3. உருவேலவக்³கோ³
1. பட²மஉருவேலஸுத்தங்
21. ஏவங் மே ஸுதங் ஸங்॰ நி॰ 1.173 ஆக³தங் – ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஏகமிதா³ஹங் , பி⁴க்க²வே, ஸமயங் உருவேலாயங் விஹராமி நஜ்ஜா நேரஞ்ஜராய தீரே அஜபாலனிக்³ரோதே⁴ பட²மாபி⁴ஸம்பு³த்³தோ⁴. தஸ்ஸ மய்ஹங், பி⁴க்க²வே, ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – ‘து³க்க²ங் கோ² அகா³ரவோ விஹரதி அப்பதிஸ்ஸோ. கிங் நு கோ² அஹங் ஸமணங் வா ப்³ராஹ்மணங் வா ஸக்கத்வா க³ருங் கத்வா க³ருகத்வா (ஸீ॰ பீ॰) உபனிஸ்ஸாய விஹரெய்ய’’’ந்தி?
‘‘தஸ்ஸ மய்ஹங், பி⁴க்க²வே, ஏதத³ஹோஸி – அபரிபூரஸ்ஸ கோ² அஹங் ஸீலக்க²ந்த⁴ஸ்ஸ பாரிபூரியா அஞ்ஞங் ஸமணங் வா ப்³ராஹ்மணங் வா ஸக்கத்வா க³ருங் கத்வா உபனிஸ்ஸாய விஹரெய்யங். ந கோ² பனாஹங் பஸ்ஸாமி ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய அஞ்ஞங் ஸமணங் வா ப்³ராஹ்மணங் வா அத்தனா ஸீலஸம்பன்னதரங், யமஹங் ஸக்கத்வா க³ருங் கத்வா உபனிஸ்ஸாய விஹரெய்யங்.
‘‘அபரிபூரஸ்ஸ கோ² அஹங் ஸமாதி⁴க்க²ந்த⁴ஸ்ஸ பாரிபூரியா அஞ்ஞங் ஸமணங் வா ப்³ராஹ்மணங் வா ஸக்கத்வா க³ருங் கத்வா உபனிஸ்ஸாய விஹரெய்யங். ந கோ² பனாஹங் பஸ்ஸாமி ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய அஞ்ஞங் ஸமணங் வா ப்³ராஹ்மணங் வா அத்தனா ஸமாதி⁴ஸம்பன்னதரங், யமஹங் ஸக்கத்வா க³ருங் கத்வா உபனிஸ்ஸாய விஹரெய்யங்.
‘‘அபரிபூரஸ்ஸ கோ² அஹங் பஞ்ஞாக்க²ந்த⁴ஸ்ஸ பாரிபூரியா அஞ்ஞங் ஸமணங் வா ப்³ராஹ்மணங் வா ஸக்கத்வா க³ருங் கத்வா உபனிஸ்ஸாய விஹரெய்யங். ந கோ² பனாஹங் பஸ்ஸாமி ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய அஞ்ஞங் ஸமணங் வா ப்³ராஹ்மணங் வா அத்தனா பஞ்ஞாஸம்பன்னதரங், யமஹங் ஸக்கத்வா க³ருங் கத்வா உபனிஸ்ஸாய விஹரெய்யங்.
‘‘அபரிபூரஸ்ஸ கோ² அஹங் விமுத்திக்க²ந்த⁴ஸ்ஸ பாரிபூரியா அஞ்ஞங் ஸமணங் வா ப்³ராஹ்மணங் வா ஸக்கத்வா க³ருங் கத்வா உபனிஸ்ஸாய விஹரெய்யங். ந கோ² பனாஹங் பஸ்ஸாமி ஸதே³வகே லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய அஞ்ஞங் ஸமணங் வா ப்³ராஹ்மணங் வா அத்தனா விமுத்திஸம்பன்னதரங், யமஹங் ஸக்கத்வா க³ருங் கத்வா உபனிஸ்ஸாய விஹரெய்ய’’ந்தி.
‘‘தஸ்ஸ மய்ஹங், பி⁴க்க²வே, ஏதத³ஹோஸி – ‘யங்னூனாஹங் ய்வாயங் யோபாயங் (ஸீ॰ ஸ்யா॰ கங்॰ பீ॰) த⁴ம்மோ மயா அபி⁴ஸம்பு³த்³தோ⁴ தமேவ த⁴ம்மங் ஸக்கத்வா க³ருங் கத்வா உபனிஸ்ஸாய விஹரெய்ய’’’ந்தி.
‘‘அத² கோ², பி⁴க்க²வே, ப்³ரஹ்மா ஸஹம்பதி மம சேதஸா சேதோபரிவிதக்கமஞ்ஞாய – ஸெய்யதா²பி நாம ப³லவா புரிஸோ ஸமிஞ்ஜிதங் ஸம்மிஞ்ஜிதங் (ஸீ॰ ஸ்யா॰ கங்॰ பீ॰) வா பா³ஹங் பஸாரெய்ய, பஸாரிதங் வா பா³ஹங் ஸமிஞ்ஜெய்ய, ஏவமேவங் – ப்³ரஹ்மலோகே அந்தரஹிதோ மம புரதோ பாதுரஹோஸி. அத² கோ², பி⁴க்க²வே, ப்³ரஹ்மா ஸஹம்பதி ஏகங்ஸங் உத்தராஸங்க³ங் கரித்வா த³க்கி²ணங் ஜாணுமண்ட³லங் பத²வியங் நிஹந்த்வா யேனாஹங் தேனஞ்ஜலிங் பணாமெத்வா மங் ஏதத³வோச – ‘ஏவமேதங் ப⁴க³வா, ஏவமேதங் ஸுக³த! யேபி தே, ப⁴ந்தே, அஹேஸுங் அதீதமத்³தா⁴னங் அரஹந்தோ ஸம்மாஸம்பு³த்³தா⁴ தேபி ப⁴க³வந்தோ த⁴ம்மங்யேவ ஸக்கத்வா க³ருங் கத்வா உபனிஸ்ஸாய விஹரிங்ஸு; யேபி தே, ப⁴ந்தே, ப⁴விஸ்ஸந்தி அனாக³தமத்³தா⁴னங் அரஹந்தோ ஸம்மாஸம்பு³த்³தா⁴ தேபி ப⁴க³வந்தோ த⁴ம்மங்யேவ ஸக்கத்வா க³ருங் கத்வா உபனிஸ்ஸாய விஹரிஸ்ஸந்தி; ப⁴க³வாபி, ப⁴ந்தே, ஏதரஹி அரஹங் ஸம்மாஸம்பு³த்³தோ⁴ த⁴ம்மங்யேவ ஸக்கத்வா க³ருங் கத்வா உபனிஸ்ஸாய விஹரதூ’’’தி. இத³மவோச ப்³ரஹ்மா ஸஹம்பதி. இத³ங் வத்வா அதா²பரங் ஏதத³வோச –
‘‘யே ச அதீதா யே சப்³ப⁴தீதா (ஸீ॰ பீ॰ க॰) ஸம்பு³த்³தா⁴, யே ச பு³த்³தா⁴ அனாக³தா;
யோ சேதரஹி ஸம்பு³த்³தோ⁴, ப³ஹூனங் ப³ஹுன்னங் (ஸீ॰ ஸ்யா॰ கங்॰ பீ॰) ஸங்॰ நி॰ 1.173 ஸோகனாஸனோ.
‘‘ஸப்³பே³ ஸத்³த⁴ம்மக³ருனோ, விஹங்ஸு விஹரிங்ஸு (ஸ்யா॰ கங்॰) விஹரந்தி ச;
அதோ²பி விஹரிஸ்ஸந்தி, ஏஸா பு³த்³தா⁴ன த⁴ம்மதா.
‘‘தஸ்மா ஹி அத்தகாமேன அத்த²காமேன (ஸீ॰ க॰), மஹத்தமபி⁴கங்க²தா;
ஸத்³த⁴ம்மோ க³ருகாதப்³போ³, ஸரங் பு³த்³தா⁴ன ஸாஸன’’ந்தி.
‘‘இத³மவோச, பி⁴க்க²வே, ப்³ரஹ்மா ஸஹம்பதி. இத³ங் வத்வா மங் அபி⁴வாதெ³த்வா பத³க்கி²ணங் கத்வா தத்தே²வந்தரதா⁴யி. அத² க்²வாஹங், பி⁴க்க²வே, ப்³ரஹ்முனோ ச அஜ்ஜே²ஸனங் விதி³த்வா அத்தனோ ச பதிரூபங் ய்வாயங் யோபாயங் (ஸப்³ப³த்த²) த⁴ம்மோ மயா அபி⁴ஸம்பு³த்³தோ⁴ தமேவ த⁴ம்மங் ஸக்கத்வா க³ருங் கத்வா உபனிஸ்ஸாய விஹாஸிங். யதோ ச கோ², பி⁴க்க²வே, ஸங்கோ⁴பி மஹத்தேன ஸமன்னாக³தோ, அத² மே ஸங்கே⁴பி கா³ரவோ’’தி. பட²மங்.
2. து³தியஉருவேலஸுத்தங்
22. ‘‘ஏகமிதா³ஹங் , பி⁴க்க²வே, ஸமயங் உருவேலாயங் விஹராமி நஜ்ஜா நேரஞ்ஜராய தீரே அஜபாலனிக்³ரோதே⁴ பட²மாபி⁴ஸம்பு³த்³தோ⁴. அத² கோ², பி⁴க்க²வே, ஸம்ப³ஹுலா ப்³ராஹ்மணா ஜிண்ணா வுத்³தா⁴ மஹல்லகா அத்³த⁴க³தா வயோஅனுப்பத்தா யேனாஹங் தேனுபஸங்கமிங்ஸு; உபஸங்கமித்வா மயா ஸத்³தி⁴ங் ஸம்மோதி³ங்ஸு. ஸம்மோத³னீயங் கத²ங் ஸாரணீயங் வீதிஸாரெத்வா ஏகமந்தங் நிஸீதி³ங்ஸு. ஏகமந்தங் நிஸின்னா கோ², பி⁴க்க²வே, தே ப்³ராஹ்மணா மங் ஏதத³வோசுங் – ‘ஸுதங் நேதங் மேதங் (ஸீ॰ ஸ்யா॰ கங்॰ க॰), போ⁴ கோ³தம – ந ஸமணோ கோ³தமோ ப்³ராஹ்மணே ஜிண்ணே வுத்³தே⁴ மஹல்லகே அத்³த⁴க³தே வயோஅனுப்பத்தே அபி⁴வாதே³தி வா பச்சுட்டே²தி வா ஆஸனேன வா நிமந்தேதீதி. தயித³ங், போ⁴ கோ³தம, ததே²வ. ந ஹி ப⁴வங் கோ³தமோ ப்³ராஹ்மணே ஜிண்ணே வுத்³தே⁴ மஹல்லகே அத்³த⁴க³தே வயோஅனுப்பத்தே அபி⁴வாதே³தி வா பச்சுட்டே²தி வா ஆஸனேன வா நிமந்தேதி. தயித³ங், போ⁴ கோ³தம, ந ஸம்பன்னமேவா’’’தி.
‘‘தஸ்ஸ மய்ஹங், பி⁴க்க²வே, ஏதத³ஹோஸி – ‘நயிமே ந வத மே (ஸீ॰ பீ॰), ந சயிமே (ஸ்யா॰ கங்॰), ந வதிமே (?) ஆயஸ்மந்தோ ஜானந்தி தே²ரங் வா தே²ரகரணே வா த⁴ம்மே’தி. வுத்³தோ⁴ சேபி, பி⁴க்க²வே, ஹோதி ஆஸீதிகோ வா நாவுதிகோ வா வஸ்ஸஸதிகோ வா ஜாதியா. ஸோ ச ஹோதி அகாலவாதீ³ அபூ⁴தவாதீ³ அனத்த²வாதீ³ அத⁴ம்மவாதீ³ அவினயவாதீ³, அனிதா⁴னவதிங் வாசங் பா⁴ஸிதா அகாலேன அனபதே³ஸங் அபரியந்தவதிங் அனத்த²ஸங்ஹிதங். அத² கோ² ஸோ ‘பா³லோ தே²ரோ’த்வேவ தேவ (ஸீ॰ பீ॰) ஸங்க²ங் க³ச்ச²தி.
‘‘த³ஹரோ சேபி, பி⁴க்க²வே, ஹோதி யுவா ஸுஸுகாளகேஸோ ப⁴த்³ரேன யொப்³ப³னேன ஸமன்னாக³தோ பட²மேன வயஸா . ஸோ ச ஹோதி காலவாதீ³ பூ⁴தவாதீ³ அத்த²வாதீ³ த⁴ம்மவாதீ³ வினயவாதீ³ நிதா⁴னவதிங் வாசங் பா⁴ஸிதா காலேன ஸாபதே³ஸங் பரியந்தவதிங் அத்த²ஸங்ஹிதங். அத² கோ² ஸோ ‘பண்டி³தோ தே²ரோ’த்வேவ ஸங்க²ங் க³ச்ச²தி.
‘‘சத்தாரோமே , பி⁴க்க²வே, தே²ரகரணா த⁴ம்மா. கதமே சத்தாரோ? இத⁴, பி⁴க்க²வே, பி⁴க்கு² ஸீலவா ஹோதி, பாதிமொக்க²ஸங்வரஸங்வுதோ விஹரதி ஆசாரகோ³சரஸம்பன்னோ அணுமத்தேஸு வஜ்ஜேஸு ப⁴யத³ஸ்ஸாவீ, ஸமாதா³ய ஸிக்க²தி ஸிக்கா²பதே³ஸு, ப³ஹுஸ்ஸுதோ ஹோதி ஸுதத⁴ரோ ஸுதஸன்னிசயோ, யே தே த⁴ம்மா ஆதி³கல்யாணா மஜ்ஜே²கல்யாணா பரியோஸானகல்யாணா ஸாத்த²ங் ஸப்³யஞ்ஜனங் ஸாத்தா² ஸப்³யஞ்ஜனா (ஸீ॰ பீ॰) கேவலபரிபுண்ணங் கேவலபரிபுண்ணா (ஸீ॰) பரிஸுத்³த⁴ங் ப்³ரஹ்மசரியங் அபி⁴வத³ந்தி, ததா²ரூபாஸ்ஸ த⁴ம்மா ப³ஹுஸ்ஸுதா ஹொந்தி தா⁴தா த⁴தா (ஸீ॰ ஸ்யா॰ கங்॰ பீ॰) வசஸா பரிசிதா மனஸானுபெக்கி²தா, தி³ட்டி²யா ஸுப்படிவித்³தா⁴, சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ ஹோதி அகிச்ச²லாபீ⁴ அகஸிரலாபீ⁴, ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி. இமே கோ², பி⁴க்க²வே, சத்தாரோ தே²ரகரணா த⁴ம்மா’’தி.
‘‘யோ உத்³த⁴தேன சித்தேன, ஸம்ப²ஞ்ச ப³ஹு பா⁴ஸதி;
அஸமாஹிதஸங்கப்போ, அஸத்³த⁴ம்மரதோ மகோ³;
ஆரா ஸோ தா²வரெய்யம்ஹா, பாபதி³ட்டி² அனாத³ரோ.
‘‘யோ ச ஸீலேன ஸம்பன்னோ, ஸுதவா படிபா⁴னவா;
ஸஞ்ஞதோ தீ⁴ரோ த⁴ம்மேஸு ஸஞ்ஞதோ தீ⁴ரத⁴ம்மேஸு (ஸீ॰), ஸங்யுத்தோ தி²ரத⁴ம்மேஸு (ஸ்யா॰ கங்॰), பஞ்ஞாயத்த²ங் விபஸ்ஸதி.
‘‘பாரகூ³ ஸப்³ப³த⁴ம்மானங், அகி²லோ படிபா⁴னவா;
பஹீனஜாதிமரணோ, ப்³ரஹ்மசரியஸ்ஸ கேவலீ.
‘‘தமஹங் வதா³மி தே²ரோதி, யஸ்ஸ நோ ஸந்தி ஆஸவா;
ஆஸவானங் க²யா பி⁴க்கு², ஸோ தே²ரோதி பவுச்சதீ’’தி. து³தியங்;
3. லோகஸுத்தங்
23. ‘‘லோகோ , பி⁴க்க²வே, ததா²க³தேன அபி⁴ஸம்பு³த்³தோ⁴. லோகஸ்மா ததா²க³தோ விஸங்யுத்தோ. லோகஸமுத³யோ, பி⁴க்க²வே, ததா²க³தேன அபி⁴ஸம்பு³த்³தோ⁴. லோகஸமுத³யோ ததா²க³தஸ்ஸ பஹீனோ. லோகனிரோதோ⁴, பி⁴க்க²வே, ததா²க³தேன அபி⁴ஸம்பு³த்³தோ⁴. லோகனிரோதோ⁴ ததா²க³தஸ்ஸ ஸச்சி²கதோ. லோகனிரோத⁴கா³மினீ படிபதா³, பி⁴க்க²வே, ததா²க³தேன அபி⁴ஸம்பு³த்³தா⁴. லோகனிரோத⁴கா³மினீ படிபதா³ ததா²க³தஸ்ஸ பா⁴விதா.
‘‘யங், பி⁴க்க²வே, ஸதே³வகஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ ஸஸ்ஸமணப்³ராஹ்மணியா பஜாய ஸதே³வமனுஸ்ஸாய தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங் அனுவிசரிதங் மனஸா, ஸப்³ப³ங் தங் ததா²க³தேன அபி⁴ஸம்பு³த்³த⁴ங். தஸ்மா ‘ததா²க³தோ’தி வுச்சதி.
‘‘யஞ்ச, பி⁴க்க²வே, ரத்திங் ததா²க³தோ அனுத்தரங் ஸம்மாஸம்போ³தி⁴ங் அபி⁴ஸம்பு³ஜ்ஜ²தி யஞ்ச ரத்திங் அனுபாதி³ஸேஸாய நிப்³பா³னதா⁴துயா பரினிப்³பா³யதி, யங் ஏதஸ்மிங் அந்தரே பா⁴ஸதி லபதி நித்³தி³ஸதி ஸப்³ப³ங் தங் ததே²வ ஹோதி, நோ அஞ்ஞதா². தஸ்மா ‘ததா²க³தோ’தி வுச்சதி.
‘‘யதா²வாதீ³, பி⁴க்க²வே, ததா²க³தோ ததா²காரீ, யதா²காரீ ததா²வாதீ³. இதி யதா²வாதீ³ ததா²காரீ, யதா²காரீ ததா²வாதீ³. தஸ்மா ‘ததா²க³தோ’தி வுச்சதி.
‘‘ஸதே³வகே, பி⁴க்க²வே, லோகே ஸமாரகே ஸப்³ரஹ்மகே ஸஸ்ஸமணப்³ராஹ்மணியா பஜாய ஸதே³வமனுஸ்ஸாய ததா²க³தோ அபி⁴பூ⁴ அனபி⁴பூ⁴தோ அஞ்ஞத³த்து² த³ஸோ வஸவத்தீ. தஸ்மா ‘ததா²க³தோ’தி வுச்சதி’’.
‘‘ஸப்³ப³ங் லோகங் அபி⁴ஞ்ஞாய, ஸப்³ப³ங் லோகே யதா²தத²ங்;
ஸப்³ப³ங் லோகங் ஸப்³ப³லோக (ஸீ॰ ஸ்யா॰ கங்॰ பீ॰) விஸங்யுத்தோ, ஸப்³ப³லோகே அனூபயோ.
‘‘ஸ வே ஸப்³பா³பி⁴பூ⁴ தீ⁴ரோ, ஸப்³ப³க³ந்த²ப்பமோசனோ;
பு²ட்ட²’ஸ்ஸ பரமா ஸந்தி, நிப்³பா³னங் அகுதோப⁴யங்.
‘‘ஏஸ கீ²ணாஸவோ பு³த்³தோ⁴, அனீகோ⁴ சி²ன்னஸங்ஸயோ;
ஸப்³ப³கம்மக்க²யங் பத்தோ, விமுத்தோ உபதி⁴ஸங்க²யே.
‘‘ஏஸ ஸோ ப⁴க³வா பு³த்³தோ⁴, ஏஸ ஸீஹோ அனுத்தரோ;
ஸதே³வகஸ்ஸ லோகஸ்ஸ, ப்³ரஹ்மசக்கங் பவத்தயீ.
‘‘இதி தே³வா மனுஸ்ஸா ச, யே பு³த்³த⁴ங் ஸரணங் க³தா;
ஸங்க³ம்ம தங் நமஸ்ஸந்தி, மஹந்தங் வீதஸாரத³ங்.
‘‘த³ந்தோ த³மயதங் ஸெட்டோ², ஸந்தோ ஸமயதங் இஸி;
முத்தோ மோசயதங் அக்³கோ³, திண்ணோ தாரயதங் வரோ.
‘‘இதி ஹேதங் நமஸ்ஸந்தி, மஹந்தங் வீதஸாரத³ங்;
ஸதே³வகஸ்மிங் லோகஸ்மிங், நத்தி² தே நத்தி² தே (ஸீ॰ ஸ்யா॰ கங்॰ பீ॰) படிபுக்³க³லோ’’தி. ததியங்;
4. காளகாராமஸுத்தங்
24. ஏகங் ஸமயங் ப⁴க³வா ஸாகேதே விஹரதி காளகாராமே கோளிகாராமே (க॰). தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘யங் , பி⁴க்க²வே, ஸதே³வகஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ ஸஸ்ஸமணப்³ராஹ்மணியா பஜாய ஸதே³வமனுஸ்ஸாய தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங் அனுவிசரிதங் மனஸா, தமஹங் ஜானாமி.
‘‘யங், பி⁴க்க²வே, ஸதே³வகஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ ஸஸ்ஸமணப்³ராஹ்மணியா பஜாய ஸதே³வமனுஸ்ஸாய தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங் அனுவிசரிதங் மனஸா, தமஹங் அப்³ப⁴ஞ்ஞாஸிங். தங் ததா²க³தஸ்ஸ விதி³தங், தங் ததா²க³தோ ந உபட்டா²ஸி.
‘‘யங் , பி⁴க்க²வே, ஸதே³வகஸ்ஸ லோகஸ்ஸ ஸமாரகஸ்ஸ ஸப்³ரஹ்மகஸ்ஸ ஸஸ்ஸமணப்³ராஹ்மணியா பஜாய ஸதே³வமனுஸ்ஸாய தி³ட்ட²ங் ஸுதங் முதங் விஞ்ஞாதங் பத்தங் பரியேஸிதங் அனுவிசரிதங் மனஸா, தமஹங் ந ஜானாமீதி வதெ³ய்யங், தங் மமஸ்ஸ முஸா.
‘‘யங், பி⁴க்க²வே…பே॰… தமஹங் ஜானாமி ச ந ச ஜானாமீதி வதெ³ய்யங், தங்பஸ்ஸ தங் பிஸ்ஸ (ஸ்யா॰ கங்॰), தங் மமஸ்ஸ (க॰) தாதி³ஸமேவ.
‘‘யங், பி⁴க்க²வே…பே॰… தமஹங் நேவ ஜானாமி ந ந ஜானாமீதி வதெ³ய்யங், தங் மமஸ்ஸ கலி.
‘‘இதி கோ², பி⁴க்க²வே, ததா²க³தோ த³ட்டா² த³ட்ட²ப்³ப³ங், தி³ட்ட²ங் ந மஞ்ஞதி, அதி³ட்ட²ங் ந மஞ்ஞதி, த³ட்ட²ப்³ப³ங் ந மஞ்ஞதி, த³ட்டா²ரங் ந மஞ்ஞதி; ஸுத்வா ஸோதப்³ப³ங், ஸுதங் ந மஞ்ஞதி, அஸுதங் ந மஞ்ஞதி, ஸோதப்³ப³ங் ந மஞ்ஞதி, ஸோதாரங் ந மஞ்ஞதி; முத்வா மோதப்³ப³ங், முதங் ந மஞ்ஞதி, அமுதங் ந மஞ்ஞதி, மோதப்³ப³ங் ந மஞ்ஞதி, மோதாரங் ந மஞ்ஞதி; விஞ்ஞத்வா விஞ்ஞாதப்³ப³ங், விஞ்ஞாதங் ந மஞ்ஞதி, அவிஞ்ஞாதங் ந மஞ்ஞதி, விஞ்ஞாதப்³ப³ங் ந மஞ்ஞதி, விஞ்ஞாதாரங் ந மஞ்ஞதி. இதி கோ², பி⁴க்க²வே, ததா²க³தோ தி³ட்ட²ஸுதமுதவிஞ்ஞாதப்³பே³ஸு த⁴ம்மேஸு தாதீ³யேவ தாதீ³ தாதி³ஸோவ தாதீ³ (ஸ்யா॰ கங்॰), தாதி³ஸே யேவ தாதீ³ (பீ॰), தாதீ³யேவ தாதீ³யேவேகா (க॰). தம்ஹா ச பன தாதி³ம்ஹா தாதி³தம்ஹா (ஸீ॰ பீ॰) அஞ்ஞோ தாதீ³ உத்தரிதரோ வா பணீததரோ வா நத்தீ²தி வதா³மீ’’தி.
‘‘யங் கிஞ்சி தி³ட்ட²ங்வ ஸுதங் முதங் வா,
அஜ்ஜோ²ஸிதங் ஸச்சமுதங் பரேஸங்;
ந தேஸு தாதீ³ ஸயஸங்வுதேஸு,
ஸச்சங் முஸா வாபி பரங் த³ஹெய்ய.
‘‘ஏதஞ்ச ஸல்லங் படிகச்ச படிக³ச்ச (ஸீ॰ பீ॰) தி³ஸ்வா,
அஜ்ஜோ²ஸிதா யத்த² பஜா விஸத்தா;
ஜானாமி பஸ்ஸாமி ததே²வ ஏதங்,
அஜ்ஜோ²ஸிதங் நத்தி² ததா²க³தான’’ந்தி. சதுத்த²ங்;
5. ப்³ரஹ்மசரியஸுத்தங்
25. ‘‘நயித³ங் , பி⁴க்க²வே, ப்³ரஹ்மசரியங் வுஸ்ஸதி ஜனகுஹனத்த²ங், ந ஜனலபனத்த²ங், ந லாப⁴ஸக்காரஸிலோகானிஸங்ஸத்த²ங், ந இதிவாத³ப்பமொக்கா²னிஸங்ஸத்த²ங், ந ‘இதி மங் ஜனோ ஜானாதூ’தி. அத² கோ² இத³ங், பி⁴க்க²வே, ப்³ரஹ்மசரியங் வுஸ்ஸதி ஸங்வரத்த²ங் பஹானத்த²ங் விராக³த்த²ங் நிரோத⁴த்த²’’ந்தி.
‘‘ஸங்வரத்த²ங் பஹானத்த²ங், ப்³ரஹ்மசரியங் அனீதிஹங்;
அதே³ஸயி ஸோ ப⁴க³வா, நிப்³பா³னோக³த⁴கா³மினங்;
ஏஸ மக்³கோ³ மஹந்தேஹி மஹத்தேபி⁴ (க॰) இதிவு॰ 35, அனுயாதோ மஹேஸிபி⁴.
‘‘யே ச தங் படிபஜ்ஜந்தி, யதா² பு³த்³தே⁴ன தே³ஸிதங்;
து³க்க²ஸ்ஸந்தங் கரிஸ்ஸந்தி, ஸத்து²ஸாஸனகாரினோ’’தி. பஞ்சமங்;
6. குஹஸுத்தங்
26. இதிவு॰ 108 இதிவுத்தகேபி ‘‘யே தே, பி⁴க்க²வே, பி⁴க்கூ² குஹா த²த்³தா⁴ லபா ஸிங்கீ³ உன்னளா அஸமாஹிதா, ந மே தே, பி⁴க்க²வே, பி⁴க்கூ² மாமகா. அபக³தா ச தே, பி⁴க்க²வே , பி⁴க்கூ² இமஸ்மா த⁴ம்மவினயா, ந ச தே இமஸ்மிங் த⁴ம்மவினயே வுத்³தி⁴ங் விருள்ஹிங் வேபுல்லங் ஆபஜ்ஜந்தி. யே ச கோ² தே, பி⁴க்க²வே, பி⁴க்கூ² நிக்குஹா நில்லபா தீ⁴ரா அத்த²த்³தா⁴ ஸுஸமாஹிதா, தே கோ² மே, பி⁴க்க²வே, பி⁴க்கூ² மாமகா. அனபக³தா ச தே, பி⁴க்க²வே, பி⁴க்கூ² இமஸ்மா த⁴ம்மவினயா. தே ச இமஸ்மிங் த⁴ம்மவினயே வுத்³தி⁴ங் விருள்ஹிங் வேபுல்லங் ஆபஜ்ஜந்தீ’’தி.
இதிவு॰ 108 இதிவுத்தகேபி ‘‘குஹா த²த்³தா⁴ லபா ஸிங்கீ³, உன்னளா அஸமாஹிதா;
ந தே த⁴ம்மே விரூஹந்தி, ஸம்மாஸம்பு³த்³த⁴தே³ஸிதே.
‘‘நிக்குஹா நில்லபா தீ⁴ரா, அத்த²த்³தா⁴ ஸுஸமாஹிதா;
தே வே த⁴ம்மே விரூஹந்தி, ஸம்மாஸம்பு³த்³த⁴தே³ஸிதே’’தி. ச²ட்ட²ங்;
7. ஸந்துட்டி²ஸுத்தங்
27. ‘‘சத்தாரிமானி , பி⁴க்க²வே, அப்பானி ச சேவ (க॰) ஸுலபா⁴னி ச, தானி ச அனவஜ்ஜானி. கதமானி சத்தாரி? பங்ஸுகூலங், பி⁴க்க²வே, சீவரானங் அப்பஞ்ச ஸுலப⁴ஞ்ச , தஞ்ச அனவஜ்ஜங். பிண்டி³யாலோபோ, பி⁴க்க²வே, போ⁴ஜனானங் அப்பஞ்ச ஸுலப⁴ஞ்ச, தஞ்ச அனவஜ்ஜங். ருக்க²மூலங், பி⁴க்க²வே, ஸேனாஸனானங் அப்பஞ்ச ஸுலப⁴ஞ்ச, தஞ்ச அனவஜ்ஜங். பூதிமுத்தங், பி⁴க்க²வே, பே⁴ஸஜ்ஜானங் அப்பஞ்ச ஸுலப⁴ஞ்ச, தஞ்ச அனவஜ்ஜங். இமானி கோ², பி⁴க்க²வே, சத்தாரி அப்பானி ச ஸுலபா⁴னி ச, தானி ச அனவஜ்ஜானி. யதோ கோ², பி⁴க்க²வே, பி⁴க்கு² அப்பேன ச துட்டோ² ஹோதி ஸுலபே⁴ன ச, இத³மஸ்ஸாஹங் அஞ்ஞதரங் ஸாமஞ்ஞங்க³ந்தி ஸாமஞ்ஞந்தி (க॰) வதா³மீ’’தி.
‘‘அனவஜ்ஜேன துட்ட²ஸ்ஸ, அப்பேன ஸுலபே⁴ன ச;
ந ஸேனாஸனமாரப்³ப⁴, சீவரங் பானபோ⁴ஜனங்;
விகா⁴தோ ஹோதி சித்தஸ்ஸ, தி³ஸா நப்படிஹஞ்ஞதி.
‘‘யே சஸ்ஸ த⁴ம்மா அக்கா²தா, ஸாமஞ்ஞஸ்ஸானுலோமிகா;
அதி⁴க்³க³ஹிதா துட்ட²ஸ்ஸ, அப்பமத்தஸ்ஸ ஸிக்க²தோ’’தி. ஸத்தமங்;
8. அரியவங்ஸஸுத்தங்
28. ‘‘சத்தாரோமே , பி⁴க்க²வே, அரியவங்ஸா அக்³க³ஞ்ஞா ரத்தஞ்ஞா வங்ஸஞ்ஞா போராணா அஸங்கிண்ணா அஸங்கிண்ணபுப்³பா³, ந ஸங்கீயந்தி ந ஸங்கீயிஸ்ஸந்தி, அப்படிகுட்டா² ஸமணேஹி ப்³ராஹ்மணேஹி விஞ்ஞூஹி. கதமே சத்தாரோ? இத⁴, பி⁴க்க²வே, பி⁴க்கு² ஸந்துட்டோ² ஹோதி இதரீதரேன சீவரேன, இதரீதரசீவரஸந்துட்டி²யா ச வண்ணவாதீ³, ந ச சீவரஹேது அனேஸனங் அப்பதிரூபங் ஆபஜ்ஜதி, அலத்³தா⁴ ச சீவரங் ந பரிதஸ்ஸதி, லத்³தா⁴ ச சீவரங் அக³தி⁴தோ அக³தி²தோ (ஸீ॰ பீ॰) அமுச்சி²தோ அனஜ்ஜோ²ஸன்னோ ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன இதரீதரசீவரஸந்துட்டி²யா நேவத்தானுக்கங்ஸேதி, நோ ந (தீ³॰ நி॰ 3.309) பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ பதிஸ்ஸதோ, அயங் வுச்சதி, பி⁴க்க²வே, பி⁴க்கு² போராணே அக்³க³ஞ்ஞே அரியவங்ஸே டி²தோ.
‘‘புன சபரங், பி⁴க்க²வே, பி⁴க்கு² ஸந்துட்டோ² ஹோதி இதரீதரேன பிண்ட³பாதேன, இதரீதரபிண்ட³பாதஸந்துட்டி²யா ச வண்ணவாதீ³, ந ச பிண்ட³பாதஹேது அனேஸனங் அப்பதிரூபங் ஆபஜ்ஜதி, அலத்³தா⁴ ச பிண்ட³பாதங் ந பரிதஸ்ஸதி, லத்³தா⁴ ச பிண்ட³பாதங் அக³தி⁴தோ அமுச்சி²தோ அனஜ்ஜோ²ஸன்னோ ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன இதரீதரபிண்ட³பாதஸந்துட்டி²யா நேவத்தானுக்கங்ஸேதி , நோ பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ பதிஸ்ஸதோ, அயங் வுச்சதி, பி⁴க்க²வே, பி⁴க்கு² போராணே அக்³க³ஞ்ஞே அரியவங்ஸே டி²தோ.
‘‘புன சபரங், பி⁴க்க²வே, பி⁴க்கு² ஸந்துட்டோ² ஹோதி இதரீதரேன ஸேனாஸனேன, இதரீதரஸேனாஸனஸந்துட்டி²யா ச வண்ணவாதீ³, ந ச ஸேனாஸனஹேது அனேஸனங் அப்பதிரூபங் ஆபஜ்ஜதி, அலத்³தா⁴ ச ஸேனாஸனங் ந பரிதஸ்ஸதி, லத்³தா⁴ ச ஸேனாஸனங் அக³தி⁴தோ அமுச்சி²தோ அனஜ்ஜோ²ஸன்னோ ஆதீ³னவத³ஸ்ஸாவீ நிஸ்ஸரணபஞ்ஞோ பரிபு⁴ஞ்ஜதி; தாய ச பன இதரீதரஸேனாஸனஸந்துட்டி²யா நேவத்தானுக்கங்ஸேதி, நோ பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ பதிஸ்ஸதோ, அயங் வுச்சதி, பி⁴க்க²வே, பி⁴க்கு² போராணே அக்³க³ஞ்ஞே அரியவங்ஸே டி²தோ.
‘‘புன சபரங், பி⁴க்க²வே, பி⁴க்கு² பா⁴வனாராமோ ஹோதி பா⁴வனாரதோ, பஹானாராமோ ஹோதி பஹானரதோ; தாய ச பன பா⁴வனாராமதாய பா⁴வனாரதியா பஹானாராமதாய பஹானரதியா நேவத்தானுக்கங்ஸேதி, நோ பரங் வம்பே⁴தி. யோ ஹி தத்த² த³க்கோ² அனலஸோ ஸம்பஜானோ பதிஸ்ஸதோ, அயங் வுச்சதி, பி⁴க்க²வே, பி⁴க்கு² போராணே அக்³க³ஞ்ஞே அரியவங்ஸே டி²தோ. இமே கோ², பி⁴க்க²வே, சத்தாரோ அரியவங்ஸா அக்³க³ஞ்ஞா ரத்தஞ்ஞா வங்ஸஞ்ஞா போராணா அஸங்கிண்ணா அஸங்கிண்ணபுப்³பா³, ந ஸங்கீயந்தி ந ஸங்கீயிஸ்ஸந்தி, அப்படிகுட்டா² ஸமணேஹி ப்³ராஹ்மணேஹி விஞ்ஞூஹி.
‘‘இமேஹி ச பன, பி⁴க்க²வே, சதூஹி அரியவங்ஸேஹி ஸமன்னாக³தோ பி⁴க்கு² புரத்தி²மாய சேபி தி³ஸாய விஹரதி ஸ்வேவ அரதிங் ஸஹதி, ந தங் அரதி ஸஹதி; பச்சி²மாய சேபி தி³ஸாய விஹரதி ஸ்வேவ அரதிங் ஸஹதி, ந தங் அரதி ஸஹதி; உத்தராய சேபி தி³ஸாய விஹரதி ஸ்வேவ அரதிங் ஸஹதி, ந தங் அரதி ஸஹதி; த³க்கி²ணாய சேபி தி³ஸாய விஹரதி ஸ்வேவ அரதிங் ஸஹதி, ந தங் அரதி ஸஹதி. தங் கிஸ்ஸ ஹேது? அரதிரதிஸஹோ ஹி, பி⁴க்க²வே, தீ⁴ரோ’’தி.
‘‘நாரதி ஸஹதி தீ⁴ரங் வீரங் (ஸீ॰), நாரதி தீ⁴ரங் ஸஹதி;
தீ⁴ரோவ அரதிங் ஸஹதி, தீ⁴ரோ ஹி அரதிஸ்ஸஹோ.
‘‘ஸப்³ப³கம்மவிஹாயீனங் , பனுண்ணங் பணுன்னங் (?) கோ நிவாரயே;
நெக்க²ங் ஜம்போ³னத³ஸ்ஸேவ, கோ தங் நிந்தி³துமரஹதி;
தே³வாபி நங் பஸங்ஸந்தி, ப்³ரஹ்முனாபி பஸங்ஸிதோ’’தி. அட்ட²மங்;
9. த⁴ம்மபத³ஸுத்தங்
29. ‘‘சத்தாரிமானி, பி⁴க்க²வே, த⁴ம்மபதா³னி அக்³க³ஞ்ஞானி ரத்தஞ்ஞானி வங்ஸஞ்ஞானி போராணானி அஸங்கிண்ணானி அஸங்கிண்ணபுப்³பா³னி, ந ஸங்கீயந்தி ந ஸங்கீயிஸ்ஸந்தி, அப்படிகுட்டா²னி ஸமணேஹி ப்³ராஹ்மணேஹி விஞ்ஞூஹி. கதமானி சத்தாரி? அனபி⁴ஜ்ஜா², பி⁴க்க²வே, த⁴ம்மபத³ங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கீயதி ந ஸங்கீயிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி.
‘‘அப்³யாபாதோ³, பி⁴க்க²வே, த⁴ம்மபத³ங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கீயதி ந ஸங்கீயிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி.
‘‘ஸம்மாஸதி , பி⁴க்க²வே, த⁴ம்மபத³ங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கீயதி ந ஸங்கீயிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி.
‘‘ஸம்மாஸமாதி⁴, பி⁴க்க²வே, த⁴ம்மபத³ங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கீயதி ந ஸங்கீயிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி. இமானி கோ², பி⁴க்க²வே, சத்தாரி த⁴ம்மபதா³னி அக்³க³ஞ்ஞானி ரத்தஞ்ஞானி வங்ஸஞ்ஞானி போராணானி அஸங்கிண்ணானி அஸங்கிண்ணபுப்³பா³னி, ந ஸங்கீயந்தி ந ஸங்கீயிஸ்ஸந்தி, அப்படிகுட்டா²னி ஸமணேஹி ப்³ராஹ்மணேஹி விஞ்ஞூஹீ’’தி.
‘‘அனபி⁴ஜ்ஜா²லு விஹரெய்ய, அப்³யாபன்னேன சேதஸா;
ஸதோ ஏகக்³க³சித்தஸ்ஸ ஏகக்³க³சித்தாயங் (க॰), அஜ்ஜ²த்தங் ஸுஸமாஹிதோ’’தி. நவமங்;
10. பரிப்³பா³ஜகஸுத்தங்
30. ஏகங் ஸமயங் ப⁴க³வா ராஜக³ஹே விஹரதி கி³ஜ்ஜ²கூடே பப்³ப³தே. தேன கோ² பன ஸமயேன ஸம்ப³ஹுலா அபி⁴ஞ்ஞாதா அபி⁴ஞ்ஞாதா பரிப்³பா³ஜகா ஸிப்பினிகாதீரே ஸப்பினியா தீரே (ஸீ॰ பீ॰), ஸிப்பினியா தீரே (ஸ்யா॰ கங்॰), ஸிப்பினியா நதி³யா தீரே (க॰) பரிப்³பா³ஜகாராமே படிவஸந்தி, ஸெய்யதி²த³ங் அன்னபா⁴ரோ வரத⁴ரோ ஸகுலுதா³யீ ச பரிப்³பா³ஜகோ அஞ்ஞே ச அபி⁴ஞ்ஞாதா அபி⁴ஞ்ஞாதா பரிப்³பா³ஜகா. அத² கோ² ப⁴க³வா ஸாயன்ஹஸமயங் படிஸல்லானா வுட்டி²தோ யேன ஸிப்பினிகாதீரங் பரிப்³பா³ஜகாராமோ தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. நிஸஜ்ஜ கோ² ப⁴க³வா தே பரிப்³பா³ஜகே ஏதத³வோச –
‘‘சத்தாரிமானி, பரிப்³பா³ஜகா, த⁴ம்மபதா³னி அக்³க³ஞ்ஞானி ரத்தஞ்ஞானி வங்ஸஞ்ஞானி போராணானி அஸங்கிண்ணானி அஸங்கிண்ணபுப்³பா³னி, ந ஸங்கீயந்தி ந ஸங்கீயிஸ்ஸந்தி, அப்படிகுட்டா²னி ஸமணேஹி ப்³ராஹ்மணேஹி விஞ்ஞூஹி. கதமானி சத்தாரி? அனபி⁴ஜ்ஜா², பரிப்³பா³ஜகா, த⁴ம்மபத³ங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கீயதி ந ஸங்கீயிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி. அப்³யாபாதோ³, பரிப்³பா³ஜகா, த⁴ம்மபத³ங்…பே॰… ஸம்மாஸதி, பரிப்³பா³ஜகா, த⁴ம்மபத³ங்…பே॰… ஸம்மாஸமாதி⁴, பரிப்³பா³ஜகா, த⁴ம்மபத³ங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கீயதி ந ஸங்கீயிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி. இமானி கோ² , பரிப்³பா³ஜகா, சத்தாரி த⁴ம்மபதா³னி அக்³க³ஞ்ஞானி ரத்தஞ்ஞானி வங்ஸஞ்ஞானி போராணானி அஸங்கிண்ணானி அஸங்கிண்ணபுப்³பா³னி, ந ஸங்கீயந்தி ந ஸங்கீயிஸ்ஸந்தி, அப்படிகுட்டா²னி ஸமணேஹி ப்³ராஹ்மணேஹி விஞ்ஞூஹி.
‘‘யோ கோ², பரிப்³பா³ஜகா, ஏவங் வதெ³ய்ய – ‘அஹமேதங் அனபி⁴ஜ்ஜ²ங் த⁴ம்மபத³ங் பச்சக்கா²ய அபி⁴ஜ்ஜா²லுங் காமேஸு திப்³ப³ஸாராக³ங் ஸமணங் வா ப்³ராஹ்மணங் வா பஞ்ஞாபெஸ்ஸாமீ’தி, தமஹங் தத்த² ஏவங் வதெ³ய்யங் – ‘ஏது வத³து ப்³யாஹரது பஸ்ஸாமிஸ்ஸானுபா⁴வ’ந்தி. ஸோ வத, பரிப்³பா³ஜகா, அனபி⁴ஜ்ஜ²ங் த⁴ம்மபத³ங் பச்சக்கா²ய அபி⁴ஜ்ஜா²லுங் காமேஸு திப்³ப³ஸாராக³ங் ஸமணங் வா ப்³ராஹ்மணங் வா பஞ்ஞாபெஸ்ஸதீதி நேதங் டா²னங் விஜ்ஜதி.
‘‘யோ கோ², பரிப்³பா³ஜகா, ஏவங் வதெ³ய்ய – ‘அஹமேதங் அப்³யாபாத³ங் த⁴ம்மபத³ங் பச்சக்கா²ய ப்³யாபன்னசித்தங் பது³ட்ட²மனஸங்கப்பங் ஸமணங் வா ப்³ராஹ்மணங் வா பஞ்ஞாபெஸ்ஸாமீ’தி, தமஹங் தத்த² ஏவங் வதெ³ய்யங் – ‘ஏது வத³து ப்³யாஹரது பஸ்ஸாமிஸ்ஸானுபா⁴வ’ந்தி. ஸோ வத, பரிப்³பா³ஜகா, அப்³யாபாத³ங் த⁴ம்மபத³ங் பச்சக்கா²ய ப்³யாபன்னசித்தங் பது³ட்ட²மனஸங்கப்பங் ஸமணங் வா ப்³ராஹ்மணங் வா பஞ்ஞாபெஸ்ஸதீதி நேதங் டா²னங் விஜ்ஜதி.
‘‘யோ கோ², பரிப்³பா³ஜகா, ஏவங் வதெ³ய்ய – ‘அஹமேதங் ஸம்மாஸதிங் த⁴ம்மபத³ங் பச்சக்கா²ய முட்ட²ஸ்ஸதிங் அஸம்பஜானங் ஸமணங் வா ப்³ராஹ்மணங் வா பஞ்ஞாபெஸ்ஸாமீ’தி, தமஹங் தத்த² ஏவங் வதெ³ய்யங் – ‘ஏது வத³து ப்³யாஹரது பஸ்ஸாமிஸ்ஸானுபா⁴வ’ந்தி. ஸோ வத, பரிப்³பா³ஜகா, ஸம்மாஸதிங் த⁴ம்மபத³ங் பச்சக்கா²ய முட்ட²ஸ்ஸதிங் அஸம்பஜானங் ஸமணங் வா ப்³ராஹ்மணங் வா பஞ்ஞாபெஸ்ஸதீதி நேதங் டா²னங் விஜ்ஜதி.
‘‘யோ கோ², பரிப்³பா³ஜகா, ஏவங் வதெ³ய்ய – ‘அஹமேதங் ஸம்மாஸமாதி⁴ங் த⁴ம்மபத³ங் பச்சக்கா²ய அஸமாஹிதங் விப்³ப⁴ந்தசித்தங் ஸமணங் வா ப்³ராஹ்மணங் வா பஞ்ஞாபெஸ்ஸாமீ’தி, தமஹங் தத்த² ஏவங் வதெ³ய்யங் – ‘ஏது வத³து ப்³யாஹரது பஸ்ஸாமிஸ்ஸானுபா⁴வ’ந்தி. ஸோ வத, பரிப்³பா³ஜகா, ஸம்மாஸமாதி⁴ங் த⁴ம்மபத³ங் பச்சக்கா²ய அஸமாஹிதங் விப்³ப⁴ந்தசித்தங் ஸமணங் வா ப்³ராஹ்மணங் வா பஞ்ஞாபெஸ்ஸதீதி நேதங் டா²னங் விஜ்ஜதி.
‘‘யோ கோ², பரிப்³பா³ஜகா, இமானி சத்தாரி த⁴ம்மபதா³னி க³ரஹிதப்³ப³ங் படிக்கோஸிதப்³ப³ங் மஞ்ஞெய்ய, தஸ்ஸ தி³ட்டே²வ த⁴ம்மே சத்தாரோ ஸஹத⁴ம்மிகா வாதா³னுபாதா கா³ரய்ஹா டா²னா வாதா³னுவாதா³ கா³ரய்ஹங் டா²னங் (ம॰ நி॰ 3.8) ஆக³ச்ச²ந்தி. கதமே சத்தாரோ? அனபி⁴ஜ்ஜ²ங் சே ப⁴வங் த⁴ம்மபத³ங் க³ரஹதி படிக்கோஸதி, யே ச ஹி யே ச (ம॰ நி॰ 3.142-143) அபி⁴ஜ்ஜா²லூ காமேஸு திப்³ப³ஸாராகா³ ஸமணப்³ராஹ்மணா தே போ⁴தோ புஜ்ஜா தே போ⁴தோ பாஸங்ஸா. அப்³யாபாத³ங் சே ப⁴வங் த⁴ம்மபத³ங் க³ரஹதி படிக்கோஸதி, யே ச ஹி ப்³யாபன்னசித்தா பது³ட்ட²மனஸங்கப்பா ஸமணப்³ராஹ்மணா தே போ⁴தோ புஜ்ஜா தே போ⁴தோ பாஸங்ஸா. ஸம்மாஸதிங் சே ப⁴வங் த⁴ம்மபத³ங் க³ரஹதி படிக்கோஸதி, யே ச ஹி முட்ட²ஸ்ஸதீ அஸம்பஜானா ஸமணப்³ராஹ்மணா தே போ⁴தோ புஜ்ஜா தே போ⁴தோ பாஸங்ஸா. ஸம்மாஸமாதி⁴ங் சே ப⁴வங் த⁴ம்மபத³ங் க³ரஹதி படிக்கோஸதி, யே ச ஹி அஸமாஹிதா விப்³ப⁴ந்தசித்தா ஸமணப்³ராஹ்மணா தே போ⁴தோ புஜ்ஜா தே போ⁴தோ பாஸங்ஸா.
‘‘யோ கோ², பரிப்³பா³ஜகா, இமானி சத்தாரி த⁴ம்மபதா³னி க³ரஹிதப்³ப³ங் படிக்கோஸிதப்³ப³ங் மஞ்ஞெய்ய, தஸ்ஸ தி³ட்டே²வ த⁴ம்மே இமே சத்தாரோ ஸஹத⁴ம்மிகா வாதா³னுபாதா கா³ரய்ஹா டா²னா ஆக³ச்ச²ந்தி . யேபி தே பரிப்³பா³ஜகா அஹேஸுங் உக்கலா வஸ்ஸப⁴ஞ்ஞா வஸ்ஸபி⁴ஞ்ஞா (க॰) ஸங்॰ நி॰ 3.62 பஸ்ஸிதப்³ப³ங் அஹேதுகவாதா³ அகிரியவாதா³ நத்தி²கவாதா³, தேபி இமானி சத்தாரி த⁴ம்மபதா³னி ந க³ரஹிதப்³ப³ங் ந படிக்கோஸிதப்³ப³ங் அமஞ்ஞிங்ஸு. தங் கிஸ்ஸ ஹேது? நிந்தா³ப்³யாரோஸனஉபாரம்ப⁴ப⁴யா’’தி உபவாத³ப⁴யாதி (க॰) ம॰ நி॰ 3.150; ஸங்॰ நி॰ 3.62 பஸ்ஸிதப்³ப³ங்.
‘‘அப்³யாபன்னோ ஸதா³ ஸதோ, அஜ்ஜ²த்தங் ஸுஸமாஹிதோ;
அபி⁴ஜ்ஜா²வினயே ஸிக்க²ங், அப்பமத்தோதி வுச்சதீ’’தி. த³ஸமங்;
உருவேலவக்³கோ³ ததியோ.
தஸ்ஸுத்³தா³னங் –
த்³வே உருவேலா லோகோ காளகோ கோளிகோ (க॰), ப்³ரஹ்மசரியேன பஞ்சமங்;
குஹங் ஸந்துட்டி² வங்ஸோ ச, த⁴ம்மபத³ங் பரிப்³பா³ஜகேன சாதி.