3. ஸத்தாவாஸவக்³கோ³
1. திடா²னஸுத்தங்
21. ‘‘தீஹி , பி⁴க்க²வே, டா²னேஹி உத்தரகுருகா மனுஸ்ஸா தே³வே ச தாவதிங்ஸே அதி⁴க்³க³ண்ஹந்தி ஜம்பு³தீ³பகே ச மனுஸ்ஸே. கதமேஹி தீஹி? அமமா, அபரிக்³க³ஹா, நியதாயுகா, விஸேஸகு³ணா விஸேஸபு⁴னோ (ஸீ॰ ஸ்யா॰ பீ॰) – இமேஹி கோ², பி⁴க்க²வே, தீஹி டா²னேஹி உத்தரகுருகா மனுஸ்ஸா தே³வே ச தாவதிங்ஸே அதி⁴க்³க³ண்ஹந்தி ஜம்பு³தீ³பகே ச மனுஸ்ஸே.
‘‘தீஹி, பி⁴க்க²வே, டா²னேஹி தே³வா தாவதிங்ஸா உத்தரகுருகே ச மனுஸ்ஸே அதி⁴க்³க³ண்ஹந்தி ஜம்பு³தீ³பகே ச மனுஸ்ஸே. கதமேஹி தீஹி? தி³ப்³பே³ன ஆயுனா, தி³ப்³பே³ன வண்ணேன, தி³ப்³பே³ன ஸுகே²ன – இமேஹி கோ², பி⁴க்க²வே, தீஹி டா²னேஹி தே³வா தாவதிங்ஸா உத்தரகுருகே ச மனுஸ்ஸே அதி⁴க்³க³ண்ஹந்தி ஜம்பு³தீ³பகே ச மனுஸ்ஸே.
கதா²॰ 271 ‘‘தீஹி, பி⁴க்க²வே, டா²னேஹி ஜம்பு³தீ³பகா மனுஸ்ஸா உத்தரகுருகே ச மனுஸ்ஸே அதி⁴க்³க³ண்ஹந்தி தே³வே ச தாவதிங்ஸே. கதமேஹி தீஹி? ஸூரா, ஸதிமந்தோ, இத⁴ ப்³ரஹ்மசரியவாஸோ – இமேஹி கோ², பி⁴க்க²வே, தீஹி டா²னேஹி ஜம்பு³தீ³பகா மனுஸ்ஸா உத்தரகுருகே ச மனுஸ்ஸே அதி⁴க்³க³ண்ஹந்தி தே³வே ச தாவதிங்ஸே’’தி. பட²மங்.
2. அஸ்ஸக²ளுங்கஸுத்தங்
22. அ॰ நி॰ 3.141 ‘‘தயோ ச, பி⁴க்க²வே, அஸ்ஸக²ளுங்கே தே³ஸெஸ்ஸாமி தயோ ச புரிஸக²ளுங்கே தயோ ச அஸ்ஸபரஸ்ஸே அஸ்ஸஸத³ஸ்ஸே (ஸீ॰ ஸ்யா॰ பீ॰) அ॰ நி॰ 3.142 தயோ ச புரிஸபரஸ்ஸே புரிஸஸத³ஸ்ஸே (ஸீ॰ ஸ்யா॰ பீ॰) தயோ ச ப⁴த்³தே³ அஸ்ஸாஜானீயே தயோ ச ப⁴த்³தே³ புரிஸாஜானீயே. தங் ஸுணாத².
‘‘கதமே ச, பி⁴க்க²வே, தயோ அஸ்ஸக²ளுங்கா? இத⁴, பி⁴க்க²வே, ஏகச்சோ அஸ்ஸக²ளுங்கோ ஜவஸம்பன்னோ ஹோதி, ந வண்ணஸம்பன்னோ, ந ஆரோஹபரிணாஹஸம்பன்னோ. இத⁴ பன, பி⁴க்க²வே, ஏகச்சோ அஸ்ஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச, ந ஆரோஹபரிணாஹஸம்பன்னோ. இத⁴ பன, பி⁴க்க²வே, ஏகச்சோ அஸ்ஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ அஸ்ஸக²ளுங்கா.
‘‘கதமே ச, பி⁴க்க²வே, தயோ புரிஸக²ளுங்கா? இத⁴, பி⁴க்க²வே, ஏகச்சோ புரிஸக²ளுங்கோ ஜவஸம்பன்னோ ஹோதி, ந வண்ணஸம்பன்னோ, ந ஆரோஹபரிணாஹஸம்பன்னோ. இத⁴ பன, பி⁴க்க²வே, ஏகச்சோ புரிஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச, ந ஆரோஹபரிணாஹஸம்பன்னோ. இத⁴ பன, பி⁴க்க²வே, ஏகச்சோ புரிஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச.
‘‘கத²ஞ்ச, பி⁴க்க²வே, புரிஸக²ளுங்கோ ஜவஸம்பன்னோ ஹோதி, ந வண்ணஸம்பன்னோ ந ஆரோஹபரிணாஹஸம்பன்னோ? இத⁴, பி⁴க்க²வே, பி⁴க்கு² ‘இத³ங் து³க்க²’ந்தி யதா²பூ⁴தங் பஜானாதி, ‘அயங் து³க்க²ஸமுத³யோ’தி யதா²பூ⁴தங் பஜானாதி, ‘அயங் து³க்க²னிரோதோ⁴’தி யதா²பூ⁴தங் பஜானாதி, ‘அயங் து³க்க²னிரோத⁴கா³மினீ படிபதா³’தி யதா²பூ⁴தங் பஜானாதி. இத³மஸ்ஸ ஜவஸ்மிங் வதா³மி. அபி⁴த⁴ம்மே கோ² பன அபி⁴வினயே பஞ்ஹங் புட்டோ² ஸங்ஸாதே³தி ஸங்ஸாரேதி (க॰) அ॰ நி॰ 1.3.141, நோ விஸ்ஸஜ்ஜேதி. இத³மஸ்ஸ ந வண்ணஸ்மிங் வதா³மி. ந கோ² பன லாபீ⁴ ஹோதி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். இத³மஸ்ஸ ந ஆரோஹபரிணாஹஸ்மிங் வதா³மி. ஏவங் கோ², பி⁴க்க²வே, புரிஸக²ளுங்கோ ஜவஸம்பன்னோ ஹோதி, ந வண்ணஸம்பன்னோ ந ஆரோஹபரிணாஹஸம்பன்னோ.
‘‘கத²ஞ்ச, பி⁴க்க²வே, புரிஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச, ந ஆரோஹபரிணாஹஸம்பன்னோ? இத⁴, பி⁴க்க²வே, பி⁴க்கு² ‘இத³ங் து³க்க²’ந்தி யதா²பூ⁴தங் பஜானாதி…பே॰… ‘அயங் து³க்க²னிரோத⁴கா³மினீ படிபதா³’தி யதா²பூ⁴தங் பஜானாதி. இத³மஸ்ஸ ஜவஸ்மிங் வதா³மி. அபி⁴த⁴ம்மே கோ² பன அபி⁴வினயே பஞ்ஹங் புட்டோ² விஸ்ஸஜ்ஜேதி, நோ ஸங்ஸாதே³தி. இத³மஸ்ஸ வண்ணஸ்மிங் வதா³மி. ந கோ² பன லாபீ⁴ ஹோதி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். இத³மஸ்ஸ ந ஆரோஹபரிணாஹஸ்மிங் வதா³மி. ஏவங் கோ², பி⁴க்க²வே, புரிஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச, ந ஆரோஹபரிணாஹஸம்பன்னோ.
‘‘கத²ஞ்ச , பி⁴க்க²வே, புரிஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச? இத⁴, பி⁴க்க²வே, பி⁴க்கு² ‘இத³ங் து³க்க²’ந்தி யதா²பூ⁴தங் பஜானாதி…பே॰… ‘அயங் து³க்க²னிரோத⁴கா³மினீ படிபதா³’தி யதா²பூ⁴தங் பஜானாதி. இத³மஸ்ஸ ஜவஸ்மிங் வதா³மி. அபி⁴த⁴ம்மே கோ² பன அபி⁴வினயே பஞ்ஹங் புட்டோ² விஸ்ஸஜ்ஜேதி, நோ ஸங்ஸாதே³தி. இத³மஸ்ஸ வண்ணஸ்மிங் வதா³மி. லாபீ⁴ கோ² பன ஹோதி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். இத³மஸ்ஸ ஆரோஹபரிணாஹஸ்மிங் வதா³மி. ஏவங் கோ², பி⁴க்க²வே, புரிஸக²ளுங்கோ ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ புரிஸக²ளுங்கா.
‘‘கதமே ச, பி⁴க்க²வே, தயோ அஸ்ஸபரஸ்ஸா? இத⁴, பி⁴க்க²வே, ஏகச்சோ அஸ்ஸபரஸ்ஸோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ அஸ்ஸபரஸ்ஸா.
‘‘கதமே ச, பி⁴க்க²வே, தயோ புரிஸபரஸ்ஸா? இத⁴, பி⁴க்க²வே, ஏகச்சோ புரிஸபரஸ்ஸோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச.
‘‘கத²ஞ்ச , பி⁴க்க²வே, புரிஸபரஸ்ஸோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச? இத⁴, பி⁴க்க²வே, பி⁴க்கு² பஞ்சன்னங் ஓரம்பா⁴கி³யானங் ஸங்யோஜனானங் பரிக்க²யா ஓபபாதிகோ ஹோதி, தத்த² பரினிப்³பா³யீ அனாவத்தித⁴ம்மோ தஸ்மா லோகா. இத³மஸ்ஸ ஜவஸ்மிங் வதா³மி. அபி⁴த⁴ம்மே கோ² பன அபி⁴வினயே பஞ்ஹங் புட்டோ² விஸ்ஸஜ்ஜேதி, நோ ஸங்ஸாதே³தி. இத³மஸ்ஸ வண்ணஸ்மிங் வதா³மி. லாபீ⁴ கோ² பன ஹோதி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். இத³மஸ்ஸ ஆரோஹபரிணாஹஸ்மிங் வதா³மி. ஏவங் கோ², பி⁴க்க²வே, புரிஸபரஸ்ஸோ ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ புரிஸபரஸ்ஸா.
‘‘கதமே ச, பி⁴க்க²வே, தயோ ப⁴த்³தா³ அஸ்ஸாஜானீயா? இத⁴, பி⁴க்க²வே, ஏகச்சோ ப⁴த்³தோ³ அஸ்ஸாஜானீயோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ ப⁴த்³தா³ அஸ்ஸாஜானீயா.
‘‘கதமே ச, பி⁴க்க²வே, தயோ ப⁴த்³தா³ புரிஸாஜானீயா? இத⁴, பி⁴க்க²வே, ஏகச்சோ ப⁴த்³தோ³ புரிஸாஜானீயோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச.
‘‘கத²ஞ்ச, பி⁴க்க²வே, ப⁴த்³தோ³ புரிஸாஜானீயோ…பே॰… ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச? இத⁴, பி⁴க்க²வே, பி⁴க்கு² ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரதி. இத³மஸ்ஸ ஜவஸ்மிங் வதா³மி. அபி⁴த⁴ம்மே கோ² பன அபி⁴வினயே பஞ்ஹங் புட்டோ² விஸ்ஸஜ்ஜேதி, நோ ஸங்ஸாதே³தி. இத³மஸ்ஸ வண்ணஸ்மிங் வதா³மி. லாபீ⁴ கோ² பன ஹோதி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங். இத³மஸ்ஸ ஆரோஹபரிணாஹஸ்மிங் வதா³மி. ஏவங் கோ², பி⁴க்க²வே, ப⁴த்³தோ³ புரிஸாஜானீயோ ஜவஸம்பன்னோ ச ஹோதி வண்ணஸம்பன்னோ ச ஆரோஹபரிணாஹஸம்பன்னோ ச. இமே கோ², பி⁴க்க²வே, தயோ ப⁴த்³தா³ புரிஸாஜானீயா’’தி. து³தியங்.
3. தண்ஹாமூலகஸுத்தங்
23. தீ³॰ நி॰ 2.103 ‘‘நவ, பி⁴க்க²வே, தண்ஹாமூலகே த⁴ம்மே தே³ஸெஸ்ஸாமி, தங் ஸுணாத². கதமே ச, பி⁴க்க²வே, நவ தண்ஹாமூலகா த⁴ம்மா? தண்ஹங் படிச்ச பரியேஸனா, பரியேஸனங் படிச்ச லாபோ⁴, லாப⁴ங் படிச்ச வினிச்ச²யோ, வினிச்ச²யங் படிச்ச ச²ந்த³ராகோ³, ச²ந்த³ராக³ங் படிச்ச அஜ்ஜோ²ஸானங், அஜ்ஜோ²ஸானங் படிச்ச பரிக்³க³ஹோ, பரிக்³க³ஹங் படிச்ச மச்ச²ரியங், மச்ச²ரியங் படிச்ச ஆரக்கோ², ஆரக்கா²தி⁴கரணங் த³ண்டா³தா³னங் ஸத்தா²தா³னங் கலஹவிக்³க³ஹவிவாத³துவங்துவங்பேஸுஞ்ஞமுஸாவாதா³ அனேகே பாபகா அகுஸலா த⁴ம்மா ஸம்ப⁴வந்தி. இமே கோ², பி⁴க்க²வே, நவ தண்ஹாமூலகா த⁴ம்மா’’தி. ததியங்.
4. ஸத்தாவாஸஸுத்தங்
24. தீ³॰ நி॰ 3.341 ‘‘நவயிமே, பி⁴க்க²வே, ஸத்தாவாஸா. கதமே நவ? ஸந்தி, பி⁴க்க²வே, ஸத்தா நானத்தகாயா நானத்தஸஞ்ஞினோ, ஸெய்யதா²பி மனுஸ்ஸா, ஏகச்சே ச தே³வா, ஏகச்சே ச வினிபாதிகா. அயங் பட²மோ ஸத்தாவாஸோ.
‘‘ஸந்தி , பி⁴க்க²வே, ஸத்தா நானத்தகாயா ஏகத்தஸஞ்ஞினோ, ஸெய்யதா²பி தே³வா ப்³ரஹ்மகாயிகா பட²மாபி⁴னிப்³ப³த்தா. அயங் து³தியோ ஸத்தாவாஸோ.
‘‘ஸந்தி , பி⁴க்க²வே, ஸத்தா ஏகத்தகாயா நானத்தஸஞ்ஞினோ, ஸெய்யதா²பி தே³வா ஆப⁴ஸ்ஸரா. அயங் ததியோ ஸத்தாவாஸோ.
‘‘ஸந்தி, பி⁴க்க²வே, ஸத்தா ஏகத்தகாயா ஏகத்தஸஞ்ஞினோ, ஸெய்யதா²பி தே³வா ஸுப⁴கிண்ஹா. அயங் சதுத்தோ² ஸத்தாவாஸோ.
‘‘ஸந்தி, பி⁴க்க²வே, ஸத்தா அஸஞ்ஞினோ அப்படிஸங்வேதி³னோ, ஸெய்யதா²பி தே³வா அஸஞ்ஞஸத்தா. அயங் பஞ்சமோ ஸத்தாவாஸோ.
‘‘ஸந்தி , பி⁴க்க²வே, ஸத்தா ஸப்³ப³ஸோ ரூபஸஞ்ஞானங் ஸமதிக்கமா படிக⁴ஸஞ்ஞானங் அத்த²ங்க³மா நானத்தஸஞ்ஞானங் அமனஸிகாரா ‘அனந்தோ ஆகாஸோ’தி ஆகாஸானஞ்சாயதனூபகா³. அயங் ச²ட்டோ² ஸத்தாவாஸோ.
‘‘ஸந்தி, பி⁴க்க²வே, ஸத்தா ஸப்³ப³ஸோ ஆகாஸானஞ்சாயதனங் ஸமதிக்கம்ம ‘அனந்தங் விஞ்ஞாண’ந்தி விஞ்ஞாணஞ்சாயதனூபகா³. அயங் ஸத்தமோ ஸத்தாவாஸோ.
‘‘ஸந்தி, பி⁴க்க²வே, ஸத்தா ஸப்³ப³ஸோ விஞ்ஞாணஞ்சாயதனங் ஸமதிக்கம்ம ‘நத்தி² கிஞ்சீ’தி ஆகிஞ்சஞ்ஞாயதனூபகா³. அயங் அட்ட²மோ ஸத்தாவாஸோ.
‘‘ஸந்தி, பி⁴க்க²வே, ஸத்தா ஸப்³ப³ஸோ ஆகிஞ்சஞ்ஞாயதனங் ஸமதிக்கம்ம நேவஸஞ்ஞானாஸஞ்ஞாயதனூபகா³. அயங் நவமோ ஸத்தாவாஸோ. இமே கோ², பி⁴க்க²வே, நவ ஸத்தாவாஸா’’தி. சதுத்த²ங்.
5. பஞ்ஞாஸுத்தங்
25. ‘‘யதோ கோ², பி⁴க்க²வே, பி⁴க்கு²னோ பஞ்ஞாய சித்தங் ஸுபரிசிதங் ஹோதி, தஸ்ஸேதங், பி⁴க்க²வே, பி⁴க்கு²னோ கல்லங் வசனாய – ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி.
‘‘கத²ஞ்ச , பி⁴க்க²வே, பி⁴க்கு²னோ பஞ்ஞாய சித்தங் ஸுபரிசிதங் ஹோதி? ‘வீதராக³ங் மே சித்த’ந்தி பஞ்ஞாய சித்தங் ஸுபரிசிதங் ஹோதி; ‘வீததோ³ஸங் மே சித்த’ந்தி பஞ்ஞாய சித்தங் ஸுபரிசிதங் ஹோதி; ‘வீதமோஹங் மே சித்த’ந்தி பஞ்ஞாய சித்தங் ஸுபரிசிதங் ஹோதி; ‘அஸராக³த⁴ம்மங் மே சித்த’ந்தி பஞ்ஞாய சித்தங் ஸுபரிசிதங் ஹோதி; ‘அஸதோ³ஸத⁴ம்மங் மே சித்த’ந்தி பஞ்ஞாய சித்தங் ஸுபரிசிதங் ஹோதி; ‘அஸமோஹத⁴ம்மங் மே சித்த’ந்தி பஞ்ஞாய சித்தங் ஸுபரிசிதங் ஹோதி; ‘அனாவத்தித⁴ம்மங் மே சித்தங் காமப⁴வாயா’தி பஞ்ஞாய சித்தங் ஸுபரிசிதங் ஹோதி; ‘அனாவத்தித⁴ம்மங் மே சித்தங் ரூபப⁴வாயா’தி பஞ்ஞாய சித்தங் ஸுபரிசிதங் ஹோதி; ‘அனாவத்தித⁴ம்மங் மே சித்தங் அரூபப⁴வாயா’தி பஞ்ஞாய சித்தங் ஸுபரிசிதங் ஹோதி. யதோ கோ², பி⁴க்க²வே, பி⁴க்கு²னோ பஞ்ஞாய சித்தங் ஸுபரிசிதங் ஹோதி, தஸ்ஸேதங், பி⁴க்க²வே, பி⁴க்கு²னோ கல்லங் வசனாய – ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி. பஞ்சமங்.
6. ஸிலாயூபஸுத்தங்
26. ஏகங் ஸமயங் ஆயஸ்மா ச ஸாரிபுத்தோ ஆயஸ்மா ச சந்தி³காபுத்தோ ராஜக³ஹே விஹரந்தி வேளுவனே கலந்த³கனிவாபே. தத்ர கோ² ஆயஸ்மா சந்தி³காபுத்தோ பி⁴க்கூ² ஆமந்தேஸி ( ) (ஆவுஸோ…பே॰… ஏதத³வோச) (ஸீ॰) – ‘‘தே³வத³த்தோ, ஆவுஸோ, பி⁴க்கூ²னங் ஏவங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – ‘கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி.
ஏவங் வுத்தே ஆயஸ்மா ஸாரிபுத்தோ ஆயஸ்மந்தங் சந்தி³காபுத்தங் ஏதத³வோச – ‘‘ந கோ², ஆவுஸோ சந்தி³காபுத்த, தே³வத³த்தோ பி⁴க்கூ²னங் ஏவங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’தி. ஏவஞ்ச கோ², ஆவுஸோ, சந்தி³காபுத்த, தே³வத³த்தோ பி⁴க்கூ²னங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சித்தங் ஸுபரிசிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி.
து³தியம்பி கோ² ஆயஸ்மா சந்தி³காபுத்தோ பி⁴க்கூ² ஆமந்தேஸி – ‘‘தே³வத³த்தோ, ஆவுஸோ, பி⁴க்கூ²னங் ஏவங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி. து³தியம்பி கோ² ஆயஸ்மா ஸாரிபுத்தோ ஆயஸ்மந்தங் சந்தி³காபுத்தங் ஏதத³வோச – ‘‘ந கோ², ஆவுஸோ சந்தி³காபுத்த, தே³வத³த்தோ பி⁴க்கூ²னங் ஏவங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’தி. ஏவஞ்ச கோ², ஆவுஸோ சந்தி³காபுத்த, தே³வத³த்தோ பி⁴க்கூ²னங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சித்தங் ஸுபரிசிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி.
ததியம்பி கோ² ஆயஸ்மா சந்தி³காபுத்தோ பி⁴க்கூ² ஆமந்தேஸி – ‘‘தே³வத³த்தோ, ஆவுஸோ, பி⁴க்கூ²னங் ஏவங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி. ததியம்பி கோ² ஆயஸ்மா ஸாரிபுத்தோ ஆயஸ்மந்தங் சந்தி³காபுத்தங் ஏதத³வோச – ‘‘ந கோ², ஆவுஸோ சந்தி³காபுத்த, தே³வத³த்தோ பி⁴க்கூ²னங் ஏவங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’தி. ஏவஞ்ச கோ², ஆவுஸோ சந்தி³காபுத்த, தே³வத³த்தோ பி⁴க்கூ²னங் த⁴ம்மங் தே³ஸேதி – ‘யதோ கோ², ஆவுஸோ, பி⁴க்கு²னோ சேதஸா சித்தங் ஸுபரிசிதங் ஹோதி, தஸ்ஸேதங் பி⁴க்கு²னோ கல்லங் வெய்யாகரணாய – கீ²ணா ஜாதி, வுஸிதங் ப்³ரஹ்மசரியங், கதங் கரணீயங், நாபரங் இத்த²த்தாயாதி பஜானாமீ’’’தி.
‘‘கத²ஞ்ச, ஆவுஸோ, பி⁴க்கு²னோ சேதஸா சித்தங் ஸுபரிசிதங் ஹோதி? ‘வீதராக³ங் மே சித்த’ந்தி சேதஸா சித்தங் ஸுபரிசிதங் ஹோதி; ‘வீததோ³ஸங் மே சித்த’ந்தி சேதஸா சித்தங் ஸுபரிசிதங் ஹோதி; ‘வீதமோஹங் மே சித்த’ந்தி சேதஸா சித்தங் ஸுபரிசிதங் ஹோதி; ‘அஸராக³த⁴ம்மங் மே சித்த’ந்தி சேதஸா சித்தங் ஸுபரிசிதங் ஹோதி; ‘அஸதோ³ஸத⁴ம்மங் மே சித்த’ந்தி சேதஸா சித்தங் ஸுபரிசிதங் ஹோதி; ‘அஸமோஹத⁴ம்மங் மே சித்த’ந்தி சேதஸா சித்தங் ஸுபரிசிதங் ஹோதி; ‘அனாவத்தித⁴ம்மங் மே சித்தங் காமப⁴வாயா’தி சேதஸா சித்தங் ஸுபரிசிதங் ஹோதி; ‘அனாவத்தித⁴ம்மங் மே சித்தங் ரூபப⁴வாயா’தி சேதஸா சித்தங் ஸுபரிசிதங் ஹோதி; ‘அனாவத்தித⁴ம்மங் மே சித்தங் அரூபப⁴வாயா’தி சேதஸா சித்தங் ஸுபரிசிதங் ஹோதி. ஏவங் ஸம்மா விமுத்தசித்தஸ்ஸ கோ², ஆவுஸோ, பி⁴க்கு²னோ பு⁴ஸா சேபி சக்கு²விஞ்ஞெய்யா ரூபா சக்கு²ஸ்ஸ ஆபாத²ங் ஆக³ச்ச²ந்தி, நேவஸ்ஸ சித்தங் பரியாதி³யந்தி; அமிஸ்ஸீகதமேவஸ்ஸ சித்தங் ஹோதி டி²தங் ஆனேஞ்ஜப்பத்தங், வயங் சஸ்ஸானுபஸ்ஸதி.
‘‘ஸெய்யதா²பி, ஆவுஸோ, ஸிலாயூபோ ஸோளஸகுக்குகோ. தஸ்ஸஸ்ஸு அட்ட² குக்கூ ஹெட்டா² நேமங்க³மா, அட்ட² குக்கூ உபரி நேமஸ்ஸ. அத² புரத்தி²மாய சேபி தி³ஸாய ஆக³ச்செ²ய்ய பு⁴ஸா வாதவுட்டி², நேவ நங் ஸங்கம்பெய்ய ந ஸம்பவேதெ⁴ய்ய; அத² பச்சி²மாய… அத² உத்தராய… அத² த³க்கி²ணாய சேபி தி³ஸாய ஆக³ச்செ²ய்ய பு⁴ஸா வாதவுட்டி², நேவ நங் ஸங்கம்பெய்ய ந ஸம்பவேதெ⁴ய்ய. தங் கிஸ்ஸ ஹேது? க³ம்பீ⁴ரத்தா, ஆவுஸோ, நேமஸ்ஸ, ஸுனிகா²தத்தா ஸிலாயூபஸ்ஸ. ஏவமேவங் கோ², ஆவுஸோ, ஸம்மா விமுத்தசித்தஸ்ஸ பி⁴க்கு²னோ பு⁴ஸா சேபி சக்கு²விஞ்ஞெய்யா ரூபா சக்கு²ஸ்ஸ ஆபாத²ங் ஆக³ச்ச²ந்தி, நேவஸ்ஸ சித்தங் பரியாதி³யந்தி; அமிஸ்ஸீகதமேவஸ்ஸ சித்தங் ஹோதி டி²தங் ஆனேஞ்ஜப்பத்தங், வயங் சஸ்ஸானுபஸ்ஸதி.
‘‘பு⁴ஸா சேபி ஸோதவிஞ்ஞெய்யா ஸத்³தா³… கா⁴னவிஞ்ஞெய்யா க³ந்தா⁴… ஜிவ்ஹாவிஞ்ஞெய்யா ரஸா… காயவிஞ்ஞெய்யா பொ²ட்ட²ப்³பா³… மனோவிஞ்ஞெய்யா த⁴ம்மா மனஸ்ஸ ஆபாத²ங் ஆக³ச்ச²ந்தி, நேவஸ்ஸ சித்தங் பரியாதி³யந்தி; அமிஸ்ஸீகதமேவஸ்ஸ சித்தங் ஹோதி டி²தங் ஆனேஞ்ஜப்பத்தங், வயங் சஸ்ஸானுபஸ்ஸதீ’’தி. ச²ட்ட²ங்.
7. பட²மவேரஸுத்தங்
27. அ॰ நி॰ 9.92; ஸங்॰ நி॰ 5.1024 அத² கோ² அனாத²பிண்டி³கோ க³ஹபதி யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னங் கோ² அனாத²பிண்டி³கங் க³ஹபதிங் ப⁴க³வா ஏதத³வோச –
‘‘யதோ கோ², க³ஹபதி, அரியஸாவகஸ்ஸ பஞ்ச ப⁴யானி வேரானி வூபஸந்தானி ஹொந்தி, சதூஹி ச ஸோதாபத்தியங்கே³ஹி ஸமன்னாக³தோ ஹோதி, ஸோ ஆகங்க²மானோ அத்தனாவ அத்தானங் ப்³யாகரெய்ய – ‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ, ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’’தி.
‘‘கதமானி பஞ்ச ப⁴யானி வேரானி வூபஸந்தானி ஹொந்தி? யங், க³ஹபதி, பாணாதிபாதீ பாணாதிபாதபச்சயா தி³ட்ட²த⁴ம்மிகம்பி ப⁴யங் வேரங் பஸவதி, ஸம்பராயிகம்பி ப⁴யங் வேரங் பஸவதி, சேதஸிகம்பி து³க்க²ங் தோ³மனஸ்ஸங் படிஸங்வேதே³தி, பாணாதிபாதா படிவிரதோ நேவ தி³ட்ட²த⁴ம்மிகம்பி ப⁴யங் வேரங் பஸவதி, ந ஸம்பராயிகம்பி ப⁴யங் வேரங் பஸவதி, ந சேதஸிகம்பி து³க்க²ங் தோ³மனஸ்ஸங் படிஸங்வேதே³தி. பாணாதிபாதா படிவிரதஸ்ஸ ஏவங் தங் ப⁴யங் வேரங் வூபஸந்தங் ஹோதி.
‘‘யங், க³ஹபதி, அதி³ன்னாதா³யீ…பே॰… காமேஸுமிச்சா²சாரீ… முஸாவாதீ³… ஸுராமேரயமஜ்ஜபமாத³ட்டா²யீ ஸுராமேரயமஜ்ஜபமாத³ட்டா²னபச்சயா தி³ட்ட²த⁴ம்மிகம்பி ப⁴யங் வேரங் பஸவதி, ஸம்பராயிகம்பி ப⁴யங் வேரங் பஸவதி, சேதஸிகம்பி து³க்க²ங் தோ³மனஸ்ஸங் படிஸங்வேதே³தி, ஸுராமேரயமஜ்ஜபமாத³ட்டா²னா படிவிரதோ நேவ தி³ட்ட²த⁴ம்மிகம்பி ப⁴யங் வேரங் பஸவதி, ந ஸம்பராயிகம்பி ப⁴யங் வேரங் பஸவதி, ந சேதஸிகம்பி து³க்க²ங் தோ³மனஸ்ஸங் படிஸங்வேதே³தி. ஸுராமேரயமஜ்ஜபமாத³ட்டா²னா படிவிரதஸ்ஸ ஏவங் தங் ப⁴யங் வேரங் வூபஸந்தங் ஹோதி. இமானி பஞ்ச ப⁴யானி வேரானி வூபஸந்தானி ஹொந்தி.
‘‘கதமேஹி சதூஹி ஸோதாபத்தியங்கே³ஹி ஸமன்னாக³தோ ஹோதி? இத⁴, க³ஹபதி, அரியஸாவகோ பு³த்³தே⁴ அவேச்சப்பஸாதே³ன ஸமன்னாக³தோ ஹோதி – ‘இதிபி ஸோ ப⁴க³வா அரஹங் ஸம்மாஸம்பு³த்³தோ⁴ விஜ்ஜாசரணஸம்பன்னோ ஸுக³தோ லோகவிதூ³ அனுத்தரோ புரிஸத³ம்மஸாரதி² ஸத்தா² தே³வமனுஸ்ஸானங் பு³த்³தோ⁴ ப⁴க³வா’’’தி.
த⁴ம்மே அவேச்சப்பஸாதே³ன ஸமன்னாக³தோ ஹோதி – ‘ஸ்வாக்கா²தோ ப⁴க³வதா த⁴ம்மோ ஸந்தி³ட்டி²கோ அகாலிகோ ஏஹிபஸ்ஸிகோ ஓபனெய்யிகோ பச்சத்தங் வேதி³தப்³போ³ விஞ்ஞூஹீ’தி.
ஸங்கே⁴ அவேச்சப்பஸாதே³ன ஸமன்னாக³தோ ஹோதி – ‘ஸுப்படிபன்னோ ப⁴க³வதோ ஸாவகஸங்கோ⁴ உஜுப்படிபன்னோ ப⁴க³வதோ ஸாவகஸங்கோ⁴ ஞாயப்படிபன்னோ ப⁴க³வதோ ஸாவகஸங்கோ⁴ ஸாமீசிப்படிபன்னோ ப⁴க³வதோ ஸாவகஸங்கோ⁴; யதி³த³ங் சத்தாரி புரிஸயுகா³னி அட்ட² புரிஸபுக்³க³லா ஏஸ ப⁴க³வதோ ஸாவகஸங்கோ⁴ ஆஹுனெய்யோ பாஹுனெய்யோ த³க்கி²ணெய்யோ அஞ்ஜலிகரணீயோ அனுத்தரங் புஞ்ஞக்கெ²த்தங் லோகஸ்ஸா’தி.
அரியகந்தேஹி ஸீலேஹி ஸமன்னாக³தோ ஹோதி அக²ண்டே³ஹி அச்சி²த்³தே³ஹி அஸப³லேஹி அகம்மாஸேஹி பு⁴ஜிஸ்ஸேஹி விஞ்ஞுப்பஸத்தே²ஹி அபராமட்டே²ஹி ஸமாதி⁴ஸங்வத்தனிகேஹி. இமேஹி சதூஹி ஸோதாபத்தியங்கே³ஹி ஸமன்னாக³தோ ஹோதி.
‘‘யதோ கோ², க³ஹபதி, அரியஸாவகஸ்ஸ இமானி பஞ்ச ப⁴யானி வேரானி வூபஸந்தானி ஹொந்தி, இமேஹி ச சதூஹி ஸோதாபத்தியங்கே³ஹி ஸமன்னாக³தோ ஹோதி, ஸோ ஆகங்க²மானோ அத்தனாவ அத்தானங் ப்³யாகரெய்ய – ‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ; ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’’தி. ஸத்தமங்.
8. து³தியவேரஸுத்தங்
28. ஸங்॰ நி॰ 5.1025 ‘‘யதோ கோ², பி⁴க்க²வே, அரியஸாவகஸ்ஸ பஞ்ச ப⁴யானி வேரானி வூபஸந்தானி ஹொந்தி, சதூஹி ச ஸோதாபத்தியங்கே³ஹி ஸமன்னாக³தோ ஹோதி, ஸோ ஆகங்க²மானோ அத்தனாவ அத்தானங் ப்³யாகரெய்ய – ‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ; ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’’தி.
‘‘கதமானி பஞ்ச ப⁴யானி வேரானி வூபஸந்தானி ஹொந்தி? யங், பி⁴க்க²வே, பாணாதிபாதீ பாணாதிபாதபச்சயா தி³ட்ட²த⁴ம்மிகம்பி ப⁴யங் வேரங் பஸவதி, ஸம்பராயிகம்பி ப⁴யங் வேரங் பஸவதி, சேதஸிகம்பி து³க்க²ங் தோ³மனஸ்ஸங் படிஸங்வேதே³தி, பாணாதிபாதா படிவிரதோ…பே॰… ஏவங் தங் ப⁴யங் வேரங் வூபஸந்தங் ஹோதி.
‘‘யங், பி⁴க்க²வே, அதி³ன்னாதா³யீ…பே॰… ஸுராமேரயமஜ்ஜபமாத³ட்டா²யீ ஸுராமேரயமஜ்ஜபமாத³ட்டா²னபச்சயா தி³ட்ட²த⁴ம்மிகம்பி ப⁴யங் வேரங் பஸவதி, ஸம்பராயிகம்பி ப⁴யங் வேரங் பஸவதி, சேதஸிகம்பி து³க்க²ங் தோ³மனஸ்ஸங் படிஸங்வேதே³தி, ஸுராமேரயமஜ்ஜபமாத³ட்டா²னா படிவிரதோ நேவ தி³ட்ட²த⁴ம்மிகம்பி ப⁴யங் வேரங் பஸவதி, ந ஸம்பராயிகம்பி ப⁴யங் வேரங் பஸவதி, ந சேதஸிகம்பி து³க்க²ங் தோ³மனஸ்ஸங் படிஸங்வேதே³தி. ஸுராமேரயமஜ்ஜபமாத³ட்டா²னா படிவிரதஸ்ஸ ஏவங் தங் ப⁴யங் வேரங் வூபஸந்தங் ஹோதி. இமானி பஞ்ச ப⁴யானி வேரானி வூபஸந்தானி ஹொந்தி.
‘‘கதமேஹி சதூஹி ஸோதாபத்தியங்கே³ஹி ஸமன்னாக³தோ ஹோதி? இத⁴, பி⁴க்க²வே, அரியஸாவகோ பு³த்³தே⁴ அவேச்சப்பஸாதே³ன ஸமன்னாக³தோ ஹோதி – ‘இதிபி ஸோ ப⁴க³வா…பே॰… ஸத்தா² தே³வமனுஸ்ஸானங் பு³த்³தோ⁴ ப⁴க³வா’தி. த⁴ம்மே…பே॰… ஸங்கே⁴… அரியகந்தேஹி ஸீலேஹி ஸமன்னாக³தோ ஹோதி அக²ண்டே³ஹி அச்சி²த்³தே³ஹி அஸப³லேஹி அகம்மாஸேஹி பு⁴ஜிஸ்ஸேஹி விஞ்ஞுப்பஸத்தே²ஹி அபராமட்டே²ஹி ஸமாதி⁴ஸங்வத்தனிகேஹி. இமேஹி சதூஹி ஸோதாபத்தியங்கே³ஹி ஸமன்னாக³தோ ஹோதி.
‘‘யதோ கோ², பி⁴க்க²வே, அரியஸாவகஸ்ஸ இமானி பஞ்ச ப⁴யானி வேரானி வூபஸந்தானி ஹொந்தி, இமேஹி ச சதூஹி ஸோதாபத்தியங்கே³ஹி ஸமன்னாக³தோ ஹோதி, ஸோ ஆகங்க²மானோ அத்தனாவ அத்தானங் ப்³யாகரெய்ய – ‘கீ²ணனிரயொம்ஹி கீ²ணதிரச்சா²னயோனி கீ²ணபெத்திவிஸயோ கீ²ணாபாயது³க்³க³திவினிபாதோ ; ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’’தி. அட்ட²மங்.
9. ஆகா⁴தவத்து²ஸுத்தங்
29. விப⁴॰ 960; தீ³॰ நி॰ 3.340; அ॰ நி॰ 10.79 ‘‘நவயிமானி, பி⁴க்க²வே, ஆகா⁴தவத்தூ²னி. கதமானி நவ? ‘அனத்த²ங் மே அசரீ’தி ஆகா⁴தங் ப³ந்த⁴தி; ‘அனத்த²ங் மே சரதீ’தி ஆகா⁴தங் ப³ந்த⁴தி; ‘அனத்த²ங் மே சரிஸ்ஸதீ’தி ஆகா⁴தங் ப³ந்த⁴தி; ‘பியஸ்ஸ மே மனாபஸ்ஸ அனத்த²ங் அசரீ’தி…பே॰… ‘அனத்த²ங் சரதீ’தி…பே॰… ‘அனத்த²ங் சரிஸ்ஸதீ’தி ஆகா⁴தங் ப³ந்த⁴தி; ‘அப்பியஸ்ஸ மே அமனாபஸ்ஸ அத்த²ங் அசரீ’தி …பே॰… ‘அத்த²ங் சரதீ’தி…பே॰… ‘அத்த²ங் சரிஸ்ஸதீ’தி ஆகா⁴தங் ப³ந்த⁴தி. இமானி கோ², பி⁴க்க²வே, நவ ஆகா⁴தவத்தூ²னீ’’தி. நவமங்.
10. ஆகா⁴தபடிவினயஸுத்தங்
30. தீ³॰ நி॰ 3.340, 359 ‘‘நவயிமே, பி⁴க்க²வே, ஆகா⁴தபடிவினயா. கதமே நவ? ‘அனத்த²ங் மே அசரி அசரீதி (ஸ்யா॰), ஏவங் ‘‘சரதி, சரிஸ்ஸதி’’ பதே³ஸுபி, தங் குதெத்த² லப்³பா⁴’தி ஆகா⁴தங் படிவினேதி; ‘அனத்த²ங் மே சரதி, தங் குதெத்த² லப்³பா⁴’தி ஆகா⁴தங் படிவினேதி; ‘அனத்த²ங் மே சரிஸ்ஸதி, தங் குதெத்த² லப்³பா⁴’தி ஆகா⁴தங் படிவினேதி; பியஸ்ஸ மே மனாபஸ்ஸ அனத்த²ங் அசரி…பே॰… அனத்த²ங் சரதி…பே॰… ‘அனத்த²ங் சரிஸ்ஸதி, தங் குதெத்த² லப்³பா⁴’தி ஆகா⁴தங் படிவினேதி; அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங் சரதி…பே॰… ‘அத்த²ங் சரிஸ்ஸதி, தங் குதெத்த² லப்³பா⁴’தி ஆகா⁴தங் படிவினேதி. இமே கோ², பி⁴க்க²வே, நவ ஆகா⁴தபடிவினயா’’தி. த³ஸமங்.
11. அனுபுப்³ப³னிரோத⁴ஸுத்தங்
31. ‘‘நவயிமே, பி⁴க்க²வே, அனுபுப்³ப³னிரோதா⁴. கதமே நவ? பட²மங் ஜா²னங் ஸமாபன்னஸ்ஸ காமஸஞ்ஞா ஆமிஸ்ஸஸஞ்ஞா (ஸ்யா॰) நிருத்³தா⁴ ஹோதி; து³தியங் ஜா²னங் ஸமாபன்னஸ்ஸ விதக்கவிசாரா நிருத்³தா⁴ ஹொந்தி; ததியங் ஜா²னங் ஸமாபன்னஸ்ஸ பீதி நிருத்³தா⁴ ஹோதி; சதுத்த²ங் ஜா²னங் ஸமாபன்னஸ்ஸ அஸ்ஸாஸபஸ்ஸாஸா நிருத்³தா⁴ ஹொந்தி; ஆகாஸானஞ்சாயதனங் ஸமாபன்னஸ்ஸ ரூபஸஞ்ஞா நிருத்³தா⁴ ஹோதி; விஞ்ஞாணஞ்சாயதனங் ஸமாபன்னஸ்ஸ ஆகாஸானஞ்சாயதனஸஞ்ஞா நிருத்³தா⁴ ஹோதி; ஆகிஞ்சஞ்ஞாயதனங் ஸமாபன்னஸ்ஸ விஞ்ஞாணஞ்சாயதனஸஞ்ஞா நிருத்³தா⁴ ஹோதி ; நேவஸஞ்ஞானாஸஞ்ஞாயதனங் ஸமாபன்னஸ்ஸ ஆகிஞ்சஞ்ஞாயதனஸஞ்ஞா நிருத்³தா⁴ ஹோதி; ஸஞ்ஞாவேத³யிதனிரோத⁴ங் ஸமாபன்னஸ்ஸ ஸஞ்ஞா ச வேத³னா ச நிருத்³தா⁴ ஹொந்தி. இமே கோ², பி⁴க்க²வே, நவ அனுபுப்³ப³னிரோதா⁴’’தி தீ³॰ நி॰ 3.344, 349. ஏகாத³ஸமங்.
ஸத்தாவாஸவக்³கோ³ ததியோ.
தஸ்ஸுத்³தா³னங் –
திடா²னங் க²ளுங்கோ தண்ஹா, ஸத்தபஞ்ஞா ஸிலாயுபோ;
த்³வே வேரா த்³வே ஆகா⁴தானி, அனுபுப்³ப³னிரோதே⁴ன சாதி.