7. தே³வதாவக்³கோ³
1-3. அனாகா³மிப²லஸுத்தாதி³வண்ணனா
65-67. ஸத்தமஸ்ஸ பட²மே அஸ்ஸத்³தி⁴யந்தி அஸ்ஸத்³த⁴பா⁴வங். து³ப்பஞ்ஞதந்தி நிப்பஞ்ஞபா⁴வங். து³தியே பமாத³ந்தி ஸதிவிப்பவாஸங். ததியே ஆபி⁴ஸமாசாரிகந்தி உத்தமஸமாசாரபூ⁴தங் வத்தவஸேன பண்ணத்திஸீலங். ஸேக²த⁴ம்மந்தி ஸேக²பண்ணத்திஸீலங். ஸீலானீதி சத்தாரி மஹாஸீலானி.
4. ஸங்க³ணிகாராமஸுத்தவண்ணனா
68. சதுத்தே² ஸங்க³ணிகாராமோதி க³ணஸங்க³ணிகாராமோ. ஸுத்தந்திகக³ணாதீ³ஸு பன க³ணேஸு அத்தனோ வா பரிஸாஸங்கா²தே க³ணே ரமதீதி க³ணாராமோ. பவிவேகேதி காயவிவேகே. சித்தஸ்ஸ நிமித்தந்தி ஸமாதி⁴விபஸ்ஸனாசித்தஸ்ஸ நிமித்தங் ஸமாதி⁴விபஸ்ஸனாகாரங். ஸம்மாதி³ட்டி²ந்தி விபஸ்ஸனாஸம்மாதி³ட்டி²ங். ஸமாதி⁴ந்தி மக்³க³ஸமாதி⁴ஞ்சேவ ப²லஸமாதி⁴ஞ்ச. ஸங்யோஜனானீதி த³ஸ ஸங்யோஜனானி. நிப்³பா³னந்தி அபச்சயபரினிப்³பா³னங்.
5. தே³வதாஸுத்தவண்ணனா
69. பஞ்சமே ஸோவசஸ்ஸதாதி ஸுப்³ப³சபா⁴வோ. கல்யாணமித்ததாதி ஸுசிமித்ததா. ஸத்து²கா³ரவோதி ஸத்த²ரி கா³ரவயுத்தோ. ஏஸ நயோ ஸப்³ப³த்த².
6. ஸமாதி⁴ஸுத்தவண்ணனா
70. ச²ட்டே² ந ஸந்தேனாதி பச்சனீககிலேஸேஹி அவூபஸந்தேன. ந பணீதேனாதி ந அதப்பகேன. ந படிப்பஸ்ஸத்³தி⁴லத்³தே⁴னாதி கிலேஸப்படிப்பஸ்ஸத்³தி⁴யா அலத்³தே⁴ன அப்பத்தேன. ந ஏகோதி³பா⁴வாதி⁴க³தேனாதி ந ஏகக்³க³பா⁴வங் உபக³தேன.
7. ஸக்கி²ப⁴ப்³ப³ஸுத்தவண்ணனா
71. ஸத்தமே தத்ர தத்ராதி தஸ்மிங் தஸ்மிங் விஸேஸே. ஸக்கி²ப⁴ப்³ப³தந்தி பச்சக்க²பா⁴வங். ஆயதனேதி காரணே. ஹானபா⁴கி³யாத³யோ விஸுத்³தி⁴மக்³கே³ (விஸுத்³தி⁴॰ 1.39) ஸங்வண்ணிதா. அஸக்கச்சகாரீதி ந ஸுகதகாரீ, ந ஆத³ரகாரீ. அஸப்பாயகாரீதி ந ஸப்பாயகாரீ, ந உபகாரபூ⁴தத⁴ம்மகாரீ.
8. ப³லஸுத்தவண்ணனா
72. அட்ட²மே ப³லதந்தி ப³லபா⁴வங் தா²மபா⁴வங். அஸாதச்சகாரீதி ந ஸததகாரீ. ஸேஸங் ஹெட்டா² வுத்தனயமேவ.
9-10. தஜ்ஜா²னஸுத்தத்³வயவண்ணனா
73-74. நவமே ந யதா²பூ⁴தங் ஸம்மப்பஞ்ஞாய ஸுதி³ட்டோ² ஹோதீதி வத்து²காமகிலேஸகாமேஸு ஆதீ³னவோ ந யதா²ஸபா⁴வதோ ஜா²னபஞ்ஞாய ஸுதி³ட்டோ² ஹோதி. த³ஸமங் உத்தானத்த²மேவாதி.
தே³வதாவக்³கோ³ ஸத்தமோ.