19. காயக³தாஸதிவக்³க³வண்ணனா
563. சேதஸா பு²டோதி எத்த² து³வித⁴ங் ப²ரணங் ஆபோப²ரணஞ்ச தி³ப்³ப³சக்கு²ப²ரணஞ்ச. தத்த² ஆபோகஸிணங் ஸமாபஜ்ஜித்வா ஆபேன ப²ரணங் ஆபோப²ரணங் நாம. ஏவங் பு²டேபி மஹாஸமுத்³தே³ ஸப்³பா³ ஸமுத்³த³ங்க³மா அந்தோக³தா⁴ தஸ்ஸாதி தஸ்ஸ பி⁴க்கு²னோ பா⁴வனாய அப்³ப⁴ந்தரக³தாவ ஹொந்தி. விஜ்ஜாபா⁴கி³யாதி எத்த² ஸம்பயோக³வஸேன விஜ்ஜங் ப⁴ஜந்தீதி விஜ்ஜாபா⁴கி³யா, விஜ்ஜாபா⁴கே³ விஜ்ஜாகொட்டா²ஸே வத்தந்தீதிபி விஜ்ஜாபா⁴கி³யா. தத்த² விபஸ்ஸனாஞாணங் மனோமயித்³தி⁴ ச² அபி⁴ஞ்ஞாதி அட்ட² விஜ்ஜா, புரிமேன அத்தே²ன தாஹி ஸம்பயுத்தத⁴ம்மாபி விஜ்ஜாபா⁴கி³யா. பச்சி²மேன அத்தே²ன தாஸு யா காசி ஏகா விஜ்ஜா விஜ்ஜா, ஸேஸா விஜ்ஜாபா⁴கி³யாதி ஏவங் விஜ்ஜாபி விஜ்ஜாஸம்பயுத்தத⁴ம்மாபி விஜ்ஜாபா⁴கி³யாதேவ வேதி³தப்³பா³.
564. மஹதோ ஸங்வேகா³யாதி மஹந்தஸ்ஸ ஸங்வேக³ஸ்ஸ அத்தா²ய. உபரிபத³த்³வயேபி ஏஸேவ நயோ. எத்த² ச மஹாஸங்வேகோ³ நாம விபஸ்ஸனா, மஹாஅத்தோ² நாம சத்தாரோ மக்³கா³, மஹாயோக³க்கே²மோ நாம சத்தாரி ஸாமஞ்ஞப²லானி. அத² வா மஹாஸங்வேகோ³ நாம ஸஹ விபஸ்ஸனாய மக்³கோ³, மஹாஅத்தோ² நாம சத்தாரி ஸாமஞ்ஞப²லானி, மஹாயோக³க்கே²மோ நாம நிப்³பா³னங். ஸதிஸம்பஜஞ்ஞாயாதி ஸதியா ச ஞாணஸ்ஸ ச அத்தா²ய. ஞாணத³ஸ்ஸனபடிலாபா⁴யாதி தி³ப்³ப³சக்கு²ஞாணாய. தி³ட்ட²த⁴ம்மஸுக²விஹாராயாதி இமஸ்மிங்யேவ பச்சக்கே² அத்தபா⁴வே ஸுக²விஹாரத்தா²ய. விஜ்ஜாவிமுத்திப²லஸச்சி²கிரியாயாதி விஜ்ஜாவிமுத்தீனங் ப²லஸ்ஸ பச்சவெக்க²கரணத்தா²ய. எத்த² ச விஜ்ஜாதி மக்³க³பஞ்ஞா, விமுத்தீதி தங்ஸம்பயுத்தா ஸேஸத⁴ம்மா. தேஸங் ப²லங் நாம அரஹத்தப²லங், தஸ்ஸ ஸச்சி²கிரியாயாதி அத்தோ².
571. காயோபி பஸ்ஸம்ப⁴தீதி நாமகாயோபி கரஜகாயோபி பஸ்ஸம்ப⁴தி, வூபஸந்தத³ரதோ² ஹோதி. விதக்கவிசாராபீதி கேவலாதி விஜ்ஜாபா⁴கி³யாதி விஜ்ஜாகொட்டா²ஸியா, தே ஹெட்டா² விப⁴ஜித்வா த³ஸ்ஸிதாவ.
574. அவிஜ்ஜா பஹீயதீதி அட்ட²ஸு டா²னேஸு வட்டமூலகங் ப³ஹலந்த⁴காரங் மஹாதமங் அஞ்ஞாணங் பஹீயதி. விஜ்ஜா உப்பஜ்ஜதீதி அரஹத்தமக்³க³விஜ்ஜா உப்பஜ்ஜதி. அஸ்மிமானோ பஹீயதீதி அஸ்மீதி நவவிதோ⁴ மானோ பஹீயதி. அனுஸயாதி ஸத்த அனுஸயா. ஸங்யோஜனானீதி த³ஸ ஸங்யோஜனானி.
575. பஞ்ஞாபபே⁴தா³யாதி பஞ்ஞாய பபே⁴த³க³மனத்த²ங். அனுபாதா³பரினிப்³பா³னாயாதி அபச்சயபரினிப்³பா³னஸ்ஸ ஸச்சி²கிரியத்தா²ய.
576. அனேகதா⁴துபடிவேதோ⁴ ஹோதீதி அட்டா²ரஸன்னங் தா⁴தூனங் லக்க²ணபடிவேதோ⁴ ஹோதி. நானாதா⁴துபடிவேதோ⁴ ஹோதீதி தாஸங்யேவ அட்டா²ரஸன்னங் தா⁴தூனங் நானாபா⁴வேன லக்க²ணபடிவேதோ⁴ ஹோதி. அனேகதா⁴துபடிஸம்பி⁴தா³ ஹோதீதி இமினா தா⁴துபே⁴த³ஞாணங் கதி²தங். தா⁴துபபே⁴த³ஞாணங் நாம ‘‘இமாய தா⁴துயா உஸ்ஸன்னாய இத³ங் நாம ஹோதீ’’தி ஜானநபஞ்ஞா. தங் பனேதங் தா⁴துபே⁴த³ஞாணங் ந ஸப்³பே³ஸங் ஹோதி, பு³த்³தா⁴னமேவ நிப்பதே³ஸங் ஹோதி. தங் ஸம்மாஸம்பு³த்³தே⁴ன ஸப்³ப³ஸோ ந கதி²தங். கஸ்மா? தஸ்மிங் கதி²தே அத்தோ² நத்தீ²தி.
584. பஞ்ஞாபடிலாபா⁴யாதிஆதீ³னி ஸோளஸ பதா³னி படிஸம்பி⁴தா³மக்³கே³ ‘‘ஸப்புரிஸஸங்ஸேவோ, ஸத்³த⁴ம்மஸவனங், யோனிஸோமனஸிகாரோ, த⁴ம்மானுத⁴ம்மபடிபத்தி. இமே கோ², பி⁴க்க²வே, சத்தாரோ த⁴ம்மா பா⁴விதா ப³ஹுலீகதா பஞ்ஞாபடிலாபா⁴ய ஸங்வத்தந்தி
பஞ்ஞாபடிலாபா⁴ய ஸங்வத்தந்தீதி. ‘‘கதமோ பஞ்ஞாபடிலாபோ⁴? சதுன்னங் மக்³க³ஞாணானங், சதுன்னங் ப²லஞாணானங், சதுன்னங் படிஸம்பி⁴தா³ஞாணானங், ச²ன்னங் அபி⁴ஞ்ஞாஞாணானங், தேஸத்ததீனங் ஞாணானங், ஸத்தஸத்ததீனங் ஞாணானங் லாபோ⁴ படிலாபோ⁴ பத்திஸம்பத்தி ப²ஸ்ஸனா ஸச்சி²கிரியா உபஸம்பதா³, பஞ்ஞாபடிலாபா⁴ய ஸங்வத்தந்தீதி அயங் பஞ்ஞாபடிலாபோ⁴.
பஞ்ஞாவுத்³தி⁴யா ஸங்வத்தந்தீதி. ‘‘கதமா பஞ்ஞாவுத்³தி⁴? ஸத்தன்னஞ்ச ஸெக்கா²னங் புது²ஜ்ஜனகல்யாணகஸ்ஸ ச பஞ்ஞா வட்³ட⁴தி, அரஹதோ பஞ்ஞா வட்³டி⁴தவட்³ட⁴னா, பஞ்ஞாவுத்³தி⁴யா ஸங்வத்தந்தீதி அயங் பஞ்ஞாவுத்³தி⁴.
பஞ்ஞாவேபுல்லாய ஸங்வத்தந்தீதி. ‘‘கதமங் பஞ்ஞாவேபுல்லங்? ஸத்தன்னஞ்ச ஸெக்கா²னங் புது²ஜ்ஜனகல்யாணகஸ்ஸ ச பஞ்ஞா வேபுல்லங் க³ச்ச²தி, அரஹதோ பஞ்ஞா வேபுல்லங் க³தா, பஞ்ஞாவேபுல்லாய ஸங்வத்தந்தீதி இத³ங் பஞ்ஞாவேபுல்லங்.
மஹாபஞ்ஞதாய ஸங்வத்தந்தீதி. ‘‘கதமா மஹாபஞ்ஞா? மஹந்தே அத்தே² பரிக்³க³ண்ஹாதீதி மஹாபஞ்ஞா, மஹந்தே த⁴ம்மே…பே॰… மஹந்தா நிருத்தியோ, மஹந்தானி படிபா⁴னானி, மஹந்தே ஸீலக்க²ந்தே⁴, மஹந்தே ஸமாதி⁴பஞ்ஞாவிமுத்திவிமுத்திஞாணத³ஸ்ஸனக்க²ந்தே⁴, மஹந்தானி டா²னாட்டா²னானி, மஹந்தா விஹாரஸமாபத்தியோ, மஹந்தானி அரியஸச்சானி, மஹந்தே ஸதிபட்டா²னே, ஸம்மப்பதா⁴னே, இத்³தி⁴பாதே³, மஹந்தானி இந்த்³ரியானி, மஹந்தானி ப³லானி, மஹந்தே பொ³ஜ்ஜ²ங்கே³, மஹந்தே அரியமக்³கே³, மஹந்தானி ஸாமஞ்ஞப²லானி, மஹாபி⁴ஞ்ஞாயோ
புது²பஞ்ஞதாய ஸங்வத்தந்தீதி. ‘‘கதமா புது²பஞ்ஞா? புது² நானாக்க²ந்தே⁴ஸு ஞாணங் பவத்ததீதி புது²பஞ்ஞா. புது² நானாதா⁴தூஸு, புது² நானாஆயதனேஸு, புது² நானாபடிச்சஸமுப்பாதே³ஸு, புது² நானாஸுஞ்ஞதமனுபலப்³பே⁴ஸு, புது² நானாஅத்தே²ஸு, த⁴ம்மேஸு, நிருத்தீஸு, படிபா⁴னேஸு, புது² நானாஸீலக்க²ந்தே⁴ஸு, ஸமாதி⁴பஞ்ஞாவிமுத்திவிமுத்திஞாணத³ஸ்ஸனக்க²ந்தே⁴ஸு, புது² நானாடா²னாட்டா²னேஸு, புது² நானாவிஹாரஸமாபத்தீஸு, புது² நானாஅரியஸச்சேஸு, புது² நானாஸதிபட்டா²னேஸு, ஸம்மப்பதா⁴னேஸு, இத்³தி⁴பாதே³ஸு, இந்த்³ரியேஸு, ப³லேஸு, பொ³ஜ்ஜ²ங்கே³ஸு, புது² நானாஅரியமக்³கே³ஸு, புது² நானாஸாமஞ்ஞப²லேஸு, புது² நானாஅபி⁴ஞ்ஞாஸு ஞாணங் பவத்ததீதி புது²பஞ்ஞா. புது² நானாஜனஸாதா⁴ரணே த⁴ம்மே ஸமதிக்கம்ம பரமத்தே² நிப்³பா³னே ஞாணங் பவத்ததீதி புது²பஞ்ஞா. புது²பஞ்ஞதாய ஸங்வத்தந்தீதி அயங் புது²பஞ்ஞா.
விபுலபஞ்ஞதாய ஸங்வத்தந்தீதி. ‘‘கதமா விபுலபஞ்ஞா? விபுலே அத்தே² பரிக³ண்ஹாதீதி விபுலபஞ்ஞா…பே॰… விபுலங் பரமத்த²ங் நிப்³பா³னங் பரிக³ண்ஹாதீதி விபுலபஞ்ஞா, விபுலபஞ்ஞதாய ஸங்வத்தந்தீதி அயங் விபுலபஞ்ஞா.
க³ம்பீ⁴ரபஞ்ஞதாய ஸங்வத்தந்தீதி. ‘‘கதமா க³ம்பீ⁴ரபஞ்ஞா? க³ம்பீ⁴ரேஸு க²ந்தே⁴ஸு ஞாணங் பவத்ததீதி க³ம்பீ⁴ரபஞ்ஞா. புது²பஞ்ஞாஸதி³ஸோ வித்தா²ரோ. க³ம்பீ⁴ரே பரமத்தே² நிப்³பா³னே ஞாணங் பவத்ததீதி க³ம்பீ⁴ரபஞ்ஞா, க³ம்பீ⁴ரபஞ்ஞதாய ஸங்வத்தந்தீதி அயங் க³ம்பீ⁴ரபஞ்ஞா.
அஸாமந்தபஞ்ஞதாய ஸங்வத்தந்தீதி. ‘‘கதமா அஸாமந்தபஞ்ஞா? யஸ்ஸ புக்³க³லஸ்ஸ அத்த²வவத்தா²னதோ அத்த²படிஸம்பி⁴தா³ அதி⁴க³தா ஹோதி ஸச்சி²கதா ப²ஸ்ஸிதா பஞ்ஞாய. த⁴ம்மனிருத்திபடிபா⁴னவவத்தா²னதோ படிபா⁴னபடிஸம்பி⁴தா³ அதி⁴க³தா
புது²ஜ்ஜனகல்யாணகஸ்ஸ பஞ்ஞா அட்ட²மகஸ்ஸ பஞ்ஞாய தூ³ரே விதூ³ரே ஸுவிதூ³ரே ந ஸந்திகே ந ஸாமந்தா, புது²ஜ்ஜனகல்யாணகங் உபாதா³ய அட்ட²மகோ அஸாமந்தபஞ்ஞோ. அட்ட²மகஸ்ஸ பஞ்ஞா ஸோதாபன்னஸ்ஸ பஞ்ஞாய தூ³ரே…பே॰… அட்ட²மகங் உபாதா³ய ஸோதாபன்னோ அஸாமந்தபஞ்ஞோ. ஸோதாபன்னஸ்ஸ பஞ்ஞா ஸகதா³கா³மிஸ்ஸ பஞ்ஞாய. ஸகதா³கா³மிஸ்ஸ பஞ்ஞா அனாகா³மிஸ்ஸ பஞ்ஞாய. அனாகா³மிஸ்ஸ பஞ்ஞா அரஹதோ பஞ்ஞாய. அரஹதோ பஞ்ஞா பச்சேகபு³த்³த⁴ஸ்ஸ பஞ்ஞாய தூ³ரே விதூ³ரே ஸுவிதூ³ரே ந ஸந்திகே ந ஸாமந்தா, அரஹந்தங் உபாதா³ய பச்சேகபு³த்³தோ⁴ அஸாமந்தபஞ்ஞோ. பச்சேகபு³த்³த⁴ஞ்ச ஸதே³வகஞ்ச லோகங் உபாதா³ய ததா²க³தோ அரஹங் ஸம்மாஸம்பு³த்³தோ⁴ அக்³கோ³ அஸாமந்தபஞ்ஞோ.
பஞ்ஞாபபே⁴த³குஸலோ பபி⁴ன்னஞாணோ…பே॰… தே பஞ்ஹங் அபி⁴ஸங்க²ரித்வா அபி⁴ஸங்க²ரித்வா ததா²க³தங் உபஸங்கமித்வா புச்ச²ந்தி கூ³ள்ஹானி ச படிச்ச²ன்னானி ச, கதி²தா விஸஜ்ஜிதா ச தே பஞ்ஹா ப⁴க³வதா ஹொந்தி நித்³தி³ட்ட²காரணா, உபக்கி²த்தகா ச தே ப⁴க³வதா ஸம்பஜ்ஜந்தி. அத² கோ² ப⁴க³வா தத்த² அதிரோசதி யதி³த³ங் பஞ்ஞாயாதி அக்³கோ³ அஸாமந்தபஞ்ஞோ, அஸாமந்தபஞ்ஞதாய ஸங்வத்தந்தீதி அயங் அஸாமந்தபஞ்ஞா.
பூ⁴ரிபஞ்ஞதாய ஸங்வத்தந்தீதி. ‘‘கதமா பூ⁴ரிபஞ்ஞா? ராக³ங் அபி⁴பு⁴ய்யதீதி பூ⁴ரிபஞ்ஞா, அபி⁴ப⁴விதாதி பூ⁴ரிபஞ்ஞா. தோ³ஸங், மோஹங், கோத⁴ங், உபனாஹங், மக்க²ங், பலாஸங், இஸ்ஸங், மச்ச²ரியங், மாயங், ஸாடெ²ய்யங், த²ம்ப⁴ங், ஸாரம்ப⁴ங், மானங், அதிமானங், மத³ங், பமாத³ங், ஸப்³பே³ கிலேஸே, ஸப்³பே³ து³ச்சரிதே, ஸப்³பே³ அபி⁴ஸங்கா²ரே, ஸப்³பே³ ப⁴வகா³மிகம்மே அபி⁴பு⁴ய்யதீதி பூ⁴ரிபஞ்ஞா, அபி⁴ப⁴விதாதி பூ⁴ரிபஞ்ஞா
பஞ்ஞாபா³ஹுல்லாய ஸங்வத்தந்தீதி. ‘‘கதமங் பஞ்ஞாபா³ஹுல்லங்? இதே⁴கச்சோ பஞ்ஞாக³ருகோ ஹோதி பஞ்ஞாசரிதோ பஞ்ஞாஸயோ பஞ்ஞாதி⁴முத்தோ பஞ்ஞாத⁴ஜோ பஞ்ஞாகேது பஞ்ஞாதி⁴பதெய்யோ விசயப³ஹுலோ பவிசயப³ஹுலோ ஒக்கா²யனப³ஹுலோ ஸமொக்கா²யனப³ஹுலோ ஸம்பெக்கா²யனத⁴ம்மோ விபூ⁴தவிஹாரீ தச்சரிதோ தக்³க³ருகோ தப்³ப³ஹுலோ தன்னின்னோ தப்போணோ தப்பப்³பா⁴ரோ தத³தி⁴முத்தோ ததா³தி⁴பதெய்யோ, யதா² க³ணக³ருகோ வுச்சதி க³ணபா³ஹுலிகோதி, சீவரக³ருகோ பத்தக³ருகோ ஸேனாஸனக³ருகோ வுச்சதி ஸேனாஸனபா³ஹுலிகோதி, ஏவமேவங் இதே⁴கச்சோ பஞ்ஞாக³ருகோ ஹோதி பஞ்ஞாசரிதோ…பே॰… ததா³தி⁴பதெய்யோ, பஞ்ஞாபா³ஹுல்லாய ஸங்வத்தந்தீதி இத³ங் பஞ்ஞாபா³ஹுல்லங்.
ஸீக⁴பஞ்ஞதாய ஸங்வத்தந்தீதி. ‘‘கதமா ஸீக⁴பஞ்ஞா? ஸீக⁴ங் ஸீக⁴ங் ஸீலானி பரிபூரேதீதி ஸீக⁴பஞ்ஞா. ஸீக⁴ங் ஸீக⁴ங் இந்த்³ரியஸங்வரங், போ⁴ஜனே மத்தஞ்ஞுதங், ஜாக³ரியானுயோக³ங், ஸீலக்க²ந்த⁴ங், ஸமாதி⁴-பஞ்ஞா-விமுத்தி-விமுத்திஞாணத³ஸ்ஸனக்க²ந்த⁴ங் பரிபூரேதீதி ஸீக⁴பஞ்ஞா. ஸீக⁴ங் ஸீக⁴ங் டா²னாட்டா²னானி படிவிஜ்ஜ²தி. விஹாரஸமாபத்தியோ பரிபூரேதி. அரியஸச்சானி படிவிஜ்ஜ²தி. ஸதிபட்டா²னே பா⁴வேதி. ஸம்மப்பதா⁴னே இத்³தி⁴பாதே³ இந்த்³ரியானி ப³லானி பொ³ஜ்ஜ²ங்கே³ அரியமக்³க³ங் பா⁴வேதீதி ஸீக⁴பஞ்ஞா. ஸீக⁴ங் ஸீக⁴ங் ஸாமஞ்ஞப²லானி ஸச்சி²கரோதீதி ஸீக⁴பஞ்ஞா. ஸீக⁴ங் ஸீக⁴ங் அபி⁴ஞ்ஞாயோ படிவிஜ்ஜ²தீதி ஸீக⁴பஞ்ஞா. ஸீக⁴ங் ஸீக⁴ங் பரமத்த²ங் நிப்³பா³னங் ஸச்சி²கரோதீதி
லஹுபஞ்ஞதாய ஸங்வத்தந்தீதி. ‘‘கதமா லஹுபஞ்ஞா? லஹுங் லஹுங் ஸீலானி பரிபூரேதீதி லஹுபஞ்ஞா…பே॰… லஹுபஞ்ஞதாய ஸங்வத்தந்தீதி அயங் லஹுபஞ்ஞா.
ஹாஸபஞ்ஞதாய ஸங்வத்தந்தீதி. ‘‘கதமா ஹாஸபஞ்ஞா? இதே⁴கச்சோ வேத³ப³ஹுலோ துட்டி²ப³ஹுலோ ஹாஸப³ஹுலோ பாமோஜ்ஜப³ஹுலோ ஸீலானி பரிபூரேதீதி ஹாஸபஞ்ஞா…பே॰… பரமத்த²ங் நிப்³பா³னங் ஸச்சி²கரோதீதி ஹாஸபஞ்ஞா, ஹாஸபஞ்ஞதாய ஸங்வத்தந்தீதி அயங் ஹாஸபஞ்ஞா.
ஜவனபஞ்ஞதாய ஸங்வத்தந்தீதி. ‘‘கதமா ஜவனபஞ்ஞா? யங் கிஞ்சி ரூபங் அதீதானாக³தபச்சுப்பன்னங்
திக்க²பஞ்ஞதாய ஸங்வத்தந்தீதி. ‘‘கதமா திக்க²பஞ்ஞா? கி²ப்பங் கிலேஸே சி²ந்த³தீதி திக்க²பஞ்ஞா. உப்பன்னங் காமவிதக்கங், வ்யாபாத³விதக்கங், விஹிங்ஸாவிதக்கங் உப்பன்னுப்பன்னே பாபகே
நிப்³பே³தி⁴கபஞ்ஞதாய ஸங்வத்தந்தீதி. ‘‘கதமா நிப்³பே³தி⁴கபஞ்ஞா? இதே⁴கச்சோ ஸப்³ப³ஸங்கா²ரேஸு உப்³பே³க³ப³ஹுலோ ஹோதி உத்தாஸப³ஹுலோ உக்கண்ட²னப³ஹுலோ அரதிப³ஹுலோ அனபி⁴ரதிப³ஹுலோ ப³ஹிமுகோ² ந ரமதி ஸப்³ப³ஸங்கா²ரேஸு, அனிப்³பி³த்³த⁴புப்³ப³ங் அப்பதா³லிதபுப்³ப³ங் லோப⁴க்க²ந்த⁴ங் நிப்³பி³ஜ்ஜ²தி பதா³லேதீதி நிப்³பே³தி⁴கபஞ்ஞா, அனிப்³பி³த்³த⁴புப்³ப³ங் அப்பதா³லிதபுப்³ப³ங் தோ³ஸக்க²ந்த⁴ங், மோஹக்க²ந்த⁴ங், கோத⁴ங், உபனாஹங்…பே॰… ஸப்³பே³ ப⁴வகா³மிகம்மே நிப்³பி³ஜ்ஜ²தி பதா³லேதீதி நிப்³பே³தி⁴கபஞ்ஞா, நிப்³பே³தி⁴கபஞ்ஞதாய ஸங்வத்தந்தீதி அயங் நிப்³பே³தி⁴கபஞ்ஞா’’.
ஏவங்
காயக³தாஸதிவக்³க³வண்ணனா.