17. பஸாத³கரத⁴ம்மவக்³க³வண்ணனா
366. அத்³த⁴மித³ந்திஆதீ³ஸு அத்³த⁴ந்தி ஏகங்ஸாதி⁴வசனமேதங், அத்³தா⁴ இத³ங் லாபா⁴னங், ஏகங்ஸோ ஏஸ லாபா⁴னந்தி வுத்தங் ஹோதி. யதி³த³ங் ஆரஞ்ஞிகத்தந்தி யோ ஏஸ ஆரஞ்ஞிகபா⁴வோ. இத³ங் வுத்தங் ஹோதி – ஆரஞ்ஞிகபா⁴வோ பா³ஹுஸச்சந்தி ப³ஹுஸ்ஸுதபா⁴வோ. தா²வரெய்யந்தி சிரபப்³ப³ஜிதத்தா தா²வரப்பத்தபா⁴வோ. ஆகப்பஸம்பதா³தி பரிவாரஸம்பதா³தி ஸுசிபரிவாரதா. கோலபுத்தீதி குலபுத்தபா⁴வோ. வண்ணபொக்க²ரதாதி ஸம்பன்னரூபதா. கல்யாணவாக்கரணதாதி வசனகிரியாய மது⁴ரபா⁴வோ. அப்பாபா³த⁴தாதி ஆரொக்³யஸம்பத்தி. அரோகோ³ ஹி பி⁴க்கு² அத்தனோ ஸரீரகல்யாணதாய விபஸ்ஸனாது⁴ரே ச க³ந்த²து⁴ரே ச பரிபூரகாரீ ஹோதி, தேனஸ்ஸ லாபோ⁴ உப்பஜ்ஜதீதி.
ஸோளஸ பஸாத³கரத⁴ம்மா நிட்டி²தா.