3. ஸத்தாவாஸவக்³கோ³
1. திடா²னஸுத்தவண்ணனா
21. ததியஸ்ஸ உத்தரகுருகாதி உத்தரகுருவாஸினோ. அதி⁴க்³க³ண்ஹந்தீதி அதி⁴ப⁴வந்தி, அதி⁴கா விஸிட்டா² ஜெட்ட²கா ஹொந்தி. அமமாதி நித்தண்ஹா. அட்ட²கதா²யங் பன நித்³து³க்கா²தி வுத்தங். அபரிக்³க³ஹாதி ‘‘இத³ங் மய்ஹ’’ந்தி பரிக்³க³ஹரஹிதா. நியதாயுகாதி தேஸஞ்ஹி நிப³த்³த⁴ங் ஆயு வஸ்ஸஸஹஸ்ஸமேவ, க³திபி நிப³த்³தா⁴, ததோ சவித்வா ஸக்³கே³யேவ நிப்³ப³த்தந்தி. ஸதிமந்தோதி தே³வதானஞ்ஹி ஏகந்தஸுகி²தாய ஸதி தி²ரா ந ஹோதி, நேரயிகானங் ஏகந்தது³க்கி²தாய. இமேஸங் பன வோகிண்ணஸுக²து³க்க²த்தா ஸதி தி²ரா ஹோதி. இத⁴ ப்³ரஹ்மசரியவாஸோதி ஜம்பு³தீ³பே பு³த்³த⁴பச்சேகபு³த்³தா⁴னங் உப்பஜ்ஜனதோ அட்ட²ங்கி³கமக்³க³ப்³ரஹ்மசரியவாஸோபி இதே⁴வ ஹோதி.
2. அஸ்ஸக²ளுங்கஸுத்தவண்ணனா
22. து³தியே ஜவஸம்பன்னோதி பத³ஜவேன ஸம்பன்னோ. ந வண்ணஸம்பன்னோதி ந ஸரீரவண்ணேன ஸம்பன்னோ. புரிஸக²ளுங்கேஸு ஜவஸம்பன்னோதி ஞாணஜவேன ஸம்பன்னோ. ந வண்ணஸம்பன்னோதி ந கு³ணவண்ணேன ஸம்பன்னோ. ஸேஸங் பாளினயேனேவ வேதி³தப்³ப³ங். யஞ்ஹெத்த² வத்தப்³ப³ங் ஸியா, தங் திகனிபாதவண்ணனாயங் வுத்தமேவ.
3. தண்ஹாமூலகஸுத்தவண்ணனா
23. ததியே தண்ஹங் படிச்சாதி த்³வே தண்ஹா ஏஸனதண்ஹா ஏஸிததண்ஹா ச. யாய தண்ஹாய அஜபத²ஸங்குபதா²தீ³னி படிபஜ்ஜித்வா பரியேஸனாதி ரூபாதி³ஆரம்மணபரியேஸனா. ஸா ஹி ஏஸனதண்ஹாய ஸதி ஹோதி. லாபோ⁴தி ரூபாதி³ஆரம்மணபடிலாபோ⁴. ஸோ ஹி பரியேஸனாய ஸதி ஹோதி.
வினிச்ச²யோ லாப⁴ங் படிச்ச வினிச்ச²யோதி.
ச²ந்த³ராகோ³தி அஜ்ஜோ²ஸானந்தி அஹங் மமந்தி ப³லவஸன்னிட்டா²னங். பரிக்³க³ஹோதி தண்ஹாதி³ட்டி²வஸேன பரிக்³க³ஹகரணங். மச்ச²ரியந்தி பரேஹி ஸாதா⁴ரணபா⁴வஸ்ஸ அஸஹனதா. தேனேவஸ்ஸ போராணா ஏவங் வசனத்த²ங் வத³ந்தி – ‘‘இத³ங் அச்ச²ரியங் மய்ஹமேவ ஹோது, மா அஞ்ஞஸ்ஸ அச்ச²ரியங் ஹோதூதி பவத்தத்தா மச்ச²ரியந்தி வுச்சதீ’’தி. ஆரக்கோ²தி த்³வாரபித³ஹனமஞ்ஜூஸாகோ³பனாதி³வஸேன ஸுட்டு² ரக்க²னங். அதி⁴கரோதீதி அதி⁴கரணங், காரணஸ்ஸேதங் நாமங். ஆரக்கா²தி⁴கரணந்தி பா⁴வனபுங்ஸகங், ஆரக்கா²ஹேதூதி அத்தோ². த³ண்டா³தா³னாதீ³ஸு பரனிஸேத⁴னத்த²ங் த³ண்ட³ஸ்ஸ ஆதா³னங் த³ண்டா³தா³னங். ஏகதோ தா⁴ராதி³னோ ஸத்த²ஸ்ஸ ஆதா³னங் ஸத்தா²தா³னங். கலஹோதி காயகலஹோபி வாசாகலஹோபி. புரிமோ விக்³க³ஹோ, பச்சி²மோ விவாதோ³ (தீ³॰ நி॰ அட்ட²॰ 2.103). துவங்துவந்தி அகா³ரவவஸேன துவங்துவங்வசனங்.
4. ஸத்தாவாஸஸுத்தவண்ணனா
24. சதுத்தே² ஸத்தாவாஸாதி ஸத்தானங் ஆவாஸா, வஸனட்டா²னானீதி அத்தோ². தத்த² ஸுத்³தா⁴வாஸாபி ஸத்தாவாஸோவ, அஸப்³ப³காலிகத்தா பன ந க³ஹிதா. ஸுத்³தா⁴வாஸா ஹி பு³த்³தா⁴னங் க²ந்தா⁴வாரட்டா²னஸதி³ஸா, அஸங்கெ²ய்யகப்பே பு³த்³தே⁴ஸு அனிப்³ப³த்தேஸு தங் டா²னங் ஸுஞ்ஞங் ஹோதி. இதி அஸப்³ப³காலிகத்தா ந க³ஹிதா. ஸேஸமெத்த²
5. பஞ்ஞாஸுத்தவண்ணனா
25. பஞ்சமே யதோதி யஸ்மிங் காலே. ஸுபரிசிதங் ஹோதீதி ஸுட்டு² உபசிதங் ஸுவட்³டி⁴தங் ஹோதி. கல்லங் வசனாயாதி யுத்தங் வத்துங். வீதராக³ந்தி விக³தராக³ங். அஸராக³த⁴ம்மந்தி ந ஸரஜ்ஜனஸபா⁴வங். அனாவத்தித⁴ம்மந்தி அனாவத்தனஸபா⁴வங் அனிப்³ப³த்தாரஹங், அப்படிஸந்தி⁴கபா⁴வேனேவ நிருஜ்ஜ²னஸபா⁴வந்தி அத்தோ². இமஸ்மிங் ஸுத்தே கீ²ணாஸவோவ கதி²தோ.
6. ஸிலாயூபஸுத்தவண்ணனா
26. ச²ட்டே² சந்தி³காபுத்தோதி மாது நாமவஸேன பஞ்ஞாதோ சந்தி³காபுத்தத்தே²ரோ. சேதஸா சித்தங் ஹோதீதி சித்தவாரபரியாயேன சித்தவாரபரியாயோ சிதோ வட்³டி⁴தோ ஹோதி. சேதஸா சித்தங் ஸுபரிசிதந்தி சித்தவாரபரியாயேன சித்தவாரபரியாயோ உபரூபரி ஸுசிதோ ஸுவட்³டி⁴தோ ஹோதி. நேவஸ்ஸ சித்தங் பரியாதி³யந்தீதி தானி ஆரம்மணானி தஸ்ஸ கீ²ணாஸவஸ்ஸ சித்துப்பாத³ங் க³ஹெத்வா கே²பெத்வா டா²துங் ந ஸக்கொந்தி. அமிஸ்ஸீகதந்தி தானி ஆரம்மணானி அனல்லீனத்தா தேஹி அமிஸ்ஸீகதங். ஆனேஞ்ஜப்பத்தந்தி
ஸிலாயூபோதி ஸிலாத²ம்போ⁴. ஸோளஸகுக்குகோதி தீ³க⁴தோ ஸோளஸஹத்தோ². ஹெட்டா²னேமங்க³மாதி ஆவாடஸ்ஸ ஹெட்டா²க³தா. உபரி நேமஸ்ஸாதி உபரி ஆவாடஸ்ஸ. ஸுனிகா²தத்தாதி அயமுஸலேஹி கொட்டெத்வா கொட்டெத்வா ஸுட்டு² நிகா²தத்தா. ஏவமேவ கோ²தி எத்த² ஸிலாயூபோ விய கீ²ணாஸவோ த³ட்ட²ப்³போ³, மஹாவாதா விய ச²ஸு த்³வாரேஸு உப்பஜ்ஜனகா கிலேஸா, சதூஹி தி³ஸாஹி ஆக³ந்த்வா வாதானங் ஸிலாயூபங் சாலேதுங் அஸமத்த²பா⁴வோ விய ச²ஸு த்³வாரேஸு உப்பஜ்ஜனககிலேஸானங் கீ²ணாஸவஸ்ஸ சித்தங் சாலேதுங் அஸமத்த²பா⁴வோ வேதி³தப்³போ³. இமஸ்மிம்பி ஸுத்தே கீ²ணாஸவோவ கதி²தோ.
7-8. வேரஸுத்தத்³வயவண்ணனா
27-28. ஸத்தமே ப⁴யங் வேரங் பஸவதீதி சித்துத்ராஸப⁴யஞ்ச புக்³க³லவேரஞ்ச படிலப⁴தி. சேதஸிகந்தி சித்தனிஸ்ஸிதங். து³க்க²ந்தி காயவத்து²கங். தோ³மனஸ்ஸந்தி
9. ஆகா⁴தவத்து²ஸுத்தவண்ணனா
29. நவமே ஆகா⁴தவத்தூ²னீதி ஆகா⁴தகாரணானி. ஆகா⁴தங் ப³ந்த⁴தீதி கோபங் ப³ந்த⁴தி உப்பாதே³தி.
10-11. ஆகா⁴தபடிவினயஸுத்தாதி³வண்ணனா
30-31. த³ஸமே ஆகா⁴தபடிவினயாதி ஆகா⁴தஸ்ஸ படிவினயகாரணானி. தங் குதெத்த² லப்³பா⁴தி ‘‘தங் அனத்த²சரணங் மா அஹோஸீ’’தி ஏதஸ்மிங் புக்³க³லே குதோ லப்³பா⁴, கேன காரணேன ஸக்கா லத்³து⁴ங், ‘‘பரோ நாம பரஸ்ஸ அத்தனோ சித்தருசியா அனத்த²ங் கரோதீ’’தி ஏவங் சிந்தெத்வா ஆகா⁴தங் படிவினேதி. அத² வா ஸசாஹங் கோபங் கரெய்யங், தங் கோபகரணங் எத்த² புக்³க³லே குதோ லப்³பா⁴, கேன காரணேன லத்³த⁴ப்³ப³ந்தி அத்தோ². குதோ லாபா⁴திபி பாடோ². ஸசாஹங் எத்த² கோபங் கரெய்யங், தஸ்மிங் மே கோபகரணே குதோ லாபா⁴ லாபா⁴, நாம கே ஸியுந்தி அத்தோ². இமஸ்மிஞ்ச அத்தே² தந்தி நிபாதமத்தமேவ ஹோதி. ஏகாத³ஸமே அனுபுப்³ப³னிரோதா⁴தி அனுபடிபாடினிரோதா⁴. ஸேஸங் ஸப்³ப³த்த² உத்தானத்த²மேவாதி.
ஸத்தாவாஸவக்³கோ³ ததியோ.