(12) 2. ஆயாசனவக்³கோ³
131. ‘‘ஸத்³தோ⁴ , பி⁴க்க²வே, பி⁴க்கு² ஏவங் ஸம்மா ஆயாசமானோ ஆயாசெய்ய – ‘தாதி³ஸோ ஹோமி யாதி³ஸா ஸாரிபுத்தமொக்³க³ல்லானா’தி. ஏஸா, பி⁴க்க²வே, துலா ஏதங் பமாணங் மம ஸாவகானங் பி⁴க்கூ²னங் யதி³த³ங் ஸாரிபுத்தமொக்³க³ல்லானா’’தி.
132. ‘‘ஸத்³தா⁴, பி⁴க்க²வே, பி⁴க்கு²னீ ஏவங் ஸம்மா ஆயாசமானா ஆயாசெய்ய – ‘தாதி³ஸீ ஹோமி யாதி³ஸீ கே²மா ச பி⁴க்கு²னீ உப்பலவண்ணா சா’தி. ஏஸா, பி⁴க்க²வே, துலா ஏதங் பமாணங் மம ஸாவிகானங் பி⁴க்கு²னீனங் யதி³த³ங் கே²மா ச பி⁴க்கு²னீ உப்பலவண்ணா சா’’தி.
133. ‘‘ஸத்³தோ⁴, பி⁴க்க²வே, உபாஸகோ ஏவங் ஸம்மா ஆயாசமானோ ஆயாசெய்ய – ‘தாதி³ஸோ ஹோமி யாதி³ஸோ சித்தோ ச க³ஹபதி ஹத்த²கோ ச ஆளவகோ’தி. ஏஸா, பி⁴க்க²வே, துலா ஏதங் பமாணங் மம ஸாவகானங் உபாஸகானங் யதி³த³ங் சித்தோ ச க³ஹபதி ஹத்த²கோ ச ஆளவகோ’’தி.
134. ‘‘ஸத்³தா⁴ , பி⁴க்க²வே, உபாஸிகா ஏவங் ஸம்மா ஆயாசமானா ஆயாசெய்ய – ‘தாதி³ஸீ ஹோமி யாதி³ஸீ கு²ஜ்ஜுத்தரா ச உபாஸிகா வேளுகண்ட³கியா வேளுகண்ட³கீ (அ॰ நி॰ 6.37; அ॰ நி॰ 4.176 ஆக³தங் ச நந்த³மாதா’தி. ஏஸா , பி⁴க்க²வே, துலா ஏதங் பமாணங் மம ஸாவிகானங் உபாஸிகானங் யதி³த³ங் கு²ஜ்ஜுத்தரா ச உபாஸிகா வேளுகண்ட³கியா ச நந்த³மாதா’’தி.
135. ‘‘த்³வீஹி, பி⁴க்க²வே, த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி. கதமேஹி த்³வீஹி? அனநுவிச்ச அபரியோகா³ஹெத்வா அவண்ணாரஹஸ்ஸ வண்ணங் பா⁴ஸதி, அனநுவிச்ச அபரியோகா³ஹெத்வா வண்ணாரஹஸ்ஸ அவண்ணங் பா⁴ஸதி. இமேஹி கோ², பி⁴க்க²வே, த்³வீஹி த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதீதி.
‘‘த்³வீஹி , பி⁴க்க²வே, த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதி. கதமேஹி த்³வீஹி? அனுவிச்ச பரியோகா³ஹெத்வா அவண்ணாரஹஸ்ஸ அவண்ணங் பா⁴ஸதி, அனுவிச்ச பரியோகா³ஹெத்வா வண்ணாரஹஸ்ஸ வண்ணங் பா⁴ஸதி. இமேஹி கோ², பி⁴க்க²வே, த்³வீஹி த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதீ’’தி.
136. ‘‘த்³வீஹி, பி⁴க்க²வே, த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி. கதமேஹி த்³வீஹி? அனநுவிச்ச அபரியோகா³ஹெத்வா அப்பஸாத³னீயே டா²னே பஸாத³ங் உபத³ங்ஸேதி, அனநுவிச்ச அபரியோகா³ஹெத்வா பஸாத³னீயே டா²னே அப்பஸாத³ங் உபத³ங்ஸேதி. இமேஹி கோ², பி⁴க்க²வே, த்³வீஹி த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதீதி.
‘‘த்³வீஹி , பி⁴க்க²வே, த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதி. கதமேஹி த்³வீஹி? அனுவிச்ச பரியோகா³ஹெத்வா அப்பஸாத³னீயே டா²னே அப்பஸாத³ங் உபத³ங்ஸேதி, அனுவிச்ச பரியோகா³ஹெத்வா பஸாத³னீயே டா²னே பஸாத³ங் உபத³ங்ஸேதி. இமேஹி கோ², பி⁴க்க²வே, த்³வீஹி த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதீ’’தி.
137. ‘‘த்³வீஸு, பி⁴க்க²வே, மிச்சா²படிபஜ்ஜமானோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங் , ப³ஹுஞ்ச அபுஞ்ஞங் பஸவதி. கதமேஸு த்³வீஸு? மாதரி ச பிதரி ச. இமேஸு கோ², பி⁴க்க²வே, த்³வீஸு மிச்சா²படிபஜ்ஜமானோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதீதி.
‘‘த்³வீஸு, பி⁴க்க²வே, ஸம்மாபடிபஜ்ஜமானோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதி. கதமேஸு த்³வீஸு? மாதரி ச பிதரி ச. இமேஸு கோ², பி⁴க்க²வே, த்³வீஸு ஸம்மாபடிபஜ்ஜமானோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதீ’’தி.
138. ‘‘த்³வீஸு, பி⁴க்க²வே, மிச்சா²படிபஜ்ஜமானோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதி. கதமேஸு த்³வீஸு? ததா²க³தே ச ததா²க³தஸாவகே ச. இமேஸு கோ², பி⁴க்க²வே, மிச்சா²படிபஜ்ஜமானோ பா³லோ அப்³யத்தோ அஸப்புரிஸோ க²தங் உபஹதங் அத்தானங் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனங், ப³ஹுஞ்ச அபுஞ்ஞங் பஸவதீதி.
‘‘த்³வீஸு , பி⁴க்க²வே, ஸம்மாபடிபஜ்ஜமானோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதி. கதமேஸு த்³வீஸு? ததா²க³தே ச ததா²க³தஸாவகே ச. இமேஸு கோ², பி⁴க்க²வே, த்³வீஸு ஸம்மாபடிபஜ்ஜமானோ பண்டி³தோ வியத்தோ ஸப்புரிஸோ அக்க²தங் அனுபஹதங் அத்தானங் பரிஹரதி, அனவஜ்ஜோ ச ஹோதி அனநுவஜ்ஜோ ச விஞ்ஞூனங், ப³ஹுஞ்ச புஞ்ஞங் பஸவதீ’’தி.
139. ‘‘த்³வேமே, பி⁴க்க²வே, த⁴ம்மா. கதமே த்³வே? ஸசித்தவோதா³னஞ்ச ந ச கிஞ்சி லோகே உபாதி³யதி. இமே கோ², பி⁴க்க²வே, த்³வே த⁴ம்மா’’தி.
140. ‘‘த்³வேமே, பி⁴க்க²வே, த⁴ம்மா. கதமே த்³வே? கோதோ⁴ ச உபனாஹோ ச. இமே கோ², பி⁴க்க²வே, த்³வே த⁴ம்மா’’தி.
141. ‘‘த்³வேமே, பி⁴க்க²வே, த⁴ம்மா. கதமே த்³வே? கோத⁴வினயோ ச உபனாஹவினயோ ச. இமே கோ², பி⁴க்க²வே, த்³வே த⁴ம்மா’’தி.
ஆயாசனவக்³கோ³ து³தியோ.