3. வஜ்ஜிஸத்தகவக்³கோ³
1. ஸாரந்த³த³ஸுத்தவண்ணனா
21. ததியஸ்ஸ பட²மே ஸாரந்த³தே³ சேதியேதி ஏவங்னாமகே விஹாரே. அனுப்பன்னே கிர ததா²க³தே தத்த² ஸாரந்த³த³ஸ்ஸ யக்க²ஸ்ஸ நிவாஸனட்டா²னங் சேதியங் அஹோஸி, அதெ²த்த² ப⁴க³வதோ விஹாரங் காரேஸுங். ஸோ ஸாரந்த³த³சேதியங்த்வேவ ஸங்க²ங் க³தோ. யாவகீவஞ்சாதி யத்தகங் காலங். அபி⁴ண்ஹங் ஸன்னிபாதாதி தி³வஸஸ்ஸ திக்க²த்துங் ஸன்னிபதந்தாபி அந்தரந்தரா ஸன்னிபதந்தாபி அபி⁴ண்ஹங் ஸன்னிபாதாவ. ஸன்னிபாதப³ஹுலாதி ‘‘ஹிய்யோபி புரிமதி³வஸம்பி ஸன்னிபதம்ஹ, புன அஜ்ஜ கிமத்த²ங் ஸன்னிபதாமா’’தி வோஸானமனாபஜ்ஜனேன ஸன்னிபாதப³ஹுலா. வுத்³தி⁴யேவ லிச்ச²வீ வஜ்ஜீனங் பாடிகங்கா² நோ பரிஹானீதி அபி⁴ண்ஹங் அஸன்னிபதந்தா ஹி தி³ஸாஸு ஆக³தங் ஸாஸனங் ந ஸுணந்தி, ததோ ‘‘அஸுககா³மஸீமா வா நிக³மஸீமா வா ஆகுலா, அஸுகட்டா²னே சோரா பரியுட்டி²தா’’தி ந ஜானந்தி. சோராபி ‘‘பமத்தா ராஜானோ’’தி ஞத்வா கா³மனிக³மாதீ³னி பஹரந்தா ஜனபத³ங் நாஸெந்தி. ஏவங் ராஜூனங் பரிஹானி ஹோதி
ஸமக்³கா³திஆதீ³ஸு ஸன்னிபாதபே⁴ரியா நிக்³க³தாய ‘‘அஜ்ஜ மே கிச்சங் அத்தி² மங்க³லங் அத்தீ²’’தி விக்கே²பங் கரொந்தா ந ஸமக்³கா³ ஸன்னிபதந்தி நாம. பே⁴ரிஸத்³த³ங் பன ஸுத்வாவ பு⁴ஞ்ஜமானாபி அலங்குருமானாபி வத்தா²னி நிவாஸயமானாபி அத்³த⁴பு⁴த்தா அத்³தா⁴லங்கதா வத்த²ங் நிவாஸெந்தாவ ஸன்னிபதந்தா ஸமக்³கா³ ஸன்னிபதந்தி நாம. ஸன்னிபதிதா பன சிந்தெத்வா மந்தெத்வா கத்தப்³ப³ங் கத்வா ஏகதோவ அவுட்ட²ஹந்தா ந ஸமக்³கா³ வுட்ட²ஹந்தி நாம. ஏவங் வுட்டி²தேஸு ஹி யே பட²மங் க³ச்ச²ந்தி, தேஸங் ஏவங் ஹோதி ஸமக்³கா³ வுட்ட²ஹந்தி நாம. அபிச ‘‘அஸுகட்டா²னே கா³மஸீமா வா நிக³மஸீமா வா ஆகுலா, சோரா வா பரியுட்டி²தா’’தி ஸுத்வா ‘‘கோ க³ந்த்வா அமித்தமத்³த³னங் கரிஸ்ஸதீ’’தி வுத்தே ‘‘அஹங் பட²மங் அஹங் பட²ம’’ந்தி வத்வா க³ச்ச²ந்தாபி ஸமக்³கா³ வுட்ட²ஹந்தி நாம. ஏகஸ்ஸ பன கம்மந்தே ஓஸீத³மானே ஸேஸா புத்தபா⁴தரோ பேஸெத்வா தஸ்ஸ கம்மந்தங் உபத்த²ம்ப⁴யமானாபி ஆக³ந்துகராஜானங் ‘‘அஸுகஸ்ஸ கே³ஹங் க³ச்ச²து, அஸுகஸ்ஸ கே³ஹங் க³ச்ச²தூ’’தி அவத்வா ஸப்³பே³ ஏகதோ ஸங்க³ண்ஹந்தாபி ஏகஸ்ஸ மங்க³லே வா ரோகே³ வா அஞ்ஞஸ்மிங் வா பன தாதி³ஸே ஸுக²து³க்கே² உப்பன்னே ஸப்³பே³ தத்த² ஸஹாயபா⁴வங் க³ச்ச²ந்தாபி ஸமக்³கா³ வஜ்ஜிகரணீயானி கரொந்தி நாம.
அப்பஞ்ஞத்தந்திஆதீ³ஸு புப்³பே³ அகதங் ஸுங்கங் வா ப³லிங் வா த³ண்ட³ங் வா ஆஹராபெந்தா அப்பஞ்ஞத்தங் பஞ்ஞாபெந்தி நாம. போராணபவேணியா ஆக³தமேவ பன அனாஹராபெந்தா பஞ்ஞத்தங் ஸமுச்சி²ந்த³ந்தி
ஸக்கரிஸ்ஸந்தீதி யங்கிஞ்சி தேஸங் ஸக்காரங் கரொந்தா ஸுந்த³ரமேவ கரிஸ்ஸந்தி. க³ருங் கரிஸ்ஸந்தீதி க³ருபா⁴வங் பச்சுபட்ட²பெத்வா கரிஸ்ஸந்தி. மானெஸ்ஸந்தீதி மனேன பியாயிஸ்ஸந்தி. பூஜெஸ்ஸந்தீதி பச்சயபூஜாய பூஜெஸ்ஸந்தி. ஸோதப்³ப³ங் மஞ்ஞிஸ்ஸந்தீதி தி³வஸஸ்ஸ த்³வே தயோ வாரே உபட்டா²னங் க³ந்த்வா தேஸங் கத²ங் ஸோதப்³ப³ங் ஸத்³தா⁴தப்³ப³ங் மஞ்ஞிஸ்ஸந்தி. தத்த² யே ஏவங் மஹல்லகானங் ராஜூனங் ஸக்காராதீ³னி ந கரொந்தி, ஓவாத³த்தா²ய வா நேஸங் உபட்டா²னங் ந க³ச்ச²ந்தி, தே தேஹி விஸ்ஸட்டா² அனோவதி³யமானா கீளாபஸுதா ரஜ்ஜதோ பரிஹாயந்தி. யே பன ததா² படிபஜ்ஜந்தி, தேஸங் மஹல்லகராஜானோ ‘‘இத³ங் காதப்³ப³ங் இத³ங் ந காதப்³ப³’’ந்தி போராணபவேணிங் ஆசிக்க²ந்தி. ஸங்கா³மங் பத்வாபி ‘‘ஏவங் பவிஸிதப்³ப³ங், ஏவங் நிக்க²மிதப்³ப³’’ந்தி உபாயங் த³ஸ்ஸெந்தி. தே தேஹி ஓவதி³யமானா யதா²ஓவாத³ங் படிபஜ்ஜமானா ஸக்கொந்தி ரஜ்ஜபவேணிங் ஸந்தா⁴ரேதுங். தேன வுத்தங் – ‘‘வுத்³தி⁴யேவ லிச்ச²வீ வஜ்ஜீனங் பாடிகங்கா²’’தி.
குலித்தி²யோதி குலக⁴ரணியோ. குலகுமாரியோதி அனிவித்³தா⁴ தாஸங் தீ⁴தரோ. ஓகஸ்ஸாதி வா பஸய்ஹாதி வா பஸய்ஹாகாரஸ்ஸேவேதங் நாமங். ஓகாஸாதிபி பட²ந்தி. தத்த² ஓகஸ்ஸாதி அவகஸித்வா ஆகட்³டி⁴த்வா. பஸய்ஹாதி அபி⁴ப⁴வித்வா அஜ்ஜொ²த்த²ரித்வாதி அயங் வசனத்தோ². ஏவஞ்ஹி கரொந்தானங் விஜிதே மனுஸ்ஸா ‘‘அம்ஹாகங் கே³ஹே புத்தபா⁴தரோபி, கே²ளஸிங்கா⁴னிகாதீ³னி முகே²ன அபனெத்வா ஸங்வட்³டி⁴தா தீ⁴தரோபி இமே ப³லக்காரேன க³ஹெத்வா அத்தனோ க⁴ரே வாஸெந்தீ’’தி குபிதா பச்சந்தங் பவிஸித்வா சோரா வா சோரஸஹாயா வா ஹுத்வா ஜனபத³ங் ஹனந்தி. ஏவங் அகரொந்தானங் பன விஜிதே
வஜ்ஜீனங் வஜ்ஜிசேதியானீதி வஜ்ஜிராஜூனங் வஜ்ஜிரட்டே² சித்தீகதட்டே²ன சேதியானீதி லத்³த⁴னாமானி யக்க²ட்டா²னானி. அப்³ப⁴ந்தரானீதி அந்தோனக³ரே டி²தானி. பா³ஹிரானீதி ப³ஹினக³ரே டி²தானி. தி³ன்னபுப்³ப³ங் கதபுப்³ப³ந்தி புப்³பே³ தி³ன்னஞ்ச கதஞ்ச. நோ பரிஹாபெஸ்ஸந்தீதி அஹாபெத்வா யதா²பவத்தமேவ கரிஸ்ஸந்தி. த⁴ம்மிகங் ப³லிங் பரிஹாபெந்தானஞ்ஹி தே³வதா ஆரக்க²ங் ஸுஸங்விஹிதங் ந கரொந்தி, அனுப்பன்னங் து³க்க²ங் உப்பாதே³துங் அஸக்கொந்தியோபி உப்பன்னங் காஸஸீஸரோகா³தி³ங் வட்³டெ⁴ந்தி, ஸங்கா³மே பத்தே ஸஹாயா ந ஹொந்தி. அபரிஹாபெந்தானங் பன ஆரக்க²ங் ஸுஸங்விஹிதங் கரொந்தி, அனுப்பன்னங் ஸுக²ங் உப்பாதே³துங் அஸக்கொந்தியோபி உப்பன்னங் காஸஸீஸரோகா³தி³ங் ஹரந்தி, ஸங்கா³மஸீஸே ஸஹாயா ஹொந்தீதி. ஏவமெத்த² வுத்³தி⁴ஹானியோ வேதி³தப்³பா³.
த⁴ம்மிகா ரக்கா²வரணகு³த்தீதி எத்த² ரக்கா² ஏவ யதா² அனிச்சி²தங் நாக³ச்ச²தி, ஏவங் ஆவரணதோ ஆவரணங். யதா² இச்சி²தங் ந நஸ்ஸதி, ஏவங் கோ³பாயனதோ கு³த்தி. தத்த² ப³லகாயேன பரிவாரெத்வா ரக்க²னங் பப்³ப³ஜிதானங் த⁴ம்மிகா ரக்கா²வரணகு³த்தி நாம ந ஹோதி. யதா² பன விஹாரஸ்ஸ உபவனே ருக்கே² ந சி²ந்த³ந்தி, வாஜிகா வாஜங் ந கிந்தீதி கேன நு கோ² காரணேன.
தத்த² யே அனாக³தானங் அரஹந்தானங் ஆக³மனங் ந இச்ச²ந்தி, தே அஸ்ஸத்³தா⁴ ஹொந்தி அப்பஸன்னா. பப்³ப³ஜிதே ஸம்பத்தே பச்சுக்³க³மனங் ந கரொந்தி, க³ந்த்வா ந பஸ்ஸந்தி, படிஸந்தா²ரங் ந கரொந்தி, பஞ்ஹங் ந புச்ச²ந்தி, த⁴ம்மங் ந ஸுணந்தி, தா³னங் ந தெ³ந்தி, அனுமோத³னங் ந ஸுணந்தி, நிவாஸனட்டா²னங் ந ஸங்வித³ஹந்தி. அத² நேஸங் அவண்ணோ உக்³க³ச்ச²தி ‘‘அஸுகோ நாம ராஜா அஸ்ஸத்³தோ⁴ அப்பஸன்னோ, பப்³ப³ஜிதே ஸம்பத்தே பச்சுக்³க³மனங் ந கரோதி…பே॰… நிவாஸனட்டா²னங் ந ஸங்வித³ஹதீ’’தி. தங் ஸுத்வா பப்³ப³ஜிதா தஸ்ஸ நக³ரத்³வாரேன க³ச்ச²ந்தாபி நக³ரங் ந பவிஸந்தி. ஏவங் அனாக³தானங் அரஹந்தானங் அனாக³மனமேவ ஹோதி. ஆக³தானங் பன பா²ஸுவிஹாரே அஸதி யேபி அஜானித்வா ஆக³தா, தே ‘‘வஸிஸ்ஸாமாதி தாவ சிந்தெத்வா ஆக³தம்ஹா, இமேஸங் பன ராஜூனங் இமினா நீஹாரேன கே வஸிஸ்ஸந்தீ’’தி நிக்க²மித்வா க³ச்ச²ந்தி. ஏவங் அனாக³தேஸு அனாக³ச்ச²ந்தேஸு ஆக³தேஸு து³க்க²ங் விஹரந்தேஸு ஸோ தோ³ஸோ பப்³ப³ஜிதானங் அனாவாஸோ ஹோதி. ததோ தே³வதாரக்கா² ந ஹோதி, தே³வதாரக்கா²ய
2. வஸ்ஸகாரஸுத்தவண்ணனா
22. து³தியே அபி⁴யாதுகாமோதி அபி⁴ப⁴வனத்தா²ய யாதுகாமோ. வஜ்ஜீதி வஜ்ஜிராஜானோ. ஏவங்மஹித்³தி⁴கேதி ஏவங் மஹதியா ராஜித்³தி⁴யா ஸமன்னாக³தே. ஏதேன நேஸங் ஸமக்³க³பா⁴வங் கதே²தி. ஏவங்மஹானுபா⁴வேதி ஏவங் மஹந்தேன ராஜானுபா⁴வேன ஸமன்னாக³தே உச்செ²ச்சா²மீதி உச்சி²ந்தி³ஸ்ஸாமி. வினாஸெஸ்ஸாமீதி அத³ஸ்ஸனங் நயிஸ்ஸாமி. அனயப்³யஸனந்தி அவட்³டி⁴ஞ்சேவ, ஞாதிப்³யஸனஞ்ச. ஆபாதெ³ஸ்ஸாமீதி பாபயிஸ்ஸாமி.
இதி கிர ஸோ டா²னநிஸஜ்ஜாதீ³ஸு இமங் யுத்³த⁴கத²மேவ கதே²தி, ‘‘க³மனஸஜ்ஜா ஹோதா²’’தி ச ப³லகாயங் ஆணாபேதி. கஸ்மா? க³ங்கா³ய கிர ஏகங் பட்டனகா³மங் நிஸ்ஸாய அத்³த⁴யோஜனங் அஜாதஸத்துனோ விஜிதங், அத்³த⁴யோஜனங் லிச்ச²வீனங். தத்ர பப்³ப³தபாத³தோ மஹக்³க⁴ப⁴ண்ட³ங் ஓதரதி. தங் ஸுத்வா ‘‘அஜ்ஜ யாமி, ஸ்வே யாமீ’’தி அஜாதஸத்துனோ ஸங்வித³ஹந்தஸ்ஸேவ லிச்ச²வினோ ஸமக்³கா³ ஸம்மோத³மானா புரேதரங் ஆக³ந்த்வா ஸப்³ப³ங் க³ண்ஹந்தி. அஜாதஸத்து பச்சா² ஆக³ந்த்வா தங் பவத்திங் ஞத்வா குஜ்ஜி²த்வா க³ச்ச²தி. தே புனஸங்வச்ச²ரேபி ததே²வ கரொந்தி. அத² ஸோ ப³லவாகா⁴தஜாதோ, ததா³ ஏவமகாஸி.
ததோ சிந்தேஸி – ‘‘க³ணேன ஸத்³தி⁴ங் யுத்³த⁴ங் நாம பா⁴ரியங், ஏகோபி மோக⁴ப்பஹாரோ நாம நத்தி². ஏகேன கோ² பன பண்டி³தேன ஸத்³தி⁴ங் மந்தெத்வா கரொந்தோ நிரபராதோ⁴ ஹோதி, பண்டி³தோ ச ஸத்தா²ரா ஸதி³ஸோ நத்தி², ஸத்தா² ச அவிதூ³ரே து⁴ரவிஹாரே வஸதி, ஹந்தா³ஹங் பேஸெத்வா புச்சா²மி. ஸசே மே க³தேன அத² கோ² ராஜா…பே॰… ஆபாதெ³ஸ்ஸாமி வஜ்ஜீதி.
ப⁴க³வந்தங் பீ³ஜயமானோதி தே²ரோ வத்தஸீஸே ட²த்வா ப⁴க³வந்தங் பீ³ஜதி, ப⁴க³வதோ பன ஸீதங் வா உண்ஹங் வா நத்தி². ப⁴க³வா ப்³ராஹ்மணஸ்ஸ வசனங் ஸுத்வா தேன ஸத்³தி⁴ங் அமந்தெத்வா தே²ரேன ஸத்³தி⁴ங் மந்தேதுகாமோ கிந்தி தே, ஆனந்த³, ஸுதந்திஆதி³மாஹ. தங் வுத்தத்த²மேவ.
ஏகமிதா³ஹந்தி இத³ங் ப⁴க³வா புப்³பே³ வஜ்ஜீனங் இமஸ்ஸ வஜ்ஜிஸத்தகஸ்ஸ தே³ஸிதபா⁴வப்பகாஸனத்த²ங் ஆஹ. அகரணீயாதி அகத்தப்³பா³, அக்³க³ஹேதப்³பா³தி அத்தோ². யதி³த³ந்தி நிபாதமத்தங். யுத்³த⁴ஸ்ஸாதி கரணத்தே² ஸாமிவசனங், அபி⁴முக²ங் யுத்³தே⁴ன க³ஹேதுங் ந ஸக்காதி அத்தோ². அஞ்ஞத்ர உபலாபனாயாதி ட²பெத்வா உபலாபனங். உபலாபனா நாம ‘‘அலங் விவாதே³ன, இதா³னி ஸமக்³கா³ ஹோமா’’தி ஹத்தி²அஸ்ஸரத²ஹிரஞ்ஞஸுவண்ணாதீ³னி பேஸெத்வா ஸங்க³ஹகரணங், ஏவஞ்ஹி ஸங்க³ஹங் கத்வா கேவலங் விஸ்ஸாஸேன ஸக்கா க³ண்ஹிதுந்தி அத்தோ². அஞ்ஞத்ர மிது²பே⁴தா³தி ட²பெத்வா மிது²பே⁴த³ங். இமினா ‘‘அஞ்ஞமஞ்ஞபே⁴த³ங் கத்வாபி ஸக்கா ஏதே க³ஹேது’’ந்தி த³ஸ்ஸேதி. இத³ங் ப்³ராஹ்மணோ ப⁴க³வதோ கதா²ய நயங் லபி⁴த்வா ஆஹ. கிங் பன ப⁴க³வா ப்³ராஹ்மணஸ்ஸ இமாய கதா²ய நயலாப⁴ங் ஜானாதீதி? ஆம ஜானாதி. ஜானந்தோ கஸ்மா கதே²ஸி? அனுகம்பாய. ஏவங் கிரஸ்ஸ அஹோஸி – ‘‘மயா அகதி²தேபி கதிபாஹேன க³ந்த்வா ஸப்³பே³ க³ண்ஹிஸ்ஸதி, கதி²தே பன ஸமக்³கே³ பி⁴ந்த³ந்தோ தீஹி ஸங்வச்ச²ரேஹி க³ண்ஹிஸ்ஸதி. எத்தகம்பி ஜீவிதமேவ வரங். எத்தகஞ்ஹி ஜீவந்தா அத்தனோ பதிட்டா²பூ⁴தங் புஞ்ஞங் கரிஸ்ஸந்தீ’’தி. அபி⁴னந்தி³த்வாதி அனுமோதி³த்வாதி ‘‘யாவ ஸுபா⁴ஸிதமித³ங் போ⁴தா கோ³தமேனா’’தி வாசாய அனுமோதி³த்வா. பக்காமீதி ரஞ்ஞோ ஸந்திகங் க³தோ. ராஜாபி தமேவ பேஸெத்வா ஸப்³பே³ பி⁴ந்தி³த்வா க³ந்த்வா அனயப்³யஸனங் பாபேஸி.
3. பட²மஸத்தகஸுத்தவண்ணனா
23. ததியே அபி⁴ண்ஹங் ஸன்னிபாதாதி இத³ங் வஜ்ஜிஸத்தகே வுத்தஸதி³ஸமேவ. இதா⁴பி ச அபி⁴ண்ஹங் அஸன்னிபதந்தா தி³ஸாஸு ஆக³தஸாஸனங் ந ஸுணந்தி, ததோ
ஸமக்³கா³திஆதீ³ஸு சேதியபடிஜக்³க³னத்த²ங் வா போ³தி⁴க⁴ரஉபோஸதா²கா³ரச்சா²த³னத்த²ங் வா கதிகவத்தங் வா ட²பேதுகாமதாய ‘‘ஸங்கோ⁴ ஸன்னிபததூ’’தி பே⁴ரியா வா க⁴ண்டியா வா ஆகோடிதமத்தாய ‘‘மய்ஹங் சீவரகம்மங் அத்தி², மய்ஹங் பத்தோ பசிதப்³போ³, மய்ஹங் நவகம்மங் அத்தீ²’’தி விக்கே²பங் கரொந்தா ந ஸமக்³கா³ ஸன்னிபதந்தி நாம. ஸப்³ப³ங் பன தங் கம்மங்
ஆக³ந்துகங் பன தி³ஸ்வா ‘‘இமங் பரிவேணங் யாஹி, ஏதங் பரிவேணங் யாஹி, அயங் கோ’’தி அவத்வா ஸப்³பே³ வத்தங் கரொந்தாபி, ஜிண்ணபத்தசீவரகங் தி³ஸ்வா தஸ்ஸ பி⁴க்கா²சாரவத்தேன பத்தசீவரங் பரியேஸந்தாபி, கி³லானஸ்ஸ கி³லானபே⁴ஸஜ்ஜங் பரியேஸமானாபி, கி³லானமேவ அனாத²ங் ‘‘அஸுகபரிவேணங் யாஹீ’’தி அவத்வா அத்தனோ அத்தனோ பரிவேணே படிஜக்³க³ந்தாபி, ஏகோ ஓலீயமானகோ
அப்பஞ்ஞத்தந்திஆதீ³ஸு நவங் அத⁴ம்மிகங் கதிகவத்தங் வா ஸிக்கா²பத³ங் வா க³ண்ஹந்தா அப்பஞ்ஞத்தங் பஞ்ஞாபெந்தி நாம புராணஸந்த²தவத்து²ஸ்மிங் ஸாவத்தி²யங் பி⁴க்கூ² விய. உத்³த⁴ம்மங் உப்³பி³னயங் ஸாஸனங் தீ³பெந்தா பஞ்ஞத்தங் ஸமுச்சி²ந்த³ந்தி நாம, வஸ்ஸஸதபரினிப்³பு³தே ப⁴க³வதி வேஸாலிகா வஜ்ஜிபுத்தகா வுத்³தி⁴யேவாதி ஸீலாதி³கு³ணேஹி வுத்³தி⁴யேவ, நோ பரிஹானி.
தே²ராதி தி²ரபா⁴வப்பத்தா தே²ரகாரகேஹி கு³ணேஹி ஸமன்னாக³தா. ப³ஹூ ரத்தியோ ஜானந்தீதி ரத்தஞ்ஞூ. சிரங் பப்³ப³ஜிதானங் ஏதேஸந்தி சிரபப்³ப³ஜிதா. ஸங்க⁴ஸ்ஸ பிதிட்டா²னே டி²தாதி ஸங்க⁴பிதரோ. பிதிட்டா²னே டி²தத்தா ஸங்க⁴ங் பரிணெந்தி, புப்³ப³ங்க³மா ஹுத்வா தீஸு ஸிக்கா²ஸு பவத்தெந்தீதி ஸங்க⁴பரிணாயகா.
யே தேஸங் ஸக்காராதீ³னி ந கரொந்தி, ஓவாத³த்தா²ய த்³வே தயோ வாரே உபட்டா²னங் ந க³ச்ச²ந்தி, தேபி தேஸங் ஓவாத³ங் ந தெ³ந்தி, பவேணிகத²ங் ந கதெ²ந்தி, ஸாரபூ⁴தங் த⁴ம்மபரியாயங் ந ஸிக்கா²பெந்தி. தே தேஹி விஸ்ஸட்டா² ஸீலாதீ³ஹி த⁴ம்மக்க²ந்தே⁴ஹி ஸத்தஹி ச அரியத⁴னேஹீதி ஏவமாதீ³ஹி கு³ணேஹி பரிஹாயந்தி. யே பன தேஸங் ஸக்காராதீ³னி கரொந்தி, உபட்டா²னங் க³ச்ச²ந்தி, தேஸங் தே ‘‘ஏவங் தே அபி⁴க்கமிதப்³ப³’’ந்திஆதி³கங் ஓவாத³ங் தெ³ந்தி, பவேணிகத²ங் கதெ²ந்தி, ஸாரபூ⁴தங் த⁴ம்மபரியாயங் ஸிக்கா²பெந்தி, தேரஸஹி து⁴தங்கே³ஹி த³ஸஹி கதா²வத்தூ²ஹி அனுஸாஸந்தி. தே தேஸங் ஓவாதே³ ட²த்வா ஸீலாதீ³ஹி கு³ணேஹி வட்³ட⁴மானா ஸாமஞ்ஞத்த²ங் அனுபாபுணந்தி. ஏவமெத்த² ஹானிவுத்³தி⁴யோ த³ட்ட²ப்³பா³.
புனப்³ப⁴வோ ஸீலமஸ்ஸாதி போனொப்³ப⁴விகா, புனப்³ப⁴வதா³யிகாதி அத்தோ², தஸ்ஸா போனொப்³ப⁴விகாய. ந வஸங் க³ச்சி²ஸ்ஸந்தீதி எத்த² யே சதுன்னங் பச்சயானங் காரணா உபட்டா²கானங் பதா³னுபதி³கா ஹுத்வா கா³மதோ கா³மங் விசரந்தி
ஆரஞ்ஞகேஸூதி பஞ்சத⁴னுஸதிகபச்சி²மேஸு. ஸாபெக்கா²தி ஸாலயா. கா³மந்தஸேனாஸனேஸு ஹி ஜா²னங் அப்பெத்வாபி ததோ வுட்டி²தமத்தோவ இத்தி²புரிஸதா³ரகதா³ரிகாதி³ஸத்³த³ங் ஸுணாதி, யேனஸ்ஸ அதி⁴க³தவிஸேஸோபி ஹாயதியேவ. அரஞ்ஞஸேனாஸனே நித்³தா³யித்வாபி பபு³த்³த⁴மத்தோ ஸீஹப்³யக்³க⁴மோராதீ³னங் ஸத்³த³ங் ஸுணாதி, யேன அரஞ்ஞே பீதிங் படிலபி⁴த்வா தமேவ ஸம்மஸந்தோ அக்³க³ப²லே பதிட்டா²தி. இதி ப⁴க³வா
பச்சத்தஞ்ஞேவ ஸதிங் உபட்டா²பெஸ்ஸந்தீதி அத்தனாவ அத்தனோ அப்³ப⁴ந்தரே ஸதிங் உபட்ட²பெஸ்ஸந்தி. பேஸலாதி பியஸீலா. இதா⁴பி ஸப்³ரஹ்மசாரீனங் ஆக³மனங் அனிச்ச²ந்தா நேவாஸிகா அஸ்ஸத்³தா⁴ ஹொந்தி அப்பஸன்னா, விஹாரங் ஸம்பத்தபி⁴க்கூ²னங் பச்சுக்³க³மன-பத்தசீவரபடிக்³க³ஹண-ஆஸனபஞ்ஞாபனதாலவண்டக்³க³ஹணாதீ³னி ந கரொந்தி. அத² நேஸங் அவண்ணோ உக்³க³ச்ச²தி ‘‘அஸுகவிஹாரவாஸினோ பி⁴க்கூ² அஸ்ஸத்³தா⁴ அப்பஸன்னா விஹாரங் பவிட்டா²னங் வத்தப்படிவத்தம்பி ந கரொந்தீ’’தி. தங் ஸுத்வா பப்³ப³ஜிதா விஹாரத்³வாரேன க³ச்ச²ந்தாபி விஹாரங் ந பவிஸந்தி. ஏவங் அனாக³தானங் அனாக³மனமேவ ஹோதி. ஆக³தானங் பன பா²ஸுவிஹாரே
யே பன ஸப்³ரஹ்மசாரீனங் ஆக³மனங் இச்ச²ந்தி, தே ஸத்³தா⁴ ஹொந்தி பஸன்னா, ஆக³தானங் ஸப்³ரஹ்மசாரீனங் பச்சுக்³க³மனாதீ³னி கத்வா ஸேனாஸனங் பஞ்ஞபெத்வா தெ³ந்தி
4. து³தியஸத்தகஸுத்தவண்ணனா
24. சதுத்தே² ந கம்மாராமாதி யே தி³வஸங் சீவரகம்ம-காயப³ந்த⁴னபரிஸ்ஸாவன-த⁴ம்மகரண-ஸம்மஜ்ஜனி-பாத³கட²லிகாதீ³னேவ கரொந்தி, தே ஸந்தா⁴யேஸ படிக்கே²போ. யோ பன தேஸங் கரணவேலாய ஏவங் ஏதானி கரோதி, உத்³தே³ஸவேலாய உத்³தே³ஸங் க³ண்ஹாதி, ஸஜ்ஜா²யவேலாய ஸஜ்ஜா²யதி, சேதியங்க³ணவத்தவேலாய சேதியங்க³ணவத்தங் கரோதி, மனஸிகாரவேலாய மனஸிகாரங் கரோதி, ந ஸோ கம்மாராமோ நாம.
யோ இத்தி²வண்ணபுரிஸவண்ணாதி³வஸேன ஆலாபஸல்லாபங் கரொந்தோயேவ ரத்திந்தி³வங் வீதினாமேதி, ஏவரூபே ப⁴ஸ்ஸே பரியந்தகாரீ ந ஹோதி, அயங் ப⁴ஸ்ஸாராமோ நாம. யோ பன ரத்திந்தி³வங் த⁴ம்மங் கதே²தி, பஞ்ஹங் விஸ்ஸஜ்ஜேதி, அயங் அப்பப⁴ஸ்ஸோவ ப⁴ஸ்ஸே பரியந்தகாரீயேவ. கஸ்மா? ‘‘ஸன்னிபதிதானங் வோ, பி⁴க்க²வே, த்³வயங் கரணீயங் த⁴ம்மீ வா கதா² அரியோ வா துண்ஹீபா⁴வோ’’தி (ம॰ நி॰ 1.273) வுத்தத்தா.
யோ டி²தோபி க³ச்ச²ந்தோபி நிஸின்னோபி தி²னமித்³தா⁴பி⁴பூ⁴தோ நித்³தா³யதியேவ, அயங் நித்³தா³ராமோ நாம. யஸ்ஸ பன கரஜகாயகே³லஞ்ஞேன சித்தங் ப⁴வங்க³ங்
யோ ‘‘ஏகஸ்ஸ து³தியோ, த்³வின்னங் ததியோ, திண்ணங் சதுத்தோ²’’தி ஏவங் ஸங்ஸட்டோ²வ விஹரதி, ஏககோ அஸ்ஸாத³ங் ந லப⁴தி, அயங் ஸங்க³ணிகாராமோ. யோ பன சதூஸு இரியாபதே²ஸு ஏககோவ அஸ்ஸாத³ங் லப⁴தி, நாயங் ஸங்க³ணிகாராமோ.
அஸந்தஸம்பா⁴வனிச்சா²ய ஸமன்னாக³தா து³ஸ்ஸீலா பாபிச்சா² நாம. யேஸங் பாபகா மித்தா சதூஸு இரியாபதே²ஸு ஸஹ அயனதோ பாபஸஹாயா, யே ச தன்னின்னதப்போணதப்பப்³பா⁴ரதாய பாபேஸு ஸம்பவங்கா, தே பாபமித்தா பாபஸஹாயா பாபஸம்பவங்கா நாம.
ஓரமத்தகேனாதி அந்தராதி அரஹத்தங் அப்பத்வாவ எத்த²ந்தரே. வோஸானந்தி பரினிட்டி²தபா⁴வங் ‘‘அலமெத்தாவதா’’தி ஓஸக்கனங். இத³ங் வுத்தங் ஹோதி – யாவ ஸீலபாரிஸுத்³தி⁴ஜ்ஜா²னவிபஸ்ஸனா ஸோதாபன்னபா⁴வாதீ³னங் அஞ்ஞதரமத்தகேன வோஸானங் நாபஜ்ஜிஸ்ஸந்தி, தாவ வுத்³தி⁴யேவ பி⁴க்கூ²னங் பாடிகங்கா², நோ பரிஹானீதி.
7. ஸஞ்ஞாஸுத்தவண்ணனா
27. ஸத்தமே அனிச்சஸஞ்ஞாத³யோ அனிச்சானுபஸ்ஸனாதீ³ஹி ஸஹக³தஸஞ்ஞா.
8. பட²மபரிஹானிஸுத்தவண்ணனா
28. அட்ட²மே உப்பன்னானங் ஸங்க⁴கிச்சானங் நித்த²ரணேன பா⁴ரங் வஹந்தீதி பா⁴ரவாஹினோ. தே தேன பஞ்ஞாயிஸ்ஸந்தீதி தே தே²ரா தேன அத்தனோ தே²ரபா⁴வானுரூபேன கிச்சேன பஞ்ஞாயிஸ்ஸந்தி. தேஸு யோக³ங் ஆபஜ்ஜதீதி பயோக³ங் ஆபஜ்ஜதி, ஸயங் தானி கிச்சானி காதுங் ஆரப⁴தீதி.
9. து³தியபரிஹானிஸுத்தவண்ணனா
29. நவமே பி⁴க்கு²த³ஸ்ஸனங் ஹாபேதீதி பி⁴க்கு²ஸங்க⁴ஸ்ஸ த³ஸ்ஸனத்தா²ய க³மனங் ஹாபேதி. அதி⁴ஸீலேதி பஞ்சஸீலத³ஸஸீலஸங்கா²தே உத்தமஸீலே. இதோ ப³ஹித்³தா⁴தி இமம்ஹா ஸாஸனா ப³ஹித்³தா⁴. த³க்கி²ணெய்யங் க³வேஸதீதி தெ³ய்யத⁴ம்மபடிக்³கா³ஹகே பரியேஸதி. தத்த² ச புப்³ப³காரங் கரோதீதி தேஸங் பா³ஹிரானங் தித்தி²யானங் த³த்வா பச்சா² பி⁴க்கூ²னங் தே³தி. ஸேஸங் ஸப்³ப³த்த² உத்தானமேவாதி.
வஜ்ஜிஸத்தகவக்³கோ³ ததியோ.