(8) 3. யோதா⁴ஜீவவக்³கோ³
1. பட²மசேதோவிமுத்திப²லஸுத்தவண்ணனா
71. ததியஸ்ஸ யதோ கோ², பி⁴க்க²வேதி ஹெட்டா² வுத்தனயேன விபஸ்ஸனங் வட்³டெ⁴த்வா அரஹத்தங் பத்தஸ்ஸ பி⁴க்கு²னோ இதா³னி வண்ணப⁴ணனத்த²ங் இத³ங் ஆரத்³த⁴ங். தத்த² யதோ கோ²தி யதா³ கோ². உக்கி²த்தபலிகோ⁴தி அவிஜ்ஜாபலிக⁴ங் உக்கி²பித்வா அபனெத்வா டி²தோ. ஸங்கிண்ணபரிகோ²தி ஸங்ஸாரபரிக²ங் ஸங்கிரித்வா வினாஸெத்வா டி²தோ. அப்³பூ³ள்ஹேஸிகோதி தண்ஹாஸங்கா²தங் ஏஸிகாத²ம்ப⁴ங் அப்³பு³ய்ஹ லுஞ்சித்வா டி²தோ. நிரக்³க³ளோதி நீவரணகவாடங் உக்³கா⁴டெத்வா டி²தோ. பன்னத்³த⁴ஜோ பன்னபா⁴ரோதி மானத்³த⁴ஜஞ்ச க²ந்தா⁴பி⁴ஸங்கா²ரகிலேஸபா⁴ரஞ்ச பாதெத்வா ஓதாரெத்வா டி²தோ. விஸங்யுத்தோதி வட்டேன விஸங்யுத்தோ. ஸேஸங் பாளினயேனேவ வேதி³தப்³ப³ங். எத்தாவதா ப⁴க³வதா மக்³கே³ன கிலேஸே கே²பெத்வா நிரோத⁴ஸயனவரக³தஸ்ஸ நிப்³பா³னாரம்மணங் ப²லஸமாபத்திங் அப்பெத்வா விஹரதோ கீ²ணாஸவஸ்ஸ காலோ த³ஸ்ஸிதோ.
யதா² ஹி த்³வே நக³ரானி ஏகங் சோரனக³ரங் ஏகங் கே²மனக³ரங். அத² ஏகஸ்ஸ மஹாயோத⁴ஸ்ஸ ஏவங் ப⁴வெய்ய – ‘‘யாவிமங் சோரனக³ரங் திட்ட²தி, தாவ கே²மனக³ரங் ப⁴யதோ
2. து³தியசேதோவிமுத்திப²லஸுத்தவண்ணனா
72. து³தியே அனிச்சஸஞ்ஞாதி க²ந்த⁴பஞ்சகங் ஹுத்வா அபா⁴வாகாரேன அனிச்சந்தி உப்பஜ்ஜனகஸஞ்ஞா. அனிச்சே து³க்க²ஸஞ்ஞாதி யத³னிச்சங், தங் படிபீளனாகாரேன து³க்க²ந்தி உப்பஜ்ஜனகஸஞ்ஞா. து³க்கே² அனத்தஸஞ்ஞாதி யங் து³க்க²ங், தங் அவஸவத்தனாகாரேன அனத்தாதி உப்பஜ்ஜனகஸஞ்ஞா. ஸேஸங் ஹெட்டா² வுத்தனயமேவ. இமேஸு பன த்³வீஸுபி ஸுத்தேஸு விபஸ்ஸனாப²லங் நாம கதி²தந்தி.
3. பட²மத⁴ம்மவிஹாரீஸுத்தவண்ணனா
73. ததியே தி³வஸங் அதினாமேதீதி தி³வஸங் அதிக்காமேதி. ரிஞ்சதி படிஸல்லானந்தி ஏகீபா⁴வங் விஸ்ஸஜ்ஜேதி. தே³ஸேதீதி கதே²தி பகாஸேதி. த⁴ம்மபஞ்ஞத்தியாதி த⁴ம்மங் பரியாபுணாதீதி நவங்க³வஸேன சதுஸச்சத⁴ம்மங் பரியாபுணாதி வளஞ்ஜேதி கதே²தி. ந ரிஞ்சதி படிஸல்லானந்தி ஏகீபா⁴வங் ந விஸ்ஸஜ்ஜேதி. அனுயுஞ்ஜதி அஜ்ஜ²த்தங் சேதோஸமத²ந்தி நியகஜ்ஜ²த்தே சித்தஸமாதி⁴ங் ஆஸேவதி பா⁴வேதி, ஸமத²கம்மட்டா²னே யுத்தப்பயுத்தோ ஹோதி.
ஹிதேஸினாதி ஹிதங் ஏஸந்தேன. அனுகம்பகேனாதி அனுகம்பமானேன. அனுகம்பங் உபாதா³யாதி அனுகம்பங் சித்தேன பரிக்³க³ஹெத்வா, படிச்சாதிபி வுத்தங் ஹோதி. கதங் வோ தங் மயாதி தங் மயா இமே பஞ்ச புக்³க³லே தே³ஸெந்தேன தும்ஹாகங் கதங். எத்தகமேவ ஹி அனுகம்பகஸ்ஸ ஸத்து² கிச்சங் யதி³த³ங் அவிபரீதத⁴ம்மதே³ஸனா, இதோ பரங் பன படிபத்தி நாம ஸாவகானங் கிச்சங். தேனாஹ – ஏதானி பி⁴க்கு² ருக்க²மூலானி…பே॰… அம்ஹாகங் அனுஸாஸனீதி. தத்த² ச ருக்க²மூலானீதி இமினா ருக்க²மூலஸேனாஸனங் த³ஸ்ஸேதி. ஸுஞ்ஞாகா³ரானீதி இமினா ஜனவிவித்தட்டா²னங். உப⁴யேனாபி ச யோகா³னுரூபங் ஸேனாஸனமாசிக்க²தி, தா³யஜ்ஜங் நிய்யாதேதி. ஜா²யதா²தி ஆரம்மணூபனிஜ்ஜா²னேன அட்ட²திங்ஸாரம்மணானி, லக்க²ணூபனிஜ்ஜா²னேன ச அனிச்சாதி³தோ க²ந்தா⁴யதனாதீ³னி உபனிஜ்ஜா²யத², ஸமத²ஞ்ச மா பமாத³த்தா²தி மா பமஜ்ஜித்த². மா பச்சா² விப்படிஸாரினோ அஹுவத்தா²தி யே ஹி புப்³பே³ த³ஹரகாலே ஆரொக்³யகாலே ஸத்தஸப்பாயாதி³ஸம்பத்திகாலே ஸத்து² ஸம்முகீ²பா⁴வகாலே ச யோனிஸோமனஸிகாரவிரஹிதா ரத்திந்தி³வங் மங்குலப⁴த்தா ஹுத்வா ஸெய்யஸுக²மித்³த⁴ஸுக²மனுயுத்தா பமஜ்ஜந்தி, தே பச்சா² ஜராகாலே ரோக³காலே மரணகாலே விபத்திகாலே அயங் வோ அம்ஹாகங் அனுஸாஸனீதி அயங் அம்ஹாகங் ஸந்திகா ‘‘ஜா²யத² மா பமாத³த்தா²’’தி தும்ஹாகங் அனுஸாஸனீ, ஓவாதோ³தி வுத்தங் ஹோதி.
4. து³தியத⁴ம்மவிஹாரீஸுத்தவண்ணனா
74. சதுத்தே² உத்தரி சஸ்ஸ பஞ்ஞாய அத்த²ங் நப்பஜானாதீதி ததோ பரியத்திதோ உத்தரி தஸ்ஸ த⁴ம்மஸ்ஸ ஸஹவிபஸ்ஸனாய மக்³க³பஞ்ஞாய அத்த²ங் நப்பஜானாதி
5. பட²மயோதா⁴ஜீவஸுத்தவண்ணனா
75. பஞ்சமே யோதா⁴ஜீவாதி யுத்³தூ⁴பஜீவினோ. ரஜக்³க³ந்தி ஹத்தி²அஸ்ஸாதீ³னங் பாத³ப்பஹாரபி⁴ன்னாய பூ⁴மியா உக்³க³தங் ரஜக்க²ந்த⁴ங். ந ஸந்த²ம்ப⁴தீதி ஸந்த²ம்பி⁴த்வா டா²துங் ந ஸக்கோதி. ஸஹதி ரஜக்³க³ந்தி ரஜக்க²ந்த⁴ங் தி³ஸ்வாபி அதி⁴வாஸேதி. த⁴ஜக்³க³ந்தி ஹத்தி²அஸ்ஸதீ³னங் பிட்டே²ஸு வா ரதே²ஸு வா உஸ்ஸாபிதானங் த⁴ஜானங் அக்³க³ங். உஸ்ஸாரணந்தி ஹத்தி²அஸ்ஸரதா²னஞ்சேவ ப³லகாயஸ்ஸ ச உச்சாஸத்³த³மஹாஸத்³த³ங். ஸம்பஹாரேதி ஸமாக³தே அப்பமத்தகேபி பஹாரே. ஹஞ்ஞதீதி விஹஞ்ஞதி விகா⁴தங் ஆபஜ்ஜதி. ப்³யாபஜ்ஜதீதி விபத்திங் ஆபஜ்ஜதி, பகதிபா⁴வங் ஜஹதி. ஸஹதி ஸம்பஹாரந்தி த்³வே தயோ பஹாரே பத்வாபி ஸஹதி அதி⁴வாஸேதி. தமேவ ஸங்கா³மஸீஸந்தி தங்யேவ ஜயக்க²ந்தா⁴வாரட்டா²னங். அஜ்ஜா²வஸதீதி ஸத்தாஹமத்தங் அபி⁴ப⁴வித்வா ஆவஸதி. கிங் காரணா
இதா³னி யஸ்மா ஸத்து² யோதா⁴ஜீவேஹி கிச்சங் நத்தி², இமஸ்மிங் பன ஸாஸனே ததா²ரூபே பஞ்ச புக்³க³லே த³ஸ்ஸேதுங் இத³ங் ஓபம்மங் ஆப⁴தங். தஸ்மா தே புக்³க³லே த³ஸ்ஸெந்தோ ஏவமேவ கோ²திஆதி³மாஹ. தத்த² ஸங்ஸீத³தீதி மிச்சா²விதக்கஸ்மிங் ஸங்ஸீத³தி அனுப்பவிஸதி. ந ஸக்கோதி ப்³ரஹ்மசரியங் ஸந்தா⁴ரேதுந்தி ப்³ரஹ்மசரியவாஸங் அனுபச்சி²ஜ்ஜமானங் கோ³பேதுங் ந ஸக்கோதி. ஸிக்கா²து³ப்³ப³ல்யங் ஆவிகத்வாதி ஸிக்கா²ய து³ப்³ப³லபா⁴வங் பகாஸெத்வா. கிமஸ்ஸ ரஜக்³க³ஸ்மிந்தி கிங் தஸ்ஸ புக்³க³லஸ்ஸ ரஜக்³க³ங் நாமாதி வத³தி. அபி⁴ரூபாதி அபி⁴ரூபவதீ. த³ஸ்ஸனீயாதி த³ஸ்ஸனயொக்³கா³. பாஸாதி³காதி த³ஸ்ஸனேனேவ சித்தப்பஸாதா³வஹா. பரமாயாதி உத்தமாய. வண்ணபொக்க²ரதாயாதி ஸரீரவண்ணேன சேவ அங்க³ஸண்டா²னேன ச. ஊஹஸதீதி அவஹஸதி. உல்லபதீதி கதே²தி. உஜ்ஜ²க்³க⁴தீதி உப்பண்டே³தீதி உப்பண்ட³னகத²ங் கதே²தி. அபி⁴னிஸீத³தீதி அபி⁴ப⁴வித்வா ஸந்திகே வா ஏகாஸனே வா நிஸீத³தி. து³தியபதே³பி அஜ்ஜொ²த்த²ரதீதி அவத்த²ரதி. வினிவேடெ²த்வா வினிமோசெத்வாதி க³ஹிதட்டா²னதோ தஸ்ஸா ஹத்த²ங் வினிப்³பே³டெ²த்வா சேவ மோசெத்வா ச. ஸேஸமெத்த² உத்தானத்த²மேவாதி. இமஸ்மிங் ஸுத்தே வட்டவிவட்டங் கதி²தங்.
6. து³தியயோதா⁴ஜீவஸுத்தவண்ணனா
76. ச²ட்டே² அஸிசம்மங் க³ஹெத்வாதி அஸிஞ்ச சம்மஞ்ச க³ஹெத்வா. த⁴னுகலாபங் ஸன்னய்ஹித்வாதி த⁴னுஞ்ச ஸரகலாபஞ்ச ஸன்னய்ஹித்வா. வியூள்ஹந்தி யுத்³த⁴ஸன்னிவேஸவேஸேன டி²தங். ஸங்கா³மங் ஓதரதீதி மஹாயுத்³த⁴ங் ஓதரதி. உஸ்ஸஹதி வாயமதீதி உஸ்ஸாஹஞ்ச வாயாமஞ்ச கரோதி. ஹனந்தீதி கா⁴தெந்தி. பரியாபாதெ³ந்தீதி பரியாபாத³யந்தி. உபலிக்க²ந்தீதி விஜ்ஜ²ந்தி. அபனெந்தீதி ஸகஸேனங் க³ஹெத்வா க³ச்ச²ந்தி. அபனெத்வா ஞாதகானங் நெந்தீதி ஸகஸேனங் நெத்வா ததோ ஞாதகானங் ஸந்திகங் நெந்தி. நீயமானோதி அத்தனோ கே³ஹங் வா ஸேஸஞாதிஸந்திகங் வா நிய்யமானோ. உபட்ட²ஹந்தி பரிசரந்தீதி பஹாரஸோத⁴னவணகப்பனாதீ³னி கரொந்தா ஜக்³க³ந்தி கோ³பயந்தி.
அரக்கி²தேனேவ காயேனாதி அரக்கி²தேன காயத்³வாரேன. அரக்கி²தாய வாசாயாதி அரக்கி²தேன வசீத்³வாரேன. அரக்கி²தேன சித்தேனாதி அரக்கி²தேன மனொத்³வாரேன. அனுபட்டி²தாய ஸதியாதி ஸதிங் ஸுபட்டி²தங் அஸங்வுதேஹி இந்த்³ரியேஹீதி மனச்ச²ட்டே²ஹி இந்த்³ரியேஹி அபிஹிதேஹி அகோ³பிதேஹி. ராகோ³ சித்தங் அனுத்³த⁴ங்ஸேதீதி ராகோ³ உப்பஜ்ஜமானோவ ஸமத²விபஸ்ஸனாசித்தங் த⁴ங்ஸேதி, தூ³ரே கி²பதி. ராக³பரியுட்டி²தொம்ஹி, ஆவுஸோ, ராக³பரேதோதி அஹங், ஆவுஸோ, ராகே³ன ரத்தோ, ராகே³ன அனுக³தோ.
அட்டி²கங்கலூபமாதிஆதீ³ஸு அட்டி²கங்கலூபமா அப்பஸ்ஸாத³ட்டே²ன. மங்ஸபேஸூபமா ப³ஹுஸாதா⁴ரணட்டே²ன. திணுக்கூபமா அனுத³ஹனட்டே²ன. அங்கா³ரகாஸூபமா மஹாபி⁴தாபட்டே²ன. ஸுபினகூபமா இத்தரபச்சுபட்டா²னட்டே²ன. யாசிதகூபமா தாவகாலிகட்டே²ன. ருக்க²ப²லூபமா ஸப்³ப³ங்க³பச்சங்க³பலிப⁴ஞ்ஜனட்டே²ன. அஸிஸூனூபமா அதி⁴குட்டனட்டே²ன. ஸத்திஸூலூபமா வினிவிஜ்ஜ²னட்டே²ன. ஸப்பஸிரூபமா ஸாஸங்கஸப்படிப⁴யட்டே²ன உஸ்ஸஹிஸ்ஸாமீதி உஸ்ஸாஹங் கரிஸ்ஸாமி. தா⁴ரயிஸ்ஸாமீதி ஸமணபா⁴வங் தா⁴ரயிஸ்ஸாமி. அபி⁴ரமிஸ்ஸாமீதி அபி⁴ரதிங் உப்பாதெ³ஸ்ஸாமி ந உக்கண்டி²ஸ்ஸாமி. ஸேஸமெத்த² உத்தானத்த²மேவ. இமஸ்மிங் ஸுத்தே வட்டவிவட்டங் கதி²தந்தி.
7. பட²மஅனாக³தப⁴யஸுத்தவண்ணனா
77. ஸத்தமே ஆரஞ்ஞகேனாதி அரஞ்ஞவாஸினா. அப்பத்தஸ்ஸாதி அஸம்பத்தஸ்ஸ ஜா²னவிபஸ்ஸனாமக்³க³ப²லப்பபே⁴த³ஸ்ஸ விஸேஸஸ்ஸ பத்தியா. ஸேஸபதே³ஸுபி ஏஸேவ நயோ. ஸோ மமஸ்ஸ அந்தராயோதி ஸோ மம ஜீவிதந்தராயோ ச ப்³ரஹ்மசரியந்தராயோ ச, புது²ஜ்ஜனகாலகிரியங் கரொந்தஸ்ஸ ஸக்³க³ந்தராயோ ச மக்³க³ந்தராயோ ச ப⁴வெய்ய. ஹந்தா³தி வவஸ்ஸக்³க³த்தே² நிபாதோ. வீரியங் ஆரபா⁴மீதி து³வித⁴ம்பி வீரியங் கரோமி. ஸத்த²காதி வாளேஹீதி கக்க²ளேஹி. மாணவேஹீதி சோரேஹி. கதகம்மேஹி வா அகதகம்மேஹி வாதி எத்த² சோரிகங் கத்வா நிக்க²ந்தா கதகம்மா நாம, சோரிகங் காதுங் க³ச்ச²ந்தா அகதகம்மா நாம. தத்த² கதகம்மா கம்மஸ்ஸ நிப்ப²ன்னத்தா ஸத்தானங் க³லலோஹிதங் க³ஹெத்வா தே³வதானங் ப³லிங் கரொந்தி, அகதகம்மா ‘‘ஏவங் நோ கம்மங் நிப்ப²ஜ்ஜிஸ்ஸதீ’’தி பட²மதரங் கரொந்தி. இத³ங் ஸந்தா⁴ய தே மங் ஜீவிதா வோரோபெய்யுந்தி வுத்தங். வாளா அமனுஸ்ஸாதி கக்க²ளா து³ட்டா² யக்கா²த³யோ அமனுஸ்ஸா.
8. து³தியஅனாக³தப⁴யஸுத்தவண்ணனா
78. அட்ட²மே புரா மங் ஸோ த⁴ம்மோ ஆக³ச்ச²தீதி யாவ ஸோ த⁴ம்மோ மங் ந உபக³ச்ச²தி, தாவ கீ²ரோத³கீபூ⁴தாதி கீ²ரோத³கங் விய பூ⁴தா ஏகீபா⁴வங் உபக³தா. பியசக்கூ²ஹீதி மெத்தசக்கூ²ஹி.
9. ததியஅனாக³தப⁴யஸுத்தவண்ணனா
79. நவமே த⁴ம்மஸந்தோ³ஸா வினயஸந்தோ³ஸோதி த⁴ம்மஸந்தோ³ஸேன வினயஸந்தோ³ஸோ ஹோதி. கத²ங் பன த⁴ம்மஸ்மிங் து³ஸ்ஸந்தே வினயோ து³ஸ்ஸதி நாம? ஸமத²விபஸ்ஸனாத⁴ம்மேஸு க³ப்³ப⁴ங் அக்³க³ண்ஹந்தேஸு பஞ்சவிதோ⁴ வினயோ ந ஹோதி அபி⁴த⁴ம்மகத²ந்தி ஸீலாதி³உத்தமத⁴ம்மகத²ங். வேத³ல்லகத²ந்தி வேத³படிஸங்யுத்தங் ஞாணமிஸ்ஸககத²ங். கண்ஹத⁴ம்மங் ஓக்கமமானாதி ரந்த⁴க³வேஸிதாய உபாரம்ப⁴பரியேஸனவஸேன
க³ம்பீ⁴ராதி பாளிக³ம்பீ⁴ரா. க³ம்பீ⁴ரத்தா²தி அத்த²க³ம்பீ⁴ரா. லோகுத்தராதி லோகுத்தரத⁴ம்மதீ³பகா. ஸுஞ்ஞதாபடிஸங்யுத்தாதி க²ந்த⁴தா⁴துஆயதனபச்சயாகாரபடிஸங்யுத்தா. ந அஞ்ஞா சித்தங் உபட்ட²பெஸ்ஸந்தீதி ஜானநத்தா²ய சித்தங் ந ட²பெஸ்ஸந்தி. உக்³க³ஹேதப்³ப³ங் பரியாபுணிதப்³ப³ந்தி உக்³க³ஹேதப்³பே³ ச வளஞ்ஜேதப்³பே³ ச. கவிதாதி ஸிலோகாதி³ப³ந்த⁴னவஸேன கவீஹி கதா. காவெய்யாதி தஸ்ஸேவ வேவசனங். பா³ஹிரகாதி ஸாஸனதோ ப³ஹித்³தா⁴ டி²தா. ஸாவகபா⁴ஸிதாதி பா³ஹிரஸாவகேஹி பா⁴ஸிதா. ஸேஸமெத்த² ஹெட்டா² வுத்தனயத்தா ஸுவிஞ்ஞெய்யத்தா ச உத்தானத்த²மேவ.
10. சதுத்த²அனாக³தப⁴யஸுத்தவண்ணனா
80. த³ஸமே கல்யாணகாமாதி ஸுந்த³ரகாமா. ரஸக்³கா³னீதி உத்தமரஸானி. ஸங்ஸட்டா² விஹரிஸ்ஸந்தீதி பஞ்சவிதே⁴ன ஸங்ஸக்³கே³ன ஸங்ஸட்டா² விஹரிஸ்ஸந்தி. ஸன்னிதி⁴காரபரிபோ⁴க³ந்தி ஸன்னிதி⁴கதஸ்ஸ பரிபோ⁴க³ங். ஓளாரிகம்பி நிமித்தந்தி எத்த² பத²விங் க²ணந்தோபி க²ணாஹீதி ஆணாபெந்தோபி பத²வியங் ஓளாரிகங் நிமித்தங் கரோதி நாம. திணகட்ட²ஸாகா²பலாஸங் சி²ந்த³ந்தோபி சி²ந்தா³தி ஆணாபெந்தோபி ஹரிதக்³கே³
யோதா⁴ஜீவவக்³கோ³ ததியோ.