10. அப்³யாகதஸங்யுத்தங்
1. கே²மாஸுத்தங்
410. ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன கே²மா பி⁴க்கு²னீ கோஸலேஸு சாரிகங் சரமானா அந்தரா ச ஸாவத்தி²ங் அந்தரா ச ஸாகேதங் தோரணவத்து²ஸ்மிங் வாஸங் உபக³தா ஹோதி. அத² கோ² ராஜா பஸேனதி³ கோஸலோ ஸாகேதா ஸாவத்தி²ங் க³ச்ச²ந்தோ, அந்தரா ச ஸாகேதங் அந்தரா ச ஸாவத்தி²ங் தோரணவத்து²ஸ்மிங் ஏகரத்திவாஸங் உபக³ச்சி². அத² கோ² ராஜா பஸேனதி³ கோஸலோ அஞ்ஞதரங் புரிஸங் ஆமந்தேஸி – ‘‘ஏஹி த்வங், அம்போ⁴ புரிஸ, தோரணவத்து²ஸ்மிங் ததா²ரூபங் ஸமணங் வா ப்³ராஹ்மணங் வா ஜான யமஹங் அஜ்ஜ பயிருபாஸெய்ய’’ந்தி.
‘‘ஏவங், தே³வா’’தி கோ² ஸோ புரிஸோ ரஞ்ஞோ பஸேனதி³ஸ்ஸ கோஸலஸ்ஸ படிஸ்ஸுத்வா கேவலகப்பங் தோரணவத்து²ங் ஆஹிண்ட³ந்தோ அன்வாஹிண்ட³ந்தோ (ஸீ॰) நாத்³த³ஸ ததா²ரூபங் ஸமணங் வா ப்³ராஹ்மணங் வா யங் ராஜா பஸேனதி³ கோஸலோ பயிருபாஸெய்ய. அத்³த³ஸா கோ² ஸோ புரிஸோ கே²மங் பி⁴க்கு²னிங் தோரணவத்து²ஸ்மிங் வாஸங் உபக³தங். தி³ஸ்வான யேன ராஜா பஸேனதி³ கோஸலோ தேனுபஸங்கமி; உபஸங்கமித்வா ராஜானங் பஸேனதி³ங் கோஸலங் ஏதத³வோச –
‘‘நத்தி² கோ², தே³வ, தோரணவத்து²ஸ்மிங் ததா²ரூபோ ஸமணோ வா ப்³ராஹ்மணோ வா யங் தே³வோ பயிருபாஸெய்ய. அத்தி² ச கோ², தே³வ, கே²மா நாம பி⁴க்கு²னீ, தஸ்ஸ ப⁴க³வதோ ஸாவிகா அரஹதோ ஸம்மாஸம்பு³த்³த⁴ஸ்ஸ. தஸ்ஸா கோ² பன அய்யாய ஏவங் கல்யாணோ கித்திஸத்³தோ³ அப்³பு⁴க்³க³தோ – ‘பண்டி³தா, வியத்தா மேதா⁴வினீ ப³ஹுஸ்ஸுதா சித்தகதா² கல்யாணபடிபா⁴னா’தி. தங் தே³வோ பயிருபாஸதூ’’தி.
அத² கோ² ராஜா பஸேனதி³ கோஸலோ யேன கே²மா பி⁴க்கு²னீ தேனுபஸங்கமி; உபஸங்கமித்வா கே²மங் பி⁴க்கு²னிங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ராஜா பஸேனதி³ கோஸலோ கே²மங் பி⁴க்கு²னிங் ஏதத³வோச – ‘‘கிங் நு கோ², அய்யே, ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், மஹாராஜ, ப⁴க³வதா – ‘ஹோதி ததா²க³தோ பரங் மரணா’’’தி. ‘‘கிங் பனய்யே, ந ஹோதி ததா²க³தோ பரங் மரணா’’தி? ‘‘ஏதம்பி கோ², மஹாராஜ, அப்³யாகதங் ப⁴க³வதா – ‘ந ஹோதி ததா²க³தோ பரங் மரணா’’’தி. ‘‘கிங் நு கோ², அய்யே, ஹோதி ச ந ச ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், மஹாராஜ, ப⁴க³வதா – ‘ஹோதி ச ந ச ஹோதி ததா²க³தோ பரங் மரணா’’’தி. ‘‘கிங் பனய்யே, நேவ ஹோதி ந ந ஹோதி ததா²க³தோ பரங் மரணா’’தி. ‘‘ஏதம்பி கோ², மஹாராஜ, அப்³யாகதங் ப⁴க³வதா – ‘நேவ ஹோதி ந ந ஹோதி ததா²க³தோ பரங் மரணா’’’தி.
‘‘‘கிங் நு கோ², அய்யே, ஹோதி ததா²க³தோ பரங் மரணா’தி, இதி புட்டா² ஸமானா – ‘அப்³யாகதங் கோ² ஏதங், மஹாராஜ, ப⁴க³வதா – ஹோதி ததா²க³தோ பரங் மரணா’தி வதே³ஸி. ‘கிங் பனய்யே, ந ஹோதி ததா²க³தோ பரங் மரணா’தி இதி புட்டா² ஸமானா – ‘ஏதம்பி கோ², மஹாராஜ, அப்³யாகதங் ப⁴க³வதா – ந ஹோதி ததா²க³தோ பரங் மரணா’தி வதே³ஸி. ‘கிங் நு கோ², அய்யே, ஹோதி ச ந ச ஹோதி ததா²க³தோ பரங் மரணா’தி இதி புட்டா² ஸமானா – ‘அப்³யாகதங் கோ² ஏதங், மஹாராஜ, ப⁴க³வதா – ஹோதி ச ந ச ஹோதி ததா²க³தோ பரங் மரணா’தி வதே³ஸி. ‘கிங் பனய்யே, நேவ ஹோதி ந ந ஹோதி ததா²க³தோ பரங் மரணா’தி இதி புட்டா² ஸமானா – ‘ஏதம்பி கோ², மஹாராஜ, அப்³யாகதங் ப⁴க³வதா – நேவ ஹோதி ந ந ஹோதி ததா²க³தோ பரங் மரணா’தி வதே³ஸி. ‘கோ நு கோ² , அய்யே, ஹேது, கோ பச்சயோ யேனேதங் அப்³யாகதங் ப⁴க³வதா’’’தி?
‘‘தேன ஹி, மஹாராஜ, தஞ்ஞேவெத்த² படிபுச்சி²ஸ்ஸாமி. யதா² தே க²மெய்ய ததா² நங் ப்³யாகரெய்யாஸி. தங் கிங் மஞ்ஞஸி, மஹாராஜ, அத்தி² தே கோசி க³ணகோ வா முத்³தி³கோ வா ஸங்கா²யகோ வா யோ பஹோதி க³ங்கா³ய வாலுகங் வாலிகங் (ஸீ॰ ஸ்யா॰ கங்॰) க³ணேதுங் – எத்தகா எத்திகா (ஸீ॰) வாலுகா இதி வா, எத்தகானி வாலுகஸதானி இதி வா, எத்தகானி வாலுகஸஹஸ்ஸானி இதி வா, எத்தகானி வாலுகஸதஸஹஸ்ஸானி இதி வா’’தி? ‘‘நோ ஹேதங், அய்யே’’. ‘‘அத்தி² பன தே கோசி க³ணகோ வா முத்³தி³கோ வா ஸங்கா²யகோ வா யோ பஹோதி மஹாஸமுத்³தே³ உத³கங் க³ணேதுங் – எத்தகானி உத³காள்ஹகானி இதி வா, எத்தகானி உத³காள்ஹகஸதானி இதி வா, எத்தகானி உத³காள்ஹகஸஹஸ்ஸானி இதி வா, எத்தகானி உத³காள்ஹகஸதஸஹஸ்ஸானி இதி வா’’தி? ‘‘நோ ஹேதங், அய்யே’’. ‘‘தங் கிஸ்ஸ ஹேது’’? ‘‘மஹாய்யே, ஸமுத்³தோ³ க³ம்பீ⁴ரோ அப்பமெய்யோ து³ப்பரியோகா³ஹோ’’தி. ‘‘ஏவமேவ கோ², மஹாராஜ, யேன ரூபே ததா²க³தங் பஞ்ஞாபயமானோ பஞ்ஞாபெய்ய தங் ரூபங் ததா²க³தஸ்ஸ பஹீனங் உச்சி²ன்னமூலங் தாலாவத்து²கதங் அனபா⁴வங்கதங் ஆயதிங் அனுப்பாத³த⁴ம்மங். ரூபஸங்கா²யவிமுத்தோ கோ², மஹாராஜ, ததா²க³தோ க³ம்பீ⁴ரோ அப்பமெய்யோ து³ப்பரியோகா³ஹோ – ஸெய்யதா²பி மஹாஸமுத்³தோ³. ‘ஹோதி ததா²க³தோ பரங் மரணா’திபி ந உபேதி, ‘ந ஹோதி ததா²க³தோ பரங் மரணா’திபி ந உபேதி, ‘ஹோதி ச ந ச ஹோதி ததா²க³தோ பரங் மரணா’திபி ந உபேதி, ‘நேவ ஹோதி ந ந ஹோதி ததா²க³தோ பரங் மரணா’திபி ந உபேதி.
‘‘யாய வேத³னாய ததா²க³தங் பஞ்ஞாபயமானோ பஞ்ஞாபெய்ய, ஸா வேத³னா ததா²க³தஸ்ஸ பஹீனா உச்சி²ன்னமூலா தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா. வேத³னாஸங்கா²யவிமுத்தோ, மஹாராஜ, ததா²க³தோ க³ம்பீ⁴ரோ அப்பமெய்யோ து³ப்பரியோகா³ஹோ – ஸெய்யதா²பி மஹாஸமுத்³தோ³. ‘ஹோதி ததா²க³தோ பரங் மரணா’திபி ந உபேதி, ‘ந ஹோதி ததா²க³தோ பரங் மரணா’திபி ந உபேதி, ‘ஹோதி ச ந ச ஹோதி ததா²க³தோ பரங் மரணா’திபி ந உபேதி, ‘நேவ ஹோதி ந ந ஹோதி ததா²க³தோ பரங் மரணா’திபி ந உபேதி.
‘‘யாய ஸஞ்ஞா ததா²க³தங்…பே॰… யேஹி ஸங்கா²ரேஹி ததா²க³தங் பஞ்ஞாபயமானோ பஞ்ஞாபெய்ய, தே ஸங்கா²ரா ததா²க³தஸ்ஸ பஹீனா உச்சி²ன்னமூலா தாலாவத்து²கதா அனபா⁴வங்கதா ஆயதிங் அனுப்பாத³த⁴ம்மா. ஸங்கா²ரஸங்கா²யவிமுத்தோ கோ², மஹாராஜ, ததா²க³தோ க³ம்பீ⁴ரோ அப்பமெய்யோ து³ப்பரியோகா³ஹோ – ஸெய்யதா²பி மஹாஸமுத்³தோ³. ‘ஹோதி ததா²க³தோ பரங் மரணா’திபி ந உபேதி, ‘ந ஹோதி ததா²க³தோ பரங் மரணா’திபி ந உபேதி , ‘ஹோதி ச ந ச ஹோதி ததா²க³தோ பரங் மரணா’திபி ந உபேதி, ‘நேவ ஹோதி ந ந ஹோதி ததா²க³தோ பரங் மரணா’திபி ந உபேதி.
‘‘யேன விஞ்ஞாணே ததா²க³தங் பஞ்ஞாபயமானோ பஞ்ஞாபெய்ய தங் விஞ்ஞாணங் ததா²க³தஸ்ஸ பஹீனங் உச்சி²ன்னமூலங் தாலாவத்து²கதங் அனபா⁴வங்கதங் ஆயதிங் அனுப்பாத³த⁴ம்மங். விஞ்ஞாணஸங்கா²யவிமுத்தோ கோ², மஹாராஜ, ததா²க³தோ க³ம்பீ⁴ரோ அப்பமெய்யோ து³ப்பரியோகா³ஹோ – ஸெய்யதா²பி மஹாஸமுத்³தோ³. ‘ஹோதி ததா²க³தோ பரங் மரணா’திபி ந உபேதி, ‘ந ஹோதி ததா²க³தோ பரங் மரணா’திபி ந உபேதி, ‘ஹோதி ச ந ச ஹோதி ததா²க³தோ பரங் மரணா’திபி ந உபேதி, ‘நேவ ஹோதி ந ந ஹோதி ததா²க³தோ பரங் மரணா’திபி ந உபேதீ’’தி. அத² கோ² ராஜா பஸேனதி³ கோஸலோ கே²மாய பி⁴க்கு²னியா பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா கே²மங் பி⁴க்கு²னிங் அபி⁴வாதெ³த்வா பத³க்கி²ணங் கத்வா பக்காமி.
அத² கோ² ராஜா பஸேனதி³ கோஸலோ அபரேன ஸமயேன யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ராஜா பஸேனதி³ கோஸலோ ப⁴க³வந்தங் ஏதத³வோச – ‘‘கிங் நு கோ², ப⁴ந்தே, ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், மஹாராஜ, மயா – ‘ஹோதி ததா²க³தோ பரங் மரணா’’’தி. ‘‘கிங் பன, ப⁴ந்தே, ந ஹோதி ததா²க³தோ பரங் மரணா’’தி? ‘‘ஏதம்பி கோ², மஹாராஜ, அப்³யாகதங் மயா – ‘ந ஹோதி ததா²க³தோ பரங் மரணா’’’தி. ‘‘கிங் நு கோ², ப⁴ந்தே, ஹோதி ச ந ச ஹோதி ததா²க³தோ பரங் மரணா’’தி ? ‘‘அப்³யாகதங் கோ² ஏதங், மஹாராஜ, மயா – ‘ஹோதி ச ந ச ஹோதி ததா²க³தோ பரங் மரணா’’’தி. ‘‘கிங் பன, ப⁴ந்தே, நேவ ஹோதி ந ந ஹோதி ததா²க³தோ பரங் மரணா’’தி? ‘‘ஏதம்பி கோ², மஹாராஜ, அப்³யாகதங் மயா – ‘நேவ ஹோதி ந ந ஹோதி ததா²க³தோ பரங் மரணா’’’தி. ‘‘கிங் நு கோ², ப⁴ந்தே, ஹோதி ததா²க³தோ பரங் மரணா’’தி இதி புட்டோ² ஸமானோ – ‘அப்³யாகதங் கோ² ஏதங், மஹாராஜ, மயா – ஹோதி ததா²க³தோ பரங் மரணா’தி வதே³ஸி…பே॰…. ‘‘‘கிங் பன, ப⁴ந்தே, நேவ ஹோதி ந ந ஹோதி ததா²க³தோ பரங் மரணா’தி இதி புட்டோ² ஸமானோ – ‘‘‘ஏதம்பி கோ², மஹாராஜ, அப்³யாகதங் மயா – நேவ ஹோதி ந ந ஹோதி ததா²க³தோ பரங் மரணா’தி வதே³ஸி. கோ நு கோ², ப⁴ந்தே, ஹேது, கோ பச்சயோ, யேனேதங் அப்³யாகதங் ப⁴க³வதா’’தி?
‘‘தேன ஹி, மஹாராஜ, தஞ்ஞேவெத்த² படிபுச்சி²ஸ்ஸாமி. யதா² தே க²மெய்ய ததா² நங் ப்³யாகரெய்யாஸி. தங் கிங் மஞ்ஞஸி, மஹாராஜ, அத்தி² தே கோசி க³ணகோ வா முத்³தி³கோ வா ஸங்கா²யகோ வா யோ பஹோதி க³ங்கா³ய வாலுகங் க³ணேதுங் – எத்தகா வாலுகா இதி வா…பே॰… எத்தகானி வாலுகஸதஸஹஸ்ஸானி இதி வா’’தி? ‘‘நோ ஹேதங், ப⁴ந்தே’’. ‘‘அத்தி² பன தே கோசி க³ணகோ வா முத்³தி³கோ வா ஸங்கா²யகோ வா யோ பஹோதி மஹாஸமுத்³தே³ உத³கங் க³ணேதுங் – எத்தகானி உத³காள்ஹகானி இதி வா…பே॰… எத்தகானி உத³காள்ஹகஸதஸஹஸ்ஸானி இதி வா’’தி? ‘‘நோ ஹேதங், ப⁴ந்தே’’. ‘‘தங் கிஸ்ஸ ஹேது’’? ‘‘மஹா, ப⁴ந்தே, ஸமுத்³தோ³ க³ம்பீ⁴ரோ அப்பமெய்யோ து³ப்பரியோகா³ஹோ. ஏவமேவ கோ², மஹாராஜ, யேன ரூபேன ததா²க³தங் பஞ்ஞாபயமானோ பஞ்ஞாபெய்ய, தங் ரூபங் ததா²க³தஸ்ஸ பஹீனங் உச்சி²ன்னமூலங் தாலாவத்து²கதங் அனபா⁴வங்கதங் ஆயதிங் அனுப்பாத³த⁴ம்மங். ரூபஸங்கா²யவிமுத்தோ கோ², மஹாராஜ, ததா²க³தோ க³ம்பீ⁴ரோ அப்பமெய்யோ து³ப்பரியோகா³ஹோ – ஸெய்யதா²பி மஹாஸமுத்³தோ³. ‘ஹோதி ததா²க³தோ பரங் மரணா’திபி ந உபேதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபி ந உபேதி. யாய வேத³னாய…பே॰… யாய ஸஞ்ஞாய…பே॰… யேஹி ஸங்கா²ரேஹி…பே॰…’’.
‘‘யேன விஞ்ஞாணேன ததா²க³தங் பஞ்ஞாபயமானோ பஞ்ஞாபெய்ய, தங் விஞ்ஞாணங் ததா²க³தஸ்ஸ பஹீனங் உச்சி²ன்னமூலங் தாலாவத்து²கதங் அனபா⁴வங்கதங் ஆயதிங் அனுப்பாத³த⁴ம்மங். விஞ்ஞாணஸங்கா²யவிமுத்தோ கோ², மஹாராஜ, ததா²க³தோ க³ம்பீ⁴ரோ அப்பமெய்யோ து³ப்பரியோகா³ஹோ – ஸெய்யதா²பி மஹாஸமுத்³தோ³. ‘ஹோதி ததா²க³தோ பரங் மரணா’திபி ந உபேதி, ‘ந ஹோதி ததா²க³தோ பரங் மரணா’திபி ந உபேதி, ‘ஹோதி ச ந ச ஹோதி ததா²க³தோ பரங் மரணா’திபி ந உபேதி, ‘நேவ ஹோதி ந ந ஹோதி ததா²க³தோ பரங் மரணா’திபி ந உபேதீ’’தி.
‘‘அச்ச²ரியங், ப⁴ந்தே, அப்³பு⁴தங், ப⁴ந்தே! யத்ர ஹி நாம ஸத்து² சேவ ஸத்து²னோ சேவ (ஸீ॰) ஸாவிகாய ச அத்தே²ன அத்தோ² ப்³யஞ்ஜனேன ப்³யஞ்ஜனங் ஸங்ஸந்தி³ஸ்ஸதி , ஸமெஸ்ஸதி, ந விரோத⁴யிஸ்ஸதி விஹாயிஸ்ஸதி (ஸீ॰ ஸ்யா॰ கங்॰), விகா³யிஸ்ஸதி (க॰) யதி³த³ங் அக்³க³பத³ஸ்மிங். ஏகமிதா³ஹங், ப⁴ந்தே, ஸமயங் கே²மங் பி⁴க்கு²னிங் உபஸங்கமித்வா ஏதமத்த²ங் அபுச்சி²ங். ஸாபி மே அய்யா ஏதேஹி பதே³ஹி ஏதேஹி ப்³யஞ்ஜனேஹி ஏதமத்த²ங் ப்³யாகாஸி, ஸெய்யதா²பி ப⁴க³வா. அச்ச²ரியங், ப⁴ந்தே, அப்³பு⁴தங், ப⁴ந்தே! யத்ர ஹி நாம ஸத்து² சேவ ஸாவிகாய ச அத்தே²ன அத்தோ² ப்³யஞ்ஜனேன ப்³யஞ்ஜனங் ஸங்ஸந்தி³ஸ்ஸதி, ஸமெஸ்ஸதி, ந விரோத⁴யிஸ்ஸதி யதி³த³ங் அக்³க³பத³ஸ்மிங். ஹந்த³ தா³னி மயங், ப⁴ந்தே, க³ச்சா²ம. ப³ஹுகிச்சா மயங் ப³ஹுகரணீயா’’தி. ‘‘யஸ்ஸ தா³னி த்வங், மஹாராஜ, காலங் மஞ்ஞஸீ’’தி. அத² கோ² ராஜா பஸேனதி³ கோஸலோ ப⁴க³வதோ பா⁴ஸிதங் அபி⁴னந்தி³த்வா அனுமோதி³த்வா உட்டா²யாஸனா ப⁴க³வந்தங் அபி⁴வாதெ³த்வா பத³க்கி²ணங் கத்வா பக்காமீதி. பட²மங்.
2. அனுராத⁴ஸுத்தங்
411. ஏகங் ஸமயங் ப⁴க³வா வேஸாலியங் விஹரதி மஹாவனே கூடாகா³ரஸாலாயங். தேன கோ² பன ஸமயேன ஆயஸ்மா அனுராதோ⁴ ப⁴க³வதோ அவிதூ³ரே அரஞ்ஞகுடிகாயங் விஹரதி. அத² கோ² ஸம்ப³ஹுலா அஞ்ஞதித்தி²யா பரிப்³பா³ஜகா யேனாயஸ்மா அனுராதோ⁴ தேனுபஸங்கமிங்ஸு; உபஸங்கமித்வா ஆயஸ்மதா அனுராதே⁴ன ஸத்³தி⁴ங் ஸம்மோதி³ங்ஸு. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³ங்ஸு . ஏகமந்தங் நிஸின்னா கோ² தே அஞ்ஞதித்தி²யா பரிப்³பா³ஜகா ஆயஸ்மந்தங் அனுராத⁴ங் ஏதத³வோசுங் – ‘‘யோ ஸோ, ஆவுஸோ அனுராத⁴, ததா²க³தோ உத்தமபுரிஸோ பரமபுரிஸோ பரமபத்திபத்தோ, தங் ததா²க³தோ இமேஸு சதூஸு டா²னேஸு பஞ்ஞாபயமானோ பஞ்ஞாபேதி – ‘ஹோதி ததா²க³தோ பரங் மரணா’தி வா, ‘ந ஹோதி ததா²க³தோ பரங் மரணா’தி வா, ‘ஹோதி ச ந ச ஹோதி ததா²க³தோ பரங் மரணா’தி வா, ‘நேவ ஹோதி ந ந ஹோதி ததா²க³தோ பரங் மரணா’தி வா’’தி? ‘‘யோ ஸோ, ஆவுஸோ, ததா²க³தோ உத்தமபுரிஸோ பரமபுரிஸோ பரமபத்திபத்தோ, தங் ததா²க³தோ அஞ்ஞத்ர இமேஹி சதூஹி டா²னேஹி பஞ்ஞாபயமானோ பஞ்ஞாபேதி – ‘ஹோதி ததா²க³தோ பரங் மரணாதி வா, ‘ந ஹோதி ததா²க³தோ பரங் மரணா’தி வா, ‘ஹோதி ச ந ச ஹோதி ததா²க³தோ பரங் மரணா’தி வா, நேவ ஹோதி ந ந ஹோதி ததா²க³தோ பரங் மரணாதி வா’’தி. ஏவங் வுத்தே, தே அஞ்ஞதித்தி²யா பரிப்³பா³ஜகா ஆயஸ்மந்தங் அனுராத⁴ங் ஏதத³வோசுங் – ‘‘ஸோ சாயங் யோ சாயங் (ஸீ॰) பி⁴க்கு² நவோ ப⁴விஸ்ஸதி அசிரபப்³ப³ஜிதோ, தே²ரோ வா பன பா³லோ அப்³யத்தோ’’தி. அத² கோ² தே அஞ்ஞதித்தி²யா பரிப்³பா³ஜகா ஆயஸ்மந்தங் அனுராத⁴ங் நவவாதே³ன ச பா³லவாதே³ன ச அபஸாதெ³த்வா உட்டா²யாஸனா பக்கமிங்ஸு.
அத² கோ² ஆயஸ்மதோ அனுராத⁴ஸ்ஸ அசிரபக்கந்தேஸு அஞ்ஞதித்தி²யேஸு பரிப்³பா³ஜகேஸு ஏதத³ஹோஸி – ‘‘ஸசே கோ² மங் தே அஞ்ஞதித்தி²யா பரிப்³பா³ஜகா உத்தரிங் புச்செ²ய்யுங், கத²ங் ப்³யாகரமானோ நு க்²வாஹங் தேஸங் அஞ்ஞதித்தி²யானங் பரிப்³பா³ஜகானங் வுத்தவாதீ³ சேவ ப⁴க³வதோ அஸ்ஸங், ந ச ப⁴க³வந்தங் அபூ⁴தேன அப்³பா⁴சிக்கெ²ய்யங், த⁴ம்மஸ்ஸ சானுத⁴ம்மங் ப்³யாகரெய்யங், ந ச கோசி ஸஹத⁴ம்மிகோ வாதா³னுவாதோ³ கா³ரய்ஹங் டா²னங் ஆக³ச்செ²ய்யா’’தி? அத² கோ² ஆயஸ்மா அனுராதோ⁴ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா அனுராதோ⁴ ப⁴க³வந்தங் ஏதத³வோச – ‘‘இதா⁴ஹங், ப⁴ந்தே, ப⁴க³வதோ அவிதூ³ரே அரஞ்ஞகுடிகாயங் விஹராமி. அத² கோ², ப⁴ந்தே, ஸம்ப³ஹுலா அஞ்ஞதித்தி²யா பரிப்³பா³ஜகா யேனாஹங் தேனுபஸங்கமிங்ஸு; உபஸங்கமித்வா மயா ஸத்³தி⁴ங் ஸம்மோதி³ங்ஸு. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ², ப⁴ந்தே, தே அஞ்ஞதித்தி²யா பரிப்³பா³ஜகா மங் ஏதத³வோசுங் – ‘‘யோ ஸோ, ஆவுஸோ அனுராத⁴, ததா²க³தோ உத்தமபுரிஸோ பரமபுரிஸோ பரமபத்திபத்தோ, தங் ததா²க³தோ இமேஸு சதூஸு டா²னேஸு பஞ்ஞாபயமானோ பஞ்ஞாபேதி – ‘ஹோதி ததா²க³தோ பரங் மரணா’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா’’தி? ஏவங் வுத்தாஹங், ப⁴ந்தே, தே அஞ்ஞதித்தி²யே பரிப்³பா³ஜகே ஏதத³வோசங் – ‘‘யோ ஸோ, ஆவுஸோ , ததா²க³தோ உத்தமபுரிஸோ பரமபுரிஸோ பரமபத்திபத்தோ, தங் ததா²க³தோ அஞ்ஞத்ர இமேஹி சதூஹி டா²னேஹி பஞ்ஞாபயமானோ பஞ்ஞாபேதி – ‘ஹோதி ததா²க³தோ பரங் மரணா’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா’’தி. ஏவங் வுத்தே, ப⁴ந்தே, தே அஞ்ஞதித்தி²யா பரிப்³பா³ஜகா மங் ஏதத³வோசுங் – ‘‘ஸோ சாயங் பி⁴க்கு² நவோ ப⁴விஸ்ஸதி அசிரபப்³ப³ஜிதோ தே²ரோ வா பன பா³லோ அப்³யத்தோ’’தி. அத² கோ² மங், ப⁴ந்தே, தே அஞ்ஞதித்தி²யா பரிப்³பா³ஜகா நவவாதே³ன ச பா³லவாதே³ன ச அபஸாதெ³த்வா உட்டா²யாஸனா பக்கமிங்ஸு. தஸ்ஸ மய்ஹங், ப⁴ந்தே, அசிரபக்கந்தேஸு தேஸு அஞ்ஞதித்தி²யேஸு பரிப்³பா³ஜகேஸு ஏதத³ஹோஸி – ‘‘ஸசே கோ² மங் தே அஞ்ஞதித்தி²யா பரிப்³பா³ஜகா உத்தரிங் புச்செ²ய்யுங், கத²ங் ப்³யாகரமானோ நு க்²வாஹங் தேஸங் அஞ்ஞதித்தி²யானங் பரிப்³பா³ஜகானங் வுத்தவாதீ³ சேவ ப⁴க³வதோ அஸ்ஸங், ந ச ப⁴க³வந்தங் அபூ⁴தேன அப்³பா⁴சிக்கெ²ய்யங், த⁴ம்மஸ்ஸ சானுத⁴ம்மங் ப்³யாகரெய்யங், ந ச கோசி ஸஹத⁴ம்மிகோ வாதா³னுவாதோ³ கா³ரய்ஹங் டா²னங் ஆக³ச்செ²ய்யா’’தி?
‘‘தங் கிங் மஞ்ஞஸி, அனுராத⁴, ரூபங் நிச்சங் வா அனிச்சங் வா’’தி?
‘‘அனிச்சங், ப⁴ந்தே’’.
‘‘யங் பனானிச்சங் து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’.
‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங், ப⁴ந்தே’’.
‘‘வேத³னா நிச்சா வா அனிச்சா வா’’தி?…பே॰… ஸஞ்ஞா …பே॰… ஸங்கா²ரா…பே॰… ‘‘விஞ்ஞாணங் நிச்சங் வா அனிச்சங் வா’’தி?
‘‘அனிச்சங், ப⁴ந்தே’’.
‘‘யங் பனானிச்சங் து³க்க²ங் வா தங் ஸுக²ங் வா’’தி?
‘‘து³க்க²ங், ப⁴ந்தே’’.
‘‘யங் பனானிச்சங் து³க்க²ங் விபரிணாமத⁴ம்மங், கல்லங் நு தங் ஸமனுபஸ்ஸிதுங் – ‘ஏதங் மம, ஏஸோஹமஸ்மி, ஏஸோ மே அத்தா’’’தி?
‘‘நோ ஹேதங், ப⁴ந்தே’’.
‘‘தஸ்மாதிஹ, அனுராத⁴, யங் கிஞ்சி ரூபங் அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா ஓளாரிகங் வா ஸுகு²மங் வா ஹீனங் வா பணீதங் வா யங் தூ³ரே ஸந்திகே வா, ஸப்³ப³ங் ரூபங் ‘நேதங் மம, நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். யா காசி வேத³னா அதீதானாக³தபச்சுப்பன்னா…பே॰… யா காசி ஸஞ்ஞா…பே॰… யே கேசி ஸங்கா²ரா…பே॰… யங் கிஞ்சி விஞ்ஞாணங் அதீதானாக³தபச்சுப்பன்னங் அஜ்ஜ²த்தங் வா ப³ஹித்³தா⁴ வா ஓளாரிகங் வா ஸுகு²மங் வா ஹீனங் வா பணீதங் வா யங் தூ³ரே ஸந்திகே வா, ஸப்³ப³ங் விஞ்ஞாணங் ‘நேதங் மம, நேஸோஹமஸ்மி, ந மேஸோ அத்தா’தி ஏவமேதங் யதா²பூ⁴தங் ஸம்மப்பஞ்ஞாய த³ட்ட²ப்³ப³ங். ஏவங் பஸ்ஸங், அனுராத⁴, ஸுதவா அரியஸாவகோ ரூபஸ்மிம்பி நிப்³பி³ந்த³தி, வேத³னாயபி நிப்³பி³ந்த³தி, ஸஞ்ஞாயபி நிப்³பி³ந்த³தி, ஸங்கா²ரேஸுபி நிப்³பி³ந்த³தி, விஞ்ஞாணஸ்மிம்பி நிப்³பி³ந்த³தி. நிப்³பி³ந்த³ங் விரஜ்ஜதி; விராகா³ விமுச்சதி; விமுத்தஸ்மிங் விமுத்தமிதி ஞாணங் ஹோதி. ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயா’தி பஜானாதி.
‘‘தங் கிங் மஞ்ஞஸி, அனுராத⁴, ரூபங் ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘வேத³னங் ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘ஸஞ்ஞங் ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘ஸங்கா²ரே ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘விஞ்ஞாணங் ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘தங் கிங் மஞ்ஞஸி, அனுராத⁴, ரூபஸ்மிங் ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘அஞ்ஞத்ர ரூபா ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘வேத³னாய…பே॰… அஞ்ஞத்ர வேத³னாய…பே॰… ஸஞ்ஞாய…பே॰… அஞ்ஞத்ர ஸஞ்ஞாய…பே॰… ஸங்கா²ரேஸு…பே॰… அஞ்ஞத்ர ஸங்கா²ரேஹி…பே॰… விஞ்ஞாணஸ்மிங் ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘அஞ்ஞத்ர விஞ்ஞாணா ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’.
‘‘தங் கிங் மஞ்ஞஸி, அனுராத⁴, ரூபங், வேத³னங், ஸஞ்ஞங், ஸங்கா²ரே, விஞ்ஞாணங் ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘தங் கிங் மஞ்ஞஸி, அனுராத⁴, அயங் ஸோ அரூபீ அவேத³னோ அஸஞ்ஞீ அஸங்கா²ரோ அவிஞ்ஞாணோ ததா²க³தோதி ஸமனுபஸ்ஸஸீ’’தி? ‘‘நோ ஹேதங், ப⁴ந்தே’’. ‘‘எத்த² ச தே, அனுராத⁴, தி³ட்டே²வ த⁴ம்மே ஸச்சதோ தே²ததோ ததா²க³தே அனுபலப்³பி⁴யமானே ததா²க³தோ அனுபலப்³பி⁴யமானோ (ஸ்யா॰ க॰), ததா²க³தே அனுபலப்³ப⁴மானே (?) கல்லங் நு தே தங் வெய்யாகரணங் வெய்யாகரணாய (ஸீ॰) – யோ ஸோ, ஆவுஸோ, ததா²க³தோ உத்தமபுரிஸோ பரமபுரிஸோ பரமபத்திபத்தோ, தங் ததா²க³தோ அஞ்ஞத்ர இமேஹி சதூஹி டா²னேஹி பஞ்ஞாபயமானோ பஞ்ஞாபேதி – ‘‘‘ஹோதி ததா²க³தோ பரங் மரணா’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா’’தி? ‘‘நோ ஹேதங், ப⁴ந்தே’’. ‘‘ஸாது⁴ ஸாது⁴, அனுராத⁴! புப்³பே³ சாஹங், அனுராத⁴, ஏதரஹி ச து³க்க²ஞ்சேவ பஞ்ஞாபேமி து³க்க²ஸ்ஸ ச நிரோத⁴’’ந்தி. து³தியங்.
3. பட²மஸாரிபுத்தகொட்டி²கஸுத்தங்
412. ஏகங் ஸமயங் ஆயஸ்மா ச ஸாரிபுத்தோ, ஆயஸ்மா ச மஹாகொட்டி²கோ பா³ராணஸியங் விஹரந்தி இஸிபதனே மிக³தா³யே. அத² கோ² ஆயஸ்மா மஹாகொட்டி²கோ ஸாயன்ஹஸமயங் படிஸல்லானா வுட்டி²தோ யேனாயஸ்மா ஸாரிபுத்தோ தேனுபஸங்கமி; உபஸங்கமித்வா ஆயஸ்மதா ஸாரிபுத்தேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா மஹாகொட்டி²கோ ஆயஸ்மந்தங் ஸாரிபுத்தங் ஏதத³வோச –
‘‘கிங் நு கோ², ஆவுஸோ ஸாரிபுத்த, ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், ஆவுஸோ, ப⁴க³வதா – ‘ஹோதி ததா²க³தோ பரங் மரணா’’’தி. ‘‘கிங் பனாவுஸோ, ந ஹோதி ததா²க³தோ பரங் மரணா’’தி? ‘‘ஏதம்பி கோ², ஆவுஸோ, அப்³யாகதங் ப⁴க³வதா – ‘ந ஹோதி ததா²க³தோ பரங் மரணா’’’தி. ‘‘கிங் நு கோ², ஆவுஸோ, ஹோதி ச ந ச ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், ஆவுஸோ, ப⁴க³வதா – ‘ஹோதி ச ந ச ஹோதி ததா²க³தோ பரங் மரணா’’’தி. ‘‘கிங் பனாவுஸோ, நேவ ஹோதி ந ந ஹோதி ததா²க³தோ பரங் மரணா’’தி? ‘‘ஏதம்பி கோ², ஆவுஸோ, அப்³யாகதங் ப⁴க³வதா – ‘நேவ ஹோதி ந ந ஹோதி ததா²க³தோ பரங் மரணா’’’தி.
‘‘‘கிங் நு கோ², ஆவுஸோ, ஹோதி ததா²க³தோ பரங் மரணா’தி இதி புட்டோ² ஸமானோ, ‘அப்³யாகதங் கோ² ஏதங், ஆவுஸோ, ப⁴க³வதா – ஹோதி ததா²க³தோ பரங் மரணா’தி வதே³ஸி…பே॰… ‘கிங் பனாவுஸோ, நேவ ஹோதி ந ந ஹோதி ததா²க³தோ பரங் மரணா’தி இதி புட்டோ² ஸமானோ – ‘ஏதம்பி கோ², ஆவுஸோ, அப்³யாகதங் ப⁴க³வதா – நேவ ஹோதி ந ந ஹோதி ததா²க³தோ பரங் மரணா’தி வதே³ஸி. கோ நு கோ², ஆவுஸோ, ஹேது, கோ பச்சயோ யேனேதங் அப்³யாகதங் ப⁴க³வதா’’தி?
‘‘ஹோதி ததா²க³தோ பரங் மரணாதி கோ², ஆவுஸோ, ரூபக³தமேதங். ந ஹோதி ததா²க³தோ பரங் மரணாதி, ரூபக³தமேதங். ஹோதி ச ந ச ஹோதி ததா²க³தோ பரங் மரணாதி, ரூபக³தமேதங். நேவ ஹோதி ந ந ஹோதி ததா²க³தோ பரங் மரணாதி, ரூபக³தமேதங். ஹோதி ததா²க³தோ பரங் மரணாதி கோ², ஆவுஸோ, வேத³னாக³தமேதங். ந ஹோதி ததா²க³தோ பரங் மரணாதி, வேத³னாக³தமேதங். ஹோதி ச ந ச ஹோதி ததா²க³தோ பரங் மரணாதி, வேத³னாக³தமேதங். நேவ ஹோதி ந ந ஹோதி ததா²க³தோ பரங் மரணாதி, வேத³னாக³தமேதங். ஹோதி ததா²க³தோ பரங் மரணாதி கோ², ஆவுஸோ, ஸஞ்ஞாக³தமேதங். ந ஹோதி ததா²க³தோ பரங் மரணாதி, ஸஞ்ஞாக³தமேதங். ஹோதி ச ந ச ஹோதி ததா²க³தோ பரங் மரணாதி, ஸஞ்ஞாக³தமேதங். நேவ ஹோதி ந ந ஹோதி ததா²க³தோ பரங் மரணாதி, ஸஞ்ஞாக³தமேதங். ஹோதி ததா²க³தோ பரங் மரணாதி கோ², ஆவுஸோ, ஸங்கா²ரக³தமேதங் . ந ஹோதி ததா²க³தோ பரங் மரணாதி, ஸங்கா²ரக³தமேதங். ஹோதி ச ந ச ஹோதி ததா²க³தோ பரங் மரணாதி, ஸங்கா²ரக³தமேதங். நேவ ஹோதி ந ந ஹோதி ததா²க³தோ பரங் மரணாதி, ஸங்கா²ரக³தமேதங். ஹோதி ததா²க³தோ பரங் மரணாதி கோ², ஆவுஸோ, விஞ்ஞாணக³தமேதங். ந ஹோதி ததா²க³தோ பரங் மரணாதி, விஞ்ஞாணக³தமேதங். ஹோதி ச ந ச ஹோதி ததா²க³தோ பரங் மரணாதி, விஞ்ஞாணக³தமேதங். நேவ ஹோதி ந ந ஹோதி ததா²க³தோ பரங் மரணாதி, விஞ்ஞாணக³தமேதங். அயங் கோ², ஆவுஸோ, ஹேது அயங் பச்சயோ, யேனேதங் அப்³யாகதங் ப⁴க³வதா’’தி. ததியங்.
4. து³தியஸாரிபுத்தகொட்டி²கஸுத்தங்
413. ஏகங் ஸமயங் ஆயஸ்மா ச ஸாரிபுத்தோ, ஆயஸ்மா ச மஹாகொட்டி²கோ பா³ராணஸியங் விஹரந்தி இஸிபதனே மிக³தா³யே…பே॰… (ஸாயேவ புச்சா²) ‘‘கோ நு கோ², ஆவுஸோ, ஹேது, கோ பச்சயோ, யேனேதங் அப்³யாகதங் ப⁴க³வதா’’தி? ‘‘ரூபங் கோ², ஆவுஸோ, அஜானதோ அபஸ்ஸதோ யதா²பூ⁴தங், ரூபஸமுத³யங் அஜானதோ அபஸ்ஸதோ யதா²பூ⁴தங், ரூபனிரோத⁴ங் அஜானதோ அபஸ்ஸதோ யதா²பூ⁴தங் , ரூபனிரோத⁴கா³மினிங் படிபத³ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி; ‘ந ஹோதி ததா²க³தோ பரங் மரணா’திபிஸ்ஸ ஹோதி; ‘ஹோதி ச ந ச ஹோதி ததா²க³தோ பரங் மரணா’திபிஸ்ஸ ஹோதி; ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி. வேத³னங்…பே॰… ஸஞ்ஞங்…பே॰… ஸங்கா²ரே…பே॰… விஞ்ஞாணங் அஜானதோ அபஸ்ஸதோ யதா²பூ⁴தங், விஞ்ஞாணஸமுத³யங் அஜானதோ அபஸ்ஸதோ யதா²பூ⁴தங், விஞ்ஞாணனிரோத⁴ங் அஜானதோ அபஸ்ஸதோ யதா²பூ⁴தங், விஞ்ஞாணனிரோத⁴கா³மினிங் படிபத³ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி; ‘ந ஹோதி ததா²க³தோ பரங் மரணா’திபிஸ்ஸ ஹோதி; ‘ஹோதி ச ந ச ஹோதி ததா²க³தோ பரங் மரணா’திபிஸ்ஸ ஹோதி; ‘நேவ ஹோதி ந ந ஹோதி ததா²க³தோ பரங் மரணா’’’திபிஸ்ஸ ஹோதி.
‘‘ரூபஞ்ச கோ², ஆவுஸோ, ஜானதோ பஸ்ஸதோ யதா²பூ⁴தங், ரூபஸமுத³யங் ஜானதோ பஸ்ஸதோ யதா²பூ⁴தங், ரூபனிரோத⁴ங் ஜானதோ பஸ்ஸதோ யதா²பூ⁴தங், ரூபனிரோத⁴கா³மினிங் படிபத³ங் ஜானதோ பஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ந ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. வேத³னங்…பே॰… ஸஞ்ஞங்…பே॰… ஸங்கா²ரே…பே॰… விஞ்ஞாணங் ஜானதோ பஸ்ஸதோ யதா²பூ⁴தங், விஞ்ஞாணஸமுத³யங் ஜானதோ பஸ்ஸதோ யதா²பூ⁴தங், விஞ்ஞாணனிரோத⁴ங் ஜானதோ பஸ்ஸதோ யதா²பூ⁴தங், விஞ்ஞாணனிரோத⁴கா³மினிங் படிபத³ங் ஜானதோ பஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ந ஹோதி; ‘ந ஹோதி ததா²க³தோ பரங் மரணா’திபிஸ்ஸ ந ஹோதி; ‘ஹோதி ச ந ச ஹோதி ததா²க³தோ பரங் மரணா’திபிஸ்ஸ ந ஹோதி; ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. அயங் கோ², ஆவுஸோ, ஹேது அயங் பச்சயோ, யேனேதங் அப்³யாகதங் ப⁴க³வதா’’தி. சதுத்த²ங்.
5. ததியஸாரிபுத்தகொட்டி²கஸுத்தங்
414. ஏகங் ஸமயங் ஆயஸ்மா ச ஸாரிபுத்தோ, ஆயஸ்மா ச மஹாகொட்டி²கோ பா³ராணஸியங் விஹரந்தி இஸிபதனே மிக³தா³யே…பே॰… (ஸாயேவ புச்சா²) ‘‘கோ நு கோ², ஆவுஸோ, ஹேது கோ பச்சயோ, யேனேதங் அப்³யாகதங் ப⁴க³வதா’’தி? ‘‘ரூபே கோ², ஆவுஸோ, அவிக³தராக³ஸ்ஸ அவிக³தச்ச²ந்த³ஸ்ஸ அவிக³தபேமஸ்ஸ அவிக³தபிபாஸஸ்ஸ அவிக³தபரிளாஹஸ்ஸ அவிக³ததண்ஹஸ்ஸ ‘ஹோதி ததா²க³தோ பரங் மரணா’திபிஸ்ஸ ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி. வேத³னாய…பே॰… ஸஞ்ஞாய…பே॰… ஸங்கா²ரேஸு…பே॰… விஞ்ஞாணே அவிக³தராக³ஸ்ஸ அவிக³தச்ச²ந்த³ஸ்ஸ அவிக³தபேமஸ்ஸ அவிக³தபிபாஸஸ்ஸ அவிக³தபரிளாஹஸ்ஸ அவிக³ததண்ஹஸ்ஸ ‘ஹோதி ததா²க³தோ பரங் மரணா’திபிஸ்ஸ ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி. ரூபே ச கோ², ஆவுஸோ, விக³தராக³ஸ்ஸ…பே॰… வேத³னாய…பே॰… ஸஞ்ஞாய…பே॰… ஸங்கா²ரேஸு…பே॰… விஞ்ஞாணே விக³தராக³ஸ்ஸ விக³தச்ச²ந்த³ஸ்ஸ விக³தபேமஸ்ஸ விக³தபிபாஸஸ்ஸ விக³தபரிளாஹஸ்ஸ விக³ததண்ஹஸ்ஸ ‘ஹோதி ததா²க³தோ பரங் மரணா’திபிஸ்ஸ ந ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. அயங் கோ², ஆவுஸோ, ஹேது, அயங் பச்சயோ, யேனேதங் அப்³யாகதங் ப⁴க³வதா’’தி. பஞ்சமங்.
6. சதுத்த²ஸாரிபுத்தகொட்டி²கஸுத்தங்
415. ஏகங் ஸமயங் ஆயஸ்மா ச ஸாரிபுத்தோ, ஆயஸ்மா ச மஹாகொட்டி²கோ பா³ராணஸியங் விஹரந்தி இஸிபதனே மிக³தா³யே. அத² கோ² ஆயஸ்மா ஸாரிபுத்தோ ஸாயன்ஹஸமயங் படிஸல்லானா வுட்டி²தோ யேனாயஸ்மா மஹாகொட்டி²கோ தேனுபஸங்கமி; உபஸங்கமித்வா ஆயஸ்மதா மஹாகொட்டி²கேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஸாரிபுத்தோ ஆயஸ்மந்தங் மஹாகொட்டி²கங் ஏதத³வோச – ‘‘‘கிங் நு கோ², ஆவுஸோ கொட்டி²க, ஹோதி ததா²க³தோ பரங் மரணா’தி…பே॰… ‘கிங் பனாவுஸோ, நேவ ஹோதி ந ந ஹோதி ததா²க³தோ பரங் மரணா’தி இதி புட்டோ² ஸமானோ – ‘ஏதம்பி கோ², ஆவுஸோ, அப்³யாகதங் ப⁴க³வதா – நேவ ஹோதி ந ந ஹோதி ததா²க³தோ பரங் மரணா’தி வதே³ஸி’’. ‘‘கோ நு கோ², ஆவுஸோ, ஹேது, கோ பச்சயோ, யேனேதங் அப்³யாகதங் ப⁴க³வதா’’தி?
‘‘ரூபாராமஸ்ஸ கோ², ஆவுஸோ, ரூபரதஸ்ஸ ரூபஸம்முதி³தஸ்ஸ ரூபனிரோத⁴ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி; ‘ந ஹோதி ததா²க³தோ பரங் மரணா’திபிஸ்ஸ ஹோதி; ‘ஹோதி ச ந ச ஹோதி ததா²க³தோ பரங் மரணா’திபிஸ்ஸ ஹோதி; ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி. வேத³னாராமஸ்ஸ கோ², ஆவுஸோ, வேத³னாரதஸ்ஸ வேத³னாஸம்முதி³தஸ்ஸ, வேத³னானிரோத⁴ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி…பே॰… ஸஞ்ஞாராமஸ்ஸ கோ², ஆவுஸோ…பே॰… ஸங்கா²ராராமஸ்ஸ கோ² ஆவுஸோ…பே॰… விஞ்ஞாணாராமஸ்ஸ கோ², ஆவுஸோ, விஞ்ஞாணரதஸ்ஸ விஞ்ஞாணஸம்முதி³தஸ்ஸ விஞ்ஞாணனிரோத⁴ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி’’.
‘‘ந ரூபாராமஸ்ஸ கோ², ஆவுஸோ, ந ரூபரதஸ்ஸ ந ரூபஸம்முதி³தஸ்ஸ, ரூபனிரோத⁴ங் ஜானதோ பஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ந ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. ந வேத³னாராமஸ்ஸ கோ², ஆவுஸோ…பே॰… ந ஸஞ்ஞாராமஸ்ஸ கோ², ஆவுஸோ…பே॰… ந ஸங்கா²ராராமஸ்ஸ கோ², ஆவுஸோ…பே॰… ந விஞ்ஞாணாராமஸ்ஸ கோ², ஆவுஸோ, ந விஞ்ஞாணரதஸ்ஸ ந விஞ்ஞாணஸம்முதி³தஸ்ஸ, விஞ்ஞாணனிரோத⁴ங் ஜானதோ பஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ந ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. அயங் கோ², ஆவுஸோ, ஹேது, அயங் பச்சயோ, யேனேதங் அப்³யாகதங் ப⁴க³வதா’’தி.
‘‘ஸியா பனாவுஸோ, அஞ்ஞோபி பரியாயோ, யேனேதங் அப்³யாகதங் ப⁴க³வதா’’தி? ‘‘ஸியா, ஆவுஸோ. ப⁴வாராமஸ்ஸ கோ², ஆவுஸோ, ப⁴வரதஸ்ஸ ப⁴வஸம்முதி³தஸ்ஸ, ப⁴வனிரோத⁴ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி. ந ப⁴வாராமஸ்ஸ கோ², ஆவுஸோ, ந ப⁴வரதஸ்ஸ ந ப⁴வஸம்முதி³தஸ்ஸ, ப⁴வனிரோத⁴ங் ஜானதோ பஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ந ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. அயம்பி கோ², ஆவுஸோ, பரியாயோ, யேனேதங் அப்³யாகதங் ப⁴க³வதா’’தி.
‘‘ஸியா பனாவுஸோ, அஞ்ஞோபி பரியாயோ, யேனேதங் அப்³யாகதங் ப⁴க³வதா’’தி? ‘‘ஸியா, ஆவுஸோ. உபாதா³னாராமஸ்ஸ கோ², ஆவுஸோ, உபாதா³னரதஸ்ஸ உபாதா³னஸம்முதி³தஸ்ஸ, உபாதா³னநிரோத⁴ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி. ந உபாதா³னாராமஸ்ஸ கோ², ஆவுஸோ, ந உபாதா³னரதஸ்ஸ ந உபாதா³னஸம்முதி³தஸ்ஸ, உபாதா³னநிரோத⁴ங் ஜானதோ பஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ந ஹோதி…பே॰… ‘நேவ, ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. அயம்பி கோ² ஆவுஸோ, பரியாயோ, யேனேதங் அப்³யாகதங் ப⁴க³வதா’’தி.
‘‘ஸியா பனாவுஸோ, அஞ்ஞோபி பரியாயோ, யேனேதங் அப்³யாகதங் ப⁴க³வதா’’தி? ‘‘ஸியா, ஆவுஸோ. தண்ஹாராமஸ்ஸ கோ², ஆவுஸோ, தண்ஹாரதஸ்ஸ தண்ஹாஸம்முதி³தஸ்ஸ, தண்ஹானிரோத⁴ங் அஜானதோ அபஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ஹோதி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ஹோதி. ந தண்ஹாராமஸ்ஸ கோ², ஆவுஸோ, ந தண்ஹாரதஸ்ஸ ந தண்ஹாஸம்முதி³தஸ்ஸ, தண்ஹானிரோத⁴ங் ஜானதோ பஸ்ஸதோ யதா²பூ⁴தங், ‘ஹோதி ததா²க³தோ பரங் மரணா’திபிஸ்ஸ ந ஹோதி…பே॰ … ‘நேவ ஹோதி ந ந ஹோதி ததா²க³தோ பரங் மரணா’திபிஸ்ஸ ந ஹோதி. அயம்பி கோ², ஆவுஸோ, பரியாயோ, யேனேதங் அப்³யாகதங் ப⁴க³வதா’’தி.
‘‘ஸியா பனாவுஸோ, அஞ்ஞோபி பரியாயோ, யேனேதங் அப்³யாகதங் ப⁴க³வதா’’தி? ‘‘எத்த² தா³னி, ஆவுஸோ ஸாரிபுத்த, இதோ உத்தரி கிங் இச்ச²ஸி? தண்ஹாஸங்க²யவிமுத்தஸ்ஸ, ஆவுஸோ ஸாரிபுத்த, பி⁴க்கு²னோ வட்டங் வத்தங் (ஸ்யா॰ கங்॰ க॰) வத்³த⁴ங் (பீ॰) நத்தி² பஞ்ஞாபனாயா’’தி. ச²ட்ட²ங்.
7. மொக்³க³ல்லானஸுத்தங்
416. அத² கோ² வச்ச²கொ³த்தோ பரிப்³பா³ஜகோ யேனாயஸ்மா மஹாமொக்³க³ல்லானோ தேனுபஸங்கமி; உபஸங்கமித்வா ஆயஸ்மதா மஹாமொக்³க³ல்லானேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ஆயஸ்மந்தங் மஹாமொக்³க³ல்லானங் ஏதத³வோச –
‘‘கிங் நு கோ², போ⁴ மொக்³க³ல்லான, ஸஸ்ஸதோ லோகோ’’தி? ‘‘அப்³யாகதங் கோ² ஏதங், வச்ச², ப⁴க³வதா – ‘ஸஸ்ஸதோ லோகோ’’’தி. ‘‘கிங் பன, போ⁴ மொக்³க³ல்லான, அஸஸ்ஸதோ லோகோ’’தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘அஸஸ்ஸதோ லோகோ’’’தி. ‘‘கிங் நு கோ², போ⁴ மொக்³க³ல்லான, அந்தவா லோகோ’’தி? ‘‘அப்³யாகதங் கோ² ஏதங், வச்ச², ப⁴க³வதா – ‘அந்தவா லோகோ’’’தி. ‘‘கிங் பன, போ⁴ மொக்³க³ல்லான, அனந்தவா லோகோ’’தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘அனந்தவா லோகோ’’’தி. ‘‘கிங் நு கோ², போ⁴ மொக்³க³ல்லான, தங் ஜீவங் தங் ஸரீர’’ந்தி? ‘‘அப்³யாகதங் கோ² ஏதங், வச்ச², ப⁴க³வதா – ‘தங் ஜீவங் தங் ஸரீர’’’ந்தி. ‘‘கிங் பன, போ⁴ மொக்³க³ல்லான, அஞ்ஞங் ஜீவங் அஞ்ஞங் ஸரீர’’ந்தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘அஞ்ஞங் ஜீவங் அஞ்ஞங் ஸரீர’’’ந்தி. ‘‘கிங் நு கோ², போ⁴ மொக்³க³ல்லான, ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், வச்ச², ப⁴க³வதா – ‘ஹோதி ததா²க³தோ பரங் மரணா’’’தி. ‘‘கிங் பன, போ⁴ மொக்³க³ல்லான, ந ஹோதி ததா²க³தோ பரங் மரணா’’தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘ந ஹோதி ததா²க³தோ பரங் மரணா’’’தி. ‘‘கிங் நு கோ², போ⁴ மொக்³க³ல்லான, ஹோதி ச ந ச ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், வச்ச², ப⁴க³வதா – ‘ஹோதி ச ந ச ஹோதி ததா²க³தோ பரங் மரணா’’’தி. ‘‘கிங் பன, போ⁴ மொக்³க³ல்லான, நேவ ஹோதி ந ந ஹோதி ததா²க³தோ பரங் மரணா’’தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘நேவ ஹோதி ந ந ஹோதி ததா²க³தோ பரங் மரணா’’’தி.
‘‘கோ நு கோ², போ⁴ மொக்³க³ல்லான, ஹேது கோ பச்சயோ, யேன அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ஸஸ்ஸதோ லோகோதி வா, அஸஸ்ஸதோ லோகோதி வா, அந்தவா லோகோதி வா, அனந்தவா லோகோதி வா, தங் ஜீவங் தங் ஸரீரந்தி வா, அஞ்ஞங் ஜீவங் அஞ்ஞங் ஸரீரந்தி வா, ஹோதி ததா²க³தோ பரங் மரணாதி வா, ந ஹோதி ததா²க³தோ பரங் மரணாதி வா, ஹோதி ச ந ச ஹோதி ததா²க³தோ பரங் மரணாதி வா, நேவ ஹோதி ந ந ஹோதி ததா²க³தோ பரங் மரணாதி வா? கோ பன, போ⁴ மொக்³க³ல்லான, ஹேது கோ பச்சயோ, யேன ஸமணஸ்ஸ கோ³தமஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ஸஸ்ஸதோ லோகோதிபி, அஸஸ்ஸதோ லோகோதிபி, அந்தவா லோகோதிபி, அனந்தவா லோகோதிபி, தங் ஜீவங் தங் ஸரீரந்திபி, அஞ்ஞங் ஜீவங் அஞ்ஞங் ஸரீரந்திபி, ஹோதி ததா²க³தோ பரங் மரணாதிபி, ந ஹோதி ததா²க³தோ பரங் மரணாதிபி, ஹோதி ச ந ச ஹோதி ததா²க³தோ பரங் மரணாதிபி, நேவ ஹோதி ந ந ஹோதி ததா²க³தோ பரங் மரணாதிபீ’’தி?
‘‘அஞ்ஞதித்தி²யா கோ², வச்ச², பரிப்³பா³ஜகா சக்கு²ங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸந்தி…பே॰… ஜிவ்ஹங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸந்தி…பே॰… மனங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸந்தி. தஸ்மா அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ஸஸ்ஸதோ லோகோதி வா…பே॰… நேவ ஹோதி ந ந ஹோதி ததா²க³தோ பரங் மரணாதி வா. ததா²க³தோ ச கோ², வச்ச², அரஹங் ஸம்மாஸம்பு³த்³தோ⁴ சக்கு²ங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி…பே॰… ஜிவ்ஹங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி…பே॰… மனங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. தஸ்மா ததா²க³தஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ஸஸ்ஸதோ லோகோதிபி…பே॰… நேவ ஹோதி ந ந ஹோதி ததா²க³தோ பரங் மரணாதிபீ’’தி.
அத² கோ² வச்ச²கொ³த்தோ பரிப்³பா³ஜகோ உட்டா²யாஸனா யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ப⁴க³வந்தங் ஏதத³வோச – ‘‘கிங் நு கோ², போ⁴ கோ³தம, ஸஸ்ஸதோ லோகோ’’தி? அப்³யாகதங் கோ² ஏதங், வச்ச², மயா – ‘ஸஸ்ஸதோ லோகோ’தி…பே॰…. ‘‘கிங் பன, போ⁴ கோ³தம, நேவ ஹோதி ந ந ஹோதி ததா²க³தோ பரங் மரணா’’தி? ‘‘ஏதம்பி கோ², வச்ச², அப்³யாகதங் மயா – ‘நேவ ஹோதி ந ந ஹோதி ததா²க³தோ பரங் மரணா’’’தி.
‘‘கோ நு கோ², போ⁴ கோ³தம, ஹேது கோ பச்சயோ, யேன அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ‘ஸஸ்ஸதோ லோகோ’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா? கோ பன, போ⁴ கோ³தம, ஹேது கோ பச்சயோ, யேன போ⁴தோ கோ³தமஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ‘ஸஸ்ஸதோ லோகோ’திபி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபீ’’தி?
‘‘அஞ்ஞதித்தி²யா கோ², வச்ச², பரிப்³பா³ஜகா சக்கு²ங் ‘ஏதங் மம, ஏஸோஹமஸ்மி , ஏஸோ மே அத்தா’தி ஸமனுபஸ்ஸந்தி…பே॰… ஜிவ்ஹங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸந்தி…பே॰… மனங் ‘ஏதங் மம, ஏஸோஹமஸ்மி, ஏஸோ மே அத்தா’தி ஸமனுபஸ்ஸந்தி. தஸ்மா அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ‘ஸஸ்ஸதோ லோகோ’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா. ததா²க³தோ ச கோ², வச்ச², அரஹங் ஸம்மாஸம்பு³த்³தோ⁴ சக்கு²ங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி…பே॰… ஜிவ்ஹங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி…பே॰… மனங் ‘நேதங் மம, நேஸோஹமஸ்மி, ந மேஸோ அத்தா’தி ஸமனுபஸ்ஸதி. தஸ்மா ததா²க³தஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ‘ஸஸ்ஸதோ லோகோ’திபி, ‘அஸஸ்ஸதோ லோகோ’திபி, ‘அந்தவா லோகோ’திபி, ‘அனந்தவா லோகோ’திபி, ‘தங் ஜீவங் தங் ஸரீர’ந்திபி, ‘அஞ்ஞங் ஜீவங் அஞ்ஞங் ஸரீர’ந்திபி, ‘ஹோதி ததா²க³தோ பரங் மரணா’திபி, ‘ந ஹோதி ததா²க³தோ பரங் மரணா’திபி, ‘ஹோதி ச ந ச ஹோதி ததா²க³தோ பரங் மரணா’திபி, ‘நேவ ஹோதி ந ந ஹோதி ததா²க³தோ பரங் மரணா’திபீ’’தி.
‘‘அச்ச²ரியங், போ⁴ கோ³தம, அப்³பு⁴தங், போ⁴ கோ³தம! யத்ர ஹி நாம ஸத்து² ச ஸத்து²ஸ்ஸ ச (ஸீ॰ பீ॰), ஸத்து² சேவ (கே²மாஸுத்தே) ஸாவகஸ்ஸ ச அத்தே²ன அத்தோ² ப்³யஞ்ஜனேன ப்³யஞ்ஜனங் ஸங்ஸந்தி³ஸ்ஸதி ஸமெஸ்ஸதி ந விரோத⁴யிஸ்ஸதி, யதி³த³ங் அக்³க³பத³ஸ்மிங். இதா³னாஹங், போ⁴ கோ³தம, ஸமணங் மஹாமொக்³க³ல்லானங் உபஸங்கமித்வா ஏதமத்த²ங் அபுச்சி²ங். ஸமணோபி மே மொக்³க³ல்லானோ ஏதேஹி பதே³ஹி ஏதேஹி ப்³யஞ்ஜனேஹி தமத்த²ங் ப்³யாகாஸி, ஸெய்யதா²பி ப⁴வங் கோ³தமோ. அச்ச²ரியங், போ⁴ கோ³தம, அப்³பு⁴தங், போ⁴ கோ³தம ! யத்ர ஹி நாம ஸத்து² ச ஸாவகஸ்ஸ ச அத்தே²ன அத்தோ² ப்³யஞ்ஜனேன ப்³யஞ்ஜனங் ஸங்ஸந்தி³ஸ்ஸதி ஸமெஸ்ஸதி ந விரோத⁴யிஸ்ஸதி, யதி³த³ங் அக்³க³பத³ஸ்மி’’ந்தி. ஸத்தமங்.
8. வச்ச²கொ³த்தஸுத்தங்
417. அத² கோ² வச்ச²கொ³த்தோ பரிப்³பா³ஜகோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ப⁴க³வந்தங் ஏதத³வோச – ‘‘கிங் நு கோ², போ⁴ கோ³தம, ஸஸ்ஸதோ லோகோ’’தி? அப்³யாகதங் கோ² ஏதங், வச்ச², மயா – ‘ஸஸ்ஸதோ லோகோ’தி…பே॰…. ‘‘கிங் பன, போ⁴ கோ³தம, ‘நேவ ஹோதி ந ந ஹோதி ததா²க³தோ பரங் மரணா’’’தி? ‘‘ஏதம்பி கோ², வச்ச², அப்³யாகதங் மயா – ‘நேவ ஹோதி ந ந ஹோதி ததா²க³தோ பரங் மரணா’’’தி.
‘‘கோ நு கோ², போ⁴ கோ³தம, ஹேது, கோ பச்சயோ, யேன அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ‘ஸஸ்ஸதோ லோகோ’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா? கோ பன, போ⁴ கோ³தம, ஹேது, கோ பச்சயோ, யேன போ⁴தோ கோ³தமஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ‘ஸஸ்ஸதோ லோகோ’திபி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபீ’’தி?
‘‘அஞ்ஞதித்தி²யா கோ², வச்ச², பரிப்³பா³ஜகா ரூபங் அத்ததோ ஸமனுபஸ்ஸந்தி, ரூபவந்தங் வா அத்தானங், அத்தனி வா ரூபங், ரூபஸ்மிங் வா அத்தானங் . வேத³னங் அத்ததோ ஸமனுபஸ்ஸந்தி…பே॰… ஸஞ்ஞங்…பே॰… ஸங்கா²ரே…பே॰… விஞ்ஞாணங் அத்ததோ ஸமனுபஸ்ஸந்தி, விஞ்ஞாணவந்தங் வா அத்தானங், அத்தனி வா விஞ்ஞாணங், விஞ்ஞாணஸ்மிங் வா அத்தானங். தஸ்மா அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ‘ஸஸ்ஸதோ லோகோ’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா. ததா²க³தோ ச கோ², வச்ச², அரஹங் ஸம்மாஸம்பு³த்³தோ⁴ ந ரூபங் அத்ததோ ஸமனுபஸ்ஸதி, ந ரூபவந்தங் வா அத்தானங், ந அத்தனி வா ரூபங், ந ரூபஸ்மிங் வா அத்தானங். ந வேத³னங் அத்ததோ ஸமனுபஸ்ஸதி…பே॰… ந ஸஞ்ஞங்…பே॰… ந ஸங்கா²ரே…பே॰… ந விஞ்ஞாணங் அத்ததோ ஸமனுபஸ்ஸதி, ந விஞ்ஞாணவந்தங் வா அத்தானங், ந அத்தனி வா விஞ்ஞாணங், ந விஞ்ஞாணஸ்மிங் வா அத்தானங். தஸ்மா ததா²க³தஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ‘ஸஸ்ஸதோ லோகோ’திபி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபீ’’தி.
அத² கோ² வச்ச²கொ³த்தோ பரிப்³பா³ஜகோ உட்டா²யாஸனா யேனாயஸ்மா மஹாமொக்³க³ல்லானோ தேனுபஸங்கமி; உபஸங்கமித்வா ஆயஸ்மதா மஹாமொக்³க³ல்லானேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ஆயஸ்மந்தங் மஹாமொக்³க³ல்லானங் ஏதத³வோச – ‘‘கிங் நு கோ², போ⁴ மொக்³க³ல்லான, ஸஸ்ஸதோ லோகோ’’தி? அப்³யாகதங் கோ² ஏதங், வச்ச², ப⁴க³வதா – ‘ஸஸ்ஸதோ லோகோ’தி…பே॰…. ‘‘கிங் பன, போ⁴ மொக்³க³ல்லான, ‘நேவ ஹோதி ந ந ஹோதி ததா²க³தோ பரங் மரணா’’’தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘நேவ ஹோதி ந ந ஹோதி ததா²க³தோ பரங் மரணா’’’தி.
‘‘கோ நு கோ², போ⁴ மொக்³க³ல்லான, ஹேது, கோ பச்சயோ, யேன அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ‘ஸஸ்ஸதோ லோகோ’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா? கோ பன, போ⁴ மொக்³க³ல்லான, ஹேது, கோ பச்சயோ யேன ஸமணஸ்ஸ கோ³தமஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ‘ஸஸ்ஸதோ லோகோ’திபி…பே॰… ‘நேவ ஹோதி ந ந ஹோதி ததா²க³தோ பரங் மரணா’திபீ’’தி?
‘‘அஞ்ஞதித்தி²யா கோ², வச்ச², பரிப்³பா³ஜகா ரூபங் அத்ததோ ஸமனுபஸ்ஸந்தி, ரூபவந்தங் வா அத்தானங், அத்தனி வா ரூபங், ரூபஸ்மிங் வா அத்தானங். வேத³னங் அத்ததோ ஸமனுபஸ்ஸந்தி…பே॰… ஸஞ்ஞங்…பே॰… ஸங்கா²ரே…பே॰… விஞ்ஞாணங் அத்ததோ ஸமனுபஸ்ஸந்தி, விஞ்ஞாணவந்தங் வா அத்தானங், அத்தனி வா விஞ்ஞாணங், விஞ்ஞாணஸ்மிங் வா அத்தானங். தஸ்மா அஞ்ஞதித்தி²யானங் பரிப்³பா³ஜகானங் ஏவங் புட்டா²னங் ஏவங் வெய்யாகரணங் ஹோதி – ‘ஸஸ்ஸதோ லோகோ’தி வா…பே॰… ‘நேவ ஹோதி ந ந ஹோதி ததா²க³தோ பரங் மரணா’தி வா. ததா²க³தோ ச கோ², வச்ச², அரஹங் ஸம்மாஸம்பு³த்³தோ⁴ ந ரூபங் அத்ததோ ஸமனுபஸ்ஸதி, ந ரூபவந்தங் வா அத்தானங், ந அத்தனி வா ரூபங், ந ரூபஸ்மிங் வா அத்தானங். ந வேத³னங் அத்ததோ ஸமனுபஸ்ஸதி…பே॰… ந ஸஞ்ஞங்…பே॰… ந ஸங்கா²ரே…பே॰… ந விஞ்ஞாணங் அத்ததோ ஸமனுபஸ்ஸதி, ந விஞ்ஞாணவந்தங் வா அத்தானங், ந அத்தனி வா விஞ்ஞாணங், ந விஞ்ஞாணஸ்மிங் வா அத்தானங். தஸ்மா ததா²க³தஸ்ஸ ஏவங் புட்ட²ஸ்ஸ ந ஏவங் வெய்யாகரணங் ஹோதி – ‘ஸஸ்ஸதோ லோகோ’திபி, ‘அஸஸ்ஸதோ லோகோ’திபி, ‘அந்தவா லோகோ’திபி, ‘அனந்தவா லோகோ’திபி, ‘தங் ஜீவங் தங் ஸரீர’ந்திபி, ‘அஞ்ஞங் ஜீவங் அஞ்ஞங் ஸரீர’ந்திபி, ‘ஹோதி ததா²க³தோ பரங் மரணா’திபி, ‘ந ஹோதி ததா²க³தோ பரங் மரணா’திபி, ‘ஹோதி ச ந ச ஹோதி ததா²க³தோ பரங் மரணா’திபி, ‘நேவ ஹோதி ந ந ஹோதி ததா²க³தோ பரங் மரணா’திபீ’’தி.
‘‘அச்ச²ரியங், போ⁴ மொக்³க³ல்லான, அப்³பு⁴தங், போ⁴ மொக்³க³ல்லான! யத்ர ஹி நாம ஸத்து² ச ஸாவகஸ்ஸ ச அத்தே²ன அத்தோ² ப்³யஞ்ஜனேன ப்³யஞ்ஜனங் ஸங்ஸந்தி³ஸ்ஸதி, ஸமெஸ்ஸதி, ந விரோத⁴யிஸ்ஸதி, யதி³த³ங் அக்³க³பத³ஸ்மிங். இதா³னாஹங், போ⁴ மொக்³க³ல்லான, ஸமணங் கோ³தமங் உபஸங்கமித்வா ஏதமத்த²ங் அபுச்சி²ங். ஸமணோபி மே கோ³தமோ ஏதேஹி பதே³ஹி ஏதேஹி ப்³யஞ்ஜனேஹி ஏதமத்த²ங் ப்³யாகாஸி, ஸெய்யதா²பி ப⁴வங் மொக்³க³ல்லானோ. அச்ச²ரியங், போ⁴ மொக்³க³ல்லான, அப்³பு⁴தங், போ⁴ மொக்³க³ல்லான! யத்ர ஹி நாம ஸத்து² ச ஸாவகஸ்ஸ ச அத்தே²ன அத்தோ² ப்³யஞ்ஜனேன ப்³யஞ்ஜனங் ஸங்ஸந்தி³ஸ்ஸதி ஸமெஸ்ஸதி ந விரோத⁴யிஸ்ஸதி, யதி³த³ங் அக்³க³பத³ஸ்மி’’ந்தி. அட்ட²மங்.
9. குதூஹலஸாலாஸுத்தங்
418. அத² கோ² வச்ச²கொ³த்தோ பரிப்³பா³ஜகோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ப⁴க³வந்தங் ஏதத³வோச –
‘‘புரிமானி , போ⁴ கோ³தம , தி³வஸானி புரிமதரானி ஸம்ப³ஹுலானங் நானாதித்தி²யானங் ஸமணப்³ராஹ்மணானங் பரிப்³பா³ஜகானங் குதூஹலஸாலாயங் ஸன்னிஸின்னானங் ஸன்னிபதிதானங் அயமந்தராகதா² உத³பாதி³ – ‘அயங் கோ² பூரணோ கஸ்ஸபோ ஸங்கீ⁴ சேவ க³ணீ ச க³ணாசரியோ ச ஞாதோ யஸஸ்ஸீ தித்த²கரோ ஸாது⁴ஸம்மதோ ப³ஹுஜனஸ்ஸ. ஸோபி ஸாவகங் அப்³ப⁴தீதங் காலங்கதங் உபபத்தீஸு ப்³யாகரோதி – ‘அஸு அமுத்ர உபபன்னோ, அஸு அமுத்ர உபபன்னோ’தி. யோபிஸ்ஸ ஸாவகோ உத்தமபுரிஸோ பரமபுரிஸோ பரமபத்திபத்தோ தம்பி ஸாவகங் அப்³ப⁴தீதங் காலங்கதங் உபபத்தீஸு ப்³யாகரோதி – ‘அஸு அமுத்ர உபபன்னோ, அஸு அமுத்ர உபபன்னோ’’’தி.
‘‘அயம்பி கோ² மக்க²லி கோ³ஸாலோ…பே॰… அயம்பி கோ² நிக³ண்டோ² நாடபுத்தோ…பே॰… அயம்பி கோ² ஸஞ்சயோ ஸஞ்ஜயோ (ஸீ॰ ஸ்யா॰ கங்॰ பீ॰) பே³லட்ட²புத்தோ…பே॰… அயம்பி கோ² பகுதோ⁴ பகுத்³தோ⁴ (பீ॰) கச்சானோ…பே॰… அயம்பி கோ² அஜிதோ கேஸகம்ப³லோ ஸங்கீ⁴ சேவ க³ணீ ச க³ணாசரியோ ச ஞாதோ யஸஸ்ஸீ தித்த²கரோ ஸாது⁴ஸம்மதோ ப³ஹுஜனஸ்ஸ. ஸோபி ஸாவகங் அப்³ப⁴தீதங் காலங்கதங் உபபத்தீஸு ப்³யாகரோதி – ‘அஸு அமுத்ர உபபன்னோ, அஸு அமுத்ர உபபன்னோ’தி. யோபிஸ்ஸ ஸாவகோ உத்தமபுரிஸோ பரமபுரிஸோ பரமபத்திபத்தோ தம்பி ஸாவகங் அப்³ப⁴தீதங் காலங்கதங் உபபத்தீஸு ப்³யாகரோதி – ‘அஸு அமுத்ர உபபன்னோ, அஸு அமுத்ர உபபன்னோ’’’தி.
‘‘அயம்பி கோ² ஸமணோ கோ³தமோ ஸங்கீ⁴ சேவ க³ணீ ச க³ணாசரியோ ச ஞாதோ யஸஸ்ஸீ தித்த²கரோ ஸாது⁴ஸம்மதோ ப³ஹுஜனஸ்ஸ. ஸோபி ஸாவகங் அப்³ப⁴தீதங் காலங்கதங் உபபத்தீஸு ப்³யாகரோதி – ‘அஸு அமுத்ர உபபன்னோ, அஸு அமுத்ர உபபன்னோ’தி. யோபிஸ்ஸ யோ ச க்²வஸ்ஸ (பீ॰) ஸாவகோ உத்தமபுரிஸோ பரமபுரிஸோ பரமபத்திபத்தோ தஞ்ச ஸாவகங் அப்³ப⁴தீதங் காலங்கதங் உபபத்தீஸு ந ப்³யாகரோதி – ‘அஸு அமுத்ர உபபன்னோ, அஸு அமுத்ர உபபன்னோ’தி. அபி ச கோ² நங் ஏவங் ப்³யாகரோதி – ‘அச்செ²ச்சி² தண்ஹங், விவத்தயி ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’தி. தஸ்ஸ மய்ஹங், போ⁴ கோ³தம, அஹு தே³வ கங்கா², அஹு விசிகிச்சா² – ‘கத²ங் நாம கத²ஞ்ஹி நாம (ஸ்யா॰ கங்॰ பீ॰ க॰) கத²ங் கத²ங் நாம (ச²க்கங்கு³த்தரே பஞ்சமவக்³கே³ து³தியஸுத்தே) ஸமணஸ்ஸ கோ³தமஸ்ஸ த⁴ம்மோ அபி⁴ஞ்ஞெய்யோ’’’தி த⁴ம்மாபி⁴ஞ்ஞெய்யாதி (பீ॰ க॰) த⁴ம்மோ… அஞ்ஞெய்யோ (ச²க்கங்கு³த்தரே)?
‘‘அலஞ்ஹி தே, வச்ச², கங்கி²துங், அலங் விசிகிச்சி²துங். கங்க²னீயே ச பன தே டா²னே விசிகிச்சா² உப்பன்னா. ஸஉபாதா³னஸ்ஸ க்²வாஹங், வச்ச², உபபத்திங் பஞ்ஞாபேமி நோ அனுபாதா³னஸ்ஸ. ஸெய்யதா²பி , வச்ச², அக்³கி³ ஸஉபாதா³னோ ஜலதி, நோ அனுபாதா³னோ; ஏவமேவ க்²வாஹங், வச்ச², ஸஉபாதா³னஸ்ஸ உபபத்திங் பஞ்ஞாபேமி, நோ அனுபாதா³னஸ்ஸா’’தி.
‘‘யஸ்மிங் , போ⁴ கோ³தம, ஸமயே அச்சி வாதேன கி²த்தா தூ³ரம்பி க³ச்ச²தி, இமஸ்ஸ பன ப⁴வங் கோ³தமோ கிங் உபாதா³னஸ்மிங் பஞ்ஞாபேதீ’’தி? ‘‘யஸ்மிங் கோ², வச்ச², ஸமயே அச்சி வாதேன கி²த்தா தூ³ரம்பி க³ச்ச²தி, தமஹங் வாதூபாதா³னங் பஞ்ஞாபேமி. வாதோ ஹிஸ்ஸ, வச்ச², தஸ்மிங் ஸமயே உபாதா³னங் ஹோதீ’’தி. ‘‘யஸ்மிஞ்ச பன, போ⁴ கோ³தம, ஸமயே இமஞ்ச காயங் நிக்கி²பதி, ஸத்தோ ச அஞ்ஞதரங் காயங் அனுபபன்னோ ஹோதி, இமஸ்ஸ பன ப⁴வங் கோ³தமோ கிங் உபாதா³னஸ்மிங் பஞ்ஞாபேதீ’’தி? ‘‘யஸ்மிங் கோ², வச்ச², ஸமயே இமஞ்ச காயங் நிக்கி²பதி, ஸத்தோ ச அஞ்ஞதரங் காயங் அனுபபன்னோ ஹோதி, தமஹங் தண்ஹூபாதா³னங் வதா³மி. தண்ஹா ஹிஸ்ஸ, வச்ச², தஸ்மிங் ஸமயே உபாதா³னங் ஹோதீ’’தி ஹோதீதி…பே॰… (க॰). நவமங்.
10. ஆனந்த³ஸுத்தங்
419. அத² கோ² வச்ச²கொ³த்தோ பரிப்³பா³ஜகோ யேன ப⁴க³வா தேனுபஸங்கமி; உபஸங்கமித்வா ப⁴க³வதா ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ப⁴க³வந்தங் ஏதத³வோச – ‘‘கிங் நு கோ², போ⁴ கோ³தம, அத்த²த்தா’’தி? ஏவங் வுத்தே, ப⁴க³வா துண்ஹீ அஹோஸி. ‘‘கிங் பன, போ⁴ கோ³தம, நத்த²த்தா’’தி? து³தியம்பி கோ² ப⁴க³வா துண்ஹீ அஹோஸி. அத² கோ² வச்ச²கொ³த்தோ பரிப்³பா³ஜகோ உட்டா²யாஸனா பக்காமி.
அத² கோ² ஆயஸ்மா ஆனந்தோ³ அசிரபக்கந்தே வச்ச²கொ³த்தே பரிப்³பா³ஜகே ப⁴க³வந்தங் ஏதத³வோச – ‘‘கிங் நு கோ², ப⁴ந்தே, ப⁴க³வா வச்ச²கொ³த்தஸ்ஸ பரிப்³பா³ஜகஸ்ஸ பஞ்ஹங் புட்டோ² ந ப்³யாகாஸீ’’தி? ‘‘அஹஞ்சானந்த³, வச்ச²கொ³த்தஸ்ஸ பரிப்³பா³ஜகஸ்ஸ ‘அத்த²த்தா’தி புட்டோ² ஸமானோ ‘அத்த²த்தா’தி ப்³யாகரெய்யங், யே தே, ஆனந்த³, ஸமணப்³ராஹ்மணா ஸஸ்ஸதவாதா³ தேஸமேதங் ஸத்³தி⁴ங் தேஸமேதங் லத்³தி⁴ (ஸீ॰) அப⁴விஸ்ஸ. அஹஞ்சானந்த³, வச்ச²கொ³த்தஸ்ஸ பரிப்³பா³ஜகஸ்ஸ ‘நத்த²த்தா’தி புட்டோ² ஸமானோ ‘நத்த²த்தா’தி ப்³யாகரெய்யங், யே தே, ஆனந்த³, ஸமணப்³ராஹ்மணா உச்சே²த³வாதா³ தேஸமேதங் ஸத்³தி⁴ங் அப⁴விஸ்ஸ. அஹஞ்சானந்த³, வச்ச²கொ³த்தஸ்ஸ பரிப்³பா³ஜகஸ்ஸ ‘அத்த²த்தா’தி புட்டோ² ஸமானோ ‘அத்த²த்தா’தி ப்³யாகரெய்யங், அபி நு மே தங், ஆனந்த³, அனுலோமங் அப⁴விஸ்ஸ ஞாணஸ்ஸ உப்பாதா³ய – ‘ஸப்³பே³ த⁴ம்மா அனத்தா’’’தி? ‘‘நோ ஹேதங், ப⁴ந்தே’’. ‘‘அஹஞ்சானந்த³, வச்ச²கொ³த்தஸ்ஸ பரிப்³பா³ஜகஸ்ஸ ‘நத்த²த்தா’தி புட்டோ² ஸமானோ ‘நத்த²த்தா’தி ப்³யாகரெய்யங் , ஸம்மூள்ஹஸ்ஸ, ஆனந்த³, வச்ச²கொ³த்தஸ்ஸ பரிப்³பா³ஜகஸ்ஸ பி⁴ய்யோ ஸம்மோஹாய அப⁴விஸ்ஸ – ‘அஹுவா மே நூன புப்³பே³ அத்தா, ஸோ ஏதரஹி நத்தீ²’’’தி. த³ஸமங்.
11. ஸபி⁴யகச்சானஸுத்தங்
420. ஏகங் ஸமயங் ஆயஸ்மா ஸபி⁴யோ கச்சானோ ஞாதிகே விஹரதி கி³ஞ்ஜகாவஸதே². அத² கோ² வச்ச²கொ³த்தோ பரிப்³பா³ஜகோ யேனாயஸ்மா ஸபி⁴யோ கச்சானோ தேனுபஸங்கமி; உபஸங்கமித்வா ஆயஸ்மதா ஸபி⁴யேன கச்சானேன ஸத்³தி⁴ங் ஸம்மோதி³. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³. ஏகமந்தங் நிஸின்னோ கோ² வச்ச²கொ³த்தோ பரிப்³பா³ஜகோ ஆயஸ்மந்தங் ஸபி⁴யங் கச்சானங் ஏதத³வோச – ‘‘கிங் நு கோ² போ⁴, கச்சான, ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், வச்ச², ப⁴க³வதா – ‘ஹோதி ததா²க³தோ பரங் மரணா’’’தி. ‘‘கிங் பன, போ⁴ கச்சான, ந ஹோதி ததா²க³தோ பரங் மரணா’’தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘ந ஹோதி ததா²க³தோ பரங் மரணா’’’தி.
‘‘கிங் நு கோ², போ⁴ கச்சான, ஹோதி ச ந ச ஹோதி ததா²க³தோ பரங் மரணா’’தி? ‘‘அப்³யாகதங் கோ² ஏதங், வச்ச², ப⁴க³வதா – ‘ஹோதி ச ந ச ஹோதி ததா²க³தோ பரங் மரணா’’’தி. ‘‘கிங் பன, போ⁴ கச்சான, நேவ ஹோதி ந ந ஹோதி ததா²க³தோ பரங் மரணா’’தி? ‘‘ஏதம்பி கோ², வச்ச², அப்³யாகதங் ப⁴க³வதா – ‘நேவ ஹோதி ந ந ஹோதி ததா²க³தோ பரங் மரணா’’’தி.
‘‘‘கிங் நு கோ², போ⁴ கச்சான, ஹோதி ததா²க³தோ பரங் மரணா’தி, இதி புட்டோ² ஸமானோ – ‘அப்³யாகதங் கோ² ஏதங், வச்ச², ப⁴க³வதா – ஹோதி ததா²க³தோ பரங் மரணா’தி வதே³ஸி . ‘கிங் பன, போ⁴ கச்சான, ந ஹோதி ததா²க³தோ பரங் மரணா’தி, இதி புட்டோ² ஸமானோ – ‘அப்³யாகதங் கோ² ஏதங், வச்ச², ப⁴க³வதா – ந ஹோதி ததா²க³தோ பரங் மரணா’தி வதே³ஸி. ‘கிங் நு கோ², போ⁴ கச்சான, ஹோதி ச ந ச ஹோதி ததா²க³தோ பரங் மரணா’தி, இதி புட்டோ² ஸமானோ – ‘அப்³யாகதங் கோ² ஏதங், வச்ச² , ப⁴க³வதா – ஹோதி ச ந ச ஹோதி ததா²க³தோ பரங் மரணா’தி வதே³ஸி. ‘கிங் பன, போ⁴ கச்சான, நேவ ஹோதி ந ந ஹோதி ததா²க³தோ பரங் மரணா’தி, இதி புட்டோ² ஸமானோ – ‘ஏதம்பி கோ², வச்ச², அப்³யாகதங் ப⁴க³வதா – நேவ ஹோதி ந ந ஹோதி ததா²க³தோ பரங் மரணா’தி வதே³ஸி. கோ நு கோ², போ⁴ கச்சான, ஹேது, கோ பச்சயோ, யேனேதங் அப்³யாகதங் ஸமணேன கோ³தமேனா’’தி? ‘‘யோ ச, வச்ச², ஹேது, யோ ச பச்சயோ பஞ்ஞாபனாய ரூபீதி வா அரூபீதி வா ஸஞ்ஞீதி வா அஸஞ்ஞீதி வா நேவஸஞ்ஞீனாஸஞ்ஞீதி வா, ஸோ ச ஹேது, ஸோ ச பச்சயோ ஸப்³பே³ன ஸப்³ப³ங் ஸப்³ப³தா² ஸப்³ப³ங் அபரிஸேஸங் நிருஜ்ஜெ²ய்ய. கேன நங் பஞ்ஞாபயமானோ பஞ்ஞாபெய்ய ரூபீதி வா அரூபீதி வா ஸஞ்ஞீதி வா அஸஞ்ஞீதி வா நேவஸஞ்ஞீனாஸஞ்ஞீதி வா’’தி. ‘‘கீவசிரங் பப்³ப³ஜிதோஸி, போ⁴ கச்சானா’’தி? ‘‘நசிரங், ஆவுஸோ, தீணி வஸ்ஸானீ’’தி. ‘‘யஸ்ஸப’ஸ்ஸ, ஆவுஸோ, ஏதமெத்தகேன எத்தகமேவ தங்ப’ஸ்ஸ ப³ஹு, கோ பன வாதோ³ ஏவங் கோ பன வாதோ³ ஏவ (ஸீ॰ பீ॰) அபி⁴க்கந்தே’’தி! ஏகாத³ஸமங்.
அப்³யாகதஸங்யுத்தங் ஸமத்தங்.
தஸ்ஸுத்³தா³னங் –
கே²மாதே²ரீ அனுராதோ⁴, ஸாரிபுத்தோதி கொட்டி²கோ;
மொக்³க³ல்லானோ ச வச்சோ² ச, குதூஹலஸாலானந்தோ³;
ஸபி⁴யோ ஏகாத³ஸமந்தி;
ஸளாயதனவக்³கோ³ சதுத்தோ².
தஸ்ஸுத்³தா³னங் –
ஸளாயதனவேத³னா, மாதுகா³மோ ஜம்பு³கா²த³கோ;
ஸாமண்ட³கோ மொக்³க³ல்லானோ, சித்தோ கா³மணி ஸங்க²தங்;
அப்³யாகதந்தி த³ஸதா⁴தி.
ஸளாயதனவக்³க³ஸங்யுத்தபாளி நிட்டி²தா.