5. ப்³ராஹ்மணவக்³கோ³
1. ப்³ரஹ்மாயுஸுத்தவண்ணனா
383. ஏவங் மே ஸுதந்தி ப்³ரஹ்மாயுஸுத்தங். தத்த² மஹதா பி⁴க்கு²ஸங்கே⁴ன ஸத்³தி⁴ந்தி மஹதாதி கு³ணமஹத்தேனபி மஹதா, ஸங்க்²யாமஹத்தேனபி. ஸோ ஹி பி⁴க்கு²ஸங்கே⁴ கு³ணேஹிபி மஹா அஹோஸி அப்பிச்ச²தாதி³கு³ணஸமன்னாக³தத்தா, ஸங்க்²யாயபி மஹா பஞ்சஸதஸங்க்²யத்தா. பி⁴க்கூ²னங் ஸங்கே⁴ன பி⁴க்கு²ஸங்கே⁴ன, தி³ட்டி²ஸீலஸாமஞ்ஞஸங்கா⁴தஸங்கா²தேன ஸமணக³ணேனாதி அத்தோ². ஸத்³தி⁴ந்தி ஏகதோ. பஞ்சமத்தேஹி பி⁴க்கு²ஸதேஹீதி பஞ்ச மத்தா ஏதேஸந்தி பஞ்சமத்தானி. மத்தாதி பமாணங் வுச்சதி, தஸ்மா யதா² போ⁴ஜனே பஞ்சமத்தேஹி பி⁴க்கு²ஸதேஹி.
வீஸவஸ்ஸஸதிகோதி வீஸாதி⁴கவஸ்ஸஸதிகோ. திண்ணங் வேதா³னந்தி இருவேத³யஜுவேத³ஸாமவேதா³னங். ஒட்ட²பஹதகரணவஸேன பாரங் க³தோதி பாரகூ³. ஸஹ நிக⁴ண்டு³னா ச கேடுபே⁴ன ச ஸனிக⁴ண்டு³கேடுபா⁴னங், நிக⁴ண்டூ³தி நாமனிக⁴ண்டுருக்கா²தீ³னங் வேவசனப்பகாஸகங் ஸத்த²ங். கேடுப⁴ந்தி கிரியாகப்பவிகப்போ கவீனங் உபகாராய ஸத்த²ங். ஸஹ அக்க²ரப்பபே⁴தே³ன ஸக்க²ரப்பபே⁴தா³னங். அக்க²ரப்பபே⁴தோ³தி ஸிக்கா² ச நிருத்தி ச. இதிஹாஸபஞ்சமானந்தி ஆத²ப்³ப³ணவேத³ங் சதுத்த²ங் கத்வா ‘‘இதிஹ ஆஸ இதிஹ ஆஸா’’தி ஈதி³ஸவசனப்படிஸங்யுத்தோ புராணகதா²ஸங்கா²தோ இதிஹாஸோ பஞ்சமோ ஏதேஸந்தி இதிஹாஸபஞ்சமா, தேஸங் இதிஹாஸபஞ்சமானங். பத³ஞ்ச தத³வஸேஸஞ்ச ப்³யாகரணங் அதீ⁴யதி பவேதே³தி சாதி பத³கோ வெய்யாகரணோ. லோகாயதங் வுச்சதி விதண்ட³வாத³ஸத்த²ங். மஹாபுரிஸலக்க²ணந்தி பு³த்³த⁴மந்தா நாம அஹேஸுங், யேஸங் வஸேன ‘‘இமினா லக்க²ணேன ஸமன்னாக³தா பு³த்³தா⁴ நாம ஹொந்தி, இமினா பச்சேகபு³த்³தா⁴ நாம ஹொந்தி, இமினா த்³வே அக்³க³ஸாவகா, அஸீதிமஹாஸாவகா, பு³த்³த⁴மாதா, பு³த்³த⁴பிதா, அக்³கு³பட்டா²கோ, அக்³கு³பட்டா²யிகா, ராஜா சக்கவத்தீ’’தி அயங் விஸேஸோ அனவயோதி இமேஸு லோகாயதமஹாபுரிஸலக்க²ணேஸு அனூனோ பரிபூரகாரீ, அவயோ ந ஹோதீதி வுத்தங் ஹோதி. அவயோ நாம யோ தானி அத்த²தோ ச க³ந்த²தோ ச ஸந்தா⁴ரேதுங் ந ஸக்கோதி. அஸ்ஸோஸி கோ²திஆதீ³ஸு யங் வத்தப்³ப³ங் ஸியா, தங் ஸாலெய்யகஸுத்தே (ம॰ நி॰ 1.439 ஆத³யோ) வுத்தமேவ.
384. அயங் தாதாதி அயங் மஹல்லகதாய க³ந்துங் அஸக்கொந்தோ மாணவங் ஆமந்தெத்வா ஏவமாஹ. அபிச ஏஸ ப்³ராஹ்மணோ சிந்தேஸி ‘‘இமஸ்மிங் லோகே ‘அஹங் பு³த்³தோ⁴ அஹங் பு³த்³தோ⁴’தி உக்³க³தஸ்ஸ நாமங் க³ஹெத்வா ப³ஹூ ஜனா விசரந்தி, தஸ்மா ந மே அனுஸ்ஸவமத்தேனேவ உபஸங்கமிதுங் யுத்தங். ஏகச்சஞ்ஹி உபஸங்கமந்தஸ்ஸ அபக்கமனம்பி க³ரு ஹோதி, அனத்தோ²பி உப்பஜ்ஜதி. யங்னூனாஹங் மம அந்தேவாஸிகங் பேஸெத்வா ‘பு³த்³தோ⁴ வா நோ வா’தி ஜானித்வா உபஸங்கமெய்ய’’ந்தி தஸ்மா மாணவங் ஆமந்தெத்வா ‘‘அயங் தாதா’’திஆதி³மாஹ. தங் ப⁴வந்தந்தி தஸ்ஸ ப⁴வதோ. ததா² ஸந்தங்யேவாதி ததா² ஸதோயேவ. இத³ஞ்ஹி இத்த²ம்பூ⁴தாக்²யானத்தே² உபயோக³வசனங். யதா² கத²ங் பனாஹங், போ⁴தி எத்த² கத²ங் பனாஹங், போ⁴, தங் ப⁴வந்தங் கோ³தமங் ஜானிஸ்ஸாமி, யதா² ஸக்கா ஸோ ஞாதுங், ததா² மே ஆசிக்கா²தி அத்தோ². யதா²தி வா நிபாதமத்தமேவேதங். கத²ந்தி அயங் ஆகாரபுச்சா², கேனாகாரேனாஹங் ப⁴வந்தங் கோ³தமங் ஜானிஸ்ஸாமீதி அத்தோ².
ஏவங் வுத்தே கிர நங் உபஜ்ஜா²யோ – ‘‘கிங் த்வங், தாத, பத²வியங் டி²தோ பத²விங் ந பஸ்ஸாமீதி விய சந்தி³மஸூரியானங் ஓபா⁴ஸே டி²தோ சந்தி³மஸூரியே ந பஸ்ஸாமீதி விய வத³ஸீ’’திஆதீ³னி வத்வா ஜானநாகாரங் த³ஸ்ஸெந்தோ ஆக³தானி கோ² தாதாதிஆதி³மாஹ. தத்த² மந்தேஸூதி வேதே³ஸு. ததா²க³தோ கிர உப்பஜ்ஜிஸ்ஸதீதி படிகச்சேவ ஸுத்³தா⁴வாஸா தே³வா வேதே³ஸு லக்க²ணானி பக்கி²பித்வா ‘‘பு³த்³த⁴மந்தா நாம ஏதே’’தி ப்³ராஹ்மணவேஸேன வேதே³ வாசெந்தி ‘‘தத³னுஸாரேன மஹேஸக்கா² ஸத்தா ததா²க³தங் ஜானிஸ்ஸந்தீ’’தி. தேன புப்³பே³ வேதே³ஸு மஹாபுரிஸலக்க²ணானி ஆக³ச்ச²ந்தி. பரினிப்³பு³தே பன ததா²க³தே அனுக்கமேன அந்தரதா⁴யந்தி, தேன ஏதரஹி நத்தி². மஹாபுரிஸஸ்ஸாதி பணிதி⁴ஸமாதா³னஞாணகருணாதி³கு³ணமஹதோ புரிஸஸ்ஸ. த்³வேயேவ க³தியோதி த்³வே ஏவ நிட்டா² ஸசே அகா³ரங் அஜ்ஜா²வஸதீதி யதி³ அகா³ரே வஸதி, ராஜா ஹோதி சக்கவத்தீ. சதூஹி அச்ச²ரியத⁴ம்மேஹி ஸங்க³ஹவத்தூ²ஹி ச லோகங் ரஞ்ஜனதோ ராஜா. சக்கரதனங் வத்தேதி, சதூஹி ஸம்பத்திசக்கேஹி வத்தேதி, தேஹி ச பரங் வத்தேதி, பரஹிதாய ச இரியாபத²சக்கானங் வத்தோ ஏதஸ்மிங் அத்தீ²தி சக்கவத்தீ. எத்த² ச ராஜாதி ஸாமஞ்ஞங், சக்கவத்தீதி விஸேஸனங். த⁴ம்மேன சரதீதி த⁴ம்மிகோ, ஞாயேன ஸமேன வத்ததீதி அத்தோ². த⁴ம்மேன ரஜ்ஜங் லபி⁴த்வா ராஜா ஜாதோதி த⁴ம்மராஜா. பரஹிதத⁴ம்மகரணேன வா த⁴ம்மிகோ, அத்தஹிதத⁴ம்மகரணேன த⁴ம்மராஜா. சதுரந்தாய இஸ்ஸரோதி சாதுரந்தோ, சதுஸமுத்³த³ந்தாய சதுப்³பி³த⁴தீ³பபூ⁴ஸிதாய ச பத²வியா இஸ்ஸரோதி அத்தோ². அஜ்ஜ²த்தங் கோபாதி³பச்சத்தி²கே ப³ஹித்³தா⁴ ச ஸப்³ப³ராஜானோ விஜேஸீதி விஜிதாவீ. ஜனபத³த்தா²வரியப்பத்தோதி ஜனபதே³ தா²வரபா⁴வங் து⁴வபா⁴வங் பத்தோ, ந ஸக்கா கேனசி சாலேதுங், ஜனபதோ³ வா தம்ஹி தா²வரியப்பத்தோ அனுஸ்ஸுக்கோ ஸகம்மனிரதோ அசலோ அஸம்பவேதீ⁴தி ஜனபத³த்தா²வரியப்பத்தோ. ஸெய்யதி²த³ந்தி நிபாதோ, தஸ்ஸ தானி கதமானீதி அத்தோ². சக்கரதனந்திஆதீ³ஸு சக்கஞ்ச தங் ரதிஜனநத்தே²ன ரதனஞ்சாதி சக்கரதனங். ஏஸேவ நயோ ஸப்³ப³த்த².
இமேஸு
பரோஸஹஸ்ஸந்தி அதிரேகஸஹஸ்ஸங். ஸூராதி அபீ⁴ருகஜாதிகா. வீரங்க³ரூபாதி தே³வபுத்தஸதி³ஸகாயா, ஏவங் தாவ ஏகே வண்ணயந்தி, அயங் பனெத்த² ஸபா⁴வோ – வீராதி உத்தமஸூரா வுச்சந்தி. வீரானங் அங்க³ங் வீரங்க³ங், வீரகாரணங் வீரியந்தி வுத்தங் ஹோதி. வீரங்க³ங் ரூபங் ஏதேஸந்தி வீரங்க³ரூபா, வீரியமயஸரீரா வியாதி வுத்தங் ஹோதி. பரஸேனப்பமத்³த³னாதி த⁴ம்மேனாதி ‘‘பாணோ ந ஹந்தப்³போ³’’திஆதி³னா பஞ்சஸீலத⁴ம்மேன.
அரஹங் ஹோதி ஸம்மாஸம்பு³த்³தோ⁴ லோகே விவட்டச்ச²தோ³தி எத்த² ராக³தோ³ஸமோஹமானதி³ட்டி²அவிஜ்ஜாது³ச்சரிதச²த³னேஹி ஸத்தஹி படிச்ச²ன்னே கிலேஸந்த⁴காரலோகே தங் ச²த³னங் விவட்டெத்வா ஸமந்ததோ ஸஞ்ஜாதாலோகோ ஹுத்வா டி²தோதி விவட்டச்ச²தோ³. தத்த² பட²மேன பதே³ன பூஜாரஹதா, து³தியேன தஸ்ஸா ஹேது யஸ்மா ஸம்மாஸம்பு³த்³தோ⁴தி, ததியேன பு³த்³த⁴த்தஹேதுபூ⁴தா விவட்டச்ச²த³தா வுத்தாதி வேதி³தப்³பா³. அத² வா விவட்டோ ச விச்ச²தோ³ சாதி விவட்டச்ச²தோ³, வட்டரஹிதோ ச²த³னரஹிதோ சாதி வுத்தங் ஹோதி. தேன அரஹங் வட்டாபா⁴வேன, ஸம்மாஸம்பு³த்³தோ⁴ ச²த³னாபா⁴வேனாதி ஏவங் புரிமபத³த்³வயஸ்ஸேவ ஹேதுத்³வயங் வுத்தங் ஹோதி. து³தியவேஸாரஜ்ஜேன செத்த² புரிமஸித்³தி⁴, பட²மேன து³தியஸித்³தி⁴, ததியசதுத்தே²ஹி ததியஸித்³தி⁴ ஹோதி. புரிமஞ்ச த⁴ம்மசக்கு²ங், து³தியங் பு³த்³த⁴சக்கு²ங், ததியங் ஸமந்தசக்கு²ங் ஸாதே⁴தீதிபி வேதி³தப்³ப³ங். த்வங் மந்தானங் படிக்³க³ஹேதாதி இமினாஸ்ஸ ஸூரபா⁴வங் ஜனேதி.
385. ஸோபி தாய ஆசரியகதா²ய லக்க²ணேஸு விக³தஸம்மோஹோ ஏகோபா⁴ஸஜாதோ விய பு³த்³த⁴மந்தே ஸம்பஸ்ஸமானோ ஏவங், போ⁴தி ஆஹ. தஸ்ஸத்தோ² – யதா², போ⁴, மங் த்வங் வத³ஸி, ஏவங் கரிஸ்ஸாமீதி. ஸமன்னேஸீதி அத்³த³ஸா கோ²தி யேபு⁴ய்யேனாதி பாயேன, ப³ஹுகானி அத்³த³ஸ, அப்பானி ந அத்³த³ஸாதி அத்தோ². ததோ யானி ந அத்³த³ஸ, தேஸங் தீ³பனத்த²ங் வுத்தங் ட²பெத்வா த்³வேதி. கங்க²தீதி ‘‘அஹோ வத பஸ்ஸெய்ய’’ந்தி பத்த²னங் உப்பாதே³தி. விசிகிச்ச²தீதி ததோ ததோ தானி விசினந்தோ கிச்ச²தி ந ஸக்கோதி த³ட்டு²ங். நாதி⁴முச்சதீதி தாய விசிகிச்சா²ய ஸன்னிட்டா²னங் ந க³ச்ச²தி. ந ஸம்பஸீத³தீதி ததோ ‘‘பரிபுண்ணலக்க²ணோ அய’’ந்தி ப⁴க³வதி பஸாத³ங் நாபஜ்ஜதி. கங்கா²ய வா து³ப்³ப³லா விமதி வுத்தா, விசிகிச்சா²ய மஜ்ஜி²மா, அனதி⁴முச்சனதாய ப³லவதீ, அஸம்பஸாதே³ன தேஹி தீஹி த⁴ம்மேஹி சித்தஸ்ஸ காலுஸ்ஸியபா⁴வோ. கோஸோஹிதேதி வத்தி²கோஸேன படிச்ச²ன்னே. வத்த²கு³ய்ஹேதி அங்க³ஜாதே. ப⁴க³வதோ ஹி வாரணஸ்ஸேவ கோஸோஹிதவத்த²கு³ய்ஹங் ஸுவண்ணவண்ணங் பது³மக³ப்³ப⁴ஸமானங், தங் ஸோ வத்த²படிச்ச²ன்னத்தா, அந்தோமுக²க³தாய
அத² கோ² ப⁴க³வாதி அத² ப⁴க³வா சிந்தேஸி – ‘‘ஸசாஹங் இமஸ்ஸ ஏதானி த்³வே லக்க²ணானி ந த³ஸ்ஸெஸ்ஸாமி, நிக்கங்கோ² ந ப⁴விஸ்ஸதி. ஏதஸ்ஸ கங்கா²ய ஸதி ஆசரியோபிஸ்ஸ நிக்கங்கோ² ந ப⁴விஸ்ஸதி, அத² மங் த³ஸ்ஸனாய ந ஆக³மிஸ்ஸதி, அனாக³தோ த⁴ம்மங் ந ஸொஸ்ஸதி, த⁴ம்மங் அஸுணந்தோ தீணி ஸாமஞ்ஞப²லானி ந ஸச்சி²கரிஸ்ஸதி. ஏதஸ்மிங் பன நிக்கங்கே² ஆசரியோபிஸ்ஸ நிக்கங்கோ² மங் உபஸங்கமித்வா த⁴ம்மங் ஸுத்வா தீணி ஸாமஞ்ஞப²லானி ஸச்சி²கரிஸ்ஸதி. ஏதத³த்த²ங்யேவ ச மயா பாரமியோ பூரிதா. த³ஸ்ஸெஸ்ஸாமிஸ்ஸ தானி லக்க²ணானீ’’தி.
ததா²ரூபங் இத்³தா⁴பி⁴ஸங்கா²ரமகாஸி. கத²ங்ரூபங்? கிமெத்த² அஞ்ஞேன வத்தப்³ப³ங்? வுத்தமேதங் நாக³ஸேனத்தே²ரேனேவ மிலிந்த³ரஞ்ஞா புட்டே²ன –
ஆஹ ச து³க்கரங், ப⁴ந்தே நாக³ஸேன, ப⁴க³வதா கதந்தி. கிங் மஹாராஜாதி? மஹாஜனேன ஹிரிகரணோகாஸங் ப்³ரஹ்மாயுப்³ராஹ்மணஸ்ஸ ச அந்தேவாஸிஉத்தரஸ்ஸ ச பா³வரியஸ்ஸ அந்தேவாஸீனங் ஸோளஸப்³ராஹ்மணானஞ்ச ஸேலஸ்ஸ ச ப்³ராஹ்மணஸ்ஸ அந்தேவாஸீனங் திஸதமாணவானஞ்ச த³ஸ்ஸேஸி, ப⁴ந்தேதி. ந, மஹாராஜ, ப⁴க³வா கு³ய்ஹங்
நின்னாமெத்வாதி நீஹரித்வா. அனுமஸீதி கதி²னஸூசிங் விய கத்வா அனுமஜ்ஜி. ததா² கரணேன செத்த² முது³பா⁴வோ, கண்ணஸோதானுமஸனேன தீ³க⁴பா⁴வோ, நாஸிகஸோதானுமஸனேன தனுபா⁴வோ, நலாடச்சா²த³னேன புது²லபா⁴வோ பகாஸிதோதி வேதி³தப்³போ³. உபோ⁴பி கண்ணஸோதானீதிஆதீ³ஸு செத்த² பு³த்³தா⁴னங் கண்ணஸோதேஸு மலங் வா ஜல்லிகா வா நத்தி², தோ⁴வித்வா ட²பிதரஜதபனாளிகா விய ஹொந்தி, ததா² நாஸிகஸோதேஸு, தானிபி ஹி ஸுபரிகம்மகதகஞ்சனபனாளிகா விய ச மணிபனாளிகா விய ச ஹொந்தி. தஸ்மா ஜிவ்ஹங் நீஹரித்வா கதி²னஸூசிங் விய கத்வா முக²பரியந்தே உபஸங்ஹரந்தோ த³க்கி²ணகண்ணஸோதங் பவேஸெத்வா ததோ நீஹரித்வா வாமகண்ணஸோதங் பவேஸேஸி, ததோ நீஹரித்வா த³க்கி²ணனாஸிகஸோதங் பவேஸெத்வா ததோ நீஹரித்வா வாமனாஸிகஸோதங் பவேஸேஸி, ததோ நீஹரித்வா புது²லபா⁴வங் த³ஸ்ஸெந்தோ ரத்தவலாஹகேன அட்³ட⁴சந்த³ங் விய ச ஸுவண்ணபத்தங் விய ச ரத்தகம்ப³லபடலேன விஜ்ஜுஜோதஸதி³ஸாய ஜிவ்ஹாய கேவலகப்பங் நலாடமண்ட³லங் படிச்சா²தே³ஸி.
யங்னூனாஹந்தி கஸ்மா சிந்தேஸி? அஹஞ்ஹி மஹாபுரிஸலக்க²ணானி ஸமன்னேஸித்வா க³தோ ‘‘தி³ட்டா²னி தே, தாத, மஹாபுரிஸலக்க²ணானீ’’தி ஆசரியேன புச்சி²தோ ‘‘ஆம, ஆசரியா’’தி வத்துங் ஸக்கி²ஸ்ஸாமி. ஸசே பன மங் ‘‘கிரியாகரணமஸ்ஸ கீதி³ஸ’’ந்தி புச்சி²ஸ்ஸதி
க³ச்ச²ந்தே
தத்த² ப⁴க³வா பி⁴க்கூ²னங் ப⁴த்தகிச்சபரியோஸானங் ஆக³மெந்தோ க³ந்த⁴மண்ட³லமாளே நிஸீத³தி. பி⁴க்கூ²ஹி ப⁴த்தகிச்சங்
ப⁴க³வா முஹுத்தங் ஸீஹஸெய்யங் கப்பெத்வா வுட்டா²ய புப்³ப³பா⁴கே³ன பரிச்சி²ந்தி³த்வா ஸமாபத்திங் ஸமாபஜ்ஜதி. ஸமாபத்திதோ வுட்டா²ய மஹாஜனஸ்ஸ ஆக³தபா⁴வங் ஞத்வா
‘‘ஸத்த வஸ்ஸானி ப⁴க³வந்தங், அனுப³ந்தி⁴ங் பதா³பத³ங்;
ஓதாரங் நாதி⁴க³ச்சி²ஸ்ஸங், ஸம்பு³த்³த⁴ஸ்ஸ ஸதீமதோ’’தி. (ஸு॰ நி॰ 448) –
ஆதி³கா³தா²யோ வத்வா பக்காமி. ததோ மாணவோ சிந்தேஸி – ‘‘அஹங் ப⁴வந்தங் கோ³தமங் ஸத்த மாஸே அனுப³ந்த⁴மானோ கிஞ்சி வஜ்ஜங் ந பஸ்ஸாமி. ஸசே பனாஹங் அஞ்ஞேபி ஸத்த மாஸே ஸத்த வா வஸ்ஸானி வஸ்ஸஸதங் வா வஸ்ஸஸஹஸ்ஸங் வா அனுப³ந்தெ⁴ய்யங், நேவஸ்ஸ வஜ்ஜங் பஸ்ஸெய்யங். ஆசரியோ கோ² பனஸ்ஸ மே மஹல்லகோ, யோக³க்கே²மங் நாம ந ஸக்கா ஜானிதுங். ஸமணஸ்ஸ கோ³தமஸ்ஸ ஸபா⁴வகு³ணேனேவ பு³த்³த⁴பா⁴வங் வத்வா மய்ஹங் ஆசரியஸ்ஸ ஆரோசெஸ்ஸாமீ’’தி ப⁴க³வந்தங் ஆபுச்சி²த்வா பி⁴க்கு²ஸங்க⁴ங் வந்தி³த்வா நிக்க²மி.
ஆசரியஸ்ஸ ஸந்திகஞ்ச பன க³ந்த்வா – ‘‘கச்சி, தாத உத்தர, தங் ப⁴வந்தங் கோ³தமங் ததா²ஸந்தங்யேவ ஸத்³தோ³ அப்³பு⁴க்³க³தோ’’தி புச்சி²தோ, ‘‘ஆசரிய, கிங் வதே³ஸி? சக்கவாளங் அதிஸம்பா³த⁴ங், ப⁴வக்³க³ங் அதினீசங், தஸ்ஸ ஹி, போ⁴தோ கோ³தமஸ்ஸ ஆகாஸங் விய அபரியந்தோ கு³ணக³ணோ. ததா²ஸந்தங்யேவ, போ⁴, தங் ப⁴வந்தங் கோ³தம’’ந்திஆதீ³னி வத்வா யதா²தி³ட்டா²னி த்³வத்திங்ஸமஹாபுரிஸலக்க²ணானி படிபாடியா ஆசிக்கி²த்வா கிரியஸமாசாரங் ஆசிக்கி². தேன வுத்தங் – ‘‘அத² கோ² உத்தரோ மாணவோ…பே॰… ஏதி³ஸோ ச ஏதி³ஸோ ச ப⁴வங் கோ³தமோ ததோ ச பி⁴ய்யோ’’தி.
386. தத்த² ஸுப்பதிட்டி²தபாதோ³தி யதா² ஹி அஞ்ஞேஸங் பூ⁴மியங் பாத³ங் ட²பெந்தானங் அக்³க³தலங் வா பண்ஹி வா பஸ்ஸங் வா பட²மங் பு²ஸதி, வேமஜ்ஜ²ங் வா பன சி²த்³த³ங் ஹோதி, உக்கி²பந்தானம்பி அக்³க³தலாதீ³ஸு ஏககொட்டா²ஸோவ பட²மங் உட்ட²ஹதி, ந ஏவங் தஸ்ஸ. தஸ்ஸ பன ஸுவண்ணபாது³கதலங் விய ஏகப்பஹாரேனேவ ஸகலங் பாத³தலங் பூ⁴மிங் பு²ஸதி, பூ⁴மிதோ உட்ட²ஹதி. தஸ்மா ‘‘ஸுப்பதிட்டி²தபாதோ³ கோ² பன ஸோ ப⁴வங் கோ³தமோ’’தி வத³தி.
தத்ரித³ங்
சக்கானீதி த்³வீஸு பாதே³ஸு த்³வே சக்கானி. தேஸங் அரா ச நேமி ச நாபி⁴ ச பாளியங் வுத்தாவ. ஸப்³பா³காரபரிபூரானீதி இமினா பன அயங் விஸேஸோ வேதி³தப்³போ³ – தேஸங் கிர சக்கானங் பாத³தலஸ்ஸ மஜ்ஜே² நாபி⁴ தி³ஸ்ஸதி, நாபி⁴பரிச்சி²ன்னா வட்டலேகா² தி³ஸ்ஸதி, நாபி⁴முக²பரிக்கே²பபட்டோ தி³ஸ்ஸதி, பனாளிமுக²ங் தி³ஸ்ஸதி, அரா தி³ஸ்ஸந்தி, அரேஸு வட்டலேகா² தி³ஸ்ஸந்தி, நேமீ தி³ஸ்ஸந்தி, நேமிமணிகா தி³ஸ்ஸந்தி. இத³ங் தாவ பாளிஆக³தமேவ.
ஸம்ப³ஹுலவாரோ பன அனாக³தோ, ஸோ ஏவங் த³ட்ட²ப்³போ³ – ஸத்தி ஸிரி வச்சோ² நந்தி³ ஸோவத்திகோ வடங்ஸகோ வட்³ட⁴மானகங் மச்ச²யுக³லங் ப⁴த்³த³பீட²ங் அங்குஸங்
ஆயதபண்ஹீதி
தீ³க⁴ங்கு³லீதி யதா² அஞ்ஞேஸங் காசி அங்கு³லி தீ³கா⁴ ஹோதி, காசி ரஸ்ஸா, ந ஏவங் ததா²க³தஸ்ஸ. ததா²க³தஸ்ஸ பன மக்கடஸ்ஸேவ தீ³க⁴ஹத்த²பாத³ங்கு³லியோ மூலே தூ²லா அனுபுப்³பே³ன க³ந்த்வா அக்³கே³ தனுகா நிய்யாஸதேலேன மத்³தி³த்வா வட்டிதஹரிதாலவட்டிஸதி³ஸா ஹொந்தி. தேன வுத்தங் ‘‘தீ³க⁴ங்கு³லீ’’தி.
முது³தலுனஹத்த²பாதோ³தி ஸப்பிமண்டே³ ஓஸாதெ³த்வா ட²பிதங் ஸதவாரவிஹதகப்பாஸபடலங் விய முதூ³, ஜாதமத்தகுமாரஸ்ஸ விய ச நிச்சகாலங் தலுனா ச ஹத்த²பாதா³ அஸ்ஸாதி முது³தலுனஹத்த²பாதோ³.
ஜாலஹத்த²பாதோ³தி ந சம்மேன படிப³த்³த⁴அங்கு³லந்தரோ. ஏதி³ஸோ ஹி ப²ணஹத்த²கோ புரிஸதோ³ஸேன உபஹதோ பப்³ப³ஜ்ஜம்பி ந லப⁴தி. ததா²க³தஸ்ஸ பன சதஸ்ஸோ ஹத்த²ங்கு³லியோ பஞ்சபி பாத³ங்கு³லியோ ஏகப்பமாணா ஹொந்தி, தாஸங் ஏகப்பமாணத்தாய யவலக்க²ணங் அஞ்ஞமஞ்ஞங் படிவிஜ்ஜி²த்வா திட்ட²தி. அத²ஸ்ஸ ஹத்த²பாதா³ குஸலேன வட்³ட⁴கினா யோஜிதஜாலவாதபானஸதி³ஸா ஹொந்தி. தேன வுத்தங் ‘‘ஜாலஹத்த²பாதோ³’’தி.
உத்³த⁴ங் பதிட்டி²தகொ³ப்ப²கத்தா உஸ்ஸங்கா² பாதா³ அஸ்ஸாதி உஸ்ஸங்க²பாதோ³. அஞ்ஞேஸஞ்ஹி பிட்டி²பாதே³ கொ³ப்ப²கா ஹொந்தி. தேன தேஸங் பாதா³ ஆணிப³த்³தா⁴ விய த²த்³தா⁴ ஹொந்தி, ந யதா²ஸுக²ங் பரிவத்தந்தி, க³ச்ச²ந்தானங் பாத³தலானி ந தி³ஸ்ஸந்தி
ஏணிஜங்கோ⁴தி ஏணிமிக³ஸதி³ஸஜங்கோ⁴ மங்ஸுஸ்ஸதே³ன பரிபுண்ணஜங்கோ⁴, ந ஏகதோ ப³த்³த⁴பிண்டி³கமங்ஸோ
அனோனமந்தோதி அனமந்தோ. ஏதேனஸ்ஸ அகு²ஜ்ஜஅவாமனபா⁴வோ தீ³பிதோ. அவஸேஸஜனா ஹி கு²ஜ்ஜா வா ஹொந்தி வாமனா வா, கு²ஜ்ஜானங் உபரிமகாயோ அபரிபுண்ணோ ஹோதி, வாமனானங் ஹெட்டி²மகாயோ. தே அபரிபுண்ணகாயத்தா ந ஸக்கொந்தி அனோனமந்தா ஜண்ணுகானி பரிமஜ்ஜிதுங். ததா²க³தோ பன பரிபுண்ணஉப⁴யகாயத்தா ஸக்கோதி.
உஸப⁴வாரணாதீ³னங் விய ஸுவண்ணபது³மகண்ணிகஸதி³ஸே கோஸே ஓஹிதங் படிச்ச²ன்னங் வத்த²கு³ய்ஹங் அஸ்ஸாதி கோஸோஹிதவத்த²கு³ய்ஹோ. வத்த²கு³ய்ஹந்தி வத்தே²ன கூ³ஹிதப்³ப³ங் அங்க³ஜாதங் வுச்சதி.
ஸுவண்ணவண்ணோதி ஜாதிஹிங்கு³லகேன மஜ்ஜித்வா தீ³பிதா³டா²ய க⁴ங்ஸித்வா கே³ருகபரிகம்மங் கத்வா ட²பிதக⁴னஸுவண்ணரூபகஸதி³ஸோதி அத்தோ². ஏதேனஸ்ஸ க⁴னஸினித்³த⁴ஸண்ஹஸரீரதங் த³ஸ்ஸெத்வா ச²விவண்ணத³ஸ்ஸனத்த²ங் கஞ்சனஸன்னிப⁴த்தசோதி வுத்தங், புரிமஸ்ஸ வா வேவசனமேவ ஏதங்.
ரஜோஜல்லந்தி ந உபலிம்பதீதி ந லக்³க³தி, பது³மபலாஸதோ உத³கபி³ந்து³ விய விவட்டதி. ஹத்த²தோ⁴வனபாத³தோ⁴வனாதீ³னி பன உதுக்³க³ஹணத்தா²ய சேவ தா³யகானங் புஞ்ஞப²லத்தா²ய ச பு³த்³தா⁴ கரொந்தி, வத்தஸீஸேனாபி ச கரொந்தியேவ. ஸேனாஸனங் பவிஸந்தேன ஹி பி⁴க்கு²னா பாதே³ தோ⁴வித்வா பவிஸிதப்³ப³ந்தி வுத்தமேதங்.
உத்³த⁴க்³க³லோமோதி ஆவட்டபரியோஸானே உத்³த⁴க்³கா³னி ஹுத்வா முக²ஸோப⁴ங் உல்லோகயமானானி விய டி²தானி லோமானி அஸ்ஸாதி உத்³த⁴க்³க³லோமோ.
ப்³ரஹ்முஜுக³த்தோதி
ஸத்துஸ்ஸதோ³தி த்³வே ஹத்த²பிட்டி²யோ த்³வே பாத³பிட்டி²யோ த்³வே அங்ஸகூடானி க²ந்தோ⁴தி இமேஸு ஸத்தஸு டா²னேஸு பரிபுண்ணமங்ஸுஸ்ஸதோ³ அஸ்ஸாதி ஸத்துஸ்ஸதோ³. அஞ்ஞேஸங் பன ஹத்த²பாத³பிட்டீ²ஸு ந்ஹாருஜாலா பஞ்ஞாயந்தி, அங்ஸகூடக²ந்தே⁴ஸு
ஸீஹஸ்ஸ புப்³ப³த்³த⁴ங் விய காயோ அஸ்ஸாதி ஸீஹபுப்³ப³த்³த⁴காயோ. ஸீஹஸ்ஸ ஹி புரத்தி²மகாயோவ பரிபுண்ணோ ஹோதி, பச்சி²மகாயோ அபரிபுண்ணோ. ததா²க³தஸ்ஸ பன ஸீஹஸ்ஸ புப்³ப³த்³த⁴காயோவ ஸப்³போ³ காயோ பரிபுண்ணோ. ஸோபி ஸீஹஸ்ஸேவ ந தத்த² தத்த² வினதுன்னதாதி³வஸேன து³ஸ்ஸண்டி²தவிஸண்டி²தோ, தீ³க⁴யுத்தடா²னே பன தீ³கோ⁴, ரஸ்ஸகிஸதூ²லஅனுவட்டிதயுத்தட்டா²னேஸு ததா²விதோ⁴வ ஹோதி. வுத்தஞ்ஹேதங் –
‘‘மனாபியே ச கோ², பி⁴க்க²வே, கம்மவிபாகே பச்சுபட்டி²தே யேஹி அங்கே³ஹி தீ³கே⁴ஹி ஸோப⁴தி, தானி அங்கா³னி தீ³கா⁴னி ஸண்ட²ஹந்தி. யேஹி அங்கே³ஹி ரஸ்ஸேஹி ஸோப⁴தி, தானி அங்கா³னி ரஸ்ஸானி ஸண்ட²ஹந்தி. யேஹி அங்கே³ஹி தூ²லேஹி ஸோப⁴தி, தானி அங்கா³னி தூ²லானி ஸண்ட²ஹந்தி. யேஹி அங்கே³ஹி கிஸேஹி ஸோப⁴தி, தானி அங்கா³னி கிஸானி ஸண்ட²ஹந்தி. யேஹி அங்கே³ஹி வட்டேஹி ஸோப⁴தி, தானி அங்கா³னி வட்டானி ஸண்ட²ஹந்தீ’’தி.
இதி
சிதந்தரங்ஸோதி
நிக்³ரோத⁴பரிமண்ட³லோதி யாவதக்வஸ்ஸ.
ஸமவட்டக்க²ந்தோ⁴தி ஸமவட்டிதக்க²ந்தோ⁴. யதா² ஏகே கோஞ்சா விய ப³கா விய வராஹா விய ச தீ³க⁴க³லா வங்கக³லா புது²லக³லா ச ஹொந்தி, கத²னகாலே ஸிராஜாலங் பஞ்ஞாயதி, மந்தோ³ ஸரோ நிக்க²மதி, ந ஏவங் தஸ்ஸ. ததா²க³தஸ்ஸ பன ஸுவட்டிதஸுவண்ணாலிங்க³ஸதி³ஸோ க²ந்தோ⁴ ஹோதி, கத²னகாலே ஸிராஜாலங் ந பஞ்ஞாயதி, மேக⁴ஸ்ஸ விய க³ஜ்ஜதோ ஸரோ மஹா ஹோதி.
ரஸக்³க³ஸக்³கீ³தி எத்த² ரஸங் க³ஸந்தீதி ரஸக்³க³ஸா
ஸீஹஸ்ஸேவ ஸீஹஹனு. தத்த² ஸீஹஸ்ஸ ஹெட்டி²மஹனுமேவ பரிபுண்ணங் ஹோதி, ந உபரிமங். ததா²க³தஸ்ஸ பன ஸீஹஸ்ஸ ஹெட்டி²மங் விய த்³வேபி பரிபுண்ணானி த்³வாத³ஸியங் பக்க²ஸ்ஸ சந்த³ஸதி³ஸானி ஹொந்தி.
சத்தாலீஸத³ந்தோதிஆதீ³ஸு உபரிமஹனுகே பதிட்டி²தா வீஸதி, ஹெட்டி²மே வீஸதீதி சத்தாலீஸ த³ந்தா அஸ்ஸாதி சத்தாலீஸத³ந்தோ. அஞ்ஞேஸஞ்ஹி பரிபுண்ணத³ந்தானம்பி த்³வத்திங்ஸ த³ந்தா ஹொந்தி, ததா²க³தஸ்ஸ சத்தாலீஸங்.
அஞ்ஞேஸஞ்ச
அஞ்ஞேஸங் கும்பீ⁴லானங் விய த³ந்தா விரளா ஹொந்தி, மச்ச²மங்ஸாதீ³னி கா²த³ந்தானங் த³ந்தந்தரங் பூரதி. ததா²க³தஸ்ஸ பன கனகலதாய ஸமுஸ்ஸாபிதவஜிரபந்தி விய அவிரளா துலிகாய த³ஸ்ஸிதபரிச்சே²தா³ விய த³ந்தா ஹொந்தி.
ஸுஸுக்கதா³டோ²தி அஞ்ஞேஸஞ்ச பூதித³ந்தா உட்ட²ஹந்தி, தேன காசி தா³டா² காளாபி விவண்ணாபி ஹொந்தி. ததா²க³தோ ஸுஸுக்கதா³டோ²
பஹூதஜிவ்ஹோதி அஞ்ஞேஸங் ஜிவ்ஹா தூ²லாபி ஹோதி கிஸாபி ரஸ்ஸாபி த²த்³தா⁴பி விஸமாபி, ததா²க³தஸ்ஸ பன முது³ தீ³கா⁴ புது²லா வண்ணஸம்பன்னா ஹோதி. ஸோ தங் லக்க²ணங் பரியேஸிதுங் ஆக³தானங் கங்கா²வினோத³னத்த²ங் முது³கத்தா தங் ஜிவ்ஹங் கதி²னஸூசிங் விய வட்டெத்வா உபோ⁴ நாஸிகஸோதானி பராமஸதி, தீ³க⁴த்தா உபோ⁴ கண்ணஸோதானி பராமஸதி, புது²லத்தா கேஸந்தபரியோஸானங் கேவலம்பி நலாடங் படிச்சா²தே³தி. ஏவங் தஸ்ஸா முது³தீ³க⁴புது²லபா⁴வங் பகாஸெந்தோ கங்க²ங் வினோதே³தி. ஏவங் திலக்க²ணஸம்பன்னங் ஜிவ்ஹங் ஸந்தா⁴ய ‘‘பஹூதஜிவ்ஹோ’’தி வுத்தங்.
ப்³ரஹ்மஸ்ஸரோதி அஞ்ஞே சி²ன்னஸ்ஸராபி பி⁴ன்னஸ்ஸராபி காகஸ்ஸராபி ஹொந்தி, ததா²க³தோ பன மஹாப்³ரஹ்முனோ ஸரஸதி³ஸேன ஸரேன ஸமன்னாக³தோ. மஹாப்³ரஹ்முனோ ஹி பித்தஸெம்ஹேஹி அபலிபு³த்³த⁴த்தா ஸரோ விஸுத்³தோ⁴ ஹோதி. ததா²க³தேனாபி கதகம்மங் வத்து²ங் ஸோதே⁴தி, வத்து²ஸ்ஸ ஸுத்³த⁴த்தா நாபி⁴தோ பட்டா²ய ஸமுட்ட²ஹந்தோ ஸரோ விஸுத்³தோ⁴ அட்ட²ங்க³ஸமன்னாக³தோவ ஸமுட்டா²தி. கரவிகோ விய ப⁴ணதீதி கரவிகபா⁴ணீ, மத்தகரவிகருதமஞ்ஜுகோ⁴ஸோதி அத்தோ².
தத்ரித³ங்
அஸந்தி⁴மித்தாபி த⁴ம்மாஸோகஸ்ஸ தே³வீ – ‘‘அத்தி² நு கோ², ப⁴ந்தே, பு³த்³த⁴ஸத்³தே³ன ஸதி³ஸோ கஸ்ஸசி ஸத்³தோ³’’தி ஸங்க⁴ங் புச்சி². அத்தி² கரவிகஸகுணஸ்ஸாதி. குஹிங், ப⁴ந்தே, ஸகுணாதி? ஹிமவந்தேதி. ஸா ராஜானங் ஆஹ, – ‘‘தே³வ, கரவிகஸகுணங் த³ட்டு²காமா’’தி. ராஜா ‘‘இமஸ்மிங் பஞ்ஜரே நிஸீதி³த்வா கரவிகோ ஆக³ச்ச²தூ’’தி ஸுவண்ணபஞ்ஜரங் விஸ்ஸஜ்ஜேஸி. பஞ்ஜரோ க³ந்த்வா ஏகஸ்ஸ கரவிகஸ்ஸ புரதோ அட்டா²ஸி. ஸோ ‘‘ராஜாணாய ஆக³தோ பஞ்ஜரோ, ந ஸக்கா அக³ந்து’’ந்தி தத்த² நிஸீதி³. பஞ்ஜரோ ஆக³ந்த்வா ரஞ்ஞோ புரதோவ அட்டா²ஸி. கரவிகங் ஸத்³த³ங் காராபேதுங் ந ஸக்கொந்தி. அத² ராஜா ‘‘கத²ங் ப⁴ணே இமே ஸத்³த³ங் கரொந்தீ’’தி ஆஹ? ஞாதகே தி³ஸ்வா தே³வாதி. அத² நங் ராஜா ஆதா³ஸேஹி பரிக்கி²பாபேஸி. ஸோ அத்தனோவ சா²யங் தி³ஸ்வா ‘‘ஞாதகா மே ஆக³தா’’தி மஞ்ஞமானோ பக்கே²ன தாளங் த³த்வா மஞ்ஜுஸ்ஸரேன மணிவங்ஸங் த⁴மமானோ விய விரவி. ஸகலனக³ரே மனுஸ்ஸா மத்தா விய லளிங்ஸு. அஸந்தி⁴மித்தா சிந்தேஸி – ‘‘இமஸ்ஸ தாவ திரச்சா²னஸ்ஸ ஏவங் மது⁴ரோ ஸத்³தோ³, கீதி³ஸோ நு கோ² ஸப்³ப³ஞ்ஞுதஞ்ஞாணஸிரிப்பத்தஸ்ஸ ப⁴க³வதோ
அபி⁴னீலனெத்தோதி ந ஸகலனீலனெத்தோவ, நீலயுத்தட்டா²னே பனஸ்ஸ உமாபுப்ப²ஸதி³ஸேன அதிவிஸுத்³தே⁴ன நீலவண்ணேன ஸமன்னாக³தானி அக்கீ²னி ஹொந்தி. பீதயுத்தட்டா²னே கணிகாரபுப்ப²ஸதி³ஸேன பீதவண்ணேன, லோஹிதயுத்தட்டா²னே
கோ³பகு²மோதி எத்த² பகு²மந்தி ஸகலங் சக்கு²ப⁴ண்ட³ங் அதி⁴ப்பேதங். தங் காளவச்ச²கஸ்ஸ ப³ஹலதா⁴துகங்
உண்ணாதி உண்ணலோமங். ப⁴முகந்தரேதி ஓதா³தாதி பரிஸுத்³தா⁴ ஓஸதி⁴தாரகவண்ணா. முதூ³தி ஸப்பிமண்டே³ ஓஸாதெ³த்வா ட²பிதஸதவாரவிஹதகப்பாஸபடலஸதி³ஸா. தூலஸன்னிபா⁴தி ஸிம்ப³லிதூலலதாதூலஸமானா, அயமஸ்ஸா ஓதா³ததாய உபமா. ஸா பனேஸா கோடியங் க³ஹெத்வா ஆகட்³டி⁴யமானா உபட்³ட⁴பா³ஹுப்பமாணா ஹோதி, விஸ்ஸட்டா² த³க்கி²ணாவட்டவஸேன ஆவட்டித்வா உத்³த⁴க்³கா³ ஹுத்வா ஸந்திட்ட²தி, ஸுவண்ணப²லகமஜ்ஜே² ட²பிதரஜதபுப்பு²ளகா விய ஸுவண்ணக⁴டதோ நிக்க²மமானா கீ²ரதா⁴ரா விய அருணப்பபா⁴ரஞ்ஜிதே க³மனதலே ஓஸதி⁴தாரகா விய ச அதிமனோஹராய ஸிரியா விரோசதி.
உண்ஹீஸஸீஸோதி இத³ங் பரிபுண்ணனலாடதஞ்சேவ பரிபுண்ணஸீஸதஞ்சாதி த்³வே அத்த²வஸே படிச்ச வுத்தங். ததா²க³தஸ்ஸ ஹி த³க்கி²ணகண்ணசூளிகதோ பட்டா²ய மங்ஸபடலங் உட்ட²ஹித்வா ஸகலங் நலாடங் சா²த³யமானங் பூரயமானங் க³ந்த்வா வாமகண்ணசூளிகாய பதிட்டி²தங், ரஞ்ஞோ ப³த்³த⁴உண்ஹீஸபட்டோ விய விரோசதி. பச்சி²மப⁴விகபோ³தி⁴ஸத்தானங் கிர இமங் லக்க²ணங் விதி³த்வா ராஜூனங் உண்ஹீஸபட்டங் அகங்ஸு, அயங் தாவ ஏகோ அத்தோ². அஞ்ஞே பன ஜனா அபரிபுண்ணஸீஸா ஹொந்தி, கேசி
இமானி பன மஹாபுரிஸலக்க²ணானி கம்மங் கம்மஸரிக்க²கங் லக்க²ணங் லக்க²ணானிஸங்ஸந்தி இமே சத்தாரோ கொட்டா²ஸே ஏகேகஸ்மிங் லக்க²ணே த³ஸ்ஸெத்வா கதி²தானி ஸுகதி²தானி ஹொந்தி. தஸ்மா ப⁴க³வதா லக்க²ணஸுத்தே (தீ³॰ நி॰ 3.200-202) வுத்தானி இமானி கம்மாதீ³னி த³ஸ்ஸெத்வா கதே²தப்³பா³னி ஸுமங்க³லவிலாஸினியா தீ³க⁴னிகாயட்ட²கதா²ய தஸ்ஸேவ ஸுத்தஸ்ஸ வண்ணனாய வுத்தனயேன க³ஹேதப்³பா³னி.
இமேஹி கோ², போ⁴, ஸோ ப⁴வங் கோ³தமோதி, போ⁴ ஆசரிய, இமேஹி த்³வத்திங்ஸமஹாபுரிஸலக்க²ணேஹி ஸோ ப⁴வங் கோ³தமோ ஸமன்னாக³தோ தே³வனக³ரே ஸமுஸ்ஸிதரதனவிசித்தங் ஸுவண்ணதோரணங் விய யோஜனஸதுப்³பே³தோ⁴ ஸப்³ப³பாலிபு²ல்லோ பாரிச்ச²த்தகோ விய ஸேலந்தரம்ஹி ஸுபுப்பி²தஸாலருக்கோ² விய தாராக³ணபடிமண்டி³தக³க³னதலமிவ ச அத்தனோ ஸிரிவிப⁴வேன லோகங் ஆலோகங் குருமானோ விய சரதீதி இமத்த²ம்பி தீ³பெத்வா கிரியாசாரங் ஆசிக்கி²துங் க³ச்ச²ந்தோ கோ² பனாதிஆதி³மாஹ.
387. த³க்கி²ணேனாதி பு³த்³தா⁴னஞ்ஹி ட²த்வா வா நிஸீதி³த்வா வா நிபஜ்ஜித்வா வா க³மனங் அபி⁴னீஹரந்தானங் த³க்கி²ணபாதோ³வ புரதோ ஹோதி. ஸததபாடிஹாரியங் கிரேதங். நாதிதூ³ரே பாத³ங் உத்³த⁴ரதீதி தங் த³க்கி²ணபாத³ங் ந அதிதூ³ரே ட²பெஸ்ஸாமீதி உத்³த⁴ரதி. அதிதூ³ரஞ்ஹி அபி⁴ஹரியமானே த³க்கி²ணபாதே³ன வாமபாதோ³ ஆகட்³டி⁴யமானோ க³ச்செ²ய்ய, த³க்கி²ணபாதோ³பி தூ³ரங் க³ந்துங் ந ஸக்குணெய்ய, ஆஸன்னேயேவ பதிட்ட²ஹெய்ய, ஏவங் ஸதி பத³விச்சே²தோ³ நாம ஹோதி. த³க்கி²ணபாதே³ பன பமாணேனேவ உத்³த⁴தே வாமபாதோ³பி பமாணேனேவ உத்³த⁴ரியதி, பமாணேன உத்³த⁴தோ பதிட்ட²ஹந்தோபி பமாணேயேவ பதிட்டா²தி. ஏவமனேன ததா²க³தஸ்ஸ த³க்கி²ணபாத³கிச்சங் வாமபாதே³ன நியமிதங், வாமபாத³கிச்சங் த³க்கி²ணபாதே³ன நியமிதந்தி வேதி³தப்³ப³ங்.
நாதிஸீக⁴ந்தி தி³வா விஹாரப⁴த்தத்தா²ய க³ச்ச²ந்தோ பி⁴க்கு² விய ந அதிஸீக⁴ங் க³ச்ச²தி. நாதிஸணிகந்தி யதா² பச்ச²தோ ஆக³ச்ச²ந்தோ ஓகாஸங் ந லப⁴தி, ஏவங் ந அதிஸணிகங் க³ச்ச²தி. அத்³து³வேன அத்³து³வந்தி ஜண்ணுகேன ஜண்ணுகங், ந ஸத்தி²ங் உன்னாமேதீதி க³ம்பீ⁴ரே உத³கே க³ச்ச²ந்தோ விய ந ஊருங் உன்னாமேதி. ந ஓனாமேதீதி ருக்க²ஸாகா²சே²த³னத³ண்ட³ங்குஸபாதோ³ விய ந பச்ச²தோ ஓஸக்காபேதி. ந ஸன்னாமேதீதி ஓப³த்³தா⁴னாப³த்³த⁴ட்டா²னேஹி பாத³ங் கொட்டெந்தோ விய ந த²த்³த⁴ங் கரோதி. ந வினாமேதீதி யந்தரூபகங் கீளாபெந்தோ விய ந இதோ சிதோ ச சாலேதி. அத⁴ரகாயோவாதி ஹெட்டி²மகாயோவ இஞ்ஜதி, உபரிமகாயோ நாவாய ட²பிதஸுவண்ணபடிமா விய நிச்சலோ ஹோதி. தூ³ரே ட²த்வா ஓலோகெந்தோ ஹி பு³த்³தா⁴னங் டி²தபா⁴வங் வா க³மனபா⁴வங் வா ந ஜானாதி காயப³லேனாதி பா³ஹா கி²பந்தோ ஸரீரதோ ஸேதே³ஹி முச்சந்தேஹி ந காயப³லேன க³ச்ச²தி. ஸப்³ப³காயேனேவாதி கீ³வங் அபரிவத்தெத்வா ராஹுலோவாதே³ வுத்தனாகா³பலோகிதவஸேனேவ அபலோகேதி.
ந உத்³த⁴ந்திஆதீ³ஸு நக்க²த்தானி க³ணெந்தோ விய ந உத்³த⁴ங் உல்லோகேதி, நட்ட²ங் காகணிகங் வா மாஸகங் வா பரியேஸந்தோ விய ந அதோ⁴ ஓலோகேதி, ந ஹத்தி²அஸ்ஸாத³யோ பஸ்ஸந்தோ விய இதோ சிதோ ச விபெக்க²மானோ க³ச்ச²தி. யுக³மத்தந்தி நவவித³த்தி²மத்தே சக்கூ²னி ட²பெத்வா க³ச்ச²ந்தோ யுக³மத்தங் பெக்க²தி நாம, ப⁴க³வாபி யுகே³ யுத்தோ ஸுத³ந்தஆஜானீயோ விய எத்தகங் பஸ்ஸந்தோ க³ச்ச²தி. ததோ சஸ்ஸ உத்தரீதி யுக³மத்ததோ பரங் ந பஸ்ஸதீதி ந வத்தப்³போ³. ந ஹி குட்டங் வா கவாடங் வா க³ச்சோ² வா லதா வா ஆவரிதுங் ஸக்கோதி, அத² க்²வஸ்ஸ அனாவரணஞாணஸ்ஸ அனேகானி சக்கவாளஸஹஸ்ஸானி ஏகங்க³ணானேவ ஹொந்தி. அந்தரக⁴ரந்தி ஹெட்டா² மஹாஸகுலுதா³யிஸுத்தே இந்த³கீ²லதோ பட்டா²ய அந்தரக⁴ரங், இத⁴ க⁴ரஉம்மாரதோ பட்டா²ய வேதி³தப்³ப³ங். ந காயந்திஆதி³ பகதிஇரியபதே²னேவ பவிஸதீதி த³ஸ்ஸனத்த²ங் வுத்தங். த³லித்³த³மனுஸ்ஸானங் நீசக⁴ரகங் பவிஸந்தேபி ஹி ததா²க³தே ச²த³னங் வா உக்³க³ச்ச²தி, பத²வீ வா ஓக³ச்ச²தி, ப⁴க³வா பன பகதிக³மனேனேவ க³ச்ச²தி. நாதிதூ³ரேதி அதிதூ³ரே பரிவத்தந்தேன ஹி ஏகங் த்³வே பத³வாரே பிட்டி²பா⁴கே³ன க³ந்த்வா நிஸீதி³தப்³ப³ங் ஹோதி. நாச்சாஸன்னேதி அச்சாஸன்னே பரிவத்தந்தேன ஏகங் த்³வே பத³வாரே புரதோ க³ந்த்வா நிஸீதி³தப்³ப³ங் ஹோதி. தஸ்மா யஸ்மிங் பத³வாரே டி²தேன புரதோ வா பச்ச²தோ வா அக³ந்த்வா நிஸீதி³தப்³ப³ங் ஹோதி, தத்த² பரிவத்ததி.
பாணினாதி கடிவாதாபா³தி⁴கோ விய ந ஆஸனங் ஹத்தே²ஹி க³ஹெத்வா நிஸீத³தி. பக்கி²பதீதி யோ கிஞ்சி கம்மங் கத்வா கீளந்தோ டி²தகோவ பததி, யோபி ஓரிமங் அங்க³ங் நிஸ்ஸாய நிஸின்னோ க⁴ங்ஸந்தோ யாவ பாரிமங்கா³ க³ச்ச²தி, பாரிமங்க³ங் ஹத்த²குக்குச்சந்தி பத்தமுக²வட்டியங் உத³கபி³ந்து³ட²பனங் மக்கி²கபீ³ஜனியா பண்ணச்சே²த³னபா²லனாதி³ ஹத்தே²ன அஸங்யதகரணங். பாத³குக்குச்சந்தி பாதே³ன பூ⁴மிக⁴ங்ஸனாதி³ அஸங்யதகரணங்.
ந ச²ம்ப⁴தீதி ந பா⁴யதி. ந கம்பதீதி ந ஓஸீத³தி. ந வேத⁴தீதி ந சலதி. ந பரிதஸ்ஸதீதி ப⁴யபரிதஸ்ஸனாயபி தண்ஹாபரிதஸ்ஸனாயபி ந பரிதஸ்ஸதி. ஏகச்சோ ஹி த⁴ம்மகதா²தீ³னங் அத்தா²ய விவேகாவட்டோதி விவேகே நிப்³பா³னே ஆவட்டமானஸோ ஹுத்வா. விவேகவத்தோதிபி பாடோ², விவேகவத்தயுத்தோ ஹுத்வாதி அத்தோ². விவேகவத்தங் நாம கதப⁴த்தகிச்சஸ்ஸ பி⁴க்கு²னோ தி³வாவிஹாரே ஸமத²விபஸ்ஸனாவஸேன மூலகம்மட்டா²னங் க³ஹெத்வா பல்லங்கங் ஆபு⁴ஜித்வா நிஸீத³னங். ஏவங் நிஸின்னஸ்ஸ ஹி இரியாபதோ² உபஸந்தோ ஹோதி.
ந பத்தங் உன்னாமேதீதிஆதீ³ஸு ஏகச்சோ பத்தமுக²வட்டியா உத³கதா³னங் ஆஹரந்தோ விய பத்தங் உன்னாமேதி, ஏகோ பாத³பிட்டி²யங் ட²பெந்தோ விய ஓனாமேதி, ஏகோ ப³த்³த⁴ங் கத்வா க³ண்ஹாதி, ஏகோ இதோ சிதோ ச ப²ந்தா³பேதி, ஏவங் அகத்வா உபோ⁴ஹி ஹத்தே²ஹி க³ஹெத்வா ஈஸகங் நாமெத்வா உத³கங் படிக்³க³ண்ஹாதீதி அத்தோ². ந ஸம்பரிவத்தகந்தி பரிவத்தெத்வா பட²மமேவ பத்தபிட்டி²ங் ந தோ⁴வதி. நாதிதூ³ரேதி யதா² நிஸின்னாஸனதோ தூ³ரே பததி, ந ஏவங் ச²ட்³டே³தி. நாச்சாஸன்னேதி பாத³மூலேயேவ ந ச²ட்³டே³தி. விச்ச²ட்³ட³யமானோதி
நாதிதோ²கந்தி அதிப³ஹுந்தி யாபனமத்ததோ அதிரேகங். ப்³யஞ்ஜனமத்தாயாதி ப்³யஞ்ஜனஸ்ஸ மத்தா நாம ஓத³னதோ சதுத்தோ² பா⁴கோ³. ஏகச்சோ ஹி ப⁴த்தே மனாபே ப⁴த்தங் ப³ஹுங் க³ண்ஹாதி, ப்³யஞ்ஜனே மனாபே ப்³யஞ்ஜனங் ப³ஹுங். ஸத்தா² பன ததா² ந க³ண்ஹாதி. ந ச ப்³யஞ்ஜனேனாதி அமனாபஞ்ஹி ப்³யஞ்ஜனங் ட²பெத்வா ப⁴த்தமேவ பு⁴ஞ்ஜந்தோ, ப⁴த்தங் வா ட²பெத்வா ப்³யஞ்ஜனமேவ கா²த³ந்தோ ப்³யஞ்ஜனேன ஆலோபங் அதினாமேதி நாம. ஸத்தா² ஏகந்தரிகங் ப்³யஞ்ஜனங் க³ண்ஹாதி, ப⁴த்தம்பி ப்³யஞ்ஜனம்பி ஏகதோவ நிட்ட²ந்தி. த்³வத்திக்க²த்துந்தி ததா²க³தஸ்ஸ ஹி புது²ஜிவ்ஹாய த³ந்தானங் உபனீதபோ⁴ஜனங் த்³வத்திக்க²த்துங் த³ந்தேஹி பு²ட்ட²மத்தமேவ ஸண்ஹகரணீயபிட்ட²விலேபனங் விய ஹோதி, தஸ்மா ஏவமாஹ. ந முகே² அவஸிட்டா²தி பொக்க²ரபத்தே பதிதஉத³கபி³ந்து³ விய வினிவத்தித்வா பரக³லமேவ யாதி, தஸ்மா அவஸிட்டா² ந ஹோதி. ரஸபடிஸங்வேதீ³தி மது⁴ரதித்தகது³காதி³ரஸங் ஜானாதி. பு³த்³தா⁴னஞ்ஹி அந்தமஸோ பானீயேபி தி³ப்³போ³ஜா பக்கி²த்தாவ ஹோதி, தேன நேஸங் ஸப்³ப³த்தே²வ ரஸோ பாகடோ ஹோதி, ரஸகே³தோ⁴ பன நத்தி².
அட்ட²ங்க³ஸமன்னாக³தந்தி விஸுத்³தி⁴மக்³கே³ பனஸ்ஸ ஹத்தே²ஸு தோ⁴தேஸூதி ஸத்தா² கிங் கரோதி? பட²மங் பத்தஸ்ஸ க³ஹணட்டா²னங் தோ⁴வதி. தத்த² பத்தங் க³ஹெத்வா ஸுகு²மஜாலஹத்த²ங் பேஸெத்வா த்³வே வாரே ஸஞ்சாரேதி. எத்தாவதா பொக்க²ரபத்தே பதிதஉத³கங் விய வினிவத்தித்வா க³ச்ச²தி. ந ச அனத்தி²கோதி யதா² ஏகச்சோ பத்தங் ஆதா⁴ரகே ட²பெத்வா பத்தே உத³கங் ந புஞ்ச²தி, ரஜே பதந்தே அஜ்ஜு²பெக்க²தி, ந ஏவங் கரோதி. ந ச அதிவேலானுரக்கீ²தி யதா² ஏகச்சோ பமாணாதிக்கந்தங் ஆரக்க²ங் ட²பேதி, பு⁴ஞ்ஜித்வா வா பத்தே உத³கங் புஞ்சி²த்வா சீவரபோ⁴க³ந்தரங் பவேஸெத்வா பத்தங் உத³ரேன அக்கமித்வா க³ண்ஹாதி, ந ஏவங் கரோதி.
ந ச அனுமோத³னஸ்ஸாதி யோ ஹி பு⁴த்தமத்தோவ தா³ரகேஸு ப⁴த்தத்தா²ய ரோத³ந்தேஸு சா²தஜ்ஜ²த்தேஸு மனுஸ்ஸேஸு பு⁴ஞ்ஜித்வா அனாக³தெஸ்வேவ அனுமோத³னங் ஆரப⁴தி, ததோ ஸப்³ப³கம்மானி ச²ட்³டெ³த்வா ஏகச்சே ஆக³ச்ச²ந்தி, ஏகச்சே அனாக³தாவ ஹொந்தி, அயங் காலங் அதினாமேதி. யோபி மனுஸ்ஸேஸு
ந தங் ப⁴த்தந்தி கிங் ப⁴த்தங் நாமேதங் உத்தண்டு³லங் அதிகிலின்னந்திஆதீ³னி வத்வா ந க³ரஹதி. ந அஞ்ஞங் ப⁴த்தந்தி ஸ்வாதனாய வா புனதி³வஸாய வா ப⁴த்தங் உப்பாதெ³ஸ்ஸாமீதி ஹி அனுமோத³னங் கரொந்தோ அஞ்ஞங் ப⁴த்தங் படிகங்க²தி. யோ வா – ‘‘யாவ மாதுகா³மானங் ப⁴த்தங் பச்சதி, தாவ அனுமோத³னங் கரிஸ்ஸாமி, அத² மே அனுமோத³னாவஸானே அத்தனோ பக்கப⁴த்ததோபி தோ²கங் த³ஸ்ஸந்தீ’’தி அனுமோத³னங் வட்³டே⁴தி, அயம்பி படிகங்க²தி நாம. ஸத்தா² ந ஏவங் கரோதி. ந ச முச்சிதுகாமோதி ஏகச்சோ ஹி படிஸங்முஞ்சித்வா க³ச்ச²தி, வேகே³ன அனுப³ந்தி⁴தப்³போ³ ஹோதி. ஸத்தா² பன ந ஏவங் க³ச்ச²தி, பரிஸாய மஜ்ஜே² டி²தோவ க³ச்ச²தி. அச்சுக்கட்ட²ந்தி யோ ஹி யாவ ஹனுகட்டி²தோ உக்கி²பித்வா பாருபதி, தஸ்ஸ அச்சுக்கட்ட²ங் நாம ஹோதி. யோ யாவ கொ³ப்ப²கா ஓதாரெத்வாவ பாருபதி, தஸ்ஸ அச்சுக்கட்ட²ங் ஹோதி. யோபி உப⁴தோ உக்கி²பித்வா உத³ரங் விவரித்வா யாதி, தஸ்ஸபி அச்சுக்கட்ட²ங் ஹோதி. யோ ஏகங்ஸங் கத்வா த²னங் விவரித்வா யாதி, தஸ்ஸபி அச்சுக்கட்ட²ங். ஸத்தா² தங் ஸப்³ப³ங் ந கரோதி.
அல்லீனந்தி அபகட்ட²ந்தி க²லிஸாடகோ விய காயதோ முச்சித்வாபி ந திட்ட²தி. வாதோதி வேரம்ப⁴வாதோபி உட்ட²ஹித்வா சாலேதுங் ந ஸக்கோதி. பாத³மண்ட³னானுயோக³ந்தி இட்ட²காய க⁴ங்ஸனாதீ³ஹி பாத³ஸோபா⁴னுயோக³ங். பக்கா²லெத்வாதி பாதே³னேவ பாத³ங் தோ⁴வித்வா. ஸோ நேவ அத்தப்³யாபா³தா⁴யாதிஆதீ³னி ந புப்³பே³னிவாஸசேதோபரியஞாணானங் அத்தி²தாய வத³தி, இரியாபத²ஸந்ததங் பன தி³ஸ்வா அனுமானேன வத³தி. த⁴ம்மந்தி பரியத்தித⁴ம்மங். ந உஸ்ஸாதே³தீதி ந அபஸாதே³தீதி ‘‘கிங், உபாஸக, கத²ங் தே விஹாரமக்³கோ³ ஞாதோ? கிங் ப⁴யேன நாக³ச்ச²ஸி? ந ஹி பி⁴க்கூ² கிஞ்சி அச்சி²ந்தி³த்வா க³ண்ஹந்தி, மா பா⁴யீ’’தி
விஸ்ஸட்டோ²தி ஸினித்³தோ⁴ அபலிபு³த்³தோ⁴. விஞ்ஞெய்யோதி விஞ்ஞாபனீயோ பாகடோ, விஸ்ஸட்ட²த்தாயேவ சேஸ விஞ்ஞெய்யோ ஹோதி. மஞ்ஜூதி மது⁴ரோ. ஸவனீயோதி ஸோதஸுகோ², மது⁴ரத்தாயேவ சேஸ ஸவனீயோ ஹோதி. பி³ந்தூ³தி ஸம்பிண்டி³தோ. அவிஸாரீதி அவிஸடோ, பி³ந்து³த்தாயேவ சேஸ அவிஸாரீ ஹோதி. க³ம்பீ⁴ரோதி க³ம்பீ⁴ரஸமுட்டி²தோ. நின்னாதீ³தி நின்னாத³வா, க³ம்பீ⁴ரத்தாயேவ சேஸ நின்னாதீ³ ஹோதி. யதா²பரிஸந்தி சக்கவாளபரியந்தம்பி ஏகாப³த்³த⁴பரிஸங் விஞ்ஞாபேதி. ப³ஹித்³தா⁴தி அங்கு³லிமத்தம்பி பரிஸதோ ப³ஹித்³தா⁴ ந க³ச்ச²தி. தஸ்மா? ஸோ ஏவரூபோ மது⁴ரஸ்ஸரோ அகாரணா மா நஸ்ஸீதி. இதி ப⁴க³வதோ கோ⁴ஸோ பரிஸாய மத்த²கேனேவ சரதி.
அவலோகயமானாதி அவிஜஹிதத்தாதி யோ ஹி கத²ங் ஸுத்வா வுட்டி²தோ அஞ்ஞங் தி³ட்ட²ஸுதாதி³கங் கத²ங் கதெ²ந்தோ க³ச்ச²தி, ஏஸ ஸபா⁴வேன விஜஹதி நாம. யோ பன ஸுதத⁴ம்மகதா²ய வண்ணங் கதெ²ந்தோவ க³ச்ச²தி, அயங் ந விஜஹதி நாம, ஏவங் அவிஜஹந்தபா⁴வேன பக்கமந்தி. க³ச்ச²ந்தந்தி ரஜ்ஜுயந்தவஸேன ரதனஸத்துப்³பே³த⁴ங் ஸுவண்ணக்³கி⁴கங் விய க³ச்ச²ந்தங். அத்³த³ஸாம டி²தந்தி ஸமுஸ்ஸிதகஞ்சனபப்³ப³தங் விய டி²தங் அத்³த³ஸாம. ததோ ச பி⁴ய்யோதி வித்தா²ரெத்வா கு³ணே கதே²துங் அஸக்கொந்தோ அவஸேஸே கு³ணே ஸங்கி²பித்வா கலாபங் விய ஸுத்தகப³த்³த⁴ங் விய ச கத்வா விஸ்ஸஜ்ஜெந்தோ ஏவமாஹ. அயமெத்த² அதி⁴ப்பாயோ – மயா கதி²தகு³ணேஹி அகதி²தாவ ப³ஹுதரா. மஹாபத²விமஹாஸமுத்³தா³த³யோ விய ஹி தஸ்ஸ போ⁴தோ அனந்தா அப்பமெய்யா கு³ணா ஆகாஸமிவ வித்தா²ரிதாதி.
390. அப்படிஸங்விதி³தோதி ஜிண்ணோ வுட்³டோ⁴தி அத்தனோ உக்³க³தபா⁴வங் அகதெ²த்வா கஸ்மா ஏவமாஹ? பு³த்³தா⁴ நாம அனுத்³த³யஸம்பன்னா ஹொந்தி, மஹல்லகபா⁴வங் ஞத்வா ஸீக⁴ங் ஓகாஸங் கரிஸ்ஸதீதி ஏவமாஹ.
391. ஓரமிய ஓகாஸமகாஸீதி வேகே³ன உட்டா²ய த்³விதா⁴ பி⁴ஜ்ஜித்வா ஓகாஸமகாஸி.
யே மேதி யே மயா. நாரீஸமானஸவ்ஹயாதி நாரீஸமானநாமங் இத்தி²லிங்க³ங், தேன அவ்ஹாதப்³பா³தி நாரீஸமானஸவ்ஹயா, இத்தி²லிங்கே³ன வத்தப்³பா³தி வோஹாரகுஸலதாய ஏவங் வத³தி. பஹூதஜிவ்ஹோதி புது²லஜிவ்ஹோ. நின்னாமயேதந்தி நீஹர ஏதங்.
393. கேவலீதி ஸகலகு³ணஸம்பன்னோ.
394. பச்சபா⁴ஸீதி ஏகப்பஹாரேன புச்சி²தே அட்ட² பஞ்ஹே ப்³யாகரொந்தோ பதிஅபா⁴ஸி. யோ வேதீ³தி யோ வித³தி ஜானாதி, யஸ்ஸ புப்³பே³னிவாஸோ பாகடோ. ஸக்³கா³பாயஞ்ச பஸ்ஸதீதி தி³ப்³ப³சக்கு²ஞாணங் கதி²தங். ஜாதிக்க²யங் பத்தோதி அரஹத்தங் பத்தோ. அபி⁴ஞ்ஞா வோஸிதோதி தங் அரஹத்தங் அபி⁴ஜானித்வா வோஸிதோ வோஸானப்பத்தோ. முனீதி அரஹத்தஞாணமோனெய்யேன ஸமன்னாக³தோ.
விஸுத்³த⁴ந்தி பண்ட³ரங். முத்தங் ராகே³ஹீதி கிலேஸராகே³ஹி முத்தங். பஹீனஜாதிமரணோதி ஜாதிக்க²யப்பத்தத்தா பஹீனஜாதிகோ, ஜாதிபஹானேனேவ பஹீனமரணோ. ப்³ரஹ்மசரியஸ்ஸ கேவலீதி யங் ப்³ரஹ்மசரியஸ்ஸ கேவலீ ஸகலபா⁴வோ, தேன ஸமன்னாக³தோ, ஸகலசதுமக்³க³ப்³ரஹ்மசரியவாஸோதி அத்தோ². பாரகூ³ ஸப்³ப³த⁴ம்மானந்தி ஸப்³பே³ஸங் லோகியலோகுத்தரத⁴ம்மானங் அபி⁴ஞ்ஞாய பாரங் க³தோ, ஸப்³ப³த⁴ம்மே அபி⁴ஜானித்வா டி²தோதி அத்தோ². பாரகூ³தி வா எத்தாவதா பரிஞ்ஞாபாரகூ³ பஞ்சன்னங் க²ந்தா⁴னங், பஹானபாரகூ³ ஸப்³ப³கிலேஸானங் ஸப்³ப³த⁴ம்மானந்தி இமினா அபி⁴ஞ்ஞாபாரகூ³ வுத்தோதி. பு³த்³தோ⁴ தாதீ³ பவுச்சதீதி தாதி³ஸோ ச²ஹி
கிங் பன எத்தாவதா ஸப்³பே³ பஞ்ஹா விஸ்ஸஜ்ஜிதா ஹொந்தீதி? ஆம விஸ்ஸஜ்ஜிதா, சித்தங் விஸுத்³த⁴ங் ஜானாதி, முத்தங் ராகே³ஹீதி இமினா தாவ பா³ஹிதபாபத்தா ப்³ராஹ்மணோதி பட²மபஞ்ஹோ விஸ்ஸஜ்ஜிதோ ஹோதி. பாரகூ³தி இமினா வேதே³ஹி க³தத்தா வேத³கூ³தி து³தியபஞ்ஹோ விஸ்ஸஜ்ஜிதோ ஹோதி. புப்³பே³னிவாஸந்திஆதீ³ஹி இமாஸங் திஸ்ஸன்னங் விஜ்ஜானங்
395. தா³னகத²ந்திஆதீ³னி ஹெட்டா² ஸுத்தே வித்தா²ரிதானேவ. பச்சபாதீ³தி படிபஜ்ஜி. த⁴ம்மஸ்ஸானுத⁴ம்மந்தி இமஸ்மிங் ஸுத்தே த⁴ம்மோ நாம அரஹத்தமக்³கோ³, அனுத⁴ம்மோ நாம ஹெட்டி²மா தயோ மக்³கா³ தீணி ச ஸாமஞ்ஞப²லானி, தானி படிபாடியா படிலபீ⁴தி அத்தோ². ந ச மங் த⁴ம்மாதி⁴கரணங் விஹேஸேஸீதி மஞ்ச த⁴ம்மகாரணா ந கிலமேஸி, ந புனப்புனங் கதா²பேஸீதி வுத்தங் ஹோதி. ஸேஸங் ஸப்³ப³த்த² உத்தானமேவ. தத்த² பரினிப்³பா³யீதி பன பதே³ன தே³ஸனாய அரஹத்தேனேவ கூடங் க³ஹிதந்தி.
பபஞ்சஸூத³னியா மஜ்ஜி²மனிகாயட்ட²கதா²ய
ப்³ரஹ்மாயுஸுத்தவண்ணனா நிட்டி²தா.
2. ஸேலஸுத்தவண்ணனா
396. ஏவங் மே ஸுதந்தி ஸேலஸுத்தங். தத்த² அங்கு³த்தராபேஸூதிஆதி³ போதலியஸுத்தே வித்தா²ரிதமேவ. அட்³ட⁴தேளஸேஹீதி அட்³டே⁴ன தேளஸேஹி, த்³வாத³ஸஹி கேணியோதி தஸ்ஸ நாமங், ஜடிலோதி தாபஸோ. ஸோ கிர ப்³ராஹ்மணமஹாஸாலோ, த⁴னரக்க²ணத்தா²ய பன தாபஸபப்³ப³ஜ்ஜங் ஸமாதா³ய ரஞ்ஞோ பண்ணாகாரங் த³த்வா பூ⁴மிபா⁴க³ங் க³ஹெத்வா தத்த² அஸ்ஸமங் காரெத்வா வஸதி பஞ்சஹி ஸகடஸதேஹி வணிஜ்ஜங் பயோஜெத்வா குலஸஹஸ்ஸஸ்ஸ நிஸ்ஸயோ ஹுத்வா, அஸ்ஸமேபி சஸ்ஸ ஏகோ தாலருக்கோ² தி³வஸே தி³வஸே ஏகங் ஸோவண்ணமயங் தாலப²லங் முஞ்சதீதி வத³ந்தி. ஸோ தி³வா காஸாயானி தா⁴ரேதி, ஜடா ச ப³ந்த⁴தி, ரத்திங் காமஸம்பத்திங் அனுப⁴வதி. த⁴ம்மியா கதா²யாதி பானகானிஸங்ஸபடிஸங்யுத்தாய த⁴ம்மியா கதா²ய. அயஞ்ஹி கேணியோ துச்ச²ஹத்தோ² ப⁴க³வதோ த³ஸ்ஸனாய க³ந்துங் லஜ்ஜாயமானோ – ‘‘விகாலபோ⁴ஜனா விரதானம்பி பானகங் கப்பதீ’’தி சிந்தெத்வா ஸுஸங்க²தப³த³ரபானங் பஞ்சஹி காஜஸதேஹி கா³ஹாபெத்வா அக³மாஸி. ஏவங் க³தபா⁴வோ சஸ்ஸ – ‘‘அத² கோ² கேணியஸ்ஸ ஜடிலஸ்ஸ ஏதத³ஹோஸி கிங் நு கோ² அஹங் ஸமணஸ்ஸ கோ³தமஸ்ஸ ஹராபெய்ய’’ந்தி பே⁴ஸஜ்ஜக்க²ந்த⁴கே (மஹாவ॰ 300) பாளிஆருள்ஹோயேவ.
து³தியம்பி கோ² ப⁴க³வாதி கஸ்மா புனப்புனங் படிக்கி²பி? தித்தி²யானங் படிக்கே²பபஸன்னதாய, அகாரணமேதங், நத்தி² பு³த்³தா⁴னங் பச்சயஹேது ஏவரூபங் கோஹஞ்ஞங். அயங் பன அட்³ட⁴தேளஸானி பி⁴க்கு²ஸதானி தி³ஸ்வா எத்தகானங்யேவ கிஞ்சாபி கோ², போ⁴தி இமினா இத³ங் தீ³பேதி, – ‘‘போ⁴ கோ³தம, கிங் ஜாதங் யதி³ அஹங் ப்³ராஹ்மணேஸு அபி⁴ப்பஸன்னோ, அதி⁴வாஸேது ப⁴வங் கோ³தமோ, அஹங் ப்³ராஹ்மணானம்பி தா³துங் ஸக்கோமி தும்ஹாகம்பீ’’தி.
காயவெய்யாவடிகந்தி காயவெய்யாவச்சங். மண்ட³லமாளந்தி து³ஸ்ஸமண்ட³பங்.
397. ஆவாஹோதி கஞ்ஞாக³ஹணங். விவாஹோதி கஞ்ஞாதா³னங். ஸோ மே நிமந்திதோதி ஸோ மயா நிமந்திதோ. அத² ப்³ராஹ்மணோ பரிபக்கோபனிஸ்ஸயத்தா பு³த்³த⁴ஸத்³த³ங் ஸுத்வாவ அமதேனேவாபி⁴ஸித்தோ பஸாத³ங் ஆவிகரொந்தோ பு³த்³தோ⁴தி போ⁴ கேணிய, வதே³ஸீதி ஆஹ. கேணியோ யதா²பூ⁴தங் ஆசிக்க²ந்தோ பு³த்³தோ⁴தி, போ⁴ ஸேல, வதா³மீதி ஆஹ. ததோ நங் புனபி த³ள்ஹீகரணத்த²ங் புச்சி², இதரோபி ததே²வ ஆரோசேஸி.
398. அத²ஸ்ஸ கப்பஸதஸஹஸ்ஸேஹிபி பு³த்³த⁴ஸத்³த³ஸ்ஸேவ து³ல்லப⁴பா⁴வங் ஸம்பஸ்ஸதோ. ஏதத³ஹோஸீதி. ஏதங் ‘‘கோ⁴ஸோபி கோ²’’திஆதி³ அஹோஸி. நீலவனராஜீதி நீலவண்ணருக்க²பந்தி. பதே³ பத³ந்தி பத³ப்பமாணே பத³ங். அச்சாஸன்னே ஹி அதிதூ³ரே வா பாதே³ நிக்கி²பமானே ஸத்³தோ³ உட்டா²தி, தங் படிஸேதெ⁴ந்தோ ஏவமாஹ. ஸீஹாவ ஏகசராதி க³ணவாஸீ ஸீஹோ ஸீஹபோதகாதீ³ஹி ஸத்³தி⁴ங் பமாத³ங் ஆபஜ்ஜதி, ஏகசரோ அப்பமத்தோ ஹோதி. இதி அப்பமாத³விஹாரங் த³ஸ்ஸெந்தோ ஏகசரஸீஹேன ஓபம்மங் கரோதி. மா மே பொ⁴ந்தோதி ஆசாரங் ஸிக்கா²பெந்தோ ஆஹ. அயஞ்ஹெத்த² அதி⁴ப்பாயோ – ஸசே தும்ஹே கதா²வாரங் அலபி⁴த்வா மம கதா²ய அந்தரே கத²ங் பவேஸெஸ்ஸத², ‘‘அந்தேவாஸிகே ஸிக்கா²பேதுங் நாஸக்கீ²’’தி மய்ஹங் க³ரஹா உப்பஜ்ஜிஸ்ஸதி, தஸ்மா ஓகாஸங் பஸ்ஸித்வா மந்தெய்யாதா²தி. நோ ச கோ² நங் ஜானாமீதி விபஸ்ஸீபி போ³தி⁴ஸத்தோ சதுராஸீதிஸஹஸ்ஸத்தே²ரபப்³ப³ஜிதபரிவாரோ ஸத்த மாஸானி போ³தி⁴ஸத்தசாரிகங் சரி, பு³த்³து⁴ப்பாத³காலோ விய அஹோஸி. அம்ஹாகம்பி போ³தி⁴ஸத்தோ ச²ப்³ப³ஸ்ஸானி போ³தி⁴ஸத்தசாரிகங் சரி. ஏவங் பரிபுண்ணஸரீரலக்க²ணேஹி
399. பரிபுண்ணகாயோதி ஸுருசீதி ஸுந்த³ரஸரீரப்பபோ⁴. ஸுஜாதோதி ஆரோஹபரிணாஹஸம்பத்தியா ஸண்டா²னஸம்பத்தியா ச ஸுனிப்³ப³த்தோ. சாருத³ஸ்ஸனோதி ஸுசிரம்பி பஸ்ஸந்தானங் அதித்திஜனகோ மனோஹரத³ஸ்ஸனோ. ஸுவண்ணவண்ணோதி ஸுவண்ணஸதி³ஸவண்ணோ. ஸுஸுக்கதா³டோ²தி ஸுட்டு² ஸுக்கதா³டோ². மஹாபுரிஸலக்க²ணாதி பட²மங் வுத்தப்³யஞ்ஜனானேவ வசனந்தரேன நிக³மெந்தோ ஆஹ.
இதா³னி தேஸு லக்க²ணேஸு அத்தனோ சித்தருசிதானி க³ஹெத்வா தோ²மெந்தோ பஸன்னநெத்தோதிஆதி³மாஹ. ப⁴க³வா ஹி பஞ்சவண்ணபஸாத³ஸம்பத்தியா பஸன்னநெத்தோ, புண்ணசந்த³ஸதி³ஸமுக²தாய ஸுமுகோ², ஆரோஹபரிணாஹஸம்பத்தியா ப்³ரஹா, ப்³ரஹ்முஜுக³த்ததாய உஜு, ஜுதிமந்ததாய பதாபவா. யம்பி செத்த² புப்³பே³ வுத்தங், தங் ‘‘மஜ்ஜே² ஸமணஸங்க⁴ஸ்ஸா’’தி இமினா பரியாயேன தோ²மயதா புன வுத்தங். ஏதி³ஸோ ஹி ஏவங் விரோசதி. உத்தரகா³தா²யபி ஏஸேவ நயோ. உத்தமவண்ணீனோதி உத்தமவண்ணஸம்பன்னஸ்ஸ. ரதே²ஸபோ⁴தி உத்தமஸாரதி². ஜம்பு³ஸண்ட³ஸ்ஸாதி ஜம்பு³தீ³பஸ்ஸ. பாகடேன இஸ்ஸரியங்
க²த்தியாதி ஜாதிக²த்தியா. போ⁴கீ³தி போ⁴கி³யா. ராஜானோதி யே கேசி ரஜ்ஜங் காரெந்தா. ராஜாபி⁴ராஜாதி ராஜூனங் பூஜனீயோ, அதி⁴ராஜா ஹுத்வா, சக்கவத்தீதி அதி⁴ப்பாயோ. மனுஜிந்தோ³தி மனுஸ்ஸாதி⁴பதி பரமிஸ்ஸரோ ஹுத்வா.
ஏவங் வுத்தே ப⁴க³வா – ‘‘யே தே ப⁴வந்தி அரஹந்தோ ஸம்மாஸம்பு³த்³தா⁴, தே ஸகவண்ணே ப⁴ஞ்ஞமானே அத்தானங் பாதுகரொந்தீ’’தி இமங் ஸேலஸ்ஸ மனோரத²ங் பூரெந்தோ ராஜாஹமஸ்மீதிஆதி³மாஹ. தத்ராயமதி⁴ப்பாயோ – யங் மங் த்வங் ஸேல ‘‘ராஜா அரஹஸி ப⁴விது’’ந்தி யாசஸி, எத்த² அப்பொஸ்ஸுக்கோ ஹோதி ராஜாஹமஸ்மி. ஸதி ச ராஜத்தே யதா² அஞ்ஞோ ராஜா யோஜனஸதங் வா அனுஸாஸதி யோஜனஸஹஸ்ஸங் வா, சக்கவத்தீ ஹுத்வாபி சதுதீ³பபரியந்தமத்தங் வா, நாஹமேவங் பரிச்சி²ன்னவிஸயோ, அஹஞ்ஹி த⁴ம்மராஜா அனுத்தரோ ப⁴வக்³க³தோ அவீசிபரியந்தங் கத்வா திரியங் அப்பமாணலோகதா⁴துயோ அனுஸாஸாமி. யாவதா த⁴ம்மேன சக்கங் வத்தேமி. இத³ங் பஜஹத², இத³ங் உபஸம்பஜ்ஜ விஹரதா²தி ஆணாசக்கங், இத³ங் கோ² பன, பி⁴க்க²வே, து³க்க²ங் அரியஸச்சந்திஆதி³னா பரியத்தித⁴ம்மேன சக்கங் அப்படிவத்தியந்தி
ஏவங் அத்தானங் ஆவிகரொந்தங் ப⁴க³வந்தங் தி³ஸ்வா பீதிஸோமனஸ்ஸஜாதோ ஸேலோ புன த³ள்ஹீகரணத்த²ங் ஸம்பு³த்³தோ⁴ படிஜானாஸீதி கா³தா²த்³வயமாஹ. தத்த² கோ நு ஸேனாபதீதி ரஞ்ஞோ போ⁴தோ த⁴ம்மேன பவத்திதஸ்ஸ சக்கஸ்ஸ அனுபவத்தகோ ஸேனாபதி கோ நூதி புச்சி².
தேன ச ஸமயேன ப⁴க³வதோ த³க்கி²ணபஸ்ஸே ஆயஸ்மா ஸாரிபுத்தோ நிஸின்னோ ஹோதி ஸுவண்ணபுஞ்ஜோ விய ஸிரியா ஸோப⁴மானோ, தங் த³ஸ்ஸெந்தோ ப⁴க³வா மயா பவத்திதந்தி கா³த²மாஹ. தத்த² அனுஜாதோ ததா²க³தந்தி ததா²க³தங் ஹேதுங் அனுஜாதோ, ததா²க³தேன ஹேதுனா ஜாதோதி அத்தோ². அபிச அவஜாதோ அனுஜாதோ அதிஜாதோதி தயோ வுத்தா. தேஸு அவஜாதோ து³ஸ்ஸீலோ, ஸோ ததா²க³தஸ்ஸ புத்தோ நாம ந ஹோதி. அதிஜாதோ நாம பிதரா உத்தரிதரோ, தாதி³ஸோபி ததா²க³தஸ்ஸ புத்தோ நத்தி². ததா²க³தஸ்ஸ பன ஏகோ அனுஜாதோவ புத்தோ ஹோதி, தங் த³ஸ்ஸெந்தோ ஏவமாஹ.
ஏவங் ‘‘கோ நு ஸேனாபதீ’’தி பஞ்ஹங் ப்³யாகரித்வா யங் ஸேலோ ஆஹ ‘‘ஸம்பு³த்³தோ⁴ படிஜானாஸீ’’தி, தத்ர நங் நிக்கங்க²ங் காதுகாமோ ‘‘நாஹங் படிஞ்ஞாமத்தேனேவ படிஜானாமி, அபிசாஹங் இமினா காரணேன பு³த்³தோ⁴’’தி ஞாபேதுங் அபி⁴ஞ்ஞெய்யந்தி கா³த²மாஹ. தத்ர அபி⁴ஞ்ஞெய்யந்தி விஜ்ஜா ச விமுத்தி ச. பா⁴வேதப்³ப³ங் மக்³க³ஸச்சங். பஹாதப்³ப³ங் ஸமுத³யஸச்சங். ஹேதுவசனேன பன ப²லஸித்³தி⁴தோ தேஸங் ப²லானி நிரோத⁴ஸச்சது³க்க²ஸச்சானிபி வுத்தானேவ ஹொந்தி. ஏவங் ஸச்சி²காதப்³ப³ங் ஸச்சி²கதங் பரிஞ்ஞாதப்³ப³ங் பரிஞ்ஞாதந்தி இத³ம்பெத்த² ஸங்க³ஹிதந்தி சதுஸச்சபா⁴வனாப²லஞ்ச விமுத்திஞ்ச
ஏவங் வினயஸ்ஸூதி கா³த²த்தயமாஹ. தத்த² ஸல்லகத்தோதி ராகா³தி³ஸல்லகந்தனோ. அனுத்தரோதி யதா² பா³ஹிரவேஜ்ஜேன வூபஸமிதரோகோ³ இமஸ்மிஞ்ஞேவத்தபா⁴வே குப்பதி, ந ஏவங். மயா வூபஸமிதஸ்ஸ ப்³ரஹ்மபூ⁴தோதி ஸெட்ட²பூ⁴தோ. அதிதுலோதி துலங் அதீதோ, நிருபமோதி அத்தோ². மாரஸேனப்பமத்³த³னோதி காமா தே பட²மா ஸேனாதி ஏவங் ஆக³தாய மாரஸேனாய பமத்³த³னோ. ஸப்³பா³மித்தேதி க²ந்த⁴கிலேஸாபி⁴ஸங்கா²ரமச்சுதே³வபுத்தமாரஸங்கா²தே ஸப்³ப³பச்சத்தி²கே. வஸீகத்வாதி அத்தனோ வஸே வத்தெத்வா. அகுதோப⁴யோதி குதோசி அப⁴யோ.
ஏவங் வுத்தே ஸேலோ ப்³ராஹ்மணோ தாவதே³வ ப⁴க³வதி ஸஞ்ஜாதபஸாதோ³ பப்³ப³ஜ்ஜாபெக்கோ² ஹுத்வா இமங் பொ⁴ந்தோதி கா³த²த்தயமாஹ. தத்த² கண்ஹாபி⁴ஜாதிகோதி சண்டா³லாதி³னீசகுலே ஜாதோ. ததோ தேபி மாணவகா பப்³ப³ஜ்ஜாபெக்கா² ஹுத்வா ஏவஞ்சே ருச்சதி, போ⁴தோதி கா³த²மாஹங்ஸு. அத² ஸேலோ தேஸு மாணவகேஸு துட்ட²சித்தோ தே ச த³ஸ்ஸெந்தோ பப்³ப³ஜ்ஜங் யாசந்தோ ‘‘ப்³ராஹ்மணா’’தி கா³த²மாஹ.
ததோ ஸ்வாக்கா²தந்தி கா³த²மாஹ. தத்த² ஸந்தி³ட்டி²கந்தி ஸயமேவ த³ட்ட²ப்³ப³ங் பச்சக்க²ங். அகாலிகந்தி மக்³கா³னந்தரப²லுப்பத்தியா ந காலந்தரங் பத்தப்³ப³ப²லங். யத்த² அமோகா⁴தி யஸ்மிங் மக்³க³ப்³ரஹ்மசரியே அப்பமத்தஸ்ஸ ஸிக்க²த்தயபூரணேன ஸிக்க²தோ பப்³ப³ஜ்ஜா அமோகா⁴ ஹோதி, ஸப²லாதி அத்தோ². ஏவஞ்ச வத்வா ‘‘ஏத² பி⁴க்க²வோ’’தி ப⁴க³வா அவோச. தே ஸப்³பே³ பத்தசீவரத⁴ரா ஹுத்வா ஆகாஸேனாக³ந்த்வா வஸ்ஸஸதிகத்தே²ரா விய ஸுவினீதா ப⁴க³வந்தங் அபி⁴வாத³யிங்ஸு. ஏவமிமங் தேஸங் ஏஹிபி⁴க்கு²பா⁴வங் ஸந்தா⁴ய ‘‘அலத்த² கோ² ஸேலோ’’திஆதி³ வுத்தங்.
400. இமாஹீதி
யங் தங் ஸரணந்தி அஞ்ஞங் ப்³யாகரணகா³த²மாஹ. தஸ்ஸத்தோ² – பஞ்சஹி சக்கூ²ஹி சக்கு²மா ப⁴க³வா யஸ்மா மயங் இதோ அட்ட²மே தி³வஸே தங் ஸரணங் ஆக³தம்ஹா, தஸ்மா அத்தனா தவ ஸாஸனே அனுத்தரேன த³மதே²ன த³ந்தாம்ஹா, அஹோ தே ஸரணஸ்ஸ ஆனுபா⁴வோதி.
ததோ பரங் ப⁴க³வந்தங் த்³வீஹி கா³தா²ஹி தோ²மெத்வா ததியாய வந்த³னங் யாசந்தோ பி⁴க்க²வோ திஸதா இமேதிஆதி³மாஹாதி.
பபஞ்சஸூத³னியா மஜ்ஜி²மனிகாயட்ட²கதா²ய
ஸேலஸுத்தவண்ணனா நிட்டி²தா.
3. அஸ்ஸலாயனஸுத்தவண்ணனா
401. ஏவங் மே ஸுதந்தி அஸ்ஸலாயனஸுத்தங். தத்த² நானாவேரஜ்ஜகானந்தி அங்க³மக³தா⁴தீ³ஹி நானப்பகாரேஹி வேரஜ்ஜேஹி ஆக³தானங், தேஸு வா ரட்டே²ஸு ஜாதஸங்வட்³டா⁴னந்திபி அத்தோ². கேனசிதே³வாதி யஞ்ஞுபாஸனாதி³னா அனியமிதகிச்சேன. சாதுவண்ணிந்தி சதுவண்ணஸாதா⁴ரணங். மயங் பன ந்ஹானஸுத்³தி⁴யா பா⁴வனாஸுத்³தி⁴யாபி ப்³ராஹ்மணாவ ஸுஜ்ஜ²ந்தீதி வதா³ம, அயுத்தம்பி ஸமணோ கோ³தமோ கரோதீதி மஞ்ஞமானா ஏவங் சிந்தயிங்ஸு. வுத்தஸிரோதி வாபிதஸிரோ.
த⁴ம்மவாதீ³தி து³ப்படிமந்தியாதி அம்ஹாதி³ஸேஹி அத⁴ம்மவாதீ³ஹி து³க்கே²ன படிமந்திதப்³பா³ ஹொந்தி. த⁴ம்மவாதி³னோ நாம பராஜயோ ந ஸக்கா காதுந்தி த³ஸ்ஸேதி. பரிப்³பா³ஜகந்தி பப்³ப³ஜ்ஜாவிதா⁴னங், தயோ வேதே³ உக்³க³ஹெத்வா ஸப்³ப³பச்சா² பப்³ப³ஜந்தா யேஹி மந்தேஹி பப்³ப³ஜந்தி, பப்³ப³ஜிதா ச யே மந்தே பரிஹரந்தி, யங் வா ஆசாரங் ஆசரந்தி, தங் ஸப்³ப³ங் போ⁴தா சரிதங் ஸிக்கி²தங். தஸ்மா துய்ஹங் பராஜயோ நத்தி², ஜயோவ ப⁴விஸ்ஸதீதி மஞ்ஞந்தா ஏவமாஹங்ஸு.
402. தி³ஸ்ஸந்தி கோ² பனாதிஆதி³ தேஸங் லத்³தி⁴பி⁴ந்த³னத்த²ங் வுத்தங். தத்த² ப்³ராஹ்மணியோதி ப்³ராஹ்மணானங் புத்தபடிலாப⁴த்தா²ய ஆவாஹவிவாஹவஸேன குலா ஆனீதா ப்³ராஹ்மணியோ தி³ஸ்ஸந்தி உதுனியோபி ஹொந்தி, ஸஞ்ஜாதபுப்பா²தி அத்தோ². க³ப்³பி⁴னியோதி ஸஞ்ஜாதக³ப்³பா⁴. விஜாயமானாதி புத்ததீ⁴தரோ ஜனயமானா. பாயமானாதி தா³ரகே த²ஞ்ஞங் பாயந்தியோ. யோனிஜாவ ஸமானாதி ப்³ராஹ்மணீனங் பஸ்ஸாவமக்³கே³ன ஜாதா ஸமானா. ஏவமாஹங்ஸூதி ஏவங் வத³ந்தி. கத²ங்? ப்³ராஹ்மணோவ ஸெட்டோ² வண்ணோ…பே॰… ப்³ரஹ்மதா³யாதா³தி. யதி³ பன நேஸங் ஸச்சவசனங் ஸியா, ப்³ராஹ்மணீனங் குச்சி² மஹாப்³ரஹ்முனோ உரோ ப⁴வெய்ய, ப்³ராஹ்மணீனங் பஸ்ஸாவமக்³கோ³ மஹாப்³ரஹ்முனோ முக²ங் ப⁴வெய்ய, எத்தாவதா ‘‘மயங் மஹாப்³ரஹ்முனோ உரே வஸித்வா முக²தோ நிக்க²ந்தா’’தி வத்துங் மா லப⁴ந்தூதி அயங் முக²தோ ஜாதச்சே²த³கவாதோ³ வுத்தோ.
403. அய்யோ ஹுத்வா தா³ஸோ ஹோதி, தா³ஸோ ஹுத்வா அய்யோ ஹோதீதி ப்³ராஹ்மணோ ஸப⁴ரியோ வணிஜ்ஜங் கிங் ப³லங், கோ அஸ்ஸாஸோதி யத்த² தும்ஹே
404. க²த்தியோவ நு கோ²திஆத³யோ ஸுத்தச்சே²த³கவாதா³ நாம ஹொந்தி.
408. இதா³னி சாதுவண்ணிஸுத்³தி⁴ங் த³ஸ்ஸெந்தோ இத⁴ ராஜாதிஆதி³மாஹ. ஸாபானதோ³ணியாதி ஸுனகா²னங் பிவனதோ³ணியா. அக்³கி³கரணீயந்தி ஸீதவினோத³னஅந்த⁴காரவித⁴மனப⁴த்தபசனாதி³ அக்³கி³கிச்சங். எத்த² அஸ்ஸலாயனாதி எத்த² ஸப்³ப³ஸ்மிங் அக்³கி³கிச்சங் கரொந்தே.
409. இதா³னி யதே³தங் ப்³ராஹ்மணா சாதுவண்ணிஸுத்³தீ⁴தி வத³ந்தி, எத்த² சாதுவண்ணாதி நியமோ நத்தி². பஞ்சமோ ஹி பாத³ஸிகவண்ணோபி அத்தீ²தி ஸங்கி²த்தேன தேஸங் வாதே³ தோ³ஸத³ஸ்ஸனத்த²ங் இத⁴ க²த்தியகுமாரோதிஆதி³மாஹ. தத்ர அமுத்ர ச பனேஸானந்தி அமுஸ்மிஞ்ச பன புரிமனயே ஏதேஸங் மாணவகானங் கிஞ்சி நானாகரணங் ந பஸ்ஸாமீதி வத³தி. நானாகரணங் பன தேஸம்பி அத்தி²யேவ. க²த்தியகுமாரஸ்ஸ ஹி ப்³ராஹ்மணகஞ்ஞாய உப்பன்னோ க²த்தியபாத³ஸிகோ நாம, இதரோ ப்³ராஹ்மணபாத³ஸிகோ நாம, ஏதே ஹீனஜாதிமாணவகா.
ஏவங் பஞ்சமஸ்ஸ வண்ணஸ்ஸ அத்தி²தாய சாதுவண்ணிஸுத்³தீ⁴தி ஏதேஸங் வாதே³ தோ³ஸங் த³ஸ்ஸெத்வா இதா³னி புன சாதுவண்ணிஸுத்³தி⁴யங் ஓவத³ந்தோ தங் கிங் மஞ்ஞஸீதிஆதி³மாஹ. தத்த² ஸத்³தே⁴தி மதகப⁴த்தே. தா²லிபாகேதி பண்ணாகாரப⁴த்தே. யஞ்ஞேதி யஞ்ஞப⁴த்தே. பாஹுனேதி ஆக³ந்துகானங் கதப⁴த்தே. கிங் ஹீதி கிங் மஹப்ப²லங் ப⁴விஸ்ஸதி, நோ ப⁴விஸ்ஸதீதி தீ³பேதி.
410. பூ⁴தபுப்³ப³ந்தி அஸிதோதி காளகோ. தே³வலோதி படலியோதி க³ணங்க³ணுபாஹனா. பத்த²ண்டி³லேதி பண்ணஸாலபரிவேணே. கோ நு கோ²தி கஹங் நு கோ². கா³மண்ட³லரூபோ வியாதி கா³மதா³ரகரூபோ விய. ஸோ க்²வாஹங், போ⁴, ஹோமீதி ஸோ அஹங், போ⁴, அஸிததே³வலோ ஹோமீதி வத³தி. ததா³ கிர மஹாஸத்தோ கொண்ட³த³மகோ ஹுத்வா விசரதி. அபி⁴வாதே³துங் உபக்கமிங்ஸூதி வந்தி³துங் உபக்கமங் அகங்ஸு. ததோ பட்டா²ய ச வஸ்ஸஸதிகதாபஸோபி தத³ஹுஜாதங் ப்³ராஹ்மணகுமாரங் அவந்த³ந்தோ கொண்டி³தோ ஹோதி.
411. ஜனிகா மாதாதி யாய தும்ஹே ஜனிதா, ஸா வோ ஜனிகா மாதா. ஜனிகாமாதூதி ஜனிகாய மாது. யோ ஜனகோதி யோ ஜனகோ பிதா. ‘‘யோ ஜனிகோ பிதாதேவ’’ வா பாடோ².
அஸிதேனாதி பஞ்சாபி⁴ஞ்ஞேன அஸிதேன தே³வலேன இஸினா இமங் க³ந்த⁴ப்³ப³பஞ்ஹங் புட்டா² ந ஸம்பாயிஸ்ஸந்தி. யேஸந்தி யேஸங் ஸத்தன்னங் இஸீனங். ந புண்ணோ த³ப்³பி³கா³ஹோதி தேஸங் ஸத்தன்னங் இஸீனங் த³ப்³பி³ங் க³ஹெத்வா பண்ணங் பசித்வா தா³யகோ புண்ணோ நாம ஏகோ அஹோஸி, ஸோ த³ப்³பி³க³ஹணஸிப்பங் ஜானாதி. த்வங் ஸாசரியகோ தேஸங் புண்ணோபி ந ஹோதி, தேன ஞாதங் த³ப்³பி³க³ஹணஸிப்பமத்தம்பி ந ஜானாஸீதி. ஸேஸங் ஸப்³ப³த்த² உத்தானமேவாதி.
அயங் பன அஸ்ஸலாயனோ ஸத்³தோ⁴ அஹோஸி பஸன்னோ, அத்தனோ அந்தோனிவேஸனேயேவ சேதியங் காரேஸி. யாவஜ்ஜதி³வஸா அஸ்ஸலாயனவங்ஸே ஜாதா நிவேஸனங் காரெத்வா அந்தோனிவேஸனே சேதியங் கரொந்தேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
அஸ்ஸலாயனஸுத்தவண்ணனா நிட்டி²தா.
4. கோ⁴டமுக²ஸுத்தவண்ணனா
412. ஏவங் மே ஸுதந்தி கோ⁴டமுக²ஸுத்தங். தத்த² கே²மியம்ப³வனேதி ஏவங்னாமகே அம்ப³வனே. த⁴ம்மிகோ பரிப்³ப³ஜோதி த⁴ம்மிகா பப்³ப³ஜ்ஜா. அத³ஸ்ஸனாதி தும்ஹாதி³ஸானங் யோ வா பனெத்த² த⁴ம்மோதி யோ வா பன எத்த² த⁴ம்மோ ஏவங் வுத்தேதிஆதி³ வுத்தங்.
413. சத்தாரோமே ப்³ராஹ்மணாதி தே²ரஸ்ஸ கிர ஏதத³ஹோஸி – ‘‘அயங் ப்³ராஹ்மணோ ‘த⁴ம்மிகங் பப்³ப³ஜ்ஜங் உபக³தோ ஸமணோ வா ப்³ராஹ்மணோ வா நத்தீ²’தி வத³தி. இமஸ்ஸ சத்தாரோ புக்³க³லே த்³வே ச பரிஸா த³ஸ்ஸெத்வா ‘சதுத்த²ங் புக்³க³லங் கதராய பரிஸாய ப³ஹுலங் பஸ்ஸஸீ’தி புச்சி²ஸ்ஸாமி, ஜானமானோ ‘அனாகா³ரியபரிஸாய’ந்தி வக்க²தி. ஏவமேதங் ஸகமுகே²னேவ ‘த⁴ம்மிகோ பரிப்³ப³ஜோ அத்தீ²’தி வதா³பெஸ்ஸாமீ’’தி இமங் தே³ஸனங் ஆரபி⁴.
414. தத்த² ஸாரத்தரத்தாதி ஸுட்டு² ரத்தரத்தா. ஸானுக்³க³ஹா வாசா பா⁴ஸிதா ஸகாரணா வாசா பா⁴ஸிதா. வுத்தஞ்ஹேதங் மயா ‘‘அம்ஹாகங் கதா² அப்பமாணங், த⁴ம்மோவ பமாண’’ந்தி.
421. கிங் பன தேதி கி³ஹி நாம கப்பியம்பி அகப்பியம்பி வதெ³ய்யாதி விவேசனத்த²ங் புச்சி². காராபேஸீதி மாபேஸி. காராபெத்வா ச பன காலங் கத்வா ஸக்³கே³ நிப்³ப³த்தோ. ஏதஸ்ஸ கிர ஜானநஸிப்பே மாதரம்பி பிதரம்பி கா⁴தெத்வா அத்தாவ கா⁴தேதப்³போ³தி ஆக³ச்ச²தி. ஏதங் ஸிப்பங் ஜானந்தோ ட²பெத்வா ஏதங் அஞ்ஞோ ஸக்³கே³ நிப்³ப³த்தோ நாம நத்தி², ஏஸ பன தே²ரங் உபனிஸ்ஸாய புஞ்ஞங் கத்வா தத்த² நிப்³ப³த்தித்வா ச பன ‘‘கேனாஹங் கம்மேன இத⁴ நிப்³ப³த்தோ’’தி ஆவஜ்ஜெத்வா யதா²பூ⁴தங்
பபஞ்சஸூத³னியா மஜ்ஜி²மனிகாயட்ட²கதா²ய
கோ⁴டமுக²ஸுத்தவண்ணனா நிட்டி²தா.
5. சங்கீஸுத்தவண்ணனா
422. ஏவங் மே ஸுதந்தி சங்கீஸுத்தங். தத்த² தே³வவனே ஸாலவனேதி தஸ்மிங் கிர தே³வதானங் ப³லிகம்மங் கரீயதி, தேன தங் தே³வவனந்திபி ஸாலவனந்திபி வுச்சதி. ஓபாஸாத³ங் அஜ்ஜா²வஸதீதி ஓபாஸாத³னாமகே ப்³ராஹ்மணகா³மே வஸதி, அபி⁴ப⁴வித்வா வா ஆவஸதி, தஸ்ஸ ஸாமீ ஹுத்வா யாய மரியாதா³ய தத்த² வஸிதப்³ப³ங், தாய மரியாதா³ய வஸதி. உபஸக்³க³வஸேன பனெத்த² பு⁴ம்மத்தே² உபயோக³வசனங் வேதி³தப்³ப³ங், தத²ஸ்ஸ அனுப்பயோக³த்தாவ ஸேஸபதே³ஸு. தத்த² லக்க²ணங் ஸத்³த³ஸத்த²தோ பரியேஸிதப்³ப³ங். ஸத்துஸ்ஸத³ந்தி ஸதிணகட்டோ²த³கந்தி வுத்தங்.
ஸஹ த⁴ஞ்ஞேன ஸத⁴ஞ்ஞங், புப்³ப³ண்ணாபரண்ணாதி³பே⁴த³ங் ப³ஹுத⁴ஞ்ஞஸன்னிசயந்தி அத்தோ². எத்தாவதா யஸ்மிங் கா³மே ப்³ராஹ்மணோ ஸேதச்ச²த்தங் உஸ்ஸாபெத்வா ராஜலீலாய வஸதி. தஸ்ஸ ஸமித்³தி⁴ஸம்பத்தி தீ³பிதா ஹோதி. ராஜதோ லத்³த⁴ங் பொ⁴க்³க³ங் ராஜபொ⁴க்³க³ங். கேன தி³ன்னந்தி சே, ரஞ்ஞா பஸேனதி³னா கோஸலேன தி³ன்னங். ராஜதா³யந்தி ரஞ்ஞோ தா³யபூ⁴தங், தா³யஜ்ஜந்தி அத்தோ². ப்³ரஹ்மதெ³ய்யந்தி ஸெட்ட²தெ³ய்யங், ச²த்தங் உஸ்ஸாபெத்வா ராஜஸங்கே²பேன பு⁴ஞ்ஜிதப்³ப³ந்தி அத்தோ². அத² வா ராஜபொ⁴க்³க³ந்தி ஸப்³ப³ங் சே²ஜ்ஜபே⁴ஜ்ஜங் அனுஸாஸந்தேன தித்த²பப்³ப³தாதீ³ஸு ஸுங்கங் ரஞ்ஞா பஸேனதி³னா கோஸலேன தி³ன்னங் ராஜதா³யந்தி. எத்த² ரஞ்ஞா தி³ன்னத்தா ராஜதா³யங், தா³யகராஜதீ³பனத்த²ங் பனஸ்ஸ ‘‘ரஞ்ஞா பஸேனதி³னா கோஸலேன தி³ன்ன’’ந்தி இத³ங் வுத்தங். ப்³ரஹ்மதெ³ய்யந்தி ஸெட்ட²தெ³ய்யங், யதா² தி³ன்னங் ந புன க³ஹேதப்³ப³ங் ஹோதி நிஸ்ஸட்ட²பரிச்சத்தங், ஏவங் தி³ன்னந்தி அத்தோ².
423. ப³ஹூ ஸங்கீ⁴. புப்³பே³ க³ணீபூ⁴தா. உத்தரேனமுகா²தி உத்தரதி³ஸாபி⁴முகா². க²த்தங் ஆமந்தேஸீதி க²த்தா வுச்சதி புச்சி²தபஞ்ஹப்³யாகரணஸமத்தோ² மஹாமத்தோ, தங் ஆமந்தேஸி. ஆக³மெந்தூதி முஹுத்தங் படிமானெந்து, அச்ச²ந்தூதி வுத்தங் ஹோதி.
424. நானாவேரஜ்ஜகானந்தி நானாவிதே⁴ஸு ரஜ்ஜேஸு அஞ்ஞேஸு காஸிகோஸலாதீ³ஸு ஜாதா வா நிவஸந்தி வா, ததோ வா ஆக³தாதி நானாவேரஜ்ஜகா, தேஸங் நானாவேரஜ்ஜகானங். கேனசிதே³வாதி அனியமிதேன யஞ்ஞுபாஸனாதி³னா கேனசி கிச்சேன. தே தஸ்ஸ க³மனங் ஸுத்வா சிந்தேஸுங் – ‘‘அயங், சங்கீ, உக்³க³தப்³ராஹ்மணோ, யேபு⁴ய்யேன ச அஞ்ஞே ப்³ராஹ்மணா ஸமணங் கோ³தமங் ஸரணங் க³தா, அயமேவ ந க³தோ. ஸ்வாயங் ஸசே தத்த² க³மிஸ்ஸதி, அத்³தா⁴ ஸமணஸ்ஸ கோ³தமஸ்ஸ ஆவட்டனியா மாயாய ஆவட்டிதோ ஸரணங் க³மிஸ்ஸதி. ததோ ஏதஸ்ஸாபி கே³ஹத்³வாரே ப்³ராஹ்மணானங் அஸன்னிபாதோ ப⁴விஸ்ஸதி. ஹந்த³ஸ்ஸ க³மனந்தராயங் கரோமா’’தி ஸம்மந்தயித்வா தத்த² அக³மங்ஸு. தங் ஸந்தா⁴ய ‘‘அத² கோ² தே ப்³ராஹ்மணா’’திஆதி³ வுத்தங்.
தத்த² உப⁴தோதி த்³வீஹி பக்கே²ஹி. மாதிதோ ச பிதிதோ சாதி, போ⁴தோ மாதா ப்³ராஹ்மணீ, மாதுமாதா ப்³ராஹ்மணீ, தஸ்ஸாபி மாதா ப்³ராஹ்மணீ. பிதா ப்³ராஹ்மணோ, பிதுபிதா ப்³ராஹ்மணோ, தஸ்ஸபி பிதா ப்³ராஹ்மணோதி. ஏவங் ப⁴வங் உப⁴தோ ஸுஜாதோ, மாதிதோ ச பிதிதோ ச. ஸங்ஸுத்³த⁴க³ஹணிகோதி யாவ ஸத்தமா பிதாமஹயுகா³தி எத்த² பிது பிதா பிதாமஹோ, பிதாமஹஸ்ஸ யுக³ங் பிதாமஹயுக³ங். யுக³ந்தி ஆயுப்பமாணங் வுச்சதி. அபி⁴லாபமத்தமேவ சேதங், அத்த²தோ பன பிதாமஹோவ பிதாமஹயுக³ங். ததோ உத்³த⁴ங் ஸப்³பே³பி புப்³ப³புரிஸா பிதாமஹக்³க³ஹணேனேவ க³ஹிதா. ஏவங் யாவ ஸத்தமோ புரிஸோ, தாவ ஸங்ஸுத்³த⁴க³ஹணிகோ. அத² வா அக்கி²த்தோ அனுபகுட்டோ² ஜாதிவாதே³னாதி த³ஸ்ஸேதி. அக்கி²த்தோதி அபனேத² ஏதங், கிங் இமினாதி ஏவங் அக்கி²த்தோ அனவக்கி²த்தோ. அனுபக்குட்டோ²தி ந உபகுட்டோ², ந அக்கோஸங் வா நிந்த³ங் வா பத்தபுப்³போ³. கேன காரணேனாதி. ஜாதிவாதே³ன, இதிபி ஹீனஜாதிகோ ஏஸோதி ஏவரூபேன வசனேனாதி அத்தோ². இமினாபங்கே³னாதி இமினாபி காரணேன.
அட்³டோ⁴தி இஸ்ஸரோ. மஹத்³த⁴னோதி மஹதா த⁴னேன ஸமன்னாக³தோ. போ⁴தோ ஹி கே³ஹே பத²வியங் பங்ஸுவாலிகா விய ப³ஹு த⁴னங், ஸமணோ பன கோ³தமோ அத⁴னோ பி⁴க்கா²ய உத³ரங் பூரெத்வா யாபேதீதி த³ஸ்ஸெந்தி மஹாபோ⁴கோ³தி பஞ்சகாமகு³ணவஸேன மஹாஉபபோ⁴கோ³. ஏவங் யங் யங் கு³ணங் வத³ந்தி, தஸ்ஸ தஸ்ஸ படிபக்க²வஸேன
அபி⁴ரூபோதி அஞ்ஞேஹி மனுஸ்ஸேஹி அதி⁴கரூபோ. த³ஸ்ஸனீயோதி தி³வஸம்பி பஸ்ஸந்தானங் அதித்திகரணதோ த³ஸ்ஸனயொக்³கோ³, த³ஸ்ஸனேனேவ சித்தபஸாத³ஜனநதோ பாஸாதி³கோ. பொக்க²ரதா வுச்சதி ஸுந்த³ரபா⁴வோ, வண்ணஸ்ஸ பொக்க²ரதா வண்ணபொக்க²ரதா, தாய வண்ணபொக்க²ரதாய, வண்ணஸம்பத்தியாதி அத்தோ². போராணா பன பொக்க²ரந்தி ஸரீரங் வத³ந்தி, வண்ணங் வண்ணமேவ. தேஸங் மதேன வண்ணோ ச பொக்க²ரஞ்ச வண்ணபொக்க²ரானி, தேஸங் பா⁴வோ வண்ணபொக்க²ரதா. இதி பரமாய வண்ணபொக்க²ரதாயாதி உத்தமபரிஸுத்³தே⁴ன வண்ணேன சேவ ஸரீரஸண்டா²னஸம்பத்தியா சாதி அத்தோ². ப்³ரஹ்மவண்ணீதி ஸெட்ட²வண்ணீ, பரிஸுத்³த⁴வண்ணேஸுபி ஸெட்டே²ன ஸுவண்ணவண்ணேனேவ ஸமன்னாக³தோதி அத்தோ². ப்³ரஹ்மவச்ச²ஸீதி மஹாப்³ரஹ்முனோ ஸரீரஸதி³ஸேன ஸரீரேன ஸமன்னாக³தோ. அகு²த்³தா³வகாஸோ த³ஸ்ஸனாயாதி போ⁴தோ ஸரீரே த³ஸ்ஸனஸ்ஸ ஓகாஸோ ந கு²த்³த³கோ மஹா. ஸப்³பா³னேவ தே அங்க³பச்சங்கா³னி த³ஸ்ஸனீயானேவ, தானி சாபி மஹந்தானேவாதி தீ³பேதி.
ஸீலமஸ்ஸ ஸீலவா. வுத்³த⁴ங் வட்³டி⁴தங் ஸீலமஸ்ஸாதி வுத்³த⁴ஸீலீ. வுத்³த⁴ஸீலேனாதி வுத்³தே⁴ன வட்³டி⁴தேன ஸீலேன. ஸமன்னாக³தோதி யுத்தோ, இத³ங் வுத்³த⁴ஸீலீபத³ஸ்ஸேவ வேவசனங். ஸப்³ப³மேதங் பஞ்சஸீலமத்தமேவ ஸந்தா⁴ய வத³ந்தி.
கால்யாணவாசோதிஆதீ³ஸு கல்யாணா ஸுந்த³ரா பரிமண்ட³லபத³ப்³யஞ்ஜனா வாசா அஸ்ஸாதி கல்யாணவாசோ. கல்யாணங் மது⁴ரங் வாக்கரணங் அஸ்ஸாதி கல்யாணவாக்கரணோ. வாக்கரணந்தி உதா³ஹரணகோ⁴ஸோ. கு³ணபரிபுண்ணபா⁴வேன போரீ. புரே வா ப⁴வத்தா போரீ. நாக³ரிகித்தி²யா ஸுகு²மாலத்தனேன ஸதி³ஸாதிபி போரீ. தாய போரியா. விஸ்ஸட்டா²யாதி அபலிபு³த்³தா⁴ய, ஸந்தி³ட்ட²விலம்பி³தாதி³தோ³ஸரஹிதாய. அனேலக³லாயாதி ஏலக³லேன விரஹிதாய. ஏகச்சஸ்ஸ ஹி கதெ²ந்தஸ்ஸ ஏலங் க³லதி, லாலா வா பக்³க⁴ரதி, கே²ளபு²ஸிதானி வா நிக்க²மந்தி, தஸ்ஸ வாசா ஏலக³லா நாம ஹோதி. தப்³பி³பரிதாயாதி அத்தோ². அத்த²ஸ்ஸ விஞ்ஞாபனியாதிஆதி³மஜ்ஜ²பரியோஸானங் பாகடங் கத்வா பா⁴ஸிதத்த²ஸ்ஸ விஞ்ஞாபனஸமத்தா²ய. ஸேஸமெத்த² ப்³ராஹ்மணவண்ணே உத்தானமேவ.
425. ஏவங் வுத்தேதி ஏவங் தேஹி ப்³ராஹ்மணேஹி வுத்தே, சங்கீ, ‘‘இமே ப்³ராஹ்மணா அத்தனோ வண்ணே வுச்சமானே அதுஸ்ஸனகஸத்தோ நாம நத்தி², வண்ணமஸ்ஸ ப⁴ணித்வா நிவாரெஸ்ஸாமாதி ஜாதிஆதீ³ஹி மம வண்ணங் வத³ந்தி, ந கோ² பன மே யுத்தங் அத்தனோ வண்ணே ரஜ்ஜிதுங். ஹந்தா³ஹங் ஏதேஸங் வாத³ங் பி⁴ந்தி³த்வா ஸமணஸ்ஸ கோ³தமஸ்ஸ மஹந்தபா⁴வங் ஞாபெத்வா ஏதேஸங் தத்த² க³மனங் கரோமீ’’தி சிந்தெத்வா தேன ஹி, போ⁴, மமாபி ஸுணாதா²திஆதி³மாஹ. தத்த² யேபி ‘‘உப⁴தோ ஸுஜாதோ’’திஆத³யோ அத்தனோ கு³ணேஹி ஸதி³ஸா கு³ணா, தேபி ‘‘கோ சாஹங், கே ச ஸமணஸ்ஸ கோ³தமஸ்ஸ ஜாதிஸம்பத்திஆத³யோ கு³ணா’’தி அத்தனோ கு³ணேஹி உத்தரிதரேயேவ மஞ்ஞமானோ, இதரே பன ஏகந்தேனேவ ப⁴க³வதோ மஹந்தபா⁴வதீ³பனத்த²ங் பகாஸேதி. மயமேவ அரஹாமாதி ஏவங் நியமெந்தோ செத்த² இத³ங்
பூ⁴மிக³தஞ்ச வேஹாஸட்ட²ஞ்சாதி எத்த² ராஜங்க³ணே சேவ உய்யானே ச ஸுதா⁴மட்டா² பொக்க²ரணியோ ஸத்தரதனபூரிங் கத்வா பூ⁴மியங் ட²பிதங் த⁴னங் பூ⁴மிக³தங் நாம, பாஸாத³னியூஹாத³யோ பன பூரெத்வா ட²பிதங் வேஹாஸட்ட²ங் நாம. ஏவங் தாவ குலபரியாயேன ஆக³தங். ததா²க³தஸ்ஸ பன ஜாததி³வஸேயேவ ஸங்கோ² ஏலோ உப்பலோ புண்ட³ரீகோதி சத்தாரோ நித⁴யோ உபக³தா. தேஸு ஸங்கோ² கா³வுதிகோ, ஏலோ அட்³ட⁴யோஜனிகோ, உப்பலோ திகா³வுதிகோ புண்ட³ரீகோ யோஜனிகோதி. தேஸுபி க³ஹிதக³ஹிதட்டா²னங் பூரதியேவ. இதி ப⁴க³வா பஹூதங் ஹிரஞ்ஞஸுவண்ணங் ஓஹாய பப்³ப³ஜிதோதி வேதி³தப்³போ³. த³ஹரோ வாதிஆதீ³னி ஹெட்டா² வித்தா²ரிதானேவ.
அகு²த்³தா³வகாஸோதி எத்த² ப⁴க³வதி அபரிமாணோயேவ த³ஸ்ஸனாவகாஸோதி வேதி³தப்³போ³. தத்ரித³ங் வத்து²ங் – ராஜக³ஹே கிர அஞ்ஞதரோ ப்³ராஹ்மணோ ‘‘ஸமணஸ்ஸ கிர கோ³தமஸ்ஸ பமாணங் க³ஹேதுங் ந ஸக்கா’’தி ஸுத்வா ப⁴க³வதோ பிண்டா³ய பவிஸனகாலே ஸட்டி²ஹத்த²ங் வேளுங் க³ஹெத்வா நக³ரத்³வாரஸ்ஸ ப³ஹி ட²த்வா ஸம்பத்தே ப⁴க³வதி வேளுங் க³ஹெத்வா ஸமீபே அட்டா²ஸி, வேளு ப⁴க³வதோ ஜாணுமத்தங் பாபுணி. புனதி³வஸே த்³வே வேளூ க⁴டெத்வா ஸமீபே அட்டா²ஸி
அபரம்பி வத்து² – ராஹு கிர அஸுரிந்தோ³ சத்தாரி யோஜனஸஹஸ்ஸானி அட்ட² ச யோஜனஸதானி உச்சோ, பா³ஹந்தரமஸ்ஸ த்³வாத³ஸயோஜனஸதானி, ஹத்த²தலபாத³தலானங் புது²லதா தீணி யோஜனஸதானி, அங்கு³லிபப்³பா³னி பண்ணாஸயோஜனானி
சதுபாரிஸுத்³தி⁴ஸீலேன ஸீலவா. தங் பன ஸீலங் அரியங் உத்தமங் பரிஸுத்³த⁴ங், தேனாஹ அரியஸீலீதி. ததே³வ அனவஜ்ஜட்டே²ன குஸலங், தேனாஹ குஸலஸீலீதி. குஸலேன ஸீலேனாதி இத³மஸ்ஸ வேவசனங். ப³ஹூனங் ஆசரியபாசரியோதி ப⁴க³வதோ ஏகேகாய த⁴ம்மதே³ஸனாய சதுராஸீதிபாணஸஹஸ்ஸானி அபரிமாணாபி தே³வமனுஸ்ஸா மக்³க³ப²லாமதங் பிவந்தி. தஸ்மா ப³ஹூனங் ஆசரியோ, ஸாவகவினெய்யானங் பாசரியோதி.
கீ²ணகாமராகோ³தி எத்த² காமங் ப⁴க³வதோ ஸப்³பே³பி கிலேஸா கீ²ணா, ப்³ராஹ்மணோ பன தே ந ஜானாதி, அத்தனோ ஜானநட்டா²னேயேவ கு³ணங் கதே²தி. விக³தசாபல்லோதி ‘‘பத்தமண்ட³னா சீவரமண்ட³னா ஸேனாஸனமண்ட³னா இமஸ்ஸ வா பூதிகாயஸ்ஸ…பே॰… கேலனா படிகேலனா’’தி ஏவங் வுத்தசாபல்யவிரஹிதோ.
அபாபபுரெக்கா²ரோதி ப்³ரஹ்மஞ்ஞாய பஜாயாதி ஸாரிபுத்தமொக்³க³ல்லானமஹாகஸ்ஸபாதி³பே⁴தா³ய ப்³ராஹ்மணபஜாய. (அவிருத்³தோ⁴ ஹி ஸோ) ஏதிஸ்ஸாய பஜாய புரெக்கா²ரோ. அயஞ்ஹி பஜா ஸமணங் கோ³தமங் புரதோ கத்வா அபாபபுரெக்கா²ரோதி ந பாபுபுரெக்கா²ரோ, ந பாபங் புரதோ கத்வா சரதி, பாபங் ந இச்ச²தீதி அத்தோ². கஸ்ஸ? ப்³ரஹ்மஞ்ஞாய பஜாய அத்தனா ஸத்³தி⁴ங் படிவிருத்³தா⁴யபி ப்³ராஹ்மணபஜாய அவிருத்³தோ⁴ ஹிதஸுக²த்தி²கோயேவாதி வுத்தங் ஹோதி.
திரோரட்டா²தி பரரட்ட²தோ. திரோஜனபதா³தி பரஜனபத³தோ. ஸங்புச்சி²துங் ஆக³ச்ச²ந்தீதி க²த்தியபண்டி³தாத³யோ சேவ ப்³ராஹ்மணக³ந்த⁴ப்³பா³த³யோ ச பஞ்ஹே அபி⁴ஸங்க²ரித்வா புச்சி²ஸ்ஸாமாதி ஆக³ச்ச²ந்தி. தத்த² கேசி புச்சா²ய வா தோ³ஸங் விஸ்ஸஜ்ஜனஸம்படிச்ச²னே வா அஸமத்த²தங் ஸல்லக்கெ²த்வா அபுச்சி²த்வாவ துண்ஹீ நிஸீத³ந்தி, கேசி புச்ச²ந்தி, கேஸஞ்சி ப⁴க³வா புச்சா²ய உஸ்ஸாஹங் ஜனெத்வா விஸ்ஸஜ்ஜேதி. ஏவங் ஸப்³பே³ஸம்பி தேஸங் விமதியோ தீரங் பத்வா மஹாஸமுத்³த³ஸ்ஸ ஊமியோ விய ப⁴க³வந்தங் பத்வாவ பி⁴ஜ்ஜந்தி. ஸேஸமெத்த² ததா²க³தஸ்ஸ வண்ணே உத்தானமேவ.
அதிதீ² நோ தே ஹொந்தீதி தே அம்ஹாகங் ஆக³ந்துகா நவகா பாஹுனகா ஹொந்தீதி அத்தோ². பரியாபுணாமீதி ஜானாமி. அபரிமாணவண்ணோதி ததா²ரூபேனேவ ஸப்³ப³ஞ்ஞுனாபி அப்பமெய்யவண்ணோ, பகே³வ மாதி³ஸேனாதி த³ஸ்ஸேதி. வுத்தம்பி சேதங் –
‘‘பு³த்³தோ⁴பி பு³த்³த⁴ஸ்ஸ ப⁴ணெய்ய வண்ணங்,
கப்பம்பி சே அஞ்ஞமபா⁴ஸமானோ;
கீ²யேத² கப்போ சிரதீ³க⁴மந்தரே,
வண்ணோ ந கீ²யேத² ததா²க³தஸ்ஸா’’தி.
இமங் பன கு³ணகத²ங் ஸுத்வா தே ப்³ராஹ்மணா சிந்தயிங்ஸு ‘‘யதா², சங்கீ, ஸமணஸ்ஸ கோ³தமஸ்ஸ வண்ணங் பா⁴ஸதி, அனோமகு³ணோ
426. ஓபாதேதீதி ஸங்புரெக்க²ரொந்தீதி புத்தமத்தனத்தமத்தம்பி ஸமானங் புரதோ கத்வா விசரந்தி.
427. மந்தபத³ந்தி மந்தாயேவ மந்தபத³ங், வேதோ³தி அத்தோ². இதிஹிதிஹ பரம்பராயாதி ஏவங் கிர ஏவங் கிராதி பரம்பரபா⁴வேன ஆக³தந்தி தீ³பேதி. பிடகஸம்பதா³யாதி தத்த² சாதி தஸ்மிங் மந்தபதே³. பவத்தாரோதி பவத்தயிதாரோ. யேஸந்தி யேஸங் ஸந்தகங். மந்தபத³ந்தி வேத³ஸங்கா²தங் மந்தமேவ. கீ³தந்தி அட்ட²காதீ³ஹி த³ஸஹி போராணகப்³ராஹ்மணேஹி பத³ஸம்பத்திவஸேன ஸஜ்ஜா²யிதங். பவுத்தந்தி அஞ்ஞேஸங் வுத்தங், வாசிதந்தி அத்தோ². ஸமிஹிதந்தி ஸமுபப்³யூள்ஹங் ராஸிகதங், பிண்ட³ங் கத்வா ட²பிதந்தி அத்தோ². தத³னுகா³யந்தீதி ஏதரஹி ப்³ராஹ்மணா தங் தேஹி புப்³பே³ கீ³தங் அனுகா³யந்தி அனுஸஜ்ஜா²யந்தி வாதெ³ந்தி. தத³னுபா⁴ஸந்தீதி தங் அனுபா⁴ஸந்தி, இத³ங் புரிமஸ்ஸேவ வேவசனங். பா⁴ஸிதமனுபா⁴ஸந்தீதி தேஹி பா⁴ஸிதங் ஸஜ்ஜா²யிதங் அனுஸஜ்ஜா²யந்தி. வாசிதமனுவாசெந்தீதி ஸெய்யதி²த³ந்தி தே கதமேதி அத்தோ². அட்ட²கோதிஆதீ³னி தேஸங் நாமானி, தே கிர தி³ப்³பே³ன சக்கு²னா ஓலோகெத்வா பரூபகா⁴தங் அகத்வா கஸ்ஸபஸம்மாஸம்பு³த்³த⁴ஸ்ஸ ப⁴க³வதோ பாவசனேன ஸஹ ஸங்ஸந்தெ³த்வா மந்தே க³ந்தே²ஸுங், அபராபரே பன ப்³ராஹ்மணா பாணாதிபாதாதீ³னி பக்கி²பித்வா தயோ வேதே³ பி⁴ந்தி³த்வா பு³த்³த⁴வசனேன ஸத்³தி⁴ங் விருத்³தே⁴ அகங்ஸு.
428. அந்த⁴வேணீதி அந்த⁴பவேணீ. ஏகேன ஹி சக்கு²மதா க³ஹிதயட்டி²யா கோடிங் ஏகோ அந்தோ⁴ க³ண்ஹாதி, தங் அந்த⁴ங் அஞ்ஞோ, தங் அஞ்ஞோதி ஏவங் பண்ணாஸ ஸட்டி² அந்தா⁴ படிபாடியா க⁴டிதா அந்த⁴வேணீதி வுச்சதி. பரம்பராஸங்ஸத்தாதி அஞ்ஞமஞ்ஞங் லக்³கா³, யட்டி²க்³கா³ஹகேனபி சக்கு²மதா விரஹிதாதி அத்தோ². ஏகோ கிர து⁴த்தோ அந்த⁴க³ணங் தி³ஸ்வா ‘‘அஸுகஸ்மிங் நாம கா³மே க²ஜ்ஜபோ⁴ஜ்ஜங் ஸுலப⁴’’ந்தி உஸ்ஸாஹெத்வா தேஹி ‘‘தத்த² நோ ஸாமி நேஹி, இத³ங் நாம தே தே³மா’’தி வுத்தே லஞ்ஜங் க³ஹெத்வா அந்தராமக்³கே³ மக்³கா³ ஓக்கம்ம மஹந்தங் க³ச்ச²ங் அனுபரிக³ந்த்வா புரிமஸ்ஸ ஹத்தே²ன பச்சி²மஸ்ஸ கச்ச²ங் க³ண்ஹாபெத்வா ‘‘கிஞ்சி கம்மங் அத்தி², க³ச்ச²த² தாவ தும்ஹே’’தி வத்வா பலாயி. தே தி³வஸம்பி க³ந்த்வா மக்³க³ங் அவிந்த³மானா ‘‘கஹங், போ⁴, சக்கு²மா கஹங் மக்³கோ³’’தி பரிதே³வித்வா மக்³க³ங் அவிந்த³மானா தத்தே²வ மரிங்ஸு. தே ஸந்தா⁴ய வுத்தங் ‘‘பரம்பராஸங்ஸத்தா’’தி. புரிமோபீதி புரிமேஸு த³ஸஸு ப்³ராஹ்மணேஸு ஏகோபி. மஜ்ஜி²மோபீதி பச்சி²மோபீதி இதா³னி ப்³ராஹ்மணேஸு ஏகோபி.
பஞ்ச கோ²தி பாளிஆக³தேஸு த்³வீஸு அஞ்ஞேபி ஏவரூபே தயோ பக்கி²பித்வா வத³தி. த்³வேதா⁴விபாகாதி பூ⁴தவிபாகா வா அபூ⁴தவிபாகா வா. நாலமெத்தா²தி, பா⁴ரத்³வாஜ, ஸச்சங் அனுரக்கி²ஸ்ஸாமீதி படிபன்னேன விஞ்ஞுனா ‘‘யங் மயா க³ஹிதங், இத³மேவ ஸச்சங் மோக⁴மஞ்ஞ’’ந்தி எத்த² ஏகங்ஸேனேவ நிட்ட²ங் க³ந்துங் நாலங் ந யுத்தந்தி உபரி புச்சா²ய மக்³க³ங் விவரித்வா ட²பேஸி.
430. இத⁴, பா⁴ரத்³வாஜ, பி⁴க்கூ²தி ஜீவகஸுத்தே (ம॰ நி॰ 2.51 ஆத³யோ) விய மஹாவச்ச²ஸுத்தே (ம॰ நி॰ 2.193 ஆத³யோ) விய ச அத்தானஞ்ஞேவ ஸந்தா⁴ய வத³தி. லோப⁴னீயேஸு த⁴ம்மேஸூதி லோப⁴த⁴ம்மேஸு. ஸேஸபத³த்³வயேபி ஏஸேவ நயோ.
432. ஸத்³த⁴ங் நிவேஸேதீதி ஓகப்பனியஸத்³த⁴ங் நிவேஸேதி. உபஸங்கமதீதி உபக³ச்ச²தி. பயிருபாஸதீதி ஸந்திகே நிஸீத³தி. ஸோதந்தி பஸாத³ஸோதங் ஓத³ஹதி. த⁴ம்மந்தி தே³ஸனாத⁴ம்மங் ஸுணாதி. தா⁴ரேதீதி பகு³ணங் கத்வா தா⁴ரேதி. உபபரிக்க²தீதி அத்த²தோ ச காரணதோ ச வீமங்ஸதி. நிஜ்ஜா²னங் க²மந்தீதி ஓலோகனங் க²மந்தி, இத⁴ ஸீலங் கதி²தங், இத⁴ ஸமாதீ⁴தி ஏவங் உபட்ட²ஹந்தீதி அத்தோ². ச²ந்தோ³தி கத்துகம்யதா ச²ந்தோ³. உஸ்ஸஹதீதி வாயமதி. துலேதீதி அனிச்சாதி³வஸேன தீரேதி. பத³ஹதீதி மக்³க³பதா⁴னங் பத³ஹதி. காயேன சேவ பரமஸச்சந்தி ஸஹஜாதனாமகாயேன ச
433. ஸச்சானுபோ³தோ⁴தி மக்³கா³னுபோ³தோ⁴. ஸச்சானுப்பத்தீதி ப²லஸச்சி²கிரியா. தேஸங்யேவாதி ஹெட்டா² வுத்தானங் த்³வாத³ஸன்னங், ஏவங் தீ³க⁴ங் மக்³க³வாத³ங் அனுலோமேதி, தஸ்மா நாயமத்தோ². அயங் பனெத்த² அத்தோ² – தேஸங்யேவாதி தேஸங் மக்³க³ஸம்பயுத்தத⁴ம்மானங். பதா⁴னந்தி மக்³க³பதா⁴னங். தஞ்ஹி ப²லஸச்சி²கிரியஸங்கா²தாய ஸச்சானுப்பத்தியா ப³ஹுகாரங், மக்³கே³ அஸதி ப²லாபா⁴வதோதி. இமினா நயேன ஸப்³ப³பதே³ஸு அத்தோ² வேதி³தப்³போ³. ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
சங்கீஸுத்தவண்ணனா நிட்டி²தா.
6. ஏஸுகாரீஸுத்தவண்ணனா
437. ஏவங் மே ஸுதந்தி ஏஸுகாரீஸுத்தங். தத்த² பி³லங் ஓலக்³கெ³ய்யுந்தி கொட்டா²ஸங் லக்³கா³பெய்யுங், இமினா ஸத்த²த⁴ம்மங் நாம த³ஸ்ஸேதி. ஸத்த²வாஹோ கிர மஹாகந்தாரபடிபன்னோ அந்தராமக்³கே³ கோ³ணே மதே மங்ஸங் க³ஹெத்வா ஸப்³பே³ஸங் ஸத்தி²கானங் ‘‘இத³ங் கா²தி³த்வா எத்தகங் மூலங் தா³தப்³ப³’’ந்தி கொட்டா²ஸங் ஓலக்³கே³தி, கோ³ணமங்ஸங் நாம கா²த³ந்தாபி அத்தி² அகா²த³ந்தாபி, மூலங் தா³துங் ஸக்கொந்தாபி அஸக்கொந்தாபி. ஸத்த²வாஹோ யேன மூலேன கோ³ணோ க³ஹிதோ, தஸ்ஸ நிக்க²மனத்த²ங் ஏவமேவ கோ²திஆதி³மாஹ. பாபியோ அஸ்ஸாதி பாபங் அஸ்ஸ. ஸெய்யோ அஸ்ஸாதி ஹிதங் அஸ்ஸ. அத² வா பாபியோதி பாபகோ லாமகோ அத்தபா⁴வோ அஸ்ஸ. ஸெய்யோதி ஸெட்டோ² உத்தமோ. ஸெய்யங்ஸோதி ஸெய்யோ. உச்சாகுலீனதாதி உச்சாகுலீனத்தேன ஸெய்யோ. பாபியங்ஸோதி பாபியோ. உச்சாகுலீனதா ச த்³வீஸு குலேஸு வட்³டே⁴தி க²த்தியகுலே ப்³ராஹ்மணகுலே ச, உளாரவண்ணதா தீஸு. வெஸ்ஸோபி ஹி உளாரவண்ணோ ஹோதி. உளாரபோ⁴க³தா சதூஸுபி. ஸுத்³தோ³பி ஹி அந்தமஸோ சண்டா³லோபி உளாரபோ⁴கோ³ ஹோதியேவ.
440. பி⁴க்கா²சரியந்தி கோடித⁴னேனபி ஹி ப்³ராஹ்மணேன பி⁴க்கா² சரிதப்³பா³வ, போராணகப்³ராஹ்மணா அஸீதிகோடித⁴னாபி ஏகவேலங் பி⁴க்க²ங் சரந்தி. கஸ்மா? து³க்³க³தகாலே சரந்தானங் இதா³னி பி⁴க்க²ங் சரிதுங் ஆரத்³தா⁴தி க³ரஹா ந ப⁴விஸ்ஸதீதி. அதிமஞ்ஞமானோதி யோ பி⁴க்கா²சரியவங்ஸங் ஹரித்வா ஸத்தஜீவகஸிகம்மவணிஜ்ஜாதீ³ஹி ஜீவிகங் கப்பேதி, அயங் அதிமஞ்ஞதி நாம. கோ³போ வாதி யதா² கோ³பகோ அத்தனா ரக்கி²தப்³ப³ங் ப⁴ண்ட³ங் தே²னெந்தோ அகிச்சகாரீ ஹோதி, ஏவந்தி அத்தோ². இமினா நயேன ஸப்³ப³வாரேஸு அத்தோ² வேதி³தப்³போ³. அஸிதப்³யாப⁴ங்கி³ந்தி அனுஸ்ஸரதோதி யத்த² ஜாதோ, தஸ்மிங் போராணே மாதாபெத்திகே குலவங்ஸே அனுஸ்ஸரியமானேதி அத்தோ². ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
ஏஸுகாரீஸுத்தவண்ணனா நிட்டி²தா.
7. த⁴னஞ்ஜானிஸுத்தவண்ணனா
445. ஏவங் மே ஸுதந்தி த⁴னஞ்ஜானிஸுத்தங். தத்த² த³க்கி²ணாகி³ரிஸ்மிந்தி கி³ரீதி பப்³ப³தோ, ராஜக³ஹங் பரிக்கி²பித்வா டி²தபப்³ப³தஸ்ஸ த³க்கி²ணதி³ஸாபா⁴கே³ ஜனபத³ஸ்ஸேதங் நாமங். தண்டு³லபாலித்³வாராயாதி ராஜக³ஹஸ்ஸ கிர த்³வத்திங்ஸமஹாத்³வாரானி சதுஸட்டி²கு²த்³த³கத்³வாரானி, தேஸு ஏகங் தண்டு³லபாலித்³வாரங் நாம, தங் ஸந்தா⁴யேவமாஹ. ராஜானங் நிஸ்ஸாயாதி ‘‘க³ச்ச² மனுஸ்ஸே அபீளெத்வா ஸஸ்ஸபா⁴க³ங் க³ண்ஹாஹீ’’தி ரஞ்ஞா பேஸிதோ க³ந்த்வா ஸப்³ப³மேவ ஸஸ்ஸங் க³ண்ஹாதி, ‘‘மா நோ, ப⁴ந்தே, நாஸேஹீ’’தி ச வுத்தே – ‘‘ராஜகுலே வுத்தங் மந்த³ங், அஹங் ரஞ்ஞா ஆக³மனகாலேயேவ ஏவங் ஆணத்தோ, மா கந்தி³த்தா²’’தி ஏவங் ராஜானங் நிஸ்ஸாய ப்³ராஹ்மணக³ஹபதிகே விலும்பதி. த⁴ஞ்ஞங் யேபு⁴ய்யேன அத்தனோ க⁴ரங் பவேஸெத்வா அப்பகங் ராஜகுலே பவேஸேதி. கிங் ப்³ராஹ்மணக³ஹபதிகானங் ந பீளங் அகாஸீதி ச வுத்தோ – ‘‘ஆம, மஹாராஜ, இமஸ்மிங் வாரே கெ²த்தானி
446. பயோ பீயதந்தி தருணகீ²ரங் பிவது. தாவ ப⁴த்தஸ்ஸாதி யாவ கீ²ரங் பிவித்வா நிஸீதி³ஸ்ஸத², தாவதே³வ ப⁴த்தஸ்ஸ காலோ ப⁴விஸ்ஸதி. இதே⁴வ ஹி நோ பாதராஸப⁴த்தங் ஆஹரிஸ்ஸந்தீதி த³ஸ்ஸேதி. மாதாபிதரோதிஆதீ³ஸு மஹல்லகா மாதாபிதரோ முது³கானி அத்த²ரணபாவுரணானி ஸுகு²மானி வத்தா²னி மது⁴ரபோ⁴ஜனங் ஸுக³ந்த⁴க³ந்த⁴மாலாதீ³னி ச பரியேஸித்வா போஸேதப்³பா³. புத்ததீ⁴தானங் நாமகரணமங்க³லாதீ³னி ஸப்³ப³கிச்சானி கரொந்தேன புத்ததா³ரோ போஸேதப்³போ³. ஏவஞ்ஹி அகரியமானே க³ரஹா உப்பஜ்ஜதீதி இமினா நயேன அத்தோ² வேதி³தப்³போ³.
447. அத⁴ம்மசாரீதி பஞ்ச து³ஸ்ஸீல்யகம்மானி வா த³ஸ து³ஸ்ஸீல்யகம்மானி வா இத⁴ அத⁴ம்மோ நாம. உபகட்³டெ⁴ய்யுந்தி பஞ்சவித⁴ப³ந்த⁴னாதி³கம்மகரணத்த²ங் தங் தங் நிரயங் கட்³டெ⁴ய்யுங்.
448. த⁴ம்மசாரீதி படிக்கமந்தீதி ஓஸரந்தி பரிஹாயந்தி. அபி⁴க்கமந்தீதி அபி⁴ஸரந்தி வட்³ட⁴ந்தி. ஸெய்யோதி வரதரங். ஹீனேதி நிஹீனே லாமகே. காலங்கதோ ச ஸாரிபுத்தாதி இத³ங்
பபஞ்சஸூத³னியா மஜ்ஜி²மனிகாயட்ட²கதா²ய
த⁴னஞ்ஜானிஸுத்தவண்ணனா நிட்டி²தா.
8. வாஸெட்ட²ஸுத்தவண்ணனா
454. ஏவங் மே ஸுதந்தி வாஸெட்ட²ஸுத்தங். தத்த² இச்சா²னங்க³லவனஸண்டே³தி இச்சா²னங்க³லகா³மஸ்ஸ அவிதூ³ரே வனஸண்டே³. சங்கீதி ஆத³யோ பஞ்சபி ஜனா ரஞ்ஞோ பஸேனதி³ஸ்ஸ கோஸலஸ்ஸ புரோஹிதா ஏவ. அஞ்ஞே ச அபி⁴ஞ்ஞாதாதி அஞ்ஞே ச ப³ஹூ அபி⁴ஞ்ஞாதா ப்³ராஹ்மணா. தே கிர ச²ட்டே² ச²ட்டே² மாஸே த்³வீஸு டா²னேஸு ஸன்னிபதந்தி. யதா³ ஜாதிங் ஸோதே⁴துகாமா ஹொந்தி, ததா³ பொக்க²ரஸாதிஸ்ஸ ஸந்திகே ஜாதிஸோத⁴னத்த²ங் உக்கட்டா²ய ஸன்னிபதந்தி. யதா³ மந்தே ஸோதே⁴துகாமா ஹொந்தி, ததா³ இச்சா²னங்க³லே ஸன்னிபதந்தி. இமஸ்மிங் காலே மந்தஸோத⁴னத்த²ங் ஸன்னிபதிங்ஸு. அயமந்தரா கதா²தி யங் அத்தனோ ஸஹாயகபா⁴வானுரூபங் கத²ங் கதெ²ந்தா அனுவிசரிங்ஸு, தஸ்ஸா கதா²ய அந்தரா அயமஞ்ஞா கதா² உத³பாதி³. ஸீலவாதி கு³ணவா. வத்தஸம்பன்னோதி ஆசாரஸம்பன்னோ.
455. அனுஞ்ஞாதபடிஞ்ஞாதாதி அஸ்மாதி ப⁴வாம. அஹங் பொக்க²ரஸாதிஸ்ஸ, தாருக்க²ஸ்ஸாயங் மாணவோதி அஹங் பொக்க²ரஸாதிஸ்ஸ ஜெட்ட²ந்தேவாஸீ அக்³க³ஸிஸ்ஸோ, அயங் தாருக்க²ஸ்ஸாதி தீ³பேதி.
தேவிஜ்ஜானந்தி திவேதா³னங் ப்³ராஹ்மணானங். யத³க்கா²தந்தி யங் அத்த²தோ ச ப்³யஞ்ஜனதோ ச ஏகங் பத³ம்பி அக்கா²தங். தத்ர கேவலினொஸ்மஸேதி தங் ஸகலங் ஜானநதோ தத்த² நிட்டா²க³தம்ஹாதி அத்தோ². இதா³னி தங் கேவலிபா⁴வங் ஆவிகரொந்தோ பத³கஸ்மாதிஆதி³மாஹ. தத்த² ஜப்பே ஆசரியஸாதி³ஸாதி கத²னட்டா²னே மயங் ஆசரியஸதி³ஸாயேவ.
கம்முனாதி சக்கு²மாதி பஞ்சஹி சக்கூ²ஹி சக்கு²மந்தபா⁴வேன ப⁴க³வந்தங் ஆலபதி.
க²யாதீதந்தி பேச்சாதி உபக³ந்த்வா. நமஸ்ஸந்தீதி நமோ கரொந்தி.
சக்கு²ங் லோகே ஸமுப்பன்னந்தி அவிஜ்ஜந்த⁴காரே லோகே தங் அந்த⁴காரங் வித⁴மித்வா லோகஸ்ஸ தி³ட்ட²த⁴ம்மிகாதி³அத்த²த³ஸ்ஸனேன சக்கு² ஹுத்வா ஸமுப்பன்னங்.
456. ஏவங் தேஸங் வோ அஹங் ப்³யக்கி²ஸ்ஸந்திஆதி³மாஹ. தத்த² ப்³யக்கி²ஸ்ஸந்தி ப்³யாகரிஸ்ஸாமி. அனுபுப்³ப³ந்தி திட்ட²து தாவ ப்³ராஹ்மணசிந்தா, திணருக்க²கீடபடங்க³தோ பட்டா²ய அனுபடிபாடியா ஆசிக்கி²ஸ்ஸாமீதி அத்தோ². ஜாதிவிப⁴ங்க³ந்தி ஜாதிவித்தா²ரங். அஞ்ஞமஞ்ஞா ஹி ஜாதியோதி தேஸங் தேஸஞ்ஹி பாணானங் ஜாதியோ அஞ்ஞமஞ்ஞா நானப்பகாராதி அத்தோ².
திணருக்கே²தி அனுபாதி³ன்னகஜாதிங் கத்வா பச்சா² உபாதி³ன்னகஜாதிங் கதெ²ஸ்ஸாமி, ஏவங் தஸ்ஸ ஜாதிபே⁴தோ³ பாகடோ ப⁴விஸ்ஸதீதி இமங் தே³ஸனங் ஆரபி⁴. மஹாஸீவத்தே²ரோ பன ‘‘கிங், ப⁴ந்தே, அனுபாதி³ன்னகங் பீ³ஜனானதாய நானங், உபாதி³ன்னங் கம்மனானதாயாதி? ஏவங் வத்துங் ந வட்டதீ’’தி புச்சி²தோ ஆம ந வட்டதி. கம்மஞ்ஹி யோனியங் கி²பதி. யோனிஸித்³தா⁴ இமே ஸத்தா நானாவண்ணா ஹொந்தீதி. திணருக்கே²தி எத்த² அந்தோபெ²க்³கூ³ ப³ஹிஸாரா அந்தமஸோ தாலனாளிகேராத³யோபி திணானேவ, அந்தோஸாரா பன ப³ஹிபெ²க்³கூ³ ஸப்³பே³ ருக்கா² நாம. ந சாபி படிஜானரேதி மயங் திணா மயங் ருக்கா²தி வா, அஹங் திணங், அஹங் ருக்கோ²தி வா ஏவங் ந ஜானந்தி. லிங்க³ங் ஜாதிமயந்தி அஜானந்தானம்பி ச தேஸங் ஜாதிமயமேவ ஸண்டா²னங் அத்தனோ மூலபூ⁴ததிணாதி³ஸதி³ஸமேவ ஹோதி. கிங் காரணா? அஞ்ஞமஞ்ஞா ஹி ஜாதியோ. யஸ்மா அஞ்ஞா திணஜாதி, அஞ்ஞா ருக்க²ஜாதி. திணேஸுபி அஞ்ஞா தாலஜாதி, அஞ்ஞா நாளிகேரஜாதி, ஏவங் வித்தா²ரேதப்³ப³ங். இமினா இத³ங் த³ஸ்ஸேதி – யங் ஜாதிவஸேன நானா
ஏவங் ததோ கீடேதிஆதி³மாஹ. யாவ குந்த²கிபில்லிகேதி குந்த²கிபில்லிகங் பரியந்தங் கத்வாதி அத்தோ². எத்த² ச யே உப்பதித்வா க³ச்ச²ந்தி, தே படங்கா³ நாம. அஞ்ஞமஞ்ஞா ஹி ஜாதியோதி தேஸம்பி நீலரத்தாதி³வண்ணவஸேன ஜாதியோ நானப்பகாராவ ஹொந்தி.
கு²த்³த³கேதி காளகாத³யோ. மஹல்லகேதி ஸஸபி³ளாராத³யோ.
பாதூ³த³ரேதி உத³ரபாதே³, உத³ரங்யேவ நேஸங் பாதா³தி வுத்தங் ஹோதி. தீ³க⁴பிட்டி²கேதி ஸப்பானஞ்ஹி ஸீஸதோ யாவ நங்கு³ட்டா² பிட்டி²யேவ ஹோதி, தேன தே ‘‘தீ³க⁴பிட்டி²கா’’தி வுச்சந்தி.
உத³கேதி ஓத³கே, உத³கம்ஹி ஜாதே.
பக்கீ²தி ஸகுணே. தே ஹி பத்தேஹி யந்தீதி பத்தயானா, வேஹாஸங் க³ச்ச²ந்தீதி விஹங்க³மா.
ஏவங் த²லஜலாகாஸகோ³சரானங் பாணானங் ஜாதிபே⁴த³ங் த³ஸ்ஸெத்வா இதா³னி யேனாதி⁴ப்பாயேன தங் த³ஸ்ஸேதி, தங் ஆவிகரொந்தோ யதா² ஏதாஸூதி கா³த²மாஹ. தஸ்ஸத்தோ² ஸங்கே²பேன வுத்தோவ. வித்தா²ரதோ பனெத்த² யங் வத்தப்³ப³ங், தங் ந கேஸேஹீதிஆதி³மாஹ. தத்ராயங் யோஜனா – யங் வுத்தங் ‘‘நத்தி² மனுஸ்ஸேஸு லிங்க³ஜாதிமயங் புதூ²’’தி, தங் ஏவங் நத்தீ²தி வேதி³தப்³ப³ங். ஸெய்யதி²த³ங்? ந கேஸேஹீதி. ந ஹி – ‘‘ப்³ராஹ்மணானங் ஏதி³ஸா கேஸா ஹொந்தி, க²த்தியானங் ஏதி³ஸா’’தி நியமோ அத்தி² யதா² ஹத்தி²அஸ்ஸமிகா³தீ³னந்தி இமினா நயேன ஸப்³ப³ங் யோஜேதப்³ப³ங்.
லிங்க³ங் ஜாதிமயங் நேவ, யதா² அஞ்ஞாஸு ஜாதிஸூதி இத³ங் பன வுத்தஸ்ஸேவத்த²ஸ்ஸ நிக³மனந்தி வேதி³தப்³ப³ங். தஸ்ஸாயங் யோஜனா – ஏவங் யஸ்மா இமேஹி
457. இதா³னி ஏவங் ஜாதிபே⁴தே³ அஸதிபி ‘‘ப்³ராஹ்மணோ க²த்தியோ’’தி இத³ங் நானத்தங் யதா² ஜாதங் பச்சத்தந்தி கா³த²மாஹ. தத்த² வோகாரந்தி நானத்தங். அயங் பனெத்த² ஸங்கே²பத்தோ² – யதா² ஹி திரச்சா²னானங் யோனிஸித்³த⁴மேவ கேஸாதி³ஸண்டா²னேன நானத்தங், ததா² ப்³ராஹ்மணாதீ³னங் அத்தனோ அத்தனோ ஸரீரே தங் நத்தி². ஏவங் ஸந்தேபி யதே³தங் ‘‘ப்³ராஹ்மணோ க²த்தியோ’’தி வோகாரங், தங் வோகாரஞ்ச மனுஸ்ஸேஸு ஸமஞ்ஞாய பவுச்சதி, வோஹாரமத்தேனேவ பவுச்சதீதி.
எத்தாவதா ப⁴க³வா பா⁴ரத்³வாஜஸ்ஸ வாத³ங் நிக்³க³ண்ஹித்வா இதா³னி யதி³ ஜாதியா ப்³ராஹ்மணோ ப⁴வெய்ய, ஆஜீவஸீலாசாரவிபன்னோபி ப்³ராஹ்மணோ ப⁴வெய்ய. யஸ்மா பன போராணா ப்³ராஹ்மணா தஸ்ஸ ப்³ராஹ்மணபா⁴வங் ந இச்ச²ந்தி, லோகே ச அஞ்ஞேபி பண்டி³தமனுஸ்ஸா, தஸ்மா வாஸெட்ட²ஸ்ஸ வாத³ங் பக்³க³ண்ஹந்தோ யோ ஹி கோசி மனுஸ்ஸேஸூதி அட்ட² கா³தா² ஆஹ. தத்த² கோ³ரக்க²ந்தி கெ²த்தரக்க²ங், கஸிகம்மந்தி வுத்தங் ஹோதி. கோ³தி ஹி பத²வியா நாமங், தஸ்மா ஏவமாஹ. புது²ஸிப்பேனாதி தந்தவாயகம்மாதி³னானாஸிப்பேன. வோஹாரந்தி வணிஜ்ஜங். பரபெஸ்ஸேனாதி இஸ்ஸத்த²ந்தி ஆவுத⁴ஜீவிகங், உஸுஞ்ச ஸத்திங் சாதி வுத்தங் ஹோதி. போரோஹிச்சேனாதி புரோஹிதகம்மேன.
ஏவங் ப்³ராஹ்மணஸமயேன ச லோகவோஹாரேன ச ஆஜீவஸீலாசாரவிபன்னஸ்ஸ அப்³ராஹ்மணபா⁴வங் ஸாதெ⁴த்வா ஏவங் ஸந்தே ந ஜாதியா ப்³ராஹ்மணோ, கு³ணேஹி பன ப்³ராஹ்மணோ ஹோதி. தஸ்மா யத்த² கத்த²சி குலே ஜாதோ யோ கு³ணவா, ஸோ ப்³ராஹ்மணோ, அயமெத்த² ஞாயோதி ஏவமேதங் ஞாயங் அத்த²தோ ஆபாதெ³த்வா இதா³னி நங் வசீபே⁴தே³ன பகாஸெந்தோ ந சாஹங் ப்³ராஹ்மணந்திஆதி³மாஹ. தஸ்ஸத்தோ² – அஹஞ்ஹி ய்வாயங் சதுன்னங் யோனீனங் யத்த² கத்த²சி ஜாதோ, தத்ராபி விஸேஸேன யோ ப்³ராஹ்மணஸ்ஸ ஸங்வண்ணிதாய மாதரி ஸம்பூ⁴தோ, தங் யோனிஜங் மத்திஸம்ப⁴வங், யா சாயங் உப⁴தோ ஸுஜாதோதிஆதி³னா நயேன ப்³ராஹ்மணேஹி ப்³ராஹ்மணஸ்ஸ பரிஸுத்³த⁴உப்பத்திமக்³க³ஸங்கா²தா யோனி வுத்தா, ஸங்ஸுத்³த⁴க³ஹணிகோதி இமினா யோனிஜங் மத்திஸம்ப⁴வங் இமினா ச யோனிஜமத்திஸம்ப⁴வமத்தேன ந ப்³ராஹ்மணங் ப்³ரூமி. கஸ்மா? யஸ்மா, போ⁴ போ⁴தி, வசனமத்தேன அஞ்ஞேஹி ஸகிஞ்சனேஹி விஸிட்ட²த்தா போ⁴வாதி³ நாம ஸோ ஹோதி, ஸசே ஹோதி ஸகிஞ்சனோ ஸபலிபோ³தோ⁴. யோ பனாயங் யத்த² கத்த²சி ஜாதோபி ராகா³தி³கிஞ்சனாபா⁴வேன அகிஞ்சனோ, ஸப்³ப³க³ஹணபடினிஸ்ஸக்³கே³ன அனாதா³னோ, அகிஞ்சனங் அனாதா³னங், தமஹங் ப்³ரூமி ப்³ராஹ்மணங். கஸ்மா? யஸ்மா பா³ஹிதபாபோதி.
458. கிஞ்சபி⁴ய்யோ ஸப்³ப³ஸங்யோஜனந்தி த³ஸவித⁴ஸங்யோஜனங். ந பரிதஸ்ஸதீதி தண்ஹாபரிதஸ்ஸனாய ந பரிதஸ்ஸதி. ஸங்கா³திக³ந்தி ராக³ஸங்கா³த³யோ அதிக்கந்தங். விஸங்யுத்தந்தி சதூஹி யோனீஹி ஸப்³ப³கிலேஸேஹி வா விஸங்யுத்தங்.
நத்³தி⁴ந்தி உபனாஹங். வரத்தந்தி தண்ஹங். ஸந்தா³னந்தி யுத்தபாஸங், தி³ட்டி²பரியுட்டா²னஸ்ஸேதங் அதி⁴வசனங். ஸஹனுக்கமந்தி அனுக்கமோ வுச்சதி பாஸே பவேஸனக³ண்டி², தி³ட்டா²னுஸயஸ்ஸேதங் நாமங். உக்கி²த்தபலிக⁴ந்தி எத்த² பலிகோ⁴தி அவிஜ்ஜா. பு³த்³த⁴ந்தி சதுஸச்சபு³த்³த⁴ங். திதிக்க²தீதி க²மதி.
க²ந்திப³லந்தி அதி⁴வாஸனக²ந்திப³லங். ஸா பன ஸகிங் உப்பன்னா ப³லானீகங் நாம ந ஹோதி, புனப்புனங் உப்பன்னா பன ஹோதி. தஸ்ஸா அத்தி²தாய ப³லானீகங்.
வதவந்தந்தி து⁴தங்க³வந்தங். ஸீலவந்தந்தி கு³ணவந்தங். அனுஸ்ஸத³ந்தி ராகா³தி³உஸ்ஸத³விரஹிதங். ‘‘அனுஸ்ஸுத’’ந்திபி பாடோ², அனவஸ்ஸுதந்தி அத்தோ². த³ந்தந்தி நிப்³பி³ஸேவனங்.
ந லிம்பதீதி ந அல்லீயதி. காமேஸூதி கிலேஸகாமவத்து²காமேஸு.
து³க்க²ஸ்ஸ பஜானாதி, இதே⁴வ க²யந்தி எத்த² அரஹத்தப²லங் து³க்க²க்க²யோதி அதி⁴ப்பேதங். பஜானாதீதி அதி⁴க³மவஸேன ஜானாதி. பன்னபா⁴ரந்தி ஓஹிதபா⁴ரங், க²ந்த⁴கிலேஸஅபி⁴ஸங்கா²ரகாமகு³ணபா⁴ரே ஓதாரெத்வா டி²தங். விஸங்யுத்தபத³ங் வுத்தத்த²மேவ.
க³ம்பீ⁴ரபஞ்ஞந்தி க³ம்பீ⁴ரேஸு ஆரம்மணேஸு பவத்தபஞ்ஞங். மேதா⁴விந்தி பகதிபஞ்ஞாய பஞ்ஞவந்தங்.
அனாகா³ரேஹி சூப⁴யந்தி அனாகா³ரேஹி ச விஸங்ஸட்ட²ங் உப⁴யஞ்ச, த்³வீஹிபி சேதேஹி விஸங்ஸட்ட²மேவாதி அத்தோ². அனோகஸாரிந்தி ஓகங் வுச்சதி பஞ்சகாமகு³ணாலயோ, தங் அனல்லீயமானந்தி அத்தோ². அப்பிச்ச²ந்தி அனிச்ச²ங்.
தஸேஸூதி தா²வரேஸூதி நித்தண்ஹேஸு.
அத்தத³ண்டே³ஸூதி க³ஹிதத³ண்டே³ஸு. நிப்³பு³தந்தி கிலேஸனிப்³பா³னேன நிப்³பு³தங். ஸாதா³னேஸூதி ஸஉபாதா³னேஸு.
ஓஹிதோதி பதிதோ.
459. அகக்கஸந்தி நித்³தோ³ஸங். ஸதோ³ஸோ ஹி ருக்கோ²பி ஸகக்கஸோதி வுச்சதி. விஞ்ஞாபனிந்தி அத்த²விஞ்ஞாபனிகங். ஸச்சந்தி அவிஸங்வாதி³கங். உதீ³ரயேதி ப⁴ணதி. யாய நாபி⁴ஸஜ்ஜேதி யாய கி³ராய பரஸ்ஸ ஸஜ்ஜனங் வா லக்³க³னங் வா ந கரோதி, தாதி³ஸங் அப²ருஸங் கி³ரங் பா⁴ஸதீதி அத்தோ².
தீ³க⁴ந்தி ஸுத்தாருள்ஹப⁴ண்ட³ங். ரஸ்ஸந்தி விப்பகிண்ணப⁴ண்ட³ங். அணுந்தி கு²த்³த³கங். தூ²லந்தி மஹந்தங். ஸுபா⁴ஸுப⁴ந்தி ஸுந்த³ராஸுந்த³ரங். தீ³க⁴ப⁴ண்ட³ஞ்ஹி அப்பக்³க⁴ம்பி ஹோதி மஹக்³க⁴ம்பி. ரஸ்ஸாதீ³ஸுபி ஏஸேவ நயோ. இதி எத்தாவதா ந ஸப்³ப³ங் பரியாதி³ண்ணங், ‘‘ஸுபா⁴ஸுப⁴’’ந்தி இமினா பன பரியாதி³ண்ணங் ஹோதி.
நிராஸயந்தி நித்தண்ஹங்.
ஆலயாதி தண்ஹாலயா. அஞ்ஞாயாதி ஜானித்வா. அமதோக³த⁴ந்தி அமதப்³ப⁴ந்தரங். அனுப்பத்தந்தி அனுபவிட்ட²ங்.
உபோ⁴ ஸங்க³ந்தி உப⁴யம்பேதங் ஸங்க³ங். புஞ்ஞஞ்ஹி ஸக்³கே³ லக்³கா³பேதி, அபுஞ்ஞங் அபாயே, தஸ்மா உப⁴யம்பேதங் ஸங்க³ந்தி ஆஹ. உபச்சகா³தி அதீதோ.
அனாவிலந்தி ஆவிலகரணகிலேஸவிரஹிதங். நந்தீ³ப⁴வபரிக்கீ²ணந்தி பரிக்கீ²ணனந்தி³ங் பரிக்கீ²ணப⁴வங்.
‘‘யோ பலிபதோ², மஹாவிது³க்³க³தாய து³க்³க³ங், ஸங்ஸரணட்டே²ன ஸங்ஸாரோ, மோஹனட்டே²ன மோஹோதி வுத்தோ. திண்ணோதி பாரங்க³தோதி நிப்³பா³னங் க³தோ. ஜா²யீதி ஆரம்மணலக்க²ணூபனிஜ்ஜா²னவஸேன ஜா²யீ. அனேஜோதி நித்தண்ஹோ. அனுபாதா³ய நிப்³பு³தோதி கிஞ்சி க³ஹணங் அக்³க³ஹெத்வா ஸப்³ப³கிலேஸனிப்³பா³னேன நிப்³பு³தோ.
காமேதி து³விதே⁴பி காமே. அனாகா³ரோதி அனாகா³ரோ ஹுத்வா. பரிப்³ப³ஜேதி பரிப்³ப³ஜதி. காமப⁴வபரிக்கீ²ணந்தி கீ²ணகாமங் கீ²ணப⁴வங்.
மானுஸகங் யோக³ந்தி மானுஸகங் பஞ்சகாமகு³ணயோக³ங். தி³ப்³ப³ங் யோக³ந்தி தி³ப்³ப³ங் பஞ்சகாமகு³ணயோக³ங். ஸப்³ப³யோக³விஸங்யுத்தந்தி ஸப்³ப³கிலேஸயோக³விஸங்யுத்தங்.
ரதிந்தி பஞ்சகாமகு³ணரதிங். அரதிந்தி குஸலபா⁴வனாய உக்கண்டி²தங். வீரந்தி வீரியவந்தங்.
ஸுக³தந்தி ஸுந்த³ரங் டா²னங் க³தங், ஸுந்த³ராய வா படிபத்தியா க³தங்.
க³திந்தி நிப்³ப³த்திங். புரேதி அதீதே. பச்சா²தி அனாக³தே. மஜ்ஜே²தி பச்சுப்பன்னே. கிஞ்சனந்தி
மஹேஸிந்தி மஹந்தே கு³ணே பரியேஸனட்டே²ன மஹேஸிங். விஜிதாவினந்தி விஜிதவிஜயங்.
460. ஏவங் ப⁴க³வா கு³ணதோ கீ²ணாஸவங்யேவ ப்³ராஹ்மணங் த³ஸ்ஸெத்வா யே ஜாதிதோ ப்³ராஹ்மணோதி அபி⁴னிவேஸங் கரொந்தி, தே இத³ங் அஜானந்தா, ஸாவ நேஸங் தி³ட்டி² து³த்³தி³ட்டீ²தி த³ஸ்ஸெந்தோ ஸமஞ்ஞா ஹேஸாதி கா³தா²த்³வயமாஹ. தஸ்ஸத்தோ² – யதி³த³ங் ப்³ராஹ்மணோ க²த்தியோ பா⁴ரத்³வாஜோ வாஸெட்டோ²தி நாமகொ³த்தங் பகப்பிதங் கதங் அபி⁴ஸங்க²தங், ஸமஞ்ஞா ஹேஸா லோகஸ்மிங், வோஹாரமத்தந்தி அத்தோ². கஸ்மா? யஸ்மா ஸமுச்சா ஸமுதா³க³தங் ஸமஞ்ஞாய ஆக³தங். ஏதஞ்ஹி தத்த² தத்த² ஜாதகாலேயேவஸ்ஸ ஞாதிஸாலோஹிதேஹி பகப்பிதங் கதங். நோ சே நங் ஏவங் பகப்பெய்யுங், ந கோசி கிஞ்சி தி³ஸ்வா அயங் ப்³ராஹ்மணோதி வா பா⁴ரத்³வாஜோதி தீ³க⁴ரத்தானுஸயிதங், தி³ட்டி²க³தமஜானதங், தங் பகப்பிதங் நாமகொ³த்தங் ‘‘நாமகொ³த்தமத்தமேதங், வோஹாரத்த²ங் பகப்பித’’ந்தி, அஜானந்தானங் ஸத்தானங் ஹத³யே தீ³க⁴ரத்தங் தி³ட்டி²க³தமனுஸயிதங். தஸ்ஸ அனுஸயிதத்தா தங் நாமகொ³த்தங் அஜானந்தா நோ பப்³ருந்தி, ‘‘ஜாதியா ஹோதி ப்³ராஹ்மணோ’’தி அஜானந்தாவ ஏவங் வத³ந்தீதி வுத்தங் ஹோதி.
ஏவங் ந ஜச்சாதிஆதி³மாஹ. தத்த² ‘‘கம்முனா’’தி உபட்³ட⁴கா³தா²ய வித்தா²ரணத்த²ங் கஸ்ஸகோ கம்முனாதிஆதி³ வுத்தங். தத்த² கம்முனாதி பச்சுப்பன்னேன கஸிகம்மாதி³னிப்³ப³த்தகசேதனாகம்முனா.
படிச்சஸமுப்பாத³த³ஸ்ஸாதி கம்மவிபாககோவிதா³தி ஸம்மானாவமானாரஹகுலே கம்மவஸேன உப்பத்தி ஹோதி, அஞ்ஞாபி ஹீனபணீததா ஹீனபணீதே கம்மே விபச்சமானே ஹோதீதி. ஏவங் கம்மவிபாககுஸலா.
கம்முனா வத்ததீதி கா³தா²ய பன லோகோதி வா பஜாதி வா ஸத்தோதி வா ஏகோயேவத்தோ², வசனமத்தபே⁴தோ³. புரிமபதே³ன செத்த² ‘‘அத்தி² ப்³ரஹ்மா மஹாப்³ரஹ்மா ஸெட்டோ² ஸஜிதா’’தி தி³ட்டி²யா படிஸேதோ⁴ வேதி³தப்³போ³. கம்முனா ஹி தாஸு தாஸு க³தீஸு வத்ததி லோகோ, தஸ்ஸ கோ ஸஜிதாதி. து³தியபதே³ன ‘‘ஏவங் கம்முனா நிப்³ப³த்தோபி ச பவத்தேபி அதீதபச்சுப்பன்னபே⁴தே³ன கம்முனா வத்ததி, ஸுக²து³க்கா²னி பச்சனுபொ⁴ந்தோ ஹீனபணீதாதி³பே⁴த³ஞ்ச ஆபஜ்ஜந்தோ பவத்ததீ’’தி த³ஸ்ஸேதி. ததியேன தமேவத்த²ங் நிக³மேதி ‘‘ஏவங் ஸப்³ப³தா²பி கம்மனிப³ந்த⁴னா ஸத்தா கம்மேனேவ ப³த்³தா⁴ ஹுத்வா பவத்தந்தி, ந அஞ்ஞதா²’’தி. சதுத்தே²ன தமெத்த²ங் உபமாய விபா⁴வேதி. யதா² ஹி ரத²ஸ்ஸ யாயதோ ஆணி நிப³ந்த⁴னங் ஹோதி, ந தாய அனிப³த்³தோ⁴ யாதி, ஏவங் லோகஸ்ஸ நிப்³ப³த்ததோ ச பவத்ததோ ச கம்மங் நிப³ந்த⁴னங், ந தேன அனிப³த்³தோ⁴ நிப்³ப³த்ததி ந பவத்ததி.
இதா³னி யஸ்மா தபேனாதி கா³தா²த்³வயமாஹ. தத்த² தபேனாதி து⁴தங்க³தபேன. ப்³ரஹ்மசரியேனாதி மேது²னவிரதியா. ஸங்யமேனாதி ஸீலேன த³மேனாதி இந்த்³ரியத³மேன. ஏதேனாதி ஏதேன ஸெட்டே²ன பரிஸுத்³தே⁴ன ப்³ரஹ்மபூ⁴தேன கம்முனா ப்³ராஹ்மணோ ஹோதி. கஸ்மா? யஸ்மா ஏதங் ப்³ராஹ்மணமுத்தமங், யஸ்மா ஏதங் கம்மங் உத்தமோ ப்³ராஹ்மணகு³ணோதி வுத்தங் ஹோதி. ‘‘ப்³ரஹ்மான’’ந்திபி பாடோ². அயங் பனெத்த² வசனத்தோ² – ப்³ரஹ்மங் ஆனேதீதி ப்³ரஹ்மானங், ப்³ராஹ்மணபா⁴வங் ஆவஹதீதி வுத்தங் ஹோதி.
து³தியகா³தா²ய ஸந்தோதி ஸந்தகிலேஸோ. ப்³ரஹ்மா ஸக்கோதி ப்³ரஹ்மா ச ஸக்கோ ச, யோ ஏவரூபோ, ஸோ ந கேவலங் ப்³ராஹ்மணோ, அத² கோ² ப்³ரஹ்மா ச ஸக்கோ ச ஸோ விஜானதங் பண்டி³தானங், ஏவங் வாஸெட்ட², ஜானாஹீதி வுத்தங் ஹோதி. ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
வாஸெட்ட²ஸுத்தவண்ணனா நிட்டி²தா.
9. ஸுப⁴ஸுத்தவண்ணனா
462. ஏவங் மே ஸுதந்தி ஸுப⁴ஸுத்தங். தத்த² தோதெ³ய்யபுத்தோதி துதி³கா³மவாஸினோ தோதெ³ய்யப்³ராஹ்மணஸ்ஸ புத்தோ. ஆராத⁴கோ ஹோதீதி ஸம்பாத³கோ ஹோதி பரிபூரகோ. ஞாயங் த⁴ம்மந்தி காரணத⁴ம்மங். குஸலந்தி அனவஜ்ஜங்.
463. மிச்சா²படிபத்திந்தி ஸம்மாபடிபத்திந்தி நிய்யானிகங் குஸலபடிபத³ங்.
மஹட்ட²ந்திஆதீ³ஸு மஹந்தேஹி வெய்யாவச்சகரேஹி வா உபகரணேஹி வா ப³ஹூஹி அத்தோ² எத்தா²தி மஹட்ட²ங். மஹந்தானி நாமக்³க³ஹணமங்க³லாதீ³னி கிச்சானி எத்தா²தி மஹாகிச்சங். இத³ங் அஜ்ஜ கத்தப்³ப³ங், இத³ங் ஸ்வேதி ஏவங் மஹந்தானி அதி⁴காரஸங்கா²தானி அதி⁴கரணானி எத்தா²தி மஹாதி⁴கரணங். ப³ஹூனங் கம்மே யுத்தப்பயுத்ததாவஸேன பீளாஸங்கா²தோ மஹாஸமாரம்போ⁴ எத்தா²தி மஹாஸமாரம்ப⁴ங். க⁴ராவாஸகம்மட்டா²னந்தி க⁴ராவாஸகம்மங். ஏவங் ஸப்³ப³வாரேஸு அத்தோ² வேதி³தப்³போ³. கஸிகம்மே செத்த² நங்க³லகோடிங் ஆதி³ங் கத்வா உபகரணானங் பரியேஸனவஸேன மஹட்ட²தா, வணிஜ்ஜாய யதா²டி²தங்யேவ ப⁴ண்ட³ங் க³ஹெத்வா பரிவத்தனவஸேன அப்பட்ட²தா வேதி³தப்³பா³. விபஜ்ஜமானந்தி அவுட்டி²அதிவுட்டி²ஆதீ³ஹி கஸிகம்மங், மணிஸுவண்ணாதீ³ஸு அச்சே²கதாதீ³ஹி ச வணிஜ்ஜகம்மங் அப்பப²லங் ஹோதி, மூலச்சே²த³ம்பி பாபுணாதி. விபரியாயேன ஸம்பஜ்ஜமானங் மஹப்ப²லங் சூளந்தேவாஸிகஸ்ஸ விய.
464. ஏவமேவ கோ²தி யதா² கஸிகம்மட்டா²னங் விபஜ்ஜமானங் அப்பப²லங் ஹோதி, ஏவங் க⁴ராவாஸகம்மட்டா²னம்பி. அகதகல்யாணோ ஹி காலங் கத்வா நிரயே
ப்³ராஹ்மணா, போ⁴ கோ³தமோதி இத⁴ கிங் புச்சா²மீதி புச்ச²தி? ப்³ராஹ்மணா வத³ந்தி – ‘‘பப்³ப³ஜிதோ இமே பஞ்ச த⁴ம்மே பூரேதுங் ஸமத்தோ² நாம நத்தி², க³ஹட்டோ²வ பூரேதீ’’தி. ஸமணோ பன கோ³தமோ – ‘‘கி³ஹிஸ்ஸ வா அஹங் மாணவ பப்³ப³ஜிதஸ்ஸ வா’’தி புனப்புனங் வத³தி, நேவ பப்³ப³ஜிதங் முஞ்சதி, மய்ஹமேவ புச்ச²ங் மஞ்ஞே ந ஸல்லக்கே²தீதி சாக³ஸீஸேன பஞ்ச த⁴ம்மே புச்சா²மீதி புச்ச²தி. ஸசே தே அக³ரூதி ஸசே துய்ஹங் யதா² ப்³ராஹ்மணா பஞ்ஞபெந்தி, ததா² இத⁴ பா⁴ஸிதுங் பா⁴ரியங் ந ஹோதி, யதி³ ந கோசி அபா²ஸுகபா⁴வோ ஹோதி, பா⁴ஸஸ்ஸூதி அத்தோ². ந கோ² மே, போ⁴தி கிங் ஸந்தா⁴யாஹ? பண்டி³தபடிரூபகானஞ்ஹி ஸந்திகே கதே²துங் து³க்க²ங் ஹோதி, தே பதே³ பதே³ அக்க²ரே அக்க²ரே தோ³ஸமேவ வத³ந்தி. ஏகந்தபண்டி³தா பன கத²ங் ஸுத்வா ஸுகதி²தங் பஸங்ஸந்தி, து³க்கதி²தே பாளிபத³அத்த²ப்³யஞ்ஜனேஸு ஸச்சந்தி வசீஸச்சங். தபந்தி தபசரியங். ப்³ரஹ்மசரியந்தி மேது²னவிரதிங். அஜ்ஜே²னந்தி மந்தக³ஹணங். சாக³ந்தி ஆமிஸபரிச்சாக³ங்.
466. பாபிதோ ப⁴விஸ்ஸதீதி. அஜானநபா⁴வங் பாபிதோ ப⁴விஸ்ஸதி. ஏதத³வோசாதி ப⁴க³வதா அந்த⁴வேணூபமாய நிக்³க³ஹிதோ தங் பச்சாஹரிதுங் அஸக்கொந்தோ யதா² நாம து³ப்³ப³லஸுனகோ² மிக³ங் உட்ட²பெத்வா ஸாமிகஸ்ஸ அபி⁴முக²ங் பொக்க²ரஸாதீதி இத³ங் தஸ்ஸ நாமங், ‘‘பொக்க²ரஸாயீ’’திபி வுச்சதி. தஸ்ஸ கிர காயோ ஸேதபொக்க²ரஸதி³ஸோ தே³வனக³ரே உஸ்ஸாபிதரஜததோரணங் விய ஸோப⁴தி, ஸீஸங் பனஸ்ஸ காளவண்ணஇந்த³னீலமயங் விய, மஸ்ஸுபி சந்த³மண்ட³லே காளமேக⁴ராஜி விய கா²யதி, அக்கீ²னி நீலுப்பலஸதி³ஸானி, நாஸா ரஜதபனாளிகா விய ஸுவட்டிதா ஸுபரிஸுத்³தா⁴, ஹத்த²பாத³தலானி சேவ முக²ஞ்ச கதலாகா²ரஸபரிகம்மங் ஓபமஞ்ஞோதி உபமஞ்ஞகொ³த்தோ. ஸுப⁴க³வனிகோதி உக்கட்டா²ய ஸுப⁴க³வனஸ்ஸ இஸ்ஸரோ. ஹஸ்ஸகங்யேவாதி ஹஸிதப்³ப³கஞ்ஞேவ. நாமகங்யேவாதி லாமகங்யேவ. ததே³வ தங் அத்தா²பா⁴வேன ரித்தகங். ரித்தகத்தா ச துச்ச²கங். இதா³னி நங் ப⁴க³வா ஸாசரியகங் நிக்³க³ண்ஹிதுங் கிங் பன மாணவாதிஆதி³மாஹ.
467. தத்த² கதமா நேஸங் ஸெய்யோதி கதமா வாசா தேஸங் ஸெய்யோ, பாஸங்ஸதரோதி அத்தோ². ஸம்முச்சாதி ஸம்முதியா லோகவோஹாரேன. மந்தாதி துலயித்வா பரிக்³க³ண்ஹித்வா. படிஸங்கா²யாதி ஜானித்வா. அத்த²ஸங்ஹிதந்தி காரணனிஸ்ஸிதங். ஏவங் ஸந்தேதி லோகவோஹாரங் அமுஞ்சித்வா துலயித்வா ஜானித்வா காரணனிஸ்ஸிதங் கத்வா கதி²தாய ஸெய்யபா⁴வே ஸதி. ஆவுதோதி ஆவரிதோ. நிவுதோதி நிவாரிதோ. ஓபு²டோதி ஓனத்³தோ⁴. பரியோனத்³தோ⁴தி பலிவேடி²தோ.
468. க³தி⁴தோதிஆதீ³னி வுத்தத்தா²னேவ. ஸசே தங், போ⁴ கோ³தம, டா²னந்தி ஸசே ஏதங் காரணமத்தி². ஸ்வாஸ்ஸாதி ததூ²பமாஹங் மாணவாதி தப்படிபா⁴க³ங் அஹங். இத³ங் வுத்தங் ஹோதி – யதே²வ ஹி திணகட்டு²பாதா³னங் படிச்ச ஜலமானோ அக்³கி³ தூ⁴மசா²ரிகங்கா³ரானங் அத்தி²தாய ஸதோ³ஸோ ஹோதி
469. இதா³னி யே தே ப்³ராஹ்மணேஹி சாக³ஸீஸேன பஞ்ச த⁴ம்மா பஞ்ஞத்தா, தேபி யஸ்மா பஞ்சேவ ஹுத்வா ந நிச்சலா திட்ட²ந்தி, அனுகம்பாஜாதிகேன ஸத்³தி⁴ங் ச² ஆபஜ்ஜந்தி. தஸ்மா தங் தோ³ஸங் த³ஸ்ஸேதுங் யே தே மாணவாதிஆதி³மாஹ. தத்த² அனுகம்பாஜாதிகந்தி அனுகம்பாஸபா⁴வங்.
கத்த² ப³ஹுலங் ஸமனுபஸ்ஸஸீதி இத³ங் ப⁴க³வா யஸ்மா – ‘‘ஏஸ இமே பஞ்ச த⁴ம்மே பப்³ப³ஜிதோ பரிபூரேதுங்
ந ஸததங் ஸமிதங் ஸச்சவாதீ³திஆதீ³ஸு க³ஹட்டோ² அஞ்ஞஸ்மிங் அஸதி வளஞ்ஜனகமுஸாவாத³ம்பி கரோதியேவ, பப்³ப³ஜிதா அஸினா ஸீஸே சி²ஜ்ஜந்தேபி த்³வே கதா² ந கதெ²ந்தி. க³ஹட்டோ² ச அந்தோதேமாஸமத்தம்பி ஸிக்கா²பத³ங் ரக்கி²துங் ந ஸக்கோதி, பப்³ப³ஜிதோ நிச்சமேவ தபஸ்ஸீ ஸீலவா தபனிஸ்ஸிதகோ ஹோதி. க³ஹட்டோ² மாஸஸ்ஸ அட்ட²தி³வஸமத்தம்பி உபோஸத²கம்மங் சித்தஸ்ஸாஹமேதேந்தி அஹங் ஏதே பஞ்ச த⁴ம்மே மெத்தசித்தஸ்ஸ பரிவாரே வதா³மீதி அத்தோ².
470. ஜாதவத்³தோ⁴தி ஜாதோ ச வட்³டி⁴தோ ச. யோ ஹி கேவலங் தத்த² ஜாதோவ ஹோதி, அஞ்ஞத்த² வட்³டி⁴தோ, தஸ்ஸ ஸமந்தா கா³மமக்³கா³ ந ஸப்³ப³ஸோ பச்சக்கா² ஹொந்தி, தஸ்மா ஜாதவத்³தோ⁴தி ஆஹ. ஜாதவத்³தோ⁴பி ஹி யோ சிரங் நிக்க²ந்தோ, தஸ்ஸ ந ஸப்³ப³ஸோ பச்சக்கா² ஹொந்தி, தஸ்மா தாவதே³வ அவஸடந்தி ஆஹ, தங்க²ணமேவ நிக்க²ந்தந்தி அத்தோ². த³ந்தா⁴யிதத்தந்தி ‘‘அயங் வித்தா²யிதத்தந்தி யதா² ஸுகு²மங் அத்த²ஜாதங் ஸஹஸா புச்சி²தஸ்ஸ கஸ்ஸசி ஸரீரங் த²த்³த⁴பா⁴வங் க³ண்ஹாதி, ஏவங் த²த்³த⁴பா⁴வக³ஹணங். நத்வேவாதி இமினா ஸப்³ப³ஞ்ஞுதஞ்ஞாணஸ்ஸ அப்படிஹதபா⁴வங் த³ஸ்ஸேதி. தஸ்ஸ ஹி புரிஸஸ்ஸ மாராவட்டனாதீ³னங் வஸேன ஸியா ஞாணஸ்ஸ படிகா⁴தோ, தேன ஸோ த³ந்தா⁴யெய்ய வா வித்தா²யெய்ய வா, ஸப்³ப³ஞ்ஞுதஞ்ஞாணங் பன அப்படிஹதங், ந ஸக்கா தஸ்ஸ கேனசி அந்தராயோ காதுந்தி தீ³பேதி.
ஸெய்யதா²பி மாணவ ப³லவா ஸங்க²த⁴மோதி எத்த² ப³லவாதி ப³லஸம்பன்னோ. ஸங்க²த⁴மோதி ஸங்க²த⁴மகோ. அப்பகஸிரேனாதி அகிச்சே²ன அது³க்கே²ன. து³ப்³ப³லோ ஹி ஸங்க²த⁴மகோ ஸங்க²ங் த⁴மந்தோபி ந ஸக்கோதி சதஸ்ஸோ தி³ஸா ஸரேன விஞ்ஞாபேதுங், நாஸ்ஸ ஸங்க²ஸத்³தோ³ ஸப்³ப³ஸோ ப²ரி. ப³லவதோ பன விப்பா²ரிகோ ஹோதி, தஸ்மா ப³லவாதி ஆஹ. மெத்தாய சேதோவிமுத்தியாதி எத்த² மெத்தாயாதி வுத்தே உபசாரோபி சேதோவிமுத்தியாதி வுத்தே பன அப்பனாவ வட்டதி. யங் பமாணகதங் கம்மந்தி பமாணகதங் கம்மங் நாம காமாவசரங் வுச்சதி, அப்பமாணகதங் கம்மங் நாம ரூபாரூபாவசரங். தேஸுபி இத⁴ ப்³ரஹ்மவிஹாரகம்மஞ்ஞேவ அதி⁴ப்பேதங். தஞ்ஹி பமாணங் அதிக்கமித்வா ஓதி⁴ஸகஅனோதி⁴ஸக தி³ஸாப²ரணவஸேன வட்³டெ⁴த்வா கதத்தா அப்பமாணகதந்தி வுச்சதி. ந தங் தத்ராவஸிஸ்ஸதி, ந தங் தத்ராவதிட்ட²தீதி தங் காமாவசரகம்மங் தஸ்மிங் ரூபாரூபாவசரகம்மே ந ஓஹீயதி ந திட்ட²தி. கிங் வுத்தங் ஹோதி? காமாவசரகம்மங் தஸ்ஸ ரூபாரூபாவசரகம்மஸ்ஸ அந்தரா லக்³கி³துங் வா டா²துங் வா ரூபாரூபாவசரகம்மங் ப²ரித்வா பரியாதி³யித்வா அத்தனோ ஓகாஸங் க³ஹெத்வா பதிட்டா²துங் வா ந ஸக்கோதி, அத² கோ² ரூபாரூபாவசரகம்மமேவ காமாவசரங் மஹோகோ⁴ விய பரித்தஉத³கங் ப²ரித்வா பரியாதி³யித்வா அத்தனோ ஓகாஸங் க³ஹெத்வா திட்ட²தி, தஸ்ஸ விபாகங் படிபா³ஹித்வா ஸயமேவ ப்³ரஹ்மஸஹப்³யதங் உபனேதீதி. ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
ஸுப⁴ஸுத்தவண்ணனா நிட்டி²தா.
10. ஸங்கா³ரவஸுத்தவண்ணனா
473. ஏவங் மே ஸுதந்தி ஸங்கா³ரவஸுத்தங். தத்த² சஞ்சலிகப்பேதி ஏவங்னாமகே கா³மே. அபி⁴ப்பஸன்னாதி அவேச்சப்பஸாத³வஸேன பஸன்னா. ஸா கிர ஸோதாபன்னா அரியஸாவிகா பா⁴ரத்³வாஜகொ³த்தஸ்ஸ ப்³ராஹ்மணஸ்ஸ ப⁴ரியா. ஸோ ப்³ராஹ்மணோ புப்³பே³ காலேன காலங் ப்³ராஹ்மணே நிமந்தெத்வா தேஸங் ஸக்காரங் கரோதி. இமங் பன ப்³ராஹ்மணிங் க⁴ரங் ஆனெத்வா அபி⁴ரூபாய மஹாகுலாய ப்³ராஹ்மணியா சித்தங் கோபேதுங் அஸக்கொந்தோ ப்³ராஹ்மணானங் ஸக்காரங் காதுங் நாஸக்கி². அத² நங் ப்³ராஹ்மணா தி³ட்ட²தி³ட்ட²ட்டா²னே – ‘‘நயிதா³னி த்வங் ப்³ராஹ்மணலத்³தி⁴கோ, ஏகாஹம்பி ப்³ராஹ்மணானங் ஸக்காரங் ந கரோஸீ’’தி நிப்பீளெந்தி. ஸோ க⁴ரங் ஆக³ந்த்வா ப்³ராஹ்மணியா தமத்த²ங் ஆரோசெத்வா – ‘‘ஸசே, போ⁴தி ஏகதி³வஸங் முக²ங் ரக்கி²துங் ஸக்குணெய்யாஸி, ப்³ராஹ்மணானங் ஏகதி³வஸங் பி⁴க்க²ங் த³தெ³ய்ய’’ந்தி ஆஹ. துய்ஹங் தெ³ய்யத⁴ம்மங் ருச்சனகட்டா²னே தே³ஹி, கிங் மய்ஹங் எத்தா²தி. ஸோ ப்³ராஹ்மணே நிமந்தெத்வா அப்போத³கங் பாயாஸங் பசாபெத்வா க⁴ரஞ்ச ஸுஜ்ஜா²பெத்வா ஆஸனானி பஞ்ஞாபெத்வா ப்³ராஹ்மணே நிஸீதா³பேஸி. ப்³ராஹ்மணீ மஹாஸாடகங் நிவாஸெத்வா கடச்சு²ங் க³ஹெத்வா பரிவிஸந்தீ து³ஸ்ஸகண்ணகே பக்க²லித்வா ‘‘ப்³ராஹ்மணே பரிவிஸாமீ’’தி ஸஞ்ஞம்பி அகத்வா ஆஸேவனவஸேன ஸஹஸா ஸத்தா²ரமேவ அனுஸ்ஸரித்வா உதா³னங் உதா³னேஸி.
ப்³ராஹ்மணா உதா³னங் ஸுத்வா ‘‘உப⁴தோபக்கி²கோ
‘‘கிங்ஸு
கிஸ்ஸஸ்ஸு ஏகத⁴ம்மஸ்ஸ, வத⁴ங் ரோசேஸி கோ³தமா’’தி. (ஸங்॰ நி॰ 1.187) –
பஞ்ஹங் புச்சி². ஸத்தா² ஆஹ –
‘‘கோத⁴ங் செ²த்வா ஸுக²ங் ஸேதி, கோத⁴ங் செ²த்வா ந ஸோசதி;
கோத⁴ஸ்ஸ விஸமூலஸ்ஸ, மது⁴ரக்³க³ஸ்ஸ ப்³ராஹ்மண;
வத⁴ங் அரியா பஸங்ஸந்தி, தஞ்ஹி செ²த்வா ந ஸோசதீ’’தி. (ஸங்॰ நி॰ 1.187) –
பஞ்ஹங் கதே²ஸி. ஸோ பப்³ப³ஜித்வா அரஹத்தங் பத்தோ. தஸ்ஸேவ கனிட்ட²பா⁴தா அக்கோஸகபா⁴ரத்³வாஜோ நாம ‘‘பா⁴தா மே பப்³ப³ஜிதோ’’தி ஸுத்வா ப⁴க³வந்தங் உபஸங்கமித்வா அக்கோஸித்வா ப⁴க³வதா வினீதோ பப்³ப³ஜித்வா அரஹத்தங் பத்தோ. அபரோ தஸ்ஸ கனிட்டோ² ஸுந்த³ரிகபா⁴ரத்³வாஜோ நாம. ஸோபி ப⁴க³வந்தங் உபஸங்கமித்வா பஞ்ஹங் புச்சி²த்வா விஸ்ஸஜ்ஜனங் ஸுத்வா பப்³ப³ஜித்வா அரஹத்தங் பத்தோ. அபரோ தஸ்ஸ கனிட்டோ² பிங்க³லபா⁴ரத்³வாஜோ நாம. ஸோ பஞ்ஹங் புச்சி²த்வா பஞ்ஹப்³யாகரணபரியோஸானே பப்³ப³ஜித்வா அரஹத்தங் பத்தோ. ஸங்கா³ரவோ மாணவோதி அயங் தேஸங் ஸப்³ப³கனிட்டோ² தஸ்மிங் தி³வஸே ப்³ராஹ்மணேஹி ஸத்³தி⁴ங் ஏகப⁴த்தக்³கே³ நிஸின்னோ. அவபூ⁴தாவாதி அவட்³டி⁴பூ⁴தா அவமங்க³லபூ⁴தாயேவ. பரபூ⁴தாவாதி வினாஸங் பத்தாயேவ. விஜ்ஜமானானந்தி விஜ்ஜமானேஸு. ஸீலபஞ்ஞாணந்தி ஸீலஞ்ச ஞாணஞ்ச ந ஜானாஸி.
474. தி³ட்ட²த⁴ம்மாபி⁴ஞ்ஞாவோஸானபாரமிப்பத்தாதி தி³ட்ட²த⁴ம்மே அபி⁴ஞ்ஞாதே இமஸ்மிஞ்ஞேவ அத்தபா⁴வே அபி⁴ஜானித்வா வோஸிதவோஸானா ஹுத்வா பாரமீஸங்கா²தங் ஸப்³ப³த⁴ம்மானங் பாரபூ⁴தங் நிப்³பா³னங் பத்தா மயந்தி வத்வா ஆதி³ப்³ரஹ்மசரியங் படிஜானந்தீதி அத்தோ². ஆதி³ப்³ரஹ்மசரியந்தி ப்³ரஹ்மசரியஸ்ஸ ஆதி³பூ⁴தா உப்பாத³கா ஜனகாதி ஏவங் படிஜானந்தீதி வுத்தங் ஹோதி. தக்கீதி தக்ககா³ஹீ. வீமங்ஸீதி வீமங்ஸகோ, பஞ்ஞாசாரங் சராபெத்வா ஏவங்வாதீ³. தேஸாஹமஸ்மீதி தேஸங் ஸம்மாஸம்பு³த்³தா⁴னங் அஹமஸ்மி அஞ்ஞதரோ.
485. அட்டி²தவதந்தி அத்தி² தே³வாதி புட்டோ² ஸமானோதி இத³ங் மாணவோ ‘‘ஸம்மாஸம்பு³த்³தோ⁴ அஜானந்தோவ பகாஸேஸீ’’தி ஸஞ்ஞாய ஆஹ. ஏவங் ஸந்தேதி தும்ஹாகங் அஜானநபா⁴வே ஸந்தே. துச்ச²ங் முஸா ஹோதீதி தும்ஹாகங் கதா² அப²லா நிப்ப²லா ஹோதி. ஏவங் மாணவோ ப⁴க³வந்தங் முஸாவாதே³ன நிக்³க³ண்ஹாதி நாம. விஞ்ஞுனா புரிஸேனாதி பண்டி³தேன மனுஸ்ஸேன. த்வங் பன அவிஞ்ஞுதாய மயா ப்³யாகதம்பி ந ஜானாஸீதி தீ³பேதி. உச்சேன ஸம்மதந்தி உச்சேன ஸத்³தே³ன ஸம்மதங் பாகடங் லோகஸ்மிங். அதி⁴தே³வாதி ஸுஸுதா³ரகாபி ஹி தே³வா நாம ஹொந்தி, தே³வியோ நாம ஹொந்தி தே³வா பன அதி⁴தே³வா நாம, லோகே தே³வோ தே³வீதி லத்³த⁴னாமேஹி மனுஸ்ஸேஹி அதி⁴காதி அத்தோ². ஸேஸங் ஸப்³ப³த்த² உத்தானமேவாதி.
பபஞ்சஸூத³னியா மஜ்ஜி²மனிகாயட்ட²கதா²ய
ஸங்கா³ரவஸுத்தவண்ணனா நிட்டி²தா.
பஞ்சமவக்³க³வண்ணனா நிட்டி²தா.
மஜ்ஜி²மபண்ணாஸ-அட்ட²கதா² நிட்டி²தா.