(6) 1. புக்³க³லவக்³க³வண்ணனா
53. து³தியபண்ணாஸகஸ்ஸ
54. து³தியே அச்ச²ரியமனுஸ்ஸாதி ஆசிண்ணமனுஸ்ஸா அப்³பு⁴தமனுஸ்ஸா.
55. ததியே ப³ஹுனோ ஜனஸ்ஸ அனுதப்பா ஹோதீதி மஹாஜனஸ்ஸ அனுதாபகாரீ ஹோதி. தத்த² சக்கவத்தினோ காலகிரியா ஏகசக்கவாளே தே³வமனுஸ்ஸானங் அனுதாபங் கரோதி, ததா²க³தஸ்ஸ காலகிரியா த³ஸஸு சக்கவாளஸஹஸ்ஸேஸு.
56. சதுத்தே² தூ²பாரஹாதி தூ²பஸ்ஸ யுத்தா அனுச்ச²விகா. சக்கவத்தினோ ஹி சேதியங் படிஜக்³கி³த்வா த்³வே ஸம்பத்தியோ லப⁴ந்தி, பு³த்³தா⁴னங் சேதியங் படிஜக்³கி³த்வா திஸ்ஸோபி.
57. பஞ்சமே பு³த்³தா⁴தி அத்தனோ ஆனுபா⁴வேன சத்தாரி ஸச்சானி பு³த்³தா⁴.
58. ச²ட்டே² ப²லந்தியாதி ஸத்³த³ங் கரொந்தியா. ந ஸந்தஸந்தீதி ந பா⁴யந்தி. தத்த² கீ²ணாஸவோ அத்தனோ ஸக்காயதி³ட்டி²யா பஹீனத்தா ந பா⁴யதி, ஹத்தா²ஜானீயோ ஸக்காயதி³ட்டி²யா ப³லவத்தாதி. ஸத்தமட்ட²மேஸுபி
61. நவமே கிங்புரிஸாதி கின்னரா. மானுஸிங் வாசங் ந பா⁴ஸந்தீதி மனுஸ்ஸகத²ங் ந கதெ²ந்தி. த⁴ம்மாஸோகஸ்ஸ கிர ஏகங் கின்னரங் ஆனெத்வா த³ஸ்ஸேஸுங். ஸோ ‘‘கதா²பேத² ந’’ந்தி ஆஹ. கின்னரோ கதே²துங்
62. த³ஸமே அப்படிவானோதி அனுகண்டி²தோ அபச்சோஸக்கிதோ.
63. ஏகாத³ஸமே அஸந்தஸன்னிவாஸந்தி அஸப்புரிஸானங் ஸன்னிவாஸங். ந வதெ³ய்யாதி ஓவாதே³ன வா அனுஸாஸனியா வா ந வதெ³ய்ய, மா வத³தூதி அத்தோ². தே²ரம்பாஹங் ந வதெ³ய்யந்தி அஹம்பி தே²ரங் பி⁴க்கு²ங் ஓவாதா³னுஸாஸனிவஸேன ந வதெ³ய்யங். அஹிதானுகம்பீதி அஹிதங் இச்ச²மானோ. நோ ஹிதானுகம்பீதி ஹிதங் அனிச்ச²மானோ. நோதி நங் வதெ³ய்யந்தி ‘‘அஹங் தவ வசனங் ந கரிஸ்ஸ’’ந்தி நங் வதெ³ய்யங். விஹேடெ²ய்யந்தி வசனஸ்ஸ அகரணேன விஹேடெ²ய்யங். பஸ்ஸம்பிஸ்ஸ நப்படிகரெய்யந்தி பஸ்ஸந்தோபி ஜானந்தோபி அஹங் தஸ்ஸ வசனங் ந கரெய்யங். இமினா உபாயேன ஸப்³ப³த்த² அத்தோ² வேதி³தப்³போ³. ஸுக்கபக்கே² பன ஸாதூ⁴தி நங் வதெ³ய்யந்தி ‘‘ஸாது⁴ ப⁴த்³த³கங் ஸுகதி²தங் தயா’’தி தஸ்ஸ கத²ங் அபி⁴னந்த³ந்தோ நங் வதெ³ய்யந்தி அத்தோ².
64. த்³வாத³ஸமே உப⁴தோ வசீஸங்ஸாரோதி த்³வீஸுபி பக்கே²ஸு அஞ்ஞமஞ்ஞங் அக்கோஸனபச்சக்கோஸனவஸேன ஸங்ஸரமானா வாசா வசீஸங்ஸாரோ. தி³ட்டி²பளாஸோதி தி³ட்டி²ங் நிஸ்ஸாய உப்பஜ்ஜனகோ யுக³க்³கா³ஹலக்க²ணோ பளாஸோ தி³ட்டி²பளாஸோ நாம. சேதஸோ ஆகா⁴தோதி கோபோ. ஸோ ஹி சித்தங் ஆகா⁴தெந்தோ உப்பஜ்ஜதி. அப்பச்சயோதி அதுட்டா²காரோ, தோ³மனஸ்ஸந்தி அத்தோ². அனபி⁴ரத்³தீ⁴தி கோபோயேவ. ஸோ ஹி அனபி⁴ராத⁴னவஸேன அனபி⁴ரத்³தீ⁴தி வுச்சதி. அஜ்ஜ²த்தங் அவூபஸந்தங் ஹோதீதி ஸப்³ப³ம்பேதங் நியகஜ்ஜ²த்தஸங்கா²தே தஸ்மேதந்தி தஸ்மிங் ஏதங். ஸேஸங் வுத்தனயேனேவ வேதி³தப்³ப³ந்தி.
புக்³க³லவக்³கோ³ பட²மோ.