10. து³தியபமாதா³தி³வக்³க³வண்ணனா
98. த³ஸமே அஜ்ஜ²த்திகந்தி நியகஜ்ஜ²த்தவஸேன அஜ்ஜ²த்திகங். அங்க³ந்தி காரணங். இதி கரித்வாதி ஏவங் கத்வா. இத³ங் வுத்தங் ஹோதி – பி⁴க்க²வே, அஜ்ஜ²த்தங் பச்சத்தங் அத்தனோ ஸந்தானே ஸமுட்டி²தங் காரணந்தி கத்வா ந அஞ்ஞங் ஏகங் காரணம்பி ஸமனுபஸ்ஸாமீதி.
110-114. பா³ஹிரந்தி ஸத்³த⁴ம்மஸ்ஸாதி ஸுத்³த⁴ம்மஸ்ஸ, ஸாஸனஸ்ஸாதி அத்தோ². ஸம்மோஸாயாதி வினாஸாய. அந்தரதா⁴னாயாதி அபஞ்ஞாணத்தா²ய.
115. டி²தியாதி சிரட்டி²தத்த²ங். அஸம்மோஸாய அனந்தரதா⁴னாயாதி வுத்தபடிபக்க²னயேனேவ வேதி³தப்³ப³ங். ஸேஸமெத்த² சதுக்கோடிகே வுத்தனயமேவ.
130. இதோ பரேஸு அத⁴ம்மங் த⁴ம்மோதி தீ³பெந்தீதிஆதீ³ஸு ஸுத்தந்தபரியாயேன தாவ த³ஸ குஸலகம்மபதா² த⁴ம்மோ, த³ஸ அகுஸலகம்மபதா² அத⁴ம்மோ. ததா² சத்தாரோ ஸதிபட்டா²னா சத்தாரோ ஸம்மப்பதா⁴னா சத்தாரோ இத்³தி⁴பாதா³ பஞ்சிந்த்³ரியானி பஞ்ச ப³லானி ஸத்த பொ³ஜ்ஜ²ங்கா³ அரியோ அட்ட²ங்கி³கோ மக்³கோ³தி ஸத்ததிங்ஸ போ³தி⁴பக்கி²யத⁴ம்மா த⁴ம்மோ நாம; தயோ ஸதிபட்டா²னா தயோ
தத்த² யங்கிஞ்சி ஏகங் அத⁴ம்மகொட்டா²ஸங் க³ஹெத்வா ‘‘இமங் அத⁴ம்மங் த⁴ம்மோதி கரிஸ்ஸாம, ஏவங் அம்ஹாகங் ஆசரியகுலங் நிய்யானிகங் ப⁴விஸ்ஸதி, மயங் ச லோகே பாகடா ப⁴விஸ்ஸாமா’’தி தங் அத⁴ம்மங் ‘‘த⁴ம்மோ அய’’ந்தி கத²யந்தா அத⁴ம்மங் த⁴ம்மோதி தீ³பெந்தி நாம. ததே²வ த⁴ம்மகொட்டா²ஸேஸு ஏகங் க³ஹெத்வா ‘‘அயங் அத⁴ம்மோ’’தி கதெ²ந்தா த⁴ம்மங் அத⁴ம்மோதி தீ³பெந்தி நாம. வினயபரியாயேன பன பூ⁴தேன வத்து²னா சோதெ³த்வா ஸாரெத்வா யதா²படிஞ்ஞாய கத்தப்³ப³ங் கம்மங் த⁴ம்மோ நாம, அபூ⁴தேன வத்து²னா அசோதெ³த்வா அஸாரெத்வா அபடிஞ்ஞாய கத்தப்³ப³ங் கம்மங் அத⁴ம்மோ நாம.
ஸுத்தந்தபரியாயேன வினயோ நாம, ராகா³தீ³னங் அவினயோ அஸங்வரோ அப்பஹானங் அபடிஸங்கா²தி அயங் அவினயோ நாம. வினயபரியாயேன வத்து²ஸம்பத்தி, ஞத்திஸம்பத்தி, அனுஸ்ஸாவனஸம்பத்தி, ஸீமாஸம்பத்தி, பரிஸஸம்பத்தீதி அயங் வினயோ நாம. வத்து²விபத்தி, ஞத்திவிபத்தி, அனுஸ்ஸாவனவிபத்தி, ஸீமாவிபத்தி பரிஸவிபத்தீதி அயங் அவினயோ நாம.
ஸுத்தந்தபரியாயேன சத்தாரோ ஸதிபட்டா²னா சத்தாரோ ஸம்மப்பதா⁴னா…பே॰… அரியோ அட்ட²ங்கி³கோ மக்³கோ³தி இத³ங் பா⁴ஸிதங் லபிதங் ததா²க³தேன; தயோ ஸதிபட்டா²னா தயோ ஸம்மப்பதா⁴னா தயோ இத்³தி⁴பாதா³ ச² இந்த்³ரியானி ச² ப³லானி அட்ட² பொ³ஜ்ஜ²ங்கா³ நவங்கி³கோ மக்³கோ³தி இத³ங் அபா⁴ஸிதங் அலபிதங் ததா²க³தேன. வினயபரியாயேன சத்தாரோ பாராஜிகா தேரஸ ஸங்கா⁴தி³ஸேஸா த்³வே அனியதா திங்ஸ நிஸ்ஸக்³கி³யா பாசித்தியாதி இத³ங் பா⁴ஸிதங் லபிதங் ததா²க³தேன; தயோ பாராஜிகா சுத்³த³ஸ ஸங்கா⁴தி³ஸேஸா தயோ அனியதா ஏகதிங்ஸ நிஸ்ஸக்³கி³யா பாசித்தியாதி இத³ங் அபா⁴ஸிதங் அலபிதங் ததா²க³தேன.
ஸுத்தந்தபரியாயேன தே³வஸிகங் ப²லஸமாபத்திஸமாபஜ்ஜனங் மஹாகருணாஸமாபத்திஸமாபஜ்ஜனங் பு³த்³த⁴சக்கு²னா லோகவோலோகனங் அட்டு²ப்பத்திவஸேன ஸுத்தந்ததே³ஸனா ஜாதககதா²தி இத³ங் ஆசிண்ணங், ந தே³வஸிகங் ப²லஸமாபத்திஸமாபஜ்ஜனங்…பே॰… ந ஜாதககதா²தி இத³ங் அனாசிண்ணங். வினயபரியாயேன
ஸுத்தந்தபரியாயேன சத்தாரோ ஸதிபட்டா²னா…பே॰… அட்ட²ங்கி³கோ மக்³கோ³தி இத³ங் பஞ்ஞத்தங் நாம; தயோ ஸதிபட்டா²னா…பே॰… நவங்கி³கோ மக்³கோ³தி இத³ங் அபஞ்ஞத்தங் நாம. வினயபரியாயேன சத்தாரோ பாராஜிகா…பே॰… திங்ஸனிஸ்ஸக்³கி³யா பாசித்தியாதி இத³ங் பஞ்ஞத்தங் நாம; தயோ பாராஜிகா…பே॰… ஏகதிங்ஸ நிஸ்ஸக்³கி³யா பாசித்தியாதி இத³ங் அபஞ்ஞத்தங் நாம.
யங் தேசிமங் ஸத்³த⁴ம்மங் அந்தரதா⁴பெந்தீதி வுத்தங், தத்த² பஞ்ச அந்தரதா⁴னானி நாம அதி⁴க³மஅந்தரதா⁴னங், படிபத்திஅந்தரதா⁴னங், பரியத்திஅந்தரதா⁴னங், லிங்க³அந்தரதா⁴னங், தா⁴துஅந்தரதா⁴னந்தி அதி⁴க³மோதி சத்தாரோ மக்³கா³, சத்தாரி ப²லானி, சதஸ்ஸோ படிஸம்பி⁴தா³, திஸ்ஸோ விஜ்ஜா, ச² அபி⁴ஞ்ஞாதி. ஸோ பரிஹாயமானோ படிஸம்பி⁴தா³தோ பட்டா²ய பரிஹாயதி. பு³த்³தா⁴னங் ஹி பரினிப்³பா³னதோ வஸ்ஸஸஹஸ்ஸமேவ படிஸம்பி⁴தா³ நிப்³ப³த்தேதுங் ஸக்கொந்தி, ததோ பரங் ச² அபி⁴ஞ்ஞா, ததோ தாபி நிப்³ப³த்தேதுங் அஸக்கொந்தா திஸ்ஸோ விஜ்ஜா நிப்³ப³த்தெந்தி. க³ச்ச²ந்தே க³ச்ச²ந்தே காலே தாபி நிப்³ப³த்தேதுங் அஸக்கொந்தா ஸுக்க²விபஸ்ஸகா ஹொந்தி. ஏதேனேவ உபாயேன அனாகா³மினோ ஸகதா³கா³மினோ ஸோதாபன்னாதி. தேஸு த⁴ரந்தேஸு அதி⁴க³மோ அனந்தரஹிதோ நாம ந ஹோதி. பச்சி²மகஸ்ஸ பன ஸோதாபன்னஸ்ஸ ஜீவிதக்க²யேன அதி⁴க³மோ அந்தரஹிதோ நாம ஹோதி. இத³ங் அதி⁴க³மஅந்தரதா⁴னங் நாம.
படிபத்திஅந்தரதா⁴னங் நாம ஜா²னவிபஸ்ஸனாமக்³க³ப²லானி நிப்³ப³த்தேதுங் அஸக்கொந்தா சதுபாரிஸுத்³தி⁴ஸீலமத்தங் ரக்க²ந்தி. க³ச்ச²ந்தே க³ச்ச²ந்தே காலே ‘‘ஸீலங் பரிபுண்ணங் கத்வா ரக்கா²ம, பதா⁴னஞ்ச அனுயுஞ்ஜாம, ந ச மக்³க³ங் வா ப²லங் வா ஸச்சி²காதுங் ஸக்கோம, நத்தி² இதா³னி அரியத⁴ம்மபடிவேதோ⁴’’தி வோஸானங் ஆபஜ்ஜித்வா கோஸஜ்ஜப³ஹுலா அஞ்ஞமஞ்ஞங் ந சோதெ³ந்தி ந ஸாரெந்தி அகுக்குச்சகா ஹொந்தி, ததோ பட்டா²ய கு²த்³தா³னுகு²த்³த³கானி மத்³த³ந்தி. க³ச்ச²ந்தே க³ச்ச²ந்தே காலே பாசித்தியது²ல்லச்சயானி ஆபஜ்ஜந்தி, ததோ க³ருகாபத்திங். பாராஜிகமத்தமேவ திட்ட²தி. சத்தாரி பாராஜிகானி ரக்க²ந்தானங் பி⁴க்கூ²னங் ஸதேபி ஸஹஸ்ஸேபி த⁴ரமானே படிபத்தி அனந்தரஹிதா நாம ந ஹோதி. பச்சி²மகஸ்ஸ பன பி⁴க்கு²னோ படிபத்திஅந்தரதா⁴னங் நாம.
பரியத்தீதி தேபிடகங் பு³த்³த⁴வசனங் ஸாட்ட²கதா² பாளி. யாவ ஸா திட்ட²தி, தாவ பரியத்தி பரிபுண்ணா நாம ஹோதி. க³ச்ச²ந்தே க³ச்ச²ந்தே காலே ராஜயுவராஜானோ அத⁴ம்மிகா ஹொந்தி, தேஸு அத⁴ம்மிகேஸு ராஜாமச்சாத³யோ அத⁴ம்மிகா ஹொந்தி, ததோ ரட்ட²ஜனபத³வாஸினோதி. ஏதேஸங் அத⁴ம்மிகதாய தே³வோ ந ஸம்மா வஸ்ஸதி, ததோ ஸஸ்ஸானி ந ஸம்பஜ்ஜந்தி. தேஸு அஸம்பஜ்ஜந்தேஸு பச்சயதா³யகா பி⁴க்கு²ஸங்க⁴ஸ்ஸ பச்சயே தா³துங் ந ஸக்கொந்தி, பி⁴க்கூ² பச்சயேஹி கிலமந்தா அந்தேவாஸிகே ஸங்க³ஹேதுங் ந ஸக்கொந்தி. க³ச்ச²ந்தே க³ச்ச²ந்தே காலே பரியத்தி பரிஹாயதி, அத்த²வஸேன தா⁴ரேதுங் ந ஸக்கொந்தி, பாளிவஸேனேவ தா⁴ரெந்தி. ததோ க³ச்ச²ந்தே க³ச்ச²ந்தே காலே பாளிம்பி ஸகலங் தா⁴ரேதுங் ந ஸக்கொந்தி, பட²மங் அபி⁴த⁴ம்மபிடகங் பரிஹாயதி. பரிஹாயமானங் மத்த²கதோ பட்டா²ய பரிஹாயதி
ஏவங் அபி⁴த⁴ம்மபிடகே பரிஹீனே மத்த²கதோ பட்டா²ய ஸுத்தந்தபிடகங் பரிஹாயதி. பட²மஞ்ஹி அங்கு³த்தரனிகாயோ பரிஹாயதி, தஸ்மிம்பி பட²மங் ஏகாத³ஸகனிபாதோ, ததோ த³ஸகனிபாதோ…பே॰… ததோ ஏககனிபாதோதி. ஏவங் அங்கு³த்தரே பரிஹீனே மத்த²கதோ பட்டா²ய ஸங்யுத்தனிகாயோ பரிஹாயதி. பட²மங் ஹி மஹாவக்³கோ³ பரிஹாயதி, ததோ ஸளாயதனவக்³கோ³, க²ந்த⁴வக்³கோ³, நிதா³னவக்³கோ³, ஸகா³தா²வக்³கோ³தி. ஏவங் ஸங்யுத்தனிகாயே பரிஹீனே மத்த²கதோ பட்டா²ய மஜ்ஜி²மனிகாயோ பரிஹாயதி. பட²மங் ஹி உபரிபண்ணாஸகோ பரிஹாயதி, ததோ மஜ்ஜி²மபண்ணாஸகோ, ததோ மூலபண்ணாஸகோதி. ஏவங் மஜ்ஜி²மனிகாயே பரிஹீனே மத்த²கதோ பட்டா²ய தீ³க⁴னிகாயோ பரிஹாயதி. பட²மஞ்ஹி
க³ச்ச²ந்தே க³ச்ச²ந்தே காலே வினயபிடகம்பி மத்த²கதோ பட்டா²ய பரிஹாயதி. பட²மஞ்ஹி பரிவாரோ பரிஹாயதி, ததோ க²ந்த⁴கோ, பி⁴க்கு²னீவிப⁴ங்கோ³, மஹாவிப⁴ங்கோ³தி அனுக்கமேன உபோஸத²க்க²ந்த⁴கமத்தமேவ தா⁴ரெந்தி. ததா³பி பரியத்தி அந்தரஹிதா ந ஹோதி. யாவ பன மனுஸ்ஸேஸு சாதுப்பதி³ககா³தா²பி பவத்ததி, தாவ பரியத்தி அனந்தரஹிதாவ ஹோதி. யதா³ ஸத்³தோ⁴ பஸன்னோ ராஜா ஹத்தி²க்க²ந்தே⁴ ஸுவண்ணசங்கோடகம்ஹி ஸஹஸ்ஸத்த²விகங் ட²பாபெத்வா ‘‘பு³த்³தே⁴ஹி கதி²தங் சாதுப்பதி³ககா³த²ங் ஜானந்தோ இமங் ஸஹஸ்ஸங் க³ண்ஹதூ’’தி நக³ரே பே⁴ரிங் சராபெத்வா க³ண்ஹனகங் அலபி⁴த்வா ‘‘ஏகவாரங் சராபிதே நாம ஸுணந்தாபி ஹொந்தி அஸ்ஸுணந்தாபீ’’தி யாவததியங் சராபெத்வா க³ண்ஹனகங் அலபி⁴த்வா ராஜபுரிஸா தங் ஸஹஸ்ஸத்த²விகங் புன ராஜகுலங் பவேஸெந்தி, ததா³ பரியத்தி அந்தரஹிதா நாம ஹோதி. இத³ங் பரியத்திஅந்தரதா⁴னங் நாம.
க³ச்ச²ந்தே லிங்க³அந்தரதா⁴னங் நாம.
தா⁴துஅந்தரதா⁴னங் பன ஏவங் வேதி³தப்³ப³ங் – தீணி பரினிப்³பா³னானி, கிலேஸபரினிப்³பா³னங் – க²ந்த⁴பரினிப்³பா³னங், தா⁴துபரினிப்³பா³னந்தி. தத்த² கிலேஸபரினிப்³பா³னங் போ³தி⁴பல்லங்கே அஹோஸி, க²ந்த⁴பரினிப்³பா³னங் குஸினாராயங், தா⁴துபரினிப்³பா³னங் அனாக³தே ப⁴விஸ்ஸதி. கத²ங்? ததோ தத்த² தத்த² ஸக்காரஸம்மானங் அலப⁴மானா தா⁴துயோ பு³த்³தா⁴னங் அதி⁴ட்டா²னப³லேன ஸக்காரஸம்மானலப⁴னகட்டா²னங் க³ச்ச²ந்தி. க³ச்ச²ந்தே க³ச்ச²ந்தே காலே ஸப்³ப³ட்டா²னேஸு ஸக்காரஸம்மானோ ந ஹோதி. ஸாஸனஸ்ஸ ஹி ஓஸக்கனகாலே இமஸ்மிங் தம்ப³பண்ணிதீ³பே ஸப்³பா³ தா⁴துயோ ஸன்னிபதித்வா மஹாசேதியங், ததோ நாக³தீ³பே ராஜாயதனசேதியங், ததோ போ³தி⁴பல்லங்கங் க³மிஸ்ஸந்தி. நாக³ப⁴வனதோபி தே³வலோகதோபி ப்³ரஹ்மலோகதோபி தா⁴துயோ மஹாபோ³தி⁴பல்லங்கமேவ க³மிஸ்ஸந்தி. ஸாஸபமத்தாபி தா⁴து அந்தரா ந நஸ்ஸிஸ்ஸதி. ஸப்³பா³ தா⁴துயோ மஹாபோ³தி⁴மண்டே³ ஸன்னிபதித்வா பு³த்³த⁴ரூபங் க³ஹெத்வா போ³தி⁴மண்டே³ பல்லங்கேன நிஸின்னபு³த்³த⁴ஸரீரஸிரிங் த³ஸ்ஸெந்தி. த்³வத்திங்ஸ மஹாபுரிஸலக்க²ணானி அஸீதி அனுப்³யஞ்ஜனானி ப்³யாமப்பபா⁴தி ஸப்³ப³ங் பரிபுண்ணமேவ ஹோதி. ததோ யமகபாடிஹாரியதி³வஸே விய பாடிஹாரியங் கத்வா தா⁴துஅந்தரதா⁴னங் நாம.
இமஸ்ஸ பஞ்சவித⁴ஸ்ஸ அந்தரதா⁴னஸ்ஸ பரியத்திஅந்தரதா⁴னமேவ
ப⁴யே வூபஸந்தே ஸத்தஸதா பி⁴க்கூ² அத்தனோ க³தட்டா²னே ஸாட்ட²கதே² தேபிடகே ஏகக்க²ரம்பி ஏகப்³யஞ்ஜனம்பி அனாஸெத்வா இமமேவ தீ³பமாக³ம்ம கல்லகா³மஜனபதே³ மண்ட³லாராமவிஹாரங் பவிஸிங்ஸு. தே²ரானங் ஆக³மனப்பவத்திங் ஸுத்வா இமஸ்மிங் தீ³பே ஓஹீனா ஸட்டி² பி⁴க்கூ² ‘‘தே²ரே பஸ்ஸிஸ்ஸாமா’’தி க³ந்த்வா தே²ரேஹி ஸத்³தி⁴ங் தேபிடகங் ஸோதெ⁴ந்தா ஏகக்க²ரம்பி ஏகப்³யஞ்ஜனம்பி அஸமெந்தங் நாம ந பஸ்ஸிங்ஸு. தஸ்மிங் டா²னே தே²ரானங் அயங் கதா² உத³பாதி³ ‘‘பரியத்தி நு கோ² ஸாஸனஸ்ஸ மூலங்
‘‘யாவ திட்ட²ந்தி ஸுத்தந்தா, வினயோ யாவ தி³ப்பதி;
தாவ த³க்க²ந்தி ஆலோகங், ஸூரியே அப்³பு⁴ட்டி²தே யதா².
‘‘ஸுத்தந்தேஸு அஸந்தேஸு, பமுட்டே² வினயம்ஹி ச;
தமோ ப⁴விஸ்ஸதி லோகே, ஸூரியே அத்த²ங்க³தே யதா².
‘‘ஸுத்தந்தே ரக்கி²தே ஸந்தே, படிபத்தி ஹோதி ரக்கி²தா;
படிபத்தியங் டி²தோ தீ⁴ரோ, யோக³க்கே²மா ந த⁴ங்ஸதீ’’தி.
இமஸ்மிங் ஸுத்தே ஆஹடே பங்ஸுகூலிகத்தே²ரா துண்ஹீ அஹேஸுங், த⁴ம்மகதி²கத்தே²ரானங்யேவ வசனங் புரதோ அஹோஸி. யதா² ஹி க³வஸதஸ்ஸ வா க³வஸஹஸ்ஸஸ்ஸ வா அந்தரே பவேணிபாலிகாய தே⁴னுயா அஸதி ஸோ வங்ஸோ ஸா பவேணி ந க⁴டீயதி, ஏவமேவங் ஆரத்³த⁴விபஸ்ஸகானங் பி⁴க்கூ²னங் ஸதேபி ஸஹஸ்ஸேபி ஸங்விஜ்ஜமானே பரியத்தியா அஸதி அரியமக்³க³படிவேதோ⁴ நாம ந ஹோதி. யதா² ச நிதி⁴கும்பி⁴யா ஜானநத்தா²ய பாஸாணபிட்டே² அக்க²ரேஸு ட²பிதேஸு யாவ அக்க²ரானி த⁴ரந்தி, தாவ நிதி⁴கும்பி⁴ நட்டா² நாம ந ஹோதி. ஏவமேவங் பரியத்தியா த⁴ரமானாய ஸாஸனங் அந்தரஹிதங் நாம ந ஹோதீதி.
து³தியபமாதா³தி³வக்³க³வண்ணனா.