3. அகம்மனியவக்³க³வண்ணனா
21-22. ததியஸ்ஸ அபா⁴விதந்தி அவட்³டி⁴தங் பா⁴வனாவஸேன அப்பவத்திதங். அகம்மனியங் ஹோதீதி கம்மக்க²மங் கம்மயொக்³க³ங் ந ஹோதி. து³தியே வுத்தவிபரியாயேன அத்தோ² வேதி³தப்³போ³. எத்த² ச பட²மே சித்தந்தி வட்டவஸேன உப்பன்னசித்தங், து³தியே விவட்டவஸேன உப்பன்னசித்தங். தத்த² ச வட்டங் வட்டபாத³ங், விவட்டங் விவட்டபாத³ந்தி அயங் பபே⁴தோ³ வேதி³தப்³போ³. வட்டங் நாம தேபூ⁴மகவட்டங், வட்டபாத³ங் நாம வட்டபடிலாபா⁴ய கம்மங், விவட்டங் நாம நவ லோகுத்தரத⁴ம்மா, விவட்டபாத³ங் நாம விவட்டபடிலாபா⁴ய கம்மங். இதி இமேஸு ஸுத்தேஸு வட்டவிவட்டமேவ கதி²தந்தி.
23-24. ததியே வட்டவஸேனேவ உப்பன்னசித்தங் வேதி³தப்³ப³ங். மஹதோ அனத்தா²ய ஸங்வத்ததீதி தே³வமனுஸ்ஸஸம்பத்தியோ மாரப்³ரஹ்மஇஸ்ஸரியானி ச த³த³மானம்பி புனப்புனங் ஜாதிஜராப்³யாதி⁴மரணஸோகபரிதே³வது³க்க²தோ³மனஸ்ஸுபாயாஸே க²ந்த⁴தா⁴துஆயதனபடிச்சஸமுப்பாத³வட்டானி ச த³த³மானங் கேவலங் து³க்க²க்க²ந்த⁴மேவ தே³தீதி மஹதோ அனத்தா²ய ஸங்வத்ததி நாமாதி. சதுத்தே² சித்தந்தி விவட்டவஸேனேவ உப்பன்னசித்தங்.
25-26. பஞ்சமச²ட்டே²ஸு அபா⁴விதங் அபாதுபூ⁴தந்தி அயங் விஸேஸோ. தத்ராமயதி⁴ப்பாயோ – வட்டவஸேன உப்பன்னசித்தங் நாம உப்பன்னம்பி அபா⁴விதங் அபாதுபூ⁴தமேவ ஹோதி. கஸ்மா
27-28. ஸத்தமட்ட²மேஸு அப³ஹுலீகதந்தி புனப்புனங் அகதங். இமானிபி த்³வே வட்டவிவட்டவஸேன உப்பன்னசித்தானேவ வேதி³தப்³பா³னீதி.
29. நவமே ‘‘ஜாதிபி து³க்கா²’’திஆதி³னா நயேன வுத்தங் து³க்க²ங் அதி⁴வஹதி ஆஹரதீதி து³க்கா²தி⁴வஹங். து³க்கா²தி⁴வாஹந்திபி பாடோ². தஸ்ஸத்தோ² – லோகுத்தரபாத³கஜ்ஜா²னாதி³
30. த³ஸமே விவட்டவஸேன உப்பன்னசித்தமேவ சித்தங். தஞ்ஹி மானுஸகஸுக²தோ தி³ப்³ப³ஸுக²ங், தி³ப்³ப³ஸுக²தோ ஜா²னஸுக²ங், ஜா²னஸுக²தோ விபஸ்ஸனாஸுக²ங், விபஸ்ஸனாஸுக²தோ மக்³க³ஸுக²ங், மக்³க³ஸுக²தோ ப²லஸுக²ங், ப²லஸுக²தோ நிப்³பா³னஸுக²ங் அதி⁴வஹதி ஆஹரதீதி ஸுகா²தி⁴வஹங் நாம ஹோதி, ஸுகா²தி⁴வாஹங் வா. தஞ்ஹி லோகுத்தரபாத³கஜ்ஜா²னாதி³அரியத⁴ம்மாபி⁴முக²ங்
அகம்மனியவக்³க³வண்ணனா.