10. ஆனிஸங்ஸவக்³கோ³
1. பாதுபா⁴வஸுத்தங்
96. ‘‘ச²ன்னங் , பி⁴க்க²வே, பாதுபா⁴வோ து³ல்லபோ⁴ லோகஸ்மிங். கதமேஸங் ச²ன்னங்? ததா²க³தஸ்ஸ அரஹதோ ஸம்மாஸம்பு³த்³த⁴ஸ்ஸ பாதுபா⁴வோ து³ல்லபோ⁴ லோகஸ்மிங், ததா²க³தப்பவேதி³தஸ்ஸ த⁴ம்மவினயஸ்ஸ தே³ஸேதா புக்³க³லோ து³ல்லபோ⁴ லோகஸ்மிங், அரியாயதனே பச்சாஜாதி து³ல்லபா⁴ பச்சாஜாதோ து³ல்லபோ⁴ (ஸ்யா॰) லோகஸ்மிங், இந்த்³ரியானங் அவேகல்லதா து³ல்லபா⁴ லோகஸ்மிங், அஜளதா அனேளமூக³தா து³ல்லபா⁴ லோகஸ்மிங், குஸலே த⁴ம்மே ச²ந்தோ³ குஸலத⁴ம்மச்ச²ந்தோ³ (ஸீ॰ ஸ்யா॰ பீ॰) து³ல்லபோ⁴ லோகஸ்மிங். இமேஸங் கோ², பி⁴க்க²வே, ச²ன்னங் பாதுபா⁴வோ து³ல்லபோ⁴ லோகஸ்மி’’ந்தி. பட²மங்.
2. ஆனிஸங்ஸஸுத்தங்
97. ‘‘ச²யிமே, பி⁴க்க²வே, ஆனிஸங்ஸா ஸோதாபத்திப²லஸச்சி²கிரியாய. கதமே ச²? ஸத்³த⁴ம்மனியதோ ஹோதி, அபரிஹானத⁴ம்மோ ஹோதி, பரியந்தகதஸ்ஸ து³க்க²ங் ஹோதி து³க்க²ங் ந ஹோதி (ஸ்யா॰ பீ॰ க॰), அஸாதா⁴ரணேன ஞாணேன ஸமன்னாக³தோ ஹோதி, ஹேது சஸ்ஸ ஸுதி³ட்டோ², ஹேதுஸமுப்பன்னா ச த⁴ம்மா. இமே கோ², பி⁴க்க²வே, ச² ஆனிஸங்ஸா ஸோதாபத்திப²லஸச்சி²கிரியாயா’’தி. து³தியங்.
3. அனிச்சஸுத்தங்
98. ‘‘‘ஸோ வத, பி⁴க்க²வே, பி⁴க்கு² கஞ்சி ஸங்கா²ரங் நிச்சதோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீ’தி நேதங் டா²னங் விஜ்ஜதி. ‘அனுலோமிகாய க²ந்தியா அஸமன்னாக³தோ ஸம்மத்தனியாமங் ஓக்கமிஸ்ஸதீ’தி நேதங் டா²னங் விஜ்ஜதி. ‘ஸம்மத்தனியாமங் அனோக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் அரஹத்தப²லங் (க॰) படி॰ ம॰ 3.36 வா ஸச்சி²கரிஸ்ஸதீ’தி நேதங் டா²னங் விஜ்ஜதி.
‘‘‘ஸோ வத, பி⁴க்க²வே, பி⁴க்கு² ஸப்³ப³ஸங்கா²ரே ஸப்³ப³ஸங்கா²ரங் (ஸீ॰ பீ॰) அனிச்சதோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீ’தி டா²னமேதங் விஜ்ஜதி. ‘அனுலோமிகாய க²ந்தியா ஸமன்னாக³தோ ஸம்மத்தனியாமங் ஓக்கமிஸ்ஸதீ’தி டா²னமேதங் விஜ்ஜதி. ‘ஸம்மத்தனியாமங் ஓக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீ’தி டா²னமேதங் விஜ்ஜதீ’’தி. ததியங்.
4. து³க்க²ஸுத்தங்
99. ‘‘ஸோ வத, பி⁴க்க²வே, பி⁴க்கு² கஞ்சி ஸங்கா²ரங் ஸுக²தோ ஸமனுபஸ்ஸந்தோ…பே॰… ஸப்³ப³ஸங்கா²ரே து³க்க²தோ ஸமனுபஸ்ஸந்தோ…பே॰… டா²னமேதங் விஜ்ஜதி’’. சதுத்த²ங்.
5. அனத்தஸுத்தங்
100. ‘‘ஸோ வத, பி⁴க்க²வே, பி⁴க்கு² கஞ்சி த⁴ம்மங் அத்ததோ ஸமனுபஸ்ஸந்தோ…பே॰… ஸப்³ப³த⁴ம்மே ஸப்³ப³த⁴ம்மங் (ஸீ॰ பீ॰), கிஞ்சித⁴ம்மங் (க॰) படி॰ ம॰ 3.36 அனத்ததோ ஸமனுபஸ்ஸந்தோ…பே॰… டா²னமேதங் விஜ்ஜதி’’. பஞ்சமங்.
6. நிப்³பா³னஸுத்தங்
101. ‘‘‘ஸோ வத, பி⁴க்க²வே, பி⁴க்கு² நிப்³பா³னங் து³க்க²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீ’தி நேதங் டா²னங் விஜ்ஜதி. ‘அனுலோமிகாய க²ந்தியா அஸமன்னாக³தோ ஸம்மத்தனியாமங் ஓக்கமிஸ்ஸதீ’தி நேதங் டா²னங் விஜ்ஜதி. ‘ஸம்மத்தனியாமங் அனோக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீ’தி நேதங் டா²னங் விஜ்ஜதி.
‘‘‘ஸோ வத, பி⁴க்க²வே, பி⁴க்கு² நிப்³பா³னங் ஸுக²தோ ஸமனுபஸ்ஸந்தோ அனுலோமிகாய க²ந்தியா ஸமன்னாக³தோ ப⁴விஸ்ஸதீ’தி டா²னமேதங் விஜ்ஜதி. ‘அனுலோமிகாய க²ந்தியா ஸமன்னாக³தோ ஸம்மத்தனியாமங் ஓக்கமிஸ்ஸதீ’தி டா²னமேதங் விஜ்ஜதி. ‘ஸம்மத்தனியாமங் ஓக்கமமானோ ஸோதாபத்திப²லங் வா ஸகதா³கா³மிப²லங் வா அனாகா³மிப²லங் வா அரஹத்தங் வா ஸச்சி²கரிஸ்ஸதீ’தி டா²னமேதங் விஜ்ஜதீ’’தி. ச²ட்ட²ங்.
7. அனவத்தி²தஸுத்தங்
102. ‘‘ச² , பி⁴க்க²வே, ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா அனிச்சஸஞ்ஞங் உபட்டா²பேதுங். கதமே ச²? ‘ஸப்³ப³ஸங்கா²ரா ச மே அனவத்தி²தா அனவட்டி²ததோ (ஸீ॰ ஸ்யா॰ பீ॰) கா²யிஸ்ஸந்தி, ஸப்³ப³லோகே ச மே மனோ நாபி⁴ரமிஸ்ஸதி ந ரமிஸ்ஸதி (க॰), ஸப்³ப³லோகா ச மே மனோ வுட்ட²ஹிஸ்ஸதி, நிப்³பா³னபோணஞ்ச மே மானஸங் ப⁴விஸ்ஸதி, ஸங்யோஜனா ச மே பஹானங் க³ச்சி²ஸ்ஸந்தி க³ச்ச²ந்தி (ஸ்யா॰ பீ॰ க॰), பரமேன ச ஸாமஞ்ஞேன ஸமன்னாக³தோ ப⁴விஸ்ஸாமீ’தி. இமே கோ², பி⁴க்க²வே, ச² ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா அனிச்சஸஞ்ஞங் உபட்டா²பேது’’ந்தி. ஸத்தமங்.
8. உக்கி²த்தாஸிகஸுத்தங்
103. ‘‘ச², பி⁴க்க²வே, ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா து³க்க²ஸஞ்ஞங் உபட்டா²பேதுங். கதமே ச²? ‘ஸப்³ப³ஸங்கா²ரேஸு ச மே நிப்³பி³த³ஸஞ்ஞா பச்சுபட்டி²தா ப⁴விஸ்ஸதி, ஸெய்யதா²பி உக்கி²த்தாஸிகே வத⁴கே. ஸப்³ப³லோகா ச மே மனோ வுட்ட²ஹிஸ்ஸதி, நிப்³பா³னே ச ஸந்தத³ஸ்ஸாவீ ப⁴விஸ்ஸாமி, அனுஸயா ச மே ஸமுக்³கா⁴தங் க³ச்சி²ஸ்ஸந்தி க³ச்ச²ந்தி (பீ॰ க॰), கிச்சகாரீ ச ப⁴விஸ்ஸாமி, ஸத்தா² ச மே பரிசிண்ணோ ப⁴விஸ்ஸதி மெத்தாவதாயா’தி. இமே கோ², பி⁴க்க²வே, ச² ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³ஸங்கா²ரேஸு அனோதி⁴ங் கரித்வா து³க்க²ஸஞ்ஞங் உபட்டா²பேது’’ந்தி. அட்ட²மங்.
9. அதம்மயஸுத்தங்
104. ‘‘ச², பி⁴க்க²வே, ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³த⁴ம்மேஸு அனோதி⁴ங் கரித்வா அனத்தஸஞ்ஞங் உபட்டா²பேதுங். கதமே ச²? ஸப்³ப³லோகே ச அதம்மயோ ப⁴விஸ்ஸாமி, அஹங்காரா ச மே உபருஜ்ஜி²ஸ்ஸந்தி, மமங்காரா ச மே உபருஜ்ஜி²ஸ்ஸந்தி, அஸாதா⁴ரணேன ச ஞாணேன ஸமன்னாக³தோ ப⁴விஸ்ஸாமி, ஹேது ச மே ஸுதி³ட்டோ² ப⁴விஸ்ஸதி, ஹேதுஸமுப்பன்னா ச த⁴ம்மா. இமே கோ², பி⁴க்க²வே, ச² ஆனிஸங்ஸே ஸம்பஸ்ஸமானேன அலமேவ பி⁴க்கு²னா ஸப்³ப³த⁴ம்மேஸு அனோதி⁴ங் கரித்வா அனத்தஸஞ்ஞங் உபட்டா²பேது’’ந்தி. நவமங்.
10. ப⁴வஸுத்தங்
105. ‘‘தயோமே , பி⁴க்க²வே, ப⁴வா பஹாதப்³பா³, தீஸு ஸிக்கா²ஸு ஸிக்கி²தப்³ப³ங். கதமே தயோ ப⁴வா பஹாதப்³பா³? காமப⁴வோ, ரூபப⁴வோ, அரூபப⁴வோ – இமே தயோ ப⁴வா பஹாதப்³பா³. கதமாஸு தீஸு ஸிக்கா²ஸு ஸிக்கி²தப்³ப³ங்? அதி⁴ஸீலஸிக்கா²ய, அதி⁴சித்தஸிக்கா²ய, அதி⁴பஞ்ஞாஸிக்கா²ய – இமாஸு தீஸு ஸிக்கா²ஸு ஸிக்கி²தப்³ப³ங். யதோ கோ², பி⁴க்க²வே, பி⁴க்கு²னோ இமே தயோ ப⁴வா பஹீனா ஹொந்தி, இமாஸு ச தீஸு ஸிக்கா²ஸு ஸிக்கி²தஸிக்கோ² ஹோதி – அயங் வுச்சதி, பி⁴க்க²வே, பி⁴க்கு² அச்செ²ச்சி² தண்ஹங், விவத்தயி ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’’தி. த³ஸமங்.
11. தண்ஹாஸுத்தங்
106. ‘‘திஸ்ஸோ இமா, பி⁴க்க²வே, தண்ஹா பஹாதப்³பா³, தயோ ச மானா. கதமா திஸ்ஸோ தண்ஹா பஹாதப்³பா³? காமதண்ஹா, ப⁴வதண்ஹா, விப⁴வதண்ஹா – இமா திஸ்ஸோ தண்ஹா பஹாதப்³பா³. கதமே தயோ மானா பஹாதப்³பா³? மானோ, ஓமானோ, அதிமானோ – இமே தயோ மானா பஹாதப்³பா³. யதோ கோ², பி⁴க்க²வே, பி⁴க்கு²னோ இமா திஸ்ஸோ தண்ஹா பஹீனா ஹொந்தி, இமே ச தயோ மானா; அயங் வுச்சதி, பி⁴க்க²வே, பி⁴க்கு² அச்செ²ச்சி² தண்ஹங், விவத்தயி ஸங்யோஜனங், ஸம்மா மானாபி⁴ஸமயா அந்தமகாஸி து³க்க²ஸ்ஸா’’தி. ஏகாத³ஸமங்.
ஆனிஸங்ஸவக்³கோ³ த³ஸமோ. பஞ்சமோ (ஸ்யா॰ க॰)
தஸ்ஸுத்³தா³னங் –
பாதுபா⁴வோ ஆனிஸங்ஸோ, அனிச்சது³க்க²அனத்ததோ;
நிப்³பா³னங் அனவத்தி², உக்கி²த்தாஸி அதம்மயோ;
ப⁴வா தண்ஹாயேகா த³ஸாதி.
து³தியபண்ணாஸகங் ஸமத்தங்.