6. லாப⁴ஸக்காரஸங்யுத்தங்
1. பட²மவக்³கோ³
1. தா³ருணஸுத்தங்
157. ஏவங் மே ஸுதங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘தா³ருணோ, பி⁴க்க²வே, லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘உப்பன்னங் லாப⁴ஸக்காரஸிலோகங் பஜஹிஸ்ஸாம, ந ச நோ உப்பன்னோ லாப⁴ஸக்காரஸிலோகோ சித்தங் பரியாதா³ய ட²ஸ்ஸதீ’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. பட²மங்.
2. ப³ளிஸஸுத்தங்
158. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. ஸெய்யதா²பி, பி⁴க்க²வே, பா³ளிஸிகோ ஆமிஸக³தங் ப³ளிஸங் க³ம்பீ⁴ரே உத³கரஹதே³ பக்கி²பெய்ய. தமேனங் அஞ்ஞதரோ ஆமிஸசக்கு² மச்சோ² கி³லெய்ய. ஏவஞ்ஹி ஸோ, பி⁴க்க²வே, மச்சோ² கி³லப³ளிஸோ பா³ளிஸிகஸ்ஸ அனயங் ஆபன்னோ ப்³யஸனங் ஆபன்னோ யதா²காமகரணீயோ பா³ளிஸிகஸ்ஸ’’.
‘‘பா³ளிஸிகோதி கோ², பி⁴க்க²வே, மாரஸ்ஸேதங் பாபிமதோ அதி⁴வசனங். ப³ளிஸந்தி கோ², பி⁴க்க²வே , லாப⁴ஸக்காரஸிலோகஸ்ஸேதங் அதி⁴வசனங். யோ ஹி கோசி , பி⁴க்க²வே, பி⁴க்கு² உப்பன்னங் லாப⁴ஸக்காரஸிலோகங் அஸ்ஸாதே³தி நிகாமேதி, அயங் வுச்சதி, பி⁴க்க²வே, பி⁴க்கு² கி³லப³ளிஸோ மாரஸ்ஸ அனயங் ஆபன்னோ ப்³யஸனங் ஆபன்னோ யதா²காமகரணீயோ பாபிமதோ. ஏவங் தா³ருணோ கோ², பி⁴க்க²வே , லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘உப்பன்னங் லாப⁴ஸக்காரஸிலோகங் பஜஹிஸ்ஸாம, ந ச நோ உப்பன்னோ லாப⁴ஸக்காரஸிலோகோ சித்தங் பரியாதா³ய ட²ஸ்ஸதீ’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. து³தியங்.
3. கும்மஸுத்தங்
159. ஸாவத்தி²யங் விஹரதி…பே॰… ‘‘தா³ருணோ , பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. பூ⁴தபுப்³ப³ங், பி⁴க்க²வே, அஞ்ஞதரஸ்மிங் உத³கரஹதே³ மஹாகும்மகுலங் சிரனிவாஸி அஹோஸி. அத² கோ², பி⁴க்க²வே, அஞ்ஞதரோ கும்மோ அஞ்ஞதரங் கும்மங் ஏதத³வோச – ‘மா கோ² த்வங், தாத கும்ம, ஏதங் பதே³ஸங் அக³மாஸீ’தி. அக³மாஸி கோ², பி⁴க்க²வே, ஸோ கும்மோ தங் பதே³ஸங். தமேனங் லுத்³தோ³ பபதாய விஜ்ஜி². அத² கோ², பி⁴க்க²வே, ஸோ கும்மோ யேன ஸோ கும்மோ தேனுபஸங்கமி. அத்³த³ஸா கோ², பி⁴க்க²வே, ஸோ கும்மோ தங் கும்மங் தூ³ரதோவ ஆக³ச்ச²ந்தங். தி³ஸ்வான தங் கும்மங் ஏதத³வோச – ‘கச்சி த்வங், தாத கும்ம, ந தங் பதே³ஸங் அக³மாஸீ’தி? ‘அக³மாஸிங் க்²வாஹங், தாத கும்ம, தங் பதே³ஸ’ந்தி. ‘கச்சி பனாஸி, தாத கும்ம, அக்க²தோ அனுபஹதோ’தி? ‘அக்க²தோ கொ²ம்ஹி, தாத கும்ம, அனுபஹதோ, அத்தி² ச மே இத³ங் ஸுத்தகங் பிட்டி²தோ பிட்டி²தோ அனுப³ந்த⁴’ந்தி. ‘தக்³க⁴ஸி, தாத கும்ம, க²தோ, தக்³க⁴ உபஹதோ. ஏதேன ஹி தே, தாத கும்ம, ஸுத்தகேன பிதரோ ச பிதாமஹா ச அனயங் ஆபன்னா ப்³யஸனங் ஆபன்னா. க³ச்ச² தா³னி த்வங், தாத கும்ம, ந தா³னி த்வங் அம்ஹாக’’’ந்தி.
‘‘லுத்³தோ³தி கோ², பி⁴க்க²வே, மாரஸ்ஸேதங் பாபிமதோ அதி⁴வசனங். பபதாதி கோ², பி⁴க்க²வே, லாப⁴ஸக்காரஸிலோகஸ்ஸேதங் அதி⁴வசனங். ஸுத்தகந்தி கோ², பி⁴க்க²வே, நந்தி³ராக³ஸ்ஸேதங் அதி⁴வசனங். யோ ஹி கோசி, பி⁴க்க²வே, பி⁴க்கு² உப்பன்னங் லாப⁴ஸக்காரஸிலோகங் அஸ்ஸாதே³தி நிகாமேதி – அயங் வுச்சதி, பி⁴க்க²வே, பி⁴க்கு² கி³த்³தோ⁴ பபதாய பி⁴க்கு² பபதாய (ஸ்யா॰ கங்॰), பி⁴க்கு² வித்³தோ⁴ பபதாய (?) அனயங் ஆபன்னோ ப்³யஸனங் ஆபன்னோ யதா²காமகரணீயோ பாபிமதோ. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ததியங்.
4. தீ³க⁴லோமிகஸுத்தங்
160. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. ஸெய்யதா²பி, பி⁴க்க²வே, தீ³க⁴லோமிகா ஏளகா கண்டகக³ஹனங் பவிஸெய்ய. ஸா தத்ர தத்ர ஸஜ்ஜெய்ய, தத்ர தத்ர க³ய்ஹெய்ய க³ச்செ²ய்ய (ஸீ॰), க³ண்ஹெய்ய (ஸ்யா॰ கங்॰ பீ॰ க॰), தத்ர தத்ர ப³ஜ்ஜெ²ய்ய, தத்ர தத்ர அனயப்³யஸனங் ஆபஜ்ஜெய்ய. ‘ஏவமேவ கோ², பி⁴க்க²வே, இதே⁴கச்சோ பி⁴க்கு² லாப⁴ஸக்காரஸிலோகேன அபி⁴பூ⁴தோ பரியாதி³ண்ணசித்தோ புப்³ப³ண்ஹஸமயங் நிவாஸெத்வா பத்தசீவரமாதா³ய கா³மங் வா நிக³மங் வா பிண்டா³ய பவிஸதி. ஸோ தத்ர தத்ர ஸஜ்ஜதி, தத்ர தத்ர க³ய்ஹதி, தத்ர தத்ர ப³ஜ்ஜ²தி, தத்ர தத்ர அனயப்³யஸனங் ஆபஜ்ஜதி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’’ந்தி. சதுத்த²ங்.
5. மீள்ஹகஸுத்தங்
161. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. ஸெய்யதா²பி, பி⁴க்க²வே, மீள்ஹகா கூ³தா²தீ³ கூ³த²பூரா புண்ணா கூ³த²ஸ்ஸ. புரதோ சஸ்ஸ மஹாகூ³த²புஞ்ஜோ. ஸா தேன அஞ்ஞா மீள்ஹகா அதிமஞ்ஞெய்ய – ‘அஹம்ஹி கூ³தா²தீ³ கூ³த²பூரா புண்ணா கூ³த²ஸ்ஸ, புரதோ ச ம்யாயங் மஹாகூ³த²புஞ்ஜோ’தி. ஏவமேவ கோ², பி⁴க்க²வே, இதே⁴கச்சோ பி⁴க்கு² லாப⁴ஸக்காரஸிலோகேன அபி⁴பூ⁴தோ பரியாதி³ண்ணசித்தோ புப்³ப³ண்ஹஸமயங் நிவாஸெத்வா பத்தசீவரமாதா³ய கா³மங் வா நிக³மங் வா பிண்டா³ய பவிஸதி. ஸோ தத்த² பு⁴த்தாவீ ச ஹோதி யாவத³த்தோ², நிமந்திதோ ச ஸ்வாதனாய, பிண்ட³பாதோ சஸ்ஸ பூரோ. ஸோ ஆராமங் க³ந்த்வா பி⁴க்கு²க³ணஸ்ஸ மஜ்ஜே² விகத்த²தி – ‘பு⁴த்தாவீ சம்ஹி யாவத³த்தோ², நிமந்திதோ சம்ஹி ஸ்வாதனாய, பிண்ட³பாதோ ச ம்யாயங் பூரோ, லாபீ⁴ சம்ஹி சீவர-பிண்ட³பாத-ஸேனாஸன-கி³லானப்பச்சய-பே⁴ஸஜ்ஜபரிக்கா²ரானங், இமே பனஞ்ஞே பி⁴க்கூ² அப்பபுஞ்ஞா அப்பேஸக்கா² ந லாபி⁴னோ சீவர-பிண்ட³பாதஸேனாஸன-கி³லானப்பச்சய-பே⁴ஸஜ்ஜ-பரிக்கா²ரான’ந்தி. ஸோ தேன லாப⁴ஸக்காரஸிலோகேன அபி⁴பூ⁴தோ பரியாதி³ண்ணசித்தோ அஞ்ஞே பேஸலே பி⁴க்கூ² அதிமஞ்ஞதி. தஞ்ஹி தஸ்ஸ, பி⁴க்க²வே , மோக⁴புரிஸஸ்ஸ ஹோதி தீ³க⁴ரத்தங் அஹிதாய து³க்கா²ய. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ பி⁴க்க²வே, ஸிக்கி²தப்³ப³’’ந்தி. பஞ்சமங்.
6. அஸனிஸுத்தங்
162. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. உபரி ததியவக்³கே³ ததியசதுத்த²ஸுத்தேஸு ‘‘மா ச கோ² த்வங் தாத ஸேக²ங்… அனுபாபுணாதூ’’தி ஆக³தங். தேன நயேன இதா⁴பி அத்தோ² க³ஹேதப்³போ³. எத்த² ஹி கிங் ஸத்³தே³ன படிக்கே²பத்தோ²பி ஸக்கா ஞாதுங், யதா² ‘‘ஸயங் அபி⁴ஞ்ஞாய கமுத்³தி³ஸெய்ய’’ந்தி. தஸ்மா கங்… ஆக³ச்ச²தூதி எத்த² கமபி… மா ஆக³ச்ச²தூதி ச, கங் ஸேக²ங்… அனுபாபுணாதூதி எத்த² கமபி ஸேக²ங்… மா பாபுணாதூதி ச அத்தோ² வேதி³தப்³போ³. அட்ட²கதா²டீகாஸு ச அயமேவத்தோ² ஞாபிதோ கங், பி⁴க்க²வே, அஸனிவிசக்கங் ஆக³ச்ச²து உபரி ததியவக்³கே³ தரியசதுத்த²ஸுத்தேஸு ‘‘மா ச கோ² த்வங் தாத ஸேக²ங்… அனுபாபுணாதூ’’தி ஆக³தங். தேன நயேன இதா⁴பி அத்தோ² க³ஹேதப்³போ³. எத்த² ஹி கிங் ஸத்³தே³ன படிக்கே²பத்தோ²பி ஸக்கா ஞாதுங், யதா² ‘‘ஸயங் அபி⁴ஞ்ஞாய கமுத்³தி³ஸெய்ய’’ந்தி. தஸ்மா கங்… ஆக³ச்ச²தூதி எத்த² கமபி… மா ஆக³ச்ச²தூதிச, தங் ஸேக²ங்… அனுபாபுணாதூதி எத்த² கமபி ஸேக²ங்… மா பாபுணாதூதி ச அத்தோ² வேதி³தப்³போ³. அட்ட²கதா²டீகாஸு ச அயமேவத்தோ² ஞாபிதோ, ஸேக²ங் அஸனிவிசக்கங், தங் ஸேக²ங் (பீ॰ க॰), அஸனிவிசக்கங், ஸேக²ங் (ஸ்யா॰ கங்॰), அஸனிவிசக்கங் ஆக³ச்ச²து, கங் ஸேக²ங் (?) அப்பத்தமானஸங் லாப⁴ஸக்காரஸிலோகோ அனுபாபுணாது’’ அனுபாபுணாதி (பீ॰ க॰).
‘‘அஸனிவிசக்கந்தி கோ², பி⁴க்க²வே, லாப⁴ஸக்காரஸிலோகஸ்ஸேதங் அதி⁴வசனங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ச²ட்ட²ங்.
7. தி³த்³த⁴ஸுத்தங்
163. ஸாவத்தி²யங் விஹரதி…பே॰… ‘‘தா³ருணோ , பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. கங், பி⁴க்க²வே, தி³த்³த⁴க³தேன விஸல்லேன ஸல்லேன தி³ட்டி²க³தேன விஸல்லேன (க॰ ஸீ॰), தி³ட்டி²க³தேன ஸல்லேன (ஸ்யா॰ கங்॰), தி³ட்டி²க³தேன விஸல்லேன ஸல்லேன (க॰), தி³ட்ட²க³தேன விஸல்லேன ஸல்லேன (பீ॰) விஜ்ஜ²து, ஸேக²ங் விஜ்ஜ²து, தங் ஸேக²ங் (ஸீ॰), விஜ்ஜ²தி, தங் ஸேக²ங் (பீ॰ க॰) அப்பத்தமானஸங் லாப⁴ஸக்காரஸிலோகோ அனுபாபுணாது’’ அனுபாபுணாதி (பீ॰ க॰).
‘‘ஸல்லந்தி கோ², பி⁴க்க²வே, லாப⁴ஸக்காரஸிலோகஸ்ஸேதங் அதி⁴வசனங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ஸத்தமங்.
8. ஸிங்கா³லஸுத்தங்
164. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. அஸ்ஸுத்த² நோ தும்ஹே, பி⁴க்க²வே, ரத்தியா பச்சூஸஸமயங் ஜரஸிங்கா³லஸ்ஸ ஸிங்கா³லஸ்ஸ (க॰), ஜரஸிகா³லஸ்ஸ (ஸீ॰ ஸ்யா॰ கங்॰) வஸ்ஸமானஸ்ஸா’’தி? ‘‘ஏவங், ப⁴ந்தே’’. ‘‘ஏஸோ கோ², பி⁴க்க²வே, ஜரஸிங்கா³லோ உக்கண்ட³கேன உக்கண்ட³கேன (ஸீ॰), உக்கண்ணகேன (ஸ்யா॰ கங்॰ பீ॰) நாம ரோக³ஜாதேன பு²ட்டோ² நேவ பி³லக³தோ ரமதி, ந ருக்க²மூலக³தோ ரமதி, ந அஜ்ஜோ²காஸக³தோ ரமதி; யேன யேன க³ச்ச²தி, யத்த² யத்த² திட்ட²தி, யத்த² யத்த² நிஸீத³தி, யத்த² யத்த² நிபஜ்ஜதி; தத்த² தத்த² அனயப்³யஸனங் ஆபஜ்ஜதி. ஏவமேவ கோ², பி⁴க்க²வே, இதே⁴கச்சோ பி⁴க்கு² லாப⁴ஸக்காரஸிலோகேன அபி⁴பூ⁴தோ பரியாதி³ண்ணசித்தோ நேவ ஸுஞ்ஞாகா³ரக³தோ ரமதி, ந ருக்க²மூலக³தோ ரமதி, ந அஜ்ஜோ²காஸக³தோ ரமதி; யேன யேன க³ச்ச²தி, யத்த² யத்த² திட்ட²தி, யத்த² யத்த² நிஸீத³தி, யத்த² யத்த² நிபஜ்ஜதி; தத்த² தத்த² அனயப்³யஸனங் ஆபஜ்ஜதி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. அட்ட²மங்.
9. வேரம்ப⁴ஸுத்தங்
165. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. உபரி, பி⁴க்க²வே, ஆகாஸே வேரம்பா⁴ வேரம்பா³ (ஸீ॰ பீ॰) நாம வாதா வாயந்தி. தத்த² யோ பக்கீ² க³ச்ச²தி தமேனங் வேரம்பா⁴ வாதா கி²பந்தி. தஸ்ஸ வேரம்ப⁴வாதக்கி²த்தஸ்ஸ அஞ்ஞேனேவ பாதா³ க³ச்ச²ந்தி, அஞ்ஞேன பக்கா² க³ச்ச²ந்தி, அஞ்ஞேன ஸீஸங் க³ச்ச²தி, அஞ்ஞேன காயோ க³ச்ச²தி. ஏவமேவ கோ², பி⁴க்க²வே, இதே⁴கச்சோ பி⁴க்கு² லாப⁴ஸக்காரஸிலோகேன அபி⁴பூ⁴தோ பரியாதி³ண்ணசித்தோ புப்³ப³ண்ஹஸமயங் நிவாஸெத்வா பத்தசீவரமாதா³ய கா³மங் வா நிக³மங் வா பிண்டா³ய பவிஸதி அரக்கி²தேனேவ காயேன அரக்கி²தாய வாசாய அரக்கி²தேன சித்தேன, அனுபட்டி²தாய ஸதியா, அஸங்வுதேஹி இந்த்³ரியேஹி. ஸோ தத்த² பஸ்ஸதி மாதுகா³மங் து³ன்னிவத்த²ங் வா து³ப்பாருதங் வா. தஸ்ஸ மாதுகா³மங் தி³ஸ்வா து³ன்னிவத்த²ங் வா து³ப்பாருதங் வா ராகோ³ சித்தங் அனுத்³த⁴ங்ஸேதி. ஸோ ராகா³னுத்³த⁴ங்ஸிதேன சித்தேன ஸிக்க²ங் பச்சக்கா²ய ஹீனாயாவத்ததி. தஸ்ஸ அஞ்ஞே சீவரங் ஹரந்தி, அஞ்ஞே பத்தங் ஹரந்தி, அஞ்ஞே நிஸீத³னங் ஹரந்தி, அஞ்ஞே ஸூசிக⁴ரங் ஹரந்தி, வேரம்ப⁴வாதக்கி²த்தஸ்ஸேவ ஸகுணஸ்ஸ. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. நவமங்.
10. ஸகா³த²கஸுத்தங்
166. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. இதா⁴ஹங், பி⁴க்க²வே, ஏகச்சங் புக்³க³லங் பஸ்ஸாமி ஸக்காரேன அபி⁴பூ⁴தங் பரியாதி³ண்ணசித்தங், காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னங். இத⁴ பனாஹங், பி⁴க்க²வே , ஏகச்சங் புக்³க³லங் பஸ்ஸாமி அஸக்காரேன அபி⁴பூ⁴தங் பரியாதி³ண்ணசித்தங், காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னங். இத⁴ பனாஹங், பி⁴க்க²வே, ஏகச்சங் புக்³க³லங் பஸ்ஸாமி ஸக்காரேன ச அஸக்காரேன ச தது³ப⁴யேன அபி⁴பூ⁴தங் பரியாதி³ண்ணசித்தங், காயஸ்ஸ பே⁴தா³ பரங் மரணா அபாயங் து³க்³க³திங் வினிபாதங் நிரயங் உபபன்னங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி.
இத³மவோச ப⁴க³வா. இத³ங் வத்வான ஸுக³தோ அதா²பரங் ஏதத³வோச ஸத்தா² –
‘‘யஸ்ஸ ஸக்கரியமானஸ்ஸ, அஸக்காரேன சூப⁴யங்;
ஸமாதி⁴ ந விகம்பதி, அப்பமாணவிஹாரினோ அப்பமாத³விஹாரினோ (பீ॰ க॰) அப்பமாணோதி ஹெத்த² ப²லஸமாதி⁴, ந ஸதி.
‘‘தங் ஜா²யினங் ஸாததிகங், ஸுகு²மங் தி³ட்டி²விபஸ்ஸகங்;
உபாதா³னக்க²யாராமங், ஆஹு ஸப்புரிஸோ இதீ’’தி. த³ஸமங்;
பட²மோ வக்³கோ³.
தஸ்ஸுத்³தா³னங் –
தா³ருணோ ப³ளிஸங் கும்மங், தீ³க⁴லோமி ச மீள்ஹகங்;
அஸனி தி³த்³த⁴ங் ஸிங்கா³லங், வேரம்பே⁴ன ஸகா³த²கந்தி.
2. து³தியவக்³கோ³
1. ஸுவண்ணபாதிஸுத்தங்
167. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… அதி⁴க³மாய. இதா⁴ஹங், பி⁴க்க²வே, ஏகச்சங் புக்³க³லங் ஏவங் சேதஸா சேதோ பரிச்ச பஜானாமி – ‘ந சாயமாயஸ்மா ஸுவண்ணபாதியாபி ரூபியசுண்ணபரிபூராய ஹேது ஸம்பஜானமுஸா பா⁴ஸெய்யா’தி. தமேனங் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தங் பரியாதி³ண்ணசித்தங் ஸம்பஜானமுஸா பா⁴ஸந்தங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. பட²மங்.
2. ரூபியபாதிஸுத்தங்
168. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… இதா⁴ஹங், பி⁴க்க²வே, ஏகச்சங் புக்³க³லங் ஏவங் சேதஸா சேதோ பரிச்ச பஜானாமி – ‘ந சாயமாயஸ்மா ரூபியபாதியாபி ஸுவண்ணசுண்ணபரிபூராய ஹேது ஸம்பஜானமுஸா பா⁴ஸெய்யா’தி. தமேனங் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தங் பரியாதி³ண்ணசித்தங் ஸம்பஜானமுஸா பா⁴ஸந்தங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. து³தியங்.
3-10. ஸுவண்ணனிக்க²ஸுத்தாதி³அட்ட²கங்
169. ஸாவத்தி²யங் விஹரதி…பே॰… ‘‘இதா⁴ஹங் , பி⁴க்க²வே, ஏகச்சங் புக்³க³லங் ஏவங் சேதஸா சேதோ பரிச்ச பஜானாமி – ‘ந சாயமாயஸ்மா ஸுவண்ணனிக்க²ஸ்ஸாபி ஹேது…பே॰… ஸுவண்ணனிக்க²ஸதஸ்ஸாபி ஹேது… ஸிங்கீ³னிக்க²ஸ்ஸாபி ஹேது… ஸிங்கீ³னிக்க²ஸதஸ்ஸாபி ஹேது… பத²வியாபி ஜாதரூபபரிபூராய ஹேது… ஆமிஸகிஞ்சிக்க²ஹேதுபி… ஜீவிதஹேதுபி… ஜனபத³கல்யாணியாபி ஹேது ஸம்பஜானமுஸா பா⁴ஸெய்யா’தி. தமேனங் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தங் பரியாதி³ண்ணசித்தங் ஸம்பஜானமுஸா பா⁴ஸந்தங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. த³ஸமங்.
து³தியோ வக்³கோ³.
தஸ்ஸுத்³தா³னங் –
த்³வே பாதி த்³வே ஸுவண்ணா ச, ஸிங்கீ³ஹி அபரே து³வே;
பத²வீ கிஞ்சிக்க²ஜீவிதங், ஜனபத³கல்யாணியா த³ஸாதி.
3. ததியவக்³கோ³
1. மாதுகா³மஸுத்தங்
170. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… ந தஸ்ஸ, பி⁴க்க²வே, மாதுகா³மோ ஏகோ ஏகஸ்ஸ சித்தங் பரியாதா³ய திட்ட²தி யஸ்ஸ லாப⁴ஸக்காரஸிலோகோ சித்தங் பரியாதா³ய திட்ட²தி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ …பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. பட²மங்.
2. கல்யாணீஸுத்தங்
171. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… ந தஸ்ஸ, பி⁴க்க²வே, ஜனபத³கல்யாணீ ஏகா ஏகஸ்ஸ சித்தங் பரியாதா³ய திட்ட²தி யஸ்ஸ லாப⁴ஸக்காரஸிலோகோ சித்தங் பரியாதா³ய திட்ட²தி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. து³தியங்.
3. ஏகபுத்தகஸுத்தங்
172. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… ஸத்³தா⁴, பி⁴க்க²வே, உபாஸிகா ஏகபுத்தகங் பியங் மனாபங் ஏவங் ஸம்மா ஆயாசமானா ஆயாசெய்ய – ‘தாதி³ஸோ, தாத, ப⁴வாஹி யாதி³ஸோ சித்தோ ச க³ஹபதி ஹத்த²கோ ச ஆளவகோ’தி. ஏஸா, பி⁴க்க²வே , துலா ஏதங் பமாணங் மம ஸாவகானங் உபாஸகானங், யதி³த³ங் சித்தோ ச க³ஹபதி ஹத்த²கோ ச ஆளவகோ. ஸசே கோ² த்வங், தாத, அகா³ரஸ்மா அனகா³ரியங் பப்³ப³ஜஸி; தாதி³ஸோ, தாத, ப⁴வாஹி யாதி³ஸா ஸாரிபுத்தமொக்³க³ல்லானாதி. ஏஸா, பி⁴க்க²வே, துலா ஏதங் பமாணங் மம ஸாவகானங் பி⁴க்கூ²னங், யதி³த³ங் ஸாரிபுத்தமொக்³க³லானா . மா ச கோ² த்வங், தாத, ஸேக²ங் அப்பத்தமானஸங் லாப⁴ஸக்காரஸிலோகோ அனுபாபுணாதூதி. தஞ்சே, பி⁴க்க²வே, பி⁴க்கு²ங் ஸேக²ங் அப்பத்தமானஸங் லாப⁴ஸக்காரஸிலோகோ அனுபாபுணாதி, ஸோ தஸ்ஸ ஹோதி அந்தராயாய. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ததியங்.
4. ஏகதீ⁴துஸுத்தங்
173. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ…பே॰… ஸத்³தா⁴ பி⁴க்க²வே உபாஸிகா ஏகங் தீ⁴தரங் பியங் மனாபங் ஏவங் ஸம்மா ஆயாசமானா ஆயாசெய்ய – ‘தாதி³ஸா, அய்யே, ப⁴வாஹி யாதி³ஸா கு²ஜ்ஜுத்தரா ச உபாஸிகா வேளுகண்ட³கியா வேளுகண்ட³கீ (ஸீ॰ ச²க்கங்கு³த்தரேபி) ச நந்த³மாதா’தி. ஏஸா, பி⁴க்க²வே, துலா ஏதங் பமாணங் மம ஸாவிகானங் உபாஸிகானங், யதி³த³ங் கு²ஜ்ஜுத்தரா ச உபாஸிகா வேளுகண்ட³கியா ச நந்த³மாதா. ஸசே கோ² த்வங், அய்யே, அகா³ரஸ்மா அனகா³ரியங் பப்³ப³ஜஸி; தாதி³ஸா, அய்யே, ப⁴வாஹி யாதி³ஸா கே²மா ச பி⁴க்கு²னீ உப்பலவண்ணா சாதி. ஏஸா, பி⁴க்க²வே, துலா ஏதங் பமாணங் மம ஸாவிகானங் பி⁴க்கு²னீனங், யதி³த³ங் கே²மா ச பி⁴க்கு²னீ உப்பலவண்ணா ச. மா ச கோ² த்வங், அய்யே, ஸேக²ங் அப்பத்தமானஸங் லாப⁴ஸக்காரஸிலோகோ அனுபாபுணாதூதி. தங் சே, பி⁴க்க²வே, பி⁴க்கு²னிங் ஸேக²ங் அப்பத்தமானஸங் லாப⁴ஸக்காரஸிலோகோ அனுபாபுணாதி, ஸோ தஸ்ஸா ஹோதி அந்தராயாய. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. சதுத்த²ங்.
5. ஸமணப்³ராஹ்மணஸுத்தங்
174. ஸாவத்தி²யங் விஹரதி…பே॰… ‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா லாப⁴ஸக்காரஸிலோகஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் நப்பஜானந்தி, ந மே தே, பி⁴க்க²வே, ஸமணா வா ப்³ராஹ்மணா வா ஸமணேஸு வா ஸமணஸம்மதா ப்³ராஹ்மணேஸு வா ப்³ராஹ்மணஸம்மதா, ந ச பன தே ஆயஸ்மந்தா ஸாமஞ்ஞத்த²ங் வா ப்³ரஹ்மஞ்ஞத்த²ங் வா தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தி. யே ச கோ² கேசி, பி⁴க்க²வே, ஸமணா வா ப்³ராஹ்மணா வா லாப⁴ஸக்காரஸிலோகஸ்ஸ அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் பஜானந்தி, தே ச கோ² மே, பி⁴க்க²வே, ஸமணா வா ப்³ராஹ்மணா வா ஸமணேஸு சேவ ஸமணஸம்மதா ப்³ராஹ்மணேஸு ச ப்³ராஹ்மணஸம்மதா, தே ச பனாயஸ்மந்தோ ஸாமஞ்ஞத்த²ஞ்ச ப்³ரஹ்மஞ்ஞத்த²ஞ்ச தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தீ’’தி. பஞ்சமங்.
6. து³தியஸமணப்³ராஹ்மணஸுத்தங்
175. ஸாவத்தி²யங் விஹரதி…பே॰… ‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா லாப⁴ஸக்காரஸிலோகஸ்ஸ ஸமுத³யஞ்ச அத்த²ங்க³மஞ்ச அஸ்ஸாத³ஞ்ச ஆதீ³னவஞ்ச நிஸ்ஸரணஞ்ச யதா²பூ⁴தங் நப்பஜானந்தி…பே॰… பஜானந்தி…பே॰… ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தீ’’தி. ச²ட்ட²ங்.
7. ததியஸமணப்³ராஹ்மணஸுத்தங்
176. ஸாவத்தி²யங் விஹரதி…பே॰… ‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா லாப⁴ஸக்காரஸிலோகங் யதா²பூ⁴தங் நப்பஜானந்தி, லாப⁴ஸக்காரஸிலோகஸமுத³யங் நப்பஜானந்தி, லாப⁴ஸக்காரஸிலோகனிரோத⁴ங் நப்பஜானந்தி, லாப⁴ஸக்காரஸிலோகனிரோத⁴கா³மினிங் படிபத³ங் நப்பஜானந்தி …பே॰… பஜானந்தி…பே॰… ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தீ’’தி. ஸத்தமங்.
8. ச²விஸுத்தங்
177. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ. லாப⁴ஸக்காரஸிலோகோ , பி⁴க்க²வே, ச²விங் சி²ந்த³தி, ச²விங் செ²த்வா சம்மங் சி²ந்த³தி, சம்மங் செ²த்வா மங்ஸங் சி²ந்த³தி, மங்ஸங் செ²த்வா ந்ஹாருங் சி²ந்த³தி, ந்ஹாருங் செ²த்வா அட்டி²ங் சி²ந்த³தி, அட்டி²ங் செ²த்வா அட்டி²மிஞ்ஜங் ஆஹச்ச திட்ட²தி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ பி⁴க்க²வே, ஸிக்கி²தப்³ப³’’ந்தி. அட்ட²மங்.
9. ரஜ்ஜுஸுத்தங்
178. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ. லாப⁴ஸக்காரஸிலோகோ, பி⁴க்க²வே, ச²விங் சி²ந்த³தி, ச²விங் செ²த்வா சம்மங் சி²ந்த³தி, சம்மங் செ²த்வா மங்ஸங் சி²ந்த³தி, மங்ஸங் செ²த்வா ந்ஹாருங் சி²ந்த³தி, ந்ஹாருங் செ²த்வா அட்டி²ங் சி²ந்த³தி, அட்டி²ங் செ²த்வா அட்டி²மிஞ்ஜங் ஆஹச்ச திட்ட²தி’’.
‘‘ஸெய்யதா²பி , பி⁴க்க²வே, ப³லவா புரிஸோ த³ள்ஹாய வாளரஜ்ஜுயா ஜங்க⁴ங் வேடெ²த்வா க⁴ங்ஸெய்ய. ஸா ச²விங் சி²ந்தெ³ய்ய, ச²விங் செ²த்வா சம்மங் சி²ந்தெ³ய்ய, சம்மங் செ²த்வா மங்ஸங் சி²ந்தெ³ய்ய, மங்ஸங் செ²த்வா ந்ஹாருங் சி²ந்தெ³ய்ய, ந்ஹாருங் செ²த்வா அட்டி²ங் சி²ந்தெ³ய்ய, அட்டி²ங் செ²த்வா அட்டி²மிஞ்ஜங் ஆஹச்ச திட்டெ²ய்ய. ஏவமேவ கோ², பி⁴க்க²வே, லாப⁴ஸக்காரஸிலோகோ ச²விங் சி²ந்த³தி, ச²விங் செ²த்வா சம்மங் சி²ந்த³தி, சம்மங் செ²த்வா மங்ஸங் சி²ந்த³தி, மங்ஸங் செ²த்வா ந்ஹாருங் சி²ந்த³தி, ந்ஹாருங் செ²த்வா அட்டி²ங் சி²ந்த³தி, அட்டி²ங் செ²த்வா அட்டி²ங்மிஞ்ஜங் ஆஹச்ச திட்ட²தி. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. நவமங்.
10. பி⁴க்கு²ஸுத்தங்
179. ஸாவத்தி²யங் விஹரதி…பே॰… ‘‘யோபி ஸோ, பி⁴க்க²வே, பி⁴க்கு² அரஹங் கீ²ணாஸவோ தஸ்ஸபாஹங் லாப⁴ஸக்காரஸிலோகோ அந்தராயாய வதா³மீ’’தி. ஏவங் வுத்தே, ஆயஸ்மா ஆனந்தோ³ ப⁴க³வந்தங் ஏதத³வோச – ‘‘கிஸ்ஸ பன, ப⁴ந்தே, கீ²ணாஸவஸ்ஸ பி⁴க்கு²னோ லாப⁴ஸக்காரஸிலோகோ அந்தராயாயா’’தி? ‘‘யா ஹிஸ்ஸ ஸா, ஆனந்த³, அகுப்பா சேதோவிமுத்தி நாஹங் தஸ்ஸா லாப⁴ஸக்காரஸிலோகங் அந்தராயாய வதா³மி. யே ச க்²வஸ்ஸ, ஆனந்த³, அப்பமத்தஸ்ஸ ஆதாபினோ பஹிதத்தஸ்ஸ விஹரதோ தி³ட்ட²த⁴ம்மஸுக²விஹாரா அதி⁴க³தா தேஸாஹமஸ்ஸ லாப⁴ஸக்காரஸிலோகங் அந்தராயாய வதா³மி. ஏவங் தா³ருணோ கோ², ஆனந்த³, லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. தஸ்மாதிஹானந்த³, ஏவங் ஸிக்கி²தப்³ப³ங் – ‘உப்பன்னங் லாப⁴ஸக்காரஸிலோகங் பஜஹிஸ்ஸாம, ந ச நோ உப்பன்னோ லாப⁴ஸக்காரஸிலோகோ சித்தங் பரியாதா³ய ட²ஸ்ஸதீ’தி. ஏவஞ்ஹி வோ, ஆனந்த³, ஸிக்கி²தப்³ப³’’ந்தி. த³ஸமங்.
ததியோ வக்³கோ³.
தஸ்ஸுத்³தா³னங் –
மாதுகா³மோ ச கல்யாணீ, புத்தோ ச ஏகதீ⁴து ச;
ஸமணப்³ராஹ்மணா தீணி, ச²வி ரஜ்ஜு ச பி⁴க்கு²னாதி.
4. சதுத்த²வக்³கோ³
1. பி⁴ந்தி³ஸுத்தங்
180. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ. லாப⁴ஸக்காரஸிலோகேன அபி⁴பூ⁴தோ பரியாதி³ண்ணசித்தோ, பி⁴க்க²வே, தே³வத³த்தோ ஸங்க⁴ங் பி⁴ந்தி³. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஸிக்கி²தப்³ப³’’ந்தி. பட²மங்.
2. குஸலமூலஸுத்தங்
181. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ. லாப⁴ஸக்காரஸிலோகேன அபி⁴பூ⁴தஸ்ஸ பரியாதி³ண்ணசித்தஸ்ஸ, பி⁴க்க²வே, தே³வத³த்தஸ்ஸ குஸலமூலங் ஸமுச்சே²த³மக³மா. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஸிக்கி²தப்³ப³’’ந்தி. து³தியங்.
3. குஸலத⁴ம்மஸுத்தங்
182. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ. லாப⁴ஸக்காரஸிலோகேன அபி⁴பூ⁴தஸ்ஸ பரியாதி³ண்ணசித்தஸ்ஸ, பி⁴க்க²வே, தே³வத³த்தஸ்ஸ குஸலோ த⁴ம்மோ ஸமுச்சே²த³மக³மா. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஸிக்கி²தப்³ப³’’ந்தி. ததியங்.
4. ஸுக்கத⁴ம்மஸுத்தங்
183. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ. லாப⁴ஸக்காரஸிலோகேன அபி⁴பூ⁴தஸ்ஸ பரியாதி³ண்ணசித்தஸ்ஸ, பி⁴க்க²வே, தே³வத³த்தஸ்ஸ ஸுக்கோ த⁴ம்மோ ஸமுச்சே²த³மக³மா. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஸிக்கி²தப்³ப³’’ந்தி . சதுத்த²ங்.
5. அசிரபக்கந்தஸுத்தங்
184. ஏகங் ஸமயங் ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே அசிரபக்கந்தே தே³வத³த்தே. தத்ர கோ² ப⁴க³வா தே³வத³த்தங் ஆரப்³ப⁴ பி⁴க்கூ² ஆமந்தேஸி – ‘‘அத்தவதா⁴ய, பி⁴க்க²வே, தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ லாப⁴ஸக்காரஸிலோகோ உத³பாதி³’’.
‘‘ஸெய்யதா²பி, பி⁴க்க²வே, கத³லீ அத்தவதா⁴ய ப²லங் தே³தி, பராப⁴வாய ப²லங் தே³தி; ஏவமேவ கோ², பி⁴க்க²வே, அத்தவதா⁴ய தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ லாப⁴ஸக்காரஸிலோகோ உத³பாதி³.
‘‘ஸெய்யதா²பி, பி⁴க்க²வே, வேளு அத்தவதா⁴ய ப²லங் தே³தி, பராப⁴வாய ப²லங் தே³தி; ஏவமேவ கோ², பி⁴க்க²வே, அத்தவதா⁴ய தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ லாப⁴ஸக்காரஸிலோகோ உத³பாதி³.
‘‘ஸெய்யதா²பி , பி⁴க்க²வே, நளோ அத்தவதா⁴ய ப²லங் தே³தி, பராப⁴வாய ப²லங் தே³தி; ஏவமேவ கோ², பி⁴க்க²வே, அத்தவதா⁴ய தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ லாப⁴ஸக்காரஸிலோகோ உத³பாதி³.
‘‘ஸெய்யதா²பி, பி⁴க்க²வே, அஸ்ஸதரீ அத்தவதா⁴ய க³ப்³ப⁴ங் க³ண்ஹாதி, பராப⁴வாய க³ப்³ப⁴ங் க³ண்ஹாதி; ஏவமேவ கோ², பி⁴க்க²வே, அத்தவதா⁴ய தே³வத³த்தஸ்ஸ லாப⁴ஸக்காரஸிலோகோ உத³பாதி³, பராப⁴வாய தே³வத³த்தஸ்ஸ லாப⁴ஸக்காரஸிலோகோ உத³பாதி³. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி.
இத³மவோச ப⁴க³வா. இத³ங் வத்வான ஸுக³தோ அதா²பரங் ஏதத³வோச ஸத்தா² –
‘‘ப²லங் வே கத³லிங் ஹந்தி, ப²லங் வேளுங் ப²லங் நளங்;
ஸக்காரோ காபுரிஸங் ஹந்தி, க³ப்³போ⁴ அஸ்ஸதரிங் யதா²தி’’. பஞ்சமங்;
6. பஞ்சரத²ஸதஸுத்தங்
185. ராஜக³ஹே விஹரதி வேளுவனே கலந்த³கனிவாபே. தேன கோ² பன ஸமயேன தே³வத³த்தஸ்ஸ அஜாதஸத்துகுமாரோ பஞ்சஹி ரத²ஸதேஹி ஸாயங் பாதங் உபட்டா²னங் க³ச்ச²தி, பஞ்ச ச தா²லிபாகஸதானி ப⁴த்தாபி⁴ஹாரோ அபி⁴ஹரீயதி. அத² கோ² ஸம்ப³ஹுலா பி⁴க்கூ² யேன ப⁴க³வா தேனுபஸங்கமிங்ஸு; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ² தே பி⁴க்கூ² ப⁴க³வந்தங் ஏதத³வோசுங் – ‘‘தே³வத³த்தஸ்ஸ, ப⁴ந்தே, அஜாதஸத்துகுமாரோ பஞ்சஹி ரத²ஸதேஹி ஸாயங் பாதங் உபட்டா²னங் க³ச்ச²தி, பஞ்ச ச தா²லிபாகஸதானி ப⁴த்தாபி⁴ஹாரோ அபி⁴ஹரீயதீ’’தி. ‘‘மா, பி⁴க்க²வே, தே³வத³த்தஸ்ஸ லாப⁴ஸக்காரஸிலோகங் பிஹயித்த². யாவகீவஞ்ச, பி⁴க்க²வே, தே³வத³த்தஸ்ஸ அஜாதஸத்துகுமாரோ பஞ்சஹி ரத²ஸதேஹி ஸாயங் பாதங் உபட்டா²னங் க³மிஸ்ஸதி, பஞ்ச ச தா²லிபாகஸதானி ப⁴த்தாபி⁴ஹாரோ ஆஹரீயிஸ்ஸதி, ஹானியேவ, பி⁴க்க²வே, தே³வத³த்தஸ்ஸ பாடிகங்கா² குஸலேஸு த⁴ம்மேஸு, நோ வுத்³தி⁴’’.
‘‘ஸெய்யதா²பி, பி⁴க்க²வே, சண்ட³ஸ்ஸ குக்குரஸ்ஸ நாஸாய பித்தங் பி⁴ந்தெ³ய்யுங் , ஏவஞ்ஹி ஸோ, பி⁴க்க²வே , குக்குரோ பி⁴ய்யோஸோமத்தாய சண்ட³தரோ அஸ்ஸ; ஏவமேவ, பி⁴க்க²வே, யாவகீவஞ்ச தே³வத³த்தஸ்ஸ அஜாதஸத்துகுமாரோ பஞ்சஹி ரத²ஸதேஹி ஸாயங் பாதங் உபட்டா²னங் க³மிஸ்ஸதி, பஞ்ச ச தா²லிபாகஸதானி ப⁴த்தாபி⁴ஹாரோ ஆஹரீயிஸ்ஸதி, ஹானியேவ, பி⁴க்க²வே, தே³வத³த்தஸ்ஸ பாடிகங்கா² குஸலேஸு த⁴ம்மேஸு, நோ வுத்³தி⁴. ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ…பே॰… ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ச²ட்ட²ங்.
7. மாதுஸுத்தங்
186. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. இதா⁴ஹங் , பி⁴க்க²வே, ஏகச்சங் புக்³க³லங் ஏவங் சேதஸா சேதோ பரிச்ச பஜானாமி – ‘ந சாயமாயஸ்மா மாதுபி ஹேது ஸம்பஜானமுஸா பா⁴ஸெய்யா’தி. தமேனங் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தங் பரியாதி³ண்ணசித்தங் ஸம்பஜானமுஸா பா⁴ஸந்தங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘உப்பன்னங் லாப⁴ஸக்காரஸிலோகங் பஜஹிஸ்ஸாம. ந ச நோ உப்பன்னோ லாப⁴ஸக்காரஸிலோகோ சித்தங் பரியாதா³ய ட²ஸ்ஸதீ’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. ஸத்தமங்.
8-13. பிதுஸுத்தாதி³ச²க்கங்
187. ஸாவத்தி²யங் விஹரதி…பே॰… ‘‘தா³ருணோ, பி⁴க்க²வே, லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. இதா⁴ஹங் , பி⁴க்க²வே, ஏகச்சங் புக்³க³லங் ஏவங் சேதஸா சேதோ பரிச்ச பஜானாமி – ‘ந சாயமாயஸ்மா பிதுபி ஹேது…பே॰… பா⁴துபி ஹேது… ப⁴கி³னியாபி ஹேது… புத்தஸ்ஸபி ஹேது… தீ⁴துயாபி ஹேது… பஜாபதியாபி ஹேது ஸம்பஜானமுஸா பா⁴ஸெய்யா’தி. தமேனங் பஸ்ஸாமி அபரேன ஸமயேன லாப⁴ஸக்காரஸிலோகேன அபி⁴பூ⁴தங் பரியாதி³ண்ணசித்தங் ஸம்பஜானமுஸா பா⁴ஸந்தங். ஏவங் தா³ருணோ கோ², பி⁴க்க²வே, லாப⁴ஸக்காரஸிலோகோ கடுகோ ப²ருஸோ அந்தராயிகோ அனுத்தரஸ்ஸ யோக³க்கே²மஸ்ஸ அதி⁴க³மாய. தஸ்மாதிஹ, பி⁴க்க²வே, ஏவங் ஸிக்கி²தப்³ப³ங் – ‘உப்பன்னங் லாப⁴ஸக்காரஸிலோகங் பஜஹிஸ்ஸாம, ந ச நோ உப்பன்னோ லாப⁴ஸக்காரஸிலோகோ சித்தங் பரியாதா³ய ட²ஸ்ஸதீ’தி. ஏவஞ்ஹி வோ, பி⁴க்க²வே, ஸிக்கி²தப்³ப³’’ந்தி. தேரஸமங்.
சதுத்தோ² வக்³கோ³.
தஸ்ஸுத்³தா³னங் –
பி⁴ந்தி³ மூலங் து³வே த⁴ம்மா, பக்கந்தங் ரத² மாதரி;
பிதா பா⁴தா ச ப⁴கி³னீ, புத்தோ தீ⁴தா பஜாபதீதி.
லாப⁴ஸக்காரஸங்யுத்தங் ஸமத்தங்.