8. வங்கீ³ஸஸங்யுத்தங்
1. நிக்க²ந்தஸுத்தவண்ணனா
209. வங்கீ³ஸஸங்யுத்தஸ்ஸ அக்³கா³ளவே சேதியேதி ஆளவியங் அக்³க³சேதியே. அனுப்பன்னே பு³த்³தே⁴ அக்³கா³ளவகோ³தமகாதீ³னி யக்க²னாகா³தீ³னங் ப⁴வனானி, சேதியானி அஹேஸுங். உப்பன்னே பு³த்³தே⁴ தானி அபனெத்வா மனுஸ்ஸா விஹாரே கரிங்ஸு. தேஸங் தானேவ நாமானி ஜாதானி. நிக்³ரோத⁴கப்பேனாதி நிக்³ரோத⁴ருக்க²மூலவாஸினா கப்பத்தே²ரேன. ஓஹிய்யகோதி ஓஹீனகோ. விஹாரபாலோதி ஸோ கிர ததா³ அவஸ்ஸிகோ ஹோதி பத்தசீவரக்³க³ஹணே அகோவிதோ³. அத² நங் தே²ரா பி⁴க்கூ² – ‘‘ஆவுஸோ, இமானி ச²த்துபாஹனகத்தரயட்டி²ஆதீ³னி ஓலோகெந்தோ நிஸீதா³’’தி விஹாரரக்க²கங் கத்வா பிண்டா³ய பவிஸிங்ஸு. தேன வுத்தங் ‘‘விஹாரபாலோ’’தி. ஸமலங்கரித்வாதி அத்தனோ விப⁴வானுரூபேன அலங்காரேன அலங்கரித்வா. சித்தங் அனுத்³த⁴ங்ஸேதீதி குஸலசித்தங் வித்³த⁴ங்ஸேதி வினாஸேதி. தங் குதெத்த² லப்³பா⁴தி ஏதஸ்மிங் ராகே³ உப்பன்னே தங் காரணங் குதோ லப்³பா⁴. யங் மே பரோதி யேன மே காரணேன அஞ்ஞோ புக்³க³லோ வா த⁴ம்மோ வா அனபி⁴ரதிங் வினோதெ³த்வா இதா³னேவ அபி⁴ரதிங் உப்பாதெ³ய்ய ஆசரியுபஜ்ஜா²யாபி மங் விஹாரே ஓஹாய க³தா.
அகா³ரஸ்மாதி அகா³ரதோ நிக்க²ந்தங். அனகா³ரியந்தி பப்³ப³ஜ்ஜங் உபக³தந்தி அத்தோ². கண்ஹதோதி கண்ஹபக்க²தோ மாரபக்க²தோ ஆதா⁴வந்தி. உக்³க³புத்தாதி உக்³க³தானங் புத்தா மஹேஸக்கா² ராஜஞ்ஞபூ⁴தா. த³ள்ஹத⁴ம்மினோதி த³ள்ஹத⁴னுனோ, உத்தமப்பமாணங் ஆசரியத⁴னுங் தா⁴ரயமானா. ஸஹஸ்ஸங் அபலாயினந்தி யே தே ஸமந்தா ஸரேஹி பரிகிரெய்யுங், தேஸங் அபலாயீனங் ஸங்க²ங் த³ஸ்ஸெந்தோ ‘‘ஸஹஸ்ஸ’’ந்தி ஆஹ. ஏததோ பி⁴ய்யோதி ஏதஸ்மா ஸஹஸ்ஸா அதிரேகதரா. நேவ மங் ப்³யாத⁴யிஸ்ஸந்தீதி மங் சாலேதுங் ந ஸக்கி²ஸ்ஸந்தி. த⁴ம்மே ஸம்ஹி பதிட்டி²தந்தி அனபி⁴ரதிங் வினோதெ³த்வா அபி⁴ரதிங் உப்பாத³னஸமத்தே² ஸகே ஸாஸனத⁴ம்மே பதிட்டி²தங். இத³ங் வுத்தங் ஹோதி – இஸ்ஸாஸஸஹஸ்ஸே தாவ ஸமந்தா ஸரேஹி பரிகிரந்தே ஸிக்கி²தோ
ஸக்கீ² ஹி மே ஸுதங் ஏதந்தி மயா ஹி ஸம்முகா² ஏதங் ஸுதங். நிப்³பா³னக³மனங் மக்³க³ந்தி விபஸ்ஸனங் ஸந்தா⁴யாஹ. ஸோ ஹி நிப்³பா³னஸ்ஸ புப்³ப³பா⁴க³மக்³கோ³, லிங்க³விபல்லாஸேன பன ‘‘மக்³க³’’ந்தி ஆஹ. தத்த² மேதி தஸ்மிங் மே அத்தனோ தருணவிபஸ்ஸனாஸங்கா²தே நிப்³பா³னக³மனமக்³கே³ மனோ நிரதோ. பாபிமாதி கிலேஸங் ஆலபதி. மச்சூதிபி தமேவ ஆலபதி. ந மே மக்³க³ம்பி த³க்க²ஸீதி யதா² மே ப⁴வயோனிஆதீ³ஸு க³தமக்³க³ம்பி ந பஸ்ஸஸி, ததா² கரிஸ்ஸாமீதி. பட²மங்.
2. அரதீஸுத்தவண்ணனா
210. து³தியே நிக்க²மதீதி விஹாரா நிக்க²மதி. அபரஜ்ஜு வா காலேதி து³தியதி³வஸே வா பி⁴க்கா²சாரகாலே. விஹாரக³ருகோ கிரேஸ தே²ரோ. அரதிஞ்ச ரதிஞ்சாதி ஸாஸனே அரதிங் காமகு³ணேஸு ச ரதிங். ஸப்³ப³ஸோ கே³ஹஸிதஞ்ச விதக்கந்தி பஞ்சகாமகு³ணகே³ஹனிஸ்ஸிதங் பாபவிதக்கஞ்ச ஸப்³பா³காரேன பஹாய. வனத²ந்தி கிலேஸமஹாவனங். குஹிஞ்சீதி கிஸ்மிஞ்சி ஆரம்மணே. நிப்³ப³னதோ²தி நிக்கிலேஸவனோ. அரதோதி தண்ஹாரதிரஹிதோ.
பத²விஞ்ச வேஹாஸந்தி பத²விட்டி²தஞ்ச ரூபக³தந்தி ரூபமேவ. ஜக³தோக³த⁴ந்தி ஜக³தியா ஓக³த⁴ங், அந்தோபத²வியங் நாக³ப⁴வனக³தந்தி அத்தோ². பரிஜீயதீதி பரிஜீரதி. ஸப்³ப³மனிச்சந்தி ஸப்³ப³ங் தங் அனிச்சங். அயங் தே²ரஸ்ஸ மஹாவிபஸ்ஸனாதி வத³ந்தி. ஏவங் ஸமச்சாதி ஏவங் ஸமாக³ந்த்வா. சரந்தி முதத்தாதி விஞ்ஞாதத்தபா⁴வா விஹரந்தி.
உபதீ⁴ஸூதி க²ந்த⁴கிலேஸாபி⁴ஸங்கா²ரேஸு. க³தி⁴தாதி கி³த்³தா⁴. தி³ட்ட²ஸுதேதி சக்கு²னா தி³ட்டே² ரூபே, ஸோதேன ஸுதே ஸத்³தே³. படிகே⁴ ச முதே சாதி எத்த² படிக⁴பதே³ன க³ந்த⁴ரஸா க³ஹிதா, முதபதே³ன பொ²ட்ட²ப்³பா³ரம்மணங் யோ எத்த² ந லிம்பதீதி யோ ஏதேஸு பஞ்சகாமகு³ணேஸு தண்ஹாதி³ட்டி²லேபேஹி ந லிம்பதி.
அத² ஸட்டி²னிஸ்ஸிதா ஸவிதக்கா, புதூ² ஜனதாய அத⁴ம்மா நிவிட்டா²தி அத² ச² ஆரம்மணனிஸ்ஸிதா புதூ² அத⁴ம்மவிதக்கா ஜனதாய நிவிட்டா²தி அத்தோ². ந ச வக்³க³க³தஸ்ஸ குஹிஞ்சீதி தேஸங் வஸேன ந கத்த²சி கிலேஸவக்³க³க³தோ ப⁴வெய்ய. நோ பன து³ட்டு²ல்லபா⁴ணீதி து³ட்டு²ல்லவசனபா⁴ணீபி ந ஸியா. ஸ பி⁴க்கூ²தி ஸோ ஏவங்விதோ⁴ பி⁴க்கு² நாம ஹோதி.
த³ப்³போ³தி த³ப்³ப³ஜாதிகோ பண்டி³தோ. சிரரத்தஸமாஹிதோதி தீ³க⁴ரத்தங் ஸமாஹிதசித்தோ. நிபகோதி நேபக்கேன ஸமன்னாக³தோ பரிணதபஞ்ஞோ. அபிஹாலூதி நித்தண்ஹோ. ஸந்தங் பத³ந்தி நிப்³பா³னங். அஜ்ஜ²க³மா முனீதி அதி⁴க³தோ முனி. படிச்ச பரினிப்³பு³தோ கங்க²தி காலந்தி நிப்³பா³னங் படிச்ச கிலேஸபரினிப்³பா³னேன பரினிப்³பு³தோ பரினிப்³பா³னகாலங் ஆக³மேதி. து³தியங்.
3. பேஸலஸுத்தவண்ணனா
211. ததியே அதிமஞ்ஞதீதி ‘‘கிங் இமே மஹல்லகா? ந ஏதேஸங் பாளி, ந அட்ட²கதா², ந பத³ப்³யஞ்ஜனமது⁴ரதா, அம்ஹாகங் பன பாளிபி அட்ட²கதா²பி நயஸதேன நயஸஹஸ்ஸேன உபட்டா²தீ’’தி அதிக்கமித்வா மஞ்ஞதி. கோ³தமாதி கோ³தமபு³த்³த⁴ஸாவகத்தா அத்தானங் ஆலபதி. மானபத²ந்தி மானாரம்மணஞ்சேவ மானஸஹபு⁴னோ ச த⁴ம்மே. விப்படிஸாரீஹுவாதி விப்படிஸாரீ அஹுவா, அஹோஸீதி அத்தோ². மக்³க³ஜினோதி மக்³கே³ன ஜிதகிலேஸோ. கித்திஞ்ச ஸுக²ஞ்சாதி வண்ணப⁴ணனஞ்ச காயிகசேதஸிகஸுக²ஞ்ச. அகி²லோத⁴ பதா⁴னவாதி அகி²லோ இத⁴ பதா⁴னவா வீரியஸம்பன்னோ. விஸுத்³தோ⁴தி விஸுத்³தோ⁴ ப⁴வெய்ய. அஸேஸந்தி நிஸ்ஸேஸங் நவவித⁴ங். விஜ்ஜாயந்தகரோதி விஜ்ஜாய கிலேஸானங் அந்தகரோ. ஸமிதாவீதி ராகா³தீ³னங் ஸமிததாய ஸமிதாவீ. ததியங்.
4. ஆனந்த³ஸுத்தவண்ணனா
212. சதுத்தே² ராகோ³தி ஆயஸ்மா ஆனந்தோ³ மஹாபுஞ்ஞோ ஸம்பா⁴விதோ, தங் ராஜராஜமஹாமத்தாத³யோ காமராகே³னாதிஆதி³மாஹ.
தத்த² நிப்³பா³பனந்தி ராக³னிப்³பா³னகாரணங். விபரியேஸாதி விபல்லாஸேன. ஸுப⁴ங் ராகூ³பஸஞ்ஹிதந்தி ராக³ட்டா²னியங் இட்டா²ரம்மணங். பரதோ பஸ்ஸாதி அனிச்சதோ பஸ்ஸ. மா ச அத்ததோதி காயக³தா த்யத்தூ²தி காயக³தா தே அத்து². அனிமித்தஞ்ச பா⁴வேஹீதி நிச்சாதீ³னங் நிமித்தானங் உக்³கா⁴டிதத்தா விபஸ்ஸனா அனிமித்தா நாம, தங் பா⁴வேஹீதி வத³தி. மானாபி⁴ஸமயாதி மானஸ்ஸ த³ஸ்ஸனாபி⁴ஸமயா சேவ பஹானாபி⁴ஸமயா ச. உபஸந்தோதி ராகா³தி³ஸந்ததாய உபஸந்தோ. சதுத்த²ங்.
5. ஸுபா⁴ஸிதஸுத்தவண்ணனா
213. பஞ்சமே அங்கே³ஹீதி காரணேஹி, அவயவேஹி வா. முஸாவாதா³வேரமணிஆதீ³னி ஹி சத்தாரி ஸுபா⁴ஸிதவாசாய காரணானி, ஸச்சவசனாத³யோ சத்தாரோ அவயவா. காரணத்தே² ச அங்க³ஸத்³தே³ ‘‘சதூஹீ’’தி நிஸ்ஸக்கவசனங் ஹோதி, அவயவத்தே² கரணவசனங். ஸமன்னாக³தாதி ஸமனுஆக³தா பவத்தா யுத்தா ச. வாசாதி ஸமுல்லபனவாசா, யா ‘‘வாசா கி³ரா ப்³யப்பதோ²’’தி (த⁴॰ ஸ॰ 636) ச, ‘‘நேலா கண்ணஸுகா²’’தி (தீ³॰ நி॰ 1.9) ச ஆக³தா. ‘‘யா பன வாசாய சே கதங் கம்ம’’ந்தி ஏவங் விஞ்ஞத்தி ச ‘‘யா சதூஹி வசீது³ச்சரிதேஹி ஆரதி…பே॰… அயங் வுச்சதி ஸம்மாவாசா’’தி (விப⁴॰ 206) ஏவங் விரதி ச, ‘‘ப²ருஸவாசா, பி⁴க்க²வே, ஆஸேவிதா பா⁴விதா ப³ஹுலீகதா நிரயஸங்வத்தனிகா ஹோதீ’’தி (அ॰ நி॰ 8.40) ஏவங் சேதனா ச வாசாதி ஆக³தா, ந ஸா இத⁴ அதி⁴ப்பேதா. கஸ்மா? அபா⁴ஸிதப்³ப³தோ. ஸுபா⁴ஸிதாதி ஸுட்டு² பா⁴ஸிதா. தேனஸ்ஸா அத்தா²வஹதங் தீ³பேதி. நோ து³ப்³பா⁴ஸிதாதி ந து³ட்டு² பா⁴ஸிதா. தேனஸ்ஸா அனத்தா²வஹனபஹானதங் தீ³பேதி. அனவஜ்ஜாதி ராகா³தி³வஜ்ஜரஹிதா. இமினாஸ்ஸா காரணஸுத்³தி⁴ங் சதுதோ³ஸாபா⁴வஞ்ச தீ³பேதி. அனநுவஜ்ஜாதி அனுவாத³விமுத்தா விஞ்ஞூனந்தி பண்டி³தானங். தேன நிந்தா³பஸங்ஸாஸு பா³லா அப்பமாணாதி தீ³பேதி.
ஸுபா⁴ஸிதங்யேவ பா⁴ஸதீதி புக்³க³லாதி⁴ட்டா²னாய தே³ஸனாய சதூஸு வாசங்கே³ஸு அஞ்ஞதரனித்³தோ³ஸவசனமேதங். நோ து³ப்³பா⁴ஸிதந்தி தஸ்ஸேவ வாசங்க³ஸ்ஸ படிபக்க²பா⁴ஸனநிவாரணங். நோ து³ப்³பா⁴ஸிதந்தி இமினா மிச்சா²வாசப்பஹானங் தீ³பேதி. ஸுபா⁴ஸிதந்தி இமினா பஹீனமிச்சா²வாசேன பா⁴ஸிதப்³ப³வசனலக்க²ணங். அங்க³பரிதீ³பனத்த²ங் பனெத்த² அபா⁴ஸிதப்³ப³ங் புப்³பே³ அவத்வா பா⁴ஸிதப்³ப³மேவாஹ. ஏஸ நயோ த⁴ம்மங்யேவாதிஆதீ³ஸுபி. எத்த² ச பட²மேன பிஸுணதோ³ஸரஹிதங் ஸமக்³க³கரணங் வசனங் வுத்தங், து³தியேன ஸம்ப²ப்பலாபதோ³ஸரஹிதங் த⁴ம்மதோ அனபேதங் மந்தாவசனங், இதரேஹி த்³வீஹி ப²ருஸாலிகரஹிதானி பியஸச்சவசனானி. இமேஹி கோ²தி ஆதி³னா தானி அங்கா³னி பச்சக்க²தோ த³ஸ்ஸெந்தோ தங் வாசங் நிக³மேதி. யஞ்ச அஞ்ஞே படிஞ்ஞாதீ³ஹி அவயவேஹி, நாமாதீ³ஹி பதே³ஹி, லிங்க³வசனவிப⁴த்திகாலகாரகஸம்பத்தீஹி ச ஸமன்னாக³தங் முஸாவாதா³தி³வாசம்பி ஸுபா⁴ஸிதந்தி மஞ்ஞந்தி, தங் படிஸேதே⁴தி. அவயவாதி³ஸமன்னாக³தாபி ஹி ததா²ரூபீ வாசா து³ப்³பா⁴ஸிதாவ ஹோதி அத்தனோ ச பரேஸஞ்ச அனத்தா²வஹத்தா. இமேஹி பன சதூஹங்கே³ஹி ஸமன்னாக³தா ஸசேபி மிலக்கு²பா⁴ஸாபரியாபன்னா க⁴டசேடிகாகீ³திகபரியாபன்னாபி ஹோதி, ததா²பி ஸுபா⁴ஸிதாவ லோகியலோகுத்தரஹிதஸுகா²வஹத்தா. ததா² ஹி மக்³க³பஸ்ஸே ஸஸ்ஸங் ரக்க²ந்தியா ஸீஹளசேடிகாய ஸீஹளகேனேவ ஜாதிஜராமரணயுத்தங் கீ³திகங் கா³யந்தியா ஸத்³த³ங் ஸுத்வா மக்³க³ங் க³ச்ச²ந்தா ஸட்டி²மத்தா விபஸ்ஸகா பி⁴க்கூ² அரஹத்தங் பாபுணிங்ஸு. ததா² திஸ்ஸோ நாம ஆரத்³த⁴விபஸ்ஸகோ பி⁴க்கு² பது³மஸரஸமீபேன க³ச்ச²ந்தோ பது³மஸரே பது³மானி ப⁴ஞ்ஜித்வா –
‘‘பாதோவ
ஏவங் மனுஸ்ஸத்தங் க³தா ஸத்தா, ஜராபி⁴வேகே³ன மத்³தி³யந்தீ’’தி. –
இமங் கீ³திகங் கா³யந்தியா சேடிகாய ஸுத்வா அரஹத்தங் பத்தோ.
பு³த்³த⁴ந்தரேபி அஞ்ஞதரோ புரிஸோ ஸத்தஹி புத்தேஹி ஸத்³தி⁴ங் அடவிதோ ஆக³ம்ம அஞ்ஞதராய இத்தி²யா முஸலேன தண்டு³லே கொட்டெந்தியா –
‘‘ஜராய
மரணேன பி⁴ஜ்ஜதி ஏதங், மச்சுஸ்ஸ கா⁴ஸமாமிஸங்.
‘‘கிமீனங் ஆலயங் ஏதங், நானாகுணபேன பூரிதங்;
அஸுசிஸ்ஸ பா⁴ஜனங் ஏதங், கத³லிக்க²ந்த⁴ஸமங் இத³’’ந்தி. –
இமங் கீ³திகங் ஸுத்வா பச்சவெக்க²ந்தோ ஸஹ புத்தேஹி பச்சேகபோ³தி⁴ங் பத்தோ. ஏவங் இமேஹி சதூஹி அங்கே³ஹி ஸமன்னாக³தா வாசா ஸசேபி மிலக்கு²பா⁴ஸாபரியாபன்னா க⁴டசேடிகாகீ³திகபரியாபன்னாபி ஹோதி, ததா²பி ஸுபா⁴ஸிதாதி வேதி³தப்³பா³. ஸுபா⁴ஸிதத்தா ஏவ ச அனவஜ்ஜா ச அனநுவஜ்ஜா ச விஞ்ஞூனங் அத்த²த்தி²கானங் அத்த²படிஸரணானங், நோ ப்³யஞ்ஜனபடிஸரணானந்தி.
ஸாருப்பாஹீதி அனுச்ச²விகாஹி. அபி⁴த்த²வீதி பஸங்ஸி. ந தாபயேதி விப்படிஸாரேன ந தாபெய்ய ந விபா³தெ⁴ய்ய. பரேதி பரேஹி பி⁴ந்த³ந்தோ நாபி⁴ப⁴வெய்ய ந பா³தெ⁴ய்ய. இதி இமாய கா³தா²ய அபிஸுணவாசாவஸேன ப⁴க³வந்தங் தோ²மேதி. படினந்தி³தாதி பியாயிதா. யங் அனாதா³யாதி யங் வாசங் பா⁴ஸந்தோ பரேஸங் பாபானி அப்பியானி ப²ருஸவசனானி அனாதா³ய அத்த²ப்³யஞ்ஜனமது⁴ரங் பியமேவ பா⁴ஸதி, தங் வாசங் பா⁴ஸெய்யாதி
அமதாதி ஸாது⁴பா⁴வேன அமதஸதி³ஸா. வுத்தம்பி ஹேதங் – ‘‘ஸச்சங் ஹவே ஸாது³தரங் ரஸான’’ந்தி (ஸங்॰ நி॰ 1.246) நிப்³பா³னாமதபச்சயத்தா வா அமதா. ஏஸ த⁴ம்மோ ஸனந்தனோதி யா அயங் ஸச்சவாசா நாம, ஏஸ போராணோ த⁴ம்மோ சரியா பவேணீ. இத³மேவ ஹி போராணானங் ஆசிண்ணங், ந தே அலிகங் பா⁴ஸிங்ஸு. தேனேவாஹ – ஸச்சே அத்தே² ச த⁴ம்மே ச, ஆஹு ஸந்தோ பதிட்டி²தாதி.
தத்த² ஸச்சே பதிட்டி²தத்தாவ அத்தனோ ச பரேஸஞ்ச அத்தே² பதிட்டி²தா, அத்தே² பதிட்டி²தத்தா ஏவ த⁴ம்மே பதிட்டி²தா ஹொந்தீதி வேதி³தப்³பா³. ஸச்சவிஸேஸனமேவ வா ஏதங். இத³ங் ஹி வுத்தங் ஹோதி – ஸச்சே பதிட்டி²தா, கீதி³ஸே? அத்தே² ச த⁴ம்மே ச, யங் பரேஸங் அத்த²தோ அனபேதத்தா அத்த²ங் அனுபரோத⁴கரங்
கே²மந்தி நிப்³பா³னபத்தியா து³க்க²ஸ்ஸந்தகிரியாய, யஸ்மா கிலேஸனிப்³பா³னங் பாபேதி, வட்டது³க்க²ஸ்ஸ ச அந்தகிரியாய ஸங்வத்ததீதி அத்தோ². அத² வா யங் பு³த்³தோ⁴ நிப்³பா³னபத்தியா து³க்க²ஸ்ஸந்தகிரியாயாதி த்³வின்னங் நிப்³பா³னதா⁴தூனங் அத்தா²ய கே²மமக்³க³ப்பகாஸனதோ கே²மங் வாசங் பா⁴ஸதி, ஸா வே வாசானமுத்தமாதி ஸா வாசா ஸப்³ப³வாசானங் ஸெட்டா²தி ஏவமெத்த² அத்தோ² த³ட்ட²ப்³போ³. இதி இமாய கா³தா²ய மந்தாவசனவஸேன ப⁴க³வந்தங் அபி⁴த்த²வந்தோ அரஹத்தனிகூடேன தே³ஸனங் நிட்ட²பேஸீதி. பஞ்சமங்.
6. ஸாரிபுத்தஸுத்தவண்ணனா
214. ச²ட்டே² போரியாதி அக்க²ராதி³பரிபுண்ணாய. விஸ்ஸட்டா²யாதி அவிப³த்³தா⁴ய அபலிபு³த்³தா⁴ய. த⁴ம்மஸேனாபதிஸ்ஸ ஹி கதெ²ந்தஸ்ஸ பித்தாதீ³னங் வஸேன அபலிபு³த்³த⁴வசனங் ஹோதி, அயத³ண்டே³ன பஹதகங்ஸதாலதோ ஸத்³தோ³ விய நிச்ச²ரதி. அனேலக³லாயாதி அனேலாய அக³லாய நித்³தோ³ஸாய சேவ அக்க²லிதபத³ப்³யஞ்ஜனாய ச. தே²ரஸ்ஸ ஹி கத²யதோ பத³ங் வா ப்³யஞ்ஜனங் வா ந பரிஹாயதி. அத்த²ஸ்ஸ விஞ்ஞாபனியாதி அத்த²ஸ்ஸ விஞ்ஞாபனஸமத்தா²ய. பி⁴க்கு²னந்தி
ஸங்கி²த்தேனபீதி ‘‘சத்தாரிமானி, ஆவுஸோ, அரியஸச்சானி. கதமானி சத்தாரி? து³க்க²ங் அரியஸச்சங்…பே॰… இமானி கோ², ஆவுஸோ, சத்தாரி அரியஸச்சானி, தஸ்மாதிஹ, ஆவுஸோ, இத³ங் து³க்க²ங் அரியஸச்சந்தி யோகோ³ கரணீயோ’’தி (ஸங்॰ நி॰ 5.1096-1098) ஏவங் ஸங்கி²த்தேனபி தே³ஸேதி. வித்தா²ரேனபீதி ‘‘கதமங், ஆவுஸோ, து³க்க²ங் அரியஸச்ச’’ந்திஆதி³னா (ம॰ நி॰ 3.373) நயேன தானேவ விப⁴ஜந்தோ வித்தா²ரேனபி பா⁴ஸதி. க²ந்தா⁴தி³தே³ஸனாஸுபி ஏஸேவ நயோ. ஸாளிகாயிவ நிக்³கோ⁴ஸோதி யதா² மது⁴ரங் அம்ப³பக்கங் ஸாயித்வா பக்கே²ஹி வாதங் த³த்வா மது⁴ரஸ்ஸரங் நிச்சா²ரெந்தியா ஸாளிகஸகுணியா நிக்³கோ⁴ஸோ, ஏவங் தே²ரஸ்ஸ த⁴ம்மங் கதெ²ந்தஸ்ஸ மது⁴ரோ நிக்³கோ⁴ஸோ ஹோதி. படிபா⁴னங் உதீ³ரயீதி ஸமுத்³த³தோ ஊமியோ விய அனந்தங் படிபா⁴னங் உட்ட²ஹதி. ஓதெ⁴ந்தீதி ஓத³ஹந்தி. ச²ட்ட²ங்.
7. பவாரணாஸுத்தவண்ணனா
215. ஸத்தமே தத³ஹூதி தஸ்மிங் அஹு, தஸ்மிங் தி³வஸேதி அத்தோ². உபவஸந்தி எத்தா²தி உபோஸதோ². உபவஸந்தீதி ச ஸீலேன வா அனஸனேன வா உபேதா ஹுத்வா வஸந்தீதி அத்தோ². ஸோ பனேஸ உபோஸத²தி³வஸோ அட்ட²மீசாதுத்³த³ஸீபன்னரஸீபே⁴தே³ன திவிதோ⁴, தஸ்மா ஸேஸத்³வயனிவாரணத்த²ங் பன்னரஸேதி வுத்தங். பவாரணாயாதி வஸ்ஸங்-வுட்ட²-பவாரணாய. விஸுத்³தி⁴பவாரணாதிபி ஏதிஸ்ஸாவ நாமங். நிஸின்னோ ஹோதீதி ஸாயன்ஹஸமயே ஸம்பத்தபரிஸாய காலயுத்தங் த⁴ம்மங் தே³ஸெத்வா உத³ககொட்ட²கே க³த்தானி பரிஸிஞ்சித்வா நிவத்த²னிவாஸனோ ஏகங்ஸங் ஸுக³தமஹாசீவரங் கத்வா மஜ்ஜி²மத்த²ம்ப⁴ங் நிஸ்ஸாய பஞ்ஞத்தே வரபு³த்³தா⁴ஸனே புரத்தி²மதி³ஸாய உட்ட²ஹதோ சந்த³மண்ட³லஸ்ஸ ஸிரிங் ஸிரியா அபி⁴ப⁴வமானோ நிஸின்னோ ஹோதி. துண்ஹீபூ⁴தங் துண்ஹீபூ⁴தந்தி யதோ யதோ அனுவிலோகேதி, ததோ ததோ துண்ஹீபூ⁴தமேவ. தத்த² ஹி ஏகபி⁴க்கு²ஸ்ஸாபி ஹத்த²குக்குச்சங் வா பாத³குக்குச்சங் வா நத்தி², ஸப்³பே³ நிரவா ஸந்தேன இரியாபதே²ன நிஸீதி³ங்ஸு. அனுவிலோகெத்வாதி தி³ஸ்ஸமானபஞ்சபஸாதே³ஹி நெத்தேஹி அனுவிலோகெத்வா. ஹந்தா³தி வொஸ்ஸக்³க³த்தே² நிபாதோ. ந ச மே கிஞ்சி க³ரஹதா²தி எத்த² ந ச கிஞ்சீதி புச்ச²னத்தே² ந-காரோ. கிங் மே கிஞ்சி காயிகங் வா வாசஸிகங் வாதி இமினா காயவசீத்³வாரானேவ பவாரேதி, ந மனொத்³வாரங். கஸ்மா? அபாகடத்தா. காயவசீத்³வாரேஸு ஹி தோ³ஸோ பாகடோ ஹோதி, ந மனொத்³வாரே. ‘‘ஏகமஞ்சே ஸயதோபி ஹி கிங் சிந்தேஸீ’’தி? புச்சி²த்வா சித்தாசாரங் ஜானாதி. இதி மனொத்³வாரங் அபாகடத்தா ந பவாரேதி, நோ அபரிஸுத்³த⁴த்தா. போ³தி⁴ஸத்தபூ⁴தஸ்ஸாபி ஹி தஸ்ஸ பூ⁴ரித³த்தச²த்³த³ந்தஸங்க²பாலத⁴ம்மபாலாதி³காலே மனொத்³வாரங் பரிஸுத்³த⁴ங், இதா³னெத்த² வத்தப்³ப³மேவ நத்தி².
ஏதத³வோசாதி த⁴ம்மஸேனாபதிட்டா²னே டி²தத்தா பி⁴க்கு²ஸங்க⁴ஸ்ஸ பா⁴ரங் வஹந்தோ ஏதங் அவோச. ந கோ² மயங், ப⁴ந்தேதி, ப⁴ந்தே, மயங் ப⁴க³வதோ ந கிஞ்சி க³ரஹாம. காயிகங் வா வாசஸிகங் வாதி இத³ங் சதுன்னங் அரக்கி²யதங் ஸந்தா⁴ய தே²ரோ ஆஹ. ப⁴க³வதோ ஹி சத்தாரி அரக்கி²யானி. யதா²ஹ –
‘‘சத்தாரிமானி
இதா³னி ப⁴க³வதோ யதா²பூ⁴தகு³ணே கதெ²ந்தோ ப⁴க³வா ஹி, ப⁴ந்தேதிஆதி³மாஹ. தத்த² அனுப்பன்னஸ்ஸாதி கஸ்ஸபஸம்மாஸம்பு³த்³த⁴தோ பட்டா²ய அஞ்ஞேன ஸமணேன வா ப்³ராஹ்மணேன வா அனுப்பாதி³தபுப்³ப³ஸ்ஸ. அஸஞ்ஜாதஸ்ஸாதி இத³ங் அனுப்பன்னவேவசனமேவ. அனக்கா²தஸ்ஸாதி அஞ்ஞேன அதே³ஸிதஸ்ஸ. பச்சா² ஸமன்னாக³தாதி பட²மக³தஸ்ஸ ப⁴க³வதோ பச்சா² ஸமனுஆக³தா. இதி தே²ரோ யஸ்மா ஸப்³பே³பி ப⁴க³வதோ ஸீலாத³யோ கு³ணா அரஹத்தமக்³க³மேவ நிஸ்ஸாய ஆக³தா, தஸ்மா அரஹத்தமக்³க³மேவ நிஸ்ஸாய கு³ணங் கதே²ஸி. தேன ஸப்³ப³கு³ணா கதி²தாவ ஹொந்தி. அஹஞ்ச கோ², ப⁴ந்தேதி இத³ங் தே²ரோ ஸதே³வகே லோகே அக்³க³புக்³க³லஸ்ஸ அத்தனோ சேவ ஸங்க⁴ஸ்ஸ ச காயிகவாசஸிகங் பவாரெந்தோ ஆஹ.
பிதரா பவத்திதந்தி சக்கவத்திம்ஹி காலங்கதே வா பப்³ப³ஜிதே வா ஸத்தாஹச்சயேன சக்கங் அந்தரதா⁴யதி, ததோ த³ஸவித⁴ங் த்³வாத³ஸவித⁴ங் சக்கவத்திவத்தங் பூரெத்வா நிஸின்னஸ்ஸ புத்தஸ்ஸ அஞ்ஞங் பாதுப⁴வதி, தங் ஸோ பவத்தேதி. ரதனமயத்தா பன ஸதி³ஸட்டே²ன ததே³வ வத்தங் கத்வா ‘‘பிதரா பவத்தித’’ந்தி வுத்தங். யஸ்மா வா ஸோ ‘‘அப்பொஸ்ஸுக்கோ த்வங், தே³வ, ஹோஹி, அஹமனுஸாஸிஸ்ஸாமீ’’தி ஆஹ, தஸ்மா பிதரா பவத்திதங் ஆணாசக்கங் அனுப்பவத்தேதி நாம. ஸம்மதே³வ அனுப்பவத்தேஸீதி ஸம்மா நயேன ஹேதுனா காரணேனேவ அனுப்பவத்தேஸி. ப⁴க³வா ஹி சதுஸச்சத⁴ம்மங் கதே²தி, தே²ரோ தமேவ அனுகதே²தி, தஸ்மா ஏவமாஹ. உப⁴தோபா⁴க³விமுத்தாதி த்³வீஹி பா⁴கே³ஹி விமுத்தா பஞ்ஞாவிமுத்தாதி பஞ்ஞாய விமுத்தா தேவிஜ்ஜாதி³பா⁴வங் அப்பத்தா கீ²ணாஸவா.
விஸுத்³தி⁴யாதி விஸுத்³த⁴த்தா²ய. ஸங்யோஜனப³ந்த⁴னச்சி²தா³தி ஸங்யோஜனஸங்கா²தே சேவ ப³ந்த⁴னஸங்கா²தே ச கிலேஸே சி²ந்தி³த்வா டி²தா. விஜிதஸங்கா³மந்தி விஜிதராக³தோ³ஸமோஹஸங்கா³மங், மாரப³லஸ்ஸ விஜிதத்தாபி ஸத்த²வாஹந்தி அட்ட²ங்கி³கமக்³க³ரதே² ஆரோபெத்வா வேனெய்யஸத்த²ங் வாஹேதி ஸங்ஸாரகந்தாரங் உத்தாரேதீதி ப⁴க³வா ஸத்த²வாஹோ, தங் ஸத்த²வாஹங். பலாபோதி அந்தோதுச்சோ² து³ஸ்ஸீலோ. ஆதி³ச்சப³ந்து⁴னந்தி ஆதி³ச்சப³ந்து⁴ங் ஸத்தா²ரங் த³ஸப³லங் வந்தா³மீதி வத³தி. ஸத்தமங்.
8. பரோஸஹஸ்ஸஸுத்தவண்ணனா
216. அட்ட²மே பரோஸஹஸ்ஸந்தி அதிரேகஸஹஸ்ஸங். அகுதோப⁴யந்தி நிப்³பா³னே குதோசி ப⁴யங் நத்தி², நிப்³பா³னப்பத்தஸ்ஸ வா குதோசி ப⁴யங் நத்தீ²தி நிப்³பா³னங் அகுதோப⁴யங் நாம. இஸீனங் இஸிஸத்தமோதி விபஸ்ஸிதோ பட்டா²ய இஸீனங் ஸத்தமகோ இஸி.
கிங் நு தே வங்கீ³ஸாதி இத³ங் ப⁴க³வா அத்து²ப்பத்திவஸேன ஆஹ. ஸங்க⁴மஜ்ஜே² கிர கதா² உத³பாதி³ ‘‘வங்கீ³ஸத்தே²ரோ விஸ்ஸட்ட²வத்தோ ‘‘கிங் நு தே வங்கீ³ஸா’’திஆதி³மாஹ.
உம்மக்³க³பத²ந்தி அனேகானி கிலேஸும்முஜ்ஜனஸதானி, வட்டபத²த்தா பன பத²ந்தி வுத்தங். பபி⁴ஜ்ஜ கி²லானீதி ராக³கி²லாதீ³னி பஞ்ச பி⁴ந்தி³த்வா சரஸி. தங் பஸ்ஸதா²தி தங் ஏவங் அபி⁴பு⁴ய்ய பி⁴ந்தி³த்வா சரந்தங் பு³த்³த⁴ங் பஸ்ஸத². ப³ந்த⁴பமுஞ்சகரந்தி ப³ந்த⁴னமோசனகரங். அஸிதந்தி அனிஸ்ஸிதங். பா⁴க³ஸோ பவிப⁴ஜந்தி ஸதிபட்டா²னாதி³கொட்டா²ஸவஸேன த⁴ம்மங் விப⁴ஜந்தங். பவிப⁴ஜ்ஜாதி வா பாடோ², அங்க³பச்சங்க³கொட்டா²ஸவஸேன விப⁴ஜித்வா விப⁴ஜித்வா பஸ்ஸதா²தி அத்தோ².
ஓக⁴ஸ்ஸாதி அனேகவிஹிதந்தி ஸதிபட்டா²னாதி³வஸேன அனேகவித⁴ங். தஸ்மிங் ச அமதே அக்கா²தேதி தஸ்மிங் தேன அக்கா²தே அமதே. த⁴ம்மத்³த³ஸாதி த⁴ம்மஸ்ஸ பஸ்ஸிதாரோ. டி²தா அஸங்ஹீராதி அஸங்ஹாரியா ஹுத்வா பதிட்டி²தா.
அதிவிஜ்ஜா²தி அதிவிஜ்ஜி²த்வா. ஸப்³ப³ட்டி²தீனந்தி ஸப்³பே³ஸங் தி³ட்டி²ட்டா²னானங் விஞ்ஞாணட்டி²தீனங் வா அதிக்கமமத்³த³ஸாதி அதிக்கமபூ⁴தங் நிப்³பா³னமத்³த³ஸ. அக்³க³ந்தி உத்தமத⁴ம்மங். அக்³கே³தி வா பாடோ², பட²மதரந்தி அத்தோ². த³ஸத்³தா⁴னந்தி பஞ்சன்னங், அக்³க³த⁴ம்மங் பஞ்சவக்³கி³யானங், அக்³கே³ வா பஞ்சவக்³கி³யானங் த⁴ம்மங் தே³ஸேஸீதி அத்தோ². தஸ்மாதி யஸ்மா ஏஸ த⁴ம்மோ ஸுதே³ஸிதோதி ஜானந்தேன ச பமாதோ³ ந காதப்³போ³, தஸ்மா. அனுஸிக்கே²தி திஸ்ஸோ ஸிக்கா² ஸிக்கெ²ய்ய. அட்ட²மங்.
9. கொண்ட³ஞ்ஞஸுத்தவண்ணனா
217. நவமே அஞ்ஞாஸிகொண்ட³ஞ்ஞோதி பட²மங் த⁴ம்மஸ்ஸ அஞ்ஞாதத்தா ஏவங் க³ஹிதனாமோ தே²ரோ. ஸுசிரஸ்ஸேவாதி கீவசிரஸ்ஸ? த்³வாத³ஸன்னங் ஸங்வச்ச²ரானங். எத்தகங் காலங் கத்த² விஹாஸீதி. ச²த்³த³ந்தப⁴வனே மந்தா³கினிபொக்க²ரணியா தீரே பச்சேகபு³த்³தா⁴னங் வஸனட்டா²னே. கஸ்மா? விஹாரக³ருதாய. ஸோ ஹி பஞ்ஞவா மஹாஸாவகோ. யதே²வ ப⁴க³வதோ, ஏவமஸ்ஸ த³ஸஸஹஸ்ஸசக்கவாளே தே³வமனுஸ்ஸானங் அப்³ப⁴ந்தரே கு³ணா பத்த²டாவ. தே³வமனுஸ்ஸா ததா²க³தஸ்ஸ ஸந்திகங் க³ந்த்வா க³ந்த⁴மாலாதீ³ஹி பூஜங் கத்வா ‘‘அக்³க³த⁴ம்மங் படிவித்³த⁴ஸாவகோ’’தி அனந்தரங் தே²ரங் உபஸங்கமித்வா பூஜெந்தி. ஸந்திகங் ஆக³தானஞ்ச நாம ததா²ரூபா த⁴ம்மகதா² வா படிஸந்தா²ரோ வா காதப்³போ³ ஹோதி. தே²ரோ ச விஹாரக³ருகோ, தேனஸ்ஸ ஸோ பபஞ்சோ விய உபட்டா²தி. இதி விஹாரக³ருதாய தத்த² க³ந்த்வா விஹாஸி.
அபரம்பி காரணங் – பி⁴க்கா²சாரவேலாயங் தாவ ஸப்³ப³ஸாவகா வஸ்ஸக்³கே³ன க³ச்ச²ந்தி. த⁴ம்மதே³ஸனாகாலே பன மஜ்ஜ²ட்டா²னே அலங்கதபு³த்³தா⁴ஸனம்ஹி ஸத்த²ரி நிஸின்னே த³க்கி²ணஹத்த²பஸ்ஸே த⁴ம்மஸேனாபதி, வாமஹத்த²பஸ்ஸே மஹாமொக்³க³ல்லானத்தே²ரோ நிஸீத³தி, தேஸங் பிட்டி²பா⁴கே³ அஞ்ஞாஸிகொண்ட³ஞ்ஞத்தே²ரஸ்ஸ ஆஸனங் பஞ்ஞாபெந்தி. ஸேஸா பி⁴க்கூ² தங் பரிவாரெத்வா நிஸீத³ந்தி. த்³வே அக்³க³ஸாவகா அக்³க³த⁴ம்மபடிவித்³த⁴த்தா ச மஹல்லகத்தா ச தே²ரே ஸகா³ரவா தே²ரங் மஹாப்³ரஹ்மங்
தே²ரோ
மந்தா³கினிபொக்க²ரணீ நாம சேஸா பண்ணாஸயோஜனா ஹோதி. தஸ்ஸா பஞ்சவீஸதியோஜனமத்தே டா²னே ஸேவாலோ வா பணகங் வா நத்தி², ப²லிகவண்ணங் உத³கமேவ ஹோதி. ததோ பரங் பன கடிப்பமாணே உத³கே அட்³ட⁴யோஜனவித்த²தங் ஸேஸபது³மவனங் பண்ணாஸயோஜனங் ஸரங் பரிக்கி²பித்வா டி²தங். தத³னந்தரங் தாவ மஹந்தமேவ ரத்தபது³மவனங், தத³னந்தரங் ரத்தகுமுத³வனங், தத³னந்தரங் ஸேதகுமுத³வனங், தத³னந்தரங் நீலுப்பலவனங், தத³னந்தரங் ரத்துப்பலவனங், தத³னந்தரங் ஸுக³ந்த⁴ரத்தஸாலிவனங், தத³னந்தரங் ஏளாலுகலாபு³கும்ப⁴ண்டா³தீ³னி மது⁴ரரஸானி வல்லிப²லானி, தத³னந்தரங் அட்³ட⁴யோஜனவித்தா²ரமேவ உச்சு²வனங், தத்த² பூக³ருக்க²க்க²ந்த⁴ப்பமாணா உச்சூ², தத³னந்தரங் கத³லிவனங், யதோ து³வே பக்கானி கா²த³ந்தா கிலமந்தி, தத³னந்தரங் சாடிப்பமாணப²லங் பனஸவனங், தத³னந்தரங் ஜம்பு³வனங், தத³னந்தரங் அம்ப³வனங், தத³னந்தரங் கபித்த²வனந்தி. ஸங்கே²பதோ தஸ்மிங் த³ஹே கா²தி³தப்³ப³யுத்தகங் ப²லங் நாம நத்தீ²தி ந வத்தப்³ப³ங். குஸுமானங் புப்ப²னஸமயே வாதோ ரேணுவட்டிங் உட்டா²பெத்வா பது³மினிபத்தேஸு ட²பேதி, தத்த² உத³கபு²ஸிதானி பதந்தி. ததோ ஆதி³ச்சபாகேன பச்சித்வா பக்கபயோக⁴னிகா விய திட்ட²தி, ஏதங் பொக்க²ரமது⁴ நாம
கேலாஸபப்³ப³தே
நாமஞ்சாதி கஸ்மா நாமங் ஸாவேதி? தே²ரஞ்ஹி கேசி ஸஞ்ஜானந்தி, கேசி ந ஸஞ்ஜானந்தி. தத்த² தே²ரோ சிந்தேஸி – ‘‘யே மங் அஜானந்தா ‘கோ ஏஸ பண்ட³ரஸீஸோ ஓப⁴க்³கோ³ கோ³பானஸிவங்கோ மஹல்லகோ ஸத்தா²ரா ஸத்³தி⁴ங் படிஸந்தா²ரங் கரோதீ’தி சித்தங் பதூ³ஸெஸ்ஸந்தி, தே அபாயபூரகா ப⁴விஸ்ஸந்தி. யே பன மங் ஜானந்தா – ‘த³ஸஸஹஸ்ஸசக்கவாளே ஸத்தா² விய பஞ்ஞாதோ பாகடோ மஹாஸாவகோ’தி சித்தங் பஸாதெ³ஸ்ஸந்தி, தே ஸக்³கூ³பகா³ ப⁴விஸ்ஸந்தீ’’தி, ஸத்தானங் அபாயமக்³க³ங் பித³ஹித்வா ஸக்³க³மக்³க³ங் விவரந்தோ நாமங் ஸாவேதி.
பு³த்³தா⁴னுபு³த்³தோ⁴தி பட²மங் ஸத்தா² சத்தாரி ஸச்சானி பு³ஜ்ஜி², பச்சா² தே²ரோ, தஸ்மா பு³த்³தா⁴னுபு³த்³தோ⁴தி, வுச்சதி. திப்³ப³னிக்கமோதி பா³ள்ஹவீரியோ. விவேகானந்தி திண்ணங் விவேகானங். தேவிஜ்ஜோ, சேதோபரியாயகோவிதோ³தி ச²ஸு அபி⁴ஞ்ஞாஸு சதஸ்ஸோ வத³தி. இதரா த்³வே கிஞ்சாபி ந வுத்தா, தே²ரோ பன ச²ளபி⁴ஞ்ஞோவ. இமிஸ்ஸா ச கா³தா²ய பரியோஸானே பரிஸா ஸன்னிஸீதி³. பரிஸாய
தே²ரோ த³ஸப³லங் பத³க்கி²ணங் கத்வா – ‘‘புப்³ப³ங் தங் மே, ப⁴ந்தே, பட²மத³ஸ்ஸனங், இத³ங் பச்சி²மத³ஸ்ஸன’’ந்தி பரிதே³வந்தே மஹாஜனே ஸத்தா²ரங் வந்தி³த்வா நிக்க²மித்வா, த்³வாரகொட்ட²கே டி²தோ – ‘‘மா
ஸக்கோ விஸ்ஸகம்மங் ஆமந்தேஸி – ‘‘தாத, அம்ஹாகங் ஜெட்ட²பா⁴தா பரினிப்³பு³தோ, ஸக்காரங் கரிஸ்ஸாம, நவயோஜனிகங் ஸப்³ப³ரதனமயங் கூடாகா³ரங் மாபேஹீ’’தி. ஸோ ததா² கத்வா தே²ரங் தத்த² நிபஜ்ஜாபெத்வா ஹத்தி²னாகா³னங் அதா³ஸி. தே கூடாகா³ரங் உக்கி²பித்வா தியோஜனஸஹஸ்ஸங் ஹிமவந்தங் புனப்புனங் ஆவிஜ்ஜி²ங்ஸு
10. மொக்³க³ல்லானஸுத்தவண்ணனா
218. த³ஸமே ஸமன்னேஸதீதி பரியேஸதி பச்சவெக்க²தி. நக³ஸ்ஸாதி பப்³ப³தஸ்ஸ. முனிந்தி பு³த்³த⁴முனிங். து³க்க²ஸ்ஸ பாரகு³ந்தி து³க்க²பாரங் க³தங். ஸமன்னேஸந்தி ஸமன்னேஸந்தோ. ஏவங் ஸப்³ப³ங்க³ஸம்பன்னந்தி ஏவங் ஸப்³ப³கு³ணஸம்பன்னங். அனேகாகாரஸம்பன்னந்தி அனேகேஹி கு³ணேஹி ஸமன்னாக³தங். த³ஸமங்.
11. க³க்³க³ராஸுத்தவண்ணனா
219. ஏகாத³ஸமே த்யாஸ்ஸுத³ந்தி தே அஸ்ஸுத³ங். அஸ்ஸுத³ந்தி நிபாதமத்தங். வண்ணேனாதி ஸரீரவண்ணேன. யஸஸாதி பரிவாரேன. விக³தமலோவ பா⁴ணுமாதி விக³தமலோ ஆதி³ச்சோ விய. ஏகாத³ஸமங்.
12. வங்கீ³ஸஸுத்தவண்ணனா
220. த்³வாத³ஸமே ஆயஸ்மாதி பியவசனங். வங்கீ³ஸோதி தஸ்ஸ தே²ரஸ்ஸ நாமங். ஸோ கிர புப்³பே³ பது³முத்தரகாலே படிபா⁴னஸம்பன்னங் ஸாவகங் தி³ஸ்வா தா³னங்
ததா³
அத² நங் ப⁴க³வா ‘‘கிலமஸி, வங்கீ³ஸா’’தி ஆஹ? ஆம போ⁴, கோ³தமாதி. புனப்புனங் உபதா⁴ரேஹீதி. ததா² கரொந்தோபி அதி³ஸ்வா, ‘‘தும்ஹே, போ⁴ கோ³தம, ஜானாதா²’’தி ஆஹ. ஆம, வங்கீ³ஸ, மங் நிஸ்ஸாய சேஸ க³தோ, அஹமஸ்ஸ க³திங் ஜானாமீதி. மந்தேன ஜானாஸி, போ⁴ கோ³தமாதி? ஆம, வங்கீ³ஸ, ஏகேன மந்தேனேவ ஜானாமீதி. போ⁴ கோ³தம, மய்ஹங் மந்தேன இமங் மந்தங் தே³தா²தி. அமூலிகோ, வங்கீ³ஸ, மய்ஹங் மந்தோதி. தே³த², போ⁴ கோ³தமாதி. ந
விமுத்திஸுக²ங் படிஸங்வேதீ³தி ஏவங் அரஹத்தங் பத்வா விமுத்திஸுக²ங் படிஸங்வேதெ³ந்தோ. காவெய்யமத்தாதி காவெய்யேன க²ந்தா⁴யதனதா⁴துயோதி யே நியாமக³தத்³த³ஸாதி யே நியாமக³தா சேவ நியாமத³ஸ்ஸாதி ச. ஸ்வாக³தந்தி ஸுஆக³மனங். இத்³தி⁴பத்தொம்ஹீதி இமினா இத்³தி⁴வித⁴ஞாணங் க³ஹிதங். சேதோபரியாயகோவிதோ³தி இமினா சேதோபரியஞாணங். தி³ப்³ப³ஸோதங் பன அவுத்தம்பி க³ஹிதமேவ ஹோதி. ஏவங் ச² அபி⁴ஞ்ஞாபத்தோ ஏஸோ மஹாஸாவகோதி வேதி³தப்³போ³. த்³வாத³ஸமங்.
இதி ஸாரத்த²ப்பகாஸினியா
ஸங்யுத்தனிகாய-அட்ட²கதா²ய
வங்கீ³ஸஸங்யுத்தவண்ணனா நிட்டி²தா.