5. முண்ட³ராஜவக்³கோ³
1. ஆதி³யஸுத்தவண்ணனா
41. பஞ்சமஸ்ஸ போ⁴கா³னங் ஆதி³யாதி போ⁴கா³னங் ஆதா³தப்³ப³காரணானி. உட்டா²னவீரியாதி⁴க³தேஹீதி உட்டா²னஸங்கா²தேன வீரியேன அதி⁴க³தேஹி. பா³ஹாப³லபரிசிதேஹீதி பா³ஹுப³லேன ஸஞ்சிதேஹி. ஸேதா³வக்கி²த்தேஹீதி ஸேத³ங் அவக்கி²பெத்வா உப்பாதி³தேஹி. த⁴ம்மிகேஹீதி த⁴ம்மயுத்தேஹி. த⁴ம்மலத்³தே⁴ஹீதி த³ஸகுஸலகம்மங் அகோபெத்வா லத்³தே⁴ஹி. பீணேதீதி பீணிதங்
3. இட்ட²ஸுத்தவண்ணனா
43. ததியே ஆயுஸங்வத்தனிகா படிபதா³தி தா³னஸீலாதி³கா புஞ்ஞபடிபதா³. ஸேஸேஸுபி ஏஸேவ நயோ. அத்தா²பி⁴ஸமயாதி அத்த²ஸ்ஸ அபி⁴ஸமாக³மேன, அத்த²ப்படிலாபே⁴னாதி வுத்தங் ஹோதி.
4. மனாபதா³யீஸுத்தவண்ணனா
44. சதுத்தே² உக்³கோ³தி கு³ணேஹி உக்³க³தத்தா ஏவங்லத்³த⁴னாமோ. ஸாலபுப்ப²கங் கா²த³னீயந்தி சதுமது⁴ரயோஜிதேன ஸாலிபிட்டே²ன கதங் ஸாலபுப்ப²ஸதி³ஸங் கா²த³னீயங். தஞ்ஹி பஞ்ஞாயமானவண்டபத்தகேஸரங் கத்வா ஜீரகாதி³ஸம்பா⁴ரயுத்தே ஸப்பிம்ஹி பசித்வா ஸப்பிங் வினிவத்தெத்வா கோலும்பே³ பூரெத்வா க³ந்த⁴வாஸங் கா³ஹாபெத்வா பித³ஹித்வா லஞ்செ²த்வா ட²பிதங் படிக்³க³ஹேஸி ப⁴க³வாதி தே³ஸனாமத்தமேதங், உபாஸகோ பன தங் ப⁴க³வதோ ச பஞ்சன்னஞ்ச பி⁴க்கு²ஸதானங் அதா³ஸி. யதா² ச தங், ஏவங் ஸூகரமங்ஸாதீ³னிபி. தத்த² ஸம்பன்னகோலகந்தி ஸம்பன்னப³த³ரங். ஸூகரமங்ஸந்தி மது⁴ரரஸேஹி ப³த³ரேஹி ஸத்³தி⁴ங் ஜீரகாதி³ஸம்பா⁴ரேஹி யோஜெத்வா பக்கங் ஏகஸங்வச்ச²ரிகஸூகரமங்ஸங். நிப்³ப³த்ததேலகந்தி வினிவத்திததேலங். நாலியஸாகந்தி ஸாலிபிட்டே²ன ஸத்³தி⁴ங் மத்³தி³த்வா ஜீரகாதி³ஸங்யுத்தே ஸப்பிம்ஹி பசித்வா சதுமது⁴ரேன யோஜெத்வா வாஸங் கா³ஹாபெத்வா ட²பிதங் நாலியஸாகங். நேதங் ப⁴க³வதோ கப்பதீதி எத்த² அகப்பியங் உபாதா³ய கப்பியம்பி ந கப்பதீதி வுத்தங், ஸெட்டி² பன ஸப்³ப³ம்பி தங் ஆஹராபெத்வா ராஸிங் கத்வா யங் யங் அகப்பியங், தங் தங் அந்தராபணங் பஹிணித்வா கப்பியங் உபபோ⁴க³பரிபோ⁴க³ப⁴ண்ட³ங் அதா³ஸி. சந்த³னப²லகங் நாதிமஹந்தங் தீ³க⁴தோ அட்³ட⁴தெய்யரதனங், திரியங் தி³யட்³ட⁴ரதனங், ஸாரவரப⁴ண்ட³த்தா பன மஹக்³க⁴ங் அஹோஸி. ப⁴க³வா தங் படிக்³க³ஹெத்வா க²ண்டா³க²ண்டி³கங் சே²தா³பெத்வா பி⁴க்கூ²னங் அஞ்ஜனபிஸனத்தா²ய தா³பேஸி.
உஜ்ஜுபூ⁴தேஸூதி ச²ந்த³ஸாதி பேமேன. சத்தந்திஆதீ³ஸு பரிச்சாக³வஸேன சத்தங். முத்தசாக³தாய முத்தங். அனபெக்க²சித்ததாய சித்தேன ந உக்³க³ஹிதந்தி அனுக்³க³ஹீதங். கெ²த்தூபமேதி
அஞ்ஞதரங் மனோமயந்தி ஸுத்³தா⁴வாஸேஸு ஏகங் ஜா²னமனேன நிப்³ப³த்தங் தே³வகாயங். யதா²தி⁴ப்பாயோதி யதா²ஜ்ஜா²ஸயோ. இமினா கிங் புச்ச²தி? தஸ்ஸ கிர மனுஸ்ஸகாலே அரஹத்தத்தா²ய அஜ்ஜா²ஸயோ அஹோஸி, தங் புச்சா²மீதி புச்ச²தி. தே³வபுத்தோபி அரஹத்தங் பத்ததாய தக்³க⁴ மே ப⁴க³வா யதா²தி⁴ப்பாயோதி ஆஹ. யத்த² யத்தூ²பபஜ்ஜதீதி தீஸு வா குலஸம்பத்தீஸு ச²ஸு வா காமஸக்³கே³ஸு யத்த² யத்த² உப்பஜ்ஜதி, தத்த² தத்த² தீ³கா⁴யு யஸவா ஹோதீதி. பஞ்சமங் சதுக்கனிபாதே வுத்தனயேனேவ வேதி³தப்³ப³ங். ச²ட்ட²ஸத்தமானி உத்தானத்தா²னேவ.
8. அலப்³ப⁴னீயடா²னஸுத்தவண்ணனா
48. அட்ட²மே அலப்³ப⁴னீயானீதி அலத்³த⁴ப்³பா³னி, ந ஸக்கா லபி⁴துங். டா²னானீதி காரணானி. ஜராத⁴ம்மங் மா ஜீரீதி யங் மய்ஹங் ஜராஸபா⁴வங், தங் மா ஜீரது. ஸேஸபதே³ஸுபி ஏஸேவ நயோ. நச்சா²தெ³ய்யாதி ந ருச்செய்ய. அப்³பு³ஹீதி நீஹரி.
யதோதி யஸ்மிங் காலே. ஆபதா³ஸூதி உபத்³த³வேஸு. ந வேத⁴தீதி ந கம்பதி நானுஸோசதி. அத்த²வினிச்ச²யஞ்ஞூதி காரணத்த²வினிச்ச²யே குஸலோ. புராணந்தி நிப்³பி³காரதாய போராணகமேவ. ஜப்பேனாதி வண்ணப⁴ணனேன. மந்தேனாதி மஹானுபா⁴வமந்தபரிவத்தனேன. ஸுபா⁴ஸிதேனாதி ஸுபா⁴ஸிதகத²னேன. அனுப்பதா³னேனாதி ஸதஸ்ஸ வா ஸஹஸ்ஸஸ்ஸ வா தா³னேன. பவேணியா வாதி குலவங்ஸேன வா, ‘‘இத³ங் அம்ஹாகங் பவேணியா ஆசிண்ணங், இத³ங் அனாசிண்ண’’ந்தி ஏவங் பவேணிகத²னேனாதி அத்தோ². யதா² யதா² யத்த² லபே⁴த² அத்த²ந்தி ஏதேஸு ஜப்பாதீ³ஸு யேன யேன யத்த² யத்த² டா²னே ஜராத⁴ம்மாதீ³னங் அஜீரணதாதி³அத்த²ங் லபெ⁴ய்ய. ததா² ததா² தத்த² பரக்கமெய்யாதி தேன தேன தஸ்மிங் தஸ்மிங் டா²னே பரக்கமங் கரெய்ய. கம்மங் த³ள்ஹந்தி வட்டகா³மிகம்மங் மயா தி²ரங் கத்வா ஆயூஹிதங், ஸ்வாஹங் இதா³னி கிந்தி கரோமீதி ஏவங் பச்சவெக்கி²த்வா அதி⁴வாஸெய்யாதி.
9. கோஸலஸுத்தவண்ணனா
49. நவமே உபகண்ணகேதி கண்ணமூலே. து³ம்மனோதி து³ட்டு²மனோ. பத்தக்க²ந்தோ⁴தி பதிதக்க²ந்தோ⁴. பஜ்ஜா²யந்தோதி சிந்தயந்தோ. அப்படிபா⁴னோதி நிப்படிபா⁴னோ ஹுத்வா. ஸேஸங் ஹெட்டா² வுத்தனயமேவ.
10. நாரத³ஸுத்தவண்ணனா
50. த³ஸமே அஜ்ஜோ²முச்சி²தோதி அதி⁴ஓமுச்சி²தோ கி³லித்வா பரினிட்ட²பெத்வா க³ஹணஸபா⁴வாய அதிரேகமுச்சா²ய தண்ஹாய ஸமன்னாக³தோ. மஹச்சா ராஜானுபா⁴வேனாதி மஹதா ராஜானுபா⁴வேன, அட்டா²ரஸஹி ஸேனீஹி பரிவாரிதோ மஹதியா ராஜித்³தி⁴யா பாயாஸீதி அத்தோ². தக்³கா⁴தி ஏகங்ஸத்தே² நிபாதோ
முண்ட³ராஜவக்³கோ³ பஞ்சமோ.
பட²மபண்ணாஸகங் நிட்டி²தங்.
2. து³தியபண்ணாஸகங்