட³ரமேவ ந ஸங்கிலிட்ட²ங் ஸங்கிலேஸேஹி அஸமன்னாக³தபா⁴வதோ. நனு கிரியாமயசித்தேஹி விபாகஸந்தானே விஸேஸாதா⁴னங் லப்³ப⁴தி, அஞ்ஞதா² கதவினாஸா கதப்³பா⁴க³மா ஆபஜ்ஜெய்யுங்? கிஞ்சாபி லப்³ப⁴தி, தஸ்ஸ ஸங்கிலேஸோ வட்டுபனிஸ்ஸயோ, அஸுத்³தி⁴ வா ந ஹோதி, அஸங்கிலேஸோ விவட்டுபனிஸ்ஸயோ, விஸுத்³தி⁴ வா ந ஹோதி ஏவ. உபக்கிலிட்ட²ந்தி பனேதங் உபக்கிலேஸனாரஹஸ்ஸ சித்தஸ்ஸ வஸேன வுத்தங், ந விபாகபப³ந்த⁴ஸ்ஸ. தேனாஹ ‘‘பப⁴ஸ்ஸரமித³ங் பி⁴க்க²வே சித்த’’ந்தி, ‘‘பண்ட³ரமேவா’’தி ச. தஞ்ச கோ²தி பன ஸகஸந்ததிபரியாபன்னதாய நேஸங் கேவலங் ஏகத்தனயவஸேன வுத்தங், ந விபாகத⁴ம்மானங் கிலேஸாஸமங்கி³பா⁴வதோ. அத² வா உபக்கிலிட்ட²ந்தி இமினா உபக்கிலேஸஹேது தத்த² விஜ்ஜமானங் விஸேஸாதா⁴னமாஹ, ந ‘‘ஸங்கிலிட்டா² த⁴ம்மா’’திஆதீ³ஸு (த⁴॰ ஸ॰ 77.து³கமாதிகா) விய தங்ஸமங்கி³தந்தி த³ட்ட²ப்³ப³ங். விஸோதி⁴யமானந்தி விபஸ்ஸனாபஞ்ஞாய அனுக்கமேன ஸப்³பு³பக்கிலேஸேஹி விமோசியமானங். ஸக்கா அக்³க³மக்³க³க்க²ணே பப⁴ஸ்ஸரதரங் காதுங், யதோ ந புன உபக்கிலிஸ்ஸதி. ஏவந்திஆதி³ வுத்தஸ்ஸேவத்த²ஸ்ஸ நிக³மனங்.
து³ட்ட²க³திபரிபூரணவஸேன படிபஜ்ஜனங் படிபத்தி. ஸா ஏவ கிலேஸத³ரத²பரிளாஹாதி³வஸேன உபாயாஸது³க்கா², குச்சி²தா வா க³தி பவத்தி, து³க்³க³திஹேதூதி வா து³க்³க³தி, து³க்³க³தியா பன படிபத்தியா க³ந்த⁴ப்³ப³தோ, தஸ்ஸா வா நிப்ப²ன்னபா⁴வதோ குச்சி²தோ, து³க்கா² ச க³தீதி து³க்³க³தி. ஸங்கிலிட்ட²சித்தோதி இத³ங் தஸ்ஸா படிபத்தியா து³க்³க³திபா⁴வத³ஸ்ஸனத்த²ங், ந விஸேஸனத்த²ங். ந ஹி அஸங்கிலிட்ட²சித்தஸ்ஸ பாணகா⁴தாதி³வஸேன பவத்தி. ஸங்கிலிட்ட²சித்தோதி லாபா⁴ஸாய ஸப்³ப³ஸோ கிலிட்ட²சித்தோ தூ³தெய்யபஹிணக³மனந்தி தூ³தெய்யங் வுச்சதி து³தகம்மங், கி³ஹீனங் பண்ணங் வா ஸாஸனங் வா க³ஹெத்வா தத்த² தத்த² க³மனங், பஹிணக³மனங் க⁴ராக⁴ரங் பேஸிதஸ்ஸ கு²த்³த³கக³மனங், தூ³தெய்யக³மனங் பஹிணக³மனஞ்ச க³ச்ச²தி. வேஜ்ஜகம்மந்தி அனநுஞ்ஞாதே டா²னே லாபா⁴ஸாய க³ஹட்டா²னங் பே⁴ஸஜ்ஜங் கரோதி. ஸங்க⁴பே⁴த³கதா² பரதோ ஆக³மிஸ்ஸதி. வேளுதா³னாதீ³ஹீதி வேளுதா³னபத்ததா³னபுப்ப²தா³னாதீ³ஹி மிச்சா²ஜீவேன ஜீவிகங் கப்பேதி. ஸகலம்பீதி ‘‘அத்தி² அனாசாரோ, அத்தி² அகோ³சரோ’’திஆதி³னா விப⁴ங்கே³ (விப⁴॰ 513, 514) ஆக³தங் ஸப்³ப³ம்பி அனாசாரங் அகோ³சரஞ்ச சரணவஸேன பரிபூரேதி.
‘‘நிரயம்பி …பே॰… பெத்திவிஸயம்பி க³ச்ச²தீ’’தி வத்வா தத்த² பெத்திவிஸயக³மனங் த³ஸ்ஸெந்தோ ‘‘ஸமணயக்கோ² நாம ஹோதீ’’திஆதி³மாஹ.
ஸுக்கபக்கே² பரிஸுத்³த⁴ந்தி ஸப்³ப³ஸோ விஸுத்³த⁴ங் அஸங்கிலிட்ட²ங். பரிஸுத்³த⁴த்தா ஏவ பரியோதா³தங், பப⁴ஸ்ஸரந்தி அத்தோ². ஸுரத்தவண்ணமேவஸ்ஸாதி ஸுட்டு² ரத்தவண்ணமேவ அஸ்ஸ. பரிஸுத்³த⁴வண்ணமேவஸ்ஸாதி நீலவண்ணோபிஸ்ஸ பரிஸுத்³தோ⁴ ச ப⁴வெய்யாதி ஏவமாதி³ங் ஸந்தா⁴யாஹ ‘‘கண்ஹபக்கே² வுத்தபச்சனீகேனேவ வேதி³தப்³பா³’’தி. ரங்க³ஜாதந்திஆதி³ பன தத்த² வுத்தவஸேனேவ வேதி³தப்³ப³ங். படிபத்திஸுக³திஆதீ³ஸு யங் வத்தப்³ப³ங், தங் படிபத்திது³க்³க³திஆதீ³ஸு வுத்தவிபரியாயேன வேதி³தப்³ப³ங். பரிஸுத்³த⁴சித்தோதி ஸுத்³தா⁴ஸயோ. த³ஸ குஸலகம்மபதே² பரிபூரேதீதி இத³ங் கண்ஹபக்கே² ‘‘த³ஸ அகுஸலகம்மபதே² பரிபூரேதீ’’தி வுத்தஸ்ஸ படிபக்க²த³ஸ்ஸனவஸேன வுத்தங். யதா² ஹி தத்த² அபி⁴ஜ்ஜா²ப்³யாபாத³மிச்சா²தி³ட்டி²க்³க³ஹணேன கம்மபத²ஸங்ஸந்த³னநயேன கம்மபத²ங் அப்பத்தாய ச அகா³ரியஸ்ஸ ததா²ரூபாய மிச்சா²படிபத்தியா ஸங்க³ஹோ இச்சி²தோ, ஏவங் இதா⁴பி அனபி⁴ஜ்ஜா²அப்³யாபாத³ஸம்மாதி³ட்டி²க்³க³ஹணேன அலோபா⁴தோ³ஸாமோஹவஸேன பவத்தா அகா³ரியஸ்ஸ ஸம்மாபடிபத்தி ஸங்க³ஹிதாதி த³ட்ட²ப்³ப³ங், ந கம்மபத²ப்பத்தாவாதி. மனுஸ்ஸமஹந்ததந்தி ஜாதிரூபபோ⁴கா³தி⁴பதெய்யாதி³வஸேன மனுஸ்ஸேஸு மஹந்தபா⁴வங். த³ஸஹி டா²னேஹி அஞ்ஞேஸங் தே³வானங் அபி⁴ப⁴வோ தே³வமஹந்ததா. படிபத்தி ஸுக³தியா பா⁴ஜியமானத்தா ‘‘அனாகா³மிமக்³க³ங் பா⁴வேதீ’’தி ததா² அனாகா³மிபா⁴வனங் பாபெத்வா ட²பிதா. க³ஹிதக்³க³ஹணேன ஸுகா²னுப⁴வட்டா²னஸ்ஸ அதி⁴ப்பேதத்தா தத³பா⁴வதோ அஸஞ்ஞிப⁴வங் அனாதி³யந்தோ ‘‘த³ஸஸு வா ப்³ரஹ்மப⁴வனேஸூ’’திஆதி³மாஹ.
71. ஸகப⁴ண்டே³ ச²ந்த³ராகோ³ அபி⁴ஜ்ஜா²யனட்டே²ன அபி⁴ஜ்ஜா², அபி⁴ஜ்ஜா²யனாதி அத்தோ². பரப⁴ண்டே³ ச²ந்த³ராகோ³ விஸமங் லுப்³ப⁴தீதி விஸமலோபோ⁴. ஏவம்பி அபி⁴ஜ்ஜா²விஸமலோபா⁴னங் விஸேஸோ ஹோதீதி த³ஸ்ஸெந்தோ ‘‘அத² வா’’திஆதி³மாஹ. தத்த² அத்தனோ ஸந்தகங் தங்ஸதி³ஸஞ்ச யுத்தட்டா²னங். யங் யாசிதங், அப்பகஸிரேன வா ஸக்கா லத்³து⁴ங், தங் பத்தட்டா²னங். பரதா³ரக³ருதா³ராதி அயுத்தட்டா²னங். யங் அபத்த²னியங், யஸ்ஸ அப்பத்தட்டா²னங். தே²ரோதி மஹாஸங்க⁴ரக்கி²தத்தே²ரோ, யேன அட்ட²கதா² பொத்த²கங் ஆரோபிதா. ஸோ ஹி அந்தேவாஸிகேஸு ஸாகச்ச²ந்தேஸு ஏவமாஹ. ஸோபி இமஸ்மிங்யேவ ஸுத்தே வினிப்³போ⁴கோ³ ந லப்³ப⁴தி சித்தஸங்கிலேஸஸ்ஸ அதி⁴ப்பேதத்தா. தேனாஹ ‘‘யுத்தே வா’’திஆதி³. அயோனிஸோமனஸிகாரவஸேன ந கோசி லோபோ⁴ அவிஸமோ நாம. அபி⁴ஜ்ஜா²யனட்டே²னாதி யஸ்ஸ கஸ்ஸசி ஆரம்மணஸ்ஸ யுத்தஸ்ஸ அயுத்தஸ்ஸ அப்பத்தஸ்ஸ ச அபி⁴ஜ்ஜாயனவஸேன அபி⁴பத்த²னாவஸேன ச பவத்தா தண்ஹா அபி⁴ஜ்ஜா²தி லோப⁴தோ நிப்³பி³ஸேஸந்தி த³ஸ்ஸேதி. தேனாஹ ‘‘ஏகத்த²மேதங் ப்³யஞ்ஜனமேவ நான’’ந்தி. தூ³ஸேதீதி ஸபா⁴வஸந்தங் அஸங்கிலேஸங் வினாஸேதி அவிஸுத்³த⁴ங் கரோதி. தேனாஹ ‘‘ஓபா⁴ஸிதுங் ந தே³தீ’’தி. ‘‘இமே ஸத்தா உச்சி²ஜ்ஜந்து வினஸ்ஸந்தூ’’தி ஸத்தேஸு ப்³யாபஜ்ஜனாகாரப்பவத்தியா ப்³யாபாதோ³ நவவித⁴ஆகா⁴தவத்து²ஸம்ப⁴வோ வுத்தோ. கோதோ⁴ பன ஸங்கா²ரேஸுபி பவத்தனதோ த³ஸவித⁴ஆகா⁴தவத்து²ஸம்ப⁴வோ வுத்தோ. உப⁴யம்பி படிக⁴மேவ, பவத்தனானத்ததோ பி⁴ந்தி³த்வா வுத்தோ. குஜ்ஜ²னவஸேனேவ சித்தபரியோனந்த⁴னோ ‘‘அக்கொச்சி² மங் அவதி⁴ ம’’ந்திஆதி³னா.
ஸுட்டு² கதங் கரணங் ஸுகதங், தஸ்ஸ புப்³ப³காரிதாலக்க²ணஸ்ஸ கு³ணஸ்ஸ வினாஸனோ உத³கபுஞ்ச²னியா விய ஸரீரானுக³தங் உத³கங் புஞ்ச²ந்தோ மக்கோ². ததா² ஹி ஸோ பரேஸங் கு³ணானங் மக்க²னட்டே²ன ‘‘மக்கோ²’’தி வுச்சதி. இதா³னி அனகா³ரியஸ்ஸ வாதிஆதி³னா ஸங்கே²பேன வுத்தத்த²ங் வித்தா²ரேன த³ஸ்ஸேதுங் ‘‘அனகா³ரியோபீ’’திஆதி³ வுத்தங். நிஸின்னகதா²பரிகதா²தி³வஸேன த⁴ம்மஸ்ஸ கதா² த⁴ம்மகதா²னயோ, ஏகத்தாதி³த⁴ம்மனீதி ஏவ வா. பகரணங் ஸத்த பகரணானி, தத்த² கோஸல்லங் த⁴ம்மகதா²னயபகரணகோஸல்லங். ஆதி³-ஸத்³தே³ன வினயக்கமே சதூஸு மஹானிகாயேஸு ச கோஸல்லங் ஸங்க³ண்ஹாதி. அசித்தீகதோதி சித்தீகாரரஹிதோ. யதா² சாயந்தி இமினா யதா²யங் மக்கோ² சித்தங் தூ³ஸேதி, ஏவங் பளாஸோபி சித்தங் தூ³ஸேதி, தஸ்மா உபக்கிலேஸோதி த³ஸ்ஸேதி. அனியதா க³தி நியாமோக்கமனாபா⁴வதோ. ஆதி³-ஸத்³தே³ன ‘‘ரத்தஞ்ஞூ சிரபப்³ப³ஜிதே புக்³க³லே அஜ்ஜொ²த்த²ரித்வா ‘த்வம்பி இமஸ்மிங் ஸாஸனே பப்³ப³ஜிதோ, அஹம்பி பப்³ப³ஜிதோ, த்வம்பி ஸீலமத்தே டி²தோ அஹம்பீ’தி’’ ஏவமாதீ³னங் ஸங்க³ஹோ. யுக³க்³கா³ஹகா³ஹீதி ‘‘தவ வா மம வா கோ விஸேஸோ’’தி அஸமம்பி ஸமங் கத்வா ஸமது⁴ரக்³கா³ஹக³ண்ஹனகோ. கீ²யனா உஸூயனா. அத்தனோ ஸம்பத்தியா நிகூ³ஹனங் தஸ்ஸ பரேஹி ஸாதா⁴ரணபா⁴வாஸஹனேன ஹோதீதி ‘‘பரேஹி ஸாதா⁴ரணபா⁴வங் அஸஹமானங்’’இச்சேவ வுத்தங். காரணே ஹி க³ஹிதே ப²லம்பி க³ஹிதமேவ ஹோதீதி. அஞ்ஞதா² அத்தனோ பவேத³னகபுக்³க³லோ கேராடிகோ, ‘‘நேகதிகவாணிஜோ’’திபி வத³ந்தி. ஸப்பமுகா² ‘‘ஆயதனமச்சோ² நாமா’’திஆதி³. ப³த்³த⁴சரோதி அந்தேவாஸீ.
ஸப்³ப³ஸோ வா தப⁴ரித…பே॰… கரணோ. தது³த்தரிகரணோதி யங் யேன கதங் து³ச்சரிதங் வா ஸுசரிதங் வா, தது³த்தரி, தஸ்ஸ த்³விகு³ணங் வா கரணோ. அத்தனோ மண்ட³னாதி³அத்த²ங் பரேன கதங் அலங்காராதி³ங். பரியாபுணாதி வா கதே²தி வா அத்தனோ ப³லானுரூபங். காமங் நிகாயத்³வயக்³க³ஹணாதி³வஸேன பவத்தோ ஸேவிதப்³ப³மானோ ஏவ, ததா²பிஸ்ஸ ஸங்கிலேஸபக்க²த்தா வுத்தங் ‘‘மானங் அனிஸ்ஸாயா’’தி.
உண்ணதிவஸேனாதி ‘‘ஸெய்யோஹமஸ்மீ’’திஆதி³னா சித்தஸ்ஸ பக்³க³ஹணவஸேன. புப்³பே³ கேனசி அத்தானங் ஸதி³ஸங் கத்வா பச்சா² ததோ அதி⁴கதோ த³ஹனதோ உப்பஜ்ஜனகோ அதிமானோ. மத³க்³க³ஹணாகாரோ ஜாதிஆதி³ங் படிச்ச மஜ்ஜனாகாரோ, ஸோபி அத்த²தோ மானோ ஏவ. பமாதோ³ ததா²பவத்தோ சித்துப்பாதோ³.
தஸ்மா லோப⁴மாதி³ங் கத்வா த³ஸ்ஸேதீதி லோப⁴ஸ்ஸ ஆதி³தோ க³ஹணே காரணங் விபா⁴வேதுகாமோ புச்ச²தி. பட²முப்பத்திதோதி தத்த² தத்த² ப⁴வே ஸப்³ப³பட²மங் உப்பஜ்ஜனதோ. ஸத்தானஞ்ஹி யதா²தி⁴க³தங் ஜா²னாதி³விஸேஸங் ஆரப்³ப⁴ பச்சவெக்க²ணா விய யதா²லத்³த⁴ங் உபபதிப⁴வங் ஆரப்³ப⁴ நிகந்தி ஏவ. தேனாஹ ‘‘ஸப்³ப³ஸத்தான’’ந்திஆதி³. யதா²ஸம்ப⁴வங் இதரேதி இதரே ப்³யாபாதா³த³யோ யதா²பச்சயங் உப்பஜ்ஜந்தி, லோப⁴ஸ்ஸ விய ஆதி³தோ அஸுகஸ்ஸ அனந்தரங் அஸுகோதி வா ந நேஸங் நியமோ அத்தீ²தி அத்தோ². கிங் பன ஏதே ஸோளஸேவ சித்தஸ்ஸ உபக்கிலேஸா, உதா³ஹு அஞ்ஞேபி ஸந்தீதி அனுயோக³ங் ஸந்தா⁴ய அஞ்ஞேபி ஸந்தீதி த³ஸ்ஸெந்தோ ‘‘ந ச ஏதே’’திஆதி³மாஹ. யதி³ ஏவங் கஸ்மா எத்தகா ஏவ இத⁴ வுத்தாதி. நயத³ஸ்ஸனவஸேனாதி த³ஸ்ஸெந்தோ ஆஹ ‘‘ஏதேன பன…பே॰… வேதி³தப்³பா³’’தி. தேன தி²னமித்³த⁴உத்³த⁴ச்சகுக்குச்ச-விசிகிச்சா²-அத்துக்கங்ஸன-பரவப்³ப⁴னச²ம்பி⁴தத்தா- பீ⁴ருகதா-அஹிரிகானொத்தப்ப-அத்திச்ச²தா-பாபிச்ச²தா-மஹிச்ச²தாத³யோ ஸங்க³ஹிதாதி வேதி³தப்³ப³ங்.
72. ஸங்கிலேஸங் த³ஸ்ஸெத்வாதி ஸங்கிலிட்ட²வத்தனித³ஸ்ஸனேன ஸங்கே²பேன வுத்தங் ஸங்கிலேஸங் விபா⁴கே³ன த³ஸ்ஸெத்வா. வோதா³னங் த³ஸ்ஸெந்தோதி எத்தா²பி ஏஸேவ நயோ. ஏவங் ஜானித்வாதி ‘‘அபி⁴ஜ்ஜா² விஸமலோபோ⁴ ஏகந்தேனேவ சித்தஸ்ஸ உப்பக்கிலேஸோ’’தி ஸபா⁴வதோ ஸமுத³யதோ நிரோத⁴தோ நிரோதூ⁴பாயதோ ச புப்³ப³பா⁴க³பஞ்ஞாய சேவ ஹெட்டி²மமக்³க³த்³வயபஞ்ஞாய ச ஜானித்வா. பஜஹதீதி எத்த² அச்சந்தப்பஹானமேவ அதி⁴ப்பேதந்தி த³ஸ்ஸெந்தோ ‘‘ஸமுச்சே²த³ப்பஹானவஸேன அரியமக்³கே³ன பஜஹதீ’’தி ஆஹ. அரியமக்³கே³னாதி அனாகா³மிமக்³கே³ன. தேன ஹி பஹானங் இத⁴ ஸப்³ப³வாரேஸு அதி⁴ப்பேதங். கிலேஸபடிபாடி இத⁴ கிலேஸானங் தே³ஸனாக்கமோ. மக்³க³படிபாடிபன சதுன்னங் அரியமக்³கா³னங் தே³ஸனாக்கமோபி தாய தே³ஸனாய படிபஜ்ஜனக்கமோபி ‘‘அபி⁴ஜ்ஜா² விஸமலோபோ⁴’’திஆதி³மாஹ. யேன யேன பன மக்³கே³ன யே யே கிலேஸா பஹீயந்தி மக்³கா³னுபுப்³பி³யா, தேன தேன மக்³கே³ன தேஸங் தேஸங் கிலேஸானங் பஹானத³ஸ்ஸனங் மக்³க³படிபாடியா பஹானத³ஸ்ஸனந்தி த³ஸ்ஸெந்தோ ‘‘ஸோதாபத்திமக்³கே³னா’’திஆதி³மாஹ.
இமஸ்மிங் பன டா²னேதி ‘‘ஸ கோ² ஸோ, பி⁴க்க²வே, பி⁴க்கூ²’’திஆதி³னா ஆக³தோ இமஸ்மிங் பஹானவாரே. இமே கிலேஸாதி இமே யதா²வுத்தா கிலேஸா. ஸோதாபத்திமக்³க³வஜ்ஜா² வா ஹொந்து ஸேஸமக்³க³வஜ்ஜா² வாஹெட்டா² த³ஸ்ஸிதமக்³க³படிபாடிவஸேன. தத்த² பன யே ததியமக்³க³வஜ்ஜா², தேஸங் அனாகா³மிமக்³கே³னேவ பஹானே வத்தப்³ப³ங் நத்தி², யேஸங் பனெத்த² ஹெட்டி²மமக்³க³வஜ்ஜா²னங் இத⁴ ஸங்க³ஹே காரணங் பச்சா² வத்துகாமேன அக்³க³மக்³க³வஜ்ஜா²னங் அனாதி³யித்வா கஸ்மா ததியமக்³க³வஜ்ஜா²னமேவ க³ஹணங் கதந்தி ஆஹ ‘‘அயமெத்த² பவேணிமக்³கா³க³தோ ஸம்ப⁴வோ’’தி, அயங் இமஸ்ஸ ஸுத்தஸ்ஸ ஏதஸ்மிங் டா²னே ஆசரியபவேணியா கதா²மக்³கோ³ ததோ ஆக³தோ அத்த²ஸம்ப⁴வோ அத்த²தத்வந்தி அத்தோ². தத்த² ஹெட்டி²மமக்³க³வஜ்ஜா²னங் இத⁴ ஸங்க³ஹே காரணங் பச்சா² வத்துகாமோ அக்³க³மக்³க³வஜ்ஜா²னங் அக்³க³ஹணே யுத்திங் த³ஸ்ஸெந்தோ ‘‘ஸோ சா’’திஆதி³மாஹ. தேனாதி சதுத்த²மக்³கே³ன. ஸேஸானந்தி ப்³யாபாதா³தீ³னங் யேபீதி மக்கா²தி³கே ஸந்தா⁴யாஹ. தங்ஸமுட்டா²பகசித்தானந்தி தேஸங் மக்கா²தீ³னங் ஸமுட்டா²பகசித்துப்பாதா³னங். தத்த² மக்க²-பளாஸ-இஸ்ஸா-மச்ச²ரிய-ஸமுட்டா²பகங் படிக⁴த்³வயசித்தங், விஸேஸதோ பஞ்சகாமகு³ணலோபே⁴ன ஸடோ² மாயாவீ ச ஹோதி, பஞ்சகாமகு³ணிகராகோ³ ச அனாகா³மிமக்³கே³னேவ நிரவஸேஸதோ பஹீயதி, தஸ்மா வுத்தங் ‘‘தங்ஸமுட்டா²பகசித்தானங் அப்பஹீனத்தா’’தி. தேபி ஸுப்பஹீனா ஹொந்தீதி ஸம்ப³ந்தோ⁴. தந்தி பட²மமக்³கே³னேவ பஹானங் புப்³பா³பரேன ந ஸந்தி⁴யதி ‘‘யதோ²தி⁴ கோ²’’தி எத்த² ஓதி⁴வசனஸ்ஸ மக்³க³த்தயவாசகத்தா. ரதனத்தயே அவேச்சப்பஸாதோ³ நாம அரியகந்தஸீலங் விய ஸோதாபன்னஸ்ஸ அங்கா³னி, தே ச பஹானதோ பச்சா² நித்³தி³ட்டா², தஸ்மா இத⁴ வுத்தப்பஹானங் விக்க²ம்ப⁴னபஹானமேவாதி கேசி வத³ந்தி. தேஸங் இச்சா²மத்தமேவ யதா²வுத்தபஹானஸ்ஸேவ வஸேன அவேச்சப்பஸாதா³னங் ஓதி⁴ஸோ பஹானஸ்ஸ விபா⁴விதத்தா, ஸ்வாயமத்தோ² ஹெட்டா² யுத்திதோபி பகாஸிதோயேவ.
74. ஏகமேகேன பதே³ன யோஜேதப்³ப³ங், யதோ ஏகமேகஸ்ஸபி உபக்கிலேஸஸ்ஸ ஸபா⁴வாதி³தோ த³ஸ்ஸனங் நிய்யானமுக²ங் ஹோதி, ததா² சேவ ஹெட்டா² ஸங்வண்ணிதங். அனாகா³மிமக்³க³வஸேன பஹானங் வத்வா பஸாத³ஸ்ஸ உத்³த⁴டத்தா வுத்தங் ‘‘அனாகா³மிமக்³கே³ன லோகுத்தரப்பஸாதோ³ ஆக³தோ’’தி. யதி³ ஏவங் கஸ்மா ‘‘லோகியோ உப்பஜ்ஜதீ’’தி வுத்தந்தி? ‘‘இதிபி ஸோ ப⁴க³வா’’திஆதி³னயப்பவத்தஸ்ஸ லோகியத்தா. நிப்³பா³னாரம்மணோ லோகியலோகுத்தரமிஸ்ஸகங் பஸாத³ங் த³ஸ்ஸெந்தோ. அவேச்ச ரதனத்தயகு³ணே யாதா²வதோ ஞத்வா பஸாதோ³ அவேச்சப்பஸாதோ³. ஸோ பன யஸ்மா மக்³கே³னாக³தத்தா கேனசி அகம்பனியோ அப்பத⁴ங்ஸியோ ச ஹோதி, தஸ்மா வுத்தங் ‘‘அசலேன அச்சுதேனா’’தி. தத்த² லோகுத்தரோ ஸப்³ப³ஸோ பு³த்³த⁴கு³ணாதீ³ஸு ஸம்மோஹங் வித்³த⁴ங்ஸெந்தோ தத்த² கிச்சதோ பவத்ததி, இதரோ ஆரம்மணவஸேன தே ஆரப்³ப⁴. தங் விதி⁴ந்தி தங் தஸ்ஸ உப்பன்னப்பகாரங். அனுஸ்ஸதிட்டா²னானீதி அனுஸ்ஸதிகம்மட்டா²னானி.
75. ஸோமனஸ்ஸாதீ³தி ஆதி³-ஸத்³தே³ன ஞாணாதீ³னி ஸங்க³ண்ஹாதி. சோரானங் அபி⁴ண்ஹங் ஸஞ்சரணட்டா²னதாய பச்சந்தக்³க³ஹணங். பச்சவெக்க²தோதி ‘‘அஸுகஸ்மிஞ்ச டா²னே இமே சிமே சோரா ஏவஞ்ச ஏவஞ்ச வினாஸிதா’’தி பச்சவெக்க²தோ ரஞ்ஞோ விய.
யோ யதோ²தி⁴. யதா²-ஸத்³தோ³ ப்³யாபனிச்சா²யங், கோ² ஸத்³தோ³ அவதா⁴ரணேதி த³ஸ்ஸெந்தோ ‘‘ஸகஸகஓதி⁴வஸேன சத்தமேவ ஹோதீ’’திஆதி³மாஹ. தேன ‘‘வந்த’’ந்திஆதீ³ஸுபி அவதா⁴ரேதப்³ப³ந்தி த³ஸ்ஸேதி. ஸகஸகஓதி⁴வஸேனாதி ஸங்கே²பதோ வுத்தமத்த²ங் விவரிதுங் ‘‘த்³வே ஓதீ⁴’’திஆதி³ ஆரத்³த⁴ங். தத்த² யங்மக்³க³வஜ்ஜா²தி யேன மக்³கே³ன அனவஸேஸதோ பஹாதப்³பா³. அனவஸேஸப்பஹானவஸேன ஹி தங்தங்மக்³க³வஜ்ஜா²னங் கிலேஸானங் தத³ஞ்ஞமக்³க³வஜ்ஜே²ஹி அஸம்மிஸ்ஸதா, அஞ்ஞதா² யே ஸகஸகஓதி⁴வஸேன உபரிமக்³க³வஜ்ஜா², தே ஹெட்டி²மமக்³கே³ஹி பஹீனாபாயக³மனீயாதி³ஸபா⁴வா ஏவ தேஹி பஹீயந்தீதி பஹானவஸேன ஸம்மிஸ்ஸா ஸியுங். தேன தேயேவ பஹீனா ஹொந்தீதி எத்தா²பி ஏஸேவ நயோ. ததுத்தரிபீதி ததோ பஹானநிமித்தஸோமனஸ்ஸுப்பத்திதோ உத்³த⁴ம்பி. படிபக்கே²ஸு ஓதி⁴ஸோ பவத்திகிச்சத்தா ஓதீ⁴தி ஹெட்டா² தயோ மக்³கா³ வுச்சந்தி. தே ஹீதிஆதி³ வுத்தஸ்ஸேவத்த²ஸ்ஸ விவரணங். இமஸ்ஸ பி⁴க்கு²னோதி அனாகா³மிங் ஸந்தா⁴யாஹ. தேன வுத்தங் ‘‘ஹெட்டா²மக்³க³த்தயேன சத்த’’ந்தி.
கேசி சத்தம்பி க³ண்ஹந்தி, நயித³மேவந்தி த³ஸ்ஸனத்த²ங் ‘‘வந்த’’ந்தி வுத்தங். ந ஹி யங் யேன வந்தங், ஸோ புன தங் ஆதி³யதி. தேனாஹ ‘‘அனாதி³யனபா⁴வத³ஸ்ஸனவஸேனா’’தி. வந்தம்பி கிஞ்சி ஸஸந்ததிலக்³க³ங் ஸியா, நயித³மேவந்தி த³ஸ்ஸனத்த²ங் ‘‘முத்த’’ந்தி வுத்தங். தேனாஹ ‘‘ஸந்ததிதோ வினிமோசனவஸேனா’’தி. முத்தம்பி கிஞ்சி முத்தப³ந்த⁴னா விய ப²லங் குஹிஞ்சி திட்ட²தி, ந ஏவமித³ந்தி த³ஸ்ஸனத்த²ங் ‘‘பஹீன’’ந்தி வுத்தங். தேனாஹ ‘‘க்வசி அனவட்டா²னத³ஸ்ஸனவஸேனா’’தி. யதா² கிஞ்சி து³ன்னிஸ்ஸட்ட²ங் புன ஆதா³ய ஸம்மதே³வ நிஸ்ஸட்ட²ங் படினிஸ்ஸட்ட²ந்தி வுச்சதி, ஏவங் விபஸ்ஸனாய நிஸ்ஸட்ட²ங் ஆதி³ன்னஸதி³ஸங் மக்³கே³ன பஹீனங் படினிஸ்ஸட்ட²ங் நாம ஹோதீதி த³ஸ்ஸனத்த²ங் ‘‘படினிஸ்ஸட்ட²’’ந்தி வுத்தங். தேனாஹ ‘‘ஆதி³ன்னபுப்³ப³ஸ்ஸ படினிஸ்ஸக்³க³த³ஸ்ஸனவஸேனா’’தி. ந காபுரிஸேன விய பரம்முகே²ன நிஸ்ஸட்ட²ங் ‘‘படினிஸ்ஸட்ட²’’ந்தி வுத்தங். தேனாஹ ‘‘படிமுக²ங் வா’’திஆதி³. உபக³ந்தப்³ப³தோதி அத்தனோ ஹிதஸுக²ங் பச்சாஸீஸந்தேன ஏகந்தேன அதி⁴க³ந்தப்³ப³தோ. தா⁴ரணதோதி தங்ஸமங்கீ³னங் அபாயபாததோ ஸந்தா⁴ரணேன. க³ந்தோ² ‘‘வேதோ³’’தி வுச்சதி ‘‘வித³ந்தி ஏதேனா’’தி, வேதே³ஹி ஞாணேஹி க³தோ படிபன்னோதி வேத³கூ³. அபி⁴ஜஞ்ஞாதி ஜானெய்ய. வேத³ஜாதாதி உப்பன்னஸோமனஸ்ஸா. ஞாணங் ‘‘வேதோ³’’தி வுச்சதி ‘‘வேதி³தப்³ப³ங் வேதே³தீ’’தி. ஸோமனஸ்ஸங் ‘‘வேதோ³’’தி வுச்சதி ஆரம்மணரஸங் விந்த³தி அனுப⁴வதீதி.
உப்பன்னந்தி வுத்தப்பகாரமேவ வேத³ந்தி ‘‘ஸோமனஸ்ஸங் ஸோமனஸ்ஸமயஞாணஞ்சா’’தி ஏவங் வுத்தப்பகாரமேவ. அத்த²வேத³ந்தி அத்தே² ஹேதுப²லே வேத³ங். த⁴ம்மவேத³ந்தி த⁴ம்மே ஹேதும்ஹி வேத³ங். தேனாஹ ‘‘அவேச்சப்பஸாத³ஸ்ஸ ஹேது’’ந்திஆதி³. இத⁴ த⁴ம்மத்த²ஸத்³தா³ ஹேதுப²லபரியாயாதி இமமத்த²ங் பாளியா ஏவ த³ஸ்ஸேதுங் ‘‘வுத்தஞ்ஹேத’’ந்திஆதி³ வுத்தங். தமேவ அத்த²ஞ்ச த⁴ம்மஞ்சாதி அத்தோ² த⁴ம்மோதி ச வுத்தங் அவேச்சப்பஸாத³னிமித்தங் யதா²வுத்தங் கிலேஸப்பஹானஞ்ச. அத்த²த⁴ம்மானிஸங்ஸபூ⁴தங் வேத³ந்தி யதா²வுத்தஅத்த²த⁴ம்மானிஸங்ஸபூ⁴தங் ஸோமனஸ்ஸமயஞாணஸங்கா²தங் வேத³ஞ்ச. பாமோஜ்ஜந்தி தருணபீதிங் ஆஹ. பச்சவெக்க²ணாகாரப்பவத்தேனாதி ஏதேன பச்சவெக்க²ணா ஏவெத்த² அனவஜ்ஜஸபா⁴வதாய த⁴ம்மோதி வுத்தோதி த³ட்ட²ப்³ப³ங். பீதி ஜாயதீதி பரப்பச்சயங் ப³லவபீதிமாஹ. பீணிதமனஸ்ஸாதி பஸ்ஸத்³தி⁴ஆவஹேஹி உளாரேஹி பீதிவேகே³ஹி தித்தசித்தஸ்ஸ. காயோதி நாமகாயோ. வூபஸந்தத³ரதோ²தி கிலேஸபரிளாஹானங் தூ³ரீபா⁴வேன ஸுட்டு² உபஸந்தத³ரதோ². பச்சவெக்க²ணஹேதுகங் சித்தஸ்ஸ ஸமாதா⁴னங் இத⁴ அதி⁴ப்பேதந்தி ஆஹ ‘‘அப்பிதங் விய அசலங் திட்ட²தீ’’தி.
76. காமங் ‘‘பு³த்³தே⁴ அவேச்சப்பஸாதே³ன ஸமன்னாக³தொம்ஹி, த⁴ம்மே ஸங்கே⁴ அவேச்சப்பஸாதே³ன ஸமன்னாக³தொம்ஹீ’’தி இத³ம்பி தஸ்ஸா பச்சவெக்க²ணாய பவத்திஆகாரபகாஸனமேவ, இத³ங் பன விஸேஸதோ ரதனத்தயே உப்பன்னஸோமனஸ்ஸாதி³ப்பகாஸனபத³ங். ‘‘யதோ²தி⁴ கோ² பனா’’தி இத³ம்பி ஸவிஸேஸங் பச்சவெக்க²ணாகாரப்பகாஸனபத³ந்தி அதி⁴ப்பாயேன ‘‘இதா³னி யதோ²தி⁴…பே॰… பகாஸெத்வா’’தி வுத்தங். சத்தாரோபி பன வாரா பச்சவெக்க²ணாகாரப்பகாஸனவஸேன சேவ ஸோமனஸ்ஸாதி³ஆனிஸங்ஸத³ஸ்ஸனவஸேன ச வுத்தாதி ஸக்கா விஞ்ஞாதுங் உப⁴யத்தா²பி உப⁴யஸ்ஸ வுத்தத்தா. யதி³பி அரியமக்³கோ³ ஏகசித்தக்க²ணிகோ ந புன உப்பஜ்ஜதி, படிபக்க²ஸ்ஸ பன தேன ஸுப்பஹீனத்தா தங்ஸமங்கீ³ அபரிஹானத⁴ம்மோ தங்ஸீலாதி³பா⁴வேனேவ வுச்சதீதி ஆஹ ‘‘தஸ்ஸ அனாகா³மிமக்³க³ஸம்பயுத்தங் ஸீலக்க²ந்த⁴ங் த³ஸ்ஸேதீ’’திஆதி³. ‘‘ஏவங்த⁴ம்மா தே ப⁴க³வந்தோ அஹேஸு’’ந்திஆதீ³ஸு (தீ³॰ நி॰ 2.13; ம॰ நி॰ 3.197-198; ஸங்॰ நி॰ 5.378) விய இத⁴ த⁴ம்ம-ஸத்³தோ³ ஸமாதி⁴பரியாயோதி ஆஹ ‘‘ஸமாதி⁴க்க²ந்த⁴ங் பஞ்ஞாக்க²ந்த⁴ஞ்ச த³ஸ்ஸேதீ’’தி. ததா² ஹி ஸோ ஸம்பயுத்தத⁴ம்மே ஏகாரம்மணே அவிக்கி²பமானே அனேகரூபானந்தி அனேகப்பகாரானங். அந்தராயோ நாம அப்படிலத்³த⁴ஸ்ஸ வா அலப்³ப⁴னவஸேன, படிலத்³த⁴ஸ்ஸ வா பரிஹானவஸேன, தது³ப⁴யம்பி இத⁴ நத்தீ²தி த³ஸ்ஸெந்தோ ‘‘மக்³க³ஸ்ஸ வா’’திஆதி³மாஹ. நேவஸ்ஸ தங் ஹோதி அந்தராயாயாதி தஸ்ஸ அனாகா³மினோ பிண்ட³பாதபோ⁴ஜனங் நேவ ஹோதி அந்தராயாய உக்கங்ஸக³தாய பச்சவெக்க²ணாய பச்சவெக்கி²த்வா பரிபு⁴ஞ்ஜனதோ. தஞ்சஸ்ஸா உக்கங்ஸக³மனங் ஹதபடிபக்க²த்தாதி த³ஸ்ஸெந்தோ ‘‘மக்³கே³ன விஸுத்³த⁴சித்தத்தா’’தி ஆஹ.
எத்தா²தி ஏதஸ்மிங் அந்தராயாபா⁴வே. ஏததே³வ விஸுத்³த⁴சித்தத்தமேவ காரணங். எத்த² ச ‘‘நேவஸ்ஸ தங் ஹோதி அந்தராயாயா’’தி இமினா ஹெட்டா² வுத்தப்பஹானங் அனாகா³மிமக்³கே³னேவாதி ஸித்³த⁴ங் ஹோதி. அனாகா³மினோ ஹி ஸப்³ப³ஸோ காமராகோ³ பஹீனோ ஹோதி, ரஸதண்ஹாய அபா⁴வதோ தாதி³ஸபிண்ட³பாதபரிபோ⁴கோ³ அக்³க³மக்³கா³தி⁴க³மே கத²ஞ்சிபி அந்தராயாய ந ஹோதீதி. ‘‘ஸெய்யதா²பி, பி⁴க்க²வே, வத்த²’’ந்தி வத³ந்தோ ப⁴க³வாஆதி³ம்ஹி அத்தனா உபனீதவத்தூ²பமங் அனுஸந்தே⁴தி. உத³கஸ்ஸ அச்ச²பா⁴வோ பங்கஸேவாலபணகாதி³மலாபா⁴வேன பஸன்னதாய, தப்³பி³பரியாயதோ ப³ஹலதாதி ஆஹ ‘‘அச்ச²ந்தி விப்பஸன்ன’’ந்தி. வண்ணனிபா⁴ய விக³தஸங்கிலேஸதாய ஸமுஜ்ஜலனங் பப⁴ஸ்ஸரதாய வத்த²ஸ்ஸ, தங் பரியோதா³தந்தி வத்தப்³ப³தங் லப⁴தீதி ஆஹ ‘‘பரியோதா³தங் பப⁴ஸ்ஸரதாயா’’தி. உக்கங் ப³ந்தெ⁴ய்யாதி அங்கா³ரகபல்லங் யதா² தா³ருக⁴டிகங்கா³ராதி³கேன ந பி⁴ஜ்ஜதி, ஏவங் தனுமத்திகாலேபாதி³னா ப³ந்தெ⁴ய்ய. மேக⁴படலதோ வேரம்ப⁴வாததா⁴ராஸங்க⁴ட்டனதோ விஜ்ஜுதா விய கேவலங் வாததா⁴ராஸங்க⁴ட்டனஜனிதா பபா⁴ உக்காபபா⁴, ஸா பன யஸ்மா த்³வின்னங் வாததா⁴ரானங் வேக³ஸம்பூ⁴தஸங்க⁴ட்டனஹேதுகா, தஸ்மா காரணவஸேன ‘‘வாதவேகோ³ உக்கா’’தி வுத்தங்.
77. யதா²னுஸந்தி⁴வஸேனாதிஆதி³ம்ஹி உட்டி²ததே³ஸனாய அனுரூபா அனுஸந்தி⁴ யதா²னுஸந்தி⁴, தஸ்ஸா வஸேன. ப்³யதிரேகத³ஸ்ஸனங் விய ஹி ஸாதே⁴தப்³ப³ஸ்ஸ ஆதி³ம்ஹி உட்டி²ததே³ஸனாய படிபக்க²த³ஸ்ஸனம்பி அனுரூபதே³ஸனாவ ஸம்மதே³வ பதிட்டா²பனபா⁴வதோ, யதா² தங் ஆவத்தஹாரயோஜனாயங் விஸபா⁴க³த⁴ம்மாவத்தந்தி த³ட்ட²ப்³ப³ங். ‘‘யதா²னுஸந்தி⁴வஸேன தே³ஸனா ஆக³தா’’தி ஸங்கே²பதோ வுத்தமத்த²ங் வித்தா²ரெந்தோ தப்பஸங்கே³ன இதரேபி அனுஸந்தீ⁴ த³ஸ்ஸேதுங் ‘‘தயோ ஹீ’’திஆதி³மாஹ. ப³ஹித்³தா⁴தி பா³ஹிரேஸு வத்தூ²ஸு. அஸதி பரிதஸ்ஸனாதி தண்ஹாதி³ட்டி²பரிதஸ்ஸனாபா⁴வோ. விஸ்ஸஜ்ஜிதஸுத்தவஸேனாதி ‘‘இத⁴ பி⁴க்கு² ஏகச்சஸ்ஸா’’திஆதி³னா யேன த⁴ம்மேனாதி ஸீலாதி³வோதா³னத⁴ம்மேஸு அக்க²ந்தியாதி³ஸங்கிலேஸத⁴ம்மேஸு ச யேன யேன த⁴ம்மேன. ச² அபி⁴ஞ்ஞா ஆக³தாதி இமினா ‘‘அனுரூபத⁴ம்மவஸேன வா’’தி வுத்தவிகப்பங் த³ஸ்ஸேதி, ஸேஸேஹி ‘‘படிபக்க²வஸேன வா’’தி ஸப்³போ³தி அனவஸேஸோ. ஸப்³பா³காரேனாதி ஆதீ³னவானிஸங்ஸபச்சவெக்க²ணபுக்³க³லதோ³ஸஜானநாதி³னா ஸப்³ப³ப்பகாரேன.
78. ‘‘மெத்தா பா⁴வேதப்³பா³ ப்³யாபாத³ஸ்ஸ பஹானாயா’’திஆதி³வசனதோ (அ॰ நி॰ 9.1) மெத்தாத³யோ ப்³யாபாத³விஹேஸாரதிராகா³னங் படிபக்கா². யஸ்மா ‘‘ஸோ அத்தீ²’’திஆதி³னா ப⁴க³வதா அனாகா³மினோ அக்³க³மக்³கா³தி⁴க³மனங் சதுஸச்சகம்மட்டா²னங் மத்த²கங் பாபெத்வா கதி²தங், தஸ்மா தங் த³ஸ்ஸெந்தோ ‘‘இதா³னிஸ்ஸா’’திஆதி³மாஹ.
ப்³ரஹ்மவிஹாரத⁴ம்மேதி ப்³ரஹ்மவிஹாரே சேவ ப்³ரஹ்மவிஹாரஸஹக³தத⁴ம்மே ச. தேனாஹ ‘‘நாமவஸேனா’’தி. வவத்த²பெத்வாதி ஆனெத்வா ஸம்ப³ந்தி⁴தப்³ப³ங். நாமந்திபி ஹி ஈதி³ஸேஸு டா²னேஸு சத்தாரோ அரூபினோ க²ந்தா⁴ வுச்சந்தி. இமினா நயேனாதி ஏதேன பூ⁴தனிஸ்ஸிதானங் ஸேஸுபாதா³யத⁴ம்மானங் ஸப்³பே³ஸம்பி பஹாதப்³ப³தண்ஹாவஜ்ஜானங் தேபூ⁴மகத⁴ம்மானங் பரிக்³க³ஹவிதி⁴ங் உல்லிங்கே³தி. ஸபா⁴வதோ விஜ்ஜமானங் தங் அத்தபச்சக்க²ங் கத்வா ஞாணேன யாதா²வதோ படிவிஜ்ஜி²யமானதங் உபாதா³ய ‘‘அத்தி² இத³’’ந்தி யதா²வவத்தா²பிதங் நாமரூபங். தேனேவாஹ ‘‘எத்தாவதானேன து³க்க²ஸச்சவவத்தா²னங் கதங் ஹோதீ’’தி. ஸாவதா⁴ரணஞ்சேதங் வசனங், லோகஸமஞ்ஞாஸித்³த⁴ங் ஸத்தஇத்தி²புரிஸாதி³ விய, இதோ பா³ஹிரகபரிகப்பிதங் பகதிஆதி³ த்³ரப்³யாதி³ ஜீவாதி³ காயாதி³ விய ச ந பரமத்த²தோ நத்தி², அத்தே²வாதி வுத்தங் ஹோதி. பஜானாதீதி புப்³ப³பா⁴கே³ தாவ லக்க²ணரஸாதி³வஸேன சேவ படிக்³க³ஹவிபா⁴க³வஸேன ச பகாரதோ ஜானாதி, அபரபா⁴கே³ பன பரிஞ்ஞாபி⁴ஸமயவஸேன படிவிஜ்ஜ²ந்தோ ஜானாதி. ஏகந்தஹீனா நாம அகுஸலத⁴ம்மா ஸம்பதி ஆயதிஞ்ச து³க்க²மூலத்தா, தத்தா²பி விஸேஸதோ தண்ஹாதி ஆஹ ‘‘து³க்க²ஸ்ஸ ஸமுத³யங் படிவிஜ்ஜ²ந்தோ அத்தி² ஹீனந்தி பஜானாதீ’’தி. அத்தனோ பச்சயேஹி பதா⁴னபா⁴வங் நீதத்தா பணீதந்தி இமினா அத்தே²ன அரியமக்³கோ³வ ‘‘பணீத’’ந்தி வுச்சதீதி ஆஹ ‘‘பஹானுபாயங் விசினந்தோ அத்தி² பணீதந்தி பஜானாதீ’’தி. ‘‘உத்தமட்டே²ன ச பணீத’’ந்தி வுச்சமானே நிரோத⁴ஸச்சஸ்ஸபி ஸங்க³ஹோ ஸியா, தஸ்ஸ பன பத³ந்தரேன ஸங்க³ஹிதத்தா வுத்தனயேனேவெத்த² அத்தோ² வேதி³தப்³போ³. அப்பமஞ்ஞாமுகே²ன விபஸ்ஸனாபி⁴னிவேஸஸ்ஸேவ கதத்தா ‘‘ப்³ரஹ்மவிஹாரஸஞ்ஞாக³தஸ்ஸா’’தி வுத்தங். ‘‘ஸப்³ப³ஸ்ஸபி தேபூ⁴மகஸ்ஸ ஸஞ்ஞாக³தஸ்ஸா’’தி வத்துங் வட்டதியேவ. ந செத்த² அஸங்க³ஹோ தஸ்ஸாபி ஸஞ்ஞாய ஆக³தபா⁴வதோ. லோகங் உத்தரித்வா ஸமதிக்கமித்வா நிஸ்ஸரித்வா விஸங்யுத்தங் ஹுத்வா டி²தத்தா வுத்தங் ‘‘உத்தரி நிஸ்ஸரணங் நிப்³பா³ன’’ந்தி.
சதூஹி ஆகாரேஹீதி ‘‘அத்தி² ஹீன’’ந்திஆதீ³ஹி சதூஹி பகாரேஹி. அன்வயஞாணதாய அனுபோ³த⁴பூ⁴தாய விபஸ்ஸனாபஞ்ஞாய ஜானநத்தோ² த⁴ம்மஞாணதாய படிவேத⁴பூ⁴தாய மக்³க³பஞ்ஞாய த³ஸ்ஸனத்தோ² ஸபா⁴வஸித்³தோ⁴தி த³ஸ்ஸெந்தோ ‘‘விபஸ்ஸனாபஞ்ஞாய சத்தாரி ஸச்சானி ஜானநதோ மக்³க³பஞ்ஞாய பஸ்ஸதோ’’தி வுத்தங். ப⁴யபே⁴ரவே வுத்தனயேனேவாதி ப⁴யபே⁴ரவஸுத்தவண்ணனாயங் அத்தனா வுத்தஅத்த²வசனத்த²பாடே²ன இத⁴ பாட²ஸ்ஸ ஸதி³ஸத்தா அதிதி³ஸந்தோ ‘‘காமாஸவாபி…பே॰… பஜானாதீ’’தி ஆஹ. எத்த² ச யஸ்மா ‘‘காமாஸவாபி சித்தங் விமுச்சதி…பே॰… அவிஜ்ஜாஸவாபி சித்தங் விமுச்சதீ’’தி ‘‘கீ²ணா ஜாதீ’’திஆதீ³னி வத³தா ப⁴க³வதா சதுத்த²மக்³கோ³ நித்³தி³ட்டோ², தஸ்மா யங் ஹெட்டா² அட்ட²கதா²யங் வுத்தங் ‘‘ஸோ ச உபரி சதுத்த²மக்³க³ஸ்ஸேவ நித்³தி³ட்ட²த்தா யுஜ்ஜதீ’’தி, தங் ஸுவுத்தமேவாதி த³ட்ட²ப்³ப³ங்.
தஸ்ஸ சோத³னத்தா²யாதி தஸ்ஸ ப்³ராஹ்மணஸ்ஸ ப⁴க³வா அத்தனோ சோத³னத்தா²ய ‘‘புச்ச² மங் த்வங் ப்³ராஹ்மண யதெ³த்த² தயா மனஸாபி⁴ஸமீஹித’’ந்தி சோத³னாய, ஓகாஸதா³னத்தா²யாதி அதி⁴ப்பாயோ. தே³ஸனாஸன்னிஸ்ஸயோ ப்³ராஹ்மணஸ்ஸ ததா²ரூபோ எத்த² அஜ்ஜா²ஸயோபி நத்தீ²தி யதா²வுத்தஅனுஸந்தி⁴த்தயவினிமுத்தத்தா ‘‘பாடியேக்கங் அனுஸந்தி⁴ங் ஆஹா’’தி வுத்தங். சித்தக³தத்தா அப்³ப⁴ந்தரேன. கிலேஸவுட்டா²னஸினானேனாதி கிலேஸமலபவாஹனேன ராக³பரிளாஹாதி³வூபஸமகரேன ச அட்ட²ங்கி³கஅரியமக்³க³ஸலிலஸினானேன.
79. த⁴ம்மஸபா⁴மண்ட³பங் தாவதே³வ உபக³தத்தா பா³ஹுகா நதி³தோ ஆக³தங் விய மஞ்ஞமானோ. அரியப²லமத்³த³னசுண்ணாத³யோ தேலஸினேஹஸ்ஸ விவேசனேன லொக்க²ஸம்மதக்³க³ஹணேன ‘‘ததா² ஸா நதீ³ லோகே பாகடா’’தி ஏவங் பவத்தங் அத்தனோ மிச்சா²கா³ஹங் தீ³பேதி. தேனாஹ ‘‘விஸுத்³த⁴பா⁴வங் தே³தீதி ஏவங் ஸம்மதா’’தி. பாபபவாஹனேன ஸம்பராயிகாதி³ஸம்பத்திஆவஹதோ லோகஸ்ஸ ஹிதா லொக்யா. லொக்யாதி ஸம்மதாதி ஸப்³ப³ங் புரிமஸதி³ஸங். தேனாஹ ‘‘ஸெட்ட²ங் லோகங் க³மயதீதி ஏவங் ஸம்மதா’’தி. புஞ்ஞஸம்மதாதி புஜ்ஜப⁴வப²லனிப்³ப³த்தனேன ஸத்தானங் புனநேன விஸோத⁴னேன புஞ்ஞாதி ஸம்மதா. தத³த்த²தீ³பனத்த²மேவாதி தஸ்ஸா புப்³பே³ ஆக³ததே³ஸனாய அத்த²தீ³பனத்த²மேவ. வுத்தஸ்ஸேவத்த²ஸ்ஸ புன தீ³பனங் கிமத்தி²யந்தி ஆஹ ‘‘கா³தா²ருசிகான’’ந்தி. சுண்ணிகவசனங் அஸம்பா⁴வெந்தா ததா² ச வுத்தே அத்த²மபு³ஜ்ஜ²னகா பஜ்ஜவசனங் ஸம்பா⁴வெந்தா ததா² ச வுத்தே பு³ஜ்ஜ²னகா கா³தா²ருசிகா. விஸேஸத்த²தீ³பனத்த²ந்தி விஸிட்ட²தீ³பனத்த²ங், புரிமதே³ஸனாய அஞ்ஞதீ³பனத்த²ந்தி அத்தோ².
‘‘க³ச்ச²தி பன ப⁴வங் கோ³தமோ பா³ஹுகங் நதி³ங் ஸினாயிது’’ந்தி (ம॰ நி॰ 1.78) ஹெட்டா² வுத்தத்தா பா³ஹுகந்தி இத³மேவ எத்த² தத³த்த²தீ³பகங். ஸேஸானி அதி⁴கக்காதி³வசனானி ததோ விஸிட்ட²ஸ்ஸ அத்த²ஸ்ஸ போ³த⁴னதோ விஸேஸத்த²தீ³பகானி. கஸ்மா பனெத்த² ப⁴க³வதா ப்³ராஹ்மணேன அவுத்தானி அதி⁴கக்காதீ³னி க³ஹிதானீதி ஆஹ ‘‘யதே²வ ஹீ’’திஆதி³. கக்கந்தி ந்ஹானபிண்ட³ங் அதி⁴ப்பேதங், ந்ஹாயித்வா அதி⁴கங் கக்கங் எத்த² க³ண்ஹந்தீதி அதி⁴கக்கங். தேனாஹ ‘‘ந்ஹானஸம்பா⁴ரவஸேனா’’திஆதி³. மண்ட³லவாபிஸண்டா²னந்தி வட்டபொக்க²ரணீஸண்டா²னங். நதி³யோதி விஸுங் நதி³யோ, ந அதி⁴கக்காதீ³னி விய தித்த²மத்தங்.
தீஹி பதே³ஹீதி ஸுந்த³ரிகாபயாக³பா³ஹுகாபதே³ஹி. சத்தாரீதி அதி⁴கக்காதீ³னி சத்தாரி. வுத்தானேவ ஹொந்தீதி லோகஸம்மதாலக்க²ணேன ஏகலக்க²ணதா ப்³ராஹ்மணஸ்ஸ அதி⁴ப்பாயேன, பரமத்த²தோ பன பாபபவாஹலக்க²ணேன ஏகலக்க²ணத்தா. தேனாஹ ‘‘தஸ்மா’’திஆதி³. கிஞ்சி பாபஸுத்³தி⁴ங் ந கரொந்தியேவ. ந ஹி நங் ஸோத⁴யேதி நங் புக்³க³லங் ந ஸோத⁴யே. வேரகிப்³பி³ஸபா⁴வங் அப்பத்தா நாம கம்மபத²பா⁴வங் அப்பத்தா. தேனாஹ ‘‘கு²த்³த³கேஹீ’’தி.
படிஹனந்தோதி அயுத்தபா⁴வத³ஸ்ஸனேன தங் தி³ட்டி²ங் படிபா³ஹந்தோ. தத்தா²யங் படிபா³ஹனவிதி⁴ யதா² யங் கிஞ்சி உத³கோரோஹனங் ந பாபபவாஹனங், ஏவங் நிச்சங் ப²க்³கு³னீனக்க²த்தந்தி ஸுத்³த⁴ஸீலாதி³கஸ்ஸ ஸப்³ப³காலங் மங்க³லதி³வஸோ ஏவாதி அதி⁴ப்பாயோ. இதரோதி ஸீலாதி³வஸேன அஸுத்³தோ⁴. நிச்சமேவ உபோஸதோ² அரியுபோஸதே²ன உபவுத்த²பா⁴வதோ. ஸுத்³த⁴ஸ்ஸாதி பரிஸுத்³த⁴மனோஸமாசாரஸ்ஸ. ஸுசிகம்மஸ்ஸாதி பரிஸுத்³த⁴காயவசீஸமாசாரஸ்ஸ. தேனாஹ ‘‘நிக்கிலேஸதாயா’’திஆதி³. குஸலூபஸஞ்ஹிதந்தி அனவஜ்ஜபா⁴வூபக³தங். வதஸமாதா³னந்தி து⁴தத⁴ம்மஸமாதா³னாதி³ ஸம்பன்னமேவ ஹோதி, நாஸ்ஸ விபத்தி அத்தீ²தி அத்தோ². மம ஸாஸனேயேவ ஸினாஹி, யதி³ அச்சந்தமேவ ஸுத்³தி⁴ங் இச்ச²ஸீதி அதி⁴ப்பாயோ. தேனாஹ ‘‘ஸசே’’திஆதி³. கே²மதந்தி கே²மபா⁴வங். யதா² ஸப்³ப³பூ⁴தானி தபவஸேன கே²மப்பத்தானி அப⁴யப்பத்தானி ஹொந்தி, ஏவங் கரோஹீதி தங் ஹெட்டா² த³ஸ்ஸிதங் மெத்தாதி³பா⁴வனங் ப்³ராஹ்மணஸ்ஸ ஸங்கே²பேன உபதி³ஸந்தேனஸ்ஸ ஏகச்சஸமாதி⁴ஸம்பதா³ தத³வினாபா⁴வினீ பஞ்ஞாஸம்பதா³ ச த³ஸ்ஸிதாதி த³ட்ட²ப்³ப³ங். தேனாஹ ‘‘மனொத்³வாரஸுத்³தி⁴ த³ஸ்ஸிதா’’தி.
தஸ்ஸ பன ஸம்பதா³த்³வயஸ்ஸ நிஸ்ஸயபூ⁴தங் ஸீலஸம்பத³ங் த³ஸ்ஸேதுங் ‘‘ஸசே முஸா ந ப⁴ணஸீ’’திஆதி³ வுத்தங். எத்த² ச யதா² ‘‘ஸசே முஸா ந ப⁴ணஸீ’’திஆதி³னா முஸாவாத³-பாணாதிபாத-அதி³ன்னாதா³ன-படிவிரதிவசனேன ‘‘இமாய ஏவ படிபத்தியா கிலேஸஸுத்³தீ⁴’’தி. க³யா ஸம்மததரா பா³ஹுகாதீ³ஹிபீதி அதி⁴ப்பாயோ.
80. ஏகோதி அஸஹாயோ, ஏஸா பனஸ்ஸ அஸஹாயதா ஏகீபா⁴வேனாதி. ந ஹிஸ்ஸ தாவ தண்ஹாது³தியதா விக³தா. தேனேவாஹ ‘‘ந சிரஸ்ஸேவா’’திஆதி³. ஏகக்³க³ஹணேனேவ காயேன வூபகட்ட²தா வுத்தாதி ஆஹ ‘‘வுபகட்டோ² சித்தவிவேகேனா’’தி. தேன ‘‘தி³வா சங்கமேன நிஸஜ்ஜாயா’’திஆதி³னா (ம॰ நி॰ 1.423; 3.75; விப⁴॰ 519; மஹானி॰ 161) ஆக³தங் ஜாக³ரியானுயோக³மாஹ. ததா²பூ⁴தஸ்ஸ சஸ்ஸ ‘‘அப்பமத்தோ’’திஆதி³ வுத்தங். கீ²ணா ஜாதீதிஆதீ³ஸு யங் வத்தப்³ப³ங், தங் ஹெட்டா² வுத்தமேவ. ஸேஸங் ஸுவிஞ்ஞெய்யமேவ.
வத்த²ஸுத்தவண்ணனாய லீனத்த²ப்பகாஸனா ஸமத்தா.
8. ஸல்லேக²ஸுத்தவண்ணனா
81. ‘‘சுந்தோ³’’தி மஹாசுந்தோ³தி வுச்சதி யதா² ‘‘மஹாமொக்³க³ல்லானோ’’தி. அத்தனோ வா சுந்த³ங் நாம பா⁴கி³னெய்யத்தே²ரங் உபாதா³ய ஆயஸ்மதோ ஸாரிபுத்தத்தே²ரஸ்ஸ பா⁴தா அயங் மஹாதே²ரோ ‘‘மஹாசுந்தோ³’’தி பஞ்ஞாயித்த² யதா² ‘‘மஹாபந்த²கோ’’தி. ஸாயன்ஹஸமயந்தி பு⁴ம்மத்தே² ஏகங் உபயோக³வசனந்தி ஆஹ ‘‘ஸாயன்ஹகாலே’’தி. ந ஹெத்த² அச்சந்த ஸங்யோகோ³ ஸம்ப⁴வதீதி. ஸத்தஸங்கா²ரேஹீதி ஸத்³தி⁴விஹாரிகஅந்தேவாஸிகஉபாஸகாதி³ஸத்தேஹி சேவ ரூபாரம்மணாதி³ஸங்கா²ரேஹி ச. படினிவத்தித்வாதி அபஸக்கித்வா. நிலீயனந்தி விவேசனங் காயசித்தேஹி ததோ விவித்ததா. ஏகீபா⁴வோதி ஹி காயவிவேகமாஹ, பவிவேகோதி சித்தவிவேகங். ததோ வுட்டி²தோதி ததோ து³வித⁴விவேகதோ ப⁴வங்கு³ப்பத்தியா, ஸப்³ரஹ்மசாரீஹி ஸமாக³மேன ச அபேதோ. அபி⁴வாதா³பெத்வாதி அபி⁴வாத³ங் காரெத்வா. ஏவந்தி யதா²வுத்தஅபி⁴வாத³வஸேன. பக்³க³ய்ஹாதி உன்னாமெத்வா. அனுபச்சி²ன்னப⁴வமூலானங் தாவ ஏவங் அபி⁴வாதோ³ ஹோது, உச்சி²ன்னப⁴வமூலானங் கிமத்தி²யோதி ஆஹ ‘‘ஏதங் ஆசிண்ணங் ததா²க³தான’’ந்தி. தேன ந ததா²க³தா ஸம்பராயிகங்யேவ ஸத்தானங் ஸுக²ங் ஆஸீஸந்தி, அத² கோ² தி³ட்ட²த⁴ம்மிகம்பீதி த³ட்ட²ப்³ப³ங். கஸ்மா ஏவங் ததா²க³தா அபி⁴வத³ந்தீதி தத்த² காரணமாஹ ‘‘ஸுக²காமா ஹீ’’திஆதி³. புது²காயாதி ப³ஹூ ஸத்தகாயா. யக்கா²தி தே³வா. தே ஹி பூஜனீயதாய ‘‘யக்கா²’’தி வுச்சந்தி. அபி⁴வத³ந்தீதி ஆஸீஸிதமேவத்த²ங் ஞாணகருணாஹி அபி⁴முக²ங் கத்வா வத³ந்தி.
யாதி அனியமதோ க³ஹிதா நியமதோ த³ஸ்ஸெந்தோ ‘‘இமா’’தி ஆஹ. இமாதி ச ஆஸன்னபச்சக்க²வசனந்தி ஆஹ ‘‘அபி⁴முக²ங் கரொந்தோ வியா’’தி தி³ட்டி²யோதி புரிமபத³லோபேன பாளியங் வுத்தந்தி த³ஸ்ஸெந்தோ ‘‘மிச்சா²தி³ட்டி²யோ’’தி ஆஹ. ஸத்தேஸு தி³ட்டி²க³தசித்துப்பாதே³ஸு உப்பஜ்ஜமானா, ஸத்தேஸு வா விஸயபூ⁴தேஸு ஆரப்³ப⁴ உப்பஜ்ஜமானா ‘‘ஸத்தேஸு பாதுப⁴வந்தீ’’தி வுத்தா. அத்தவாதே³னாதி அத்தானங் ஆரப்³ப⁴ பவத்தேன வசனேன. படிஸங்யுத்தாதி ‘‘அத்தி² அத்தா’’தி கா³ஹே கா³ஹணே ச விஸயபா⁴வேன படிஸங்யுத்தா. தி³ட்டி²க³திகேன தி³ட்டி²ங் கா³ஹந்தேஹி க³ஹணே கா³ஹாபணே ச தி³ட்டி² தி³ட்டி²வாத³ஸ்ஸ விஸயோதி தேன படிஸங்யுத்தா நாம ஹோதி. ‘‘அத்தி² அத்தா’’தி ஏவங் பவத்தா தி³ட்டி² இத⁴ அத்தவாத³படிஸங்யுத்தா, ந தஸ்ஸா விஸயபூ⁴தோ அத்தா. ஸா ச விஸயபா⁴வதோ ததா²பவத்தேன வாதே³ன படிஸங்யுத்தா. லோகவாத³ப்படிஸங்யுத்தாதி எத்தா²பி ஏஸேவ நயோ. வீஸதி ப⁴வந்தி ததோ பரங் அத்தவாத³வத்து²னோ அபா⁴வா ஸஸ்ஸதோ அத்தா ச லோகோ சாதி ரூபாதீ³ஸு அஞ்ஞதரங் ‘‘அத்தா’’தி, ‘‘லோகோ’’தி வா க³ஹெத்வா தங் ஸஸ்ஸதோ ஸப்³ப³காலபா⁴வீ நிச்சோ து⁴வோதி. யதா²ஹ ‘‘ரூபீ அத்தா சேவ லோகோ ச ஸஸ்ஸதோ சாதி அத்தானஞ்ச லோகஞ்ச பஞ்ஞபேதீ’’திஆதி³. ஸஸ்ஸதோதிஆதீ³ஸு பட²மோ ஸஸ்ஸதவாத³வஸேன அத்தக்³கா³ஹோ, து³தியோ உச்சே²த³வாத³வஸேன, ததியோ ஏகச்சஸஸ்ஸதவாத³வஸேன, சதுத்தோ² தக்கீவாத³வஸேன பவத்தோ, அமராவிக்கே²பவஸேன வா பவத்தோ அத்தக்³கா³ஹோ. அந்தவாதி அத்தனோ பரிச்சே²த³தாவஸேன. அனந்தவாதி அபரிச்சே²த³தாவஸேன. அந்தவா ச அனந்தவா சாதி தது³ப⁴யவஸேன, இதரோ தக்கீவாத³வஸேன பவத்தோ அத்தக்³கா³ஹோ. ஏவங் பவத்தத்தா அட்ட² ஹொந்தீதி யோஜனா.
ஆதி³மேவாதி ஆதி³மனஸிகாரமேவ. தங் பன ஸரூபதோ த³ஸ்ஸெந்தோ ‘‘விபஸ்ஸனாமிஸ்ஸகபட²மமனஸிகாரமேவா’’தி ஆஹ. அப்பத்வாபி ஸோதாபத்திமக்³க³ந்தி இமினா அவதா⁴ரணேன நிவத்திதங் த³ஸ்ஸேதி. நாமரூபபரிச்சே²த³தோ பபு⁴தி யாவ உத³யப்³ப³யத³ஸ்ஸனங், அயங் இத⁴ ஆதி³மனஸிகாரோதி அதி⁴ப்பேதோ பஞ்ஞாபா⁴வனாய ஆரம்ப⁴பா⁴வதோ. உத³யப்³ப³யானுபஸ்ஸனாஸஹிததாய சஸ்ஸ விபஸ்ஸனாமிஸ்ஸகதா வசனங். ஏவந்தி இமஸ்ஸ அத்த²வசனங் ‘‘எத்தகேனேவ உபாயேனா’’தி ஏதாஸந்தி யதா²வுத்தானங் அத்தவாத³லோகவாத³படிஸங்யுத்தானங் தி³ட்டீ²னங். காமஞ்ச தாஸங் தேன தத³ங்க³வஸேன பஹானங் ஹோதியேவ, தங் பன நாதி⁴ப்பேதங், தஸ்மா ஸமுச்சே²த³வஸேன பஹானங் படினிஸ்ஸக்³கோ³ ச ஹோதீதி புச்ச²தி. ஸப்³ப³ஸோ ஸமுச்சி²ன்னஸங்யோஜனதாய அனதி⁴மானிகோபி ஸமானோ. ‘‘அரியத⁴ம்மோ அதி⁴க³தோ’’தி மானோ அதி⁴மானோ, ஸோ யேஸங் அத்தி² தே அதி⁴மானிகா, தேஸங் உத³யப்³ப³யஞாணாதி⁴க³மேன அதி⁴மானுப்பத்தி தத³வஸானோ ச மனஸிகாரோதி அதி⁴ப்பேதோ. தேன தி³ட்டீ²னங் பஹானங் ந ஹோதீதி கதா²பனத்த²ங் அயங் புச்சா²தி ஆஹ ‘‘அதி⁴மானப்பஹானத்த²ங் புச்ச²தீ’’தி. ‘‘ஆதி³மேவ நு கோ²…பே॰… படினிஸ்ஸக்³கோ³ ஹோதீ’’தி அனபி⁴ஸமேதாவீ விய வத³ந்தோ அதி⁴மானே டி²தோ விய ஹோதீதி ஆஹ ‘‘அதி⁴மானிகோ விய ஹுத்வா’’தி. ஸோதி தே²ரோ. தேஸங் அத்தா²யாதி தேஸங் அத்தனோ அந்தேவாஸிகானங் ப⁴க³வதா ஏதஸ்ஸ மிச்சா²கா³ஹஸ்ஸ விவேசனத்தா²ய. தே²ரோ கிர த⁴ம்மஸேனாபதி விய ஸத்³தி⁴ங் அத்தனோ அந்தேவாஸிகேஹி ப⁴க³வந்தங் உபஸங்கமி.
82. யத்தா²தி விஸயே பு⁴ம்மங். தி³ட்டீ²னஞ்ஹி ஆரம்மணனித³ஸ்ஸனமேதந்தி. யஸ்மா தி³ட்டீ²னங் அனுஸயனபூ⁴மிபி ஸமுதா³சரணட்டா²னம்பி க²ந்தா⁴ ஏவ, தஸ்மா ஆஹ ‘‘யத்த² சேதா தி³ட்டி²யோ உப்பஜ்ஜந்தீ திஆதி³ பஞ்சக்க²ந்தே⁴ ஸந்தா⁴ய வுத்த’’ந்தி. ரூபங் அபி⁴னிவிஸ்ஸாதி ‘‘இத³ங் ரூபங் மம அத்தா’’தி ‘‘ஸோ அத்தா’’திஆதீ³ஸு யதி³த³ங் சக்கா²தி³ஸங்க³ஹங் ரூபங், ஸஹபு³த்³தி⁴னிப³ந்த⁴னதாய ஸோ மே அத்தா, ஸுகா²ஸுக²ங் எத்த² லோகியதீதி ஸோ லோகோ. ‘‘ஸோஏவாஹங் பேச்ச பரலோகே ப⁴விஸ்ஸாமீதி ததா²பா⁴வேன நிச்சோ, தி²ரபா⁴வேன து⁴வோ, ஸப்³ப³தா³பா⁴விதாய ஸஸ்ஸதோ, நிப்³பி³காரதாய அவிபரிணாமத⁴ம்மோதி அத்தோ². யதி³ பஞ்சக்க²ந்தே⁴ ஸந்தா⁴ய வுத்தங், கத²மேகவசனந்தி ஆஹ ‘‘ஆரம்மணவஸேனா’’திஆதி³. நானா கரீயதி ஏதேனாதி நானாகரணங், விஸேஸோ. ஜாதிவஸேனாதி உப்பத்திவஸேன. யே ஹி அனிப்³ப³த்தபுப்³பா³ ஸமானாவத்தா², தே உப்பாத³ஸங்கா²தவிகாரஸமங்கி³தாய உப்பஜ்ஜந்தீதி ஸமஞ்ஞங் லப⁴ந்தி. தேனாஹ ‘‘ஜாதிவஸேனா’’திஆதி³. புனப்புனங் ஆஸேவிதாதி அனாதி³மதி ஸங்ஸாரே அபராபருப்பத்தியா லத்³தா⁴ஸேவனா. ஏதேன கிலேஸானங் பா⁴வனட்டே²ன அனுஸயத்த²ங் விஸேஸேதி தா²மக³தாதி தா²மபா⁴வங் உபக³தா. ஏதேன அனுஸயே ஸபா⁴வதோ த³ஸ்ஸேதி. தா²மக³மனந்தி ச காமராகா³தீ³னங் அனஞ்ஞஸாதா⁴ரணோ ஸபா⁴வோ. ததா² ஹி வுத்தங் ‘‘தா²மக³தோ அனுஸயே பஜஹதீ’’தி (படி॰ ம॰ 3.21). அப்படிவினீதாதி ஸமுச்சே²த³வினயவஸேன ந படிவினீதா. அப்பஹீனா ஹி தா²மக³தா கிலேஸா அனுஸெந்தீதி வுச்சந்தி. ஏதேன தேஸங் காரணலாபே⁴ ஸதி உப்பஜ்ஜனாரஹதங் த³ஸ்ஸேதி. ஸமுதா³சரந்தீதி அபி⁴ப⁴வந்தி. ஏதேன தேஸங் வீதிக்கமப்பத்ததங் த³ஸ்ஸேதி. உப்பஜ்ஜந்தீதி பன இமினாவ பரியுட்டா²னாவத்தா² த³ஸ்ஸிதா.
தங் பஞ்சக்க²ந்த⁴ப்பபே⁴த³ங் ஆரம்மணந்தி யங் தங் ‘‘யத்த² சேதா தி³ட்டி²யோ உப்பஜ்ஜந்தீ’’திஆதி³னா வுத்தங் ரூபுபாதா³னக்க²ந்தா⁴தி³பஞ்சக்க²ந்த⁴பபே⁴த³ங் தி³ட்டீ²னங் ஆரம்மணங். ஏதங் மய்ஹங் ந ஹோதீதி ஏதங் க²ந்த⁴பஞ்சகங் மய்ஹங் ஸந்தகங் ந ஹோதி மம கிஞ்சனபலிபோ³த⁴பா⁴வேன க³ஹேதப்³ப³தாய அபா⁴வதோ. தேனஸ்ஸ பரமத்த²தோ தண்ஹாவத்து²பா⁴வங் படிக்கி²பதி தாவகாலிகாதி³பா⁴வதோ. அஹம்பி ஏஸோ ந அஸ்மீதி ஏஸோ பஞ்சக்க²ந்த⁴பபே⁴தோ³ அஹம்பி ந அஸ்மி, அஹந்தி ஸோ க³ஹேதப்³போ³ ந ஹோதீதி அத்தோ². ஏதேனஸ்ஸ மானவத்து²பா⁴வங் படிக்கி²பதி அனிச்சது³க்க²ஜேகு³ச்சா²தி³பா⁴வதோ. ஏஸோ மே அத்தாபி ந ஹோதி அத்தஸபா⁴வஸ்ஸ தத்த² அபா⁴வதோ மமஞ்சஸ்ஸ கிஞ்சனபலிபோ³த⁴பா⁴வேன க³ஹேதப்³ப³தாய அபா⁴வதோ.
தண்ஹாவ மமந்தி க³ண்ஹாதி ஏதேனாதி தண்ஹாகா³ஹோ. தங் க³ண்ஹந்தோதி தங் உப்பாதெ³ந்தோ. தேனாஹ ‘‘தண்ஹாபபஞ்சங் க³ண்ஹாதீ’’தி. பபஞ்சேதி ஸந்தானங் வித்தா²ரெந்தோ ஸத்தே ஸங்ஸாரே சிராயதீதி பபஞ்சோ. யதா² வுத்தபபே⁴த³ந்தி அட்ட²ஸததண்ஹாவிசரிதபபே⁴த³ங். தண்ஹாபபஞ்சங் படிக்கி²பதி க²ந்த⁴பஞ்சகஸ்ஸ தண்ஹாவத்து²காபா⁴வவிபா⁴வனேனாதி அதி⁴ப்பாயோ. பரதோ பத³த்³வயேபி ஏஸேவ நயோ. தி³ட்டே²கட்டா²தி தி³ட்டி²யா யதா² அத்தீ²தி யேன அனிச்சது³க்கா²ஸுபா⁴னத்தாகாரேன அத்தி², ததா² பஸ்ஸந்தோ யதா²பூ⁴தங் பஸ்ஸதி நாம. தேனாஹ ‘‘க²ந்த⁴பஞ்சகஞ்ஹீ’’திஆதி³. ஏதேனேவ ஆகாரேனாதி ருப்பனாதி³அனிச்சாதி³ஆகாரேனேவ. க³ய்ஹமானம்பி அப்பஹீனவிபல்லாஸேஹி. தேனாகாரேனாதி ‘‘ஏதங் மம’’ந்திஆதி³ஆகாரேன. நேவத்தி² யதா²பூ⁴தத³ஸ்ஸனவிபல்லாஸானங் ஸுட்டு² பஸ்ஸந்தஸ்ஸாதி யதா² புன ததா² ந பஸ்ஸிதப்³ப³ங், ஏவங் ஸுட்டு² ஸாதிஸயங் பஸ்ஸந்தஸ்ஸ.
ந ஆதி³மனஸிகாரேனேவ தி³ட்டி²ப்பஹானங் ஹோதி, அதி⁴மானிகானங் பன அதி⁴மானமத்தமேதங் த³ஸ்ஸனங். மக்³கே³னேவ தங் ஹோதீதி இமமத்த²ங் விபா⁴வெந்தோ ‘‘ஸோதாபத்திமக்³கே³ன தி³ட்டி²ப்பஹானங் த³ஸ்ஸெத்வா’’தி ஆஹ. விப⁴ஜந்தோதி அதி⁴மானிகானங் ஜா²னானி அஸல்லேக²பா⁴வேன விப⁴ஜந்தோ. பா³லபுது²ஜ்ஜனானங் நேவ உப்பஜ்ஜதி அகாரகபா⁴வதோ. ந அரியஸாவகானங் பஹீனாதி⁴மானபச்சயத்தா. ந அட்டா²னநியோஜகோ ஸப்பாயகம்மட்டா²னேயேவ நியோஜனதோ.
தே²ரோ ‘‘யத³த்த²ங் ஸங்கோ⁴ பக்கோஸதி, ஸோ அத்தோ² தத்த² வாஸீனங் ஆக³தாக³தானங் இத⁴ இஜ்ஜ²தீ’’தி தங் உதி³க்க²ந்தோ ஸங்கே⁴ன யாவததியங் பஹிதோபி ந க³தோ ந அகா³ரவேன. தேனாஹ ‘‘கிமேத’’ந்திஆதி³. பண்டி³தோ ஹி தத்த² அத்தனோ கிச்சமேவ கரோதீதி அஞ்ஞதரங் வுட்³ட⁴பப்³ப³ஜிதங் பாஹேஸி. கிமேதந்தி ஸங்க⁴ஸ்ஸ ஆணாய அகரணங் நாம கிமேதந்தி கரணே ஆத³ரங் தீ³பெந்தோ ஏவமாஹ. ஸட்டி²வஸ்ஸாதீதோதி அப்பத்தே பத்தஸஞ்ஞீ ஏவ ஸட்டி²வஸ்ஸாதீதோ. யஸ்மா பேஸலா பேஸலேஹி ஸத்³தி⁴ங் ஸங்ஸந்த³ந்தி ஸமானாதி⁴முத்திதாய, தஸ்மா தே²ரோ ‘‘ஸாதா⁴வுஸோ’’தி வத்வா ஹத்தி²மாபனாதி³ங் ஸப்³ப³ங் அகாஸி.
தாதி³ஸோவாதி அனந்தரங் வுத்தத்தே²ரஸதி³ஸோவ அப்பத்தே பத்தஸஞ்ஞீ ஏவ ஸட்டி²வஸ்ஸாதீதோதி அத்தோ². பது³மகு³ம்ப³ந்தி கமலஸண்ட³ங். பாஸாத³ங் பாவிஸி விஸ்ஸட்ட²ங் ஓலோகனேனஸ்ஸ புது²ஜ்ஜனபா⁴வோ அத்தனாவ பஞ்ஞாயிஸ்ஸதீதி. திஸ்ஸமஹாவிஹாரே கிர தே²ரா பி⁴க்கூ² ததா³ ‘‘ஸகசித்தங் பஸீத³தீ’’தி வசனங் பூஜெந்தா காலஸ்ஸேவ சேதியங்க³ணங் ஸம்மஜ்ஜித்வா எத்தகாரம்மணமேவ பு³த்³தா⁴ரம்மணபீதிங் உப்பாதெ³த்வா தி³வஸே தி³வஸே ததா² கரொந்தி. தேன வுத்தங் ‘‘தஸ்மிஞ்ச ஸமயே’’திஆதி³. ‘‘த⁴ம்மதி³ன்ன, இத⁴ பத்தசீவரங் ட²பேதீ’’தி வத்தாபி படிஸந்தா²ரவஸேன கிஞ்சி புச்சி²தாபி நாஹோஸி. கு³ணங் ஜானாதீதி நிமுஜ்ஜனாதீ³ஸு விவரதா³னாதி³னா கு³ணங் ஜானாதி விய. தும்ஹே பன ந ஜானித்த² ஆக³ந்துகவத்தஸ்ஸபி அகரணதோ. ஸத்து²ஆணாவிலங்கி⁴னீ கீதி³ஸீ ஸா ஸங்க⁴ஸ்ஸ
யங் தஸ்ஸ ஏவமஸ்ஸ ஸல்லேகே²ன விஹராமீதி யோ ‘‘பட²மஜ்ஜா²னங் உபஸம்பஜ்ஜ விஹரெய்யா’’தி வுத்தோ, தஸ்ஸ பி⁴க்கு²னோ யங் ‘‘பட²மஜ்ஜா²னஸங்கா²தங் படிபத்திவிதா⁴னங் கிலேஸே ஸல்லேக²தி, தேன ஸல்லேகே²ன அஹங் விஹராமீ’’தி அதி⁴மானவஸேன ஏவமஸ்ஸ ஏவங் ப⁴வெய்ய டா²னமேதங் விஜ்ஜதீதி ஏவமெத்த² ஸம்ப³ந்தோ⁴ வேதி³தப்³போ³. தங் ந யுஜ்ஜதீதி தங் அதி⁴மானிகஸ்ஸ ‘‘யதா²விப⁴ங்க³ங் பட²மஜ்ஜா²னங் ஸல்லேகோ²’’தி பரிவிதக்கிதங் ந யுஜ்ஜதி யுத்தங் ந ஹோதி. தேனாஹ ‘‘ந ஹீ’’திஆதி³. தத்த² ஸம்மா ஸப்³ப³ஸோ ச கிலேஸே லிக²தீதி ஸல்லேகோ², அரியமக்³கோ³. தது³பாயவிபஸ்ஸனா ஸல்லேக²படிபதா³. யங் பன ஜா²னங் விபஸ்ஸனாபாத³கங், தம்பி ஜா²னங் பரியாயேன மக்³க³பாத³கங் ஹோதியேவ. தேனாஹ ‘‘அவிபஸ்ஸனாபாத³கத்தா’’திஆதி³.
ஜா²னத⁴ம்மவஸேனாதி விதக்காதி³பஞ்சகஜ்ஜா²னத⁴ம்மவஸேன. சித்துப்பாத³வஸேன அனேகவாரங் பவத்தமானம்பி ஜா²னங் ஏகாவஜ்ஜனதாய ஏகவீதி²பரியாபன்னத்தா ஏகா ஸமாபத்தி ஏவாதி ‘‘புனப்புனங் ஸமாபத்திவஸேனா’’தி வுத்தங். சத்தாரி அரூபஜ்ஜா²னானி யதா²ஸகங் ஏகேகஸ்மிங்யேவ ஆரம்மணே பவத்தந்தீதி ஆஹ ‘‘ஆரம்மணபே⁴தா³பா⁴வதோ’’தி. புரிமகாரணத்³வயவஸேனேவாதி ‘‘ஜா²னத⁴ம்மவஸேன, புனப்புனங் ஸமாபத்திவஸேனா’’தி புப்³பே³ வுத்தப்பகாரகாரணத்³வயவஸேனேவ.
தேஸங் அரூபஜ்ஜா²னானங் கிலேஸபரிளாஹாபா⁴வேன நிப்³பு³தானி அங்கா³னி, பா⁴வனாவிஸேஸவஸேன ஸுகு²மானி ஆரம்மணானி. தஸ்மா தானீதி தேஸங் வஸேன தானி ஜா²னானி ஸந்தானி, தஸ்மா ‘‘ஸந்தா ஏதே விஹாரா’’தி வுத்தங். தேஸங் சதுன்னம்பீதி சதுன்னம்பி தேஸங் அரூபஜ்ஜா²னானங்.
83. ஸோதி அதி⁴மானிகோ பி⁴க்கு², அஞ்ஞோ வா இதோ பா³ஹிரகோ தாபஸபரிப்³பா³ஜகாதி³கோ ந ஹி ஸம்மஸதி. தத்த² அதி⁴மானிகோ அப்பத்தே பத்தஸஞ்ஞிதாய ந ஸம்மஸதி, இதரோ அவிஸயதாய. யத்தா²தி யஸ்மிங் ஸல்லேக²வத்து²ஸ்மிங், அவிஹிங்ஸகதாதீ³ஹி சதுசத்தாலீஸாய ஆகாரேஹி.
அட்ட² ஸமாபத்தியோ நாம கிலேஸானங் விக்க²ம்ப⁴னவஸேன பவத்தா உத்தருத்தரி ஸந்தபணீதா த⁴ம்மா, ந ததா² லோகியா அவிஹிங்ஸாத³யோ. தத்த² கத²ங் அவிஹிங்ஸாத³யோ ஏவ ஸல்லேக²பா⁴வேன வுத்தா, ந இதராதி இமமத்த²ங் விபா⁴வெந்தோ சோத³கோ ‘‘கஸ்மா பனா’’திஆதி³மாஹ. இதரோ காமங் ஸமாபத்தியோ ‘‘லோகுத்தரபாத³கத்தா’’திஆதி³மாஹ. இமினாயேவ அட்ட²ஸமாபத்தீஹி அவிஹிங்ஸாதீ³னங் விஸேஸதீ³பகேன ஸுத்தேன யதா² மஹப்ப²லதரங் ஹோதி, தங் பகாரஜாதங் வேதி³தப்³ப³ங். இத³ஞ்ஹி த³க்கி²ணெய்யதரதாய த³க்கி²ணாய மஹப்ப²லதரதங் ஸந்தா⁴ய வுத்தந்தி ஸம்ப³ந்தோ⁴. நனு தத்த² ‘‘ஸோதாபத்திப²லஸச்சி²கிரியாய படிபன்னோ’’தி ஆக³தங், ந ‘‘ஸரணக³தோ’’தி சோத³னங் ஸந்தா⁴யாஹ ‘‘ஸரணக³மனதோ பட்டா²யா’’திஆதி³. வுத்தஞ்ஹேதங் அட்ட²கதா²யங் (ம॰ நி॰ அட்ட²॰ 3.379) ‘‘ஹெட்டி²மகோடியா திஸரணங் க³தோ உபாஸகோபி ஸோதாபத்திப²லஸச்சி²கிரியாய படிபன்னோ நாமா’’தி. யோ ஹி வட்டது³க்க²ங் ஸமதிக்கமிதுகாமோ பஸன்னசித்தோ ரதனத்தயங் ஸரணங் க³ச்ச²தி, தஸ்ஸ தங் அதி⁴ஸீலாதீ³னங் உபனிஸ்ஸயோ ஹுத்வா அனுக்கமேன த³ஸ்ஸனமக்³கா³தி⁴க³மாய ஸங்வத்தெய்யாதி.
விஹிங்ஸாதி³வத்து²ந்தி யதே³தங் விஹிங்ஸாதீ³னங் வத்து²ங் வதா³ம, இமஸ்மிங் விஹிங்ஸாதி³வத்து²ஸ்மிங். அந்தமிச்சா²தி³ட்டி²ஞ்ச மிச்ச²த்தானங் ஆதி³மிச்சா²தி³ட்டி²ஞ்சாதி இத³ங் தே³ஸனாக்கமங் ஸந்தா⁴ய வுத்தங். மிஸ்ஸெத்வாதி மிச்சா²தி³ட்டி²பா⁴வஸாமஞ்ஞேன ஏகஜ்ஜ²ங் கத்வா. ததா²தி இமினா யதா² கம்மபத²மிச்ச²த்தானங் அந்தே ஆதி³ம்ஹி ச வுத்தமிச்சா²தி³ட்டி²ங் மிஸ்ஸெத்வா ஏகஜ்ஜ²ங் வுத்தங், ததா² தேஸங் அந்தே வுத்தஸம்மாதி³ட்டீ²தி இமமத்த²ங் உபஸங்ஹரதி.
பாணந்தி வோஹாரதோ ஸத்தங், பரமத்த²தோ ஜீவிதிந்த்³ரியங். அதிபாதெந்தி ஸரஸேனேவ பதனஸபா⁴வங் அதிச்ச அந்தரா ஏவ பாதெந்தி, அதிக்கம்ம வா ஸத்தா²தீ³ஹி அபி⁴ப⁴வித்வா பாதெந்தி. அதி³ன்னந்தி பரஸந்தகங். ஆதி³யந்தீதி க³ண்ஹந்தி. ஸல்லேக²தீதி ஸமங் லேக²தி, பஜஹதீதி அத்தோ². கம்மபத²கதா² ஏஸாதி ‘‘அத்த²ப⁴ஞ்ஜனக’’ந்தி வுத்தங். பியஸுஞ்ஞகரணதோ பிஸுணா, பிஸதி பரே ஸத்தே ஹிங்ஸதீதி வா பிஸுணா. ப²ருஸாதி லூகா², நிட்டு²ராதி அத்தோ². நிரத்த²கந்தி அத்த²ரஹிதங் அத்தனோ பரேஸஞ்ச ஹிதவினிமுத்தங். மிச்சா²தி விபரீதா நிச்சாதி³வஸேன பவத்தியா. பாபிகாதி லாமிகா. ஏகந்தாகுஸலதாய விஞ்ஞூஹி பு³த்³தா⁴தீ³ஹி க³ரஹிதா. நத்தி² தி³ன்னந்தி ஆதி³வத்து²காயாதி த³ஸவத்து²கமிச்சா²தி³ட்டி²மாஹ. நத்தி²கபா⁴வாபி⁴னிவேஸனவஸேன கம்மபத²ப்பத்தியேவஸ்ஸா கம்மபத²பரியாபன்னதா. ‘‘ரூபங் அத்தா’’’திஆதி³னயப்பவத்தா அத்ததி³ட்டி² அனிய்யானிகதி³ட்டி². அனிய்யானிகத்தா ஏவ ஹிஸ்ஸா மிச்ச²த்தபரியாபன்னதா. ஸம்மாதி அவிபரீதா, ததோ ஏவ ஸோப⁴னா ஸுந்த³ரா, பு³த்³தா⁴தீ³ஹி பஸத்த²த்தா விஞ்ஞுப்பஸத்தா². ஸேஸமெத்த² மிச்சா²தி³ட்டி²யங் வுத்தனயேன வேதி³தப்³ப³ங்.
அஸுபா⁴தீ³ஸு அயாதா²வஅனிய்யானிகா அயோனிஸோ உப்பத்தியா. அகுஸலாதி அயாதா²வாஅனிய்யானிகா அகுஸலா ஸங்கப்பா. ஏஸ நயோதி இமினா ‘‘அயாதா²வா அனிய்யானிகா அகுஸலா வாசா’’திஆதி³னா தத்த² தத்த² அயாதா²வாதி³அத்த²ங் அதிதி³ஸதி. வாசாதி சேதனா அதி⁴ப்பேதா, ததா² கம்மந்தாஜீவாஸதி ச. யேபு⁴ய்யேன அதீதானுஸ்ஸரணவஸேன பவத்திதோ ‘‘அதீதங் சிந்தயதோ’’தி வுத்தங். ததா² ஹி லோகே ஏவங் வத³ந்தி ‘‘யங் மே பஹூதங் த⁴னங் அஹோஸி, தங் பமாத³வஸேன பன ப³ஹுங் கீ²ண’’ந்தி. ஸதிபதிரூபகேனாதி ‘‘சிரகதம்பி சிரபா⁴ஸிதம்பி ஸரிதா’’தி ஏவங் வுத்தஸதுப்பத்திபதிரூபகேன. உப்பத்திந்தி சித்துப்பத்திங். ததா²பவத்தசித்துப்பாதோ³ ஹி மிச்சா²ஸதி. ஸா பன கோத⁴வஸேன வா ‘‘அக்கொச்சி² மங் அவதி⁴ ம’’ந்திஆதி³னா (த⁴॰ ப॰ 3) உபனய்ஹந்தஸ்ஸ, ராக³வஸேன வா ‘‘யானிஸ்ஸ தானி புப்³பே³ மாதுகா³மேன ஸத்³தி⁴ங் ஹஸிதலபிதகீளிதானி அனுஸ்ஸரதீ’’தி (அ॰ நி॰ 7.50) வுத்தனயேன ஸுப⁴தோ அனுஸ்ஸரந்தஸ்ஸ, தி³ட்டி²வஸேன வா ‘‘ஸோ கோ² பன மே அத்தோ நிச்சோ து⁴வோ’’திஆதி³னா மிச்சா²அபி⁴னிவிஸந்தஸ்ஸாதி ஏவமாதி³னா நயேன பவத்ததீதி வேதி³தப்³பா³.
உபாயசிந்தாவஸேனாதி கி²ப்பஜாலகுமினாது³ஹலாதி³உபகரணஸங்விதா⁴னாதீ³ஸு யுத்திசிந்தனாதி³வஸேன பாபங் கத்வா விப்படிஸாரனிமித்தங், ‘‘ஸுகதங் மயா’’தி பாமோஜ்ஜனிமித்தங் கத்வா பச்சவெக்க²ணாகாரேன மோஹோ அஞ்ஞாணங். தத்த² பன ‘‘அஸிவே ஸிவா’’தி வோஹாரோ விய ஞாணவோஹாரோ. மிச்சா²ஸபா⁴வத்தா பன மிச்சா²ஞாணங்த்வேவ வுச்சதி. ஏகூனவீஸதிபே⁴த³ங் பச்சவெக்க²ணஞாணங் ஸம்மா பெக்கி²தத்தா ஸம்மாஞாணங் வுச்சதி, இதரங் பன ஜா²னாதி³பச்சவெக்க²ணஞாணங் ஸம்மாதி³ட்டி²யாவ ஸங்க³ய்ஹதி. ரூபாரூபஸமாபத்திலாபி⁴தாமத்தேன வட்டதோ அவிமுத்தாயேவ ஸமானா ‘‘விமுத்தா மய’’ந்தி ஏவங்ஸஞ்ஞினோ. பகதிபுரிஸந்தரஞாணஸங்கா²தாயங், கு³ணவியுத்தஸ்ஸ அத்தனோ ஸகத்தனி அவட்டா²னஸங்கா²தாயங், அத்தனோ மஹாப்³ரஹ்முனா ஸலோகதா தஸ்ஸ ஸமீபதாஸங்யுஜ்ஜனஸங்கா²தாயங் விமுத்திஸஞ்ஞினோ. ஏகந்தாகுஸலதாய ஹீனத்தா பாபிகா. அயாதா²வதாய விபரீதா. யதா²வுத்தேனாதி ‘‘அவிமுத்தாயேவ ஸமானா’’தி வுத்தப்பகாரேன. ‘‘மயமெத்த² ஸம்மாதி³ட்டி² ப⁴விஸ்ஸாமா’’திஆதீ³ஸு ப²லஸம்மாதி³ட்டி²ஆதீ³னிபி மக்³க³ஸம்மாதி³ட்டி²ஆதி³பக்கி²கானேவாதி அதி⁴ப்பாயேன ‘‘ப²லஸம்பயுத்தானி…பே॰… வேதி³தப்³பா³’’தி வுத்தங். ஸப்³பே³பி பன ப²லத⁴ம்மே விமுத்திக்க²ந்த⁴ஸங்க³ஹதோ ‘‘விமுத்தீ’’தி வுச்சமானே ந கோசி விரோதோ⁴. எத்த² ஸம்மாவிமுத்திஸங்கா²தே ஸல்லேக²வத்து²ம்ஹி.
யதி³ நீவரணவஸேன வுத்தானி, தஸ்மா தீணேவ வுத்தானீதி ஆஹ ‘‘அபி⁴ஜ்ஜா²லூ’’திஆதி³. பரியுட்டா²னப்பத்தா தி²னமித்³த⁴பரியுட்டி²தா. யஸ்ஸ த⁴ம்மஸ்ஸ அத்தி²தாய உத்³த⁴தா நாம ஹொந்தி, ஸோ த⁴ம்மோ உத்³த⁴ச்சந்தி ஆஹ ‘‘உத்³த³ச்சேன ஸமன்னாக³தாதி உத்³த⁴தா’’தி. விசினந்தாதி த⁴ம்மோதி வா அத⁴ம்மோதி வா உபனாஹனஸீலாதி பரஸ்ஸ அத்தனோ சித்தே அனுப³ந்த⁴னஸீலா. இஸ்ஸந்தீதி உஸூயந்தி. ஸட²யந்தீதி ஸடா² அஞ்ஞதா² அத்தானங் அஞ்ஞதா² பவேத³னகா. தே பன யஸ்மா ந யதா²பூ⁴தவாதி³னோ, தஸ்மா ஆஹ ‘‘ந ஸம்மா பா⁴ஸந்தீதி வுத்தங் ஹோதீ’’தி. வுத்தபச்சனீகனயேனாதி ‘‘ந கோத⁴னா அக்கோத⁴னா’’திஆதி³னா வுத்தஅத்த²படிபக்க²னயேன.
து³க்க²ங் வசோ ஏதேஸு விப்படிகூலக்³கா³ஹிதாய விபச்சனீககா³ஹேஸூதி து³ப்³ப³சா. தே பன வசனக்க²மா ந ஹொந்தீதி ஆஹ ‘‘வத்துங் து³க்கா²’’திஆதி³. ஹீனாசாரதாய து³க்க²ஸ்ஸ வா ஸம்பாபகதாய பாபகா. அஸத்³த⁴ம்மவஸேனாதி அஸப்புரிஸத⁴ம்மவஸேன. அத்தனா விஸேஸிதப்³ப³வஸேன காயவிஞ்ஞத்திஆதீ³னங் காயகம்மத்³வாராதி³பா⁴வோ விய அஸ்ஸத்³தி⁴யாதி³அஸத்³த⁴ம்மஸமன்னாக³மேனஅஸதங் அஸப்புரிஸானங் த⁴ம்மானந்தி தானியேவ அஸ்ஸத்³தி⁴யாதீ³னி அஸத்³த⁴ம்மா நாம, தேஸங் வஸேனாஹ ‘‘ஸத்³தா⁴ ஏதேஸங் நத்தீ²’’தி யதா² தங் ‘‘து³ப்பஞ்ஞா’’தி. ஸுத்தகெ³ய்யாதி³ அப்பங் ஸுதங் ஏதேஸந்தி அப்பஸ்ஸுதா, ஸுதேன அனுபபன்னா. நத்தீ²தி க³ஹேதப்³ப³ந்தி இமினா அபா⁴வத்தோ² அயங் அப்ப-ஸத்³தோ³ ‘‘அப்பட³ங்ஸமகஸவாதாதபஸரீஸபஸம்ப²ஸ்ஸான’’ந்திஆதீ³ஸு (அ॰ நி॰ 10.11) வியாதி த³ஸ்ஸேதி. ஸம்மாபடிபத்தியா அனாரம்ப⁴னதோ குச்சி²தா கா³ரய்ஹா ஸீத³ந்தி ஓஸீத³ந்தி ஸங்கிலேஸபக்கே²தி குஸீதா த³-காரஸ்ஸ த-காரங் கத்வா. அகுஸலானங் த⁴ம்மானங் பஹானாய குஸலானங் த⁴ம்மானங் உபஸம்பதா³ய ஆரத்³த⁴ங் பக்³க³ஹிதங் வீரியங் ஏதேஸந்தி ஆரத்³த⁴வீரியா. அனுப்பாத³னேன முட்டா² நட்டா² ஸதி ஏதேஸந்தி முட்ட²ஸ்ஸதீ. து³ட்டா²தி தூ³ஸிதா. து³ப்பஞ்ஞா நாம தூ³ஸிதபா⁴வோ படிபக்கே²ன வினாஸிதபா⁴வோதி ஆஹ ‘‘நட்ட²பஞ்ஞாதி வுத்தங் ஹோதீ’’தி. ஹெட்டா² ஸம்மாதி³ட்டி²க்³க³ஹணேன கம்மஸ்ஸகதாபஞ்ஞாய மக்³க³ஸம்மாதி³ட்டி²யா ச க³ஹிதத்தா ஸுப்³ப³சகல்யாணமித்ததாபரிவாராஹி இத⁴ ஸத்³தா⁴தீ³ஹி விபஸ்ஸனாஸம்பா⁴ரஸ்ஸ உத்³த⁴டத்தா ச வுத்தங் ‘‘இத⁴ விபஸ்ஸனாபஞ்ஞா வேதி³தப்³பா³’’தி. தேனாஹ ‘‘விபஸ்ஸனாஸம்பா⁴ரோ ஹீ’’திஆதி³. யுத்திங் அனபெக்கி²த்வாபி அயமத்தோ² க³ஹேதப்³போ³தி த³ஸ்ஸெந்தோ ஆஹ ‘‘போராணானங் ஆணா’’தி.
லோகுத்தரகு³ணானங் அந்தராயகரந்தி லோகுத்தரகு³ணானங் அதி⁴க³மஸ்ஸ அந்தராயகரங். ஸந்தி³ட்டி²ந்தி ஸங் அத்தனோ தி³ட்டி²ங், யங் வா தங் வா அத்தனா யதா²க³ஹிததி³ட்டி²ந்தி அத்தோ². ஸபா⁴வங் அதிக்கமித்வா பரதோ ஆமஸனதோ பராமாஸீ. த³ள்ஹக்³கா³ஹீதி ‘‘இத³மேவ ஸச்ச’’ந்தி தி²ரக்³கா³ஹக்³கா³ஹீ. படினிஸ்ஸக்³கீ³தி படினிஸ்ஸஜ்ஜனகோ. கும்மோவாதி யதா² கச்ச²போ அத்தனோ பாதா³தி³கே அங்கே³ கேனசி க⁴ட்டிதோ ஸப்³பா³னி அங்கா³னி அத்தனோ கபாலேயேவ ஸமோத³ஹதி, ந ப³ஹி நீஹரதி, ஏவமயம்பி ‘‘ந ஸுந்த³ரோ தவ கா³ஹோ, ச²ட்³டே³ஹி ந’’ந்தி வுத்தோ தங் ந விஸ்ஸஜ்ஜேதி. அந்தோயேவ அத்தனோ ஹத³யே ஏவ ட²பெத்வா தங் வத³தி. கும்பீ⁴லக்³கா³ஹந்தி ஸங்ஸுமாரக்³கா³ஹங். க³ண்ஹந்தீதி யதா² ஸங்ஸுமாரா க³ஹிதங் ந விஸ்ஸஜ்ஜெந்தி, ஏவங் க³ண்ஹந்தி.
84. ஏவங் சதுசத்தாலீஸாய ஆகாரேஹீதி அவிஹிங்ஸனாதீ³ஹி சதுஅதி⁴கசத்தாலீஸப்பகாரேஹி. கஸ்மா பனெத்த² அவிஹிங்ஸா ஆதி³தோ வுத்தா? ஸப்³ப³கு³ணானங் மூலபா⁴வதோ. அவிஹிங்ஸாதி ஹி கருணாயேதங் அதி⁴வசனங், ஸா ச விஸேஸதோ ஸீலஸ்ஸ மூலகாரணங் பரூபகா⁴தலக்க²ணா து³ஸ்ஸீல்யா ஓரமாபனதோ. யதா² ஹி பாணாதிபாதோ பரூபகா⁴தலக்க²ணோ, ததா² பரேஸங் ஸாபதெய்யாவஹரணங், ஸத்திப்பஹாரதோபி த⁴னஸ்ஸாவஹாரோ க³ருதரோதி. ததா² அப்³ரஹ்மசரியங் க³ப்³ப⁴தா⁴ரணாதி³து³க்கா²வஹனதோ, பரதா³ராதிக்கமே பன வத்தப்³ப³மேவ நத்தி². பரேஸங் விஸங்வாத³னபே⁴த³னமம்மக⁴ட்டனானங் பரூபகா⁴தபா⁴வோ பாகடோ ஏவ, ஸம்ப²ப்பலாபோ அத்த²க்³கா³ஹாபனதோ அனத்து²ப்பாத³னதோ, அபி⁴ஜ்ஜா² அதி³ன்னாதா³னாதி³ஹேதுதோ, ப்³யாபாதோ³ பாணாதிபாதாதி³ஹேதுதோ, மிச்சா²தி³ட்டி² ஸப்³பா³னத்த²ஹேதுதோ
ததோ பரங் விஸேஸதோ ‘‘அவிஹிங்ஸாஸமுட்டா²னா இமே த⁴ம்மா’’தி த³ஸ்ஸனத்த²ங் குஸலகம்மபத²த⁴ம்மா க³ஹிதா. ததோ இத³ங் கு³ணானங் மூலபூ⁴தங் ஸீலங், எத்த² பதிட்டி²தேன இமே த⁴ம்மா உப்பாதே³தப்³பா³தி த³ஸ்ஸனத்த²ங் அட்ட² ஸம்மத்தா க³ஹிதா. தேஸங் விஸோத⁴னாய படிபன்னஸ்ஸ ஆதி³தோ ஏவங் ஹோதீதி த³ஸ்ஸனத்த²ங் நீவரணவிவேகோ க³ஹிதோ, ஆதி³தோ நீவரணத்³வயஸ்ஸ அக்³க³ஹணே க³ஹிதாக³ஹிதகாரணங் அட்ட²கதா²ய வுத்தமேவ. கோத⁴ஸ்ஸ பன ப்³யாபாத³தோ பே⁴தோ³ வத்த²ஸுத்தவண்ணனாயங் (ம॰ நி॰ அட்ட²॰ 1.71) வுத்தனயேனேவ வேதி³தப்³போ³. கோதா⁴தி³ப்பஹானேன செத்த² ஸல்லேக²ஸித்³தீ⁴தி த³ஸ்ஸனத்த²ங் ததோ உபக்கிலேஸவிஸுத்³தி⁴ க³ஹிதா. ஸா ச ஸுப்³ப³சகல்யாணமித்தஅப்பமத்ததாஹி ஸிஜ்ஜ²தீதி த³ஸ்ஸனத்த²ங் பகிண்ணகா க³ஹிதா. ஸம்பன்னஸோவசஸ்ஸதாதி³கு³ணஸ்ஸ இமே த⁴ம்மா பாரிபூரிங் க³ச்ச²ந்தி, விபஸ்ஸனங் பரிப்³ரூஹெத்வா அரியமக்³கா³தி⁴க³மாய ஸங்வத்தந்தீதி த³ஸ்ஸனத்த²ங் ஸத்³த⁴ம்மா க³ஹிதா. ஏவங்பூ⁴தஸ்ஸ அயங் மிச்சா²கா³ஹோ லோகுத்தரகு³ணாதி⁴க³மஸ்ஸ அந்தராயகரோ, தஸ்மா ஸோ தூ³ரதோ வஜ்ஜேதப்³போ³, ஏவங் யதா²வுத்தாய ஸம்மாபடிபத்தியா அரியமக்³க³ங் அதி⁴க³ச்ச²ந்தோ ஸல்லேக²ங் மத்த²கங் பாபேதீதி த³ஸ்ஸனத்த²ங் ‘‘ஸந்தி³ட்டி²பராமாஸீ’’திஆதி³ வுத்தந்தி ஏவமேதேஸங் சதுசத்தாலீஸாய ஸல்லேகா²காரானங் க³ஹணபயோஜனங் அனுபுப்³பீ³ ச வேதி³தப்³பா³. பயோக³தோ ஸல்லேக²படிபத³ங் படிபஜ்ஜிதுங் அஸக்கொந்தானங் சித்துப்பாதோ³பி ப³ஹூபகாரோதி ஆஹ ‘‘சித்துப்பாத³ஸ்ஸபி ப³ஹூபகாரதங் த³ஸ்ஸேது’’ந்தி.
குஸலேஸு த⁴ம்மேஸூதி அவிஹிங்ஸாதீ³ஸு யதா²வுத்தஅனவஜ்ஜத⁴ம்மேஸு. அனுவிதி⁴யனாதி சித்துப்பாத³ஸ்ஸ காயவாசாஹி அனுவிதா⁴னா. தேஸங் த⁴ம்மானந்தி அவிஹிங்ஸாதி³த⁴ம்மானங், தேஸங் வா சித்துப்பாத³வஸேன பவத்தத⁴ம்மானங். இதா³னி ‘‘கஸ்மா பனா’’திஆதி³ ஆரத்³த⁴ங். ஸரணக³மனங் வாசாய விஞ்ஞாபேதுங் அஸக்கொந்தஸ்ஸ வஸேன வுத்தங் ‘‘காயேன வா’’தி. ‘‘ஸீலங் காயேன ஸமாதி³யதீ’’தி எத்தா²பி ஏஸேவ நயோ. எத்த² ச ததா² ததா² பவத்தஸல்லஹுககாமாவசரகுஸலசித்துப்பத்திங் உபாதா³ய ததா²ரூபகுஸலகாயவசீகம்மானங் ப³ஹூபகாரதா வுத்தாதி ந ஸபா⁴வதோ சித்துப்பாத³ஸ்ஸ ப³ஹூபகாரதங் ஞாயதீதி த³ட்ட²ப்³ப³ங்.
85. ஹிதாதி⁴க³மாயாதி தி³ட்ட²த⁴ம்மிகாதி³ஹிதஸம்பத்தியா, அரியமக்³கா³தி⁴க³மாய ஏவ வா. அரியமக்³கோ³ ஹி ஏகந்தஹிதத்தா ஹிதோ நாம. பரிவஜ்ஜனவஸேன கமனங் பவத்தி பரிக்கமனந்தி ஆஹ ‘‘பரிக்கமனாய பரிவஜ்ஜனத்தா²யா’’தி. ஸம்மாத³ஸ்ஸனுபாயஸங்விதா⁴னேன அவிஹிங்ஸா படியத்தா ஸம்மாஸம்பு³த்³தே⁴ன. ஸுகே²னேவாதி அகிச்சே²னேவ. ஏதேனேவ உபாயேனாதி ஏதேனேவ அவிஹிங்ஸாபதே³ வுத்தேன விதி⁴னா. ஸப்³ப³பதா³னீதி ஸேஸானி தேசத்தாலீஸ பதா³னி.
86. அகுஸலா படிஸந்தி⁴அஜனகா நாம உத்³த⁴ச்சஸஹக³தசித்துப்பாத³த⁴ம்மா அஞ்ஞேபி பவத்திவிபாகமத்ததா³யினோ, தி³ன்னாய படிஸந்தி⁴யா விபாகஜனகா, பச்சயவேகல்லேன விபச்சிதுங் அலத்³தோ⁴காஸா அஹோஸிகம்மாத³யோ வா அஜனகா. ஜாதிவஸேனாதி அகுஸலஜாதிவஸேன. அதோ⁴பா⁴க³ங்க³மனீயாதி அபாயக³மனீயா. ஏவங்னாமாதி நாமக்³க³ஹணேன ஸபா⁴வங் உபலக்கே²தி ஸதி பச்சயஸமவாயே தங்ஸபா⁴வானதிவத்தனதோ. தேனாஹ ‘‘விபாககாலே அனிட்டா²கந்தவிபாகத்தா’’தி. வுத்தனயேனேவ குஸலபக்கோ² வேதி³தப்³போ³. அயங் பன விஸேஸோ, இத⁴ படிஸந்தி⁴அஜனகா அபி⁴ஞ்ஞாஸஹக³தத⁴ம்மா, ஸேஸங் வுத்தஸதி³ஸமேவ. ஸப்³பே³ அகுஸலாதி எத்த² விஹிங்ஸமேகங் ட²பெத்வா இதரே ஸப்³பே³ அகுஸலா உபமாபூ⁴தா. விஹிங்ஸா ஹி உபமெய்யங். ஸப்³பே³ குஸலாதி எத்தா²பி ஏஸேவ நயோ. ஏதேனேவ உபாயேனாதி யதா² விஹிங்ஸானங் உபமெய்யதா, தத³வஸேஸானங் குஸலாகுஸலானங் உபமாபா⁴வோ வுத்தோ, இமினா நயேன அகுஸலங் பாணாதிபாதாதி³அகுஸலேன இதரேன, குஸலஞ்ச பாணாதிபாதாபடிவிரதிஆதி³குஸலேன இதரேன உபமேதப்³ப³ங்.
87. பரினிப்³பா³பனேதி கிலேஸபரிளாஹவூபஸமனே. பரிதோ லிம்பனட்டே²ன பலிபங் வுச்சதி மஹாகத்³த³மங், தங் பன ஏகந்ததோ க³ம்பீ⁴ரம்பி ஹோதீதி ‘‘க³ம்பீ⁴ரகத்³த³மே நிமுக்³கோ³’’தி வுத்தங். பலிபங் விய பலிபந்தி பஞ்ச காமகு³ணா வுச்சந்தி, தஸ்மா ஏவங் இதா³னி வுச்சமானேன உபமோபமெய்யஸங்ஸந்த³னநயேன எத்த² இமஸ்மிங் டா²னே அத்த²யோஜனா வேதி³தப்³பா³. ந ஹி தங் காரணந்தி எத்த² காரணங் நாம ஹத்த²ஸ்ஸ வா பாத³ஸ்ஸ வா அபலிபன்னபா⁴வோ, ஸோ பன நத்தி². ஏஸ நயோ உபமெய்யேபி.
தத்த² ஸியா கஸ்ஸசி பரிவிதக்கோ ‘‘ப⁴க³வதோ தே³ஸனானுபா⁴வேன பி⁴க்கு²ஆத³யோ கதெ²ந்தீ’’தி. ‘‘ப⁴க³வாயேவ ஹி தத்த² உத்³த⁴ரதீ’’தி வத்வா உபமாய தத³த்த²ங் விபா⁴வேதுங் ‘‘ரஞ்ஞோ’’திஆதி³ வுத்தங். புது²ஜ்ஜனா தாவதிட்ட²ந்து, ஸாவகஸிகா²ப்பத்தவிஸேஸானம்பி அரியானங் தே³ஸனா ஸத்து²யேவ தே³ஸனாதி த³ஸ்ஸேதுங் ‘‘கிஞ்சாபீ’’திஆதி³மாஹ. ததா² ஹி தேஹி தே³ஸிதஸுத்தானி பு³த்³த⁴வசனமேவ, தேஸங் தே³ஸனாய லத்³த⁴விஸேஸாபி அரியா பு³த்³த⁴புத்தாயேவாதி.
அனிப்³பி³ஸதாயாதி அனிப்³பி³ஸேவனதாய. அஸிக்கி²தவினயதாயாதி பஞ்சன்னங் வினயானங் ஸாத³ரங் அஸிக்கி²தபா⁴வேன. தே பன வினயா திஸ்ஸன்னங் ஸிக்கா²னங் ஸிக்கா²பனேன ஹோதீதி ஆஹ ‘‘திஸ்ஸோ ஸிக்கா² ஸிக்கா²பெஸ்ஸதீ’’தி. கிங் பன தந்தி? ‘‘டா²னமேதங் விஜ்ஜதீ’’தி எத்த² வுத்தங் கிங் பன டா²னந்தி ஆஹ ‘‘அபலிபபலிபன்னத்த’’ந்திஆதி³. யஸ்மா பாளியங் ‘‘ஸோ வத சுந்தா³’’திஆதி³னா ஸாமஞ்ஞத்த²ங் உபமாபா⁴வேன க³ஹெத்வா விஸேஸத்தோ² உபமெய்யபா⁴வேன வுத்தோ, தஸ்மா தமத்த²ங் ‘‘ஏவமத்தோ² வேதி³தப்³போ³’’திஆதி³னா ஸாதா⁴ரணதோ வத்வா புன அஸாதா⁴ரணதோ விவரந்தோ ‘‘கிங் வுத்தங் ஹோதீ’’திஆதி³மாஹ. பரஸ்ஸ விஹிங்ஸாசேதனங் நிப்³பா³பெஸ்ஸதீதி இத³ங் யோ அவிஹிங்ஸாஸங்கா²தங் ஸம்மாபடிபத்திங் தி³ஸ்வா தி³ட்டா²னுக³திங் ஆபஜ்ஜந்தோ த⁴ம்மதே³ஸனாய பரோ அவிஹிங்ஸகோ ஹோதி, தாதி³ஸங் ஸந்தா⁴ய வுத்தங். ஆதே³ஸனஞ்ஹி தஸ்ஸ வசனந்தி. தேனாஹ ‘‘அயங் யா ஏஸா விஹிங்ஸகஸ்ஸா’’தி. புப்³பே³ விஹிங்ஸகஸ்ஸ மிச்சா²படிபஜ்ஜந்தஸ்ஸ. விஹிங்ஸாபஹானாய மக்³க³ங் பா⁴வயதோதிஆதி³னா அத்தனோ ஏவ அவிஹிங்ஸாய விஹிங்ஸாபரினிப்³பா³னாய ஸங்வத்தனமாஹ. தேனாஹ ‘‘பரினிப்³பு³தோ வியா’’திஆதி³. ஸப்³ப³பதே³ஸூதி ‘‘பாணாதிபாதிஸ்ஸா’’திஆதி³னா ஆக³தேஸு தேசத்தாலீஸாய பதே³ஸு.
88. ஏவந்தி தே³ஸிதாகாரபராமஸனங். தஸ்ஸாதி ஸல்லேக²ஸ்ஸ. ‘‘அத்தி² க்²வேஸ ப்³ராஹ்மண, பரியாயோ’’திஆதீ³ஸு (அ॰ நி॰ 8.11; பாரா॰ 3-10) விய பரியாய-ஸத்³தோ³ காரணத்தோ²தி ‘‘ஸல்லேக²காரண’’ந்தி. தேஸங் வஸேனாதி ஸல்லேகா²னங் வஸேன. மெத்தாய உபஸங்ஹரணவஸேன ஹிதங் ஏஸந்தேன. கருணாய வஸேன அனுகம்பமானேன. பரிக்³க³ஹெத்வாதி பரிதோ க³ஹெத்வா, பரித்வாதி அத்தோ². பரிச்சாதி பரிதோ இத்வா, ஸமந்ததோ ப²ரித்வா இச்சேவ அத்தோ². மா பமஜ்ஜித்தா²தி ‘‘ஜா²யதா²’’தி வுத்தஸமத²விபஸ்ஸனானங் அஞ்ஞாணேன, அஞ்ஞேன வா கேனசி பமாத³காரணேன விபத்திகாலேதி ஸத்தஅஸப்பாயாதி³விபத்தியுத்தகாலே. யதா²வுத்தா பஞ்ச பரியாயா அஞ்ஞேபி ஸப்³பே³ ஸாஸனகு³ணா இதே⁴வ ஸங்க³ஹங் க³ச்ச²ந்தீதி ஆஹ ‘‘ஜா²யத², மா பமாத³த்தா²தி தும்ஹாகங் அனுஸாஸனீ’’தி.
ஸல்லேக²ஸுத்தவண்ணனாய லீனத்த²ப்பகாஸனா ஸமத்தா.
9. ஸம்மாதி³ட்டி²ஸுத்தவண்ணனா
89. கதே²துகம்யதாபுச்சா² ஏவாதி அவதா⁴ரணேன இதரா சதஸ்ஸோ புச்சா² நிவத்தேதி இதராஸங் அஸம்ப⁴வதோ, தத்த² யதா²புச்சி²தஸ்ஸ அத்த²ஸ்ஸ விஸ்ஸஜ்ஜனதோ ச ‘‘அயங் ஸம்மாதி³ட்டீ²’’தி யாதா²வதோ அஜானந்தாபி புது²ஜ்ஜனா பா³ஹிரகதாபஸாத³யோ அத்தனோ ஸமானஸீலே டி²தங் ஸம்மாதி³ட்டீ²தி வத³ந்தி. அனுஸ்ஸவாதி³வஸேனாபீதி அனுஸ்ஸவாகாரபரிவிதக்கதி³ட்டி²னிஜ்ஜா²னக்க²ந்திவஸேனபி. யதா²ஸமங்கி³தாகாரஸ்ஸ அத்த²ஸ்ஸ ஏவமேதந்தி நிஜ்ஜா²னக்க²மாபனதோ ஏகந்ததோ யாதா²வக்³கா³ஹோ ஹோதீதி ஆஹ ‘‘அத்தபச்சக்கே²னபீ’’தி, யாதா²வதோ லக்க²ணஸ்ஸ படிவித்³த⁴த்தா அத்தனோ பச்சக்க²பா⁴வேனாதி அத்தோ². ப³ஹுன்னங் வசனங் உபாதா³யாதி இமினா ஸாஸனே லோகே ச நிருள்ஹதாய அயங் ஆமேடி³தபயோகோ³தி ஸாஸனஸ்ஸ நிருள்ஹதாய ச ஸம்பஸாத³ங் உபாதா³யபி தது³ப⁴யிகோ ஆமேடி³தபயோகோ³ த³ட்ட²ப்³போ³. அத்த²ந்தி வசனத்த²ங். லக்க²ணந்தி ஸபா⁴வங். உபாதா³யாதி க³ஹெத்வா. ஸோப⁴னாயாதி ஸுந்த³ராய. பஸத்தா²யாதி பஸங்ஸாய. தேஸு புரிமேன த⁴ம்மானங் யதா²ஸபா⁴வாவபோ³த⁴ஸங்கா²தங் ஸம்மாதி³ட்டி²ஸபா⁴வங் த³ஸ்ஸேதி. தேன ஹி ஸா ஸப்³ப³த⁴ம்மே அபி⁴ப⁴வித்வா ஸோப⁴தி. து³தியேன ஸம்பயுத்தத⁴ம்மேஸு பரிணாயிகபா⁴வங். தேன ஹி ஸா ஸம்பயுத்தத⁴ம்மே ஞாணமயே விய தங்ஸமங்கி³னஞ்ச புக்³க³லங் ஞாணபிண்ட³ங் விய கரோதி, தஸ்ஸ ‘‘பண்டி³தோ நிபுணோ சே²கோ விஞ்ஞூ விபா⁴வீ’’திஆதி³னா தி³ஸாஸு பஸங்ஸா பத்த²ரதி.
கம்மஸ்ஸகதாஞாணந்தி ஸச்சானுலோமிகஞாணந்தி அரியஸச்சானங் படிவேத⁴ஸ்ஸ அனுலோமதோ ஸச்சானுலோமிகங் ஞாணங், விபஸ்ஸனாஞாணங். நோ ஸச்சானுலோமிகாயாதி பா³ஹிரகோ ஸச்சானுலோமிகாய ஸம்மாதி³ட்டி²யா நோ ஸம்மாதி³ட்டி² ஸப்³பே³ன ஸப்³ப³ங் தஸ்ஸ அபா⁴வதோ. தத்த² காரணமாஹ ‘‘அத்ததி³ட்டி²பராமாஸகத்தா’’தி. கம்மஸ்ஸ கதாதி³ட்டி² பன பா³ஹிரகஸ்ஸ அத்ததி³ட்டி²ங் அனுருஜ்ஜ²ந்தீ பவத்ததி ‘‘அத்தி² தி³ன்ன’’ந்திஆதி³னயப்பவத்திதோ. ஸாஸனிகோ த்³வீஹிபீதி ஸாஸனிகோ புது²ஜ்ஜனோ கம்மஸ்ஸகதாஞாணாதீ³ஹி த்³வீஹிபி ஸம்மாதி³ட்டி². ஓக்கந்தஸம்மத்தனியாமத்தா ‘‘ஸெக்கோ² நியதாயா’’தி வுத்தங். அஸெக்கா²ய ஸம்மாதி³ட்டி²யா ஸம்மாதி³ட்டீ²தி ஆனெத்வா ஸம்ப³ந்தி⁴தப்³ப³ங். தீஸுபி புக்³க³லேஸு ஸெக்கோ² இத⁴ ஸம்மாதி³ட்டீ²தி அதி⁴ப்பேதோதி த³ஸ்ஸெந்தோ ‘‘நியதாய நிய்யானிகாயா’’திஆதி³மாஹ.
இதா³னி ‘‘தேனேவாஹா’’திஆதி³ வுத்தங். அந்தத்³வயந்தி ‘‘ஸஸ்ஸதங், உச்சே²த³ங், காமஸுக²ங், அத்தகிலமத²’’ந்தி ஏதங் அந்தத்³வயங். லீனுத்³த⁴ச்சபதிட்டா²னாயூஹனந்தத்³வயஸ்ஸ அனுபக³மனங் அத்த²ஸித்³த⁴மேவ. உஜுபா⁴வேனாதி உஜுஸபா⁴வேன மக்³கே³ன, மஜ்ஜி²மாய படிபத்தியாதி அத்தோ². த⁴ம்மே பஸாத³க்³க³ஹணேன ஸத்த²ரி ஸங்கே⁴ ச பஸாதோ³பி க³ஹிதோயேவ ஹோதீதி ‘‘த⁴ம்மே’’இச்சேவ வுத்தோ தத³வினாபா⁴வதோ. யஸ்மா ஏஸ நியதாய ஸம்மாதி³ட்டி²யா ஸமன்னாக³தோ ஸம்மாதி³ட்டீ²தி அதி⁴ப்பேதோ, தஞ்ச வட்டதோ நிய்யானங் விவட்டாதி⁴க³மேன ஹோதீதி ஆஹ ‘‘ஆக³தோ இமங் ஸத்³த⁴ம்ம’’ந்தி. நிப்³பா³னஞ்ஹி ஸந்தோ ஸதா³ விஜ்ஜமானோ த⁴ம்மோதி கத்வா ஸத்³த⁴ம்மோதி இமங் ப²லேஹி அஸாதா⁴ரணேன பரியாயேன வத்தப்³ப³தங் லப⁴தி. தயித³மஸ்ஸ ஆக³மங் ஸச்சி²கிரியாபி⁴ஸமயோ, ஸோ ச பஹானாபி⁴ஸமயாதீ³ஹி ஸஹேவ இத⁴ இஜ்ஜ²தீதி த³ஸ்ஸெந்தோ ‘‘ஸப்³ப³தி³ட்டி²க³ஹனானீ’’திஆதி³மாஹ. தத்த² ஸப்³ப³தி³ட்டி²க³ஹனானி வினிப்³பே³டெ²ந்தோ ஸப்³ப³கிலேஸே பஜஹந்தோதி பத³த்³வயேன பன பஹானாபி⁴ஸமயமாஹ, ஜாதிஸங்ஸாரா நிக்க²மந்தோதி இமினா பரிஞ்ஞாபி⁴ஸமயங். ஸமதிக்கமத்தோ² ஹி பரிஞ்ஞத்தோ². படிபத்திங் பரினிட்ட²பெந்தோதி இமினா பா⁴வனாபி⁴ஸமயந்தி த³ட்ட²ப்³ப³ங்.
காலபரிச்சே²த³வசனந்தி பரிச்சி²ஜ்ஜதீதி பரிச்சே²தோ³, காலோ ஏவ பரிச்சே²தோ³ காலபரிச்சே²தோ³, யோ ஸோ அகுஸலபஜானநாதி³னா பரிச்சி²ன்னோ ‘‘யஸ்மிங் காலே’’தி. அகுஸலஞ்சாதி ச-ஸத்³தோ³ ஸமுச்சயத்தோ². தேன வக்க²மானங் அகுஸலமூலாதி³ங் ஸமுச்சினோதி. த³ஸாகுஸலகம்மபத²ந்தி குதோயங் விஸேஸோ, யாவதா அனித்³தா⁴ரிதவிஸேஸங் அகுஸலங் க³ஹிதந்தி? ந ஸாமஞ்ஞஜோதனாய விஸேஸே அவட்டா²னதோ. கிங் வா இமாய யுத்திசிந்தாய, யஸ்மா பட²மவாரேன உத்³தே³ஸவஸேன தே³ஸிதஸ்ஸ அத்த²ஸ்ஸ வித்தா²ரதே³ஸனா து³தியவாரோ. தேனேவாஹ ‘‘கதமங் பனாவுஸோ’’திஆதி³. யஸ்மா லோகுத்தரா ஸம்மாதி³ட்டி² இத⁴ அதி⁴ப்பேதா, தஸ்மா நிரோதா⁴ரம்மணாய பஜானநாய மக்³க³பஞ்ஞாய கிச்சவஸேன ஸம்மோஹதோ ‘‘இத³ங் து³க்க²’’ந்தி த³ஸஅகுஸலகம்மபத²ங் படிவிஜ்ஜ²ந்தோ ‘‘அகுஸலங் பஜானாதீ’’தி வுச்சதீதி அத்தோ². தஸ்ஸாதி அகுஸலகம்மபத²ஸங்கா²தஸ்ஸ து³க்க²ஸ்ஸ. தேனேவ பகாரேனாதி ‘‘நிரோதா⁴ரம்மணாய பஜானநாய கிச்சவஸேனா’’தி வுத்தப்பகாரேன.
குஸலந்தி எத்தா²யங் வசனத்தோ² – குச்சி²தே பாபத⁴ம்மே ஸலயதி சலயதி கம்பேதீதி குஸலங், குச்சி²தேன வா ஆகாரேன ஸயந்தீதி குஸா, பாபகா த⁴ம்மா. தே குஸே லுனாதி சி²ந்த³தீதி குஸலங். குச்சி²தானங் வா ஸானதோ தனுகரணதோ ஞாணங் குஸங் நாம, தேன லாதப்³ப³ங் க³ஹேதப்³ப³ங் பவத்தேதப்³ப³ந்தி குஸலங். யதா² வா குஸோ உப⁴யபா⁴க³க³தங் ஹத்த²பதே³ஸங் லுனாதி, ஏவமித³ங் உப்பன்னானுப்பன்னவஸேன உப⁴யபா⁴க³க³தங் ஸங்கிலேஸபக்க²ங் லுனாதி சி²ந்த³தி, தஸ்மா குஸோ விய லுனாதீதி குஸலங். குச்சி²தானங் வா ஸாவஜ்ஜத⁴ம்மானங் ஸலனதோ ஸங்வரணதோ குஸலங். குஸலத⁴ம்மவஸேன ஹி அகுஸலா மனச்ச²ட்டே²ஸு த்³வாரேஸு அப்பவத்தியா ஸங்வுதா ஹொந்தி. குச்சி²தே வா பாபத⁴ம்மே ஸலயதி க³மேதி அபனேதீதி குஸலங். குச்சி²தானங் வா பாணாதிபாதாதீ³னங் ஸானதோ நிஸானதோ தேஜனதோ குஸா, தோ³ஸலோபா⁴த³யோ. ஸாதீ³னவவஸேன சேதனாய திக்க²பா⁴வப்பத்தியா பாணாதிபாதாதீ³னங் மஹாஸாவஜ்ஜதா. தே குஸே லுனாதி சி²ந்த³தீதி குஸலங். குச்சி²தானங் வா ஸானதோ அந்தகரணதோ வினாஸனதோ குஸானி, புஞ்ஞகிரியவஸேன பவத்தானி ஸத்³தா⁴தீ³னி இந்த்³ரியானி. தேஹி லாதப்³ப³ங் பவத்தேதப்³ப³ந்தி குஸலங். ‘‘கு’’இதி வா பூ⁴மி வுச்சதி, அதி⁴ட்டா²னபா⁴வேன தங்ஸதி³ஸஸ்ஸ அத்தனோ நிஸ்ஸயபூ⁴தஸ்ஸ ரூபாரூபபப³ந்த⁴ஸ்ஸ ஸம்பதி ஆயதிஞ்ச அனுத³ஹேன வினாஸனதோ குங் ஸஸந்தீதி குஸா, ராகா³த³யோ. தே விய அத்தனோ குஸலங். பயோக³ஸம்பாதி³தா ஹி குஸலத⁴ம்மா அச்சந்தமேவ ரூபாரூபத⁴ம்மே அப்பவத்திகரணேன ஸமுச்சி²ந்த³ந்தி. குஸலஸ்ஸ மூலந்தி குஸலமூலங், ஸுப்பதிட்டி²தபா⁴வஸாத⁴னேன குஸலஸ்ஸ பதிட்டா² நிதா³னந்தி அத்தோ². அகுஸலமூலந்தி எத்தா²பி ஏஸேவ நயோ.
அகுஸலந்தி பன ந குஸலங் அகுஸலங், குஸலத⁴ம்மானங் படிபக்க²வஸேன அகுஸலந்தி பத³ஸ்ஸ அத்தோ² வேதி³தப்³போ³. ஏவஞ்ஹி ஆரொக்³யானவஜ்ஜஸுக²விபாககோஸல்லஸம்பூ⁴தட்டே²ன குஸலங் வுச்சதீதி. யதா² யங் த⁴ம்மஜாதங் ந அரோக³ங் ந அவஜ்ஜங் ந ஸுக²விபாகங் ந ச கோஸல்லஸம்பூ⁴தங், தங் அகுஸலந்தி அயமத்தோ² த³ஸ்ஸிதோ ஹோதி. ஏவங் யங் ந குச்சி²தானங் ஸலனஸபா⁴வங், ந குஸேன, குஸேஹி வா பவத்தேதப்³ப³ங், ந ச குஸோ விய லவனகங், தங் அகுஸலங் நாமாதி அயம்பி அத்தோ² த³ஸ்ஸிதோதி வேதி³தப்³போ³. வத்து²பஜானநாதி து³க்கா²தி³வத்து²னோ பஜானநா படிவேதோ⁴. ததா² பு³ஜ்ஜ²னகபுக்³க³லானங் அஜ்ஜா²ஸயவஸேன தே³ஸனா பவத்தாதி ஆஹ ‘‘அகுஸலாதி³பஜானநேனாபீ’’தி. தேனேவ ச ஸங்கி²த்தேன தே³ஸனா பவத்தா. பா⁴வனாமனஸிகாரோ பன ‘‘ஸப்³ப³ங் பி⁴க்க²வே அபி⁴ஞ்ஞெய்ய’’ந்தி (ஸங்॰ நி॰ 4.46; படி॰ ம॰ 1.3) வசனதோ அனவஸேஸதோ ரூபாரூபத⁴ம்மானங் பரிக்³க³ஹவஸேனேவ பவத்ததி. தேனாஹ ‘‘தே³ஸனாயேவா’’திஆதி³. தத்த² மனஸிகாரபடிவேதோ⁴தி புப்³ப³பா⁴கே³ பவத்தவிபஸ்ஸனாமனஸிகாரோ அரியமக்³க³படிவேதோ⁴ ச. கஸ்ஸசி அகோபனதோ வித்தா²ரவஸேனேவ வுத்தங் விபஸ்ஸனங் அனுயுஞ்ஜந்தா மக்³க³ங் படிவிஜ்ஜ²ந்தாபி வித்தா²ரனயேனேவ படிவிஜ்ஜ²ந்தீதி அத்தோ² விஸுத்³தி⁴க்கமஸ்ஸ அபா⁴வதோ.
பி⁴க்கூ²தி மஹாவிஹாரே த⁴ம்மஸங்கீ³திவஸேன பஞ்சனிகாயமண்ட³லே நிஸின்னபி⁴க்கூ². தே²ரோதி தத்த² ஸங்க⁴த்தே²ரோதி வத³ந்தி. வத்த²ஸுத்தவண்ணனாயங் வுத்தனயேன பன மஹாஸங்க⁴ரக்கி²தத்தே²ரஸ்ஸ அந்தேவாஸிகபி⁴க்கூ² ‘‘ஆஹங்ஸூ’’தி வுத்தங். தே²ரோதி பன மஹாஸங்க⁴ரக்கி²தத்தே²ரோ. ஸோ ஹி இமஸ்மிங் மஜ்ஜி²மனிகாயே தங் தங் வினிச்ச²யங் கதே²ஸி. ராஸிதோதி பிண்ட³தோ, ஏகஜ்ஜ²ந்தி அத்தோ².
அகுஸலகம்மபத²வண்ணனா
அகோஸல்லப்பவத்தியாதி கோஸல்லபடிபக்க²தோ அகோஸல்லங் வுச்சதி அஞ்ஞாணங், ததோ பவத்தனதோ, அகோஸல்லஸம்பூ⁴தத்தாதி அத்தோ². ஞாணபடிபக்கோ² ஸாவஜ்ஜங். து³க்கோ² அனிட்டோ² சதுக்க²ந்த⁴-ஸங்கா²தோ விபாகோ ஏதஸ்ஸாதி து³க்க²விபாகங். தத்த² ஸாவஜ்ஜவசனேன அகுஸலானங் பவத்திது³க்க²தங் த³ஸ்ஸேதி, து³க்க²விபாகவசனேன விபாகது³க்க²தங். புரிமஞ்ஹி பவத்திஸம்ப⁴வவஸேன அகுஸலஸ்ஸ லக்க²ணவசனங், பச்சி²மங் தாலந்தரே விபாகுப்பாத³னஸமத்த²தாவஸேன. ததா² புரிமேன அகுஸலஸ்ஸ அவிஸுத்³த⁴ஸபா⁴வதங் த³ஸ்ஸேதி, பச்சி²மேன அவிஸுத்³த⁴விபாகதங். புரிமேன அகுஸலங் குஸலஸபா⁴வதோ நிவத்தேதி, பச்சி²மேன அப்³யாகதஸபா⁴வதோ ஸவிபாகத்ததீ³பகத்தா பச்சி²மஸ்ஸ. புரிமேன வா அவஜ்ஜவந்ததாத³ஸ்ஸனதோ கிச்சட்டே²ன ரஸேன அனத்த²ஜனநரஸதங் த³ஸ்ஸேதி, பச்சி²மேன ஸம்பத்திஅத்தே²ன அனிட்ட²விபாகரஸதங். புரிமேன ச உபட்டா²னாகாரட்டே²ன பச்சுபட்டா²னேன ஸங்கிலேஸபச்சுபட்டா²னதங், பச்சி²மேன ப²லட்டே²ன து³க்க²விபாகபச்சுபட்டா²னதங். புரிமேன ச அயோனிஸோமனஸிகாரங் அகுஸலஸ்ஸ பத³ட்டா²னங் பகாஸேதி. ததோ ஹி தங் ஸாவஜ்ஜங் ஜாதங், பச்சி²மேன அகுஸலஸ்ஸ அஞ்ஞேஸங் பத³ட்டா²னபா⁴வங் விபா⁴வேதி. தஞ்ஹி து³க்க²விபாகஸ்ஸ காரணந்தி. ஸங்கிலிட்ட²ந்தி ஸங்கிலேஸேஹி ஸமன்னாக³தங், த³ஸஹி கிலேஸவத்தூ²ஹி விபா³தி⁴தங், உபதாபிதங் வா தேஹி விதூ³ஸிதங் மலீனகதஞ்சாதி அத்தோ². இத³ஞ்சஸ்ஸ து³க்க²விபாகதஞ்சாதி அத்தே² இத³ஞ்ச து³க்க²விபாகதங் அபச்சக்க²தாய அஸத்³த³ஹந்தானங் பச்சக்க²தோ ஆதீ³னவத³ஸ்ஸனேன ஸங்வேஜனத்த²ங் வுத்தங். ஸாதா⁴ரணா ஸப்³ப³ஸ்ஸபி அகுஸலஸ்ஸ.
ஸரஸேனேவ (த⁴॰ ஸ॰ மூலடீ॰ 1) பதனஸபா⁴வஸ்ஸ அந்தரா ஏவ அதீவ பாதனங் அதிபாதோ, ஸணிகங் பதிதுங் அத³த்வா ஸீக⁴ங் பாதனந்தி அத்தோ². அதிக்கம்மவா ஸத்தா²தீ³ஹி அபி⁴ப⁴வித்வா பாதனங் அதிபாதோ. பயோக³வத்து²மஹந்ததாதீ³ஹி மஹாஸாவஜ்ஜதா தேஹி பச்சயேஹி உப்பஜ்ஜமானாய சேதனாய ப³லவபா⁴வதோ. ஏகஸ்ஸ ஹி பயோக³ஸ்ஸ ஸஹஸா நிப்பா²த³னவஸேன ஸகிச்சஸாதி⁴காய ப³ஹுக்க²த்துங் பவத்தஜவனேஹி லத்³தா⁴ஸேவனாய ச ஸன்னிட்டா²பகசேதனாய வஸேன பயோக³ஸ்ஸ மஹந்தபா⁴வோ. ஸதிபி கதா³சி கு²த்³த³கே சேவ மஹந்தே ச பாணே பயோக³ஸ்ஸ ஸமபா⁴வே மஹந்தங் ஸாஹத்தி²கோ, ஆணாபனவஸேன பவத்தோ ஆணத்திகோ, உஸுஸத்தியந்தபாஸாணாதி³னிஸ்ஸஜ்ஜனவஸேன பவத்தோ நிஸ்ஸக்³கி³யோ, அது³ஹலஸஜ்ஜனாதி³வஸேன பவத்தோ தா²வரோ, ஆத²ப்³ப³ணிகாதீ³னங் விய மந்தபரிஜப்பனவஸேன பவத்தோ விஜ்ஜாமயோ, கம்மவிபாகஜித்³தி⁴மயோ இத்³தி⁴மயோ தா³டா²கோடனாதீ³னி விய.
யதி³ ‘‘மம இத³’’ந்தி பரேன பரிக்³க³ஹிதங் அதி³ன்னங், உத்தானஸெய்யகதா³ரகஸந்தகே கத²ங் தஸ்ஸ பரிக்³க³ஹஸஞ்ஞாய ஏவ அபா⁴வதோதி ஆஹ ‘‘யத்த² பரோ’’திஆதி³. பரோ நாம விஞ்ஞூ வா அவிஞ்ஞூ வா அத்தி² தஸ்ஸ வத்து²ஸ்ஸ ஸாமிகோ. அவிஞ்ஞூபி ஹி விஞ்ஞுகாலே யதா²காமங் கரொந்தோ அத³ண்டா³ரஹோதி. மந்தபரிஜப்பனேன பரஸந்தகஹரணங் விஜ்ஜாமயோ, வினா மந்தேன பரஸந்தகஸ்ஸ காயவசீபயோகே³ஹி பரிகட்³ட⁴னங் தாதி³ஸேனித்³தி⁴வஸேன இத்³தி⁴மயோ பயோகோ³தி அதி³ன்னாதா³னே ச² பயோகா³ ஸாஹத்தி²காத³யோ வுத்தா. யதா²னுரூபந்தி எத்த² ஸாஹத்தி²கோ தாவ பஞ்சன்னம்பி அவஹாரானங் வஸேன பவத்ததி, ததா² ஆணத்தியோ நிஸ்ஸக்³கி³யோ ச. தா²வரோ தெ²ய்யாவஹாரபஸய்ஹாவஹாரபடிச்ச²ன்னாவஹாரவஸேன. ததா² ஸேஸாபீதி த³ட்ட²ப்³ப³ங்.
மேது²னஸமாசாரேஸூதி ஸதா³ராஸந்தோஸ-பரதா³ரக³மனவஸேன து³விதே⁴ஸு மேது²னஸமாசாரேஸு. அயமேவஹி பே⁴தோ³ இதா⁴தி⁴ப்பேதோ. கொ³த்தரக்கி²தா ஸகொ³த்தேஹி ரக்கி²தா. த⁴ம்மரக்கி²தா ஸஹத⁴ம்மிகேஹி ரக்கி²தா. ஸாரக்கா² ஸஸாமிகா. யஸ்ஸா க³மனே ரஞ்ஞா த³ண்டோ³ ட²பிதோ, ஸா ஸபரித³ண்டா³. ப⁴ரியபா⁴வத்த²ங் த⁴னேன கீதா த⁴னக்கீதா. ச²ந்தே³ன வஸந்தீ ச²ந்த³வாஸினீ. போ⁴க³த்த²ங் வஸந்தீ போ⁴க³வாஸினீ. படத்த²ங் வஸந்தீ படவாஸினீ. உத³கபத்தங் ஆமஸித்வா க³ஹிதா ஓத³பத்தகினீ. சும்ப³டகங் அபனெத்வா க³ஹிதா ஓப⁴டசும்ப³டா. கரமரானீதா த⁴ஜாஹதா. தங்க²ணிகா முஹுத்திகா. அபி⁴ப⁴வித்வா வீதிக்கமே மிச்சா²சாரோ மஹாஸாவஜ்ஜோ, ந ததா² த்³வின்னங் ஸமானச²ந்த³தாய. அபி⁴ப⁴வித்வா வீதிக்கமனே ஸதிபி மக்³கே³னமக்³க³படிபத்திஅதி⁴வாஸனே புரிமுப்பன்னஸேவனாபி⁴ஸந்தி⁴பயோகா³பா⁴வதோ மிச்சா²சாரோ சத்தாரோ ஸம்பா⁴ராதி வுத்தந்தி வேதி³தப்³ப³ங்.
அத்த²ப⁴ஞ்ஜகோதி கம்மபத²வஸேன வுத்தங். கம்மபத²கதா² ஹேஸாதி. அஸ்ஸாதி விஸங்வாத³கஸ்ஸ. முஸா வத³தி ஏதேனாதி சேதனா முஸாவாதோ³, இமஸ்மிங் பக்கே² அததா²காரேன வத்து²னோ விஞ்ஞாபனபயோகோ³ முஸா, தங்ஸமுட்டா²பிகா சேதனாமுஸாவாதோ³தி வுத்தத்தா ததோ அஞ்ஞதா² வத்துங் ‘‘அபரோ நயோ’’திஆதி³ வுத்தங். அத்தனோ ஸந்தகங் அதா³துகாமதாயாதிஆதி³ முஸாவாத³ஸாமஞ்ஞேன வுத்தங். ஹஸாதி⁴ப்பாயேனபி விஸங்வாத³னபுரக்கா²ரஸ்ஸ முஸாவாதோ³. பரஸ்ஸாதி விஸங்வாத³னவஸேன விஞ்ஞாபேதப்³ப³ஸ்ஸ. ஸோதி முஸாவாத³பயோகோ³.
ஸுஞ்ஞபா⁴வந்தி பீதிவிரஹிததாய ரித்தபா⁴வங். ப²ருஸஸத்³த³தாய நேவ கண்ணஸுகா². அத்த²விபன்னதாய ந ஹத³யஸுகா². ஸங்கிலிட்ட²சித்தஸ்ஸாதி தோ³ஸேன, லோபே⁴ன வா தூ³ஸிதசித்தஸ்ஸ.
ஏகந்தப²ருஸா சேதனாதி ஏதேன து³ட்ட²சித்ததங்யேவ விபா⁴வேதி, து³ட்ட²சித்ததா சஸ்ஸ அமரணாதி⁴ப்பாயவஸேன த³ட்ட²ப்³பா³. ஸதி ஹி மரணாதி⁴ப்பாயே அத்த²ஸித்³தி⁴, தத³பா⁴வே பாணாதிபாதப்³யாபாதா³ ஸியுந்தி. யங் படிச்ச ப²ருஸவாசா பயுஜ்ஜதி, தஸ்ஸ ஸம்முகா²வ ஸீஸங் ஏதி. பரம்முகா²பி ஸீஸங் ஏதி ஏவாதி அபரே. தத்தா²யங் அதி⁴ப்பாயோ யுத்தோ ஸியா – ஸம்முகா² பயோகே³ அகா³ரவாதீ³னங் ப³லவபா⁴வதோ ஸியா சேதனா ப³லவதீ, பரஸ்ஸ ச தத³த்த²விஞ்ஞாபனங், ந ததா² அஸம்முகா²தி. யதா² ச அக்கோஸிதே மதே ஆளஹனே கதா க²மாபனா உபவாத³ந்தராயங் நிவத்தேதி, ஏவங் பரம்முகா² பயுத்தா ப²ருஸவாசா ஹோதியேவாதி ஸக்கா விஞ்ஞாதுங். தஸ்ஸாதி ஏகந்தப²ருஸசேதனாய ஏவ மம்மச்சே²த³கோ ஸவனப²ருஸதாயாதி அதி⁴ப்பாயோ. சித்தஸண்ஹாதாய ப²ருஸவாசா ந ஹோதி கம்மபதா²’ப்பத்தத்தா, கம்மபா⁴வங் பன ந ஸக்கா வாரேதுங். ஏவங் அன்வயவஸேன சேதனாப²ருஸதாய ப²ருஸவாசங் ஸாதெ⁴த்வா இதா³னி தமேவ ப்³யதிரேகவஸேன ஸாதே⁴துங் ‘‘வசனஸண்ஹதாயா’’திஆதி³ வுத்தங். ஏஸாதி ப²ருஸவாசா. கம்மபத²பா⁴வங் அப்பத்தா அப்பஸாவஜ்ஜா, இதரா மஹாஸாவஜ்ஜா. ததா² கிலேஸானங் முது³திப்³ப³தாபே⁴தே³ஹி ஸப்³ப³ங் புரிமஸதி³ஸங்.
ஆஸேவனங் ப³ஹுலீகரணங். யங் உத்³தி³ஸ்ஸ பவத்திதோ, தேன அக்³க³ஹிதே அப்பஸாவஜ்ஜோ, க³ஹிதே மஹாஸாவஜ்ஜோ
அத்தனோ பரிணாமனங் சித்தேனேவாதி வேதி³தப்³ப³ங். ஹிதஸுக²ங் ப்³யாபாத³யதீதி யோ தங் உப்பாதே³தி, தஸ்ஸ ஹிதஸுக²ங் வினாஸேதி. அஹோ வதாதி இமினா அச்சந்தவினாஸசிந்தனங் தீ³பேதி. ஏவங் ஹிஸ்ஸ தா³ருணபவத்தியா கம்மபத²ப்பத்தி. யதா²பு⁴ச்சக³ஹணாபா⁴வேனாதி யாதா²வக்³கா³ஹஸ்ஸ அபா⁴வேன அனிச்சாதி³ஸபா⁴வஸ்ஸ நிச்சாதி³தோ க³ஹணேன. மிச்சா² பஸ்ஸதீதி விதத²ங் பஸ்ஸதி. ஸம்ப²ப்பலாபோ வியாதி இமினா ஆஸேவனஸ்ஸ மந்த³தாய அப்பஸாவஜ்ஜதங், மஹந்ததாய மஹாஸாவஜ்ஜதங் த³ஸ்ஸேதி. க³ஹிதாகாரவிபரீததாதி மிச்சா²தி³ட்டி²யா க³ஹிதாகாரஸ்ஸ விபரீதபா⁴வோ. வத்து²னோதி தஸ்ஸா அயதா²பூ⁴தஸபா⁴வமாஹ. ததா²பா⁴வேனாதி க³ஹிதாகாரேனேவ தஸ்ஸ தி³ட்டி²க³திகஸ்ஸ, தஸ்ஸ வா வத்து²னோ உபட்டா²னங் ஏவமேதங், ந இதோ அஞ்ஞதா²தி.
த⁴ம்மதோதி ஸபா⁴வதோ. கொட்டா²ஸதோதி ப²ஸ்ஸபஞ்சமகாதீ³ஸு சித்தங்க³கொட்டா²ஸேஸு யங் கொட்டா²ஸா ஹொந்தி, ததோதி அத்தோ². சேதனாத⁴ம்மாதி சேதனாஸபா⁴வா.
படிபாடியா ஸத்தாதி எத்த² நனு சேதனா அபி⁴த⁴ம்மே கம்மபதே²ஸு ந வுத்தாதி படிபாடியா ஸத்தன்னங் கம்மபத²பா⁴வோ ந யுத்தோதி? ந, அவசனஸ்ஸ அஞ்ஞஹேதுகத்தா. ந ஹி தத்த² சேதனாய அகம்மபத²த்தா கம்மபத²ராஸிம்ஹி அவசனங், கதா³சி பன கம்மபதோ² ஹோதி, ந ஸப்³ப³தா³தி கம்மபத²பா⁴வஸ்ஸ அனியதத்தா அபி⁴த⁴ம்மே சேதனா கம்மபத²ராஸிபா⁴வேன ந வுத்தா மூலங் பத்வாதி மூலதே³ஸனங் பத்வா, மூலஸபா⁴வேஸு த⁴ம்மேஸு வுச்சமானேஸூதி அத்தோ².
அதி³ன்னாதா³னங் ஸத்தாரம்மணந்தி இத³ங் ‘‘பஞ்ச ஸிக்கா²பதா³ பரித்தாரம்மணா ஏவ வா’’தி இமாய பஞ்ஹபுச்ச²கபாளியா விருஜ்ஜ²தி. யஞ்ஹி பாணாதிபாதாதி³து³ஸ்ஸீல்யஸ்ஸ ஆரம்மணங், ததே³வ தங் வேரமணியா ஆரம்மணங். வீதிக்கமிதப்³ப³வத்து²தோ ஏவ ஹி விரதீதி. ஸத்தாரம்மணந்தி வா ஸத்தஸங்கா²தங் ஸங்கா²ராரம்மணமேவ உபாதா³ய வுத்தந்தி நாயங் விரோதோ⁴. ததா² ஹி வுத்தங் ஸம்மோஹவினோத³னியங் (விப⁴॰ அட்ட²॰ 714) ‘‘யானி ஸிக்கா²பதா³னி எத்த² ஸத்தாரம்மணானீதி வுத்தானி, தானி யஸ்மா ஸத்தோதி ஸங்க்²யங் க³தங் ஸங்கா²ரமேவ ஆரம்மணங் கரொந்தீ’’தி. விஸபா⁴க³வத்து²னோ ‘‘இத்தீ², புரிஸோ’’தி க³ஹேதப்³ப³தோ ஸத்தாரம்மணோதி ஏகே. ‘‘ஏகோ தி³ட்டோ², த்³வே ஸுதா’’திஆதி³னா ஸம்ப²ப்பலபனே தி³ட்ட²ஸுதமுதவிஞ்ஞாதவஸேன. ததா² அபி⁴ஜ்ஜா²தி எத்த² ததா²-ஸத்³தோ³ ‘‘தி³ட்ட²ஸுதமுதவிஞ்ஞாதவஸேனா’’தி இத³ம்பி உபஸங்ஹரதி, ந ஸத்தஸங்கா²ராரம்மணதங் ஏவ த³ஸ்ஸனாதி³வஸேன அபி⁴ஜ்ஜா²யனதோ. ‘‘நத்தி² ஸத்தா ஓபபாதிகா’’தி பவத்தமானாபி மிச்சா²தி³ட்டி² ஸங்கா²ராரம்மணதா வுத்தா. கத²ங் பன மிச்சா²தி³ட்டி²யா ஸப்³பே³ தேபூ⁴மகத⁴ம்மா ஆரம்மணங் ஹொந்தீதி? ஸாதா⁴ரணதோ. ‘‘நத்தி² ஸுகதது³க்கடானங் கம்மானங் ப²லங் விபாகோ’’தி ஹி பவத்தமானாய அத்த²தோ ரூபாருபாவசரத⁴ம்மாபி க³ஹிதா ஏவ ஹொந்தீதி.
ஸுக²ப³ஹுலதாய ராஜானோ ஹஸமானாபி ‘‘சோரங் கா⁴தேதா²’’தி வத³ந்தி, ஹாஸோ பன தேஸங் அஞ்ஞவிஸயோதி ஆஹ ‘‘ஸன்னிட்டா²பக…பே॰… ஹோதீ’’தி.
கேஸஞ்சீதி ஸஹஜாதானங் அதி³ன்னாதா³னாதீ³னங். ஸம்பயுத்தபபா⁴வகட்டே²னாதி ஸம்பயுத்தோ ஹுத்வா உப்பாத³கட்டே²ன. கேஸஞ்சீதி அஸஹஜாதானங். உபனிஸ்ஸயபச்சயட்டே²னாதி ஏதேன மூலட்டே²ன லோப⁴ஸ்ஸ உபகாரதங் நிவத்தேதி. ஸுப்பதிட்டி²தபா⁴வஸாத⁴னட்டோ² ஹி மூலட்டோ², ஸோ ச ஹேதுபச்சயதாஅவினாபா⁴வீ, தேன செத்த² மூலமிவ மூலந்தி க³ஹேதப்³ப³ங், நிப்பரியாயதோ பன புப்³பே³ ‘‘கேஸஞ்சீ’’தி வுத்தானங் ஸஹஜாதானங் மூலபா⁴வோ வேதி³தப்³போ³. ரத்தோ கோ²திஆதி³னா ஸுத்தபதே³னபி பாணாதிபாதாதீ³னங் அகுஸலானங் லோப⁴ஸ்ஸ மூலகாரணதங் விபா⁴வேதி, ந மூலட்டே²னுபகாரத்த²ங் அவிஸேஸதோ தேஸங் ஹேதுபச்சயத்தாபா⁴வதோ.
அகுஸலகம்மபத²வண்ணனா நிட்டி²தா.
குஸலகம்மபத²வண்ணனா
வேரந்தி மணதி ‘‘மயி இத⁴ டி²தாய கத²மாக³ச்ச²ஸீ’’தி தஜ்ஜெந்தீ விய நிவாரேதீதி வேரமணீ. தேனாஹ ‘‘பஜஹதீ’’தி. ‘‘விரமணீ’’தி வத்தப்³பே³ நிருத்தினயேன ஏவ-காரங் கத்வா ஏவங் வுத்தங். விப⁴ங்கே³ (விப⁴॰ 703, 704) ஏவ நித்³தி³ஸனவஸேன ஏவங் வுத்தா. அஸமாதி³ன்னஸீலஸ்ஸ ஸம்பத்ததோ யதா²உபட்டி²தவீதிக்கமிதப்³ப³வத்து²தோ விரதி ஸம்பத்தவிரதி, ஸமாதா³னவஸேன உப்பன்னா விரதி ஸமாதா³னவிரதி, ஸமாதா³னவஸேன உப்பன்னா விரதி ஸமாதா³னவிரதி, கிலேஸானங் ஸமுச்சி²ந்த³னவஸேன பவத்தாவிரதி ஸமுச்சே²த³விரதி.
ஜீவமானஸஸஸ்ஸ அல்லஸஸமங்ஸங். முஞ்சி ஸப்³ப³த்த² ஸமகருணதாய. ஸச்சங் வத்வா ‘‘ஏதேன ஸச்சவஜ்ஜேன மய்ஹங் மாது ரோகோ³ ஸம்மதூ’’தி அதி⁴ட்டா²ஸி.
மஹாஸப்போதி அஜக³ரோ. முஞ்சித்வா அக³மாஸி ஸீலதேஜேன.
கோஸல்லங் வுச்சதி ஞாணங், கோஸல்லேன, கோஸல்லதோ வா பவத்தியா உபக³மனதோ. குச்சி²தஸயனதோதி குச்சி²தேனாகாரேன ஸயனதோ அனுஸயனதோ, பவத்தனதோ வா. ‘‘வேரமணிகுஸலா’’தி வத்தப்³பா³பி புச்சா²னுரூபங் விஸ்ஸஜ்ஜனந்தி ‘‘குஸலா’’தி ந வுத்தா, ‘‘குஸல’’ந்த்வேவ வுத்தா.
காமஞ்செத்த² பாளியங் விரதியோவ ஆக³தா, ஸிக்கா²பத³விப⁴ங்கே³ (விப⁴॰ 704) பன சேதனாபி ஆஹரித்வா தீ³பிதாதி தது³ப⁴யம்பி க³ண்ஹந்தோ ‘‘சேதனாபி வட்டந்தி விரதியோபீ’’தி ஆஹ.
அனபி⁴ஜ்ஜா² ஹி மூலங் பத்வா கம்மபத²கொட்டா²ஸங் பத்வா அனபி⁴ஜ்ஜா²தி வுத்தத⁴ம்மோ மூலதோ அலோபோ⁴ குஸலமூலங் ஹோதீதி ஏவமத்தோ² த³ட்ட²ப்³போ³. ஸேஸபத³த்³வயேபி ஏஸேவ நயோ.
து³ஸ்ஸீல்யாரம்மணா ததா³ரம்மணா ஜீவிதிந்த்³ரியாதி³ஆரம்மணா கத²ங் து³ஸ்ஸீல்யானி பஜஹந்தீதி தங் த³ஸ்ஸேதுங் ‘‘யதா² பனா’’திஆதி³ வுத்தங்.
அனபி⁴ஜ்ஜா² …பே॰… விரமந்தஸ்ஸாதி அபி⁴ஜ்ஜ²ங் பஜஹந்தஸ்ஸாதி அத்தோ². ந ஹி மனோது³ச்சரிததோ விரதி அத்தி² அனபி⁴ஜ்ஜா²தீ³ஹேவ தப்பஹானஸித்³தி⁴தோ. தேஸு அலோபோ⁴திஆதீ³ஸு யங் வத்தப்³ப³ங், தங் அகுஸலமூலேஸு வுத்தனயேனேவ வேதி³தப்³ப³ங்.
அப்பனாவாரந்தி நிக³மனவாரங். ஏகேன நயேனாதி வேத³னாதி³வஸேன அரூபமுகே²னேவ அனேகவிதே⁴ஸு விபஸ்ஸனாகம்மட்டா²னேஸு ஏகேன கம்மட்டா²னநயேன. ‘‘ட²பெத்வா அபி⁴ஜ்ஜ²ங் நவ அகுஸலகம்மபதா²’’தி வத்தப்³ப³ங். த³ஸாதி வா இத³ங் ‘‘குஸலகம்மபதா²’’தி இமினா ஸம்ப³ந்தி⁴தப்³ப³ங் ‘‘அகுஸலகம்மபதா² ச த³ஸ குஸலகம்மபதா² சா’’தி. ‘‘ட²பெத்வா அபி⁴ஜ்ஜ²’’ந்தி ஹி இமினாவ அகுஸலகம்மபதா²னங் நவபா⁴வோ வுத்தோ ஹோதி. அத² வா த³ஸாதி இத³ங் உப⁴யதா²பி ஸம்ப³ந்தி⁴தப்³ப³ங். அபி⁴ஜ்ஜா² ஹி பஹாதப்³பா³பி ஸதி பரிஞ்ஞெய்யதங் நாதிவத்ததீதி. ததா² ஹி வுத்தங் ‘‘ரூபதண்ஹா பியரூபங் ஸாதரூப’’ந்திஆதி³, தஸ்மா ‘‘பரியாயேன பன ஸப்³பே³பி கம்மபதா² து³க்க²ஸச்ச’’ந்தி. அபி⁴ஜ்ஜா²லோபா⁴னங் பவத்திஆகாரஸித்³த⁴பே⁴த³ங் உபாதா³ய ‘‘இமே த்³வே த⁴ம்மா’’தி வுத்தங். ஸுத்தந்தனயேன தண்ஹா ‘‘ஸமுத³யஸச்ச’’ந்தி வுத்தாதி ஆஹ ‘‘நிப்பரியாயேன ஸமுத³யஸச்ச’’ந்தி. அப்பவத்தீதி அப்பவத்தினிமித்தமாஹ யதா² ‘‘ராக³க்க²யோ தோ³ஸக்க²யோ’’தி (ஸங்॰ நி॰ 4.314). ஸப்பச்சயதாய ஸங்க²தஸபா⁴வே து³க்க²ஸச்சே க³ஹிதே அப்பச்சயதாய அஸங்க²தங் நிரோத⁴ஸச்சங் படிபக்க²தோ ஆவத்ததி, ஏகந்தஸாவஜ்ஜே ஆசயகா³மிலக்க²ணே ஸமுத³யஸச்சே க³ஹிதே ஸாவஜ்ஜா விக³மனங் அபசயகா³மிலக்க²ணங் மக்³க³ஸச்சங்படிபக்க²தோ ஆவத்ததீதி த்³வே ஆவத்தஹாரவஸேன வேதி³தப்³பா³னீதி வுத்தங். தேனேவாஹ நெத்தியங் (நெத்தி॰ 4.நித்³தே³ஸவார) –
‘‘ஏகம்ஹி பத³ட்டா²னே, பரியேஸதி ஸேஸகங் பத³ட்டா²னங்;
ஆவத்ததி படிபக்கே², ஆவத்தோ நாம ஸோ ஹாரோ’’தி.
ஸப்³பா³காரேனாதி காமராக³ரூபராகா³தி³ஸப்³ப³ப்பகாரேஹி, ஸப்³ப³தோ வா அபாயக³மனீயாதி³ஆகாரதோ, தத்த² கிஞ்சிபி அனவஸேஸெத்வா வா. ஸப்³பா³காரேனேவாதி ஸப்³பா³காரதோ. நீஹரித்வாதி அபனெத்வா, ஸமுச்சி²ந்தி³த்வாஇச்சேவ அத்தோ². கஞ்சி த⁴ம்மங் அனவகாரீகரித்வாதி ரூபவேத³னாதீ³ஸு கஞ்சி ஏகத⁴ம்மம்பி அவினிப்³போ⁴க³ங் கத்வா, ஏகேகதோ அக்³க³ஹெத்வா ஸமூஹதோவ க³ஹெத்வாதி அத்தோ². அஸ்மீதி அஹமஸ்மீதி மானக்³கா³ஹவஸேன. ஸோ பன யஸ்மா பஞ்சக்க²ந்தே⁴ நிரவஸேஸதோ க³ண்ஹாதி, தஸ்மா வுத்தங் ‘‘ஸமூஹக்³க³ஹணாகாரேனா’’தி. யஸ்மா செத்த² அக்³க³மக்³க³சித்தங் வுச்சதி, தஸ்மா ஆஹ ‘‘தி³ட்டி²ஸதி³ஸங் மானானுஸய’’ந்தி. ‘‘யங் ரூபங் தங் அஹ’’ந்திஆதி³னா ‘‘மானானுஸயோ அஸ்மீதி பவத்தத்தா தி³ட்டி²ஸதி³ஸோ’’தி. பரிச்சே²த³கரோதி ஓஸானபரிச்சே²த³கரோ இதோ பரங் து³க்க²ஸ்ஸாபா⁴வகரணதோ. கம்மபத²தே³ஸனாயாதி கம்மபத²முகே²ன பவத்தசதுஸச்சதே³ஸனாய. மனஸிகாரப்படிவேத⁴வஸேனாதி விபஸ்ஸனாமனஸிகாரமக்³க³ப்படிவேத⁴வஸேன.
குஸலகம்மபத²வாரவண்ணனா நிட்டி²தா.
ஆஹாரவாரவண்ணனா
90. ஆஹரதீதி நிப்³ப³த்தாதி பஸுதா. ததோ பட்டா²ய ஹி லோகே ஜாதவோஹாரோ. படிஸந்தி⁴க்³க³ஹணதோ பன பட்டா²ய யாவ மாதுகுச்சி²தோ நிக்க²மனங், தாவ ஸம்ப⁴வேஸினோ. ஏஸ தாவ க³ப்³ப⁴ஸெய்யகேஸு பூ⁴தஸம்ப⁴வேஸிவிபா⁴கோ³, இதரேஸு பன பட²மசித்தாதி³வஸேன வுத்தோ. ஸம்ப⁴வ-ஸத்³தோ³ செத்த² க³ப்³ப⁴ஸெய்யகானங் வஸேன பஸூதிபரியாயோ, இதரேஸங் வஸேன உப்பத்திபரியாயோ. பட²மசித்தபட²மஇரியாபத²க்க²ணேஸு ஹி தே ஸம்ப⁴வங் உப்பத்திங் ஏஸந்தி உபக³ச்ச²ந்தி நாம, ந தாவ பூ⁴தா உப்பத்தியா ந ஸுப்பதிட்டி²தத்தா. பூ⁴தாயேவ ஸப்³ப³ஸோ ப⁴வேஸனாய ஸமுச்சி²ன்னத்தா. ந புன ப⁴விஸ்ஸந்தீதி அவதா⁴ரணேன நிவத்திதமத்த²ங் த³ஸ்ஸேதி, ‘‘யோ ச காலக⁴ஸோ பூ⁴தோ’’திஆதீ³ஸு (ஜா॰ 1.2.190) பூ⁴த-ஸத்³த³ஸ்ஸ கீ²ணாஸவவாசிதா த³ட்ட²ப்³பா³. வா-ஸத்³தோ³ செத்த² ஸம்பிண்ட³னத்தோ² ‘‘அக்³கி³னா வா உத³கேன வா’’திஆதீ³ஸு (உதா³॰ 76) விய.
யதா²ஸகங் பச்சயபா⁴வேன அத்தபா⁴வஸ்ஸ பட்ட²பனமேவெத்த²ஆஹாரேஹி காதப்³ப³அனுக்³க³ஹோதி அதி⁴ப்பாயேனாஹ ‘‘வசனபே⁴தோ³…பே॰… ஏகோயேவா’’தி. ஸத்தஸ்ஸ உப்பன்னத⁴ம்மானந்தி ஸத்தஸ்ஸஸந்தானே உப்பன்னத⁴ம்மானங். யதா² ‘‘வஸ்ஸஸதங் திட்ட²தீ’’தி வுத்தே அனுப்பப³ந்த⁴வஸேன பவத்ததீதி வுத்தங் ஹோதி, ஏவங் டி²தியாதி அனுப்பப³ந்த⁴வஸேன பவத்தியாதி அத்தோ², ஸா பன அவிச்சே²தோ³தி ஆஹ ‘‘அவிச்சே²தா³யா’’தி. அனுப்பப³ந்த⁴த⁴ம்முப்பத்தியா ஸத்தஸந்தானோ அனுக்³க³ஹிதோ நாம ஹோதீதி ஆஹ ‘‘அனுப்பன்னானங் உப்பாதா³யா’’தி. ஏதானீதி டி²திஅனுக்³க³ஹபதா³னி. உப⁴யத்த² த³ட்ட²ப்³பா³னி, ந யதா²ஸங்க்²யங்.
வத்து²க³தா ‘‘அஜ்ஜோ²ஹரிதப்³ப³தோ ஆஹாரோ’’தி. நிப்³ப³த்திதஓஜங் பன ஸந்தா⁴ய ‘‘கப³ளீகாராஹாரோ ஓஜட்ட²மகரூபானி ஆஹரதீ’’தி வக்க²தி. ஓளாரிகதா அப்போஜதாய, ந வத்து²னோ தூ²லதாய, கதி²னதாய வா, தஸ்மா யஸ்மிங் வத்து²ஸ்மிங் பரித்தா ஓஜா ஹோதி, தங் ஓளாரிகங். ஸப்பாத³யோ து³க்கு²ப்பாத³கதாய ஓளாரிகாவேதி³தப்³பா³. விஸாணாதீ³னங் திவஸ்ஸச²ட்³டி³தானங் பூதிபூ⁴த்ததா முது³கதாதி வத³ந்தி, தரச்ச²கே²ளதேமிகதாய பன ததா²பூ⁴தானங் தேஸங் முது³கதா. த⁴ம்மஸபா⁴வோ ஹேஸ. ஸஸானங் ஆஹாரோ ஸுகு²மோ தருணதிணஸஸ்ஸகா²த³னதோ. ஸகுணானங் ஆஹாரோ ஸுகு²மோ திணபீ³ஜாதி³கா²த³னதோ. பச்சந்தவாஸீனங் ஸுகு²மோ, தேஸஞ்ஹி ஸாகபண்ணஸுக்க²குரபது³மபத்தம்பி ஆஹாரோதி. தேஸங் பரனிம்மிதவஸவத்தீனங். ஸுகு²மொத்வேவாதி ந கிஞ்சி உபாதா³ய, அத² கோ² ஸுகு²மோ இச்சேவ நிட்ட²ங் பத்தோ ததோ பரங் ஸுகு²மஸ்ஸ அபா⁴வதோ.
வத்து²வஸேன பனெத்த² ஆஹாரஸ்ஸ ஓளாரிகஸுகு²மதா வுத்தா, ஸா சஸ்ஸ அப்போஜமஹோஜதாஹி வேதி³தப்³பா³தி த³ஸ்ஸேதுங் ‘‘எத்த² சா’’திஆதி³ வுத்தங். பரிஸ்ஸமந்தி கு²தா³வஸேன உப்பன்னங் ஸரீரகே²த³ங். வினோதே³தீதி வத்து² தஸ்ஸ வினோத³னமத்தங் கரோதி. ந பன ஸக்கோதி பாலேதுந்தி ஸரீரங் யாபேதுங் நப்பஹோதி நிஸ்ஸாரத்தா. ந ஸக்கோதி பரிஸ்ஸமங் வினோதே³துங் ஆமாஸயஸ்ஸ அபூரணதோ.
ச²ப்³பி³தோ⁴பீதி இமினா கஸ்ஸசிபி ப²ஸ்ஸஸ்ஸ அனவஸேஸிதப்³ப³தமாஹ. ஆஹாரஸ்ஸதே³ஸனாக்கமேனேவெத்த² ப²ஸ்ஸாதீ³னங் து³தியாதி³தா, ந அஞ்ஞேன காரணேனாதி ஆஹ ‘‘தே³ஸனானயோ ஏவா’’திஆதி³. மனஸோ ஸஞ்சேதனா, ந ஸத்தஸ்ஸாதி த³ஸ்ஸனத்த²ங் மனோக³ஹணங் யதா² ‘‘சித்தஸ்ஸ டி²தி (த⁴॰ ஸ॰ 11), சேதோவிமுத்தி சா’’தி (ம॰ நி॰ 1.69) ஆஹ ‘‘மனோஸஞ்சேதனாதி சேதனா ஏவா’’தி. சித்தந்தி யங் கிஞ்சி சித்தங், ந விபாகவிஞ்ஞாணமேவ.
புப்³பே³ ‘‘ஆஹாரந்தி பச்சய’’ந்தி வுத்தத்தா ‘‘யதி³ பச்சயட்டோ² ஆஹாரட்டோ²’’திஆதி³னா சோதே³தி. அத² கஸ்மா இமேயேவ சத்தாரோ வுத்தாதி அத² கஸ்மா சத்தாரோவ வுத்தா, இமே ஏவ ச வுத்தாதி யோஜனா. விஸேஸபச்சயத்தாதி ஏதேன யதா² அஞ்ஞே பச்சயத⁴ம்மா அத்தனோ பச்சயுப்பன்னஸ்ஸ பச்சயாவ ஹொந்தி, இமே பன ததா² ச ஹொந்தி அஞ்ஞதா² சாதி ஸமானேபி பச்சயத்தே அதிரேகபச்சயா ஹொந்தி, தஸ்மா ஆஹாராதி வுத்தாதி இமமத்த²ங் த³ஸ்ஸேதி. இதா³னி தங் அதிரேகபச்சயதங் த³ஸ்ஸேதுங் ‘‘விஸேஸபச்சயோ ஹீ’’திஆதி³ ஆரத்³த⁴ங். விஸேஸபச்சயோ ரூபகாயஸ்ஸ கப³ளீகாரோ ஆஹாரோ உபத்த²ம்ப⁴கபா⁴வதோ. தேனாஹ அட்ட²கதா²யங் (விஸுத்³தி⁴॰ 2.708; பட்டா²॰ அட்ட²॰ பச்சயுத்³தே³ஸவண்ணனா) ‘‘ரூபாரூபானங் உபத்த²ம்ப⁴கத்தேன உபகாரகா சத்தாரோ ஆஹாரா ஆஹாரபச்சயோ’’தி. உபத்த²ம்ப⁴கத்தஞ்ஹி வேத³னாய ப²ஸ்ஸோ விஸேஸபச்சயோ. ‘‘ப²ஸ்ஸபச்சயா வேத³னா’’தி ஹி வுத்தங். ‘‘ஸங்கா²ரபச்சயா விஞ்ஞாண’’ந்தி (உதா³॰ 1; ம॰ நி॰ 3.126) வசனதோ விஞ்ஞாணஸ்ஸமனோஸஞ்சேதனா. ‘‘சேதனா திவித⁴ங் ப⁴வங் ஜனேதீ’’தி ஹி வுத்தங். ‘‘விஞ்ஞாணபச்சயா நாமரூப’’ந்தி பன வசனதோ நாமரூபஸ்ஸ விஞ்ஞாணங் விஸேஸபச்சயா. ந ஹி ஓக்கந்திவிஞ்ஞாணாபா⁴வே நாமரூபஸ்ஸ அத்தஸம்ப⁴வோ. யதா²ஹ ‘‘விஞ்ஞாணஞ்ச ஹி, ஆனந்த³, மாதுகுச்சி²ஸ்மிங் ந ஓக்கமிஸ்ஸத², அபி நு கோ² நாமரூபங் மாதுகுச்சி²ஸ்மிங் ஸமுச்சிஸ்ஸதா²’’திஆதி³ (தீ³॰ நி॰ 2.115). வுத்தமேவத்த²ங் ஸுத்தேன ஸாதே⁴துங் ‘‘யதா²ஹா’’திஆதி³ வுத்தங்.
ஏவங் யதி³பி பச்சயட்டோ² ஆஹாரட்டோ², விஸேஸபச்சயதாய பன இமே ஏவ ஆஹாராதி வுத்தாதி தங் நேஸங் விஸேஸபச்சயதங் அவிபா⁴க³தோ த³ஸ்ஸெத்வா இதா³னி விபா⁴க³தோ த³ஸ்ஸேதுங் ‘‘கோ பனெத்தா²’’திஆதி³ ஆரத்³த⁴ங். முகே² ட²பிதமத்தோயேவ அஸங்கா²தி³தோ, தத்தகேனபி அப்³ப⁴ந்தரஸ்ஸ ஆஹாரஸ்ஸ பச்சயோ ஹோதி ஏவ. தேனாஹ ‘‘அட்ட² ரூபானி ஸமுட்டா²பேதீ’’தி. ஸுக²வேத³னாய ஹிதோ ஸுக²வேத³னியோ. ஸப்³ப³தா²பீதி சக்கு²ஸம்ப²ஸ்ஸாதி³வஸேன. யத்தகா ப²ஸ்ஸஸ்ஸ பகாரபே⁴தா³, தேஸங் வஸேன ஸப்³ப³ப்பகாரோபி ப²ஸ்ஸாஹாரோ. யதா²ரஹங் திஸ்ஸோ வேத³னா ஆஹரதி, அனாஹாரகோ நத்தி².
ஸப்³ப³தா²பீதி இதா⁴பி ப²ஸ்ஸாஹாரே வுத்தனயானுஸாரேன அத்தோ² வேதி³தப்³போ³. திஸந்ததிவஸேனாதி காயத³ஸகங் பா⁴வத³ஸகங் வத்து²த³ஸகந்தி திவித⁴ஸந்ததிவஸேன. ஸஹஜாதாதி³பச்சயனயேனாதி ஸஹஜாதாதி³பச்சயவிதி⁴னா. படிஸந்தி⁴விஞ்ஞாணஞ்ஹி அத்தனா ஸஹஜாதனாமஸ்ஸ ஸஹஜாதஅஞ்ஞமஞ்ஞனிஸ்ஸயவிபாகிந்த்³ரியஸம்பயுத்தஅத்தி²அவிக³தபச்சயேஹி பச்சயோ ஹொந்தோயேவ ஆஹாரபச்சயதாய தங் ஆஹாரேதீ வுத்தங், ஸஹஜாதரூபேஸு பன வத்து²னோ ஸம்பயுத்தபச்சயங் ட²பெத்வா விப்பயுத்தபச்சயேன, ஸேஸரூபஸ்ஸ அஞ்ஞமஞ்ஞபச்சயஞ்ச ட²பெத்வா வுத்தனயேனேவயோஜனா காதப்³பா³. தானீதி நபுங்ஸகனித்³தே³ஸோ அனபுங்ஸகானம்பி நபுங்ஸகேஹி ஸஹ வசனதோ.
ஸாஸவா குஸலாகுஸலசேதனாவ வுத்தா. விஸேஸபச்சயபா⁴வத³ஸ்ஸனங் ஹேதந்தி. தேனாஹ ‘‘அவிஸேஸேன பனா’’திஆதி³. படிஸந்தி⁴விஞ்ஞாணமேவ வுத்தந்தி எத்தா²பி ஏஸேவ நயோ. யதா² தஸ்ஸ தஸ்ஸ ப²லஸ்ஸ விஸேஸதோ பச்சயதாய ஏதேஸங் ஆஹாரட்டோ², ஏவங் அவிஸேஸதோபீதி த³ஸ்ஸந்தேன ‘‘அவிஸேஸேன பனா’’திஆதி³ தங்ஸம்பயுத்ததங்ஸமுட்டா²னத⁴ம்மானந்தி தேஹி ப²ஸ்ஸாதீ³ஹி ஸம்பயுத்தத⁴ம்மானஞ்சேவ தங்ஸமுட்டா²னரூபத⁴ம்மானஞ்ச. தத்த² ஸம்பயுத்தக்³க³ஹணங் யதா²ரஹதோ த³ட்ட²ப்³ப³ங், ஸமுட்டா²னக்³க³ஹணங் பன அவிஸேஸதோ.
உபத்த²ம்பெ⁴ந்தோ ஆஹாரகிச்சங் ஸாதே⁴தீதி உபத்த²ம்பெ⁴ந்தோயேவ ரூபங் ஸமுட்டா²பேதி, ஓஜட்ட²மகரூபஸமுட்டா²பனேனேவ பனஸ்ஸ உபத்த²ம்ப⁴னகிச்சஸித்³தி⁴. பு²ஸந்தோயேவாதி பு²ஸனகிச்சங் கரொந்தோ ஏவ. ஆயூஹமானாவாதி சேதயமானா ஏவ அபி⁴ஸந்த³ஹந்தீ ஏவ. விஜானந்தமேவாதி உபபத்திபரிகப்பனவஸேன விஜானந்தமேவ ஆஹாரகிச்சங் ஸாதே⁴தீதி யோஜனா. ஸேஸபத³த்³வயேபி ஏஸேவ நயோ. ஆஹாரகிச்சஸாத⁴னஞ்ச தேஸங் வேத³னாதி³உப்பத்திஹேதுதாய அத்தபா⁴வஸ்ஸ பவத்தனமேவ.
காயட்ட²பனேனாதி கஸ்மா வுத்தங்? நனு கம்மஜாதி³ரூபங் கம்மாதி³னாவ பவத்ததீதி சோத³னங் ஸந்தா⁴யாஹ ‘‘கம்மஜனிதோபீ’’திஆதி³. உபாதி³ன்னரூபஸந்ததியா உபத்த²ம்ப⁴னேனேவ உதுசித்தஜரூபஸந்ததீனம்பி உபத்த²ம்ப⁴னஸித்³தி⁴ ஹோதீதி ‘‘த்³வின்னங் ரூபஸந்ததீன’’ந்தி வுத்தங். உபத்த²ம்ப⁴னமேவ ஸந்தா⁴ய ‘‘அனுபாலகோ ஹுத்வா’’தி ச வுத்தங். ரூபகாயஸ்ஸ டி²திஹேதுதா ஹி யாபனா அனுபாலனா.
ஸுகா²தி³வத்து²பூ⁴தந்தி ஸுகா²தீ³னங் பவத்திட்டா²னபூ⁴தங். ஆரம்மணம்பி ஹி வஸதி எத்த² ஆரம்மணகரணவஸேன ததா³ரம்மணா த⁴ம்மாதி வத்தூ²தி வுச்சதி. பு²ஸந்தோயேவாதி இத³ங் ப²ஸ்ஸஸ்ஸ பு²ஸனஸபா⁴வத்தா வுத்தங். ந ஹி த⁴ம்மானங் ஸபா⁴வேன வினா பவத்தி அத்தி². வேத³னாபவத்தியா வினா ஸத்தானங் ஸந்தா⁴வனதா நத்தீ²தி ஆஹ ‘‘ஸுகா²தி³…பே॰… ஹோதீ’’தி, ந செத்த² ஸஞ்ஞீப⁴வகதா²யங் அஸஞ்ஞீப⁴வோ த³ஸ்ஸேதப்³போ³, தஸ்ஸாபி வா காரணபூ⁴தவேத³னாபவத்திவஸேனேவ டி²தியா ஹேதுனோ அப்³யாபிதா. ததா² ஹி ‘‘மனோஸஞ்சேதனா…பே॰… ப⁴வமூலனிப்பா²த³னதோ ஸத்தானங் டி²தியா ஹோதீ’’தி வுத்தா, ததோ ஏவ ‘‘விஞ்ஞாணங் விஜானந்தமேவாதி உபபத்திபரிகப்பனவஸேன விஜானந்தமேவா’’தி வுத்தோவாயமத்தோ²தி.
சத்தாரி ப⁴யானி த³ட்ட²ப்³பா³னி ஆதீ³னவவிபா⁴வனதோ. நிகந்தீதி நிகாமனா. ரஸதண்ஹங் ஸந்தா⁴ய வத³தி. ஸா ஹி கப³ளீகாரே ஆஹாரே ப³லவதீ. தேனேவ தத்த² அவதா⁴ரணங் கதங். பா⁴யதி ஏதஸ்மாதி ப⁴யங், நிகந்தியேவப⁴யங் மஹானத்த²ஹேதுதோ. உபக³மனங் விஸயிந்த்³ரியவிஞ்ஞாணேஸு விஸயவிஞ்ஞாணேஸு ஏவ ச ஸங்க³திவஸேன பவத்தி, தங் வேத³னாதி³உப்பத்திஹேதுதாய ‘‘ப⁴ய’’ந்தி வுத்தங். அவதா⁴ரணே பயோஜனங் வுத்தனயமேவ. ஸேஸத்³வயேபி ஏஸேவனயோ. ஆயூஹனங் அபி⁴ஸந்த³ஹனங், ஸங்விதா⁴னந்திபி ‘‘ப⁴ய’’ந்தி வுத்தங். அபி⁴னிபாதோ தத்த² தத்த² ப⁴வே படிஸந்தி⁴க்³க³ஹணவஸேன நிப்³ப³த்தி. ஸோ ப⁴வூபபத்திஹேதுகானங் ஸப்³பே³ஸங் அனத்தா²னங் மூலகாரணத்தா ‘‘ப⁴ய’’ந்தி வுத்தோ. இதா³னி நிகந்திஆதீ³னங் ஸப்படிப⁴யதங் வித்தா²ரதோ த³ஸ்ஸேதுங் ‘‘கிங்காரணா’’திஆதி³ ஆரத்³த⁴ங். தத்த² நிகந்திங் கத்வாதி ஆலயங் ஜனெத்வா, தண்ஹங் உப்பாதெ³த்வாதி அத்தோ².
ப²ஸ்ஸ உபக³ச்ச²ந்தாதி சக்கு²ஸம்ப²ஸ்ஸாதி³பே⁴த³ங் ப²ஸ்ஸங் பவத்தெந்தா. ப²ஸ்ஸஸ்ஸாதி³னோதி காயஸம்ப²ஸ்ஸவஸேன பொ²ட்டப்³ப³ஸங்கா²தஸ்ஸ ப²ஸ்ஸஸ்ஸ அஸ்ஸாத³னஸீலா. காயஸம்ப²ஸ்ஸவஸேன ஹி ஸத்தானங் பொ²ட்ட²ப்³ப³தண்ஹா பவத்ததீதி த³ஸ்ஸேதுங் ப²ஸ்ஸாஹாராதீ³னவத³ஸ்ஸனே பொ²ட்ட²ப்³பா³ரம்மணங் உத்³த⁴டங் ‘‘பரேஸங் ரக்கி²தகோ³பிதேஸூ’’திஆதி³னா. ப²ஸ்ஸஸ்ஸாதி³னோதி வா ப²ஸ்ஸாஹாரஸ்ஸாதி³னோதி அத்தோ². ஸதி ஹி ப²ஸ்ஸாஹாரே ஸத்தானங் ப²ஸ்ஸாரம்மணே அஸ்ஸாதோ³, நாஸதீதி. தேனாஹ ‘‘ப²ஸ்ஸஸ்ஸாத³மூலக’’ந்திஆதி³.
ஜாதினிமித்தஸ்ஸ ப⁴யஸ்ஸ அபி⁴னிபாதஸபா⁴வேன க³ஹிதத்தா ‘‘தம்மூலக’’ந்தி வுத்தங், கம்மாயூஹனநிமித்தந்தி அத்தோ².
அபி⁴னிபததீதி அபி⁴னிப்³ப³த்ததி. பட²மாபி⁴னிப்³ப³த்தி ஹி ஸத்தானங் தத்த² தத்த² அங்கா³ரகாஸுஸதி³ஸே ப⁴வே அபி⁴னிபாதஸதி³ஸீதி. தம்மூலகத்தாதி நாமரூபனிப்³ப³த்திமூலகத்தா.
தத்ராதி தாஸு உபமாஸு. பூ⁴தமத்த²ங் கத்வாதி ந பரிகப்பிதமத்த²ங், அத² கோ² பூ⁴தங் பூ⁴தபுப்³ப³ங் அத்த²ங் கத்வா. பாதெ²ய்யஹத்தே²ஸு க³ச்ச²ந்தேஸு பாதெ²ய்யங், க³ச்ச²ந்தங் விய ஹோதீதி வுத்தங் ‘‘க³ந்த்வா பாதெ²ய்யங் நிட்டா²ஸீ’’தி. க³ந்த்வாதி வாக³மனஹேதூதி அத்தோ². கு²ப்பிபாஸாதுரதாய க⁴னச்சா²யங் ருக்க²ங் உபக³ந்துங் அஸமத்தா² விரள்ஹச்சா²யாயங் நிஸீதி³ங்ஸு. ந தா³னி ஸக்கா தங் மயா காதுங் க³ச்ச²ந்தோயேவ மதோ.
ஸஜாதிமங்ஸதாயாதி (ஸங்॰ நி॰ டீ॰ 2.2.63) ஸமானஜாதிமங்ஸதாய, மனுஸ்ஸமங்ஸதாயாதி அத்தோ². யங் மனுஸ்ஸமங்ஸங், தஞ்ஹி லோகே ஜிகு³ச்ச²னீயத்தா படிகுலங். ததா² ஹி தங் விஞ்ஞூஹி வஜ்ஜிதங், மனுஸ்ஸமங்ஸேஸுபி ஞாதிமங்ஸங் அயுத்தபரிபோ⁴க³தாய படிகூலங், தத்தா²பி புத்தமங்ஸங், தத்தா²பி பியபுத்தமங்ஸங், தத்தா²பி தருணமங்ஸங், தத்தா²பி ஆமகமங்ஸங், தத்தா²பி அகோ³ரஸாபி⁴ஸங்க²தங், தத்தா²பி அலோணங், தத்தா²பி அதூ⁴பிதந்தி ஏவங் ஹெட்டி²மதோ உத்தருத்தரஸ்ஸ படிகூலதரபா⁴வகாரணதா புத்தமங்ஸஸதி³ஸந்தி படிகூலதாஉபட்டா²பனேன புத்தமங்ஸஸதி³ஸங் கத்வா பஸ்ஸதி. தத்த² நிகந்திங் பரியாதி³யதீதி அரியமக்³கே³ன ஆஹாரே ஸாபெக்க²ங் கே²பேதி.
ஸா கா³வீதி ‘‘ஸெய்யதா²பி பி⁴க்க²வே கா³வீ’’தி (ஸங்॰ நி॰ 2.63) ஏவங் ஸுத்தே வுத்தகா³வீ. உத்³தா³லெத்வாதி உப்பாடெத்வா. நிஸ்ஸாய திட்ட²தீதி படிச்சபச்சயங் கத்வா பவத்ததி. து³க்க²து³க்க²தாதி³வஸேன திண்ணம்பி வேத³யிதானங் து³க்க²பா⁴வங் ஸந்தா⁴யாஹ ‘‘வேத³யிதது³க்க²ஸ்ஸா’’தி.
ஸாது⁴ஸம்மதாபி க³தி விபரிணாமஸங்கா²ரது³க்க²தாவஸேன கிலேஸது³க்க²வஸேன ச மஹாபரிளாஹாயேவாதி வுத்தங் ‘‘மஹாபரிளாஹட்டே²ன தயோ ப⁴வா’’தி. யதா² உபகட்³ட⁴கா த்³வே புரிஸா, ஏவங் குஸலாகுஸலவஸேன த்³வே மனோஸஞ்சேதனா. யதா² மனோஸஞ்சேதனா ந பவத்ததி, ததா² படிபஜ்ஜந்தோ தத்த² நிகந்திங் பரியாதி³யதீதி வேதி³தப்³போ³.
ஸத்திஸதேன ஹதா ஏவ உபமா ஸத்திஸதஹதூபமா, தஸ்ஸங் ஸத்திஸதஹதூபமாயங். தங் ஸத்திஸதங். அஸ்ஸ புரிஸஸ்ஸ. பதிதோகாஸேதி புரிமஸத்தீஹி பதிதப்பதே³ஸே. து³க்க²ஸ்ஸ பமாணங் நத்தி² அனேகஸ்ஸ அபராபரங் உப்பஜ்ஜனதோ. க²ந்த⁴ஜனநந்தி க²ந்தா⁴னங் அபராபருப்பாதோ³, பட²மாபி⁴னிப்³ப³த்தி பன படிஸந்தி⁴ ஏவ. ஆகு³சாரீ புரிஸோ விய படிஸந்தி⁴விஞ்ஞாணங் நானப்பகாரது³க்கு²ப்பாத³ஸன்னிஸ்ஸயதோ, தேஹி ச து³க்கே²ஹி உபக³ந்தப்³ப³தோ. ஸம்பயுத்தத⁴ம்மானங் பமுக²பா⁴வேன பவத்தியா ‘‘விஞ்ஞாணஸ்ஸ து³க்கு²ப்பாதோ³தி வுத்தா. ததா² ஹி வுத்தங் ‘‘மனோபுப்³ப³ங்க³மா த⁴ம்மா’’தி (த⁴॰ ப॰ 1, 2) யதா² விஞ்ஞாணங் ஆயதிங் படிஸந்தி⁴வஸேன ந பவத்ததி, ஏவங் கரணங் தத்த² நிகந்திபரியாதா³னங் த³ட்ட²ப்³ப³ங்.
பரிஞ்ஞாதங் வத்தூ²தி து³க்க²ஸச்சமாஹ. பஞ்சகாமகு³ணிகோ ராகோ³தி பஞ்சகாமகு³ணாரம்மணோ ராகோ³. பரிஞ்ஞாதோ ஹோதீதி பரிச்சி²ஜ்ஜ ஜானநேன ஸமதிக்கந்தோ ஹோதி. ரஸதண்ஹாய ஹி ஸம்மதே³வ விக³தாய ரூபதண்ஹாத³யோபி விக³தாயேவ ஹொந்தி. ததா² ச ஸதி காமராக³ஸங்யோஜனங் ஸமுச்சி²ன்னமேவ ஹோதி, ஏவங் கரணங் தத்த² நிகந்திபரியாதா³னங் த³ட்ட²ப்³ப³ங். பரிஞ்ஞாபி⁴ஸமயே ஹி ஸித்³தே⁴ பஹானாபி⁴ஸமயோ ஸித்³தோ⁴ ஏவாதி. பஹீனே ச காமராக³ஸங்யோஜனே ஓரம்பா⁴கி³யஸங்யோஜனானங் லேஸோபி நாவஸிஸ்ஸதீதி த³ஸ்ஸெந்தோ ஆஹ ‘‘நத்தி² தங் ஸங்யோஜன’’ந்திஆதி³. தேன கப³ளீகாராஹாரபரிஞ்ஞா அனாகா³மிதங் பாபேதீதி த³ஸ்ஸேதி. ஸேஸாஹாரபரிஞ்ஞா பன அரஹத்தனிட்டா² ஏவாதி த³ஸ்ஸெந்தோ ‘‘ப²ஸ்ஸே பி⁴க்க²வே’’திஆதி³மாஹ. தத்த² திஸ்ஸோ தண்ஹாதி காமதண்ஹா ரூபதண்ஹா அரூபதண்ஹாதி இமா திஸ்ஸோ தண்ஹா.
‘‘புரிமதண்ஹாஸமுத³யா’’தி ‘‘கத²’’ந்திஆதி³ ஆரத்³த⁴ங். தத்த² தண்ஹாபச்சயனிப்³ப³த்தாதி தண்ஹாபச்சயா நிப்³ப³த்தா. படிஸந்தி⁴க்க²ணே புரிமதண்ஹாஸமுத³யா ஆஹாரானங் ஸமுத³யத³ஸ்ஸனேனேவ பவத்திக்க²ணேபி உபாதி³ன்னகஆஹாரஸமுத³யோ த³ஸ்ஸிதோ ஹோதீதி தங் அனாமஸித்வா அனுபாதி³ன்னகானங் தண்ஹாஸமுத³யங் த³ஸ்ஸேதுங் ‘‘யஸ்மா பனா’’திஆதி³ வுத்தங். இதா⁴தி இமஸ்மிங் ஸுத்தே மிஸ்ஸித்வா கதி²தா அவிஸேஸிதத்தா. ஸஹஜாததண்ஹாபச்சயனிப்³ப³த்தோதி எத்த² ஸஹஜாதக்³க³ஹணங் அஸஹஜாததண்ஹாபச்சயனிப்³ப³த்தோபி அனுபாதி³ன்னகஆஹாரோ லப்³ப⁴தீதி த³ஸ்ஸனத்த²ங். ஸோ பன அஸஹஜாததண்ஹாபச்சயனிப்³ப³த்ததாஸாமஞ்ஞேனபி யதா²வுத்தஉபாதி³ன்னகாஹாரேன ஸங்ஸயங் ஜனெய்யாதி ந உத்³த⁴டோ, ந ச ஏதங் காரணங் ‘‘ராக³ங் உபனிஸ்ஸாய தோ³மனஸ்ஸங் உப்பஜ்ஜதீ’’தி வசனதோ, தண்ஹோபனிஸ்ஸயபடிக⁴சித்தஸமுட்டா²னாய ச ஓஜாய வஸேன அனுபாதி³ன்னகஆஹாரஸ்ஸ லப்³ப⁴னதோ. கத²ங் பன தண்ஹா ஓஜாய உபனிஸ்ஸயபச்சயோ; ந ஹி பட்டா²னே கத்த²சி ரூபஸ்ஸ உபனிஸ்ஸயபச்சயோ வுத்தோ அத்தீ²தி. நாயங் விரோதோ⁴ ‘‘யஸ்மிங் ஸதி யங் ஹோதி, ஸோ தஸ்ஸ உபனிஸ்ஸயோ’’தி ஸுத்தந்தனயஸ்ஸ அதி⁴ப்பேதத்தா யதா²வுத்தத்த²ஸம்ப⁴வதோ. தேனேவாஹ ‘‘இமிஸ்ஸா…பே॰… தண்ஹாய நிரோதே⁴னா’’தி.
காரணே ஸப்³ப³ஸோ நிருத்³தே⁴ ப²லம்பி ஸப்³ப³ஸோ நிருஜ்ஜ²தீதி ஆஹ ‘‘ஆஹாரனிரோதோ⁴ பஞ்ஞாயதீ’’தி. ஆஹாரானங் து³க்க²ஸச்சேகதே³ஸத்தா ஆஹாரக்³க³ஹணங் ‘‘இத⁴ சத்தாரிபி ஸச்சானி ஸரூபேனேவ வுத்தானீ’’தி. ஸச்சதே³ஸனா து³க்கா²தீ³னங் யாவதே³வ பரிஞ்ஞெய்யாதி³பா⁴வஸந்த³ஸ்ஸனத்தா², தஸ்மா ஜராமரணாதீ³ஸு பரிஞ்ஞெய்யாதி³பா⁴வோ அஸம்மோஹதோ ஸல்லக்கே²தப்³போ³தி த³ஸ்ஸெந்தோ ‘‘ஸப்³ப³த்த² அஸம்முய்ஹந்தேன ஸச்சானி உத்³த⁴ரிதப்³பா³னீ’’தி ஆஹ.
ஆஹாரவாரவண்ணனா நிட்டி²தா.
ஸச்சவாரவண்ணனா
91. யேன யேன பரியாயேன ப்³யாகரோதீதி யேன யேன து³க்கா²தி³ஜராமரணாதி³பரியாயேன அரியஸச்சானி ஸங்கே²பதோ ச வித்தா²ரதோ ச கதே²தி. து³க்க²ந்தி து³க்க²ஸச்சங் து³க்க²ங், ந து³க்க²மத்தங்.
ஸச்சவாரவண்ணனா நிட்டி²தா.
ஜராமரணவாரவண்ணனா
92. தேஸங் தேஸந்தி ப்³யாபனிச்சா²வஸேனாயங் நித்³தே³ஸோ கதோ, தஸ்மா யதா² ‘‘கா³மோ கா³மோ ரமணீயோ’’தி வுத்தே ரமணீயதாய தாதி³ஸா ஸப்³பே³பி கா³மா ஸங்க³ஹங் க³ச்ச²ந்தி, ஏவங் ‘‘தேஸங் தேஸங் ஸத்தானங் ஜாதீ’’தி வுத்தே ஜாதிஸங்கா²தவிகாரவஸேன ஸப்³பே³பி ஸத்தா ஸங்க³ஹங் க³ச்ச²ந்தி. தேனாஹ ‘‘ஸங்கே²பதோ அனேகேஸங் ஸத்தானங் ஸாதா⁴ரணனித்³தே³ஸோ’’தி.
க³திஜாதிவஸேனாதி (ஸங்॰ நி॰ டீ॰ 2.1.2) பஞ்சக³திவஸேன, தத்தா²பி ஏகேகாய க³தியா க²த்தியாதி³பு⁴ம்மதே³வாதி³ஹத்தி²ஆதி³ஜாதிவஸேன ச. நிகிய்யந்தி ஸத்தா எத்த², ஏதேன வாதி நிகாயோ, கொ³த்தசரணாதி³விபா⁴கோ³. ஜராய ஸபா⁴வோ நாம வயோஹானி, தஸ்மா ஜராதி வயோஹானிஸங்கா²தஸ்ஸ ஸபா⁴வஸ்ஸ நித்³தே³ஸோ, பாகடஜராவஸேன நித்³தே³ஸோ க²ண்டி³ச்சாதி³வஸேன க³ஹணதோ. ஜீரணமேவ ஜீரணதா, ஜீரந்தஸ்ஸ வா ஆகாரோ தா-ஸத்³தே³ன வுத்தோ. தேனாஹ ‘‘அயங் ஆகாரனித்³தே³ஸோ’’தி. த³ந்தாதீ³னங் வஸேன க²ண்ட³ங் ஜாதங் ஏதஸ்ஸாதி க²ண்டி³ச்சங். பலிதங் ஏதஸ்ஸ அத்தீ²தி பலிதோ, தஸ்ஸ பா⁴வோ பாலிச்சங். வலி தசோ ஏதஸ்ஸாதி வலித்தசோ, தஸ்ஸ பா⁴வோ வலித்தசதா. இமே க²ண்டி³ச்சாத³யோ ஜரா. விகாரானங் த³ஸ்ஸனவஸேனாதி விபத்தித³ஸ்ஸனவஸேன. வாதஸ்ஸாதி மஹதோ வாதக்க²ந்த⁴ஸ்ஸ. க²ண்டி³ச்சாதி³வஸேன க³தமக்³கோ³ பாகடோ, தஸ்மா க²ண்டி³ச்சாதி³க்³க³ஹணங் ஜராய கிச்சனித்³தே³ஸோதி வுத்தந்தி த³ஸ்ஸேதி. ந ச க²ண்டி³ச்சாதீ³னேவ ஜராதி கலலகாலதோ பபு⁴தி புரிமரூபானங் ஜராபத்தக்க²ணே உப்பஜ்ஜமானானி பச்சி²மரூபானி பரிபக்கரூபானுரூபானி பரிணதபரிணதானி உப்பஜ்ஜந்தீதி அனுக்கமேன ஸுபரிணதரூபானங் பரிபாககாலே உப்பஜ்ஜமானானி க²ண்டி³ச்சாதி³ஸபா⁴வானி உப்பஜ்ஜந்தி, தானி உத³காதி³மக்³கே³ஸு திணருக்க²ஸங்ப⁴க்³க³தாத³யோ விய பரிபாகக³தமக்³க³ஸங்கா²தேஸு பரிபக்கரூபேஸு உப்பன்னானி ‘‘ஜராய க³தோ மக்³கோ³’’இச்சேவ வுத்தானி, ந ஜராதி.
பகதியாதி ப²லவிபச்சனபகதியா, ஜராய வா பாபுணிதப்³ப³ங் ப²லமேவபகதி, தாய ஜரா தீ³பிதா. ஸுப்பஸன்னானீதி ஸுட்டு² பஸன்னானி. தமேவ ஸுப்பஸன்னதங் கிச்சதோ த³ஸ்ஸேதுங் ‘‘ஸுகு²மம்பீ’’திஆதி³ வுத்தங். திக்க²விஸத³தா ஹி தேஸங் இந்த்³ரியானங் ஸுப்பஸன்னதா. ஆலுளிதானீதி ஆகுலானி. அவிஸதா³னீதி அப்³யத்தானி.
காமங் ரூபத⁴ம்மேஸுபி க²ணிகஜரா து³ருபலக்கி²தா படிச்ச²ன்னாவ, ஸா பன யஸ்மா ஸந்தானவஸேன பவத்தியா பரிப்³யத்தாவ ஹோதீதி ‘‘பாகடஜரா’’இச்சேவ வுத்தா. அவீசி நிரந்தரா ஜரா அவீசிஜரா ஸதி ஸந்தானே ஸத்தானங் அனுப்பப³ந்த⁴தோ. ததோ அஞ்ஞேஸூதி மந்த³த³ஸகாதீ³ஸு புப்³ப³த³ஸகாதி³பரிச்சே²த³தோ அஞ்ஞேஸு யதா²வுத்தேஸு. அந்தரந்தராதி தேஸு ஏவ வுத்தப்பகாரேஸு புரிமத³ஸகாதி³தோ பச்சி²மத³ஸகாதீ³னங் அந்தரந்தரா. வண்ணவிஸேஸாதீ³னந்தி வண்ணவிஸேஸஸண்டா²னவிஸேஸஸம்ப²ஸ்ஸவிஸேஸாதீ³னங்.
வசனகவஸேனாதி க-காரேன ஹி பத³ங் வட்³டெ⁴த்வா வுத்தங், தஸ்மா சவனங் சுதீதி வுத்தங் ஹோதி. தங் பன ஏகசதுபஞ்சவோகாரப⁴வேஸு சுதியா அவிஸேஸதோ க³ஹணந்தி ஆஹ ‘‘ஏகசதுபஞ்சக்க²ந்தா⁴னங் ஸாமஞ்ஞவசன’’ந்தி. சவனகவஸேனாதி வா சவனகஸ்ஸ புக்³க³லஸ்ஸ வஸேனாதி அத்தோ². சவனமேவ சவனதாதி ஆஹ ‘‘பா⁴வவசனேனா’’தி. லக்க²ணனித³ஸ்ஸனந்தி வயஸங்கா²தஸ்ஸ லக்க²ணஸ்ஸ நித³ஸ்ஸனங். சவந்தஸ்ஸ வா ஆகாரோ தா-ஸத்³தே³ன வுத்தோ ‘‘சவனதா’’தி. பி⁴ஜ்ஜனங் பே⁴தோ³தி வுத்தங் ‘‘சுதிக்க²ந்தா⁴னங் ப⁴ங்கு³ப்பத்திபரிதீ³பன’’ந்தி. யதா² பி⁴ன்னஸ்ஸ க⁴டஸ்ஸ கேனசி பரியாயேன க⁴னக⁴டபா⁴வேன டா²னங் நத்தி², ஏவங் பி⁴ன்னானங் க²ந்தா⁴னந்தி சவனங் அந்தரஹிதங் நாமாதி ஆஹ ‘‘அந்தரதா⁴னந்தி…பே॰… பரிதீ³பன’’ந்தி. யோ மச்சூதி வுச்சதி பே⁴தோ³, யஞ்ச மரணங் பாணசாகோ³, தது³ப⁴யங் ஏகஜ்ஜ²ங் கத்வா வுத்தங் ‘‘மச்சு மரண’’ந்தி ஏவங் வா எத்த² அத்தோ² த³ட்ட²ப்³போ³. காலஸ்ஸ அந்தகஸ்ஸ கிரியாதி யா லோகே வுச்சதி, ஸா சுதி, மரணந்தி அத்தோ². சவனகாலோ ஏவ வா அனதிக்கமனீயத்தா விஸேஸேன காலோதி வுத்தோதி தஸ்ஸ கிரியா அத்த²தோ சுதிக்க²ந்தா⁴னங் பே⁴த³ப்பத்தியேவ. ‘‘சுதி சவனதா’’திஆதி³னா புப்³பே³ வோஹாரமிஸ்ஸகேன நித்³தி³ட்ட²ங்.
இதா³னி நிப்³ப³த்திதபரமத்த²னயேனேவ நித்³தே³ஸோதி த³ஸ்ஸேதுங் ‘‘பரமத்தே²ன தீ³பேது’’ந்தி வுத்தங். ‘‘சவனகவஸேனா’’திஆதி³னா ஹி புக்³க³லவஸேன ச வோஹாராதி⁴ட்டா²னா ஸங்வண்ணனா கதா. ந கிஞ்சி களேவரங் நிக்கி²பகி ஓபபாதிகானங் சுதிக்க²ந்தா⁴னங் அந்தரதா⁴னமேவஹோதி, ததோ பரங் உதுஸமுட்டா²னரூபஸந்ததி ந பவத்ததி. ‘‘ஜாதிஸமுத³யா’’திஆதீ³ஸு யங் வத்தப்³ப³ங், தங் ‘‘தண்ஹாஸமுத³யா’’திஆதீ³ஸு வுத்தனயனேவ ஸக்கா விஞ்ஞாதுந்தி ந வுத்தங்.
ஜராமரணவாரவண்ணனா நிட்டி²தா.
ஜாதிவாரவண்ணனா
93. ஜாயனட்டே²னாதிஆதி³ ஆயதனவஸேன யோனிவஸேன ச த்³வீஹி த்³வீஹி பதே³ஹி ஸப்³ப³ஸத்தே பரியாதி³யித்வா ஜாதிங் த³ஸ்ஸேதுங் வுத்தங். ஸம்மோஹவினோத³னியங் (விப⁴॰ அட்ட²॰ 191) பன ‘‘ஜாயமானகவஸேன ஜாதி, ஸஞ்ஜாயனவஸேன ஸஞ்ஜாதீ’’தி வுத்தத்தா தத்த² ஏகேகேனேவ பதே³ன ஸப்³ப³ஸத்தே பரியாதி³யித்வா ஜாதிங் த³ஸ்ஸேதீதி த³ட்ட²ப்³ப³ங். ஸம்புண்ணா ஜாதி ஸஞ்ஜாதீதி கத்வா ‘‘ஸா பரிபுண்ணாயதனவஸேன யுத்தா’’தி வுத்தங். ஏதேனேவ கேவலங் ஜாதிஸத்³தே³ன வுத்தாய ஜாதியா அபரிபுண்ணாயதனதா த³ட்ட²ப்³பா³. அபி⁴ப்³யத்தா நிப்³ப³த்தி அபி⁴னிப்³ப³த்தி, பாகடா நிப்³ப³த்தீதி அத்தோ². ‘‘தேஸங் தேஸங் ஸத்தானங்…பே॰… அபி⁴னிப்³ப³த்தீ’’தி ஸத்தவஸேன பவத்தத்தா வோஹாரதே³ஸனா.
தத்ர தத்ராதி எத்த² சதுவோகாரப⁴வே த்³வின்னங், ஏகவோகாரப⁴வே த்³வின்னங், ஸேஸரூபதா⁴துயங் படிஸந்தி⁴க்க²ணே உப்பஜ்ஜமானானங் பஞ்சன்னங், காமதா⁴துயங் விகலாவிகலிந்த்³ரியவஸேன ஸத்தன்னங் நவன்னங் த³ஸன்னங், புன த³ஸன்னங், ஏகாத³ஸன்னஞ்ச ஆயதனானங் வஸேன ஸங்க³ஹோ வேதி³தப்³போ³. யதி³பி சுதிக்க²ந்தா⁴ அனந்தரானங் படிஸந்தி⁴கத⁴ம்மானங் அனந்தராதி³னா பச்சயா ஹொந்தி, யே பன ஸமுத³யா அஜனகா, தே எத்த² உபபத்திப⁴வோதி அதி⁴ப்பேதா. ஜனகோ ஏவ ப⁴வோதி அதி⁴ப்பேதோதி த³ஸ்ஸெந்தோ ‘‘ஜாதியா பச்சயபூ⁴தோ கம்மப⁴வோ வேதி³தப்³போ³’’தி ஆஹ.
ஜாதிவாரவண்ணனா நிட்டி²தா.
ப⁴வவாரவண்ணனா
94. பா⁴வனப⁴வனட்டே²ன ப⁴வோ து³விதோ⁴. தத்த² கம்மப⁴வோ ‘‘ப⁴வதி ஏதஸ்மா உபபத்திப⁴வோ’’தி பா⁴வனட்டே²ன ப⁴வோ. அட்ட²கதா²யங் பன உபபத்திப⁴வங் ‘‘ப⁴வதீதி ப⁴வோ’’தி வத்வா தஸ்ஸ காரணத்தா கம்மங் ப²லூபசாரேன ப⁴வோதி அயமத்தோ² வுத்தோ, உப⁴யத்தா²பி உபபத்திப⁴வஹேதுபா⁴வனெத்த² கம்மஸ்ஸ கம்மப⁴வபரியாயோதி த³ஸ்ஸிதங் ஹோதி. ஸப்³ப³தா²பீதி பா⁴வனப⁴வனகுஸலாகுஸலஉபபத்திஸம்பத்திப⁴வஹீனபணீதாதி³னா ஸப்³ப³ப்பகாரேனபி. காமப⁴வோதி வுத்தங் காமதண்ஹாஹேதுகதோ காமதண்ஹாய ஆரம்மணபா⁴வதோ ச. ரூபப⁴வூபக³கம்மங் ரூபப⁴வோ, ததா² அரூபப⁴வூபக³கம்மங் அரூபப⁴வோ, தங்தங்னிப்³ப³த்தக்க²ந்தா⁴ ரூபாரூபுபத்திப⁴வா, ரூபாரூபப⁴வபா⁴வோ பன தேஸங் ‘‘காமப⁴வோ’’தி எத்த² வுத்தனயேனேவ வேதி³தப்³போ³.
ப⁴வவாரவண்ணனா நிட்டி²தா.
உபாதா³னவாரவண்ணனா
95. உபாதா³னந்தி ஸஹஜாதாதீ³தி ஆதி³-ஸத்³தே³ன ஸங்க³ஹிதந்தி த³ட்ட²ப்³ப³ங். வத்து²காமங் உபாதி³யதி சித்தங், புக்³க³லோ வா ஏதேனாதி அத்தோ². தந்தி வத்து²காமங். காமேதீதி காமோ ச ஸோ உபாதி³யதீதி உபாதா³னஞ்சாதி யோஜனா. வுத்தனயேனாதி அபி⁴த⁴ம்மே வுத்தனயேன.
ஸஸ்ஸதோ அத்தாதி இத³ங் புரிமதி³ட்டி²ங் உபாதி³யமானங் உத்தரதி³ட்டி²ங் நித³ஸ்ஸேதுங் வுத்தங். யதா² ஏஸா தி³ட்டி² த³ள்ஹீகரணவஸேன புரிமங் புரிமங் உத்தரா உத்தரா உபாதி³யதி, ஏவங் ‘‘நத்தி² தி³ன்ன’’ந்திஆதி³காபீதி. அத்தக்³க³ஹணங் பன அத்தவாது³பாதா³னந்தி நயித³ங் தி³ட்டு²பாதா³னத³ஸ்ஸனந்தி த³ட்ட²ப்³ப³ங். லோகோ சாதி அத்தக்³க³ஹணவினிமுத்தக³ஹணங் தி³ட்டு²பாதா³னபூ⁴தங் இத⁴ புரிமதி³ட்டி²உத்தரதி³ட்டி²வசனேஹி வுத்தந்தி வேதி³தப்³ப³ங். ஸப்³ப³தி³ட்டி²க³தஸ்ஸ ‘‘தி³ட்டு²பாதா³ன’’ந்தி ஏதங் அதி⁴வசனங் ‘‘ஸப்³பா³பி தி³ட்டி² தி³ட்டு²பாதா³ன’’ந்தி வசனதோ.
ஸீலப்³ப³தங் உபாதி³யந்தீதி ஸீலப்³ப³தங் ‘‘ஸுத்³தி⁴மக்³கோ³’’தி உபாதி³யந்தி. ஏதேன மிச்சா²பி⁴னிவேஸேன. ஸயங் வா தங் மிச்சா²பி⁴னிவேஸஸஹக³தங். ஸீலப்³ப³தஸஹசரணதோ ஸீலப்³ப³தஞ்ச தங் த³ள்ஹக்³கா³ஹபா⁴வதோ உபாதா³னஞ்சாதி ஸீலப்³ப³துபாதா³னங். ஏவங் ஸுத்³தீ⁴தி அபி⁴னிவேஸதோதி ஏவங் கோ³ஸீலகோ³வதாதி³சரணேன ஸங்ஸாரஸுத்³தீ⁴தி அபி⁴னிவேஸபா⁴வதோ. ஏதேன தங் ஸஹசரணதோ அபி⁴னிவேஸஸ்ஸ தங்ஸத்³தா³ரஹதங் த³ஸ்ஸேதி.
வத³ந்தீதி ‘‘அத்தி² மே அத்தா’’திஆதி³னா வோஹரந்தி. ஏதேன தி³ட்டி²க³தேன. அத்தவாத³மத்தமேவாதி அத்தாதி வாசாமத்தமேவ. ஏதேன வாசாவத்து²மத்தமேதங், யதி³த³ங் பா³ஹிரகபரிகப்பிதோ அத்தாதி த³ஸ்ஸேதி.
தண்ஹா காமுபாதா³னஸ்ஸாதி எத்த² ‘‘தத்த² கதமங் காமுபாதா³னங்? யோ காமேஸு காமச்ச²ந்தோ³ காமராகோ³ காமனந்தீ³ காமதண்ஹா காமஸ்னேஹோ காமபரிளாஹோ காமமுச்சா² காமஜ்ஜோ²ஸானங். இத³ங் வுச்சதி காமுபாதா³ன’’ந்தி வசனதோ தண்ஹாத³ள்ஹத்தங் காமுபாதா³னங். தண்ஹாத³ள்ஹத்தந்தி ச புரிமதண்ஹாஉபனிஸ்ஸயபச்சயதோ த³ள்ஹபூ⁴தா உத்தரதண்ஹா ஏவ. கேசி பனாஹு –
‘‘அப்பத்தவிஸயபத்த²னா அவஸேஸானந்தி தி³ட்டு²பாதா³னாதீ³னங். ஸஹஜாதாதி³வஸேனாதி ஸஹஜாதானங் ஸஹஜாதாதி³வஸேன, அஸஹஜாதானங் அனந்தரஉபனிஸ்ஸயாதி³வஸேனாதி ஸப்³ப³ங் ஹெட்டா² வுத்தனயேனேவ வேதி³தப்³ப³ங்.
உபாதா³னவாரவண்ணனா நிட்டி²தா.
தண்ஹாவாரவண்ணனா
96. ‘‘சக்கு²ஸம்ப²ஸ்ஸோ’’திஆதி³ ப²ஸ்ஸஸ்ஸ மாதிதோ நாமங் விய புத்தஸ்ஸ வத்து²தோ தஸ்ஸ நிஸ்ஸயபா⁴வேன உப்பத்திஹேதுத்தா, ஆரம்மணங் பன கேவலங் உப்பத்திஹேதூதி வுத்தங் ‘‘ஸெட்டி²…பே॰… நாம’’ந்தி. காமராக³பா⁴வேனாதி வத்து²காமஸ்ஸ ரஜ்ஜனவஸேன. ரூபங் அஸ்ஸாதெ³ந்தீதி ருபாரம்மணங் தண்ஹாபி⁴னந்த³னாவஸேன அபி⁴ரமமானா ஏவ அஸ்ஸாதெ³ந்தீ. நிச்சந்திஆதி³னா தி³ட்டா²பி⁴னந்த³னாமுகே²ன ரூபங் அபி⁴ரமந்தீ. பேச்ச ந ப⁴விஸ்ஸதீதி பி⁴ஜ்ஜித்வா ந ஹோதி புன அனுப்பஜ்ஜனதோ. ததா² ஸத்³த³கண்ஹாத³யோபீதி யதா² ரூபதண்ஹா காமராக³பா⁴வேன ஸஸ்ஸதராக³வஸேன உச்சே²த³ராக³வஸேனாதி ச பவத்தியா திஸ்ஸோ தண்ஹா, ததா² ஸத்³த³தண்ஹா க³ந்த⁴ரஸபொ²ட்ட²ப்³ப³த⁴ம்மதண்ஹாபி. தண்ஹாவிசரிதானீதி தண்ஹாஸமுதா³சாரா, ஸமுதா³சாரவஸேன பவத்ததண்ஹாதி அத்தோ².
அஜ்ஜ²த்திகஸ்ஸுபாதா³யாதி (விப⁴॰ அட்ட²॰ 973; ஸங்॰ நி॰ டீ॰ 2.2.2) அஜ்ஜ²த்திகங் க²ந்த⁴பஞ்சகங் உபாதா³ய. உபயோக³த்தே² ஹி இத³ங் ஸாமிவசனங். அஸ்மீதி ஹோதீதி யதே³தங் அஜ்ஜ²த்தங் க²ந்த⁴பஞ்சகங் இத்த²ஸ்மீதி ஹோதீதி க²த்தியாதீ³ஸு ‘‘இத³ங்பகாரோ அஹ’’ந்தி ஏவங் ஏவமாதி³னாதி ஆதி³-ஸத்³தே³ன ‘‘ஏவங்ஸ்மீதி, அஞ்ஞதா²ஸ்மீதி, ப⁴விஸ்ஸந்தி, இத்த²ங் ப⁴விஸ்ஸந்தி, ஏவங் ப⁴விஸ்ஸந்தி, அஞ்ஞதா² ப⁴விஸ்ஸந்தி, அஸஸ்மீதி, ஸதஸ்மீதி, ஸியந்தி, இத்த²ங் ஸியந்தி, ஏவங் ஸியந்தி, அஞ்ஞதா² ஸியந்தி, அபாஹங் ஸியந்தி, அபாஹங் இத்த²ங் ஸியந்தி, அபாஹங் ஏவங் ஸியந்தி, அபாஹங் அஞ்ஞதா² ஸிய’’ந்தி (விப⁴॰ 973) இமேஸங் தண்ஹாவிசரிதானங் க³ஹணங். தத்த² ஏவங்ஸ்மீதி இத³ங் ஸமதோ உபனிதா⁴ய க³ஹணங், யதா² அயங் க²த்தியோ, யதா² அயங் ப்³ராஹ்மணோ, ஏவங் அஹம்பீதி அத்தோ². அஞ்ஞதா²ஸ்மீதி இத³ங் அஸமணோ உபனிதா⁴ய க³ஹணங், யதா² அயங் க²த்தியோ, யதா² அயங் ப்³ராஹ்மணோ, ததோ அஞ்ஞதா² அஹங் ஹீனோ வா அதி⁴கோ வாதி அத்தோ². இதி இமானி புப்³பே³ வுத்தானி த்³வேதி ஏதானி பச்சுப்பன்னவஸேன சத்தாரி தண்ஹாவிசரிதானி. ப⁴விஸ்ஸந்திஆதீ³னி பன சத்தாரி அனாக³தவஸேன வுத்தானி. தேஸங் புரிமசதுக்கே வுத்தனயேனேவ அத்தோ² வேதி³தப்³போ³. அஸஸ்மீதி அஸதீதி அஸங். நிச்சஸ்ஸேதங் அதி⁴வசனங், தஸ்மா ஸஸ்ஸதோ அஸ்மீதி அத்தோ². ஸதஸ்மீதி ஸீத³தீதி ஸதங். அனிச்சஸ்ஸேதங் அதி⁴வசனங், தஸ்மா அஸஸ்ஸதோ அஸ்மீதி அத்தோ². இதி இமானி த்³வே ஸஸ்ஸதுச்சே²த³வஸேன வுத்தானி. இதோ பரானி ஸியந்திஆதீ³னி சத்தாரி ஸங்ஸயபரிவிதக்கவஸேன வுத்தானி, தானி புரிமசதுக்கே வுத்தனயேன அத்த²தோ வேதி³தப்³பா³னி. அபாஹங் ஸியந்திஆதீ³னி சத்தாரி ‘‘அபி நாமாஹங் ப⁴வெய்ய’’ந்தி ஏவங் பத்த²னாகப்பனவஸேன வுத்தானி, தானி புரிமசதுக்கே வுத்தனயேனேவ வேதி³தப்³பா³னி.
எத்த² ச ஸஸ்ஸதுச்சே²த³வஸேன வுத்தா த்³வே தி³ட்டி²ஸீஸா நாம, அஸ்மி, ப⁴விஸ்ஸங், ஸியங், அபாஹங் ஸியந்தி ஏதே பன சத்தாரோ ஸுத்³த⁴ஸீஸா ஏவ, ‘‘இத்த²ஸ்மீ’’திஆத³யோ தயோ தயோதி த்³வாத³ஸ ஸீஸமூலகா நாம. ஏவமேதானி த்³வே தி³ட்டி²ஸீஸா, சத்தாரோ ஸுத்³த⁴ஸீஸா, த்³வாத³ஸ ஸீஸமூலகாதி அஜ்ஜ²த்திகஸ்ஸுபாதா³ய அட்டா²ரஸ்ஸ தண்ஹாவிசரிதானி வேதி³தப்³பா³னி.
பா³ஹிரஸ்ஸுபாதா³யாதி பா³ஹிரங் க²ந்த⁴பஞ்சகங் உபாதா³ய. இத³ம்பி ஹி உபயோக³த்தே² ஸாமிவசனங். இமினாதி இமினா ருபேன வா…பே॰… விஞ்ஞாணேன வாதி ஏவங் ரூபாதீ³ஸு ஏகமேவ ‘‘அஹ’’ந்தி, இதரங் கிஞ்சனபலிபோ³த⁴பா⁴வேன க³ஹெத்வா தண்ஹாதி³வஸேன ‘‘அஸ்மீ’’தி அபி⁴னிவிஸதி, ‘‘இமினா’’தி அயமெத்த² விஸேஸோ. அஸ்மீதி இமினா க²க்³கே³ன வா ச²த்தேன வா அபி⁴ஸேகேன வா ‘‘க²த்தியோஹமஸ்மீ’’தி பா³ஹிரரூபாதி³னிஸ்ஸிதானீதி பா³ஹிரானி பரஸந்ததிபரியாபன்னானி ரூபவேத³னாதீ³னி நிஸ்ஸிதானி. அட்டா²ரஸாதி இமினா ‘‘அஸ்மீ’’திஆதி³னயப்பவத்தானி அட்டா²ரஸ, தானி புப்³பே³ வுத்தனயேனேவ வேதி³தப்³பா³னி. ‘‘இமினா’’தி ஹி ‘‘ச²த்திங்ஸா’’தி.
நித்³தே³ஸத்தே²னாதி ‘‘ச²யிமே ஆவுஸோ தண்ஹாகாயா’’திஆதி³னித்³தே³ஸபாளியா அத்த²வசனேன. நித்³தே³ஸவித்தா²ராதி தஸ்ஸ ச நித்³தே³ஸஸ்ஸ அட்ட²ஸததண்ஹாவிசரிதவஸேன வித்தா²ரேன. வித்தா²ரஸ்ஸ ச புன ஸங்க³ஹதோதி த்³வீஹி ஆகாரேஹி வித்தா²ரிதஸ்ஸ அட்டா²ரஸதண்ஹாவிசரிதபபே⁴த³ஸ்ஸ ச²ளேவ திஸ்ஸோயேவாதி ச புன ஸங்க³ஹணதோ ச.
விபாகவேத³னா அதி⁴ப்பேதா விஸேஸதோ அத்தானங் அஸ்ஸாதே³தப்³ப³தோ. தமேவ ஹிஸ்ஸா அஸ்ஸாதே³தப்³ப³தங் பகாஸேதுங் ‘‘கத²’’ந்திஆதி³ வுத்தங். அஸ்ஸாத³னேனாதி அபி⁴ரதியா. மமாயந்தாதி த⁴னாயந்தா. சித்தகாராதீ³னந்தி ஆதி³-ஸத்³தே³ன இட்ட²வண்ணாரம்மணதா³யகானங் ஸங்க³ஹோ. ஸிப்பஸந்த³ஸ்ஸனகாதீ³னந்தி ஆதி³-ஸத்³தே³ன வேஜ்ஜாதீ³னங் ஸங்க³ஹோ. வேஜ்ஜா ஹி ரஸாயதனோஜாவஸேன தது³பத்த²ம்பி⁴தவஸேன ச த⁴ம்மாரம்மணஸ்ஸ தா³யகா. ஸ்வாயங் ஆதி³-ஸத்³தோ³ ‘‘வீணாவாத³காதீ³’’திஆதி³னா பச்சேகஞ்ச யோஜேதப்³போ³, புத்தங் மமாயந்தாதி புத்தங் ஸம்பியாயந்தா. புத்தோ விய செத்த² வேத³னா த³ட்ட²ப்³பா³, ஸப்பாயஸப்பிகீ²ராதீ³னி விய வேத³னாய பச்சயபூ⁴தானி இட்ட²ரூபாதி³ஆரம்மணானி, தா⁴தி விய ரூபாதி³ச²ளாரம்மணதா³யகா சித்தகாராத³யோ த³ட்ட²ப்³பா³.
தண்ஹாவாரவண்ணனா நிட்டி²தா.
வேத³னாவாரவண்ணனா
97. சக்கு²ஸம்ப²ஸ்ஸஜா ஏவ வேத³னா அதீதாதி³பே⁴த³பி⁴ன்னா ராஸிவஸேன ஏகஜ்ஜ²ங் க³ஹெத்வா ஏகோ வேத³னாகாயோ யதா² வேத³னாக்க²ந்தோ⁴, ஏவங் ஸோதஸம்ப²ஸ்ஸஜாதி³காதி பாளியங் ‘‘ச²யிமே ஆவுஸோ வேத³னாகாயா’’தி வுத்தந்தி ஆஹ ‘‘வேத³னாகாயாதி வேத³னாஸமூஹா’’தி. சக்கு²ஸம்ப²ஸ்ஸதோ ஜாதா சக்கு²ஸம்ப²ஸ்ஸஜா வேத³னா. ஸா பன உபாதி³ன்னாபி அனுபாதி³ன்னாபி, தது³ப⁴யஸ்ஸபி ஸங்க³ண்ஹந்தேன அத்த²வண்ணனாய கதத்தா ஆஹ ‘‘அயங் தாவெத்த² ஸப்³ப³ஸங்கா³ஹிககதா²’’தி. இதா³னி ‘‘விபாகவிதி⁴ அய’’ந்தி உபாதி³ன்னயேவ ‘‘விபாகவஸேனா’’திஆதி³மாஹ. மனொத்³வாரே மனோவிஞ்ஞாணதா⁴துஸம்பயுத்தாதி ததா³ரம்மணமனோவிஞ்ஞாணதா⁴துஸம்பயுத்தா.
அவஸேஸானந்தி உபனிஸ்ஸயாதீ³தி ஆதி³-ஸத்³தே³ன அனந்தராதீ³னங் ஸங்க³ஹோ த³ட்ட²ப்³போ³. அனந்தரானஞ்ஹி அனந்தராதி³வஸேன, இதரேஸங் உபனிஸ்ஸயவஸேன ப²ஸ்ஸோ பச்சயோ ஹோதி, மனொத்³வாரே பன ததா³ரம்மணவேத³னானங் மனோஸம்ப²ஸ்ஸோ உபனிஸ்ஸயவஸேன பச்சயோ. அத்³வாரிகானந்தி த்³வாரரஹிதானங். ந ஹி படிஸந்தி⁴ஆதி³வேத³னானங் கிஞ்சி த்³வாரங் அத்தி². ஸஹஜாதமனோஸம்ப²ஸ்ஸஸமுத³யாதி ஏதேனஸ்ஸ தாஸங் ஸஹஜாதகோடியா பச்சயபா⁴வமாஹ.
வேத³னாவாரவண்ணனா நிட்டி²தா.
ப²ஸ்ஸவாரவண்ணனா
98. சக்கு²ங் நிஸ்ஸாய உப்பன்னோ ஸம்ப²ஸ்ஸோ சக்கு²ஸம்ப²ஸ்ஸோ. பஞ்சவத்து²காதி சக்கா²தி³பஞ்சவத்து²கா சக்கா²தி³பஞ்சவத்து²ஸன்னிஸ்ஸயா. ‘‘உபாதி³ன்னககதா² ஏஸா’’தி பா³வீஸதிக்³க³ஹணங், பவத்திகதா²பா⁴வதோ லோகியக்³க³ஹணங். விபாகமனஸம்பயுத்தப²ஸ்ஸாதி விபாகமனோவிஞ்ஞாணஸம்பயுத்தா ப²ஸ்ஸா. பச்சயுப்பன்னேன விய பச்சயேனபி உபாதி³ன்னகேனேவ ப⁴விதப்³ப³ந்தி ‘‘ச²ன்னங் சக்கா²தீ³னங் ஆயதனான’’ந்தி வுத்தங்.
ப²ஸ்ஸவாரவண்ணனா நிட்டி²தா.
ஸளாயதனவாரவண்ணனா
99. நித³ஸ்ஸனமத்தஞ்சேதங், தஸ்மா யதா² எத்த² அரூபலோகாபெக்கா²ய ச²ட்டா²யதனஞ்ச ஸளாயதனஞ்ச ஸளாயதனந்தி ஏகஸேஸோ இச்சி²தப்³போ³, ஏவங் யேஸங் பச்சயுப்பன்னோ உபாதி³ன்னோ, பச்சயோ பன அனுபாதி³ன்னோதிபி இச்சி²தப்³போ³. தேஸங் மதேன பா³ஹிராயதனவஸேனபி ஏகஸேஸோ வேதி³தப்³போ³ ‘‘ச²ட்டா²யதனஞ்ச ஸளாயதனஞ்ச ஸளாயதனஞ்ச ஸளாயதன’’ந்தி. விஸுத்³தி⁴மக்³கோ³பி இமஸ்ஸ ஆக³மஸ்ஸ ‘‘விஸுத்³தி⁴மக்³கே³…பே॰… வுத்தனயமேவா’’தி. ஏஸ நயோ அஞ்ஞத்தா²பி விஸுத்³தி⁴மக்³க³க்³க³ஹணே.
ஸளாயதனவாரவண்ணனா நிட்டி²தா.
நாமரூபவாரவண்ணனா
100. நமனலக்க²ணந்தி ருப்பனங் ஸீதாதி³விரோதி⁴பச்சயஸன்னிபாதே விஸதி³ஸுப்பத்தி. இமே பன தயோதிஆதி³னா ஸப்³ப³சித்துப்பாத³ஸாதா⁴ரணவஸேனேவ தங்ஸங்கா²ரக்க²ந்த⁴க்³க³ஹணங், தஸ்மா யே யத்த² அஸாதா⁴ரணா, தேபி அத்த²தோ க³ஹிதாயேவாதி த³ஸ்ஸேதி.
உபாதி³யித்வாதி பச்சயே கத்வா. பச்சயகரணமேவ ஹி பச்சயுப்பன்னஸ்ஸ பச்சயபூ⁴தத⁴ம்மானங் உபாதி³யனங். ஸமூஹஸம்ப³ந்தே⁴ ஸாமிவசனங் ஏதந்தி ‘‘ஸமூஹத்தே² ஏதங் ஸாமிவசன’’ந்தி வுத்தங் தேன வினா ஸம்ப³ந்த⁴ஸ்ஸ அபா⁴வதோ. தேனாதி தஸ்மா. தங் ஸப்³ப³ம்பீதி தங் பூ⁴துபாதா³யபபே⁴த³ங் ஸப்³ப³ம்பி ஸத்தவீஸதிவித⁴ங். யஸ்ஸ நாமஸ்ஸாதி சதுவோகாரப⁴வே நாமஸ்ஸ. விஞ்ஞாணம்பி தப்பரியாபன்னமேவ வேதி³தப்³ப³ங். ரூபஸ்ஸாதி ஏகவோகாரப⁴வே ரூபஸ்ஸ. விஞ்ஞாணங் பன பஞ்சவோகாரப⁴வே ஸங்கா²ரவிஞ்ஞாணமேவ. யஸ்ஸ பஞ்சவோகாரப⁴வே நாமரூபஸ்ஸ. தஸ்ஸ வஸேனாதி ஸஹஜாதஸ்ஸ ஸஹஜாதாதி³வஸேன, அனந்தரஸ்ஸ அனந்தராதி³வஸேன, இதரஸ்ஸ உபனிஸ்ஸயாதி³வஸேன தஸ்ஸ நாமஸ்ஸ யதா²ரஹங் தஸ்ஸ தஸ்ஸ விஞ்ஞாணஸ்ஸ பச்சயபா⁴வோ வேதி³தப்³போ³.
நாமரூபவாரவண்ணனா நிட்டி²தா.
விஞ்ஞாணவாரவண்ணனா
101. தேபூ⁴மகவிபாகக்³க³ஹணே காரணங் ஹெட்டா² வுத்தமேவ. ஸங்கா²ரோ யஸ்ஸ விஞ்ஞாணஸ்ஸாதி எத்த² அட்ட²விதோ⁴பி காமாவசரபுஞ்ஞாபி⁴ஸங்கா²ரோ ஸோளஸவித⁴ஸ்ஸ காமாவசரவிபாகவிஞ்ஞாணஸ்ஸ, பஞ்சவிதோ⁴பி ரூபாவசரபுஞ்ஞாபி⁴ஸங்கா²ரோ பஞ்சவித⁴ஸ்ஸ ரூபாவசரவிபாகவிஞ்ஞாணஸ்ஸ, த்³வாத³ஸவிதோ⁴பி அபுஞ்ஞாபி⁴ஸங்கா²ரோ ஸத்தவித⁴ஸ்ஸ அகுஸலவிபாகவிஞ்ஞாணஸ்ஸ, சதுப்³பி³தோ⁴பி ஆனேஞ்ஜாபி⁴ஸங்காரோ விஸுத்³தி⁴மக்³கே³ (விஸுத்³தி⁴॰ 2.620) வுத்தனயேன வேதி³தப்³போ³.
விஞ்ஞாணவாரவண்ணனா நிட்டி²தா.
ஸங்கா²ரவாரவண்ணனா
102. அபி⁴ஸங்க²ரணலக்க²ணோதி சோபனவஸேனாதி காயவிஞ்ஞத்திஸங்கா²தசோபனவஸேன. தேன பஞ்சத்³வாரிகசேதனா படிக்கி²பதி. வசனபே⁴த³வஸேனாதி வாசானிச்சா²ரணவஸேன. வசீவிஞ்ஞத்திஸமுட்டா²பனவஸேனாதி அத்தோ². யதா²வுத்தா வீஸதி, நவ மஹக்³க³தகுஸலசேதனா சாதி ஏகூனதிங்ஸ மனோஸஞ்சேதனா. ‘‘குஸலானங் உபனிஸ்ஸயவஸேனா’’தி வுத்தங், ஏகச்சானங் ஆரம்மணவஸேனபீதி வத்தப்³ப³ங். ஸஹஜாதாதி³வஸேனாதி ஸஹஜாத-அஞ்ஞமஞ்ஞ-நிஸ்ஸய-ஸம்பயுத்த-அத்தி²-அவிக³தஹேதுவஸேன, அனந்தரானங் அனந்தரஸமனந்தரஅனந்தரூபனிஸ்ஸயனத்தி²விக³தாஸேவனஸேன பச்சயோ. அபி-ஸத்³தே³ன உபனிஸ்ஸயங் ஸங்க³ண்ஹாதி.
ஸங்கா²ரவாரவண்ணனா நிட்டி²தா.
அவிஜ்ஜாவாரவண்ணனா
103. ‘‘து³க்க²ஸச்சேஅஞ்ஞாண’’ந்தி ஸங்கே²பதோ வுத்தமத்த²ங் விவரிதுங் ‘‘தத்தா²’’திஆதி³ ஆரத்³த⁴ங். தந்தி அஞ்ஞாணங். ஸதிபி பஹாதப்³ப³த்தே பரிஞ்ஞெய்யத்தவஸேன அந்தோக³த⁴ங். து³க்க²ஸச்சஞ்சஸ்ஸாதி வத்து²ஸங்கா²தங் ஸம்பயுத்தக²ந்த⁴ஸங்கா²தஞ்ச து³க்க²ஸச்சங் அஸ்ஸ அஞ்ஞாணஸ்ஸ. தங் ஹிஸ்ஸ நிஸ்ஸயபச்சயோ ஹோதி. தஸ்ஸாதி து³க்க²ஸச்சஸ்ஸ. யாதா²வலக்க²ணபடிவேத⁴னிவாரணேனாதி ஸங்க²தஅவிபரீதஸபா⁴வபடிவிஜ்ஜ²னஸ்ஸ நிவாரணேன. ஏதேனஸ்ஸ பரிஞ்ஞாபி⁴ஸமயஸங்கா²தஸ்ஸ அரியமக்³க³படிவேத⁴ஸ்ஸ விப³ந்த⁴கபா⁴வமாஹ. ஞாணப்பவத்தியாதி ‘‘இத³ங் து³க்க²ங், எத்தகங் து³க்க²’’ந்தி எத்தா²தி து³க்க²ஸச்சே. அப்பதா³னேனாதி அவிஸ்ஸஜ்ஜனேன. ஏதேனஸ்ஸா அனுபோ³த⁴ஞாணஸ்ஸபி விப³ந்த⁴கதமாஹ.
தீஹி காரணேஹி வேதி³தப்³ப³ங் அந்தோக³தா⁴பா⁴வதோ. இத⁴ ஸம்பயுத்தக²ந்த⁴வஸேனேவ வத்து²தோ ஸமுத³யே அஞ்ஞாணங் த³ட்ட²ப்³ப³ங். ஏகேனேவாதி இதரங் காரணத்தயங் படிக்கி²பதி. யதி³பி அஞ்ஞாணங் நிரோத⁴மக்³கே³ ஆரம்மணங் ந கரோதி, குதோ தத³ந்தோக³த⁴தப்³ப³த்து²தா, தே பன ஜானிதுகாமஸ்ஸ தப்படிச்சா²த³னவஸேன அனிரோத⁴மக்³கே³ஸு நிரோத⁴மக்³க³க்³கா³ஹஹேதுதாவஸேன ச பவத்தமானங் ‘‘நிரோதே⁴ படிபதா³யஞ்ச அஞ்ஞாண’’ந்தி வுச்சதி. தேனாஹ ‘‘படிச்சா²த³னதோ’’திஆதி³. தஸ்ஸத்தோ² வுத்தோயேவ. க³ம்பீ⁴ரத்தாதி ஸபா⁴வேனேவ க³ம்பீ⁴ரத்தா. அகா³த⁴அபதிட்டா²பா⁴வேன தங்விஸயஸ்ஸ ஞாணஸ்ஸ உப்பாதே³துங் அஸக்குணெய்யத்தா து³த்³த³ஸங். புரிமங் பன ஸச்சத்³வயங். வஞ்சனீயட்டே²னாதி வஞ்சகபா⁴வேன அயாதா²வபா⁴வேன உபட்டா²னதோ து³த்³த³ஸத்தா க³ம்பீ⁴ரங், ந ஸபா⁴வதோ, தஸ்மா தங்விஸயங் அஞ்ஞாணங் உப்பஜ்ஜதி. தத்தா²தி தஸ்மிங் புரிமஸச்சத்³வயே அனிச்சாதி³ஸபா⁴வலக்க²ணஸ்ஸ து³த்³த³ஸத்தா ஏவ நிச்சாதி³விபல்லாஸவஸேன பவத்ததி அஞ்ஞாணந்தி ஆனெத்வா ஸம்ப³ந்தி⁴தப்³ப³ங்.
இதா³னி நித்³தே³ஸவிபா⁴கே³னபி அவிஜ்ஜாய ஸச்சேஸு பவத்திவிபா⁴க³ங் த³ஸ்ஸேதுங் ‘‘அபிசா’’திஆதி³ வுத்தங். தத்த² து³க்கே²தி எத்தகேன பு⁴ம்மனித்³தே³ஸேன. ஸங்க³ஹதோதி பரிஞ்ஞெய்யதாய து³க்கே²ன ஸங்க³ஹேதப்³ப³தோ. தேன நித்³தா⁴ரணத்த²ங் த³ஸ்ஸேதி. து³க்க²ஸ்மிஞ்ஹி அவிஜ்ஜா நித்³தா⁴ரீயதி, ந அஞ்ஞஸ்மிங். வத்து²தோதி ஆதா⁴ரத்த²ங். து³க்க²ஸன்னிஸ்ஸயா ஹி அவிஜ்ஜா. ஆரம்மணதோதி விஸயத்த²ங் தங் ஆரப்³ப⁴ பவத்தனதோ. கிச்சதோதி ப்³யாபனத்த²ங் சா²த³னவஸேன தங் ப்³யாபெத்வா பவத்தனதோ. இமினா நயேன ஸேஸேஸுபி அத்தோ² வேதி³தப்³போ³. அவிஸேஸதோதி விஸேஸாபா⁴வதோ, வுத்தனயேன து³க்கா²தீ³ஸு பவத்திஆகாரவிஸேஸங் அக்³க³ஹெத்வாதி அத்தோ². ஸபா⁴வதோதி ஸரஸலக்க²ணதோ. சதுன்னம்பி ஸச்சானங் அஜானநஸபா⁴வா ஹி அவிஜ்ஜா. காமராக³ப⁴வராகா³ காமாஸவப⁴வாஸவாதி ஆஹ ‘‘ஸஹஜாதாதி³வஸேனா’’தி. நனு அவிஜ்ஜா ஏவ அவிஜ்ஜாஸவோ, ஸோ கத²ங் அவிஜ்ஜாய பச்சயோதி ஆஹ ‘‘புப்³பு³ப்பன்னா’’திஆதி³.
அவிஜ்ஜாவாரவண்ணனா நிட்டி²தா.
ஆஸவவாரவண்ணனா
104. ஆஸவவாரே ‘‘அயங் வாரோ’’திஆதி³ ஆரத்³த⁴ங். படிச்சஸமுப்பாத³பதே³ஸூதி படிச்சஸமுப்பாத³கொட்டா²ஸேஸு. த்³வாத³ஸகொட்டா²ஸா ஹி ஸத்து² படிச்சஸமுப்பாத³தே³ஸனா. தஸ்ஸாபி பச்சயத³ஸ்ஸனவஸேனாதி நாயங் காபிலானங் மூலபகதி விய அப்பச்சயா, அத² கோ² ஸப்பச்சயாதி அவிஜ்ஜாயபி பச்சயத³ஸ்ஸனவஸேன. ஆஸவஸமுத³யேனாதி அதீதப⁴வே ஆஸவானங் ஸமுத³யேன ஏதரஹி அவிஜ்ஜாய ஸமுத³யோ, ஏதரஹி அவிஜ்ஜாய ஸமுத³யேன அனாக³தே ஆஸவஸமுத³யோதி ஏவங் ஆஸவாவிஜ்ஜானங் பச்சயபச்சயுப்பன்னகபா⁴வேன அபராபரங் பவத்தமானங் ஆதி³கோடிஅபா⁴வேனேவ தன்னிமித்தஸ்ஸ ஸங்ஸாரஸ்ஸ ஆதி³கோடிஅபா⁴வதோ அனமதக்³க³தாஸித்³தி⁴ வேதி³தப்³பா³.
த்³வத்திங்ஸ டா²னானீதி த்³வத்திங்ஸ ஸச்சப்படிவேத⁴காரணானி, த்³வத்திங்ஸ வா சதுஸச்சகம்மட்டா²னானி. இமம்ஹா ஸம்மாதி³ட்டி²ஸுத்தாதி யாய அரியஸாவகோ ஸம்மாதி³ட்டி² நாம ஹோதி, ஸா அரியா ஸம்மாதி³ட்டி² எத்த² வுத்தாதி ஸம்மாதி³ட்டி²ஸுத்தங், இதோ ஸம்மாதி³ட்டி²ஸுத்ததோ.
சதுஸச்சபரியாயேஹீதி சதுஸச்சாதி⁴க³மகாரணேஹி. அரஹத்தபரியாயேஹீதி ‘‘ஸோ ஸப்³ப³ஸோ ராகா³னுஸயங் பஹாயா’’திஆதி³னா அரஹத்தாதி⁴க³மகாரணேஹி. தேனாஹ ‘‘சதுஸட்டி²யா காரணேஹீ’’தி.
ஆஸவவாரவண்ணனா நிட்டி²தா.
ஸம்மாதி³ட்டி²ஸுத்தவண்ணனாய லீனத்த²ப்பகாஸனா ஸமத்தா.
10. ஸதிபட்டா²னஸுத்தவண்ணனா
105. ஜானபதி³னோதி ராஜகுமாரா. கொ³த்தவஸேன குரூ நாம. தேஸங் நிவாஸோ யதி³ ஏகோ ஜனபதோ³, கத²ங் ப³ஹுவசனந்தி ஆஹ ‘‘ருள்ஹீஸத்³தே³னா’’தி. அக்க²ரசிந்தகா ஹி ஈதி³ஸேஸு டா²னேஸு யுத்தே விய ஸலிங்க³வசனானி (பாணினி 1.251) இச்ச²ந்தி, அயமெத்த² ருள்ஹீ யதா² அட்ட²கதா²சரியா பனாதி பன-ஸத்³தோ³ விஸேஸத்த²ஜோதனோ. தேன புது²அத்த²விஸயதாய ஏவங் தங் ப³ஹுவசனந்தி ‘‘ப³ஹுகே பனா’’திஆதி³னா வக்க²மானங் விஸேஸங் தீ³பேதி. ஸுத்வாதி மந்தா⁴துமஹாராஜஸ்ஸ ஆனுபா⁴வத³ஸ்ஸனானுஸாரேன பரம்பராக³தங் கத²ங் ஸுத்வா. அனுஸங்யாயந்தேனாதி அனுவிசரந்தேன. ஏதேஸங் டா²னந்தி சந்தி³மஸூரியமுகே²ன சாதுமஹாராஜிகப⁴வனமாஹ. தேனாஹ ‘‘தத்த² அக³மாஸீ’’திஆதி³. ஸோதி மந்தா⁴துமஹாராஜா. தந்தி சாதுமஹாராஜிகரஜ்ஜங். க³ஹெத்வாதி ஸம்படிச்சி²த்வா. புன புச்சி² பரிணாயகரதனங். தோ³வாரிகபூ⁴மியங் திட்ட²ந்தி ஸுத⁴ம்மாய தே³வஸபா⁴ய தே³வபுரஸ்ஸ ச சதூஸு த்³வாரேஸு ஆரக்கா²ய அதி⁴கதத்தா. தி³ப்³ப³ருக்க²ஸஹஸ்ஸபடிமண்டி³தந்தி இத³ங் ‘‘சித்தலதாவன’’ந்திஆதீ³ஸுபி யோஜேதப்³ப³ங்.
பத²வியங் பதிட்டா²ஸீதி ப⁴ஸ்ஸித்வா பத²வியா ஆஸன்னே டா²னே அட்டா²ஸி, ட²த்வா ச நசிரஸ்ஸேவ அந்தரதா⁴யி தேனத்தபா⁴வேன ரஞ்ஞோ சக்கவத்திஸ்ஸரியஸ்ஸ அபா⁴வதோ. ‘‘சிரதரங் காலங் ட²த்வா’’தி அபரே. தே³வபா⁴வோ பாதுரஹோஸி தே³வலோகே பவத்திவிபாகதா³யினோ அபராபரியாயவேத³னீயஸ்ஸ கம்மஸ்ஸ கதோகாஸத்தா. அவயவே ஸித்³தோ⁴ விஸேஸோ ஸமுதா³யஸ்ஸ விஸேஸகோ ஹோதீதி ஏகம்பி ரட்ட²ங் ப³ஹுவசனேன வோஹரீயதி.
த³-காரேன அத்த²ங் வண்ணயந்தி நிருத்தினயேன. கம்மாஸோதி கம்மாஸபாதோ³ வுச்சதி உத்தரபத³லோபேன யதா² ‘‘ரூபப⁴வோ ரூப’’ந்தி. கத²ங் பன ஸோ கம்மாஸபாதோ³தி ஆஹ ‘‘தஸ்ஸ கிரா’’திஆதி³. த³மிதோதி எத்த² கீதி³ஸங் த³மனங் அதி⁴ப்பேதந்தி ஆஹ ‘‘போரிஸாத³பா⁴வதோ படிஸேதி⁴தோ’’தி. இமே பன தே²ராதி மஜ்ஜி²மபா⁴ணகே வத³தி, தே பன சூளகம்மாஸத³ம்மங் ஸந்தா⁴ய ததா² வத³ந்தி. யக்கி²னிபுத்தோ ஹி கம்மாஸபாதோ³ அலீனஸத்துகுமாரகாலே போ³தி⁴ஸத்தேன தத்த² த³மிதோ, ஸுதஸோமகாலே புத்தோதி வத்வா அத்ரஜோதி வசனங் ஓரஸபுத்தபா⁴வத³ஸ்ஸனத்த²ங்.
யேஹி ஆவஸிதபதே³ஸோ குருரட்ட²ந்தி நாமங் லபி⁴, தே உத்தரகுருதோ ஆக³தா மனுஸ்ஸா தத்த² ரக்கி²தனியாமேனேவ பஞ்ச ஸீலானி ரக்கி²ங்ஸு, தேஸங் தி³ட்டா²னுக³தியா குருவத்தத⁴ம்மோதி பஞ்ஞாயித்த², அயஞ்ச அத்தோ² குருத⁴ம்மஜாதகேன (ஜா॰ 1.3.76-78) தீ³பேதப்³போ³. ஸோ அபரபா⁴கே³ யத்த² பட²மங் ஸங்கிலிட்டோ² ஜாதோ, தங் த³ஸ்ஸேதுங் ‘‘குருரட்ட²வாஸீன’’ந்திஆதி³ வுத்தங். யத்த² ப⁴க³வதோ வஸனோகாஸோ கோசி விஹாரோ ந ஹோதி, தத்த² கேவலங் கோ³சரகா³மகித்தனங் நிதா³னகதா²ய பகதி, யதா² தங்ஸக்கேஸு விஹரதி தே³வத³ஹங் நாம ஸக்கானங் நிக³மோதி இமமத்த²ங் த³ஸ்ஸெந்தோ ‘‘அவஸனோகாஸதோ’’திஆதி³மாஹ.
உத்³தே³ஸவாரகதா²வண்ணனா
106. கஸ்மா ப⁴க³வா இமங் ஸுத்தமபா⁴ஸீதி அஸாதா⁴ரணஸமுட்டா²னங் புச்ச²தி, ஸாதா⁴ரணங் பன பாகடந்தி அனாமட்ட²ங், தேன ஸுத்தனிக்கே²போ புச்சி²தோதி கத்வா இதரோ ‘‘குருரட்ட²வாஸீன’’ந்திஆதி³னா அபரஜ்ஜா²ஸயோயங் ஸுத்தனிக்கே²போதி த³ஸ்ஸேதி. ஏதேன பா³ஹிரஸமுட்டா²னங் விபா⁴விதந்தி த³ட்ட²ப்³ப³ங். அஜ்ஜ²த்திகங் பன அஸாதா⁴ரணஞ்ச மூலபரியாயஸுத்தாதி³டீகாயங் வுத்தனயேனேவ வேதி³தப்³ப³ங். குருரட்ட²ங் கிர (தீ³॰ நி॰ டீ॰ 2.373) ததா³ தன்னிவாஸீனங் ஸத்தானங் யேபு⁴ய்யேன யோனிஸோமனஸிகாரவந்ததாய புப்³பே³ ச கதபுஞ்ஞதாப³லேன உதுஆதி³ஸம்பன்னமேவ அஹோஸி. தேன வுத்தங் ‘‘உதுபச்சயாதி³ஸம்பன்னத்தா’’தி. ஆதி³-ஸத்³தே³ன போ⁴ஜனாதி³ஸம்பத்திங் ஸங்க³ண்ஹாதி. கேசி பன ‘‘புப்³பே³ குருவத்தத⁴ம்மானுட்டா²னவாஸனாய உத்தரகுரு விய யேபு⁴ய்யேன உதுஆதி³ஸம்பன்னமேவ ஹொந்தங் ப⁴க³வதோ காலே ஸாதிஸயங் உதுஸப்பாயாதி³யுத்தங் தங் ரட்ட²ங் அஹோஸீ’’தி வத³ந்தி. சித்தஸரீரகல்லதாயாதி சித்தஸ்ஸ ஸரீரஸ்ஸ ச அரோக³தாய. அனுக்³க³ஹிதபஞ்ஞாப³லாதி லத்³து⁴பகாரஞாணானுபா⁴வா, அனு அனு வா ஆசிண்ணபஞ்ஞாதேஜா. ஏகவீஸதியா டா²னேஸூதி காயானுபஸ்ஸனாவஸேன சுத்³த³ஸஸுடா²னேஸு, வேத³னானுபஸ்ஸனாவஸேன ஏகஸ்மிங் டா²னே, ததா² சித்தானுபஸ்ஸனாவஸேன, த⁴ம்மானுபஸ்ஸனாவஸேன பஞ்சஸு டா²னேஸூதி ஏவங் ஏகவீஸதியா டா²னேஸு. கம்மட்டா²னங் அரஹத்தே பக்கி²பித்வாதி சதுஸச்சகம்மட்டா²னங் யதா² அரஹத்தங் பாபேதி, ஏவங் தே³ஸனாவஸேன அரஹத்தே பக்கி²பித்வா. ஸுவண்ணசங்கோடகஸுவண்ணமஞ்ஜூஸாஸு பக்கி²த்தானி ஸுமனசம்பகாதி³னானாபுப்பா²னி மணிபுத்தாதி³ஸத்தரதனானி ச யதா² பா⁴ஜனஸம்பத்தியா ஸவிஸேஸங் ஸோப⁴ந்தி, கிச்சகரானி ‘‘யதா² ஹி புரிஸோ’’திஆதி³னா. எத்தா²தி குருரட்டே².
பகதியாதி ஸரஸதோ, இமிஸ்ஸா ஸதிபட்டா²னஸுத்ததே³ஸனாய புப்³பே³பீதி அதி⁴ப்பாயோ. அனுயுத்தா விஹரந்தி ஸத்து² தே³ஸனானுஸாரதோதி அதி⁴ப்பாயோ. விஸ்ஸட்ட²அத்தபா⁴வனாதி அனிச்சாதி³வஸேன கிஸ்மிஞ்சி யோனிஸோமனஸிகாரே சித்தங் அனியோஜெத்வா ரூபாதி³ஆரம்மணே அபி⁴ரதிவஸேன விஸ்ஸட்ட²சித்தேன ப⁴விதுங் ந வட்டதி, பமாத³விஹாரங் பஹாய அப்பமத்தேன ப⁴விதப்³ப³ந்தி அதி⁴ப்பாயோ.
ஏகாயனோதி எத்த² அயன-ஸத்³தோ³ மக்³க³பரியாயோ. ந கேவலமயனமேவ, அத² கோ² அஞ்ஞேபி ப³ஹூ மக்³க³பரியாயாதி பது³த்³தா⁴ரங் கரொந்தோ ‘‘மக்³க³ஸ்ஸ ஹீ’’திஆதி³ வத்வா யதி³ மக்³க³பரியாயோ அயன-ஸத்³தோ³, கஸ்மா புன மக்³கோ³தி வுத்தந்தி சோத³னங் ஸந்தா⁴யாஹ ‘‘தஸ்மா’’திஆதி³. தத்த² ஏகமக்³கோ³தி ஏகோ ஏவ மக்³கோ³. ந ஹி நிப்³பா³னகா³மீ மக்³கோ³ அஞ்ஞோ அத்தீ²தி. நனு ஸதிபட்டா²னங் இத⁴ ‘‘மக்³கோ³’’தி அதி⁴ப்பேதங், தத³ஞ்ஞே ச ப³ஹூ மக்³க³த⁴ம்மா அத்தீ²தி? ஸச்சங் அத்தி², தே பன ஸதிபட்டா²னக்³க³ஹணேனேவ க³ஹிதா தத³வினாபா⁴வதோ. ததா² ஹி ஞாணவீரியாத³யோ நித்³தே³ஸே க³ஹிதா. உத்³தே³ஸே பன ஸதியா ஏவ க³ஹணங் வேனெய்யஜ்ஜா²ஸயவஸேனாதி த³ட்ட²ப்³ப³ங். ந த்³வேதா⁴பத²பூ⁴தோதி இமினா இமஸ்ஸ மக்³க³ஸ்ஸ அனேகமக்³க³தாபா⁴வங் விய அனிப்³பா³னகா³மிபா⁴வாபா⁴வஞ்ச த³ஸ்ஸேதி. ஏகேனாதி அஸஹாயேன. அஸஹாயதா ச து³விதா⁴ அத்தது³தியதாபா⁴வேன வா, யா ‘‘வூபகட்ட²காயதா’’தி வுச்சதி, தண்ஹாது³தியதாபா⁴வேன வா, யா ‘‘பவிவித்தசித்ததா’’தி வுச்சதி. தேனாஹ ‘‘வூபகட்டே²ன பவிவித்தசித்தேனா’’தி. ஸெட்டோ²பி லோகே ‘‘ஏகோ’’தி வுச்சதி ‘‘யாவ பரே ஏகதோ கரோஸீ’’திஆதீ³ஸூதி ஆஹ ‘‘ஏகஸ்ஸாதி ஸெட்ட²ஸ்ஸா’’தி. யதி³ ஸங்ஸாரதோ நிஸ்ஸரணட்டோ² அயனட்டோ² அஞ்ஞேஸம்பி உபனிஸ்ஸயஸம்பன்னானங் ஸாதா⁴ரணோ கத²ங் ப⁴க³வதோதி ஆஹ ‘‘கிஞ்சாபீ’’திஆதி³. இமஸ்மிங் கோ²தி எத்த² கோ²-ஸத்³தோ³ அவதா⁴ரணே, தஸ்மா இமஸ்மிங் யேவாதி அத்தோ². தே³ஸனாபே⁴தோ³யேவ ஹேஸோ, யதி³த³ங் மக்³கோ³தி வா அயனோதி வா. தேனாஹ ‘‘அத்தோ² பனேகோ’’தி.
நானாமுக²பா⁴வனானயப்பவத்தோதி ஏகாயனந்தி ஏககா³மினங், நிப்³பா³னகா³மினந்தி அத்தோ². நிப்³பா³னஞ்ஹி அது³தியத்தா ஸெட்ட²த்தா ச ‘‘ஏக’’ந்தி வுச்சதி. யதா²ஹ ‘‘ஏகஞ்ஹி ஸச்சங் ந து³தீயமத்தீ²’’தி (ஸு॰ நி॰ 890) ‘‘யாவதா, பி⁴க்க²வே, த⁴ம்மா ஸங்க²தா வா அஸங்க²தா வா, விராகோ³ தேஸங் அக்³க³மக்கா²யதீ’’தி (அ॰ நி॰ 4.34; இதிவு॰ 90) ச. க²யோ ஏவ அந்தோதி க²யந்தோ ஜாதிக²யந்தத³ஸ்ஸீ. அவிபா⁴கே³ன ஸப்³பே³பி ஸத்தே ஹிதேன அனுகம்பதீதி ஹிதானுகம்பீ. அதரிங்ஸூதி தரிங்ஸு. புப்³பே³தி புரிமகா பு³த்³தா⁴, புப்³பே³ வா அதீதகாலே.
தந்தி தங் தேஸங் வசனங், தங் வா கிரியாவுத்திவாசகத்தங் ந யுஜ்ஜதி. ந ஹி ஸங்கெ²ய்யப்பதா⁴னதாய ஸத்தவாசினோ ஏக-ஸத்³த³ஸ்ஸ கிரியாவுத்திவாசகதா அத்தி². ‘‘ஸகிம்பி உத்³த⁴ங் க³ச்செ²ய்யா’’திஆதீ³ஸு (அ॰ நி॰ 7.72) விய ‘‘ஸகிங் அயனோ’’தி இமினா ப்³யஞ்ஜனேன ப⁴விதப்³ப³ங். ஏவங் அத்த²ங் யோஜெத்வாதி ஏவங் பத³த்த²ங் யோஜெத்வா. உப⁴யதா²பீதி புரிமனயேன பச்சி²மனயேன ச. ந யுஜ்ஜதி இதா⁴தி⁴ப்பேதமக்³க³ஸ்ஸ அனேகவாரங் பவத்திஸப்³பா⁴வதோ. தேனாஹ ‘‘கஸ்மா’’திஆதி³. அனேகவாரம்பி அயதீதி புரிமனயஸ்ஸ, அனேகஞ்சஸ்ஸ அயனங் ஹோதீதி பச்சி²மனயஸ்ஸ ச படிக்கே²போ.
இமஸ்மிங் பதே³தி ‘‘ஏகாயனோ அயங் பி⁴க்க²வே மக்³கோ³’’தி இமஸ்மிங் வாக்யே, இமஸ்மிங் வா ‘‘புப்³ப³பா⁴க³மக்³கோ³ லோகுத்தரமக்³கோ³’’தி ஸங்ஸயட்டா²னே. மிஸ்ஸகமக்³கோ³தி லோகியேன மிஸ்ஸகோ லோகுத்தரமக்³கோ³. விஸுத்³தி⁴ஆதீ³னங் நிப்பரியாயஹேதுங் ஸங்க³ண்ஹந்தோ ஆசரியத்தே²ரோ ‘‘மிஸ்ஸகமக்³கோ³’’தி ஆஹ, இதரோ பரியாயஹேது இதா⁴தி⁴ப்பேதோதி ‘‘புப்³ப³பா⁴க³மக்³கோ³’’தி.
ஸத்³த³ங் ஸுத்வாவாதி ‘‘காலோ, ப⁴ந்தே, த⁴ம்மஸ்ஸவனாயா’’தி காலாரோசனஸத்³த³ங் ஸுத்வா. ஏவங் உக்கி²பித்வாதி. ஏவங் ‘‘மது⁴ரங் இமங் குஹிங் ச²ட்³டே³மா’’தி அச²ட்³டெ³ந்தா உச்சு²பா⁴ரங் விய பக்³க³ஹெத்வா ந விசரந்தி. ஆலுளேதீதி விலுளிதோ ஆகுலோ ஹோதீதி அத்தோ². ஏகாயனமக்³கோ³ வுச்சதி புப்³ப³பா⁴க³ஸதிபட்டா²னமக்³கோ³தி. எத்தாவதா இதா⁴தி⁴ப்பேதத்தே² ஸித்³தே⁴ தஸ்ஸேவ அலங்காரத்த²ங் ஸோ பன யஸ்ஸ புப்³ப³பா⁴க³மக்³கோ³, தங் த³ஸ்ஸேதுங் ‘‘மக்³கா³னட்ட²ங்கி³கோ’’திஆதி³கா
நிப்³பா³னக³மனட்டே²னாதி நிப்³பா³னங் க³ச்ச²தி அதி⁴க³ச்ச²தி ஏதேனாதி நிப்³பா³னக³மனங், ஸோ ஏவ அவிபரீதஸபா⁴வதாய அத்தோ², தேன நிப்³பா³னக³மனட்டே²ன, நிப்³பா³னாதி⁴க³முபாயதாயாதி அத்தோ². மக்³க³னீயட்டே²னாதி க³வேஸிதப்³ப³தாய, ‘‘க³மனீயட்டே²னா’’தி வா பாடோ², உபக³ந்தப்³ப³த்தாதி அத்தோ². ராகா³தீ³ஹீதி. இமினா ராக³தோ³ஸமோஹானங்யேவ க³ஹணங் ‘‘ராகோ³ மலங், தோ³ஸோ மலங், மோஹோ மல’’ந்தி (விப⁴॰ 924) வசனதோ. ‘‘அபி⁴ஜ்ஜா²விஸமலோபா⁴தீ³ஹீ’’தி பன இமினா ஸப்³பே³ஸம்பி உபக்கிலேஸானங் ஸங்க³ண்ஹனத்த²ங் தே விஸுங் உத்³த⁴டா. ஸத்தானங் விஸுத்³தி⁴யாதி வுத்தஸ்ஸ அத்த²ஸ்ஸ ஏகந்திகதங் ‘‘ததா² ஹீ’’திஆதி³மாஹ. காமங் ‘‘விஸுத்³தி⁴யா’’தி ஸாமஞ்ஞஜோதனா, சித்தவிஸுத்³தி⁴ ஏவ பனெத்த² அதி⁴ப்பேதாதி த³ஸ்ஸேதுங் ‘‘ரூபமலவஸேன பனா’’திஆதி³ வுத்தங். ந கேவலங் அட்ட²கதா²வசனமேவ, அத² கோ² இத³மெத்த² ஆஹச்சபா⁴ஸிதந்தி த³ஸ்ஸெந்தோ ‘‘ததா² ஹீ’’திஆதி³மாஹ.
ஸா பனாயங் சித்தவிஸுத்³தி⁴ ஸிஜ்ஜ²மானா யஸ்மா ஸோகாதீ³னங் அனுப்பாதா³ய ஸங்வத்ததி, தஸ்மா வுத்தங் ‘‘ஸோகபரிதே³வானங் ஸமதிக்கமாயா’’திஆதி³. தத்த² ஸோசனங் ஞாதிப்³யஸனாதி³னிமித்தங் சேதஸோ ஸந்தாபோ அந்தோனிஜ்ஜா²னங் ஸோகோ. ஞாதிப்³யஸனாதி³னிமித்தமேவ ஸோகாதி⁴கதாய ‘‘கஹங், ஏகபுத்தக, கஹங், ஏகபுத்தகா’’தி பரிதே³வவஸேன லபனங் பரிதே³வோ, ஆயதிங் அனுப்பஜ்ஜனங் இத⁴ ஸமதிக்கமோதி ஆஹ ‘‘பஹானாயா’’தி. தங் பனஸ்ஸ ஸமதிக்கமாவஹதங் நித³ஸ்ஸனவஸேன த³ஸ்ஸெந்தோ ‘‘அயங் ஹீ’’திஆதி³மாஹ.
தத்த² யங் புப்³பே³ தங் விஸோதே⁴ஹீதி அதீதேஸு க²ந்தே⁴ஸு தண்ஹாஸங்கிலேஸவிஸோத⁴னங் வுத்தங். பச்சா²தி பரதோ. தேதி துய்ஹங். மாஹூதி மா அஹு. கிஞ்சனந்தி ராகா³தி³கிஞ்சனங். ஏதேன அனாக³தேஸு க²ந்தே⁴ஸு ஸங்கிலேஸவிஸோத⁴னங் வுத்தங். மஜ்ஜே²தி தது³ப⁴யவேமஜ்ஜே². நோ சே க³ஹெஸ்ஸஸீதி ந உபாதி³யிஸ்ஸஸி சே. ஏதேன பச்சுப்பன்னே க²ந்த⁴பப³ந்தே⁴ உபாதா³னப்பவத்தி வுத்தா. உபஸந்தோ சரிஸ்ஸஸீதி ஏவங் அத்³த⁴த்தயக³தஸங்கிலேஸவிஸோத⁴னே ஸதி நிப்³பு³தஸப்³ப³பரிளாஹதாய உபஸந்தோ ஹுத்வா விஹரிஸ்ஸஸீதி அரஹத்தனிகூடேன கா³த²ங் நிட்ட²பேஸி. தேனாஹ ‘‘இமங் கா³த²’’ந்திஆதி³.
புத்தாதி பிதாதி ஜனகோ. ப³ந்த⁴வாதி ஞாதகா. அயஞ்ஹெத்த² அத்தோ² – புத்தா வா பிதா வா ப³ந்த⁴வா வா அந்தகேன மச்சுனா அதி⁴பன்னஸ்ஸ அபி⁴பூ⁴தஸ்ஸ மரணதோ தாணாய ந ஹொந்தி, தஸ்மா நத்தி² ஞாதீஸு தாணதாதி. ந ஹி ஞாதீனங் வஸேன மரணதோ ஆரக்கா² அத்தி², தஸ்மா படாசாரே ‘‘உபோ⁴ புத்தா காலகதா’’திஆதி³னா (அப॰ தே²ரீ 2.2.498) மா நிரத்த²கங் பரிதே³வி, த⁴ம்மங்யேவ பன யாதா²வதோ பஸ்ஸாதி அதி⁴ப்பாயோ.
ஸோதாபத்திப²லே பதிட்டி²தாதி யதா²னுலோமங் பவத்திதாய ஸாமுக்கங்ஸிகாய த⁴ம்மதே³ஸனாய பரியோஸானே ஸஹஸ்ஸனயபடிமண்டி³தே ஸோதாபத்திப²லே பதிட்ட²ஹி. கத²ங் பனாயங் ஸதிபட்டா²னமக்³க³வஸேன ஸோதாபத்திப²லே பதிட்டா²ஸீதி ஆஹ ‘‘யஸ்மா பனா’’திஆதி³. ந ஹி சதுஸச்சகம்மட்டா²னகதா²ய வினா ஸாவகானங் அரியமக்³கா³தி⁴க³மோ அத்தி². ‘‘இமங் கா³த²ங் ஸுத்வா’’தி பன இத³ங் ஸோகவினோத³னவஸேன பவத்திதாய கா³தா²ய பட²மங் ஸுதத்தா வுத்தங். ஏஸ நயோ இதரகா³தா²யபி. பா⁴வனாதி தஸ்மாதி யஸ்மா ரூபாதீ³னங் அனிச்சாதி³தோ அனுபஸ்ஸனாபி ஸதிபட்டா²னபா⁴வனா, தஸ்மா. தேபீதி ஸந்ததிமஹாமத்தபடாசாரா.
பஞ்சஸதே சோரேதி ஸதஸதசோரபரிவாரே பஞ்ச சோரே படிபாடியா பேஸேஸி. தே அரஞ்ஞங் பவிஸித்வா தே²ரங் பரியேஸந்தா அனுக்கமேன தே²ரஸ்ஸ ஸமீபே ஸமாக³ச்சி²ங்ஸு. தேனாஹ ‘‘தே க³ந்த்வா தே²ரங் பரிவாரெத்வா நிஸீதி³ங்ஸூ’’தி. வேத³னங் விக்க²ம்பெ⁴த்வா பீதிபாமோஜ்ஜங் உப்பஜ்ஜீதி ஸம்ப³ந்தோ⁴. தே²ரஸ்ஸ ஹி ஸீலங் பச்சவெக்க²தோ ஸுபரிஸுத்³த⁴ங் ஸீலங் நிஸ்ஸாய உளாரங் பீதிபாமோஜ்ஜங் உப்பஜ்ஜமானங் ஊருட்டி²பே⁴த³ஜனிதங் து³க்க²வேத³னங் விக்க²ம்பே⁴ஸி. பாதா³னீதி பாதே³. ஸஞ்ஞபெஸ்ஸாமீதி ஸஞ்ஞத்திங் கரிஸ்ஸாமி. அட்³டி³யாமீதி ஜிகு³ச்சா²மி. ஹராயாமீதி லஜ்ஜாமி. விபஸ்ஸிஸந்தி ஸம்மஸிங்.
பசலாயந்தானந்தி பசலாயனங் நித்³த³ங் உபக³தானங். வதஸம்பன்னோதி து⁴தசரணஸம்பன்னோ. பமாத³ந்தி பசலாயனங் ஸந்தா⁴யாஹ. ஓருத்³த⁴மானஸோதி உபருத்³த⁴அதி⁴சித்தோ. பஞ்ஜரஸ்மிந்தி ஸரீரே. ஸரீரஞ்ஹி ந்ஹாருஸம்ப³ந்த⁴அட்டி²ஸங்கா⁴ததாய இத⁴ ‘‘பஞ்ஜர’’ந்தி வுத்தங்.
பீதவண்ணாய படாகாய பரிஹரணதோ மல்லயுத்³த⁴சித்தகதாய ச பீதமல்லோ. தீஸு ரஜ்ஜேஸூதி பண்டு³சோளகோ³ளரஜ்ஜேஸு. மல்லா ஸீஹளதீ³பே ஸக்காரஸம்மானங் தம்ப³பண்ணிதீ³பங் ஆக³ம்ம. தங்யேவ அங்குஸங் கத்வாதி ‘‘ரூபாத³யோ ‘மமா’தி ந க³ஹேதப்³பா³’’தி ந தும்ஹாகவக்³கே³ன (ஸங்॰ நி॰ 3.33-34) பகாஸிதமத்த²ங் அத்தனோ சித்தமத்தஹத்தி²னோ அங்குஸங் கத்வா. ஜண்ணுகேஹி சங்கமதி ‘‘நிஸின்னே நித்³தா³ய அவஸரோ ஹோதீ’’தி. ப்³யாகரித்வாதி அத்தனோ வீரியாரம்ப⁴ஸ்ஸ ஸப²லதாபவேத³னமுகே²ன ஸப்³ரஹ்மசாரீனங் உஸ்ஸாஹங் ஜனெந்தோ அஞ்ஞங் ப்³யாகரித்வா. பா⁴ஸிதந்தி வசனங். கஸ்ஸ பன தந்தி ஆஹ ‘‘பு³த்³த⁴ஸெட்ட²ஸ்ஸ, ஸப்³ப³லோகக்³க³வாதி³னோ’’தி. ந தும்ஹாகந்திஆதி³ தஸ்ஸ பவத்திஆகாரத³ஸ்ஸனங். தயித³ங் மே ஸங்கா²ரானங் அச்சந்தவூபஸமகாரணந்தி த³ஸ்ஸெந்தோ ‘‘அனிச்சா வதா’’தி கா³த²ங் ஆஹரி. தேன இதா³னாஹங் ஸங்கா²ரானங் க²ணே க²ணே ப⁴ங்க³ஸங்கா²தஸ்ஸ ரோக³ஸ்ஸ அபா⁴வேன அரோகோ³ பரினிப்³பு³தோதி த³ஸ்ஸேதி.
அஸ்ஸாதி ஸக்கஸ்ஸ. உபபத்தீதி தே³வூபபத்தி. புனபாகதிகாவ அஹோஸி ஸக்கபா⁴வேனேவ உபபன்னத்தா. ஸுப்³ரஹ்மாதி ஏவங் நாமோ. அச்ச²ரானங் நிரயூபபத்திங் தி³ஸ்வா ததோ பபு⁴தி ஸததங் பவத்தமானங் அத்தனோ சித்துத்ராஸங் ஸந்தா⁴யாஹ ‘‘நிச்சங் உத்ரஸ்தமித³ங் சித்த’’ந்திஆதி³. தத்த² உத்ரஸ்தந்தி ஸந்தஸ்தங் பீ⁴தங். உப்³பி³க்³க³ந்தி ஸங்விக்³க³ங். உத்ரஸ்தந்தி வா ஸங்விக்³க³ங். உப்³பி³க்³க³ந்தி ப⁴யவஸேன ஸஹ காயேன ஸஞ்சலிதங். அனுப்பன்னேஸூதி அனாக³தேஸு. கிச்சே²ஸூதி து³க்கே²ஸு. நிமித்தத்தே² பு⁴ம்மவசனங், பா⁴வீது³க்க²பவத்தினிமித்தந்தி உப்பதிதேஸூதி உப்பன்னேஸு கிச்சே²ஸூதி யோஜனா, ததா³ அத்தனோ பரிவாரஸ்ஸ உப்பன்னது³க்க²னிமித்தந்தி அதி⁴ப்பாயோ.
பொ³ஜ்ஜா²தி போ³தி⁴தோ, அரியமக்³க³தோதி அத்தோ². அஞ்ஞத்ராதி ச பத³ங் அபெக்கி²த்வா நிஸ்ஸக்கவசனங், தஸ்மா போ³தி⁴ங் ட²பெத்வாதி அத்தோ². ஏஸ நயோ ஸேஸேஸுபி. தபஸாதி தபோகம்மதோ. தேன மக்³கா³தி⁴க³மஸ்ஸ உபாயபூ⁴தங் து⁴தங்க³ஸேவனாதி³ஸல்லேக²படிபத³ங் த³ஸ்ஸேதி. இந்த்³ரியஸங்வராதி மனச்ச²ட்டா²னங் இந்த்³ரியானங் ஸங்வரணதோ. ஏதேன ஸதிஸங்வரஸீஸேன ஸப்³ப³ம்பி ஸங்வரஸீலங், லக்க²ணஹாரனயேன வா ஸப்³ப³ம்பி சதுபாரிஸுத்³தி⁴ஸீலங் த³ஸ்ஸேதி. ஸப்³ப³னிஸ்ஸக்³கா³தி ஸப்³பு³பதி⁴னிஸ்ஸஜ்ஜனதோ ஸப்³ப³கிலேஸப்பஹானதோ. கிலேஸேஸு ஹி நிஸ்ஸட்டே²ஸு கம்மவட்டங் விபாகவட்டஞ்ச நிஸ்ஸட்ட²மேவ ஹோதீதி. ஸொத்தி²ந்தி கே²மங் அனுபத்³த³வதங்.
ஞாயதி நிச்ச²யேன கமதி நிப்³பா³னங், தங் வா ஞாயதி படிவிஜ்ஜீ²யதி ஏதேனாதி ஞாயோ, அரியமக்³கோ³தி ஆஹ ‘‘ஞாயோ வுச்சதி அரியோ அட்ட²ங்கி³கோ மக்³கோ³’’தி தண்ஹாவானவிரஹிதத்தாதி தண்ஹாஸங்கா²தவானவிவித்தத்தா. தண்ஹா ஹி க²ந்தே⁴ஹி க²ந்த⁴ங், கம்முனா வா ப²லங், ஸத்தேஹி வா து³க்க²ங் வினதி ஸங்ஸிப்³ப³தீதி வானந்தி வுச்சதி. தயித³ங் நத்தி² எத்த² வானங், ந வா ஏதஸ்மிங் அதி⁴க³தே புக்³க³லஸ்ஸ வானந்தி நிப்³பா³னங், அஸங்க²தா தா⁴து. பரபச்சயேன வினா பச்சக்க²கரணங் ஸச்சி²கிரியாதி ஆஹ ‘‘அத்தபச்சக்க²தாயா’’தி.
நனு ‘‘விஸுத்³தி⁴யா’’தி சித்தவிஸுத்³தி⁴யா அதி⁴ப்பேதத்தா விஸுத்³தி⁴க்³க³ஹணேனேவெத்த² ஸோகஸமதிக்கமாத³யோபி க³ஹிதா ஏவ ஹொந்தி, தே புன கஸ்மா க³ஹிதாதி அனுயோக³ங் ஸந்தா⁴ய ‘‘தத்த² கிஞ்சாபீ’’திஆதி³ வுத்தங். ஸாஸனயுத்திகோவிதே³தி ஸச்சபடிச்சஸமுப்பாதா³தி³லக்க²ணாயங் த⁴ம்மனீதியங் சே²கே. தங் தங் அத்த²ங் ஞாபேதீதி யே யே போ³த⁴னெய்யபுக்³க³லா ஸங்கே²பவித்தா²ராதி³வஸேன யதா² யதா² போ³தே⁴தப்³பா³, அத்தனோ தே³ஸனாவிலாஸேன ப⁴க³வா தே தே ததா² ததா² போ³தெ⁴ந்தோ தங் தமத்த²ங் ஞாபேதி. தங் தங் பாகடங் கத்வா த³ஸ்ஸெந்தோதி அத்தா²பத்திங் அக³ணெந்தோ தங் தங் அத்த²ங் பாகடங் கத்வா த³ஸ்ஸெந்தோ. ந ஹி ஸம்மாஸம்பு³த்³தா⁴ அத்தா²பத்திஞாபகாதி³ஸாத⁴னீயவசனாதி. ஸங்வத்ததீதி ஜாயதி, ஹோதீதி அத்தோ². யஸ்மா அனதிக்கந்தஸோகபரிதே³வஸ்ஸ ந கதா³சி சித்தவிஸுத்³தி⁴ அத்தி² ஸோகபரிதே³வஸமதிக்கமமுகே²னேவ சித்தவிஸுத்³தி⁴யா இஜ்ஜ²னதோ, தஸ்மா ஆஹ ‘‘ஸோகபரிதே³வானங் ஸமதிக்கமேன ஹோதீ’’தி. யஸ்மா பன தோ³மனஸ்ஸபச்சயேஹி து³க்க²த⁴ம்மேஹி புட்ட²ங் புது²ஜ்ஜனங் ஸோகாத³யோ அபி⁴ப⁴வந்தி, பரிஞ்ஞாதேஸு ச தேஸு தே ந ஹொந்தி, தஸ்மா வுத்தங் ‘‘ஸோகபரிதே³வானங் ஸமதிக்கமோ து³க்க²தோ³மனஸ்ஸானங் அத்த²ங்க³மேனா’’தி. ஞாயஸ்ஸாதி அக்³க³மக்³க³ஸ்ஸ ததியமக்³க³ஸ்ஸ ச. தத³தி⁴க³மேன ஹி யதா²க்கமங் ‘‘ஞாயஸ்ஸாதி⁴க³மோ நிப்³பா³னஸ்ஸ ஸச்சி²கிரியாயா’’தி. ப²லஞாணேன வா பச்சக்க²கரணங் ஸந்தா⁴ய வுத்தங் ‘‘நிப்³பா³னஸ்ஸ ஸச்சி²கிரியாயா’’தி. ஸம்பதா³னவசனஞ்சேதங் த³ட்ட²ப்³ப³ங்.
வண்ணப⁴ணனந்தி பஸங்ஸாவசனங். தயித³ங் ந இதே⁴வ, அத² கோ² அஞ்ஞத்தா²பி ஸத்தா² அகாஸியேவாதி த³ஸ்ஸெந்தோ ‘‘யதே²வ ஹீ’’திஆதி³மாஹ. தத்த²ஆதி³ம்ஹி கல்யாணங், ஆதி³ வா கல்யாணங் ஏதஸ்ஸாதி ஆதி³கல்யாணங். ஸேஸபத³த்³வயேபி ஏஸேவ நயோ. அத்த²ஸம்பத்தியா ஸாத்த²ங். ப்³யஞ்ஜனஸம்பத்தியா ஸப்³யஞ்ஜனங். ஸீலாதி³பஞ்சத⁴ம்மக்க²ந்த⁴பாரிபூரிதோ உபனேதப்³ப³ஸ்ஸ அபா⁴வா ச கேவலபரிபுண்ணங். நிருபக்கிலேஸதோ அபனேதப்³ப³ஸ்ஸ அபா⁴வா பரிஸுத்³த⁴ங். ஸெட்ட²சரியபா⁴வதோ ஸாஸன ப்³ரஹ்மசரியங் மக்³க³ப்³ரஹ்மசரியஞ்ச வோ பகாஸெஸ்ஸாமீதி அயமெத்த² ஸங்கே²போ, வித்தா²ரோ பன விஸுத்³தி⁴மக்³கே³ (விஸுத்³தி⁴॰ 1.147) வுத்தனயேன வேதி³தப்³போ³. அரியவங்ஸாதி அரியானங் பு³த்³தா⁴தீ³னங் வங்ஸா பவேணியோ. அக்³க³ஞ்ஞாதி ‘‘அக்³கா³’’தி ஜானிதப்³பா³ ஸப்³ப³வங்ஸேஹி ஸெட்ட²பா⁴வதோ. ரத்தஞ்ஞாதி ‘‘சிரரத்தா’’தி ஜானிதப்³பா³. வங்ஸஞ்ஞாதி ‘‘பு³த்³தா⁴தீ³னங் வங்ஸா’’தி ஜானிதப்³பா³. போராணாதி புராதனா அனது⁴னாதனத்தா. அஸங்கிண்ணாதி அவிகிண்ணா அனபனீதா. அஸங்கிண்ணபுப்³பா³தி ‘‘கிங் இமேஹீ’’தி அரியேஹி ந அபனீதபுப்³பா³. ந ஸங்கீயந்தீதி இதா³னிபி தேஹி ந அபனீயந்தி. ந ஸங்கீயிஸ்ஸந்தீதி அனாக³தேபி தேஹி ந அபனீயிஸ்ஸந்தி. அப்படிகுட்டா²…பே॰… விஞ்ஞூஹீதி யே லோகே விஞ்ஞூ ஸமணப்³ராஹ்மணா, தேஹி அபச்சக்க²தா அனிந்தி³தா, அக³ரஹிதாதி அத்தோ². விஸுத்³தி⁴யாதிஆதீ³ஹீதி விஸுத்³தி⁴ஆதி³தீ³பனேஹி. பதே³ஹீதி வாக்யேஹி, விஸுத்³தி⁴அத்த²தாதி³பே⁴த³பி⁴ன்னேஹி வா த⁴ம்மகொட்டா²ஸேஹி.
உபத்³த³வேதி அனத்தே². விஸுத்³தி⁴ந்தி விஸுஜ்ஜ²னங் ஸங்கிலேஸப்பஹானங். வாசுக்³க³தகரணங் உக்³க³ஹோ. பரியாபுணனங் பரிசயோ. அத்த²ஸ்ஸ ஹத³யே ட²பனங் தா⁴ரணங். பரிவத்தனங் வாசனங். க³ந்தா⁴ரகோதி க³ந்தா⁴ரதே³ஸே உப்பன்னோ. பஹொந்தீதி ஸக்கொந்தி அனிய்யானமக்³கா³தி மிச்சா²மக்³கா³, மிச்ச²த்தனியதானியதமக்³கா³பி வா. ஸுவண்ணந்தி கூடஸுவண்ணம்பி வுச்சதி. பணீதி காசமணிபி. முத்தாதி வேளுஜாபி. பவாளந்தி பல்லவோபி வுச்சதீதி ரத்தஜம்பு³னதா³தி³பதே³ஹி தே விஸேஸிதா.
ந ததோ ஹெட்டா²தி (ஸங்॰ நி॰ டீ॰ 2.5.367; தீ³॰ நி॰ டீ॰ 2.373) இதா⁴தி⁴ப்பேதகாயாதீ³னங் வேத³னாதி³ஸபா⁴வத்தாபா⁴வா, காயவேத³னாசித்தவிமுத்தஸ்ஸ தேபூ⁴மகத⁴ம்மஸ்ஸ விஸுங் விபல்லாஸவத்த²ந்தரபா⁴வேன க³ஹிதத்தா ச ஹெட்டா²க³ஹணேஸு விபல்லாஸவத்தூ²னங் அனிட்டா²னங் ஸந்தா⁴ய வுத்தங், பஞ்சமஸ்ஸ ‘‘ந உத்³த⁴’’ந்தி ஆஹ. ஆரம்மணவிபா⁴கே³ன ஹெத்த² ஸதிபட்டா²னவிபா⁴கோ³தி. தயோ ஸதிபட்டா²னாதி ஸதிபட்டா²னஸத்³த³ஸ்ஸ அத்து²த்³தா⁴ரத³ஸ்ஸனங், ந இத⁴ பாளியங் வுத்தஸ்ஸ ஸதிபட்டா²னஸத்³த³ஸ்ஸ அத்த²த³ஸ்ஸனந்தி. ஆதீ³ஸு ஹி ஸதிகோ³சரோதி எத்த² ஆதி³-ஸத்³தே³ன ‘‘ப²ஸ்ஸஸமுத³யா வேத³னானங் ஸமுத³யோ, நாமரூபஸமுத³யா சித்தஸ்ஸ ஸமுத³யோ, மனஸிகாரஸமுத³யா த⁴ம்மானங் ஸமுத³யோ’’தி ஸதிபட்டா²னாதி வுத்தானங் ஆதி³-ஸத்³தோ³ த³ட்ட²ப்³போ³. ஸதியா பட்டா²னந்தி ஸதியா பதிட்டா²தப்³ப³ட்டா²னங். தா³னாதீ³னி ஸதியா கரொந்தஸ்ஸ ரூபாதீ³னி கஸிணாதீ³னி ச ஸதியா டா²னங் ஹொந்தீதி தங்னிவாரணத்த²மாஹ ‘‘பதா⁴னங் டா²ன’’ந்தி. ப-ஸத்³தோ³ ஹி இத⁴ ‘‘பணீதா த⁴ம்மா’’திஆதீ³ஸு (த⁴॰ ஸ॰ 14 திகமாதிகா) விய பதா⁴னத்த²தீ³பகோதி அதி⁴ப்பாயோ.
அரியோதி அரியங் ஸப்³ப³ஸத்தஸெட்ட²ங் ஸம்மாஸம்பு³த்³த⁴மாஹ. எத்தா²தி ஏதஸ்மிங் ஸளாயதனவிப⁴ங்க³ஸுத்தே (ம॰ நி॰ 3.311). ஸுத்தேகதே³ஸேன ஹி ஸுத்தங் த³ஸ்ஸேதி. தத்த² ஹி –
‘‘தயோ ஸதிபட்டா²னா யத³ரியோ…பே॰… மரஹதீதி இதி கோ² பனேதங் வுத்தங், கிஞ்சேதங் படிச்ச வுத்தங். இத⁴, பி⁴க்க²வே, ஸத்தா² ஸாவகானங் த⁴ம்மங் தே³ஸேதி அனுகம்பகோ ஹிதேஸீ அனுகம்பங் உபாதா³ய ‘‘இத³ங் வோ ஹிதாய இத³ங் வோ ஸுகா²யா’தி. தஸ்ஸ ஸாவகா ந ஸுஸ்ஸூஸந்தி, ந ஸோதங் ஓத³ஹந்தி, ந அஞ்ஞா சித்தங் உபட்ட²பெந்தி, வோக்கம்ம ச ஸத்து²ஸாஸனா வத்தந்தி. தத்ர, பி⁴க்க²வே, ததா²க³தோ ந சேவ அனத்தமனோ ஹோதி, ந ச அனத்தமனதங் படிஸங்வேதே³தி, அனவஸ்ஸுதோ ச விஹரதி ஸதோ ஸம்பஜானோ. இத³ங், பி⁴க்க²வே, பட²மங் ஸதிபட்டா²னங், யத³ரியோ…பே॰… அரஹதி.
புன சபரங், பி⁴க்க²வே, ஸத்தா²…பே॰… இத³ங் வோ ஸுகா²யாதி. தஸ்ஸ ஏகச்சே ஸாவகா ந ஸுஸ்ஸூஸந்தி…பே॰… வத்தந்தி. ஏகச்சே ஸாவகா ஸுஸ்ஸூஸந்தி…பே॰… ந ச வோக்கம்ம ஸத்து²ஸாஸனா வத்தந்தி. தத்ர, பி⁴க்க²வே, ததா²க³தோ ந சேவ அனத்தமனோ ஹோதி, ந ச அனத்தமனதங் படிஸங்வேதே³தி, ந சேவ அத்தமனோ ஹோதி, ந ச அத்தமனதங் படிஸங்வேதே³தி. அனத்தமனதஞ்ச அத்தமனதஞ்ச தது³ப⁴யங் அபி⁴னிவஜ்ஜெத்வா உபெக்க²தோ விஹரதி ஸதோ ஸம்பஜானோ. இத³ங் வுச்சதி, பி⁴க்க²வே, து³தியங் ஸதிபட்டா²னங்…பே॰… அரஹதி.
புன சபரங்…பே॰… ஸுகா²யாதி. தஸ்ஸ ஸாவகா ஸுஸ்ஸூஸந்தி…பே॰… வத்தந்தி. தத்ர, பி⁴க்க²வே, ததா²க³தோ அத்தமனோ சேவ ஹோதி, அத்தமனதஞ்ச படிஸங்வேதே³தி, அனவஸ்ஸுதோ ச விஹரதி
ஏவங் படிகா⁴னுனயேஹி அனவஸ்ஸுததா, நிச்சங் உபட்டி²தஸ்ஸதிதாய தது³ப⁴யவீதிவத்ததா ‘‘ஸதிபட்டா²ன’’ந்தி வுத்தா. பு³த்³தா⁴னங்யேவ ஹி நிச்சங் உபட்டி²தஸ்ஸதிதா ஹோதி ஆவேணிகத⁴ம்மபா⁴வதோ, ந பச்சேகபு³த்³தா⁴தீ³னங். ப-ஸத்³தோ³ ஆரம்ப⁴ங் ஜோதேதி, ஆரம்போ⁴ ச பவத்தீதி கத்வா ஆஹ ‘‘பவத்தயிதப்³ப³தோதி அத்தோ²’’தி. ஸதியா கரணபூ⁴தாய பட்டா²னங் பட்ட²பேதப்³ப³ங் ஸதிபட்டா²னங். அன-ஸத்³தோ³ ஹி ப³ஹுலவசனேன கம்மத்தோ²பி ஹோதீதி.
ததா²ஸ்ஸ கத்துஅத்தோ²பி லப்³ப⁴தீதி ‘‘பதிட்டா²தீதி பட்டா²ன’’ந்தி வுத்தங். தத்த² ப-ஸத்³தோ³ பூ⁴ஸத்த²விஸிட்ட²ங் பக்க²ந்த⁴னங் தீ³பேதீதி ‘‘ஓக்கந்தித்வா பக்க²ந்தி³த்வா பவத்ததீதி அத்தோ²’’தி ஆஹ. புன பா⁴வத்த²ங் ஸதி-ஸத்³த³ங் பட்டா²ன-ஸத்³த³ஞ்ச வண்ணெந்தோ ‘‘அத² வா’’திஆதி³மாஹ. தேன புரிமவிகப்பே ஸதி-ஸத்³தோ³ பட்டா²ன-ஸத்³தோ³ ச கத்து²அத்தோ²தி விஞ்ஞாயதி. ஸரணட்டே²னாதி சிரகதஸ்ஸ சிரபா⁴ஸிதஸ்ஸ ச அனுஸ்ஸரணட்டே²ன. இத³ந்தி யங் ‘‘ஸதியேவ ஸதிபட்டா²ன’’ந்தி வுத்தங், இத³ங் இத⁴ இமஸ்மிங் ஸுத்தபதே³ஸே அதி⁴ப்பேதங்.
யதி³ ஏவந்தி யதி³ ஸதி ஏவ ஸதிபட்டா²னங், ஸதி நாம ஏகோ த⁴ம்மோ, ஏவங் ஸந்தே கஸ்மா ‘‘ஸதிபட்டா²னா’’தி ப³ஹுவசனந்தி ஆஹ ‘‘ஸதிப³ஹுத்தா’’திஆதி³. யதி³ ப³ஹுகா ஏதா ஸதியோ, அத² கஸ்மா ‘‘மக்³கோ³’’தி ஏகவசனந்தி யோஜனா. மக்³க³ட்டே²னாதி நிய்யானட்டே²ன. நிய்யானிகோ ஹி மக்³க³த⁴ம்மோ, தேனேவ நிய்யானிகபா⁴வேன ஏகத்துபக³தோ ஏகந்ததோ நிப்³பா³னங் க³ச்ச²தி, அத்தி²கேஹி ச தத³த்த²ங் மக்³கீ³யதீதி அத்தனாவ புப்³பே³ வுத்தங் பச்சாஹரதி ‘‘வுத்தஞ்சேத’’ந்தி. தத்த² சதஸ்ஸோபி சேதாதி காயானுபஸ்ஸனாதி³வஸேன சதுப்³பி³தா⁴பி ச ஏதா ஸதியோ. அபரபா⁴கே³தி அரியமக்³க³க்க²ணே. கிச்சங் ஸாத⁴யமானாதி புப்³ப³பா⁴கே³ காயாதீ³ஸு ஆரம்மணேஸு ஸுப⁴ஸஞ்ஞாதி³வித⁴மனேன விஸுங் விஸுங் பவத்தித்வா மக்³க³க்க²ணே ஸகிங்யேவ தத்த² சதுப்³பி³த⁴ஸ்ஸபி விபல்லாஸஸ்ஸ ஸமுச்சே²த³வஸேன பஹானகிச்சங் ஸாத⁴யமானா ஆரம்மணகரணவஸேன நிப்³பா³னங் க³ச்ச²ந்தி. சதுப்³பி³த⁴கிச்சஸாத⁴னேனேவ ஹெத்த² ப³ஹுவசனநித்³தே³ஸோ. ஏவஞ்ச ஸதீதி மக்³க³ட்டே²ன ஏகத்தங் உபாதா³ய ‘‘மக்³கோ³’’தி ஏகவசனேன ஆரம்மணபே⁴தே³ன வசனானுஸந்தி⁴னா ‘‘ஏகாயனோ அய’’ந்திஆதி³கா தே³ஸனா ஸானுஸந்தி⁴காவ, ந அனநுஸந்தி⁴காதி அதி⁴ப்பாயோ. வுத்தமேவத்த²ங் நித³ஸ்ஸனேன படிபாதே³துங் ‘‘மாரஸேனப்பமத்³த³ன’’ந்தி ஸுத்தபத³ங் (ஸங்॰ நி॰ 5.224) ஆனெத்வா ‘‘யதா²’’திஆதி³னா நித³ஸ்ஸனங் ஸங்ஸந்தே³தி. தஸ்மாதிஆதி³ நிக³மனங்.
விஸேஸதோ காயோ ச வேத³னா ச அஸ்ஸாத³ஸ்ஸகாரணந்தி தப்பஹானத்த²ங் தேஸு தண்ஹாவத்தூ²ஸு ஓளாரிகஸுகு²மேஸு அஸுப⁴து³க்க²பா⁴வத³ஸ்ஸனானி மந்த³திக்க²பஞ்ஞேஹி தண்ஹாசரிதேஹி ஸுகரானீதி தானி தேஸங் ‘‘விஸுத்³தி⁴மக்³கோ³’’தி வுத்தானி ததா² ‘‘நிச்சங் அத்தா’’தி அபி⁴னிவேஸவத்து²தாய தி³ட்டி²யா விஸேஸகாரணேஸு சித்தத⁴ம்மேஸு அனிச்சானத்ததாத³ஸ்ஸனானி ஸராகா³தி³வஸேன ஸஞ்ஞாப²ஸ்ஸாதி³வஸேன நீவரணாதி³வஸேன ச நாதிப்பபே⁴த³அதிப்பபே⁴த³க³தேஸு தேஸு தப்பஹானத்த²ங் மந்த³திக்க²பஞ்ஞானங் தி³ட்டி²சரிதானங் ஸுகரானீதி தேஸங் தானி ‘‘விஸுத்³தி⁴மக்³கோ³’’தி வுத்தானி. எத்த² ச யதா² சித்தத⁴ம்மானம்பி தண்ஹாய வத்து²பா⁴வோ ஸம்ப⁴வதி, ததா² காயவேத³னானம்பி தி³ட்டி²யாதி ஸதிபி நேஸங் சதுன்னம்பி தண்ஹாதி³ட்டி²யா வத்து²பா⁴வே யோ யஸ்ஸ ஸாதிஸயபச்சயோ, தங்த³ஸ்ஸனத்த²ங் விஸேஸக்³க³ஹணங் கதந்தி த³ட்ட²ப்³ப³ங். திக்க²பஞ்ஞஸமத²யானிகோ ஓளாரிகாரம்மணங் பரிக்³க³ண்ஹந்தோ தத்த² அட்ட²த்வா ஜா²னங் ஸமாபஜ்ஜித்வா வுட்டா²ய வேத³னங் பரிக்³க³ண்ஹாதீதி வுத்தங். ‘‘ஓளாரிகாரம்மணே அஸண்ட²ஹனதோ’’தி. விபஸ்ஸனாயானிகஸ்ஸ பன ஸுகு²மே சித்தே த⁴ம்மேஸு ச சித்தங் பக்க²ந்த³தீதி சித்தத⁴ம்மானுபஸ்ஸனானங் மந்த³திக்க²பஞ்ஞாவிபஸ்ஸனாயானிகானங் விஸுத்³தி⁴மக்³க³தா வுத்தா.
தேஸங் தத்தா²தி எத்த² தத்த²-ஸத்³த³ஸ்ஸ ‘‘பஹானத்த²’’ந்தி ஏதேன யோஜனா. பரதோ தேஸங் தத்தா²தி எத்தா²பி ஏஸேவனயோ. பஞ்ச காமகு³ணா ஸவிஸேஸா காயே லப்³ப⁴ந்தீதி விஸேஸேன காயோ காமோக⁴ஸ்ஸ வத்து², ப⁴வேஸு ஸுக²க்³க³ஹணவஸேன ப⁴வஸ்ஸாதோ³ ஹோதி ப⁴வோக⁴ஸ்ஸ வேத³னா வத்து², ஸந்ததிக⁴னக³ஹணவஸேன விஸேஸதோ சித்தே அத்தாபி⁴னிவேஸோ ஹோதீதி தி³ட்டோ²க⁴ஸ்ஸ சித்தங் வத்து², த⁴ம்மேஸு வினிப்³போ⁴க³ஸ்ஸ து³க்கரத்தா த⁴ம்மானங் த⁴ம்மமத்ததாய து³ப்படிவிஜ்ஜ²த்தா ஸம்மோஹோ ஹோதீதி அவிஜ்ஜோக⁴ஸ்ஸ த⁴ம்மா வத்து², தஸ்மா தேஸங் பஹானத்த²ங் சத்தாரோவ வுத்தா.
யத³க்³கே³ன
‘‘ஆஹாரஸமுத³யா காயஸமுத³யோ, ப²ஸ்ஸஸமுத³யா வேத³னாஸமுத³யோ, (ஸங்॰ நி॰ 5.408) ஸங்கா²ரபச்சயா விஞ்ஞாணங், விஞ்ஞாணபச்சயா நாமரூப’’ந்தி (ம॰ நி॰ 3.126; உதா³॰ 1; விப⁴॰ 225) வசனதோ காயாதீ³னங் ஸமுத³யபூ⁴தா கப³ளீகாராஹாரப²ஸ்ஸமனோஸஞ்சேதனாவிஞ்ஞாணாஹாரா காயாதி³பரிஜானநேன பரிஞ்ஞாதா ஹொந்தீதி ஆஹ ‘‘சதுப்³பி³தா⁴ஹாரபரிஞ்ஞத்த²’’ந்தி பகரணனயோதி நெத்திபகரணவஸேன ஸுத்தந்தஸங்வண்ணனானயோ.
ஸரணவஸேனாதி காயாதீ³னங் குஸலாதி³த⁴ம்மானஞ்ச உபதா⁴ரணவஸேன. ஸரந்தி க³ச்ச²ந்தி நிப்³பா³னங் ஏதாயாதி ஸதீதி இமஸ்மிங் அத்தே² ஏகத்தே ஏகஸபா⁴வே நிப்³பா³னே ஸமோஸரணங் ஸமாக³மோ ஏகத்தஸமோஸரணங். ஏததே³வ ஹி த³ஸ்ஸேதுங் ‘‘யதா² ஹீ’’திஆதி³ வுத்தங். ஏகனிப்³பா³னபவேஸஹேதுபூ⁴தா வா ஸமானதா ஏகோ ஸதிபட்டா²னஸ்ஸ பா⁴வோ ஏகத்தங், தத்த² ஸமோஸரணங் ஏகத்தஸமோஸரணங். ஏகனிப்³பா³னபவேஸஹேதுபா⁴வங் பன த³ஸ்ஸேதுங் ‘‘யதா² ஹீ’’திஆதி³மாஹ. ஏதஸ்மிங் அத்தே² ஸரணேகத்தஸமோஸரணானி ஸஹேவ ஸதிபட்டா²னேகபா⁴வஸ்ஸ காரணத்தே²ன வுத்தானீதி த³ட்ட²ப்³பா³னி, புரிமஸ்மிங் விஸுங். ஸரணவஸேனாதி வா ‘‘க³மனவஸேனா’’தி அத்தே² ஸதி ததே³வ க³மனங் ஸமோஸரணந்தி, ஸமோஸரணே வா ஸதிஸத்³த³த்த²வஸேன அவுச்சமானே தா⁴ரணதாவ ஸதீதி ஸதிஸத்³த³த்த²ந்தராபா⁴வா புரிமங் ஸதிபா⁴வஸ்ஸ காரணங், பச்சி²மங் ஏகபா⁴வஸ்ஸாதி நிப்³பா³னஸமோஸரணேபி ஸஹிதானேவ தானி ஸதிபட்டா²னேகபா⁴வஸ்ஸ காரணானி வுத்தானி ஹொந்தி. சுத்³த³ஸவிதே⁴ன, நவவிதே⁴ன, ஸோளஸவிதே⁴ன, பஞ்சவிதே⁴னாதி இத³ங் உபரி பாளியங் (ம॰ நி॰ 1.107) ஆக³தானங் ஆனாபானபப்³பா³தீ³னங் வஸேன வுத்தங், தேஸங் பன அந்தரபே⁴த³வஸேன தத³னுக³தபே⁴த³வஸேன ச பா⁴வனாய அனேகவித⁴தா லப்³ப⁴தியேவ. சதூஸு தி³ஸாஸு உட்டா²னகப⁴ண்ட³ஸதி³ஸதா காயானுபஸ்ஸனாதி³தங்தங்ஸதிபட்டா²னபா⁴வனானுபா⁴வஸ்ஸ த³ட்ட²ப்³பா³.
‘‘கோ³சரே, பி⁴க்க²வே, சரத² ஸகே பெத்திகே விஸயே’’திஆதி³வசனதோ (தீ³॰ நி॰ 3.80; ஸங்॰ நி॰ 5.372) பி⁴க்கு²கோ³சரா ஏதே த⁴ம்மா, யதி³த³ங் காயானுபஸ்ஸனாத³யோ. தத்த² யஸ்மா காயானுபஸ்ஸனாதி³படிபத்தியா பி⁴க்கு² ஹோதி, தஸ்மா ‘‘காயானுபஸ்ஸீ விஹரதீ’’திஆதி³னா பி⁴க்கு²ங் த³ஸ்ஸேதி, பி⁴க்கு²ம்ஹி தங் நியமதோதி ஆஹ ‘‘படிபத்தியா பி⁴க்கு²பா⁴வத³ஸ்ஸனதோ’’தி. ஸத்து² சரியானுவிதா⁴யகத்தா ஸப்³ப³ப்பகாராய அனுஸாஸனியா பா⁴ஜனபா⁴வோ.
ஸமங் சரெய்யாதி காயாதி³விஸமசரியங் பஹாய காயாதீ³ஹி ஸமங் சரெய்ய. ராகா³தி³வூபஸமேன ஸந்தோ. இந்த்³ரியத³மேன த³ந்தோ. சதுமக்³க³னியாமேன நியதோ. ஸெட்ட²சரிதாய ப்³ரஹ்மசாரீ. காயத³ண்டா³தி³ஓரோபனேன நிதா⁴ய த³ண்ட³ங். அரியபா⁴வே டி²தோ ஸோ ஏவரூபோ பா³ஹிதபாபஸமிதபாபபி⁴ன்னகிலேஸதாஹி ப்³ராஹ்மணோ ஸமணோ பி⁴க்கூ²தி வேதி³தப்³போ³.
‘‘அயஞ்சேவ காயோ ப³ஹித்³தோ⁴ ச நாமரூப’’ந்திஆதீ³ஸு (தீ³॰ நி॰ டீ॰ 2.373) க²ந்த⁴பஞ்சகங், ‘‘ஸுக²ஞ்ச காயேன படிஸங்வேதே³தீ’’திஆதீ³ஸு (ம॰ நி॰ 1.271, 287; பாரா॰ 11) நாமகாயோ காயோதி வுச்சதீதி ததோ விஸேஸனத்த²ங் ‘‘காயேதி ரூபகாயே’’தி ஆஹ.
அஸம்மிஸ்ஸதோதி ‘‘ததா² ந காயே’’திஆதி³மாஹ. பாஸாதா³தி³னக³ராவயவஸமூஹே அவயவீவாதி³னோபி அவயவீகா³ஹங் ந கரொந்தி, நக³ரங் நாம கோசி அத்தோ² அத்தீ²தி பன கேஸஞ்சி ஸமஞ்ஞாதிதா⁴வனங் ஸியாதி இத்தி²புரிஸாதி³ஸமஞ்ஞாதிதா⁴வனே நக³ரனித³ஸ்ஸனங் வுத்தங். அங்க³பச்சங்க³ஸமூஹோ, கேஸலோமாதி³ஸமூஹோ பூ⁴துபாதா³யஸமூஹோ ச யதா²வுத்தஸமூஹே தப்³பி³னிமுத்தோ காயோபி நாம கோசி நத்தி², பகே³வ இத்தி²ஆத³யோதி ஆஹ ‘‘காயோ வா…பே॰… தி³ஸ்ஸதீ’’தி. கோசி த⁴ம்மோதி இமினா ஸத்தஜீவாதி³ங் படிக்கி²பதி, அவயவீ பன காயபடிக்கே²பேனேவ படிக்கி²த்தோதி. யதி³ ஏவங் கத²ங் காயாதி³ஸஞ்ஞாபி⁴தா⁴னானீதிஆஹ ‘‘யதா²வுத்த…பே॰… கரொந்தீ’’தி.
யங் பஸ்ஸதி இத்தி²ங் புரிஸங் வா. நனு சக்கு²னா இத்தி²புரிஸத³ஸ்ஸனங் நத்தீ²தி? ஸச்சமேதங், ‘‘இத்தி²ங் யங் பஸ்ஸதி, ந தங் தி³ட்ட²ங், தங் ரூபாயதனங் ந ஹோதீதி அத்தோ² விபரீதக்³கா³ஹவஸேன மிச்சா²பரிகப்பிதரூபத்தா. அத² வா தங் கேஸாதி³பூ⁴துபாதா³யஸமூஹஸங்கா²தங் தி³ட்ட²ங் ந ஹோதி அசக்கு²விஞ்ஞாணவிஞ்ஞெய்யத்தா, தி³ட்ட²ங் வா தங் ந ஹோதி. யங் தி³ட்ட²ங் தங் ந பஸ்ஸதீதி யங் ரூபாயதனங் கேஸாதி³பூ⁴துபாதா³யஸமூஹஸங்கா²தங் தி³ட்ட²ங், தங் பஞ்ஞாசக்கு²னா பூ⁴ததோ ந பஸ்ஸதீதி அத்தோ². அபஸ்ஸங் ப³ஜ்ஜ²தேதி இமங் அத்தபா⁴வங் யதா²பூ⁴தங் பஞ்ஞாசக்கு²னா அபஸ்ஸந்தோ ‘‘ஏதங் மம, ஏஸோஹமஸ்மி, ஏஸோ மே அத்தோ’’தி கிலேஸப³ந்த⁴னேன ப³ஜ்ஜ²தி.
ந அஞ்ஞத⁴ம்மானுபஸ்ஸீதி ந அஞ்ஞஸபா⁴வானுபஸ்ஸீ, அஸுபா⁴தி³தோ அஞ்ஞாகாரானுபஸ்ஸீ ந ஹோதீதி அத்தோ². கிங் வுத்தங் ஹோதீதிஆதி³னா தமேவத்த²ங் பாகடங் கரோதி. பத²வீகாயந்தி கேஸாதி³கொட்டா²ஸபத²விங் த⁴ம்மஸமூஹத்தா ‘‘காயோ’’தி வத³தி, லக்க²ணபத²விமேவ வா அனேகப்பபே⁴த³ங் ஸகலஸரீரக³தங் புப்³பா³பரியபா⁴வேன ச பவத்தமானங் ஸமூஹவஸேன க³ஹெத்வா ‘‘காயோ’’தி வத³தி. ஆபோகாயந்திஆதீ³ஸுபி ஏஸேவ நயோ.
ஏவங் க³ஹேதப்³ப³ஸ்ஸாதி ‘‘அஹங் மம’’ந்தி ஏவங் அத்தத்தனியபா⁴வேன அந்த⁴பா³லேஹி க³ஹேதப்³ப³ஸ்ஸ. இதா³னி ஸத்தன்னங் அனுபஸ்ஸனாகாரானம்பி வஸேன காயானுபஸ்ஸனங் த³ஸ்ஸேதுங் ‘‘அபிசா’’திஆதி³ ஆரத்³த⁴ங். தத்த² அனிச்சதோ அனுபஸ்ஸதீதி சதுஸமுட்டா²னிககாயங் ‘‘அனிச்ச’’ந்தி அனுபஸ்ஸதி, ஏவங் பஸ்ஸந்தோ ஏவங் சஸ்ஸ அனிச்சாகாரம்பி அனுபஸ்ஸதீதி வுச்சதி. ததா²பூ⁴தஸ்ஸ சஸ்ஸ நிச்சக்³கா³ஹஸ்ஸ லேஸோபி ந ஹோதீதி வுத்தங் ‘‘நோ நிச்சதோ’’தி ததா²ஹேஸ ‘‘நிச்சஸஞ்ஞங் பஜஹதீ’’தி (படி॰ ம॰ 3.35) வுத்தோ. எத்த² ச ‘‘அனிச்சதோ ஏவ அனுபஸ்ஸதீ’’தி ஏவ-காரோ லுத்தனித்³தி³ட்டோ²தி தேன நிவத்திதமத்த²ங் த³ஸ்ஸேதுங் ‘‘நோ நிச்சதோ’’தி வுத்தங். ந செத்த² து³க்க²தோ அனுபஸ்ஸனாதி³னிவத்தனமாஸங்கிதப்³ப³ங் படியோகீ³னிவத்தனபரத்தா ஏவ-காரஸ்ஸ, உபரிதே³ஸனாருள்ஹத்தா ச தாஸங்.
து³க்க²தோ அனுபஸ்ஸதீதிஆதீ³ஸுபி ஏஸேவ நயோ. அயங் பன விஸேஸோ – அனிச்சஸ்ஸ து³க்க²த்தா தமேவ காயங் து³க்க²தோ அனுபஸ்ஸதி, து³க்க²ஸ்ஸ அனத்தத்தா அனத்ததோ அனுபஸ்ஸதி. யஸ்மா பன யங் அனிச்சங் து³க்க²ங் அனத்தா, தங் அனபி⁴னந்தி³தப்³ப³ங், ந தத்த² ரஜ்ஜிதப்³ப³ங், தஸ்மா வுத்தங் ‘‘நிப்³பி³ந்த³தி நோ நந்த³தி, விரஜ்ஜதி நோ ரஜ்ஜதீ’’தி. ஸோ ஏவங் அரஜ்ஜந்தோ ராக³ங் நிரோதே⁴தி நோ ஸமுதே³தி, ஸமுத³யங் ந கரோதீதி அத்தோ². ஏவங் படிபன்னோ ச படினிஸ்ஸஜ்ஜதி நோ ஆதி³யதி. அயஞ்ஹி அனிச்சாதி³அனுபஸ்ஸனா தத³ங்க³வஸேன ஸத்³தி⁴ங் காயதன்னிஸ்ஸயக²ந்தா⁴பி⁴ஸங்கா²ரேஹி கிலேஸானங் ‘‘படினிஸ்ஸஜ்ஜதி நோ ஆதி³யதீ’’தி. இதா³னிஸ்ஸ தாஹி அனுபஸ்ஸனாஹி யேஸங் த⁴ம்மானங் பஹானங் ஹோதி, தங் த³ஸ்ஸேதுங் ‘‘ஸோ தங் அனிச்சதோ அனுபஸ்ஸந்தோ நிச்சஸஞ்ஞங் பஜஹதீ’’தி. தத்த² நிச்சஸஞ்ஞந்தி ‘‘ஸங்கா²ரா நிச்சா’’தி ஏவங் பவத்தவிபரீதஸஞ்ஞங். தி³ட்டி²சித்தவிபல்லாஸபஹானமுகே²னேவ ஸஞ்ஞாவிபல்லாஸப்பஹானந்தி ஸஞ்ஞாக³ஹணங், ஸஞ்ஞாஸீஸேன வா தேஸம்பி க³ஹணங் த³ட்ட²ப்³ப³ங். நந்தி³ந்தி ஸப்பீதிகதண்ஹங். ஸேஸங் வுத்தனயேமேவ.
விஹரதீதி இமினா காயானுபஸ்ஸனாஸமங்கி³னோ இரியாபத²விஹாரோ வுத்தோதி ஆஹ ‘‘இரியதீ’’தி இரியாபத²ங் பவத்தேதீதி அத்தோ². ஆரம்மணகரணவஸேன அபி⁴ப்³யாபனதோ ‘‘தீஸு ப⁴வேஸூ’’தி வுத்தங், உப்பஜ்ஜனவஸேன பன கிலேஸா பரித்தபூ⁴மகா ஏவாதி. யதி³பி கிலேஸானங் பஹானங் ஆதாபனந்தி தங் ஸம்மாதி³ட்டி²ஆதீ³னம்பி அத்தே²வ, ஆதாப-ஸத்³தோ³ பன வீரியேயேவ நிருள்ஹோதி வுத்தங் ‘‘வீரியஸ்ஸேதங் நாம’’ந்தி. அத² வா படிபக்க²பஹானே ஸம்பயுத்தத⁴ம்மானங் அப்³பு⁴ஸ்ஸஹனவஸேன பவத்தமானஸ்ஸ வீரியஸ்ஸ ஸாதிஸயங் ததா³தாபனந்தி வீரியமேவ ததா² வுச்சதி, ந அஞ்ஞே த⁴ம்மா. ஆதாபீதி சாயமீகாரோ பஸங்ஸாய, அதிஸயஸ்ஸ வா தீ³பகோதி ஆதாபீக³ஹணேன ஸம்மப்பதா⁴னஸமங்கி³தங் த³ஸ்ஸேதி. ஸம்மா, ஸமந்ததோ, ஸாமஞ்ச பஜானந்தோ ஸம்பஜானோ, அஸம்மிஸ்ஸதோ வவத்தா²னே அஞ்ஞத⁴ம்மானுபஸ்ஸிதாபா⁴வேன ஸம்மா அவிபரீதங், ஸப்³பா³காரபஜானநேன ஸமந்ததோ, உபரூபரி விஸேஸாவஹபா⁴வேன பவத்தியா ஸயங் பஜானந்தோதி அத்தோ². யதி³ பஞ்ஞாய அனுபஸ்ஸதி, கத²ங் ஸதிபட்டா²னதாதி ஆஹ ‘‘ந ஹீ’’திஆதி³. ஸப்³ப³த்தி²கந்தி ஸப்³ப³த்த² ப⁴வங் ஸப்³ப³த்த² லீனே உத்³த⁴தே ச சித்தே இச்சி²தப்³ப³த்தா, ஸப்³பே³ வா லீனே உத்³த⁴தே ச பா⁴வேதப்³பா³ பொ³ஜ்ஜ²ங்கா³ அத்தி²கா ஏதாயாதி ஸப்³ப³த்தி²கா. ஸதியா லத்³தூ⁴பகாராய ஏவ பஞ்ஞாய எத்த² யதா²வுத்தே காயே கம்மட்டா²னிகோ பி⁴க்கு² காயானுபஸ்ஸீ விஹரதி. அந்தோஸங்கே²போ அந்தோ ஓலீயனோ, கோஸஜ்ஜந்தி அத்தோ². உபாயபரிக்³க³ஹேதி எத்த² ஸீலவிஸோத⁴னாதி³ க³ணனாதி³ உக்³க³ஹகோஸல்லாதி³ ச உபாயோ, தப்³பி³பரியாயதோ அனுபாயோ வேதி³தப்³போ³. யஸ்மா ச உபட்டி²தஸ்ஸதி யதா²வுத்தஉபாயங் ந பரிச்சஜதி, அனுபாயஞ்ச ந உபாதி³யதி, தஸ்மா வுத்தங் ‘‘முட்ட²ஸ்ஸதி…பே॰… அஸமத்தோ² ஹோதீ’’தி. தேனாதி உபாயானுபாயானங் பரிக்³க³ஹபரிவஜ்ஜனேஸு அபரிச்சாகா³பரிக்³க³ஹேஸு ச அஸமத்த²பா⁴வேன அஸ்ஸ யோகி³னோ.
யஸ்மா ‘‘ஸம்பயோக³ங்க³ஞ்சஸ்ஸ த³ஸ்ஸெத்வா’’தி. அங்க³-ஸத்³தோ³ செத்த² காரணபரியாயோ த³ட்ட²ப்³போ³, ஸதிக்³க³ஹணேனேவ செத்த² ஸமாதி⁴ஸ்ஸதி க³ஹணங் த³ட்ட²ப்³ப³ங் தஸ்ஸா ஸமாதி⁴க்க²ந்தே⁴ ஸங்க³ஹிதத்தா. யஸ்மா வா ஸதிஸீஸேனாயங் தே³ஸனா. ந ஹி கேவலாய ஸதியா கிலேஸப்பஹானங் ஹோதி, நிப்³பா³னாதி⁴க³மோ வா, ந ச கேவலா ஸதி பவத்ததி, தஸ்மாஸ்ஸ ஜா²னதே³ஸனாயங் ஸவிதக்காதி³வசனஸ்ஸ விய ஸம்பயோக³ங்க³த³ஸ்ஸனதாதி அங்க³-ஸத்³த³ஸ்ஸ அவயவபரியாயதா த³ட்ட²ப்³பா³. பஹானங்க³ந்தி ‘‘விவிச்சேவ காமேஹீ’’திஆதீ³ஸு (தீ³॰ நி॰ 1.226; ம॰ நி॰ 1.271, 287; ஸங்॰ நி॰ 2.152; அ॰ நி॰ 4.123; பாரா॰ 11) விய பஹாதப்³ப³ங்க³ங் த³ஸ்ஸேதுங். யஸ்மா எத்த² லோகியமக்³கோ³ அதி⁴ப்பேதோ, ந லோகுத்தரமக்³கோ³, தஸ்மா புப்³ப³பா⁴கி³யமேவ வினயங் த³ஸ்ஸெந்தோ ‘‘தத³ங்க³வினயேன வா விக்க²ம்ப⁴னவினயேன வா’’தி ஆஹ. தேஸங் த⁴ம்மானந்தி வேத³னாதி³த⁴ம்மானங். தேஸஞ்ஹி தத்த² அனதி⁴ப்பேதத்தா ‘‘அத்து²த்³தா⁴ரனயேனேதங் வுத்த’’ந்தி வுத்தங்.
அவிஸேஸேன த்³வீஹிபி நீவரணப்பஹானங் வுத்தந்தி கத்வா புன ஏகேகேன வுத்தங் பஹானவிஸேஸங் த³ஸ்ஸேதுங் ‘‘விஸேஸேனா’’தி ஆஹ. அத² வா ‘‘வினெய்ய நீவரணானீ’’தி அவத்வா அபி⁴ஜ்ஜா²தோ³மனஸ்ஸவசனஸ்ஸ பயோஜனங் த³ஸ்ஸெந்தோ ‘‘விஸேஸேனா’’திஆதி³மாஹ. காயானுபஸ்ஸனாபா⁴வனாய ஹி உஜுவிபச்சனீகானங் அனுரோதா⁴தீ³னங் பஹானங் த³ஸ்ஸனங் ஏதஸ்ஸ பயோஜனந்தி. காயஸம்பத்திமூலகஸ்ஸாதி ரூப-ப³ல-யொப்³ப³னாரொக்³யாதி³-ஸரீரஸம்பதா³-நிமித்தஸ்ஸ. வுத்தவிபரியாயதோ காயவிபத்திமூலகோ விரோதோ⁴ வேதி³தப்³போ³. காயபா⁴வனாயாதி காயானுபஸ்ஸனாபா⁴வனாய. ஸா ஹி இத⁴ ‘‘காயபா⁴வனா’’தி அதி⁴ப்பேதா. தேனாதி அனுரோதா⁴தி³ப்பஹானவசனேன. யோகா³னுபா⁴வோ ஹீதிஆதி³ வுத்தஸ்ஸேவத்த²ஸ்ஸ பாகடகரணங்.
ஸதிஸம்பஜஞ்ஞேனாதி அதிஸம்பஜஞ்ஞக்³க³ஹணேன. ஸப்³ப³த்தி²ககம்மட்டா²னந்தி பு³த்³தா⁴னுஸ்ஸதி மெத்தா மரணஸ்ஸதி அஸுப⁴பா⁴வனா ச. இத³ஞ்ஹி சதுக்கங் யோகி³னா பரிஹரியமானங் ‘‘ஸப்³ப³த்தி²ககம்மட்டா²ன’’ந்தி வுச்சதி அதிஸம்பஜஞ்ஞப³லேன அவிச்சி²ன்னஸ்ஸ தஸ்ஸ பரிஹரிதப்³ப³த்தா, ஸதியா வா ஸமதோ² வுத்தோ தஸ்ஸா ஸமாத்³தி⁴க்க²ந்தே⁴ன ஸங்க³ஹிதத்தா.
தேனாதி அட்ட²கதா²னயோதி ஸத்³த³த்த²ஸ்ஸபி விவரணவஸேன யதா²ரஹங் வுத்தோ அத்த²ஸங்வண்ணனானயோ. யதா² ஸங்ஸந்த³தீதி யதா² அத்த²தோ அதி⁴ப்பாயதோ ச அவிலோமெந்தோ அஞ்ஞத³த்து² ஸங்ஸந்த³தி ஸமேதி, ஏவங் வேதி³தப்³போ³.
வேத³னாதீ³னங் புன வசனேதி எத்த² நிஸ்ஸயபச்சயபா⁴வவஸேன சித்தத⁴ம்மானங் வேத³னாஸன்னிஸ்ஸிதத்தா பஞ்சவோகாரப⁴வே அரூபத⁴ம்மானங் ரூபபடிப³த்³த⁴வுத்திதோ ச வேத³னாய காயாதி³அனுபஸ்ஸனாபஸங்கே³பி ஆபன்னே தத³ஸம்மிஸ்ஸதோ வவத்தா²னத³ஸ்ஸனத்த²ங் க⁴னவினிப்³போ⁴கா³தி³த³ஸ்ஸனத்த²ஞ்ச து³தியவேத³னாக³ஹணங். தேன ந வேத³னாயங் காயானுபஸ்ஸீ, சித்தத⁴ம்மானுபஸ்ஸீ வா, அத² கோ² வேத³னானுபஸ்ஸீயேவாதி வேத³னாஸங்கா²தே வத்து²ஸ்மிங் வேத³னானுபஸ்ஸனாகாரஸ்ஸேவ த³ஸ்ஸனேன அஸம்மிஸ்ஸதோ வவத்தா²னங் த³ஸ்ஸிதங் ஹோதி. ததா² ‘‘யஸ்மிங் ஸமயே ஸுகா² வேத³னா, ந தஸ்மிங் ஸமயே து³க்கா² அது³க்க²மஸுகா² வா வேத³னா. யஸ்மிங் வா பன ஸமயே து³க்கா² அது³க்க²மஸுகா² வா வேத³னா, ந தஸ்மிங் ஸமயே இதரா வேத³னா’’தி வேத³னாபா⁴வஸாமஞ்ஞே அட்ட²த்வா தங் தங் வேத³னங் வினிப்³பு⁴ஜித்வா த³ஸ்ஸனேன க⁴னவினிப்³போ⁴கோ³ து⁴வபா⁴வவிவேகோ த³ஸ்ஸிதோ ஹோதி. தேன தாஸங் க²ணமத்தாவட்டா²னத³ஸ்ஸனேன அனிச்சதாய ததோ ஏவ து³க்க²தாய அனத்ததாய ச த³ஸ்ஸனங் விபா⁴விதங் ஹோதி. க⁴னவினிப்³போ⁴கா³தீ³தி ஆதி³-ஸத்³தே³ன அயம்பி அத்தோ² வேதி³தப்³போ³. அயஞ்ஹி வேத³னாயங் வேத³னானுபஸ்ஸீயேவ, ந அஞ்ஞத⁴ம்மானுபஸ்ஸீ. கிங் வுத்தங் ஹோதி – யதா² நாம பா³லோ அமணிஸபா⁴வேபி உத³கபு³ப்³பு³ளகே மணிஆகாரானுபஸ்ஸீ ஹோதி, ந ஏவமயங் டி²திரமணீயேபி வேத³யிதே, பகே³வ இதரஸ்மிங் மனுஞ்ஞாகாரானுபஸ்ஸீ, அத² கோ² க²ணப⁴ங்கு³ரதாய அவஸவத்திதாய கிலேஸாஸுசிபக்³க⁴ரணதாய ச அனிச்சஅனத்தஅஸுபா⁴காரானுபஸ்ஸீ, விபரிணாமது³க்க²தாய ஸங்கா²ரது³க்க²தாய ச விஸேஸதோ து³க்கா²னுபஸ்ஸீயேவாதி வுத்தங் ஹோதி. ஏவங் சித்தத⁴ம்மேஸுபி யதா²ரஹங் புன வசனே பயோஜனங் வத்தப்³ப³ங். ‘‘கேவலங் பனிதா⁴’’திஆதி³னா இத⁴ ‘எத்தகங் வேதி³தப்³ப³’’ந்தி வேதி³தப்³ப³பரிச்சே²த³ங் த³ஸ்ஸேதி. ஏஸ நயோதி இமினா யதா² சித்தங் த⁴ம்மா ச அனுபஸ்ஸிதப்³பா³, ததா² தானி அனுபஸ்ஸந்தோ ‘‘சித்தே சித்தானுபஸ்ஸீ, த⁴ம்மேஸு த⁴ம்மானுபஸ்ஸீ’’தி வேதி³தப்³போ³தி இமமத்த²ங் அதிதி³ஸதி.
யோ ஸுக²ங் து³க்க²தோ அத்³தா³தி யோ பி⁴க்கு² ஸுக²வேத³னங் விபரிணாமது³க்க²தாய ‘‘து³க்க²’’ந்தி பஞ்ஞாசக்கு²னா அத்³த³க்கி². து³க்க²மத்³த³க்கி² ஸல்லதோதி து³க்க²வேத³னங் பீளாஜனநதோ அந்தோதுத³னதோ து³ன்னீஹரணதோ ச ஸல்லந்தி அத்³த³க்கி² பஸ்ஸி. அது³க்க²மஸுக²ந்தி உபெக்கா²வேத³னங். ஸந்தந்தி ஸுக²து³க்கா²னி விய அனோளாரிகதாய பச்சயவஸேன வூபஸந்தஸபா⁴வதாய ச ஸந்தங். அனிச்சதோதி ஹுத்வா அபா⁴வதோ உத³யப்³ப³யவந்ததோ தாவகாலிகதோனிச்சபடிக்கே²பதோ ச ‘‘அனிச்ச’’ந்தி யோ அத்³த³க்கி². ஸ வே ஸம்மத்³த³ஸோ பி⁴க்கு² ஏகங்ஸேன பரிப்³யத்தங் வா வேத³னாய ஸம்மா பஸ்ஸனகோதி அத்தோ².
து³க்கா²திபீதி ஸங்கா²ரது³க்க²தாய து³க்கா² இதிபி. ஸப்³ப³ங் தங் து³க்க²ஸ்மிந்தி ஸப்³ப³ங் தங் வேத³யிதங் து³க்க²ஸ்மிங் அந்தோக³த⁴ங் பரியாபன்னங் வதா³மி ஸங்கா²ரது³க்க²தானதிவத்தனதோ. ஸுக²து³க்க²தோபி சாதி -ஆரம்மணச²ந்தா³தி³-அதி⁴பதி-ஞாணாதி³-ஸஹஜாத- காமாவசராதி³-பூ⁴மிநானத்தபே⁴தா³னங் குஸலாகுஸல-தங்விபாககிரியா-நானத்தாதி³பே⁴தா³னஞ்ச, ஆதி³-ஸத்³தே³ன ஸங்கா²ரிகாஸங்கா²ரிகஸ-வத்து²காவத்து²காதி³-நானத்தபே⁴தா³னஞ்ச வஸேனாதி யோஜேதப்³ப³ங். ஸுஞ்ஞதத⁴ம்மஸ்ஸாதி ‘‘த⁴ம்மா ஹொந்தீ’’திஆதி³னா (த⁴॰ ஸ॰ 121) ஸுஞ்ஞதவாரே ஆக³தஸுஞ்ஞதஸபா⁴வஸ்ஸ வஸேன. ‘‘காமஞ்செத்தா²’’திஆதி³னா புப்³பே³ பஹீனத்தா புன பஹானங் ந வத்தப்³ப³ந்தி சோத³னங் த³ஸ்ஸேதி, மக்³க³சித்தக்க²ணே வா ஏகத்த² பஹீனங் ஸப்³ப³த்த² பஹீனமேவ ஹோதீதி விஸுங் விஸுங் ந வத்தப்³ப³ந்தி. தத்த² புரிமாய சோத³னாய நானாபுக்³க³லபரிஹாரோ, பச்சி²மாய நானாசித்தக்க²ணிகபரிஹாரோ. லோகியபா⁴வனாய ஹி காயே பஹீனங் ந வேத³னாதீ³ஸு பஹீனங் ஹோதி யதி³பி ந பவத்தெய்ய, ந படிபக்க²பா⁴வனாய தத்த² ஸா அபி⁴ஜ்ஜா²தோ³மனஸ்ஸஸ்ஸ அப்பவத்தி ஹோதீதி புன தப்பஹானங் வத்தப்³ப³மேவாதி. ஏகத்த² பஹீனங் ஸேஸேஸுபி பஹீனங் ஹோதீதி மக்³க³ஸதிபட்டா²னபா⁴வனங், லோகியபா⁴வனாய வா ஸப்³ப³த்த² அப்பவத்திமத்தங் ஸந்தா⁴ய வுத்தங். ‘‘பஞ்சபி க²ந்தா⁴ லோகோ’’தி ஹி விப⁴ங்கே³ (விப⁴॰ 362, 364, 366, 373) சதூஸுபி டா²னேஸு வுத்தந்தி.
உத்³தே³ஸவாரவண்ணனாய லீனத்த²ப்பகாஸனா ஸமத்தா.
காயானுபஸ்ஸனாவண்ணனா
ஆனாபானபப்³ப³வண்ணனா
107. பா³ஹிரகேஸுபி ‘‘ஸப்³ப³ப்பகாரகாயானுபஸ்ஸனானிப்³ப³த்தகஸ்ஸா’’தி. தேன யே இமே ஆனாபானபப்³பா³தி³வஸேன ஆக³தா சுத்³த³ஸப்பகாரா, தத³ந்தோக³தா⁴ ச அஜ்ஜ²த்தாதி³அனுபஸ்ஸனா பகாரா, ததா² காயக³தாஸதிஸுத்தே (ம॰ நி॰ 3.154) வுத்தா கேஸாதி³வண்ணஸண்டா²னகஸிணாரம்மணசதுக்கஜ்ஜா²னப்பகாரா, லோகியாதி³ப்பகாரா ச, தே ஸப்³பே³பி அனவஸேஸதோ ஸங்க³ண்ஹாதி. இமே ச பகாரா இமஸ்மிங்யேவ ஸாஸனே, ந இதோ ப³ஹித்³தா⁴தி வுத்தங் ‘‘ஸப்³ப³ப்பகார…பே॰… படிஸேத⁴னோ சா’’தி. தத்த² ததா²பா⁴வபடிஸேத⁴னோதி ஸப்³ப³ப்பகாரகாயானுபஸ்ஸனானிப்³ப³த்தகஸ்ஸ புக்³க³லஸ்ஸ அஞ்ஞஸாஸனஸ்ஸ நிஸ்ஸயபா⁴வபடிஸேத⁴னோ. ஏதேன ‘‘இத⁴, பி⁴க்க²வே’’தி எத்த² இத⁴-ஸத்³தோ³ அந்தோக³த⁴ஏவஸத்³த³த்தோ²தி த³ஸ்ஸேதி ‘‘இதே⁴வ ஸமணோ’’திஆதி³. பரிபுண்ணஸமணகரணத⁴ம்மோ ஹி ஸோ, யோ ஸப்³ப³ப்பகாரகாயானுபஸ்ஸனானிப்³ப³த்தகோ. பரப்பவாதா³தி பரேஸங் அஞ்ஞதித்தி²யானங் நானப்பகாரா வாதா³ தித்தா²யதனானி.
அரஞ்ஞாதி³கஸ்ஸேவ பா⁴வனானுரூபஸேனாஸனதங் த³ஸ்ஸேதுங் ‘‘இமஸ்ஸ ஹீ’’திஆதி³ வுத்தங். து³த்³த³மோ த³மத²ங் அனுபக³தோ கோ³ணோ கூடகோ³ணோ. தோ³ஹனகாலே யதா² த²னேஹி அனவஸேஸதோ கீ²ரங் ந பக்³க⁴ரதி, ஏவங் தோ³ஹபடிப³ந்தி⁴னீ கூடதே⁴னு. ரூபஸத்³தா³தி³கே படிச்ச உப்பஜ்ஜனகஅஸ்ஸாதோ³ ரூபாரம்மணாதி³ரஸோ. புப்³பே³ ஆசிண்ணாரம்மணந்தி பப்³ப³ஜ்ஜாதோ புப்³பே³, அனாதி³மதி வா ஸங்ஸாரே பரிசிதாரம்மணங்.
நிப³ந்தெ⁴ய்யாதி ப³ந்தெ⁴ய்ய. ஸதியாதி ஸம்மதே³வ கம்மட்டா²னஸ்ஸ ஸல்லக்க²ணவஸேன பவத்தாய ஸதியா. ஆரம்மணேதி கம்மட்டா²னாரம்மணே. த³ள்ஹந்தி தி²ரங், யதா² ஸதோகாரிஸ்ஸ உபசாரப்பனாபே⁴தோ³ ஸமாதி⁴ இஜ்ஜ²தி, ததா² தா²மக³தங் கத்வாதி அத்தோ².
விஸேஸாதி⁴க³மதி³ட்ட²த⁴ம்மஸுக²விஹாரபத³ட்டா²னந்தி ஸப்³பே³ஸங் பு³த்³தா⁴னங், ஏகச்சானங் பச்சேகபு³த்³தா⁴னங், பு³த்³த⁴ஸாவகானஞ்ச விஸேஸாதி⁴க³மஸ்ஸ, அஞ்ஞேன கம்மட்டா²னேன அதி⁴க³தவிஸேஸானங் வத்து²விஜ்ஜாசரியோ விய ப⁴க³வா யோகீ³னங் அனுரூபனிவாஸட்டா²னுபதி³ஸனதோ. பி⁴க்கு² தீ³பிஸதி³ஸோ அரஞ்ஞே ஏகாகீ விஹரித்வா படிபக்க²னிம்மத²னேன இச்சி²தத்த²ஸாத⁴னதோ. ப²லமுத்தமந்தி ஸாமஞ்ஞப²லங் ஸந்தா⁴யாஹ. பரக்கமஜவயொக்³க³பூ⁴மிந்தி பா⁴வனுஸ்ஸாஹஜவஸ்ஸ யொக்³க³கரணபூ⁴மிபூ⁴தங்.
அஸ்ஸாஸபஸ்ஸாஸானங் வஸேன ஸிக்க²தோதி அஸ்ஸாஸபஸ்ஸாஸானங் தீ³க⁴ரஸ்ஸதாபஜானந-ஸப்³ப³காயபடிஸங்வேத³ன-ஓளாரிகோளாரிகபடிப்பஸ்ஸம்ப⁴னவஸேன பா⁴வனானுயோக³ங் ஸிக்க²தோ, ததா²பூ⁴தோ வா ஹுத்வா திஸ்ஸோ ஸிக்கா² பவத்தயதோ. அஸ்ஸாஸபஸ்ஸாஸனிமித்தேதி அஸ்ஸாஸபஸ்ஸாஸஸன்னிஸ்ஸயேன உபட்டி²தபடிபா⁴க³னிமித்தே. அஸ்ஸாஸபஸ்ஸாஸே பரிக்³க³ண்ஹாதி ரூபமுகே²ன விபஸ்ஸனங் அபி⁴னிவிஸந்தோ, யோ ‘‘அஸ்ஸாஸபஸ்ஸாஸகம்மிகோ’’தி வுத்தோ. ஜா²னங்கா³னி பரிக்³க³ண்ஹாதி அரூபமுகே²ன விபஸ்ஸனங் அபி⁴னிவிஸந்தோ. வத்து² நாம கரஜகாயோ சித்தசேதஸிகானங் பவத்திட்டா²னபா⁴வதோ. அஞ்ஞோ ஸத்தோ வா புக்³க³லோ வா நத்தீ²தி விஸுத்³த⁴தி³ட்டி² ‘‘தயித³ங் த⁴ம்மமத்தங் ந அஹேதுகங், நாபி இஸ்ஸராதி³விஸமஹேதுகங், அத² கோ² அவிஜ்ஜாதீ³ஹி ஏவ ஸஹேதுக’’ந்தி அத்³த⁴த்தயேபி கங்கா²விதரணேன விதிண்ணகங்கோ² ‘‘யங் கிஞ்சி ரூப’’ந்திஆதி³னா (ம॰ நி॰ 1.361; ம॰ நி॰ 2.113; ம॰ நி॰ 3.86; அ॰ நி॰ 4.181; படி॰ ம॰ 1.48) கலாபஸம்மஸனவஸேன திலக்க²ணங் ஆரோபெத்வா உத³யப்³ப³யானுபஸ்ஸனாதி³வஸேன விபஸ்ஸனங் வட்³டெ⁴ந்தோ அனுக்கமேன மக்³க³படிபாடியா.
பரஸ்ஸ வா அஸ்ஸாஸபஸ்ஸாஸகாயேதி இத³ங் ஸம்மஸனசாரவஸேனாயங் பாளி பவத்தாதி கத்வா வுத்தங், ஸமத²வஸேன பன பரஸ்ஸ அஸ்ஸாஸபஸ்ஸாஸகாயே அப்பனானிமித்துப்பத்தி ஏவ நத்தீ²தி. இத³ங் உப⁴யங் ந லப்³ப⁴தீதி ‘‘அஜ்ஜ²த்தங், ப³ஹித்³தா⁴’’தி ச வுத்தங் இத³ங் த⁴ம்மத்³வயக⁴டிதங் ஏகதோ ஆரம்மணபா⁴வேன ந லப்³ப⁴தி.
ஸமுதே³தி ஏதஸ்மாதி ஸமுத³யோ, ஸோ ஏவ காரணட்டே²ன த⁴ம்மோதி ஸமுத³யத⁴ம்மோ, அஸ்ஸாஸபஸ்ஸாஸானங் பவத்திஹேதுகரஜகாயாதி³. தஸ்ஸ அனுபஸ்ஸனஸீலோ ஸமுத³யத⁴ம்மானுபஸ்ஸீ. தங் பன ஸமுத³யத⁴ம்மங் உபமாமுகே²ன த³ஸ்ஸெந்தோ ‘‘யதா² நாமா’’திஆதி³மாஹ. தத்த² ப⁴ஸ்தந்தி ருத்திங். க³க்³க³ரனாளிந்தி உக்காபனாளிங். தேதி கரஜகாயாதி³கே. யதா² அஸ்ஸாஸபஸ்ஸாஸகாயோ கரஜகாயாதி³ஸம்ப³ந்தீ⁴ ப²லபா⁴வேன, ஏவங் தேபி அஸ்ஸாஸபஸ்ஸாஸகாயஸம்ப³ந்தி⁴னோ ஹேதுபா⁴வேனாதி ‘‘ஸமுத³யத⁴ம்மா காயஸ்மி’’ந்தி வத்தப்³ப³தங் ‘‘ஸமுத³ய…பே॰… வுச்சதீ’’தி. பகதிவாசீ வா த⁴ம்ம-ஸத்³தோ³ ‘‘ஜாதித⁴ம்மான’’ந்திஆதீ³ஸு (ம॰ நி॰ 1.131; ம॰ நி॰ 3.373; படி॰ ம॰ 1.33) வியாதி காயஸ்ஸ பச்சயஸமவாயே உப்பஜ்ஜனபகதிகானுபஸ்ஸீ ‘‘ஸமுத³யத⁴ம்மானுபஸ்ஸீ’’தி வுத்தோ. தேனாஹ – ‘‘கரஜகாயஞ்சா’’திஆதி³. ஏவஞ்ச கத்வா காயஸ்மிந்தி பு⁴ம்மவசனஞ்ச ஸமத்தி²தங் ஹோதி. வயத⁴ம்மானுபஸ்ஸீதி எத்த² அஹேதுகத்தேபி வினாஸஸ்ஸ யேஸங் ஹேதுத⁴ம்மானங் அபா⁴வே யங் ந ஹோதி, தத³பா⁴வோ தஸ்ஸ அபா⁴வஸ்ஸ ஹோது விய வோஹரீயதீதி உபசாரதோ கரஜகாயாதி³அபா⁴வோ அஸ்ஸாஸபஸ்ஸாஸகாயஸ்ஸ வயகாரணங் வுத்தோ. தேனாஹ ‘‘யதா² ப⁴ஸ்தாயா’’திஆதி³. அயங் தாவெத்த² பட²மவிகப்பவஸேன அத்த²விபா⁴வனா. து³தியவிகப்பவஸேன பன உபசாரேன வினாயேவ அத்தோ² வேதி³தப்³போ³. அஜ்ஜ²த்தப³ஹித்³தா⁴னுபஸ்ஸனா விய பி⁴ன்னவத்து²விஸயதாய ஸமுத³யவயத⁴ம்மானுபஸ்ஸனாபி ஏககாலே ந லப்³ப⁴தீதி ஆஹ ‘‘காலேன ஸமுத³யங் காலேன வயங் அனுபஸ்ஸந்தோ’’தி.
அத்தி² காயோதி ஏவ-ஸத்³தோ³ லுத்தனித்³தி³ட்டோ²தி ‘‘காயோவ அத்தீ²’’தி வத்வா அவதா⁴ரணேன நிவத்தி²தங் த³ஸ்ஸெந்தோ ‘‘ந ஸத்தோ’’திஆதி³மாஹ. தஸ்ஸத்தோ² – யோ ரூபாதீ³ஸு ஸத்தவிஸத்ததாய பரேஸஞ்ச ஸஜ்ஜாபனட்டே²ன, ஸத்வகு³ணயோக³தோ வா ‘‘ஸத்தோ’’தி பரேஹி பரிகப்பிதோ. தஸ்ஸ ஸத்தனிகாயஸ்ஸ பூரணதோ ச சவனுபபஜ்ஜனத⁴ம்மதாய க³லனதோ ச ‘‘புக்³க³லோ’’தி. தீ²யதி ஸங்ஹஞ்ஞதி எத்த² க³ப்³போ⁴தி ‘‘இத்தீ²’’தி. புரி புரே பா⁴கே³ ஸேதி பவத்ததீதி ‘‘புரிஸோ’’தி. ஆஹிதோ ‘‘அத்தா’’தி, அத்தனோ ஸந்தகபா⁴வேன ‘‘அத்தனிய’’ந்தி. பரோ ந ஹோதீதி கத்வா ‘‘அஹ’’ந்தி, மம ஸந்தகந்தி கத்வா ‘‘மம’’ந்தி. வுத்தப்பகாரவினிமுத்தோ அஞ்ஞோதி கத்வா ‘‘கோசீ’’தி, தஸ்ஸ ஸந்தகபா⁴வேன ‘‘கஸ்ஸசீ’’தி பரிகப்பேதப்³போ³ கோசி நத்தி², கேவலங் காயோ ஏவ அத்தீ²தி அத்தத்தனியஸுஞ்ஞதமேவ காயஸ்ஸ விபா⁴வேதி. ஏவந்தி ‘‘காயோவ அத்தீ²’’திஆதி³னா வுத்தப்பகாரேன. ஞாணபமாணத்தா²யாதி காயானுபஸ்ஸனாஞாணபரங் பமாணங் பாபனத்தா²ய. ஸதிபமாணத்தா²யாதி காயபரிக்³கா³ஹிகஸதிபவத்தங் ஸதிபரங் பமாணங் பாபனத்தா²ய. இமஸ்ஸ ஹி வுத்தனயேன ‘‘அத்தி² காயோ’’தி அபராபருப்பத்திவஸேன பச்சுபட்டி²தா ஸதி பி⁴ய்யோஸோ மத்தாய தத்த² ஞாணஸ்ஸ ஸதியா ச பரிப்³ரூஹனாய ஹோதி. தேனாஹ ‘‘ஸதிஸம்பஜஞ்ஞானங் வட்³ட⁴த்தா²யா’’தி.
இமிஸ்ஸா ‘‘தண்ஹா…பே॰… விஹரதீ’’தி. ததா²பூ⁴தோ ச லோகே கிஞ்சி ‘‘அஹ’’ந்தி வா ‘‘மம’’ந்தி வா க³ஹேதப்³ப³ங் ந பஸ்ஸதி, குதோ க³ண்ஹெய்ய. தேனாஹ ‘‘ந ச கிஞ்சீ’’திஆதி³. ஏவம்பீதி எத்த² பி-ஸத்³தோ³ ஹெட்டா² நித்³தி³ட்ட²ஸ்ஸ தாதி³ஸஸ்ஸ அத்த²ஸ்ஸ அபா⁴வதோ அவுத்தஸமுச்சயத்தோ²தி த³ஸ்ஸெந்தோ ‘‘உபரி அத்த²ங் உபாதா³யா’’தி ஆஹ. ‘‘ஏவ’’ந்தி பன நித்³தி³ட்டா²காரஸ்ஸ பச்சாமஸனங் நிக³மனவஸேன கதந்தி ஆஹ ‘‘இமினா பன…பே॰… த³ஸ்ஸேதீ’’தி. புப்³ப³பா⁴க³ஸதிபட்டா²னஸ்ஸ இதா⁴தி⁴ப்பேதத்தா வுத்தங் ‘‘ஸதி து³க்க²ஸச்ச’’ந்தி. ஸா பன ஸதி யஸ்மிங் அத்தபா⁴வே, தஸ்ஸ ஸமுட்டா²பிகா தண்ஹா தஸ்ஸாபி ஸமுட்டா²பிகா ஏவ நாம ஹோதி தத³பா⁴வே அபா⁴வதோதி ஆஹ ‘‘தஸ்ஸா ஸமுட்டா²பிகா புரிமதண்ஹா’’தி. அப்பவத்தீதி அப்பவத்தினிமித்தங், ந பவத்ததி எத்தா²தி வா அப்பவத்தி. சதுஸச்சவஸேனாதி சதுஸச்சகம்மட்டா²னவஸேன. உஸ்ஸக்கித்வாதி விஸுத்³தி⁴பரம்பராய ஆருஹித்வா, பா⁴வனங் உபரி நெத்வாதி அத்தோ². நிய்யானமுக²ந்தி வட்டது³க்க²தோ நிஸ்ஸரணூபாயோ.
ஆனாபானபப்³ப³வண்ணனா நிட்டி²தா.
இரியாபத²பப்³ப³வண்ணனா
108. இரியாபத²வஸேனாதி இரியனங் இரியா, கிரியா, இத⁴ பன காயிகபயோகோ³ வேதி³தப்³போ³. இரியானங் பதோ² பவத்திமக்³கோ³தி இரியாபதோ², க³மனாதி³ஸரீராவத்தா². க³ச்ச²ந்தோ வா ஹி ஸத்தோ காயேன கத்தப்³ப³கிரியங் கரெய்ய டி²தோ வா நிஸின்னோ வா நிபன்னோ வாதி. தேஸங் வஸேன, இரியாபத²விபா⁴கே³னாதி புன சபரந்தி புன ச அபரங், யதா²வுத்தஆனாபானகம்மட்டா²னதோ பி⁴ய்யோபி அஞ்ஞங் காயானுபஸ்ஸனாகம்மட்டா²னங் கதே²மி, ஸுணாதா²தி வா அதி⁴ப்பாயோ. க³ச்ச²ந்தோ வாதிஆதி³ க³மனாதி³மத்தஜானநஸ்ஸ க³மனாதி³க³தவிஸேஸஜானநஸ்ஸ ச ஸாதா⁴ரணவசனங். தத்த² க³மனாதி³மத்தஜானநங் இத⁴ நாதி⁴ப்பேதங், க³மனாதி³க³தவிஸேஸஜானநங் பன அதி⁴ப்பேதந்தி தங் விப⁴ஜித்வா த³ஸ்ஸேதுங் ‘‘தத்த² காம’’ந்திஆதி³ வுத்தங். ஸத்தூபலத்³தி⁴ந்தி ஸத்தோ அத்தீ²தி உபலத்³தி⁴ங் ஸத்தக்³கா³ஹங் ந ஜஹதி ந பரிச்சஜதி ‘‘அஹங் க³ச்சா²மி, மம க³மன’’ந்தி கா³ஹஸப்³பா⁴வதோ. ததோ ஏவ அத்தஸஞ்ஞங் ‘‘அத்தி² அத்தா காரகோ வேத³கோ’’தி ஏவங் பவத்தங் விபரீதஸஞ்ஞங் ந உக்³கா⁴டேதி ‘‘கம்மட்டா²னங் வா ஸதிபட்டா²னபா⁴வனா வா ந ஹோதீ’’தி. இமஸ்ஸ பனாதிஆதி³ஸுக்கபக்க²ஸ்ஸ வுத்தவிபரியாயேன அத்தோ² வேதி³தப்³போ³. தமேவ ஹி அத்த²ங் விவரிதுங் ‘‘இத³ங் ஹீ’’திஆதி³ வுத்தங். தத்த² கோ க³ச்ச²தீதி க³மனகிரியாய கத்துபுச்சா², ஸா கத்துபா⁴வவிஸிட்ட²அத்தபடிக்கே²பத்தா² த⁴ம்மமத்தஸ்ஸேவ க³மனஸித்³தி⁴த³ஸ்ஸனதோ. கஸ்ஸ க³மனந்தி அகத்துதாவிஸிட்ட²அத்தக்³கா³ஹபடிக்கே²பத்தா². கிங்காரணாதி பன படிக்கி²த்தகத்துகாய க³மனகிரியாய அவிபரீதகாரணபுச்சா² ‘‘க³மனந்தி அத்தா மனஸா ஸங்யுஜ்ஜதி, மனோ இந்த்³ரியேஹி, இந்த்³ரியானி அத்தேஹீ’’தி ஏவமாதி³க³மனகாரணபடிக்கே²பனதோ. தேனாஹ ‘‘தத்தா²’’திஆதி³.
ந கோசி ஸத்தோ வா புக்³க³லோ வா க³ச்ச²தி த⁴ம்மமத்தஸ்ஸேவ க³மனஸித்³தி⁴தோ தப்³பி³னிமுத்தஸ்ஸ ச கஸ்ஸசி அபா⁴வதோ. இதா³னி த⁴ம்மமத்தஸ்ஸேவ க³மனஸித்³தி⁴ங் த³ஸ்ஸேதுங் ‘‘சித்தகிரியவாயோதா⁴துவிப்பா²ரேனா’’திஆதி³ வுத்தங். தத்த² சித்தகிரியா ச ஸா வாயோதா⁴துயா விப்பா²ரோ விப்ப²ந்த³னஞ்சாதி சித்தகிரியவாயோதா⁴துவிப்பா²ரோ, தேன. எத்த² ச சித்தகிரியக்³க³ஹணேன அனிந்த்³ரியப³த்³த⁴வாயோதா⁴துவிப்பா²ரங் நிவத்தேதி, வாயோதா⁴துவிப்பா²ரக்³க³ஹணேன சேதனாவசீவிஞ்ஞத்திபே⁴த³ங் சித்தகிரியங் நிவத்தேதி, உப⁴யேன பன காயவிஞ்ஞத்திங் விபா⁴வேதி. ‘‘க³ச்ச²தீ’’தி வத்வா யதா² பவத்தமானே காயே ‘‘க³ச்ச²தீ’’தி வோஹாரோ ஹோதி, தங் த³ஸ்ஸேதுங் ‘‘தஸ்மா’’திஆதி³ வுத்தங். தந்தி க³ந்துகாமதாவஸேன பவத்தசித்தங். வாயங் ஜனேதீதி வாயோதா⁴துஅதி⁴கங் ரூபகலாபங் ஜனேதி, அதி⁴கதா செத்த² ஸாமத்தி²யதோ, ந பமாணதோ. க³மனசித்தஸமுட்டி²தங் ஸஹஜாதரூபகாயஸ்ஸ த²ம்ப⁴னஸந்தா⁴ரணசலனானங் பச்சயபூ⁴தேன ஆகாரவிஸேஸேன பவத்தமானங் வாயோதா⁴துங் ஸந்தா⁴யாஹ ‘‘வாயோ விஞ்ஞத்திங் ஜனேதீ’’தி. அதி⁴ப்பாயஸஹபா⁴வீ ஹி விகாரோ விஞ்ஞத்தி, யதா²வுத்தஅதி⁴கபா⁴வேனேவ ச வாயோக³ஹணங், ந வாயோதா⁴துயா ஏவ ஜனகபா⁴வதோ, அஞ்ஞதா² விஞ்ஞத்தியா உபாதா³யரூபபா⁴வோ து³ருபபாதோ³ ஸியா. புரதோ அபி⁴னீஹாரோ புரதோபா⁴கே³ன காயஸ்ஸ பவத்தனங், யோ ‘‘அபி⁴க்கமோ’’தி வுச்சதி.
‘‘ஏஸேவ நயோ’’தி அதிதே³ஸவஸேன ஸங்கே²பதோ வத்வா தமேவத்த²ங் விவரிதுங் ‘‘தத்ராபி ஹீ’’திஆதி³ வுத்தங். கோடிதோ பட்டா²யாதி ஹெட்டி²மகோடிதோ பட்டா²ய. உஸ்ஸிதபா⁴வோதி உப்³பி³த்³த⁴பா⁴வோ.
ஏவங் பஜானதோதி ஏவங் சித்தகிரியவாயோதா⁴துவிப்பா²ரேனேவ க³மனாதி³பா⁴வோ ஹோதீதி பஜானதோ தஸ்ஸ ஏவங் பஜானநாய நிச்ச²யக³மனத்த²ங் ‘‘ஏவங் ஹோதீ’’தி விசாரணா வுச்சதி லோகே யதா²பூ⁴தங் அஜானந்தேஹி மிச்சா²பி⁴னிவேஸவஸேன, லோகவோஹாரவஸேன வா. அத்தி² பனாதி அத்தனோ ஏவ வீமங்ஸனவஸேன புச்சா²வசனங். நத்தீ²தி நிச்ச²யவஸேன ஸத்தஸ்ஸ படிக்கே²பவசனங். யதா² பனாதிஆதி³ தஸ்ஸேவத்த²ஸ்ஸ உபமாய விபா⁴வனங்.
நாவா மாலுதவேகே³னாதி யதா² அசேதனா நாவா வாதவேகே³ன தே³ஸந்தரங் யாதி, யதா² ச அசேதனோ தேஜனங் கண்டோ³ ஜியாவேகே³ன தே³ஸந்தரங் யாதி, ததா² அசேதனோ காயோ வாதாஹதோ யதா²வுத்தவாயுனா நீதோ தே³ஸந்தரங் யாதீதி ஏவங் உபமாஸங்ஸந்த³னங் வேதி³தப்³ப³ங். ஸசே பன கோசி வதெ³ய்ய ‘‘யதா² நாவாய தேஜனஸ்ஸ ச பேல்லகஸ்ஸ புரிஸஸ்ஸ வஸேன தே³ஸந்தரக³மனங், ஏவங் காயஸ்ஸாபீ’’தி, ஹோது, ஏவங் இச்சி²தோவாயமத்தோ². யதா² ஹி நாவா தேஜனானங் ஸங்ஹதலக்க²ணஸ்ஸேவ புரிஸஸ்ஸ வஸேன க³மனங், ந அஸங்ஹதலக்க²ணஸ்ஸ, ஏவங் காயஸ்ஸாபீதி கா நோ ஹானி, பி⁴ய்யோபி த⁴ம்மமத்ததாவ பதிட்ட²ங் லப⁴தி, ந புரிஸவாதோ³. தேனாஹ ‘‘யந்தங் ஸுத்தவஸேனா’’திஆதி³.
தத்த² பயுத்தந்தி ஹெட்டா² வுத்தனயேன க³மனாதி³கிரியாவஸேன பயோஜிதங். டா²தீதி திட்ட²தி. எத்தா²தி இமஸ்மிங் லோகே. வினா ஹேதுபச்சயேதி க³ந்துகாமதாசித்த-தங்ஸமுட்டா²ன-வாயோதா⁴து-ஆதி³ஹேதுபச்சயேஹி வினா. திட்டே²தி திட்டெ²ய்ய. வஜேதி வஜெய்ய க³ச்செ²ய்ய கோ நாமாதி ஸம்ப³ந்தோ⁴. படிக்கே²பத்தோ² செத்த² கிங்-ஸத்³தோ³தி ஹேதுபச்சயவிரஹேன டா²னக³மனபடிக்கே²பமுகே²ன ஸப்³பா³யபி த⁴ம்மப்பவத்தியா பச்சயாதீ⁴னவுத்திதாவிபா⁴வனேன அத்தஸுஞ்ஞதா விய அனிச்சது³க்க²தாபி விபா⁴விதாதி த³ட்ட²ப்³பா³.
பணிஹிதோதி யதா² யதா² பச்சயேஹி பகாரதோ நிஹிதோ ட²பிதோ. ஸப்³ப³ஸங்கா³ஹிகவசனந்தி ஸப்³பே³ஸங் சதுன்னம்பி இரியாபதா²னங் ஸங்க³ண்ஹனவசனங், புப்³பே³ விஸுங் விஸுங் இரியாபதா²னங் வுத்தத்தா இத³ங் தேஸங் ஏகஜ்ஜ²ங் க³ஹெத்வா வசனந்தி அத்தோ². புரிமனயோ வா இரியாபத²ப்பதா⁴னோ வுத்தோதி தத்த² காயோ அப்பதா⁴னோ அனுனிப்பா²தீ³தி இத⁴ காயங் பதா⁴னங் அப்பதா⁴னஞ்ச இரியாபத²ங் அனுனிப்பா²த³ங் கத்வா த³ஸ்ஸேதுங் து³தியனயோ வுத்தோதி ஏவம்பெத்த² த்³வின்னங் நயானங் விஸேஸோ வேதி³தப்³போ³. டி²தோதி பவத்தோ.
இரியாபத²பரிக்³க³ண்ஹனம்பி ‘‘இரியாபத²பரிக்³க³ஹணேன காயே காயானுபஸ்ஸீ விஹரதீ’’தி. தேனேவெத்த² ரூபக்க²ந்த⁴வஸேனேவ ஸமுத³யாத³யோ உத்³த⁴டா. ஏஸ நயோ ஸேஸவாரேஸுபி. ஆதி³னாதி எத்த² ஆதி³-ஸத்³தே³ன யதா² ‘‘தண்ஹாஸமுத³யா கம்மஸமுத³யா ஆஹாரஸமுத³யா’’தி நிப்³ப³த்திலக்க²ணங் பஸ்ஸந்தோபி ருபக்க²ந்த⁴ஸ்ஸ உத³யங் பஸ்ஸதீதி இமே சத்தாரோ ஆஹாரா ஸங்க³ய்ஹந்தி, ஏவங் ‘‘அவிஜ்ஜானிரோதா⁴ ரூபனிரோதா⁴’’திஆத³யோபி பஞ்ச ஆகாரா ஸங்க³ஹிதாதி த³ட்ட²ப்³போ³. ஸேஸங் வுத்தனயமேவ.
இரியாபத²பப்³ப³வண்ணனா நிட்டி²தா.
சதுஸம்பஜஞ்ஞபப்³ப³வண்ணனா
109. சதுஸம்பஜஞ்ஞவஸேனாதி (தீ³॰ நி॰ டீ॰ 1.284; ஸங்॰ நி॰ 5.368; தீ³॰ நி॰ அபி⁴॰ டீ॰ 2.214) ஸமந்ததோ பகாரேஹி, பகட்ட²ங் வா ஸவிஸேஸங் ஜானாதீதி ஸம்பஜானோ, ஸம்பஜானஸ்ஸ பா⁴வோ ஸம்பஜஞ்ஞங், ததா²பவத்தங் ஞாணங். சத்தாரி ஸம்பஜஞ்ஞானி ஸமாஹடானி சதுஸம்பஜஞ்ஞங், தஸ்ஸ வஸேன. அபி⁴க்கமனங் அபி⁴க்கந்தந்தி ஆஹ ‘‘அபி⁴க்கந்தங் வுச்சதி க³மன’’ந்தி. ததா² படிக்கமனங் படிக்கந்தந்தி ஆஹ ‘‘படிக்கந்தங் வுச்சதி நிவத்தன’’ந்தி. நிவத்தனந்தி ச நிவத்திமத்தங், நிவத்தித்வா பன க³மனங் க³மனமேவ. அபி⁴ஹரந்தோதி க³மனவஸேன காயங் உபனெந்தோ.
ஸம்மா பஜானநங் ஸம்பஜானங், தேன அத்தனா காதப்³ப³ஸ்ஸ கரணஸீலோ ஸம்பஜானகாரீதி ஆஹ ‘‘ஸம்பஜஞ்ஞேன ஸப்³ப³கிச்சகாரீ’’தி. ஸம்பஜானஸத்³த³ஸ்ஸ ஸம்பஜஞ்ஞபரியாயதா புப்³பே³ வுத்தாயேவ. ஸம்பஜஞ்ஞங் கரோதேவாதி அபி⁴க்கந்தாதீ³ஸு அஸம்மோஹங் உப்பாதே³தி ஏவ. ஸம்பஜானஸ்ஸ வா காரோ ஏதஸ்ஸ அத்தீ²தி ஸம்பஜானகாரீ. த⁴ம்மதோ வட்³டி⁴ஸங்கா²தேன ஸஹ அத்தே²ன பவத்ததீதி ஸாத்த²கங், அபி⁴க்கந்தாதி³. ஸாத்த²கஸ்ஸ ஸம்பஜானநங் ஸாத்த²கஸம்பஜஞ்ஞங். ஸப்பாயஸ்ஸ அத்தனோ உபகாராவஹஸ்ஸ ஹிதஸ்ஸ ஸம்பஜானநங் ஸப்பாயஸம்பஜஞ்ஞங் அபி⁴க்கமாதீ³ஸு பி⁴க்கா²சாரகோ³சரே, அஞ்ஞத்தா²பி ச பவத்தேஸு அவிஜஹிதே கம்மட்டா²னஸங்கா²தே கோ³சரே ஸம்பஜஞ்ஞங் கோ³சரஸம்பஜஞ்ஞங். அபி⁴க்கமாதீ³ஸு அஸம்முய்ஹனமேவ ஸம்பஜஞ்ஞங் அஸம்மோஹஸம்பஜஞ்ஞங். பரிக்³க³ண்ஹித்வாதி படிஸங்கா²ய.
தஸ்மிந்தி ‘‘சேதியத³ஸ்ஸனங் தாவா’’திஆதி³ ஆரத்³த⁴ங். சித்தகம்மரூபகானி வியாதி சித்தகம்மகதபடிமாயோ விய, யந்தபயோகே³ன வா விசித்தகம்மபடிமாயோ விய. அஸமபெக்க²னங் கே³ஹஸிதஅஞ்ஞாணுபெக்கா²வஸேன ஆரம்மணஸ்ஸ அயோனிஸோ க³ஹணங். யங் ஸந்தா⁴ய வுத்தங் ‘‘சக்கு²னா ரூபங் தி³ஸ்வா உப்பஜ்ஜதி உபெக்கா² பா³லஸ்ஸ மூள்ஹஸ்ஸ புது²ஜ்ஜனஸ்ஸா’’திஆதி³ (ம॰ நி॰ 3.308). ஹத்தி²ஆதி³ஸம்மத்³தே³ன ஜீவிதந்தராயோ, விஸபா⁴க³ரூபத³ஸ்ஸனாதி³னா ப்³ரஹ்மசரியந்தராயோ.
பப்³ப³ஜிததி³வஸதோ பட்டா²ய பி⁴க்கூ²னங் அனுவத்தனகதா² ஆசிண்ணா, அனநுவத்தனகதா² பன தஸ்ஸா து³தியா நாம ஹோதீதி ஆஹ ‘‘த்³வே கதா² நாம ந கதி²தபுப்³பா³’’தி.
ஏவந்தி ‘‘ஸசே பனா’’திஆதி³கங் ஸப்³ப³ம்பி வுத்தாகாரங் பச்சாமஸதி, ந ‘‘புரிஸஸ்ஸ மாதுகா³மாஸுப⁴’’ந்திஆதி³கங் வுச்சமானங். யோக³கம்மஸ்ஸ பவத்திட்டா²னதாய பா⁴வனாய ஆரம்மணங் கம்மட்டா²னந்தி வுச்சதீதி ஆஹ ‘‘கம்மட்டா²னஸங்கா²தங் கோ³சர’’ந்தி. உக்³க³ஹெத்வாதி யதா² உக்³க³ஹனிமித்தங் உப்பஜ்ஜதி, ஏவங் உக்³க³ஹகோஸல்லஸ்ஸ ஸம்பாத³னவஸேன உக்³க³ஹெத்வா. ஹரதீதி கம்மட்டா²னங் பவத்தேதி, யாவ பிண்ட³பாதபடிக்கமா அனுயுஞ்ஜதீதி அத்தோ². ந பச்சாஹரதீதி ஆஹாரூபபோ⁴க³தோ யாவ தி³வாட்டா²னுபஸங்கமனா கம்மட்டா²னங் ந படினேதி.
ஸரீரபரிகம்மந்தி முக²தோ⁴வனாதி³ஸரீரபடிஜக்³க³னங். த்³வே தயோ பல்லங்கேதி த்³வே தயோ நிஸஜ்ஜாவாரே, த்³வே தீணி உண்ஹாஸனானி. தேனாஹ ‘‘உஸுமங் கா³ஹாபெந்தோ’’தி. கம்மட்டா²னஸீஸேனேவாதி கம்மட்டா²னக்³கே³னேவ, கம்மட்டா²னங் பதா⁴னங் கத்வா ஏவாதி அத்தோ². தேன ‘‘பத்தோபி அசேதனோ’’திஆதி³னா (ம॰ நி॰ அட்ட²॰ 1.109) வக்க²மானங் கம்மட்டா²னங், யதா²பரிஹரியமானங் வா அவிஜஹித்வாதி த³ஸ்ஸேதி. ‘‘பரிபோ⁴க³சேதியதோ ஸரீரசேதியங் க³ருதர’’ந்தி கத்வா ‘‘சேதியங் வந்தி³த்வா’’தி புப்³ப³காலகிரியாவஸேன வுத்தங். ததா² ஹி அட்ட²கதா²யங் (விப⁴॰ அட்ட²॰ 809; ம॰ நி॰ அட்ட²॰ 3.128; அ॰ நி॰ அட்ட²॰ 1.1.275) ‘‘சேதியங் பா³த⁴யமானா போ³தி⁴ஸாகா² ஹரிதப்³பா³’’தி வுத்தா.
ஜனஸங்க³ஹத்த²ந்தி தஸ்மாதி. யஸ்மா ‘‘த⁴ம்மகதா² நாம கதே²தப்³பா³யேவா’’தி அட்ட²கதா²சரியா வத³ந்தி, யஸ்மா ச த⁴ம்மகதா² கம்மட்டா²னவினிமுத்தா நாம நத்தி², தஸ்மா. அனுமோத³னங் கத்வாதி எத்தா²பி ‘‘கம்மட்டா²னஸீஸேனேவா’’தி ஸம்பத்தபரிச்சே²தே³னேவாதி ‘‘பரிசிதோ அபரிசிதோ’’திஆதி³விபா⁴க³ங் அகத்வா ஸம்பத்தகோடியாவ. ப⁴யேதி பரசக்காதி³ப⁴யே.
கம்மஜதேஜோதி க³ஹணிங் ஸந்தா⁴யாஹ. கம்மட்டா²னவீதி²ங் நாரோஹதி கு²தா³பரிஸ்ஸமேன கிலந்தகாயத்தா ஸமாதா⁴னாபா⁴வதோ. அவஸேஸட்டா²னேதி யாகு³யா அக்³க³ஹிதட்டா²னே. பொங்கா²னுபொங்க²ந்தி கம்மட்டா²னுபட்டா²னஸ்ஸ அவிச்சே²த³த³ஸ்ஸனவசனமேதங், யதா² பொங்கா²னுபொங்க²பவத்தாய ஸரபடிபாடியா அவிச்சே²தோ³, ஏவமேதஸ்ஸாபீதி.
நிக்கி²த்தது⁴ரோ பா⁴வனானுயோகே³. வத்தபடிபத்தியா அபூரணேன ஸப்³ப³வத்தா²னி பி⁴ந்தி³த்வா. ‘‘காமே அவீதராகோ³ ஹோதி, காயே அவீதராகோ³, ரூபே அவீதராகோ³, யாவத³த்த²ங் உத³ராவதே³ஹகங் பு⁴ஞ்ஜித்வா ஸெய்யஸுக²ங் பஸ்ஸஸுக²ங் மித்³த⁴ஸுக²ங் அனுயுத்தோ விஹரதி, அஞ்ஞதரங் தே³வனிகாயங் பணிதா⁴ய ப்³ரஹ்மசரியங் சரதீ’’தி (தீ³॰ நி॰ 3.320; ம॰ நி॰ 1.186) ஏவங் வுத்த பஞ்சவித⁴சேதோகி²லவினிப³ந்த⁴சித்தோ. சரித்வாதி பவத்தித்வா.
அத்தகாமாதி அத்தனோ ஹிதஸுக²ங் இச்ச²ந்தா, த⁴ம்மச்ச²ந்த³வந்தோதி அத்தோ². த⁴ம்மோதி ஹி ஹிதங், தன்னிமித்தகஞ்ச ஸுக²ந்தி. அத² வா விஞ்ஞூனங் நிப்³பி³ஸேஸத்தா அத்தபா⁴வபரியாபன்னத்தா ச அத்தா நாம த⁴ம்மோ, தங் காமெந்தி இச்ச²ந்தீதி அத்தகாமா. உஸப⁴ங் நாம வீஸதி யட்டி²யோ. தாய ஸஞ்ஞாயாதி தாய பாஸாணஸஞ்ஞாய, எத்தகங் டா²னங் ஆக³தாதி ஜானந்தாதி அதி⁴ப்பாயோ. ஸோயேவ நயோதி ‘‘அயங் பி⁴க்கூ²’’திஆதி³கோ யோ டா²னே வுத்தோ, ஸோ ஏவ நிஸஜ்ஜாயபி நயோ. பச்ச²தோ ஆக³ச்ச²ந்தானங் சி²ன்னப⁴த்தபா⁴வப⁴யேனபி யோனிஸோமனஸிகாரங் பரிப்³ரூஹேதி.
ப³ஹாபதா⁴னங் பூஜெஸ்ஸாமீதி அம்ஹாகங் அத்தா²ய லோகனாதே²ன ச² வஸ்ஸானி கதங் து³க்கரசரியங் ஏவாஹங் யதா²ஸத்தி பூஜெஸ்ஸாமீதி. படிபத்திபூஜா ஹி டா²னசங்கமனமேவாதி அதி⁴ட்டா²தப்³ப³இரியாபத²வஸேன வுத்தங், ந போ⁴ஜனாதி³காலேஸு அவஸ்ஸங் கத்தப்³ப³னிஸஜ்ஜாய படிக்கே²பவஸேன.
வீதி²ங் ஓதரித்வா இதோ சிதோ ச அனோலோகெத்வா பட²மமேவ வீதி²யோ ஸல்லக்கே²தப்³பா³தி ஆஹ ‘‘வீதி²யோ ஸல்லக்கெ²த்வா’’தி. யங் ஸந்தா⁴ய வுச்சதி ‘‘பாஸாதி³கேன அபி⁴க்கந்தேனா’’தி, தங் த³ஸ்ஸேதுங் ‘‘தத்த² சா’’திஆதி³ வுத்தங்.
பச்சேகபோ³தி⁴ங் பா³ஹியோ தா³ருசீரியோதி ப³ஹி விஸயே ஸஞ்ஜாதஸங்வட்³ட⁴தாய பா³ஹியோ, தா³ருசீரபரிஹரணேன தா³ருசீரியோதி ச ஸமஞ்ஞாதோ. ஸோ ஹி ஆயஸ்மா –
‘‘தஸ்மா திஹ தே, பா³ஹிய, ஏவங் ஸிக்கி²தப்³ப³ங் ‘தி³ட்டே² தி³ட்ட²மத்தங் ப⁴விஸ்ஸதி, ஸுதே… முதே… விஞ்ஞாதே விஞ்ஞாதமத்தங் ப⁴விஸ்ஸதீ’தி. யதோ கோ² தே, பா³ஹிய, தி³ட்டே² தி³ட்ட²மத்தங் ப⁴விஸ்ஸதி, ஸுதே… முதே… விஞ்ஞாதே விஞ்ஞாதமத்தங் ப⁴விஸ்ஸதி, ததோ த்வங், பா³ஹிய, ந தேன. யதோ த்வங், பா³ஹிய, ந தேன, ததோ த்வங், பா³ஹிய, ந தத்த². யதோ த்வங், பா³ஹிய, ந தத்த², ததோ த்வங், பா³ஹிய, நேவித⁴ ந ஹுரங் ந உப⁴யமந்தரேன, ஏஸேவந்தோ து³க்க²ஸ்ஸா’’தி (உதா³॰ 10) – எத்தகாய தே³ஸனாய அரஹத்தங் ஸச்சா²காஸி.
தந்தி அஸம்முய்ஹனங். ஏவந்தி இதா³னி வுச்சமானாகாரேன வேதி³தப்³ப³ங். அத்தா அபி⁴க்கமதீதி இமினா அந்த⁴புது²ஜ்ஜனஸ்ஸ தி³ட்டி²க்³கா³ஹவஸேன அபி⁴க்கமே ஸம்முய்ஹனங் த³ஸ்ஸேதி, அஹங் அபி⁴க்கமாமீதி பன இமினா மானக்³கா³ஹவஸேன, தது³ப⁴யங் பன தண்ஹாய வினா ந ஹோதீதி தண்ஹாக்³கா³ஹவஸேனபி ஸம்முய்ஹனங் த³ஸ்ஸிதமேவ ஹோதி. ‘‘ததா² அஸம்முய்ஹந்தோ’’தி வத்வா தங் அஸம்முய்ஹனங் ‘‘அபி⁴க்கமாமீ’’திஆதி³மாஹ. தத்த² யஸ்மா வாயோதா⁴துயா அனுக³தா தேஜோதா⁴து உத்³த⁴ரணஸ்ஸ பச்சயோ. உத்³த⁴ரணக³திகா ஹி தேஜோதா⁴தூதி உத்³த⁴ரணே வாயோதா⁴துயா தஸ்ஸா அனுக³தபா⁴வோ, தஸ்மா இமாஸங் த்³வின்னமெத்த² ஸாமத்தி²யதோ அதி⁴மத்ததா, இதராஸஞ்ச ஓமத்ததாதி த³ஸ்ஸெந்தோ ‘‘ஏகேக…பே॰… ப³லவதியோ’’தி ஆஹ. யஸ்மா பன தேஜோதா⁴துயா அனுக³தா வாயோதா⁴து அதிஹரணவீதிஹரணானங் பச்சயோ. திரியக³திகாய ஹி வாயோதா⁴துயா அதிஹரணவீதிஹரணேஸு ஸாதிஸயோ ப்³யாபாரோதி தேஜோதா⁴துயா தஸ்ஸா அனுக³தபா⁴வோ, தஸ்மா இமாஸங் த்³வின்னமெத்த² ஸாமத்தி²யதோ அதி⁴மத்ததா, இதராஸஞ்ச ஓமத்ததாதி த³ஸ்ஸெந்தோ ‘‘ததா² அதிஹரணவீதிஹரணேஸூ’’தி ஆஹ. ஸதிபி அனுக³மனானுக³ந்தப்³ப³தாவிஸேஸே தேஜோதா⁴து-வாயோதா⁴து-பா⁴வமத்தங் ஸந்தா⁴ய ததா²-ஸத்³த³க்³க³ஹணங். தத்த² அக்கந்தட்டா²னதோ பாத³ஸ்ஸ உக்கி²பனங் உத்³த⁴ரணங், டி²தட்டா²னங் அதிக்கமித்வா புரதோ ஹரணங் அதிஹரணங் கா²ணுஆதி³பரிஹரணத்த²ங், பதிட்டி²தபாத³க⁴ட்டனபரிஹரணத்த²ங் வா பஸ்ஸேன வீதிஹரணங், யாவ பதிட்டி²தபாதோ³, தாவ ஆஹரணங் அதிஹரணங், ததோ பரங் ஹரணங் வீதிஹரணந்தி அயங் வா ஏதேஸங் விஸேஸோ.
யஸ்மா பத²வீதா⁴துயா அனுக³தா ஆபோதா⁴து வொஸ்ஸஜ்ஜனஸ்ஸ பச்சயோ. க³ருதரஸபா⁴வா ஹி ஆபோதா⁴தூதி வொஸ்ஸஜ்ஜனே பத²வீதா⁴துயா தஸ்ஸா அனுக³தபா⁴வோ, தஸ்மா தாஸங் த்³வின்னமெத்த² ஸாமத்தி²யதோ அதி⁴மத்ததா, இதராஸஞ்ச ஓமத்ததாதி த³ஸ்ஸெந்தோ ஆஹ ‘‘வொஸ்ஸஜ்ஜனே…பே॰… ப³லவதியோ’’தி. யஸ்மா பன ஆபோதா⁴துயா அனுக³தா பத²வீதா⁴து ஸன்னிக்கே²பனஸ்ஸ பச்சயோ, பதிட்டா²பா⁴வே விய பதிட்டா²பனேபி தஸ்ஸா ஸாதிஸயகிச்சத்தா ஆபோதா⁴துயா தஸ்ஸா அனுக³தபா⁴வோ, ததா² க⁴ட்டனகிரியாய பத²வீதா⁴துயா வஸேன ஸன்னிரும்ப⁴னஸ்ஸ ஸிஜ்ஜ²னதோ தத்தா²பி பத²வீதா⁴துயா ஆபோதா⁴துஅனுக³தபா⁴வோ, தஸ்மா வுத்தங் ‘‘ததா² ஸன்னிக்கே²பனஸன்னிரும்ப⁴னேஸூ’’தி. தத்தா²தி தஸ்மிங் அபி⁴க்கமனே, தேஸு வா வுத்தேஸு உத்³த⁴ரணாதீ³ஸு ச²ஸு கொட்டா²ஸேஸு. உத்³த⁴ரணேதி உத்³த⁴ரணக்க²ணே. ரூபாரூபத⁴ம்மாதி உத்³த⁴ரணாகாரேன பவத்தா ரூபத⁴ம்மா, தங்ஸமுட்டா²பகா அரூபத⁴ம்மா ச அதிஹரணங் ந பாபுணந்தி க²ணமத்தாவட்டா²னதோ. தத்த² தத்தே²வாதி யத்த² யத்த² உப்பன்னா, தத்த² தத்தே²வ. ந ஹி த⁴ம்மானங் பப்³ப³ங் பப்³ப³ந்திஆதி³ உத்³த⁴ரணாதி³கொட்டா²ஸே ஸந்தா⁴ய வுத்தங், தங் ஸபா⁴க³ஸந்ததிவஸேன வுத்தந்தி வேதி³தப்³ப³ங். அதிஇத்தரோ ஹி ரூபத⁴ம்மானம்பி பவத்திக்க²ணோ க³மனஸ்ஸாதா³னங் தே³வபுத்தானங் ஹெட்டு²பரியேன படிமுக²ங் தா⁴வந்தானங் ஸிரஸி பாதே³ ச ப³த்³த⁴து⁴ரதா⁴ராஸமாக³மதோபி ஸீக⁴தரோ. யதா² திலானங் ப⁴ஜ்ஜியமானானங் படபடாயனேன பே⁴தோ³ லக்கீ²யதி, ஏவங் ஸங்க²தத⁴ம்மானங் உப்பாதே³னாதி த³ஸ்ஸனத்த²ங் ‘‘படபடாயந்தா’’தி வுத்தங். உப்பன்னா ஹி ஏகந்ததோ பி⁴ஜ்ஜந்தீதி.
ஸத்³தி⁴ங் ரூபேனாதி இத³ங் தஸ்ஸ தஸ்ஸ சித்தஸ்ஸ நிரோதே⁴ன ஸத்³தி⁴ங் நிருஜ்ஜ²னகரூபத⁴ம்மானங் வஸேன வுத்தங், யங் ததோ ஸத்தரஸமசித்தஸ்ஸ உப்பாத³க்க²ணே உப்பன்னங். அஞ்ஞதா² யதி³ ரூபாரூபத⁴ம்மா ஸமானக்க²ணா ஸியுங், ‘‘ரூபங் க³ருபரிணாமங் த³ந்த⁴னிரோத⁴’’ந்திஆதி³வசனேஹி (விப⁴॰ அட்ட²॰ 26) விரோதோ⁴ ஸியா, ததா² ‘‘நாஹங், பி⁴க்க²வே, அஞ்ஞங் ஏகத⁴ம்மம்பி ஸமனுபஸ்ஸாமி, யங் ஏவங் லஹுபரிவத்தங், யத²யித³ங் சித்த’’ந்தி ஏவமாதி³பாளியா (அ॰ நி॰ 1.48). சித்தசேதஸிகா ஹி ஸாரம்மணஸபா⁴வா யதா²ப³லங் அத்தனோ ஆரம்மணபச்சயபூ⁴தமத்த²ங் விபா⁴வெந்தோ ஏவ உப்பஜ்ஜந்தீதி தேஸங் தங்ஸபா⁴வனிப்ப²த்திஅனந்தரங் நிரோதோ⁴, ரூபத⁴ம்மா பன அனாரம்மணா பகாஸேதப்³பா³, ஏவங் தேஸங் பகாஸேதப்³ப³பா⁴வனிவத்தி ஸோளஸஹி சித்தேஹி ஹோதீதி தங்க²ணாயுகதா தேஸங் இச்சி²தா, லஹுவிஞ்ஞாணவிஸயஸங்க³திமத்தபச்சயதாய திண்ணங் க²ந்தா⁴னங், விஸயஸங்க³திமத்ததாய ச விஞ்ஞாணஸ்ஸ லஹுபரிவத்திதா, த³ந்த⁴மஹாபூ⁴தபச்சயதாய ரூபத⁴ம்மானங் த³ந்த⁴பரிவத்திதா, நானாதா⁴துயா யதா²பூ⁴தஞாணங் கோ²
அஞ்ஞங் உப்பஜ்ஜதே சித்தங், அஞ்ஞங் சித்தங் நிருஜ்ஜ²தீதி யங் புரிமுப்பன்னங் சித்தங், தங் அஞ்ஞங், தங் பன நிருஜ்ஜ²ந்தங் அபரஸ்ஸ அனந்தராதி³பச்சயபா⁴வேனேவ நிருஜ்ஜ²தீதி ததோ லத்³த⁴பச்சயங் அஞ்ஞங் உப்பஜ்ஜதே சித்தங். யதி³ ஏவங் தேஸங் அந்தரோ லப்³பெ⁴ய்யாதி நோதி ஆஹ ‘‘அவீசிமனுஸம்ப³ந்தோ⁴’’தி, யதா² வீசி அந்தரோ ந லப்³ப⁴தி, ததே³வேதந்தி அவிஸேஸவிது³ மஞ்ஞந்தி, ஏவங் அனு அனு ஸம்ப³ந்தோ⁴ சித்தஸந்தானோ ரூபஸந்தானோ ச நதீ³ஸோதோவ நதி³யங் உத³கப்பவாஹோ விய வத்ததி.
அபி⁴முக²ங் லோகிதங் ஆலோகிதந்தி ஆஹ ‘‘புரதோபெக்க²ன’’ந்தி. யஸ்மா யங்தி³ஸாபி⁴முகோ² க³ச்ச²தி திட்ட²தி நிஸீத³தி வா, தத³பி⁴முக²ங் பெக்க²னங் ஆலோகிதங், தஸ்மா தத³னுக³தங் விதி³ஸாலோகனங் விலோகிதந்தி ஆஹ ‘‘விலோகிதங் நாம அனுதி³ஸாபெக்க²ன’’ந்தி. ஸம்மஜ்ஜனபரிப⁴ண்டா³தி³கரணே ஓலோகிதஸ்ஸ, உல்லோகஹரணாதீ³ஸு உல்லோகிதஸ்ஸ, பச்ச²தோ ஆக³ச்ச²ந்தபரிஸ்ஸயஸ்ஸ பரிவஜ்ஜனாதீ³ஸு அபலோகிதஸ்ஸ ஸியா ஸம்ப⁴வோதி ஆஹ ‘‘இமினா வா முகே²ன ஸப்³பா³னிபி தானி க³ஹிதானேவா’’தி.
காயஸக்கி²ந்தி காயேன ஸச்சி²கதவந்தங், பச்சக்க²காரினந்தி அத்தோ². ஸோ ஹி ஆயஸ்மா விபஸ்ஸனாகாலே ஏவ ‘‘யமேவாஹங் இந்த்³ரியேஸு அகு³த்தத்³வாரதங் நிஸ்ஸாய ஸாஸனே அனபி⁴ரதிஆதி³விப்பகாரங் பத்தோ, தமேவ ஸுட்டு² நிக்³க³ண்ஹிஸ்ஸாமீ’’தி உஸ்ஸாஹஜாதோ ப³லவஹிரொத்தப்போ, தத்த² ச கதாதி⁴காரத்தா இந்த்³ரியஸங்வரே உக்கங்ஸபாரமிப்பத்தோ, தேனேவ நங் ஸத்தா² ‘‘ஏதத³க்³க³ங், பி⁴க்க²வே, மம ஸாவகானங் பி⁴க்கூ²னங் இந்த்³ரியேஸு கு³த்தத்³வாரானங் யதி³த³ங் நந்தோ³’’தி (அ॰ நி॰ 1.235) ஏதத³க்³கே³ ட²பேஸி.
ஸாத்த²கதா ச ஸப்பாயதா ச ஆலோகிதவிலோகிதஸ்ஸ வேதி³தப்³பா³. தஸ்மாதி ‘‘கம்மட்டா²னாவிஜஹனஸ்ஸேவ கோ³சரஸம்பஜஞ்ஞபா⁴வதோ’’தி வுத்தமேவத்த²ங் ஹேதுபா⁴வேன பச்சாமஸதி. அத்தனோ கம்மட்டா²னவஸேனேவ ஆலோகனவிலோகனங் காதப்³ப³ங், க²ந்தா⁴தி³கம்மட்டா²னா அஞ்ஞோ உபாயோ ந க³வேஸிதப்³போ³தி அதி⁴ப்பாயோ. ஆலோகிதாதி³ஸமஞ்ஞாபி யஸ்மா த⁴ம்மமத்தஸ்ஸேவ பவத்திவிஸேஸோ, தஸ்மா தஸ்ஸ யாதா²வதோ ஜானநங் அஸம்மோஹஸம்பஜஞ்ஞந்தி த³ஸ்ஸேதுங் ‘‘அப்³ப⁴ந்தரே’’திஆதி³ வுத்தங்.
‘‘பட²மஜவனேபி …பே॰… ந ஹோதீ’’தி இத³ங் பஞ்சத்³வாரவிஞ்ஞாணவீதி²யங் ‘‘இத்தீ² புரிஸோ’’தி ரஜ்ஜனாதீ³னங் அபா⁴வங் ஸந்தா⁴ய வுத்தங். தத்த² ஹி ஆவஜ்ஜனவொட்ட²ப்³ப³னானங் அயோனிஸோ ஆவஜ்ஜனவொட்ட²ப்³ப³னவஸேன இட்டே² இத்தி²ரூபாதி³ம்ஹி லோபோ⁴, அனிட்டே² ச படிகோ⁴ உப்பஜ்ஜதி, மனொத்³வாரே பன ‘‘இத்தீ² புரிஸோ’’தி ரஜ்ஜனாதி³ ஹோதி, தஸ்ஸ பஞ்சத்³வாரஜவனங் மூலங், யதா²வுத்தங் வா ஸப்³ப³ங் ப⁴வங்கா³தி³, ஏவங் மனொத்³வாரஜவனஸ்ஸ மூலவஸேன மூலபரிஞ்ஞா வுத்தா. ஆக³ந்துகதாவகாலிகதா பன பஞ்சத்³வாரஜவனஸ்ஸேவ அபுப்³ப³பா⁴வவஸேன இத்தரபா⁴வவஸேன ச வுத்தா. ஹெட்டு²பரியவஸேன பி⁴ஜ்ஜித்வா பதிதேஸூதி ஹெட்டி²மஸ்ஸ உபரிமஸ்ஸ தந்தி ஜவனங். தஸ்ஸ ந யுத்தந்தி ஸம்ப³ந்தோ⁴. ஆக³ந்துகோ அப்³பா⁴க³தோ. உத³யப்³ப³யபரிச்சி²ன்னோ தாவதகோ காலோ ஏதேஸந்தி தாவகாலிகானி.
ஏதங் அஸம்மோஹஸம்பஜஞ்ஞங். தத்தா²தி பஞ்சக்க²ந்த⁴வஸேன ஆலோகனவிலோகனே பஞ்ஞாயமானே தப்³பி³னிமுத்தோ கோ ஏகோ ஆலோகேதி, கோ விலோகேதி. உபனிஸ்ஸயபச்சயோதி இத³ங் ஸுத்தந்தனயேன பரியாயதோ வுத்தங். ஸஹஜாதபச்சயோதி நித³ஸ்ஸனமத்தமேதங் அஞ்ஞமஞ்ஞ-ஸம்பயுத்த-அத்தி²அவிக³தாதி³பச்சயானம்பி லப்³ப⁴னதோ.
மணிஸப்போ நாம ஏகா ஸப்பஜாதீதி வத³ந்தி. லளனந்தி கம்பனந்தி வத³ந்தி, லீளாகரணங் வா லளனங்.
உண்ஹபகதிகோ பரிளாஹப³ஹுலோ. ஸீலஸ்ஸ விதூ³ஸனேன அஹிதாவஹத்தா மிச்சா²ஜீவவஸேன உப்பன்னங் அஸப்பாயங். சீவரம்பி அசேதனந்திஆதி³னா சீவரஸ்ஸ விய ‘‘காயோபி அசேதனோ’’தி காயஸ்ஸ அத்தஸுஞ்ஞதாவிபா⁴வனேன ‘‘அப்³ப⁴ந்தரே’’திஆதி³னா வுத்தமேவத்த²ங் விபா⁴வெந்தோ இதரீதரஸந்தோஸஸ்ஸ காரணங் த³ஸ்ஸேதி. தேனாஹ ‘‘தஸ்மா’’திஆதி³. சதுபஞ்சக³ண்டி²காஹதோதி ஆஹதசதுபஞ்சக³ண்டி²கோ, சதுபஞ்சக³ண்டி²காஹி வா ஹதஸோபோ⁴.
அட்ட²விதோ⁴பி அத்தோ²தி அட்ட²விதோ⁴பி பயோஜனவிஸேஸோ. பத²வீஸந்தா⁴ரகஜலஸ்ஸ தங்ஸந்தா⁴ரகவாயுனா விய பரிபு⁴த்தஸ்ஸ ஆஹாரஸ்ஸ வாயோதா⁴துனாவ ஆஸயே அவட்டா²னந்தி ஆஹ ‘‘வாயோதா⁴துவஸேனேவ திட்ட²தீ’’தி. அதிஹரதீதி யாவ முகா² அபி⁴ஹரதி. வீதிஹரதீதி ததோ யாவ குச்சி², தாவ ஹரதி. அதிஹரதீதி வா முக²த்³வாரங் அதிக்காமெந்தோ ஹரதி. வீதிஹரதீதி குச்சி²க³தங் பஸ்ஸதோ ஹரதி. பரிவத்தேதீதி அபராபரங் சாரேதி. எத்த² ச ஆஹாரஸ்ஸ தா⁴ரணபரிவத்தனஸங்சுண்ணனவிஸோஸனானி பத²வீதா⁴துஸஹிதா ஏவ வாயோதா⁴து கரோதி, ந கேவலாதி தானி அல்லத்தஞ்ச அனுபாலேதீதி வாயுஆதீ³ஹி அதிஸோஸனங் யதா² ந ஹோதி, ததா² அனுபாலேதி அல்லஆதீ³ஹி அதிஸோஸனங் யதா² ந ஹோதி, ததா² அனுபாலேதி அல்லபா⁴வங். தேஜோதா⁴தூதி க³ஹணீஸங்கா²தா தேஜோதா⁴து. ஸா ஹி அந்தோ பவிட்ட²ங் ஆஹாரங் பரிபாசேதி. அஞ்ஜஸோ ஹோதீதி ஆஹாரஸ்ஸ பவேஸனாதீ³னங் மக்³கோ³ ஹோதி. ஆபு⁴ஜதீதி பரியேஸனஜ்ஜோ²ஹரணஜிண்ணாஜிண்ணதாதி³ங் ஆவஜ்ஜேதி, விஜானாதீதி அத்தோ². தங்தங்விஜானநனிப்பா²த³கோயேவ ஹி ஸம்மாபயோக³ங் ஸம்மாபடிபத்திங் அன்வாய ஆக³ம்ம ஆபு⁴ஜதி ஸமன்னாஹரதி. ஆபோ⁴க³புப்³ப³கோ ஹி ஸப்³போ³பி விஞ்ஞாணப்³யாபாரோதி ததா² வுத்தங்.
க³மனதோதி பி⁴க்கா²சாரவஸேன கோ³சரகா³மங் உத்³தி³ஸ்ஸ க³மனதோ. பரியேஸனதோதி கோ³சரகா³மே பி⁴க்க²த்த²ங் ஆஹிண்ட³னதோ. பரிபோ⁴க³தோதி ஆஹாரஸ்ஸ பரிபு⁴ஞ்ஜனதோ. ஆஸயதோதி பித்தாதி³ஆஸயதோ. ஆஸயதி எத்த² ஏகஜ்ஜ²ங் பவத்தமானோபி கம்மப³லவத்தி²தோ ஹுத்வா மரியாத³வஸேன அஞ்ஞமஞ்ஞங் அஸங்கரதோ ஸயதி திட்ட²தி பவத்ததீதி ஆஸயோ, ஆமாஸயஸ்ஸ உபரி திட்ட²னகோ பித்தாதி³கோ. மரியாத³த்தோ² ஹி அயமாகாரோ. நிதே⁴தி யதா²பு⁴த்தோ ஆஹாரோ நிசிதோ ஹுத்வா திட்ட²தி எத்தா²தி நிதா⁴னங், ஆமாஸயோ. ததோ நிதா⁴னதோ. அபரிபக்கதோதி க³ஹணீஸங்கா²தேன கம்மஜதேஜேன அவிபக்கதோ. பரிபக்கதோதி யதா²பு⁴த்தஸ்ஸ ஆஹாரஸ்ஸ விபக்கபா⁴வதோ. ப²லதோதி நிப்ப²த்திதோ. நிஸ்ஸந்த³தோதி இதோ சிதோ ச விஸ்ஸந்த³னதோ. ஸம்மக்க²னதோதி ஸப்³ப³ஸோ மக்க²னதோ. அயமெத்த² ஸங்கே²போ, வித்தா²ரோ பன விஸுத்³தி⁴மக்³க³ஸங்வண்ணனாய (விஸுத்³தி⁴॰ மஹாடீ॰ 1.294) க³ஹேதப்³போ³.
அஞ்ஞே ச ரோகா³ கண்ணஸூலப⁴க³ந்த³ராத³யோ. அட்டா²னேதி மனுஸ்ஸாமனுஸ்ஸபரிக்³க³ஹிதே அயுத்தே டா²னே கெ²த்ததே³வாயதனாதி³கே. நிஸ்ஸட்ட²த்தா நேவ அத்தனோ கஸ்ஸசி அனிஸ்ஸஜ்ஜிதத்தா ஜிகு³ச்ச²னீயத்தா ச ந பரஸ்ஸ. உத³கதும்ப³தோதி வேளுனாளிஆதி³உத³கபா⁴ஜனதோ. தந்தி ச²ட்³டி³தஉத³கங்.
அத்³தா⁴னஇரியாபதா² சிரப்பவத்திகா தீ³க⁴காலிகா இரியாபதா². மஜ்ஜி²மா பி⁴க்கா²சரணாதி³வஸேன பவத்தா. சுண்ணிகஇரியாபதா² விஹாரே அஞ்ஞத்தா²பி இதோ சிதோ ச பரிவத்தனாதி³வஸேன பவத்தாதி வத³ந்தி. ‘‘க³தேதி க³மனே’’தி புப்³பே³ அபி⁴க்கமபடிக்கமக்³க³ஹணேன க³மனேனபி புரதோ பச்ச²தோ ச காயஸ்ஸ அதிஹரணங் வுத்தந்தி இத⁴ க³மனமேவ க³ஹிதந்தி கேசி.
யஸ்மா ‘‘தயித³ங் மஹாஸீவத்தே²ரேன வுத்தங் அஸம்மோஹது⁴ரங் இமஸ்மிங் ஸதிபட்டா²னபு⁴த்தே அதி⁴ப்பேத’’ந்தி. ஸாமஞ்ஞப²லே (தீ³॰ நி॰ 1.214; தீ³॰ நி॰ அட்ட²॰ 1.214; தீ³॰ நி॰ டீ॰ 1.214) பன ஸப்³ப³ம்பி சதுப்³பி³த⁴ங் ஸம்பஜஞ்ஞங் லப்³ப⁴தி யாவதே³வ ஸாமஞ்ஞப²லவிஸேஸத³ஸ்ஸனபரத்தா தஸ்ஸா தே³ஸனாய. ஸதிஸம்பயுத்தஸ்ஸேவாதி இத³ங் யதா² ஸம்பஜஞ்ஞகிச்சஸ்ஸ பதா⁴னதா, ஏவங் ஸதிகிச்சஸ்ஸாபீதி த³ஸ்ஸனத்த²ங், ந ஸதியா ஸப்³பா⁴வமத்தத³ஸ்ஸனத்த²ங். ந ஹி கதா³சி ஸதிரஹிதா ஞாணப்பவத்தி அத்தி². ஏதானி பதா³னீதி ஸம்பஜஞ்ஞபதா³னி. விப⁴த்தானேவாதி விஸுங் விப⁴த்தானேவ. இமினாபி ஸம்பஜஞ்ஞஸ்ஸ விய ஸதியாபி பதா⁴னதங்யேவ விபா⁴வேதி.
அபரோ நயோ – ஏகோ பி⁴க்கு² க³ச்ச²ந்தோ அஞ்ஞங் சிந்தெந்தோ அஞ்ஞங் விதக்கெந்தோ க³ச்ச²தி, ஏகோ கம்மட்டா²னங் அவிஸ்ஸஜ்ஜெத்வாவ க³ச்ச²தி, ததா² ஏகோ திட்ட²ந்தோ நிஸீத³ந்தோ ஸயந்தோ அஞ்ஞங் சிந்தெந்தோ அஞ்ஞங் விதக்கெந்தோ ஸயதி, ஏகோ கம்மட்டா²னங் அவிஸ்ஸஜ்ஜெத்வாவ ஸயதி, எத்த²கேன பன ந பாகடங் ஹோதீதி சங்கமனேன தீ³பெந்தி. யோ ஹி பி⁴க்கு² சங்கமனங் ஓதரித்வா சங்கமனகோடியங் டி²தோ பரிக்³க³ண்ஹாதி ‘‘பாசீனசங்கமனகோடியங் பவத்தா ரூபாரூபத⁴ம்மா பச்சி²மசங்கமனகோடிங் அப்பத்வா எத்தே²வ நிருத்³தா⁴, பச்சி²மசங்கமனகோடியங் பவத்தாபி பாசீனசங்கமனகோடிங் அப்பத்வா எத்தே²வ நிருத்³தா³, சங்கமனமஜ்ஜே² பவத்தா உபோ⁴ கோடியோ அப்பத்வா எத்தே²வ நிருத்³தா⁴, சங்கமே பவத்தா ரூபாரூபத⁴ம்மா டா²னங் அப்பத்வா எத்தே²வ நிருத்³தா⁴, டா²னே பவத்தா நிஸஜ்ஜங், நிஸஜ்ஜாய பவத்தா ஸயனங் அப்பத்வா எத்தே²வனிருத்³தா⁴’’தி, ஏவங் பரிக்³க³ண்ஹந்தோ பரிக்³க³ண்ஹந்தோயேவ சித்தங் ப⁴வங்க³ங் ஓதாரேதி, உட்ட²ஹந்தோ கம்மட்டா²னங் க³ஹெத்வாவ உட்ட²ஹதி, அயங் பி⁴க்கு² க³தாதீ³ஸு ஸம்பஜானகாரீ நாம ஹோதி, ஏவம்பி ஸுத்தே கம்மட்டா²னங் அவிபூ⁴தங் ஹோதி, தஸ்மா யோ பி⁴க்கு² யாவ ஸக்கோதி, தாவ சங்கமித்வா ட²த்வா நிஸீதி³த்வா ஸயமானோ ஏவங் பரிக்³க³ஹெத்வா ஸயதி ‘‘காயோ அசேதனோ, மஞ்சோ அசேதனோ, காயோ ந ஜானாதி ‘‘அஹங் மஞ்சே ஸயிதோ’தி, மஞ்சோ ந ஜானாதி ‘‘மயி காயோ ஸயிதோ’’தி, அசேதனோ காயோ அசேதனே மஞ்சே ஸயிதோ’’தி, ஏவங் பரிக்³க³ண்ஹந்தோயேவ சித்தங் ப⁴வங்க³ங் ஓதாரேதி, பபு³ஜ்ஜ²ந்தோ கம்மட்டா²னங் க³ஹெத்வாவ பபு³ஜ்ஜ²தி, அயங் ஸுத்தே ஸம்பஜானகாரீ நாம ஹோதீதி.
காயாதி³கிரியானிப்³ப³த்தனேன ஜாக³ரிதே ஸம்பஜானகாரீ நாம. அபிச ரத்திந்தி³வங் ச² கொட்டா²ஸே கத்வா பஞ்ச கொட்டா²ஸே ஜக்³க³ந்தோபி ஜாக³ரிதே ஸம்பஜானகாரீ நாம ஹோதி. விமுத்தாயதனஸீஸேன த⁴ம்மங் தே³ஸெந்தோபி பா³த்திங்ஸதிரச்சா²னகத²ங் பா⁴ஸிதே ஸம்பஜானகாரீ நாம. அட்ட²திங்ஸாய ஆரம்மணேஸு சித்தருசியங் மனஸிகாரங் பவத்தெந்தோபி து³தியங் ஜா²னங் ஸமாபன்னோபி துண்ஹீபா⁴வே ஸம்பஜானகாரீ நாம. து³தியஞ்ஹி ஜா²னங் வசீஸங்கா²ரவிரஹதோ விஸேஸதோ துண்ஹீபா⁴வோ நாம. ரூபத⁴ம்மஸ்ஸேவ பவத்திஆகாரவிஸேஸா அபி⁴க்கமாத³யோதி வுத்தங் ‘‘ரூபக்க²ந்த⁴ஸ்ஸேவ ஸமுத³யோ ச வயோ ச நீஹரிதப்³போ³’’தி. ஸேஸங் வுத்தனயமேவ.
சதுஸம்பஜஞ்ஞபப்³ப³வண்ணனா நிட்டி²தா.
படிகூலமனஸிகாரபப்³ப³வண்ணனா
110. படிகூலமனஸிகாரவஸேனாதி (தீ³॰ நி॰ டீ॰ 2.377) ஜிகு³ச்ச²னீயதாய. படிகூலமேவ படிகூலங் யோ படிகூலஸபா⁴வோ படிகூலாகாரோ, தஸ்ஸ மனஸிகரணவஸேன. அந்தரேனபி ஹி பா⁴வவாசினங் ஸத்³த³ங் பா⁴வத்தோ² விஞ்ஞாயதி யதா² ‘‘படஸ்ஸ ஸுக்க’’ந்தி. யஸ்மா விஸுத்³தி⁴மக்³கே³ (விஸுத்³தி⁴॰ 1.182-183) வுத்தங், தஸ்மா தத்த² தங்ஸங்வண்ணனாயஞ்ச வுத்தனயேன வேதி³தப்³ப³ங். வத்தா²தீ³ஹி பஸிப்³ப³காகாரேன ப³ந்தி⁴த்வா கதங் ஆவடனங் புதோளி. விபூ⁴தாகாரோதி பண்ணத்திங் ஸமதிக்கமித்வா அஸுப⁴பா⁴வஸ்ஸ உபட்டி²தாகாரோ. இதி-ஸத்³த³ஸ்ஸ ஆகாரத்த²தங் த³ஸ்ஸெந்தோ ‘‘ஏவ’’ந்தி வத்வா தங் காரணங் ஸரூபதோ த³ஸ்ஸெந்தோ ‘‘கேஸாதி³பரிக்³க³ஹணேனா’’தி ஆஹ.
படிகூலமனஸிகாரபப்³ப³வண்ணனா நிட்டி²தா.
தா⁴துமனஸிகாரபப்³ப³வண்ணனா
111. தா⁴துமனஸிகாரவஸேனாதி பத²வீதா⁴துஆதி³கா சதஸ்ஸோ தா⁴துயோ ஆரப்³ப⁴ பவத்தபா⁴வனாமனஸிகாரவஸேன, சதுதா⁴துவவத்தா²னவஸேனாதி அத்தோ². தா⁴துமனஸிகாரோ தா⁴துகம்மட்டா²னங் சதுதா⁴துவவத்தா²னந்தி ஹி அத்த²தோ ஏகங். கோ³கா⁴தகோதி ஜீவிகத்தா²ய கு³ன்னங் கா⁴தகோ. அந்தேவாஸிகோதி டி²த-ஸத்³தோ³ ‘‘டி²தோ வா’’திஆதீ³ஸு (தீ³॰ நி॰ 1.263; அ॰ நி॰ 5.28) டா²னஸங்கா²தஇரியாபத²ஸமங்கி³தாய, டா²-ஸத்³த³ஸ்ஸ வா க³திவினிவத்திஅத்த²தாய அஞ்ஞத்த² ட²பெத்வா க³மனங் ஸேஸஇரியாபத²ஸமங்கி³தாய போ³த⁴கோ, இத⁴ பன யதா² ததா² ரூபகாயஸ்ஸ பவத்திஆகாரபோ³த⁴கோ அதி⁴ப்பேதோதி ஆஹ ‘‘சதுன்னங் இரியாபதா²னங் யேன கேனசி ஆகாரேன டி²தத்தா யதா²டி²த’’ந்தி. தத்த² ஆகாரேனாதி டா²னாதி³னா ரூபகாயஸ்ஸ பவத்திஆகாரேன. டா²னாத³யோ யதா²டி²தந்தி யதா²பவத்தங். யதா²வுத்தட்டா²னமேவெத்த² ‘‘பணிதா⁴ன’’ந்தி அதி⁴ப்பேதந்தி ஆஹ ‘‘யதா²டி²தத்தா ச யதா²பணிஹித’’ந்தி. டி²தந்தி வா காயஸ்ஸ டா²னஸங்கா²தஇரியாபத²ஸமாயோக³பரிதீ³பனங். பணிஹிதந்தி தத³ஞ்ஞஇரியாபத²ஸமாயோக³பரிதீ³பனங். டி²தந்தி வா காயஸங்கா²தானங் ரூபத⁴ம்மானங் தஸ்மிங் தஸ்மிங் க²ணே ஸகிச்சவஸேன அவட்டா²னபரிதீ³பனங். பணிஹிதந்தி பச்சயகிச்சவஸேன தேஹி தேஹி பச்சயேஹி பகாரதோ நிஹிதங் பணிஹிதந்தி ஏவம்பெத்த² அத்தோ² வேதி³தப்³போ³. பச்சவெக்க²தீதி பதி பதி அவெக்க²தி, ஞாணசக்கு²னா வினிப்³பு⁴ஜித்வா விஸுங் விஸுங் பஸ்ஸதி.
இதா³னி வுத்தமேவத்த²ங் பா⁴வத்த²விபா⁴வனவஸேன த³ஸ்ஸேதுங் ‘‘யதா² கோ³கா⁴தகஸ்ஸா’’திஆதி³ வுத்தங். தத்த² போஸெந்தஸ்ஸாதி மங்ஸூபசயபரிப்³ரூஹனாய குண்ட³கப⁴த்தகப்பாஸட்டி²ஆதீ³ஹி ஸங்வட்³டெ⁴ந்தஸ்ஸ. வதி⁴தங் மதந்தி ஹிங்ஸிதங் ஹுத்வா மதங். மதந்தி ச மதமத்தங். தேனேவாஹ ‘‘தாவதே³வா’’தி. கா³வீதி ஸஞ்ஞா ந அந்தரதா⁴யதி யானி அங்க³பச்சங்கா³னி யதா²ஸன்னிவிட்டா²னி உபாதா³ய கா³வீஸமஞ்ஞா மதமத்தாயபி கா³வியா, தேஸங் தங்ஸன்னிவேஸஸ்ஸ அவினட்ட²த்தா. விலீயந்தி பி⁴ஜ்ஜந்தி விபு⁴ஜ்ஜந்தீதி பீ³லா பா⁴கா³ வ-காரஸ்ஸ ப³-காரங், இ-காரஸ்ஸ ஈ-காரங் கத்வா. பீ³லஸோதி பீ³லங் பீ³லங் கத்வா. விப⁴ஜித்வாதி அட்டி²ஸங்கா⁴டதோ மங்ஸங் விவேசெத்வா, ததோ வா விவேசிதமங்ஸங் பா⁴க³ஸோ கத்வா. தேனேவாஹ ‘‘மங்ஸஸஞ்ஞா பவத்ததீ’’தி. பப்³ப³ஜிதஸ்ஸபி அபரிக்³க³ஹிதகம்மட்டா²னஸ்ஸ. க⁴னவினிப்³போ⁴க³ந்தி ஸந்ததிஸமூஹகிச்சக⁴னானங் வினிப்³பு⁴ஜனங் விவேசனங். தா⁴துஸோ பச்சவெக்க²தோதி க⁴னவினிப்³போ⁴க³கரணேன தா⁴துங் தா⁴துங் பத²வீஆதி³தா⁴துங் விஸுங் விஸுங் கத்வா பச்சவெக்க²ந்தஸ்ஸ. ஸத்தஸஞ்ஞாதி அத்தானுதி³ட்டி²வஸேன பவத்தா ஸஞ்ஞாதி வத³ந்தி, வோஹாரவஸேன பவத்தஸத்தஸஞ்ஞாயபி ‘‘தா⁴துவஸேனேவ சித்தங் ஸந்திட்ட²தீ’’தி. த³க்கோ²தி சே²கோ தங்தங்ஸமஞ்ஞாய குஸலோ, யதா²ஜாதே ஸூனஸ்மிங் நங்கு³ட்ட²கு²ரவிஸாணாதி³வந்தே அட்டி²மங்ஸாதி³அவயவஸமுதா³யே அவிப⁴த்தே கா³வீஸமஞ்ஞா, ந விப⁴த்தே, விப⁴த்தே பன அட்டிங்மங்ஸாதி³அவயவஸமஞ்ஞாதி ஜானநகோ. சதுமஹாபதோ² விய சதுஇரியாபதோ²தி கா³வியா டி²தசதுமஹாபதோ² விய காயஸ்ஸ பவத்திமக்³க³பூ⁴தோ சதுப்³பி³தோ⁴ இரியாபதோ². யஸ்மா விஸுத்³தி⁴மக்³கே³ (விஸுத்³தி⁴॰ 1.306) வித்தா²ரிதா, தஸ்மா தத்த² தங்ஸங்வண்ணனாயஞ்ச (விஸுத்³தி⁴॰ மஹாடீ॰ 1.306) வுத்தனயேனேவ வேதி³தப்³பா³.
தா⁴துமனஸிகாரபப்³ப³வண்ணனா நிட்டி²தா.
நவஸிவதி²கபப்³ப³வண்ணனா
112. ஸிவதி²காய ‘‘ஸிவதி²கபப்³பே³ஹி விப⁴ஜிது’’ந்தி. உத்³த⁴ங் ஜீவிதபரியாதா³னாதி ஜீவிதக்க²யதோ உபரி மரணதோ பரங். ஸமுக்³க³தேனாதி உட்டி²தேன. உத்³து⁴மாதத்தாதி உத்³த⁴ங் உத்³த⁴ங் து⁴மாதத்தா ஸூனத்தா. ஸேதரத்தேஹி விபரிபி⁴ன்னங் விமிஸ்ஸிதங் நீலங் வினீலங், புரிமவண்ணவிபரிணாமபூ⁴தங் வா நீலங்வினீலங், வினீலமேவ வினீலகந்தி க-காரேன பத³வட்³ட⁴னமாஹ அனத்த²ந்தரதோ யதா² ‘‘பீதகங் லோஹிதக’’ந்தி (த⁴॰ ஸ॰ 616). படிகூலகத்தாதி ஜிகு³ச்ச²னீயத்தா. குச்சி²தங் வினீலங் வினீலகந்தி குச்ச²னத்தோ² வா அயங் க-காரோதி த³ஸ்ஸேதுங் வுத்தங் யதா² ‘‘பாபகோ கித்திஸத்³தோ³ அப்³பு⁴க்³க³ச்ச²தீ’’தி (தீ³॰ நி॰ 3.316; அ॰ நி॰ 5.213; மஹாவ॰ 285). பரிபி⁴ன்னட்டா²னேஹி காககங்காதீ³ஹி. விஸ்ஸந்த³மானங் புப்³ப³ந்தி விஸ்ஸவந்தங் புப்³ப³ங், தஹங் தஹங் பக்³க⁴ரந்தபுப்³ப³ந்தி அத்தோ². ததா²பா⁴வந்தி விஸ்ஸந்த³மானபுப்³ப³பா⁴வங்.
ஸோ பி⁴க்கூ²தி யோ ‘‘பஸ்ஸெய்ய ஸரீரங் ஸிவதி²காய ச²ட்³டி³த’’ந்தி வுத்தோ, ஸோ பி⁴க்கு². உபஸங்ஹரதி ஸதி³ஸதங். அயம்பி கோ²திஆதி³ உபஸங்ஹரணாகாரத³ஸ்ஸனங் ஆயூதி ரூபஜீவிதிந்த்³ரியங், அரூபஜீவிதிந்த்³ரியங் பனெத்த² விஞ்ஞாணக³திகமேவ. உஸ்மாதி கம்மஜதேஜோ. ஏவங்பூதிகஸபா⁴வோதி ஏவங் அதிவிய பூதிகஸபா⁴வோ, ந ஆயுஆதீ³னங் அவிக³மே விய மத்தஸோதி அதி⁴ப்பாயோ. ஏதி³ஸோ ப⁴விஸ்ஸதீதி ஏவங்பா⁴வீதி ஆஹ ‘‘ஏவங்உத்³து⁴மாதாதி³பே⁴தோ³ ப⁴விஸ்ஸதீ’’தி.
லுஞ்சித்வா லுஞ்சித்வாதி உப்பாடெத்வா உப்பாடெத்வா. ஸேஸாவஸேஸமங்ஸலோஹிதயுத்தந்தி ஸப்³ப³ஸோ அகா²தி³தத்தா தஹங் தஹங் ஸேஸேன அப்பாவஸேஸேன மங்ஸலோஹிதேன யுத்தங். அஞ்ஞேன ஹத்த²ட்டி²கந்தி அவிஸேஸேன ஹத்த²ட்டி²கானங் விப்பகிண்ணதா ஜோதிதாதி அனவஸேஸதோ தேஸங் விப்பகிண்ணதங் த³ஸ்ஸெந்தோ ‘‘சதுஸட்டி²பே⁴த³ம்பீ’’திஆதி³மாஹ. தேரோவஸ்ஸிகானீதி திரோவஸ்ஸங் க³தானி. தானி பன ஸங்வச்ச²ரங் வீதிவத்தானி ஹொந்தீதி ஆஹ ‘‘அதிக்கந்தஸங்வச்ச²ரானீ’’தி. புராணதாய க⁴னபா⁴வவிக³மேன விசுண்ணதா இத⁴ பூதிபா⁴வோதி ஸோ யதா² ஹோதி, தங் த³ஸ்ஸெந்தோ ‘‘அப்³போ⁴காஸே’’திஆதி³மாஹ. க²ஜ்ஜமானதாதி³வஸேன து³தியஸிவதி²கபப்³பா³தீ³னங் வவத்தி²தத்தா² வுத்தங் ‘‘க²ஜ்ஜமானாதீ³னங் வஸேன யோஜனா காதப்³பா³’’தி.
நவஸிவதி²கபப்³ப³வண்ணனா நிட்டி²தா.
இமானேவ த்³வேதி அவதா⁴ரணேன அப்பனாகம்மட்டா²னங் தத்த² நியமேதி அஞ்ஞபப்³பே³ஸு தத³பா⁴வதோ. யதோ ஹி ஏவ-காரோ, ததோ அஞ்ஞத்த² நியமேதி, தேன பப்³ப³த்³வயஸ்ஸ விபஸ்ஸனாகம்மட்டா²னதாபி அப்படிஸித்³தா⁴தி த³ட்ட²ப்³பா³ அனிச்சாதி³த³ஸ்ஸனதோ. ஸங்கா²ரேஸு ஆதீ³னவவிபா⁴வனானி ஸிவதி²கபப்³பா³னீதி ஆஹ ‘‘ஸிவதி²கானங் ஆதீ³னவானுபஸ்ஸனாவஸேன வுத்தத்தா’’தி. இரியாபத²பப்³பா³தீ³னங் அனப்பனாவஹதா பாகடா ஏவாதி ‘‘ஸேஸானி த்³வாத³ஸாபீ’’தி வுத்தங். யங் பனெத்த² அத்த²தோ அவிப⁴த்தங், தங் ஸுவிஞ்ஞெய்யமேவாதி.
காயானுபஸ்ஸனாவண்ணனா நிட்டி²தா.
வேத³னானுபஸ்ஸனாவண்ணனா
113. ஸுக²ங் வேத³னந்தி எத்த² ஸுக²யதீதி ஸுகா², ஸம்பயுத்தத⁴ம்மே காயஞ்ச லத்³த⁴ஸ்ஸாதே³ கரோதீதி அத்தோ². ஸுட்டு² வா கா²த³தி, க²னதி வா காயிகங் சேதஸிகஞ்ச ஸுகா². ஸுகரங் ஓகாஸதா³னங் ஏதிஸ்ஸாதி ஸுகா²தி அபரே. வேத³யதி ஆரம்மணரஸங் அனுப⁴வதீதி வேத³னா. வேத³யமானோதி அனுப⁴வமானோ. காமந்திஆதீ³ஸு யங் வத்தப்³ப³ங், தங் இரியாபத²பப்³பே³ வுத்தமேவ. ஸம்பஜானஸ்ஸ வேதி³யனங் ஸம்பஜானவேதி³யனங்.
‘‘வோஹாரமத்தங் ஹோதீ’’தி ஏதேன ‘‘ஸுக²ங் வேத³னங் வேத³யமானோ ஸுக²ங் வேத³னங் வேத³யாமீ’’தி இத³ங் வோஹாரமத்தந்தி த³ஸ்ஸேதி. வத்து²ஆரம்மணாதி ரூபாதி³ஆரம்மணா. ரூபாதி³ஆரம்மணஞ்ஹி வேத³னாய பவத்திட்டா²னதாய ‘‘வத்தூ²’’தி அதி⁴ப்பேதங். அஸ்ஸாதி ப⁴வெய்ய. த⁴ம்மவினிமுத்தஸ்ஸ அஞ்ஞஸ்ஸ கத்து அபா⁴வதோ த⁴ம்மஸ்ஸேவ கத்துபா⁴வங் த³ஸ்ஸெந்தோ ‘‘வேத³னாவ வேத³யதீ’’தி ஆஹ. நித்து²னந்தோதி. ப³லவதோ வேத³னாவேக³ஸ்ஸ நிரோத⁴னே ஆதீ³னவங் தி³ஸ்வா தஸ்ஸ அவஸரதா³னவஸேன நித்து²னந்தோ. வீரியஸமதங் யோஜெத்வாதி அதி⁴வாஸனவீரியஸ்ஸ அதி⁴மத்தத்தா தஸ்ஸ ஹாபனவஸேன ஸமாதி⁴னா ஸமரஸதாபாத³னேன வீரியஸமதங் யோஜெத்வா. ஸஹ படிஸம்பி⁴தா³ஹீதி லோகுத்தரபடிஸம்பி⁴தா³ஹி ஸஹ. லோகியானம்பி வா ஸதி உப்பத்திகாலே தத்த² ஸமத்த²தங் ஸந்தா⁴யாஹ ‘‘ஸஹ படிஸம்பி⁴தா³ஹீ’’தி. ஸமஸீஸீதி வாரஸமஸீஸீ ஹுத்வா, பச்சவெக்க²ணவாரஸ்ஸ அனந்தரவாரே பரினிப்³பா³யீதி அத்தோ².
யதா² ச ஸுக²ங், ஏவங் து³க்க²ந்தி யதா² ‘‘ஸுக²ங் வேத³யதீ’’திஆதி³னா ஸம்பஜானவேதி³யனங் ஸந்தா⁴ய வுத்தங், ஏவங் து³க்க²ம்பி. தத்த² து³க்க²யதீதி து³க்கா², ஸம்பயுத்தத⁴ம்மே காயஞ்ச பீளேதி விபா³த⁴தீதி து³க்கா². து³க்கரங் ஓகாஸதா³னங் ஏதிஸ்ஸாதி து³க்கா²தி அபரே. அரூபகம்மட்டா²னந்தி அரூபபரிக்³க³ஹங், அரூபத⁴ம்மமுகே²ன விபஸ்ஸனாபி⁴னிவேஸந்தி அத்தோ². ரூபகம்மட்டா²னேன பன ஸமதா²பி⁴னிவேஸோபி ஸங்க³ய்ஹதி, விபஸ்ஸனாபி⁴னிவேஸோ பன இதா⁴தி⁴ப்பேதோதி த³ஸ்ஸெந்தோ ஆஹ. ‘‘ரூபபரிக்³க³ஹோ அரூபபரிக்³க³ஹோதிபி ஏததே³வ வுச்சதீ’’தி. சதுதா⁴துவவத்தா²னங் கதே²ஸீதி எத்தா²பி ‘‘யேபு⁴ய்யேனா’’தி பத³ங் ஆனெத்வா ஸம்ப³ந்தி⁴தப்³ப³ங். தது³ப⁴யந்தி சதுதா⁴துவவத்தா²னஸ்ஸ ஸங்கே²பவித்தா²ரத்³வயமாஹ. ஸங்கே²பமனஸிகாரவஸேன மஹாஸதிபட்டா²னே, வித்தா²ரமனஸிகாரவஸேன ராஹுலோவாத³- (ம॰ நி॰ 2.115-117) தா⁴துவிப⁴ங்கா³தீ³ஸு (விப⁴॰ 174-175).
யேபு⁴ய்யக்³க³ஹணேன ‘‘திவிதோ⁴ ஹீ’’திஆதி³ வுத்தங். தத்த² அபி⁴னிவேஸோதி அனுப்பவேஸோ, ஆரம்போ⁴தி அத்தோ². ஆரம்பே⁴ ஏவ ஹி அயங் விபா⁴கோ³, ஸம்மஸனங் பன அனவஸேஸதோவ த⁴ம்மே பரிக்³க³ஹெத்வா வத்ததி. பரிக்³க³ஹிதே ரூபகம்மட்டா²னேதி இத³ங் ரூபமுகே²ன விபஸ்ஸனாபி⁴னிவேஸங் ஸந்தா⁴ய வுத்தங், அரூபமுகே²ன பன விபஸ்ஸனாபி⁴னிவேஸோ யேபூ⁴ய்யேன ஸமத²யானிகஸ்ஸ இச்சி²தப்³போ³, ஸோ ச பட²மங் ஜா²னங்கா³னி பரிக்³க³ஹெத்வா ததோ பரங் ஸேஸத⁴ம்மே பரிக்³க³ண்ஹாதி. பட²மாபி⁴னிபாதோதி ஸப்³பே³ சேதஸிகா சித்தாயத்தா சித்தகிரியபா⁴வேன வுச்சந்தீதி ப²ஸ்ஸோ சித்தஸ்ஸ பட²மாபி⁴னிபாதோ வுத்தோ, உப்பன்னப²ஸ்ஸோ புக்³க³லோ, சித்தசேதஸிகராஸி வா ஆரம்மணேன பு²ட்டோ² ப²ஸ்ஸஸஹஜாதாய வேத³னாய தங்ஸமகாலமேவ வேதே³தி, ப²ஸ்ஸோ பன ஓபா⁴ஸஸ்ஸ விய பதீ³போ வேத³னாதீ³னங் பச்சயவிஸேஸோ ஹோதீதி புரிமகாலோ விய வுச்சதி, யா தஸ்ஸ ஆரம்மணாபி⁴னிரோபனலக்க²ணதா வுச்சதி. பு²ஸந்தோதி ஆரம்மணஸ்ஸ பு²ஸனாகாரேன. அயஞ்ஹி அரூபத⁴ம்மதா ஏகதே³ஸேன அனல்லீயமானோபி ரூபங் விய சக்கு², ஸத்³தோ³ விய ச ஸோதங் சித்தங் ஆரம்மணஞ்ச பு²ஸந்தோ விய ஸங்க⁴ட்டெந்தோ விய ச பவத்ததி. ததா²ஹேஸ ‘‘ஸங்க⁴ட்டனரஸோ’’தி வுச்சதி.
ஆரம்மணங் அனுப⁴வந்தீதி இஸ்ஸரவதாய விஸவிதாய ஸாமிபா⁴வேன ஆரம்மணரஸங் அனுப⁴வந்தீ. ப²ஸ்ஸாதீ³னஞ்ஹி ஸம்பயுத்தத⁴ம்மானங் ஆரம்மணே ஏகதே³ஸேனேவ பவத்தி பு²ஸனாதி³மத்தபா⁴வதோ, வேத³னாய பன இட்டா²காரஸம்போ⁴கா³தி³வஸேன பவத்தனதோ ஆரம்மணே நிப்பதே³ஸதோ பவத்தி. பு²ஸனாதி³பா⁴வேன ஹி ஆரம்மணக்³க³ஹணங் ஏகதே³ஸானுப⁴வனங், வேத³யிதாபா⁴வேன க³ஹணங் யதா²காமங் ஸப்³பா³னுப⁴வனங் ஏவஸபா⁴வானேவ தானி க³ஹணானீதி ந வேத³னாய விய ப²ஸ்ஸாதீ³னம்பி யதா²ஸகங் கிச்சகரணேன ஸாமிபா⁴வானுப⁴வனங் சோதே³தப்³ப³ங். விஜானந்தந்தி பரிச்சி²ந்த³னவஸேன விஸேஸதோ ஜானந்தங். விஞ்ஞாணஞ்ஹி மினிதப்³ப³வத்து²ங் நாளியா மினந்தோ புரிஸோ விய ஆரம்மணங் பரிச்சி²ஜ்ஜ
ஏவங் ‘‘தத்த² யஸ்ஸா’’திஆதி³மாஹ. தத்த² ப²ஸ்ஸபஞ்சமகேயேவாதி அவதா⁴ரணங் தத³ந்தோக³த⁴த்தா தக்³க³ஹணேனேவ க³ஹிதத்தா சதுன்னங் அரூபக்க²ந்தா⁴னங். ப²ஸ்ஸபஞ்சமகக்³க³ஹணஞ்ஹி தஸ்ஸ ஸப்³ப³சித்துப்பாத³ஸாதா⁴ரணபா⁴வதோ, தத்த² ச ப²ஸ்ஸசேதனாக்³க³ஹணேன ஸப்³ப³ஸங்கா²ரக்க²ந்த⁴த⁴ம்மஸங்க³ஹோ சேதனாபதா⁴னத்தா தேஸங். ததா² ஹி ஸுத்தந்தபா⁴ஜனீயே ஸங்கா²ரக்க²ந்த⁴விப⁴ங்கே³ (விப⁴॰ 12) ‘‘சக்கு²ஸம்ப²ஸ்ஸஜா சேதனா’’திஆதி³னா சேதனாவ விப⁴த்தா, இதரே பன க²ந்தா⁴ ஸரூபேனேவ க³ஹிதா.
வத்து²ங் நிஸ்ஸிதாதி எத்த² வத்து²-ஸத்³தோ³ கரஜகாயவிஸயோதி கத²மித³ங் விஞ்ஞாயதீதி ஆஹ ‘‘யங் ஸந்தா⁴ய வுத்த’’ந்திஆதி³. கத்த² பன வுத்தங்? ஸாமஞ்ஞப²லே. ஸோதி கரஜகாயோ. பஞ்சக்க²ந்த⁴வினிமுத்தங் நாமரூபங் நத்தீ²தி இத³ங் அதி⁴காரவஸேன வுத்தங். அஞ்ஞதா² ஹி க²ந்த⁴வினிமுத்தம்பி நாமங் அத்தே²வாதி. அவிஜ்ஜாதி³ஹேதுகாதி அவிஜ்ஜாதண்ஹுபாதா³னாதி³ஹேதுகா. விபஸ்ஸனாபடிபாடியா…பே॰… விசரதீதி இமினா ப³லவவிபஸ்ஸனங் வத்வா புன தஸ்ஸ உஸ்ஸுக்காபனங் விஸேஸாதி⁴க³மனஞ்ச த³ஸ்ஸெந்தோ ‘‘ஸோ’’திஆதி³மாஹ.
இதா⁴தி இமிஸ்ஸங் து³தியஸதிபட்டா²னதே³ஸனாயங், தஸ்ஸா பன வேத³னானுபஸ்ஸனாவஸேன கதே²தப்³ப³த்தா ப⁴க³வா வேத³னாவஸேன கதே²ஸி. யதா²வுத்தேஸு ச தீஸு கம்மட்டா²னாபி⁴னிவேஸேஸு வேத³னாவஸேன கம்மட்டா²னாபி⁴னிவேஸோ ஸுகரோ வேத³னானங் விபூ⁴தபா⁴வதோதி த³ஸ்ஸேதுங் ‘‘ப²ஸ்ஸவஸேன ஹீ’’திஆதி³ வுத்தங். ந பாகடங் ஹோதீதி இத³ங் தாதி³ஸே புக்³க³லே ஸந்தா⁴ய வுத்தங், யேஸங் ஆதி³தோ வேத³னாவ விபூ⁴ததரா ஹுத்வா உபட்டா²தி. ஏவஞ்ஹி யங் வுத்தங் ‘‘ப²ஸ்ஸோ பாகடோ ஹோதி, விஞ்ஞாணங் பாகடங் ஹோதீ’’தி, தங் அவிரோதி⁴தங் ஹோதி. வேத³னானங் உப்பத்திபாகடதாயாதி ச இத³ங் ஸுக²து³க்க²வேத³னானங் வஸேன வுத்தங். தாஸஞ்ஹி பவத்தி ஓளாரிகா, ந இதராய. தது³ப⁴யக்³க³ஹணமுகே²ன வா க³ஹேதப்³ப³த்தா இதராயபி பவத்தி விஞ்ஞூனங் பாகடா ஏவாதி ‘‘வேத³னான’’ந்தி அவிஸேஸக்³க³ஹணங் த³ட்ட²ப்³ப³ங். யதா³ ஸுக²ங் உப்பஜ்ஜதீதிஆதி³ ஸுக²வேத³னாய பாகடபா⁴வவிபா⁴வனங். நேவ தஸ்மிங் ஸமயே து³க்க²ங் வேத³னங் வேதே³தீதி தஸ்மிங் ஸுக²வேத³னாஸமங்கி³ஸமயே நேவ து³க்க²ங் வேத³னங் வேதே³தி நிருத்³த⁴த்தா, அனுப்பன்னத்தா ச யதா²க்கமங் அனிச்சா. ஸமேச்சஸம்பு⁴ய்ய பச்சயேஹி கதத்தா ஸங்க²தா. வத்தா²ரம்மணாதி³பச்சயங் படிச்ச உப்பன்னத்தா படிச்சஸமுப்பன்னா. க²யவயபலுஜ்ஜனநிருஜ்ஜ²னபகதிதாய க²யத⁴ம்மா…பே॰… நிரோத⁴த⁴ம்மாதி த³ட்ட²ப்³பா³.
கிலேஸேஹி ஆமஸிதப்³ப³தோ ஆமிஸங் நாம பஞ்ச காமகு³ணா, ஆரம்மணகரணவஸேன ஸஹ ஆமிஸேஹீதி ஆமிஸா. தேனாஹ ‘‘பஞ்சகாமகு³ணாமிஸனிஸ்ஸிதா’’தி. இதோ பரந்தி ‘‘அத்தி² வேத³னா’’தி ஏவமாதி³பாளிங் ஸந்தா⁴யாஹ ‘‘காயானுபஸ்ஸனாயங் வுத்தனயமேவா’’தி.
வேத³னானுபஸ்ஸனாவண்ணனா நிட்டி²தா.
சித்தானுபஸ்ஸனாவண்ணனா
114. ஸம்பயோக³வஸேன (தீ³॰ நி॰ டீ॰ 2.381) பவத்தமானேன ஸஹ ராகே³னாதி ஸராக³ங். தேனாஹ ‘‘லோப⁴ஸஹக³த’’ந்தி. வீதராக³ந்தி. எத்த² காமங் ஸராக³பத³படியோகி³னா வீதராக³வஸேன ப⁴விதப்³ப³ங், ஸம்மஸனசாரஸ்ஸ பன இதா⁴தி⁴ப்பேதத்தா தேபூ⁴மகஸ்ஸேவ க³ஹணந்தி ‘‘லோகியகுஸலாப்³யாகத’’ந்தி வத்வா ‘‘இத³ங் பனா’’திஆதி³னா தமேவ அதி⁴ப்பாயங் விவரதி. ஸேஸானி த்³வே தோ³ஸமூலானி, த்³வே மோஹமூலானீதி சத்தாரி அகுஸலசித்தானி. தேஸஞ்ஹி ராகே³ன ஸம்பயோகா³பா⁴வதோ நத்தே²வ ஸராக³தா, தன்னிமித்தகதாய பன ஸியா தங்ஸஹிததாலேஸோதி நத்தே²வ வீதராக³தாபீதி து³கவினிமுத்ததா ஏவெத்த² லப்³ப⁴தீதி ஆஹ ‘‘நேவ புரிமபத³ங், ந பச்சி²மபத³ங் ப⁴ஜந்தீ’’தி. யதி³ ஏவங் பதே³ஸிகங் பஜானநங் ஆபஜ்ஜதீதி? நாபஜ்ஜதி து³கந்தரபரியாபன்னத்தா தேஸங். அகுஸலமூலேஸு ஸஹ மோஹேனேவ வத்ததீதி ஸமோஹந்தி ஆஹ ‘‘விசிகிச்சா²ஸஹக³தஞ்சேவ உத்³த⁴ச்சஸஹக³தஞ்சா’’தி. யஸ்மா செத்த² ஸஹேவ மோஹேனாதி ஸமோஹந்தி புரிமபதா³வதா⁴ரணம்பி லப்³ப⁴தியேவ, தஸ்மா வுத்தங் ‘‘யஸ்மா பனா’’திஆதி³. யதா² பன அதிமூள்ஹதாய பாடிபுக்³க³லிகனயேன ஸவிஸேஸங் மோஹவந்ததாய மோமூஹசித்தந்தி வத்தப்³ப³தோ விசிகிச்சு²த்³த⁴ச்சஸஹக³தத்³வயங் விஸேஸதோ ‘‘ஸமோஹ’’ந்தி வுச்சதி, ந ததா² ஸேஸாகுஸலசித்தானீதி ‘‘வட்டந்தியேவா’’தி ஸங்குடிதசித்தங். ஸங்குடிதசித்தங் நாம ஆரம்மணே ஸங்கோசனவஸேன பவத்தனதோ. பச்சயவிஸேஸவஸேன தா²மஜாதேன உத்³த⁴ச்சேன ஸஹக³தங் பவத்தங் ஸங்ஸட்ட²ந்தி உத்³த⁴ச்சஸஹக³தங், அஞ்ஞதா² பஸடசித்தங் நாம ஸாதிஸயங் விக்கே²பவஸேன பவத்தனதோ.
கிலேஸவிக்க²ம்ப⁴னஸமத்த²தாய விபுலப²லதாய தீ³க⁴ஸந்தானதாய ச மஹந்தபா⁴வங் க³தங், மஹந்தேஹி வா உளாரச்ச²ந்தா³தீ³ஹி க³தங் படிபன்னந்தி மஹக்³க³தங். தங் பன ரூபாரூபபூ⁴மிகங் ததோ மஹந்தஸ்ஸ லோகே அபா⁴வதோ. தேனாஹ ‘‘ரூபாரூபாவசர’’ந்தி. தஸ்ஸ செத்த² படியோகீ³ பரித்தமேவாதி ஆஹ ‘‘அமஹக்³க³தந்தி காமாவசர’’ந்தி. அத்தானங் உத்தரிதுங் ஸமத்தே²ஹி ஸஹ உத்தரேஹீதி ஸஉத்தரங், தப்படிபக்கே²ன அனுத்தரங், தது³ப⁴யங் உபாதா³ய வேதி³தப்³ப³ந்தி ஆஹ ‘‘ஸஉத்தரந்தி காமாவசர’’ந்திஆதி³. படிபக்க²விக்க²ம்ப⁴னஸமத்தே²ன ஸமாதி⁴னா ஸம்மதே³வ ஆஹிதங் ஸமாஹிதங். தேனாஹ ‘‘யஸ்ஸா’’திஆதி³. யஸ்ஸாதி யஸ்ஸ சித்தஸ்ஸ. யதா²வுத்தேன ஸமாதி⁴னா ந ஸமாஹிதந்தி அஸமாஹிதங். தேனாஹ ‘‘உப⁴யஸமாதி⁴ரஹித’’ந்தி. தத³ங்க³விமுத்தியா விமுத்தங், காமாவசரங் குஸலங். விக்க²ம்ப⁴னவிமுத்தியா விமுத்தங், மஹக்³க³தந்தி தது³ப⁴யங் ஸந்தா⁴யாஹ ‘‘தத³ங்க³விக்க²ம்ப⁴னவிமுத்தீஹி விமுத்த’’ந்தி. யத்த² தது³ப⁴யவிமுத்தி நத்தி², தங் உப⁴யவிமுத்திரஹிதந்தி க³ய்ஹமானே லோகுத்தரசித்தேபி ஸியா ஆஸங்காதி தன்னிவத்தனத்த²ங் ‘‘ஸமுச்சே²த³…பே॰… ஓகாஸோவ நத்தீ²’’தி ஆஹ. ஓகாஸாபா⁴வோ ச ஸம்மஸனசாரஸ்ஸ அதி⁴ப்பேதத்தா வேதி³தப்³போ³. யங் பனெத்த² அத்த²தோ அவிப⁴த்தங், தங் ஹெட்டா² வுத்தனயமேவாதி.
சித்தானுபஸ்ஸனாவண்ணனா நிட்டி²தா.
த⁴ம்மானுபஸ்ஸனாவண்ணனா
நீவரணபப்³ப³வண்ணனா
115. பஹாதப்³பா³தி³த⁴ம்மவிபா⁴க³த³ஸ்ஸனவஸேன ‘‘பஞ்சவிதே⁴ன த⁴ம்மானுபஸ்ஸனங் கதே²து’’ந்தி வுத்தங். யதி³ ஏவங் கஸ்மா நீவரணாதி³வஸேனேவ நித்³தி³ட்ட²ந்தி? வேனெய்யஜ்ஜா²ஸயதோ. யேஸஞ்ஹி வேனெய்யானங் பஹாதப்³ப³த⁴ம்மேஸு பட²மங் நீவரணானி விபா⁴கே³ன வத்தப்³பா³னி, தேஸங் வஸேனெத்த² ப⁴க³வதா பட²மங் நீவரணேஸு த⁴ம்மானுபஸ்ஸனா கதி²தா. ததா² ஹி காயானுபஸ்ஸனாபி ஸமத²புப்³ப³ங்க³மா தே³ஸிதா, ததோ பரிஞ்ஞெய்யேஸு க²ந்தே⁴ஸு ஆயதனேஸு, பா⁴வேதப்³பே³ஸு பொ³ஜ்ஜ²ங்கே³ஸு பரிஞ்ஞேயாதி³விபா⁴கே³ஸு ஸச்சேஸு ச உத்தரா தே³ஸனா தே³ஸிதா, தஸ்மா செத்த² ஸமத²பா⁴வனாபி யாவதே³வ விபஸ்ஸனத்த²ங் இச்சி²தா, விபஸ்ஸனாபதா⁴னா விபஸ்ஸனாப³ஹுலா ச ஸதிபட்டா²னதே³ஸனாதி தஸ்ஸா விபஸ்ஸனாபி⁴னிவேஸவிபா⁴கே³ன தே³ஸிதபா⁴வங் விபா⁴வெந்தோ ‘‘அபிசா’’திஆதி³மாஹ. தத்த² க²ந்தா⁴யதனது³க்க²ஸச்சவஸேன மிஸ்ஸகபரிக்³க³ஹகத²னங் த³ட்ட²ப்³ப³ங். ஸஞ்ஞாஸங்கா²ரக்க²ந்த⁴பரிக்³க³ஹம்பீதி பி-ஸத்³தே³ன ஸகலபஞ்சுபாதா³னக்க²ந்த⁴பரிக்³க³ஹங் ஸம்பிண்டே³தி இதரேஸங் தத³ந்தோக³த⁴த்தா. ‘‘கண்ஹஸுக்கானங் யுக³ந்த⁴தா நத்தீ²’’தி பஜானநகாலே அபா⁴வா ‘‘அபி⁴ண்ஹஸமுதா³சாரவஸேனா’’தி வுத்தங். யதா²தி யேனாகாரேன. ஸோ பன ‘‘காமச்ச²ந்த³ஸ்ஸ உப்பாதோ³ ஹோதீ’’தி வுத்தத்தா காமச்ச²ந்த³ஸ்ஸ காரணாகாரோவ, அத்த²தோ காரணமேவாதி ஆஹ ‘‘யேன காரணேனா’’தி. ச-ஸத்³தோ³ வக்க²மானத்த²ஸமுச்சயத்தோ².
தத்தா²தி ‘‘யதா² சா’’திஆதி³னா வுத்தபதே³. ஸுப⁴ம்பீதி காமச்ச²ந்தோ³பி. ஸோ ஹி அத்தனோ க³ஹணாகாரேன ‘‘ஸுப⁴’’ந்தி வுச்சதி, தேனாகாரேன பவத்தனகஸ்ஸ அஞ்ஞஸ்ஸ காமச்ச²ந்த³ஸ்ஸ நிமித்தத்தா ‘‘ஸுப⁴னிமித்த’’ந்தி ச. இட்ட²ங், இட்டா²காரேன வா க³ய்ஹமானங் ரூபாதி³ ஸுபா⁴ரம்மணங். ஆகங்கி²தஸ்ஸ ஹிதஸுக²ஸ்ஸ அனுபாயபூ⁴தோ மனஸிகாரோ அனுபாயமனஸிகாரோ. தந்தி அயோனிஸோமனஸிகாரங். தத்தா²தி நிப்பா²தே³தப்³பே³ ஆரம்மணபூ⁴தே ச து³விதே⁴பி ஸுப⁴னிமித்தே. ஆஹாரோதி பச்சயோ.
அஸுப⁴ம்பீதி அஸுப⁴ஜ்ஜா²னம்பி உத்தரபத³லோபேன. தங் பன த³ஸஸு அவிஞ்ஞாணகாஸுபே⁴ஸு, கேஸாதீ³ஸு ச பவத்தங் த³ட்ட²ப்³ப³ங். கேஸாதீ³ஸு ஹி ஸஞ்ஞா அஸுப⁴ஸஞ்ஞாதி கி³ரிமானந்த³ஸுத்தே (அ॰ நி॰ 10.60) வுத்தாதி. எத்த² ச சதுப்³பி³த⁴ஸ்ஸ அயோனிஸோமனஸிகாரஸ்ஸ யோனிஸோமனஸிகாரஸ்ஸ
ஏகாத³ஸஸு அஸுப⁴னிமித்தஸ்ஸ உக்³க³ஹோ. உபசாரப்பனாவஹாய அஸுப⁴பா⁴வனாய அனுயுஞ்ஜனங் அஸுப⁴பா⁴வனானுயோகோ³. போ⁴ஜனே மத்தஞ்ஞுனோ தி²னமித்³தா⁴பி⁴ப⁴வாபா⁴வா ஓதாரங் அலப⁴மானோ காமச்ச²ந்தோ³ பஹீயதீதி வத³ந்தி. போ⁴ஜனநிஸ்ஸிதங் பன ஆஹாரே படிகூலஸஞ்ஞங், தப்³பி³பரிணாமஸ்ஸ, ததா³தா⁴ரஸ்ஸ, தஸ்ஸ ச உத³ரியபூ⁴தஸ்ஸ அஸுப⁴தாத³ஸ்ஸனங், காயஸ்ஸ ஆஹாரட்டி²திகதாத³ஸ்ஸனஞ்ச யோ ஸம்மதே³வ ஜானாதி, ஸோ விஸேஸதோ போ⁴ஜனே மத்தஞ்ஞூ நாம, தஸ்ஸ ச காமச்ச²ந்தோ³ பஹீயதேவ. அஸுப⁴கம்மிகதிஸ்ஸத்தே²ரோ த³ந்தட்டி²த³ஸ்ஸாவீ. அபி⁴த⁴ம்மபரியாயேன (த⁴॰ ஸ॰ 1159, 1503) ஸப்³போ³பி லோபோ⁴ காமச்ச²ந்த³னீவரணந்தி ஆஹ ‘‘அரஹத்தமக்³கே³னா’’தி.
படிக⁴ம்பி புரிமுப்பன்னங் படிக⁴னிமித்தங் பரதோ உப்பஜ்ஜனகபடிக⁴ஸ்ஸ காரணந்தி கத்வா. மேஜ்ஜதி ஹிதப²ரணவஸேன ஸினிய்ஹதீதி மித்தோ, தஸ்மிங் மித்தே ப⁴வா, மித்தஸ்ஸ வா ஏஸாதி மெத்தா, தஸ்ஸா மெத்தாய.
மெத்தாயனஸ்ஸ ஸத்தேஸு ஹிதப²ரணஸ்ஸ உப்பாத³னங் பவத்தனங் மெத்தானிமித்தஸ்ஸ உக்³க³ஹோ. ஓதி⁴ஸகஅனோதி⁴ஸகதி³ஸாப²ரணானந்தி அத்தஅதிபியஸஹாயமஜ்ஜ²த்தவேரீவஸேன ஓதி⁴ஸகதா, ஸீமாஸம்பே⁴தே³ கதே அனோதி⁴ஸகதா, ஏகாதி³தி³ஸாப²ரணவஸேன தி³ஸாப²ரணதா மெத்தாய உக்³க³ஹணே வேதி³தப்³பா³. விஹாரரச்சா²கா³மாதி³வஸேன வா ஓதி⁴ஸகதி³ஸாப²ரணங், விஹாராதி³உத்³தே³ஸரஹிதங் புரத்தி²மாதி³தி³ஸாவஸேன அனோதி⁴ஸகதி³ஸாப²ரணந்தி ஏவங் வா த்³விதா⁴ உக்³க³ஹணங் ஸந்தா⁴ய ‘‘ஓதி⁴ஸகஅனோதி⁴ஸகதி³ஸாப²ரணான’’ந்தி வுத்தங். உக்³க³ஹோ ச யாவ உபசாரா த³ட்ட²ப்³போ³, உக்³க³ஹிதாய ஆஸேவனா பா⁴வனா. தத்த² ‘‘ஸப்³பே³ ஸத்தா, பாணா, பூ⁴தா, புக்³க³லா, அத்தபா⁴வபரியாபன்னா’’தி ஏதேஸங் வஸேன பஞ்சவிதா⁴, ஏகேகஸ்மிங் ‘‘அவேரா ஹொந்து, அப்³யாபஜ்ஜா, அனீகா⁴, ஸுகீ² அத்தானங் பரிஹரந்தூ’’தி சதுதா⁴ பவத்திதோ வீஸதிவிதா⁴ அனோதி⁴ஸகப²ரணா மெத்தா, ‘‘ஸப்³பா³ இத்தி²யோ, புரிஸா, அரியா, அனரியா, தே³வா, மனுஸ்ஸா, வினிபாதிகா’’தி ஸத்தோதி⁴கரணவஸேன பவத்தா ஸத்தவிதா⁴ அட்ட²வீஸதிவிதா⁴ வா, த³ஸஹி தி³ஸாஹி தி³ஸோதி⁴கரணவஸேன பவத்தா த³ஸவிதா⁴ ச, ஏகேகாய வா தி³ஸாய ஸத்தாதி³இத்தா²தி³அவேராதி³பே⁴தே³ன
யேன அயோனிஸோமனஸிகாரோ, தேன. நிப்பா²தே³தப்³பே³ ஹி இத³ங் பு⁴ம்மங். ஏஸ நயோ இதோ பரேஸுபி. உக்கண்டி²தா பந்தஸேனாஸனேஸு அதி⁴குஸலேஸு த⁴ம்மேஸு ச உப்பஜ்ஜனபா⁴வரிஞ்சனா. காயவினாமனாதி காயஸ்ஸ விரூபேனாகாரேன நாமனா.
குஸலத⁴ம்மஸம்படிபத்தியா பட்ட²பனஸபா⁴வதாய, தப்படிபக்கா²னங் விஸோஸனஸபா⁴வதாய ச ஆரம்ப⁴தா⁴துஆதி³தோ பவத்தவீரியந்தி ஆஹ ‘‘பட²மாரம்ப⁴வீரிய’’ந்தி. யஸ்மா பட²மாரம்ப⁴மத்தஸ்ஸ கோஸஜ்ஜவித⁴மனங் தா²மக³மனஞ்ச நத்தி², தஸ்மா வுத்தங் ‘‘கோஸஜ்ஜதோ நிக்க²ந்ததாய ததோ ப³லவதர’’ந்தி. யஸ்மா பன அபராபருப்பத்தியா லத்³தா⁴ஸேவனங் உபரூபரிவிஸேஸங் ஆவஹந்தங் அதிவிய தா²மக³தமேவ ஹோதி, தஸ்மா வுத்தங் ‘‘பரங் பரங் டா²னங் அக்கமனதோ ததோபி ப³லவதர’’ந்தி.
அதிபோ⁴ஜனே நிமித்தக்³கா³ஹோதி அதிபோ⁴ஜனே தி²னமித்³த⁴ஸ்ஸ நிமித்தக்³கா³ஹோ, ‘‘எத்தகே பு⁴த்தே தி²னமித்³த⁴ஸ்ஸ காரணங் ஹோதி, எத்தகே ந ஹோதீ’’தி தி²னமித்³த⁴ஸ்ஸ காரணாகாரணக்³கா³ஹோ ஹோதீதி அத்தோ². தி³வா ஸூரியாலோகந்தி தி³வா க³ஹிதனிமித்தங் ஸூரியாலோகங் ரத்தியங் மனஸிகரொந்தஸ்ஸபீதி ஏவமெத்த² அத்தோ² வேதி³தப்³போ³. து⁴தங்கா³னங் வீரியனிஸ்ஸிதத்தா வுத்தங் ‘‘து⁴தங்க³னிஸ்ஸிதஸப்பாயகதா²யபீ’’தி.
குக்குச்சம்பி கதாகதானுஸோசனவஸேன பவத்தமானங் சேதஸோ அவூபஸமாவஹதாய உத்³த⁴ச்சேன ஸமானலக்க²ணமேவாதி ‘‘அவூபஸமோ நாம அவூபஸந்தாகாரோ, உத்³த⁴ச்சகுக்குச்சமேவேதங் அத்த²தோ’’தி வுத்தங்.
ப³ஹுஸ்ஸுதஸ்ஸ க³ந்த²தோ அத்த²தோ ச ஸுத்தாதீ³னி விசாரெந்தஸ்ஸ அத்த²வேதா³தி³படிலாப⁴ஸப்³பா⁴வதோ விக்கே²போ ந ஹோதி, யதா²விதி⁴படிபத்தியா யதா²னுரூபபடிகாரப்பவத்தியா ச கதாகதானுஸோசனஞ்ச ந ஹோதீதி ‘‘பா³ஹுஸச்சேனபி…பே॰… உத்³த⁴ச்சகுக்குச்சங் பஹீயதீ’’தி ஆஹ. யத³க்³கே³ன பா³ஹுஸச்சேன உத்³த⁴ச்சகுக்குச்சங் பஹீயதி, தத³க்³கே³ன பரிபுச்ச²கதாவினயபகதஞ்ஞுதாஹிபி தங் பஹீயதீதி த³ட்ட²ப்³ப³ங். பு³த்³த⁴ஸேவிதா ச பு³த்³த⁴ஸீலிதங் ஆவஹதீதி சேதஸோ வூபஸமகரத்தா உத்³த⁴ச்சகுக்குச்சபஹானகாரீ வுத்தா. பு³த்³த⁴த்தங் ‘‘கப்பியாகப்பியபரிபுச்சா²மஹுலஸ்ஸா’’திஆதி³னா வினயனயேனேவ பரிபுச்ச²கதாத³யோ நித்³தி³ட்டா². பஹீனே உத்³த⁴ச்சகுக்குச்சேதி நித்³தா⁴ரணே பு⁴ம்மங். குக்குச்சஸ்ஸ தோ³மனஸ்ஸஸஹக³தத்தா அனாகா³மிமக்³கே³ன ஆயதிங் அனுப்பாதோ³ வுத்தோ.
திட்ட²தி விசிகிச்சா²ட்டா²னீயா, விசிகிச்சா²ய காரணபூ⁴தா த⁴ம்மா. திட்ட²தீதி வா டா²னீயா, விசிகிச்சா² டா²னீயா ஏதிஸ்ஸாதி விசிகிச்சா²ட்டா²னீயா, அத்த²தோ விசிகிச்சா² ஏவ. ஸா ஹி புரிமுப்பன்னா பரதோ உப்பஜ்ஜனகவிசிகிச்சா²ய ஸபா⁴க³ஹேதுதாய அஸாதா⁴ரணங்.
குஸலாகுஸலாதி கோஸல்லஸம்பூ⁴தட்டே²ன குஸலா, தப்படிபக்க²தோ அகுஸலா. யே அகுஸலா, தே ஸாவஜ்ஜா அஸேவிதப்³பா³ ஹீனா ச. யே குஸலா, தே அனவஜ்ஜா ஸேவிதப்³பா³ பணீதா ச. குஸலாபி வா ஹீனேஹி ச²ந்தா³தீ³ஹி ஆரத்³தா⁴ ஹீனா, பணீதேஹி பணீதா. கண்ஹாதி காளகா, சித்தஸ்ஸ அபப⁴ஸ்ஸரபா⁴வகரணா. ஸுக்காதி ஓதா³தா, சித்தஸ்ஸ பப⁴ஸ்ஸரபா⁴வகரணா. கண்ஹாபி⁴ஜாதிஹேதுதோ வா கண்ஹா, ஸுக்காபி⁴ஜாதிஹேதுதோ ஸுக்கா. தே ஏவ ஸப்படிபா⁴கா³. கண்ஹா ஹி உஜுவிபச்சனீகதாய ஸுக்கேஹி ஸப்படிபா⁴கா³, ததா² ஸுக்காபி இதரேஹி. அத² வா கண்ஹஸுக்கா ச ஸப்படிபா⁴கா³ ச கண்ஹஸுக்கஸப்படிபா⁴கா³. ஸுகா² ஹி வேத³னா து³க்கா²யவேத³னாய ஸப்படிபா⁴கா³, து³க்கா² ச வேத³னா ஸுகா²ய வேத³னாய ஸப்படிபா⁴கா³தி.
காமங் பா³ஹுஸச்சபரிபுச்ச²கதாஹி அட்ட²வத்து²காபி விசிகிச்சா² பஹீயதி, ததா²பி ரதனத்தயவிசிகிச்சா²மூலிகா ஸேஸவிசிகிச்சா²தி கத்வா ஆஹ ‘‘தீணி ரதனானி ஆரப்³பா⁴’’தி. ரதனத்தயகு³ணாவபோ³தே⁴ ஹி ‘‘ஸத்த²ரி கங்க²தீ’’தி (த⁴॰ ஸ॰ 1008, 1123, 1167, 1241, 1263, 1270; விப⁴॰ 915) ஆதி³விசிகிச்சா²ய அஸம்ப⁴வோதி. வினயே பகதஞ்ஞுதா ‘‘ஸிக்கா²ய கங்க²தீ’’தி (த⁴॰ ஸ॰ 1008, 1123, 1167, 1241, 1263, 1270; விப⁴॰ 915) வுத்தாய விசிகிச்சா²ய பஹானங் கரோதீதி ஆஹ ‘‘வினயே சிண்ணவஸீபா⁴வஸ்ஸபீ’’தி. ஓகப்பனீயஸத்³தா⁴ஸங்கா²தஅதி⁴மொக்க²ப³ஹுலஸ்ஸாதி ஸத்³தெ⁴ய்யவத்து²னோ அனுபவிஸனஸத்³தா⁴ஸங்கா²தஅதி⁴மொக்கே²ன அதி⁴முச்சனப³ஹுலஸ்ஸ
ஸுப⁴னிமித்தஅஸுப⁴னிமித்தாதீ³ஸூதி ‘‘ஸுப⁴னிமித்தாதீ³ஸு அஸுப⁴னிமித்தாதீ³ஸூ’’தி ஆதி³-ஸத்³தோ³ பச்சேகங் யோஜேதப்³போ³. தத்த² பட²மேன ஆதி³-ஸத்³தே³ன படிக⁴னிமித்தாதீ³னங் ஸங்க³ஹோ, து³தியேன மெத்தாசேதோவிமுத்திஆதீ³னங். ஸேஸமெத்த² யங் வத்தப்³ப³ங், தங் வுத்தனயமேவாதி.
நீவரணபப்³ப³வண்ணனா நிட்டி²தா.
க²ந்த⁴பப்³ப³வண்ணனா
116. உபாதா³னேஹி உபாதா³னக்க²ந்தா³. இதி ரூபந்தி எத்த² இதி-ஸத்³தோ³ இத³ங்-ஸத்³தே³ன ஸமானத்தோ²தி அதி⁴ப்பாயேனாஹ ‘‘இத³ங் ரூப’’ந்தி. தயித³ங் ஸரூபதோ அனவஸேஸபரியாதா³னங் ஹோதீதி ஆஹ – ‘‘எத்தகங் ரூபங், ந இதோ பரங் ரூபங் அத்தீ²’’தி. இதீதி வா பகாரத்தே² நிபாதோ, தஸ்மா ‘‘இதி ரூப’’ந்தி இமினா பூ⁴துபாதா³தி³வஸேன யத்தகோ ரூபஸ்ஸ பே⁴தோ³, தேன ஸத்³தி⁴ங் ரூபங் அனவஸேஸதோ பரியாதி³யித்வா த³ஸ்ஸேதி. ஸபா⁴வதோதி ருப்பனஸபா⁴வதோ சக்கா²தி³வண்ணாதி³ஸபா⁴வதோ ச. வேத³னாதீ³ஸுபீதி எத்த² ‘‘அயங் வேத³னா, எத்தகா வேத³னா, ந இதோ பரங் வேத³னா அத்தீ²தி ஸபா⁴வதோ வேத³னங் பஜானாதீ’’திஆதி³னா, ஸபா⁴வதோதி ச அனுப⁴வனஸபா⁴வதோ ஸாதாதி³ஸபா⁴வதோ சாதி ஏவமாதி³னா யோஜேதப்³ப³ங்.
க²ந்த⁴பப்³ப³வண்ணனா நிட்டி²தா.
ஆயதனபப்³ப³வண்ணனா
117. ச²ஸு அஜ்ஜ²த்திகபா³ஹிரேஸூதி (தீ³॰ நி॰ டீ॰ 2.384) ‘‘ச²ஸு அஜ்ஜ²த்திகேஸு ச²ஸு பா³ஹிரேஸு’’தி ‘‘ச²ஸூ’’தி பத³ங் பச்சேகங் யோஜேதப்³ப³ங். கஸ்மா பனேதானி உப⁴யானி ச²ளேவ வுத்தானி? ச²விஞ்ஞாணகாயுப்பத்தித்³வாராரம்மணவவத்தா²னதோ. சக்கு²விஞ்ஞாணவீதி²யா சக்கு², ரூபங் அஸ்ஸாதே³தி விபா⁴வேதி சாதி அத்தோ². ஸுணாதீதி ஸோதங். கா⁴யதீதி கா⁴னங். ஜீவிதனிமித்ததாய ரஸோ ஜீவிதங், தங் ஜீவிதமவ்ஹாயதீதி ஜிவ்ஹா. குச்சி²தானங் ஸாஸவத⁴ம்மானங் ஆயோ உப்பத்திதே³ஸோதி காயோ. முனாதி ஆரம்மணங் விஜானாதீதி மனோ. ரூபயதி வண்ணவிகாரங் ஆபஜ்ஜமானங் ஹத³யங்க³தபா⁴வங் பகாஸேதீதி ரூபங். ஸப்பதி அத்தனோ பச்சயேஹி ஹரீயதி ஸோதவிஞ்ஞெய்யபா⁴வங் க³மீயதீதி ஸத்³தோ³. க³ந்த⁴யதி அத்தனோ வத்து²ங் ஸூசேதீதி க³ந்தோ⁴. ரஸந்தி தங் ஸத்தா அஸ்ஸாதெ³ந்தீதி ரஸோ. பு²ஸீயதீதி பொ²ட்ட²ப்³ப³ங். அத்தனோ லக்க²ணங் தா⁴ரெந்தீதி த⁴ம்மா. ஸப்³பா³னி பன ஆயானங் தனநாதி³அத்தே²ன ஆயதனானி. அயமெத்த² ஸங்கே²போ, வித்தா²ரோ பன விஸுத்³தி⁴மக்³கே³ (விஸுத்³தி⁴॰ 2.510-512) தங்ஸங்வண்ணனாய (விஸுத்³தி⁴॰ மஹாடீ॰ 2.510) ச வுத்தனயேன வேதி³தப்³போ³.
சக்கு²ஞ்ச பஜானாதீதி எத்த² சக்கு² நாம பஸாத³சக்கு², ந ஸஸம்பா⁴ரசக்கு², நாபி தி³ப்³ப³சக்கு²ஆதி³கந்தி ஆஹ ‘‘சக்கு²பஸாத³’’ந்தி. யங் ஸந்தா⁴ய வுத்தங் ‘‘யங் சக்கு² சதுன்னங் மஹாபூ⁴தானங் உபாதா³ய பஸாதோ³’’தி (த⁴॰ ஸ॰ 596-599). ச-ஸத்³தோ³ வக்க²மானத்த²ஸமுச்சயத்தோ². யாதா²வஸரஸலக்க²ணவஸேனாதி அவிபரீதஸ்ஸ அத்தனோ ரஸஸ்ஸ சேவ லக்க²ணஸ்ஸ ச வஸேன, ரூபேஸு ஆவிஞ்ச²னகிச்சஸ்ஸ சேவ ரூபாபி⁴கா⁴தாரஹபூ⁴தபஸாத³லக்க²ணஸ்ஸ ச வஸேனாதி அத்தோ². ‘‘சக்கு²ஞ்ச படிச்ச ரூபே சா’’திஆதீ³ஸு (ம॰ நி॰ 1.204, 400; 3.421, 425-426; ஸங்॰ நி॰ 2.43-45; 4.54-55; கதா²॰ 465, 467) ஸமுதி³தானியேவ ரூபாயதனானி சக்கு²விஞ்ஞாணுப்பத்திஹேது, ந விஸுங் விஸுந்தி இமஸ்ஸ அத்த²ஸ்ஸ த³ஸ்ஸனத்த²ங் ‘‘ரூபே சா’’தி புது²வசனக்³க³ஹணங், தாய ஏவ ச தே³ஸனாக³தியா காமங் இதா⁴பி ‘‘ரூபே ச பஜானாதீ’’தி வுத்தங், ரூபபா⁴வஸாமஞ்ஞேன பன ஸப்³ப³ங் ஏகஜ்ஜ²ங் க³ஹெத்வா ‘‘ப³ஹித்³தா⁴ சதுஸமுட்டா²னிகரூபஞ்சா’’தி ஏகவசனவஸேன அத்தோ² வுத்தோ. ஸரஸலக்க²ணவஸேனாதி சக்கு²விஞ்ஞாணஸ்ஸ விஸயபா⁴வகிச்சஸ்ஸ சேவ சக்கு²படிஹனநலக்க²ணஸ்ஸ ச வஸேனாதி யோஜேதப்³ப³ங்.
உப⁴யங் படிச்சாதி சக்கு²ங் உபனிஸ்ஸயபச்சயவஸேன பச்சயபூ⁴தங், ரூபே ஆரம்மணாதி⁴பதிஆரம்மணூபனிஸ்ஸயவஸேன பச்சயபூ⁴தே ச படிச்ச. காமஞ்சாயங் ஸுத்தந்தஸங்வண்ணனா ‘‘காமராக³…பே॰… அவிஜ்ஜாஸங்யோஜன’’ந்தி ஆஹ. தத்த² காமேஸு ராகோ³, காமோ ச ஸோ ராகோ³ சாதி காமராகோ³, ஸோ ஏவ ப³ந்த⁴னட்டே²ன ஸங்யோஜனங். அயஞ்ஹி யஸ்ஸ ஸங்விஜ்ஜதி, தங் புக்³க³லங் வட்டஸ்மிங் ஸங்யோஜேதி ப³ந்த⁴தி, இதி து³க்கே²ன ஸத்தங், ப⁴வாதி³கே வா ப⁴வந்தராதீ³ஹி, கம்முனா வா விபாகங் ஸங்யோஜேதி ப³ந்த⁴தீதி ஸங்யோஜனங். ஏவங் படிக⁴ஸங்யோஜனாதீ³னம்பி யதா²ரஹங் அத்தோ² வத்தப்³போ³. ஸரஸலக்க²ணவஸேனாதி எத்த² பன ஸத்தஸ்ஸ வட்டதோ அனிஸ்ஸஜ்ஜனஸங்கா²தஸ்ஸ அத்தனோ கிச்சஸ்ஸ சேவ யதா²வுத்தப³ந்த⁴னஸங்கா²தஸ்ஸ லக்க²ணஸ்ஸ ச வஸேனாதி யோஜேதப்³ப³ங்.
ப⁴வஸ்ஸாத³-தி³ட்டி²ஸ்ஸாத³-நிவத்தனத்த²ங் காமஸ்ஸாத³க்³க³ஹணங். அஸ்ஸாத³யதோதி அபி⁴ரமந்தஸ்ஸ. அபி⁴னந்த³தோதி ஸப்ப்பீதிகதண்ஹாவஸேன நந்த³ந்தஸ்ஸ. பத³த்³வயேனபி ப³லவதோ காமராக³ஸ்ஸ பச்சயபூ⁴தா காமராகு³ப்பத்தி வுத்தா. ஏஸ நயோ ஸேஸேஸுபி. ஏதங் ஆரம்மணந்தி ஏதங் ஏவங்ஸுகு²மங் ஏவங்து³ப்³பி³பா⁴க³ங் ஆரம்மணங். நிச்சங் து⁴வந்தி ஏதங் நித³ஸ்ஸனமத்தங், ‘‘உச்சி²ஜ்ஜிஸ்ஸதி வினஸ்ஸிஸ்ஸதீதி க³ண்ஹதோ’’தி ஏவமாதீ³னம்பி ஸங்க³ஹோ இச்சி²தப்³போ³. ப⁴வங் பத்தெ²ந்தஸ்ஸாதி ‘‘ஈதி³ஸே ஸம்பத்திப⁴வே யஸ்மா அம்ஹாகங் இத³ங் இட்டா²ரம்மணங் ஸுலப⁴ங் ஜாதங், தஸ்மா ஆயதிம்பி ஸம்பத்திப⁴வோ ப⁴வெய்யா’’தி உஸூயதோதி உஸூயங் இஸ்ஸங் உப்பாத³யதோ. அஞ்ஞஸ்ஸ மச்ச²ராயதோதி அஞ்ஞேன அஸாதா⁴ரணபா⁴வகரணேன மச்ச²ரியங் கரோதோ. ஸப்³பே³ஹேவ யதா²வுத்தேஹி நவஹி ஸங்யோஜனேஹி.
தஞ்ச காரணந்தி ஸுப⁴னிமித்தபடிக⁴னிமித்தாதி³விபா⁴வங் இட்டா²னிட்டா²தி³ரூபாரம்மணஞ்சேவ தஜ்ஜாயோனிஸோமனஸிகாரஞ்சாதி தஸ்ஸ தஸ்ஸ ஸங்யோஜனஸ்ஸ காரணங். அவிக்க²ம்பி⁴தஅஸமூஹதபூ⁴மிலத்³து⁴ப்பன்னதங் ஸந்தா⁴ய ‘‘அப்பஹீனட்டே²ன உப்பன்னஸ்ஸா’’தி வுத்தங். வத்தமானுப்பன்னதா ஸமுதா³சாரக்³க³ஹணேனேவ க³ஹிதா. யேன காரணேனாதி யேன விபஸ்ஸனாஸமத²பா⁴வனாஸங்கா²தேன காரணேன. தஞ்ஹி தஸ்ஸ தத³ங்க³வஸேன சேவ விக்க²ம்ப⁴னவஸேன ச பஹானகாரணங். இஸ்ஸாமச்ச²ரியானங் அபாயக³மனீயதாய பட²மமக்³க³வஜ்ஜ²தா வுத்தா. யதி³ ஏவங் ‘‘திண்ணங் ஸங்யோஜனானங் பரிக்க²யா ஸோதாபன்னோ ஹோதீ’’தி (அ॰ நி॰ 4.241) ஸுத்தபத³ங் ஓளாரிகஸ்ஸாதி தூ²லஸ்ஸ, யதோ அபி⁴ண்ஹஸமுப்பத்திபரியுட்டா²னதிப்³ப³தாவ ஹோதி. அணுஸஹக³தஸ்ஸாதி வுத்தப்பகாரஓளாரிகாபா⁴வேன அணுபா⁴வங் ஸுகு²மபா⁴வங் க³தஸ்ஸ. உத்³த⁴ச்சஸங்யோஜனஸ்ஸபெத்த² அனுப்பாதோ³ வுத்தோயேவ யதா²வுத்தஸங்யோஜனேஹி அவினாபா⁴வதோ. ஸோதாதீ³னங் ஸபா⁴வஸரஸலக்க²ணவஸேன பஜானநா, தப்பச்சயானங் ஸங்யோஜனானங் உப்பாதா³தி³பஜானநா ச வுத்தனயேனேவ வேதி³தப்³பா³தி த³ஸ்ஸெந்தோ ‘‘ஏஸேவ நயோ’’தி அதிதி³ஸதி.
அத்தனோ வா த⁴ம்மேஸூதி அத்தனோ அஜ்ஜ²த்திகாயதனத⁴ம்மேஸு, அத்தனோ உப⁴யத⁴ம்மேஸு வா. இமஸ்மிங் பக்கே² அஜ்ஜ²த்திகாயதனபரிக்³க³ஹணேனாதி அஜ்ஜ²த்திகாயதனபரிக்³க³ண்ஹனமுகே²னாதி அத்தோ², ஏவஞ்ச அனவஸேஸதோ ஸபரஸந்தானேஸு ஆயதனானங் பரிக்³க³ஹோ ஸித்³தோ⁴ ஹோதி. பரஸ்ஸ வா த⁴ம்மேஸூதி எத்தா²பி ஏஸேவ நயோ. ரூபாயதனஸ்ஸாதி அட்³டே⁴காத³ஸபபே⁴த³ரூபஸபா⁴வஸ்ஸ ஆயதனஸ்ஸ. ரூபக்க²ந்தே⁴ வுத்தனயேன நீஹரிதப்³பா³தி ஆனெத்வா ஸம்ப³ந்தி⁴தப்³ப³ங். ஸேஸக²ந்தே⁴ஸூதி வேத³னாஸஞ்ஞாஸங்கா²ரக்க²ந்தே⁴ஸு. வுத்தனயேனாதி இமினா அதிதே³ஸேன ரூபக்க²ந்தே⁴ ஆஹாரஸமுத³யாதி, விஞ்ஞாணக்க²ந்தே⁴ நாமரூபஸமுத³யாதி, ஸேஸக்க²ந்தே⁴ஸு ப²ஸ்ஸஸமுத³யாதி இமங் விஸேஸங் விபா⁴வேதி, இதரங் பன ஸப்³ப³த்த² ஸமானந்தி. க²ந்த⁴பப்³பே³ விய ஆயதனபப்³பே³பி லோகுத்தரனிவத்தனங் பாளியங் க³ஹிதங் நத்தீ²தி ஆஹ ‘‘லோகுத்தரத⁴ம்மா ந க³ஹேதப்³பா³’’தி.
ஆயதனபப்³ப³வண்ணனா நிட்டி²தா.
பொ³ஜ்ஜ²ங்க³பப்³ப³வண்ணனா
118. பு³ஜ்ஜ²னகஸத்தஸ்ஸாதி அங்கே³ஸூதி காரணேஸு, அவயவேஸு வா. உத³யப்³ப³யஞாணுப்பாத³தோ பட்டா²ய ஸம்போ³தி⁴படிபதா³யங் டி²தோ நாம ஹோதீதி ஆஹ ‘‘ஆரத்³த⁴விபஸ்ஸகதோ பட்டா²ய யோகா³வசரோதி ஸம்போ³தீ⁴’’தி.
‘‘ஸதிஸம்பொ³ஜ்ஜ²ங்க³ட்டா²னீயா’’தி தந்தி யோனிஸோமனஸிகாரங். தத்தா²தி ஸதியங். நிப்பா²தே³தப்³பே³ சேதங் பு⁴ம்மங்.
ஸதி ச ஸம்பஜஞ்ஞஞ்ச ஸதிஸம்பஜஞ்ஞங் (தீ³॰ நி॰ டீ॰ 2.385; ஸங்॰ நி॰ டீ॰ 2.5.232; அ॰ நி॰ டீ॰ 1.1.418). அத² வா ஸதிபதா⁴னங் அபி⁴க்கந்தாதி³ஸாத்த²கபா⁴வபரிக்³க³ண்ஹனஞாணங் ஸதிஸம்பஜஞ்ஞங். தங் ஸப்³ப³த்த² ஸதோகாரிபா⁴வாவஹத்தா ஸதிஸம்பொ³ஜ்ஜ²ங்க³ஸ்ஸ உப்பாதா³ய ஹோதி. யதா² பச்சனீகத⁴ம்மானங் பஹானங் அனுரூபத⁴ம்மஸேவனா ச அனுப்பன்னானங் குஸலானங் த⁴ம்மானங் உப்பாதா³ய ஹோதி, ஏவங் ஸதிரஹிதபுக்³க³லவிவஜ்ஜ²னா, ஸதோகாரீபுக்³க³லஸேவனா, தத்த² ச யுத்தபயுத்ததா ஸதிஸம்பொ³ஜ்ஜ²ங்க³ஸ்ஸ உப்பாதா³ய ஹோதீதி இமமத்த²ங் த³ஸ்ஸேதி ‘‘ஸதிஸம்பஜஞ்ஞ’’ந்திஆதி³னா.
த⁴ம்மானங், த⁴ம்மேஸு வா விசயோ த⁴ம்மவிசயோ, ஸோ ஏவ ஸம்பொ³ஜ்ஜ²ங்கோ³, தஸ்ஸ த⁴ம்மவிசயஸம்பொ³ஜ்ஜ²ங்க³ஸ்ஸ. ‘‘குஸலாகுஸலா த⁴ம்மா’’திஆதீ³ஸு யங் வத்தப்³ப³ங், தங் ஹெட்டா² வுத்தமேவ. தத்த² யோனிஸோமனஸிகாரப³ஹுலீகாரோதி குஸலாதீ³ஸு தங்தங்ஸபா⁴வரஸலக்க²ணாதி³கஸ்ஸ யாதா²வதோ அவபு³ஜ்ஜ²னவஸேன உப்பன்னோ ஞாணஸம்பயுத்தசித்துப்பாதோ³. ஸோ ஹி அவிபரீதமனஸிகாரதாய ‘‘யோனிஸோமனஸிகாரோ’’தி வுத்தோ, ததா³போ⁴க³தாய ஆவஜ்ஜனாபி தக்³க³திகாவ, தஸ்ஸ அபி⁴ண்ஹபவத்தனங் ப³ஹுலீகாரோ. பி⁴ய்யோபா⁴வாயாதி புனப்புனபா⁴வாய. வேபுல்லாயாதி விபுலபா⁴வாய. பாரிபூரியாதி பரிப்³ரூஹனாய.
பரிபுச்ச²கதாதி பரியோகா³ஹெத்வா புச்ச²கபா⁴வோ. ஆசரியே பயிருபாஸித்வா பஞ்சபி நிகாயே ஸஹ அட்ட²கதா²ய பரியோகா³ஹெத்வா யங் யங் தத்த² க³ண்டி²ட்டா²னபூ⁴தங், தங் தங் ‘‘இத³ங் ப⁴ந்தே கத²ங், இமஸ்ஸ கோ அத்தோ²’’தி க²ந்தா⁴யதனாதி³அத்த²ங் புச்ச²ந்தஸ்ஸ த⁴ம்மவிசயஸம்பொ³ஜ்ஜ²ங்கோ³ உப்பஜ்ஜதி. தேனாஹ ‘‘க²ந்த⁴தா⁴து…பே॰… ப³ஹுலதா’’தி.
வத்து²விஸத³கிரியாதி ‘‘அஜ்ஜ²த்திகபா³ஹிரான’’ந்திஆதி³. உஸ்ஸன்னதோ³ஸந்தி வாதாதி³உஸ்ஸன்னதோ³ஸங். ஸேத³மலமக்கி²தந்தி ஸேதே³ன சேவ ஜல்லிகாஸங்கா²தேன ஸரீரமலேன ச-ஸத்³தே³ன அஞ்ஞம்பி ஸரீரஸ்ஸ பீளாவஹங் ஸங்க³ண்ஹாதி. ஸேனாஸனங் வாதி வா-ஸத்³தே³ன பத்தாதீ³னங் ஸங்க³ஹோ த³ட்ட²ப்³போ³. அவிஸதே³ ஸதி, விஸயபூ⁴தே வா. கத²ங் பா⁴வனமனுயுத்தஸ்ஸ தானி விஸயோ? அந்தரந்தரா பவத்தனகசித்துப்பாத³வஸேனேவங் வுத்தங். தே ஹி சித்துப்பாதா³ சித்தேகக்³க³தாய அபரிஸுத்³த⁴பா⁴வாய ஸங்வத்தந்தி. சித்தசேதஸிகேஸு நிஸ்ஸயாதி³பச்சயபூ⁴தேஸு. ஞாணம்பீதி பி-ஸத்³தோ³ ஸம்பிண்ட³னத்தோ². தேன ந கேவலங் தங் வத்து²யேவ, அத² கோ² தஸ்மிங் அபரிஸுத்³தே⁴ ஞாணம்பி அபரிஸுத்³த⁴ங் ஹோதீதி நிஸ்ஸயாபரிஸுத்³தி⁴யா தங்னிஸ்ஸிதாபரிஸுத்³தி⁴ விய விஸயஸ்ஸ அபரிஸுத்³த⁴தாய விஸயீனங் அபரிஸுத்³தி⁴ங் த³ஸ்ஸேதி.
ஸமபா⁴வகரணந்தி கிச்சதோ அனூனாதி⁴கபா⁴வகரணங். யதா²பச்சயங் ஸத்³தெ⁴ய்யவத்து²ஸ்மிங் அதி⁴மொக்க²கிச்சஸ்ஸ படுதரபா⁴வேன பஞ்ஞாய அவிஸத³தாய வீரியாதீ³னஞ்ச ஸிதி²லதாதி³னா ஸத்³தி⁴ந்த்³ரியங் ப³லவங் ஹோதி. தேனாஹ ‘‘இதரானி மந்தா³னீ’’தி. ததோதி தஸ்மா ஸத்³தி⁴ந்த்³ரியஸ்ஸ ப³லவபா⁴வதோ இதரேஸஞ்ச மந்த³த்தா. கோஸஜ்ஜபக்கே² பதிதுங் அத³த்வா ஸம்பயுத்தத⁴ம்மானங் பக்³க³ண்ஹனங் அனுப³லப்பதா³னங் பக்³க³ஹோ, பக்³க³ஹோவ கிச்சங் பக்³க³ஹகிச்சங். ‘‘காதுங் ந ஸக்கோதீ’’தி ஆனெத்வா ஸம்ப³ந்தி⁴தப்³ப³ங். ஆரம்மணங் உபக³ந்த்வா டா²னங், அனிஸ்ஸஜ்ஜனங் வா உபட்டா²னங். விக்கே²பபடிபக்கோ², யேன வா ஸம்பயுத்தா அவிக்கி²த்தா ஹொந்தி, ஸோ அவிக்கே²போ. ரூபக³தங் விய சக்கு²னா யேன யாதா²வதோ விஸயஸபா⁴வங் பஸ்ஸதி, தங் த³ஸ்ஸனகிச்சங் காதுங் ந ஸக்கோதி ப³லவதா ஸத்³தி⁴ந்த்³ரியேன அபி⁴பூ⁴தத்தா. ஸஹஜாதத⁴ம்மேஸு இந்த³ட்ட²ங் காரெந்தானங் ஸஹபவத்தமானானங் த⁴ம்மானங் ஏகரஸதாவஸேனேவ அத்த²ஸித்³தி⁴, ந அஞ்ஞதா².
தஸ்மாதி வுத்தமேவத்த²ங் காரணபா⁴வேன பச்சாமஸதி. தந்தி ஸத்³தி⁴ந்த்³ரியங். த⁴ம்மஸபா⁴வபச்சவெக்க²ணேனாதி யஸ்ஸ ஸத்³தெ⁴ய்யவத்து²னோ உளாரதாதி³கு³ணே அதி⁴முச்சனஸ்ஸ ஸாதிஸயப்பவத்தியா ஸத்³தி⁴ந்த்³ரியங் ப³லவங் ஜாதங், தஸ்ஸ பச்சயபச்சயுப்பன்னதாதி³விபா⁴க³தோ யாதா²வதோ வீமங்ஸனேன. ஏவஞ்ஹி ஏவங்த⁴ம்மதானயேன ஸபா⁴வஸரஸதோ பரிக்³க³ய்ஹமானே ஸவிப்பா²ரோ அதி⁴மொக்கோ² ந ஹோதி ‘‘அயங் இமேஸங் த⁴ம்மானங் ஸபா⁴வோ’’தி பரிஜானநவஸேன பஞ்ஞாப்³யாபாரஸ்ஸ ஸாதிஸயத்தா. து⁴ரியத⁴ம்மேஸு ஹி யதா² ஸத்³தா⁴ய ப³லவபா⁴வே பஞ்ஞாய மந்த³பா⁴வோ ஹோதி, ஏவங் பஞ்ஞாய ப³லவபா⁴வே ஸத்³தா⁴ய மந்த³பா⁴வோ ஹோதி. தேன வுத்தங் ‘‘தங் த⁴ம்மஸபா⁴வபச்சவெக்க²ணேன…பே॰… ஹாபேதப்³ப³’’ந்தி. ததா² அமனஸிகாரேனாதி யேனாகாரேன பா⁴வனமனுயுஞ்ஜந்தஸ்ஸ ஸத்³தி⁴ந்த்³ரியங் ப³லவங்
வக்கலித்தே²ரவத்தூ²தி ஸோ ஹி ஆயஸ்மா ஸத்³தா⁴தி⁴முத்தாய கதாதி⁴காரோ ஸத்து² ரூபகாயத³ஸ்ஸனபஸுதோ ஏவ ஹுத்வா விஹரந்தோ ஸத்தா²ரா ‘‘கிங் தே, வக்கலி, இமினா பூதிகாயேன தி³ட்டே²ன, யோ கோ², வக்கலி, த⁴ம்மங் பஸ்ஸதி, ஸோ மங் பஸ்ஸதீ’’திஆதி³னா (ஸங்॰ நி॰ 3.87) ஓவதி³த்வா கம்மட்டா²னே நியோஜிதோபி தங் அனநுயுஞ்ஜந்தோ பணாமிதோ அத்தானங் வினிபாதேதுங் பபாதட்டா²னங் அபி⁴ருஹி. அத² நங் ஸத்தா² யதா²னிஸின்னோவ ஓபா⁴ஸகி³ஸ்ஸஜ்ஜனேன அத்தா²னங் த³ஸ்ஸெத்வா –
‘‘பாமோஜ்ஜப³ஹுலோ பி⁴க்கு², பஸன்னோ பு³த்³த⁴ஸாஸனே;
அதி⁴க³ச்சே² பத³ங் ஸந்தங், ஸங்கா²ரூபஸமங் ஸுக²’’ந்தி. (த⁴॰ ப॰ 381);
கா³த²ங் வத்வா ‘‘ஏஹிவக்கலீ’’தி ஆஹ. ஸோ தேன அமதேனேவ அபி⁴ஸித்தோ ஹட்ட²துட்டோ² ஹுத்வா விபஸ்ஸனங் பட்ட²பேஸி, ஸத்³தா⁴ய பன ப³லவபா⁴வதோ விபஸ்ஸனாவீதி²ங் ந ஓதரதி. தங் ஞத்வா ப⁴க³வா தஸ்ஸ இந்த்³ரியஸமத்தபடிபாத³னாய கம்மட்டா²னங் ஸோதெ⁴த்வா அதா³ஸி. ஸோ ஸத்தா²ரா தி³ன்னநயேன விபஸ்ஸனங் உஸ்ஸுக்காபெத்வா மக்³க³படிபாடியா அரஹத்தங் பாபுணி. தேன வுத்தங் ‘‘வக்கலித்தே²ரவத்து² செத்த² நித³ஸ்ஸன’’ந்தி.
இதரகிச்சபே⁴த³ந்தி உபட்டா²னாதி³கிச்சவிஸேஸங். பஸ்ஸத்³தா⁴தீ³தி ஆதி³-ஸத்³தே³ன ஸமாதி⁴உபெக்கா²ஸம்பொ³ஜ்ஜ²ங்கா³னங் ஸங்க³ஹோ. ஹாபேதப்³ப³ந்தி யதா² ஸத்³தி⁴ந்த்³ரியஸ்ஸ ப³லவபா⁴வோ த⁴ம்மஸபா⁴வபச்சவெக்க²ணேன ஹாயதி, ஏவங் வீரியிந்த்³ரியஸ்ஸ அதி⁴மத்ததா பஸ்ஸத்³தி⁴ஆதி³பா⁴வனாய ஹாயதி ஸமாதி⁴பக்கி²யத்தா தஸ்ஸா. ததா²ஹி ஸா ஸமாதி⁴ந்த்³ரியஸ்ஸ அதி⁴மத்ததங் கோஸஜ்ஜபாததோ ரக்க²ந்தீ வீரியாதி³பா⁴வனா விய வீரியிந்த்³ரியஸ்ஸ அதி⁴மத்ததங் உத்³த⁴ச்சபாததோ ரக்க²ந்தீ ஏகங்ஸதோ ‘‘பஸ்ஸத்³தா⁴தி³பா⁴வனாய ஹாபேதப்³ப³’’ந்தி. ஸோணத்தே²ரஸ்ஸ வத்தூ²தி ஸுகு²மாலஸோணத்தே²ரஸ்ஸ ‘‘ஸோணத்தே²ரஸ்ஸ வத்து² த³ஸ்ஸேதப்³ப³’’ந்தி. ஸேஸேஸுபீதி ஸதிஸமாதி⁴பஞ்ஞிந்த்³ரியேஸுபி.
ஸமதந்தி ஸத்³தா⁴பஞ்ஞானங் அஞ்ஞமஞ்ஞங் அனூனானதி⁴கபா⁴வங், ததா² ஸமாதி⁴வீரியானங். யதா² ஹி ஸத்³தா⁴பஞ்ஞானங் விஸுங் விஸுங் து⁴ரியத⁴ம்மபூ⁴தானங் கிச்சதோ அஞ்ஞமஞ்ஞானாதிவத்தனங் விஸேஸதோ இச்சி²தப்³ப³ங், யதோ நேஸங் ஸமது⁴ரதாய அப்பனா ஸம்பஜ்ஜதி, ஏவங் ஸமாதி⁴வீரியானங் கோஸஜ்ஜுத்³த⁴ச்சபக்கி²கானங் ஸமரஸதாய ஸதி அஞ்ஞமஞ்ஞூபத்த²ம்ப⁴னதோ ஸம்பயுத்தத⁴ம்மானங் அந்தத்³வயபாதாபா⁴வேன ஸம்மதே³வ அப்பனா இஜ்ஜ²தீதி. ப³லவஸத்³தோ⁴திஆதி³ வுத்தஸ்ஸேவத்த²ஸ்ஸ ப்³யதிரேகமுகே²ன ஸமத்த²னங். தஸ்ஸத்தோ² – யோ ப³லவதியா ஸத்³தா⁴ய ஸமன்னாக³தோ அவிஸத³ஞாணோ, ஸோ முதா⁴பஸன்னோ ஹோதி, ந அவேச்சப்பஸன்னோ. ததா² ஹி ஸோ அவத்து²ஸ்மிங் பஸீத³தி ஸெய்யதா²பி தித்தி²யஸாவகா. கேராடிகபக்க²ந்தி ஸாடெ²ய்யபக்க²ங் ப⁴ஜதி. ஸத்³தா⁴ஹீனாய பஞ்ஞாய அதிதா⁴வந்தோ ‘‘தெ³ய்யவத்து²பரிச்சாகே³ன வினா சித்துப்பாத³மத்தேனபி தா³னமயங் புஞ்ஞங் ஹோதீ’’திஆதீ³னி பரிகப்பேதி ஹேதுபதிரூபகேஹி வஞ்சிதோ, ஏவங்பூ⁴தோ ச ஸுக்க²தக்கவிலுத்தசித்தோ பண்டி³தானங் வசனங் நாதி³யதி, ஸஞ்ஞத்திங் ந க³ச்ச²தி. தேனாஹ ‘‘பே⁴ஸஜ்ஜஸமுட்டி²தோ விய ரோகோ³ அதேகிச்சோ² ஹோதீ’’தி. யதா² செத்த² ஸத்³தா⁴பஞ்ஞானங் அஞ்ஞமஞ்ஞங் ஸமபா⁴வோ அத்தா²வஹோ, அனத்தா²வஹோ விஸமபா⁴வோ, ஏவங் ஸமாதி⁴வீரியானங் அஞ்ஞமஞ்ஞங் அவிக்கே²பாவஹோ ஸமபா⁴வோ, இதரோ விக்கே²பாவஹோ சாதி. கோஸஜ்ஜங் அதி⁴ப⁴வதி, தேன அப்பனங் ந பாபுணாதீதி அதி⁴ப்பாயோ உத்³த⁴ச்சங் அதி⁴ப⁴வதீதி எத்தா²பி ஏஸேவ நயோ. தது³ப⁴யந்தி ஸத்³தா⁴பஞ்ஞாத்³வயங் ஸமாதி⁴வீரியத்³வயஞ்ச. ஸமங் காதப்³ப³ந்தி ஸமரஸங் காதப்³ப³ங்.
ஸமாதி⁴கம்மிகஸ்ஸாதி ஸமத²கம்மட்டா²னிகஸ்ஸ. ஏவந்தி ஏவங் ஸந்தே, ஸத்³தா⁴ய தோ²கங் ப³லவபா⁴வே ஸதீதி அத்தோ². ஸத்³த³ஹந்தோதி ‘‘பத²வீதி மனஸிகாரமத்தேன கத²ங் ஜா²னுப்பத்தீ’’தி அசிந்தெத்வா ‘‘அத்³தா⁴ ஸம்மாஸம்பு³த்³தே⁴ன வுத்தவிதி⁴ இஜ்ஜி²ஸ்ஸதீ’’தி ஸத்³த³ஹந்தோ ஸத்³த⁴ங் ஜனெந்தோ. ஓகப்பெந்தோதி ஆரம்மணங் அனுபவிஸித்வா விய அதி⁴முச்சனவஸேன அவகப்பெந்தோ பக்க²ந்த³ந்தோ. ஏகக்³க³தா ப³லவதீ வட்டதி ஸமாதி⁴ப்பதா⁴னத்தா ஜா²னஸ்ஸ. உபி⁴ன்னந்தி ஸமாதி⁴பஞ்ஞானங். ஸமாதி⁴கம்மிகஸ்ஸ ஸமாதி⁴னோ அதி⁴மத்ததாய ‘‘ஸமதாயபீ’’தி, ஸமபா⁴வேனபீதி அத்தோ². அப்பனாதி லோகியஅப்பனா. ததா² ஹி ‘‘ஹோதியேவா’’தி ஸாஸங்கங் வத³தி. லோகுத்தரப்பனா பன தேஸங் ஸமபா⁴வேனேவ இச்சி²தா. யதா²ஹ ‘‘ஸமத²விபஸ்ஸனங் யுக³னத்³த⁴ங் பா⁴வேதீ’’தி (அ॰ நி॰ 4.17; படி॰ ம॰ 2.5). யதி³ விஸேஸதோ ஸத்³தா⁴பஞ்ஞானங் ஸமாதி⁴வீரியானஞ்ச ஸமதா இச்சி²தா, கத²ங் ஸதீதி ஆஹ ‘‘ஸதி பன ஸப்³ப³த்த² ப³லவதீ வட்டதீ’’தி. ஸப்³ப³த்தா²தி லீனுத்³த⁴ச்சபக்கி²கேஸு பஞ்சஸு இந்த்³ரியேஸு. உத்³த⁴ச்சபக்கி²கேகதே³ஸே க³ண்ஹந்தோ ‘‘ஸத்³தா⁴வீரியபஞ்ஞான’’ந்தி ஆஹ. அஞ்ஞதா² பீதி ச க³ஹேதப்³பா³ ஸியா. ததா² ஹி ‘‘கோஸஜ்ஜபக்கி²கேன ஸமாதி⁴னா’’இச்சேவ வுத்தங், ந ‘‘பஸ்ஸத்³தி⁴ஸமாதி⁴உபெக்கா²ஹீ’’தி. ஸாதி ஸதி. ஸப்³பே³ஸு ராஜகம்மேஸு நியுத்தோ ஸப்³ப³கம்மிகோ. தேனாதி தேனா ஸப்³ப³த்த² இச்சி²தப்³ப³த்தே²ன காரணேன. ஆஹ அட்ட²கதா²யங். ஸப்³ப³த்த² நியுத்தா ஸப்³ப³த்தி²கா, ஸப்³பே³ன வா லீனுத்³த⁴ச்சபக்கி²யேன பொ³ஜ்ஜ²ங்கே³ன அத்தே²தப்³பா³ ஸப்³ப³த்தி²யா, ஸப்³ப³த்தி²யாவ ஸப்³ப³த்தி²கா. சித்தந்தி குஸலசித்தங். தஸ்ஸ ஹி ஸதி படிஸரணங் பராயணங் அப்பத்தஸ்ஸ பத்தியா அனதி⁴க³தஸ்ஸ அதி⁴க³மாய. தேனாஹ ‘‘ஆரக்க²பச்சுபட்டா²னா’’திஆதி³.
க²ந்தா⁴தி³பே⁴தே³ அனோகா³ள்ஹபஞ்ஞானந்தி பரியத்திபா³ஹுஸச்சவஸேனபி க²ந்தா⁴யதனாதீ³ஸு அப்பதிட்டி²தபு³த்³தீ⁴னங். ப³ஹுஸ்ஸுதஸேவனா ஹி ஸுதமயஞாணாவஹா. தருணவிபஸ்ஸனாஸமங்கீ³பி பா⁴வனாமயஞாணே டி²தத்தா ஏகங்ஸதோ பஞ்ஞவா ஏவ ‘‘ஸமபஞ்ஞாஸ…பே॰… புக்³க³லஸேவனா’’தி. ஞெய்யத⁴ம்மஸ்ஸ க³ம்பீ⁴ரபா⁴வவஸேன தப்பரிச்சே²த³கஞாணஸ்ஸ க³ம்பீ⁴ரபா⁴வக்³க³ஹணந்தி ஆஹ ‘‘க³ம்பீ⁴ரேஸு க²ந்தா⁴தீ³ஸு பவத்தாய க³ம்பீ⁴ரபஞ்ஞாயா’’தி. தஞ்ஹி ஞெய்யங் தாதி³ஸாய பஞ்ஞாய சரிதப்³ப³தோ க³ம்பீ⁴ரஞாணசரியங், தஸ்ஸா வா பஞ்ஞாய தத்த² பபே⁴த³தோ பவத்தி க³ம்பீ⁴ரஞாணசரியா, தஸ்ஸா பச்சவெக்க²ணாதி ஆஹ ‘‘க³ம்பீ⁴ரபஞ்ஞாய பபே⁴த³பச்சவெக்க²ணா’’தி. யதா² ஸதிவேபுல்லப்பத்தோ நாம அரஹா ஏவ, ஏவங் ஸோ ஏவ பஞ்ஞாவேபுல்லப்பத்தோபீதி ஆஹ ‘‘அரஹத்தமக்³கே³ன பா⁴வனாபாரிபூரீ ஹோதீ’’தி. வீரியாதீ³ஸுபி ஏஸேவ நயோ.
‘‘தத்தங் அயோகி²லங் ஹத்தே² க³மெந்தீ’’திஆதி³னா (ம॰ நி॰ 3.250, 267; அ॰ நி॰ 3.36) பஞ்சவித⁴ப³ந்த⁴னகம்மகாரணங் நிரயே நிப்³ப³த்தஸத்தஸ்ஸ யேபு⁴ய்யேன ஸப்³ப³பட²மங் கரொந்தீதி தே³வதூ³தஸுத்தாதீ³ஸு தஸ்ஸா ஆதி³தோ வுத்தத்தா ச ஆஹ ‘‘பஞ்சவித⁴ப³ந்த⁴னகம்மகாரணதோ பட்டா²யா’’தி. ஸகடவாஹனாதி³காலேதி ஆதி³-ஸத்³தே³ன தத³ஞ்ஞங் மனுஸ்ஸேஹி திரச்சா²னேஹி ச விபா³தி⁴யமானகாலங் ஸங்க³ண்ஹாதி. ஏகங் பு³த்³த⁴ந்தரந்தி இத³ங் அபராபரங் பேதேஸுயேவ உப்பஜ்ஜனகஸத்தவஸேன வுத்தங், ஏகச்சானங் வா
ஏவங் ஆனிஸங்ஸத³ஸ்ஸாவினோதி வீரியாயத்தோ ஏவ ஸப்³போ³ லோகுத்தரோ லோகியோ ச விஸேஸாதி⁴க³மோதி ஏவங் வீரியே ஆனிஸங்ஸத³ஸ்ஸனஸீலஸ்ஸ. க³மனவீதி²ந்தி ஸபுப்³ப³பா⁴க³ங் நிப்³பா³னகா³மினிங் அரியமக்³க³படிபத³ங். ஸா ஹி பி⁴க்கு²னோ வட்டனிஸ்ஸரணாய க³ந்தப்³பா³ படிபஜ்ஜிதப்³பா³ படிபதா³தி கத்வா க³மனவீதி² நாம. காயத³ள்ஹீப³ஹுலோதி யதா² ததா² காயஸ்ஸ த³ள்ஹீகம்மபஸுதோ. பிண்ட³ந்தி ரட்ட²பிண்ட³ங். பச்சயதா³யகானங் அத்தனி காரஸ்ஸ அத்தனோ ஸம்மாபடிபத்தியா மஹப்ப²லபா⁴வஸ்ஸ கரணேன பிண்ட³ஸ்ஸ பி⁴க்கா²ய படிபூஜனா பிண்டா³பசாயனங்.
நீஹரந்தோதி பத்தத்த²விகதோ நீஹரந்தோ. தங் ஸத்³த³ங் ஸுத்வாதி தங் உபாஸிகாய வசனங் பண்ணஸாலத்³வாரே டி²தோவ பஞ்சாபி⁴ஞ்ஞதாய தி³ப்³ப³ஸோதேன ஸுத்வா. மனுஸ்ஸஸம்பத்தி தி³ப்³ப³ஸம்பத்தி அந்தே நிப்³பா³னஸம்பத்தீதி திஸ்ஸோ ஸம்பத்தியோ தா³துங் ஸக்கி²ஸ்ஸஸீதி ‘‘தயி கதேன தா³னமயேன வெய்யாவச்சமயேன ச புஞ்ஞகம்மேன கெ²த்தவிஸேஸபா⁴வூபக³மனேன அபராபரங் தே³வமனுஸ்ஸஸம்பத்தியோ அந்தே நிப்³பா³னஸம்பத்திஞ்ச தா³துங் ஸக்கி²ஸ்ஸஸீ’’தி தே²ரோ அத்தானங் புச்ச²தி. ஸிதங் கரொந்தோவாதி ‘‘அகிச்சே²னேவ மயா வட்டது³க்க²ங் ஸமதிக்கந்த’’ந்தி பச்சவெக்க²ணாவஸானே ஸஞ்ஜாதபாமோஜ்ஜவஸேன ஸிதங் கரொந்தோ ஏவ.
விப்படிபன்னந்தி ஜாதித⁴ம்மகுலத⁴ம்மாதி³லங்க⁴னேன அஸம்மாபடிபன்னங். ஏவங் யதா² அஸம்மாபடிபன்னோ புத்தோ தாய ஏவ அஸம்மாபடிபத்தியா குலஸந்தானதோ பா³ஹிரோ ஹுத்வா பிது ஸந்திகா தா³யஜ்ஜஸ்ஸ ந பா⁴கீ³, ஏவங் குஸீதோபி தேனேவ குஸீதபா⁴வேன அஸம்மாபடிபன்னோ ஸத்து² ஸந்திகா லத்³த⁴ப்³ப³அரியத⁴னதா³யஜ்ஜஸ்ஸ ந பா⁴கீ³. ஆரத்³த⁴வீரியோவ லப⁴தி ஸம்மாபடிபஜ்ஜனதோ. உப்பஜ்ஜதி வீரியஸம்பொ³ஜ்ஜ²ங்கோ³தி யோஜனா. ஏவங் ஸப்³ப³த்த².
மஹாதி ஸீலாதீ³ஹி கு³ணேஹி மஹந்தோ விபுலோ அனஞ்ஞஸாதா⁴ரணோ. தங் பனஸ்ஸ கு³ணமஹத்தங் த³ஸஸஹஸ்ஸிலோகதா⁴துகம்பனேன லோகே பாகடந்தி த³ஸ்ஸெந்தோ ‘‘ஸத்து²னோ ஹீ’’திஆதி³மாஹ.
யஸ்மா ஸத்து²ஸாஸனே பப்³ப³ஜிதஸ்ஸ பப்³ப³ஜ்ஜுபக³மேன ஸக்யபுத்தியபா⁴வோ ஸம்பஜாயதி, தஸ்மா பு³த்³த⁴புத்தபா⁴வங் த³ஸ்ஸெந்தோ ‘‘அஸம்பி⁴ன்னாயா’’திஆதி³மாஹ.
அலஸானங் குஸீதபுக்³க³லபரிவஜ்ஜனா. ‘‘தி³வஸங் சங்கமேன நிஸஜ்ஜாயா’’திஆதி³னா (ம॰ நி॰ 1.423; 3.75; ஸங்॰ நி॰ 4.120; அ॰ நி॰ 3.16; விப⁴॰ 519; மஹானி॰ 161) பா⁴வனாரம்ப⁴வஸேன ஆரத்³த⁴வீரியானங் த³ள்ஹபரக்கமானங் காலேன காலங் உபஸங்கமனா ஆரத்³த⁴வீரியபுக்³க³லஸேவனா. தேனாஹ – ‘‘குச்சி²ங் பூரெத்வா’’திஆதி³. விஸுத்³தி⁴மக்³கே³ பன ஜாதிமஹத்தபச்சவெக்க²ணா ஸப்³ரஹ்மசாரிமஹத்தபச்சவெக்க²ணாதி இத³ங் த்³வயங் ந க³ஹிதங், தி²னமித்³த⁴வினோத³னதா ஸம்மப்பதா⁴னபச்சவெக்க²ணதாதி இத³ங் த்³வயங் க³ஹிதங். தத்த² ஆனிஸங்ஸத³ஸ்ஸாவிதாய ஏவ ஸம்மப்பதா⁴னபச்சவெக்க²ணா க³ஹிதா ஹோதி லோகியலோகுத்தரவிஸேஸாதி⁴க³மஸ்ஸ வீரியாயத்ததாத³ஸ்ஸனபா⁴வதோ. தி²னமித்³த⁴வினோத³னங்
புரிமுப்பன்னா பீதி பரதோ உப்பஜ்ஜனகபீதியா காரணபா⁴வதோ ‘‘பீதியேவ பீதிஸம்பொ³ஜ்ஜ²ங்க³ட்டா²னீயா த⁴ம்மா’’தி வுத்தா, தஸ்ஸா பன ப³ஹுஸோ பவத்தியா புது²த்தங் உபாதா³ய ப³ஹுவசனநித்³தே³ஸோ, யதா² ஸா உப்பஜ்ஜதி, ஏவங் படிபத்தி, தஸ்ஸா உப்பாத³கமனஸிகாரோ.
பு³த்³தா⁴னுஸ்ஸதியா உபசாரஸமாதி⁴னிட்ட²த்தா வுத்தங் ‘‘யாவ உபசாரா’’தி. ஸகலஸரீரங் ப²ரமானோதி பீதிஸமுட்டா²னேஹி பணீதரூபேஹி ஸகலஸரீரங் ப²ரமானோ. த⁴ம்மகு³ணே அனுஸ்ஸரந்தஸ்ஸபி யாவ உபசாரா ஸகலஸரீரங் ப²ரமானோ பீதிஸம்பொ³ஜ்ஜ²ங்கோ³ உப்பஜ்ஜதீதி. ஏவங் ஸேஸஅனுஸ்ஸதீஸு பஸாத³னீயஸுத்தந்தபச்சவெக்க²ணாயஞ்ச யோஜேதப்³ப³ங் தஸ்ஸாபி விமுத்தாயதனபா⁴வேன தக்³க³திகத்தா. ஸமாபத்தியா…பே॰… ஸமுதா³சரந்தீதி இத³ஞ்ச உபஸமானுஸ்ஸதித³ஸ்ஸனங். ஸங்கா²ரானஞ்ஹி ஸப்பதே³ஸவூபஸமேபி நிப்பதே³ஸவூபஸமே விய ததா² பஞ்ஞாய பவத்திதோ பா⁴வனாமனஸிகாரோ கிலேஸவிக்க²ம்ப⁴னஸமத்தோ² ஹுத்வா உபசாரஸமாதி⁴ங் ஆவஹந்தோ ததா²ரூபபீதிஸோமனஸ்ஸஸமன்னாக³தோ பீதிஸம்பொ³ஜ்ஜ²ங்க³ஸ்ஸ உப்பாதா³ய ஹோதீதி. பஸாத³னீயேஸு டா²னேஸு பஸாத³ஸினேஹாபா⁴வேன து²ஸஸமஹத³யதா லூக²தா, ஸா தத்த² ஆத³ரகா³ரவாகரணேன விஞ்ஞாயதீதி ஆஹ ‘‘அஸக்கச்சகிரியாய ஸங்ஸூசிதலூக²பா⁴வே’’தி.
காயசித்தத³ரத²வூபஸமலக்க²ணா பஸ்ஸத்³தி⁴ஸம்பொ³ஜ்ஜ²ங்க³ஸ்ஸ.
பணீதபோ⁴ஜனஸேவனதாதி பணீதஸப்பாயபோ⁴ஜனஸேவனதா. உதுஇரியாபத²ஸுக²க்³க³ஹணேன ஸப்பாயஉதுஇரியாபத²க்³க³ஹணங் த³ட்ட²ப்³ப³ங். தஞ்ஹி திவித⁴ங் ஸப்பாயங் ஸேவியமானங் காயஸ்ஸ கல்லதாபாத³னவஸேன சித்தஸ்ஸ கல்லதங் மஜ்ஜ²த்தபயோக³தா. அயஞ்ஹி பஹாய ஸாரத்³த⁴காயதங் பஸ்ஸத்³த⁴காயதாய காரணங் ஹொந்தீ பஸ்ஸத்³தி⁴த்³வயங் ஆவஹதி, ஏதேனேவ ஸாரத்³த⁴காயபுக்³க³லபரிவஜ்ஜனபஸ்ஸத்³த⁴காயபுக்³க³லவஸேனானங் ததா³வஹனதா ஸங்வண்ணிதாதி த³ட்ட²ப்³ப³ங்.
யதா²ஸமாஹிதாகாரஸல்லக்க²ணவஸேன க³ய்ஹமானோ புரிமுப்பன்னோ ஸமதோ² ஏவ ஸமத²னிமித்தங். நானாரம்மணே பரிப்³ப⁴மனேன விவித⁴ங் அக்³க³ங் ஏதஸ்ஸாதி ப்³யக்³கோ³, விக்கே²போ. ததா² ஹி ஸோ அனவட்டா²னரஸோ ப⁴ந்ததாபச்சுபட்டா²னோ ச வுத்தோ. ஏகக்³க³தாபா⁴வதோ ப்³யக்³க³படிபக்கோ²தி அப்³யக்³கோ³, ஸமாதி⁴. ஸோ ஏவ நிமித்தந்தி புப்³பே³ விய வத்தப்³ப³ங். தேனாஹ ‘‘அவிக்கே²பட்டே²ன ச அப்³யக்³க³னிமித்த’’ந்தி.
வத்து²விஸத³கிரியா இந்த்³ரியஸமத்தபடிபாத³னா ச பஞ்ஞாவஹா வுத்தா, ஸமாதா⁴னாவஹாபி தா ஹொந்தி ஸமாதா⁴னாவஹபா⁴வேனேவ பஞ்ஞாவஹபா⁴வதோதி வுத்தங் ‘‘வத்து²விஸத³…பே॰… வேதி³தப்³பா³’’தி.
கரணபா⁴வனாகோஸல்லானங் அவினாபா⁴வதோ, ரக்க²ணகோஸல்லஸ்ஸ ச தம்மூலகத்தா ‘‘நிமித்தகுஸலதா நாம கஸிணனிமித்தஸ்ஸ உக்³க³ஹணகுஸலதா’’இச்சேவ வுத்தங். கஸிணனிமித்தஸ்ஸாதி ச நித³ஸ்ஸனமத்தங் த³ட்ட²ப்³ப³ங். அஸுப⁴னிமித்தஸ்ஸாதி³கஸ்ஸபி ஹி யஸ்ஸ கஸ்ஸசி ஜா²னுப்பத்தினிமித்தஸ்ஸ உக்³க³ஹணகோஸல்லங் நிமித்தகுஸலதா ஏவாதி.
அதிஸிதி²லவீரியதாதீ³ஹீதி ஆதி³-ஸத்³தே³ன பஞ்ஞாபயோக³மந்த³தங் பமோத³வேகல்லஞ்ச ஸங்க³ண்ஹாதி. தஸ்ஸ பக்³க³ஹணந்தி தஸ்ஸ லீனஸ்ஸ சித்தஸ்ஸ த⁴ம்மவிசயஸம்பொ³ஜ்ஜ²ங்கா³தி³ஸமுட்டா²பனேன லயாபத்திதோ ஸமுத்³த⁴ரணங். வுத்தஞ்ஹேதங் ப⁴க³வதா –
‘‘யஸ்மிஞ்ச
எத்த² ச யதா²ஸகங் ஆஹாரவஸேன த⁴ம்மவிசயஸம்பொ³ஜ்ஜ²ங்கா³தீ³னங் பா⁴வனா ஸமுட்டா²பனாதி வேதி³தப்³ப³ங், ஸா அனந்தரங் விபா⁴விதா ஏவ.
அச்சாரத்³த⁴வீரியதாதீ³ஹீதி ஆதி³-ஸத்³தே³ன பஞ்ஞாபயோக³ப³லவதங் பமோது³ப்பிலாவனஞ்ச ஸங்க³ண்ஹாதி. தஸ்ஸ நிக்³க³ஹணந்தி தஸ்ஸ உத்³த⁴தசித்தஸ்ஸ ஸமாதி⁴ஸம்பொ³ஜ்ஜ²ங்கா³தி³ஸமுட்டா²பனேன உத்³த⁴தாபத்திதோ நிஸேத⁴னங். வுத்தம்பி சேதங் ப⁴க³வதா –
‘‘யஸ்மிஞ்ச கோ², பி⁴க்க²வே, ஸமயே உத்³த⁴தங் சித்தங் ஹோதி, காலோ தஸ்மிங் ஸமயே பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பா⁴வனாய, காலோ ஸமாதி⁴ஸம்பொ³ஜ்ஜ²ங்க³ஸ்ஸ பா⁴வனாய, காலோ உபெக்கா²ஸம்பொ³ஜ்ஜ²ங்க³ஸ்ஸ பா⁴வனாய. தங் கிஸ்ஸ ஹேது? உத்³த⁴தங், பி⁴க்க²வே, சித்தங், தங் ஏதேஹி த⁴ம்மேஹி ஸுவூபஸமயங் ஹோதி. ஸெய்யதா²பி, பி⁴க்க²வே, புரிஸோ மஹந்தங் அக்³கி³க்க²ந்த⁴ங் நிப்³பா³பேதுகாமோ அஸ்ஸ, ஸோ தத்த² அல்லானி சேவ திணானி…பே॰… பங்ஸுகேன ச ஓகிரெய்ய, ப⁴ப்³போ³ நு கோ² ஸோ புரிஸோ மஹந்தங் அக்³கி³க்க²ந்த⁴ங் நிப்³பா³பேதுந்தி? ஏவங் ப⁴ந்தே’’தி (ஸங்॰ நி॰ 5.234).
எத்தா²பி யதா²ஸகங் ஆஹாரவஸேன பஸ்ஸத்³தி⁴ஸம்பொ³ஜ்ஜ²ங்கா³தீ³னங் பா⁴வனா ஸமுட்டா²பனாதி வேதி³தப்³பா³. தத்த² பஸ்ஸத்³தி⁴ஸம்பொ³ஜ்ஜ²ங்க³ஸ்ஸ பா⁴வனா வுத்தா ஏவ, ஸமாதி⁴ஸம்பொ³ஜ்ஜ²ங்க³ஸ்ஸ வுச்சமானா, இதரஸ்ஸ அனந்தரங் வக்க²தி.
பஞ்ஞாபயோக³மந்த³தாயாதி பஞ்ஞாப்³யாபாரஸ்ஸ அப்பபா⁴வேன. யதா² ஹி தா³னங் அலோப⁴ப்பதா⁴னங், ஸீலங் அதோ³ஸப்பதா⁴னங், ஏவங் பா⁴வனா அமோஹப்பதா⁴னா. தத்த² யதா³ பஞ்ஞா ந ப³லவதீ ஹோதி, ததா³ பா⁴வனா புப்³பே³னாபரங் விஸேஸாவஹா ந ஹோதி, அனபி⁴ஸங்க²தோ விய ஆஹாரோ புரிஸஸ்ஸ யோகி³னோ ‘‘பஞ்ஞாபயோக³…பே॰… நிரஸ்ஸாத³ங் ஹோதீ’’தி. தஸ்ஸ ஸங்வேகு³ப்பாத³னங் பஸாது³ப்பாத³னஞ்ச திகிச்ச²னந்தி தங் த³ஸ்ஸெந்தோ ‘‘அட்ட² ஸங்வேக³வத்தூ²னீ’’திஆதி³மாஹ. தத்த² ஜாதிஜராப்³யாதி⁴மரணானி யதா²ரஹங் ஸுக³தியங் து³க்³க³தியஞ்ச ஹொந்தீதி தத³ஞ்ஞமேவ பஞ்சவித⁴ப³ந்த⁴னாதி³-கு²ப்பிபாஸாதி³-அஞ்ஞமஞ்ஞவிபா³த⁴னாதி³ஹேதுகங் அபாயது³க்க²ங் த³ட்ட²ப்³ப³ங், தயித³ங் ஸப்³ப³ங் தேஸங் தேஸங் ஸத்தானங் பச்சுப்பன்னப⁴வனிஸ்ஸிதங் க³ஹிதந்தி அதீதே அனாக³தே ச காலே வட்டமூலகது³க்கா²னி விஸுங் க³ஹிதானி. யே பன ஸத்தா ஆஹாரூபஜீவினோ, தத்த² ச உட்டா²னப²லூபஜீவினோ, தேஸங் அஞ்ஞேஹி அஸாதா⁴ரணங் ஜீவிகது³க்க²ங் அட்ட²மங் ஸங்வேக³வத்து² க³ஹிதந்தி த³ட்ட²ப்³ப³ங். அயங் வுச்சதி ஸமயே ஸம்பஹங்ஸனதாதி அயங் ஸம்பஹங்ஸிதப்³ப³ஸமயே வுத்தனயேன தேன ஸங்வேஜனவஸேன சேவ பஸாது³ப்பாத³னவஸேன ச ஸம்மதே³வ பஹங்ஸனா, ஸங்வேக³ஜனநபுப்³ப³கபஸாது³ப்பாத³னேன பா⁴வனாசித்தஸ்ஸ தோஸனாதி அத்தோ².
ஸம்மாபடிபத்திங் ஆக³ம்மாதி லீனுத்³த⁴ச்சவிரஹேன ஸமத²வீதி²படிபத்தியா ச ஸம்மா அவிஸமங் ஸம்மதே³வ பா⁴வனாபடிபத்திங் ஆக³ம்ம. அலீனந்திஆதீ³ஸு கோஸஜ்ஜபக்கி²யானங் த⁴ம்மானங் அனதி⁴மத்ததாய அலீனங், உத்³த⁴ச்சபக்கி²யானங் அனதி⁴மத்ததாய அனுத்³த⁴தங், பஞ்ஞாபயோக³ஸத்தியா உபஸமஸுகா²தி⁴க³மேன ச அனிரஸ்ஸாத³ங், ததோ ஏவ ஆரம்மணே ஸமப்பவத்தங் ஸமத²வீதி²படிபன்னஞ்ச. தத்த² அலீனதாய பக்³க³ஹே, அனுத்³த⁴ததாய நிக்³க³ஹே, அனிரஸ்ஸாத³தாய ஸம்பஹங்ஸனே ந ப்³யாபாரங் ஆபஜ்ஜதி, அலீனானுத்³த⁴ததாஹி ஆரம்மணே ஸமப்பவத்தங், அனிரஸ்ஸாத³தாய ஸமத²வீதி²படிபன்னங். ஸமப்பவத்தியா வா அலீனங் அனுத்³த⁴தங், ஸமத²வீதி²படிபத்தியா அனிரஸ்ஸாத³ந்தி த³ட்ட²ப்³ப³ங். அயங் வுச்சதி ஸமயே அஜ்ஜு²பெக்க²னதாதி அயங் அஜ்ஜு²பெக்கி²தப்³ப³ஸமயே பா⁴வனாசித்தஸ்ஸ பக்³க³ஹனிக்³க³ஹஸம்பஹங்ஸனேஸு ப்³யாவடதாஸங்கா²தங் படிபக்க²ங் அபி⁴பு⁴ய்ய பெக்க²னா வுச்சதி.
படிபக்க²விக்க²ம்ப⁴னதோ விபஸ்ஸனாய அதி⁴ட்டா²னபா⁴வூபக³மனதோ ச உபசாரஜ்ஜா²னம்பி ஸமாதா³னகிச்சனிப்ப²த்தியா புக்³க³லஸ்ஸ ஸமாஹிதபா⁴வஸாத⁴னமேவாதி தத்த² ஸமது⁴ரபா⁴வேனாஹ ‘‘உபசாரங் வா அப்பனங் வா’’தி.
உபெக்கா²ஸம்பொ³ஜ்ஜ²ங்க³ட்டா²னீயா த⁴ம்மாதி எத்த² யங் வத்தப்³ப³ங், தங் ஹெட்டா² வுத்தானுஸாரேன வேதி³தப்³ப³ங்.
அனுரோத⁴விரோத⁴விப்பஹானவஸேன ‘‘ஸத்தமஜ்ஜ²த்ததா ஸங்கா²ரமஜ்ஜ²த்ததா’’தி. தது³ப⁴யே ச விருஜ்ஜ²னங் பஸ்ஸத்³தி⁴ஸம்பொ³ஜ்ஜ²ங்க³பா⁴வனாய ஏவ தூ³ரீகதந்தி ‘‘ஸத்தமஜ்ஜ²த்ததா’’திஆதி³ வுத்தங். தேனேவாஹ ‘‘ஸத்தஸங்கா²ரகேலாயனபுக்³க³லபரிவஜ்ஜனதா’’தி. உபெக்கா²ய ஹி விஸேஸதோ ராகோ³ படிபக்கோ². ததா² சாஹ ‘‘உபெக்கா² ராக³ப³ஹுலஸ்ஸ விஸுத்³தி⁴மக்³கோ³’’தி (விஸுத்³தி⁴॰ 1.269).
த்³வீஹாகாரேஹீதி கம்மஸ்ஸகதாபச்சவெக்க²ணங் அத்தஸுஞ்ஞதாபச்சவெக்க²ணந்தி இமேஹி த்³வீஹி காரணேஹி. த்³வீஹேவாதி அவதா⁴ரணங் ஸங்க்²யாஸமானதாய. அஸ்ஸாமிகபா⁴வோ அனத்தனியதா. ஸதி ஹி அத்தனி தஸ்ஸ கிஞ்சனபா⁴வேன சீவரங் அஞ்ஞஞ்ச கிஞ்சி அத்தனியங் நாம ஸியா, ஸோ பன கோசி நத்தே²வாதி அதி⁴ப்பாயோ. அனத்³த⁴னியந்தி ந அத்³தா⁴னக்க²மங், ந சிரட்டா²யி இத்தரங் அனிச்சந்தி அத்தோ². தாவகாலிகந்தி தஸ்ஸேவ வேவசனங்.
மமாயதீதி மமத்தங் கரோதி, ‘‘மம’’ந்தி தண்ஹாய பரிக்³க³ய்ஹ திட்ட²தி. த⁴னாயந்தாதி த⁴னங் த்³ரப்³யங் கரொந்தா.
அயங் ஸதிபட்டா²னதே³ஸனா புப்³ப³பா⁴க³மக்³க³வஸேன தே³ஸிதாதி புப்³ப³பா⁴கி³யபொ³ஜ்ஜ²ங்கே³ ஸந்தா⁴யாஹ ‘‘பொ³ஜ்ஜ²ங்க³பரிக்³கா³ஹிகா ஸதி து³க்க²ஸச்ச’’ந்தி.
பொ³ஜ்ஜ²ங்க³பப்³ப³வண்ணனா நிட்டி²தா.
சதுஸச்சபப்³ப³வண்ணனா
119. யதா²ஸபா⁴வதோதி அவிபரீதஸபா⁴வதோ பா³த⁴னலக்க²ணதோ, யோ யோ வா ஸபா⁴வோ யதா²ஸபா⁴வோ, ததோ, ருப்பனாதி³கக்க²ளாதி³ஸபா⁴வதோதி அத்தோ². ஜனிகங் ஸமுட்டா²பிகந்தி பவத்தலக்க²ணஸ்ஸ து³க்க²ஸ்ஸ ஜனிகங் நிமித்தலக்க²ணஸ்ஸ ஸமுட்டா²பிகங். புரிமதண்ஹந்தி து³க்க²னிப்³ப³த்திதோ புரேதரஸித்³த⁴ங் தண்ஹங்.
ஸஸந்ததிபரியாபன்னானங் ‘‘அத்தனோ வா சத்தாரி ஸச்சானீ’’தி. பரஸ்ஸ வாதி எத்தா²பி ஏஸேவ நயோ. தேனாஹ ப⁴க³வா – ‘‘இமஸ்மிங்யேவ ப்³யாமமத்தே களேவரே ஸஸஞ்ஞிம்ஹி ஸமனகே லோகஞ்ச பஞ்ஞபேமி, லோகஸமுத³யஞ்ச பஞ்ஞபேமி, லோகனிரோத⁴ஞ்ச பஞ்ஞபேமி, லோகனிரோத⁴கா³மினிபடிபத³ஞ்ச பஞ்ஞபேமீ’’தி (ஸங்॰ நி॰ 1.107). கத²ங் பன ஆதி³கம்பிகோ யதா²ஸம்ப⁴வதோதி ஸம்ப⁴வானுரூபங், ட²பெத்வா நிரோத⁴ஸச்சங் ஸேஸஸச்சவஸேன ஸமுத³யவயா வேதி³தப்³பா³தி அத்தோ².
சதுஸச்சபப்³ப³வண்ணனா நிட்டி²தா.
‘‘அட்டி²கஸங்க²லிகங் ஸமங்ஸ’’ந்திஆதி³கா ஸத்த ஸிவதி²கா அட்டி²ககம்மட்டா²னதாய இதராஸங் உத்³து⁴மாதகாதீ³னங் ஸபா⁴வேனேவாதி நவன்னங் ஸிவதி²கானங் அப்பனாகம்மட்டா²னதா வுத்தா. த்³வேயேவாதி ‘‘ஆனாபானங், த்³வத்திங்ஸாகாரோ’’தி இமானி த்³வேயேவ. அபி⁴னிவேஸோதி விபஸ்ஸனாபி⁴னிவேஸோ, ஸோ பன ஸம்மஸனீயத⁴ம்மே பரிக்³க³ஹோ. இரியாபதா² ஆலோகிதாத³யோ ச ரூபத⁴ம்மானங் அவத்தா²விஸேஸமத்ததாய ந ஸம்மஸனுபகா³ விஞ்ஞத்திஆத³யோ விய. நீவரணபொ³ஜ்ஜ²ங்கா³ ஆதி³தோ ந பரிக்³க³ஹேதப்³பா³தி வுத்தங் ‘‘இரியாபத²…பே॰… ந ஜாயதீ’’தி. கேஸாதி³அபதே³ஸேன தது³பாதா³னத⁴ம்மா விய இரியாபதா²தி³அபதே³ஸேன தத³வத்தா² ரூபத⁴ம்மா பரிக்³க³ய்ஹந்தி, நீவரணாதி³முகே²ன ச தங் ஸம்பயுத்தா தங்னிஸ்ஸயத⁴ம்மாதி அதி⁴ப்பாயேன மஹாஸீவத்தே²ரோ ‘‘இரியாபதா²தீ³ஸுபி அபி⁴னிவேஸோ ஜாயதீ’’தி ஆஹ. அத்தி² நு கோ² மேதிஆதி³ பன ஸபா⁴வதோ இரியாபதா²தீ³னங் ஆதி³கம்மிகஸ்ஸ அனிச்சி²தபா⁴வத³ஸ்ஸனங். அபரிஞ்ஞாபுப்³பி³கா ஹி பரிஞ்ஞாதி.
137. காமங் ‘‘இத⁴, பி⁴க்க²வே, பி⁴க்கூ²’’திஆதி³னா உத்³தே³ஸனித்³தே³ஸேஸு தத்த² தத்த² பி⁴க்கு²க்³க³ஹணங் கதங், தங் படிபத்தியா பி⁴க்கு²பா⁴வத³ஸ்ஸனத்த²ங், தே³ஸனா பன ஸப்³ப³ஸாதா⁴ரணாதி த³ஸ்ஸேதுங் ‘‘யோ ஹி கோசி, பி⁴க்க²வே’’இச்சேவ வுத்தங், ந பி⁴க்கு²யேவாதி த³ஸ்ஸெந்தோ ‘‘யோ ஹி கோசி, பி⁴க்கு² வா’’திஆதி³மாஹ. த³ஸ்ஸனமக்³கே³ன ஞாதமரியாத³ங் அனதிக்கமித்வா ஜானந்தீ ஸிகா²ப்பத்தா அக்³க³மக்³க³பஞ்ஞா ‘‘அஞ்ஞாதி அரஹத்த’’ந்தி. அப்பதரேபி காலே ஸாஸனஸ்ஸ நிய்யானிகபா⁴வங் த³ஸ்ஸெந்தோதி யோஜனா.
138. நிய்யாதெந்தோதி நிக³மெந்தோ.
பபஞ்சஸூத³னியா மஜ்ஜி²மனிகாயட்ட²கதா²ய
ஸதிபட்டா²னஸுத்தவண்ணனாய லீனத்த²ப்பகாஸனா ஸமத்தா.
நிட்டி²தா ச மூலபரியாயவக்³க³வண்ணனா.
பட²மோ பா⁴கோ³ நிட்டி²தோ.
நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
மஜ்ஜி²மனிகாயே
மூலபண்ணாஸ-டீகா
(து³தியோ பா⁴கோ³)