நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
மஜ்ஜி²மனிகாயே
மஜ்ஜி²மபண்ணாஸ-அட்ட²கதா²
1. க³ஹபதிவக்³கோ³
1. கந்த³ரகஸுத்தவண்ணனா
1. ஏவங் மே ஸுதந்தி கந்த³ரகஸுத்தங். தத்த² சம்பாயந்தி ஏவங்னாமகே நக³ரே. தஸ்ஸ ஹி நக³ரஸ்ஸ ஆராமபொக்க²ரணீஆதீ³ஸு தேஸு தேஸு டா²னேஸு சம்பகருக்கா²வ உஸ்ஸன்னா அஹேஸுங், தஸ்மா சம்பாதி ஸங்க²மக³மாஸி. க³க்³க³ராய பொக்க²ரணியா தீரேதி தஸ்ஸ சம்பானக³ரஸ்ஸ அவிதூ³ரே க³க்³க³ராய நாம ராஜமஹேஸியா க²ணிதத்தா க³க்³க³ராதி லத்³த⁴வோஹாரா பொக்க²ரணீ அத்தி². தஸ்ஸா தீரே ஸமந்ததோ நீலாதி³பஞ்சவண்ணகுஸுமபடிமண்டி³தங் மஹந்தங் சம்பகவனங். தஸ்மிங் ப⁴க³வா குஸுமக³ந்த⁴ஸுக³ந்தே⁴ சம்பகவனே விஹரதி. தங் ஸந்தா⁴ய ‘‘க³க்³க³ராய பொக்க²ரணியா தீரே’’தி வுத்தங். மஹதா பி⁴க்கு²ஸங்கே⁴ன ஸத்³தி⁴ந்தி அத³ஸ்ஸிதபரிச்சே²தே³ன மஹந்தேன பி⁴க்கு²ஸங்கே⁴ன ஸத்³தி⁴ங். பெஸ்ஸோதி தஸ்ஸ நாமங். ஹத்தா²ரோஹபுத்தோதி ஹத்தா²சரியஸ்ஸ புத்தோ. கந்த³ரகோ ச பரிப்³பா³ஜகோதி கந்த³ரகோதி ஏவங்னாமோ அபி⁴வாதெ³த்வாதி ச²ப்³ப³ண்ணானங் க⁴னபு³த்³த⁴ரஸ்மீனங் அந்தரங் பவிஸித்வா பஸன்னலாகா²ரஸே நிமுஜ்ஜமானோ விய, ஸிங்கீ³ஸுவண்ணவண்ணங் து³ஸ்ஸவரங் பஸாரெத்வா ஸஸீஸங் பாருபமானோ விய, வண்ணக³ந்த⁴ஸம்பன்னசம்பகபுப்பா²னி ஸிரஸா ஸம்படிச்ச²ந்தோ விய, ஸினேருபாத³ங் உபக³ச்ச²ந்தோ புண்ணசந்தோ³ விய ப⁴க³வதோ சக்கலக்க²ணபடிமண்டி³தே அலத்தகவண்ணபு²ல்லபது³மஸஸ்ஸிரிகே பாதே³ வந்தி³த்வாதி அத்தோ². ஏகமந்தங் நிஸீதீ³தி ச²னிஸஜ்ஜதோ³ஸவிரஹிதே ஏகஸ்மிங் ஓகாஸே நிஸீதி³.
துண்ஹீபூ⁴ தங் துண்ஹீபூ⁴தந்தி யதோ யதோ அனுவிலோகேதி, ததோ ததோ துண்ஹீபூ⁴தமேவாதி அத்தோ². தத்த² ஹி ஏகபி⁴க்கு²ஸ்ஸாபி ஹத்த²குக்குச்சங் வா பாத³குக்குச்சங் வா நத்தி², ஸப்³பே³ ப⁴க³வதோ சேவ கா³ரவேன அத்தனோ ச ஸிக்கி²தஸிக்க²தாய அஞ்ஞமஞ்ஞங் விக³தஸல்லாபா அந்தமஸோ உக்காஸிதஸத்³த³ம்பி அகரொந்தா ஸுனிகா²தஇந்த³கீ²லா விய நிவாதட்டா²னே ஸன்னிஸின்னங் மஹாஸமுத்³த³உத³கங் விய காயேனபி நிச்சலா மனஸாபி அவிக்கி²த்தா ரத்தவலாஹகா விய ஸினேருகூடங் ப⁴க³வந்தங் பரிவாரெத்வா நிஸீதி³ங்ஸு. பரிப்³பா³ஜகஸ்ஸ ஏவங் ஸன்னிஸின்னங் பரிஸங் தி³ஸ்வா மஹந்தங் பீதிஸோமனஸ்ஸங் உப்பஜ்ஜி. உப்பன்னங் பன அந்தோஹத³யஸ்மிங்யேவ ஸன்னித³ஹிதுங் அஸக்கொந்தோ பியஸமுதா³ஹாரங் ஸமுட்டா²பேஸி. தஸ்மா அச்ச²ரியங் போ⁴திஆதி³மாஹ.
தத்த² அந்த⁴ஸ்ஸ பப்³ப³தாரோஹனங் விய நிச்சங் ந ஹோதீதி அச்ச²ரியங். அயங் தாவ ஸத்³த³னயோ. அயங் பன அட்ட²கதா²னயோ அச்ச²ரியங். அச்ச²ரங் பஹரிதுங் யுத்தந்தி அத்தோ². அபூ⁴தபுப்³ப³ங் பூ⁴தந்தி அப்³பு⁴தங். உப⁴யம்பேதங் விம்ஹயஸ்ஸேவாதி⁴வசனங். தங் பனேதங் க³ரஹஅச்ச²ரியங், பஸங்ஸாஅச்ச²ரியந்தி து³வித⁴ங் ஹோதி. தத்த² அச்ச²ரியங் மொக்³க³ல்லான அப்³பு⁴தங் மொக்³க³ல்லான, யாவ பா³ஹாக³ஹணாபி நாம ஸோ மோக⁴புரிஸோ ஆக³மெஸ்ஸதீதி (சூளவ॰ 383; அ॰ நி॰ 8.20), இத³ங் க³ரஹஅச்ச²ரியங் நாம. ‘‘அச்ச²ரியங் நந்த³மாதே அப்³பு⁴தங் நந்த³மாதே, யத்ர ஹி நாம சித்துப்பாத³ம்பி பரிஸோதெ⁴ஸ்ஸஸீதி (அ॰ நி॰ 7.53) இத³ங் பஸங்ஸாஅச்ச²ரியங் நாம. இதா⁴பி இத³மேவ அதி⁴ப்பேதங்’’ அயஞ்ஹி தங் பஸங்ஸந்தோ ஏவமாஹ.
யாவஞ்சித³ந்தி எத்த² இத³ந்தி நிபாதமத்தங். யாவாதி பமாணபரிச்சே²தோ³, யாவ ஸம்மா படிபாதி³தோ, யத்தகேன பமாணேன ஸம்மா படிபாதி³தோ, ந ஸக்கா தஸ்ஸ வண்ணே வத்துங், அத² கோ² அச்ச²ரியமேவேதங் அப்³பு⁴தமேவேதந்தி வுத்தங் ஹோதி. ஏதபரமங்யேவாதி ஏவங் ஸம்மா படிபாதி³தோ ஏஸோ பி⁴க்கு²ஸங்கோ⁴ படிபாதி³தோதி ஆபி⁴ஸமாசாரிகவத்தங் ஆதி³ங் கத்வா ஸம்மா அபச்சனீகபடிபத்தியங் யோஜிதோ. அத² கஸ்மா அயங் பரிப்³பா³ஜகோ
2. ஏவமேதங் கந்த³ரகாதி பாடிஏக்கோ அனுஸந்தி⁴. ப⁴க³வா கிர தங் ஸுத்வா ‘‘கந்த³ரக த்வங் பி⁴க்கு²ஸங்க⁴ங் உபஸந்தோதி வத³ஸி, இமஸ்ஸ பன பி⁴க்கு²ஸங்க⁴ஸ்ஸ உபஸந்தகாரணங் துய்ஹங் அபாகடங், ந ஹி த்வங் ஸமதிங்ஸ பாரமியா பூரெத்வா குஸலமூலங் பரிபாசெத்வா போ³தி⁴பல்லங்கே ஸப்³ப³ஞ்ஞுதஞ்ஞாணங் படிவிஜ்ஜி², மயா பன பாரமியோ பூரெத்வா ஞாதத்த²சரியங் லோகத்த²சரியங் பு³த்³த⁴த்த²சரியஞ்ச கோடிங் பாபெத்வா போ³தி⁴பல்லங்கே ஸப்³ப³ஞ்ஞுதஞ்ஞாணங் படிவித்³த⁴ங், மய்ஹங் ஏதேஸங் உபஸந்தகாரணங் பாகட’’ந்தி த³ஸ்ஸேதுங் இமங் தே³ஸனங் ஆரபி⁴.
ஸந்தி ஹி கந்த³ரகாதி அயம்பி பாடிஏக்கோ அனுஸந்தி⁴. ப⁴க³வதோ கிர ஏதத³ஹோஸி – ‘‘அயங் பரிப்³பா³ஜகோ இமங் பி⁴க்கு²ஸங்க⁴ங் உபஸந்தோதி வத³தி, அயஞ்ச பி⁴க்கு²ஸங்கோ⁴ கப்பெத்வா பகப்பெத்வா குஹகபா⁴வேன இரியாபத²ங் ஸண்ட²பெந்தோ சித்தேன அனுபஸந்தோ ந உபஸந்தாகாரங் த³ஸ்ஸேதி. எத்த² பன பி⁴க்கு²ஸங்கே⁴ படிபத³ங் பூரயமானாபி படிபத³ங் பூரெத்வா மத்த²கங் பத்வா டி²தபி⁴க்கூ²பி அத்தி², தத்த² படிபத³ங் பூரெத்வா மத்த²கங் பத்தா அத்தனா படிவித்³த⁴கு³ணேஹேவ உபஸந்தா, படிபத³ங் பூரயமானா உபரிமக்³க³ஸ்ஸ விபஸ்ஸனாய உபஸந்தா, இதோ முத்தா பன அவஸேஸா சதூஹி ஸதிபட்டா²னேஹி உபஸந்தா. தங் நேஸங் உபஸந்தகாரணங் த³ஸ்ஸெஸ்ஸாமீ’’தி ‘‘இமினா ச இமினா ச காரணேன அயங் பி⁴க்கு²ஸங்கோ⁴ உபஸந்தோ’’தி த³ஸ்ஸேதுங் ‘‘ஸந்தி ஹி கந்த³ரகா’’திஆதி³மாஹ.
தத்த² அரஹந்தோ கீ²ணாஸவாதிஆதீ³ஸு யங் வத்தப்³ப³ங், தங் மூலபரியாயஸுத்தவண்ணனாயமேவ வுத்தங். ஸேக²படிபத³ம்பி தத்தே²வ வித்தா²ரிதங். ஸந்ததஸீலாதி ஸததஸீலா நிரந்தரஸீலா. ஸந்ததவுத்தினோதி
நிபகாதி நேபக்கேன ஸமன்னாக³தா பஞ்ஞவந்தோ. நிபகவுத்தினோதி பஞ்ஞாய வுத்தினோ, பஞ்ஞாய ட²த்வா ஜீவிகங் கப்பெந்தி. யதா² ஏகச்சோ ஸாஸனே பப்³ப³ஜித்வாபி ஸமணயக்கோ² நாம ஹுத்வா ‘‘தஸ்ஸ ஸங்கா⁴டிபி ஆதி³த்தா ஹோதி ஸம்பஜ்ஜலிதா’’தி வுத்தனயேன மஹாது³க்க²ங் அனுபோ⁴தி. ஏவங்விதா⁴ அஹுத்வா ஜீவிதஹேதுபி ஸிக்கா²பத³ங் அனதிக்கமந்தோ சதுபாரிஸுத்³தி⁴ஸீலே பதிட்டா²ய யதா²ப³லங் பு³த்³த⁴வசனங் உக்³க³ண்ஹித்வா
ஸுப்பதிட்டி²தசித்தாதி சதூஸு ஸதிபட்டா²னேஸு ஸுட்ட²பிதசித்தா ஹுத்வா. ஸேஸா ஸதிபட்டா²னகதா² ஹெட்டா² வித்தா²ரிதாவ. இத⁴ பன லோகியலோகுத்தரமிஸ்ஸகா ஸதிபட்டா²னா கதி²தா, எத்தகேன பி⁴க்கு²ஸங்க⁴ஸ்ஸ உபஸந்தகாரணங் கதி²தங் ஹோதி.
3. யாவ ஸுபஞ்ஞத்தாதி யாவ ஸுட்ட²பிதா ஸுதே³ஸிதா. மயம்பி ஹி, ப⁴ந்தேதி இமினா ஏஸ அத்தனோ மனுஸ்ஸக³ஹனேதி கஸடஸாடெ²ய்யேஸுபி ஏஸேவ நயோ. தத்த² அபரிஸுத்³த⁴ட்டே²ன கஸடதா, கேராடியட்டே²ன ஸாடெ²ய்யதா வேதி³தப்³பா³. ஸத்தானங் ஹிதாஹிதங் ஜானாதீதி ஏவங் க³ஹனகஸடகேராடியானங் மனுஸ்ஸானங் ஹிதாஹிதபடிபத³ங் யாவ ஸுட்டு² ப⁴க³வா ஜானாதி. யதி³த³ங் பஸவோதி எத்த² ஸப்³பா³பி சதுப்பத³ஜாதி பஸவோதி அதி⁴ப்பேதா. பஹோமீதி ஸக்கோமி. யாவதகேன அந்தரேனாதி யத்தகேன க²ணேன. சம்பங் க³தாக³தங் கரிஸ்ஸதீதி அஸ்ஸமண்ட³லதோ யாவ சம்பானக³ரத்³வாரா க³மனஞ்ச ஆக³மனஞ்ச கரிஸ்ஸதி. ஸாடெ²ய்யானீதி ஸட²த்தானி. கூடெய்யானீதி கூடத்தானி. வங்கெய்யானீதி வங்கத்தானி. ஜிம்ஹெய்யானீதி ஜிம்ஹத்தானி. பாதுகரிஸ்ஸதீதி பகாஸெஸ்ஸதி த³ஸ்ஸெஸ்ஸதி. ந ஹி ஸக்கா தேன தானி எத்தகேன அந்தரேன த³ஸ்ஸேதுங்.
தத்த² யஸ்ஸ கிஸ்மிஞ்சிதே³வ டா²னே டா²துகாமஸ்ஸ ஸதோ யங் டா²னங் மனுஸ்ஸானங் ஸப்படிப⁴யங், புரதோ க³ந்த்வா வஞ்செத்வா ட²ஸ்ஸாமீதி ந ஹோதி, தஸ்மிங் டா²துகாமட்டா²னேயேவ நிகா²தத்த²ம்போ⁴ விய சத்தாரோ பாதே³ நிச்சலே கத்வா திட்ட²தி, அயங் ஸடோ² நாம. யஸ்ஸ பன கிஸ்மிஞ்சிதே³வ டா²னே அவச்சி²ந்தி³த்வா க²ந்த⁴க³தங் பாதேதுகாமஸ்ஸ ஸதோ யங் டா²னங் மனுஸ்ஸானங் ஸப்படிப⁴யங், புரதோ க³ந்த்வா வஞ்செத்வா பாதெஸ்ஸாமீதி ந ஹோதி, தத்தே²வ அவச்சி²ந்தி³த்வா பாதேதி, அயங் கூடோ நாம. யஸ்ஸ கிஸ்மிஞ்சிதே³வ டா²னே மக்³கா³ உக்கம்ம நிவத்தித்வா படிமக்³க³ங் ஆரோஹிதுகாமஸ்ஸ வங்கோ நாம. யஸ்ஸ பன காலேன வாமதோ காலேன த³க்கி²ணதோ காலேன உஜுமக்³கே³னேவ க³ந்துகாமஸ்ஸ ஸதோ யங் டா²னங் மனுஸ்ஸானங் ஸப்படிப⁴யங், புரதோ க³ந்த்வா வஞ்செத்வா ஏவங் கரிஸ்ஸாமீதி ந ஹோதி, தத்தே²வ காலேன வாமதோ காலேன த³க்கி²ணதோ காலேன உஜுமக்³க³ங் க³ச்ச²தி, ததா² லண்ட³ங் வா பஸ்ஸாவங் வா விஸ்ஸஜ்ஜேதுகாமஸ்ஸ ஸதோ இத³ங் டா²னங் ஸுஸம்மட்ட²ங் ஆகிண்ணமனுஸ்ஸங் ரமணீயங், இமஸ்மிங் டா²னே ஏவரூபங் காதுங் ந யுத்தங், புரதோ க³ந்த்வா படிச்ச²ன்னடா²னே கரிஸ்ஸாமீதி ந ஹோதி, தத்தே²வ கரோதி, அயங் ஜிம்ஹோ நாம. இதி இமங் சதுப்³பி³த⁴ம்பி
ஏவங் பஸூனங் உத்தானபா⁴வங் த³ஸ்ஸெத்வா இதா³னி மனுஸ்ஸானங் க³ஹனபா⁴வங் த³ஸ்ஸெந்தோ அம்ஹாகங் பன, ப⁴ந்தேதிஆதி³மாஹ. தத்த² தா³ஸாதி அந்தோஜாதகா வா த⁴னக்கீதா வா கரமரானீதா வா ஸயங் வா தா³ஸப்³யங் உபக³தா. பெஸ்ஸாதி பேஸனகாரகா. கம்மகராதி ப⁴த்தவேதனப⁴தா. அஞ்ஞதா²வ காயேனாதி அஞ்ஞேனேவாகாரேன காயேன ஸமுதா³சரந்தி, அஞ்ஞேனேவாகாரேன வாசாய, அஞ்ஞேன ச நேஸங் ஆகாரேன சித்தங் டி²தங் ஹோதீதி த³ஸ்ஸேதி. தத்த² யே ஸம்முகா² ஸாமிகே தி³ஸ்வா பச்சுக்³க³மனங் கரொந்தி, ஹத்த²தோ ப⁴ண்ட³கங் க³ண்ஹந்தி, இமங்
4. சத்தாரோமே பெஸ்ஸபுக்³க³லாதி அயம்பி பாடிஏக்கோ அனுஸந்தி⁴. அயஞ்ஹி பெஸ்ஸோ ‘‘யாவஞ்சித³ங், ப⁴ந்தே, ப⁴க³வா ஏவங் மனுஸ்ஸக³ஹணே ஏவங் மனுஸ்ஸகஸடே ஏவங் மனுஸ்ஸஸாடெ²ய்யே வத்தமானே ஸத்தானங் ஹிதாஹிதங் ஜானாதீ’’தி ஆஹ. புரிமே ச தயோ புக்³க³லா அஹிதபடிபத³ங் படிபன்னா, உபரி சதுத்தோ² ஹிதபடிபத³ங், ஏவமஹங் ஸத்தானங் ஹிதாஹிதங் ஜானாமீதி த³ஸ்ஸேதுங் இமங் தே³ஸனங் ஆரபி⁴. ஹெட்டா² கந்த³ரகஸ்ஸ கதா²ய ஸத்³தி⁴ங் யோஜேதும்பி வட்டதி. தேன வுத்தங் ‘‘யாவஞ்சித³ங் போ⁴தா கோ³தமேன ஸம்மா பி⁴க்கு²ஸங்கோ⁴ படிபாதி³தோ’’தி. அத²ஸ்ஸ ப⁴க³வா ‘‘புரிமே தயோ புக்³க³லே பஹாய உபரி சதுத்த²புக்³க³லஸ்ஸ ஹிதபடிபத்தியங்யேவ படிபாதே³மீ’’தி த³ஸ்ஸெந்தோபி இமங் தே³ஸனங் ஆரபி⁴. ஸந்தோதி இத³ங் ஸங்விஜ்ஜமானாதி பத³ஸ்ஸேவ வேவசனங். ‘‘ஸந்தா ஹொந்தி ஸமிதா வூபஸந்தா’’தி (விப⁴॰ 542) எத்த² ஹி நிருத்³தா⁴ ஸந்தாதி வுத்தா. ‘‘ஸந்தா ஏதே விஹாரா அரியஸ்ஸ வினயே வுச்சந்தீ’’தி எத்த² (ம॰ நி॰ 1.82) நிப்³பு³தா. ‘‘ஸந்தோ ஹவே ஸப்³பி⁴ பவேத³யந்தீ’’தி எத்த² (ஜா॰ 2.21.413) பண்டி³தா. இத⁴ பன விஜ்ஜமானா உபலப்³ப⁴மானாதி அத்தோ².
அத்தந்தபாதீ³ஸு அத்தந்தபோ. அத்தனோ அத்தபரிதாபனானுயோக³ங். பரங் தபதி து³க்கா²பேதீதி பரந்தபோ. பரேஸங் பரிதாபனானுயோக³ங் பரபரிதாபனானுயோக³ங். தி³ட்டே²வ த⁴ம்மேதி இமஸ்மிங்யேவ அத்தபா⁴வே. நிச்சா²தோதி சா²தங் வுச்சதி தண்ஹா, ஸா அஸ்ஸ நத்தீ²தி நிச்சா²தோ. ஸப்³ப³கிலேஸானங் நிப்³பு³தத்தா நிப்³பு³தோ. அந்தோ தாபனகிலேஸானங் அபா⁴வா ஸீதலோ ஜாதோதி ஸீதிபூ⁴தோ. ஜா²னமக்³க³ப²லனிப்³பா³னஸுகா²னி படிஸங்வேதே³தீதி ஸுக²படிஸங்வேதீ³. ப்³ரஹ்மபூ⁴தேன அத்தனாதி ஸெட்ட²பூ⁴தேன அத்தனா. சித்தங் ஆராதே⁴தீதி சித்தங் ஸம்பாதே³தி, பரிபூரேதி க³ண்ஹாதி பஸாதே³தீதி அத்தோ².
5. து³க்க²படிக்கூலந்தி து³க்க²ஸ்ஸ படிகூலங், பச்சனீகஸண்டி²தங் து³க்க²ங் அபத்த²யமானந்தி அத்தோ².
6. பண்டி³தோதி இத⁴ சதூஹி காரணேஹி பண்டி³தோதி ந வத்தப்³போ³, ஸதிபட்டா²னேஸு பன கம்மங் கரோதீதி பண்டி³தோதி வத்துங் வட்டதி. மஹாபஞ்ஞோதி இத³ம்பி மஹந்தே அத்தே² பரிக்³க³ண்ஹாதீதிஆதி³னா மஹாபஞ்ஞலக்க²ணேன ந வத்தப்³ப³ங், ஸதிபட்டா²னபரிக்³கா³ஹிகாய பன பஞ்ஞாய ஸமன்னாக³தத்தா மஹாபஞ்ஞோதி வத்துங் வட்டதி. மஹதா அத்தே²ன ஸங்யுத்தோ அக³மிஸ்ஸாதி மஹதா அத்தே²ன ஸங்யுத்தோ ஹுத்வா க³தோ ப⁴வெய்ய, ஸோதாபத்திப²லங் பாபுணெய்யாதி அத்தோ². கிங் பன யேஸங் மக்³க³ப²லானங் உபனிஸ்ஸயோ அத்தி², பு³த்³தா⁴னங் ஸம்முகீ²பா⁴வே டி²தேபி தேஸங் அந்தராயோ ஹோதீதி. ஆம ஹோதி, ந பன பு³த்³தே⁴ படிச்ச, அத² கோ² கிரியபரிஹானியா வா பாபமித்ததாய வா ஹோதி. தத்த² கிரியபரிஹானியா ஹோதி நாம – ஸசே ஹி த⁴ம்மஸேனாபதி த⁴னஞ்ஜானிஸ்ஸ அபிச, பி⁴க்க²வே, எத்தாவதாபி பெஸ்ஸோ ஹத்தா²ரோஹபுத்தோ மஹதா அத்தே²ன ஸங்யுத்தோதி கதரேன மஹந்தேன அத்தே²ன? த்³வீஹி ஏதஸ்ஸ ப⁴க³வா காலோதி ஏதஸ்ஸ த⁴ம்மக்கா²னஸ்ஸ, சதுன்னங் வா புக்³க³லானங் விப⁴ஜனஸ்ஸ காலோ.
8. ஓரப்³பி⁴காதீ³ஸு உரப்³பா⁴ வுச்சந்தி ஏளகா, உரப்³பே⁴ ஹனதீதி ஓரப்³பி⁴கோ. ஸூகரிகாதீ³ஸுபி ஏஸேவ நயோ. லுத்³தோ³தி தா³ருணோ கக்க²ளோ. மச்ச²கா⁴தகோதி மச்ச²ப³ந்த⁴கேவட்டோ. ப³ந்த⁴னாகா³ரிகோதி ப³ந்த⁴னாகா³ரகோ³பகோ. குருரகம்மந்தாதி தா³ருணகம்மந்தா.
9. முத்³தா⁴வஸித்தோதி புரத்தி²மேன நக³ரஸ்ஸாதி நக³ரதோ புரத்தி²மதி³ஸாய. ஸந்தா²கா³ரந்தி யஞ்ஞஸாலங். க²ராஜினங் நிவாஸெத்வாதி ஸகு²ரங் அஜினசம்மங் நிவாஸெத்வா. ஸப்பிதேலேனாதி ஸப்பினா ச தேலேன ச. ட²பெத்வா ஹி ஸப்பிங் அவஸேஸோ யோ கோசி ஸ்னேஹோ தேலந்தி வுச்சதி. கண்டூ³வமானோதி நகா²னங் சி²ன்னத்தா கண்டூ³விதப்³ப³காலே தேன கண்டூ³வமானோ. அனந்தரஹிதாயாதி அஸந்த²தாய. ஸரூபவச்சா²யாதி ஸதி³ஸவச்சா²ய. ஸசே கா³வீ ஸேதா ஹோதி, வச்சோ²பி ஸேதகோவ. ஸசே கா³வீ கப³ரா வா ரத்தா வா, வச்சோ²பி தாதி³ஸோ வாதி ஏவங் ஸரூபவச்சா²ய. ஸோ ஏவமாஹாதி ஸோ ராஜா ஏவங் வதே³தி. வச்ச²தராதி தருணவச்ச²கபா⁴வங் அதிக்கந்தா ப³லவவச்சா². வச்ச²தரீஸுபி ஏஸேவ நயோ. ப³ரிஹிஸத்தா²யாதி பரிக்கே²பகரணத்தா²ய சேவ யஞ்ஞபூ⁴மியங் அத்த²ரணத்தா²ய ச. ஸேஸங் ஹெட்டா² தத்த² தத்த² வித்தா²ரிதத்தா உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
கந்த³ரகஸுத்தவண்ணனா நிட்டி²தா.
2. அட்ட²கனாக³ரஸுத்தவண்ணனா
17. ஏவங் மே ஸுதந்தி அட்ட²கனாக³ரஸுத்தங். தத்த² பே³லுவகா³மகேதி வேஸாலியா த³க்கி²ணபஸ்ஸே அவிதூ³ரே பே³லுவகா³மகோ நாம அத்தி², தங் கோ³சரகா³மங் கத்வாதி அத்தோ². த³ஸமோதி அட்ட²கனாக³ரோதி அட்ட²கனக³ரவாஸீ. குக்குடாராமோதி குக்குடஸெட்டி²னா காரிதோ ஆராமோ.
18. தேன ப⁴க³வதா…பே॰… அக்கா²தோதி எத்த² அயங் ஸங்கே²பத்தோ², யோ ஸோ ப⁴க³வா ஸமதிங்ஸ பாரமியோ பூரெத்வா ஸப்³ப³கிலேஸே ப⁴ஞ்ஜித்வா அனுத்தரங் ஸம்மாஸம்போ³தி⁴ங் அபி⁴ஸம்பு³த்³தோ⁴, தேன ப⁴க³வதா, தேஸங் தேஸங் ஸத்தானங் ஆஸயானுஸயங் ஜானதா, ஹத்த²தலே ட²பிதஆமலகங் விய ஸப்³ப³ங் ஞெய்யத⁴ம்மங் பஸ்ஸதா. அபிச புப்³பே³னிவாஸாதீ³ஹி ஜானதா, தி³ப்³பே³ன சக்கு²னா பஸ்ஸதா, தீஹி விஜ்ஜாஹி ச²ஹி வா பன அபி⁴ஞ்ஞாஹி ஜானதா, ஸப்³ப³த்த² அப்படிஹதேன ஸமந்தசக்கு²னா பஸ்ஸதா, ஸப்³ப³த⁴ம்மஜானநஸமத்தா²ய பஞ்ஞாய ஜானதா, ஸப்³ப³ஸத்தானங் சக்கு²விஸயாதீதானி திரோகுட்டாதி³க³தானிபி ரூபானி அதிவிஸுத்³தே⁴ன மங்ஸசக்கு²னா பஸ்ஸதா, அத்தஹிதஸாதி⁴காய ஸமாதி⁴பத³ட்டா²னாய படிவேத⁴பஞ்ஞாய ஜானதா, பரஹிதஸாதி⁴காய கருணாபத³ட்டா²னாய தே³ஸனாபஞ்ஞாய பஸ்ஸதா, அரீனங் ஹதத்தா பச்சயாதீ³னஞ்ச அரஹத்தா அரஹதா, ஸம்மா ஸாமஞ்ச ஸச்சானங் பு³த்³த⁴த்தா ஸம்மாஸம்பு³த்³தே⁴ன. அந்தராயிகத⁴ம்மே வா ஜானதா, நிய்யானிகத⁴ம்மே பஸ்ஸதா, கிலேஸாரீனங் ஹதத்தா அரஹதா, ஸாமங் ஸப்³ப³த⁴ம்மானங் பு³த்³த⁴த்தா ஸம்மாஸம்பு³த்³தே⁴னாதி ஏவங் சதுவேஸாரஜ்ஜவஸேன சதூஹி காரணேஹி தோ²மிதேன. அத்தி² நு கோ² ஏகோ த⁴ம்மோ அக்கா²தோதி.
19. அபி⁴ஸங்க²தந்தி கதங் உப்பாதி³தங். அபி⁴ஸஞ்சேதயிதந்தி சேதயிதங் பகப்பிதங். ஸோ தத்த² டி²தோதி ஸோ தஸ்மிங் ஸமத²விபஸ்ஸனாத⁴ம்மே டி²தோ. த⁴ம்மராகே³ன த⁴ம்மனந்தி³யாதி பத³த்³வயேஹி ஸமத²விபஸ்ஸனாஸு ச²ந்த³ராகோ³ வுத்தோ. ஸமத²விபஸ்ஸனாஸு
விதண்ட³வாதீ³ பனாஹ ‘‘தேனேவ த⁴ம்மராகே³னாதி வசனதோ அகுஸலேன ஸுத்³தா⁴வாஸே நிப்³ப³த்ததீ’’தி ஸோ ‘‘ஸுத்தங் ஆஹரா’’தி வத்தப்³போ³, அத்³தா⁴ அஞ்ஞங் அபஸ்ஸந்தோ இத³மேவ ஆஹரிஸ்ஸதி, ததோ வத்தப்³போ³ ‘‘கிங் பனித³ங் ஸுத்தங் நெய்யத்த²ங் நீதத்த²’’ந்தி, அத்³தா⁴ நீதத்த²ந்தி வக்க²தி. ததோ வத்தப்³போ³ – ஏவங் ஸந்தே அனாகா³மிப²லத்தி²கேன
‘‘ந, பி⁴க்க²வே, லோப⁴ஜேன கம்மேன தோ³ஸஜேன கம்மேன மோஹஜேன கம்மேன தே³வா பஞ்ஞாயந்தி, மனுஸ்ஸா பஞ்ஞாயந்தி, யா வா பனஞ்ஞாபி காசி ஸுக³தியோ, அத² கோ², பி⁴க்க²வே, லோப⁴ஜேன கம்மேன தோ³ஸஜேன கம்மேன மோஹஜேன கம்மேன நிரயோ பஞ்ஞாயதி, திரச்சா²னயோனி பஞ்ஞாயதி, பெத்திவிஸயோ பஞ்ஞாயதி, யா வா பனஞ்ஞாபி காசி து³க்³க³தியோ’’தி –
ஏவங் பஞ்ஞாபேதப்³போ³. ஸசே ஸஞ்ஜானாதி ஸஞ்ஜானாது, நோ சே ஸஞ்ஜானாதி, ‘‘க³ச்ச² பாதோவ விஹாரங் பவிஸித்வா யாகு³ங் பிவாஹீ’’தி உய்யோஜேதப்³போ³.
யதா² ச பன இமஸ்மிங் ஸுத்தே, ஏவங் மஹாமாலுக்யோவாதே³பி மஹாஸதிபட்டா²னேபி காயக³தாஸதிஸுத்தேபி ஸமத²விபஸ்ஸனா கதி²தா. தத்த² இமஸ்மிங் ஸுத்தே ஸமத²வஸேன க³ச்ச²தோபி விபஸ்ஸனாவஸேன க³ச்ச²தோபி ஸமத²து⁴ரமேவ து⁴ரங், மஹாமாலுக்யோவாதே³ விபஸ்ஸனாவ து⁴ரங், மஹாஸதிபட்டா²னங் பன விபஸ்ஸனுத்தரங்
அயங் கோ² க³ஹபதி…பே॰… ஏகத⁴ம்மோ அக்கா²தோதி ஏகத⁴ம்மங் புச்சி²தேன அயம்பி ஏகத⁴ம்மோதி ஏவங் புச்சா²வஸேன கதி²தத்தா ஏகாத³ஸபி த⁴ம்மா ஏகத⁴ம்மோ நாம ஜாதோ. மஹாஸகுலுதா³யிஸுத்தஸ்மிஞ்ஹி
21. நிதி⁴முக²ங் க³வேஸந்தோதி நிதி⁴ங் பரியேஸந்தோ. ஸகிதே³வாதி ஏகபயோகே³ன. கத²ங் பன ஏகபயோகே³னேவ ஏகாத³ஸன்னங் நிதீ⁴னங் அதி⁴க³மோ ஹோதீதி. இதே⁴கச்சோ அரஞ்ஞே நிதி⁴ங் க³வேஸமானோ சரதி, தமேனங் அஞ்ஞதரோ அத்த²சரகோ தி³ஸ்வா ‘‘கிங் போ⁴ சரஸீ’’தி புச்ச²தி. ஸோ ‘‘ஜீவிதவுத்திங் பரியேஸாமீ’’தி
ஆசரியத⁴னங் பரியேஸிஸ்ஸந்தீதி அஞ்ஞதித்தி²யா ஹி யஸ்ஸ ஸந்திகே ஸிப்பங் உக்³க³ண்ஹந்தி, தஸ்ஸ ஸிப்புக்³க³ஹணதோ புரே வா பச்சா² வா அந்தரந்தரே வா கே³ஹதோ நீஹரித்வா த⁴னங் தெ³ந்தி. யேஸங் கே³ஹே நத்தி², தே ஞாதிஸபா⁴க³தோ பரியேஸந்தி, ததா² அலப⁴மானா பி⁴க்க²ம்பி சரித்வா தெ³ந்தியேவ. தங் ஸந்தா⁴யேதங் வுத்தங்.
கிமங்க³ங் பனாஹந்தி பா³ஹிரகா தாவ அனிய்யானிகேபி ஸாஸனே ஸிப்பமத்ததா³யகஸ்ஸ த⁴னங் பரியேஸந்தி; அஹங் பன ஏவங்விதே⁴ நிய்யானிகஸாஸனே ஏகாத³ஸவித⁴ங் அமதுப்பத்திபடிபத³ங் தே³ஸெந்தஸ்ஸ ஆசரியஸ்ஸ பூஜங் கிங் ந கரிஸ்ஸாமி, கரிஸ்ஸாமியேவாதி வத³தி. பச்சேகது³ஸ்ஸயுகே³ன அச்சா²தே³ஸீதி ஏகமேகஸ்ஸ பி⁴க்கு²னோ ஏகேகங் து³ஸ்ஸயுக³மதா³ஸீதி அத்தோ². ஸமுதா³சாரவசனங் பனெத்த² ஏவரூபங் ஹோதி, தஸ்மா அச்சா²தே³ஸீதி வுத்தங். பஞ்சஸதவிஹாரந்தி பஞ்சஸதக்³க⁴னிகங் பண்ணஸாலங் காரேஸீதி அத்தோ². ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
அட்ட²கனாக³ரஸுத்தவண்ணனா நிட்டி²தா.
3. ஸேக²ஸுத்தவண்ணனா
22. ஏவங் மே ஸுதந்தி ஸேக²ஸுத்தங். தத்த² நவங் ஸந்தா²கா³ரந்தி அது⁴னா காரிதங் ஸந்தா²கா³ரங், ஏகா மஹாஸாலாதி அத்தோ². உய்யோக³காலாதீ³ஸு ஹி ராஜானோ தத்த² ட²த்வா ‘‘எத்தகா புரதோ க³ச்ச²ந்து, எத்தகா பச்சா², எத்தகா உபோ⁴ஹி பஸ்ஸேஹி, எத்தகா ஹத்தீ²ஸு அபி⁴ருஹந்து, எத்தகா அஸ்ஸேஸு, எத்தகா ரதே²ஸு திட்ட²ந்தூ’’தி ஏவங் ஸந்த²ங் கரொந்தி, மரியாத³ங் ப³ந்த⁴ந்தி, தஸ்மா தங் டா²னங் ஸந்தா²கா³ரந்தி வுச்சதி. உய்யோக³ட்டா²னதோ ச ஆக³ந்த்வா யாவ கே³ஹேஸு அல்லகோ³மயபரிப⁴ண்டா³தீ³னி கரொந்தி, தாவ த்³வே தீணி தி³வஸானி தே ராஜானோ தத்த² ஸந்த²ம்ப⁴ந்தீதிபி ஸந்தா²கா³ரங். தேஸங் ராஜூனங் ஸஹ அத்தா²னுஸாஸனங் அகா³ரந்திபி ஸந்தா²கா³ரங் க³ணராஜானோ ஹி தே அசிரகாரிதங் ஹோதீதி கட்ட²கம்ம-ஸிலாகம்ம-சித்தகம்மாதி³வஸேன ஸுஸஜ்ஜிதங் தே³வவிமானங் விய அது⁴னா நிட்டா²பிதங். ஸமணேன வாதி எத்த² யஸ்மா க⁴ரவத்து²பரிக்³க³ஹகாலேயேவ தே³வதா அத்தனோ வஸனட்டா²னங் க³ண்ஹந்தி, தஸ்மா ‘‘தே³வேன வா’’தி அவத்வா ‘‘ஸமணேன வா ப்³ராஹ்மணேன வா கேனசி வா மனுஸ்ஸபூ⁴தேனா’’தி வுத்தங்.
யேன ப⁴க³வா தேனுபஸங்கமிங்ஸூதி ஸந்தா²கா³ரங் நிட்டி²தந்தி ஸுத்வா ‘‘க³ச்சா²ம, நங் பஸ்ஸிஸ்ஸாமா’’தி க³ந்த்வா த்³வாரகொட்ட²கதோ பட்டா²ய ஸப்³ப³ங் ஓலோகெத்வா ‘‘இத³ங் ஸந்தா²கா³ரங் தே³வவிமானஸதி³ஸங் அதிவிய மனோரமங் ஸஸ்ஸிரிகங் கேன பட²மங் பரிபு⁴த்தங் அம்ஹாகங் தீ³க⁴ரத்தங் ஹிதாய ஸுகா²ய அஸ்ஸா’’தி சிந்தெத்வா ‘‘அம்ஹாகங் ஞாதிஸெட்ட²ஸ்ஸ பட²மங் தி³ய்யமானேபி ஸத்து²னோவ அனுச்ச²விகங், த³க்கி²ணெய்யவஸேன தி³ய்யமானேபி ஸத்து²னோவ அனுச்ச²விகங், தஸ்மா பட²மங் ஸத்தா²ரங் பரிபு⁴ஞ்ஜாபெஸ்ஸாம, பி⁴க்கு²ஸங்க⁴ஸ்ஸ ஆக³மனங் கரிஸ்ஸாம, பி⁴க்கு²ஸங்கே⁴ ஆக³தே தேபிடகங் பு³த்³த⁴வசனங் ஆக³தமேவ ப⁴விஸ்ஸதி, ஸத்தா²ரங் தியாமரத்திங் அம்ஹாகங் த⁴ம்மகத²ங் கதா²பெஸ்ஸாம, இதி தீஹி ரதனேஹி பரிபு⁴த்தங் மயங் பச்சா² பரிபு⁴ஞ்ஜிஸ்ஸாம
யேன ஸந்தா²கா³ரங் தேனுபஸங்கமிங்ஸூதி தங் தி³வஸங் கிர ஸந்தா²கா³ரங் கிஞ்சாபி ராஜகுலானங் த³ஸ்ஸனத்தா²ய தே³வவிமானங் விய ஸுஸஜ்ஜிதங் ஹோதி ஸுபடிஜக்³கி³தங், பு³த்³தா⁴ரஹங் பன கத்வா அப்பஞ்ஞத்தங். பு³த்³தா⁴ ஹி நாம அரஞ்ஞஜ்ஜா²ஸயா அரஞ்ஞாராமா அந்தோகா³மே வஸெய்யுங் வா நோ வா, தஸ்மா ப⁴க³வதோ மனங்
ஸப்³ப³ஸந்த²ரிங் ஸந்தா²கா³ரங் ஸந்த²ரித்வாதி யதா² ஸப்³ப³மேவ ஸந்த²தங் ஹோதி, ஏவங் தங் ஸந்த²ராபெத்வா. ஸப்³ப³பட²மங் தாவ ‘‘கோ³மயங் நாம ஸப்³ப³மங்க³லேஸு வட்டதீ’’தி
ஆஸனானி பஞ்ஞாபெத்வாதி மஜ்ஜ²ட்டா²னே தாவ மங்க³லத்த²ம்ப⁴ங் நிஸ்ஸாய மஹாரஹங் பு³த்³தா⁴ஸனங் பஞ்ஞாபெத்வா தத்த² யங் யங் முது³கஞ்ச மனோரமஞ்ச பச்சத்த²ரணங், தங் தங் பச்சத்த²ரித்வா ப⁴க³வதோ லோஹிதகங் மனுஞ்ஞத³ஸ்ஸனங் உபதா⁴னங் உபத³ஹித்வா உபரி ஸுவண்ணரஜததாரகவிசித்தங் விதானங் ப³ந்தி⁴த்வா க³ந்த⁴தா³மபுப்ப²தா³மபத்ததா³மாதீ³ஹி பச்சத்த²ரணேஹி அலங்கரித்வா ஸமந்தா த்³வாத³ஸஹத்த²ட்டா²னே புப்ப²ஜாலங் கரித்வா திங்ஸஹத்த²மத்தங் டா²னங் படஸாணியா பரிக்கி²பாபெத்வா
உத³கமணிகந்தி உபட்ட²பெத்வாதி ஏவங் ப⁴க³வா ச பி⁴க்கு²ஸங்கோ⁴ ச யதா²ருசியா ஹத்தே² வா தோ⁴விஸ்ஸந்தி பாதே³ வா, முக²ங் வா விக்கா²லெஸ்ஸந்தீதி தேஸு தேஸு டா²னேஸு மணிவண்ணஸ்ஸ உத³கஸ்ஸ பூராபெத்வா வாஸத்தா²ய நானாபுப்பா²னி சேவ உத³கவாஸசுண்ணானி ச பக்கி²பித்வா கத³லிபண்ணேஹி பித³ஹித்வா பதிட்டா²பேஸுங். இத³ங் ஸந்தா⁴ய வுத்தங் ‘‘உபட்ட²பெத்வா’’தி.
தேலப்பதீ³பங் ஆரோபெத்வாதி ரஜதஸுவண்ணாதி³மயத³ண்டா³ஸு தீ³பிகாஸு யோனகரூபகிராதரூபகாதீ³னங் ஹத்தே² ட²பிதஸுவண்ணரஜதாதி³மயகபல்லகாதீ³ஸு ச தேலப்பதீ³பங் ஜலயித்வாதி அத்தோ². யேன ப⁴க³வா தேனுபஸங்கமிங்ஸூதி எத்த² பன தே ஸக்யராஜானோ ந கேவலங் ஸந்தா²கா³ரமேவ, அத² கோ² யோஜனாவட்டே கபிலவத்து²ஸ்மிங் நக³ரவீதி²யோபி ஸம்மஜ்ஜாபெத்வா த⁴ஜே
அத² கோ² ப⁴க³வா நிவாஸெத்வா பத்தசீவரமாதா³ய ஸத்³தி⁴ங் பி⁴க்கு²ஸங்கே⁴ன யேன நவங் ஸந்தா²கா³ரங் தேனுபஸங்கமீதி. ‘‘யஸ்ஸ தா³னி, ப⁴ந்தே, ப⁴க³வா காலங் மஞ்ஞதீ’’தி ஏவங் கிர காலே ஆரோசிதே ப⁴க³வா லாகா²ரஸேன திந்தரத்தகோவிளாரபுப்ப²வண்ணங் ரத்தது³பட்டங் கத்தரியா பது³மங் கந்தந்தோ விய ஸங்விதா⁴ய திமண்ட³லங் படிச்சா²தெ³ந்தோ நிவாஸெத்வா ஸுவண்ணபாமங்கே³ன பது³மகலாபங் பரிக்கி²பந்தோ விய விஜ்ஜுல்லதாஸஸ்ஸிரிகங் காயப³ந்த⁴னங் ப³ந்தி⁴த்வா ரத்தகம்ப³லேன க³ஜகும்ப⁴ங் பரியோனத்³த⁴ந்தோ விய ரதனஸதுப்³பே³தே⁴ ஸுவண்ணக்³கி⁴கே பவாளஜாலங் கி²பமானோ விய ஸுவண்ணசேதியே ரத்தகம்ப³லகஞ்சுகங் படிமுஞ்சந்தோ விய க³ச்ச²ந்தங் புண்ணசந்த³ங் ரத்தவண்ணவலாஹகேன படிச்சா²த³யமானோ விய கஞ்சனபப்³ப³தமத்த²கே ஸுபக்கலாகா²ரஸங் பரிஸிஞ்சந்தோ விய சித்தகூடபப்³ப³தமத்த²கங் விஜ்ஜுல்லதாய பரிக்கி²பந்தோ விய ச ஸசக்கவாளஸினேருயுக³ந்த⁴ரங் மஹாபத²விங் சாலெத்வா க³ஹிதங் நிக்³ரோத⁴பல்லவஸமானவண்ணங் ரத்தவரபங்ஸுகூலங் பாருபித்வா க³ந்த⁴குடித்³வாரதோ நிக்க²மி கஞ்சனகு³ஹதோ ஸீஹோ விய உத³யபப்³ப³தகூடதோ புண்ணசந்தோ³ விய ச. நிக்க²மித்வா பன க³ந்த⁴குடிபமுகே² அட்டா²ஸி.
அத²ஸ்ஸ
இதி ப⁴க³வா ஸயங் வீதராகோ³ வீதராகே³ஹி, வீததோ³ஸோ வீததோ³ஸேஹி, வீதமோஹோ வீதமோஹேஹி, நித்தண்ஹோ நித்தண்ஹேஹி, நிக்கிலேஸோ நிக்கிலேஸேஹி, ஸயங் பு³த்³தோ⁴ ப³ஹுஸ்ஸுதபு³த்³தே⁴ஹி பரிவாரிதோ, பத்தபரிவாரிதங் விய கேஸரங், கேஸரபரிவாரிதா விய கண்ணிகா, அட்ட²னாக³ஸஹஸ்ஸபரிவாரிதோ விய ச²த்³த³ந்தோ நாக³ராஜா, நவுதிஹங்ஸஸஹஸ்ஸபரிவாரிதோ விய த⁴தரட்டோ² ஹங்ஸராஜா, ஸேனங்க³பரிவாரிதோ விய சக்கவத்தி, மருக³ணபரிவாரிதோ விய ஸக்கோ தே³வராஜா, ப்³ரஹ்மக³ணபரிவாரிதோ விய ஹாரிதமஹாப்³ரஹ்மா, தாராக³ணபரிவாரிதோ விய புண்ணசந்தோ³, அஸமேன பு³த்³த⁴வேஸேன அபரிமாணேன பு³த்³த⁴விலாஸேன கபிலவத்து²க³மனமக்³க³ங் படிபஜ்ஜி.
அத²ஸ்ஸ புரத்தி²மகாயதோ ஸுவண்ணவண்ணா ரஸ்மீ உட்ட²ஹித்வா அஸீதிஹத்த²ட்டா²னங் அக்³க³ஹேஸி. பச்சி²மகாயதோ த³க்கி²ணஹத்த²தோ, வாமஹத்த²தோ ஸுவண்ணவண்ணா ரஸ்மீ உட்ட²ஹித்வா அஸீதிஹத்த²ட்டா²னங் அக்³க³ஹேஸி. உபரி கேஸந்ததோ பட்டா²ய ஸப்³ப³கேஸாவத்தேஹி மோரகீ³வவண்ணா ரஸ்மீ உட்ட²ஹித்வா க³க³னதலே அஸீதிஹத்த²ட்டா²னங் அக்³க³ஹேஸி. ஹெட்டா² பாத³தலேஹி பவாளவண்ணா ரஸ்மீ உட்ட²ஹித்வா க⁴னபத²வியங் அஸீதிஹத்த²ட்டா²னங் அக்³க³ஹேஸி. ஏவங் ஸமந்தா அஸீதிஹத்த²மத்தங் டா²னங் ச²ப்³ப³ண்ணா பு³த்³த⁴ரஸ்மியோ விஜ்ஜோதமானா
ப⁴க³வதோபி அஸீதிஅனுப்³யஞ்ஜனப்³யாமப்பபா⁴த்³வத்திங்ஸவரலக்க²ணஸமுஜ்ஜலங் ஸரீரங் ஸமுக்³க³ததாரகங் விய க³க³னதலங், விகஸிதமிவ பது³மவனங், ஸப்³ப³பாலிபு²ல்லோ விய யோஜனஸதிகோ பாரிச்ச²த்தகோ, படிபாடியா ட²பிதானங் த்³வத்திங்ஸூசந்தா³னங் த்³வத்திங்ஸஸூரியானங் த்³வத்திங்ஸசக்கவத்தீனங் த்³வத்திங்ஸதே³வராஜானங் த்³வத்திங்ஸமஹாப்³ரஹ்மானங்
இமாய பு³த்³த⁴ஸிரியா ஓபா⁴ஸமானஸ்ஸாபி ச ப⁴க³வதோ புரதோ அனேகானி த³ண்ட³தீ³பிகஸஹஸ்ஸானி உக்கி²பிங்ஸு. ததா² பச்ச²தோ. வாமபஸ்ஸே த³க்கி²ணபஸ்ஸே. ஜாதிகுஸுமசம்பகவனமல்லிகரத்துப்பலனீலுப்பலமகுலஸிந்து³வாரபுப்பா²னி பத³ஸஹஸ்ஸேன க³மனவண்ணங் வத்துங் வட்டதி. தத்ரித³ங் முக²மத்தங் –
‘‘ஏவங் ஸப்³ப³ங்க³ஸம்பன்னோ, கம்பயந்தோ வஸுந்த⁴ரங்;
அஹேட²யந்தோ பாணானி, யாதி லோகவினாயகோ.
த³க்கி²ணங் பட²மங் பாத³ங், உத்³த⁴ரந்தோ நராஸபோ⁴;
க³ச்ச²ந்தோ ஸிரிஸம்பன்னோ, ஸோப⁴தே த்³விபது³த்தமோ.
க³ச்ச²தோ
ஸமங் ஸம்பு²ஸதே பூ⁴மிங், ரஜஸா நுபலிப்பதி.
நின்னட்டா²னங் உன்னமதி, க³ச்ச²ந்தே லோகனாயகே;
உன்னதஞ்ச ஸமங் ஹோதி, பத²வீ ச அசேதனா.
பாஸாணா ஸக்க²ரா சேவ, கத²லா கா²ணுகண்டகா;
ஸப்³பே³ மக்³கா³ விவஜ்ஜந்தி, க³ச்ச²ந்தே லோகனாயகே.
நாதிதூ³ரே
அக⁴ட்டயந்தோ நிய்யாதி, உபோ⁴ ஜாணூ ச கொ³ப்ப²கே.
நாதிஸீக⁴ங்
ந சாதிஸணிகங் யாதி, க³ச்ச²மானோ ஸமாஹிதோ.
உத்³த⁴ங் அதோ⁴ ச திரியங், தி³ஸஞ்ச விதி³ஸங் ததா²;
ந பெக்க²மானோ ஸோ யாதி, யுக³மத்தம்ஹி பெக்க²தி.
நாக³விக்கந்தசாரோ ஸோ, க³மனே ஸோப⁴தே ஜினோ;
சாருங் க³ச்ச²தி லோகக்³கோ³, ஹாஸயந்தோ ஸதே³வகே.
உளுராஜாவ ஸோப⁴ந்தோ, சதுசாரீவ கேஸரீ;
தோஸயந்தோ ப³ஹூ ஸத்தே, புரங் ஸெட்ட²ங் உபாக³மீ’’தி.
வண்ணகாலோ நாம கிரேஸ, ஏவங்விதே⁴ஸு காலேஸு பு³த்³த⁴ஸ்ஸ ஸரீரவண்ணே வா கு³ணவண்ணே வா த⁴ம்மகதி²கஸ்ஸ தா²மோயேவ பமாணங் சுண்ணியபதே³ஹி வா கா³தா²ப³ந்தே⁴ன வா யத்தகங் ஸக்கோதி, தத்தகங் வத்தப்³ப³ங். து³க்கதி²தந்தி ந வத்தப்³ப³ங். அப்பமாணவண்ணா ஹி பு³த்³தா⁴, தேஸங் பு³த்³தா⁴பி அனவஸேஸதோ வண்ணங்
ப⁴க³வந்தங்யேவ புரக்க²த்வாதி ப⁴க³வந்தங் புரதோ கத்வா. தத்த² ப⁴க³வா பி⁴க்கூ²னஞ்சேவ உபாஸகானஞ்ச மஜ்ஜே² நிஸின்னோ க³ந்தோ⁴த³கேன ந்ஹாபெத்வா து³கூலசும்ப³டகேன வோத³கங் கத்வா ஜாதிஹிங்கு³லகேன மஜ்ஜித்வா ரத்தகம்ப³லபலிவேடி²தே
‘‘க³ந்த்வான மண்ட³லமாளங், நாக³விக்கந்தசரணோ;
ஓபா⁴ஸயந்தோ லோகக்³கோ³, நிஸீதி³ வரமாஸனே.
தஸ்மிங்
தே³வாதிதே³வோ ஸதபுஞ்ஞலக்க²ணோ;
பு³த்³தா⁴ஸனே மஜ்ஜ²க³தோ விரோசதி,
ஸுவண்ணனெக்க²ங் விய பண்டு³கம்ப³லே.
நெக்க²ங் ஜம்போ³னத³ஸ்ஸேவ, நிக்கி²த்தங் பண்டு³கம்ப³லே;
விரோசதி வீதமலோ, மணிவேரோசனோ யதா².
மஹாஸாலோவ ஸம்பு²ல்லோ, நேருராஜாவலங்கதோ;
ஸுவண்ணயூபஸங்காஸோ, பது³மோ கோகனதோ³ யதா².
ஜலந்தோ தீ³பருக்கோ²வ, பப்³ப³தக்³கே³ யதா² ஸிகீ²;
தே³வானங் பாரிச்ச²த்தோவ, ஸப்³ப³பு²ல்லோ விரோசதா²’’தி.
காபிலவத்த²வே ஸக்யே ப³ஹுதே³வ ரத்திங் த⁴ம்மியா கதா²யாதி எத்த² த⁴ம்மீ கதா² நாம ஸந்தா²கா³ரஅனுமோத³னப்படிஸங்யுத்தா பகிண்ணககதா² வேதி³தப்³பா³. ததா³ ஹி ப⁴க³வா ஆகாஸக³ங்க³ங் ஓதாரெந்தோ விய பத²வோஜங் ஆகட்³ட⁴ந்தோ விய மஹாஜம்பு³ங் க²ந்தே⁴ க³ஹெத்வா சாலெந்தோ விய யோஜனிகங் மது⁴ப⁴ண்ட³ங் சக்கயந்தேன பீளெத்வா மது⁴பானங் பாயமானோ விய காபிலவத்த²வானங் ஸக்யானங் ஹிதஸுகா²வஹங்
‘‘ஸீதங் உண்ஹங் படிஹந்தி, ததோ வாளமிகா³னி ச;
ஸரீஸபே ச மகஸே, ஸிஸிரே சாபி வுட்டி²யோ.
ததோ வாதாதபோ கோ⁴ரோ, ஸஞ்ஜாதோ படிஹஞ்ஞதி;
லேணத்த²ஞ்ச ஸுக²த்த²ஞ்ச, ஜா²யிதுஞ்ச விபஸ்ஸிதுங்.
விஹாரதா³னங் ஸங்க⁴ஸ்ஸ, அக்³க³ங் பு³த்³தே⁴ன வண்ணிதங்;
தஸ்மா ஹி பண்டி³தோ போஸோ, ஸம்பஸ்ஸங் அத்த²மத்தனோ.
விஹாரே
தேஸங் அன்னஞ்ச பானஞ்ச, வத்த²ஸேனாஸனானி ச.
த³தெ³ய்ய உஜுபூ⁴தேஸு, விப்பஸன்னேன சேதஸா;
தே தஸ்ஸ த⁴ம்மங் தே³ஸெந்தி, ஸப்³ப³து³க்கா²பனூத³னங்;
யங் ஸோ த⁴ம்மங் இத⁴ஞ்ஞாய, பரினிப்³பா³தி அனாஸவோ’’தி. (சூளவ॰ 295) –
ஏவங் அயம்பி ஆவாஸே ஆனிஸங்ஸோ, அயம்பி ஆனிஸங்ஸோதி ப³ஹுதே³வரத்திங் அதிரேகதரங் தி³யட்³ட⁴யாமங் ஆவாஸானிஸங்ஸகத²ங் ஸந்த³ஸ்ஸேஸீதிஆதீ³னி
ஆயஸ்மந்தங் ஆனந்த³ங் ஆமந்தேஸீதி த⁴ம்மகத²ங் கதா²பேதுகாமோ ஜானாபேஸி. அத² கஸ்மா ஸாரிபுத்தமஹாமொக்³க³ல்லானமஹாகஸ்ஸபாதீ³ஸு அஸீதிமஹாதே²ரேஸு விஜ்ஜமானேஸு ப⁴க³வா ஆனந்த³த்தே²ரஸ்ஸ பா⁴ரமகாஸீதி. பரிஸஜ்ஜா²ஸயவஸேன. ஆயஸ்மா ஹி ஆனந்தோ³ ப³ஹுஸ்ஸுதானங் அக்³கோ³, பஹோஸி பரிமண்ட³லேஹி பத³ப்³யஞ்ஜனேஹி மது⁴ரத⁴ம்மகத²ங் கதே²துந்தி ஸாகியமண்ட³லே பாகடோ பஞ்ஞாதோ. தஸ்ஸ ஸக்யராஜூஹி விஹாரங் க³ந்த்வாபி த⁴ம்மகதா² ஸுதபுப்³பா³, ஓரோதா⁴ பன நேஸங் ந யதா²ருசியா விஹாரங் க³ந்துங் லப⁴ந்தி, தேஸங் ஏதத³ஹோஸி – ‘‘அஹோ வத ப⁴க³வா அப்பங்யேவ த⁴ம்மகத²ங் கதெ²த்வா அம்ஹாகங் ஞாதிஸெட்ட²ஸ்ஸ ஆனந்த³ஸ்ஸ பா⁴ரங் கரெய்யா’’தி. தேஸங் அஜ்ஜா²ஸயவஸேன ப⁴க³வா தஸ்ஸேவ பா⁴ரமகாஸி.
ஸேகோ² பாடிபதோ³தி படிபன்னகோ ஸேக²ஸமணோ. ஸோ துய்ஹங் படிபா⁴து உபட்டா²து, தஸ்ஸ படிபத³ங் தே³ஸேஹீதி படிபதா³ய புக்³க³லங் நியமெத்வா த³ஸ்ஸேதி. கஸ்மா பன ப⁴க³வா இமங் படிபத³ங் நியமேஸி? ப³ஹூஹி காரணேஹி. இமே தாவ ஸக்யா மங்க³லஸாலாய மங்க³லங் பச்சாஸீஸந்தி வட்³டி⁴ங் இச்ச²ந்தி, அயஞ்ச ஸேக²படிபதா³ மய்ஹங் ஸாஸனே மங்க³லபடிபதா³ வட்³ட⁴மானகபடிபதா³திபி இமங் படிபத³ங் நியமேஸி. தஸ்ஸஞ்ச பரிஸதி ஸேகா²வ ப³ஹூ நிஸின்னா, தே அத்தனா படிவித்³த⁴ட்டா²னே கதீ²யமானே அகிலமந்தாவ ஸல்லக்கெ²ஸ்ஸந்தீதிபி இமங் படிபத³ங் நியமேஸி. ஆயஸ்மா ச ஆனந்தோ³ ஸேக²படிஸம்பி⁴தா³பத்தோவ, ஸோ அத்தனா படிவித்³தே⁴ பச்சக்க²ட்டா²னே கதெ²ந்தோ அகிலமந்தோ விஞ்ஞாபேதுங் ஸக்கி²ஸ்ஸதீதிபி இமங் படிபத³ங் நியமேஸி. ஸேக²படிபதா³ய ச திஸ்ஸோபி ஸிக்கா² ஓஸடா
பிட்டி² மே ஆகி³லாயதீதி கஸ்மா ஆகி³லாயதி? ப⁴க³வதோ ஹி ச²ப்³ப³ஸ்ஸானி பதா⁴னங் பத³ஹந்தஸ்ஸ
ஸங்கா⁴டிங் பஞ்ஞாபெத்வாதி ஸந்தா²கா³ரஸ்ஸ கிர ஏகபஸ்ஸே தே ராஜானோ பட்டஸாணிங் பரிக்கி²பாபெத்வா கப்பியமஞ்சகங் பஞ்ஞபெத்வா கப்பியபச்சத்த²ரணேன அத்த²ரித்வா உபரி ஸுவண்ண-தாரக-க³ந்த⁴மாலா-தா³மபடிமண்டி³தங் விதானங் ப³ந்தி⁴த்வா க³ந்த⁴தேலப்பதீ³பங் ஆரோபயிங்ஸு ‘‘அப்பேவ நாம ஸத்தா² த⁴ம்மாஸனதோ உட்டா²னஸஞ்ஞங் மனஸி கரித்வாதி எத்தகங் காலங் அதிக்கமித்வா வுட்ட²ஹிஸ்ஸாமீதி வுட்டா²னஸஞ்ஞங் சித்தே ட²பெத்வா.
23. மஹானாமங் ஸக்கங் ஆமந்தேஸீதி ஸோ கிர தஸ்மிங் காலே தஸ்ஸங் பரிஸதி ஜெட்ட²கோ பாமொக்கோ², தஸ்மிங் ஸங்க³ஹிதே ஸேஸபரிஸா ஸங்க³ஹிதாவ ஸீலஸம்பன்னோதி ஸீலேன ஸம்பன்னோ, ஸம்பன்னஸீலோ பரிபுண்ணஸீலோதி அத்தோ². ஸத்³த⁴ம்மேஹீதி ஸுந்த³ரத⁴ம்மேஹி, ஸதங் வா ஸப்புரிஸானங் த⁴ம்மேஹி.
24. கத²ஞ்ச மஹானாமாதி இமினா எத்தகேன டா²னேன ஸேக²படிபதா³ய மாதிகங் ட²பெத்வா படிபாடியா வித்தா²ரேதுகாமோ ஏவமாஹ. தத்த² ஸீலஸம்பன்னோதிஆதீ³னி ‘‘ஸம்பன்னஸீலா, பி⁴க்க²வே, விஹரதா²’’தி ஆகங்கெ²ய்யஸுத்தாதீ³ஸு வுத்தனயேனேவ வேதி³தப்³பா³னி.
25. காயது³ச்சரிதேனாதிஆதீ³ஸு ஆரத்³த⁴வீரியோதி பக்³க³ஹிதவீரியோ அனோஸக்கிதமானஸோ. பஹானாயாதி பஹானத்தா²ய. உபஸம்பதா³யாதி தா²மவாதி வீரியதா²மேன ஸமன்னாக³தோ. த³ள்ஹபரக்கமோதி தி²ரபரக்கமோ. அனிக்கி²த்தது⁴ரோ குஸலேஸு த⁴ம்மேஸூதி குஸலேஸு த⁴ம்மேஸு அனோரோபிதது⁴ரோ அனோஸக்கிதவீரியோ. பரமேனாதி உத்தமேன. ஸதினேபக்கேனாதி ஸதியா ச நிபகபா⁴வேன ச. கஸ்மா பன ஸதிபா⁴ஜனியே பஞ்ஞா ஆக³தாதி? ஸதியா ப³லவபா⁴வதீ³பனத்த²ங். பஞ்ஞாவிப்பயுத்தா ஹி ஸதி து³ப்³ப³லா ஹோதி, ஸம்பயுத்தா ப³லவதீதி.
சிரகதம்பீதி அத்தனா வா பரேன வா காயேன சிரகதங் சேதியங்க³ணவத்தாதி³ அஸீதி மஹாவத்தபடிபத்திபூரணங். சிரபா⁴ஸிதம்பீதி அத்தனா வா பரேன வா வாசாய சிரபா⁴ஸிதங் ஸக்கச்சங் உத்³தி³ஸன-உத்³தி³ஸாபன-த⁴ம்மோஸாரண-த⁴ம்மதே³ஸனா-உபனிஸின்னகதா²-அனுமோத³னியாதி³வஸேன பவத்திதங் வசீகம்மங். ஸரிதா அனுஸ்ஸரிதாதி தஸ்மிங் காயேன சிரகதே ‘‘காயோ நாம காயவிஞ்ஞத்தி, சிரபா⁴ஸிதே வாசா நாம வசீவிஞ்ஞத்தி. தது³ப⁴யம்பி ரூபங், தங்ஸமுட்டா²பிகா சித்தசேதஸிகா அரூபங். இதி இமே ரூபாரூபத⁴ம்மா ஏவங் உப்பஜ்ஜித்வா ஏவங் நிருத்³தா⁴’’தி ஸரதி சேவ அனுஸ்ஸரதி ச, ஸதிஸம்பொ³ஜ்ஜ²ங்க³ங் ஸமுட்டா²பேதீதி அத்தோ². பொ³ஜ்ஜ²ங்க³ஸமுட்டா²பிகா ஹி ஸதி இத⁴ அதி⁴ப்பேதா. தாய ஸதியா ஏஸ ஸகிம்பி ஸரணேன ஸரிதா, புனப்புனங் ஸரணேன அனுஸ்ஸரிதாதி வேதி³தப்³பா³.
உத³யத்த²கா³மினியாதி அரியாயாதி விக்க²ம்ப⁴னவஸேன ச ஸமுச்சே²த³வஸேன ச கிலேஸேஹி ஆரகா டி²தாய பரிஸுத்³தா⁴ய. பஞ்ஞாய ஸமன்னாக³தோதி விபஸ்ஸனாபஞ்ஞாய சேவ மக்³க³பஞ்ஞாய ச ஸமங்கீ³பூ⁴தோ. நிப்³பே³தி⁴காயாதி ஸம்மா து³க்க²க்க²யகா³மினியாதி இதா⁴பி மக்³க³பஞ்ஞா ‘‘ஸம்மா ஹேதுனா நயேன வட்டது³க்க²ங் கே²பயமானா க³ச்ச²தீதி
26. அபி⁴சேதஸிகானந்தி அபி⁴சித்தங் ஸெட்ட²சித்தங் ஸிதானங் நிஸ்ஸிதானங். தி³ட்ட²த⁴ம்மஸுக²விஹாரானந்தி அப்பிதப்பிதக்க²ணே ஸுக²படிலாப⁴ஹேதூனங். நிகாமலாபீ⁴தி இச்சி²திச்சி²தக்க²ணே ஸமாபஜ்ஜிதா. அகிச்ச²லாபீ⁴தி நிது³க்க²லாபீ⁴. அகஸிரலாபீ⁴தி விபுலலாபீ⁴. பகு³ணபா⁴வேன ஏகோ இச்சி²திச்சி²தக்க²ணே ஸமாபஜ்ஜிதுங் ஸக்கோதி, ஸமாதி⁴பாரிபந்தி²கத⁴ம்மே பன அகிலமந்தோ விக்க²ம்பே⁴துங் ந ஸக்கோதி, ஸோ அத்தனோ அனிச்சா²ய கி²ப்பமேவ வுட்டா²தி, யதா²பரிச்சே²த³வஸேன ஸமாபத்திங் ட²பேதுங் ந ஸக்கோதி அயங் கிச்ச²லாபீ⁴ கஸிரலாபீ⁴ நாம. ஏகோ இச்சி²திச்சி²தக்க²ணே ச ஸமாபஜ்ஜிதுங் ஸக்கோதி, ஸமாதி⁴பாரிபந்தி²கத⁴ம்மே ச அகிலமந்தோ விக்க²ம்பே⁴தி, ஸோ யதா²பரிச்சே²த³வஸேனேவ வுட்டா²துங் ஸக்கோதி, அயங் அகிச்ச²லாபீ⁴ அகஸிரலாபீ⁴ நாம.
27. அயங் வுச்சதி மஹானாம அரியஸாவகோ ஸேகோ² பாடிபதோ³தி மஹானாம அரியஸாவகோ ஸேகோ² பாடிபதோ³ விபஸ்ஸனாக³ப்³பா⁴ய வட்³ட⁴மானகபடிபதா³ய ஸமன்னாக³தோதி வுச்சதீதி த³ஸ்ஸேதி. அபுச்சண்ட³தாயாதி அபூதிஅண்ட³தாய. ப⁴ப்³போ³ அபி⁴னிப்³பி⁴தா³யாதி விபஸ்ஸனாதி³ஞாணப்பபே⁴தா³ய ப⁴ப்³போ³. ஸம்போ³தா⁴யாதி அரியமக்³கா³ய. அனுத்தரஸ்ஸ யோக³க்கே²மஸ்ஸாதி அரஹத்தங்
28. இமங்யேவ அனுத்தரங் உபெக்கா²ஸதிபாரிஸுத்³தி⁴ந்தி இமங் பட²மாதி³ஜ்ஜா²னேஹி அஸதி³ஸங் உத்தமங் சதுத்த²ஜ்ஜா²னிகங் உபெக்கா²ஸதிபாரிஸுத்³தி⁴ங். பட²மாபி⁴னிப்³பி⁴தா³தி பட²மோ ஞாணபே⁴தோ³. து³தியாதீ³ஸுபி ஏஸேவ
29. இத³ம்பிஸ்ஸ ஹோதி சரணஸ்மிந்தி இத³ம்பி ஸீலங் அஸ்ஸ பி⁴க்கு²னோ சரணங் நாம ஹோதீதி அத்தோ². சரணங் நாம ப³ஹு அனேகவித⁴ங், ஸீலாத³யோ பன்னரஸத⁴ம்மா, தத்த² இத³ம்பி ஏகங் சரணந்தி அத்தோ². பத³த்தோ² பன சரதி தேன அக³தபுப்³ப³ங் தி³ஸங் க³ச்ச²தீதி சரணங். ஏஸ நயோ ஸப்³ப³த்த².
இத³ம்பிஸ்ஸ ஹோதி விஜ்ஜாயாதி இத³ங் புப்³பே³னிவாஸஞாணங் தஸ்ஸ விஜ்ஜா நாம ஹோதீதி அத்தோ². விஜ்ஜா நாம ப³ஹு அனேகவிதா⁴, விபஸ்ஸனஞாணாதீ³னி அட்ட² ஞாணானி, தத்த² இத³ம்பி ஞாணங் ஏகா விஜ்ஜாதிபி அத்தோ². பத³த்தோ² பன வினிவிஜ்ஜி²த்வா ஏதாய ஜானாதீதி விஜ்ஜா. ஏஸ நயோ ஸப்³ப³த்த². விஜ்ஜாஸம்பன்னோ இதிபீதி தீஹி விஜ்ஜாஹி விஜ்ஜாஸம்பன்னோ இதிபி. சரணஸம்பன்னோ இதிபீதி பஞ்சத³ஸஹி த⁴ம்மேஹி சரணஸம்பன்னோ இதிபி. தது³ப⁴யேன பன விஜ்ஜாசரணஸம்பன்னோ இதிபீதி.
30. ஸனங்குமாரேனாதி ஸனங்குமாரோதி ஸஞ்ஜானந்தி. ஜனேதஸ்மிந்தி யே கொ³த்தபடிஸாரினோதி யே ஜனேதஸ்மிங் கொ³த்தங் படிஸரந்தி ‘‘அஹங் கோ³தமோ, அஹங் கஸ்ஸபோ’’தி, தேஸு லோகே கொ³த்தபடிஸாரீஸு க²த்தியோ ஸெட்டோ². அனுமதா ப⁴க³வதாதி மம பஞ்ஹப்³யாகரணேன ஸத்³தி⁴ங் ஸங்ஸந்தி³த்வா தே³ஸிதாதி அம்ப³ட்ட²ஸுத்தே பு³த்³தே⁴ன ப⁴க³வதா ‘‘அஹம்பி, அம்ப³ட்ட², ஏவங் வதா³மி –
‘க²த்தியோ
விஜ்ஜாசரணஸம்பன்னோ, ஸோ ஸெட்டோ² தே³வமானுஸே’தி’’. (தீ³॰ நி॰ 1.277) –
ஏவங் பா⁴ஸந்தேன அனுஞ்ஞாதா அனுமோதி³தா. ஸாது⁴ ஸாது⁴ ஆனந்தா³தி, ப⁴க³வா கிர ஆதி³தோ பட்டா²ய நித்³த³ங் அனோக்கமந்தோவ இமங் ஸுத்தங் ஸுத்வா ஆனந்தே³ன ஸேக²படிபதா³ய கூடங் க³ஹிதந்தி ஞத்வா உட்டா²ய பல்லங்கங் ஆபு⁴ஜித்வா நிஸின்னோ ஸாது⁴காரங் அதா³ஸி. எத்தாவதா ச பன இத³ங் ஸுத்தங் ஜினபா⁴ஸிதங் நாம ஜாதங். ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
ஸேக²ஸுத்தவண்ணனா நிட்டி²தா.
4. போதலியஸுத்தவண்ணனா
31. ஏவங் மே ஸுதந்தி போதலியஸுத்தங். தத்த² அங்கு³த்தராபேஸூதி அங்கா³யேவ ஸோ ஜனபதோ³, மஹியா பனஸ்ஸ உத்தரேன யா ஆபோ, தாஸங் அவிதூ³ரத்தா உத்தராபோதிபி வுச்சதி. கதரமஹியா உத்தரேன யா ஆபோதி, மஹாமஹியா. தத்தா²யங் ஆவிபா⁴வகதா² – அயங் கிர ஜம்பு³தீ³போ
தத்த² ஸுத³ஸ்ஸனகூடங் ஸோவண்ணமயங் த்³வியோஜனஸதுப்³பே³த⁴ங் அந்தோவங்கங் காகமுக²ஸண்டா²னங் தமேவ ஸரங் படிச்சா²தெ³த்வா டி²தங். சித்ரகூடங் ஸப்³ப³ரதனமயங். காளகூடங் அஞ்ஜனமயங். க³ந்த⁴மாத³னகூடங் ஸானுமயங் அப்³ப⁴ந்தரே முக்³க³வண்ணங், மூலக³ந்தோ⁴ ஸாரக³ந்தோ⁴ பெ²க்³கு³க³ந்தோ⁴ தசக³ந்தோ⁴ பபடிகக³ந்தோ⁴ ரஸக³ந்தோ⁴ பத்தக³ந்தோ⁴ புப்ப²க³ந்தோ⁴ ப²லக³ந்தோ⁴ க³ந்த⁴க³ந்தோ⁴தி இமேஹி த³ஸஹி க³ந்தே⁴ஹி உஸ்ஸன்னங் நானப்பகாரஓஸத⁴ஸஞ்ச²ன்னங், காளபக்க²உபோஸத²தி³வஸே ஆதி³த்தமிவ அங்கா³ரங் ஜலந்தங் திட்ட²தி. கேலாஸகூடங் ரஜதமயங். ஸப்³பா³னி ஸுத³ஸ்ஸனேன ஸமானுப்³பே³த⁴ஸண்டா²னானி, தமேவ ஸரங் படிச்சா²தெ³த்வா டி²தானி. தானி ஸப்³பா³னி
தத்த²
தஸ்ஸ சதூஸு பஸ்ஸேஸு ஸீஹமுக²ங் ஹத்தி²முக²ங் அஸ்ஸமுக²ங் உஸப⁴முக²ந்தி சத்தாரி முகா²னி ஹொந்தி, யேஹி சதஸ்ஸோ நதி³யோ ஸந்த³ந்தி. ஸீஹமுகே²ன நிக்க²ந்தனதீ³தீரே ஸீஹா ப³ஹுதரா ஹொந்தி. ஹத்தி²முகா²தீ³ஹி ஹத்தி²அஸ்ஸஉஸபா⁴. புரத்தி²மதி³ஸதோ நிக்க²ந்தனதீ³ அனோதத்தங் திக்க²த்துங் பத³க்கி²ணங் கத்வா இதரா திஸ்ஸோ நதி³யோ அனுபக³ம்ம
ஆபணங் நாமாதி தஸ்மிங் கிர நிக³மே வீஸதி ஆபணமுக²ஸஹஸ்ஸானி விப⁴த்தானி அஹேஸுங். இதி ஸோ ஆபணானங் உஸ்ஸன்னத்தா ஆபணந்த்வேவ ஸங்க²ங் க³தோ. தஸ்ஸ ச நிக³மஸ்ஸ அவிதூ³ரே நதீ³தீரே க⁴னச்சா²யோ ரமணீயோ பூ⁴மிபா⁴கோ³ மஹாவனஸண்டோ³, தஸ்மிங் ப⁴க³வா விஹரதி. தேனேவெத்த² வஸனட்டா²னங் ந நியாமிதந்தி வேதி³தப்³ப³ங். யேனஞ்ஞதரோ வனஸண்டோ³ தேனுபஸங்கமீதி போதலியோபி கோ² க³ஹபதீதி போதலியோதி ஏவங்னாமகோ க³ஹபதி. ஸம்பன்னநிவாஸனபாவுரணோதி பரிபுண்ணனிவாஸனபாவுரணோ ச²த்துபாஹனாஹீதி ச²த்தங் க³ஹெத்வா உபாஹனா ஆருய்ஹாதி அத்தோ². ஆஸனானீதி பல்லங்கபீட²பலாலபீட²காதீ³னி. அந்தமஸோ ஸாகா²ப⁴ங்க³ம்பி ஹி ஆஸனந்தேவ வுச்சதி. க³ஹபதிவாதே³னாதி க³ஹபதீதி இமினா வசனேன. ஸமுதா³சரதீதி வோஹரதி.
ப⁴க³வந்தங் ஏதத³வோசாதி ததியங் க³ஹபதீதி வசனங் அதி⁴வாஸேதுங் அஸக்கொந்தோ ப⁴க³வந்தமேதங் ‘‘தயித³ங், போ⁴, கோ³தமா’’திஆதி³வசனங் அவோச. தத்த² நச்ச²ன்னந்தி ந அனுச்ச²விகங். நப்பதிரூபந்தி ந ஸாருப்பங். ஆகாராதிஆதீ³னி ஸப்³பா³னேவ காரணவேவசனானி. தீ³க⁴த³ஸவத்த²தா⁴ரண-கேஸமஸ்ஸுனக²ட²பனாதீ³னி ஹி ஸப்³பா³னேவ கி³ஹிப்³யஞ்ஜனானி தஸ்ஸ கி³ஹிபா⁴வங் பாகடங் கரொந்தீதி ஆகாரா, கி³ஹிஸண்டா²னேன ஸண்டி²தத்தா லிங்கா³, கி³ஹிபா⁴வஸ்ஸ ஸஞ்ஜானநனிமித்ததாய நிமித்தாதி வுத்தா. யதா² தங் க³ஹபதிஸ்ஸாதி யதா² க³ஹபதிஸ்ஸ ஆகாரலிங்க³னிமித்தா ப⁴வெய்யுங், ததே²வ துய்ஹங். தேன தாஹங் ஏவங் ஸமுதா³சராமீதி த³ஸ்ஸேதி. அத² ஸோ யேன காரணேன க³ஹபதிவாத³ங் நாதி⁴வாஸேதி, தங் பகாஸெந்தோ ‘‘ததா² ஹி பன மே’’திஆதி³மாஹ.
நிய்யாதந்தி நிய்யாதிதங். அனோவாதீ³ அனுபவாதீ³தி ‘‘தாதா, கஸத², வபத², வணிப்பத²ங் பயோஜேதா²’’திஆதி³னா ஹி நயேன ஓவத³ந்தோ ஓவாதீ³ நாம ஹோதி. ‘‘தும்ஹே ந கஸத², ந வபத², ந வணிப்பத²ங் பயோஜேத², கத²ங் ஜீவிஸ்ஸத², புத்ததா³ரங் வா ப⁴ரிஸ்ஸதா²’’திஆதி³னா நயேன பன உபவத³ந்தோ உபவாதீ³ நாம ஹோதி. அஹங் பன உப⁴யம்பி தங் ந கரோமி. தேனாஹங் தத்த² அனோவாதீ³ அனுபவாதீ³தி த³ஸ்ஸேதி. கா⁴ஸச்சா²த³னபரமோ விஹராமீதி கா⁴ஸமத்தஞ்சேவ அச்சா²த³னமத்தஞ்ச பரமங் கத்வா விஹராமி, ததோ பரங் நத்தி², ந ச பத்தே²மீதி தீ³பேதி.
32. கி³த்³தி⁴லோபோ⁴ பஹாதப்³போ³தி கே³த⁴பூ⁴தோ லோபோ⁴ பஹாதப்³போ³. அனிந்தா³ரோஸந்தி அனிந்தா³பூ⁴தங் அக⁴ட்டனங். நிந்தா³ரோஸோதி நிந்தா³க⁴ட்டனா. வோஹாரஸமுச்சே²தா³யாதி எத்த² வோஹாரோதி ப்³யவஹாரவோஹாரோபி பண்ணத்திபி வசனம்பி சேதனாபி. தத்த² –
‘‘யோ
ஏவங் வாஸெட்ட² ஜானாஹி, வாணிஜோ ஸோ ந ப்³ராஹ்மணோ’’தி. (ம॰ நி॰ 2.457) –
அயங் ப்³யவஹாரவோஹாரோ நாம. ‘‘ஸங்கா² ஸமஞ்ஞா பஞ்ஞத்தி வோஹாரோ’’தி (த⁴॰ ஸ॰ 1313-1315) அயங் பண்ணத்திவோஹாரோ நாம. ‘‘ததா² ததா² வோஹரதி அபராமஸ’’ந்தி (ம॰ நி॰ 3.332) அயங் வசனவோஹாரோ நாம. ‘‘அட்ட² அரியவோஹாரா அட்ட² அனரியவோஹரா’’தி (அ॰ நி॰ 8.67) அயங் சேதனாவோஹாரோ நாம, அயமிதா⁴தி⁴ப்பேதோ. யஸ்மா வா பப்³ப³ஜிதகாலதோ பட்டா²ய கி³ஹீதி சேதனா நத்தி², ஸமணோதி சேதனா ஹோதி. கி³ஹீதி வசனங் நத்தி², ஸமணோதி வசனங் ஹோதி. கி³ஹீதி பண்ணத்தி நத்தி², ஸமணோதி பண்ணத்தி ஹோதி. கி³ஹீதி ப்³யவஹாரோ நத்தி², ஸமணோதி வா பப்³ப³ஜிதோதி வா ப்³யவஹாரோ ஹோதி. தஸ்மா ஸப்³பே³பேதே லப்³ப⁴ந்தி.
33. யேஸங் கோ² அஹங் ஸங்யோஜனானங் ஹேது பாணாதிபாதீதி எத்த² பாணாதிபாதோவ ஸங்யோஜனங். பாணாதிபாதஸ்ஸேவ ஹி ஹேது பாணாதிபாதபச்சயா பாணாதிபாதீ நாம ஹோதி. பாணாதிபாதானங் பன ப³ஹுதாய ‘‘யேஸங் கோ² அஹ’’ந்தி வுத்தங். தேஸாஹங் ஸங்யோஜனானந்தி தேஸங் அஹங் பாணாதிபாதப³ந்த⁴னானங். பஹானாய ஸமுச்சே²தா³ய படிபன்னோதி இமினா அபாணாதிபாதஸங்கா²தேன காயிகஸீலஸங்வரேன பஹானத்தா²ய ஸமுச்சே²த³னத்தா²ய படிபன்னோ. அத்தாபி மங் உபவதெ³ய்யாதி குந்த²கிபில்லிகம்பி நாம ஜீவிதா அவோரோபனகஸாஸனே பப்³ப³ஜித்வா பாணாதிபாதமத்ததோபி ஓரமிதுங் ந ஸக்கோமி, கிங் மய்ஹங் பப்³ப³ஜ்ஜாயாதி ஏவங் அத்தாபி மங் உபவதெ³ய்ய. அனுவிச்சாபி மங் விஞ்ஞூ க³ரஹெய்யுந்தி ஏவரூபே நாம ஸாஸனே பப்³ப³ஜித்வா பாணாதிபாதமத்ததோபி ஓரமிதுங் ந ஸக்கோதி, கிங் ஏதஸ்ஸ பப்³ப³ஜ்ஜாயாதி ஏவங் அனுவிச்ச துலயித்வா பரியோகா³ஹெத்வா அஞ்ஞேபி விஞ்ஞூ பண்டி³தா க³ரஹெய்யுங். ஏததே³வ கோ² பன ஸங்யோஜனமேதங் நீவரணந்தி த³ஸஸு ஸங்யோஜனேஸு பஞ்சஸு ச நீவரணேஸு அபரியாபன்னம்பி ‘‘அட்ட² நீவரணா’’தி தே³ஸனாவஸேனேதங் வுத்தங். வட்டப³ந்த⁴னட்டே²ன ஹி ஹிதபடிச்சா²த³னட்டே²ன ஆஸவாதி பாணாதிபாதகாரணா ஏகோ அவிஜ்ஜாஸவோ உப்பஜ்ஜதி. விகா⁴தபரிளாஹாதி விகா⁴தா ச பரிளாஹா ச. தத்த²
34-40. அயங் பன விஸேஸோ – தேஸாஹங் ஸங்யோஜனானங் பஹானாயாதி இமஸ்மிங் பதே³ இமினா தி³ன்னாதா³னஸங்கா²தேன காயிகஸீலஸங்வரேன, ஸச்சவாசாஸங்கா²தேன வாசஸிகஸீலஸங்வரேன, அபிஸுணாவாசாஸங்கா²தேன வாசஸிகஸீலஸங்வரேன, அகி³த்³தி⁴லோப⁴ஸங்கா²தேன மானஸிகஸீலஸங்வரேன, அனிந்தா³ரோஸஸங்கா²தேன காயிகவாசஸிகஸீலஸங்வரேன
அத்தாபி மங் உபவதெ³ய்ய அனுவிச்சாபி மங் விஞ்ஞூ க³ரஹெய்யுந்தி இமேஸு பன பதே³ஸு திணஸலாகம்பி நாம உபாதா³ய அதி³ன்னங் அக்³க³ஹணஸாஸனே பப்³ப³ஜித்வா அதி³ன்னாதா³னமத்ததோபி விரமிதுங் ந ஸக்கோமி, கிங் மய்ஹங் பப்³ப³ஜ்ஜாயாதி ஏவங் அத்தாபி மங் உபவதெ³ய்ய. ஏவரூபே நாம ஸாஸனே பப்³ப³ஜித்வா அதி³ன்னாதா³னமத்ததோபி ஓரமிதுங் ந ஸக்கோதி, கிங் இமஸ்ஸ பப்³ப³ஜ்ஜாயாதி ஏவங் அனுவிச்சாபி மங் விஞ்ஞூ க³ரஹெய்யுங்? ஹஸாபெக்க²தாயபி நாம த³வகம்யதாய வா முஸாவாத³ங் அகரணஸாஸனே பப்³ப³ஜித்வா. ஸப்³பா³காரேன பிஸுணங் அகரணஸாஸனே நாம பப்³ப³ஜித்வா. அப்பமத்தகம்பி கி³த்³தி⁴லோப⁴ங் அகரணஸாஸனே நாம பப்³ப³ஜித்வாபி. ககசேன அங்கே³ஸு ஓக்கந்தியமானேஸுபி நாம பரேஸங் நிந்தா³ரோஸங் அகரணஸாஸனே பப்³ப³ஜித்வா. சி²ன்னகா²ணுகண்டகாதீ³ஸுபி நாம கோது⁴பாயாஸங் அகரணஸாஸனே பப்³ப³ஜித்வா. அதி⁴மானமத்தம்பி நாம மானங் அகரணஸாஸனே பப்³ப³ஜித்வா அதிமானமத்தம்பி பஜஹிதுங் ந ஸக்கோமி, கிங் மய்ஹங் பப்³ப³ஜ்ஜாயாதி ஏவங் அத்தாபி மங் உபவதெ³ய்ய. ஏவரூபே நாம ஸாஸனே பப்³ப³ஜித்வா அதிமானமத்தம்பி பஜஹிதுங் ந ஸக்கோதி, கிங் இமஸ்ஸ பப்³ப³ஜ்ஜாயாதி ஏவங் அனுவிச்சாபி மங் விஞ்ஞூ க³ரஹெய்யுந்தி ஏவங் ஸப்³ப³வாரேஸு யோஜனா காதப்³பா³.
ஆஸவாதி இமஸ்மிங் பன பதே³ அதி³ன்னாதா³னகாரணா காமாஸவோ
இமேஸு பன அட்ட²ஸுபி வாரேஸு அஸம்மோஹத்த²ங் புன அயங் ஸங்கே²பவினிச்ச²யோ – புரிமேஸு தாவ சதூஸு விரமிதுங் ந ஸக்கோமீதி வத்தப்³ப³ங், பச்சி²மேஸு பஜஹிதுங் ந ஸக்கோமீதி. பாணாதிபாதனிந்தா³ரோஸகோது⁴பாயாஸேஸு ச ஏகோ அவிஜ்ஜாஸவோவ ஹோதி, அதி³ன்னாதா³னமுஸாவாத³பிஸுணாவாசாஸு காமாஸவோ தி³ட்டா²ஸவோ அவிஜ்ஜாஸவோ, கி³த்³தி⁴லோபே⁴ தி³ட்டா²ஸவோ அவிஜ்ஜாஸவோ, அதிமானே ப⁴வாஸவோ அவிஜ்ஜாஸவோ, அபாணாதிபாதங் தி³ன்னாதா³னங் காயிகங் ஸீலங், அமுஸா அபிஸுணங் வாசஸிகஸீலங், ட²பெத்வா அனிந்தா³ரோஸங் ஸேஸானி தீணி மானஸிகஸீலானி. யஸ்மா பன காயேனபி க⁴ட்டேதி ரோஸேதி வாசாயபி, தஸ்மா அனிந்தா³ரோஸோ த்³வே டா²னானி யாதி, காயிகஸீலம்பி ஹோதி வாசஸிகஸீலம்பி. எத்தாவதா கிங் கதி²தங்? பாதிமொக்க²ஸங்வரஸீலங். பாதிமொக்க²ஸங்வரஸீலே டி²தஸ்ஸ ச பி⁴க்கு²னோ படிஸங்கா²பஹானவஸேன கி³ஹிவோஹாரஸமுச்சே²தோ³ கதி²தோதி வேதி³தப்³போ³.
காமாதீ³னவகதா²வண்ணனா
42. வித்தா²ரதே³ஸனாயங் தமேனங் த³க்கோ²தி பத³ஸ்ஸ உபஸும்பெ⁴ய்யாதி இமினா ஸத்³தி⁴ங் ஸம்ப³ந்தோ⁴ வேதி³தப்³போ³. இத³ங் வுத்தங் ஹோதி, தமேனங் குக்குரங் உபஸும்பெ⁴ய்ய, தஸ்ஸ ஸமீபே கி²பெய்யாதி அத்தோ². அட்டி²கங்கலந்தி உரட்டி²ங் வா பிட்டி²கண்டகங் வா ஸீஸட்டி²ங் வா. தஞ்ஹி நிம்மங்ஸத்தா கங்கலந்தி வுச்சதி. ஸுனிக்கந்தங் நிக்கந்தந்தி யதா² ஸுனிக்கந்தங் ஹோதி, ஏவங் நிக்கந்தங் நில்லிகி²தங், யதெ³த்த² அல்லீனமங்ஸங் அத்தி², தங் ஸப்³ப³ங் நில்லிகி²த்வா அட்டி²மத்தமேவ கதந்தி அத்தோ². தேனேவாஹ ‘‘நிம்மங்ஸ’’ந்தி. லோஹிதங் பன மக்கி²த்வா திட்ட²தி, தேன வுத்தங் ‘‘லோஹிதமக்கி²த’’ந்தி.
ப³ஹுது³க்கா² ப³ஹுபாயாஸாதி தி³ட்ட²த⁴ம்மிகஸம்பராயிகேஹி து³க்கே²ஹி ப³ஹுது³க்கா², உபாயாஸஸங்கிலேஸேஹி ப³ஹுபாயாஸா. யாயங் உபெக்கா² நானத்தா நானத்தஸிதாதி யா அயங் பஞ்சகாமகு³ணாரம்மணவஸேன நானாஸபா⁴வா, தானேவ ஏகத்தா ஏகத்தஸிதாதி சதுத்த²ஜ்ஜா²னுபெக்கா², ஸா ஹி தி³வஸம்பி ஏகஸ்மிங் ஆரம்மணே உப்பஜ்ஜனதோ ஏகஸபா⁴வா, ததே³வ ஏகங் ஆரம்மணங் நிஸ்ஸிதத்தா ஏகத்தஸிதா நாம. யத்த² ஸப்³ப³ஸோ லோகாமிஸூபாதா³னா அபரிஸேஸா நிருஜ்ஜ²ந்தீதி யத்த² சதுத்த²ஜ்ஜா²னுபெக்கா²யங் யங் உபெக்க²ங் ஆக³ம்ம யங் படிச்ச ஸப்³பே³ன ஸப்³ப³ங் அபரிஸேஸா லோகாமிஸஸங்கா²தா பஞ்சகாமகு³ணாமிஸா நிருஜ்ஜ²ந்தி. பஞ்சகாமகு³ணாமிஸாதி ச காமகு³ணாரம்மணச²ந்த³ராகா³, க³ஹணட்டே²ன தேயேவ ச உபாதா³னாதிபி வுத்தா. தமேவூபெக்க²ங் பா⁴வேதீதி தங் லோகாமிஸூபாதா³னானங் படிபக்க²பூ⁴தங் சதுத்த²ஜ்ஜா²னுபெக்க²மேவ வட்³டே⁴தி.
43. உட்³டீ³யெய்யாதி அனுபதித்வாதி அனுப³ந்தி⁴த்வா. விதச்செ²ய்யுந்தி முக²துண்ட³கேன ட³ங்ஸந்தா தச்செ²ய்யுங். விஸ்ஸஜ்ஜெய்யுந்தி மங்ஸபேஸிங் நகே²ஹி கட்³டி⁴த்வா பாதெய்யுங்.
47. யானங் வா போரிஸெய்யந்தி புரிஸானுச்ச²விகங் யானங். பவரமணிகுண்ட³லந்தி நானப்பகாரங் உத்தமமணிஞ்ச குண்ட³லஞ்ச. ஸானி ஹரந்தீதி அத்தனோ ப⁴ண்ட³கானி க³ண்ஹந்தி.
48. ஸம்பன்னப²லந்தி மது⁴ரப²லங். உபபன்னப²லந்தி ப²லூபபன்னங் ப³ஹுப²லங்.
49. அனுத்தரந்தி உத்தமங் பப⁴ஸ்ஸரங் நிருபக்கிலேஸங்.
50. ஆரகா அஹங், ப⁴ந்தேதி பத²விதோ நப⁴ங் விய ஸமுத்³த³ஸ்ஸ ஓரிமதீரதோ பரதீரங் விய ச ஸுவிதூ³ரவிதூ³ரே அஹங். அனாஜானீயேதி கி³ஹிவோஹாரஸமுச்சே²த³னஸ்ஸ காரணங் அஜானநகே. ஆஜானீயபோ⁴ஜனந்தி காரணங் ஜானந்தேஹி பு⁴ஞ்ஜிதப்³ப³ங் போ⁴ஜனங். அனாஜானீயபோ⁴ஜனந்தி காரணங் அஜானந்தேஹி பு⁴ஞ்ஜிதப்³ப³ங் போ⁴ஜனங். ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
போதலியஸுத்தவண்ணனா நிட்டி²தா.
5. ஜீவகஸுத்தவண்ணனா
51. ஏவங் மே ஸுதந்தி ஜீவகஸுத்தங். தத்த² ஜீவகஸ்ஸ கோமாரப⁴ச்சஸ்ஸ அம்ப³வனேதி எத்த² ஜீவதீதி ஜீவகோ. குமாரேன ப⁴தோதி கோமாரப⁴ச்சோ. யதா²ஹ ‘‘கிங் ஏதங் ப⁴ணே காகேஹி ஸம்பரிகிண்ணந்தி? தா³ரகோ தே³வாதி. ஜீவதி ப⁴ணேதி? ஜீவதி தே³வாதி. தேன ஹி ப⁴ணே தங் தா³ரகங் அம்ஹாகங் அந்தேபுரங் நெத்வா தா⁴தீனங் தே³த² போஸேதுந்தி. தஸ்ஸ ஜீவதீதி ஜீவகோதி நாமங் அகங்ஸு, குமாரேன போஸாபிதோதி கோமாரப⁴ச்சோதி நாமங் அகங்ஸூ’’தி (மஹாவ॰ 328). அயமெத்த² ஸங்கே²போ. வித்தா²ரேன பன ஜீவகவத்து² க²ந்த⁴கே ஆக³தமேவ. வினிச்ச²யகதா²பிஸ்ஸ ஸமந்தபாஸாதி³காய வினயட்ட²கதா²ய வுத்தா.
அயங் பன ஜீவகோ ஏகஸ்மிங் ஸமயே ப⁴க³வதோ தோ³ஸாபி⁴ஸன்னங் காயங் விரேசெத்வா ஸீவெய்யகங் து³ஸ்ஸயுக³ங் த³த்வா வத்தா²னுமோத³னபரியோஸானே ஸோதாபத்திப²லே பதிட்டா²ய சிந்தேஸி – ‘‘மயா தி³வஸஸ்ஸ த்³வத்திக்க²த்துங் பு³த்³து⁴பட்டா²னங் க³ந்தப்³ப³ங், இத³ஞ்ச வேளுவனங் அதிதூ³ரே, மய்ஹங் உய்யானங் அம்ப³வனங் ஆஸன்னதரங், யங்னூனாஹமெத்த² ப⁴க³வதோ விஹாரங் காரெய்ய’’ந்தி. ஸோ
ஆரப⁴ந்தீதி கா⁴தெந்தி. உத்³தி³ஸ்ஸகதந்தி உத்³தி³ஸித்வா கதங். படிச்சகம்மந்தி அத்தானங் படிச்ச கதங். அத² வா படிச்சகம்மந்தி நிமித்தகம்மஸ்ஸேதங் அதி⁴வசனங், தங் படிச்ச கம்மமெத்த² அத்தீ²தி மங்ஸங் ‘‘படிச்சகம்ம’’ந்தி வுத்தங் ஹோதி யோ ஏவரூபங் மங்ஸங் பரிபு⁴ஞ்ஜதி, ஸோபி தஸ்ஸ கம்மஸ்ஸ தா³யாதோ³ ஹோதி, வத⁴கஸ்ஸ விய தஸ்ஸாபி பாணகா⁴தகம்மங் ஹோதீதி தேஸங் லத்³தி⁴. த⁴ம்மஸ்ஸ சானுத⁴ம்மங் ப்³யாகரொந்தீதி ப⁴க³வதா வுத்தகாரணஸ்ஸ அனுகாரணங் கதெ²ந்தி. எத்த² ச காரணங் நாம திகோடிபரிஸுத்³த⁴மச்ச²மங்ஸபரிபோ⁴கோ³, அனுகாரணங் நாம மஹாஜனஸ்ஸ ததா² ப்³யாகரணங். யஸ்மா பன ஸஹத⁴ம்மிகோ வாதா³னுவாதோ³தி பரேஹி வுத்தகாரணேன ஸகாரணோ ஹுத்வா தும்ஹாகங் வாதோ³ வா அனுவாதோ³ வா விஞ்ஞூஹி க³ரஹிதப்³ப³காரணங் கோசி அப்பமத்தகோபி கிங் ந ஆக³ச்ச²தி அப்³பா⁴சிக்க²ந்தீதி அபி⁴ப⁴வித்வா ஆசிக்க²ந்தி.
52. டா²னேஹீதி காரணேஹி. தி³ட்டா²தீ³ஸு தி³ட்ட²ங் நாம பி⁴க்கூ²னங் அத்தா²ய மிக³மச்சே² வதி⁴த்வா க³ய்ஹமானங் தி³ட்ட²ங். ஸுதங் நாம பி⁴க்கூ²னங் அத்தா²ய மிக³மச்சே² வதி⁴த்வா க³ஹிதந்தி ஸுதங். பரிஸங்கிதங் நாம தி³ட்ட²பரிஸங்கிதங் ஸுதபரிஸங்கிதங் தது³ப⁴யவிமுத்தபரிஸங்கிதந்தி திவித⁴ங் ஹோதி.
தத்ராயங் ஸப்³ப³ஸங்கா³ஹகவினிச்ச²யோ – இத⁴ பி⁴க்கூ² பஸ்ஸந்தி மனுஸ்ஸே ஜாலவாகு³ராதி³ஹத்தே² கா³மதோ வா நிக்க²மந்தே அரஞ்ஞே வா விசரந்தே. து³தியதி³வஸே ச நேஸங் தங் கா³மங் பிண்டா³ய பவிட்டா²னங் ஸமச்ச²மங்ஸங் பிண்ட³பாதங் அபி⁴ஹரந்தி. தே தேன தி³ட்டே²ன பரிஸங்கந்தி ‘‘பி⁴க்கூ²னங் நு கோ² அத்தா²ய கத’’ந்தி, இத³ங் தி³ட்ட²பரிஸங்கிதங் நாம, ஏதங் க³ஹேதுங் ந வட்டதி. யங் ஏவங் அபரிஸங்கிதங், தங் வட்டதி. ஸசே பன தே மனுஸ்ஸா ‘‘கஸ்மா, ப⁴ந்தே, ந க³ண்ஹதா²’’தி புச்சி²த்வா தமத்த²ங் ஸுத்வா ‘‘நயித³ங், ப⁴ந்தே, பி⁴க்கூ²னங் அத்தா²ய கதங், அம்ஹேஹி அத்தனோ அத்தா²ய வா ராஜயுத்தாதீ³னங் அத்தா²ய வா கத’’ந்தி வத³ந்தி, கப்பதி.
ந ஹேவ கோ² பி⁴க்கூ² பஸ்ஸந்தி, அபிச ஸுணந்தி ‘‘மனுஸ்ஸா கிர ஜாலவாகு³ராதி³ஹத்தா² கா³மதோ வா நிக்க²மந்தி அரஞ்ஞே வா விசரந்தீ’’தி. து³தியதி³வஸே ச நேஸங் தங் கா³மங் பிண்டா³ய பவிட்டா²னங் ஸமச்ச²மங்ஸங் பிண்ட³பாதங் அபி⁴ஹரந்தி. தே தேன ஸுதேன பரிஸங்கந்தி ‘‘பி⁴க்கூ²னங் நு கோ² அத்தா²ய கத’’ந்தி, இத³ங் ஸுதபரிஸங்கிதங் நாம, ஏதங் க³ஹேதுங் ந வட்டதி. யங் ஏவங் அபரிஸங்கிதங், தங் வட்டதி. ஸசே பன தே மனுஸ்ஸா ‘‘கஸ்மா, ப⁴ந்தே, ந க³ண்ஹதா²’’தி புச்சி²த்வா தமத்த²ங் ஸுத்வா ‘‘நயித³ங், ப⁴ந்தே, பி⁴க்கூ²னங் அத்தா²ய கதங், அம்ஹேஹி
ந ஹேவ கோ² பன பஸ்ஸந்தி ந ஸுணந்தி, அபிச தேஸங் கா³மங் பிண்டா³ய பவிட்டா²னங் பத்தங் க³ஹெத்வா தது³ப⁴யவிமுத்தபரிஸங்கிதங் நாம. ஏதம்பி க³ஹேதுங் ந வட்டதி. யங் ஏவங் அபரிஸங்கிதங், தங் வட்டதி
மதானங் பேதகிச்சத்தா²ய மங்க³லாதீ³னங் வா அத்தா²ய கதேபி ஏஸேவ நயோ. யங் யஞ்ஹி பி⁴க்கூ²னங்யேவ அத்தா²ய அகதங், யத்த² ச நிப்³பே³மதிகா ஹொந்தி, தங் ஸப்³ப³ங் கப்பதி. ஸசே பன ஏகஸ்மிங் விஹாரே பி⁴க்கூ² உத்³தி³ஸ்ஸ கதங் ஹோதி, தே ச அத்தனோ அத்தா²ய கதபா⁴வங் ந ஜானந்தி, அஞ்ஞே ஜானந்தி. யே ஜானந்தி, தேஸங் ந வட்டதி, இதரேஸங் வட்டதி. அஞ்ஞே ந ஜானந்தி, தேயேவ ஜானந்தி, தேஸங்யேவ ந வட்டதி, அஞ்ஞேஸங் வட்டதி. தேபி ‘‘அம்ஹாகங் அத்தா²ய கதங்’’தி ஜானந்தி அஞ்ஞேபி ‘‘ஏதேஸங் அத்தா²ய கத’’ந்தி ஜானந்தி, ஸப்³பே³ஸம்பி தங் ந வட்டதி. ஸப்³பே³ ந ஜானந்தி, ஸப்³பே³ஸங் வட்டதி. பஞ்சஸு ஹி ஸஹத⁴ம்மிகேஸு யஸ்ஸ கஸ்ஸசி வா அத்தா²ய உத்³தி³ஸ்ஸ கதங் ஸப்³பே³ஸங் ந கப்பதி.
ஸசே பன கோசி ஏகங் பி⁴க்கு²ங் உத்³தி³ஸ்ஸ பாணங் வதி⁴த்வா தஸ்ஸ பத்தங் பூரெத்வா தே³தி, ஸோ சே அத்தனோ அத்தா²ய கதபா⁴வங் ஜானங்யேவ க³ஹெத்வா அஞ்ஞஸ்ஸ பி⁴க்கு²னோ தே³தி, ஸோ தஸ்ஸ ஸத்³தா⁴ய பரிபு⁴ஞ்ஜதி. கஸ்ஸாபத்தீதி? த்³வின்னம்பி அனாபத்தி. யஞ்ஹி உத்³தி³ஸ்ஸ
அதி³ட்ட²ந்தி அஸுதந்தி பி⁴க்கூ²னங் அத்தா²ய வதி⁴த்வா க³ஹிதந்தி அஸுதங். அபரிஸங்கிதந்தி தி³ட்ட²பரிஸங்கிதாதி³வஸேன அபரிஸங்கிதங். பரிபோ⁴க³ந்தி வதா³மீதி இமேஹி தீஹி காரணேஹி பரிஸுத்³த⁴ங் திகோடிபரிஸுத்³த⁴ங் நாம ஹோதி, தஸ்ஸ பரிபோ⁴கோ³ அரஞ்ஞே ஜாதஸூபெய்யஸாகபரிபோ⁴க³ஸதி³ஸோ ஹோதி, ததா²ரூபங் பரிபு⁴ஞ்ஜந்தஸ்ஸ மெத்தாவிஹாரிஸ்ஸ
53. இதா³னி தாதி³ஸஸ்ஸ பரிபோ⁴கே³ மெத்தாவிஹாரினோபி அனவஜ்ஜதங் த³ஸ்ஸேதுங் இத⁴, ஜீவக, பி⁴க்கூ²திஆதி³மாஹ. தத்த² கிஞ்சாபி அனியமெத்வா பி⁴க்கூ²தி வுத்தங், அத² கோ² அத்தானமேவ ஸந்தா⁴ய ஏதங் வுத்தந்தி வேதி³தப்³ப³ங். ப⁴க³வதா ஹி மஹாவச்ச²கொ³த்தஸுத்தே, சங்கீஸுத்தே, இமஸ்மிங் ஸுத்தேதி தீஸு டா²னேஸு அத்தானங்யேவ ஸந்தா⁴ய தே³ஸனா கதா. பணீதேன பிண்ட³பாதேனாதி ஹெட்டா² அனங்க³ணஸுத்தே யோ கோசி மஹக்³கோ⁴ பிண்ட³பாதோ பணீதபிண்ட³பாதோதி அதி⁴ப்பேதோ, இத⁴ பன மங்ஸூபஸேசனோவ அதி⁴ப்பேதோ. அக³தி²தோதி தண்ஹாய அக³தி²தோ. அமுச்சி²தோதி தண்ஹாமுச்ச²னாய அமுச்சி²தோ. அனஜ்ஜோ²பன்னோதி ந அதி⁴ஓபன்னோ, ஸப்³ப³ங் ஆலும்பித்வா ஏகப்பஹாரேனேவ கி³லிதுகாமோ காகோ விய ந ஹோதீதி அத்தோ². ஆதீ³னவத³ஸ்ஸாவீதி ஏகரத்திவாஸேன உத³ரபடலங் பவிஸித்வா நவஹி வணமுகே²ஹி நிக்க²மிஸ்ஸதீதிஆதி³னா நயேன ஆதீ³னவங் பஸ்ஸந்தோ. நிஸ்ஸரணபஞ்ஞோ பரிபு⁴ஞ்ஜதீதி இத³மத்த²மாஹாரபரிபோ⁴கோ³தி பஞ்ஞாய பரிச்சி²ந்தி³த்வா பரிபு⁴ஞ்ஜதி. அத்தப்³யாபா³தா⁴ய வா சேதேதீதி அத்தது³க்கா²ய வா சிதேதி. ஸுதமேதந்தி ஸுதங் மயா ஏதங் புப்³பே³, ஏதங் மய்ஹங் ஸவனமத்தமேவாதி த³ஸ்ஸேதி. ஸசே கோ² தே, ஜீவக, இத³ங் ஸந்தா⁴ய பா⁴ஸிதந்தி, ஜீவக, மஹாப்³ரஹ்முனா விக்க²ம்ப⁴னப்பஹானேன ப்³யாபாதா³த³யோ பஹீனா, தேன ஸோ மெத்தாவிஹாரீ மய்ஹங் ஸமுச்சே²த³ப்பஹானேன, ஸசே தே இத³ங் ஸந்தா⁴ய பா⁴ஸிதங், ஏவங் ஸந்தே தவ இத³ங் வசனங் அனுஜானாமீதி அத்தோ². ஸோ ஸம்படிச்சி².
54. அத²ஸ்ஸ ப⁴க³வா ஸேஸப்³ரஹ்மவிஹாரவஸேனாபி உத்தரி தே³ஸனங் வட்³டெ⁴ந்தோ ‘‘இத⁴, ஜீவக, பி⁴க்கூ²’’திஆதி³மாஹ. தங் உத்தானத்த²மேவ.
55. யோ கோ² ஜீவகாதி அயங் பாடிஏக்கோ அனுஸந்தி⁴. இமஸ்மிஞ்ஹி டா²னே ப⁴க³வா த்³வாரங் த²கேதி, ஸத்தானுத்³த³யங் த³ஸ்ஸேதி. ஸசே ஹி கஸ்ஸசி ஏவமஸ்ஸ ‘‘ஏகங் ரஸபிண்ட³பாதங் த³த்வா கப்பஸதஸஹஸ்ஸங்
தத்த² இமினா பட²மேன டா²னேனாதி இமினா ஆணத்திமத்தேனேவ தாவ பட²மேன காரணேன. க³லப்பவேத⁴கேனாதி யொத்தேன க³லே ப³ந்தி⁴த்வா கட்³டி⁴தோ க³லேன பவேதெ⁴ந்தேன. ஆரபி⁴யமானோதி மாரியமானோ. அகப்பியேன ஆஸாதே³தீதி அச்ச²மங்ஸங் ஸூகரமங்ஸந்தி, தீ³பிமங்ஸங் வா மிக³மங்ஸந்தி கா²தா³பெத்வா – ‘‘த்வங் கிங் ஸமணோ நாம, அகப்பியமங்ஸங் தே கா²தி³த’’ந்தி க⁴ட்டேதி. யே பன து³ப்³பி⁴க்கா²தீ³ஸு வா ப்³யாதி⁴னிக்³க³ஹணத்த²ங் வா ‘‘அச்ச²மங்ஸங் நாம ஸூகரமங்ஸஸதி³ஸங், தீ³பிமங்ஸங் மிக³மங்ஸஸதி³ஸ’’ந்தி ஜானந்தா ‘‘ஸூகரமங்ஸங் இத³ங், மிக³மங்ஸங் இத³’’ந்தி வத்வா ஹிதஜ்ஜா²ஸயேன கா²தா³பெந்தி, ந தே ஸந்தா⁴யேதங் வுத்தங். தேஸஞ்ஹி ப³ஹுபுஞ்ஞமேவ ஹோதி. ஏஸாஹங், ப⁴ந்தே, ப⁴க³வந்தங் ஸரணங் க³ச்சா²மி த⁴ம்மஞ்ச பி⁴க்கு²ஸங்க⁴ஞ்சாதி அயங் ஆக³தப²லோ விஞ்ஞாதஸாஸனோ தி³ட்ட²ஸச்சோ அரியஸாவகோ. இமங் பன த⁴ம்மதே³ஸனங் ஓகா³ஹந்தோ பஸாத³ங் உப்பாதெ³த்வா த⁴ம்மகதா²ய து²திங் கரொந்தோ ஏவமாஹ. ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
ஜீவகஸுத்தவண்ணனா நிட்டி²தா.
6. உபாலிஸுத்தவண்ணனா
56. ஏவங் மே ஸுதந்தி உபாலிஸுத்தங். தத்த² நாளந்தா³யந்தி நாலந்தா³தி ஏவங்னாமகே நக³ரே தங் நக³ரங் கோ³சரகா³மங் கத்வா. பாவாரிகம்ப³வனேதி து³ஸ்ஸபாவாரிகஸெட்டி²னோ அம்ப³வனே. தங் கிர தஸ்ஸ உய்யானங் அஹோஸி, ஸோ ப⁴க³வதோ த⁴ம்மதே³ஸனங் ஸுத்வா ப⁴க³வதி பஸன்னோ தஸ்மிங் உய்யானே குடிலேணமண்ட³பாதி³படிமண்டி³தங் ப⁴க³வதோ விஹாரங் கத்வா நிய்யாதே³ஸி, ஸோ விஹாரோ ஜீவகம்ப³வனங் விய பாவாரிகம்ப³வனந்தேவ ஸங்க²ங் க³தோ. தஸ்மிங் பாவாரிகம்ப³வனே விஹரதீதி அத்தோ². தீ³க⁴தபஸ்ஸீதி தீ³க⁴த்தா ஏவங்லத்³த⁴னாமோ. பிண்ட³பாதபடிக்கந்தோதி பிண்ட³பாததோ படிக்கந்தோ. ஸாஸனே விய கிங் பன பா³ஹிராயதனே பிண்ட³பாதோதி வோஹாரோ அத்தீ²தி, நத்தி².
பஞ்ஞபேதீதி த³ஸ்ஸேதி ட²பேதி. த³ண்டா³னி பஞ்ஞபேதீதி இத³ங் நிக³ண்ட²ஸமயேன புச்ச²ந்தோ ஆஹ. காயத³ண்ட³ங் வசீத³ண்ட³ங் மனோத³ண்ட³ந்தி எத்த² புரிமத³ண்ட³த்³வயங் தே அசித்தகங் பய்யபெந்தி. யதா² கிர வாதே வாயந்தே ஸாகா² சலதி, உத³கங்
தத்த² கதா²வத்து²ஸ்மிந்தி எத்த² கதா²யேவ கதா²வத்து². கதா²யங் பதிட்ட²பேஸீதி அத்தோ². கஸ்மா பன ப⁴க³வா ஏவமகாஸி? பஸ்ஸதி ஹி ப⁴க³வா ‘‘அயங் இமங் கத²ங் ஆதா³ய க³ந்த்வா அத்தனோ ஸத்து² மஹானிக³ண்ட²ஸ்ஸ ஆரோசெஸ்ஸதி, தாஸஞ்ச பரிஸதி, உபாலி க³ஹபதி நிஸின்னோ, ஸோ இமங் கத²ங் ஸுத்வா மம வாத³ங் ஆரோபேதுங் ஆக³மிஸ்ஸதி, தஸ்ஸாஹங் த⁴ம்மங் தே³ஸெஸ்ஸாமி, ஸோ திக்க²த்துங் ஸரணங் க³மிஸ்ஸதி, அத²ஸ்ஸ சத்தாரி ஸச்சானி பகாஸெஸ்ஸாமி, ஸோ ஸச்சபகாஸனாவஸானே ஸோதாபத்திப²லே பதிட்ட²ஹிஸ்ஸதி, பரேஸங் ஸங்க³ஹத்த²மேவ ஹி மயா பாரமியோ பூரிதா’’தி. இமமத்த²ங் பஸ்ஸந்தோ ஏவமகாஸி.
57. கம்மானி பஞ்ஞபேஸீதி இத³ங் நிக³ண்டோ² பு³த்³த⁴ஸமயேன புச்ச²ந்தோ ஆஹ. காயகம்மங் வசீகம்மங் மனோகம்மந்தி எத்த² காயத்³வாரே ஆதா³னக³ஹணமுஞ்சனசோபனபத்தா அட்ட²காமாவசரகுஸலசேதனா த்³வாத³ஸாகுஸலசேதனாதி வீஸதிசேதனா காயகம்மங் நாம. காயத்³வாரே ஆதா³னாதீ³னி அபத்வா வசீத்³வாரே வசனபே⁴த³ங் பாபயமானா உப்பன்னா தாயேவ வீஸதிசேதனா வசீகம்மங் நாம. உப⁴யத்³வாரே சோபனங் அப்பத்வா மனொத்³வாரே உப்பன்னா ஏகூனதிங்ஸகுஸலாகுஸலசேதனா மனோகம்மங் நாம. அபிச ஸங்கே²பதோ திவித⁴ங் காயது³ச்சரிதங் காயகம்மங் நாம, சதுப்³பி³த⁴ங் வசீது³ச்சரிதங் வசீகம்மங் நாம, திவித⁴ங் மனோது³ச்சரிதங் மனோகம்மங் நாம. இமஸ்மிஞ்ச ஸுத்தே கம்மங் து⁴ரங், அனந்தரஸுத்தே
எத்த² ச அகுஸலங் பத்வா காயகம்மங் வசீகம்மங் மஹந்தந்தி வத³ந்தோ ந கிலமதி, குஸலங் பத்வா மனோகம்மங். ததா² ஹி மாதுகா⁴தாதீ³னி சத்தாரி கம்மானி காயேனேவ உபக்கமித்வா காயேனேவ கரோதி, நிரயே கப்பட்டி²கஸங்க⁴பே⁴த³கம்மங் வசீத்³வாரேன கரோதி. ஏவங் அகுஸலங் பத்வா காயகம்மங் வசீகம்மங் மஹந்தந்தி வத³ந்தோ ந கிலமதி நாம. ஏகா பன ஜா²னசேதனா சதுராஸீதிகப்பஸஹஸ்ஸானி ஸக்³க³ஸம்பத்திங் ஆவஹதி, ஏகா மக்³க³சேதனா ஸப்³பா³குஸலங் ஸமுக்³கா⁴தெத்வா அரஹத்தங் க³ண்ஹாபேதி. ஏவங் குஸலங் பத்வா மனோகம்மங் மஹந்தந்தி வத³ந்தோ ந கிலமதி நாம. இமஸ்மிங் பன டா²னே ப⁴க³வா அகுஸலங் பத்வா மனோகம்மங் மஹாஸாவஜ்ஜங் வத³மானோ நியதமிச்சா²தி³ட்டி²ங் ஸந்தா⁴ய வத³தி. தேனேவாஹ – ‘‘நாஹங், பி⁴க்க²வே, அஞ்ஞங் ஏகத⁴ம்மம்பி ஸமனுபஸ்ஸாமி, யங் ஏவங் மஹாஸாவஜ்ஜங், யத²யித³ங், பி⁴க்க²வே, மிச்சா²தி³ட்டி². மிச்சா²தி³ட்டி²பரமானி, பி⁴க்க²வே, மஹாஸாவஜ்ஜானீ’’தி (அ॰ நி॰ 1.310).
இதா³னி
58. பா³லகினியாதி உபாலிஸ்ஸ கிர பா³லகலோணகாரகா³மோ நாம அத்தி², ததோ ஆயங் க³ஹெத்வா மனுஸ்ஸா ஆக³தா, ஸோ ‘‘ஏத² ப⁴ணே, அம்ஹாகங் ஸத்தா²ரங் மஹானிக³ண்ட²ங் பஸ்ஸிஸ்ஸாமா’’தி தாய பரிஸாய பரிவுதோ தத்த² அக³மாஸி. தங் ஸந்தா⁴ய வுத்தங் ‘‘பா³லகினியா பரிஸாயா’’தி, பா³லககா³மவாஸினியாதி அத்தோ². உபாலிபமுகா²யாதி உபாலிஜெட்ட²காய. அபிச பா³லகினியாதி பா³லவதியா பா³லுஸ்ஸன்னாயாதிபி அத்தோ². உபாலிபமுகா²யாதி உபாலிக³ஹபதியேவ தத்த² தோ²கங் ஸப்பஞ்ஞோ, ஸோ தஸ்ஸா பமுகோ² ஜெட்ட²கோ. தேனாபி வுத்தங் ‘‘உபாலிபமுகா²யா’’தி. ஹந்தா³தி வசஸாயத்தே² நிபாதோ. ச²வோதி லாமகோ. ஓளாரிகஸ்ஸாதி மஹந்தஸ்ஸ உபனிதா⁴யாதி உபனிக்கி²பித்வா. இத³ங் வுத்தங் ஹோதி, காயத³ண்ட³ஸ்ஸ ஸந்திகே நிக்கி²பித்வா ‘‘அயங் நு கோ² மஹந்தோ, அயங் மஹந்தோ’’தி ஏவங் ஓலோகியமானோ ச²வோ மனோத³ண்டோ³ கிங் ஸோப⁴தி, குதோ ஸோபி⁴ஸ்ஸதி, ந ஸோப⁴தி, உபனிக்கே²பமத்தம்பி நப்பஹோதீதி தீ³பேதி. ஸாது⁴ ஸாது⁴, ப⁴ந்தே, தபஸ்ஸீதி தீ³க⁴தபஸ்ஸிஸ்ஸ ஸாது⁴காரங் தெ³ந்தோ, ப⁴ந்தேதி நாடபுத்தமாலபதி.
60. ந கோ² மேதங், ப⁴ந்தே, ருச்சதீதி, ப⁴ந்தே, ஏதங் மய்ஹங் ந ருச்சதி. மாயாவீதி மாயாகாரோ. ஆவட்டனிமாயந்தி ஆவட்டெத்வா க³ஹணமாயங். ஆவட்டேதீதி ஆவட்டெத்வா பரிக்கி²பித்வா க³ண்ஹாதி. க³ச்ச² த்வங் க³ஹபதீதி கஸ்மா மஹானிக³ண்டோ² க³ஹபதிங் யாவததியங் பஹிணதியேவ? தீ³க⁴தபஸ்ஸீ பன படிபா³ஹதேவ? மஹானிக³ண்டே²ன ஹி ப⁴க³வதா ஸத்³தி⁴ங் ஏகங் நக³ரங் உபனிஸ்ஸாய விஹரந்தேனபி ந ப⁴க³வா தி³ட்ட²புப்³போ³. யோ ஹி ஸத்து²வாத³படிஞ்ஞோ ஹோதி, ஸோ தங் படிஞ்ஞங் அப்பஹாய பு³த்³த⁴த³ஸ்ஸனே அப⁴ப்³போ³. தஸ்மா ஏஸ பு³த்³த⁴த³ஸ்ஸனஸ்ஸ அலத்³த⁴புப்³ப³த்தா த³ஸப³லஸ்ஸ த³ஸ்ஸனஸம்பத்திஞ்ச நிய்யானிககதா²பா⁴வஞ்ச அஜானந்தோ யாவததியங் பஹிணதேவ. தீ³க⁴தபஸ்ஸீ பன காலேன காலங் ப⁴க³வந்தங் உபஸங்கமித்வா திட்ட²திபி நிஸீத³திபி பஞ்ஹம்பி புச்ச²தி, ஸோ ததா²க³தஸ்ஸ த³ஸ்ஸனஸம்பத்திம்பி நிய்யானிககதா²பா⁴வம்பி ஜானாதி. அத²ஸ்ஸ ஏதத³ஹோஸி – ‘‘அயங் க³ஹபதி பண்டி³தோ, ஸமணஸ்ஸ கோ³தமஸ்ஸ ஸந்திகே க³ந்த்வா த³ஸ்ஸனேபி பஸீதெ³ய்ய, நிய்யானிககத²ங் ஸுத்வாபி பஸீதெ³ய்ய. ததோ ந புன அம்ஹாகங் ஸந்திகங் ஆக³ச்செ²ய்யா’’தி. தஸ்மா யாவததியங் படிபா³ஹதேவ.
அபி⁴வாதெ³த்வாதி ஆக³மா நு க்²விதா⁴தி ஆக³மா நு கோ² இத⁴.
61. ஸாது⁴ ஸாது⁴, ப⁴ந்தே, தபஸ்ஸீதி தீ³க⁴தபஸ்ஸிஸ்ஸ ஸாது⁴காரங் தெ³ந்தோ, ப⁴ந்தேதி, ப⁴க³வந்தங் ஆலபதி. ஸச்சே பதிட்டா²யாதி து²ஸராஸிம்ஹி ஆகோடிதகா²ணுகோ விய அசலந்தோ வசீஸச்சே பதிட்ட²ஹித்வா. ஸியா நோதி ப⁴வெய்ய அம்ஹாகங்.
62. இதா⁴தி அஸ்ஸாதி ப⁴வெய்ய. ஸீதோத³கபடிக்கி²த்தோதி நிக³ண்டா² ஸத்தஸஞ்ஞாய ஸீதோத³கங் படிக்கி²பந்தி. தங் ஸந்தா⁴யேதங் வுத்தங். மனோஸத்தா நாம தே³வாதி மனம்ஹி ஸத்தா லக்³கா³ லகி³தா. மனோபடிப³த்³தோ⁴தி யஸ்மா மனம்ஹி படிப³த்³தோ⁴ ஹுத்வா காலங்கரோதி, தஸ்மா மனோஸத்தேஸு தே³வேஸு உபபஜ்ஜதீதி த³ஸ்ஸேதி. தஸ்ஸ ஹி பித்தஜரரோகோ³ ப⁴விஸ்ஸதி. தேனஸ்ஸ உண்ஹோத³கங் பிவிதுங் வா ஹத்த²பாதா³தி³தோ⁴வனத்தா²ய வா க³த்தபரிஸிஞ்சனத்தா²ய வா உபனேதுங் ந வட்டதி, ரோகோ³ ப³லவதரோ ஹோதி. ஸீதோத³கங் வட்டதி, ரோக³ங் வூபஸமேதி. அயங் பன உண்ஹோத³கமேவ படிஸேவதி, தங் அலப⁴மானோ ஓத³னகஞ்ஜிகங் படிஸேவதி. சித்தேன பன ஸீதோத³கங் பாதுகாமோ ச பரிபு⁴ஞ்ஜிதுகாமோ ச ஹோதி. தேனஸ்ஸ மனோத³ண்டோ³ தத்தே²வ பி⁴ஜ்ஜதி. ஸோ காயத³ண்ட³ங் வசீத³ண்ட³ங் ரக்கா²மீதி ஸீதோத³கங் பாதுகாமோ வா பரிபு⁴ஞ்ஜிதுகாமோ வா ஸீதோத³கமேவ தே³தா²தி வத்துங் ந விஸஹதி. தஸ்ஸ ஏவங் ரக்கி²தாபி காயத³ண்ட³வசீத³ண்டா³ சுதிங் வா படிஸந்தி⁴ங் வா ஆகட்³டி⁴துங் ந ஸக்கொந்தி. மனோத³ண்டோ³ பன பி⁴ன்னோபி சுதிம்பி படிஸந்தி⁴ம்பி ஆகட்³ட⁴தியேவ. இதி நங் ப⁴க³வா து³ப்³ப³லகாயத³ண்ட³வசீத³ண்டா³ ச²வா லாமகா, மனோத³ண்டோ³வ ப³லவா மஹந்தோதி வதா³பேஸி.
தஸ்ஸபி உபாஸகஸ்ஸ ஏதத³ஹோஸி. ‘‘முச்சா²வஸேன அஸஞ்ஞிபூ⁴தானஞ்ஹி ஸத்தாஹம்பி அஸ்ஸாஸபஸ்ஸாஸா நப்பவத்தந்தி, சித்தஸந்ததிபவத்திமத்தேனேவ பன தே மதாதி ந வுச்சந்தி. யதா³ நேஸங் சித்தங் நப்பவத்ததி, ததா³ ‘மதா ஏதே நீஹரித்வா தே ஜா²பேதா²’தி வத்தப்³ப³தங் ஆபஜ்ஜந்தி. காயத³ண்டோ³ நிரீஹோ அப்³யாபாரோ, ததா²
ந கோ² தே ஸந்தி⁴யதீதி ந கோ² தே க⁴டியதி. புரிமேன வா பச்சி²மந்தி ‘‘காயத³ண்டோ³ மஹந்தோ’’தி இமினா புரிமேன வசனேன இதா³னி ‘‘மனோத³ண்டோ³ மஹந்தோ’’தி இத³ங் வசனங். பச்சி²மேன வா புரிமந்தி தேன வா பச்சி²மேன அது³ங் புரிமவசனங் ந க⁴டியதி.
63. இதா³னிஸ்ஸ சாதுயாமஸங்வரஸங்வுதோதி ந பாணமதிபாதேதி, ந பாணமதிபாதயதி, ந பாணமதிபாதயதோ ஸமனுஞ்ஞோ ஹோதி. ந அதி³ன்னங் ஆதி³யதி, ந அதி³ன்னங் ஆதி³யாபேதி, ந அதி³ன்னங் ஆதி³யதோ ஸமனுஞ்ஞோ ஹோதி. ந முஸா ப⁴ணதி, ந முஸா ப⁴ணாபேதி, ந முஸா ப⁴ணதோ ஸமனுஞ்ஞோ ஹோதி. ந பா⁴விதமாஸீஸதி, ந பா⁴விதமாஸீஸாபேதி, ந பா⁴விதமாஸீஸதோ ஸமனுஞ்ஞோ ஹோதீதி இமினா சதுகொட்டா²ஸேன ஸங்வரேன ஸங்வுதோ. எத்த² ச பா⁴விதந்தி பஞ்சகாமகு³ணா.
ஸப்³ப³வாரிவாரிதோதி வாரிதஸப்³ப³உத³கோ, படிக்கி²த்தஸப்³ப³ஸீதோத³கோதி அத்தோ². ஸோ ஹி ஸீதோத³கே ஸத்தஸஞ்ஞீ ஹோதி, தஸ்மா ந தங் வலஞ்ஜேதி. அத² வா ஸப்³ப³வாரிவாரிதோதி ஸப்³பே³ன பாபவாரணேன வாரிதபாபோ. ஸப்³ப³வாரியுத்தோதி ஸப்³பே³ன பாபவாரணேன ஸப்³ப³வாரிது⁴தோதி ஸப்³பே³ன பாபவாரணேன து⁴தபாபோ. ஸப்³ப³வாரிபு²டோதி ஸப்³பே³ன பாபவாரணேன பு²டோ. கு²த்³த³கே பாணே ஸங்கா⁴தங் ஆபாதே³தீதி கு²த்³த³கே பாணே வத⁴ங் ஆபாதே³தி. ஸோ கிர ஏகிந்த்³ரியங் பாணங் து³விந்த்³ரியங் பாணந்தி பஞ்ஞபேதி. ஸுக்க²த³ண்ட³க-புராணபண்ணஸக்க²ர-கத²லானிபி பாணோதேவ பஞ்ஞபேதி. தத்த² கு²த்³த³கங் உத³கபி³ந்து³ கு²த்³த³கோ பாணோ, மஹந்தங் மஹந்தோதி ஸஞ்ஞீ ஹோதி. தங் ஸந்தா⁴யேதங் வுத்தங். கிஸ்மிங் பஞ்ஞபேதீதி கத்த² கதரஸ்மிங் கொட்டா²ஸே பஞ்ஞபேதி. மனோத³ண்ட³ஸ்மிந்தி மனோத³ண்ட³கொட்டா²ஸே, ப⁴ந்தேதி. அயங் பன உபாஸகோ ப⁴ணந்தோவ ஸயம்பி ஸல்லக்கே²ஸி – ‘‘அம்ஹாகங் மஹானிக³ண்டோ² ‘அஸஞ்சேதனிகங் கம்மங் அப்பஸாவஜ்ஜங், ஸஞ்சேதனிகங் மஹாஸாவஜ்ஜ’ந்தி பஞ்ஞபெத்வா சேதனங் மனோத³ண்டோ³தி பஞ்ஞபேதி, அனிய்யானிகா ஏதஸ்ஸ கதா², ப⁴க³வதோவ நிய்யானிகா’’தி.
64. இத்³தா⁴தி பீ²தாதி அதிஸமித்³தா⁴ ஸப்³ப³பாலிபு²ல்லா விய. ஆகிண்ணமனுஸ்ஸாதி ஜனஸமாகுலா. பாணாதி ஹத்தி²அஸ்ஸாத³யோ திரச்சா²னக³தா சேவ இத்தி²புரிஸதா³ரகாத³யோ மனுஸ்ஸஜாதிகா ச. ஏகங் மங்ஸக²லந்தி ஏகங் மங்ஸராஸிங். புஞ்ஜந்தி தஸ்ஸேவ வேவசனங். இத்³தி⁴மாதி ஆனுபா⁴வஸம்பன்னோ. சேதோவஸிப்பத்தோதி சித்தே வஸீபா⁴வப்பத்தோ. ப⁴ஸ்மங் கரிஸ்ஸாமீதி சா²ரிகங் கரிஸ்ஸாமி. கிஞ்ஹி ஸோப⁴தி ஏகா ச²வா நாளந்தா³தி இத³ம்பி ப⁴ணந்தோ ஸோ க³ஹபதி – ‘‘காயபயோகே³ன பஞ்ஞாஸம்பி மனுஸ்ஸா ஏகங் நாளந்த³ங் ஏகங் மங்ஸக²லங் காதுங் ந ஸக்கொந்தி, இத்³தி⁴மா பன ஏகோ
65. அரஞ்ஞங் அரஞ்ஞபூ⁴தந்தி அகா³மகங் அரஞ்ஞமேவ ஹுத்வா அரஞ்ஞங் ஜாதங். இஸீனங் மனோபதோ³ஸேனாதி இஸீனங் அத்தா²ய கதேன மனோபதோ³ஸேன தங் மனோபதோ³ஸங் அஸஹமானாஹி தே³வதாஹி தானி ரட்டா²னி வினாஸிதானி. லோகிகா பன இஸயோ மனங் பதோ³ஸெத்வா வினாஸயிங்ஸூதி மஞ்ஞந்தி. தஸ்மா இமஸ்மிங் லோகவாதே³ ட²த்வாவ இத³ங் வாதா³ரோபனங் கதந்தி வேதி³தப்³ப³ங்.
தத்த² த³ண்ட³கீரஞ்ஞாதீ³னங் ஏவங் அரஞ்ஞபூ⁴தபா⁴வோ ஜானிதப்³போ³ – ஸரப⁴ங்க³போ³தி⁴ஸத்தஸ்ஸ தாவ பரிஸாய அதிவேபுல்லதங் க³தாய கிஸவச்சோ² நாம தாபஸோ மஹாஸத்தஸ்ஸ அந்தேவாஸீ விவேகவாஸங் பத்த²யமானோ க³ணங் பஹாய கோ³தா⁴வரீதீரதோ கலிங்க³ரட்டே² த³ண்ட³கீரஞ்ஞோ கும்ப⁴புரங் நாம நக³ரங் உபனிஸ்ஸாய ராஜுய்யானே விவேகமனுப்³ரூஹயமானோ விஹரதி. தஸ்ஸ ஸேனாபதி உபட்டா²கோ ஹோதி.
ததா³ ச ஏகா க³ணிகா ரத²ங் அபி⁴ருஹித்வா பஞ்சமாதுகா³மஸதபரிவாரா நக³ரங் உபஸோப⁴யமானா விசரதி. மஹாஜனோ தமேவ ஓலோகயமானோ பரிவாரெத்வா விசரதி, நக³ரவீதி²யோ நப்பஹொந்தி. ராஜா வாதபானங் விவரித்வா டி²தோ தங் தி³ஸ்வா கா ஏஸாதி புச்சி². தும்ஹாகங் நக³ரஸோபி⁴னீ
ஸா ததோ பட்டா²ய கேனசி ஸத்³தி⁴ங் ஸந்த²வங் கத்வா டா²னந்தரங் பரியேஸமானா ஏகதி³வஸங் ராஜுய்யானங் பவிஸித்வா சங்கமனகோடியங் ஆலம்ப³னப²லகங் நிஸ்ஸாய பாஸாணப²லகே நிஸின்னங் தாபஸங் தி³ஸ்வா சிந்தேஸி
தங்தி³வஸஞ்ச ராஜா ஸதிங் படிலபி⁴த்வா – ‘‘போ⁴ குஹிங் நக³ரஸோபி⁴னீ’’தி புச்சி². இமஸ்மிங்யேவ நக³ரே தே³வாதி. பகதிட்டா²னந்தரங் தஸ்ஸா தே³தா²தி டா²னந்தரங் தா³பேஸி. ஸா புப்³பே³ ஸுகதகம்மங் நிஸ்ஸாய லத்³த⁴ங் டா²னந்தரங் தாபஸஸ்ஸ ஸரீரே கே²ளபாதனேன லத்³த⁴ந்தி ஸஞ்ஞமகாஸி.
ததோ கதிபாஹஸ்ஸச்சயேன ராஜா புரோஹிதஸ்ஸ டா²னந்தரங் க³ண்ஹி. ஸோ நக³ரஸோபி⁴னியா ஸந்திகங் க³ந்த்வா ‘‘ப⁴கி³னி கிந்தி கத்வா டா²னந்தரங் படிலபீ⁴’’தி புச்சி². ‘‘கிங் ப்³ராஹ்மண அஞ்ஞங் காதப்³ப³ங் அத்தி², ராஜுய்யானே
ததோ கதிபாஹஸ்ஸச்சயேன ரஞ்ஞோ பச்சந்தோ குபிதோ. ராஜா பச்சந்தங் வூபஸமெஸ்ஸாமீதி சதுரங்கி³னியா ஸேனாய நிக்க²மி. புரோஹிதோ க³ந்த்வா ரஞ்ஞோ புரதோ ட²த்வா ‘‘ஜயது மஹாராஜா’’தி வத்வா – ‘‘தும்ஹே, மஹாராஜ, ஜயத்தா²ய க³ச்ச²தா²’’தி புச்சி². ஆம ப்³ராஹ்மணாதி. ஏவங் ஸந்தே ராஜுய்யானே அனஞ்ஜிதகாளகண்ணீ ஏகோ கூடஜடிலோ வஸதி, தஸ்ஸ ஸரீரே கே²ளங் பாதேதா²தி. ராஜா தஸ்ஸ வசனங் க³ஹெத்வா யதா² க³ணிகாய ச தேன ச கதங், ததே²வ ஸப்³ப³ங் கத்வா ஓரோதே⁴பி ஆணாபேஸி – ‘‘ஏதஸ்ஸ கூடஜடிலஸ்ஸ ஸரீரே கே²ளங் பாதேதா²’’தி. ததோ ஓரோதா⁴பி ஓரோத⁴பாலகாபி ததே²வ அகங்ஸு. அத² ராஜா உய்யானத்³வாரே ரக்க²ங் ட²பாபெத்வா ‘‘ரஞ்ஞா ஸத்³தி⁴ங் நிக்க²மந்தா
ஸேனாபதி
ஸேனாபதி நயங் லபி⁴த்வா ரஞ்ஞோ ஸந்திகங் க³ந்த்வா ராஜானங் வந்தி³த்வா ஆஹ – ‘‘தும்ஹேஹி, மஹாராஜ, நிராபராதே⁴ மஹித்³தி⁴கே தாபஸே அபரஜ்ஜ²ந்தேஹி பா⁴ரியங் கம்மங் கதங், தே³வதா கிர திதா⁴ பி⁴ன்னா ஏவங் வத³ந்தீ’’தி ஸப்³ப³ங் ஆரோசெத்வா – ‘‘க²மாபிதே கிர, மஹாராஜ, பாகதிகங் ஹோதி, ரட்ட²ங் மா நாஸேத², தாபஸங் க²மாபேதா²’’தி ஆஹ. ராஜா அத்தனி தோ³ஸங் கதங் தி³ஸ்வாபி ஏவங் வத³தி ‘‘ந தங் க²மாபெஸ்ஸாமீ’’தி. ஸேனாபதி யாவததியங் யாசித்வா அனிச்ச²ந்தமாஹ – ‘‘அஹங், மஹாராஜ, தாபஸஸ்ஸ ப³லங் ஜானாமி, ந ஸோ அபூ⁴தவாதீ³, நாபி குபிதோ, ஸத்தானுத்³த³யேன பன ஏவமாஹ க²மாபேத² நங் மஹாராஜா’’தி. ந க²மாபேமீதி. தேன ஹி ஸேனாபதிட்டா²னங் அஞ்ஞஸ்ஸ தே³த², அஹங் தும்ஹாகங் ஆணாபவத்திட்டா²னே ந வஸிஸ்ஸாமீதி. த்வங் யேனகாமங் க³ச்ச², அஹங் மய்ஹங் ஸேனாபதிங் லபி⁴ஸ்ஸாமீதி. ததோ ஸேனாபதி தாபஸஸ்ஸ ஸந்திகங் ஆக³ந்த்வா வந்தி³த்வா
ராஜா
தஸ்மிங் ஸமயே தே³வதா ஏகதோதா⁴ரஉப⁴தோதா⁴ராதீ³னி நானப்பகாரானி ஆவுதா⁴னி மஹாஜனஸ்ஸ உபரி ப²லகே
‘‘கிஸஞ்ஹி வச்ச²ங் அவகிரிய த³ண்ட³கீ,
உச்சி²ன்னமூலோ ஸஜனோ ஸரட்டோ²;
குக்குளனாமே நிரயம்ஹி பச்சதி,
தஸ்ஸ பு²லிங்கா³னி பதந்தி காயே’’தி. (ஜா॰ 2.17.70);
ஏவங் தாவ த³ண்ட³கீரஞ்ஞஸ்ஸ அரஞ்ஞபூ⁴தபா⁴வோ வேதி³தப்³போ³.
கலிங்க³ரட்டே² நாளிகிரரஞ்ஞே ரஜ்ஜங் காரயமானே ஹிமவதி பஞ்சஸததாபஸா அனித்தி²க³ந்தா⁴ அஜினஜடவாகசீரத⁴ரா வனமூலப²லப⁴க்கா² ஹுத்வா சிரங் வீதினாமெத்வா லோணம்பி³லஸேவனத்த²ங் மனுஸ்ஸபத²ங் ஓதரித்வா அனுபுப்³பே³ன கலிங்க³ரட்டே² நாளிகிரரஞ்ஞோ நக³ரங் ஸம்பத்தா. தே ஜடாஜினவாகசீரானி
ராஜா நிக்க²மித்வா தேஹி பரிவாரிதோ உய்யானங் க³ந்த்வா தாபஸேஹி ஸத்³தி⁴ங் படிஸந்தா²ரங் கத்வா ஏகமந்தங் நிஸீதி³. தாபஸா ராஜானங் தி³ஸ்வா பரிகதா²ய குஸலஸ்ஸேகஸ்ஸ தாபஸஸ்ஸ ‘‘ரஞ்ஞோ த⁴ம்மங் கதே²ஹீ’’தி ஸஞ்ஞமத³ங்ஸு, ஸோ தாபஸோ
‘‘பாணோ
பஞ்சஸு வேரேஸு இமங் ஆதீ³னவங் கதே²ஸி.
ராஜா பகதியாபி அஸ்ஸத்³தோ⁴ அப்பஸன்னோ து³ஸ்ஸீலோ, து³ஸ்ஸீலஸ்ஸ ச ஸீலகதா² நாம து³க்கதா², கண்ணே ஸூலப்பவேஸனங் விய ஹோதி. தஸ்மா ஸோ சிந்தேஸி – ‘‘அஹங் ‘ஏதே பக்³க³ண்ஹிஸ்ஸாமீ’தி ஆக³தோ, இமே பன மய்ஹங் ஆக³தகாலதோ பட்டா²ய மங்யேவ க⁴ட்டெந்தா விஜ்ஜ²ந்தா பரிஸமஜ்ஜே² கதெ²ந்தி, கரிஸ்ஸாமி நேஸங் காத்தப்³ப³’’ந்தி. ஸோ த⁴ம்மகதா²பரியோஸானே ‘‘ஆசரியா ஸ்வே மய்ஹங் கே³ஹே பி⁴க்க²ங் க³ண்ஹதா²’’தி நிமந்தெத்வா அக³மாஸி. ஸோ து³தியதி³வஸே மஹந்தே மஹந்தே கோளும்பே³ ஆஹராபெத்வா கூ³த²ஸ்ஸ பூராபெத்வா கத³லிபத்தேஹி நேஸங் முகா²னி ப³ந்தா⁴பெத்வா தத்த² தத்த² ட²பாபேஸி, புன ப³ஹலமது⁴கதேலனாக³ப³லபிச்சி²ல்லாதீ³னங் கூடே பூரெத்வா நிஸ்ஸேணிமத்த²கே ட²பாபேஸி, தத்தே²வ ச மஹாமல்லே ப³த்³த⁴கச்சே² ஹத்தே²ஹி முக்³க³ரே கா³ஹாபெத்வா ட²பெத்வா ஆஹ ‘‘கூடதாபஸா அதிவிய மங் விஹேட²யிங்ஸு, தேஸங் பாஸாத³தோ ஓதரணகாலே
தாபஸாபி ‘‘ஸ்வே ராஜகே³ஹே பு⁴ஞ்ஜிஸ்ஸாமா’’தி அஞ்ஞமஞ்ஞங் ஓவதி³ங்ஸு – ‘‘மாரிஸா ராஜகே³ஹங் நாம ஸாஸங்கங் ஸப்படிப⁴யங், பப்³ப³ஜிதேஹி நாம ச²த்³வாராரம்மணே ஸஞ்ஞதேஹி ப⁴விதப்³ப³ங், தி³ட்ட²தி³ட்டே² ஆரம்மணே நிமித்தங் ந க³ஹேதப்³ப³ங், சக்கு²த்³வாரே ஸங்வரோ பச்சுபட்ட²பேதப்³போ³’’தி.
புனதி³வஸே
அத²ஸ்ஸ ரட்டே² தே³வதா புரிமனயேனேவ புன நவவுட்டி²யோ பாதேஸுங். தஸ்ஸ ரஜ்ஜங் ஸட்டி²யோஜனுப்³பே³தே⁴ன வாலிகத²லேன அவச்சா²தி³யித்த². தேனாஹ ஸரப⁴ங்கோ³ போ³தி⁴ஸத்தோ –
‘‘யோ ஸஞ்ஞதே பப்³ப³ஜிதே அவஞ்சயி,
த⁴ம்மங் ப⁴ணந்தே ஸமணே அதூ³ஸகே;
தங் நாளிகேரங் ஸுனகா² பரத்த²,
ஸங்க³ம்ம கா²த³ந்தி விப²ந்த³மான’’ந்தி. (ஜா॰ 2.17.71);
ஏவங் காலிங்கா³ரஞ்ஞஸ்ஸ அரஞ்ஞபூ⁴தபா⁴வோ வேதி³தப்³போ³.
அதீதே பன பா³ராணஸினக³ரே தி³ட்ட²மங்க³லிகா நாம சத்தாலீஸகோடிவிப⁴வஸ்ஸ ஸெட்டி²னோ ஏகா தீ⁴தா அஹோஸி த³ஸ்ஸனீயா பாஸாதி³கா. ஸா ரூபபோ⁴க³குலஸம்பத்திஸம்பன்னதாய ப³ஹூனங் பத்த²னீயா அஹோஸி. யோ
ஸா
தி³ட்ட²மங்க³லிகா க⁴ண்ட³ஸத்³த³ங் ஸுத்வா ஸாணிஅந்தரேன ஓலோகெந்தீ தூ³ரதோவ தங் ஆக³ச்ச²ந்தங் தி³ஸ்வா ‘‘கிமேத’’ந்தி புச்சி². மாதங்கோ³ அய்யேதி. ‘‘கிங் வத, போ⁴, அகுஸலங் அகரம்ஹ, கஸ்ஸாயங் நிஸ்ஸந்தோ³, வினாஸோ நு கோ² மே பச்சுபட்டி²தோ, மங்க³லகிச்சேன நாம க³ச்ச²மானா சண்டா³லங் அத்³த³ஸ’’ந்தி ஸரீரங் கம்பெத்வா ஜிகு³ச்ச²மானா கே²ளங் பாதெத்வா தா⁴தியோ ஆஹ – ‘‘வேகே³ன உத³கங் ஆஹரத², சண்டா³லோ தி³ட்டோ², அக்கீ²னி சேவ நாம
மஹாபுரிஸோ ஸஞ்ஞங் படிலபி⁴த்வா ஹத்த²பாதே³ பராமஸித்வா – ‘‘இத³ங் து³க்க²ங் கங் நிஸ்ஸாய உப்பன்ன’’ந்தி சிந்தெந்தோ – ‘‘ந அஞ்ஞங் கஞ்சி, தி³ட்ட²மங்க³லிகங் நிஸ்ஸாய உப்பன்ன’’ந்தி ஞத்வா ‘‘ஸசாஹங் புரிஸோ, பாதே³ஸு நங் நிபாதெஸ்ஸாமீ’’தி சிந்தெத்வா வேத⁴மானோ தி³ட்ட²மங்க³லிகாய குலத்³வாரங் க³ந்த்வா – ‘‘தி³ட்ட²மங்க³லிகங் லப⁴ந்தோ வுட்ட²ஹிஸ்ஸாமி, அலப⁴ந்தஸ்ஸ எத்தே²வ மரண’’ந்தி கே³ஹங்க³ணே நிபஜ்ஜி. தேன ச ஸமயேன ஜம்பு³தீ³பே அயங் த⁴ம்மதா ஹோதி – யஸ்ஸ சண்டா³லோ குஜ்ஜி²த்வா க³ப்³ப⁴த்³வாரே
ஸெட்டி²ஸ்ஸ ஆரோசேஸுங் – ‘‘மாதங்கோ³ தே ஸாமி கே³ஹங்க³ணே பதிதோ’’தி
தே க³ந்த்வா ஸெட்டி²ஸ்ஸ ஆரோசேஸுங். ஸெட்டி² தீ⁴து தோ³ஸங் ஞத்வா ‘‘க³ச்ச²த², ஏகங் கஹாபணங் தே³தா²’’தி பேஸேதி. ஸோ ‘‘ந இச்சா²மி கஹாபணங், தமேவ இச்சா²மீ’’தி ஆஹ. தங் ஸுத்வா ஸெட்டி² ச ஸெட்டி²ப⁴ரியா ச – ‘‘ஏகாயேவ நோ பியதீ⁴தா, பவேணியா க⁴டகோ அஞ்ஞோ தா³ரகோபி நத்தீ²’’தி ஸங்வேக³ப்பத்தா – ‘‘க³ச்ச²த² தாதா, கோசி அம்ஹாகங் அஸஹனகோ ஏதங் ஜீவிதாபி வோரோபெய்ய, ஏதஸ்மிஞ்ஹி மதே ஸப்³பே³ மயங் நட்டா² ஹோம, ஆரக்க²மஸ்ஸ க³ண்ஹதா²’’தி பரிவாரெத்வா ஆரக்க²ங் ஸங்விதா⁴ய யாகு³ங் பேஸயிங்ஸு, ப⁴த்தங் த⁴னங் பேஸயிங்ஸு, ஏவங் ஸோ ஸப்³ப³ங் படிக்கி²பி. ஏவங் ஏகோ தி³வஸோ க³தோ; த்³வே, தயோ, சத்தாரோ, பஞ்ச தி³வஸா க³தா.
ததோ
மாதாபிதரோ ஸோகஸல்லஸமப்பிதா விஸஞ்ஞீ ஹுத்வா ஸயனே நிபதிங்ஸு. உப⁴தோ சுத்³த³ஸகே³ஹவாஸினோ பாஸாத³ங் ஆருய்ஹ ஸுபுப்பி²தகிங்ஸுகஸாக²ங்
நீலுப்பலம்பி அதிபா⁴ரோதி அனுக்கி²த்தபுப்³பா³ ஸுகு²மாலதா³ரிகா ‘‘உட்டா²ஹி ஸாமி, க³ச்சா²மா’’தி ஆஹ. போ³தி⁴ஸத்தோ நிபன்னகோவ ஆஹ ‘‘நாஹங் உட்ட²ஹாமீ’’தி. அத² கிந்தி வதா³மீதி. ‘‘உட்டே²ஹி அய்ய மாதங்கா³’’தி ஏவங் மங் வதா³ஹீதி. ஸா ததா² அவோச. ந துய்ஹங் மனுஸ்ஸா உட்டா²னஸமத்த²ங் மங் அகங்ஸு, பா³ஹாய மங் க³ஹெத்வா உட்டா²பேஹீதி. ஸா ததா² அகாஸி. போ³தி⁴ஸத்தோ உட்ட²ஹந்தோ விய பரிவட்டெத்வா பூ⁴மியங் பதித்வா – ‘‘நாஸிதங், போ⁴, தி³ட்ட²மங்க³லிகாய பட²மங் மனுஸ்ஸேஹி கொட்டாபெத்வா, இதா³னி ஸயங் கொட்டேதீ’’தி விரவித்த². ஸா கிங் கரோமி அய்யாதி? த்³வீஹி ஹத்தே²ஹி க³ஹெத்வா உட்டா²பேஹீதி. ஸா ததா² உட்டா²பெத்வா நிஸீதா³பெத்வா க³ச்சா²ம ஸாமீதி. க³ச்சா² நாம அரஞ்ஞே ஹொந்தி, மயங் மனுஸ்ஸா, அதிகொட்டிதொம்ஹி துய்ஹங் மனுஸ்ஸேஹி, ந ஸக்கோமி பத³ஸா க³ந்துங், பிட்டி²யா மங் நேஹீதி. ஸா ஓனமித்வா பிட்டி²ங் அதா³ஸி. போ³தி⁴ஸத்தோ அபி⁴ருஹி. குஹிங் நேமி ஸாமீதி? ப³ஹினக³ரங் நேஹீதி. ஸா பாசீனத்³வாரங் க³ந்த்வா – ‘‘இத⁴ தே ஸாமி வஸனட்டா²ன’’ந்தி புச்சி². கதரட்டா²னங் ஏதந்தி? பாசீனத்³வாரங் ஸாமீதி. பாசீனத்³வாரே சண்டா³லபுத்தா வஸிதுங் ந லப⁴ந்தீதி
ஸா பச்சி²மத்³வாரங் பத்வா ‘‘இத⁴ தே ஸாமி வஸனட்டா²ன’’ந்தி புச்சி². கதரட்டா²னங் ஏதந்தி? பச்சி²மத்³வாரங் ஸாமீதி. இமினா த்³வாரேன நிக்க²மித்வா சம்மகே³ஹங் ஓலோகெந்தீ க³ச்சா²தி. ஸா தத்த² க³ந்த்வா ஆஹ ‘‘இத³ங் சம்மகே³ஹங் தும்ஹாகங் வஸனட்டா²னங் ஸாமீ’’தி? ஆமாதி பிட்டி²தோ ஓதரித்வா சம்மகே³ஹங் பாவிஸி.
தத்த² ஸத்தட்ட²தி³வஸே வஸந்தோ ஸப்³ப³ஞ்ஞுதக³வேஸனதீ⁴ரோ எத்தகேஸு தி³வஸேஸு ந ச ஜாதிஸம்பே⁴த³மகாஸி. ‘‘மஹாகுலஸ்ஸ தீ⁴தா ஸசே மங் நிஸ்ஸாய மஹந்தங் யஸங் ந பாபுணாதி, ந சம்ஹாஹங் சதுவீஸதியா பு³த்³தா⁴னங் அந்தேவாஸிகோ. ஏதிஸ்ஸா பாத³தோ⁴வனஉத³கேன ஸகலஜம்பு³தீ³பே ராஜூனங்
ஸா தங் த்³வாரே டி²தங் தி³ஸ்வா அஸஞ்ஜானந்தீ – ‘‘அதிச்ச²த², ப⁴ந்தே, சண்டா³லானங் வஸனட்டா²னமேத’’ந்தி ஆஹ. போ³தி⁴ஸத்தோ தத்தே²வ அட்டா²ஸி. ஸா புனப்புனங் ஓலோகெந்தீ ஸஞ்ஜானித்வா ஹத்தே²ஹி உரங் பஹரித்வா விரவமானா பாத³மூலே பதித்வா ஆஹ – ‘‘யதி³ தே ஸாமி ஏதி³ஸங் சித்தங் அத்தி², கஸ்மா மங் மஹதா யஸா பரிஹாபெத்வா அனாத²ங் அகாஸீ’’தி. நானப்பகாரங் பரிதே³வங் பரிதே³வித்வா அக்கீ²னி புஞ்ச²மானா உட்டா²ய பி⁴க்கா²பா⁴ஜனங் க³ஹெத்வா அந்தோகே³ஹே நிஸீதா³பெத்வா பி⁴க்க²ங் அதா³ஸி. மஹாபுரிஸோ ப⁴த்தகிச்சங் கத்வா ஆஹ – ‘‘தி³ட்ட²மங்க³லிகே மா ஸோசி மா பரிதே³வி, அஹங் துய்ஹங் பாத³தோ⁴வனஉத³கேன ஸகலஜம்பு³தீ³பே ராஜூனங் அபி⁴ஸேககிச்சங் காரேதுங் ஸமத்தோ², த்வங் பன
ஏவங் வுத்தே தி³ட்ட²மங்க³லிகா – ‘‘பகதியாபி அஹங் ஸாமி முக²தோ³ஸேனேவ ப்³யஸனங் பத்தா, ந ஸக்கி²ஸ்ஸாமேவங் வத்து’’ந்தி ஆஹ. போ³தி⁴ஸத்தோ – ‘‘கிங் பன தயா மய்ஹங் அகா³ரே வஸந்தஸ்ஸ அலிகவசனங் ஸுதபுப்³ப³ங், அஹங் ததா³பி அலிகங் ந ப⁴ணாமி, இதா³னி பப்³ப³ஜிதோ கிங் வக்கா²மி, ஸச்சவாதீ³ புரிஸோ நாமாஹ’’ந்தி வத்வா – ‘‘அஜ்ஜ பக்க²ஸ்ஸ அட்ட²மீ, த்வங் ‘இதோ ஸத்தாஹஸ்ஸச்சயேன உபோஸத²தி³வஸே மய்ஹங் ஸாமிகோ மஹாப்³ரஹ்மா சந்த³மண்ட³லங் பி⁴ந்தி³த்வா மம ஸந்திகங் ஆக³மிஸ்ஸதீ’தி ஸகலனக³ரே உக்³கோ⁴ஸேஹீ’’தி வத்வா பக்காமி.
ஸா
ப்³ராஹ்மணா
மஹாபுரிஸோ சந்தே³ உக்³க³தமத்தே அபி⁴ஞ்ஞாபாத³கஜ்ஜா²னங் ஸமாபஜ்ஜித்வா வுட்டா²ய காமாவசரசித்தேன பரிகம்மங் கத்வா இத்³தி⁴சித்தேன த்³வாத³ஸயோஜனிகங் ப்³ரஹ்மத்தபா⁴வங் மாபெத்வா வேஹாஸங் அப்³பு⁴க்³க³ந்த்வா சந்த³விமானஸ்ஸ அந்தோ பவிஸித்வா
மஹாபுரிஸோபி ஸிரிஸயனமஜ்ஜே² நிஸீதி³. தி³ட்ட²மங்க³லிகா ஸமீபே அட்டா²ஸி. அத² நங் புச்சி²
ப்³ராஹ்மணா – ‘‘ப்³ரஹ்மபஜாபதிங் அந்தோனக³ரே வஸாபெஸ்ஸாமா’’தி ஸுவண்ணஸிவிகாய ஆரோபெத்வா யாவ ஸத்தமகோடியா அபரிஸுத்³த⁴ஜாதிகஸ்ஸ ஸிவிகங் க³ஹேதுங் ந அத³ங்ஸு. ஸோளஸ ஜாதிமந்தப்³ராஹ்மணா க³ண்ஹிங்ஸு. ஸேஸா க³ந்த⁴புப்பா²தீ³ஹி பூஜெத்வா நக³ரங் பவிஸித்வா – ‘‘ந ஸக்கா, போ⁴, உச்சி²ட்ட²கே³ஹே ப்³ரஹ்மபஜாபதியா வஸிதுங், வத்து²ங் க³ஹெத்வா கே³ஹங் கரிஸ்ஸாம, யாவ பன தங் கரீயதி, தாவ மண்ட³பேவ வஸதூ’’தி மண்ட³பே வஸாபேஸுங். ததோ பட்டா²ய சக்கு²பதே² ட²த்வா வந்தி³துகாமா கஹாபணங் த³த்வா வந்தி³துங் லப⁴ந்தி, ஸவனூபசாரே வந்தி³துகாமா ஸதங் த³த்வா லப⁴ந்தி, ஆஸன்னே பகதிகத²ங் ஸவனட்டா²னே வந்தி³துகாமா பஞ்சஸதானி த³த்வா லப⁴ந்தி, பாத³பிட்டி²யங் ஸீஸங் ட²பெத்வா வந்தி³துகாமா ஸஹஸ்ஸங் த³த்வா லப⁴ந்தி, பாத³தோ⁴வனஉத³கங் பத்த²யமானா த³ஸஸஹஸ்ஸானி த³த்வா லப⁴ந்தி. ப³ஹினக³ரதோ அந்தோனக³ரே யாவ மண்ட³பா ஆக³ச்ச²ந்தியா லத்³த⁴த⁴னங்யேவ கோடிஸதமத்தங் அஹோஸி.
ஸகலஜம்பு³தீ³போ மண்ட³ப்³யோத்வேவ நாமங் அகங்ஸு.
குமாரோ ஸுகே²ன ஸங்வட்³ட⁴மானோ ஸிப்புக்³க³ஹணவயபத்தோதி ஸகலஜம்பு³தீ³பே ஸிப்பஜானநகா தஸ்ஸ ஸந்திகே ஆக³ந்த்வா ஸிப்பங் ஸிக்கா²பெந்தி. குமாரோ மேதா⁴வீ பஞ்ஞவா ஸுதங் ஸுதங் முதங் ஆவுணந்தோ விய
போ³தி⁴ஸத்தோ ஆவஜ்ஜேஸி – ‘‘பமத்தோ நு கோ² குமாரோ அப்பமத்தோ’’தி. அத²ஸ்ஸ தங் பவத்திங் ஞத்வா – ‘‘ப்³ராஹ்மணப⁴த்தோ ஜாதோ, யத்த² தி³ன்னங் மஹப்ப²லங் ஹோதி, தங் ந ஜானாதி, க³ச்சா²மி நங் த³மேமீ’’தி சீவரங் பாருபித்வா பி⁴க்கா²பா⁴ஜனங் க³ஹெத்வா – ‘‘த்³வாரகொட்ட²கா அதிஸம்பா³தா⁴, ந ஸக்கா கொட்ட²கேன பவிஸிது’’ந்தி ஆகாஸேனாக³ந்த்வா அஸீதிப்³ராஹ்மணஸஹஸ்ஸானங் பு⁴ஞ்ஜனட்டா²னே ஆகாஸங்க³ணே ஓதரி. மண்ட³ப்³யகுமாரோபி
‘‘குதோ
ஓதல்லகோ பங்ஸுபிஸாசகோவ;
ஸங்காரசோளங் படிமுஞ்ச கண்டே²,
கோ ரே துவங் ஹோஸி அத³க்கி²ணெய்யோ’’தி. (ஜா॰ 1.15.1);
அத² நங் மஹாஸத்தோ அகுஜ்ஜி²த்வாவ ஓவத³ந்தோ ஆஹ –
‘‘அன்னங் தவேத³ங் பகதங் யஸஸ்ஸி,
தங் க²ஜ்ஜரே பு⁴ஞ்ஜரே பிய்யரே ச;
ஜானாஸி மங் த்வங் பரத³த்தூபஜீவிங்,
உத்திட்ட² பிண்ட³ங் லப⁴தங் ஸபாகோ’’தி. (ஜா॰ 1.15.2);
ஸோ நயித³ங் தும்ஹாதி³ஸானங் படியத்தந்தி த³ஸ்ஸெந்தோ ஆஹ –
‘‘அன்னங்
அத்த²த்தி²தங் ஸத்³த³ஹதோ மமேத³ங்;
அபேஹி எத்தோ கிமித⁴ட்டி²தோஸி,
ந மாதி³ஸா துய்ஹங் த³த³ந்தி ஜம்மா’’தி. (ஜா॰ 1.15.3);
அத² போ³தி⁴ஸத்தோ ‘‘தா³னங் நாம ஸகு³ணஸ்ஸபி நிக்³கு³ணஸ்ஸபி யஸ்ஸ கஸ்ஸசி தா³தப்³ப³ங், யதா² ஹி நின்னேபி த²லேபி பதிட்டா²பிதங் பீ³ஜங் பத²வீரஸங் ஆபோரஸஞ்ச ஆக³ம்ம ஸம்பஜ்ஜதி, ஏவங்
‘‘த²லே ச நின்னே ச வபந்தி பீ³ஜங்,
அனூபகெ²த்தே ப²லமாஸமானா;
ஏதாய ஸத்³தா⁴ய த³தா³ஹி தா³னங்,
அப்பேவ ஆராத⁴யே த³க்கி²ணெய்யே’’தி. (ஜா॰ 1.15.4);
அத² குமாரோ கோதா⁴பி⁴பூ⁴தோ – ‘‘கேனிமஸ்ஸ முண்ட³கஸ்ஸ பவேஸோ தி³ன்னோ’’தி த்³வாரரக்கா²த³யோ தஜ்ஜெத்வா –
‘‘கெ²த்தானி
யேஸாஹங் பீ³ஜானி பதிட்ட²பேமி;
யே ப்³ராஹ்மணா ஜாதிமந்தூபபன்னா,
தானீத⁴ கெ²த்தானி ஸுபேஸலானீ’’தி. (ஜா॰ 1.15.5) –
கா³த²ங் வத்வா ‘‘இமங் ஜம்மங் வேணுபத³ரேன போதெ²த்வா கீ³வாயங் க³ஹெத்வா ஸத்தபி த்³வாரகொட்ட²கே அதிக்கமித்வா ப³ஹி நீஹரதா²’’தி ஆஹ. அத² நங் மஹாபுரிஸோ ஆஹ –
‘‘கி³ரிங் நகே²ன க²ணஸி, அயோ த³ந்தேபி⁴ கா²த³ஸி;
ஜாதவேத³ங் பத³ஹஸி, யோ இஸிங் பரிபா⁴ஸஸீ’’தி. (ஜா॰ 1.15.9);
ஏவஞ்ச
‘‘இத³ங் வத்வான மாதங்கோ³, இஸி ஸச்சபரக்கமோ;
அந்தலிக்க²ஸ்மிங் பக்காமி, ப்³ராஹ்மணானங் உதி³க்க²த’’ந்தி. (ஜா॰ 1.15.10);
தாவதே³வ நக³ரரக்கி²கதே³வதானங் ஜெட்ட²கதே³வராஜா மண்ட³ப்³யஸ்ஸ கீ³வங் பரிவத்தேஸி. தஸ்ஸ முக²ங் பரிவத்தேதித்வா
‘‘ஆவேதி⁴தங் பிட்டி²தோ உத்தமங்க³ங்,
பா³ஹுங் பஸாரேதி அகம்மனெய்யங்;
ஸேதானி அக்கீ²னி யதா² மதஸ்ஸ,
கோ மே இமங் புத்தமகாஸி ஏவ’’ந்தி. (ஜா॰ 1.15.11);
அத²ஸ்ஸா
‘‘இதா⁴க³மா ஸமணோ து³ம்மவாஸீ,
ஓதல்லகோ பங்ஸுபிஸாசகோவ,
ஸங்காரசோளங் படிமுஞ்ச கண்டே²,
ஸோ தே இமங் புத்தமகாஸி ஏவ’’ந்தி. (ஜா॰ 1.15.12);
ஸா ஸுத்வாவ அஞ்ஞாஸி – ‘‘மய்ஹங் யஸதா³யகோ அய்யோ அனுகம்பாய புத்தஸ்ஸ பமத்தபா⁴வங் ஞத்வா ஆக³தோ ப⁴விஸ்ஸதீ’’தி. ததோ உபட்டா²கே புச்சி² –
‘‘கதமங்
அக்கா²த² மே மாணவா ஏதமத்த²ங்;
க³ந்த்வான தங் படிகரேமு அச்சயங்,
அப்பேவ நங் புத்த லபே⁴மு ஜீவித’’ந்தி. (ஜா॰ 1.15.13);
தே ஆஹங்ஸு –
‘‘வேஹாயஸங் அக³மா பூ⁴ரிபஞ்ஞோ,
பத²த்³து⁴னோ பன்னரஸேவ சந்தோ³;
அபிசாபி
ஸச்சப்படிஞ்ஞோ இஸி ஸாது⁴ரூபோ’’தி. (ஜா॰ 1.15.14);
மஹாபுரிஸோபி அந்தரவீதி²யங் ஓதிண்ணட்டா²னதோ பட்டா²ய – ‘‘மய்ஹங் பத³வளஞ்ஜங் ஹத்தி²அஸ்ஸாதீ³னங் வஸேன மா அந்தரதா⁴யித்த², தி³ட்ட²மங்க³லிகாயேவ நங் பஸ்ஸது, மா அஞ்ஞே’’தி அதி⁴ட்ட²ஹித்வா பிண்டா³ய சரித்வா யாபனமத்தங் மிஸ்ஸகோத³னங் க³ஹெத்வா படிக்கமனஸாலாயங் நிஸின்னோ பு⁴ஞ்ஜித்வா தோ²கங் பு⁴த்தாவஸேஸங் பி⁴க்கா²பா⁴ஜனேயேவ ட²பேஸி. தி³ட்ட²மங்க³லிகாபி பாஸாதா³ ஓருய்ஹ அந்தரவீதி²ங் படிபஜ்ஜமானா பத³வளஞ்ஜங் தி³ஸ்வா – ‘‘இத³ங் மய்ஹங் யஸதா³யகஸ்ஸ அய்யஸ்ஸ பத³’’ந்தி பதா³னுஸாரேனாக³ந்த்வா வந்தி³த்வா ஆஹ – ‘‘தும்ஹாகங், ப⁴ந்தே, தா³ஸேன கதாபராத⁴ங் மய்ஹங் க²மத², ந ஹி தும்ஹே கோத⁴வஸிகா நாம, தே³த² மே புத்தஸ்ஸ ஜீவித’’ந்தி.
ஏவஞ்ச பன வத்வா –
‘‘ஆவேதி⁴தங்
பா³ஹுங் பஸாரேதி அகம்மனெய்யங்;
ஸேதானி அக்கீ²னி யதா² மதஸ்ஸ,
கோ மே இமங் புத்தமகாஸி ஏவ’’ந்தி. (ஜா॰ 1.15.15) –
கா³த²ங்
கேவலங், ப⁴ந்தே, தும்ஹாகங் மனோபதோ³ஸோ மா ஹோது, தே³வதாஹி கதங் ஹோது, ஸுக²மாபயா
முகே² பக்கி²த்தமத்தே ஜெட்ட²கதே³வராஜா – ‘‘ஸாமிம்ஹி ஸயங் பே⁴ஸஜ்ஜங் கரொந்தே அம்ஹேஹி ந ஸக்கா கிஞ்சி காது’’ந்தி குமாரங் விஸ்ஸஜ்ஜேஸி. ஸோபி கி²பித்வா கிஞ்சி து³க்க²ங் அப்பத்தபுப்³போ³ விய பகதிவண்ணோ அஹோஸி. அத² நங் மாதா அவோச – ‘‘பஸ்ஸ தாத தவ குலுபகானங் ஹிரொத்தப்பரஹிதானங் விப்பகாரங், ஸமணா பன ந ஏவரூபா ஹொந்தி, ஸமணே தாத போ⁴ஜெய்யாஸீ’’தி. ததோ ஸேஸகங் உத³கசாடியங் ஆலுளாபெத்வா ப்³ராஹ்மணானங் முகே² பக்கி²பாபேஸி. யக்கா² தாவதே³வ விஸ்ஸஜ்ஜெத்வா பலாயிங்ஸு. ப்³ராஹ்மணா கி²பித்வா கி²பித்வா உட்ட²ஹித்வா கிங் அம்ஹாகங் முகே² பக்கி²த்தந்தி புச்சி²ங்ஸு. மாதங்க³இஸிஸ்ஸ உச்சி²ட்ட²ப⁴த்தந்தி. தே ‘‘சண்டா³லஸ்ஸ உச்சி²ட்ட²கங் கா²தா³பிதம்ஹா, அப்³ராஹ்மணா தா³னிம்ஹா ஜாதா, இதா³னி நோ ப்³ராஹ்மணா ‘அஸுத்³த⁴ப்³ராஹ்மணா இமே’தி ஸம்போ⁴க³ங் ந த³ஸ்ஸந்தீ’’தி ததோ பலாயித்வா மஜ்ஜ²ரட்ட²ங் க³ந்த்வா மஜ்ஜ²ராஜஸ்ஸ நக³ரே அக்³கா³ஸனிகா ப்³ராஹ்மணா நாம மயந்தி ராஜகே³ஹே பு⁴ஞ்ஜந்தி.
தஸ்மிங் ஸமயே போ³தி⁴ஸத்தோ பாபனிக்³க³ஹங் கரொந்தோ மானஜாதிகே நிம்மத³யந்தோ விசரதி. அதே²கோ ‘‘ஜாதிமந்ததாபஸோ நாம மயா ஸதி³ஸோ
போ³தி⁴ஸத்தோ
தாபஸோ சண்டா³லஸ்ஸித³ங் கம்மங் ப⁴விஸ்ஸதீதி விப்படிஸாரீ ஹுத்வா க³ந்த்வா புச்சி² – ‘‘இத³ங், போ⁴ சண்டா³ல, க³ங்கா³ய உத³கங் தயா படிஸோதகா³மிகத’’ந்தி? ஆம ஆசரிய. தேன ஹி த்வங் ஹெட்டா²க³ங்கா³ய மா வஸ, உபரிக³ங்கா³ய வஸாதி. ஸாது⁴ ஆசரிய, தும்ஹேஹி வுத்தட்டா²னே வஸிஸ்ஸாமீதி தத்த² வஸந்தோ இத்³தி⁴ங் படிப்பஸ்ஸம்பே⁴ஸி, உத³கங் யதா²க³திகமேவ ஜாதங். புன தாபஸோ ததே³வ ப்³யஸனங் பாபுணி. ஸோ புன க³ந்த்வா போ³தி⁴ஸத்தங் புச்சி², – ‘‘போ⁴ சண்டா³ல, த்வமித³ங் க³ங்கா³ய உத³கங் காலேன படிஸோதகா³மிங் காலேன அனுஸோதகா³மிங் கரோஸீ’’தி? ஆம ஆசரிய. சண்டா³ல, ‘‘த்வங் ஸுக²விஹாரீனங் பப்³ப³ஜிதானங் ஸுகே²ன வஸிதுங் ந தே³ஸி, ஸத்தமே தே தி³வஸே ஸத்ததா⁴ முத்³தா⁴ ப²லதூ’’தி. ஸாது⁴ அசரிய, அஹங் பன ஸூரியஸ்ஸ உக்³க³ந்துங் ந த³ஸ்ஸாமீதி.
அத² மஹாஸத்தோ சிந்தேஸி – ‘‘ஏதஸ்ஸ அபி⁴ஸாபோ ஏதஸ்ஸேவ உபரி பதிஸ்ஸதி, ரக்கா²மி ந’’ந்தி ஸத்தானுத்³த³யதாய புனதி³வஸே இத்³தி⁴யா ஸூரியஸ்ஸ உக்³க³ந்துங் ந அதா³ஸி. இத்³தி⁴மதோ இத்³தி⁴விஸயோ
மனுஸ்ஸா – ‘‘யக்கா²வட்டோ நு கோ² அயங் பூ⁴ததே³வட்டோனாக³ஸுபண்ணாவட்டோ’’தி உபத்³த³வப்பத்தா ‘‘கிங் நு கோ² காதப்³ப³’’ந்தி சிந்தெத்வா ‘‘ராஜகுலங் நாம மஹாபஞ்ஞங், லோகஸ்ஸ ஹிதங் சிந்தேதுங் ஸக்கோதி, தத்த² க³ச்சா²மா’’தி ராஜகுலங் க³ந்த்வா
ராஜா மாதங்க³இஸிஸ்ஸ ஸந்திகங் க³ந்த்வா – ‘‘தும்ஹே, ப⁴ந்தே, அருணஸ்ஸ உக்³க³ந்துங் ந தே³தா²’’தி புச்சி². ஆம, மஹாராஜாதி. கிங் காரணா ப⁴ந்தேதி? ஜாதிமந்ததாபஸகாரணா, மஹாராஜ, ஜாதிமந்ததாபஸேன ஆக³ந்த்வா மங் வந்தி³த்வா க²மாபிதகாலே த³ஸ்ஸாமி மஹாராஜாதி. ராஜா க³ந்த்வா ‘‘ஏத² ஆசரிய, தாபஸங் க²மாபேதா²’’தி ஆஹ. நாஹங், மஹாராஜ, சண்டா³லங் வந்தா³மீதி. மா ஆசரிய, ஏவங் கரோத², ஜனபத³ஸ்ஸ முக²ங் பஸ்ஸதா²தி. ஸோ புன படிக்கி²பியேவ. ராஜா போ³தி⁴ஸத்தங் உபஸங்கமித்வா
அஹங் நாம க²மிதப்³ப³ங் க²மாமி, அபிச கோ² பன ஏதஸ்ஸ கதா² ஏதஸ்ஸேவ உபரி பதிஸ்ஸதி. மயா ஸூரியே விஸ்ஸஜ்ஜிதே ஸூரியரஸ்மி ஏதஸ்ஸ மத்த²கே பதிஸ்ஸதி, அத²ஸ்ஸ ஸத்ததா⁴ முத்³தா⁴ ப²லிஸ்ஸதி. தஞ்ச கோ² பனேஸ ப்³யஸனங் மா பாபுணாது, ஏத² தும்ஹே ஏதங் க³லப்பமாணே உத³கே ஓதாரெத்வா மஹந்தங் மத்திகாபிண்ட³மஸ்ஸ ஸீஸே ட²பேத². அதா²ஹங் ஸூரியங் விஸ்ஸஜ்ஜிஸ்ஸாமி. ஸூரியரஸ்மி மத்திகாபிண்டே³ பதித்வா தங் ஸத்ததா⁴ பி⁴ந்தி³ஸ்ஸதி. அதே²ஸ மத்திகாபிண்ட³ங் ச²ட்³டெ³த்வா நிமுஜ்ஜித்வா அஞ்ஞேன தித்தே²ன உத்தரது, இதி நங் வத³த², ஏவமஸ்ஸ ஸொத்தி² ப⁴விஸ்ஸதீதி. தே மனுஸ்ஸா ‘‘ஏவங் கரிஸ்ஸாமா’’தி ததா² காரேஸுங். தஸ்ஸாபி ததே²வ ஸொத்தி² ஜாதா. ஸோ ததோ பட்டா²ய – ‘‘ஜாதி
இதி ஜாதிமந்ததாபஸே த³மிதே மஹாஜனோ போ³தி⁴ஸத்தஸ்ஸ தா²மங் அஞ்ஞாஸி, மஹாகோலாஹலங் ஜாதங். ராஜா அத்தனோ நக³ரங் க³மனத்தா²ய போ³தி⁴ஸத்தங் யாசி. மஹாஸத்தோ
ராஜானோ நாம பரபத்தியா ஹொந்தி, இதி ஸோ ப³ஹூனங் கதா²வஸேன நிட்ட²ங் க³தோ. போ³தி⁴ஸத்தோ பன நக³ரே பிண்டா³ய சரித்வா உத³கபா²ஸுகட்டா²னே மிஸ்ஸகோத³னங் பு⁴ஞ்ஜித்வா ராஜுய்யானங் க³ந்த்வா நிராபராத⁴தாய நிராஸங்கோ மங்க³லஸிலாபட்டே நிஸீதி³. அதீதே சத்தாலீஸ, அனாக³தே சத்தாலீஸாதி அஸீதிகப்பே அனுஸ்ஸரிதுங் ஸமத்த²ஞாணஸ்ஸ
‘‘உபஹச்ச
ஸபாரிஸஜ்ஜோ உச்சி²ன்னோ, மஜ்ஜா²ரஞ்ஞங் ததா³ அஹூதி’’. (ஜா॰ 2.19.96) –
ஏவங் மஜ்ஜா²ரஞ்ஞஸ்ஸ அரஞ்ஞபூ⁴தபா⁴வோ வேதி³தப்³போ³. மாதங்க³ஸ்ஸ பன இஸினோ வஸேன ததே³வ மாதங்கா³ரஞ்ஞந்தி வுத்தங்.
66. பஞ்ஹபடிபா⁴னானீதி பச்சனீகங் கதப்³ப³ந்தி பச்சனீகங் காதப்³ப³ங். அமஞ்ஞிஸ்ஸந்தி விலோமபா⁴க³ங் க³ண்ஹந்தோ விய அஹோஸிந்தி அத்தோ².
67. அனுவிச்சகாரந்தி அனுவிசாரெத்வா சிந்தெத்வா துலயித்வா காதப்³ப³ங் கரோஹீதி வுத்தங் ஹோதி. ஸாது⁴ ஹோதீதி ஸுந்த³ரோ ஹோதி. தும்ஹாதி³ஸஸ்மிஞ்ஹி மங் தி³ஸ்வா மங் ஸரணங் க³ச்ச²ந்தே நிக³ண்ட²ங் தி³ஸ்வா நிக³ண்ட²ங் ஸரணங் க³ச்ச²ந்தே – ‘‘கிங் அயங் உபாலி தி³ட்ட²தி³ட்ட²மேவ ஸரணங் க³ச்ச²தீ’’தி? க³ரஹா உப்பஜ்ஜிஸ்ஸதி, தஸ்மா அனுவிச்சகாரோ தும்ஹாதி³ஸானங் ஸாதூ⁴தி த³ஸ்ஸேதி. படாகங் பரிஹரெய்யுந்தி தே கிர ஏவரூபங் ஸாவகங் லபி⁴த்வா
68. ஓபானபூ⁴தந்தி படியத்தஉத³பானோ விய டி²தங். குலந்தி தவ நிவேஸனங். தா³தப்³ப³ங் மஞ்ஞெய்யாஸீதி புப்³பே³ த³ஸபி வீஸதிபி ஸட்டி²பி ஜனே ஆக³தே தி³ஸ்வா நத்தீ²தி அவத்வா தே³தி. இதா³னி மங் ஸரணங் க³தகாரணமத்தேனவ மா இமேஸங் தெ³ய்யத⁴ம்மங், உபச்சி²ந்தி³த்த², ஸம்பத்தானஞ்ஹி தா³தப்³ப³மேவாதி ஓவத³தி. ஸுதமேதங், ப⁴ந்தேதி குதோ ஸுதங்? நிக³ண்டா²னங் ஸந்திகா, தே கிர குலக⁴ரேஸு ஏவங் பகாஸெந்தி – ‘‘மயங் ‘யஸ்ஸ கஸ்ஸசி ஸம்பத்தஸ்ஸ தா³தப்³ப³’ந்தி வதா³ம, ஸமணோ பன கோ³தமோ ‘மய்ஹமேவ தா³னங் தா³தப்³ப³ங்…பே॰… ந அஞ்ஞேஸங் ஸாவகானங் தி³ன்னங் மஹப்ப²ல’ந்தி வத³தீ’’தி. தங் ஸந்தா⁴ய அயங் க³ஹபதி ‘‘ஸுதமேத’’ந்தி ஆஹ.
69. அனுபுப்³பி³ங் கத²ந்தி தா³னானந்தரங் ஸீலங், ஸீலானந்தரங் ஸக்³க³ங், ஸக்³கா³னந்தரங் மக்³க³ந்தி ஏவங் அனுபடிபாடிகத²ங். தத்த² தா³னகத²ந்தி இத³ங் தா³னங் நாம ஸுகா²னங் நிதா³னங், ஸம்பத்தீனங் மூலங், போ⁴கா³னங் பதிட்டா², விஸமக³தஸ்ஸ தாணங் லேணங் க³திபராயணங், இத⁴லோகபரலோகேஸு தா³னஸதி³ஸோ அவஸ்ஸயோ பதிட்டா² ஆரம்மணங் தாணங் லேணங் க³தி பராயணங் நத்தி². இத³ஞ்ஹி அவஸ்ஸயட்டே²ன ரதனமயஸீஹாஸனஸதி³ஸங், பதிட்டா²னட்டே²ன மஹாபத²விஸதி³ஸங், ஆலம்ப³னட்டே²ன ஆலம்ப³னரஜ்ஜுஸதி³ஸங். இத³ஞ்ஹி
யஸ்மா பன தா³னங் த³த³ந்தோ ஸீலங் ஸமாதா³துங் ஸக்கோதி, தஸ்மா தத³னதரங் ஸீலகத²ங் கதே²ஸி. ஸீலகத²ந்தி ஸீலங் நாமேதங் அவஸ்ஸயோ பதிட்டா² ஆரம்மணங் தாணங் லேணங்
இத³ங் பன ஸீலங் நிஸ்ஸாய அயங் ஸக்³கோ³ லப்³ப⁴தீதி த³ஸ்ஸேதுங் ஸீலானந்தரங் ஸக்³க³கத²ங் கதே²ஸி. ஸக்³க³கத²ந்தி அயங் ஸக்³கோ³ நாம இட்டோ² கந்தோ மனாபோ, நிச்சமெத்த² கீளா, நிச்சங் ஸம்பத்தியோ லப்³ப⁴ந்தி, சாதுமஹாராஜிகா தே³வா நவுதிவஸ்ஸஸதஸஹஸ்ஸானி தி³ப்³ப³ஸுக²ங் தி³ப்³ப³ஸம்பத்திங் அனுப⁴வந்தி, தாவதிங்ஸா திஸ்ஸோ ச வஸ்ஸகோடியோ ஸட்டி² ச வஸ்ஸஸதஸஹஸ்ஸானீதி ஏவமாதி³ங் ஸக்³க³கு³ணபடிஸங்யுத்தங் கத²ங். ஸக்³க³ஸம்பத்திங் கத²யந்தானஞ்ஹி பு³த்³தா⁴னங் முக²ங் நப்பஹோதி. வுத்தம்பி சேதங் ‘‘அனேகபரியாயேன கோ² அஹங், பி⁴க்க²வே, ஸக்³க³கத²ங் கதெ²ய்ய’’ந்திஆதி³ (ம॰ நி॰ 3.255).
ஏவங் ஆதீ³னவோதி தோ³ஸோ. ஓகாரோதி அவகாரோ லாமகபா⁴வோ. ஸங்கிலேஸோதி தேஹி ஸத்தானங் ஸங்ஸாரே ஸங்கிலிஸ்ஸனங். யதா²ஹ ‘‘கிலிஸ்ஸந்தி வத, போ⁴, ஸத்தா’’தி (ம॰ நி॰ 2.351).
ஏவங் காமாதீ³னவேன தஜ்ஜித்வா நெக்க²ம்மே ஆனிஸங்ஸங் பகாஸேஸி. கல்லசித்தந்தி அரோக³சித்தங். ஸாமுக்கங்ஸிகாதி ஸாமங் உக்கங்ஸிகா அத்தனாயேவ க³ஹெத்வா உத்³த⁴ரித்வா க³ஹிதா, ஸயம்பூ⁴ஞாணேன தி³ட்டா², அஸாதா⁴ரணா அஞ்ஞேஸந்தி அத்தோ². கா பனேஸாதி, அரியஸச்சதே³ஸனா? தேனேவாஹ – ‘‘து³க்க²ங் ஸமுத³யங் நிரோத⁴ங் மக்³க³’’ந்தி.
விரஜங் வீதமலந்தி ராக³ரஜாதீ³னங் அபா⁴வா விரஜங், ராக³மலாதீ³னங் விக³தத்தா வீதமலங். த⁴ம்மசக்கு²ந்தி உபரி ப்³ரஹ்மாயுஸுத்தே திண்ணங் மக்³கா³னங், சூளராஹுலோவாதே³ ஆஸவக்க²யஸ்ஸேதங் நாமங். இத⁴ பன ஸோதாபத்திமக்³கோ³ அதி⁴ப்பேதோ. தஸ்ஸ உப்பத்திஆகாரத³ஸ்ஸனத்த²ங் ‘‘யங்கிஞ்சி ஸமுத³யத⁴ம்மங், ஸப்³ப³ங் தங் நிரோத⁴த⁴ம்ம’’ந்தி ஆஹ. தஞ்ஹி நிரோத⁴ங் ஆரம்மணங் கத்வா கிச்சவஸேன ஏவங் ஸப்³ப³ஸங்க²தங் படிவிஜ்ஜ²ந்தங் உப்பஜ்ஜதி.
தி³ட்டோ² தி³ட்ட²த⁴ம்மோ. ஏஸ நயோ ஸேஸபதே³ஸுபி. திண்ணா திண்ணவிசிகிச்சோ². விக³தா கத²ங்கதா² அஸ்ஸாதி விக³தகத²ங்கதோ². வேஸாரஜ்ஜப்பத்தோதி வேஸாரஜ்ஜங் பத்தோ. கத்த²? ஸத்து² ஸாஸனே. நாஸ்ஸ பரோ பச்சயோ, ந பரஸ்ஸ ஸத்³தா⁴ய எத்த² வத்ததீதி அபரப்பச்சயோ.
70. சித்தேன ஸம்படிச்ச²மானோ அபி⁴னந்தி³த்வா, வாசாய பஸங்ஸமானோ அனுமோதி³த்வா. ஆவராமீதி த²கேமி பித³ஹாமி. அனாவடந்தி ந ஆவரிதங் விவடங் உக்³கா⁴டிதங்.
71. அஸ்ஸோஸி கோ² தீ³க⁴தபஸ்ஸீதி ஸோ கிர தஸ்ஸ க³தகாலதோ பட்டா²ய – ‘‘பண்டி³தோ க³ஹபதி
72. தேன ஹி ஸம்மாதி ப³லவஸோகேன அபி⁴பூ⁴தோ ‘‘எத்தே²வ திட்டா²’’தி வசனங் ஸுத்வாபி அத்த²ங் அஸல்லக்கெ²ந்தோ தோ³வாரிகேன ஸத்³தி⁴ங் ஸல்லபதியேவ.
மஜ்ஜி²மாய த்³வாரஸாலாயாந்தி யஸ்ஸ க⁴ரஸ்ஸ ஸத்த த்³வாரகொட்ட²கா, தஸ்ஸ ஸப்³ப³அப்³ப⁴ந்தரதோ வா ஸப்³ப³பா³ஹிரதோ வா பட்டா²ய சதுத்த²த்³வாரகொட்ட²கோ, யஸ்ஸ பஞ்ச, தஸ்ஸ ததியோ, யஸ்ஸ தயோ, தஸ்ஸ து³தியோ த்³வாரகொட்ட²கோ மஜ்ஜி²மத்³வாரஸாலா நாம. ஏகத்³வாரகொட்ட²கஸ்ஸ பன க⁴ரஸ்ஸ மஜ்ஜ²ட்டா²னே மங்க³லத்த²ம்ப⁴ங் நிஸ்ஸாய மஜ்ஜி²மத்³வாரஸாலா. தஸ்ஸ பன கே³ஹஸ்ஸ ஸத்த த்³வாரகொட்ட²கா, பஞ்சாதிபி வுத்தங்.
73. அக்³க³ந்திஆதீ³னி ஸப்³பா³னி அஞ்ஞமஞ்ஞவேவசனானி. யங் ஸுத³ந்தி எத்த² யந்தி யங் நாடபுத்தங். ஸுத³ந்தி நிபாதமத்தங். பரிக்³க³ஹெத்வாதி தேனேவ உத்தராஸங்கே³ன உத³ரே பரிக்கி²பந்தோ க³ஹெத்வா. நிஸீதா³பேதீதி த³த்தோஸீதி கிங் ஜளோஸி ஜாதோதி அத்தோ². படிமுக்கோதி ஸீஸே பரிக்கி²பித்வா அண்ட³ஹாரகோதிஆதி³ங் து³ட்டு²ல்லவசனம்பி ஸமானங் உபட்டா²கஸ்ஸ அஞ்ஞதா²பா⁴வேன உப்பன்னப³லவஸோகதாய இத³ங் நாம ப⁴ணாமீதி அஸல்லக்கெ²த்வாவ ப⁴ணதி.
74. ப⁴த்³தி³கா, ப⁴ந்தே, ஆவட்டனீதி நிக³ண்டோ² மாயமேவ ஸந்தா⁴ய வத³தி, உபாஸகோ அத்தனா படிவித்³த⁴ங் ஸோதாபத்திமக்³க³ங். தேன ஹீதி நிபாதமத்தமேதங், ப⁴ந்தே, உபமங் தே கரிஸ்ஸாமிச்சேவ அத்தோ². காரணவசனங் வா, யேன காரணேன தும்ஹாகங் ஸாஸனங் அனிய்யானிகங், மம ஸத்து² நிய்யானிகங், தேன காரணேன உபமங் தே கரிஸ்ஸாமீதி வுத்தங் ஹோதி.
75. உபவிஜஞ்ஞாதி விஜாயனகாலங் உபக³தா. மக்கடச்சா²பகந்தி மக்கடபோதகங். கிணித்வா ஆனேஹீதி மூலங் த³த்வாவ ஆஹர. ஆபணேஸு ஹி ஸவிஞ்ஞாணகம்பி அவிஞ்ஞாணகம்பி மக்கடாதி³கீளனப⁴ண்ட³கங் ரஜிதந்தி ப³ஹலப³ஹலங் பீதாவலேபனரங்க³ஜாதங் க³ஹெத்வா ரஜித்வா தி³ன்னங் இமங் இச்சா²மீதி அத்தோ². ஆகோடிதபச்சாகோடிதந்தி ஆகோடிதஞ்சேவ பரிவத்தெத்வா புனப்புனங் ஆகோடிதஞ்ச. உப⁴தோபா⁴க³விமட்ட²ந்தி மணிபாஸாணேன உபோ⁴ஸு
ரங்க³க்க²மோ ஹி கோ²தி ஸவிஞ்ஞாணகம்பி அவிஞ்ஞாணகம்பி ரங்க³ங் பிவதி. தஸ்மா ஏவமாஹ. நோ ஆகொட்டனக்க²மோதி ஸவிஞ்ஞாணகஸ்ஸ தாவ ஆகொட்டனப²லகே ட²பெத்வா குச்சி²யங் ஆகோடிதஸ்ஸ குச்சி² பி⁴ஜ்ஜதி, கரீஸங் நிக்க²மதி. ஸேஸீ ஆகோடிதஸ்ஸ ஸீஸங் பி⁴ஜ்ஜதி, மத்தலுங்க³ங் நிக்க²மதி. அவிஞ்ஞாணகோ க²ண்ட³க²ண்டி³தங் க³ச்ச²தி. தஸ்மா ஏவமாஹ. நோ விமஜ்ஜனக்க²மோதி ஸவிஞ்ஞாணகோ மணிபாஸாணேன விமத்³தி³யமானோ நில்லோமதங் நிச்ச²விதஞ்ச ஆபஜ்ஜதி, அவிஞ்ஞாணகோபி வசுண்ணகபா⁴வங் ஆபஜ்ஜதி. தஸ்மா ஏவமாஹ. ரங்க³க்க²மோ ஹி கோ² பா³லானந்தி பா³லானங் மந்த³பு³த்³தீ⁴னங் ரங்க³க்க²மோ, ராக³மத்தங் ஜனேதி, பியோ ஹோதி. பண்டி³தானங் பன நிக³ண்ட²வாதோ³ வா அஞ்ஞோ வா பா⁴ரதராமஸீதாஹரணாதி³ நிரத்த²ககதா²மக்³கோ³ அப்பியோவ ஹோதி. நோ அனுயோக³க்க²மோ, நோ விமஜ்ஜனக்க²மோதி அனுயோக³ங் வா வீமங்ஸங் வா ந க²மதி, து²ஸே கொட்டெத்வா தண்டு³லபரியேஸனங் விய கத³லியங் ஸாரக³வேஸனங் விய ச ரித்தகோ துச்ச²கோவ ஹோதி. ரங்க³க்க²மோ சேவ பண்டி³தானந்தி ஸுணோஹி யஸ்ஸாஹங் ஸாவகோதி தஸ்ஸ கு³ணே ஸுணாஹீதி ப⁴க³வதோ வண்ணே வத்துங் ஆரத்³தோ⁴.
76. தீ⁴ரஸ்ஸாதி தீ⁴ரங் வுச்சதி பண்டி³ச்சங், யா பஞ்ஞா பஜானநா…பே॰… ஸம்மாதி³ட்டி², தேன ஸமன்னாக³தஸ்ஸ தா⁴துஆயதனபடிச்சஸமுப்பாத³ட்டா²னாட்டா²னகுஸலஸ்ஸ பண்டி³தஸ்ஸாஹங் ஸாவகோ, ஸோ மய்ஹங் ஸத்தா²தி ஏவங் ஸப்³ப³பதே³ஸு ஸம்ப³ந்தோ⁴ வேதி³தப்³போ³. பபி⁴ன்னகீ²லஸ்ஸாதி பி⁴ன்னபஞ்சசேதோகி²லஸ்ஸ. ஸப்³ப³புது²ஜ்ஜனே விஜினிங்ஸு விஜினந்தி விஜினிஸ்ஸந்தி வாதி விஜயா. கே தே, மச்சுமாரகிலேஸமாரதே³வபுத்தமாராதி? தே விஜிதா விஜயா ஏதேனாதி விஜிதவிஜயோ. ப⁴க³வா, தஸ்ஸ விஜிதவிஜயஸ்ஸ. அனீக⁴ஸ்ஸாதி கிலேஸது³க்கே²னபி விபாகது³க்கே²னபி நித்³து³க்க²ஸ்ஸ. ஸுஸமசித்தஸ்ஸாதி தே³வத³த்தத⁴னபாலகஅங்கு³லிமாலராஹுலதே²ராதீ³ஸுபி தே³வமனுஸ்ஸேஸு ஸுட்டு² ஸமசித்தஸ்ஸ. வுத்³த⁴ஸீலஸ்ஸாதி ஸாது⁴பஞ்ஞஸ்ஸாதி ஸுந்த³ரபஞ்ஞஸ்ஸ. வேஸமந்தரஸ்ஸாதி ராகா³தி³விஸமங் தரித்வா விதரித்வா டி²தஸ்ஸ. விமலஸ்ஸாதி விக³தராகா³தி³மலஸ்ஸ.
துஸிதஸ்ஸாதி துட்ட²சித்தஸ்ஸ. வந்தலோகாமிஸஸ்ஸாதி வந்தகாமகு³ணஸ்ஸ. முதி³தஸ்ஸாதி முதி³தாவிஹாரவஸேன முதி³தஸ்ஸ, புனருத்தமேவ வா ஏதங். பஸாத³வஸேன ஹி ஏகம்பி கு³ணங் புனப்புனங் வத³தியேவ. கதஸமணஸ்ஸாதி மனுஜஸ்ஸாதி லோகவோஹாரவஸேன ஏகஸ்ஸ ஸத்தஸ்ஸ. நரஸ்ஸாதி புனருத்தங். அஞ்ஞதா² வுச்சமானே ஏகேககா³தா²ய த³ஸ கு³ணா நப்பஹொந்தி.
வேனயிகஸ்ஸாதி ஸத்தானங் வினாயகஸ்ஸ. ருசிரத⁴ம்மஸ்ஸாதி ஸுசித⁴ம்மஸ்ஸ. பபா⁴ஸகஸ்ஸாதி ஓபா⁴ஸகஸ்ஸ. வீரஸ்ஸாதி வீரியஸம்பன்னஸ்ஸ. நிஸப⁴ஸ்ஸாதி உஸப⁴வஸப⁴னிஸபே⁴ஸு ஸப்³ப³த்த² அப்படிஸமட்டே²ன நிஸப⁴ஸ்ஸ. க³ம்பீ⁴ரஸ்ஸாதி க³ம்பீ⁴ரகு³ணஸ்ஸ, கு³ணேஹி வா க³ம்பீ⁴ரஸ்ஸ. மோனபத்தஸ்ஸாதி ஞாணபத்தஸ்ஸ. வேத³ஸ்ஸாதி வேதோ³ வுச்சதி ஞாணங், தேன ஸமன்னாக³தஸ்ஸ. த⁴ம்மட்ட²ஸ்ஸாதி த⁴ம்மே டி²தஸ்ஸ. ஸங்வுதத்தஸ்ஸாதி பிஹிதத்தஸ்ஸ.
நாக³ஸ்ஸாதி பந்தஸேனஸ்ஸாதி பந்தஸேனாஸனஸ்ஸ. படிமந்தகஸ்ஸாதி படிமந்தனபஞ்ஞாய ஸமன்னாக³தஸ்ஸ. மோனஸ்ஸாதி மோனங் வுச்சதி ஞாணங், தேன ஸமன்னாக³தஸ்ஸ, து⁴தகிலேஸஸ்ஸ வா. த³ந்தஸ்ஸாதி நிப்³பி³ஸேவனஸ்ஸ.
இஸிஸத்தமஸ்ஸாதி விபஸ்ஸிஆத³யோ ச² இஸயோ உபாதா³ய ஸத்தமஸ்ஸ. ப்³ரஹ்மபத்தஸ்ஸாதி ந்ஹாதகஸ்ஸாதி ந்ஹாதகிலேஸஸ்ஸ. பத³கஸ்ஸாதி அக்க²ராதீ³னி ஸமோதா⁴னெத்வா கா³தா²பத³கரணகுஸலஸ்ஸ. விதி³தவேத³ஸ்ஸாதி விதி³தஞாணஸ்ஸ. புரிந்த³த³ஸ்ஸாதி ஸப்³ப³பட²மங் த⁴ம்மதா³னதா³யகஸ்ஸ. ஸக்கஸ்ஸாதி ஸமத்த²ஸ்ஸ. பத்திபத்தஸ்ஸாதி யே பத்தப்³பா³ கு³ணா, தே பத்தஸ்ஸ. வெய்யாகரணஸ்ஸாதி வித்தா²ரெத்வா அத்த²தீ³பகஸ்ஸ. ப⁴க³வதா ஹி அப்³யாகதங் நாம தந்தி பத³ங் நத்தி² ஸப்³பே³ஸங்யேவ அத்தோ² கதி²தோ.
விபஸ்ஸிஸ்ஸாதி அனபி⁴னதஸ்ஸாதி அனதஸ்ஸ. நோ அபனதஸ்ஸாதி அது³ட்ட²ஸ்ஸ.
அனநுக³தந்தரஸ்ஸாதி கிலேஸே அனநுக³தசித்தஸ்ஸ. அஸிதஸ்ஸாதி அப³த்³த⁴ஸ்ஸ.
பூ⁴ரிபஞ்ஞஸ்ஸாதி பூ⁴ரி வுச்சதி பத²வீ, தாய பத²வீஸமாய பஞ்ஞாய விபுலாய மஹந்தாய வித்த²தாய ஸமன்னாக³தஸ்ஸாதி அத்தோ². மஹாபஞ்ஞஸ்ஸாதி மஹாபஞ்ஞாய ஸமன்னாக³தஸ்ஸ.
அனுபலித்தஸ்ஸாதி தண்ஹாதி³ட்டி²கிலேஸேஹி அலித்தஸ்ஸ. ஆஹுனெய்யஸ்ஸாதி ஆஹுதிங் படிக்³க³ஹேதுங் யுத்தஸ்ஸ. யக்க²ஸ்ஸாதி ஆனுபா⁴வத³ஸ்ஸனட்டே²ன ஆதி³ஸ்ஸமானகட்டே²ன வா ப⁴க³வா யக்கோ² நாம. தேனாஹ ‘‘யக்க²ஸ்ஸா’’தி. மஹதோதி தஸ்ஸ ஸாவகோஹமஸ்மீதி தஸ்ஸ ஏவங்விவித⁴கு³ணஸ்ஸ ஸத்து²ஸ்ஸ அஹங் ஸாவகோதி. உபாஸகஸ்ஸ ஸோபா⁴பத்திமக்³கே³னேவ படிஸம்பி⁴தா³ ஆக³தா. இதி படிஸம்பி⁴தா³விஸயே ட²த்வா பத³ஸதேன த³ஸப³லஸ்ஸ கிலேஸப்பஹானவண்ணங் கதெ²ந்தோ ‘‘கஸ்ஸ தங் க³ஹபதி ஸாவகங் தா⁴ரேமா’’தி பஞ்ஹஸ்ஸ அத்த²ங் விஸ்ஸஜ்ஜேஸி.
77. கதா³ ஸஞ்ஞூள்ஹாதி கதா³ ஸம்பிண்டி³தா. ஏவங் கிரஸ்ஸ அஹோஸி – ‘‘அயங் இதா³னேவ ஸமணஸ்ஸ கோ³தமஸ்ஸ ஸந்திகங் க³ந்த்வா ஆக³தோ, கதா³னேன ஏதே வண்ணா ஸம்பிண்டி³தா’’தி. தஸ்மா ஏவமாஹ. விசித்தங் மாலங் க³ந்தெ²ய்யாதி ஸயம்பி த³க்க²தாய புப்பா²னம்பி நானாவண்ணதாய ஏகதோவண்டிகாதி³பே⁴த³ங் விசித்ரமாலங் க³ந்தெ²ய்ய. ஏவமேவ கோ², ப⁴ந்தேதி எத்த² நானாபுப்பா²னங் மஹாபுப்ப²ராஸி விய நானாவிதா⁴னங் வண்ணானங் ப⁴க³வதோ ஸினேருமத்தோ வண்ணராஸி த³ட்ட²ப்³போ³. சே²கமாலாகாரோ விய உபாலி க³ஹபதி. மாலாகாரஸ்ஸ விசித்ரமாலாக³ந்த²னங் விய க³ஹபதினோ ததா²க³தஸ்ஸ விசித்ரவண்ணக³ந்த²னங்.
உண்ஹங் லோஹிதங் முக²தோ உக்³க³ஞ்சீ²தி தஸ்ஸ ஹி ப⁴க³வதோ ஸக்காரங் அஸஹமானஸ்ஸ ஏதத³ஹோஸி – ‘‘அனத்தி²கோ தா³னி அயங் க³ஹபதி அம்ஹேஹி, ஸ்வே பட்டா²ய பண்ணாஸ ஸட்டி² ஜனே க³ஹெத்வா ஏதஸ்ஸ க⁴ரங் பவிஸித்வா பு⁴ஞ்ஜிதுங் ந லபி⁴ஸ்ஸாமி, பி⁴ன்னா மே ப⁴த்தகும்பீ⁴’’தி. அத²ஸ்ஸ உபட்டா²கவிபரிணாமேன ப³லவஸோகோ உப்பஜ்ஜி. இமே ஹி ஸத்தா அத்தனோ அத்தனோவ சிந்தயந்தி. தஸ்ஸ
பபஞ்சஸூத³னியா மஜ்ஜி²மனிகாயட்ட²கதா²ய
உபாலிஸுத்தவண்ணனா நிட்டி²தா.
7. குக்குரவதிகஸுத்தவண்ணனா
78. ஏவங் மே ஸுதந்தி குக்குரவதிகஸுத்தங். தத்த² கோலியேஸூதி ஏவங்னாமகே ஜனபதே³. ஸோ ஹி ஏகோபி கோலனக³ரே பதிட்டி²தானங் கோலியானங் ராஜகுமாரானங் நிவாஸட்டா²னத்தா ஏவங் வுச்சதி. தஸ்மிங் கோலியேஸு ஜனபதே³. ஹலித்³த³வஸனந்தி தஸ்ஸ கிர நிக³மஸ்ஸ மாபிதகாலே பீதகவத்த²னிவத்தா² கோ³வதிகோதி ஸமாதி³ன்னகோ³வதோ, ஸீஸே ஸிங்கா³னி ட²பெத்வா நங்கு³ட்ட²ங் ப³ந்தி⁴த்வா கா³வீஹி ஸத்³தி⁴ங் திணானி கா²த³ந்தோ விய சரதி. அசேலோதி நக்³கோ³ நிச்சேலோ. ஸேனியோதி தஸ்ஸ நாமங்.
குக்குரவதிகோதி ஸமாதி³ன்னகுக்குரவதோ, ஸப்³ப³ங் ஸுனக²கிரியங் கரோதி. உபோ⁴பேதே ஸஹபங்ஸுகீளிகா ஸஹாயகா. குக்குரோவ பலிகுஜ்ஜித்வாதி ஸுனகோ² நாம ஸாமிகஸ்ஸ ஸந்திகே நிஸீத³ந்தோ த்³வீஹி பாதே³ஹி பூ⁴மியங் விலேகி²த்வா குக்குரகூஜிதங் ச²மானிக்கி²த்தந்தி பூ⁴மியங் ட²பிதங். ஸமத்தங் ஸமாதி³ன்னந்தி பரிபுண்ணங் கத்வா க³ஹிதங். கா க³தீதி கா நிப்ப²த்தி. கோ அபி⁴ஸம்பராயோதி அபி⁴ஸம்பராயம்ஹி கத்த² நிப்³ப³த்தி. அலந்தி தஸ்ஸ அப்பியங் ப⁴விஸ்ஸதீதி யாவததியங் படிபா³ஹதி. குக்குரவதந்தி குக்குரவதஸமாதா³னங்.
79. பா⁴வேதீதி வட்³டே⁴தி. பரிபுண்ணந்தி அனூனங். அப்³போ³கிண்ணந்தி நிரந்தரங். குக்குரஸீலந்தி குக்குராசாரங். குக்குரசித்தந்தி ‘‘அஜ்ஜ பட்டா²ய குக்குரேஹி காதப்³ப³ங் கரிஸ்ஸாமீ’’தி ஏவங் உப்பன்னசித்தங். குக்குராகப்பந்தி குக்குரானங் க³மனாகாரோ அத்தி², திட்ட²னாகாரோ அத்தி², நிஸீத³னாகாரோ அத்தி², ஸயனாகாரோ அத்தி², உச்சாரபஸ்ஸாவகரணாகாரோ அத்தி², அஞ்ஞே குக்குரே தி³ஸ்வா த³ந்தே விவரித்வா க³மனாகாரோ அத்தி², அயங் குக்குராகப்போ நாம, தங் பா⁴வேதீதி அத்தோ² இமினாஹங் ஸீலேனாதிஆதீ³ஸு அஹங் இமினா ஆசாரேன வா வதஸமாதா³னேன வா து³க்கரதபசரணேன வா மேது²னவிரதிப்³ரஹ்மசரியேன வாதி அத்தோ². தே³வோதி ஸக்கஸுயாமாதீ³ஸு அஞ்ஞதரோ. தே³வஞ்ஞதரோதி மிச்சா²தி³ட்டீ²தி அதே³வலோககா³மிமக்³க³மேவ தே³வலோககா³மிமக்³கோ³தி க³ஹெத்வா உப்பன்னதாய ஸா அஸ்ஸ அஞ்ஞதரங் க³திங் வதா³மீதி தஸ்ஸ ஹி நிரயதோ வா திரச்சா²னயோனிதோ வா அஞ்ஞா க³தி நத்தி², தஸ்மா ஏவமாஹ. ஸம்பஜ்ஜமானந்தி தி³ட்டி²யா அஸம்மிஸ்ஸங் ஹுத்வா நிபஜ்ஜமானங்.
நாஹங், ப⁴ந்தே, ஏதங் ரோதா³மி, யங் மங் ப⁴க³வா ஏவமாஹாதி யங் மங், ப⁴ந்தே, ப⁴க³வா ஏவமாஹ, அஹமேதங் ப⁴க³வதோ ப்³யாகரணங் ந ரோதா³மி ந பரிதே³வாமி, ந அனுத்து²னாமீதி அத்தோ². ஏவங் ஸகம்மகவஸேனெத்த² அத்தோ² வேதி³தப்³போ³, ந அஸ்ஸுமுஞ்சனமத்தேன.
‘‘மதங் வா அம்ம ரோத³ந்தி, யோ வா ஜீவங் ந தி³ஸ்ஸதி;
ஜீவந்தங் அம்ம பஸ்ஸந்தீ, கஸ்மா மங் அம்ம ரோத³ஸீ’’தி. (ஸங்॰ நி॰ 1.239) –
அயஞ்செத்த² பயோகோ³. அபிச மே இத³ங், ப⁴ந்தேதி அபிச கோ² மே இத³ங், ப⁴ந்தே, குக்குரவதங் தீ³க⁴ரத்தங் ஸமாதி³ன்னங், தஸ்மிங் ஸம்பஜ்ஜந்தேபி வுத்³தி⁴ நத்தி², விபஜ்ஜந்தேபி. இதி ‘‘எத்தகங் காலங் மயா கதகம்மங் மோக⁴ங் ஜாத’’ந்தி அத்தனோ விபத்திங் பச்சவெக்க²மானோ ரோதா³மி, ப⁴ந்தேதி.
80. கோ³வதந்திஆதீ³னி குக்குரவதாதீ³ஸு வுத்தனயேனேவ வேதி³தப்³பா³னி. க³வாகப்பந்தி கோ³ஆகப்பங். ஸேஸங் குக்குராகப்பே வுத்தஸதி³ஸமேவ. யதா² பன தத்த² அஞ்ஞே குக்குரே தி³ஸ்வா த³ந்தே விவரித்வா க³மனாகாரோ, ஏவமித⁴ அஞ்ஞே கா³வோ தி³ஸ்வா கண்ணே உக்கி²பித்வா க³மனாகாரோ வேதி³தப்³போ³. ஸேஸங் தாதி³ஸமேவ.
81. சத்தாரிமானி புண்ண கம்மானீதி கஸ்மா இமங் தே³ஸனங் ஆரபி⁴? அயஞ்ஹி தே³ஸனா ஏகச்சகம்மகிரியவஸேன ஆக³தா, இமஸ்மிஞ்ச கம்மசதுக்கே கதி²தே இமேஸங் கிரியா பாகடா ப⁴விஸ்ஸதீதி இமங் தே³ஸனங் ஆரபி⁴. அபிச இமங் கம்மசதுக்கமேவ தே³ஸியமானங் இமே ஸஞ்ஜானிஸ்ஸந்தி
தத்த² கண்ஹந்தி காளகங் த³ஸஅகுஸலகம்மபத²கம்மங். கண்ஹவிபாகந்தி அபாயே நிப்³ப³த்தனதோ காளகவிபாகங். ஸுக்கந்தி பண்ட³ரங் த³ஸகுஸலகம்மபத²கம்மங். ஸுக்கவிபாகந்தி ஸக்³கே³ நிப்³ப³த்தனதோ பண்ட³ரவிபாகங். கண்ஹஸுக்கந்தி வோமிஸ்ஸககம்மங். கண்ஹஸுக்கவிபாகந்தி ஸுக²து³க்க²விபாகங். மிஸ்ஸககம்மஞ்ஹி கத்வா அகண்ஹங் அஸுக்கந்தி கம்மக்க²யகரங் சதுமக்³க³சேதனாகம்மங் அதி⁴ப்பேதங். தஞ்ஹி யதி³ கண்ஹங் ப⁴வெய்ய, கண்ஹவிபாகங் த³தெ³ய்ய. யதி³ ஸுக்கங் ப⁴வெய்ய, ஸுக்கவிபாகங் த³தெ³ய்ய. உப⁴யவிபாகஸ்ஸ பன அதா³னதோ அகண்ஹாஸுக்கவிபாகத்தா ‘‘அகண்ஹங் அஸுக்க’’ந்தி வுத்தங். அயங் தாவ உத்³தே³ஸே அத்தோ².
நித்³தே³ஸே பன ஸப்³யாப³ஜ்ஜ²ந்தி ஸது³க்க²ங். காயஸங்கா²ராதீ³ஸு காயத்³வாரே க³ஹணாதி³வஸேன சோபனப்பத்தா த்³வாத³ஸ ஸப்³யாப³ஜ்ஜ²காயஸங்கா²ரோ நாம. வசீத்³வாரே ஹனுஸஞ்சோபனவஸேன வசீபே⁴த³பவத்திகா தாயேவ த்³வாத³ஸ வசீஸங்கா²ரோ நாம. உப⁴யசோபனங் அப்பத்தா ரஹோ சிந்தயந்தஸ்ஸ மனொத்³வாரே பவத்தா மனோஸங்கா²ரோ நாம. இதி தீஸுபி த்³வாரேஸு காயது³ச்சரிதாதி³பே⁴தா³ அகுஸலசேதனாவ ஸங்கா²ராதி வேதி³தப்³பா³. இமஸ்மிஞ்ஹி ஸுத்தே சேதனா து⁴ரங், உபாலிஸுத்தே கம்மங். அபி⁴ஸங்க²ரித்வாதி ஸங்கட்³டி⁴த்வா, பிண்ட³ங் கத்வாதி அத்தோ². ஸப்³யாப³ஜ்ஜ²ங் லோகந்தி ஸது³க்க²ங் லோகங் உபபஜ்ஜந்தி. ஸப்³யாப³ஜ்ஜா² ப²ஸ்ஸா பு²ஸந்தீதி ஸது³க்கா² விபாகப²ஸ்ஸா பு²ஸந்தி. ஏகந்தது³க்க²ந்தி நிரந்தரது³க்க²ங். பூ⁴தாதி ஹெத்வத்தே² நிஸ்ஸக்கவசனங், பூ⁴தகம்மதோ பூ⁴தஸ்ஸ ஸத்தஸ்ஸ உப்பத்தி ஹோதி. இத³ங் வுத்தங் ஹோதி – யதா²பூ⁴தங் கம்மங் ஸத்தா கரொந்தி, ததா²பூ⁴தேன கம்மேன கம்மஸபா⁴க³வஸேன தேஸங் உபபத்தி ஹோதி. தேனேவாஹ ‘‘யங் கரோதி தேன உபபஜ்ஜதீ’’தி. எத்த² ச தேனாதி கம்மேன விய வுத்தா, உபபத்தி ச நாம விபாகேன ஹோதி. யஸ்மா பன விபாகஸ்ஸ கம்மங் ஹேது, தஸ்மா தேன மூலஹேதுபூ⁴தேன கம்மேன நிப்³ப³த்ததீதி அயமெத்த² அத்தோ². ப²ஸ்ஸா பு²ஸந்தீதி யேன கம்மவிபாகேன நிப்³ப³த்தோ, தங்கம்மவிபாகப²ஸ்ஸா பு²ஸந்தி. கம்மதா³யாதா³தி கம்மதா³யஜ்ஜா கம்மமேவ நேஸங் தா³யஜ்ஜங் ஸந்தகந்தி வதா³மி.
அப்³யாப³ஜ்ஜ²ந்தி காயஸங்கா²ரோ நாம. தாயேவ வசீத்³வாரே பவத்தா வசீஸங்கா²ரோ நாம. மனொத்³வாரே பவத்தா தாயேவ அட்ட², திஸ்ஸோ ச ஹெட்டி²மஜா²னசேதனா அப்³யாப³ஜ்ஜ²மனோஸங்கா²ரோ நாம. ஜா²னசேதனா தாவ ஹோது, காமாவசரா கிந்தி அப்³யாப³ஜ்ஜ²மனோஸங்கா²ரோ நாம ஜாதாதி. கஸிணஸஜ்ஜனகாலே
ஸெய்யதா²பி மனுஸ்ஸாதிஆதீ³ஸு மனுஸ்ஸானங் தாவ காலேன ஸுக²ங் காலேன து³க்க²ங் பாகடமேவ, தே³வேஸு பன பு⁴ம்மதே³வதானங், வினிபாதிகேஸு வேமானிகபேதானங் காலேன ஸுக²ங் காலேன து³க்க²ங் ஹோதீதி வேதி³தப்³ப³ங். ஹத்தி²ஆதீ³ஸு திரச்சா²னேஸுபி லப்³ப⁴தியேவ.
தத்ராதி தேஸு தீஸு கம்மேஸு. தஸ்ஸ பஹானாய யா சேதனாதி தஸ்ஸ பஹானத்தா²ய மக்³க³சேதனா. கம்மங் பத்வாவ மக்³க³சேதனாய அஞ்ஞோ பண்ட³ரதரோ த⁴ம்மோ நாம நத்தி². இத³ங் பன கம்மசதுக்கங் பத்வா த்³வாத³ஸ அகுஸலசேதனா கண்ஹா நாம, தேபூ⁴மககுஸலசேதனா ஸுக்கா நாம, மக்³க³சேதனா அகண்ஹா அஸுக்காதி ஆக³தா.
82. ‘‘லபெ⁴ய்யாஹங், ப⁴ந்தே’’தி இத³ங் ஸோ ‘‘சிரங் வத மே அனிய்யானிகபக்கே² யோஜெத்வா அத்தா கிலமிதோ, ‘ஸுக்க²னதீ³தீரே ந்ஹாயிஸ்ஸாமீ’தி ஸம்பரிவத்தெந்தேன விய து²ஸே கொட்டெந்தேன விய ச ந கோசி அத்தோ² நிப்பா²தி³தோ, ஹந்தா³ஹங் அத்தானங் யோகே³ யோஜேமீ’’தி சிந்தெத்வா ஆஹ. அத²
தத்த² பப்³ப³ஜ்ஜந்தி வசனஸிலிட்ட²தாவஸேனேவ வுத்தங். அபரிவஸித்வாயேவ ஹி பப்³ப³ஜ்ஜங் லப⁴தி. உபஸம்பத³த்தி²கேன பன நாதிகாலேன கா³மப்பவேஸனாதீ³னி அட்ட² வத்தானி பூரெந்தேன பரிவஸிதப்³ப³ங் ஆரத்³த⁴சித்தாதி அட்ட²வத்தபூரணேன துட்ட²சித்தா. அயமெத்த² ஸங்கே²போ. வித்தா²ரதோ பனேஸ தித்தி²யபரிவாஸோ ஸமந்தபாஸாதி³காய வினயட்ட²கதா²ய பப்³ப³ஜ்ஜக²ந்த⁴கவண்ணனாயங் (மஹாவ॰ அட்ட²॰ 86) வுத்தனயேனேவ வேதி³தப்³போ³ அபிச மெத்தா²தி அபிச மே எத்த². புக்³க³லவேமத்ததா விதி³தாதி புக்³க³லனானத்தங் விதி³தங். அயங் புக்³க³லோ பரிவாஸாரஹோ, அயங் ந பரிவாஸாரஹோதி இத³ங் மய்ஹங் பாகடந்தி த³ஸ்ஸேதி.
ததோ ஸேனியோ சிந்தேஸி – ‘‘அஹோ அச்ச²ரியங் பு³த்³த⁴ஸாஸனங், யத்த² ஏவங் க⁴ங்ஸித்வா கொட்டெத்வா யுத்தமேவ க³ண்ஹந்தி, அயுத்தங் ச²ட்³டெ³ந்தீ’’தி. ததோ ஸுட்டு²தரங் பப்³ப³ஜ்ஜாய ஸஞ்ஜாதுஸ்ஸாஹோ ஸசே, ப⁴ந்தேதிஆதி³மாஹ. அத² ப⁴க³வா தஸ்ஸ திப்³ப³ச்ச²ந்த³தங் விதி³த்வா ந ஸேனியோ பரிவாஸங் அரஹதீதி அஞ்ஞதரங் பி⁴க்கு²ங் ஆமந்தேஸி – ‘‘க³ச்ச² த்வங், பி⁴க்கு², ஸேனியங் ந்ஹாபெத்வா பப்³பா³ஜெத்வா ஆனேஹீ’’தி. ஸோ ததா² கத்வா தங் பப்³பா³ஜெத்வா ப⁴க³வதோ ஸந்திகங் ஆனயி. ப⁴க³வா க³ணே நிஸீதி³த்வா உபஸம்பாதே³ஸி. தேன வுத்தங் – ‘‘அலத்த² கோ² அசேலோ ஸேனியோ ப⁴க³வதோ ஸந்திகே பப்³ப³ஜ்ஜங் அலத்த² உபஸம்பத³’’ந்தி.
அசிரூபஸம்பன்னோதி வூபகட்டோ²தி வத்து²காமகிலேஸகாமேஹி காயேன ச சித்தேன ச வூபகட்டோ². அப்பமத்தோதி கம்மட்டா²னே ஸதிங் அவிஜஹந்தோ. ஆதாபீதி காயிகசேதஸிகஸங்கா²தேன வீரியாதாபேன ஆதாபீ. பஹிதத்தோதி காயே ச ஜீவிதே ச அனபெக்க²தாய பேஸிதத்தோ விஸ்ஸட்ட²அத்தபா⁴வோ. யஸ்ஸத்தா²யாதி யஸ்ஸ அத்தா²ய. குலபுத்தாதி ஆசாரகுலபுத்தா. ஸம்மதே³வாதி ஹேதுனாவ காரணேனேவ. தத³னுத்தரந்தி தங் அனுத்தரங். ப்³ரஹ்மசரியபரியோஸானந்தி மக்³க³ப்³ரஹ்மசரியபரியோஸானபூ⁴தங் அரஹத்தப²லங். தஸ்ஸ ஹி அத்தா²ய குலபுத்தா பப்³ப³ஜந்தி. தி³ட்டே²வ த⁴ம்மேதி இமஸ்மிங்யேவ அத்தபா⁴வே. ஸயங் அபி⁴ஞ்ஞா ஸச்சி²கத்வாதி அத்தனாயேவ பஞ்ஞாய பச்சக்க²ங் கத்வா, அபரப்பச்சயங் ஞத்வாதி அத்தோ². உபஸம்பஜ்ஜ விஹாஸீதி பாபுணித்வா ஸம்பாதெ³த்வா விஹாஸி. ஏவங் விஹரந்தோவ கீ²ணா ஜாதி…பே॰… அப்³ப⁴ஞ்ஞாஸி.
ஏவமஸ்ஸ அஞ்ஞதரோதி ஏகோ. அரஹதந்தி அரஹந்தானங், ப⁴க³வதோ ஸாவகானங் அரஹந்தானங் அப்³ப⁴ந்தரோ அஹோஸீதி அயமேவத்த² அதி⁴ப்பாயோ. ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
குக்குரவதிகஸுத்தவண்ணனா நிட்டி²தா.
8. அப⁴யராஜகுமாரஸுத்தவண்ணனா
83. ஏவங் மே ஸுதந்தி அப⁴யஸுத்தங். தத்த² அப⁴யோதி தஸ்ஸ நாமங். ராஜகுமாரோதி பி³ம்பி³ஸாரஸ்ஸ ஓரஸபுத்தோ. வாத³ங் ஆரோபேஹீதி தோ³ஸங் ஆரோபேஹி. நேரயிகோதி நிரயே நிப்³ப³த்தகோ. கப்பட்டோ²தி கப்பட்டி²திகோ. அதேகிச்சோ²தி பு³த்³த⁴ஸஹஸ்ஸேனாபி திகிச்சி²துங் ந ஸக்கா. உக்³கி³லிதுந்தி த்³வே அந்தே மோசெத்வா கதே²துங் அஸக்கொந்தோ உக்³கி³லிதுங் ப³ஹி நீஹரிதுங் ந ஸக்கி²தி. ஓகி³லிதுந்தி புச்சா²ய தோ³ஸங் த³த்வா ஹாரேதுங் அஸக்கொந்தோ ஓகி³லிதுங் அந்தோ பவேஸேதுங் ந ஸக்கி²தி.
ஏவங், ப⁴ந்தேதி நிக³ண்டோ² கிர சிந்தேஸி – ‘‘ஸமணோ கோ³தமோ மய்ஹங் ஸாவகே பி⁴ந்தி³த்வா க³ண்ஹாதி, ஹந்தா³ஹங் ஏகங் பஞ்ஹங் அபி⁴ஸங்க²ரோமி, யங் புட்டோ² ஸமணோ கோ³தமோ உக்குடிகோ ஹுத்வா நிஸின்னோ உட்டா²துங் ந ஸக்கி²ஸ்ஸதீ’’தி. ஸோ அப⁴யஸ்ஸ கே³ஹா நீஹடப⁴த்தோ ஸினித்³த⁴போ⁴ஜனங் பு⁴ஞ்ஜந்தோ ப³ஹூ பஞ்ஹே அபி⁴ஸங்க²ரித்வா – ‘‘எத்த² ஸமணோ கோ³தமோ இமங் நாம தோ³ஸங் த³ஸ்ஸெஸ்ஸதி, எத்த² இமங் நாமா’’தி ஸப்³பே³ பஹாய சாதுமாஸமத்த²கே இமங் பஞ்ஹங் அத்³த³ஸ. அத²ஸ்ஸ ஏதத³ஹோஸி – ‘‘இமஸ்ஸ பஞ்ஹஸ்ஸ புச்சா²ய வா விஸ்ஸஜ்ஜனே வா ந ஸக்கா தோ³ஸோ தா³துங், ஓவட்டிகஸாரோ அயங், கோ நு கோ² இமங் க³ஹெத்வா ஸமணஸ்ஸ கோ³தமஸ்ஸ வாத³ங் ஆரோபெஸ்ஸதீ’’தி. ததோ ‘‘அப⁴யோ ராஜகுமாரோ பண்டி³தோ, ஸோ ஸக்கி²ஸ்ஸதீதி தங் உக்³க³ண்ஹாபேமீ’’தி நிட்ட²ங் க³ந்த்வா உக்³க³ண்ஹாபேஸி. ஸோ வாத³ஜ்ஜா²ஸயதாய தஸ்ஸ வசனங் ஸம்படிச்ச²ந்தோ ‘‘ஏவங், ப⁴ந்தே,’’தி ஆஹ.
84. அகாலோ கோ² அஜ்ஜாதி அயங் பஞ்ஹோ சதூஹி மாஸேஹி அபி⁴ஸங்க²தோ, தத்த² இத³ங் க³ஹெத்வா இத³ங் விஸ்ஸஜ்ஜியமானே தி³வஸபா⁴கோ³ நப்பஹொஸ்ஸதீதி மஞ்ஞந்தோ ஏவங் சிந்தேஸி. ஸோ தா³னீதி ஸ்வே தா³னி. அத்தசதுத்தோ²தி கஸ்மா ப³ஹூஹி ஸத்³தி⁴ங் ந நிமந்தேஸி? ஏவங் கிரஸ்ஸ அஹோஸி – ‘‘ப³ஹூஸு நிஸின்னேஸு தோ²கங் த³த்வா வத³ந்தஸ்ஸ அஞ்ஞங் ஸுத்தங் அஞ்ஞங் காரணங் அஞ்ஞங் ததா²ரூபங் வத்து²ங் ஆஹரித்வா த³ஸ்ஸெஸ்ஸதி, ஏவங் ஸந்தே கலஹோ வா கோலாஹலமேவ வா ப⁴விஸ்ஸதி. அதா²பி ஏககங்யேவ நிமந்தெஸ்ஸாமி, ஏவம்பி மே க³ரஹா உப்பஜ்ஜிஸ்ஸதி ‘யாவமச்ச²ரீ வாயங் அப⁴யோ, ப⁴க³வந்தங் தி³வஸே தி³வஸே பி⁴க்கூ²னங் ஸதேனபி ஸஹஸ்ஸேனபி ஸத்³தி⁴ங் சரந்தங் தி³ஸ்வாபி ஏககங்யேவ
85. ந க்²வெத்த², ராஜகுமார, ஏகங்ஸேனாதி ந கோ², ராஜகுமார, எத்த² பஞ்ஹே ஏகங்ஸேன விஸ்ஸஜ்ஜனங் ஹோதி. ஏவரூபஞ்ஹி வாசங் ததா²க³தோ பா⁴ஸெய்யாபி ந பா⁴ஸெய்யாபி. பா⁴ஸிதபச்சயேன அத்த²ங் பஸ்ஸந்தோ பா⁴ஸெய்ய, அபஸ்ஸந்தோ ந பா⁴ஸெய்யாதி அத்தோ². இதி ப⁴க³வா மஹானிக³ண்டே²ன சதூஹி மாஸேஹி அபி⁴ஸங்க²தங் பஞ்ஹங் அஸனிபாதேன பப்³ப³தகூடங் விய ஏகவசனேனேவ ஸங்சுண்ணேஸி. அனஸ்ஸுங் நிக³ண்டா²தி நட்டா² நிக³ண்டா².
86. அங்கே நிஸின்னோ ஹோதீதி ஊரூஸு நிஸின்னோ ஹோதி. லேஸவாதி³னோ ஹி வாத³ங் பட்ட²பெந்தா கிஞ்சிதே³வ ப²லங் வா புப்ப²ங் வா பொத்த²கங் வா க³ஹெத்வா நிஸீத³ந்தி. தே அத்தனோ ஜயே ஸதி பரங் அஜ்ஜொ²த்த²ரந்தி, பரஸ்ஸ ஜயே ஸதி ப²லங் கா²த³ந்தா விய புப்ப²ங்
தத்த² முகே² ஆஹரெய்யாதி முகே² ட²பெய்ய. ஆஹரெய்யஸ்ஸாஹந்தி அபனெய்யங் அஸ்ஸ அஹங். ஆதி³கேனேவாதி பட²மபயோகே³னேவ. அபூ⁴தந்தி அபூ⁴தத்த²ங். அதச்ச²ந்தி ந தச்ச²ங். அனத்த²ஸங்ஹிதந்தி ந அத்த²ஸங்ஹிதங் ந வட்³டி⁴னிஸ்ஸிதங். அப்பியா அமனாபாதி நேவ பியா ந மனாபா. இமினா நயேனேவ ஸப்³ப³த்த² அத்தோ² த³ட்ட²ப்³போ³.
தத்த² அப்பியபக்கே² பட²மவாசா அசோரங்யேவ சோரோதி, அதா³ஸங்யேவ தா³ஸோதி, அது³ப்பயுத்தங்யேவ து³ப்பயுத்தோதி பவத்தா. ந தங் ததா²க³தோ பா⁴ஸதி. து³தியவாசா சோரங்யேவ சோரோ அயந்திஆதி³வஸேன பவத்தா. தம்பி ததியவாசா ‘‘இதா³னி அகதபுஞ்ஞதாய து³க்³க³தோ து³ப்³ப³ண்ணோ அப்பேஸக்கோ² தத்ர காலஞ்ஞூ ததா²க³தோதி தஸ்மிங் ததியப்³யாகரணே தஸ்ஸா வாசாய ப்³யாகரணத்தா²ய ததா²க³தோ காலஞ்ஞூ ஹோதி, மஹாஜனஸ்ஸ ஆதா³னகாலங் க³ஹணகாலங் ஜானித்வாவ ப்³யாகரோதீதி அத்தோ².
பியபக்கே² பட²மவாசா அட்டா²னியகதா² நாம. ஸா ஏவங் வேதி³தப்³பா³ – ஏவங் கிர கா³மவாஸிமஹல்லகங் நக³ரங் ஆக³ந்த்வா பானாகா³ரே பிவந்தங் வஞ்சேதுகாமா ஸம்ப³ஹுலா து⁴த்தா பீதட்டா²னே ட²த்வா தேன ஸத்³தி⁴ங் ஸுரங் பிவந்தா ‘‘இமஸ்ஸ நிவாஸனபாவுரணம்பி ஹத்தே² ப⁴ண்ட³கம்பி ஸப்³ப³ங் க³ண்ஹிஸ்ஸாமா’’தி சிந்தெத்வா கதிகங் அகங்ஸு – ‘‘ஏகேகங் அத்தபச்சக்க²கத²ங் கதே²ம, யோ ‘அபூ⁴த’ந்தி கதே²ஸி, கதி²தங் வா ந ஸத்³த³ஹதி, தங் தா³ஸங் கத்வா க³ண்ஹிஸ்ஸாமா’’தி. தம்பி மஹல்லகங் புச்சி²ங்ஸு ‘‘தும்ஹாகம்பி தாத ருச்சதீ’’தி. ஏவங் ஹோது தாதாதி.
ஏகோ து⁴த்தோ ஆஹ – மய்ஹங், போ⁴ மாது, மயி குச்சி²க³தே கபிட்ட²ப²லதோ³ஹலோ அஹோஸி. ஸா அஞ்ஞங் கபிட்ட²ஹாரகங் அலப்³ப⁴மானா மங்யேவ பேஸேஸி. அஹங் க³ந்த்வா ருக்க²ங் அபி⁴ருஹிதுங் அஸக்கொந்தோ அத்தனாவ அத்தானங் பாதே³ க³ஹெத்வா முக்³க³ரங் விய ருக்க²ஸ்ஸ உபரி கி²பிங்; அத² ஸாக²தோ ஸாக²ங் விசரந்தோ ப²லானி க³ஹெத்வா ஓதரிதுங் அஸக்கொந்தோ க⁴ரங் க³ந்த்வா நிஸ்ஸேணிங் ஆஹரித்வா ஓருய்ஹ மாது ஸந்திகங் க³ந்த்வா ப²லானி மாதுயா அதா³ஸிங்; தானி பன மஹந்தானி ஹொந்தி சாடிப்பமாணானி. ததோ மே மாதரா ஏகாஸனே நிஸின்னாய ஸமஸட்டி²ப²லானி
கா³மிகமஹல்லகோ
து³தியவாசா ஆமிஸஹேதுசாடுகம்யதாதி³வஸேன நானப்பகாரா பரேஸங் தோ²மனவாசா சேவ, சோரகத²ங் ராஜகத²ந்தி ஆதி³னயப்பவத்தா திரச்சா²னகதா² ச. தம்பி ததா²க³தோ ந பா⁴ஸதி. ததியவாசா அரியஸச்சஸன்னிஸ்ஸிதகதா², யங் வஸ்ஸஸதம்பி ஸுணந்தா பண்டி³தா நேவ தித்திங் க³ச்ச²ந்தி. இதி ததா²க³தோ நேவ ஸப்³ப³ம்பி அப்பியவாசங் பா⁴ஸதி ந பியவாசங். ததியங் ததியமேவ பன பா⁴ஸிதப்³ப³காலங் அனதிக்கமித்வா பா⁴ஸதி. தத்த² ததியங் அப்பியவாசங் ஸந்தா⁴ய ஹெட்டா² த³ஹரகுமாரஉபமா ஆக³தாதி வேதி³தப்³ப³ங்.
87. உதா³ஹு டா²னஸோவேதந்தி உதா³ஹு டா²னுப்பத்திகஞாணேன தங்க²ணங்யேவ தங் ததா²க³தஸ்ஸ உபட்டா²தீதி புச்ச²தி. ஸஞ்ஞாதோதி ஞாதோ பஞ்ஞாதோ பாகடோ. த⁴ம்மதா⁴தூதி த⁴ம்மஸபா⁴வோ. ஸப்³ப³ஞ்ஞுதஞ்ஞாணஸ்ஸேதங் அதி⁴வசனங்
பபஞ்சஸூத³னியா மஜ்ஜி²மனிகாயட்ட²கதா²ய
அப⁴யராஜகுமாரஸுத்தவண்ணனா நிட்டி²தா.
9. ப³ஹுவேத³னீயஸுத்தவண்ணனா
88. ஏவங் மே ஸுதந்தி ப³ஹுவேத³னீயஸுத்தங். தத்த² பஞ்சகங்கோ³ த²பதீதி பஞ்சகங்கோ³தி தஸ்ஸ நாமங். வாஸிப²ரஸுனிகா²த³னத³ண்ட³முக்³க³ரகாளஸுத்தனாளிஸங்கா²தேஹி வா அங்கே³ஹி ஸமன்னாக³தத்தா ஸோ பஞ்சங்கோ³தி பஞ்ஞாதோ. த²பதீதி வட்³ட⁴கீஜெட்ட²கோ. உதா³யீதி பண்டி³தஉதா³யித்தே²ரோ.
89. பரியாயந்தி காரணங். த்³வேபானந்தா³தி த்³வேபி, ஆனந்த³. பரியாயேனாதி காரணேன. எத்த² ச காயிகசேதஸிகவஸேன த்³வே வேதி³தப்³பா³. ஸுகா²தி³வஸேன திஸ்ஸோ, இந்த்³ரியவஸேன ஸுகி²ந்த்³ரியாதி³கா பஞ்ச, த்³வாரவஸேன சக்கு²ஸம்ப²ஸ்ஸஜாதி³கா ச², உபவிசாரவஸேன ‘‘சக்கு²னா ரூபங் தி³ஸ்வா ஸோமனஸ்ஸட்டா²னியங் ரூபங் உபவிசரதீ’’திஆதி³கா அட்டா²ரஸ, ச² கே³ஹஸ்ஸிதானி ஸோமனஸ்ஸானி, ச² நெக்க²ம்மஸிதானி ஸோமனஸ்ஸானி, ச² கே³ஹஸ்ஸிதானி தோ³மனஸ்ஸானி, ச² நெக்க²ம்மஸிதானி தோ³மனஸ்ஸானி, ச² கே³ஹஸ்ஸிதா உபெக்கா², ச² நெக்க²ம்மஸிதாதி ஏவங் ச²த்திங்ஸ, தா அதீதே ச²த்திங்ஸ, அனாக³தே ச²த்திங்ஸ, பச்சுப்பன்னே ச²த்திங்ஸாதி ஏவங் அட்ட²வேத³னாஸதங் வேதி³தப்³ப³ங்.
90. பஞ்ச கோ² இமே, ஆனந்த³, காமகு³ணாதி அயங் பாடிஏக்கோ அனுஸந்தி⁴. ந கேவலம்பி த்³வே ஆதி³ங் கத்வா வேத³னா ப⁴க³வதா பஞ்ஞத்தா, பரியாயேன ஏகாபி வேத³னா கதி²தா. தங் த³ஸ்ஸெந்தோ பஞ்சகங்க³ஸ்ஸ
அபி⁴க்கந்ததரந்தி ஸுந்த³ரதரங். பணீததரந்தி அதப்பகதரங். எத்த² ச சதுத்த²ஜ்ஜா²னதோ பட்டா²ய அது³க்க²மஸுகா² வேத³னா, ஸாபி ஸந்தட்டே²ன பணீதட்டே²ன ச ஸுக²ந்தி வுத்தா. ச² கே³ஹஸ்ஸிதானி ஸுக²ந்தி வுத்தானி. நிரோதோ⁴ அவேத³யிதஸுக²வஸேன
91. யத்த² யத்தா²தி யஸ்மிங் யஸ்மிங் டா²னே. ஸுக²ங் உபலப்³ப⁴தீதி வேத³யிதஸுக²ங் வா அவேத³யிதஸுக²ங் வா உபலப்³ப⁴தி. தங் தங் ததா²க³தோ ஸுக²ஸ்மிங் பஞ்ஞபேதீதி தங் ஸப்³ப³ங் ததா²க³தோ நித்³து³க்க²பா⁴வங் ஸுக²ஸ்மிங்யேவ பஞ்ஞபேதீதி. இத⁴ ப⁴க³வா நிரோத⁴ஸமாபத்திங் ஸீஸங் கத்வா நெய்யபுக்³க³லவஸேன அரஹத்தனிகூடேனேவ தே³ஸனங் நிட்டா²பேஸீதி.
பபஞ்சஸூத³னியா மஜ்ஜி²மனிகாயட்ட²கதா²ய
ப³ஹுவேத³னீயஸுத்தவண்ணனா நிட்டி²தா.
10. அபண்ணகஸுத்தவண்ணனா
92. ஏவங் மே ஸுதந்தி அபண்ணகஸுத்தங். தத்த² சாரிகந்தி அதுரிதசாரிகங்.
93. அத்தி² பன வோ க³ஹபதயோதி கஸ்மா ஆஹ? ஸோ கிர கா³மோ அடவித்³வாரே நிவிட்டோ². நானாவிதா⁴ ஸமணப்³ராஹ்மணா தி³வஸங் மக்³க³ங் ஆகாரவதீதி காரணவதீ ஸஹேதுகா. அபண்ணகோதி அவிரத்³தோ⁴ அத்³வெஜ்ஜ²கா³மீ ஏகங்ஸகா³ஹிகோ.
94. நத்தி² தி³ன்னந்திஆதி³ த³ஸவத்து²கா மிச்சா²தி³ட்டி² ஹெட்டா² ஸாலெய்யகஸுத்தே வித்தா²ரிதா. ததா² தப்³பி³பச்சனீகபூ⁴தா ஸம்மாதி³ட்டி².
95. நெக்க²ம்மே ஆனிஸங்ஸந்தி யோ நேஸங் அகுஸலதோ நிக்க²ந்தபா⁴வே ஆனிஸங்ஸோ, யோ ச வோதா³னபக்கோ² விஸுத்³தி⁴பக்கோ², தங் ந பஸ்ஸந்தீதி அத்தோ². அஸத்³த⁴ம்மஸஞ்ஞத்தீதி அத்தானுக்கங்ஸேதீதி ட²பெத்வா மங் கோ அஞ்ஞோ அத்தனோ த³ஸ்ஸனங் பரே க³ண்ஹாபேதுங் ஸக்கோதீதி அத்தானங் உக்கி²பதி. பரங் வம்பே⁴தீதி எத்தகேஸு ஜனேஸு ஏகோபி அத்தனோ த³ஸ்ஸனங் பரே க³ண்ஹாபேதுங் ந ஸக்கோதீதி ஏவங் பரங் ஹெட்டா² கி²பதி. புப்³பே³வ கோ² பனாதி புப்³பே³ மிச்சா²த³ஸ்ஸனங் க³ண்ஹந்தஸ்ஸேவ ஸுஸீல்யங் பஹீனங் ஹோதி, து³ஸ்ஸீலபா⁴வோ பச்சுபட்டி²தோ. ஏவமஸ்ஸிமேதி ஏவங் அஸ்ஸ இமே மிச்சா²தி³ட்டி²ஆத³யோ ஸத்த. அபராபரங் உப்பஜ்ஜனவஸேன பன தேயேவ மிச்சா²தி³ட்டி²பச்சயா அனேகே பாபகா அகுஸலா த⁴ம்மா உப்பஜ்ஜந்தி நாம.
தத்ராதி தாஸு தேஸங் ஸமணப்³ராஹ்மணானங் லத்³தீ⁴ஸு. கலிக்³க³ஹோதி பராஜயக்³கா³ஹோ. து³ஸ்ஸமத்தோ ஸமாதி³ன்னோதி து³க்³க³ஹிதோ து³ப்பராமட்டோ². ஏகங்ஸங் ப²ரித்வா திட்ட²தீதி ஏகந்தங் ஏககொட்டா²ஸங் ஸகவாத³மேவ ப²ரித்வா அதி⁴முச்சித்வா திட்ட²தி, ‘‘ஸசே கோ² நத்தி² பரோ லோகோ’’தி ஏவங் ஸந்தேயேவ ஸொத்தி²பா⁴வாவஹோ ஹோதி. ரிஞ்சதீதி வஜ்ஜேதி.
96. ஸத்³த⁴ம்மஸஞ்ஞத்தீதி பூ⁴தத⁴ம்மஸஞ்ஞாபனா.
கடக்³க³ஹோதி ஜயக்³கா³ஹோ. ஸுஸமத்தோ ஸமாதி³ன்னோதி ஸுக்³க³ஹிதோ ஸுபராமட்டோ². உப⁴யங்ஸங் ப²ரித்வா திட்ட²தீதி உப⁴யந்தங் உப⁴யகொட்டா²ஸங் ஸகவாத³ங் பரவாத³ஞ்ச ப²ரித்வா அதி⁴முச்சித்வா திட்ட²தி ‘‘ஸசே கோ² அத்தி² பரோ லோகோ’’தி ஏவங் ஸந்தேபி ‘‘ஸசே கோ² நத்தி² பரோ லோகோ’’தி ஏவங் ஸந்தேபி ஸொத்தி²பா⁴வாவஹோ ஹோதி. பரதோபி ஏகங்ஸஉப⁴யங்ஸேஸு இமினாவ நயேன அத்தோ² வேதி³தப்³போ³.
97. கரோதோதி காரயதோதி ஆணத்தியா காரெந்தஸ்ஸ. சி²ந்த³தோதி பரேஸங் ஹத்தா²தீ³னி சி²ந்த³ந்தஸ்ஸ. பசதோதி த³ண்டே³ன பீளெந்தஸ்ஸ வா தஜ்ஜெந்தஸ்ஸ வா. ஸோசயதோதி பரஸ்ஸ ப⁴ண்ட³ஹரணாதீ³ஹி ஸோகங் ஸயங் கரொந்தஸ்ஸபி பரேஹி காரெந்தஸ்ஸபி. கிலமதோதி ஆஹாரூபச்சே²த³-ப³ந்த⁴னாகா³ரப்பவேஸனாதீ³ஹி ஸயங் கிலமந்தஸ்ஸாபி பரேஹி கிலமாபெந்தஸ்ஸாபி. ப²ந்த³தோ ப²ந்தா³பயதோதி பரங் ப²ந்த³ந்தங் ப²ந்த³னகாலே ஸயம்பி ப²ந்த³தோ பரம்பி ப²ந்தா³பயதோ. பாணமதிபாதயதோதி பாணங் ஹனந்தஸ்ஸபி ஹனாபெந்தஸ்ஸபி. ஏவங் ஸப்³ப³த்த² கரணகாராபனவஸேனேவ அத்தோ² வேதி³தப்³போ³.
ஸந்தி⁴ந்தி நில்லோபந்தி மஹாவிலோபங். ஏகாகா³ரிகந்தி ஏகமேவ க⁴ரங் பரிவாரெத்வா விலும்பனங். பரிபந்தே² திட்ட²தோதி ஆக³தாக³தானங் அச்சி²ந்த³னத்த²ங் மக்³கே³ திட்ட²தோ. கரோதோ ந கரீயதி பாபந்தி யங்கிஞ்சி பாபங் கரோமீதி ஸஞ்ஞாய கரோதோபி பாபங் ந கரீயதி, நத்தி² பாபங். ஸத்தா பன கரோமாதி ஏவங்ஸஞ்ஞினோ ஹொந்தீதி அத்தோ². கு²ரபரியந்தேனாதி கு²ரனேமினா, கு²ரதா⁴ரஸதி³ஸபரியந்தேன வா. ஏகங் மங்ஸக²லந்தி ஏகங் மங்ஸராஸிங். புஞ்ஜந்தி தஸ்ஸேவ வேவசனங். ததோனிதா³னந்தி ஏகமங்ஸக²லகரணனிதா³னங். த³க்கி²ணதீரே மனுஸ்ஸா கக்க²ளா தா³ருணா, தே ஸந்தா⁴ய ஹனந்தோதிஆதி³ வுத்தங். உத்தரதீரே ஸத்³தா⁴ ஹொந்தி பஸன்னா பு³த்³த⁴மாமகா த⁴ம்மமாமகா ஸங்க⁴மாமகா, தே ஸந்தா⁴ய த³த³ந்தோதிஆதி³ வுத்தங்.
தத்த² யஜந்தோதி மஹாயாக³ங் கரொந்தோ. த³மேனாதி இந்த்³ரியத³மேன உபோஸத²கம்மேன. ஸங்யமேனாதி ஸீலஸங்யமேன. ஸச்சவஜ்ஜேனாதி ஸச்சவசனேன. ஆக³மோதி ஆக³மனங், பவத்தீதி அத்தோ². ஸப்³ப³தா²பி பாபபுஞ்ஞானங் கிரியமேவ படிக்கி²பந்தி. ஸுக்கபக்கோ²பி வுத்தனயேனேவ வேதி³தப்³போ³. ஸேஸமெத்த² புரிமவாரே வுத்தஸதி³ஸமேவ.
100. நத்தி² ஹேது நத்தி² பச்சயோதி எத்த² பச்சயோ ஹேதுவேவசனங். உப⁴யேனாபி விஜ்ஜமானகமேவ காயது³ச்சரிதாதி³ஸங்கிலேஸபச்சயங் காயஸுசரிதாதி³விஸுத்³தி⁴பச்சயங் படிக்கி²பந்தி. நத்தி² ப³லங், நத்தி² வீரியங், நத்தி² புரிஸதா²மோ, நத்தி² புரிஸபரக்கமோதி ஸத்தானங் ஸங்கிலேஸிதுங் வா விஸுஜ்ஜி²துங் வா
ஸப்³பே³ ஸத்தாதி ஒட்ட²கோ³ணக³த்³ரபா⁴த³யோ அனவஸேஸே நித³ஸ்ஸெந்தி. ஸப்³பே³ பாணாதி ஏகிந்த்³ரியோ பாணோ த்³விந்த்³ரியோ பாணோதி ஆதி³வஸேன வத³ந்தி. ஸப்³பே³ பூ⁴தாதி அண்ட³கோஸவத்தி²கோஸேஸு பூ⁴தே ஸந்தா⁴ய வத³ந்தி. ஸப்³பே³ ஜீவாதி ஸாலியவகோ³து⁴மாத³யோ ஸந்தா⁴ய வத³ந்தி. தேஸு ஹேதே விருஹனபா⁴வேன ஜீவஸஞ்ஞினோ. அவஸா அப³லா அவீரியாதி தேஸங் அத்தனோ வஸோ வா ப³லங் வா வீரியங் வா நத்தி². நியதிஸங்க³திபா⁴வபரிணதாதி எத்த² நியதீதி நியததா. ஸங்க³தீதி ச²ன்னங் அபி⁴ஜாதீனங் தத்த² தத்த² க³மனங். பா⁴வோதி ஸபா⁴வோயேவ. ஏவங் நியதியா ச ஸங்க³தியா ச பா⁴வேன ச பரிணதா நானப்பகாரதங் பத்தா. யேன ஹி யதா² ப⁴விதப்³ப³ங், ஸோ ததே²வ ப⁴வதி. யேன நோ ச²ஸ்வேவாபி⁴ஜாதீஸூதி ச²ஸு ஏவ அபி⁴ஜாதீஸு ட²த்வா ஸுக²ஞ்ச து³க்க²ஞ்ச படிஸங்வேதெ³ந்தி, அஞ்ஞா ஸுக²து³க்க²பூ⁴மி நத்தீ²தி த³ஸ்ஸெந்தி.
தத்த² ச² அபி⁴ஜாதியோ
தத்த²
இமாஸு பன தீஸு தி³ட்டீ²ஸு நத்தி²கதி³ட்டி² விபாகங் படிபா³ஹதி, அகிரியதி³ட்டி² கம்மங் படிபா³ஹதி, அஹேதுகதி³ட்டி² உப⁴யம்பி படிபா³ஹதி. தத்த² கம்மங் படிபா³ஹந்தேனாபி விபாகோ படிபா³ஹிதோ ஹோதி, விபாகங் படிபா³ஹந்தேனாபி கம்மங் படிபா³ஹிதங். இதி ஸப்³பே³பேதே
தத்த² கோசி ஏகங் த³ஸ்ஸனங் ஓக்கமதி, கோசி த்³வே, கோசி தீணிபி, ஏகஸ்மிங் ஓக்கந்தேபி த்³வீஸு தீஸு ஓக்கந்தேஸுபி நியதமிச்சா²தி³ட்டி²கோவ ஹோதி, பத்தோ ஸக்³க³மக்³கா³வரணஞ்சேவ மொக்க²மக்³கா³வரணஞ்ச, அப⁴ப்³போ³ தஸ்ஸ அத்தபா⁴வஸ்ஸ அனந்தரங் ஸக்³க³ம்பி க³ந்துங், பகே³வ மொக்க²ங். வட்டகா²ணு நாமேஸ ஸத்தோ பத²வீகோ³பகோ. கிங் பனேஸ ஏகஸ்மிங்யேவ அத்தபா⁴வே நியதோ ஹோதி, உதா³ஹு அஞ்ஞஸ்மிம்பீதி? ஏகஸ்மிஞ்ஞேவ நியதோ, ஆஸேவனவஸேன பன ப⁴வந்தரேபி தங் தங் தி³ட்டி²ங் ரோசேதியேவ. ஏவரூபஸ்ஸ ஹி யேபு⁴ய்யேன ப⁴வதோ வுட்டா²னங் நாம நத்தி².
தஸ்மா அகல்யாணஜனங், ஆஸீவிஸமிவோரக³ங்;
ஆரகா பரிவஜ்ஜெய்ய, பூ⁴திகாமோ விசக்க²ணோதி.
103. நத்தி² ஸப்³ப³ஸோ ஆருப்பாதி அரூபப்³ரஹ்மலோகோ நாம ஸப்³பா³காரேன நத்தி². மனோமயாதி ஜா²னசித்தமயா. ஸஞ்ஞாமயாதி அரூபஜ்ஜா²னஸஞ்ஞாய ஸஞ்ஞாமயா. ரூபானங்யேவ நிப்³பி³தா³ய விராகா³ய நிரோதா⁴ய படிபன்னோ ஹோதீதி அயங் லாபீ⁴ வா ஹோதி தக்கீ வா. லாபீ⁴ நாம ரூபாவசரஜ்ஜா²னலாபீ⁴. தஸ்ஸ ரூபாவசரே கங்கா² நத்தி², அரூபாவசரலோகே அத்தி²
104. ப⁴வனிரோதோ⁴தி ஸாராகா³ய ஸந்திகேதி ராக³வஸேன வட்டே ரஜ்ஜனஸ்ஸ ஸந்திகே. ஸங்யோகா³யாதி தண்ஹாவஸேன ஸங்யோஜனத்தா²ய. அபி⁴னந்த³னாயாதி தண்ஹாதி³ட்டி²வஸேன அபி⁴னந்த³னாய. படிபன்னோ ஹோதீதி அயம்பி லாபீ⁴ வா ஹோதி தக்கீ வா. லாபீ⁴ நாம அட்ட²ஸமாபத்திலாபீ⁴. தஸ்ஸ ஆருப்பே கங்கா² நத்தி², நிப்³பா³னே அத்தி². ஸோ – ‘‘அஹங் நிரோதோ⁴ அத்தீ²திபி நத்தீ²திபி ஸுணாமி, ஸயங் ந ஜானாமி. ஸமாபத்திங் பாத³கங் கத்வா விபஸ்ஸனங் வட்³டெ⁴ஸ்ஸாமி. ஸசே நிரோதோ⁴ ப⁴விஸ்ஸதி, அரஹத்தங் பத்வா பரினிப்³பா³யிஸ்ஸாமி. நோ சே ப⁴விஸ்ஸதி, ஆருப்பே நிப்³ப³த்திஸ்ஸாமீ’’தி ஏவங் படிபஜ்ஜதி. தக்கீ பன ஏகஸமாபத்தியாபி ந லாபீ⁴, ஆருப்பே பனஸ்ஸ கங்கா² நத்தி², ப⁴வனிரோதே⁴ அத்தி². ஸோ – ‘‘அஹங் நிரோதோ⁴ அத்தீ²திபி நத்தீ²திபி ஸுணாமி, ஸயங் ந ஜானாமி, கஸிணபரிகம்மங் கத்வா அட்ட²ஸமாபத்தியோ நிப்³ப³த்தெத்வா ஸமாபத்திபத³ட்டா²னங் விபஸ்ஸனங் வட்³டெ⁴ஸ்ஸாமி. ஸசே நிரோதோ⁴ ப⁴விஸ்ஸதி, அரஹத்தங் பத்வா பரினிப்³பா³யிஸ்ஸாமி. நோ சே ப⁴விஸ்ஸதி, ஆருப்பே நிப்³ப³த்திஸ்ஸாமீ’’தி ஏவங் படிபஜ்ஜதி. எத்தா²ஹ
105. சத்தாரோமேதி
பபஞ்சஸூத³னியா மஜ்ஜி²மனிகாயட்ட²கதா²ய
அபண்ணகஸுத்தவண்ணனா நிட்டி²தா.
பட²மவக்³க³வண்ணனா நிட்டி²தா.