(9) 4. த⁴ம்மவக்³க³வண்ணனா
88. சதுத்த²ஸ்ஸ சேதோவிமுத்தீதி ப²லஸமாதி⁴. பஞ்ஞாவிமுத்தீதி ப²லபஞ்ஞா.
89. து³தியே பக்³கா³ஹோதி வீரியங். அவிக்கே²போதி சித்தேகக்³க³தா.
90. ததியே நாமந்தி சத்தாரோ அரூபக்க²ந்தா⁴. ரூபந்தி ரூபக்க²ந்தோ⁴. இதி இமஸ்மிங் ஸுத்தே த⁴ம்மகொட்டா²ஸபரிச்சே²த³ஞாணங் நாம கதி²தங்.
91. சதுத்தே² விஜ்ஜாதி ப²லஞாணங். விமுத்தீதி தங்ஸம்பயுத்தா ஸேஸத⁴ம்மா.
92. பஞ்சமே ப⁴வதி³ட்டீ²தி ஸஸ்ஸததி³ட்டி². விப⁴வதி³ட்டீ²தி உச்சே²த³தி³ட்டி². ச²ட்ட²ஸத்தமானி உத்தானத்தா²னேவ.
95. அட்ட²மே தோ³வசஸ்ஸதாதி து³ப்³ப³சபா⁴வோ. பாபமித்ததாதி பாபமித்தஸேவனபா⁴வோ. நவமங்
97. த³ஸமே தா⁴துகுஸலதாதி அட்டா²ரஸ தா⁴துயோ தா⁴தூதி ஜானநங். மனஸிகாரகுஸலதாதி தாஸங்யேவ தா⁴தூனங் அனிச்சாதி³வஸேன லக்க²ணத்தயங் ஆரோபெத்வா ஜானநங்.
98. ஏகாத³ஸமே ஆபத்திகுஸலதாதி பஞ்சன்னஞ்ச ஸத்தன்னஞ்ச ஆபத்திக்க²ந்தா⁴னங் ஜானநங். ஆபத்திவுட்டா²னகுஸலதாதி தே³ஸனாய வா கம்மவாசாய வா ஆபத்தீஹி வுட்டா²னஜானநந்தி.
த⁴ம்மவக்³கோ³ சதுத்தோ².