(17) 2. ஆகா⁴தவக்³கோ³
1. பட²மஆகா⁴தபடிவினயஸுத்தவண்ணனா
161. து³தியஸ்ஸ ஆகா⁴தபடிவினயா. யத்த² பி⁴க்கு²னோ உப்பன்னோ ஆகா⁴தோ ஸப்³ப³ஸோ படிவினேதப்³போ³தி யத்த² ஆரம்மணே பி⁴க்கு²னோ ஆகா⁴தோ உப்பன்னோ ஹோதி, தத்த² ஸோ ஸப்³போ³ இமேஹி பஞ்சஹி படிவினோதே³தப்³போ³தி அத்தோ². மெத்தா தஸ்மிங் புக்³க³லே பா⁴வேதப்³பா³தி திகசதுக்கஜ்ஜா²னவஸேன மெத்தா பா⁴வேதப்³பா³. கருணாயபி ஏஸேவ நயோ. உபெக்கா² பன சதுக்கபஞ்சகஜ்ஜா²னவஸேன பா⁴வேதப்³பா³. யஸ்மா பன யங் புக்³க³லங் பஸ்ஸதோ சித்தங் ந நிப்³பா³தி, தஸ்மிங் முதி³தா ந ஸண்ட²ஹதி, தஸ்மா ஸா ந வுத்தா. அஸதிஅமனஸிகாரோதி யதா² ஸோ புக்³க³லோ ந உபட்டா²தி, குட்டாதீ³ஹி அந்தரிதோ விய ஹோதி, ஏவங் தஸ்மிங் அஸதிஅமனஸிகாரோ ஆபஜ்ஜிதப்³போ³. ஸேஸங் ஹெட்டா² வுத்தனயத்தா உத்தானமேவ.
2. து³தியஆகா⁴தபடிவினயஸுத்தவண்ணனா
162. து³தியே ஆகா⁴தோ ஏதேஸு படிவினேதப்³போ³தி ஆகா⁴தபடிவினயா ஆகா⁴தபடிவினயா. படிவினயோதி ஹி படிவினயவத்தூ²னம்பி படிவினயகாரணானம்பி ஏதங் அதி⁴வசனங், தது³ப⁴யம்பி இத⁴ வட்டதி. பஞ்ச ஹி புக்³க³லா படிவினயவத்தூ² ஹொந்தி பஞ்சஹி உபமாஹி பஞ்ச படிபத்தியோ படிவினயகாரணானி. லப⁴தி ச காலேன காலங் சேதஸோ விவரங் சேதஸோ பஸாத³ந்தி காலே காலே ஸமத²விபஸ்ஸனாசித்தஸ்ஸ உப்பன்னோகாஸஸங்கா²தங் விவரஞ்சேவ ஸத்³தா⁴ஸம்பன்னபா⁴வஸங்கா²தங் பஸாத³ஞ்ச லப⁴தி.
ரதி²யாயாதி அந்தரவீதி²யங். நந்தகந்தி பிலோதிகக²ண்ட³ங். நிக்³க³ஹெத்வாதி அக்கமித்வா. யோ தத்த² ஸாரோதி யங் தத்த² தி²ரட்டா²னங். தங் பரிபாதெத்வாதி தங் லுஞ்சித்வா. ஏவமேவ கோ²தி எத்த² பங்ஸுகூலிகோ விய மெத்தாவிஹாரீ த³ட்ட²ப்³போ³, ரதி²யாய நந்தகங் விய வேரிபுக்³க³லோ, து³ப்³ப³லட்டா²னங் விய அபரிஸுத்³த⁴காயஸமாசாரதா, தி²ரட்டா²னங் விய பரிஸுத்³த⁴வசீஸமாசாரதா, து³ப்³ப³லட்டா²னங் ச²ட்³டெ³த்வா தி²ரட்டா²னங் ஆதா³ய க³ந்த்வா ஸிப்³பி³த்வா ரஜித்வா பாருபித்வா
ஸேவாலபணகபரியோனத்³தா⁴தி ஸேவாலேன ச உத³கபப்படகேன ச படிச்ச²ன்னா. க⁴ம்மபரேதோதி க⁴ம்மேன அனுக³தோ. கிலந்தோதி தஸிதோதி தண்ஹாபி⁴பூ⁴தோ. பிபாஸிதோதி பானீயங் பாதுகாமோ. அபவியூஹித்வாதி அபனெத்வா. பிவித்வாதி பஸன்னஉத³கங் பிவித்வா. ஏவமேவ கோ²தி எத்த² க⁴ம்மாபி⁴தத்தோ புரிஸோ விய மெத்தாவிஹாரீ த³ட்ட²ப்³போ³, ஸேவாலபணகங் விய அபரிஸுத்³த⁴வசீஸமாசாரதா, பஸன்னஉத³கங் விய பரிஸுத்³த⁴காயஸமாசாரதா, ஸேவாலபணகங் அபப்³யூஹித்வா பஸன்னோத³கங் பிவித்வா க³மனங் விய அபரிஸுத்³த⁴வசீஸமாசாரதங் அமனஸிகத்வா பரிஸுத்³த⁴காயஸமாசாரதங் மனஸிகத்வா வேரிம்ஹி சித்துப்பாத³ங் நிப்³பா³பெத்வா பா²ஸுவிஹாரகாலோ த³ட்ட²ப்³போ³.
கோ²பெ⁴ஸ்ஸாமீதி சாலெஸ்ஸாமி. லோளெஸ்ஸாமீதி ஆகுலங் கரிஸ்ஸாமி. அபெய்யம்பி தங் கரிஸ்ஸாமீதி பிவிதுங் அஸக்குணெய்யங் கரிஸ்ஸாமி. சதுக்குண்டி³கோதி ஜாணூஹி ச ஹத்தே²ஹி ச பூ⁴மியங் பதிட்டா²னேன சதுக்குண்டி³கோ ஹுத்வா. கோ³பீதகங் பிவித்வாதி கா³வியோ விய முகே²ன ஆகட்³டெ⁴ந்தோ பிவித்வா. ஏவமேவ கோ²தி எத்த² க⁴ம்மாபி⁴தத்தோ புரிஸோ விய மெத்தாவிஹாரீ த³ட்ட²ப்³போ³, கோ³பத³ங் விய வேரிபுக்³க³லோ, கோ³பதே³ பரித்தஉத³கங் விய தஸ்ஸப்³ப⁴ந்தரே பரித்தகு³ணோ, சதுக்குண்டி³கஸ்ஸ கோ³பீதகங் பிவித்வா பக்கமனங் விய தஸ்ஸ அபரிஸுத்³த⁴காயவசீஸமாசாரதங் அமனஸிகத்வா யங் ஸோ காலேன காலங்
ஆபா³தி⁴கோதி புரதோபிஸ்ஸாதி புரதோபி ப⁴வெய்ய. அனயப்³யஸனந்தி அவட்³டி⁴வினாஸங். ஏவமேவ கோ²தி எத்த² ஸோ அனாத²கி³லானோ விய ஸப்³ப³கண்ஹத⁴ம்மஸமன்னாக³தோ புக்³க³லோ, அத்³தா⁴னமக்³கோ³ விய அனமதக்³க³ஸங்ஸாரோ, புரதோ ச பச்ச²தோ ச கா³மானங் தூ³ரபா⁴வோ விய நிப்³பா³னஸ்ஸ தூ³ரபா⁴வோ, ஸப்பாயபோ⁴ஜனானங் அலாபோ⁴ விய ஸாமஞ்ஞப²லபோ⁴ஜனானங் அலாபோ⁴, ஸப்பாயபே⁴ஸஜ்ஜானங் அலாபோ⁴
அச்சோ²த³காதி பஸன்னோத³கா. ஸாதோத³காதி மது⁴ரோத³கா. ஸீதோத³காதி தனுஸீதஸலிலா. ஸேதகாதி ஊமிபி⁴ஜ்ஜனட்டா²னேஸு ஸேதவண்ணா. ஸுபதித்தா²தி ஸமதித்தா². ஏவமேவ கோ²தி எத்த² க⁴ம்மாபி⁴தத்தோ புரிஸோ விய மெத்தாவிஹாரீ த³ட்ட²ப்³போ³, ஸா பொக்க²ரணீ விய பரிஸுத்³த⁴ஸப்³ப³த்³வாரோ புரிஸோ, ந்ஹத்வா பிவித்வா பச்சுத்தரித்வா ருக்க²ச்சா²யாய நிபஜ்ஜித்வா யதா²காமங் க³மனங் விய தேஸு த்³வாரேஸு
5. பஞ்ஹபுச்சா²ஸுத்தவண்ணனா
165. பஞ்சமே பரிப⁴வந்தி பரிப⁴வந்தோ, ஏவங் பரிப⁴விஸ்ஸாமீதி பரிப⁴வனத்தா²ய புச்ச²தீதி அத்தோ². அஞ்ஞாதுகாமோதி ஜானிதுகாமோ ஹுத்வா.
6. நிரோத⁴ஸுத்தவண்ணனா
166. ச²ட்டே² அத்தே²தங் டா²னந்தி அத்தி² ஏதங் காரணங். நோ சே தி³ட்டே²வ த⁴ம்மே அஞ்ஞங் ஆராதெ⁴ய்யாதி நோ சே இமஸ்மிங்யேவ அத்தபா⁴வே அரஹத்தங் பாபுணெய்ய. கப³ளீகாராஹாரப⁴க்கா²னங் தே³வானந்தி காமாவசரதே³வானங். அஞ்ஞதரங் மனோமயங் காயந்தி ஜா²னமனேன நிப்³ப³த்தங் அஞ்ஞதரங் ஸுத்³தா⁴வாஸப்³ரஹ்மகாயங். உதா³யீதி லாளுதா³யீ. ஸோ ஹி ‘‘மனோமய’’ந்தி ஸுத்வா ‘‘ஆருப்பே ந ப⁴விதப்³ப³’’ந்தி
அத்தி² நாமாதி அமரிஸனத்தே² நிபாதோ. தேனேவ செத்த² ‘‘அஜ்ஜு²பெக்கி²ஸ்ஸதா²’’தி அனாக³தவசனங் கதங். அயஞ்ஹெத்த²த்தோ² – ஆனந்த³, தும்ஹே தே²ரங் விஹாரந்தி க³ந்த⁴குடிங்.
அனச்ச²ரியந்தி ந அச்ச²ரியங். யதா²தி காரணவசனங். ஆயஸ்மந்தங்யேவெத்த² உபவானங் படிபா⁴ஸெய்யாதி எத்த² ப⁴க³வதா ச ஏவங் ஏததே³வ காரணங் ஆரப்³ப⁴ உதா³ஹடே ஆயஸ்மதோயேவ உபவானஸ்ஸ படிவசனங் படிபா⁴து உபட்டா²தூதி தீ³பேதி. ஸாரஜ்ஜங் ஓக்கந்தந்தி தோ³மனஸ்ஸங் அனுபவிட்ட²ங். ஸீலவாதிஆதீ³ஹி கீ²ணாஸவஸீலாதீ³னியேவ கதி²தானி. க²ண்டி³ச்சேனாதிஆதீ³னி ஸக்காராதீ³னங் காரணபுச்சா²வஸேன வுத்தானி. கிங் க²ண்டி³ச்சாதீ³ஹி காரணேஹி தங் தங் ஸப்³ரஹ்மசாரிங் ஸக்கரெய்யுந்தி அயஞ்ஹெத்த² அதி⁴ப்பாயோ.
7. சோத³னாஸுத்தவண்ணனா
167. ஸத்தமே சோத³கேனாதி வத்து²ஸந்த³ஸ்ஸனா ஆபத்திஸந்த³ஸ்ஸனா ஸங்வாஸப்படிக்கே²போ ஸாமீசிப்படிக்கே²போதி சதூஹி சோத³னாவத்தூ²ஹி சோத³யமானேன. காலேன வக்கா²மி நோ அகாலேனாதி எத்த² சுதி³தகஸ்ஸ காலோ கதி²தோ, ந சோத³கஸ்ஸ. பரங் சோதெ³ந்தேன ஹி பரிஸமஜ்ஜே² வா உபோஸத²பவாரணக்³கே³ வா ஆஸனஸாலாபோ⁴ஜனஸாலாதீ³ஸு வா ந சோதே³தப்³போ³, தி³வாட்டா²னே நிஸின்னகாலே ‘‘கரோதாயஸ்மா ஓகாஸங், அஹங் ஆயஸ்மந்தங் வத்துகாமோ’’தி ஏவங் ஓகாஸங் காரெத்வா சோதே³தப்³போ³. புக்³க³லங் பன உபபரிக்கி²த்வா யோ லோலபுக்³க³லோ அபூ⁴தங் வத்வா பி⁴க்கூ²னங் அயஸங் ஆரோபேதி, ஸோ ஓகாஸகம்மங் வினாபி சோதே³தப்³போ³. பூ⁴தேனாதி ஸண்ஹேனாதி மட்டே²ன முது³கேன. அத்த²ஸங்ஹிதேனாதி அவிப்படிஸாரோ உபத³ஹாதப்³போ³தி அமங்குபா⁴வோ உபனேதப்³போ³. அலங் தே அவிப்படிஸாராயாதி யுத்தங் தே அமங்குபா⁴வாய. ஸேஸமெத்த² உத்தானமேவாதி. அட்ட²மங் ஹெட்டா² வுத்தனயத்தா பாகடமேவ.
9. கி²ப்பனிஸந்திஸுத்தவண்ணனா
169. நவமே கி²ப்பங் நிஸாமயதி உபதா⁴ரேதீதி கி²ப்பனிஸந்தி. ஸுக்³க³ஹிதங் கத்வா க³ண்ஹாதீதி ஸுக்³க³ஹிதக்³கா³ஹீ. அத்த²குஸலோதி அட்ட²கதா²ய சே²கோ. த⁴ம்மகுஸலோதி பாளியங் சே²கோ. நிருத்திகுஸலோதி நிருத்திவசனேஸு சே²கோ. ப்³யஞ்ஜனகுஸலோதி அக்க²ரப்பபே⁴தே³ சே²கோ. புப்³பா³பரகுஸலோதி அத்த²புப்³பா³பரங், த⁴ம்மபுப்³பா³பரங், அக்க²ரபுப்³பா³பரங், ப்³யஞ்ஜனபுப்³பா³பரங், அனுஸந்தி⁴புப்³பா³பரந்தி இமஸ்மிங் பஞ்சவிதே⁴ புப்³பா³பரே சே²கோ. தத்த² அத்த²புப்³பா³பரகுஸலோதி ஹெட்டா² அத்தே²ன உபரி அத்த²ங் ஜானாதி, உபரி அத்தே²ன ஹெட்டா² அத்த²ங் ஜானாதி. கத²ங்? ஸோ ஹி ஹெட்டா² அத்த²ங் ட²பெத்வா உபரி அத்தே² வுத்தே ‘‘ஹெட்டா² அத்தோ² அத்தீ²’’தி ஜானாதி. உபரி அத்த²ங் ட²பெத்வா ஹெட்டா² அத்தே² வுத்தேபி ‘‘உபரி அத்தோ² அத்தீ²’’தி ஜானாதி. உப⁴தோ ட²பெத்வா மஜ்ஜே² அத்தே² வுத்தே ‘‘உப⁴தோ அத்தோ² அத்தீ²’’தி ஜானாதி. மஜ்ஜே² அத்த²ங் ட²பெத்வா உப⁴தோபா⁴கே³ஸு அத்தே² வுத்தே ‘‘மஜ்ஜே² அத்தோ² அத்தீ²’’தி ஜானாதி. த⁴ம்மபுப்³பா³பராதீ³ஸுபி ஏஸேவ நயோ. அனுஸந்தி⁴புப்³பா³பரே பன ஸீலங் ஆதி³ங் கத்வா ஆரத்³தே⁴ ஸுத்தந்தே மத்த²கே ச²ஸு அபி⁴ஞ்ஞாஸு
10. ப⁴த்³த³ஜிஸுத்தவண்ணனா
170. த³ஸமே அபி⁴பூ⁴தி அபி⁴ப⁴வித்வா டி²தோ ஜெட்ட²கோ. அனபி⁴பூ⁴தோதி அஞ்ஞேஹி அனபி⁴பூ⁴தோ. அஞ்ஞத³த்தூ²தி ஏகங்ஸவசனே நிபாதோ. த³ஸ்ஸனவஸேன த³ஸோ, ஸப்³ப³ங் பஸ்ஸதீதி அதி⁴ப்பாயோ. வஸவத்தீதி ஸப்³ப³ங் ஜனங் வஸே வத்தேதி. யதா² பஸ்ஸதோதி இட்டா²ரம்மணங் வா ஹோது அனிட்டா²ரம்மணங் வா அனந்தரா ஆஸவானங் க²யோ ஹோதீதி அனந்தராயேவ அரஹத்தங் யதா² ஸுணதோதி எத்தா²பி ஏஸேவ நயோ. அத² வா யங் சக்கு²னா ரூபங் தி³ஸ்வா நிரந்தரமேவ விபஸ்ஸனங் பட்ட²பெத்வா அரஹத்தங் பாபுணாதி, தங் தஸ்ஸ அரஹத்தங் சக்கு²விஞ்ஞாணானந்தரங் நாம ஹோதி. தங் ஸந்தா⁴ய வுத்தங் – இத³ங் த³ஸ்ஸனானங் அக்³க³ந்தி. து³தியபதே³பி ஏஸேவ நயோ.
யதா² ஸுகி²தஸ்ஸாதி யேன மக்³க³ஸுகே²ன ஸுகி²தஸ்ஸ. அனந்தரா ஆஸவானங் க²யோ ஹோதீதி ஸமனந்தரமேவ அரஹத்தங் உப்பஜ்ஜதி. இத³ங் ஸுகா²னங் அக்³க³ந்தி இத³ங் மக்³க³ஸுக²ங் ஸுகா²னங் உத்தமங். யதா² ஸஞ்ஞிஸ்ஸாதி இதா⁴பி மக்³க³ஸஞ்ஞாவ அதி⁴ப்பேதா. யதா² பூ⁴தஸ்ஸாதி யஸ்மிங் ப⁴வே யஸ்மிங் அத்தபா⁴வே டி²தஸ்ஸ. அனந்தராதி இத³ங் ப⁴வானங் அக்³க³ந்தி அயங் பச்சி²மோ அத்தபா⁴வோ ப⁴வானங் அக்³க³ங் நாம. அத² வா யதா² பூ⁴தஸ்ஸாதி யேஹி க²ந்தே⁴ஹி மக்³க³க்க²ணே பூ⁴தஸ்ஸ விஜ்ஜமானஸ்ஸ. அனந்தரா ஆஸவானங் க²யோ ஹோதீதி மக்³கா³னந்தரமேவ ப²லங் உப்பஜ்ஜதி. இத³ங் ப⁴வானங் அக்³க³ந்தி இத³ங் மக்³க³க்க²ணே க²ந்த⁴பஞ்சகங் ப⁴வானங் அக்³க³ங் நாமாதி.
ஆகா⁴தவக்³கோ³ து³தியோ.