(8) 3. ஆனந்த³வக்³கோ³
1. ச²ன்னஸுத்தவண்ணனா
72. ததியஸ்ஸ ச²ன்னோதி ஏவங்னாமகோ ச²ன்னபரிப்³பா³ஜகோ. தும்ஹேபி, ஆவுஸோதி, ஆவுஸோ, யதா² மயங் ராகா³தீ³னங் பஹானங் பஞ்ஞாபேம, கிங் ஏவங் தும்ஹேபி பஞ்ஞாபேதா²தி புச்ச²தி. ததோ தே²ரோ ‘‘அயங் பரிப்³பா³ஜகோ அம்ஹே ராகா³தீ³னங் பஹானங் பஞ்ஞாபேமாதி வத³தி, நத்தி² பனேதங் மயங் கோ², ஆவுஸோதிஆதி³மாஹ. தத்த² கோ²தி அவதா⁴ரணத்தே² நிபாதோ, மயமேவ பஞ்ஞாபேமாதி அத்தோ². ததோ பரிப்³பா³ஜகோ சிந்தேஸி ‘‘அயங் தே²ரோ பா³ஹிரஸமயங் லுஞ்சித்வா ஹரந்தோ ‘மயமேவா’தி ஆஹ. கிங் நு கோ² ஆதீ³னவங் தி³ஸ்வா ஏதே ஏதேஸங் பஹானங் பஞ்ஞாபெந்தீ’’தி. அத² தே²ரங் புச்ச²ந்தோ கிங் பன தும்ஹேதிஆதி³மாஹ. தே²ரோ தஸ்ஸ ப்³யாகரொந்தோ ரத்தோ கோ²திஆதி³மாஹ. தத்த² அத்தத்த²ந்தி தி³ட்ட²த⁴ம்மிகஸம்பராயிகங் லோகியலோகுத்தரங் அத்தனோ அத்த²ங். பரத்த²உப⁴யத்தே²ஸுபி ஏஸேவ நயோ.
அந்த⁴கரணோதிஆதீ³ஸு யஸ்ஸ ராகோ³ உப்பஜ்ஜதி, தங் யதா²பூ⁴தத³ஸ்ஸனநிவாரணேன அந்த⁴ங் கரோதீதி அந்த⁴கரணோ. பஞ்ஞாசக்கு²ங் ந கரோதீதி அசக்கு²கரணோ. ஞாணங் ந கரோதீதி அஞ்ஞாணகரணோ. கம்மஸ்ஸகதபஞ்ஞா ஜா²னபஞ்ஞா விபஸ்ஸனாபஞ்ஞாதி இமா திஸ்ஸோ பஞ்ஞா அப்பவத்திகரணேன நிரோதே⁴தீதி பஞ்ஞானிரோதி⁴கோ. அனிட்ட²ப²லதா³யகத்தா து³க்க²ஸங்கா²தஸ்ஸ விகா⁴தஸ்ஸேவ பக்கே² வத்ததீதி விகா⁴தபக்கி²கோ. கிலேஸனிப்³பா³னங் ந ஸங்வத்தேதீதி அனிப்³பா³னஸங்வத்தனிகோ. அலஞ்ச பனாவுஸோ ஆனந்த³, அப்பமாதா³யாதி, ஆவுஸோ ஆனந்த³, ஸசே ஏவரூபா படிபதா³ அத்தி², அலங் தும்ஹாகங் அப்பமாதா³ய யுத்தங் அனுச்ச²விகங், அப்பமாத³ங் கரோத², ஆவுஸோதி தே²ரஸ்ஸ வசனங் அனுமோதி³த்வா பக்காமி. இமஸ்மிங் ஸுத்தே அரியமக்³கோ³ லோகுத்தரமிஸ்ஸகோ கதி²தோ. ஸேஸமெத்த²
2. ஆஜீவகஸுத்தவண்ணனா
73. து³தியே தேன ஹி க³ஹபதீதி தே²ரோ கிர சிந்தேஸி – ‘‘அயங் இத⁴ ஆக³ச்ச²ந்தோ ந அஞ்ஞாதுகாமோ ஹுத்வா ஆக³மி, பரிக்³க³ண்ஹனத்த²ங் பன ஆக³தோ. இமினா புச்சி²தபஞ்ஹங் இமினாவ கதா²பெஸ்ஸாமீ’’தி. இதி தங்யேவ கத²ங் கதா²பேதுகாமோ தேன ஹீதிஆதி³மாஹ. தத்த² தேன ஹீதி காரணாபதே³ஸோ. யஸ்மா த்வங் ஏவங் புச்ச²ஸி, தஸ்மா தஞ்ஞேவெத்த² படிபுச்சா²மீதி. கேஸங் நோதி கதமேஸங் நு. ஸத⁴ம்முக்கங்ஸனாதி அத்தனோ லத்³தி⁴யா உக்கி²பித்வா ட²பனா. பரத⁴ம்மாபஸாத³னாதி பரேஸங் லத்³தி⁴யா க⁴ட்டனா வம்ப⁴னா அவக்கி²பனா. ஆயதனேவ த⁴ம்மதே³ஸனாதி காரணஸ்மிங்யேவ த⁴ம்மதே³ஸனா. அத்தோ² ச வுத்தோதி மயா புச்சி²தபஞ்ஹாய அத்தோ² ச பகாஸிதோ அத்தா ச அனுபனீதோதி அம்ஹே ஏவரூபாதி ஏவங் அத்தா ச ந உபனீதோ. நுபனீதோதிபி பாடோ².
3. மஹானாமஸக்கஸுத்தவண்ணனா
74. ததியே கி³லானா வுட்டி²தோதி கி³லானோ ஹுத்வா வுட்டி²தோ. கே³லஞ்ஞாதி கி³லானபா⁴வதோ. உபஸங்கமீதி பு⁴த்தபாதராஸோ மாலாக³ந்தா⁴தீ³னி ஆதா³ய மஹாபரிவாரபரிவுதோ உபஸங்கமி. பா³ஹாயங் க³ஹெத்வாதி ந பா³ஹாயங் க³ஹெத்வா ஆகட்³டி⁴, நிஸின்னாஸனதோ வுட்டா²ய தஸ்ஸ ஸந்திகங் க³ந்த்வா த³க்கி²ணபா³ஹாயங் அங்கு³ட்ட²கேன ஸஞ்ஞங் த³த்வா ஏகமந்தங் அபனேஸீதி வேதி³தப்³போ³. அத²ஸ்ஸ ‘‘ஸேக²ம்பி கோ², மஹானாம, ஸீல’’ந்திஆதி³னா நயேன ஸத்தன்னங் ஸேகா²னங் ஸீலஞ்ச ஸமாதி⁴ஞ்ச பஞ்ஞஞ்ச கதெ²த்வா உபரி அரஹத்தப²லவஸேன அஸேகா² ஸீலஸமாதி⁴பஞ்ஞாயோ கதெ²ந்தோ – ‘‘ஸேக²ஸமாதி⁴தோ ஸேக²ங் விபஸ்ஸனாஞாணங் அஸேக²ஞ்ச ப²லஞாணங் பச்சா², ஸேக²விபஸ்ஸனாஞாணதோ ச அஸேக²ப²லஸமாதி⁴ பச்சா² உப்பஜ்ஜதீ’’தி தீ³பேஸி. யானி பன ஸம்பயுத்தானி ஸமாதி⁴ஞாணானி, தேஸங் அபச்சா² அபுரே உப்பத்தி வேதி³தப்³பா³தி.
4. நிக³ண்ட²ஸுத்தவண்ணனா
75. சதுத்தே² கூடாகா³ரஸாலாயந்தி த்³வே கண்ணிகா க³ஹெத்வா ஹங்ஸவட்டகச்ச²ன்னேன கதாய க³ந்த⁴குடியா. அபரிஸேஸங் ஞாணத³ஸ்ஸனங் படிஜானாதீதி அப்பமத்தகம்பி அஸேஸெத்வா ஸப்³ப³ங் ஞாணத³ஸ்ஸனங் படிஜானாதி. ஸததங் ஸமிதந்தி ஸப்³ப³காலங் நிரந்தரங். ஞாணத³ஸ்ஸனங் பச்சுபட்டி²தந்தி ஸப்³ப³ஞ்ஞுதஞ்ஞாணங் புராணானங் கம்மானந்தி ஆயூஹிதகம்மானங். தபஸா ப்³யந்தீபா⁴வந்தி து³க்கரதபேன விக³தந்தகரணங். நவானங் கம்மானந்தி இதா³னி ஆயூஹிதப்³ப³கம்மானங். அகரணாதி அனாயூஹனேன. ஸேதுகா⁴தந்தி பத³கா⁴தங் பச்சயகா⁴தங் கதே²தி. கம்மக்க²யா து³க்க²க்க²யோதி கம்மவட்டக்க²யேன து³க்க²க்க²யோ. து³க்க²க்க²யா வேத³னாக்க²யோதி து³க்க²வட்டக்க²யேன வேத³னாக்க²யோ. து³க்க²வட்டஸ்மிஞ்ஹி கீ²ணே வேத³னாவட்டம்பி கீ²ணமேவ ஹோதி. வேத³னாக்க²யா ஸப்³ப³ங் து³க்க²ங் நிஜ்ஜிண்ணங் ப⁴விஸ்ஸதீதி வேத³னாக்க²யேன பன ஸகலவட்டது³க்க²ங் நிஜ்ஜிண்ணமேவ ப⁴விஸ்ஸதி. ஸந்தி³ட்டி²காயாதி ஸாமங் பஸ்ஸிதப்³பா³ய பச்சக்கா²ய. நிஜ்ஜராய விஸுத்³தி⁴யாதி ஸமதிக்கமோ ஹோதீதி ஸகலஸ்ஸ வட்டது³க்க²ஸ்ஸ அதிக்கமோ ஹோதி. இத⁴, ப⁴ந்தே, ப⁴க³வா கிமாஹாதி, ப⁴ந்தே, ப⁴க³வா இமாய படிபத்தியா கிமாஹ, கிங் ஏதங்யேவ கிலேஸனிஜ்ஜீரணகபடிபத³ங் பஞ்ஞபேதி, உதா³ஹு அஞ்ஞந்தி புச்ச²தி.
ஜானதாதி அனாவரணஞாணேன ஜானந்தேன. பஸ்ஸதாதி விஸுத்³தி⁴யாதி விஸுத்³தி⁴ஸம்பாபனத்தா²ய. ஸமதிக்கமாயாதி ஸமதிக்கமனத்தா²ய. அத்த²ங்க³மாயாதி அத்த²ங் க³மனத்தா²ய. ஞாயஸ்ஸ அதி⁴க³மாயாதி ஸஹ விபஸ்ஸனாய மக்³க³ஸ்ஸ அதி⁴க³மனத்தா²ய. நிப்³பா³னஸ்ஸ ஸச்சி²கிரியாயாதி அபச்சயனிப்³பா³னஸ்ஸ ஸச்சி²கரணத்தா²ய. நவஞ்ச கம்மங் ந கரோதீதி நவங் கம்மங் நாயூஹதி. புராணஞ்ச கம்மந்தி புப்³பே³ ஆயூஹிதகம்மங். பு²ஸ்ஸ பு²ஸ்ஸ ப்³யந்தீ கரோதீதி பு²ஸித்வா பு²ஸித்வா விக³தந்தங் கரோதி, விபாகப²ஸ்ஸங் பு²ஸித்வா பு²ஸித்வா தங் கம்மங் கே²பேதீதி அத்தோ². ஸந்தி³ட்டி²காதி ஸாமங் பஸ்ஸிதப்³பா³. அகாலிகாதி ந காலந்தரே கிச்சகாரிகா. ஏஹிபஸ்ஸிகாதி ‘‘ஏஹி பஸ்ஸா’’தி ஏவங் த³ஸ்ஸேதுங் யுத்தா. ஓபனெய்யிகாதி உபனயே யுத்தா அல்லீயிதப்³ப³யுத்தா. பச்சத்தங் வேதி³தப்³பா³ விஞ்ஞூஹீதி பண்டி³தேஹி அத்தனோ அத்தனோ ஸந்தானேயேவ ஜானிதப்³பா³, பா³லேஹி பன து³ஜ்ஜானா. இதி ஸீலவஸேன த்³வே மக்³கா³, த்³வே ச ப²லானி கதி²தானி. ஸோதாபன்னஸகதா³கா³மினோ ஹி ஸீலேஸு பரிபூரகாரினோதி. விவிச்சேவ காமேஹீதிஆதி³காய பன ஸமாதி⁴ஸம்பதா³ய தயோ மக்³கா³, தீணி ச ப²லானி கதி²தானி. அனாகா³மீ அரியஸாவகோ ஹி ஸமாதி⁴ம்ஹி பரிபூரகாரீதி வுத்தோ. ஆஸவானங் க²யாதிஆதீ³ஹி அரஹத்தப²லங் கதி²தங். கேசி பன ஸீலஸமாத⁴யோபி அரஹத்தப²லஸம்பயுத்தாவ இத⁴ அதி⁴ப்பேதா. ஏகேகஸ்ஸ பன வஸேன படிபத்தித³ஸ்ஸனத்த²ங் விஸுங் விஸுங் தந்தி ஆரோபிதாதி.
5. நிவேஸகஸுத்தவண்ணனா
76. பஞ்சமே அமச்சாதி ஸுஹஜ்ஜா. ஞாதீதி ஸஸ்ஸுஸஸுரபக்கி²கா. ஸாலோஹிதாதி ஸமானலோஹிதா பா⁴திப⁴கி³னிஆத³யோ. அவேச்சப்பஸாதே³தி கு³ணே அவேச்ச ஜானித்வா உப்பன்னே அசலப்பஸாதே³. அஞ்ஞத²த்தந்தி பா⁴வஞ்ஞத²த்தங் பத²வீதா⁴துயாதிஆதீ³ஸு வீஸதியா கொட்டா²ஸேஸு த²த்³தா⁴காரபூ⁴தாய ந த்வேவாதி இமேஸங் ஹி சதுன்னங் மஹாபூ⁴தானங் அஞ்ஞமஞ்ஞபா⁴வூபக³மனேன ஸியா அஞ்ஞத²த்தங், அரியஸாவகஸ்ஸ பன ந த்வேவ ஸியாதி த³ஸ்ஸேதி. எத்த² ச அஞ்ஞத²த்தந்தி பஸாத³ஞ்ஞத²த்தஞ்ச க³திஅஞ்ஞத²த்தஞ்ச. தஞ்ஹி தஸ்ஸ ந ஹோதி, பா⁴வஞ்ஞத²த்தங் பன ஹோதி. அரியஸாவகோ ஹி மனுஸ்ஸோ ஹுத்வா தே³வோபி ஹோதி ப்³ரஹ்மாபி. பஸாதோ³ பனஸ்ஸ ப⁴வந்தரேபி ந விக³ச்ச²தி, ந ச அபாயக³திஸங்கா²தங் க³திஅஞ்ஞத²த்தங் பாபுணாதி. ஸத்தா²பி ததே³வ த³ஸ்ஸெந்தோ தத்ரித³ங் அஞ்ஞத²த்தந்திஆதி³மாஹ. ஸேஸமெத்த² உத்தானத்த²மேவாதி.
6. பட²மப⁴வஸுத்தவண்ணனா
77. ச²ட்டே² காமதா⁴துவேபக்கந்தி காமதா⁴துயா விபச்சனகங். காமப⁴வோதி காமதா⁴துயங் உபபத்திப⁴வோ. கம்மங் கெ²த்தந்தி குஸலாகுஸலகம்மங் விருஹனட்டா²னட்டே²ன கெ²த்தங். விஞ்ஞாணங் பீ³ஜந்தி ஸஹஜாதங் அபி⁴ஸங்கா²ரவிஞ்ஞாணங் விருஹனட்டே²ன பீ³ஜங். தண்ஹா ஸ்னேஹோதி பக்³க³ண்ஹனானுப்³ரூஹனவஸேன தண்ஹா உத³கங் நாம. அவிஜ்ஜானீவரணானந்தி அவிஜ்ஜாய ஆவரிதானங். தண்ஹாஸங்யோஜனானந்தி தண்ஹாப³ந்த⁴னேன ப³த்³தா⁴னங். ஹீனாய தா⁴துயாதி காமதா⁴துயா. விஞ்ஞாணங் பதிட்டி²தந்தி அபி⁴ஸங்கா²ரவிஞ்ஞாணங் பதிட்டி²தங். மஜ்ஜி²மாய தா⁴துயாதி ரூபதா⁴துயா. பணீதாய தா⁴துயாதி அரூபதா⁴துயா. ஸேஸமெத்த² உத்தானத்த²மேவாதி.
7. து³தியப⁴வஸுத்தவண்ணனா
78. ஸத்தமே சேதனாதி கம்மசேதனா. பத்த²னாபி கம்மபத்த²னாவ. ஸேஸங் புரிமஸதி³ஸமேவாதி.
8. ஸீலப்³ப³தஸுத்தவண்ணனா
79. அட்ட²மே ஸீலப்³ப³தந்தி ஸீலஞ்சேவ வதஞ்ச. ஜீவிதந்தி து³க்கரகாரிகானுயோகோ³. ப்³ரஹ்மசரியந்தி ப்³ரஹ்மசரியவாஸோ. உபட்டா²னஸாரந்தி உபட்டா²னேன ஸாரங் ஸப²லந்தி ஸஉத்³ரயங் ஸவட்³டி⁴கங் ஹோதீதி புச்ச²தி. ந க்²வெத்த², ப⁴ந்தே, ஏகங்ஸேனாதி, ப⁴ந்தே, ந கோ² எத்த² ஏகங்ஸேன ப்³யாகாதப்³ப³ந்தி அத்தோ². உபட்டா²னஸாரங் ஸேவதோதி இத³ங் ஸாரங் வரங் நிட்டா²தி ஏவங் உபட்டி²தங் ஸேவமானஸ்ஸ. அப²லந்தி இட்ட²ப²லேன அப²லங். எத்தாவதா கம்மவாதி³கிரியவாதீ³னங் பப்³ப³ஜ்ஜங் ட²பெத்வா ஸேஸோ ஸப்³போ³பி பா³ஹிரகஸமயோ க³ஹிதோ ஹோதி. ஸப²லந்தி இட்ட²ப²லேன ஸப²லங் ஸஉத்³ரயங். எத்தாவதா இமங் ஸாஸனங் ஆதி³ங் கத்வா ஸப்³பா³பி கம்மவாதி³கிரியவாதீ³னங் பப்³ப³ஜ்ஜா க³ஹிதா. ந ச பனஸ்ஸ ஸுலப⁴ரூபோ ஸமஸமோ பஞ்ஞாயாதி ஏவங் ஸெக்க²பூ⁴மியங் ட²த்வா பஞ்ஹங் கதெ²ந்தோ அஸ்ஸ ஆனந்த³ஸ்ஸ பஞ்ஞாய ஸமஸமோ ந ஸுலபோ⁴தி த³ஸ்ஸேதி. இமஸ்மிங் ஸுத்தே ஸெக்க²பூ⁴மி நாம கதி²தாதி.
9. க³ந்த⁴ஜாதஸுத்தவண்ணனா
80. நவமே ஏதத³வோசாதி பச்சா²ப⁴த்தங் பிண்ட³பாதபடிக்கந்தோ த³ஸப³லஸ்ஸ வத்தங் த³ஸ்ஸெத்வா அத்தனோ தி³வாவிஹாரட்டா²னங் க³ந்த்வா ‘‘இமஸ்மிங் லோகே மூலக³ந்தோ⁴ நாம அத்தி², ஸாரக³ந்தோ⁴ நாம அத்தி², புப்ப²க³ந்தோ⁴ நாம அத்தி². இமே பன தயோபி க³ந்தா⁴ அனுவாதங்யேவ க³ச்ச²ந்தி, ந படிவாதங். அத்தி² நு கோ² கிஞ்சி, யஸ்ஸ படிவாதம்பி க³ந்தோ⁴ க³ச்ச²தீ’’தி சிந்தெத்வா அட்ட²ன்னங் வரானங் க³ஹணகாலேயேவ கங்கு²ப்பத்திஸமயே உபஸங்கமனவரஸ்ஸ க³ஹிதத்தா தக்க²ணங்யேவ தி³வாட்டா²னதோ வுட்டா²ய ஸத்து² ஸந்திகங் க³ந்த்வா வந்தி³த்வா ஏகமந்தங் நிஸின்னோ உப்பன்னாய கங்கா²ய வினோத³னத்த²ங் ஏதங் ‘‘தீணிமானி, ப⁴ந்தே’’திஆதி³வசனங் அவோச. தத்த² க³ந்த⁴ஜாதானீதி க³ந்த⁴ஜாதியோ. மூலக³ந்தோ⁴தி ஸாரக³ந்த⁴புப்ப²க³ந்தே⁴ஸுபி ஏஸேவ நயோ. அத்தா²னந்த³, கிஞ்சி க³ந்த⁴ஜாதந்தி எத்த² ஸரணக³மனாத³யோ கு³ணவண்ணபா⁴ஸனவஸேன தி³ஸாகா³மிதாய க³ந்த⁴ஸதி³ஸத்தா க³ந்தா⁴, தேஸங் வத்து²பூ⁴தோ புக்³க³லோ க³ந்த⁴ஜாதங் நாம. க³ந்தோ⁴ க³ச்ச²தீதி வண்ணபா⁴ஸனவஸேன க³ச்ச²தி. ஸீலவாதி பஞ்சஸீலேன வா த³ஸஸீலேன வா ஸீலவா. கல்யாணத⁴ம்மோதி தேனேவ ஸீலத⁴ம்மேன கல்யாணத⁴ம்மோ ஸுந்த³ரத⁴ம்மோ. விக³தமலமச்சே²ரேனாதிஆதீ³னங் தி³ஸாஸூதி சதூஸு தி³ஸாஸு சதூஸு அனுதி³ஸாஸு ஸமணப்³ராஹ்மணாதி ஸமிதபாபபா³ஹிதபாபா ஸமணப்³ராஹ்மணா.
ந புப்ப²க³ந்தோ⁴ படிவாதமேதீதி வஸ்ஸிகபுப்பா²தீ³னங் க³ந்தோ⁴ படிவாதங் ந க³ச்ச²தி. ந சந்த³னங் தக³ரமல்லிகா வாதி சந்த³னதக³ரமல்லிகானம்பி க³ந்தோ⁴ படிவாதங் ந க³ச்ச²தீதி அத்தோ². தே³வலோகேபி பு²டஸுமனா நாம ஹோதி, தஸ்ஸா புப்பி²ததி³வஸே க³ந்தோ⁴ யோஜனஸதங் அஜ்ஜொ²த்த²ரதி. ஸோபி படிவாதங் வித³த்தி²மத்தம்பி ரதனமத்தம்பி க³ந்துங் ந ஸக்கோதீதி வத³ந்தி. ஸதஞ்ச க³ந்தோ⁴ படிவாதமேதீதி ஸதஞ்ச பண்டி³தானங் பு³த்³த⁴பச்சேகபு³த்³த⁴பு³த்³த⁴புத்தானங் ஸீலாதி³கு³ணக³ந்தோ⁴ படிவாதங் க³ச்ச²தி. ஸப்³பா³ தி³ஸா ஸப்புரிஸோ பவாயதீதி ஸப்புரிஸோ பண்டி³தோ ஸீலாதி³கு³ணக³ந்தே⁴ன ஸப்³பா³ தி³ஸா பவாயதி, ஸப்³பா³ தி³ஸா க³ந்தே⁴ன அவத்த²ரதீதி அத்தோ².
10. சூளனிகாஸுத்தவண்ணனா
81. த³ஸமஸ்ஸ து³விதோ⁴ நிக்கே²போ அத்து²ப்பத்திகோபி புச்சா²வஸிகோபி. கதரஅத்து²ப்பத்தியங் கஸ்ஸ புச்சா²ய கதி²தந்தி சே? அருணவதிஸுத்தந்தஅத்து²ப்பத்தியங் (ஸங்॰ நி॰ 1.185 ஆத³யோ) ஆனந்த³த்தே²ரஸ்ஸ புச்சா²ய கதி²தங். அருணவதிஸுத்தந்தோ கேன கதி²தோதி? த்³வீஹி
‘‘அத² கோ², பி⁴க்க²வே, ஸிகீ² ப⁴க³வா அரஹங் ஸம்மாஸம்பு³த்³தோ⁴ அபி⁴பு⁴ங் பி⁴க்கு²ங் ஆமந்தேஸி – ‘ஆயாம, ப்³ராஹ்மண, யேன அஞ்ஞதரோ ப்³ரஹ்மலோகோ
தத்த² மஹாப்³ரஹ்மா ஸம்மாஸம்பு³த்³த⁴ங் தி³ஸ்வா அத்தமனோ பச்சுக்³க³மனங் கத்வா ப்³ரஹ்மாஸனங் பஞ்ஞாபெத்வா அதா³ஸி, தே²ரஸ்ஸாபி அனுச்ச²விகங் ஆஸனங் பஞ்ஞாபயிங்ஸு. நிஸீதி³ ப⁴க³வா பஞ்ஞத்தே ஆஸனே, தே²ரோபி அத்தனோ பஞ்ஞத்தாஸனே நிஸீதி³. மஹாப்³ரஹ்மாபி த³ஸப³லங் வந்தி³த்வா ஏகமந்தங் நிஸீதி³.
அத² கோ², பி⁴க்க²வே, ஸிகீ² ப⁴க³வா அபி⁴பு⁴ங் பி⁴க்கு²ங் ஆமந்தேஸி – ‘‘படிபா⁴து தங், ப்³ராஹ்மண, ப்³ரஹ்முனோ ச ப்³ரஹ்மபரிஸாய ச ப்³ரஹ்மபாரிஸஜ்ஜானஞ்ச த⁴ம்மீகதா²தி. ‘ஏவங், ப⁴ந்தே’தி கோ², பி⁴க்க²வே, அபி⁴பூ⁴ பி⁴க்கு² ஸிகி²ஸ்ஸ ப⁴க³வதோ அரஹதோ ஸம்மாஸம்பு³த்³த⁴ஸ்ஸ படிஸ்ஸுணித்வா ப்³ரஹ்முனோ ச ப்³ரஹ்மபரிஸாய ச ப்³ரஹ்மபாரிஸஜ்ஜானஞ்ச த⁴ம்மிங் கத²ங் கதே²ஸி. தே²ரே த⁴ம்மங் கதெ²ந்தே ப்³ரஹ்மக³ணா உஜ்ஜா²யிங்ஸு
ஸத்தா² தேஸங் அனத்தமனபா⁴வங் ஞத்வா அபி⁴பு⁴ங் பி⁴க்கு²ங் ஏதத³வோச – ‘‘உஜ்ஜா²யந்தி கோ² தே, ப்³ராஹ்மண, ப்³ரஹ்மா ச ப்³ரஹ்மபரிஸா ச ப்³ரஹ்மபாரிஸஜ்ஜா ச. தேன ஹி த்வங் – ப்³ராஹ்மண, பி⁴ய்யோஸோமத்தாய ஸங்வேஜேஹீ’’தி. தே²ரோ ஸத்து² வசனங் ஸம்படிச்சி²த்வா அனேகவிஹிதங் இத்³தி⁴விகுப்³ப³னங் கத்வா ஸஹஸ்ஸிலோகதா⁴துங் ஸரேன விஞ்ஞாபெந்தோ ‘‘ஆரம்ப⁴த² நிக்கமதா²’’தி (ஸங்॰ நி॰ 1.185) கா³தா²த்³வயங் அபா⁴ஸி. கிங் பன கத்வா தே²ரோ ஸஹஸ்ஸிலோகதா⁴துங் விஞ்ஞாபேஸீதி? நீலகஸிணங் தாவ ஸமாபஜ்ஜித்வா ஸப்³ப³த்த² அந்த⁴காரங் ப²ரி, ததோ ‘‘கிமித³ங் அந்த⁴கார’’ந்தி ஸத்தானங் ஆபோ⁴கே³ உப்பன்னே ஆலோகங் த³ஸ்ஸேஸி. ‘‘கிங் ஆலோகோ அய’’ந்தி விசினந்தானங் அத்தானங் த³ஸ்ஸேஸி, ஸஹஸ்ஸசக்கவாளே தே³வமனுஸ்ஸா அஞ்ஜலிங் பக்³க³ண்ஹித்வா பக்³க³ண்ஹித்வா தே²ரங்யேவ நமஸ்ஸமானா அட்ட²ங்ஸு. தே²ரோ ‘‘மஹாஜனோ மய்ஹங் த⁴ம்மங் தே³ஸெந்தஸ்ஸ ஸரங் ஸுணாதூ’’தி இமா
அத² கோ² ப⁴க³வா ஸத்³தி⁴ங் தே²ரேன அருணவதிங் பச்சாக³ந்த்வா பிண்டா³ய சரித்வா பச்சா²ப⁴த்தங் பிண்ட³பாதபடிக்கந்தோ
அம்ஹாகங் பன ப⁴க³வா ஸப்³ப³ஞ்ஞுதங் பத்தோ பவத்திதவரத⁴ம்மசக்கோ ஸாவத்தி²ங் உபனிஸ்ஸாய ஜேதவனே விஹரந்தோ ஜெட்ட²மூலமாஸபுண்ணமதி³வஸே பி⁴க்கூ² ஆமந்தெத்வா இமங் அருணவதிஸுத்தங் அத² கோ² ஆயஸ்மா ஆனந்தோ³தி வுத்தங்.
தத்த² ஸம்முகா²தி ஸம்முகீ²பூ⁴தேன மயா ஏதங் ஸுதங், ந அனுஸ்ஸவேன, ந தூ³தபரம்பராயாதி இமினா அதி⁴ப்பாயேன ஏவமாஹ. கீவதகங் பஹோதி ஸரேன விஞ்ஞாபேதுந்தி கித்தகங் டா²னங் ஸரீரோபா⁴ஸேன விஹதந்த⁴காரங் கத்வா ஸரேன விஞ்ஞாபேதுங் ஸக்கோதி. ஸாவகோ ஸோ, ஆனந்த³, அப்பமெய்யா ததா²க³தாதி
தே²ரோ ததியம்பி கோ²திஆதி³ வுத்தங். அத²ஸ்ஸ ப⁴க³வா ப்³யாகரொந்தோ ஸுதா தே ஆனந்தா³திஆதி³மாஹ. தே²ரோ சிந்தேஸி – ‘‘ஸத்தா² மே ‘ஸுதா தே, ஆனந்த³, ஸஹஸ்ஸீ சூளனிகா லோகதா⁴தூ’தி எத்தகமேவ வத்வா துண்ஹீ ஜாதோ, இதா³னி பு³த்³த⁴ஸீஹனாத³ங் நதி³ஸ்ஸதீ’’தி ஸோ ஸத்தா²ரங் யாசந்தோ ஏதஸ்ஸ ப⁴க³வா காலோதிஆதி³மாஹ.
ப⁴க³வாபிஸ்ஸ வித்தா²ரகத²ங் கதே²துங் தேன ஹானந்தா³திஆதி³மாஹ. தத்த² யாவதாதி யத்தகங் டா²னங். சந்தி³மஸூரியாதி சந்தி³மா ச ஸூரியோ ச. பரிஹரந்தீதி விசரந்தி. தி³ஸா ப⁴ந்தீதி ஸப்³ப³தி³ஸா ஓபா⁴ஸந்தி. விரோசனாதி விரோசமானா. எத்தாவதா ஏகசக்கவாளங் பரிச்சி²ந்தி³த்வா த³ஸ்ஸிதங் ஹோதி. இதா³னி தங் ஸஹஸ்ஸகு³ணங் கத்வா த³ஸ்ஸெந்தோ தாவ ஸஹஸ்ஸதா⁴ லோகோதி ஆஹ. தஸ்மிங் ஸஹஸ்ஸதா⁴ லோகேதி தஸ்மிங் ஸஹஸ்ஸசக்கவாளே. ஸஹஸ்ஸங் சாதுமஹாராஜிகானந்தி சத்தாரி மஹாராஜஸஹஸ்ஸானீதி வுத்தங். இமினா உபாயேன ஸப்³ப³த்த² அத்தோ² வேதி³தப்³போ³. சூளனிகாதி கு²த்³தி³கா. அயங் ஸாவகானங் விஸயோ. கஸ்மா பனேஸா ஆனீதாதி? மஜ்ஜி²மிகாய லோகதா⁴துயா பரிச்சே²த³த³ஸ்ஸனத்த²ங்.
யாவதாதி யத்தகா. தாவ ஸஹஸ்ஸதா⁴தி தாவ ஸஹஸ்ஸபா⁴கே³ன. த்³விஸஹஸ்ஸீ மஜ்ஜி²மிகா லோகதா⁴தூதி அயங் ஸஹஸ்ஸசக்கவாளானி ஸஹஸ்ஸபா⁴கே³ன க³ணெத்வா த³ஸஸதஸஹஸ்ஸசக்கவாளபரிமாணா த்³விஸஹஸ்ஸீ மஜ்ஜி²மிகா நாம லோகதா⁴து. அயங் ஸாவகானங் அவிஸயோ, பு³த்³தா⁴னமேவ விஸயோ. எத்தகேபி ஹி டா²னே ததா²க³தா அந்த⁴காரங் வித⁴மெத்வா ஸரீரோபா⁴ஸங் த³ஸ்ஸெத்வா ஸரேன விஞ்ஞாபேதுங் ஸக்கொந்தீதி தீ³பேதி. எத்தகேன பு³த்³தா⁴னங் ஜாதிக்கெ²த்தங் நாம த³ஸ்ஸிதங். போ³தி⁴ஸத்தானஞ்ஹி பச்சி²மப⁴வே
திஸஹஸ்ஸீ மஹாஸஹஸ்ஸீதி ஸஹஸ்ஸிதோ பட்டா²ய ததியாதி திஸஹஸ்ஸீ, ஸஹஸ்ஸங் ஸஹஸ்ஸதா⁴ கத்வா க³ணிதங் மஜ்ஜி²மிகங் ஸஹஸ்ஸதா⁴ கத்வா க³ணிதத்தா மஹந்தேஹி ஸஹஸ்ஸேஹி க³ணிதாதி மஹாஸஹஸ்ஸீ. எத்தாவதா கோடிஸதஸஹஸ்ஸசக்கவாளபரிமாணோ லோகோ த³ஸ்ஸிதோ ஹோதி. ப⁴க³வா ஆகங்க²மானோ எத்தகே டா²னே அந்த⁴காரங் வித⁴மெத்வா ஸரீரோபா⁴ஸங் த³ஸ்ஸெத்வா ஸரேன விஞ்ஞாபெய்யாதி. க³ணகபுத்ததிஸ்ஸத்தே²ரோ பன ஏவமாஹ – ‘‘ந திஸஹஸ்ஸிமஹாஸஹஸ்ஸிலோகதா⁴துயா ஏவங் பரிமாணங். இத³ஞ்ஹி ஆசரியானங் ஸஜ்ஜா²யமுள்ஹகங் வாசாய பரிஹீனட்டா²னங், த³ஸகோடிஸதஸஹஸ்ஸசக்கவாளபரிமாணங் பன டா²னங் திஸஹஸ்ஸிமஹாஸஹஸ்ஸிலோகதா⁴து நாமா’’தி. எத்தாவதா ஹி ப⁴க³வதா ஆணாக்கெ²த்தங் நாம த³ஸ்ஸிதங். ஏதஸ்மிஞ்ஹி யாவதா பன ஆகங்கெ²ய்யாதி யத்தகங் டா²னங் இச்செ²ய்ய, இமினா விஸயக்கெ²த்தங்
ஏவங் வுத்தே தே²ரோ சிந்தேஸி – ‘‘ஸத்தா² ஏவமாஹ – ‘ஆகங்க²மானோ, ஆனந்த³, ததா²க³தோ திஸஹஸ்ஸிமஹாஸஹஸ்ஸிலோகதா⁴துங் ஸரேன விஞ்ஞாபெய்ய, யாவதா பன ஆகங்கெ²ய்யா’தி. விஸமோ கோ² பனாயங் லோகோ, அனந்தானி சக்கவாளானி, ஏகஸ்மிங் டா²னே ஸூரியோ உக்³க³தோ ஹோதி, ஏகஸ்மிங் டா²னே மஜ்ஜே² டி²தோ, ஏகஸ்மிங் டா²னே அத்த²ங்க³தோ. ஏகஸ்மிங் டா²னே பட²மயாமோ ஹோதி, ஏகஸ்மிங் டா²னே மஜ்ஜி²மயாமோ, ஏகஸ்மிங் டா²னே பச்சி²மயாமோ. ஸத்தாபி கம்மப்பஸுதா, கி²ட்³டா³பஸுதா, ஆஹாரப்பஸுதாதி ஏவங் தேஹி தேஹி காரணேஹி விக்கி²த்தா ச பமத்தா ச ஹொந்தி. கத²ங் நு கோ² தே ஸத்தா² ஸரேன விஞ்ஞாபெய்யா’’தி. ஸோ ஏவங் சிந்தெத்வா விமதிச்சே²த³னத்த²ங் ததா²க³தங் புச்ச²ந்தோ யதா² கத²ங் பனாதிஆதி³மாஹ.
அத²ஸ்ஸ இதா⁴னந்த³, ததா²க³தோதிஆதி³மாஹ. தத்த² ஓபா⁴ஸேன ப²ரெய்யாதி ஸரீரோபா⁴ஸேன ப²ரெய்ய. ப²ரமானோ பனேஸ கிங் கரெய்யாதி? யஸ்மிங் டா²னே ஸூரியோ பஞ்ஞாயதி, தத்த² நங் அத்தனோ ஆனுபா⁴வேன அத்த²ங் க³மெய்ய. யத்த² பன ந பஞ்ஞாயதி, தத்த² நங் உட்டா²பெத்வா மஜ்ஜே² ட²பெய்ய
தங் ஆலோகங் ஸஞ்ஜானெய்யுந்தி தங் ஆலோகங் தி³ஸ்வா ‘‘யேன ஸூரியோ அத்த²ஞ்சேவ க³மிதோ உட்டா²பிதோ ச, ப³ஹலந்த⁴காரஞ்ச விஸ்ஸட்ட²ங், ஏஸ ஸோ புரிஸோ இதா³னி ஆலோகங் கத்வா டி²தோ, அஹோ அச்ச²ரியபுரிஸோ’’தி அஞ்ஜலிங் பக்³க³ய்ஹ நமஸ்ஸமானா நிஸீதெ³ய்யுங். ஸத்³த³மனுஸ்ஸாவெய்யாதி
இமஞ்ச லாபா⁴ வத மேதிஆதி³மாஹ. தத்த² யஸ்ஸ மே ஸத்தா² ஏவங்மஹித்³தி⁴கோதி யஸ்ஸ மய்ஹங் ஸத்தா² ஏவங்மஹித்³தி⁴கோ, தஸ்ஸ மய்ஹங் ஏவங்மஹித்³தி⁴கஸ்ஸ ஸத்து² படிலாபோ⁴ லாபா⁴ சேவ ஸுலத்³த⁴ஞ்சாதி அத்தோ². அத² வா ய்வாஹங் ஏவரூபஸ்ஸ ஸத்து²னோ பத்தசீவரங் க³ஹெத்வா விசரிதுங், பாத³பரிகம்மங் பிட்டி²பரிகம்மங் காதுங், முக²தோ⁴வனஉத³கன்ஹானோத³கானி தா³துங், க³ந்த⁴குடிபரிவேணங் ஸம்மஜ்ஜிதுங், உப்பன்னாய கங்கா²ய பஞ்ஹங் புச்சி²துங், மது⁴ரத⁴ம்மகத²ஞ்ச உதா³யீதி லாளுதா³யித்தே²ரோ. ஸோ கிர புப்³பே³ உபட்டா²கத்தே²ரே ஆகா⁴தங் ப³ந்தி⁴த்வா சரதி. தஸ்மா இதா³னி ஓகாஸங் லபி⁴த்வா இமஸ்மிங் பு³த்³த⁴ஸீஹனாத³பரியோஸானே ஜலமானங் தீ³பஸிக²ங் நிப்³பா³பெந்தோ விய சரந்தஸ்ஸ கோ³ணஸ்ஸ துண்டே³ பஹாரங் தெ³ந்தோ விய ப⁴த்தப⁴ரிதங்
ஏவங் வுத்தே ப⁴க³வாதி ஏவங் உதா³யித்தே²ரேன வுத்தே ப⁴க³வா யதா² நாம பபாததடே ட²த்வா பவேத⁴மானங் புரிஸங் ஏகமந்தே டி²தோ ஹிதேஸீ புரிஸோ ‘‘இதோ ஏஹி இதோ ஏஹீ’’தி புனப்புனங் வதெ³ய்ய, ஏவமேவங் உதா³யித்தே²ரங் தஸ்மா வசனா நிவாரெந்தோ மா ஹேவங் உதா³யி, மா ஹேவங் உதா³யீதி ஆஹ. தத்த² ஹீதி நிபாதமத்தங், மா ஏவங் அவசாதி அத்தோ². மஹாரஜ்ஜந்தி சக்கவத்திரஜ்ஜங். நனு ச ஸத்தா² ஏகஸ்ஸ ஸாவகஸ்ஸ த⁴ம்மதே³ஸனாய உப்பன்னபஸாத³ஸ்ஸ மஹானிஸங்ஸங் அபரிச்சி²ன்னங் அகாஸி, ஸோ கஸ்மா இமஸ்ஸ பு³த்³த⁴ஸீஹனாத³ங் ஆரப்³ப⁴ உப்பன்னஸ்ஸ பஸாத³ஸ்ஸ ஆனிஸங்ஸங் பரிச்சி²ந்த³தீதி? அரியஸாவகஸ்ஸ எத்தகஅத்தபா⁴வபரிமாணத்தா. த³ந்த⁴பஞ்ஞோபி ஹி ஸோதாபன்னோ ஸத்தக்க²த்துங் தே³வேஸு ச மனுஸ்ஸேஸு ச அத்தபா⁴வங் படிலப⁴தி, தேனஸ்ஸ க³திங் பரிச்சி²ந்த³ந்தோ ஏவமாஹ. தி³ட்டே²வ த⁴ம்மேதி இமஸ்மிங்யேவ அத்தபா⁴வே ட²த்வா. பரினிப்³பா³யிஸ்ஸதீதி அப்பச்சயபரினிப்³பா³னேன பரினிப்³பா³யிஸ்ஸதி. இதி நிப்³பா³னேன கூடங் க³ண்ஹந்தோ இமங் ஸீஹனாத³ஸுத்தங் நிட்டா²பேஸீதி.
ஆனந்த³வக்³கோ³ ததியோ.