4. ஸமசித்தவக்³க³வண்ணனா
33. சதுத்த²ஸ்ஸ அஸப்புரிஸபூ⁴மீதி அஸப்புரிஸானங் பதிட்டா²னட்டா²னங். ஸப்புரிஸபூ⁴மியம்பி ஏஸேவ நயோ. அகதஞ்ஞூதி கதங் ந ஜானாதி. அகதவேதீ³தி கதங் பாகடங் கத்வா ந ஜானாதி. உபஞ்ஞாதந்தி வண்ணிதங் தோ²மிதங் பஸத்த²ங். யதி³த³ந்தி யா அயங். அகதஞ்ஞுதா அகதவேதி³தாதி பரேன கதஸ்ஸ உபகாரஸ்ஸ அஜானநஞ்சேவ பாகடங் கத்வா அஜானநஞ்ச. கேவலாதி ஸகலா. ஸுக்கபக்கே²பி வுத்தனயேனேவ அத்தோ² வேதி³தப்³போ³.
34. து³தியே மாது ச பிது சாதி ஜனகமாது ச ஜனகபிது ச. ஏகேன, பி⁴க்க²வே, அங்ஸேன மாதரங் பரிஹரெய்யாதி ஏகஸ்மிங் அங்ஸகூடே ட²பெத்வா மாதரங் படிஜக்³கெ³ய்ய. ஏகேன அங்ஸேன பிதரங் பரிஹரெய்யாதி ஏகஸ்மிங் அங்ஸகூடே ட²பெத்வா பிதரங் படிஜக்³கெ³ய்ய. வஸ்ஸஸதாயுகோ வஸ்ஸஸதஜீவீதி வஸ்ஸஸதாயுககாலே ஜாதோ ஸகலங் வஸ்ஸஸதங் ஜீவந்தோ. இத³ங் வுத்தங் ஹோதி – ஸசே புத்தோ நாம ‘‘மாதாபிதூனங் படிகரிஸ்ஸாமீ’’தி உட்டா²ய ஸமுட்டா²ய த³க்கி²ணே அங்ஸகூடே மாதரங், வாமே பிதரங் ஸோ ச நேஸங் உச்சா²த³னபரிமத்³த³னந்ஹாபனஸம்பா³ஹனேனாதி ஸோ ச புத்தோ நேஸங் மாதாபிதூனங் அங்ஸகூடேஸு டி²தானங்யேவ து³க்³க³ந்த⁴படிவினோத³னத்த²ங் ஸுக³ந்த⁴கரணேன உச்சா²த³னேன, பரிஸ்ஸமவினோத³னத்த²ங் ஹத்த²பரிமத்³த³னேன, ஸீதுண்ஹகாலே ச உண்ஹோத³கஸீதோத³கன்ஹாபனேன, ஹத்த²பாதா³தீ³னங் ஆகட்³ட⁴னபரிகட்³ட⁴னஸங்கா²தேன ஸம்பா³ஹனேன உபட்டா²னங் கரெய்ய. தே ச தத்தே²வாதி தே ச மாதாபிதரோ தத்தே²வ தஸ்ஸ அங்ஸகூடேஸு நிஸின்னாவ முத்தகரீஸங் சஜெய்யுங். நத்வேவ , பி⁴க்க²வேதி, பி⁴க்க²வே, ஏவம்பி நத்வேவ மாதாபிதூனங் கதங் வா ஹோதி படிகதங் வா.
இஸ்ஸராதி⁴பச்சே ரஜ்ஜேதி சக்கவத்திரஜ்ஜங் ஸந்தா⁴யேவமாஹ. ஆபாத³காதி வட்³ட⁴கா அனுபாலகா. புத்தா ஹி மாதாபிதூஹி வட்³டி⁴தா சேவ அனுபாலிதா ச. போஸகாதி ஹத்த²பாதே³ வட்³டெ⁴த்வா ஹத³யலோஹிதங் பாயெத்வா போஸகா. புத்தா ஹி மாதாபிதூஹி புட்டா² ப⁴தா அன்னபானாதீ³ஹி படிஜக்³கி³தா. இமஸ்ஸ லோகஸ்ஸ த³ஸ்ஸேதாரோதி ஸசே ஹி மாதாபிதரோ ஜாததி³வஸேயேவ புத்தங் பாதே³ க³ஹெத்வா அரஞ்ஞே வா நதி³யங் வா பபாதே வா கி²பெய்யுங், இமஸ்மிங் லோகே இட்டா²னிட்டா²ரம்மணங் ந பஸ்ஸெய்ய. ஏவங் அகத்வா ஆபாதி³தத்தா ஸமாத³பேதீதி க³ண்ஹாபேதி. இமஸ்மிங் ஸுத்தே ஸத்³தா⁴ஸீலசாக³பஞ்ஞா லோகியலோகுத்தரமிஸ்ஸகா கதி²தா. த⁴ம்மஸேனாபதிஸாரிபுத்தத்தே²ரஸதி³ஸோவ பி⁴க்கு² தேஸு பதிட்டா²பேதி நாமாதி வேதி³தப்³போ³.
35. ததியே தேனுபஸங்கமீதி ஸோ ஹி ப்³ராஹ்மணோ ‘‘ஸமணோ கிர கோ³தமோ கதி²தங் விஸ்ஸஜ்ஜேதி, புச்சா²யஸ்ஸ விரஜ்ஜ²னங் நாம நத்தி². அஹமஸ்ஸ விரஜ்ஜ²னபஞ்ஹங் அபி⁴ஸங்க²ரிஸ்ஸாமீ’’தி பணீதபோ⁴ஜனங் பு⁴ஞ்ஜித்வா க³ப்³ப⁴த்³வாரங் பித³ஹித்வா நிஸின்னோ சிந்தேதுங் ஆரபி⁴. அத²ஸ்ஸ ஏதத³ஹோஸி – ‘‘இமஸ்மிங் டா²னே உச்சாஸத்³த³மஹாஸத்³தோ³ வத்ததி, சித்தங் ந ஏகக்³க³ங் ஹோதி, பூ⁴மிக⁴ரங் காரெஸ்ஸாமீ’’தி பூ⁴மிக⁴ரங் காரெத்வா தத்த² பவிஸித்வா – ‘‘ஏவங் புட்டோ² ஏவங் கதெ²ஸ்ஸதி, ஏவங் புட்டோ² ஏவங் கதெ²ஸ்ஸதீ’’தி ஏகங் க³ண்ஹித்வா ஏகங் கிங்வாதீ³தி கிங்லத்³தி⁴கோ. கிமக்கா²யீதி கிங் நாம ஸாவகானங் படிபத³ங் அக்கா²யீதி புச்சி². அத²ஸ்ஸ ப⁴க³வா சதூஹி மாஸேஹி பஞ்ஹங் அபி⁴ஸங்க²ரித்வா ‘‘தி³ட்டோ² மே ஸமணஸ்ஸ கோ³தமஸ்ஸ பராஜயபஞ்ஹோ’’தி மானங் பக்³க³ய்ஹ ஆக³தபா⁴வங் ஞத்வா ஏகபதே³னேவ தங் பஞ்ஹங் பி⁴ந்த³ந்தோ கிரியவாதீ³ சாஹங், ப்³ராஹ்மணாதிஆதி³மாஹ. அத² ப்³ராஹ்மணோ அத்தனோ மானங் அபனெத்வா ப⁴க³வந்தங் ஆயாசந்தோ யதா²கத²ங் பனாதிஆதி³மாஹ. ஸேஸமெத்த² உத்தானத்த²மேவாதி.
36. சதுத்தே² த³க்கி²ணெய்யாதி த³க்கி²ணா வுச்சதி தா³னங், தஸ்ஸ படிக்³க³ஹணயுத்தா கதி புக்³க³லாதி புச்ச²தி. ஸேகோ²தி இமினா ஸத்த ஸெக்கே² த³ஸ்ஸேதி. எத்த² ச ஸீலவந்தபுது²ஜ்ஜனோபி ஸோதாபன்னேனேவ ஆஹுனெய்யா யஜமானானங் ஹொந்தீதி தா³னங் த³த³ந்தானங் ஆஹுனஸ்ஸ அரஹா தா³னபடிக்³கா³ஹகா நாம ஹொந்தீதி அத்தோ². கெ²த்தந்தி வத்து² பதிட்டா², புஞ்ஞஸ்ஸ விருஹனட்டா²னந்தி அத்தோ².
37. பஞ்சமே புப்³பா³ராமேதி ஸாவத்தி²தோ புரத்தி²மதி³ஸாபா⁴கே³ ஆராமே. மிகா³ரமாதுபாஸாதே³தி விஸாகா²ய உபாஸிகாய பாஸாதே³. ஸா ஹி மிகா³ரஸெட்டி²னா மாதுட்டா²னே ட²பிதத்தாபி, ஸப்³ப³ஜெட்ட²கஸ்ஸ புத்தஸ்ஸ அய்யகஸெட்டி²னோவ ஸமானநாமகத்தாபி மிகா³ரமாதாதி வுச்சதி. தாய காரிதோ ஸஹஸ்ஸக³ப்³போ⁴ பாஸாதோ³ மிகா³ரமாதுபாஸாதோ³ நாம. தே²ரோ தத்ர கோ² ஆயஸ்மா ஸாரிபுத்தோதி தஸ்மிங் பாஸாதே³ விஹரந்தோ த⁴ம்மஸேனாபதிஸாரிபுத்தத்தே²ரோ.
பி⁴க்கூ² ஆமந்தேஸீதி கஸ்மிங் காலே ஆமந்தேஸி? கானிசி ஹி ஸுத்தானி புரேப⁴த்தே பா⁴ஸிதானி அத்தி², கானிசி பச்சா²ப⁴த்தே, கானிசி புரிமயாமே, கானிசி மஜ்ஜி²மயாமே, கானிசி பச்சி²மயாமே. இத³ங் பன ஸமசித்தபடிபதா³ஸுத்தங் பச்சா²ப⁴த்தே பா⁴ஸிதங். தஸ்மா ஸாயன்ஹஸமயே ஆமந்தேஸி.
ந கேவலங் சேதங் தே²ரேனேவ பா⁴ஸிதங், ததா²க³தேனாபி பா⁴ஸிதங். கத்த² நிஸீதி³த்வாதி? விஸாகா²ய ரதனபாஸாதே³ நிஸீதி³த்வா. ததா²க³தோ ஹி பட²மபோ³தி⁴யங் வீஸதி வஸ்ஸானி அனிப³த்³த⁴வாஸோ ஹுத்வா யத்த² யத்த² பா²ஸுகங் ஹோதி, தத்த² தத்தே²வ க³ந்த்வா வஸி. பட²மங் அந்தோவஸ்ஸஞ்ஹி இஸிபதனே த⁴ம்மசக்கங் பவத்தெத்வா அட்டா²ரஸ மஹாப்³ரஹ்மகோடியோ அமதபானங் பாயெத்வா பா³ராணஸிங் உபனிஸ்ஸாய இஸிபதனே வஸி. து³தியங் அந்தோவஸ்ஸங் ராஜக³ஹங் உபனிஸ்ஸாய வேளுவனே, ததியசதுத்தா²னிபி தத்தே²வ, பஞ்சமங் அந்தோவஸ்ஸங் வேஸாலிங் உபனிஸ்ஸாய மஹாவனே கூடாகா³ரஸாலாயங், ச²ட்ட²ங் அந்தோவஸ்ஸங் மகுலபப்³ப³தே, ஸத்தமங் தாவதிங்ஸப⁴வனே, அட்ட²மங் ப⁴க்³கே³ ஸுஸுமாரகி³ரங் நிஸ்ஸாய பே⁴ஸகளாவனே, நவமங் கோஸம்பி³யங், த³ஸமங் பாலிலெய்யகே வனஸண்டே³, ஏகாத³ஸமங் நாலாயங் ப்³ராஹ்மணகா³மே, த்³வாத³ஸமங் வேரஞ்ஜாயங், தேரஸமங் சாலியபப்³ப³தே, சுத்³த³ஸமங் ஜேதவனே, பஞ்சத³ஸமங் கபிலவத்து²ஸ்மிங், ஸோளஸமங் ஆளவகங் த³மெத்வா சதுராஸீதிபாணஸஹஸ்ஸானி அமதபானங் பாயெத்வா ஆளவியங், ஸத்தரஸமங் ராஜக³ஹேயேவ, அட்டா²ரஸமங் சாலியபப்³ப³தேயேவ, ததா² ஏகூனவீஸதிமங், வீஸதிமங் பன அந்தோவஸ்ஸங் ராஜக³ஹங்யேவ
ததோ
ததோ ‘‘கஸ்மிங் நு கோ² காலே அபி⁴ஸமயோ ப⁴விஸ்ஸதீ’’தி ஓலோகெந்தோ ‘‘ஸாயன்ஹஸமயே’’தி தி³ஸ்வா ‘‘மயி நு கோ² கதெ²ந்தே அபி⁴ஸமயோ ப⁴விஸ்ஸதி, ஸாவகே கதெ²ந்தே ப⁴விஸ்ஸதீ’’தி ‘‘ஸாரிபுத்தத்தே²ரே கதெ²ந்தே ப⁴விஸ்ஸதீ’’தி அத்³த³ஸ. ததோ ‘‘கத்த² நிஸீதி³த்வா கதெ²ந்தே ப⁴விஸ்ஸதீ’’தி ஓலோகெந்தோ ‘‘விஸாகா²ய ரதனபாஸாதே³ நிஸீதி³த்வா’’தி தி³ஸ்வா ‘‘பு³த்³தா⁴னங் நாம தயோ ஸாவகஸன்னிபாதா ஹொந்தி, அக்³க³ஸாவகானங் ஏகோ. தேஸு அஜ்ஜ த⁴ம்மஸேனாபதிஸாரிபுத்தத்தே²ரஸ்ஸ ஸாவகஸன்னிபாதோ ப⁴விஸ்ஸதீ’’தி அத்³த³ஸ. தி³ஸ்வா பாதோவ ஸரீரபடிஜக்³க³னங் கத்வா நிவத்த²னிவாஸனோ
ஸத்தா² ஸாரிபுத்தத்தே²ரங் ஆமந்தேஸி – ‘‘ஸாரிபுத்த, தயா புப்³பா³ராமங் க³ந்துங் வட்டதி, தவ ச பரிஸங் க³ஹெத்வா க³ச்சா²ஹீ’’தி. ‘‘ஸாது⁴, ப⁴ந்தே’’தி தே²ரோ அத்தனோ பரிவாரேஹி பஞ்சஹி பி⁴க்கு²ஸதேஹி பரிவுதோ புப்³பா³ராமங் அக³மாஸி. ஏதேனேவ நியாமேன அஸீதி மஹாஸாவகே புப்³பா³ராமமேவ பேஸெத்வா ஸயங் ஏகேன ஆனந்த³த்தே²ரேனேவ ஸத்³தி⁴ங் ஜேதவனங் அக³மாஸி. ஆனந்த³த்தே²ரோபி விஹாரே ஸத்து² வத்தங்
தங் தி³வஸஞ்ஹி சதஸ்ஸோ பரிஸா தே²ரஸ்ஸேவ த⁴ம்மகத²ங் ஸோதுகாமா அஹேஸுங். கோஸலமஹாராஜாபி ப³லகாயேன பரிவுதோ புப்³பா³ராமமேவ க³தோ. ததா² பஞ்சஸதஉபாஸகபரிவாரோ அனாத²பிண்டி³கோ. விஸாகா² பன மஹாஉபாஸிகா த்³வீஹி ஜங்க⁴ஸஹஸ்ஸேஹி பரிவுதோ அக³மாஸி. ஸத்தபண்ணாஸாய குலஸதஸஹஸ்ஸானங் வஸனட்டா²னே ஸாவத்தி²னக³ரே கே³ஹபாலகதா³ரகே ட²பெத்வா ஸேஸஜனோ க³ந்த⁴சுண்ணமாலாதீ³னி க³ஹெத்வா புப்³பா³ராமமேவ அக³மாஸி. சதூஸு த்³வாரகா³மேஸு கா³வுதஅட்³ட⁴யோஜனயோஜனபரமட்டா²னே ஸப்³பே³யேவ மனுஸ்ஸா க³ந்த⁴சுண்ணமாலாதி³ஹத்தா² புப்³பா³ராமமேவ அக³மங்ஸு. ஸகலவிஹாரோ மிஸ்ஸகபுப்பே²ஹி அபி⁴கிண்ணோ விய அஹோஸி.
த⁴ம்மஸேனாபதிஸாரிபுத்தத்தே²ரோபி கோ² விஹாரங் க³ந்த்வா விஹாரபரிவேணே அங்க³ணட்டா²னே அட்டா²ஸி. பி⁴க்கூ² தே²ரஸ்ஸ ஆஸனங் பஞ்ஞாபயிங்ஸு. தே²ரோ தத்த² நிஸீதி³த்வா உபட்டா²கத்தே²ரேன வத்தே கதே பி⁴க்கு²ஸங்க⁴ஸ்ஸ ஓவாத³ங் கத்வா க³ந்த⁴குடிங்
ஏவங் ஆவுஸோ, பி⁴க்க²வேதி. ஆவுஸோதி ஹி அவத்வா, பி⁴க்க²வேதி வசனங் பு³த்³தா⁴லாபோ நாம ஹோதி, அயங் பனாயஸ்மா ‘‘த³ஸப³லேன ஸமானங் ஆலபனங் ந கரிஸ்ஸாமீ’’தி ஸத்து² கா³ரவவஸேன ஸாவகாலாபங் கரொந்தோ, ‘‘ஆவுஸோ ஏதத³வோசாதி ஏதங் ‘‘அஜ்ஜ²த்தஸங்யோஜனஞ்ச, ஆவுஸோ, புக்³க³லங் தே³ஸெஸ்ஸாமி ப³ஹித்³தா⁴ஸங்யோஜனஞ்சா’’தி த⁴ம்மதே³ஸனாபத³ங் அவோச.
தஸ்மிங் பன ரதனபாஸாதே³ அதி⁴வத்தோ² ஏகோ ஸோதாபன்னோ தே³வபுத்தோ அத்தி², ஸோ பு³த்³தே⁴ஹி வா ஸாவகேஹி வா தே³ஸனாய ஆரத்³த⁴மத்தாயயேவ ஜானாதி – ‘‘அயங் தே³ஸனா உத்தானிகா ப⁴விஸ்ஸதி, அயங் க³ம்பீ⁴ரா. அயங் ஜா²னநிஸ்ஸிதா ப⁴விஸ்ஸதி, அயங் விபஸ்ஸனானிஸ்ஸிதா. அயங் மக்³க³னிஸ்ஸிதா அயங் ப²லனிஸ்ஸிதா, அயங் நிப்³பா³னநிஸ்ஸிதா’’தி. ஸோ தஸ்மிம்பி தி³வஸே தே²ரேன தே³ஸனாய
தே³வராஜேன ஸாது⁴காரே தி³ன்னே பரிவாரகபாஸாத³ஸஹஸ்ஸே அதி⁴வத்தா² தே³வதா ஸப்³பா³வ ஸாது⁴காரங் அத³ங்ஸு. தாஸங் ஸாது⁴காரஸத்³தே³ன ஸப்³பா³ புப்³பா³ராமே வஸனதே³வதா, தாஸங் ஸத்³தே³ன கா³வுதமத்தே தே³வதா, ததோ அட்³ட⁴யோஜனே யோஜனேதி ஏதேனுபாயேன ஏகசக்கவாளே, த்³வீஸு சக்கவாளேஸு, தீஸு சக்கவாளேஸூதி த³ஸஸஹஸ்ஸசக்கவாளேஸு தே³வதா ஸாது⁴காரமத³ங்ஸு. தாஸங் ஸாது⁴காரஸத்³தே³ன பத²விட்ட²கனாகா³ ச ஆகாஸட்ட²கதே³வதா ச. ததோ அப்³ப⁴வலாஹகா, உண்ஹவலாஹகா, ஸீதவலாஹகா, வஸ்ஸவலாஹகா, சாதுமஹாராஜிகா சத்தாரோ மஹாராஜானோ, தாவதிங்ஸா தே³வதா, ஸக்கோ தே³வராஜா, யாமா தே³வதா, ஸுயாமோ தே³வராஜா
ததோ கீ²ணாஸவமஹாப்³ரஹ்மானோ – ‘‘மஹா வதாயங் ஸாது⁴காரஸத்³தோ³, பத²விதலதோ பட்டா²ய யாவ அகனிட்ட²லோகங் ஆக³தோ, கிமத்த²ங் நு கோ² ஏஸோ’’தி ஆவஜ்ஜெந்தோ ‘‘த⁴ம்மஸேனாபதிஸாரிபுத்தத்தே²ரோ புப்³பா³ராமே
அதா²யஸ்மா ஸாரிபுத்தோ ‘‘மஹந்தங் வதித³ங் ஹலாஹலங், கிங் நு கோ² ஏத’’ந்தி ஆவஜ்ஜெந்தோ த³ஸஸஹஸ்ஸசக்கவாளே டி²தானங் தே³வதானங் ஏகசக்கவாளே ஸன்னிபதிதபா⁴வங் அத்³த³ஸ. அத² யஸ்மா பு³த்³தா⁴னங் அதி⁴ட்டா²னகிச்சங் நத்தி², பரிஸபரிமாணேனேவ பஸ்ஸந்தி சேவ ஸத்³த³ஞ்ச ஸாவெந்தி. ஸாவகானங் பன அதி⁴ட்டா²னங் வட்டதி. தஸ்மா தே²ரோ ஸமாபத்திங் ஸமாபஜ்ஜித்வா ஸமாபத்திதோ வுட்டா²ய மஹக்³க³தசித்தேன அதி⁴ட்டா²ஸி – ‘‘சக்கவாளபரியந்தா பரிஸா ஸப்³பா³பி மங் பஸ்ஸது, த⁴ம்மஞ்ச மே தே³ஸெந்தஸ்ஸ ஸத்³த³ங் ஸுணாதூ’’தி. அதி⁴ட்டி²தகாலதோ பட்டா²ய த³க்கி²ணஜாணுபஸ்ஸே ச சக்கவாளமுக²வட்டியஞ்ச நிஸீதி³த்வா ‘‘த⁴ம்மஸேனாபதிஸாரிபுத்தத்தே²ரோ நாம கீதி³ஸோ தீ³கோ⁴ ரஸ்ஸோ ஸாமோ ஓதா³தோ’’தி வத்தப்³ப³காரணங் நாஹோஸி, ஸப்³பே³ஸம்பி ஸப்³ப³தி³ஸாஸு நிஸின்னானங் அபி⁴முகே²யேவ பஞ்ஞாயித்த², நப⁴மஜ்ஜே² டி²தசந்தோ³ விய அஹோஸி. த⁴ம்மங் தே³ஸெந்தஸ்ஸாபிஸ்ஸ
ஏவங் அதி⁴ட்ட²ஹித்வா தே²ரோ அஜ்ஜ²த்தஸங்யோஜனஞ்ச, ஆவுஸோதி இமங் த⁴ம்மதே³ஸனங் ஆரபி⁴. தத்த² அஜ்ஜ²த்தந்தி காமப⁴வோ. ப³ஹித்³தா⁴தி ரூபாரூபப⁴வோ. கிஞ்சாபி ஹி ஸத்தா காமப⁴வே அப்பங் காலங் வஸந்தி கப்பஸ்ஸ சதுத்த²மேவ கொட்டா²ஸங், இதரேஸு தீஸு கொட்டா²ஸேஸு காமப⁴வோ ஸுஞ்ஞோ ஹோதி துச்சோ², ரூபப⁴வே ப³ஹுங் காலங் வஸந்தி, ததா²பி தேஸங் யஸ்மா காமப⁴வே சுதிபடிஸந்தி⁴யோ ப³ஹுகா ஹொந்தி, அப்பகா ரூபாரூபப⁴வேஸு. யத்த² ச சுதிபடிஸந்தி⁴யோ ப³ஹுகா, தத்த² ஆலயோபி பத்த²னாபி அபி⁴லாஸோபி ப³ஹு ஹோதி. யத்த² அப்பா, தத்த² அப்போ. தஸ்மா காமப⁴வோ அஜ்ஜ²த்தங் நாம ஜாதங், ரூபாரூபப⁴வா ப³ஹித்³தா⁴ நாம. இதி அஜ்ஜ²த்தஸங்கா²தே காமப⁴வே ச²ந்த³ராகோ³ அஜ்ஜ²த்தஸங்யோஜனங் நாம, ப³ஹித்³தா⁴ஸங்கா²தேஸு ரூபாரூபப⁴வேஸு ச²ந்த³ராகோ³ ப³ஹித்³தா⁴ஸங்யோஜனங் நாம. ஓரம்பா⁴கி³யானி வா பஞ்ச ஸங்யோஜனானி அஜ்ஜ²த்தஸங்யோஜனங் நாம, உத்³த⁴ம்பா⁴கி³யானி பஞ்ச ப³ஹித்³தா⁴ஸங்யோஜனங் நாம. தத்ராயங் வசனத்தோ² – ஓரங் வுச்சதி காமதா⁴து, தத்த² உபபத்தினிப்பா²த³னதோ தங் ஓரங் ப⁴ஜந்தீதி ஓரம்பா⁴கி³யானி
ஏவங் வுத்தப்பபே⁴தே³ன அஜ்ஜ²த்தஸங்யோஜனேன ஸங்யுத்தோ புக்³க³லோ அஜ்ஜ²த்தஸங்யோஜனோ, ப³ஹித்³தா⁴ஸங்யோஜனேன ஸங்யுத்தோ புக்³க³லோ ப³ஹித்³தா⁴ஸங்யோஜனோ. உப⁴யம்பி சேதங் ந லோகியஸ்ஸ வட்டனிஸ்ஸிதமஹாஜனஸ்ஸ நாமங். யேஸங் பன ப⁴வோ த்³வேதா⁴ பரிச்சி²ன்னோ, தேஸங் ஸோதாபன்னஸகதா³கா³மிஅனாகா³மீனங் அரியஸாவகானங் ஏதங் நாமங். யதா² ஹி மஹாஅரஞ்ஞே க²தி³ரவனஸாலவனாதீ³னி த²ம்போ⁴ துலாஸங்கா⁴டோதி நாமங் ந லப⁴ந்தி, க²தி³ரவனங் ஸாலவனந்தி நாமமேவ லப⁴ந்தி. யதா³ பன ததோ ருக்கா² திண்ஹாய குடா²ரியா சி²ந்தி³த்வா த²ம்பா⁴தி³ஸண்டா²னேன தச்சி²தா ஹொந்தி, ததா³ த²ம்போ⁴ துலாஸங்கா⁴டோதி நாமங் லப⁴ந்தி. ஏவமேவங் அபரிச்சி²ன்னப⁴வோ ப³ஹலகிலேஸோ புது²ஜ்ஜனோ
இமஸ்ஸ ச பனத்த²ஸ்ஸ விபா⁴வனத்த²ங் இத³ங் வச்ச²கஸாலோபமங் வேதி³தப்³ப³ங். வச்ச²கஸாலங் ஹி கத்வா அந்தோ கா²ணுகே கொட்டெத்வா வச்ச²கே யொத்தேஹி ப³ந்தி⁴த்வா
தத்த² வச்ச²கஸாலா விய தயோ ப⁴வா வேதி³தப்³பா³. வச்ச²கஸாலாயங் கா²ணுகா விய அவிஜ்ஜாகா²ணுகோ. வச்ச²கப³ந்த⁴னயொத்தங் விய த³ஸ ஸங்யோஜனானி. வச்ச²கா விய தீஸு ப⁴வேஸு நிப்³ப³த்தஸத்தா
கதமோ சாவுஸோதி இத³ங் தே²ரோ யதா² நாம புரிஸோ த்³வே ரதனபேளா பஸ்ஸே ட²பெத்வா ஸம்பத்தபரிஸாய த்³வே ஹத்தே² பூரெத்வா ஸத்தவித⁴ங் ரதனங் பா⁴ஜெத்வா த³தெ³ய்ய, ஏவங் பட²மங் ரதனபேளங் த³த்வா து³தியம்பி ததே²வ த³தெ³ய்ய. ஏவமேவங் ‘‘அஜ்ஜ²த்தஸங்யோஜனஞ்ச, ஆவுஸோ, புக்³க³லங் தே³ஸெஸ்ஸாமி ப³ஹித்³தா⁴ஸங்யோஜனஞ்சா’’தி இமானி த்³வே பதா³னி மாதிகாவஸேன ட²பெத்வா இதா³னி அட்ட²விதா⁴ய பரிஸாய பா⁴ஜெத்வா த³ஸ்ஸேதுங் வித்தா²ரகத²ங் ஆரபி⁴.
தத்த² இதா⁴தி இமஸ்மிங் ஸாஸனே. ஸீலவா ஹோதீதி சதுபாரிஸுத்³தி⁴ஸீலேஹி ஸீலஸம்பன்னோ ஹோதி. இதி தே²ரோ எத்தாவதா ச கிர சதுபாரிஸுத்³தி⁴ஸீலங் உத்³தி³ஸித்வா ‘‘பாதிமொக்க²ஸங்வரஸங்வுதோ’’தி இமினா தத்த² ஜெட்ட²கஸீலங் வித்தா²ரெத்வா த³ஸ்ஸேஸீதி தீ³பவிஹாரவாஸீ ஸும்மத்தே²ரோ ஆஹ. அந்தேவாஸிகோ பனஸ்ஸ திபிடகசூளனாக³த்தே²ரோ ஆஹ – ‘‘உப⁴யத்தா²பி பாதிமொக்க²ஸங்வரோவ வுத்தோ. பாதிமொக்க²ஸங்வரோயேவ ஹி ஸீலங், இதரானி பன தீணி ஸீலந்தி வுத்தட்டா²னங் நாம அத்தீ²’’தி அனநுஜானந்தோ உத்தரி ஆஹ – இந்த்³ரியஸங்வரோ நாம ச²த்³வாரரக்கா²மத்தகமேவ, ஆஜீவபாரிஸுத்³தி⁴ த⁴ம்மேன ஸமேன பச்சயுப்பத்திமத்தகங், பச்சயஸன்னிஸ்ஸிதங் படிலத்³த⁴பச்சயே ‘‘இத³மத்த²’’ந்தி பச்சவெக்கி²த்வா பரிபு⁴ஞ்ஜனமத்தகங், நிப்பரியாயேன பன பாதிமொக்க²ஸங்வரோவ ஸீலங்
தத்த² பாதிமொக்க²ஸங்வரஸங்வுதோதி பாதிமொக்க²ஸங்வரேன ஸமன்னாக³தோ. ஆசாரகோ³சரஸம்பன்னோதி ஆசாரேன ச கோ³சரேன ச ஸம்பன்னோ. அணுமத்தேஸூதி அப்பமத்தகேஸு. வஜ்ஜேஸூதி அகுஸலத⁴ம்மேஸு. ப⁴யத³ஸ்ஸாவீதி ப⁴யத³ஸ்ஸீ. ஸமாதா³யாதி ஸம்மா ஆதி³யித்வா. ஸிக்க²தி ஸிக்கா²பதே³ஸூதி தங் தங் ஸிக்கா²பத³ங் ஸமாதி³யித்வா ஸிக்க²தி. அபிச ஸமாதா³ய ஸிக்க²தி ஸிக்கா²பதே³ஸூதி யங்கிஞ்சி ஸிக்கா²பதே³ஸு ஸிக்கா²கொட்டா²ஸேஸு ஸிக்கி²தப்³ப³ங் காயிகங் வா வாசஸிகங் வா, தங் ஸப்³ப³ங் ஸம்மா ஆதா³ய ஸிக்க²தி. அயமெத்த² அஞ்ஞதரங் தே³வனிகாயந்தி ச²ஸு காமாவசரதே³வக⁴டாஸு அஞ்ஞதரங் தே³வக⁴டங். ஆகா³மீ ஹோதீதி ஹெட்டா² ஆகா³மீ ஹோதி. ஆக³ந்தா இத்த²த்தந்தி இத்த²த்தங் மானுஸகபஞ்சக்க²ந்த⁴பா⁴வமேவ ஆக³ந்தா ஹோதி. தத்ரூபபத்திகோ வா உபரூபபத்திகோ வா ந ஹோதி, புன ஹெட்டா²கா³மீயேவ ஹோதீதி த³ஸ்ஸேதி. இமினா அங்கே³ன ஸுக்க²விபஸ்ஸகஸ்ஸ தா⁴துகம்மட்டா²னிகபி⁴க்கு²னோ ஹெட்டி²மங் மக்³க³த்³வயஞ்சேவ ப²லத்³வயஞ்ச கதி²தங்.
அஞ்ஞதரங் ஸந்தங் சேதோவிமுத்திந்தி அட்ட²ஸு ஸமாபத்தீஸு அஞ்ஞதரங் சதுத்த²ஜ்ஜா²னஸமாபத்திங். ஸா ஹி பச்சனீககிலேஸானங் ஸந்தத்தா ஸந்தா, தேஹேவ ச கிலேஸேஹி சேதஸோ விமுத்தத்தா சேதோவிமுத்தீதி வுச்சதி. அஞ்ஞதரங் தே³வனிகாயந்தி பஞ்சஸு ஸுத்³தா⁴வாஸதே³வனிகாயேஸு அஞ்ஞதரங். அனாக³ந்தா இத்த²த்தந்தி புன இமங் பஞ்சக்க²ந்த⁴பா⁴வங் அனாக³ந்தா, ஹெட்டூ²பபத்திகோ ந ஹோதி, உபரூபபத்திகோ வா ஹோதி தத்தே²வ வா பரினிப்³பா³யீதி த³ஸ்ஸேதி. இமினா அங்கே³ன ஸமாதி⁴கம்மிகஸ்ஸ பி⁴க்கு²னோ தயோ மக்³கா³ தீணி ச ப²லானி கதி²தானி.
காமானங்யேவ நிப்³பி³தா³யாதி து³விதா⁴னம்பி காமானங் நிப்³பி³ந்த³னத்தா²ய உக்கண்ட²னத்தா²ய. விராகா³யாதி விரஜ்ஜனத்தா²ய. நிரோதா⁴யாதி அப்பவத்திகரணத்தா²ய. படிபன்னோ ஹோதீதி படிபத்திங் படிபன்னோ ஹோதி. எத்தாவதா ஸோதாபன்னஸ்ஸ ச ஸகதா³கா³மினோ ச பஞ்சகாமகு³ணிகராக³க்க²யத்தா²ய அனாகா³மிமக்³க³விபஸ்ஸனா ப⁴வானங்யேவாதி திண்ணங் ப⁴வானங். இமினா அனாகா³மினோ ப⁴வராக³க்க²யத்தா²ய அரஹத்தமக்³க³விபஸ்ஸனா கதி²தா ஹோதி. தண்ஹாக்க²யாய படிபன்னோ ஹோதீதி இமினாபி ஸோ லோப⁴க்க²யாயாதி இமினாபி அனாகா³மினோ ப⁴வலோப⁴க்க²யத்தா²ய அரஹத்தமக்³க³விபஸ்ஸனாவ கதி²தா. அஞ்ஞதரங் தே³வனிகாயந்தி ஸுத்³தா⁴வாஸெஸ்வேவ அஞ்ஞதரங் தே³வனிகாயங். அனாக³ந்தா இத்த²த்தந்தி இமங் க²ந்த⁴பஞ்சகபா⁴வங் அனாக³ந்தா, ஹெட்டூ²பபத்திகோ ந ஹோதி, உபரூபபத்திகோ வா ஹோதி, தத்தே²வ வா பரினிப்³பா³யதி.
இதி பட²மேன அங்கே³ன ஸுக்க²விபஸ்ஸகஸ்ஸ தா⁴துகம்மட்டா²னிகபி⁴க்கு²னோ ஹெட்டி²மானி த்³வே மக்³க³ப²லானி கதி²தானி, து³தியேன ஸமாதி⁴கம்மிகஸ்ஸ தீணி மக்³க³ப²லானி, ‘‘ஸோ காமான’’ந்தி இமினா ஸோதாபன்னஸகதா³கா³மீனங் பஞ்சகாமகு³ணிகராக³க்க²யாய உபரி அனாகா³மிமக்³க³விபஸ்ஸனா, ‘‘ஸோ ப⁴வானங்யேவா’’தி இமினா அனாகா³மிஸ்ஸ உபரி அரஹத்தமக்³க³விபஸ்ஸனா, ‘‘ஸோ தண்ஹாக்க²யாயா’’தி இமினா ஸோதாபன்னஸகதா³கா³மீனங் பஞ்சகாமகு³ணிகதண்ஹாக்க²யாய உபரி அனாகா³மிமக்³க³விபஸ்ஸனா, ‘‘ஸோ லோப⁴க்க²யாயா’’தி இமினா அனாகா³மினோ ப⁴வலோப⁴க்க²யாய உபரி அரஹத்தமக்³க³விபஸ்ஸனா கதி²தாதி ஏவங் ச²ஹி முகே²ஹி விபஸ்ஸனங் கதெ²த்வா தே³ஸனங் யதா²னுஸந்தி⁴ங் பாபேஸி. தே³ஸனாபரியோஸானே கோடிஸதஸஹஸ்ஸதே³வதா அரஹத்தங் பாபுணிங்ஸு, ஸோதாபன்னாதீ³னங் பரிச்சே²தோ³வ நாஹோஸி. யதா² ச இமஸ்மிங் ஸமாக³மே, ஏவங் மஹாஸமயஸுத்தே மங்க³லஸுத்தே ச சூளராஹுலோவாத³ஸுத்தே ச கோடிஸதஸஹஸ்ஸதே³வதா அரஹத்தங் பாபுணிங்ஸு, ஸோதாபன்னாதீ³னங் தே³வமனுஸ்ஸானங் பரிச்சே²தோ³ நாஹோஸி.
ஸமசித்தா தே³வதாதி சித்தஸ்ஸ ஸுகு²மபா⁴வஸமதாய ஸமசித்தா. ஸப்³பா³பி ஹி தா அத்தனோ அத்தபா⁴வே ஸுகு²மே சித்தஸரிக்க²கே கத்வா மாபேஸுங். தேன ஸமசித்தா நாம ஜாதா. அபரேனபி காரணேன ஸமசித்தா – ‘‘தே²ரேன ஸமாபத்தி தாவ கதி²தா, ஸமாபத்திதா²மோ
ஹட்டா²தி துட்ட²பஹட்டா² ஆமோதி³தா பமோதி³தா. ஸாதூ⁴தி ஆயாசனத்தே² நிபாதோ. அனுகம்பங் உபாதா³யாதி ந தே²ரஸ்ஸ அனுகம்பங் காருஞ்ஞங் அனுத்³த³யங் படிச்ச, ந ச இமஸ்மிங் டா²னே தே²ரஸ்ஸ அனுகம்பிதப்³ப³கிச்சங் அத்தி². யஸ்மிங் ஹி தி³வஸே தே²ரோ ஸூகரக²தலேணத்³வாரே பா⁴கி³னெய்யஸ்ஸ தீ³க⁴னக²பரிப்³பா³ஜகஸ்ஸ வேத³னாகம்மட்டா²னே (ம॰ நி॰ 2.206) கதி²யமானே தாலவண்டங் க³ஹெத்வா ஸத்தா²ரங் பீ³ஜமானோ டி²தோ பரஸ்ஸ வட்³டி⁴தபோ⁴ஜனங் பு⁴ஞ்ஜித்வா கு²த³ங் வினோதெ³ந்தோ விய பரஸ்ஸ ஸஜ்ஜிதபஸாத⁴னங் ஸீஸே படிமுஞ்சந்தோ விய ச ஸாவகபாரமிஞாணஸ்ஸ நிப்பதே³ஸதோ மத்த²கங் பத்தோ, தஸ்மிங்யேவ தி³வஸே ப⁴க³வதா அனுகம்பிதோ நாம. அவஸேஸானங் பன தங் டா²னங் ஸம்பத்தானங் தே³வமனுஸ்ஸானங் அனுகம்பங் உபாதா³ய க³ச்ச²து ப⁴க³வாதி ப⁴க³வந்தங் யாசிங்ஸு.
ப³லவா புரிஸோதி து³ப்³ப³லோ ஹி கி²ப்பங் ஸமிஞ்ஜனபஸாரணங் ஸம்முகே² பாதுரஹோஸீதி ஸம்முக²ட்டா²னே புரதோயேவ பாகடோ அஹோஸி. ப⁴க³வா ஏதத³வோசாதி ஏதங் ‘‘இத⁴ ஸாரிபுத்தா’’திஆதி³னா நயேன அத்தனோ ஆக³மனகாரணங் அவோச. ஏவங் கிரஸ்ஸ அஹோஸி – ‘‘ஸசே கோசி பா³லோ அகதஞ்ஞூ பி⁴க்கு² வா பி⁴க்கு²னீ வா உபாஸகோ வா உபாஸிகா வா ஏவங் சிந்தெய்ய – ‘ஸாரிபுத்தத்தே²ரோ மஹந்தங் பரிஸங் அலத்த², ஸம்மாஸம்பு³த்³தோ⁴ எத்தகங் அதி⁴வாஸேதுங் அஸக்கொந்தோ உஸூயாய பரிஸங் உட்டா²பேதுங் ஆக³தோ’தி. ஸோ இமங் மயி மனோபதோ³ஸங் கத்வா அபாயே நிப்³ப³த்தெய்யா’’தி. அத²த்தனோ ஆக³மனகாரணங் கதெ²ந்தோ ஏதங் ‘‘இத⁴ ஸாரிபுத்தா’’திஆதி³வசனங் அவோச.
ஏவங் தா கோ² பன, ஸாரிபுத்த, தே³வதா த³ஸபி ஹுத்வாதிஆதி³மாஹ. தத்த² யஸவஸேன வா அத்த²ங் ஆஹரிதுங் வட்டதி ஸமாபத்திவஸேன வா. யஸவஸேன தாவ மஹேஸக்கா² தே³வதா த³ஸ த³ஸ ஏகட்டா²னே அட்ட²ங்ஸு, தாஹி அப்பேஸக்க²தரா வீஸதி வீஸதி ஏகட்டா²னே அட்ட²ங்ஸு, தாஹி அப்பேஸக்க²தரா…பே॰… ஸட்டி² ஸட்டி² ஏகட்டா²னே
ஆரக்³க³கோடினிதுத³னமத்தேதி ஆரக்³க³கோடியா பதனமத்தே ஓகாஸே. ந ச அஞ்ஞமஞ்ஞங் ப்³யாபா³தெ⁴ந்தீதி ஏவங் ஸம்பா³தே⁴ டா²னே திட்ட²ந்தியோபி அஞ்ஞமஞ்ஞங் ந ப்³யாபா³தெ⁴ந்தி ந க⁴ட்டெந்தி, அஸம்பீளா அஸம்பா³தா⁴வ அஹேஸுங். ‘‘தவ ஹத்தோ² மங் பா³த⁴தி, தவ பாதோ³ மங் பா³த⁴தி, த்வங் மங் மத்³த³ந்தீ டி²தா’’தி வத்தப்³ப³காரணங் நாஹோஸி. தத்த² நூனாதி தஸ்மிங் ப⁴வே நூன. ததா²சித்தங் பா⁴விதந்தி தேனாகாரேன சித்தங் பா⁴விதங். யேன தா தே³வதாதி யேன ததா²பா⁴விதேன சித்தேன தா தே³வதா த³ஸபி ஹுத்வா…பே॰… திட்ட²ந்தி, ந ச அஞ்ஞமஞ்ஞங் ப்³யாபா³தெ⁴ந்தீதி. இதே⁴வ கோ²தி ஸாஸனே வா மனுஸ்ஸலோகே வா பு⁴ம்மங், இமஸ்மிங்யேவ ஸாஸனே இமஸ்மிங்யேவ மனுஸ்ஸலோகேதி அத்தோ². தாஸஞ்ஹி தே³வதானங் இமஸ்மிங்யேவ மனுஸ்ஸலோகே இமஸ்மிங்யேவ ச ஸாஸனே தங் சித்தங் பா⁴விதங், யேன தா ஸந்தே ரூபப⁴வே நிப்³ப³த்தா, ததோ ச பன ஆக³ந்த்வா ஏவங் ஸுகு²மே அத்தபா⁴வே மாபெத்வா டி²தா. தத்த² கிஞ்சாபி கஸ்ஸபத³ஸப³லஸ்ஸ ஸாஸனே தீணி மக்³க³ப²லானி நிப்³ப³த்தெத்வா ப்³ரஹ்மலோகே நிப்³ப³த்ததே³வதாபி அத்தி², ஸப்³ப³பு³த்³தா⁴னங் பன ஏகாவ அனுஸாஸனீ ஏகங் ஸாஸனந்தி கத்வா ‘‘இதே⁴வ கோ², ஸாரிபுத்தா’’தி அஞ்ஞபு³த்³தா⁴னங் ஸாஸனம்பி இமமேவ ஸாஸனங் கரொந்தோ ஆஹ. எத்தாவதா ததா²க³தேன ஸமாபத்தியா தா²மோ கதி²தோ.
இதா³னி தஸ்மாதிஹ, ஸாரிபுத்தாதி ஆஹ. தத்த² தஸ்மாதி யஸ்மா தா தே³வதா இதே⁴வ ஸந்தங் ஸமாபத்திங் நிப்³ப³த்தெத்வா ஸந்தே ப⁴வே நிப்³ப³த்தா, தஸ்மா. ஸந்திந்த்³ரியாதி பஞ்சன்னங் இந்த்³ரியானங் ஸந்ததாய நிப்³பு³ததாய பணீததாய ஸந்திந்த்³ரியா. ஸந்தமானஸாதி மானஸஸ்ஸ ஸந்ததாய நிப்³பு³ததாய பணீததாய ஸந்தமானஸா. ஸந்தங்யேவ உபஹாரங் உபஹரிஸ்ஸாமாதி காயசித்தூபஹாரங் ஸந்தங் நிப்³பு³தங் பணீதங்யேவ உபஹரிஸ்ஸாம. ஸப்³ரஹ்மசாரீஸூதி ஏவஞ்ஹி வோ, ஸாரிபுத்த, ஸிக்கி²தப்³ப³ந்தி இமினா எத்தகேன வாரேன ப⁴க³வா தே³ஸனங் ஸப்³ப³ஞ்ஞுபா⁴ஸிதங் அகாஸி. அனஸ்ஸுந்தி நட்டா² யே இமங் த⁴ம்மபரியாயங் நாஸ்ஸோஸுந்தி யே அத்தனோ பாபிகங் துச்ச²ங் நிரத்த²கங் தி³ட்டி²ங் நிஸ்ஸாய இமங் ஏவரூபங் த⁴ம்மதே³ஸனங் ஸோதுங் ந லபி⁴ங்ஸூதி யதா²னுஸந்தி⁴னா தே³ஸனங் நிட்டா²பேஸி.
38. ச²ட்டே² வரணாயங் விஹரதீதி வரணா நாம ஏகங் நக³ரங், தங் உபனிஸ்ஸாய விஹரதி. காமராகா³பி⁴னிவேஸவினிப³ந்த⁴பலிகே³த⁴பரியுட்டா²னஜ்ஜோ²ஸானஹேதூதி காமராகா³பி⁴னிவேஸஹேது, காமராக³வினிப³ந்த⁴ஹேது, காமராக³பலிகே³த⁴ஹேது, காமராக³பரியுட்டா²னஹேது, காமராக³அஜ்ஜோ²ஸானஹேதூதி அத்தோ². இத³ங் வுத்தங் ஹோதி – ய்வாயங் பஞ்ச காமகு³ணே நிஸ்ஸாய உப்பஜ்ஜதி காமராகோ³, தஸ்ஸாபி⁴னிவேஸாதி³ஹேது. காமராகே³ன அபி⁴னிவிட்ட²த்தா வினிப³த்³த⁴த்தா தஸ்மிங்யேவ ச காமராகே³ மஹாபங்கே விய பலிகே³த⁴த்தா அனுபவிட்ட²த்தா தேனேவ ச காமராகே³ன பரியுட்டி²தத்தா க³ஹிதத்தா காமராகே³னேவ ச அஜ்ஜோ²ஸிதத்தா கி³லித்வா பரினிட்ட²பெத்வா க³ஹிதத்தாதி. தி³ட்டி²ராகா³தி³பதே³ஸுபி ஏஸேவ நயோ. தி³ட்டி²ராகோ³தி பனெத்த² த்³வாஸட்டி² தி³ட்டி²யோ நிஸ்ஸாய உப்பஜ்ஜனகராகோ³ வேதி³தப்³போ³. புரத்தி²மேஸு ஜனபதே³ஸூதி தே²ரஸ்ஸ வஸனட்டா²னதோ ஸாவத்தி²ஜனபதோ³ புரத்தி²மதி³ஸாபா⁴கே³ ஹோதி, தே²ரோ ச நிஸீத³ந்தோபி ததோமுகோ²வ நிஸின்னோ, தஸ்மா ஏவமாஹ. உதா³னங் உதா³னேஸீதி உதா³ஹாரங் உதா³ஹரி. யதா² ஹி யங் தேலங் மானங் க³ஹேதுங் ந ஸக்கோதி, விஸ்ஸந்தி³த்வா க³ச்ச²தி, தங் அவஸேஸகோதி
39. ஸத்தமே கு³ந்தா³வனேதி ஏவங் நாமகே வனே. உபஸங்கமீதி ‘‘மஹாகச்சானத்தே²ரோ கிர நாம அத்தனோ பிதுமத்தம்பி அய்யகமத்தம்பி தி³ஸ்வா நேவ அபி⁴வாதே³தி ந பச்சுட்டே²தி ந ஆஸனேன நிமந்தேதீ’’தி ஸுத்வா ‘‘ந ஸக்கா எத்தகேன நிட்ட²ங் க³ந்துங், உபஸங்கமித்வா நங் பரிக்³க³ண்ஹிஸ்ஸாமீ’’தி பு⁴த்தபாதராஸோ யேனாயஸ்மா மஹாகச்சானோ தேனுபஸங்கமி. ஜிண்ணேதி ஜராஜிண்ணே. வுத்³தே⁴தி வயோவுத்³தே⁴. மஹல்லகேதி ஜாதிமஹல்லகே. அத்³த⁴க³தேதி தீ³க⁴காலத்³தா⁴னங் அதிக்கந்தே. வயோஅனுப்பத்தேதி பச்சி²மவயங் அனுப்பத்தே. தயித³ங், போ⁴ கச்சான, ததே²வாதி, போ⁴ கச்சான, யங் தங் அம்ஹேஹி கேவலங் ஸுதமேவ, தங் இமினா தி³ட்டே²ன ஸமேதி. தஸ்மா தங் ததே²வ, ந அஞ்ஞதா². ந ஹி ப⁴வங் கச்சானோ ப்³ராஹ்மணேதி இத³ங் அத்தானங் ஸந்தா⁴ய வத³தி. அயங் கிரஸ்ஸ அதி⁴ப்பாயோ – அம்ஹே ஏவங் மஹல்லகே தி³ஸ்வா போ⁴தோ கச்சானஸ்ஸ அபி⁴வாத³னமத்தம்பி பச்சுட்டா²னமத்தம்பி ந ஸம்பன்னமேவாதி ந யுத்தமேவ ந அனுச்ச²விகமேவ.
தே²ரோ ப்³ராஹ்மணஸ்ஸ வசனங் ஸுத்வா ‘‘அயங் ப்³ராஹ்மணோ நேவ வுத்³தே⁴ ஜானாதி ந த³ஹரே, ஆசிக்கி²ஸ்ஸாமிஸ்ஸ வுத்³தே⁴ ச த³ஹரே சா’’தி தே³ஸனங் வட்³டெ⁴ந்தோ அத்தி² ப்³ராஹ்மணாதிஆதி³மாஹ. தத்த² ஜானதாதி ஸப்³ப³ங் நெய்யங் ஜானந்தேன. பஸ்ஸதாதி ததே³வ ஹத்தே² ட²பிதங் ஆமலகங் விய பஸ்ஸந்தேன. வுத்³த⁴பூ⁴மீதி யேன காரணேன வுத்³தோ⁴ நாம ஹோதி, தங் காரணங். த³ஹரபூ⁴மீதி ஆஸீதிகோதி அஸீதிவஸ்ஸவயோ. நாவுதிகோதி நவுதிவஸ்ஸவயோ. காமே பரிபு⁴ஞ்ஜதீதி வத்து²காமே கிலேஸகாமேதி து³விதே⁴பி காமே கமனவஸேன பரிபு⁴ஞ்ஜதி. காமமஜ்ஜா²வஸதீதி து³விதே⁴பி காமே க⁴ரே க⁴ரஸ்ஸாமிகோ விய வஸதி அதி⁴வஸதி. காமபரியேஸனாய உஸ்ஸுகோதி து³விதா⁴னம்பி காமானங் பரியேஸனத்த²ங் உஸ்ஸுக்கமாபன்னோ. பா³லோ ந தே²ரொத்வேவ ஸங்க்²யங் க³ச்ச²தீதி ஸோ ந தே²ரோ பா³லோ மந்தொ³த்வேவ க³ணனங் க³ச்ச²தி. வுத்தங் ஹேதங் –
‘‘ந
பரிபக்கோ வயோ தஸ்ஸ, மோக⁴ஜிண்ணோதி வுச்சதீ’’தி. (த⁴॰ ப॰ 260);
த³ஹரோதி தருணோ. யுவாதி யொப்³ப³னேன ஸமன்னாக³தோ. ஸுஸுகாளகேஸோதி ஸுட்டு² காளகேஸோ. ப⁴த்³ரேன யொப்³ப³னேன ஸமன்னாக³தோதி யேன யொப்³ப³னேன ஸமன்னாக³தோ யுவா, தங் யொப்³ப³னங் ப⁴த்³ரங் லத்³த⁴கந்தி த³ஸ்ஸேதி. பட²மேன வயஸாதி பட²மவயோ நாம தெத்திங்ஸ வஸ்ஸானி, தேன ஸமன்னாக³தோதி அத்தோ². பண்டி³தோ தே²ரொத்வேவ ஸங்க்²யங் க³ச்ச²தீதி ஸோ ஏவரூபோ புக்³க³லோ பண்டி³தோதி ச தே²ரோதி ச க³ணனங் க³ச்ச²தி. வுத்தம்பி சேதங் –
‘‘யம்ஹி ஸச்சஞ்ச த⁴ம்மோ ச, அஹிங்ஸா ஸங்யமோ த³மோ;
ஸ வே வந்தமலோ தீ⁴ரோ, தே²ரோ இதி பவுச்சதீ’’தி. (த⁴॰ ப॰ 261);
40. அட்ட²மே சோரா ப³லவந்தோ ஹொந்தீதி பக்க²ஸம்பன்னா, பரிவாரஸம்பன்னா, த⁴னஸம்பன்னா, நிவாஸட்டா²னஸம்பன்னா, வாஹனஸம்பன்னா ச ஹொந்தி. ராஜானோ தஸ்மிங் ஸமயே து³ப்³ப³லா ஹொந்தீதி தஸ்மிங் ஸமயே ராஜானோ தாஸங் ஸம்பத்தீனங் அபா⁴வேன து³ப்³ப³லா ஹொந்தி. அதியாதுந்தி ப³ஹித்³தா⁴ ஜனபத³சாரிகங் நிய்யாதுந்தி ‘‘சோரா ஜனபத³ங் விலும்பந்தி மத்³த³ந்தி, தே நிஸேதெ⁴ஸ்ஸாமா’’தி பட²மயாமே வா மஜ்ஜி²மயாமே வா பச்சி²மயாமே வா நிக்க²மிதுங் பா²ஸுகங் ந ஹோதி. ததோ உட்டா²ய சோரா மனுஸ்ஸே போதெ²த்வா அச்சி²ந்தி³த்வா க³ச்ச²ந்தி. பச்சந்திமே வா ஜனபதே³ அனுஸஞ்ஞாதுந்தி கா³மங் வாஸகரணத்தா²ய ஸேதுங் அத்த²ரணத்தா²ய பொக்க²ரணிங் க²ணாபனத்தா²ய ஸாலாதீ³னங் கரணத்தா²ய பச்சந்திமே ஜனபதே³ அனுஸஞ்ஞாதும்பி ந ஸுக²ங் ஹோதி. ப்³ராஹ்மணக³ஹபதிகானந்தி அந்தோனக³ரவாஸீனங் ப்³ராஹ்மணக³ஹபதிகானங். பா³ஹிரானி வா கம்மந்தானீதி ப³ஹிகா³மே ஆராமே கெ²த்தகம்மந்தானி. பாபபி⁴க்கூ² ப³லவந்தோ ஹொந்தீதி பக்கு²த்தரா யஸுத்தரா புஞ்ஞவந்தோ ப³ஹுகேஹி உபட்டா²கேஹி ச உபட்டா²கீஹி ச ஸமன்னாக³தா ராஜராஜமஹாமத்தஸன்னிஸ்ஸிதா. பேஸலா பி⁴க்கூ² தஸ்மிங் ஸமயே து³ப்³ப³லா ஹொந்தீதி தஸ்மிங் ஸமயே பியஸீலா பி⁴க்கூ² தாஸங் ஸம்பத்தீனங் அபா⁴வேன து³ப்³ப³லா ஹொந்தி. துண்ஹீபூ⁴தா துண்ஹீபூ⁴தாவ ஸங்க⁴மஜ்ஜே² ஸங்கஸாயந்தீதி தயித³ந்தி
41. நவமே மிச்சா²படிபத்தாதி⁴கரணஹேதூதி மிச்சா²படிபத்தியா காரணஹேது படிபஜ்ஜனஹேதூதி அத்தோ². ஞாயங் த⁴ம்மங் குஸலந்தி ஸஹவிபஸ்ஸனகங் மக்³க³ங். ஏவரூபோ ஹி ஸஹவிபஸ்ஸனகங் மக்³க³ங் ஆராதே⁴துங் ஸம்பாதே³துங் பூரேதுங் ந ஸக்கோதி. ஸுக்கபக்கோ² வுத்தவிபல்லாஸேன வேதி³தப்³போ³. இமஸ்மிங் ஸுத்தே ஸஹ விபஸ்ஸனாய மக்³கோ³ கதி²தோ.
42. த³ஸமே து³க்³க³ஹிதேஹீதி உப்படிபாடியா க³ஹிதேஹி. ப்³யஞ்ஜனப்பதிரூபகேஹீதி ப்³யஞ்ஜனஸோ பதிரூபகேஹி அக்க²ரசித்ரதாய லத்³த⁴கேஹி. அத்த²ஞ்ச த⁴ம்மஞ்ச படிபா³ஹந்தீதி ஸுக்³க³ஹிதஸுத்தந்தானங் அத்த²ஞ்ச பாளிஞ்ச படிபா³ஹந்தி, அத்தனோ து³க்³க³ஹிதஸுத்தந்தானங்யேவ அத்த²ஞ்ச பாளிஞ்ச உத்தரிதரங் கத்வா த³ஸ்ஸெந்தி. ஸுக்கபக்கோ² வுத்தவிபல்லாஸேன வேதி³தப்³போ³. இமஸ்மிங் ஸுத்தே ஸாஸனஸ்ஸ வுத்³தி⁴ ச பரிஹானி ச கதி²தாதி.
ஸமசித்தவக்³கோ³ சதுத்தோ².