(10) 5. அஸுரவக்³கோ³
1. அஸுரஸுத்தவண்ணனா
91. பஞ்சமஸ்ஸ அஸுரோதி அஸுரஸதி³ஸோ பீ³ப⁴ச்சோ². தே³வோதி தே³வஸதி³ஸோ கு³ணவஸேன அபி⁴ரூபோ பாஸாதி³கோ.
2. பட²மஸமாதி⁴ஸுத்தவண்ணனா
92. து³தியே அஜ்ஜ²த்தங் சேதோஸமத²ஸ்ஸாதி நியகஜ்ஜ²த்தே அப்பனாசித்தஸமாதி⁴ஸ்ஸ. அதி⁴பஞ்ஞாத⁴ம்மவிபஸ்ஸனாயாதி ஸங்கா²ரபரிக்³கா³ஹகவிபஸ்ஸனாஞாணஸ்ஸ. தஞ்ஹி அதி⁴பஞ்ஞாஸங்கா²தஞ்ச, பஞ்சக்க²ந்த⁴ஸங்கா²தேஸு ச த⁴ம்மேஸு விபஸ்ஸனாபூ⁴தங், தஸ்மா ‘‘அதி⁴பஞ்ஞாத⁴ம்மவிபஸ்ஸனா’’தி வுச்சதீதி.
3. து³தியஸமாதி⁴ஸுத்தவண்ணனா
93. ததியே யோகோ³ கரணீயோதி யுத்தப்பயுத்ததா கத்தப்³பா³. ச²ந்தோ³தி கத்துகம்யதாச²ந்தோ³. வாயாமோதி பயோகோ³. உஸ்ஸாஹோதி ததோ அதி⁴மத்ததரங் வீரியங். உஸ்ஸொள்ஹீதி பங்கலக்³க³ஸகடஉத்³த⁴ரணஸதி³ஸங் மஹாவீரியங். அப்படிவானீதி அனிவத்தனதா.
4. ததியஸமாதி⁴ஸுத்தவண்ணனா
94. சதுத்தே² ஏவங் கோ², ஆவுஸோ, ஸங்கா²ரா த³ட்ட²ப்³பா³திஆதீ³ஸு, ஆவுஸோ, ஸங்கா²ரா நாம அனிச்சதோ த³ட்ட²ப்³பா³, அனிச்சதோ ஸம்மஸிதப்³பா³, அனிச்சதோ பஸ்ஸிதப்³பா³. ததா² து³க்க²தோ, அனத்ததோதி ஏவங் அத்தோ² த³ட்ட²ப்³போ³. ஏவங் கோ², ஆவுஸோ, சித்தங் ஸண்ட²பேதப்³ப³ந்திஆதீ³ஸுபி பட²மஜ்ஜா²னவஸேன, ஆவுஸோ, சித்தங் ஸண்ட²பேதப்³ப³ங் பட²மஜ்ஜா²னவஸேன ஸன்னிஸாதே³தப்³ப³ங், பட²மஜ்ஜா²னவஸேன
5. ச²வாலாதஸுத்தவண்ணனா
95. பஞ்சமே ச²வாலாதந்தி ஸுஸானே அலாதங். மஜ்ஜே² கூ³த²க³தந்தி மஜ்ஜ²ட்டா²னே கூ³த²மக்கி²தங். நேவ கா³மே கட்ட²த்த²ங் ப²ரதீதி கூடகோ³பானஸித²ம்ப⁴ஸோபானாதீ³னங் அத்தா²ய அனுபனெய்யதாய கா³மே ந கட்ட²த்த²ங் ஸாதே⁴தி, கெ²த்தகுடிபாத³ங் வா மஞ்சபாத³ங் வா காதுங் அனுபனெய்யதாய ந அரஞ்ஞே கட்ட²த்த²ங் ஸாதே⁴தி. த்³வீஸு கோடீஸு க³ய்ஹமானங் ஹத்த²ங் ட³ஹதி, மஜ்ஜே² க³ய்ஹமானங் கூ³தே²ன மக்கே²தி. ததூ²பமந்தி தங்ஸரிக்க²கங். அபி⁴க்கந்ததரோதி ஸுந்த³ரதரோ. பணீததரோதி உத்தமதரோ. க³வா கீ²ரந்தி கா³விதோ கீ²ரங். கீ²ரம்ஹா த³தீ⁴திஆதீ³ஸு பரங் பரங் புரிமதோ புரிமதோ அக்³க³ங், ஸப்பிமண்டோ³ பன தேஸு ஸப்³பே³ஸுபி அக்³க³மேவ அக்³கோ³திஆதீ³ஸு கு³ணேஹி அக்³கோ³ சேவ ஸெட்டோ² ச பமுகோ² ச உத்தமோ ச பவரோ சாதி வேதி³தப்³போ³. ச²வாலாதூபமாய ந து³ஸ்ஸீலோ புக்³க³லோ கதி²தோ, அப்பஸ்ஸுதோ பன விஸ்ஸட்ட²கம்மந்தோ கோ³ணஸதி³ஸோ புக்³க³லோ கதி²தோதி வேதி³தப்³போ³. ச²ட்டே² ஸப்³ப³ங் உத்தானத்த²மேவ.
7. கி²ப்பனிஸந்திஸுத்தவண்ணனா
97. ஸத்தமே கி²ப்பனிஸந்தீதி கி²ப்பனிஸாமனோ ஸீக⁴ங் ஜானிதுங் ஸமத்தோ². ஸுதானஞ்ச த⁴ம்மானந்தி ஸுதப்பகு³ணானங் தந்தித⁴ம்மானங். அத்தூ²பபரிக்கீ²தி அத்த²ங் உபபரிக்க²கோ. அத்த²மஞ்ஞாய த⁴ம்மமஞ்ஞாயாதி அட்ட²கத²ஞ்ச பாளிஞ்ச ஜானித்வா. த⁴ம்மானுத⁴ம்மப்படிபன்னோ ஹோதீதி நவலோகுத்தரத⁴ம்மானங் நோ ச கல்யாணவாசோதி ந ஸுந்த³ரவசனோ. ந கல்யாணவாக்கரணோதி ந ஸுந்த³ரவசனகோ⁴ஸோ ஹோதி. போரியாதிஆதீ³ஹி ஸத்³தி⁴ங் நோ-காரோ யோஜேதப்³போ³யேவ. கு³ணபரிபுண்ணாய அபலிபு³த்³தா⁴ய அதோ³ஸாய அக³ளிதபத³ப்³யஞ்ஜனாய அத்த²ங் விஞ்ஞாபேதுங் ஸமத்தா²ய வாசாய ஸமன்னாக³தோ ந ஹோதீதி அத்தோ². இமினா உபாயேன ஸப்³ப³த்த² அத்தோ² வேதி³தப்³போ³.
8. அத்தஹிதஸுத்தவண்ணனா
98-99. அட்ட²மங்
10. போதலியஸுத்தவண்ணனா
100. த³ஸமே காலேனாதி யுத்தப்பத்தகாலேன. க²மதீதி ருச்சதி. யதி³த³ங் தத்த² தத்த² காலஞ்ஞுதாதி யா ஏஸா தத்த² தத்த² காலங் ஜானநா. தங் தங் காலங் ஞத்வா ஹி அவண்ணாரஹஸ்ஸ அவண்ணகத²னங் வண்ணாரஹஸ்ஸ ச வண்ணகத²னங் பண்டி³தானங் பகதீதி த³ஸ்ஸேதி.
அஸுரவக்³கோ³ பஞ்சமோ.
து³தியபண்ணாஸகங் நிட்டி²தங்.
3. ததியபண்ணாஸகங்