(8) 3. ஆகங்க²வக்³கோ³
1. ஆகங்க²ஸுத்தங்
71. அ॰ நி॰ 4.12; இதிவு॰ 111 ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தத்ர கோ² ப⁴க³வா பி⁴க்கூ² ஆமந்தேஸி – ‘‘பி⁴க்க²வோ’’தி. ‘‘ப⁴த³ந்தே’’தி தே பி⁴க்கூ² ப⁴க³வதோ பச்சஸ்ஸோஸுங். ப⁴க³வா ஏதத³வோச –
‘‘ஸம்பன்னஸீலா , பி⁴க்க²வே, விஹரத² ஸம்பன்னபாதிமொக்கா², பாதிமொக்க²ஸங்வரஸங்வுதா விஹரத² ஆசாரகோ³சரஸம்பன்னா அணுமத்தேஸு வஜ்ஜேஸு ப⁴யத³ஸ்ஸாவினோ, ஸமாதா³ய ஸிக்க²த² ஸிக்கா²பதே³ஸு.
‘‘ஆகங்கெ²ய்ய சே, பி⁴க்க²வே, பி⁴க்கு² ‘ஸப்³ரஹ்மசாரீனங் பியோ சஸ்ஸங் மனாபோ ச க³ரு ச பா⁴வனீயோ சா’தி, ஸீலெஸ்வேவஸ்ஸ பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘லாபீ⁴ அஸ்ஸங் சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரான’ந்தி, ஸீலெஸ்வேவஸ்ஸ பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘யேஸாஹங் பரிபு⁴ஞ்ஜாமி சீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரானங் தேஸங் தே காரா மஹப்ப²லா அஸ்ஸு மஹானிஸங்ஸா’தி, ஸீலெஸ்வேவஸ்ஸ…பே॰… ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே , பி⁴க்கு² ‘யே மே யே மங் (ம॰ நி॰ 1.65) பேதா ஞாதீ ஸாலோஹிதா காலங்கதா காலகதா (ஸீ॰ ஸ்யா॰ கங்॰ பீ॰) பஸன்னசித்தா அனுஸ்ஸரந்தி தேஸங் தங் மஹப்ப²லங் அஸ்ஸ மஹானிஸங்ஸ’ந்தி, ஸீலெஸ்வேவஸ்ஸ…பே॰… ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘ஸந்துட்டோ² அஸ்ஸங் இதரீதரசீவரபிண்ட³பாதஸேனாஸனகி³லானபச்சயபே⁴ஸஜ்ஜபரிக்கா²ரேனா’தி, ஸீலெஸ்வேவஸ்ஸ…பே॰… ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘க²மோ அஸ்ஸங் ஸீதஸ்ஸ உண்ஹஸ்ஸ ஜிக⁴ச்சா²ய பிபாஸாய ட³ங்ஸமகஸவாதாதபஸரீஸபஸம்ப²ஸ்ஸானங், து³ருத்தானங் து³ராக³தானங் வசனபதா²னங் உப்பன்னானங் ஸாரீரிகானங் வேத³னானங் து³க்கா²னங் திப்³பா³னங் திப்பானங் (ஸீ॰ ஸ்யா॰ கங்॰ பீ॰) க²ரானங் கடுகானங் அஸாதானங் அமனாபானங் பாணஹரானங் அதி⁴வாஸகஜாதிகோ அஸ்ஸ’ந்தி, ஸீலெஸ்வேவஸ்ஸ…பே॰… ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘அரதிரதிஸஹோ அஸ்ஸங், ந ச மங் அரதிரதி ஸஹெய்ய, உப்பன்னங் அரதிரதிங் அபி⁴பு⁴ய்ய அபி⁴பு⁴ய்ய விஹரெய்ய’ந்தி, ஸீலெஸ்வேவஸ்ஸ…பே॰… ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘ப⁴யபே⁴ரவஸஹோ அஸ்ஸங், ந ச மங் ப⁴யபே⁴ரவோ ஸஹெய்ய, உப்பன்னங் ப⁴யபே⁴ரவங் அபி⁴பு⁴ய்ய அபி⁴பு⁴ய்ய விஹரெய்ய’ந்தி, ஸீலெஸ்வேவஸ்ஸ…பே॰… ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘சதுன்னங் ஜா²னானங் ஆபி⁴சேதஸிகானங் தி³ட்ட²த⁴ம்மஸுக²விஹாரானங் நிகாமலாபீ⁴ அஸ்ஸங் அகிச்ச²லாபீ⁴ அகஸிரலாபீ⁴’தி, ஸீலெஸ்வேவஸ்ஸ…பே॰… ப்³ரூஹேதா ஸுஞ்ஞாகா³ரானங்.
‘‘ஆகங்கெ²ய்ய சே, பி⁴க்க²வே, பி⁴க்கு² ‘ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரெய்ய’ந்தி, ஸீலெஸ்வேவஸ்ஸ பரிபூரகாரீ அஜ்ஜ²த்தங் சேதோஸமத²மனுயுத்தோ அனிராகதஜ்ஜா²னோ விபஸ்ஸனாய ஸமன்னாக³தோ ப்³ரூஹேதா ஸுஞ்ஞாகா³ரானங்.
‘‘‘ஸம்பன்னஸீலா, பி⁴க்க²வே, விஹரத² ஸம்பன்னபாதிமொக்கா², பாதிமொக்க²ஸங்வரஸங்வுதா விஹரத² ஆசாரகோ³சரஸம்பன்னா அணுமத்தேஸு வஜ்ஜேஸு ப⁴யத³ஸ்ஸாவினோ, ஸமாதா³ய ஸிக்க²த² ஸிக்கா²பதே³ஸூ’தி, இதி யங் தங் வுத்தங், இத³மேதங் படிச்ச வுத்த’’ந்தி. பட²மங்.
2. கண்டகஸுத்தங்
72. ஏகங் ஸமயங் ப⁴க³வா வேஸாலியங் விஹரதி மஹாவனே கூடாகா³ரஸாலாயங் ஸம்ப³ஹுலேஹி அபி⁴ஞ்ஞாதேஹி அபி⁴ஞ்ஞாதேஹி தே²ரேஹி ஸாவகேஹி ஸத்³தி⁴ங் – ஆயஸ்மதா ச சாலேன பாலேன (ஸ்யா॰), ஆயஸ்மதா ச உபசாலேன உப்பாலேன (ஸ்யா॰), ஆயஸ்மதா ச குக்குடேன கக்கடேன (ஸீ॰ ஸ்யா॰), ஆயஸ்மதா ச களிம்பே⁴ன கவிம்பே⁴ன (ஸீ॰), ஆயஸ்மதா ச நிகடேன கடேன (ஸீ॰), ஆயஸ்மதா ச கடிஸ்ஸஹேன; அஞ்ஞேஹி ச அபி⁴ஞ்ஞாதேஹி அபி⁴ஞ்ஞாதேஹி தே²ரேஹி ஸாவகேஹி ஸத்³தி⁴ங்.
தேன கோ² பன ஸமயேன ஸம்ப³ஹுலா அபி⁴ஞ்ஞாதா அபி⁴ஞ்ஞாதா லிச்ச²வீ ப⁴த்³ரேஹி ப⁴த்³ரேஹி யானேஹி பரபுராய பரங்புராய (ஸ்யா॰ அட்ட²॰) உச்சாஸத்³தா³ மஹாஸத்³தா³ மஹாவனங் அஜ்ஜோ²கா³ஹந்தி ப⁴க³வந்தங் த³ஸ்ஸனாய. அத² கோ² தேஸங் ஆயஸ்மந்தானங் ஏதத³ஹோஸி – ‘‘இமே கோ² ஸம்ப³ஹுலா அபி⁴ஞ்ஞாதா அபி⁴ஞ்ஞாதா லிச்ச²வீ ப⁴த்³ரேஹி ப⁴த்³ரேஹி யானேஹி பரபுராய உச்சாஸத்³தா³ மஹாஸத்³தா³ மஹாவனங் அஜ்ஜோ²கா³ஹந்தி ப⁴க³வந்தங் த³ஸ்ஸனாய. ‘ஸத்³த³கண்டகா கோ² பன ஜா²னா’ வுத்தா ப⁴க³வதா. யங்னூன மயங் யேன கோ³ஸிங்க³ஸாலவனதா³யோ தேனுபஸங்கமெய்யாம . தத்த² மயங் அப்பஸத்³தா³ அப்பாகிண்ணா பா²ஸுங் பா²ஸு (ஸ்யா॰ க॰) விஹரெய்யாமா’’தி. அத² கோ² தே ஆயஸ்மந்தோ யேன கோ³ஸிங்க³ஸாலவனதா³யோ தேனுபஸங்கமிங்ஸு; தத்த² தே ஆயஸ்மந்தோ அப்பஸத்³தா³ அப்பாகிண்ணா பா²ஸுங் விஹரந்தி.
அத² கோ² ப⁴க³வா பி⁴க்கூ² ஆமந்தேஸி – ‘‘கஹங் நு கோ², பி⁴க்க²வே, சாலோ, கஹங் உபசாலோ, கஹங் குக்குடோ, கஹங் களிம்போ⁴, கஹங் நிகடோ, கஹங் கடிஸ்ஸஹோ; கஹங் நு கோ² தே, பி⁴க்க²வே, தே²ரா ஸாவகா க³தா’’தி?
‘‘இத⁴, ப⁴ந்தே, தேஸங் ஆயஸ்மந்தானங் ஏதத³ஹோஸி – ‘இமே கோ² ஸம்ப³ஹுலா அபி⁴ஞ்ஞாதா அபி⁴ஞ்ஞாதா லிச்ச²வீ ப⁴த்³ரேஹி ப⁴த்³ரேஹி யானேஹி பரபுராய உச்சாஸத்³தா³ மஹாஸத்³தா³ மஹாவனங் அஜ்ஜோ²கா³ஹந்தி ப⁴க³வந்தங் த³ஸ்ஸனாய ‘ஸத்³த³கண்டகா கோ² பன ஜா²னாவுத்தா ப⁴க³வதா யங்னூன மயங் யேன கோ³ஸிங்க³ஸாலவனதா³யோ தேனுபஸங்கமெய்யாம தத்த² மயங் அப்பஸத்³தா³ அப்பாகிண்ணா பா²ஸுங் விஹரெய்யாமா’தி. அத² கோ² தே, ப⁴ந்தே, ஆயஸ்மந்தோ யேன கோ³ஸிங்க³ஸாலவனதா³யோ தேனுபஸங்கமிங்ஸு. தத்த² தே ஆயஸ்மந்தோ அப்பஸத்³தா³ அப்பாகிண்ணா பா²ஸுங் விஹரந்தீ’’தி .
‘‘ஸாது⁴ ஸாது⁴, பி⁴க்க²வே, யதா² தே மஹாஸாவகா ஸம்மா ப்³யாகரமானா ப்³யாகரெய்யுங், ‘ஸத்³த³கண்டகா ஹி, பி⁴க்க²வே, ஜா²னா’ வுத்தா மயா.
‘‘த³ஸயிமே, பி⁴க்க²வே, கண்டகா. கதமே த³ஸ? பவிவேகாராமஸ்ஸ ஸங்க³ணிகாராமதா கண்டகோ, அஸுப⁴னிமித்தானுயோக³ங் அனுயுத்தஸ்ஸ ஸுப⁴னிமித்தானுயோகோ³ கண்டகோ, இந்த்³ரியேஸு கு³த்தத்³வாரஸ்ஸ விஸூகத³ஸ்ஸனங் கண்டகோ, ப்³ரஹ்மசரியஸ்ஸ மாதுகா³மூபசாரோ மாதுகா³மோபவிசாரோ (ஸீ॰), மாதுகா³மூபவிசரோ (க॰) கண்டகோ, கதா²॰ 333 பட²மஸ்ஸ ஜா²னஸ்ஸ ஸத்³தோ³ கண்டகோ, து³தியஸ்ஸ ஜா²னஸ்ஸ விதக்கவிசாரா கண்டகா, ததியஸ்ஸ ஜா²னஸ்ஸ பீதி கண்டகோ, சதுத்த²ஸ்ஸ ஜா²னஸ்ஸ அஸ்ஸாஸபஸ்ஸாஸோ கண்டகோ, ஸஞ்ஞாவேத³யிதனிரோத⁴ஸமாபத்தியா ஸஞ்ஞா ச வேத³னா ச கண்டகோ ராகோ³ கண்டகோ தோ³ஸோ கண்டகோ மோஹோ கண்டகோ.
‘‘அகண்டகா , பி⁴க்க²வே, விஹரத². நிக்கண்டகா, பி⁴க்க²வே, விஹரத². அகண்டகனிக்கண்டகா, பி⁴க்க²வே, விஹரத². அகண்டகா, பி⁴க்க²வே, அரஹந்தோ; நிக்கண்டகா, பி⁴க்க²வே, அரஹந்தோ; அகண்டகனிக்கண்டகா, பி⁴க்க²வே, அரஹந்தோ’’தி. து³தியங்.
3. இட்ட²த⁴ம்மஸுத்தங்
73. ‘‘த³ஸயிமே, பி⁴க்க²வே, த⁴ம்மா இட்டா² கந்தா மனாபா து³ல்லபா⁴ லோகஸ்மிங். கதமே த³ஸ? போ⁴கா³ இட்டா² கந்தா மனாபா து³ல்லபா⁴ லோகஸ்மிங்; வண்ணோ இட்டோ² கந்தோ மனாபோ து³ல்லபோ⁴ லோகஸ்மிங்; ஆரொக்³யங் இட்ட²ங் கந்தங் மனாபங் து³ல்லப⁴ங் லோகஸ்மிங்; ஸீலங் இட்ட²ங் கந்தங் மனாபங் து³ல்லப⁴ங் லோகஸ்மிங்; ப்³ரஹ்மசரியங் இட்ட²ங் கந்தங் மனாபங் து³ல்லப⁴ங் லோகஸ்மிங்; மித்தா இட்டா² கந்தா மனாபா து³ல்லபா⁴ லோகஸ்மிங்; பா³ஹுஸச்சங் இட்ட²ங் கந்தங் மனாபங் து³ல்லப⁴ங் லோகஸ்மிங்; பஞ்ஞா இட்டா² கந்தா மனாபா து³ல்லபா⁴ லோகஸ்மிங்; த⁴ம்மா இட்டா² கந்தா மனாபா து³ல்லபா⁴ லோகஸ்மிங் ; ஸக்³கா³ இட்டா² கந்தா மனாபா து³ல்லபா⁴ லோகஸ்மிங்.
‘‘இமேஸங் கோ², பி⁴க்க²வே, த³ஸன்னங் த⁴ம்மானங் இட்டா²னங் கந்தானங் மனாபானங் து³ல்லபா⁴னங் லோகஸ்மிங் த³ஸ த⁴ம்மா பரிபந்தா² பரிப³ந்தா⁴ (க॰) – ஆலஸ்யங் அனுட்டா²னங் போ⁴கா³னங் பரிபந்தோ², அமண்ட³னா அவிபூ⁴ஸனா வண்ணஸ்ஸ பரிபந்தோ², அஸப்பாயகிரியா ஆரொக்³யஸ்ஸ பரிபந்தோ², பாபமித்ததா ஸீலானங் பரிபந்தோ², இந்த்³ரியஅஸங்வரோ ப்³ரஹ்மசரியஸ்ஸ பரிபந்தோ², விஸங்வாத³னா மித்தானங் பரிபந்தோ², அஸஜ்ஜா²யகிரியா பா³ஹுஸச்சஸ்ஸ பரிபந்தோ², அஸுஸ்ஸூஸா அபரிபுச்சா² பஞ்ஞாய பரிபந்தோ², அனநுயோகோ³ அபச்சவெக்க²ணா த⁴ம்மானங் பரிபந்தோ², மிச்சா²படிபத்தி ஸக்³கா³னங் பரிபந்தோ². இமேஸங் கோ², பி⁴க்க²வே, த³ஸன்னங் இட்டா²னங் கந்தானங் மனாபானங் து³ல்லபா⁴னங் லோகஸ்மிங் இமே த³ஸ த⁴ம்மா பரிபந்தா².
‘‘இமேஸங் கோ², பி⁴க்க²வே, த³ஸன்னங் த⁴ம்மானங் இட்டா²னங் கந்தானங் மனாபானங் து³ல்லபா⁴னங் லோகஸ்மிங் த³ஸ த⁴ம்மா ஆஹாரா – உட்டா²னங் அனாலஸ்யங் போ⁴கா³னங் ஆஹாரோ, மண்ட³னா விபூ⁴ஸனா வண்ணஸ்ஸ ஆஹாரோ, ஸப்பாயகிரியா ஆரொக்³யஸ்ஸ ஆஹாரோ, கல்யாணமித்ததா ஸீலானங் ஆஹாரோ, இந்த்³ரியஸங்வரோ ப்³ரஹ்மசரியஸ்ஸ ஆஹாரோ, அவிஸங்வாத³னா மித்தானங் ஆஹாரோ, ஸஜ்ஜா²யகிரியா பா³ஹுஸச்சஸ்ஸ ஆஹாரோ, ஸுஸ்ஸூஸா பரிபுச்சா² பஞ்ஞாய ஆஹாரோ, அனுயோகோ³ பச்சவெக்க²ணா த⁴ம்மானங் ஆஹாரோ, ஸம்மாபடிபத்தி ஸக்³கா³னங் ஆஹாரோ . இமேஸங் கோ², பி⁴க்க²வே, த³ஸன்னங் த⁴ம்மானங் இட்டா²னங் கந்தானங் மனாபானங் து³ல்லபா⁴னங் லோகஸ்மிங் இமே த³ஸ த⁴ம்மா ஆஹாரா’’தி. ததியங்.
4. வட்³டி⁴ஸுத்தங்
74. ‘‘த³ஸஹி , பி⁴க்க²வே, வட்³டீ⁴ஹி வட்³ட⁴மானோ அரியஸாவகோ அரியாய வட்³டி⁴யா வட்³ட⁴தி, ஸாராதா³யீ ச ஹோதி வராதா³யீ காயஸ்ஸ. கதமேஹி த³ஸஹி? கெ²த்தவத்தூ²ஹி வட்³ட⁴தி, த⁴னத⁴ஞ்ஞேன வட்³ட⁴தி, புத்ததா³ரேஹி வட்³ட⁴தி, தா³ஸகம்மகரபோரிஸேஹி வட்³ட⁴தி, சதுப்பதே³ஹி வட்³ட⁴தி, ஸத்³தா⁴ய வட்³ட⁴தி, ஸீலேன வட்³ட⁴தி, ஸுதேன வட்³ட⁴தி, சாகே³ன வட்³ட⁴தி, பஞ்ஞாய வட்³ட⁴தி – இமேஹி கோ², பி⁴க்க²வே, த³ஸஹி வட்³டீ⁴ஹி வட்³ட⁴மானோ அரியஸாவகோ அரியாய வட்³டி⁴யா வட்³ட⁴தி, ஸாராதா³யீ ச ஹோதி வராதா³யீ காயஸ்ஸாதி.
‘‘த⁴னேன த⁴ஞ்ஞேன ச யோத⁴ வட்³ட⁴தி,
புத்தேஹி தா³ரேஹி சதுப்பதே³ஹி ச;
ஸ போ⁴க³வா ஹோதி யஸஸ்ஸி பூஜிதோ,
ஞாதீஹி மித்தேஹி அதோ²பி ராஜுபி⁴.
‘‘ஸத்³தா⁴ய ஸீலேன ச யோத⁴ வட்³ட⁴தி,
பஞ்ஞாய சாகே³ன ஸுதேன சூப⁴யங்;
ஸோ தாதி³ஸோ ஸப்புரிஸோ விசக்க²ணோ,
தி³ட்டே²வ த⁴ம்மே உப⁴யேன வட்³ட⁴தீ’’தி. சதுத்த²ங்;
5. மிக³ஸாலாஸுத்தங்
75. ஏகங் ஸமயங் ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. அத² கோ² ஆயஸ்மா ஆனந்தோ³ புப்³ப³ண்ஹஸமயங் நிவாஸெத்வா பத்தசீவரமாதா³ய யேன மிக³ஸாலாய உபாஸிகாய நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³. அத² கோ² மிக³ஸாலா உபாஸிகா யேனாயஸ்மா ஆனந்தோ³ தேனுபஸங்கமி; உபஸங்கமித்வா ஆயஸ்மந்தங் ஆனந்த³ங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னா கோ² மிக³ஸாலா உபாஸிகா ஆயஸ்மந்தங் ஆனந்த³ங் ஏதத³வோச –
‘‘கத²ங் கத²ங் நாமாயங், ப⁴ந்தே ஆனந்த³, ப⁴க³வதா த⁴ம்மோ தே³ஸிதோ அஞ்ஞெய்யோ, யத்ர ஹி நாம ப்³ரஹ்மசாரீ ச அப்³ரஹ்மசாரீ ச உபோ⁴ ஸமஸமக³திகா ப⁴விஸ்ஸந்தி அபி⁴ஸம்பராயங். பிதா மே, ப⁴ந்தே, புராணோ ப்³ரஹ்மசாரீ ஹோதி ஆராசாரீ அனாசாரீ (க॰) விரதோ மேது²னா கா³மத⁴ம்மா. ஸோ காலங்கதோ ப⁴க³வதா ப்³யாகதோ – ‘ஸகதா³கா³மீ ஸத்தோ ஸகதா³கா³மிஸத்தோ (ஸீ॰ ஸ்யா॰ பீ॰) துஸிதங் காயங் உபபன்னோ’தி. பிதாமஹோ மே பெத்தாபி யோ மே (ஸீ॰), பித பியோ மே (ஸ்யா॰) அ॰ நி॰ 6.44, ப⁴ந்தே, இஸித³த்தோ அப்³ரஹ்மசாரீ அஹோஸி ஸதா³ரஸந்துட்டோ². ஸோபி காலங்கதோ ப⁴க³வதா ப்³யாகதோ – ‘ஸகதா³கா³மீ ஸத்தோ துஸிதங் காயங் உபபன்னோ’தி.
‘‘கத²ங் கத²ங் நாமாயங், ப⁴ந்தே ஆனந்த³, ப⁴க³வதா த⁴ம்மோ தே³ஸிதோ அஞ்ஞெய்யோ, யத்ர ஹி நாம ப்³ரஹ்மசாரீ ச அப்³ரஹ்மசாரீ ச உபோ⁴ ஸமஸமக³திகா ப⁴விஸ்ஸந்தி அபி⁴ஸம்பராய’’ந்தி? ‘‘ஏவங் கோ² பனேதங், ப⁴கி³னி, ப⁴க³வதா ப்³யாகத’’ந்தி.
அத² கோ² ஆயஸ்மா ஆனந்தோ³ மிக³ஸாலாய உபாஸிகாய நிவேஸனே பிண்ட³பாதங் க³ஹெத்வா உட்டா²யாஸனா பக்காமி. அத² கோ² ஆயஸ்மா ஆனந்தோ³ பச்சா²ப⁴த்தங் பிண்ட³பாதபடிக்கந்தோ யேன ப⁴க³வா தேனுபஸங்கமி; உபஸங்கமித்வா ப⁴க³வந்தங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னோ கோ² ஆயஸ்மா ஆனந்தோ³ ப⁴க³வந்தங் ஏதத³வோச –
‘‘இதா⁴ஹங் , ப⁴ந்தே, புப்³ப³ண்ஹஸமயங் நிவாஸெத்வா பத்தசீவரமாதா³ய யேன மிக³ஸாலாய உபாஸிகாய நிவேஸனங் தேனுபஸங்கமி; உபஸங்கமித்வா பஞ்ஞத்தே ஆஸனே நிஸீதி³ங். அத² கோ², ப⁴ந்தே, மிக³ஸாலா உபாஸிகா யேனாஹங் தேனுபஸங்கமி; உபஸங்கமித்வா மங் அபி⁴வாதெ³த்வா ஏகமந்தங் நிஸீதி³. ஏகமந்தங் நிஸின்னா கோ², ப⁴ந்தே, மிக³ஸாலா உபாஸிகா மங் ஏதத³வோச –
‘கத²ங் கத²ங் நாமாயங், ப⁴ந்தே ஆனந்த³, ப⁴க³வதா த⁴ம்மோ தே³ஸிதோ அஞ்ஞெய்யோ, யத்ர ஹி நாம ப்³ரஹ்மசாரீ ச அப்³ரஹ்மசாரீ ச உபோ⁴ ஸமஸமக³திகா ப⁴விஸ்ஸந்தி அபி⁴ஸம்பராயங். பிதா மே, ப⁴ந்தே, புராணோ ப்³ரஹ்மசாரீ அஹோஸி ஆராசாரீ விரதோ மேது²னா கா³மத⁴ம்மா. ஸோ காலங்கதோ ப⁴க³வதா ப்³யாகதோ ஸகதா³கா³மீ ஸத்தோ துஸிதங் காயங் உபபன்னோதி. பிதாமஹோ மே, ப⁴ந்தே, இஸித³த்தோ அப்³ரஹ்மசாரீ அஹோஸி ஸதா³ரஸந்துட்டோ². ஸோபி காலங்கதோ ப⁴க³வதா ப்³யாகதோ – ஸகதா³கா³மீ ஸத்தோ துஸிதங் காயங் உபபன்னோதி.
கத²ங் கத²ங் நாமாயங், ப⁴ந்தே ஆனந்த³, ப⁴க³வதா த⁴ம்மோ தே³ஸிதோ அஞ்ஞெய்யோ, யத்ர ஹி நாம ப்³ரஹ்மசாரீ ச அப்³ரஹ்மசாரீ ச உபோ⁴ ஸமஸமக³திகா ப⁴விஸ்ஸந்தி அபி⁴ஸம்பராய’ந்தி? ஏவங் வுத்தே அஹங், ப⁴ந்தே, மிக³ஸாலங் உபாஸிகங் ஏதத³வோசங் – ‘ஏவங் கோ² பனேதங், ப⁴கி³னி, ப⁴க³வதா ப்³யாகத’’’ந்தி.
‘‘கா சானந்த³, மிக³ஸாலா உபாஸிகா பா³லா அப்³யத்தா அம்மகா அம்மகபஞ்ஞா அம்ப³கா அம்ப³கபஞ்ஞா (ஸீ॰ பீ॰), அந்த⁴கா அந்த⁴கபஞ்ஞா (ஸ்யா॰), கே ச புரிஸபுக்³க³லபரோபரியே ஞாணே?
‘‘த³ஸயிமே, ஆனந்த³, புக்³க³லா ஸந்தோ ஸங்விஜ்ஜமானா லோகஸ்மிங். கதமே த³ஸ? இதா⁴னந்த³, ஏகச்சோ புக்³க³லோ து³ஸ்ஸீலோ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் நப்பஜானாதி, யத்த²ஸ்ஸ தங் து³ஸ்ஸீல்யங் அபரிஸேஸங் நிருஜ்ஜ²தி. தஸ்ஸ ஸவனேனபி அகதங் ஹோதி, பா³ஹுஸச்சேனபி அகதங் ஹோதி, தி³ட்டி²யாபி அப்படிவித்³த⁴ங் ஹோதி, ஸாமாயிகம்பி விமுத்திங் ந லப⁴தி. ஸோ காயஸ்ஸ பே⁴தா³ பரங் மரணா ஹானாய பரேதி, நோ விஸேஸாய; ஹானகா³மீயேவ ஹோதி, நோ விஸேஸகா³மீ.
‘‘இத⁴ பனானந்த³, ஏகச்சோ புக்³க³லோ து³ஸ்ஸீலோ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் பஜானாதி யத்த²ஸ்ஸ தங் து³ஸ்ஸீல்யங் அபரிஸேஸங் நிருஜ்ஜ²தி. தஸ்ஸ ஸவனேனபி கதங் ஹோதி, பா³ஹுஸச்சேனபி கதங் ஹோதி, தி³ட்டி²யாபி படிவித்³த⁴ங் ஸுப்படிவித்³த⁴ங் (ஸ்யா॰) ஹோதி, ஸாமாயிகம்பி விமுத்திங் லப⁴தி. ஸோ காயஸ்ஸ பே⁴தா³ பரங் மரணா விஸேஸாய பரேதி, நோ ஹானாய; விஸேஸகா³மீயேவ ஹோதி, நோ ஹானகா³மீ.
‘‘தத்ரானந்த³, பமாணிகா பமிணந்தி – ‘இமஸ்ஸபி தேவ த⁴ம்மா, அபரஸ்ஸபி தேவ த⁴ம்மா. கஸ்மா நேஸங் ஏகோ ஹீனோ ஏகோ பணீதோ’தி? தஞ்ஹி தேஸங், ஆனந்த³, ஹோதி தீ³க⁴ரத்தங் அஹிதாய து³க்கா²ய.
‘‘தத்ரானந்த³, ய்வாயங் புக்³க³லோ து³ஸ்ஸீலோ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் பஜானாதி யத்த²ஸ்ஸ தங் து³ஸ்ஸீல்யங் அபரிஸேஸங் நிருஜ்ஜ²தி. தஸ்ஸ ஸவனேனபி கதங் ஹோதி, பா³ஹுஸச்சேனபி கதங் ஹோதி, தி³ட்டி²யாபி படிவித்³த⁴ங் ஹோதி, ஸாமாயிகம்பி விமுத்திங் லப⁴தி. அயங், ஆனந்த³, புக்³க³லோ அமுனா புரிமேன புக்³க³லேன அபி⁴க்கந்ததரோ ச பணீததரோ ச. தங் கிஸ்ஸ ஹேது? இமங் ஹானந்த³, புக்³க³லங் த⁴ம்மஸோதோ நிப்³ப³ஹதி. தத³ந்தரங் கோ ஜானெய்ய, அஞ்ஞத்ர ததா²க³தேன! தஸ்மாதிஹானந்த³, மா புக்³க³லேஸு பமாணிகா அஹுவத்த² , மா புக்³க³லேஸு பமாணங் க³ண்ஹித்த². க²ஞ்ஞதி ஹானந்த³, புக்³க³லேஸு பமாணங் க³ண்ஹந்தோ. அஹங் வா, ஆனந்த³ அஹஞ்சானந்த³ (ஸீ॰ ஸ்யா॰ க॰) அ॰ நி॰ 6.44 பஸ்ஸிதப்³ப³ங், புக்³க³லேஸு பமாணங் க³ண்ஹெய்யங் யோ வா பனஸ்ஸ மாதி³ஸோ.
‘‘இத⁴ பனானந்த³, ஏகச்சோ புக்³க³லோ ஸீலவா ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் நப்பஜானாதி யத்த²ஸ்ஸ தங் ஸீலங் அபரிஸேஸங் நிருஜ்ஜ²தி. தஸ்ஸ ஸவனேனபி அகதங் ஹோதி, பா³ஹுஸச்சேனபி அகதங் ஹோதி, தி³ட்டி²யாபி அப்படிவித்³த⁴ங் ஹோதி, ஸாமாயிகம்பி விமுத்திங் ந லப⁴தி. ஸோ காயஸ்ஸ பே⁴தா³ பரங் மரணா ஹானாய பரேதி, நோ விஸேஸாய; ஹானகா³மீயேவ ஹோதி, நோ விஸேஸகா³மீ.
‘‘இத⁴ பனானந்த³, ஏகச்சோ புக்³க³லோ ஸீலவா ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் பஜானாதி யத்த²ஸ்ஸ தங் ஸீலங் அபரிஸேஸங் நிருஜ்ஜ²தி. தஸ்ஸ ஸவனேனபி கதங் ஹோதி, பா³ஹுஸச்சேனபி கதங் ஹோதி, தி³ட்டி²யாபி படிவித்³த⁴ங் ஹோதி, ஸாமாயிகம்பி விமுத்திங் லப⁴தி. ஸோ காயஸ்ஸ பே⁴தா³ பரங் மரணா விஸேஸாய பரேதி, நோ ஹானாய; விஸேஸகா³மீயேவ ஹோதி, நோ ஹானகா³மீ.
‘‘தத்ரானந்த³, பமாணிகா பமிணந்தி…பே॰… அஹங் வா, ஆனந்த³, புக்³க³லேஸு பமாணங் க³ண்ஹெய்யங் யோ வா பனஸ்ஸ மாதி³ஸோ.
‘‘இத⁴ பனானந்த³, ஏகச்சோ புக்³க³லோ திப்³ப³ராகோ³ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் நப்பஜானாதி யத்த²ஸ்ஸ ஸோ ராகோ³ அபரிஸேஸோ நிருஜ்ஜ²தி. தஸ்ஸ ஸவனேனபி அகதங் ஹோதி, பா³ஹுஸச்சேனபி அகதங் ஹோதி, தி³ட்டி²யாபி அப்படிவித்³த⁴ங் ஹோதி, ஸாமாயிகம்பி விமுத்திங் ந லப⁴தி. ஸோ காயஸ்ஸ பே⁴தா³ பரங் மரணா ஹானாய பரேதி, நோ விஸேஸாய; ஹானகா³மீயேவ ஹோதி, நோ விஸேஸகா³மீ.
‘‘இத⁴ பனானந்த³, ஏகச்சோ புக்³க³லோ திப்³ப³ராகோ³ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் பஜானாதி யத்த²ஸ்ஸ ஸோ ராகோ³ அபரிஸேஸோ நிருஜ்ஜ²தி. தஸ்ஸ ஸவனேனபி கதங் ஹோதி, பா³ஹுஸச்சேனபி கதங் ஹோதி, தி³ட்டி²யாபி படிவித்³த⁴ங் ஹோதி, ஸாமாயிகம்பி விமுத்திங் லப⁴தி. ஸோ காயஸ்ஸ பே⁴தா³ பரங் மரணா விஸேஸாய பரேதி, நோ ஹானாய; விஸேஸகா³மீயேவ ஹோதி, நோ ஹானகா³மீ.
‘‘தத்ரானந்த³ , பமாணிகா பமிணந்தி…பே॰… அஹங் வா, ஆனந்த³, புக்³க³லேஸு பமாணங் க³ண்ஹெய்யங் யோ வா பனஸ்ஸ மாதி³ஸோ.
‘‘இத⁴ பனானந்த³, ஏகச்சோ புக்³க³லோ கோத⁴னோ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் நப்பஜானாதி யத்த²ஸ்ஸ ஸோ கோதோ⁴ அபரிஸேஸோ நிருஜ்ஜ²தி. தஸ்ஸ ஸவனேனபி அகதங் ஹோதி, பா³ஹுஸச்சேனபி அகதங் ஹோதி, தி³ட்டி²யாபி அப்படிவித்³த⁴ங் ஹோதி, ஸாமாயிகம்பி விமுத்திங் ந லப⁴தி. ஸோ காயஸ்ஸ பே⁴தா³ பரங் மரணா ஹானாய பரேதி, நோ விஸேஸாய; ஹானகா³மீயேவ ஹோதி, நோ விஸேஸகா³மீ.
‘‘இத⁴ பனானந்த³, ஏகச்சோ புக்³க³லோ கோத⁴னோ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் பஜானாதி யத்த²ஸ்ஸ ஸோ கோதோ⁴ அபரிஸேஸோ நிருஜ்ஜ²தி. தஸ்ஸ ஸவனேனபி கதங் ஹோதி, பா³ஹுஸச்சேனபி கதங் ஹோதி, தி³ட்டி²யாபி படிவித்³த⁴ங் ஹோதி, ஸாமாயிகம்பி விமுத்திங் லப⁴தி. ஸோ காயஸ்ஸ பே⁴தா³ பரங் மரணா விஸேஸாய பரேதி, நோ ஹானாய; விஸேஸகா³மீயேவ ஹோதி, நோ ஹானகா³மீ.
‘‘தத்ரானந்த³, பமாணிகா பமிணந்தி…பே॰… அஹங் வா, ஆனந்த³, புக்³க³லேஸு பமாணங் க³ண்ஹெய்யங் யோ வா பனஸ்ஸ மாதி³ஸோ.
‘‘இத⁴ பனானந்த³, ஏகச்சோ புக்³க³லோ உத்³த⁴தோ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் நப்பஜானாதி யத்த²ஸ்ஸ தங் உத்³த⁴ச்சங் அபரிஸேஸங் நிருஜ்ஜ²தி. தஸ்ஸ ஸவனேனபி அகதங் ஹோதி, பா³ஹுஸச்சேனபி அகதங் ஹோதி, தி³ட்டி²யாபி அப்படிவித்³த⁴ங் ஹோதி, ஸாமாயிகம்பி விமுத்திங் ந லப⁴தி. ஸோ காயஸ்ஸ பே⁴தா³ பரங் மரணா ஹானாய பரேதி, நோ விஸேஸாய; ஹானகா³மீயேவ ஹோதி, நோ விஸேஸகா³மீ.
‘‘இத⁴ பனானந்த³, ஏகச்சோ புக்³க³லோ உத்³த⁴தோ ஹோதி. தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் பஜானாதி யத்த²ஸ்ஸ தங் உத்³த⁴ச்சங் அபரிஸேஸங் நிருஜ்ஜ²தி. தஸ்ஸ ஸவனேனபி கதங் ஹோதி, பா³ஹுஸச்சேனபி கதங் ஹோதி, தி³ட்டி²யாபி படிவித்³த⁴ங் ஹோதி, ஸாமாயிகம்பி விமுத்திங் லப⁴தி. ஸோ காயஸ்ஸ பே⁴தா³ பரங் மரணா விஸேஸாய பரேதி, நோ ஹானாய; விஸேஸகா³மீயேவ ஹோதி, நோ ஹானகா³மீ.
‘‘தத்ரானந்த³ , பமாணிகா பமிணந்தி – ‘இமஸ்ஸபி தேவ த⁴ம்மா, அபரஸ்ஸபி தேவ த⁴ம்மா. கஸ்மா நேஸங் ஏகோ ஹீனோ ஏகோ பணீதோ’தி? தஞ்ஹி தேஸங், ஆனந்த³, ஹோதி தீ³க⁴ரத்தங் அஹிதாய து³க்கா²ய.
‘‘தத்ரானந்த³, ய்வாயங் புக்³க³லோ உத்³த⁴தோ ஹோதி தஞ்ச சேதோவிமுத்திங் பஞ்ஞாவிமுத்திங் யதா²பூ⁴தங் பஜானாதி யத்த²ஸ்ஸ தங் உத்³த⁴ச்சங் அபரிஸேஸங் நிருஜ்ஜ²தி, தஸ்ஸ ஸவனேனபி கதங் ஹோதி, பா³ஹுஸச்சேனபி கதங் ஹோதி, தி³ட்டி²யாபி படிவித்³த⁴ங் ஹோதி, ஸாமாயிகம்பி விமுத்திங் லப⁴தி. அயங், ஆனந்த³, புக்³க³லோ அமுனா புரிமேன புக்³க³லேன அபி⁴க்கந்ததரோ ச பணீததரோ ச. தங் கிஸ்ஸ ஹேது ? இமங் ஹானந்த³, புக்³க³லங் த⁴ம்மஸோதோ நிப்³ப³ஹதி. தத³ந்தரங் கோ ஜானெய்ய அஞ்ஞத்ர ததா²க³தேன! தஸ்மாதிஹானந்த³, மா புக்³க³லேஸு பமாணிகா அஹுவத்த²; மா புக்³க³லேஸு பமாணங் க³ண்ஹித்த². க²ஞ்ஞதி ஹானந்த³, புக்³க³லேஸு பமாணங் க³ண்ஹந்தோ. அஹங் வா, ஆனந்த³, புக்³க³லேஸு பமாணங் க³ண்ஹெய்யங் யோ வா பனஸ்ஸ மாதி³ஸோ.
‘‘கா சானந்த³, மிக³ஸாலா உபாஸிகா பா³லா அப்³யத்தா அம்மகா அம்மகபஞ்ஞா, கே ச புரிஸபுக்³க³லபரோபரியே ஞாணே! இமே கோ², ஆனந்த³, த³ஸ புக்³க³லா ஸந்தோ ஸங்விஜ்ஜமானா லோகஸ்மிங்.
‘‘யதா²ரூபேன, ஆனந்த³, ஸீலேன புராணோ ஸமன்னாக³தோ அஹோஸி ததா²ரூபேன ஸீலேன இஸித³த்தோ ஸமன்னாக³தோ அப⁴விஸ்ஸ, நயித⁴ புராணோ இஸித³த்தஸ்ஸ க³திம்பி அஞ்ஞஸ்ஸ. யதா²ரூபாய சானந்த³, பஞ்ஞாய இஸித³த்தோ ஸமன்னாக³தோ அஹோஸி ததா²ரூபாய பஞ்ஞாய புராணோ ஸமன்னாக³தோ அப⁴விஸ்ஸ, நயித⁴ இஸித³த்தோ புராணஸ்ஸ க³திம்பி அஞ்ஞஸ்ஸ. இதி கோ², ஆனந்த³, இமே புக்³க³லா உபோ⁴ ஏகங்க³ஹீனா’’தி. பஞ்சமங்.
6. தயோத⁴ம்மஸுத்தங்
76. ‘‘தயோமே, பி⁴க்க²வே, த⁴ம்மா லோகே ந ஸங்விஜ்ஜெய்யுங், ந ததா²க³தோ லோகே உப்பஜ்ஜெய்ய அரஹங் ஸம்மாஸம்பு³த்³தோ⁴, ந ததா²க³தப்பவேதி³தோ த⁴ம்மவினயோ லோகே தி³ப்³பெ³ய்ய. கதமே தயோ? ஜாதி ச, ஜரா ச, மரணஞ்ச – இமே கோ², பி⁴க்க²வே, தயோ த⁴ம்மா லோகே ந ஸங்விஜ்ஜெய்யுங், ந ததா²க³தோ லோகே உப்பஜ்ஜெய்ய அரஹங் ஸம்மாஸம்பு³த்³தோ⁴, ந ததா²க³தப்பவேதி³தோ த⁴ம்மவினயோ லோகே தி³ப்³பெ³ய்ய. யஸ்மா ச கோ², பி⁴க்க²வே, இமே தயோ த⁴ம்மா லோகே ஸங்விஜ்ஜந்தி தஸ்மா ததா²க³தோ லோகே உப்பஜ்ஜதி அரஹங் ஸம்மாஸம்பு³த்³தோ⁴, தஸ்மா ததா²க³தப்பவேதி³தோ த⁴ம்மவினயோ லோகே தி³ப்³ப³தி.
‘‘தயோமே , பி⁴க்க²வே, த⁴ம்மே அப்பஹாய அப⁴ப்³போ³ ஜாதிங் பஹாதுங் ஜரங் பஹாதுங் மரணங் பஹாதுங். கதமே தயோ? ராக³ங் அப்பஹாய, தோ³ஸங் அப்பஹாய, மோஹங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ ஜாதிங் பஹாதுங் ஜரங் பஹாதுங் மரணங் பஹாதுங்.
‘‘தயோமே பி⁴க்க²வே, த⁴ம்மே அப்பஹாய அப⁴ப்³போ³ ராக³ங் பஹாதுங் தோ³ஸங் பஹாதுங் மோஹங் பஹாதுங். கதமே தயோ? ஸக்காயதி³ட்டி²ங் அப்பஹாய, விசிகிச்ச²ங் அப்பஹாய, ஸீலப்³ப³தபராமாஸங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ ராக³ங் பஹாதுங் தோ³ஸங் பஹாதுங் மோஹங் பஹாதுங்.
‘‘தயோமே , பி⁴க்க²வே, த⁴ம்மே அப்பஹாய அப⁴ப்³போ³ ஸக்காயதி³ட்டி²ங் பஹாதுங் விசிகிச்ச²ங் பஹாதுங் ஸீலப்³ப³தபராமாஸங் பஹாதுங். கதமே தயோ? அயோனிஸோமனஸிகாரங் அப்பஹாய, கும்மக்³க³ஸேவனங் அப்பஹாய, சேதஸோ லீனத்தங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ ஸக்காயதி³ட்டி²ங் பஹாதுங் விசிகிச்ச²ங் பஹாதுங் ஸீலப்³ப³தபராமாஸங் பஹாதுங்.
‘‘தயோமே, பி⁴க்க²வே, த⁴ம்மே அப்பஹாய அப⁴ப்³போ³ அயோனிஸோ மனஸிகாரங் பஹாதுங் கும்மக்³க³ஸேவனங் பஹாதுங் சேதஸோ லீனத்தங் பஹாதுங். கதமே தயோ? முட்ட²ஸச்சங் அப்பஹாய, அஸம்பஜஞ்ஞங் அப்பஹாய, சேதஸோ விக்கே²பங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ அயோனிஸோமனஸிகாரங் பஹாதுங் கும்மக்³க³ஸேவனங் பஹாதுங் சேதஸோ லீனத்தங் பஹாதுங்.
‘‘தயோமே, பி⁴க்க²வே, த⁴ம்மே அப்பஹாய அப⁴ப்³போ³ முட்ட²ஸச்சங் பஹாதுங் அஸம்பஜஞ்ஞங் பஹாதுங் சேதஸோ விக்கே²பங் பஹாதுங். கதமே தயோ? அரியானங் அத³ஸ்ஸனகம்யதங் அப்பஹாய, அரியத⁴ம்மஸ்ஸ அரியத⁴ம்மங் (ஸ்யா॰) அஸோதுகம்யதங் அப்பஹாய, உபாரம்ப⁴சித்ததங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ முட்ட²ஸச்சங் பஹாதுங் அஸம்பஜஞ்ஞங் பஹாதுங் சேதஸோ விக்கே²பங் பஹாதுங்.
‘‘தயோமே, பி⁴க்க²வே, த⁴ம்மே அப்பஹாய அப⁴ப்³போ³ அரியானங் அத³ஸ்ஸனகம்யதங் பஹாதுங் அரியத⁴ம்மஸ்ஸ அஸோதுகம்யதங் பஹாதுங் உபாரம்ப⁴சித்ததங் பஹாதுங். கதமே தயோ? உத்³த⁴ச்சங் அப்பஹாய, அஸங்வரங் அப்பஹாய, து³ஸ்ஸீல்யங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ அரியானங் அத³ஸ்ஸனகம்யதங் பஹாதுங் அரியத⁴ம்மஸ்ஸ அஸோதுகம்யதங் பஹாதுங் உபாரம்ப⁴சித்ததங் பஹாதுங்.
‘‘தயோமே , பி⁴க்க²வே, த⁴ம்மே அப்பஹாய அப⁴ப்³போ³ உத்³த⁴ச்சங் பஹாதுங் அஸங்வரங் பஹாதுங் து³ஸ்ஸீல்யங் பஹாதுங். கதமே தயோ ? அஸ்ஸத்³தி⁴யங் அப்பஹாய, அவத³ஞ்ஞுதங் அப்பஹாய, கோஸஜ்ஜங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ உத்³த⁴ச்சங் பஹாதுங் அஸங்வரங் பஹாதுங் து³ஸ்ஸீல்யங் பஹாதுங்.
‘‘தயோமே , பி⁴க்க²வே, த⁴ம்மே அப்பஹாய அப⁴ப்³போ³ அஸ்ஸத்³தி⁴யங் பஹாதுங் அவத³ஞ்ஞுதங் பஹாதுங் கோஸஜ்ஜங் பஹாதுங். கதமே தயோ? அனாத³ரியங் அப்பஹாய, தோ³வசஸ்ஸதங் அப்பஹாய, பாபமித்ததங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ அஸ்ஸத்³தி⁴யங் பஹாதுங் அவத³ஞ்ஞுதங் பஹாதுங் கோஸஜ்ஜங் பஹாதுங்.
‘‘தயோமே, பி⁴க்க²வே, த⁴ம்மே அப்பஹாய அப⁴ப்³போ³ அனாத³ரியங் பஹாதுங் தோ³வசஸ்ஸதங் பஹாதுங் பாபமித்ததங் பஹாதுங். கதமே தயோ? அஹிரிகங் அப்பஹாய, அனொத்தப்பங் அப்பஹாய, பமாத³ங் அப்பஹாய – இமே கோ², பி⁴க்க²வே, தயோ த⁴ம்மே அப்பஹாய அப⁴ப்³போ³ அனாத³ரியங் பஹாதுங் தோ³வசஸ்ஸதங் பஹாதுங் பாபமித்ததங் பஹாதுங்.
‘‘அஹிரிகோயங், பி⁴க்க²வே, அனொத்தாபீ பமத்தோ ஹோதி. ஸோ பமத்தோ ஸமானோ அப⁴ப்³போ³ அனாத³ரியங் பஹாதுங் தோ³வசஸ்ஸதங் பஹாதுங் பாபமித்ததங் பஹாதுங். ஸோ பாபமித்தோ ஸமானோ அப⁴ப்³போ³ அஸ்ஸத்³தி⁴யங் பஹாதுங் அவத³ஞ்ஞுதங் பஹாதுங் கோஸஜ்ஜங் பஹாதுங். ஸோ குஸீதோ ஸமானோ அப⁴ப்³போ³ உத்³த⁴ச்சங் பஹாதுங் அஸங்வரங் பஹாதுங் து³ஸ்ஸீல்யங் பஹாதுங். ஸோ து³ஸ்ஸீலோ ஸமானோ அப⁴ப்³போ³ அரியானங் அத³ஸ்ஸனகம்யதங் பஹாதுங் அரியத⁴ம்மஸ்ஸ அஸோதுகம்யதங் பஹாதுங் உபாரம்ப⁴சித்ததங் பஹாதுங். ஸோ உபாரம்ப⁴சித்தோ ஸமானோ அப⁴ப்³போ³ முட்ட²ஸச்சங் பஹாதுங் அஸம்பஜஞ்ஞங் பஹாதுங் சேதஸோ விக்கே²பங் பஹாதுங். ஸோ விக்கி²த்தசித்தோ ஸமானோ அப⁴ப்³போ³ அயோனிஸோமனஸிகாரங் பஹாதுங் கும்மக்³க³ஸேவனங் பஹாதுங் சேதஸோ லீனத்தங் பஹாதுங். ஸோ லீனசித்தோ ஸமானோ அப⁴ப்³போ³ ஸக்காயதி³ட்டி²ங் பஹாதுங் விசிகிச்ச²ங் பஹாதுங் ஸீலப்³ப³தபராமாஸங் பஹாதுங். ஸோ விசிகிச்சோ² ஸமானோ அப⁴ப்³போ³ ராக³ங் பஹாதுங் தோ³ஸங் பஹாதுங் மோஹங் பஹாதுங். ஸோ ராக³ங் அப்பஹாய தோ³ஸங் அப்பஹாய மோஹங் அப்பஹாய அப⁴ப்³போ³ ஜாதிங் பஹாதுங் ஜரங் பஹாதுங் மரணங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ ஜாதிங் பஹாதுங் ஜரங் பஹாதுங் மரணங் பஹாதுங். கதமே தயோ? ராக³ங் பஹாய, தோ³ஸங் பஹாய, மோஹங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ ஜாதிங் பஹாதுங் ஜரங் பஹாதுங் மரணங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ ராக³ங் பஹாதுங் தோ³ஸங் பஹாதுங் மோஹங் பஹாதுங். கதமே தயோ ? ஸக்காயதி³ட்டி²ங் பஹாய, விசிகிச்ச²ங் பஹாய, ஸீலப்³ப³தபராமாஸங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ ராக³ங் பஹாதுங் தோ³ஸங் பஹாதுங் மோஹங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ ஸக்காயதி³ட்டி²ங் பஹாதுங் விசிகிச்ச²ங் பஹாதுங் ஸீலப்³ப³தபராமாஸங் பஹாதுங். கதமே தயோ? அயோனிஸோமனஸிகாரங் பஹாய, கும்மக்³க³ஸேவனங் பஹாய, சேதஸோ லீனத்தங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ ஸக்காயதி³ட்டி²ங் பஹாதுங் விசிகிச்ச²ங் பஹாதுங் ஸீலப்³ப³தபராமாஸங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ அயோனிஸோமனஸிகாரங் பஹாதுங் கும்மக்³க³ஸேவனங் பஹாதுங் சேதஸோ லீனத்தங் பஹாதுங். கதமே தயோ? முட்ட²ஸச்சங் பஹாய, அஸம்பஜஞ்ஞங் பஹாய, சேதஸோ விக்கே²பங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ அயோனிஸோமனஸிகாரங் பஹாதுங் கும்மக்³க³ஸேவனங் பஹாதுங் சேதஸோ லீனத்தங் பஹாதுங்.
‘‘தயோமே , பி⁴க்க²வே, த⁴ம்மே பஹாய ப⁴ப்³போ³ முட்ட²ஸச்சங் பஹாதுங் அஸம்பஜஞ்ஞங் பஹாதுங் சேதஸோ விக்கே²பங் பஹாதுங். கதமே தயோ? அரியானங் அத³ஸ்ஸனகம்யதங் பஹாய, அரியத⁴ம்மஸ்ஸ அஸோதுகம்யதங் பஹாய, உபாரம்ப⁴சித்ததங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ முட்ட²ஸ்ஸச்சங் பஹாதுங் அஸம்பஜஞ்ஞங் பஹாதுங் சேதஸோ விக்கே²பங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ அரியானங் அத³ஸ்ஸனகம்யதங் பஹாதுங் அரியத⁴ம்மஸ்ஸ அஸோதுகம்யதங் பஹாதுங் உபாரம்ப⁴சித்ததங் பஹாதுங். கதமே தயோ? உத்³த⁴ச்சங் பஹாய, அஸங்வரங் பஹாய, து³ஸ்ஸீல்யங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ அரியானங் அத³ஸ்ஸனகம்யதங் பஹாதுங் அரியத⁴ம்மஸ்ஸ அஸோதுகம்யதங் பஹாதுங் உபாரம்ப⁴சித்ததங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ உத்³த⁴ச்சங் பஹாதுங் அஸங்வரங் பஹாதுங் து³ஸ்ஸீல்யங் பஹாதுங். கதமே தயோ? அஸ்ஸத்³தி⁴யங் பஹாய, அவத³ஞ்ஞுதங் பஹாய, கோஸஜ்ஜங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ உத்³த⁴ச்சங் பஹாதுங் அஸங்வரங் பஹாதுங் து³ஸ்ஸீல்யங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ அஸ்ஸத்³தி⁴யங் பஹாதுங் அவத³ஞ்ஞுதங் பஹாதுங் கோஸஜ்ஜங் பஹாதுங். கதமே தயோ? அனாத³ரியங் பஹாய, தோ³வசஸ்ஸதங் பஹாய, பாபமித்ததங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ அஸ்ஸத்³தி⁴யங் பஹாதுங் அவத³ஞ்ஞுதங் பஹாதுங் கோஸஜ்ஜங் பஹாதுங்.
‘‘தயோமே, பி⁴க்க²வே, த⁴ம்மே பஹாய ப⁴ப்³போ³ அனாத³ரியங் பஹாதுங் தோ³வசஸ்ஸதங் பஹாதுங் பாபமித்ததங் பஹாதுங். கதமே தயோ? அஹிரிகங் பஹாய, அனொத்தப்பங் பஹாய, பமாத³ங் பஹாய – இமே கோ², பி⁴க்க²வே, தயோ த⁴ம்மே பஹாய ப⁴ப்³போ³ அனாத³ரியங் பஹாதுங் தோ³வசஸ்ஸதங் பஹாதுங் பாபமித்ததங் பஹாதுங்.
‘‘ஹிரீமாயங், பி⁴க்க²வே, ஒத்தாபீ அப்பமத்தோ ஹோதி. ஸோ அப்பமத்தோ ஸமானோ ப⁴ப்³போ³ அனாத³ரியங் பஹாதுங் தோ³வசஸ்ஸதங் பஹாதுங் பாபமித்ததங் பஹாதுங். ஸோ கல்யாணமித்தோ ஸமானோ ப⁴ப்³போ³ அஸ்ஸத்³தி⁴யங் பஹாதுங் அவத³ஞ்ஞுதங் பஹாதுங் கோஸஜ்ஜங் பஹாதுங். ஸோ ஆரத்³த⁴வீரியோ ஸமானோ ப⁴ப்³போ³ உத்³த⁴ச்சங் பஹாதுங் அஸங்வரங் பஹாதுங் து³ஸ்ஸீல்யங் பஹாதுங். ஸோ ஸீலவா ஸமானோ ப⁴ப்³போ³ அரியானங் அத³ஸ்ஸனகம்யதங் பஹாதுங் அரியத⁴ம்மஸ்ஸ அஸோதுகம்யதங் பஹாதுங் உபாரம்ப⁴சித்ததங் பஹாதுங். ஸோ அனுபாரம்ப⁴சித்தோ ஸமானோ ப⁴ப்³போ³ முட்ட²ஸ்ஸச்சங் பஹாதுங் அஸம்பஜஞ்ஞங் பஹாதுங் சேதஸோ விக்கே²பங் பஹாதுங். ஸோ அவிக்கி²த்தசித்தோ ஸமானோ ப⁴ப்³போ³ அயோனிஸோமனஸிகாரங் பஹாதுங் கும்மக்³க³ஸேவனங் பஹாதுங் சேதஸோ லீனத்தங் பஹாதுங். ஸோ அலீனசித்தோ ஸமானோ ப⁴ப்³போ³ ஸக்காயதி³ட்டி²ங் பஹாதுங் விசிகிச்ச²ங் பஹாதுங் ஸீலப்³ப³தபராமாஸங் பஹாதுங். ஸோ அவிசிகிச்சோ² ஸமானோ ப⁴ப்³போ³ ராக³ங் பஹாதுங் தோ³ஸங் பஹாதுங் மோஹங் பஹாதுங். ஸோ ராக³ங் பஹாய தோ³ஸங் பஹாய மோஹங் பஹாய ப⁴ப்³போ³ ஜாதிங் பஹாதுங் ஜரங் பஹாதுங் மரணங் பஹாது’’ந்தி. ச²ட்ட²ங்.
7. காகஸுத்தங்
77. ‘‘த³ஸஹி, பி⁴க்க²வே, அஸத்³த⁴ம்மேஹி ஸமன்னாக³தோ காகோ. கதமேஹி த³ஸஹி? த⁴ங்ஸீ ச, பக³ப்³போ⁴ ச, திந்திணோ நில்லஜ்ஜோ (க॰) திந்திணோதி திந்திணங் வுச்சதி தண்ஹா… (ஸீ॰ ஸ்யா॰ அட்ட²॰) அபி⁴த⁴ம்மே கு²த்³த³கவத்து²விப⁴ங்கே³ திந்திணபத³னித்³தே³ஸே பஸ்ஸிதப்³ப³ங் ச, மஹக்³க⁴ஸோ ச, லுத்³தோ³ ச, அகாருணிகோ ச, து³ப்³ப³லோ ச, ஓரவிதா ச, முட்ட²ஸ்ஸதி ச, நேசயிகோ நேரஸிகோ (ஸீ॰) தத³ட்ட²கதா²யங் பன ‘‘நேசயிகோ’’ த்வேவ தி³ஸ்ஸதி ச – இமேஹி கோ², பி⁴க்க²வே, த³ஸஹி அஸத்³த⁴ம்மேஹி ஸமன்னாக³தோ காகோ. ஏவமேவங் கோ² , பி⁴க்க²வே, த³ஸஹி அஸத்³த⁴ம்மேஹி ஸமன்னாக³தோ பாபபி⁴க்கு². கதமேஹி த³ஸஹி? த⁴ங்ஸீ ச, பக³ப்³போ⁴ ச, திந்திணோ ச, மஹக்³க⁴ஸோ ச, லுத்³தோ³ ச, அகாருணிகோ ச, து³ப்³ப³லோ ச, ஓரவிதா ச, முட்ட²ஸ்ஸதி ச, நேசயிகோ ச – இமேஹி கோ², பி⁴க்க²வே, த³ஸஹி அஸத்³த⁴ம்மேஹி ஸமன்னாக³தோ பாபபி⁴க்கூ²’’தி. ஸத்தமங்.
8. நிக³ண்ட²ஸுத்தங்
78. ‘‘த³ஸஹி , பி⁴க்க²வே, அஸத்³த⁴ம்மேஹி ஸமன்னாக³தா நிக³ண்டா². கதமேஹி த³ஸஹி? அஸ்ஸத்³தா⁴, பி⁴க்க²வே, நிக³ண்டா²; து³ஸ்ஸீலா, பி⁴க்க²வே, நிக³ண்டா²; அஹிரிகா, பி⁴க்க²வே, நிக³ண்டா²; அனொத்தப்பினோ, பி⁴க்க²வே, நிக³ண்டா²; அஸப்புரிஸஸம்ப⁴த்தினோ, பி⁴க்க²வே, நிக³ண்டா²; அத்துக்கங்ஸகபரவம்ப⁴கா, பி⁴க்க²வே, நிக³ண்டா²; ஸந்தி³ட்டி²பராமாஸா ஆதா⁴னக்³கா³ஹீ து³ப்படினிஸ்ஸக்³கி³னோ, பி⁴க்க²வே, நிக³ண்டா²; குஹகா, பி⁴க்க²வே, நிக³ண்டா²; பாபிச்சா², பி⁴க்க²வே, நிக³ண்டா²; பாபமித்தா, பி⁴க்க²வே, நிக³ண்டா² – இமேஹி கோ², பி⁴க்க²வே, த³ஸஹி அஸத்³த⁴ம்மேஹி ஸமன்னாக³தா நிக³ண்டா²’’தி. அட்ட²மங்.
9. ஆகா⁴தவத்து²ஸுத்தங்
79. அ॰ நி॰ 9.29 ‘‘த³ஸயிமானி, பி⁴க்க²வே, ஆகா⁴தவத்தூ²னி. கதமானி த³ஸ? ‘அனத்த²ங் மே அசரீ’தி ஆகா⁴தங் ப³ந்த⁴தி; ‘அனத்த²ங் மே சரதீ’தி ஆகா⁴தங் ப³ந்த⁴தி; ‘அனத்த²ங் மே சரிஸ்ஸதீ’தி ஆகா⁴தங் ப³ந்த⁴தி; ‘பியஸ்ஸ மே மனாபஸ்ஸ அனத்த²ங் அசரீ’தி…பே॰… ‘அனத்த²ங் சரதீ’தி…பே॰… ‘அனத்த²ங் சரிஸ்ஸதீ’தி ஆகா⁴தங் ப³ந்த⁴தி, ‘அப்பியஸ்ஸ மே அமனாபஸ்ஸ அத்த²ங் அசரீ’தி…பே॰… ‘அத்த²ங் சரதீ’தி…பே॰… ‘அத்த²ங் சரிஸ்ஸதீ’தி ஆகா⁴தங் ப³ந்த⁴தி; அட்டா²னே ச குப்பதி – இமானி கோ², பி⁴க்க²வே, த³ஸ ஆகா⁴தவத்தூ²னீ’’தி. நவமங்.
10. ஆகா⁴தபடிவினயஸுத்தங்
80. ‘‘த³ஸயிமே , பி⁴க்க²வே, ஆகா⁴தபடிவினயா. கதமே த³ஸ? ‘அனத்த²ங் மே அசரி, தங் குதெத்த² லப்³பா⁴’தி ஆகா⁴தங் படிவினேதி , ‘அனத்த²ங் மே சரதி, தங் குதெத்த² லப்³பா⁴’தி ஆகா⁴தங் படிவினேதி, ‘அனத்த²ங் மே சரிஸ்ஸதி, தங் குதெத்த² லப்³பா⁴’தி ஆகா⁴தங் படிவினேதி, பியஸ்ஸ மே மனாபஸ்ஸ அனத்த²ங் அசரி…பே॰… சரதி…பே॰… சரிஸ்ஸதி, தங் குதெத்த² லப்³பா⁴தி ஆகா⁴தங் படிவினேதி , அப்பியஸ்ஸ மே அமனாபஸ்ஸ அத்த²ங் அசரி…பே॰… அத்த²ங் சரதி…பே॰… அத்த²ங் சரிஸ்ஸதி, தங் குதெத்த² லப்³பா⁴தி ஆகா⁴தங் படிவினேதி, அட்டா²னே ச ந குப்பதி – இமே கோ², பி⁴க்க²வே, த³ஸ ஆகா⁴தபடிவினயா’’தி. த³ஸமங்.
ஆகங்க²வக்³கோ³ ததியோ.
தஸ்ஸுத்³தா³னங் –
ஆகங்கோ² கண்டகோ இட்டா², வட்³டி⁴ ச மிக³ஸாலாய;
தயோ த⁴ம்மா ச காகோ ச, நிக³ண்டா² த்³வே ச ஆகா⁴தாதி.