3. புக்³க³லவக்³கோ³
1. ஸமித்³த⁴ஸுத்தவண்ணனா
21. ததியஸ்ஸ காயஸக்கி². தி³ட்ட²ந்தங் பத்தோதி தி³ட்டி²ப்பத்தோ. ஸத்³த³ஹந்தோ விமுத்தோதி ஸத்³தா⁴விமுத்தோ. க²மதீதி ருச்சதி. அபி⁴க்கந்ததரோதி அதிஸுந்த³ரதரோ. பணீததரோதி அதிபணீததரோ. ஸத்³தி⁴ந்த்³ரியங் அதி⁴மத்தங் ஹோதீதி ஸமித்³த⁴த்தே²ரஸ்ஸ கிர அரஹத்தமக்³க³க்க²ணே ஸத்³தி⁴ந்த்³ரியங் து⁴ரங் அஹோஸி, ஸேஸானி சத்தாரி ஸஹஜாதிந்த்³ரியானி தஸ்ஸேவ பரிவாரானி அஹேஸுங். இதி தே²ரோ அத்தனா படிவித்³த⁴மக்³க³ங் கதெ²ந்தோ ஏவமாஹ. மஹாகொட்டி²கத்தே²ரஸ்ஸ பன அரஹத்தமக்³க³க்க²ணே ஸமாதி⁴ந்த்³ரியங் து⁴ரங் அஹோஸி, ஸேஸானி சத்தாரி இந்த்³ரியானி தஸ்ஸேவ பரிவாரானி அஹேஸுங். தஸ்மா ஸோபி ஸமாதி⁴ந்த்³ரியங் அதி⁴மத்தந்தி கதெ²ந்தோ அத்தனா படிவித்³த⁴மக்³க³மேவ கதே²ஸி. ஸாரிபுத்தத்தே²ரஸ்ஸ பன அரஹத்தமக்³க³க்க²ணே பஞ்ஞிந்த்³ரியங் து⁴ரங் அஹோஸி. ஸேஸானி சத்தாரி இந்த்³ரியானி தஸ்ஸேவ பரிவாரானி அஹேஸுங். தஸ்மா ஸோபி பஞ்ஞிந்த்³ரியங் அதி⁴மத்தந்தி கதெ²ந்தோ அத்தனா படிவித்³த⁴மக்³க³மேவ கதே²ஸி.
ந க்²வெத்தா²தி ந கோ² எத்த². ஏகங்ஸேன ப்³யாகாதுந்தி ஏகந்தேன ப்³யாகரிதுங். அரஹத்தாய படிபன்னோதி அரஹத்தமக்³க³ஸமங்கி³ங் த³ஸ்ஸேதி. ஏவமேதஸ்மிங் ஸுத்தே தீஹிபி தே²ரேஹி அத்தனா படிவித்³த⁴மக்³கோ³வ கதி²தோ, ஸம்மாஸம்பு³த்³தோ⁴ பன பு⁴ம்மந்தரேனேவ கதே²ஸி.
2. கி³லானஸுத்தவண்ணனா
22. து³தியே ஸப்பாயானீதி ஹிதானி வுத்³தி⁴கரானி. பதிரூபந்தி அனுச்ச²விகங். நேவ வுட்டா²தி தம்ஹா ஆபா³தா⁴தி இமினா அதேகிச்சே²ன வாதாபமாராதி³னா ரோகே³ன ஸமன்னாக³தோ நிட்டா²பத்தகி³லானோ கதி²தோ. வுட்டா²தி தம்ஹா ஆபா³தா⁴தி இமினா கி²பிதககச்சு²திணபுப்ப²கஜராதி³பே⁴தோ³ அப்பமத்தஆபா³தோ⁴ கதி²தோ. லப⁴ந்தோ ஸப்பாயானி போ⁴ஜனானி நோ அலப⁴ந்தோதி இமினா பன யேஸங் படிஜக்³க³னேன பா²ஸுகங் ஹோதி, ஸப்³பே³பி தே ஆபா³தா⁴ கதி²தா. எத்த² ச பதிரூபோ உபட்டா²கோ நாம கி³லானுபட்டா²கோ அனுஞ்ஞாதோதி பி⁴க்கு²ஸங்கே⁴ன தா³தப்³போ³தி அனுஞ்ஞாதோ. தஸ்மிஞ்ஹி கி³லானே அத்தனோ த⁴ம்மதாய யாபேதுங் அஸக்கொந்தே பி⁴க்கு²ஸங்கே⁴ன
அஞ்ஞேபி கி³லானா உபட்டா²தப்³பா³தி இதரேபி த்³வே கி³லானா உபட்டா²பேதப்³பா³. கிங் காரணா? யோபி ஹி நிட்ட²பத்தகி³லானோ, ஸோ அனுபட்டி²யமானோ ‘‘ஸசே மங் படிஜக்³கெ³ய்யுங், பா²ஸுகங் மே ப⁴வெய்ய. ந கோ² பன மங் படிஜக்³க³ந்தீ’’தி மனோபதோ³ஸங் கத்வா அபாயே நிப்³ப³த்தெய்ய. படிஜக்³கி³யமானஸ்ஸ பனஸ்ஸ ஏவங் ஹோதி ‘‘பி⁴க்கு²ஸங்கே⁴ன யங் காதப்³ப³ங், தங் கதங். மய்ஹங் பன கம்மவிபாகோ ஈதி³ஸோ’’தி. ஸோ பி⁴க்கு²ஸங்கே⁴ மெத்தங்
நேவ ஓக்கமதீதி நேவ பவிஸதி. நியாமங் குஸலேஸு த⁴ம்மேஸு ஸம்மத்தந்தி குஸலேஸு த⁴ம்மேஸு மக்³க³னியாமஸங்கா²தங் ஸம்மத்தங். இமினா பத³பரமோ புக்³க³லோ கதி²தோ. து³தியவாரேன உக்³க⁴டிதஞ்ஞூ க³ஹிதோ ஸாஸனே நாலகத்தே²ரஸதி³ஸோ பு³த்³த⁴ந்தரே ஏகவாரங் பச்சேகபு³த்³தா⁴னங் ஸந்திகே ஓவாத³ங் லபி⁴த்வா படிவித்³த⁴பச்சேகபோ³தி⁴ஞாணோ ச. ததியவாரேன விபஞ்சிதஞ்ஞூ புக்³க³லோ கதி²தோ, நெய்யோ பன தன்னிஸ்ஸிதோவ ஹோதி.
த⁴ம்மதே³ஸனா அனுஞ்ஞாதாதி மாஸஸ்ஸ அட்ட² வாரே த⁴ம்மகதா² அனுஞ்ஞாதா. அஞ்ஞேஸம்பி த⁴ம்மோ தே³ஸேதப்³போ³தி இதரேஸம்பி த⁴ம்மோ கதே²தப்³போ³. கிங் காரணா? பத³பரமஸ்ஸ ஹி இமஸ்மிங் அத்தபா⁴வே த⁴ம்மங் படிவிஜ்ஜி²துங் அஸக்கொந்தஸ்ஸாபி அனாக³தே பச்சயோ ப⁴விஸ்ஸதி. யோ பன ததா²க³தஸ்ஸ ரூபத³ஸ்ஸனங் லப⁴ந்தோபி அலப⁴ந்தோபி த⁴ம்மவினயஞ்ச ஸவனாய லப⁴ந்தோபி அலப⁴ந்தோபி த⁴ம்மங் அபி⁴ஸமேதி, ஸோ அலப⁴ந்தோ தாவ அபி⁴ஸமேதி. லப⁴ந்தோ பன கி²ப்பமேவ அபி⁴ஸமெஸ்ஸதீதி இமினா காரணேன
3. ஸங்கா²ரஸுத்தவண்ணனா
23. ததியே ஸப்³யாப³ஜ்ஜ²ந்தி ஸது³க்க²ங். காயஸங்கா²ரந்தி காயத்³வாரே சேதனாராஸிங். அபி⁴ஸங்க²ரோதீதி ஆயூஹதி ராஸிங் கரோதி பிண்ட³ங் கரோதி. வசீமனொத்³வாரேஸுபி ஏஸேவ நயோ. ஸப்³யாப³ஜ்ஜ²ங் லோகந்தி ஸது³க்க²ங் லோகங். ஸப்³யாப³ஜ்ஜா² ப²ஸ்ஸா பு²ஸந்தீதி ஸது³க்கா² விபாகப²ஸ்ஸா பு²ஸந்தி. ஸப்³யாப³ஜ்ஜ²ங் வேத³னங் வேதி³யதீதி ஸது³க்க²ங் விபாகவேத³னங் வேதி³யதி, ஸாபா³த⁴ங் நிரஸ்ஸாத³ந்தி அத்தோ². ஸெய்யதா²பி ஸத்தா நேரயிகாதி யதா² நிரயே நிப்³ப³த்தஸத்தா ஏகந்தது³க்க²ங் வேத³னங் வேதி³யந்தி, ஏவங் வேதி³யதீதி அத்தோ². கிங் பன தத்த² உபெக்கா²வேத³னா நத்தீ²தி? அத்தி², து³க்க²வேத³னாய பன ப³லவபா⁴வேன ஸா அப்³போ³ஹாரிகட்டா²னே டி²தா. இதி நிரயோவ நிரயஸ்ஸ உபமங் கத்வா ஆஹடோ. தத்ர படிபா⁴க³உபமா நாம கிர ஏஸா.
ஸெய்யதா²பி தே³வா ஸுப⁴கிண்ஹாதி இதா⁴பி தே³வலோகோவ தே³வலோகஸ்ஸ உபமங் கத்வா ஆஹடோ. யஸ்மா பன ஹெட்டி²மேஸு ப்³ரஹ்மலோகேஸு ஸப்பீதிகஜ்ஜா²னவிபாகோ வத்ததி, ஸுப⁴கிண்ஹேஸு நிப்பீதிகோ ஏகந்தஸுகோ²வ, தஸ்மா தே அக்³க³ஹெத்வா ஸுப⁴கிண்ஹாவ கதி²தா. இதி அயம்பி தத்ர படிபா⁴க³உபமா நாமாதி வேதி³தப்³பா³.
வோகிண்ணஸுக²து³க்க²ந்தி வோமிஸ்ஸகஸுக²து³க்க²ங். ஸெய்யதா²பி மனுஸ்ஸாதி மனுஸ்ஸானங் ஹி காலேன ஸுக²ங் ஹோதி, காலேன து³க்க²ங். ஏகச்சே ச தே³வாதி காமாவசரதே³வா. தேஸம்பி காலேன ஸுக²ங் ஹோதி, காலேன து³க்க²ங். தேஸங் ஹி ஹீனதரானங் மஹேஸக்க²தரா தே³வதா தி³ஸ்வா ஆஸனா வுட்டா²தப்³ப³ங் ஹோதி, மக்³கா³ உக்கமிதப்³ப³ங், பாருதவத்த²ங் அபனேதப்³ப³ங், அஞ்ஜலிகம்மங் காதப்³ப³ந்தி தங் ஸப்³ப³ம்பி து³க்க²ங் நாம ஹோதி. ஏகச்சே ச வினிபாதிகாதி வேமானிகபேதா. தே ஹி காலேன ஸம்பத்திங் அனுப⁴வந்தி காலேன கம்மந்தி வோகிண்ணஸுக²து³க்கா²வ ஹொந்தி. இதி இமஸ்மிங் ஸுத்தே தீணி ஸுசரிதானி லோகியலோகுத்தரமிஸ்ஸகானி கதி²தானீதி வேதி³தப்³பா³னி.
4. ப³ஹுகாரஸுத்தவண்ணனா
24. சதுத்தே² தயோமே, பி⁴க்க²வே, புக்³க³லாதி தயோ ஆசரியபுக்³க³லா. புக்³க³லஸ்ஸ ப³ஹுகாராதி அந்தேவாஸிகபுக்³க³லஸ்ஸ ப³ஹூபகாரா. பு³த்³த⁴ந்தி ஸப்³ப³ஞ்ஞுபு³த்³த⁴ங். ஸரணங் க³தோ ஹோதீதி அவஸ்ஸயங் த⁴ம்மந்தி ஸதந்திகங் நவலோகுத்தரத⁴ம்மங். ஸங்க⁴ந்தி அட்ட²அரியபுக்³க³லஸமூஹங். இத³ஞ்ச பன ஸரணக³மனங் அக்³க³ஹிதஸரணபுப்³ப³ஸ்ஸ அகதாபி⁴னிவேஸஸ்ஸ வஸேன வுத்தங். இதி இமஸ்மிங் ஸுத்தே ஸரணதா³யகோ ஸோதாபத்திமக்³க³ஸம்பாபகோ அரஹத்தமக்³க³ஸம்பாபகோதி தயோ ஆசரியா ப³ஹுகாராதி ஆக³தா, பப்³ப³ஜ்ஜாதா³யகோ பு³த்³த⁴வசனதா³யகோ கம்மவாசாசரியோ ஸகதா³கா³மிமக்³க³ஸம்பாபகோ அனாகா³மிமக்³க³ஸம்பாபகோதி இமே ஆசரியா ந ஆக³தா, கிங் ஏதே ந ப³ஹுகாராதி? நோ, ந ப³ஹுகாரா. அயங் பன தே³ஸனா து³விதே⁴ன பரிச்சி²ன்னா. தஸ்மா ஸப்³பே³பேதே ப³ஹுகாரா. தேஸு ஸரணக³மனஸ்மிங்யேவ அகதாபி⁴னிவேஸோ வட்டதி, சதுபாரிஸுத்³தி⁴ஸீலகஸிணபரிகம்மவிபஸ்ஸனாஞாணானி பன பட²மமக்³க³ஸன்னிஸ்ஸிதானி ஹொந்தி, உபரி த்³வே மக்³கா³ ச ப²லானி ச அரஹத்தமக்³க³ஸன்னிஸ்ஸிதானீதி வேதி³தப்³பா³னி.
இமினா புக்³க³லேனாதி இமினா அந்தேவாஸிகபுக்³க³லேன. ந ஸுப்பதிகாரங் வதா³மீதி பதிகாரங் காதுங் ந ஸுகரந்தி வதா³மி. அபி⁴வாத³னாதீ³ஸு அனேகஸதவாரங் அனேகஸஹஸ்ஸவாரம்பி ஹி பஞ்சபதிட்டி²தேன நிபதித்வா வந்த³ந்தோ ஆஸனா வுட்டா²ய பச்சுக்³க³ச்ச²ந்தோ தி³ட்ட²தி³ட்ட²க்க²ணே அஞ்ஜலிங் பக்³க³ண்ஹந்தோ அனுச்ச²விகங் ஸாமீசிகம்மங் கரொந்தோ தி³வஸே தி³வஸே சீவரஸதங் சீவரஸஹஸ்ஸங் பிண்ட³பாதஸதங் பிண்ட³பாதஸஹஸ்ஸங் த³த³மானோ சக்கவாளபரியந்தேன ஸப்³ப³ரதனமயங் ஆவாஸங் கரொந்தோ ஸப்பினவனீதாதி³னானப்பகாரங் பே⁴ஸஜ்ஜங் அனுப்பத³ஜ்ஜமானோ நேவ ஸக்கோதி ஆசரியேன கதஸ்ஸ பதிகாரங் நாம காதுந்தி ஏவமத்தோ² வேதி³தப்³போ³.
5. வஜிரூபமஸுத்தவண்ணனா
25. பஞ்சமே அருகூபமசித்தோதி புராணவணஸதி³ஸசித்தோ. விஜ்ஜூபமசித்தோதி இத்தரகாலோபா⁴ஸனேன விஜ்ஜுஸதி³ஸசித்தோ. வஜிரூபமசித்தோதி அபி⁴ஸஜ்ஜதீதி லக்³க³தி. குப்பதீதி கோபவஸேன குப்பதி. ப்³யாபஜ்ஜதீதி பகதிபா⁴வங் பஜஹதி, பூதிகோ ஹோதி. பதித்தீ²யதீதி தி²னபா⁴வங் த²த்³த⁴பா⁴வங் ஆபஜ்ஜதி. கோபந்தி து³ப்³ப³லகோத⁴ங். தோ³ஸந்தி து³ஸ்ஸனவஸேன ததோ ப³லவதரங். அப்பச்சயந்தி அதுட்டா²காரங் தோ³மனஸ்ஸங். து³ட்டா²ருகோதி புராணவணோ. கட்டே²னாதி த³ண்ட³ககோடியா. கட²லேனாதி கபாலேன. ஆஸவங் தே³தீதி அபராபரங் ஸவதி. புராணவணோ ஹி அத்தனோ த⁴ம்மதாயேவ புப்³ப³ங் லோஹிதங் யூஸந்தி இமானி தீணி ஸவதி, க⁴ட்டிதோ பன தானி அதி⁴கதரங் ஸவதி.
ஏவமேவ கோ²தி எத்த² இத³ங் ஓபம்மஸங்ஸந்த³னங் – து³ட்டா²ருகோ விய ஹி கோத⁴னபுக்³க³லோ, தஸ்ஸ அத்தனோ த⁴ம்மதாய ஸவனங் விய கோத⁴னஸ்ஸபி அத்தனோ த⁴ம்மதாய உத்³து⁴மாதஸ்ஸ விய சண்டி³கதஸ்ஸ சரணங், கட்டே²ன வா கட²லாய வா க⁴ட்டனங் விய அப்பமத்தங் வசனங், பி⁴ய்யோஸோமத்தாய ஸவனங் விய ‘‘மாதி³ஸங் நாம ஏஸ ஏவங் வத³தீ’’தி பி⁴ய்யோஸோமத்தாய உத்³து⁴மாயனபா⁴வோ த³ட்ட²ப்³போ³.
ரத்தந்த⁴காரதிமிஸாயந்தி ரத்திங் சக்கு²விஞ்ஞாணுப்பத்தினிவாரணேன அந்த⁴பா⁴வகரணே ப³ஹலதமே. விஜ்ஜந்தரிகாயாதி விஜ்ஜுப்பத்திக்க²ணே. இதா⁴பி இத³ங் ஓபம்மஸங்ஸந்த³னங் – சக்கு²மா புரிஸோ விய ஹி யோகா³வசரோ த³ட்ட²ப்³போ³, அந்த⁴காரங் விய ஸோதாபத்திமக்³க³வஜ்ஜா² கிலேஸா, விஜ்ஜுஸஞ்சரணங் விய ஸோதாபத்திமக்³க³ஞாணஸ்ஸ உப்பத்திகாலோ, விஜ்ஜந்தரிகாய சக்கு²மதோ புரிஸஸ்ஸ ஸமந்தா ரூபத³ஸ்ஸனங் விய
வஜிரூபமசித்ததாயபி
6. ஸேவிதப்³ப³ஸுத்தவண்ணனா
26. ச²ட்டே² ஸேவிதப்³போ³தி உபஸங்கமிதப்³போ³. ப⁴ஜிதப்³போ³தி அல்லீயிதப்³போ³. பயிருபாஸிதப்³போ³தி ஸந்திகே நிஸீத³னவஸேன புனப்புனங் உபாஸிதப்³போ³. ஸக்கத்வா க³ருங் கத்வாதி ஸக்காரஞ்சேவ க³ருகாரஞ்ச கத்வா. ஹீனோ ஹோதி ஸீலேனாதிஆதீ³ஸு உபாதா³யுபாதா³ய ஹீனதா வேதி³தப்³பா³. தத்த² யோ ஹி பஞ்ச ஸீலானி ரக்க²தி, ஸோ த³ஸ ஸீலானி ரக்க²ந்தேன ந ஸேவிதப்³போ³ அஞ்ஞத்ர அனுத்³த³யா அஞ்ஞத்ர அனுகம்பாதி ட²பெத்வா அனுத்³த³யஞ்ச அனுகம்பஞ்ச. அத்தனோ அத்தா²யேவ ஹி ஏவரூபோ புக்³க³லோ ந ஸேவிதப்³போ³, அனுத்³த³யானுகம்பாவஸேன பன தங் உபஸங்கமிதுங் வட்டதி.
ஸீலஸாமஞ்ஞக³தானங் ஸதந்தி ஸீலேன ஸமானபா⁴வங் க³தானங் ஸந்தானங். ஸீலகதா² ச நோ ப⁴விஸ்ஸதீதி ஏவங் ஸமானஸீலானங் அம்ஹாகங் ஸீலமேவ ஆரப்³ப⁴ கதா² ப⁴விஸ்ஸதி. ஸா ச நோ பவத்தினீ ப⁴விஸ்ஸதீதி ஸா ச அம்ஹாகங் கதா² தி³வஸம்பி கதெ²ந்தானங் பவத்திஸ்ஸதி ந படிஹஞ்ஞிஸ்ஸதி. ஸா ச நோ பா²ஸு ப⁴விஸ்ஸதீதி ஸா ச தி³வஸம்பி பவத்தமானா ஸீலகதா² அம்ஹாகங் பா²ஸுவிஹாரோ ஸுக²விஹாரோ ப⁴விஸ்ஸதி. ஸமாதி⁴பஞ்ஞாகதா²ஸுபி ஏஸேவ நயோ.
ஸீலக்க²ந்த⁴ந்தி ஸீலராஸிங். தத்த² தத்த² பஞ்ஞாய அனுக்³க³ஹெஸ்ஸாமீதி எத்த² ஸீலஸ்ஸ அஸப்பாயே அனுபகாரத⁴ம்மே வஜ்ஜெத்வா ஸப்பாயே உபகாரத⁴ம்மே ஸேவந்தோ தஸ்மிங் தஸ்மிங் டா²னே ஸீலக்க²ந்த⁴ங் பஞ்ஞாய அனுக்³க³ண்ஹாதி நாம. ஸமாதி⁴பஞ்ஞாக்க²ந்தே⁴ஸுபி ஏஸேவ நயோ. நிஹீயதீதி அத்தனோ ஹீனதரங் புக்³க³லங் ஸேவந்தோ கா²ரபரிஸ்ஸாவனே ஆஸித்தஉத³கங் விய ஸததங் ஸமிதங் ஹாயதி பரிஹாயதி. துல்யஸேவீதி அத்தனா ஸமானஸேவீ. ஸெட்ட²முபனமந்தி ஸெட்ட²ங் உதே³தி கி²ப்பந்தி கி²ப்பமேவ வட்³ட⁴தி. தஸ்மா அத்தனோ உத்தரிங் ப⁴ஜேதா²தி யஸ்மா ஸெட்ட²ங் புக்³க³லங் உபனமந்தோ உதே³தி கி²ப்பங், தஸ்மா அத்தனோ உத்தரிதரங் விஸிட்ட²தரங் ப⁴ஜேத².
7. ஜிகு³ச்சி²தப்³ப³ஸுத்தவண்ணனா
27. ஸத்தமே ஜிகு³ச்சி²தப்³போ³தி கூ³த²ங் விய ஜிகு³ச்சி²தப்³போ³. அத² கோ² நந்தி அத² கோ² அஸ்ஸ. கித்திஸத்³தோ³தி கதா²ஸத்³தோ³. ஏவமேவ கோ²தி எத்த² கூ³த²கூபோ விய து³ஸ்ஸீல்யங் த³ட்ட²ப்³ப³ங். கூ³த²கூபே பதித்வா டி²தோ த⁴ம்மனிஅஹி விய து³ஸ்ஸீலபுக்³க³லோ. கூ³த²கூபதோ உத்³த⁴ரியமானேன தேன அஹினா புரிஸஸ்ஸ ஸரீரங் ஆருள்ஹேனாபி அத³ட்ட²பா⁴வோ விய து³ஸ்ஸீலங் ஸேவமானஸ்ஸாபி தஸ்ஸ கிரியாய அகரணபா⁴வோ. ஸரீரங் கூ³தே²ன மக்கெ²த்வா
திந்து³காலாதந்தி திந்து³கருக்க²அலாதங். பி⁴ய்யோஸோமத்தாய சிச்சிடாயதீதி தங் ஹி ஜா²யமானங் பகதியாபி ஏவமேவ கோ²தி ஏவமேவங் கோத⁴னோ அத்தனோ த⁴ம்மதாயபி உத்³த⁴தோ சண்டி³கதோ ஹுத்வா சரதி, அப்பமத்தகங் பன வசனங் ஸுதகாலே ‘‘மாதி³ஸங் நாம ஏவங் வத³தி ஏவங் வத³தீ’’தி அதிரேகதரங் உத்³த⁴தோ சண்டி³கதோ ஹுத்வா சரதி. கூ³த²கூபோதி கூ³த²புண்ணகூபோ, கூ³த²ராஸியேவ வா. ஓபம்மஸங்ஸந்த³னங் பனெத்த² புரிமனயேனேவ வேதி³தப்³ப³ங். தஸ்மா ஏவரூபோ புக்³க³லோ அஜ்ஜு²பெக்கி²தப்³போ³ ந ஸேவிதப்³போ³தி யஸ்மா கோத⁴னோ அதிஸேவியமானோ அதிஉபஸங்கமியமானோபி குஜ்ஜ²தியேவ, ‘‘கிங் இமினா’’தி படிக்கமந்தேபி குஜ்ஜ²தியேவ. தஸ்மா பலாலக்³கி³ விய அஜ்ஜு²பெக்கி²தப்³போ³ ந ஸேவிதப்³போ³ ந ப⁴ஜிதப்³போ³. கிங் வுத்தங் ஹோதி? யோ ஹி பலாலக்³கி³ங் அதிஉபஸங்கமித்வா தப்பதி, தஸ்ஸ ஸரீரங் ஜா²யதி. யோ அதிபடிக்கமித்வா தப்பதி, தஸ்ஸ ஸீதங் ந வூபஸம்மதி. அனுபஸங்கமித்வா அபடிக்கமித்வா பன மஜ்ஜ²த்தபா⁴வேன தப்பந்தஸ்ஸ ஸீதங் வூபஸம்மதி, தஸ்மா பலாலக்³கி³ விய கோத⁴னோ புக்³க³லோ மஜ்ஜ²த்தபா⁴வேன
கல்யாணமித்தோதி ஸுசிமித்தோ. கல்யாணஸஹாயோதி ஸுசிஸஹாயோ. ஸஹாயா நாம ஸஹகா³மினோ ஸத்³தி⁴ங்சரா. கல்யாணஸம்பவங்கோதி கல்யாணேஸு ஸுசிபுக்³க³லேஸு ஸம்பவங்கோ, தன்னின்னதப்போணதப்பப்³பா⁴ரமானஸோதி அத்தோ².
8. கூ³த²பா⁴ணீஸுத்தவண்ணனா
28. அட்ட²மே கூ³த²பா⁴ணீதி யோ கூ³த²ங் விய து³க்³க³ந்த⁴கத²ங் கதே²தி. புப்ப²பா⁴ணீதி மது⁴பா⁴ணீதி யோ மது⁴ விய மது⁴ரகத²ங் கதே²தி. ஸப⁴க்³க³தோதி ஸபா⁴ய டி²தோ. பரிஸக்³க³தோதி கா³மபரிஸாய டி²தோ. ஞாதிமஜ்ஜ²க³தோதி ஞாதீனங் மஜ்ஜே² டி²தோ. பூக³மஜ்ஜ²க³தோதி ஸேணீனங் மஜ்ஜே² டி²தோ. ராஜகுலமஜ்ஜ²க³தோதி ராஜகுலஸ்ஸ மஜ்ஜே² மஹாவினிச்ச²யே டி²தோ. அபி⁴னீதோதி புச்ச²னத்தா²யானீதோ. ஸக்கி²புட்டோ²தி ஸக்கி²ங் கத்வா புச்சி²தோ. ஏஹம்போ⁴ புரிஸாதி ஆலபனமேதங். அத்தஹேது வா பரஹேது வாதி அத்தனோ வா பரஸ்ஸ வா ஹத்த²பாதா³தி³ஹேது வா த⁴னஹேது வா. ஆமிஸகிஞ்சிக்க²ஹேது வாதி எத்த² ஆமிஸந்தி லஞ்ஜோ அதி⁴ப்பேதோ. கிஞ்சிக்க²ந்தி யங் வா தங் வா அப்பமத்தகங் அந்தமஸோ தித்திரியவட்டகஸப்பிபிண்ட³னவனீதபிண்டா³தி³மத்தகஸ்ஸ லஞ்ஜஸ்ஸ ஹேதூதி அத்தோ². ஸம்பஜானமுஸா பா⁴ஸிதா ஹோதீதி ஜானந்தோயேவ முஸாவாத³ங் கத்தா ஹோதி.
நேலாதி கண்ணஸுகா²தி ப்³யஞ்ஜனமது⁴ரதாய கண்ணானங் ஸுகா², ஸூசிவிஜ்ஜ²னங் விய கண்ணஸூலங் ந ஜனேதி. அத்த²மது⁴ரதாய ஸகலஸரீரே கோபங் அஜனெத்வா பேமங் ஜனேதீதி பேமனீயா. ஹத³யங் க³ச்ச²தி அப்படிஹஞ்ஞமானா ஸுகே²ன சித்தங் பவிஸதீதி ஹத³யங்க³மா. கு³ணபரிபுண்ணதாய புரே ப⁴வாதி போரீ. புரே ஸங்வட்³ட⁴னாரீ விய ஸுகுமாராதிபி போரீ. புரஸ்ஸ ஏஸாதிபி போரீ. புரஸ்ஸ ஏஸாதி நக³ரவாஸீனங் கதா²தி அத்தோ². நக³ரவாஸினோ ப³ஹுஜனகந்தா. கந்தபா⁴வேனேவ ப³ஹுனோ ஜனஸ்ஸ மனாபா சித்தவுத்³தி⁴கராதி ப³ஹுஜனமனாபா.
9. அந்த⁴ஸுத்தவண்ணனா
29. நவமே சக்கு² ந ஹோதீதி பஞ்ஞாசக்கு² ந ஹோதி. பா²திங் கரெய்யாதி பீ²தங் வட்³டி⁴தங் கரெய்ய. ஸாவஜ்ஜானவஜ்ஜேதி ஸதோ³ஸனித்³தோ³ஸே. ஹீனப்பணீதேதி அத⁴முத்தமே. கண்ஹஸுக்கஸப்படிபா⁴கே³தி கண்ஹஸுக்காயேவ அஞ்ஞமஞ்ஞங் படிபா³ஹனதோ படிபக்க²வஸேன ஸப்படிபா⁴கா³தி வுச்சந்தி. அயங் பனெத்த² ஸங்கே²போ – குஸலே த⁴ம்மே ‘‘குஸலா த⁴ம்மா’’தி ஜானெய்ய, அகுஸலே த⁴ம்மே ‘‘அகுஸலா த⁴ம்மா’’தி ஜானெய்ய. ஸாவஜ்ஜாதீ³ஸுபி ஏஸேவ நயோ. கண்ஹஸுக்கஸப்படிபா⁴கே³ஸு பன கண்ஹத⁴ம்மே ‘‘ஸுக்கஸப்படிபா⁴கா³’’தி ஜானெய்ய, ஸுக்கத⁴ம்மே ‘‘கண்ஹஸப்படிபா⁴கா³’’தி யேன பஞ்ஞாசக்கு²னா ஜானெய்ய, ததா²ரூபம்பிஸ்ஸ சக்கு² ந ஹோதீதி. இமினா நயேன ஸேஸவாரேஸுபி அத்தோ² வேதி³தப்³போ³.
ந சேவ போ⁴கா³ ததா²ரூபாதி ததா²ஜாதிகா போ⁴கா³பிஸ்ஸ ந ஹொந்தி. ந ச புஞ்ஞானி குப்³ப³தீதி புஞ்ஞானி ச ந கரோதி. எத்தாவதா போ⁴கு³ப்பாத³னசக்கு²னோ ச புஞ்ஞகரணசக்கு²னோ ச அபா⁴வோ வுத்தோ. உப⁴யத்த² கலிக்³கா³ஹோதி இத⁴லோகே ச பரலோகே சாதி உப⁴யஸ்மிம்பி அபரத்³த⁴க்³கா³ஹோ, பராஜயக்³கா³ஹோ ஹோதீதி அத்தோ². அத² வா உப⁴யத்த² கலிக்³கா³ஹோதி உப⁴யேஸம்பி தி³ட்ட²த⁴ம்மிகஸம்பராயிகானங் அத்தா²னங் கலிக்³கா³ஹோ, பராஜயக்³கா³ஹோதி அத்தோ². த⁴ம்மாத⁴ம்மேனாதி த³ஸகுஸலகம்மபத²த⁴ம்மேனபி த³ஸஅகுஸலகம்மபத²அத⁴ம்மேனபி. ஸடோ²தி கேராடிகோ. போ⁴கா³னி பரியேஸதீதி போ⁴கே³ க³வேஸதி. தெ²ய்யேன கூடகம்மேன, முஸாவாதே³ன சூப⁴யந்தி தெ²ய்யாதீ³ஸு உப⁴யேன பரியேஸதீதி அத்தோ². கத²ங்? தெ²ய்யேன கூடகம்மேன ச பரியேஸதி, தெ²ய்யேன முஸாவாதே³ன ச பரியேஸதி ஸங்கா⁴துந்தி ஸங்க⁴ரிதுங். த⁴ம்மலத்³தே⁴ஹீதி த³ஸகுஸலகம்மபத²த⁴ம்மங் அகோபெத்வா லத்³தே⁴ஹி. உட்டா²னாதி⁴க³தந்தி வீரியேன அப்³யக்³க⁴மானஸோதி நிப்³பி³சிகிச்ச²சித்தோ. ப⁴த்³த³கங் டா²னந்தி ஸெட்ட²ங் தே³வட்டா²னங். ந ஸோசதீதி யஸ்மிங் டா²னே அந்தோஸோகேன ந ஸோசதி.
10. அவகுஜ்ஜஸுத்தவண்ணனா
30. த³ஸமே அவகுஜ்ஜபஞ்ஞோதி அதோ⁴முக²பஞ்ஞோ. உச்ச²ங்க³பஞ்ஞோதி உச்ச²ங்க³ஸதி³ஸபஞ்ஞோ. புது²பஞ்ஞோதி வித்தா²ரிகபஞ்ஞோ. ஆதி³கல்யாணந்திஆதீ³ஸு ஆதீ³தி புப்³ப³பட்ட²பனா. மஜ்ஜ²ந்தி கதா²வேமஜ்ஜ²ங். பரியோஸானந்தி ஸன்னிட்டா²னங். இதிஸ்ஸ தே த⁴ம்மங் கதெ²ந்தா புப்³ப³பட்ட²பனேபி கல்யாணங் ப⁴த்³த³கங் அனவஜ்ஜமேவ கத்வா கதெ²ந்தி, வேமஜ்ஜே²பி பரியோஸானேபி. எத்த² ச அத்தி² தே³ஸனாய ஆதி³மஜ்ஜ²பரியோஸானானி, அத்தி² ஸாஸனஸ்ஸ. தத்த² தே³ஸனாய தாவ சதுப்பதி³ககா³தா²ய பட²மபத³ங் ஆதி³, த்³வே பதா³னி மஜ்ஜ²ங், அவஸானபத³ங் பரியோஸானங். ஏகானுஸந்தி⁴கஸ்ஸ ஸுத்தஸ்ஸ நிதா³னங் ஆதி³, அனுஸந்தி⁴ மஜ்ஜ²ங், இத³மவோசாதி அப்பனா பரியோஸானங். அனேகானுஸந்தி⁴கஸ்ஸ பட²மோ அனுஸந்தி⁴ ஆதி³, ததோ பரங் ஏகோ வா அனேகே வா மஜ்ஜ²ங், பச்சி²மோ பரியோஸானங். அயங் தாவ தே³ஸனாய நயோ. ஸாஸனஸ்ஸ பன ஸீலங் ஆதி³, ஸமாதி⁴ மஜ்ஜ²ங், விபஸ்ஸனா பரியோஸானங். ஸமாதி⁴ வா ஆதி³, விபஸ்ஸனா மஜ்ஜ²ங், மக்³கோ³ பரியோஸானங். விபஸ்ஸனா வா ஆதி³, மக்³கோ³ மஜ்ஜ²ங், ப²லங் பரியோஸானங். மக்³கோ³ வா ஆதி³, ப²லங் மஜ்ஜ²ங், நிப்³பா³னங் பரியோஸானங். த்³வே த்³வே வா கயிரமானே ஸீலஸமாத⁴யோ ஆதி³, விபஸ்ஸனாமக்³கா³ மஜ்ஜ²ங், ப²லனிப்³பா³னானி பரியோஸானங்.
ஸாத்த²ந்தி ஸப்³யஞ்ஜனந்தி அக்க²ரபாரிபூரிங் கத்வா தே³ஸெந்தி. கேவலபரிபுண்ணந்தி ஸகலபரிபுண்ணங் அனூனங் கத்வா தே³ஸெந்தி. பரிஸுத்³த⁴ந்தி பரிஸுத்³த⁴ங் நிஜ்ஜடங் நிக்³க³ண்டி²ங் கத்வா தே³ஸெந்தி. ப்³ரஹ்மசரியங் பகாஸெந்தீதி ஏவங் தே³ஸெந்தா ச ஸெட்ட²சரியபூ⁴தங் ஸிக்க²த்தயஸங்க³ஹிதங் அரியங் அட்ட²ங்கி³கங் மக்³க³ங் பகாஸெந்தி. நேவ ஆதி³ங் மனஸி கரோதீதி நேவ புப்³ப³பட்ட²பனங் மனஸி கரோதி.
கும்போ⁴தி க⁴டோ. நிகுஜ்ஜோதி அதோ⁴முகோ² ட²பிதோ. ஏவமேவ கோ²தி எத்த² கும்போ⁴ நிகுஜ்ஜோ விய அவகுஜ்ஜபஞ்ஞோ புக்³க³லோ த³ட்ட²ப்³போ³, உத³காஸிஞ்சனகாலோ
ஆகிண்ணானீதி பக்கி²த்தானி. ஸதிஸம்மோஸாய பகிரெய்யாதி முட்ட²ஸ்ஸதிதாய விகிரெய்ய. ஏவமேவ கோ²தி எத்த² உச்ச²ங்கோ³ விய உச்ச²ங்க³பஞ்ஞோ புக்³க³லோ த³ட்ட²ப்³போ³, நானாக²ஜ்ஜகானி விய நானப்பகாரங் பு³த்³த⁴வசனங், உச்ச²ங்கே³ நானாக²ஜ்ஜகானி கா²த³ந்தஸ்ஸ நிஸின்னகாலோ விய தஸ்மிங் ஆஸனே நிஸின்னஸ்ஸ உக்³க³ண்ஹனகாலோ, வுட்ட²ஹந்தஸ்ஸ ஸதிஸம்மோஸா பகிரணகாலோ விய தஸ்மா ஆஸனா வுட்டா²ய க³ச்ச²ந்தஸ்ஸ அஸல்லக்க²ணகாலோ வேதி³தப்³போ³.
உக்குஜ்ஜோதி உபரிமுகோ² ட²பிதோ. ஸண்டா²தீதி பதிட்ட²ஹதி. ஏவமேவ கோ²தி எத்த² உபரிமுகோ² ட²பிதோ கும்போ⁴ விய புது²பஞ்ஞோ புக்³க³லோ த³ட்ட²ப்³போ³, உத³கஸ்ஸ ஆஸித்தகாலோ விய தே³ஸனாய
து³ம்மேதோ⁴தி நிப்பஞ்ஞோ. அவிசக்க²ணோதி ஸங்வித³ஹனபஞ்ஞாய ரஹிதோ. க³ந்தாதி க³மனஸீலோ. ஸெய்யோ ஏதேன வுச்சதீதி ஏதஸ்மா புக்³க³லா உத்தரிதரோதி வுச்சதி. த⁴ம்மானுத⁴ம்மப்படிபன்னோதி நவலோகுத்தரத⁴ம்மஸ்ஸ அனுத⁴ம்மங் ஸஹ ஸீலேன புப்³ப³பா⁴க³படிபத³ங் படிபன்னோ. து³க்க²ஸ்ஸாதி வட்டது³க்க²ஸ்ஸ. அந்தகரோ ஸியாதி கோடிகரோ பரிச்சே²த³கரோ பரிவடுமகரோ ப⁴வெய்யாதி.
புக்³க³லவக்³கோ³ ததியோ.