4. தா³னவக்³கோ³
1. பட²மதா³னஸுத்தங்
31. தீ³॰ நி॰ 3.336 ‘‘அட்டி²மானி , பி⁴க்க²வே, தா³னானி. கதமானி அட்ட²? ஆஸஜ்ஜ தா³னங் தே³தி, ப⁴யா தா³னங் தே³தி, ‘அதா³ஸி மே’தி தா³னங் தே³தி, ‘த³ஸ்ஸதி மே’தி தா³னங் தே³தி, ‘ஸாஹு தா³ன’ந்தி தா³னங் தே³தி, ‘அஹங் பசாமி, இமே ந பசந்தி; நாரஹாமி பசந்தோ அபசந்தானங் தா³னங் அதா³து’ந்தி தா³னங் தே³தி, ‘இமங் மே தா³னங் த³த³தோ கல்யாணோ கித்திஸத்³தோ³ அப்³பு⁴க்³க³ச்ச²தீ’தி தா³னங் தே³தி, சித்தாலங்காரசித்தபரிக்கா²ரத்த²ங் தா³னங் தே³தி. இமானி கோ², பி⁴க்க²வே, அட்ட² தா³னானீ’’தி. பட²மங்.
2. து³தியதா³னஸுத்தங்
32.
கதா²॰ 480 ‘‘ஸத்³தா⁴ ஹிரியங் குஸலஞ்ச தா³னங்,
த⁴ம்மா ஏதே ஸப்புரிஸானுயாதா;
ஏதஞ்ஹி மக்³க³ங் தி³வியங் வத³ந்தி,
ஏதேன ஹி க³ச்ச²தி தே³வலோக’’ந்தி. து³தியங்;
3. தா³னவத்து²ஸுத்தங்
33. ‘‘அட்டி²மானி , பி⁴க்க²வே, தா³னவத்தூ²னி. கதமானி அட்ட²? ச²ந்தா³ தா³னங் தே³தி, தோ³ஸா தா³னங் தே³தி, மோஹா தா³னங் தே³தி, ப⁴யா தா³னங் தே³தி, ‘தி³ன்னபுப்³ப³ங் கதபுப்³ப³ங் பிதுபிதாமஹேஹி, நாரஹாமி போராணங் குலவங்ஸங் ஹாபேது’ந்தி தா³னங் தே³தி, ‘இமாஹங் தா³னங் த³த்வா காயஸ்ஸ பே⁴தா³ பரங் மரணா ஸுக³திங் ஸக்³க³ங் லோகங் உபபஜ்ஜிஸ்ஸாமீ’தி தா³னங் தே³தி, ‘இமங் மே தா³னங் த³த³தோ சித்தங் பஸீத³தி, அத்தமனதா ஸோமனஸ்ஸங் உபஜாயதீ’தி தா³னங் தே³தி, சித்தாலங்காரசித்தபரிக்கா²ரத்த²ங் தா³னங் தே³தி. இமானி கோ², பி⁴க்க²வே, அட்ட² தா³னவத்தூ²னீ’’தி. ததியங்.
4. கெ²த்தஸுத்தங்
34. ‘‘அட்ட²ங்க³ஸமன்னாக³தே , பி⁴க்க²வே, கெ²த்தே பீ³ஜங் வுத்தங் ந மஹப்ப²லங் ஹோதி ந மஹஸ்ஸாத³ங் ந பா²திஸெய்யங் ந பா²திஸெய்யந்தி (ஸீ॰ ஸ்யா॰ க॰), ந பா²திஸெய்யா (கத்த²சி). கத²ங் அட்ட²ங்க³ஸமன்னாக³தே? இத⁴, பி⁴க்க²வே, கெ²த்தங் உன்னாமனின்னாமி ச ஹோதி, பாஸாணஸக்க²ரிகஞ்ச ஹோதி, ஊஸரஞ்ச ஹோதி, ந ச க³ம்பீ⁴ரஸிதங் ஹோதி, ந ஆயஸம்பன்னங் ஹோதி, ந அபாயஸம்பன்னங் ஹோதி, ந மாதிகாஸம்பன்னங் ஹோதி, ந மரியாத³ஸம்பன்னங் ஹோதி. ஏவங் அட்ட²ங்க³ஸமன்னாக³தே, பி⁴க்க²வே, கெ²த்தே பீ³ஜங் வுத்தங் ந மஹப்ப²லங் ஹோதி ந மஹஸ்ஸாத³ங் ந பா²திஸெய்யங்.
‘‘ஏவமேவங் கோ², பி⁴க்க²வே, அட்ட²ங்க³ஸமன்னாக³தேஸு ஸமணப்³ராஹ்மணேஸு தா³னங் தி³ன்னங் ந மஹப்ப²லங் ஹோதி ந மஹானிஸங்ஸங் ந மஹாஜுதிகங் ந மஹாவிப்பா²ரங். கத²ங் அட்ட²ங்க³ஸமன்னாக³தேஸு? இத⁴, பி⁴க்க²வே, ஸமணப்³ராஹ்மணா மிச்சா²தி³ட்டி²கா ஹொந்தி, மிச்சா²ஸங்கப்பா, மிச்சா²வாசா, மிச்சா²கம்மந்தா, மிச்சா²ஆஜீவா, மிச்சா²வாயாமா, மிச்சா²ஸதினோ, மிச்சா²ஸமாதி⁴னோ. ஏவங் அட்ட²ங்க³ஸமன்னாக³தேஸு, பி⁴க்க²வே, ஸமணப்³ராஹ்மணேஸு தா³னங் தி³ன்னங் ந மஹப்ப²லங் ஹோதி ந மஹானிஸங்ஸங் ந மஹாஜுதிகங் ந மஹாவிப்பா²ரங்.
‘‘அட்ட²ங்க³ஸமன்னாக³தே, பி⁴க்க²வே, கெ²த்தே பீ³ஜங் வுத்தங் மஹப்ப²லங் ஹோதி மஹஸ்ஸாத³ங் பா²திஸெய்யங். கத²ங் அட்ட²ங்க³ஸமன்னாக³தே? இத⁴, பி⁴க்க²வே, கெ²த்தங் அனுன்னாமானின்னாமி ச ஹோதி, அபாஸாணஸக்க²ரிகஞ்ச ஹோதி, அனூஸரஞ்ச ஹோதி, க³ம்பீ⁴ரஸிதங் ஹோதி, ஆயஸம்பன்னங் ஹோதி, அபாயஸம்பன்னங் ஹோதி, மாதிகாஸம்பன்னங் ஹோதி, மரியாத³ஸம்பன்னங் ஹோதி. ஏவங் அட்ட²ங்க³ஸமன்னாக³தே, பி⁴க்க²வே, கெ²த்தே பீ³ஜங் வுத்தங் மஹப்ப²லங் ஹோதி மஹஸ்ஸாத³ங் பா²திஸெய்யங்.
‘‘ஏவமேவங் கோ², பி⁴க்க²வே, அட்ட²ங்க³ஸமன்னாக³தேஸு ஸமணப்³ராஹ்மணேஸு தா³னங் தி³ன்னங் மஹப்ப²லங் ஹோதி மஹானிஸங்ஸங் மஹாஜுதிகங் மஹாவிப்பா²ரங். கத²ங் அட்ட²ங்க³ஸமன்னாக³தேஸு? இத⁴, பி⁴க்க²வே, ஸமணப்³ராஹ்மணா ஸம்மாதி³ட்டி²கா ஹொந்தி, ஸம்மாஸங்கப்பா, ஸம்மாவாசா, ஸம்மாகம்மந்தா, ஸம்மாஆஜீவா, ஸம்மாவாயாமா, ஸம்மாஸதினோ, ஸம்மாஸமாதி⁴னோ. ஏவங் அட்ட²ங்க³ஸமன்னாக³தேஸு, பி⁴க்க²வே, ஸமணப்³ராஹ்மணேஸு தா³னங் தி³ன்னங் மஹப்ப²லங் ஹோதி மஹானிஸங்ஸங் மஹாஜுதிகங் மஹாவிப்பா²ர’’ந்தி.
‘‘யதா²பி கெ²த்தே ஸம்பன்னே, பவுத்தா பீ³ஜஸம்பதா³;
தே³வே ஸம்பாத³யந்தம்ஹி ஸஞ்ஜாயந்தம்ஹி (க॰), ஹோதி த⁴ஞ்ஞஸ்ஸ ஸம்பதா³.
‘‘அனீதிஸம்பதா³ ஹோதி, விரூள்ஹீ ப⁴வதி ஸம்பதா³;
வேபுல்லஸம்பதா³ ஹோதி, ப²லங் வே ஹோதி ஸம்பதா³.
‘‘ஏவங் ஸம்பன்னஸீலேஸு, தி³ன்னா போ⁴ஜனஸம்பதா³;
ஸம்பதா³னங் உபனேதி, ஸம்பன்னங் ஹிஸ்ஸ தங் கதங்.
‘‘தஸ்மா ஸம்பத³மாகங்கீ², ஸம்பன்னத்தூ²த⁴ புக்³க³லோ;
ஸம்பன்னபஞ்ஞே ஸேவேத², ஏவங் இஜ்ஜ²ந்தி ஸம்பதா³.
‘‘விஜ்ஜாசரணஸம்பன்னே, லத்³தா⁴ சித்தஸ்ஸ ஸம்பத³ங்;
கரோதி கம்மஸம்பத³ங், லப⁴தி சத்த²ஸம்பத³ங்.
‘‘லோகங் ஞத்வா யதா²பூ⁴தங், பப்புய்ய தி³ட்டி²ஸம்பத³ங்;
மக்³க³ஸம்பத³மாக³ம்ம, யாதி ஸம்பன்னமானஸோ.
‘‘ஓது⁴னித்வா மலங் ஸப்³ப³ங், பத்வா நிப்³பா³னஸம்பத³ங்;
முச்சதி ஸப்³ப³து³க்கே²ஹி, ஸா ஹோதி ஸப்³ப³ஸம்பதா³’’தி. சதுத்த²ங்;
5. தா³னூபபத்திஸுத்தங்
35. தீ³॰ நி॰ 3.337 ‘‘அட்டி²மா, பி⁴க்க²வே, தா³னூபபத்தியோ. கதமா அட்ட²? இத⁴, பி⁴க்க²வே, ஏகச்சோ தா³னங் தே³தி ஸமணஸ்ஸ வா ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங் ஸெய்யாவஸத²பதீ³பெய்யங். ஸோ யங் தே³தி தங் பச்சாஸீஸதி பச்சாஸிங்ஸதி (ஸீ॰ ஸ்யா॰ கங்॰ பீ॰). ஸோ பஸ்ஸதி க²த்தியமஹாஸாலே வா ப்³ராஹ்மணமஹாஸாலே வா க³ஹபதிமஹாஸாலே வா பஞ்சஹி காமகு³ணேஹி ஸமப்பிதே ஸமங்கீ³பூ⁴தே பரிசாரயமானே. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா க²த்தியமஹாஸாலானங் வா ப்³ராஹ்மணமஹாஸாலானங் வா க³ஹபதிமஹாஸாலானங் வா ஸஹப்³யதங் உபபஜ்ஜெய்ய’ந்தி! ஸோ தங் சித்தங் த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தங் சித்தங் ஹீனே விமுத்தங் ஹீனேதி⁴முத்தங் (ஸ்யா॰ பீ॰) விமுத்தந்தி அதி⁴முத்தங், விமுத்தந்தி வா விஸ்ஸட்ட²ங் (டீகாஸங்வண்ணனா), உத்தரி அபா⁴விதங், தத்ரூபபத்தியா ஸங்வத்ததி. காயஸ்ஸ பே⁴தா³ பரங் மரணா க²த்தியமஹாஸாலானங் வா ப்³ராஹ்மணமஹாஸாலானங் வா க³ஹபதிமஹாஸாலானங் வா ஸஹப்³யதங் உபபஜ்ஜதி. தஞ்ச கோ² ஸீலவதோ வதா³மி, நோ து³ஸ்ஸீலஸ்ஸ. இஜ்ஜ²தி, பி⁴க்க²வே, ஸீலவதோ சேதோபணிதி⁴ விஸுத்³த⁴த்தா.
‘‘இத⁴ பன, பி⁴க்க²வே, ஏகச்சோ தா³னங் தே³தி ஸமணஸ்ஸ வா ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங் ஸெய்யாவஸத²பதீ³பெய்யங். ஸோ யங் தே³தி தங் பச்சாஸீஸதி. தஸ்ஸ ஸுதங் ஹோதி – ‘சாதுமஹாராஜிகா சாதும்மஹாராஜிகா (ஸீ॰ ஸ்யா॰ கங்॰ பீ॰) தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா சாதுமஹாராஜிகானங் தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தங் சித்தங் ஹீனே விமுத்தங், உத்தரி அபா⁴விதங், தத்ரூபபத்தியா ஸங்வத்ததி. காயஸ்ஸ பே⁴தா³ பரங் மரணா சாதுமஹாராஜிகானங் தே³வானங் ஸஹப்³யதங் உபபஜ்ஜதி. தஞ்ச கோ² ஸீலவதோ வதா³மி, நோ து³ஸ்ஸீலஸ்ஸ. இஜ்ஜ²தி, பி⁴க்க²வே, ஸீலவதோ சேதோபணிதி⁴ விஸுத்³த⁴த்தா.
‘‘இத⁴ பன, பி⁴க்க²வே, ஏகச்சோ தா³னங் தே³தி ஸமணஸ்ஸ வா ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங் ஸெய்யாவஸத²பதீ³பெய்யங். ஸோ யங் தே³தி தங் பச்சாஸீஸதி. தஸ்ஸ ஸுதங் ஹோதி – தாவதிங்ஸா தே³வா…பே॰… யாமா தே³வா… துஸிதா தே³வா… நிம்மானரதீ தே³வா… பரனிம்மிதவஸவத்தீ தே³வா தீ³கா⁴யுகா வண்ணவந்தோ ஸுக²ப³ஹுலாதி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா பரனிம்மிதவஸவத்தீனங் தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி, தங் சித்தங் அதி⁴ட்டா²தி , தங் சித்தங் பா⁴வேதி. தஸ்ஸ தங் சித்தங் ஹீனே விமுத்தங், உத்தரி அபா⁴விதங், தத்ரூபபத்தியா ஸங்வத்ததி. காயஸ்ஸ பே⁴தா³ பரங் மரணா பரனிம்மிதவஸவத்தீனங் தே³வானங் ஸஹப்³யதங் உபபஜ்ஜதி. தஞ்ச கோ² ஸீலவதோ வதா³மி, நோ து³ஸ்ஸீலஸ்ஸ. இஜ்ஜ²தி, பி⁴க்க²வே, ஸீலவதோ சேதோபணிதி⁴ விஸுத்³த⁴த்தா.
‘‘இத⁴ பன, பி⁴க்க²வே, ஏகச்சோ தா³னங் தே³தி ஸமணஸ்ஸ வா ப்³ராஹ்மணஸ்ஸ வா அன்னங் பானங் வத்த²ங் யானங் மாலாக³ந்த⁴விலேபனங் ஸெய்யாவஸத²பதீ³பெய்யங். ஸோ யங் தே³தி தங் பச்சாஸீஸதி. தஸ்ஸ ஸுதங் ஹோதி – ‘ப்³ரஹ்மகாயிகா தே³வா தீ³கா⁴யுகா வண்ணவந்தோ ஸுக²ப³ஹுலா’தி. தஸ்ஸ ஏவங் ஹோதி – ‘அஹோ வதாஹங் காயஸ்ஸ பே⁴தா³ பரங் மரணா ப்³ரஹ்மகாயிகானங் தே³வானங் ஸஹப்³யதங் உபபஜ்ஜெய்ய’ந்தி. ஸோ தங் சித்தங் த³ஹதி, தங் சித்தங் அதி⁴ட்டா²தி, தங் சித்தங் பா⁴வேதி. தஸ்ஸ தங் சித்தங் ஹீனே விமுத்தங், உத்தரி அபா⁴விதங், தத்ரூபபத்தியா ஸங்வத்ததி. காயஸ்ஸ பே⁴தா³ பரங் மரணா ப்³ரஹ்மகாயிகானங் தே³வானங் ஸஹப்³யதங் உபபஜ்ஜதி. தஞ்ச கோ² ஸீலவதோ வதா³மி, நோ து³ஸ்ஸீலஸ்ஸ; வீதராக³ஸ்ஸ, நோ ஸராக³ஸ்ஸ. இஜ்ஜ²தி, பி⁴க்க²வே, ஸீலவதோ சேதோபணிதி⁴ வீதராக³த்தா. இமா கோ², பி⁴க்க²வே, அட்ட² தா³னூபபத்தியோ’’தி. பஞ்சமங்.
6. புஞ்ஞகிரியவத்து²ஸுத்தங்
36. ‘‘தீணிமானி, பி⁴க்க²வே, புஞ்ஞகிரியவத்தூ²னி. கதமானி தீணி? தா³னமயங் புஞ்ஞகிரியவத்து² புஞ்ஞகிரியவத்து²ங் (ஸீ॰ பீ॰) ஏவமுபரிபி, ஸீலமயங் புஞ்ஞகிரியவத்து², பா⁴வனாமயங் புஞ்ஞகிரியவத்து². இத⁴, பி⁴க்க²வே, ஏகச்சஸ்ஸ தா³னமயங் புஞ்ஞகிரியவத்து² பரித்தங் கதங் ஹோதி, ஸீலமயங் புஞ்ஞகிரியவத்து² பரித்தங் கதங் ஹோதி, பா⁴வனாமயங் புஞ்ஞகிரியவத்து²ங் புஞ்ஞகிரியவத்து² (ஸ்யா॰) நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா மனுஸ்ஸதோ³ப⁴க்³யங் உபபஜ்ஜதி.
‘‘இத⁴ பன, பி⁴க்க²வே, ஏகச்சஸ்ஸ தா³னமயங் புஞ்ஞகிரியவத்து² மத்தஸோ கதங் ஹோதி, ஸீலமயங் புஞ்ஞகிரியவத்து² மத்தஸோ கதங் ஹோதி, பா⁴வனாமயங் புஞ்ஞகிரியவத்து²ங் நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா மனுஸ்ஸஸோப⁴க்³யங் உபபஜ்ஜதி.
‘‘இத⁴ பன, பி⁴க்க²வே , ஏகச்சஸ்ஸ தா³னமயங் புஞ்ஞகிரியவத்து² அதி⁴மத்தங் கதங் ஹோதி, ஸீலமயங் புஞ்ஞகிரியவத்து² அதி⁴மத்தங் கதங் ஹோதி, பா⁴வனாமயங் புஞ்ஞகிரியவத்து²ங் நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா சாதுமஹாராஜிகானங் தே³வானங் ஸஹப்³யதங் உபபஜ்ஜதி. தத்ர, பி⁴க்க²வே, சத்தாரோ மஹாராஜானோ தா³னமயங் புஞ்ஞகிரியவத்து²ங் அதிரேகங் கரித்வா, ஸீலமயங் புஞ்ஞகிரியவத்து²ங் அதிரேகங் கரித்வா, சாதுமஹாராஜிகே தே³வே த³ஸஹி டா²னேஹி அதி⁴க³ண்ஹந்தி – தி³ப்³பே³ன ஆயுனா, தி³ப்³பே³ன வண்ணேன, தி³ப்³பே³ன ஸுகே²ன, தி³ப்³பே³ன யஸேன, தி³ப்³பே³ன ஆதி⁴பதெய்யேன, தி³ப்³பே³ஹி ரூபேஹி, தி³ப்³பே³ஹி ஸத்³தே³ஹி, தி³ப்³பே³ஹி க³ந்தே⁴ஹி, தி³ப்³பே³ஹி ரஸேஹி, தி³ப்³பே³ஹி பொ²ட்ட²ப்³பே³ஹி.
‘‘இத⁴ பன, பி⁴க்க²வே, ஏகச்சஸ்ஸ தா³னமயங் புஞ்ஞகிரியவத்து² அதி⁴மத்தங் கதங் ஹோதி, ஸீலமயங் புஞ்ஞகிரியவத்து² அதி⁴மத்தங் கதங் ஹோதி, பா⁴வனாமயங் புஞ்ஞகிரியவத்து²ங் நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா தாவதிங்ஸானங் தே³வானங் ஸஹப்³யதங் உபபஜ்ஜதி. தத்ர, பி⁴க்க²வே, ஸக்கோ தே³வானமிந்தோ³ தா³னமயங் புஞ்ஞகிரியவத்து²ங் அதிரேகங் கரித்வா ஸீலமயங் புஞ்ஞகிரியவத்து²ங் அதிரேகங் கரித்வா தாவதிங்ஸே தே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே॰… தி³ப்³பே³ஹி பொ²ட்ட²ப்³பே³ஹி.
‘‘இத⁴ பன, பி⁴க்க²வே, ஏகச்சஸ்ஸ தா³னமயங் புஞ்ஞகிரியவத்து² அதி⁴மத்தங் கதங் ஹோதி, ஸீலமயங் புஞ்ஞகிரியவத்து² அதி⁴மத்தங் கதங் ஹோதி, பா⁴வனாமயங் புஞ்ஞகிரியவத்து²ங் நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா யாமானங் தே³வானங் ஸஹப்³யதங் உபபஜ்ஜதி. தத்ர, பி⁴க்க²வே, ஸுயாமோ தே³வபுத்தோ தா³னமயங் புஞ்ஞகிரியவத்து²ங் அதிரேகங் கரித்வா , ஸீலமயங் புஞ்ஞகிரியவத்து²ங் அதிரேகங் கரித்வா, யாமே தே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே॰… தி³ப்³பே³ஹி பொ²ட்ட²ப்³பே³ஹி.
‘‘இத⁴ பன, பி⁴க்க²வே, ஏகச்சஸ்ஸ தா³னமயங் புஞ்ஞகிரியவத்து² அதி⁴மத்தங் கதங் ஹோதி, ஸீலமயங் புஞ்ஞகிரியவத்து² அதி⁴மத்தங் கதங் ஹோதி, பா⁴வனாமயங் புஞ்ஞகிரியவத்து²ங் நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா துஸிதானங் தே³வானங் ஸஹப்³யதங் உபபஜ்ஜதி. தத்ர , பி⁴க்க²வே, ஸந்துஸிதோ தே³வபுத்தோ தா³னமயங் புஞ்ஞகிரியவத்து²ங் அதிரேகங் கரித்வா, ஸீலமயங் புஞ்ஞகிரியவத்து²ங் அதிரேகங் கரித்வா, துஸிதே தே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே॰… தி³ப்³பே³ஹி பொ²ட்ட²ப்³பே³ஹி.
‘‘இத⁴ பன, பி⁴க்க²வே, ஏகச்சஸ்ஸ தா³னமயங் புஞ்ஞகிரியவத்து² அதி⁴மத்தங் கதங் ஹோதி, ஸீலமயங் புஞ்ஞகிரியவத்து² அதி⁴மத்தங் கதங் ஹோதி, பா⁴வனாமயங் புஞ்ஞகிரியவத்து²ங் நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா நிம்மானரதீனங் தே³வானங் ஸஹப்³யதங் உபபஜ்ஜதி. தத்ர, பி⁴க்க²வே, ஸுனிம்மிதோ தே³வபுத்தோ தா³னமயங் புஞ்ஞகிரியவத்து²ங் அதிரேகங் கரித்வா, ஸீலமயங் புஞ்ஞகிரியவத்து²ங் அதிரேகங் கரித்வா, நிம்மானரதீதே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா…பே॰… தி³ப்³பே³ஹி பொ²ட்ட²ப்³பே³ஹி.
‘‘இத⁴ பன, பி⁴க்க²வே, ஏகச்சஸ்ஸ தா³னமயங் புஞ்ஞகிரியவத்து² அதி⁴மத்தங் கதங் ஹோதி, ஸீலமயங் புஞ்ஞகிரியவத்து² அதி⁴மத்தங் கதங் ஹோதி, பா⁴வனாமயங் புஞ்ஞகிரியவத்து²ங் நாபி⁴ஸம்போ⁴தி. ஸோ காயஸ்ஸ பே⁴தா³ பரங் மரணா பரனிம்மிதவஸவத்தீனங் தே³வானங் ஸஹப்³யதங் உபபஜ்ஜதி. தத்ர, பி⁴க்க²வே, வஸவத்தீ தே³வபுத்தோ தா³னமயங் புஞ்ஞகிரியவத்து²ங் அதிரேகங் கரித்வா, ஸீலமயங் புஞ்ஞகிரியவத்து²ங் அதிரேகங் கரித்வா, பரனிம்மிதவஸவத்தீதே³வே த³ஸஹி டா²னேஹி அதி⁴க³ண்ஹாதி – தி³ப்³பே³ன ஆயுனா, தி³ப்³பே³ன வண்ணேன, தி³ப்³பே³ன ஸுகே²ன, தி³ப்³பே³ன யஸேன, தி³ப்³பே³ன ஆதி⁴பதெய்யேன, தி³ப்³பே³ஹி ரூபேஹி, தி³ப்³பே³ஹி ஸத்³தே³ஹி, தி³ப்³பே³ஹி க³ந்தே⁴ஹி, தி³ப்³பே³ஹி ரஸேஹி, தி³ப்³பே³ஹி பொ²ட்ட²ப்³பே³ஹி. இமானி கோ², பி⁴க்க²வே, தீணி புஞ்ஞகிரியவத்தூ²னீ’’தி. ச²ட்ட²ங்.
7. ஸப்புரிஸதா³னஸுத்தங்
37. ‘‘அட்டி²மானி, பி⁴க்க²வே, ஸப்புரிஸதா³னானி. கதமானி அட்ட²? ஸுசிங் தே³தி, பணீதங் தே³தி, காலேன தே³தி, கப்பியங் தே³தி, விசெய்ய தே³தி, அபி⁴ண்ஹங் தே³தி, த³த³ங் சித்தங் பஸாதே³தி, த³த்வா அத்தமனோ ஹோதி. இமானி கோ², பி⁴க்க²வே, அட்ட² ஸப்புரிஸதா³னானீ’’தி.
‘‘ஸுசிங் பணீதங் காலேன, கப்பியங் பானபோ⁴ஜனங்;
அபி⁴ண்ஹங் த³தா³தி தா³னங், ஸுகெ²த்தேஸு ஸுகெ²த்தே (ஸீ॰ பீ॰) ப்³ரஹ்மசாரிஸு.
‘‘நேவ ந ச (ஸீ॰ பீ॰) விப்படிஸாரிஸ்ஸ, சஜித்வா ஆமிஸங் ப³ஹுங்;
ஏவங் தி³ன்னானி தா³னானி, வண்ணயந்தி விபஸ்ஸினோ.
‘‘ஏவங் யஜித்வா மேதா⁴வீ, ஸத்³தோ⁴ முத்தேன சேதஸா;
அப்³யாப³ஜ்ஜ²ங் அப்³யாபஜ்ஜ²ங் (க॰) அ॰ நி॰ 4.40; 6.37 ஸுக²ங் லோகங், பண்டி³தோ உபபஜ்ஜதீ’’தி. ஸத்தமங்;
8. ஸப்புரிஸஸுத்தங்
38. ‘‘ஸப்புரிஸோ , பி⁴க்க²வே, குலே ஜாயமானோ ப³ஹுனோ ஜனஸ்ஸ அத்தா²ய ஹிதாய ஸுகா²ய ஹோதி – மாதாபிதூனங் அத்தா²ய ஹிதாய ஸுகா²ய ஹோதி, புத்ததா³ரஸ்ஸ அத்தா²ய ஹிதாய ஸுகா²ய ஹோதி , தா³ஸகம்மகரபோரிஸஸ்ஸ அத்தா²ய ஹிதாய ஸுகா²ய ஹோதி, மித்தாமச்சானங் அத்தா²ய ஹிதாய ஸுகா²ய ஹோதி, புப்³ப³பேதானங் அத்தா²ய ஹிதாய ஸுகா²ய ஹோதி, ரஞ்ஞோ அத்தா²ய ஹிதாய ஸுகா²ய ஹோதி, தே³வதானங் அத்தா²ய ஹிதாய ஸுகா²ய ஹோதி, ஸமணப்³ராஹ்மணானங் அத்தா²ய ஹிதாய ஸுகா²ய ஹோதி.
‘‘ஸெய்யதா²பி, பி⁴க்க²வே, மஹாமேகோ⁴ ஸப்³ப³ஸஸ்ஸானி ஸம்பாதெ³ந்தோ ப³ஹுனோ ஜனஸ்ஸ அத்தா²ய ஹிதாய ஸுகா²ய ஹிதாய…பே॰… (ஸ்யா॰ க॰) ஹோதி; ஏவமேவங் கோ², பி⁴க்க²வே, ஸப்புரிஸோ குலே ஜாயமானோ ப³ஹுனோ ஜனஸ்ஸ அத்தா²ய ஹிதாய ஸுகா²ய ஹோதி – மாதாபிதூனங் அத்தா²ய ஹிதாய ஸுகா²ய ஹோதி, புத்ததா³ரஸ்ஸ அத்தா²ய ஹிதாய ஸுகா²ய ஹோதி, தா³ஸகம்மகரபோரிஸஸ்ஸ அத்தா²ய ஹிதாய ஸுகா²ய ஹோதி, மித்தாமச்சானங் அத்தா²ய ஹிதாய ஸுகா²ய ஹோதி, புப்³ப³பேதானங் அத்தா²ய ஹிதாய ஸுகா²ய ஹோதி, ரஞ்ஞோ அத்தா²ய ஹிதாய ஸுகா²ய ஹோதி, தே³வதானங் அத்தா²ய ஹிதாய ஸுகா²ய ஹோதி, ஸமணப்³ராஹ்மணானங் அத்தா²ய ஹிதாய ஸுகா²ய ஹோதீ’’தி.
‘‘ப³ஹூனங் ப³ஹுன்னங் (ஸீ॰ பீ॰) வத அத்தா²ய, ஸப்பஞ்ஞோ க⁴ரமாவஸங்;
மாதரங் பிதரங் புப்³பே³, ரத்திந்தி³வமதந்தி³தோ.
‘‘பூஜேதி ஸஹத⁴ம்மேன, புப்³பே³கதமனுஸ்ஸரங்;
அனாகா³ரே பப்³ப³ஜிதே, அபசே ப்³ரஹ்மசாரயோ ப்³ரஹ்மசாரினோ (ஸ்யா॰).
‘‘நிவிட்ட²ஸத்³தோ⁴ பூஜேதி, ஞத்வா த⁴ம்மே ச பேஸலோ பேஸலே (க॰);
ரஞ்ஞோ ஹிதோ தே³வஹிதோ, ஞாதீனங் ஸகி²னங் ஹிதோ.
‘‘ஸப்³பே³ஸங் ஸப்³பே³ஸு (க॰) ஸோ ஸ (ஸ்யா॰ பீ॰ க॰) ஹிதோ ஹோதி, ஸத்³த⁴ம்மே ஸுப்பதிட்டி²தோ;
வினெய்ய மச்சே²ரமலங், ஸ லோகங் ப⁴ஜதே ஸிவ’’ந்தி. அட்ட²மங்;
9. அபி⁴ஸந்த³ஸுத்தங்
39. ‘‘அட்டி²மே , பி⁴க்க²வே, புஞ்ஞாபி⁴ஸந்தா³ குஸலாபி⁴ஸந்தா³ ஸுக²ஸ்ஸாஹாரா ஸோவக்³கி³கா ஸுக²விபாகா ஸக்³க³ஸங்வத்தனிகா, இட்டா²ய கந்தாய மனாபாய ஹிதாய ஸுகா²ய ஸங்வத்தந்தி. கதமே அட்ட²? இத⁴, பி⁴க்க²வே, அரியஸாவகோ பு³த்³த⁴ங் ஸரணங் க³தோ ஹோதி. அயங், பி⁴க்க²வே, பட²மோ புஞ்ஞாபி⁴ஸந்தோ³ குஸலாபி⁴ஸந்தோ³ ஸுக²ஸ்ஸாஹாரோ ஸோவக்³கி³கோ ஸுக²விபாகோ ஸக்³க³ஸங்வத்தனிகோ, இட்டா²ய கந்தாய மனாபாய ஹிதாய ஸுகா²ய ஸங்வத்ததி.
‘‘புன சபரங், பி⁴க்க²வே, அரியஸாவகோ த⁴ம்மங் ஸரணங் க³தோ ஹோதி. அயங், பி⁴க்க²வே, து³தியோ புஞ்ஞாபி⁴ஸந்தோ³…பே॰… ஸங்வத்ததி.
‘‘புன சபரங், பி⁴க்க²வே, அரியஸாவகோ ஸங்க⁴ங் ஸரணங் க³தோ ஹோதி. அயங், பி⁴க்க²வே, ததியோ புஞ்ஞாபி⁴ஸந்தோ³ குஸலாபி⁴ஸந்தோ³ ஸுக²ஸ்ஸாஹாரோ ஸோவக்³கி³கோ ஸுக²விபாகோ ஸக்³க³ஸங்வத்தனிகோ, இட்டா²ய கந்தாய மனாபாய ஹிதாய ஸுகா²ய ஸங்வத்ததி.
கதா²॰ 480 ‘‘பஞ்சிமானி , பி⁴க்க²வே, தா³னானி மஹாதா³னானி அக்³க³ஞ்ஞானி ரத்தஞ்ஞானி வங்ஸஞ்ஞானி போராணானி அஸங்கிண்ணானி அஸங்கிண்ணபுப்³பா³னி, ந ஸங்கியந்தி ந ஸங்கியிஸ்ஸந்தி, அப்படிகுட்டா²னி அப்பதிகுட்டா²னி (ஸீ॰) ஸமணேஹி ப்³ராஹ்மணேஹி விஞ்ஞூஹி. கதமானி பஞ்ச? இத⁴, பி⁴க்க²வே, அரியஸாவகோ பாணாதிபாதங் பஹாய பாணாதிபாதா படிவிரதோ ஹோதி. பாணாதிபாதா படிவிரதோ, பி⁴க்க²வே, அரியஸாவகோ அபரிமாணானங் ஸத்தானங் அப⁴யங் தே³தி, அவேரங் தே³தி, அப்³யாப³ஜ்ஜ²ங் அப்³யாபஜ்ஜ²ங் (க॰) ஏவமுபரிபி தே³தி. அபரிமாணானங் ஸத்தானங் அப⁴யங் த³த்வா அவேரங் த³த்வா அப்³யாப³ஜ்ஜ²ங் த³த்வா அபரிமாணஸ்ஸ அப⁴யஸ்ஸ அவேரஸ்ஸ அப்³யாப³ஜ்ஜ²ஸ்ஸ பா⁴கீ³ ஹோதி. இத³ங், பி⁴க்க²வே, பட²மங் தா³னங் மஹாதா³னங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கியதி ந ஸங்கியிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி. அயங், பி⁴க்க²வே, சதுத்தோ² புஞ்ஞாபி⁴ஸந்தோ³ குஸலாபி⁴ஸந்தோ³ ஸுக²ஸ்ஸாஹாரோ ஸோவக்³கி³கோ ஸுக²விபாகோ ஸக்³க³ஸங்வத்தனிகோ, இட்டா²ய கந்தாய மனாபாய ஹிதாய ஸுகா²ய ஸங்வத்ததி.
‘‘புன சபரங், பி⁴க்க²வே, அரியஸாவகோ அதி³ன்னாதா³னங் பஹாய அதி³ன்னாதா³னா படிவிரதோ ஹோதி…பே॰… காமேஸுமிச்சா²சாரங் பஹாய காமேஸுமிச்சா²சாரா படிவிரதோ ஹோதி…பே॰… முஸாவாத³ங் பஹாய முஸாவாதா³ படிவிரதோ ஹோதி…பே॰… ஸுராமேரயமஜ்ஜபமாத³ட்டா²னங் பஹாய ஸுராமேரயமஜ்ஜபமாத³ட்டா²னா படிவிரதோ ஹோதி. ஸுராமேரயமஜ்ஜபமாத³ட்டா²னா படிவிரதோ, பி⁴க்க²வே, அரியஸாவகோ அபரிமாணானங் ஸத்தானங் அப⁴யங் தே³தி அவேரங் தே³தி அப்³யாப³ஜ்ஜ²ங் தே³தி. அபரிமாணானங் ஸத்தானங் அப⁴யங் த³த்வா அவேரங் த³த்வா அப்³யாப³ஜ்ஜ²ங் த³த்வா, அபரிமாணஸ்ஸ அப⁴யஸ்ஸ அவேரஸ்ஸ அப்³யாப³ஜ்ஜ²ஸ்ஸ பா⁴கீ³ ஹோதி. இத³ங், பி⁴க்க²வே, பஞ்சமங் தா³னங் மஹாதா³னங் அக்³க³ஞ்ஞங் ரத்தஞ்ஞங் வங்ஸஞ்ஞங் போராணங் அஸங்கிண்ணங் அஸங்கிண்ணபுப்³ப³ங், ந ஸங்கியதி ந ஸங்கியிஸ்ஸதி, அப்படிகுட்ட²ங் ஸமணேஹி ப்³ராஹ்மணேஹி விஞ்ஞூஹி. அயங் கோ², பி⁴க்க²வே, அட்ட²மோ புஞ்ஞாபி⁴ஸந்தோ³ குஸலாபி⁴ஸந்தோ³ ஸுக²ஸ்ஸாஹாரோ ஸோவக்³கி³கோ ஸுக²விபாகோ ஸக்³க³ஸங்வத்தனிகோ, இட்டா²ய கந்தாய மனாபாய ஹிதாய ஸுகா²ய ஸங்வத்ததி. இமே கோ², பி⁴க்க²வே, அட்ட² புஞ்ஞாபி⁴ஸந்தா³ குஸலாபி⁴ஸந்தா³ ஸுக²ஸ்ஸாஹாரா ஸோவக்³கி³கா ஸுக²விபாகா ஸக்³க³ஸங்வத்தனிகா, இட்டா²ய கந்தாய மனாபாய ஹிதாய ஸுகா²ய ஸங்வத்தந்தீ’’தி. நவமங்.
10. து³ச்சரிதவிபாகஸுத்தங்
40. ‘‘பாணாதிபாதோ, பி⁴க்க²வே, ஆஸேவிதோ பா⁴விதோ ப³ஹுலீகதோ நிரயஸங்வத்தனிகோ திரச்சா²னயோனிஸங்வத்தனிகோ பெத்திவிஸயஸங்வத்தனிகோ. யோ ஸப்³ப³லஹுஸோ ஸப்³ப³லஹுஸோதி ஸப்³ப³லஹுகோ (ஸ்யா॰ அட்ட²॰) பாணாதிபாதஸ்ஸ விபாகோ, மனுஸ்ஸபூ⁴தஸ்ஸ அப்பாயுகஸங்வத்தனிகோ ஹோதி.
‘‘அதி³ன்னாதா³னங், பி⁴க்க²வே, ஆஸேவிதங் பா⁴விதங் ப³ஹுலீகதங் நிரயஸங்வத்தனிகங் திரச்சா²னயோனிஸங்வத்தனிகங் பெத்திவிஸயஸங்வத்தனிகங். யோ ஸப்³ப³லஹுஸோ அதி³ன்னாதா³னஸ்ஸ விபாகோ, மனுஸ்ஸபூ⁴தஸ்ஸ போ⁴க³ப்³யஸனஸங்வத்தனிகோ ஹோதி.
‘‘காமேஸுமிச்சா²சாரோ, பி⁴க்க²வே, ஆஸேவிதோ பா⁴விதோ ப³ஹுலீகதோ நிரயஸங்வத்தனிகோ திரச்சா²னயோனிஸங்வத்தனிகோ பெத்திவிஸயஸங்வத்தனிகோ. யோ ஸப்³ப³லஹுஸோ காமேஸுமிச்சா²சாரஸ்ஸ விபாகோ, மனுஸ்ஸபூ⁴தஸ்ஸ ஸபத்தவேரஸங்வத்தனிகோ ஹோதி.
‘‘முஸாவாதோ³ , பி⁴க்க²வே, ஆஸேவிதோ பா⁴விதோ ப³ஹுலீகதோ நிரயஸங்வத்தனிகோ திரச்சா²னயோனிஸங்வத்தனிகோ பெத்திவிஸயஸங்வத்தனிகோ. யோ ஸப்³ப³லஹுஸோ முஸாவாத³ஸ்ஸ விபாகோ, மனுஸ்ஸபூ⁴தஸ்ஸ அபூ⁴தப்³ப⁴க்கா²னஸங்வத்தனிகோ ஹோதி.
‘‘பிஸுணா , பி⁴க்க²வே, வாசா ஆஸேவிதா பா⁴விதா ப³ஹுலீகதா நிரயஸங்வத்தனிகா திரச்சா²னயோனிஸங்வத்தனிகா பெத்திவிஸயஸங்வத்தனிகா. யோ ஸப்³ப³லஹுஸோ பிஸுணாய வாசாய விபாகோ, மனுஸ்ஸபூ⁴தஸ்ஸ மித்தேஹி பே⁴த³னஸங்வத்தனிகோ ஹோதி.
‘‘ப²ருஸா , பி⁴க்க²வே, வாசா ஆஸேவிதா பா⁴விதா ப³ஹுலீகதா நிரயஸங்வத்தனிகா திரச்சா²னயோனிஸங்வத்தனிகா பெத்திவிஸயஸங்வத்தனிகா. யோ ஸப்³ப³லஹுஸோ ப²ருஸாய வாசாய விபாகோ, மனுஸ்ஸபூ⁴தஸ்ஸ அமனாபஸத்³த³ஸங்வத்தனிகோ ஹோதி.
‘‘ஸம்ப²ப்பலாபோ, பி⁴க்க²வே, ஆஸேவிதோ பா⁴விதோ ப³ஹுலீகதோ நிரயஸங்வத்தனிகோ திரச்சா²னயோனிஸங்வத்தனிகோ பெத்திவிஸயஸங்வத்தனிகோ. யோ ஸப்³ப³லஹுஸோ ஸம்ப²ப்பலாபஸ்ஸ விபாகோ, மனுஸ்ஸபூ⁴தஸ்ஸ அனாதெ³ய்யவாசாஸங்வத்தனிகோ ஹோதி.
‘‘ஸுராமேரயபானங், பி⁴க்க²வே , ஆஸேவிதங் பா⁴விதங் ப³ஹுலீகதங் நிரயஸங்வத்தனிகங் திரச்சா²னயோனிஸங்வத்தனிகங் பெத்திவிஸயஸங்வத்தனிகங். யோ ஸப்³ப³லஹுஸோ ஸுராமேரயபானஸ்ஸ விபாகோ, மனுஸ்ஸபூ⁴தஸ்ஸ உம்மத்தகஸங்வத்தனிகோ ஹோதீ’’தி. த³ஸமங்.
தா³னவக்³கோ³ சதுத்தோ².
தஸ்ஸுத்³தா³னங் –
த்³வே தா³னானி வத்து²ஞ்ச, கெ²த்தங் தா³னூபபத்தியோ;
கிரியங் த்³வே ஸப்புரிஸா, அபி⁴ஸந்தோ³ விபாகோ சாதி.