4. இந்த்³ரியஸங்யுத்தங்
1. ஸுத்³தி⁴கவக்³கோ³
1. ஸுத்³தி⁴கஸுத்தவண்ணனா
471. இந்த்³ரியஸங்யுத்தஸ்ஸ ஸத்³தி⁴ந்த்³ரியங் ஸதிந்த்³ரியங் பஞ்ஞிந்த்³ரியந்தி இமானி தீணி சதுபூ⁴மககுஸலவிபாகேஸு சேவ கிரியாஸு ச லப்³ப⁴ந்தி. வீரியிந்த்³ரியஸமாதி⁴ந்த்³ரியானி சதுபூ⁴மககுஸலே அகுஸலே விபாகே கிரியாயாதி ஸப்³ப³த்த² லப்³ப⁴ந்தி. இதி இத³ங் ஸுத்தங் சதுபூ⁴மகஸப்³ப³ஸங்கா³ஹகத⁴ம்மபரிச்சே²த³வஸேன வுத்தந்தி வேதி³தப்³ப³ங்.
7. து³தியஸமணப்³ராஹ்மணஸுத்தவண்ணனா
477. ஸத்தமே ஸத்³தி⁴ந்த்³ரியங் நப்பஜானந்தீதி து³க்க²ஸச்சவஸேன ந பஜானந்தி. ஸத்³தி⁴ந்த்³ரியஸமுத³யங் நப்பஜானந்தீதி ஸமுத³யஸச்சவஸேன ந பஜானந்தி. ஏவங் நிரோத⁴ங் நிரோத⁴ஸச்சவஸேன, படிபத³ங் மக்³க³ஸச்சவஸேனாதி. ஸேஸேஸுபி ஏஸேவ நயோ.
ஸுக்கபக்கே² பன அதி⁴மொக்க²வஸேன ஆவஜ்ஜனஸமுத³யா ஸத்³தி⁴ந்த்³ரியஸமுத³யோ ஹோதி, பக்³க³ஹவஸேன ஆவஜ்ஜனஸமுத³யா வீரியிந்த்³ரியஸமுத³யோ, உபட்டா²னவஸேன ஆவஜ்ஜனஸமுத³யா ஸதிந்த்³ரியஸமுத³யோ, அவிக்கே²பவஸேன ஆவஜ்ஜனஸமுத³யா ஸமாதி⁴ந்த்³ரியஸமுத³யோ, த³ஸ்ஸனவஸேன ஆவஜ்ஜனஸமுத³யா பஞ்ஞிந்த்³ரியஸமுத³யோ ஹோதி. ததா² ச²ந்த³வஸேன ஆவஜ்ஜனஸமுத³யா ஸத்³தி⁴ந்த்³ரியஸமுத³யோ ஹோதி, ச²ந்த³வஸேன ஆவஜ்ஜனஸமுத³யா வீரியஸதிஸமாதி⁴பஞ்ஞிந்த்³ரியஸமுத³யோ ஹோதி. மனஸிகாரவஸேன ஆவஜ்ஜனஸமுத³யா ஸத்³தி⁴ந்த்³ரியஸமுத³யோ ஹோதி. மனஸிகாரவஸேன ஆவஜ்ஜனஸமுத³யா வீரியஸதிஸமாதி⁴பஞ்ஞிந்த்³ரியஸமுத³யோ
8. த³ட்ட²ப்³ப³ஸுத்தவண்ணனா
478. அட்ட²மே கத்த² ச, பி⁴க்க²வே, ஸத்³தி⁴ந்த்³ரியங் த³ட்ட²ப்³ப³ங், சதூஸு ஸோதாபத்தியங்கே³ஸூதிஆதி³ இமேஸங் இந்த்³ரியானங் ஸவிஸயே ஜெட்ட²கபா⁴வத³ஸ்ஸனத்த²ங் வுத்தங். யதா² ஹி சத்தாரோ ஸெட்டி²புத்தா ராஜாதி ராஜபஞ்சமேஸு ஸஹாயேஸு ‘‘நக்க²த்தங்
9-10. பட²மவிப⁴ங்க³ஸுத்தாதி³வண்ணனா
479-480. நவமே ஸதினேபக்கேனாதி எத்த² நிபகஸ்ஸ பா⁴வோ நேபக்கங், பஞ்ஞாயேதங் நாமங். கஸ்மா பன ஸதிபா⁴ஜனே பஞ்ஞா வுத்தாதி? ஸதியா ப³லவபா⁴வத³ஸ்ஸனத்த²ங். ப³லவஸதி ஹி இத⁴ அதி⁴ப்பேதா. ஸா ச பஞ்ஞாஸம்பயுத்தாவ ப³லவதீ ஹோதி, ந விப்பயுத்தாதி பஞ்ஞாஸம்பயுத்தஸதிங் த³ஸ்ஸெந்தோ சிரகதந்தி சிரகாலங் கதங் தா³னங் வா ஸீலங் வா உபோஸத²கம்மங் வா. சிரபா⁴ஸிதந்தி ‘‘அஸுகஸ்மிங் டா²னே அஸுகங் நாம பா⁴ஸித’’ந்தி ஏவங் சிரகாலே பா⁴ஸிதங். வொஸ்ஸக்³கா³ரம்மணங் கத்வாதி நிப்³பா³னாரம்மணங் கத்வா. உத³யத்த²கா³மினியாதி உத³யஞ்ச அத்த²ஞ்ச க³ச்ச²ந்தியா, உத³யப்³ப³யபரிக்³க³ஹிகாயாதி அத்தோ². இமஸ்மிங் ஸுத்தே ஸத்³தா⁴ஸதிபஞ்ஞிந்த்³ரியானி புப்³ப³பா⁴கா³னி, வீரியிந்த்³ரியங் மிஸ்ஸகங், ஸமாதி⁴ந்த்³ரியங் நிப்³ப³த்திதலோகுத்தரமேவ கதி²தங். த³ஸமேபி அயமேவ த⁴ம்மபரிச்சே²தோ³தி.
ஸுத்³தி⁴கவக்³கோ³ பட²மோ.
2. முது³தரவக்³கோ³
1. படிலாப⁴ஸுத்தவண்ணனா
481. து³தியவக்³க³ஸ்ஸ பட²மே ஸம்மப்பதா⁴னே ஆரப்³பா⁴தி ஸம்மப்பதா⁴னே படிச்ச, ஸம்மப்பதா⁴னே பா⁴வெந்தோதி அத்தோ². ஸதிந்த்³ரியேபி ஏஸேவ நயோ.
2. பட²மஸங்கி²த்தஸுத்தவண்ணனா
482. து³தியே ததோதி விபஸ்ஸனாமக்³க³ப²லவஸேன நிஸ்ஸக்கங் வேதி³தப்³ப³ங். ஸமத்தாநி ஹி பரிபுண்ணானி பஞ்சிந்த்³ரியானி அரஹத்தமக்³க³ஸ்ஸ விபஸ்ஸனிந்த்³ரியானி நாம ஹொந்தி. ததோ முது³தரேஹீதி தேஹி அரஹத்தமக்³க³ஸ்ஸ விபஸ்ஸனிந்த்³ரியேஹி முது³தரானி அனாகா³மிமக்³க³ஸ்ஸ விபஸ்ஸனிந்த்³ரியானி நாம ஹொந்தி, ததோ முது³தரானி ஸகதா³கா³மிமக்³க³ஸ்ஸ, ததோ முது³தரானி ஸோதாபத்திமக்³க³ஸ்ஸ விபஸ்ஸனிந்த்³ரியானி
ததா²
ஸமத்தானி
த⁴ம்மானுஸாரிஸ்ஸ பன மக்³கோ³ திக்கோ² ஹோதி, ஸூரங் ஞாணங் வஹதி, அஸங்கா²ரேன அப்பயோகே³ன கிலேஸே சி²ந்த³தி கத³லிக்க²ந்த⁴ங் விய திகி²ணா அஸிதா⁴ரா. ஸத்³தா⁴னுஸாரிஸ்ஸ ந தஸ்ஸ விய மக்³கோ³ திக்கோ² ஹோதி, ந ஸூரங் ஞாணங் வஹதி, ஸஸங்கா²ரேன ஸப்பயோகே³ன கிலேஸே சி²ந்த³தி கத³லிக்க²ந்த⁴ங் விய அதிகி²ணா அஸிதா⁴ரா. கிலேஸக்க²யே பன தேஸங் நானத்தங் நத்தி². அவஸேஸா ச கிலேஸா கீ²யந்தி.
3. து³தியஸங்கி²த்தஸுத்தவண்ணனா
483. ததியே ததோதி ப²லவஸேன நிஸ்ஸக்கங் வேதி³தப்³ப³ங். ஸமத்தானி ஹி பரிபுண்ணானி பஞ்சிந்த்³ரியானி அரஹத்தப²லிந்த்³ரியானி நாம ஹொந்தி, அரஹத்தப²லேன ஸமன்னாக³தோ புக்³க³லோ அரஹா நாம ஹோதி. அரஹத்தப²லதோ முது³தரானி அனாகா³மிப²லிந்த்³ரியானி நாம ஹொந்தி, ததோ முது³தரானி ஸகதா³கா³மிப²லிந்த்³ரியானி, ததோ முது³தரானி ஸோதாபத்திப²லிந்த்³ரியானி, ஸோதாபத்திப²லேன ஸமன்னாக³தோ இந்த்³ரியவேமத்ததா ப²லவேமத்ததா ஹோதீதி இந்த்³ரியனானத்தேன ப²லனானத்தங், ப²லனானத்தேன புக்³க³லனானத்தந்தி.
4. ததியஸங்கி²த்தஸுத்தவண்ணனா
484. சதுத்தே² பரிபூரங் பரிபூரகாரீ ஆராதே⁴தீதி பரிபூரங் அரஹத்தமக்³க³ங் கரொந்தோ அரஹத்தப²லங் ஆராதே⁴தி. பதே³ஸங் பதே³ஸகாரீதி
5-7. பட²மவித்தா²ரஸுத்தாதி³வண்ணனா
485-487. பஞ்சமே ததோ முது³தரேஹீதி விபஸ்ஸனாவஸேன நிஸ்ஸக்கங் வேதி³தப்³ப³ங். பரிபுண்ணானி ஹி பஞ்சிந்த்³ரியானி அரஹத்தமக்³க³ஸ்ஸ விபஸ்ஸனிந்த்³ரியானி ஹொந்தி, ததோ முது³தரானி அந்தராபரினிப்³பா³யிஸ்ஸ விபஸ்ஸனிந்த்³ரியானி, ததோ முது³தரானி உபஹச்சபரினிப்³பா³யிஸ்ஸ, ததோ முது³தரானி அஸங்கா²ரபரினிப்³பா³யிஸ்ஸ, ததோ முது³தரானி ஸஸங்கா²ரபரினிப்³பா³யிஸ்ஸ, ததோ முது³தரானி உத்³த⁴ங்ஸோதஅகனிட்ட²கா³மிஸ்ஸ விபஸ்ஸனிந்த்³ரியானி நாம ஹொந்தி.
இமஸ்மிங் பன டா²னே அரஹத்தமக்³கே³யேவ ட²த்வா பஞ்ச நிஸ்ஸக்கானி நீஹரிதப்³பா³னி. அரஹத்தமக்³க³ஸ்ஸ ஹி விபஸ்ஸனிந்த்³ரியேஹி முது³தரானி பட²மஅந்தராபரினிப்³பா³யிஸ்ஸ விபஸ்ஸனிந்த்³ரியானி, ததோ முது³தரானி து³தியஅந்தராபரினிப்³பா³யிஸ்ஸ, ததோ முது³தரானி ததியஅந்தராபரினிப்³பா³யிஸ்ஸ, ததோ முது³தரானி உபஹச்சபரினிப்³பா³யிஸ்ஸ, ததோ முது³தரானி உத்³த⁴ங்ஸோதஅகனிட்ட²கா³மிஸ்ஸ விபஸ்ஸனிந்த்³ரியானி. அஸங்கா²ரபரினிப்³பா³யிஸ்ஸ ஸஸங்கா²ரபரினிப்³பா³யினோபி ஏதேவ பஞ்ச ஜனா.
இதா³னி தீணி நிஸ்ஸக்கானி. ஸகதா³கா³மிமக்³க³ஸ்ஸ ஹி இந்த்³ரியேஹி முது³தரானி ஸோதாபத்திமக்³கி³ந்த்³ரியானி, ஸோதாபத்திமக்³கே³யேவ இந்த்³ரியேஹி முது³தரானி த⁴ம்மானுஸாரிமக்³கி³ந்த்³ரியானி. தேஹிபி முது³தரானி ஸத்³தா⁴னுஸாரிமக்³கி³ந்த்³ரியானி. ச²ட்ட²ஸத்தமானி வுத்தனயானேவ. இமேஸு பன தீஸுபி ஸுத்தேஸு புப்³ப³பா⁴க³விபஸ்ஸனிந்த்³ரியானேவ கதி²தானி.
8. படிபன்னஸுத்தவண்ணனா
488. அட்ட²மே ததோ முது³தரேஹீதி மக்³க³ப²லவஸேன நிஸ்ஸக்கங் வேதி³தப்³ப³ங். தங் பாளியங் வுத்தமேவ. பா³ஹிரோதி புது²ஜ்ஜனபக்கே² டி²தோதி புது²ஜ்ஜனகொட்டா²ஸே டி²தோ. இமஸ்மிங் ஸுத்தே லோகுத்தரானேவ இந்த்³ரியானி கதி²தானி.
9-10. ஸம்பன்னஸுத்தாதி³வண்ணனா
489-490. நவமே இந்த்³ரியஸம்பன்னோதி பரிபுண்ணிந்த்³ரியோ. த³ஸமங் உத்தானமேவ. இமஸ்மிங் ஸுத்தத்³வயே மிஸ்ஸகானி இந்த்³ரியானி கதி²தானீதி.
முது³தரவக்³கோ³ து³தியோ.
3. ச²ளிந்த்³ரியவக்³கோ³
2. ஜீவிதிந்த்³ரியஸுத்தவண்ணனா
492. ததியவக்³க³ஸ்ஸ து³தியே இத்தி²ந்த்³ரியந்திஆதீ³ஸு இத்தி²பா⁴வே இந்த³ட்ட²ங் கரோதீதி இத்தி²ந்த்³ரியங். புரிஸபா⁴வே இந்த³ட்ட²ங் கரோதீதி புரிஸிந்த்³ரியங். ஜீவிதே இந்த³ட்ட²ங் கரோதீதி ஜீவிதிந்த்³ரியங். அத்து²ப்பத்திகங் கிரேதங் ஸுத்தங். ஸங்க⁴மஜ்ஜ²ஸ்மிஞ்ஹி ‘‘கதி நு கோ² வட்டிந்த்³ரியானீ’’தி கதா² உத³பாதி³, அத² ப⁴க³வா வட்டிந்த்³ரியானி த³ஸ்ஸெந்தோ தீணிமானி பி⁴க்க²வேதிஆதி³மாஹ.
3. அஞ்ஞிந்த்³ரியஸுத்தவண்ணனா
493. ததியே அனஞ்ஞாதஞ்ஞஸ்ஸாமீதிந்த்³ரியந்தி ‘‘அனமதக்³கே³ ஸங்ஸாரே அஜானிதபுப்³ப³ங் த⁴ம்மங் ஜானிஸ்ஸாமீ’’தி படிபன்னஸ்ஸ ஸோதாபத்திமக்³க³க்க²ணே உப்பன்னங் இந்த்³ரியங். அஞ்ஞிந்த்³ரியந்தி தேஸங்யேவ ஞாதத⁴ம்மானங் ஆஜானநாகாரேன ஸோதாபத்திப²லாதீ³ஸு ச²ஸு டா²னேஸு உப்பன்னங் இந்த்³ரியங். அஞ்ஞாதாவிந்த்³ரியந்தி தீணிமானி, பி⁴க்க²வே, இந்த்³ரியானீதிஆதி³மாஹ.
4. ஏகபீ³ஜீஸுத்தவண்ணனா
494. சதுத்தே² ததோ முது³தரேஹீதி விபஸ்ஸனதோ நிஸ்ஸக்கங் வேதி³தப்³ப³ங். ஸமத்தானி ஹி பஞ்சிந்த்³ரியானி அரஹத்தமக்³க³ஸ்ஸ விபஸ்ஸனிந்த்³ரியானி நாம ஹொந்தி, ததோ முது³தரானி
யதா² பன புரிமனயே ஸகதா³கா³மிமக்³கே³ ட²த்வா தீணி நிஸ்ஸக்கானி, ஏவமித⁴ பஞ்ச நீஹரிதப்³பா³னி. ஸகதா³கா³மிமக்³க³ஸ்ஸ ஹி விபஸ்ஸனிந்த்³ரியேஹி முது³தரானி ஸோதாபத்திமக்³க³ஸ்ஸ விபஸ்ஸனிந்த்³ரியானி, ஸோதாபத்திமக்³க³ஸ்ஸ ச தேஹி விபஸ்ஸனிந்த்³ரியேஹி முது³தரானி ஏகபீ³ஜிஆதீ³னங் மக்³க³ஸ்ஸ விபஸ்ஸனிந்த்³ரியானி.
எத்த² ச ஏகபீ³ஜீதிஆதீ³ஸு யோ ஸோதாபன்னோ ஹுத்வா ஏகமேவ அத்தபா⁴வங் ஜனெத்வா அரஹத்தங் பாபுணாதி, அயங் ஏகபீ³ஜீ நாம. யதா²ஹ ‘‘கதமோ ச புக்³க³லோ ஏகபீ³ஜீ, இதே⁴கச்சோ புக்³க³லோ திண்ணங் ஸங்யோஜனானங் பரிக்க²யா ஸோதாபன்னோ ஹோதி அவினிபாதத⁴ம்மோ நியதோ ஸம்போ³தி⁴பராயணோ, ஸோ ஏகஞ்ஞேவ மானுஸகங் ப⁴வங் ஸந்தா⁴வித்வா ஸங்ஸரித்வா து³க்க²ஸ்ஸந்தங் கரோதி. அயங் வுச்சதி புக்³க³லோ ஏகபீ³ஜீ’’தி (பு॰ ப॰ 33).
யோ பன த்³வே தயோ ப⁴வே ஸங்ஸரித்வா து³க்க²ஸ்ஸந்தங் கரோதி, அயங் கோலங்கோலோ நாம. யதா²ஹ ‘‘கதமோ ச புக்³க³லோ கோலங்கோலோ. இதே⁴கச்சோ புக்³க³லோ திண்ணங் ஸங்யோஜனானங் பரிக்க²யா ஸோதாபன்னோ ஹோதி அவினிபாதத⁴ம்மோ நியதோ ஸம்போ³தி⁴பராயணோ, ஸோ த்³வே வா தீணி வா குலானி
யஸ்ஸ ஸத்தக்க²த்துங் பரமா உபபத்தி, அட்ட²மங் ப⁴வங் நாதி³யதி, அயங் ஸத்தக்க²த்துபரமோ நாம. யதா²ஹ ‘‘கதமோ ச புக்³க³லோ ஸத்தக்க²த்துபரமோ. இதே⁴கச்சோ புக்³க³லோ திண்ணங் ஸங்யோஜனானங் பரிக்க²யா ஸோதாபன்னோ ஹோதி அவினிபாதத⁴ம்மோ நியதோ ஸம்போ³தி⁴பராயணோ, ஸோ ஸத்தக்க²த்துங் தே³வே ச மனுஸ்ஸே ச ஸந்தா⁴வித்வா ஸங்ஸரித்வா து³க்க²ஸ்ஸந்தங் கரோதி, அயங் வுச்சதி புக்³க³லோ ஸத்தக்க²த்துபரமோ’’தி (பு॰ ப॰ 31).
ப⁴க³வதா
கோ பன நேஸங் ஏதங் பபே⁴த³ங் நியமேதீதி? கேசி பன தே²ரா ‘‘புப்³ப³ஹேது நியமேதீ’’தி வத³ந்தி, கேசி ‘‘பட²மமக்³கோ³’’, கேசி ‘‘உபரிம தயோ மக்³கா³’’, கேசி ‘‘திண்ணங் மக்³கா³னங் விபஸ்ஸனா’’தி. தத்த² ‘‘புப்³ப³ஹேது நியமேதீ’’தி வாதே³ பட²மமக்³க³ஸ்ஸ உபனிஸ்ஸயோ
ஏகச்சோ ஹி ஸோதாபன்னோ வட்டஜ்ஜா²ஸயோ ஹோதி வட்டாபி⁴ரதோ புனப்புனங் வட்டஸ்மிங்யேவ விசரதி ஸந்தி³ஸ்ஸதி. அனாத²பிண்டி³கோ ஸெட்டி², விஸாகா² உபாஸிகா, சூளரத²மஹாரதா² தே³வபுத்தா, அனேகவண்ணோ தே³வபுத்தோ, ஸக்கோ தே³வராஜா, நாக³த³த்தோ தே³வபுத்தோதி இமே ஹி எத்தகா ஜனா வட்டஜ்ஜா²ஸயா வட்டாபி⁴ரதா ஆதி³தோ பட்டா²ய ச² தே³வலோகே ஸோதெ⁴த்வா அகனிட்டே² ட²த்வா பரினிப்³பா³யிஸ்ஸந்தி
த⁴ம்மானுஸாரீ ஸத்³தா⁴னுஸாரீதி எத்த² பன இமஸ்மிங் ஸாஸனே லோகுத்தரத⁴ம்மங் நிப்³ப³த்தெந்தஸ்ஸ த்³வே து⁴ரானி, த்³வே ஸீஸானி, த்³வே அபி⁴னிவேஸா – ஸத்³தா⁴து⁴ரங், பஞ்ஞாது⁴ரங்
யோ பன ‘‘ஸசே பஞ்ஞாய ஸக்கா நிப்³ப³த்தேதுங், நிப்³ப³த்தெஸ்ஸாமி லோகுத்தரமக்³க³’’ந்தி பஞ்ஞங் து⁴ரங் கத்வா ஸோதாபத்திமக்³க³ங் நிப்³ப³த்தேதி, ஸோ மக்³க³க்க²ணே த⁴ம்மானுஸாரீ நாம ஹோதி. ப²லக்க²ணே பன பஞ்ஞாவிமுத்தோ நாம ஹுத்வா ஏகபீ³ஜிஆதி³பே⁴தே³ன த்³வாத³ஸபே⁴தோ³வ ஹோதி. ஏவங் த்³வே மக்³க³ட்டா² ப²லக்க²ணே சதுவீஸதி ஸோதாபன்னா ஹொந்தீதி.
திபிடகதிஸ்ஸத்தே²ரோ கிர ‘‘தீணி பிடகானி ஸோதெ⁴ஸ்ஸாமீ’’தி பரதீரங் க³தோ. தங் ஏகோ குடும்பி³கோ சதூஹி பச்சயேஹி உபட்டா²ஸி, தே²ரோ ஆக³மனகாலே ‘‘க³ச்சா²மி உபாஸகா’’தி ஆஹ. ‘‘கஹங் ப⁴ந்தே’’தி? ‘‘அம்ஹாகங் ஆசரியுபஜ்ஜா²யானங் ஸந்திக’’ந்தி. ‘‘ந ஸக்கா, ப⁴ந்தே, மயா க³ந்துங், ப⁴த்³த³ந்தங் பன நிஸ்ஸாய மயா ஸாஸனஸ்ஸ கு³ணோ ஞாதோ, தும்ஹாகங் பரம்முகா² கீதி³ஸங் பி⁴க்கு²ங் உபஸங்கமாமீ’’தி? அத² நங் தே²ரோ ஆஹ – ‘‘யோ பி⁴க்கு² சதுவீஸதி ஸோதாபன்னே த்³வாத³ஸ ஸகதா³கா³மீ அட்ட²சத்தாலீஸ அனாகா³மீ த்³வாத³ஸ அரஹந்தே த³ஸ்ஸெத்வா த⁴ம்மகத²ங் கதே²துங் ஸக்கோதி, ஏவரூபங் பி⁴க்கு²ங் உபட்டா²துங் வட்டதீ’’தி. இமஸ்மிங் ஸுத்தே விபஸ்ஸனா கதி²தாதி.
5-10. ஸுத்³த⁴கஸுத்தாதி³வண்ணனா
495-500. பஞ்சமே சக்கு²ந்த்³ரியங். ஸோதிந்த்³ரியாதீ³ஸுபி ஏஸேவ நயோ. ஸேஸங் ஸப்³ப³த்த² உத்தானமேவ. இமஸ்மிங் வக்³கே³ பட²மஸுத்தஞ்சேவ ச²ட்டா²தீ³னி ச பஞ்சாதி ச² ஸுத்தானி சதுஸச்சவஸேன கதி²தானீதி.
ச²ளிந்த்³ரியவக்³கோ³ ததியோ.
4. ஸுகி²ந்த்³ரியவக்³கோ³
1-5. ஸுத்³தி⁴கஸுத்தாதி³வண்ணனா
501-505. சதுத்த²வக்³க³ஸ்ஸ ஸுகி²ந்த்³ரியங். து³க்கி²ந்த்³ரியாதீ³ஸுபி ஏஸேவ நயோ. எத்த²
6. பட²மவிப⁴ங்க³ஸுத்தவண்ணனா
506. ச²ட்டே² காயிகந்தி காயபஸாத³வத்து²கங். ஸுக²ந்தி அயமஸ்ஸ ஸரூபனித்³தே³ஸோ. ஸாதந்தி தஸ்ஸேவ வேவசனங், மது⁴ரந்தி வுத்தங் ஹோதி. காயஸம்ப²ஸ்ஸஜந்தி காயஸம்ப²ஸ்ஸதோ ஜாதங். ஸுக²ங் ஸாதந்தி வுத்தனயமேவ. வேத³யிதந்தி அயமஸ்ஸ ஸப்³ப³வேத³னாஸாதா⁴ரணோ அஞ்ஞத⁴ம்மவிஸிட்டோ² ஸபா⁴வனித்³தே³ஸோ. இமினா நயேன ஸேஸேஸுபி அத்தோ² வேதி³தப்³போ³. காயிகங் வா சேதஸிகங் வாதி எத்த² பன சக்கா²த³யோ சத்தாரோ பஸாத³காயே வத்து²ங் கத்வா உப்பத்திவஸேன காயிகந்தி வுத்தங். காயபஸாத³வத்து²கங் பன அது³க்க²மஸுக²ங் நாம நத்தி².
9. கட்டோ²பமஸுத்தவண்ணனா
509. நவமே த்³வின்னங் கட்டா²னந்தி த்³வின்னங் அரணீனங். ஸங்க⁴ட்டனஸமோதா⁴னாதி ஸங்க⁴ட்டனேன சேவ ஸமோதா⁴னேன ச. உஸ்மாதி உஸுமாகாரோ. தேஜோதி அக்³கி³தூ⁴மோ. எத்த² ச அத⁴ராரணீ விய வத்தா²ரம்மணங், உத்தராரணீ விய ப²ஸ்ஸோ, ஸங்க⁴ட்டோ விய ப²ஸ்ஸஸங்க⁴ட்டனங், அக்³கி³ விய வேத³னா த³ட்ட²ப்³பா³. வத்தா²ரம்மணங் வா உத்தராரணீ விய, ப²ஸ்ஸோ அத⁴ராரணீ விய த³ட்ட²ப்³போ³.
10. உப்படிபாடிகஸுத்தவண்ணனா
510. த³ஸமங் யதா²த⁴ம்மரஸேன படிபாடியா வுத்தம்பி இமஸ்மிங் இந்த்³ரியவிப⁴ங்கே³ ஸேஸஸுத்தானி விய அதே³ஸிதத்தா உப்படிபாடிகஸுத்தங் நாமாதி வேதி³தப்³ப³ங். தத்த² நிமித்தந்திஆதீ³னி ஸப்³பா³னி பச்சயவேவசனானேவ. து³க்கி²ந்த்³ரியஞ்ச பஜானாதீதி து³க்க²ஸச்சவஸேனேவ பஜானாதி. து³க்கி²ந்த்³ரியஸமுத³யந்தி கண்டகேன வா வித்³த⁴ஸ்ஸ மங்குலேன
பரதோ தோ³மனஸ்ஸிந்த்³ரியஸமுத³யந்திஆதீ³ஸுபி தேஸங் தேஸங் காரணவஸேனேவ ஸமுத³யோ வேதி³தப்³போ³. பத்தசீவராதீ³னங் வா ஹி ஸங்கா²ரானங் ஸத்³தி⁴விஹாரிகாதீ³னங் வா ஸத்தானங் வினாஸேன தோ³மனஸ்ஸிந்த்³ரியங் உப்பஜ்ஜதீதி தேஸங் வினாஸங் தஸ்ஸ ஸமுத³யோதி பஜானாதி. ஸுபோ⁴ஜனங் பு⁴ஞ்ஜித்வா வரஸயனே நிபன்னஸ்ஸ ஹத்த²பாத³ஸம்பா³ஹனதாலவண்டவாதாதி³ஸம்ப²ஸ்ஸேன ஸுகி²ந்த்³ரியங் உப்பஜ்ஜதி, தங் ப²ஸ்ஸங் தஸ்ஸ ஸமுத³யோதி பஜானாதி. வுத்தப்பகாரானங் பன ஸத்தஸங்கா²ரானங் மனாபானங் படிலாப⁴வஸேன ஸோமனஸ்ஸிந்த்³ரியங் உப்பஜ்ஜதி, தங் படிலாப⁴ங் தஸ்ஸ ஸமுத³யோதி பஜானாதி. மஜ்ஜ²த்தாகாரேன பன உபெக்கி²ந்த்³ரியங் உப்பஜ்ஜதி, தங் ஸத்தஸங்கா²ரேஸு மஜ்ஜ²த்தாகாரங் தஸ்ஸ ஸமுத³யோதி பஜானாதி.
கத்த² சுப்பன்னங் து³க்கி²ந்த்³ரியங் அபரிஸேஸங் நிருஜ்ஜ²தி, இத⁴, பி⁴க்க²வே, பி⁴க்கு² விவிச்சேவ காமேஹீதிஆதீ³ஸு பன அயங் ஏகதோவ வினிச்ச²யகதா² – து³க்கி²ந்த்³ரியஞ்ஹி பட²மஜ்ஜா²னஸ்ஸ உபசாரக்க²ணேயேவ நிருஜ்ஜ²தி பஹீனங் ஹோதி, தோ³மனஸ்ஸாதீ³னி து³தியஜ்ஜா²னாதீ³னங். ஏவங் ஸந்தேபி தேஸங் அதிஸயனிரோத⁴த்தா அயங் ஜா²னேஸுயேவ நிரோதோ⁴ வுத்தோ. அதிஸயனிரோதோ⁴ ஹி தேஸங் பட²மஜ்ஜா²னாதீ³ஸு, ந நிரோதோ⁴யேவ, நிரோதோ⁴யேவ பன உபசாரக்க²ணே, நாதிஸயனிரோதோ⁴. ததா² ஹி நானாவஜ்ஜனே
யங் பனெத்த² தத³த்தா²ய சித்தங் உபஸங்ஹரதீதி வுத்தங், தத்த² அலாபீ⁴ ஸமானோ உப்பாத³னத்தா²ய சித்தங் உபஸங்ஹரதி, லாபீ⁴ ஸமானோ ஸமாபஜ்ஜனத்தா²யாதி ஏவமத்தோ² வேதி³தப்³போ³. இமேஸு த்³வீஸுபி ஸுத்தேஸு ஸம்மஸனவாரோவ கதி²தோதி.
ஸுகி²ந்த்³ரியவக்³கோ³ சதுத்தோ².
5. ஜராவக்³கோ³
1. ஜராத⁴ம்மஸுத்தவண்ணனா
511. பஞ்சமவக்³க³ஸ்ஸ பட²மே பச்சா²தபேதி பாஸாத³ச்சா²யாய புரத்தி²மதி³ஸங் படிச்ச²ன்னத்தா பாஸாத³ஸ்ஸ பச்சி²மதி³ஸாபா⁴கே³ ஆதபோ ஹோதி, தஸ்மிங் டா²னே பஞ்ஞத்தவரபு³த்³தா⁴ஸனே நிஸின்னோதி அத்தோ² பிட்டி²ங் ஓதாபயமானோதி யஸ்மா ஸம்மாஸம்பு³த்³த⁴ஸ்ஸபி உபாதி³ன்னகஸரீரே உண்ஹகாலே உண்ஹங் ஹோதி, ஸீதகாலே ஸீதங், அயஞ்ச ஹிமபாதஸீதஸமயோ. தஸ்மா மஹாசீவரங் ஓதாரெத்வா ஸூரியரஸ்மீஹி பிட்டி²ங் ஓதாபயமானோ நிஸீதி³.
கிங் பன பு³த்³த⁴ரஸ்மியோ மத்³தி³த்வா ஸூரியரஸ்மி அந்தோ பவிஸிதுங் ஸக்கோதீதி? ந ஸக்கோதி. ஏவங் ஸந்தே கிங் தாபேதீதி? ரஸ்மிதேஜங். யதே²வ ஹி டி²தமஜ்ஜ²ன்ஹிகே பரிமண்ட³லாய
அனோமஜ்ஜந்தோதி பிட்டி²பரிகம்மகரணவஸேன அனுமஜ்ஜந்தோ. அச்ச²ரியங் ப⁴ந்தேதி தே²ரோ ப⁴க³வதோ பிட்டி²தோ மஹாசீவரங் ஓதாரெத்வா நிஸின்னஸ்ஸ த்³வின்னங்
ந சேவங் தா³னி, ப⁴ந்தே, ப⁴க³வதோ தாவ பரிஸுத்³தோ⁴தி யதா² பகதியா ச²விவண்ணோ பரிஸுத்³தோ⁴, ந ஏவமேதரஹீதி தீ³பெந்தோ ஏவமாஹ. ததா²க³தஸ்ஸ ஹி த³ஹரகாலே ஸங்குஸதஸமப்³பா⁴ஹதங் உஸப⁴சம்மங் விய விஹதவலிகோ காயோ ஹோதி, தஸ்மிங் ட²பிதோ ஹத்தோ² ப⁴ஸ்ஸதேவ, ந ஸந்திட்ட²தி, தேலபுஞ்ச²னாகாரப்பத்தோ விய ஹோதி. மஹல்லககாலே பன ஸிராஜாலா மிலாயந்தி, ஸந்தி⁴பப்³பா³னி ஸிதி²லானி ஹொந்தி, மங்ஸங் அட்டி²தோ முச்சித்வா ஸிதி²லபா⁴வங் ஆபஜ்ஜித்வா தத்த² தத்த² ஓலம்ப³தி. பு³த்³தா⁴னங் பன ஏவரூபங் ந ஹோதி. அஞ்ஞேஸங் அபாகடங், ஸந்திகாவசரத்தா ஆனந்த³த்தே²ரஸ்ஸேவ பாகடங் ஹோதி, தஸ்மா ஏவமாஹ.
ஸிதி²லானி ச க³த்தானீதி அஞ்ஞேஸங் முகே² அங்ஸகூடந்தரேஹி தேஸு தேஸு டா²னேஸு வலியோ ஸந்திட்ட²ந்தி, ஸத்து² பனேதங் நத்தி², தே²ரோ ச த்³வின்னங் அங்ஸகூடானங் அந்தரே வலியாவட்டகங் தி³ஸ்வா ஏவமாஹ. ஸப்³பா³னி வலியஜாதானீதி இத³ம்பி அத்தனோ பாகடவஸேன ஏவமாஹ – ஸத்து² பன அஞ்ஞேஸங் விய வலியோ நாம நத்தி². புரதோ பப்³பா⁴ரோ ச காயோதி ஸத்தா² ப்³ரஹ்முஜுக³த்தோ, தே³வனக³ரே ஸமுஸ்ஸிதஸுவண்ணதோரணங் வியஸ்ஸ காயோ உஜுகமேவ உக்³க³தோ. மஹல்லககாலே பன காயோ புரதோ வங்கோ தி³ஸ்ஸதி ச இந்த்³ரியானங் அஞ்ஞத²த்தந்தி இந்த்³ரியானி நாம ந சக்கு²விஞ்ஞெய்யானி. யதோ பன பகதியா பரிஸுத்³தோ⁴ ச²விவண்ணோ, இதா³னி ந ததா² பரிஸுத்³தோ⁴, அங்ஸகூடந்தரே வலி பஞ்ஞாயதி தீ⁴ தங் ஜம்மி ஜரே அத்தூ²தி லாமகே ஜரே தீ⁴ தங் துய்ஹங் ஹோது, தி⁴க்காரோ தங் பு²ஸது. பி³ம்ப³ந்தி அத்தபா⁴வோ.
2. உண்ணாப⁴ப்³ராஹ்மணஸுத்தவண்ணனா
512. து³தியே கோ³சரவிஸயந்தி கோ³சரபூ⁴தங் விஸயங். அஞ்ஞமஞ்ஞஸ்ஸாதி சக்கு² ஸோதஸ்ஸ, ஸோதங் வா சக்கு²ஸ்ஸாதி ஏவங் ஏகங் ஏகஸ்ஸ கோ³சரவிஸயங் ந பச்சனுபோ⁴தி. ஸசே ஹி நீலாதி³பே⁴த³ங் ரூபாரம்மணங் ஸமோதா⁴னெத்வா ஸோதிந்த்³ரியஸ்ஸ உபனெய்ய – ‘‘இங்க⁴ த்வங் தாவ நங் வவத்த²பேஹி விபா⁴வேஹி ‘கின்னாமேதங் ஆரம்மண’’’ந்தி. சக்கு²விஞ்ஞாணங் வினாபி முகே²ன அத்தனோ த⁴ம்மதாய ஏவங் வதெ³ய்ய – ‘‘அரே, அந்த⁴பா³ல, வஸ்ஸஸதம்பி வஸ்ஸஸஹஸ்ஸம்பி வஸ்ஸஸதஸஹஸ்ஸம்பி பரிதா⁴வமானோ அஞ்ஞத்ர மயா குஹிங் ஏதஸ்ஸ ஜானநகங் லபி⁴ஸ்ஸஸி, தங் ஆஹர, சக்கு²பஸாதே³ உபனேஹி, அஹமேதங் ஆரம்மணங் ஜானிஸ்ஸாமி – யதி³ வா நீலங், யதி³ வா பீதகங். ந ஹி ஏஸோ அஞ்ஞஸ்ஸ விஸயோ, மய்ஹமேவேஸோ விஸயோ’’தி. ஸேஸத்³வாரேஸுபி ஏஸேவ நயோ. ஏவமேதானி அஞ்ஞமஞ்ஞஸ்ஸ கோ³சரவிஸயங் ந பச்சனுபொ⁴ந்தி நாம.
கிங் படிஸரணந்தி ஏதேஸங் கிங் படிஸரணங், கிங் ஏதானி படிஸரந்தீதி புச்ச²தி. மனோ படிஸரணந்தி ஜவனமனோ படிஸரணங். மனோவ நேஸந்தி மனொத்³வாரிகஜவனமனோவ ஏதேஸங் கோ³சரவிஸயங் ரஜ்ஜனாதி³வஸேன அனுபோ⁴தி. சக்கு²விஞ்ஞாணஞ்ஹி ரூபத³ஸ்ஸனமத்தமேவ, எத்த² ரஜ்ஜனங் வா து³ஸ்ஸனங் வா முய்ஹனங் வா நத்தி². ஏகஸ்மிங் பன த்³வாரே ஜவனங் ரஜ்ஜதி வா து³ஸ்ஸதி வா முய்ஹதி வா. ஸோதவிஞ்ஞாணாதீ³ஸுபி ஏஸேவ நயோ.
தத்ராயங் உபமா – பஞ்ச கிர து³ப்³ப³லபோ⁴ஜகா ராஜானங் ஸேவித்வா கிச்சே²ன கஸிரேன ஏகஸ்மிங் பஞ்சகுலிகே கா³மே பரித்தகங் ஆயங் லபி⁴ங்ஸு. தேஸங் தத்த² மச்ச²பா⁴கோ³ மங்ஸபா⁴கோ³, அத்³து³கஹாபணோ வா யொத்தகஹாபணோ வா மாஸகஹாபணோ
தத்த² பஞ்சகுலிககா³மா விய பஞ்சபஸாதா³ த³ட்ட²ப்³பா³, பஞ்ச து³ப்³ப³லபோ⁴ஜகா விய பஞ்சவிஞ்ஞாணானி; ராஜா விய ஜவனங், து³ப்³ப³லபோ⁴ஜகானங் பரித்தகஆயபாபுணனங் விய சக்கு²விஞ்ஞாணாதீ³னங் ரூபத³ஸ்ஸனாதி³மத்தங், ரஜ்ஜனாதி³ பன ஏதேஸு நத்தி² மனோதி குஸலாகுஸலஜவனங் வுத்தங்.
ஸதி படிஸரணந்தி மக்³க³ஸதி படிஸரணங். ஜவனமனோ ஹி மக்³க³ஸதிங் படிஸரதி. விமுத்தீதி ப²லவிமுத்தி. படிஸரணந்தி ப²லவிமுத்தியா நிப்³பா³னங் படிஸரணங். தஞ்ஹி ஸா படிஸரதி. நாஸக்கி² பஞ்ஹஸ்ஸ பரியந்தங் க³ஹேதுந்தி பஞ்ஹஸ்ஸ பரிச்சே²த³ங் பமாணங் க³ஹேதுங் நாஸக்கி², அப்படிஸரணங் த⁴ம்மங் ‘‘ஸப்படிஸரண’’ந்தி புச்சி². நிப்³பா³னங் நாமேதங் அப்படிஸரணங், ந கிஞ்சி படிஸரதி. நிப்³பா³னோக³த⁴ந்தி நிப்³பா³னப்³ப⁴ந்தரங் நிப்³பா³னங் அனுபவிட்ட²ங். ப்³ரஹ்மசரியந்தி மக்³க³ப்³ரஹ்மசரியங். நிப்³பா³னபராயணந்தி நிப்³பா³னங் பரங் அயனமஸ்ஸ பரா க³தி, ந ததோ பரங் க³ச்ச²தீதி அத்தோ². நிப்³பா³னங் பரியோஸானங் அவஸானங் அஸ்ஸாதி நிப்³பா³னபரியோஸானங்.
மூலஜாதா பதிட்டி²தாதி மக்³கே³ன ஆக³தஸத்³தா⁴ வுச்சதி. இமம்ஹி சே, பி⁴க்க²வே, ஸமயேதி கிங் ஸந்தா⁴யாஹ? ஜா²னஅனாகா³மிதங். தஸ்மிஞ்ஹி ஸமயே ப்³ராஹ்மணஸ்ஸ பட²மமக்³கே³ன பஞ்ச அகுஸலசித்தானி பஹீனானி, பட²மஜ்ஜா²னேன பஞ்ச நீவரணானீதி ஜா²னஅனாகா³மிட்டா²னே டி²தோ. ஸோ அபரிஹீனஜ்ஜா²னோ காலங் கத்வா தத்தே²வ பரினிப்³பா³யெய்ய. ஸசே பனஸ்ஸ புத்ததா³ரங் அனுஸாஸந்தஸ்ஸ கம்மந்தே விசாரெந்தஸ்ஸ ஜா²னங் நஸ்ஸதி, நட்டே² ஜா²னே க³தி அனிப³த்³தா⁴ ஹோதி, அனட்டே² பன நிப³த்³தா⁴தி இமங் ஜா²னஅனாகா³மிதங் ஸந்தா⁴ய ஏவமாஹ.
3. ஸாகேதஸுத்தவண்ணனா
513. ததியே அஞ்ஜனவனேதி அஞ்ஜனவண்ணபுப்பா²னங் ருக்கா²னங் ரோபிதவனே. யங், பி⁴க்க²வே, ஸத்³தி⁴ந்த்³ரியங், தங் ஸத்³தா⁴ப³லந்தி தஞ்ஹி அதி⁴மொக்க²லக்க²ணே இந்த³ட்டே²ன ஸத்³தி⁴ந்த்³ரியங், அஸ்ஸத்³தி⁴யே அகம்பனேன ஏவமேவ கோ²தி தஸ்ஸா நதி³யா ஏகஸோதங் விய ஸத்³தா⁴வீரியஸதிஸமாதி⁴பஞ்ஞாவஸேன ஏதேஸங் நின்னானாகரணங் வேதி³தப்³ப³ங், த்³வே ஸோதானி விய இந்த³ட்ட²அகம்பனட்டே²ஹி இந்த்³ரியப³லவஸேன நானாகரணங் வேதி³தப்³ப³ங்.
4. புப்³ப³கொட்ட²கஸுத்தவண்ணனா
514. சதுத்தே² அமதோக³த⁴ந்தி அமதப்³ப⁴ந்தரங். அமதபராயணந்தி அமதனிப்³ப³த்திகங். அமதபரியோஸானந்தி அமதனிட்ட²ங். ஸாது⁴ ஸாதூ⁴தி தே²ரஸ்ஸ ப்³யாகரணங் பஸங்ஸந்தோ ஸாது⁴காரங் தே³தி.
5. பட²மபுப்³பா³ராமஸுத்தவண்ணனா
515. பஞ்சமே தத³ன்வயாதி தங் அனுக³ச்ச²மானா, அனுவத்தமானாதி அத்தோ². புப்³ப³கொட்ட²கங் ஆதி³ங் கத்வா படிபாடியா ச²ஸு ஸுத்தேஸு ப²லிந்த்³ரியானேவ கதி²தானி.
10. ஆபணஸுத்தவண்ணனா
520. த³ஸமே இமே கோ² தே த⁴ம்மாதி உபரி ஸஹ விபஸ்ஸனாய தயோ மக்³கா³. யே மே புப்³பே³ ஸுதாவ அஹேஸுந்தி யே த⁴ம்மா மயா புப்³பே³ ‘‘அரஹத்தப²லிந்த்³ரியங் நாம அத்தீ²’’தி கதெ²ந்தானங்யேவ ஸுதா அஹேஸுங். காயேன ச பு²ஸித்வாதி நாமகாயேன ச பு²ஸித்வா படிலபி⁴த்வா. பஞ்ஞாய ச அதிவிஜ்ஜ² பஸ்ஸாமீதி பச்சவெக்க²ணபஞ்ஞாய ச அதிவிஜ்ஜி²த்வா பஸ்ஸாமி. யா ஹிஸ்ஸ, ப⁴ந்தே, ஸத்³தா⁴தி அயங் கதரஸத்³தா⁴? சதூஹி இந்த்³ரியேஹி ஸம்பயுத்தா
ஜராவக்³கோ³ பஞ்சமோ.
6. ஸூகரக²தவக்³கோ³
1. ஸாலஸுத்தவண்ணனா
521. ச²ட்ட²வக்³க³ஸ்ஸ ஸூரேனாதி ஸூரபா⁴வேன. போ³தா⁴யாதி பு³ஜ்ஜ²னத்தா²ய.
2. மல்லிகஸுத்தவண்ணனா
522. து³தியே மல்லேஸூதி ஏவங்னாமகே ஜனபதே³. இமஸ்மிங் ஸுத்தே சத்தாரி இந்த்³ரியானி மிஸ்ஸகானி, அரியஞாணங் லோகுத்தரங். தம்பி பன சதுக்கிந்த்³ரியனிஸ்ஸிதங் கத்வா மிஸ்ஸகந்தி பா⁴ஜேதுங் வட்டதி.
3. ஸேக²ஸுத்தவண்ணனா
523. ததியே ந ஹேவ கோ² காயேன பு²ஸித்வா விஹரதீதி ந நாமகாயேன பு²ஸித்வா படிலபி⁴த்வா விஹரதி, பு²ஸிதுங் படிலபி⁴துங் ந ஸக்கோதி. பஞ்ஞாய ச அதிவிஜ்ஜ² பஸ்ஸதீதி பச்சவெக்க²ணபஞ்ஞாய பன ‘‘உபரி அரஹத்தப²லிந்த்³ரியங் நாம அத்தீ²’’தி பஜானாதி. அஸேக²பூ⁴மியங் பு²ஸித்வா விஹரதீதி படிலபி⁴த்வா விஹரதி. பஞ்ஞாயாதி பச்சவெக்க²ணபஞ்ஞாய ‘‘அரஹத்தப²லிந்த்³ரியங் நாம அத்தீ²’’தி பஜானாதி. ந குஹிஞ்சி கிஸ்மிஞ்சீதி த்³வேபி அஞ்ஞமஞ்ஞவேவசனானேவ, கிஸ்மிஞ்சி ப⁴வே ந உப்பஜ்ஜிஸ்ஸந்தீதி அத்தோ². இமஸ்மிங் ஸுத்தே பஞ்சிந்த்³ரியானி லோகுத்தரானி, ச² லோகிகானி வட்டனிஸ்ஸிதானேவ கதி²தானி.
4-5. பத³ஸுத்தாதி³வண்ணனா
524-525. சதுத்தே² யானி கானிசி பதா³னி போ³தா⁴ய ஸங்வத்தந்தீதி யானி கானிசி த⁴ம்மபதா³னி, யே கேசி த⁴ம்மகொட்டா²ஸா, பு³ஜ்ஜ²னத்தா²ய ஸங்வத்தந்தி. பஞ்சமங் உத்தானமேவ.
6-7. பதிட்டி²தஸுத்தாதி³வண்ணனா
526-527. ச²ட்டே² சித்தங் ரக்க²தி ஆஸவேஸு ச ஸாஸவேஸு ச த⁴ம்மேஸூதி தேபூ⁴மகத⁴ம்மே ஆரப்³ப⁴ ஆஸவுப்பத்திங் வாரெந்தோ ஆஸவேஸு ச ஸாஸவேஸு ச த⁴ம்மேஸு சித்தங் ரக்க²தி நாம. ஸத்தமங் உத்தானமேவ.
8. ஸூகரக²தஸுத்தவண்ணனா
528. அட்ட²மே ஸூகரக²தாயந்தி ஸூகரக²தலேணே. கஸ்ஸபபு³த்³த⁴காலே கிர தங் லேணங் ஏகஸ்மிங் பு³த்³த⁴ந்தரே பத²வியா வட்³ட⁴மானாய அந்தோபூ⁴மிக³தங் ஜாதங். அதே²கதி³வஸங் ஏகோ ஸூகரோ தஸ்ஸ ச²த³னபரியந்தஸமீபே பங்ஸுங் க²ணி. தே³வே வுட்டே² பங்ஸு தோ⁴தா, ச²த³னபரியந்தோ பாகடோ பரமனிபச்சகாரந்தி பா⁴வனபுங்ஸகங், பரமனிபச்சகாரீ ஹுத்வா பவத்தமானோ பவத்ததீதி வுத்தங் ஹோதி. அனுத்தரங் யோக³க்கே²மந்தி அரஹத்தங். ஸப்பதிஸ்ஸோதி ஸஜெட்ட²கோ. ஸேஸங் ஸப்³ப³த்த² உத்தானத்த²மேவாதி.
ஸூகரக²தவக்³கோ³ ச²ட்டோ².
7. போ³தி⁴பக்கி²யவக்³கோ³
531-650. ஸத்தமவக்³கே³ ஸத்த ப²லானி புப்³ப³பா⁴கா³னி, தேஸங் ஹெட்டா² த்³வே ப²லானி ஆதி³ங் கத்வா மிஸ்ஸகானி. ஸேஸமெத்த² இதோ பரஞ்ச ஸப்³ப³ங் உத்தானமேவாதி.
இந்த்³ரியஸங்யுத்தவண்ணனா நிட்டி²தா.