நமோ தஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ
அங்கு³த்தரனிகாயே
து³கனிபாத-அட்ட²கதா²
1. பட²மபண்ணாஸகங்
1. கம்மகாரணவக்³கோ³
1. வஜ்ஜஸுத்தவண்ணனா
1. து³கனிபாதஸ்ஸ வஜ்ஜானீதி தோ³ஸா அபராதா⁴. தி³ட்ட²த⁴ம்மிகந்தி தி³ட்டே²வ த⁴ம்மே இமஸ்மிங்யேவ அத்தபா⁴வே உப்பன்னப²லங். ஸம்பராயிகந்தி ஸம்பராயே அனாக³தே அத்தபா⁴வே உப்பன்னப²லங். ஆகு³சாரிந்தி பாபகாரிங் அபராத⁴காரகங். ராஜானோ க³ஹெத்வா விவிதா⁴ கம்மகாரணா காரெந்தேதி சோரங் க³ஹெத்வா விவிதா⁴ கம்மகாரணா ராஜபுரிஸா கரொந்தி, ராஜானோ பன தா காரெந்தி நாம. தங் சோரங் ஏவங் அத்³த⁴த³ண்ட³கேஹீதி முக்³க³ரேஹி, பஹாரஸாத⁴னத்த²ங் வா சதுஹத்த²த³ண்ட³ங் த்³வேதா⁴ செ²த்வா க³ஹிதத³ண்ட³கேஹி. பி³லங்க³தா²லிகந்தி கஞ்ஜியஉக்க²லிககம்மகாரணங். தங் கரொந்தா ஸீஸகடாஹங் உப்பாடெத்வா தத்தங் அயோகு³ளங் ஸண்டா³ஸேன க³ஹெத்வா தத்த² பக்கி²பந்தி, தேன மத்த²லுங்க³ங் பக்குதி²த்வா ஸங்க²முண்டி³கந்தி ஸங்க²முண்ட³கம்மகாரணங். தங் கரொந்தா உத்தரொட்ட²உப⁴தோகண்ணசூளிகக³லவாடகபரிச்சே²தே³ன ராஹுமுக²ந்தி ராஹுமுக²கம்மகாரணங். தங் கரொந்தா ஸங்குனா முக²ங் விவரித்வா அந்தோமுகே² தீ³பங் ஜாலெந்தி, கண்ணசூளிகாஹி வா பட்டா²ய முக²ங் நிகா²த³னேன க²னந்தி, லோஹிதங் பக்³க⁴ரித்வா முக²ங் பூரேதி.
ஜோதிமாலிகந்தி ஸகலஸரீரங் தேலபிலோதிகாய வேடெ²த்வா ஆலிம்பெந்தி. ஹத்த²பஜ்ஜோதிகந்தி ஹத்தே² தேலபிலோதிகாய வேடெ²த்வா தீ³பங் விய பஜ்ஜாலெந்தி. ஏரகவத்திகந்தி ஏரகவத்தகம்மகாரணங். தங் கரொந்தா ஹெட்டா²கீ³வதோ பட்டா²ய சம்மவட்டே கந்தித்வா கொ³ப்ப²கே ட²பெந்தி, அத² நங் யொத்தேஹி ப³ந்தி⁴த்வா கட்³ட⁴ந்தி. ஸோ அத்தனோ சம்மவட்டே அக்கமித்வா அக்கமித்வா பததி. சீரகவாஸிகந்தி சீரகவாஸிககம்மகாரணங். தங் கரொந்தா ததே²வ சம்மவட்டே கந்தித்வா கடியங் ட²பெந்தி, கடிதோ பட்டா²ய கந்தித்வா கொ³ப்ப²கேஸு ட²பெந்தி, உபரிமேஹி ஹெட்டி²மஸரீரங் சீரகனிவாஸனநிவத்த²ங் விய ஹோதி. ஏணெய்யகந்தி ஏணெய்யககம்மகாரணங். தங் கரொந்தா உபோ⁴ஸு கப்பரேஸு ச உபோ⁴ஸு ஜாணுகேஸு ச அயவலயானி த³த்வா அயஸூலானி கொட்டெந்தி. ஸோ சதூஹி அயஸூலேஹி பூ⁴மியங் பதிட்ட²ஹதி. அத² நங் பரிவாரெத்வா அக்³கி³ங் கரொந்தி. ‘‘ஏணெய்யகோ ஜோதிபரிக்³க³ஹோ யதா²’’தி ஆக³தட்டா²னேபி இத³மேவ வுத்தங். தங் காலேன காலங் ஸூலானி அபனெத்வா சதூஹி அட்டி²கோடீஹியேவ ட²பெந்தி. ஏவரூபா கம்மகாரணா நாம நத்தி².
ப³ளிஸமங்ஸிகந்தி கஹாபணிகந்தி ஸகலஸரீரங் திண்ஹாஹி வாஸீஹி கோடிதோ பட்டா²ய கஹாபணமத்தங், கஹாபணமத்தங் பாதெந்தா கொட்டெந்தி. கா²ராபதச்சி²கந்தி ஸரீரங் தத்த² தத்த² ஆவுதே⁴ஹி பஹரித்வா கொச்சே²ஹி கா²ரங் க⁴ங்ஸந்தி, சம்மமங்ஸன்ஹாரூனி பக்³க⁴ரித்வா அட்டி²கஸங்க²லிகாவ திட்ட²தி. பலிக⁴பரிவத்திகந்தி ஏகேன பஸ்ஸேன நிபஜ்ஜாபெத்வா கண்ணச்சி²த்³தே³ன அயஸூலங் கொட்டெத்வா பத²வியா ஏகாப³த்³த⁴ங் கரொந்தி. அத² நங் பாதே³ பலாலபீட²கந்தி சே²கோ ஸுனகே²ஹிபீதி கதிபயானி தி³வஸானி ஆஹாரங் அத³த்வா சா²தகஸுனகே²ஹி கா²தா³பெந்தி. தே முஹுத்தேன அட்டி²கஸங்க²லிகமேவ கரொந்தி. ஸூலே உத்தாஸெந்தேதி ஸூலே ஆரோபெந்தே.
ந பரேஸங் பாப⁴தங் விலும்பந்தோ சரதீதி பரேஸங் ஸந்தகங் ப⁴ண்ட³ங் பரம்முக²ங் ஆப⁴தங் அந்தமஸோ அந்தரவீதி²யங் பதிதங் ஸஹஸ்ஸப⁴ண்டி³கம்பி தி³ஸ்வா ‘‘இமினா ஜீவிஸ்ஸாமீ’’தி விலும்பந்தோ ந விசரதி, கோ இமினா அத்தோ²தி பிட்டி²பாதே³ன வா பவட்டெத்வா க³ச்ச²தி.
பாபகோதி து³க்கோ²தி அனிட்டோ². கிஞ்ச தந்தி கிங் நாம தங் காரணங் ப⁴வெய்ய. யாஹந்தி யேன அஹங். காயது³ச்சரிதந்தி பாணாதிபாதாதி³ திவித⁴ங் அகுஸலங் காயகம்மங். காயஸுசரிதந்தி தஸ்ஸ படிபக்க²பூ⁴தங் திவித⁴ங் குஸலகம்மங். வசீது³ச்சரிதந்தி முஸாவாதா³தி³ சதுப்³பி³த⁴ங் அகுஸலங் வசீகம்மங். வசீஸுசரிதந்தி தஸ்ஸ படிபக்க²பூ⁴தங் சதுப்³பி³த⁴ங் குஸலகம்மங். மனோது³ச்சரிதந்தி அபி⁴ஜ்ஜா²தி³ திவித⁴ங் அகுஸலகம்மங். மனோஸுசரிதந்தி தஸ்ஸ படிபக்க²பூ⁴தங் திவித⁴ங் குஸலகம்மங். ஸுத்³த⁴ங் அத்தானங் பரிஹரதீதி எத்த² து³விதா⁴ ஸுத்³தி⁴ – பரியாயதோ ச நிப்பரியாயதோ ச. ஸரணக³மனேன ஹி பரியாயேன ஸுத்³த⁴ங் அத்தானங் பரிஹரதி நாம. ததா² பஞ்சஹி ஸீலேஹி, த³ஸஹி ஸீலேஹி – சதுபாரிஸுத்³தி⁴ஸீலேன, பட²மஜ்ஜா²னேன…பே॰… நேவஸஞ்ஞானாஸஞ்ஞாயதனேன, ஸோதாபத்திமக்³கே³ன, ஸோதாபத்திப²லேன…பே॰… அரஹத்தமக்³கே³ன பரியாயேன ஸுத்³த⁴ங் அத்தானங் பரிஹரதி நாம. அரஹத்தப²லே பதிட்டி²தோ பன கீ²ணாஸவோ சி²ன்னமூலகே பஞ்சக்க²ந்தே⁴ ந்ஹாபெந்தோபி கா²தா³பெந்தோபி பு⁴ஞ்ஜாபெந்தோபி நிஸீதா³பெந்தோபி நிபஜ்ஜாபெந்தோபி நிப்பரியாயேனேவ ஸுத்³த⁴ங் நிம்மலங் அத்தானங் பரிஹரதி படிஜக்³க³தீதி வேதி³தப்³போ³.
தஸ்மாதி யஸ்மா இமானி த்³வே வஜ்ஜானேவ, நோ ந வஜ்ஜானி, தஸ்மா. வஜ்ஜபீ⁴ருனோதி வஜ்ஜபீ⁴ருகா. வஜ்ஜப⁴யத³ஸ்ஸாவினோதி வஜ்ஜானி ப⁴யதோ த³ஸ்ஸனஸீலா. ஏதங் பாடிகங்க²ந்தி ஏதங் இச்சி²தப்³ப³ங், ஏதங் அவஸ்ஸங்பா⁴வீதி அத்தோ². யந்தி நிபாதமத்தங், காரணவசனங் வா யேன காரணேன பரிமுச்சிஸ்ஸதி ஸப்³ப³வஜ்ஜேஹி
2. பதா⁴னஸுத்தவண்ணனா
2. து³தியே பதா⁴னானீதி வீரியானி. வீரியஞ்ஹி பத³ஹிதப்³ப³தோ பதா⁴னபா⁴வகரணதோ வா பதா⁴னந்தி வுச்சதி. து³ரபி⁴ஸம்ப⁴வானீதி து³ஸ்ஸஹானி து³ப்பூரியானி, து³க்கரானீதி அத்தோ². அகா³ரங் அஜ்ஜா²வஸதந்தி அகா³ரே வஸந்தானங். சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானுப்பதா³னத்த²ங் பதா⁴னந்தி ஏதேஸங் சீவராதீ³னங் சதுன்னங் பச்சயானங் அனுப்பதா³னத்தா²ய பதா⁴னங் நாம து³ரபி⁴ஸம்ப⁴வந்தி த³ஸ்ஸேதி. சதுரதனிகம்பி ஹி பிலோதிகங், பஸததண்டு³லமத்தங் வா ப⁴த்தங், சதுரதனிகங் வா பண்ணஸாலங், தேலஸப்பினவனீதாதீ³ஸு வா அப்பமத்தகம்பி பே⁴ஸஜ்ஜங் பரேஸங் தே³தா²தி வத்தும்பி நீஹரித்வா தா³தும்பி து³க்கரங் உப⁴தொப்³யூள்ஹஸங்கா³மப்பவேஸனஸதி³ஸங். தேனாஹ ப⁴க³வா –
‘‘தா³னஞ்ச யுத்³த⁴ஞ்ச ஸமானமாஹு,
அப்பாபி ஸந்தா ப³ஹுகே ஜினந்தி;
அப்பம்பி சே ஸத்³த³ஹானோ த³தா³தி,
தேனேவ ஸோ ஹோதி ஸுகீ² பரத்தா²’’தி. (ஜா॰ 1.8.72; ஸங்॰ நி॰ 1.33);
அகா³ரஸ்மா அனகா³ரியங் பப்³ப³ஜிதானந்தி கே³ஹதோ நிக்க²மித்வா அகா³ரஸ்ஸ க⁴ராவாஸஸ்ஸ ஹிதாவஹேஹி கஸிகோ³ரக்கா²தீ³ஹி விரஹிதங் அனகா³ரியங் பப்³ப³ஜ்ஜங் உபக³தானங். ஸப்³பூ³பதி⁴படினிஸ்ஸக்³க³த்தா²ய பதா⁴னந்தி ஸப்³பே³ஸங் க²ந்தூ⁴பதி⁴கிலேஸூபதி⁴அபி⁴ஸங்கா²ரூபதி⁴ஸங்கா²தானங் உபதீ⁴னங் படினிஸ்ஸக்³க³ஸங்கா²தஸ்ஸ நிப்³பா³னஸ்ஸ அத்தா²ய விபஸ்ஸனாய சேவ மக்³கே³ன ச ஸஹஜாதவீரியங். தஸ்மாதி
3. தபனீயஸுத்தவண்ணனா
3. ததியே தபனீயாதி இத⁴ சேவ ஸம்பராயே ச தபந்தீதி தபனீயா. தப்பதீதி சித்தஸந்தாபேன
5. உபஞ்ஞாதஸுத்தவண்ணனா
5. பஞ்சமே த்³வின்னாஹந்தி த்³வின்னங் அஹங். உபஞ்ஞாஸிந்தி உபக³ந்த்வா கு³ணங் அஞ்ஞாஸிங், ஜானிங் படிவிஜ்ஜி²ந்தி அத்தோ². இதா³னி தே த⁴ம்மே த³ஸ்ஸெந்தோ யா ச அஸந்துட்டி²தாதிஆதி³மாஹ. இமஞ்ஹி அஸந்துட்டி²தா குஸலேஸு த⁴ம்மேஸூதி இமினா இமங் தீ³பேதி – ‘‘அஹங் ஜா²னமத்தகேன வா ஓபா⁴ஸனிமித்தமத்தகேன வா அஸந்துட்டோ² ஹுத்வா அரஹத்தமக்³க³மேவ உப்பாதே³ஸிங். யாவ ஸோ ந உப்பஜ்ஜி, ந தாவாஹங் ஸந்துட்டோ² அஹோஸிங். பதா⁴னஸ்மிங் ச அனுக்கண்டி²தோ ஹுத்வா அனோஸக்கனாய ட²த்வாயேவ பதா⁴னகிரியங் அகாஸி’’ந்தி இமமத்த²ங் த³ஸ்ஸெந்தோ யா ச அப்படிவானிதாதிஆதி³மாஹ. தத்த² அப்படிவானிதாதி அப்படிக்கமனா அனோஸக்கனா. அப்படிவானீ ஸுதா³ஹங் பி⁴க்க²வே, பத³ஹாமீதி எத்த² ஸுத³ந்தி நிபாதமத்தங். அஹங், பி⁴க்க²வே, அனோஸக்கனாயங் டி²தோ போ³தி⁴ஸத்தகாலே ஸப்³ப³ஞ்ஞுதங் பத்தெ²ந்தோ பதா⁴னமகாஸிந்தி அயமெத்த² அத்தோ².
இதா³னி யதா² தேன தங் பதா⁴னங் கதங், தங் த³ஸ்ஸெந்தோ காமங் தசோ சாதிஆதி³மாஹ. தத்த² பத்தப்³ப³ந்தி புரிஸதா²மேனாதிஆதி³னா புரிஸஸ்ஸ ஞாணதா²மோ ஞாணவீரியங் ஞாணபரக்கமோ ச கதி²தோ. ஸண்டா²னந்தி ட²பனா அப்பவத்தனா ஓஸக்கனா, படிப்பஸ்ஸத்³தீ⁴தி அத்தோ². எத்தாவதா தேன சதுரங்க³ஸமன்னாக³தங் வீரியாதி⁴ட்டா²னங் நாம கதி²தங். எத்த² ஹி காமங் தசோ சாதி ஏகங் அங்க³ங், ந்ஹாரு சாதி ஏகங், அட்டி² சாதி ஏகங், மங்ஸலோஹிதந்தி ஏகங், இமானி சத்தாரி அங்கா³னி. புரிஸதா²மேனாதிஆதீ³னி அதி⁴மத்தவீரியாதி⁴வசனானி. இதி புரிமேஹி சதூஹி அங்கே³ஹி ஸமன்னாக³தேன ஹுத்வா ஏவங் அதி⁴ட்டி²தங் வீரியங் சதுரங்க³ஸமன்னாக³தங் வீரியாதி⁴ட்டா²னங் நாமாதி வேதி³தப்³ப³ங். எத்தாவதா
இதா³னி தாய படிபதா³ய படிலத்³த⁴கு³ணங் கதே²துங் தஸ்ஸ மய்ஹங், பி⁴க்க²வேதிஆதி³மாஹ. தத்த² அப்பமாதா³தி⁴க³தாதி ஸதிஅவிப்பவாஸஸங்கா²தேன அப்பமாதே³ன அதி⁴க³தா, ந ஸுத்தப்பமத்தேன லத்³தா⁴. ஸம்போ³தீ⁴தி சதுமக்³க³ஞாணஞ்சேவ ஸப்³ப³ஞ்ஞுதஞ்ஞாணஞ்ச. ந ஹி ஸக்கா ஏதங் ஸுத்தப்பமத்தேன அதி⁴க³ந்துந்தி. தேனாஹ – ‘‘அப்பமாதா³தி⁴க³தா ஸம்போ³தீ⁴’’தி. அனுத்தரோ யோக³க்கே²மோதி ந கேவலங் போ³தி⁴யேவ, அரஹத்தப²லனிப்³பா³னஸங்கா²தோ அனுத்தரோ யோக³க்கே²மோபி அப்பமாதா³தி⁴க³தோவ.
இதா³னி அத்தனா படிலத்³த⁴கு³ணேஸு பி⁴க்கு²ஸங்க⁴ங் ஸமாத³பெந்தோ தும்ஹே சேபி பி⁴க்க²வேதிஆதி³மாஹ. தத்த² யஸ்ஸத்தா²யாதி யஸ்ஸ அத்தா²ய, யங் உபஸம்பஜ்ஜ விஹரிதுகாமா ஹுத்வாதி அத்தோ². தத³னுத்தரந்தி தங் அனுத்தரங். ப்³ரஹ்மசரியபரியோஸானந்தி மக்³க³ப்³ரஹ்மசரியஸ்ஸ பரியோஸானபூ⁴தங் அரியப²லங். அபி⁴ஞ்ஞா ஸச்சி²கத்வாதி அபி⁴ஞ்ஞாய உத்தமபஞ்ஞாய பச்சக்க²ங் கத்வா. உபஸம்பஜ்ஜ விஹரிஸ்ஸதா²தி படிலபி⁴த்வா பாபுணித்வா விஹரிஸ்ஸத². தஸ்மாதி யஸ்மா அப்படிவானபதா⁴னங் நாமேதங் ப³ஹூபகாரங் உத்தமத்த²ஸாத⁴கங், தஸ்மா. பஞ்சமங்.
6. ஸங்யோஜனஸுத்தவண்ணனா
6. ச²ட்டே² ஸங்யோஜனியேஸு த⁴ம்மேஸூதி த³ஸன்னங் ஸங்யோஜனானங் பச்சயபூ⁴தேஸு தேபூ⁴மகத⁴ம்மேஸு. அஸ்ஸாதா³னுபஸ்ஸிதாதி அஸ்ஸாத³தோ பஸ்ஸிதா பஸ்ஸனபா⁴வோதி அத்தோ². நிப்³பி³தா³னுபஸ்ஸிதாதி நிப்³பி³தா³வஸேன உக்கண்ட²னவஸேன பஸ்ஸனபா⁴வோ. ஜாதியாதி க²ந்த⁴னிப்³ப³த்திதோ. ஜராயாதி க²ந்த⁴பரிபாகதோ. மரணேனாதி க²ந்த⁴பே⁴த³தோ. ஸோகேஹீதி அந்தோனிஜ்ஜா²யனலக்க²ணேஹி ஸோகேஹி. பரிதே³வேஹீதி து³க்கே²ஹீதி காயபடிபீளனது³க்கே²ஹி. தோ³மனஸ்ஸேஹீதி மனோவிகா⁴ததோ³மனஸ்ஸேஹி. உபாயாஸேஹீதி அதி⁴மத்தாயாஸலக்க²ணஉபாயாஸேஹி. து³க்க²ஸ்மாதி ஸகலவட்டது³க்க²தோ. பஜஹதீதி மக்³கே³ன பஜஹதி. பஹாயாதி எத்த² பன ப²லக்க²ணோ கதி²தோ. இமஸ்மிங் ஸுத்தே வட்டவிவட்டங் கதி²தங். ச²ட்ட²ங்.
7. கண்ஹஸுத்தவண்ணனா
7. ஸத்தமே கண்ஹாதி ந காளவண்ணதாய கண்ஹா, கண்ஹதாய பன உபனெந்தீதி நிப்ப²த்திகாளதாய கண்ஹா. ஸரஸேனாபி வா ஸப்³பா³குஸலத⁴ம்மா கண்ஹா ஏவ. ந ஹி தேஸங் உப்பத்தியா சித்தங் பப⁴ஸ்ஸரங் ஹோதி. அஹிரிகந்தி அஹிரிகபா⁴வோ. அனொத்தப்பந்தி அனொத்தாபிபா⁴வோ. ஸத்தமங்.
8. ஸுக்கஸுத்தவண்ணனா
8. அட்ட²மே ஸுக்காதி ந வண்ணஸுக்கதாய ஸுக்கா, ஸுக்கதாய பன உபனெந்தீதி நிப்ப²த்திஸுக்கதாய ஸுக்கா. ஸரஸேனாபி வா ஸப்³ப³குஸலத⁴ம்மா ஸுக்கா ஏவ. தேஸங் ஹி உப்பத்தியா சித்தங் பப⁴ஸ்ஸரங் ஹோதி. ஹிரீ ச ஒத்தப்பஞ்சாதி எத்த² பாபதோ ஜிகு³ச்ச²னலக்க²ணா ஹிரீ, பா⁴யனலக்க²ணங் ஒத்தப்பங். யங் பனெத்த² வித்தா²ரதோ வத்தப்³ப³ங் ஸியா, தங் விஸுத்³தி⁴மக்³கே³ வுத்தமேவ. அட்ட²மங்.
9. சரியஸுத்தவண்ணனா
9. நவமே லோகங் பாலெந்தீதி லோகங் ஸந்தா⁴ரெந்தி ட²பெந்தி ரக்க²ந்தி. நயித⁴ பஞ்ஞாயேத² மாதாதி இமஸ்மிங் லோகே ஜனிகா மாதா ‘‘அயங் மே மாதா’’தி ஸம்பே⁴த³ந்தி ஸங்கரங் மரியாத³பே⁴த³ங் வா. யதா² அஜேளகாதிஆதீ³ஸு ஏதே ஹி ஸத்தா ‘‘அயங் மே மாதா’’தி வா ‘‘மாதுச்சா²’’தி வா க³ருசித்தீகாரவஸேன ந ஜானந்தி. யங் வத்து²ங்
10. வஸ்ஸூபனாயிகஸுத்தவண்ணனா
10. த³ஸமங் த்³வேமா, பி⁴க்க²வேதிஆதி³மாஹ. தத்த² வஸ்ஸூபனாயிகாதி வஸ்ஸூபக³மனானி. புரிமிகாதி அபரஜ்ஜுக³தாய ஆஸாள்ஹியா உபக³ந்தப்³பா³ புரிமகத்திகபுண்ணமிபரியோஸானா பட²மா தேமாஸீ. பச்சி²மிகாதி மாஸக³தாய ஆஸாள்ஹியா உபக³ந்தப்³பா³ பச்சி²மகத்திகபரியோஸானா பச்சி²மா தேமாஸீதி. த³ஸமங்.
கம்மகாரணவக்³கோ³ பட²மோ.