9. வனஸங்யுத்தங்
1. விவேகஸுத்தவண்ணனா
221. வனஸங்யுத்தஸ்ஸ கோஸலேஸு விஹரதீதி ஸத்து² ஸந்திகே கம்மட்டா²னங் க³ஹெத்வா தஸ்ஸ ஜனபத³ஸ்ஸ ஸுலப⁴பி⁴க்க²தாய தத்த² க³ந்த்வா விஹரதி. ஸங்வேஜேதுகாமாதி விவேகங் படிபஜ்ஜாபேதுகாமா. விவேககாமோதி தயோ விவேகே பத்த²யந்தோ. நிச்ச²ரதீ ப³ஹித்³தா⁴தி பா³ஹிரேஸு புது²த்தாரம்மணேஸு சரதி. ஜனோ ஜனஸ்மிந்தி த்வங் ஜனோ அஞ்ஞஸ்மிங் ஜனே ச²ந்த³ராக³ங் வினயஸ்ஸு. பஜஹாஸீதி பஜஹ. ப⁴வாஸீதி ப⁴வ. ஸதங் தங் ஸாரயாமஸேதி ஸதிமந்தங் பண்டி³தங் தங் மயம்பி ஸாரயாம, ஸதங் வா த⁴ம்மங் மயங் தங் ஸாரயாமாதி அத்தோ². பாதாலரஜோதி அப்பதிட்ட²ட்டே²ன பாதாலஸங்கா²தோ கிலேஸரஜோ. மா தங் காமரஜோதி அயங் காமராக³ரஜோ தங் மா அவஹரி, அபாயமேவ மா நேதூதி அத்தோ². பங்ஸுகுந்தி²தோதி பங்ஸுமக்கி²தோ. விது⁴னந்தி விது⁴னந்தோ. ஸிதங் ரஜந்தி ஸரீரலக்³க³ங் ரஜங். ஸங்வேக³மாபாதீ³தி தே³வதாபி நாம மங் ஏவங் ஸாரேதீதி விவேகமாபன்னோ, உத்தமவீரியங் வா பக்³க³ய்ஹ பரமவிவேகங் மக்³க³மேவ படிபன்னோதி. பட²மங்.
2. உபட்டா²னஸுத்தவண்ணனா
222. து³தியே ஸுபதீதி அயங் கிர கீ²ணாஸவோ, ஸோ தூ³ரே பி⁴க்கா²சாரகா³மங் க³ந்த்வா ஆக³தோ பண்ணஸாலாய பத்தசீவரங் படிஸாமெத்வா அவிதூ³ரே ஜாதஸ்ஸரங் ஓதரித்வா க³த்தானி உதுங் கா³ஹாபெத்வா தி³வாட்டா²னங் ஸம்மஜ்ஜித்வா தத்த² நீசமஞ்சகங் பஞ்ஞாபெத்வா அஜ்ஜ²பா⁴ஸீதி ‘‘அயங் பி⁴க்கு² ஸத்து² ஸந்திகே கம்மட்டா²னங் க³ஹெத்வா தி³வா ஸுபதி, தி³வாஸொப்பஞ்ச நாமேதங் வட்³டி⁴தங் தி³ட்ட²த⁴ம்மிகஸம்பராயிகங் அத்த²ங் நாஸேதீ’’தி மஞ்ஞமானா ‘‘சோதெ³ஸ்ஸாமி ந’’ந்தி சிந்தெத்வா அபா⁴ஸி.
ஆதுரஸ்ஸாதி ஸல்லவித்³த⁴ஸ்ஸாதி ஸவிஸேன ருப்பதோதி க⁴ட்டியமானஸ்ஸ.
இதா³னிஸ்ஸ காமேஸு ஆதீ³னவங் கத²யந்தீ அனிச்சாதிஆதி³மாஹ. தத்த² அஸிதந்தி தண்ஹாதி³ட்டி²னிஸ்ஸயேன அனிஸ்ஸிதங். கஸ்மா பப்³ப³ஜிதங் தபேதி ஏவரூபங் கீ²ணாஸவங் தி³வாஸொப்பங் ந தபதி, தாதி³ஸங் பன கஸ்மா ந தபெஸ்ஸதீதி? வத³தி. தே²ரஸ்ஸேவ வா ஏதங் வசனங், தஸ்மா அயமெத்த² அத்தோ² – ப³த்³தே⁴ஸு முத்தங் அஸிதங் மாதி³ஸங் கீ²ணாஸவபப்³ப³ஜிதங் கஸ்மா தி³வாஸொப்பங் தபே, ந தபெஸ்ஸதீதி? ஸேஸகா³தா²ஸுபி ஏஸேவ நயோ. தே³வதாய ஹி வசனபக்கே² – ‘‘ஏவரூபங் கீ²ணாஸவபப்³ப³ஜிதங் தி³வாஸொப்பங் ந தபதி, தாதி³ஸங் பன கஸ்மா ந தபெஸ்ஸதி? தபெஸ்ஸதியேவா’’தி அத்தோ². தே²ரஸ்ஸ வசனபக்கே² – ‘‘ஏவரூபங் மாதி³ஸங் கீ²ணாஸவபப்³ப³ஜிதங் கஸ்மா தி³வாஸொப்பங் தபே? ந தபதியேவா’’தி அத்தோ². அயங் பனெத்த² அனுத்தானபத³வண்ணனா. வினயாதி வினயேன. ஸமதிக்கமாதி வட்டமூலிகாய அவிஜ்ஜாய ஸமதிக்கமேன. தங் ஞாணந்தி தங் சதுஸச்சஞாணங். பரமோதா³னந்தி பரமபரிஸுத்³த⁴ங். பப்³ப³ஜிதந்தி ஏவரூபேன ஞாணேன ஸமன்னாக³தங் பப்³ப³ஜிதங். விஜ்ஜாயாதி சதுத்த²மக்³க³விஜ்ஜாய. ஆரத்³த⁴வீரியந்தி பக்³க³ஹிதவீரியங் பரிபுண்ணவீரியங். து³தியங்.
3. கஸ்ஸபகொ³த்தஸுத்தவண்ணனா
223. ததியே சே²தந்தி ஏகங் மிக³லுத்³த³கங். ஓவத³தீதி ஸோ கிர மிக³லுத்³த³கோ பாதோவ பு⁴ஞ்ஜித்வா ‘‘மிகே³ வதி⁴ஸ்ஸாமீ’’தி அரஞ்ஞங் பவிட்டோ² ஏகங் ரோஹிதமிக³ங் தி³ஸ்வா ‘‘ஸத்தியா நங் பஹரிஸ்ஸாமீ’’தி அஜ்ஜ²பா⁴ஸீதி ‘‘அயங் தே²ரோ அதா³ருங் தச்ச²ந்தோ விய அகெ²த்தே வப்பந்தோ விய அத்தனோபி கம்மங் நாஸேதி, ஏதஸ்ஸாபி சோதெ³ஸ்ஸாமி ந’’ந்தி அபா⁴ஸி.
அப்பபஞ்ஞந்தி நிப்பஞ்ஞங். அசேதஸந்தி காரணஜானநஸமத்தே²ன சித்தேன ரஹிதங். மந்தோ³வாதி அந்த⁴பா³லோ விய. ஸுணாதீதி தவ த⁴ம்மகத²ங் ஸுணாதி. ந விஜானாதீதி அத்த²மஸ்ஸ ந ஜானாதி. ஆலோகேதீதி தவ புது²ஜ்ஜனிகஇத்³தி⁴யா ஜலந்தங் அங்கு³ட்ட²கங் ஆலோகேதி. ந பஸ்ஸதீதி எத்த² ‘‘நேவ தேலங் ந வட்டி ந தீ³பகபல்லிகா, தே²ரஸ்ஸ பன ஆனுபா⁴வேனாயங் ஜலதீ’’தி இமங் காரணங் ந பஸ்ஸதி. த³ஸ பஜ்ஜோதேதி த³ஸஸு அங்கு³லீஸு த³ஸ பதீ³பே. ரூபானீதி காரணரூபானி. சக்கூ²தி பஞ்ஞாசக்கு². ஸங்வேக³மாபாதீ³தி கிங் மே இமினாதி? வீரியங் பக்³க³ய்ஹ பரமவிவேகங் அரஹத்தமக்³க³ங் படிபஜ்ஜி. ததியங்.
4. ஸம்ப³ஹுலஸுத்தவண்ணனா
224. சதுத்தே² ஸம்ப³ஹுலாதி ப³ஹூ ஸுத்தந்திகா ஆபி⁴த⁴ம்மிகா வினயத⁴ரா ச. விஹரந்தீதி ஸத்து² ஸந்திகே கம்மட்டா²னங் க³ஹெத்வா விஹரந்தி. பக்கமிங்ஸூதி தே கிர தஸ்மிங் ஜனபதே³ அஞ்ஞதரங் கா³மங் உபஸங்கமந்தே தி³ஸ்வா மனுஸ்ஸா பஸன்னசித்தா பரிதே³வமானாதி ‘‘இதா³னி ததா²ரூபங் மது⁴ரங் த⁴ம்மஸ்ஸவனங் பஞ்ஹாகத²னங் குதோ லபி⁴ஸ்ஸாமீ’’திஆதீ³னி வத்வா ரோத³மானா.
கா²யதீதி பஞ்ஞாயதி உபட்டா²தி. கோ மேதி கஹங் இமே. வஜ்ஜிபூ⁴மியாதி வஜ்ஜிரட்டா²பி⁴முகா² க³தா. மகா³ வியாதி யதா² மகா³ தஸ்மிங் தஸ்மிங் பப்³ப³தபாதே³ வா வனஸண்டே³ வா விசரந்தா – ‘‘இத³ங் அம்ஹாகங் மாதுஸந்தகங் பிதுஸந்தகங் பவேணிஆக³த’’ந்தி அக³ஹெத்வா, யத்தே²வ நேஸங் கோ³சரபா²ஸுதா ச ஹோதி பரிபந்தா²பா⁴வோ ச, தத்த² விசரந்தி. ஏவங் அனிகேதா அகே³ஹா பி⁴க்க²வோபி ‘‘அயங், ஆவுஸோ, அம்ஹாகங் ஆசரியுபஜ்ஜா²யானங் ஸந்தகோ பவேணிஆக³தோ’’தி அக³ஹெத்வா யத்தே²வ நேஸங் உதுஸப்பாயங் போ⁴ஜனஸப்பாயங் புக்³க³லஸப்பாயங் ஸேனாஸனஸப்பாயங் த⁴ம்மஸ்ஸவனஸப்பாயஞ்ச ஸுலப⁴ங் ஹோதி, தத்த² விஹரந்தி. சதுத்த²ங்.
5. ஆனந்த³ஸுத்தவண்ணனா
225. பஞ்சமே ஆனந்தோ³தி த⁴ம்மப⁴ண்டா³கா³ரிகத்தே²ரோ. அதிவேலந்தி அதிக்கந்தங் வேலங். கி³ஹிஸஞ்ஞத்திப³ஹுலோதி ரத்திஞ்ச தி³வா ச ப³ஹுகாலங் கி³ஹீ ஸஞ்ஞாபயந்தோ. ப⁴க³வதி பரினிப்³பு³தே மஹாகஸ்ஸபத்தே²ரோ தே²ரங் ஆஹ – ‘‘ஆவுஸோ, மயங் ராஜக³ஹே வஸ்ஸங் உபக³ந்த்வா த⁴ம்மங் ஸங்கா³யிஸ்ஸாம, க³ச்ச² த்வங் அரஞ்ஞங் பவிஸித்வா உபரிமக்³க³த்தயத்தா²ய வாயாமங் கரோஹீ’’தி. ஸோ ப⁴க³வதோ பத்தசீவரமாதா³ய கோஸலரட்ட²ங் க³ந்த்வா ஏகஸ்மிங் அரஞ்ஞாவாஸே வஸித்வா புனதி³வஸே ஏகங் கா³மங் பாவிஸி. மனுஸ்ஸா தே²ரங் தி³ஸ்வா – ‘‘ப⁴ந்தே ஆனந்த³, தும்ஹே புப்³பே³ ஸத்தா²ரா ஸத்³தி⁴ங் ஆக³ச்ச²த². அஜ்ஜ ஏககாவ ஆக³தா. கஹங் ஸத்தா²ரங் ட²பெத்வா ஆக³தத்த²? இதா³னி கஸ்ஸ பத்தசீவரங் க³ஹெத்வா விசரத²? கஸ்ஸ முகோ²த³கங் த³ந்தகட்ட²ங் தே³த², பரிவேணங் ஸம்மஜ்ஜத², வத்தபடிவத்தங் கரோதா²’’தி ப³ஹுங் வத்வா பரிதே³விங்ஸு. தே²ரோ – ‘‘மா, ஆவுஸோ, ஸோசித்த², மா அஜ்ஜ²பா⁴ஸீதி
பஸக்கியாதி பவிஸித்வா. ஹத³யஸ்மிங் ஓபியாதி கிச்சதோ ச ஆரம்மணதோ ச ஹத³யம்ஹி பக்கி²பித்வா. ‘‘நிப்³பா³னங் பாபுணிஸ்ஸாமீ’’தி வீரியங் கரொந்தோ நிப்³பா³னங் கிச்சதோ ஹத³யம்ஹி ஓபேதி நாம, நிப்³பா³னாரம்மணங் பன ஸமாபத்திங் அப்பெத்வா நிஸீத³ந்தோ ஆரம்மணதோ. தது³ப⁴யம்பி ஸந்தா⁴யேஸா பா⁴ஸதி. ஜா²யாதி த்³வீஹி ஜா²னேஹி ஜா²யிகோ ப⁴வ. பி³ளிபி³ளிகாதி அயங் கி³ஹீஹி ஸத்³தி⁴ங் பி³ளிபி³ளிகதா². பஞ்சமங்.
6. அனுருத்³த⁴ஸுத்தவண்ணனா
226. ச²ட்டே² புராணது³தியிகாதி அனந்தரே அத்தபா⁴வே அக்³க³மஹேஸீ. ஸோப⁴ஸீதி புப்³பே³பி ஸோப⁴ஸி, இதா³னிபி ஸோப⁴ஸி. து³க்³க³தாதி ந க³திது³க்³க³தியா து³க்³க³தா. தா ஹி ஸுக³தியங் டி²தா ஸம்பத்திங் அனுப⁴வந்தி, படிபத்திது³க்³க³தியா பன து³க்³க³தா. ததோ சுதா ஹி தா நிரயேபி உபபஜ்ஜந்தீதி து³க்³க³தா. பதிட்டி²தாதி ஸக்காயஸ்மிங் ஹி பதிட்ட²ஹந்தோ அட்ட²ஹி காரணேஹி பதிட்டா²தி – ரத்தோ ராக³வஸேன பதிட்டா²தி, து³ட்டோ² தோ³ஸவஸேன… மூள்ஹோ மோஹவஸேன… வினிப³த்³தோ⁴ மானவஸேன… பராமட்டோ² தி³ட்டி²வஸேன… தா²மக³தோ அனுஸயவஸேன… அனிட்ட²ங்க³தோ விசிகிச்சா²வஸேன… விக்கே²பக³தோ உத்³த⁴ச்சவஸேன பதிட்டா²தி. தாபி ஏவங் பதிட்டி²தாவ. நரதே³வானந்தி தே³வனரானங்.
நத்தி² தா³னீதி ஸா கிர தே³வதீ⁴தா தே²ரே ப³லவஸினேஹா அஹோஸி, படிக³ந்துங் நாஸக்கி². காலேன ஆக³ந்த்வா பரிவேணங் ஸம்மஜ்ஜதி, முகோ²த³கங் த³ந்தகட்ட²ங் பானீயங் பரிபோ⁴ஜனீயங் உபட்ட²பேதி. தே²ரோ அனாவஜ்ஜனேன பரிபு⁴ஞ்ஜதி. ஏகஸ்மிங் தி³வஸே தே²ரஸ்ஸ ஜிண்ணசீவரஸ்ஸ சோளகபி⁴க்க²ங் சரதோ ஸங்காரகூடே தி³ப்³ப³து³ஸ்ஸங் ட²பெத்வா பக்கமி. தே²ரோ தங் தி³ஸ்வா உக்கி²பித்வா, ஓலோகெந்தோ து³ஸ்ஸந்தங் விக்கீ²ணோதி கீ²ணோ. ஜாதிஸங்ஸாரோதி தத்த² தத்த² ஜாதிஸங்கா²தோ ஸங்ஸாரோ. ச²ட்ட²ங்.
7. நாக³த³த்தஸுத்தவண்ணனா
227. ஸத்தமே அதிகாலேனாதி ஸப்³ப³ரத்திங் நித்³தா³யித்வா ப³லவபச்சூஸே கோடிஸம்முஞ்ஜனியா தோ²கங் ஸம்மஜ்ஜித்வா முக²ங் தோ⁴வித்வா யாகு³பி⁴க்கா²ய பாதோவ பவிஸதி. அதிதி³வாதி யாகு³ங் ஆதா³ய ஆஸனஸாலங் க³ந்த்வா பிவித்வா ஏகஸ்மிங் டா²னே நிபன்னோ நித்³தா³யித்வா – ‘‘மனுஸ்ஸானங் போ⁴ஜனவேலாய பணீதங் பி⁴க்க²ங் லபி⁴ஸ்ஸாமீ’’தி உபகட்டே² மஜ்ஜ²ன்ஹிகே உட்டா²ய த⁴ம்மகரணேன உத³கங் க³ஹெத்வா அக்கீ²னி பமஜ்ஜித்வா பிண்டா³ய சரித்வா யாவத³த்த²ங் பு⁴ஞ்ஜித்வா மஜ்ஜ²ன்ஹிகே வீதிவத்தே படிக்கமதி. தி³வா ச ஆக³ந்த்வாதி அதிகாலே பவிட்டே²ன நாம அஞ்ஞேஹி பி⁴க்கூ²ஹி பட²மதரங் ஆக³ந்தப்³ப³ங் ஹோதி, த்வங் பன அதிவிய தி³வா ஆக³ந்த்வா க³தாஸீதி அத்தோ². பா⁴யாமி நாக³த³த்தந்தி தங் நாக³த³த்தங் அஹங் பா⁴யாமி. ஸுப்பக³ப்³ப⁴ந்தி ஸுட்டு² பக³ப்³ப⁴ங். குலேஸூதி க²த்தியகுலாதி³உபட்டா²ககுலேஸு. ஸத்தமங்.
8. குலக⁴ரணீஸுத்தவண்ணனா
228. அட்ட²மே அஜ்ஜோ²கா³ள்ஹப்பத்தோதி ஓகா³ஹப்பத்தோ. ஸோ கிர ஸத்து² ஸந்திகே கம்மட்டா²னங் க³ஹெத்வா அஜ்ஜ²பா⁴ஸீதி ஸா கிர தே²ரஸ்ஸ கீ²ணாஸவபா⁴வங் அஜானந்தீ
ஸண்டா²னேதி நக³ரத்³வாரஸ்ஸ ஆஸன்னே மனுஸ்ஸானங் ப⁴ண்ட³கங் ஓதாரெத்வா விஸ்ஸமனட்டா²னே. ஸங்க³ம்மாதி ஸமாக³ந்த்வா. மந்தெந்தீதி கதெ²ந்தி. மஞ்ச தஞ்சாதி மஞ்ச கதெ²ந்தி தஞ்ச கதெ²ந்தி. கிமந்தரந்தி கிங் காரணங்? ப³ஹூ ஹி ஸத்³தா³ பச்சூஹாதி ப³ஹுகா ஏதே லோகஸ்மிங் படிலோமஸத்³தா³. ந தேனாதி தேன காரணேன, தேன வா தபஸ்ஸினா ந மங்கு ஹோதப்³ப³ங். ந ஹி தேனாதி ந ஹி தேன பரேஹி வுத்தவசனேன ஸத்தோ கிலிஸ்ஸதி, அத்தனா கதேன பன பாபகம்மேனேவ கிலிஸ்ஸதீதி த³ஸ்ஸேதி. வாதமிகோ³ யதா²தி யதா² வனே வாதமிகோ³ வாதேரிதானங் பண்ணாதீ³னங் ஸத்³தே³ன பரிதஸ்ஸதி, ஏவங் யோ ஸத்³த³பரித்தாஸீ ஹோதீதி அத்தோ². நாஸ்ஸ ஸம்பஜ்ஜதே வதந்தி தஸ்ஸ லஹுசித்தஸ்ஸ வதங் ந ஸம்பஜ்ஜதி. தே²ரோ பன கீ²ணாஸவத்தா ஸம்பன்னவதோதி வேதி³தப்³போ³. அட்ட²மங்.
9. வஜ்ஜிபுத்தஸுத்தவண்ணனா
229. நவமே வஜ்ஜிபுத்தகோதி வஜ்ஜிரட்டே² ராஜபுத்தோ ச²த்தங் பஹாய பப்³ப³ஜிதோ. ஸப்³ப³ரத்திசாரோதி கத்திகனக்க²த்தங் கோ⁴ஸெத்வா ஸகலனக³ரங் த⁴ஜபடாகாதீ³ஹி தூரியதாளிதவாதி³தனிக்³கோ⁴ஸஸத்³த³ந்தி பே⁴ரிஆதி³தூரியானங் தாளிதானங் வீணாதீ³னஞ்ச வாதி³தானங் நிக்³கோ⁴ஸஸத்³த³ங். அபா⁴ஸீதி வேஸாலியங் கிர ஸத்த ராஜஸஹஸ்ஸானி ஸத்தஸதானி ஸத்த ச ராஜானோ, தத்தகாவ தேஸங் உபராஜஸேனாபதிஆத³யோ அபவித்³த⁴ங்வ வனஸ்மிங் தா³ருகந்தி வத்த²வேட²னாலங்காரரஹிதத்தா வனே ச²ட்³டி³ததா³ருகங் விய ஜாதங். பாபியோதி லாமகதரோ அம்ஹேஹி அஞ்ஞோ கோசி அத்தி². பிஹயந்தீதி தே²ரோ ஆரஞ்ஞிகோ பங்ஸுகூலிகோ பிண்ட³பாதிகோ ஸபதா³னசாரிகோ அப்பிச்சோ² ஸந்துட்டோ²தி ப³ஹூ துய்ஹங் பத்த²யந்தீதி அத்தோ². ஸக்³க³கா³மினந்தி ஸக்³க³ங் க³ச்ச²ந்தானங் க³தானம்பி. நவமங்.
10. ஸஜ்ஜா²யஸுத்தவண்ணனா
230. த³ஸமே யங் ஸுத³ந்தி நிபாதமத்தங். ஸஜ்ஜா²யப³ஹுலோதி நிஸ்ஸரணபரியத்திவஸேன ஸஜ்ஜா²யனதோ ப³ஹுதரங் காலங் ஸஜ்ஜா²யந்தோ. ஸோ கிர ஆசரியஸ்ஸ தி³வாட்டா²னங் ஸம்மஜ்ஜித்வா ஆசரியங் உதி³க்க²ந்தோ திட்ட²தி. அத² நங் ஆக³ச்ச²ந்தங் தி³ஸ்வாவ பச்சுக்³க³ந்த்வா பத்தசீவரங் படிக்³க³ஹெத்வா பஞ்ஞத்தாஸனே நிஸின்னஸ்ஸ தாலவண்டவாதங் த³த்வா பானீயங் ஆபுச்சி²த்வா பாதே³ தோ⁴வித்வா தேலங் மக்கெ²த்வா வந்தி³த்வா டி²தோ உத்³தே³ஸங் க³ஹெத்வா யாவ ஸூரியத்த²ங்க³மா ஸஜ்ஜா²யங் கரோதி. ஸோ ந்ஹானகொட்ட²கே உத³கங் உபட்ட²பெத்வா அங்கா³ரகபல்லே அக்³கி³ங் கரோதி. ஆசரியஸ்ஸ ந்ஹத்வா ஆக³தஸ்ஸ பாதே³ஸு உத³கங் புஞ்சி²த்வா பிட்டி²பரிகம்மங் கத்வா வந்தி³த்வா உத்³தே³ஸங் க³ஹெத்வா பட²மயாமே ஸஜ்ஜா²யங் கத்வா மஜ்ஜி²மயாமே ஸரீரங் ஸமஸ்ஸாஸெத்வா பச்சி²மயாமே உத்³தே³ஸங் க³ஹெத்வா யாவ அருணுக்³க³மனா ஸஜ்ஜா²யங் கத்வா நிருத்³த⁴ஸத்³த³ங் க²யதோ ஸம்மஸதி. ததோ ஸேஸங் உபாதா³யரூபங் பூ⁴தரூபங் நாமரூபந்தி பஞ்சஸு க²ந்தே⁴ஸு விபஸ்ஸனங் வட்³டெ⁴த்வா அரஹத்தங் பாபுணி. அப்பொஸ்ஸுக்கோதி உத்³தே³ஸக்³க³ஹணே ச ஸஜ்ஜா²யகரணீயே ச நிருஸ்ஸுக்கோ. ஸங்கஸாயதீதி யஸ்ஸ தா³னி அத்தா²ய அஹங் ஸஜ்ஜா²யங் கரெய்யங், ஸோ மே அத்தோ² மத்த²கங் அஜ்ஜ²பா⁴ஸீதி, ‘‘கிங் நு கோ² அஸ்ஸ தே²ரஸ்ஸ அபா²ஸுகங் ஜாதங், உதா³ஹுஸ்ஸ ஆசரியஸ்ஸ? கேன நு கோ² காரணேன புப்³பே³ விய மது⁴ரஸ்ஸரேன ந ஸஜ்ஜா²யதீ’’தி? ஆக³ந்த்வா ஸந்திகே டி²தா அபா⁴ஸி.
த⁴ம்மபதா³னீதி இத⁴ ஸப்³ப³ம்பி பு³த்³த⁴வசனங் அதி⁴ப்பேதங் நாதீ⁴யஸீதி ந ஸஜ்ஜா²யஸி. நாதி³யஸீதி வா பாடோ², ந க³ண்ஹாஸீதி அத்தோ². பஸங்ஸந்தி த⁴ம்மபா⁴ணகோ பஸங்ஸங் லப⁴தி, ஆபி⁴த⁴ம்மிகோ விராகே³னாதி அரியமக்³கே³ன. அஞ்ஞாயாதி ஜானித்வா. நிக்கே²பனந்தி தஸ்ஸ தி³ட்ட²ஸுதாதி³னோ விஸ்ஸஜ்ஜனங் ஸந்தோ வத³ந்தீதி தீ³பேதி, ந பு³த்³த⁴வசனஸ்ஸ. எத்தாவதா ‘‘தே²ரோ பு³த்³த⁴வசனங் ந விஸ்ஸஜ்ஜாபேதீ’’தி ந நிச்சகாலங் ஸஜ்ஜா²யந்தேனேவ ப⁴விதப்³ப³ங், ஸஜ்ஜா²யித்வா பன – ‘‘எத்தகஸ்ஸாஹங் அத்த²ஸ்ஸ வா த⁴ம்மஸ்ஸ வா ஆதா⁴ரோ ப⁴விதுங் ஸமத்தோ²’’தி ஞத்வா வட்டது³க்க²ஸ்ஸ அந்தகிரியாய படிபஜ்ஜிதப்³ப³ங். த³ஸமங்.
11. அகுஸலவிதக்கஸுத்தவண்ணனா
231. ஏகாத³ஸமே அகுஸலே விதக்கேதி காமவிதக்காத³யோ தயோ மஹாவிதக்கே. அயோனிஸோ மனஸிகாராதி அனுபாயமனஸிகாரேன. ஸோதி ஸோ த்வங். அயோனிஸோ படினிஸ்ஸஜ்ஜாதி ஏதங் அனுபாயமனஸிகாரங் வஜ்ஜேஹி. ஸத்தா²ரந்தி இமாய கா³தா²ய பாஸாதி³ககம்மட்டா²னங் கதே²தி. பீதிஸுக²மஸங்ஸயந்தி ஏகங்ஸேனேவ ப³லவபீதிஞ்ச ஸுக²ஞ்ச அதி⁴க³மிஸ்ஸஸி. ஏகாத³ஸமங்.
12. மஜ்ஜ²ன்ஹிகஸுத்தவண்ணனா
232. த்³வாத³ஸமே யங் வத்தப்³ப³ங், தங் தே³வதாஸங்யுத்தே நந்த³னவக்³கே³ வுத்தமேவ. த்³வாத³ஸமங்.
13. பாகதிந்த்³ரியஸுத்தவண்ணனா
233. தேரஸமங் தே³வபுத்தஸங்யுத்தே ஜந்துதே³வபுத்தஸுத்தே வித்தா²ரிதமேவ. தேரஸமங்.
14. க³ந்த⁴த்தே²னஸுத்தவண்ணனா
234. சுத்³த³ஸமே அஜ்ஜ²பா⁴ஸீதி தங் பி⁴க்கு²ங் நாளே க³ஹெத்வா பது³மங் ஸிங்க⁴மானங் தி³ஸ்வாவ – ‘‘அயங் பி⁴க்கு² ஸத்து² ஸந்திகே கம்மட்டா²னங் க³ஹெத்வா ஸமணத⁴ம்மங் காதுங் அரஞ்ஞங்
ஏகங்க³மேதங் தெ²ய்யானந்தி தே²னிதப்³பா³னங் ரூபாரம்மணாதீ³னங் பஞ்சகொட்டா²ஸானங் இத³ங் ஏகங்க³ங், ஏககொட்டா²ஸோதி அத்தோ². ந ஹராமீதி ந க³ஹெத்வா க³ச்சா²மி. ஆராதி தூ³ரே நாளே க³ஹெத்வா நாமெத்வா தூ³ரே டி²தோ உபஸிங்கா⁴மீதி வத³தி. வண்ணேனாதி காரணேன.
ய்வாயந்தி யோ அயங். தஸ்மிங் கிர தே³வதாய ஸத்³தி⁴ங் கதெ²ந்தேயேவ ஏகோ தாபஸோ ஓதரித்வா பி⁴ஸக²னநாதீ³னி காதுங் ஆரத்³தோ⁴, தங் ஸந்தா⁴யேவமாஹ. ஆகிண்ணகம்மந்தோதி ஏவங் அபரிஸுத்³த⁴கம்மந்தோ. அகீ²ணகம்மந்தோதிபி பாடோ², கக்க²ளகம்மந்தோதி அத்தோ². ந வுச்சதீதி க³ந்த⁴சோரோதி வா புப்ப²சோரோதி வா கஸ்மா ந வுச்சதி.
ஆகிண்ணலுத்³தோ³தி ப³ஹுபாபோ கா³ள்ஹபாபோ வா, தஸ்மா ந வுச்சதி. தா⁴திசேலங்வ மக்கி²தோதி யதா² தா⁴தியா நிவத்த²கிலிட்ட²வத்த²ங் உச்சாரபஸ்ஸாவபங்ஸுமஸிகத்³த³மாதீ³ஹி மக்கி²தங், ஏவமேவங் ராக³தோ³ஸாதீ³ஹி மக்கி²தோ. அரஹாமி வத்தவேதி அரஹாமி வத்துங். தே³வதாய சோத³னா கிர ஸுக³தானுஸிட்டி²ஸதி³ஸா, ந தங் லாமகா ஹீனாதி⁴முத்திகா மிச்சா²படிபன்னகபுக்³க³லா லப⁴ந்தி. தஸ்மிங் பன அத்தபா⁴வே மக்³க³ப²லானங் ப⁴ப்³ப³ரூபா புக்³க³லா தங் லப⁴ந்தி, தஸ்மா ஏவமாஹ.
ஸுசிக³வேஸினோதி ஸுசீனி ஸீலஸமாதி⁴ஞாணானி க³வேஸந்தஸ்ஸ. அப்³பா⁴மத்தங் வாதி வலாஹககூடமத்தங் விய. ஜானாஸீதி ஸுத்³தோ⁴ அயந்தி ஜானாஸி. வஜ்ஜாஸீதி வதெ³ய்யாஸி. நேவ தங் உபஜீவாமாதி தே³வதா கிர சிந்தேஸி – ‘‘அயங் பி⁴க்கு² அத்தி² மே ஹிதகாமா தே³வதா, ஸா மங் சோதெ³ஸ்ஸதி ஸாரெஸ்ஸதீதி த்வமேவாதி த்வங்யேவ. ஜானெய்யாதி ஜானெய்யாஸி. யேனாதி யேன கம்மேன ஸுக³திங் க³ச்செ²ய்யாஸி, தங் கம்மங் த்வங்யேவ ஜானெய்யாஸீதி. சுத்³த³ஸமங்.
இதி ஸாரத்த²ப்பகாஸினியா
ஸங்யுத்தனிகாய-அட்ட²கதா²ய
வனஸங்யுத்தவண்ணனா நிட்டி²தா.